\id MAT ዳውሮ 
\h ማቶሳ 
\toc1 ማቶሲ ፃፌዳ ሚሺራቹዋ ቃላ 
\toc2 ማቶሳ 
\toc3 ማት 
\mt1 ማቶሲ ፃፌዳ 
\mt2 ሚሺራቹዋ ቃላ 
\imt1 ጌሉዋ 
\ip ማቶሲ ፃፌዳ ሚሺራቹ፥ ዬሱሲ ያና ጌቴቲያ ሂዶታይ ካሴ ኦዴቲ ኡቴዳ ሊያ ጊዲያዋኔ ፆሳይ ካሴ ኤጫ ጫቁዋን ባሬ ኣሳሲ ኢሜዳ ሂዶታ ቃላ ፖሌዳዌ ዬሱሳ ባጋና ጊዲያዋ ኦዲያ ሚሺራቹዋ ቃላ ኦይቄዳዋ። ሃ ሚሺራቹዋ ቃላይ ዬሱሲ ኡንቱንቱ ጊዶን ዬሌቲዴ ዲጬዳዌ ኣዪሁዳቱ ፃላላሳ ጊዴናን፥ ኣላሚያ ኡባን ዴዒያ ኣሳሳ። 
\ip ማቶሲ ፃፌዳ ሚሺራቹዋ ቃላይ ዳሮ ኣኬካን ፃፌቴዳ ማፃፋ። ዬሱሳ ዬሌታን ዶሚዴ፥ ኢ ፃማቄቴዳዋኔ ኢ ፓጬቴዳዋ ኦዲ ሲሚዴ፥ ጋሊላን ኢ ቃላ ኦዴዳዋ፥ ታማሪሴዳዋኔ ሃርጋንቻቱዋ ፓዳዋ ኦዴ። ሄዋፔ ካሊዴ ዬሱሲ ጋሊላፔ ዬሩሳላሜ ቤዳዋኔ ኢ ሃ ኣላሚያን ጋሚዔዳ ዉርሴ ሳሚንታን ሃኔዳ ዬዋቱዋ ቆንጪሴ። ሄዋንቱካ ኢ ካቄቶዋ፥ ሃይቄዳዋኔ ዴንዴዳዋ ኦዲኖ። 
\ip ሃ ሚሺራቹዋ ቃላይ ዬሱሳ፥ ፆሳ ሂጊያ ቢሌ ኢማናው ማታይ ዴዒያዋኔ ፆሳ ካዉቴባ ኤሪሲያ ዎልቃማ ታማሪሲያዋ ኦዴ ሺሼዳ። ኣ ቲሚርቲያፔ ዳሪያ ባጋይ፥ ዱማ ዱማ ኦጊያን ጊጌቴዳ ኢቼሹ ሳን ሻኬቴ። 
\io1 1. ፆሳ ካዉቴን ዴዓና ኣሳ ኤሻ፥ ኦሱዋ፥ ማታኔ ዉርሴ ቃዳ ኦዲያ ዴሪያ ቦላ ቲሚርቲያ (ማት 5፡1-7፡28)። 
\io1 2. ታማኔ ላዑ ዬሱሳ ካሊያዋንቱ ሚሺራቹዋ ቃላ ታማሪሳናው ቤዳ ዎዴ ኡንቱንቶ ኢሜቴዳ ካሌዋ (ማት 10)። 
\io1 3. ፆሳ ካዉቴባ ታማሪሲሺን ሺቄዳ ዱማ ዱማ ሌሚሳቱዋ (ማት 13)። 
\io1 4. ዬሱሳ ካሊያዋንቱባ ቢሊ ኦዲያ ቲሚርቲያ (ማት 18)። 
\io1 5. ሃዒ ዎዲያ ዉርሴኔ ፆሳ ካዉቴ ዩሳ ፄሊያዋን ኢሜቴዳ ቲሚርቲያ (ማት 24-25)። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ዬሱሲ ኪሪስቶሳ ጉዬ ዜሬኔ ዬሌታ (1፡1-2፡23) 
\io1 ፃማቂያ ዮሃኒሳ ኦሱዋ (3፡1-12) 
\io1 ዬሱሲ ፃማቄቶዋኔ ፓጬቶዋ (3፡13-4፡11) 
\io1 ዬሱሲ ኦሱዋ ጋሊላን ዶሞዋ (4፡12-18፡35) 
\io1 ዬሱሲ ጋሊላፔ ዬሩሳላሜ ቦዋ (19፡1-20፡34) 
\io1 ዬሩሳላሜኒኔ ኢዚ ዩሹዋን ዬሱሳ ዉርሴ ሳሚንታ (21፡1-27፡66) 
\io1 ኑ ጎዳ ዬሱሳ ዴንዱዋኔ ቆንጬ (28፡1-20) 
\c 1  
\s1 ዬሱሲ ኪሪስቶሳ ዬሌታ ማራ 
\r (ሉቅ 3፡23-38) 
\p  
\v 1 ሃዌ ዳዊታ ዛሪያኔ ኣብራሃሜ ዛሬ ጊዴዳ ዬሱሲ ኪሪስቶሳ ዬሌታ ኦዲያ ማፃፋ። 
\p  
\v 2 ኣብራሃሜ፥ ዪሳቃ ዬሌዳ፤ ዪሳቂ፥ ያዪቆባ ዬሌዳ፤ ያዪቆቢ፥ ዪሁዳኔ ኣ ኢሻቱዋ ዬሌዳ።  
\v 3 ዪሁዳይ ቲዒማሪፔ ፓሬሳኔ ዛራሃ ዬሌዳ፤ ፓሬሴ፥ ሄፂሮና ዬሌዳ፤ ሄፂሮኔ፥ ራማ ዬሌዳ።  
\v 4 ራሜ ኣሚናዳባ ዬሌዳ፤ ኣሚናዳቤ፥ ናዓሶና ዬሌዳ፤ ናዓሶኔ፥ ሴሊሞና ዬሌዳ።  
\v 5 ሴሊሞኔ፥ ራዓቦ ጌቴቲያ ሚሺራቲፔ ቦዔዛ ዬሌዳ፤ ቦዔዚ፥ ኡሩቶ \x - \xo 1:5 \xt ኡሩ 4፡18-22፤ 1ኦድ 2፡13-15\x* ጌቴቲያ ሚሺራቲፔ ኢዮቤዳ ዬሌዳ፤ ኢዮቤዴ፥ ኢሴይ ዬሌዳ።  
\v 6 ኢሴይ ካቲያ ዳዊታ ዬሌዳ። 
\p ካቲያ ዳዊቴ፥ ኦሪያ ማቻቲፔ ሶሎሞና ዬሌዳ።  
\v 7 ሶሎሞኔ፥ ሮቢዓማ ዬሌዳ፤ ሮቢዓሜ፥ ኣቢያ ዬሌዳ፤ ኣቢያይ፥ ኣሳፋ ዬሌዳ።  
\v 8 ኣሳፌ፥ ዮሳፌፃ ዬሌዳ፤ ዮሳፌፄ፥ ኢዮራማ ዬሌዳ፤ ኢዮራሜ፥ ኦዚያና ዬሌዳ።  
\v 9 ኦዚያኔ፥ ኢዮዓታማ ዬሌዳ፤ ኢዮዓታሜ፥ ኣካዛ ዬሌዳ፤ ኣካዜ፥ ሂዝቂያሳ ዬሌዳ።  
\v 10 ሂዝቂያሴ ሚናሳ ዬሌዳ፤ ሚናሴ፥ ኣሞፃ ዬሌዳ፤ ኣሞፄ፥ ኢዮሲያሳ ዬሌዳ።  
\v 11 ኢስራዔሊያ ኣሳይ ኦሞዴቲዴ፥ ባቢሎኔ ጋዲያ ቤዳ ዎዴ፥ ኢዮሲያሴ ኢኮኒያናኔ \f + \fr 1:11 \ft ሄዋ ጉሳይ፥ ዮዓኪና ጊያዋ፤ ቃሲ ፓይዱዋ 12 ዴዒያዎካ ቢሌይ ኢቱዋ።\f* ኣ ኢሻቱዋ ዬሌዳ። \x - \xo 1:11 \xt 2ካት 24፡14-15፤ 2ኦድ 36፡10፤ ኤርም 27፡20\x* 
\p  
\v 12 ባቢሎኔ ኦሞዱዋፔ ጉዪያን፥ ኢኮኒያናኔ ሳላቲያላ ዬሌዳ፤ ሳላቲያሌ፥ ዜሩባቤላ ዬሌዳ።  
\v 13 ዜሩባቤሊ፥ ኣቢዩዳ ዬሌዳ፤ ኣቢዩዴ፥ ኤሊያቄማ ዬሌዳ፤ ኤሊያቄሚ፥ ኣዞራ ዬሌዳ።  
\v 14 ኣዞሬ ሳዶቃ ዬሌዳ፤ ሳዶቄ፥ ኣኪማ ዬሌዳ፤ ኣኪሜ ኤሊዩዳ ዬሌዳ።  
\v 15 ኤሊዩዴ፥ ኣሊዓዛራ ዬሌዳ፤ ኣሊዓዛሬ፥ ማታና ዬሌዳ፤ ማታኔ፥ ያዪቆባ ዬሌዳ።  
\v 16 ያዪቆቤ፥ ኪሪስቶሳ ጌቴቲያ ዬሱሳ ዬሌዳ ማይራሞ ኦቼዳ ዮሴፋ ዬሌዳ። 
\p  
\v 17 ሲሚ ዬሌታይ ኡባይ ኣብራሃሞፔ ዳዊታ ጋካናው ታማኔ ኦይዱ ዬሌታ፤ ዳዊቴፔ ዶሚዴ፥ ኣሳይ ባቢሎኔ ጋዲያ ኦሞዴቲዴ ቤዳ ዎዲያ ጋካናው ታማኔ ኦይዱ ዬሌታ፤ ኣሳይ ባቢሎኔ ጋዲያ ኦሞዴቲዴ ቤዳ ዎዲያፔ ኪሪስቶሲ \f + \fr 1:17 \ft ኪሪስቶሳ፥ ጊያዌ ግሪኬ ቃላና ጊዶዴ፥ ሜሲህ ጉሳይ ኢቢራዪስፄ ቃላና ጊዲዴ ላዑዋ ቢሌይካ «ኦኬቴዳዋ» ጉሳ።\f* ዬሌቴዳ ዎዲያ ጋካናው ታማኔ ኦይዱ ዬሌታ። 
\s1 ዬሱሲ ኪሪስቶሳ ዬሌታ 
\r (ሉቅ 2፡1-7) 
\p  
\v 18 ዬሱሲ ኪሪስቶሳ ዬሌታይ ሃዋ ማላ፤ ኣ ዳያ ማይራማ ዮሴፎ ኦሼታ ቃሼታ ኡታዱ። ሄ ዎዴ ዮሴፎና ጋኬቴናን ዴዓዴ፥ ጌሻ ኣያናን ሻሃራዱ።  
\v 19 ኢዞ ጊጊሲ ዎዳ ዮሴፎ ፂሎ ኣሳ \f + \fr 1:19 \ft ዮሴፎ ፂሎ ኣሳ ጊያ ቆፋው ሄዙ ኦጊያን ቢሌይ ኢሜታና ዳንዳዬ፡ 1. ፆሳባው ኡባው ኤኖ ጊዴ ኣዛዜቲያ ኣሳ፤ ኣማሊያ ሎዖ ኣሳ። 2. ጋራ (ቃሬታንቻ)። 3. ሎዑዋ። ሄዋ ጉሳይ፥ ኡባ ካላ ሎዖባ ኦያ ኣሳ ጉሳ።\f* ጊዴዳ ዲራው፥ ኢዞ ካዉሻናው ኮዪቤና፤ ኢባ ቆንጪሴናን ኢዞ ኣጋናው ቆፔዳ።  
\v 20 ሺን ኢ ሄዋ ቆፒሺን፥ ጎዳ ኪታንቻይ ኣኩሙዋን \f + \fr 1:20 \ft ኣኩሙዋን ጉሳይ፥ ጮካ ጎዔና ኣኩሙዋ ጊዴናዳን ኣዪሁዳቱዋ ኣኩሙዋ ጉሳይ፥ ፆሳይ ሊኬ ቆንጪያ ኦጊያ።\f* ኣናና ጋኬቲዴ፥ «ዳዊቴ ናዓ ዮሴፎ፥ ማይራማ ጌሻ ኣያናን ሻሃሬዳ ዲራው\f + \fr 1:20 \ft ጌሻ ኣያናን ሻሃሬዳ ዲራው፥ ጉሳይ ኢዛ ሃዋ ጋካናሺን ዬሌታናዳን ናጊያ ናዓይ፥ ፆሳ ጌሻ ኣያናፔ ዬ ጉሳ።\f* ኢዞ ኣካናው ያዮፓ።  
\v 21 ኢዛ ኣቱማ ናዓ ዬላናዉኑ፤ ኔኒካ፥ ኢ ኣሳ ናጋራፔ ኣሺያ ዲራው ኣ ሱን ዬሱሳ ጋዴ ፄሳናሳ» ያጌዳ። \x - \xo 1:21 \xt ሉቅ 1፡31\x* 
\p  
\v 22-23 ቃሲ ጎዳይ ናቢያ ባጋና፥ «ዎዶራታ ሻሃራናዉኑ፤ ናዓካ ዬላናዉኑ፤ ኣ ሱንይካ ኣማኔላ ጌቴታናዋ» ያጌዳዌ ፖሌታና ማላ፥ ሃዌ ኡባይ ሃኔዳ፤ «ኣማኔላ» ያጊያዌ፥ «ፆሳይ ኑናና ዴዔ» ያጊያዋ። \x - \xo 1:22-23 \xt ኢሳ 7፡14\x* 
\p  
\v 24 ዮሴፎ ጌሚዒሹዋፔ ቤጎቲዴ፥ ጎዳ ኪታንቻይ ባሬና ኣዛዞዋዳን፥ ማይራሞ ባሬ ጎሌ ኣፌዳ።  
\v 25 ሺን ናዓይ ዬሌታና ጋካናው ዮሴፎ ኢዚኮ ሺቂቤና፤ ቃሲ ናዓካ ዬሱሳ ጊዴ ሱንዳ። \x - \xo 1:25 \xt ሉቅ 2፡21\x* 
\c 2  
\s1 ኣዋይፊ ዶሊያ ባጋፔ ዬዳ ፆሊንቲያ ፓይዲያ ኣሳቱዋ 
\p  
\v 1 ዬሱሲ ዪሁዳ ጋዲያን ቤቴሊሄሜ ጌቴቲያ ካታማን ሄሮዲሴ ካዉቲዴ ዴዒያ ዎዴ ዬሌቴዳ፤ ሄዋፔ ጉዪያን፥ ፆሊንቲያ ፓይዲያ ኣሳይ \f + \fr 2:1 \ft ፆሊንቲያ ፓይዲያ ኣሳ ጉሳይ፥ ኤሬቴዳ ማራ ቢሌን ኤራንቻ ኣሳቱዋ ጉሳ።\f* ኣዋይፊ ዶሊያ ባጋፔ ዬሩሳላሜ ዪዴ፥  
\v 2 «ኣዪሁዳ ካቲያ ጊዳናው ዬሌቴዳ ናዓይ ሃቃን ዴዒ? ኑኒ ኣዋይፊ ዶሊያ ባጋና ኬሴዳ ኣ ፆሊንቲያ ቤዒዴ፥ ኣው ጎዪናናው ዬዶ» ያጊዴ ኦቼዲኖ። 
\p  
\v 3 ካቲያ ሄሮዲሴ፥ ሄዋ ሲሲዴ ዳጋሜዳ፤ ዬሩሳላሜን ዴዒያ ኣሳይ ኡባይካ ዎዛና ባዬዲኖ።  
\v 4 ሄሮዲሴ ቄሳቱዋ ካፓቱዋ ኡባቱዋኔ ሙሴ ሂጊያ ታማሪሲያዋንታ ፄሲዴ፥ «ኪሪስቶሲ ሃቃን ዬሌታንዴሻ?» ያጊዴ ኦቼዳ። 
\p  
\v 5-6 ኡንቱንቱ ዛሪዴ፥ «ዪሁዳ ጋዲያን ቤቴሊሄሜ ካታማን ዬሌታናዋ። ናቢ፥ 
\q1 ‹ዪሁዳ ጋዲያን ዴዒያ ቤቴሊሄሜ፥ 
\q2 ኔኒ ዪሁዳ ጋዲያን ዴዒያ ዎሊቃማ ካታማቱዋፔ ላፋካ። 
\q2 ኢስራዔሊያ ሞዲያዌ ኔፔ ኬሳናዋ› 
\m ጊዴ ፃፌዳ» ያጌዲኖ። \x - \xo 2:5-6 \xt ሚክ 5፡2\x* 
\p  
\v 7 ሄዋፔ ካላ፥ ሄሮዲሴ ኣዋይፊ ዶሊያ ባጋፔ ዬዳ ኣሳቱዋ ጌማን ፄሲዴ፥ ፆሊንቲ ኡንቱንቶ ቤቴዳ ዎዲያ ኡንቱንቱፔ ጌሺዴ ኤሬዳ።  
\v 8 ያቲዴ ቤቴሊሄሜ ኡንቱንታ ዬዲዴ፥ «ቢዴ ናዓ ሎይ ኮዪቴ፤ ኣ ዴሜዳ ዎዴ ታኒካ ባዴ ኣው ጎዪናናዳን፥ ታናካ ኤሪሲቴ» ያጌዳ። 
\p  
\v 9 ኡንቱንቱ ካቲ ጌዳዋ ሲሲ ቢዴ ኦጊያን ኣዋይፊ ዶሊያ ባጋና ኡንቱንቱ ካሴ ቤዔዳ ፆሊንቲያ ቤዔዲኖ፤ ናዓይ ዴዒያሳ ጋኪዴ ኤቃና ጋካናው፥ ፆሊንቲ ኡንቱንታ ካሌዳ።  
\v 10 ኡንቱንቱ ሄ ፆሊንቲያ ቤዔዳ ዎዴ፥ ዛዋይ ባይና ዳሮ ናሼቻ ናሼቴዲኖ።  
\v 11 ጎሌ ጌሊዴ፥ ናዓይ ባሬ ዳዪ ማይራሚና ዴዒያዋ ቤዔዲኖ፤ ጉልባቲዴ ኣው ጎዪኔዲኖ፤ ሄዋፔ ካላ፥ ባሬንቱ ሳፂኒያ ዶዪዴ፥ ዎርቃ፥ ኢፃናኔ ካዋራ \f + \fr 2:11 \fq ኢፃናኔ ካዋራ፡ \ft ኢፃናይ፥ ማዲያ ሊያ ጊዲዴ፥ ታማን ዬጊያ ዎዴ ሳዋናሳ፤ ካዋራይካ ሳዎ ማዲያ ሊያ ጊዲዴ ሺቱዋዳን ማዴ።\f* ኣው ኢሞታ ሺሼዲኖ። 
\p  
\v 12 ኡንቱንቱ ሄሮዲሳኮ ሲሜና ማላ፥ ፆሳይ ኣኩሙዋን ኡንቱንታ፥ «ሂንቴና ኤሪቴ» ጊና ሃራ ኦጊያና ባሬንቱ ጋዴ ሲሜዲኖ። 
\s1 ጊብፄ ቤቱሳ 
\p  
\v 13 ኡንቱንቱ ቤዳዋፔ ጉዪያን፥ ጎዳ ኪታንቻይ ኣኩሙዋን ዮሴፎ ቤቲዴ፥ «ሄሮዲሴ ናዓ ዎናው ኮዪያ ዲራው፥ ዴንዳዴ ናዓኔ ኣ ዳዮ ኣካዴ ጊብፄ ጋዲያ ቤታ፤ ታኒ ኔው ኦዳና ጋካናው፥ ያኒ ዴዓሻ» ያጌዳ። 
\p  
\v 14-15 ዮሴፎ ቃማ ዴንዲዴ፥ ናዓኔ ኣ ዳዮ ኣኪዴ፥ ጊብፄ ጋዲያ ቤዳ፤ ጎዳይ ናቢያ ባጋና፥ «ታኒ ታ ናዓ ጊብፄ ጋዲያፔ ፄሳዲ» ያጌዳዌ ፖሌታና ማላ፥ ሄሮዲሴ ሃይቃና ጋካናው ኢ ያኒ ዴዔዳ። \x - \xo 2:14-15 \xt ሆስ 11፡1\x* 
\s1 ሄሮዲሴ ቄሪ ናና ዎሴዳ 
\p  
\v 16 ሄዋፔ ጉዪያን፥ ሄሮዲሴ ኣዋይፊ ዶሊያ ባጋፔ ዬዳዋንቱ ባሬና ጪሜዳዋ ኤሬዳ ዎዴ፥ ዳሮ ሃንቄቲዴ፥ ፆሊንቲ ካሴ ቤቴዳ ዎዲያ ኡንቱንቱፔ ሲሴዳዋዳን፥ ዎታዳራቱዋ ዬዲዴ፥ ቤቴሊሄሜኒኔ ዩሹዋን ዴዒያ ላዑ ላይ ኣቱማ ናናኔ ላዑ ላይፔ ጋርሳና ዴዒያ ኣቱማ ናና ኡባ ዎሴዳ። 
\p  
\v 17-18 ናቢያ ኤርሚያሲ፥ 
\q1 «ዬኩኔ ዚላሳይ ራማ ጌቴቲያ ካታማን ሲሴቴዳ፤ 
\q2 ራሄላ ባሬ ናናው ዬካው። 
\q1 ኡንቱንቱ ሃይቂዲጎ ዲራው፥ 
\q2 ኣጋ ጊና፥ ኣጌናን ኢፃዱ» 
\m ጊዴ ኦዴዳዌ ፖሌቴዳ። \x - \xo 2:17-18 \xt ኤርም 31፡15\x* 
\s1 ጊብፄፔ ሲማ 
\p  
\v 19 ሄሮዲሴ ሃይቄዳዋፔ ጉዪያን፥ ጎዳ ኪታንቻይ ጊብፄን ዮሴፎ ኣኩሙዋን ቤቲዴ  
\v 20 ኣ፥ «ዴንዳ፤ ናዓኔ ኣ ዳዮ ኣካዴ፥ ኢስራዔሊያ ጋዲያ ሲማ። ናዓ ዎናው ኮዪያዋንቱ ሃይቂዲጌዲኖ» ያጌዳ።  
\v 21 ዮሴፎ ዴንዲዴ፥ ናዓኔ ኣ ዳዮ ኣኪዴ፥ ኢስራዔሊያ ሲሜዳ። 
\p  
\v 22 ሺን ዮሴፎ ኣርኬላዎሲ ባሬ ኣዉዋ ሄሮዲሳ ኦይዲያን ዪሁዳ ጋዲያን ካዉቴዳዋ ሲሴዳ ዎዴ፥ ያ ባናው ያዬዳ፤ ፆሳይ ኣው ኣኩሙዋን ሂንቴና ኤሪቴ ጊና፥ ጋሊላ ጋዲያ ቤዳ።  
\v 23 ናባቱ፥ «ኣሳይ ኣ፥ ‹ናዚሬቲያ ኣሳ› \f + \fr 2:23 \ft ሃዋ ጌዳዌ ኦኔንቶ ኤሬቴና።\f* ጊዴ ፄሳና» ያጌዳዌ ፖሌታና ማላ፥ ናዚሬቴ ጌቴቲያ ካታማ ቢዴ ዴዔዳ። \x - \xo 2:23 \xt ማር 1፡24፤ ሉቅ 2፡39፤ ዮህ 1፡45\x* 
\c 3  
\s1 ፃማቂያ ዮሃኒሲ ቃላ ኦዴዳ 
\r (ማር 1፡1-8፤ ሉቅ 3፡1-18፤ ዮህ 1፡19-28) 
\p  
\v 1-2 ሄ ዎዴ ፃማቂያ ዮሃኒሲ ኣሳ፥ «ሳሉዋ ካዉቴይ ማታቴዳ ዲራው፥ ሂንቴ ናጋራፔ ሲሚቴ» ያጊዴ፥ ዪሁዳ ሜላ ቢታን ኦዲዴ ዬዳ። \x - \xo 3:1-2 \xt ማት 4፡17፤ ማር 1፡15\x* 
\v 3 ኣዪሲ ጎፔ፥ ናቢያ ኢሲያሴ፥ ዮሃኒሳባ ኦዲዴ፥ 
\q1 «ኢቱ ሜላ ቢታን ባሬ ቃላ ቁ ኡዲዴ፥ 
\q2 ‹ጎዳ ኦጊያ ጊጊሲቴ። 
\q1 ኢ ሄሜታና ሎሱዋካ 
\q2 ኣው ሲቲ ኡዲቴ› ጌዳ» 
\m ያጌዳ። \x - \xo 3:3 \xt ኢሳ 40፡3\x* 
\p  
\v 4 ዮሃኒሳው ጋሉዋ ኢስኪያን ዳዴቴዳ ማዩ ዴዔ፤ ቃሲ ባሬ ፄሳን ዳፉዋ ዳንጬዳ፤ ኢ ሚያ ቁማይካ ቦሊያኔ ባዙዋ ኤሳ። \x - \xo 3:4 \xt 1ካት 1፡8\x* 
\v 5 ኣሳይ ሄ ዎዴ ዬሩሳላሜፔ፥ ዪሁዳ ጋዲያ ኡባ ሳፔኔ ዮርዳኖሳ ሻፋ ሄራን ዴዒያ ጋዲያ ኡባፔ ኣኮ ዪኖ።  
\v 6 ባሬንቱ ናጋራ ፓፂና፥ ዮርዳኖሳ ሻፋን ኣሳ ፃማቄዳ። 
\p  
\v 7 ሺን ዮሃኒሲ ዳሮ ፓሪሳዋቱኔ \f + \fr 3:7 \fq ፓሪሳዋቱዋ፥ \ft ጉሳይ ኣዪሁዳ ኣሳቱዋ ካሌያ ኣሳቱዋ ጊዶፔ ጊዲዴ ጌሻ ቃላን ካሴ ኤጫ ጫቁዋ ጊዶን ዴዒያ ቃላ ዎጋ ኡባን ኣማኒያዋንታ።\f* ሳዱቃዋናቱ \f + \fr 3:7 \fq ሳዱቃዋናቱዋ፥ \ft ጉሳይ ኣዪሁዳ ኣሳቱዋ ካሌያ ኣሳቱዋ ጊዶፔ ጊዲዴ ጌሻ ቃላን ካሴ ኤጫ ጫቁዋ ጊዶን ዴዒያ ቃላ ዎጋፔ ሙሴ ፃፌዳ ኮይሮ ኢቼሹ ማፃፋቱዋ ጊዶን ዴዒያ ዎጋቱዋ ፃላላን ኣማኒያዋንታ።\f* ፃማቄታናው ባሬኮ ዪያዋንታ ቤዒዴ፥ «ሃ ሾሻቶ፥ ፆሳ ሃንቁ ያና ሃኒያዋፔ ኣታና ማላ፥ ሂንቴው ኦኔ ኦዴዳዌ?  
\v 8 ሲሚ ሂንቴ፥ ሂንቴንቱ ናጋራፔ ሲሜዳዋ ኤሪሲያ ኦሱዋ፥ ኦቴ።  
\v 9 ሂንቴ ሂንቴንቱ ዎዛናን፥ ‹ኣብራሃሜ ኑ ኣባ› ጊዴ ቆፒያዋ ሂንቴው ማላቶፖ። ኣዪሲ ጎፔ፥ ታኒ ሂንቴንቱሲ ኦዳይ፤ ፆሳይ ሃ ሹቻቱዋፔ ኣብራሃሞሲ ናና ኡዲ ዴንናው ዳንዳዬ።  
\v 10 ቤፂ ሚ ፃጱዋን ቃንፃናው ጊጊ ኡቴዳ፤ ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና። 
\p  
\v 11 «ሂንቴ ሂንቴንቱ ናጋራፔ ሲሚያዋ ቤሳናው፥ ታኒ ሂንቴና ሃን ፃማቃይ፤ ሺን ታፔ ጉዬና ዪያዌ፥ ሂንቴንታ ጌሻ ኣያናኒኔ ታማን ፃማቃና። \f + \fr 3:11 \fq ጌሻ ኣያናኒኔ ታማን ፃማቃና፥ \ft ጉሳይ ዬሱሲ ዪዴ ኣሳ ጋርሳ ኣያና ኣሳቴ ላሚያዋ ታማሪሲያዋ።\f* ኢ ታፔ ዳሮ ሚኔ፤ ኣ ጫማ ቶካናዉካ ታኒ ቤሲያ ኣሳ ጊዲኬ።  
\v 12 ኣ ኩሺያን ካ ሴፂያ ላይዳይ ዴዔ። ኡዱማን ዴዒያ ካ ሎይ ጌሼ፤ ባሬ ዛርጋ ዲዪያን ቆላና፤ ሺን ዳላ ቶዔና ታማን ጉዳና» ያጌዳ። 
\s1 ዬሱሲ ፃማቄቴዳ 
\r (ማር 1፡9-11፤ ሉቅ 3፡21-22) 
\p  
\v 13 ዬሱሲ ሄ ዎዴ ዮሃኒሳን ፃማቄታናው፥ ጋሊላፔ ዮርዳኖሳ ጌቴቲያ ሻፋ ኣኮ ቤዳ።  
\v 14 ሺን ዮሃኒሲ፥ «ታኒ ኔናን ፃማቄታናው ቤሲያ ዎዴ፥ ኔኒ ታኮ ያይ?» ያጊዴ፥ ኣ ዲጋናው ኮዬዳ። 
\p  
\v 15 ሺን ዬሱሲ ዛሪዴ ኣ፥ «ኑኒ ፂሎቴ ኦሱዋ ኡባ ሃዋዳን ፖላናው ቤሲያ ዲራው፥ ሃዒ ታው ኤኖ ጋ» ያጌዳ። ዮሃኒሲካ ኣው ኤኖ ጌዳ። 
\p  
\v 16 ዬሱሲ ፃማቄቶዋፔ ጉዪያን፥ ኤሌካ ሃፔ ኬሴዳ፤ ሳሉ ዶዬቲና፥ ፆሳ ኣያናይ ሃራጲያዳን ሳሉዋፔ ዎዴ ባሬ ቦላ ዪያ ዎዴ ቤዔዳ፤  
\v 17 ቃሲ ሳሉዋፔ፥ «ታኒ ሲቂያ፥ ታና ናሼቺያ፥ ታ ናዓይ ሃዋ» ያጊያ ቃላይ ዬዳ። \x - \xo 3:17 \xt ዶም 22፡2፤ ማዝ 2፡7፤ ኢሳ 42፡1፤ ማት 12፡18፤ 17፡5፤ ማር 1፡11፤ ሉቅ 9፡35\x* 
\c 4  
\s1 ዬሱሲ ፓጬቴዳ 
\r (ማር 1፡12-13፤ ሉቅ 4፡1-13) 
\p  
\v 1 ሄዋፔ ጉዪያን፥ ፃላሂያን ፓጬታና ማላ፥ ጌሻ ኣያናይ ኣሳይ ዴዔና ሳዓ ዬሱሳ ኣፌዳ።  
\v 2 ዬሱሲ ኦይታሙ ጋላሳኔ ኦይታሙ ቃማ ፆሞዋፔ ጉዪያን ኮሻቴዳ።  
\v 3 ፃላሂ ዪዴ ኣ፥ «ኔኒ ፆሳ ናዓ ጊዶፔ፥ ኣኔ ሃ ሹቻቱዋ ኡኪ ጊዳና ማላ ጋ» ያጌዳ። 
\p  
\v 4 ሺን ዬሱሲ ዛሪዴ፥ «ፆሳ ማፃፋን፥ ‹ኣሳይ ፆሳይ ሃሳዪያ ቃላ ኡባን ዴዓናፔ ኣቲን፥ ኡኪ ፃላላን ዴዔና› ያጌቲ ፃፌቴዳ» ያጌዳ። \x - \xo 4:4 \xt ዛር 8፡3\x* 
\p  
\v 5 ሄዋፔ ጉዪያን፥ ፃላሂ ዬሱሳ ጌሻ ካታማ ኣፊ ጌሻ ጎሊያ ፄራን ኤሲዴ፥  
\v 6 «ኔኒ ፆሳ ናዓ ጊዶፔ፥ ኣኔ ዱጌ ኩንዳ። ኣዪሲ ጎፔ፥ ፆሳ ማፃፋን፥ 
\q1 ‹ፆሳይ ባሬ ኪታንቻቱዋ 
\q2 ኔው ኣዛዛናዋ› 
\q1 ቃሲ ‹ኡንቱንቱ ኔ ጌዲ ሹቻን ቤቴና ማላ፥ 
\q2 ባሬንቱ ኩሺያን ኔና ዴንናዋንታ› 
\m ያጌቲ ፃፌቴዳ» ያጌዳ። \x - \xo 4:6 \xt ማዝ 91፡11-12\x* 
\p  
\v 7 ዬሱሲ ዛሪዴ ኣ፥ «ቃሲካ ፆሳ ማፃፋን፥ ‹ጎዳ ኔ ፆሳ ፓጮፓ› ያጌቲ ፃፌቴዳ» ያጌዳ። \x - \xo 4:7 \xt ዛር 6፡16\x* 
\p  
\v 8 ቃሲ ፃላሂ ዬሱሳ ኢቲ ዳሮ ዎልቃማ ዴሪያ ፄራ ኬሲዴ፥ ሃ ኣላሚያን ዴዒያ ካዉቴ ኡባኔ ኡንቱንቱ ቦንቹዋ  
\v 9 ቤሲዴ ኣ፥ «ኔኒ ታው ጉልባታዴ ጎዪኖፔ፥ ታኒ ሃዋ ኡባ ኔው ኢማና» ያጌዳ። 
\p  
\v 10 ሄ ዎዴ ዬሱሲ ዛሪዴ ኣ፥ «ላ ሃ ሴፃናው ሃካ፤ ኣዪሲ ጎፔ፥ ፆሳ ማፃፋን፥ ‹ጎዳው፥ ኔ ፆሳው ጎዪና፤ ኣ ፃላላ ጎሼታ› ጌቴቲ ፃፌቴዳ» ያጌዳ። \x - \xo 4:10 \xt ዛር 6፡13\x* 
\p  
\v 11 ሄዋፔ ጉዪያን፥ ፃላሂ ዬሱሳ ኣጊና፥ ኪታንቻቱ ዪዴ፥ ኣው ኦዲኖ። 
\s1 ዬሱሲ ባሬ ታማሪሲያ ኦሱዋ ጋሊላን ዶሜዳ 
\r (ማር 1፡14-15፤ ሉቅ 4፡14-15) 
\p  
\v 12 ዮሃኒሲ ቃሼቴዳዋ ዬሱሲ ሲሴዳ ዎዴ፥ ጋሊላ ጌቴቲያ ጋዲያ ቤዳ።  
\v 13 ናዚሬቴፔ ኬሲዴ፥ ቂፊሪናሆማ ካታማ ቢዴ፥ ያኒ ዴዔዳ፤ ቂፊሪናሆሚ ዛቢሎናኒኔ ኒፍታሌሜ ጋዲያን ዴዒያ ጋሊላ ኣባ ማታን ዴዔ።  
\v 14 ሃዌ ሃኔዳዌ ናቢያ ኢሲያሲ፥ 
\q1  
\v 15 «ዛቢሎኔ ጋዲያኒኔ ኒፍታሌሜ ጋዲያን፥ 
\q2 ኣባ ኦጊያን ዮርዳኖሳ ሻፋፔ ሄፊን ባጋን፥ 
\q1 ኣዪሁዳ ጊዴና ኣሳይ ዴዒያ ጋሊላን፥ 
\q1  
\v 16 ማኒ ዴዒያ ኣሳይ 
\q2 ዎልቃማ ፖዑዋ ቤዔዳ። 
\q1 ቃሲ ሃይቁዋ ኩዋይ ዴዒያ ጋዲያን 
\q2 ኡቴዳዋንቶ ፖዑ ኬሴዳ» 
\m ያጌዳዌ ፖሌታና ማላሳ። \x - \xo 4:16 \xt ኢሳ 9፡1-2\x* 
\p  
\v 17 ሄ ዎዲያፔ ዶሚዴ ዬሱሲ፥ 
\q1 «ሂንቴ ናጋራ ፓፂቴ፤ ኣዪሲ ጎፔ፥ 
\q2 ሳሉዋ ካዉቴይ ማታቴዳ ዲራሳ» 
\m ጊዴ ቃላ ኦዱዋ ዶሜዳ። 
\s1 ዬሱሲ ባሬና ካሊያ ኦይዳቱዋ ፄጌዳ 
\r (ማር 1፡16-20፤ ሉቅ 5፡1-11) 
\p  
\v 18 ዬሱሲ ጋሊላ ኣባ ማታና ኣዴ፥ ላዑ ኢሻቱ ጴፂሮሳ ጌቴቲያ ሲሞኒኔ ኣ ኢሻ ኢንዲራሲ፥ ሞሊያ ኦይቂያዋንታ ጊዶ ዲራው፥ ዳባ \f + \fr 4:18 \fq ዳባ፡ \ft ሃዋ ጉሳይ ሞሊያ ጲራናው ዎይ ኦይቃናው ሃን ዬጊያ ኣማራዋን ማራቢያ ጊያዋ።\f* ኣባን ዬጊያዋንታ ቤዔዳ።  
\v 19 ኡንቱንታ፥ «ታና ካሊቴ፤ ታኒ ሂንቴና ሞሊያ ኦይቂያዋዳን ኣሳ ታኮ ኣሂያ ኦጊያ ታማሪሳና» ያጌዳ።  
\v 20 ኡንቱንቱ ኤሌካ ባሬንቱ ዳባ ኣጊዴ፥ ዬሱሳ ካሌዲኖ። 
\p  
\v 21 ዬሱሲ ሄዋፔ ሲንኮ ቢዴ፥ ሃራ ላዑ ኢሻቱዋ፥ ዛቢዲዮሳ ናና ያዪቆባኔ ኣ ኢሻ ዮሃኒሳ ቤዔዳ፤ ኡንቱንቱ ባሬንቱ ኣዉዋ ዛቢዲዮሳና ሃ ቦላን ቢያ ዎንጊሪያ ጊዶን ባሬንቱ ዳባ ጊጊሲያዋንታ ቤዒዴ፥ ፄሴዳ።  
\v 22 ኡንቱንቱ ኤሌካ ሃን ቢያ ዎንጊሪያኔ ባሬንቱ ኣዉዋ ኣጊዴ፥ ዬሱሳ ካሌዲኖ። 
\s1 ዬሱሲ ጮራ ኣሳ ታማሪሴዳኔ ፓዳ 
\r (ሉቅ 6፡17-19) 
\p  
\v 23 ዬሱሲ ኣዪሁዳ ዎሳ ጎሌቱዋን ታማሪሲዴ፥ ካዉቴ ሚሺራቹዋ ቃላ ኦዲዲኔ ቃሲ ሃርጊያ ኡባፔኔ ሳኩዋ ኡባፔ ኣሳ ፓዴ፥ ጋሊላ ጋዲያ ኡባን ዩዬዳ።  
\v 24 ኣ ዋሪ ሶሪያ ጋዲያ ኡባ ጋኬዳ፤ ዱማ ዱማ ሃርጊያን ኦይቄቲዴ ሃርጌዳ ኣሳ ኡባ፥ ፃላሃቱዋን ኦይቄቴዳዋንታ፥ ዪጩዋ ሳኩ ዴዒያዋንታ፥ ቃሲ ጉንዴድዳዋንታ ኣሳይ ዬሱሳኮ ኣሄዳ፤ ኢ ኡንቱንታ ፓዳ።  
\v 25 ጮራ ኣሳይ ጋሊላፔ፥ ታሙ ካታማቱዋፔ፥ ዬሩሳላሜፔ፥ ዪሁዳፔኔ ዮርዳኖሳፔ ሄፊንን ዴዒያ ጋዲያፔ ዬሱሳ ካሌዲኖ። 
\c 5  
\s1 ዬሱሲ ዴሪያ ቦላን ጊዲዴ ታማሪሴዳ ቲሚርቲያ 
\r (ማት 5፡1-7፡29) 
\p  
\v 1 ዬሱሲ ጮራ ኣሳ ቤዒዴ፥ ፑዴ ዴሪያ ኬሲዴ ኡቴዳ። ኣ ካሊያዋንቱ ኣኮ ሺቄዲኖ።  
\v 2 ኡንቱንታ ሃዋዳን ያጊ ታማሪሱዋ ዶሜዳ። 
\s1 ቱሙ ኣንጁዋ ኣኪያ ኣሳቱዋ 
\r (ሉቅ 6፡20-23) 
\q1  
\v 3 «ባሬንቱ ኣያና ዴዑዋን ሂዬሳ ጊዴዳዋ 
\q1 ኤሪያዋንቱ ኣንጄቴዳዋንታ፤ 
\q2 ኣዪሲ ጎፔ፥ ሳሉዋ ካዉቴይ ኡንቱንቱሳ። 
\q1  
\v 4 ካዮቲያዋንቱ ኣንጄቴዳዋንታ፤ 
\q2 ኣዪሲ ጎፔ፥ ፆሳይ ኡንቱንታ ሚኒሳና። \x - \xo 5:4 \xt ኢሳ 61፡2\x* 
\q1  
\v 5 ኣሺኬ ጊዴዳዋንቱ ኣንጄቴዳዋንታ፤ 
\q1 ኣዪሲ ጎፔ፥ 
\q2 ኡንቱንቱ ሳዓ ላታና። \x - \xo 5:5 \xt ማዝ 37፡11\x* 
\q1  
\v 6 ፂሎቴ ኮሻቲያዋንቱኔ ሳሜቲያዋንቱ \f + \fr 5:6 \ft ሃዋ ቢሌይ ፆሳው ኤኖ ጊያዋንታ ዎይ ሎዖባ ዎይ ቱሞባ ኦያዋንታ ጉሳ።\f* 
\q1 ኣንጄቴዳዋንታ፤ 
\q2 ኣዪሲ ጎፔ፥ ፆሳይ ኡንቱንታ ካሊሳና። 
\q1  
\v 7 ማሪያዋንቱ ኣንጄቴዳዋንታ፤ 
\q1 ኣዪሲ ጎፔ፥ 
\q2 ፆሳይ ኡንቱንታ ማራና። 
\q1  
\v 8 ዎዛና ጌሻቱ ኣንጄቴዳዋንታ፤ 
\q1 ኣዪሲ ጎፔ፥ 
\q2 ኡንቱንቱ ፆሳ ቤዓና። 
\q1  
\v 9 ኣሳ ሲጌያዋንቱ ኣንጄቴዳዋንታ፤ 
\q1 ኣዪሲ ጎፔ፥ ፆሳይ ኡንቱንታ፥ 
\q2 ባሬ ናና ጊዴ ፄሳና። 
\q1  
\v 10 ፂሎቴ ዲራው 
\q1 ዬዴርሴቲያዋንቱ ኣንጄቴዳዋንታ፤ 
\q2 ኣዪሲ ጎፔ፥ ሳሉዋ ካዉቴይ ኡንቱንቱሳ። \f + \fr 5:10 \fq ሳሉዋ ካዉቴይ ኡንቱንቱሳ፡ \ft ጉሳይ ሄ ኣሳቱ ሳሉዋ ካዉቴ ላታናው ዳንዳዪያዋንታ ጊዲያዋ ቤሴ።\f* 
\p  
\v 11 «ሂንቴ ታና ካሊያ ዲራው፥ ኣሳይ ሂንቴና ቦሪያ ዎዴኔ ዋዪሲያ ዎዴ፥ ቃሲ ሂንቴ ቦላ ኢታባ ኡባ ዎርዱዋን ሃሳዪያ ዎዴ፥ ሂንቴ ኣንጄቴዳዋንታ።  
\v 12 ሂንቴው ሳሉዋን ዎልቃማ ዎይታይ ዴዒያ ዲራው፥ ናሼቲቴ፤ ሃሹ ጊቴ፤ ኣዪሲ ጎፔ፥ ኣሳይ ሂንቴፔ ካሴ ዴዔዳ ናባቱዋ ሄዋዳን ዬዴርሴዲኖ። 
\s1 ማፂኒያኔ ፖዑዋ ሌሚሱዋ 
\r (ማር 9፡50፤ ሉቅ 14፡34-35) 
\p  
\v 13 «ኣሳ ኡባሲ ሂንቴ ማፂኔ ማላ፤ ሺን ማፂኒ ማልዓና ዮፔ፥ ዛሪዴ ኣ ዎቲ ማልዔኔ? ካሬ ኦሊና፥ ኣሳይ ኣ ዬ ሃሜታናፔ ኣቲን፥ ሲንው ኣይኔ ማዴና። 
\p  
\v 14 «ሃ ኣላሜው ሂንቴ ፖዖ፤ ዴሪያ ሁጲያን ኬፄቴዳ ካታማይ ጌማና ዳንዳዬና።  
\v 15 ፆምፒያ ፆምፒዴ፥ ሶዪን ዴዒያ ኣሳ ኡባው ፖዓና ማላ፥ ቂያ ሳን ዎፔ ኣቲን፥ ካሚያ ሚሻ ጊዶን ቁምዒ ዎያ ኣሳይ ኦኒኔ ባዋ።  
\v 16 ሄዋዳንካ፥ ኣሳይ ሂንቴ ኦያ ሎዖ ኦሱዋ ቤዒዴ፥ ሳሉዋን ዴዒያ ሂንቴ ኣዉዋ ቦንቻና ማላ፥ ሂንቴ ፖዑ ኣሳ ሲንን ፖዖ። 
\s1 ሙሴ ሂጊያባ 
\p  
\v 17 «ታኒ ሙሴ ሂጊያኔ ናባቱ ታማሪሲያዋ \f + \fr 5:17 \fq ሙሴ ሂጊያኔ ናባቱ ታማሪሲያዋ፡ \ft ጉሳይ ኣዪሁዲያ ጌሻ ማፃፋ፤ ሄዌኔካ ኤጫ ጫቁዋ።\f* ዪሳናው ዬዳዋ ሂንቴው ማላቶፖ፤ ታኒ ፖላናው ዬዳዋፔ ኣቲን፥ ዪሳናው ያቤይኬ።  
\v 18 ኣዪሲ ጎፔ፥ ታኒ ሂንቴው ቱሙዋ ኦዳይ፤ ሳሉኔ ሳዓይ ኣና ጋካናው፥ ቃሲ ኡባባይካ ፖሌታና ጋካናው፥\f + \fr 5:18 \fq ኡባባይካ ፖሌታና ጋካናው፡ \ft ጉሳይ ቃላይ ታማሪሲያ ኡባይ ቱማቴን ቆንጫና ጋካናው።\f* ሂጊያፔ ኢቲ ጫቻይካ ዎይ ቄሪ ፒዶሊካ ኣና።  
\v 19 ሄዋ ዲራው፥ ሃ ኣዛዙዋ ኡባፔ ጉፂያ ኢቲ ኣዛዙዋ ሜንያ ኡራይ ኦኒኔ፥ ቃሲ ሃራቱካ ባሬዋዳን ሃናናዳን ታማሪሲያ ኡራይ ኦኒኔ፥ ሳሉዋ ካዉቴን ኡባፔ ጉ ጊዳና፤ ሺን ኣዛዙዋ ኦያዌኔ ሃራንቱካ ኦናዳን ታማሪሲያዌ ኦኒኔ ሳሉዋ ካዉቴን ቃ ጊዳና።  
\v 20 ኣዪሲ ጎፔ፥ ሂንቴ ፂሎቴይ ሙሴ ሂጊያ ታማሪሲያዋንቱ ፂሎቴፔኔ ፓሪሳዋቱዋ ፂሎቴፔ ዳራና ዮፔ፥ ሳሉዋ ካዉቴ ሂንቴ ሙሌ ጌሌናዋ ታኒ ኦዳይ። 
\p  
\v 21 «ቤኒ ኣሳው፥ ‹ኣሳ ዎፓ፤ ኣሳ ዎዳ ኦኒኔ ፒርዴታና› ጌዳዋ ሲሴዲታ። \x - \xo 5:21 \xt ኬስ 20፡13፤ ዛር 5፡17\x* 
\v 22 ሺን ታኒ ሂንቴው ኦዳይ፤ ባሬ ኢሻ ሃንቄቲያ ኡባይ ፒርዴታና፤ ባሬ ኢሻ ቦሪያ ኡባይ ሻንጉዋ ፒርዳው ሺቃና፤ ቃሲ ባሬ ኢሻ፥ ‹ሎዌ› ጊያ ኡባይ ጋናሚያ ታማ ፒርዳው ሺቃና።  
\v 23 ሄዋ ዲራው፥ ኔኒ ያርሺያሳን ያርሺሺን፥ ኔ ኢሻ ናቄዳባይ ኔው ሄዋን ሃሳዬቶፔ፥  
\v 24 ኔ ያርሹዋ ሄዋን ኣጋዴ ባ፤ ካሴታዴ ኔ ኢሻና ሲጌታ ዲጋ፤ ሄዋፔ ካላ ያዴ፥ ኔ ያርሹዋ ያርሻ። 
\p  
\v 25 «ኔና ሞቲያዋና ዎዲ ዴዒሺን ኤሌ ኣናና ሲጌታ ዲጋ፤ ሄዌ ዮፔ፥ ኢ ኔና ዳና ሲን ኣና፤ ቃሲ ዳናይ ኔና ፖሊሴው ኣ ኢሚና፥ ፖሊሲ ኔና ቃሾ ጎሌን ዬጋና።  
\v 26 ታኒ ኔው ቱሙዋ ኦዳይ፤ ኔኒ ኢቲ ሳንቲሚ ኣቴናን፥ ኔ ማጋጩዋ ዉርሳዴ ጪጋና ጋካናው፥ ሙሌካ ቃሾ ጎሌፔ ኬሳካ። 
\s1 ዎሹማባው ኢሜቶ ቲሚርቲያ 
\p  
\v 27 « ‹ዎሹሞፓ› ጌዳዋ ሲሴዲታ። \x - \xo 5:27 \xt ኬስ 20፡14፤ ዛር 5፡18\x* 
\v 28 ሺን ታኒ ሂንቴው ያጋይ፤ ‹ማጫዉኖ ፄሊዴ ኣሞቲያ ኡባይ፥ ባሬ ዎዛና ጊዶን ሄ ዎዴ ኢናና ዎሹሜዳ።›  
\v 29 ኔ ኡሼቻ ኣይፊ ኔና ናጋራ ኦሲሶፔ፥ ኔፔ ዎጫዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ። \x - \xo 5:29 \xt ማት 18፡9፤ ማር 9፡47\x* 
\v 30 ቃሲ ኔ ኡሼቻ ኩሺ ኔና ናጋራ ኦሲሶፔ፥ ኔፔ ቃንፃዴ ኦላ ኣጋ፤ ኣዪሲ ጎፔ፥ ኔ ቦላይ ሙሌካ ጋናሚያ ታማን ኦሌቲያዋፔ፥ ኣፔ ኢቱ ፓጪንቶ ኔው ሎዓ። 
\s1 ማቺያ ዬዴናዳን ኢሜቶ ቲሚርቲያ 
\r (ማት 19፡9፤ ማር 10፡11-12፤ ሉቅ 16፡18) 
\p  
\v 31 « ‹ቃሲ ባሬ ማቻቶ ዬዲያ ኦኒኔ ኢዞ ዬዲያ ፓራማ ኢሞ› ጌቴቴዳ። \x - \xo 5:31 \xt ዛር 24፡1-4፤ ማት 19፡7፤ ማር 10፡4\x* 
\v 32 ሺን ታኒ ሂንቴው ያጋይ፤ ‹ባሬ ማቻታ ዎሹሜናን ዴዒሺን ዬዲያ ኦኒኔ ኢዞ ዎሹማ ኬሴ፤ ቃሲ ኣሲናይ ዬዴዳ ሚሺራቶ ኣኪያዌ ኦኒኔ ዎሹሜ።› \x - \xo 5:32 \xt ማት 19፡9፤ ማር 10፡11-12፤ ሉቅ 16፡18፤ 1ቆር 7፡10-11\x* 
\s1 ጫቄናዳን ኢሜቶ ቲሚርቲያ 
\p  
\v 33 «ቃሲ ቤኒ ኣሳው፥ ‹ዎርዱዋን ጫቆፓ፤ ሺን ኔ ጎዳው ጫቄዳዋ ፖላ› ጌዳዋ ሲሴዲታ። \x - \xo 5:33 \xt ዎግ 19፡12፤ ፓይ 30፡2፤ ዛር 23፡21\x* 
\v 34 ሺን ታኒ ሂንቴው ያጋይ፤ ‹ኡባካ ጫቆፒቴ›፤ ሳሉ ፆሳ ካዉቴ ኦይዲያ ጊዲያ ዲራው፥ ‹ሳሉዋን ጫቆፒቴ›  
\v 35 ቃሲ ሳዓይ ኣ ጌዲ ዬያሳ ጊዲያ ዲራው፥ ‹ሳዓን ጫቆፒቴ›፤ ቃሲካ፥ ዬሩሳላሜ ዎልቃማ ካቲያ ካታማ ጊዲያ ዲራው፥ ‹ዬሩሳላሜኒካ ጫቆፒቴ› \x - \xo 5:35 \xt ኢሳ 66፡1፤ ማዝ 48፡2\x* 
\v 36 ኔኒ ኢቲ ቢናናካ ቦ ዎይ ካሬ ኬሳናው ዳንዳዬና ዲራው፥ ‹ኔ ሁጲያንካ ጫቆፓ።›  
\v 37 ሺን ሂንቴ፥ ‹ኤ› ዎይ፥ ‹ጊዴና› ጊቴ፤ ሃዋንቱፔ ሃራይ ሴፃናፔ ዬ። 
\s1 ኢታ ኢታን ዛሬናዳን ኢሜቶ ቲሚርቲያ 
\r (ሉቅ 6፡29-30) 
\p  
\v 38 « ‹ኣዪፊያ ዲራው ኣዪፊያ፤ ኣቻ ዲራው ኣቻ› ጌዳዋ ሲሴዲታ። \x - \xo 5:38 \xt ኬስ 21፡24፤ ዎግ 24፡20፤ ዛር 19፡21\x* 
\v 39 ሺን ታኒ ሂንቴው ያጋይ፤ ‹ሂንቴው ኢታባ ኦያ ኡራው ኢታን ዛሮፒቴ፤ ኦኒኔ ኔ ኡሼቻ ባጋ ሻዪያ ባቆፔ፥ ኔ ሃዲርሳ ባጋ ሻዪያካ ኣ ቤሳ፤  
\v 40 ኔ ሻሚጪያ ኣካናው ኢቲ ኡራይ ኔና ሞቶፔ፥ ሄ ኡራው ኔ ኮቲያካ ጉጃ ኢማ።  
\v 41 ኦኒኔ ኔና ኢቲ ሳቲያ ኦጊያ ባሬናና ባናዳን ዎልቃንፔ፥ ኣናና ላዑ ሳቲያ ኦጊያ ባ።  
\v 42 ኔና ዎሲያ ኡራው ኢማ፤ ቃሲ ኔፔ ታልዓና ኮዪያ ኡራዉካ ዲጎፓ።› 
\s1 ሞርኪያ ሲቃና ማላ ኢሜቶ ቲሚርቲያ 
\r (ሉቅ 6፡27-36) 
\p  
\v 43 « ‹ኔ ላጌቱዋ ሲቃ፤ ኔ ሞርኪያ ሞርካ› ጌዳዋ ሲሴዲታ። \x - \xo 5:43 \xt ኬስ 19፡18\x* 
\v 44-45 ሺን ታኒ ሂንቴው ያጋይ፤ ሳሉዋን ዴዒያ ሂንቴ ኣዉዋሲ ናና ጊዳና ማላ፥ ሂንቴ ሞርኬቱዋ ሲቂቴ፤ ሂንቴና ሼቂያዋንታ ኣንጂቴ፤ ሂንቴና ኢፂያዋንቶ ሎዖባ ኡዲቴ፤ ሂንቴና ዬዴርሲያዋንቶ፥ ፆሳ ዎሲቴ፤ ኣዪሲ ጎፔ፥ ኢታ ኣሳዉካ ሎዖ ኣሳዉካ ፆሳይ ባሬ ኣዋ ኣዋፂሴ፤ ቃሲ ፂላቱዋሲካ ናጋራንቻቱዋሲካ ባሬ ኢራ ቡኪሴ።  
\v 46 ሂንቴ ሂንቴና ሲቂያዋንቱ ፃላላ ሲቆፔ፥ ሂንቴው ኣይ ዎይታይ ዴዒ? ሃራይ ኣቶ፥ ናጋራንቻቱካ ሄዋዳን ኡዲኖ።  
\v 47 ሂንቴ ሂንቴንቱ ኢሻቱዋ ፃላላ ሳሮቶፔ፥ ሃራቱ ኡዲያዋፔ ኣያባ ኣያ ኡዴዲቴ? ሃራይ ኣቶ፥ ኣዪሁዴ ጊዴና ኣሳይካ ሄዋዳን ኡዴ።  
\v 48 ሄዋ ዲራው፥ ሳሉዋን ዴዒያ ሂንቴ ኣዉ ፖሎ ጊዶዋዳን፥ ሂንቴካ ፖሎ ጊዲቴ። \x - \xo 5:48 \xt ኬስ 19፡2፤ ዛር 18፡13\x* 
\c 6  
\s1 ሂዬሳው ኢሚያ ማራ ታማሪሱዋ 
\p  
\v 1 «ሂንቴ ሎዖ ኦሱዋ ኣሳ ቤሳናው ኣሳ ሲንን ኦና ማላ ናጌቲቴ፤ ሄዌ ዮፔ፥ ሳሉዋን ዴዒያ ሂንቴ ኣዉ ሂንቴው ጋቲያ ኢሜና። 
\p  
\v 2 «ሄዋ ዲራው፥ ሂንቴ ኣዉዴኔ ሂዬሳው ኢሚያ ዎዴ፥ ሎዓ ማላቲያ ኢታቱ ባሬንታ ቦንቺሳናው፥ ኣዪሁዳ ዎሳ ጎሌኒኔ ኦጊያን ሃራኒ ቤዔታናው ኡዲያዋዳን ኡዶፒቴ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኣኪዲጌዲኖ።  
\v 3-4 \f + \fr 6:3-4 \fq ኡሼቻ ኩሺ ኦዳዋ ሃዲርሳ ኩሺካ ኤሮፖ፥ \ft ጉሳይ ፆሳፔ ኣቲን፥ ኦኒኔ ኤሮፖ ጉሳ።\f* ሺን ኔኒ ሂዬሳው ኢሚያ ዎዴ፥ ጌማን ኢማናዳን፥ ኔ ኡሼቻ ኩሺ ኦያዋ ሃዲርሳ ኩሺ ኤሮፖ። ጌማን ኦዳዋ ቤዒያ ኔ ኣቡ፥ ኔ ሎዖ ኦሱዋ ጋቲያ ዛራናዋ። 
\s1 ዎሳባ 
\r (ሉቅ 11፡2-4) 
\p  
\v 5 «ፆሳ ዎሲዴ፥ ሎዓ ማላቲያ ኢታቱዋዳን ሃኖፒቴ፤ ኣዪሲ ጎፔ፥ ባሬንታ ኣሳይ ቤዓና ማላ፥ ኣዪሁዳ ዎሳ ጎሌኒኔ ኦጊያ ዶናን ኤቂዴ፥ ፆሳ ዎሲያዋ ዶሲኖ፤ ታኒ ሂንቴው ቱሙዋ ኦዳይ፤ ኡንቱንቱ ባሬንቱ ጋቲያ ኡባካ ኣኬዲኖ።  
\v 6 ሺን ኔኒ ፆሳ ዎሲያ ዎዴ፥ ኔ ጎሌ ጌላ፤ ኢፒ ቃቻዴ፥ ቤቴና ኔ ኣዉዋ ዎሳ፤ ጌማን ኦሴቶዋ ቤዒያ ኔ ኣቡ ኔው ኢማናዋ። 
\p  
\v 7 «ፆሳ ሂንቴ ዎሲያ ዎዴ፥ ፆሳ ኣማኔና ኣሳዳን፥ ጮ ሜላ ዛሬዋ ዳሪሶፒቴ፤ ኡንቱንቱ ሃሳያ ዳሩዋን ሲሴቴ ጊዴ ቆፒኖ።  
\v 8 ሄዋ ዲራው፥ ሄ ኣሳዳን ሃኖፒቴ፤ ኣዪሲ ጎፔ፥ ሂንቴ ኣቡ ሂንቴና ኮሺያዋ ሂንቴንቱ ዎሳናፔ ካሴቲዴ ኤሬ።  
\v 9 ሲሚ ሂንቴንቱ ሃዋ ማላ ዎሳ ዎሲቴ፤ 
\q2 ‹ሳሉዋን ዴዒያ ኑ ኣቦ፥ 
\q2 ኔ ጌሻ ሱንይ ኣንጄቶ። 
\q1  
\v 10 ኔ ካዉቴይ ዮ፤ 
\q2 ኔ ሼኒ ሳሉዋን ሃኔዳዋዳን፥ 
\q2 ሳዓንካ ሃኖ። 
\q1  
\v 11 ጋላሳን ጋላሳን ኮሺያ ቁማ 
\q2 ኑሲ ሃቼ ኢማ። 
\q1  
\v 12 ኑኒ ኑና ናቆዋንቱሲ 
\q2 ኣቶ ያጊያዋዳን፥ 
\q2 ኔኒካ ኑ ናቁዋ ኣቶ ጋ። 
\q1  
\v 13 ኑና ኢታባፔ ኣሻፔ ኣቲን፥ 
\q2 ፓጪያን ጌሊሶፓ። 
\q2 ካዉቴይ፥ ዎልቃይኔ ቦንቹ 
\q2 ሜናዉካ ኔሳ። 
\m ኣሜንዒ› 
\p  
\v 14 «ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጎፔ፥ ሳሉዋን ዴዒያ ሂንቴንቱ ኣዉካ ሂንቴው ኣቶ ጋና። 
\p  
\v 15 «ሺን ሂንቴንቱ ሂንቴና ናቄዳ ሃራ ኣሳ ናቁዋ ኣቶ ጋና ዮፔ፥ ሂንቴንቱ ኣዉካ ሂንቴ ናቁዋ ኣቶ ጌና። \x - \xo 6:15 \xt ማር 11፡25-26\x* 
\s1 ፆማባ 
\p  
\v 16 «ቃሲ ሂንቴንቱ ፆሚያ ዎዴ፥ ሎዓ ማላቲያ ኢታቱዋዳን፥ ካዮቲያዋ ማላቶፒቴ፤ ኣዪሲ ጎፔ፥ ኡንቱንቱ ፆሚያዋ ኣሳይ ቤዓና ማላ፥ ባሬንቱ ሶምዒያ ቡላሊሲኖ፤ ታኒ ሂንቴንቶ ቱሙዋ ኦዳይ፤ ኡንቱንቱ ባሬንቱ ጋቲያ ኣኬዲኖ። 
\p  
\v 17-18 «ሺን ሂንቴንቱ ፆሚያ ዎዴ፥ ሂንቴንቱ ኣቡ ሂንቴ ፆሚያዋ ኤሮፔ ኣቲን፥ ኣሳይ ኤሬና ማላ፥ ሂንቴ ሶምዒያ ሜጬቲቴ፤ ሂንቴ ሁጲያካ ኦኬቲቴ፤ ያቶፔ፥ ቤቴና ሂንቴ ኣዉ ሂንቴንቱ ኦያዋ ጌማን ቤዒዴ፥ ሂንቴ ጋቲያ ኢማናዋ። 
\s1 ሳሉዋን ዴዒያ ሚሻባ 
\r (ሉቅ 12፡33-34) 
\p  
\v 19 «ሚሻ ቢልዓይ ሚያሳኒኔ ቢራታይ ሺዒዴ ባዪዚያሳን፥ ካዪሱካ ቦኪዴ ዉዒያሳን፥ ሃ ሳዓን ሂንቴንቱ ሁጲያሲ ዳጋዮፒቴ። \x - \xo 6:19 \xt ኢያ 5፡2-3\x* 
\v 20 ሺን ቢልዓይ ሜናሳኒኔ ሺዔና ሳን፥ ካዪሱካ ቦኪዴ ዉዔና ሳን ሂንቴንቱ ሁጲያሲ ሳሉዋን ሚሻ ዳጋዪቴ።  
\v 21 ኣዪሲ ጎፔ፥ ኔ ዎዛናይ ኔ ሚሻይ ዴዒያሳን ዴዓና። 
\s1 ቦላ ፖዑዋባ 
\r (ሉቅ 11፡34-36) 
\p  
\v 22 «ቦላ ፖዑ ኣይፊያ፤ ሄዋ ዲራው፥ ኔ ኣይፊ ፓፃ ጊዶፔ፥ ኔ ቦላ ኡባይ ፖዖ ጊዳና።  
\v 23 ሺን ኔ ኣይፊ ፓፃ ጊዳና ዮፔ፥ ኔ ቦላ ኡባይ ማና፤ ሲሚ ኔናን ዴዒያ ፖዑ ሞፔ፥ ማይ ኣይ ኬና ዳራኔ! 
\s1 ዴዑዋሲ ሂርጋናው ቤሴና 
\r (ሉቅ 16፡13፤ 12፡22-31) 
\p  
\v 24 «ላዑ ጎዳቱዋሲ ሞዴታናው ዳንዳዪያዌ ኦኒኔ ባዋ፤ ኣዪሲ ጎፔ፥ ኢቱዋ ኢፂዴ፥ ዮኩዋ ሲቄ፤ ዎይ ኢቱዋ ቦንቺዴ፥ ዮኩዋ ካ፤ ኢቲ ኣሳይ ፆሳሲኔ ሻሉዋሲ ሞዴታናው ዳንዳዬና። 
\p  
\v 25 «ሄዋ ዲራው፥ ታኒ ሂንቴንቶ ኦዳይ፤ ሂንቴ ዴዖ ማናባዉኔ ኡሻናባው፥ ዎይ ሂንቴ ቦላው ማያናባው ሂርጎፒቴ፤ ሼምፑ ቁማፔ ኣኔ? ቃሲ ቦላይ ማዩዋፔ ኣኔ?  
\v 26 ፓሊያ ካፋቱዋ ፄሊቴ፤ ኡንቱንቱ ዜሪኪኖ፤ ጫኪኪኖ፤ ዲዪያንካ ቆሊኪኖ፤ ሺን ሳሉዋን ዴዒያ ሂንቴንቱ ኣዉ ኡንቱንታ ሚዜ፤ ሂንቴንቱ ኡንቱንቱፔ ሎይ ዳርኪቴ?  
\v 27 ሂንቴንቱ ጊዶን ዳሪሲ ሂርጊዴ፥ ባሬ ጌሳ ቦላ ኢቲ ዋ ጉጃናው ዳንዳዪያዌ ኦኔ? 
\p  
\v 28 «ኣዪሲ ማዩዋሲ ሂርጊቴ? ዴምባን ዴዒያ ጪሻቱ ዎቲ ዲጪኖንቶ፥ ኣኬኪ ፄሊቴ፤ ኡንቱንቱ ዳቡሪኪኖ ዎይ ፑቱዋ ሱቂኪኖ። \x - \xo 6:28 \xt 1ካት 10፡4-7፤ 2ኦድ 9፡3-6\x* 
\v 29 ሺን ታኒ ሂንቴንቶ ኦዳይ፤ ሃራይ ኣቶ፥ ሶሎሞኔ ሄዋ ኬና ቦንቼቴዳዋ ጊዲዴ፥ ሄ ጪሻቱዋፔ ኢቱዋ ማላካ ማዪቤና።  
\v 30 ሺን ላፋ ኣማኑ ዴዒያዋንቶ፥ ፆሳይ፥ ሃቼ ዴዒዴ፥ ዎንቲ ታማን ኤፂያ ዴምባ ማታ ማዪዚያዌ፥ ሂንቴና ኡንቱዋፔ ኣዴ ዎቲ ማዪዜኔ?  
\v 31 ሲሚ፥ ‹ኑኒ ኣያ ማኔ? ዎይ ኣያ ኡሻኔ? ዎይ ኣያ ማያኔ?› ያጊዴ ሂርጎፒቴ።  
\v 32 ኣዪሲ ጎፔ፥ ሄ ኡባባ ፆሳ ኣማኔናዋንቱ ዳሪሲዴ ኮዪኖ፤ ሄ ኡባይ ሂንቴና ኮሺያዋ ሳሉዋን ዴዒያ ሂንቴንቱ ኣዉ ኤሬ።  
\v 33 ሺን ካሴቲዴ፥ ፆሳ ካዉቴኔ ኣ ፂሎቴ ኮዪቴ፤ ኢ ሂንቴንቶ ሄ ኡባባ ኢማና።  
\v 34 ሄዋ ዲራው፥ ዎንቲባሲ ሂርጎፒቴ፤ ኣዪሲ ጎፔ፥ ዎንቲ ጋላሳይ ባሬው ሂርጋና፤ ጋላሳ ኡባዉካ ኣ ሁጴው ጊዲያ ዋዪ ዴዔ። 
\c 7  
\s1 ሃራ ኣሳ ቦላ ፒርዳናው ኮሼና 
\r (ሉቅ 6፡37-42) 
\p  
\v 1 «ፆሳይ ሂንቴንቱ ቦላ ፒርዴና ማላ፥ ሂንቴካ ሃራቱዋ ቦላ ፒርዶፒቴ።  
\v 2 ኣዪሲ ጎፔ፥ ሂንቴንቱ ሃራቱዋ ቦላ ፒርዲያዋዳን፥ ፆሳይ ሂንቴንቱ ቦላ ፒርዳና፤ ቃሲ ሂንቴንቱ ሃራቱዋሲ ኢማናው ማኪያባን ኢ ሂንቴው ማካና።  
\v 3 ኔ ኣይፊያን ዴዒያ ቱሳ ቤዓካ፤ ሺን ኔ ኢሻ ኣይፊያን ዴዒያ ሱላ ኣዪሲ ፄላይ?  
\v 4 ዎይ ኔ ኣይፊያን ቱሳይ ዴዒሺን፥ ኔኒ ኔ ኢሻ፥ ‹ታኒ ኔ ኣይፊያፔ ሱላ ኬሶ› ዋናዴ ጋናው ዳንዳያይ?  
\v 5 ላ ሃ ሎዑዋ ማላቲያ ኢታው! ካሴታዴ ኔ ኣይፊያፔ ቱሳ ኬሳዲጋ፤ ሄዋፔ ጉዪያን፥ ኔ ኢሻ ኣይፊያፔ ሱላ ኬሳናው ጌሻዴ ፄላናው ዳንዳያ። 
\p  
\v 6 «ጌሻባ ካናቱዋሲ ኢሞፒቴ፤ ኡንቱንቱ ጉዬ ሲሚዴ፥ ሂንቴና ሳዓና። ቃሲ ኢንቁዋ ጌቴቲያ ሂንቴንቱ ኣልዖ ሹቻ ጉዱንቱዋ ሲንን ኦሎፒቴ፤ ኡንቱንቱ ባሬንቱ ጌዲያን ዬና። 
\s1 ዎሲቴ፥ ኮዪቴ፥ ካሪያኮ ዪዴ ፄሲቴ 
\r (ሉቅ 11፡9-13) 
\p  
\v 7 «ዎሲቴ፤ ሂንቴ ኣካና። ኮዪቴ፤ ሂንቴ ዴማና። ካሪያኮ ዪዴ ፄሲቴ፤ ሂንቴው ፔንጊ ዶዬታና።  
\v 8 ኣዪሲ ጎፔ፥ ዎሲያ ኡባይ ኣካና፤ ኮዪያ ኡራይ ዴማና፤ ቃሲ ካሪያኮ ዪዴ ፄሲያ ኡራው ፔንጊ ዶዬታና።  
\v 9 ዎይ ሂንቴንቱ ጊዶን ባሬ ናዓይ፥ ‹ኡኪ ኢማ› ጎፔ፥ ሹቻ ኢሚያ ኣዉ ዴዒ?  
\v 10 ቃሲ፥ ‹ሞሊያ ኢማ› ጎፔ፥ ኣው ሾሻ ኢማናዌ?  
\v 11 ሂንቴንቱ ኢታ ጊዲዴ፥ ሂንቴንቱ ናናቱዋሲ ሎዖባ ኢሚያዋ ኤሮፔ፥ ያቲና፥ ሳሉዋን ዴዒያ ሂንቴንቱ ኣዉ ባሬና ዎሲያዋንቱሲ ሎዖባ ዎቲ ዳሪሲ ኢሜኔ! 
\p  
\v 12 «ሄዋ ዲራው፥ ሃራ ኣሳይ ሂንቴው ኦናው ኮዪያ ኡባባ ሂንቴካ ኣሳው ኦቴ፤ ኣዪሲ ጎፔ፥ ሙሴ ሂጊያ ቢሌይኔ ናባቱ ታማሪሲያዌ ሃዋ። 
\s1 ኡንዓ ፔንጊያባ 
\r (ሉቅ 13፡24) 
\p  
\v 13 «ኡንዓ ፔንጊያና ጌሊቴ። ኣዪሲ ጎፔ፥ ባዬው ኣፊያ ፔንጊ ኣኩዋ፤ ኦጊካ ዎጋ። ሄዋና ጌሊያ ኣሳይካ ጮራ። 
\p  
\v 14 «ሺን፥ ዴዖ ኣፊያ ፔንጊ ኡንዓ፤ ኦጊካ ፁን። ቃሲ ሄዋ ዴሚያዋንቱካ ጉ። 
\s1 ሚይ ባሬ ኣይፊያን ኤሬቴ 
\r (ሉቅ 6፡43-44) 
\p  
\v 15 «ቦላ ባጋና ዶርሳ ማላቲዴ፥ ሂንቴኮ ዪያ ዎርዶ ናባቱዋፔ ናጌቲቴ፤ ሺን ኡንቱንቱ ጋርሳ ባጋና ዋላቱዋ ማላ።  
\v 16 ኡንቱንቱ ኣይፊያ ኣይፊያዋን ሂንቴ ኡንቱንታ ኤራና፤ ኣጉንይ ዎዴን ኣይፊያ ኣይፌና፤ ጎሚዖሪካ ኮኪያ ኣይፊያ ኣይፌና።  
\v 17 ሄዋዳንካ፥ ሎዖ ሚ ኡባይ ሎዖ ኣይፊያ ኣይፌ፤ ሺን ኢታ ሚይ ኢታ ኣይፊያ ኣይፌ።  
\v 18 ሎዖ ሚይ ኢታ ኣይፊያ ኣይፋናው ዳንዳዬና፤ ቃሲ ኢታ ሚይካ ሎዖ ኣይፊያ ኣይፋናው ዳንዳዬና።  
\v 19 ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና።  
\v 20 ሄዋ ዲራው፥ ሂንቴ ኡንቱንቱ ኣይፊያ ኣይፊያዋን ኡንቱንታ ኤራኒታ። 
\p  
\v 21 «ሳሉዋን ዴዒያ ታ ኣቡ ጌዳዋ ኦያ ኡራይ ሳሉዋ ካዉቴ ጌላናፔ ኣቲን፥ ‹ጎዳው፥ ጎዳው› ጊያ ኡባይ ጌሌና።  
\v 22 ፒርዳ ጋላሲ ዳሮ ኣሳይ ታና፥ ‹ጎዳው፥ ጎዳው፥ ኑኒ ኔ ሱንን ፆሳይ ኪቶዋ ኦዲቤይኮ? ኔ ሱንን ፃላሃቱዋ ኬሲቤይኮ? ቃሲ ኑኒ ፆሳይ ኦያ ማላሊሲያባ ኔ ሱንን ኦቤይኮ?› ያጋናዋንታ።  
\v 23 ታኒ ሄ ዎዴ ኡንቱንታ፥ ‹ታኒ ሂንቴና ኡባካ ኤሪኬ፤ ኢታባ ኦያዋንቱ ሂንቴ ታ ማታፔ ሃኪቴ› ያጋና። \x - \xo 7:23 \xt ማዝ 6፡8\x* 
\s1 ላዑ ማላ ጎላቱዋ 
\r (ሉቅ 6፡47-49) 
\p  
\v 24 «ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።  
\v 25 ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጌዳ። ሺን ጎሊ ሚኖ ዛላ ቦላ ኬፄቴዳ ዲራው፥ ኩንዲቤና። 
\p  
\v 26 «ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።  
\v 27 ኢራይ ቡኪዴ፥ ዲዑ ዲዔዳ፤ ጫርኩካ ጫርኪዴ፥ ሄ ጎሊያ ሱጊና፥ ጎሊ ኤሌካ ኩንዴዳ። ሄ ጎሊ ዎልቃማ ኩንዴ ኩንዴዳ።» 
\p  
\v 28 ዬሱሲ ባሬ ሃሳዪያዋ ዉርሴዳ ዎዴ፥ ኣሳይ ኢ ታማሪሲያዋን ማላሌቴዲኖ።  
\v 29 ኣዪሲ ጎፔ፥ ኢ ኡንቱንታ ታማሪሲዴ፥ ሙሴ ሂጊያ ታማሪሲያዋንቱዳን ጊዴናን፥ ማታይ ዴዒያ ኣሳዳን ታማሪሶ ዲራሳ። 
\c 8  
\s1 ዬሱሲ ኦሉ ኦይቄዳ ቢታኒያ ፓዳ 
\r (ማር 1፡40-45፤ ሉቅ 5፡12-16) 
\p  
\v 1 ዬሱሲ ዴሪያፔ ዎዳ ዎዴ፥ ጮራ ኣሳይ ኣ ካሌዳ።  
\v 2 ሄ ዎዴ ኦሉ \f + \fr 8:2 \ft ኦሉ ኦይቄዳ ኣሳ ቦላይ ቦፄ። ሃዌ ሳኪያ ኣሳይ ሄዎዴ ዴዑዋን ኣሳና ዴዒያ ዎጋ ኡባፔ ሻኬቲዴ ዴዔ። ቃይካ ጌሻ ጊዴና ጌቴቲዴ ሃራ ኣሳን ፄሴቴ።\f* ኦይቄዳ ኢቲ ቢታኒ ዬሱሳኮ ዪ ኣ ሲንን ጉልባቲዴ፥ «ጎዳው፥ ኔ ሼኔ ጊዶፔ፥ ታና ፓዴ ጌሻናው ዳንዳያ» ያጌዳ። 
\p  
\v 3 ዬሱሲ ባሬ ኩሺያ ዬዲ ኣ ቦቺዴ፥ «ታኒ ኮያይ፤ ፓፃዴ ጌያ!» ያጌዳ። ኤሌካ ኦሉ ቢታኒያ ዬዲ ኣጌዳ።  
\v 4 ዬሱሲ ኣ፥ «ሲሚ ሃዋ ኦሲኔ ኦዶፓ፤ ሺን ቄሳኮ ባዴ ኔ ፓፃዴ ጌዬዳዋ ኣ ቤሳ፤ ኔ ፓፃዴ ጌዬዳዋ ኣሳ ኤሪሳናው ሙሴ ኣዛዜዳ ያርሹዋ ፆሳው ያርሻ» ያጌዳ። \x - \xo 8:4 \xt ዎግ 14፡1-32\x* 
\s1 ዬሱሲ ፄቱዋ ካፑዋ ቆማ ፓዳ 
\r (ሉቅ 7፡1-10) 
\p  
\v 5-6 ዬሱሲ ቂፊሪናሆማ ካታማ ጌሌዳ ዎዴ፥ ኢቲ ሮማ ጋዴ ፄቱዋ ካፑ ኣኮ ዪዴ፥ «ታ ጎዳው፥ ታ ቆማ ቦላይ ጉንዲና፥ ዳሮ ሳኬቲዴ፥ ሶዪን ጊሴዳ፤ ሃያጎዶ ታው ፓሪኪ» ያጊ ዎሴዳ። 
\p  
\v 7 ዬሱሲ፥ «ታኒ ባዴ ኣ ፓና» ያጌዳ። 
\p  
\v 8 ሺን ፄቱዋ ካፑ ዛሪዴ፥ «ታ ጎዳው፥ ኔና ታ ሶይ ጌሊሳናው ታው ቤሴና፤ ሺን ኔኒ ቃላ ፃላላ ሃሳያ፤ ታ ቆማይ ፓፃናዋ።  
\v 9 ኣዪሲ ጎፔ፥ ታኒ ታፔ ቦላና ዴዒያዋንቶ ኤኖ ጊያ ኣሳ፤ ቃሲ ታፔ ጋርሳና ዎታዳራቱ ዴዒኖ። ታኒ ኢቱዋ፥ ‹ባ!› ጎፔ ቤ፤ ቃሲ ዮኩዋ፥ ‹ሃያ!› ጎፔ ዬ፤ ታ ቆማ፥ ‹ሃዋ ኦ!› ጎፔ ኦ» ያጌዳ። 
\p  
\v 10 ዬሱሲ ሄዋ ሲሴዳ ዎዴ ማላሌቲዴ፥ ባሬና ካሊያ ኣሳ፥ «ታኒ ሂንቴው ቱሙዋ ኦዳይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋዲያንካ ቤዓቤይኬ።  
\v 11 ጮራ ኣሳይ ኣዋይፊ ዶሊያ ባጋፔኔ ዉሊያ ባጋፔ ዪዴ፥ ኣብራሃሞና፥ ዪሳቃናኔ ያዪቆባና ሳሉዋ ካዉቴ ጋዪታን ኢቲፔ ኡታናዋንታ ያጋይ።  
\v 12 ሺን ካዉቴን ዴዓናው ቤሲያ ኣሳይ ዎልቃማ ማ ጋርሳ ካሬ ኦሌታና፤ ሄዋን ኡንቱንቱ ዬካናኔ ባሬንቱ ኣቻ ቃናዋንታ» ያጌዳ። 
\p  
\v 13 ሄዋፔ ካላ ዬሱሲ ፄቱዋ ካፑዋ፥ «ኔ ሶይ ባ፤ ኔኒ ኣማኔዳዋዳን ኔው ሃኖ» ያጌዳ፤ ፄቱዋ ካፑዋ ቆማይ ሄ ሳቲያንካ ፓፂ ኣጌዳ። 
\s1 ዬሱሲ ጮራ ኣሳቱዋ ኡንቱንቱ ሃርጊያፔ ፓዳ 
\r (ማር 1፡29-34፤ ሉቅ 4፡38-41) 
\p  
\v 14 ዬሱሲ ጴፂሮሳ ሶይ ቢዴ፥ ኣ ቦሎታታ ቆፁዋ ሃርጋዴ ጊሴዳዉኖ ቤዔዳ።  
\v 15 ኢዚ ኩሺያ ዬሱሲ ቦቺና፥ ቆፁ ኢዞ ባሺ ኣጌዳ፤ ኢዛካ ዴንዳዴ ኣው ሚያባ ጊጊሳዱ። 
\p  
\v 16-17 ሳዓይ ኦማርሴዳ ዎዴ፥ ኣሳይ ኢታ ኣያናቱ ኦይቄዳ ጮራ ኣሳ ዬሱሳኮ ኣሄዳ፤ ናቢያ ኢሲያሲ፥ «ኢ ኑ ዳቡራ ባሬው ኣኬዳ፤ ቃሲ ኑ ሃርጊያካ ቶኬዳ» ያጌዳዌ ፖሌታና ማላ፥ ዬሱሲ ኢታ ኣያናቱዋ ባሬ ቃላን ኬሲዴ፥ ሃርጌዳ ኣሳ ኡባካ ፓዳ። \x - \xo 8:16-17 \xt ኢሳ 53፡4\x* 
\s1 ዬሱሳ ካሊያዋንታ ጋኪያ ሜቱዋ 
\r (ሉቅ 9፡57-62) 
\p  
\v 18 ዬሱሲ ጮራ ኣሳይ ባሬ ዩሹዋን ዴዒያዋንታ ቤዒዴ፥ ኣባፔ ሄፊን ፒናና ማላ፥ ባሬና ካሊያዋንታ ኣዛዜዳ።  
\v 19 ሄዋፔ ጉዪያን ሙሴ ሂጊያ ታማሪሲያ ኢቱ ኣኮ ዪዴ፥ «ታማሪሲያዎ፥ ኔኒ ቢያሳ ኡባ ታኒ ኔና ካላና» ያጌዳ። 
\p  
\v 20 ዬሱሲ ኣ፥ «ዎራካናቱዋሲ ኦላይ ዴዔ፤ ካፋቱዋሲካ ኬይ ዴዔ፤ ሺን ታው፥ ኣሳ ናዓው፥ ሼምፓ ኣኪያሳይካ ባዋ» ያጌዳ። 
\p  
\v 21 ቃሲ ካሊያዋንቱፔ ኢቱ ዬሱሳ፥ «ጎዳው፥ ታኒ ሲንታ ባዴ ታ ኣባ ሞጋናው ባ ያጋሪኪ» ያጌዳ። 
\p  
\v 22 ሺን ዬሱሲ ኣ፥ «ኔኒ ታና ካላ፤ ሃይቄዳዋንቱ ባሬንቱ ኣኃ ሞጊኖ» ያጌዳ። 
\s1 ዬሱሲ ጎቱዋኔ ቤታ ጮዑ ኦዳ 
\r (ማር 4፡35-41፤ ሉቅ 8፡22-25) 
\p  
\v 23 ዬሱሲ ዎንጊሪያን ጌሎዴ፥ ኣ ካሊያዋንቱ ኣናና ቤዲኖ።  
\v 24 ቤታይ ዎንጊሪያ ሚታና ጋካናው፥ ኣባን ዎልቃማ ሆቢ ዴንዴዳ፤ ሺን ዬሱሲ ጌሚዒሼዳ።  
\v 25 ኣ ካሊያዋንቱ ኣኮ ቢዴ፥ ጌሚዒሹዋፔ ዴንዲኖ፤ ሄዋፔ ሲሚዴ ኣ፥ «ጎዳው፥ ኑኒ ዬቶ፤ ኑና ኣሻሪኪ» ያጌዲኖ። 
\p  
\v 26 ዬሱሲ ኡንቱንታ፥ «ሃ ኣማኑ ፓጬዳዋንቶ፥ ኣዪሲ ያዪቴ?» ያጌዳ። ሄዋፔ ጉዪያን ዴንዲዴ፥ ጎቱዋኔ ቤታ ኣጊቴ ጊና፥ ጎቱኔ ቤታይ ጮዑ ጌዳ። 
\p  
\v 27 ኣሳይ ማላሌቲዴ፥ «ሃዌ ላ ሃራይ ኣቶ፥ ጎቱኔ ቤታይ ኣዛዜቲያዌ ኣይባ ኣሴ?» ያጌዲኖ። 
\s1 ዬሱሲ ኢታ ኣያናይ ኦይቄዳ ላዑ ኣሳቱዋ ፓዳ 
\r (ማር 5፡1-20፤ ሉቅ 8፡26-39) 
\p  
\v 28 ዬሱሲ ጋሊላ ኣባፔ ሄፊንን ዴዒያ ጌርጌሴኖና ጌቴቲያ ጋዲያ ፒኔዳ፤ ኢታ ኣያናቱ ኦይቄዳ ላዑ ኣሳቱ ሄ ጋዲያን ዴዒያዋንቱ ዱፉዋፔ ኬሲዴ፥ ኣናና ጋኬቴዲኖ። ኡንቱንቱ ዳሮ ኢታ ጊዲያ ዲራው፥ ኦኒኔ ሄ ኦጊያና ኣናው ዳንዳዪቤና።  
\v 29 ኡንቱንቱ ባሬንቱ ቃላ ቁ ኦዴ፥ «ፆሳ ናዓው፥ ኑናና ኔው ኣዪ ኣላሊ ዴዒ? ዎዲ ጋኬናን ኑና ሙራናው ያዲ?» ያጌዲኖ። 
\p  
\v 30 ኡንቱንቱፔ ላፋ ሃኪያሳን ጉዱን ዉዲ ሄሜቴ።  
\v 31 ኢታ ኣያናቱ ዬሱሳ፥ «ኔኒ ኑና ኬሲያዋ ጊዶፔ፥ ሂኒ ጉዱን ዉዲያ ጊዶ ዬዳርኪ» ያጊዴ ዎሴዲኖ። 
\p  
\v 32 ዬሱሲ ኡንቱንታ፥ «ቢቴ!» ጊና ኡንቱንቱ ቢታናቱዋፔ ኬሲ ቢዴ፥ ጉዱንቱዋን ጌሌዲኖ። ጉዱን ዉዲ ኡባይ ካካ ላንቂያና ካጆቲዴ፥ ኣባን ጌሊዴ፥ ሚቴቲ ኣጌዲኖ። 
\p  
\v 33 ጉዱን ዉዲያ ሄሚያዋንቱ ባቃቲዴ ካታማ ቢ ኣጌዲኖ፤ ቤዳሳን ኢታ ኣያናቱ ኦይቄዳ ኣሳቱ ሃኔዳባ ኡባ ኦዴዲኖ።  
\v 34 ሄዋ ሲሴዳ ካታማን ዴዒያ ኣሳይ ኡባይ ዬሱሳና ጋኬታናው ኬሴዲኖ፤ ኣ ቤዔዳ ዎዴ፥ ባሬንቱ ጋዲያፔ ባና ማላ ዎሴዲኖ። 
\c 9  
\s1 ዬሱሲ ቦላይ ጉንዴዳ ቢታኒያ ፓዳ 
\r (ማር 2፡1-12፤ ሉቅ 5፡17-26) 
\p  
\v 1 ሃዋፔ ካላ ዬሱሲ ዎንጊሪያን ጌሊዴ፥ ኣባ ፒኒዴ፥ ባሬ ካታማ ዬዳ።  
\v 2 ኣማሬዳ ኣሳይ ቦላይ ጉንዴድዳ ኢቲ ቢታኒያ ሻንቻማን ቶኪዴ፥ ዬሱሳኮ ኣሄዲኖ፤ ዬሱሲ ኡንቱንቱ ኣማኑዋ ቤዒዴ፥ ቦላይ ጉንዴድዳ ቢታኒያ፥ «ታ ናዓው፥ ያዮፓ፤ ኔ ናጋራይ ኣቶ ጌቴቴዳ» ያጌዳ። 
\p  
\v 3 ሂጊያ ታማሪሲያዋንቱፔ ኢቱ ኢቱ ባሬንቱ ዎዛናን፥ «ላ ሃ ቢታኒ ፆሳ ቦላ ኢታባ ሃሳዬቴ!» ያጊ ቆፔዲኖ። 
\p  
\v 4 ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ሂንቴንቱ ሂንቴ ዎዛናን ሃዋ ማላ ኢታባ ኣዪሲ ቆፒቴ?  
\v 5 ‹ኔ ናጋራይ ኣቶ ጌቴቴዳ› ያጊያዌ ማቴዬ? ዎይ፥ ‹ዴንዳ ኤቃዴ ሃሜታ› ያጊያዌ ማቴ?  
\v 6 ሺን ሳዓ ቦላን ናጋራ ኣቶ ጋናው ታው፥ ኣሳ ናዓው፥ ማታይ ዴዒያዋ ታኒ ሂንቴና ኤሪሳና» ያጊዴ፥ ሄዋፔ ጉዬ ኢ ሄ ቦላይ ጉንዴዳ ቢታኒያ፥ «ዴንዳ ኤቃ፤ ያታዴ ኔ ሻንቻማ ቶካዴ፥ ኔ ጎሌ ባ» ያጌዳ። 
\p  
\v 7 ጉንዴዳ ቢታኒካ ዴንዲ ኤቂዴ፥ ባሬ ጎሌ ቤዳ።  
\v 8 ሺን ዳሮ ኣሳይ ሄዋ ቤዒዴ ያዬዲኖ፤ ኣሳው ሃዋ ማላ ማታ ኢሜዳ ፆሳ ጋላቴዲኖ። 
\s1 ዬሱሲ ሌዊያ ማቶሳ ፄሴዳ 
\r (ማር 2፡13-17፤ ሉቅ 5፡27-32) 
\p  
\v 9 ዬሱሲ ሄዋና ኣዴ፥ ማቶሳ ያጊያዌ ቃራፃ ቃንፂያ ሳን ኡቴዳዋ ዴሚዴ ኣ፥ «ታና ካላ» ያጌዳ። 
\p ማቶሲካ ዴንዲ ኤቂዴ፥ ኣ ካሌዳ። 
\p  
\v 10 ዬሱሲ ማቶሳ ጎሌን ቁማ ማናው ኡቲ ዴዒሺን፥ ቃራፃ ኣኪያ ጮራ ኣሳይኔ ናጋራንቻቱ ዪዴ፥ ኣናናኔ ኣ ካሊያዋንቱና ኢቲፔ ጋዪታን ኡቴዲኖ።  
\v 11 ኢቲ ኢቲ ፓሪሳዋቱ ሄዋ ቤዒዴ፥ ዬሱሳ ካሊያዋንታ፥ «ሂንቴና ታማሪሲያዌ ቃራፃ ቃንፂያዋንቱናኔ ናጋራንቻቱዋና ቁማ ኣዪሲ ኢቲፔ ሚ?» ያጌዲኖ። 
\p  
\v 12 ሺን ዬሱሲ ኡንቱንቱ ያጊያዋ ሲሲዴ፥ «ሃርጋንቻቱዋሳፔ ኣቲን፥ ፓፃቱዋሲ ኣኪሚ ኮሼና።  
\v 13 ሺን ሂንቴንቱ ቢዴ፥ ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ኤሪቴ፤ ኣዪሲ ጎፔ፥ ታኒ ናጋራንቻቱዋ ፄሳናው ዬዳዋፔ ኣቲን፥ ፂላቱዋ ፄሳናው ያቤይኬ» ያጌዳ። 
\s1 ፆማባ ኦቼዳ ኦሻ 
\r (ማር 2፡18-22፤ ሉቅ 5፡33-39) 
\p  
\v 14 ሄ ዎዴ ዮሃኒሳ ካሊያዋንቱ ዬሱሳኮ ዪዴ፥ «ኑኒኔ ፓሪሳዋቱ ኡባ ዎዴ ፆሜቶ፤ ሺን ኔና ካሊያዋንቱ ኣዪሲ ፆሚኪኖ?» ያጊዴ ኣ ኦቼዲኖ። 
\p  
\v 15 ዬሱሲ ኡንቱንታ፥ «ቡላቻ ዬዳ ኣሳይ ማቻቶ ኣኪያዌ ባሬንቱና ዴዒሺን፥ ካዮታናው ዳንዳዪኖ? ዳንዳዪኪኖ፤ ሺን ማቻቶ ኣኪያዋ ኡንቱንቱ ማታፔ ኣፋና ዎዲ ያና፤ ኡንቱንቱ ሄ ዎዴ ፆማናዋንታ» ያጌዳ። 
\p  
\v 16 «ኤጫ ማዩዋ ቦላ ኦራ ፊያ ዎዴ ሲኪያ ኣሳይ ባዋ፤ ኣዪሲ ጎፔ፥ ኦራ ፊ ኤጫ ማዩዋ ፔሬና፤ ፔይካ ካሴዋፔ ዳራናዋ።  
\v 17 ሆዖ ዎዪኒያ ኤሳ ኤጫ ኦጎሩዋን ናዒያ ኣሳይ ባዋ። ሺን ናዖፔ፥ ሄ ዎዪኒያ ኤሳይ ኦጎሩዋ ዳካና፤ ባሬዉካ ዎፌታና፤ ኦጎሩካ ባያናዋ። ሺን፥ ሆዖ ዎዪኒያ ኤሳ ኦራ ኦጎሩዋን ናዓናው ቤሴ፤ ላዑካ ባይኪኖ» ያጌዳ። 
\s1 ያዒሮሳ ናቲባኔ ዬሱሳ ማዩዋ ቦቼዳ ሚሺራቲባ 
\r (ማር 5፡21-43፤ ሉቅ 8፡40-56) 
\p  
\v 18 ዬሱሲ ኡንቱንቶ ሄዋ ኦዲሺን፥ ኣዪሁዴ ዎሳ ጎሌ ካፓቱዋፔ ኢቱ ኣኮ ዪ ኣ ሲንን ጉልባቲዴ፥ «ታ ናታ ሃዒ ሃይቃዱ፤ ሺን ኔኒ ያዴ ኔ ኩሺያ ኢዚ ቦላ ዎሪኪ፤ ኢዛ ዴዑዋን ዴዓናዉኑ» ያጌዳ። 
\p  
\v 19 ዬሱሲ ዴንዲዴ፥ ባሬና ካሊያዋንቱና ኢቲፔ ቢታኒያ ካሊዴ ቤዳ።  
\v 20 ሄ ዎዴ ታማኔ ላዑ ላይ ኩሜን፥ ኢዚ ቦላፔ ሱይ ጎጊያ ኢቲ ሚሺራታ ጉዬና ሺቃዴ፥ ዬሱሳ ማዩዋ ማጫራ ቦቻዱ።  
\v 21 ሃዋ ኢዛ ኡዶዌ፥ ኢዛ ባሬ ዎዛናን፥ «ታኒ ኣ ማዩዋ ፃላላ ቦቻንቶ ፓፃና» ያጋዴ ቆፓዱ። 
\p  
\v 22 ሺን ዬሱሲ ዩዪ ኢዞ ፄሊዴ፥ «ታ ናቴ፥ ያዮፓ፤ ኔና ኔ ኣማኑ ፓዳ» ያጌዳ። ሄ ማንዒያንካ ሚሺራታ ፓፃ ኣጋዱ። 
\p  
\v 23 ዬሱሲ ኣዪሁዳ ዎሳ ጎሌ ካፑዋ ሶይ ጋኬዳ ዎዴ፥ ዬኩዋን ዲንካ ፑኒያ ኣሳኔ ዬኪያ ኣሳ ቤዒዴ፥  
\v 24 «ካሬ ኬሲቴ፤ ጉ ናታ ጌሚዒሻዱፔ ኣቲን፥ ሃይቃቤይኩ» ያጌዳ። ሄዋፔ ጉዪያን ኣሳይ ኣ ቦላ ዳሪ ሚጬዳ።  
\v 25 ሺን ጮራ ኣሳ ካሬ ኢ ኬሴዳዋፔ ጉዪያን፥ ጎሌ ጌሊዴ፥ ናቲ ኩሺያ ኦይቄዳ፤ ናታካ ዴንዳ ኣጋዱ።  
\v 26 ሄ ዋሪ፥ ሄ ማንዒያንካ ሄ ጋዲያን ኡባን ሲሴቴዳ። 
\s1 ዬሱሲ ላዑ ቆቃቱዋ ፓዳ 
\p  
\v 27 ዬሱሲ ሄዋና ኣዴ ቢያ ዎዴ፥ ላዑ ቆቃቱ ባሬንቱ ቃላ ቁ ኡዲዴ፥ «ዳዊቴ ናዓው፥ ኑና ማራሪኪ» ያጊዴ ኣ ካሌዲኖ። 
\p  
\v 28 ዬሱሲ ጎሌ ጌሌዳ ዎዴ፥ ቆቃቱ ኣኮ ዬዲኖ፤ ዬሱሲ ኡንቱንታ፥ «ታኒ ሃዋ ኦናው ዳንዳዪያዋ ኣማኒቴ?» ያጌዳ። 
\p ኡንቱንቱ፥ «ኤ ጎዳው» ያጊ ዛሬዲኖ። 
\p  
\v 29 ሄዋፔ ጉዪያን፥ ዬሱሲ ኡንቱንቱ ኣይፊያ ባሬ ኩሺያን ቦቺዴ ኡንቱንታ፥ «ሂንቴው ሂንቴንቱ ኣማኑዋዳን ሃኖ» ያጌዳ።  
\v 30 ኡንቱንቱ ኣይፊ ዶዬቲ ኣጌዳ፤ ዬሱሲ ኡንቱንቶ፥ «ሃዋ ኦሲኔ ኦዶፒቴ» ያጊዴ ሚኒሲዴ ኦዴዳ።  
\v 31 ሺን ኡንቱንቱ ቢዴ፥ ሄ ጋዲያ ኡባን ዬሱሳባ ኦዴዲኖ። 
\s1 ዬሱሲ ኢቲ ዱዲያ ፓዳ 
\p  
\v 32 ኡንቱንቱ ኬሲዴ ቢያ ዎዴ፥ ኣማሬዳ ኣሳይ ኢታ ኣያናይ ኦይቂና ዱዴዳ ቢታኒያ ዬሱሳኮ ኣሄዲኖ።  
\v 33 ዬሱሲ ኢታ ኣያና ኬሴዳዋፔ ጉዪያን፥ ዱዴ ቢታኒ ሃሳዬዳ። ኣሳይ፥ «ሃዌ ኦራባ፤ ሃዋ ማላባይ ኢስራዔሊያ ጋዲያን ኡባካ ሃኒቤና» ያጊ ማላሌቴዲኖ። 
\p  
\v 34 ሺን ፓሪሳዋቱ፥ «ኢ ኢታ ኣያናቱዋ ካፑዋ ዎልቃን ፃላሃቱዋ ኬሴ» ያጌዲኖ። \x - \xo 9:34 \xt 10፡25፤ 12፡24፤ ማር 3፡22፤ ሉቅ 11፡15\x* 
\s1 ዬሱሲ ኣሳሲ ቃሬቴዳ 
\p  
\v 35 ዬሱሲ ኡንቱንታ ኣዪሁዳ ዎሳ ጎሌቱዋን ታማሪሲዴኔ ካዉቴ ዎንጋላ ሚሺራቹዋ ኦዲዴ፥ ቃሲ ሃርጊያ ኡባፔኔ ሳኩዋ ኡባፔ ኣሳ ፓዴ፥ ዎጋ ካታማቱዋኒኔ ቄሪ ካታማቱዋ ኡባን ዩዬዳ። \x - \xo 9:35 \xt ማት 4፡23፤ ማር 1፡39፤ ሉቅ 4፡44\x* 
\v 36 ጮራ ኣሳ ቤዒዴ፥ ሄሚያ ኣሳይ ባይና ዶርሳዳን ኣሳይ ሂርጌቲያ ዲራዉኔ ኣሳ ማዲያባይ ባይና ዲራው፥ ኣሳው ቃሬቴዳ። \x - \xo 9:36 \xt ፓይ 27፡17፤ 1ካት 22፡17፤ 2ኦድ 18፡16፤ ሂዝ 34፡5፤ ማር 6፡34\x* 
\v 37 ያቲዴ ባሬና ካሊያዋንታ፥ «ቆይቻው ጋካ ካይ ዳራ፤ ሺን ጫኪያ ኣሳይ ጉ።  
\v 38 ሲሚ ካ ጎዳይ ካ ጫካናው ኦሳንቻቱዋ ዬዳና ማላ፥ ኣ ዎሲቴ» ያጌዳ። 
\c 10  
\s1 ዬሱሲ ኪቴዳ ታማኔ ላዑ ኣሳቱዋባ 
\r (ማር 3፡13-19፤ ሉቅ 6፡12-16) 
\p  
\v 1 ዬሱሲ ባሬ ታማኔ ላዑ ካሊያዋንታ ፄሲዴ፥ ኡንቱንቱ ኢታ ኣያና ኬሳና ማላ፥ ቃሲ ሃርጊያ ኡባኔ ሳኩዋ ኡባ ፓና ማላ፥ ኡንቱንቶ ማታ ኢሜዳ።  
\v 2 ዬሱሲ ኪቴዳ ታማኔ ላዓቱዋ ሱንይ፥ ኮይሮዌ ጴፂሮሳ ጌቴቲያ ሲሞናኔ ኣ ኢሻ ኢንዲራሳ፥ ዛቢዲዮሳ ናና፥ ያዪቆባኔ ዮሃኒሳ፥  
\v 3 ፒሊጶሳ፥ ባርታላሞሳ፥ ቶማሳ፥ ቃራፃ ኣኪያ ማቶሳ፥ ኢልፒዮሳ ናዓ ያዪቆባኔ ታዶሳ፤  
\v 4 ባሬ ጋዴው ቃሬቲያ ሲሞናኔ ዬሱሳ ኣ ኢሜዳ ኣስቆሮቱ ዪሁዳ። 
\s1 ዬሱሲ ኪቴዳ ታማኔ ላዓቱ ታማሪሳናው ኪቴቴዲኖ 
\r (ማር 6፡7-13፤ ሉቅ 9፡1-6) 
\p  
\v 5 ዬሱሲ ሃ ታማኔ ላዓቱዋ ሃዋዳን ያጊዴ ኪቴዳ፤ «ኣዪሁዳ ጊዴና ኣሳ ጋዲያ ቦፒቴ፤ ቃሲ ሳማራቱዋ ካታማካ ጌሎፒቴ፤  
\v 6 ሄዋ ዲራ ባዬዳ ዶርሳኮ፥ ኢስራዔሊያ ኣሳኮ  
\v 7 ቢዴ፥ ‹ሳሉዋ ካዉቴይ ማቴዳ› ያጊዴ ኦዲቴ። \x - \xo 10:7 \xt ሉቅ 10፡4-12\x* 
\v 8 ሃርጋንቻቱዋ ፓቴ፤ ኣኃ ሃይቁዋፔ ዴንቴ፤ ኦሉ ኦይቄዳዋንታ ፓቴ፤ ኢታ ኣያናቱዋካ ኬሲቴ። ሂንቴንቱ ጮ ኣኬዲታ፤ ጮ ኢሚቴ።  
\v 9 ዎርቃ ዎይ ቢራ ዎይ ሳንቲሚያ ሂንቴንቱ ኪሲያን ኦይቆፒቴ፤  
\v 10 ዎይ ኦጌው ቃርጪቲያ፥ ዎይ ላዔያ ማዩዋ፥ ዎይ ጫማ ዎይ ፃምዓ ኦይቆፒቴ። ኣዪሲ ጎፔ፥ ኦሳንቻው ኮሺያባይ ቁማ። \x - \xo 10:10 \xt 1ቆር 9፡14፤ 1ፂም 5፡18\x* 
\p  
\v 11 «ሂንቴንቱ ጌሊያ ካታማን ዎይ ቄሪ ካታማ ኡባን ሂንቴና ሞካናው ናሼቲያዌ ኦኔንቶ ኣኬካን ፆሞሲቴ፤ ሂንቴንቱ ሄዋፔ ኬሳና ጋካናው፥ ሄዋን ኡቲቴ።  
\v 12 ቃሲ ጎሌ ጌሊዴ ሳሮቲቴ።  
\v 13 ሄ ጎሌን ዴዒያ ኣሳይ ሂንቴና ሞኮፔ፥ ሂንቴንቱ ሳሮቴዳ ሳሮታይ ኡንቱንታ ጋኮ። ሺን ኡንቱንቱ ሂንቴና ሞኬናን ኢፆፔ፥ ሂንቴንቱ ሳሮቴዳ ሳሮታይ ሂንቴው ጉዬ ሲሞ።  
\v 14 ቃሲ ኢቲ ኢቲ ጎሊ ዎይ ካታማይ ሂንቴና ሞኬናን ዎይ ሂንቴንቱ ኦዲያዋ ሲሴናን ኢፆፔ፥ ሄ ጎሌፔ ዎይ ሄ ካታማፔ ኬሲዴ፥ ሂንቴንቱ ጌዲያፔ ባና ሾጪቴ።  
\v 15 ታኒ ሂንቴው ቱሙዋ ኦዳይ፤ ፆሳይ ፒርዲያ ጋላሲ ሄ ካታማ ኣሳፔ፥ ሶዶማ ካታማ ኣሳዉኔ ጋሞራ ካታማ ኣሳው ፒርዳ ካዉሺሳና። \x - \xo 10:15 \xt ማት 11፡24፤ ዶም 19፡24-28\x* 
\s1 ጎዳይ ያናፔ ካሴቲዴ፥ ዬዴርሱኔ ሜቱ ሃናና 
\r (ማር 13፡9-13፤ ሉቅ 21፡12-17) 
\p  
\v 16 «ቤዒቴ! ታኒ ሂንቴና ዶርሳ ዋላቱዋ ጊዶ ዬዲያዋዳን ዬዳይ። ሄዋ ዲራው፥ ሾሻዳን ጪንጫ ጊዲቴ፤ ቃሲ ሃራጲያዳን፥ ኣሺኬ ጊዲቴ።  
\v 17 ሺን ኣሳፔ ናጌቲቴ። ኣዪሲ ጎፔ፥ ኣሳይ ሂንቴና ፒርዳ ጎሌው ኣዴ ኢማና፤ ቃሲ ባሬ ኣዪሁዳ ዎሳ ጎሌቱዋኒካ ሂንቴና ሊሱዋን ፔዳና። \x - \xo 10:17 \xt ማር 13፡9-11፤ ሉቅ 12፡11-12፤ 21፡12-15\x* 
\v 18 ጋዲያ ኣዪሲያዋንቱ ሲንኒኔ ካታቱዋ ሲንን ታ ዲራው ሂንቴንቱ ኤቂዴ፥ ኡንቱንቱሲኔ ኣዪሁዳ ጊዴና ኣሳ ሲንን ታው ማርካ ጊዳኒታ።  
\v 19 ሺን ኡንቱንቱ ሂንቴና ፒርዳው ኣያ ዎዴ፥ ሂንቴንቱ ሃሳያናባ ሄ ሳቲያን ፆሳይ ሂንቴው ኢሚያ ዲራው፥ ሂንቴንቱ ጋናባዉኔ ዎይ ዋጊዴ ሃሳያኔንቶኔ ሂርጎፒቴ።  
\v 20 ኣዪሲ ጎፔ፥ ሂንቴንቱን ኣቂዴ ሃሳዪያዌ ሂንቴንቱ ኣዉዋ ጌሻ ኣያናፔ ኣቲን፥ ሃሳዪያዋንቱ ሂንቴንታ ጊዲኪታ። 
\p  
\v 21 «ኢሻይ ባሬ ኢሻ፥ ኣዉ ባሬ ናዓ ቦላ ዴንዳና፤ ናናይ ባሬንቱ ኣቲኔ ኣዉዋ ቦላ ዴንዲዴ፥ ኡንቱንታ ዎሳና።  
\v 22 ቃሲ ኣሳይ ኡባይ ሂንቴንታ ታ ሱን ዲራው ኢፃና፤ ሺን ዉርሴይ ጋካናው ጌንጪያዌ ኣታናዋ።  
\v 23 ኡንቱንቱ ሂንቴና ኢቲ ካታማፔ ዬዴርሶፔ፥ ሃራ ካታማ ቢቴ። ኣዪሲ ጎፔ፥ ታኒ ሂንቴው ቱሙዋ ጋይ፤ ታኒ፥ ኣሳ ናዓይ፥ ያና ጋካናው፥ ሂንቴንቱ ሂንቴ ኦሱዋ ኢስራዔሊያ ካታማ ኡባን ኦዴ ዉርሲኪታ። 
\p  
\v 24 «ታማሪያዌ ባሬና ታማሪሲያዋፔ ዳሬና፤ ቆማይካ ባሬ ጎዳፔ ዳሬና።  
\v 25 ታማሪያዌ ባሬና ታማሪሲያዋ ኬና ጊዲያዌ፥ ቆማይካ ባሬ ጎዳ ኬና ጊዲያዌ ኣው ጊዳና፤ ኡንቱንቱ ጎሌ ጎዳ ቢዔል-ዜቡላ ጊዴ ፄሶፔ፥ ኣ ጎሌ ኣሳ ዋጊ ፄሳኔሻ! 
\s1 ኦሲ ያያናው ቤሲንቶ 
\r (ሉቅ 12፡2-7) 
\p  
\v 26 «ሲሚ ኣሳሲ ያዮፒቴ፤ ኣዪሲ ጎፔ፥ ጌን ዎዳባይ ቆንጪያ ኬሴናን ኣቴና፤ ቆሴዳባይካ ኤሬቴናን ኣቴና።  
\v 27 ታኒ ሂንቴንቶ ማኒ ኦዲያባ ፖዑዋን ሃሳዪቴ፤ ሂንቴው ሃይን ሳሱኪዴ ኦዴዳዋ፥ ቃ ሳን ኣዋዪቴ።  
\v 28 ኣሹዋ ዎያዋንቶ ያዮፒቴ፤ ኡንቱንቱ፥ ሼምፑዋ ዎናው ዳንዳይኪኖ። ሺን ሼምፑዋኔ ኣሹዋ ጋናሚያን ዪሳናው ዳንዳዪያ ፆሳሲ ያዪቴ።  
\v 29 ላዑ ሱኒያ ካፋቱ ሳንቲሚያን ዛሊዔቲኪኖ? ሂንቴንቱ ኣዉዋ ሼኒያ ጊዳና ዮፔ፥ ሄ ሱኒያ ካፋቱዋፔ ኢቲናካ ሳዓን ዎዴ ባዩኩ።  
\v 30 ሺን ሃራይ ኣቶ፥ ሂንቴንቱ ሁጲያን ዴዒያ ቢናናይ ኡባይካ ፓይዱዋን ዴዔ።  
\v 31 ሲሚ ያዮፒቴ፤ ዳሮ ሱኒያ ካፋቱዋፔ ሂንቴንቱ ኣታ። 
\s1 ኪሪስቶሳባ ማርካታናው ቤሴ 
\r (ሉቅ 12፡8-9) 
\p  
\v 32 «ሄዋ ዲራው፥ ኣሳ ሲንን ታባ ማርካቲያ ኦሲ ጊዶፔኔ፥ ታኒካ ሳሉዋን ዴዒያ ታ ኣቡ ሲንን ማርካታና፤  
\v 33 ሺን ኣሳ ሲንን ታና ካዲያ ኦናኔ ታኒካ ቃሲ ሳሉዋን ዴዒያ ታ ኣቡ ሲንን ኣ ካዳና። \x - \xo 10:33 \xt 2ፂም 2፡12\x* 
\p  
\v 34 «ታኒ ሳዓሲ ሳሮቴ ኣሃናው ዬዳዋ ሂንቴሲ ማላቶፖ፤ ታኒ ቶራ ኣሃናው ዬዳዋፔ ኣቲን፥ ሳሮቴ ኣሃናው ያቤይኬ።  
\v 35 ኣዪሲ ጎፔ፥ ታኒ ናዓ ኣ ኣቡፔ፥ ናቶ ኢዚ ዳዪፔ፥ ናዓ ማቻቶካ ኢዚ ቦሎታቲፔ ሻካናው ያዲ፤ \x - \xo 10:35 \xt ሚክ 7፡6\x* 
\v 36 ኣሳሲ ሞርኬቱ ኣ ጎሌ ኣሳቱዋ ጊዳናዋንታ። 
\p  
\v 37 «ባሬ ኣባ ዎይ ባሬ ዳዮ ታፔ ኣዴ ሲቂያዌ ታዋ ጊዳናው ቤሴና፤ ባሬ ኣቱማ ናዓ ዎይ ባሬ ማጫ ናቶ ታፔ ኣዴ ሲቂያዌ ታዋ ጊዳናው ቤሴና።  
\v 38 ባሬ ማስቃሊያ ቶኪዴ፥ ታ ጌዱዋ ካሌናዌ ታዋ ጊዳናው ቤሴና።  
\v 39 ባሬ ሼምፑዋ ኣሺያዌ ባዪዛናዋ፤ ሺን ታ ዲራው ባሬ ሼምፑዋ ባዪዚያዌ ኣሻናዋ። 
\p  
\v 40 «ሂንቴንታ ሞኪያዌ ታና ሞኬ፤ ቃሲ ታና ሞኪያዌ ታና ኪቴዳዋ ሞኬ።  
\v 41 ናቢያ፥ ናቢያ ሱንን ሞኪያዌ፥ ናቢያ ጋቲያ ኣናና ጊሼታናዋ፤ ቃሲ ፂሉዋ፥ ፂሉዋ ሱንን ሞኪያዌ፥ ፂሉዋ ጋቲያ ኣናና ጊሼታናዋ።  
\v 42 ኦኒኔ ሃ ታና ካሊያዋንቱፔ ጉፂያ ኢቶ፥ ሃራይ ኣቶ ቡሊያ ሃ ፃላላ ኡሻናው ኢሞፔካ፥ ታኒ ሂንቴንቶ ቱሙዋ ጋይ፤ ኢ ባሬ ጋቲያ ኣካና» ያጌዳ። 
\c 11  
\s1 ፃማቂያ ዮሃኒሳፔ ዬሱሳኮ ኪቴቴዳ ኣሳቱዋ 
\r (ሉቅ 7፡18-35) 
\p  
\v 1 ዬሱሲ ባሬ ታማኔ ላዑ ካሊያዋንታ ኣዛዚያዋ ፖሌዳ ዎዴ፥ ሄዋፔ ዴንዲዴ፥ ካታማቱዋን ታማሪሳናዉኔ ኦዳናው ቤዳ። 
\p  
\v 2 ፃማቂያ ዮሃኒሲ ቃሾ ጎሌን ዴዒዴ፥ ዬሱሲ ኦዳዋ ሲሲዴ፥ ባሬና ካሊያዋንታ ኣኮ ኪቲዴ፥  
\v 3 «ያናዌ ኔኔዬ? ዎይ ሃራ ናጋኔ?» ያጊ ኦቻናዳን ኡዴዳ። 
\p  
\v 4 ዬሱሲ ዛሪዴ፥ ኡንቱንቶ ሃዋዳን ያጌዳ፤ «ቢዴ ሂንቴንቱ ቤዒያዋኔ ሲሲያዋ ዮሃኒሳው ኦዲቴ፤  
\v 5 ቆቃቱ ፄሊኖ፤ ዎባቱ ሃሜቲኖ፤ ኦሉ ኦይቄዳዋንቱ ፓፂዴ ጌዪኖ፤ \f + \fr 11:5 \ft ፓፂዴ ጌዪኖ ጊያዋ ሎይ ኣኬካናው 8፡2 ፃዴና ዴዒያ ቢሌን ፃፌቴዳዋ ቤዓና ዳንዳዬቴ።\f* ቱላቱ ሲሲኖ፤ ሃይቄዳዋንቱ ዴንዲኖ፤ ሂዬሳቱ ዎንጋላ ሚሺራቹዋ ሲሲኖ። \x - \xo 11:5 \xt ኢሳ 35፡5-6፤ 61፡1\x* 
\v 6 ታባ ሲና ኡራይ ኣንጄቴዳዋ» ያጌዳ። 
\p  
\v 7 ዮሃኒሳ ካሊያዋንቱ ሲሚ ቤዳ ዎዴ፥ ዬሱሲ ዮሃኒሳባ ሺቄዳ ኣሳሲ ሃዋዳን ያጊ ሃሳዬዳ፤ «ኣያ ቤዓናው ኣሳይ ዴዔና ሜላ ቢታ ኬሴዲቴ? ጫርኩ ቃያ ማቃ ቤዓናው ኬሴዲቴ?  
\v 8 ያቲና፥ ኣያ ቤዓናው ኬሴዲቴ? ሎዒያ ማዩዋ ማዬዳ ቢታኒያ ቤዓናው ኬሴዲቴ? ሎዒያ ማዩዋ ማዬዳዋንቱ ካታቱዋ ጎሌን ዴዒኖ።  
\v 9 ያቲና፥ ኣያ ቤዓናው ኬሴዲቴ? ናቢያ ቤዓናው ኬሴዲቴ? ኤ፥ ታኒ ሂንቴው ኦዳይ፤ ናቢያፔካ ኣያዋ ቤዔዲታ።  
\v 10 ኣዪሲ ጎፔ፥ ፆሳ ማፃፋን፥ 
\q1 ‹ፆሳይ፥ «ቤዓ፥ ታኒ ኪቲያዋ 
\q2 ኔፔ ሲንው ዬዳና። 
\q1 ኢ ኔው ኦጊያ ጊጊሳናዋ» ያጌዳ› 
\m ጌቴቲዴ ዮሃኒሳባይ ፃፌቴዳ። \x - \xo 11:10 \xt ሚል 3፡1\x* 
\v 11 ታኒ ሂንቴንቶ ቱሙዋ ኦዳይ፤ ኣቲ ኡሉዋፔ ዬሌቴዳ ኣሳ ኡባን ፃማቂያ ዮሃኒሳፔ ኣያዌ ኦኒኔ ዴንዲቤና፤ ሺን ሳሉዋ ካዉቴን ኡባፔ ላፊያዌ ኣፔ ኣና።  
\v 12 ፃማቂያ ዮሃኒሳ ዎዲያፔ ዶሚዴ፥ ሃቼ ጋካናው፥ ሳሉዋ ካዉቴታ ዳሮ ናቄታው፤ ሚኒ ባፄቲያዋንቱ ኢዞ ዴሚኖ።  
\v 13 ኣዪሲ ጎፔ፥ ናባቱ ኡባቱኔ ሙሴ ሂጊ ዮሃኒሳ ዎዲ ጋካናው፥ ቲምቢቲያ ሃሳዬዲኖ፤  
\v 14 ሲሚ ሂንቴንቱ ኡንቱንቱ ሃሳዮዋ ኣማናናዋ ጊዶፔ፥ ያናዋ ጌቴቴዳ ኤላስ ሃ ዮሃኒሳ። \x - \xo 11:14 \xt ሚል 4፡5፤ ማት 17፡10-13፤ ማር 9፡11-13\x* 
\v 15 ሲሲያ ሃይይ ዴዒያዌ ሲሶ! 
\p  
\v 16 «ሺን ታኒ ሃ ዎዲያ ኣሳ ኣያና ሌሚሶ? ኡንቱንቱ ቆጫን ኡቲያ ናና ማላቲኖ፤ ኡንቱንቱ ባሬንቱ ላጌቱዋ ፄሲዴ፥  
\v 17 ‹ኑኒ ሂንቴንቶ ሂፂፂያ ፑኔዶ፤ ሺን ዱሪቤይኪታ፤ ዬኩዋ ዬካ ኬሴዶ፤ ሺን ዬኪቤይኪታ› ያጊኖ።  
\v 18 ኣዪሲ ጎፔ፥ ዮሃኒሲ ፆሚዲኔ ዎዪኒያ ኤሳ ኡሼናን ዪና ኡንቱንቱ፥ ‹ኣ ቦላ ኢታ ኣያናይ ዴዔ› ያጌዲኖ።  
\v 19 ታኒ፥ ኣሳ ናዓይ፥ ማዴኔ ኡሻዴ ዪና፥ ኡንቱንቱ ታና፥ ‹ሃ ናፊሳማኔ ዎዪኒያ ኤሳ ኡሺያዋ ቤዒቴ፤ ቃራፃ ቃንፂያዋንቱናኔ ናጋራንቻቱዋና ሲቄቴ› ያጊኖ፤ ሺን ፆሳ ኣዳ ኤራቴይ ባሬ ኦሱዋን ቱማ ጊዲዴ ቤቴ» ያጌዳ። 
\s1 ኣማኔናን ኢፄዳ ዲራው ቶሼቴዳ ካታማቱዋ 
\r (ሉቅ 10፡13-15) 
\p  
\v 20 ሄዋፔ ጉዪያን፥ ዬሱሲ ባሬ ማላታፔ ዳሪያ ባጋ ኦዳ ካታማቱዋን ዴዒያ ኣሳይ ባሬንቱ ናጋራፔ ሲሚቤና ዲራው፥ ኡንቱንታ ሃዋዳን ያጊዴ፥ ቶሺያ ዶሜዳ፤  
\v 21 «ኮራዚኔ ካታማው፥ ኔው ኣዬሮ፤ ቤቴሳይዳ ካታማው፥ ኔዉካ ኣዬሮ፤ ኣዪሲ ጎፔ፥ ሂንቴንቱ ቦላ ፆሳይ ኦዳ ማላታይ ፂሮሳ ካታማኒኔ ሲዶና ካታማን ኦሴቶዋ ጊዲንቶ፥ ኡንቱንቱ ማቂያ ማዪዴ፥ ቢዲን ኦኬቲዴ፥ ቤኒ ባሬንቱ ናጋራፔ ሲማናዋንታሺን። \x - \xo 11:21 \xt ኢሳ 23፡1-18፤ ሂዝ 26፡1-28፡26፤ ኢዩ 3፡4-8፤ ኣሞ 1፡9-10፤ ዛክ 9፡2-4\x* 
\v 22 ታኒ ሂንቴው ኦዳይ፤ ፒርዳ ጋላሲ ፆሳይ ሂንቴፔ ፂሮሳ ካታማዉኔ ሲዶና ካታማው ፒርዳ ካዉሺሳና።  
\v 23 ቃሲ ቂፊሪናሆማ ካታማው፥ ኔኒ ሳሉዋ ፑዴ ቁ ጋናው ኮያዲ? ኔኒ ሲዖሊያ ዱጌ ዬጌታና፤ ኣዪሲ ጎፔ፥ ኔ ቦላ ፆሳይ ኦዳ ማላታይ ሶዶማ ካታማን ኦሴቶዋ ጊዲንቶ፥ ሶዶማ ካታማይ ሃቼ ጋካናሲካ ዴዓናዋሺን። \x - \xo 11:23 \xt ኢሳ 14፡13-15፤ ዶም 19፡24-28\x* 
\v 24 ታኒ ሂንቴው ኦዳይ፤ ፒርዳ ጋላሲ ፆሳይ ኔፔ ሶዶማው ፒርዳ ካዉሺሳና» ያጌዳ። 
\s1 ዬሱሳን ሼምፑዋ ዴሚያዋ 
\r (ሉቅ 10፡21-22) 
\p  
\v 25 ዬሱሲ ሄ ዎዴ ዛሪዴ፥ ሃዋዳን ያጌዳ፤ «ታ ኣቦ፥ ሳሉዋ ሳዓ ጎዳው፥ ኔኒ ሃዋ ኣዳ ኤራንቻቱዋፔኔ ኣኬካንቻቱዋፔ ጌንዴ፥ ኤሬና ናናቱዋሲ ቆንጪሴዳ ዲራው፥ ኔና ጋላታይ፤  
\v 26 ኤ ታ ኣቦ፥ ኣዪሲ ጎፔ፥ ሃዌ ኔ ሼኒያዳን ኦሴቴዳ። 
\p  
\v 27 «ታ ኣቡ ታው ኡባባ ኢሜዳ፤ ኣዉዋፔ ሃራይ ናዓ ኤሬና፤ ናዓፔኔ ናዓይ ኣዉዋ ቆንጪሳናው ኮዪያ ኣሳፔ ኣቲን፥ ሃራይ ኣዉዋ ኤሬና። 
\p  
\v 28 «ዳቡራንቻቶ፥ ዴፁዋ ቶኮዋንቶ ኡባቶ፥ ታኮ ሃ ዪቴ፤ ታኒ ሂንቴንታ ሼምፒሳና።  
\v 29 ታኒ ጋራኔ ታ ዎዛናን ኣሺኬ ጊዶ ዲራው፥ ታ ሞርጌ ሚን ዋፄቲቴ፤ ታፔ ታማሪቴ፤ ሂንቴንቱ ሼምፑዋሲካ ሂንቴ ሼምፑዋ ዴማና። \x - \xo 11:29 \xt ኤርም 6፡16\x* 
\v 30 ኣዪሲ ጎፔ፥ ታ ሞርጌ ሚይ ጊጋ፤ ቃሲ ታኒ ሂንቴንታ ቶሴዳዌካ ካዉሻ» ያጌዳ። 
\c 12  
\s1 ሳምባታባሲ ሺቄዳ ኦሻ 
\r (ማር 2፡23-28፤ ሉቅ 6፡1-5) 
\p  
\v 1 ዬሱሲ ሄ ዎዴ ሳምባታ ጋላሲ፥ ቲሻ ባንጋ ጊዶና ኣሺን ኣ ካሊያዋንቱ ኮሻቲዴ፥ ቲሻ ባንጋ ዱዴ፥ ሙሳ ዶሜዲኖ። \x - \xo 12:1 \xt ዛር 23፡25\x* 
\v 2 ሺን ፓሪሳዋቱ ሄዋ ቤዒዴ ዬሱሳ፥ «ቤዓ፥ ኔና ካሊያዋንቱ ሳምባታ ጋላሲ ኦናው ዎጋ ጊዴናባ ኦኖ» ያጌዲኖ። 
\p  
\v 3 ሺን ዬሱሲ ኡንቱንቱሲ ሃዋዳን ያጌዳ፤ «ዳዊቴኔ ኣናና ዴዒያዋንቱ ኮሻቴዳ ዎዴ፥ ዳዊቴ ኦዳዋ ናባቢቤይኪቴ? \x - \xo 12:3 \xt 1ሳም 21፡1-6\x* 
\v 4 ዳዊቴ ፆሳ ጎሌ ጌሊዴ፥ ቄሳቱዋ ፃላላይ ማናፔ ኣቲን፥ ኢኔ ኣናና ዴዒያዋንቱ ማናው ዎጋ ጊዴና ፆሳሲ ያርሼዳ ቁማ ሜዳ። \x - \xo 12:4 \xt ዎግ 24፡9\x* 
\v 5 ዎይ ሳምባታ ኡባን ጌሻ ጎሊያን ዴዒያ ቄሳቱ ሳምባታ ዎጋ ሜንያዋ፥ ቃሲ ኡንቱንቱሲ ሄዌ ባዪዞ ጊዴናዋ ሙሴ ሂጊያን ናባቢቤይኪቴ? \x - \xo 12:5 \xt ፓይ 28፡9-10\x* 
\v 6 ሺን ታኒ ሂንቴው ኦዳይ፤ ጌሻ ጎሊያፔ ኣያዌ ሃዋን ዴዔ።  
\v 7 ፆሳ ማፃፋይ፥ ‹ታኒ ማሮቴ ኮያይፔ ኣቲን፥ ያርሹዋ ኮዪኬ› ያጊያዌ ዋጊያዌንቶ ሂንቴንቱ ኤሪቴንቶ፥ ባዪዙ ባይና ኣሳ ቦላ ፒርዲኪታ። \x - \xo 12:7 \xt ማት 9፡13፤ ሆስ 6፡6\x* 
\v 8 ኣዪሲ ጎፔ፥ ታኒ፥ ኣሳ ናዓይ፥ ሳምባታ ጎዳ» ያጌዳ። 
\s1 ዬሱሲ ኩሺ ጉንዴዳ ቢታኒያ ፓዳ 
\r (ማር 3፡1-6፤ ሉቅ 6፡6-11) 
\p  
\v 9 ዬሱሲ ሄዋፔ ዴንዲዴ፥ ኣዪሁዳ ዎሳ ጎሌ ቤዳ።  
\v 10 ሄዋን ኩሺ ጉንዴዳ ኢቲ ቢታኒ ዴዔ፤ ዬሱሳ ሞታናው ጋሱዋ ኮዪያ ኣሳቱ፥ «ሳምባታን፥ ሃርጋንቻ ፓያዌ ዎጌ?» ያጊዴ ኣ ኦቼዲኖ። 
\p  
\v 11 ዬሱሲ ኡንቱንታ፥ «ሂንቴንቱ ጊዶን ኢቲ ዶርሳይ ዴዒያ ኡራይ፥ ሄ ዶርሳይ ሳምባታ ጋላሲ ኦላን ኩንዶፔ፥ ኦይቂዴ ኬሴናዌ ኦኔ?  
\v 12 ያቲና፥ ኣሳይ ዶርሳፔ ዎቲ ሎይዴ ዳሬኔ! ሄዋ ዲራው፥ ሳምባታ ጋላሲ ሎዖባ ኦያዌ ዎጋ» ያጌዳ።  
\v 13 ሄዋፔ ጉዪያን ቢታኒያ፥ «ኔ ኩሺያ ፒዲ ኦ» ያጊና ቢታኒ ፒዲ ኦዋፔ ጉዪያን፥ ኣ ኩሺ ዮኮ ኩሺያዋዳንካ ፓፂ ኣጌዳ።  
\v 14 ሺን ፓሪሳዋቱ ካሬ ኬሲዴ፥ ዬሱሳ ዎቲ ዎኔንቶ ማቄቴዲኖ። 
\s1 ፆሳይ ዶሬዳ ኣዪሊያ 
\p  
\v 15 ሺን ዬሱሲ ኡንቱንቱ ዞሬታ ኤሪዴ፥ ሄዋፔ ኣጊዴ ቢያ ዎዴ፥ ዳሮ ኣሳይ ኣ ካሌዳ፤ ሃርጌዳ ኡባ ፓዳ።  
\v 16-17 ፆሳይ ናቢያ ኢሲያሳ ባጋና ኦዴዳዌ ፖሌታና ማላ፥ ዬሱሲ ኣሳቱዋሲ፥ «ታባ ሃራ ኣሳሲ ኦዶፒቴ» ያጌዳ።  
\v 18 ፆሳይ ኢሲያሳ ባጋና ሃዋዳን ያጌዳ፤ 
\q1 «ታኒ ዶሬዳ ታ ኣዪሊ፥ 
\q2 ታኒ ሲቂያ፥ ታና ናሼቺያዌ ሃዌኩ። 
\q1 ታኒ ታ ኣያና ኣ ቦላ ዎና። 
\q2 ኢ ሱሬ ፒርዳ ኣሳው ኡባው ኦዳናዋ። \x - \xo 12:18 \xt ኢሳ 42፡1-4\x* 
\q1  
\v 19 ኢ ፓሉሜቴና፤ ዎይ ዋሴና። 
\q2 ባሬ ቃላካ ኦጊያን ሲሴና። 
\q1  
\v 20 ሱሬ ፒርዳይ ፆኒ ኬሳና ጋካናው፥ 
\q2 ቲንጬቴዳ ማቃ ሜንና \f + \fr 12:20 \ft ኣ. ቲንጬቴዳ ማቃ ሜንና፤ ሃዋ ጉሳይ፥ ማዱ ባይናዋንቱሲኔ ዳቡራንቻቱዋሲ ዬሱሲ ኬካኔ ጋራ ጉሳ። ብ. ጩዋቲያ ሙቃዳ ቁንጩቲያካ ኢ ቶዪሴና ጉሳይ፥ ዬሱሲ ዳቡራንቻቱዋሲ ጉዙማ ጊዴናዳን ኬካ ጉሳ።\f* 
\q1 ቃሲ ጩዋቲያ ሙቃዳ ቁንጩቲያካ ኢ ቶዪሴና። 
\q1  
\v 21 ኣዪሁዳ ጊዴና ኣሳይ ኡባይ ኣቦላ ባሬንቱ ሂዶታ ዎና» 
\m ያጌዳ። 
\s1 ዬሱሳባኔ ቢዔል-ዜቡላባ 
\r (ማር 3፡20-30፤ ሉቅ 11፡14-23) 
\p  
\v 22 ሄዋፔ ጉዪያን፥ ኣማሬዳ ኣሳቱ ኢታ ኣያናይ ኦይቂና ዱዴዳ ኢቲ ቆቃ ቢታኒያ ዬሱሳኮ ኣሄዲኖ፤ ዬሱሲ ሄ ዱዴ ቢታኒያ ፓዳ፤ ቢታኒካ ሃሳያኔ ፄላ ዶሜዳ።  
\v 23 ኣሳይ ኡባይ ማላሌቲዴ፥ «ላ ሃዌ ዳዊቴ ናዓ ጊዳንዴሻ?» ያጌዲኖ። 
\p  
\v 24 ሺን ፓሪሳዋቱ ሄዋ ሲሲዴ፥ «ሃ ቢታኒ ኢታ ኣያናቱዋ ካፑ ‹ቢዔል-ዜቡሊ› ባሬው ዎልቃ ኢሚና፥ ፃላሃቱዋ ኬሴ» ያጌዲኖ። 
\p  
\v 25 ሺን ዬሱሲ ኡንቱንቱ ቆፋ ኤሪዴ፥ ኡንቱንታ ሃዋዳን ያጌዳ፤ «ባሬ ጊዶን ሻኬቲያ ካዉቴይ ኡባይ ያና፤ ቃሲ ባሬ ጊዶን ሻኬቲያ ካታማይ ዎይ ጎሌን ዴዒያ ኣሳይካ ሚኔና።  
\v 26 ቃሲ ሴፃናይ ሴፃና ኬሲያዋ ጊዶፔ፥ ባሬ ጊዶን ሻኬቴ፤ ያቲና፥ ኣ ካዉቴይ ዋኒዴ ሚኒ ኤቃናዌ?  
\v 27 ታው ቢዔል-ዜቡሊ ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሂንቴንቱ ኣሳው ዎልቃ ኦኒ ኢሚና ፃላሃቱዋ ኬሳኔ? ሄዋ ዲራው፥ ኡንቱንቱ ሂንቴ ቦላ ፒርዳና።  
\v 28 ሺን ፆሳ ጌሻ ኣያናይ ታው ዎልቃ ኢሚና፥ ታኒ ፃላሃቱዋ ኬሲያዋ ጊዶፔ፥ ሲሚ ፆሳ ካዉቴይ ሂንቴ ቦላ ዪዲጌዳ። 
\p  
\v 29 «ዎይ ኣሳይ ካሴቲዴ፥ ዎልቃማ ኣሳ ቃቼናን ዴዒዴ፥ ኣ ጎሌ ጌሊዴ፥ ኣ ሚሻ ቦንቃናው ዋኒዴ ዳንዳዪ? ቃቼዳዋፔ ጉዪያን፥ ኣ ሚሻ ቦንቃናው ዳንዳዬ። 
\p  
\v 30 «ታ ባጋ ጊዴና ኡራይ ታዋ ኢፄ፤ ቃሲ ታናና ኢቲፔ ሺሼናዌ ላሌ።  
\v 31 ሄዋ ዲራው፥ ታኒ ሂንቴው ኦዳይ፤ ፆሳይ ኣሳው ኣይ ናጋራ ጊዲናካ፥ ቃሲ ኣይ ቦሬ ጊዲናካ ኣቶ ጋና፤ ሺን ጌሻ ኣያና ቦሪያዋ ኣቶ ጌና።  
\v 32 ታ ቦላ፥ ኣሳ ናዓ ቦላ፥ ኢታባ ሃሳዪያ ኦ ናጋራኔ ፆሳይ ኣቶ ጋና፤ ሺን ጌሻ ኣያና ቦላ ኢታባ ሃሳዪያ ኦ ናጋራኔ ሳዓን ጊዲና፥ ሳሉዋንካ ፆሳይ ኣቶ ጌና። 
\s1 ሎዖ ሚይ ባሬ ኣይፊያን ኤሬቴ 
\r (ሉቅ 6፡43-45) 
\p  
\v 33 «ሎዖ ኣይፊያ ዴማናው ሎዖ ሚ ዲቻናው ቤሴ፤ ኢታ ሚ ሂንቴንቱ ዲቾፔ፥ ኢታ ኣይፊያ ዴማኒታ፤ ኣዪሲ ጎፔ፥ ሚይ ኤሬቲያዌ ባሬ ኣይፊያ ኣይፊያዋና።  
\v 34 ሾሻቶ፥ ሂንቴንቱ ኢታ ጊዲዴ፥ ዎቲ ሎዖባ ሃሳያናው ዳንዳዪቴ? ኣዪሲ ጎፔ፥ ዶናይ ዎዛና ጊዶን ኩሜዳዋ ሃሳዬ።  
\v 35 ሎዖ ኣሳይ ባሬ ሎዖ ሚንጁዋፔ ሎዖባ ኬሴ፤ ቃሲ ኢታ ኣሳይ ባሬ ኢታ ሚንጁዋፔ ኢታባ ኬሴ።  
\v 36 ታኒ ሂንቴንቶ ኦዳይ፤ ኣሳይ ባሬ ሃሳዬዳ ማዴና ሃሳያ ኡባው ፒርዳ ጋላሲ ዛሩዋ ኢማናዋ።  
\v 37 ኣዪሲ ጎፔ፥ ኔ ሃሳያይ ኔና ፂሊሳና፤ ዎይ ኔ ሃሳያይ ኔ ቦላ ፒርዲሳና» ያጌዳ። 
\s1 ማላታ ቤዓናው ሺቄዳ ኦሻ 
\r (ማር 8፡11-12፤ ሉቅ 11፡29-32) 
\p  
\v 38 ሄዋፔ ጉዪያን፥ ሂጊያ ታማሪሲያ ኢቲ ኢቲ ኣሳይኔ ፓሪሳዋቱ ዛሪዴ ዬሱሳ፥ «ታማሪሲያዎ፥ ኔኒ ማላታ ኦሺን፥ ኑኒ ቤዓናው ኮዬቶ» ያጌዲኖ። 
\p  
\v 39 ሺን ኢ ዛሪዴ፥ ኡንቱንቶ ሃዋዳን ያጌዳ፤ «ሃ ዎዲያ ኣሳይ ኢታኔ ፆሳ ኣማኔና ዲራው፥ ማላታ ኮዬ፤ ናቢያ ዮናሳ ማላታፔ ኣቲን፥ ሃራ ማላታይ ኢሜቴና።  
\v 40 ዮናሲ ዎጋ ሞሊያ ኡሉዋን ሄዙ ጋላሳኔ ሄዙ ቃማ ዴዔዳዋዳን፥ ኣሳ ናዓይካ፥ ቢታ ጊዶን ሄዙ ጋላሳኔ ሄዙ ቃማ ዴዓናዋ።  
\v 41 ኔኔዌ ኣሳይ ዮናሲ ኦዴዳዋን ባሬንቱ ናጋራፔ ሲሜዳ ዲራው፥ ፒርዳ ጋላሲ ዴንዲዴ፥ ሂንቴንታ ሞታናዋንታ፤ ቤይቴ፥ ዮናሳፔ ኣያዌ ሃዋን ዴዔ።  
\v 42 ዱጌ ባጋ ጋዲያ ካታታ ሶሎሞኔው ዴዒያ ኣ ኤራቴ ሲሳናው ሳዓ ጋፃፔ ዬዳ ዲራው፥ ፒርዳ ጋላሲ ዴንዳዴ፥ ሂንቴንታ ሞታናዉኑ፤ ቤይቴ፥ ሶሎሞኔፔካ ኣያዌ ሃዋን ዴዔ። \x - \xo 12:42 \xt 1ካት 10፡1-10፤ 2ኦድ 9፡1-12\x* 
\s1 ኢታ ኣያናይ ኣሳ ጋርሳ ሲሚዴ ጌሊያዋ 
\r (ሉቅ 11፡24-26) 
\p  
\v 43 «ኢታ ኣያናይ ኣሳፔ ኬሴዳ ዎዴ፥ ባሬው ሼምፒያሳ ኮዪዴ፥ ሃይ ባይና ሜላሳና ዩዬ፤ ሺን ዴሜና።  
\v 44 ሄ ዎዴ፥ ‹ታኒ ኣጋዴ ዬዳ ታ ጎሌ ሲማና› ያጌ፤ ሲሚዴ ዪያ ዎዴ፥ ጎሊ ሜላ ዴዒያዋኔ ፒቴቲ ጌዪዴ፥ ጊጊ ኡቴዳዋ ዴሜ።  
\v 45 ሄዋፔ ጉዪያን፥ ቢዴ ባሬፔ ኢቲያ ላፑ ሃራ ኣያናቱዋ ኣኪዴ ዬ፤ ሄ ኣያናቱ ጌሊዴ፥ ሄዋን ዴዒኖ። ሄ ቢታኒያ ዴዑ ካሴዋፔ ዳሪ ኢቴ። ሃ ዎዲያ ኢታ ኣሳዉካ ቃሲ ሄዋዳን ሃናና» ያጌዳ። 
\s1 ዬሱሳ ዳዮኔ ኣ ኢሻቱዋ 
\r (ማር 3፡31-35፤ ሉቅ 8፡19-21) 
\p  
\v 46 ዬሱሲ ዳሮ ኣሳው ሃሳዪሺን፥ ኣ ዳያኔ ኣ ኢሻቱ ኣናና ሃሳያናው ኮዪዴ፥ ካሬን ኤቄዲኖ።  
\v 47 ሄዋን ዴዒያ ኣሳፔ ኢቱ ኣ፥ «ኔ ዳያኔ ኔ ኢሻቱ ኔናና ሃሳያናው ኮዪዴ፥ ካሬን ኤቄዲኖ» ያጌዳ። \f + \fr 12:47 \ft ኢቲ ኢቲ ጌሻ ማፃፋ ቢሌን ሃ ፓይዱ ባዋ።\f* 
\p  
\v 48 ሺን ዬሱሲ ዛሪዴ፥ «ታ ዳያ ኦኔ? ታ ኢሻቱ ኦኔ?» ያጌዳ።  
\v 49 ባሬ ኩሺያን ባሬና ካሊያዋንቱኮ ፆርሲዴ፥ «ቤይቴ፥ ታ ዳያኔ ታ ኢሻቱ ሃዋንቱሺ።  
\v 50 ኣዪሲ ጎፔ፥ ሳሉዋን ዴዒያ ታ ኣቡ ሼኒያ ኦያ ኡባይ፥ ታ ኢሻ፥ ታ ሚቻቶኔ ታ ዳዮ» ያጌዳ። 
\c 13  
\s1 ዜሪያዋ ሌሚሱዋ 
\r (ማር 4፡1-9፤ ሉቅ 8፡4-8) 
\p  
\v 1 ዬሱሲ ሄ ጋላሲ ሶዪፔ ኬሲዴ፥ ኣባ ጋፃን ኡቴዳ።  
\v 2 ዳሮ ጮራ ኣሳይ ባሬ ዩሹዋን ዩዪ ኣዴ ሺቂና፥ ዎንጊሪያ ጊዶ ጌሊዴ ኡቴዳ፤ ኣሳይ ኡባይ ኣባ ጋፃን ኤቄዳ።  
\v 3 ኣሳሲ ሌሚሱዋን ዳሮባ ሃዋዳን ያጊዴ ኦዴዳ፤ «ኢቲ ቢታኒ ዜሬ ዜራናው ኬሴዳ።  
\v 4 ኢ ዜሪሺን፥ ኢቲ ኢቲ ዜሬይ ኦጊያ ዶናን ዎዳ፤ ያቲና ካፉ ዪዴ ሜዳ።  
\v 5 ቃሲ ኢቲ ኢቲ ዜሬይ ኣንጮ ጊዴዳ ቢታ ቦላ ዎዳ፤ ዳሮ ቢታይ ባይና ዲራው፥ ሄ ዜሬይ ኤሌካ ዶሌዳ።  
\v 6 ሺን ኣዋይ ኬሴዳ ዎዴ ጫርሻይ ሹሌዳ፤ ኣዱሳ ፃጱዋ ዬዲቤና ዲራው ሜሊ ኣጌዳ።  
\v 7 ኢቲ ኢቲ ዜሬይ ኣጉን ጊዶን ዎዳ፤ ሄዋን ዶሌዳዋ ኣጉንይ ዲጪዴ ጩሌዳ።  
\v 8 ኢቲ ኢቲ ዜሬይ ቱዔ ቢታን ዎዴ ዶሌዳ፤ ኢቱ ፄቱ ኣይፊያ፥ ኢቱ ኡሱፑን ታሙዋ፥ ኢቱ ሃታሙዋ ኣይፌዳ።  
\v 9 ሲሲያ ሃይይ ዴዒያ ኡራይ ሲሶ!» ያጌዳ። 
\s1 ዬሱሲ ሌሚሱዋን ኦዶ ጋሱዋ 
\r (ማር 4፡10-12፤ ሉቅ 8፡9-10) 
\p  
\v 10 ዬሱሳ ካሊያዋንቱ ኣኮ ሺቂዴ፥ «ኔኒ ኣዪሲ ኣሳሲ ሌሚሱዋን ኦዳይ?» ያጌዲኖ። 
\p  
\v 11 ዬሱሲ ዛሪዴ፥ ኡንቱንቱሲ ሃዋዳን ያጌዳ፤ «ሂንቴንቱሲ ሳሉዋ ካዉቴ ፁራ ኤሩሳይ ኢሜቴዳ፤ ሺን ኡንቱንቱሲ ኢሜቲቤና።  
\v 12 ኣዪሲ ጎፔ፥ ዴዒያዎ ጉጄታና፤ ኣው ዳራናዋ፤ ሺን ባይናዋፔ ሃራይ ኣቶ፥ ሄ ዴዒያዌካ ኣኬታናዋ።  
\v 13 ታኒ ኡንቱንቱ ፄሊዴ ፄሌናዋዳን፥ ሲሲዴ ሲሴናዋዳን ሃኒያ ዲራው፥ ዎይ ቃሲ ኣኬኬና ዲራው ኡንቱንቶ ሌሚሱዋን ኦዳይ። 
\p  
\v 14 «ኢሲያሲ ኡንቱንቱባ ሃዋዳን ኦዶዌ ፖሌታናዋ፤ 
\q1 ‹ሂንቴንቱ ሲሳ ሲሳና፤ 
\q2 ሺን ሂንቴንቶ ጌሌና፤ 
\q1 ሂንቴንቱ ፄላ ፄላና፤ 
\q2 ሺን ቤዒኪታ። \x - \xo 13:14 \xt ኢሳ 6፡9-10\x* 
\q1  
\v 15 ኣዪሲ ጎፔ፥ ሃ ኣሳ ዎዛናይ ጉዙሜዳ፤ 
\q2 ባሬንቱ ሃይ ቱሊሴዲኖ፤ 
\q2 ባሬንቱ ኣዪፊያካ ጪሉሜዲኖ። 
\q1 ሃዌ ባዌንቶ፥ ኡንቱንቱ ባሬንቱ ኣይፊያን ቤዓና፤ 
\q2 ባሬንቱ ሃይን ሲሳና፤ 
\q2 ባሬንቱ ዎዛናንካ ኣኬካና፤ 
\q1 ኡንቱንቱ ታኮ፥ ፆሳኮ ሲማና፤ 
\q2 ታኒካ ኡንቱንታ ፓና› 
\m ያጌ። 
\p  
\v 16 «ሺን ሂንቴንቱ ኣይፊ ፄሊያ ዲራዉኔ ሂንቴንቱ ሃይይካ ሲሲያ ዲራው፥ ሂንቴንቱ ኣንጄቴዳዋንታ።  
\v 17 ታኒ ሂንቴንቶ ቱሙዋ ኦዳይ፤ ዳሮ ናባቱኔ ፂላቱ ሂንቴንቱ ቤዒያዋ ቤዓናው ኣሞቴዲኖ፤ ሺን ቤዒቤይኪኖ። ሂንቴንቱ ሲሲያዋ ሲሳናው ኣሞቴዲኖ፤ ሺን ሲሲቤይኪኖ። 
\s1 ዬሱሲ ዜሪያዋ ሌሚሱዋ ቢሌ ኦዴዳ 
\r (ማር 4፡13-20፤ ሉቅ 8፡11-15) 
\p  
\v 18 «ሲሚ ካ ዜሪያዋ ሌሚሱዋ ቢሌይ ጊያዋ ሲሲቴ።  
\v 19 ካዉቴ ቃላ ሲሲዴ፥ ኣኬኬና ኦኒኔ ኦጊያ ዶናን ዎዳ ዜሬ ማላ፤ ፃላሂያ ካፑ ዪዴ፥ ኡንቱንቱ ዎዛናን ዜሬቴዳዋ ማፂ ዲጌ።  
\v 20 ኣንጮ ቢታን ዎዳ ዜሬይ ቃላ ሲሲዴ፥ ኤሌካ ናሼቻን ኣኪያዋንታ ማላቴ።  
\v 21 ሺን ሄ ኣሳቱ ሃዒሳፔ ኣቲን፥ ኡንቱንቱን ፃጱ ባዋ፤ ቃላ ጋሱዋን ሜቱ ዎይ ዬዴሳይ ዪያ ዎዴ፥ ኤሌካ ቤቲ ኣጊኖ።  
\v 22 ቃሲ ኣጉን ጊዶን ዎዳዌ ቃላ ሲሲያዋ ቤሴ፤ ሺን ሃ ሳዓ ዴዑዋሲ ሂርጉሳይኔ ዱሬቴ ሲቁሳይ ቃላ ጩሌ፤ ሃ ጋሱዋን ሄ ዜሬይካ ኣይፌናን ኣቲ ኣጌ።  
\v 23 ቱዔ ቢታን ዜሬቴዳዌ፥ ቃላ ሲሲዴ፥ ኣኬኪያ ኣሳ ቤሴ፤ ኢካ ኣይፌ፤ ኢቱ ፄቱዋ፥ ኢቱ ኡሱፑን ታሙዋ፥ ኢቱ ሃታሙዋ ኣይፌ» ያጌዳ። 
\s1 ዛሪንጊያ ሌሚሱዋ 
\p  
\v 24 ዬሱሲ ኡንቱንቶ ሃራ ሌሚሱዋ ሃዋዳን ያጊዴ ኦዴዳ፤ «ሳሉዋ ካዉቴይ ባሬ ጎሻን ሎዖ ዜሬ ዜሬዳ ቢታኒያ ማላቴ።  
\v 25 ሺን ቃማ ኣሳይ ጌሚዒሺዲጊና፥ ኣ ሞርኪ ዪዴ፥ ዛርጋ ዜሬዳዋ ቦላ ዛሪንጊያ ዜሪዴ ቤዳ።  
\v 26 ሺን ዛርጋይ ዶሊ ኣይፌዳ ዎዴ፥ ዛሪንጊ ሄ ዎዴ ቤቴዳ። 
\p  
\v 27 «ኣ ቆማቱ ኣኮ ዪዴ፥ ‹ጎዳው፥ ኔኒ ኔ ጎሻን ሎዖ ዜሬ ዜራቤይኪ? ያቲና፥ ዛሪንጊ ሃቃፔ ዬዴ?› ያጌዲኖ። 
\p  
\v 28 «ሄዋፔ ጉዪያን ጎዳይ፥ ‹ሄዋ ሞርኪ ኦዳ› ያጌዳ። 
\q1 «ቆማቱ፥ ‹ኑኒ ቢዴ ሾዳናዳን ዶሳይ?› ያጌዲኖ። 
\p  
\v 29 «ሺን ኢ፥ ‹ኣጊቴ፥ ዛሪንጊያ ሂንቴንቱ ሾዲዴ፥ ዛርጋና ሾዳኒታ።  
\v 30 ቦቾፒቴ፤ ቆይጪያ ዎዲ ጋካናው፥ ኢቲፔ ዲጪኖ። ቆይጪያ ዎዲ ጋኮዴ፥ ታኒ ቆይጪያዋንታ፥ ካሴቲዴ ዛሪንጊያ ማፂቴ፤ ታማን ጉዳናው ፖቺያን ፖቺያን ቃቺቴ፤ ሺን ዛርጋ ሺሺዴ ዲዪያን ቆሊቴ› ጋና» ያጌዳ። 
\s1 ሳናፊጪያ ጌቴቲያ ሚቲ ዜሬ ሌሚሱዋ 
\r (ማር 4፡30-32፤ ሉቅ 13፡18-19) 
\p  
\v 31 ዬሱሲ ኡንቱንቶ ሃራ ሌሚሱዋ ያጊዴ ኦዴዳ፤ «ሳሉዋ ካዉቴይ ሳናፊጪያ ጌቴቲያ ጉ ሚቲ ኣይፊያ ማላቴ፤ ሄ ሚቲ ኣይፊያ ኣሳይ ኣኪዴ፥ ባሬ ጎሻን ዜሬዳ።  
\v 32 ሄ ዜሬታ ሃራ ዜሬ ኡባፔ ጉፃው፤ ሺን ዲጬዳ ዎዴ፥ ሃራ ኣታኪልቲያ ኡባፔ ዳራው፤ ካፉ ዪዴ፥ ኢዚ ቃንካን ኬፂያዋ ኬና ዎጋ ሚ ጊዳዱ» ያጌዳ። 
\s1 ኢርሹዋ ሌሚሱዋ 
\r (ሉቅ 13፡20-21) 
\p  
\v 33 ቃሲካ ዬሱሲ ሃራ ሌሚሱዋ ኡንቱንቶ ያጊዴ ኦዴዳ፤ «ሳሉዋ ካዉቴይ ኢቲ ሚሺራታ ሄዙ ኬሪያ ሊያ ኣካዴ፥ ሙናቄዳ ሙናቃይ ኡባይ ዴንዳና ጋካናው፥ ኣኒ ቲጌዳ ኢርሹዋ ማላቴ» ያጌዳ። 
\s1 ዬሱሲ ሌሚሱዋን ታማሪሴዳ ጋሱዋ 
\r (ማር 4፡33-34) 
\p  
\v 34-35 ዬሱሲ ኣሳው ሄ ኡባ ሌሚሱዋን ኦዴዳ፤ ሌሚሱ ባይናን ኢ ኢቲባካ ኦዴና፤ ናቢ፥ 
\q1 «ታኒ ኡንቱንቶ ሃሳዪያ ዎዴ፥ 
\q2 ሌሚሱዋን ሃሳያይ። 
\q1 ኣላሚ ሜቶዴፔ ዶሚዴ 
\q2 ጌሜዳ ዬዋቱዋ ኦዳይ» \x - \xo 13:34-35 \xt ማዝ 78፡2\x* 
\m ያጌዳዌ ፖሌታና ማላ፥ ሄዋ ኢ ኦዴዳ። 
\s1 ዬሱሲ ዛሪንጊያ ሌሚሱዋ ቢሌ ኦዴዳ 
\p  
\v 36 ሄዋፔ ጉዪያን፥ ዬሱሲ ኣሳ ኣጊዴ፥ ሶይ ጌሌዳ፤ ኣ ካሊያዋንቱ ኣኮ ቢዴ፥ «ጎሻን ዴዒያ ዛሪንጊያ ሌሚሱዋ ቢሌ ኑሲ ኦዳ» ያጌዲኖ። 
\p  
\v 37 ዬሱሲ ዛሪዴ፥ ሃዋዳን ያጌዳ፤ «ሎዖ ዜሬ ዜሪያዌ ኣሳ ናዓ፤  
\v 38 ጎሻይ ሃ ኣላሚያ፤ ሎዖ ዜሬይ ፆሳ ካዉቴ ኣሳ፤ ዛሪንጊ ፃላሂያ ካፑዋ ናና።  
\v 39 ዛሪንጊያ ዜሬዳዌ ሞርኪያ ፃላሂያ፤ ቆይቻ ዎዲ፥ ዎዲያ ዉርሴ፤ ቃሲ ቆይጪያዋንቱ ኪታንቻቱዋ። 
\p  
\v 40 «ሄዋ ዲራው፥ ዛሪንጊያ ማፂዴ፥ ታማን ጉዲያዋዳን፥ ዎዲያ ዉርሴን ሄዋ ማላ ጊዳናዋ።  
\v 41 ኣሳ ናዓይ፥ ኪታንቻቱዋ ኪታናዋ፤ ኡንቱንቱ ኣ ካዉቴ ጊዶን ናጋራው ጋሶ ጊዲያ ኡባቱዋኔ ኢታባ ኦያዋንታ ማፂዴ ኬሳናዋንታ።  
\v 42 ያቲዴ ቶዔና ታማን ኦላናዋንታ፤ ሄዋን ኡንቱንቱ ዬካናዋንታኔ ኣቻ ቃናዋንታ።  
\v 43 ሄ ዎዴ ፂላቱ ባሬንቱ ኣቡ ካዉቴን ኣዋዳን ፖዓና። ሲሲያ ሃይይ ዴዒያ ኡራይ ሲሶ! 
\s1 ሞጌቴዳ ሚሻ ሌሚሱዋ 
\p  
\v 44 «ሳሉዋ ካዉቴይ ጎሻን ሞጌቴዳ ሚሻ ቤሴ፤ ኢቲ ቢታኒ ሄ ሚሻ ዴሚዴ፥ ዛሪዴ ሞጊ ኣጌዳ፤ ዳሮ ናሼቲዴ ቢዴ፥ ባሬው ዴዒያዋ ኡባ ዛሊዒዴ፥ ሄ ጎሻ ሻሜዳ። 
\s1 ኢንቁዋ ጌቴቲያ ዳሮ ኣልዖ ሹቻ ሌሚሱዋ 
\p  
\v 45 «ቃሲ ሳሉዋ ካዉቴይ ኢንቁዋ ጌቴቲያ ዳሮ ኣልዖ ሹቻ ሻማናው ኮዪያ ዛሊዓንቻ ማላቴ።  
\v 46 ሄ ዛሊዓንቻይ ዳሮ ኣልዖ ኢንቁዋ ዴሚዴ፥ ቢዴ ባሬው ዴዒያዋ ኡባ ዛሊዒዴ፥ ኣ ሻሜዳ። 
\s1 ዳባ ሌሚሱዋ 
\p  
\v 47 «ቃሲ ሳሉዋ ካዉቴይ ኡባ ቆሞ ሞሊያ ኦይቂያ፥ ኣባን ዬጌቴዳ ዳባ ማላቴ።  
\v 48 ሞሊ ዳባ ኩሜዳ ዎዴ፥ ሞሊያ ኦይቂያ ኣሳቱ ኣባፔ ጋፃ ኬሲዴ ኡቴዲኖ፤ ያቲዴ ሎዖ ሞሊያ ቆሪዴ፥ ዬጊያ ሚሻን ዬጌዲኖ፤ ሺን ኢታ ሞሊያ ዎራ ኦሌዲኖ።  
\v 49 ዎዲያ ዉርሴን ሄዋዳን ሃናና፤ ኪታንቻቱ ዪዴ፥ ናጋራንቻቱዋ ፂላቱዋ ጊዶፔ ቆሪዴ፥  
\v 50 ቶዔና ታማን ኦላናዋንታ፤ ሄዋን ኡንቱንቱ ዬካናዋንታኔ ኣቻ ቃናዋንታ። 
\p  
\v 51 «ሃዌ ኡባይ ሂንቴንቶ ጌሌዴ?» ያጊዴ ኡንቱንታ ኦቼዳ። 
\p ኡንቱንቱ፥ «ኤ፥» ያጌዲኖ። 
\p  
\v 52 ኢ፥ «ሄዋ ዲራው፥ ሳሉዋ ካዉቴ ፁራ ሎይ ኤሪያ፥ ሂጊያ ታማሪሲያ ኡባይ፥ ባሬ ሚሻ ሺሺ ዎዳ ጎሊያፔ ኦራ ሚሻኔ ኤጫ ሚሻ ሻኪ ኬሲያ ኢዛዋ ማላቴ» ያጊ ዛሬዳ። 
\s1 ናዚሬቴን ዬሱሳ ጋኬዳ ኢፁዋ 
\r (ማር 6፡1-6፤ ሉቅ 4፡16-30) 
\p  
\v 53 ዬሱሲ ሃ ሌሚሳቱዋ ኦዲ ዉርሶዋፔ ጉዪያን፥ ሄዋፔ ዴንዲዴ፥  
\v 54 ባሬ ካታማ ናዚሬቴ ቤዳ። ኣዪሁዳ ዎሳ ጎሌን ታማሪሲያዋ ሲሴዳ ኣሳይ ማላሌቲዴ፥ ሃዋዳን ያጌዳ፤ «ሃዌ ሃ ኣ ኤራቴኔ ፆሳይ ኦያ ማላታ ኦናው ዎልቃ ሃቃፔ ኣኬዴ?  
\v 55 ሃዌ ኣናፂያ ናዓ ጊዴኔ? ኣ ዳያ ማይራሞ ጊዴኬ? ኣ ኢሻቱ ያዪቆባ፥ ዮሴፋ፥ ሲሞናኔ ዪሁዳ ጊዲኪኖ?  
\v 56 ኣ ሚቻቱ ኡባይ ኑናና ዴዒኪኖ? ያቲና፥ ኢ ሃ ኤራ ኡባ ሃቃፔ ዴሜዴ?» ያጌዲኖ።  
\v 57 ኡንቱንቱ ኢ ጊያባ ኣኬናን ኢፄዲኖ። 
\p ሺን ዬሱሲ ሄ ኣሳሲ፥ «ናቢ ባሬ ጋዲያኒኔ ባሬ ሶይ ኣሳን ቦንቼቴና፤ ሺን ሃራሳ ኡባን ቦንቼቴ» ያጌዳ።  
\v 58 ኡንቱንቱ ኣማኒቤና ዲራው፥ ዬሱሲ ዳሮ ማላታ ሄ ሳን ኦቤና። 
\c 14  
\s1 ፃማቂያ ዮሃኒሳ ሃይቁዋ 
\r (ማር 6፡14-29፤ ሉቅ 9፡7-9) 
\p  
\v 1 ሄ ዎዴ ጋሊላ ጋዲያ ኣዪሲያ ሄሮዲሴ ዬሱሳባ ሲሴዳ፤  
\v 2 ያቲዴ ባሬ ቆማቱዋሲ፥ «ሃዌ ሃይቁዋፔ ዴንዴዳ ፃማቂያ ዮሃኒሳ፤ ፆሳይ ኦያ ዎልቃማ ማላታ ኢ ኦያዌ ሄዋሳ» ያጌዳ። 
\p  
\v 3 ኣዪሲ ጎፔ፥ ሄሮዲሲ ባሬ ኢሻ ፒሊጶሳ ማቻቲ ሄሮዲያዲ ጋሶታን ዮሃኒሳ ኦይ ቃሺሲዴ፥ ቃሾ ጎሌን ዬጊ ዎዳ።  
\v 4 ኣዪሲ ጎፔ፥ ዮሃኒሲ ሄሮዲሳ፥ «ኔኒ ሄሮዲያዶ፥ ኔ ኢሻ ማቻቶ ኣካናው ሂጊ ዲጌ» ያጌዳ። \x - \xo 14:4 \xt ዎግ 18፡16፤ 20፡21\x* 
\v 5 ሄሮዲሲ ዮሃኒሳ ዎናው ኮዬዳ፤ ሺን ዪሁዳ ኣሳይ ናቢያዳን ዮሃኒሳ ፄሌዳ ዲራው፥ ኣሳው ያዬዳ። 
\p  
\v 6 ሺን ሄሮዲሲ ዬሌቴዳ ጋላሳ ባላይ ጋኪና፥ ሄሮዲያዲ ናታ ኣሳ ሲንን ዱራዴ ሄሮዲሳ ናሼቻው።  
\v 7 ሄሮዲሲ ናቶ፥ «ኔና ሎዔዳዋ ኣያኔ ጊዶፔ፥ ታና ኦቻ፤ ታኒ ኔው ኢማና» ያጊዴ ኢዚው ጫቄዳ።  
\v 8 ናታ ባሬ ዳይ ዞሪያ ኣካዴ ሄሮዲሳ፥ «ፃማቂያ ዮሃኒሳ ሁጲያ ሃ ዎጪቲያን ዎዴ ታው ኢማ» ያጋዱ።  
\v 9 ካቲ ኣው ቃሬቴዳ፤ ሺን ባሬ ጫቁዋ ዲራዉኔ ባሬናና ማዳን ኡቴዳ ኢማ ዲራው፥ ኢዚው ዮሃኒሳ ሁጲ ኢሜታና ማላ ኣዛዜዳ።  
\v 10 ካቲ ኪቲዴ፥ ዮሃኒሳ ቆያ ቃሾ ጎሌን ሙጪሴዳ።  
\v 11 ሁጲያ ዎጪቲያን ዎ ኣሂዴ፥ ናቲው ኢሜዲኖ፤ ናታ ሄ ሁጲያ ባሬ ኣቲኮ ኣፋዱ።  
\v 12 ዮሃኒሳ ካሊያዋንቱ ዪዴ፥ ኣ ኣኃ ኣፊዴ ሞጌዲኖ፤ ሄዋፔ ሲሚዴ ሃ ዬዉዋ ዬሱሳው ቢዴ ኦዴዲኖ። 
\s1 ዬሱሲ ኢቼሹ ሻዓ ኣሳ ሚዜዳ 
\r (ማር 6፡30-44፤ ሉቅ 9፡10-17፤ ዮህ 6፡1-14) 
\p  
\v 13 ዬሱሲ ሄዋ ሲሲዴ፥ ዎንጊሪያን ጌሊዴ፥ ሄዋፔ ባሬካ ኣሳይ ባይናሳ ቤዳ፤ ኣሳይ ሄዋ ሲሲዴ፥ ካታማፔ ዴንዲዴ፥ ጌዲያን ኣ ካሌዲኖ።  
\v 14 ዬሱሲ ዎንጊሪያፔ ኬሴዳ ዎዴ፥ ዳሮ ኣሳ ቤዒዴ፥ ሄ ኣሳው ቃሬቴዳ፤ ያቲዴ ኡንቱንቱና ዴዒያ ሃርጋንቻቱዋ ፓዳ። 
\p  
\v 15 ሳዓይ ኦማርሲያ ዎዴ፥ ዬሱሳ ካሊያዋንቱ ኣኮ ዪዴ፥ «ሃዌ ሳዓይ ኣሳይ ባይናሳ፤ ሃዒ ሳዓይ ቃሚዲጌዳ፤ ኣሳይ ኡባይ ቄሪ ካታማቱዋ ቢዴ፥ ባሬንቶ ቁማ ሻማና ማላ፥ ኣሳ ሞዪዛ» ያጌዲኖ። 
\p  
\v 16 ሺን ዬሱሲ ኡንቱንታ፥ «ኣሳይ ባናው ኮሼና፤ ኣሳው ሜቴቲያባ ሂንቴንቱ ኢሚቴ» ያጌዳ። 
\p  
\v 17 ኡንቱንቱ ዛሪዴ ኣ፥ «ኑሲ ሃዋን ኢቼሹ ኡኪፔኔ ላዑ ሞሊያፔ ኣቲን፥ ሃራይ ባዋ» ያጌዲኖ። 
\p  
\v 18 ዬሱሲ ኡንቱንታ፥ «ሄዋንታ፥ ሃ ታኮ ኣሂቴ» ያጌዳ።  
\v 19 ኣሳይ ማታኒ ኡታና ማላ፥ ዬሱሲ ኣዛዜዳ፤ ኢቼሹ ኡኪኔ ላዑ ሞሊያ ኦይቂዴ፥ ሳሉዋ ፑዴ ፄሊዴ፥ ፆሳ ጋላቴዳ፤ ሄ ኡኪ ሜንዴ፥ ባሬና ካሊያዋንቱሲ ኢሚና፥ ኡንቱንቱ ጮራ ኣሳው ጊሼዲኖ።  
\v 20 ኣሳይ ኡባይ ሚዴ ካሌዳ፤ ኣቴዳ ሱፓ ዶካ ታማኔ ላዑ ዛምቤሊያ ኩሜዳዋ ዴንዲኖ።  
\v 21 ሜዳ ኣሳይ ማጫ ኣሳኔ ናና ፓይዴናን፥ ኢቼሹ ሻዓ ጊዲያዋ ኬና። 
\s1 ዬሱሲ ኣባ ቦላና ሃሜቲዴ ቤዳ 
\r (ማር 6፡45-52፤ ዮህ 6፡15-21) 
\p  
\v 22 ዬሱሲ ጮራ ኣሳ ሞዪዚዴ፥ ባሬና ካሊያዋንታ ዎንጊሪያን ጌሊዴ፥ ባሬፔ ሲንቲዴ፥ ኣባፔ ሄፊን ፒናና ማላ ኣዛዜዳ።  
\v 23 ኣሳ ሞዪዚዴ፥ ፆሳ ዎሳናው ዴሪያ ሁጲያ ባሬካ ኬሴዳ፤ ሳዓይ ቃሚ ዲጊናካ ሄዋን ባሬካ ዴዔ።  
\v 24 ሺን ዎንጊሪ ሄ ዎዴ፥ ኣባ ቦላን ዴዒሺን፥ ሲን ባጋና ጫርኩ ጫርኪያ ዲራው፥ ቤታይ ዎንጊሪያ ያኔ ሃኔ ሱጌ። 
\p  
\v 25 ባይራ ኩቱ ዋሲ ሲሚና፥ ዬሱሲ ኣባ ቦላ ሃሜቲዴ፥ ኡንቱንቱኮ ዬዳ።  
\v 26 ኣ ካሊያዋንቱ ኣባ ቦላ ኢ ሃሜቲሺን ቤዒ ዳጋሚዴ፥ «ሃዌ ሞይቲሊያ ጊዴኔ!» ጊ ያዪዴ ዋሴዲኖ። 
\p  
\v 27 ሺን ዬሱሲ ኤሌካ ኡንቱንታ፥ «ኣይኔ ባዋ፤ ታናቴኔ፤ ያዮፒቴ!» ያጌዳ። 
\p  
\v 28 ጴፂሮሲ ዛሪዴ ኣ፥ «ታ ጎዳው፥ ሃዌ ኔና ጊዶፔ፥ ታኒ ሃ ቦላና ኔኮ ባና ማላ፥ ታና ኣዛዛሪኪ» ያጌዳ። 
\p  
\v 29 ዬሱሲ ጴፂሮሳ፥ «ሃያ!» ያጌዳ። 
\p ጴፂሮሲ ዎንጊሪያፔ ዎዴ፥ ሃ ቦላና ሃሜቲዴ፥ ዬሱሳኮ ቡሳ ዶሜዳ።  
\v 30 ሺን ጫርኩዋ ዎልቃ ቤዒዴ፥ ያዬዳ፤ ሃይ ባሬና ሚቱዋ ዶሜዳ ዎዴ፥ ባሬ ኮሻ ቁ ኦዴ፥ «ታ ጎዳው ታና ኣሻሪኪ!» ያጊ ዋሴዳ። 
\p  
\v 31 ሄ ማንዒያንካ ዬሱሲ ባሬ ኩሺያ ዬዲ ጴፂሮሳ ኦይቂዴ፥ «ላ ሃ ኣማኑ ላፌዳዎ! ኣዪሲ ሲዲ?» ያጌዳ። 
\p  
\v 32 ኡንቱንቱ ላዑ ዎንጊሪያን ጌሌዳ ዎዴ፥ ጫርኩ ዎፑ ጌዳ።  
\v 33 ዎንጊሪያ ጊዶን ዴዒያ ኣ ካሊያዋንቱ ዬሱሳ፥ «ኔኒ ፆሳ ናዓ ጊዴዳዌ ቱማ» ያጊዴ ኣው ጎዪኔዲኖ። 
\s1 ዬሱሲ ጌንሳሬፄን ሃርጋንቻ ፓዳ 
\r (ማር 6፡53-56) 
\p  
\v 34 ኡንቱንቱ ኣባ ፒኒዴ፥ ጌንሳሬፃ ጌቴቲያ ጋዲያ ጋኬዲኖ።  
\v 35 ሄ ጋዲያ ኣሳይ ዬሱሳ ጊዲያዋ ኤሬዲኖ፤ ሄዋ ሄራ ጋዲያ ኡባ ኪቲዴ፥ ሃርጊያ ኣሳ ኡባ ኣኮ ኣሄዲኖ።  
\v 36 ሃርጊያ ኣሳይ ኣ ማዩዋ ማጫራ ፃላላ ቦቻና ማላ፥ ኣ ዎሴዲኖ፤ ኣ ማዩዋ ማጫራ ቦቼዳ ኡባይካ ፓፄዳ። 
\c 15  
\s1 ኣዋቱዋ ዎጋባ 
\r (ማር 7፡1-13) 
\p  
\v 1 ሄዋፔ ጉዪያን፥ ሂጊያ ታማሪሲያ ኢቲ ኢቲ ኣሳይኔ ፓሪሳዋቱ ዬሩሳላሜፔ ዬሱሳኮ ዪዴ፥  
\v 2 «ኔና ካሊያዋንቱ ኣዪሲ ኑ ኣዎቱዋ ዎጋ ባይዚኖ? ኣዪሲ ጎፔ፥ ኡንቱንቱ ቁማ ማናፔ ካሴቲዴ፥ ባሬንቱ ኩሺያ ሜጬቲኪኖ» ያጌዲኖ። 
\p  
\v 3 ዬሱሲ ዛሪዴ፥ ኡንቱንታ ሃዋዳን ያጌዳ፤ «ሂንቴንቱ ሂንቴ ዎጋ ዲራው፥ ፆሳ ኣዛዙዋ ፖሊያዋ ኣዪሲ ኢፂቴ?  
\v 4 ኣዪሲ ጎፔ ፆሳይ፥ ‹ኔ ኣባኔ ኔ ዳዮ ቦንቻ› ቃሲ፥ ባሬ ኣባ ዎይ ባሬ ዳዮ ቦሪያዌ ሃይቆ ያጌዳ። \x - \xo 15:4 \xt ኬስ 20፡12፤ 21፡17፤ ዛር 5፡16፤ ዎግ 20፡9\x* 
\v 5-6 ሺን ሂንቴንቱ፥ ‹ኢቲ ኣሳይ ባሬ ኣባ ዎይ ባሬ ዳዮ ማዲያባይ ባሬው ዴዒና፥ «ሄዌ ፆሳዋ» ጎፔ፥ ባሬ ኣባ ዎይ ባሬ ዳዮ ቦንቻናው ቤሴና› ያጊታ፤ ያቲዴ ሂንቴንቱ ሂንቴንቱ ዎጋ ፖላናው ፆሳ ቃላው ኣዛዜቲኪታ።  
\v 7 ሃ ሎዓ ማላቲያ ኢታ ኣሳቶ፥ ኢሲያሲ ባሌናን ሂንቴንቱባው ቲምቢቲያ ኦዲዴ፥ 
\q1  
\v 8 ‹ፆሳይ ሃዋዳን ያጌዳ፤ 
\q1 «ሃዌ ኣሳይ ታና 
\q2 ባሬ ቦላ ዶናን ቦንቼ፤ 
\q1 ሺን ኡንቱንቱ ዎዛናይ 
\q2 ታፔ ሃኩዋን ዴዔ። 
\q1  
\v 9 ኣሳይ ታው ሜላ ጎዪኔ፤ 
\q2 ኣዪሲ ጎፔ፥ ኣሳይ ኦዳ ኣዛዙዋ 
\q1 ፆሳ ሂጊያ ማላቲሲዴ 
\q2 ታማሪሴዲኖ» ጌዳ› » 
\m ያጌዳ። \x - \xo 15:9 \xt ኢሳ 29፡13\x* 
\s1 ኣሳ ቱኒሲያዋንታ 
\r (ማር 7፡14-23) 
\p  
\v 10 ዬሱሲ ዳሮ ኣሳ ባሬኮ ፄሲዴ፥ «ሲሲቴኔ ኣኬኪቴ፤  
\v 11 ኣሳ ቱኒሲያዌ ዶና ጊዶ ጌሊያዋ ጊዴና፤ ሺን ኣሳ ቱኒሲያዌ ዶናፔ ኬሲያዋ» ያጌዳ። 
\p  
\v 12 ሄዋፔ ጉዪያን፥ ኣ ካሊያዋንቱ ኣኮ ዪዴ፥ «ፓሪሳዋቱ ኔኒ ሃሳዬዳዋ ሲሲዴ፥ ሃንቄቴዳዋ ኣኬካይ?» ያጌዲኖ። 
\p  
\v 13 ሺን ዬሱሲ ዛሪዴ፥ «ሳሉዋን ዴዒያ ታ ኣቡ ቶኪቤና ሚ ኡባይ ሾዴታናዋ።  
\v 14 ኡንቱንቶ ሂርጎፒቴ፤ ኡንቱንቱ ቆቃ ካሌያ ቆቃቱዋ፤ ቆቃይ ቆቃ ካሌፔ፥ ላዑካ ኦላን ኩንዴ» ያጌዳ። 
\p  
\v 15 ጴፂሮሲ ዛሪዴ፥ «ሃ ሌሚሱዋ ቢሌ ኑሲ ኦዳሪኪ» ያጌዳ። 
\p  
\v 16 ዬሱሲ ኡንቱንታ ሃዋዳን ያጌዳ፤ «ሂንቴንቶ ቃሲ ሃዒ ጋካናዉካ ጌሊቤኔ?  
\v 17 ዶናና ጌሊያ ኡባይ ኡሉዋ ጊዶ ቢዴ፥ ቃሲ ኡሉዋፔ ካሬ ኬሲያዋ ኤሪኪቴ?  
\v 18 ሺን ዶናፔ ኬሲያዌ ዎዛናፔ ኬሴ፤ ኣሳ ቱኒሲያዌ ሄዋ ማላ።  
\v 19 ኣዪሲ ጎፔ፥ ዎዛና ጊዶፔ ኢታ ቆፋይ፥ ዎያዌ፥ ዎሹሚያዌ፥ ቃሲ ዎሹማናው ካጄሊያዌ ኡባይ፥ ዉዒያዌ፥ ዎርዱዋን ማርካቲያዌ፥ ቦሪ ኬሴ።  
\v 20 ሄዋ ማላቲያዌ ኣሳ ቱኒሲያዋፔ ኣቲን፥ ሜጪቤና ኩሺያን ሚያዌ ኣሳ ቱኒሴና» ያጌዳ። 
\s1 ካናኔ ኣሳ ጊዴዳ ኢቲ ማጫዉኒ ኣማኑዋ 
\r (ማር 7፡24-30) 
\p  
\v 21 ሄዋፔ ጉዪያን፥ ዬሱሲ ሄዋፔ ኣጊዴ፥ ፂሮሳኔ ሲዶና ጌቴቲያ ካታማቱ ዴዒያ ጋዲያ ቤዳ።  
\v 22 ካናኔ ጌቴቲያ ጋዲያ ማጫዉና ኢቲና ሄዋፔ ዬሱሳኮ ያዴ፥ ባሬ ኮሻ ቁ ኦዴ፥ «ታ ጎዳው፥ ዳዊታ ናዓው፥ ታው ቃሬታሪኪ፤ ታ ናቶ ኢታ ኣያናይ ሎዔና ኦይ ኦይቄዳ» ያጋዱ። 
\p  
\v 23 ሺን ዬሱሲ ኢዚው ኣይ ቃላኔ ቃቲቤና፤ ኣ ካሊያዋንቱ ኣኮ ዪዴ፥ «ሃ ሚሺራታ ኑ ጌዱዋ ካላ ካላዴ፥ ባሬ ኮሻ ቁ ኦዴ ኦዳው፤ ሄዋ ዲራው፥ ኔኒ ኢዞ ዬዳርኪ» ያጊዴ ዎሴዲኖ። 
\p  
\v 24 ዬሱሲ ዛሪዴ፥ «ታኒ ባዬዳ ዶርሳው፥ ኢስራዔሊያ ኣሳ ፃላላው ኪቴታዲ» ያጌዳ። 
\p  
\v 25 ሺን ኢዛ ያዴ፥ «ታ ጎዳው፥ ታና ማዳሪኪ!» ያጋዴ ኣው ጎዪናዱ። 
\p  
\v 26 ቃሲ ኢ ዛሪዴ፥ «ናና ቁማ ኣኪዴ፥ ካና ማራው ኦሊያዌ ሎዓ ጊዴና» ያጌዳ። 
\p  
\v 27 ሚሺራታ፥ «ኤ ታ ጎዳው፥ ሄዌ ቱማ፤ ሺን ሃራይ ኣቶ ካና ማራቱ ባሬንቱ ጎዳቱ ሚና፥ ሳምፓፔ ላሌቴዳ ሱፓ ሚኖቴኔ» ያጋዱ። 
\p  
\v 28 ዬሱሲ ዛሪዴ ኢዞ፥ «ሃ ሚሺራቴ፥ ኔ ኣማኑ ዎልቃማ፤ ኔኒ ኮዬዳዋዳን ኔው ሃኖ» ያጌዳ። ኢዚ ናታ ኤሌካ ፓፃ ኣጋዱ። 
\s1 ዬሱሲ ጮራ ሃርጋንቻቱዋ ፓዳ 
\p  
\v 29 ዬሱሲ ሄዋፔ ዴንዲዴ፥ ጋሊላ ኣባ ማታ ቤዳ፤ ቃሲ ኢቲ ዴሪያ ቦላ ኬሲዴ፥ ሄዋን ኡቴዳ።  
\v 30 ዳሮ ኣሳይ ዎባቱዋ፥ ቆቃቱዋ፥ ቁናቱዋኔ ዱዴቱዋ፥ ቃሲ ሃራ ጮራቱዋ ኣኮ ኣሂዴ፥ ኣ ማታን ዎዳ። ዬሱሲ ኡንቱንታ ፓዳ።  
\v 31 ሄዋ ዲራው፥ ኣሳይ ዱዳቱ ሃሳዪሺን፥ ቁናቱ ሱሪሺን ዎባቱ ሃሜቲሺን፥ ቆቃቱ ፄሊሺን ቤዒ ማላሌቲዴ፥ ኢስራዔሊያ ፆሳ ጋላቴዲኖ። 
\s1 ዬሱሲ ኦይዱ ሻዓ ኣሳ ሚዜዳ 
\r (ማር 8፡1-10) 
\p  
\v 32 ዬሱሲ ባሬና ካሊያዋንታ ባሬኮ ፄሲዴ፥ «ሃ ጮራ ኣሳይ ታናና ሄዙ ጋላሳይ ጋካናው ጋሚዔዳ ዲራው፥ ታኒ ሃ ኣሳው ቃሬታይ፤ ኡንቱንቶ ሃዒ ሚያዌ ባዋ። ቃሲ ኡንቱንቱ ኦጊያን ዳቡሪዴ ኩንዴና ማላ፥ ቁማ ሚዜናን ኡንቱንታ ሜላ ዬዳናዉካ ኮዪኬ» ያጌዳ። 
\p  
\v 33 ኣ ካሊያዋንቱ ዛሪዴ ዬሱሳ፥ «ኑኒ ሃ ባዙዋን ሃዋ ኬና ኣሳ ካሊሲያ ቁማ ሃቃፔ ዴማኔ?» ያጌዲኖ። 
\p  
\v 34 ቃሲ ዬሱሲ ኡንቱንታ፥ «ሂንቴንቶ ኣፑን ኡኪይ ዴዒ?» ያጊዴ ኦቼዳ። 
\p ኡንቱንቱ፥ «ላፑ ኡኪይኔ ሞሌቱዋፔ ኣማሬዳዋንቱ ዴዒኖ» ያጌዲኖ። 
\p  
\v 35 ዬሱሲ ኣሳ፥ «ሳዓን ኡቲቴ» ያጌዳ።  
\v 36 ሄ ላፑ ኡኪኔ ሞሊያ ኦይቂዴ፥ ፆሳ ጋላቴዳ፤ ሜንሬዴ ባሬና ካሊያዋንቱሲ ኢሜዳ፤ ቃሲ ኡንቱንቱ ጮራ ኣሳሲ ኢሜዲኖ። 
\p  
\v 37 ኣሳይ ኡባይ ሚዴ ካሌዳ፤ ሚና ኣቴዳ ላፑ ዛምቤሊያ ኩሜዳ ሱፓ ኣ ካሊያዋንቱ ዴንዲኖ።  
\v 38 ሜዳ ኣሳይ ማጫ ኣሳኔ ናና ፓይዴናን፥ ኦይዱ ሻዓ ኣቱማ ኣሳ።  
\v 39 ዬሱሲ ኣሳ ዬዶዋፔ ጉዪያን፥ ዎንጊሪያን ጌሊዴ፥ ሜጌዶኔ ጌቴቲያ ጋዲያ ቤዳ። 
\c 16  
\s1 ማላታ ቤዓናው ኦቼዳ ኦሻ 
\r (ማር 8፡11-13፤ ሉቅ 12፡54-56) 
\p  
\v 1 ኢቲ ኢቲ ፓሪሳዋቱኔ ሳዱቃዋናቱ ዬሱሳኮ ዪዴ፥ ኣ ፓጫናው ኮዬዲኖ፤ ያቲዴ ባሬንታ ሳሉዋፔ ማላታ ቤሳና ማላ ዎሴዲኖ።  
\v 2 ሺን ዬሱሲ ዛሪዴ፥ ኡንቱንታ ሃዋዳን ያጌዳ፤ «ሳዓይ ቃሚያ ዎዴ ሂንቴንቱ፥ ‹ሳሉ ዞዔዳ ዲራው፥ ሳዓይ ሻማናዋ› ያጊታ፤  
\v 3 ዎንቱማን ቃሲ፥ ‹ሳሉ ዞዒዴ ጉባኔዳ ዲራው፥ ሃቼ ኢራይ ቡካናዋ› ያጊታ፤ ሳሉዋ ፄሊዴ፥ ሳዓይ ሃናናዋ ኤራናው ዳንዳዪታ፤ ሺን ታ ዩሳ ዎዲያ ማላታ ሻኪ ኤራናው ዳንዳይኪቴ? \f + \fr 16:3 \ft ኢቲ ኢቲ ጌሻ ማፃፋ ቤኒ ቢሌቱዋን ዬሱሳ ቃላቱ ሃ ፓይዳቱዋን ባዋ።\f* 
\v 4 ሃ ዎዲያ ኣሳይ ኢታይኔ ዎሹሚያዌ፥ ፆሳው ኣማኔቴናዌ፥ ማላታ ኮዬ፤ ናቢያ ዮናሳ ማላታፔ ኣቲን፥ ሃራ ማላታይ ኣው ኢሜቴና» ያጌዳ። ሄዋፔ ሲሚዴ፥ ኡንቱንታ ኣጊዴ ቤዳ። 
\s1 ፓሪሳዋቱዋኔ ሳዱቃዋናቱዋ ኢርሹዋ 
\r (ማር 8፡14-21) 
\p  
\v 5 ኣ ካሊያዋንቱ ኣባ ፒኔዳ ዎዴ፥ ቁማ ኣፋናዋ ዶጌዲኖ።  
\v 6 ዬሱሲ ኡንቱንታ፥ «ፓሪሳዋቱዋ ኢርሹዋፔኔ ሳዱቃዋናቱዋ ኢርሹዋፔ ሂንቴንታ ኤሪዴ ናጌቲቴ» ያጌዳ። 
\p  
\v 7 ኡንቱንቱ ባሬንቱ ጊዶን፥ «ኢ ሃዋ ያጊያዌ ኑኒ ቁማ ኣሂቤና ዲራሳ» ያጊዴ ሃሳያ ዶሜዲኖ። 
\p  
\v 8 ሺን ኡንቱንቱ ጊያዋ ዬሱሲ ኤሪዴ፥ «ሃ ኣማኑ ፓጬዳዋንቶ፥ ቁማይ ባይና ዲራው፥ ኣዪሲ ሂንቴንቱ ጊዶን ሃሳዪቴ?  
\v 9 ሃዒካ ሂንቴንቶ ጌሊቤኔ? ታኒ ኢቼሹ ኡኪ ኢቼሹ ሻዓ ኣሳ ሚዛዴ ካሊሴዳዋ፥ ቃሲ ሂንቴንቱ ኣፑን ዛምቤሊያ ኩንዴ ኣቴዳ ሱፓ ዴንዲቴንቶ ዎዛና ኣኪቴ?  
\v 10 ዎይ ታኒ ላፑ ኡኪ ኦይዱ ሻዓ ኣሳ ሚዛ ካሊሴዳዋ፥ ቃሲ ሂንቴንቱ ኣፑን ዛምቤሊያ ኩንዴ ኣቴዳ ሱፓ ዴንዲቴንቶ ዎዛና ኣኪቴ?  
\v 11 ታኒ ሂንቴንታ ፓሪሳዋቱዋ ኢርሹዋፔኔ ሳዱቃዋናቱዋ ኢርሹዋፔ ናጌቲቴ ጊያዋፔ ኣቲን፥ ኡኪባ ሂንቴንቶ ሃሳያቤናዋ ሂንቴንቱ ዋኒዴ ኣኬኪኪቴ?» ያጌዳ። 
\p  
\v 12 ኣ ካሊያዋንቱ ዬሱሲ ባሬንቶ ኦዴዳዋ፥ ፓሪሳዋቱዋ ቲሚርቲያፔኔ ሳዱቃዋናቱዋ ቲሚርቲያፔ ኡንቱንቱ ናጌታና ማላ ኦዴቶዋፔ ኣቲን፥ ሙናቃን ቲጊያ ኢርሹዋፔ ናጌታና ማላ ጊዴናዋ ሄ ዎዴ ኣኬኬዲኖ። 
\s1 ጴፂሮሳ ኣማኑዋኔ ማርካቴ 
\r (ማር 8፡27-30፤ ሉቅ 9፡18-21) 
\p  
\v 13 ዬሱሲ ቂሳሪያ ፒሊጶሳ ጌቴቲያ ጋዲያ ጋኬዳ ዎዴ፥ ባሬና ካሊያዋንታ፥ «ኣሳይ ታና፥ ኣሳ ናዓ ኦና ጊ?» ያጊዴ ኦቼዳ። 
\p  
\v 14 ኣ ካሊያዋንቱ ዛሪዴ፥ «ኔና ኢቲ ኢቲ ኣሳይ፥ ፃማቂያ ዮሃኒሳ ያጌ፤ ሃራንቱ ቃሲ ኤላሳ ያጊኖ፤ ቃሲ ሃራንቱ ኤርሚያሳ ዎይ ናባቱዋፔ ኢቱዋ ያጊኖ» ያጌዲኖ። 
\p  
\v 15 ዬሱሲ ኡንቱንታ፥ «ያቲና ሂንቴንቱ ታና ኦና ጊቴ?» ያጌዳ። 
\p  
\v 16 ሲሞኒ ጴፂሮሲ ዛሪዴ፥ «ኔኒ ዴዑዋ ፆሳ ናዓ ኪሪስቶሳ» ያጌዳ። 
\p  
\v 17 ዬሱሲ ዛሪዴ፥ ሃዋዳን ያጌዳ፤ «ዮና ናዓ ሲሞና፥ ሃዋ ኔው ሳሉዋን ዴዒያ ታ ኣቡ ኤሪሴዳዋፔ ኣቲን፥ ኣሳይ ኦኒኔ ኔና ኤሪሲቤና ዲራው፥ ኔኒ ኣንጄቴዳዋ።  
\v 18 ጴፂሮሳ፥ ታኒ ኔው ኦዳይ፤ ኔኒ ሹቻ፤ ታኒ ሃ ዛላ ቦላ ታ ዎሳ ጎሊያ ኬፃና፤ ታ ዎሳ ጎሊያ ሃራይ ኣቶ፥ ሲዖሊያ ዎልቃይካ ፆናናው ዳንዳዬና።  
\v 19 ታኒ ኔው ሳሉዋ ካዉቴ ቁልፒያ ኢማና፤ ኔኒ ሳዓን ሃኖ ጎዌ ኡባይ ሳሉዋን ፆሳ ሲንን ሃናና፤ ሺን ኔኒ ሳዓን ሃኖፖ ጌዳዌ ሳሉዋንካ ሃኔና» ያጌዳ። 
\p  
\v 20 ሄዋፔ ጉዪያን፥ ኢ ኪሪስቶሳ ጊዴዳዋ ኣ ካሊያዋንቱ ኦሲኔ ኦዴና ማላ፥ ኡንቱንታ ኣዛዜዳ። 
\s1 ዬሱሲ ባሬና ጋካና ሜቱዋባኔ ሃይቁዋባ ኮይሮ ኦዱዋ ኦዴዳ 
\r (ማር 8፡31-33፤ ሉቅ 9፡22-27) 
\p  
\v 21 ሄ ዎዲያፔ ዶሚዴ ዬሱሲ፥ «ታኒ ዬሩሳላሜ ቢና፥ ታና ጪማቱ፥ ቄሳቱዋ ካፓቱኔ ሂጊያ ታማሪሲያዋንቱ ዳሪ ዋዪሳናው ቤሴ፤ ኡንቱንቱ ታና ዎናዉኔ ታኒ ሄዜን ጋላሲ ሃይቁዋፔ ዴንዳናው ቤሴ» ያጊዴ፥ ባሬና ካሊያዋንቱሲ ጌሺዴ ኦዱዋ ዶሜዳ። 
\p  
\v 22 ጴፂሮሲ ኣ ኢቲ ባጋ ዛሪዴ፥ «ታ ጎዳው፥ ፆሳይ ኔና ሄዋፔ ኣሾ፤ ሃዌ ኔ ቦላ ኡባካ ዬና» ያጊዴ ኣ ዞራናው ዶሜዳ። 
\p  
\v 23 ሺን ዬሱሲ ጉዬ ሲሚዴ ጴፂሮሳ፥ «ሃ ሴፃናው፥ ኔኒ ታ ማታፔ ኪቻ፤ ኔኒ ኣሳይ ዶሲያዋ ቆፒያዋፔ ኣቲን፥ ፆሳይ ዶሲያዋ ቆፔና ዲራው፥ ታው ቦ ጊዳዳ» ያጌዳ። 
\s1 ዬሱሳ ካላናው ቤሲያ ኦጊያ 
\r (ማር 8፡34-9፡1፤ ሉቅ 9፡23-27) 
\p  
\v 24 ሄዋፔ ጉዪያን፥ ዬሱሲ ባሬና ካሊያዋንታ ሃዋዳን ያጌዳ፤ «ታና ካላናው ኮዪያ ኡራይ ዴዖፔ፥ ባሬና ካዶ፤ ያቲዴ ባሬ ማስቃሊያ ቶኪዴ፥ ታና ካሎ።  
\v 25 ኣዪሲ ጎፔ፥ ባሬ ሼምፑዋ ኣሻናው ኮዪያ ኡራይ ባዪዛናዋ፤ ሺን ባሬ ሼምፑዋ ታ ዲራው ባዪዚያ ኡራይ ኣሻናዋ።  
\v 26 ኢቲ ኡራይ ሳዓን ዴዒያ ኡባባ ባሬው ሺሺዴ፥ ባሬ ሼምፑዋ ባዪዞፔ፥ ኣ ኣያ ማዳኔ? ዎይ ኢቲ ኡራይ ባሬ ሼምፑዋ ዎዛናው ኣያ ኢማና ዳንዳዪ?  
\v 27 ኣዪሲ ጎፔ፥ ታኒ፥ ኣሳ ናዓይ፥ ታ ኣቡ ቦንቹዋን ታ ኪታንቻቱዋና ያና ሃናይ፤ ኣሳ ኡባው ሄ ዎዴ ኣ ኦሱዋ ጋቲያ ኢማና። \x - \xo 16:27 \xt 25፡31፤ ማዝ 62፡12፤ ሮም 2፡6\x* 
\v 28 ታኒ ሂንቴንቶ ቱሙዋ ጋይ፤ ኣማሬዳ ኣሳቱ፥ ታኒ፥ ኣሳ ናዓይ፥ ካቲያ ጊዳዴ ዪያዋ ቤዓና ጋካናው፥ ሃይቄናዋንቱ ሃዋን ዴዒኖ» ያጌዳ። 
\c 17  
\s1 ዬሱሳ ማላይ ላሜቴዳ 
\r (ማር 9፡2-13፤ ሉቅ 9፡28-36) 
\p  
\v 1 ዬሱሲ ኡሱፑን ጋላሳፔ ጉዪያን፥ ባሬናና ጴፂሮሳ፥ ያዪቆባኔ፥ ያዪቆባ ኢሻ ዮሃኒሳ ኣኪዴ፥ ኡንቱንቱ ፃላላ ዎጋ ዴሪያ ሁጲያ ኬሴዳ። \x - \xo 17:1 \xt 2ጵፅ 1፡17-18\x* 
\v 2 ቃሲ ኡንቱንቱ ፄሊሺን፥ ኡንቱንቱ ሲንን ላሜቴዳ፤ ኣ ዴሙ ኣዋይፊያዳን ፖዔዳ፤ ኣ ማዩካ ፖዑዋዳን ጶሌዳ።  
\v 3 ሙሴኔ ኤላስ ዬሱሳና ሃሳዪሺን፥ ሃ ሄዙ ኣ ካሊያዋንቱ ቤዔዲኖ።  
\v 4 ጴፂሮሲ ዬሱሳ፥ «ታ ጎዳው፥ ኑኒ ሃዋን ዴዒያዌ ኑሲ ሎዓ፤ ኔኒ ዶሶፔ፥ ኑኒ ሃዋን ሄዙ ዳሲያ ኢቱዋ ኔው፥ ኢቱዋ ሙሴው፥ ኢቱዋ ኤላሳው ኬፃና» ያጌዳ። 
\p  
\v 5 ኢ ሃሳዪሺን፥ ፖዒያ ሻሪ ዪኔ ኡንቱንታ ካሚ ኣጌዳ፤ ሻሪያ ጊዶፔ፥ «ሃዌ ታኒ ሲቂያ ታና ናሼቺያ ታ ናዓ፤ ኢ ጊያዋ ሲሲቴ» ጊያ ቃላይ ዬዳ። \x - \xo 17:5 \xt ዶም 22፡2፤ ዛር 18፡15፤ ማዝ 2፡7፤ ኢሳ 42፡1፤ ማት 3፡17፤ 12፡18፤ ማር 1፡11፤ ሉቅ 3፡22\x* 
\p  
\v 6 ኣ ካሊያዋንቱ ሄ ቃላ ሲሴዳ ዎዴ፥ ዳሮ ያዪዴ፥ ጉፋኒ ኣጌዲኖ።  
\v 7 ዬሱሲ ኡንቱንቱኮ ዪዴ፥ ኡንቱንታ ቦቺዴ፥ «ዴንዲቴ፤ ያዮፒቴ» ያጌዳ።  
\v 8 ኡንቱንቱ ቁ ጊዴ ፄሊያ ዎዴ፥ ዬሱሳ ፃላላፔ ኣቲን፥ ሃራ ኣሳ ኦናኔ ቤዒቤይኪኖ። 
\p  
\v 9 ኡንቱንቱ ዴሪያፔ ዎሺን፥ ዬሱሲ ኡንቱንታ፥ «ታኒ ኣሳ ናዓይ፥ ሃይቁዋፔ ዴንዳና ጋካናው፥ ሃ ሂንቴንቱ ቤዔዳዋ ኦሲኔ ኦዶፒቴ» ያጊዴ ኣዛዜዳ። 
\p  
\v 10 ኣ ካሊያዋንቱ ዬሱሳ፥ «ያቲና፥ ሂጊያ ታማሪሲያዋንቱ ኣዪሲ፥ ‹ኤላስ ካሴቲዴ ያናው ቤሴ› ጊኖ?» ያጊዴ ኦቼዲኖ። \x - \xo 17:10 \xt ሚል 4፡5\x* 
\p  
\v 11 ኢ ዛሪዴ ያጌዳ፤ «ኤላስ ካሴት ዪዴ፥ ኡባባ ጊጊሳናዋ።  
\v 12 ሺን ታኒ ሂንቴንቶ ኦዳይ፤ ኤላስ ሃዋፔ ካሴ ዪዲጌዳ። ሄዎዴ ኣሳይ ኣ፥ ባሬንቶ ኮዬዳዋዳን ኡባ ኦዳዋፔ ኣቲን ኣ ኤሪቤይኪኖ፤ ሄዋዳንካ፥ ቃሲ ታና፥ ኣሳ ናዓ፥ ኣሳይ ዋዪሳናዋ» ያጌዳ። 
\p  
\v 13 ኣ ካሊያዋንቱ ሄ ዎዴ ባሬንቶ ዬሱሲ ፃማቂያ ዮሃኒሳባ ኦዲያዋ ኣኬኬዲኖ። 
\s1 ዬሱሲ ኢታ ኣያናይ ኦይቄዳ ናዓ ፓዳ 
\r (ማር 9፡14-29፤ ሉቅ 9፡37-43) 
\p  
\v 14 ኡንቱንቱ ዳሮ ኣሳኮ ዬዳ ዎዴ፥ ኢቲ ቢታኒ ዬሱሳኮ ዪዴ፥ ኣ ሲንን ጉልባቲዴ፥  
\v 15 «ታ ጎዳው፥ ታ ናዓ ዎዛና ባዪዚያ ሃርጊ ኦይቂና፥ ኢ ዳሮ ዎዴ ታማን፥ ቃሲ ዳሮ ዎዴ ሃን ኩንዲያ ዲራው፥ ኢ ዳሪ ሳኬቴ፤ ኣ ፓሪኪ።  
\v 16 ኔና ካሊያዋንቱኮካ ኣ ኣሃዲ፤ ሺን ፓናው ዳንዳዪቤይኪኖ» ያጌዳ። 
\p  
\v 17 ዬሱሲ ዛሪዴ ኡንቱንታ፥ «ኣማኔና ሃ ዎዲያ ጌላ ኣሳው! ታኒ ሂንቴናና ኣዉዴ ጋካናው ዴዓኔ? ቃሲ ሂንቴንቱባ ኣዉዴ ጋካናው ዳንዳያኔ? ናዓ ታኮ ሃ ኣኪዴ ዪቴ» ያጌዳ።  
\v 18 ዬሱሲ ኢታ ኣያና፥ «ኣፔ ኬሳ» ጊዴ ኣዛዚና፥ ኢታ ኣያናይ ናዓፔ ኬሲ ኣጌዳ፤ ኤሌካ ናዓይ ፓፂ ኣጌዳ። 
\p  
\v 19 ሄዋፔ ጉዪያን፥ ኣ ካሊያዋንቱ ባሬንቱ ፃላላ ዬሱሳኮ ዪዴ፥ «ኑኒ ኢታ ኣያና ኬሳናው ኣዪሲ ዳንዳዪቤይኮ?» ያጌዲኖ። 
\p  
\v 20 ዬሱሲ ኡንቱንታ ያጌዳ፤ «ሄዌ ሂንቴንቱ ኣማኑ ጉፄዳ ዲራሳ፤ ታኒ ሂንቴንቶ ቱሙዋ ኦዳይ፤ ሂንቴንቶ ሳናፊጪያ ጌቴቲያ ጉ ሚቲ ኣይፊያ ኬና ኣማኑ ዴዒንቶ፥ ሂንቴንቱ ሃ ዴሪያ፥ ‹ሃዋፔ ያ ሺቃ› ያጊንቶ ኢ ሺቃና፤ ሂንቴንቱ ኣያኔ ኦናዉካ ዳንዳያኒታ።  
\v 21 ሺን ሃዋ ማላ ዎሳፔኔ ፆማፔ ሃራባይ ኬሳናው ዳንዳዬና» ያጌዳ። 
\s1 ዬሱሲ ባሬ ሃይቁዋባ ላዔንዋ ኦዴዳ 
\r (ማር 9፡30-32፤ ሉቅ 9፡43-45) 
\p  
\v 22 ኣ ካሊያዋንቱ ጋሊላን፥ ኢቲፔ ሺቂ ኡቲ ዴዒሺን፥ ዬሱሲ ኡንቱንታ፥ «ታና፥ ኣሳ ናዓ፥ ኣሳይ ኣሳው ኣዴ ኢማና።  
\v 23 ኣሳይ ታና ዎናዋ፤ ሄዋፔ ጉዪያን ታኒ ሄዜንያ ጋላሲ ሃይቁዋፔ ዴንዳና» ያጌዳ። ኣ ካሊያዋንቱ ዳሮ ቃሬቴዲኖ። 
\s1 ጌሻ ጎሊያ ጊራ ጊሪያዋ 
\p  
\v 24 ዬሱሲኔ ኣ ካሊያዋንቱ ቂፊሪናሆማ ካታማ ዬዳ ዎዴ፥ ጌሻ ጎሊያሲ ቃራፃ ኣኪያዋንቱ ጴፂሮሳኮ ዪዴ፥ «ሂንቴንታ ታማሪሲያዌ ጌሻ ጎሊያ ጊራ ጊሬኔ?» ያጌዲኖ። \x - \xo 17:24 \xt ኬስ 30፡13፤ 38፡26\x* 
\p  
\v 25 ኢ ዛሪዴ፥ «ጊሬ» ያጌዳ። 
\p ጴፂሮሲ ሶይ ጌሌዳ ዎዴ፥ ዬሱሲ ካሴቲዴ ኣ፥ «ሲሞና፥ ኔ ቆፋይ ኣዬ? ሃ ሳዓ ካታቱ ቃራፃ ዎይ ጊራ ኦፔ ኣኪኖ? ባሬንቱ ጋዲያ ኣሳፔ ኣኪኖ ዎይ ሃራ ጋዲያ ኣሳፔ ኣኪኖ?» ያጌዳ። 
\p  
\v 26 ጴፂሮሲ፥ «ሃራ ጋዲያ ኣሳፔ ኣኪኖ» ያጌዳ። 
\p ዬሱሲ ጴፂሮሳ፥ «ያቶፔ፥ ጋዲያ ኣሳይ ጊራናው ቤሴና።  
\v 27 ሺን ኑኒ ሃ ኣሳቱዋ ሃንቄናው ኮዮኮ፤ ኔኒ ኣባ ባዴ ኣኒ ዳባ ዬጋ፤ ያታዴ ኮይሮ ኬሲያ ሞሊያ ኦይቃዴ፥ ኣ ዶና ፖቂያ ዎዴ፥ ጊራው ጊዲያ ሚሻ ኔኒ ዴማና። ሄዋ ኣካዴ፥ ታ ጊራኔ ኔ ጊራ ኡንቱንቶ ኢማ» ያጌዳ። 
\c 18  
\s1 ኡባፔ ኣያዌ ኦኔ? 
\r (ማር 9፡33-37፤ ሉቅ 9፡46-48) 
\p  
\v 1 ኣ ካሊያዋንቱ ዬሱሳኮ ሄ ዎዴ ዪዴ፥ «ሳሉዋ ካዉቴን ኡባፔ ኣያዌ ኦኔ?» ያጌዲኖ። 
\p  
\v 2 ዬሱሲ ኢቲ ጉ ናዓ ፄሲ ኡንቱንቱ ጊዶን ኤሲዴ፥ ሃዋዳን ያጌዳ፤  
\v 3 «ታኒ ሂንቴንቶ ቱሙዋ ኦዳይ፤ ፆሳኮ ሂንቴንቱ ሲሚዴ፥ ጉ ናናዳን ሃናና ዮፔ፥ ሳሉዋ ካዉቴ ኡባካ ጌላናው ዳንዳዪኪታ።  
\v 4 ሲሚ ሃ ጉ ናዓዳን፥ ባሬና ካዉሺያ ኦኒኔ ሳሉዋ ካዉቴን ኡባፔ ኣያዋ።  
\v 5 ቃሲ ሃዋ ማላ ናዓ ታ ሱንን ሞኪያ ኦኒኔ ታና ሞኬ።  
\v 6 ሺን ታና ኣማኒያ ሃ ጉ ናናፔ ኢቱዋ ባሌያ ኦኒኔ፥ ጋጪያ ዎጋ ዎፃ ባሬ ቆያን ቃቺዴ፥ ኣባ ጪሙዋን ሚቴቲያዌ ኣው ሎዓ። 
\s1 ቡዋሲ ጋሶ ጊዲያዋ 
\r (ማር 9፡42-48፤ ሉቅ 17፡1-2) 
\p  
\v 7 «ኣላሚ ኣሳ ቢያ ዲራው፥ ሳዓው ኣዬሮ፤ ኣዪሲ ጎፔ፥ ቢያባይ ዩሳ ኣጌና፤ ሺን ቡ ኣ ጋሶታን ዪያ ኡራው ኣዬሮ። 
\p  
\v 8 «ኔና ኩሺ ዎይ ኔ ጌዲ ኔና ባሌፔ፥ ኔፔ ቃንፃ ኦላ፤ ኔኒ ላዑ ኩሺያናኔ ላዑ ጌዲያና ሜና ታማን ኦሌቲያዋፔ ዎባ ዎይ ዱፃ ኩሺያና ሜና ዴዑዋ ጌሊያዌ ኔው ሎዓ።  
\v 9 ቃሲ ኔ ኣይፊ ኔና ባሌፔ፥ ኔፔ ዎጫ ኬሳ ኦላ፤ ኔኒ ላዑ ኣዪፊያና ጋናሚያ ታማን ኦሌቲያዋፔ ኢቲ ኣዪፊያና ሜና ዴዑዋ ጌሊያዌ ኔው ሎዓ። 
\p  
\v 10 «ሂንቴንቱ ሃ ጉቱዋፔ ኢቱዋኔ ካና ማላ፥ ሂንቴንታ ናጊቴ፤ ኣዪሲ ጎፔ፥ ታኒ ሂንቴንቶ ኦዳይ፤ ሳሉዋን ኡንቱንቱ ኪታንቻቱ ኡባ ዎዴ፥ ሳሉዋን ዴዒያ ታ ኣቡ ሲንን ዴዒኖ።  
\v 11 ኣዪሲ ጎፔ፥ ታኒ፥ ኣሳ ናዓይ፥ ባዬዳዋ ኣሻናው ያዲ። 
\s1 ባዬዳ ዶርሳ ሌሚሱዋ 
\r (ሉቅ 15፡3-7) 
\p  
\v 12 «ኢቲ ኣሳው ፄቱ ዶርሳቱ ዴዒያዋንቱፔ ኢቱ ባዮፔ፥ ኡዱፑ ታማኔ ኡዱፑኑዋ ዴሪያን ኣጊዴ፥ ሄ ባዬዳዋ ኮያናው ቤኔ? ሂንቴንቱ ዋጊቴ?  
\v 13 ታኒ ሂንቴንቶ ቱሙዋ ጋይ፤ ኢ ዴሞፔ፥ ባዪቤና ኡዱፑ ታማኔ ኡዱፑ ዶርሳቱዋፔ ኣዴ፥ ሄ ኢቲ ዶርሳን ናሼቴ።  
\v 14 ሄዋዳንካ፥ ሳሉዋን ዴዒያ ሂንቴንቱ ኣቡ ሃ ጉቱዋፔ ኢቱ ባያናዋካ ኮዬና። 
\s1 ባይዜዳ ኣሳሲ ኦናው ቤሲያባ 
\p  
\v 15 «ኔ ኢሻይ ኔና ናቆፔ፥ ኔሬካ ኣኮ ባዴ፥ ኣ ናቁዋ ኣው ኦዳ፤ ኢ ኔዋ ሲሶፔ፥ ኔ ኢሻ ባላፔ ዛራዳ።  
\v 16 ሺን ኢ ኔዋ ሲሴናን ኢፆፔ፥ ላዑ ዎይ ሄዙ ማርካይ ማርካቶዋን ዬዉ ኡባይ ቱማቲያ ዲራው፥ ሃራ ኢቲ ዎይ ላዑ ኣሳ ኔናና ኢቲፔ ኣፋ።  
\v 17 ኢ ኡንቱንቱባ ሲሴናን ኢፆፔ፥ ኡባባ ኣማኒያ ኣሳው ኦዳ፤ ቃሲ ኣማኒያ ኣሳይ ጊያዋካ ኢ ሲሴናን ኢፆፔ፥ ኣማኔና ኣሳዳኒኔ ቃራፃ ሺሺያ ኣሳዳን ኣ ፓይዳ። 
\p  
\v 18 «ታኒ ሂንቴንቶ ቱሙዋ ጋይ፤ ኔኒ ሳዓን ሃኖ ጎዌ ኡባይ ሳሉዋን ፆሳ ሲንን ሃናና፤ ሺን ኔኒ ሳዓን ሃኖፖ ጌዳዌ ሳሉዋንካ ሃኔና። 
\p  
\v 19 «ቃሲካ ታኒ ሂንቴንቶ ኦዳይ፤ ሂንቴፔ ላዑ ኡራይ ሳዓን ፆሳ ዎሲያዋን ኣይ ዬዉዋኒኔ ኢቲ ዎዛና ጊዶፔ፥ ሳሉዋን ዴዒያ ታ ኣቡ ሄዋ ሂንቴንቶ ኢማና።  
\v 20 ኣዪሲ ጎፔ፥ ላዑ ኡራይ ዎይ ሄዙ ኡራይ ታ ሱንን ሺቂያሳን፥ ታኒ ሄዋን ኡንቱንቱ ጊዱዋን ዴዓይ» ያጌዳ። 
\s1 ኣቶ ጊያዋ 
\p  
\v 21 ጴፂሮሲ ሄ ዎዴ ዬሱሳኮ ዪዴ፥ «ጎዳው፥ ታ ኢሻይ ታና ኣፑ ካላ ናቆፔ ታኒ ኣው ኣቶ ጋናው ቤሲ? ላፑኑዋ ጋካናው ናቂኔዬ?» ያጊዴ ኣ ኦቼዳ። 
\p  
\v 22 ዬሱሲ ዛሪዴ ኣ፥ «ጊዴና፥ ታኒ ኔና ላፑን ታሙ ካላ ላፑኑዋ ጋዪፔ ኣቲን፥ ላፑኑዋ ፃላላ ጊኬ። \x - \xo 18:22 \xt ዶም 4፡24\x* 
\p  
\v 23 «ኣዪሲ ጎፔ፥ ሳሉዋ ካዉቴይ ባሬ ቆማቱዋና ሚሻ ሄቴታናው ቆፔዳ ካቲያ ቤሴ።  
\v 24 ሄ ካቲ ሚሻ ሄቴታናው ዶሜዳ ዎዴ፥ ዳሮ ሚሎኔ ቢራ ኣጩ ዴዒያ ኢቲ ቢታኒያ ኣኮ ኣሄዲኖ።  
\v 25 ሺን ሄ ቆማው ኣጩዋ ጪጊያዌ ዪና፥ ኣ ጎዳይ ሄ ኣጩዋ ጪጋናው፥ ኣ ማቻታኔ ኢኔ ኣ ናናይ፥ ቃሲ ኣው ዴዒያ ኡባባይ ዛሊዔታና ማላ፥ ኣ ኣዛዜዳ።  
\v 26 ሄዋ ዲራው፥ ቆማይ ባሬ ጎዳ ሲንን ጉልባቲዴ፥ ‹ታ ጎዳው፥ ሃያጎዶ ጉ ዎዲያ ናጋሪኪ፤ ታኒ ኔው ኡባባካ ጪጋና ያጊዴ ኣ ዎሴዳ።  
\v 27 ኣ ጎዳይ ኣው ቃሬቲዴ፥ ኣ ዬዲ ኣጌዳ፤ ኣ ኣጩዋካ ኣው ማሪ ኣጌዳ። 
\p  
\v 28 «ሺን ሄ ቆማይ ኬሲዴ፥ ባሬ ላጌ ቆማቱዋፔ ኢቱ ባሬፔ ፄቱ ቢራ ሳንቲሚያ ታልዔዳዋና ጋኬቲዴ፥ ‹ኔ ቦላ ዴዒያ ታ ሚሻ ጪጋ› ያጊ ኦይቂዴ፥ ኣ ጩሌዳ። 
\p  
\v 29 «ያቲና ሄ ኣ ላጌ ቆማይ ኣ ሲንን ጉልባቲዴ፥ ‹ሃዒ ታዒሻይ ጉ ዎዲያ ናጋሪኪ፤ ታኒ ኔው ኡባባካ ጪጋና› ያጊዴ ኣ ዎሴዳ። 
\p  
\v 30 «ሺን ኢፂ ኣኪ ቢዴ፥ ኣ ላጌይ ሄ ኣጩዋ ቃንፃና ጋካናው፥ ቃሾ ጎሌ ጌሊሴዳ።  
\v 31 ሄዋ ዲራው፥ ኣ ላጌ ቆማቱ ሄዋ ቤዒዴ፥ ዳሮ ዪሎቴዲኖ፤ ባሬንቱ ጎዳኮ ቢዴ፥ ኢ ኦዳ ኡባባ ኣው ኦዴዲኖ። 
\p  
\v 32 «ሄዋፔ ጉዪያን፥ ጎዳይ ሄ ቆማ ፄሲዴ፥ ‹ሃ ኢታ ቆማው፥ ኔኒ ታና ዎሴዳ ዲራው፥ ታኒ ሄ ኣጩዋ ኡባ ኔው ማራ ኣጋዲ።  
\v 33 ታኒ ኔው ሄ ኣጩዋ ማሬዳዋዳን፥ ኔኒካ ኔ ላጌ ቆማው ማራናው ቤሴኔ?› ያጌዳ።  
\v 34 ሄዋፔ ሲሚዴ ኣው ዳሮ ሃንቄቲዴ፥ ባሬ ኣጩዋ ኡባ ኢ ጪጊ ዉርሳና ጋካናው፥ ፓፃ ካዔታና ማላ፥ ቃሾ ጎሌ ጌሊሴዳ። 
\p  
\v 35 «ሂንቴንቱ ሁጲያን ሁጲያን ሂንቴንቱ ኢሻው ዎዛናፔ ኣቶ ጋና ዮፔ፥ ሄ ጎዳይ ባሬ ቆማ ኦዳዋዳን፥ ሳሉዋን ዴዒያ ታ ኣቡካ ሂንቴንታ ሄዋዳን ኦና» ያጌዳ። 
\c 19  
\s1 ዬሱሲ ጌሉዋባኔ ኣካባ ታማሪሴዳ 
\r (ማር 10፡1-12) 
\p  
\v 1 ዬሱሲ ሄ ሃሳያ ዉርሶዋፔ ጉዪያን፥ ጋሊላፔ ዴንዲዴ፥ ዮርዳኖሳ ሻፋፔ ሄፊንን ዴዒያ ዪሁዳ ጋዲያ ቤዳ።  
\v 2 ዳሮ ኣሳይ ኣ ካሊዴ ቤዳዋ ሄዋን ፓዳ። 
\p  
\v 3 ኢቲ ኢቲ ፓሪሳዋቱ ፓጫናው ዬሱሳኮ ዪዴ፥ «ኢቲ ኣሳይ ኣይ ጋሱዋኒኔ፥ ባሬ ማቻቶ ዬዳናው ኑ ሂጊ ኣዛዚ?» ያጊዴ ኣ ኦቼዲኖ። 
\p  
\v 4 ዬሱሲ ዛሪዴ፥ ሃዋዳን ያጌዳ፤ «ፆሳይ ኮይሮ ኡንቱንታ ሜዴ፥ ኣቱማዋኔ ማጫዉኖ ኦዳ። \x - \xo 19:4 \xt ዶም 1፡27፤ 5፡2\x* 
\v 5 ሄዋ ዲራው፥ ‹ኢቲ ኣሳይ ባሬ ኣባኔ ባሬ ዳዮ ኣጊዴ፥ ባሬ ማቻቲና ኢቲፔ ዴዔ፤ ኡንቱንቱ ላዑ ኢቲ ኣሳ ጊዲኖ› ያጊያ ቃላ ናባቢቤይኪቴ? \x - \xo 19:5 \xt ዶም 2፡24\x* 
\v 6 ሄዋ ዲራው፥ ኡንቱንቱ ኢቲ ኣሳ ጊዲያዋፔ ኣቲን፥ ላዑ ኣሳ ጊዲኪኖ፤ ሄዋ ዲራው፥ ፆሳይ ኢቲፔ ዴዓናዳን ጋዋ ኣሳይ ሻኮፖ» ያጌዳ። 
\p  
\v 7 ፓሪሳዋቱ ዬሱሳ፥ «ያቲና፥ ሙሴ ኣያው ኢቲ ኡራይ ባሬ ማቻቶ ፒሪማ ፔዴ ዬዳና ማላ ኣዛዜዴ?» ያጌዲኖ። 
\p  
\v 8 ዬሱሲ ዛሪዴ፥ «ሂንቴንቱ ሂንቴንቱ ማቻቱዋ ዬዳና ማላ፥ ሙሴ ሂንቴንታ ኣዛዜዳዌ፥ ሂንቴንቱ ኦዲና ሲሴና ጉዙማ ጊዶ ዲራፔ ኣቲን፥ ኮይሮ ሄዋ ማላ ጊዴና።  
\v 9 ታኒ ሂንቴንቶ ኦዳይ፤ ባሬ ማቻቶ ዎሹሜናን ዴዒሺን ዬዲዴ፥ ሃራሮ ኣኪያ ኦኒኔ ዎሹሜ፤ ሃራይ ዬዴዳዉኖ ኣኪያዌካ ዎሹሜ» ያጌዳ። 
\p  
\v 10 ዬሱሳ ካሊያዋንቱ ኣ፥ «ኣሲና ጊዱዋኒኔ ማቻቲ ጊዱዋን ዴዒያ ዎጋይ ሄዋ ማላ ጊዶፔ፥ ኣኬናኒኔ ጌሌናን ዴዒያዌ ሎዓ» ያጌዲኖ። 
\p  
\v 11 ሺን ዬሱሲ ኡንቱንታ ያጌዳ፤ «ሄዋ ማላ ቲሚርቲ ፆሳይ ኢሞዋንቱሳፔ ኣቲን፥ ኣሳ ኡባሳ ጊዴና፤  
\v 12 ኣያው ጎፔ፥ ባሬንቱ ዳዪ ኡሉዋፔ ዬሌቲያ ዎዴካ፥ ሹፋ ጊዴዳዋንቱ ዴዒኖ፤ ቃሲ ኣሳይ ቃራቲና ሙሬሳ ጊዴዳዋንቱ ዴዒኖ፤ ቃሲ ሳሉዋ ካዉቴ ዲራው፥ ባሬንታ ሹፋ ኡዴዳዋንቱ ዴዒኖ፤ ሃ ቲሚርቲያ ኣካናው ዳንዳዪያዌ ኦኒኔ ኣኮ» ያጌዳ። 
\s1 ዬሱሲ ቄሪ ናና ቦላ ባሬ ኩሺያ ዎዳ 
\r (ማር 10፡13-16፤ ሉቅ 18፡15-17) 
\p  
\v 13 ዬሱሲ ሄ ዎዴ ባሬ ኩሺያ ጉ ናና ቦላ ዎዴ፥ ፆሳ ዎሳና ማላ፥ ኢቲ ኢቲ ኣሳይ ናና ኣኮ ኣሄዳ፤ ሺን ዬሱሳ ካሊያዋንቱ ሄ ኣሳ ኣሄና ማላ ሃንቄቴዲኖ።  
\v 14 ሺን ዬሱሲ፥ «ቄሪ ናናይ ታኮ ዪያዋ ዲጎፒቴ፤ ኣያው ጎፔ፥ ሳሉዋ ካዉቴይ ሄዋንቱ ማላሳ» ያጌዳ። 
\p  
\v 15 ሄዋፔ ሲሚዴ ባሬ ኩሺያ ኡንቱንቱ ቦላ ዎዳዋፔ ጉዪያን፥ ሄዋፔ ባሺ ቤዳ። 
\s1 ያላጋ፥ ዱሬ ቢታኒያ ኦሻ 
\r (ማር 10፡17-31፤ ሉቅ 18፡18-30) 
\p  
\v 16 ኢቲ ቢታኒ ዬሱሳኮ ዪዴ፥ «ታማሪሲያዎ፥ ታኒ ሜና ዴዑዋ ዴማናው ሎዖባ ኣያ ኦ?» ያጌዳ። 
\p  
\v 17 ዬሱሲ ኣ፥ «ሎዖባይ ኣዬንቶ ታና ኣያው ኦቻይ? ኢቱዋ ፃላላይ ሎዓ፤ ሺን ኔኒ ሜናው ዴዓናው ኮዮፔ፥ ኣዛዛቱዋ ናጋ» ያጌዳ። 
\p  
\v 18 ቢታኒ፥ «ሃቃዋንታ?» ያጊዴ ኦቼዳ። 
\p ዬሱሲ ዛሪዴ፥ «ዎፓ፤ ዎሹሞፓ፤ ዉዖፓ፤ ዎርዱዋ ማርካቶፓ፤ \x - \xo 19:18 \xt ኬስ 20፡13-16፤ ዛር 5፡17-20\x* 
\v 19 ኔ ኣባኔ ኔ ዳዮ ቦንቻ፤ ኔ ሾሩዋካ ኔ ሁጲያዳን ሲቃ» ያጌዳ። \x - \xo 19:19 \xt ኬስ 20፡12፤ ዛር 5፡16፤ ዎግ 19፡18\x* 
\p  
\v 20 ሄ ያላጋ ቢታኒ ዬሱሳ፥ «ታኒ ሄዋ ኡባካ ጉቴፔ ዶማዴ ናጋዲ፤ ያቲና፥ ታው ፓጪያዌ ኣዬ?» ያጌዳ። 
\p  
\v 21 ዬሱሲ ቢታኒያ፥ «ኔኒ ፖሎ ኣሳ ጊዳናው ኮዮፔ፥ ባዴ ኔው ዴዒያዋ ዛሊዓዴ፥ ሄ ሚሻ ሂዬሳው ኢማ፤ ኔኒ ሳሉዋን ዱሬታና፤ ያታዴ ያዴ ታና ካላ» ያጌዳ። 
\p  
\v 22 ሺን ሄ ያላጋ ቢታኒ ሄዋ ሲሴዳ ዎዴ፥ ኢ ዳሮ ዱሬ ጊዲያ ዲራው፥ ቃሬቲዴ ባሺ ቤዳ። 
\p  
\v 23 ዬሱሲ ባሬና ካሊያዋንቱሲ፥ «ታኒ ሂንቴንቶ ቱሙዋ ጋይ፤ ዱሬ ኣሳይ ሳሉዋ ካዉቴ ጌላናዌ ዳሮ ሜቶ ጊዳናዋ።  
\v 24 ታኒ ጉጃዴካ ሂንቴንቶ ኦዳይ፤ ዱሬ ኣሳይ ፆሳ ካዉቴ ጌላናፔ፥ ጋሉ ማርፒያ ሉኩዋና ኣናዌ ማታቴ» ያጌዳ። 
\p  
\v 25 ኣ ካሊያዋንቱ ሄዋ ሲሲ ማላሌቲዴ፥ «ያቲና፥ ኦኒ ኣታናው ዳንዳዪ?» ያጌዲኖ። 
\p  
\v 26 ዬሱሲ ኡንቱንታ ጫዲ ፄሊዴ፥ «ሃዌ ኣሳው ዳንዳዬቴና፤ ሺን ፆሳው ኡባባይ ዳንዳዬቴ» ያጌዳ። 
\p  
\v 27 ጴፂሮሲ ሄ ዎዴ ዛሪዴ ዬሱሳ፥ «ቤዓ፥ ኑኒ ኑሲ ዴዒያ ኡባባ ባሺዴ፥ ኔና ካሌዶ፤ ያቲዴ ኑኒ ኣያ ዴማኔሻ?» ያጌዳ። 
\p  
\v 28 ዬሱሲ ኡንቱንታ ሃዋዳን ያጌዳ፤ «ታኒ ሂንቴንቶ ቱሙዋ ጋይ፤ ታኒ፥ ኣሳ ናዓይ፥ ኦራ ጋዲያን ታ ካዉቴ ኦይዲያን ኡቲያ ዎዴ፥ ታና ካሌዳ ሂንቴንቱካ ታማኔ ላዑ ኢስራዔሊያ ዛራቱዋ ቦላ ፒርዳናው፥ ታማኔ ላዑ ካዉቴ ኦይዲያን ኡታኒታ።  
\v 29 ታ ሱን ዲራው፥ ጎሊያ ዎይ ኢሻቱዋ ዎይ ሚቻቱዋ፥ ዎይ ኣዉዋ ዎይ ኣቶ ዎይ ማቻቶ፥ ዎይ ናና ዎይ ጋዲያ ኣጌዳ ኦኒኔ፥ ፄቱ ዳኩዋፔ ዳሩዋ ኣካና፤ ቃሲ ሜና ዴዑዋካ ላታና።  
\v 30 ሺን ጮራቱ ሃዒ ሲንቴዳዋንቱ ጉዬታናዋንታ፤ ቃሲ ጮራቱ ሃዒ ጉዬን ዴዒያዋንቱ ሲንታናዋንታ። 
\c 20  
\s1 ዎዪኒያ ቱራ ጊዶን ኦያ ኦሳንቻቱዋ ሌሚሱዋ 
\p  
\v 1 «ሳሉዋ ካዉቴይ ዎዪኒያ ጌቴቲያ ቱራ ጊዱዋ ኦያዋንታ ኡኒያ ኦሲሳናው፥ ዎንታ ጉራን ኬሴዳ ዎዪኒያ ቱራ ጎዳ ቤሴ።  
\v 2 ኢ ሄ ኦሳንቻቶ ሃቼ ሃቼ ኦዳዋ ዎልቃ ጋቲያ ጪጋናው ኡንቱንቱና ጊጊዴ፥ ባሬ ዎዪኒያ ቱራ ጊዱዋ ኦሲሳናው ኡንቱንታ ዬዴዳ። 
\p  
\v 3 «ቃሲ ሄዙ ሳቲያ ጊዶዴ ኬሲዴ፥ ኦሱ ባይናን ቆጫን ኤቄዳ ሃራ ኣሳቱዋ ቤዒዴ፥  
\v 4 ኡንቱንታ፥ ‹ሂንቴንቱካ ቃሲ ታ ዎዪኒያ ቱራ ጊዱዋ ኦናው ቢቴ፤ ታኒ ሂንቴንቶ ቤሲያ ጋቲያ ጪጋና› ያጌዳ፤ ሄዋፔ ጉዪያን ኡንቱንቱ ቤዲኖ።  
\v 5 ላዔዋካ ኡሱፑን ሳቲያኒኔ ኡዱፑ ሳቲያን ኬሲዴ፥ ሄዋዳን ኦዳ።  
\v 6 ታማኔ ኢቲ ሳቲያ ሄራን ኢ ኬሲያ ዎዴ፥ ሃራንቱ ሄዋን ኤቄዳዋንታ ዴሚዴ፥ ‹ኦሱዋ ኦናን ኩሜን ጋላሳ ሃዋን ኣያው ኤቂ ፔሼዲቴ?› ያጌዳ። 
\p  
\v 7 «ኡንቱንቱ፥ ‹ኑና ኦሲሲያ ኣሳይ ዬዳ ዲራው ኤቂ ፔሼዶ› ያጌዲኖ። 
\p «ኢ፥ ‹ሂንቱንቱካ ቃሲ ታ ዎዪኒያ ቱራ ጊዱዋ ኦናው ቢቴ› ያጌዳ። 
\p  
\v 8 «ሳዓይ ኦማርሲያ ዎዴ፥ ዎዪኒያ ቱራ ጎዳይ ኦያዋንቱ ካፑዋ፥ ‹ኦሳንቻቱዋ ፄሳዴ፥ ዉርሴን ኦሱዋን ጌሌዳዋንቱፔ ዶማዴ ኮይሮ ጌሌዳዋንታ ጋካናው፥ ኡንቱንቱ ኦሱዋ ዲርጉዋ ጪጋ› ያጌዳ። \x - \xo 20:8 \xt ዎግ 19፡13፤ ዛር 24፡15\x* 
\p  
\v 9 «ታማኔ ኢቲ ሳቲያ ሄራን ኦሱዋ ዶሜዳዋንቱ ዪዴ፥ ሁጲያን ሁጲያን ኦዴ ፔሼዳ ዎልቃ ጋቲያ ኣኬዲኖ።  
\v 10 ኮይሮ ኦሱዋ ዶሜዳ ኣሳይ ዬዳ ዎዴ፥ ዳሩዋ ኣካናው ቆፔዲኖ፤ ሺን ኡንቱንቱካ ሁጲያን ሁጲያን ባሬንቱ ኦሱዋ ዎልቃ ጋቲያ ኣኬዲኖ።  
\v 11-12 ሄዋፔ ጉዪያን፥ ‹ሃ ጉዬፔ ዬዳዋንቱ ኢቲ ሳቲያ ፃላላ ኦዲኖ፤ ኩሜን ጋላሳ ዳቡሪዴ ጫዎቴዳ ኑዋና ኡንቱንቱ ኦሱዋ ዲርጉዋ ቃራ ኦዳ› ያጊዴ ባሬንታ ኦሱዋን ጌሊሴዳዋ ቦላ ዙዙሜዲኖ። 
\p  
\v 13 «ሺን ኢ ኡንቱንቱፔ ኢቱዋ ሃዋዳን ያጌዳ፤ ‹ታ ላጌው፥ ታኒ ኔና ናቃቤይኪ፤ ኦዴ ፔሼዳ ዎልቃ ጋቲያ ታናና ጊጋቤይኪዬ?  
\v 14 ኔዋ ኣካዴ ባ፤ ታኒ ሃዒ ዉርሴን ኦሱዋን ጌሌዳዎካ ኔዋ ኬና ኢማናው ኮያይ።  
\v 15 ታኒ ታ ሚሻን ታ ኮዬዳዋዳን ኦናው ታው ማታይ ባዌ? ዎይ ታኒ ሎዓ ጊዴዳ ዲራው፥ ኔኒ ቃናታይ?› ያጌዳ። 
\p  
\v 16 «ሄዋዳንካ፥ ቃሲ ጉዬቴዳዋንቱ ሲንታናዋንታ፤ ሲንቴዳዋንቱ ቃይ ጉዬታናዋንታ፤ ኣያው ጎፔ፥ ፄሴቴዳዋንቱ ጮራ፤ ሺን ዶሬቴዳዋንቱ ጉ» ያጌዳ። 
\s1 ዬሱሲ ባሬ ሃይቁዋባ ሄዜንዋ ኦዴዳ 
\r (ማር 10፡32-34፤ ሉቅ 18፡31-34) 
\p  
\v 17 ዬሱሲ ዬሩሳላሜ ቢዴ፥ ኦጊያን ባሬናና ቢያ ታማኔ ላዑ ባሬና ካሊያዋንታ ጋፃ ኬሲዴ፥ ዱማ ኡንቱንቱሲ ያጌዳ።  
\v 18 «ቤዒቴ፥ ኑኒ ዬሩሳላሜ ሃዒ ኬሴቶ። ያኒ ታና፥ ኣሳ ናዓ ቄሳቱዋ ካፓቱዋሲኔ ሂጊያ ታማሪሲያዋንቱሲ ኣዴ ኢማናዋንታ፤ ኡንቱንቱ ታ ቦላ ሃይቁዋ ፒርዳ ፒርዳናዋንታ።  
\v 19 ቃሲ ኣዪሁዳ ጊዴና ኣሳሲካ ታና ኣዴ ኢማናዋንታ፤ ሄ ኣዪሁዳ ጊዴና ኣሳይ ታ ቦላ ቂሊጫናዋንታኔ ታና ሊሱዋን ሾጫናዋንታ፤ ያቲዴ ማስቃሊያ ቦላ ሚሲማሪያን ሺዴ፥ ታና ካቃናዋንታ፤ ታኒ ሄዜንያ ጋላሲ ሃይቁዋፔ ዴንዳና» ያጌዳ። 
\s1 ዛቢዲዮሳ ናና ዳዪ ዎሳ 
\r (ማር 10፡35-45) 
\p  
\v 20 ሄ ዎዴ ዛቢዲዮሳ ናና ዳያ ባሬ ናናና ዬሱሳኮ ያዱ፤ ኣ ሲንን ጉልባታዴ ኢቲባ ኣ ዎሳዱ። 
\p  
\v 21 ዬሱሲ ኢዞ፥ «ኣያ ኮያይ?» ያጊዴ ኦቼዳ። 
\p ኢዛ ዛራዴ፥ «ሃ ታ ላዑ ናናይ ኔ ካዉቴን ኢቱ ኔፔ ኡሼቻ ባጋና፥ ቃሲ ኢቱ ኔፔ ሃዲርሳ ባጋና ኡቲኖ ያጋሪኪ» ያጋዴ ዎሳዱ። 
\p  
\v 22 ሺን ዬሱሲ ዛሪዴ ናና፥ «ሂንቴንቱ ኣያ ዎሳናው ቤሲንቶ ኤሪኪታ። ታና ጋኪያ ዎሊቃማ ሜቱዋ ሜቶታኒቴ? ታኒ ፃማቄታና ፂንቃታ ፃማቄታናው ዳንዳዪቴ?» ያጌዳ። 
\p ኡንቱንቱ፥ «ኤ ዳንዳያና» ያጌዲኖ። 
\p  
\v 23 ዬሱሲ፥ «ታና ጋኪያ ዎሊቃማ ሜቱዋ ቱማካ ሂንቴንቱ ሜቶታኒታ፤ ሺን ታፔ ኡሼቻ ባጋናኔ ሃዲርሳ ባጋና ኡታናዋንታ ዶራናው ታው ማታይ ባዋ፤ ሺን ሄ ሳዓይ ታ ኣቡ ኢማናው ጊጊሲ ዎዳዋንቱሳ» ያጌዳ። 
\p  
\v 24 ዮኮ ታሙ ዬሱሳ ካሊያዋንቱ ሄዋ ሲሴዳ ዎዴ፥ ሄ ላዑ ኢሻቱዋሲ ሃንቄቴዲኖ።  
\v 25 ሺን ዬሱሲ ኡንቱንቱ ኡባቱዋካ ባሬኮ ፄሲዴ፥ ሃዋዳን ያጌዳ፤ «ኣሂዛቤ ኣሳቱዋ ካፓቱኔ ሃዋንታ ካሌያ ኣሳቱ ባሬንቱ ኣሳ ኣዪሲያዋ ኤሪታ።  
\v 26 ሂንቴንቱ ጊዱዋን ሄዋ ማላ ጊዴና፤ ሺን ሂንቴንቱ ጊዱዋን ቃቴ ኮዪያ ኦኒኔ ሂንቴንቶ ቆማ ጊዳናው ቤሴ።  
\v 27 ቃሲ ሂንቴንቱ ጊዱዋን ኡባፔ ቦላ ጊዳናው ኮዪያዌ ኦኒኔ ሂንቴንቶ ኣይሌ ጊዳናው ቤሴ።  
\v 28 ሄዋዳን ታኒ፥ ኣሳ ናዓይ፥ ኣሳው ኦናዉኔ ዳሮ ኣሳ ዎዛናው ታ ሼምፑዋ ኢማናው ዬዳዋፔ ኣቲን፥ ኣሳይ ታው ኦና ማላ ያቤይኬ» ያጌዳ። 
\s1 ዬሱሲ ላዑ ቆቃቱዋ ፓዳ 
\r (ማር 10፡46-52፤ ሉቅ 18፡35-43) 
\p  
\v 29 ዬሱሲኔ ኣ ካሊያዋንቱ ኢያርኮፔ ኬሲሺን፥ ዳሮ ኣሳይ ኡንቱንታ ካሌዳ።  
\v 30 ላዑ ቆቃ ኣሳቱ ኦጊያ ዶናን ኡቴዳዋንቱ ዬሱሲ ሄዋና ኣያዋ ሲሲዴ፥ ባሬንቱ ኮሻ ቁ ኦዴ፥ «ጎዳው፥ ዳዊታ ናዓው፥ ኑሲ ቃሬታሪኪ» ያጌዲኖ። 
\p  
\v 31 ዳሮ ኣሳይ ኡንቱንታ፥ «ሃይዚቴ» ጊዴ ሃንቄቴዳ፤ ሺን ኡንቱንቱ ባሬንቱ ኮሻ ዳሪ ቁ ኦዴ፥ «ጎዳው፥ ዳዊታ ናዓው፥ ኑና ማራሪኪ!» ያጌዲኖ። 
\p  
\v 32 ዬሱሲ ኦጊያን ኤቂዴ፥ ኡንቱንታ ፄሲዴ፥ «ታኒ ሂንቴንቶ ኣያ ኦና ማላ ኮዪቴ?» ያጌዳ። 
\p  
\v 33 ቆቃቱ፥ «ጎዳው፥ ኑ ኣይፊያ ፓሪኪ» ያጌዲኖ። 
\p  
\v 34 ዬሱሲ ኡንቱንቶ ቃሬቲዴ፥ ኡንቱንቱ ኣይፊያ ቦቼዳ፤ ኤሌካ ኡንቱንቱ ኣይፊ ፄሊ ኣጊና፥ ኣ ካሊ ኣጌዲኖ። 
\c 21  
\s1 ዬሱሲ ዎልቃማ ቦንቹዋን ዬሩሳላሜ ጌሌዳ 
\r (ማር 11፡1-11፤ ሉቅ 19፡28-40፤ ዮህ 12፡12-19) 
\p  
\v 1 ኡንቱንቱ ዬሩሳላሜ ማቲዴ፥ ዴብሬ ዛይቴ ጌቴቲያ ዴሪያ ላንቂያን ዴዒያ ቤቴፋጌ ጌቴቲያ ቄሪ ካታማ ጋኬዲኖ፤ ዬሱሲ ባሬና ካሊያዋንቱፔ ላዑዋ ሲንው ኪቲዴ፥  
\v 2 ኡንቱንታ ሃዋዳን ያጌዳ፤ «ሂንቴንቱፔ ሲንን ዴዒያ ቄሪ ካታማ ቢቴ፤ ሄዋን ኢቲ ሃራታ ቃሹዋን ዴዔዉኖ ኢዚ ማራና ሂንቴንቱ ቢ ሲሞ ሳንካ ዴማኒታ፤ ኡንቱንታ ቢሊዴ፥ ታው ኣኪ ዪቴ።  
\v 3 ኦኒኔ ሂንቴንታ ኦቾፔ፥ ‹ጎዳይ ሃዋንታ ኮዬ› ያጊቴ፤ ኤሌካ ኢ ኡንቱንታ ዬዲ ኣጋናዋ።» \f + \fr 21:3 \fq ጎዳይ፡ \ft ሃራቱዋ ጎዳ ጉሳ።\f* 
\v 4-5 ቲምቢቲያ ኦዲያ ናቢ፥ 
\q1 «ፂዮኔ ካታማ ኣሳው፥ 
\q2 ‹ቤዓ፥ ኔ ካቲ ኣሺኬ ጊዲዴ፥ 
\q2 ሃሪያ ቦላ፥ ሃሬ ማራ ቦላ ኡቲዴ፥ 
\q1 ኔኮ ዬ› ያጊቴ» 
\m ያጊዴ ሃሳዬዳዌ ፖሌታና ማላ፥ ሃዌ ሃኔዳ። \x - \xo 21:4-5 \xt ዛክ 9፡9\x* 
\p  
\v 6 ኣ ካሊያዋንቱ ቢዴ፥ ዬሱሲ ባሬንታ ኣዛዞዋዳን ኦዲኖ።  
\v 7 ሃራቶኔ ሃሬ ማራ ኣሂዴ፥ ባሬንቱ ማዩዋ ኡንቱንቱ ዞኪያን ዎዲኖ፤ ሄዋፔ ሲሚና ዬሱሲ ቶጌዳ።  
\v 8 ሄ ጮራ ኣሳፔ ዳሪያ ባጋይ ባሬ ማዩዋ ኦጊያን ሂፄዳ፤ ቃሲ ሃራንቱ ሚ ሃይ ካር ካሪዴ፥ ኦጊያን ዬጌዲኖ።  
\v 9 ዬሱሳፔ ሲንና ሃሜቲያ ጮራ ኣሳይኔ ቃሲ ኣ ጌዱዋ ካሊያ ጮራ ኣሳይ፥ ባሬንቱ ኮሻ ቁ ኦዴ፥ 
\q1 «ዳዊታ ናዓይ ጋላቴቶ! 
\q2 ጎዳ ሱንን ዪያዌ ኣንጄቴዳዋ! 
\q1 ፆሳይ ጋላቴቶ!» 
\m ያጌዳ። \x - \xo 21:9 \xt ማዝ 118፡25፣ 26\x* 
\p  
\v 10 ዬሱሲ ዬሩሳላሜ ካታማ ጌሌዳ ዎዴ፥ ካታማን ዴዒያ ኣሳይ ኡባይ፥ «ሃዌ ኦኔ?» ያጊዴ ሻቢሬቴዲኖ። 
\p  
\v 11 ኣሳይ፥ «ሃዌ ጋሊላን ዴዒያ ናዚሬቴ ጌቴቲያ ካታማፔ ዬዳ ናቢያ ዬሱሳ» ያጌዳ። 
\s1 ዬሱሲ ጌሻ ጎሊያ ጌሌዳ 
\r (ማር 11፡15-19፤ ሉቅ 19፡45-48፤ ዮህ 2፡13-22) 
\p  
\v 12 ዬሱሲ ጌሻ ጎሊያ ጌሊዴ፥ ሄዋን ዛሊዒያዋንታኔ ሻሚያዋንታ ኡባ ካሬ ዬዴርሴዳ፤ ቃሲ ሚሻ ላሚያዋንቱ ፃራጴዛኔ ዶጎሙዋ ዛሊዒያዋንቱ ኦይዲያ ጉጲ ዬጊዴ፥  
\v 13 ኡንቱንታ፥ «ፆሳ ማፃፋን፥ ‹ታ ጎሊ ፆሳ ዎሲያ ጎሊያ ጌቴታና› ያጌቲዴ ፃፌቲ ኡቴዳ፤ ሺን ሂንቴንቱ ኣ ቦንቂያዋንቱ ቆሴቲያ ጎንጎሉዋ ኬሴዲታ» ያጌዳ። \x - \xo 21:13 \xt ኢሳ 56፡7፤ ኤርም 7፡11\x* 
\p  
\v 14 ቆቃቱኔ ጌዲ ሲሌዳዋንቱ ዬሱሳኮ ጌሻ ጎሊያ ዪና፥ ኢ ኡንቱንታ ፓዳ።  
\v 15 ሺን ቄሳቱዋ ካፓቱኔ ሂጊያ ታማሪሲያዋንቱ ዬሱሲ ኦያ ኦራባ ቤዔዳ ዎዴኔ፥ ጉ ናናይ ጌሻ ጎሊያን ባሬንቱ ኮሻ ቁ ኦዴ፥ «ዳዊታ ናዓይ ጋላቴቶ» ያጊያዋ ቤዔዳ ዎዴ ሃንቄቴዲኖ። 
\p  
\v 16 ያቲዴ ዬሱሳ፥ «ሃዋንቱ ጊያዋ ሲሳይ?» ያጌዲኖ። \x - \xo 21:16 \xt ማዝ 8፡2\x* 
\p ዬሱሲ፥ «ኤ ሲሳይ፤ ፆሳ ማፃፋይ፥ ‹ጉ ናናይኔ ሚያ ናናይ ኔና ጋላታና ማላ፥ ኡንቱንታ ኤሪሳዳ› ያጊያዋ ኡባካ ናባቢቤይኪቴ?» ያጌዳ።  
\v 17 ዬሱሲ ኡንቱንታ ኣጊዴ፥ ሄ ካታማፔ ቢታኒያ ጌቴቲያ ካታማ ቢዴ፥ ያኒ ኣቄዳ። 
\s1 ኣይፊ ዬዳ ባላሲያ ሚቶ 
\r (ማር 11፡12-14፣ 20-24) 
\p  
\v 18 ዬሱሲ ዎንታ ጉራና ካታማ ቤዳ ዲራው ኮሻቴዳ።  
\v 19 ኦጊያ ዶናን ኢቲ ባላሲያ ጌቴቲያ ሚቶ ቤዒዴ፥ ኢኮ ቤዳ፤ ቢ ጋኪያ ዎዴ ሄ ሚቲን ሃይ ፃላላፔ ኣቲን፥ ኣይፊያ ኣይኔ ዴሚቤና፤ ኢዞ፥ «ላዔዋ ሜናዉካ ኣይፎፓ» ያጊና፥ ሄ ባላሳታ ማንዒያን ሜላ ኣጋዱ። 
\p  
\v 20 ኣ ካሊያዋንቱ ሄዋ ቤዒዴ ማላሌቲዴ፥ «ሃ ባላሳታ ዋናዴ ኢቲ ኩን ሜላ ኣጋዴ?» ያጌዲኖ። 
\p  
\v 21 ዬሱሲ ዛሪዴ፥ «ታኒ ሂንቴንቶ ቱሙዋ ጋይ፤ ሂንቴንቱ ኣማኑ ዴዒያዋንታኔ ሲናዋንታ ጊዶፔ፥ ሃ ባላሳቶ ታኒ ኦዳዋ ማላ ፃላላ ኦኪታ፤ ሺን ሃራይ ኣቶ ሂንቴንቱ ሃ ዴሪያ፥ ‹ዴንዳዴ ኣባን ኩንዳ› ጊንቶካ ሃናና፤  
\v 22 ሂንቴንቱ ኣማኒዴ ፆሳ ዎሲያዋ ኣያ ጊዲንቶካ ኣካና» ያጌዳ። 
\s1 ዬሱሳ ማታይ ዬዳሳ 
\r (ማር 11፡27-33፤ ሉቅ 20፡1-8) 
\p  
\v 23 ዬሱሲ ጌሻ ጎሊያ ዪዴ ታማሪሲሺን፥ ቄሳቱዋ ካፓቱኔ ኣዪሁዳ ጪማቱ ኣኮ ዪዴ፥ «ኔኒ ሃዋ ኦናው ኔው ኣይ ማታይ ዴዒ? ኔው ሃ ማታ ኦኔ ኢሜዳዌ?» ያጌዲኖ። 
\p  
\v 24 ዬሱሲ ዛሪዴ ኡንቱንታ፥ «ታኒካ ሂንቴንታ ኢቲባ ኦቻና፤ ሂንቴንቱ ታው ሄዋ ኦዶፔ፥ ታኒ ሃዋ ኣይ ማታኒ ኦይታንቶ፥ ሂንቴንቶ ኦዳና፤  
\v 25 ዮሃኒሲ ፃማቂያ ማታይ ሃቃፔ ዬዴ? ፆሳፔ ዬዴዬ ኣሳፔ ዬዴ?» ያጌዳ። 
\p ኡንቱንቱ ባሬንቱ ጊዱዋን ፓሉማ ዶሚዴ፥ «ኑኒ፥ ‹ፆሳፔ ዬዳ› ያጎፔ ኢ ኑና፥ ‹ያቶፔ፥ ዮሃኒሲ ኦዴዳዋ ኣያው ኣማኒቤይኪቴ?› ያጋናዋ።  
\v 26 ሺን ኑኒ፥ ‹ኣሳፔ ዬዳ› ያጎፔ፥ ኣሳይ ኡባይ ዮሃኒሲ ናቢያ ጊዴዳዋ ኤሪያ ዲራው፥ ኣሳው ያዬቶ» ያጌዲኖ።  
\v 27 ኡንቱንቱ ዬሱሳው፥ «ኑኒ ኤሮኮ» ያጊዴ ዛሬዲኖ። 
\p ዬሱሲ፥ «ታኒካ ሃዋ ኣይ ማታኒ ኦይታንቶ፥ ሂንቴንቶ ኦዲኬ» ያጌዳ። 
\s1 ላዑ ናና ሌሚሱዋ 
\p  
\v 28 «ሺን ሂንቴንቱ ኣያ ቆፒቴ? ላዑ ናናይ ዴዒያ ኢቲ ቢታኒ ዴዔ፤ ሄ ቢታኒ ባይራ ናዓኮ ቢዴ፥ ‹ታ ናዓው፥ ሃቼ ባዴ ታ ዎዪኒያ ቱራ ኦ› ያጌዳ።  
\v 29 ናዓይ ዛሪዴ፥ ‹ቢኬ› ጌዳ፤ ሺን ጉዬፔ ባሬ ዎዛናን ቆፒ ኣኪዴ፥ ዎዪኒያ ቱራ ኦናው ቤዳ።  
\v 30 ኣዉ ዮኮ ናዓኮ ቢዴ፥ ባይራው ጌዳዋዳንካ ኣው ጌዳ፤ ቴፋ ናዓይ ዛሪዴ፥ ‹ሎዓ ታ ጎዳው› ያጌዳ፤ ሺን ቢቤና።  
\v 31 ሃ ላዑ ናናፔ ባሬ ኣዉ ኮዬዳዋ ኦዳዌ ሃቃዌ?» ያጌዳ። 
\p ኡንቱንቱ፥ «ባይራ» ያጌዲኖ። 
\p ዬሱሲ ኡንቱንታ ሃዋዳን ያጌዳ፤ «ታኒ ሂንቴንቶ ቱሙዋ ጋይ፤ ቃራፃ ኣኪያዋንቱኔ ዎሹሚያዋንቱ ሂንቴፔ ሲንቲዴ፥ ፆሳ ካዉቴ ጌላና።  
\v 32 ኣዪሲ ጎፔ፥ ፃማቂያ ዮሃኒሲ ፂሎቴ ኦጊያ ታማሪሲዴ፥ ሂንቴኮ ዪና፥ ኢ ጊያዋ ኣማኒቤይኪታ። ሺን ቃራፃ ኣኪያዋንቱኔ ዎሹሚያዋንቱ ኢ ጊያዋ ኣማኔዲኖ፤ ሂንቴንቱ ሃራይ ኣቶ ሄዋ ቤዒዲካ፥ ሂንቴንቱ ናጋራፔ ሲሚዴ፥ ኢ ጊዪያዋ ኣማኒቤይኪታ» ያጌዳ። 
\s1 ዎዪኒያ ቱራ ጊዶን ኦያ ጎሻንቻቱዋ ሌሚሱዋ 
\r (ማር 12፡1-12፤ ሉቅ 20፡9-19) 
\p  
\v 33 ቃሲካ ዬሱሲ ሃዋዳን ያጌዳ፤ «ሃራ ሌሚሱዋካ ሲሲቴ፤ ዎዪኒያ ጌቴቲያ ቱራ ቶኬዳ ኢቲ ቢታኒ ዴዔ፤ ዎዪኒያ ቱራ ዩሺ ኣዴ ዲሬዳ፤ ቃሲ ሄ ዎዪኒያ ጉሚዒያ ኦላካ ቦኬዳ፤ ሄዋ ናጊያ ኣሳው ኣዱሳ ሹቻ ጊምቤዳ። ሄዋፔ ጉዪያን፥ ኮ ኦያ ኣሳው ኢሚዴ፥ ሃራ ጋዴ ቤዳ። \x - \xo 21:33 \xt ኢሳ 5፡1-2\x* 
\v 34 ዎዪኒያ ኣይፊያ ማፂያ ዎዲ ጋኪና፥ ባሬና ጋኪያዋ ኣኪዴ ያና ማላ፥ ባሬ ቆማቱዋ ባሬ ኮዋቱዋኮ ኪቴዳ።  
\v 35 ኮዋቱ ኣ ቆማቱዋ ኦይቂዴ፥ ኢቱዋ ዎዲኖ፤ ቃሲ ዮኩዋ ሹቻን ጳልቄዲኖ።  
\v 36 ቃሲካ ሄ ቢታኒ ካሴዋንቱፔ ዳሪያ ሃራ ቆማቱዋ ኪቴዳ፤ ኮዋቱ ሄ ቆማቱዋካ ካሴዋንቱዋዳን ኦዲኖ። 
\p  
\v 37 «ሺን ዉርሴን ኢ፥ ‹ታ ናዓ ኡንቱንቱ ቦንቻናዋንታ› ያጊዴ ባሬ ናዓ ኡንቱንቱኮ ኪቴዳ። 
\p  
\v 38 «ሺን ኮዋቱ ናዓ ቤዒዴ፥ ባሬንቱ ጊዱዋን፥ ‹ጋዲያ ላታናዌ ሃዋ፤ ቢዴ ኣ ዎዴ፥ ጋዲያ ኑኒ ላታና› ያጌዲኖ።  
\v 39 ናዓ ኦይቂዴ፥ ዎዪኒያ ቱራ ጊዶፔ ጋፃ ኬሲዴ ዎዲኖ። 
\p  
\v 40 «ሲሚ ዎዪኒያ ቱራ ጎዳይ ዪያ ዎዴ፥ ሄ ኮዋቱዋ ዎታኔ?» ያጊዴ ኦቼዳ። 
\p  
\v 41 ኡንቱንቱ፥ «ኢ ሄ ኢታ ኣሳቱዋ ዎ ዉርሲዴ፥ ዎዪኒያ ቱራይ ኣይፊያ ዎዴ ባሬና ጋኪያዋ ዎዲያን ሼያ ሃራ ኮዋቱዋሲ ኢማና» ያጌዲኖ። 
\p  
\v 42 ዬሱሲ ኡንቱንታ ሃዋዳን ያጌዳ፤ 
\q1 « ‹ጊምቢያዋንቱ ካዴ ኢፄዳ ሹቻይ 
\q2 ጎዳ ፃጱዋ ሚኒሲያ፥ ኡባፔ ኣያ ሹቻ ጊዴዳ። 
\q1 ሃዌ ጎዳይ ኦዳዋ፤ 
\q2 ቃሲ ኑ ፄላዉካ ማላሊሲያዋ› 
\m ያጊያዋ ፆሳ ማፃፋፔ ኡባካ ናባቢቤይኪቴ? \x - \xo 21:42 \xt ማዝ 118፡22-23\x* 
\p  
\v 43 «ሄዋ ዲራው፥ ታኒ ሂንቴንቶ ኦዳይ፤ ፆሳ ካዉቴይ ሂንቴፔ ኣኬቲዴ፥ ሎዖ ኣይፊያ ኢሚያ ኣሳው ኢሜታናዋ።  
\v 44 ሄ ሹቻ ቦላ ኩንዲያ ኡባይ ሜዔሬታና፤ ቃሲ ሄ ሹቻይ ኣሳ ቦላ ኩንዶፔ፥ ሄ ኩንዴዳ ኡራ ሊቂሳና» ያጌዳ። 
\p  
\v 45 ቄሳቱዋ ካፓቱኔ ፓሪሳዋቱ ዬሱሲ ኦዴዳ ሌሚሱዋ ሲሴዳ ዎዴ፥ ባሬንቱዋ ሃሳዪያዋ ኤሬዲኖ።  
\v 46 ኡንቱንቱ ዬሱሳ ኦይቃናው ኮዬዲኖ፤ ሺን ዬሱሳ ዳሮ ኣሳይ ናቢያ ጊዴ ቆፒ ኡቴዳ ዲራው፥ ሄ ኣሳው ያዬዲኖ። 
\c 22  
\s1 ኣካኔ ጌሉዋ ኦዱዋ ሌሚሱዋ 
\r (ሉቅ 14፡15-24) 
\p  
\v 1 ዬሱሲ ኣሳው ላዔዋ ሌሚሱዋን ሃዋዳን ያጊዴ ሃሳዬዳ፤  
\v 2 «ሳሉዋ ካዉቴይ ባሬ ናዓው ማቺያ ኢማናው ኡባባ ማኬዳ ካቲያ ማላ።  
\v 3 ሄ ካቲ ቡላቻው ኦዲ ዎዳ ኣሳቱዋ ፄሳናው ባሬ ቆማቱዋ ኪቴዳ፤ ሺን ኣሳቱ ያናው ኮዪቤይኪኖ። 
\p  
\v 4 «ቃሲ ሃራ ቆማቱዋ፥ ‹ፄሴቴዳዋንታ፥ «ታኒ ቁማ ጊጊሳዲ፤ ታ ሳንጋቱኔ ታ ሞ ሚያቱ ሹኬቴዲኖ፤ ኡባባይካ ማኬቴዳ። ቡላቻ ሃ ዪቴ» ያጊቴ› ያጊዴ ኪቴዳ።  
\v 5 ሺን ፄሴቴዳዋንቱ ኮዬናን ኢፂዴ፥ ባሬንቱ ኦሶ ቤዲኖ፤ ኢቱ ባሬ ጎሻው ቢና፥ ዮኩ ባሬ ዛሊዔው ቤዳ።  
\v 6 ኣቴዳዋንቱ ቃሲ ካቲያ ቆማቱዋ ኦይቂ ዋዴ ዎዲኖ። 
\p  
\v 7 «ካቲ ዳሮ ሃንቄቴዳ፤ ቃሲ ባሬ ዎታዳራቱዋ ዬዲዴ፥ ሄ ሼምፑዋ ዎዳዋንታ ዎሲዴ፥ ኡንቱንቱ ካታማ ጉዲሴዳ።  
\v 8 ሄዋፔ ጉዪያን፥ ባሬ ቆማቱዋ፥ ‹ቡላቻይ ማኬቴዳ፤ ሺን ፄሴቴዳዋንቱ ቡላቻው ቤሲያ ኣሳ ጊዲኪኖ።  
\v 9 ሄዋ ዲራው፥ ዎጋ ቃ ቢዴ፥ ሂንቴንቱ ዴሜዳ ኣሳ ኡባ ቡላቻው ፄሲቴ› ያጌዳ።  
\v 10 ሄ ቆማቱ ቃ ቢዴ፥ ባሬንቱ ዴሜዳ ኣሳ ኡባ ሎዑዋ ኢታ ሺሺዴ፥ ቡላቻ ዳሲያ ኩንዲኖ። 
\p  
\v 11 «ሺን ካቲ ቁማ ማናው ኡቴዳ ኣሳ ቤዓናው ጌሌዳ ዎዴ፥ ቡላቻ ማዩዋ ማዪቤና ኢቲ ቢታኒያ ሄዋን ቤዒዴ፥  
\v 12 ‹ታ ላጌው፥ ቡላቻ ማዩዋ ማዬናን ዋናዴ ሃዋ ጌላዲ?› ያጊና ቢታኒ ጮዑ ጌዳ። 
\p  
\v 13 «ሄዋፔ ጉዪያን፥ ካቲ ባሬ ቆማቱዋ፥ ‹ሃ ቢታኒያ ኩሺያኔ ጌዲያ ቃቺዴ፥ ካሬ ማ ኬሲ ኦሊቴ፤ ኢ ሄዋን ዬካናኔ ኣቻ ቃና› ያጌዳ። 
\p  
\v 14 «ኣዪሲ ጎፔ፥ ፄሴቴዳዋንቱ ዳራ፤ ሺን ዶሬቴዳዋንቱ ጉ» ያጌዳ። 
\s1 ጊራ ዎቲ ጊራኔንቶ ኦቼዳ ኦሻ 
\r (ማር 12፡13-17፤ ሉቅ 20፡20-26) 
\p  
\v 15 ሄዋፔ ጉዪያን፥ ፓሪሳዋቱ ቢዴ፥ ኣ ሃሳያፔ ባላ ዴሚዴ፥ ኣ ኦይቃና ማላ ማቄቴዲኖ።  
\v 16 ቃሲ ባሬንታ ካሊያዋንቱፔኔ ሄሮዲሳ ባጋቱዋፔ ኣማሬዳዋንታ ኣኮ ኪቴዲኖ። ኡንቱንቱ፥ «ታማሪሲያዎ፥ ኔኒ ቱሙዋ ሃሳዪያዋኔ ፆሳ ኦጊያ ቱማቴን ታማሪሲያዋ ኑኒ ኤሬቶ፤ ኣያው ጎፔ፥ ኔኒ ኣሳፔ ኣሳ ሻካካኔ ዱማያካ።  
\v 17 ኔ ቆፋይ ኣዬንቶ ኑሲ ኦዳ፤ ኑኒ ሮሜ ጋዲያ ካቲያ ቄሳሬው ጊራ ጊሪያዌ ዎጌዬ ዎጋ ጊዴኔ?» ያጌዲኖ። 
\p  
\v 18 ሺን ዬሱሲ ኡንቱንቱ ኢታ ቆፋ ኤሪዴ፥ «ሃ ሎዓ ማላቲያ ኢታ ኣሳቶ፥ ኣያው ታና ፓጪቴ?  
\v 19 ጊራ ጊሪያ ሚሻ ታና ቤሲቴ» ያጌዳ። ሄዋፔ ጉዬ ኡንቱንቱ ቢራ ሳንቲሚያ ኣው ኣሄዲኖ።  
\v 20 ኢ፥ «ሃ ማላይኔ ሱንይ ኦዌ?» ያጌዳ። 
\p  
\v 21 ሄዋፔ ሲሚዴ ኡንቱንታ ኦቺና፥ ኡንቱንቱ፥ «ሮሜ ጋዲያ ካቲያ ቄሳሬዋ» ያጌዲኖ። 
\p ሄዋፔ ጉዪያን፥ ዬሱሲ ኡንቱንታ፥ «ያቶፔ፥ ቄሳሬዋ ቄሳሬሲ፥ ፆሳዋ ፆሳሲ ኢሚቴ» ያጌዳ።  
\v 22 ኡንቱንቱ ሄዋ ሲሴዳ ዎዴ፥ ማላሌቲዴ ኣ ኣጊዴ ቤዲኖ። 
\s1 ሃይቄዳዋንቱ ዴንዱዋባ 
\r (ማር 12፡18-27፤ ሉቅ 20፡27-40) 
\p  
\v 23 ሃይቄዳ ኣሳይ ዴንዴና ጊያ ሳዱቃዋናቱዋፔ ኢቲ ኢቲ ኣሳቱ ሄ ጋላሲ ዬሱሳኮ ዪዴ፥ ሃዋዳን ያጊዴ፥ ኣ ኦቼዲኖ፤  
\v 24 «ታማሪሲያዎ፥ ሙሴ፥ ‹ኢቲ ኣሳይ ናዓ ዬሌናን ሃይቆፔ፥ ሄ ሃይቄዳዋ ኢሻይ ኣ ማቻቶ ላቲዴ፥ ባሬ ኢሻው ናዓ ዬላናው ቤሴ› ያጌዳ። \x - \xo 22:24 \xt ዛር 25፡5\x* 
\v 25 ኑናና ላፑ ኢሻቱ ዴዒኖ፤ ባይራይ ማቻቶ ኣኪዴ፥ ናዓ ዬሌናን ሃይቄዳ፤ ሄዋፔ ጉዪያን ኣ ማቻቶ ኣ ኢሻይ ኣኬዳ።  
\v 26 ቃሲ ላዔያዌካ ሃይቄዳ፤ ሄዜያዌካ፥ ላፑን ጋካናዉካ ሄዋዳን ሃኔዲኖ።  
\v 27 ኡባፔ ጉዪያን፥ ሄ ሚሺራታ ሃይቃዱ።  
\v 28 ያቲና፥ ሃይቄዳ ኣሳይ ሃይቁዋፔ ዴንዲያ ጋላሲ ሄ ሚሺራታ ላፑናቱዋፔ ሃቃዎ ማቼ ጊዳኔ? ኣዪሲ ጎፔ፥ ላፑናቱ ኡባይካ ኢዞ ኣኬዲኖ» ያጌዲኖ። 
\p  
\v 29 ዬሱሲ ዛሪዴ፥ ሃዋዳን ያጌዳ፤ «ፆሳ ማፃፋቱዋ ዎይ ኣ ዎልቃ ሂንቴንቱ ኤሬና ዲራው ባሊታ።  
\v 30 ኣዪሲ ጎፔ፥ ሃይቄዳ ኣሳይ ሃይቁዋፔ ዴንዲያ ጋላሲ፥ ሳሉዋን ዴዒያ ኪታንቻቱዋ ማላ ጊዳናፔ ኣቲን፥ ኣቱማ ኣሳይኔ ኣኬና፤ ማጫ ኣሳይኔ ጌሌና።  
\v 31-32 ሺን ሃይቄዳዋንቱ ዴንዱዋባ ጊዶፔ፥ ፆሳይ፥ ‹ታኒ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ያጊዴ ሂንቴው ኦዴዳዋ ኡባካ ናባቢቤይኪቴ? ፆሳይ ፓፃ ዴዒያዋንቱ ፆሳ ጊዲያዋፔ ኣቲን፥ ሃይቄዳዋንቱ ፆሳ ጊዴና» ያጌዳ። \x - \xo 22:31-32 \xt ኬስ 3፡6\x* 
\p  
\v 33 ዳሮ ኣሳይ ሄዋ ሲሲዴ፥ ኣ ቲሚርቲያን ማላሌቴዲኖ። 
\s1 ኡባፔ ኣያ ኣዛዙዋ 
\r (ማር 12፡28-34፤ ሉቅ 10፡25-28) 
\p  
\v 34 ሺን ዬሱሲ ሳዱቃዋናቱዋ ጮዑ ኦዳዋ ፓሪሳዋቱ ሲሴዳ ዎዴ፥ ኢቲሳ ሺቄዲኖ።  
\v 35 ኡንቱንቱ ጊዶፔ ሂጊያ ታማሪሲያ ኢቱ፥ ዬሱሳ ፓጫናው ኢቲባ ኦቼዳ።  
\v 36 «ታማሪሲያዎ፥ ሂጊያ ጊዱዋን ኡባፔ ኣያ ኣዛዙ ሃቃዌ?» ያጊዴ ኣ ኦቼዳ። 
\p  
\v 37 ዬሱሲ ዛሪዴ፥ ሃዋዳን ያጌዳ፤ « ‹ኔኒ ጎዳ ኔ ፆሳ ኔ ኩሜን ዎዛናፔ፥ ኔ ኩሜን ሼምፑዋፔ፥ ኔ ኩሜን ቆፋፔ ሲቃ› ያጌዳ። \x - \xo 22:37 \xt ዛር 6፡5\x* 
\v 38 ሄዌ ኡባፔ ዳሪያ ኣዛዙዋኔ ቃሲ ኡባፔ ኣያ ኣዛዙዋ።  
\v 39 ቃሲ ላዔያ ኣዛዙካ ኣ ማላ፤ ሄዌ፥ ‹ኔኒ ኔ ሾሩዋ ኔ ሁጲያዳን ሲቃ› ጊያዋ። \x - \xo 22:39 \xt ዎግ 19፡18\x* 
\v 40 ሙሴ ሂጊያ ኡባይኔ ናባቱዋ ቲሚርቲ ሃ ላዑ ኣዛዛቱዋን ቃሼቴ» ያጌዳ። 
\s1 ኪሪስቶሳባ ኦቼዳ ኦሻ 
\r (ማር 12፡35-37፤ ሉቅ 20፡41-44) 
\p  
\v 41-42 ፓሪሳዋቱ ኢቲሳ ሺቄዳሳን ዬሱሲ ኡንቱንታ፥ «ኪሪስቶሳባ ዋጊዴ ቆፒቴ? ኢ ኦ ናዔ?» ያጊዴ ኦቼዳ። 
\p ኡንቱንቱ፥ «ኪሪስቶሲ ዳዊታ ናዓ» ያጌዲኖ። 
\p  
\v 43 ዬሱሲ ኡንቱንታ፥ «ያቲና፥ ዳዊቴ ባሬና ጌሻ ኣያናይ ሃሳዪሲና ኪሪስቶሳ ዋጊዴ፥ ‹ጎዳ› ጊዴ ፄሲ? ቃሲካ ዳዊቴ፥ 
\q1  
\v 44 ‹ጎዳይ ታ ጎዳ፥ 
\q2 «ታኒ ኔ ሞርኬቱዋ ኔኒ ዬ ኤቂያዋ ኦና ጋካናው፥ 
\q2 ሃዋን ታፔ ኡሼቻ ባጋና ኡታዴ ታናና ኢቲፔ ዳናታ» ጌዳ› 
\m ያጌዳ። \x - \xo 22:44 \xt ማዝ 110፡1\x* 
\v 45 ዳዊቴ ኪሪስቶሳ፥ ‹ጎዳ› ጊዴ ፄሶፔ፥ ያቲና፥ ኪሪስቶሲ ዋኒዴ ዳዊታ ናዓ ጊዲ?» ያጌዳ። 
\p  
\v 46 ዬሱሳው ኢቲ ቃላ ዛራናው ዳንዳዬዳ ኢቲ ኣሳይኔ ባዋ፤ ቃሲ ሄ ጋላሳፔ ዶሚና፥ ሃራ ኦሻ ኣ ኦቻናው ፃሌዳዌ ኦኒኔ ባዋ። 
\c 23  
\s1 ሙሴ ሂጊያ ታማሪሲያዋንቱኔ ፓሪሳዋቱዋ ኢታቴ 
\r (ማር 12፡38-39፤ ሉቅ 11፡43-46፤ 20፡45-46) 
\p  
\v 1 ሄዋፔ ጉዪያን፥ ዬሱሲ ሺቄዳ ኣሳዉኔ ባሬና ካሊያዋንቶ ሃዋዳን ያጊዴ ሃሳዬዳ፤  
\v 2 «ሂጊያ ታማሪሲያዋንቱኔ ፓሪሳዋቱ ሙሴ ሂጊያ ታማሪሲያ ማታና ዴዒኖ።  
\v 3 ሄዋ ዲራው፥ ሂንቴንቱ ኦና ማላ፥ ኡንቱንቱ ሂንቴንታ ኣዛዚያ ኡባባ ኦቴኔ ቃሲ ናጊቴ፤ ሺን ኡንቱንቱ ኦያዋዳን ኦፒቴ፤ ኣያው ጎፔ፥ ኡንቱንቱ ባሬንቱ ኦዲያዋ ኦኪኖ።  
\v 4 ቶካናው ዴፂያ ቶኩዋ ኡንቱንቱ ቃቺዴ፥ ኣሳ ቶሲኖ፤ ሺን ባሬንቱ ሁጲያን ሃራይ ኣቶ፥ ሄ ቶኩዋ ቢራያን ቦቻናዉካ ኮዪኪኖ። 
\p  
\v 5 «ሺን ኡንቱንቱ ባሬንቱ ኦሱዋ ኡባ ኣሳይ ቤዓናዳን ኦኖ፤ ኣያው ጎፔ፥ ባሬንቱ ሶምዒያኒኔ ባሬንቱ ኩሺያ ቄሲያን ቃቺያ ፂቂሲያና ዴዒያ ኪታፋ ኣሲኖኔ ባሬንቱ ማዩዋ ማጫራካ ኣዱሲኖ። \x - \xo 23:5 \xt ማት 6፡1፤ ፓይ 15፡37-41፤ ዛር 6፡8\x* 
\v 6 ኣሳይ ባሬንታ ሾቢዴ ኣፎሳን ቦንቾ ኡቱዋ ዶሲኖ፤ ቃሲ ኣዪሁዳ ዎሳ ጎሌቱዋኒካ ዳሮ ሎዒያ ኦይዲያ ዶሲኖ።  
\v 7 ኣሳይ ጌዋን ባሬንታ ቦንቺዴ ሳሮታና ማላኔ ‹ታማሪሲያዎ› ጊዴ ባሬንታ ፄሳናዳን ኮዪኖ። 
\p  
\v 8 «ሺን ሂንቴንታ ታማሪሲያዌ ኢቱዋ ፃላላ ጊዴዳ ዲራዉኔ ሂንቴንቱ ኡባይ ኢሻቱዋ ጊዴዳ ዲራው፥ ኢቱ ኢቱዋ፥ ‹ታማሪሲያዎ› ጊዴ ፄሶፒቴ።  
\v 9 ሃ ሳዓን ኦናኔ ‹ኣዉዋ› ጊዴ ፄሶፒቴ፤ ኣያው ጎፔ፥ ሂንቴንቶ ሳሉዋን ዴዒያ ኢቲ ኣዉ ዴዔ።  
\v 10 ኢቱ ኢቱዋ፥ ‹ታማሪሲያዎ› ጊዴካ ፄሶፒቴ፤ ኣያው ጎፔ፥ ሂንቴንቶ ኢቲ ጎዳይ፥ ኪሪስቶሳ ፃላላይ ዴዔ።  
\v 11 ሂንቴንቱ ጊዶን ኡባፔ ዳሪያዌ ሂንቴንቶ ቆማ ጊዳናው ቤሴ።  
\v 12 ባሬና ዳሪሲያዌ ኦኒኔ ቶሼታና፤ ቃሲ ባሬና ቶቺያዌ ኦኒኔ ቁ ጋና። 
\s1 ሂጊያ ታማሪሲያዋንቱኔ ፓሪሳዋቱ ቦሬቴዲኖ 
\r (ማር 12፡40፤ ሉቅ 11፡39-42፣ 44፣ 52፤ 20፡47) 
\p  
\v 13 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ኣሳው ሳሉዋ ካዉቴ ሂንቴንቱ ጎርዲያ ዲራው፥ ሂንቴንቶ ኣዬሮ፤ ኣያው ጎፔ፥ ሂንቴንቱ ሁጴዉኔ ጌሊኪታ፤ ቃሲ ጌላናው ኮዪያዋንታካ ጌሊሲኪታ። 
\p  
\v 14 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ ኣምዔቱዋ ጎሊያ ሂንቴንቱ ቦንቂዴ፥ ሂንቴንቶ ሎዓ ማላታናው ፆሳ ዎሳ ኣዱሲታ፤ ሄዋ ዲራው፥ ሂንቴንቶ ኣዬሮ፤ ኡባፔ ኣያ ፒርዳ ሂንቴንቱ ኣካና። 
\p  
\v 15 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ ሂንቴንቱ ኢቲ ኡራ ኣማንናው ኣባኒኔ ሳዓን ዩዪያ ዲራዉኔ ቃሲ ሂንቴንቱ ኣ ኣማንያ ዎዴ፥ ሄ ኡራ ሂንቴንቱዋፔ ላዑ ኩሺያ ኢቴዳ ጋናሜው ናዓ ኦያ ዲራው፥ ሂንቴንቶ ኣዬሮ። 
\p  
\v 16 « ‹ኦኒኔ ጌሻ ጎሊያን ጫቆፔ፥ ኣይኔ ባዋ፤ ሺን ጌሻ ጎሊያን ዴዒያ ዎርቃን ጫቆፔ፥ ሄ ጫቁ ኣ ጋኬ› ጊያ ሂንቴንቶ ቆቂ ኡቲዴ ኣሳ ካሌያዋንቶ፥ ሂንቴንቶ ኣዬሮ።  
\v 17 ሃ ኤያቱ፥ ሃ ቆቃቱ፥ ዎርቃይ ኣዬ? ዎርቃ ጌሻ ኦያ ጌሻ ጎሊ ኣ?  
\v 18 ቃሲ ሂንቴንቱ፥ ‹ኦኒኔ ያርሹዋ ያርሺያባን ጫቆፔ፥ ኣይኔካ ባዋ፤ ሺን ኦኒኔ ኣ ቦላ ዴዒያ ያርሹዋን ጫቆፔ፥ ሄ ጫቁ ኣ ጋኬ› ያጊዴ ታማሪሲታ።  
\v 19 ሃ ኤያቱ፥ ሃ ቆቃቱ፥ ያርሹ ኣዬ? ዎይ ያርሹዋ ጌሻ ኦያ ኣ ያርሺያባይ ኣ?  
\v 20 ሄዋ ዲራው፥ ያርሹዋ ያርሺያባን ጫቂያ ኡራይ ሄ ያርሺያዋኒካ ጫቄ፤ ቃሲ ኣ ቦላ ዴዒያ ኡባባንካ ጫቄ።  
\v 21 ጌሻ ጎሊያን ጫቂያ ኡራይ፥ ሄ ጌሻ ጎሊያኒኔ ኣ ጊዶን ዴዒያ ፆሳን ጫቄ።  
\v 22 ሳሉዋን ጫቂያ ኡራይ፥ ፆሳ ካዉቴ ኦይዲያኒኔ ሄ ኦይዲያን ኡቲያዋን ጫቄ። \x - \xo 23:22 \xt ኢሳ 66፡1፤ ማት 5፡34\x* 
\p  
\v 23 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ሂንቴንቶ ኣዬሮ። ኣዪሲ ጎፔ፥ ካሬ ኣኑጋፔ፥ ሺላሪያፔኔ ኦካሺያፔ ኣሲራታ ሂንቴንቱ ኢሚታ፤ ሺን ሂጊያን ዴዒያ ዳሪ ኮሺያዋንታ ኣጊታ፤ ሄዋንቱ ፒርዳ፥ ማሮቴኔ ፂሎቴ። ሃራንታካ ኣጌናን፥ ሂንቴንቱ ኦናው ቤሲያ ዬዋቱ ሃዋንታ።  
\v 24 ሂንቴንቶ ቆቂ ኡቲዴ፥ ኣሳ ካሌያዋንቶ፥ ሂንቴንቱ ኡሻፔ ኡዱንፂያ ጋጪዴ፥ ጋሉዋ ሚቲታ። 
\p  
\v 25 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ሂንቴንቶ ኣዬሮ። ኣዪሲ ጎፔ፥ ሂንቴንቱ ሻታኔ ኬሪያ ቦላ ባጋ ጌሺታ፤ ሺን ኣ ጊዱዋን ቦንቂያኒኔ ኡዜቴን ኩንዲታ።  
\v 26 ሃ ቆቃ ፓሪሳዌው፥ ሻታኔ ኬሪያ ጋርሳ ካሴታዴ ጌሻ ዲጋ፤ ሄዋፔ ጉዪያን፥ ቦላ ባጋይካ ጌሻ ጊዳናዋ። 
\p  
\v 27 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ሂንቴንቶ ኣዬሮ። ኣዪሲ ጎፔ፥ ካሬ ባጋና ቦሺንቻን ኦኬቲዴ፥ ሎዒ ኡቲዴ፥ ቃሲ ጋርሳ ባጋና ሃይቄዳ ኣሳ ሜቄይኔ ዎቄዳባይ ኡባባይ ኩሜዳ ዱፎቱዋ ማላቲታ።  
\v 28 ሄዋዳንካ፥ ቃሲ ቦላ ባጋና ኣሳ ኡባው ፂሉዋ ማላቲታ፤ ሺን ሂንቴንቶ ጋርሳ ባጋና ሎዓ ማላቲያ ኢታቴይኔ ማካላይ ኩሚ ኡቴዳ። 
\p  
\v 29 «ሎዓ ማላቲያ ኢታቶ፥ ሂጊያ ታማሪሲያዋንቶኔ ፓሪሳዋቶ፥ ሂንቴንቶ ኣዬሮ። ኣዪሲ ጎፔ፥ ናባቱዋ ዱፉዋ ቦላ ጎሊያ ኬፂታ፤ ቃሲ ፂላቱዋ ዱፉዋካ ሎይታ።  
\v 30 ቃሲ ሂንቴንቱ፥ ‹ኑኒ ቤኒ ኑ ኣዎቱዋ ዎዴ ዴዔዳዋንታ ጊዲንቶ፥ ኡንቱንቱና ኢቲፔ ናባቱዋ ዎኮ ሺን› ያጊታ።  
\v 31 ሄዋ ጊዶፔ፥ ናባቱዋ ዎዳዋንቱ ናና ሂንቴንቱ ጊዴዳዋ ሂንቴንቱ ሁጲያን ማርካቲታ።  
\v 32 ሲሚ ሂንቴንቱ ኣዎቱ ዶሜዳዋ ፖሊኪቴ! 
\p  
\v 33 «ሃ ሾሻቶ፥ ሾሻ ናናው፥ ጋናሚያ ፒርዳፔ ዋኒዴ ኣታኒቴ?  
\v 34 ሄዋ ዲራው፥ ቤይቴ፥ ታኒ ናባቱዋ ኣ ኤራንቻቱዋኔ ሂጊያ ታማሪሲያዋንታ ሂንቴኮ ኪታና። ኡንቱንቱፔ ኢቱዋ ኢቱዋ ሂንቴንቱ ዎናኔ ማስቃሊያ ቦላ ሚሲማሪያን ሺዴ ካቃኒታ፤ ቃሲ ኢቱዋ ኢቱዋ ሂንቴንቱ ዎሳ ጎሌቱን ሊሱዋን ሾጫኒታኔ ካታማፔ ካታማ ዬዴርሳኒታ።  
\v 35 ሄዋ ዲራው፥ ፂሉዋ ኣቤላ ዎዴፔ ዶሚዴ፥ ጌሻ ጎሊያፔኔ ያርሺያሳፔ ጊዱዋን ሂንቴንቱ ዎዳ ባራኪያ ናዓ ዛካራሳ ዎዲያ ጋካናው፥ ሃይቄዳ ፂላቱዋ ኡባቱዋ ሱ ዲራው፥ ሂንቴንቱ ሙሬታኒታ። \x - \xo 23:35 \xt ዶም 4፡8፤ 2ኦድ 24፡20-21\x* 
\v 36 ታኒ ሂንቴንቶ ቱሙዋ ኦዳይ፤ ሃ ኡባባይ ሃ ዎዲያ ኣሳ ቦላ ጋካናዋ። 
\s1 ዬሩሳላሜሲ ኦዴቴዳ ሚኖ ኦዱዋ 
\r (ሉቅ 13፡34-35) 
\p  
\v 37 «ዬሩሳላሜ ካታማ ኣሳው፥ ዬሩሳላሜ ካታማ ኣሳው፥ ናባቱዋ ሂንቴንቱ ዎታ፤ ፆሳይ ሂንቴንቱኮ ኪቴዳዋንታካ ሹቻን ጫዲታ፤ ኩታታ ባሬ ማራቱዋ ባሬ ቄፊያን ሃጲያዋዳን፥ ታኒ ሂንቴንቱ ኣሳ ኢቲሳ ሺሻናው ኣፑ ካላ ኮያዲታ! ሺን ታና ዲጌዲታ።  
\v 38 ቤዒቴ፥ ሂንቴንቱ ጎሊ ኡባካ ኦና ጊዳናዋ። \x - \xo 23:38 \xt ኤርም 22፡5\x* 
\v 39 ኣዪሲ ጎፔ፥ ታኒ ሂንቴንቶ ኦዳይ፤ ሂንቴንቱ፥ ‹ጎዳ ሱንን ዪያዌ ኣንጄቴዳዋ ጋና ጋካናው፥ ላዔንዋ ታና ቤዒኪታ› ጋይ» ያጌዳ። \x - \xo 23:39 \xt ማዝ 118፡26\x* 
\c 24  
\s1 ዬሱሲ ጌሻ ጎሊ ኮሌታናዋ ካሴቲዴ ኦዴዳ 
\r (ማር 13፡1-2፤ ሉቅ 21፡5-6) 
\p  
\v 1 ዬሱሲ ጌሻ ጎሊያፔ ኬሲዴ ቢያ ዎዴ፥ ጌሻ ጎሊያ ዲርሳ ጊዶን ዴዒያ ጎሊያ ቤሳናው ኣ ካሊያዋንቱ ኣኮ ዬዲኖ።  
\v 2 ዬሱሲ ዛሪዴ ኡንቱንታ፥ «ሄዋ ኡባ ቤዒቴ? ታኒ ሂንቴንቶ ቱሙዋ ኦዳይ፤ ሃ ጎሌቱዋን ዴዒያ ኢቲ ሹቻይኔ ኣቴናን ኡባይ ኮሌታና» ያጌዳ። 
\s1 ዎዲያ ዉርሴባ 
\r (ማር 13፡3-13፤ ሉቅ 21፡7-19) 
\p  
\v 3 ዬሱሲ ዴብሬ ዛይቴ ጌቴቲያ ዴሪያ ቦላን ኡቲዴዒሺን፥ ኣ ካሊያዋንቱ ባሬንቱ ፃላላ ኣኮ ዪዴ ኣ፥ «ሄዌ ኣዉዴ ሃናኔንቶ፥ ኑሲ ኦዳሪኪ፤ ቃሲ ኔ ዩሳዉኔ ዎዲያ ዉርሴው ማላይ ኣያ ጊዳኔ?» ያጌዲኖ። 
\p  
\v 4 ዬሱሲ ዛሪዴ፥ ኡንቱንታ ሃዋዳን ያጌዳ፤ «ሂንቴንታ ኦኒኔ ባሌና ማላ ናጌቲቴ።  
\v 5 ኣዪሲ ጎፔ፥ ዳሮ ኣሳይ ታ ሱንን፥ ‹ታኒ ኪሪስቶሳ› ያጊዴ ያና፤ ያቲዴ ዳሮ ኣሳ ባሌና።  
\v 6 ማታን ዴዒያ ኦላ ዋሱዋኔ ሃኩዋን ዴዒያ ኦላ ኦዱዋ ሲሳናው ሂንቴንቱ ዴዒታ፤ ሄዋ ማላባይ ሃናናው ቤሲያ ዲራው፥ ናጌቲቴ፤ ሂርጎፒቴ፤ ሺን ዉርሴይ ቢራ።  
\v 7 ኣዪሲ ጎፔ፥ ኢቲ ጋዲያ ኣሳይ ሃራ ጋዲያ ኣሳና ኦሌታና፤ ቃሲ ኢቲ ካዉቴይ ሃራ ካዉቴና ኦሌታና፤ ኮሻይኔ ቢታ ቃይ ኡባሳን ዴዓናዋ።  
\v 8 ሄዌ ኡባይካ ኮይሮ ኦይ ማላ። 
\p  
\v 9 «ኣሳይ ሄ ዎዴ ሂንቴንታ ዋዪሳናኔ ዎናዋ፤ ታ ሱን ዲራው፥ ጋዴ ኡባይ ሂንቴንታ ኢፃናዋ። \x - \xo 24:9 \xt ማት 10፡22\x* 
\v 10 ሄ ዎዴ ጮራ ኣሳይ ኣማኑዋ ኣጋናዋንታ፤ ባሬንቱ ጊዶን ኢቱ ኢቱዋ ኣዴ ኢማናኔ ኢቱ ኢቱዋ ኢፃናዋ።  
\v 11 ቃሲ ዎርዶ ናባቱ ጮራቱ ዴንዲዴ፥ ዳሮ ኣሳ ጪማናዋንታ።  
\v 12 ማካላይ ዳሪያ ዲራው፥ ጮራ ኣሳ ሲቁ ኢርፃናዋ።  
\v 13 ሺን ዉርሴይ ጋካናው ጌንጪያ ኡራይ ኣታናዋ።  
\v 14 ኣሳው ኡባው ማርካ ጊዳና ማላ፥ ካዉቴ ዎንጋላ ሚሺራቹ ሳዓ ኡባን ኦዴታናዋ፤ ሄዋፔ ጉዪያን፥ ዉርሴይ ጋካናዋ። 
\s1 ባሻ ቱናቴ 
\r (ማር 13፡14-23፤ ሉቅ 21፡20-24) 
\p  
\v 15 «ሄዋ ዲራው፥ ናቢያ ዳኔል ኦዴዳ ባሻ ቱናቴይ ጌሻ ሳን ኤቄዳዋ ሂንቴንቱ ቤዓና፤ ሄዌ ዋጊያዌንቶ፥ ናባቢያዌ ኣኬኮ። \x - \xo 24:15 \xt ዳን 9፡27፤ 11፡31፤ 12፡11\x* 
\p  
\v 16 «ዪሁዳ ጋዲያን ሄ ዎዴ ዴዒያዋንቱ ዴሪያኮ ኬሲኖ።  
\v 17 ጎሊያ ሁጲያን ዴዒያ ኡራይካ ባሬ ሶዪን ዴዒያዋ ኣካናው ዎፖ።  
\v 18 ጋዴን ዴዒያዌ ባሬ ማዩዋ ኣካናው ጉዬ ሲሞፖ።  
\v 19 ሄ ዎዴ ሻሃራ ማጫዋንቱሲኔ ንያ ማጫዋንቱሲ ኣዬሮ።  
\v 20 ባልጉዋን ዎይ ሳምባታን ሂንቴንቱ ቤቴና ማላ፥ ፆሳ ዎሲቴ፤  
\v 21 ኣያው ጎፔ፥ ኣላሚ ሜቶዴፔ ሃቼ ጋካናው ዴዒቤናባይኔ ቃሲ ሃዋፔ ሲንዉካ ኡባ ዴዔና ኢታ ዋዪ ሄ ዎዴ ዴዓናዋ። \x - \xo 24:21 \xt ዳን 12፡11፤ ሳፅ 7፡14\x* 
\v 22 ፆሳይ ሄ ጋላሳቱዋ ፓይዱዋ ጉያዌ ባዌንቶ፥ ኣሳ ጊዴዳ ኦኒኔ ኣቴና፤ ሺን ኢ ባሬ ዶሬዳ ኣሳቱዋ ዲራው፥ ሄ ጋላሳቱዋ ፓይዱዋ ጉናዋ። 
\p  
\v 23 «ሄ ዎዴ ኦኒኔ ሂንቴንታ፥ ‹ቤዒቴ። ኪሪስቶሲ ሃዋን ዴዔ› ዎይ፥ ‹ሄዋን ዴዔ› ያጎፔ ኣዋ ኣማኖፒቴ።  
\v 24 ኣዪሲ ጎፔ፥ ዎርዶ ኪሪስቶሳቱኔ ዎርዶ ናባቱ ዴንዳና፤ ያቲዴ ባሬንቶ ዳንዳዬቶፔ፥ ሃራይ ኣቶ ፆሳይ ዶሬዳዋንታካ ባሌናው ዎልቃማ ማላታኔ ማላሊሲያባ ቤሳናዋ።  
\v 25 ቤዒቴ፥ ታኒ ሂንቴው ሄዋ ካሴታዴ ኦዳዲ። 
\p  
\v 26 «ሄዋ ዲራው፥ ኣሳይ ሂንቴንታ፥ ‹ቤዒቴ፥ ኪሪስቶሲ ባዙዋን ዴዔ› ጎፔ፥ ያ ቦፒቴ፤ ዎይ ሂንቴንታ፥ ‹ቤዒቴ፥ ቆልዖን ዴዔ› ጊንቶካ፥ ኡንቱንቱባ ኣማኖፒቴ።  
\v 27 ኣዪሲ ጎፔ፥ ዋልቃንይ ኣዋይፊ ዶሊያ ባጋፔ ዋልቃሚዴ፥ ኣዋይፊ ዉሊያ ባጋ ጋካናው ጶልቁጊያዋዳን፥ ታ ዩሳይ፥ ኣሳ ናዓ ዩሳይ፥ ሄዋዳን ሃናናዋ። 
\p  
\v 28 «ባኩታይ ዴዒያሳ ሾርቲ ሺቃና። 
\s1 ኣሳ ናዓይ፥ ኪሪስቶሲ ላዔዋ ያና 
\r (ማር 13፡24-27፤ ሉቅ 21፡25-28) 
\p  
\v 29 «ሄ ዎዴ ዋዪያፔ ጉዪያን፥ 
\q1 ማንዒያን ኣዋይ ማና፤ 
\q2 ኣጌናይ ፖዒያዋ ኣጋናዋ፤ 
\q1 ፆሊንታቱ ሳሉዋፔ ኩንዳናዋንታ፤ 
\q2 ቃሲ ሳሉዋን ዴዒያ ዎልቃቱካ ቃፄታናዋንታ። \x - \xo 24:29 \xt ኢሳ 13፡10፤ 34፡4፤ ሂዝ 32፡7፤ ኢዩ 2፡10፣ 31፤ 3፡15፤ ሳፅ 6፡12-13\x* 
\m  
\v 30 ሄ ዎዴ ታ ማላይ፥ ኣሳ ናዓ ማላይ፥ ሳሉዋን ቤታናዋ፤ ሳዓን ሄ ዎዴ ዴዒያ ኣሳ ዛሪ ኡባይ ዬካናዋንታ። ቃሲ ታኒ፥ ኣሳ ናዓይ፥ ዎልቃናኔ ዎልቃማ ቦንቹዋና ሳሉዋፔ ሻሪያ ጊዶና ዪሺን፥ ኡንቱንቱ ቤዓና። \x - \xo 24:30 \xt ዳን 7፡13፤ ዛክ 12፡10-14፤ ሳፅ 1፡7\x* 
\v 31 ኢ ባሬ ኪታንቻቱዋ ዎልቃማ ማላካታና ኪታና፤ ኪታንቻቱ ኣላሜው ሃ ጋፃፔ ያ ጋፃ ጋካናው፥ ቃሲ ሳዓን ኦይዱ ባጋፔ ኣው ዶሬቴዳ ኣሳ ሺሻናዋ። 
\s1 ጎዳይ ያና ጋላሳ ማላታ 
\r (ማር 13፡28-31፤ ሉቅ 21፡29-33) 
\p  
\v 32 «ሌሚሱዋ ባላሳቶ ጌቴቲያ ሚቲፔ ኣኬኪቴ፤ ባላሳታ ኣጪያ ዎዴኔ ኢዚ ሃይይ ቆሌቲያ ዎዴ፥ ቦኒ ማቴዳዋ ሂንቴንቱ ኤራኒታ።  
\v 33 ሄዋዳንካ፥ ሂንቴንቱ ሄ ኡባባ ቤዒያ ዎዴ፥ ኢ ማቲዴ ፔንጊያ ሺቄዳዋ ኤሪቴ።  
\v 34 ታኒ ሂንቴንቶ ቱሙዋ ኦዳይ፤ ሃ ኡባባይ ሃናና ጋካናው፥ ሃ ዎዲያ ኣሳይ ሃይቂዲጌና።  
\v 35 ሳሉኔ ሳዓይ ኣና፤ ሺን ታ ቃላይ ኡባካ ኣና። 
\s1 ጎዳይ ያና ጋላሳ ኦኒኔ ኤሬና 
\r (ማር 13፡32-37፤ ሉቅ 17፡26-30፣ 34-36) 
\p  
\v 36 «ሺን ሄ ጋላሳኔ ሄ ሳቲያ ኣዉዋ ፃላላፔ ኣቲን፥ ሃራይ ኣቶ ሳሉዋን ዴዒያ ኪታንቻቱዋ ጊዲና፥ ዎይ ታና ናዓ ጊዲናካ ኦኒኔ ኤሪያዌ ባዋ።  
\v 37 ታ ዩሳይ፥ ኣሳ ናዓ ዩሳይ፥ ኖሄ ዎዴ ሃኖዋ ማላ ጊዳናዋ። \x - \xo 24:37 \xt ዶም 6፡5-8\x* 
\v 38 ኣዪሲ ጎፔ፥ ባሻ ሃ ዩሳፔ ካሴ ዎዴ፥ ኖሄ ማርካቢያን ጌሌዳ ጋላሳይ ጋካናው፥ ኣሳይ ሜኔ ኡሼኔ፤ ቃሲ ኣቱማ ኣሳይ ኣኬኔ ማጫ ኣሳይ ኣሲና ጌሌ።  
\v 39 ባሻ ሃይ ዪዴ፥ ኡንቱንታ ኡባ ኣፋና ጋካናው፥ ኡንቱንቱ ኣኬኪ ቤይኪኖ፤ ታኒ፥ ኣሳ ናዓይ፥ ዪያ ዎዲ፥ ሄዋ ማላ ጊዳናዋ። \x - \xo 24:39 \xt ዶም 7፡6-24\x* 
\p  
\v 40 «ሄ ዎዴ ላዑ ኣሳቱ ጋዴን ኦያዋንቱፔ ኢቱዋ ኣፋና፤ ኢቱ ኣታናዋ።  
\v 41 ላዑ ማጫዋንቱ ዎፃን ጋጪያዋንቱፔ ኢቲኖ ኣፋና፤ ኢቲና ኣታና። 
\p  
\v 42 «ሲሚ ሂንቴ ጎዳይ ኣይ ጋላሲ ያናዌንቶ ሂንቴንቱ ኤሬና ዲራው፥ ናጊ ኡቲቴ።  
\v 43 ሺን ካዪሱ ቃማፔ ዎይሳ ዎዲያን ያኔንቶ ጎሊያ ጎዳይ ኤሬዴንቶ፥ ባሬ ጎሊ ቦኬቴና ማላ፥ ቤጎቲዴ ናጊ ኡታናዋ ኤሪቴ።  
\v 44 ሄዋ ዲራው፥ ሂንቴንቱካ ጊጊ ኡቲቴ፤ ኣያው ጎፔ፥ ታኒ፥ ኣሳ ናዓይ፥ ሂንቴንቱ ቆፔና ሳቲያን ያና። 
\s1 ኢታኔ ሎዖ ቆማ ሌሚሱዋ 
\r (ሉቅ 12፡41-48) 
\p  
\v 45 «ያቲና፥ ባሬ ሶይ ኣሳው ቁማ ኮሺያ ዎዲያን ኢማና ማላ፥ ኣ ጎዳይ ሱንዳ ኣማኔቴዳ ዎዛናማ ቆማይ ኦኔ?  
\v 46 ኢ ሄዋዳን ኦሺን፥ ኣ ጎዳይ ዪዴ ዴሚያ ቆማይ ኣንጄቴዳዋ።  
\v 47 ታኒ ሂንቴንቶ ቱሙዋ ኦዳይ፤ ጎዳይ ሄ ቆማ ባሬዋ ኡባ ቦላ ሱንና።  
\v 48 ሺን ቆማይ ኢታ ጊዶፔ፥ ‹ታ ጎዳይ ጋሚዒዴ ያናዋ› ያጊዴ ባሬ ዎዛናን ቆፒዴ፥  
\v 49 ባሬ ላጌ ቆማቱዋ ዋ ዶሞፔ፥ ማቲያዋንቱና ሞፔኔ ኡሾፔ፥  
\v 50 ሄ ቆማ ጎዳይ ኢ ቆፒቤና ጋላሳኒኔ ኢ ኤሪቤና ሳቲያን ያና።  
\v 51 ሄዋፔ ጉዪያን ኣ ቃንፄሬዴ፥ \f + \fr 24:51 \fq ኣ ቃንፄሬዴ፥ \ft ጉሳይ ኬሲ ካሬ ኦላናዋ ጊያዋ።\f* ሎዓ ማላቲያ ኢታ ኣሳቱ ዴዒያሳን ዎና፤ ሄዋን ኢ ዬካናኔ ኣቻ ቃና። 
\c 25  
\s1 ታሙ ዎዶራቱዋ ሌሚሱዋ 
\p  
\v 1 «ሄ ዎዴ ሳሉዋ ካዉቴይ ባሬንቱ ኩራዚያ ኦይቂዴ፥ ማቻቶ ኣኪያዋ ሞካናው ካሬ ኬሴዳ ታሙ ዎዶራቱዋ ማላታና።  
\v 2 ኡንቱንቱፔ ኢቼሻቱ ቦዛቱዋ፤ ቃሲ ኢቼሻቱ ጪንጫ።  
\v 3 ቦዛቱ ባሬንቱ ኩራዚያ ኦይቄዲኖ፤ ሺን ላምባ ኦይቂቤይኪኖ።  
\v 4 ሺን ጪንጫቱ ባሬንቱ ኩራዚያኔ ፃሩሙሲያን ላምባ ኦይቄዲኖ።  
\v 5 ማቻቶ ኣኪያዌ ዬናን ጋሚዒና፥ ሄ ዎዶራቱ ባሬንታ ጌሚዒሺሲና ጊሲ ኣጌዲኖ። 
\p  
\v 6 «ቢላሄ ጊዴዳ ዎዴ፥ ‹ቤዒቴ፥ ማቻቶ ኣኪያዌ ጋኬዳ፤ ኣ ሞካናው ካሬ ኬሲቴ› ያጊያ ዎልቃማ ጫቡ ዴንዴዳ። 
\p  
\v 7 «ሄ ዎዴ ሄ ዎዶራቱ ኡባቱ ቤጎቲዴ፥ ባሬንቱ ኩራዚያ ጊጊሴዲኖ።  
\v 8 ቦዛቱ ጪንጫቱዋ፥ ‹ኑ ኩራዚ ቶዓና ሃኒያ ዲራው፥ ሂንቴንቱ ላምባፔ ኑሲ ኢሜሪኪቴ› ያጌዲኖ። 
\p  
\v 9 «ሺን ጪንጫቱ ዛሪዴ ኡንቱንታ፥ ‹ኣጊቴ፥ ኑሲኔ ሂንቴንቱሲ ጊዴና፤ ሄዋ ዲራ ሂንቴው ዛሊዒያዋንቱኮ ቢዴ ሻሚ ኣኪቴ› ያጌዲኖ።  
\v 10 ሄዋፔ ጉዬ ቦዛ ዎዶራቱ ላምባ ሻማናው ቢዲጊና፥ ማቻቶ ኣኪያዌ ፑቱ ጊና፥ ጊጊ ኡቴዳ ኢቼሹ ዎዶራቱ ኣናና ኢቲፔ ቡላቻ ጎሊያ ጌሌዲኖ፤ ኢፒይካ ጎርዴቲ ኣጌዳ። 
\p  
\v 11 «ጉዬፔ ቃሲ ዮኮ ዎዶራቱ ዪዴ፥ ‹ጎዳው፥ ጎዳው፥ ኑሲ ዶያሪኪ› ያጌዲኖ። 
\p  
\v 12 «ሺን ማቻቶ ኣኪያዌ ዛሪዴ፥ ‹ታኒ ሂንቴንቶ ቱሙዋ ኦዳይ፤ ታኒ ሂንቴንታ ኤሪኬ› ያጌዳ። 
\p  
\v 13 «ሲሚ ታኒ፥ ኣሳ ናዓይ፥ ያና ጋላሳ ዎይ ሳቲያ ሂንቴንቱ ኤሬና ዲራው፥ ናጊ ኡቲቴ። 
\s1 ሄዙ ቆማቱዋ ሌሚሱዋ 
\r (ሉቅ 19፡11-27) 
\p  
\v 14 «ኣዪሲ ጎፔ፥ ሳሉዋ ካዉቴይ ባሬ ቆማቱዋ ፄሲዴ፥ ባሬው ዴዒያዋ ኡንቱንቶ ሼዴ፥ ኦጊያ ባና ሃኒያ ቢታኒያ ቤሴ።  
\v 15 ኡንቱንቱ ሁጲያን ሁጲያን ኡንቱንቱ ዎልቃ ኬና ኢቶ ኢቼሹ ሻዓ ቢራ፥ ኢቶ ላዑ ሻዓ ቢራ፥ ቃሲ ኢቶ ኢቲ ሻዓ ቢራ ኢሚዴ፥ ባሬ ኦጊያ ቤዳ።  
\v 16 ኢቼሹ ሻዓ ቢራ ኣኬዳ ቆማይ ኤሌካ ቢዴ ዛሊዒዴ፥ ሃራ ኢቼሹ ሻዓ ቢራ ዎሴዳ።  
\v 17 ሄዋዳንካ፥ ቃሲ ላዑ ሻዓ ቢራ ኣኬዳ ቆማይ ሃራ ላዑ ሻዓ ቢራ ዎሴዳ።  
\v 18 ሺን ኢቲ ሻዓ ቢራ ኣኬዳዌ ቢዴ፥ ኦላ ቦኪዴ፥ ባሬ ጎዳ ሚሻ ሞጊ ኣጌዳ። 
\p  
\v 19 «ዳሮ ዎዲያፔ ጉዪያን፥ ሄ ቆማቱዋ ጎዳይ ዪዴ፥ ባሬ ሚሻ ኡንቱንቱና ሄቴቴዳ።  
\v 20 ኢቼሹ ሻዓ ቢራ ኣኬዳ ቆማይ ዪዴ፥ ሃራ ኢቼሹ ሻዓ ቢራ ሼዴ፥ ‹ታ ጎዳው፥ ኔኒ ታው ኢቼሹ ሻዓ ቢራ ኢማዳ፤ ቤዓ፥ ሃራ ኢቼሹ ሻዓ ቢራ ዎሳዲ› ያጌዳ።  
\v 21 ኣ ጎዳይ ኣ፥ ‹ሃያናሾ! ኔኒ ሎዓኔ ኣማኔቲያ ቆማ፤ ኔኒ ጉባን ኣማኔታዳ። ታኒ ኔና ዳሮባው ካፖ ኦና፤ ሃ ጌላዴ ኔ ጎዳና ናሼታ› ያጌዳ። 
\p  
\v 22 «ቃሲ ላዑ ሻዓ ቢራ ኣኬዳዌካ ዪዴ፥ ‹ታ ጎዳው፥ ኔኒ ታው ላዑ ሻዓ ቢራ ኢማዳ፤ ቤዓ፥ ታኒ ሃራ ላዑ ሻዓ ቢራ ዎሳዲ› ያጌዳ።  
\v 23 ኣ ጎዳይ ኣ፥ ‹ሃያናሾ! ኔኒ ሎዓኔ ኣማኔቲያ ቆማ፤ ኔኒ ጉባን ኣማኔታዳ። ታኒ ኔና ዳሮባው ካፖ ኦና፤ ሃ ጌላዴ ኔ ጎዳና ናሼታ› ያጌዳ። 
\p  
\v 24 «ኢቲ ሻዓ ቢራ ኣኬዳዌ ቃሲ ዪዴ፥ ‹ታ ጎዳው፥ ኔኒ ዜራቤናሳፔ ቆይጪያ ኣሳ ጊዲያዋኔ ካ ላላቤናሳፔ ማፂያ ሜቄ ባይና ኣሳ ጊዲያዋ ታኒ ኤራይ።  
\v 25 ታኒ ያያዲ፤ ያታዴ ባዴ ኔ ቢራ ቢታን ሞጋዲ፤ ቤዓ፥ ኔ ቢራይ ሃዌኩ› ያጌዳ። 
\p  
\v 26 «ኣ ጎዳይ ዛሪዴ፥ ኣ ሃዋዳን ያጌዳ፤ ‹ሃ ኢታ ኣዛላ ኣሺካሬው፥ ታኒ ዜራቤናሳፔ ቆይጪያ ኣሳ ጊዲያዋኔ ካ ላላቤናሳፔ ማፂያ ኣሳ ጊዲያዋ ኤራዲ?  
\v 27 ያቲና፥ ኔኒ ታ ሚሻ ዎሲያዋንቱ ማታን ዎዳዋ ጊዲንቶ፥ ታኒ ሲሚያ ዎዴ ታ ሚሻ ዎያና ኣካናዋሺን ኣቴዳ።  
\v 28 ሄዋ ዲራው፥ ሄ ሚሻ ኣፔ ዎ ኣኪዴ፥ ታሙ ሻዓ ቢራይ ዴዒያዎ ኢሚቴ።  
\v 29 ኣዪሲ ጎፔ፥ ዴዒያ ኡባው ሃራይ ጉጄታና፤ ኢ ባሬው ጊዲያዋፔ ዳሪሲዴ ኣካና፤ ሺን ባይናዎ ሃራይ ኣቶ፥ ሄ ኣው ዴዒያ ጉይካ ኣፔ ኣኬታናዋ።  
\v 30 ጎዔና ቆማ ካሬ ማ ኬሲ ኦሊቴ፤ ሄዋን ኢ ዬካናኔ ባሬ ኣቻ ቃና› ያጌዳ። 
\s1 ዎዲያ ዉርሴን ሃናና ፒርዳ 
\p  
\v 31 «ታኒ፥ ኣሳ ናዓይ፥ ኪታንቻቱዋ ኡባቱዋና ቦንቹዋን ዪያ ዎዴ፥ ታ ቦንቾ ካዉቴ ኦይዲያን ኡታና። \x - \xo 25:31 \xt ማት 16፡27፤ 19፡28\x* 
\v 32 ሳዓን ዴዒያ ኣሳይ ኡባይ ታ ሲን ሺቃናዋንታ፤ ሄሚያዌ ዶርሳቱዋ ዴሻቱዋፔ ሻኪያዋዳን፥ ታኒ ሄ ኣሳ ላዑ ኬሳዴ ሻካና።  
\v 33 ቃሲ ዶርሳቱዋ ታፔ ኡሼቻ ባጋና ኤሳዴ፥ ዴሻቱዋ ታፔ ሃዲርሳ ባጋና ኤሳና። 
\p  
\v 34 «ሄዋፔ ጉዪያን፥ ታኒ ካቲ ታፔ ኡሼቻ ባጋና ዴዒያዋንታ ሃዋዳን ያጋና፤ ‹ታ ኣቡ ኣንጄዳዋንቶ፥ ሃ ዪዴ ሳዓይ ሜቶዴፔ ሃቼ ጋካናው፥ ሂንቴንቶ ጊጌዳ ካዉቴ ላቲቴ።  
\v 35 ኣዪሲ ጎፔ፥ ታኒ ኮሻቲና ሚዜዲታ፤ ሳሜቲና ኡሼዲታ፤ ኢማ ጊዳዴ ቢናካ ሞኬዲታ።  
\v 36 ታኒ ካሎቲና ማዪዜዲታ፤ ሃርጊና ቤዔዲታ፤ ቃሼቲና ታኮ ጋኪዴ ኦቼዲታ› ያጋና። 
\p  
\v 37 «ሄዋፔ ጉዪያን፥ ፂላቱ ዛሪዴ፥ ኣ ሃዋዳን ያጋና፤ ‹ጎዳው፥ ኔኒ ኮሻቲና፥ ኣዉዴ ቤዒዴ ሚዜዶ? ዎይ ኔኒ ሳሜቲና፥ ኣዉዴ ቤዒዴ ኡሼዶ?  
\v 38 ኔኒ ኢማ ጊዳዴ ዪና ኣዉዴ ቤዒዴ ሞኬዶ? ዎይ ኔኒ ካሎቲና ኣዉዴ ማዪዜዶ?  
\v 39 ቃሲ ኔኒ ሃርጊና፥ ዎይ ቃሼቲና ኔኮ ቢዴ ኣዉዴ ኔና ቤዔዶ?› ያጋናዋንታ።  
\v 40 ታኒ ካቲ ዛራዴ፥ ‹ታኒ ሂንቴንቶ ቱሙዋ ኦዳይ፤ ሂንቴንቱ ሃ ታ ኢሻቱዋ ኡባፔ ሃራይ ኣቶ፥ ላፊያ ኢቶ ኦዳዋ ጊዲንቶካ፥ ሄዋ ታው ኦዲታ› ያጋና። 
\p  
\v 41 «ሄ ዎዴ፥ ታፔ ሃዲርሳ ባጋና ዴዒያዋንታ ታኒ ያጋና፤ ‹ሃ ሼቄቴዳዋንቶ፥ ታ ማታፔ ኪቺቴ፤ ቢዴ ፃላሂያ ካፖኔ ኣ ኪታንቻቱዋሲ ጊጌዳ ሜና ታማን ጌሊቴ።  
\v 42 ኣዪሲ ጎፔ፥ ታኒ ኮሻቲና፥ ታና ሚዚቤይኪታ፤ ሳሜቲና ኡሺቤይኪታ።  
\v 43 ታኒ ኢማ ጊዳዴ ቢና፥ ታና ሞኪቤይኪታ፤ ካሎቲና ማዪዚቤይኪታ፤ ቃሲ ሃርጊና፥ ቃሼቲናካ ታና ቤዒቤይኪታ› ያጋና። 
\p  
\v 44 «ሄ ዎዴ ኡንቱንቱ ቃሲ ሃዋዳን ያጊዴ ዛራናዋንታ፤ ‹ጎዳው፥ ኔኒ ኮሻቲና ዎይ ሳሜቲና፥ ዎይ ኢማ ጊዳዴ ቢና ዎይ ካሎቲና፥ ዎይ ሃርጊና ዎይ ቃሼቲና፥ ኣዉዴ ቤዒዴ፥ ኔና ማዴናን ኢፄዶ?› ያጋናዋንታ። 
\p  
\v 45 «ሄ ዎዴ ታኒ ካቲ ዛራዴ ኡንቱንታ፥ ‹ታኒ ሂንቴንቶ ቱሙዋ ኦዳይ፤ ሂንቴንቱ ሃ ኡባፔ ላፊያ ኢቱዋ ማዴናን ኢፄዳዌ፥ ታና ማዴናን ኢፄዳዋ› ያጋና።  
\v 46 ሄዋንቱ ሜና ሙራው ባና፤ ሺን ፂላቱ ሜና ዴዖ ባና» ያጌዳ። \x - \xo 25:46 \xt ዳን 12፡2\x* 
\c 26  
\s1 ዬሱሳ ቦላ ማቄቴዲኖ 
\r (ማር 14፡1-2፤ ሉቅ 22፡1-2፤ ዮህ 11፡45-53) 
\p  
\v 1 ዬሱሲ ሃ ቲሚርቲያ ኡባ ዉሪሴዳ ዎዴ፥ ባሬና ካሊያዋንታ፥  
\v 2 «ላዑ ጋላሳፔ ጉዪያን፥ ፓሲጋ ባላ ቦንቺያ ጋላሳ ጊዲያዋ ኤሪታ። ሄ ጋላሲ ታና፥ ኣሳ ናዓ፥ ኣሳይ ማስቃሊያ ቦላ ሚሲማሪያን ሺዴ ካቃናው ኣዴ ኢማና» ያጌዳ። \x - \xo 26:2 \xt ኬስ 12፡1-27\x* 
\p  
\v 3 ሄ ዎዴ ቄሳቱዋ ካፓቱኔ ጋዲያ ጪማቱ ቃያፋ ጌቴቲያ ቄሳቱዋ ኡባቱዋ ካፑዋ ዎጋ ጎሊያን ሺቂዴ፥  
\v 4 ኣሳይ ኤሬናን ዬሱሳ ኦይቂዴ፥ ዎናው ማቄቴዲኖ።  
\v 5 ሺን ኡንቱንቱ፥ «ኣሳይ ዋላሳ ኬሴና ማላ፥ ፓሲጋ ቦንቺያ ጋላሲ ሄዋ ኦኮ» ያጌዲኖ። 
\s1 ኢቲ ማጫ ሚሺራታ ዬሱሳ ሺቱዋ ጫጫፋዱ 
\r (ማር 14፡3-9፤ ዮህ 12፡1-8) 
\p  
\v 6 ዬሱሲ ቢታኒያ ካታማን ኦሉዋ ሃርጊያ ሲሞና ሶዪን ዴዒሺን፥  
\v 7 ኢቲ ሚሺራታ ኣልባስፂሮሳ ጌቴቲያ ሹቻፔ ኦሴቴዳ ቢልቃሲያ ኩሜዳ ዳሪ ኣልዖ ሺቱዋ ኣካዴ ዬዳዉና ቁማ ኢ ሚና፥ ሄ ሺቱዋ ዬሱሳ ሁጲያን ጫጫፋዱ።  
\v 8 ሺን ዬሱሳ ካሊያዋንቱ ሄዋ ቤዒዴ፥ «ሃ ሺቱዋ ጮ ባዪዙሳይ ኣያሴ?  
\v 9 ኣዪሲ ጎፔ፥ ሃ ሺቱዋ ኣልዖ ጋቲያን ዛሊዒዴ፥ ሚሻ ሂዬሳው ኢማናው ዳንዳዬቴ» ያጌዲኖ። 
\p  
\v 10 ዬሱሲ ኡንቱንቱ ጊያዋ ኤሪዴ፥ ኡንቱንታ ሃዋዳን ያጌዳ፤ «ሃ ሚሺራቶ ኣያው ዋዪሲቴ? ኢዛ ታው ሎዖባ ኦዱ።  
\v 11 ሂዬሳቱ ኡባ ዎዴ ሂንቴናና ዴዒኖ፤ ሺን ታኒ ሂንቴናና ኡባ ዎዴ ዴዒኬ፤ \x - \xo 26:11 \xt ዛር 15፡11\x* 
\v 12 ኢዛ ሃ ሺቱዋ ታ ቦላ ቲጊያዌ ታና ሞጋናው ጊጊሳናሳ።  
\v 13 ታኒ ሂንቴንቶ ቱሙዋ ኦዳይ፤ ሳዓ ኡባን ሃ ዎንጋላ ሚሺራቹዋ ኦዲያሳን ሃቃኒኔ፥ ኣሳይ ኢዞ ዎዛና ኣና ማላ፥ ኢዛ ኦዳዌ ኦዴታናዋ» ያጌዳ። 
\s1 ዪሁዳይ ዬሱሳ ኣዴ ኢማናው ዬዉዋን ጊጌዳ 
\r (ማር 14፡10-11፤ ሉቅ 22፡3-6) 
\p  
\v 14 ሄ ዎዴ ታማኔ ላዑ ዬሱሳ ካሊያዋንቱፔ ኢቱ ዪሁዳ ኣስቆሮቱ ያጌቲያዌ ቄሳቱዋ ካፓቱዋኮ  
\v 15 ቢዴ፥ «ታኒ ሂንቴንቱሲ ዬሱሳ ኦይፔ፥ ታው ኣያ ኢማኒቴ?» ያጊና ኡንቱንቱ ኣው ሃታሙ ቢራ ቆፒዴ ኢሜዲኖ። \x - \xo 26:15 \xt ዛክ 11፡12\x* 
\v 16 ሄዋፔ ጉዪያን፥ ዪሁዳይ ዬሱሳ ኣ ኢማናው ኢንጄቲያ ዎዲያ ዎቼ። 
\s1 ዬሱሲ ኣዪሁዳቱ ፓሲጋ ካዉዋ ባሬና ካሊያዋንቱና ሜዳ 
\r (ማር 14፡12-21፤ ሉቅ 22፡7-14፣ 21-23፤ ዮህ 13፡21-30) 
\p  
\v 17 ባላ ዳቡዋ ሚያ ጋላሳ ቦንቺያ ኮይሮ ጋላሲ፥ ዬሱሳ ካሊያዋንቱ ኣኮ ዪዴ፥ «ፓሲጋ ቦንቺያ ጋላሲ ኔኒ ማና ቁማ ሃቃን ጊጊሳኔ?» ያጌዲኖ። 
\p  
\v 18 ሄዋፔ ጉዬ ዬሱሲ ኡንቱንታ፥ «ካታማ ቢዴ፥ ኢቲ ቢታኒያ፥ ‹ታማሪሲያዌ ኔና፥ «ታው ዎዲ ጋኬዳ፤ ታኒ ታና ካሊያዋንቱና ፓሲጋ ቦንቺያ ጋላሳ ኔ ሶዪን ኣና» ጌዳ› ጊቴ» ያጌዳ። 
\p  
\v 19 ኣ ካሊያዋንቱ ዬሱሲ ባሬንታ ኣዛዞዋዳን ኦዴ፥ ፓሲጋ ቦንቺያ ጋላሲ ማና ቁማ ጊጊሴዲኖ። 
\p  
\v 20 ሳዓይ ኦማርሴዳ ዎዴ፥ ዬሱሲ ታማኔ ላዑ ኣ ካሊያዋንቱና ቁማ ማናው ኡቴዳ።  
\v 21 ኡንቱንቱ ሚሺን፥ ዬሱሲ ኡንቱንታ፥ «ታኒ ሂንቴንቶ ቱሙዋ ኦዳይ፤ ሂንቴፔ ኢቲ ኡራይ ታና ኣዴ ኢማናዋ» ያጌዳ። 
\p  
\v 22 ኡንቱንቱ ዳሪ ዳጋሚዴ፥ ሁጲያን ሁጲያን፥ «ጎዳው፥ ቱሙ ታኔሻ?» ጉሳ ዶሜዲኖ። 
\p  
\v 23 ዬሱሲ ዛሪዴ፥ «ባሬ ኩሺያ ታናና ኢቲፔ ዎጪቲያፔ ዬዲዴ ቱሺያዌ ታና ኣ ኢማና። \x - \xo 26:23 \xt ማዝ 41፡9\x* 
\v 24 ታኒ፥ ኣሳ ናዓይ፥ ፆሳ ማፃፋይ ሃይቃና ጌዳዋዳን ሃይቃና፤ ሺን ታና፥ ኣሳ ናዓ፥ ኣ ኢሚያ ኡራው ኣዬሮ፤ ሄ ኡራይ ዬሌቴናን ኣቴዴንቶ ኣው ሎዓሺን» ያጌዳ። 
\p  
\v 25 ኣ ኣ ኢሚያ ዪሁዳይ ዛሪዴ፥ «ታማሪሲያዎ፥ ኔኒ ጊያዌ ታኔ?» ያጌዳ። 
\p ዬሱሲ ዛሪዴ ኣ፥ «ኔኒ ኔ ሁጲያን ጋዳ» ያጌዳ። 
\s1 ጎዳ ካዉዋ ኣኪያ ዎጋ 
\r (ማር 14፡22-26፤ ሉቅ 22፡15-20፤ 1ቆር 11፡23-25) 
\p  
\v 26 ኡንቱንቱ ሚሺን፥ ዬሱሲ ዳቡዋ ኣኪዴ፥ ፆሳ ጋላቴዳ፤ ሄ ዳቡዋ ሜንሬዴ፥ ባሬና ካሊያዋንቱሲ ኢሚዴ፥ «ሄይቴ፤ ሚቴ፤ ሃዌ ታ ኣሹዋ» ያጌዳ። 
\p  
\v 27 ፁዓ ኣኪዴ፥ ፆሳ ጋላቴዳ። ኡንቱንቶ ኢሚዴ፥ «ኡባይ ሃዋፔ ኡሺቴ፤  
\v 28 ኣያው ጎፔ፥ ሃዌ ዳሮ ኣሳ ናጋራይ ኣቶ ጌቴታና ዲራው ጉኪያ ታ ሱ፤ ታ ሱይ ኦራ ጫቁዋ። \x - \xo 26:28 \xt ኬስ 24፡8፤ ኤርም 31፡31-34\x* 
\v 29 ሺን ታኒ ሂንቴንቶ ኦዳይ፤ ታኒ ታ ኣቡ ካዉቴን ኦራ ዎዪኒያ ኤሳ ሂንቴንቱና ኡሻና ጋላሳይ ጋካናው፥ ላዔዋ ሃ ዎዪኒያ ኤሳ ኡባካ ኡሺኬ» ያጌዳ። 
\p  
\v 30 ማዚሙሪያ ዬፆዋፔ ጉዪያን፥ ዴብሬ ዛይቴ ጌቴቲያ ዴሪያ ቤዲኖ። 
\s1 ዬሱሲ ጴፂሮሲ ካዳናዋ ካሴቲዴ ኦዴዳ 
\r (ማር 14፡27-31፤ ሉቅ 22፡31-34፤ ዮህ 13፡36-38) 
\p  
\v 31 ዬሱሲ ሄ ዎዴ ኡንቱንታ፥ «ሃቼ ቃማ ሂንቴንቱ ኡባይ ታና ኣጊዴ ኪቻና፤ ኣያው ጎፔ፥ ፆሳ ማፃፋይ፥ 
\q1 ‹ፆሳይ ዶርሳ ሄሚያዋ ዎናዋ፤ 
\q2 ሄዋፔ ጉዪያን ዶርሳ ዉዲ ላሌታናዋ› 
\m ያጌ። \x - \xo 26:31 \xt ዛክ 13፡7\x* 
\v 32 ሺን ታኒ ሃይቁዋፔ ዴንዶዋፔ ጉዪያን፥ ሂንቴፔ ካሴታዴ ጋሊላ ባና» ያጌዳ። 
\p  
\v 33 ጴፂሮሲ ዛሪዴ፥ «ኡንቱንቱ ኡባቱ ኔና ኣጊዴ ኪቻናዋንታ፤ ታኒ ኔና ኡባካ ዬጋዴ ኪቺኬ» ያጌዳ። 
\p  
\v 34 ዬሱሲ ጴፂሮሳ፥ «ታኒ ኔው ቱሙዋ ኦዳይ፤ ሃቼ ቃማ ኩቱ ዋሳናፔ ካሴ፥ ኔኒ ታና ሄዙ ካላ ካዳናሳ» ያጌዳ። 
\p  
\v 35 ጴፂሮሲ ዛሪዴ፥ «ታኒ ሃራይ ኣቶ፥ ኔናና ኢቲፔ ሃይቂንቶካ፥ ኔና ኡባካ ካዲኬ» ያጌዳ። ቃሲ ዬሱሳ ካሊያዋንቱ ኡባቱካ ሄዋዳን ጌዲኖ። 
\s1 ዬሱሲ ጌቴሴማኒያን ዎሴዳ 
\r (ማር 14፡32-42፤ ሉቅ 22፡39-46) 
\p  
\v 36 ዬሱሲ ሄ ዎዴ ባሬና ካሊያዋንቱና ጌቴሴማኒያ ጌቴቲያሳ ቢዴ ኡንቱንታ፥ «ታኒ ሂኒ ባዴ ፆሳ ዎሲሺን፥ ሂንቴንቱ ሃዋን ኡቲሺቴ» ያጌዳ።  
\v 37 ሄዋፔ ጉዬ ጴፂሮሳኔ ዛቢዲዮሳ ናና ላዑዋ ባሬናና ኣፊዴ፥ ዳሮ ካዩዋኔ ኡጋ ዶሜዳ።  
\v 38 ቃሲ ኡንቱንታ፥ «ታኒ ሃይቃና ጋካናሲካ ካዮታይ፤ ሃዋን ቤጎቲዴ፥ ታናና ናጊቴ» ያጌዳ። 
\p  
\v 39 ላፋ ሲንኮ ሺቂዴ፥ ሳዓን ጉፋኒዴ፥ «ታ ኣቦ፥ ዳንዳዬቲያዋ ጊዶፔ፥ ሃ ፁዓ ታፔ ዲጋ፤ ሺን ኔኒ ኮዪያዋዳን ሃኖፔ ኣቲን፥ ታኒ ኮዪያዋዳን ሃኖፖ» ያጊዴ ፆሳ ዎሴዳ። 
\p  
\v 40 ዬሱሲ ባሬና ካሊያዋንቱኮ ሲሚዴ ዬዳ፤ ጌሚዒሾዋንታ ዴሚዴ ጴፂሮሳ፥ «ሂንቴንቱ ኢቲ ሳቴንቶኔካ ጌሚዒሼናን ታናና ናጋናው ዳንዳዪቤይኪቴ?  
\v 41 ፓጪያን ሂንቴንቱ ጌሌና ማላ፥ ሚኒቴኔ ፆሳ ዎሲቴ፤ ኣያናይ ጊጊ ኡቴዳ፤ ሺን ኣሳቴ ኤሻይ ዳቡራንቻ» ያጌዳ። 
\p  
\v 42 ዬሱሲ ቃሲ ላዔንዋ ቢዴ፥ «ታ ኣቦ፥ ታኒ ሃ ዎሊቃማ ሜቱዋ ኣኬናን ዴዒሺን ፁዓ ዴንናው ዳንዳዬቴናዋ ጊዶፔ፥ ኔኒ ጊያዌ ሃኖ» ያጊዴ ፆሳ ዎሴዳ።  
\v 43 ቃሲካ ሲሚ ዪዴ፥ ኣ ካሊያዋንቱ ኣይፊያ ጌሚዒሹ ጎዚ ዎዳ ዲራው፥ ጌሚዒሾዋንታ ዴሜዳ። 
\p  
\v 44 ቃሲካ ኡንቱንታ ዬጊ ቢዴ፥ ሄዜንዋ ካሴ ቃላ ዛሪዴ፥ ፆሳ ዎሴዳ።  
\v 45 ሄዋፔ ጉዪያን፥ ባሬና ካሊያዋንቶ ዪዴ፥ «ሃዒ ጋካናዉካ ጌሚዒሺቴኔ ሼምፒቴ? ቤዒቴ፥ ታና፥ ኣሳ ናዓ፥ ናጋራንቻ ኣሳቱዋሲ ኣዴ ኢሚያ ዎዲ ጋኬዳ።  
\v 46 ዴንዲና ቦይቴ፤ ቤዒቴ፥ ታና ኣ ኢሚያዌ ሃዌኩ ጋኬዳ» ያጌዳ። 
\s1 ዬሱሲ ባሬ ሞርኬቱዋን ኦይቄቴዳ 
\r (ማር 14፡43-50፤ ሉቅ 22፡47-53፤ ዮህ 18፡3-12) 
\p  
\v 47 ዬሱሲ ሄዋ ቢሮ ሃሳዪሺን፥ ታማኔ ላዑ ኣ ካሊያዋንቱፔ ኢቱ፥ ዪሁዳይ፥ ጋኪ ዎዳ፤ ቃሲ ቄሳቱዋ ካፓቱኔ ጋዲያ ጪማቱ ኪቲና፥ ማሻኔ ፃምዓ ኦይቄዳ ጮራ ኣሳይ ኣናና ኢቲፔ ዬዳ።  
\v 48 ዬሱሳ ኣ ኢሚያዌ ሄ ጮራ ኣሳ፥ «ታኒ ዬሪያዌ ኣ፤ ኣ ኦይቂቴ» ያጊዴ ማላ ኦዲ ዎዳ። 
\p  
\v 49 ኤሌካ ዬሱሳኮ ሺቂዴ፥ «ታማሪሲያዎ፥ ሳሮ ዴዓይ» ያጊዴ ኣ ዬሪ ኣኬዳ። 
\p  
\v 50 ዬሱሲ ዪሁዳ፥ «ታ ላጌው፥ ኔኒ ኦናባ ኦ ኣጋ» ያጌዳ። 
\p ሄዋፔ ጉዪያን፥ ሄ ጮራ ኣሳይ ሺቂዴ፥ ዬሱሳ ሎይ ኦይቄዳ።  
\v 51 ዬሱሳና ዴዒያዋንቱፔ ኢቱ ባሬ ማሻ ኬሲዴ ቄሳቱዋ ኡባቱዋ ካፑዋ ቆማ ሃይ ቃንፂ ኦሌዳ።  
\v 52 ዬሱሲ ሄ ዎዴ ኣ ሃዋዳን ያጌዳ፤ «ኔ ማሻ ኣኬዳሳኒ ዛራዴ ዎ፤ ኣያው ጎፔ፥ ማሻ ዴንያ ኡባይ ማሻን ሃይቃና።  
\v 53 ታ ኣቡ ዳሮ ሻዓ ኪታንቻቱዋ ኢቲ ኩን ዬዲዴ፥ ታና ማዳና ማላ፥ ታኒ ኣ ዎሳናው ዳንዳዪያዋ ኤሪኪ?  
\v 54 ያቲና፥ ፆሳ ቃላይ ሃዋዳን ሃናናው ቤሴ ያጌዳዌ ዋኒዴ ፖሌታናው ዳንዳዪ?» ያጌዳ። 
\p  
\v 55 ሄዋፔ ጉዪያን፥ ዬሱሲ ሄዋን ሺቄዳ ጮራ ኣሳ ሃዋዳን ያጌዳ፤ «ታና ካዪሶ ኬሲዴ፥ ካዪሱዋ ኦይቂያዋዳን ኦይቃናው ማሻኔ ፃምዓ ኦይቂዴ ዬዲቴ? ታኒ ጌሻ ጎሊያን ታማሪሳዴ፥ ጋላሳን ጋላሳን ሂንቴንቱና ኦያ ዎዴ ታና ኦይቂቤይኪታ፤  
\v 56 ሺን ሃዌ ኡባይ ሃኔዳዌ ናባቱ ፆሳ ቃላን ፃፌዳዌ ፖሌታናሳ» ያጌዳ። 
\p ዬሱሳ ካሊያዋንቱ ሄ ዎዴ ኡባቱ ኣ ዬጊ ቤዲኖ። 
\s1 ዬሱሲ ፒርዳ ሻንጎ ኣዳ 
\r (ማር 14፡53-65፤ ሉቅ 22፡54-55፣ 63-71፤ ዮህ 18፡13-14፣ 19-24) 
\p  
\v 57 ዬሱሳ ኦይቄዳዋንቱ ቄሳቱዋ ኡባቱዋ ካፑዋ ቃያፋኮ፥ ሂጊያ ታማሪሲያዋንቱኔ ጪማቱ ሺቄዳሳ ኣኪዴ ቤዲኖ።  
\v 58 ሺን ጴፂሮሲ ቄሳቱዋ ኡባቱዋ ካፑዋ ዲርሳ ጊዶ ጋካናው፥ ሃኩዋን ኣ ካሌዳ፤ ዬዉዋ ዉርሴ ቤዓናው ዲርሳ ጊዶ ጌሊዴ፥ ናጊያዋንቱና ኡቲ ኣጌዳ። 
\p  
\v 59 ቄሳቱዋ ካፓቱኔ ሺቄዳ ኣሳይ ኡባይ ዬሱሳ ዎናው ኣ ቦላ ዎርዱዋ ማርካ ዴማናው ኮዬዲኖ።  
\v 60 ሺን ሃራይ ኣቶ ጮራ ኣሳይ ዪዴ፥ ኣ ቦላ ዎርዱዋን ማርካቲናካ ኣፔ ኣይኔ ዴሚቤይኪኖ። ጉዬፔ ላዓቱ ዪዴ፥  
\v 61 «ሃ ቢታኒ፥ ‹ታኒ ፆሳ ጌሻ ጎሊያ ኮላዴ፥ ሄዙ ጋላሳን ዛራዴ ኬፃናው ዳንዳያይ› ጌዳ» ያጌዲኖ። 
\p  
\v 62 ቄሳቱዋ ኡባቱዋ ካፑ ዴንዲ ኤቂዴ ዬሱሳ፥ «ሃዋንቱ ኔና ሞቲያ ሞቶ ኔው ዛሪያባይ ባዌ?» ያጌዳ።  
\v 63 ሺን ዬሱሲ ጮዑ ጌዳ፤ ቃሲካ ቄሳቱዋ ኡባቱዋ ካፑ ኣ፥ «ታኒ ኔና ዴዑዋ ፆሳ ሱንን ጫላይ፤ ኔኒ ፆሳ ናዓ ኪሪስቶሳ ጊዶፔ ኑሲ ኦዳ» ያጌዳ። 
\p  
\v 64 ዬሱሲ ዛሪዴ፥ «ኔኒ ኔ ሁጴዉካ ጋዳ፤ ሺን ታኒ ሂንቴንቱሲ ኦዳይ፤ ሃዋፔ ሲንን፥ ሂንቴንቱ ታና፥ ኣሳ ናዓ፥ ዎልቃማ ፆሳፔ ኡሼቻ ባጋና ኡቴዳዋኔ ሳሉዋ ሻሪያና ዪሺን ቤዓና» ያጌዳ። \x - \xo 26:64 \xt ዳን 7፡13\x* 
\p  
\v 65 ሄዋፔ ጉዪያን፥ ቄሳቱዋ ኡባቱዋ ካፑ ባሬ ማዩዋ ጴ ኦሊዴ፥ «ሃዌ ቦሬዳ፤ ኑና ሃዋፔ ሲንን ኣያው ሃራ ማርካ ኮሺ? ኢ ሃዒ ቦሪያዋ ሂንቴንቱ ሲሴዲታ።  
\v 66 ሂንቴንቱ ቆፋይ ኣዬ?» ያጌዳ። 
\p ኡንቴንቱ፥ «ኣው ሃይቁ ቤሴ» ያጊዴ ዛሬዲኖ። \x - \xo 26:66 \xt ዎግ 24፡16\x* 
\p  
\v 67 ሄዋፔ ጉዪያን፥ ኡንቱንቱ ኣ ዴሙዋን ጩቺዴ፥ ኣ ዴቼዲኖ፤ ሃራንቱ ቃሲ ኣ ባቂዴ፥ \x - \xo 26:67 \xt ኢሳ 50፡6\x* 
\v 68 «ኪሪስቶሳ! ኔን ኔና ናቤ ጋሳሺን፥ ኔና ሾጬዳዌ ኦኔንቶ ኣኔ ኑሲ ኦዳ!» ያጌዲኖ። 
\s1 ጴፂሮሲ ዬሱሳ ካዴዳ 
\r (ማር 14፡66-72፤ ሉቅ 22፡56-62፤ ዮህ 18፡15-18፣ 25-27) 
\p  
\v 69 ጴፂሮሲ ጎሊያፔ ካሬና ዲርሳ ጊዶን ኡቲዴዒሺን፥ ኢቲ ኣሺካራታ ኣኮ ያዴ፥ «ኔኒካ ጋሊላ ዬሱሳና ኢቲፔ ዴዓ» ያጋዱ። 
\p  
\v 70 ሺን ኢ ኡንቱንቱ ኡባ ሲንን ሄ ኣሺካራቶ፥ «ኔኒ ጊያዌ ኣዬንቶ ታኒ ኤሪኬ» ያጊዴ ካዴዳ። 
\p  
\v 71 ቃሲ ቢዴ ዲርሳ ፔንጊያኮ ኬሲሺን፥ ሃራ ኣሺካራታ ኣ ቤዓዴ፥ ሄዋን ዴዒያ ኣሳቱዋሲ፥ «ሃ ቢታኒ ናዚሬቲያ ዬሱሳና ዴዔ» ያጋዱ። 
\p  
\v 72 ጴፂሮሲ ላዔንዋ ጫቂዴ፥ «ታኒ ሄዋ ቢታኒያ ኤሪኬ» ያጌዳ። 
\p  
\v 73 ላፋ ጋሚዒሺን፥ ሄዋን ኤቄዳ ኣሳይ ጴፂሮሳኮ ዪዴ፥ «ኔኒካ ቱማ ኡንቱንቱና ኢቲፔ ዴዓ፤ ኣያው ጎፔ፥ ኔኒ ሃሳዪያ ሃሳያይካ ኔና ኤሪሴ» ያጌዲኖ። 
\p  
\v 74 ሄዋፔ ጉዪያን ጴፂሮሲ፥ «ታኒ ሄዋ ቢታኒያ ኤሪኬ!» ያጊዴ፥ ባሬና ሼቃኔ ጫቁዋ ዶሜዳ። 
\p ሄ ዎዴ ኤሌካ ኩቱ ዋሲ ኣጌዳ።  
\v 75 ጴፂሮሲ ባሬና ዬሱሲ፥ «ኔኒ ኩቱ ዋሳናፔ ካሴ ሄዙ ካላ ታና ካዳናሳ» ጌዳዋ ሃሳዪዴ፥ ካሬ ኬሲዴ፥ ሴሌቲ ዬኬዳ። 
\c 27  
\s1 ዬሱሲ ጲላፆሳ ሲን ፒርዳው ሺቄዳ 
\r (ማር 15፡1፤ ሉቅ 23፡1-3፤ ዮህ 18፡28-32) 
\p  
\v 1 ዎንታ ጉራን ቄሳቱዋ ካፓቱ ኡባቱኔ ጋዲያ ጪማቱ ዬሱሳ ዎናው ማቄቴዲኖ፤  
\v 2 ኡንቱንቱ ዬሱሳ ቃቺ ኣፊዴ፥ ጋዲያ ኣዪሲያ ጲላፆሳው ኣ ኢሜዲኖ። 
\p  
\v 3 ዬሱሳ ሄ ዎዴ ኦይዳ ዪሁዳይ ጲላፆሲ ዬሱሳ ቦላ ፒርዴዳዋ ቤዒዴ፥ «ኣዬሮ! ኦይናን ኣጋሪኪታ!» ያጊዴ፥ ሄ ማንዒያንካ ሃታሙ ቢራ ቄሳቱዋ ካፓቶኔ ጋዲያ ጪማቶ ጉዬ ዛሪዴ፥  
\v 4 «ታኒ ጌሻ ኣሳ ኦይዴ ናጋራ ኦዲ» ያጌዳ። 
\p ሺን ኡንቱንቱ ኣ፥ «ሄዌ ኑሲ ኣያ ሜቴ? ሄዌ ኔ ሼኔ» ያጌዲኖ። 
\p  
\v 5 ዪሁዳይ ቢራ ጌሻ ጎሊያን ኦሊ ኣጌዳ፤ ኡንቱንቱ ማታፔ ቢዴ፥ ሱሌቲ ሃይቄዳ። 
\p  
\v 6 ቄሳቱዋ ካፓቱ ቢራ ኣኪዴ፥ «ሃ ቢራይ ሱ ሚሻ ጊዲሺን፥ ኑኒ ጌሻ ጎሊያ ሚሻና ጋያዌ ዎጋ ጊዴና» ያጌዲኖ።  
\v 7 ሄዋፔ ጉዬ ኢቲፔ ዞሬቲዴ፥ ኢማ ኣሳው ሞጎ ጋዲያ ኦናው ኡርቃፔ ሚሻ ሜያዋንቱ ጋዲያ ሻሜዲኖ።  
\v 8 ሄዋ ዲራው፥ ሄ ጋዲ ሃቼ ጋካናዉካ፥ ሱ ጋዲያ ጌቴቲዴ ፄሴቴ። 
\p  
\v 9 ናቢያ ኤርሚያሲ፥ «ኡንቱንቱ ኣው ኢማናው ቆፔዳ ሃታሙ ሹቻ ቢራ ኣኪዴ፥  
\v 10 ጎዳይ ታና ኣዛዞዋዳን፥ ኡርቃፔ ሚሻ ሜያዋንቱ ጋዲያ ሻማናው ኢሜዲኖ» ጌቴቶዌ ሄ ዎዴ ፖሌቴዳ ጌዳ። \x - \xo 27:10 \xt ዛክ 11፡12-13\x* 
\s1 ጲላፆሲ ዬሱሳ ኡባባ ኦቼዳ 
\r (ማር 15፡2-5፤ ሉቅ 23፡3-5፤ ዮህ 18፡33-38) 
\p  
\v 11 ዬሱሲ ጋዲያ ኣዪሲያዋ ሲን ሺቂና፥ ጋዲያ ኣዪሲያዌ ኣ፥ «ኔኒ ኣዪሁዳቱዋ ካቴ?» ያጊዴ ኦቼዳ። 
\p ዬሱሲ ኣ፥ «ኔኒካ ጋዴዓ» ያጌዳ። 
\p  
\v 12 ቄሳቱዋ ካፓቱኔ ጋዲያ ጪማቱ ኣ ሞቲና፥ ኡንቱንቶ ኣይኔ ዛሩዋ ኢሚቤና።  
\v 13 ሄ ዎዴ፥ ጲላፆሲ ዬሱሳ፥ «ሃዋንቱ ኔና ሞቲያባ ኡባ ሲሲኪ?» ያጌዳ። 
\p  
\v 14 ዬሱሲ ሃራይ ኣቶ፥ ኢቲ ቃላካ ዛሬናን ኢፂና፥ ጋዲያ ኣዪሲያዋንቱ ዳሪ ማላሌቴዳ። 
\s1 ዬሱሲ ሃይቆ ፒርዴቴዳ 
\r (ማር 15፡6-15፤ ሉቅ 23፡13-25፤ ዮህ 18፡39-40፤ 19፡1-16) 
\p  
\v 15 ጋዲያ ኣዪሲያዌ ፓሲጋ ቦንቺያ ጋላሳን፥ ኣሳይ ኮዪያ ኢቲ ኡራ ቃሹዋፔ ቢሊያ ዎጋይ ዴዔ።  
\v 16 ሄ ዎዴ ኢቲ ባርባና ጌቴቲያ ዬሱሲ ዳሮ ኤሬቴዳ ኢታ ቢታኒ ቃሾ ጎሌን ዴዔ።  
\v 17 ሄዋ ዲራው፥ ጮራ ኣሳይ ኢቲሳ ሺቄዳሳን ጲላፆሲ፥ «ታኒ ሂንቴንቶ ባርባና ጊያ ዬሱሳ ቢሎ፥ ዎይ ኪሪስቶሳ ጌቴቲያ ዬሱሳ ቢሎ?» ያጊዴ ኣሳ ኦቼዳ።  
\v 18 ኣዪሲ ጎፔ፥ ኡንቱንቱ ቃናቲዴ ዬሱሳ ኦዳዋ ኢ ኤሬ። 
\p  
\v 19 ጲላፆሲ ፒርዳ ጎሌን ኡቲዴዒሺን፥ ኣ ማቻታ ኣው፥ «ሄ ፂሎ ቢታኒያ ኣይኔ ኦፓ፤ ኣያው ጎፔ፥ ታኒ ሃቼ ቃማ ኣኩሙዋን ኣባን ዳሮ ሜቶታዲ» ያጋዴ ኪታዱ። 
\p  
\v 20 ሺን ቄሳቱዋ ካፓቱኔ ጋዲያ ጪማቱ ጲላፆሲ ባርባና ቢሊዴ፥ ዬሱሳ ዎናዳን፥ ሺቄዳ ኣሳይ ኣ ዎሳና ማላ፥ ኣሳ ጪሜዲኖ። 
\p  
\v 21 ጲላፆሲ ዛሪዴ ኡንቱንታ፥ «ታኒ ኡንቱንቱ ላዓቱዋፔ ሂንቴው ኦና ቢላናዳን ኮዪቴ?» ያጊና ኡንቱንቱ፥ «ባርባና ቢላናዳን ኮዬቶ» ያጌዲኖ። 
\p  
\v 22 ጲላፆሲ፥ «ያቲና፥ ኪሪስቶሳ ጌቴቲያ ዬሱሳ ዎቶ?» ያጊዴ ኡንቱንታ ኦቺና ኡባይ፥ «ማስቃሊያ ቦላ ሚሲማሪያን ሼቲዴ ካቄቶ» ያጌዲኖ። 
\p  
\v 23 ጲላፆሲ ኣሳ፥ «ኣዪሲ? ኣይ ኢታባ ኦዴ?» ያጌዳ። 
\p ሺን ኣሳይ ካሴዋፔካ ባሬንቱ ኮሻ ቁ ኦዴ፥ «ማስቃሊያ ቦላ ሚሲማሪያን ሼቲዴ ኢ ካቄቶ» ያጌዲኖ። 
\p  
\v 24 ዋላሳይ ዴንዳናዋፔ ኣቲን፥ ኣይኔ ሃኔናዋ ጲላፆሲ ቤዒዴ፥ ሃ ኣኪዴ፥ «ሃ ቢታኒ ሃይቂያዋን ታኒ ጌሊኬ፤ ሄዋ ሂንቴንቱ ኤሪቴ» ያጊዴ ሺቄዳ ኣሳ ሲንን ባሬ ኩሺያ ሜጬቴዳ። \x - \xo 27:24 \xt ዛር 21፡6-9\x* 
\p  
\v 25 ሺቄዳ ኣሳይ ኡባይ ዛሪዴ፥ «ኣ ሱ ጎሚ ኑናኔ ኑ ናና ጋኮ» ያጌዳ። 
\p  
\v 26 ሄዋፔ ጉዪያን፥ ጲላፆሲ ባርባና ኡንቱንቶ ቢሌዳ፤ ሊሱዋን ዬሱሳ ሾጪዴ፥ ማስቃሊያ ቦላ ሚሲማሪያን ሺዴ ካቃናው ኡንቱንቶ ኣዴ ኢሜዳ። 
\s1 ዎታዳራቱ ዬሱሳ ቦላ ቂሊጬዲኖ 
\r (ማር 15፡16-20፤ ዮህ 19፡2-3) 
\p  
\v 27 ሄዋፔ ጉዪያን፥ ጲላፆሳ ዎታዳራቱ ዬሱሳ ጋዲያ ኣዪሲያዋ ቤሩዋ ኣፊና፥ ዎታዳራቱ ኡባይ ኣ ሚዪያን ዩዪ ኣዴ ኤቄዲኖ።  
\v 28 ኣ ማዩዋ ቃሪ ኣኪዴ፥ ዞዖ ማዩዋ ኣ ማዪዜዲኖ።  
\v 29 ቃሲ ኣጉን ኣኪሊሊያ ጊጊሲዴ፥ ኣ ሁጲያን ዎዲኖ፤ ኣ ኡሼቻ ኩሺያን ማቃ ፃምዓ ኦይዴ፥ ኣ ሲንን ጉልባቲዴ፥ «ኣዪሁዳቱዋ ካቴው፥ ሳሮ ዴዓይ!» ያጊዴ፥ ኣ ቦላ ቂሊጬዲኖ።  
\v 30 ኣ ቦላ ጩቼዲኖ፤ ሄ ማቃ ፃምዓ ኣኪዴ፥ ኣ ሁጲያ ሾጬዲኖ።  
\v 31 ኡንቱንቱ ኣ ቦላ ቂሊጬዳዋፔ ጉዪያን፥ ዞዖ ማዩዋ ኣፔ ቃሪ ኣኪዴ፥ ኣ ማዩዋ ኣ ማዪዜዲኖ፤ ቃሲ ማስቃሊያ ቦላ ሚሲማሪያን ሺዴ ኣ ካቃናው ኣፌዲኖ። 
\s1 ዬሱሲ ካቄቴዳ 
\r (ማር 15፡21-32፤ ሉቅ 23፡25-43፤ ዮህ 19፡17-27) 
\p  
\v 32 ኡንቱንቱ ካሬ ኬሲዴ፥ ኢቲ ሲሞና ጌቴቲያ ቄሬና ጋዴ ኣሳ ዴሚዴ፥ ዬሱሳ ማስቃሊያ ዎልቃን ቶሴዲኖ።  
\v 33 ጎልጎታ ጌቴቲያሳ ጋኬዲኖ። «ጎልጎታ» ያጌቲያዌ «ሁጲያሳ» ጊያዋ።  
\v 34 ሄዋን ኡንቱንቱ ጫሜዳ ዎዪኒያ ኤሳ ዬሱሳው ኡሻናው ኢሜዲኖ፤ ኢ ሄዋ ጋንፂ ፄሊዴ፥ ኡሼናን ኢፄዳ። \x - \xo 27:34 \xt ማዝ 69፡21\x* 
\p  
\v 35 ኡንቱንቱ ማስቃሊያ ቦላ ሚሲማሪያን ሺዴ ኣ ካቆዋፔ ጉዪያን፥ ኣ ማዩዋ ሻኪዴ፥ ሳማ ዬጊዴ ኣኬዲኖ። \x - \xo 27:35 \xt ማዝ 22፡18\x* 
\v 36 ሄዋፔ ጉዪያን፥ ኣ ናጋናው ሄዋን ኡቲ ኣጌዲኖ።  
\v 37 ቃሲ፥ «ሃዌ ኣዪሁዳቱ ካቲያ ዬሱሳ» ያጊዴ ሞቱ ፃፌቶዋ ኣ ሁጴ ባጋና ዎዲኖ።  
\v 38 ዬሱሳና ሄ ዎዴ ላዑ ካዪሳቱዋ ኢቱዋ ኣፔ ኡሼቻ ባጋና፥ ቃሲ ኢቱዋ ኣፔ ሃዲርሳ ባጋና፥ ማስቃሊያ ቦላ ሚሲማሪያን ሺዴ ካቄዲኖ። 
\p  
\v 39 ኦጊያና ኣያ ኣሳይ ዬሱሳ ካዴ፥ ባሬንቱ ሁጲያ ቃዴ ቦሬዲኖ። \x - \xo 27:39 \xt ማዝ 22፡7፤ 109፡25\x* 
\v 40 «ጌሻ ጎሊያ ኮላዴ ሄዙ ጋላሳ ጊዶን ኬፂያዎ፥ ኔ ሁጲያ ኣሻ፤ ኔኒ ፆሳ ናዓ ጊዶፔ፥ ኣኔ ማስቃሊያ ቦላፔ ዎ» ያጌዲኖ። \x - \xo 27:40 \xt ማት 26፡61፤ ዮህ 2፡19\x* 
\p  
\v 41 ሄዋዳንካ፥ ቄሳቱዋ ካፓቱ ሂጊያ ታማሪሲያዋንቱናኔ ጪማቱዋና ኢቲፔ ዬሱሳ ቦላ ቂሊጪዴ፥ ሃዋዳን ያጌዲኖ፤  
\v 42 «ሃራንታ ኣሼዳ፤ ሺን ባሬና ኣሻናው ዳንዳዬና። ኢ ኢስራዔሊያ ካቲያ፤ ኣኔ ማስቃሊያ ቦላፔ ሃዒ ዎ፤ ኑኒካ ቃሲ ኣኒ ኣማናና።  
\v 43 ፆሳን ኢ ኣማኔቴ፤ ፆሳይ ኣ ኣሻናው ኮዮፔ ኣኔ ኣሾ፤ ኣያው ጎፔ፥ ኢ ባሬና፥ ‹ታኒ ፆሳ ናዓ› ጌ» ያጌዲኖ። \x - \xo 27:43 \xt ዛር 22፡8\x* 
\p  
\v 44 ቃሲ ሃራይ ኣቶ፥ ኣናና ማስቃሊያ ቦላ ሚሲማሪያን ሼቲዴ ካቄቴዳ ካዪሳቱካ ሄዋዳን ጊዴ፥ ኣ ቦላ ቂሊጬዲኖ። 
\s1 ዬሱሲ ሃይቄዳ 
\r (ማር 15፡33-41፤ ሉቅ 23፡44-49፤ ዮህ 19፡28-30) 
\p  
\v 45 ኡሱፑን ሳቲያፔ ዶሚዴ፥ ኡዱፑ ሳቲያ ጋካናው፥ ቢታይ ኡባይ ሜዳ።  
\v 46 ኡዱፑ ሳቴ ጊዲያ ሄራን ዬሱሲ ባሬ ቃላ ቁ ኦዴ፥ «ኤሎሄ፥ ኤሎሄ፥ ላማ ሳባቂታኒ?» ያጌዳ። ሄዋ ጉሳይ፥ «ታ ፆሳው፥ ታ ፆሳው፥ ታና ኣዪሲ ጮዑ ጋዲ?» ጉሳ። \x - \xo 27:46 \xt ማዝ 22፡1\x* 
\p  
\v 47 ሄዋን ኤቄዳ ኣሳፔ ኢቱ ሄዋ ሲሲዴ፥ «ሃ ቢታኒ ኤላሳ ፄሴ» ያጌዳ።  
\v 48 ሄ ማንዒያንካ ኡንቱንቱፔ ኢቱ ዎፂዴ፥ ኢስፖንጂያ ኣኪዴ፥ ጫላ ዎዪኒያ ኤሳ ጊዶ ዬጊዴ፥ ሄዋ ማቃ ፃምዓ ፄራን ዎዴ፥ ኡሻናው ኣ ዶናኮ ሺሼዳ። \x - \xo 27:48 \xt ማዝ 69፡21\x* 
\v 49 ሺን ዮኮንቱ፥ «ኣኔ ዴዓሻ፥ ኤላስ ኣ ኣሻናው ያናዌንቶ ቤዓና» ያጌዲኖ።  
\v 50 ዬሱሲ ላዔንዋ ባሬ ቃላ ቁ ኦ ዋሲዴ፥ ሃይቂ ኣጌዳ። 
\p  
\v 51 ኣኬኪቴ፤ ጌሻ ጎሊያን ካቄቴዳ ጋሪዱ ቆሞፔ ዱጌ ጋካናው፥ ላዑ ኬሲዴ፥ ፖሼቲ ዎዳ፤ ሳዓይ ቃፄዳ። ቃሲ ዛላይካ ጳልቄቴዳ፤ \x - \xo 27:51 \xt ኬስ 26፡31-33\x* 
\v 52 ጮራ ዱፉ ዶዬቴዳ። ፆሳ ኣሳፔ ጮራቱ ሃይቄዳዋንቱ፥ ሃይቁዋፔ ዴንዴዲኖ።  
\v 53 ኡንቱንቱ ዱፉዋፔ ኬሲዴ፥ ዬሱሲ ሃይቁዋፔ ዴንዶዋፔ ጉዪያን፥ ጌሻ ካታማ ቤዲኖ፤ ሄዋን ኡንቱንታ ጮራ ኣሳይ ቤዔዳ። 
\p  
\v 54 ፄቱዋ ካፑኔ ኣናና ዬሱሳ ናጊያ ዎታዳራቱ ሳዓይ ቃፂያዋኔ ሄዋን ሃኔዳዋ ኡባ ቤዔዳ ዎዴ ዳሮ ያዬዲኖ፤ ያሻ ጋሱዋን፥ «ቱሙ ሃዌ ፆሳ ናዓ» ያጌዲኖ። 
\p  
\v 55 ሄዋን ጮራ ማጫዋንቱ፥ ጋሊላፔ ዶሚዴ፥ ዬሱሳ ማዲዴ ካሊያዋንቱ፥ ሃኩዋን ኤቂዴ ፄሊኖ።  
\v 56 ኡንቱንቱ ጊዶን ማግዳላ ጌቴቲያ ካታማፔ ዬዳ ማይራማ፥ ያዪቆባኔ ዮሴፎ ዳያ ማይራማኔ ዛቢዲዮሳ ናና ዳያ ዴዒኖ። 
\s1 ዬሱሲ ሞጌቴዳ 
\r (ማር 15፡42-47፤ ሉቅ 23፡50-56፤ ዮህ 19፡38-42) 
\p  
\v 57 ሳዓይ ኦማርሲያ ዎዴ፥ ዮሴፋ ጌቴቲያ ኢቲ ዱሬ ቢታኒ፥ ኣርማቲያሳ ካታማ ቢታኒ ዬዳ፤ ኢ ባሬ ሁጴዉካ ዬሱሳ ካሊያዋ።  
\v 58 ዮሴፎ ጲላፆሳኮ ቢዴ፥ ዬሱሳ ኣኃ ኣካናው ዎሴዳ፤ ጲላፆሲ ዮሴፎ ኢሜታና ማላ ኣዛዜዳ።  
\v 59 ዬሱሳ ኣኃ ኣኪዴ፥ ጌሻ ሞጉዋ ማዩዋን  
\v 60 ፃፂዴ ባሬው ሞጌታናው ሹቻ ዎጬዳ ኦራ ጎንጎሉዋ ጊዶን ኣ ኣኃ ዎዳ፤ ቃሲ ሄ ጎንጎሉዋ ዶናን ዎጋ ሹቻ ጎንዶርሲ ዎዴ፥ ባሺ ቤዳ።  
\v 61 ማግዳላ ካታማፔ ዬዳ ማይራማኔ ዮኮ ማይራማ ሄዋን ጎንጎሉዋኮ ሲሚዴ ኡቴዲኖ። 
\p  
\v 62 ሳምባታሲ ጊጌቲያ ጋላሳፔ ዎንቴ ጋላሲ፥ ቄሳቱዋ ካፓቱኔ ፓሪሳዋቱ ጲላፆሳና ጋኬቲዴ፥ ሃዋዳን ያጌዲኖ፤  
\v 63 «ጎዳው፥ ሄ ዎርዱ ፓፃ ዴዒያ ዎዴ፥ ‹ታኒ ሄዙ ጋላሳፔ ጉዪያን፥ ሃይቁዋፔ ዴንዳና› ያጎዋ ኑኒ ሃሳዬዶ። \x - \xo 27:63 \xt ማት 16፡21፤ 17፡23፤ 20፡19፤ ማር 8፡31፤ 9፡31፤ 10፡33-34፤ ሉቅ 9፡22፤ 18፡31-33\x* 
\v 64 ሄዋ ዲራው፥ ኣ ሞጌዳ ጎንጎሉዋ ሄዙ ጋላሳ ጋካናው፥ ሎይ ናጋና ማላ ኣዛዛሪኪ፤ ሄዌ ዮፔ ኣ ካሊያዋንቱ ቢዴ፥ ኣ ኣኃ ዉዒዴ ኣሳው፥ ‹ሃይቁዋፔ ዴንዴዳ› ያጋናዋንታ፤ ላዔንያ ባላይ ካሴ ባላፔ ኡባ ያ ኢታና» ያጌዲኖ። 
\p  
\v 65 ጲላፆሲ ኡንቱንታ፥ «ሂንቴንቶ ናጊያዋንቱ ዴዒኖ፤ ቢዴ ሂንቴንቶ ዳንዳዬቲያ ኬና ናጊሺቴ» ያጌዳ። 
\p  
\v 66 ሄዋፔ ጉዬ ኡንቱንቱ ቢዴ፥ ሹቻ ቦላ ማታፋ ኣታሚዴ፥ ቃሲ ናጊያዋ ያኒ ዎዴ፥ ዬሱሳ ሞጌዳ ጎንጎሉዋ ናጊሴዲኖ። 
\c 28  
\s1 ዬሱሲ ሃይቁዋፔ ዴንዴዳ 
\r (ማር 16፡1-10፤ ሉቅ 24፡1-12፤ ዮህ 20፡1-10) 
\p  
\v 1 ሳምባታይ ኣና ዎጋ ጋላሲ ዎንታ ባካሊያን፥ ማግዳላ ጌቴቲያ ካታማፔ ዬዳ ማይራማኔ ዮኮ ማይራማ ዬሱሲ ሞጌቴዳ ጎንጎሉዋ ቤዓናው ቤዲኖ።  
\v 2 ጎዳ ኪታንቻይ ሳሉዋፔ ዎዳ ዲራው፥ ሳዓይ ዳሮ ቃፄዳ፤ ሄ ኪታንቻይ ዪዴ፥ ሹቻ ጎንዶርሲ ኦሊዴ፥ ኣ ቦላ ኬሲ ኡቴዳ።  
\v 3 ኣ ማላይ ዋልቃን ማላቴ፤ ኣ ማዩካ ሻቻዳን ቦ።  
\v 4 ናጊያዋንቱ ኪታንቻው ያሻ ኮኮሪዴ፥ ሃይቄዳ ኣሳዳን ሃኔዲኖ። 
\p  
\v 5 ኪታንቻይ ማጫዋንታ ሃዋዳን ያጌዳ፤ «ያዮፒቴ፤ ኣያው ጎፔ፥ ማስቃሊያ ቦላ ሚሲማሪያን ሺዴ ካቄዳ ዬሱሳ ሂንቴንቱ ኮዪያዋ ታኒ ኤራይ።  
\v 6 ኢ ሃዋን ባዋ፤ ኣያው ጎፔ፥ ኢ ባሬ ጌዳዋዳንካ ሃይቁዋፔ ዴንዲ ዲጌዳ፤ ሃ ዪዴ፥ ኢ ሞጌቲ ጊሶሳ ቤዒቴ።  
\v 7 ሂንቴንቱ ሃዒ ኤሌካ ቢዴ፥ ዬሱሳ ካሊያዋንቶ፥ ‹ዬሱሲ ሃይቁዋፔ ዴንዲ ዲጌዳ። ቃሲ ኢ ሂንቴፔ ካሴቲዴ፥ ጋሊላ ቤ፤ ሂንቴንቱ ኣ ያኒ ቤዓና› ያጊዴ ኦዲቴ። ቤዒቴ፥ ታኒ ሂንቴንቱሲ ኦዳዲ» ያጌዳ። 
\p  
\v 8 ኡንቱንቱ ያዪዲኔ ቃሲ ዳሮ ናሼቲዴ፥ ዬሱሲ ሞጌቴዳ ጎንጎሉዋ ማታፔ ኤሌካ ኪቺዴ፥ ዬሱሳ ካሊያዋንቶ ኦዳናው ዎፄዲኖ። 
\p  
\v 9 ሄ ማንዒያንካ ዬሱሲ ኡንቱንቱና ጋኬቲዴ ኡንቱንታ፥ «ሳሮ ዴዒቴ» ያጊ ኣጌዳ፤ ኡንቱንቱ ኣኮ ሺቂ ኣ ጌዲያ ኦይቂዴ፥ ኣው ጎዪኔዲኖ።  
\v 10 ዬሱሲ ሄ ዎዴ ኡንቱንታ፥ «ያዮፒቴ፤ ታ ኢሻቱ ጋሊላ ባና ማላ፥ ቢዴ ኡንቱንቶ ኦዲቴ፤ ኡንቱንቱ ታና ያኒ ቤዓናዋንታ» ያጌዳ። 
\p  
\v 11 ሄ ማጫዋንቱ ቢያ ዎዴ፥ ጎንጎሉዋ ናጊያ ዎታዳራቱዋፔ ኣማሬዳዋንቱ ካታማ ቢዴ፥ ሃኔዳዋ ኡባ ቄሳቱዋ ካፓቶ ኦዴዲኖ።  
\v 12 ቄሳቱዋ ካፓቱ ጪማቱዋና ኢቲፔ ሺቂ ዞሬቲዴ፥ ዎታዳራቶ ዳሮ ሚሻ ኢሚዴ፥  
\v 13 « ‹ኑኒ ጌሚዒሹዋን ዴዒሺን ኣ ካሊያዋንቱ ቃማ ዪዴ፥ ኣ ኣኃ ዉዔዲኖ› ያጊቴ።  
\v 14 ሃ ዬዉዋ ጋዲያ ኣዪሲያዌ ሲሶፔ፥ ኑኒ ኣው ኦዲ ኣማንና፤ ቃሲ ሂንቴንታ ኣይኔ ሂርጊሴናዳን ኦና» ያጌዲኖ። 
\p  
\v 15 ዎታዳራቱ ሚሻ ኣኪዴ፥ ባሬንቶ ኦዴዳዋዳን ኦዲኖ። ሃ ዬዉ ኣዪሁዳቱዋ ማታን ሃቼ ጋካናው፥ ኦዴቲዴ ዴዔ። 
\s1 ዬሱሲ ባሬና ካሊያዋንቶ ቤቴዳ 
\r (ማር 16፡14-18፤ ሉቅ 24፡36-49፤ ዮህ 20፡19-23፤ ኪት 1፡6-8፤ 1ቆር 15፡3-8) 
\p  
\v 16-17 ሺን ታማኔ ኢቲ ኣ ካሊያዋንቱ ዬሱሲ ባሬንታ ቢቴ ጌዳ ጋሊላ ጋዲያ ቢዴ ኣ ቤዔዳ ዎዴ፥ ኣው ጎዪኔዲኖ፤ ሺን ኡንቱንቱፔ ኢቱ ኢቱ ሲዲኖ። \x - \xo 28:16-17 \xt ማት 26፡32፤ ማር 14፡28\x* 
\p  
\v 18 ዬሱሲ ኡንቱንቱኮ ሺቂዴ፥ ኡንቱንታ ሃዋዳን ያጌዳ፤ «ማታይ ኡባይ ሳሉዋኒኔ ሳዓን ታው ኢሜቴዳ።  
\v 19 ሄዋ ዲራው፥ ሂንቴንቱ ቢዴ፥ ኣሳ ኡባ ታና ካሊያዋንታ ኦቴ፤ ኣዉዋ ሱንን፥ ናዓ ሱንኒኔ ጌሻ ኣያና ሱንን ኡንቱንታ ፃማቂቴ። \x - \xo 28:19 \xt ኪት 1፡8\x* 
\v 20 ታኒ ሂንቴንታ ኣዛዜዳባ ኡባ ኡንቱንቱ ናጋና ማላ፥ ኡንቱንታ ታማሪሲቴ፤ ታኒ ዎዲያ ዉርሴይ ጋካናሲካ ኡባ ዎዴ ሂንቴንቱና ዴዒያዋ ኣኬኪቴ» ያጌዳ።