\id MRK - ዳውሮ \h ማርቆሳ \toc1 ማርቆሲ ፃፌዳ ሚሺራቹዋ ቃላ \toc2 ማርቆሳ \toc3 ማር \mt1 ማርቆሲ ፃፌዳ \mt2 ሚሺራቹዋ ቃላ \imt1 ጌሉዋ \ip ማርቆሲ ፃፌዳ ሚሺራቹ ኮይሮ ዶሚዲካ፥ «ሃዌ ፆሳ ናዓ ዬሱሲ ኪሪስቶሳ ሚሺራቹዋ ቃላው ዶሜ» ያጌ። ሃ ሚሺራቹዋ ቃላ ጊዶን ዬሱሲ ኦሱዋ ኣሳኔ ማታይ ዴዒያ ኣሳ ጊዲዴ ሺቄዳ። ዬሱሳ ማታይ ኣ ቲሚርቲያን፥ ፃላሂያ ጪታ ቦላ ኣው ዴዒያ ዎልቃኒኔ ኣሳ ናጋራ ኣቶ ጊያዋን ቤዔቴዳ። ዬሱሲ፥ «ታኒ ኣሳ ናዓይ ዬዳዌ፥ ኣሳ፥ ናጋራ ኣይሌቴፔ ላዓ ኬሳናው ታ ዴዑዋ ኣዴ ኢማናሳ» ያጊዴ ኢ ባሬ ሁጴው ሃሳዬዳ። \ip ማርቆሲ ዬሱሳ ታሪኪያ ሱሬኔ ዎልቃ ኩሜዳ ኦጊያን ኦዴዳ። ኢ ጋናው ኮዮ ቆፋይካ ዬሱሳ ቃላኔ ቲሚርቲያ ጊዴናን ኢ ኦዳ ማላሊሲያ ኦሳቱዋ ቦላና። ፃማቂያ ዮሃኒሳ ታሪኪያ፥ ዬሱሳ ፂንቃታኔ ፓጪያ ቃንን ኤሪሲ ሲሚዴ፥ ዬሱሳ ቲሚርቲያኔ ፓዋባ ኣሲዴ ኦዴዳ። ዎዲያፔ ጉዪያን ዬሱሳ ካሊያዋንቱ ኣ ሎይ ኤሪ ቤዳዋ ኬና ኣናና ኤቄቲያዋንቱ ኣ ሎይ ኢፄዲኖ። ዉርሴ ሼምፓቱ ዬሱሳ ዴዑዋን ዉርሴ ሳሚንታ ጊዶን ፖሌቴዳ ኦሳቱዋ፤ ሄዋንቱካ ኣ ካቄባኔ ኣ ዴንዱዋባ ኦዲያዋንታ። \ip ማርቆሳ ሚሺራቹዋ ዉርሴን ቂንፊያ ጊዶን ዴዒያ 16፡9-20 ፓይዳቱ ጌሻ ቃላ ኢቲ ኢቲ ቢሌ ፃላላን ዴዒያዋንታ። \iot ሼምፓቱዋ ኡባቱዋሲ ኢሜቴዳ ቃን ቆፋቱዋ \io1 ሚሺራቹዋ ዶሜ (1፡1-13) \io1 ዬሱሲ ኦሱዋ ጋሊላን ዶሜዳዋ (1፡14-9፡50) \io1 ዬሱሲ ዬሩሳላሜን ኦዋ (10፡1-52) \io1 ዬሩሳላሜኒኔ ኢዚ ዩሹዋን ዬሱሳ ዉርሴ ሳሚንታ (11፡1-15፡47) \io1 ጎዳ ዬሱሳ ዴንዱዋ (16፡1-8) \io1 ሃይቁዋፔ ዴንዴዳ ጎዳ ቆንጬኔ ሳሉዋ ቡሳ (16፡9-20) \c 1 \s1 ፃማቂያ ዮሃኒሳ ኣዋጁዋ \r (ማት 3፡1-12፤ ሉቅ 3፡1-18፤ ዮህ 1፡19-28) \p \v 1 ፆሳ ናዓ \f + \fr 1:1 \fq ፆሳ ናዓ፡ \ft ቤኒ ፃፌቴዳ ኢቲ ኢቲ ቢሌን ሃዌ ባዋ።\f* ዬሱሲ ኪሪስቶሳ ዎንጋላ ሚሺራቹዋ ዶሜ። \v 2 ናቢያ ኢሲያሲ ፃፌዳ ማፃፋን ፆሳይ፥ \q1 «ቤዓ፤ ታ ኪቲያዋ ታኒ ኔፔ ሲንው ዬዳና። \q2 ኢ ኔው ኦጊያ ኬሳናዋ። \x - \xo 1:2 \xt ሚል 3፡1\x* \q1 \v 3 ኢቲ ቢታኒ ቢታ ባዙዋን ባሬ ኮሻ ቁ ኦዴ፥ \q2 ‹ጎዳ ኦጊያ ጊጊሲቴ። \q1 ኢ ሃሜታና ሎሱዋካ ኣው ሱሪሲቴ› ጌዳዋዳን» \m ሃኔዳ። \p \v 4 ፃማቂያ ዮሃኒሲ ኣሳ ፃማቂዲኔ፥ «ፆሳይ ሂንቴ ናጋራ ኣቶ ጋና ማላ፥ ሂንቴንቱ ናጋራፔ ሲሚዴ ፃማቄቲቴ» ያጊ ቃላ ኦዲዴ ቢታ ባዙዋን ኬሲ ዎዳ። \v 5 ዪሁዳ ጋዲያን ዴዒያ ኣሳይ ኡባይኔ ዬሩሳላሜ ካታማ ኣሳይ ኡባይ ዮሃኒሳኮ ዬዲኖ። ባሬንቱ ናጋራካ ፓፂና፥ ዮሃኒሲ ሄ ኣሳ ዮርዳኖሳ ሻፋን ፃማቄዳ። \p \v 6 ዮሃኒሲ ጋሉዋ ኢስኪያፔ ዳዴቴዳ ማዩዋ ማዪዴ፥ ባሬ ፄሳን ዳፉዋ ዳንጬዳ፤ ቃሲ ቦሊያኔ ዎራ ኤሳ ሜዳ። \x - \xo 1:6 \xt 2ካት 1፡8\x* \v 7 ዮሃኒሲ ቃላ ኦዲዴ፥ «ታፔ ጉዬና ዳሮ ሚኒያዌ ዬ፤ ሃራይ ኣቶ፥ ኣ ጫማካ ጌዲያፔ ኬሳ ቶካናው ታኒ ቤሲኬ። \v 8 ታኒ ሂንቴንታ ሃን ፃማቃይ፤ ሺን ኢ ሂንቴንታ ጌሻ ኣያናን ፃማቃናዋ» ያጌዳ። \s1 ዬሱሲ ፃማቄቴዳዋኔ ፓጬቴዳዋ \r (ማት 3፡13-17፤ 4፡1-11፤ ሉቅ 3፡21-22፤ 4፡1-13) \p \v 9 ዬሱሲ ሄ ዎዴ ጋሊላ ጋዲያን ዴዒያ ናዚሬቴ ካታማፔ ዪና፥ ዮሃኒሲ ዮርዳኖሳ ሻፋን ኣ ፃማቄዳ። \v 10 ዬሱሲ ሃፔ ኬሶሳና ሳሉ ዶዬቲሺናኔ ጌሻ ኣያናይ ባሬ ቦላ ሃራጲያዳን ዎሺን ቤዔዳ። \v 11 ቃሲ ሳሉዋፔ፥ «ታኒ ሲቂያ ታ ናዓይ ኔና፤ ታና ኔባይ ናሼቼ» ያጊያ ቃላይ ሲሴቴዳ። \x - \xo 1:11 \xt ዶም 22፡2፤ ማዝ 2፡7፤ ኢሳ 42፡1፤ ማት 3፡17፤ 12፡18፤ ማር 9፡7፤ ሉቅ 3፡22\x* \p \v 12 ኤሌካ ጌሻ ኣያናይ ኣሳይ ባዪና ሜላሳ ኣ ዬዴዳ። \v 13 ዬሱሲ ኣሳይ ባዪናሳኒ ባሬና ሴፃናይ ፓጪሺን፥ ኦይታሙ ጋላሳ ጋዳ፤ ዱዓናካ ዴዔዳ፤ ኪታንቻቱካ ዪዴ፥ ኣው ኦዲኖ። \s1 ዬሱሲ ሞሊያ ኦይቂያ ኦይዱ ኣሳቱዋ ፄሴዳ \r (ማት 4፡12-22፤ ሉቅ 4፡14-15፤ 5፡1-11) \p \v 14 ዮሃኒሲ ቃሼቶዋፔ ጉዪያን፥ ዬሱሲ ፆሳ ካዉቴ ዎንጋላ ሚሺራቹዋ ኦዲዴ፥ ጋሊላ ጋዲያ ቢዴ፥ \v 15 «ዎዲ ጋኬዳ፤ ፆሳ ካዉቴይካ ማታቴዳ። ሂንቴንቱ ናጋራፔ ሲሚዴ፥ ዎንጋላ ሚሺራቹዋ ኣማኒቴ» ያጌዳ። \p \v 16 ዬሱሲ ጋሊላ ኣባ ላንቂያና ኣዴ፥ ሞሊያ ኦይቂያዋንታ፥ ሲሞናኔ ኣ ኢሻ ኢንዲራሳ፥ ባሬንቱ ዳባ ኣባን ዬጊያዋንታ ቤዔዳ። \v 17 ያቲዴ ኡንቱንታ፥ «ታና ካሊቴ፤ ታኒ ሂንቴንታ ሞሊያ ኦይቂያዋዳን ኣሳ ታኮ ኣሂያ ኦጊያ ታማሪሳና» ያጌዳ። \v 18 ሄዋፔ ጉዪያን ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ። \p \v 19 ዬሱሲ ጉ ሲንዉኮ ቢዴ፥ ዛቢዲዮሳ ናና ላዑ ኢሻቱዋ፥ ያዪቆባኔ ዮሃኒሳ ዎንጊሪያ ጊዶን ባሬንቱ ዳባ ጊጊሲያዋንታ ቤዔዳ። \v 20 ኢ ቤዖሳንካ ኡንቱንታ ፄሲና፥ ባሬንቱ ኣዉዋ፥ ዛቢዲዮሳ፥ ኣ ኦሳንቻቱዋና ዎንጊሪያ ጊዶን ኣጊዴ፥ ዬሱሳ ካሊዴ ቤዲኖ። \s1 ኢታ ኣያናይ ኦይቄዳ ቢታኒ ፓፄዳ \r (ሉቅ 4፡31-37) \p \v 21 ኡንቱንቱ ቂፊሪናሆማ ጌቴቲያ ካታማ ዪዴ ጌሌዲኖ፤ ዬሱሲ ሳምባታ ጋላሳይ ጋኮ ዎዴ፥ ኣዪሁዳ ዎሳ ጎሌ ጌሊዴ፥ ታማሪሱዋ ዶሚ ኣጌዳ። \v 22 ባሬው ማታይ ዴዒያ ኣሳዳን፥ ኣሳ ኢ ታማሪሲያዋፔ ኣቲን፥ ሂጊያ ታማሪሲያዋንቱዳን ታማሪሴና ዲራው፥ ኣሳይ ኣ ቲሚርቲያን ማላሌቴዳ። \p \v 23 ሄ ዎዴ ኢታ ኣያናይ ዴዒያ ኢቲ ቢታኒ ኣዪሁዳ ዎሳ ጎሌ ጌሎሳናካ ባሬ ኮሻ ቁ ኦዴ፥ \v 24 «ናዚሬቲያ ዬሱሳ፥ ኔኒ ኑፔ ኣያ ኮያይ? ኑና ዪሳናው ያዲ? ኔኒ ኦኔንቶ ኤራይ፤ ኔኒ ፆሳፔ ኪቴቴዳ ጌሻ ጊዲኪ!» ያጌዳ። \p \v 25 ዬሱሲ ሄ ኢታ ኣያና፥ «ሃይዛ፤ ቢታኒያፔ ኬሳ» ያጊዴ ኣዛዜዳ። \p \v 26 ኢታ ኣያናይ ቢታኒያ ቡጬሬ፥ ዳሪ ዋሲሲዴ፥ ኣፔ ኬሲ ኣጌዳ። \v 27 ኣሳይ ኡባይ ማላሌቲዴ፥ «ሃዌ ኣዬ? ሃ ቢታኒ ባሬ ማታኒ ሃራይ ኣቶ፥ ኢታ ኣያናቱዋካ ኣዛዜዳ፤ ኡንቱንቱካ ቃሲ ኣው ኣዛዜቲኖ፤ ሃዌ ኣይቤ ኦራ ቲሚርቴ?» ያጊዴ፥ ባሬ ጊዶን ኢቱ ኢቱዋ ኦቼዳ። \p \v 28 ጋሊላ ጋዲያን ዴዒያ ሄራይ ኡባይ ኤሌካ ዬሱሳ ዋሪያ ሲሴዲኖ። \s1 ዬሱሲ ዳሮ ሃርጋንቻቱዋ ፓዳ \r (ማት 8፡14-17፤ ሉቅ 4፡38-41) \p \v 29 ዬሱሲ ኣዪሁዳ ዎሳ ጎሊያፔ ኬሶሳን፥ ያዪቆባናኔ ዮሃኒሳና ኢቲፔ ሲሞናኔ ኢንዲራሳ ሶይ ቢ ኣጌዳ። \v 30 ሲሞና ቦሎታታ ቆፁዋ ሃርጋዴ ጊሴዳዉኒባ ኢ ያ ጋኮሳናካ ኣው ኦዲ ኣጌዲኖ። \v 31 ኢ ኢዚኮ ሺቂዴ፥ ኢዚ ኩሺያ ኦይቂዴ፥ ኢዞ ዴን ኤሴዳ፤ ቆፁ ኢዞ ኣጊና፥ ኢዛ ኡንቱንቶ ኦዱ። \p \v 32 ሃርጌዳ ኣሳ ኡባኔ ኢታ ኣያናቱ ኦይቄዳ ኣሳ ኡባ ኦማርሲ ኣዋይ ዉሌዳዋፔ ጉዪያን፥ ኣሳይ ኣኮ ኣሄዲኖ። \v 33 ካታማን ዴዒያ ኣሳይ ኡባይ ሄ ካሪያ ሺቄዳ። \v 34 ዬሱሲ ዱማ ዱማ ሃርጊያን ኦይቄቴዳ ጮራ ኣሳ ፓዴ፥ ጮራ ፃላሃቱዋካ ኬሴዳ። ኢ ኪሪስቶሳ ጊዲያዋ ኢታ ኣያናቱ ኤሬዳ ዲራው፥ ኡንቱንታ ሃሳዪሴናኒ ዲጌዳ። \s1 ዬሱሲ ጋሊላን ታማሪሴዳ \r (ሉቅ 4፡42-44) \p \v 35 ዬሱሲ ጉራ ዎንቱማኒ ዴንዲዴ፥ ሶዪፔ ኬሲዴ፥ ኣሳይ ባይናሳ ቢዴ ያኒ ፆሳ ዎሴዳ። \v 36 ሲሞኒኔ ኣናና ዴዒያዋንቱ ኣ ኮዪዴ ቤዲኖ። \v 37 ኡንቱንቱ ኣ ዴሚዴ፥ «ኣሳይ ኡባይ ኔና ኮዬ» ያጌዲኖ። \p \v 38 ሄዋፔ ጉዬ ዬሱሲ ቃሲ ኡንቱንታ፥ «ሄዋ ሄራን ዴዒያ ሃራ ካታማቱዋ ቦይቴ፤ ታኒ ሄዋን ቃላ ኦዳናው ቤሴ፤ ኣዪሲ ጎፔ፥ ታኒ ዬዳዌ ሄዋሳ» ያጌዳ። \v 39 ኣዪሁዳ ዎሳ ጎሌቱዋን ቃላ ኦዲዲኔ ኢታ ኣያናቱዋ ኬሲዴ፥ ጋሊላ ጋዲያ ኡባ ዩዬዳ። \s1 ዬሱሲ ኦሉ ኦይቄዳ ቢታኒያ ፓዳ \r (ማት 8፡1-4፤ ሉቅ 5፡12-17) \p \v 40 ኦሉ ኦይቄዳ ኢቲ ቢታኒ ዬሱሳኮ ዪዴ፥ ኣ ሲንን ጉልባቲዴ፥ «ኔኒ ኮዮፔ፥ ታና ጌሻ ፓናው \f + \fr 1:40 \fq ታና ጌሻ ፓ፡ \ft ሃዋ ጉሳይ፥ ሃ ሃርጊ ቆፌቴዳዌ ላሜታናው ዳንዳዬና ኤሬቴዳ ጋዴ ዎጋኔ ማራኒ፥ ሃራ ኣሳ ቆፋን ኢቲ ኣሳይ ጌሻ ጊዴና ጋና ማላ ኦዲያዋ።\f* ዳንዳያ» ያጊዴ ዎሴዳ። \p \v 41 ዬሱሲ ኣው ቃሬቴዳ፤ ባሬ ኩሺያ ዬዲ፥ ኣ ቦቺዴ፥ «ታኒ ኮያይ፤ ጌያ፤ ፓፃ!» ያጌዳ። \v 42 ኤሌካ ኦሉ ቢታኒያ ዬዲ ኣጊና፥ ቢታኒ ጌዪ ፓፂ ኣጌዳ። \v 43 ዬሱሲ ዳሪ ሃንቄቲዴ፥ ኤሌካ ኣ ኬሲ ዬዴዳ። \v 44 ኢ ቢታኒያ፥ «ኔና ኤራ! ሃዋ ኦሲኔ ኦዶፓ፤ ሺን ባዴ ኔ ቦላ ቄሳ ቤሳ፤ ቃሲ ኔኒ ሃዒ ጌሻ ጊዴዳዋ ኣሳ ኤሪሳናው፥ ሙሴ ኣዛዜዳ ያርሹዋ ያርሻ» ያጌዳ። \p \v 45 ሺን ቢታኒ ቢዴ፥ ዬዉዋ ኡባሳን ኣሳ ኡባው ኦዱዋኔ ላሌ ዶሜዳ፤ ሄዋ ዲራው፥ ዬሱሲ ቆንጪያ ኬሲዴ፥ ካታማ ጌላናው ዳንዳዪቤና፤ ሺን ኣሳይ ባዪናሳ ጋፃን ዴዔዳ፤ ቃሲ ኣሳይ ኡባሳፔ ኣኮ ዬዲኖ። \c 2 \s1 ዬሱሲ ቦላይ ሲሌዳ ቢታኒያ ፓዳ \r (ማት 9፡1-8፤ ሉቅ 5፡17-26) \p \v 1 ኣማሬዳ ጋላሳፔ ጉዪያን፥ «ዬሱሲ ቂፊሪናሆማ ጉዬ ሲሚዴ፥ ሶዪን ዴዔ» ጊያ ሃሳያይ ሲሴቴዳ። \v 2 ጎሊ ኣኬናን ኢፂና፥ ሃራይ ኣቶ፥ ካሪካ ኡንዓና ጋካናሲ ጮራ ኣሳይ ሺቄዳ፤ ሄዋንቱሲ ዬሱሲ ቃላ ኦዴ። \v 3 ኦይዱ ኣሳቱ ቦላይ ሲሌዳ ኢቲ ቢታኒያ ቶኪዴ፥ ኣኮ ኣሄዲኖ። \v 4 ኣሳይ ጮሬዳ ዲራው፥ ቢታኒያ ዬሱሳኮ ኣፋናው ኡንቱንቶ ዳንዳዬቴናን ኢፂና፥ ዬሱሲ ዴዒያ ባጋና ጎሊያ ቃሪዴ፥ ካራ ሉኬዲኖ፤ ሄ ሉኬዳሳና ቢታኒያ ኢ ጊሴዳ ሻንቻማና ዱጌ ዎዲኖ። \v 5 ዬሱሲ ኡንቱንቱ ኣማኑዋ ቤዒዴ፥ ሄ ቦላይ ሲሌዳ ቢታኒያ፥ «ታ ናዓው፥ ኔ ናጋራይ ኣቶ ጌቴቴዳ» ያጌዳ። \p \v 6 ሂጊያ ታማሪሲያዋንቱፔ ሄዋን ኡቴዳ ኢቱ ኢቱ ባሬንቱ ዎዛናኒ፥ \v 7 «ላ ሃ ቢታኒ ሃዋ ማላ ኢታባ ፆሳ ቦላ ኣዪሲ ሃሳዪ? ፆሳ ፃላላፔ ኣቲን፥ ሃራይ ኦኔ ናጋራ ኣቶ ጋናው ዳንዳዪያዌ?» ያጊዴ ቆፔዲኖ። \p \v 8 ኡንቱንቱ ባሬንቱ ዎዛናን ሄዋዳን ቆፖዋ ዬሱሲ ኤሌካ ባሬ ኣያናን ኤሪዴ፥ ኡንቱንታ «ሂንቴንቱ ሂንቴ ዎዛናን ኣዪሲ ሄዋዳን ቆፒቴ? \v 9 ቦላይ ሲሌዳ ቢታኒያ፥ ‹ኔ ናጋራይ ኣቶ ጌቴቴዳ› ጊያዌ ማቴዬ? ዎይ፥ ‹ዴንዳ ኤቃዴ ኔ ሻንቻማ ቶካዴ ሃሜታ› ጊያዌ ማቴ? \v 10 ሺን ታኒ፥ ኣሳ ናዓው፥ ሳዓ ቦላን ናጋራ ኣቶ ጋናው ማታይ ዴዒያዋ ታኒ ሂንቴንታ ኤሪሳና» ያጊዴ ሄ ቦላይ ሲሌዳ ቢታኒያ፥ \v 11 «ኔና ጋይ፤ ዴንዳ ኤቃ፤ ያታዴ ኔ ሻንቻማ ቶካዴ ኔ ሶይ ባ» ያጌዳ። \p \v 12 ቢታኒ ኤሌካ ዴንዲ ኤቂዴ፥ ባሬ ሻንቻማ ቶኪዴ፥ ኣሳይ ኡባይ ፄሊሺን ቢና ኣሳይ ኡባይ ማላሌቲዴ፥ «ኑኒ ሃዋ ማላባ ኡባካ ቤዒ ኤሮኮ» ያጊዴ ፆሳ ጋላቴዲኖ። \s1 ዬሱሲ ሌዊያ ፄሴዳ \r (ማት 9፡9-13፤ ሉቅ 5፡27-32) \p \v 13 ዬሱሲ ጉጂካ ጋሊላ ኣባ ዶና ቤዳ፤ ኣሳይ ኡባይ ኣኮ ዬዳዋንታ ታማሪሴዳ። \v 14 ሄዋና ኣዴ፥ ኢልፒዮሳ ናዓ ሌዊያ፥ ጊያዌ ቃራፃ ቃንፂያሳን ኡቴዳዋ ዴሚዴ፥ «ታና ካላ» ያጌዳ። ሄዋፔ ጉዬ ሌዊ ዴንዲ ኤቂዴ፥ ኣ ካሌዳ። \p \v 15 ዬሱሲ ቁማ ማናው ሌዊያ ሶዪን ኡቴዳ ዎዴ፥ ቃራፃ ኣኪያ ጮራ ኣሳይኔ ናጋራንቻቱ ኣናናኔ ኣ ካሊያዋንቱና ኢቲፔ ኡቴዲኖ። ኣ ካሊያዋንቱ ጊዶን ሄዋንቱ ማላ ኣሳቱ ዳሬዲኖ። \v 16 ሂጊያ ታማሪሲያ ኢቲ ኢቲ ፓሪሳዋቱ ዬሱሲ ናጋራንቻቱዋናኔ ቃራፃ ኣኪያዋንቱና ቁማ ሚሺን ቤዒዴ፥ «ኢ ኣዪሲ ናጋራንቻቱዋናኔ ቃራፃ ኣኪያዋንቱና ቁማ ሚ?» ያጊዴ፥ ኣ ካሊያዋንታ ኦቼዲኖ። \p \v 17 ዬሱሲ ኡንቱንቱ ጊያዋ ሲሲዴ፥ «ሃርጋንቻቱዋፔ ኣቲን፥ ፓፃ ኣሳው ኣኪሚ ኮሼና፤ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጊዴ ኡንቱንቶ ዛሬዳ። \s1 ፆማባ ኤራናው ሺቄዳ ኦሻ \r (ማት 9፡14-17፤ ሉቅ 5፡33-39) \p \v 18 ፃማቂያ ዮሃኒሳ ካሊያዋንቱኔ ፓሪሳዋቱ ፆሚኖ፤ ኣማሬዳ ኣሳቱ ዬሱሳኮ ዪዴ፥ «ዮሃኒሳ ካሊያዋንቱኔ ፓሪሳዋቱዋ ካሊያዋንቱ ፆሚኖ፤ ሺን ኔና ካሊያዋንቱ ኣዪሲ ፆሚኪኖ?» ያጌዲኖ። \p \v 19 ዬሱሲ ኡንቱንታ «ቡላቻ ዬዳ ኣሳቱ ማቻቶ ኣኪያዌ ባሬንቱና ዴዒሺን፥ ፆማናው ዳንዳዪኖ? ማቻቶ ኣኪያዌ ኡንቱንቱና ዴዒሺን፥ ፆማናው ዳንዳይኪኖ። \v 20 ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያናዋ፤ ኡንቱንቱ ሄ ዎዴ ፆማናዋንታ። \p \v 21 «ኤጫ ማዩዋ ቦላ ኦራ ፊያ ዎ ሲኪያ ኣሳይ ባዋ፤ ኤጫ ዎ ሲኮፔ፥ ኦራ ፊ ኤጫ ማዩዋ ፔሬ፤ ፔይካ ኮይሮዋፔ ዳራና። \v 22 ቃሲ ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ፤ ሺን ናዖፔ፥ ሄ ዎዪኒያ ኤሳይ ኦጎሩዋ ዳኬ፤ ባሬዉካ ዎፌቴ፤ ኦጎሩካ ባዬ፤ ሺን ሆዖ ዎዪኒያ ኤሳ ኦራ ኦጎሩዋን ናዔቴ» ያጌዳ። \s1 ሳምባታባ ኤራናው ሺቄዳ ኦሻ \r (ማት 12፡1-8፤ ሉቅ 6፡1-5) \p \v 23 ዬሱሲ ኢቲ ሳምባታ ጋላሲ ቲሻ ባንጋ ጊዶና ኣሺን፥ ኣ ካሊያዋንቱና ኣናና ቢዴ፥ ባንጋ ቲሻፔ ዱሳ ዶሜዲኖ። \x - \xo 2:23 \xt ዛር 23፡25\x* \v 24 ፓሪሳዋቱ ዬሱሳ፥ «ቤዓ፤ ኔና ካሊያዋንቱ ሳምባታ ጋላሲ ሂጌ ጊዴናባ ኣዪሲ ኦኖ?» ያጌዲኖ። \p \v 25 ዬሱሲ ኡንቱንታ፥ «ዳዊቴ ኮሻቲዴ፥ ሚያባ ኮዬዳ ዎዴ፥ ባሬናና ዴዒያዋንቱና ኦዳዋ ኡባካ ናባቢቤይኪቴ? \x - \xo 2:25 \xt 1ሳም 21፡1-6\x* \v 26 ኣቢያታሪ ቄሳቶ ኡባቶ ካፖ ጊዴዳ ዎዴ፥ ዳዊቴ ፆሳ ጎሊያ ጌሊዴ፥ ቄሳቱዋ ፃላላይ ማናፔ ኣቲን፥ ኦኒኔ ማናው ሂጌ ጊዴናዋ ጎዳ ሲንን ዎዳ ቁማ ሚዴ፥ ባሬናና ዴዒያዋንቶካ ኢሜዳ» ያጌዳ። \x - \xo 2:26 \xt ዎግ 24፡9\x* \p \v 27 ቃሲካ ዬሱሲ ኡንቱንታ፥ «ሳምባታይ ኣሳው ሜቴዳዋፔ ኣቲን፥ ኣሳይ ሳምባታው ሜቲቤና። \v 28 ሄዋ ዲራው፥ ታኒ፥ ኣሳ ናዓይ፥ ሃራይ ኣቶ፥ ሳምባታዉካ ጎዳ» ያጌዳ። \c 3 \s1 ኩሺ ሲሌዳ ቢታኒያ \r (ማት 12፡9-14፤ ሉቅ 6፡6-11) \p \v 1 ዬሱሲ ኣዪሁዳ ዎሳ ጎሊያ ሺሬቲካ ጌሌዳ፤ ሄዋን ኩሺ ሲሌዳ ኢቲ ቢታኒ ዴዔ። \v 2 ኢቲ ኢቲ ኣሳይ ዬሱሳ ሞታናው ኮዪዴ፥ ኩሺ ሲሌዳ ቢታኒያ ሳምባታን ኢ ፓፔ ቤዓናው ናጌ። \v 3 ዬሱሲ ሄ ኩሺ ሲሌዳ ቢታኒያ፥ «ዴንዳ ኤቃዴ ሲንው ሃ ያ» ያጌዳ። \v 4 ሄዋፔ ጉዪያን ኣሳ፥ «ሳምባታን ሎዖባ ኦያዌ ዎጌዬ ኢታባ ኦያዌ ዎጌ? ኣሳ ሼምፑዋ ኣሺያዌ ዎጌዬ ዎያዌ ዎጌ?» ያጊዴ ኦቼዳ። \p ሺን ኣሳይ ጮዑ ጌዳ። \v 5 ዬሱሲ ሃንቄቲዴ፥ ኡንቱንታ ዩሺ ኣ ፄሊዴ፥ ኡንቱንቱ ኦዲና ሲሴናዋንታ ጊዲያ ዲራው፥ ኡንቱንቶ ዳሪ ካዮቴዳ፤ ሄ ቢታኒያ፥ «ኔ ኩሺያ ፒዲ ኦ» ያጌዳ፤ ቢታኒ ፒዲ ኦና፥ ኣ ኩሺ ፓፂ ኣጌዳ። \v 6 ፓሪሳዋቱ ኣዪሁዳ ዎሳ ጎሊያፔ ካሬ ኬሲዴ፥ ዬሱሳ ዎቲ ዎኔንቶ ሄሮዲሳና ዴዒያዋንቱና ማቄቴዲኖ። \s1 ኣሳይ ኣባ ላንቂያን ዬሱሳኮ ሺቄዲኖ \p \v 7 ዬሱሲ ባሬና ካሊያዋንቱና ጋሊላ ኣባ ቤዳ፤ ጋሊላፔ ጮራ ኣሳይ ኣ ካሌዳ። \v 8 ቃሲካ ጮራ ኣሳይ ዪሁዳፔ፥ ዬሩሳላሜፔ፥ ኤዶሚያሳፔ፥ ዮርዳኖሳ ሻፋፔ ሄፊን ባጋፔ፥ ፂሮሳ ካታማፔኔ ሲዶና ካታማፔ ዬሱሲ ኦዳዋ ሲሲዴ፥ ኣኮ ዬዳ። \v 9 ዬሱሲ ጮራ ኣሳይ ባሬና ሱጊ ኡንዔና ማላ፥ ባሬና ካሊያዋንታ ዎንጊሪያ ባሬው ጋሚዔና ማላ ኣዛዜዳ። \v 10 ዳሮ ኣሳ ኢ ፓዳ ዲራው፥ ሃርጊያ ኣሳይ ኡባይ ኣ ቦቻናው ሱጌሬቴ። \v 11 ኢታ ኣያናይ ዴዒያ ኣሳቱካ ኣ ቤዔዳ ዎዴ ኡባን ኣ ሲንን ጉፋኒዴ፥ ባሬንቱ ቃላ ቁ ኦዴ፥ «ኔን ፆሳ ናዓ ጊዲኪ!» ያጌዲኖ። \p \v 12 ዬሱሲ ሄ ኢታ ኣያናቱ ባሬባ ኣሳው ኦዲዴ፥ ባሬና ቆንጪያ ኬሴና ማላ፥ ኡንቱንታ ሚኒሲዴ ኣዛዜዳ። \s1 ዬሱሲ ባሬ ኪቲያዋንታ ዶሬዳ \r (ማት 10፡1-4፤ ሉቅ 6፡12-16) \p \v 13 ዬሱሲ ዴሪያ ቦላ ኬሲዴ፥ ባሬ ኮዬዳ ኣሳቱዋ ባሬኮ ፄሴዳ፤ ሄዋፔ ጉዬ ኣኮ ቤዲኖ። \v 14-15 ኡንቱንቱ ባሬናና ዴዓና ማላኔ ቃላ ኦዳናው ኡንቱንታ ኪታና ማላ፥ ኢታ ኣያናቱዋ ኣሳፔ ኬሳናው ኡንቱንቶ ማታይ ዴዓና ማላ፥ ታማኔ ላዑ ኣሳቱዋ ዶሬዳ። \p \v 16 ኢ ዶሬዳ ታማኔ ላዓቱ ሃዋንታ፡ ጴፂሮሳ ያጊዴ ሱንዳ ሲሞና፥ \v 17 ቦዓኔርጌሳ ያጊዴ ሱንዳ ዛቢዲዮሳ ናና ያዪቆባኔ ያዪቆባ ኢሻ ዮሃኒሳ። «ቦዓኔርጌሳ» ጊያዌ «ዎልቃማ ኣሳቱዋ» ጊያዋ። \v 18 ኢንዲራሳኔ ፒሊጶሳ፥ ባርታላሞሳኔ ማቶሳ፥ ቶማሳኔ ኢልፒዮሳ ናዓ ያዪቆባ፥ ታዶሳኔ ባሬ ቢታው ሴሌቲያ ሲሞና፥ \v 19 ዬሱሳ ኣ ኢሜዳ ዪሁዳ ኣስቆሮታ። \x - \xo 3:19 \xt 14፡10\x* \s1 ዬሱሳኔ ቢዔል-ዜቡላ \r (ማት 12፡22-32፤ ሉቅ 11፡14-23፤ 12፡10) \p \v 20 ዬሱሲ ሶይ ቤዳ፤ ላዔንዋካ ቃሲ ጮራ ኣሳይ ሺቂና፥ ኢኔ ኣ ካሊያዋንቱና ሃራይ ኣቶ፥ ቁማ ማናዉካ ዳንዳይቤይኪኖ፤ \v 21 ኣሳይ ኣ፥ «ጎዬ» ጊያ ዲራው፥ ኣ ዳባቱ ሄዋ ሲሲዴ፥ ኣ ኣካናው ቤዲኖ። \p \v 22 ሂጊያ ታማሪሲያ ኢቲ ኢቲ ኣሳቱ ዬሩሳላሜፔ ዪዴ፥ «ዬሱሳ ቦላ ቢዔል-ዜቡል ዴዔ» ያጌዲኖ፤ ቃሲ፥ «ፃላሃቱዋ ካፑ ባሬው ዎልቃ ኢሚና፥ ኢታ ኣያናቱዋ ኬሴ» ያጊዴ ሃሴዬዲኖ። \x - \xo 3:22 \xt ማት 9፡34፤ 10፡25\x* \p \v 23 ዬሱሲ ኣሳ ባሬኮ ፄሲዴ፥ ሌሚሱዋ ኦዲዴ፥ «ሴፃናይ ሴፃና ዎቲ ኬሳናው ዳንዳዪ? \v 24 ኢቲ ካዉቴይ ባሬ ጊዶን ሻኬቶፔ፥ ሄ ካዉቴይ ኤቃናው ዳንዳዬና፤ \v 25 ቃሲ ኢቲ ጎሌ ኣሳይካ ባሬ ጊዶን ሻኬቶፔ፥ ሄ ጎሌ ኣሳይካ ኤቃናው ዳንዳዬና። \v 26 ሴፃናይ ባሬናና ዋላቄቲዴ ሻኬቶፔ፥ ባያናፔ ኣቲን፥ ዴዓና ዳንዳዬና። \p \v 27 «ሺን ዎልቃማ ኣሳ ጎሌ ጌሊዴ ካሴቲዴ ኣ ቃቼናን ዴዒዴ፥ ኣ ሚሻ ቦንቃናው ዳንዳዪያ ኣሳይ ባዋ፤ ቃቼዳዋፔ ጉዪያን፥ ኣ ጎሊያ ቦንቃናው ዳንዳዬ። \p \v 28 «ታኒ ሂንቴንቶ ቱሙዋ ጋይ፤ ፆሳይ ኣሳ ናናው ናጋራ ኡባኔ ኡንቱንቱ ቦሪያ ቦሪያ \f + \fr 3:28 \fq ቦሪያ ቦሪያ፡ \ft ጉሳይ ፆሳ ቦላን ኣሳይ ሃሳዪያ ኢታ፥ ባላኔ ጌላ ሃሳያ።\f* ኡባ ኣቶ ጋና፤ \v 29 ሺን ጌሻ ኣያና ቦላ ኢታ ቦሪያ ሃሳዪያ ኦሲኔ ሜናው ናጋራ ጊዳናፔ ኣቲን፥ ፆሳይ ኡባካ ኣቶ ጌና» ያጌዳ። \x - \xo 3:29 \xt ሉቅ 12፡10\x* \v 30 ዬሱሲ ሄዋ ጌዳዌ፥ ኢቲ ኢቲ ኣሳቱ፥ «ዬሱሳ ቦላ ኢታ ኣያናይ ዴዔ» ያጌዳ ዲራሳ። \s1 ዬሱሳ ዳዮኔ ኢሻቱዋ \r (ማት 12፡46-50፤ ሉቅ 8፡19-21) \p \v 31 ዬሱሳ ዳያኔ ኣ ኢሻቱ ዪዴ፥ ካሬን ኤቂ ኣኮ ኣሳ ኪቲዴ፥ ኣ ፄሲሴዲኖ። \v 32 ጮራ ኣሳይ ኣ ማታን ኡቴዲኖ፤ ሄ ኪቴቴዳዌ ኣ፥ «ቤዓ፤ ኔ ዳያኔ ኔ ኢሻቱ ካሬን ኤቂዴ፥ ኔናና ጋኬታናው ኮዪኖ» ያጌዳ። \p \v 33 ዬሱሲ ዛሪዴ፥ «ታ ዳያ ኦኔ? ቃሲ ታ ኢሻቱ ኦኔ?» ያጌዳ። \v 34 ባሬ ማታን ኡቴዳ ኣሳ ዩሺ ኣ ፄሊዴ፥ «ቤዒቴ፤ ታ ዳያኔ ታ ኢሻቱ ሃዋንቱሺ። \v 35 ፆሳይ ኮዪያዋ ኦያ ኡባይ ታ ኢሻ፥ ታ ሚቻቶኔ ታ ዳዮ» ያጌዳ። \c 4 \s1 ዜሬ ዜሪያዋ ሌሚሱዋ \r (ማት 13፡1-9፤ ሉቅ 8፡4-8) \p \v 1 ዬሱሲ ሺሬቲካ ጋሊላ ኣባ ማታን ታማሪሱዋ ዶሜዳ፤ ጮራ ኣሳይ ባሬ ሚዪያን ዩዪ ኣዴ ሺቂ ኡቲና፥ ኣባን ዴዒያ ዎንጊሪያ ጊዶ ጌሊዴ፥ ኣኒ ኡቴዲኖ፤ ቃሲ ሄ ኣሳይ ኡባይ ኣባ ሚዪያን ዴዔ። \x - \xo 4:1 \xt ሉቅ 5፡1-3\x* \v 2 ኢ ኡንቱንታ ዳሮባ ሌሚሱዋን ታማሪሲዴ፥ \p \v 3 «ሲሲቴ፤ ኢቲ ቢታኒ ዜሬ ዜራናው ኬሴዳ። \v 4 ኢ ዜሪሺን፥ ኢቲ ኢቲ ዜሬይ ኦጊያ ዶናን ዎዳ፤ ሄዋ ካፉ ዪዴ ሜዳ። \v 5 ኢቲ ኢቲ ዜሬይ ኣንጮ ቢታ ቦላ ዎዳ፤ ዳሮ ቢታይ ባይና ዲራው፥ ሄ ዜሬይ ኤሌካ ሞኬዳ። \v 6 ኣዋይ ኬሴዳ ዎዴ ሹሌዳ፤ ኣዱሳ ፃጱዋ ዬዲቤና ዲራው፥ ሜሊ ኣጌዳ። \v 7 ኢቲ ኢቲ ዜሬይ ኣጉን ጊዶን ዎዳ፤ ሄዋን ሞኬዳዋ ኣጉንይ ዲጪዴ ጩሊና፥ ኣይፌናን ኣቴዳ። \v 8 ኢቲ ኢቲ ዜሬይ ቱዔ ቢታን ዜሬቲዴ ሞኬዳ፤ ዲጪዴ ኢቱ ሃታሙዋ፥ ኢቱ ኡሱፑን ታሙዋ ኣይፊና፥ ኢቱ ፄቱዋ ኣይፌዳ።» \v 9 ቃይካ ዬሱሲ፥ «ሲሳናው ሃይይ ዴዒያ ኡራይ ሲሶ» ያጌዳ። \s1 ዬሱሲ ሌሚሱዋን ኦዴዳ ጋሱዋ \r (ማት 13፡10-17፤ ሉቅ 8፡9-10) \p \v 10 ታማኔ ላዑ ዬሱሳ ካሊያዋንቱኔ ኢ ኦዴዳዋ ሲሴዳ ሃራ ኣሳቱ ኢ ባሬካ ዴዒሺን ኣኮ ሺቂዴ፥ ሄ ሌሚሱዋ ቢሌ ኣ ኦቼዲኖ። \v 11-12 ዬሱሲ ኡንቱንቱሲ፥ «ሂንቴንቶ ፆሳ ካዉቴ ፁራ ዬዉዋ ኤራይ ኢሜቴዳ፤ ሺን ሃራቱ ካዉቴፔ ካሬና ዴዒያዋንቱ፥ ፄላ ፄሊዴ ቤዔና ማላ፥ ቃሲ ሲሳ ሲሲዲካ ኣኬኬና ማላ፥ ኡንቱንቱ ሺሬቲዴ ፆሳኮ ሲሚና፥ ኢ ኡንቱንቱ ናጋራ ኣቶ ጌና ማላ፥ ኡንቱንቶ ኡባባይ ሌሚሱዋን ኦዴቴ» ያጌዳ። \x - \xo 4:11-12 \xt ኢሳ 6፡9-10\x* \s1 ዜሪያዋ ሌሚሱዋ ቢሌ \r (ማት 13፡18-23፤ ሉቅ 8፡11-15) \p \v 13 ዬሱሲ ኡንቱንታ፥ «ሃ ሌሚሱዋ ኤሪኪቴ? ያቲና፥ ሌሚሱዋ ኡባ ዎቲ ኤራኒቴ? \v 14 ዜሪያዌ ፆሳ ቃላ ዜሬ። \v 15 ቃላይ ዜሬቲያ ኦጊያ ዶናን ዴዒያዋንቱ ሃዋንታ፤ ኡንቱንቱ ቃላ ሲሲያ ዎዴ፥ ሴፃናይ ኤሌካ ዪዴ፥ ኡንቱንቱ ዎዛናን ዜሬቴዳ ቃላ ኣፊዲጌዳ። \v 16 ሃዋዳንካ ቃሲ ኣንጮቲያ ቢታን ዜሬቴዳዋንቱ ሃዋንታ፤ ኡንቱንቱ ቃላ ሲሲዴ፥ ኤሌካ ናሼቻን ኣኪኖ። \v 17 ኡንቱንቱ ሃዒው ዴዒኖፔ ኣቲን፥ ኡንቱንቶ ሚኖ ፃጱ ባዋ፤ ጉዬፔ ቃላ ጋሱዋን ዋዪ ዎይ ዬዴርሱ ዪያ ዎዴ፥ ኡንቱንቱ ኤሌካ ቤቲ ኣጊኖ። \v 18 ቃሲ ኣጉን ጊዶን ዜሬቴዳዋንቱ ሃዋንታ፤ ኡንቱንቱ ቃላ ሲሲያዋንታ። \v 19 ሺን ሃ ሳዓ ዴዖ ሂርጊያዌ ዱሬቴ ዶሲያዌኔ ሃራባ ኣሞቲያዌ ኡንቱንቱ ዎዛናን ጌሊዴ፥ ቃላ ጩሊና ኣይፌናን ኣቲ ኣጌዳ። \v 20 ሺን ቱዔ ቢታን ዜሬቴዳዋንቱ ቃላ ሲሲዴ ኣኪያዋንታ፤ ኢቱ ሃታሙዋ፥ ኢቱ ኡሱፑን ታሙዋ ኣይፊና፥ ኢቱ ፄቱዋ ኣይፌዳ» ያጌዳ። \s1 ፆምፒያ ሌሚሱዋ \r (ሉቅ 8፡16-18) \p \v 21 ዬሱሲ ጉጂዴ፥ «ፆምፒያ ኣሂዴ፥ ጊላፔ ዎይ ኣርሳፔ ጋርሳና ዎያ ኣሳይ ዴዒ? ቃሳን ዎኔ? \v 22 ኣዪሲ ጎፔ፥ ቆሴዳባይ ኡባይ ቆንጪያ ኬሳናዋ፤ ቃሲ ጌማን ዎዳባይ ኡባይ ቤቴናን ኣቴና። \v 23 ሲሳናው ሃይይ ዴዒያ ኡራይ ዴዖፔ ሲሶ» ያጌዳ። \p \v 24 ቃሲካ ኡንቱንታ፥ «ሂንቴንቱ ሲሲያዋ ኣኬኪዴ ሲሲቴ፤ ፆሳይ ሂንቴ ማኬዳ ቁንዓን ሂንቴንቶ ማካናዋ። ኢ ሂንቴንቶ ዳሪሲዴ ኢማና፤ \v 25 ዴዒያ ኡራው ጉጂ ኢማና፤ ባይናዋፔ ሃራይ ኣቶ፥ ኣው ዴዒያ ሄ ጉቶካ ኣኪዲጋና» ያጌዳ። \s1 ዲጪያ ዜሬ ሌሚሱዋ \p \v 26 ዬሱሲ ቃሲካ፥ «ፆሳ ካዉቴይ ጋዴን ካ ዜሪያ ኣሳ ማላ። \v 27 ሄ ቢታኒ ቃማ ጌሚዒሼ፤ ጉራ ዴንዴ፤ ኢ ባሬ ሁጴው ዋኒንቶ ኤሬናን፥ ሄ ዜሬይ ሞኬኔ ዲጬ። \v 28 ቢታይ ካ ባሬካ ሞኬኔ ኣይፌ፤ ኮይሮ ጫርሻይ ጫሬ፤ ጉዬፔ ኣይፋናው ኩኩሜ፤ ቃሲ ዉርሴን ኩሜን ኣይፊያ ኣይፌ። \v 29 ሺን ካይ ጋኪያ ዎዴ፥ ካ ሺሺያ ዎዲ ጋኬዳ ዲራው፥ ቢታኒ ኤሌካ ባጫን ጫኩዋ ጌሊ ኣጌዳ» ያጌዳ። \x - \xo 4:29 \xt ኢዩ 3፡13\x* \s1 ሳናፊጪያ ዜሬ ሌሚሱዋ \r (ማት 13፡31-34፤ ሉቅ 13፡18-19) \p \v 30 ዬሱሲ፥ «ኑኒ ፆሳ ካዉቴ ኣያ ማላቴ ጋኔ? ዎይ ኣያና ሌሚሳኔ? \v 31 ፆሳ ካዉቴይ ሳናፊጪያ ኣይፋቶ ማላቴ። ሄ ኣይፋታ ዜሪያ ዎዴ፥ ሳዓን ዴዒያ ሚ ኣይፊያ ኡባፔካ ጉፃው፤ \v 32 ሄኖ ዜሪና ሞካዴ ሃራ ኣታኪልቲያ ኡባፔ ዳራው፤ ዳሮ ዳሻ ዳሻው። ካፉ ኢዚ ቃንካ ኩዋን ጎሊያ ኬፃና ዳንዳዬ» ያጌዳ። \p \v 33 ዬሱሲ ሃዋ ማላ ዳሮ ሌሚሱዋን ኣሳይ ሲሳናው ዳንዳዪያዋ ኬና፥ ባሬ ቃላ ኦዴዳ። \v 34 ኣሳው ሌሚሱ ባይናን ኦዴና፤ ሺን ዬሱሲ ባሬና ካሊያዋንቱ ፃላላና ዴዒያ ዎዴ፥ ኡንቱንቶ ኡባባ ቢሊዴ ኦዴ። \s1 ዬሱሲ ቤታ ጮዑ ኦዳ \r (ማት 8፡23-27፤ ሉቅ 8፡22-25) \p \v 35 ሄ ጋላሲ ሳዓይ ኦማርሲና፥ ዬሱሲ ባሬና ካሊያዋንታ «ኣባፔ ሄፊን ፒኖይቴ» ያጌዳ። \v 36 ኣ ካሊያዋንቱ ኣሳ ኣጊዴ፥ ዬሱሲ ካሴ ጌሊ ኡቴዳ ዎንጊሪያን ጌሊዴ፥ ዬሱሳ ባሬንቱና ኣፌዲኖ፤ ሃራ ዎንጊራቱካ ሄዋን ዴዒኖ። \v 37 ዎልቃማ ጎቱ ዴንዲና፥ ቤታይ ዎንጊሪያ ሾጪና፥ ሃይ ኩማና ጋካናው ዎንጊሪያ ጊዶ ጌሌዳ። \v 38 ሄ ዎዴ ዬሱሲ ዎንጊሪያን ጉዬ ባጋና ቦርኮ ቦርኮቲዴ ጌሚዒሼዳ። ዬሱሳ ካሊያዋንቱ ኣ ዴንዴ፥ «ታማሪሲያዎ፥ ኑኒ ዪያ ዎዴ ጮዑ ጋዴ ፄላይ?» ያጌዲኖ። \p \v 39 ኢ ቤጎቲዴ ጎቱዋ፥ «ጮዑ ጋ» ጊዴ፥ ኣባካ፥ «ዎፑ ጋ» ጌዳ፤ ጎቱካ ጮዑ ጊና፥ ኡባባይካ ዎፑ ጌዳ። \v 40 ዬሱሲ ባሬና ካሊያዋንታ «ኣዪሲ ሃዋዳን ያዪቴ? ሂንቴንቱ ዋኒ ኣማኒኪቴ?» ያጌዳ። \p \v 41 ኡንቱንቱ ዳሮ ያዪዴ ባሬንቱ ጊዶን፥ «ሃዌ ላ ሃራይ ኣቶ፥ ጎቱኔ ኣባይ ኣዛዜቲያዌ ኦኔ?» ያጌዲኖ። \c 5 \s1 ዬሱሲ ኢታ ኣያናይ ኦይቄዳ ቢታኒያ ፓዳ \r (ማት 8፡28-34፤ ሉቅ 8፡26-39) \p \v 1 ዬሱሲኔ ኣ ካሊያዋንቱ ኣባፔ ሄፊንው ፒኒዴ፥ ጌርጌሴኖና ጌቴቲያ ጋዲያ ጋኬዲኖ። \v 2 ኣሳ ሞጊያ ዱፉ ዴዒያሳፔ ኢታ ኣያናይ ዴዒያ ኢቲ ቢታኒ ኬሲዴ፥ ዬሱሲ ዎንጊሪያፔ ኬሴዳ ዎዴ፥ ዬሱሳና ጋኬቴዳ። \v 3 ቢታኒ ሄ ዱፉ ዴዒያሳን ኣቂ ፔሺዴ፥ ያኒ ዴዔ፤ ኣ ኦኒኔ ሃራይ ኣቶ፥ ሳንላታን ቃቻናዉካ ዳንዳይቤና። \v 4 ኣዪሲ ጎፔ፥ ኢ ዳሮ ዎዴ ኡቂናኒኔ ሳንላታን ቃሼቲዴ ዴዔ፤ ሺን ሳንላታ ዱሴሬዳ፤ ኡቂናካ ሜንሬዳ፤ ኣ ፆናናው ዳንዳዬዳዌ ኦኒኔ ባዋ። \v 5 ኢ ኡባ ዎዴ ጋላሲኔ ቃማ፥ ሄ ዱፉ ዴዒያሳኒኔ ዴሪያ ቦላ ዋሴ፤ ባሬ ቦላካ ሹቻን ጋሬ። \p \v 6 ዬሱሳ ሃኩዋን ቤዔዳ ዎዴ፥ ኣኮ ዎፂ ዪዴ ኣው ጎዪኔዳ። \v 7 ሄ ቢታኒ ባሬ ኮሻ ቁ ኦዴ፥ «ኡባፔ ቦላ ፆሳ ናዓው፥ ዬሱሳ፥ ኔናኔ ታና ኣዬ ጋ? ታና ሙሬና ማላ፥ ታኒ ኔና ፆሳ ሱንን ዎሳይ» ያጌዳ። \v 8 ኢ ሄዋ ኣዪሲ ጌዴ ጎፔ፥ ዬሱሲ ኣ፥ «ላ ሃ ኢታ ኣያናው፥ ሃ ቢታኒያፔ ኬሳ» ያጌዳዋሳ። \p \v 9 ዬሱሲ ኣ፥ «ኔ ሱንይ ኦኔ?» ያጊዴ ኦቼዳ። \p ኢ፥ «ኑኒ ጮራ ጊዲያ ዲራው፥ ታ ሱንይ ሌጊዮና» ያጌዳ። \v 10 ኢታ ኣያናቱዋ ሄ ጋዲያፔ ኬሲ ዬዴና ማላ፥ ዬሱሳ ሚኒሲዴ ዎሴዳ። \p \v 11 ሄ ዴሪያ ቦላን ጮራ ጉዱን ዉዲ ሄሜቴ፤ \v 12 ኢታ ኣያናቱ ዬሱሳ፥ «ኑና ሂኒ ጉዱን ዉዲያኮ ዬዳርኪ፤ ኡንቱንቱን ቢዴ ጌላና» ያጊዴ ዎሲና፥ \v 13 ዬሱሲ፥ «ቢቴ» ያጌዳ። ኢታ ኣያናቱ ቢታኒያፔ ኬሲዴ፥ ጉዱንቱዋን ጌሌዲኖ፤ ላዑ ሻዓ ጊዲያ ጉዱን ዉዲ ካካ ሁጲያና ካጆቲዴ፥ ኣባን ጌሊዴ፥ ሚቴቲ ኣጌዳ። \p \v 14 ጉዱን ዉዲያ ሄሚያዋንቱ ባቃቲዴ፥ ሃኔዳዋ ካታማኒኔ ካታማፔ ጋፃ ጋዲያን ኦዴዲኖ፤ ሄዋ ቤዓናው ኣሳይ ዬዳ። \v 15 ኣሳይ ዬሱሳኮ ዪዴ፥ ጮራ ኢታ ኣያናቱ ቤኒ ኦይቄዳ ቢታኒ ባሬ ዎዛናይ ሲሚና፥ ማዩዋ ማዪዴ፥ ሄዋን ኡቴዳዋ ቤዒዴ፥ ኡባይ ያዬዳ። \v 16 ሄዋ ቤዔዳ ኣሳቱ ኢታ ኣያናቱ ኦይቄዳ ቢታኒ ሃኔዳዋኔ ቃሲ ጉዱን ዉዲያባ ሄ ኣሳሲ ኦዴዲኖ። \v 17 ሄዋ ዲራው፥ ኣሳይ ባሬንቱ ጋዲያፔ ዬሱሲ ባና ማላ፥ ዎሳ ዶሜዳ። \p \v 18 ዬሱሲ ዎንጊሪያን ጌሊሺን፥ ኢታ ኣያናቱ ኦይቄዳ ቢታኒ ዬሱሳና ዴዓና ማላ፥ ዬሱሳ ዎሴዳ። \v 19 ሺን ዬሱሲ ኢፂዴ ኣ፥ «ኔ ሶይ ሲማዴ፥ ጎዳይ ኔው ኣይ ማላ ዎልቃማባ ኦዴንቶኔ ቃሲ ኢ ኔው ኣይ ማላ ኬኬንቶ ኔ ሶይ ኣሳው ኦዳ» ያጌዳ። \v 20 ቢታኒ ቢዴ፥ ታሙ ካታማ \f + \fr 5:20 \fq ታሙ ካታማ፡ \ft ሃዋንቱ ኢቲ ጪታ ጊዴዳ ካታማቱ ሳማሪያፔኔ ጋሊላ ጋዲያ ኣዋይ ዶሊያ ባጋና ዴዒያዋንታ ጊዲዴ፥ ሄዋንቱን ዴዒያ ኣሳቱዋ ኤሻይካ ግሪኬ ኣሳቱዋ ዴዑዋ ኦጊያ ካሊያዋ ቤሴ።\f* ጊያሳን ዩዪዴ፥ ዬሱሲ ባሬው ኣይ ማላ ዎልቃማባ ኦዴንቶ፥ ኦዱዋ ዶሜዳ፤ ኢ ኦዴዳዋ ሲሴዳ ኣሳይ ኡባይ ማላሌቴዳ። \s1 ያዒሮሳ ናቶኔ ዬሱሳ ማዩዋ ቦቼዳ ሚሺራቶ \r (ማት 9፡18-26፤ ሉቅ 8፡40-56) \p \v 21 ዬሱሲ ሲሚዴ፥ ዎንጊሪያን ጌሊዴ፥ ኣባ ፒኔዳዋፔ ጉዪያን፥ ጮራ ኣሳይ ኣባ ማታን ኣኮ ዩዪ ኣዴ ሺቄዲኖ። \v 22 ያዒሮሳ ጊያዌ፥ ኣዪሁዳ ዎሳ ጎሊያ ካፓቱዋፔ ኢቱ፥ ዬሱሳ ቤዔዳ ዎዴ ኣኮ ዪ ኣ ጌዲያን ኩንዲዴ፥ \v 23 «ታ ናታ ሃርጋዴ ሃይቃና ሃናው፤ ኢዛ ፓፃዴ ሎዖ ዴዓና ማላ፥ ያዴ ኔ ኩሺያ ኢዚ ቦላ ዎሪኪ» ያጊዴ ዬሱሳ ሚኒሲዴ ዎሴዳ። \p \v 24 ዬሱሲ ያዒሮሳና ቤዳ፤ ኢ ቢሺን ጮራ ኣሳይ ኣ ካሊዴ ሜቶዲኖ። \p \v 25 ታማኔ ላዑ ላይ ኡባ ኢዚ ቦላፔ ሱይ ጎጊያ ኢቲ ሚሺራታ ዴዓው። \v 26 ጮራ ኣኪማቱ ኢዞ ኣኪሚሺንካ፥ ኢዛ ፓፃ ካዔታዱ፤ ባሬ ሚሻ ኡባ ዉርሲናካ ኢዚው ሃ ኢቴዳዋፔ ኣቲን፥ ኣይኔ ኢዞ ማዲቤና። \v 27 ሄ ሚሺራታ ዬሱሳባ ሲሳዴ፥ ኣሳ ጊዶና ዬሱሳፔ ጉዬና ያዴ፥ ኣ ማዩዋ ቦቻዱ። \v 28 ኣዪሲ ጎፔ ኢዛ፥ «ታኒ ሃራይ ኣቶ፥ ኣ ማዩዋ ቦቾፔካ ፓፃና» ያጋዴ ቆፓዱ። \p \v 29 ኢፔ ጎጊያ ሱይ ኤሌካ ኤቂ ኣጌዳ፤ ኢዛ ባሬ ዋዪያፔ ፓፄዳዋ ባሬ ቦላን ኤራ ኣጋዱ። \v 30 ዬሱሲ ባሬፔ ዎልቃይ ኬሴዳዋ ባሬ ሁጴው ኤሪዴ፥ ኤሌካ ጮራ ኣሳ ጊዶን ጉዬ ሲሚዴ፥ «ታ ማዩዋ ቦቼዳዌ ኦኔ?» ያጌዳ። \p \v 31 ዬሱሳ ካሊያዋንቱ ኣ፥ «ኣሳይ ኔና ሱጊያ ዎዴ ቤዓዴ፥ ‹ታና ኦኔ ቦቼዳዌ?› ያጋይ?» ጌዲኖ። \p \v 32 ዬሱሲ ሄዋ ኦኔ ኦዴንቶኔ ቤዓናው ዩሺ ኣዴ ፄሌዳ፤ \v 33 ሺን ሚሺራታ ባሬው ሃኔዳዋ ኤራዴ፥ ያሻ ኮኮራዴ ያዴ ዬሱሳ ሲንን ጉፋናዱ፤ ቃሲ ቱማቴን ሃኔዳዋ ኡባ ኣው ኦዳዱ። \v 34 ዬሱሲ ኢዞ፥ «ታ ናቴ፥ ኔና ኔ ኣማኑ ፓዳ፤ ሳሩዋን ባ፤ ኔ ዋዪያፔኔ ፓፃ» ያጌዳ። \p \v 35 ዬሱሲ ቢሮ ሄዋ ጊሺን፥ ኣዪሁዳ ዎሳ ጎሊያ ካፑዋ ሶዪፔ ኪቴቴዳ ኣሳቱ ዪዴ፥ «ኔ ናታ ሃይቃዲጋዱ፤ ሲሚ ታማርሲያዋ ኣዪሲ ዳቡርሳይ?» ያጌዲኖ። \p \v 36 ሺን ዬሱሲ ኡንቱንቱ ጊያዋ ሲሲዴ፥ ኣዪሁዳ ዎሳ ጎሊያ ካፑዋ፥ «ኣማኖ ፃላላ ኣማናፔ ኣቲን፥ ያዮፓ» ያጌዳ። \v 37 ዬሱሲ ጴፂሮሳፔ፥ ያዪቆባፔኔ ያዪቆባ ኢሻ ዮሃኒሳፔ ሃራይ ኦኒኔ ባሬና ካሌና ማላ ዲጌዳ። \v 38 ኡንቱንቱ ኣዪሁዳ ዎሳ ጎሊያ ካፑዋ ሶይ ጋኬዳ ዎዴ፥ ዬሱሲ ኣሳይ ሎይ ዬኪያዋኔ ዚላሊያዋ ቤዔዳ። \v 39 ጌሊዴ ኣሳ፥ «ኣዪሲ ሎይ ዬኪቴ? ናታ ጌሚዒሻዱፔ ኣቲን፥ ሃይቃቤይኩ» ያጌዳ። \p \v 40 ሄዋፔ ጉዬ ኣሳይ ኣ ቦላ ሚጬዳ፤ ሺን ኣሳ ኡባ ካሬ ኬሲዴ፥ ናቲ ኣዉዋኔ ኣቶ ሄዋን ባሬናና ዴዒያ ኣ ካሊያዋንታኔ ኣኪዴ፥ ናታ ዴዒያሳ ጌሌዳ። \v 41 ዬሱሲ ናቲ ኩሺያ ኦይቂዴ፥ «ፃሊታ፥ ቁሚ» \f + \fr 5:41 \fq ፃሊታ፥ ቁሚ፡ \ft ሃ ቃላቱ ኣራማዪኬ ጌቴቲያ ቃላን ዬሱሳ ዎዲያን ፓሌስቲኔ ጋዴን ሃሳዬቲያዋ። ፃሊታ ጊያዌኔ ቁሚ ጊያዌ ኣማራዋ ቃላ ጊዴና። ሺን ግሪኪያ ቃላ።\f* ያጌዳ፤ ሄዋ ቢሌይ፥ «ጉ ናቴ፥ ታኒ ኔና ዴንዳ ጋይ» ጊያዋ። \p \v 42 ናታ ኤሌካ ዴንዳ ኤቃዴ ሃሜታዱ፤ ኢዛ ታማኔ ላዑ ላይ ናቶ፤ ሄዌ ሃኒያዋን ኣሳይ ዳሮ ማላሌቴዳ። \v 43 ዬሱሲ ሄዋ ኡንቱንቱ ኦሲኔ ኦዴና ማላ፥ ኡንቱንታ ሚኒሲ ኣዛዚዴ፥ «ኢዚው ሚያባ ኢሚቴ» ያጌዳ። \c 6 \s1 ዬሱሳ ናዚሬቴን ኣኬናን ኢፄዲኖ \r (ማት 13፡53-58፤ ሉቅ 4፡16-30) \p \v 1 ዬሱሲ ሄዋፔ ኬሲዴ፥ ባሬ ጋዲያ ናዚሬቴ ካታማ ቤዳ፤ ኣ ካሊያዋንቱካ ኣ ካሊዴ ቤዲኖ። \v 2 ሳምባታ ጋላሲ ኣዪሁዳ ዎሳ ጎሊያን ታማሪሱዋ ዶሜዳ፤ ኢ ታማርሲያዋ ሲሴዳ ጮራ ኣሳይ ማላሌቲዴ፥ «ሃዌ ሃ ኡባባ ሃቃፔ ዴሜዴ? ሃ ኣው ኢሜቴዳ ኣ ኤራቴይ ኣዬ? ፆሳይ ኦያ ማላታ ኢ ዎቲ ኦ? \v 3 ሃዌ ኣናፂያ \f + \fr 6:3 \fq ኣናፂያ፡ \ft ግሪኬ ቢሌን ሹቻ ዎይ ኡርቃ ሜሊሲዴ ሜያ ኣሳ ጊዴ ጎዔቴ።\f* ጊዴኔ? ማይራሚ ናዓ፥ ያዪቆባ ኢሻ፥ ዮሳ ኢሻ፥ ዪሁዳ ኢሻ፥ ሲሞና ኢሻ ጊዴኔ? ኣ ሚቻቱ ኑናና ሃዋን ዴዒያዋንታ ጊዲኪኖ?» ያጊዴ፥ ኢ ጊያዋ ኣኬናን ኢፄዲኖ። \p \v 4 ዬሱሲ ሄ ኣሳሲ፥ «ናቢ ባሬ ጋዲያን፥ ባሬ ዳባቱዋኒኔ ባሬንቱ ሶይ ኣሳን ቦንቼቴናዋፔ ኣቲን፥ ኡባሳን ቦንቼቴ» ያጌዳ። \v 5 ኢ ሄዋን ባሬ ኩሺያ ኣማሬዳ ኣሳቱዋ ቦላ ዎዴ፥ ኡንቱንታ ፓዳዋፔ ኣቲን፥ ጮራ ማላታ ኦናው ኣይኔ ዳንዳይቤና። \v 6 ኣሳይ ኣማኒቤና ዲራው ማላሌቴዳ። \s1 ዬሱሲ ታማኔ ላዑ ባሬና ካሊያዋንቱ ታማሪሳናዳን ኪቴዳ \r (ማት 10፡5-15፤ ሉቅ 9፡1-6) \p ሄዋፔ ጉዪያን፥ ዬሱሲ ሄዋ ሄራን ዴዒያ ቄሪ ካታማቱዋን ዩዪ ዩዪዴ፥ ኣሳ ታማርሴዳ። \v 7 ዬሱሲ ታማኔ ላዑ ባሬና ካሊያዋንታ ባሬኮ ፄሲዴ፥ ላዑዋ ላዑዋ ኪቴዳ፤ ቃሲ ኡንቱንቶ ኢታ ኣያናቱዋ ኬሲያ ማታ ኢሜዳ። \v 8 ኡንቱንታ፥ «ኦጊያ ፃምዓፔ ኣቲን፥ ቁማ፥ ቃርጪቲያ፥ ሂንቴው ሚሻ ኣያኔካ ኦይቆፒቴ። \v 9 ሂንቴንቱ ጌዲያን ጫማካ ዎቴ፤ ሺን ላዑ ማዩዋ ማዮፒቴ» ያጌዳ። \v 10 ቃሲካ ኡንቱንታ፥ «ሂንቴንታ ኣሳይ ሃቃን ሞኮፔኔ፥ ሄዋፔ ኬሳና ጋካናው፥ ሄ ጎሊያን ኡቲ ኣጊቴ። \v 11 ሂንቴንታ ኣሳይ ሞኬናሳ ዎይ ሂንቴ ኦዲያባ ሲሴናሳ ሃቃ ጊዶፔካ፥ ሄ ጋዲያን ዴዒያ ኣሳው ሄዌ ማርካ ጊዳና ማላ፥ ሄዋፔ ኬሲዴ፥ ሂንቴ ጌዲያፔ ባና ሾጪቴ» \f + \fr 6:11 \fq ሂንቴ ጌዲያፔ ባና ሾጪቴ፡ \ft ሃዌ ኣሳይ ኢፄዳዋ ቤሲያዋ።\f* ያጌዳ። \p \v 12 ታማኔ ላዑ ኣ ካሊያዋንቱ ቢዴ፥ ኣሳይ ባሬንቱ ናጋራፔ ሲማናዳን፥ ቃላ ኦዴዲኖ። \v 13 ኡንቱንቱ ኣሳፔ ዳሮ ኢታ ኣያናቱዋ ኬሲዴ፥ ሃርጊያ ኣሳ ጮራ ዛይቲያ ኦኪዴ ፓዲኖ። \x - \xo 6:13 \xt ያይ 5፡14\x* \s1 ፃማቂያ ዮሃኒሳ ሃይቁዋ \r (ማት 14፡1-12፤ ሉቅ 9፡7-9) \p \v 14 ኣሳይ ዬሱሳ ሱን ዴንያ ዲራው፥ ካቲያ ሄሮዲሴ ሄዋ ኡባ ሲሴዳ፤ ኢቲ ኢቲ ኣሳይ፥ «ፃማቂያ ዮሃኒሲ ሃይቁዋፔ ዴንዴዳ፤ ሄዋሲ ኣው ዎልቃማ ማላታ ኦያ ዎልቃይ ዴዔ» ያጌዳ። \p \v 15 ሺን ሃራንቱ ኣ፥ «ሃዌ ኤላሳ» ያጌዲኖ። \p ሃራንቱ ቃሲ፥ «ሃዌ ቤኒ ዎዴ ናባቱዋ ማላቲያ ናቢያ» ያጌዲኖ። \p \v 16 ሺን ሄሮዲሴ ሄዋ ሲሴዳ ዎዴ፥ «ሄዌ ታኒ ቆያ ሙጪሴዳ ፃማቂያ ዮሃኒሳ። ኢ ሃይቁዋፔ ፓፄዳ» ያጌዳ። \p \v 17 ኣዪሲ ጎፔ፥ ሄሮዲሴ ባሬ ኢሻ ፒሊጶሳ ማቻቶ ሄሮዲያዶ ኣኪ ዎዳ፤ ሄሮዲሴ ኢዚ ዲራው፥ ባሬ ሁጴው ኣሳ ኪቲዴ፥ ዮሃኒሳ ኦይዴ፥ ቃሺሲ ዎዳ። \v 18 ኣዪሲ ጎፔ፥ ዮሃኒሲ ሄሮዲሳ፥ «ኔኒ ኔ ኢሻ ማቻቶ ኣካናው ቤሴና» ያጊ ዎዳ። \p \v 19 ሄሮዲያዳ ዮሃኒሳው ኡሉዋን ሞርኪያ ኦይቃዴ ኣ ዎሳናው ኮያዱ፤ ሺን ዳንዳያቤይኩ። \v 20 ዮሃኒሲ ፂሎ ኣሳኔ ጌሻ ኣሳ ጊዴዳዋ ሄሮዲሴ ኤሬዳ ዲራው፥ ኣው ያዪዴ፥ ሎይ ናጊ ዎዳ፤ ዮሃኒሲ ጊያዋ ሲሲዴ፥ ባሬ ዎዛናን ዳሪሲ ሜቶቲዴካ ኣባ ናሼቻን ሲሴዳ። \p \v 21 ሄሮዲሴ ባሬ ዬሌቴዳ ጋላሲ፥ ጋዲያ ኣዪሲያዋንቶ፥ ሻላቃቱዋሲኔ ጋሊላን ዴዒያ ዎልቃማ ኣሳው ሾቢያ ጊጊሴዳ ዎዴ፥ ዉርሴን ሄሮዲያዳ ኢንጄ ጋላሳ ዴማዱ። \v 22 ሄሮዲያዲ ናታ ኢማ ሞኪያሳ ጌላ ዱራዴ፥ ሄሮዲሳኔ ኣ ኢማቱዋ ናሼቻዱ፤ ሄዋፔ ጉዬ ካቲ ናቲው፥ «ኔና ሎዔዳዋ ኣያ ጊዶፔኔ ታና ኦቻ፤ ታኒ ኔው ኢማና» ያጌዳ። \v 23 ቃሲ ኢዚው ዳሪ ጫቂዴ፥ «ኔኒ ኦቼዳዋ ኣያ ጊዶፔካ፥ ታኒ ኔው ኢማና፤ ሃራይ ኣቶ፥ ታ ካዉቴፔ ባጋ ጊዶፔካ፥ ታኒ ኔው ኢማና» ያጌዳ። \p \v 24 ናታ ካሬ ኬሳዴ ባሬ ዳዮ፥ «ኣያ ኢማ ጎ?» ያጋዴ ኦቻዱ። \p ኢ ዳያ፥ «ፃማቂያ ዮሃኒሳ ሁጲያ ኢማ ጋ» ያጋዱ። \p \v 25 ናታ ኤሌካ ካቲያኮ ባዴ ኣ፥ «ፃማቂያ ዮሃኒሳ ሁጲያ ዎጪቲያን ዎዴ፥ ኔኒ ሃዒ ታው ኢማናዳን ኮያይ» ያጋዱ። \p \v 26 ሄዋፔ ጉዬ ካቲ ዳሪ ቃሬቴዳ፤ ሺን ባሬ ጫቁዋ ዲራዉኔ ባሬ ኢማቱዋ ዲራው ኢዚው ጫቄዳ ጫቁዋ ኮላናው ኮዪቤና። \v 27 ሄዋ ዲራው፥ ኤሌካ ናጊያዋ ኪቲዴ፥ ዮሃኒሳ ሁጲያ ኣሃና ማላ ኣዛዜዳ፤ ናጊያዌ ቃሾ ጎሌ ቢዴ፥ ዮሃኒሳ ቆያ ሙጬዳ። \v 28 ሄ ሙጬዳዋ ዎጪቲያን ዎ ኣሂዴ፥ ናቲው ኢሜዳ፤ ናታ ቃሲ ባሬ ኣቲው ኢማዱ። \v 29 ዮሃኒሳ ካሊያዋንቱ ሄዋ ሲሴዳ ዎዴ ዪዴ፥ ኣ ኣኃ ኣፊዴ ሞጌዲኖ። \s1 ዬሱሲ ኢቼሹ ሻዓ ኣሳ ሚዚዴ ካልሴዳ ታሪኪያ \r (ማት 14፡13-21፤ ሉቅ 9፡10-17፤ ዮህ 6፡1-14) \p \v 30 ዬሱሲ ኪቴዳዋንቱ ሲሚዴ፥ ዬሱሳና ጋኬቲዴ፥ ባሬንቱ ኦዳባኔ ባሬንቱ ታማርሴዳባ ኡባ ዬሱሳሲ ኦዴዲኖ። \v 31 ቢያ ኣሳይኔ ዪያ ኣሳይ ዳሪና፥ ሃራይ ኣቶ ቁማ ማናዉካ ኡንቱንታ ጋናን ኢፄዳ ዲራው፥ ዬሱሲ ኡንቱንታ፥ «ኑሬካ ጉ ሼምፒ ኣካናው ኣሳይ ባይናሳ ቦይቴ» \f + \fr 6:31 \fq ኣሳይ ባይናሳ፡ \ft ሃዌ ጋሊላ ጌቴቲያ ዎምባፔ ፑዴሃ ዶላ ባጋና ዴዔ። 6፡45 ፄሊቴ።\f* ያጌዳ። \v 32 ዬሱሲኔ ኡንቱንቱ ባሬንቱ ፃላላ ዎንጊሪያን ኡቲዴ፥ ኣሳይ ባይናሳ ቤዲኖ። \p \v 33 ኡንቱንቱ ቢሺን፥ ጮራ ኣሳይ ኡንቱንታ ቤዒዴ ኤሬዳ፤ ካታማ ኡባፔ ጌዲያን ዎፂዴ፥ ኡንቱንቱ ቢያሳ ኡንቱንቱፔ ካሴቲዴ ጋኬዲኖ። \v 34 ዬሱሲ ዎንጊሪያፔ ኬሲዴ፥ ጮራ ኣሳ ቤዔዳ፤ ኣሳይ ሄሚያ ኣሳይ ባይና ዶርሳ ማላ ጊዴዳ ዲራው፥ ቃሬቲዴ ኣሳ ዳሮባ ታማሪሱዋ ዶሜዳ። \x - \xo 6:34 \xt ፓይ 27፡17፤ 1ካት 22፡17፤ 2ኦድ 18፡16፤ ሂዝ 34፡5፤ ማት 9፡36\x* \p \v 35 ሳዓይ ኦማርሲያ ዎዴ፥ ዬሱሳ ካሊያዋንቱ ኣኮ ዪዴ፥ «ሃዌ ሳዓይ ኣሳይ ባይና ሳዓ፤ ሃዒ ሳዓይካ ቃሚዲጌዳ፤ \v 36 ኣሳይ ሄራኔ ቄሪ ካታማቱዋ ጊዶ ቢዴ፥ ባሬንቶ ሚያባ ሻማና ማላ፥ ኣሳ ሞዪዛ» ያጌዲኖ። \p \v 37 ሺን ዬሱሲ ዛሪዴ ኡንቱንታ፥ «ኣሳው ሚያባ ሂንቴ ኢሚቴ» ያጌዳ። \p ሄዋፔ ጉዬ ኡንቱንቱ፥ «ኑኒ ቢዴ፥ ላዑ ፄቱ ቢራ ሳንቲሚያ \f + \fr 6:37 \fq ቢራ ሳንቲሚያ፡ \ft ቤኒ ዎዲያን ኣሳ ጋዲያን ኢቲ ጋላሳ ኡኒያ ኦ ፔሼዳ ኣሳው ኢቲ ቢራ ሳንቲሚ ኢሜቴ። ማት 20፡2 ፄሊቴ።\f* ቁማ ሻሚዴ፥ ኣሳይ ማናው ኢማኔ?» ያጊዴ ኣ ኦቼዲኖ። \p \v 38 ዬሱሲ ኡንቱንታ፥ «ሂንቴንቶ ኣፑን ዳቡ ዴዒ? ቢዴ ቤዒቴ» ያጌዳ። \p ኡንቱንቱ ቤዒዴ፥ «ኢቼሹ ዳቡዋኔ ላዑ ሞሊያ» ያጌዲኖ። \p \v 39 ዬሱሲ ባሬና ካሊያዋንታ ኣሳ ኡባ ጪታን ጪታን ሻኪ ሻኪዴ፥ ማታን ኡቲሳና ማላ ኣዛዜዳ። \v 40 ኣሳይ ፄቱ ፄቱኔ ኢሻታሙ ኢሻታሙ ጪታን ጪታን ኡቴዲኖ። \v 41 ዬሱሲ ኢቼሹ ዳቡዋኔ ላዑ ሞሊያ ኦይቂዴ፥ ፑዴ ሳሉዋ ፄሊዴ፥ ፆሳ ጋላቴዳ፤ ዳቦቱዋ ሜንዴ ኣሳው ጊሻና ማላ፥ ባሬና ካሊያዋንቱሲ ኢሜዳ፤ ቃሲ ላዑ ሞሊያካ ኡንቱንቱ ኡባው ሻኬዳ። \v 42 ኣሳይ ኡባይ ሚዴ ካሌዲኖ። \v 43 ሄዋፔ ጉዬ ኣቴዳ ዳቦቱዋ ዶካይኔ ሞሊያ ዶካይ ታማኔ ላዑ ዛምቤሊያ ኩሜዳዋ ዬሱሳ ካሊያዋንቱ ዴንዲኖ። \v 44 ዳቡዋ ሜዳ ኣቱማ ኣሳይ ኢቼሹ ሻዓ። \s1 ዬሱሲ ኣባ ቦላን ሃሜቲዴ ቤዳ \r (ማት 14፡22-33፤ ዮህ 6፡15-21) \p \v 45 ኤሌካ ዬሱሲ ሄ ጮራ ኣሳ ሞዪዚዴ፥ ባሬና ካሊያዋንቱ ዎንጊሪያን ጌሊዴ፥ ኣባፔ ሄፊንን ዴዒያ ቤቴሳይዳ ጊያ ካታማ ባሬፔ ሲንቲዴ ባናዳን ኣዛዜዳ። \v 46 ኡንቱንታ ሞዪዜዳዋፔ ጉዪያን፥ ፆሳ ዎሳናው ዞዚያ ኬሴዳ። \p \v 47 ሳዓይ ቃሚያ ዎዴ ዎንጊሪ ዎምባ ጊዱዋን ዴዒሺን፥ ዬሱሲ ዎምባፔ ጋፃን ባሬካ ዴዔ። \v 48 ጫርኩ ኣ ካሊያዋንቱኮ ጫርኪያ ዲራው፥ ባሬና ካሊያዋንታ ዎምባ ቤታይ ሜቶያዋ ዬሱሲ ቤዒዴ፥ ኩቱ ዋሳና ሃኒያ ዎዴ ዎምባ ቦላን ሃሜቲዴ፥ ኡንቱንቱኮ ዬዳ፤ ኡንቱንታ ዬጊ ኣናው ኮዬዳ። \v 49 ሺን ዎምባ ቦላን ኢ ሃሜቲሺን፥ ኡንቱንቱ ኣ ቤዒዴ፥ ባሬንቶ ሞይቲሊያ ማላቲና ዋሴዲኖ። \v 50 ኣዪሲ ጎፔ፥ ኡንቱንቱ ኡባይ ኣ ቤዒዴ፥ ያሻ ኮኮሬዲኖ፤ ሺን ኤሌካ ዬሱሲ ኡንቱንታ፥ «ኣይኔ ባዋ፤ ታናቴኔ ያዮፒቴ» ያጌዳ። \v 51 ዬሱሲ ኡንቱንቱና ኢቲፔ ዎንጊሪያን ጌሊና፥ ጫርኩ ዎፑ ጌዳ፤ ኡንቱንቱ ዳሮ ማላሌቴዲኖ። \v 52 ኣዪሲ ጎፔ፥ ኡንቱንቱ ዎዛናይ ጆሌዳ ዲራው፥ ኡንቱንቱ ኡኪባ ኣኬኪቤይኪኖ። \s1 ዬሱሲ ጌንሳሬፄን ሃርጋንቻቱዋ ፓዳ \r (ማት 14፡34-36) \p \v 53 ኡንቱንቱ ኣባ ፒኒዴ፥ ጌንሳሬፃ ጊያ ቢታ ጋኬዲኖ፤ ያኒ ዎንጊሪያ ጋፃ ሺሺ ቃቼዲኖ። \v 54 ኡንቱንቱ ዎንጊሪያፔ ዎያዋን፥ ኣሳይ ኤሌካ ዬሱሳ ኤሪኔ \v 55 ሄዋ ሄራን ዴዒያ ጋዲያ ኡባን ዎፄሬቲዴ፥ ሃርጋንቻቱዋ ሻንቻማን ቶኪዴ፥ «ዬሱሲ ዴዔ» ጊና ሲሴዳሳ ኣሁዋ ዶሜዳ። \v 56 ዬሱሲ ቤዳሳ ኡባን ቄሪ ካታማን ጊዲና፥ ዎልቃማ ካታማን ጊዲና፥ ሄራ ጊዶን ጊዲናካ፥ ጌያ ዴንባን ኣሳይ ሃርጋንቻቱዋ ኣኮ ኣፌ። ዬሱሲ ባሬ ማዩዋ ማጫራ ጊዶፔኔ ሃርጋንቻቱዋ ቦሺሳና ማላ፥ ኣሳይ ኣ ዎሴዳ፤ ቦቼዳ ኡባይ ፓፄዳ። \c 7 \s1 ዬሱሲ ኣሳ ዎጋፔ ኮሼናዋ ጳልቄዳ \r (ማት 15፡1-9) \p \v 1 ፓሪሳዋቱኔ ዬሩሳላሜፔ ዪዴ፥ ሙሴ ሂጊያ ታማሪሲያ ኣማሬዳ ኣሳቱ ዬሱሳኮ ሺቄዲኖ። \v 2 ዬሱሳ ካሊያዋንቱፔ ኢቱ ኢቱ ቱና ኩሺያን፥ ሄዋ ጊያዌ ሜጬቴናን ቁማ ሚያዋንታ \f + \fr 7:2 \fq ሜጬቴናን ቁማ ሚያዋንታ፡ \ft ኣዪሁዴ ኣሳቱዋ ዎጋን ሜጬቴና ኩሺያን ቁማ ሙሳይ ቱናዳን ፓይዴቴ። ሄዋሲ ቁማ ማናፔ ካሴና ኩሺያ ሜቻ ሎይ ሚኒሲኖ።\f* ቤዔዲኖ። \p \v 3 ኣዪሲ ጎፔ፥ ፓሪሳዋቱኔ ኣዪሁዳ ኣሳይ ኡባይ ባሬንቱ ኣዋቱዋ ዎጋ ናጊዴ፥ ባሬንቱ ኩሺያ ሎይ ሜጬቴናን ሚኪኖ። \v 4 ቃሲ ጌያፔ ዪዴካ ሜጬቴናን ዴዒዴ ሚኪኖ። ቃሲ ኡንቱንቱ ባሬንቱ ኣዋቱዋፔ ኣኬዳ ሃራ ጮራ ዎጋይ ዴዔ፤ ሄዌካ ዋንጫ፥ ኬሪያ፥ ቢራታፔ ሜዳ ሚሻኔ ኣርሳ ሜጪያ ዎጋ። \p \v 5 ፓሪሳዋቱኔ ሙሴ ሂጊያ ታማርሲያዋንቱ ዬሱሳ፥ «ኔና ካሊያዋንቱ ኣዪሲ ኑ ኣዋቱዋ ዎጋ ካሌናን ኢፂዴ፥ ባሬንቱ ኩሺያ ሜጬቴናን ቁማ ሚኖ?» ያጊዴ ኦቼዲኖ። \p \v 6-7 ዬሱሲ ኡንቱንታ ሃዋዳን ያጌዳ፤ «ኢሲያሲ ቲምቢቲያ ኦዴዳ ዎዴ፥ ሂንቴንቱባ፥ ሎዓ ማላቲያ ኢታቱባ ፃፌዳዋዳንካ፥ \q1 ‹ፆሳይ፥ «ሃዌ ኣሳይ ታና \q2 ባሬ ቦላ ዶናን ቦንቼ። \q1 ሺን ኡንቱንቱ ዎዛናይ ታፔ ሃኩዋን ዴዔ፤ \q2 ኣሳይ ታው ሜላ ጎዪኔ። \q1 ኣዪሲ ጎፔ፥ ኣሳይ ኦዳ ኣዛዙዋ \q2 ፆሳ ሂጊያ ማላቲሲዴ ታማርሴ» ጌዳ› \m ያጊዴ ቲምቢቲያ ቱሙዋ ኦዴዳ። \x - \xo 7:6-7 \xt ኢሳ 29፡13\x* \p \v 8 «ፆሳ ኣዛዙዋ ሂንቴ ኣጊዴ፥ ኣሳ ዎጋ ሚኒሲዴ ናጊታ» ያጌዳ። \p \v 9 ቃሲካ ዬሱሲ፥ «ሂንቴንቱ ሂንቴ ዎጋ ናጋናው ፆሳ ኣዛዙዋ ኣጊታ። \v 10 ኣዪሲ ጎፔ ሙሴ፥ ‹ኔ ኣባኔ ኔ ዳዮ ቦንቻ› ቃሲ፥ ‹ባሬ ኣባኔ ባሬ ኣቶ ቦሪያዌ ሃይቁዋን ሙሬቶ› ያጌዳ። \x - \xo 7:10 \xt ኬስ 20፡12፤ 21፡17፤ ዎግ 20፡9፤ ዛር 5፡16\x* \v 11 ሺን ኢቲ ኡራው ባሬ ኣዉዋ ዎይ ባሬ ኣቶ ማዲያባይ ዴዒሺን ኢ፥ ‹ሃዌ ቁርባኒያ፤ ሃዋ ጉሳይ ፆሳባ ጊያዋ› ጎፔ፥ \v 12 ኢ ባሬ ኣዉዋ ዎይ ባሬ ኣቶ ዎዴፔ ማዳናዋ ኣይኔ ኮዪኪታ። \v 13 ሃ ሃኖታን ሂንቴ ሂንቴንቱ ዎጋ ናጋናው፥ ፆሳ ቃላ ኮሊዴ፥ ሄዋ ማላ ዳሮባ ኦታ» ያጌዳ። \s1 ኣሳ ቱኒሲያዋንታ \r (ማት 15፡10-20) \p \v 14 ዬሱሲ ጮራ ኣሳ ቃሲካ ባሬኮ ፄሲዴ፥ «ኡባይ ታኒ ጊያዋ ሲሲቴኔ ኣኬኪቴ። \v 15 ኣሳፔ ኬሲያዌ ኣሳ ቱኒሲያዋፔ ኣቲን፥ ካሬፔ ኣሳ ጊዶ ጌሊዴ፥ ኣሳ ቱኒሲያባይ ኣይኔ ባዋ፤ \v 16 ሲሳናው ሃይይ ዴዒያ ኡራይ ኦኒኔ ሲሶ» ያጌዳ። \p \v 17 ዬሱሲ ጮራ ኣሳ ኣጊዴ ሶይ ጌሌዳ ዎዴ፥ ኣ ካሊያዋንቱ ሄ ሌሚሱዋባ ኣ ኦቼዲኖ። \v 18 ኢ ኡንቱንታ፥ «ሂንቴንቶካ ቃሲ ጌሊቤኔ? ካሬፔ ኣሳ ዎዛናን ጌሊያባይ ኣይኔ ኣሳ ቱኒሳናው ዳንዳዬናዋ ኣኬኪቴ? \v 19 ኣዪሲ ጎፔ፥ ቁማይ ኣሳ ኡሉዋ ጊዶ ጌሊዴ፥ ካሬው ኬሲያዋፔ ኣቲን፥ ኣሳ ዎዛና ጊዶ ጌሌና» ያጌዳ። ሃዋዳንካ ዬሱሲ ቁማ ኡባይ ቱና ጊዴናዋ ኤሪሴዳ። \p \v 20 ቃሲካ ዬሱሲ ሃዋዳን ያጌዳ፤ «ኣሳ ቱኒሲያባይ ኣሳ ዎዛና ጊዶፔ ኬሲያባ። \v 21 ኣዪሲ ጎፔ፥ ኣሳ ዎዛና ጊዶፔ ኬሲያዌ ኢታ ቆፋ፤ ዎሹሚያዋ፤ ዉዒያዋ፤ ዎያዋ፤ ጫራቴ፤ \v 22 ዮራቴ፤ ኡዚያ ዎይ ባሬና ዶሲያዋ፤ ኢታቴ ዎይ ጪሚያዋ፤ ጌኒያ፤ ማጫዋ ኣሞቲያዋ፤ ቃናቲያዋ፤ ቦሪያዋ ዎይ ዚጊሪያዋ፤ ኣዩዋ፤ ኤያቴ። \v 23 ሃ ኢታባይ ኡባይ ኣሳ ዎዛና ጊዶፔ ኬሲዴ፥ ኣሳ ቱኒሴ» ያጌዳ። \s1 ኢቲ ጊሪኬ ሚሺራቲ ኣማኑዋ \r (ማት 15፡21-28) \p \v 24 ዬሱሲ ሄዋፔ ኣጊዴ፥ ፂሮሳኔ ሲዶና ጊያ ካታማቱዋ ማታን ዴዒያ ጋዲያ ቢዴ፥ ኢቲ ጎሊያ ጌሌዳ፤ ቃሲ ኢ ያኒ ዴዒያዋ ኦኒኔ ኤራናዋ ኮዪቤና፤ ሺን ቆሴቲዴ ጋሚዓናው ዳንዳዪቤና። \v 25 ሺን ባሬ ጉ ናቲ ቦላ ኢታ ኣያናይ ዴዒያ ኢቲ ሚሺራታ ዬሱሳባ ሲሳዴ፥ ኤሌካ ኣኮ ያኔ ኣ ጌዲያን ጉፋና ኣጋዱ። \v 26 ሄ ሚሺራታ ኣዪሁዳ ኣሳ ጊዱኩ፤ ኣ ዬሌቴዳዌካ ሶሪያ ጊያ ጋዲያና፤ ኣ ባሬ ናቲፔ ፃላሂያ ኬሳና ማላ፥ ዬሱሳ ዎሳዱ። \p \v 27 ሺን ዬሱሲ ዛሪዴ፥ «ናናይ ካሴቲዴ ቁማ ካሊኖ፤ ኣዪሲ ጎፔ፥ ናና ቁማ ኣኪዴ፥ ካናቱዋሲ \f + \fr 7:27 \fq ካናቱዋሲ፡ \ft ሃ ቃላ ኢቲ ኢቲ ኣዪሁዴ ኣሳይ፥ ኣዪሁዴ ጊዴና ኣሳቱዋሲ ጎዔቲያዋ።\f* ኦሊያዌ ሎዓ ጊዴና» ያጌዳ። \p \v 28 ሚሺራታ ዛራዴ፥ «ቱማካ ታ ጎዳው፥ ሃራይ ኣቶ ሳምፓ ሚዪያን ዴዒያ ካናቱካ ናናቱዋፔ ኣቴዳ ሱፓ ሚኖ» ያጋዱ። \p \v 29 ዬሱሲ ቃሲ ኢዞ፥ «ሃ ኔኒ ሃሳዬዳ ቃላ ዲራው፥ ፃላሂ ኔ ናቲፔ ኬሴዳ፤ ሲሚ ኔ ሶይ ባ» ያጌዳ። \p \v 30 ሚሺራታ ባሬ ሶይ ቢያ ዎዴ፥ ኢዚ ናቲፔ ፃላሂ ኬሲና፥ ሂፃን ጊሴዳዉኖ ዴማዱ። \s1 ዬሱሲ ቱሌኔ ዱዴ ጊዴዳ ኢቲ ቢታኒያ ፓዳ \p \v 31 ዬሱሲ ፂሮሳ ጋዲያፔ ኬሲዴ፥ ሲዶናናኔ ታሙ ካታማ ጊያ ጋዲያና ካንዴ፥ ጋሊላ ኣባኮ ቤዳ። \v 32 ኣሳይ ቱሌኔ ዱዴ ጊዴዳ ቢታኒያ ዬሱሳኮ ኣሂዴ፥ ባሬ ኩሺያ ኣ ቦላን ዎና ማላ፥ ዬሱሳ ዎሴዲኖ። \v 33 ዬሱሲ ባሬካ ሄ ቢታኒያ ጮራ ኣሳፔ ጋፃ ኬሲዴ፥ ባሬ ቢራያ ኣ ሃይን ዬዴዳ፤ ቃሲ ጩቻ ጩቺዴ፥ ኣ ኢንፃርሳ ቦቼዳ። \v 34 ሳሉዋ ፑዴ ፄሊዴ፥ ቶኪ ሼምፒዴ፥ «ኤፍታሂ» \f + \fr 7:34 \fq «ኤፍታሂ»፡ \ft ሃ ቃላይ ዬሱሲ ሃ ኣላሚያን ዴዒዴ ታማሪሲያ ዎዴ፥ ጎዔቲያ ኣራማዪኬ ያጌቲያ ቃላን ሃሳዬዳዋ።\f* ያጌዳ፤ ሄዋ ጊያዌ ዶዬታ ጊያዋ። \v 35 ቢታኒያ ሃይይ ኤሌካ ዶዬቲ ኣጌዳ፤ ቃሲ ኣ ሃሳዬና ኢንፃርሳይካ ቢሌቲ ኣጌዳ፤ ቢታኒ ኣይኔ ዋዬቴናን ሃሳዪ ኣጌዳ። \p \v 36 ዬሱሲ ኣሳው፥ «ሃዋ ኦሲኔ ኦዶፒቴ» ያጊዴ ኦዴዳ፤ ሺን ኢ ዳሪሲ ሚኒሲ ኦዲና፥ ኣሳይ ቃሲ ኦዱዋ ያ ዳሪሴዳ። \v 37 ሄዋ ሲሴዳ ኣሳይ ኡባይ ዳሮ ማላሌቲዴ፥ «ኡባባካ ኢ ሎይ ኦ። ሃራይ ኣቶ ቱሊያካ ሲሴ፤ ቃሲ ዱዲያካ ሃሳዪሴ» ያጌዲኖ። \c 8 \s1 ዬሱሲ ኦይዱ ሻዓ ኣሳ ሚዜዳ \r (ማት 15፡32-39) \p \v 1 ሄዎዴ፥ ጮራ ኣሳይ ቃሲ ዬሱሳኮ ሺቄዳ፤ ኣሳው ሚያባይ ዪና፥ ዬሱሲ ባሬና ካሊያዋንታ ባሬኮ ፄሲዴ፥ \v 2 «ሃ ጮራ ኣሳይ ታናና ሄዙ ጋላሳይ ጋካናው ጋሚዒዴ፥ ሚያባ ኣይኔ ዴሚቤና ዲራው፥ ታኒ ኡንቱንቶ ቃሬታይ። \v 3 ታኒ ኡንቱንታ ኮሻና ሶይ ዬዶፔ፥ ቢዴ ኦጊያን ዳቡሪዴ ኩንዳና፤ ኣዪሲ ጎፔ፥ ኢቱ ኢቱ ሃኮሳፔ ዬዳ» ያጌዳ። \p \v 4 ኣ ካሊያዋንቱ ዛሪዴ፥ «ሃ ኣሳይ ባዪና ሳን ሃ ኣሳ ኡባ ሚዛናው ጊዲያ ቁማ ዴማናው ዳንዳዪያዌ ኦኔ?» ያጌዲኖ። \p \v 5 ዬሱሲ ኡንቱንታ፥ «ሂንቴንቶ ኣፑን ዳቡ ዴዒ?» ያጊዴ ኦቼዳ። \p ኡንቱንቱ፥ «ላፑ ዳቡ ዴዔ» ያጌዲኖ። \p \v 6 ዬሱሲ ኣሳ፥ «ሳዓን ኡቲቴ» ያጊዴ ኣዛዜዳ፤ ቃሲ ላፑ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንዴ፥ ኣሳው ጊሻና ማላ፥ ባሬና ካሊያዋንቶ ኢሜዳ። ዬሱሳ ካሊያዋንቱ ሄ ጮራ ኣሳሲ ጊሼዲኖ። \v 7 ኡንቱንቶ ቃሲካ ኣማሬዳ ሱፓ ሞሌቱ ዴዒኖ፤ ዬሱሲ ሄዋንቶካ ፆሳ ጋላቲዴ፥ ኣሳው ጊሻና ማላ፥ ባሬና ካሊያዋንታ ኣዛዜዳ። \v 8 ኣሳይ ኡባይ ሚዴ ካሊና ኣቴዳ ዶካይ ላፑ ዛምቤሊያ ኩሜዳዋ ኣ ካሊያዋንቱ ዴንዲኖ። \v 9 ቁማ ሜዳ ኣሳይ ኦይዱ ሻዓ ጊዳና፤ ሄዋፔ ጉዪያን፥ ዬሱሲ ኣሳ ዬዴዳ። \v 10 ኢ ቃሲ ባሬና ካሊያዋንቱና ኤሌካ ዎንጊሪያን ጌሊዴ፥ ዳልማኑታ \f + \fr 8:10 \fq ዳልማኑታ፡ \ft ሃዌ ኤሬቴና ሳዓ።\f* ጊያ ጋዲያ ቤዳ። \s1 ፓሪሳዋቱ ባሬንቶ ማላታይ ኦሴታና ማላ ኦቼዲኖ \r (ማት 16፡1-4) \p \v 11 ፓሪሳዋቱ ዪዴ፥ ዬሱሳና ፓሉማ ዶሜዲኖ። \p ዬሱሳ ፓጫናው ኮዪዴ፥ ሳሉዋፔ ማላታ ባሬንታ ቤሳና ማላ ኦቼዲኖ። \v 12 ዬሱሲ ዳሪሲ ቶኪ ሼምፒዴ፥ «ሃ ዎዲያ ኣሳይ ኣዪሲ ማላታ ኮዪ? ታኒ ሂንቴንቶ ቱሙዋ ኦዳይ፤ ሃ ዎዲያ ኣሳው ማላታይ ኡባካ ኢሜቴና» ያጌዳ። \v 13 ቃሲ ኡንቱንታ ሄዋን ኣጊዴ፥ ዛሪ ዎንጊሪያን ጌሊዴ፥ ኣባፔ ሄፊን ፒኔዳ። \s1 ፓሪሳዋቱዋ ኢርሹዋኔ ሄሮዲሳ ኢርሹዋ \r (ማት 16፡5-12) \p \v 14 ዬሱሳ ካሊያዋንቱ ቁማ ኣፋናዋ ዶጌዲኖ፤ ኡንቱንቶ ዎንጊሪያ ጊዶን ኢቲ ኡኪፔ ሃራይ ባዋ። \v 15 ዬሱሲ ኡንቱንታ፥ «ሂንቴንታ ኤሪቴ፤ ፓርሳዋቱዋ ኢርሹዋፔኔ ሄሮዲሳ \f + \fr 8:15 \fq ሄሮዲሳ፡ \ft ሃዌ ሄሮዲሴ ኣንቲጳሳ ጌቴቲያ ዎጋ ሄሮዲሳ ጌቴቲያዋ ናዓ።\f* ኢርሹዋፔ ናጌቲቴ» ያጊዴ ኣዛዜዳ። \p \v 16 ኡንቱንቱ ባሬንቱ ጊዶን፥ «ኢ ሃዋ ጊያዌ ኑሲ ቁማይ ባይና ዲራሳ» ያጊዴ ሃሳያ ዶሜዲኖ። \p \v 17 ዬሱሲ ኡንቱንቱ ጊያዋ ኤሪዴ፥ «ሂንቴንቶ ዳቡ ባዪናዋ ኣዪሲ ሃሳዪቴ? ሃዒ ጋካናው ሂንቴው ጌሌኔ? ዎይ ኣኬኪኪቴ? ሂንቴ ዎዛናይ ጆሌዴ? \v 18 ሂንቴንቶ ኣይፊ ዴዔ፤ ቤዒኪቴ? ቃሲ ሃይይ ዴዔ፤ ሲስኪቴ? ሂንቴንቶ ሃሳዬቴኔ? \x - \xo 8:18 \xt ኤርም 5፡21፤ ሂዝ 12፡2፤ ማር 4፡12\x* \v 19 ታኒ ኢቼሹ ዳቡዋ ኢቼሹ ሻዓ ኣሳው ሜን ኢሜዳ ዎዴ፥ ኣፑን ዛምቤሊያ ኩሜዳ ዶካ ዴንዲቴ?» ያጌዳ። \p ኡንቱንቱ፥ «ታማኔ ላዑ ዛምቤሊያ ኩሜዳ ዶካ ዴንዶ» ያጌዲኖ። \p \v 20 «ታኒ ቃሲካ ላፑ ዳቡዋ ኦይዱ ሻዓ ኣሳው ሜንዴ ኢሜዳ ዎዴ፥ ኣፑን ዛምቤሊያ ኩሜዳ ዶካ ዴንዲቴ?» ያጌዳ። \p ኡንቱንቱ፥ «ላፑ ዛምቤሊያ ኩሜዳ ዶካ ዴንዶ» ያጌዲኖ። \p \v 21 ኢ ቃሲ፥ «ሃዒካ ኣኬኪቤይኪቴ?» ያጌዳ። \s1 ዬሱሲ ቤቴሳይዳን ኢቲ ቆቃ ፓዳ \p \v 22 ዬሱሲኔ ኣ ካሊያዋንቱ ቤቴሳይዳ ጊያ ካታማ ቤዲኖ፤ ኣሳቱ ቆቃ ቢታኒያ ዬሱሳኮ ኣሂዴ፥ ሄ ቢታኒያ ቦቻና ማላ፥ ኣ ዎሴዲኖ። \v 23 ዬሱሲ ቆቃ ቢታኒያ ኩሺያ ኦይቂዴ፥ ሄራፔ ጋፃ ኬሴዳ፤ ኣ ኣይፊያን ጩቺዴ፥ ባሬ ኩሺያ ኣ ቦላ ዎዴ፥ «ኔው ኣዬንቶ ቤቲ?» ያጊዴ ኦቼዳ። \p \v 24 ቢታኒ ቂዴ፥ «ታኒ ኣሳ ቤዓይ፤ ሺን ኣሳይ ሃሜቲዴ፥ ሚ ማላቴ» ያጌዳ። \p \v 25 ሄዋፔ ጉዪያን፥ ዬሱሲ ሺሬቲዴ ቢታኒያ ኣይፊያን ባሬ ኩሺያ ዎዳ። ኣ ኣይፊ ፓፄዳ፤ ቢታኒካ ሎይ ፄሌዳ፤ ቃሲ ኡባባካ ጌሺዴ ቤዔዳ። \v 26 ዬሱሲ ቢታኒያ፥ «ሄራ ጌሎፓ» ያጊ ኣ ሶይ ዬዴዳ። \s1 ጴፂሮሳ ኣማኑዋኔ ኣ ማርካቴ \r (ማት 16፡13-20፤ ሉቅ 9፡18-21) \p \v 27 ዬሱሲ ባሬና ካሊያዋንቱና ቂሳሪያ ፒሊጶሳ ዴዒያ ቄሪ ሄራቱዋ ቤዳ፤ ኢ ቢሺን ኦጊያን ዬሱሲ፥ «ታና ኣሳይ ኦና ጊ?» ያጊዴ ባሬና ካሊያዋንታ ኦቼዳ። \p \v 28 ኣ ካሊያዋንቱ፥ «ኢቲ ኢቲ ኣሳይ ኔና፥ ‹ፃማቂያ ዮሃኒሳ› ጌ፤ ሃራንቱ፥ ‹ኤላሳ› ጊኖ፤ ቃሲ ሃራንቱ፥ ‹ናባቱዋፔ ኢቱዋ› ጊኖ» ያጌዲኖ። \p \v 29 ዬሱሲ ኡንቱንታ፥ «ሂንቴሺ ታና ኦና ጊቴ?» ያጊዴ ኦቼዳ። \p ጴፂሮሲ፥ «ኔኒ ዶሬቴዳ ኪሪስቶሳ» ያጊዴ ዛሬዳ። \p \v 30 ዬሱሲ፥ «ታባ ኦሲኔ ኦዶፒቴ» ያጊዴ ኡንቱንታ ኣዛዜዳ። \s1 ዬሱሲ ባሬና ጋካና ሜቱዋባኔ ዋዪያባ ኮይሩዋ ሃሳዬ \r (ማት 16፡21-28፤ ሉቅ 9፡22-27) \p \v 31 ዬሱሲ ባሬና ካሊያዋንታ፥ «ታኒ፥ ኣሳ ናዓይ፥ ዳሪ ዋዬታናው ቤሴ፤ ጪማቱ፥ ቄሳቱዋ ካፓቱኔ ሂጊያ ታማርሲያዋንቱ ታና ኢፃናው ቤሴ፤ ኡንቱንቱ ታና ዎናዉኔ ታኒ ሄዜንያ ጋላሳፔ ጉዪያን፥ ሃይቁዋፔ ዴንዳናው ቤሴ» ያጊዴ ታማሪሱዋ ዶሜዳ። \v 32 ሄዋ ኢ ኡንቱንቶ ጌሺዴ ኦዴዳ፤ ጴፂሮሲ ኣ ኢቲ ባጋ ዛሪዴ፥ ዞሬታ ዶሜዳ። \p \v 33 ሺን ዬሱሲ ጉዬ ሲሚዴ፥ ባሬና ካሊያዋንታ ፄሊዴ ጴፂሮሳ፥ «ሃ ሴፃናው፥ ኪቻ ታ ማታፔ! ኔን ኣሳይ ቆፒያዋ ቆፓሳፔ ኣቲን፥ ፆሳይ ቆፒያዋ ጊዴና» ያጌዳ። \s1 ዬሱሳ ካሉሳይ ኦቺያ ጋቲያ \r (ማት 10፡38-39፤ 16፡24-28፤ ሉቅ 9፡23-27፤ 14፡26-27) \p \v 34 ዬሱሲ ጮራ ኣሳኔ ባሬና ካሊያዋንታ ባሬኮ ፄሲዴ፥ «ታና ካላና ኮዪያ ኡራይ ዴዖፔ፥ ባሬና ካዶ፤ ያቲዴ ባሬ ማስቃሊያ ቶኪዴ፥ ታና ካሎ። \v 35 ኣዪሲ ጎፔ፥ ባሬ ሼምፑዋ \f + \fr 8:35 \fq ሼምፑዋ፡ \ft ግሪኪያ ቃላን ኢዛዋ ዎይ ኣሳ ሼምፑዋ ጌቴቲ ቢሌቴዳ።\f* ኣሻና ኮዪያ ኡራይ ባዪዛናዋ፤ ሺን ታ ዲራዉኔ ዎንጋላ ሚሺራቹዋ ዲራው ባሬ ሼምፑዋ ባዪዚያ ኡራይ ኣሻናዋ። \v 36 ኢቲ ኡራይ ሳዓን ዴዒያ ኡባባ ባሬው ሺሺዴ፥ ባሬ ሼምፑዋ ባዪዞፔ፥ ኣ ኣያ ማዳኔ? \v 37 ኢቲ ኡራይ ባሬ ሼምፑዋ ዎዛናው ኣያ ኢማና ዳንዳዪ? \v 38 ፆሳ ኣማኔና ሃ ናጋራንቻ ዬሌታ ዎዲያን፥ ኢቲ ኡራይ ታናኒኔ ታ ቃላን ዬላቶፔ፥ ታኒካ፥ ኣሳ ናዓይ፥ ቃሲ ታ ኣዉዋ ቦንቹዋን ጌሻ ኪታንቻቱዋና ዪያ ዎዴካ፥ ኣኒ ዬላታና» ያጌዳ። \c 9 \s1 ዬሱሳ ማላይ ላሜቴዳዋ ኦዲያ ታሪኪያ \r (ማት 17፡1-13፤ ሉቅ 9፡28-36) \p \v 1 ዬሱሲ ኡንቱንታ፥ «ታኒ ሂንቴንቶ ቱሙዋ ጋይ፤ ኣማሬዳ ኣሳቱ ፆሳ ካዉቴይ ዎልቃና ዪያዋ ቤዔናን ሃይቄናዋንቱ ሃዋን ዴዒኖ» ያጌዳ። \p \v 2 ዬሱሲ ኡሱፑን ጋላሳፔ ጉዪያን፥ ባሬናና ጴፂሮሳ፥ ያዪቆባኔ ዮሃኒሳ ኣኪዴ፥ ኡንቱንቱ ፃላላ ዎልቃማ ዴሪያ ቦላ ኬሴዳ፤ ኡንቱንቱ ሲንን ላሜቴዳ፤ \x - \xo 9:2 \xt 2ጵፅ 1፡17-18\x* \v 3 ኣ ማዩካ ጶሌዳ፤ ሳዓን ማዩዋ ሜጪያ ኦኒኔ ጌሻናው ዳንዳዬናዋ ኬና ዳሪ ቦፄዳ። \v 4 ሄ ሄዙ ዬሱሳ ካሊያዋንቱ፥ ኤላሲኔ ሙሴ ዬሱሳና ሃሲያዋንታ ቤዔዲኖ። \p \v 5 ጴፂሮሲ ዬሱሳ፥ «ታማሪሲያዎ፥ ኑኒ ሃዋን ዴዒያዌ ኑሲ ሎዓ፤ ኑኒ ሄዙ ዳሳቱዋ ኢቱዋ ኔው፥ ኢቱዋ ሙሴው፥ ቃሲ ኢቱዋ ኤላሳሲ ኬፃና» ያጌዳ። \v 6 ኢ ዋጋኔንቶኔ ኤሪቤና፤ ኣዪሲ ጎፔ፥ ኢካ ዮኮንቱካ ዳሪ ያዬዲኖ። \p \v 7 ሄዋፔ ጉዪያን፥ ሻሪ ዪዴ ኡንቱንታ ካሚና ሻሪያፔ፥ «ሃዌ ታኒ ሲቂያ ታ ናዓ፤ ኢ ጊያዋ ሲሲቴ» ጊያ ቃላይ ዬዳ። \v 8 ኤሌካ ኡንቱንቱ ዩሺ ኣ ፄሊያ ዎዴ፥ ዬሱሳፔ ኣቲን፥ ሃራ ኦናኔ ባሬንቱ ማታን ቤዒቤይኪኖ። \p \v 9 ኡንቱንቱ ዴሪያፔ ዎሺን፥ ዬሱሲ ኡንቱንታ፥ «ታኒ፥ ኣሳ ናዓይ፥ ሃይቁዋፔ ዴንዳና ጋካናው፥ ሂንቴ ቤዔዳባ ኦሲኔ ኦዶፒቴ» ያጊዴ ኣዛዜዳ። \p \v 10 ኢ ኣዛዜዳዋ ኡንቱንቱ፥ « ‹ኤኖ› ጊዴ፥ ሃ ሃይቁዋፔ ዴንዲያዋ ጊያዌ ዋጊያዌ» ያጊዴ፥ ባሬንቱ ጊዶን ሃሳዬቴዲኖ። \p \v 11 ኡንቱንቱ ዬሱሳ፥ «ሂጊያ ታማርሲያዋንቱ ኣዪሲ፥ ‹ኤላስ ካሴቲዴ ያናው ቤሴ› ጊኖ?» ያጊዴ ኦቼዲኖ። \p \v 12 ኢ ዛሪዴ ያጌዳ፤ «ቱማካ፥ ኤላስ ካሴት ዪዴ፥ ኡባባ ጊጊሴ፤ ያቲና፥ ኣዪሲ ፆሳ ማፃፋይ፥ ‹ኣሳ ናዓይ ዳሪ ዋዬታናኔ ኢፄታና› ያጊ? \v 13 ሺን ታኒ ሂንቴንቶ ኦዳይ፤ ኤላስ ዬዳ፤ ቃሲ ኣባይ ፆሳ ማፃፋን ፃፌቴዳዋዳንካ፥ ኣሳይ ኣ ባሬ ኮዬዳባ ኦዳ» ያጌዳ። \s1 ዬሱሲ ኢታ ኣያናይ ኦይቄዳ ናዓ ፓዳ \r (ማት 17፡14-21፤ ሉቅ 9፡37-43) \p \v 14 ዬሱሲ፥ ጴፂሮሲ፥ ያዪቆቢኔ ዮሃኒሲ ዮኮ ዬሱሳ ካሊያዋንቱኮ ሲሚዴ ዪያ ዎዴ፥ ጮራ ኣሳይ ሄ ካሊያዋንቱ ዩሹዋን ኤቄዳዋኔ ሂጊያ ታማሪሲያ ኣማሬዳ ኣሳቱ ኡንቱንቱና ፓሉሜቲያዋንታ ቤዔዲኖ። \v 15 ሄ ጮራ ኣሳይ ዬሱሳ ቤዔዳ ዎዴ ማላሌቲ ዳጋሚዴ፥ ኤሌካ ኣኮ ዎፂ ዪዴ፥ ኣ ሳሮቴዳ። \v 16 ዬሱሲ ባሬና ካሊያዋንታ «ኡንቱንቱና ኣያ ፓሉሜቲቴ?» ያጊዴ ኦቼዳ። \p \v 17 ሄ ጮራ ኣሳ ጊዶፔ ኢቲ ቢታኒ ዛሪዴ፥ «ታማሪሲያዎ፥ ታ ናዓ ቦላን ሃሳያ ዲጊያ ኢታ ኣያናይ ዴዒያ ዲራው፥ ኣ ኔኮ ኣካዴ ያዲ። \v 18 ሃ ኢታ ኣያናይ ኣ ኦይቂያ ዎዴ ኡባን፥ ኣ ኦሌ፤ ኣ ዶናናካ ሆሙ ፓሮቴ፤ ቃሲ ኣቻ ጋርጪሴ፤ ቦላካ ዞሊሴ። ኣፔ ሃ ኢታ ኣያና ኬሳና ማላ፥ ኔና ካሊያዋንቶ ኦዳዲ፥ ሺን ኬሳናው ዳንዳይቤይኪኖ» ያጌዳ። \p \v 19 ዬሱሲ ዛሪዴ ኡንቱንታ፥ «ኣማኔና ሃ ዎዲያ ኣሳው! ታኒ ሂንቴንቱና ኣዉዴ ጋካናው ዴዓኔ? ቃሲ ሂንቴንቱባ ኣዉዴ ጋካናው ዳንዳያኔ? ናዓ ታኮ ሃ ኣኪ ዪቴ» ያጌዳ። \v 20 ኡንቱንቱ ናዓ ኣኮ ኣሄዲኖ፤ ሄ ኢታ ኣያናይ ዬሱሳ ቤዔዳ ማንዒያንካ ናዓ ኮኮርሲ ኣጌዳ፤ ናዓይ ሳዓን ኩንዲዴ፥ ዶናና ሆሙ ጎፑ ጊሺን ጎንዶሬቴዳ። \v 21 ዬሱሲ ሄ ናዓ ኣዉዋ፥ «ሃዌ ኔ ናዓ ኦይቆዴፔ ዎይሳ ዎዴ ጊዳኔ?» ያጊዴ ኦቼዳ። \p ናዓ ኣቡ፥ «ኢ ናዓቴን ዴዒያ ዎዲያፔ ዶሜዳ። \v 22 ኣ ዎናው ዳሮ ዎዴ ታማኒኔ ሃን ኦሌዳ፤ ሺን ኔኒ ዳንዳዮፔ፥ ኑሲ ቃሬታዴ ኑና ማዳሪኪ» ያጌዳ። \p \v 23 ዬሱሲ ኣ፥ «ኔኒ ዳንዳዮፔ ጋይ? ኣማኒያ ኣሳው ኡባባይ ዳንዳዬቴ» ያጌዳ። \p \v 24 ኤሌካ ናዓ ኣቡ ባሬ ኮሻ ቁ ኦዴ፥ «ታኒ ኣማናይ፤ ሺን ጉጃ ኣማናናዳን፥ ታና ማዳሪኪ» ያጌዳ። \p \v 25 ዬሱሲ ኣሳይ ዳሪ ዳሪ ቢያዋ ቤዒዴ፥ ኢታ ኣያና፥ «ናዓ ቱሌኔ ዱዴ ኡዴዳ ኣያናው፥ ሃ ናዓፔ ኬሳ ጋዴ ኔና ታ ኣዛዛይ፤ ቃሲ ዛሬዴ ኣኒ ጌሎፓ» ያጌዳ። \p \v 26 ሄ ኢታ ኣያናይ ዋሲዴ፥ ናዓ ዳሪሲ ኮኮርሲዴ፥ ኣፔ ኬሴዳ። ናዓይ ሃይቄዳዋ ማላቲና፥ ዳሮ ኣሳይ፥ «ናዓይ ሃይቄዳ» ያጌዳ። \v 27 ሺን ዬሱሲ ናዓ ኩሺያ ኦይቂዴ ዴንና፥ ናዓይ ዴንዲ ኤቄዳ። \p \v 28 ዬሱሲ ሶይ ጌሌዳዋፔ ጉዪያን፥ ኣ ካሊያዋንቱ ዬሱሳ ዱማ፥ «ኑኒ ሄ ኢታ ኣያና ኬሳናው ኣዪሲ ዳንዳይቤይኮ?» ያጊዴ ኦቼዲኖ። \p \v 29 ዬሱሲ ዛሪዴ፥ «ሄዋ ማላይ ዎሳፔኔ ፆማፔ ኣቲን፥ ሃራባን ኬሳናው ዳንዳዬና» ያጌዳ። \s1 ዬሱሲ ባሬና ጋካና ሜቱዋባኔ ሃይቁዋባ ላዔንዋ ኦዴዳ \r (ማት 17፡22-23፤ ሉቅ 9፡43-45) \p \v 30 ኡንቱንቱ ሄዋፔ ዴንዲዴ፥ ጋሊላና ኣዴ ቤዲኖ፤ ዬሱሲ ባሬ ዴዒያሳ ኦኒኔ ኤራና ማላ ኮዪቤና። \v 31 ኣዪሲ ጎፔ፥ ኢ ባሬና ካሊያዋንታ «ታና፥ ኣሳ ናዓ፥ ኣሳይ ኣሳው ኣዴ ኢማናኔ ዎና፤ ታኒ ቃሲ ሄዙ ጋላሳፔ ጉዪያን፥ ሃይቁዋፔ ዴንዳና» ያጊዴ ታማሪሴ። \p \v 32 ሺን ኡንቱንቶ ኢ ጊያዌ ጌሊቤና፤ ቃሲ ኣ ኦቻናዉካ ያዬዲኖ። \s1 ኡባፔ ኣያዌ ኦኔ? \r (ማት 18፡1-5፤ ሉቅ 9፡46-48) \p \v 33 ኡንቱንቱ ቂፊሪናሆማ ጊያ ካታማ ቤዲኖ፤ ሶይ ጌሌዳዋፔ ጉዪያን፥ ዬሱሲ ኡንቱንታ፥ «ኦጊያን ኣያ ፓሉሜቲቴ?» ያጊዴ ኦቼዳ። \v 34 ሺን ኡንቱንቱ ቢዴ ኦጊያን፥ «ኑ ጊዶን ኑ ኡባፔ ኣያዌ ኦኔ?» ያጊዴ ፓሉሜቴዳ ዲራው፥ ጮዑ ጌዲኖ። \v 35 ዬሱሲ ኡቲዴ፥ ታማኔ ላዑ ባሬና ካሊያዋንታ ፄሲዴ ኡንቱንታ፥ «ኦኒኔ ሲንው ኣና ኮዮፔ፥ ኡባፔ ጉዬ ኣዴ፥ ሄ ኡባው ቆማ ጊዳናው ቤሴ» ያጌዳ። \p \v 36 ኢቲ ጉ ናዓ ኦይቂዴ፥ ኡንቱንቱ ጊዶን ኤሴዳ፤ ሄ ጉ ናዓ ኢዲሚዴ ኡንቱንታ፥ \v 37 «ሃዋንቱ ማላ ጉ ናናፔ ኢቱዋ ታ ሱንን ሞኪያ ኦኒኔ ታና ሞኬ፤ ቃሲ ታና ሞኪያ ኦኒኔ ታና ኪቴዳዋ ሞኪያዋፔ ኣቲን፥ ታ ፃላላ ሞኬና» ያጌዳ። \s1 ዬሱሲ፥ «ኑባ ኤቄቴና ኡራይ ኑ ባጋ» ያጌዳ \r (ሉቅ 9፡49-50) \p \v 38 ዮሃኒሲ ኣ፥ «ታማሪሲያዎ፥ ኢቲ ኣሳይ ኔ ሱንን ኢታ ኣያናቱዋ ኬሲያዋ ኑኒ ቤዒዴ፥ ኑ ባጋ ጊዴና ዲራው፥ ኣ ዲጌዶ» ያጌዳ። \p \v 39 ሺን ዬሱሲ ያጌዳ፤ «ኦኒኔ ታ ሱንን ማላታ ኦዴ፥ ኤሌካ ታ ቦላ ኢታባ ሃሳያናው ዳንዳዪያዌ ባዪና ዲራው ዲጎፒቴ፤ \v 40 ኣዪሲ ጎፔ፥ ኑባ ኤቄቴና ኡራይ ኑ ባጋ። \v 41 ታኒ ሂንቴንቶ ቱሙዋ ኦዳይ፤ ሂንቴ ታዋንታ ኪሪስቶሳዋንታ ጊዲያ ዲራው፥ ኦኒኔ ሂንቴንቶ ታ ሱንን ቡሊያ ሃ ኡሻናው ኢሞፔካ፥ ባሬ ጋቲያ ኣካናዋ። \s1 ናጋራ ጋሱዋ \r (ማት 18፡6-9፤ ሉቅ 17፡1-2) \p \v 42 «ታና ኣማኒያ ሃ ጉቱዋፔ ኢቱዋ ባሌያ ኦናኔ፥ ጋጪያ ዎጋ ዎፃ ኣ ቆያን ቃቺዴ፥ ኣባን ኣ ኦሊያዌ ኣው ሎዓ። \v 43-44 ኔ ኩሺ ኔና ባሌፔ፥ ቃንፃ ኦላ፤ ኔኒ ላዑ ኩሺያና \f + \fr 9:43-44 \ft ሃራ ጌሻ ማፃፋ ቢሌቱ፥ ጉፂኒ ሙሌ ሃይቄናሳኔ ቃሲ ሙሌካ ቶዔና ጋናሚያ ታማን፥ ያጌ። 9፡45፣ 47 ፄሊቴ።\f* ቃሲ ኡባካ ቶዔና ጋናሚያ ታማን ጌሊያዋፔ፥ ዱፃ ኩሺያና ዴዑዋ ጌሊያዌ ኔው ሎዓ። \v 45-46 ኔ ጌዲ ኔና ባሌፔ፥ ቃንፃ ኦላ፤ ኔን ላዑ ጌዲያና ኡባካ ቶዔና ጋናሚያ ታማን ዬጌቲያዋፔ፥ ዶማ ጊዳዴ ዴዑዋ ጌሊያዌ ኔው ሎዓ። \v 47-48 ኔ ኣይፊ ኔና ባሌፔ፥ ዎጫ ኦላ፤ ኔኒ ላዑ ኣይፊያና ኡባካ ቶዔና ጋናሚያ ታማን ዬጌቲያዋፔ፥ ኢቲ ኣይፊያና ፆሳ ካዉቴ ጌሊያዌ ኔው ሎዓ። \p \v 49 «ቁማን ማፂኒያ ዬጊያዋዳን፥ ታማይ ኣሳ ኡባ ቦላ ዬጌታና። \v 50 ማፂኒ ሎዓ፤ ሺን ኢ ማልዓና ዮፔ፥ ዛሪዴ ኣ ዎቲ ማልዔኒቴ? ሂንቴንቱን ማፂኒ ዴዖ፤ \f + \fr 9:50 \fq ሂንቴንቱን ማፂኒ ዴዖ፡ \ft ሃዋ ጉሳይ ዬሱሳን ኣማኒያዋንቱ ባሬንቱ ኣማኑዋፔ ዴንዶ ጋሱዋን ኡንቱንቱ ቦላ ሜቱ ጋኪንቶካ ኢቱ ኢቱዋና ሳሮቴን ዴዓናው ቤሴ።\f* ያቲዴ ኢቱ ኢቱዋና ሳሮቴን ዴዒቴ» ያጌዳ። \c 10 \s1 ማቻቶ ዬዳናው ቤሴና \r (ማት 19፡1-2፤ ሉቅ 16፡18) \p \v 1 ዬሱሲ ሄዋፔ ዴንዲዴ፥ ዮርዳኖሳ ሻፋፔ ሄፊን ባጋና ዪሁዳ ጋዲያ ቤዳ። ጮራ ኣሳይ ሺሬቲዴ ኣኮ ሺቂና፥ ካሴ ኢ ኦያዋዳንካ ሄ ኣሳ ታማሪሱዋ ዶሜዳ። \p \v 2 ኢቲ ኢቲ ፓሪሳዋቱ ፓጫናው ዬሱሳኮ ዪዴ፥ «ኢቲ ኣሳይ ባሬ ማቻቶ ዬዳናው ኑሲ ሂጊ ኣዛዚ?» ያጊዴ ኣ ኦቼዲኖ። \p \v 3 ኢ ዛሪዴ፥ «ሙሴ ሂንቴንታ ዋጊ ኣዛዜዴ?» ያጌዳ። \p \v 4 ኡንቱንቱ፥ «ሙሴ፥ ‹ኢቲ ኣሳይ ባሬ ማቻቶ ፓራማ ኢሚዴ ዬዶ› ጌዳ» ያጌዲኖ። \x - \xo 10:4 \xt ዛር 24፡1-4፤ ማት 5፡13\x* \p \v 5 ዬሱሲ ዛሪዴ ኡንቱንታ፥ «ሂንቴንቱ ኦዲና ሲሴናዋንታ ጊዲያ ዲራው፥ ሙሴ ሃ ኣዛዙዋ ሂንቴንቶ ፃፌዳ። \v 6 ሺን ፆሳይ ኮይሮ ሜያ ዎዴ፥ ኣቱማ ኣሳኔ ማጫ ኣሳ ኦዴ፥ ኡንቱንታ ሜዳ። \x - \xo 10:6 \xt ዶም 1፡27፤ 5፡2\x* \v 7 ሄዋ ዲራው፥ ኢቲ ኣሳይ ባሬ ኣባኔ ባሬ ዳዮ ኣጊዴ፥ ባሬ ማቻቲና ኢቱዋ ጊዴ፤ \v 8 ኡንቱንቱ ላዓቱ ኢቲ ኣሾ ጊዲኖ፤ ሄዋ ዲራው፥ ኡንቱንቱ ኢቲ ኣሳ ጊዲያዋፔ ኣቲን፥ ላዑ ኣሳ ጊዲኪኖ። \x - \xo 10:8 \xt ዶም 2፡24\x* \v 9 ሄዋ ዲራው፥ ፆሳይ ኢቲፔ ጋዳዋ ኣሳይ ሻኮፖ» ያጌዳ። \p \v 10 ኡንቱንቱ ሶይ ሲሜዳ ዎዴ፥ ዬሱሳ ካሊያዋንቱ ሃ ዬዉዋባ ዬሱሳ ዛሪ ኦቼዲኖ። \v 11 ዬሱሲ ኡንቱንታ፥ «ባሬ ማቻቶ ዬዲዴ፥ ሃራሮ ኣኪያ ኡራይ ኦኒኔ ኢዚና ዎሹሜ። \v 12 ቃሲ ማጫዉናካ ባሬ ኣሲናፔ ኬሳዴ ሃራ ኣሲና ጌሎፔ ዎሹማው» ያጌዳ። \s1 ዬሱሲ ጉ ናና ኣንጄዳ \r (ማት 19፡13-15፤ ሉቅ 18፡15-17) \p \v 13 ዬሱሲ ጉ ናና ቦቻና ማላ፥ ኢቲ ኢቲ ኣሳይ ናና ኣኮ ኣሄዳ፤ ሺን ዬሱሳ ካሊያዋንቱ ሄ ኣሳ ሴሬዲኖ። \v 14 ዬሱሲ ሄዋ ቤዒዴ፥ ባሬና ካሊያዋንታ ሃንቄቴዳ፤ ኡንቱንታ፥ «ጉ ናናይ ታኮ ዪያዋንታ ዲጎፒቴ፤ ኣዪሲ ጎፔ፥ ፆሳ ካዉቴይ ሃዋንቱ ማላሳ። \v 15 ታኒ ሂንቴንቶ ቱሙዋ ጋይ፤ ፆሳ ካዉቴ ጉ ናዓዳን ኣኬና ኡራይ ኦኒኔ ሄ ካዉቴ ኡባካ ጌሌና» ያጌዳ። \v 16 ጉ ናና ኢዲሚዴ፥ ባሬ ኩሺያ ኡንቱንቱ ቦላ ሁጲያን ሁጲያን ዎዴ፥ ኡንቱንታ ኣንጄዳ። \s1 ሚሻ ሲቁሳይ ኣሂያ ሜቱዋ \r (ማት 19፡16-30፤ ሉቅ 18፡18-30) \p \v 17 ዬሱሲ ባናው ኬሴዳ ዎዴ፥ ኢቲ ቢታኒ ዎፂዴ ዪ ኣ ሲንን ጉልባቲዴ፥ «ሎዖ ታማርሲያዎ፥ ሜና ዴዑዋ ላታናው ታኒ ኣያ ኦ?» ያጊዴ ኣ ኦቼዳ። \p \v 18 ዬሱሲ፥ «ኣዪሲ ታና ሎዖ ጋይ? ፆሳ ፃላላፔ ኣቲን፥ ሃራ ሎዑ ኦኒኔ ባዋ። \v 19 ፆሳ ኣዛዙዋ፥ ‹ዎፓ፤ ዎሹሞፓ፤ ዉዖፓ፤ ዎርዱዋ ማርካቶፓ፤ ጪሞፓ፤ ኔ ኣባኔ ኔ ዳዮ ቦንቻ› ያጊያዋ ኤራሳ» ያጌዳ። \x - \xo 10:19 \xt ኬስ 20፡12-16፤ ዛር 5፡16-20\x* \p \v 20 ቢታኒ ዬሱሳ፥ «ታማሪሲያዎ፥ ታኒ ሄዋ ኡባ ናዓቴፔ ዶማዴ ሃዒ ጋካናዉካ ናጋይ» ያጌዳ። \p \v 21 ዬሱሲ ቢታኒያ ዶሴዳ፤ ኣ ጫዲ ፄሊዴ፥ «ኔው ኢቲባይ ፓጬዳ፤ ባዴ ኔው ዴዒያባ ኡባ ዛልዓዴ፥ ሄ ሚሻ ሂዬሳው ኢማ፤ ኔን ሳሉዋን ዱሬታና። ያቶዋፔ ጉዪያን ያዴ ታና ካላ» ያጌዳ። \v 22 ሺን ቢታኒ ሄዋ ሲሲዴ፥ ኢ ዳሮ ዱሬ ጊዲያ ዲራው፥ ባሬ ሶምዒያ ሚሲዴ፥ ናሼቴናን ኣጊዴ ቤዳ። \p \v 23 ዬሱሲ ባሬና ካሊያዋንታ ዩሺ ኣ ፄሊዴ፥ «ዳሮ ዱሬ ኣሳይ ፆሳ ካዉቴ ጌላናው ዋኒ ሜታንዴሻ!» ያጌዳ። \p \v 24 ኣ ካሊያዋንቱ ኣ ሃሳያ ሲሲዴ ማላሌቴዲኖ፤ ሺን ዬሱሲ ቃሲካ ኡንቱንታ፥ «ናቶ፥ ፆሳ ካዉቴ ጌላናው ዎቲ ሜታንዴሻ! \f + \fr 10:24 \fq ዎቲ ሜታንዴሻ፡ \ft ሃዋ ኢቲ ኢቲ ቢሌይ ባሬው ዴዒያባን ኣማኔቲያ ኣሳ ያጌ።\f* \v 25 ዱሬ ኣሳይ ፆሳ ካዉቴ ጌላናዋፔ፥ ጋሉ ማርፒያ ፆዒያና ኣናዌ ማታቴ» ያጌዳ። \p \v 26 ዬሱሳ ካሊያዋንቱ ማላሌቲዴ፥ «ያቲና፥ ኦኔ ኣታናው ዳንዳዪያዌ?» ያጊዴ ኢቱ ኢቱዋ ኦቼዲኖ። \p \v 27 ዬሱሲ ኡንቱንታ ጫዲ ፄሊዴ፥ «ሃዌ ፆሳው ዳንዳዬቲያዋፔ ኣቲን፥ ኣሳው ዳንዳዬቴና፤ ኣዪሲ ጎፔ፥ ፆሳው ኡባባይካ ዳንዳዬቴ» ያጌዳ። \p \v 28 ጴፂሮሲ ዬሱሳ፥ «ቤዓ፤ ኑኒ ኑባ ኡባ ኣጊዴ፥ ኔና ካሌዶ» ያጌዳ። \p \v 29 ዬሱሲ፥ «ታኒ ሂንቴንቶ ቱሙዋ ጋይ፤ ታ ዲራዉኔ ዎንጋላ ሚሺራቹዋ ዲራው፥ ጎሊያ ዎይ ኢሻቱዋ ዎይ ሚቻቱዋ፥ ዎይ ኣዉዋ ዎይ ኣቶ ዎይ ማቻቶ፥ ዎይ ናና ዎይ ጋዲያ ኣጌዳ ኣሳይ ኦኒኔ፥ \v 30 ሃዒ ሃ ዎዲያን ፄቱ ዳኩዋፔ ዳሪያ ጎሌቱዋ፥ ኢሻቱዋ፥ ሚቻቱዋ፥ ኣቶ፥ ናና፥ ጋዲያ፥ ቃሲ ሜቱዋካ ኣካናዋ። ሲንፔ ያና ዎዲያንካ ሜና ዴዑዋ ኣካናዋ። \v 31 ሺን ጮራቱ ሃዒ ሲንን ዴዒያዋንቱ ጉዬ ኣና፤ ቃሲ ጮራቱ ሃዒ ጉዬን ዴዒያዋንቱ ሲንው ኣና» ያጌዳ። \s1 ዬሱሲ ባሬና ጋካና ሜቱዋባኔ ሃይቁዋባ ሄዜንዋ ኦዴዳ \r (ማት 20፡17-19፤ ሉቅ 18፡31-34) \p \v 32 ኡንቱንቱ ዬሩሳላሜ ቢዴ፥ ኦጊያን ዴዒኖ፤ ዬሱሲ ባሬና ካሊያዋንቱፔ ሲንና ሃሜቴ። ኡንቱንቱ ማላሌቴዲኖ፤ ኣ ካሊያዋንቱ ያዬዲኖ። ዛሪዴ ታማኔ ላዑ ባሬና ካሊያዋንታ ጋፃ ኬሲዴ፥ ባሬና ጋካናባ ዱማዪዴ ኡንቱንቱሲ ሃዋዳን ያጊዴ ኦዴዳ፤ \v 33 «ቤዒቴ፤ ኑኒ ዬሩሳላሜ ሃዒ ኬሶይቴ፤ ያኒ ታና፥ ኣሳ ናዓ፥ ቄሳቱዋ ካፓቱዋሲኔ ሙሴ ሂጊያ ታማርሲያዋንቱሲ ኣዴ ኢማና። ኡንቱንቱ ታ ቦላን ሃይቁዋ ፒርዳ ፒርዳና፤ ቃሲ ኣዪሁዳ ጊዴና ኣሳሲካ ታና ኣዴ ኢማና። \v 34 ሄ ኣዪሁዳ ጊዴና ኣሳይ ታ ቦላ ቂሊጫናኔ ጩቻና፤ ታና ሊሱዋን ሾጫናኔ ዎና፤ ታኒ ቃሲ ሄዙ ጋላሳፔ ጉዪያን፥ ሃይቁዋፔ ዴንዳና።» \s1 ያዪቆቢኔ ዮሃኒሲ ዎሴዳ ዎሳ \r (ማት 20፡20-28) \p \v 35 ዛቢዲዮሳ ናናይ ያዪቆቢኔ ዮሃኒሲ ዬሱሳኮ ዪዴ፥ «ታማሪሲያዎ፥ ኑኒ ኔና ዎሲያባ ኡባባ ኑሲ ኦሪኪ» ያጌዲኖ። \p \v 36 ዬሱሲ ኡንቱንታ፥ «ታኒ ሂንቴንቶ ኣያ ኦ?» ያጌዳ። \p \v 37 ኡንቱንቱ ኣ፥ «ኔ ቦንቾ ካዉቴን ኔኒ ኡቲያ ዎዴ፥ ኑፔ ኢቱዋ ኔፔ ኡሼቻ ባጋና ቃሲ ኢቱዋ ሃዲርሳ ባጋና ኡቲሳሪኪ» ያጌዲኖ። \p \v 38 ሺን ዬሱሲ ኡንቱንታ፥ «ሂንቴንቱ ኣያ ዎሳናው ቤሲንቶካ ኤሪኪታ፤ ታኒ ኡሻናው ቤሲያ ሜቱዋ ፁዓ ኡሻናው ዳንዳዪቴ? ቃሲ ታኒ ፃማቄታናው ቤሲያ ፂንቃታ \f + \fr 10:38 \fq ፂንቃታ፡ \ft ሃዋ ጉሳይ ዬሱሳ ጋኬዳ ሜቱዋ ፁዓ ጉሳ።\f* ፃማቄታናው ዳንዳዪቴ?» ያጌዳ። \p \v 39 ሄዋፔ ጉዬ ኡንቱንቱ ዛሪዴ፥ «ኤ ዳንዳዬቶ» ያጌዲኖ። \p ዬሱሲ ቃሲ፥ «ታኒ ኡሻናው ቤሲያ ሜቱዋ ፁዓ ሂንቴ ኡሻና፤ ታኒ ፃማቄታናው ቤሲያ ፂንቃታካ ሂንቴ ፃማቄታና። \v 40 ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶሪያዌ ታና ጊዲኬ፤ ሺን ሄ ሳዓይ ፆሳይ ኢማናው ጊጊሲ ዎዳዋንቱሳ» ያጌዳ። \p \v 41 ዮኮ ታሙ ዬሱሳ ካሊያዋንቱ ሄዋ ሲሴዳ ዎዴ፥ ያዪቆባኔ ዮሃኒሳ ሃንቄቴዲኖ። \v 42 ዬሱሲ ኡንቱንታ ኡባ ባሬኮ ፄሲዴ፥ ሃዋዳን ያጌዳ፤ « ‹ኣዪሁዳ ጊዴናዋንታ ሞዲያዋንታ› ጊዴ ቆፒያዋንቱኔ ሄዋንታ ካሌያ ኣሳቱ ባሬንቱ ኣሳ ሞዲያዋ ኤሪታ። \v 43 ሺን ሂንቴ ጊዶን ሄዋ ማላ ጊዴና፤ ሂንቴ ጊዶን ዎጋታና ኮዪያ ኦኒኔ ሂንቴንቶ ቆማ ጊዳናው ቤሴ። \v 44 ቃሲ ሂንቴ ጊዶን ኡባፔ ቦላ ጊዳና ኮዪያ ኦኒኔ ሂንቴ ኡባው ኣዪሌ ጊዳናው ቤሴ። \v 45 ኣዪሲ ጎፔ፥ ሃራይ ኣቶ ታኒ፥ ኣሳ ናዓይካ፥ ኣሳው ኦናዉኔ ጮራቱዋ ዎዛናው ዬዳዋፔ ኣቲን፥ ኣሳይ ታው ኦና ማላ ያቤይኬ» ያጌዳ። \s1 ዬሱሲ ቆቃ ባርፃሞሳ ኣይፊያ ፓዳ \r (ማት 20፡29-34፤ ሉቅ 18፡35-43) \p \v 46 ኡንቱንቱ ኢያርኮ ጊያ ካታማ ቤዲኖ፤ ዬሱሲ ባሬና ካሊያዋንቱናኔ ጮራ ኣሳና ኢያርኮፔ ኬሲሺን፥ ፂሞሳ ናዓይ ቆቃይ፥ ባርፃሞሳ ጊያዌ፥ ኦጊያ ዶናን ዎሲዴ ኡቴዳ። \v 47 ባርፃሞስ ናዚሬቲያ ዬሱሳ ጊዴዳዋ ሲሲዴ፥ ባሬ ኮሻ ቁ ኦዴ፥ «ዳዊቴ ናዓ \f + \fr 10:47 \fq ዳዊቴ ናዓ፡ \ft ኣዪሁዴ ኣሳቱ ፆሳን ኦኬቶዌ ዳዊቴ ዜሬፔ ዬሌታናዋ ያጊዴ ቆፒያ ዲራው፥ ፆሳን ኦኬቶዌ «ዳዊቴ ናዓ» ያጌቲ ፄሴቴ።\f* ዬሱሳ፥ ታና ማራሪኪ!» ያጉሳ ዶሜዳ። \p \v 48 ጮራ ኣሳይ ኣ፥ «ሃይዛ!» ጊዴ ሃንቄቴዳ። \p ሺን፥ ኢ ባሬ ኮሻ ካሴዋፔካ ዳሪሲ ቁ ኦዴ፥ «ዳዊቴ ናዓው፥ ታና ማራሪኪ!» ያጌዳ። \p \v 49 ዬሱሲ ኦጊያን ኤቂዴ፥ «ኣ ሃ ፄሲቴ» ያጌዳ። \p ኡንቱንቱ ቆቃ፥ «ኣይኔ ባዋ፤ ዴንዳ ኤቃ፤ ኔና ፄሴ» ያጊዴ ፄሴዲኖ። \v 50 ቆቃይ ባሬ ማዩዋ ኦሊ ኣጊዴ፥ ጉፒ ዴንዲ ኤቂዴ፥ ዬሱሳኮ ቤዳ። \p \v 51 ዬሱሲ ኣ፥ «ታኒ ኔው ኣያ ኦናው ኮያይ?» ያጌዳ። \p ቆቃይ፥ «ታማሪሲያዎ፥ ታኒ ፄላናዋ ኮያይ» ያጌዳ። \p \v 52 ዬሱሲ ኣ፥ «ባ፤ ኔ ኣማኑ ኔና ፓዳ» ያጌዳ። ኤሌካ ኣ ኣይፊ ፄሊ ኣጊና፥ ኦጊያን ዬሱሳ ካሊ ኣጌዳ። \c 11 \s1 ዬሱሲ ዎልቃማ ቦንቹዋን ዬሩሳላሜ ጌሌዳ \r (ማት 21፡1-11፤ ሉቅ 19፡28-40፤ ዮህ 12፡12-19) \p \v 1 ኡንቱንቱ ዬሩሳላሜ ማቲዴ፥ ዴብሬ ዛይቴ ዴሪያ ማታን ዴዒያ ቤቴፋጌኔ ቢታኒያ ጋኬዲኖ፤ ዬሱሲ ባሬና ካሊያዋንቱፔ ላዑዋ ሲንው ኪቲዴ፥ \v 2 «ሂንቴንቱፔ ሲንን ዴዒያ ሄራ ቢቴ፤ ያ ጌሎሳና ኦኒኔ ኡባ ቶጊቤና ቃሹዋን ዴዒያ ሃሬ ማራ ሂንቴ ዴማና፤ ኣ ቢሊ ሃ ኣኪዴ ዪቴ። \v 3 ኦኒኔ ሂንቴንታ፥ ‹ሄዋ ኣዪሲ ኦቴ?› ያጊዴ ኦቾፔ፥ ‹ጎዳው \f + \fr 11:3 \fq ጎዳ፡ \ft ሃዋ ጉሳይ ሃሪያ ጎዳ።\f* ሃዌ ኮሼ፤ ኤሌካ ዛሪ ሃ ዬዳናዋ› ያጊቴ» ያጌዳ። \p \v 4 ኡንቱንቱ ቢዴ፥ ሃሬ ማራ ፔንጊያ ማታን ኦጊያን ቃቺ ዎዳዋ ዴሚዴ ቢሌዲኖ። \v 5 ሄዋን ኤቄዳ ኢቲ ኢቲ ኣሳቱ ኡንቱንታ፥ «ሃሬ ማራ ዎታናው ቢሊቴ?» ያጌዲኖ። \v 6 ዬሱሳ ካሊያዋንቱ ዬሱሲ ባሬንታ ኣዛዜዳዋ ኦዲና፥ ኣሳቱ ዬዲ ኣጌዲኖ። \v 7 ኡንቱንቱ ሃሬ ማራ ዬሱሳኮ ኣሂዴ፥ ባሬንቱ ማዩዋ ኣ ዞኪያን ዎዲኖ፤ ዬሱሲ ሄ ሃሬ ማራ ቶጌዳ። \v 8 ጮራ ኣሳይ ባሬንቱ ማዩዋ ኦጊያን ሂፄዳ፤ ቃሲ ሃራንቱ ሚ ሃይ ካር ካሪዴ፥ ኦጊያን ሂፄዲኖ። \v 9 ዬሱሳፔ ሲንና ሃሜቲያ ኣሳይኔ ኣ ጌዱዋ ካሊያ ኣሳይ ባሬንቱ ኮሻ ቁ ኦዴ፥ \q1 «ፆሳይ ጋላቴቶ! \q2 ጎዳ ሱንን ዪያዌ ኣንጄቴዳዋ። \x - \xo 11:9 \xt ማዝ 118፡25-26\x* \q1 \v 10 ጎዳ ሱንን ዪያ ኑ ኣዉዋ \q2 ዳዊቴ ካዉቴይ ኣንጄቴዳዋ። \q1 ሳሉዋ ኡባፔ ቦላ ሳሉዋን \q2 ዴዒያ ፆሳይ ጋላቴቶ» \m ያጌዲኖ። \p \v 11 ዬሱሲ ዬሩሳላሜ ቢዴ፥ ጌሻ ጎሊያ ጌሌዳ፤ ቃሲ ኡባባ ዩዪ ዩዪ ፄሌዳዋፔ ጉዪያን፥ ሳዓይ ቃሚያ ዲራው፥ ታማኔ ላዑ ዬሱሳ ካሊያዋንቱና ቢታኒያ ቤዳ። \s1 ዬሱሲ ሼቄዳ ባላሲያ ሚቶ \r (ማት 21፡18-19) \p \v 12 ዎንቴ ጋላሲ ኡንቱንቱ ቢታኒያፔ ኬሲዴ ቢሺን፥ ዬሱሲ ኮሻቴዳ። \v 13 ሃኩዋን ኢቲ ባላሲያ ጊያ ሚቶ ሃይ ማያ ኡቴዳዉኖ ቤዒዴ፥ ኦኒ ኤሪ ኢ ቦላ ኣይፊ ቤቶፔኔ ጊዴ፥ ቤዓናው ኢዚኮ ቤዳ፤ ሺን ኢዚኮ ኢ ቢያ ዎዴ፥ ሃይ ፃላላፔ ኣቲን፥ ኣይኔ ኣይፊያ ዴሚቤና፤ ኣዪሲ ጎፔ፥ ባላሲ ኣይፊያ ዎዲ ጋኪቤና። \v 14 ዬሱሲ ሄ ባላሳቶ፥ «ኔፔ ሺሬቲዴ ሜናው ኦኒኔ ኣይፊያ ሞፖ» ያጌዳ። ዬሱሳ ካሊያዋንቱ ኢ ጊያዋ ሲሴዲኖ። \s1 ዬሱሲ ጌሻ ጎሊያን ዛሊዒያዋንታ ኬሴዳ \r (ማት 21፡12-17፤ ሉቅ 19፡45-48፤ ዮህ 2፡13-22) \p \v 15 ኡንቱንቱ ዬሩሳላሜ ቤዲኖ፤ ዬሱሲ ጌሻ ጎሊያ ጌሊዴ፥ ሄዋን ዛሊዒያዋንታኔ ሻሚያዋንታ ካሬ ዬዴርሱዋ ዶሜዳ፤ ቃሲ ሚሻ ላሚያዋንቱ ፃራጴዛኔ ዶጎሙዋ ዛሊዒያዋንቱ ኦይዲያ ኣ ዬጊዴ፥ \v 16 ኦኒኔ ኣዬንቶ ቶኪዴ፥ ጌሻ ጎሊያ ጊቢያ ጊዶና ኣናዋ ዲጌዳ። \v 17 ዬሱሲ ኣሳ ሃዋዳን ያጊዴ ታማሪሴዳ፡ «ፆሳ ማፃፋን፥ ‹ታ ጎሊ ኣዪሁዳ ጊዴና ኣሳይ ኡባይ ፆሳ ዎሲያ ጎሌ ጌቴታና› ያጌቲዴ ፃፌቲ ኡቴዳ፤ ሺን ሂንቴ ኣ ቦንቃንቻቱ ቆሴቲያ ጎንጎሉዋ ኬሴዲታ።» \x - \xo 11:17 \xt ኢሳ 56፡7፤ ኤርም 7፡11\x* \p \v 18 ቄሳቱዋ ካፓቱኔ ሙሴ ሂጊያ ታማርሲያዋንቱ ሄዋ ሲሲዴ፥ ኣ ዎና ኦጊያ ኮሻ ዶሜዲኖ፤ ሺን ጮራ ኣሳይ ኢ ታማሪሲያዋን ማላሌቲያ ዲራው፥ ኣው ያዬዲኖ። \p \v 19 ሳዓይ ኦማርሴዳ ዎዴ፥ ዬሱሲኔ ኣ ካሊያዋንቱ ካታማፔ ጋፃ ኬሴዲኖ። \s1 ባላሲያ ጊያ ሚታ ሜላዱ \r (ማት 21፡20-22) \p \v 20 ኡንቱንቱ ዎንቴ ጋላሲ ጉራ ኦጊያና ኣዴ፥ ሄ ባላሳታ ፃጱዋና ሜላዲጌዳዉኖ ቤዔዲኖ። \v 21 ጴፂሮሲ ሃሳዪዴ፥ «ታማሪሲያዎ፥ ቤዓ፤ ኔን ሼቄዳ ባላሳታ ሜላዲጋዱ» ያጌዳ። \p \v 22 ዬሱሲ ዛሪዴ፥ ኡንቱንታ ሃዋዳን ያጌዳ፤ «ፆሳ ኣማኒቴ። \v 23 ታኒ ሂንቴንቶ ቱሙዋ ጋይ፤ ኦኒኔ ባሬ ዎዛናን ሲናን ባሬ ጌዳባይ ሃናናዋ ኣማኒዴ፥ ሃ ዴሪያ፥ ‹ዴንዳዴ ኣባን ኩንዳ› ጎፔ ሃናና። \v 24 ሄዋ ዲራው፥ ፆሳ ሂንቴ ዎሲያባኔ ኦቺያባ ኡባ ኣኪዲጎዋዳን ኣማኒቴ፤ ሂንቴ ኣካና። \v 25 ፆሳ ዎሳናው ሂንቴ ኤቂያ ዎዴ፥ ሳሉዋን ዴዒያ ሂንቴ ኣዉ ሂንቴ ናጋራ ኣቶ ጋና ማላ፥ ኦኒኔ ሂንቴንታ ናቄዳባይ ዴዖፔ፥ ኣው ኣቶ ጊቴ። \v 26 ሺን ኣሳ ናጋራ ሂንቴ ኣቶ ጋና ዮፔ፥ ሳሉዋን ዴዒያ ሂንቴ ኣዉካ ሂንቴ ናጋራ ሂንቴንቶ ኣቶ ጌና።» \s1 ዬሱሲ ኣያ ማታኒ ኦ ጊያ ኦሻ \r (ማት 21፡23-27፤ ሉቅ 20፡1-8) \p \v 27 ኡንቱንቱ ቃሲካ ዬሩሳላሜ ቤዲኖ፤ ዬሱሲ ጌሻ ጎሊያን ሃሜቲሺን፥ ቄሳቱዋ ካፓቱ፥ ሙሴ ሂጊያ ታማሪሲያዋንቱኔ ጪማቱ ዬሱሳኮ ዬዲኖ። \v 28 ኣ፥ «ኔኒ ሃዋ ኦናው ኔው ኣይ ማታይ ዴዒ? ዎይ ኔው ሃ ማታ ኢሜዳዌ ኦኔ?» ያጌዲኖ። \p \v 29 ዬሱሲ ዛሪዴ ኡንቱንታ፥ «ታኒካ ሂንቴንታ ኢቲባ ኦቻና፤ ታው ኦዲቴ፤ ታኒ ቃሲ ሃዋ ኣይ ማታን ኦይታንቶ፥ ሂንቴንቶ ኦዳና። \v 30 ዮሃኒሲ ፃማቂያ ማታ ኣኬዳዌ ፆሳፔዬ ዎይ ኣሳፔ? ታው ኦዲቴ» ያጌዳ። \p \v 31 ኡንቱንቱ ባሬንቱ ጊዶን ፓሉማ ዶሚዴ፥ «ኑኒ፥ ‹ፆሳፔ ዬዳ› ያጎፔ፥ ኢ ኑና፥ ‹ያቲና፥ ዮሃኒሲ ኦዴዳዋ ኣዪሲ ኣማኒቤይኪቴ?› ያጋና። \v 32 ሺን፥ ‹ኣሳፔ ዬዳ ጋኔ?› » ያጌዲኖ፤ ቃሲ ኣሳይ ኡባይ ዮሃኒሲ ናቢያ ጊዴዳዋ ኤሪያ ዲራው፥ ኣሳው ያዬዲኖ። \v 33 ሄዋ ዲራው፥ ኡንቱንቱ ዬሱሳው፥ «ኑኒ ኤሮኮ» ያጊዴ ዛሬዲኖ፤ \p ዬሱሲ፥ «ታኒካ ሃዋ ኣይ ማታን ኦይታንቶ፥ ሂንቴንቶ ኦዲኬ» ያጌዳ። \c 12 \s1 ዎዪኒያ ቱራ ቶኪያ ኦሳንቻቱዋ ሌሚሱዋ \r (ማት 21፡33-46፤ ሉቅ 20፡9-19) \p \v 1 ዬሱሲ ኡንቱንቶ ኦዱዋ ሌሚሱዋን ያጊዴ ዶሜዳ፤ «ኢቲ ቢታኒ ዎዪኒያ ጊያ ቱራ ቶኪዴ፥ ዲርሳ ዩሺ ኣዴ ዲሬዳ፤ ቃሲ ሄ ዎዪኒያ ጉሚዒያ ኦላካ ቦኬዳ፤ ሄዋ ናጊያ ኣሳው ናጊያሳ ኬፄዳ፤ ሄዋፔ ጉዪያን፥ ኮ ኦያ ኣሳው ኢሚዴ፥ ሃራ ጋዴ ቤዳ። \x - \xo 12:1 \xt ኢሳ 5፡1-2\x* \v 2 ዎዪኒያ ኣይፊያ ማፂያ ዎዲ ጋኪና፥ ባሬና ጋኪያዋ ኣኪዴ ያና ማላ፥ ኢቲ ቆማ ባሬ ኮዋቱዋኮ ኪቴዳ። \v 3 ኮ ኦያዋንቱ ኣ ቆማ ኦይቂ ዋዴ፥ ኩሼ ሜላ ዬዴዲኖ። \v 4 ላዔዋ ሃራ ቆማ ኡንቱንቱኮ ኪቴዳ፤ ኡንቱንቱ ሄ ቆማ ሁጲያ ጳልቂዴ ፖኪሲ ዬዴዲኖ። \v 5 ዎዪኒያ ቱራ ጎዳይ ቃሲካ ሃራ ቆማ ኪቴዳ፤ ሄ ቆማ ዎዲኖ፤ ቃሲ ሃራ ጮራቱዋካ ሄዋዳን ኦዲኖ፤ ኢቱዋ ኢቱዋ ዋዴ፥ ሃራቱዋ ዎዲኖ። \p \v 6 «ዎዪኒያ ቱራ ጎዳው ኪታናው ኡባፔ ዉርሴን ኢ ዳሪ ሲቂያ ኣ ናዓ ፃላላይ ኣቴዳ፤ ኢ፥ ‹ኡንቱንቱ ታ ናዓ ቦንቼናን ኣጊኪኖ› ጊዴ፥ ባሬ ናዓ ኡንቱንቱኮ ኪቴዳ። \p \v 7 «ሺን ኮ ኦያዋንቱ ባሬንቱ ጊዶን፥ ‹ላታናዌ ሃዋ፤ ቢዴ ኣ ዎይቴ፤ ኣው ዴዒያዌ ኑዋ ጊዳና!› ያጌዲኖ። \v 8 ናዓ ኦይቂ ዎዴ፥ ኣ ኣኃ ዎዪኒያ ቱራ ጊዶፔ ጋፃ ኬሲ ኦሌዲኖ። \p \v 9 «ሲሚ ዎዪኒያ ቱራ ጎዳይ ዎታኔ? ዪዴ ሄ ኮዋቱዋ ዎ ዉርሲዴ፥ ዎዪኒያ ቱራ ኮ ኦያ ሃራ ኣሳው ኢማናዋ። \q1 \v 10-11 ‹ጊምቢያዋንቱ ካ ኢፄዳ ሹቻይ \q1 ጎዳ ፃጱዋ ሚኒሲያ፥ \q2 ኡባፔ ኣያ ሹቻ ጊዴዳ። \q1 ሃዌ ጎዳይ ኦዳዋ፤ \q2 ቃሲ ኑናካ ማላሊሲያዋ› \m ያጊያዋ ፆሳ ማፃፋፔ ናባቢቤይኪቴ?» ያጌዳ። \x - \xo 12:10-11 \xt ማዝ 118፡22-23\x* \p \v 12 ቄሳቱዋ ካፓቱ፥ ሂጊያ ታማሪሲያዋንቱኔ ጪማቱ ዬሱሲ ሄ ሌሚሱዋ ባሬንቱን ሌሚሴዳዋ ኤሬዳ ዲራው፥ ኣ ኦይቃናው ኮዬዲኖ፤ ሺን ኣሳው ያዪዴ፥ ባሺ ቤዲኖ። \s1 ጊራ ጊራኔ ኣጋኔ ጊያ ኦሻ \r (ማት 22፡15-22፤ ሉቅ 20፡20-26) \p \v 13 ቃሲ ኣ ሃሳያፔ ባላ ዴማና ማላ፥ ፓሪሳዋቱዋፔኔ ሄሮዲሳ ባጋቱዋፔ \f + \fr 12:13 \fq ሄሮዲሳ ባጋቱዋ፡ \ft ሃዋንታ ጉሳይ ሄዎዴ ዴዒያ ካዉቴ ፖሌቲካ ባጋና ካሴ ዎጋ ሄሮዲሳኔ ኣ ናዓ ሄሮድ ኣንቲጳሳ ባጋቱዋኔ ኡንቱንታ ካሊያ ኣሳቱዋ።\f* ኣማሬዳዋንቱ ኣኮ ኪቲና ዪዴ፥ \v 14 «ታማሪሲያዎ፥ ኔኒ ቱሙዋ ሃሳዪያዋኔ ኣሳፔ ኣሳ ሻኬናዋ ኑኒ ኤሬቶ፤ ኣዪሲ ጎፔ፥ ኔኒ ኣሳ ዱማያካ፤ ቃሲ ፆሳ ኦጊያ ቱማቴን ታማሪሳ። ኑኒ ሮማ ካቲያ ቄሳሬው ጊራ ጊሪያዌ ዎጌዬ ዎጋ ጊዴኔ? ጊራ ጊራኔዬ ዲጋኔ?» ያጌዲኖ። \p \v 15 ሺን ኡንቱንቱ ሎዓ ማላቲያ ኢታ ኣሳ ጊዴዳዋ ዬሱሲ ኤሪዴ፥ «ታና ኣዪሲ ፓጪቴ? ኢቲ ሳንቲሚያ ሃ ታኮ ኣሂቴ፤ ታኒ ኣኔ ቤዓና» ያጌዳ። \v 16 ኡንቱንቱ ኣው ኣሄዲኖ፤ «ሃ ማላይኔ ሱንይ ኦዌ?» ያጊዴ ኡንቱንታ ኦቼዳ። \p ኡንቱንቱ፥ «ቄሳሬዋ» ያጌዲኖ። \p \v 17 ዬሱሲ ዛሪዴ ኡንቱንታ፥ «ያቶፔ፥ ቄሳሬዋ ቄሳሬሲ፥ ፆሳዋ ፆሳሲ ኢሚቴ» ያጊና ኡንቱንቱ ኣባ ማላሌቴዲኖ። \s1 ሃይቁዋፔ ዴንዱዋ ኦሻ \r (ማት 22፡23-33፤ ሉቅ 20፡27-40) \p \v 18 ሃይቄዳ ኣሳይ ዴንዴና ጊያ ሳዱቃዋናቱዋፔ ኢቲ ኢቲ ኣሳቱ ዬሱሳኮ ዪዴ፥ ሃዋዳን ያጊዴ፥ ኣ ኦቼዲኖ፤ \v 19 «ታማሪሲያዎ፥ ሙሴ ኑሲ ሂጊያ ፃፊዴ፥ ‹ማቻቶ ኣኬዳ ኣሳይ ናዓ ዬሌናን ሃይቆፔ፥ ሄ ሃይቄዳዋ ኢሻይ ኣ ማቻቶ ላቲዴ፥ ባሬ ኢሻው ናዓ ዬላናው ቤሴ› ያጊያዋ ፃፌዳ። \x - \xo 12:19 \xt ዛር 25፡5\x* \v 20 ኢቲ ዎዴ ላፑ ኢሻቱ ዴዒያዋንቱፔ ባይራይ ማቻቶ ኣኪዴ፥ ናዓ ዬሌናን ሃይቄዳ። \v 21 ላዔያ ኢሻይ ኢዞ ኣኬዳ፤ ኢካ ናዓ ዬሌናን ሃይቄዳ፤ ሄዜንያዌካ ሄዋዳን ሃኔዳ። \v 22 ላፑናቱካ ኢዞ ኣኪዴ፥ ናዓ ዬሌናን ሃይቄዲኖ፤ ኡባፔ ጉዪያን፥ ቃሲ ሄ ሚሺራታ ሃይቃዱ። \v 23 ያቲና፥ ሃይቄዳ ኣሳይ ሃይቁዋፔ ዴንዲያ ዎዴ፥ ኢዛ ኡንቱንቱፔ ሃቃዎ ማቼ ጊዳኔ? ኣዪሲ ጎፔ፥ ላፑናቱካ ኢዞ ኣኬዲኖ»። \p \v 24 ዬሱሲ ዛሪዴ ኡንቱንታ፥ «ሂንቴንቱ ባሌቲያዌ፥ ፆሳ ማፃፋቱዋኔ ኣ ዎልቃ ኤሬና ዲራሳ! \v 25 ኣዪሲ ጎፔ፥ ሃይቄዳ ኣሳይ ሃይቁዋፔ ዴንዲያ ዎዴ፥ ሳሉዋን ዴዒያ ኪታንቻቱዋ ማላ ጊዳናፔ ኣቲን፥ ኣቱማ ኣሳይኔ ኣኬና፤ ማጫ ኣሳይኔ ጌሌና። \v 26 ሺን ሃይቄዳዋንቱ ዴንዱዋባ ጊዶፔ፥ ሙሴ ማፃፋን ፃፌቴዳ ፃራጋይ ሚያ ቡራባ ኦዲያ ሳዓን፥ ፆሳይ ሙሳ፥ ‹ታኒ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ጊዲያዋ ኡባካ ናባቢቤይኪቴ? \x - \xo 12:26 \xt ኬስ 3፡6\x* \v 27 ኢ ፓፃ ዴዒያዋንቱ ፆሳ ጊዲያዋፔ ኣቲን፥ ሃይቄዳዋንቱ ፆሳ ጊዴና፤ ሂንቴ ዳሪሲ ባሌዲታ» ያጌዳ። \s1 ኡባፔ ኣያ ኣዛዙዋ \r (ማት 22፡34-40፤ ሉቅ 10፡25-28) \p \v 28 ሂጊያ ታማሪሲያዋንቱፔ ኢቱ ኡንቱንቱ ፓሉሜቲያዋ ሺቂዴ ሲሴዳ፤ ቃሲ ዬሱሲ ኡንቱንቶ ሎዖ ዛሬዳዋ ሲሲዴ፥ «ኣዛዙዋ ኡባፔ ኣያ ኣዛዙ ሃቃዌ?» ያጊዴ ዬሱሳ ኦቼዳ። \p \v 29 ዬሱሲ ዛሪዴ፥ ኣ «ኣዛዙዋ ኡባፔ ኣያ ኣዛዙዋ፥ ‹ኢስራዔሊያ ኣሳይ ሲሲቴ፥ ጎዳይ ኑ ፆሳይ ኢቲ ጎዳ። \x - \xo 12:29 \xt ዛር 6፡4-5\x* \v 30 ሂንቴንቱ ጎዳ ሂንቴ ፆሳ ሂንቴ ኩሜን ዎዛናፔ፥ ሂንቴ ኩሜን ሼምፑዋፔ፥ ሂንቴ ኩሜን ቆፋፔ፥ ሂንቴ ኩሜን ዎልቃፔ ሲቂቴ› ያጌ። \v 31 ቃሲ ኣዛዙዋ ኡባፔ ኣያ ላዔን ኣዛዙ ሃዋ፤ ‹ኔኒ ኔ ሾሩዋ ኔ ሁጲያዳን ሲቃ› ጊያዋ፤ ሃዋንቱፔ ኣያ ሃራ ኣዛዙ ባዋ» ያጌዳ። \x - \xo 12:31 \xt ዎግ 19፡18\x* \p \v 32 ሂጊያ ታማሪሲያዌ ዬሱሳ ያጌዳ፤ «ታማሪሲያዎ፥ ቱሙዋ ጋዳ፤ ኔኒ ‹ፆሳይ ኢቲ ፆሳ ፃላላ። ኣፔ ኣቲን፥ ሃራይ ባዋ› ጌዳዌ ቱማ። \x - \xo 12:32 \xt ዛር 4፡35\x* \v 33 ፆሳ ኩሜን ዎዛናፔ፥ ኩሜን ቆፋፔኔ ኩሜን ዎልቃፔ ዶሲያዌኔ ቃሲ ባሬ ሾሩዋካ ባሬ ሁጲያዳን ሲቂያዌ፥ ጉዲያ ያርሹዋፔኔ ሃራ ያርሹዋ ኡባፔ ኣ» ያጌዳ። \x - \xo 12:33 \xt ሆስ 6፡6\x* \p \v 34 ዬሱሲ ሂጊያ ታማርሲያዋ ዛሩ ኣ ኤራንቻ ኣሳ ዛሩዋ ጊዴዳዋ ቤዒዴ፥ «ኔኒ ፆሳ ካዉቴፔ ሃካቤይካ» ያጌዳ፤ ሄዋፔ ጉዪያን፥ ዬሱሳ ሃራባ ኦቻናው ኦኒኔ ፃሊቤና። \s1 «ዬሱሲ ኦ ናዔ» ያጊያ ኦሻ \r (ማት 22፡41-46፤ ሉቅ 20፡41-46) \p \v 35 ዬሱሲ ጌሻ ጎሊያን ታማሪሲዴ፥ «ሂጊያ ታማርሲያዋንቱ ኪሪስቶሳ ዎቲ ዳዊቴ ናዓ ጊኖ? \v 36 ዳዊቴ ባሬና ጌሻ ኣያናይ ሃሳዪሲና፥ \q1 ‹ጎዳይ ታ ጎዳ፥ «ታኒ ኔ ሞርኬቱዋ \q2 ኔኒ ዬ ኤቂያባ ኦና ጋካናው፥ \q1 ሃዋን ታፔ ቦንቼታዴ ኡሼቻ ባጋና ኡታ» ጌዳ› \m ያጌዳ። \x - \xo 12:36 \xt ማዝ 110፡1\x* \v 37 ዳዊቴ ባሬ ሁጴው ኪሪስቶሳ፥ ‹ጎዳ› ጊዴ ፄሶፔ፥ ያቲና፥ ኪሪስቶሲ ዋኒዴ፥ ዳዊቴ ናዓ ጊዲ?» ያጌዳ። \p ጮራ ኣሳይ ዬሱሲ ጊያዋ ናሼቻን ሲሴዳ። \s1 ዬሱሲ፥ «ሙሴ ሂጊያ ታማሪሲያዋንቱፔ ናጌቲቴ» ያጌዳ \r (ማት 23፡1-36፤ ሉቅ 20፡45-47) \p \v 38 ዬሱሲ ታማሪሲዴ፥ «ሂጊያ ታማሪሲያዋንቱፔ ናጌቲቴ፤ ኡንቱንቱ ኣዱሳ ማዩዋ ማዪዴ ዩዪያዋኔ ጌያ ሄራንካ ኣሳይ ኡንቱንታ ቦንቺዴ ሳሮቲያዋ ዶሲኖ። \v 39 ኡንቱንቱ ኣዪሁዳ ዎሳ ጎሌቱዋን ዳሪ ሎዒያ ኦይዲያ ዶሲኖ፤ ቃሲ ኣሳይ ባሬንታ ኢማቴን ሞኪያሳንካ ቦንቾ ሳዓ ዶሲኖ። \v 40 ኡንቱንቱ ኣምዔቱ ጎሊያ ቦንቂዴ፥ ባሬንቶ ሎዓ ማላታናው ፆሳ ዎሳ ኣዱሲኖ፤ ኡንቱንቱ ኡባፔ ኣያ ሙራ ኣካናዋንታ» ያጌዳ። \s1 ኣምዓቲ ሚፁዋታ \r (ሉቅ 21፡1-4) \p \v 41 ዬሱሲ ጌሻ ጎሊያን ኢሞታ ዬጊያ ሳፅኒያ ማታን ኡቲዴ፥ ኣሳይ ባሬ ሚሻ ሄ ሳፅኒያን ዬጊያዋ ቤዔዳ፤ ጮራ ዱሬ ኣሳይ ዳሮ ሚሻ ሄ ሳፅኒያን ዬጌዲኖ። \v 42 ኢቲ ሂዬሳ ኣምዓታ ያዴ፥ ኢቲ ሳንቲሚያን ላሜቲያ ላዑ ሴምቤራቱዋ ሄ ሳፅኒያን ዬጋዱ። \v 43 ዬሱሲ ባሬና ካሊያዋንታ ፄሲዴ፥ «ታኒ ሂንቴንቶ ቱሙዋ ጋይ፤ ኢሞታ ሳፅኒያን ዬጌዳ ኣሳ ኡባፔ ሃ ሂዬሳ ኣምዓታ ዳሪሳዴ ዬጋዱ። \v 44 ኣዪሲ ጎፔ፥ ሃራቱ ኡባይ ባሬንቶ ፓላሄዳ ሚሻፔ ዬጌዲኖ፤ ሺን ኢዛ ባሬ ፓጫፔ፥ ባሬው ዴዒያ ዴዑዋ ሙሌካ ኢማ ኣጋዱ» ያጌዳ። \c 13 \s1 ዬሱሲ ጌሻ ጎሊ ኮሌታናዋ ካሴቲዴ ኦዴዳ \r (ማት 24፡1-2፤ ሉቅ 21፡5-6) \p \v 1 ዬሱሲ ጌሻ ጎሊያፔ ኬሲሺን፥ ኣ ካሊያዋንቱፔ ኢቱ ኣ፥ «ታማሪሲያዎ፥ ሃዌ ኣይቤ ሎዖ ሹቻቴንቶኔ ቃሲ ኣይቤ ሎዖ ሹቻ ጎላቱዋ ቤዓይ!» ያጌዳ። \p \v 2 ዬሱሲ ዛሪዴ፥ «ሃ ዎልቃማ ሹቻ ጎላቱዋ ቤዓይ? ሃ ጎላቱዋን ዴዒያ ኢቲ ሹቻይኔ ኣቴናን ኡባይ ኮሌታና» ያጌዳ። \s1 ጎዳይ ያናፔ ካሴቲዴ ጋካና ዬዴርሱዋኔ ዋዪያ \r (ማት 24፡3-14፤ ሉቅ 21፡7-19) \p \v 3 ዬሱሲ ጌሻ ጎሊያፔ ሂኒ ባጋና ዴብሬ ዛይቴ ዴሪያ ቦላን ኡቴዳ ዎዴ፥ ጴፂሮሲ፥ ያዪቆቢ፥ ዮሃኒሲኔ ኢንዲራሲ ባሬንቱ ፃላላ ኣኮ ዪዴ ኣ፥ \v 4 «ሄዌ ኣዉዴ ሃናኔንቶ፥ ኑሲ ኦዳሪኪ፤ ቃሲ ሄዌ ኡባይ ፖሌታና ዎዲያ ኤሪሲያ ማላቱ ኣያ ጊዳኔ?» ያጊዴ ኦቼዲኖ። \p \v 5 ዬሱሲ ቃሲ ኡንቱንቶ ሃዋዳን ያጊዴ፥ ኦዱዋ ዶሜዳ፤ «ሂንቴንታ ኦኒኔ ባሌና ማላ ናጌቲቴ። \v 6 ጮራ ኣሳቱ ታ ሱንን፥ ‹ታኒ ኪሪስቶሳ› ያጊዴ ያናዋ፤ ጮራ ኣሳ ባሌና። \v 7 ማታን ዴዒያ ኦላ ኮሻኔ ሃኩዋን ዴዒያ ኦላ ኦዱዋ ሂንቴ ሲሲያ ዎዴ፥ ሂርጎፒቴ፤ ሄዋ ማላባይ ሃናናው ቤሴ፤ ሺን ዉርሴይ ቢራ። \v 8 ኣዪሲ ጎፔ፥ ኢቲ ጋዴ ኣሳይ ሃራ ጋዴ ኣሳና ኦሌታና፤ ቃሲ ኢቲ ካዉቴይ ሃራ ካዉቴና ኦሌታና፤ ቢታ ቃይ ኡባሳን ዴዓና፤ ኮሻይካ ዴዓና፤ ሺን ሄዌ ኮይሮ ዬሉዋ ኦይ ማላ። \p \v 9 «ሺን ሂንቴ ሂንቴንቱ ሁጴው ናጌቲቴ፤ ኣዪሲ ጎፔ፥ ኣሳይ ሂንቴንታ ኦይቂዴ፥ ፒርዳ ጎሌው ኣዴ ኢማና፤ ቃሲ ባሬ ኣዪሁዳ ዎሳ ጎሌቱዋኒካ ሂንቴንታ ሊሱዋን ሾጫና፤ ጋዲያ ሞዲያዋንቱ ሲንኒኔ ካታቱዋ ሲንን ታ ዲራው ሂንቴ ማርካታናው ኤቃና። \v 10 ሚሺራቹዋ ቃላይ ኮይሮና ኣሳው ኡባው ኦዴቲዲጋናው ቤሴ። \v 11 ኡንቱንቱ ሂንቴንታ ፒርዳ ጎሌ ኣሂያ ዎዴኔ ኣዴ ኢሚያ ዎዴ፥ ዎቲ ሃሳያኒቴንቶ ኮይሮና ሂርጎፒቴ፤ ሄ ሳቲያን ፆሳይ ሂንቴንቶ ኢሚያባ ሃሳዪቴ። ኣዪሲ ጎፔ፥ ጌሻ ኣያናይ ሃሳያናፔ ኣቲን፥ ሃሳዪያዋንቱ ሂንቴንታ ጊዲኪታ። \p \v 12 «ኢሻይ ባሬ ኢሻ፥ ኣዉ ባሬ ናዓ ዎሳና፤ ቃሲ ናናይ ባሬንቱ ኣዋቱዋ ቦላኒኔ ባሬንቱ ኣዬቱዋ ቦላ ዴንዲዴ፥ ኡንቱንታ ዎሳና። \v 13 ኣሳይ ኡባይ ሂንቴንታ ታ ሱን ዲራው ኢፃና፤ ሺን ዉርሴይ ጋካናው ጌንጪያዌ ኣታና። \s1 ዬሩሳላሜ ጋካና ዎልቃማ ኢታ ሜቱዋ \r (ማት 24፡15-28፤ ሉቅ 21፡20-24) \p \v 14 «ሺን ናቢያ ዳኔል ኦዴዳ ባሻ ቱናቴይ ኤቃናው ቤሴናሳን ኤቂሺን ሂንቴ ቤዒያ ዎዴ፥ ሄዌ ዋጊያዌንቶ፥ ናባቢያዌ ኣኬኮ፤ ዪሁዳ ጋዲያን ሄ ዎዴ ዴዒያዋንቱ ዴሪያኮ ቤቲኖ። \x - \xo 13:14 \xt ዳን 9፡27፤ 11፡31፤ 12፡11\x* \v 15 ጎሊያ ሁጲያን ዴዒያ ኡራይካ ኢቲባ ኣካናው ዱጌ ዎዴ፥ ባሬ ሶይ ጌሎፖ። \v 16 ጋዴን ዴዒያዌካ ባሬ ማዩዋ ኣካናው ጉዬ ሲሞፖ። \v 17 ሄ ዎዴ ሻሃራ ማጫዋንቶኔ ንያ ማጫዋንቶ ኣዬሮ። \v 18 ሺን ሃዌ ኡባይ ሃኒያ ዎዲ ባልጉዋ ጊዴና ማላ፥ ፆሳ ዎሲቴ፤ \v 19 ኣዪሲ ጎፔ፥ ፆሳይ ሳዓ ኮይሮ ሜዳዋፔ ዶሚዴ፥ ሃዒ ጋካናው፥ ኡባካ ዴዒቤና ሜቱ፥ ቃሲ ሃዋፔ ሲንዉካ ኡባ ዴዔና ሜቱ ኣሳ ቦላ ሄ ዎዴ ዴዓና። \x - \xo 13:19 \xt ዳን 12፡1፤ ሳፅ 7፡14\x* \v 20 ጎዳይ ሄ ጋላሳቱዋ ፓይዱዋ ጉያዌ ባዌንቶ፥ ኣሳ ጊዴዳ ኦኒኔ ኣቴና፤ ሺን ኢ ባሬ ዶሬዳ ኣሳቱዋ ዲራው፥ ሄ ጋላሳቱዋ ፓይዱዋ ጉዳ። \p \v 21 «ሄ ዎዴ ኦኒኔ ሂንቴንታ፥ ‹ቤዒቴ፤ ኪሪስቶሲ ሃዋን ዴዔ› ዎይ፥ ‹ቤዒቴ፤ ኪሪስቶሲ ሄዋን ዴዔ› ያጎፔ፥ ሄዋ ኣማኖፒቴ። \v 22 ኣዪሲ ጎፔ፥ ዎርዳንቻ ኪሪስቶሳቱኔ ዎርዶ ናባቱ ዴንዲዴ ባሬንቶ ዳንዳዬቶፔ፥ ሃራይ ኣቶ ፆሳይ ዶሬዳዋንታካ ባሌናው ማላታኔ ማላሊሲያባ ቤሳና። \v 23 ሺን ሂንቴ ናጌቲቴ፤ ታኒ ሂንቴንቶ ኡባባ ካሴታዴ ኦዳዲ። \s1 ኪሪስቶሳ ላዔን ዩሳ \r (ማት 24፡29-31፤ ሉቅ 21፡25-28) \p \v 24 «ሺን ሄ ዎዴ ሄ ዋዪያፔ ጉዪያን፥ \q1 ኣዋይ ማና፤ \q2 ኣጌናይ ፖዒያዋ ኣጋና፤ \x - \xo 13:24 \xt ኢሳ 13፡10፤ ሂዝ 32፡7፤ ኢዩ 2፡10፣ 31፤ 3፡15፤ ሳፅ 6፡12\x* \q1 \v 25 ፆሊንታቱ ሳሉዋፔ ኩንዳና፤ \q2 ቃሲ ሳሉዋን ዴዒያ ዎልቃቱካ ቃፄታና። \x - \xo 13:25 \xt ኢሳ 34፡4፤ ኢዩ 2፡10፤ ሳፅ 6፡13\x* \m \v 26 ሄ ዎዴ ታኒ፥ ኣሳ ናዓይ፥ ዎልቃማ ዎልቃናኔ ቦንቹዋና ሻሪያ ጊዶና ዪሺን፥ ኡንቱንቱ ቤዓና። \x - \xo 13:26 \xt ዳን 7፡13፤ ሳፅ 1፡7\x* \v 27 ሄ ዎዴ ታኒ ኪታንቻቱዋ ሳዓ ኦይዱ ባጋ ኪታና፤ ሳዓ ጋፃፔ ሳሉዋ ጋፃ ጋካናው፥ ፆሳይ ዶሬዳ ኣሳ ሺሻና። \s1 ዎዲያ ዉርሴይ ጋኬዳዋ ማላታ ቤሲያ ባላሲያ ሚቶ \r (ማት 24፡32-35፤ ሉቅ 21፡29-33) \p \v 28 «ሌሚሱዋ ባላሳቶ ጊያ ሚቲፔ ታማሪቴ፤ ባላሳታ ኣጪያ ዎዴኔ ኢዚ ሃይይ ሃይቲያ ዎዴ፥ ቦኒ ማቴዳዋ ሂንቴ ኤሪታ። \v 29 ሃዋዳንካ ሂንቴ ሄ ኡባባይ ሃኒያዋ ቤዒያ ዎዴ፥ ኢ \f + \fr 13:29 \fq ኢ፡ \ft ዬሱሳ ጉሳ።\f* ማታቲዴ ፔንጊያ ሺቄዳዋ \f + \fr 13:29 \fq ማቲዴ ፔንጊያ ሺቄዳዋ፡ \ft ጉሳይ፥ ዬሱሳ ዩሳይ ማቴዳ ጉሳ።\f* ኤሪቴ። \v 30 ታኒ ሂንቴንቶ ቱሙዋ ኦዳይ፤ ሃ ኡባባይ ሃናና ጋካናው፥ ሃ ዎዲያ ዬሌታይ ሃይቂዲጌና። \v 31 ሳሉኔ ሳዓይ ኣና፤ ሺን ታ ቃላይ ኡባካ ኣና። \s1 ዉርሴ ጋላሳኔ ሳቲያ ኦኒኔ ኤሬና \r (ማት 24፡36-44) \p \v 32 «ሺን ሄ ጋላሳኔ ሄ ሳቲያ ኣዉዋ ፃላላፔ ኣቲን፥ ሃራይ ኣቶ ሳሉዋን ዴዒያ ኪታንቻቱዋ ጊዲና፥ ዎይ ታና ናዓ ጊዲናካ ኦኒኔ ኤሪያባይ ባዋ። \v 33 ሄ ዎዲ ኣዉዴ ጊዳኔንቶ፥ ሂንቴ ኤሬና ዲራው፥ ናጌቲቴ፤ ሚኒቴ፤ ፆሳ ዎሲቴ። \v 34 ታ ዩሳይ ባሬ ጎሊያ ኣጊዴ፥ ኦጊያ ቢያ ቢታኒያ ማላ፤ ቢታኒ ባሬ ቆማቱዋሲ ሁጲያን ሁጲያን ኦሱዋ ኢሚዴ፥ ኡንቱንታ ባሬ ኦሱዋሲ ካፖ ኦዳ፤ ቃሲ ካሪያ ናጊያዌካ ሚኒሲዴ ናጋና ማላ ኣዛዜዳ። \p \v 35 «ሄዋ ዲራው፥ ሚኒቴ፤ ኣዪሲ ጎፔ፥ ጎሊያዉ ኦማርሳ ጊዲና፥ ዎይ ቃማ ቢላሄ ጊዲና፥ ዎይ ኩቱ ዋሲያ ዎዴ ጊዲና፥ ዎይ ጉራ ዎንቱማና ጊዲና ኣዉዴ ያኔንቶ፥ ሂንቴ ኤሪኪታ። \v 36 ሂንቴንቱ ኣኬኬናን ኢ ዮፔ፥ ሂንቴንታ ጌሚዒሼዳዋንታ ዴሜና ማላ ሚኒቴ። \v 37 ታኒ ሂንቴንቶ ኦዲያዋ ኣሳ ኡባው ኦዳይ፤ ሚኒቴ።» \c 14 \s1 ኪሪስቶሳ ቦላ ማቄቴዲኖ \r (ማት 26፡1-5፤ ሉቅ 22፡1-2፤ ዮህ 11፡45-53) \p \v 1 ፓሲጋ ባላ ጊያዋ ቦንቺያ ጋላሳይኔ ጫሊቤና ኡኪ ሙሳ ቦንቺያ ባላ ጋላሳይ ጋካናው ላዑ ጋላሳይ ኣቴዳ፤ ቄሳቱዋ ካፓቱኔ ሂጊያ ታማርሲያዋንቱ ኣሳይ ኤሬናን ዬሱሳ ኦይቂዴ ዎና ኦጊያ ኮዪኖ። \x - \xo 14:1 \xt ኬስ 12፡1-27\x* \v 2 «ኣሳይ ዋላሳ ኬሴና ማላ፥ ፓሲጋ ቦንቺያ ጋላሲ ሄዋ ኦኮ» ያጌዲኖ። \s1 ዬሱሳ ሺቱዋ ኦኬዳ ሚሺራቶ \r (ማት 26፡6-13፤ ዮህ 12፡1-8) \p \v 3 ዬሱሲ ቢታኒያ ጋዲያን ኦሉዋ ሃርጊያ ሲሞና ሶዪን ቁማ ማናው ኡቴዳ ዎዴ፥ ኢቲ ሚሺራታ ቢልቃሲያ ኩሜዳ ናርዶሳ ጊያ ዳሪ ኣልዖ ሺቱዋ \f + \fr 14:3 \fq ዳሪ ኣልዖ ሺቱዋ፡ \ft ጉሳይ ሎይ ሳዊያዋ ጉሳ።\f* ኣካዴ ያዱ፤ ሄ ቢልቃሲያ ሜንዴ ሺቱዋ ዬሱሳ ሁጲያን ቲጋዱ። \v 4-5 ሄዋን ዴዒያ ኣሳፔ ኢቱ ኢቱ ሃንቄቲዴ፥ «ሃ ሺቱዋ ጮ ኣያው ባዪዛይ? ሃ ሺቱዋ ሄዙ ፄቱ ቢራ ሳንቲሚያን \f + \fr 14:4-5 \fq ቢራ ሳንቲሚያ፡ \ft 6፡37 ፄሊቴ።\f* ዛሊዒዴ፥ ሚሻ ሂዬሳው ኢማናው ዳንዳዬቴ» ያጊዴ ባሬንቱ ጊዶን ሃሳዪኖ፤ ያቲዴ ሄ ሚሺራቶ ዳሪሲ ሃንቄቴዲኖ። \p \v 6 ሺን ዬሱሲ ሃዋዳን ያጌዳ፤ «ሃ ሚሺራቶ ኣይኔ ጎፒቴ፤ ኢዞ ኣዪሲ ሜቶቴ? ኢዛ ታው ሎዖባ ኦዱ። \v 7 ሂዬሳቱ ኡባ ዎዴ ሂንቴንቱና ዴዒኖ፤ ሂንቴ ኮዬዳ ዎዴ ኣዉዴኔ ኡንቱንታ ማዳናው ዳንዳዪታ፤ ሺን ታኒ ኡባ ዎዴ ሂንቴንቱና ዴዒኬ። \x - \xo 14:7 \xt ዛር 15፡11\x* \v 8 ኢዛ ባሬው ዳንዳዬቴዳዋ ኦዱ፤ ቃሲ ታ ኣሳቴይ ሞጌታናፔ ካሴታዴ ሞጎ ጊጊሳናው ሺቱዋ ኦካዱ። \v 9 ታኒ ሂንቴንቶ ቱሙዋ ኦዳይ፤ ሳዓ ኡባን ዎንጋላ ሚሺራቹዋ ኦዲያሳን ሃቃኒኔካ፥ ኣሳይ ኢዞ ቆፓና ማላ፥ ሃ ኢዛ ኦዳዌ ኦዴታና» ያጌዳ። \s1 ዪሁዳ ኣስቆሮቱ ዬሱሳ ኣዴ ኢማናው ዞሬታ ኤኖ ጌዳ \r (ማት 26፡14-16፤ ሉቅ 22፡3-6) \p \v 10 ታማኔ ላዑ ዬሱሳ ካሊያዋንቱፔ ኢቱ ዪሁዳ ኣስቆሮቱ \f + \fr 14:10 \fq ዪሁዳ ኣስቆሮቱ፡ \ft 3፡19 ፄሊቴ።\f* ጊያዌ፥ ዬሱሳ ቄሳቱዋ ካፓቱዋሲ ኣዴ ኢማናው ኡንቱንቱኮ ቤዳ። \v 11 ኡንቱንቱ ሄዋ ሲሴዳ ዎዴ ናሼቲዴ፥ «ኑኒ ኔው ሚሻ ኢማና» ያጌዲኖ፤ ዪሁዳ ኣስቆሮቱ ዬሱሳ ኣዴ ኢማናው ኢንጄቲያ ዎዲያ ዎቼ። \s1 ዬሱሲ ባሬና ካሊያዋንቱና ፓሲጋ ቁማ ሜዳ \r (ማት 26፡17-25፤ ሉቅ 22፡7-14፣ 21-23፤ ዮህ 13፡21-30) \p \v 12 ጫሊቤና ኡኪ ሚያ ባላ ጋላሳ ቦንቺያ ኮይሮ ጋላሲ፥ ፓሲጋ ቁማ ማናው ዶርሳ ሹኪያ ዎዴ፥ ዬሱሳ ካሊያዋንቱ ኣ፥ «ፓሲጋ ቦንቺያ ጋላሲ ኔኒ ማና ቁማ ኑኒ ሃቃ ቢዴ ጊጊሳኔ?» ያጊዴ ኦቼዲኖ። \p \v 13 ዬሱሲ ባሬና ካሊያዋንቱፔ ላዓቱዋ ሃዋዳን ያጊዴ ኪቴዳ፤ «ካታማ ቢቴ፤ ሂንቴ ቢሺን፥ ኦቱዋን ሃ ቶኬዳ ኢቲ ቢታኒ ሂንቴንቱና ጋኬታናዋ፤ ኣ ካሊቴ። \v 14 ኢ ቢዴ ጌሊያ ጎሊያዉዋ፥ ‹ታማሪሲያዌ ኔና፥ «ታኒ ታና ካሊያዋንቱና ፓሲጋ ቁማ ማናው ታ ኢማ ኪፊሊ ሃቃኔ?» ያጌ› ያጊቴ። \v 15 ጎሊያዉ ሂንቴንታ ፖቂያ ቦላን ዴዒያ ጊጊ ኡቴዳ ኣኮ ኪፊሊያ ቤሳና፤ ሄዋን ኑሲ ጊጊሲቴ» ያጌዳ። \p \v 16 ሄ ላዑ ዬሱሳ ካሊያዋንቱ ኬሲዴ፥ ካታማ ቤዲኖ፤ ዬሱሲ ባሬንቶ ኦዴዳዋዳንካ ኡባባ ዴሚዴ፥ ፓሲጋ ቁማ ጊግሴዲኖ። \p \v 17 ሳዓይ ኦማርሲያ ዎዴ ዬሱሲ ታማኔ ላዑ ባሬና ካሊያዋንቱና ያ ቤዳ። \v 18 ኡንቱንቱ ኡቲዴ ሳምፓፔ ቁማ ሚሺን፥ ዬሱሲ ኡንቱንታ፥ «ታኒ ሂንቴንቶ ቱሙዋ ኦዳይ፤ ሂንቴንቱፔ ኢቱ ታናና ሚያዌ፥ ታና ኣዴ ኢማናዋ» ያጌዳ። \x - \xo 14:18 \xt ማዝ 41፡9\x* \p \v 19 ኣ ካሊያዋንቱ ሎይ ሲሴቲና፥ ሁጲያን ሁጲያን ኣ፥ «ቱሙ ታኔሻ?» ጊያዋ ዶሜዲኖ። \p \v 20 ዬሱሲ ዛሪዴ፥ «ኢ ሃ ሂንቴንቱ ታማኔ ላዓቱዋፔ ኢቱዋ፤ ኢ ታናና ኢቲፔ ቱሻናው ባሬ ዳቡዋ ሻታን ዬዲያዋ። \v 21 ታኒ፥ ኣሳ ናዓይ፥ ፆሳ ማፃፋይ ሃይቃና ጌዳዋዳን ሃይቃና፤ ሺን ታና፥ ኣሳ ናዓ፥ ኣዴ ኢሚያ ኡራው ኣዬሮ፤ ሄ ኡራይ ዬሌቴናን ኣቴዴንቶ፥ ኣው ሎዓ ሺን» ያጌዳ። \s1 ጎዳ ካዉዋ ኣኪያ ዎጋ \r (ማት 26፡26-30፤ ሉቅ 22፡14-20፤ 1ቆር 11፡23-25) \p \v 22 ኡንቱንቱ ሚሺን፥ ዬሱሲ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንዴ፥ ባሬና ካሊያዋንቶ ኢሚዴ፥ «ሄይቴ፤ ሃዌ ታ ኣሹዋ» ያጌዳ። \p \v 23 ፁዓ ኣኪዴ፥ ፆሳ ጋላቲዴ፥ ኡንቱንቶ ኢሜዳ፤ ኡባይ ሄ ፁዓፔ ኡሼዲኖ። \v 24 ዬሱሲ፥ «ሃዌ ኦራ ጫቁዋን \f + \fr 14:24 \fq ኦራ ጫቁዋ፡ \ft ፆሳይ ባሬ ኣሳሲ ዬሱሳ ሃይቁዋ ባጋና ቃላ ጌሌዳ ኦራ ቃላ ጫቁዋ። ሄዌኔካ ኣ ጋኪያ ፁዓ፥ ኢ ባሬ ሱ ጉሲዴ ኣ ኢሜዳ ኣ ዴዑዋ። ሄዌኔካ፥ ኑ ኤጫ ኣሳቴይ ኡባይ ላሜቲና፥ ኦራፄዳ ፆሳ ሂጊ ኑ ዎዛናኒ ፃፌቴዳዋ ኦዴ።\f* ጮራ ኣሳ ዲራው ጉኪያ ታ ሱ። \x - \xo 14:24 \xt ኬስ 24፡8፤ ኤርም 31፡31-34\x* \v 25 ታኒ ሂንቴንቶ ቱሙዋ ኦዳይ፤ ታኒ ፆሳ ካዉቴን ኦራ ዎዪኒያ ኤሳ ኡሻና ጋላሳይ ጋካናው፥ ላዔንዋ ሃ ዎዪኒያ ኤሳ ኡባካ ኡሺኬ» ያጌዳ። \p \v 26 ማዚሙሪያ ዬፄዳዋፔ ጉዪያን፥ ዴብሬ ዛይቴ ዴሪያ ቤዲኖ። \s1 ጴፂሮሲ ካዳናዋ ዬሱሲ ካሴቲዴ ኦዴዳ \r (ማት 26፡31-35፤ ሉቅ 22፡31-34፤ ዮህ 13፡36-38) \p \v 27 ዬሱሲ ባሬና ካሊያዋንቶ፥ «ሂንቴንቱ ኡባይ ታና ዬጊዴ ዎፃኒታ፤ ኣዪሲ ጎፔ፥ ፆሳ ማፃፋይ፥ \q1 ‹ፆሳይ ዶርሳ ሄሚያዋ ዎና፤ \q2 ሄዋፔ ጉዪያን ዶርሳይ ኡባይ ላሌታና ጌ› \m ያጌዳ። \x - \xo 14:27 \xt ዛክ 13፡7\x* \v 28 ሺን ታኒ ሃይቁዋፔ ዴንዴዳዋፔ ጉዪያን፥ ሂንቴንቱፔ ካሴታዴ ጋሊላ ባና» ያጌዳ። \p \v 29 ጴፂሮሲ ዛሪዴ፥ «ኡንቱንቱ ኡባቱ ኔና ዬጊዴ ቦፔካ፥ ታኒ ኔና ሙሌካ ዬጊኬ» ያጌዳ። \p \v 30 ዬሱሲ ጴፂሮሳ፥ «ታኒ ኔው ቱሙዋ ኦዳይ፤ ሃቼ ቃማ ኩቱ ላዔዋ ዋሳናፔ ካሴ፥ ኔን ታና ሄዙ ጌዴ ካዳናሳ» ያጌዳ። \p \v 31 ሺን ጴፂሮሲ ካሴዋፔካ ሚኒሲዴ፥ «ታኒ ሃራይ ኣቶ፥ ኔናና ኢቲፔ ሃይቂንቶካ፥ ኔና ሙሌካ ካዲኬ» ያጌዳ። ቃሲ ሃራቱ ኡባቱካ ሄዋዳን ጌዲኖ። \s1 ዬሱሲ ጌቴሴማኒያን ዎሴዳ \r (ማት 26፡36-46፤ ሉቅ 22፡39-46) \p \v 32 ጌቴሴማኔ ጊያ ሳዓ ቤዲኖ፤ ዬሱሲ ባሬና ካሊያዋንታ «ታኒ ፆሳ ዎሳናሲ፥ ሂንቴንቱ ሃዋን ኡቲሺቴ» ያጌዳ። \p \v 33 ዬሱሲ ጴፂሮሳ፥ ያዪቆባኔ ዮሃኒሳ ባሬናና ኣፌዳ፤ ዳሪ ካዮቴዳኔ ሜቶቴዳ። \v 34 ቃሲ ኡንቱንታ፥ «ታኒ ሃይቃና ጋካናዉካ ካዮታይ፤ ሃዋን ታኪሺቴ፤ ጌሚዒሾፒቴ» ያጌዳ። \p \v 35 ጉ ሲንኮ ሺቂዴ፥ ሳዓን ጉፋኒዴ፥ ዳንዳዬቲያዋ ጊዶፔ፥ ሄ ዎዲ ባሬፔ ኣና ማላ፥ ፆሳ ዎሴዳ። \v 36 ቃሲካ፥ «ኣባቦ፥ \f + \fr 14:36 \fq ኣባ፡ \ft ጉሳይ ግሪኬ ቃላንካ «ኣባ» ጊዲያ ዎዴ፥ ኣራማዪኬ ቃላኒ «ኣባ» ጊያዋ።\f* ታ ኣቦ፥ ኡባባይ ኔው ዳንዳዬቴ፤ ሃ ፁዓ ታፔ ዲጋ፤ ሺን ኔ ሼኒያዳን ሃኖፔ ኣቲን፥ ታ ሼኒያዳን ሃኖፖ» ያጌዳ። \p \v 37 ዬሱሲ ባሬና ካሊያዋንቱኮ ሲሚ ዪዴ፥ ጌሚዒሼዳዋንታ ዴሚዴ ጴፂሮሳ፥ «ሲሞና፥ ጌሚዒሻዲ? ኔን ኢቲ ሳቴንቶኔ ናጋናው ዳንዳያቤይኪ? \v 38 ፓጪያን ሂንቴ ጌሌና ማላ፥ ናጌቲቴኔ ፆሳ ዎሲቴ፤ ኣያናይ ጊጊ ኡቴዳ፤ ሺን ኣሹ ዳቡራንቻ» ያጌዳ። \p \v 39 ቃሲካ ቢዴ ካሴዋዳንካ ፆሳ ዎሴዳ። \v 40 ኣ ካሊያዋንቱኮ ጉዬ ሲሚዴ ኢ ዪያ ዎዴ፥ ጌሚዒሼዳዋንታ ዴሜዳ፤ ኡንቱንቱ ኣይፊያ ጌሚዒሹ ጎዚ ዎዳ ዲራው፥ ኣው ኣያ ሃሳዪኖንቶካ ኤሪቤይኪኖ። \p \v 41 ሄዜንዋ ኡንቱንቱኮ ዪዴ፥ «ሃዒ ጋካናዉካ ጌሚዒሺቴኔ ሼምፒቴ? ጊዳና፤ ዎዲ ጋኬዳ፤ ቤዒቴ፥ ታና፥ ኣሳ ናዓ፥ ናጋራንቻ ኣሳቱዋ ኩሺያን ኣዴ ኢሚያ ዎዲ ጋኬዳ። \v 42 ዴንዲና ቦይቴ፤ ቤዒቴ፥ ታና ኣዴ ኢሚያዌ ሃዌኩ ጋኬዳ» ያጌዳ። \s1 ዬሱሲ ባሬ ሞርኬቱዋ ኩሺያን ኦይቄቴዳ \r (ማት 26፡47-56፤ ሉቅ 22፡47-53፤ ዮህ 18፡3-12) \p \v 43 ዬሱሲ ሄዋ ቢሮ ሃሳዪሺን፥ ታማኔ ላዑ ኣ ካሊያዋንቱፔ ኢቱ፥ ዪሁዳ ኣስቆሮቱ፥ ኤሌካ ጋኪ ዎዳ፤ ቃሲ ቄሳቱዋ ካፓቱ ሂጊያ ታማሪሲያዋንቱኔ ጪማቱ ኪቲና፥ ማሻኔ ፃምዓ ኦይቄዳ ጮራ ኣሳይ ኣናና ኢቲፔ ዬዳ። \v 44 ዬሱሳ ኣ ኢሚያዌ ሄ ጮራ ኣሳው፥ «ታኒ ዬሪያዌ ኣ፤ ኣ ኦይቂዴ ሎይ ናጊዴ፥ ኣፊቴ» ያጊዴ ማላ ኦዲ ዎዳ። \p \v 45 ዪሁዳ ኣስቆሮቱ ጋኮሳናካ ዬሱሳኮ ሺቂዴ፥ «ታማሪሲያዎ» ያጊዴ ዬሱሳ ዬሪ ኣኬዳ። \v 46 ሄ ጮራ ኣሳይ ዬሱሳ ሚኒሲ ኦይቄዳ። \v 47 ሺን ማታን ኤቄዳዋንቱፔ ኢቱ ባሬ ጩቢያ ሾዲኔ ቄሳቱዋ ኡባቱዋ ካፑዋ ቆማ ሾጪዴ፥ ኣ ሃይ ቃንፂ ኦሌዳ። \p \v 48 ዬሱሲ ዛሪዴ፥ ሄ ሺቄዳ ጮራ ኣሳ፥ «ታና ቦንቃንቻ ኬሲዴ፥ ቦንቃንቻ ኦይቂያዋዳን ኦይቃናው ጩቢያኔ ፃምዓ ኦይቂዴ ዬዲቴ? \v 49 ታኒ ጌሻ ጎሊያን ታማሪሳዴ፥ ጋላሳን ጋላሳን ሂንቴንቱና ዴዒያ ዎዴ ታና ኦይቂቤይኪታ፤ ሺን ፆሳ ማፃፋቱ ጌዳዌ ፖሌታናው ቤሴ» ያጌዳ። \p \v 50 ዬሱሳ ካሊያዋንቱ ኡባቱ ኣ ዬጊዴ ቢ ኣጌዲኖ። \p \v 51 ናፃላ ፃላላ ማዬዳ ኢቲ ያላጋ ቢታኒ ዬሱሳ ካሊያዋ ኣሳይ ኦይቄዳ። \v 52 ሺን ሄ ቢታኒ ናፃላ ኦሊዴ፥ ካሎ ፂራ ዎፄዳ። \s1 ዬሱሳ ፒርዲያ ሻንጋቱዋኮ ኣፌዲኖ \r (ማት 26፡57-68፤ ሉቅ 22፡54-55፣ 63-71፤ ዮህ 18፡13-14፣ 19-24) \p \v 53 ኣሳይ ዬሱሳ ቄሳቱዋ ኡባቱዋ ካፑዋ ሶይ፥ ቄሳቱዋ ካፓቱዋ ኡባቱ፥ ጪማቱኔ ሂጊያ ታማርሲያዋንቱ ሺቄዳሳ ኣፌዲኖ። \v 54 ጴፂሮሲ ቄሳቱዋ ኡባቱዋ ካፑዋ ዲርሳ ጊዱዋ ጋካናሲ ሃኩዋን ኣ ካሌዳ፤ ያኒ ናጊያዋና ታማ ካሺዴ፥ ኡቲ ኣጌዳ። \p \v 55 ቄሳቱዋ ካፓቱኔ ሄዋን ሺቄዳ ኣሳይ ኡባይ ዬሱሳ ዎናው ኣ ቦላ ማርካ ኮዬዲኖ፤ ሺን ኣይኔ ዴሚቤይኪኖ። \v 56 ኣዪሲ ጎፔ፥ ጮራ ኣሳቱ ኣ ቦላን ዎርዱዋ ማርካቴዲኖ፤ ሺን ኡንቱንቱ ማርካቴይ ኢቲ ማላ ጊዴና። \p \v 57-58 ኢቲ ኢቲ ኣሳቱ ዴንዲ ኤቂዴ ዬሱሳ ቦላ፥ «ኢ፥ ‹ታኒ ኣሳይ ኬፄዳ ሃ ጌሻ ጎሊያ ኮላዴ፥ ኣሳይ ኬፂቤና ሃራ ጌሻ ጎሊያ ሄዙ ጋላሳ ጊዶን ኬፃና› ጊሺን፥ ኑኒ ሲሴዶ» ያጊዴ ዎርዱዋ ማርካቴዲኖ። \v 59 ሺን ሃራይ ኣቶ ኡንቱንቱ ማርካቴይ ሄዋን ኢቲ ማላ ጊዲቤና። \p \v 60 ቄሳቱዋ ኡባቱዋ ካፑ ኣሳ ኡባ ሲንን ዴንዲ ኤቂዴ ዬሱሳ፥ «ሃዋንቱ ኔና ሞቲያ ሞቶ ኔው ዛሪያባይ ባዌ?» ያጊዴ ኦቼዳ። \v 61 ሺን ዬሱሲ ጮዑ ጊዴ፥ ኣይኔ ዛሪቤና፤ ቄሳቱዋ ኡባቱዋ ካፑ ኣ፥ «ኣንጄቴዳ ፆሳ ናዓይ ኪሪስቶሲ ኔኔ?» ያጊዴ ላዔንዋ ኦቼዳ። \p \v 62 ዬሱሲ ዛሪዴ፥ «ኤ፥ ታና፤ ሂንቴ ታና፥ ኣሳ ናዓ፥ ዎልቃማ ፆሳፔ ኡሼቻ ባጋና ኡቲዴዒሺናኔ ሳሉዋ ሻሪያና ዪሺን ቤዓና» ያጌዳ። \x - \xo 14:62 \xt ዳን 7፡13\x* \p \v 63 ቄሳቱዋ ኡባቱዋ ካፑ ባሬ ማዩዋ ፔ ኦሊዴ፥ «ኑና ሃዋፔ ሲንን ኣዪሲ ሃራ ማርካ ኮሺ? \v 64 ሂንቴንቱ ኣ ቦሪያ ሲሴዲታ፤ ሂንቴ ቆፋይ ኣዬ?» ያጌዳ፤ ኡንቱንቱ ኡባይ፥ «ኢ ሃይቃና ቤሴ» ያጊዴ ኣ ቦላ ፒርዴዲኖ። \x - \xo 14:64 \xt ዎግ 24፡16\x* \p \v 65 ኡንቱንቱፔ ኢቱ ኢቱ ኣ ቦላ ጩሼ ዶሜዲኖ፤ ኣ ኣይፊያ ካሚ ዴቺዴ፥ «ኔና ዴቼዳዌ ኦኔ? ኣኔ ቲምቢቲያ ኦዳ!» ያጌዲኖ፤ ቃሲ ናጊያዋንቱካ ኣ ቂንፃሊያ ባቂዴ ኣፌዲኖ። \s1 ጴፂሮሲ ዬሱሳ ካዴዳ \r (ማት 26፡69-75፤ ሉቅ 22፡56-62፤ ዮህ 18፡15-18፣ 25-27) \p \v 66 ጴፂሮሲ ዲርሳ ጊዶን ሂርኪና ዴዒሺን፥ ቄሳቱዋ ኡባቱዋ ካፑዋ ማጫ ኣሺካራቱዋፔ ኢቲና ያዱ። \v 67 ጴፂሮሲ ታማ ካሺያዋ ቤዓዴ፥ ጫዳ ፄላዴ፥ «ኔኒካ ናዚሬቲያ ዬሱሳና ኢቲፔ ዴዓ» ያጋዱ። \p \v 68 ሺን ጴፂሮሲ፥ «ኔኒ ጊያዌ ኣዬንቶ ታኒ ኤሪኬ፤ ታው ኣኬኬቴና» ያጊዴ ካዴዳ፤ ያቲዴ ዲርሳ ፔንጊያኮ ኬሴዳ፤ ኩቱካ ዋሴዳ። \f + \fr 14:68 \fq ኩቱካ ዋሴዳ፡ \ft ሃ ቃላይ ቤኒ ቢሌቴዳ ኢቲ ኢቲ ቢሌኒ ባዋ።\f* \p \v 69 ሄ ኣሺካራታ ጴፂሮሳ ቤዓዴ፥ ኣ ማታን ኤቄዳ ኣሳቱዋ፥ «ሃ ቢታኒካ ኡንቱንቱና ዴዔ» ጋዴ ጉጃዴ ኦዱዋ ዶማዱ። \v 70 ሺን ጴፂሮሲ ቃሲካ ካዴዳ። \p ጉ ጋሚዒሺን፥ ማታን ኤቄዳ ኣሳቱ ላዔንዋ ጴፂሮሳ፥ «ኔኒ ቱማ ኡንቱንቱና ኢቲፔ ዴዓ፤ ኣዪሲ ጎፔ፥ ኔኒ ጋሊላ ጋዲያ ኣሳ» ያጌዲኖ። \p \v 71 ሺን ጴፂሮሲ፥ «ታኒ ሄዋ ሂንቴ ጊያ ቢታኒያ ኤሪኬ!» ያጊዴ ባሬና ሼቃኔ ጫቁዋ ዶሜዳ። \p \v 72 ኤሌካ ኩቱ ላዔዋ ዋሲ ኣጌዳ፤ ጴፂሮስ ባሬና ዬሱሲ፥ «ኔኒ ኩቱ ላዔዋ ዋሳናፔ ካሴ ሄዙ ጌዴ ታና ካዳናሳ» ጌዳዋ ሃሳዪዴ፥ ዳሪ ዬኬዳ። \c 15 \s1 ዬሱሳ ጲላፆሳኮ ኣፌዲኖ \r (ማት 27፡1-2፣ 11-14፤ ሉቅ 23፡1-5፤ ዮህ 18፡28-38) \p \v 1 ዎንታ ጉራን ኤሌካ ቄሳቱዋ ካፓቱ ጪማቱዋናኔ ሙሴ ሂጊያ ታማሪሲያዋንቱና ሄዋን ሺቄዳ ኣዪሁዳ ሻንጋቱዋ ኡባና ማቄቲዴ፥ ዬሱሳ ቃቺ ኣፊዴ፥ ጲላፆሳው ኣዴ ኢሜዲኖ። \p \v 2 ጲላፆሲ ኣ፥ «ኔኒ ኣዪሁዳቱዋ ካቴ?» ያጊዴ ኦቼዳ። \p ዬሱሲ ዛሪዴ ኣ፥ «ኔ ጊያዋዳና» ያጌዳ። \p \v 3 ቄሳቱዋ ካፓቱ ዬሱሳ ዳሮባን ሞቴዲኖ። \v 4 ጲላፆሲ ሺሬቲዴ ዬሱሳ፥ «ኔው ዛሪያባይ ባዌ? ኡንቱንቱ ኔ ቦላ ዎዪሳ ሞቱዋ ኣሂንቶ ቤዒኪ?» ያጊዴ ኦቼዳ። \p \v 5 ሺን ዬሱሲ ሃራባ ዛሬናን ኢፂና፥ ጲላፆሲ ማላሌቴዳ። \s1 ዬሱሳ ቦላ ሃይቁዋ ፒርዴዲኖ \r (ማት 27፡15-26፤ ሉቅ 23፡13-25፤ ዮህ 18፡39-40፤ 19፡1-16) \p \v 6 ጲላፆሳው ፓሲጋ ባላ ቦንቺያ ጋላሳን ኣሳይ ኮዪያ ኢቲ ኡራ ቃሹዋፔ ቢሊያ ዎጋይ ዴዔ። \v 7 ሄ ዎዴ ኢቲ ባርባና ጊያ ቢታኒ ዋላሳ ኬሲዴ ሼምፑዋ ዎዳ ኣሳቱዋና ኢቲፔ ቃሾ ጎሊያን ዴዔ። \v 8 ሺቄዳ ጮራ ኣሳይ ጲላፆሲ ካሴ ኤሬቶዋዳንካ ባሬንቶ ማሮታ ኦና ማላ፥ ኣ ኦቼዲኖ። \v 9 ጲላፆሲ ኣሳ ዛሪዴ፥ «ታኒ ሂንቴንቶ ኣዪሁዳቱዋ ካቲያ ቢሊያዋ ኮዪቴ?» ያጊዴ ኦቼዳ። \v 10 ኣዪሲ ጎፔ፥ ቄሳቱዋ ካፓቱ ዬሱሳ ቃናቲዴ ኣ ኢሜዳዋ ጲላፆሲ ኤሬዳ። \p \v 11 ሺን ቄሳቱዋ ካፓቱ ዬሱሳ ኮታ ባርባና ቢላናዳን፥ ሄ ሺቄዳ ኣሳይ ጲላፆሳ ዎሳና ማላ፥ ኣሳ ማቄዲኖ። \v 12 ጲላፆሲ ላዔንዋ ዛሪዴ፥ «ያቲና፥ ሃ ኣዪሁዳ ካቲያ ሂንቴንቱ ጊያዋ ዎቶ?» ያጌዳ። \p \v 13 ኣሳይ ጲላፆሳው ዛሪ ዛሪ ባሬንቱ ኮሻ ቁ ኦዴ፥ «ኣ ካቃ» ያጌዲኖ። \p \v 14 ጲላፆሲ ኣሳ፥ «ኣዪሲ? ኢ ኣይ ኢታባ ኦዴ?» ያጌዳ። \p ሺን ኣሳይ ካሴዋፔካ ባሬ ኮሻ ቁ ኦዴ፥ «ኣ ካቃ» ያጌዲኖ። \p \v 15 ጲላፆሲ ኣሳ ናሼቻናው ኮዪዴ፥ ባርባና ኣሳው ቢሌዳ፤ ያቲዴ ሊሱዋን ዬሱሳ ዎታዳራቱዋን ሾጪሲዴ፥ ካቃና ማላ ኡንቱንቶ ኣ ኢሜዳ። \s1 ዎታዳራቱ ዬሱሳ ቂሊጬዲኖ \r (ማት 27፡27-31፤ ዮህ 19፡2-3) \p \v 16 ሄዋፔ ጉዪያን፥ ዎታዳራቱ ዬሱሳ ጋዲያ ሞዲያዋ ጊቢያ ኣፊዴ፥ ሃራ ዎታዳራቱዋ ኡባ ኢቲፔ ፄሴዲኖ። \v 17 ቃሲ ዞዖ ማዩዋ ኣ ማዪዜዲኖ፤ ኣጉን ኣኪሊሊያ ጊጊሲዴ፥ ኣ ሁጲያን ዎዲኖ። \v 18 ሄዋፔ ጉዪያን ኣ፥ «ኣዪሁዳቱዋ ካቴው፥ ሳሮታይ ኔው ጊዶ» ያጊ ሳሮቲዴ፥ ኣ ቂሊጩዋ ዶሜዲኖ። \v 19 ዬሱሳ ሁጲያ ማቃ ፃምዓን ሾጬዲኖ፤ ቃሲ ኣ ቦላን ጩቼዲኖ፤ ጉልባቲዴ ኣው ጎዪኔዲኖ። \v 20 ኣ ቦላ ቂሊጬዳዋፔ ጉዪያን፥ ዞዖ ማዩዋ ኣፔ ቃሪ ኣኪዴ፥ ኣ ማዩዋ ኣ ማዪዜዲኖ፤ ያቲዴ ማስቃሊያ ቦላን ሚሲማሪያን ሺዴ፥ ኣ ካቃናው ኣፌዲኖ። \s1 ዬሱሳ ካቄዲኖ \r (ማት 27፡32-44፤ ሉቅ 23፡26-43፤ ዮህ 19፡17-27) \p \v 21 ኡንቱንቱ ቢዴ፥ ኢስኪንዲራኔ ሩፎሳ ዬሌዳ ኣዉዋ፥ ኢቲ ሲሞና ጊያ ቄሬና ጋዲያ ኣሳይ፥ ጋፃፔ ካታማ ዪያዋና ጋኬቲዴ፥ ዬሱሳ ማስቃሊያ ዎልቃን ቶሴዲኖ። \x - \xo 15:21 \xt ሮም 16፡13\x* \v 22 ያቲዴ ጎልጎታ ጌቴቲያሳ ዬሱሳ ኣፌዲኖ። «ጎልጎታ» ጊያዌ «ሁጲያ ጎሲያሳ» \f + \fr 15:22 \fq «ሁጲያ ጎሲያሳ» \ft ጌቴቲያዌ፥ ኣሳ ሁጲያ ማላቲያ ሹቻይ ሄዋን ዴዒያ ዲራው፥ ሁጲያ ጎሲያሳ ጌቴቴዳ።\f* ጊያዋ። \v 23 ካዋራ ጊያ ሊ ዋላኬቴዳ ዎዪኒያ ኤሳ ዬሱሳው ኡሻናው ኢሜዲኖ፤ ሺን ኢ ኡሼናን ኢፄዳ። \v 24 ኡንቱንቱ ኣ ካቄዲኖ፤ ቃሲ ኦና ኦና ጋካኔንቶ ኤራናው ኣ ማዩዋ ሻኪዴ፥ ሳማ ዬጌዲኖ። \x - \xo 15:24 \xt ማዝ 22፡18\x* \p \v 25 ኡንቱንቱ ኣ ካቂያ ዎዴ፥ ዎንታፔ ሄዙ ሳቴ። \v 26 «ኣዪሁዳቱዋ ካቲያ» ያጊ ኣ ሞቲያ ፃፉ ፃፌቲ ኡቴዳ። \v 27 ዬሱሳና ላዑ ካዪሳቱዋ ኢቱዋ ኣፔ ኡሼቻ ባጋና፥ ቃሲ ኢቱዋ ኣፔ ሃዲርሳ ባጋና ማስቃሊያ ቦላ ሚሲማሪያን ሺዴ ካቄዲኖ። \v 28 ፆሳ ማፃፋይ፥ «ኢታባ ኦዳ ኣሳቱዋና ኢ ፓይዴቴዳ» ያጊያዌ ፖሌቴዳ። \x - \xo 15:28 \xt ኢሳ 53፡12\x* \p \v 29 ኦጊያና ኣያ ኣሳይ ዬሱሳ ካዴ፥ ባሬንቱ ሁጲያ ቃዴ ቦሬዲኖ፤ «ሲሚ፥ ጌሻ ጎሊያ ኮላዴ ሄዙ ጋላሳ ጊዶን ኬፂያዎ፥ \x - \xo 15:29 \xt ማዝ 22፡7፤ 109፡25፤ ማር 14፡58፤ ዮህ 2፡19\x* \v 30 ኣኔ ማስቃሊያ ቦላፔ ዎዴ፥ ኔ ሁጲያ ኣሻ» ያጌዲኖ። \p \v 31 ሃዋዳንካ ቄሳቱዋ ካፓቱ ሙሴ ሂጊያ ታማሪሲያዋንቱና ኢቲፔ ዬሱሳ ቦላ፥ «ሃራ ኣሳቱዋ ኣሼዳ፤ ሺን ባሬና ኣሻናው ዳንዳዬና፤ \v 32 ኑኒ ቤዒዴ ኣማናና ማላ፥ ኪሪስቶሲ ኢስራዔሊያ ካቲ፥ ኣኔ ማስቃሊያ ቦላፔ ሃዒ ዎ» ጊዴ ቂሊጬዲኖ። ቃሲ ሃራይ ኣቶ፥ ኣናና ማስቃሊያ ቦላ ሚሲማሪያን ሼቲዴ ካቄቴዳዋንቱካ ኣ ቦላ ቂሊጬዲኖ። \s1 ዬሱሳ ሃይቁዋባ \r (ማት 27፡45-56፤ ሉቅ 23፡44-49፤ ዮህ 19፡28-30) \p \v 33 ኡሱፑን ሳቲያፔ ዶሚዴ፥ ኡዱፑ ሳቲያ ጋካናው፥ ጋዲያ ኡባይ ሜዳ። \v 34 ኡዱፑ ሳቲያን ዬሱሲ ባሬ ቃላ ቁ ኦዴ፥ «ኤሎሄ፥ ኤሎሄ፥ ላማ ሳባቂታኒ?» \f + \fr 15:34 \fq «ኤሎሄ … ላማ ሳባቂታኒ»፡ \ft ሃ ቃላቱ ዬሱሲ ሃ ኣላሚያን ኣሹዋ ማዪዴ ሲሜሬቲያ ዎዴ ሃሳዬቲያ ኣራማዪኬ ጌቴቲያ ቃላን ሃሴዬቶዋ።\f* ያጌዳ። ሄዋ ጊያዌ፥ «ታ ፆሳው፥ ታ ፆሳው፥ ታና ኣዪሲ ኣጋዲ?» ጊያዋ። \x - \xo 15:34 \xt ማዝ 22፡1\x* \p \v 35 ሄዋን ኤቄዳ ኣሳፔ ኢቱ ኢቱ ሄዋ ሲሲዴ፥ «ቤዒቴ፤ ኤላሳ ፄሴ» ያጌዳ። \v 36 ሄ ኣሳፔ ኢቱ ዎፂ ዪዴ፥ ዛንዛ ማላቲያዋን ጫላ ዎዪኒያ ኤሳ ኩንዳ፤ ሄዋ ማቃ ጋቲማ ፄራን ዎዴ፥ «ዴዒሺቴ ኣኔ፤ ኤላስ ማስቃሊያፔ ኣ ዎናው ያኔንቶኔ ኣኔ ቤዖይቴ» ያጊዴ ዬሱሳ ዶናኮ ኡሻናው ሺሼዳ። \x - \xo 15:36 \xt ማዝ 69፡21\x* \p \v 37 ዬሱሲ ቃላ ቁ ኦ ዋሲዴ፥ ሃይቂ ኣጌዳ። \p \v 38 ጌሻ ጎሊያን ቃሼቴዳ ጋሪዱ ቆሞፔ ዱጌ ጋካናው፥ ላዑ ኬሲዴ ፖሼቲ ዎዳ። \x - \xo 15:38 \xt ኬስ 26፡31-36\x* \v 39 ማስቃሊያፔ ሲን ባጋና ሄዋን ኤቄዳ ኢቲ ፄቱዋ ካፑ፥ ሄዋ ኬና ዬሱሲ ዋሲዴ ሃይቄዳዋ ቤዔዳ ዎዴ፥ «ሃ ቢታኒ ቱሙ ፆሳ ናዓ» ያጌዳ። \p \v 40 ሄዋን ሃኩዋን ኤቂዴ ፄሊያ ኣማሬዳ ማጫዋንቱ ዴዒኖ፤ ኡንቱንቱ ጊዶን ማግዳላ ጊያ ካታማፔ ዬዳ ማይራማ፥ ቴፋ ያዪቆባኔ ዮሳ ዳያ ማይራማኔ ሳሎማ ዴዒኖ። \v 41 ሄ ማጫ ኣሳቱ ዬሱሲ ጋሊላን ዴዒያ ዎዴ፥ ኣ ካሌዳዋንታኔ ኣ ማዴዳዋንታ፤ ቃሲ ዬሱሳና ኢቲፔ ዬሩሳላሜ ቤዳ ሃራ ጮራ ማጫ ኣሳቱ ሄዋን ዴዒኖ። \s1 ዬሱሳ ሞጉዋባ \r (ማት 27፡57-61፤ ሉቅ 23፡50-56፤ ዮህ 19፡38-42) \p \v 42-43 ሳዓይ ኦማርሴዳ ዎዴ፥ ሄዋን ሺቄዳ ኣሳን ቦንቼቴዳ ኢቲ ዮሴፋ ጊያ ቢታኒ፥ ፆሳ ካዉቴይ ያናዋ ናጊ ኡቴዳዌ፥ ኣርማቲያሳ ጊያ ካታማ ኣሳይ ዬዳ፤ ሄ ጋላሳይ ዎንቴ ሳምባታው ጊጌቲያ ጋላሳ ጊዴዳ ዲራው፥ ዮሴፎ ፃሊዴ ጲላፆሳኮ ቢዴ፥ ዬሱሳ ኣኃ ኣካናው ዎሴዳ። \v 44 ጲላፆሲ፥ ዬሱሲ ማንዒያንካ ሃይቂዲጌዳዋ ሲሴዳ ዎዴ ማላሌቴዳ፤ ፄቱዋ ካፑዋ ፄሲዴ፥ «ኢ ሃይቆዴፔ ጋሚዔዴ?» ያጊዴ ኦቼዳ። \v 45 ጲላፆሲ ዬሱሲ ሃይቄዳዋ ፄቱዋ ካፑዋፔ ሲሲዴ፥ ኣ ኣኃ ዮሴፎ ኣካናዳን ኡዴዳ። \v 46 ዮሴፎ ሞጉዋ ማዩዋ ሻሜዳ፤ ዬሱሳ ኣኃ ማስቃሊያፔ ዎ ማዩዋን ፃፂዴ፥ ሹቻ ዎጬዳ ኣሳ ሞጊያ ጎንጎሉዋ ጊዶን ኣ ኣኃ ዎዳ፤ ቃሲ ሄ ጎንጎሉዋ ዶናን ዎልቃማ ሹቻ ጎንዶርሲዴ ዎዳ። \v 47 ማግዳላ ካታማፔ ዬዳ ማይራማኔ ዮሳ ዳያ ማይራማ ዬሱሳ ኣኃ ኡንቱንቱ ሃቃን ዎንቶ ቤዒኖ። \c 16 \s1 ዬሱሲ ሃይቁዋፔ ዴንዴዳ \r (ማት 28፡1-8፤ ሉቅ 24፡1-12፤ ዮህ 20፡1-10) \p \v 1 ሳምባታይ ኣዳዋፔ ጉዪያን፥ ማግዳላ ካታማፔ ዬዳ ማይራማ፥ ያዪቆባ ዳያ ማይራማኔ ሳሎማ ቢዴ፥ ዬሱሳ ኣኃ ኦካናው ሺቱዋ ሻሜዲኖ። \v 2 ዎጋ ጋላሲ ዎንቱማ ዳሮ ጉራን ፃልቂ ኬሲሺን፥ ሄ ጎንጎሉዋ ቤዲኖ። \v 3 ኡንቱንቱ ባሬንቱ ጊዶን ኢቱ ኢቱዋና፥ «ጎንጎሉዋ ዶናፔ ኑሲ ሹቻ ኦኔ ጎንዶርሲዴ ዲጋናዌሻ?» ያጊዴ ሃሳዪኖ። \p \v 4 ኡንቱንቱ ፄሊያ ዎዴ፥ ሄ ዳሮ ዎልቃማ ሹቻ ጎንዶርሲዲጌዳዋ ቤዔዲኖ። \v 5 ዬሱሲ ሞጌቴዳ ጎንጎሉዋ ጊዶ ጌሊያ ዎዴ፥ ኢቲ ዎዳላ ቢታኒ ቦ ማዩዋ ማዪዴ፥ ኡሼቻ ባጋና ኡቴዳዋ ቤዒዴ ዳጋሜዲኖ። \p \v 6 ሺን ኢ ኡንቱንታ፥ «ዳጋሞፒቴ። ማስቃሊያ ቦላ ካቄቴዳ ናዚሬቲያ ዬሱሳ ሂንቴንቱ ኮዪያዋ ኤራይ። ኢ ሃዋን ባዋ፤ ዴንዲዲጌዳ። ኡንቱንቱ ኣ ዎዳሳ ሃዋ ቤዒቴ። \v 7 ሺን ቢዴ ዬሱሲ ባሬና ካሊያዋንቶኔ ጴፂሮሳው፥ ‹ዬሱሲ ሂንቴንቱፔ ካሴቲዴ ጋሊላ ቤ፤ ኢ ሂንቴንቶ ኦዴዳዋዳንካ ሂንቴንቱ ኣ ያኒ ቤዓና› ያጊዴ ሃዋ ኦዲቴ» ያጌዳ። \p \v 8 ማጫ ኣሳቱ ያሻን ኮኮሪዴ፥ ዬሱሲ ሞጌቴዳ ጎንጎሉዋፔ ኬሲዴ ባቃቲ ኣጌዲኖ፤ ቃሲ ኡንቱንቱ ያዬዳ ዲራው፥ ኣሳው ሄዋ ኦሲኔ ኣይኔ ኦዲቤይኪኖ። \p ማጫ ኣሳቱ ቢዴ፥ ባሬንቶ ኦዴቴዳባ ኡባ ጴፂሮሳዉኔ ኣናና ዴዒያዋንቶ ቃንን ኦዴዲኖ፤ ሄዋፔ ጉዪያን፥ ዬሱሲ ባሬ ሁጴው ባሬና ካሊያዋንቱ ቦላ፥ ሜናው ኣሺያ ላሜቴና ጌሻ ሚሺራቹዋ ቃላ፥ ኣዋይ ሞኪያሳፔ ዉሊያሳ ጋካናው ኪቴዳ። \s1 ዬሱሲ ማግዳላ ማይራሚው ቤቴዳ \r (ማት 28፡9-10፤ ዮህ 20፡11-18) \p \v 9 ዬሱሲ ሃይቁዋፔ ዴንዴዳዋፔ ጉዪያን፥ ዎጋ ጋላሲ ጉራ፥ ላፑ ኢታ ኣያናቱዋ ኬሴዳ ማግዳላ ካታማፔ ዬዳ ማይራሚው ካሴቲዴ ቤቴዳ። \v 10 ኢዛ ባዴ ካሴ ኣናና ዴዒያዋንቶ፥ ቃሬቲዲኔ ዬኪዴ ኡቴዳዋንቶ ኦዳዱ፤ \v 11 ሺን ዬሱሲ ፓፃ ዴዒያዋኔ ኢዚው ቤቴዳዋ ኡንቱንቱ ሲሴዳ ዎዴ፥ ኢዚ ኦዱዋ ቱማ ጊቤይኪኖ። \s1 ዬሱሲ ላዑ ባሬና ካሊያዋንቱሲ ቤቴዳ \r (ሉቅ 24፡13-35) \p \v 12 ሄዋፔ ጉዪያን፥ ኡንቱንቱፔ ላዓቱ ካታማፔ ኬሲዴ ቢሺን፥ ኦጊያን ዬሱሲ ኮይሮዋፔ ዱማቲዴ፥ ኡንቱንቶ ቤቴዳ። \v 13 ኡንቱንቱ ጉዬ ሲሚዴ፥ ሃራቱዋሲ ኦዴዲኖ፤ ሺን ሄዋንቱ ኡንቱንቱ ኦዱዋ ቱማ ጊቤይኪኖ። \s1 ዬሱሲ ታማኔ ኢቲ ባሬና ካሊያዋንቱሲ ቤቴዳ \r (ማት 28፡16-20፤ ሉቅ 24፡36-49፤ ዮህ 20፡19-23፤ ኪት 1፡6-8) \p \v 14 ጉዬፔ ታማኔ ኢቲ ዬሱሳ ካሊያዋንቱ ቁማ ሚሺን፥ ዬሱሲ ኡንቱንቶ ቤቴዳ። ኡንቱንቶ ኣማኑ ባይና ዲራው፥ ኢ ኡንቱንታ ሴሬዳ፤ ቃሲ ሃይቁዋፔ ኢ ዴንዴዳዋ ቤዔዳዋንቱ ኡንቱንቶ ኦዲና፥ ኡንቱንቱ ኣማኔናን ኢፄዳ ዲራዉኔ ኦዲና ሲሴናዋንታ ጊዲያ ዲራው፥ ኢ ኡንቱንታ ሴሬዳ። \p \v 15 ኢ ኡንቱንታ ሃዋዳን ያጌዳ፤ «ኣላሚያ ኡባ ቢዴ፥ ኣሳ ኡባው ዎንጋላ ሚሺራቹዋ ቃላ ኦዲቴ። \v 16 ኣማኖዌኔ ፃማቄቶዌ ኣታና፤ ሺን ኣማኔናዋ ቦላ ፆሳይ ፒርዳና። \v 17 ታናን ኣማኒያዋንቱ ሃ ማላታቱዋ ኦናዋንታ፡ ኡንቱንቱ ታ ሱንን ኢታ ኣያናቱዋ ኬሳናዋንታ፤ ቃሲ ኡንቱንቱ ዱማ ዱማ ኦራ ቃላን ሃሳያናዋንታ። \v 18 ኡንቱንቱ ሾሻ ኦይቆፔካ፥ ዎይ ኣያኔ ዎያ ማርዚያ ኡሺንቶካ ኡንቱንታ ቆሄና። ቃሲ ኡንቱንቱ ባሬንቱ ኩሺያ ሃርጋንቻቱዋ ቦላ ዎና፤ ሄ ሃርጋንቻቱ ፓፃና» ያጌዳ። \s1 ዬሱሲ ሳሉዋ ፑዴ ኬሴዳ \r (ሉቅ 24፡50-53፤ ኪት 1፡9-11) \p \v 19 ጎዳ ዬሱሲ ባሬና ካሊያዋንቱና ሃሳዬዳዋፔ ጉዪያን፥ ፆሳይ ኣ ፑዴ ሳሉዋ ኣፊና፥ ፆሳፔ ኡሼቻ ባጋና ኡቴዳ። \v 20 ኣ ካሊያዋንቱ ቢዴ፥ ኡባሳን ዎንጋላ ሚሺራቹዋ ኦዴዲኖ። ጎዳይካ ኡንቱንቱና ኢቲፔ ኦ፤ ኡንቱንቱ ኦዲያ ቃላይካ ቱማ ጊዴዳዋ ኡንቱንቱ ኦያ ማላታቱዋን ኤሪሴዳ። \f + \fr 16:20 \ft ኢቲ ኢቲ ቤኒ ጌሻ ማፃፋቱዋን ሃ ፓይዳቱ ባዋ።\f*