\id TIT - ዳውሮ 
\h ቲታ 
\toc1 ጳዉሎሲ ቲቶሲ ፃፌዳ ኪታ 
\toc2 ቲታ 
\toc3 ቲት 
\mt2 ጳዉሎሲ 
\mt1 ቲቶሲ 
\mt2 ፃፌዳ ኪታ 
\imt1 ጌሉዋ 
\ip ቲቶ ኣዪሁዳ ጊዴና ኣሳ ጊዲዴ፥ ጉዬፔ ኪሪስቲና ኣማኑዋን ላሜቲዴ ጳዉሎሲ ሚሺራቹዋ ቃላ ኪታ ኦያ ዎዴ፥ ማታን ዴዒዴ፥ ሄ ኦሱዋ ማዴዳ ኣሳ። ጳዉሎሲ ሃ ኪታ ፃፌዳዌ፥ ላይን ኣፔ ጉፂያ ሃ ባሬናና ኦያ ቲቶሲ ጊዲሺን፥ ሄ ዎዴ ቲቶ ኣማኒያዋንታ ፄላናዉኔ ናጋናው፥ ቃሪፄሴ ጊያ ሃን ዶዴቴዳ ሳዓን ኣቴዳ። ኣ ኪታ ቆፋይ ሄዙ ሁጴ ዬዋቱዋ ቦላና። 
\ip ኮይሩ ዎሳ ጎሊያ ካሌያዋንቱ ቃሪፄሴ ኣሳቱዋ ኢታ ኦሱዋ ፄሊያዋን ኣይ ማላ ኤሻይ ዴዒያዋንታ ጊዳናው ኮሺንቶ ቲታ ኣኬኪሳናሳ። ላዔ ኣማኒያዋንቱ ጊዶን ዴዒያ ዱማ ዱማ ጪታ፥ ጪማ ኣቱማዋንታኔ ማጫዋዋንታ፥ ያላጋ ኣቱማ ኣሳቱዋኔ ጎዳሲ ኦያ ዱማ ዱማ ኣሳ ዎቲ ታማሪሳናው ቤሲንቶ ቲታ ዞሬዳ። ዉርሴይ ቃሲ ኣማኒያ ኣሳ ኤሻባ፥ ሳሮቴኒኔ ሲቁዋን ዴዓና ዴዑዋባ፥ ኣማኒያ ኣሳ ጊዶፔ ዋላሳ፥ ፓሉሚያኔ ሻኮቴ ዪሳናባ ቲቶ ዞሪያ ኢሜዳ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-4) 
\io1 ኣማኒያ ኣሳቱዋ ካሌያዋንታ (1፡5-16) 
\io1 ኣማኒያ ኣሳቱዋ ዱማ ዱማ ኦሱዋ ጪታ (2፡1-15) 
\io1 ማቁዋኔ ናጌታና ማላ ኢሜቴዳ ማራ (3፡1-11) 
\io1 ዉርሴ ቁቲያ (3፡12-15) 
\c 1  
\p  
\v 1 ዬሱሲ ኪሪስቶሲ ኪቴዳ ታኒ ጳዉሎሲ፥ ፆሳ ኣይሊ፥ ሃ ዳቢዳቢያ ፃፋይ። ፆሳይ ዶሬዳ ኣሳው ኣማኑ ዴዓናዳኒኔ ፆሳ ቱማቴ ኤራኮ ኡንቱንታ ካሌናዳን ታኒ ዶሬታዴ ኪቴታዲ።  
\v 2 ዎርዶቴና ፆሳይ ኑሲ ሃ ሜና ዴዑዋ ዳሮ ዎዲያፔ ካሴ ኢማና ጌዳ።  
\v 3 ፆሳይ ኑና ኣሺያዌ ሊኬ ዎዲያን ባሬ ቃላን ሃዋ ቆንጪሴዳ፤ ኢ ሃዳሪዴ ታና ኣዛዜዳዋዳን፥ ታኒ ኣ ቃላ ኦዳይ። 
\p  
\v 4 ኣማኑዋ ኢቲፔቴን ታ ቱሙ ናዓ ኔው ቲቶ፥ ፆሳ ኣዉዋፔኔ ኑና ኣሺያ ዬሱሲ ኪሪስቶሳፔ፥ ኣ ኬካቴይ፥ ማሮቴይኔ ሳሮቴይ ጊዶ። 
\s1 ቲቶ ቃርፄሳን ኦያ ኦሱዋ 
\p  
\v 5 ታኒ ኔና ቃርፄሳን ኣጋዴ ዬዳዌ፥ ኔኒ ኣቶዋ ጊጊሳናሳኔ፥ ታኒ ኣዛዜዳዋዳን፥ ካታማ ኡባን ዎሳ ጎሊያ ጪማቱዋ ዶራናሳ።  
\v 6 ጪማይ ቦሬቴናዋኔ ኢቲ ማቻቲ ፃላላይ ዴዒያዋኔ ኣማኒያ ናናይ ዴዒያዋ ጊዳናው ቤሴ፤ ኣ ናናይ ሻሉዋ ባዪዚያባኒኔ ዎይ ኣዛዜቴናን ኢፂያባን ኣሳይ ኣማሳሌናዋንታ ጊዳናው ቤሴ። \x - \xo 1:6 \xt 1ፂም 3፡2-7\x* 
\v 7 ኣዪሲ ጎፔ፥ ሄ ጪማይ ፆሳ ኦሱዋ ኣዛዚያ ካፑዋ ጊዲዴ፥ ፖኪሴናዋ፥ ኦቶሬቴናዋኔ ኤሌ ሃንቄቴናዋ ጊዳናው ቤሴ፤ ቃሲ ማቴናዋ፥ ሱጌናዋኔ ዮራቴናዋ ጊዳናው ቤሴ።  
\v 8 ሺን ኢማ ሞኪያዋኔ ሎዖባ ዶሲያዋ ጊዳናው ቤሴ፤ ቃሲ ኣኬካንቻ፥ ፂሉዋ፥ ጌሻኔ ባሬና ናጊያዋ ጊዳናው ቤሴ።  
\v 9 ኣማኔቲያ ዴዑ ቤቲያ ቲሚርቲያና ጊጊያ ቃላ ኢ ሎይ ኦይቆ። ያቶፔ ሃራቱዋ ቱሙ ኣማኑዋ ታማሪሲያዋኒ ሜንናዉኔ ቃሲ ሄዋ ኢፂያዋንታካ ዞራናው ዳንዳያናዋ። 
\p  
\v 10 ኣዪሲ ጎፔ፥ ኣዛዜቴናዋንቱ፥ ማዴናዋ ሃሳዪያዋንቱ፥ ሃራቱዋ ጪሚያዋንቱኔ ቃፃሬቴዳ ኣዪሁዳ ኣማኒያዋንቱ ባጋ ጊዴዳ ዳሮ ኣሳቱ ዴዒኖ።  
\v 11 ኡንቱንቱ ታማሪሳናው ቤሴና ፖኪያ ኦጊያን ሚሻ ዴማናው ታማሪሲያዋን ጎሊያ ኡባ ባይዚያ ዲራው፥ ኡንቱንቱ ሃሳያ ቴዓና ቤሴ።  
\v 12 ኡንቱንቱ ጊዶፔ ኢቱ፥ ቲምቢቲያ ኦዲያዌ ኡንቱንቶ፥ «ቃሪፄሴ ኣሳይ ኡባ ዎዴ፥ ዎርዳቱዋ፥ ኢታ ዱዓቱዋኔ ዮራንቻ፤ ቃሲ ኣዛላ ኣሳ» ያጌዳ።  
\v 13-14 ኢ ማርካቶዌ ቱማ፤ ሄዋ ዲራው፥ ኔኒ ኡንቱንቱሲ ሚኖ ኣማኑ ዴዓናዳኒኔ ቃሲ ኣዪሁዳቱዋ ቶሳኔ ቱሙዋ ኢፄዳ ኣሳቱዋ ኣዛዙዋ ኡንቱንቱ ሲሴናዳን፥ ኡንቱንታ ሚኒሳዴ ሴራናው ቤሴ።  
\v 15 ባሬንቱ ሁጴው ጌሻ ጊዴዳዋንቱሲ ኡባባይካ ጌሻ፤ ሺን ቱናቱዋሲኔ ኣማኔናዋንቱሲ ኡንቱንቱ ዎዛና ቆፋይኔ ኡንቱንታ ሱሬ ዎዛናይ ቱኔዳ ዲራው፥ ኡንቱንቶ ኣያይኔ ጌሻ ጊዴና።  
\v 16 ኡንቱንቱ ባሬንቱ ፆሳ ኤሪያዋ ቆንጪያን ኦዲኖ፤ ሺን ኡንቱንቱ ሼኔዪያዋንታ፥ ኣዛዜቴናዋንታኔ ኦሱዋ ኡባዉካ ጊጌናዋንታ ጊዲያ ዲራው፥ ባሬንቱ ኪታን ኣ ኤሮኮ ጊኖ። 
\c 2  
\s1 ጌሻ ቲሚርቲያባ 
\p  
\v 1 ሺን ኔኒ ዴዑዋ ዴማናው ጊጊያ ቲሚርቲያ ታማሪሳናው ቤሴ።  
\v 2 ጪማ ኣቱማ ኣሳይ ኣማኑዋን፥ ሲቁዋኒኔ ዳንዳያን ሚኖ ጊዳናዳን፥ ቃሲ ማቴናዋ፥ ቦንቼቲያዋኔ ባሬናካ ናጊያዋ ጊዳናዳን ዞራ።  
\v 3 ሄዋዳንካ ጪማ ማጫ ኣሳይ ጌሻ ዴዑዋ ዴዒያዋንታ፥ ዚጊሬናዋንታ፥ ዎዪኒያ ኤሳሲ ሞዴቴናዋንታኔ ሎዖባ ታማሪሲያዋንታ ጊዳናው ቤሴ።  
\v 4-5 ኡንቱንቱ ፆሳ ቃላይ ቦሬቴና ማላ፥ ባሬንቱ ኣሲናቱዋኔ ባሬንቱ ናና ሲቂያዋንታ፥ ባሬንታካ ናጊያዋንታ፥ ጌሻቱዋ፥ ባሬንቱ ጎሌን ኦያዋንታ፥ ኬካቱዋኔ ባሬንቱ ኣሲናቱዋሲካ ኣዛዜቲያዋንታ ጊዳና ማላ፥ ያላጋ ማጫዋንታ ታማሪሳ። 
\p  
\v 6 ሄዋዳንካ ያላጋ ኣቱማ ኣሳቱ ባሬንታ ናጋና ማላ ዞራ።  
\v 7 ኔኒ ኔ ሁጴዉካ ሎዖ ኦሱዋ ኡባን ኡንቱንቶ ሌሚሶ ጊዳ፤ ኔኒ ታማሪሲያዋንካ ኣማኔቲያዋኔ ቦንቼቲያዋ ጊዳ።  
\v 8 ኔ ሞርኬቱ ኑና ዚጊሪያባይ ኡንቱንቱሲ ዪያ ዎዴ ኡንቱንቱ ዬላታና ማላ፥ ኔኒ ቦሬቴና ሎዖ ሃሳያ ሃሳያ። 
\p  
\v 9 ኣዪሌቱ ባሬንቱ ጎዳቱዋሲ ኣዛዜታና ማላኔ፥ ኡንቱንቱና ፓሉሜቴናን ኡባባኒ ኡንቱንታ ናሼቻና ማላ ዞራ።  
\v 10 ኡንቱንቱ ባሬንቱ ጎዳቱዋፔ ዉዔና ማላ፥ ቃሲ ኑና ኣሺያ ፆሳዋ ታማሪሲያዋ ኡባባኒ ጋላቲሳናው፥ ባሬንቱ ኦያ ኪታን ኡባ ዎዴ ሎዓኔ ኣማኔቲያዋንታ ጊዲያዋ ቤሳና ማላ፥ ኡንቱንታ ዞራ። 
\p  
\v 11 ኣዪሲ ጎፔ፥ ፆሳይ ኣሳ ኡባ ኣሺያ ባሬ ኣ ኬካቴ ቆንጪሴዳ።  
\v 12 ሄ ኣ ኬካቴይ ናጋራ ኦሱዋኔ ሃ ኣላሚያ ኣሙዋ ኑኒ ኣጋናዳኒኔ ኑ ሁጲያ ናጊዴ፥ ፆሳ ማላቲዴ፥ ፂሎቴን ዴዓናዳን፥ ኑና ታማሪሴ።  
\v 13 ኑኒ ኑ ዎልቃማ ፆሳይ፥ ኑና ኣሺያ ዬሱሲ ኪሪስቶሲ ቤታና ጌዳ ኣንጄቴዳ ቦንቾ ጋላሳ ናጌቶ።  
\v 14 ኢታ ኦሱዋ ኡባፔ ኢ ኑና ዎዛናዉኔ ሎዖባ ኦናው ኣሞቲያ ባሬ ጌሻ ኣሳ ኬሳናው፥ ኑ ዲራው፥ ባሬ ሁጲያ ኢሜዳ። \x - \xo 2:14 \xt ማዝ 130፡8፤ ኬስ 19፡5፤ ዛር 4፡20፤ 7፡6፤ 14፡2፤ 1ጵፅ 2፡9\x* 
\p  
\v 15 ኔኒ ሃዋ ታማሪሳ፥ ኔ ኩሜን ማታኒ ዞራኔ ሴራ፤ ኦኒኔ ኔና ካፖ። 
\c 3  
\s1 ፆሳ ኣሳይ ኦያ ኦሱዋ 
\p  
\v 1-2 ኡንቱንቱ ሞዲያዋንቱሲኔ ማታይ ዴዒያዋንቱሲ ሞዴታናው፥ ኣዛዜታናዉኔ ሎዖ ኦሱዋ ኡባ ኦናው ጊጌታናዳን ኡንቱንታ ሃሳዪሳ፤ ቃሲ ኡንቱንቱ ኦ ቦላኒኔ ኢታ ቃላ ሃሳዬና ማላ፥ ኦናናኔ ዋላቄቴና ማላ፥ ኣሳ ኡባ ኣሺኬቴኔ ሲጋቴ ቤሲያዋንታ ጊዳናዳን ዞራ።  
\v 3 ኣዪሲ ጎፔ፥ ኑኒ ካሴ ኑ ሁጴዉካ ኤያቱዋ፥ ኣዛዜቴናዋንታ፥ ባሊያዋንታኔ ኣሙዋሲኔ ዱማ ዱማ ናሼቻሲ ኣዪሊያዳን ሞዴቲያዋንታ፤ ቃሲ ኢታቴኒኔ ቃናቲያን ዴዒያዋንታ፤ ኣሳን ኢፄቲያዋንታኔ ኢቱ ኢቱዋካ ኢፂያዋንታ።  
\v 4 ሺን ኑና ኣሺያ ፆሳ ኬካቴይኔ ኣሳ ኢ ሲቂያ ሲቁ ቆንጬዳ ዎዴ፥  
\v 5 ኢ ባሬ ማሮቴዳንካ፥ ኦራ ዬሌቱሳን ሃኔዳ ጌዩሳኒኔ ጌሻ ኣያናን ኦራፄዳዋን ኑና ኣሼዳዋፔ ኣቲን፥ ኑኒ ፂሎ ኦሱዋ ኦዳዋና ጊዴና።  
\v 6-7 ፆሳይ ባሬ ኣ ኬካቴን ኑኒ ፂላናዳኒኔ፥ ኢ ኢማና ጌዳ ሜና ዴዑዋ ላታናዳን፥ ኑና ኣሺያ ዬሱሲ ኪሪስቶሳ ባጋና ጌሻ ኣያና ኑ ቦላ ዳሪሲዴ ቲጌዳ።  
\v 8 ሃ ሃሳያይ ኣማኔቴዳዋ፤ ፆሳ ኣሳቱ ሎዖ ኦሱዋ ኦናው ጊጋናዳን፥ ሃ ዬዉዋ ኡንቱንቱሲ ኔኒ ሚኒሳዴ ኦዳናው ኮያይ፤ ሃዋንቱ ኣሳው ሎዓኔ ጎዒያዋንታ።  
\v 9 ሺን ኤያቴ ፓሉማፔ፥ ዛሪያ ፓይዲያዋፔ፥ ዋላሳፔኔ ሂጊያባን ዋላቄቲያዋፔ ናጌታ። ኣዪሲ ጎፔ፥ ሄዋንቱ ጎዔናዋንታኔ ማዴናዋንታ።  
\v 10-11 ሻኮቴ ሜያ ኡራይ ጌላ ኣሳ ጊዲያዋኔ ባሬ ሁጲያን ፒርዲዴ ናጋራ ኦያዋ ኤራዴ፥ ኢቲ ጌዴ ዎይ ላዑ ጌዴ ኣ ሴሬዳዋፔ ጉዪያን፥ ሄዋ ማላቲያ ኣሳፔ ሻኬታ። 
\s1 ዉርሴ ዞሪያ 
\p  
\v 12 ታኒ ኣርፄማሳ ዎይ ቲኪቆሳ ኔኮ ኪቲያ ዎዴ፥ ኔኒ ታኮ ኒቆጲሊዮና ያናው ሚና። ኣዪሲ ጎፔ፥ ታኒ ባልጉዋ \f + \fr 3:12 \fq ባልጉዋ፡ \ft ጊሪኬ ቃላንካ ኢራይ ቡኪያ ዎዲያ ጊዲያዋ ኦዴ። ኢንጊሊዜዋን ‹ዊንቴር› ጊያዋ።\f* ያኒ ሻጫናው ቆፋ ቃቻዲ።  
\v 13 ሂጊያ ኤሪያ ዜናሲኔ ኣጲሎሲ ኦጊያ ቢያ ዎዴ፥ ኡንቱንቱሲ ኣያይኔ ፓጬና ማላ፥ ኡንቱንታ ሎይ ማዳ።  
\v 14 ኑ ኣሳይካ ማዴና ኣሳ ጊዲዴ ኣቴና ማላ፥ ባሬንታ ሎይ ኮሺያዋ ዴማናው፥ ሎዖ ኦሱዋ ሚኒዴ ኦያዋ ታማሪኖ። 
\p  
\v 15 ታናና ዴዒያ ኡባቱ ኔና ሳሮ ሳሮ ጌዲኖ። ኑና ኣማኑዋን ሲቂያዋንታ ሳሮ ሳሮ ጋ። ፆሳ ኣ ኬካቴይ ሂንቴናና ኡባና ኢቲፔ ጊዶ። ኣሜንዒ።