\id JUD - ዳውሮ 
\h ዪሁዳ ኪታ 
\toc1 ዪሁዳይ ፃፌዳ ኪታ 
\toc2 ዪሁዳ ኪታ 
\toc3 ዪድ 
\mt1 ዪሁዳይ 
\mt2 ፃፌዳ ኪታ 
\imt1 ጌሉዋ 
\ip ዪሁዳ ኪታይ ፃፌቴዳዌ፥ ኣማኔናን ዴዒዴ ኣማኒያ ኣሳ ማላቲዴ፥ ዎርዶ ቲሚርቲያ ላሊያ ኣሳቱዋፔ ኣማኒያ ኣሳይ ናጌታና ማላ፥ ኦዳናሳ። ሃ ቃን ኪታይ ባሬ ጊዶን ኦይቄዳዋን ላዔን ጴፂሮሳ ማላቴ። ፃፊ ናባቢያዋንቱሲ ኦዲዴ፥ «ላዔና ሃኖታን ፆሳይ ባሬ ናናቱዋሲ ኢቲ ካላካ ኢሜዳ ኣማኑዋሲ ሚኒዴ ባፄታናዳን» ሚኒሲዴ ቆፊሴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1-2) 
\io1 ዎርዶ ኣስታማራቱዋ ቲሚርቲያ ኤሻኔ ኩንዴ (3-16) 
\io1 ኣማኑዋ ናጋናዳን ኢሜቴዳ ዞሪያ (17-23) 
\io1 ዉርሴ ኣንጁዋ (24-25) 
\c 1  
\p  
\v 1 ታኒ ዬሱሲ ኪሪስቶሳ ቆማይ ዪሁዳይ፥ ያዪቆባ ኢሻይ፥ ፆሳይ ፄሴዳዋንቶ፥ ፆሳይ ኣዉ ሲቂያዋንቶ፥ ቃሲ ዬሱሲ ኪሪስቶሲ ናጊያዋንቶ፥ ሃ ዳቢዳቢያ ፃፋይ። 
\p  
\v 2 ማሮቴይ፥ ሳሮቴይኔ ሲቆቴይ ሂንቴናን ኩሞ። 
\s1 ዎርዶ ኣስታማራቱዋ 
\p  
\v 3 ታ ሲቃቶ፥ ኑኒ ኢቲፔ ሻኪ ኣካና ኣቶቴባ ሂንቴንቶ ፃፋናው ታኒ ዳሮ ዳቡሪያ ዎዴ፥ ፆሳይ ባሬ ናናቶ ላዔናን ኢቲ ጌዴ ኢሜዳ ኣማኖ ሂንቴ ባፄታና ማላ፥ ሂንቴና ዞራዴ ፃፋናው ኮሺያዋ ኣኬካዲ።  
\v 4 ኣዪሲ ጎፔ፥ ፆሳ ኤሬና ኢቲ ኢቲ ኣሳቱ ኦኒኔ ቤዔናን ሂንቴ ጊዶ ጌሌዲኖ። ሄዋንቱ ኑ ፆሳ ኣ ኬካቴባ ኦዲያ ኪታ ኢታ ቱናቴው ጌላይ ታማሪሲኖ፤ ኡንቱንቱ ኑ ኢቲ ካቲያ፥ ኑ ጎዳ ዬሱሲ ኪሪስቶሳ ኤሮኮ ያጊኖ፤ ቃሲ ኡንቱንቱ ፒርዳ ኣካናዋ ፆሳ ማፃፋቱ ዳሮ ዎዲያፔ ካሴ ኦዴዲኖ። 
\p  
\v 5 ሺን ሂንቴ ሃ ኡባባ ኤሪያዋ ጊዶፔካ፥ ጎዳይ ኢስራዔሊያ ኣሳ ጊብፄ ጋዲያፔ ዎቲ ኣሼዴንቶኔ ቃሲ ኣማኒቤናዋንታ ጉዬፔ ዎቲ ዪሴዴንቶ፥ ታኒ ሂንቴና ሃሳዪሳናው ኮያይ። \x - \xo 1:5 \xt ኬስ 12፡51፤ ፓይ 14፡29-30\x* 
\v 6 ቃሲ ባሬንቱ ዴዒያሳ ኣጊዴ፥ ባሬንቶ ኢሜቴዳ ካፖቴ ናጊቤና ኪታንቻቱ ፒርዳ ኣኪያ ዎልቃማ ጋላሳይ ጋካናው ፆሳይ ኡንቱንታ ናጊያሳን፥ ማፔ ጋርሳን ሜናው ቃቺ ዎ። \x - \xo 1:6 \xt ዶም 6፡2\x* 
\v 7 ሄዋዳን ሶዶማኔ ጋሞራ ጊያ ካታማቱዋኒኔ ኡንቱንቱ ሄራን ዴዒያ ካታማቱዋን ዴዒያ ኣሳይ ሄ ኪታንቻቱዋዳን ዎሹሜዲኖኔ ዎሹማናው ሎይ ካጄሌዲኖ፤ ሄዋንቱ ሜና ታማን ኤፂዴ፥ ሃራቶ ሌሚሱዋ ጊዴዲኖ። \x - \xo 1:7 \xt ዶም 19፡1\x* 
\p  
\v 8 ሄዋዳን ቃሲ ሄ ኣኩሜቲያ ኣሳቱ ባሬንቱ ኣሳቴ ቱኒሲኖ፤ ፆሳ ጎዳቴ ካኖ፤ ቦንቾ ሜታቱዋካ ቦሪኖ።  
\v 9 ሺን ኪታንቻቱዋ ካፑ ሚካዔሊ ሙሴ ኣኃባ \f + \fr 1:9 \fq ሚካዔሊ ሙሴ ኣኃባ፡ \ft ሃዌ ቤሲያዌ፥ ቤኒ ኮይሮቲዴ ኣዪሁዳቱዋ ማፃፋን ሙሴባሲ ፃፌቴዳዋ።\f* ፃላሂያና ፓሉሜቴዳ ዎዴ፥ «ጎዳይ ኔና ሴሮ» ጌዳዋፔ ኣቲን፥ ቦሪያ ቃላን ኣ ቦላ ፒርዳናው ኮዪቤና። \x - \xo 1:9 \xt ዳን 10፡13፣ 21፤ 12፡1፤ ሳፅ 12፡7፤ ዛር 34፡6፤ ዛክ 3፡2\x* 
\v 10 ሺን ሄ ኣሳቱ ባሬው ኣኬኬናባ ኡባ ቦሪኖ፤ ቃሲ ኡንቱንቱ ዩሺ ቆፔና ዶዓቱዋዳን፥ ሜታ ኤራቴን ኤሪያ ዬዋቱ ኡንቱንታ ዪሲያዋንታ።  
\v 11 ኡንቱንቶ ኣዬሮ! ኣዪሲ ጎፔ፥ ኡንቱንቱ ቃዬሊ ሃሜቴዳ ኦጊያ \f + \fr 1:11 \fq ቃዬሊ ሃሜቴዳ ኦጊያ፡ \ft ቃዬሊ ባሬ ኢሻ ኣቤላ ዎዳ። ዶም 4፡3-8 ፄሊቴ።\f* ሃሜቴዲኖ። ሻሉዋ ዲራው ጊዴ፥ ባላሚ ኦዳዋ \f + \fr 1:11 \fq ባላሚ ኦዳዋ፡ \ft ጌሻ ቃላ ፓይዱዋ ማራዳን፥ ቦላ ጉጃ ዴማና ጊዴ ኢስራዔሊያ ኣሳ ሼቂኬ ጊዴ ኢፄዳ ጋሱዋን ኡንቱንቱ ፆሳው ኣዛዜቴናዳን ዴዓና ኦጊያ ታማሪሴዳ። ፓይ 22፡18፤ 24፡13፤ 25፡1-3፤ 31፡16 ፄሊቴ።\f* ማላ ባዪዙዋ ኦዲኖ። ቃሲ ቆሬ \f + \fr 1:11 \fq ቆሬ፡ \ft ዳታኔና ኢቲፔ ጊዲዴ ሙሴዉኔ ኣሮኔው ማካሌዳዋዳን፥ ማካላ ኣሳ ታማሪሴዲኖ። ፓይ 16፡1-35፤ 26፡9፥ 10 ፄሊቴ።\f* ጊያ ቢታኒ ማካሊዴ ዬዳዋዳን፥ ኡንቱንቱካ ማካሊዴ ዬዲኖ። \x - \xo 1:11 \xt ዶም 4፡3-8፤ ፓይ 22፡1-35፤ 16፡1-35\x* 
\p  
\v 12 ሄዋንቱ ሲቁዋን ሾቢያ ሂንቴ ሚያሳን ሂንቴናና ያሺ ባዪናን ሚያ ዎዴ፥ ቆሴቴዳ ቡዋ ማላ። ኡንቱንቱ ባሬንቱ ፃላላ ናጊኖ። ኡንቱንቱ ጫርኩ ኣፊያ ኢራይ ባዪና ሻሪያ ማላ፤ ቃሲ ኡንቱንቱ ቦኒያን ኣይፊያ ኣዪፌና፥ ፃጱዋና ሾዴቲዴ፥ ሙሌካ ሜሌዳ ሚ ማላ።  
\v 13 ኡንቱንቱ ባሬንቱ ፖኩዋ ጌንና ሆሞቲያ፥ ኢታ ኣባ ቤታ ማላ። ኡንቱንቱ፥ ፆሳይ፥ ሜናው ሳካና ማኒ ሳዓ ጊጊሲ ዎዳ ዩዪያ ፆሊንታቱዋ ማላ። 
\p  
\v 14-15 ሄኖኪ ኣዳማፔ ዶሚና፥ ላፑን ዬሌታ ጊዲያዌ፥ ዳሮ ዎዲያፔ ካሴ ኡንቱንቱዋ ቲምቢቲያ ኦዲዴ፥ ሃዋዳን ያጌዳ፤ 
\q1 «ኣኬኪቴ፤ ፆሳ ኤሬና ናጋራንቻ 
\q2 ኣሳቱ ኦዳ ኢታ ኦሱዋ ኡባዉኔ 
\q1 ቃሲ ፆሳ ኤሬና ሄ ኢታ ኣሳቱ 
\q2 ፆሳ ቦላ ሃሳዬዳ ኢታ ሃሳያ ኡባው፥ 
\q1 ጎዳይ ኡንቱንቱ ኡባ ቦላ ፒርዳናው፥ 
\q2 ባሬ ጮራ ሻዓ ጌሻቱዋና ኢቲፔ ያና» 
\m ያጌዳ። \x - \xo 1:14-15 \xt ዶም 5፡18፣ 21-24\x* 
\v 16 ሄ ኣሳቱ ኡባ ዎዴ ዙዙሚኖኔ ሃራቱዋ ኣማሳሊኖ፤ ቃሲ ባሬንቱ ኢታ ኣሙዋ ካሊኖ፤ ባሬንቱ ሁጴው ጎዓ ዴማናው ሃራቱዋ ሳቢኖኔ ባሬንቱ ኮሻ ዎጋፔ ኣዴ፥ ቁ ኦ ሃሳዪኖ። 
\s1 ሚኖ ኣኬኪሱዋኔ ዞሪያ 
\p  
\v 17 ሺን ታ ሲቃቶ፥ ኑ ጎዳ ዬሱሲ ኪሪስቶሲ ኪቴዳዋንቱ ሂንቴንቶ ቤኒ ሃሳዬዳ ቃላ ኣኬኪቴ።  
\v 18 ኡንቱንቱ ሂንቴንቶ፥ «ዉርሴ ዎዲያን፥ ባሬንቶ ፆሳይ ባዪናዋንቱ፥ ባሬንቱ ኣሙዋ ካሊያዋንቱ፥ ቃሲ ሂንቴ ቦላ ቂሊጪያዋንቱ ያና» ያጌዲኖ።  
\v 19 ሄዋንቱ ኣሳ ጊዶን ሻኮቴ ሜያዋንታኔ፥ ባሬንቱ ኢታ ኣሞ ሞዴቴዳዋንታ፤ ቃሲ ጌሻ ኣያናይ ባይናዋንታ። 
\p  
\v 20 ሺን ታ ሲቃቶ፥ ኡባፔ ኣያ ጌሻ ኣማኑዋን ሂንቴ ሁጲያ ኬፂቴ፤ ቃሲ ጌሻ ኣያና ዎልቃን ፆሳ ዎሲቴ።  
\v 21 ቃሲ ኑ ጎዳይ ዬሱሲ ኪሪስቶሲ ባሬ ማሮቴን ሂንቴንቶ ኢማና ሜና ዴዑዋ ናጊዴ፥ ሂንቴ ሁጲያ ፆሳ ሲቁዋን ዎቴ። 
\p  
\v 22 ኢቲ ኢቲ ሲ ዴዒያ ኣሳቶ ቃሬቲቴ።  
\v 23 ኢቱዋ ኢቱዋ ታማፔ ዳፊ ኬሲዴ ኣሺቴ። ቃሲ ሃራይ ኣቶ ኡንቱንቱ ኢታ ኣሙዋን ቱኔዳ ማዩዋ ኢፂዴካ፥ ኢቶ ኢቶ ያሻቴን ቃሬቲቴ። 
\s1 ጋላታ ዎሳ 
\p  
\v 24-25 ሂንቴ ኩንዴናዳን፥ ሂንቴና ናጋናዉኔ ፖኩ ባይናዋንታ ኡዲዴ፥ ባሬ ቦንቹዋ ሲን ዎልቃማ ናሼቻን ሺሻናው ዳንዳዪያ ኑና ኣሺያ ኢቲ ፆሳው፥ ኑ ጎዳ ዬሱሲ ኪሪስቶሳ ባጋና ቦንቹ፥ ጊታቴይ፥ ዎልቃይኔ ማታይ፥ ኣዳ ዎዴ ኡባፔኔ ሃዒኔ ሜና ጋካናው ጊዶ። ኣሜንዒ።