\id PHM - ዳውሮ 
\h ፒሊሞና 
\toc1 ጳዉሎሲ ፒሊሞናው ፃፌዳ ኪታ 
\toc2 ፒሊሞና 
\toc3 ፒም 
\mt2 ጳዉሎሲ 
\mt1 ፒሊሞናው 
\mt2 ፃፌዳ ኪታ 
\imt1 ጌሉዋ 
\ip ፒሊሞኒ ኤሬቴዳ ኣማኒያ ኣሳ፤ ኢ ቆላሲያሳ ዎሳ ጎሊያ ኣሳ ጊዴናን ዋዪ ኣጋና። ፒሊሞናው ኣናሲሞሳ ጊያ ኣይሊ ዴዔ። ሄ ኣይሊ ባሬ ጎዳፔ ቤቲዴ ቤዳ ዎዴ፥ ቃሾ ጎሌን ዴዒያ ጳዉሎሳና ጋኬቴዳ። ኣናሲሞሲ ጳዉሎሳ ባጋና ዬሱሳ ኣማኔዳ። ጳዉሎሲ ፒሊሞናሲ ፃፌዳ ኪታይ ፒሊሞኒ ጉዬ ሲሚ ቢዴ ዴዒያ ባሬ ቆማና ሲጌታናዳን፥ ሄዋ ሃሳዪሲያዋ። ሄዋ ቦላካ ሃዒ ኣናሲሞሲ ኣማኒያ ኣሳ ጊዴዳ ዲራው፥ ሃዋፔ ሲንው ኣማኒያ ኢሻዳን ኣ ሞኪ ኣካናፔ ኣቲን፥ ቆማዳን ኣ ፄሌናዳን ኣው ኦዴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1-3) 
\io1 ፒሊሞናሲ ጳዉሎሳ ጋላታ (4-7) 
\io1 ጳዉሎሲ ኣናሲሞሳ ዲራው ሺሼዳ ሚኖ ኦሻ (8-22) 
\io1 ዉርሴ ቁቲያ (23-25) 
\c 1  
\p  
\v 1 ታኒ ጳዉሎሲ፥ ዬሱሲ ኪሪስቶሳ ዲራው ቃሹዋን ዴዒያዌኔ ኑ ኢሻ ፂሞቶሲ፥ ኑናና ኦያ ኑኒ ሲቂያ ፒሊሞናው፥  
\v 2 ኔ ጎሌን ሺቂያ ኣማኒያዋንቶ፥ ኑ ሚቻቲ ኣፊቢሲኔ ኑናና ኢቲፔ ዴዒያ ኪሪስቶሳ ዎታዳራ ኣርኪፖሳው ሃ ዳቢዳቢያ ፃፌቶ። \x - \xo 1:2 \xt ቆል 4፡17\x* 
\p  
\v 3 ፆሳ ኑ ኣዉዋፔኔ ኑ ጎዳ ዬሱሲ ኪሪስቶሳፔ ኣ ኬካቴይኔ ሳሮቴይ ሂንቴንቱሲ ጊዶ። 
\s1 ፒሊሞና ሲቁዋኔ ኣማኑዋ 
\p  
\v 4-5 ኔኒ ፆሳ ኣሳቱዋ ሲቂያዋኔ ጎዳ ዬሱሳ ኣማኒያዋ ታኒ ሲሲያ ዲራው፥ ፆሳ ዎሳዴ ኔና ሃሳዪያ ዎዴ ኡባን፥ ታ ፆሳ ጋላታይ።  
\v 6 ኔኒ ኔ ኣማኑዋ ሃራቱዋና ሻኪያዌ ኑሲ ኪሪስቶሲ ዬሱሳ ባጋና ዪያ ሎዖባ ኡባ ኤሪሳና ማላ፥ ታኒ ፆሳ ዎሳይ።  
\v 7 ኣዪሲ ጎፔ፥ ፆሳ ኣሳቱዋ ዎዛናይ ኔ ኪታን ሚኔዳ ዲራው፥ ታ ኢሻው፥ ታኒ ኔ ሲቁዋን ዳሮ ናሼቻኔ ሜንዋ ዴማዲ። 
\s1 ኣናሲሞሲ ፒሊሞናኮ ሲሜዳ ሲሙዋ 
\p  
\v 8 ሄዋ ዲራው፥ ኔኒ ኦናው ቤሲያዋ ኦና ማላ፥ ታኒ ኔና ኣዛዛናው ኪሪስቶሳ ባጋና ፃሎፔካ፥  
\v 9 ታኒ ጳዉሎሲ ጪሜዳዌ፥ ኪሪስቶሲ ዬሱሳው ሃዒካ ቃሹዋን ዴዒያዌ፥ ሲቁዋ ዲራው፥ ኔና ዎሳይ።  
\v 10 ታኒ ቃሹዋን ዴዓዴ ኣው ኣዉዋ ጊዴዳ ታ ናዓ ኣናሲሞሳ \f + \fr 1:10 \fq ኣናሲሞሳ፡ \ft ጊያ ሱን ቢሌይ፥ ግሪኪያ ቃላን ጎዒያዋ ዎይ ማዲያዋ ጉሳ።\f* ዲራው፥ ኔና ዎሳይ። \x - \xo 1:10 \xt ቆል 4፡9\x* 
\v 11 ኢ ካሴ ኔና ጎዔና፤ ሺን ሃዒ ኔናካ ታናካ ቱሙ ጎዔ። 
\p  
\v 12-13 ታኒ ዎዛናፔ ዶሲያ ኣናሲሞሳ ኔኮ ዬዶዌ ታ ዎዛና ዬዶዋ። ታኒ ዎንጋላ ዲራው ቃሼታ ኡታ ዴዒሺን፥ ኔና ኮቺዴ፥ ታና ማዳና ማላ፥ ታ ማታን ኣ ኣሻናው ኮያይ።  
\v 14 ሺን ኔኒ ኔ ሼኒያዳን ኦናዋ ኮያይፔ ኣቲን፥ ኔናና ዞሬቴናን ዎልቃን ኣይኔ ኦናው ኮዪኬ። 
\p  
\v 15 ኣናሲሞሲ ጉ ዎዲያ ኔፔ ሻኬቴዳዌ፥ ኦኒ ኤሪ ሲሚዴ፥ ኡባ ዎዴካ ኔናና ዴዓናሴንቶኔ።  
\v 16 ሲሚ ሃዋፔ ሲንው ኣናሲሞሲ ኣይሊያ ጊዴና፤ ሺን ኣይሊያፔ ኢ ሎይ ኣ፤ ኢ ታው ኣይ ኬና ሲቆ ኢሼ! ቃሲ ኢ ኔው ኣሳ ባጋናካ ጎዳ ባጋናካ ኣይ ኬና ኣዳ ኢሻ ጊዳንዴሻ! 
\p  
\v 17 ሲሚ ኔኒ ታና ኔ ላጌ ጊያዋ ጊዶፔ፥ ታና ሞኪያዋዳን፥ ኣ ሞካ።  
\v 18 ኢ ኔው ባዪዜዳባይ ዎይ ኣ ቦላ ኔው ኣጩ ዴዖፔ፥ ታፔ ጪጋ ኣካ።  
\v 19 ሄ ኣጩዋ ታኒ ጪጋና ጋዴ፥ ታኒ ጳዉሎሲ ታ ኩሺያን ፃፋይ። ኔኒ ታው ኔ ሼምፑዋ ኣጮታ ኡቴዳዋ ታኒ ኔና ሃሳዪሳናው ኮሼና። 
\p  
\v 20 ኤ፥ ታ ኢሻው፥ ጎዳ ባጋና ኔፔ ማዱዋ ዴማናው ኮያይ። ኪሪስቶሳ ባጋና ታና ሜን።  
\v 21 ታኒ ጌዳዋፔ ዳሩዋ ኔኒ ኦናዋ ኤራዴ፥ ቃሲ ኔ ታው ኣዛዜታናዋካ ኣማናዴ፥ ሃዋ ኔው ፃፋይ። 
\p  
\v 22 ቃሲ ሂንቴንቱ ኤሌካ ታው ኢማይ ሼምፒያ ጎሊያ ጊጊሲቴ። ኣዪሲ ጎፔ፥ ፆሳይ ሂንቴንቱ ዎሳን ታና ሂንቴንቱሲ ጉዬ ዛሪዴ ኢማና ጋዴ ቆፓይ። 
\s1 ዉርሴ ሳሮታ 
\p  
\v 23 ኪሪስቶሲ ዬሱሳ ዲራው፥ ታናና ቃሹዋን ዴዒያ ኤፓፊሪ ኔና ሳሮ ሳሮ ጌ።  
\v 24 ቃሲ ታናና ኢቲፔ ኦያ ማርቆሲ፥ ኣሪስፂሮኮሲ፥ ዴማሲኔ ሉቃሲ ኔና ሳሮ ሳሮ ጊኖ። 
\p  
\v 25 ጎዳ ዬሱሲ ኪሪስቶሳ ኣ ኬካቴይ ሂንቴንቱ ኣያናና ጊዶ።