\id PHP - ዳውሮ 
\h ፒሊጲሲዮሳ 
\toc1 ጳዉሎሲ ፒሊጲሲዮሳ ኣሳው ፃፌዳ ኪታ 
\toc2 ፒሊጲሲዮሳ 
\toc3 ፒል 
\mt2 ጳዉሎሲ 
\mt1 ፒሊጲሲዮሳ ኣሳው 
\mt2 ፃፌዳ ኪታ 
\imt1 ጌሉዋ 
\ip ጳዉሎሲ ፒሊጲሲዮሳ ኣሳው ፃፌዳ ኪታይ ፃፌቴዳዌ፥ ማቂዶኒያ ጊዱዋን ዴዒያ ሮሜን ኦሞዴቴዳ ፒሊጲሲዮሳ ጌቴቲያ ጋዲያን ዴዒያ ኣማኒያዋንቱሳ። ሃዋንቱ ጳዉሎሲ ኮይሮ ኣማንዴ ሺሼዳዋንታ። ኡንቱንቱ ሮሜ ጋዴ ዬሌታ ጊዶ ዲራዉኔ ቃሲካ ካሬ ጋዴፔ ዬዳ ዎጋኒኔ ኣማኑዋን ዳሮፔ ኣዪኖ። ጳዉሎሳ ቦላን ኡንቱንቱ ዳሮፔ ሃንቅቴዳ ጋሱካ ሃዋ (ኪት 16፡20)። ሃ ኪታይ ፃፌቴዳዌ፥ ሃራ ኣማኒያ ኦሳንቻቱ ጳዉሎሳ ቆፋ ጳልቂ ጳልቂዴ ዋዪሲያ ዎዲያናኔ ፒሊጲሲዮሳ ኣማኒያዋንቱ ጊዶን ዴንዴዳ ዎርዶ ቲሚርቲያ ጋሱዋን ኣ ዎዛናይ ዳሮ ካዮቲዴ ሜዔዳ ዎዴኔ ቃሾ ጎሊያን ኢ ዴዒያ ዎዲያና። ጊዶሺን፥ ጳዉሎሲ ዬሱሲ ኪሪስቶሳ ሚኒሲዴ ኣማኒያ ኣሳ ጊዴዳ ዲራው፥ ሃ ኪታ ቦላን ቆንጪዴ ቤቲያዌ ናሼቻኔ ኩሜን ኣማኔቲያዋ። 
\ip ጳዉሎሲ ሃ ኪታ ፃፌዳ ኮይሮ ጋሱ ኣ ሜቱዋ ዎዴ ኣ ማዳናው ፒሊጲሲዮሳ ኣማኒያ ኣሳይ ኢሞታ ኣው ኪቴዳ ዲራው፥ ኡንቱንታ ጋላታናሳ። ኣ ቦላንካ ኡንቱንቱ ቦላንካ ዱማ ዱማ ሜቱ ጋኬዳዋ ጊዶፔካ፥ ኡንቱንቱ ፃላና ማላኔ ኩሜን ኣማኔቲዴ ዴዓና ማላ፥ ሃ ጋኬቴዳ ኢንጂያን ኡንቱንታ ሜን። ኣዩዋኔ ኦቶሩዋ ዲጊዴ፥ ዬሱሲ ኪሪስቶሳ ኣሺኬቴን ኡንቱንቱ ኩማና ማላ፥ ሚኒሲዴ ኡንቱንታ ሃሳዪሴዳ። ዬሱሲ ኪሪስቶሳና ኢቲፔ ጊዴዳዋን ኡንቱንቱ ዴሜዳ ዴዑ ፆሳ ኣ ኬካቴፔ ፑልቴዳዋኔ ኡንቱንቱ ኣማኑዋን ኣኬዳዋ ጊዲያዋፔ ኣቲን፥ ኣዪሁዳቱዋ ዎጋቱዋ ፖሊያዋን ቤቴዳዋ ጊዴናዋ ኡንቱንታ ሃሳዪሴ። ዬሱሲ ኪሪስቶሳና ኢቱዋ ጊዲዴ ዴዒያ ኡባቶ ፆሳይ ኢሚያ ሳሮቴባኔ ናሼቻባ ኡንቱንቱሲ ፃፌ። 
\ip ሃ ኪታይ ኤሬቲያዌ ናሼቻ፥ ኣማኔቲያዋ፥ ኢቲፔቴኔ ኪሪስቲና ኣማኑዋኒኔ ዴዑዋን ሚኒዴ ዴዒያዋ ጌሺዴ ቤሲያዋና። ሄዋ ቦላካ ጉጂዴ፥ ጳዉሎሲ ፒሊጲሲዮሳን ዴዒያ ኣማኒያ ኣሳቱዋ ሲቂያ ዎልቃማ ሲቁዋ ቆንጪሴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-11) 
\io1 ጳዉሎሳሲ ዴዔዳ ዴዑዋ ሃኖታ (1፡12-26) 
\io1 ኪሪስቲና ዴዑዋ ሌሚሱዋ (1፡27-2፡18) 
\io1 ፂሞቶሳሲኔ ኤጳፊሮዲቱሳሲ ዴዒያ ቆፋ (2፡19-30) 
\io1 ኣማኑዋ ኤቄቲያዋንቱፔ ናጌታና ማላ ኦዴቴዳዋ (3፡1-4፡9) 
\io1 ጳዉሎሲ ፒሊጲሲዮሳ ኣማኒያዋንቱሲ ሺሼዳ ጋላታኔ ማቁዋ (4፡10-20) 
\io1 ዉርሴ ቁቲያ (4፡21-23) 
\c 1  
\s1 ሳሮታ 
\p  
\v 1 ኑኒ ዬሱሲ ኪሪስቶሳ ኦሳንቻቱ ጳዉሎሲኔ ፂሞቶሲ፥ ኪሪስቶሳ ዬሱሳን ዴዒያዋንቶ፥ ፒሊጲሲዮሳ ጊያ ካታማን ዴዒያ ጌሻቶ ኡባቶ፥ ኣማኒያዋንታ ካሌያዋንቶኔ ማዲያዋንቶ ሃ ዳቢዳቢያ ፃፌቶ። 
\p  
\v 2 ኑ ኣዉዋ ፆሳፔኔ ጎዳ ዬሱሲ ኪሪስቶሳፔ ኣ ኬካቴዪኔ ሳሮቴይ ሂንቴንቶ ጊዶ። 
\s1 ጳዉሎሲ ዎሴዳ ጋላታ ዎሳ 
\p  
\v 3 ታኒ ሂንቴና ሃሳዪያ ዎዴ ኡባን ታ ፆሳ ጋላታይ።  
\v 4-5 ሂንቴ ኮዪሮ ጋላሳፔ ሃኖ ጋካናው፥ ሚሺራቹዋ ቃላ ኦዲያዋን ታና ማዴዳ ዲራው፥ ታኒ ኡባ ዎዴ ሂንቴንቶ ኡባው ናሼቻን ፆሳ ዎሳይ።  
\v 6 ቃሲ ሂንቴንቱ ጊዶን ሎዖ ኦሱዋ ዶሜዳ ፆሳይ፥ ኪሪስቶሲ ዬሱሲ ሲሚያ ጋላሳይ ጋካናው ፖላናዋ ኤራይ። 
\p  
\v 7 ታኒ ሂንቴንቶ ኡባው ሄዋዳን ቆፓናው ቤሴ፤ ኣዪሲ ጎፔ፥ ታኒ ሂንቴና ኡባ ዎዴ ሃሳያይ። ሃዒ ታኒ ቃሹዋን ዴዒያዋኒኔ ዎንጋላው ሞቴቲያዋን፥ ቃሲ ዎንጋላ ሚኒሳ ኤሲያዋኒኔ፥ ፆሳይ ታው ቃዴዳ ቃዳ ሂንቴካ ታናና ጊሺ ኣኬዲታ።  
\v 8 ኣዪሲ ጎፔ፥ ታኒ ሂንቴና ኡባቱዋ ኪሪስቶሲ ዬሱሳፔ ዪያ ሲቁዋን ኣይ ኬና ሲቂንቶ፥ ፆሳይ ታው ማርካ። 
\p  
\v 9-10 ቃሲ ታኒ ሂንቴንቶ ፆሳ ዎሲያዌ ሃዋ፤ ሎዖባ ኣያኔካ ዶራናው ሂንቴንቱ ዳንዳያናዳኒኔ፥ ቃሲ ሂንቴንቱ ሲቁ ቱሙ ኤራቴናኔ ኣኬካ ኡባና ኢቲፔ ጉጂ ጉጂ ዲጫናዳን፥ ፆሳ ዎሳይ፤ ያቲዴ ኪሪስቶሲ ሲሚያ ጋላሳን ሂንቴንቱ ሱሬኔ ፖኩ ባይናዋንታ ጊዳና።  
\v 11 ቃሲ ሂንቴንቱ ሼምፑካ ፆሳ ቦንቾኔ ጋላታው ዬሱሲ ኪሪስቶሳ ባጋና ቤቲያ ፂሎቴ ኣይፊያ ኣዪፋና። 
\s1 ጳዉሎሳ ቃሹ ዎንጋላይ ኣካናዋ ዲጊቤና 
\p  
\v 12 ታናዳን ፆሳ ካሊያዋንቶ፥ ሃ ታና ጋኬዳዌ ሚሺራቹዋ ቃላይ ኣካናዳን ቱሙ ማዴዳዋ ሂንቴንቱ ኤራና ማላ ኮያይ።  
\v 13 ታኒ ኪሪስቶሳ ዲራው ቃሼቴዳዋ፥ ካቲያ ጎሊያ ናጊያ ኡባቱኔ ሃዋን ዴዒያ ሃራቱ ኡባቱ ኤሪኖ።  
\v 14 ቃሲ ታኒ ቃሼቴዳዌ ኑ ኢሻቱዋፔ ዳሪያዋንቱ ጎዳን ሎይ ኣማኔቲዴ፥ ፆሳ ቃላ ያሺ ባይናን ካሴዋፔ ፃሊዴ ኦዳናዳን ማዴዳ። 
\p  
\v 15 ቱሙፔ ኢቱ ኢቱ ቃናቲያ ዲራዉኔ ፓሉሚያ ዲራው፥ ኪሪስቶሳዋ ኦዲኖ፤ ሺን ሃራንቱ ሎዖ ኣሙዋን ኦዲኖ።  
\v 16 ሃዋንቱ ፆሳይ ታው ዎንጋላ ናጊያ ኦሱዋ ኢሜዳ ዲራው፥ ሲቂዴ ቃላ ኦዲኖ።  
\v 17 ሺን ዮኮንቱ ታኒ ቃሹዋን ዴዒሺን፥ ታ ቦላ ዋዪያ ኣሃናዋ ኡንቱንቶ ማላቲና፥ ባሬና ሲቂያ ዎልቃማ ኣሙዋን ኪሪስቶሳዋ ኦዲኖፔ ኣቲን፥ ዎዛናፔ ኦዲኪኖ። 
\p  
\v 18 ኣይኔ ባዋ፤ ማላቲሲያ ኦዶኔ ጊዶ ዎይ ቱሙ ኦዶኔ ጊዶ፥ ኣይ ኦጊያኒኔ ኪሪስቶሳዋ ኦዶፔ፥ ታኒ ሄዋን ናሼታይ። ሲንናዉካ ቃሲ ታኒ ናሼታና።  
\v 19 ኣዪሲ ጎፔ፥ ታኒ ሂንቴንቱ ዎሳኒኔ ዬሱሲ ኪሪስቶሳ ኣያናፔ ዪያ ማዱዋን ኣታናዋ ኤራይ።  
\v 20 ታ ዎልቃማ ኣሙኔ ፆሳፔ ኣካና ጋዴ ታኒ ናሼቻን ናጊያ ናጉ ኣዬ ጎፔ፥ ታኒ ፓፃ ዴዒናካ ዎይ ሃዪቂናካ ያዬናን፥ ካሴዋዳን ሃዒካ ታ ኩሜን ኣሳቴን ኪሪስቶሲ ቦንቼታናዋፔ ኣቲን፥ ታኒ ሃራይ ኣቶ ኢቲባንካ ዬላቴናን ኣታናሳ።  
\v 21 ኣዪሲ ጎፔ፥ ታው ዴዑ ኪሪስቶሳ፤ ቃሲ ሃዪቁካ ታው ጎዓ።  
\v 22 ሺን ታኒ ፓፃ ዴዒያዋን ዳሮ ጎዒያዋ ኦናዋ ጊዶፔ፥ ሃቃዋ ዶራኔንቶ ታው ኤሬቴና።  
\v 23 ታኒ ሃ ላዑ ዬዋቱዋን ሜቶታይ፤ ሃ ዴዑዋፔ ሻኬታናዉኔ ቃሲ ኪሪስቶሳና ኢቲፔ ዴዓናው ኣሞታይ፤ ኪሪስቶሳና ኢቲፔ ዴዒያዌ ኡባፔ ኣዳ ዳሮ ሎዖባ።  
\v 24 ሺን ታኒ ሃዪቂያዋፔ ሂንቴንቱ ዲራው ፓፃ ዴዒያዌ ሂንቴና ዳሮ ኮሺያዋ። 
\p  
\v 25 ሃዌ ቱማ ጊዲያዋ ታኒ ጌሻዴ ኤራይ፤ ቃሲ ኣማኑዋን ሂንቴንቱ ዲጫናዳኒኔ ናሼታናዳን፥ ታኒ ሂንቴናና ኡባና ፓፃ ዴዓና።  
\v 26 ሄዋ ዲራው፥ ታኒ ሂንቴናና ላዔዋ ዪያ ዎዴ፥ ኪሪስቶሳ ዬሱሳና ሂንቴ ዴዒያ ዴዑዋን፥ ታባን ጬቄቲያባይ ሂንቴንቶ ዳራና። 
\p  
\v 27 ጊዶፔካ፥ ሂንቴንቱ ሂንቴንቱ ሁጴው ኪሪስቶሳ ዎንጋላው ቤሲያ ዴዑዋ ዴዒቴ፤ ታኒ ሂንቴና ባዴ ዎይ ቤዓና ዪና፥ ሂንቴንቱ ኢቲ ቆፋን ሚኒዴ ኤቄዳዋኔ፥ ቃሲ ዎንጋላ ኣማኖ ኢቲ ዎዛና ጊዲዴ ኢቲፔ ባፄቲያዋ ሲሳና።  
\v 28 ሂንቴ ሞርኬቱዋሲ ኣያንካ ያዮፒቴ፤ ሄዌ ኡንቱንቶ ኡንቱንቱ ባሻ ሺሴ፤ ሺን ፆሳይ ሂንቴና ፆኒሲያ ዲራው፥ ሂንቴንቶ ኣቶቴ ሺሴ።  
\v 29 ኣዪሲ ጎፔ፥ ኪሪስቶሳው ኦያ ቃዳይ ሂንቴና ጋኬዳዌ ሂንቴንቱ ኣኒ ኣማናና ፃላላሳ ጊዴናን ኣ ዲራው ዋዪያካ ኣካናሳ።  
\v 30 ታኒ ካሴ ባፄቲሺን ሂንቴንቱ ቤዔዳዋ ማላ ባፂኔ ቃሲ ሃዒካ ታኒ ባፄቲያዋ ሂንቴንቱ ሲሲያዋ ማላይ ሂንቴና ጋኬዳ። 
\c 2  
\s1 ኪሪስቶሲ ባሬና ካዉሼዳዋ ሌሚሱዋ 
\p  
\v 1 ኪሪስቶሳን ሂንቴንቱ ዴዒያ ዴዑ ሂንቴና ዎዛን? ኣ ሲቁ ሂንቴና ሜን? ጌሻ ኣያናና ሂንቴንቶ ኢቲፔቴይ ዴዒ? ሂንቴ ኢቱ ኢቱዋሲ ኬኪቴኔ ቃሬቲቴ?  
\v 2 ያቶፔ፥ ሂንቴንቱ ቆፋን፥ ሲቁዋን፥ ዎዛናኒኔ ቆፋ ፖሉዋን ኢቱዋ ጊዲዴ፥ ታና ፖሎ ናሼቺቴ።  
\v 3 ሂንቴና ሲቂያዋን ዎይ ጬቄታናው ኮዪያ ሜላ ኣሙዋን ኢቲባኔ ኦፒቴ፤ ሺን ኢቱ ኢቱዋፔ ቃይ ያጊዴ ቆፔናን፥ ኢቱ ኢቱዋሲ ሂንቴንቱ ሁጲያ ካዉሺቴ።  
\v 4 ቃሲ ኢቱ ኢቱዋ ጎዒያዋ ኮያናፔ ኣቲን፥ ሂንቴንቱ ሁጴ ፃላላ ጎዒያዋ ኮዮፒቴ። 
\p  
\v 5 ኪሪስቶሳ ዬሱሳን ዴዒያ ሃ ኣሺኬቴ ቆፋይ ቃሲ ሂንቴናንካ ዴዓናው ቤሴ። 
\q1  
\v 6 ኢ ኡባ ዎዴ ፆሳ ጊዲዴ ዴዔዳ፤ 
\q2 ሺን ኢ ዎልቃን ፆሳ ኬና ጊዲያ ማታይ ዴዒያዋ ቤሲያዋዳን ፓይዲቤና። 
\q1  
\v 7 ሺን ኢ ባሬ ሼኒያን ኡባባ ኣጊዴ፥ \f + \fr 2:7 \fq ኡባባ ኣጊዴ፡ \ft ኢ ባሬና ሜላ ኡዴዳ ጉሳ።\f* 
\q2 ኣይሊያ ሜታ ኣኬዳ፤ 
\q2 ቃሲ ኣሳ ማላቲዴ ቆንጬዳ። 
\q1  
\v 8 ኢ ባሬና ካዉሼዳ፤ 
\q2 ሃይቆ፥ ኡባ ሃራይ ኣቶ፥ 
\q2 ማስቃሊያ ቦላ ሃይቃናዉካ ኣዛዜቴዳ። 
\q1  
\v 9 ሄዋ ዲራው፥ ፆሳይ ኣ ሎይ ቁ ቁ ኦዳ፤ 
\q2 ቃሲ ሱን ኡባፔካ ኣያ 
\q2 ቃ ሱን ኣው ኢሜዳ። 
\q1  
\v 10 ሄዋ ዲራው፥ ሳሉዋኒኔ ሳዓን 
\q2 ሳዓፔ ጋርሳን ዴዒያ ኡባይ 
\q2 ዬሱሳ ሱን ቦንቻናው ጉልባታና። \x - \xo 2:10 \xt ኢሳ 45፡23\x* 
\q1  
\v 11 ቃሲ ኣሳይ ኡባይ ዬሱሲ ኪሪስቶሲ ጎዳ ያጊዴ፥ 
\q2 ፆሳ ኣዉዋ ቦንቾ ማርካታና። 
\s1 ሃ ሳዓን ዴዒያ ኣሳሲ ፖዖ ጊዲያዋ 
\p  
\v 12 ሄዋ ዲራው፥ ታ ዳባቶ፥ ታኒ ሂንቴናና ዴዒያ ዎዴ ኡባን ሂንቴንቱ ታው ኣዛዜቴዳዋዳን፥ ሃዒ ታኒ ሂንቴንቱ ማታን ዴዔና ዎዴካ፥ ሂንቴንቱ ካሴዋፔ ኣዴ ታው ኣዛዜታናው ቤሴ፤ ያሻቴኒኔ ኮኮርሳን ሂንቴንቱ ኣቶቴ ፖላናው ኦቴ።  
\v 13 ኣዪሲ ጎፔ፥ ፆሳይ ሂንቴና ባሬው ኤኖ ጊሳናዳኒኔ ቃሲ ኢ ቆፔዳዋ ሂንቴንቱ ኦናዳን ሂንቴንቱ ጊዶን ኡባ ዎዴ ኦ። 
\p  
\v 14-15 ጌላኔ ናጋራንቻ ኣሳ ጊዶን ፖኩ ባይናዋንታ፥ ጌሻቱዋ፥ ፆሳ ናናቱዋዳንካ ፖኩ ባዪናዋንታ ጊዲቴ፤ ቃሲ ዙዙሜናን ዎይ ኢታባ ቆፔናን ኡባባ ኦቴ። ሄ ኣሳ ጊዶኒካ ሳሉዋን ፖዒያ ፆሊንቲያዳን ፖዒዴ፥ \x - \xo 2:14-15 \xt ዛር 32፡5\x* 
\v 16 ዴዑዋ ሚሺራቹዋ ቃላ ኡንቱንቶ ኦዲቴ፤ ሄ ዎዴ ታ ዳቡራዪኔ ታ ኦሱ ሜላ ዪቤናዌ ኤሬቲያ ዲራው፥ ኪሪስቶሲ ሲሚያ ጋላሲ ታኒ ሂንቴናን ጬቄታና። 
\p  
\v 17 ሃራይ ኣቶ ሂንቴንቱ ኣማኑ ፆሳው ያርሺያ ያርሹዋ ቦላ ታ ሱይ ኡሻ ያርሹዋዳን ጉኮፔካ፥ ታኒ ናሼታይ፤ ሂንቴናና ኡባና ኢቲፔ ናሼታይ።  
\v 18 ሄዋዳን ሂንቴካ ቃሲ ናሼታናው ቤሴ፤ ታናና ኢቲፔ ናሼቲቴ። 
\s1 ፂሞቶሲኔ ኤፓፊሮዲቶሲ ኦዳ ኦሱዋ 
\p  
\v 19 ሺን ታኒ ሂንቴንቱ ዴዑዋባ ሲሳዴ ናሼታናዳን፥ ፂሞቶሳ ሂንቴኮ ኤሌካ ዬዳናዋ ጎዳ ዬሱሳን ኣማኔታይ።  
\v 20 ኣዪሲ ጎፔ፥ ሂንቴንቱ ዴዑዋባው ዎዛናፔ ሂርጊያ ኣ ማላ ኣሳይ ሃራይ ኦኒኔ ታው ባዋ።  
\v 21 ኣዪሲ ጎፔ፥ ሃራቱ ኡባቱ ባሬንቱ ሁጴ ጎዓ ኮዪኖ፤ ዬሱሲ ኪሪስቶሳዋ ኮዪኪኖ።  
\v 22 ሺን ናዓይ ባሬ ኣቡ ኦያዋዳን፥ ፂሞቶሲ ታናና ኢቲፔ ጊዲዴ፥ ዎንጋላ ኦሱዋ ኦዳዋን፥ ኣማኔቲያ ኣሳ ጊዲያዋ ኤሪሴዳዋ ሂንቴንቱ ኤሪታ።  
\v 23 ሄዋ ዲራው፥ ታኒ ዬዉ ሃኒያዋ ቤዓዴ፥ ኤሌካ ኣ ሂንቴኮ ዬዳና ጋዴ ቆፓይ።  
\v 24 ታኒ ታ ሁጴው ማታ ዎዲያን ሂንቴኮ ባናዋ ጎዳን ኣማኔታይ። 
\p  
\v 25 ሺን ታኒ ታ ኢሻ ኤፓፊሮዲቶሳ፥ ታናና ኢቲፔ ታ ባጋ ጊዲዴ ኦዳዋ፥ ኦሌቴዳዋኔ፥ ቃሲ ታና ማዲያዋን ሂንቴንቶ ኪቴቲዴ ኦዳዋ ሂንቴኮ ኪታናው ኮሺያዋ ቆፓዲ።  
\v 26 ኣዪሲ ጎፔ፥ ኢ ሂንቴና ኡባ ቤዓናው ላሞቴ፤ ቃሲ ኢ ሳኬቴዳዋ ሂንቴንቱ ሲሴዳ ዲራው፥ ባሬ ዎዛናን ዳሮ ሜቶቴ።  
\v 27 ኢ ቱሙ ሳኬቲዴ፥ ሃዪቂ ኣቴዳ፤ ሺን ፆሳይ ኣው ቃሬቴዳ፤ ኣ ፃላላው ጊዴናን ካዩ ካዩዋ ቦላ ጉጄቴናዳን፥ ታዉካ ቃሬቴዳ። 
\p  
\v 28 ሲሚ ሂንቴንቱ ላዔንዋ ኣ ቤዒዴ ናሼታናዳን፥ ታዉካ ታ ዎዛና ካዩ ኢርፃናዳን፥ ታኒ ኤሌካ ኣ ሂንቴኮ ዬዳና።  
\v 29 ሄዋ ዲራው፥ ጎዳን ዴዒያ ኢሻዳን፥ ኩሜን ናሼቻን ኣ ሞኪቴ፤ ቃሲ ኣ ማላቲያ ኣሳ ኡባካ ቦንቺቴ።  
\v 30 ኣዪሲ ጎፔ፥ ሂንቴንቱ ሂንቴንቱ ሁጴው ታና ማዳና ዳንዳዬና ማዱዋ ማዳናው፥ ኪሪስቶሳ ኦሱዋ ዲራው፥ ባሬ ሼምፑዋ ሼኔኮ ጊዴ፥ ሃዪቂ ኣቴዳ። 
\c 3  
\s1 ቱሙ ፂሎቴ 
\p  
\v 1 ዉርሴን፥ ታናዳን ፆሳ ካሊያዋንቶ፥ ጎዳይ ሂንቴንቶ ናሼቻ ኢሞ። ታኒ ካሴ ፃፌዳዋ ዛሬዴ ፃፊያዌ ታና ዋዪሴና፤ ቃሲ ሄ ፃፊያዌ ሂንቴና ናጋና። 
\p  
\v 2 ኢታባ ኦያዋንቱፔ፥ ሄ ካናቱዋ ኤሻይ ዴዒያዋንቱፔ፥ ቃፃራይ ኮሼ ጊያ ኣሳቱዋፔ ናጌቲቴ።  
\v 3 ኣዪሲ ጎፔ፥ ኑኒ ፆሳ ጌሻ ኣያናን ፆሳው ጎዪኒያ ዲራዉኔ ኑ ዴዑዋን ጎዳ ኪሪስቶሳ ዬሱሳን ናሼቲያ ዲራው፥ ቱሙ ቃፃራ ቃፃሬቴዳዋንታ፤ ኣሳቴ ቦላ ኦሴቲያዋን ኣማኖኮ። 
\p  
\v 4 ቃሲ ታው ታ ሁጲያንካ ታ ኣሳቴን ኣማኔቲያዌ ዴዔ። ኣይ ኣሳይኔ ባሬ ኣሳቴን ኣማኔቲያዌ ባሬው ዴዔ ጊዴ ቆፖፔ፥ ታኒ ኣፔ ሎይ ኣይ።  
\v 5 ታኒ ዬሌቶዴፔ ሆስፑን ጋላሳን \f + \fr 3:5 \fq ታኒ ዬሌቶዴፔ ሆስፑን ጋላሳን፡ \ft ሃዌ ኣዪሁዲያ ኣቱማ ናናይ ዬሌቶዴፔ ሆስፑን ጋላሳን ቃፃሬቲያዋ ቤሴ።\f* ቃፃሬታዲ። ታኒ ዬሌታን ኢስራዔሊያ፤ ቢኒያማ ዛሬ፤ ዋላካይ ባዪና ኣዪሁዳ ኣሳ። ኣዪሁዳ ሂጊያ ናጊያዋን ጊዶፔ፥ ታኒ ፓሪሳዌ፤  
\v 6 ኣዪሁዳ ኣማኖ ሴላ ጊዶፔ፥ ታኒ ኣማኒያዋንታ ዋዪሳዲ፤ ኢቲ ኡራይ ሙሴ ሂጌው ኣዛዜቲዴ ፂሊያዋ ባጋ ጊዶፔ፥ ታናን ፖኮባይ ቤቲቤና። 
\p  
\v 7 ሺን ታና ጎዒያ ሄ ኡባባ ኪሪስቶሳ ዲራው ባዬዳዋዳን ፓይዳይ።  
\v 8-9 ቱማካ፥ ሄዋንቱ ፃላላ ጊዴና፤ ታኒ ታ ጎዳ ኪሪስቶሲ ዬሱሳ ኤሪያዌ ኡባባፔ ሎይ ኣያ ዲራው፥ ኡባባ ታና ሙሌካ ጎዔናዋዳን ፓይዳይ፤ ታኒ ኣ ዲራው ኡባባ ዬጋ ባሻዲ። ኪሪስቶሳ ዴማናዉኔ ኣናና ዴዓናው ኡባባ ዎራ ኦሌዳዋዳን ፓይዳይ፤ ታኒ ሙሴ ሂጌው ኣዛዜታዴ ዴሚያ ታ ሁጴ ፂሎቴይ ታው ባዋ። ኪሪስቶሳ ኣማኒና፥ ፆሳይ ኢሚያ ፂሎቴይ፥ ኣማኑዋን ፆሳ ማታፔ ዪያ ፂሎቴይ ታው ሃዒ ዴዔ።  
\v 10-11 ታኒ ኪሪስቶሳኔ ኣ ዴንዱዋ ዎልቃ ኤራናው ኮያይ፤ ያታዴ ታኒ ታ ሁጴው ሃዪቁዋፔ ዴንዳና ያጊያዋን፥ ኣ ዋዪያ ኣናና ዋዬታናዉኔ ኣ ሃይቁዋን ኣ ማላታናው ኣሞታይ። 
\s1 ጋኪያሳ ጋካናው ዎፂያዋ 
\p  
\v 12 ታኒ ሃዒ ዴማ ዲጋዲ ዎይ ታናን ባሊ ባዋ ጊኬ። ሺን ኪሪስቶሲ ዬሱሲ ታና ባሬው ኦዳ ዎይታ ዴማና ጋዴ ኤሌላይ።  
\v 13 ታናዳን ፆሳ ካሊያዋንቶ፥ ታኒ ሄዋ ዴማ ዲጋዲ ጋዴ ቆፒኬ፤ ሺን ታኒ ኢቲባ ኦይ፤ ታፔ ጉዬና ዴዒያዋ ዶጋዴ ሲንን ዴዒያዋ ኦይቃናው ዋታይ።  
\v 14 ፆሳይ ኪሪስቶሲ ዬሱሳ ባጋና ቦላ ዴዑዋሲ ፄሲያ ዎይታ ኣካናው፥ ታ ጋካናው ዎፃይ። 
\p  
\v 15 ሲሚ ኑኒ ኣያናን ሚኔዳዋንቱ ኡባቱ ሃዋ ቆፓናው ቤሴ፤ ቃሲ ሂንቴፔ ኣማሬዳዋንቶ ኣያኒኔ ዱማ ቆፋይ ዴዖፔ፥ ሄዋካ ፆሳይ ሂንቴንቶ ቆንጪሳና።  
\v 16 ጊዶፔካ፥ ኑኒ ሃኖ ጋካናው ዴዔዳ ማራዳን፥ ኣኔ ሲንው ሄ ማራ ካሎይቴ። 
\p  
\v 17 ታናዳን ፆሳ ካሊያዋንቶ፥ ታኒ ሃኒያዋዳን ሃኒቴ። ኑኒ ሂንቴንቶ ሌሚሱዋ ጊዴዶ፤ ሄዋዳን ሂንቴካ ኑኒ ሂንቴንቶ ሌሚሱዋ ጊዴዳ ማራ ካሊያዋንታ ኣኬኪቴ።  
\v 18 ኣዪሲ ጎፔ፥ ታኒ ሄዋ ሂንቴንቶ ካሴ ጮራቶ ኦዳዲ፤ ቃሲ ሃዒ ላዔዋካ ኣፎፃዴ ሂንቴንቶ ኦዳይ፤ ኪሪስቶሲ ማስቃሊያ ቦላ ሚሲማሪያን ሼቲዴ ሃዪቄዳዎ ባሬንቱ ሼምፑ ባሬና ሞርኬ ኦዳ ዳሮ ኣሳቱ ዴዒኖ።  
\v 19 ኡንቱንቱ ዉርሴይ ባሻ፤ ኡንቱንቱ ኡሉ ኡንቱንቶ ፆሳ፤ ዬላታናው ቤሲያዋን ኡንቱንቱ ኦቶሬቲኖ፤ ቃሲ ሃ ሳዓባ ፃላላ ቆፒኖ።  
\v 20 ኣዪሲ ጎፔ፥ ኑ ቢታይ ሳሉዋና፤ ኑኒ ቃሲ ሳሉዋፔ ያና ኑና ኣሺያ ጎዳ ዬሱሲ ኪሪስቶሳ ናጌቶ።  
\v 21 ኪሪስቶሲ ኡባባ ባሬፔ ጋርሳን ዎናው ዳንዳዪያ ባሬ ዎልቃን፥ ኑ ዳቡራንቻ ኣሳቴ ላሚዴ፥ ባሬ ቦንቾ ኣሳቴ ማላቲሲዴ ኦና። 
\c 4  
\s1 ዉርሴ ዞሪያ 
\p  
\v 1 ታናዳን ፆሳ ካሊያዋንቶ፥ ታኒ ሲቂያዋንቶ፥ ላሞቲያዋንቶ፥ ታና ናሼቺያዋንቶ፥ ታና ቁ ኦያዋንቶ፥ ታ ዳባቶ፥ ሲሚ ጎዳን ሂንቴንቱ ሚኒ ኤቃናው ቤሴ። 
\p  
\v 2 ኤዎዴኔ ሲንፂኬ፥ ሂንቴንቱ ላዑካ ቆፋን ኢቱዋ ጊዲዴ፥ ጎዳን ዴዓናዳን፥ ታኒ ሂንቴና ዞራይ።  
\v 3 ቃሲ ታናና ኦያ ኣማኔቴዳዎ፥ ኔኒ ሃ ማጫ ኣሳቱዋ ማዳናዳን፥ ታኒ ኔና ዎሳይ፤ ኣዪሲ ጎፔ፥ ኡንቱንቱ ታናናኔ ኡንቱንቱ ሱንይ ፆሳ ዴዑዋ ማፃፋን \f + \fr 4:3 \fq ፆሳ ዴዑዋ ማፃፋን፡ \ft ፆሳ ኣሳ ሱንይ ፃፌቲያ ማፃፋ።\f* ፃፌቴዳ ቃሌሚንፆሳና ቃሲ ታናና ኢቲፔ ኦያ ሃራቱዋ ኡባና ዎንጋላ ኡባሳ ጋናው ዳቡሬዲኖ። 
\p  
\v 4 ጎዳና ሂንቴንቱ ዴዒያ ዴዑዋን ኡባ ዎዴ ናሼቲቴ፤ ታኒ ሃዋ ጉጃዴካ ጋይ፤ ናሼቲቴ። 
\p  
\v 5 ኣሳይ ኡባይ ሂንቴንቱ ኣሺኬቴ ኤሮ፤ ጎዳይ ማታን ያና።  
\v 6 ፆሳ ሂንቴንቱ ዎሲያ ዎሳ ኡባን ኣ ሎይ ጋላቲዴ፥ ሂንቴና ኮሺያዋ ኡባው ዎሲቴፔ ኣቲን፥ ኢቲባዉካ ሂርጎፒቴ።  
\v 7 ቃሲ ኣሳ ኤራቴ ኡባፔ ኣያ ፆሳ ሳሮቴይ ሂንቴንቱ ዎዛናኔ ሂንቴንቱ ቆፋ ጎዳ ዬሱሲ ኪሪስቶሳ ባጋና ናጋና። 
\p  
\v 8 ዉርሴን፥ ታናዳን ፆሳ ካሊያዋንቶ፥ ሂንቴንቱ ዎዛናን ሎዖባኔ ጋላቲሲያዋ ቆፒቴ፤ ቱማ ጊዲያባ ኡባ፥ ቦንቺሲያዋ ኡባ፥ ባዪዙዋ ጊዴናባ ኡባ፥ ጌሻባ ኡባ፥ ሲቁዋ ኡባ፥ ሱሬ ጊዲያባ ኡባ ቆፒቴ።  
\v 9 ሂንቴንቱ ታፔ ታማሬዳዋ፥ ኣኬዳዋ፥ ሲሴዳዋኔ ቤዔዳዋ ኡባ ኦቴ፤ ቃሲ ኑሲ ሳሮቴ ኢሚያ ፆሳይ ሂንቴናና ኢቲፔ ጊዳናዋ። 
\s1 ባሬው ኪቴቴዳ ኢሞታው ጳዉሎሲ ጋላቴዳዋ 
\p  
\v 10 ሺን ዳሮ ዎዲያፔ ጉዪያን፥ ሃዒ ሂንቴንቱ ታዋ ላዔንዋ ቆፓናው ዶሜዳ ዲራው፥ ታኒ ጎዳን ሎይ ናሼታይ፤ ታው ቆፓናው ሂንቴንቶ ኢንጄቴናን ኢፄዳዋፔ ኣቲን፥ ታው ቆፋ ቆፒታ።  
\v 11 ታኒ ሃዋ ታና ሜቴዳ ዲራው ጊኬ፤ ኣዪሲ ጎፔ፥ ታው ዴዒያባይ ታው ጊዳና \f + \fr 4:11 \fq ታው ዴዒያባይ ታው ጊዳና፡ \ft ታው ዴዒያባን ታኒ ሼምፓይ፥ ካላይ፥ ዎፑ ጋይ።\f* ጊያዋ ታኒ ታማራዲ።  
\v 12 ታኒ ሜቶቲዴ ዎቲ ዴዓኔንቶ ኤራይ፤ ቃሲ ዱሬቲዴ ዴዒያዌካ ኣዬንቶ ኤራይ፤ ሃቃን ጊዲናካ ኣዉዴ ጊዲናካ፥ ታኒ ካሉዋኔ ኮሻ ቃሲ ፓጫኔ ፓላሃ ታማራዲ።  
\v 13 ኪሪስቶሲ ታው ኢሜዳ ዎልቃን፥ ኡባባ ኦናው ታኒ ዳንዳያይ። 
\p  
\v 14 ጊዶፔካ፥ ሂንቴንቱ ታ ሜቱዋ ታናና ሜቶቲዴ ዳሮ ሎይዲታ፤  
\v 15 ፒሊጲሲዮሳ ኣሳው፥ ዎንጋላ ሚሺራቹ ኮይሮ ሂንቴ ጊዶን ኦዴቴዳ፤ ሺን ታኒ ማቂዶኒያፔ ኬሴዳ ዎዴ፥ ታና ኣማኒያ ሂንቴንቱፔ ኣቲን፥ ሃራይ ማዲቤናዋ ሂንቴንቱ ሂንቴንቱ ሁጴው ኤሪታ፤ ቃሲ ኢሚያባንካ ኣኪያባንካ ሂንቴፔ ኣቲን፥ ሃራይ ታና ማዲቤና። \x - \xo 4:15 \xt 2ቆር 11፡9\x* 
\v 16 ኣዪሲ ጎፔ፥ ታና ሜቱ ኦይቄዳ ዎዴ፥ ሃራይ ኣቶ ታኒ ቴሴሎንቂያን ዴዒሺንካ ታና ዛሪ ዛሪዴ ማዴዲታ። \x - \xo 4:16 \xt ኪት 17፡1\x* 
\v 17 ታኒ ሂንቴዋ ቦላ ሃራባይ ጉጄታናዋ ኮዪያዋፔ ኣቲን፥ ዎዪታ ፃላላ ኣካናው ኮዪኬ። 
\p  
\v 18 ሺን ታኒ ሂንቴንቱ ኢሜዳዋ ኡባ ኣካዲ፤ ቃሲ ታው ፓላሂዴ ጊዲያዌ ዴዔ። ሂንቴ ኪቴዳ ኡባባ ኤፓፊሮዲቶሳፔ ኣካዲ፤ ኮሺያ ኡባይ ታው ዴዔ። ሂንቴ ታው ኪቴዳ ኢሙ ፆሳው ሳዉዋ ቶሺኩ ጊያኔ ኢ ዶሲያ፥ ኣ ናሼቺያ ያርሹዋ ማላ። \x - \xo 4:18 \xt ኬስ 29፡18\x* 
\v 19 ቃሲ ታ ፆሳይ ባሬ ቦንቾ ዱሬቴ ዳሩዋን ኪሪስቶሲ ዬሱሳ ባጋና ሂንቴና ኮሺያዋ ኡባ ሂንቴንቶ ኢማና።  
\v 20 ኑ ፆሳው፥ ኑ ኣዎ ሜናፔ ሜና ጋካናው ቦንቹ ጊዶ። ኣሜንዒ። 
\s1 ዉርሴ ሳሮታ 
\p  
\v 21 ኪሪስቶሲ ዬሱሳዋ ጊዲያ ፆሳ ኣሳቱዋ ኡባቱዋ ሳሮ ጊቴ። ታናና ሃዋን ዴዒያ ኢሻቱ ሂንቴና ሳሮ ጊኖ።  
\v 22 ሃዋን ዴዒያ ፆሳ ኣሳቱዋ ኡባቱ፥ ኡባፔካ ኣዴ ካቲያ ቄሳሬ ጎሊያን ዴዒያዋንቱ ሂንቴና ሳሮ ጊኖ። 
\p  
\v 23 ኑ ጎዳ ዬሱሲ ኪሪስቶሳ ኣ ኬካቴይ ሂንቴናና ጊዶ።