\id LUK - ዳውሮ \h ሉቃሳ \toc1 ሉቃሲ ፃፌዳ ሚሺራቹዋ ቃላ \toc2 ሉቃሳ \toc3 ሉቅ \mt1 ሉቃሲ ፃፌዳ \mt2 ሚሺራቹዋ ቃላ \imt1 ጌሉዋ \ip ሉቃሲ ፃፌዳ ሚሺራቹ፥ ዬሱሳ ኮይሮ ያናዋ ያጌቲ ናባቱዋን ኣባይ ኦዴቴዳዋ፥ ዳሮ ዎዲያፔ ናጌቴዳ ሂዶታው ሁጴ ጊዴዳዌ፥ ኢስራዔሊያ ኣሳይ ናጊዴ ዴዒያ ፆሳኒ ኦኬቴዳዌ፥ ኣሳ ዜሬ ኡባ ኣሺያዋ ጊዲያዋ ቆንጪሴ። ዬሱሲ ፆሳ ኣዉዋፔ ሂዬሳቶ ሚሺራቹዋ ቃላ ኦዳናው ኪቴቴዳዋ ጊዲያዋኔ ሃ ሚሺራቹዋ ቃላይ ኣሳሲ ዴዒያ ዱማ ዱማ ሜቱዋ ቃሪያ ዎልቃ ኦይቄዳዋ ጊዲያዋ ሉቃሲ ኦዴ። ሉቃሳ ሚሺራቹዋ ቃላ ጊዶን፥ ዬሱሳ ዩሳባ ኦዲያ ኮይሮ ሼምፓቱዋኒኔ ቃሲካ ዬሱሲ ሳሉዋ ፑዴ ኬሴዳዋ ኦዲያ ዉርሴ ሼምፓቱዋን ሎይዴ፥ ኦዴቴዳዌ ናሼቻባ። ዬሱሲ ሳሉዋ ኬሴዳዋፔ ጉዪያን ኣማኑዋባይ ዋኒ ዲጬዴንቶኔ ዋኒ ኣኬዴንቶ ኦዲያ ታሪኪያ ሃ ማፃፋ ፃፌዳ ቢታኒ ዬሱሲ ኪቴዳዋንቱ ኦሱዋ ማፃፋን ኦዴዳ። \ip ኪታንቻቱዋ ዬባይ፥ ዬሱሲ ዬሌቴዳ ዎዴ ዉዲያ ሄሚያዋንቱ ቢዴ ቤዔዳዋ ኦዲያ ታሪኪ፥ ዬሱሲ ናዓቴን ዴዒዴ ጌሻ ጎሊያ ቤዳባይ፥ ቃሬታንቻ ሳሚራዊያኔ ባዪዴ ቤቴዳ ናዓ ታሪኪ ሉቃሳ ሚሺራቹዋ ፃላላን ቤቲያዋንታ። ሃ ሚሺራቹዋ ቃላ ጊዶን ሃ ጋፃፔ ሂኒ ጋፃ ጋካናው ሁጴ ጊዲዴ ፄሌቴዳባይ ዎሳባ፥ ጌሻ ኣያናባ፥ ዬሱሳ ኦሱዋ ጊዶን ማጫ ኣሳው ዴዒያ ሳባኔ ፆሳይ ናጋራ ኣቶ ያጊያባ። \iot ሼምፓቱዋ ኡባቱዋሲ ኢሜቴዳ ቃን ቆፋቱዋ \io1 ጌሉዋ (1፡1-4) \io1 ፃማቂያ ዮሃኒሳኔ ዬሱሳ ዬሌታ (1፡5-2፡52) \io1 ፃማቂያ ዮሃኒሳ ኦሱዋ (3፡1-20) \io1 ዬሱሳ ፂንቃታኔ ፓጪያ (3፡21-4፡13) \io1 ዬሱሲ ኦሱዋ ጋሊላን ዶሞዋ (4፡14-9፡50) \io1 ዬሱሲ ጋሊላፔ ዬሩሳላሜ ቦዋ (9፡51-19፡27) \io1 ዬሩሳላሜኒኔ ኢዚ ዩሹዋን ዬሱሳ ዉርሴ ሳሚንታ (19፡28-23፡56) \io1 ጎዳ ዬሱሳ ዴንዱዋ፥ ቆንጬኔ ሳሉዋ ቡሳ (24፡1-53) \c 1 \p \v 1-4 ቦንቼቴዳ ቶፊሎሳ፥ ኮይሮ ባሬንቱ ኣይፊያን ቤዔዳዋንቱኔ ባሬንቱ ቃላን ማርካቴዳዋንቱ ኑሲ ኦዴዲኖ። ፃፌቴዳ ዬዉዋ ታ ባጋን ኡባ ፃጱዋፔ ቢዳ ፄሎዋፔ ጉዬ፥ ታሪኪያ ማራ ናጌዳ ኦጊያን ኔው ፃፋናው ሎዓ ጊዴዳዌ ታው ቤቴዳ። \s1 ፃማቂያ ዮሃኒሳ ዬሌታይ ኮይሮ ኦዴቴዳ \p \v 5 ዪሁዳ ጋዲያ ካቲያ ሄሮዲሳ ዎዲያን፥ \f + \fr 1:5 \fq ዪሁዳ፡ \ft ሃዋኒ ዪሁዳ ጋዲያ ጌቴቴዳዌ ፊልስፄሜ ጋዲያ ኡባ ቤሲያዋ።\f* ኣቢያ ቄሳቴ ኦሱዋ ባጋፔ ጊዴዳ ዛካራሳ ጌቴቲያ ኢቲ ቄሳይ ዴዔ። \x - \xo 1:5 \xt 1ኦድ 24፡10\x* ማቻታካ ኤልሳቤፆ ጌቴቲያ ኣሮኔ ያራፔ ዬሌቴዳዉኖ። \v 6 ላዓቱካ ጎዳ ኣዛዙዋኔ ሴራ ዳሪሲዴ ናጊያዋንታኔ ካ ባንታን ፆሳ ሲንን ዴዒያ ፂላቱዋ። \v 7 ጊዶፔ ኣቲን ኤልሳቤፃ ማን ጊዶ ዲራው፥ ዬሉ ኡንቱንቶ ባዋ። ላዓቱካ ላይ ሱጌዳዋንታ። \p \v 8 ኢቲ ጋላሲ ዛካራሲ ባሬ ባጋ ካላን ፆሳ ሲንን ቄሳቴን ኦያ ዎዴ፥ \v 9 ባሬ ቄሳቴ ዎጋ ዶያዳን ጌሻ ጎሊያ ጌሊዴ ኢፃና ጩዊሱዋ \f + \fr 1:9 \fq ኢፃና ጩዊሱዋ፡ \ft ሃዋ ጉሳይ ጩዋይ ዎሳ ኮታ ፆሳኮ ጋኬ ጊዴ ዎንታኔ ኦማርሲ ዎዴ ጩዊሲያ ዎጋ።\f* ሳማይ ኣ ጋኬዳ። \v 10 ኢፃናይ ጩዊያ ዎዴ ኣሳይ ኡባይ ካሬን ኤቂዴ ዎሲ ዴዔ። \p \v 11 ጎዳ ኪታንቻይ ኢፃና ያርሹዋሳፔ ኡሼቻና ኤቂዴ ኣው ቤቴዳ። \v 12 ዛካራሲካ ቤዔዳ ዎዴ ዳጋሚዴ ያሻን ሚቴቴዳ። \v 13 ኪታንቻይካ ቃሲ ያጌዳ፥ «ዛካራሳ፥ ያዮፓ፤ ኔ ዎሳይ ሲሴቴዳ፥ ኔ ማቻታ ኤልሳቤፃ ኣቱማ ናዓ ዬላናዉኑ። \v 14 ኣ ዬሌታን ናሼታይኔ ኢሻሉ ኔው ሃናናዋ፤ ጮራቱካ ኢ ዬሌቶ ዲራው ሃሹ ጋናዋንታ፤ \v 15 ኢካ ጎዳ ሲንን ዳራ ጊዳናዋ። ማዪያ ዎዪኒያ ኡሻ ጊዶ ሃራ ማዪያ ኡሻ ኣይኔ ኡሼና፤ ባሬ ዳይ ኡሉዋን ዴዒሺን ኣያና ጌሻይ ኣኒ ኩማናዋ። \x - \xo 1:15 \xt ፓይ 6፡3\x* \p \v 16 «ኢስራዔሊያ ኣሳቱዋፔካ ጮራቱዋ ኡንቱንቱ ጎዳ ፆሳኮ፥ ኢ ዛራናዋ። \v 17 ኢካ ጊጌና ኣሳ ጎዳው ጊጊሳናው፥ ኣዋቱዋ ዎዛና ናናቱዋኮ፥ ኣዛዜቴናዋንታካ ፂሎቴ ኤራኮ ዛራናው፥ ኤላሳ\f + \fr 1:17 \fq ኤላሳ፡ \ft ሃዌ ጌቴቴዳዌ፥ ካሴ ኤጫ ጫቁዋ ማፃፋን ናቢያ ኤላስ ኦራባ ኦያ ዎልቃኒ ኤሬቴዳዋ ዲራሳ።\f* ኣያናኒኔ ዎልቃን ጎዳፔ ሲንና ቤ።» \x - \xo 1:17 \xt ሚል 4፡5፣ 6\x* \p \v 18 ዛካራሲካ ኪታንቻ፥ «ታኒ ጪማዲ፥ ታማቻታካ ባሬ ላይን ሱጌዳዉኖ፥ ሃዋ ታኒ ኣያን ኤራኒታ?» ጌዳ። \p \v 19 ኪታንቻይካ ዛሪዴ፥ «ታኒ ፆሳ ሲንን ኤቂያ ጋብሬላ፤ ሃዋ ሚሺራቹዋ ኔው ኦዳናው ኔኮ ኪቴታዲ፤ \x - \xo 1:19 \xt ዳን 8፡16፤ 9፡21\x* \v 20 ሄኮ ሄ ዎዲያን ሃናና ታ ቃላ ኔ ኣማና ቤና ዲራው፥ ሃ ዬዉ ሃናና ጋላሳይ ጋካናው ኔኒ ዱዴ ጊዳናሳ፤ ሃሳያናዉካ ዳንዳያካ» ጌዳ። \p \v 21 ሄ ዎዴ ኣሳይ፥ ዛካራሲ ጌሻ ጎሊያፔ ኬሴናን ኣያው ጋሚዔዴንቶ ማላሌቲዴ ናጊኖ። \v 22 ኬሴዳ ዎዲያንካ ሃሳያናው ዳንዳይቤና፤ ጌሻ ጎሊያን ሳፃ ኢ ቤዔዳዋ ኣኬኬዲኖ፤ ኢካ ሃሳያናው ዳንዳዪቤናዋ ፆርሲ ቤሲዴ፥ ዱዴ ጊዲዴ ዴዔዳ። \p \v 23 ዛካራሲካ ባሬ ኦሱዋ ዎዲያ ዉርሶ ዎዴ፥ ባሬ ጎሌ ሲሜዳ። \v 24 ሄዋፔ ጉዪያን ኣ ማቻታ ኤልሳቤፃ ሻሃራዴ ኢቼሹ ኣጌና ባሬና ጌንዱ። \v 25 ኤልሳቤፃካ፥ «ታ ቶሺያ ኣሳ ጊዶፔ ዲጋናው\f + \fr 1:25 \fq ታ ቶሺያ ኣሳ ጊዶፔ ዲጋናው፡ \ft ኣሲና ጌሌዳ ሚሺራታ ናዓ ዬሌናን ኣቶፔ፥ ኢሲራዔሊያ ኣሳ ቆፋን፥ «ፆሳይ ኢዞ ሙሪ ዴዔ» ያጌታው።\f* ጎዳይ ባሬ ማሮቴን ታና ፄሎ ዎዴ፥ ሃዋዳን ታው ኦዳ» ጋዱ። \s1 ዬሱሳ ዬሌታይ ካሴቲዴ ኦዴቴዳ \p \v 26 ኡሱፑን ኣጌናን ፆሳ ኪታንቻ ጋብሬል ጋሊላ ጋዲያን ናዚሬቴ ካታማ \v 27 ዳዊታ ያራፔ ጊዴዳ ዮሴፋ ጌቴቲያ ቢታኔው ኦሼታ ቃሼቴዳ ዎዶራቲኮ ፆሳ ማታፔ ኪቴቴዳ፤ ዎዶራቲ ሱንይካ ማይራሞ ጌቴቴ። \x - \xo 1:27 \xt ማት 1፡18\x* \v 28 ኪታንቻይካ ማይራሚኮ ዪዴ፥ «ዳሪሳዴ ዶሴታዉኔ፥ ሳሮቴይ ኔው ጊዶ፤ ጎዳይካ ኔናና ጋ ዴዔ፤ ኔኒካ ማጫዋንቱ ጊዶን ኣንጄቴዳዉኖ» \f + \fr 1:28 \fq ኔኒካ ማጫዋንቱ ጊዶን ኣንጄቴዳዉኖ፡ \ft ሃ ቆፋይ ቤኒ ጪሜዳ ግሪኪያ ማፃፋን ባይናዋ ጊዲያ ዲራው፥ ኢቲ ኢቲ ኢንጊሊዜዋኒኔ ኣማራዋ ማፃፋኒካ ባዋ።\f* ያጌዳ። \p \v 29 ማይራማካ ኣ ሃሳያፔ ዴንዶዋን ዳሪሳ ዳጋማዴ፥ «ሃዌ ኣያ ማላ ሳሮታ ጊዳኔ» ጋዴ ዬዉዋ ቆፓዱ። \v 30 ኪታንቻይ ኢዞ፥ «ሃኔ ማይራሜ፥ ፆሳ ማታን ሳባ ዴማዳ ያዮፓ። \v 31 ኔኒ ሻሃራዴ፥ ኣቱማ ናዓ ዬላናሳ፤ ኣ ሱንካ ዬሱሳ ጋናሳ። \x - \xo 1:31 \xt ማት 1፡21\x* \v 32 ኢካ ዳራ ጊዳናዋ፤ ኡባፔ ቃ ፆሳ ናዓ ጌቴታና፤ ጎዳ ፆሳይ ኣ ኣቡ ዳዊታ ካዉቴ ኦይዲያ ኣው ኢማናዋ። \v 33 ኢካ ያዪቆባ ጎሌን ሜናው ካዉታናዋ፤ ኣ ካዉቴዉካ ዉርሴይ ባዋ» ያጌዳ። \x - \xo 1:33 \xt 2ሳም 7፡12፣ 13፥ 16፤ ኢሳ 9፡7\x* \p \v 34 ማይራማካ ኪታንቻ፥ «ታኒ ዎዶራቶ ጊዶ ዲራው፥ ሃዌ ዎቲ ሃናናዌ?» ያጋዱ። \p \v 35 ኪታንቻይካ ዛሪዴ ኢዚው፥ «ኣያና ጌሻይ ኔ ቦላ ያናዋ፤ ቃ ፆሳ ዎልቃይ ኔናን ሼምፓናዋ። ሄዋ ዲራው፥ ኔፔ ዬሌቲያዌ ጌሻ ፆሳ ናዓ ጌቴታና። \v 36 ኔ ዳባታ ኤልሳቤፃ ባሬ ጪማቴ ዎዲያን ኣቱማ ናዓ ሻሃራዱ። ማን ጌቴቴዳዉና ኤልሳቤፃ ሻሃሮዴፔ ኡሱፑን ኣጌና ኦይቃዱ። \v 37 ፆሳ ፆኒያ ዬዉ ባዋ» \x - \xo 1:37 \xt ዶም 18፡14\x* ያጌዳ። \p \v 38 ማይራማካ፥ «ታኒ ጎዳ ኣይላቶ፤ ኔኒ ጎዋዳን ሃኖ» ጋዱ። ሄዋፔ ጉዪያን ኪታንቻይ ኢዚ ማታፔ ቤዳ። \s1 ማይራማካ ኤልሳቤፆ ኦቻናው ባዱ \p \v 39 ማይራማካ ሄ ኣጌና ጊዶን ዴንዳዴ ኪሊ ዞዜቲያ ዪሁዳ ጋዴን ዴዒያ ኢቲ ካታማ ኤሌላ ኬሳዱ። \v 40 ዛካራሳ ጎሌ ጌላዴ ኤልሳቤፆ ሳሮታዱ። \v 41 ኤልሳቤፃካ ማይራሚ ሳሮታ ሲሴዳ ዎዴ፥ ኢዚ ኡሉዋን ዴዒያ ሻሃራይ ጉፔዳ፤ ኤልሳቤፃካ ኣያና ጌሻን ኩማዱ። \v 42 ባሬ ኮሻካ ቁ ኦዴ፥ «ኔኒ ማጫዋንቱ ጊዶፔ ኣንጄቴዳዉኖ። ኔፔ ዬሌቲያዌካ ኣንጄቶዋ። \v 43 ኔኒ ታ ጎዳ ዳያ ታኮ ያናው ታኒ ኦኔ? \v 44 ሄኮ ኔ ሳሮታ ኮሻይ ታ ሃይን ሲሴቴዳ ዎዴ፥ ታ ኡሉዋን ዴዒያ ሻሃራይ ናሼቻን ጉፔዳ። \v 45 ጎዳይ ፖሌቴ ጊዴ ኢዚው ኦዴዳዋ ኣማኔዳዉና ኢዛ ኣንጄቴዳዉኖ» ያጋዱ። \s1 ማይራሚ ጋላታ ዬ \r (1፡46-53) \p \v 46 ማይራማካ፥ \q1 «ታ ሼምፓታ ታ ጎዳ ቦንቻው፥ \q1 \v 47 ታ ኣያናይካ ታ ፆሳ፥ ታ ሊያን \q2 ሎይ ናሼታው። \q1 \v 48 ኢካ ባሬ ኣይላቲ ቶሺያ \q2 ፄሌዳ። \q1 ሃቼፔ ዶሚዴ ዬሌታይ ኡባይ \q2 ኣንጄቴዳዉኔ ጊኖ። \q1 \v 49 ዎልቃማ ጊዴዳ ኢ ዳሮ \q2 ዬዉዋ ታው ኦዳ፤ \q1 ኣ ሱንይካ ጌሻ። \q1 \v 50 ኣ ማሮታይ ያዪያዋንቱሲ ዬሌታፔ ዬሌታይ \q2 ጋካናው ዴዔ። \q1 \v 51 ባሬ ዎልቃን ሚኖ ኪታ ኪቴቴዳ፤ \q2 ባሬንቱ ዎዛና ቆፋን ኦቶሬቲያዋንታ \q1 ላሌዳ። \q1 \v 52 ሞዲያዋንታ ካዉቴ ማታ ኦይዲያፔ ዎዳ፤ \q2 ኣሺካቱዋካ ቃሲ ቁ ቁ ኦዳ። \q1 \v 53 ኮሻቴዳዋንታ ሎዖ ዬዉዋን ካሊሴዳ፤ \q2 ዱራቱዋ ቃሲ ሜላ ዬዴርሴዳ \q1 \v 54 ባሬ ማሮቴ ቆፒዴ \q2 ባሬ ኣይሊያ ኢስራዔሊያ ማዴዳ። \q1 \v 55 ኑ ኣዋቶ ኢ ኦዴዳዋዳን \q2 ኣብራሃሜዉኔ ኣ ያራው ጌዳዋ \q1 ሜናው ናጋና ዲራሳ» \m ያጋዱ። \p \v 56 ማይራማካ ሄዙ ኣጌና ኬና ኤልሳቤፂ ማታን ጋሚዖዋፔ ጉዪያን ባሬ ጎሌ ሲማዱ። \s1 ፃማቂያ ዮሃኒሳ ዬሌታ \p \v 57 ኤልሳቤፂዉካ ዬሊያ ዎዲ ጋኪና፥ ኣቱማ ናዓ ዬላዱ። \v 58 ኢዚ ሾራቱኔ ኢዚ ዳቦ ጊዴዳዋንቱ፥ ጎዳይ ማሮቴ ኢዚው ኦዳዋ ሲሲዴ ኢዚና ኢቲፔ ናሼቴዲኖ። \p \v 59 ሆስፑን ጋላሳን ናዓ ቃፃራናው ዬዲኖ፤ ኣ፥ ኣዉዋ ሱንን ዛካራሳ ጊዴ ሱንናው ኮዬዲኖ። \x - \xo 1:59 \xt ዎግ 12፡3\x* \v 60 ኣ ዳያ ቃሲ፥ «ሃኔና፥ ዮሃኒሳ ጌቴታናው ኮሼ» ያጋዱ። \p \v 61 ኡንቱንቱካ ኢዞ፥ «ኔ ዳባቱዋፔ ሃቼ ጋካናው ኢቱካ ሃ ሱንን ፄሴቲቤና» ያጌዲኖ። \p \v 62 ኣ ኣባ፥ ኦና ጊያ ሱንን ፄጌታናው ኮዪንቶ ፆርሲ ኦቼዲኖ። \p \v 63 ኣ ኣቡካ ፃፊያባ ኦቺ ኣኪዴ፥ «ናዓ ሱንይ ዮሃኒሳ» ጊዴ ፃፊና፥ ኡባቱካ ዬዉዋን ማላሌቴዲኖ። \v 64 ሄዋንካ ዛካራሳ ዶናይ ዶዬቴዳ፥ ኣ ኢንፃርሳይካ ቢሌቲና ሃሳያ ዶሜዳ፥ ፆሳካ ጋላቴዳ። \p \v 65 ኣ ሾራቱካ ዴዒያሳ ኡባን ያሻን ኩሜዲኖ። ሃ ዬዉካ ዞዜቲያ ዪሁዳ ጋዲያ ኡባን ዳሪ ሃሳዬቴዳ። \v 66 ሃዋካ ሲሴዳዋንቱ ኡባቱ፥ «ሃ ናዓይ ኣያ ጊዳኔሻ?» ያጊዴ ዬዉዋ ባሬንቱ ዎዛናን ኦይቄዲኖ፤ ፆሳይካ ኣናና ዴዒያዋ ኤሬዲኖ። \s1 ዛካራሳ ጋላታኔ ቲምቢቲያ ኦዱዋ \p \v 67 ዮሃኒሳ ኣቡ ዛካራሲ ኣያና ጌሻን ኩሚዴ ቲምቢቲያ ያጊ ኦዴዳ፡ \q1 \v 68 «ኢስራዔሊያ ጎዳይ ፆሳይ ኣንጄቶ፤ \q2 ዪዴ ባሬ ኣሳ ፆሞሴዳኔ ዎዜዳ። \q1 \v 69 ባሬ ኣይሊያ ዳዊቴ ጎሊያን፤ \q2 ዎልቃማ ኣሺያዋ ኑሲ ጊጊሴዳ። \q1 \v 70 ሃዌካ ቤኒ ጎዳ ጌሻ ናባቱዋ \q2 ዶናን ኦዴቶዋዳን፥ \q1 \v 71 ኢ ኑና፥ ኑ ሞርኬቱዋፔኔ \q2 ኑናና ኤቄቲያዋንቱ ኩሺያፔ ኣሻናሳ። \q1 \v 72 ሃዋካ ኢ ኦዳዌ፥ ኑ ኣዋቶ \q2 ማሮቴ ቤሳናሳኔ፥ \q2 ባሬ ጌሻ ጫቁዋ ዎዛና ኣናሳ። \q1 \v 73 ኑ ኣዉዋ ኣብራሃሞሲ \q2 ጫቄዳ ጫቁዋ ቆፓናው፥ \q1 \v 74 ኑ ሞርኬቱዋ ኩሺያፔ ኬሲዴ \q2 ያሻይ ባንታን ኣው ኦናዳን \q2 ማታ ኑሲ ኢሜዳ። \q1 \v 75 ሃዌኔካ፥ ኑና ኑ ዎዲያ ኡባን \q2 ጌሻቴኒኔ ፂሎቴን \q2 ባሬ ሲንን ኤሳና ዲራሳ። \q1 \v 76 ዛሪዴካ፥ ኔኖ፥ ታ ናዓው፥ \q2 ቃ ፆሳ ናቢያ \q2 ጌቴታናሳ፤ \q2 ኦጊያ ጊጊሳናው ጎዳፔ ሲንና \q2 ባናሳ። \q1 \v 77 ኣሳ ናጋራ ማሪያ ኣቶቴ ኤራ \q2 ኡንቱንቶ ኢማናሳ። \q1 \v 78 ሄዌካ ኪሊፔ ዬዳ ፖዑ፥ \q2 ኑና ፆሞሴዳዌ ኑ ፆሳ ማሮቴኔ \q2 ቃሬታ ጋሱዋና። \q1 \v 79 ኣ ፖዑካ ማኒኔ ሃይቁዋ ኩዋን \q2 ኡቴዳዋንቶ ፖዒሴ፤ \q2 ኑ ጌዲያካ ሳሮቴ ኦጊያን ሱሪሴ።» \p \v 80 ናዓይካ ዲጪዴ፥ ኣያናን ሚኔዳ፤ ኢስራዔሊያ ኣሳው ቤቴዳ ጋላሳይ ጋካናው ሜላ ቢታን ዴዔዳ። \c 2 \s1 ዬሱሳ ዬሌታባ \r (ማት 1፡18-25) \p \v 1 ሄ ዎዴ \f + \fr 2:1 \fq ሄዎዴ፥ \ft ጌቴቶዌ ፃማቂያ ዮሃኒሲ ዬሌቲ ሲሚዴ ቢሮ ጉቴን ዴዒሺን ዬሱሲ ዬሎቶ ዎዲያና።\f* ሮማ ካዉቴ ጋርሳን ዴዒያ ኣሳይ ኡባይ ሱን ፃፌታናዳኒኔ ፓይዴታናዳን ኣዉጊስፆሴ ቄሳሬፔ \f + \fr 2:1 \fq ቄሳራ፥ \ft ጊያ ሱንይ ካቲያ ጉሳ። ሄዌኔካ ጮራ ጋዲያ ሞዲያ ዎልቃይ ዴዒያ ጮራ ካታቱዋ ካቲያ ጉሳ።\f* ኣዛዙ ኬሴዳ። \v 2 ሄዌኔካ፥ ቄሬኔዮሴ\f + \fr 2:2 \fq ቄሬኔዮሳ፥ \ft ጌቴቲያዌ ሮማ ካቲ ኣዉጊስፆሴ፥ ሶሪያ ጌቴቲያ ዪሁዳኔ ጋሊላ ኣዉራጃቱዋ ኦይቄዳ ጋዲያን ሱንዬዳዋ።\f* ሶሪያ ጋዲያ ሞዲያ ዎዴ ሃኔዳ ኮይሮ ኣሳ ፓይዱዋ። \p \v 3 ሃዋ ዲራው ኢቲ ኢቲ ኣሳይ ፃፌታናው ባሬ ካታማ ባሬ ካታማ ቤዳ። \v 4 ዮሴፎካ ዳዊታ ጎሊያፔኔ ያራፔ ጊዲያ ዲራው ጋሊላ ኣዉራጃን ዴዒያ ናዚሬቴ ካታማፔ ዴንዲዴ ዳዊታ ካታማ ጊዴዳዉኒኮ ዪሁዳን ዴዒያ ቤቴሊሄሜ ጌቴቲያ ካታማ ኬሴዳ። \v 5 ሄ ዎዴ ዬሊያ ዎዲ ማቴዳ ኣው ኦሼታ ኡቴዳ ማይራማካ ኣናና ኢቲፔ ባዱ። \v 6 ኡንቱንቱ ሄዋን ዴዒሺን ኢዚው ዬሊያ ዎዲ ጋኪ ኣጌዳ። \v 7 ኢዛካ ባይራ ናዓ \f + \fr 2:7 \fq ባይራ ናዓ፡ \ft ኢሲራዔሊያ ኣሳይ ዬሌቴዳ ናዓ ኡባ ጎሊያንካ ፆሳው ቤሲያዋ ጊኖ።\f* ጊዴዳ ኣቱማ ናዓ ዬላዱ፤ ኢማይ ሼምፒያሳ ዴማ ቤና ዲራው፥ ናዓ ማዩዋን ፃፃዴ ጋጳቲያን \f + \fr 2:7 \fq ጋጳቲያ፡ \ft ሃ ሚሻይ ሚያይ ሚያባይ ሳዓን ላሌቴናን ማና ማላ ዬጊዴ ኢሚያባ።\f* ቄራዱ። \s1 ዉዲያ ሄሚያዋንታኔ ኪታንቻቱዋ \p \v 8 ሄ ጋዲያን ቃማ ባሬንቱ ዉዲያ ሄሚዴ ዴምባን ኣቂያዋንቱ ዴዒኖ። \v 9 ፆሳ ኪታንቻይ ቆፔናን ዪዴ ኡንቱንቱ ሚዪያን ኤቄዳ፤ ጎዳ ቦንቹ ኡንቱንቱ ዩሹዋን ፖዔዳ ዎዴ፥ ዎልቃማ ያሻይ ኡንቱንታ ኦይቄዳ። \v 10 ኪታንቻይ ኡንቱንታ፥ «ያዮፒቴ፥ ኣሳው ኡባው ሃኒያ ዳሮ ናሼቺያ ሚሺራቹዋ ታኒ ሂንቴንቶ ኣሃዲ። \v 11 ሃቼ ዳዊታ ካታማን ኣሺያዌ ዬሌቴዳ። ኢካ ጎዳ ኪሪስቶሳ። \v 12 ሃዌ ሂንቴንቶ ማላ ጊዶ፡ ጋጪኖ ናዓይ ማዩዋን ፃፄቲዴ ጋጳቲያ ጊዶን ጊሴዳዋ ዴማኒታ» ያጌዳ። \p \v 13 ቆፔናን ጮራ ፆሳ ኪታንቻቱ ኮይሮ ኪታንቻና ኢቲፔ ቆንጬዲኖ። \p \v 14 ፆሳካ ጋላቲዴ፥ ሃዋዳን ጌዲኖ፡ \q1 «ቦንቹ ፆሳው \q2 ቦላ ሳሉዋን ጊዶ። \q1 ሳዓን ኢ ዶሲያ ኣሳው \q2 ሳሮቴይ ጊዶ» \m ያጌዲኖ። \p \v 15 ኪታንቻቱ ኡንቱንቱፔ ሻኬቲዴ ሳሉዋ ኬሶዋፔ ጉዬ፥ ዉዲያ ሄሚያዋንቱ፥ «ጎዳይ ኑሲ ቆንጪሴዳዋ፥ ሃዋ ሃኔዳ ዬዉዋ ቤዓናው ቤቴሊሄሜ ቦይቴ» ጌቴቴዲኖ። \p \v 16 ኡንቱንቱካ ኤሌሊዴ ቤዲኖ። ማይራሞኔ ዮሴፋ ዴሚዴ፥ ጋጪኖ ናዓይካ ጋጳቲያን ጊሴዳዋ ቤዔዲኖ። \v 17 ሄዋፔ ጉዪያን ጉ ናዓ ዲራው ኦዴቴዳዋ ቆንጪሲዴ ኦዴዲኖ። \v 18 ሃዋ ሲሴዳ ኡባይ ኡንቱንቱ ኦዴዳ ዬዉዋን ማላሌቴዲኖ። \v 19 ማይራማ ቃይ ሃዋ ኡባ ባሬ ዎዛናን ኦይቃዴ ቆፓዴ ጋሚዓዱ። \v 20 ዉዲያ ሄሚያዋንቱካ ኡባ ዬዉ ኡንቱንቶ ኦዴቴዳዋዳን ሃኒና ዴሞ ዲራው፥ ሲሴዳዎኔ ቤዔዳዎ ኡባው ፆሳ ቦንቺዲኔ ጋላቲዴ ሲሜዲኖ። \p \v 21 ናዓው ሆስፑን ጋላሳ ጊዲና ቃፃሬቲያ ዎዲ ጋኮ ዎዴ፥ ኢ ኣቲ ኡሉዋን ኣታናፔ ካሴ፥ ኪታንቻይ ኬሶ ሱንን፥ ዬሱሳ ጌቴቴዳ። \x - \xo 2:21 \xt ዎግ 12፡3፤ ሉቅ 1፡31\x* \s1 ዬሱሲ ጌሻ ጎሊያን ፆሳው ሼቴዳ \p \v 22 ሙሴ ዎጋ ማራዳን ጌዪያ ዎዲ \f + \fr 2:22 \fq ጌዪያ ዎዲ፡ \ft ኣዪሁዳቱዋ ማጫ ኣሳይ ኣቱማ ናዓ ዬሎዋፔ ጉዪያን፥ «ጌሻ ጊዱኩ» ያጊ ቆፒኖ። ቃይካ ሄ ናዓይ ቃፃሬታና ጋካናው ኢዛ ሶዪፔ ኬሴናዳን ኡዴታው። ሃ ዎዲ፥ ጌዪያ ዎዲያ ጌቴቴ።\f* ፖሌቴዳ ዎዴ ዮሴፎኔ ማይራማ ጋጪኖ ናዓ ፆሳው ሼናው ዬሩሳላሜ ኣኪ ቤዲኖ። \v 23 ሄዌኔካ ጎዳ ዎጋን፥ «ኣቱማ ናዓ ጊዴዳ ባይራ ናዓይ \f + \fr 2:23 \fq ባይራ ናዓይ፡ \ft 2፡7 ፄሊቴ።\f* ኡባይ ፆሳው ዱማቴዳዋ ጊዳናዋ» ጌቴቲ ፃፌቴዳዋዳኒኔ፥ \x - \xo 2:23 \xt ኬስ 13፡2፣ 12\x* \v 24 ቃሲካ ጎዳ ዎጋን፥ «ላዑ ዶጎማቱዋ ዎይ ላዑ ሃራጴ ማራቱዋ» ጌቴቶዋዳን፥ ጎዳው ያርሹዋ ያርሻናው ኣፌዲኖ። \p \v 25 ሄ ዎዴ ፂሎኔ ጌንጫ ጊዴዳ ሲሞና ጌቴቲያ ኢቲ ቢታኒ ዬሩሳላሜን ዴዔ። ኢካ፥ ኢስራዔሊያ ኣሳው ኣቶቴ ሂዶታ ናጊያዋኔ ኣያና ጌሻይ ኣ ቦላን ሼምፔዳ ኣሳ። \v 26 ጎዳን ኦኬቴዳ ኪሪስቶሳ ቤዔናን ሃይቄናዋ ኣያና ጌሻን ኣው ቆንጪሴዳ። \p \v 27 ኢካ ሄ ዎዴ ኣያና ጌሻይ ካሌና፥ ጌሻ ጎሊያ ጌሌዳ። ናዓ ዬላዋንቱ ኤሪያ ዎጋ ማራዳን፥ ኮሺያዋ ኣው ፖላናው ጉ ናዓ ዬሱሳ ኦይቂዴ ጌሎ ዎዴ፥ \v 28 ሲሞኔ ሞኪ ኣኪ ናዓ ኢዲሚዴ ፆሳ ጋላቲዴ ሃዋ ያጌዳ፡ \q1 \v 29 «ጎዳው፥ ኔኒ ቃላ ጌሎ ማራዳን \q2 ሃዒ ታና ኔ ኣይሊያ ሳሩዋን ኔኮ ኣፋ። \q1 \v 30-31 ጋሱካ፥ ታ ኣይፋቱ \q2 ኣሳ ኡባ ሲንን ኔኒ ጊጊሴዳ፥ \q2 ኣሺያ ሂዶታ ቤዔዲኖ። \q1 \v 32 ሄዌካ ኢስራዔሊያ ጊዴና ኣሳው \q2 ቆንጬ ኢሚያ ፖዑዋ። \q1 ቃሲ ኔ ኣሳው ኢስራዔሌው ቦንቹዋ።» \p \v 33 ዮሴፎኔ ኣ ዳያ ኣ ዲራው ሃሳዬቴዳ ዬዉዋሲ ማላሌቴዲኖ። \v 34 ሲሞኒካ ኣንጂዴ ማይራሞ፥ «ሃዌ ናዓይ ኢስራዔሊያን ጮራቱዋሲ ዴንዱዋሲኔ ኩንዴው ጋሶ ጊዳናው፥ ቃሲካ ኢታ ሃሳዪያዋንቱሲ ማላ ጊዳናው ዶሬቴዳ። \v 35 ጮራቶካ ዎዛና ቆፋይ ቆንጮዋ ጊዳናው፥ ኔ ሼምፑካ ማሻን ቃንፆዋዳን ሴሌታናዋ » ያጌዳ። \p \v 36 ቃሲካ ኣሴራ ያራፔ ጊዴዳ ፓኑዔላ ናታ ሃኖ ጌቴቲያ ናባታ ዴዓው፤ ኢዛካ ሎይ ጪማዱ። ባሬ ዎዶሮቴን ጌሌዳ ኣሲናና ላፑ ላይ ዴዔዳዉኖ። \v 37 ኢዚ ላይይካ ሆስፑን ታማኔ ኦይዱዋ ጊዳና ጋካናው ጋላሳኔ ቃማ ጌሻ ጎሊያፔ ሻኬቴናን ፆማኒኔ ዎሳን ኪቴታዴ ኣምዔ \f + \fr 2:37 \fq ኣምዔ፡ \ft ኣምዔ ጉሳይ ኣሲናይ ሃይቂና ጌሌናን ጋሚዔዳ ማጫዉኖ። ሃ ፓይዱዋን ፃፌቴዳ ሚሺራታ ላፑ ላይ ፃላላ ኣሲናና ጋሚዖዋፔ ጉዬ 84 ላይ ኡባ ኣምዔ ጊዳዴ ጋሚዓዱ።\f* ጊዳዴ ጋሚዓዱ። \p \v 38 ሄ ዎዴካ ሺቃዴ ፆሳ ጋላታዱ፤ ቃሲካ ዬሩሳላሜ ኣሳይ ዎዜታናው ናጊያዋንቶ ኡባቶ ጋጪኖ ናዓ ዬሱሳባ ኦዳዱ። \s1 ዮሴፎኔ ማይራማ ናዚሬቴ ሲሜዲኖ \p \v 39 ዮሴፎኔ ማይራማ ጎዳ ሂጊያን ኣዛዜቴዳዋ ኡባ ፖሎዋፔ ጉዬ ጋሊላ ኣዉራጃን ዴዒያ ባሬንቱ ካታማ ናዚሬቴ ሲሜዲኖ። \x - \xo 2:39 \xt ማት 2፡23\x* \v 40 ጉ ናዓይካ ዲጪዴኔ ሚኒዴ ቤዳ፤ ኣ ኤራኒካ ኩሜዳ፤ ፆሳ ኣ ኬካቴይ ኣቦላን ሼምፔዳ። \s1 ጉ ናዓ ዬሱሲ ጌሻ ጎሊያን \p \v 41 ዮሴፎኔ ማይራማ ላይን ላይን ፓሲጋ ባላ ቦንቻናው ዬሩሳላሜ ካታማ ቢኖ። \x - \xo 2:41 \xt ኬስ 12፡1-27፤ ዛር 16፡1-8\x* \v 42 ናዓዉካ ታማኔ ላዑ ላይ ጊዶ ዎዴ ዶያዳን ባላው ሂኒ ዬሩሳላሜ ኬሴዲኖ። \v 43 ባላ ፖሎዋፔ ካላ ባሬንቱ ጎሌ ኡንቱንቱ ሲሞዴ ጉ ናዓ ዬሱሲ ዮሴፎኔ ማይራማ ኤሬናን ዬሩሳላሜን ኣቲ ኣጌዳ። \v 44 ኡንቱንቱና ኢቲፔ ዴዒያዋ ማላቲና ኢቲ ጋላሳ ኦጊያ ሃሜቴዲኖ። ጉዬፔ ቃሲካ ባሬንቱ ዳባቱዋናኔ ባሬንቱ ሲቄቲያዋንቱ ማታን ኮሻ ዶሜዲኖ። \p \v 45 ዮ ዎዴ ኮዪዴ ሂኒ ዬሩሳላሜ ሲሜዲኖ። \v 46 ሄዙ ጋላሳፔ ጉዬ፥ ታማሪሲያዋንቱ ጊዶን ዬሱሲ ኡቲዴ ኡንቱንቱ ጊያዋ ሲሲዴኔ ኡንቱንታ ኦቺዴ ጌሻ ጎሊያ ጋርሳን ዴዒያዋ ቤዔዲኖ። \v 47 ሲሲያዋንቱ ኡባቱካ፥ ኣ ኣኬካኒኔ ኣ ዛሩዋን ማላሌቴዲኖ። \p \v 48 ዮሴፎኔ ኣ ዳያ ኣ ቤዖ ዎዴ ማላሌቴዲኖ። ኣ ዳያካ፥ «ታ ናዓው፥ ኣያው ኑና ሃዋዳን ኦይ? ኔ ኣቡኔ ታኔ ኔና ኮዪዴ፥ ዳሮ ሜቶቴዶ» ያጋዱ። \p \v 49 ዬሱሲካ ኡንቱንቶ፥ «ኣያው ታና ኮዪቴ? ታ ኣቡ ጎሌን\f + \fr 2:49 \fq ታ ኣቡ ጎሌን፡ \ft ጉሳይ፥ ታ ኣቡ ኪቴዳ ኦሱዋ ፖላናው ቤሴ ጉሳ።\f* ዴዓናው ታው ኮሺያዋ ኤሪቤይኪቴ?» ያጊ ዛሬዳ። \v 50 ሄዋ ያጊ ኦዶፔ ኣቲን፥ ኡንቱንቶ ኢ ኦዴዳ ዬዉ ኣያ ጊንቶ ጌሊቤና። \p \v 51 ሄዋፔ ሲሚዴ፥ ኡንቱንቱና ኢቲፔ ሂኒ ናዚሬቴ ቤዳ፤ ሄዋንካ ኡንቱንቶ ኣዛዜቴ። ኣ ዳያካ ሄዋ ኡባ ባሬ ዎዛናን ዎዱ። \v 52 ዬሱሲካ ኤራኒኔ ጌሳን፥ ሳባኒካ ፆሳኔ ኣሳ ሲንን ዲጬዳ። \x - \xo 2:52 \xt 1ሳም 2፡26፤ ሌም 3፡4\x* \c 3 \s1 ፃማቂያ ዮሃኒሲ ዬሱሳው ኦጊያ ጊጊሴ \r (ማት 3፡1-12፤ ማር 1፡1-8) \p \v 1 ፂባሪዮሳ ጌቴቲያ ካቲ ካዉቴዳ ታማኔ ኢቼሼያ ላይን ጴንፄናዊያ ጲላፆሲ ዪሁዳ ሞዲያ ዎዴ፥ ሄሮዲሴ ጋሊላን ኦይዴንያ ሻኩዋ ሞዲያ ዎዴ፥ ኣ ኢሻይ ፒሊጶሲካ ኢፁሪያኒኔ ፂርኮንዶሳን ኦይዴንያ ሻኩዋ ሞዲያ ዎዴ፥ ሊሳኒዮሲካ ኣቢሌኔን ኦይዴንያ ሻኩዋ ሞዲያዋ ጊዲዴ ሞዲ ዴዒሺን፥ \v 2 ሃኒኔ ቄያፋይ ቄሳቱዋ ካፓቱዋ \f + \fr 3:2 \fq ቄሳቱዋ ካፓቱ ሃኒኔ ቄያፋይ፡ \ft ሃና ካፖቴ ዎዲ ዬሱሲ ዬሌታናፔ ካሴ 6-15 ላይ ጋካናሳ። ቄያፋ ጌቴቲያ ሃና ቦሉ 18-37 ላይ ካፖ ጊዲዴ ዬሱሳ ዬሌታፔ ካሴ ጋሚዔዳ።\f* ጊዲዴ ዴዒሺን፥ ፆሳ ቃላይ ዛካራሳ ናዓ ዮሃኒሳኮ ሜላ ቢታን ዬዳ። \v 3 ዮሃኒሲ ዮርዳኖሳ ሻፋ ሄራ ኡባ ቢዴ፥ «ሂንቴ ናጋራይ ኣቶ ጌቴታና ማላ ናጋራ ፓፂዴ ፃማቄቲቴ» ያጊ ታማሪሴዳ። \q1 \v 4 ናቢያ ኢሲያሳ ማፃፋን ፃፌቴዳ ቃላዳን፥\x - \xo 3:4 \xt ኢሳ 40፡3-5\x* \q2 «ሜላ ቢታን ዋሲያ ቢታኒያ ኮሻይ፥ \q1 ‹ጎዳው ኦጊያ ጊጊሲቴ፤ \q2 ኣ ኦጊያካ ሱሪሲቴ። \p \v 5 « ‹ኦላይ ኡባይ ኩሞ፤ \q2 ዴሪኔ ዞዚ ዴንባ ጊዶ፥ \q1 ጊጌና ኦጊ ኡባይ ጊጎ፥ \q2 ሃንቺሮ ኦጊ ኡባይ ሊቆ። \p \v 6 « ‹ሄዋ ጊዶፔ ኣሳይ ኡባይ ፆሳይ ኣሺያዋ ቤዓና› » \m ያጌዳ። \p \v 7 ሃዋ ዲራው ዮሃኒሲ ኣ ኩሺያን ፃማቄታናው ኬሴዳ ኣሳው ሃዋዳን ኦዱዋ ዶሜዳ፥ «ሄንቴኖ፥ ሾሻ ናቶ፤ ዪያ ሃንቁዋፔ ኣታና ማላ ሂንቴንታ ኦኒ ማቄዴ? \x - \xo 3:7 \xt ማት 12፡34፤ 23፡33\x* \v 8 ሲሚ ሂንቴንቱ ናጋራፔ ሲሜዳዋንቶ ቤሲያ ኣይፊያ ኣይፊቴ። ሂንቴንቱ ዎዛናን ኣብራሃሞ ኑ ኣቡ ዴዔ ጎፒቴ። ፆሳይ ኣብራሃሞሲ \f + \fr 3:8 \fq ኣብራሃሞሲ ናና፡ \ft ኣዪሁዳ ኣሳቱ ባሬንታ ፆሳይ ዶሬዳ ኣሳ ያጊ ቆፒኖ። ጋሱኔካ፥ ቤኒ ሂዶታ ቃላይ ፆሳፔ ኑ ኣቡ ኣብራሃሞሲ ኢሜቴዳ ያጊዴ ቆፒያ ዲራሳ።\f* ናና ሃ ሹቻቱዋፔ ዴንናው ዳንዳዬ ያጋዴ ታኒ ሂንቴንቶ ኦዳይ። \v 9 ሃዒ ኡባ ቤፂ ሚ ፃጱዋን ቃንፃናው ጊጊ ኡቴዳ፤ ሲሚ ሎዖ ኣይፊያ ኣይፌና ሚይ ኡባይ ቃንፄቲዴ ታማን ኦሌታናዋ።»\x - \xo 3:9 \xt ማት 7፡19\x* \p \v 10 «ያቲና ሃዒ ኑ ኣያ ኡዳኔ?» ያጊዴ ኣ ጮራ ኣሳይ ኦቼዳ። \p \v 11 ዮሃኒሲካ፥ «ላዑ ማዩ ዴዒያዌ ባይናዎ ኢሞ፤ ቁማይ ዴዒያዌካ ባይናዎ ጊሾ» ያጊ ዛሬዳ። \p \v 12 ቃራፃ ሺሺያዋንቱካ ፃማቄታናው ዪዴ፥ «ታማርሲያዎ፥ ኑ ኣያ ኡዳኔ?» ያጊ ኦቼዲኖ።\x - \xo 3:12 \xt ሉቅ 7፡29\x* \p \v 13 ኢ ኡንቱንቶ፥ «ጌቴቶዋፔ ኣ ቃራፃ ኣ ሺሾፒቴ» ያጊ ኦዴዳ። \p \v 14 ሄዋፔ ካላ ዎታዳራቱ፥ «ኑኒሺ፥ ኣያ ኡዳኔ?» ያጊ ኣ ኦቼዲኖ። \p ዮሃኒሲካ፥ «ኣሳ ሻሉዋ ናቁዋን ቦንቂ ኣኮፒቴ፥ ኦናኔ ዎርዱዋን ሞቶፒቴ፥ ሂንቴንቱ ዲርጉ ሂንቴንቶ ጊዳና» ያጊ ዛሬዳ። \p \v 15 ሄ ዎዴ ኣሳይ ኡባይ ኪሪስቶሳ ዩሳ ናጊዴ ዴዒያ ዲራው ዮሃኒሳ፥ «ሃዌካ ኪሪስቶሳ ጊዴናን ኣቴና» ያጊዴ ባሬንቱ ዎዛናን ማሌዲኖ። \v 16 ዮሃኒሲ ኡባቱዋካ፥ «ታኒ ሃን ፃማቃይ፤ ጊዶፔ ኣቲን ታፔ ዎልቃማይኔ ታኒካ ኣ ጫማ ቃሹዋ ቢላና ዳንዳዬናዌ \f + \fr 3:16 \fq ኣ ጫማ ቃሹዋ ቢላና ዳንዳዬናዌ፡ \ft ሃዌ ቆማ ዎይ ዳንጋፂራቲ ኦሱዋ።\f* ቢሮ ያናዋ፤ ኢካ ኣያና ጌሻኒኔ ታማን ፃማቃናዋ፤ \v 17 ኣ ኩሺያን ካ ዳላፔ ሻኪ ጌሺያ ላይዳይ ዴዔ። ካ ኡዱማን ቡኮዋ ጌሺ ፑኒዴ ኣይፊያ ዲዪያን ቆሌ፤ ሺን ዳላ ቶዔና ታማን ጉዴ።» \p \v 18 ዮሃኒሲካ ሃራ ጮራ ቃላን ጮራ ኣሳ ማቂዴ ሚሺራቹዋ ቃላ ኦዴዳ። \s1 ሄሮዲሴ ፃማቂያ ዮሃኒሳ ቃቼዳ \p \v 19 ጋሊላ ሞዲያ ሄሮዲሳ ቃሲ ባሬ ኢሻ ፒሊጶሳ ማቻቶ ሄሮዲያዶ ኢ ኣኬዳ ዲራዉኔ ሃራካ ጮራ ኢታ ኪታ ኪቴቶ ዲራው፥ ዮሃኒሲ ሴሬዳ። \v 20 ሃዋ ዲራው ሃ ኡባ ጉጂዴ ሄሮዲሴ ዮሃኒሳ ቃሾ ጎሌ ጌልሴዳ። \x - \xo 3:20 \xt ማት 14፡3-4፤ ማር 6፡17-18\x* \s1 ዮሃኒሲ ዬሱሳ ፃማቄዳ \r (ማት 3፡13-17፤ ማር 1፡9-11) \p \v 21 ኣሳይ ኡባይ ፃማቄቲ ሲሞዋፔ ጉዪያን ዬሱሲ ፃማቄቴዳ። ኢ ዎሲ ዴዒሺንካ ሳሉ ዶዬቲ ኣጌዳ። \v 22 ጌሻ ኣያናይካ ሃራጲያ ማላቲዴ ኣ ቦላን ዎዳ። ሳሉዋፔካ፥ «ታ ዶሲያ ናዓይ ኔና፤ ኔናን ታኒ ናሼታይ» ያጊያ ቃላይ ዬዳ። \x - \xo 3:22 \xt ዶም 22፡2፤ ማዝ 2፡7፤ ኢሳ 42፡1፤ ማት 1፡17፤ ማር 1፡11፤ ሉቅ 9፡35\x* \s1 ዬሱሳ ዬሌታይ ካሴ ጉዬ ማዪዛፔ ዴዒያ ፓይዱዋ \r (ማት 1፡1-17) \p \v 23 ዬሱሲ ታማርሱዋ ዶሞዴ ኣው ሃታሙ ላይ ጊዴዳ፤ ጮራ ኣሳይካ ባሬንቶ ማላቶዋዳን ኣ ዮሴፎ ናዓ ያጊኖ፤ ዮሴፎ ኤሌ ናዓ፤ \v 24 ኤሌ ማቴ ናዓ፤ ማቴ ሌዊያ ናዓ፤ ሌዊ ሚልኬ ናዓ፤ ሚልኬ ዮና ናዓ፤ ዮኒ ዮሴፎ ናዓ፤ \v 25 ዮሴፎ ማታቲያ ናዓ፤ ማታቲ ኣሞፄ ናዓ፤ ኣሞፄ ናሆሜ ናዓ፤ ናሆሜ ኤሲሊሜ ናዓ፤ ኤሲሊሜ ናጌ ናዓ፤ \v 26 ናጌ ማዓቴ ናዓ፤ ማዓቴ ማታቲዩ ናዓ፤ ማታቲዩ ሴሜዬ ናዓ፤ ሴሜዪ ዮሴቆ ናዓ፤ ዮሴቆ ዮዳ ናዓ፤ \v 27 ዮዲ ዮናና ናዓ፤ ዮናኒ ሬሴ ናዓ፤ ሬሴ ዜሩባቤላ ናዓ፤ ዜሩባቤሊ ሳላቲያላ ናዓ፤ ሳላቲያሌ ኔሌ ናዓ፤ \v 28 ኔሊ ሚልኬ ናዓ፤ ሚልኬ ሃዴ ናዓ፤ ሃዴ ዮሳሴ ናዓ፤ ዮሳሴ ቆሳማ ናዓ፤ ቆሳሚ ኤልማዶሜ ናዓ፤ ኤልማዶሜ ኤሬ ናዓ፤ \v 29 ኤሬ ዮሴዔ ናዓ፤ ዮሴዔ፥ ኤሊዔዜራ ናዓ፤ ኤሊዔዜሬ፥ ዮራሜ ናዓ፤ ዮራሚ ማፃቴ ናዓ፤ ማፃቴ ሌዊያ ናዓ፤ \v 30 ሌዊ ሲሞና ናዓ፤ ሲሞኔ ዪሁዳ ናዓ፤ ዪሁዳይ ዮሴፎ ናዓ፤ ዮሴፎ ዮናና ናዓ፤ ዮናኒ ኤሊያቄማ ናዓ፤ \v 31 ኤሊያቄሚ ሜሊያ ናዓ፤ ሜሊዬ ማዪናና ናዓ፤ ማዪናኒ ማፃቴ ናዓ፤ ማፃቴ ናታኔ ናዓ፤ ናታኔ ዳዊቴ ናዓ፤ \v 32 ዳዊቴ ኢሴይ ናዓ፤ ኢሴይ ኢዮቤዳ ናዓ፤ ኢዮቤዲ ቦዔዛ ናዓ፤ ቦዔዚ ሳልሞና ናዓ፤ ሳልሞኒ ናሂሾና ናዓ፤ \v 33 ናሂሾኒ ኣሚናዳባ ናዓ፤ ኣሚናዳቢ ራማ ናዓ፤ ራሚ ኣሪና ናዓ፤ ኣሪናይ ሄዝሮና ናዓ፤ ሄዝሮኒ ፔሬዛ ናዓ፤ ፔሬዚ ዪሁዳ ናዓ፤ \v 34 ዪሁዳይ ያዪቆባ ናዓ፤ ያዪቆቢ ዪሳቃ ናዓ፤ ዪሳቂ ኣብራሃሞ ናዓ፤ ኣብራሃሞ ታራ ናዓ፤ ታሪ ናኮራ ናዓ፤ \v 35 ናኮሪ ሴሮሄ ናዓ፤ ሴሮሂ ራጋዋ ናዓ፤ ራጋዊ ፔሌጋ ናዓ፤ ፔሌጊ ኣቤራ ናዓ፤ ኣቤሪ ሳላ ናዓ፤ \v 36 ሳሊ ቃይናና ናዓ፤ ቃይናኒ ኣርፋኪሲዴ ናዓ፤ ኣርፋኪሲዴ ሴሜ ናዓ፤ ሴሚ ኖሄ ናዓ፤ ኖሄ ላሜሄ ናዓ፤ \v 37 ላሜሂ ማቱሳላ ናዓ፤ ማቱሳሊ ሄኖኬ ናዓ፤ ሄኖኪ ያሬዳ ናዓ፤ ያሬዲ ማላሊዔላ ናዓ፤ ማላሊዔሊ ቃይናና ናዓ፤ \v 38 ቃይናኒ ሄኖሳ ናዓ፤ ሄኖሲ ሴቴ ናዓ፤ ሴቲ ኣዳማ ናዓ፤ ኣዳሚ ፆሳ ናዓ። \c 4 \s1 ዬሱሳው ሺቄዳ ፃላሂያ ፓጪያ \r (4፡1-13፤ ማት 4፡1-11፤ ማር 1፡12፣ 13) \p \v 1 ዬሱሲ ጌሻ ኣያናን ኩሚዴ ዮርዳኖሳ ሻፋፔ ሲሜዳ፤ ኣያናን ሜላ ሳዓ ካሌሴቲዴ ቤዳ። \v 2 ሄዋን ኦይታሙ ጋላሳ ዳቢሎሳን ፓጬቴዳ። ሄ ጋላሳቱዋን ኣያኔ ሚቤና ዲራው ዉርሴ ፖሉዋ ሄራን ኢ ኮሻቴዳ። \p \v 3 ዳቢሎሲካ፥ «ኔኒ ፆሳ ናዓ ጊዶፔ ሃ ሹቻ፥ ‹ኡኪ ጊዳ› ጋዴ ኣዛዛ» ያጌዳ። \p \v 4 ዬሱሲካ፥ « ‹ኣሳይ ፆሳ ቃላ ኡባፔ ኣቲን ኡኪ ፃላላን ዴዔና› ጌቴቲ ፆሳ ቃላን ፃፌቴዳ» ያጊ ዛሬዳ። \x - \xo 4:4 \xt ዛር 8፡3\x* \p \v 5 ዳቢሎሲካ ቃ ጊዴዳ ዴሪያ ዬሱሳ ኬሲዴ ኣላሚያ ካዉቴ ኡባ ሊጶ ኣይፊ ሲማናው ቤሴዳ። \v 6 ዳቢሎሲካ፥ «ሃ ካዉቴ ማታይኔ ቦንቹ ኡባይ ታው ኢሜቴዳ። ታኒ ታ ዶሲያ ኦሲኔ ኢማና፤ ኔዉካ ኢማና። \v 7 ሄዋ ጊዲያ ዲራው፥ ኔ ታ ሲንን ታው ጎዪኖፔ ሃ ኡባይ ኔሳ ጊዳናዋ» ያጌዳ። \p \v 8 ዬሱሲካ ዛሪዴ፥ « ‹ጎዳ ፆሳው ጎዪና፥ ኣ ፃላላ ጎዳያ› ጌቴቲ ፆሳ ቃላን ፃፌቴዳ» ያጌዳ። \p \v 9-11 ዳቢሎሲካ ዬሱሳ ዬሩሳላሜ ኣፊዴ ጌሻ ጎሊያ ሁጲያ ኬሲዴ፥ \q1 « ‹ፆሳይ ኔና ናጋና ማላ \q2 ኪታንቻቱዋ ኪታናዋ፥ \q1 ኡንቱንቱካ ኔ ጌዲ ሹቻን ቤቴና ማላ \q2 ባሬንቱ ኩሺያን ኔና ዴንናዋንታ› \q1 ያጌቲዴ ጌሻ ማፃፋን ፃፌቴዳ፤ \q2 ኣኔ ኔኒ ፆሳ ናዓ ጊዶፔ \q1 ሃዋፔ ዱጌ ኔና ኦላ» \x - \xo 4:9-11 \xt ማዝ 91፡11-12\x* \m ያጌዳ። \p \v 12 ዬሱሲካ ዛሪዴ፥ « ‹ኔ ጎዳ ፆሳ ፓጮፓ› ጌቴቴዳ» ያጌዳ። \p \v 13 ዳቢሎሲካ ፓጪያ ኡባ ዉርሶዋፔ ጉዬ ጉ ዎዴው ዬሱሳፔ ሻኬቴዳ። \s1 ዬሱሲ ጋሊላን ኦሱዋ ዶሜዳ \r (ማት 4፡12-17፤ ማር 1፡14፣ 15) \p \v 14 ዬሱሲካ ኣያና ዎልቃን ጋሊላ ጋዲያ ሲሜዳ። ኣ ዋሪካ ዩሹዋን ዴዒያ ኡባ ጋኬዳ። \v 15 ዬሱሲካ ኣዪሁዳቱዋ ዎሳ ጎሊያን ታማሪሲዴ ኣሳን ኡባን ጋላቴቴዳ። \s1 ናዚሬቴን ዬሱሳ ኢፄዲኖ \r (ማት 13፡53-58፤ ማር 6፡1-6) \p \v 16 ኢ ባሬ ዲጮ ካታማ ናዚሬቴ ዬዳ፤ ካሴ ኦያዋዳንካ ሳምባታ ጋላሲ ኣዪሁዳቱዋ ዎሳ ጎሌ ጌሊዴ ናባባናው ዴንዲዴ ኤቄዳ። \v 17-19 ናቢያ ኢሲያሳን ፃፌቲዴ ፃፄቴዳ ማፃፋ ኣው ኢሜዲኖ። ሄ ማፃፋ ቢሊዴ፡ \q1 «ታኒ ሂዬሳቱዋሲ ሚሺራቹዋ ኦዳናው \q2 ኦኬቴዳ ዲራው ጎዳ ኣያናይ ታ ቦላን ዴዔ። \q1 ቃሼቴዳዋንቱሲ ቢሌ፥ \q2 ቆቃቱዋሲ ፄላና ማላ ኦዳናው፥ \q2 ቃይካ ናቄቴዳዋንታ ናቁዋፔ \q1 ኬሳና ማላ ዶሴቴዳ ጎዳ ላይ \q2 ኦዳና ማላ፥ ታና ኪቴዳ» \m ጌቴቲ ፃፌቴዳሳ ዴሜዳ። \x - \xo 4:17-19 \xt ኢሳ 61፡1-2\x* \p \v 20 ማፃፋካ ፃፂዴ ኣዪሁዳቱዋ ዎሳ ጎሊያን ኦያዎ ኢሚዴ ኡቴዳ። ኣዪሁዳቱዋ ዎሳ ጎሊያን ዴዒያ ኣሳይ ኡባይ ኣ ጫዲ ፄሌዳ። \v 21 ዬሱሲካ፥ «ሃቼ ሂንቴው ናባቤቲና ሂንቴንቱ ሲሴዳ ቃላይ ፖሌቴዳ» ያጌዳ። \p \v 22 ኡባይ ኣው ማርካቴዲኖ። ኣ ዶናፔ ኬሲያ ኣ ኬካቴ ቃላፔ ዴንዴዳዋን ማላሌቲዴ፥ «ሃዌ ዮሴፎ ናዓ ጊዴኔ?» ጌዲኖ። \p \v 23 ዬሱሲካ ሲ ባንታን ሃ ሌሚሱዋን፥ «ሂንቴንቱ ታው ‹ሊያ ጎዳው፥ ኔ ሁጲያ ፓ፥ ኔኒ ቂፊሪናሆማን ኦና ኑ ሲሶዋ ኡባ ሃ ኔ ካታማኒካ ቃሲ ኦ› ያጊዴ ኦዲታ» ያጌዳ። \v 24 ቃሲካ፥ «ቱሙዋ ያጋይ፥ ናቢ ባሬ ዬሌቶ ጋዲያን ጋማካ ቦንቼቴና። \x - \xo 4:24 \xt ዮህ 4፡44\x* \p \v 25 «ዬዉዋን ቃሲ ቱሙዋ ኦዳይ፡ ኤላሳ ዎዲያን ሄዙ ላይኔ ኡሱፑን ኣጌና ኢራይ ቡኬናን ኢፂና ሳዓ ኡባን ዎልቃማ ኮሻይ ጌሌዳ ዎዴ፥ ኢስራዔሌን ጮራ ኣምዓቱ ዴዒኖ። \x - \xo 4:25 \xt 1ካት 17፡1\x* \v 26 ኤላሲካ ሲዶና ጋዲያን ዴዒያ ሴራፍታ ሄራ ኢቲ ኣምዓቲኮ ኪቴቴዳፔ ኣቲን ኦኮኔ ኪቴቲ ቤና። \x - \xo 4:26 \xt 1ካት 17፡8-16\x* \v 27 ናቢያ ኤልሳዓ ዎዲያንካ ኢስራዔሊያን ጮራ ኦሉዋ ሃርጊያን \f + \fr 4:27 \fq ኦሉዋ ሃርጊያ፡ \ft ፆሳ ቃላይ ታማሪሴቲያ ዎዲያ ኡባን፥ «ኦሉዋ» ጊያ ቃላይ ጋልባ ቦላን ሳኪያ ሳኩዋ ኡባሲ ኣኬቲያዋ።\f* ኦይቄቴዳዋንቱ ዴዒኖ፤ ሶሪያ ቢታን ዴዒያ ኒዒማኔፔ ኣቲን ኡንቱንቱፔ ኦኒኔ ፓፂ ቤና» ያጌዳ። \x - \xo 4:27 \xt 2ካት 5፡1-14\x* \p \v 28 ኣዪሁዳቱዋ ዎሳ ጎሊያን ዴዒያዋንቱ ኡባቱ ሃዋ ሲሲዴ ዳሪሲዴ ሃንቄቴዲኖ። \v 29 ኡንቱንቱ ዴንዲዴ ዬሱሳ ካታማፔ ጋፃ ኬሲዴ ዱጌ ኦላናው ካታማይ ኬፄቴዳ ዴሪያ ሁጲያ ኣፌዲኖ። \v 30 ሺን ዬሱሲ ኡንቱንቱ ጊዱዋና ኣዴ ቤዳ። \s1 ኢታ ኣያናይ ኦይቄዳ ቢታኒያ \r (4፡31-37፤ ማር 1፡21-28) \p \v 31 ሄዋፔ ጉዪያን ዬሱሲ ጋሊላ ጋዲያን ዴዒያ ቂፊሪናሆማ ካታማ ቤዳ። ሳምባታ ጋላሳንካ ኣሳ ታማሪሴዳ። \v 32 ኢ ታማሪሲያ ቲሚርቲ ማታን ጊዲያ ዲራው ሲሴዳ ኣሳይ ኡባይ ማላሌቴዲኖ። \x - \xo 4:32 \xt ማት 7፡28፣ 29\x* \p \v 33 ኣዪሁዳቱዋ ዎሳ ጎሊያን ኢታ ኣያናይ ኦይቄዳ ቢታኒ ዴዔ፤ ባሬ ኮሻ ቁ ኡዲ ዋሲዴ፥ \v 34 «ሃያ ጎዶ ኣጋሪኪ ናዚሬቲያ ዬሱሳ፤ ኑሲ ኔናና ኣይ ኢቲፔቴይ ዴዒ? ኑና ባዪዛናው ያዲ? ኔኒ ኦኔንቶ ኤራዲ፤ ኔኒ ፆሳ ኣዉ ኪቴዳ ጌሻ ጊዲኪ!» ያጌዳ። \p \v 35 ዬሱሲካ፥ «ጮዑ ጋ፥ ኣፔካ ኬሳ» ያጊ ሴሬዳ። ኢታ ኣያናይ ቢታኒያ ኡንቱንቱ ጊዱዋን ኩንዲሲዴ ኣይኔ ቆሄናን ኣፔ ኬሴዳ። \p \v 36 ኣሳይ ኡባይ ማላሌቲዴ ኢቱ ኢቶ፥ «ሃዌ ኣያ ቃሌ? ባሬው ዴዒያ ማታኒኔ ዎልቃን ኢታ ኣያናቱዋ ሴሬ፤ ቃሲ ኢታ ኣያናይካ ኬሴ» ያጊዴ ሃሳዬዲኖ። \v 37 ኣ ዋሪካ ሄ ዩሹዋን ዴዒያ ጋዲያ ኡባ ጋኬዳ። \s1 ዬሱሲ ጮራ ሃርጋንቻ ኣሳ ፓዳ \r (ማት 8፡14-17፤ ማር 1፡29-34) \p \v 38 ዬሱሲ ኣዪሁዳቱዋ ዎሳ ጎሊያፔ ዴንዲዴ ሲሞና ጎሊያ ጌሌዳ፥ ሲሞና ቦሎታታ ዎልቃማ ቆፁዋ ሃርጊያን ሃርጌታዴ ጊሴዳዉኒው ዬሱሲ ኢዞ ፓናዳን ኣሳይ ኣ ዎሴዳ። \v 39 ኢ ማታን ኤቂዴ ቆፁዋ ሃርጊያ ሴሪና፥ ሃርጊ ዬዲሼዳ፤ ሄዎዲያንካ ዴንዳዴ ኡንቱንቶ ኪቴታዱ። \p \v 40 ኣዋይ ዉሎ ዎዲያን ዱማ ዱማ ሃርጊያን ኦይቄቴዳ ሃርጋንቻቱዋ ኡባ ኣኮ ኣሄዲኖ፤ ኢካ ኢቱዋ ኢቱዋ ቦላ ባሬ ኩሺያ ዎዴ ፓዳ። \v 41 ኢታ ኣያናቱካ፥ «ኔኒ ኪሪስቶሳ ፆሳ ናዓ» ያጊ ዋሲዴ ጮራ ኣሳፔ ኬሴዲኖ። ኢ ኪሪስቶሳ ጊዶዋ ኡንቱንቱ ኤሬዳ ዲራው ሃሳዬና ማላ ዲጌዳ። \s1 ዬሱሲ ጋሊላን ታማሪሴዳ \r (ማት 4፡23-25፤ ማር 1፡35-39) \p \v 42 ሳዓይ ዎንቶ ዎዴ ኣሳይ ባይናሳ ቤዳ፤ ኣሳይ ኡባይ ኣ ኮዪዴ ኢ ዴዒያሳ ዬዲኖ። ባሬንቱፔ ሻኬቲ ቤናዳን ዲጋናው ኮዬዲኖ። \v 43 ኢ ቃይ፥ «ሂኒ ሃራ ካታማቱዋሲ ባዴ ፆሳ ካዉቴ ሚሺራቹዋ ቃላ ኦዳናው ኮሼ፤ ታኒ ኪቴቴዳዌ ሃዋ ዲራሳ» ያጌዳ። \p \v 44 ጋሊላን ዴዒያ ኣዪሁዳቱዋ ዎሳ ጎሌን ቃላ ታማሪሲዴ ጋሚዔዳ። \c 5 \s1 ዬሱሲ ኮይሮ ባሬና ካሊያዋንታ ዶሬዳ \r (ማት 4፡18-22፤ ማር 1፡16-20) \p \v 1 ኢቲ ጋላሲ ዬሱሲ ጌንሳሬፄ ኣባ \f + \fr 5:1 \fq ጌንሳሬፄ ኣባ፡ \ft ጋሊላ ኣባሲ ኢሜቴዳ ዱማ ሱን።\f* ጋፃን ኤቂዴ ዴዒሺን ጮራ ኣሳይ ኣኮ ሺቂዴ ፆሳ ቃላ ሲሳናው ሱጌቲ ዴዒኖ። \x - \xo 5:1 \xt ማት 13፡1፣ 2፤ ማር 3፡9፣ 10፤ 4፡1\x* \v 2 ሄ ዎዴ ላዑ ዎንጊራቱ \f + \fr 5:2 \fq ዎንጊሪያ፡ \ft ዎንጊሪያ ጌቴቶዌ፥ ዎጋ ሃ ዎይ ኣባ ቦላን ኣሳይ ሄፊን ባጋ ፒናናው ጎዔቲያ ሚሻ። ሃይቆ ኣሳይ ሞጌቲያዋ ጊዴናዋ ኤራናው ኮሼ።\f* ኣባ ጋፃን ኤቆዋ ኢ ቤዔዳ፤ ሞሊያ ጲሪያዋንቱ ቃሲ ዎንጊራቱዋፔ ዎዴ ባሬንቱ ዳባ ሜጪ ዴዒኖ። \v 3 ዬሱሲ ዎንጊራቱዋ ጊዶፔ ሲሞናዉኖ ጊዴዳዉኒኒ ጌሊዴ ሳዓፔ ያ ኣባኮ ጉ ሺሻናዳን ኦቼዳ። ሄዋፔ ጉዬ ዎንጊሪያ ቦላን ኡቲዴ ኣሳ ታማሪሱዋ ዶሜዳ። \p \v 4 ታማሪሱዋ ቤዋፔ ጉዪያን ሲሞና፥ «ዎንጊሪያ ያ ኣባ ጪሙዋኮ ሺሺቴ፤ ሂንቴንቱ ዳባካ ሞሊያ ጲራናው ኦሊቴ» ያጌዳ። \p \v 5 ሲሞኒካ፥ «ጎዳው፥ ቃማ ኩሜን ዳቡሪ ኣቂዴ ኣዪኔካ ኦዪቂቤይኮ፤ ሺን ሃዒ ኔኒ ጎዋዳን ዳባ ኦሌቶ» ያጊ ዛሬዳ። \x - \xo 5:5 \xt ዮህ 21፡3\x* \p \v 6 ሄዋዳንካ ኦዳ ዎዴ፥ ዳሮ ጮራ ሞሊያ ኦይቄዲኖ። ኡንቱንቱ ዳባቱካ ዱፄሬታናው ሃኔዲኖ። \x - \xo 5:6 \xt ዮህ 21፡6\x* \v 7 ሃራ ዎንጊሪያን ዴዒያ ላጌቱ ዪዴ ማዳናዳን ዉቴዲኖ፤ ኡንቱንቱ ላዑ ዎንጊራቱዋንካ ሞሊያ ኩንና ዎንጊራቱ ሚቴቱሳ ዶሜዲኖ። \p \v 8 ሲሞኒ ጴፂሮሲካ ሃዋ ቤዔዳ ዎዴ ዬሱሳ ጉልባታን ኩንዲዴ፥ «ጎዳው፥ ታኒ ናጋራንቻ ኣሳ ጊዶ ዲራው ታፔ ሻኬታ» ያጌዳ። \v 9 ሃዋ ጌዳዌ ኢኔ ኣናና ኢቲፔ ዴዒያዋንቱ ኡባይ ባሬንቱ ኦይቄዳ ሞሊያ ጮራቴን ማላሌቴዲኖ። \v 10 ሄዋዳንካ ቃይ ሲሞና ላጌ ጊዴዳዋንቱ ዛቢዲዮሳ ናናቱ ያዪቆቢኔ ዮሃኒሲ ማላሌቴዲኖ። \p ዬሱሲካ ሲሞና፥ «ያዮፓ ሃዋፔ ጉዪያን ኣሳ ጲሪያዋ ጊዳናሳ» ጌዳ። \p \v 11 ኡንቱንቱካ ዎንጊራቱዋ ሃፔ ጋፃ ኬሲዴ፥ ኡባባ ኣጊዴ ዬሱሳ ካሌዲኖ። \s1 ዬሱሲ ኦሉ ኦይቄዳ ቢታኒያ ፓዳ \r (ማት 8፡1-4፤ ማር 1፡40-45) \p \v 12 ዬሱሲ ካታማቱዋፔ ኢቱዋን ዴዒሺን ኦሉ \f + \fr 5:12 \fq ኦሉዋ፡ \ft 4፡27 ፄሊቴ።\f* ቦላ ኡባ ሜዳ ቢታኒ ዴዒያዌ ዬሱሳ ቤዒዴ ኣ ሲንንካ ኩንዲዴ፥ «ጎዳው፥ ኔኒ ኮዮፔ ታና ፓናው ዳንዳያ» ያጊዴ ዎሴዳ። \p \v 13 ዬሱሲካ ባሬ ኩሺያ ዬዲ ቦቺዴ፥ «ዶሳይ ጌያ!» ጌዳ። ሄማንዒያንካ ኦሉ ኣ ዬዴዳ። \p \v 14 ዬሱሲ ኣ፥ «ሃዋ ኦሲኔ ኦዶፓ። ሺን ቄሳኮ ባዴ ኔና ቤሳ። ሄዋፔ ጉዬ ኦሉዋ ሃርጊያፔ ፓፄዳዋሲ ማርካ ጊዳናዳን ሙሴ ሂጊያን ኣዛዜቴዳ ያርሹዋ ሺሻ» ጌዳ። \p \v 15 ጊዶሺን ኣ ዋሪ ሎይ ኣኪዴ ቤዳ፤ ዳሮ ጮራ ኣሳይካ ዬሱሲ ኦዲያዋ ሲሳናዉኔ ባሬንቱ ሃርጊያፔ ፓፃናው ሺቄዲኖ። \v 16 ዬሱሲ ጮራ ዎዴ ጌማሳ ቢዴ ዎሴ። \s1 ዬሱሲ ቦላይ ሲሌዳ ቢታኒያ ፓዳ \r (5፡18-26፤ ማት 9፡2-8፤ ማር 2፡3-12) \p \v 17 ኢቲ ጋላሲ ዬሱሲ ታማሪሲዴ ዴዒሺን ጋሊላፔኔ ዪሁዳ ሄራ ኡባፔ፥ ዬሩሳላሜ ዬዳ ፓሪሳዋቱኔ ሂጊያ ታማሪሲያዋንቱ ኡቲ ዴዒሺን ሃርጋንቻቱዋ ፓና ማላ ፆሳ ኣዉዋ ዎልቃይ ኣው ኢሜቴዳ። \v 18 ሄ ዎዴ ቦላይ ሲሌዳ \f + \fr 5:18 \fq ቦላይ ሲሌዳ፡ \ft ሃዋ ጉሳይ ግሪኬ ቃላን «ፓራሉሞዓይ» ጌቴቲያዋ። ሃ ቃላ ቢሌይ ኢንጊሊዜዋን «ፓራላዪዚድ» ጉሳ። ሃ ላዓቱዋካ ዳዉሮዋን ቢሌ ኢሞዴ፥ ኬቼዳዋ ዎይ ቃፄና ማላ ዳቡሬዳዋ ጉሳ።\f* ኢቲ ቢታኒያ ኣማሬዳ ኣሳይ ሻንቻማን ቶኪ ኣሂ ጎሌ ጌልሲዴ ዬሱሳ ሲንን ዎናው ኮዬዲኖ። \v 19 ኣሳ ጮራቴፔ ዴንዴዳዋን ዬሱሳኮ ሺቃናው ዳንዳዪ ቤይኪኖ። ሄዋ ዲራው ቦላው ጊዒ ጎሊያ ካራ \f + \fr 5:19 \fq ካራ፡ \ft ሃ ፓይዱዋን ጌቴቴዳ ጎሊያ ካራይ ዳዉሮዋ ማላ ጊዴናዳን፥ ፓሌስቲኔ ጋዴን ጎሊያ ቦላን ዴዒያ ካራይ ጌዴ ቄሬቲዴ ኬፄቴ። ሄዌ ያቲዴ ቃይ ዱፌቲዴ ጋፃን ጋፃን ሃራ ሚይ ቴጬቲና ሎይ ኬፄቴ። ሄዋ ማላ ኬፃይ ኦራ ቃላ ጫቁዋ ዎዲያን ኤሬቴዳዋ።\f* ቃሪዴ ኣ፥ ሻንቻማና ኣሳ ጊዶን ዬሱሳ ሲንን ዎዲኖ። \p \v 20 ዬሱሲካ ኡንቱንቱ ኣማኑዋ ቤዒዴ፥ «ሃ ቢታኔው፥ ኔ ናጋራይ ኣቶ ጌቴቴዳ» ያጌዳ። \p \v 21 ሙሴ ሂጊያ ታማሪሲያዋንቱኔ ፓሪሳዋቱ፥ «ሃዌ ፆሳ ቦሪያዌ ኦኔ? ኢቲ ፆሳፔ ኣቲን ናጋራ ኣቶ ጋናው ኦኒ ዳንዳዪ?» ያጊ ቆፋ ዶሜዲኖ። \p \v 22 ዬሱሲካ ኡንቱንቱ ቆፋ ኤሮ ዲራው ሃዋዳን ጌዳ፥ «ኣዪሲ ሂንቴንቱ ዎዛናን ሃዋዳን ቆፒቴ? \v 23 ‹ኔ ናጋራይ ኣቶ ጌቴቴዳ› ጋናዋፔኔ ‹ዴንዳዴ ባ› ጋናዋፔ ሃቃዌ ማቴ? \v 24 ዬዉዋን ቃሲ ሃዋ ታኒ ጌዳዌ፥ ኣሳ ናዓይ ቢታ ቦላን ናጋራ ማራናው ማታይ ዴዒያዋ ሂንቴንቱ ኤራናዳና።» ሄዋፔካ ጉንዴዳ ቢታኒያ፥ «ዴንዳ ኔ ሻንቻማ ቶካዴ ኔ ጎሌ ባ ጋይ» ያጌዳ። \p \v 25 ጉንዳይካ ኣሳ ሲንን ዴንዶዋሺን ባሬ ሻንቻማ ቶኪዴ ፆሳ ጋላቲዴ ባሬ ሶይ ቤዳ። \v 26 ሃ ዎዴ ኡባቱካ ዳሪ ማላሌቴዲኖ፤ ፆሳካ ጋላቲዴ፥ «ሃቼ ማላባ ቤዔዶ» ያጊዴ ያሻን ኩሜዲኖ። \s1 ዬሱሲ ሌዊያ ዶሬዳ \r (5፡27-32፤ ማት 9፡9-13፤ ማር 2፡13-17) \p \v 27 ሄዋፔ ጉዪያን ዬሱሲ ኬሲዴ ቤዳ፤ ሌዊያ ጌቴቲያ ቃራፃ ሺሺያዌ፥ ቃራፃ ሺሺያሳን ኡቶዋ ቤዒዴ፥ «ታና ካላ» ጌዳ። \v 28 ኢካ ዴንዲዴ ኡባባ ኣጊዴ ኣ ካሌዳ። \p \v 29 ሄዋፔ ሲሚዴ ሌዊ ባሬ ጎሌን ዳሮ ሾቢያ ጊጊሴዳ፤ ጮራ ቃራፃ ሺሺያዋንቱኔ ሃራ ጮራ ኣሳይካ ኡንቱንቱና ኡቲዴ ሚዴዒኖ። \v 30 ፓሪሳዋቱኔ ሂጊያ ታማሪሲያ፥ ኡንቱንቱና ኦያዋንቱ፥ ዬሱሳ ካሊያዋንቱ ቦላን፥ «ኣዪሲ ቃራፃ ቃንፂያዋንቱናኔ ናጋራንቻቱዋና ሚቴኔ ኡሺቴ?» ያጊዴ ዙዙሜዲኖ። \x - \xo 5:30 \xt ሉቅ 15፡1፣ 2\x* \p \v 31 ዬሱሲካ፥ «ሃርጋንቻ ኣሳፔ ኣቲን ፓፃ ኣሳሲ ኣኪሚያ ኮሼና። \v 32 ታኒ ዬዳዌ፥ ናጋራንቻቱ ባሬንቱ ናጋራ ፓፂዴ ሲማናዳናፔ ኣቲን፥ ፂላቱዋ ፄሳናው ያቤይኬ» ያጊ ዛሬዳ። \s1 ዬሱሲ ፆማባ ኦሼቴዳ \r (5፡33-39፤ ማት 9፡14-17፤ ማር 2፡18-22) \p \v 33 ሃዋፔ ጉዪያን ዬሱሳ፥ «ዮሃኒሳ ካሊያዋንቱኔ ፓሪሳዋቱዋ ካሊያዋንቱ ኡባ ዎዴ ፆሚኖኔ ዎሲኖ፤ ሺን ኔና ካሊያዋንቱ ቃሲ ኡባ ጋላሲ ሚኖኔ ኡሺኖ» ያጊዴ ኦቼዲኖ። \p \v 34 ዬሱሲካ፥ «ሚሺራይ ኡንቱንቱና ዴዒሺን ሚያታቱ ፆማናው ዳንዳዪኖ? \v 35 ዬዉዋን ቃሲ ሚሺራይ ኡንቱንቱፔ ሻኬቲዴ ባና ዎዲ ያናዋ፤ ሄ ዎዴ ፆማናዋንታ» ያጊ ዛሬዳ። \p \v 36 ዬሱሲካ ካሊያ ሌሚሱዋ ኦዴዳ፡ «ኦራ ማዩዋፔ ፔ ኣኪዴ ኤጫ ማዩዋ ቦላን ፒያዌ ባዋ፤ ጋሱካ ሃዋዳ ኡዶፔ ኦራ ማዩዋ ፔ፤ ኦራ ፊካ ኤጫ ማዩዋን ጊጌና። \v 37 ሃዋዳንካ ኤጬዳ ጪልጊያን \f + \fr 5:37 \fq ጪልጊያ፡ \ft ሃዎ ዳዉሮዋን ኢሜቲያ ጉጃ ቢሌይ ኤሳ ናዒያ ኦጎሩዋ።\f* ኦራ ዎዪኒያ ኤሳ ዎያዌ ባዋ፤ ዎፔ ቃይ ኦራ ዎዪኒያ ኤሳይ ጪልጊያ ሴ፤ ኤሳይካ ጉኬ፤ ጪልጋዪካ ባዬ። \v 38 ኦራ ዎዪኒያ ኤሳ፥ ኦራ ጪልጊያን ዎናው ቤሴ። \v 39 ኤጫ ዎዪኒያ ኤሳ ኡሺዴ ኦራ ኮዪያዌ ኦኒኔ ባዋ፤ ጋሱካ ኤጫይ ማልዔ ጊያ ዲራው።» \c 6 \s1 ዬሱሳ ካሊያዋንቱ ሳምባታን ቲሻ ዱዲኖ \r (ማት 12፡1-8፤ ማር 2፡23-28) \p \v 1 ሳምባታ ጋላሲ ዬሱሲ ባሬና ካሊያዋንቱና ኢቲፔ ኢቲ ጎሻ ጊዱዋና ኣያ ዎዴ ኣ ካሊያዋንቱ ዛርጋፔ ቲሻ ዱዴ ባሬንቱ ኩሺያን ሺጌቺዴ ሙሳ ዶሜዲኖ። \v 2 ፓሪሳዋቱዋ ጊዶፔ፥ «ሳምባታ ጋላሳን ኦናው ዎጋ ጊዴናዋ ኣያው ኦቴ?» ያጌዲኖ። \v 3 ዬሱሲ፥ «ካቲያ ዳዊቴኔ ኢቲፔ ዴዒያዋንቱ ኮሻቴዳ ዎዴ ኦዳዋ ናባቢ ቤይኪቴ? \v 4 ዳዊቴ ፆሳ ጎሊያ ጌሊዴ ቄሳቱዋፔ ኣቲን ሃራ ኣሳይ ሜናዳን ዲጌቴዳ፥ ፆሳው ያርሼቴዳ ቁማ ሜዳ። ኢቲፔ ዴዒያዋንቱካ ኢ ኢሚናዴ ሜዲኖ» ያጊ ዛሬዳ። \x - \xo 6:4 \xt ዎግ 24፡9\x* \p \v 5 ሃዋፔ ካሊዴ ዬሱሲ፥ «ኣሳ ናዓይ ሳምባታው ጎዳ!» ጌዳ። \s1 ዬሱሲ ኩሺ ጉንዴዳ ቢታኒያ ፓዳ \r (ማት 12፡9-14፤ ማር 3፡1-6) \p \v 6 ሃራ ሳምባታ ጋላሳን ዬሱሲ ኣዪሁዳቱዋ ዎሲያ ጎሊያ ጌሊዴ ታማሪሲ ዴዔ። ሄዋንካ ኡሼቻ ኩሺ ሲሌዳ ቢታኒ ዴዔ። \v 7 ሂጊያ ታማርሲያዋንቱኔ ፓሪሳዋቱ ዬሱሳ ሞቲያ ጋሱዋ ዴማናው ኢ ሳምባታን ኣሳ ፓፔ ቤዓና ጊዴ ናጊ ዴዒኖ። \v 8 ኢካ ኡንቱንቱ ቆፋ ኤሪዴ ኩሺ ሲሌዳ ቢታኒያ፥ «ዴንዳ ኣሳ ጊዱዋን ኤቃ» ያጌዳ። ቢታኒካ ዴንዲ ኤቄዳ። \p \v 9 ሄዋፔ ሲሚዴ ዬሱሲ፥ «ሃኒንቶኔ ሳምባታ ጋላሳን ሎዖባ ኦናው ቤሲዬ ኢታባ ኦናው ቤሲ? ሼምፑዋ ኣሻናው ቤሲዬ ዎናው ቤሲ?» ያጌዳ። \v 10 ዬሱሲ ባሬ ዩሹዋን ዴዒያ ኣሳ ኡባ ፄሎዋፔ ጉዪያን ቢታኒያ፥ «ኔ ኩሺያ ሚጫ!» ያጌዳ። ኢካ ሚጪዴ ፓፄዳ። \p \v 11 ኡንቱንቱ ሎይ ሃንቄቲዴ ዬሱሳ ቦላ ኦናዋ ባሬንቱ ጊዶን ማቄቴዲኖ። \s1 ዬሱሲ ታማኔ ላዑ ኪቴቴዳዋንታ ዶሬዳ \r (ማት 10፡1-4፤ ማር 3፡13-19) \p \v 12 ሄ ዎዲያን ዬሱሲ ዴሪያ ቦላ ዎሳናው ኬሴዳ፤ ሄዋንካ ቃማ ኩሜን ፆሳኮ ዎሲዴ ኣቄዳ። \v 13 ሳዓይ ዎንቶዋን ባሬና ካሊያዋንታ ፄሴዳ። ሄዋንቱፔካ ታማኔ ላዓቱዋ ዶሪዴ፥ «ኪቴቴዳዋንታ» \f + \fr 6:13 \fq ኪቴቴዳዋንታ፡ \ft ሃዋ ጉሳይ ታማኔ ላዑ ዬሱሲ ኪቴዳ ሃዋራቱዋ ጉሳ።\f* ያጊዴ ሱንዳ። \v 14 ኡንቱንቱ ሱንይካ፡ ጴፂሮሳ ጊዴ ኢ ሱንዳ ሲሞና፥ ኣ ኢሻ ኢንዲራሳ፥ ያዪቆባ፥ ዮሃኒሳ፥ ፒሊጶሳኔ ባርታላሞሳ፥ \v 15 ማቶሳ፥ ቶማሳ፥ ኢልፒዮሳ ናዓ ያዪቆባ፥ ባሬ ጋዴው ሴሌቲያ ሲሞና፥ \v 16 ያዪቆባ ናዓ ዪሁዳኔ ዬሱሳ ኣ ኢሜዳ ኣስቆርቱ ዪሁዳ። \f + \fr 6:16 \fq ኣስቆርቱ፡ \ft ሃዋ ጉሳይ ኣዪሁዳ ጋዲያን ዴዒያ ኣስቆሮቱ ጌቴቲያ ጋዲያፔ ዬናን ኣቴና ጉሳ። ሃ ሱን ቢሌይ፥ «ዎርዳንቻ»። ቃይካ፥ «ሃይቆ ኣ ኢሚያዋ» ጉሳ።\f* \s1 ዬሱሲ ጮራ ኣሳ ታማሪሴዳኔ ፓዳ \r (ማት 4፡23-25) \p \v 17 ዬሱሲካ ኡንቱንቱና ኢቲፔ ዴሪያፔ ዎዴ ዴምባሳን ኤቄዳ። ኣ ካሊያዋንቱፔካ ጮራ ኣሳይ ሄዋን ዴዔ። ቃይካ ኣፔ ሲሳናዉኔ ባሬንቱ ሃርጊያፔ ፓፃናው ዪሁዳ ጋዲያፔ፥ ዬሩሳላሜ ካታማፔ፥ ኣባ ማታን ዴዒያ ፂሮሳፔኔ ሲዶናፔ ዬዳ ጮራ ኣሳይ ሄዋን ዴዒኖ። \v 18 ሃ ኣሳይካ ኣ ሲሳናዉኔ ባሬንቱ ሃርጊያፔ ፓፃናው ዬዲኖ። ቱና ኣያናን ኦይቄቲዴ ሜቶቲያዋንቱካ ፓፄዲኖ። \v 19 ዎልቃይ ኣፔ ኬሲዴ ኡባ ፓያ ዲራው ኣሳይ ኡባይ ኣ ቦቻናው ኮዬ። \s1 ኣንጁዋባኔ ሜቱዋባ \r (ማት 5፡1-12) \p \v 20 ባሬና ካሊያዋንታ ፄሊዴ ያጌዳ፡ \q2 «ሂንቴንቱ ማንቃቱ ኣንጄቴዳዋንታ፤ \q2 ኣዪሲ ጎፔ፥ ፆሳ ካዉቴይ ሂንቴንቱዋ። \q1 \v 21 ሂንቴንቱ ሃዒ ኮሻቲያዋንቱ ኣንጄቴዳዋንታ፤ \q2 ጊዲኒ ካላኒታ፤ ሂንቴንቱ ሃዒ ዬኪያዋንቱ \q1 ኣንጄቴዳዋንታ፤ \q2 ጊዲኒ ሚጫኒታ። \p \v 22 «ኣሳ ናዓ ዲራው ሂንቴንታ ኣሳይ ኢፂያ ዎዴኔ ቶቺያ ዎዴ፥ ሂንቴንቱ ሱንካ ኢታን ዴንያ ዎዴ፥ ኣንጄቴዲታ። \v 23 ሳሉዋን ሂንቴንቱ ኣካና ዎይታይ ዳራ ጊዲያ ዲራው ሄ ጋላሲ ናሼቻን ጉፒቴ፤ ጋሱካ ካሴ ሂንቴንቱ ኣዎቱ ናባቱዋ ቦላን ሃዋዳን ኦዴ ዴዔዲኖ። \q1 \v 24 ዬዉዋን ቃሲ ዱሬ ኣሳቶ \q2 ሂንቴንቶ ኣዬ፤ ሂንቴንቱ ኢሻሎ ዴዑዋን ዴዔዲታ። \q1 \v 25 ሂንቴንቶ ሃዒ ካሌዳዋንቶ ኣዬ፤ \q2 ጊዲኒ ኮሻታኒታ፤ \q1 ሂንቴንቶ ሃዒ ሚጪያዋንቶ ኣዬ፤ \q2 ጊዲኒ ካዮታኒታኔ ዬካኒታ። \q1 \v 26 ኣሳይ ኡባይ ሂንቴንቱ ሎዖቴባ ሃሳዪያ ዎዴ፥ \q2 ሂንቴንቶ ኣዬ፤ \q1 ካሴ ሂንቴንቱ ኣዎቱ ዎርዶ ናባቶ \q2 ሃዋዳን ኦዲኖ። \s1 ሞርኪያ ሲቃናው ቤሴ \r (ማት 5፡38-48፤ 7፡12) \p \v 27 «ሺን ታኒ ኦዲያዋ ሲሲያዋንቶ ያጋይ፡ ሂንቴንቱ ሞርኬቱዋ ዶሲቴ፤ ሂንቴና ኢፂያዋንቶ፥ ሎዑዋ ኦቴ፤ \v 28 ሂንቴና ሼቂያዋንታ ኣንጂቴ፥ ሂንቴና ናቂያዋንቶ፥ ዎሲቴ። \v 29 ኢቲ ባጋ ሻዪያ ባቂያዎ፥ ላዔዋካ ቤሳ፤ ኦኒኔ ኔ ኮቲያ ኣኪያዎ፥ ኔ ሻሚጪያካ ዲጎፓ። \p \v 30 «ኔው ዴዒያዋ ኔና ዎሲያዎ፥ ኢማ፤ ኔዋ ኣኬዳዋ፥ ዛራ ጋዴ ኦቾፓ። \v 31 ኣሳይ ሂንቴንቶ ኦና ማላ ሂንቴንቱ ዶሲያዋዳን፥ ሂንቴንቱካ ሃራው ሃዋዳን ኦቴ። \p \v 32 «ሂንቴንታ ዶሲያዋንታ ፃላላ ዶሶፔ ኣይ ጋላታይ ዴዒ? ሃዋ ጊዶፔ ናጋራንቻቱካ ባሬና ዶሲያዋንታ ዶሲኖ። \v 33 ሂንቴንቶ ሎዖባ ኦያዋንቱ ፃላላው ሂንቴንቱ ሎዖባ ኦፔ ሄዎ ኣይ ጋላታይ ዴዒ? ናጋራንቻቱካ ሃዋዳን ኦኖ። \v 34 ታልዒዴ ሂንቴው ዛራናው ዳንዳዪያዋንቱ ፃላላው ታልዖፔ ኣይ ጋላታይ ዴዒ? ባሬ ታልዔዳዋ ዛሪዴ ኣካናው ናጋራንቻቱካ ባሬንቱ ጋርሳን ታልዔቲኖ። \v 35 ሺን ሂንቴንቱ፥ ሂንቴንቱ ሞርኪያ ዶሲቴ፤ ኡንቱንቶካ ሎዖባ ኦቴ፤ ሂንቴንቱፔ ታልዖዋ ዛሪዲ ኣካናው ቆፖፒቴ። ሃዋ ሂንቴንቱ ፖሎፔ ሂንቴንቶ ጋቲ ዳራናዋ። ቃሲ ሂንቴንቱ ኡባፔ ቦላ ፆሳ ናና ጊዳኒታ። ኢ ኢታቶኔ ጋላቴናዋንቶካ ኬካ። \v 36 ሂንቴንቱ ኣቡ ማሪያዋ ጊዶዋዳን ሂንቴንቱካ ማሪያዋንታ ጊዲቴ። \s1 ሃራ ኣሳ ፒርዳናው ቤሴና \r (ማት 7፡1-5) \p \v 37 «ኦ ቦላንካ ፒርዶፒቴ፥ ሂንቴንቱ ቦላንካ ፒርዴቴና፤ ሃራ ቦላ ኩናኒያ ኦፒቴ፤ ሂንቴንቱ ቦላንካ ኩናኒ ኦሴቴና። ኣቶ ጊቴ፤ ፆሳይ ሂንቴንቶ ኣቶ ጋና። \v 38 ኢሚቴ፤ ሂንቴንቶ ኢሜታና። ሂንቴንቱ ማኬዳ ማካን ሂንቴንቶ ማኬታና። ባቂ ናቂና ሲሊ ኩሚ ፓላህ ላሌቲያ ማካ ሂንቴንቱ ኪዉዋን ኢዲንና» ጌዳ። \p \v 39 ቃሲካ ዬሱሲ ሃዋፔ ካሊያ ሌሚሱዋ ኦዴዳ፤ «ቆቃይ ቆቃ ካሌናው ዳንዳዪ? ቆቃይ ቆቃ ካሌፔ ላዓቱካ ኦይቄቲዴ ኦላን ኩንዲኪኖ? \x - \xo 6:39 \xt ማት 15፡14\x* \v 40 ታማሪያዌ ባሬና ታማሪሲያዋፔ ኣና፤ ታማሪያዌ ሚኒ ታማሮፔ ባሬና ታማሪሶዋ ማላ ጊዳናው ዳንዳዬ። \p \v 41 «ኔ ኣይፊያ ጊዶን ዴዒያ ቱሳ ኬሴናን ዴዓዴ ሃራ ኔ ላጊያ ኣይፊያ ጊዶን ዴዒያ ሱላ ኣያው ፄላይ? \v 42 ኔ ኣይፊያ ጋርሳን ዴዒያ ቱሳ ቤዔናን ሃራ ኣሳኮ ሺቃዴ፥ ‹ታ ኢሻው፥ ኔ ኣይፊያ ጋርሳፔ ሱላ ታ ኬሶ?› ያጋናው ዎታ ዳንዳያይ? ሃ ሎዑዋ ማላቲያ ኢታው፥ ኮይሮታዴ ኔ ኣይፊያ ጊዶን ዴዒያ ቱሳ ኬሳ። ሄዋፔ ጉዪያን ኔ ኢሻ ኣይፊያ ጊዶን ዴዒያ ሱላ ኬሳናው ጌሻዴ ፄላናው ዳንዳያ። \s1 ሚቶኔ ኢዛ ኣይፌዳ ኣይፊያ \r (ማት 7፡16-20፤ 12፡33-35) \p \v 43 «ሎዖ ሚይ ኢታ ኣይፊያ ኣይፌና፤ ሄዋዳንካ ኢታ ሚይ ሎዖ ኣይፊያ ኣይፋናው ዳንዳዬና። \v 44 ሚይ ኡባይ ባሬ ኣይፊያ ኣይፊያዋን ኤሬቴ። ኣጉንፔ ዎዴን ኣይፊ ማፄቴና፤ ሃዋዳንካ፥ ፁንዱቂያፔ \f + \fr 6:44 \fq ፁንዱቂያ፡ \ft ሃ ሚይ ጎሚዖሪያ ዛሪያ ጊዲዴ ኣ ኣዪፊ ኣያዉኔ ማዴናዋ።\f* ላዲያ ኣይፊያ ማፃናው ዳንዳዬቴና። \x - \xo 6:44 \xt ማት 12፡34\x* \v 45 ሎዖ ኣሳይ ባሬ ሎዖ ዎዛናፔ ሎዖ ዬዉዋ ሃሳዬ። ቃይ ኢታ ኣሳይ ባሬ ኢታ ዎዛናፔ ኢታ ዬዉዋ ሃሳዬ። ኣዪሲ ጎፔ፥ ኣሳይ ባሬ ዶናን ሃሳዪያዌ ባሬ ዎዛናን ኩሜዳዋ ዶናይ ሃሳዪያ ዲራሳ። \s1 ላዑ ቆሞ ጎሊያ ኬፂያ ኣሳ \r (ማት 7፡24-27) \p \v 46 «ታኒ ኦዶዋ ኦኪታ፥ ሺን ኣያው ጎዳው፥ ጎዳው፥ ያጊዴ ታና ፄጊቴ? \v 47 ታኮ ዪያ ኡባይ ታ ቃላካ ሲሲዴ ኦሱዋን ፔሺያዌ ኦና ማላቲንቶ ታ ሂንቴንታ ቤሳና፤ \v 48 ኢካ ጎሊያ ኬፂዴ ዳሮ ኦላ ቦኪዴ ዛላ ቦላ ጊንቢዴ ኬፄዳ ኣሳ ማላቴ፤ ዲዑ ዲዒዴ ሄ ጎሊያ ሱጊናካ፥ ሚኖ ዛላ ቦላ ኬፄቶ ዲራው ቃናው ዳንዳይቤና። \v 49 ቃይ ታ ቃላ ሲሲዴ ኦሱዋን ፔሼና ኡራይ ባሱ ባንታሳ ሻፊያ ቦላን ጎሊያ ኬፄዳዋ ማላቴ። ዲዑ ዲዒዴ ሄ ጎሊያ ሱጎ ዎዴ ማንዒያንካ ኩንዴዳ፤ ሄ ጎሊካ ኢታ ዎዳ ዎዲዴ ባዬዳ» ያጌዳ። \c 7 \s1 ዬሱሲ ፄቱዋ ካፑዋ ቆማ ፓዳ \r (ማት 8፡5-13፤ ዮህ 4፡43-54) \p \v 1 ዬሱሲካ ሃዋ ኡባ ኣሳ ሲንን ሃሳይ ዉርሶዋፔ ጉዪያን ሂኒ ቂፊሪናሆማ ቤዳ። \v 2 ሄዋንካ ኢቲ ፄቱዋ ካፑ ዴዔ። ኢ ዳሮፔ ዶሲያ ኣ ቆማይ ሃርጊዴ ሃያናው ማቴዳ። \v 3 ኢካ ዬሱሳባ ሲሴዳ ዎዴ፥ ባሬ ቆማ ዎሲዴ ፓና ማላ ዪሁዳ ጪማቱዋ ሂኒ ኣኮ ኪቴዳ። \p \v 4 ኡንቱንቱካ ዬሱሳኮ ዪዴ፥ «ሃ ቢታኒ፥ ኔኒ ኣ ማዳናዳን ዳሮፔ ኮዬዳ፤ \v 5 ጋሱካ ኑ ኣሳ ኢ ዳሮፔ ዶሲዴ ኣዪሁዳቱዋ ዎሲያ ጎሊያ ኬፂሶዌካ ኣ» ያጊዴ ዳሮፔ ዎሴዲኖ። \p \v 6 ዬሱሲካ ኡንቱንቱና ኢቲፔ ቤዳ። ኢካ ሂኒ ጎሊያ ሄራ ጋኬዳ ዎዴ ፄቱዋ ካፑ ባሬ ላጌቱዋ ባሬኮ ፄሲዴ፥ «ታ ጎዳው፥ ዳቡሮፓ፤ ኣዪሲ ጎፔ፥ ኔና ታ ጎሊያ ካራፔ ጋርሳ ባጋና ጌልሳናው ታው ቤሴና። \v 7 ሃዋ ዲራው ኔ ሲንን ኤቃናዉካ ሃራይ ኣቶ ቤሲያዋ ጊዲኬ። ሺን ኔኒ ቃላ ፃላላ ኦዳ፤ ታ ቆማይካ ፓፃናዋ። \v 8 ታኒ ታፔ ቦላና ማታይ ዴዒያዋንቱሲ ኤኖ ጋዴ ዴዒያ ኣሳ። ታፔ ጋርሳናካ ታኒ ኪቲሲያ ዎታዳራቱ ዴዒኖ። ኢቱዋ፥ ‹ባ› ያጊያ ዎዴ፥ ቤ፤ ሃራካ ቃይ፥ ‹ሃያ› ጎፔ ዬ። ታ ቆማይካ፥ ሃዋ ‹ኦ› ጊያ ዎዴ ኣዛዜቴ፤ ኦ» ያጌዳ። \p \v 9 ዬሱሲካ ሃዋ ሲሲዴ ኣ ዬዉዋን ማላሌቴዳ፤ ጉዬ ሲሚዴ ኣ ካሊያ ዳሮ ኣሳ፥ «ታኒ ሂንቴንቶ ቱሙዋ ጋይ፤ ታኒ ሃዋ ማላ ኣማኑዋ ሃራይ ኣቶ፥ ኢስራዔሊያ ጋርሳንካ ቤዓቤይኬ» ያጌዳ። \v 10 ካሴ ኪቴቴዳ ኣሳቱካ ፄቱዋ ካፑዋ ጎሌ ጉዬ ሲሚያ ዎዴ፥ ኣ ቆማይ ፓፆዋ ቤዔዲኖ። \s1 ዬሱሲ ኣምዓቲ ናዓ ሃይቁዋፔ ዴንዳ \p \v 11 ዎንቲሳ ጋላሲ ዬሱሲ ባሬና ካሊያዋንቱናኔ ጮራ ኣሳና ኢቲፔ ናይኖ ጌቴቲያ ካታማቶ ቤዲኖ። \v 12 ዬሱሲ ካታማ ጋካና ማቶ ዎዴ፥ ኣሳይ ሃይቄዳ ኣኃ ቶኪዴ ኬሴዲኖ። ሃይቆዌካ ባሬ ዳዪው ሜፂ ኢቲ ናዓ፤ ኣታካ ኣሲናይ ባይና ኣምዓቶ። ዳሮ ካታማ ኣሳይካ ኢዞ ካሌዲኖ። \p \v 13 ዬሱሲካ ኢዞ ቤዔዳ ዎዴ ቃሬቲዴ፥ «ዬኮፓ!» ያጌዳ። \v 14 ሺቂዴ ሻንቻማ ቦቼዳ፤ ቶኮዋንቱካ ኤቄዲኖ። ዬሱሲ፥ «ኔኖ ያላጋው፥ ዴንዳ ጋይ!» ያጊና፥ \v 15 ቢታኒ ሱሪ ኡቴዳ። ሃሳያካ ዶሜዳ። ዬሱሲካ ኣ፥ ኣ ዳዪው ኢሜዳ። \p \v 16 ኡባይካ ያሻን ኩሚዴ፥ «ዎልቃማ ናቢ ኑ ጋርሳን ዴንዴዳ፤ ፆሳይካ ባሬ ኣሳ ኣሻናው ዬዳ!» ያጊዴ ፆሳ ጋላቴዲኖ። \v 17 ሄዌኔካ ዬሱሳ ዋሪ ዪሁዳ ዩሹዋን ዴዒያ ጋዲያ ኡባን ሲሴቴዳ። \s1 ፃማቂያ ዮሃኒሳ \r (ማት 11፡1-19) \p \v 18 ዮሃኒሳ ካሊያዋንቱ ሃኖዋ ኡባ ኣው ኦዴዲኖ። ዮሃኒሲካ ባሬና ካሊያዋንቱፔ ላዓቱዋ ፄሲዴ፥ \v 19 «ያናዌ ኔኔዬ? ዎይ ኑኒ ሃራ ናጋኔ?» ያጊ፥ ኡንቱንቱ ኦቻና ማላ ሂኒ ዬሱሳኮ ኪቴዳ። \p \v 20 ኣሳቱካ ዬሱሳኮ ዪዴ፥ «ፃማቂያ ዮሃኒሲ፥ ያና ጌቴቴዳዌ ኔኔዬ? ዎይ ሃራ ናጋኔ? ያጊዴ ኦቻና ማላ ኔኮ ኪቴዳ» ያጌዲኖ። \p \v 21 ሄ ዎዲያን ዬሱሲ ጮራ ኣሳ ዱማ ዱማ ሃርጊያፔ ፓዳ፤ ቱና ኣያናቱዋካ ኣሳፔ ኬሴዳ፤ ጮራ ቆቃቱዋ ኣይፊያ ዶዬዳ። \v 22 ዬሱሲካ ዮሃኒሲ ኪቶዋንቶ፥ «ቢዴ ሂንቴንቱ ቤዔዳዋኔ ሲሴዳዋ ዮሃኒሳው ኦዲቴ፤ ቆቃቱ ፄላናዋንታ፤ ጉንዳቱ ሃሜታናዋንታ፤ ኦሉ ኦይቆዋንቱ ጌያናዋንታ፤ ቱሌዳዋንቱ ሲሳናዋንታ፤ ሃይቄዳዋንቱ ዴንዳናዋንታ፤ ሂዬሳቱዋሲካ ሚሺራቹዋ ቃላይ ኦዴታናዋ። \v 23 ታናን ቤቴና ኣሳይ ኡባይ ኣንጄቴዳዋንታ» ያጌዳ። \p \v 24 ዮሃኒሲ ኪቴዳዋንቱ ቢዲጎዋፔ ጉዪያን ዬሱሲ ኣሳው ዮሃኒሳባ ኦዱዋ ዶሜዳ፡ «ኣያ ቤዓናው ቢታ ባዙዋ ኬሴዲቴ? ጫርኩ ቃያ ኡሱን? \v 25 ዎይ ኣያ ቤዓናው ኬሴዲቴ? ሎዖ ማዩዋ ማዬዳ ኣሳ ዴዑዋ? ሎዖ ማዩዋ ማዬዳዋንቱኔ ባሬና ጊጊሲያዋንቱ ካቲያ ጎሌን ዴዒኖ። \v 26 ዎይ ኣያ ቤዓናው ኬሴዲቴ? ናቢያ ቤዓናው ኬሴዲቴ? ኤ፤ ታኒ ሂንቴንቶ ያጋይ፤ ሂንቴንቱ ቤዓናው ኬሶዌ ናቢያፔካ ኣዋ። \v 27 ፆሳ ማፃፋን፥ ‹ኔ ኦጊያ ኔፔ ሲንና ጊጊሲያ ኪታንቻ ኔፔ ሲንያዴ ኪታና› ጌቴቲ ዮሃኒሳባይ ፃፌቴዳዌ ሃዋ። \v 28 ማጫዋንቱፔ ዬሌቴዳዋንቱ ጋርሳን ፃማቂያ ዮሃኒሳፔ ኣያ ኦኒኔ ባዋ። ፆሳ ካዉቴን ቃሲ ኡባፔ ላፋ ጌቴቲያዌካ ኣፔ ኣናዋ» ያጌዳ። \p \v 29 ሃራይ ኣቶሺን ቃራፃ ኬሲያዋንቱ ኣቴናን ሃዋ ዬሱሲ ሃሳዮዋ ሲሴዳ ኡባይ ዮሃኒሳ ኩሺያን ፃማቄቶዋንቱ ፆሳው ቤሲያ ቦንቹዋ ኢሜዲኖ። \x - \xo 7:29 \xt ማት 21፡32፤ ሉቅ 3፡12\x* \v 30 ሺን ሂጊያ ታማሪሲያዋንቱኔ ፓሪሳዋቱ ዮሃኒሳን ፃማቄቲቤና ዲራው፥ ፆሳይ ኡንቱንቶ ቆፔዳዋ ኢፄዲኖ። \p \v 31 ዬሱሲ፥ «ሲሚ ታኒ ሃ ዎዲያ ኣሳ ኣያና ሌሚሶ? ኡንቱንቱ ኣያ ማላቲኖ? \v 32 ኡንቱንቱ ጌያሳን ኡቲዴ ኢቱ ኢቱዋ ፄሲዴ፥ ‹ሱሱሊያ ሂንቴንቶ ፑኒናካ \q2 ካዒቤይኪታ፤ \q1 ዬኩዋ ዬ ኬሴዶሺንካ \q2 ዬኪቤይኪታ \q1 ያጌቲያ ናና ማላቲኖ› ጌዳ። \m \v 33 ፃማቂያ ዮሃኒሲ ቁማ ሜናን ዎዪኒያ ኤሳካ ኡሼናን ዪና፥ ‹ኣ ቦላን ጋሌናይ ዴዔ› ያጌዲታ። \v 34 ታኒ ኣሳ ናዓይ ማዴኔ ኡሻዴ ዪና፥ ‹ሃዌ ናፊሳማ፤ ዎዪኒያ ኤሳካ ኡሺያዋ፤ ቃራፂያዋንቶኔ ናጋራንቻቶ ዳቡዋ› ያጊታ። \v 35 ጊዶፔ ኣቲን ፆሳ ኣ ኤራቴይ ባሬ ኦሱዋን ቱማ ጊዲዴ ቤቴዳ» ያጌዳ። \s1 ፓሪሳዊያ ሲሞና \p \v 36 ፓሪሳዋቱዋፔ ኢቱ ባሬናና ቁማ ማና ማላ ሾቢና፥ ዬሱሲ ኣ ሶይ ቢዴ ማናው ኡቴዳ። \v 37 ሄ ካታማን ናጋራንቻ ጌቴቴዳ ኢቲ ሚሺራታ ዴዔዉና፥ ዬሱሲ ኣ ሶዪን ኡቴዳዋ ሲሳዴ፥ ኣልባስፂሮሳ ጌቴቲያ ሹቻፔ ኦሴቴዳ ቢልቃሲያ ኩሜዳ ሺቱዋ ኣካ ያዱ። \v 38 ጉዬና ኣ ጌዲያ ማታን ኤቃዴ፥ ዬካዴ ኣ ጌዲያካ ባሬ ኣፎን ኦካ ዶማዱ፤ ኢዚ ኣፎይ ባዪዜዳ ኣ ጌዲያካ ባሬ ሁጲያ ቢናናን ቁጫዴኔ ኣ ጌዲያ ዬራዴ ጌዲያን ሺቱዋካ ጫጫፋዱ። \x - \xo 7:38 \xt ማት 26፡7፤ ማር 14፡3፤ ዮህ 12፡3\x* \v 39 ዬሱሳ ባሬ ሶይ ፄሴዳ ፓሪሳዊካ ሃዋ ቤዒዴ፥ «ሃዌ ናቢያ ጊዴዴንቶ፥ ሃና ኣ ቦቺያ ሚሺራታ ኦኔንቶኔ ቃይካ ኢዛ ናጋራንቻ ጊዲያዋ ኢ ኤራናሺን» ያጌዳ። \p \v 40 ዬሱሲካ ዛሪዴ፥ «ሲሞና፥ ታኒ ኔው ኦዲያ ዬዉ ዴዔ» ያጊና፥ \p ሲሞኒካ፥ «ታማሪሲያዎ፥ ኦዳ» ያጌዳ። \p \v 41 ዬሱሲ፥ «ኢቲ ቢታኒያፔ ሚሻ ታልዔዳ ላዑ ኣሳቱ ዴዒኖ። ኢቱዋ ማታን ኢቼሹ ፄቱ ዲናሪ፥ ቃይ ዮኩዋ ማታን ኢሻታሙ ዴዔ። \v 42 ላዓቶካ ጪጊያዌ ዪና፥ ላዓቱዋ ኣጩዋካ ማሪ ኣጌዳ። ሃዋንቱፔ ሃቃዌ ሎይ ዶሲያዋ ማላቲ?» ያጌዳ። \p \v 43 ሲሞኒካ ዛሪዴ፥ «ዳሩዋ ኣጎዋ ማላቴ» ያጌዳ። ዬሱሲካ፥ «ቱሙዋ ዛራዳ» ያጌዳ። \p \v 44 ዬሱሲ ሚሺራቲኮ ፄሊዴ፥ ሲሞና ሃዋዳን ያጌዳ፤ «ሃኖ ሚሺራቶ ቤዓዲ? ታኒ ኔ ጎሌ ዪና ሃራይ ኣቶሺን ሃካ ታ ጌዴው ኢማቤይካ፤ ሺን ኢዛ ባሬ ኣፎን ታጌዲያ ኢርፂሳዱ፤ ባሬ ሁጲያ ቢናናኒካ ቁጫዱ። \v 45 ኔኒ ታና ዬራ ቤይካ፤ ሺን ኢዛ ታኒ ጌሎዴፔ ዶማዴ ታጌዲያ ዬሪያዋ ኣጋ ቤይኩ። \v 46 ኔኒ ታ ሁጲያን ዛይቲያ ኦካ ቤይካ፤ ሺን ኢዛ ታ ጌዲያን ሺቱዋ ጫጫፋዱ። \v 47 ሃዋ ዲራው ታ ሂንቴንቶ ኦዳይ፡ ዳሮፔ ኢዛ ዶሴዳዋ ዲራው፥ ዳሮ ናጋራይ ኢዚው ዴዒያዌ ማሬቴዳ፤ ጉይ ማሬቲያዌ ጉ ዶሴ» ያጌዳ። \p \v 48 ዬሱሲ ሚሺራቶ፥ «ኔ ናጋራይ ቁጬቴዳ» ያጌዳ። \p \v 49 ዬሱሳና ኢቲፔ ቁማ ማናው ኡቴዳዋንቱ ባሬንቱ ዎዛናን፥ «ናጋራ ማራናው ዳንዳዪያዌ ሃዌ ኦኔ?» ያጌዲኖ። \p \v 50 ዬሱሲ ሚሺራቶ፥ «ኔ ኣማኑ ኔና ኣሼዳ፥ ሳሮቴን ኔ ጎሌ ባ» ያጌዳ። \c 8 \s1 ዬሱሳ ካሌዳ ማጫዋንታ \p \v 1 ዬሱሲ ሃዋፔ ሲሚዴ፥ ሳባኪዲኔ ፆሳ ካዉቴ ሚሺራቹዋ ቃላ ካታማኒኔ ሄራን ኦዲዴ ኣዳ። ታማኔ ላዑ ዬሱሳ ካሊያዋንቱካ ኣናና ኢቲፔ ዴዒኖ። \v 2 ኢታ ኣያናፔኔ ዎልቃማ ሃርጊያፔ ፓፄዳዋንቱ ኢቲ ኢቲ ማጫዋንቱካ ዴዒኖ። ሄዋንቱካ፡ ላፑ ፃላሂ ኬሴዳ ማግዳላ ጌቴቲያ ካታማፔ ዬዳ ማይራሞኔ፥ \v 3 ሄሮዲሳ ጎሊያን ሱን ጊዴዳ ኩዛ ማቻቲ ዮሃኖ፥ ሶሲና ጌቴቴዉናኔ ሃራ ጮራቱዋና ኢቲፔ ጊዲዴ፥ ዬሱሳኔ ኣ ካሊያዋንታ ሚሻን ማዴዲኖ። \s1 ዜሬ ሌሚሱዋ \r (ማት 13፡1-9፤ ማር 4፡1-9) \p \v 4 ጮራ ኣሳይ ዳሮ ካታማቱዋፔ ሺቂዴ፥ ዬሱሳኮ ዬዳ ዎዲያን ሌሚሱዋን፥ \v 5 «ዜሪያዌ ዜሬ ዜራናው ኬሴዳ። ዜሪያ ዎዴ ኢቲ ኢቲ ዜሬይ፥ ኦጊያ ዶናን ዎዴ ዬቴዳ። ያቲና ሳሉዋ ካፉ ሄዋ ሜዳ። \v 6 ሃራይ ቃይ ዛላ ቦላ ዎዴ ዶሌዳ ዎዴ ኮሺያ ሃ ዴሜና ዲራው ሜሌዳ። \v 7 ሃራ ዜሬይ ኣጉን ጋርሳን ዎዳ። ኣጉንይ ኢቲፔ ዲጪዴ ሚቴዳ። \v 8 ሃራይ ሎዒያ ቱዔ ቢታን ዎዳ። ዶሎዋፔ ጉዪያን፥ ዜሬቶዋፔ ፄቱ ኩሺያ ዳኩዋ ሞኬዳ» ያጌዳ። \s1 ዬሱሲ ሌሚሱዋን ሃሳዬዳ ጋሱዋ \r (ማት 13፡10-17፤ ማር 4፡10-12) \p ዬሱሲ ሃዋ ሃሳዪዴ፥ «ሃይይ ዴዒያ ኡባይ ሲሶ» ያጊ ቃላ ቁ ኡዲዴ ዋሴዳ። \p \v 9 ኣ ካሊያዋንቱ፥ «ሃ ሌሚሱ ኣያ ጉሴ?» ያጊ ኣ ኦቼዲኖ። \v 10 ኢካ ዛሪዴ፥ \x - \xo 8:10 \xt ኢሳ 6፡9\x* \p «ሂንቴንቶ ፆሳ ካዉቴ ፁራ ኤራይ ኢሜቴዳ፤ ሺን ሃራቶ፥ ፄሊዲካ ኤሬና ማላ፥ ሲሲዲካ ኣኬኬና ማላ ሌሚሱዋን ኦዳይ» ያጌዳ። \s1 ዬሱሲ ዜሬ ሌሚሱዋ ቢሊዴ ኦዴዳ \r (ማት 13፡18-23፤ ማር 4፡13-20) \p \v 11 ዬሱሲ፥ «ዜሬ ሌሚሱ ሃዋ፡ ዜሬይ ፆሳ ቃላ። \v 12 ኦጊያ ጋፃን ዎዳ ዜሬይ፥ ጉ ዎዴው ቃላ ሲሲያ ኣሳ፤ ኤሌካ ፃላሂ ዪኔ፥ ኡንቱንቱ ሲሶዋን ኣማን ኣቴና ማላኔ ቃላይ ዎዛናፔ ዶጌታና ማላ ኦ። \v 13 ዛላ ቦላን ዎዳ ዜሬይ፥ ኮይሮ ቃላ ናሼቻን ሲሲያዋንታ። ሄዋንቱካ ጉ ዎዲያ ኣማኒኔ ፓጪ ጋኪያ ዎዲያን ፃጱ ባንታ ዲራው ኤሌካ ኣማኑዋ ካዲኖ። \v 14 ኣጉን ጋርሳን ዎዳ ዜሬይ፥ ቃላ ሲሲያዋንታ፤ ሺን ዴዑዋ ሂርጋይኔ ዱሬቴ ኢሻሉ ጩሌዳዋንታ። ሄዋንቱ ሎዖ ኣይፊያ ኢማናው ዳንዳዪኪኖ። \v 15 ሎዖ ቱዔ ቢታን ዎዳ ዜሬይ ቤሲያዌ፥ ሎዓኔ ፂሎ ዎዛናን ቃላ ሲሲዴ ናጊያ ኣሳኔ ሄ ቃላን ሚኒ ኤቂዴ ሎዖ ኣይፊያ ኣይፊያዋንታ። \s1 ፆምፒያ \r (ማር 4፡21-25) \p \v 16 «ፆምፒያ ሳዴ ኢቲባን ቁምዒ ኣጊያዌ ዎይ ኣርሳፔ ጋርሳና ዎያዌ ኦኒኔ ባዋ። \x - \xo 8:16 \xt ማት 5፡15፤ ሉቅ 11፡33\x* \v 17 ቆንጬናን ቆሱዋን ኣቲያባይ ኢቲ ዬዉኔ ባዋ። ኤሬቴናኒኔ ቤቲያሳ ኬሴናን ኣታናባይ ኣይኔ ባዋ። \x - \xo 8:17 \xt ማት 10፡26፤ ሉቅ 12፡2\x* \v 18 ሄዋ ጊዲያ ዲራው ሎይ ኣኬካን ሲሲቴ። ዎዛናፔ ሲሲያዎ ኡባው ጉጂ ኣኬካይ ኢሜታና፤ ኣኬኬናዋፔ ሄ ኣው ዴዒያዋ ማላቲያ ኣኬካይካ ኣኬታናዋ» ያጌዳ። \x - \xo 8:18 \xt ማት 25፡29፤ ሉቅ 19፡26\x* \s1 ዬሱሳ ዳዮኔ ኣ ኢሻቱዋ \r (ማት 12፡46-50፤ ማር 3፡31-35) \p \v 19 ሄ ዎዲያን ኣታኔ ኢሻቱ ዬሱሳና ጋኬታናው ኣኮ ዬዲኖ፤ ሺን ኣሳ ጮራቴፔ ዴንዶ ጋሱዋን ኣ ዴማናው ዳንዳይቤይኪኖ። \v 20 ኢቲ ቢታኒ፥ «ኔ ዳያኔ ኔ ኢሻቱ ኔናና ጋኬታናው ኮዮ ዲራው ካሬን ዪዴ ኤቄዲኖ» ያጊ ኦዴዳ። \p \v 21 ኢካ፥ « ታ ዳያኔ ታ ኢሻቱ፥ ፆሳ ቃላ ሲሲዴ ኦሱዋ ቦላን ፔሺያዋንታ» ያጊ ዛሬዳ። \s1 ዬሱሲ ቤታ ጮዑ ኦዳ \r (ማት 8፡23-27፤ ማር 4፡35-41) \p \v 22 ኢቲ ጋላሲ ዬሱሲ ባሬና ካሊያዋንቱና ኢቲፔ ዎንጊሪያ ጌሊዴ፥ «ኣባፔ ሄፊን ቦይቴ» ጌዳ። ኡንቱንቱካ ዴንዲዴ ሃሜታ ዶሜዲኖ። \v 23 ፒኒ ዴዒያ ዎዴ፥ ዬሱሲ ጌሚዒሼዳ። ኣባን ጎቱዋ ጫርኩ ዴንዶ ዲራው፥ ዎንጊሪያ ጋርሳን ሃይ ኩሚና ዳሮ ሜቶቴዲኖ። \v 24 ኡንቱንቱ ዬሱሳኮ ሺቂዴ፥ «ጎዳው፥ ጎዳው! ኑኒ ባዮይቴቴ!» ያጊዴ ኣ ቤጎዲኖ። \p ኢካ ቤጎቲዴ ጎቱዋኔ ሃ ቤታ ሴሪና፥ ጎቱኔ ሃ ቤታይ ኤቄዳ፤ ኡባባይካ ጮዑ ጌዳ። \v 25 ኢካ፥ «ሂንቴንቶ ኣማኑ ሃቃን ዴዒ?» ያጌዳ። \p ኡንቱንቱካ ያዪ ማላሌቲዴ ኢቱ ኢቱዋ፥ «ሃዋዳን ጫርኩኔ ሃይ ጮዑ ጊቴ ጊና ኣዛዜቲያዌ ሃዌ ኦኔ?» ያጌቴዲኖ። \s1 ዬሱሲ ፃላሂ ኦይቄዳ ቢታኒያ ፓዳ \r (ማት 8፡28-34፤ ማር 5፡1-20) \p \v 26 ጋሊላ ኣባፔ ሄፊንና ዴዒያ ጌርጌሴኖና ጌቴቲያ ጋዲያ፥ ዬሱሲኔ ኣ ካሊያዋንቱ፥ ዎንጊሪያን ፒኒዴ ጋኬዲኖ። \v 27 ሄ ሃፔ ፒኒ ሳዓ ዎ ዎዴ፥ ኢታ ኣያናን ኦይቄቴዳ ኢቲ ቢታኒ፥ ካታማፔ ኬሲዴ ኣናና ጋኬቴዳ። ዳሮ ዎዲያፔ ዶሚዴ ማዩዋ ማዬናን ካሎ ጎሊያ ኣጊዴ ዱፉዋን ዴዔ። \p \v 28 ዬሱሳ ዴሞዋፔ ጉዪያን፥ ዋሲ ኣ ሲንን ጉፋኒዴ ዎልቃማ ኮሻን፥ «ዎልቃማ ፆሳ ናዓ ዬሱሳ፥ ታዉኔ ኔው ኣይቤ ኢቲፔቴይ ዴዒ? ታና ዋዪሶፓሪኪ፤ ታ ኔና ዎሳይ» ያጌዳ። \v 29 ኢ ሄዋ ኣዪሲ ጌዴ ጎፔ፥ ቢታኒያ ዬጊ ኬሳና ማላ ዬሱሲ ኣ ኣዛዞ ዲራሳ። \p ኢታ ኣያናይ ቢታኒያ ኦይቆዴፔ ዳሮ ዎዴ ጊዶ ዲራው፥ ቢራታ ሳንላታን ጌዲያኔ ኩሺያ ቃሼቲዴ ናጌቴ። ሳንላታ ዱ ኣኪዴ ኢታ ኣያናይ ካሌና ባዙዋ ቤ። \p \v 30 ዬሱሲካ፥ «ኔ ሱንይ ኦኔ?» ያጊ ኦቼዳ። ኢካ ጮራ ኢታ ኣያናይ ጌሊ ኡቶ ዲራው፥ «ሌጊዮና» \f + \fr 8:30 \fq ሌጊዮና፡ \ft ሃ ሱንይ ጊሪኬ ጌቴቲያ ቃላፔ ኣኬቴዳ። ሱን ቢሌይ «ጮራ» ጉሳ።\f* ያጌዳ። \v 31 ባሬንታ ዬሱሲ፥ «ሂኒ ጪሞ ኦላ ቢቴ» ያጌና ማላ ዎሴዲኖ። \p \v 32 ሄዋን ዴዒያ ዞዚያ ጋፃን ሄሜቲያ ጮራ ጉዱንቱ ዴዒኖ። ጮራ ቱና ኣያናቱ፥ ሄ ጉዱንቱዋ ጋርሳ፥ «ጌሊቴ» ጋና ማላ ዬሱሳ ዎሴዲኖ። ኢካ፥ «ቢዴ ጌሊቴ» ጌዳ። \v 33 ኢታ ኣያናቱካ ቢታኒያፔ ኬሲዴ ጉዱንቱዋ ጋርሳ ጌሌዲኖ። ጉዱን ዉዲካ ላንቂያፔ ካጆቲዴ ኤሌካ ኣባን ሚቴቴዲኖ። \p \v 34 ጉዱን ሄሚያዋንቱ ሃኖዋ ኡባ ቤዖ ዎዴ ሃራሳ ቢዴ፥ ሄ ካታማኒኔ ዩሹዋን ሃኖዋ ኦዴዲኖ። \v 35 ኣዬ ሃኔዴንቶ ቤዓናው ኬሲዴ፥ ኣሳይ ዬሱሳኮ ዬዲኖ። ኢታ ኣያናይ ኬሴዳ ቢታኒ፥ ኣ ዎዛናይ ሲሚና ማዩዋ ማዪዴ ዬሱሳ ጌዲያ ማታን ኡቶዋ ቤዒዴ ያዬዲኖ። \p \v 36 ኢታ ኣያናን ኦይቄቴዳ ቢታኒ ዎቲ ፓፄዴንቶ ቤዔዳ ኣሳይ፥ ሃራ ኣሳው ኦዴዲኖ። \v 37 ጌርጌሴኖና ጋዲያኒኔ ሄ ሄራን ዴዒያ ኣሳይ ኡባይ ዳሪ ያዬዳ ዲራው፥ ዬሱሲ ባሬንቱ ማታፔ ባና ማላ ዎሴዲኖ። ኢካ ዎንጊሪያን ጌሊዴ ቤዳ። \v 38 ኢታ ኣያናይ ኬሴዳ ቢታኒካ ዬሱሳና ባና ጊዴ፥ ኣ ዎሴዳ፤ ሺን ዬሱሲ፥ \v 39 «ኔ ጎሌ ሲማዴ ፆሳይ ኔው ኦ ዎልቃማባይ ኣዬንቶ ማርካታ» ያጊ ዬዴዳ። \s1 ሃይቄዳ ናቶኔ ሳኬቲያ ሚሺራቶ \r (ማት 9፡18-26፤ ማር 5፡21-43) \p \v 40 ዬሱሲ ሲሜዳ ዎዴ ኣሳይ ኡባይ ናጊ ዴዒያ ዲራው፥ ኣ ሞኪ ኣኬዲኖ። \v 41 ሄ ዎዴ፥ ኣዪሁዴ ኣሳ ዎሳ ጎሌው ሱን ጊዴዳ ያዒሮሳ ያጌቲያ ቢታኒ ኣኮ ዬዳ። ኢካ ዬሱሳ ጌዲያ ሲንን ኩንዲዴ፥ ባሬ ጎሌ ጌላና ማላ ዎሴዳ። \v 42 ጋሶቴይካ ታማኔ ላዑ ላይይ ኩሜዳ ኣው ዴዒያ ኢቲ ናታ ሃይቃናው ማታ ኡቶ ዲራሳ። \p ዬሱሲ ቢያ ዎዴ ጮራ ኣሳይ ኣ ዩሹዋን ሱጌቲዴ ሜቶዲኖ። \v 43 ሄ ኣሳ ጊዶን ሄ ዎዲያን ታማኔ ላዑ ላይ ኡባ ሱይ ጎጊያ ሚሺራታ ዴዓው። ባሬ ዴዒያ ሻሉዋ ኡባ ሊያ ኤሪያዋንቶ ዉርሲናካ ፓናው ዳንዳዮዌ ኦኒኔ ባዋ። \p \v 44 ጉዬና ያዴ ኣ ማዩዋ ማጫራ ቦቻዱ፤ ሄ ማንዒያንካ ኢፔ ጎጊያ ሱይ ኤቂ ኣጌዳ። \v 45 ዬሱሲ፥ «ኦኔ ታና ቦቾዌ?» ያጌዳ። \p ኡባይ ካዲና ጴፂሮሲ፥ «ጎዳው፥ ኣሳይ ሱጌቲዴ ሜቶያ ዎዴ፥ ‹ኦኔ ታና ቦቾዌ› ያጋይ?» ጌዳ። \p \v 46 ሺን ዬሱሲ፥ «ኢቲ ኣሳይ ታና ቦቼዳ፤ ዎልቃይካ ታፔ ኬሶዋ ታኒ ኤራይ» ያጌዳ። \v 47 ሚሺራታካ፥ ዬሱሳ ኢዛ ቦቾዌ ኤሬቴናን ኣቲቤናዋ ኤራዴ፥ ኮኮራዴ ዮና ዬሱሳ ሲንን ኩንዳ ኣጋዱ። ኣያ ጋሱዋን ዬሱሳ ቦቻዴንቶ ኢዛ ፓፆዋ ኡባ ኣሳ ሲንን ኦዳዱ። \p \v 48 ኢካ ኢዚው፥ «ሃ ሚሺራቴ! ኔ ኣማኑ ኔና ፓዳ፤ ሳሮ ባ» ያጌዳ። \p \v 49 ዬሱሲ ሃሳይ ዴዒሺን፥ ኣዪሁዳ ኣሳ ኣማኒያዋንቱ ሱን ሶዪፔ ኢቲ ቢታኒ ዬዳዌ፥ «ኔ ናታ ሃያዱ፤ ሲሚ ታማሪሲያዋ ሜቶፓ» ያጌዳ። \p \v 50 ዬሱሲ ሃዋ ሲሲዴ፥ «ያዒሮሳ፥ ኣማናፔ ኣቲን፥ ያዮፓ! ኢዛ ፓፃናዉኑ» ያጊ ዛሬዳ። \p \v 51 ሶይ ጌሊዴ፡ ጴፂሮሳፔ፥ ያዪቆባፔ፥ ዮሃኒሳፔ፥ ናቲ ኣቡፔኔ ናቲ ዳዪፔ ኣቲን፥ ኦኒኔ ጌላናዳን ኤኖ ጊቤና። \v 52 ኡባይ ሄ ናቲው ዬኪዴኔ ካዮቲዲ ዴዒኖ። ሺን ዬሱሲ፥ «ዬኮፒቴ፥ ጊሳዱፔ ኣቲን ሃያቤይኩ» ያጌዳ። \p \v 53 ኢዛ ሃይቄዳዋ ኤሪዴ ኣ ቦላ ሚጬዲኖ። \v 54 ጊዶፔ ኣቲን ዬሱሲ ኢዚ ኩሺያ ኦይቂዴ፥ «ሃ ናቴ፥ ቤጎታ!» ያጌዳ። \v 55 ኢዚ ሼምፑካ ሲሚና ኤሌካ ዴንዳ ኤቂና ማናባ ኢማና ማላ፥ ዬሱሲ ኣዛዜዳ። \v 56 ኢዚ ኣቡኔ ኢዚ ዳያ ማላሌቴዲኖ፤ ሺን ዬሱሲ ኡንቱንታ፥ ሃኖ ዬዉዋ ኦሲኔ ኦዴና ማላ ኣዛዜዳ። \c 9 \s1 ዬሱሲ ባሬና ካሊያ ታማኔ ላዓቱዋ ኪቴዳ \r (ማት 10፡5-15፤ ማር 6፡7-13) \p \v 1 ዬሱሲ ታማኔ ላዑ ኣ ካሊያዋንታ ኢቲፔ ባሬኮ ፄሲዴ፥ ፃላሂያ ኡባ ኣሳፔ ኬሳናዉኔ ሃርጊያዋንታ ፓና ማላ ዎልቃኔ ማታ ኢሜዳ። \v 2 ፆሳ ካዉቴባ ኦዳናዉኔ ሃርጋንቻቱዋ ፓና ማላ ኡንቱንታ ኪቴዳ። \v 3 ኢ ኡንቱንታ ኪቲዴ፥ «ኦጊያ ቢዴ፥ ፃምዓ ጊዲናካ፥ ዎይ ቃርጪቲያ፥ ዎይ ቁማ፥ ዎይ ሚሻ ጊዲናካ ኣያኔ ኦይቆፒቴ፤ ላዔያ ማዩዋካ ኦይቆፒቴ። \x - \xo 9:3 \xt ሉቅ 10፡4-11\x* \v 4 ሂንቴና ኣሳይ ሃቃን ሞኮፔኔ፥ ሄዋፔ ኬሳና ጋካናው፥ ሂንቴንቱ ጌሌዳ ጎሊያን ጋሚዒቴ። \v 5 ሄ ካታማ ኣሳይ ሂንቴና ሞኬናን ኢፆፔ፥ ሄዋፔ ኬሲዴ፥ ኡንቱንቱ ሂንቴና ሞኬናን ኢፆዎ ማርካ ጊዳና ማላ፥ ሂንቴንቱ ጌዲያፔ ባና ሾጪ ዲጊዴ ቢቴ» ያጌዳ። \p \v 6 ኣ ካሊያዋንቱ ቢዴ፥ ቄሪ ካታማ ኡባን ሚሺራቹዋ ቃላ ኦዲዴኔ ሃርጋንቻ ፓዴ ዩዬዲኖ። \s1 ሄሮዲሴ ኦዳባ \r (ማት 14፡1-12፤ ማር 6፡14-29) \p \v 7 ሃዒ ጋሊላ ቢታ ካቲያ ሄሮዲሴካ ሃኔዳ ዬዉዋ ሲሲዴ ያቲ ጌዳ። ጋሶቴይኔካ ኢቲ ኢቲ ኣሳይ፥ «ዮሃኒሲ ሃይቁዋፔ ዴንዴዳ» ያጌ። \v 8 ሃራ ኣሳይ፥ «ኤላሲ ኬሲዴ ቤቴዳ» ያጊያ ዎዴ፥ ሃራንቱ ቃሲ፥ «ቤኒ ናባቱዋፔ ኢቱ ሃይቁዋፔ ዴንዴዳ» ያጊኖ። \v 9 ሄሮዲሴካ፥ «ታኒ ዮሃኒሳ ቆያ ቃንፂሳ ዲጋዲሺን፥ ሃዋዳን ኣሳይ ሃሳዪያ ቢታኒ ኦኔ?» ያጊዴ፥ ዬሱሳ ቤዓናው ኮዬዳ። \s1 ዬሱሲ ኢቼሹ ሻዓ ኣሳ ሚዚዴ ካሊሴዳ \r (ማት 14፡13-21፤ ማር 6፡30-44፤ ዮህ 6፡1-14) \p \v 10 ዬሱሲ ኪቶዋንቱ ሲሚዴ፥ ኡንቱንቱ ኦዳዋ ኡባባ ዬሱሳው ኦዴዲኖ። ኢካ ኡንቱንታ ኣኪዴ፥ ቤቴሳይዳ ያጌቲያ ካታማ ማታን ዴዒያ ታካሳ ቤዳ። \v 11 ኣሳይ ኢ ዴዒያሳ ኤሪዴ ካሊና፥ ኡንቱንታ ሞኪ ኣኪዴ ፆሳ ካዉቴባ ኦዴዳ፤ ሃርጊያፔ ፓፃናው ቤሲያዋንታካ ፓዳ። \p \v 12 ሳዓይ ኦማርሲያ ዎዴ፥ ዬሱሳ ካሊያ ታማኔ ላዓቱ ኣኮ ዪዴ፥ «ሃ ኣሳይ ኡባይ ኑ ዩሹዋን ዴዒያ ሄራ ጊዶኔ ቄሪ ካታማቱዋ ጊዶ ቢዴ፥ ኣቂያሳኔ ቁማ ዴማና ማላ ሞዪዛ፤ ኣያው ጎፔ ኑኒ ሃዋን ኣሳይ ባይናሳን ዴዔቶ» ያጌዲኖ። \p \v 13 ሺን ዬሱሲ ኡንቱንታ፥ «ኣሳው ሜቴቲያባ ሂንቴንቱ ኢሚቴ» ያጌዳ። \p ኡንቱንቱ ዛሪዴ፥ «ኣኔ ቢዴ፥ ሃ ኡባ ኣሳው ቁማ ሻሜናን ዮፔ ኑሲ ኢቼሹ ሶሉዋፔኔ ላዑ ሞሊያፔ ሃራይ ባዋ፤ ሄዋሲ ኑኒ ሃ ጮራ ኣሳው ቁማ ሻማና ማላ ኮያይ?» ያጌዲኖ። \v 14 [ጋሱካ፥ ሄዋን ዴዒያ ኣሳይ ኢቼሹ ሻዓ ኬና] \f + \fr 9:14 \fq ኢቼሹ ሻዓ፡ \ft ኢስራዔሊያ ዎጋን ማጫዌኔ ቄሪ ናናይ ፓይዴቴና ዲራው፥ ኢቼሹ ሻዓ ጉሳይ ማጫዋኔ ቄሪ ናና ፓይዴናን ኩሜዳዋ። ሃ ፓይዱ ዴዒያ ኮይሮ ማራይ ቤኒ ማፃፋ ኢቱዋ ኢቱዋን ባዋ።\f* \p ዬሱሲ ባሬና ካሊያዋንታ፥ «ኢሻታሙ ኢሻታሙ ኣሳ ጪታን ጪታን ሻኪ ሻኪ ኡቲሲቴ» ያጌዳ። \p \v 15 ኡንቱንቱካ ኢ ጎዋዳን ኡባ ኣሳካ ኡቲሴዲኖ። \v 16 ዬሱሲካ ኢቼሹ ሶሉዋኔ ላዑ ሞሊያ ኦይቂዴ፥ ፑዴ ሳሉዋ ቦንጎቲ ፄሊዴ ፆሳ ጋላቴዳ፤ ዱዴ፥ ኣሳው ጊሻና ማላ ኣ ካሊያዋንቶ ኢሜዳ። \v 17 ኣሳይ ኡባይካ ሚዴ ካሌዲኖ። ኡንቱንቱፔ ኣቴዳ ዶካ፥ ታማኔ ላዑ ሳምፓ ኩሜዳዋ ዴንዲኖ። \s1 ጴፂሮሲ ዬሱሳባ ኣዋዬዳ \r (ማት 16፡13-19፤ ማር 8፡27-29) \p \v 18 ኢቲ ጋላሲ ዬሱሲ ባሬካ ዎሲያ ዎዴ፥ ኣ ካሊያዋንቱካ ኣናና ኢቲፔ ዴዒሺን፥ «ኣሳይ ታና ኦና ጊኖ?» ጊዴ ኡንቱንታ ኦቼዳ። \p \v 19 ኡንቱንቱ ዛሪዴ፥ «ኣሳይ ኔና ፃማቂያ ዮሃኒሳ ያጌ፤ ሃራ ኣሳይ ቃሲ ኤላሳ \f + \fr 9:19 \fq ኤላሳ፡ \ft ሃ ናቢ ኢ ሃይቆዴፔ ዳሮ ዎዴፔ ጉዬ፥ ዬሱሲ ኪሪስቶሲ ቢታ ቦላን ታማሪሲዴ ዴሪያ ቦላ ዎሳው ኬሲዴ ላሜቲ ቦፄዳዋፔ ጉዬ ባጋን ኣናናኔ ሙሴና ሃሳዬዳ። ሄዋ ጉሳይ ሃይቂ ሲሚዴ ዳሮ ጮራ ዎዲያፔ ጉዬ ፓፃ ቆንጬዳ ጉሳ።\f* ያጌ፤ ሃራይ ቃሲ ቤኒ ናባቱዋፔ ኢቱ ዴንዴዳ ያጌ» ያጌዲኖ።\x - \xo 9:19 \xt ማት 14፡1፣ 2፤ ማር 6፡14፣ 15፤ ሉቅ 9፡7፣ 8\x* \p \v 20 ዬሱሲ ኡንቱንታ፥ «ሂንቴሺ፥ ታና ኦና ጊቴ?» ያጌዳ።\x - \xo 9:20 \xt ዮህ 6፡68፣ 69\x* \p ጴፂሮሲካ ዛሪዴ፥ «ኔኒ ፆሳይ ኦኬዳ ኪሪስቶሳ» ያጌዳ። \s1 ዬሱሳ ካሊያዋንቱ ሃናናው ቤሲያባ \r (ማት 10፡38-39፤ 16፡24-26፤ ማር 8፡34-38፤ ሉቅ 14፡26-27) \p \v 21 ዬሱሲካ ኡንቱንታ፥ «ሃዋ ኦሲኔ ኦዶፒቴ» ያጊ ሚኒሲ ኣዛዚዴ፥ \v 22 «ታኒ፥ ኣሳ ናዓይ፥ ዳሮ ሜቱዋ ኣካናው ቤሴ፤ ጪማቱዋን፥ ቄሳቱዋ ካፓቱዋኒኔ ሙሴ ሂጊያ ታማሪሲያዋንቱን ኢፄታናው ኮሼ፤ ኡንቱንቱ ታና ዎናዋንታ፤ ታኒካ ሄዜን ጋላሲ ሃይቁዋፔ ዴንዳናው ቤሴ» ያጌዳ። \p \v 23 ዬሱሲካ ኣሳ ኡባ፥ \x - \xo 9:23 \xt ማት 10፡38፤ ሉቅ 14፡27\x* «ታና ካላናው ዶሲያዌ ዴዖፔ፥ ባሬ ሁጲያ ካዶ፤ ባሬ ማስቃሊያ \f + \fr 9:23 \fq ማስቃሊያ፡ \ft ሃዋ ጉሳይ፥ ኢቲ ኣሳይ ባሬ ላይ ኡባን ፆሳ ካሊዴ ሻኬቴናን ቶካናው ቤሲያ ሜቱዋኔ ዋዪያ።\f* ጋላሳን ጋላሳን ቶኪዴ ታና ካሎ። \v 24 ባሬ ሼምፑዋ ኣሻናው ዶሲያዌ ኡባይ ባዪዜ፤ ሺን ታ ዲራው ባሬ ሼምፑዋ ባዪዚያዌ ኡባይ ኣሼ። \v 25 ኢቲ ኡራይ ሃ ኣላሚያባ ኡባ ኣሺዴ ባሬ ሼምፑዋ ባዪዞፔ ዎይ ባሬው ፓጪሶፔ፥ ኣያ ማዲ? \v 26 ኣሳይ ታናኒኔ ታቃላን ዬላቶፔ፥ ታኒ ኣሳ ናዓይ፥ ታ ቦንቹዋናኔ ጌሻ ኪታንቻቱዋ ቦንቹዋና ዪያ ዎዴ ኣኒ ዬላታናዋ። \v 27 ታኒ ሂንቴንቶ ቱሙዋ ያጋይ፤ ሃዋን ዴዒያ ኣሳፔ፥ ፆሳ ካዉቴ ቤዓና ጋካናው ሃይቁዋ ሃይቄናዋንቱ ኢቱ ኢቱ ዴዒኖ» ያጌዳ። \s1 ዬሱሳ ማላይ ላሜቴዳ \r (ማት 17፡1-8፤ ማር 9፡2-8) \p \v 28 ዬሱሲ ሃዋ ጎዋፔ ጉዪያን፥ ኢቲ ሳሚንታ ኬና ጋሚዒዴ፥ ጴፂሮሳኔ ዮሃኒሳ፥ ያዪቆባካ ኣኪዴ፥ ዎሳናው ዴሪያ ሁጲያ ኬሴዳ። \x - \xo 9:28 \xt 2ጵፅ 1፡17፣ 18\x* \v 29 ኢ ዎሲሺን፥ ኣ ዴሙዋ ማላይ ላሜቴዳ፤ ኣ ማዩካ ቦፂዴ ጶልቄዳ። \v 30 ቆፔናን ላዑ ኣሳቱ፥ ሙሴኔ ኤላስ ኬሲ ቤቲዴ፥ ዬሱሳና ሃሳይ ዴዒኖ። \v 31 ኡንቱንቱ ቦንቹዋን ቆንጪ ቤቲዴ፥ ዬሱሲ ፆሳ ቆፋ ፖላናው ዬሩሳላሜን ሃይቃናዋ \f + \fr 9:31 \fq ሃይቃናዋ፡ \ft ግሪኬ ማፃፋ ቆፋን ሃዋ ጉሳይ፥ «ዬሱሲ ሳሉዋ ቢያዋ»፤ ሃዌ ቃይ ኢ ሃይቁዋፔ ዴንዲያዋኔ ያቲዴ ሳሉዋ ቢያዋ ኡባ ሺሺ ኦይቄዳ ቆፋ።\f* ኣናና ሃሳዬዲኖ። \v 32 ጴፂሮሳኔ ኣናና ኢቲፔ ዴዒያዋንታ ጌሚዒሹ ጌሮዬዳሺን፥ ኤሌካ ቤጎቲዴ ኣ ቦንቹዋኔ ኣናና ጋ ኤቄዳ ላዑ ኣሳቱዋ ቤዔዲኖ። \v 33 ሄ ላዑ ኣሳቱ፥ ዬሱሳ ሚዪያፔ ሻኬቲያ ዎዴ፥ ጴፂሮሲ ዬሱሳ፥ «ጎዳው፥ ሃዋን ዴዒያዌ ኑሲ ሎዓ ጊዲያ ዲራው፥ ሄዙ ዳሲያ ኢቱዋ ኔው፥ ኢቱዋ ሙሴው፥ ኢቱዋ ኤላሳው ኬፃና» ያጌዳ። \p \v 34 ጴፂሮሲ ሄዋ ሃሳይ ዴዒሺን፥ ሻሪ ዪዴ ኡንቱንታ ካሚ ኣጊና ዬሱሳ ካሊያዋንቱ ያዬዲኖ። \v 35 ሻሪያፔካ፥ «ታኒ ዶሬዳ ታ ናዓይ ሃዋ፤ ኢ ጊያዋ ሲሲቴ» ያጊያ ቃላይ ዬዳ። \p \v 36 ቃላይ ሲሴቶዋፔ ጉዪያን፥ ዬሱሲ ባሬ ፃላላ ጊዲዴ ቤቴዳ፤ ኡንቱንቱካ ዬዉዋ ባሬንቱ ዎዛናን ኦይቂዴ ሄ ዎዲያን ኦኒኔካ ኣያኔ ኦዲቤና። \s1 ዬሱሲ ኢታ ኣያናን ኦይቄቴዳ ላዑ ኣሳቱዋ ፓዳ \r (ማት 17፡14-18፤ ማር 9፡14-27) \p \v 37 ዎንቴ ጋላሲ፥ ዬሱሲኔ ሄዙ ኣ ካሊያዋንቱ ዴሪያፔ ዱጌ ዎያ ዎዴ፥ ጮራ ኣሳይ ዬሱሳና ጋኬቴዳ። \v 38 ሄ ዎዴ ኣሳፔ ኢቲ ቢታኒ ባሬ ኮሻ ቁ ኦዴ፥ «ታማሪሲያዎ፥ ታው ዴዒያዌ ኢቲ ናዓ ጊዶ ዲራው፥ ኔኒ ኣ ቤዓና ማላ ኔና ዎሳይ፤ \v 39 ቃሲ ኢታ ኣያናይ ዎዛና ኣናን ዴንዲዴ ኣ ዋሲሴ፤ ዶናና ፓሮያና ጋካናው ኣ ኮኮርሲዴ፥ ኡባ ጋላሲ ሜቶያዋፔ ኣቲን፥ ኣ ኤሌ ዬዴና። \v 40 ኔና ካሊያዋንቱ ሄ ኢታ ኣያና ኬሳና ማላ፥ ታኒ ኡንቱንታ ዎሳዲ፤ ሺን ዳንዳይቤይኪኖ» ያጌዳ። \p \v 41 ዬሱሲ ዛሪዴ ኡንቱንታ፥ «ኣማኔና ሃ ዎዲያ ዴሻ ኣሳው፥ ታኒ ሂንቴናና ኣዉዴ ጋካናው ዴዓኔ? ቃሲ ሂንቴንቱባ ኣዉዴ ጋካናው ዳንዳያኔ? ኔ ናዓ ሃ ኣካያ» ያጌዳ። \p \v 42 ናዓይ ዪዴ ዴዒሺን፥ ኢታ ኣያናይ ኣ ሳዓን ኦሊዴ ኮኮርሴዳ፤ ዬሱሲ ኢታ ኣያና ኣጋ ጊ ናዓ ፓዴ ኣ ኣቦ ዛሪዴ ኢሜዳ። \v 43 ኣሳይ ኡባይካ ፆሳ ዎልቃማ ዎልቃፔ ዴንዶዋን ማላሌቴዲኖ። \s1 ዬሱሲ ባሬ ሃይቁዋባ ላዔንዋ ኦዴዳ \r (ማት 17፡22-23፤ ማር 9፡30-32) \p \v 44 «ታና ኣሳ ናዓ፥ ኣሳይ ኣሳ ኩሺያን ኣዴ ኢማናዋ፤ ሂንቴንቱ ሃ ዬዉዋ ዶጎፒቴ» ያጌዳ። \v 45 ሺን ኢ ጊያዋ ኡንቱንቱ ኣኬኪቤይኪኖ። ኡንቱንቶ ጌሌና ማላ ኡንቱንቱፔ ጌሜዳ ዲራው፥ ሃ ዬዉዋ ዬሱሳ ኦቻናው ያዬዲኖ። \s1 ኡባፔ ኣያዌ ኦኔሻ? ያጊያ ኦሻ \r (ማት 18፡1-5፤ ማር 9፡33-37) \p \v 46 ኣ ካሊያዋንቱ፥ «ኑ ጊዶፔ ዳሪያዌ ኦኔ?» ያጊዴ ፓሉሜቴዲኖ። \x - \xo 9:46 \xt ሉቅ 22፡24\x* \v 47 ዬሱሲ ኡንቱንቱ ዎዛና ቆፋ ኤሪዴ፥ ጉ ናዓ ኣሂዴ፥ ባሬ ማታን ኤሲዴ፥ \v 48 «ሃ ጉ ናዓ ታ ሱንን ሞኪያዌ ኦኒኔ ታና ሞኬዳ፤ ቃሲ ታና ሞኪያ ኡባይ፥ ታና ኪቴዳ ታ ኣባ ሞኬ። ሂንቴንቱ ኡባፔ ጉፂያዌ ኡባፔ ዳራ» ያጌዳ። \s1 ሂንቴንቱ ጊያዋ ጳልቄና ኡራይ ሂንቴንቱ ባጋ \r (ማር 9፡38-40) \p \v 49 ዮሃኒሲካ ዛሪዴ፥ «ጎዳው፥ ኢቲ ኣሳይ ኔ ሱንን ኢታ ኣያናቱዋ ኬሲያዋ ኑኒ ቤዒዴ፥ ኑ ባጋ ጊዴና ዲራው፥ ኣ ዲጌዶ» ያጌዳ። \p \v 50 ሺን ዬሱሲ ኣ፥ «ሂንቴንቱ ጊያዋ ጳልቄናዌ ሂንቴንቱ ባጋ ጊዲያ ዲራው፥ ኣ ዲጎፒቴ» ያጌዳ። \s1 ሳማሪያ ካታማ ኣሳቱ ዬሱሳ ሞካናው ኮዪቤይኪኖ \p \v 51 ዬሱሲ ሳሉዋ ቢያ ዎዲ ማቲና፥ ባሬ ዎዛና ቆፋ ዬሩሳላሜኮ ዛሬዳ። \v 52 ባሬፔ ሲንው ኡባ ዬዉዋ ጊጊሳና ማላ፥ ኪቴቲያ ኣሳ ሳማሪያ ካታማ ኪቴዳ። \v 53 ሺን ኢ ዬሩሳላሜ ባናው ዴንዴዳ ዲራው፥ ኣሳይ ኣ ሞኪቤይኪኖ። \v 54 ኣ ካሊያዋንቱ ያዪቆቢኔ ዮሃኒሲ ሄዋ ቤዒዴ፥ «ጎዳው፥ ኑኒ ኤላሲ ኡዶዋዳን፥ \f + \fr 9:54 \fq ኤላስ ኡዶዋዳን፡ \ft ኢቲ ኢቲ ጌሻ ማፃፋ ቢሌን፥ «ሃ ኣሳ ዉርሳናው» ያጌ።\f* ታማይ ሳሉዋፔ ዪዴ ኡንቱንታ ማናዳን ፄሳና ማላ ኮያይ?» ያጌዲኖ። \p \v 55 ሺን ዬሱሲ ጉዬ ሲሚዴ፥ ኡንቱንታ ሴሬዳ። \f + \fr 9:55 \fq ኡንቱንታ ሴሬዳ፡ \ft ኢቲ ኢቲ ጌሻ ማፃፋን ዴዒያ ቢሌይ፥ «ኔኒ ኣዪ ማላ ኣያኔንቶ፥ ኔና ኤሪኪ? ኣሳ ናዓይ ኣሳ ሼምፑዋ ኣሻናው ዬዳፔ ኣቲን፥ ባዪዛናው ዪቤና» ያጌ።\f* \v 56 «ታኒ፥ ኣሳ ናዓይ፥ ኣሳ ሼምፑዋ ኣሻናው ዮዋፔ ኣቲን፥ ባዪዛናው ያቤይኬ» ያጌዳ። ኡንቱንቱ ሃራሳን ዴዒያ ቄሪ ካታማ ቤዲኖ። \s1 ዬሱሳ ካሊያዋንታ ጋኪያ ፓጪያ \r (ማት 8፡19-22) \p \v 57 ኡንቱንቱ ኦጊያና ቢሺን፥ ኢቲ ቢታኒ ዬሱሳ፥ «ጎዳው፥ ኔኒ ቢያሳ ኡባ ታኒ ኔና ካላና» ያጌዳ። \p \v 58 ዬሱሲ ኣ፥ «ዎራካናቶ ኦላይ፥ ሳሉዋ ካፋቶካ ጎሊ ዴዔ፤ ሺን ታኒ፥ ኣሳ ናዓይ፥ ጌላ ሼምፓ ኣኪያሳይ ታው ባዋ» ያጌዳ። \p \v 59 ዬሱሲ ሃራ ኡራ፥ «ታና ካላ» ያጌዳ። \p ሺን፥ ቢታኒ፥ «ጎዳው፥ ታኒ ካሲያን ባዴ ታ ኣባ ሞጋና» ያጌዳ። \p \v 60 ዬሱሲ፥ «ሃይቆዋንታ ባሬንቱ ሃይቆዋንቱ ሞጊኖ፤ ኔኒ ባዴ፥ ፆሳ ካዉቴባ ኦዳ» ያጌዳ። \p \v 61 ቃሲ ሃራ ቢታኒ፥ «ጎዳው፥ ታኒ ኔና ካላና፤ ሺን ኮይሩዋን ታ ሶይ ኣሳ ባዴ ሳሮታና» ያጌዳ። \x - \xo 9:61 \xt 1ካት 19፡20\x* \p \v 62 ሺን ዬሱሲ ኣ፥ «ቦራ ጎሻናው ዶሞዌ ኦኒኔ ጉዬ ፄሎፔ ፆሳ ካዉቴው ቤሴና» ያጌዳ። \c 10 \s1 ሚሺራቹዋ ቃላው ኪቴቴዳ ኣሳቱዋ \p \v 1 ሃዋፔ ካላ ጎዳይ ሃራ ላፑን ታሙ \f + \fr 10:1 \fq ላፑን ታሙ፡ \ft ኢቲ ኢቲ ጌሻ ማፃፋ ቢሌን፥ «ላፑን ታማኔ ላዓ»። ኣዪሁዳ ዎጋን ቢታ ቦላን ዴዒያ ኣሳ ዜሬይ ላፑን ታማ። ሺን ካሴ ኤጫ ግሪኬ ማፃፋ ቢሌን ዴዒያዌ፥ «ላፑን ታማኔ ላዓ»። ኦኒ ኤሪ ዬሱሲ ባሬ ቃላ ኣላሚያ ዩሹዋን ጋናው ሃ ፓይዱዋና ቃራ ኣሳ ሱንዴ ኪቴናን ኣጌና ያጊያ ቆፋይ ዴዔ።\f* ኣሳ ሱንዴ ላዑዋ ላዑዋ ኡዲዴ ኢ ባናው ዴዒያ ካታማ ኡባ ኪቴዳ። \v 2 ዬሱሲ ኡንቱንታ፥ \x - \xo 10:2 \xt ማት 9፡37፣ 38\x* \p «ቆይቻው ጋኬዳ ካይ ዳራ፤ ኪቴቲያ ኣሳይ ጉ። ሲሚ ቆይጬቲያ ካ ጎዳይ፥ ቆይቻው ኪቴቲያዋንታ ዬዳና ማላ ዎሲቴ። \v 3 ታኒ ዶርሳቱዋዳን ዋላቱዋ ጊዶ ሂንቴና ኪታይ፥ ቢቴ። \x - \xo 10:3 \xt ማት 10፡16\x* \v 4 ሂንቴንቱ ኦጌው ኣያኔ ኦይቆፒቴ፡ ቦርሳ፥ ቃርጪቲያ፥ ጫማ፥ ጊዲናካ ኦይቆፒቴ፤ ኣሳና ሳሮቴቲዴ ኦጊያን ዎዲያ ዉርሶፒቴ። \f + \fr 10:4 \fq ኣሳና ሳሮቴቲዴ ኦጊያን ዎዲያ ዉርሶፒቴ፡ \ft ሄ ጋላሳን ጋራቴን ኡዲያ ሳሮታይ ዎዲያ ሎይ ሚያ ዲራው፥ ሃዌ ሃሳዬቴዳ።\f*\x - \xo 10:4 \xt ማት 10፡7-14፤ ማር 6፡8-11፤ ሉቅ 9፡3-5\x* \p \v 5 «ሂንቴንቱ ጌሊያ ጎሌ ኡባ ካሲያን፥ ‹ሳሮቴይ ሃ ጎሌው ጊዶ› ያጊቴ። \v 6 ሄ ጎሊያን ሳሮቴ ዶሲያ ኣሳይ ዴዖፔ፥ ሂንቴንቱ ሳሮታይ ሄ ጎሊያን ኣቃናዋ፤ ኮዬናዋ ጊዶፔ፥ ሂንቴንቱ ሳሮታይ ሂንቴንቶ ሲማናዋ። \v 7 ሄ ጎሊያን ኡንቱንቶ ዴዒያዋፔ ሚዲኔ ኡሺዴ ዴዒሺቴ፤ ኦሳንቻው ኣ ዲርጉዋ ጪጋይ ኮሼ፤ ኢቲ ጎሊያፔ ሃራ ጎሊያ ዩዮፒቴ። \x - \xo 10:7 \xt 1ቆር 9፡14፤ 1ፂም 5፡18\x* \p \v 8 «ኣይ ካታማኔ ሂንቴንቱ ጌሊያ ዎዴ፥ ኣሳይ ሂንቴና ሞኪ ኣኪዴ ሚዛናው ሺሾዋ ኣያኔ ሚቴ። \v 9 ሄ ካታማቲን ዴዒያ ሃርጋንቻቱዋ ፓዴ ኣሳው፥ ‹ፆሳ ካዉቴይ ሂንቴኮ ማቴዳ›\f + \fr 10:9 \fq ፆሳ ካዉቴይ ሂንቴኮ ማቴዳ፡ \ft ሃዋ ጉሳይ፥ «ፆሳ ካዉቴይ ሃዋን ዎይ ሂንቴንቱ ጊዶን ዴዔ» ጉሳ።\f* ያጊዴ ኦዲቴ። \v 10 ዬዉዋን ቃሲ ኣይ ካታማኔ ጌሎዴ፥ ኣሳይ ሂንቴንታ ሞኪ ኣኬናዋንታ ጊዶፔ ሄ ካታማ ቃኮ ኬሲኔ፥ \v 11 ‹ኑኒ ሂንቴና ዬላያናው፥ ሃራይ ኣቶ ኑ ጌዲያ ቦላን ዴዒያ ሂንቴንቱ ካታማ ባናካ ሂንቴንቶ ቆቆፌቶ\f + \fr 10:11 \fq ባናካ ሂንቴንቶ ቆቆፌቶ፡ \ft ሃዋ ጉሳይ፥ ኢፁዋ ቤሲያዋ።\f*፤ ዬዉዋን ቃሲ፥ ፆሳ ካዉቴይ ሂንቴንቱኮ ማቴዳዋ ኤሪቴ› ያጊቴ።\x - \xo 10:11 \xt ኪት 13፡51\x* \v 12 ፒርዳ ጋላሲ ሃ ካታማቲፔ ሶዶማ ካታማ ጋኬዳ ሙራይ ካዉሻናዋ ያጋዴ ታኒ ሂንቴው ኦዳይ። \x - \xo 10:12 \xt ዶም 19፡24-28፤ ማት 10፡15፤ 11፡24\x* \s1 ኣማኔናን ኢፄዳ ካታማቱዋ \r (ማት 11፡20-24) \p \v 13 «ኣዬ ኔው ኮራዚኔ፤ ኣዬ ኔው ቤቴሳይዴ፤ ሂንቴንቱን ሃኔዳ ማላታቱ ፂሮሳ ካታማኒኔ ሲዶና ካታማን ሃኔዴንቶ፥ ሄዋን ዴዒያ ኣሳቱ ካዩዋ ማዩዋ ማዪዴ፥ ቢዲን ቦላን ኡቲዴ፥ ቤኒፔ ባሬንቱ ናጋራፔ ሲማናዋንታሺን። \v 14 ሃዋ ዲራው፥ ሙሬቲያ ጋላሲ ሂንቴንቱፔ ኣዴ ፂሮሳ ካታማዉኔ ሲዶና ካታማው ሙራይ ካዉሻናዋ። \v 15 ሃኔ ቂፊሪናሆሜ፥ ኔኒ ሳሉዋ ፑዴ ቁ ጋናው ኮያዲ? ዱጌ ሲዖሊያ ዎናሳ። \x - \xo 10:15 \xt ኢሳ 14፡13-15\x* \p \v 16 «ሂንቴንቱ ጊያዋ ሲሲያ ኣሳይ፥ ታኒ ጊያዋ ሲሴ፤ ሂንቴንታ ኢፂያ ኡራይ ታና ኢፄ፤ ታና ኢፂያ ኡራይ ታና ኪቴዳዋካ ኢፄ» ያጌዳ። \x - \xo 10:16 \xt ማት 10፡40፤ ማር 9፡37፤ ሉቅ 9፡48፤ ዮህ 13፡20\x* \s1 ኣ ካሊያዋንቱ ኪቴቴዳሳፔ ሲሜዲኖ \p \v 17 ላፑን ታሙ ኣሳቱካ፥ «ጎዳው፥ ኢታ ኣያናቱካ ኔ ሱንን ኑሲ ኣዛዜቴዲኖ» ያጊዴ ናሼቻን ሲሜዲኖ። \p \v 18 ዬሱሲካ ኡንቱንቶ፥ «ሴፃናይ ዋልቃንዳን ሳሉዋፔ ዎሺን ቤዓዲ። \v 19 ሲሚ ሾሻኔ ሶጉዋ ዬናዳን ሂንቴንቱ ሞርኪያ ፃላሂያ ዎልቃ ፆናና ማላ ማታ ኢማዲ። ሂንቴንታ ቆሃናዌ ኣይኔካ ዴዔና። \v 20 ጊዶፔ ኣቲን ሂንቴንቱ ሱንይ ሳሉዋ ማዚጎቢያን ፃፌቶ ዲራው፥ ናሼቲቴፔ ኣቲን ኢታ ኣያናቱ ኣዛዜቶ ዲራው ናሼቶፒቴ» ያጌዳ። \s1 ዬሱሲ ባሬ ናሼቻ ቆንጪሴዳ \r (ማት 11፡25-27፤ 16፡13-17) \p \v 21 ሄ ዎዲያን ዬሱሲ ኣያና ጌሻን ዳሮ ናሼቲዴ፥ «ሳሉዋኔ ሳዓ ጎዳው፥ ኔኒ ሃ ዬዉዋ ታማሮዋንቱፔኔ ኣ ኤራንቻቱዋፔ ጌንዴ፥ ቄሪ ናናው ቆንጪሶ ዲራው፥ ኔና ጋላታይ፤ ኤ፥ ታ ኣቦ፥ ኣዪሲ ጎፔ፥ ሃዋ ኦናው ኔ ሎዖ ሼኔ ጊዴዳ። \p \v 22 «ኡባ ዬዉ ታው ታ ኣቡፔ ኢሜቴዳ። ናዓይ ኦኔንቶ ኣዉዋፔ ኣቲሺን ኦኒኔ ኤሪያዌ ባዋ፤ ሄዋዳንካ ኣዉ ኦኔንቶ ናዓፔኔ ኢ ቆንጪሳናው ኮዮ ኡራፔ ኣቲን፥ ሃራይ ኦኒኔ ኤሪያዌ ባዋ» ያጌዳ። \p \v 23 ካሊዴካ ዬሱሲ ባሬና ካሊያዋንቱኮ ሲሚ ዎዴ፥ ኡንቱንቱ ፃላላ፥ «ሂንቴንቱ ቤዒያዋ ፄሊያ ኣይፋቱ ኣንጄቴዳዋንታ። \v 24 ታ ሂንቴው ኦዲያዌ ኣዬ ጎፔ፥ ጮራ ናባቱኔ ካታቱ ሂንቴንቱ ቤዒያዋ ቤዓናው ኣሞቴዲኖሺን ቤዒቤይኪኖ፤ ሂንቴንቱ ሲሲያዋካ ሲሳናው ኣሞቴዲኖ፤ ሺን ሲሲቤይኪኖ» ያጌዳ። \s1 ኣሳው ቃሬቲያ ሳማሪያ ቢታኒያ \p \v 25 ኢቲ ጋላሲ ሂጊያ ኤሪያዌ ኢቱ ዬሱሳ ፓጫናው ኣኮ ዪዴ፥ «ታማሪሲያዎ፥ ሜና ዴዑዋ ላታናው፥ ታኒ ኣያ ኡዶ?» ያጊ ኦቼዳ። \p \v 26 ዬሱሲ ዛሪዴ፥ «ሙሴ ሂጊያ ማፃፋን ፃፌቶዌ ኣዬ? ኔኒ ኣያ ጋዴ ቢላይ?» ያጌዳ። \p \v 27 ቢታኒካ፥ «ሙሴ ሂጊያ ማፃፋይ፥ ‹ፆሳ ኔ ጎዳ ፖሎ ኔ ዎዛናፔ፥ ፖሎ ኔ ሼምፑዋፔ፥ ፖሎ ኔ ዎልቃፔኔ ፖሎ ኔ ቆፋፔ ሲቃ፤ ሄዋዳንካ ኔ ላጌካ ኔ ሁጲያዳን ዶሳ› ጌ» ያጌዳ።\x - \xo 10:27 \xt ዎግ 19፡18፤ ዛር 6፡5\x* \p \v 28 ዬሱሲ ኣ፥ «ሊኬ፥ ቱሙዋ ጋዳ፤ ሲሚ ኔኒካ ሃዋ ኦ፤ ዴዑዋን ዴዓናሳ» ያጌዳ። \p \v 29 ሙሴ ሂጊያ ታማሪሲያ ቢታኒ ቃይ ባሬና ፂሎ ኦናው ኮዪዴ ዬሱሳ፥ «ሃኖሺን፥ ታ ላጌይ ኦኔ?» ያጊዴ ኦቼዳ። \p \v 30 ዬሱሲ ዛሪዴ፥ «ኢቲ ቢታኒ ዬሩሳላሜፔ ኢያርኮ ቢዴ ዴዒሺን፥ ኦጊያ ቦላን ፓናቱ ኣ ዴሚዴ፥ ኣ ማዩዋ ቃሮዋፔ ጉዬ ሾጪዴ፥ ሃይቃናው ፖሉ ጎዴ ኦሊዴ ቤዲኖ። \v 31 ቆፔናን ኢቲ ቄሳይ ሄ ኦጊያና ቢዴዒያዌ፥ ሾጬቲዴ ኩንዴዳ ቢታኒያ ቤዔዳ ዎዴ፥ ኣያኔ ኡዴናን ሚዪያና ኣዴ ቤዳ። \v 32 ሄዋዳንካ ኢቲ ሌዊ ሄ ኦጊያና ቢዴዔ። ኢካ ቢታኒያ ቤዒዴ፥ ሚዬቲ ኣዳ። \v 33 ሺን ሳማሪያ ኣሳ ጊዴዳ ኢቲ ቢታኒ፥ ሄ ባጋና ኣዴ፥ ሃ ቢታኒያኮ ዬዳ። ኣ ቤዔዳ ዎዴ ኣው ቃሬቴዳ።\x - \xo 10:33 \xt 2ኦድ 28፡15\x* \v 34 ኣኮካ ሺቂዴ፥ ዛይቲያኔ ዎዪኒያ ኤሳ \f + \fr 10:34 \fq ዛይቲያኔ ዎዪኒያ ኤሳ፡ \ft ኦራ ጫቁዋ ዎዲያን ሃዋንቱ ሊያዋንታ ጌቴቲዴ ኣኬቲኖ። ኡባ ሃዋኒ ፃፌቴዳ ዛይቲ፥ ኦራ ሊያ ማላታ ጌቴቴ። ያይ 5፡14 ፄሊቴ።\f* ኣ ማይን ቲጊዴ፥ ቃቼዳ። ሄዋፔ ጉዬ ባሬ ሃሪያ ቶጊሲዴ፥ ኢማይ ኣቂያ ጎሊያ ኣኪ ቤዳ፤ ሄዋን ቢዪዴ ናጌዳ። \v 35 ዎንቴ ጋላሲ ጉ ቢራ ባሬ ኪሲያፔ ኬሲዴ፥ ኢማይ ኣቂያ ጎሊያ ጎዳው ኢሚዴ፥ ‹ሃ ቢታኒያ ታው ሎይ ቢያ፤ ሃዋፔ ዳሩዋ ኔኒ ኬሶፔካ፥ ታኒ ሲሚያ ዎዴ ኔው ጪጋና› ያጌዳ። \p \v 36 «ሲሚ ሃ ሄዙ ኣሳቱዋፔ፥ ፓናቱዋ ኩሺያን ሾጬቲዴ ኩንዴዳ ቢታኔው፥ ላጌ ጊዴዳዌ ሃቃዋ ማላቲ?» ያጌዳ። \p \v 37 ሂጊያ ታማሪሲያዌካ፥ «ሄ ኣው ቃሬቶዋ» ያጌዳ። \p ዬሱሲካ ኣ፥ «ሲሚ ባዴ ኔኒካ ሄዋዳን ኦ» ያጌዳ። \s1 ዬሱሲ ማርቲኔ ማይራሚ ሶይ ቤዳ \p \v 38 ዬሱሲ ባሬና ካሊያዋንቱና ኦጊያ ቢዴ፥ ኢቲ ሄራ ጋርሳ ጋኬዳ። ሄዋን ማርቶ ጌቴቲያ ኢቲ ሚሺራታ ባሬ ጎሌን ሞካዱ።\x - \xo 10:38 \xt ዮህ 11፡1\x* \v 39 ኢዚዉካ ማይራሞ ጌቴቲያ ሚቻታ ዴዓው፤ ሄናካ ዬሱሳ ጌዲያ ማታን ኡታዴ፥ ኢ ኦዲያዋ ሃይዛዴ ዴዓው። \v 40 ማርታ ቃይ ሶይባ ጊጊሳዴ ዳቡራ ዴዓው፤ ሄዋ ዲራው ዬሱሳኮ ሺቃዴ፥ «ሃና ታ ሚቻታ፥ ኪታ ኡባ ታ ቦላ ኦሊና፥ ታኒ ታሬካ ላባኖዴ ፄላዴ ጮዑ ጋይ? ሃያና ታና ማዳናዳን ኢዚው ኦዳ» ያጋዱ። \p \v 41 ዬሱሲካ ዛሪዴ ኢዞ፥ «ማርቴ፥ ማርቴ፥ ኔኒ ጮራ ዬዉዋ ቆፓዴ ሂርጋ፤ ቃሲካ ሜቶታ። \v 42 ሺን ኮሺያዌ ኢቲባ፤ ማይራማ ባሬፔ ኦኒኔ ኣኬና ሎዖባ ዶራዱ» ያጌዳ። \c 11 \s1 ዬሱሲ ዎሳባ ታማሪሴዳ \r (ማት 6፡9-13፤ 7፡7-11) \p \v 1 ኢቲ ጋላሲ ዬሱሲ ኢቲሳን ዎሳ ዎሲ ዴዔ። ዎሳ ዉርሶዋፔ ጉዬ ኣ ካሊያዋንቱፔ ኢቱ፥ «ጎዳው! ዮሃኒሲ ባሬና ካሊያዋንታ ዎሳ ታማሪሶዋዳን፥ ኑናካ ኔኒ ዋጊ ዎሳኔንቶ ታማሪሳ» ያጌዳ። \p \v 2 ኢካ ኡንቱንታ፥ «ፆሳ ዎሲዴ ያጊ ዎሲቴ፡ \q1 ‹ሳሉዋን ዴዒያ ኑ ኣቦ፥ \q2 ኔ ሱንይ ኣንጄቶ፤ \q1 ኔ ካዉቴይ ዮ፤ \q2 ኔ ሼኒ ሳሉዋን ሃኖዋዳን ሳዓንካ ሃኖ፤ \p \v 3 « ‹ጋላሳን ጋላሳን ኮሺያ ቁማ \q2 ኑሲ ሃቼ ኢማ፤ \p \v 4 « ‹ኑኒ ኑና ናቄዳዋንቱዋ \q1 ኡባ ኣቶ ጎዋዳን፥ \q2 ኔኒካ ኑናቁዋ ኣቶ ያጋ፤ \q1 ኑና ኢታፔ ናጋፔ ኣቲን፥ \q2 ፓጪያን ጌልሶፓ› \m ያጊቴ» ያጌዳ። \p \v 5 ቃይካ ዬሱሲ ባሬና ካሊያዋንታ፥ «ሂንቴንቱፔ ኢቶ ሲቆ ላጊ ዴዒንቶ ጊዶ ቢላሂያን ኣኮ ዪዴ፥ ‹ታ ሲቆ ላጌው፥ ታው ሄዙ ሶሉዋ ታልዓ፤ \v 6 ኣዪሲ ጎፔ፥ ኢቲ ታ ላጌይ ዪና ኣ ሚዚያዋ ያዲ› ያጊ ዎሴዳ ጎይቴ። \v 7 ባሬ ጎሌን ዴዒያ ኣ ሲቆ ላጊ ሶዪፔ ሃሳዪዴ፥ ‹ታና ሜቶፓ፤ ፔንጊ ቃሼቴዳ፤ ታናናይካ ታናና ጊሴዲኖ፤ ሄዋ ዲራው ታኒ ዴንዳዴ ኔው ኣይኔ ኢማናው ዳንዳይኬ› ጋናዌ? \v 8 ታኒ ሂንቴንቶ ኦዲያዌ ኣዬ ጎፔ፥ ኢ ኣው ሲቆ ላጊያ ጊዶ ዲራው፥ ኢሜኔንቶኔካ ኡንዔ ዲራው ኢ ኮዪያዋ ኡባ ኢሜ። \v 9 ሃዋ ዲራው፥ ‹ዎሲቴ፥ ሂንቴንቶካ ኢሜታናዋ፤ ኮዪቴ፥ ዴማኒታ፤ ካሪያ ዪዴ ፄሲቴ፥ ሂንቴንቶ ዶዬታናዋ› ያጋይ። \v 10 ጋሱካ፥ ዎሲያ ኡባይ ኣካናዋ፤ ኮዪያ ኡራይካ ዴማናዋ፤ ካሪያ ዪዴ ፄሲያ ኡራው፥ ካሪ ዶዬታናዋ። \p \v 11 «ሂንቴንቱ ጊዶፔ ባሬ ናዓው፥ ሞሊያ ዎሲና ሾሻ፥ ቁማ ኢማ ጊና ሹቻ ኢሚያ ኣዉ ዴዒ? \v 12 ዎይ ቁቁሊያ ዎሲና ሶጉዋ ኢሚዬ? \v 13 ሂንቴንቱ ኢታ ጊዲ ዴዒዴ ሂንቴንቱ ናናው ሎዖባ ኢሚያዋ ኤሮፔ፥ ያቲና ሳሉዋን ዴዒያ ሂንቴንቱ ኣዉ ባሬና ዎሲያዋንቶ ኣያና ጌሻ ዎቲ ዳሪሲዴ ኢማንዴሻ?» ያጌዳ። \s1 ዬሱሳኔ ቢዔል-ዜቡላ \r (ማት 12፡22-30፤ ማር 3፡20-27) \p \v 14 ኢቲ ጋላሲ ዬሱሲ ኢቲ ቢታኒያፔ ዱዲሲያ ኣያና ኬሶዋፔ ጉዬ ዱዴ ቢታኒ ሃሳያ ዶሚና፥ ኣሳይ ማላሌቴዳ። \v 15 ሺን ኡንቱንቱፔ ኢቱ ኢቱ፥ «ጋሌናቱዋ ካፑዋ ቢዔል-ዜቡሊ ኣው ዎልቃ ኢሚና ጋሌናቱዋ ኬሴ» ያጌዲኖ።\x - \xo 11:15 \xt ማት 9፡34፤ 10፡25\x* \p \v 16 ኢቱ ኢቱ ቃሲ ዬሱሳ ፓጫናው ሳሉዋፔ ማላታ ቤሳናዳን ኣፔ ኮዬዲኖ።\x - \xo 11:16 \xt ማት 12፡38፤ 16፡1፤ ማር 8፡11\x* \v 17 ሺን ዬሱሲካ ኡንቱንቱ ቆፋ ኤሪዴ ኡንቱንታ ሃዋ ያጌዳ፡ «ባሬ ጊዶን ሻኬቲያ ካዉቴይ ኡባይ ያናዋ፤ ሻኬቲያ ጎሊካ ኩንዴ። \v 18 ያቲና ሴፃና ካዉቴይ ባሬ ጊዶን ሻኬቶፔ ኣ ካዉቴይ ዎቲ ኤቃናዌ? ሂንቴንቱ ታና፥ ‹ፃላሂያ ካፑዋ ቢዔል-ዜቡሊ ኔው ዎልቃ ኢሚና ኬሳ› ያጊ ሃሳዪታ። \v 19 ሲሚ ታኒ ቢዔል-ዜቡላ ዎልቃን ጋሌናቱዋ ኬሲያዋ ጊዶፔ ሂንቴንቱ ናናይ ኦ ዎልቃን ኬሳናዋንቴ? ሃዋ ጊዲያ ዲራው፥ ኡንቱንቱ ሂንቴንቱ ቦላን ፒርዲያዋንታ ጊዳናዋንታ። \v 20 ሺን ታኒ ጋሌናቱዋ ኬሲያዌ ፆሳ ዎልቃና ጊዶፔ፥ ሲሚ ፆሳ ካዉቴይ ሂንቴንቱኮ ዬዳዋ ኤሪቴ። \p \v 21 «ዎልቃማ ኣሳይ ቤሲያዋዳን ሚኒዴ ባሬ ጎሊያ ናጎፔ፥ ኣ ሻሉ ሎይ ናጌታናዋ። \v 22 ዬዉዋን ቃሲ ኣፔ ሚኑዋ ዳሪያዌ ዪዴ ኣ ቆሆፔኔ ፆኖፔ ኢ ኣማኔቴዳ ቶራኔ ጎንዳሊያ ኣፔ ዎ ኣኪዴ፥ ኣው ዴዒያ ሚሻ ጊሼቲ ኣኬ። \p \v 23 «ታ ባጋ ጊዴናዌ ታናና ኤቄቴ፤ ታናና ሺሺ ቤናዌካ ላሌ።\x - \xo 11:23 \xt ማር 9፡40\x* \s1 ቱና ኣያናይ ካሴ ዬጊ ቤዳ ኣሳኮ ሲሚዴ ዪያ ጋሱዋ \r (ማት 12፡43-45) \p \v 24 «ቱና ኣያናይ ኣሳፔ ኬሴዳ ዎዴ፥ ባሬው ሼምፒያሳ ኮዪዴ፥ ሃይ ባንታሳና ኣ ቤ። ሼምፒያሳ ዴሜናን ኣቶፔ፥ ‹ታኒ ካሴ ዬጋ ኬሴዳ ታ ጎሊያ ሲማና› ያጌ፤ \v 25 ሲሚያ ዎዴካ ጎሊ ፒቴቲዴ ጊጎዋ ዴሜ። \v 26 ሄዋፔ ካላ፥ ቢዴ ሃራ ኣፔ ኢታ ላፑ ቱና ኣያናቱዋ ኣኪ ያ ጌሊዴ፥ ሄዋን ዴዒኖ፤ ሄ ቢታኒያ ዴዑ ኮይሮዋፔ ካላዌ ኢቶዋ ጊዴ» ያጌዳ። \p \v 27 ዬሱሲ ሃዋ ሃሳይ ዴዒሺን፥ ኢቲ ሚሺራታ ጮራ ኣሳ ጊዶፔ ባሬ ኮሻ ቁ ኦዴ፥ «ኔና ዬሌዳዉናኔ ንዳ ኔ ዳያ ኣንጄቴዳዉኖ» ያጋዱ። \v 28 ዬሱሲ ቃሲ፥ «ኣንጄቴዳዋንቱ ፆሳ ቃላ ሲሲዴ ኣዛዜቲያዋንታ» ያጊ ዛሬዳ። \s1 ፆሳፔ ኦሴቶ ማላታ \r (ማት 12፡38-42፤ ማር 8፡12) \p \v 29 ጮራ ኣሳይ ሺቆ ዎዴ ዬሱሲ፥ «ሃ ዬሌታይ ኢታ፤ ኦራ ማላታ ኮዬ፤ ሺን ናቢያ ዮናሳ ማላታፔ ሃራይ ኢሜቴና።\x - \xo 11:29 \xt ማት 16፡4፤ ማር 8፡12\x* \v 30 ጋሱካ ዮናሲ ኔኔዌ ካታማ ኣሳው ማላታ ጊዶዋዳን፥ ታኒ፥ ኣሳ ናዓይካ፥ ሃ ዬሌታው ማላታ ጊዳና።\x - \xo 11:30 \xt ዮን 3፡4\x* \v 31 ኣዋይ ሞኪያሳ ፄሊያ ዎዴ፥ ኡሼቻ ዱጌባጋና ዴዒያ ጋዲያ ካታታ ሶሎሞኔው ዴዒያ ኣ ኤራቴ ሲሳናው ቢታ ጋፃፔ ዬዳ ዲራው፥ ፒርዳ ዎዴ ሃ ዬሌታን ዴንዳዴ ፒርዳናዉኑ፤ ቤዒቴ፥ ሶሎሞኔፔካ ኣያዌ ሃዋን ዴዔ።\x - \xo 11:31 \xt 1ካት 10፡1-10፤ 2ኦድ 9፡1-12\x* \v 32 ኔኔዌ ኣሳይ ፒርዳ ዎዴ ሂንቴንቱ ቦላ ዴንዲዴ ፒርዳናዋንታ፤ ኣያው ጎፔ፥ ኡንቱንቱ ዮናሲ ኦዶዋ ሲሲዴ ባሬንቱ ናጋራ ፓፂ ሲሜዳ ዲራሳ፤ ቤዒቴ፥ ዮናሳፔ ኣያዌ ሃዋን ዴዔ። \x - \xo 11:32 \xt ዮን 3፡5\x* \s1 ቦላ ፖዒሲያ ፆምፒያ \r (ማት 5፡15፤ 6፡22-23) \p \v 33 «ሶይ ጌሊያ ኣሳው ፖዓናዳን፥ ፆምፒያ ፆምፒዴ ቃሳን ዎናፔ ኣቲን፥ ጌማሳን ዎይ ፖዑዋ ካሚያ ዬዉዋፔ ጋርሳና ዎያዌ ኦኒኔ ባዋ። \x - \xo 11:33 \xt ማት 5፡15፤ ማር 4፡21፤ ሉቅ 8፡16\x* \v 34 ኔ ኣሳቴው ኔ ኣይፊ ፆምፒያ ማላ፤ ኔ ኣይፊ ፓፃ ጊዶፔ ኔ ኩሜን ኣሳቴይካ ፖዑዋ ዴሜ፤ ሺን ኔ ኣይፊ ሃርጎፔ ኔ ኩሜን ኣሳቴይካ ማ። \v 35 ኣኬካ፤ ሄዋ ጊዲያ ዲራው፥ ኔ ጋርሳን ዴዒያ ፖዑ ሜናዳን ናጌታ። \v 36 ሲሚ ኔ ኣሳቴይ ኡባይ ፖዑዋን ኩሜዳዋ ጊዶፔኔ፥ ሜዳ ኣሳቴይ ኔናን ባይናዋ ጊዶፔ፥ ኔ ኣሳቴይ ኡባይ፥ ፆምፒ ባሬ ፖዑዋ ኔ ቦላን ፖዒሲያዋዳን፥ ኔ ቦላን ዋጋጋ ፖዑዋ ጊዳናዋ» ያጌዳ። \s1 ዬሱሲ ፓሪሳዋቱዋኔ ሙሴ ሂጊያ ታማሪሲያዋንታ ኩናኔዳ \r (ማት 23፡1-36፤ ማር 12፡38-40፤ ሉቅ 20፡45-47) \p \v 37 ዬሱሲ ሃሳያ ዉርሶዋፔ ካላ፥ ኢቲ ፓሪሳዌ ቢታኒ ባሬ ጎሌን ቁማ ማናዳን ኣታሌዳ፤ ዬሱሲካ ኢቲፔ ጌሊዴ ጋዪታን ኡቴዳ። \f + \fr 11:37 \fq ጋይታን ኡቴዳ፡ \ft ቁማ ማናው ኡቴዳ ጉሳ።\f* \v 38 ፓሪሳዊካ ዬሱሳ ቁማ ማናፔ ካሲያን ኩሺያ ሜጬቲ ቤናዋ ቤዒዴ ማላሌቲና፥ \v 39 ጎዳይካ፥ «ሂንቴንቶ ፓሪሳዋቶ፥ ፁዓኔ ሻታ ቦላ ባጋ ጌሺታ፤ ሺን ሂንቴንቱ ጋርሳይ ኡዚያኒኔ ኢታቴን ኩሜዳ። \v 40 ሂንቴንቶ ኤያቶ! ቦላ ባጋ ሜዳዌ ጋርሳ ሜቤኔ? \v 41 ሺን ሂንቴንቱ ፁዓኒኔ ሻታ ጋርሳን ዴዒያዋ ሂዬሳቶ ኢሚቴ፤ ሄዎዴ ኡባባይካ ሂንቴው ጌሻ ጊዳናዋ። \p \v 42 «ሺን ሂንቴንቶ ፓሪሳዋቶ፥ ሂንቴው ኣዬ! ኣያው ጎፔ፥ ኣኑጋፔኔ ፃሎቲያፔ፥ ኣጉፒያ ዶዑዋፔ፥ ታሙ ኩሺያፔ ኢቲ ኩሺያ ፆሳው ኢሚታ፤ ሺን ቱሙ ፒርዳኔ ፆሳ ሲቂያዋ ሂንቴንቱ ኣጊታ። ዬዉዋን ቃሲ ሄዋ ኣጌናን ሃዋ ኦናው ቤሴ። \x - \xo 11:42 \xt ዎግ 27፡30\x* \p \v 43 «ሂንቴንቶ ፓሪሳዋቶ፥ ሂንቴው ኣዬ! ኣያው ጎፔ፥ ኣዪሁዳ ኣሳ ዎሳ ጎሌን ቦንቾ ኡቱዋ፥ ጌያ ጊዶኒካ ቦንቾ ሳሮታ ኮዪታ። \p \v 44 «ኣሳይ ኤሬናን ቦላና ሃሜቲያ ቤቴና ዱፉዋ ማላቲያ ዲራው ሂንቴው ኣዬ!» ያጌዳ። \p \v 45 ሙሴ ሂጊያ ታማሪሲያዋንቱፔ ኢቱ፥ «ታማሪሲያዎ፥ ኔኒ ሃዋ ያጋ ሃሳዮ ዲራው ኑና ቦራዳ» ያጊ ዛሬዳ። \p \v 46 ዬሱሲ፥ «ሂንቴኖ ሂጊያ ኤሪያዋንቶ፥ ሄንቴው ኣዬ! ኣያው ጎፔ፥ ኣሳይ ቶኪዴ ዳንዳዬና ዴፆ ቶኩዋ ሃራ ቶሲታ፤ ሺን ሂንቴንቱ ሂንቴ ሁጴው ቢራያንካ ቦቺኪታ። \p \v 47 «ሂንቴንቱ ኣዎቱ ዎዳ ናባቱዋ ዱፉዋ ሎይያ ዲራው ሂንቴው ኣዬ! \v 48 ሲሚ ሂንቴንቱ ኣዎቱ ናባቱዋ ዎና፥ ሂንቴንቱ ኡንቱንቱ ዱፉዋ ቦላን ጎሊያ ኬፂያ ዲራው፥ ‹ናባቱዋ ኦሱ ሎዓ› ያጊዴ፥ ኡንቱንቱዋ ማርካቲታ። \v 49 ሃዋ ዲራው፥ ፆሳ ኣ ኤራቴይ፥ ‹ታኒ ናባቱዋኔ ዬሱሲ ኪቶዋንታ ኡንቱንቱኮ ኪታና፤ ኡንቱንቱካ ሄዋንቱፔ ኢቱዋ ኢቱዋ ዎናዋንታ፤ ኢቱዋ ኢቱዋ ሜቶናዋንታ› ያጌዳ። \v 50 ሃዋ ጊዲያ ዲራው፥ ሃ ኣላሚ ሜቶዴፔ ዶሚዴ ጉኬዳ ናባቱዋ ሱው ሃ ዬሌታይ ኦሼቴ። \v 51 ኣቤላፔ ዶሚዴ ያርሹዋሳፔኔ ጌሻ ጎሊያፔ ጊዱዋን ጉኬዳ ዛካራሳ \f + \fr 11:51 \fq ኣቤላፔ ዶሚዴ … ዛካራሳ፡ \ft ኣዪሁዳቱዋ ማፃፋቱዋ ጋርሳን ዶሜ ማፃፋይ ኮይሮ ማፃፋ። ኢካ፥ ኣቤሊ ኣሳ ኡባፔ ኮይሩዋን ኢሻይ ኣ ዎዳዋ ኦዴ። ኣዪሁዳቱዋ ጌሻ ማፃፋቱዋን ዉርሴ ማፃፋይ ላዔያ ኦዱዋ ማፃፋ። ሄ ማፃፋን ዛካራሲ ዉርሴን ሃይቄዳዋ ኦዲያ ዲራሳ ሉቃሲ ኣቤላፔ ዛካራሳ ጋካናው ጌዳዌ።\f* ሱ ጋካናው ኮዬቴ። ኤ! ታኒ ጋይ፤ ሃ ዬሌታይ ሃዎ ኦሼቲያዋ። \p \v 52 «ሂንቴንቶ ሙሴ ሂጊያ ኤሪያዋንቶ፥ ሂንቴው ኣዬ! ኣያው ጎፔ ኤራ ፔንጊያ ዶዪያ ቁልፒያ ኣኬዲታ። ሂንቴንቱ ሂንቴ ሁጴዉካ ጌሊቤይኪታ፤ ቃሲ ጌላናው ኮዪያዋንታካ ዲጌዲታ» ያጌዳ። \p \v 53 ዬሱሲ ሄዋፔ ኬሶዋፔ ጉዪያን፥ ሂጊያ ታማሪሲያዋንቱኔ ፓሪሳዋቱ ኣ ኦሻን ኡርጉንሳኔ ኤቄቱሳ ዶሜዲኖ። \v 54 ኣ ዶናፔ ሎዔናባይ ኬሶፔ ኦይቃናው ጌዲኖ፤ ሺን ዴሚቤይኪኖ። \c 12 \s1 ሎዓ ማላቲያ ኢታቴፔ ናጌታና ማላ ሴራ \r (ማት 10፡26፣ 27) \p \v 1 ሄ ዎዲያን ጮራ ሻዓን ፓይዴቲያ ኣሳይ ኢቱ ኢቱዋ ዬና ጋካናው ሺቂ ዴዒሺን፥ ዬሱሲ ባሬና ካሊያዋንቶ ኮይሮ ኦዳናው ዶሚዴ፥ «ፓሪሳዋቱዋ ኢርሹዋፔ ናጌቲቴ፤ ሃዌካ ሎዓ ማላቲያ ኡንቱንቱ ኢሚያ ኢታ ቲሚርቲያ። \x - \xo 12:1 \xt ማት 16፡6፤ ማር 8፡15\x* \v 2 ሺን ኣያኒኔ ካሜቴዳ ዬዉ ቆንጪያ ኬሴናን ኣቴና፤ ቃሲካ ጌሜዳ ዬዉ ኤሬቴናን ኣቴና። \v 3 ሄዋ ዲራው ሂንቴ ማኒ ሃሳዮዌ ኡባይ፥ ጋላሲ ፖዑዋን ሲሴታናዋ፤ ሂንቴንቱ ኣሳይ ባይናሳን ሂኒ ጊሶ ጎሊያን ሃይን ሳሱኮዌ ኡባይ ቁ ጌዳ ሲሴቲያ ቆንጬሳን ኣዋጄታናዋ። \s1 ኢቲ ፆሳ ፃላላው ያያና ቤሴ \r (ማት 10፡28-31) \p \v 4 «ታናዳን ኣማኒያዋንቶ፥ ታኒ ሂንቴው ያጋይ፤ ሃዒ ኣሹዋ ዎያዋንታ፥ ሄዋፔ ካላ ቃይ ኣያኔ ኦናው ዳንዳዬናዋንታ ያዮፒቴ። \v 5 ዬዉዋን ቃሲ ሂንቴንቱ ኦሲ ያያናው ቤሲንቶ ታኒ ሂንቴንታ ኤሪሳና፤ ሄዌካ ዎዋፔ ጉዪያን ጋናሚያን ኦላናው ማታይ ዴዒያ ፆሳ ፃላላው ያዪቴ፤ ኤ፥ ኣው ያዪቴ ያጋይ። \p \v 6 «ኢቼሹ ሱኒያ ካፋቱ ሳንቲሚያን ሻሜቲኪኖዬ? ሄዋንቱፔ ኢቲኖኔ ኡሳ ፆሳይ ዶጌና። \v 7 ሺን ሃራይ ኣቶ ሂንቴንቱ ሁጲያን ዴዒያ ቢናናይ ኡባይካ ፓይዴቴዳዋ፤ ሃዋ ዲራው ያዮፒቴ፤ ሂንቴንቱ ጮራ ሱኒያ ካፋቱዋፔ ዳሪታ። \s1 ዬሱሳን ኣማኒያዋንታኔ ኣ ኢፂያዋንታ \r (ማት 10፡32፣ 33፤ 12፡32፤ 10፡19፣ 20) \p \v 8 «ታኒ ሂንቴው ኦዳይ፤ ታባ ኣሳ ሲንን ማርካቲያዎ ኦሲኔ ታኒካ ኣሳ ናዓይ፥ ቃሲ ፆሳ ኪታንቻቱዋ ሲንን ማርካታና፤ \v 9 ሺን ኣሳ ሲንን ታና ካዲያዋንታ ታኒካ ኣሳ ናዓይ፥ ቃሲ ፆሳ ኪታንቻቱዋ ሲንን ካዳና። \p \v 10 «ታ ቦላ፥ ኣሳ ናዓ ቦላ፥ ቦሪያ ቃላ ሃሳዪያዌ ዴዖፔ ኣ ናቁ ኣቶ ጌቴታና፤ ሺን ጌሻ ኣያና ቦላ ቦሪያ ቃላ ሃሳዪያዌ ዴዖፔ ቃይ ኣ ናቁ ኣቶ ጌቴቴና። \x - \xo 12:10 \xt ማት 12፡32፤ ማር 3፡29\x* \p \v 11 «ኣሳይ ሂንቴንታ ኣዪሁዴ ዎሲያ ጎሊያኮ፥ ጋዲያ ኣዪሲያዋንቱኮኔ ማታይ ዴዒያዋንቱ ሲን ፒርዳሲ ሺሺያ ዎዴ፥ ‹ዋጊ ዛራኔሻ? ዎይ ኣያ ጊዴ ሃሳያኔሻ?› ያጊዴ ሂርጎፒቴ፤ \v 12 ኣያው ጎፔ፥ ሂንቴና ኣያና ጌሻይ ሂንቴንቱ ሄ ሳቲያን ሃሳያናው ቤሲያባ ታማሪሳናዋ» ያጌዳ።\x - \xo 12:12 \xt ማት 10፡19-20፤ ማር 13፡11፤ ሉቅ 21፡14-15\x* \s1 ዱሬ ቢታኒያ ቦዛቴ ኦዲያ ሌሚሱዋ \p \v 13 ኣሳ ጋርሳፔ ኢቲ ቢታኒ ዬሱሳ፥ «ታማሪሲያዎ፥ ኑ ኣቡ ሃይቂና ኑኒ ላታና ማላ ኣቴዳባ፥ ታው ጊሻና ማላ ሃያጎዶ ታ ኢሻው ኦዳ» ያጌዳ። \p \v 14 ዬሱሲ ቃይ፥ «ሃ ቢታኔው፥ ሂንቴንቱ ቦላን ፒርዲያዋ ጊዳናዳኔ ሄዋ ሂንቴው ጊሻናዳን ታና ኦኔ ሱንዳዌ?» ያጌዳ። \p \v 15 ጉጂዴካ ኡባቱዋ፥ «ኣሳ ሼምፑዋሲ ሻሉዋ ዱሬቴይ ዴዑዋ ኢሜና ዲራው፥ ያሬቲያዋፔኔ ዮራቲያዋፔ ናጌቲቴ፤ ዱሬቴ ኣሙዋ ኡባፔካ ሂንቴና ናጊቴ» ያጌዳ። \p \v 16 ካሊዴካ ሃዋዳን ያጊ ሌሚሱዋ ኡንቱንቶ ኦዴዳ፡ «ኣው ዴዒያ ቢታይ ዳሪሲዴ ካ ሞኬዳ ኢቲ ዱሬ ቢታኒ ዴዔ። \v 17 ሃ ቢታኒ፥ ‹ታው ታ ካ ዎናው ጊዲያ ሳዓይ ባንታዋ ዲራው ኣያ ኡዶሻ?› ያጊዴ፥ ባሬ ዎዛናን ቆፔዳ፤ \v 18 ሃዋዳን ያጊ ማሌዳ፤ ‹ታኒ ዎታኔ ጎፔ፥ ታው ዴዒያ ዬሲያ ኮላዴ፥ ሃራ ኣኪያ ዬሲያ ሜና ያጊዴ ማሌዳ፤ ሄዋን ታ ካኔ ታው ዴዒያ ሚሻ ኡባ ዎና። \v 19 ያታዴ ታና፥ «ኔ ካጫይ ዳሮ ሎዓ፤ ኔው ዳሮ ዎዲያሲ ጊዲያ ማፁዋ ሺሻዳ፤ ሲሚ ሼምፓዴ ማ፥ ኡሻ፥ ናሼታ» ጋና› ያጌዱ። \p \v 20 «ሺን ፆሳይ ኣ፥ ‹ሃ ቦዛው፥ ሃቼ ቃማ ኔኒ ሃይቃ። ያቲና ሃ ኔኒ ሺሼዳ ማፁ ኡባይ ኦሲ ጊዳናዌ?› ያጌዳ። \p \v 21 «ባሬው ቢታ ቦላን ሻሉዋ ሺሺያዌ፥ ፆሳ ሲንን ቃይ ማንቆ ጊዴዳ ኣሳይ ሃቢታኒያ ማላ» ያጌዳ። \s1 ኡባ ዎዴ ፆሳን ኣማኔቱሳ ኮሼ \r (ማት 6፡25-34) \p \v 22 ሃዋፔ ካላ ዬሱሲ ባሬና ካሊያዋንታ፥ «ሃዋ ዲራው፥ ታ ሂንቴው ኦዳይ፡ ሂንቴንቱ ፓፃ ዴዓናው ኣያ ማኔ? ሂንቴንቱ ቦላሲ ኣያ ማያኔ? ያጊዴ ሂርጎፒቴ። \p \v 23 «ጋሱካ፥ ሼምፑ ቁማፔ፥ ቃሲ ኣሳቴይ ማዩዋፔ ኣኔ? \v 24 ኣኔ ቁራቱዋ ፄሊቴ፤ ኡንቱንቱ ዜሪኪኖ፤ ጫኪኪኖ፤ ኡንቱንቶ ካ ሺሺያ ሳዓይ ዎይ ዬሲ ባዋ፤ ሃኖፔ ኣቲን፥ ኡንቱንታ ፆሳይ ሚዜ፤ ሂንቴንቱ ካፋቱዋፔ ዳሮፔ ዳሪኪቴ? \v 25 ሂንቴንቱፔ ዳሪ ቆፒዴ ዳሮ ዎዲያ ዴዓናው ዳንዳዪያዌ ኦኔ? \p \v 26 «ሲሚ ሂንቴንቱ ሃ ላፋባ ኦናው ዳንዳዬናዋንታ ጊዶፔ ኣያው ሃራባው ሂርጌቲቴ? \v 27 ጪሻቱ ዎቲ ዲጪኖንቶ ኣኔ ፄሊቴ፤ ኡንቱንቱ ኪታን ዳቡሪኪኖ፤ ፑቱዋ ሱቂኪኖ፤ ጊዶሺን ታኒ ሂንቴው ኦዲያዌ፥ ሶሎሞኔ ሄዋ ኬና ቦንቼቴዳዋ \f + \fr 12:27 \fq ሶሎሞኔ ሄዋ ኬና ቦንቼቴዳዋ፡ \ft ኣዪሁዳ ኣሳይ ሶሎሞኔ ባሬ ዴዔዳ ላይ ኡባን ዳሮ ዱሬቴን ዴዔዳ ጊዴ ቆፒኖ።\f* ጊዲዴ፥ ሄ ጪሻቱዋፔ ኢቱዋ ማላኔ ማዪቤና።\x - \xo 12:27 \xt 1ካት 10፡4-7፤ 2ኦድ 9፡3-6\x* \v 28 ሂንቴንቶ ላፋ ኣማኑ ዴዒያዋንቶ፥ ያቶፔ ፆሳይ ሃቼ ቤቲዴ፥ ዎንቲ ታማን ኤፃናው ኦሌቲያ፥ ዴንባን ዶሊያ ማታ ሃዋዳን ማዪዚያዋ ጊዶፔ፥ ሂንቴንታ ዎቲዴ ኡንቱንቱፔ ኣዴ ማዪዜኔ? \p \v 29 «ሃዋ ዲራው፥ ‹ኣያ ማኔ? ኣያ ኡሻኔ?› ያጊዴ ኡባ ዎዴ ኮዮፒቴኔ ሂርጎፒቴ። \v 30 ኣያው ጎፔ፥ ሃዋ ዴማናው ሃ ኣላሚያን ዴዒያ ፆሳን ኣማኔቴና ኣሳይ ሂርጌቲኖ። ሂንቴንቶ ሃዌ ኡባይ ኮሺያዋ ሳሉዋን ዴዒያ ሂንቴንቱ ኣዉ ኤሬ። \v 31 ሄዋ ሃኒያዋ ኣጊዴ፥ ፆሳ ካዉቴ ኮዪቴ፤ ኢ ሂንቴንታ ኮሺያዋ ኡባ ኢማናዋ። \s1 ሳዓን ባሬ ዱሬቴን ኣማኔቶዌ ሳሉዋን ዋኒ? \r (ማት 6፡19-21) \p \v 32 «ሂንቴንቱ ጉ ጊዲንቶኔ፥ ሳሉዋ ሂንቴንቱ ኣዉ ባሬ ካዉቴ ሂንቴንቶ ኢማናው ናሼቴዳ ዲራው ያዮፒቴ። \p \v 33 «ሂንቴው ዴዒያዋ ዛሊዒዴ ማንቆ ኢሚቴ፤ ካዪሱ ሺቄናሳን፥ ቢልዓይካ ሜናሳን፥ ሳሉዋን ዉሬና ሚሻ ዳጋዪዴ፥ ኤጬና ቃርጪታቱዋ ሂንቴንቱ ሁጴው ዎቴ። \v 34 ኣያው ጎፔ፥ ሂንቴንቱ ዎዛናይ ሂንቴ ሚሻይ ዴዒያሳን ዴዓናዋ። \s1 ሚኖ ኦሳንቻ \p \v 35 «ሂንቴ ፄሳይ ዳንጬቶዋ፥ ሂንቴ ፆምፒካ ፖዔዳዋ ጊዶ።\x - \xo 12:35 \xt ማት 25፡1-13\x* \v 36 ሂንቴንቱካ፥ ባሬንቱ ጎዳይ ዪዴ ፔንጊያ ቆፂያ ዎዴ፥ ኤሌካ ዶያናው ቡላቻፔ ሲማና ጋካናው ናጊያ ኦሳንቻቱዋ ማላቲቴ።\x - \xo 12:36 \xt ማር 13፡34-36\x* \v 37 ባሬንቱ ጎዳይ ሶይ ዬዳ ዎዴ ቤጎቲ ዴዒሺን ዴሚያ ሄ ኦሳንቻቱ ኣንጄቴዳዋንታ። ታኒ ቱሙዋ ጋይ፤ ኢ ኡንቱንታ፥ ‹ኡቲቴ› ጊዴ፥ ባሬ ዳንጩዋ ሚኒሲዴ ኡንቱንቶ ቁማ ኣዴ ሾባናዋ። \v 38 ጎዳይ ሄካ ቢላሂያን ዎይ ሄካ ቢላሂያፔ ካላ ዬዳ ዎዴ፥ ቤጎቲዴ ጌንጪ ናጊዴ ቤቲያ ቆማቱ ኣንጄቴዳዋንታ። \v 39 ሃዋ ቃይ ኤሪቴ፤ ካዪሱ ኣይ ሳቲያን ዪንቶ ጎሊያዉ ኤሪንቶ፥ ጎሊ ቦኬቲያ ዎዴ ጮዑ ጊዴ ፄሌናሺን።\x - \xo 12:39 \xt ማት 24፡43፣ 44\x* \v 40 ኣሳ ናዓይ ቆፔና ሳቲያን ያናዋ፤ ሂንቴንቱ ጊጌቲ ናጊቴ» ያጌዳ። \p \v 41 ጴፂሮሲካ «ጎዳው፥ ሃ ሌሚሱዋ ኔኒ ኦዲያዌ ኑፃላላሴ ሃራ ኡባሲካ ኢቲፔ ኦዳይ?» ያጌዳ። \p \v 42 ጎዳይካ፥ «ሲሚ ኡንቱንቱ ባሬ ሶይ ኣሳው ቁማ ኢማናው ቤሲያ ሳቲያን ኢማና ማላ፥ ኣ ጎዳይ ሱንያ ኣማኔቴዳኔ ኤራንቻ ሚዚያ ቆማይ ኦኔ?» ያጌዳ። \v 43 ጎዳይ ሲሚያ ዎዴ ሃዋዳን ኪቴቲና ዴሚያ ቆማይ ኢ ኣንጄቴዳዋ። \v 44 ታኒ ሂንቴው ቱሙዋ ኦዳይ፤ ዴዒያ ማፁዋ ኡባ ቦላን ኣ ሱንናዋ። \v 45 ዬዉዋን ቃሲ ሄ ቆማይ፥ «ታ ጎዳይ ኤሌ ዬና፤ ጋሚዓናዋ» ያጊ ባሬ ዎዛናን ቆፖፔኔ ኣቱማኔ ማጫ ቆማቱዋ ሾቻ ዶሞፔ፥ ቃይካ ኮዮዋዳን ሙሳኔ ኡሻ፥ ማቱሳካ ዶሞፔ፥ \v 46 ሄ ቆማ ጎዳይ፥ ኢ ቆፔና ጋላሲኔ ሲቤና ሳቲያን ያናዋ፤ ሄ ዎዲያን ኣ ቃንፄሬዴ፥ ኣ ጊሹዋ ማዳራካ ኣማኔናዋንቱና ኢቲሳ ኡዳናዋ። \p \v 47 ባሬ ጎዳ ሼኒያ ኤሪዴ ጊጌናዌኔ ኣሼኒያዳን ኪቴቴና ቆማይ፥ ኢ ኢታ ባ ቤታናዋ። \v 48 ኤሪቤናዌ ቃይ ቤታናው ቤሲያዋ ኡዴዳዌ፥ ጉ ቤቴ። ዳሮባይ ኢሜቴዳ ኣሳ ኡባፔ፥ ኣፔ ዳሮባይ ኮዬቴ፤ ዎልቃማ ሃዳራይ ኢሜቶዋፔ፥ ኣፔ ዳሪሲዴ ኮዬቴ። \p \v 49 ዬሱሲ፥ «ታኒ ዬዳዌ፥ ሃ ሳዓ ቦላ ታማ ሳናሳ፤ ሃዒካ ኤፄዴንቶ፥ ታና ኣይ ኬና ናሼቻናዌሻ። \v 50 ታኒ ፃማቄታና ሜቱዋ ፂንቃታይ ፖሌታና ጋካናው ዋናዴ ኡንዔታይታ! \x - \xo 12:50 \xt ማር 10፡38\x* \v 51 ሃ ሳዓ ታኒ ዬዳዌ፥ ሳሮቴ ኣሃናሳ ማላቲዬ? ሂንቴው ማላቶፖ። ታኒ ዮዌ፥ ሳሮታሲ ጊዴናን ሻካናሳፔ ኣቲን። \v 52 ኣያው ጎፔ፥ ሃዒፔ ዶሚና ኢቲ ጎሊያን ዴዒያ ኢቼሹ ኣሳቱ ሻኬታናዋንታ፤ ሄዛቱ ላዓቱዋ ቦላ፥ ላዓቱካ ሄዛቱዋ ቦላ ዴንዲዴ ዋላቄታናዋንታ። \v 53 ኣዉ ናዓ ቦላ፥ ናዓይካ ኣዉዋ ቦላ፥ ኣታ ናቲ ቦላ፥ ናታካ ኣቲ ቦላ፥ ቦሎታታ ናዓ ማቺ ቦላ፥ ናዓ ማቻካ ቦሎታቲ ቦላ፥ ዋላሳን ዴንዲዴ ሻኬታናዋንታ» ያጌዳ። \x - \xo 12:53 \xt ሚክ 7፡6\x* \s1 ዎዲያ ሃኖታ ኤሩዋ \r (ማት 16፡2-3) \p \v 54 ቃይካ ዬሱሲ ኣሳሲ፥ «ኣዋይ ዉሊያ ባጋና ሂንቴ ሻሪያ ቤዖፔ፥ ‹ሃዒ ሃ ሳቲያን ሄኮ ዎልቃማ ኢራይ ቡካና ሃኔ› ያጊታ፤ ቱሙካ ቃይ ቡኬ። \v 55 ዱጌ ባጋና ጫርኩ ጫርኮዴ፥ ‹ሃቼ ሻማናዋ› ያጊታ፤ ጌቴቶዋዳንካ ቃይ ሃኔ። \v 56 ሂንቴኖ ሎዓ ማላቲያ ኢታቶ፥ ሳዓኔ ሳሉዋ ፄሊዴ፥ ሃናናዋ ኤሪታ፤ ሺን ሃ ዎዲያባ ዎቲ ኤራናው ዳንዳይኪቴ? \s1 ሲጋቴባኔ ሞቱዋባ \r (ማት 5፡25-26) \p \v 57 «ዎዴ ሂንቴንቱ ፂሎ ጊዴዳ ዬዉዋ ሂንቴንቶ ኣያው ፒርዲኪቴ? \v 58 ኔ ሞርኪያና ኢቲፔ ፒርዲያ ዳና ሲንን ሺቃናው ቦዴ፥ ቢሮ ኦጊያ ቦላ ዴዒሺን ሲጌታ ዲጋ። ሄዌ ዮፔ ኔና ጎቺዴ ፒርዲያ ዳናኮ ኣፋና፤ ዳናይካ ፖሊሴው ኣ ኢማናዋ፤ ፖሊሲ ቃሾ ጎሌን ዬጋናዋ። \v 59 ታኒ ኔው ኦዲያዌ፥ ዉርሴ ኣጩዋ ጪጋና ጋካናው ሄዋፔ ኬሳካ» ያጌዳ። \c 13 \s1 ናጋራፔ ሲሜና ኡባይ ያና \p \v 1 ሄ ዎዲያን ኢቲ ኢቲ ኣሳቱ ዬሱሳኮ ዪዴ ጲላፆሲ ጋሊላ ኣሳ ዎዴ ኡንቱንቱ ሱ ያርሹዋና ኢቲፔ ዋላኬዳዋ ኣው ኦዴዲኖ። \v 2 ዬሱሲካ ዛሪዴ፥ «ሃዋንቱ ጋሊላ ኣሳቱ ሃይቄዳ ዲራው፥ ያቲና ኡንቱንቶ ሃራ ጋሊላ ኣሳ ኡባፔካ ኣዴ ናጋራንቻቱዋ ጊዶዋንታ ማላቲኖ? \v 3 ታኒ ያጋይ፥ ሃዋዳን ጊዴና፤ ዬዉዋን ቃሲ ሂንቴ ናጋራ ፓፂዴ ናጋራፔ ሲሜናን ኢፆፔ፥ ሂንቴንቱ ኡባቱካ ሄዋዳን ሃይቂታ። \v 4 ዎይ ሳሊሆማ ጊምቢ ኡንቱንቱ ቦላ ኩንዲዴ፥ ዎዳ ታማኔ ሆስፑን ኣሳቱዋ ዬሩሳላሜን ዴዒያዋንቱ ኡባፔ ኣዴ ናቆዋንታ ማላቲኖ? \v 5 ሃዋዳን ጊዴና ያጋይ፤ ዬዉዋን ቃሲ ናጋራ ፓፃና ዮፔ ኡባቱካ ሃዋዳን ባያኒታ» ያጌዳ። \p \v 6 ዬሱሲካ ሃዋዳን ያጊ ሌሚሱዋ ኦዴዳ፥ «ኢቲ ቢታኔው ዎዪኒያ ቱራ ጎሻ ጋዴን ቶኬቴዳ ባላሲያ ጌቴቲያ ኣይፊ ሜቴቲያ ሚታ ዴዓው፤ ሄ ቢታኒካ ሚታ ኣይፋዴንቶኔ ጊዴ ዬዳዌ፥ ኣይኔካ ኣይፊያ ዴሚቤና። \v 7 ዎዪኒያ ቱራ ናጊያዋ ኢ፥ ‹ታኒ ሃ ባላሲያ ጌቴቲያ ሚቲፔ ኣይፊያ ዴማናው ሄዙ ላይ ሲሜሬታዴ ኣያኔ ዴማቤይኬ። ሄዋ ዲራው ዴካ ዴን ዲጋ፤ ኣያው ቢታ ጮ ሜሊሳይ?› ያጌዳ። \v 8 ናጊያዌካ ዛሪዴ፥ ‹ጎዳው፥ ታኒ ኢ ዩሹዋ ሃሩማናሲኔ ፒቱዋ ኦላናሲ፥ ሃ ላይ ፃላላው ባሻ። \v 9 ሲንው ኣይፎፔ ሎዓ፤ ሺን ኣይፌናን ኢፆፔ ዴኬቱ› ጌዳ» ያጌዳ። \s1 ዬሱሲ ቁና ሚሺራቶ ሳምባታ ጋላሳ ፓዳ \p \v 10 ዬሱሲካ ኢቲ ሳምባታ ጋላሲ ኣዪሁዳ ዎሳ ጎላቱዋፔ ኢቱዋን ታማሪሲ ዴዔ። \v 11 ሄዋኒካ ታማኔ ሆስፑን ላይ ኩሜን ቱና ኣያናይ ቁኒሴዳ ሚሺራታ ዴዓው። ኢዛካ ሱራዴ ኤቃናው ኣይኔ ዳንዳያቤይኩ። \v 12 ዬሱሲካ ኢዞ ቤዔዳ ዎዴ ፄሲዴ፥ «ሃ ሚሺራቴ፥ ኔ ሃርጊያፔ ፓፃዳ» ያጌዳ። \v 13 ዬሱሲ ባሬ ኩሺያ ኢዚ ቦላ ዎና፥ ሄዎዴ ሱራ ሲቲ ጋ ኤቃዴ ባሬ ፆሳ ጋላታዱ። \p \v 14 ሺን ኣዪሁዳ ዎሳ ጎሌ ካፑ ቃሲ ዬሱሲ ሳምባታን ፓዳዋ ዲራው ሃንቄቲ ዛሮዋሺን ኣሳቱዋ፥ «ኪቴታናው ቤሲያ ኡሱፑን ጋላሳቱ ዴዒኖ፤ ሄ ጋላሳቱን ዪዴ ፓፂቴፔ ኣቲን ሳምባታን ጊዴና» ያጌዳ። \x - \xo 13:14 \xt ኬስ 20፡9፣ 10፤ ዛር 5፡13፣ 14\x* \p \v 15 ጎዳይካ ዛሪዴ፥ «ሃ ሎዓ ማላቲያ ኢታ ኣሳቶ፥ ሂንቴንቱፔ ኢቱኔካ ሳምባታ ጋላሲ ቦራ ማጋዱዋፔ ዎይ ሃሪያ ጋፃታፔ ቢሊዴ ሃ ኡሻናው ኣፌኔ? \v 16 ሃና ኣብራሃሞ ያራ ጊዴዳዉና፥ ታማኔ ሆስፑን ላይ ኩሜን ፃላሂ ቃቼዳዉና ሳምባታ ጋላሲ ሄ ቃሹዋፔ ቢሌታናው ቤሴኬ?» ያጌዳ። \v 17 ሃዋ ኦዴዳ ዎዴ ኤቄቲያዋንቱ ኡባይ ዬላቴዲኖ፤ ኣሳይ ኡባይ ቃይ ኢ ኦዳ ማላሊሲያ ኦሱዋን ኡባን ናሼቴዲኖ። \s1 ሳናፊጪያ ኣይፊያ ዜሬ ሌሚሱዋ \r (ማር 4፡30-32) \p \v 18 ዬሱሲካ፥ «ፆሳ ካዉቴይ ኣያ ማላቲ? ኢ ኣያ ማላቲንቶ፥ ታኒ ሂንቴንታ ዎታ ቤሶ? \v 19 ፆሳ ካዉቴይ ሳናፊጪያ ጌቴቲያ ቄሪ ሚቲ ኣይፊያ ማላቴ። ሄ ሚቲ ኣይፊያ ኣሳይ ኣኪዴ ጎሻ ጋርሳን ዜሬዳ፤ ዜሬቶና ዲጫዴ ዎጋ ሚ ጊዳዱ፤ ያቲና ሳሉዋ ካፋቱካ ኢዚ ኣጫ ቦላ ባሬንቶ ጎሊያ ኬፄዲኖ» ያጌዳ። \s1 ኢርሹዋ ሌሚሱዋ \r (ማት 13፡33) \p \v 20 ዬሱሲካ ዛሪዴ፥ «ፆሳ ካዉቴይ ኣያ ማላቲንቶ፥ ታኒ ሂንቴንታ ዎታ ቤሶ? \v 21 ኢቲ ሚሺራታ ሄዙ ኬሪያ ሊያ ኣካዴ፥ ሙናቄዳ ሙናቃይ ኡባይ ዴንዳና ጋካናው፥ ኣኒ ቲጌዳ ኢርሹዋ ማላቴ» ያጌዳ። \s1 ኡንዓ ፔንጊያባ \r (ማት 7፡13፣ 14፣ 21፣ 22) \p \v 22 ሄዋፔ ካላ ዬሱሲ ዬሩሳላሜ ቢዴ፥ ዎጋ ካታማኒኔ ቄሪ ካታማን ዴዒያ ኣሳ ታማሪሲዴ ኣዳ። \v 23 ሄ ዎዴ ኢቲ ቢታኒ ሺቂዴ ኣ፥ «ጎዳው፥ ፆሳ ፒርዳፔ ኣቲያዋንቱ ጉ ኣሳ ፃላሌ?» ያጌዳ። \p ሄዋፔ ጉዬ ዬሱሲ ኡንቱንታ፥ \p \v 24 «ታኒ ሂንቴንቶ ኦዳይ፤ ኡንዓ ፔንጊያና ጌላናው ባፄቲቴ። ጮራ ኣሳይ ጌላናው ኮዪኖ፤ ሺን ዳንዳይቤይኪኖ። \v 25 ጎሊያዉ ዴንዲዴ፥ ኢፒ ቃቾዋፔ ጉዬ ሂንቴንቱ ካሬን ኤቂዴ፥ ‹ጎዳው፥ ጎዳው፥ ኑሲ ዶያሪኪ› ያጊዴ ፄሳ ዶሚያ ዎዴ፥ ኢካ ዛሪዴ፥ ‹ሃቃፔ ዬዲቴንቶ፥ ታኒ ሂንቴንታ ኤሪኬ› ያጋናዋ። \p \v 26 «ሄ ዎዴ ሂንቴንቱ፥ ‹ኑኒ ኔናና ኢቲፔ ሜዶ፤ ኡሼዶ፤ ኔኒ ኑ ሄራንካ ታማሪሳዳ› ያጋናዋንታ። \p \v 27 «ዬሱሲ ቃሲ፥ ‹ታኒ ሂንቴንቶ ኦዳይ፤ ሂንቴንቱ ሃቃፔ ዬዲቴንቶ፥ ታኒ ሂንቴንታ ኤሪኬ፤ ኡባቱካ ማካላንቻቱ ታማታፔ ሃኪቴ› ያጋናዋ። \x - \xo 13:27 \xt ማዝ 6፡8\x* \p \v 28 «ኣብራሃሞ፥ ዪሳቂ፥ ያዪቆቢኔ ናባቱ ኡባይ ሂንቴንቱ ካሬን ኤቂሺን፥ ፆሳ ካዉቴን ዴዒያዋንታ ሂንቴንቱ ቤዒያ ዎዴ፥ ሂንቴንቶ ዬኮኔ ኣቻ ቁዋ ጊዳናዋ። \x - \xo 13:28 \xt ማት 22፡13፤ 25፡30፤ 13፡28፣ 29፤ ማት 8፡11፣ 12\x* \p \v 29 «ኣሳይ ኣዋይ ዶሊያሳፔኔ ዉሊያሳፔ፥ ቃሲ ኪሊባጋፔኔ ሂርኪባጋፔ ዪዴ፥ ፆሳ ካዉቴ ጋዪታን ኡቲኖ። \v 30 ቤዒቴ፤ ጉዬቴዳዋንቱ፥ ሲንታናዋንታ፤ ሲንቴዳዋንቱ ቃይ ጉዬታናዋንታ» ያጌዳ። \x - \xo 13:30 \xt ማት 19፡30፤ 20፡16፤ ማር 10፡31\x* \s1 ዬሱሲ ዬሩሳላሜን ኦዳባ \r (ማት 23፡37-39) \p \v 31 ሄ ዎዴ ፓሪሳዋቱዋፔ ኢቱ ኢቱ ዬሱሳኮ ዪዴ፥ «ሄሮዲሴ ኔና ዎናው ኮዪያ ዲራው፥ ሃዋፔ ባዲጋ» ያጌዲኖ። \p \v 32 ዬሱሲ ዛሪዴ፥ «ቢዴ ሄ ዎራካናሲ፥ ‹ሃቼኔ ዎንቲ ኢታ ኣያናቱዋ ኬሳና፤ ሃርጋንቻቱዋካ ፓና፤ ሄዜን ጋላሲ ታ ኦሱዋ ዉርሳና› ያጊቴ። \v 33 ሃኖፔ ኣቲን ናቢ ዬሩሳላሜፔ ሃራሳን ሃይቃናው ቤሴና ዲራው፥ ታኒ ሃቼ፥ ዎንቲኔ ዎንቲፔሺ ኦጊያ ቦላ ዴዓናው ቤሴ። \p \v 34 «ዬሩሳላሜ ካታማ ኣሳው፥ ዬሩሳላሜ ካታማ ኣሳው፥ ናባቱዋ ዎያዋንቶ፥ ሂንቴንቱኮ ኪቴቶዋንታ ሹቻን ጫዲያዋንቶ፥ ኩታታ ባሬ ማራቱዋ ባሬ ቄፊያፔ ጋርሳና ሺሻ ሃጲያዋዳን፥ ታኒ ሂንቴንቱ ናና ኢቲ ጋዲያ ሺሻናው ኣፑ ጌዴ ኮያዲታ! ሺን ታና ዲጌዲታ። \v 35 ቤዒቴ፤ ፆሳይ ሂንቴንቱ ጎሊያ ኣይኔ ኦሊቤና፤ ታኒ ሂንቴንቶ ያጋይ፤ ሂንቴንቱ፥ ‹ጎዳ ሱንን ዪያዌ ኣንጄቴዳዋ› ጋና ጋካናው፥ ታና ቤዒኪታ» ያጌዳ። \c 14 \s1 ዬሱሲ ሃርጋንቻ ሳምባታን ፓዳ \p \v 1 ሳምባታ ጋላሲ ፓሪሳዋቱዋ ሱንቱዋፔ ኢቱዋ ጎሌ ዬሱሲ ቁማ ማናው ጌሌዳ ዎዴ፥ ኣያ ኪቴቲንቶ ቤዓናው ኣሳቱ ናጊዴዒኖ። \v 2 ቦላይ ጋፊና ሜቶቲያ ኢቲ ቢታኒ ዬሱሳፔ ሲንና ዴዔ። \v 3 ዬሱሲ ሂጊያ ታማሪሲያዋንታኔ ፓሪሳዋቱዋ፥ «ሳምባታን ፓናው ዳንዳዬቲ ዳንዳዬቴኔ?» ጊዴ ኦቼዳ። \p \v 4 ኡንቱንቱካ ጮዑ ጌዲኖ። ኢ ሄ ቢታኒያ ቦላ ቦቺ ፓዴ ኣ ሞዪዜዳ። \v 5 ዬሱሲ ኡንቱንታ፥ «ሂንቴንቱፔ ሃሪ ዎይ ቦራይ ኦላን ኩንዲንቶ፥ ሳምባታ ጊዴ ኤሌሊ ኬሴናዌ ኦኔ?» ጌዳ። \x - \xo 14:5 \xt ማት 12፡11\x* \p \v 6 ኡንቱንቱካ ሃ ዬዉዋሲ ኢቲ ዛሩዋኔ ኢማናው ዳንዳዪቤይኪኖ። \s1 ኣሺኬቴባ \p \v 7 ዬሱሲ ሾቤቶዋንቱ ቦንቾሳ ዶሪያ ዎዴ ፄሊዴ፥ \v 8 «ኦኒኔ ቡላቻ ፄሶፔ፥ ቦንቼቴዳሳን ኡቶፓ፤ ኦኒ ኤሪ ኔፔ ኣዴ ቦንቼቶዌ ፄሴቴዳዋ ጊዳናዋ። \x - \xo 14:8 \xt ሌም 25፡6፣ 7\x* \v 9 ኔናኔ ኣኔ ፄሳዌ ዪዴ፥ ‹ሃዎ፥ ኡቱዋ ኣው ዬዳ› ያጊና፤ ሄዎዲያን ዬላታዴ ፃዴና ዴዒያሳን ኡቱዋ ዶማሳ፤ \v 10 ዬዉዋን ቃሲ ኔኒ ፄሴቶ ዎዴ ኔና ፄሶዌ ዪዴ፥ ‹ታ ላጌው፥ ኪሊ ቃሳን ኡታ› ጋና ማላ፥ ባዴ ኡባፔ ሆካሳን ኡታ፤ ሄ ዎዴ ኔናና ኢቲፔ ኡቴዳዋንቱ ኡባቱዋ ሲንን ኔው ቦንቹ ኢሜታናዋ፤ \v 11 ባሬ ሁጲያ ቁ ኡዲያ ኡባይ ቶሼታናዋ፤ ባሬ ሁጲያ ቶቺያዋንቱ ቁ ጊኖ» ያጊ ሌሚሱዋ ኡንቱንቶ ኦዴዳ።\x - \xo 14:11 \xt ማት 23፡12፤ ሉቅ 18፡14\x* \p \v 12 ዬሱሲ ባሬና ፄሴዳዋ ዛሪዴ፥ «ኔኒ ላፃ ዎይ ካዉዋ ጊጊሴዳ ዎዴ፥ ኔ ላጌቱዋ ዎይ ኔ ኢሻቱዋ ዎይ ዱሬ ኔ ሾራቱዋ ፄሶፓ፤ ኣያው ጎፔ፥ ኡንቱንቱ ኔና ባሬንቱ ታራን ፄሲዴ ኩሺያ ጪጋና ዳንዳዪኖ። \v 13 ሺን ኣታሊያባ ጊጊሴዳ ዎዴ፥ ሂዬሳቱዋ፥ ጉንዳቱዋ፥ ዶማቱዋኔ ቆቃቱዋ ፄሳ። \v 14 ኡንቱንቱ ኔው ኩሺያ ዛራናው ዳንዳዬናዋንታ ጊዲያ ዲራው፥ ኔኒ ኣንጄታናሳ። ፂላቱ ሃይቁዋፔ ዴንዲያ ዎዴ ፆሳይ ኔው ኩሺያ ዛራናዋ» ያጌዳ። \s1 ዎልቃማ ባላ ሌሚሱዋ \r (ማት 22፡1-10) \p \v 15 ዬሱሲ ሃሳያ ዉርሲያ ዎዴ፥ ቁማ ማናው ኡቶ ኣሳፔ ኢቱ ሃዋ ሲሲዴ፥ «ፆሳ ካዉቴ ጋዪታን ኡቲያዌ ኣንጄቴዳዋ» ጌዳ። \p \v 16 ዬሱሲካ ሃዋዳን ጌዳ፤ «ኢቲ ቢታኒ ዳሮ ሎዖ ካዉዋ ጊጊሲዴ፥ ጮራ ኣሳቱዋ ፄሴዳ። \v 17 ካዉዋ ዎዲ ጋኪና፥ ካሴ ፄሴቶዋንታ፥ ‹ሃዒ ካዉ ጊጌዳ፥ ሃዪቴ› ጊዴ ፄሳና ማላ ባሬ ጎሌን ኪቴቲያ ቆማ ኡንቱንቱኮ ኪቴዳ። \v 18 ሺን ኡባቱካ ኢቲፔ፥ ቤናዳን ኣጋና ማላ ዎሴዲኖ፤ ኮይሮ ቢታኒ ቆማው ኦዲዴ፥ ‹ታኒ ቢታ ሻሜዳ ዲራው ባዴ ቤዓናው ኮሼ፤ ሄዋ ዲራው ሃያ ጎዶ ታው ሃንቄቶፓሪኪ› ጌዳ። \p \v 19 «ላዔያዌ ቃሲ፥ ‹ታኒ ኢቼሹ ዋ ቦራቱዋ ሻሜዳዋንታ ዋፃ ቤዓናው ቢያ ዲራው፥ ሃያ ጎዶ ታው ሃንቄቶፓሪኪ› ጌዳ። \p \v 20 «ሃራይ ቃሲ፥ ‹ታኒ ማቻቶ ኣኬዳ ዲራው፥ ያናው ዳንዳያቤይኬ› ጌዳ። \p \v 21 «ቆማይካ ዪዴ ባሬ ጎዳው፥ ሃኖዋ ኡባ ኦዴዳ። ሄ ዎዴ ጎዳይ ዳሮ ሃንቄቲዴ፥ ባሬ ጎሊያን ኪቴቲያ ቆማ፥ ‹ሂኒ ካታማ ኦጊያኔ ሎሶ ኦጊያ ኤሌላዴ ኬሳ፤ ማንቃቱዋኔ ጉንዳቱዋ፥ ዶማቱዋኔ ቆቃቱዋ ሃ ኣካዴ ያ› ጌዳ። \p \v 22 «ኣ ቆማይካ፥ ‹ጎዳው፥ ኔኒ ታና ኣዛዞዋዳን ኦዲ፤ ሺን ሃዒካ ሃራ ኣሳ ኣኪያሳይ ዴዔ› ጌዳ። \v 23 ጎዳይካ ባሬ ቆማ፥ ‹ታ ጎሊ ኩማናዳን ሂኒ ኦጊያፔ ካሬ ባጋኔ ዲርሳ ጋፃ ኡባ ኬሳዴ፥ ኣሳ ታ ጎሌ ኣካዴ ያ። \v 24 ኣያው ጎፔ፥ ኮይሮ ታ ጎሌ ሾቤቴዳዋንቱፔ ኢቲ ኣሳይኔ ታ ቁማ ሜና› ጌዳ» ያጌዳ። \s1 ዬሱሳ ካላናው ባሬና ያርሹሳ ኮሼ \r (ማት 10፡37-38) \p \v 25 ጮራ ኣሳይ ዬሱሳና ኢቲፔ ቢዴዒያ ዎዴ፥ ኢካ ኣሳኮ ጉዬ ሲሚዴ፥ \v 26 «ኦኒኔ ታኮ ዪያዌ ዴዖፔ ባሬ ኣባኔ ኣቶ፥ ባሬ ማቻቶኔ ባሬ ናና፥ ባሬ ኢሻቱዋኔ ሚቻቱዋ፥ ባሬ ዴዑዋ ኣሼናን ታፔ ኣ ዶሶፔ፥ ታና ካሊያዋ ጌቴታናው ዳንዳዬና። \x - \xo 14:26 \xt ማት 10፡37\x* \v 27 ኦኒኔ ባሬ ማስቃሊያ ቶኪዴ፥ ታ ጌዱዋ ካሌናን ዮፔ፥ ታና ካሊያዋ ጊዳናው ዳንዳዬና። \x - \xo 14:27 \xt ማት 10፡38፤ 16፡24፤ ማር 8፡34፤ ሉቅ 9፡23\x* \p \v 28 «ሂንቴንቱፔ ኢቱ ሹቻ ጎሊያ ኬፃናው ኮዮፔ፥ ኪታ ዉርሳናው ጊዲያ ሻሉዋ ካሴቲዴ ኡቲ ሄቴናዌ ኦኔ? \v 29 ሄዌ ዮፔ፥ ጎሊያ ዶሚዴ፥ ኪታ ዉርሳናው ዎልቃይ ኢፆፔ፥ \v 30 ቤዔዳዋንቱ ኡባይ፥ ‹ሃ ቢታኒ ኬፃናው ዶሜዳ፤ ሺን ኪታ ዉርሳናው ኢፄቴዳ› ጊዴ ቂሊጪኖ። \p \v 31 «ዎይ ታሙ ሻዓ ኦላንቻቱዋ ኦይቄዳ ኢቲ ካቲ፥ ሃራ ላታሙ ሻዓ ኦላንቻቱዋ ኦይቄዳዋንቱና ኦሌታናው ዳንዳዮፔኔ ኮይሮና፥ ታኒ ፆናኔ ፆኒኪታሻ ጊዴ ኡቲ ቆፔኔ? \v 32 ባሬው ዳንዳዬቴናን ዮፔ፥ ኦላው ዪያ ዮኮ ካቲ ሃኩዋን ዴዒሺን ኪቲዴ ሲጌታናው ዎሴ። \v 33 ሲሚ ሃዋዳንካ ሂንቴንቱፔ ኦኒኔ ባሬው ዴዒያዋ ኡባ ኣጌናዌ፥ ታና ካሊያዋ ጊዳናው ዳንዳዬና። \s1 ጎዔና ማፂኒያባ \r (ማት 5፡13፤ ማር 9፡50) \p \v 34 «ማፂኒ ሎዓ፤ ሺን ሎቂሎቄናን ዮፔ፥ ላዔ ኣ ዎቲ ሎቂሎቂሳናው ዳንዳዬቲ? \v 35 ቢታዉካ ሎዔና፤ ቱዔያናዉካ ማዴናዋ ጊዶ ዲራው፥ ኣሳይ ኣ ኦሊ ኣጌ። ሲሲያ ሃይይ ዴዒያዌ ሃዋ ሲሶ» ያጌዳ። \c 15 \s1 ባዬዳ ዶርሳ \r (ማት 18፡12-14) \p \v 1 ኢቲ ጋላሲ፥ ቃራፃ ሺሺያዋንቱኔ ናጋራንቻቱ ኡባይ ዬሱሳ ሲሳናው ኣኮ ሺቄዲኖ። \v 2 ፓሪሳዋቱኔ ሙሴ ሂጊያ ታማሪሲያዋንቱ፥ «ሃ ቢታኒ፥ ናጋራንቻቱዋ ሺሺያዋኔ ኡንቱንቱና ቁማ ሚያዋ» ያጊዴ ዙዙሜዲኖ።\x - \xo 15:2 \xt ሉቅ 5፡29-30\x* \v 3 ዬሱሲካ ሌሚሱዋን ዛሩዋ ሃዋዳን ያጊ ኦዴዳ፡ \p \v 4 «ፄቱ ዶርሳይ ዴዒያ ኡራይ ሂንቴንቱ ጊዶፔ ዴዒንቶ ሄዋፔ ኢቱ ባዪንቶ ኡዱፑ ታማኔ ኡዱፑኑዋ ዴንባን ኣጊዴ ባዬዳዋ ቤታና ጋካናው ኮዬናዌ ኦኔ? \v 5 ዴሜዳ ዎዴ ናሼቻን ባሬ ሃሺያ ቦላን ዶርሳ ቶኪ፥ \v 6 ባሬ ጎሌ ሲሚዴ፥ ባሬ ዶሲያዋንታኔ ሾራቱዋ ኢቲፔ ፄሲዴ፥ ‹ባዬዳ ታ ዶርሳ ዴሞ ዲራው፥ ታናና ኢቲፔ ናሼቲቴ› ያጊዴ ኦዴ። \v 7 ሄዋዳንካ ናጋራ ፓፄ ኮሼና ኡዱፑ ታማኔ ኡዱፑ ፂላቱዋፔ ኣዴ ናጋራ ፓፂያ ኢቲ ናጋራንቻን ሳሉዋን ዳሮ ናሼቻይ ጊዳናዋ። \s1 ባዪዴ ቤቴዳ ሳንቲሚያ \p \v 8 «ቃይካ ታሙ ናሃሲያ ሳንቲሚ \f + \fr 15:8 \fq ናሃሲያ ሳንቲሚ፡ \ft ግሪኬ ቃላ ቢሌኒ ኢቲና፥ ኢቲ ጋላሳ ሙሚያ ኦ ፔሼዳ ዎልቃ ኦሳንቻው ጪጌቲያ ሚሻ ኬና ጊዲያዋ ኦዴ።\f* ዴዒያ ሚሺራታ ታሙዋፔ ኢቱ ባዪንቶ ዴማና ጋካናው ፆምፒያ ፆምፓዴ፥ ጎሊያ ፒታዴ ሎይ ኮዬናዉና ኢዛ ኦኔ? \v 9 ኢዛካ ዴሜዳ ዎዲያን ባሬ ዶሲያዋንታኔ ባሬ ሾራቱዋ ኢቲፔ ፄሳዴ፥ ‹ታፔ ባዬዳ ሳንቲሚያ ዴሜዳ ዲራው፥ ታናና ኢቲፔ ናሼቲቴ› ያጋዴ ኦዳው። \v 10 ሄዋዳንካ ናጋራ ፓፂያ ኢቲ ናጋራንቻ ጋሶቴን ፆሳ ኪታንቻቱዋ ሲንን ናሼቻይ ሃናናዋ» ያጌዳ። \s1 ባያ ናዓ \p \v 11 ጉጂዴ ዬሱሲ፥ «ላዑ ናናይ ዴዒያ ኢቲ ቢታኒ ዴዔ፤ \v 12 ኡንቱንቱፔካ ቴፋ ናዓይ፥ ‹ኔ ማፁዋፔ ታና ጋኪያዋ ኢማ› ጌዳ። ኣዉካ ባሬ ማፁዋፔ ናናቶ ጊሼዳ። \v 13 ጉ ዎዲያፔ ጉዪያን ቴፋ ናዓይ ባሬና ጋኬዳዋ ኡባ ሺሺ ኣኪዴ ሂኒ ሃኮ ጋዴ ቤዳ፤ ሄዋን ባሬ ኣኬዳ ሚሻ ኡባ ላሊ ዉርሲ ኣጌዳ። \v 14 ኢካ ዴዒያዋ ኡባ ዉርሴዳዋፔ ጉዪያን ሄ ጋዴን ዎልቃማ ኮሻይ ጌሌዳ፤ ኢካ ሜቱዋን ኡንዔቱሳ ዶሜዳ። \v 15 ሃዋ ዲራው ሄ ጋዴን ዴዒያዋንቱፔ ኢቱዋኮ ሺቂዴ፥ ‹ታና ኔው ቆማ ኦሪኪ?› ያጊና፥ ቢታኒካ ባሬ ጉዱን ዉዲያ ሄማና ማላ ኣ ዴምባ ዬዴዳ። \v 16 ጉዱን ዉዲ ሚያ ሃልዑዋ ማናው ኣሞቴዳ፤ ሺን ሄዌንቶካ ኣው ኢሚያዌ ቤቲቤና። \p \v 17 ባሬ ባዪዙዋ ኤሮ ዎዴ፥ ‹ቁማይ ፆኒዴ ሳዓን ኣቲያ ታ ኣቦ ኦያዋንቱ ኣፑኔ፤ ሺን ታኒ ሃዋን ኮሻን ሃይቃና ማታይታ? \v 18 ዴንዳዴ ታ ኣቡኮ ባኔ› ሃዋዳን ያጋና፤ ‹ታ ኣቦ፥ ፆሳካ ኔናካ ናቃዲ፤ \v 19 ሃኒፔ ጉዬ ኔ ናዓ ያጌታዴ ፄሴታናው ቤሲኬ፤ ኔው ኪቴቲያዋንቱፔ ኢቱዋዳን ታና ዎሪኪ ጋና› ጌዳ። \v 20 ሄ ማንዒያንካ ዴንዲዴ ባሬ ኣቡኮ ዬዳ። \p «ኢ ቢሮ ሃኩዋን ዴዒሺን፥ ኣዉ ቤዒዴ፥ ኣው ቃሬቴዳ፤ ኣኮ ዎፂ ቢዴ፥ ኣ ኢዲሚ ዬሬዳ። \p \v 21 «ናዓይካ፥ ‹ታ ኣቦ፥ ታኒ ፆሳካ ኔናካ ናቃዲ፤ ሃኒፔ ጉዬ ኔ ናዓ ጌቴታዴ ፄሴታናው ቤሲኬ› ያጌዳ። \p \v 22 ሺን ኣዉ ባሬ ኦሳንቻቱዋ፥ ‹ኤሌሊ ቢዴ፥ ኡባፔ ዶሬቴዳ ሎዖ ማዩዋ ኣሂዴ፥ ኣ ማዪዚቴ፤ ኣ ቢራያን ሚጊዱዋ፥ ኣ ጌዲያንካ ጫማ \f + \fr 15:22 \fq ሚጊዱዋ … ጫማ፡ \ft ሃ ቃላቱ ናዓ ኣቡ፥ ኣ ፖሎ ዎዛናፔ ኣኮዋ ቤሲያዋንታ። ሚጊዱ፥ ሄ ናዓይ ጎሌን ዴዒያ ኣሳቱዋ ኡባፔ ሎዖ ፄሌቴዳዋ ቤሴ። ጫማይ ቃይ፥ ኢ ባሬ ኣቡሲ ኣይሌ ጊዴናዳን ናዓ ጊዲያዋ ቤሴ። ኣይላቱ ሄዎዴ ጫማ ዎኪኖ።\f* ዎቴ። \v 23 ሞዳ ኮሩማ ኣሂዴ ሹኪቴ፤ ሞይቴ፥ ናሼቶይቴ። \v 24 ኣያው ጎፔ፥ ሃዌ ታ ናዓይ ሃይቄዳ፤ ሺን ሃዒ ፓፄዳ፤ ባዬዳ፤ ሺን ሃዒ ቤቴዳ› ያጊና፥ ናሼቻ ዶሜዲኖ። \p \v 25 «ሄ ዎዲያን፥ ባይራ ናዓይ ጋዴን ዴዒያዌ ዪዴ ጎሌኮ ማቲያ ዎዴ፥ ዬኔ ዱሩዋ ኮሹንቻ ሲሴዳ። \v 26 ኢካ ዬዉ ኣዬንቶ ኤራናው ኮዪዴ፥ ቆማቱዋፔ ኢቱዋ ፄሲዴ፥ ‹ሃዌ ኣዬ?› ጊዴ ኦቼዳ። \v 27 ቆማቱካ፥ ‹ኔ ኢሻይ ሳሮ ዬዳ ዲራው፥ ኔ ኣቡ ሞ ኮሩማ ኣው ሹኬዳ› ያጊ ኦዴዲኖ። \p \v 28 «ባይራ ናዓይ ሃንቄቲዴ ጎሌ ጌሊኬ ያጊ ኢፂና፥ ኣዉ ካሬው ኬሲዴ፥ ጌላናዳ ዎሴዳ። \v 29 ሺን ኢ ዛሪዴ ባሬ ኣባ፥ ‹ሄኮ ሃዋ ኬና ዎዲያ ቆማዳን ኔው ኪቴታዲ፤ ኔ ኣዛዞዋፔ ኢቱዋኔካ ፓጪሳ ቤይኬ፤ ታ ላጌቱዋና ኢቲፔ ናሼታና ማላ ሃራይ ኣቶ ኢቲ ዴሻ ቡልዑዋኔ ታው ኢማ ቤይካ፤ \v 30 ሺን ሃዌ ኔ ናዓይ ኔ ሚሻ ጫራቱዋና ኢቲፔ ዲፊሲዴ ዪና፥ ኮ ቦራ ሹካዳ› ያጌዳ። \p \v 31 «ኣዉካ ኣ፥ ‹ታ ናዓው፥ ኔኒ ኡባ ጋላሳ ታናና ኢቲፔ ዴዓ፤ ታሳ ጊዴዳባይ ኡባይካ ኔዋ። \v 32 ሺን ሃዌ ኔ ኢሻይ፥ ሃይቄዳዌ ፓፆ ዲራዉኔ ባዬዳዌ ቤቶ ዲራው፥ ኑኒ ሚዲኔ ኡሺዴ ናሼታናው ቤሴ› ያጌዳ» ጊዴ ኦዴዳ። \c 16 \s1 ጋርሳና ሱንቴ ኣኬዳ ጪንጫ ቢታኒያ \p \v 1 ዬሱሲ ባሬና ካሊያዋንቶ ኦዲዴ፥ «ኢቲ ዱሬ ቢታኒ፥ ባሬ ጎሊያ ኡባ ቦላ ሱንዳ ኢቲ ቢታኒ ዴዔ፤ ሺን ሃ ቢታኒ ኣ ሚሻ ባዪዜ ያጊያ ዚጊርሳይ ኣ ጋኬዳ፤ \v 2 ሄዋ ዲራው ባሬ ሱንዳ ቢታኒያ ፄሲዴ፥ ‹ሃዌ ታኒ ሲሲያ ዬዉ ኣዬ? ሃኒፔ ጉዬ ኔኒ ታ ጎሊያኒኔ ታ ሚሻ ቦላ ታፔ ጋርሳና ሱንታዴ ኪቴታናው ዳንዳያቤና ዲራው፥ ሃቼ ጋካናው ኪቴቴዳዋ ሄታዴ ሼ› ያጌዳ። \p \v 3 «ሱንቴዳዌ ባሬ ዎዛናን፥ ‹ታ ጎዳይ ታና ሱንቴፔ ኮላና ሃኔ፤ ሺን ታ ዋኖሻ? ጎሻናው ዎልቃይ ታው ባዋ፤ ዎሳናው ቃሲ ታው ፖኬ። \v 4 ታ ኦናባ ታ ኤራይ፤ ኢ ታና ሱንቴፔ ኬሶፔ፥ ባሬንቱ ጎሌ ቢና፥ ታና ሞኪያ ላጌቱዋ ታኒ ዴማና› ያጌዳ። \p \v 5 «ባሬ ጎዳፔ ሻሉዋ ታልዔዳ ኣሳቱዋ ሁጲያን ሁጲያን ፄሲዴ፥ ኮይሮ ቢታኒያ፥ ‹ኔኒ ታ ጎዳፔ ዎይሳ ኬና ሻሉዋ ታልዓዲ?› ያጌዳ። \p \v 6 «ኢካ፥ ‹ታኒ ፄቱ ባሬታ ኩሜዳ ዛይቲያ ታልዓዲ› ያጌዳ። \p «ሱንቴዳ ቢታኒካ፥ ኔኒ ፓራማና ዋራቃታ ሄይ፤ ኡታዴ ኤሌካ ‹ኢሻታማ› ጋዴ ፃፋ ያጌዳ። \p \v 7 «ሄዋፔ ሃራ ቢታኒያ፥ ‹ኔኒ ኣፑኑዋ ታልዓዲ?› ያጌዳ። \p « ‹ፄቱ ቁንዓ ዛርጋ› ያጌዳ። \p «ሱንይካ፥ ‹ዋራቃታ ሄይ፤ ሆስፑን ታማ ጋዴ ፃፋ› ያጌዳ። \p \v 8 «ሄ ሱንይ ጪንጫቴን ኦዳ ዲራው፥ ኣ ጎዳይ ኣ ጋላቴዳ፤ ኣያው ጎፔ፥ ሃ ኣላሚያ ኣሳይ ባሬንቱዎ ፖዑዋ ኣሳፔ ኣዳ ጪንጫቱዋ። \p \v 9 «ታኒ ሂንቴንቶ ያጋይ፥ ‹ሃ ኣላሚያ ሻሉ ዉሪያ ዎዴ፥ ሜናው ዉሬና ጎሊያን ሂንቴንታ ሞካና ማላ፥ ሃ ሚሻን ሂንቴንቶ ላጊያ ዴሚቴ። \v 10 ላፋ ዬዉዋን ኣማኔቴዳዌ፥ ዎጋባኒካ ኣማኔቴ። ሺን ላፋ ዬዉዋን ኣማኔቲቤናዌ፥ ዎጋባኒካ ኣማኔቴና። \v 11 ሲሚ ሂንቴንቱ ሃ ኣላሚያ ሻሉዋን ኣማኔቴናዋ ጊዶፔ፥ ቱማቴ ሻሉዋ ሂንቴንቶ ኦኔ ሃዳራ ጊዴ ኢማናዌ? \v 12 ሂንቴንቱ ሃራ ኣሳ ሻሉዋን ኣማኔቴናዋ ጊዶፔ፥ ሂንቴንቱ ሚሻ ኦኔ ሂንቴንቶ ኢማናዌ?› ጌዳ። \p \v 13 «ኢቲ ካላ ላዑ ጎዳቶ ቆማታናው ዳንዳዪያዌ ኣይ ቆማይካ ባዋ፤ ኣያው ጎፔ፥ ኢቱዋ ኢፂዴ፥ ሃራ ዶሴ፤ ዎይ ኢቱዋ ቦንቺዴ፥ ሃራ ካ፤ ፆሳዉኔ ሻሎ ሞዴታናው ዳንዳይኪታ» ያጌዳ። \v 14 ሻሉዋ ዶሲያ ፓሪሳዋቱ ሃዋ ኡባ ሲሲዴ፥ ዬሱሳ ቦላ ቂሊጬዲኖ። \v 15 ሺን ዬሱሲ ኡንቱንታ፥ «ሂንቴንቱ ኣሳ ሲንን ሂንቴንታ ፂሎ ኣሳ ኦያዋንታ፤ ሺን ፆሳይ ሂንቴንቱ ዎዛና ኤሬ፤ ኣያው ጎፔ፥ ኣሳ ሲንን ቦንቼቴዳዌ ፆሳ ሲንን ቱና ጊዴ። \s1 ሙሴ ሂጊያባኔ ጌሉዋ ኣካባ \r (ማት 5፡31-32፤ 11፡12-13፤ ማር 10፡11-12) \p \v 16 «ሙሴ ሂጊያኔ ናባቱ ፃፌዳ ማፃፋ \f + \fr 16:16 \fq ሙሴ ሂጊያኔ ናባቱ ማፃፋ፡ \ft ኣዪሁዳቱዋ ጌሻ ማፃፋቱዋ፤ ሄዋንታ ጉሳይ ኤጫ ጫቁዋ ማፃፋ።\f* ዮሃኒሳ ዎዲያ ጋካናው ኣሳይ ኣዛዜቲዴ ዴዔዲኖ፤ ሄዋፔ ካላ ቃይ ፆሳ ካዉቴይ ኦዴቴዳ፤ ኣሳይ ኡባይ ያ ጌላናው ኬሴቴ። \x - \xo 16:16 \xt ማት 11፡12፣ 13\x* \v 17 ሺን ሂጊያፔ ኢቲባይ ኣቲያዋፔ ሳሉኔ ሳዓይ ኣያዌ ማታቴ። \x - \xo 16:17 \xt ማት 5፡18\x* \p \v 18 «ባሬ ማቻቶ ቢሊዴ ሃራሮ ኣኪያዌ ኡባይ ዎሹሜ፤ ቃሲ ኣሲናፔ ቢሌቴዳ ማጫዉኖ ኣኪያዌ ኦኒኔካ ዎሹሜ። \x - \xo 16:18 \xt ማት 5፡32፤ 1ቆር 7፡10፣ 11\x* \s1 ዱሬ ቢታኒያባኔ ማንቆ ጊዴዳ ኣሊዓዛራባ \p \v 19 «ጋቲ ሎይዴ ኣልዖ ጊዴዳ ማዩዋ ማዪዲኔ ጋላሳን ጋላሳን ኦቶሩዋን ናሼቲዴ ዴዒያ ኢቲ ዱሬ ቢታኒ ዴዔ። \v 20 ቃሲካ ኩሜን ኣሳቴን ማይይ ዴዒያ ኢቲ ኣሊዓዛራ ጌቴቲያ ሂዬሳይ፥ ሃ ዱሬ ቢታኒያ ካሪያን ጊሴዳ። \v 21 ሃ ዱሬ ቢታኒያ ሳምፓፔ ላሌቴዳ ሱፓ ማናው ኣሞቴ፤ ሃራይ ኣቶ ካናቱካ ዪዴ ኣ ማይ ላጪኖ። \p \v 22 «ሃ ሂዬሳ ቢታኒ ሃይቂና፥ ኪታንቻቱ ኣ ኣብራሃሞ ባጋ ቦንቾሳ ኣፌዲኖ፤ ዱሬ ቢታኒካ ቃሲ ሃይቂዴ ሞጌቴዳ። \v 23 ሲዖሊያን ዳሮ ሴሌቲዴ ዴዒሺን፥ ቁ ጊዴ ሃኩዋን ኣሊዓዛራ፥ ኣብራሃሞ ባጋን ዴዒያዋ ቤዔዳ። \p \v 24 «ኢካ ባሬ ኮሻ ቁ ኡዲዴ፥ ‹ኣብራሃሞ፥ ታ ኣቦ፥ ታው ቃሬታ። ሃ ታማ ሴላን ሜቶታ ዴዒያ ዲራው፥ ኣሊዓዛር ባሬ ቢራያ ፄራ ሃን ቦቺዴ፥ ታ ኢንፃርሳ ኢርፂሳናዳን ሃያና ታኮ ኪታሪኪ› ያጌዳ። \p \v 25 «ኣብራሃሞ ቃሲ፥ ‹ታ ናዓው፥ ኔኒ ፓፃ ዴዓዴ፥ ሎዖ ዴዑዋ ዴዒና፥ ኣሊዓዛር ሎዔና ሜቶ ዴዑዋ ዴዔዳዋ ቆፓ። ሃዒ ቃይ ኢ ሃዋኒ ናሼቲያ ዎዴ፥ ኔኒ ሜቱዋ ቦላ ዴዓ። \p \v 26 « ‹ሃዋፔ ሃራይ ቃይ፥ ሃዋፔ ያ ሂንቴንቱኮ ኣናው ኮዪያዋንቱ ኣናዳን፥ ያኒ ዴዒያዋንቱካ ቃሲ ሃ ኑኮ ፒኔናዳን፥ ኑ ጊዶኒኔ ሂንቴንቱ ጊዶን ዎጋ ኣፉ ሜቴዳ› ያጌዳ። \p \v 27 «ዱሬ ቢታኒካ፥ ‹ኣብራሃሞ፥ ሲሚ ሄዋ ጊዶፔ፥ ኔኒ ኣሊዓዛራ ታ ኣቡ ጎሌ ዬዳና ማላ፥ ኔና ዎሳይ። \v 28 ኣያው ጎፔ፥ ታው ኢቼሹ ኢሻቱ ዴዒያ ዲራው፥ ኡንቱንቱ ቃይ ሃ ሜቱዋሳ ዬና ማላ፥ ኡንቱንቶ ኣሊዓዛር ቢዴ ማርካቶ› ያጌዳ። \p \v 29 «ኣብራሃሞ ቃሲ፥ ‹ሙሴኔ ናባቱ ፃፌዳ ማፃፋይ ኡንቱንቶ ዴዔ፤ ሄ ማፃፋይ ጊያዋ ኡንቱንቱ ሲሲኖ› ያጌዳ። \p \v 30 «ዱሬ ቢታኒ፥ ‹ሂዒ፤ ኣብራሃሞ፥ ታ ኣቦ፥ ሄዋ ጊዴና፤ ሺን ኢቲ ቢታኒ ሃይቁዋፔ ዴንዲዴ፥ ኡንቱንቱኮ ቢንቶ፥ ኡንቱንቱ ባሬንቱ ናጋራ ፓፂዴ፥ ሲማናዋንታ› ያጌዳ። \p \v 31 «ኣብራሃሞካ፥ ‹ኡንቱንቱ ሙሴኔ ናባቱ ፃፌዳ ማፃፋ ሲሴናዋ ጊዶፔ፥ ሃራይ ኣቶ ኢቲ ኡራይ ሃይቁዋፔ ዴንዲ ዪንቶካ ኣማኒኪኖ› ጌዳ» ያጌዳ። \c 17 \s1 ናጋራባ ዬሱሲ ኦዴዳ \r (ማት 18፡6፣ 7፣ 21፣ 22፤ ማር 9፡42) \p \v 1 ዬሱሲ ባሬና ካሊያዋንታ፥ «ኣሳ ባሌያዌ ዬናን ኣቴና፤ ሺን ባሌያዋ ኣሂያ ኡራው ኣው ኣዬ፤ \v 2 ሄ ቢታኒ ሃ ጉቱዋፔ ኢቱዋ ባሌያዋፔ፥ ጋጪያ ዎፃ ባሬ ቆያን ቃሼቲዴ ኣባን ሚቴቲያዌ ኣው ሎዓ። \v 3 ሂንቴ ሁጴው ናጌቲቴ። \p «ኔ ኢሻይ ኔና ናቆፔ፥ ኣ ዞራ። ቃሲ ናጋራፔ ኢ ሲሞፔ፥ ኣው ኣቶ ያጋ። \v 4 ኢቲ ጋላሲ ኢ ኔና ላፑ ጌዴ ናቂዴ፥ ላፑ ጌዴካ፥ ‹ኔና ታ ናቃዲ፥ ታና ማራ› ጊዴ ኔኮ ዮፔ፥ ኣው ኣቶ ጋ» ያጌዳ። \p \v 5 ኪቴቴዳዋንቱካ ጎዳ፥ «ኑሲ ኣማኑዋ ጉጃ» ያጊዴ ኦቼዲኖ። \p \v 6 ጎዳይካ፥ «ሂንቴው ሳናፊጪያ ኣይፊያ ኬና ኣማኑ ዴዒንቶ፥ ሂንቴንቱ ሃ ቦዒያ፥ ‹ሃዋፔ ሾዴታዴ፥ ኣባን ቶኬታ› ጊንቶ ሂንቴው ኤኖ ጋና» ያጌዳ። \s1 ቆማይ ኦናው ቤሲያ ኦሱዋ \p \v 7 ቃሲካ ዬሱሲ፥ «ሂንቴፔ ጎሺያዌ ዎይ ሚያ ሄሚያ ቆማይ ዴዒያ ኣሳይ ሃቄት ዴዖፔ፥ ጎሻ ጋዴፔ ዎይ ሚያ ጋዴፔ ሲሞ ዎዴ ኤሌካ፥ ‹ሃያ ሼምፓ ኣካ፥ ቁማ ማናው ኡታ› ያጊያዌ ኦኔ? \v 8 ዬዉዋን ቃሲ፥ ‹ታ ማና ካዉዋ ጊጊሳ፤ ታ ማናኔ ኡሻና ጋካናው ሚናዴ ታና ኤቃዴ ሚዛ። ሄዋፔ ጉዬ ኔው ማ፥ ኡሻ› ያጊያዋ ጊዴኔ? \v 9 ሄ ቆማይ ኪቴቴዳባ ኦዳ ዲራው፥ ሄ ቢታኒ ጋላታናው ቤሴኔ? \v 10 ሄዋዳንካ ሂንቴ ቃሲ ኣሳይ ሂንቴና ኪቶ ኦሱዋ ኦዳ ዎዴ፥ ‹ኑኒ ማዴና ቆማቱዋ፤ ኑ ኦሶ ፃላላ ኦዶ› ያጊቴ» ያጌዳ። \s1 ዬሱሲ ኦሉ ኦይቄዳ ታሙ ኣሳቱዋ ፓዳ \p \v 11 ዬሱሲ ዬሩሳላሜ ቢዴ፥ ጋሊላፔኔ ሳማሪያ ጊያ ጋዳቱዋፔ ጊዱዋና ኣዳ። \v 12 ኢ ኢቲ ጉ ካታማቶ ጌሊያ ዎዲያን፥ ሃኩዋን ኤቄዳ ታሙ ኦሉዋን ኦይቄቴዳዋንቱ ኣ ቤዔዲኖ። ኡንቱንቱካ ሃኩዋን ኤቂዴ፥ \v 13 ባሬንቱ ኮሻ ቁ ኡዲዴ፥ «ዬሱሳ፥ ጎዳው፥ ሃያ ጎዶ ኑና ፓሪኪ!» ያጌዲኖ። \p \v 14 ዬሱሲ ኡንቱንታ ቤዒዴ፥ «ቢዴ፥ ሂንቴንቱ ቦላ ቄሳቱዋ ቤሲቴ» ያጌዳ። \p ኡንቱንቱካ ቄሳቱዋኮ ቢዴዒዴ ኦሉዋፔ ፓፄዲኖ። \x - \xo 17:14 \xt ዎግ 14፡1-32\x* \p \v 15 ኡንቱንቱፔ ኢቱ ባሬ ሃርጊያፔ ፓፄዳዋ ቤዒዴ፥ ባሬ ኮሻ ቁ ኡዲዴ፥ ፆሳ ቦንቺዴ ሲሜዳ። \v 16 ጋላቲዴካ ዬሱሳ ጌዲያ ማታን ጉልባቴዳ። ሄ ቢታኒ ሳማሪያ ኣሳ። \p \v 17 ዬሱሲ ዛሪዴ፥ «ታሙ ፓፂቤይኪኖ? ያቲና ኡዱፑናቱ ሃቃን ዴዒኖ? \v 18 ኣዪሁዳ ኣሳ ጊዴና ሳማሪያ ቢታኒያፔ ኣቲን፥ ፆሳ ቦንቻናው ሲሜዳዋንቱ ባዋ ጉሴ?» ያጌዳ። \v 19 ዬሱሲ ኣ፥ «ዴንዳ ባ፤ ኔ ኣማኑ ኔና ፓዳ» ያጌዳ። \s1 ፆሳ ካዉቴ ዩሳባ \r (ማት 24፡23-28፣ 37-41) \p \v 20 ፓሪሳዋቱ ኢቲ ጋላሲ፥ «ፆሳ ካዉቴይ ኣዉዴ ያኔ?» ጊዴ ኦቺና ዬሱሲ፥ «ፆሳ ካዉቴይ ሂንቴንቱ ናጊያ ኦጊያን ዬና» ያጊ ዛሬዳ። \v 21 ቃሲካ፥ «ኦኒኔ፥ ‹ፆሳ ካዉቴይ ሃዋን ዴዔ›፥ ዎይ ‹ሄዋን ዴዔ› ጋናው ዳንዳዬና፤ ፆሳ ካዉቴይ ሂንቴንቱ ዎዛና ጊዶን ዴዔ» ያጌዳ። \p \v 22 ዬሱሲ ባሬና ካሊያዋንቶ ኦዲዴ፥ «ኣሳ ናዓይ ቆንጪያ ጋላሳቱዋፔ ኢቱዋ ቤዓናው ሂንቴንቱ ኣሞቲያ ዎዲ ያና፤ ሺን ቤዒኪታ። \v 23 ቃሲ ኡንቱንቱ ሂንቴና፥ ‹ሃዌኩ ሃዋና› ዎይ ‹ሄዋና› ያጋናዋንታ። ሺን ኡንቱንታ ካሊዴ፥ ኡንቱንቱና ቦፒቴ። \v 24 ዋልቃንይ ሳሉዋን ዎልቃሚያ ዎዴ፥ ሃ ጋፃፔ ሂኒ ጋፃ ፖዑ ፖዒያዋዳን፥ ኣሳ ናዓ ዩሳይካ ሄዋዳን ሃናናዋ። \v 25 ሺን ኮይሮቲዴ ኣሳ ናዓይ ዳሮ ሜቱዋ ሜቶታናዉኔ ሄ ዎዲያን ዴዒያ ዬሌታን ኢፄታናው ቤሴ። \p \v 26 «ኖሄ ዎዲያን ሃኖዋዳንካ፥ ኣሳ ናዓይ ቆንጪያ ጋላሳንካ ሄዋዳን ሃናናዋ። \x - \xo 17:26 \xt ዶም 6፡5-8\x* \v 27 ኖሄ ማርካቢያ ጌሎ ጋላሳይ ጋካናው ኡንቱንቱ፥ ሚዲኔ ኡሺዴ፥ ኣኪዲኔ ኣኬቲዴ ዴዒሺን፥ ባሻ ሃይ ዪዴ ኡባ ኣሳካ ባዪዜዳ። \x - \xo 17:27 \xt ዶም 7፡6-24\x* \p \v 28 «ሄዋዳንካ፥ ሎፄ \f + \fr 17:28 \fq ኖሄ … ሎፄ፡ \ft ፆሳይ ቢታ ባሻ ሃን ባዪዜዳ ዎዴ፥ ኢ ኖሃኔ ኣ ጎሌ ኣሳ ኣሼዳ። ፆሳይ ሶዶማኔ ጋሞራ ካታማቱዋ፥ ኢዚን ዴዒያ ኢታ ኣሳቱዋ ኡባ ታማን ባዪዜዳ ዎዴ፥ ሎፃኔ ኣ ጎሌ ኣሳ ኣሼዳ (ዶም 19፡1-29 ፄሊቴ)።\f* ዎዲያን፥ ኣሳይ ሚዲኔ ኡሺዴ፥ ዛሊዒዴ፥ ቶኪዲኔ ጎሊያ ኬፂዴ ዴዔዲኖ። \v 29 ሺን ሎፄ፥ ሶዶማፔ ኬሶ ጋላሳን ቃሲ ሳሉዋፔ ታማይኔ ኤፂያ ቦንቆ ሹቻይ ቡኬዳ፤ ኡባባካ ሚዴ ዉርሴዳ። \x - \xo 17:29 \xt ዶም 18፡20-19፡25\x* \p \v 30 «ኣሳ ናዓይ ቆንጪያ ጋላሳንካ ሃዋዳን ሃናናዋ። \v 31 ሄ ጋላሳን፥ ጎሊያ ሁጲያን ዴዒያዌ፥ ጎሌ ጋርሳን ዴዒያ ሚሻ ኣካናው ዎፖ፤ ሃዋዳንካ ጎሻ ጋዴን ዴዒያዌ፥ ጉዬ ሲሞፖ። \x - \xo 17:31 \xt ማት 24፡17፣ 18፤ ማር 13፡15፣ 16\x* \v 32 ኣኔ ሎፄ ማቻቲባ ቆፒቴ! \x - \xo 17:32 \xt ዶም 19፡26\x* \v 33 ባሬ ሼምፑዋ ኣሻናው ኮዪያ ኡባይ፥ ባዪዜ፤ ባሬ ሼምፑዋ ባዪዚያ ኡባይ፥ ዴዑዋን ናጌ። \x - \xo 17:33 \xt ማት 10፡39፤ 16፡25፤ ማር 8፡35፤ ሉቅ 9፡24፤ ዮህ 12፡25\x* \v 34 ታ ሂንቴው ኦዲያዌ ኣዬ ጎፔ፥ ሄ ቃማን ላዑ ኣሳቱ ኢቲ ጊሱዋን ጊሳናዋንታ፤ ኡንቱንቱፔ ኢቱ ኣኬቲና ላዔያዌ ኣታናዋ። \v 35 ላዑ ማጫ ኣሳቱ ኢቲ ዎፃን ጋጫናዋንታ፤ ኢቲና ኣኬቲና፥ ኢቲና ኣታናዉኑ። \v 36 ላዑ ኣሳቱ ጎሻ ጋርሳን ዴዒኖ፤ ኢቱ ኣኬታናዋ፥ ላዔያዌ ኣታናዋ» ያጌዳ። \x - \xo 17:36 \xt ማት 24፡40\x* \p \v 37 ኣ ካሊያዋንቱ ዬሱሳ፥ «ጎዳው፥ ሄዌ ሃቃን ሃናናዌ?» ያጌዲኖ። \p ኢካ ዛሪዴ፥ «ባኩታይ ዴዒያሳ ሾርቲ ሺቃናዋ» ያጌዳ። \c 18 \s1 ማንቆ ጊዴዳ ኣምዓቲባኔ ማካላንቻ ዳናባ \p \v 1 ዬሱሲ ባሬና ካሊያውንቶ፥ ሳሌቴናን ኡባ ጋላሲ ዎሳናዳን ሌሚሱዋን ኦዴዳ። \v 2 ኢካ፥ «ኢቲ ካታማን ፆሳው ያዬናዌ፥ ኣሳካ ቦንቼና ኢቲ ዳናይ ዴዔ። \v 3 ሄ ካታማን ኣምዔ ሚሺራታ ዴዓው። ኢዛካ ሄ ዳናኮ ያዴ፥ ‹ታ ሞርኬዉኔ ታው ዴዒያ ዬዉዋ ፒርዳ› ያጋዱ። \p \v 4 «ዳሮ ዎዲያን ኢዚው ፒርዴናን ኢፄዳ። ሺን ባሬ ዎዛናን ቆፒዴ፥ ‹ታኒ፥ ኡባ ፆሳው ያያና ዮፔካ፥ ኣሳካ ቃይ ቦንቻና ዮፔ፥ \v 5 ሃ ኣምዔ ሚሺራታ ታና ላባንያ ዲራዉኔ ኡባ ዎዴ ታኮ ያዴ ታና ዳቡርሴና ማላ፥ ታኒ ኢዚው ፒርዳና› ጌዳ። \p \v 6 «ሄ ማካላንቻ ዳናይ ጎዋ ኣኬኪቴ። \v 7 ፆሳይ ጋላሲኔ ቃማ ባሬንታ ማዳና ማላ፥ ዳንዳያን ኣኮ ዋሲያ ዶሬታዋንቱሲ ፒርዴኔዬ? ኢ ኡንቱንቶ ኤሌካ ዛሬኔ? \v 8 ታኒ ሂንቴንቶ ያጋይ፤ ኡንቱንቶ ኤሌሊ ፒርዳና፤ ሺን ኣሳ ናዓይ ዪያ ዎዴ ሃ ቢታን ኣማኑዋ ዴማኔሻ?» ያጌዳ። \s1 ኦቶሬቲያ ፓሪሳዊያኔ ባሬና ካዉሺሴዳ ቃራፃ ቃንፂያ ቢታኒያ \p \v 9 ባሬንታ ጌሻ ጊዴ ኣማኔቲያዋንቶኔ ሃራ ኡባ ዳሪ ካያዋንቶ፥ ዬሱሲ ሃ ሌሚሱዋ ኦዴዳ፡ \v 10 «ላዑ ኣሳቱ ዎሳናው ጌሻ ጎሊያ \f + \fr 18:10 \fq ዎሳናው ጌሻ ጎሊያ፡ \ft ኣዪሁዳ ኣሳይ ኡባ ዎዴ ጌሻ ጎሊያን ዎንታ ጉራኒኔ ጋላሳ ዎሲኖ።\f* ጌሌዲኖ። ሄዋንቱፔ ኢቱ ፓሪሳዊያ፤ ኢቱ ቃይ ቃራፃ ቃንፂያዋ። \v 11 ፓሪሳዊ ዴንዲ ኤቂዴ ባሬ ዎዛናን ዎሲዴ፥ ‹ፆሳው፥ ታኒ ሃራ ኣሳዳን፡ ቦንቂያዋንቱዳን፥ ማካሊያዋንቱዳን፥ ዎሹሚያዋንቱዳን፥ ዎይ ሃዋዳን ቃራፃ ሺሼና ዲራው ኔና ጋላታይ። \v 12 ሳሚንታን ላዑ ካላ ፆማይ፤ ታኒ ዴሚያ ኡባፔ ታሙ ኩሺያፔ ኢቱዋ ኢማይ› ያጌዳ። \p \v 13 «ሺን ቃራፂያ ቢታኒ ሃኩዋን ኤቂዴ፥ ባሬ ኣይፊያን ፑዴ ሳሉዋ ቁ ጊዴ ፄላናዉካ ኮዪቤና። ሺን ባሬ ቲራ ባቂዴ፥ ‹ፆሳው፥ ታኒ ናጋራንቻ፤ ታና ማራ› ያጌዳ። \v 14 ታኒ ሂንቴንቶ ኦዲያዌ ኣዬ ጎፔ፥ ካሴ ቢታኒያፔ ኣዴ ሃ ቢታኒ ፂሎ ጊዲዴ ባሬ ጎሌ ሲሜዳ፤ ባሬና ቁ ኦያ ኡባይ ካዉሻና፤ ባሬና ቃይ ካዉሺሲያ ኡራይ ቁ ጋና» ያጌዳ። \s1 ዬሱሲ ጉ ናና ኣንጄዳ \r (ማት 19፡13-15፤ ማር 10፡13-16) \p \v 15 ዬሱሲ ባሬ ኩሺያ ዎዴ ኣንጃና ማላ ኣሳይ ጉ ናና ኣኪዴ ኣኮ ዬዲኖ። ኣ ካሊያዋንቱካ ቤዒዴ፥ ኣሳ ኣሄና ማላ ጌዲኖ። \v 16 ዬሱሲ ቃሲ ጉ ናና ባሬኮ ፄሲዴ፥ «ጉ ናናይ ታኮ ያና ማላ ኣጊቴ፥ ዲጎፒቴ፤ ፆሳ ካዉቴይ ሃዋንቱ ማላሳ። \v 17 ታኒ ሂንቴንቶ ቱሙዋ ኦዳይ፤ ፆሳ ካዉቴ ጉ ናዓዳን ኣኬናዋንቱ ኡባይ ሄ ካዉቴ ሙሌካ ጌሌና» ያጌዳ። \p \v 18 ዪሁዳ ቢታ ሞዲያዋንቱፔ ኢቱ፥ «ሎዖ ታማሪሲያዎ፥ ታኒ ሜና ዴዑዋ ላታናው ኣያ ኦናው ቤሲ?» ያጊዴ ዬሱሳ ኦቼዳ። \v 19 ዬሱሲካ ኣው፥ «ኣያው ታና ሎዖ፥ ያጋይ? ኢቲ ፆሳፔ ኣቲን፥ ሎዑ ኦኒኔ ባዋ፤ \v 20 ፆሳ ኣዛዛቱዋ፥ ‹ዎሹሞፓ፥ ዎፓ፥ ዉዖፓ፥ ዎርዱዋ ማርካቶፓ፥ ኔ ኣባኔ ኔ ዳዮ ቦንቻ ያጊያዋ ኤራ› » ያጊዴ ዛሬዳ። \v 21 ቢታኒ ዛሪዴ፥ «ሃዋ ኡባ፥ ናዓቴፔ ዶማዴ ናጋዲ» ያጌዳ። \p \v 22 ዬሱሲካ ሃዋ ሲሲዴ፥ «ኢቲባይ ኔኒ ቢሮን ኦናኒ ኣቶዌ ዴዔ፤ ሄዌኔካ፥ ኔው ዴዒያዋ ኡባ ዛሊዓዴ ማንቃቶ ኢማ፤ ሃዋ ኦፔ ሳሉዋንካ ኔኒ ዱሬታና፤ ሄዋፔ ጉዬ ታ ጌዱዋ ካላ» ያጌዳ። \v 23 ሄ ቢታኒ ቃሲ ሄዋ ሲሲዴ ዳሮ ዱሬ ጊዶ ዲራው ዳሮ ካዮቴዳ። \p \v 24 ዬሱሲካ ሃ ቢታኒ ዳሮ ካዮቶዋ ቤዒዴ፥ «ዱሬ ኣሳይ ፆሳ ካዉቴ ጌላናው ዎቲ ሜታንዴሻ! \v 25 ዱሬ ኣሳይ ፆሳ ካዉቴ ጌላናዋፔ ጋሉ ማርፒያ ፆዒያና ኣናዌ ማታቴ» ያጌዳ። \v 26 ሄዋ ሲሴዳ ኣሳይ፥ «ሲሚ ኦኒ ኣታናው ዳንዳዪ?» ያጌዲኖ። \p \v 27 ኢካ ቃይ ዛሪዴ፥ «ኣሳው ዳንዳዬቴናዌ ፆሳው ዳንዳዬቴ» ያጌዳ። \v 28 ጴፂሮሲ ዛሪዴ፥ «ሲሚ ኑኒ ኑሲ ዴዒያ ኡባ ኣጊዴ ኔና ካሌዶ» ያጌዳ። \v 29 ኢካ፥ «ቱሙዋ ጋይ፥ ፆሳ ካዉቴ ዲራው ባሬ ጎሊያ፥ ዎይ ባሬና ዬላዋንታ፥ ዎይ ባሬ ማቺያ፥ ዎይ ባሬ ናና፥ ዎይ ኢሻቱዋ ኣጌዳዌ፥ \v 30 ሃዎዲያን ዳሮ ዳኩዋ፥ ሲን ዪያ ካዉቴኒካ ሜና ዴዑዋ ኣኬናዌ ኦኒኔ ባዋ» ያጌዳ። \s1 ዬሱሲ ባሬ ሃይቁዋባ ሄዜንዋ ኦዴዳ \r (ማት 20፡17-19፤ ማር 10፡32-34) \p \v 31 ዬሱሲካ ታማኔ ላዑ ባሬና ካሊያዋንታ ባሬኮ ፄሲዴ፥ «ሲሚ ዬሩሳላሜ ባና፤ ኣሳ ናዓባይካ ናባቱ ማፃፋን ፃፌቴዳባይ ኡባይ ያኒ ፖሌታና። \v 32 ኣዪሁዴ ጊዴናዋንቶ ኣ ኣ ኢማና፥ ቂሊጫና፥ ዳሮ ሜቶና፥ ኣ ቦላን ጩቻና፤ \v 33 ሾጮዋፔ ጉዪያን ዎና፥ ሄዜንያ ጋላሲ ኢ ዴንዳና» ያጌዳ። \p \v 34 ኡንቱንቱካ ሃ ዬዉዋፔ ኣያኔ ኣኬኪቤይኪኖ፤ ሃዪቁካ ኡንቱንቶ ኣኬኬቲቤና ዲራው ኢ ሃሳዮባካ ኤሪቤይኪኖ። \v 35 ዬሱሲ ኢያርኮኮ ማቴዳ ዎዲያን፥ ኢቲ ቆቃ ቢታኒ ዎሲዴ ኦጊያ ጋፃን ኡቴዳ። \v 36 ጮራ ኣሳይ ኣያዋ ሲሲዴ፥ «ሃዌ ኣዬሻ?» ያጊ ኦቼዳ። \v 37 ኣሳይካ ኣው፥ «ናዚሬቲያ ዬሱሲ ሃዋና ኣዴ ዴዔ» ያጊ ዛሬዲኖ። \p \v 38 ኢካ፥ «ዳዊቴ ናዓ ዬሱሳ፥ ታና ማራሪኪ» ጊዴ ዋሴዳ። \v 39 ኣፔ ሲንና ቢዴ ዴዒያዋንቱካ፥ ጮዑ ጋናዳን ሃንቄቴዲኖ። ኢ ቃይ፥ «ዳዊቴ ናዓው፥ ታና ማራሪኪ» ጊዴ ዳሪ ዋሴዳ። \p \v 40 ዬሱሲካ ኤቂዴ፥ ባሬኮ ኣሃናዳን ኣሳው ኦዴዳ። \v 41 ዬሱሳኮ ኢ ማቶ ዎዲያን፥ ዬሱሲ፥ «ታኒ ኔው ኣያ ኦናዳን ኮያይ?» ያጊዴ ኣ ኦቼዳ። \p ኢካ ዛሪዴ፥ «ጎዳው፥ ፄላናው ኮያይ» ጌዳ። \p \v 42 ዬሱሲካ፥ «ፄላ፥ ኔ ኣማኑ ኔና ፓዳ» ያጌዳ። \v 43 ሄ ዎዲያንካ ፄሊ ኣጌዳ፤ ፆሳካ ቦንቺዴ ኣ ጌዱዋ ካሌዳ። \p ኣሳይ ኡባይ ቢታኒያ ፄሊዴ፥ ፆሳ ጋላቴዲኖ። \c 19 \s1 ዬሱሳኔ ዛኪዮሳ \p \v 1 ዬሱሲ ሂኒ ኢያርኮ ካታማ ጌሊዴ፥ ሄዋና ኣ ዴዔ። \v 2 ሱንይ ዛኪዮሳ ጌቴቲያ ኢቲ ዱሬ ቢታኒ ሄዋን ዴዔ። ኢካ ቃራፂያዋንቱሲ ካፑዋ። \v 3 ዛኪዮሲ ዬሱሳ ጌቴቲያዌ ሃቃዌንቶ ቤዓናው ኮዪሺን ቃን ጊዴዳዋ ዲራው፥ ኣሳ ጮራቴፔ ዴንዶዋን ቤዓናው ዳንዳዪቤና። \v 4 ዬሱሲ ሄ ኦጊያና ኣያ ዲራው፥ ሲንው ኣዴ ኢቲ ቦዒያ ቦላ ኬሴዳ። \p \v 5 ዬሱሲ ሄ ሳዓ ጋኪዴ፥ ቁ ጊ ፑዴ ፄሊዴ፥ «ዛኪዮሳ፥ ሃቼ ኔ ጎሌን ፔሻናው ቤሲያ ዲራው ኤሌ ዎ» ያጌዳ። \v 6 ኢካ ኤሌሊ ቦዒያፔ ዎዴ፥ ናሼቻን ዬሱሳ ሞኬዳ። \v 7 ሄዋን ዴዒያ ኣሳ ኡባይ ሃዋ ቤዒዴ፥ «ሃዌ ናጋራንቻ ጎሌን ጌሊዴ ኢማ ጊዲዴ ሾቤታና ሃኔ» ጊዴ ኡባቱካ ዙዙን ዶሜዲኖ። \p \v 8 ዛኪዮሲካ ቃሲ ኤቂዴ ጎዳ፥ «ጎዳው፥ ሲሚ ታው ዴዒያዋ ኡባፔ ባጋ ሂዬሳቶ ኢማና፤ ኦፔኔካ ዎርዱዋን ኣኬዳዋ ጊዶፔ፥ ኦይዱ ዳኩዋ ኡዳዴ ዛራና» ያጌዳ። \p \v 9 ዬሱሲካ ዛኪዮሳው ኦዲዴ፥ «ኔኒካ ኣብራሃሞ ሼሻ ጊዲያ ዲራው፥ ሃቼ ኣቶቴይ ሃ ጎሌ ኣሳው ዬዳ። \v 10 ኣያው ጎፔ፥ ኣሳ ናዓይ ባዬዳዋ ኮያናዉኔ ኣሻናው ዬዳ» ያጌዳ። \x - \xo 19:10 \xt ማት 18፡11\x* \s1 ታሙ ቆማቱዋ ሌሚሱዋ \r (ማት 25፡14-30) \p \v 11 ኣሳይ ሃዋ ሲሲዴ ዴዒሺን ዬሱሲ፥ ሂኒ ዬሩሳላሜ ማቶ ዲራዉኔ ኡንቱንቶ ፆሳ ካዉቴይ ሃዒካ ቆንጪያዋ ማላቶ ዲራው ሌሚሱዋ ኦዴዳ። \x - \xo 19:11 \xt ማት 25፡14-30\x* \v 12 ሃዋዳን ያጊ ዶሜዳ፤ «ኢቲ ዎልቃማ ቢታኒ ባሬው ካዉቴ ቦንቹዋ ኣኪዴ ሲማናው፥ ሂኒ ሃኮ ጋዲያ ቤዳ። \v 13 ባሬ ቆማቱዋ ጊዶፔ ታሙዋ ፄሲዴ፥ ኡንቱንቶ ታሙ ሚና \f + \fr 19:13 \fq ሚና፡ \ft ሚና ጌቴቲያዌ፥ ግሪኬ ቃላን ‹ሚናስ› ጊያዋ። ሃዋ ቢሌይ፥ ሄዎዴ ዴዒያ ኦሳንቻ ኣሳው ኢሜቲያ ሄዙ ኣጌና ዲርጉዋ።\f* ጌቴቲያ ሚሻ ኢሞዋሺን፥ ‹ታኒ ሲማዴ ያና ጋካናው፥ ሃሚሻን ዛሊዒሺቴ› ያጌዳ። \p \v 14 «ሺን ኣ ጋዲያ ኣሳይ ኣ ኢፆ ዲራው፥ ‹ሃ ቢታኒ ኑ ቦላ ካዉታናዳን ኑኒ ኮዮኮ› ያጊዴ፥ ጉዬና ኢ ዴዒያሳ ኣሳ ኪቴዲኖ። \v 15 ጊዶፔ ኣቲን፥ ሃ ቢታኒ ካቴ ጊዲዴ ሂኒ ባሬ ጋዴ ሲሜዳ። ሄ ቆማቱ ሁጲያን ሁጲያን ኢ ኢሞ ሚሻን ዛሊዒዴ ኣይ ኬና ዎሴዲኖንቶ ኤራናው ፄሲሴዳ። \p \v 16 «ኮይሮ ቆማይ ሺቂዴ፥ ‹ጎዳው፥ ኔኒ ታው ኢሜዳ ታሙ ሚና ዎያ ታሙዋ ዴማዲ› ያጌዳ። \v 17 ኣ ጎዳይ ኣ፥ ‹ሃያናሾ! ኔኒ ሎዖ ቆማ፤ ኔኒ ጉ ዬዉዋን ኣማኔቴዳዋ ጊዳዴ ቤቶ ዲራው፥ ታሙ ካታማቱዋ ቦላን ማታይ ኔው ኢሜቴዳ› ያጌዳ። \p \v 18 «ላዔያዌካ ሺቂዴ፥ ‹ጎዳው፥ ኔኒ ታው ኢሜዳ ኢቼሹ ሚና ጌቴቲያ ሚሻይ ኢቼሹዋ ዎዳ› ያጌዳ። \v 19 ኣ ጎዳይካ ኣ፥ ‹ኔው ኢቼሹ ካታማቱዋ ቦላን ማታይ ኢሜቴዳ› ያጌዳ። \v 20 ሃራ ሄዜንያ ቆማይ ሺቂዴ፥ ‹ጎዳው፥ ጩርቃን ፃፃ ዎዳ ኔ ሚሻ ሃዋ ቤዓ። \v 21 ኣያው ጎፔ፥ ኔኒ ዎቤናሳፔ ኣኪያዋ፤ ዜራቤናዋ ቆይጪያ ሜቄ ባይና ኣሳ ጊዲያ ዲራው፥ ኔው ያያዲ› ያጌዳ። \p \v 22 «ጎዳይካ፥ ‹ሃ ኢታ ቆማይ፤ ኔኒ ሃሳዮ ቃላን ኔ ቦላ ታኒ ፒርዳና። ዎቤናዋ ኣኪያዋ፥ ዜራቤናዋ ቆይጪያ ሜቄ ባይና ኣሳ ጊዲያዋ ኤሮፔ፥ \v 23 ታኒ ያዴ ታ ሚሻ ዎያና ኣካና ማላ፥ ኣዪሲ ዎሲያዋንቶ ኢማቤይኪ?› ያጌዳ። \p \v 24 «ጎዳይካ፥ ሄዋን ኤቆዋንታ፥ ‹ሃ ሚሻ ኣፔ ዎ ኣኪዴ ታሙ ሚናይ ዴዒያዎ ኢሚቴ› ያጌዳ። \v 25 ኡንቱንቱካ፥ ‹ጎዳው፥ ኣው ታሙ ሚናይ ዴዔ› ያጌዲኖ። \p \v 26 «ኢካ፥ ‹ታኒ ሂንቴንቶ ኦዲያዌ፥ ዴዒያዎ ኡባው ጉጄታናዋ፤ ባይናዋፔ ቃሲ ሄ ዴዒያዌካ ኣኬታናዋ። \x - \xo 19:26 \xt ማት 13፡12፤ ማር 4፡25፤ ሉቅ 8፡18\x* \v 27 ዬዉዋን ቃሲ ታኒ ኡንቱንቱ ቦላን ካዉቴናዳን ኮዬዳ ታ ሞርካቱዋ ታኮ ኣሂዴ ታ ሲንን ሹኪቴ› ጌዳ» ያጌዳ። \s1 ዬሱሲ ዳሮ ቦንቹዋን ዬሩሳላሜ ጌሌዳ \r (ማት 21፡1-11፤ ማር 11፡1-11፤ ዮህ 12-19) \p \v 28 ዬሱሲ ሃዋ ጎዋፔ ካላ ሂኒ ዬሩሳላሜ ኬሳናው ባሬና ካሊያዋንቱፔ ሲንቲዴ ቤዳ። \v 29 ዴብሬ ዛይቴ ጌቴቲያ ዴሪያ ማታን ዴዒያ ሂኒ ቤቴፋጌን ቢታኒያ ጌቴቲያ ሄራ ካታማቱዋኮ ሺቄዳ ዎዴ ባሬና ካሊያዋንቱፔ ላዓቱዋ፥ \v 30 «ሂንቴንቱፔ ሲንን ዴዒያ ቄሪ ካታማቱዋ ቢቴ፤ ያ ሂንቴንቱ ጌሊያ ዎዴ፥ ኦኒኔ ቢሮ ኡቲቤና ሃሬ ማራይ ቃሼቲ ኡቴዳዋ ዴማኒታ፤ ኣ ቢሊዴ ሃ ኣኪ ዪቴ። \v 31 ኦኒኔ ሂንቴንታ፥ ‹ሃዋ ኣያው ቢሊቴ?› ጊዴ ኦቾፔ፥ ‹ኢ ባሬ ጎዳው \f + \fr 19:31 \fq ጎዳው፡ \ft ሃዋን ጎዳው ጌቴቶዌ፥ ሃሬ ማራ ጎዳፔሺን፥ ፆሳ ጊዴና።\f* ኮሺያ ዲራሳ› ያጊቴ» ያጌዳ። \p \v 32 ኪቴቴዳዋንቱካ ቢዴ፥ ዬሱሲ ኡንቱንቶ ኦዶዋዳን ሃኒና ዴሜዲኖ። \v 33 ኡንቱንቱ ሃሬ ማራ ቢሊያ ዎዴ ቤዒዴ ሃሪያ ጎዳይ፥ «ሃሬ ማራ ኣያው ቢሊቴ?» ያጌዳ። \v 34 ኡንቱንቱካ፥ «ጎዳው ሃዌ ኮሼ» ያጊዴ፥ \v 35 ሃሬ ማራ ዬሱሳኮ ኣሄዲኖ፤ ባሬንቱ ማዩዋ ኣ ቦላን ዎዴ ዬሱሳ ሃሪያ ቶጊሴዲኖ። \v 36 ኣሳይካ ዬሱሲ ቢያ ኦጊያ ቦላ ባሬንቱ ማዩዋ ሂፄዲኖ። \f + \fr 19:36 \fq ማዩዋ ሂፄዲኖ፡ \ft ሃዋ ጉሳይ፥ ኣዪሁዳ ኣሳ ዎጋን፥ ኤሬቴዳኔ ቦንቼቲያ ኣሳው ኡዴቲያ ኢማ ሞካ ዎጋ።\f* \p \v 37 ኢ ዴብሬ ዛይቴ ጌቴቲያ ዴሪያ ዱጌ ኣፊያ ኦጊያ ማቴዳ ዎዴ፥ ዳሮ ጮራ ጊዴዳ ኣ ካሊያዋንቱ ቤዔዳ ፆሳይ ኦዳ ማላታው ኡባው ናሼቲዴ፥ ባሬንቱ ኮሻ ቁ ኦዴ፥ \q1 \v 38 «ጎዳ ሱንን ዪያ ካቲ ኣንጄቴዳዋ፤ \q2 ሳሉዋን ሳሮታይ ጊዶ። \q1 ቃሲ ኪሊ ቃ ሳሉዋን \q2 ዴዒያ ፆሳይ ቦንቼቶ» \m ያጌዲኖ። \x - \xo 19:38 \xt ማዝ 118፡26\x* \p \v 39 ኣሳ ጋርሳን ዴዒያ ኢቲ ኢቲ ፓሪሳዋቱ ዬሱሳ፥ «ታማርሲያዎ፥ ኔና ካሊያዋንታ ጮዑ ኦሪኪ» ያጌዲኖ። \v 40 ኢካ ዛሪዴ፥ «ታኒ ሂንቴንቶ ኦዳይ፥ ኡንቱንቱ ጮዑ ጎፔ፥ ሹቻይካ ዋሳናዋ» ያጌዳ። \v 41 ዬሱሲ ዬሩሳላሜ ማቴዳ ዎዴ፥ ካታማቶ ቤዒዴ፥ ዬኪዴ፥ \v 42 «ኔ ሳሮታው ጊዲያዋ ኔኒ ሃቼ ኤራዲንቶ ሎዓ፤ ሺን ሃዒ ሄዌ ኔ ኣይፊያፔ ጌሜዳ። \v 43 ኣያው ጎፔ፥ ኔ ቦላ ያና ዎዲ ዴዔ፤ ሄ ዎዴ ኔና ኢፂያዋንቱ ኔ ዩሹዋን ዲርሳ ዲሪዴ፥ ያፔኔ ሃፔኔ ዶዲዴ፥ ኔና ኡንዔያ ዎዲ ያናዋ። \v 44 ኔናኔ ኔ ዲርሳ ጋርሳን ዴዒያ ኔ ኣሳ ሜንሬና። ፆሳይ ኔና ቤዓናው ዬዳ ዎዲያ ኔኒ ኤራቤና ዲራው፥ ኔና ኢፂያዋንቱ ሹቻ ኡባ ኢቱዋ ኢቱዋ ቦላፔ ዴንዴ ላላናዋ» ያጌዳ። \s1 ዬሱሲ ጌሻ ጎሊያን ዛሊዒያዋንታ ዬዴርሴዳ \r (ማት 21፡12-17፤ ማር 11፡15-19፤ ዮህ 2፡13-22) \p \v 45 ሃዋፔ ካላ ዬሱሲ ጌሻ ጎሊያ ጌሊዴ፥ ዛሊዒያዋንታ ሄዋፔ ኬሴዳ። \v 46 ዬሱሲ ዛሪዴ፥ « ‹ታ ጎሊ ፆሳ ዎሲያ ጎሊያ ጊዳናዋ› ጌቴቲዴ ፆሳ ቃላን ፃፌቴዳ። ሺን ሂንቴንቱ ኣ ፓኑዋ ጎንጎሉዋ ኦዲታ» ያጌዳ። \x - \xo 19:46 \xt ኢሳ 56፡7፤ ኤርም 7፡11\x* \v 47 ዬሱሲ ኡባ ዎዴ ጌሻ ጎሊያን ታማሪሲ ዴዒሺን፥ ቄሳቱዋ ካፓቱ፥ ሙሴ ሂጊያ ታማሪሲያዋንቱኔ ኣሳ ኣዪሲያዋንቱ ኣ ዎናው ኮዪኖ። \x - \xo 19:47 \xt ሉቅ 21፡37\x* \v 48 ሺን ኣሳይ ኡባይ ኣ ሃሳያፔ ኢቱኔ ኣቴናን ሲሲ ኡቶ ዲራው፥ ኣ ዎያ ኦጊያ ኡንቱንቱ ዬዲኖ። \c 20 \s1 ዬሱሳ ማታ ቦላ ዴንዴዳ ኦሻ \r (ማት 21፡23-27፤ ማር 11፡27-33) \p \v 1 ኢቲ ጋላሲ ዬሱሲ ኣሳ ጌሻ ጎሊያን ታማሪሲዴኔ ሚሺራቹዋ ቃላ ኦዲዴ ዴዒያ ዎዴ፥ ቄሳቱዋ ካፓቱኔ ሙሴ ሂጊያ ታማሪሲያዋንቱ ጋዲያ ጪማቱዋና ኢቲፔ ዬሱሳኮ ዬዲኖ። \v 2 ኡንቱንቱካ፥ «ሃ ዬዉዋ ኔኒ ኡዲያዌ ኣይ ማታኔንቶ ኦዳ፤ ሃ ማታካ ኔው ኢሜዳዌ ኢ ኦኔ?» ያጊዴ ኦቼዲኖ። \v 3 ኢካ፥ «ታ ሂንቴና ኢቲ ኦሻ ኦቺያዌ ዴዒያዋ ኣኔ ዛሪቴ። \v 4 ዮሃኒሳ ፂንቃታይ ፆሳፔ ዎይ ኣሳፔ?» ያጊ ኦቼዳ። \p \v 5 ኡንቱንቱ ባሬ ጊዶን ማቄቲዴ፥ «ፆሳፔ ጎፔ፥ ሄዋ ጊዶፔ ‹ኣያው ኣማኒቤይኪቴ› ኑና ያጋናዋ፤ \v 6 ‹ኣሳፔ› ጎፔ፥ ኣሳይ ኡባይ ዮሃኒሲ ናቢያ ጊዲያዋ ኣማኒያ ዲራው ሹቻን ኑና ዴቻናዋንታ» ያጌዲኖ። \v 7 ሃዋሲ፥ «ሃቃፔ ዬዴንቶ ኤሮኮ» ጊዴ ኣው ዛሬዲኖ። \v 8 ዬሱሲካ፥ «ሃዋ ጊዶፔ ታካ፥ ታኒ ኦ ማታን ሃ ዬዉዋ ኦይታንቶ ሂንቴንቶ ኦዲኬ» ያጌዳ። \p \v 9 ሃዋፔ ሲሚዴ ዬሱሲ ኣሳው ሃ ሌሚሱዋ ያጊ ኦዱዋ ዶሜዳ፡ \x - \xo 20:9 \xt ኢሳ 5፡1\x* «ኢቲ ቢታኒ ዳሮ ዎዪኒያ ቱራቱዋ ቶኬዳ። ጎሻንቻቱዋሲ ኮው ኢሚዴ፥ ኢ ሂኒ ሃራ ጋዲያ ቢዴ ጮራ ዎዲያ ጋሚዔዳ። \v 10 ዎዪኒ ኣይፊያ ኣይፎ ዎዴ፥ ዎዪኒያ ጎሻ ጎዳይ ባሬና ጋኪያዋ ኣሃናዳን ኢቲ ቆማ ኮዋቱዋኮ ኪቴዳ። ኪቴቲ ቤዳዋካ ቢዴ፥ ሜላ ኩሺያ ዬዴዲኖ። \v 11 ሄዋፔ ሃራ ቆማ ኪቴዳ። ኡንቱንቱ ሄዋካ ቃሲ ቢዴ፥ ቶቺዴ፥ ሜላ ኩሺያ ዬዴዲኖ። \v 12 ሃዒካ ሃራ ሄዜንያ ቆማ ኪቴዳ። ኡንቱንቱካ ቃሲ ኣ ማሱንዴ፥ ሂኒ ካሬ ኦሌዲኖ። \p \v 13 «ሄ ዎዪኒያ ቱራ ጎዳይካ፥ ‹ሲሚ ኣያ ኡዶ? ኣኔ ሃዒ ታ ዶሲያ ናዓ ኪታና፤ ኦኒ ኤሪ ኣ ቦንቾፔኔ› ጌዳ። \v 14 ጎሻንቻቱ ቃሲ ናዓ ቤዔዳ ዎዴ፥ ‹ሃዌ ኣ ላቲያዋ ጊዶ ዲራው፥ ሃዪቴ ዎይቴ፤ ሄዋፔ ጉዬ፥ ቢታይ ኑሳ ጊዳናዋ› ጊዴ ዞሬቴዲኖ። \v 15 ዎዪኒያ ቱራ ሳዓፔ፥ ሂኒ ካሬው ኬሲዴ ኣ ዎዲኖ። \p «ዎዪኒያ ቱራ ጎዳይካ ኡንቱንታ ኣያ ኦንዴሻ? \v 16 ዮፔ ሄ ጎሻንቻቱዋ፥ ዎናዋ፤ ዎዪኒያ ቱራ ሳዓካ ሃራንቶ ኢማናዋ» ያጌዲኖ። \p ኣሳቱካ ሃዋ ሲሶ ዎዴ፥ «ሃዋ ማላባ ኣሆፖ» ያጌዲኖ። \v 17 ዬሱሲካ ሂኒ ኡንቱንቱኮ ፄሊዴ፥ \q1 « ‹ሲሚ ሹቻ ጎሊያ ኬፂያዋንቱ ካዳ ሹቻይ፥ \q2 ኢ ዋና ጎሊያ ሚኒሲያ ሁጴ ሹቻ ጊዴዳ› \m ጌቴቲዴ ፃፌቴዳዋ ቢሌይ ኣዬ? \x - \xo 20:17 \xt ማዝ 118፡22\x* \v 18 ሃ ሹቻ ቦላን ኩንዲያ ኡባይ ሜዔሬቴ፤ ሹቻይካ ኣ ቦላን ኩንዲያ ኡባይ ቡንቼታናዋ» ያጌዳ። \s1 ጊራ፥ ጊራኔ ኣጋኔ ጊያ ኦሻ \r (ማት 22፡15-22፤ ማር 12፡13-17) \p \v 19 ሙሴ ሂጊያ ፃፊያዋንቱኔ ቄሳቱዋ ካፓቱ ዬሱሲ ሃሳዬዳ ሌሚሱ፥ ኡንቱንቱ ቦላን ጌቴቶዋ ኤሮ ዲራው፥ ሄ ሳቲያንካ ኣ ኦይቃናው ኮዬዲኖ። ሺን ኣሳው ያዬዲኖ። \v 20 ዬሱሳ፥ ሄ ጋዲያ ሞዲያዋሲኔ ኣ ማታሲ ኣዴ ኢማናው ኣ ዶናፔ ኬሲያ ቃላን ኦይቃናው ኢንጄቲያ ዎዲያ ናጊኖ። ሄዋ ዲራው ጌሻ ማላቲዴ ኦይናው ዎቺያዋንታ ኪቴዲኖ። \v 21 ሄ ኪቴቶዋንቱካ ዬሱሳ፥ «ታማሪሲያዎ፥ ኔኒ ቱማ ዬዉዋ ሃሳዪያዋኔ ታማሪሲያዋ፥ ሄዋዳንካ ቃይ ፆሳ ኦጊያ ቱማቴን ታማሪሲያዋኔ ኦሲኔ ዱማዬናዋ ኑኒ ኤሬቶ። \v 22 ቃሲካ ኡንቱንቱ፥ ሮማ ካቲያ ቄሳሬው ጊራ ጪጋናው ኮሺ ዎይ ኮሼኔ?» ያጊ ኦቼዲኖ። \p \v 23 ኢ ቃሲ ኡንቱንቱ ዴሻቴ ኤሪዴ፥ \v 24 «ኣኔ ታና ኢቲ ዲናሪያ \f + \fr 20:24 \fq ዲናሪያ፡ \ft ሄዎዴ ሮማ ቢታ ኣሳይ ጎዔቲያ ሚሻ።\f* ቤሲቴ፤ ሄዋ ቦላን ዴዒያ ሚሲሊኔ ፃፌቶዌ ኦና ቤሲ?» ጌዳ። \v 25 ኡንቱንቱካ፥ «ቄሳሬዋ» ጊዴ ዛሬዲኖ። ኢኔካ፥ «ሄዋ ጊዶፔ፡ ቄሳሬዋ፥ ቄሳሬው ኢሚቴ፤ ፆሳዋ፥ ፆሳው ኢሚቴ» ያጌዳ። \v 26 ኡንቱንቱካ፥ ኢ ሃሳዬዳ ቃላን ኣሳ ሲንን ኦይቃናው ዳንዳዪ ቤይኪኖ። ኣ ዛሩዋን ማላሌቲዴ ጮዑ ጌዲኖ። \s1 ሃይቁዋፔ ዴንዱዋባ ኦሻ \r (ማት 22፡23-33፤ ማር 12፡18-27) \p \v 27 ሳዱቃዋናቱፔ ኢቱ ኢቱ ዬሱሳኮ ዪዴ፥ ኦሻ ኣው ሺሼዲኖ። \x - \xo 20:27 \xt ኪት 23፡8\x* \v 28 ኡንቱንቱካ ዬሱሳ፥ \x - \xo 20:28 \xt ዛር 25፡5\x* «ታማሪሲያዎ፥ ኢቲ ቢታኒ ማቻቶ ኣኪዴ ናዓ ዬሌናን ሃዪያዋ ጊዶፔ፥ ሚሺራቶ ሄዋ ኢሻይ ላታ ኣኪ ናዓ ዬሊዴ ባሬ ኢሻው ዜሬ ዎና ማላ ሙሴ ኑሲ ፃፌዳ። \v 29 ኢቲ ዎዲያን ላፑ ኢሻቱ ዴዒያዋንቱፔ፥ ባይራይ ማቻቶ ኣኪዴ ዬሌናን ሃይቂ ኣጌዳ። \v 30 ላዔያዌካ ኢዞ ላቴዳ። \v 31 ሄዜንያዌካ ቃሲ ኢዞ ኣኬዳ፤ ላፑናቱካ ኢዞ ኣኪዴ ናዓ ዬሌናን ሃይቄዲኖ። \v 32 ዉርሴን ሚሺራታካ ሃይቃ ኣጋዱ። \v 33 ሲሚ ላፑናቱካ ሄ ሚሺራቶ ኣኬዳ ዲራው፥ ሃይቁዋፔ ዴንዴዳ ዎዴ፥ ኢዛ ኦሲ ማቼ ጊዳኔ?» ያጊ ኦቼዲኖ። \p \v 34 ዬሱሲካ፥ «ሃ ኣላሚያ ናናይ ኣኪኖኔ ኣኬቲኖ። \v 35 ሺን ሃይቁዋፔ ዴንዲዴ፥ ሲንፔ ዪያ ዎዲያን ዴዓናው ቤሲያዋንቱ ኣኪኪኖኔ ኣኬቲኪኖ። \v 36 ኡንቱንቱ ፆሳ ኪታንቻ ማላቲዴ ዴዒያ ዲራው፥ ሄዋፔ ሲሚዴ ሃይቂኪኖ። ሃይቁዋፔ ዴንዲያዋንታ ጊዲያ ዲራው ኡንቱንቱ ፆሳ ናና። \v 37 ሙሴ፥ ፆሳይ ኣው ቆንጬዳ ዎራባ ፃፌዳ ታሪኪያ ጋርሳን፥ ጎዳ ፆሳ፥ «ኣብራሃሞ ፆሳ፥ ዪሳቃ ፆሳ፥ ያዪቆባ ፆሳ» ያጊዴ ፄሱሳይ፥ ሃይቃዋንቱ ዴንዲያዋ ቤሴ። \x - \xo 20:37 \xt ኬስ 3፡6\x* \v 38 ኡባይካ ኣው ሃይቂ ቤናዋንታ ጊዲያ ዲራው፥ ኢ ሃይቂቤናዋንቱ ፆሳፔ ኣቲን፥ ሃይቆዋንቱዋ ጊዴና» ያጌዳ። \p \v 39 ኢቲ ኢቲ ሙሴ ሂጊያ ፃፌዳዋንቱካ፥ «ታማሪሲያዎ፥ ሎዑዋ ሃሳያዳ» ያጌዲኖ። \v 40 ሃዋፔ ሲሚዴ፥ ኢቱካ ኣ ኦቻናው ፃሎዌ ባዋ። \s1 ዬሱሲ ኦኔ ጊያ ኦሻ \r (ማት 22፡41-46፤ ማር 12፡35-37) \p \v 41 ሃዋፔ ካላ ዬሱሲ ኡንቱንታ፥ «ኣሳይ ኪሪስቶሳ ዎቲ ‹ዳዊቴ ናዓ› ያጊኖ? \v 42-43 ጋሶቴይኔካ፥ ዳዊቴ ባሬ ሁጴው ማዚሙሬ ማፃፋ ጋርሳን፥ \q1 ‹ጎዳይ ታ ጎዳ፥ «ታኒ ኔ ሞርኬቱዋ \q2 ኔ ጌዲያፔ ጋርሳና ዴዓናዳን ኦና ጋካናው፥ \q1 ታ ኡሼቻን ኡታ» ጌዳ› \m ያጌዳ። \p \v 44 «ሲሚ ዳዊቴ ኪሪስቶሳ፥ ‹ጎዳ›፥ ጊዴ ፄሲያዋ ጊዶፔ፥ ዎቲ ኣው ናዓ ጊዳና ዳንዳዪ?» ያጌዳ። \s1 ሙሴ ሂጊያ ታማሪሲያዋንቱፔ ናጌታና ማላ፥ ዬሱሲ ሴሬዳ ሴራ \r (ማት 23፡1-36፤ ማር 12፡38-40) \p \v 45 ኣሳይ ኡባይ ሲሲሺን ባሬና ካሊያዋንቶ፥ \v 46 «ሙሴ ሂጊያ ታማሪሲያዋንቱፔ ናጌቲቴ፤ ኡንቱንቱካ፥ ኣዱሳ ቃሚሺያ ማዪዴ ዩያናው፥ ጌያይ ዴዒያሳን ቦንቾ ሳሮታ ኣካናው፥ ዎሲያ ጎሌን ቦንቾ ኦይዲያን ኡታናው፥ ሾቤቴዳሳን ቦንቾሳ ኮዪያዋንታ። \v 47 ሄዋንቱካ ኣምዓቱዋ ጎሊያ ካሎዪያዋንታ፤ ባሬንታ ቤሳናው ዎሳ ኣዱሲያዋንታ፤ ኡንቱንታ ኢታ ፒርዳይ ናጌ» ያጌዳ። \c 21 \s1 ኣምዓቲ ኢሞታ \r (ማር 12፡41-44) \p \v 1 ዬሱሲ ቁ ጊዴ ፄሊያ ዎዴ፥ ዱሬ ኣሳይ ጌሻ ጎሊያን ኢሞታ ሺሺያ ሚሻ ጊዶን ባሬንቶ ዴዒያዋፔ ኡንቱንቱ ዬጊያ ዎዴ ቤዔዳ። \v 2 ቃሲካ ኢቲ ሂዬሳ ኣምዔ ሚሺራታ ላዑ ሴምቤሪያ ሄዋን ዬጊያ ዎዴ ቤዒዴ፥ \v 3 «ታ ሂንቴው ቱሙዋ ጋይ፥ ሃ ሂዬሳ ኣምዔ ሚሺራታ፥ ኦፔኔ ዳሩዋ ኢማዱ። \v 4 ሃ ኣሳይ ኡባይ ባሬንቶ ፓላሆዋፔ ኢሜዲኖ፤ ሺን ኢዛ ባሬ ሂዬሳቴ ዎልቃን ባሬው ዴዒያዋ ኡባ ኢማዱ» ያጌዳ። \s1 ጌሻ ጎሊ ኮሌታናዋ ዬሱሲ ካሴቲዴ ኦዴዳ \r (ማት 24፡1-2፤ ማር 13፡1-2) \p \v 5 ኣ ካሊያዋንቱፔ ኢቱ ኢቱ፥ «ጌሻ ጎሊ ሎዖ ሹቻኒኔ ባላ ሺቁዋ ኢሞታን ሎዔዳዋ» ያጊ ሃሳዪያ ዎዴ ዬሱሲ፥ \v 6 «ሃዌ ሂንቴንቱ ቤዒያዌ ኡባይ ኮሌቴናን፥ ሹቻይ ሹቻ ቦላን ኬሌቲዴ ኣቴና ዎዲ ያናዋ» ያጌዳ። \v 7 ኡንቱንቱካ፥ «ታማሪሲያዎ፥ ሲሚ ሃዌ ሃናናዌ ኣዉዴ? ቃሲካ ሃዌ ሃናናው ማላይ ኣዬ?» ያጊዲ ኦቼዲኖ። \s1 ዬሱሲ ሜቱዋ ዎዲኔ ናሼቻ ዎዲ ያናዋ ኦዴዳ \r (ማት 24፡3-13፤ ማር 13፡3-13) \p \v 8 ኢካ፥ «ኦኒኔ ባሌናዳን ናጌቲቴ፤ ጮራ ኣሳይ፥ ‹ታኒ ኪሪስቶሳ› ያጊዴ ቃሲካ፥ ‹ዎዲ ማቴዳ› ያጊዴ ታ ሱንን ያናዋንታ፤ ሂንቴንቱ ቃሲ ኡንቱንታ ካሎፒቴ። \v 9 ኦላ ዬዉዋኔ ኣሳ ማካላባ ሲሲያ ዎዴ ዳጋሞፒቴ፤ ሃዌ ኮይሮ ሃናናው ቤሲያዋ ጊዶ ዲራፔ ኣቲን ዉርሴይ ቢራ» ያጌዳ። \p \v 10 ሄዋፔ ካሊዴ ኣሳው፥ «ኣሳይ ኣሳ ቦላ፥ ካዉቴይካ ካዉቴ ቦላ፥ ዴንዳናዋ፤ \v 11 ዎልቃማ ቢታ ቃይ ሃናናዋ፤ ኮሻይኔ ሃርጊ፥ ዱማ ዱማሳን ሜታናዋ፤ ያሺያ ዬዉኔ ኡባካ ዎልቃማ ማላታይ ሳሉዋፔ ሃናናዋ። \p \v 12 «ሃዌ ኡባይ ሃናናፔ ካሲያን ቃሲ ኣሳይ ሂንቴንታ ኦይቃናዋንታ፥ ሜቶናዋንታ፤ ሂኒ ኣዪሁዳቱዋ ዎሳ ጎሌ ኣሳው ኣ ኢማናዋንታ፤ ቃሾ ጎሌካ ጌሊሳናዋንታ፤ ካታቱዋ ሲንኒኔ ሞዲያዋንቱ ሲንን ሺሻናዋንታ፤ ሃዌ ኡባይ ታ ሱን ጋሱዋን ሂንቴንታ ጋካናዋ። \v 13 ሃዌካ ማርካታናው ሂንቴው ሎዖ ቃዳ ጊዳናዋ። \v 14 ሃዋ ጊዲያ ዲራው፥ ኣይ ዛሩዋ ኢማኔ ጊዴ ኮይሮቲዴ ሂንቴንቱ ኡንዔቴና ማላ ሃዋ ዎዛና ኣቴ። \v 15 ኤቄቲያዋንቱ ኡባይ፥ ኤቄታናዉኔ ላካናው ዳንዳዬና ቃላኔ ኣ ጪንጫቴ ታኒ ሂንቴንቶ ኢማና።\x - \xo 21:15 \xt ሉቅ 12፡11-12\x* \v 16 ሂንቴንታ ዬሌዳዋንቱኔ ሂንቴንቱ ኢሻቱ፥ ሂንቴንቱ ዳባቱኔ ሂንቴንቱ ላጌቱካ ኣቴናን ሂንቴንታ ኣ ኢማናዋንታ፤ ሂንቴንቱፔካ ኢቱዋ ኢቱዋ ዎናዋንታ። \v 17 ታ ሱን ዲራው ኣሳ ኡባ ማታን ኢፄቴዳዋንታ ጊዳኒታ። \v 18 ዬዉዋን ቃሲ ሂንቴንቱ ሁጲያ ቢናናፔካ ኢቲናኔ ባዩኩ። \v 19 ሚኒ ኤቂዴ ሂንቴንቱ ሼምፑዋ ኣሺታ። \s1 ዬሱሲ ዬሩሳላሜ ባዬባ ኦዴዳ \r (ማት 24፡15-21፤ ማር 13፡14-19) \p \v 20 «ዬሩሳላሜ ኦላ ኣሳን ዶዴቴዳ ዎዴ፥ ኢዚ ባዬይ ማቴዳዋ ኤሪቴ። \v 21 ሄ ዎዴ ዪሁዳን ዴዒያዋንቱ ዴሪያኮ ባቃቲኖ፤ ካታማን ዴዒያዋንቱ ቃይ ሄዋፔ ኬሲኖ፤ ባላጋሪያን ዴዒያዋንቱካ ያ ካታማኮ ጌሎፒኖ፤ \v 22 ፆሳ ቃላን ፃፌቴዳዌ ኡባይ ፖሌታናዳን ሃዌ ሃሉዋ ኬሲያ ዎዲያ። \x - \xo 21:22 \xt ሆስ 9፡7\x* \v 23 ቢታ ቦላን ዎልቃማ ሜቱ ሃናናዋ፤ ሃዒ ዴዒያ ኣሳ ቦላን ሃንቁ ያናዋ፤ ሄዋ ዲራው ሄዎዲያን ሻሃሮዋንቶኔ ንያዋንቶ ኣዬ! \v 24 ኣሳይ ኡባይ ማሻን ሃይቃናዋንታ፤ ፆሳ ኤሬና ጋዲያ ኡባቱካ ኦሞዱዋን ባናዋንታ፤ ዬሩሳላሜካ ኣዪሁዳ ጊዴናዋንቱ ዎዲ ፖሌታና ጋካናው፥ ኡንቱንቱን ዬቴዳዉኖ ጊዳናዉኑ። \s1 ኪሪስቶሳ ላዔ ዩሳ \r (ማት 24፡29-31፤ ማር 13፡24-27) \p \v 25 «ኣዋ፥ ኣጌናኒኔ ፆሊንቲያ ቦላ ማላታይ ሃናናዋ፤ ኣባፔኔ ቤታ ኮሻፔ ዴንዶ ጋሱዋን ቢታ ቦላን ዴዒያ ኣሳይ ኡባይ ኡንዔታናዋንታ፤ ሂርጋናዋንታ። \x - \xo 21:25 \xt ኢሳ 13፡10፤ ሂዝ 32፡7፤ ኢዩ 2፡31፤ ሳፅ 6፡12፣ 13\x* \v 26 ሳሉዋ ዎልቃይ ኡባይ ቃፂያ \f + \fr 21:26 \fq ሳሉዋ ዎልቃይ ኡባይ ቃፄ፡ \ft ሃዋ ጉሳይ፥ ቤኒ ዎዴ ኣሳይ፥ ሳሉዋን ዴዒያ ፆሊንቲ ኡባይ ኣያና ዎልቃና ዴዔ ጊዴ ቆፔ።\f* ዲራው ኣሳይ ያሻኒኔ ኣላሚያ ቦላ ኣዬ ያናዌሻ ያጊዴ ናጉዋን ዳቡራናዋንታ። \v 27 ሄ ዎዴ ኣሳ ናዓይ ዎልቃኒኔ ዎልቃማ ቦንቹዋን ሻሪያን ዪያ ዎዴ ቤዓናዋንታ። \x - \xo 21:27 \xt ዳን 7፡13፤ ሳፅ 1፡7\x* \v 28 ሂንቴንቱካ፥ ሃ ዬዉ ፖሌቱሳ ዶሚያ ዎዴ፥ ዎዙ ማቶ ዲራው ሲቲ ጊዴ ኤቂቴ፤ ፑዴ ቁ ጊዴ ፄሊቴ» ጌዳ። \s1 ባላሲያ ጌቴቲያ ሚ ሌሚሱዋ \r (ማት 24፡32-35፤ ማር 13፡28-31) \p \v 29 ካሊዴካ፥ ሃዋ ያጊ ሌሚሱዋ ኦዴዳ፥ «ዎዴንፔኔ ሃራ ሚ ኡባፔ ፄሊቴ፤ \v 30 ሃይይ ኣጪና ቤዒያ ዎዴ፥ ሄ ዎዴ ቦኒ ማቴዳዋ ሂንቴንቱ ኤሪታ። \v 31 ሄዋዳንካ ቃሲ ዬዋቱ ፖሌቲያዋ ቤዒያ ዎዴ፥ ፆሳ ካዉቴታ ማቴዳዉኖ ኤሪቴ። \p \v 32 «ታኒ ሂንቴው ቱሙዋ ጋይ፤ ሃዌ ኡባይ ፖሌታና ጋካናው ሃ ዬሌታይ ኣና። \v 33 ሳሉኔ ሳዓይ ኣና፤ ሺን ታ ቃላይ ኣና። \v 34 ሲሚ ዛዋይ ባይና ዴዑዋን፥ ኡሻ ዳሩዋኔ ዴዑዋባን ኡንዔቲሺን ሂንቴንቱ ዎዛናይ ሌፔናዳኒኔ ሄ ጋላሳይ ጲሪያዳን ቆፔናን ሂንቴና ጋኬናዳን ናጌቲቴ፤ \v 35 ሃዌ ቢታ ኡባን ዴዒያዋንቱ ኡባቱዋ ቦላን ጋካናዋ። \v 36 ሲሚ ዪያ ኢታባ ኡባፔ ሂንቴንቱ ኣታናዳኒኔ ኣሳ ናዓ ሲንንካ ኤቃናው ዳንዳያና ማላ፥ ኡባ ዎዴ ሚኒ ዎሲቴ» ያጌዳ። \p \v 37 ዬሱሲ ጋላሲ ጋላሲ ጌሻ ጎሊያን ታማሪሲዴ፥ ቃማ ቃማ ዴብሬ ዛይቴ ያጌቲያ ዴሪያኮ ኬሲዴ ኣቄ። \v 38 ኣሳይ ኡባይ ኣ ሲሳናው ጉራን ያ ጌሻ ጎሊያ ኣኮ ዪኖ። \c 22 \s1 ኪሪስቶሳ ዎናው ማቄቴዲኖ \r (ማት 26፡1-5፤ ማር 14፡1-2፤ ዮህ 11፡45-53) \p \v 1 ፓሲጋ ጌቴቲያ ማጋጌ ኡኪ ሚያ ባላይ ማቴዳ። \x - \xo 22:1 \xt ኬስ 12፡1-27\x* \v 2 ቄሳቱዋ ካፓቱኔ ሙሴ ሂጊያ ፃፊያዋንቱ ዬሱሳ ዎቲ ዎኔንቶ፥ ዎያ ኦጊያ ጌማን ኮዪኖ፤ ሺን ኣሳው ያዪኖ። \v 3 ፃላሂካ ታማኔ ላዑ ካሊያዋንቱፔ ኢቱዋ ጊዴዳ ኣስቆሮቱ ዪሁዳን ጌሌዳ። \v 4 ኢካ ቢዴ፥ ዬሱሳ ዎቲ ኣ ኢማኔንቶ ቄሳቱዋ ካፓቱዋናኔ ጌሻ ጎሊያ ናጊያዋንቱ ካፓቱዋና ኢቲፔ ሃሳዬዳ። \v 5 ኡንቱንቱካ ናሼቲዴ፥ ሚሻካ ዪሁዳው ኢማናው ዉሌቴዲኖ። \v 6 ኢካ ኤኖ ጌዳ፤ ኣሳይ ባይና ሳን ዬሱሳ ኣ ኢማናው ኢንጄቲያ ዎዲያ ኮዬ። \s1 ዬሱሲ ኣዪሁዳቱዋ ፓሲጋ ማናው ጊጌቴዳ \r (ማት 26፡17-25፤ ማር 14፡12-21፤ ዮህ 13፡21-30) \p \v 7 ማጋጌ ኡኪ ሚያ ባላ ቦንቺያ ዎዲ ጋኬዳ፤ ሄ ዎዲካ ፓሲጋው ዶርሳ ሹካናው ቤሲያ ዎዲያ። \v 8 ዬሱሲ ጴፂሮሳኔ ዮሃኒሳ፥ «ፓሲጋ ቁማ ኑኒ ማናዳን ቢዴ ጊጊሲቴ» ጊዴ ኪቴዳ። \p \v 9 ኡንቱንቱካ ዛሪዴ፥ «ሃቃን ጊጊሳናዳን ኮያይ?» ያጊ ኦቼዲኖ። \v 10 ኢካ፥ «ሂንቴንቱ፥ ካታማ ጌሊያ ዎዴ ኦቱዋና ሃ ቶኬዳ ቢታኒ \f + \fr 22:10 \fq ሃ ቶኬዳ ቢታኒ፡ \ft ሄ ዎዴ ሄ ጋዴን ኣሳ ጎሌን ኪቴቲያ ኣቱማ ቆማይ ሃ ቶኮፔ፥ ሄ ጎሊ ዱሬ ጊዲያዋ ቤሴ።\f* ሂንቴንቱና ጋኬታናዋ፤ ኢ ጌሊያ ጎሊያ ኣ ካሊዴ ጌሊቴ፤ \v 11 ሄ ጎሊያዋካ፥ ‹ታማሪሲያዌ ኔና፥ «ታኒ፥ ታና ካሊያዋንቱና ኢቲፔ ፓሲጋ ቁማ ሚያ ኢማ ኪፊሊ ሃቃ ባጋና ዴዒ?» ያጌ› ጊቴ። \v 12 ሄ ቢታኒካ ፖቂያ ቦላን ዴዒያ ሂፄቲ ኡቴዳ ኣኮ ኪፊሊያ ሂንቴንታ ቤሳናዋ፤ ሄዋኒካ ሳዓ ጊጊሲቴ» ያጌዳ። \p \v 13 ኡንቱንቱ ቢዴ፥ ዬሱሲ ጎዋዳንካ ቢታኒያ ዴሚዴ ፓሲጋ ቁማ ጊጊሴዲኖ። \v 14 ፓሲጋ ቁማይ ሜቴቲያ ሳቲ ጋኮ ዎዴ፥ ታማኔ ላዑ ኪቴቶዋንቱና ኢቲፔ ቁማ ማናው ኡቴዳ። \v 15 ኢካ፥ «ታና ሜቱ ጋካናፔ ካሲያን ሂንቴንቱና ሃ ፓሲጋ ቁማ ማናው ዳሮ ኣሞታዴ ዴዓይ። \v 16 ኣዪሲ ጎፔ፥ ታ ሂንቴው ኦዲያዌ፥ ሃዌ ፆሳ ካዉቴን ፖሌታና ጋካናው፥ ታኒ ላዔዋ ሃዋፔ ሚኬ» ያጌዳ። \p \v 17 ፁዓ ኣኪዴ፥ ፆሳ ጋላቲዴ፥ «ሃዋ ሄይቴ፥ ሂንቴንቱ ጊዱዋን ጊሼቲ ኡሺቴ። \v 18 ኣዪሲ ጎፔ፥ ታ ሂንቴንቶ ያጋይ፥ ፆሳ ካዉቴይ ያና ጋካናው፥ ሃቼፔ ዶማዴ ዎዪኒያ ኤሳ ኡሺኬ» ያጌዳ። \p \v 19 ቃሲ ማጋጌ ኡኪ ኣኪዴ፥ ፆሳ ጋላቴዳ፤ ሄ ኡኪ ሜን ኡንቱንቶ ኢሚዴ፥ «ሃዌ ሂንቴንቶ ኢሜቲያዌ ታ ኣሹዋ፤ ሃዋን ታና ቆፓና ማላ ሃዋ ሚቴ» ያጌዳ። \v 20 ካዉዋ ሞዋፔ ጉዪያን፥ ካሴዋዳን ፁዓ ዴን ኡንቱንቶ ኢሚዴ፥ ሃዋዳን ያጌዳ፡ «ሃ ፁዓይ፥ ታ ሂንቴንቱ ዲራው ጉሲያ ታ ሱ ቆፔያ ኦራ ጫቁዋ። \x - \xo 22:20 \xt ማት 26፡26-28፤ ማር 14፡22-24፤ 1ቆር 11፡23-25\x* \v 21 ሺን ቤዒቴ፥ ታና ኣ ኢማናው ዴዒያ ቢታኒ ጋዪታን ታናና ኢቲፔ ሜ። \v 22 ኣያው ጎፔ፥ ታኒ ኣሳ ናዓይ ፆሳይ ጎዋዳን ባይ፤ ሺን ታና ኣዴ ኢሚያ ኡራው ኣው ኣዬ» ያጌዳ። \v 23 ኡንቱንቱ ጊዶፔ ሄዋ ኦናው ዴዒያዌ ኦና ጊዳኔንቶ፥ ባሬንቱ ጊዶን ኦሻ ዶሜዲኖ። \s1 ኡባፔ ኣያዌ ኦኔ? ያጊያ ኦሻ \p \v 24 ቃሲ ባሬንቱ ጊዶፔ ኦኒ ኣንቶ ያጌቲያ ፓሉማይ ኡንቱንቱ ጊዶን ኬሴዳ። \v 25 ዬሱሲ ኡንቱንታ ያጌዳ፡ «ሃ ኣላሚያ ሞዲያዋንቱ ባሬንቱ ኣሳ ቦላ ጎዳቲኖ፤ ኡንቱንታ ሞዲያዋንቱ ኬካቱዋ ጌቴቲኖ። \v 26 ሺን ሂንቴንቱ ሃዋዳን ሃኖፒቴ፤ ዬዉዋን ቃሲ ሂንቴንቱፔ ቃ ጊዴዳዌ ሂንቴ ኡባፔ ጉፂያዋ፤ ሂንቴንታ ሞዲያዌካ፥ ሂንቴንቶ ቆማዳን ሃኖ። \x - \xo 22:26 \xt ማት 23፡11፤ ማር 9፡35\x* \p \v 27 «ቁማ ማናው ኡቴዳዋፔኔ ቁማ ኣሳው ኣያዋፔኔ ኦኒ ቦንቼቲ? ቁማ ማናው ኡቴዳዋ ጊዴኔ? ታኒ ቃሲ ሂንቴንቱ ጊዶን ቁማ ኣያ ቆማ ማላ። \v 28 ቃሲ ታኒ ፓጬቲያ ዎዲያን ሂንቴንቱ ታናና ኢቲፔ ሚኒ ኤቄዳዋንታ። \v 29-30 ኣ ካዉቴ ኦይዲያን ኡታና ማላ ታ ኣቡ ታና ሱንዋዳን፥ ታኒ ቃሲ ታ ካዉቴን ታ ጋይታፔ ማናዳኒኔ ኡሻናዳን፥ ታማኔ ላዑ ኢስራዔሊያ ያራቱዋ ቦላ ፒርዲዴ፥ ካዉቴ ኦይዲያን ኡታና ማላ ሂንቴንታ ሱንዲ» ያጌዳ። \s1 ጴፂሮሲ ካዳናዋ ዬሱሲ ካሴቲዴ ኦዴዳ \r (ማት 26፡31-35፤ ማር 14፡27-31፤ ዮህ 13፡36-38) \p \v 31 ጎዳይ፥ «ሲሞና፥ ሲሞና፥ ታኒ ኦዲያዋ ሲሳ፤ ፃላሂ ሂንቴንታ ኣሳይ ዛርጋ ሃልዒያዋዳን፥ ሃልዓናው ፆሳ ዎሴዳ። \v 32 ሺን ታኒ ኔ ኣማኑ ባዬናዳን ኔ ዲራው ጋናታዲ። ኔኒ ታኮ ሲሚያ ዎዴ ኔ ኢሻቱዋ ሚኒሳ» ያጌዳ። \v 33 ሲሞኒ ዛሪዴ፥ «ጎዳው፥ ታኒ ኔናና ቃሼታናዉኔ ኔናና ኢቲፔ ሃይቃናው ጊጋ ኡታዲ» ያጌዳ። \p \v 34 ዬሱሲ ቃሲ፥ «ጴፂሮሳ፥ ታኒ ኔው ያጋይ፤ ሃቼ ቢላሂያን፥ ኩቱ ዋሳናሲ ሄዙ ጌዴ ታና ኔኒ፥ ‹ኣ ታኒ ኤሪኬ› ጋዴ ካዳናሳ» ያጌዳ። \v 35 ዬሱሲ ባሬና ካሊያዋንቶ፥ «ኮሮጁ፥ ቃርጪቲኔ ጫማይ ባንታን ታኒ ሂንቴንታ ኪቶ ዎዴ፥ ሂንቴንቶ ኢቲባይ ፓጮዌ ዴዒ?» ያጌዳ። \p ኡንቱንቱካ፥ «ኢቲ ባይኔ ኑሲ ፓጪ ቤና» ያጌዲኖ።\x - \xo 22:35 \xt ማት 10፡9፣ 10፤ ማር 6፡8፣ 9፤ ሉቅ 9፡3፤ 10፡4\x* \p \v 36 ኢካ ዛሪዴ፥ «ሃዒ ቃሲ ኮሮጁ ዴዒያዌ ኣኪ ቦ፤ ቃርጪቲ ዴዒያዌካ ሄዋዳን ኡዶ፤ ባይናዌ ቃይ ባሬ ማዩዋ ዛሊዒዴ ማሻ ሻሞ። \v 37 ኣያው ጎፔ ታ ሂንቴው ያጋይ፥ ‹ሃዌ ማካላንቻቱና ኢቲፔ ፓይዴቴዳ› ያጌቲ ፆሳ ማፃፋን ፃፌቴዳዌ፥ ታናን ፖሌቴናን ኣቴና። ኤ፥ ታው ጌቴቴዳዌ ሃዒ ፖሌታናዋ» ያጌዳ። \x - \xo 22:37 \xt ኢሳ 53፡12\x* \p \v 38 ኣ ካሊያዋንቱ፥ «ጎዳው፥ ሃዋን ላዑ ማሻይ ዴዔ» ያጊና ኢካ፥ «ሄዌ ጊዳናዋ» ያጌዳ። \s1 ዬሱሲ ዴብሬ ዛይቴ ዴሪያን ዎሴዳ \r (ማት 26፡36-40፤ ማር 14፡32-42) \p \v 39 ዬሱሲ ካታማፔ ኬሲዴ፥ ሃራ ጋላሲ ቢያዋዳንካ ዴብሬ ዛይቴ ቤዳ። ቃሲ ኣ ካሊያዋንቱካ ኣ ጌዱዋ ቤዲኖ። \v 40 ሄ ሳዓ ጋኪዴ፥ «ፓጪያን ሂንቴንቱ ጌሌናን ኣታና ማላ፥ ዎሲቴ» ያጌዳ። \v 41 ሹቻ ኦሊና ጋኪያሳ ኬና ኡንቱንቱፔ ሃኪ ቤዳ። ጉልባቲዴ፥ \v 42 «ታ ኣቦ፥ ኔኒ ኮዪያዋ ጊዶፔ፥ ሃ ሜቱዋ ፁዓ ታፔ ዲጋ፤ ሺን ታ ሼኔ ጊዶፖ፤ ኔ ሼኔ ጊዶፔ ኣቲን» ያጊዴ ዎሴዳ። \v 43 ሳሉዋፔ ዪዴ ሚኒሲያ ኪታንቻይ ኣው ቤቴዳ። \v 44 ባሬ ዎዛና ጊዶን ሴሌቲዴ፥ ዳሪ ዎሴዳ። ኢ ጫዎቲያ ጫዉካ ሳዓ ቦላን ፆኪያ ሱ ማላቴዳ። \p \v 45 ዎሳፔ ዴንዲዴ፥ ባሬና ካሊያዋንቱኮ ጉዬ ቢዴ፥ ኡንቱንቱ ዳሮፔ ቃሬቴዳ ዲራው፥ ዳቡሪዴ ጌሚዒሾዋንታ ፄሊዴ፥ \v 46 «ኣያው ጌሚዒሺቴ? ፓጪያን ጌሌናዳን ዴንዲ ዎሲቴ» ያጌዳ። \s1 ዬሱሲ ባሬ ሞርኬቱዋ ኩሺያን ኦይቄቴዳ \r (ማት 26፡47-56፤ ማር 14፡43-50፤ ዮህ 18፡3-11) \p \v 47 ዬሱሲ ሄዋ ሃሳይ ዴዒሺን፥ ጮራ ኣሳይ ዬዲኖ። ታማኔ ላዑ ኣ ካሊያዋንቱፔ ኢቱዋ ጊዴዳ ዪሁዳ ጌቴቲያዌ ሄ ኣሳ ካሌዴ ዬራናው ዬሱሳኮ ሺቄዳ። \v 48 ዬሱሲ ቃይ፥ «ዪሁዳው፥ ኔኒ ታና ኣሳ ናዓ ዬራዴ ኣ ኢማይ?» ያጌዳ። \p \v 49 ኣ ዩሹዋን ዴዒያ ኣ ካሊያዋንቱ ሃኔቲያ ዬዉዋ ቤዖ ዎዴ ኣ፥ «ጎዳው፥ ሃ ኣሳ ኑኒ ማሻን ቃንፃኔ?» ያጌዲኖ። \v 50 ኡንቱንቱፔ ኢቱ፥ ቄሳቱዋ ኡባቱዋ ካፑዋ ቆማ ሾጪዴ፥ ኣ ኡሼቻ ሃይ ቃንፂ ኦሌዳ። \p \v 51 ዬሱሲ ቃይ ዛሪዴ፥ «ኣጊቴ፥ ባሺቴ» ያጌዳ። ቢታኒያ ሃይካ ቦቺዴ ፓዳ። \v 52 ዬሱሲካ ባሬኮ ዬዳ ቄሳቱዋ ካፓቶ፥ ጌሻ ጎሊያ ናጊያዋንቶ፥ ሱንቱዋሲኔ ጋዲያ ጪማቶ፥ «ፓኑዋ ኦይቂያዋዳን ማሻኔ ፃምዓ ኦይቂዴ ዪቴ? \v 53 ጌሻ ጎሊያን ታኒ ጋላሳን፥ ጋላሳን ሂንቴንቱና ዴዒያ ዎዴ፥ ታና ኦይቂቤይኪታ፤ ሺን ሃዒ ሃዌ ሂንቴንቱ ዎዴኔ ማ ዎልቃ ዎዴ» ያጌዳ። \s1 ጴፂሮሲ ዬሱሳ ካዴዳ \r (ማት 26፡57-58፣ 69-72፤ ማር 14፡53-54፣ 66-72፤ ዮህ 18፡12-18፣ 25-27) \p \v 54 ዬሱሳ ኦይቂ ቃቺዴ፥ ቄሳቱዋ ኡባ ካፑዋ ጎሌ ኣፊዴ ጌሊሴዲኖ። ጴፂሮሲካ ኡንቱንቱፔ ጉዬ ሃኩዋን ኡንቱንቱ ጌዱዋ ካሌ። \v 55 ዲርሳ ጊዶን ታማ ኤዴ፥ ኢቲፔ ኡቲ ዴዒሺን፥ ጴፂሮሲ ኡንቱንቱ ጊዶን ዪዴ ኡቲ ኣጌዳ። \v 56 ታማይ ፖዒያ ባጋና ጴፂሮሲ ኡቲዴ ዴዒሺን፥ ኢቲ ኣሺካራታ ሎይ ፄላዴ፥ «ሃዌካ ኣናና ኢቲፔ ዴዔ» ያጋዱ። \p \v 57 ጴፂሮሲ ቃይ፥ «ሃኔ ሚሺራቴ፥ ታኒ ኣ ኤሪኬ» ያጊ ካዴዳ። \v 58 ጉ ዎዲያፔ ጉዪያን፥ ሃራ ቢታኒ ጴፂሮሳ ቤዒዴ፥ «ኔኒ ኡንቱንቱና ጋ ዴዓ» ያጊና፤ \p ጴፂሮሲ ቃሲ፥ «ሃዎ ቢታኔው፥ ታኒ ኣናና ጋ ዴዒኬ» ያጌዳ። \p \v 59 ኢቲ ሳቴ ጊዲያዋ ጋሚዒዴ ሃራ ቢታኒ ቆንጪሲዴ፥ «ኢ ጋሊላ ጋዴ ኣሳ ጊዲያ ዲራው፥ ሃ ቢታኒ ኣናና ኢቲፔ ዴዒያዌ ቱማ» ያጌዳ። \v 60 ጴፂሮሲ ቃሲ፥ «ሃ ቢታኔው፥ ኔኒ ጊያዌ ኣዬንቶ ታኒ ኤሪኬ» ያጌዳ። ሄ ዎዲያን ኢ ቢሮካ ሃሳይ ዴዒሺን፥ ኤሌካ ኩቱ ዋሲ ኣጌዳ። \v 61 ጎዳይ ጉዬ ሲሚዴ፥ ጴፂሮሳ ፄሌዳ። ጴፂሮሲ ጎዳይ ባሬና፥ «ሃቼ ኩቱ ዋሳና ጋካናው፥ ሄዙ ጌዴ ታና ካዳናሳ» ጌዳ ጎዳ ቃላይ ኣው ቆፌቲ ኣጌዳ። \v 62 ጴፂሮሲ ዲርሳፔ ካሬ ኬሲዴ፥ ሴሌቲዴ ዬኬዳ። \p \v 63 ዬሱሳ ኦይቄዳ ኣሳይ ቂሊጪኖኔ ሾጪኖ። \v 64 ኣ ኣይፊያ ጎዚ ባቂዴ፥ «ኔና ባቄዳዌ ኦኔ? ናቢያ ጊዶፔ ኔና ዴቻዋ ኣኔ ኦዳ» ያጊዴ ኣ ኦቼዲኖ። \v 65 ቃሲ ኣ ሃራ ጮራ ቦሪያ ቦሬዲኖ። \s1 ዬሱሳ ፒርዳው ኣፌዲኖ \r (ማት 26፡59-66፤ ማር 14፡55-64፤ ዮህ 18፡19-24) \p \v 66 ሳዓይ ዎንቲና ጋዲያ ጪማ ኣሳቱ፥ ቄሳቱዋ ካፓቱኔ ሙሴ ሂጊያ ታማሪሲያዋንቱ፥ ዬሱሳ ባሬንቱ ሺቄዳሳ ኣፊዴ፥ \v 67 «ኪሪስቶሲ ኔኔ? ኣኔ ኑ ኦዳ» ያጌዲኖ። \p ሺን ኢ፥ «ታኒ ሂንቴንቶ ኦዶፔ ታና ኣማኒኪታ፤ \v 68 ቃሲ ሂንቴንታ ታኒ ኦቾፔ ኦዲኪታ፤ ዎይ ቃሹዋፔ ታና ቢሊኪታ። \v 69 ሺን ሃ ሳቲያፔ ዶሚን ታኒ ኣሳ ናዓይ፥ ሃዒፔ ዶማዴ፥ ዎልቃማ ፆሳ ኡሼቻ ባጋና ኡታና» ያጌዳ። \p \v 70 ኡንቱንቱ ኡባይ ዬሱሳ፥ «ያቲና ኔኒ ፆሳ ናዔ?» ያጌዲኖ። \p ኢካ ዛሪዴ፥ «ታኒ ፆሳ ናዓ ጊዶዋ ሂንቴንቱ ሃሳዬዲታ» ያጌዳ። \v 71 ኡንቱንቱካ፥ «ኑኒ ኑ ሁጴው ኣ ዶናፔ ሲሴዶ፤ ሃዋፔ ሲንው ኣይ ማርካ ኮሺ?» ያጌዲኖ። \c 23 \s1 ጲላፆሲ ዬሱሳ ኦቼዳ \r (ማት 27፡1፣ 2፣ 11-14፤ ማር 15፡1-5፤ ዮህ 18፡28-38) \p \v 1 ሄዋን ሺቄዳ ኡባቱካ ኢቲፔ ዴንዲዴ፥ ዬሱሳ ጲላፆሳኮ ኣፌዲኖ። \v 2 ኡንቱንቱካ፥ «ሃቢታኒ ኑ ኣሳ ባሌዴ፥ ኣሳይ ሮሜ ቢታ ካዉዋ ቄሳራው ጊራ ኢሜና ማላ ዲጊዴ፥ ቃሲ፥ ‹ታኒ ካቲያ› ያጊሺን ዴሜዶ» ያጊዴ ሞቱዋ ዶሜዲኖ። \p \v 3 ጲላፆሲካ ዬሱሳ፥ «ሃዎ፥ ኣዪሁዳቱዋ ካቲ ኔኔ?» ያጊዴ ኦቼዳ። \p ዬሱሲ ዛሪዴ ኣ፥ «ኔኒ ጋ ዴዓሳ» ያጌዳ። \v 4 ጲላፆሲ ቄሳቱዋ ካፓቱዋሲኔ ኣሳሲ ኦዲዴ፥ «ታኒ ሃ ቢታኒያ ቦላን ኣይኔ ኢታ ኦሱዋ ዴማ ቤይኬ» ያጌዳ። \p \v 5 ጊዶፔ ኣቲን ኡንቱንቱ፥ «ሃ ቢታኒ ጋሊላፔ ዶሚዴ፥ ሃራይ ኣቶ ሃዋ ጋካናዉካ፥ ዪሁዳ ጋዲያ ኡባ ባሬ ቲሚርቲያን ቃዴ ዴዔ» ያጊዴ ሚኒሲ ኦዴዲኖ። \s1 ዬሱሲ ሄሮዲሳ ሲን ሺቄዳ \p \v 6 ጲላፆሲካ ሃዋ ሲሲዴ፥ «ኢ ጋሊላ ኣሴ?» ያጊዴ ኤራናው ኦቼዳ። \v 7 ጲላፆሲ ሄሮዲሴ ሞዲያ ጋዲያፔ ዬሱሲ ዬዳዋ ኤሬዳ ዎዴ፥ ሄሮዲሴካ ቃይ ሄዎዲያን ዬሩሳላሜን ዴዒያ ዲራው፥ ኣኮ ዬሱሳ ዬዴዳ። \p \v 8 ሄሮዲሴ ዳሮ ዎዲያፔ ዶሚዴ ዬሱሳ ቤዓናው ኣሞቲ ዴዒያ ዲራው፥ ኣ ቤዔዳ ዎዴ ዳሮፔ ናሼቴዳ። ዬሱሳ ዋሪያ ሲሴዳዋ ዲራው፥ ኢ ኦራባ ኦሺን ቤዓናው ሂዶታን ጋሚዔዳ። \v 9 ሄሮዲሴ ዬሱሳ ዳሮባ ኦቼዳ፤ ሺን ዬሱሲ ኣው ኣያኔ ዛሪቤና። \v 10 ቄሳቱዋ ካፓቱኔ ሙሴ ሂጊያ ታማሪሲያዋንቱ ሄዋን ኤቂዴ፥ ዬሱሳ ሎይ ሞቲዴ ዴዒኖ። \v 11 ሄሮዲሴኔ ኣ ዎታዳራቱ ዬሱሳ ካዴ፥ ኣ ቦላ ቂሊጬዲኖ። ቦንቼቴዳ ማዩዋ ኣ ማዪዚዴ፥ ጲላፆሳኮ ዛሪዴ ዬዴዲኖ። \v 12 ሄሮዲሴኔ ጲላፆሲ ሃዋፔ ካሴና ሞርኪያን ዴዒኖ፤ ሺን ሄ ጋላሲ ሲጌቴዲኖ። \s1 ዬሱሳ ሃይቃና ማላ ሞቴዲኖ \r (ማት 27፡15-26፤ ማር 15፡6-15፤ ዮህ 18፡39-19፡16) \p \v 13 ጲላፆሲ ቄሳቱዋ ካፓቱዋ፥ ኣዪሲያዋንታኔ ሃራ ጮራ ኣሳ ኢቲፔ ፄሲዴ፥ \v 14 ሃዋዳን ያጌዳ፥ « ‹ሃ ቢታኒ ኣሳ ማካላቴው ዴን›፥ ያጊዴ ታኮ ኣሄዲታ፤ ታካ ሂንቴንቱ ሲንን ቢዳ ፄላዴ፥ ሂንቴንቱ ሺሼዳ ሞቱዋን ኢቲ ባላኔ ኣ ቦላን ዴማ ቤይኬ። \v 15 ቃሲ ሄሮዲሴካ ኣ ቦላን ኣይኔ ዴሚቤና ዲራው፥ ሃ ኑኮ ዛሪ ዬዴዳ፤ ሂንቴንቱ ቤዒያዋዳንካ፥ ሃቢታኒ ኣ ሃይቆ ጋያባ ኣይኔ ኡዲቤና። \v 16 ሃዋ ዲራው ታኒ ኣ ሙራዴ ቢላና» ያጌዳ። \v 17 \f + \fr 23:17 \fq ሃ ፓይዱ፥ \ft «ጲላፆሳው ፓሲጋ ባላ ቦንቹዋ ጋላሳን ኢቲ ኡራ ቃሹዋፔ ቢሊያ ዶያይ ዴዔ» ያጌ። ሺን፥ ዳውሮዋ ጌሻ ማፃፋ ኦራ ጫቁዋ ጊዱዋን ሃ ፓይዱ ፃፌቲ ቤና ጋሱ፥ ሃራ ጌሻ ማፃፋቱዋ ቢሌቱዋን ኡባቱዋንካ ፃፌቲ ቤና ዲራሳ።\f* \p \v 18 ኣሳይ ኡባይ ኢቲፔ ጊዲዴ፥ «ሃ ቢታኒያ ያ ዲጋ! ባርባና ጊያ ዬሱሳ ኑሲ ቢላ!» ያጊዴ ጫቦቴዲኖ። \v 19 ባርባን ካታማን ዋላሳ ዴንዴ፥ ኣሳ ዎዳ ዲራው፥ ቃሼቴዳዋ። \p \v 20 ጲላፆሲ ዬሱሳ ቢላናው ኮዪዴ፥ ኣሳው ላዔዋ ጉጂዴ ሃሳዬዳ። \v 21 ሺን ኡንቱንቱ፥ «ማስቃሊያ ቦላ ሚሲማሪያን ሻዴ ካቃ! ካቃ!» ያጊ ዋሴዲኖ። \p \v 22 ጲላፆሲካ ሄዜንዋ ኡንቱንታ፥ «ኣያው? ሃቢታኒ ኦዳ ኢታ ኦሱ ኣዬ? ታኒ ኣ ሃይቆ ጋያ ናቁዋ ኣይኔ ኣፔ ዴማቤይኬ፤ ሃዋ ዲራው፥ ኣ ሙራዴ ቢላ ዬዳና» ያጌዳ። \v 23 ሺን ኡንቱንቱ ባሬንቱ ኮሻ ቁ ኦዴ፥ ካቄታናዳን ዳሪ ዋሴዲኖ። ኡንቱንቱ ዋሱካ ጲላፆሳ ቆፋ ላሜዳ። \v 24 ሃዋ ዲራው፥ ጲላፆሲካ ኡንቱንቱ ኦሻይ ሲማናዳን ዬሱሳ ቦላን ፒርዴዳ። \v 25 ኣሳ ማካላው ዴንዴኔ ሼምፑዋ ዎዴ፥ ቃሼቴዳ ቢታኒያ ቢሌታናዳን ኡንቱንቱ ዎሶ ዲራው፥ ሄ ቢታኒያ ቢሌዳ። ሺን ዬሱሳ ባሬንቱ ሼኒያዳን ኮዮዋ ኦና ማላ፥ ኣ ኢሜዳ። \s1 ዬሱሲ ማስቃሊያን ካቄቴዳ \r (ማት 27፡31-44፤ ማር 15፡21-32፤ ዮህ 19፡17-27) \p \v 26 ዬሱሳ ኦይቂ ኣፊዴ ዴዒሺን፥ ሲሞና ጌቴቲያ ቄሬና ቢታኒ ሄራፔ ዪዴ ዴዒሺን ዴሚዴ፥ ማስቃሊያ ቶሲዴ ዬሱሳና ባና ማላ ኡዴዲኖ። \v 27 ዳሮ ጮራ ኣሳይኔ ዬኪያ ማጫዋንቱ ጉዬና ካሊኖ። \v 28 ዬሱሲ ጉዬ ሲሚዴ ኡንቱንቶ፥ «ሂንቴኖ፥ ዬሩሳላሜ ማጫዋንቶ፥ ሂንቴንቱ ሁጴዉኔ ሂንቴንቱ ናናው ዬኪቴፔ ኣቲን፥ ታው ዬኮፒቴ፤ \v 29 ‹ማን ጊዴዳዋንቱኔ ዬሊቤና ኡሉ፥ ንቤና ንይ፥ ኣንጄቴዳዋንታ› ጌቴቲያ ዎዲ ያናዋ። \v 30 ሄ ዎዲያን፥ ‹ዞዛቶ፥ ኑ ቦላ ዎዲቴ፤ ዙኩላቱዋካ፥ ኑና ቆሲቴ› ያጋኒታ። \x - \xo 23:30 \xt ሆስ 10፡8፤ ሳፅ 6፡16\x* \v 31 ሲሚ ቃዬ ሚን ሃዋዳን ሃኖፔ፥ ሜላ ሚን ዋናናዌ?» ያጌዳ። \p \v 32 ዬሱሳና ኢቲፔ ካቄታና ማላ፥ ኢታ ኦሱዋ ኦዳ ሃራ ላዑ ኣሳቱዋካ ኣፌዲኖ። \v 33 ቄራኔው ጌቴቲያሳ ጋኬዳ ዎዲያን፥ ዬሱሳ ካቄዲኖ። ኢታ ኦዋንታካ፥ ኢቱዋ ኡሼቻና፥ ዮኩዋ ሃዲርሳና ካቄዲኖ። \p \v 34 ዬሱሲ፥ «ታ ኣቦ፥ ኡንቱንቱ ባሬንቱ ኦያዋ ኤሬና ዲራው፥ ኡንቱንቱ ናጋራ ኣቶ ጋ» ያጌዳ። \p ኡንቱንቱካ ኣ ማዩዋ ሳማ ዬጌቲዴ ጊሼቲ ኣኬዲኖ። \v 35 ኣሳይ ኤቂ ፄሊሺን፥ ጋዲያ ሞዲያዋንቱ፥ «ሃራንታ ኣሼ፤ ፆሳን ዶሬቴዳ ኪሪስቶሲ ኣ ጊዶፔ፥ ኣኔ ባሬ ሁጲያ ኣሼኔ?» ያጊዴ ቂሊጬዲኖ። \p \v 36 ቃሲ ዎታዳራቱካ ሺቂዴ ቂሊጬዲኖ፤ ጫሜዳ ዎዪኒያ ኤሳ ኣው ኣሂ ኢሚዴ፥ \v 37 «ሃዎ፥ ኔኒ ኣዪሁዳ ካቲያ ጊዶፔ፥ ኔ ሁጲያ ኣሻ!» ያጌዲኖ። \p \v 38 ሁጲሳናካ፥ «ሃዌ ኣዪሁዳ ካቲያ» ያጊያ ፃፉዋ ፃፌዲኖ። \v 39 ኢታ ኦዴ ካቄቴዳዋንቱፔ ኢቱ፥ ቦሪዲኔ ቶቺዴ፥ «ሃዎ ኔኒ ኪሪስቶሳ ጊዲኪ? ኣኔ ኣ ጊዶፔ፥ ኔ ሁጲያኔ ኑና ኣሻ» ያጌዳ። \p \v 40 ዮኩ ቃይ ኣ፥ «ኔኒ ሃዋ ማላቲያ ፒርዳ ቦላ ዴዓዴካ ፆሳው ያዪኪ? \v 41 ኑኒ ኪቴቴዳ ባላን ሙራ ኣኪዴ ዴዔቶ፤ ኑሲ ቤሲያ ሙራ ቦላን ዴዔቶ፤ ሺን ሃ ቢታኒ ኢቲ ኢታባኔ ኦቤና» ያጊ ዛሬዳ። \p \v 42 ኢ ዬሱሳ፥ «ኔኒ ኔ ካዉቴ ዎልቃን ዪያ ዎዴ፥ ታና ቆፓ» ያጌዳ። \v 43 ዬሱሲካ፥ «ታኒ ኔው ቱሙዋ ኦዳይ፥ ሃቼ ታናና ኢቲፔ ጋናቲያን ዴዓናሳ» ያጌዳ። \s1 ዬሱሳ ሃይቁዋ \r (ማት 27፡45-56፤ ማር 15፡33-41፤ ዮህ 19፡28-30) \p \v 44 ሄ ዎዴ ኡሱፑን ሳቴ ጊዲያ ኬና፤ ሄዋፔ ኡዱፑ ሳቲያ ጋካናው፥ ቢታ ኡባ ቦላን ማ ጊዴዳ። \v 45 ኣዋይካ ባሬ ፖዑዋ ዲጌዳ፤ ጌሻ ጎሊያ ጋሪዱካ ፔቲዴ ላዑዋ ኬሴዳ። \v 46 ዬሱሲካ ዳሮ ቁ ጌዳ ቃላን ዋሲዴ፥ «ታ ኣቦ፥ ታኒ ታ ሼምፑዋ ኔ ኩሺያን ኣ ኢማይ!» ያጊ ሲሞዋፔ ጉዪያን ኢ ሃይቄዳ። \p \v 47 ፄቱዋ ካፑ ሃኔዳ ዬዉዋ ቤዔዳ ዎዴ፥ «ሃ ቢታኒ ቱማካ ፂሎ ኣሳ» ያጊዴ ፆሳ ጋላቴዳ። \v 48 ሃዋ ቤዓናው ኢቲሳ ሺቄዳ ኣሳይ ኡባይ ሃኔዳ ዬዉዋ ቤዒዴ፥ ባሬንቱ ቲራ ባቂዴ ሲሜዲኖ። \v 49 ዬሱሳ ኤሪያ ኣሳይ ኡባይኔ ጋሊላፔ ዶሚዴ ኣ ካሌዳ ማጫዋንቱ ሃዋ ፄሊዴ፥ ሃኩዋን ኤቄዲኖ። \s1 ዬሱሲ ሞጌቴዳ \r (ማት 27፡57-61፤ ማር 15፡42-47፤ ዮህ 19፡38-42) \p \v 50 ኣዪሁዳ ሻንጋቱዋ ጊዴዳዋንቱፔ ኢቱ፥ ዮሴፋ ጌቴቲያ ሎዓኔ ፂሎ ቢታኒ ዴዔ። \v 51 ሃ ቢታኒ ሻንጋቱዋ ማቁዋኔ ኡንቱንቱ ኦሱዋን ኢቲፔቴ ኦቤና። ፆሳ ካዉቴ ዩሳ ሂዶታን ናጊዴ ዴዔ። \v 52 ዮሴፎካ ጲላፆሳኮ ቢዴ፥ ዬሱሳ ኣኃ ኣካናው ዎሴዳ። \v 53 ኣካናዳን ጌቴቶዋፔ ጉዬ፥ ኣኃ ቦላፔ ዎዴ፥ ሎዖ ሞጉዋ ማዩዋን ፃፂዴ፥ ሹቻፔ ዎጬቲዴ ሜቴዳ፥ ኦኒኔ ካሴ ሞጌቲ ቤና ኦላ ጊዶን ዎዳ። \v 54 ጋላሳይካ ሳምባታ ሞካናው ጊጊያ ጋላሳ፤ ሳምባታይካ ጌላና ሃኔ። \p \v 55 ጋሊላፔ ዶሚዴ ዬሱሳና ኢቲፔ ዬዳ ማጫዋንቱ ካሊዴ፥ ዱፉዋን ኣ ኣኃ ዎቲዴ ዎዲኖንቶ ቤዔዲኖ። \v 56 ኡንቱንቱ ሃዋፔ ሶይ ሲሚዴ፥ ሺቱዋኔ ኦኪያዋ ኣኃው ጊጊሴዲኖ። \p ሂጊያ ማራዳን ሳምባታ ጋላሲ ሼምፔዲኖ። \c 24 \s1 ዬሱሲ ሃይቁዋፔ ዴንዴዳ \r (ማት 28፡1-10፤ ማር 16፡1-8፤ ዮህ 20፡1-10) \p \v 1 ሳሚንታፔ ኮይሮ ጋላሳ፥ ማጫዋንቱ ጊጊሴዳ ሺቱዋ ኦይቂዴ ዳሪ ጉሪዴ ዱፉዋኮ ቤዲኖ። \v 2 ሹቻይካ ዱፉዋ ዶናፔ ጎንዶሬቲና ቤዔዲኖ። \v 3 ኡንቱንቱ ዱፉዋ ጋርሳ ኦላ ጌሎ ዎዴ፥ ጎዳ ዬሱሳ ኣኃ ዴሚቤይኪኖ። \v 4 ማጫዋንቱ ሲዴ ዴዒሺን፥ ዋጪዋጪያ ማዩዋ ማዬዳ ላዑ ኣሳቱ፥ ቆፔናን ኡንቱንቱ ሚዪያን ኤቄዲኖ። \p \v 5 ማጫዋንቱካ ያሻፔ ዴንዶዋን ሳዓ ፄሊዴ ዴዒሺን፥ ላዑ ኣሳቱ፥ «ዴዑዋን ዴዒያዋ፥ ኣ ኣያው ሃይቆዋንቱ ጊዶፔ ኮዪቴ? \v 6-7 ኢ ዴንዴዳ፤ ሃዋን ባዋ። ቃይካ ጋሊላን ዴዒያ ዎዲያን፥ ‹ኣሳ ናዓይ ናጋራንቻቱዋ ኩሺያን ኣ ኢሜታናዋ፤ ማስቃሊያ ቦላን ካቄታናዋ፥ ሄዜን ጋላሲ ሃይቁዋፔ ዴንዳናዋ› ያጌቶዋ ቆፒቴ» ያጌዲኖ። \p \v 8 ማጫዋንቱካ ሄ ዎዴ ቃላ ኣኬኬዲኖ። \v 9 ኡንቱንቱካ ዱፉዋፔ ሲሚዴ ሃ ኡባ ዬዉዋ ታማኔ ኢቲ ኪቴቶዋንቶኔ ኡንቱንታ ካሊያዋንቶ ኡባቶ ኦዴዲኖ። \v 10 ሃዋ ዬሱሲ ኪቶዋንቶ ኦዴዳዋንቱ፡ ማግዳላፔ ዬዳ ማይራሞ፥ ዮሃኖ፥ ያዪቆባ ዳዮ ማይራሞኔ ኡንቱንቱና ኢቲፔ ዴዒያ ሃራ ማጫዋንታ። \v 11 ኡንቱንቶ ማጫዋንቱ ኦዲያ ቃላይ ቃጂያዋ ማላቲና ኣማኒቤይኪኖ። \p \v 12 ሺን ሄ ዎዴ ጴፂሮሲ ዴንዲዴ ዱፉዋኮ ዎፄዳ። ያ ጋኪዴ ሆኪ ፄሊያ ዎዴ፥ ጋርሳን ሞጉዋ ማዮ ፃላላይ ዴዒያዋ ቤዔዳ። ሃኖ ዬዉዋንካ ማላሌቲዴ፥ ጎሌ ሲሜዳ። \s1 ኤማሁሳ ኦጊያን ዬሱሲ ላዑ ኣሳቱዋሲ ቆንጬዳ \r (ማር 16፡12፣ 13) \p \v 13 ሄ ጋላሲ ዬሱሳ ካሊያዋንቱፔ ላዑ ኣሳቱ ዬሩሳላሜፔ ላዑ ሳቲያ ሃኪያ ኤማሁሳ ጌቴቲያ ሄራ ቢዴ፤ \v 14 ኢቱ ኢቱዋና ሃኔዳ ዬዉዋ ኡባ ሃሳይ ዴዒኖ። \v 15 ኡንቱንቱ ሃሳዪዲኔ ዞሬቲዴ ዴዒሺን፥ ዬሱሲ ባሬ ሁጴው ዪዴ ኡንቱንቱ ሚዪያ ሺቂዴ ኡንቱንቱና ቢዴ ዴዔ። \v 16 ሺን ኡንቱንቱ ባሬ ኣይፊያን ፄሊዴ ኣ ጊዲያዋ ሻኪ ኤራናው ዳንዳይቤይኪኖ። \p \v 17 ዬሱሲ፥ « ሂንቴንቱ ኦጊያ ቦላን ኢቱ ኢቱዋና ሃሳዪያዌ ኣዬ?» ያጊ ኦቼዳ። ኡንቱንቱካ ዳጋማን ሌቹሚዴ ኤቄዲኖ። \v 18 ኡንቱንቱፔ ኢቱ ቄሊዮጳ ጌቴቲያዌ፥ «ሃ ጊዱዋን ዬሩሳላሜን ሃኖ ዬዉዋ ኤሬናዌ ኔ ፃላላይ ሃጋዴው ኢማ?» ያጊ ዛሬዳ። \p \v 19 ዬሱሲ፥ «ኢ ኣዬ?» ያጊና፥ ኡንቱንቱካ፥ «ፆሳ ሲንኒኔ ኣሳ ኡባ ሲንን ቃላኒኔ ኪታን ሚኖ ናቢያ ጊዴዳ ናዚሬቲያ ዬሱሳባ ሃሳዬቶ። \v 20 ኣካ ቄሳቱዋ ካፓቱኔ ኑና ሞዲያዋንቱ ሃይቁዋ ፒርዳው ኣ ኢሜዲኖ፤ ማስቃሊያ ቦላን ዎዲኖ። \v 21 ኑኒ ካሴና፥ ‹ኢስራዔሊያ ኣሳ ዎዛናዋ› ያጊ ሂዶቶዌ ኣ፤ ሺን ሃ ዬዉ ሃኔቲዴ ኣዴፔ ሄዙ ቃማ ጊዴዳ። \v 22 ኑ ጊዶፔ ኢቲ ኢቲ ማጫዋንቱ ኑና ማላሊሴዲኖ። ኡንቱንቱ ጉራን ሂኒ ዱፉዋ ቤዲኖ፥ \v 23 ሺን ዬሱሳ ኣኃ ኡንቱንቱ ዮ ዎዴ ሺሬቲ ሲሚዴ፥ «ኢ ዴንዴዳ፤ ያጊያዋ ኪታንቻቱ ኦዲሺን ቤዔዶ» ያጊ ኦዴዲኖ። \v 24 ኑ ጊዶፔካ ኢቲ ኢቲ ኣሳይ ዱፉዋ ቢዴ ኡንቱንቱ ጎዋዳን ሃኒና ቤዔዲኖ፤ ሺን ዬሱሳ ኣኃ ዴሚቤይኪኖ» ያጌዲኖ። \p \v 25 ዬሱሲ ኡንቱንቶ፥ «ሂንቴኖ፥ ኣኬኬና ኣሳቶ፥ ሂንቴንቱ ዎዛናን ናባቱ ኦዶዋ ኡባ ኤሌ ኣማኔናዋንቶ፤ \v 26 ኪሪስቶሲ ሃ ሜቱዋ ኣካናዉኔ ባሬ ቦንቹዋኮ ጌላናው ቤሴኔ?» ያጌዳ። \v 27 ሄዋፔ ሲሚዴ ዬሱሲ ሙሴ ማፃፋቱዋፔኔ ናባቱ ፃፌዳ ማፃፋቱዋፔ ዶሚዴ፥ ፆሳ ማፃፋቱዋ ኡባን ፃፌቴዳ ባሬባ ኡንቱንቶ ቢሊዴ ኦዴዳ። \p \v 28 ኡንቱንቱ ቢዴዒያ ሄራ ማቴዳ ዎዴ፥ ዬሱሲ ሃራሳ ቢያዋ ማላቴዳ። \v 29 ሄ ዎዴ ኡንቱንቱ ኣ፥ «ጋላሳይ ቃሚዴ ዴዒያ ዲራው፥ ኦማርሳይ ማቴዳ፤ ኑናና ኢቲፔ ኣቃ!» ያጊ ሚኒሲ ዎሴዲኖ። ሃዋ ዲራው፥ ኢካ ኡንቱንቱና ኢቲፔ ኣቃናው ጌሌዳ። \v 30 ኡንቱንቱ ኢቲፔ ጋዪታን ኡቴዳ ዎዴ፥ ዳቡዋ ዴንዴ ኣንጄዳ፤ ሜንዴ ኡንቱንቶ ኢሜዳ። \v 31 ኡንቱንቱ ኣይፊካ ኣ ኣኬካና ማላ ዶዬቲና፥ ዬሱሳ ጊዲያዋ ኤሬዲኖ። ኢካ ኡንቱንቱ ሲንፔ ጌሜዳ። \v 32 ኡንቱንቱካ ኢቱ ኢቱዋ፥ «ቃን ኢቲፔ ኑ ዴዒሺን፥ ኑና ኢ ሃሳዪሲያ ዎዲያኒኔ ፆሳ ማፃፋቱዋካ ኑሲ ቆንጪሲዴ ኢ ኦዲያ ዎዲያን፥ ኑ ዎዛና ጊዶን ታማዳን ሴሌ ጊዴኔ?» ጌቴቴዲኖ። \p \v 33-34 ሄ ዎዲያንካ ዴንዲዴ ዬሩሳላሜ ሲሜዲኖ። ዬሱሲ ኪቶ ታማኔ ኢታቶኔ ኡንቱንቱና ኢቲፔ ዴዒያዋንቶ፥ «ጎዳይ ቱሙዋካ ዴንዴዳ፥ ሲሞናዉካ ቤቴዳ» ያጊዴ ሄዋን ኢቲፔ ሺቂ ኡቴዳዋንታ ዴሜዲኖ። \p \v 35 ሄ ላዓቱ፥ ቃን ሃኔዳዋኔ ዬሱሲ ዳቡዋ ሜንያ ዎዴ ዎቲ ኣ ኤሬዲኖንቶ ኡንቱንቶ ኦዴዲኖ። \s1 ዬሱሲ ባሬና ካሊያዋንቶ ቤቴዳ \r (ማት 28፡16-20፤ ማር 16፡14-18፤ ዮህ 20፡19-23፤ ኪት 1፡6-8) \p \v 36 ሃዋ ኡንቱንቱ ሃሳይ ዴዒሺን፥ ዬሱሲ ኡንቱንቱ ጊዶን ኤቂዴ፥ «ሳሮቴይ ሂንቴው ጊዶ» ያጌዳ። \v 37 ኡንቱንቶ ሞይቲሊያ ቤዖዋ ማላቲና ዳጋሚዴ፥ ያሻን ኩሜዲኖ። \v 38 ኢካ ኡንቱንታ፥ «ኣያው ዳጋሚቴ? ኣያ ዲራው ሂንቴንቱ ዎዛናይ ሲ? \v 39 ታኒ ዬሱሳ ጊዲያዋ ኤራናው፥ ኣኔ ታ ኩሺያኔ ታ ጌዲያ ቤዒቴ፤ ታናን ሂንቴንቱ ቤዒያዋዳን፥ ሞይቲሌው ኣሹኔ ሜቄይ ባዋ። ኣኔ ታና ሂንቴንቱ ኩሺያን ኦይቂ ቤዒቴ» ያጌዳ። \p \v 40 ሃዋ ያጊ ሲሚዴ፥ ባሬ ኩሺያኔ ባሬ ጌዲያ ቤሴዳ። \v 41 ኡንቱንቱካ ናሼቻፔ ዴንዶዋን፥ ኣማኔናን ማላሌቲ ዴዒሺን ኢ፥ «ሃዋን ሜቴቲያዌ ሂንቴንቶ ዴዒ?» ያጊ ኡንቱንታ ኦቼዳ። \v 42 ኡንቱንቱካ፥ ፂፄቴዳ ሞሊያፔ ላፋ ፑሩዋ ኣው ኢሜዲኖ። \v 43 ኢካ ኣኪዴ ኡንቱንቱ ሲንን ሜዳ። \p \v 44 ኢካ፥ «ታኒ ሂንቴንቱና ኢቲፔ ዴዓዴ፥ ‹ሙሴ ማፃፋን፥ ናባቱዋ ማፃፋኒኔ ቃላን ፃፌቶ ማዚሙራቱን ታ ዲራው ፃፌቴዳ ኡባይ ፖሌታናው ቤሴ› ያጋዴ ሂንቴንቶ ኦዴዳ ዬዉ ሃዋ» ያጌዳ። \p \v 45 ሄ ዎዲያንካ ፆሳ ማፃፋቱዋን ጌቴቶዋ ኣኬካና ማላ፥ ኡንቱንቱ ዎዛና ዶዬዳ። \v 46 ኡንቱንቶ፥ « ‹ኪሪስቶሳ ሜቱ ጋካናዋ፤ ሄዜንያ ጋላሲ ሃይቁዋፔ ዴንዳናዋ። \v 47 ኣ ኣሱንን ናጋራ ፓፄይኔ ማሮታ ዴሙሳይ ዬሩሳላሜፔ ዶሚዴ ኣሳው ኡባው ኦዴታናዋ› ያጌቲዴ ፃፌቴዳ። \p \v 48 «ሂንቴንቱካ ሃዎ ማርካቱዋ። \v 49 ታ ሂንቴንቶ፥ ታ ኣቡ ቃላ ጌሌዳ ሂዶታ ዬዳና፤ ሄዌ ጋካናዉኔ ሂንቴንቶ ዎልቃይ ሳሉዋፔ ኢሜታና ጋካናው፥ ዬሩሳላሜ ካታማን ናጊሺቴ» ያጌዳ። \s1 ዬሱሲ ሳሉዋ ሲሚዴ ቤዳ \r (ማር 16፡19፣ 20፤ ኪት 1፡9-11) \p \v 50 ሃዋፔ ጉዪያን፥ ቢታኒያ ጌቴቲያ ካታማ ጋካናው፥ ኡንቱንታ ኣፌዳ፤ ባሬ ኩሺያ ሚጪዴ ኡንቱንታ ኣንጄዳ። \v 51 ኡንቱንቱፔ ሻኬቲዴ፥ ሳሉዋ ቤዳ። \v 52 ኡንቱንቱ ኣው ጎዪኒዴ፥ ዳሮ ናሼቻን ዬሩሳላሜ ሲሜዲኖ። \v 53 ቃሲ ፓጬናን ፆሳ ጋላቲዴ፥ ጌሻ ጎሊያን ዴዔዲኖ።