\id JHN - ዳውሮ 
\h ዮሃኒሳ 
\toc1 ዮሃኒሲ ፃፌዳ ሚሺራቹዋ ቃላ 
\toc2 ዮሃኒሳ 
\toc3 ዮህ 
\mt1 ዮሃኒሲ ፃፌዳ 
\mt2 ሚሺራቹዋ ቃላ 
\imt1 ጌሉዋ 
\ip ዮሃኒሲ ፃፌዳ ሚሺራቹ፥ ዬሱሲ ኣሹዋ ማዪዴ ኣሳ ጊዱዋን ቤቴዳ ዴዑዋ ፆሳ ቃላ ጊዲያዋ ቆንጪሴ። ሃ ማፃፋይ ባሬ ሁጴው ቆንጪሲያዋዳን ሃ ሚሺራቹዋ ቃላይ ፃፌቴዳዌ፥ ኣ ናባቢያ ኣሳይ ዬሱሲ ኣሳ ኣሺያ ሊያ ጊዲዴ ያናዋ ጌቴቴዳ ፆሳ ናዓ ጊዲያዋ ኣማናና ማላኔ ኣኒ ኣማኖ ጋሱዋን ሜና ዴዑ ኡንቱንቱሲ ዴዓናዋ ኡንቱንቱ ኤራና ማላ ፃፌቴዳ (20፡31)። 
\ip ሚሺራቹዋ ቃላው ኮይሮ ሻኩ ሜና ፆሳ ቃላይኔ ዬሱሲኔ ኢቱዋ ጊዲያዋ ኦዲ ሲሚዴ፥ ዬሱሲ ኣሺያዋ ጊዲዴ ያና ጌቴቴዳ ፆሳ ናዓ ጊዲያዋ ቤሲያ ዱማ ዱማ ማላታቱዋ ሺሼ። ሄዋፔ ካሊዴ ቃሲ ሃ ማላታቱዋፔ ቤቴዳ ኣይፊያ ኦዲያ ታሪካቱ ካሊኖ። ሃ ኪፊሊ ኢቲ ኢቲ ኣሳይ ዬሱሳን ኣማኒዴ፥ ኣ ካሊያዋንታ ጊዴዳዋ ኦዴ፤ ሃራቱ ቃሲ ኣ ኣያው ኢፄዴንቶኔ ኣኒ ኣያው ኣማኖኮ ጌዴንቶ ኦዲኖ። (ሼምፑዋ 13-17) ዬሱሲ ኦይቄቴዳ ኦማርሲ ኣው ኣ ካሊያዋንቱና ኣይ ኬና ሚኖ ኢቲፔቴይ ዴዒንቶኔ፥ ቃሲ ኢ ካቄታናው ማቴዳ ዎንቴ ጋላሲ ኡንቱንቱሲ ጊጌታና ማላኔ ሚናና ማላ ኢ ሃሳዬዳ ቃላ ኦዲኖ። ዉርሴ ሼምፓቱ ዬሱሲ ኦይቄቴዳዋኔ ፒርዳው ሺቄዳዋ፥ ኣ ካቁዋኔ ኣ ዴንዱዋ፥ ቃሲካ ዴንዱዋፔ ጉዪያን ባሬና ካሊያዋንቱሲ ኢ ቆንጬዳ ሃኖታ ኦዲኖ። 
\ip ዮሃኒሲ ጎዳ ዬሱሲ ኪሪስቶሳ ባጋና ቤቲያ ሜና ዴዑዋ ቆንጪያን ቤሲያ ሃ ኣ ኬካቴይ ሃዒፔ ዶሚዴ ዬሱሲ ኦጌ፥ ቱማኔ ዴዖ ጊዲያዋ ኣማኒያዋንቱሳ። ዮሃኒሲ ፃፌዳ ሚሺራቹዋ ቃላ ሃራቱዋፔ ዱማዪያዌ፥ ኣያና ቱማቴቱዋ ታማሪሳናው ዴዑዋ ኡባን ኣሳይ ሜዜቴዳ ቃላቱዋ ጎዔቲያ ዲራሳ። ሄዋንቱካ፥ ሃ፥ ሶሉዋ፥ ፖዑዋ፥ ሄንንቻ፥ ዶርሳ፥ ዎዪኒያ ሚ፥ ዎዪኒያ ኣይፊያኔ ሄዋንታ ማላቲያዋንታ። 
\ip ዎሹማዴ ኦይቄቴዳ ሚሺራቲ ታሪኪያ 7፡53-8፡11 ጮራ ቢሌቱኔ ቤኒ ማፃፋቱ ባሬንቱን ጉጂኪኖ፤ ሃራቱ ዮሃኒሳ ሚሺራቹዋን 21፡24 ጉዪያን ጌሊሲኖ፤ ሃራንቱ ቃሲ ሉቃሳ ሚሺራቹዋ 21፡38 ጉዪያን ጌሊሲኖ፤ ኢቲ ቤኒ ፃፌቴዳ ቢሌይ ዮሃኒሳ ሚሺራቹዋ 7፡36 ጉዪያን ጌሊሴዳ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ሃ ማፃፋ ፃፌዳዋ ቆፋ (1፡1-18) 
\io1 ፃማቂያ ዮሃኒሳኔ ዬሱሳ ኮይሮ ካሌዳዋንታ (1፡19-51) 
\io1 ዬሱሳ ኦሱዋ ዶሜ (2፡1-12፡50) 
\io1 ዬሩሳላሜኒኔ ኢዚ ዩሹዋን ዉርሴ ጋላሳቱዋን ሃኔዳ ዬሱሳ ኦሱዋ (13፡1-19፡42) 
\io1 ጎዳ ዬሱሳ ዴንዱዋኔ ቆንጬ (20፡1-31) 
\io1 ዉርሴ ቁቲያ፥ ጋሊላን ዛሪዴ ባሬና ካሊያዋንቱሲ ዬሱሲ ቆንጬዳዋ (21፡1-25) 
\c 1  
\s1 ዴዑዋ ቃላ 
\p  
\v 1 ቃላይ ኮይሮ ዴዔ፤ ቃላይካ ፆሳና ኢቲፔ ዴዔ፤ ቃላይካ ፆሳ።  
\v 2 ኢ ኮይሮፔካ ፆሳና ዴዔ።  
\v 3 ኡባባይ ቃላ ባጋና ሜቴዳ። ሜቴዳባኒ ኡባባኒ ኢ ባይናን ኢቲባይኔ ሜቲቤና።  
\v 4 ኣኒ ዴዑ ዴዔ፤ ዴዑ ኣሳው ፖዑዋ።  
\v 5 ፖዑ ማኒ ፖዔ፤ ማይ ፖዑዋ ፆኒቤና። 
\p  
\v 6 ፆሳፔ ኪቴቲ ዬዳ ኣ ሱንይ ዮሃኒሳ ጌቴቲያ ኢቲ ቢታኒ ዴዔ። \x - \xo 1:6 \xt ማት 3፡1፤ ማር 1፡4፤ ሉቅ 3፡1-2\x* 
\v 7 ኣሳይ ኡባይ ኣ ባጋና ኣማናና ማላ፥ ፖዑዋባ ማርካታናው ዬዳ።  
\v 8 ፖዑዋባ ማርካታናው ዬዳፔ ኣቲን፥ ኢ ባሬ ሁጴው ፖዑዋ ጊዴና።  
\v 9 ኢካ ቱሙ ፖዑዋ ጊዴዳዌ ኣሳው ፖዒሳናው ሃ ሳዓ ዪያዋ። 
\p  
\v 10 ቃላይ ኣላሚያን ዴዔ፤ ፆሳይ ቃላን ኣላሚያ ሜዳ፤ ሺን ኣላሚ ኣ ኤሪቤና።  
\v 11 ኢ ባሬ ባጋቱዋኮ ዬዳ፤ ሺን ኡንቱንቱ ኣ ሺሺ ኣኪቤይኪኖ።  
\v 12 ጊዶፔ ኣቲን ኢ ባሬና ሺሺ ኣኬዳ ኡባቶ፥ ባሬ ሱንኒ ኣማኔዳዋንቶ፥ ፆሳ ናና ጊዳና ማላ፥ ማታ ኢሜዳ።  
\v 13 ኡንቱንቱ ፆሳፔ ዬሌቴዲኖፔ ኣቲን፥ ኣሳይ ዬሊያ ማራኒ ዎይ ኣሹዋ ሼኒያን ዎይ ኣቱማ ኣሳ ሼኒያ ፃላላን ዬሌቲቤይኪኖ። 
\p  
\v 14 ቃላይ ኣሳ ጊዲዴ፥ ኣ ኬካቴኒኔ ቱማቴን ኩሚዴ ኑ ጊዱዋን ዴዔዳ። ኑኒ፥ ኢ ባሬ ኣቦ ኢቲ ናዓ ጊዲዴ ኣኬዳ ኣው ዴዒያ ባሬ ኣዉዋ ቦንቹዋ ቤዔዶ። 
\p  
\v 15 ዮሃኒሲ ኣባ ባሬ ኮሻ ቁ ኦዴ፥ «ታኒ፥ ‹ታፔ ካላ ዪያዌ ታፔ ቦላ፤ ኣዪሲ ጎፔ፥ ታ ዬሌታናፔ ካሴና ኢ ዴዒያዋ› ጋዴ ሂንቴንቶ ኦዶዌ ሃዋ» ያጊ ማርካቴዳ። 
\p  
\v 16 ኑኒ ኡባይ ኣ ኩሜን ኣ ኬካቴን ፓላሄዳ ኣንጁዋ ኣኬዶ።  
\v 17 ፆሳይ ሂጊያ ሙሴ ባጋና ኢሜዳ፤ ሺን ኣ ኬካቴይኔ ቱማቴይ ዬሱሲ ኪሪስቶሳ ባጋና ዬዳ።  
\v 18 ፆሳ ቤዔዳ ኣሳይ ኦኒኔ ባዋ፤ ባሬ ኣዉዋ ማታን ዴዒያ ባሬ ሁጴው ፆሳ ጊዴዳዌ ኢቲ ናዓ ፃላላይ ኣባ ማርካቴዳ። 
\s1 ፃማቂያ ዮሃኒሳ ማርካቴ 
\r (ማት 3፡1-12፤ ማር 1፡1-8፤ ሉቅ 3፡1-18) 
\p  
\v 19 ዬሩሳላሜን ዴዒያ ኣዪሁዳቱዋ ኣዪሲያዋንቱ ቄሳቱዋኔ ሌዋቱዋ ዮሃኒሳኮ፥ «ኔኒ ኦኔ?» ጊዴ ኣ ኦቻና ማላ ኪቲና፥ ዮሃኒሲ ኡንቱንቱሲ ማርካቴዳ ማርካቴይ ሃዋ። 
\p  
\v 20 ዮሃኒሲ፥ «ታኒ ኪሪስቶሳ ጊዲኬ» ያጊዴ ጌሺ ማርካቴዳዋፔ ኣቲን፥ ማርካቱሳ ኢፂቤና። 
\p  
\v 21 ኡንቱንቱ፥ «ያቲና፥ ኔኒ ኦኔ? ኔኒ ኤላሴ?» ያጊዴ ኦቼዲኖ። 
\p ዮሃኒሲ፥ «ኣ ጊዲኬ» ያጌዳ። 
\p ቃሲካ ኡንቱንቱ፥ «ኔኒ ናቤ?» ያጊዴ ኦቼዲኖ። 
\p ዮሃኒሲ፥ «ጊዲኬ» ያጊ ዛሬዳ። \x - \xo 1:21 \xt ዛር 18፡15፣ 18፤ ሚል 4፡5\x* 
\p  
\v 22 ኡንቱንቱ፥ «ያቲና ኔኒ ኦኔ? ኑኒ ኑና ኪቴዳዋንቶ ኦዳና ማላ፥ ኔኒ ኔና ኦና ጋይ?» ያጌዲኖ። 
\p  
\v 23 ዮሃኒሲ ዛሪዴ፥ «ናቢያ ኢሳያሴ ጌዳዋዳን፥ ዎራን ባሬ ቃላ ቁ ኡዲዴ፥ 
\q1 ‹ጎዳ ኦጊያ ሲቲ ኦቴ!› 
\q2 ጊያ ኮሻይ ታዋ» 
\m ያጌዳ። \x - \xo 1:23 \xt ኢሳ 40፡3\x* 
\p  
\v 24 ቃሲ ፓሪሳዋቱ ኪቴዳ ኣሳቱ  
\v 25 ዮሃኒሳ፥ «ኔኒ ኪሪስቶሳ ዎይ፥ ኤላሳ ዎይ ናቢያ ጊዳና ዮፔ፥ ያቲና ኣዪሲ ፃማቃይ?» ያጊዴ ኦቼዲኖ። 
\p  
\v 26 ዮሃኒሲ፥ «ታኒ ሃን ፃማቃይ፤ ሺን ሂንቴንቱ ኤሬናዌ ኢቱ ሃዋኒ ሂንቴንቱ ጊዱዋን ዴዔ።  
\v 27 ኢ ታፔ ካላ ዬ። ታኒ ኣ ጫማ ቃሹዋ ቢላናዉካ ቤሲኬ» ያጊ ዛሬዳ። 
\p  
\v 28 ሃዌ ኡባይ ዮርዳኖሳ ሻፋፔ ሄፊን ባጋ ዮሃኒሲ ፃማቂያሳ ቢታኒያን ሃኔዳ። 
\s1 ፆሳ ኦርጌ ዶርሳ 
\p  
\v 29 ዮሃኒሲ ዎንቴ ጋላሲ ዬሱሲ ባሬኮ ዪያዋ ቤዒዴ፥ «ፆሳ ኦርጌ ዶርሳ፥ \f + \fr 1:29 \fq ፆሳ ኦርጌ ዶርሳ፡ \ft ፓሲጋ (ኬሱዋ)፥ ኣዪሁዴ ኣሳቱዋ ፓይዱዋን ኒሳን ጌቴቲያ ኣጌና ጊዲዴ ቶጲያ ኣሳ ፓይዱዋን ላፑኒያኔ ሆስፑኒያ ኣጌናቱዋ። ኣዪሁዴ ኣሳን ፓሲጋ ጌቴቶዌ፥ ፆሳይ ኢስራዔሊያ ኣሳቱዋ ጊብፄፔ ዎልቃማ ማላታን ኬሴዳ ዎዲያ ጊዲያ ዲራሳ። ዎግ 23፡5-8 ፄሊቴ። \fq ፆሳ ኦርጌ ዶርሳ፥ \ft ኦራ ጫቁዋን ኪሪስቶሳን ፄሴቶ ጋሱ፥ ኢ ሃ ኣላሚያ ኣሳ ሃይቁዋሲ ባሬና ኣ ኢሚዴ ሜና ሙራፔ ኬሲ ኣኮ ዲራሳ። 1ቆር 5፡7፤ 1ጵፅ 1፡18-19 ፄሊቴ።\f* ኣላሚያ ኣሳ ናጋራ ዪሲያዌ፥ ሃዌሺ!  
\v 30 ታኒ፥ ‹ታፔ ካላ ኢቱ ያናዋ፤ ኢ ታፔ ቦላ፤ ኣዪሲ ጎፔ፥ ታ ዬሌታናፔ ካሴና ኢ ዴዒያዋ› ጋዴ ኦዴዳዌ ሃዋ።  
\v 31 ኢ ኦኔንቶ ታኒ ኤሪኬ፤ ሺን ኢስራዔሊያ ኣሳው ኣ ቆንጪሳናው ሃን ፃማቃዴ ያዲ» ያጌዳ። 
\p  
\v 32 ዮሃኒሲ ማርካቲዴ፥ «ጌሻ ኣያናይ ሳሉዋፔ ሃራጲያዳን ዎሺናኔ ኣ ቦላን ኡቲሺን፥ ታኒ ቤዓዲ።  
\v 33 ታኒ ኣ ኤሪኬ፤ ሺን ሃኒ ፃማቃና ማላ ታና ኪቴዳ ፆሳይ፥ ‹ጌሻ ኣያናይ ዎዴ፥ ኢቲ ኣሳ ቦላ ሼምፒሺን፥ ኔኒ ቤዓና፤ ኢካ ጌሻ ኣያናን ፃማቄ› ያጊዴ ታው ኦዴዳ።  
\v 34 ታኒ ሄዋ ቤዓዲ፤ ኢ ፆሳ ናዓ ጊዲያዋካ ማርካታይ» ያጌዳ። 
\s1 ዬሱሲ ኮይሮ ባሬና ካሊያዋንታ ዶሬዳ 
\p  
\v 35 ዎንቴ ጋላሲ ዮሃኒሲ ሺሬቲዴካ ባሬና ካሊያዋንቱፔ ላዓቱዋና ኢቲፔ ኤቄዳ፤  
\v 36 ኢ ዬሱሲ ኣሺን ቤዒዴ፥ «ፆሳ ዶርሳይ ሃዌሺ!» ያጌዳ። 
\p  
\v 37 ዮሃኒሳ ካሊያ ላዓቱ ዮሃኒሲ ጊያዋ ሲሲዴ፥ ዬሱሳ ካሌዲኖ።  
\v 38 ዬሱሲ ባሬና ካሊያዋንታ ጉዬ ሲሚ ቤዒዴ፥ «ኣያ ኮዪቴ?» ያጊ ኦቼዳ። 
\p ኡንቱንቱ ዛሪዴ፥ «ሬቢ፥ ኔኒ ሃቃን ዴዓይ?» ያጌዲኖ። «ሬቢ» ጉሳይ «ታማሪሲያዎ» ጊያዋ። 
\p  
\v 39 ዬሱሲ ኡንቱንታ፥ «ሃ ዪዴ ቤዒቴ» ያጌዳ። ኡንቱንቱ ቢዴ፥ ኢ ዴዒያሳ ቤዔዲኖ፤ ሄ ጋላሲ ሳዓይ ታሙ ሳቴ ሄራ ጊዲያ ዲራው፥ ኡንቱንቱ ኣናና ፔሼዲኖ። 
\p  
\v 40 ዮሃኒሲ ጌዳዋ ሲሲዴ፥ ዬሱሳ ካሌዳ ላዑ ኣሳቱዋፔ ኢቱ፥ ሲሞና ጴፂሮሳ ኢሻ ኢንዲራሳ።  
\v 41 ኢንዲራሴ ኮይሮ ባሬ ኢሻ ሲሞና ዴሚዴ፥ «ኑኒ ፆሳይ ኪቴዳዋና ጋኬቴዶ» ያጌዳ። ሄዋ ጉሳይ «ኪሪስቶሳ» ጊያዋ።  
\v 42 ኢንዲራሴ ሲሞና ዬሱሳኮ ኣሄዳ። 
\p ዬሱሲ ሲሞና ቤዒዴ፥ «ኔኒ ዮሃኒሳ ናዓ ሲሞና፤ ኔ ሱንይ ኬፋ ጌቴታናዋ» ያጌዳ። «ኬፋ» ጊያዋ ቢሌይ «ጴፂሮሳ» ዎይ «ዛላ» ጊያዋ። 
\s1 ዬሱሲ ፒሊጶሳኔ ናቲናዔላ ፄጌዳ 
\p  
\v 43 ዎንቴ ጋላሲ ዬሱሲ ጋሊላ ባናው ቆፋ ቃቼዳ፤ ኢ ፒሊጶሳና ጋኬቲዴ፥ «ታና ካላ!» ያጌዳ።  
\v 44 ፒሊጶሲ፥ ኢንዲራሲኔ ጴፂሮሴ ዴዔዳ ቤቴሳይዳ ጌቴቲያ ካታማፔ ዬዳ ኣሳ። 
\p  
\v 45 ፒሊጶሲ ናቲናዔላና ጋኬቲዴ፥ «ሙሴ ማፃፋቱዋኒኔ ናባቱዋ ማፃፋቱዋን \f + \fr 1:45 \fq ሙሴ ማፃፋቱዋኒኔ ናባቱዋ ማፃፋቱዋን፡ \ft ኣዪሁዳቱዋ ማፃፋ፥ ኤጫ ጫቁዋ።\f* ኣባይ ፃፌቴዳዋዳን፥ ዮሴፎ ናዓ ዬሱሲ ናዚሬቴ ካታማን ዴዒያዋና ኑኒ ጋኬቴዶ» ያጊ ኦዴዳ። 
\p  
\v 46 ናቲናዔሊ ዛሪዴ፥ «ናዚሬቴ ካታማፔ ሎዖባይ ኬሳናው ዳንዳዪ?» ያጌዳ። 
\p ፒሊጶሲ፥ «ያዴ ቤዓ» ያጌዳ። 
\p  
\v 47 ናቲናዔሊ ባሬኮ ዪያዋ ዬሱሲ ቤዒዴ፥ «ማካላይ ባይና ቱሙ ኢስራዔሊያ ኣሳይ ሃዋ!» ያጌዳ። 
\p  
\v 48 ናቲናዔሊ ዬሱሳ፥ «ኔኒ ታና ሃቃን ኤራይ?» ያጊ ኦቼዳ። 
\p ዬሱሲ ዛሪዴ፥ «ፒሊጶሲ ኔና ፄሳናፔ ካሴ፥ ኔኒ ባላሲያ ጌቴቲያ ሚፔ ሂርኪና ዴዒሺን፥ ታኒ ኔና ቤዓዲ» ያጌዳ። 
\p  
\v 49 ናቲናዔሊ ዛሪዴ፥ «ታማሪሲያዎ፥ ኔኒ ፆሳ ናዓ! ኔኒ ኢስራዔሊያ ካቲያ!» ያጌዳ። 
\p  
\v 50 ዬሱሲ፥ «ታኒ ኔና ባላሲያ ጌቴቲያ ሚፔ ሂርኪና ቤዓዲ ጌዳ ዲራው ኣማናይ? ኔኒ ሃዋፔ ኣያዋ ቤዓና!» ያጌዳ።  
\v 51 ቃሲካ ዬሱሲ፥ «ታኒ ሂንቴንቱሲ ቱሙዋ ኦዳይ፤ ሳሉ ዶዬቲና፥ ፆሳ ኪታንቻቱ ታ ቦላ፥ ኣሳ ናዓ ቦላ፥ ፑዴ ኬሲሺናኔ ዱጌ ዎሺና፥ ሂንቴንቱ ቤዓና» ያጌዳ። \x - \xo 1:51 \xt ዶም 28፡12\x* 
\c 2  
\s1 ዬሱሲ ቃና ካታማ ቡላቻሳ ቤዳ 
\p  
\v 1 ሄዜን ጋላሲ ጋሊላ ጋዲያን ቃና ጌቴቲያ ካታማን ቡላቻይ ቡላቼቴዳ፤ ዬሱሳ ዳያ ሄ ቡላቻን ዴዓው።  
\v 2 ዬሱሲካ ባሬና ካሊያዋንቱና ኢቲፔ ሄ ቡላቻ ፄሴቴዳ።  
\v 3 ዎዪኒያ ኡሻይ ዉሪዲጊና፥ ዬሱሳ ዳያ ኣ፥ «ኡንቱንቱሲ ዎዪኒያ ኡሻይ ዉሪዲጌዳ» ያጋ ኦቻዱ። 
\p  
\v 4 ዬሱሲ ዛሪዴ፥ «ታ ዳዬ፥ ሃዌ ታ ኦሱዋ ጊዲያ ዲራው፥ ኔ ያያና ኮሼና። ታ ዎዲ \f + \fr 2:4 \fq ታ ዎዲ፡ \ft ሃዋ ጉሳይ ዬሱሳ ቱሙ ቦንቹ ቤዔታናው ቤሴኔ ኢ ፆሳ ናዓ ጊዶዌ ኤሬታናው ቤሴ ጊያዋ።\f* ቢሮ ጋኪቤና» ያጌዳ። 
\p  
\v 5 ዬሱሳ ዳያ ኪቴቲያዋንቱሲ፥ «ኢ ሂንቴንቱሲ ኦዲያዋ ኣያ ጊዶፔኔ ኦቴ» ያጋ ኦዳዱ። 
\p  
\v 6 ኣዪሁዳቱ ካሴ ኦያ ዶያዳን፥ ሜቻ ዎጋው ኢቱ ኢቱ ፄቱ ፃሪሙሲያ ኦይቂያ ኡሱፑን ሹቻ ባቱ ሄዋን ዴዒኖ።  
\v 7 ዬሱሲ ኪቴቲያዋንታ፥ «ባቱዋኒ ሃ ኩንቴ» ያጌዳ፤ ጌቴቶዋዳንካ ኡንቱንቱ ባቱዋኒ ዶና ጋካናው ሃ ኩንዲኖ።  
\v 8 ዬሱሲ ኡንቱንታ፥ «ሃዒ ዱቂዴ፥ ቡላቻ ካፖ ኢሚቴ» ያጌዳ፤ ኡንቱንቱ ኣው ኣፊዴ ኢሜዲኖ። 
\p  
\v 9 ቡላቻ ካፑ ዎዪኒያ ኡሻ ጊዴዳ ሃ ጋንፂ ፄሊዴ፥ ሃቃፔ ዬዴንቶ ኤሪቤና፤ ሺን ሃ ኩንዳ ኦሳንቻቱ ኤሪኖ። ቡላቻ ካፑ ማቻቶ ኣኪያዋ ፄሲዴ፥  
\v 10 «ኦኒኔ ኣዪፌ ጊዴዳ ዎዪኒያ ኡሻ ኢማ ኣሳ ካሴቲዴ ኡሼ፤ ያቲዴ ኣሳይ ዳሪሲ ኡሼዳዋፔ ጉዪያን፥ ቂራሪያ ኡሼ። ሺን ኔኒ ኣዪፌ ጊዴዳ ዎዪኒያ ኡሻ ሃኖ ጋካናው ናጋዳ!» ያጌዳ። 
\p  
\v 11 ዬሱሲ ባሬ ኦዳ ዎልቃማ ማላታቱዋፔ ሃዋ ኮይሩዋ ጋሊላ ጋዲያን ቃና ጌቴቲያ ሄራን ኦዳ፤ ሄዋን ባሬ ቦንቹዋ ኢ ቆንጪሲና፥ ኣ ካሊያዋንቱ ኣኒ ኣማኔዲኖ። 
\p  
\v 12 ሄዋፔ ጉዪያን፥ ዬሱሲ ባሬ ዳዪና፥ ባሬ ኢሻቱዋናኔ ባሬና ካሊያዋንቱና ኢቲፔ ቂፊሪናሆማ ጌቴቲያ ካታማ ቢዴ ኣማሬዳ ጋላሳ ታኬዲኖ። 
\s1 ዬሱሲ ጌሻ ጎሊያ ጊቢያፔ ዛሊዒያዋንታ ኬሴዳ 
\r (ማት 21፡12-13፤ ማር 11፡15-17፤ ሉቅ 19፡45-46) 
\p  
\v 13 ኣዪሁዳቱ ቦንቺያ ፓሲጋ ባላ ጋላሳይ ማታቲና፥ ዬሱሲ ዬሩሳላሜ ቤዳ።  
\v 14 ጌሻ ጎሊያ ጊቢያን ሚዛ፥ ዶርሳኔ ዶጎማቱዋ ዛሊዒያ ኣሳ ዴሜዳ፤ ቃሲ ሃራቱ ባሬንቱ ኦይዲያን ኡቲዴ፥ ሚሻ ላሚያዋንታ ዴሜዳ።  
\v 15 ኢ ጎላ ጂራፊያ ዶቂዴ፥ ኣሳ ኡባ ዶርሳናኔ ሚያና ጌሻ ጎሊያ ጊቢያፔ ካሬው ኬሲዴ ዬዴሪሴዳ። ሚሻ ላሚያዋንቱ ኦይዲያካ ኣ ዬጊዴ፥ ኡንቱንቱ ሚሻ ላሌዳ።  
\v 16 ዶጎሙዋ ዛሊዒያዋንታ ኢ፥ «ሃ ዶጎማቱዋ ሃዋፔ ኬሲቴ፤ ታ ኣቡ ጎሊያ ጌያ ኦፒቴ!» ያጌዳ። 
\p  
\v 17 ዬሱሳ ካሊያዋንቱ ፆሳ ማፃፋን፥ «ታኒ ኔ ጎሌው ሴሌቲያ ሴላይ ታና ታማዳን ጉዴ» ጌቴቲዴ ፃፌቴዳዋ ሃሳዬዲኖ። \x - \xo 2:17 \xt ማዝ 69፡9\x* 
\p  
\v 18 ሄዋፔ ጉዬ፥ ኣዪሁዴ ኣሳ ኣዪሲያዋንቱ ዛሪዴ፥ «ኔው ሃዋ ኦናው ዳንዳዪያ ማታይ ዴዒያዋ ኑና ኣያ ማላታ ቤሳኒ?» ያጌዲኖ። 
\p  
\v 19 ዬሱሲ፥ «ሃ ጌሻ ጎሊያ ኮሊቴ፤ ታኒ ሄዙ ጋላሳኒ ዛራዴ ኬፃና» ያጌዳ። 
\p  
\v 20 ቃሲካ ኣዪሁዴ ኣሳ ኣዪሲያዋንቱ፥ «ሃ ጌሻ ጎሊያ ኬፃናው ኦይታማኔ ኡሱፑን ላይ ኣኬዳ፤ ሺን ኔኒ ሄዙ ጋላሳኒ ኬፃኒ?» ያጌዲኖ። 
\p  
\v 21 ሺን ኢ ሃሳዬዳ ጌሻ ጎሊ ባሬ ኣሳቴባ።  
\v 22 ሄዋ ዲራው፥ ዬሱሲ ሃይቁዋፔ ዴንዴዳዋፔ ጉዪያን፥ ዬሱሳ ካሊያዋንቱ ኢ ሄዋ ጌዳዋ ሃሳዬዲኖ። ቃሲ ኡንቱንቱ ፆሳ ማፃፋይ ጌዳዋኔ ዬሱሲ ሃሳዬዳዋ ኣማኔዲኖ። 
\p  
\v 23 ፓሲጋ ባላ ቦንቺያ ዎዴ፥ ዬሱሲ ዬሩሳላሜን ዴዒሺን፥ ኢ ኦዳ ማላታ ቤዒዴ፥ ጮራ ኣሳይ ኣ ኣማኔዲኖ።  
\v 24 ሺን ዬሱሲ ኣሳ ኡባ ኤሪያ ዲራው፥ ሄዋንታ ኣማኒቤና።  
\v 25 ኣሳባ ኦኒኔ ኣው ማርካታና ማላ ኮዪቤና፤ ኣዪሲ ጎፔ፥ ኣሳ ዎዛናኒ ኣዬ ዴዒንቶ፥ ኢ ባሬ ሁጴው ኤሪያ ዲራሳ። 
\c 3  
\s1 ዬሱሳኔ ኒቆዲሞሳ 
\p  
\v 1 ፓሪሳዋቱዋፔ ጊዴዳ ካፑዋ ኒቆዲሞሳ ጌቴቲያ ኢቲ ቢታኒ ዴዔ።  
\v 2 ኒቆዲሞሲ ቃማ ዬሱሳኮ ዪዴ፥ «ታማሪሲያዎ፥ ኔኒ ኑና ታማሪሳና ማላ ፆሳይ ኪቴዳ ጊዲያዋ ኑኒ ኤሬቶ፤ ኣዪሲ ጎፔ፥ ፆሳይ ኣናና ዴዒያ ኣሳፔ ኣቲን፥ ሃ ኔኒ ኦያ ዎልቃማ ማላታቱዋ ኦናው ዳንዳዪያ ኣሳይ ባዋ» ያጌዳ። 
\p  
\v 3 ዬሱሲ ዛሪዴ፥ «ታኒ ኔው ቱሙዋ ኦዳይ፤ ኣሳይ ላዔንዋ ዬሌታና ዮፔ፥ ፆሳ ካዉቴ ቤዓናው ዳንዳዬና» ያጌዳ። 
\p  
\v 4 ኒቆዲሞሲ፥ «ጪማ ኣሳይ ዋኒዴ ላዔንዋ ዬሌታናው ዳንዳዪ? ባሬ ዳይ ኡሉዋ ሲሚ ጌሊዴ፥ ላዔንዋ ዬሌታናው ኣሳይ ዳንዳዪ?» ያጌዳ። 
\p  
\v 5 ዬሱሲ ዛሪዴ፥ «ታኒ ኔው ቱሙዋ ኦዳይ፤ ኣሳይ ሃፔኔ ጌሻ ኣያናፔ ዬሌታና ዮፔ፥ ፆሳ ካዉቴ ጌላናው ዳንዳዬና።  
\v 6 ኣሳይ ኣሹዋን ኣሳፔ ዬሌቴ፤ ሺን ኣሳይ ኣያናኒ ጌሻ ኣያናፔ ዬሌቴ፤  
\v 7 ‹ሂንቴንቱ ላዔንዋ ዬሌታናው ቤሴ› ጋዴ ታኒ ኦዴዳ ዲራው፥ ማላሌቶፓ።  
\v 8 ጫርኩ ባሬ ኮዬዳሳ ጫርኬ። ኔኒ ኣ ኮሹንቻ ሲሳሳ፤ ሺን ኢ ሃቃፔ ዪንቶ ዎይ ሃቃ ቢንቶ ኤራካ። ጌሻ ኣያናፔ ዬሌቴዳ ኡባይ ሄዋ ማላ» ያጌዳ። 
\p  
\v 9 ኒቆዲሞሲ፥ «ሃዌ ዋኒዴ ሃናናው ዳንዳዪ?» ያጊዴ ኦቼዳ። 
\p  
\v 10 ዬሱሲ ዛሪዴ፥ «ኔኒ ኢስራዔላቱዋ ታማሪሲያዋ ጊዳዴ ሃዋ ኤሪኪ?  
\v 11 ታኒ ኔው ቱሙዋ ኦዳይ፤ ኑኒ ኤሪያዋ ሃሳዬቶኔ ቤዔዳዋ ማርካቴቶ፤ ሺን ኑኒ ማርካቲያዋ ሂንቴንቱ ኣኪኪታ።  
\v 12 ታኒ ሂንቴንቱሲ ሳዓባ ኦዲና፥ ኣማኔናዋንታ ጊዶፔ፥ ሳሉዋባ ኦዲና ዋኒ ኣማናኒቴ?  
\v 13 ሳሉዋፔ ዎዳ ታፔ ኣቲን፥ ሳሉዋ ኬሴዳዌ ኦኒኔ ባዋ፤ ሳሉዋን ዴዒያ ኣሳ ናዓይ ታና። 
\p  
\v 14-15 «ሙሴ ዎራን ፃንቂማሉዋ ሾሻ ሱሌዳዋዳን፥ ታና ኣማኔዳ ኡባይ ሜና ዴዑዋ ኣካና ማላ፥ ታኒ ኣሳ ናዓይ ማስቃሊያ ቦላ ፑዴ ዴንዳና ቤሴ። \x - \xo 3:14-15 \xt ፓይ 21፡9\x* 
\p  
\v 16 «ፆሳ ናዓ ኣማኒያ ኡባይ ሜና ዴዑዋ ኣካናፔ ኣቲን፥ ዬና ማላ፥ ፆሳይ ሃ ኣላሚያ ኣሳ ሎይ ሲቄዳ ዲራው፥ ባሬ ሜፂ ኢቲ ናዓ ኢሜዳ።  
\v 17 ኣዪሲ ጎፔ፥ ፆሳይ ባሬ ናዓ ሃ ኣላሚያ ኣሳ ፒርዳናው ኪቲቤና፤ ሺን ኡንቱንታ ኣ ባጋና ኣሻናው ኪቴዳ። 
\p  
\v 18 «ኣ ናዓ ኣማኒያ ኦኒኔ ፒርዴቴና፤ ሺን ናዓን ኣማኔና ኦኒኔ፥ ፆሳ ናዓ ኢቱዋ ኣማኒቤና ዲራው፥ ሃዒካ ፒርዴቲ ኡቴዳ።  
\v 19 ኣሳ ቦላ ዪያ ፒርዳይ ሃዋ፡ ፖዑ ሃ ኣላሚያ ዬዳ፤ ሺን ኣሳ ኪታይ ኢታ ጊዲያ ዲራው፥ ፖዑዋፔ ኣዴ፥ ማ ሲቄዳ።  
\v 20 ኢታባ ኦያ ኦኒኔ ፖዑዋ ኢፄ፤ ኣዪሲ ጎፔ፥ ባሬ ኪታይ ቆንጬና ማላ፥ ፖዑዋኮ ሺቄና።  
\v 21 ሺን ቱሙዋ ኦያ ኦኒኔ ፆሳይ ኣዛዜዳዋዳን፥ ኢ ኦዳዋ ፖዑ ቆንጪሳና ማላ፥ ፖዑዋኮ ሺቄ» ያጌዳ። 
\s1 ዬሱሳኔ ፃማቂያ ዮሃኒሳ 
\p  
\v 22 ሄዋፔ ጉዪያን፥ ዬሱሲኔ ኣ ካሊያዋንቱ ዪሁዳ ጋዲያ ቤዲኖ፤ ዬሱሲ ሄ ጋዲያን ኡንቱንቱና ኣማሬዳ ዎዲያ ኡቲዴ፥ ኣሳ ፃማቂዴ ዴዔ። 
\p  
\v 23 ቃሲ ዮሃኒሲ ሳሌሜ ማታን ዴዒያ ሄኖና ጊያ ሳን ዎጋ ሃይ ዴዒያ ዲራው፥ ኣሳይ ኣኮ ዪና ፃማቄ።  
\v 24 ሄዌ ሃኔዳዌ ዮሃኒሲ ቃሼታናፔ ካሴና። 
\p  
\v 25 ሄዋፔ ጉዪያን፥ ዮሃኒሳ ካሊያዋንቱና ኣማሬዳ ኣዪሁዳቱዋ ሜቻ ዎጋባ \f + \fr 3:25 \fq ኣዪሁዳቱዋ ሜቻ ዎጋባ፡ \ft ሃዋ ጉሳይ ኣዪዳቱ ባሬንቱ ጎይናና ጋናው ኦያ ዱማ ዱማ ባሬንታ ሜቻባይኔ ባሬንቱ ሳኒያ ሜጪያ ዎጋቱ ዴዒያዋ ቤሴ።\f* ፓሉሜቴዲኖ።  
\v 26 ኡንቱንቱ ዮሃኒሳኮ ቢዴ፥ «ታማሪሲያዎ፥ ዮርዳኖሳ ሻፋፔ ሄፊንን ኔናና ዴዒያዌ፥ ኔኒ ኣባ ማርካቶዌ፥ ቤዓ ሃዒ ፃማቄ፤ ኣሳይ ኡባይካ ኣኮ ቤ» ያጌዲኖ። 
\p  
\v 27 ዮሃኒሲ ዛሪዴ፥ «ፆሳይ ኢማና ዮፔ፥ ኣሳይ ኣይኔ ኣካናው ዳንዳዬና።  
\v 28 ‹ታኒ ኪሪስቶሳ ጊዲኬ፤ ሺን ታኒ ኣፔ ሲንው ኪቴታዲ› ጌዳዋሲ ሂንቴ ሂንቴንቱ ሁጴው ማርካ።  
\v 29 ሚሺራ ማጫዉና ዴዒያ ኡራይ ኢካ ሚሺራ፤ ሄ ሚሺራ ሚያታይ ኤቂዴ፥ ኢ ጊያዋ ሲሲያዌ ኣ ሃሳያን ዳሮ ናሼቴ። ሄዋ ዲራው፥ ሃዌ ታ ናሼቻይ ፖሌቴዳ።  
\v 30 ኢ ዳሪና ታ ጉፃና ቤሴ» ያጌዳ። 
\p  
\v 31 ቦላፔ ዪያዌ ኡባፔ ቦላ። ሳዓፔ ቤቴዳዌ ሳዓሳ። ኢካ ሳዓባ ሃሳዬ። ሳሉዋፔ ዪያዌ ኡባፔ ቦላ።  
\v 32 ኢ ባሬ ቤዔዳባኔ ሲሴዳባ ማርካቴ፤ ሺን ኣ ማርካቴ ኣኪያዌ ባዋ።  
\v 33 ኣ ማርካቴ ኣኪያ ኦኒኔ ፆሳይ ቱማንቻ ጊዲያዋ ሄዋን ማርካቴ።  
\v 34 ፆሳይ ኪቴዳዌ ፆሳ ቃላ ኦዴ፤ ኣዪሲ ጎፔ፥ ፆሳይ ባሬ ጌሻ ኣያና ፓላሂሲዴ ኢሜ።  
\v 35 ፆሳይ ባሬ ናዓ ሲቂዴ ኡባባ ኣ ኩሺያን ዎዳ።  
\v 36 ናዓ ኣማኒያ ኡራው ሜና ዴዑ ዴዔ፤ ሺን ናዓ ኣማኔናዋ ቦላ ፆሳ ሃንቁ ዴዓናዋፔ ኣቲን፥ ኢ ዴዑዋ ቤዔና። 
\c 4  
\s1 ዬሱሳኔ ሳማሪያ ሚሺራቶ 
\p  
\v 1-3 ዬሱሲ ዮሃኒሳዋፔ ዳሪያ ባሬና ካሊያዋንታ ባሬኮ ሺሼኔ ፃማቄ ጊያዋ ፓሪሳዋቱ ሲሴዳዋ ዬሱሲ ኤሬዳ ዎዴ፥ ዪሁዳ ኣጊዴ፥ ጋሊላ ቤዳ፤ ጊዶፔኔ፥ ዬሱሳ ካሊያዋንቱ ፃማቄዳዋፔ ኣቲን፥ ዬሱሲ ባሬ ሁጴው ኦናኔ ፃማቂቤና።  
\v 4 ጋሊላ ቢዴ፥ ሳማሪያና ኣናዌ ኣ ኣሼናባ ጊዴዳ። 
\p  
\v 5 ሄዋ ዲራው፥ ያዪቆቢ ባሬ ናዓ ዮሴፎ ኢሜዳ ጋዲያ ማታን ዴዒያ ሲካሮ ጌቴቲያ ሳማሪያ ካታማ ቤዳ። \x - \xo 4:5 \xt ዶም 33፡19፤ ኢያ 24፡32\x* 
\v 6 ሄ ሳዓን ያዪቆባ ሃ ኦላይ ዴዔ፤ ዬሱሲ ሃሜታን ዳቡሪዴ፥ ሄ ሃ ኦላ ማታን ኡቴዳ። ሄ ዎዴ ሳዓይ ኡሱፑን ሳቲያ ሄራ። 
\p  
\v 7 ሳማሪያ ሚሺራታ ሃ ዱቃናው ዬዳዉኖ ዬሱሲ፥ «ታና ሃ ኡሻሪኪ!» ያጌዳ።  
\v 8 ዬሱሳ ካሊያዋንቱ ቁማ ሻማናው ካታማ ቤዲኖ። 
\p  
\v 9 ሄ ሚሺራታ ዛራዴ ኣ፥ «ኔኒ ኣዪሁዳ ኣሳ ጊዳዴ፥ ሳማሪያ ማጫ ኣሳ ጊዴዳ ታና፥ ዎታ ዴዑዋ ኢሚያ ሃ ኡሻ ጋይ?» ያጋዱ፤ ኣዪሲ ጎፔ፥ ኣዪሁዳቶኔ ሳማሪያ ኣሳው ኢቲፔቴይ ባይና ዲራሳ። \x - \xo 4:9 \xt ኤዝር 4፡1-5፤ ናህ 4፡1-2\x* 
\p  
\v 10 ዬሱሲ ዛሪዴ ኢዞ፥ «ኔኒ ፆሳ ኢሞታኔ ቃሲ ኔና ‹ታና ሃ ኡሻ› ጊያዌ ኦኔንቶ ኤሪያዋ ጊዲንቶ፥ ኣ ዎሳናሳ፤ ኢካ ኔው ዴዑዋ ኢሚያ ሃ ኢማና» ያጌዳ። 
\p  
\v 11 ሚሺራታ ዛራዴ፥ «ጎዳው፥ ኔው ዱቂያባይ ባዋ፤ ኦላይካ ጪሙዋ። ያቲና፥ ዴዑዋ ኢሚያ ሃ ሃቃፔ ኣካኒ?  
\v 12 ኑሲ ሃ ሃ ኦላ ኢሜዳ ኑ ኣዉዋ ያዪቆባፔ ኔኒ ዳራይ? ኢ፥ ኣ ናናይኔ ኣ ሜሂ ሃዋፔ ኡሼዲኖ» ያጋዱ። 
\p  
\v 13 ዬሱሲ ዛሪዴ፥ «ሃ ሃፔ ኡሺያ ኦኒኔ ላዔንዋ ሳሜታናዋ።  
\v 14 ሺን ታኒ ኢሚያ ሃ ኡሺያ ኦኒኔ ላዔንዋ ሳሜቴና። ታኒ ኢሚያ ሃይ ሄ ኣ ጊዶን ሜና ዴዑዋሲ ፑልቲያ ፑልቱዋ ጊዳናዋ» ያጌዳ። 
\p  
\v 15 ሚሺራታ፥ «ጎዳው፥ ታኒ ሳሜቴና ማላኔ ሃ ቲካናዉካ ሃ ዬና ማላ፥ ታው ሄ ሃ ኢማ!» ያጋዱ። 
\p  
\v 16 ዬሱሲ ኢዞ፥ «ባዴ ኔ ኣሲና ፄሳዴ ሃ ሲማ» ያጌዳ። 
\p  
\v 17 ሚሺራታ ዛራዴ፥ «ታው ኣሲናይ ባዋ» ያጋዱ። 
\p ዬሱሲ፥ «ታው ኣሲናይ ባዋ ጊያዋን ቱሙዋ ጋዳ።  
\v 18 ኔኒ ኢቼሹ ኣሲና ጌላዳ፤ ሃዒ ኔናና ዴዒያ ቢታኒ ኔ ኣሲና ጊዴና። ኔኒ ሃዒ ታው ኦዴዳዌ ቱማ» ያጌዳ። 
\p  
\v 19 ሚሺራታ ቃይ፥ «ጎዳው፥ ኔኒ ናቢያ ጊዲያዋ ታ ሃዒ ኤራዲ፤  
\v 20 ኑ ሳማሪያ ኣሳ ኣዋቱ ሃ ዴሪያን \f + \fr 4:20 \fq ሃ ዴሪያን፥ \ft ጊያዌ ዴሪያ ጌሪዛና ጊዲዴ ሴኬማ ጌቴቲያ ካታማ ማታን ዴዒያዋ።\f* ጎዪኔዲኖ፤ ሺን ኣዪሁዳቱ ሂንቴንቱ ኣሳይ ፆሳው ጎዪናናው ቤሲያ ሳዓይ ዬሩሳላሜና ያጊታ» ያጋዱ። 
\p  
\v 21 ዬሱሲ፥ «ሃ ሚሺራቴ፥ ታና ኣማና፤ ሃ ዴሪያን ዎይ ዬሩሳላሜን ኣዉዋ ፆሳው ሂንቴንቱ ጎዪኔና ዎዲ ያናዋ።  
\v 22 ሂንቴንቱ ሳማሪያ ኣሳይ ሂንቴ ኤሬናባው ጎዪኒታ፤ ፆሳይ ኑና ኣዪሁዳቱዋ ጎዔቲዴ ኣቶቴ ኣሂያ ዲራው፥ ኑኒ ኑ ኤሪያዎ ጎዪኔቶ።  
\v 23 ሺን ኣዉዋ ፆሳው ቱሙዋፔ ጎዪኒያዋንቱ ኣ፥ ጌሻ ኣያና ዎልቃኒኔ ፆሳ ፆሳቴዳን ጎዪኒያ ዎዲ ማታቴዳ፤ ኡባ ሃዒካ ጋኬዳ። ኣዪሲ ጎፔ፥ ኣሳ ባሬው ጎዪናና ማላ፥ ኣዉ ፆሳይካ ሃ ኦጊያን ጎዪኒያዋንታ ኮዬ።  
\v 24 ፆሳይ ኣያና፤ ኣው ጎዪኒያዋንቱካ ጌሻ ኣያና ዎልቃኒ ፆሳ ፆሳቴዳን ጎዪናናው ቤሴ» ያጌዳ። 
\p  
\v 25 ሚሺራታ፥ «ማሲሂያ ጌቴቲያ ኦኬቶዌ ያናዋ ታኒ ኤራይ። ኢ ዪያ ዎዴ ኑሲ ኡባባ ኦዳናዋ» ያጋዱ። 
\p  
\v 26 ዬሱሲ፥ «ሃ ኔናና ሃሳዪያዌ ታኒ ኣ» ያጌዳ። 
\p  
\v 27 ሃዋ ኡንቱንቱ ሃሳዪሺን፥ ዬሱሳ ካሊያዋንቱ ቤዳሳፔ ሲሜዲኖ። ዬሱሲ ሚሺራቲና ሃሳዪሺን ኡንቱንቱ ቤዒዴ ዳሪሲ ማላሌቴዲኖ፤ ሺን ሚሺራቶ፥ «ኣያ ኮያይ?» ዎይ ዬሱሳ፥ «ኢናና ኣዪሲ ሃሳያይ?» ጊዴ ኦቾዌ ኦኒኔ ባዋ። 
\p  
\v 28 ሄዋፔ ጉዪያን፥ ሚሺራታ ባሬ ሃ ኦቱዋ ኣጋ ባሻ ጉዬ ካታማ ባዴ ኣሳው፥  
\v 29 «ታኒ ኦዳዋ ኡባ ታው ኦዴዳ ቢታኒያ ቤዓናው ዴንዲቴ፤ ሄዌ ኪሪስቶሳ ጊዳንዴሻ?» ያጋዱ።  
\v 30 ኣሳይ ካታማፔ ኬሲዴ፥ ዬሱሳኮ ቤዳ። 
\p  
\v 31 ሄዌ ሃኒሺን፥ ኣ ካሊያዋንቱ ዬሱሳ፥ «ጉባ ማሪኪ!» ያጊዴ ዎሴዲኖ። 
\p  
\v 32 ሺን ኢ፥ «ታው ሂንቴንቱ ኤሬና ቁማይ ታኒ ሚያዌ ዴዔ» ያጌዳ። 
\p  
\v 33 ሄዋ ዲራው፥ ኣ ካሊያዋንቱ ባሬንቱ ጊዶን፥ «ኣው ሚያባ ኣሄዳ ኣሳይ ዴዓንዴሻ?» ያጌዲኖ። 
\p  
\v 34 ዬሱሲ ኡንቱንቱሲ፥ «ታ ቁማይ ታና ኪቴዳዋ ሼኒያ ኡዱሳኔ ኣ ኦሱዋ ፖሉሳ።  
\v 35 ሂንቴንቱ፥ ‹ኦይዱ ኣጌናፔ ጉዪያን፥ ካይ ጫኬታናዋ› ጊኪቴዬ? ታኒ ሂንቴንቱሲ ኦዳይ፤ ጎሻ ሎይ ፄሊቴ፤ ካይ ጫካ ቤሴዳ።  
\v 36 ዜሪያዌኔ ጫኪያዌ ኢቲፔ ናሼታና ማላ፥ ጫኪያዌ ዲርጉዋ ኣኬኔ ካ ሜና ዴዖ ሺሼ።  
\v 37 ሃ ጋሱዋን፥ ‹ኢቱ ዜሬ፤ ቃሲ ኢቱ ጫኬ› ጊያ ሃሳያይ ቱማ።  
\v 38 ሂንቴንቱ ዳቡሪቤናዋ ጫካና ማላ፥ ታኒ ሂንቴንታ ኪታዲ፤ ሃራቱ ኦ ዳቡሬዲኖ፤ ሂንቴንቱ ሃራቱዋ ዳቡራን ጌሌዲታ» ያጌዳ። 
\p  
\v 39 ሚሺራታ፥ «ኢ ታኒ ኦዳ ኡባባ ኦዴዳ» ጋዴ ማርካቴዳ ዲራው፥ ሄ ካታማን ዴዒያ ሳማሪያ ኣሳፔ ጮራይ ዬሱሳ ኣማኔዳ።  
\v 40 ሳማሪያ ኣሳይ ዬሱሳኮ ዬዳ ዎዴ፥ ባሬንቱ ማታን ጋሚዓና ማላ፥ ዬሱሳ ዎሲና ኢ ያኒ ላዑ ጋላሳ ኡቴዳ። 
\p  
\v 41 ኢ ኦዲያ ቃላ ዲራው፥ ካሴዋፔ ጮራ ኣሳይ ኣማኔዳ፤  
\v 42 ቃሲ ኡንቱንቱ ሚሺራቶ፥ «ኑኒ ኑ ሁጴው ኢ ጊያዋ ሲሲዴ ኣማኔዳዋፔ ኣቲን፥ ኔኒ ማርካቴዳ ዲራሳ ጊዴና፤ ኢ ቱሙ ኣላሚያ ኣሳ ኣሺያዋ ጊዲያዋካ ኑኒ ኤሬዶ» ያጌዲኖ። 
\s1 ዬሱሲ ኢቲ ካፑዋ ናዓ ፓዳ 
\p  
\v 43 ላዑ ጋላሳፔ ጉዪያን፥ ዬሱሲ ሳማሪያፔ ኬሲዴ፥ ጋሊላ ጋዲያ ቤዳ።  
\v 44 ኣዪሲ ጎፔ፥ ኢ ባሬ ሁጴው፥ «ናቢ ባሬ ጋዲያን ቦንቼቴና» ያጊ ኦዴዳ።  
\v 45 ዬሱሲ ጋሊላ ጋኬዳ ዎዴ፥ ጋሊላ ኣሳይ ኣ ሞኬዳ፤ ፓሲጋ ቦንቺያ ጋላሲ ኡንቱንቱ ዬሩሳላሜን ዴዒያ ዲራው፥ ኢ ኦዳ ኡባባ ቤዔዲኖ። 
\p  
\v 46 ዬሱሲ ሃ ዎዪኒያ ኡሻ ኬሴዳ፥ ጋሊላን ዴዒያ ቃና ካታማ ቤዳ። ቂፊሪናሆማን ኣ ናዓይ ሳኬቲያ፥ ካቲያ ጎሌን ኦያ ኢቲ ካፑ ዴዔ።  
\v 47 ዬሱሲ ዪሁዳፔ ጋሊላ ዬዳዋ ሄ ካፑ ሲሲዴ፥ ኣኮ ዪዴ ሃይቃናው ማቴዳ ባሬ ናዓ ቢዴ ፓና ማላ፥ ዬሱሳ ዎሴዳ። 
\p  
\v 48 ዬሱሲ ሄ ካፑዋ፥ «ፆሳይ ኦያ ማላታኔ ሄቾ ጊሲያባ ቤዔናኒ ዴዒዴ፥ ሂንቴንቱ ኣዪኔ ኣማኒኪታ» ያጌዳ። 
\p  
\v 49 ሄ ካፑ ዛሪዴ፥ «ጎዳው፥ ታ ናዓይ ሃይቄናን ዴዒሺን፥ ታናና ባሪኪ» ያጌዳ። 
\p  
\v 50 ዬሱሲ፥ «ባ፤ ኔ ናዓይ ፓፃ ዴዓናዋ!» ያጌዳ። 
\p ሄ ካፑ ዬሱሲ ጌዳዋ ኣማኒዴ ቤዳ።  
\v 51 ኢ ባሬ ጎሌ ቢሺን፥ ኣ ቆማቱ ኣናና ኦጊያን ጋኬቲዴ ኣ፥ «ኔ ናዓይ ፓፃ ዴዔ» ጌዲኖ። 
\p  
\v 52 ኢ ባሬ ቆማቱዋ ባሬ ናዓው ኣይ ሳቲያን ኬኬዴንቶ ኦቺና ኡንቱንቱ፥ «ዚኖ ላፑ ሳቲያን ቆፁ ኣ ኣጌዳ» ያጌዲኖ።  
\v 53 ናዓ ኣዉ ዬሱሲ ባሬው፥ «ኔ ናዓይ ፓፃ ዴዓናዋ» ጌዳዌ ሄ ሳቲያና ጊዴዳዋ ሃሳዬዳ። ሄዋ ዲራው፥ ኢኔ ኣ ሶይ ኣሳይ ኡባይ ኣማኔዲኖ። 
\p  
\v 54 ሃዌ ዬሱሲ ዪሁዳፔ ጋሊላ ዪዴ ኦዳ ላዔን ማላታ። 
\c 5  
\s1 ዬሱሲ ጉንዳ ቢታኒያ ዳጋቲ ኡቴዳ ሃ ማታን ፓዳ 
\p  
\v 1 ሄዋፔ ጉዪያን፥ ዬሱሲ ኣዪሁዳቱ ቦንቺያ ባላው ዬሩሳላሜ ቤዳ።  
\v 2 ዬሩሳላሜን ዶርሳ ፔንጊያ ማታን ኢብራዪስፄ ቃላን ቤቴሳይዳ ጌቴቲያ ዳጋቲ ኡቴዳ ሃይ ዴዔ፤ ሄ ዳጋቲ ኡቴዳ ሃ ዩዪ ኣዳ ኢቼሹ ካሻይ ዴዔ።  
\v 3 ሄዋን ጮራ ሃርጋንቻቱ፥ ቆቃቱ፥ ዎባቱኔ ሲሌዳዋንቱ ጊሴዲኖ። [ሃይ ቃፂያዋ ናጊኖ።  
\v 4 ኣዪሲ ጎፔ፥ ኢቲ ኢቲ ጌዴ ጎዳ ኪታንቻይ ሄ ዳጋቴዳ ሃኮ ጌሊዴ፥ ሃ ቃ፤ ሃይ ቃፄዳዋፔ ጉዪያን፥ ኮይሮ ጌሌዳ ኡራይ ባሬና ኦይቄዳ ኣይ ሃርጊያፔካ ፓፄ።] \f + \fr 5:4 \ft ሃ ፓይዱ ኢቲ ቤኒ ኮይሮቲዴ ፃፌቴዳ ጌሻ ማፃፋቱዋን ባዋ።\f* 
\v 5 ሄዋን ሃታማኔ ሆስፑን ላይ ሳኬቴዳ ኢቲ ቢታኒ ዴዔ።  
\v 6 ሄ ቢታኒ ሄዋን ጊሴዳዋ ዬሱሲ ቤዒዴ፥ ዳሮ ዎዲያ ሳኬቴዳዋካ ኤሪዴ ቢታኒያ፥ «ፓፃናው ኮያይ?» ያጌዳ። 
\p  
\v 7 ሳኬቲያ ቢታኒ ዛሪዴ፥ «ጎዳው፥ ሃይ ቃፂያ ዎዴ፥ ታና ሃን ዬጊያ ኣሳይ ዬዳ፤ ታኒ ጌላና ሃኒያ ዎዴ፥ ሃራ ኡራይ ታፔ ካሴቲዴ ጌሊ ኣጌ» ያጌዳ። 
\p  
\v 8 ዬሱሲ ኣ፥ «ዴንዳ ኤቃ፤ ኔኒ ጊሶዋ ቶካዴ ባ» ያጌዳ።  
\v 9 ቢታኒ ኤሌካ ፓፂ ኣጌዳ፤ ባሬ ጊሱዋ ቶኪዴ ቤዳ። 
\p ሄዌ ሃኔዳዌ ሳምባታ ጋላሳና።  
\v 10 ሄዋ ዲራው፥ ኣዪሁዳቱ ፓፄዳ ቢታኒያ፥ «ሃቼ ሳዓይ ሳምባታ፤ ኔኒ ኔ ጊሱዋ ቶካ ቢያዌ ዎጋ ጊዴና» ያጌዲኖ። \x - \xo 5:10 \xt ናህ 13፡19፤ ኤርም 17፡21\x* 
\p  
\v 11 ሺን ቢታኒ፥ «ታና ፓዳዌ፥ ‹ኔ ጊሱዋ ቶካዴ ባ› ያጌዳ» ጊዴ ኡንቱንቱሲ ዛሬዳ። 
\p  
\v 12 ኡንቱንቱ ኣ፥ «ኔና፥ ‹ኔ ጊሱዋ ቶካዴ ባ› ጌዳዌ ኢ ኦኔ?» ጊዴ ኦቼዲኖ። 
\p  
\v 13 ሺን ሄዋን ጮራ ኣሳይ ዴዒያ ዲራዉኔ፥ ዬሱሲካ ጌሜቴዳ ዲራው፥ ቢታኒ ባሬና ፓዳዌ ኦኔንቶ ኤሬና።  
\v 14 ዬሱሲ ጉዬፔ ሄ ቢታኒያ ጌሻ ጎሊያን ዴሚዴ፥ «ቤዓ፥ ኔኒ ሃዒ ፓፃዳ፤ ሃዋፔካ ኢታባይ ኔና ጋኬና ማላ፥ ላዔን ናጋራ ኦፓ» ያጌዳ።  
\v 15 ሄዋፔ ጉዪያን፥ ቢታኒ ቢዴ፥ ባሬና ፓዳዌ ዬሱሳ ጊዲያዋ ኣዪሁዳ ኣሳ ካፓቶ ኦዴዳ። 
\p  
\v 16 ዬሱሲ ሃዋ ሳምባታን ኦዳ ዲራው፥ ኡንቱንቱ ዬሱሳ ዬዴሳን ዋዪሱዋ ዶሜዲኖ።  
\v 17 ዬሱሲ ዛሪዴ ኡንቱንቱሲ፥ «ታ ኣቡ ኡባ ዎዴ ኦ፤ ታኒካ ኦናው ቤሴ» ያጌዳ። 
\p  
\v 18 ሄዋ ዲራው፥ ዬሱሲ ሳምባታ ጋላሳ ቦንቼና ዲራ ፃላላሳ ጊዴናን፥ ባሬና ፆሳና ቃራዪዴ፥ «ፆሳይ ታ ኣባ» ጌዳ ዲራው፥ ኣዪሁዳ ኣሳ ካፓቱ ኣ ዎናው ካሴዋፔ ሚኒሲዴ ኮዪኖ። 
\s1 ፆሳ ናዓ ማታ 
\p  
\v 19 ዬሱሲ ዛሪዴ ኡንቱንቱሲ፥ «ታኒ ሂንቴንቱሲ ቱሙዋ ኦዳይ፤ ናዓይ ባሬካ ኣይኔ ኦና። ኢ ባሬ ኣቡ ኦሺን ቤዒያዋ ፃላላ ኦ፤ ኣዉ ኦያዋ ናዓይካ ኦ።  
\v 20 ኣዪሲ ጎፔ፥ ኣዉ ባሬ ናዓ ሲቄ፤ ቃሲ ኢ ኦያ ኦሱዋ ኡባባ ባሬ ናዓ ቤሴ። ኡባ ሂንቴንቱ ማላሌታና ጋካናው፥ ኢ ሃዋፔ ኣያ ኦሱዋካ ባሬ ናዓ ቤሳናዋ።  
\v 21 ጋሱኔ፥ ኣዉ ሃይቄዳዋንታ ሃይቁዋፔ ዴንዴ ሼምፑዋና ዎያዋዳን፥ ናዓይካ ቃሲ ባሬ ኮዮዋንታ ሼምፑዋና ዎ።  
\v 22-23 ኣሳይ ኡባይ ኣዉዋ ቦንቺያዋዳን፥ ናዓካ ቦንቻና ማላ፥ ኣዉ ፒርዳ ኡባ ናዓው ኢሜዳዋፔ ኣቲን፥ ኢ ኦናኔ ፒርዴና፤ ናዓ ቦንቼና ኡራይ፥ ኣ ኪቴዳ ኣዉዋካ ቦንቼና። 
\p  
\v 24 «ታኒ ሂንቴንቱሲ ቱሙዋ ኦዳይ፤ ታ ቃላ ሲሲያዎኔ ታና ኪቴዳዋን ኣማኒያዎ ሜና ዴዑ ዴዔ። ሃይቁዋፔ ዴዖ ኢ ፒኔዳዋፔ ኣቲን፥ ፒርዴቴና።  
\v 25 ታኒ ሂንቴንቱሲ ቱሙዋ ኦዳይ፤ ሃይቄዳ ኣሳይ ፆሳ ናዓ ኮሻ ሲሲያ ዎዲ ያናዋ፤ ሄዌኔካ ሃዓ። ሄ ኮሻ ሲሲያዋንቱ ሼምፑዋና ዴዓና።  
\v 26 ኣዪሲ ጎፔ፥ ኣዎ ዴዑዋ ኢሚያ ዎልቃይ ዴዒያዋዳን፥ ዴዑዋ ኢሚያ ሄ ዎልቃ ባሬ ናዓዉካ ኢሜዳ።  
\v 27 ፆሳ ኣዉ ባሬ ናዓው ፒርዲያ ማታ ኢሜዳ፤ ኣዪሲ ጎፔ፥ ናዓይ ኣሳ ናዓ። 
\p  
\v 28 «ሃዋን ማላሌቶፒቴ፤ ኣዪሲ ጎፔ፥ ዱፉዋን ዴዒያዋንቱ ኣ ኮሻ ሲሲያ ዎዲ ዬ።  
\v 29 ሲሲዴ ኡንቱንቱ ዱፉዋፔ ጋፃ ኬሳና፤ ሎዖባ ኦዳዋንቱ ዴዑዋን ዴዓናው ዴንዳና፤ ቃሲ ኢታባ ኦዳዋንቱ ፒርዴታናው ዴንዳናዋንታ። \x - \xo 5:29 \xt ዳን 12፡2\x* 
\s1 ዬሱሳሲ ማርካቴዳ ኣሳቱዋ 
\p  
\v 30 «ታኒ ታፔ ኣይኔ ኦናው ዳንዳዪኬ፤ ፆሳይ ታው ኦዴዳዋዳን ፒርዳይ። ታ ፒርዳይ ቱማ፤ ኣዪሲ ጎፔ፥ ታኒ ታና ኪቴዳዋ ሼኒያ ፖሊያዋፔ ኣቲን፥ ታኒ ዶሲያዋ ኦኬ። 
\p  
\v 31 «ታኒ ታ ሁጴው ታባ ማርካቶፔ፥ ታ ማርካቴይ ቱማ ጊዴና።  
\v 32 ታባ ማርካቲያዌ ሃራይ ዴዔ፤ ኢ ታባ ማርካቲያዌ ቱማ ጊዲያዋ ታኒ ኤራይ። 
\p  
\v 33 «ሂንቴንቱ ዮሃኒሳኮ ኣሳ ኪቲና፥ ኢ ኡንቱንቶ ቱሙዋ ማርካቴዳ።  
\v 34 ታኒ ሄዋ ሂንቴንታ ኣቲኖ ጋዴ ጊያዋፔ ኣቲን፥ ኣሳ ማርካቴይ ታው ኮሺና ጊዴና።  
\v 35 ዮሃኒሲ ሙቃዳዳን፥ ኤፄዳኔ ፖዒሴዳ፤ ሂንቴንቱካ ኣማሬዳ ዎዲያ ኣ ፖዑዋን ናሼታናው ኮዬዲታ። 
\p  
\v 36 «ሺን ታው ዮሃኒሳዋፔ ኣያ ማርካቴይ ዴዔ፤ ኣዪሲ ጎፔ፥ ታኒ ዉርሳናው ታ ኣቡ ታው ኢሜዳ ኪታይ፥ ሃ ታኒ ኦያዌ፥ ኢ ታና ኪቴዳዋ ጊዲያዋ ማርካቴ። 
\p  
\v 37 «ቃሲ ታና ኪቴዳ ታ ኣቡ ባሬ ሁጴው ታባ ማርካቴ። ሂንቴንቱ ኣ ኮሻ ኣይኔ ሲሲቤይኪታ፤ ኣ ማላካ ቤዒቤይኪታ።  
\v 38 ኢ ኪቴዳዋ ኣማኔና ዲራው፥ ኣ ቃላይ ሂንቴንቱ ዎዛናን ባዋ። 
\p  
\v 39 «ፆሳ ማፃፋቱዋፔ ሜና ዴዑዋ ዴሚያዋ ሂንቴው ማላቲና፥ ኡንቱንታ ቢዲታ፤ ኡንቱንቱካ ታባ ማርካቲያዋንታ።  
\v 40 ሺን ዴዑዋ ዴማናው ታኮ ዪያዋ ሂንቴንቱ ኮዪኪታ። 
\p  
\v 41 «ታኒ ኣሳፔ ቦንቹዋ ኮዪኬ።  
\v 42 ሺን ታኒ ሂንቴንቱ ዎዛናን ፆሳ ሲቁ ባይናዋ ኤራይ።  
\v 43 ታኒ ታ ኣቡ ሱንን ያዲ፤ ሺን ታና ኣኪቤይኪታ። ሺን ሃራ ኣሳይ ባሬ ሱንን ዪያ ዎዴ፥ ኣ ኣኪታ።  
\v 44 ሂንቴንቱ ኢቱ ኢቱዋ ቦንቺታ፤ ሺን ኢቲ ፆሳፔ ዪያ ቦንቹዋ ኮዪኪታ። ያቲና፥ ዋኒዴ ኣማናናው ዳንዳዪቴ? 
\p  
\v 45 «ታኒ ታ ኣቡ ሲንን ሂንቴንታ ሞቲያዋ ሂንቴው ማላቶፖ፤ ሂንቴንታ ሞቲያዌ፥ ሂንቴ ሂዶታ ዎያ ሙሳ።  
\v 46 ሂንቴንቱ ሙሳ ኣማኔዳባ ጊዲንቶ፥ ታናካ ኣማናኒታ፤ ኣዪሲ ጎፔ፥ ታባ ፃፌዳዌ ኣ።  
\v 47 ሺን ሂንቴንቱ ኢ ፃፌዳዋ ኣማኔናን ኢፆፔ፥ ታኒ ጊያዋ ዎቲ ኣማናኒቴ?» ያጌዳ። 
\c 6  
\s1 ዬሱሲ 5000 ኣሳ ሚዜዳ 
\r (ማት 14፡13-21፤ ማር 6፡30-44፤ ሉቅ 9፡10-17) 
\p  
\v 1 ሄዋፔ ጉዪያን፥ ዬሱሲ ጋሊላ ኣባፔ ዎይ ፂቢሪያዶሳ ኣባፔ ሄፊን ፒኔዳ።  
\v 2 ኢ ሃርጋንቻቱዋ ቦላ ኦዳ ዎልቃማ ማላታ ቤዔዳ ዲራው፥ ጮራ ኣሳይ ኣ ካሌዳ።  
\v 3 ዬሱሲ ዴሪያ ኬሲዴ፥ ያኒ ባሬና ካሊያዋንቱና ኢቲፔ ኡቴዳ።  
\v 4 ኣዪሁዳቱ ቦንቺያ ፓሲጋ ጋላሳይ ጋኬዳ።  
\v 5 ዬሱሲ ሲንኮ ፄሊዴ፥ ጮራ ኣሳይ ባሬኮ ዪያዋ ቤዒዴ ፒሊጶሳ፥ «ሃ ኣሳ ኡባ ሚዛናው ጊዲያ ቁማ ሃቃፔ ሻማኔ?» ያጌዳ።  
\v 6 ኢ ሄዋ ፒሊጶሳ ፓጫናው ጌዳ፤ ኣዪሲ ጎፔ፥ ኢ ባሬ ሁጴው ኣያ ኦና ቤሲንቶ ኦናባ ኤሬ። 
\p  
\v 7 ፒሊጶሲ ዛሪዴ ዬሱሳ፥ «ሁጲያን ሁጲያን፥ ሃራይ ኣቶ ኢቲ ኢቲ ባርሱዋ ጋናው፥ ላዑ ፄቱ ዲናሪያን ሻሜዳ ኡኪይካ ጊዴና» ያጌዳ። 
\p  
\v 8 ቃሲ ዬሱሳ ካሊያዋንቱፔ ኢቱ፥ ሲሞኒ ጴፂሮሳ ኢሻይ ኢንዲራሲ፥  
\v 9 «ባንጋ ኡኪ ኢቼሹኔ ላዑ ሞሊ ዴዒያ ኢቲ ናዓይ ሃዋን ዴዔ፤ ሺን ሃ ኣሳ ኡባው ሄዌ ዎቲ ጊዳኔ?» ያጌዳ። 
\p  
\v 10 ዬሱሲ ባሬና ካሊያዋንታ፥ «ኣሳይ ኡታናዳን ኡዲቴ» ያጌዳ። ሄ ሳዓን ዳሮ ማታይ ዴዔ። ኣሳይ ኡባይ ኡቴዳ፤ ኣቱማ ኣሳይ ኢቼሹ ሻዓ ጊዲያዋ።  
\v 11 ዬሱሲ ኡኪ ኣኬዳ፤ ፆሳ ጋላቲዴ፥ ሄዋን ኡቴዳ ኣሳው ጊሼዳ። ሞሊያካ ሄዋዳን ኦና ኣሳይ ባሬ ኮዬዳዋ ኬና ሜዳ።  
\v 12 ኡንቱንቱ ኡባይ ካሌዳዋፔ ጉዪያን፥ ዬሱሲ ባሬና ካሊያዋንታ «ኢቲባይካ ጮ ባዬና ማላ፥ ኣቴዳ ዶካ ሺሺቴ» ያጌዳ።  
\v 13 ሄዋ ዲራው፥ ኡንቱንቱ ኡባካ ሺሼዲኖ፤ ኣሳይ ካሊና ኣቴዳ ባንጋ ኡኪ ዶካ ሺሺዴ፥ ታማኔ ላዑ ዛምቤሊያ ኩንዲኖ። 
\p  
\v 14 ኣሳይ ዬሱሲ ኦዳ ዎልቃማ ማላታ ቤዔዳ ዎዴ፥ «ሃዌ ቱሙዋፔ ሃ ሳዓ ያና ጌዳ ናቢያ» ያጌዲኖ።  
\v 15 ኡንቱንቱ ዪዴ ባሬና ዎልቃን ኦይቂ ካቲያ ኦናው ሃኒያዋ ዬሱሲ ኤሪዴ፥ ባሬካ ዴሪያ ቦላ ሺሬቲዴ ኬሴዳ። 
\s1 ዬሱሲ ኣባ ቦላን ሃሜቲዴ ቤዳ 
\r (ማት 14፡22-33፤ ማር 6፡45-52) 
\p  
\v 16 ሳዓይ ኦማሪሴዳ ዎዴ፥ ዬሱሳ ካሊያዋንቱ ኣባኮ ቤዲኖ፤  
\v 17 ሳዓይ ቃሜዳ፤ ሺን ዬሱሲ ኡንቱንቱኮ ሄ ሳቲ ጋካናው ዪቤና፤ ሄዋሲ ኡንቱንቱ ዎንጊሪያን ጌሊዴ፥ ኣባ ፒኒ ሄፊን ቂፊሪናሆማ ቤዲኖ።  
\v 18 ዎልቃማ ጫርኩ ጫርኬዳ ዲራው፥ ኣባይ ቃፄዳ፤  
\v 19 ኢቲ ሳቲያ ኬና ኡንቱንቱ ኣባ ሻጎዋፔ ጉዪያን፥ ዬሱሲ ኣባ ቦላና ሃሜቲዴ ዪያዋ ቤዒዴ ያዬዲኖ።  
\v 20 ሺን ኢ፥ «ያዮፒቴ፤ ታናቴ!» ያጌዳ።  
\v 21 ኡንቱንቱ ዎንጊሪያን ኣ ጌሊሳናው ኮዬዲኖ፤ ዎንጊሪ ኡንቱንቱ ቢያሳ ኣባ ጋፃ ኤሌካ ጋኪ ኣጌዳ። 
\s1 ዬሱሲ ዴዑዋ ኡኪ 
\p  
\v 22 ዎንቴ ጋላሲ፥ ኣባፔ ሄፊንና ኣቴዳ ጮራ ኣሳይ ኣባ ቦላ ኢቲ ዎንጊሪያ ፃላላይ ዴዒያዋ ቤዔዲኖ፤ ዬሱሲ ባሬና ካሊያዋንቱና ዎንጊሪያን ጌሊዴ፥ ኡንቱንቱና ቤናን፥ ኡንቱንቱ ባሬካ ቤዳዋ ኣኬኬዲኖ።  
\v 23 ሺን ፂቢሪያዶሳፔ ሃራ ዎንጊራቱ ዬሱሲ ፆሳ ጋላቲና፥ ኣሳይ ኡኪ ሜዳሳ ማታ ዬዲኖ።  
\v 24 ኣሳይ ዬሱሲ ዎይ ኣ ካሊያዋንቱ ሄዋን ባይናዋ ቤዒዴ፥ ዬሱሳ ኮያናው ዎንጊሪያን ጌሊዴ፥ ቂፊሪናሆማ ቤዲኖ። 
\p  
\v 25 ኣሳይ ዬሱሳ ኣባፔ ሄፊንን ዴሜዳ ዎዴ፥ «ታማሪሲያዎ፥ ሃዋ ኣዉዴ ያዲ?» ያጌዲኖ። 
\p  
\v 26 ዬሱሲ ዛሪዴ፥ «ታኒ ሂንቴንቱሲ ቱሙዋ ኦዳይ፤ ሂንቴንቱ ታና ኮዪያዌ ኡኪ ሜዳ ዲራሳኔ ካሌዳ ዲራሳ ጊዲያዋፔ ኣቲን፥ ዎልቃማ ማላታ ቤዔዳ ዲራሳ ጊዴና።  
\v 27 ሜና ዴዑዋ ቁማው፥ ታኒ ኣሳ ናዓይ ሂንቴንቱሲ ኢማናዎ፥ ኦቴፔ ኣቲን፥ ሳሚያ ቁማው ኦፒቴ፤ ኣዪሲ ጎፔ፥ ኣዉ ፆሳይ ሄዋ ሺሳናው ማታፋ ኣታሚ ዎዳ» ያጌዳ። 
\p  
\v 28 ሄዋፔ ጉዪያን ኡንቱንቱ፥ «ኑኒ ፆሳ ኦሱዋ ኦናው ኣያ ኦናው ቤሲ?» ያጊዴ ዬሱሳ ኦቼዲኖ። 
\p  
\v 29 ዬሱሲ ዛሪዴ፥ «ሂንቴንቱ ኦና ማላ፥ ፆሳይ ኮዪያ ኪታይ ሃዋ፤ ኢ ኪቴዳዋን ኣማኒቴ» ያጌዳ። 
\p  
\v 30 ኡንቱንቱ ዛሪዴ፥ «ኑኒ ቤዒዴ፥ ኔናን ኣማናና ማላ፥ ኣይ ዎልቃማ ማላታ ኦኒ? ኣያ ኪቴታኒ?  
\v 31 ፆሳ ማፃፋን፥ ‹ኡንቱንቱ ማና \f + \fr 6:31 \fq ማና፡ \ft ኢስራዔሊያ ኣሳይ ጊብፄ ጋዲያፔ ኬሲ ካናኔ ቢዴ ሜላ ቢታን ሃሜቲዴ ቢያ ዎዴ፥ ኡንቱንቱ ማናዳን ፆሳይ ኢሜዳ ማልዒያ ቁማ። ማና ጉሳይ ኢብራዪስፂያ ቃላን «ሃዌ ኣዬ?» ጊያዋ።\f* ማላ ሳሉዋፔ ኡኪ ኢሜዳ› ያጌቲ ፃፌቶዋዳን፥ ኑ ኣዋቱ ሜላ ቢታን ማና ሜዲኖ» ያጌዲኖ። \x - \xo 6:31 \xt ኬስ 16፡4፣ 15፤ ማዝ 78፡24\x* 
\p  
\v 32 ዬሱሲ፥ «ታኒ ሂንቴንቱሲ ቱሙዋ ኦዳይ፤ ሂንቴንቱሲ ሳሉዋፔ ቱሙ ኡኪ ኢሚያዌ ታ ኣባፔ ኣቲን፥ ሂንቴንቱሲ ሳሉዋፔ ኡኪ ኢሜዳዌ ሙሳ ጊዴና።  
\v 33 ኣዪሲ ጎፔ፥ ቱማ ጊዴዳ ፆሳ ኡኪይ፥ ሳሉዋፔ ዎያዌ ሃ ኣላሚያ ኣሳው ዴዑዋ ኢሜ» ያጌዳ። 
\p  
\v 34 ኡንቱንቱ ዛሪዴ፥ «ጎዳው፥ ኑካ ሄ ኡኪ ኡባ ዎዴ ኢማ» ያጌዲኖ። 
\p  
\v 35 ዬሱሲ፥ «ታኒ ዴዑዋ ኡኪ፤ ታኮ ዪያ ኡራይ ኡባካ ኮሻቴና። ቃሲ ታና ኣማኒያ ኡራይ ኣይኔ ሳሜቴና።  
\v 36 ሺን ታኒ ሂንቴንቱሲ ኦዴዳዋዳን፥ ሂንቴንቱ ታና ቤዔዲታ፤ ሺን ኣማኒኪታ።  
\v 37 ታ ኣቡ ታው ኢሚያ ኡባይ ታኮ ያናዋ፤ ቃሲ ታኮ ዪያ ኦናኔ ኡባካ ታኒ ካሬ ዬዲኬ።  
\v 38 ኣዪሲ ጎፔ፥ ታኒ ታና ኪቴዳዋ ሼኒያ ፖላናው ሳሉዋፔ ያዲፔ ኣቲን፥ ታ ሼኒያ ፖላናው ያቤይኬ።  
\v 39 ታና ኪቴዳዌ ኮዪያዌ ሃዋ፤ ታኒ ኢ ታው ኢሜዳ ኡባቱዋካ ዉርሴ ጋላሲ ዴንናፔ ኣቲን፥ ኢቱዋካ ባዪዛና ማላ ኮዬና።  
\v 40 ኣዪሲ ጎፔ፥ ታ ኣቡ ኮዪያዌ ሃዋ፤ ታና ናዓ ቤዒዴ፥ ኣማኒያ ኡባቱ ሜና ዴዑዋ ኣካናዋንታ፤ ታኒካ ሄ ኡባቱዋ ዉርሴ ጋላሲ ዴንና» ያጌዳ። 
\p  
\v 41 ዬሱሲ፥ «ታኒ ሳሉዋፔ ዎዳ ኡኪ» ጌዳ ዲራው፥ ኣዪሁዳቱ ኣ ቦላ ዙዙሜዲኖ።  
\v 42 ኡንቱንቱ፥ «ሃዌ ኑኒ ኣ ኣዉዋኔ ኣ ኣቶ ኤሪያ ዮሴፎ ናዓ ዬሱሳ ጊዴኔ? ያቲና፥ ኢ ዋጊዴ፥ ‹ታኒ ሳሉዋፔ ዎዲ› ጋናው ዳንዳዪ?» ያጌዲኖ። 
\p  
\v 43 ዬሱሲ ዛሪዴ፥ «ኢቱ ኢቱዋና ዙዙሚያዋ ኣጊቴ።  
\v 44 ታና ኪቴዳ ታ ኣቡ ታኮ ኣሄዳ ኣሳፔ ኣቲን፥ ታኮ ያናው ዳንዳዪያ ኣሳይ ባዋ፤ ታኒካ ዉርሴ ጋላሲ ኣ ዴንና።  
\v 45 ናባቱ ‹ፆሳይ ኣሳ ኡባ ታማሪሳና› ያጊዴ ፃፌዲኖ፤ ኣዉ ጊያዋ ሲሲያዌኔ ኣዉዋፔ ታማሪያዌ ኦኒኔ ታኮ ዬ። \x - \xo 6:45 \xt ኢሳ 54፡13\x* 
\v 46 ፆሳ ማታፔ ዬዳዋፔ ኣቲን፥ ፆሳ ቤዔዳ ኣሳይ ባዋ፤ ኣ ፃላላይ ፆሳ ቤዔዳ። 
\p  
\v 47 «ታኒ ሂንቴንቱሲ ቱሙዋ ኦዳይ፤ ታና ኣማኒያ ኡራው ሜና ዴዑ ዴዔ።  
\v 48 ታኒ ዴዑዋ ኡኪ።  
\v 49 ሂንቴንቱ ኣዋቱ ሜላ ቢታን ማና ሜዲኖ፤ ሺን ሃይቄዲኖ።  
\v 50 ኣሳይ ኣፔ ሚዴ ሃይቄና ኡኪይ ሳሉዋፔ ዪያዌ ሃዋ።  
\v 51 ሳሉዋፔ ዎዳ ዴዑዋ ኡኪይ ታና፤ ኦኒኔ ሃ ኡኪፔ ሞፔ፥ ሜናው ዴዓናዋ፤ ቃሲ ሃ ኣላሚያ ኣሳው ዴዖ ጊዳና ማላ፥ ታኒ ኢማና ኡኪይ ታ ኣሹዋ» ያጌዳ። 
\p  
\v 52 ኣዪሁዳቱ፥ «ሃ ቢታኒ ባሬ ኣሹዋ ኑኒ ማና ማላ፥ ኑሲ ዎቲዴ ኢማናው ዳንዳዪ?» ያጊዴ ባሬንቱ ጊዱዋን ፓሉሜቴዲኖ። 
\p  
\v 53 ሄዋ ዲራው፥ ዬሱሲ ኡንቱንታ፥ «ታኒ ሂንቴንቱሲ ቱሙዋ ኦዳይ፤ ታ ኣሹዋ፥ ኣሳ ናዓ ኣሹዋ፥ ሂንቴንቱ ማና ዮፔ፥ ቃሲ ታ ሱካ ኡሻና ዮፔ፥ ሂንቴው ዴዑ ባዋ።  
\v 54 ታ ኣሹዋ ሚያ ኡራዉኔ፥ ታ ሱ ኡሺያ ኡራው ሜና ዴዑ ዴዔ። ታኒ ዉርሴ ጋላሲ ኡንቱንታ ዴንና።  
\v 55 ኣዪሲ ጎፔ፥ ታ ኣሹ ቱሙ ቁማ፤ ታ ሱይካ ቱሙ ኡሻ።  
\v 56 ታ ኣሹዋ ሚያ ኡራይኔ ታ ሱ ኡሺያ ኡራይ ታናን ዴዔ፤ ታኒካ ኣናኒ ዴዓይ።  
\v 57 ዴዑዋ ኣዉ ታና ኪቲና፥ ታኒ ኣ ጋሱዋን ዴዒያዋዳን፥ ታና ሚያ ኡራይካ ታ ጋሱዋን ዴዓና።  
\v 58 ሳሉዋፔ ዎዳ ኡኪይ ሃዋ፤ ሂንቴንቱ ኣዋቱ ሚዴ ሃይቄዳ ማና ማላ ጊዴና፤ ሃ ኡኪ ሚያ ኡራይ ሜናው ዴዓና» ያጌዳ። 
\p  
\v 59 ዬሱሲ ቂፊሪናሆማ ካታማን ኣዪሁዳ ዎሳ ጎሌን ታማሪሲዴ፥ ሃዋ ኦዴዳ። 
\s1 ሜና ዴዑዋ ቃላ 
\p  
\v 60 ዬሱሳ ካሊያዋንቱፔ ዳሪያ ባጋይ ሄዋ ሲሴዳ ዎዴ፥ «ሃዌ ጌሌና ቲሚርቲያ፤ ሃዋ ኦኒ ኣካናዌ?» ያጌዲኖ። 
\p  
\v 61 ሺን ዬሱሲ ባሬና ካሊያዋንቱ ሄዎ ዙዙሜዳዋ ኤሪዴ፥ «ሃዌ ሂንቴንታ ቢ?  
\v 62 ሲሚ ታኒ፥ ኣሳ ናዓይ፥ ካሴ ዴዒያሳ ፑዴ ኬሲሺን ቤዒንቶ ኣያ ጋኒቴ?  
\v 63 ጌሻ ኣያናይ ዴዑዋ ኢሜ፤ ኣሳ ሚኖታይ ኣይኔ ጎዔና። ታኒ ሂንቴንቱሲ ኦዴዳ ቃላይ ኣያናኔ ዴዑዋ።  
\v 64 ሺን ሂንቴንቱ ጊዱዋን ኣማኔናዋንቱ ዴዒኖ» ያጌዳ፤ ኣዪሲ ጎፔ፥ ኣማኔናዋንቱ ሃቃዋንቴንቶኔ ባሬና ኣ ኢማናዌ ኦኔንቶ ዬሱሲ ኮይሮፔ ዶሚዴ ኤሬዳ።  
\v 65 ቃሲካ ዬሱሲ፥ «ታ ኣቡፔ ጊዳና ዮፔ ኦኒኔ ታኮ ያናው ዳንዳዬና ያጋዴ ታ ኦዴዳዌ ሄዋ ዲራሳ» ያጌዳ። 
\p  
\v 66 ሄዋ ጋሱዋን፥ ዬሱሳ ካሊያዋንቱፔ ጮራቱ ኣ ኣጊዴ፥ ጉዬ ሲሜዲኖ፤ ላዔን ኣ ካሊቤይኪኖ።  
\v 67 ዬሱሲ ቃሲ ታማኔ ላዑ ባሬና ካሊያዋንታ፥ «ሂንቴካ ኣጊዴ ባናው ኮዪቴ?» ያጌዳ። 
\p  
\v 68 ሲሞኒ ጴፂሮሴ ዛሪዴ፥ «ጎዳው፥ ኑኒ ኦኮ ባኔ? ኔው ሜና ዴዑዋ ቃላይ ዴዔ።  
\v 69 ኔኒ ፆሳ ጌሻ ጊዲያዋ ኑኒ ኣማኔቶኔ ኤሬቶ» ያጌዳ። 
\p  
\v 70 ዬሱሲ ኡንቱንታ፥ «ታኒ ሂንቴንታ ታማኔ ላዓቱዋ ዶራቤይኪታ? ቃሲ ሂንቴፔ ኢቱ ፃላሂያ» ያጌዳ።  
\v 71 ዬሱሲ ሄዋ ሲሞና ናዓ ዪሁዳ ኣስቆሮታ \f + \fr 6:71 \fq ኣስቆሮታ፡ \ft ሃ ቃላ ቢሌይ፥ «ዎሬቲያ ቢታኒያ» ዎይ «ሃይቆ ኣ ኢሚያ ቢታኒያ» ጊያዋ።\f* ጌ፤ ኣዪሲ ጎፔ፥ ዪሁዳይ ዬሱሳ ካሊያ ታማኔ ላዓቱዋፔ ኢቱዋ፤ ኢ ዬሱሳ ኣ ኢማናዋ። 
\c 7  
\s1 ዬሱሲ ዳሲያ ባላሲ ዬሩሳላሜ ቤዳ 
\p  
\v 1 ሄዋፔ ጉዬ፥ ዬሱሲ ጋሊላን ያ ሃ ዩዬዳ፤ ኣዪሁዳቱ ኣ ዎናው ኮዪያ ዲራው፥ ዪሁዳን ዩያና ኮዪቤና።  
\v 2 ኣዪሁዳቱ ቦንቺያ ዳሲያ ባላይ ጋኪ ኡቴዳ። \x - \xo 7:2 \xt ዎግ 23፡34፤ ዛር 16፡13\x* 
\v 3 ሄዋ ዲራው፥ ዬሱሳ ኢሻቱ ኣ፥ «ኔና ካሊያዋንቱ ኔኒ ኦያዋ ቤዓና ማላ፥ ሃዋፔ ዴንዳዴ ዪሁዳ ጋዲያ ባ።  
\v 4 ኣዪሲ ጎፔ፥ ባሬው ኤሬታናው ኮዪያ ኣሳይ ኦኒኔ ባሬ ኦሱዋ ጌንና። ኔኒ ሃዋንታ ኦና፥ ኔባ ኣላሚያ ኡባይ ኤሮ!» ያጌዲኖ።  
\v 5 ኣዪሲ ጎፔ፥ ሃራይ ኣቶ ኣ ኢሻቱካ ኣ ኣማኒቤይኪኖ። 
\p  
\v 6 ዬሱሲ ኡንቱንታ፥ «ታው ኢንጄቲያ ዎዲ ጋኪቤና፤ ሺን ሂንቴንቱሲ ኣይ ዎዴካ ኢንጄቴ።  
\v 7 ሳዓይ ሂንቴንታ ኢፃናው ዳንዳዬና፤ ሺን ታኒ ሳዓ ኪታይ ኢታ ጊዲያዋ ማርካቲያ ዲራው፥ ታና ኢፄዳ።  
\v 8 ባላ ቦንቺያሳ ሂንቴንቱ ቢቴ፤ ታው ኢንጄቲያ ዎዲ ጋኪቤና ዲራው፥ ታኒ ባላ ቦንቺያሳ ባናዌ ቢራ» ያጌዳ።  
\v 9 ኢ ሃዋ ጊዴ፥ ጋሊላን ኣቴዳ። 
\s1 ዬሱሲ ዳሲያ ባላሳን ቤቴዳ 
\p  
\v 10 ሺን ኣ ኢሻቱ ባላ ጋላሳ ቦንቺያሳ ቤዳዋፔ ጉዪያን፥ ኢካ ኣሳይ ቤዔናን ጌማን ያ ቤዳ።  
\v 11 ኣዪሁዳቱ ባላ ጋላሳ ቦንቺያሳን ኣ ኮዪኖኔ፥ «ኢ ሃቃን ዴዒ?» ያጊዴ፥ ኣ ላቢኖ። 
\p  
\v 12 ኣሳ ጊዱዋን ዳሮ ዙዙንይ ዴንዴዳ። ኣማሬዳ ኣሳይ፥ «ኢ ሎዖ ኣሳ» ያጌ፤ ሃራቱ ቃሲ፥ «ኣ፥ ኢ ኣሳ ባሌ» ያጊኖ።  
\v 13 ሺን ኣዪሁዳቱ ያዬዳ ዲራው፥ ኦኒኔ ኣባ ቆንጪያን ሃሳዬና። 
\p  
\v 14 ባላ ቦንቺያ ጋላሳ ባጋን፥ ዬሱሲ ጌሻ ጎሊያ ቢዴ፥ ታማሪሱዋ ዶሜዳ።  
\v 15 ኣዪሁዳቱ ማላሌሌቲዴ፥ «ሃ ቢታኒ ኣይኔ ታማሬናን ሃዋ ኬና ዋኒ ኤሬዴ?» ያጌዲኖ። 
\p  
\v 16 ሄዋ ዲራው፥ ዬሱሲ ዛሪዴ፥ «ታና ታማሪሲያዌ ታና ኪቴዳ ፆሳ ማታፔ ዪያዋፔ ኣቲን፥ ታዋ ጊዴና።  
\v 17 ፆሳ ሼኒያ ኦናው ዶሲያ ኦኒኔ ሃ ታኒ ታማሪሲያዌ ፆሳ ማታፔ ዪንቶ ዎይ ቃሲ ታኒ ታፔ ሃሳያዪታንቶ ኤራና።  
\v 18 ባሬዋ ሃሳዪያ ኡራይ ባሬ ሁጲያሲ ቦንቹዋ ኮዬ፤ ሺን ባሬና ኪቴዳዌ ቦንቼታና ማላ ኮዪያ ኡራይ ቱማንቻ፤ ኣኒ ዎርዶባይ ባዋ።  
\v 19 ሙሴ ሂንቴንቱሲ ሂጊያ ኢሚቤኔ? ሺን ሂንቴፔ ኢቱኔ ሂጊያ ናጌና። ታና ኣዪሲ ዎናው ኮዪቴ?» ያጌዳ። 
\p  
\v 20 ኣሳይ ዛሪዴ፥ «ኔናን ፃላሂ ዴዔ፤ ኔና ዎናው ኦኔ ኮዬዳዌ?» ያጌዳ። 
\p  
\v 21 ዬሱሲ፥ «ታኒ ኢቲ ዎልቃማባ ኦና፥ ሂንቴንቱ ኡባይ ማላሌቴዲታ።  
\v 22 ሂንቴንቱ ናና ሂንቴንቱ ዶካላና ማላ፥ ሙሴ ሂንቴንታ ኣዛዜዳ። ሺን ዶካሉሳይ ሂንቴንቱ ኣዋቱዋና ዬዳዋፔ ኣቲን፥ ሙሴና ዪቤና፤ ሄዋሲ ሂንቴንቱ ሳምባታን ኣቱማ ናና ዶካሊታ። \x - \xo 7:22 \xt ዶም 17፡10፤ ዎግ 12፡3\x* 
\v 23 ሙሴ ሂጊ ኣዛዜዳ ዲራው፥ ሂንቴንቱ ሳምባታን ዶካሊያዋ ጊዶፔ፥ ያቲና ታኒ ኢቲ ኣሳው ኩሜን ቦላ ፓዳ ዲራው፥ ታና ኣዪሲ ሃንቄቲቴ?  
\v 24 ቱሙ ፒርዳ ፒርዲቴፔ ኣቲን፥ ኣሳ ዴሙዋ ፄሊዴ ፒርዶፒቴ» ያጌዳ። 
\s1 ሃዌ ኪሪስቶሴ? 
\p  
\v 25 ሄዋ ዲራው፥ ዬሩሳላሜ ኣሳፔ ኢቱ ኢቱ፥ «ኡንቱንቱ ዎናው ኮዪያ ቢታኒ ሃዋ ጊዴኔ?  
\v 26 ቤዒቴ፥ ቆንጪያን ኢ ሃሳዬ፤ ኡንቱንቱ ኣ ኣይኔ ጊኪኖ። ሃዌ ኪሪስቶሳ ጊዲያዋ ኑ ካፓቱ ቱሙ ኤሪኖሻ?  
\v 27 ሺን ኑኒ ኣ ሃቃፔ ዬዴንቶ ኤሮይቴ፤ ኪሪስቶሲ ዪያ ዎዴ፥ ኢ ሃቃፔ ዪንቶኔ ኦኒኔ ኤሬና» ያጌዲኖ። 
\p  
\v 28 ሄዋፔ ጉዪያን፥ ዬሱሲ ጌሻ ጎሊያን ታማሪሲዴ፥ ባሬ ቃላ ቁ ኡዲዴ፥ «ሂንቴንቱ ታና ኤሪታ፤ ቃሲ ታኒ ሃቃፔ ዬዴንቶካ ኤሪታ። ታኒ ታ ሼኒያን ያቤይኬ፤ ሺን ታና ኪቴዳዌ ቱማንቻ፤ ሂንቴንቱ ኣ ኤሪኪታ።  
\v 29 ሺን ታኒ ኣ ኤራይ፤ ኣዪሲ ጎፔ፥ ኢ ታና ኪቲና፥ ታኒ ኣ ማታፔ ያዲ» ያጌዳ። 
\p  
\v 30 ሄዋ ዲራው፥ ኡንቱንቱ ኣ ኦይቃናው ኮዬዲኖ፤ ሺን ኣ ዎዲ ቢሮ ጋኪቤና ዲራው፥ ኦኒኔ ኣ ቦላ ኩሺያ ዎቤና።  
\v 31 ሺን ዳሮ ኣሳይ ዬሱሳ ኣማኒዴ፥ «ኪሪስቶሲ ዪያ ዎዴ፥ ሃ ቢታኒ ኦዳ ማላታፔ ዳሪያዋ ኦኔዬ?» ያጌዲኖ። 
\s1 ዬሱሳ ኦይቃናው ዎታዳራቱ ኪቴቴዲኖ 
\p  
\v 32 ፓሪሳዋቱ ዳሮ ኣሳይ ዬሱሳባ ዙዙሚያዋ ሲሴዲኖ፤ ቄሳቱዋ ካፓቱኔ ፓሪሳዋቱ ኣ ኦይቂ ቃሺሳናው ኣማሬዳ ዎታዳራቱዋ ኪቴዲኖ። 
\p  
\v 33 ዬሱሲ፥ «ታኒ ሂንቴናና ላፋ ጋሚዓና፤ ሄዋፔ ጉዪያን፥ ታና ኪቴዳዋኮ ባና።  
\v 34 ሂንቴንቱ ታና ኮያና፤ ሺን ዴሚኪታ፤ ኣዪሲ ጎፔ፥ ታኒ ዴዒያ ሳዓ ሂንቴንቱ ባናው ዳንዳዪኪታ» ያጌዳ። 
\p  
\v 35 ኣዪሁዳቱ ኢቱ ኢቱዋና፥ «ሃዌ ኑኒ ኣ ዴሜናሳ ሃቃ ባና ሃኒ? ኣዪሁዳቱ ዴዒያ ጊሪኬ ካታማ ቢዴ፥ ጊሪኬ ኣሳቱዋ ታማሪሳና ሃኒ?  
\v 36 ኢ፥ ‹ሂንቴ ታና ኮያና፤ ሺን ዴሚኪታ› ቃሲ፥ ‹ታኒ ዴዒያሳ ሂንቴንቱ ባናው ዳንዳዪኪታ› ያጌ፤ ሄዋ ጊያዌ ዋጊያዌ?» ያጌዲኖ። 
\s1 ዴዑዋ ኢሚያ ሃ 
\p  
\v 37 ሄ ባላ ጋላሳ ቦንቺያ ጋላሳፔ ዋናቲያ ዉርሴ ጋላሳኒ ዬሱሲ ዴንዲ ኤቂዴ፥ ባሬ ቃላ ቁ ኡዲዴ፥ «ሳሜቴዳ ኡራይ ኦኒኔ ታኮ ዪዴ ኡሾ። \x - \xo 7:37 \xt ዎግ 23፡36\x* 
\v 38 ታናን ኣማኒያዎ፥ ፆሳ ማፃፋይ ጊያዋዳን፥ ኣ ኡሉዋፔ ዴዑዋ ኢሚያ ሃ ፑልቱ ጎጋናዋ» ያጌዳ። \x - \xo 7:38 \xt ሂዝ 47፡1፤ ዛክ 14፡8\x* 
\v 39 ኢ ሄዋ ኣ ኣማኔዳዋንቱ ኣካና ጌሻ ኣያናባ ሃሳዬዳ። ዬሱሲ ቢሮ ባሬ ቦንቹዋኮ ኬሲቤና \f + \fr 7:39 \fq ዬሱሲ ቢሮ ባሬ ቦንቹዋኮ ኬሲቤና፡ \ft ዮሃኒሳ ሚሺራቹዋ ቃላን፥ ዬሱሳው ኩሜን ቦንቹ ኢሜቴዳዌ፥ ኢ ማስቃሊያ ቦላን ካቄቴዳ ዎዴኔ ባሬ ኣቡ ኡሼቻ ባጋን ኡታናው ሃይቁዋ ፆኒዴ ዴንዴዳ ዎዲያና ጊዲያዋ ቆንጪሴ።\f* ዲራው፥ ሄ ዎዴ ጌሻ ኣያናይ ኡንቱንቶ ኢሜቲቤና። 
\s1 ኣሳ ጊዶን ሜቴዳ ጳልቄ 
\p  
\v 40 ሄ ኣሳፔ ዳሪያ ባጋይ ኢ ጊያዋ ሲሲዴ፥ «ቱሙ ሃዌ ናጌቲያ ናቢያ» ያጌዲኖ። 
\p  
\v 41 ሃራንቱ፥ «ሃዌ ኪሪስቶሳ» ያጌዲኖ። 
\p ሺን ሃራንቱ ቃሲ፥ «ኪሪስቶሲ ጋሊላፔ ዬና።  
\v 42 ፆሳ ማፃፋይ፥ ‹ኪሪስቶሲ ዳዊቴ ዛሪያፔ፥ ዳዊቴ ዴዔዳ ቤቴሊሄሜ ካታማፔ ያና› ጌኔዬ?» ያጌዲኖ። \x - \xo 7:42 \xt 2ሳም 7፡12፤ ሚክ 5፡2\x* 
\v 43 ዬሱሳ ጋሱዋን ኣሳይ ባሬ ጊዱዋን ሻኬቴዳ።  
\v 44 ሄ ኣሳፔ ኢቱ ኢቱ ኣ ኦይቃናው ኮዬዲኖ፤ ሺን ኩሺያኒኔ ኣ ቦቺቤይኪኖ። 
\p  
\v 45 ጌሻ ጎሊያ ናጊያዋንቱ ቄሳቱዋ ካፓቱዋኮኔ ፓሪሳዋቱዋኮ ሲሚ ዬዳ ዎዴ ኡንቱንቱ ናጊያዋንታ፥ «ኣዪሲ ኣ ኣሂቤይኪቴ?» ያጊዴ ኦቼዲኖ። 
\p  
\v 46 ጌሻ ጎሊያ ናጊያዋንቱ ኡንቱንቱሲ፥ «ሃ ቢታኒ ሃሳዬዳዋዳን፥ ኡባካ ኦኒኔ ሃሳዪቤና!» ያጊዴ ዛሬዲኖ። 
\p  
\v 47 ፓሪሳዋቱ ዛሪዴ፥ «ኢ ሂንቴናካ ባሌዋ?  
\v 48 ካፓቱዋፔ ዎይ ፓሪሳዋቱዋፔ ኣ ኣማኔዳ ኣሳይ ዴዒ?  
\v 49 ሺን ሂጊያ ኤሬና ሃ ኣሳይ ሼቄቴዳዋ» ያጌዲኖ። 
\p  
\v 50 ኡንቱንቱፔ ኢቱ ካሴና ዬሱሳኮ ቤዳ ኒቆዲሞሲ ኡንቱንታ፥  
\v 51 «ኢቲ ኡራይ ጊያባ ሲሴናን ዎይ ኢ ኣያ ኦዴንቶ ኤሬናን ዴዒዴ፥ ካሴቲዴ ኣ ቦላ ፒርዲያዌ ኑ ሂጊያን ዴዒ?» ያጌዳ። 
\p  
\v 52 ኡንቱንቱ ዛሪዴ ኣ፥ «ኔኒካ ቃሲ ጋሊላ ጋዲያ ኣሴ? ጋሊላ ጋዲያፔ ናቢ ቤቴናዋ ፆሳ ማፃፋቱዋ ቢዳዴ ኤራ» ያጌዲኖ። 
\s1 ዎሹማዴ ኦይቄቴዳ ሚሺራቶ 
\p  
\v 53 ኣሳይ ኡባይ ኣጊዴ፥ ባሬ ሶይ ባሬ ሶይ ቤዳ። 
\c 8  
\p  
\v 1 ሺን ዬሱሲ ዎጋራ ሚን ኤሬቴዳ ዴሪያኮ ቤዳ።  
\v 2 ዎንቴ ጋላሲ ጉራን ጌሻ ጎሊያ ሲሜዳ፤ ኡባ ኣሳይ ኣኮ ዪና፥ ኡቲዴ ኡንቱንታ ታማሪሱዋ ዶሜዳ።  
\v 3 ሙሴ ሂጊያ ታማሪሲያዋንቱኔ ፓሪሳዋቱ ዎሹሚሺን ኦይቄቴዳ ኢቲ ሚሺራቶ ኣኮ ኣሄዲኖ። ኡንቱንቱ ኣሳ ኡባ ሲንን ኢዞ ኤሲዴ ዬሱሳ፥  
\v 4 «ታማሪሲያዎ፥ ሃ ሚሺራታ ዎሹማዴ ኦይቄታዱ።  
\v 5 ሂጊያ ቦላን ሙሴ ሃኒ ማላ ማጫ ኣሳ ሹቻን ጫዳና ማላ፥ ኑና ኣዛዜዳ። ያቲና ኔኒ ዋጋይ?» ያጌዲኖ። \x - \xo 8:5 \xt ዎግ 20፡10፤ ዛር 22፡22-24\x* 
\p  
\v 6 ኡንቱንቱ ሄዋ ጌዳዌ ዬሱሳ ሞቲያዋ ዴሚዴ ኣ ፓጫናሳ፤ ሺን ዬሱሲ ሆኪዴ፥ ባሬ ቢራያን ቢታ ቦላ ፃፌዳ።  
\v 7 ኡንቱንቱ ኣ ኦቺዴ ኣጌናን ኢፂና፥ ፑዴ ቁ ጊዴ፥ «ሂንቴንቱ ጊዱዋን ናጋራ ኦቤና ኣሳይ ካሴቲዴ፥ ኢዞ ሹቻን ጫዶ» ያጌዳ።  
\v 8 ቃሲካ ሆኪዴ፥ ቢታ ቦላ ፃፌዳ። 
\p  
\v 9 ኡንቱንቱ ሄዋ ሲሴዳ ዎዴ፥ ካሴቲዴ ጪማቱ ኬሲና፥ ኢቱ ኢቱ ኬሲዴ ዉሬዲኖ፤ ኣ ሲንን ሚሺራታ ኤቃ ዴዒሺን፥ ዬሱሲ ባሬ ፃላላ ኣቴዳ።  
\v 10 ኢ ፑዴ ቁ ጊዴ ሚሺራቶ፥ «ሚሺራቴ፥ ኣሳቱ ሃቃን ዴዒኖ? ኦኒኔ ኔ ቦላ ፒርዲቤኔ?» ያጌዳ። 
\p  
\v 11 ሚሺራታ፥ «ጎዳው፥ ኦኒኔ ታ ቦላ ፒርዲቤና» ያጋዱ። 
\p ዬሱሲ ኢዞ፥ «ታኒካ ኔ ቦላ ፒርዲኬ፤ ባ፤ ላዔንዴ ናጋራ ኦፓ» ያጌዳ። \f + \fr 8:11 \ft ኢቲ ኢቲ ቤኒ ፃፌቴዳ ጌሻ ማፃፋቱዋን ሃ ፓይዱ ባዋ።\f* 
\p  
\v 12 ቃሲካ ዬሱሲ ኣሳው፥ «ታኒ ኣላሜው ፖዑዋ፤ ታና ካሊያ ኦኒኔ ዴዑዋ ኢሚያ ፖዑዋ ዴማናፔ ኣቲን፥ ማኒ ኡባካ ሃሜቴና» ያጊዴ ሃሳዬዳ። 
\p  
\v 13 ሄዋፔ ጉዬ ፓሪሳዋቱ፥ «ኔኒ ኔባ ማርካታሳ፤ ኔ ማርካቴይ ቱማ ጊዴና» ያጌዲኖ። 
\p  
\v 14 ዬሱሲ ዛሪዴ፥ «ታኒ ታባ ማርካቶፔካ፥ ታ ማርካቴይ ቱማ፤ ኣዪሲ ጎፔ፥ ታኒ ሃቃፔ ያዲታንቶኔ ቃሲ ሃቃ ባይታንቶ ኤራይ፤ ሺን ሂንቴንቱ ኤሪኪታ።  
\v 15 ኣሳይ ፒርዲያ ኦጊያን ሂንቴንቱ ፒርዲታ፤ ታኒ ኢቲ ኡራ ቦላካ ፒርዲኬ።  
\v 16 ሺን ታኒ ፒርዲያዋ ጊዶፔኔ፥ ታ ፒርዳይ ቱማ፤ ኣዪሲ ጎፔ፥ ታና ኪቴዳ ታ ኣቡ ታናና ዴዔፔ ኣቲን፥ ታኒ ታሬካ ዴዒኬ።  
\v 17 ላዑ ኣሳ ማርካቴይ ቱማ ጊዲያዌ ሂንቴንቱ ሂጊያን ፃፌቲ ኡቴዳ። \x - \xo 8:17 \xt ዛር 19፡15\x* 
\v 18 ታኒ ታባ ታ ሁጴው ማርካታዲ፤ ቃሲ ታና ኪቴዳ ታ ኣቡካ ታባ ማርካቴ» ያጌዳ። 
\p  
\v 19 ኡንቱንቱ፥ «ኔ ኣቡ ሃቃን ዴዒ?» ያጊዴ ዬሱሳ ኦቼዲኖ። 
\p ዬሱሲ ዛሪዴ፥ «ሂንቴንቱ ታናካ ዎይ ታ ኣባካ ኤሪኪታ፤ ታና ኤሬዳዋ ጊዲንቶ፥ ታ ኣባካ ኤራኒታ» ያጌዳ። 
\p  
\v 20 ዬሱሲ ጌሻ ጎሊያ ታማሪሲዴ፥ ኢሞታ ሚሻይ ኡቲያ ሳፂኒያ ማታን ሄዋ ሃሳዬዳ። ኣ ኦኒኔ ኦይቂቤና፤ ኣዪሲ ጎፔ፥ ኣ ዎዲ ቢሮ ጋኪዲጊቤና። 
\s1 ኣማኔናን ኢፄዳዋንቱሲ ኢሜቴዳ ሚኖ ኣኬኪሱዋ 
\p  
\v 21 ቃሲካ ዬሱሲ ኡንቱንታ፥ «ታኒ ባና ሂንቴንቱ ታና ኮያና፤ ሺን ሂንቴንቱ፥ ሂንቴንቱ ናጋራን ሃይቃኒታ። ታኒ ቢያ ሳዓካ ባናው ሂንቴንቱ ዳንዳዪኪታ» ያጌዳ። 
\p  
\v 22 ኣዪሁዳቱ፥ «ኢ፥ ‹ታኒ ቢያሳ ሂንቴንቱ ባናው ዳንዳይኪታ› ያጌ፤ ኢ ባሬና ባሬካ ዎኔዬ?» ያጌዲኖ። 
\p  
\v 23 ዬሱሲ ዛሪዴ፥ «ሂንቴንቱ ጋርሳ ኣሳ፤ ታኒ ቦላ ኣሳ። ሂንቴንቱ ሃ ኣላሚያ ኣሳ፤ ታኒ ሃ ኣላሚያ ኣሳ ጊዲኬ።  
\v 24 ሂንቴንቱ፥ ሂንቴንቱ ናጋራን ሃዪቃናዋ ታኒ ሂንቴንቱሲ ኦዴዳዌ ሃዋሳ፤ ታኒ ታና \f + \fr 8:24 \fq ታኒ ታና፡ \ft ኣዪሁዴ ኣሳሲ ዎልቃማኔ ጌሻ ጊዴዳ ፆሳ ሱንይ «ያህዌህ» ጊዲዴ፥ ሃዋ ቢሌይካ ታኒ ታና ጊያዋ።\f* ጊዲያዋ ሂንቴንቱ ኣማናና ዮፔ፥ ሂንቴንቱ፥ ሂንቴንቱ ናጋራን ሃያኒታ» ያጌዳ። 
\p  
\v 25 ኡንቱንቱ፥ «ኔኒ ኦኔ?» ያጊዴ ኦቼዲኖ። 
\p ዬሱሲ ዛሪዴ፥ «ታኒ ታና።  
\v 26 ታኒ ሂንቴባ ሃሳዪያባይኔ ፒርዲያባይ ዳሮባይ ዴዔ። ሺን ታና ኪቴዳዌ ቱማንቻ፤ ቃሲ ታኒ ኣፔ ሲሴዳዋ ኣላሚያ ኣሳው ኦዳይ» ያጌዳ። 
\p  
\v 27 ኢ ባሬ ኣዉዋባ ሃሳዪያዋ ኡንቱንቱ ኣኬኪቤይኪኖ።  
\v 28 ሄዋ ዲራው፥ ዬሱሲ ኡንቱንታ፥ «ታና ኣሳ ናዓ ሂንቴንቱ ማስቃሊያ ቦላ ፑዴ ዴንያ ዎዴ፥ ታኒ ታና ጊዲያዋኔ ቃሲ ታኒ ታ ኣቡ ታና ታማሪሴዳዋዳን ሃሳዪያዋፔ ኣቲን፥ ታ ሼኒያን ኣይኔ ኦናዋ ሂንቴንቱ ኤራኒታ።  
\v 29 ቃሲ ታና ኪቴዳዌ ታናና ዴዔ፤ ታኒ ኡባ ዎዴ ኣ ናሼቺያዋ ኦያ ዲራው፥ ኢ ታ ፃላላ ኣጊቤና» ያጌዳ። 
\p  
\v 30 ዬሱሲ ሄዋ ሃሳዪሺን ሲሴዳ ዳሮ ኣሳይ ኣ ኣማኔዲኖ። 
\s1 ናጋራ ኣይሌቴፔ ላዓ ኬሳ 
\p  
\v 31 ዬሱሲ ባሬና ኣማኔዳ ኣዪሁዳቱዋ፥ «ሂንቴንቱ ታኒ ታማሪሲያዎ ኣዛዜቶፔ፥ ቱሙ ታና ካሊያዋንታ።  
\v 32 ሂንቴንቱ ቱማቴካ ኤራኒታ፤ ቃሲ ቱማቴይ ሂንቴንታ ኣይሌቴፔ ኬሳናዋ» ያጌዳ። 
\p  
\v 33 ኡንቱንቱ ዛሪዴ፥ «ኑኒ ኣብራሃሞ ዛሬ፤ ኑኒ ኦሲኔካ ኣይሌቲቤይኮ። ያቲና ኔኒ ዋጋዴ፥ ‹ኣይሌቴፔ ሂንቴንቱ ኬሳኒታ› ጋይ?» ያጌዲኖ። 
\p  
\v 34 ዬሱሲ፥ «ታኒ ሂንቴንቱሲ ቱሙዋ ኦዳይ፤ ናጋራ ኦያ ኦኒኔ ናጋራ ኣይሊያ።  
\v 35 ኣይሊ ኡባ ዎዴ ሶዪን ዴዔና፤ ሺን ናዓይ ሜናው ጎሌን ዴዔ።  
\v 36 ናዓይ ሂንቴንታ ኣይሌቴፔ ኬሶፔ፥ ሂንቴንቱ ኣይሌቴፔ ቱሙ ኬሳኒታ።  
\v 37 ሂንቴንቱ ኣብራሃሞ ዛሬ ጊዲያዋ ታኒ ኤራይ፤ ሺን ታ ታማሪሲያዋ ሂንቴንቱ ኣኬና ዲራው፥ ታና ዎናው ኮዪታ።  
\v 38 ታኒ ታ ኣቡ ታና ቤሴዳዋ ሃሳያይ፤ ቃሲ ሂንቴንቱካ ሂንቴንቱ ኣዉዋፔ ሲሴዳዋ ኦታ» ያጌዳ። 
\p  
\v 39 ኡንቱንቱ ዛሪዴ፥ «ኑ ኣቡ ኣብራሃማ» ያጌዲኖ። 
\p ዬሱሲ ኡንቱንታ፥ «ሂንቴንቱ ኣብራሃሞ ናና ጊዴዴንቶ፥ ኢ ኦዳ ኦሱዋ ማላ ኦኒታ።  
\v 40 ሺን ፆሳፔ ሲሴዳ ቱሙዋ ኦዴዳ ታና ሂንቴንቱ ዎናው ኮዪታ፤ ኣብራሃሜ ሄዋዳን ኦቤና።  
\v 41 ሂንቴንቱ፥ ሂንቴንቱ ኣዉ ኦዳዋ ኦታ» ያጌዳ። 
\p ኡንቱንቱ ዛሪዴ፥ «ኑኒ ዎሹማን ዲቃላቴ ዬሌቲቤይኮ፤ ኑሲ ኢቲ ኣዉ፥ ፆሳ ፃላላይ ዴዔ» ያጌዲኖ። 
\p  
\v 42 ዬሱሲ ኡንቱንታ፥ «ሂንቴንቱ ፆሳ ናና ቱሙ ጊዴዴንቶ፥ ታና ሲቃና፤ ኣዪሲ ጎፔ፥ ታኒ ፆሳ ማታፔ ያዴ ሃዋን ዴዓይ። ታና ኢ ኪቴዳዋፔ ኣቲን፥ ታኒ ታ ሼኒያን ያቤይኬ።  
\v 43 ታኒ ታማሪሲያዋ ሂንቴንቱ ኣኬኬናዌ ኣያሴ? ታኒ ታማሪሲያዋ ሂንቴንቱ ኣኬና ዲራሳ።  
\v 44 ሂንቴንቱ፥ ሂንቴንቱ ኣዉዋ ኢታ ኣያና ናና፤ ቃሲ ሂንቴንቱ፥ ሂንቴንቱ ኣዉ ኣሞቲያዋ ኦናው ኮዪታ። ኢ ካሴፔ ዶሚዴ፥ ሼምፑዋ ዎዳዋ፤ ቱማቴይ ኣኒ ባይና ዲራው፥ ቱማቴኮ ሺቂ ኤሬና። ኢ ዎርዱዋ ሃሳዪያ ዎዴ፥ ባሬፔ ሃሳዬ፤ ኣዪሲ ጎፔ፥ ኢ ዎርዳንቻኔ ቃሲ ዎርዶካ ኣዉዋ።  
\v 45 ሺን ታኒ ቱሙዋ ሃሳዪያ ዲራው፥ ሂንቴንቱ ታና ኣማኒኪታ።  
\v 46 ሂንቴፔ ታና ናጋራ ኦሺን ቤዓዲ ጋናው ዳንዳዪያዌ ኦኔ? ታኒ ቱሙዋ ሃሳዪያዋ ጊዶፔ፥ ታና ኣዪሲ ኣማኒኪቴ?  
\v 47 ፆሳ ኣሳ ጊዴዳ ኡራይ ፆሳይ ጊያዋ ሲሴ፤ ሂንቴንቱ ፆሳ ኣሳ ጊዴና ዲራው፥ ፆሳይ ጊያዋ ሲሲኪታ» ያጌዳ። 
\s1 ዬሱሲ ኣብራሃሞፔ ካሴናካ ዴዔ 
\p  
\v 48 ኣዪሁዳቱ ዛሪዴ፥ «ኑኒ ኔና፥ ‹ኔኒ ሳማሪያ ኣሳ፤ ኔናን ኢታ ኣያናይ ዴዔ› ጊዴ ባዪዜዶ?» ያጌዲኖ። 
\p  
\v 49 ዬሱሲ ኡንቱንታ፥ «ታ ቦላ ኢታ ኣያናይ ባዋ። ታኒ ታ ኣባ ቦንቻይ፤ ሺን ሂንቴንቱ ታና ካዉሺታ።  
\v 50 ታኒ ታ ሁጲያሲ ቦንቹዋ ኮዪኬ፤ ሄዋ ታው ኮዪያዌኔ ፒርዲያዌ ዴዔ።  
\v 51 ታኒ ሂንቴንቱሲ ቱሙዋ ኦዳይ፤ ታኒ ታማሪሲያዋ ናጊያ ኦኒኔ ኡባካ ሃይቄና» ያጌዳ። 
\p  
\v 52 ኣዪሁዳቱ ዛሪዴ፥ «ኔ ቦላ ኢታ ኣያናይ ዴዒያዋ ኑኒ ሃዒ ኤሬዶ። ኣብራሃሜ ሃይቄዳ፤ ናባቱ ሃይቄዲኖ፤ ሺን ኔኒ፥ ‹ታ ቃላ ናጊያ ኦኒኔ ኡባካ ሃይቄና› ያጋ።  
\v 53 ኔኒ ሃይቄዳ ኑ ኣዉዋ ኣብራሃሞፔ ዳራይ? ናባቱ ቃሲ ሃይቄዲኖ። ኔኒ ኔና ኦና ጋዴ ቆፓይ?» ያጌዲኖ። 
\p  
\v 54 ዬሱሲ፥ «ታኒ ታና ቦንቾፔ፥ ታ ቦንቹ ሜላ፤ ሂንቴንቱ ኑ ፆሳ ጊያ ታ ኣቡ ታና ቦንቼ።  
\v 55 ሂንቴንቱ ኣ ኤራና ዮፔካ፥ ታኒ ኣ ኤራይ። ታኒ ኣ ኤሪኬ ጎፔ፥ ሂንቴንቱዋዳን ዎርዶ ጊዳይ፤ ሺን ታኒ ኣ ኤራይ፤ ቃሲ ኣ ቃላካ ናጋይ።  
\v 56 ሂንቴንቱ ኣዉ ኣብራሃሜ፥ ታ ዩሳ ዎዲያ ቤዓናው ላሞቴዳ፤ ቤዒዴካ ናሼቴዳ» ያጌዳ። 
\p  
\v 57 ኣዪሁዳቱ ዛሪዴ ኣ፥ «ኔው ሃራይ ኣቶ ኢሻታሙ ላይ ኩሚቤናዌ ኣብራሃማ ቤዓዲ?» ያጌዲኖ። 
\p  
\v 58 ዬሱሲ ኡንቱንታ፥ «ታኒ ሂንቴንቱሲ ቱሙዋ ኦዳይ፤ ኣብራሃሞ ዬሌታናፔካ ካሴ ታኒ ታና» ያጌዳ። 
\p  
\v 59 ሄዋ ዲራው፥ ኡንቱንቱ ዬሱሳ ጫዳናው ሹቻ ኣኬዲኖ፤ ሺን ዬሱሲ ኡንቱንቱፔ ጌሜቲዴ፥ ጌሻ ጎሊያፔ ቤዳ። 
\c 9  
\s1 ዬሱሲ ቆቃ ጊዲዴ ዬሌቴዳ ቢታኒያ ፓዳ 
\p  
\v 1 ዬሱሲ ቢዴ፥ ዬሌቶዴፔ ቆቃ ጊዲዴ ዴዒያ ኢቲ ቢታኒያ ቤዔዳ።  
\v 2 ዬሱሳ ካሊያዋንቱ ዬሱሳ፥ «ታማሪሲያዎ፥ ሃ ቢታኒ ቆቃ ጊዲዴ ዬሌታናዳን፥ ናጋራ ኦዳዌ ኦኔ? ኢ ኦዴዬ? ዎይ ኣ ዬሌዳዋንቱ ኦዲኖ?» ያጊዴ ኦቼዲኖ። 
\p  
\v 3 ዬሱሲ፥ «ፆሳ ኪታይ ኣ ቦላን ቆንጫና ማላ ቆቄዳፔ ኣቲን፥ ኢ ዎይ ኣ ዳያኔ ኣ ኣቡ ናጋራ ኦቤይኪኖ።  
\v 4 ኑኒ ሳዓይ ቃሜናን ዴዒሺን፥ ታና ኪቴዳዋ ኦሱዋ ኦናው ቤሴ። ኦኒኔ ኦናው ዳንዳዬና ቃማይ ዬ።  
\v 5 ታኒ ኣላሚያን ዴዓዴ ኣላሜው ፖዖ» ያጌዳ። 
\p  
\v 6 ዬሱሲ ሄዋ ጊዴ፥ ሳዓን ጩቼዳ፤ ባሬ ጩቻኒ ጉ ኡርቃ ሹጊሲዴ፥ ሄ ኡርቃኒ ቆቃ ቢታኒያ ኣይፊያ ኦኪዴ፥  
\v 7 «ባዴ ሳሊሆማ ጊያ ዳጋቴዳ ሃን ኔ ኣይፊያ ሜጫ» ያጌዳ። «ሳሊሆማ» ጊያዌ «ኪቴቴዳዋ» ጉሳ። ሄዋ ዲራው፥ ቢታኒ ቢዴ፥ ባሬ ኣይፊያ ሜጬቲዴ፥ ፄሊዴ ሲሜዳ። 
\p  
\v 8 ቢታኒያ ሾራቱኔ ቢታኒ ካሴ ዎሲሺን ቤዔዳ ኣሳይ፥ «ሃዌ ኡቲዴ ዎሲያ ቢታኒያ ጊዴኔዬ?» ያጌዲኖ። 
\p  
\v 9 ቃሲ ኣማሬዳዋንቱ፥ «ሃዌ ኣቴኔ» ያጌዲኖ። 
\p ሃራንቱ ቃሲ፥ «ቱይቲ፥ ሃዌ ኣ ማላቲያዋፔ ኣቲን፥ ኣ ጊዴና» ያጌዲኖ። 
\p ሺን ቢታኒ፥ «ታኒ ኣቴ» ያጌዳ። 
\p  
\v 10 ኡንቱንቱ ቢታኒያ፥ «ያቲና፥ ኔ ኣይፊ ዋኒ ፄሌዴ?» ያጊዴ ኦቼዲኖ። 
\p  
\v 11 ኢ ዛሪዴ፥ «ዬሱሳ ጌቴቲያ ቢታኒ ጉ ኡርቃ ሹጊሲዴ፥ ታ ኣይፊያ ኦኪዴ፥ ‹ሳሊሆማ ጌቴቲያ ዳጋቴዳ ሃኒ ባዴ ኔ ኣይፊያ ሜጬታ› ያጌዳ። ታኒ ባዴ ሜጬታዴ ፄላዲ» ያጌዳ። 
\p  
\v 12 ኡንቱንቱ ኣ፥ «ኢ ሃቃን ዴዒ?» ያጊዴ ኦቼዲኖ። 
\p ቢታኒ፥ «ታኒ ኤሪኬ» ያጌዳ። 
\p  
\v 13 ኡንቱንቱ ካሴ ቆቂዴ ፄሌዳ ቢታኒያ ፓሪሳዋቱዋኮ ኣፌዲኖ።  
\v 14 ዬሱሲ ኡርቃ ሹጊሲዴ፥ ቢታኒያ ኣይፊያ ፓዳ ጋላሳይ ሳምባታ ጋላሳ።  
\v 15 ሄዋ ዲራው፥ ቢታኒ ዋኒ ፄሌዴንቶኔ ፓሪሳዋቱ ኣ ጉጂዴ ኦቼዲኖ። ቢታኒ ኡንቱንቱሲ፥ «ኢ ታ ኣይፊያን ጉ ኡርቃ ዎዳ። ታ ኣይፊያ ሜጬታዴ ሃዒ ፄላዲ» ያጌዳ። 
\p  
\v 16 ፓሪሳዋቱዋፔ ኢቱ ኢቱ፥ «ሃዋ ኦዳ ቢታኒ ሳምባታ ሂጊያ ናጌና ዲራው፥ ፆሳ ማታፔ ዪቤና» ያጌዲኖ። 
\p ሺን ሃራንቱ፥ «ናጋራንቻ ኣሳይ ሃዋ ማላ ዎልቃማ ማላታ ዋኒ ኦናው ዳንዳዪ?» ያጊዴ ኡንቱንቱ ባሬንቱ ጊዱዋን ሻኬቴዲኖ። 
\p  
\v 17 ሄዋ ዲራው፥ ፓሪሳዋቱ ቢታኒያ ኢቲ ካላ ጉጂዴ፥ «ኢ ኔ ኣይፊያ ዶዬዳ ዲራው፥ ኣባ ዋጋይ?» ያጌዲኖ። 
\p ቢታኒ፥ «ኢ ናቢያ» ያጌዳ። 
\p  
\v 18 ኣዪሁዳቱ ሄ ፄሌዳ ቢታኒያ ኣቶኔ ኣዉዋ ፄሲዴ ኦቻና ጋካናው፥ ቢታኒ ቆቃ ጊዴዳዋኔ ሃዒ ኢ ፄሊያዋ ኣማኒቤይኪኖ።  
\v 19 ኣዪሁዳቱ ኣ ኣቶኔ ኣዉዋ፥ «ሂንቴንቱ፥ ‹ቆቃ ጊዲዴ ዬሌቴዳ› ጊያ ሂንቴንቱ ናዓይ ሃዌ? ያቲና፥ ሃዒ ዋኒዴ ፄሌዴ?» ያጊዴ ኦቼዲኖ። 
\p  
\v 20 ቢታኒያ ዳያኔ ኣዉ፥ «ሃዌ ኑ ናዓ ጊዴዳዋኔ ቆቃ ጊዲዴ ዬሌቴዳዋ ኑኒ ኤሬቶ።  
\v 21 ሺን ሃዒ ኢ ዋኒ ፄሌዴንቶ፥ ኑኒ ኤሮኮ፤ ዎይ ኣ ኣይፊያ ኦኒ ፓዴንቶ፥ ኑኒ ኤሮኮ። ኣ ኦቺቴ፤ ኢ ዶንዛ ኣሳ፤ ባሬባ ሃሳያናው ዳንዳዬ!» ያጌዲኖ።  
\v 22 ቢታኒያ ዳያኔ ኣዉ ኣዪሁዳቶ ያዬዳ ዲራው፥ ሄዋ ጌዲኖ፤ ኣዪሲ ጎፔ፥ ኣዪሁዳቱ ዬሱሲ ኪሪስቶሳ ያጊዴ ማርካቲያ ኡራይ ዴዖፔ፥ ሄ ኡራ ኣዪሁዳ ዎሳ ጎሊያፔ ኬሳናው ካሴት ቆፋ ቃቺ ዎዲኖ።  
\v 23 ኣ ዳያኔ ኣዉ፥ «ኢ ዶንዛ ኣሳ፤ ኣ ኦቺቴ!» ጌዳዌ ሃዋሳ። 
\p  
\v 24 ሄዋ ዲራው፥ ቆቃ ጊዲዴ ዬሌቴዳ ቢታኒያ ኡንቱንቱ ላዔንዋ ፄሲዴ፥ «ፆሳ ጋላታ፤ ሃ ቢታኒ ናጋራንቻ ጊዲያዋ ኑኒ ኤሬቶ» ያጌዲኖ። 
\p  
\v 25 ቢታኒ፥ «ኢ ናጋራንቻ ጊዲያዋኔ፥ ጊዴናዋ ኤሪኬ፤ ታኒ ቆቃ ጊዲያዋኔ ሃዒ ፄሊያዋ ሄ ኢቲባ ኤራይ» ያጌዳ። 
\p  
\v 26 ኡንቱንቱ ዛሪዴ ቢታኒያ፥ «ኢ ኔው ኣያ ኦዴ? ኢ ኔ ኣይፊያ ዎቲ ፓዴ?» ያጌዲኖ። 
\p  
\v 27 ኢ ኡንቱንታ፥ «ታኒ ሂንቴንቱሲ ኦዳዲ፤ ሲሲቤይኪታ። ኣዪሲ ላዔንዋ ሲሳናው ኮዪቴ? ሂንቴካ ዬሱሳ ካሊያዋንታ ጊዳናው ኮዪቴ?» ያጌዳ። 
\p  
\v 28 ኡንቱንቱ ኣ ቦሪዴ፥ «ኔኒ ሄ ቢታኒያ ካሊያዋ፤ ኑኒ ሙሳ ካሊያዋንታ።  
\v 29 ፆሳይ ሙሴሲ ሃሳዬዳዋ ኑኒ ኤሬቶ፤ ሺን ሃ ቢታኒያ ጊዶፔ፥ ኢ ሃቃፔ ዬዴንቶኔ ኑኒ ኤሮኮ» ያጌዲኖ። 
\p  
\v 30 ቢታኒ፥ «ኢ ሃቃፔ ዬዴንቶኔ ሂንቴንቱ ኤሬናዌ ማላሊሲያዋ፤ ሺን ኢ ታ ኣይፊያ ፓዳ!  
\v 31 ፆሳው ያዪያ ኡራይኔ ፆሳይ ኮዪያዋ ኦያ ኡራይ ዴዖፔ፥ ሄ ኡራባ ፆሳይ ሲሲያዋፔ ኣቲን፥ ናጋራንቻቱዋባ ሲሴና።  
\v 32 ቆቃ ጊዲዴ ዬሌቴዳ ኣሳ ኣይፊያ ኦኒኔ ፓና፥ ሳዓይ ሜቶዴፔ ዶሚና፥ ሲሴቲ ኤሬና።  
\v 33 ሃ ቢታኒ ፆሳፔ ዪቤናዋ ጊዲንቶ፥ ኢቲባኔ ኦናዉካ ዳንዳዬና» ያጌዳ። 
\p  
\v 34 ኡንቱንቱ ዛሪዴ ኣው፥ «ኔኒ ናጋራን ዬሌታዴ ዲጬዳዌ ኑና ታማሪሳናው ኮያይ?» ያጌዲኖ፤ ኣዪሁዳ ዎሳ ጎሊያፔ ካሬ ኣ ኬሴዲኖ። 
\s1 ዎዛና ቆቃቴ 
\p  
\v 35 ኡንቱንቱ ቢታኒያ ካሬ ኬሴዳዋ ዬሱሲ ሲሴዳ፤ ዬሱሲ ቢታኒያ ዴሚዴ፥ «ኣሳ ናዓ ኣማናይ?» ያጌዳ። 
\p  
\v 36 ቢታኒ ዬሱሳ፥ «ጎዳው፥ ታኒ ኣ ኣማናናዳን ኢ ኦኔ? ታው ኦዳሪኪ!» ያጌዳ። 
\p  
\v 37 ዬሱሲ ቢታኒያ፥ «ኔኒ ኣ ቤዓዳ፤ ሃ ኔናና ሃሳዪያዌካ ኣ» ያጌዳ። 
\p  
\v 38 ቢታኒ ዛሪዴ፥ «ጎዳው፥ ኣማናይ» ያጊዴ ዬሱሳው ጎዪኔዳ። 
\p  
\v 39 ዬሱሲ፥ «ቆቃቱ ፄላና ማላኔ ፄሊያዋንቱ ቆቃና ማላ፥ ታኒ ፒርዳናው ሃ ሳዓ ያዲ» ያጌዳ። 
\p  
\v 40 ኣናና ዴዒያ ኣማሬዳ ፓሪሳዋቱ ሄዋ ሲሲዴ፥ «ኑኒካ ቆቄዬ?» ያጊዴ ኦቼዲኖ። 
\p  
\v 41 ዬሱሲ፥ «ሂንቴንቱ ቆቃ ጊዴዴንቶ፥ ሂንቴንቱሲ ናጋራ ጊዴና፤ ሺን ሃዒ ሂንቴንቱ፥ ‹ኑኒ ፄሌቶ› ያጊታ፤ ሂንቴንቱ ናጋራና ዴዒታ» ያጌዳ። 
\c 10  
\s1 ዬሱሲ ሎዖ ሄንንቻ 
\p  
\v 1 ዬሱሲ፥ «ታኒ ሂንቴንቱሲ ቱሙዋ ኦዳይ፤ ዶርሳ ሲኩዋ ፔንጊያና ጌሌናን ሃራሳና ጌሊያ ኦኒኔ ካይሱዋኔ ፓኑዋ።  
\v 2 ሺን ፔንጊያና ጌሊያዌ ዶርሳ ሄሚያ ኣሳ።  
\v 3 ፔንጊያ ናጊያዌ ኣው ፔንጊያ ዶዬ፤ ዶርሳቱካ ኣ ኮሻ ሲሳና፤ ኢ ባሬ ዶርሳቱዋ ኡንቱንቱ ሱንን ሱንን ፄሲዴ፥ ካሬ ካሌና።  
\v 4 ኢ ባሬዋንታ ካሬ ኬሴዳዋፔ ጉዪያን፥ ኡንቱንቱፔ ሲንና ሃሜቴ፤ ኡንቱንቱካ ኣ ኮሻ ኤሪያ ዲራው፥ ኣ ካሊኖ።  
\v 5 ሃራ ኡራ ኮሻ ኡንቱንቱ ኤሬና ዲራው፥ ኣፔ ባቃታናፔ ኣቲን፥ ኣ ጌዱዋ ካሊኪኖ» ያጌዳ። 
\p  
\v 6 ዬሱሲ ኡንቱንቱሲ ሃ ሌሚሱዋ ኦዴዳ፤ ሺን ኢ ኡንቱንቱሲ ኣይ ኦዲንቶኔካ ኡንቱንቱ ኣኬኪቤይኪኖ። 
\p  
\v 7 ዬሱሲ ቃሲካ ኡንቱንቱሲ፥ «ታኒ ሂንቴንቱሲ ቱሙዋ ኦዳይ፤ ታኒ ዶርሳቶ ጌሊያ ፔንጊያ።  
\v 8 ታፔ ካሴ ዬዳ ኡባይ ካዪሱዋኔ ፓኑዋ፤ ሺን ዶርሳቱ ኡንቱንቱ ጊያዋ ሲሲቤዪኪኖ።  
\v 9 ፔንጊ ታና፤ ታናን ጌሊያ ኦኒኔ ኣታናዋ። ኢ ጌላናኔ ኬሳና፤ ቃሲ ሎዖ ማታይ ዴዒያ ሳዓካ ዴማናዋ።  
\v 10 ካዪሱ ዉዓናው፥ ዎናዉኔ ዪሳናው ዪያዋፔ ኣቲን፥ ሃራባው ዬና፤ ታኒ ኡንቱንቱሲ ዴዑ ዴዓና ማላኔ ኩሚዴ ፓላሃና ማላ ያዲ። 
\p  
\v 11 «ታኒ ዶርሳ ሎይ ሄሚያዋ፤ ዶርሳ ሎይ ሄሚያዌ ሄ ዶርሳቱዋ ዲራው ሃይቄ።  
\v 12 ሚሻ ኣኪዴ ሄሚያ ኡራይ ዋሊያ ዪያዎዴ ቤዒዴ፥ ዶርሳቱዋ ዬጊ ባሺዴ ባቃቴ። ኣዪሲ ጎፔ፥ ዶርሳቱ ኣዋንታ ጊዲኪኖ፤ ቃሲ ኢካ ዶርሳቱዋ ሄሚያዋ ጊዴና። ሄዋ ዲራው፥ ዶርሳቱዋ ኦይቄኔ ላሌ።  
\v 13 ሻሉዋ ኣኪዴ ሄሚያዌ ባሬ ሻሎ ሄሚያ ዲራዉኔ ዶርሳባይ ኣ ቆፌና ዲራው፥ ዶርሳቱዋ ኣጊዴ ባቃቴ። 
\p  
\v 14-15 «ታኒ ዶርሳ ሎይ ሄሚያዋ፤ ታ ኣቡ ታና ኤሪያዋዳን፥ ታኒካ ቃሲ ታ ኣባ ኤራይ። ሄዋዳንካ፥ ታኒ ታ ዶርሳቱዋ ኤራይ፤ ታ ዶርሳቱካ ታና ኤሪኖ። ቃሲ ታኒ ታ ዶርሳቱዋ ዲራው፥ ሃይቃናው ኮያዲ።  
\v 16 ሃ ሲኩዋን ባይና ሃራ ዶርሳቱካ ታው ዴዒኖ። ታኒ ኡንቱንታካ ኣሃናው ቤሴ። ቃሲ ኡንቱንቱ ታ ኮሻ ሲሳና፤ ኢቲ ዉዲ ዴዓና፤ ሄሚያዌካ ኢቱዋ ጊዳናዋ። 
\p  
\v 17 «ታኒ ታ ሼምፑዋ ዛራዴ ኣካና ማላ፥ ኣዴ ኢማናው ኮዪያ ዲራው፥ ታ ኣቡ ታና ሲቄ።  
\v 18 ታኒ ዶሳዴ ታ ሼምፑዋ ኣ ኢሚያዋፔ ኣቲን፥ ታፔ ኦኒኔ ኣኬና። ታው ታ ሼምፑዋ ኣ ኢሚያ ማታይ ዴዔ፤ ቃሲ ዛራዴ ኣካናዉካ ማታይ ዴዔ። ታኒ ሃ ኣዛዙዋ ታ ኣዉዋፔ ኣካዲ» ያጌዳ። 
\p  
\v 19 ሄ ሃሳያ ዲራው፥ ኣዪሁዳቱዋ ጊዱዋን ቃሲካ ሻኩ ሜቴዳ።  
\v 20 ኡንቱንቱፔ ዳሪያ ባጋይ፥ «ኣኒ ፃላሂ ዴዔ! ኢ ጎዬ! ኣ ሃሳያ ኣዪሲ ሲሲቴ?» ያጌዲኖ። 
\p  
\v 21 ሃራቱ ቃሲ፥ «ፃላሂ ኦይቄዳ ኣሳይ ሃዋዳን ሃሳዬና፤ ፃላሂ ቆቃ ኣሳ ኣይፊያ ፄሊሳናው ዳንዳዪዬ?» ያጌዲኖ። 
\s1 ዬሱሲ ኢፄቴዳ 
\p  
\v 22 ዬሩሳላሜን ጌሻ ጎሊያ ኣንጂሴዳ ጋላሳ ሃሳዪሲያ ባላይ ጋኬዳ፤ ሳዓይ ሄ ዎዴ ባልጉዋ።  
\v 23 ዬሱሲ ጌሻ ጎሊያን ሶሎሞና ባራንዳን፥ ያኔ ሃኔ ሃሜቴ።  
\v 24 ኣዪሁዳቱ ዬሱሳ ማታን ዩዪ ኣዴ፥ «ኔኒ ኑና ኣዉዴ ጋካናው ሲሳዴ ዎኒ? ኔኒ ኪሪስቶሳ ጊዶፔ፥ ኑሲ ጌሻዴ ኦዳ» ያጌዲኖ። 
\p  
\v 25 ዬሱሲ ኡንቱንቱሲ ዛሪዴ፥ «ታኒ ሂንቴንቱሲ ኦዳዲ፤ ሺን ታና ኣማኒኪታ፤ ታኒ ታ ኣቡ ሱንን ኦያ ኪታይ ታባ ማርካቴ።  
\v 26 ሺን ሂንቴንቱ ታ ዶርሳ ጊዴና ዲራው ኣማኒኪታ።  
\v 27 ታ ዶርሳቱ ታ ኮሻ ሲሲኖ፤ ታኒ ኡንቱንታ ኤራይ፤ ኡንቱንቱካ ታና ካሊኖ።  
\v 28 ታኒ ኡንቱንቱሲ ሜና ዴዑዋ ኢማይ፤ ቃሲ ኡንቱንቱ ኡባካ ሃይቂኪኖ። ኦኒኔ ታ ኩሺያፔ ኡንቱንታ ዎ ኣካናው ዳንዳዬና።  
\v 29 ኡንቱንታ ታው ኢሜዳ ታ ኣቡ ኦፔኔ \f + \fr 10:29 \fq ኦፔኔ፡ \ft ኡባፔ ጉሳ።\f* ኣ፤ ኦኒኔ ታ ኣቡ ኩሺያፔ ኡንቱንታ ዎ ኣካናው ዳንዳዬና።  
\v 30 ታኔ ታ ኣቡ ኢቱዋ» ያጌዳ። 
\p  
\v 31 ኣዪሁዳቱ ዬሱሳ ጫዳናው ቃሲካ ሹቻ ዴንዲኖ።  
\v 32 ዬሱሲ ኡንቱንታ፥ «ታኒ ኦናው ታ ኣቡ ታው ኢሜዳ ዳሮ ሎዖ ኦሱዋ ሂንቴንታ ቤሳዲ፤ ሄዋንቱፔ ሃቃዋንቱ ዲራው፥ ታና ሹቻን ጫዳናው ኮዪቴ?» ያጌዳ። 
\p  
\v 33 ኣዪሁዳቱ ዛሪዴ፥ «ኑኒ ኔና ሎዖ ኦሱዋ ዲራው፥ ሹቻን ጫዳናው ኮዮኮ፤ ሺን ኔኒ ፆሳ ቦላ ቦሪያ ቃላ ሃሳዪያ ዲራዉኔ ቃሲ ኣሳ ጊዳዴ ኔ ሁጲያ ፆሳ ኦዳ ዲራው፥ ጫዳናው ኮዬቶ!» ያጌዲኖ። \x - \xo 10:33 \xt ዎግ 24፡16\x* 
\p  
\v 34 ዬሱሲ ዛሪዴ፥ «ሂንቴንቱ ሂጊያን ፆሳይ፥ ‹ሂንቴ ፆሳቱዋ› ጌዳዌ ፃፌቲቤኔ? \x - \xo 10:34 \xt ማዝ 82፡6\x* 
\v 35 ፆሳ ማፃፋቱዋ ላማናው ዳንዳዬቴና፤ ፆሳይ ባሬ ቃላይ ዬዳ ኣሳቱ፥ ‹ፆሳቱዋ› ጊዴ ፄሴዳዋ ጊዶፔ፥  
\v 36 ታኒ፥ ‹ታኒ ፆሳ ናዓ› ጌዳ ዲራው፥ ታ ኣቡ ኣንጂዴ፥ ሳዓ ኪቴዳ ታና፥ ‹ፆሳ ቦላ ቦሪያ ቃላ ሃሳያ› ያጊቴ?  
\v 37 ታኒ ታ ኣቡ ኦያዋ ኦና ዮፔ፥ ታና ኣማኖፒቴ።  
\v 38 ሺን ታኒ ኦያዋ ጊዶፔ፥ ሃራይ ኣቶ ሂንቴንቱ ታና ኣማናና ዮፔካ፥ ታ ኣቡ ታናን ዴዒያዋኔ ታኒካ ታ ኣቡን ዴዒያዋ ኤራናዳኒኔ ኣኬካናዳን፥ ታ ኦሱዋ ኣማኒቴ» ያጌዳ። 
\p  
\v 39 ቃሲካ ኡንቱንቱ ኣ ኦይቃናው ኮዬዲኖ፤ ሺን ኢ ኡንቱንቱፔ ኬሲ ኣኪዴ ቤዳ። 
\p  
\v 40 ዮሃኒሲ ካሴ ፃማቂያሳ ዮርዳኖሳ ሻፋፔ ሄፊን ዬሱሲ ፒኒዴ፥ ያኒ ዴዔዳ።  
\v 41 ዳሮ ኣሳይ ዬሱሳኮ ዪዴ፥ «ዮሃኒሲ ዎልቃማ ማላታ ኦቤና፤ ሺን ኢ ሃ ቢታኒያባ ሃሳዬዳባይ ኡባይ ቱማ» ያጌዲኖ።  
\v 42 ያኒ ዳሮ ኣሳይ ዬሱሳ ኣማኔዳ። 
\c 11  
\s1 ኣሊዓዛራ ሃይቁዋ 
\p  
\v 1 ቢታኒያ ጊያ ቄሪ ካታማን ኣሊዓዛራ ጊያ ኢቲ ቢታኒ ሃርጌዳ፤ ሄ ካታማይ ማይራማኔ ኢዚ ሚቻታ ማርታ ዴዔዳ ካታማ።  
\v 2 ጎዳ ጌዲያ ሺቱዋ ኦካዴ፥ ባሬ ቢናናን ኣ ጌዲያ ቁጬዳዉና ሄ ማይራሞ፤ ሃርጌዳዌ ቃሲ ኢዚ ኢሻ ኣሊዓዛራ።  
\v 3 ሄዋ ዲራው፥ ሚቻቱ፥ «ጎዳው፥ ኔኒ ሲቂያዌ ሃርጌዳ» ጊዴ ዬሱሳው ኪቴዲኖ። 
\p  
\v 4 ዬሱሲ ሄዋ ሲሴዳ ዎዴ፥ «ታኒ ፆሳ ናዓይ ሃርጊያ ጋሱዋን ቦንቼታና ማላ፥ ፆሳ ቦንቹዋሲ ሃ ሃርጊ ኣሊዓዛራ ኦይቄዳፔ ኣቲን፥ ዎያ ሃርጊያ ጊዴና» ያጌዳ። 
\p  
\v 5 ዬሱሲ ማርቶ፥ ኢዚ ሚቻቶኔ ኣሊዓዛራ ሲቄ፤  
\v 6 ኣሊዓዛር ሃርጌዳዋ ዬሱሲ ሲሴዳ ዎዴ፥ ባሬ ዴዒያ ሳዓን ላዑ ጋላሳ ፔሼዳ።  
\v 7 ሄዋፔ ጉዪያን፥ ዬሱሲ ባሬና ካሊያዋንታ «ላዔንዋ ዪሁዳ ጋዲያ ቦይቴ» ያጌዳ። 
\p  
\v 8 ዬሱሳ ካሊያዋንቱ ዛሪዴ፥ «ታማሪሲያዎ፥ ጉ ዎዲያፔ ካሴ ኣዪሁዳቱ ኔና ሹቻን ጫዳናው ኮዬዲኖ፤ ቃሲካ ያ ባኒ?» ያጌዲኖ። 
\p  
\v 9 ዬሱሲ፥ «ኢቲ ጋላሳን ታማኔ ላዑ ሳቲ ዴዔኔዬ? ጋላሲ ሃሜቲያ ኣሳይ ቤቴና፤ ኣዪሲ ጎፔ፥ ኢ ሃ ሳዓ ፖዑዋ ቤዔ።  
\v 10 ሺን ቃማ ሃሜቲያ ኡራይ ዴዖፔ፥ ፖዑ ኣኒ ባይና ዲራው፥ ቤቴ» ያጌዳ።  
\v 11 ዬሱሲ ሄዋ ጌዳዋፔ ጉዪያን፥ ቃሲካ ኡንቱንቱሲ፥ «ኑ ዳቡ ኣሊዓዛር ጌሚዒሼዳ፤ ሺን ጌሚዒሹዋፔ ኣ ዴንናው ታኒ ባይ» ያጌዳ። 
\p  
\v 12 ዬሱሳ ካሊያዋንቱ ዛሪዴ፥ «ጎዳው፥ ኢ ጌሚዒሼዳዋ ጊዶፔ፥ ኣው ሎዓናዋ» ያጌዲኖ። 
\p  
\v 13 ኣሊዓዛር ሃይቄዳዋ ዬሱሲ ኦዴዳ፤ ሺን ኣሊዓዛር ጌሚዒሺዴ ጊሴዳዋ ኦዴዳ ጊዴ፥ ኡንቱንቱ ቆፔዲኖ።  
\v 14 ሄዋ ዲራው፥ ዬሱሲ ጌሺዴ ኡንቱንታ፥ «ኣሊዓዛር ሃይቄዳ።  
\v 15 ሂንቴንቱ ኣማናና ማላ፥ ታኒ ሄ ሳዓን ዴዔናዎ፥ ሂንቴንቱ ዲራው ናሼታይ። ሺን ዴንዲቴ፤ ኣኮ ቦይቴ» ያጌዳ። 
\p  
\v 16 ሄዋፔ ጉዪያን፥ ማንቲያ ጌቴቲያ ቶማሲ ባሬ ላጌቱዋ ዬሱሳ ካሊያዋንታ፥ «ዬሱሳና ሃይቃናው ኑኒካ ቃሲ ቦይቴ!» ያጌዳ። 
\s1 ዬሱሲ፥ ዴንዱዋኔ ዴዑዋ 
\p  
\v 17 ዬሱሲ ጋኪያ ዎዴ፥ ኣሊዓዛራው ሞጌቶዴፔ ኦይዱ ጋላሳ ጊዴዳዋ ዴሜዳ።  
\v 18 ቢታኒያ ካታማይ ዬሩሳላሜፔ ሄዙ ኪሎ ሚቲሪያ ኬና ሃኬ።  
\v 19 ዳሮ ኣዪሁዳቱ ማርቶኔ ማይራሞ ኡንቱንቱ ኢሻይ ሃይቄዳዎ ሜንናው ዬዲኖ። 
\p  
\v 20 ማርታ ዬሱሲ ዬዳዋ ሲሳዴ፥ ኣ ሞካናው ኬሳዱ፤ ሺን ማይራማ ጎሌን ኣታዱ።  
\v 21 ማርታ ዬሱሳ፥ «ጎዳው፥ ኔኒ ሃዋን ዴዔዳዋ ጊዲንቶ፥ ታ ኢሻይ ሃይቄና።  
\v 22 ሺን ኔኒ ዎሲያዋ ኣይ ጊዶፔኔ፥ ፆሳይ ኔው ሃራይ ኣቶ ሃዒካ ኢማናዋ ታኒ ኤራይ» ያጋዱ። 
\p  
\v 23 ዬሱሲ፥ «ኔ ኢሻይ ሃይቁዋፔ ዴንዳና» ያጌዳ። 
\p  
\v 24 ማርታ፥ «ዎዲያ ዉርሴን \f + \fr 11:24 \fq ዎዲያ ዉርሴን፡ \ft ፆሳይ ኣሳ ዜሬ ኡባ ፒርዳው ሺሺያ ዎዴ ጉሳ።\f* ዴንዱዋ ጋላሲ፥ ኢ ሃይቁዋፔ ዴንዳናዋ ታኒ ኤራይ» ያጋዱ። 
\p  
\v 25 ዬሱሲ ኢዚው፥ «ታኒ ዴንዱዋኔ ዴዑዋ፤ ታና ኣማኒያ ኡራይ ሃራይ ኣቶ፥ ሃይቆፔካ ዴዑዋን ዴዓናዋ።  
\v 26 ቃሲ ዴዑዋን ዴዒያ ኡራይኔ ታና ኣማኒያ ኡራይ ኡባይ ኡባካ ሃይቄና፤ ሄዋ ኔኒ ኣማናይ?» ያጌዳ። 
\p  
\v 27 ማርታ ዛራዴ፥ «ጎዳው፥ ኤ ታኒ ኣማናይ፤ ኔኒ ፆሳ ናዓ፥ ሳዓ ያናው ዴዒያ ኪሪስቶሳ ጊዲያዋ ታኒ ኣማናይ» ያጋዱ። 
\p  
\v 28 ማርታ ሄዋ ጌዳዋፔ ጉዪያን፥ ባዴ ባሬ ሚቻቲው ጌማን ፄሳዴ፥ «ታማሪሲያዌ ዪዴ፥ ኔና ኮዬ» ያጋዱ።  
\v 29 ማይራማ ሄዋ ሲሴዳ ዎዴ፥ ኤሌላ ዴንዳ ኤቃዴ ዬሱሳኮ ባዱ።  
\v 30 ዬሱሲ ማርታ ኣ ሞኬዳ ሳዓን ዴዔፔ ኣቲን፥ ቢሮ ቄሪ ካታማ ጋኪቤና።  
\v 31 ማይራሞ ሜንዴ፥ ጎሌን ኢዚና ዴዒያ ኣዪሁዳቱ፥ ኢዛ ኤሌካ ዴንዳ ኤቃዴ ካሬ ኬሲያዋ ቤዒዴ፥ ኣሊዓዛር ሞጌቴዳ ዱፉዋ ባዴ ያኒ ዬካናው ሃናው ያጊዴ፥ ኢዞ ካሊዴ ኬሴዲኖ። 
\p  
\v 32 ማይራማ ዬሱሲ ዴዒያሳ ባዴ ዬሱሳ ቤዔዳ ዎዴ፥ ኣ ጌዲያ ቦላን ኩንዳዱ፤ «ጎዳው፥ ኔኒ ሃዋን ዴዔዳዋ ጊዲንቶ፥ ታ ኢሻይ ሃይቄና ሺን!» ያጋዱ። 
\p  
\v 33 ዬሱሲ ኢዛ ዬኪያዋኔ ቃሲ ኢዚና ዬዳ ኣዪሁዳቱካ ዬኪያዋ ቤዒዴ፥ ባሬ ዎዛናን ዳሮ ሴሌቴዳ፤ ቃሲ ቶኪ ሼምፔዳ።  
\v 34 ኡንቱንታ፥ «ሃቃን ሞጌዲቴ?» ያጊዴ ኦቺና፥ «ጎዳው፥ ያዴ ቤዓ» ያጊዴ ዛሬዲኖ። 
\p  
\v 35 ዬሱሲ ኣፎፄዳ።  
\v 36 ሄዋ ዲራው፥ ኣዪሁዳቱ፥ «ኣሊዓዛራ ኢ ኣይ ኬና ሲቂንቶ ቤዒቴ!» ያጌዲኖ። 
\p  
\v 37 ሺን ኡንቱንቱፔ ኢቱ ኢቱ፥ «ሃዌ ቆቃ ቢታኒያ ፄሊሴዳዌ ሃ ቢታኒ ሃይቄናዳን ኡዳናው ዳንዳዬኔ?» ያጌዲኖ። 
\s1 ዬሱሲ ኣሊዓዛራ ሃይቁዋፔ ዴንዳ 
\p  
\v 38 ዬሱሲ ቃሲካ ዎዛናፔ ቃሬቲዴ፥ ኣሊዓዛር ሞጌቴዳ ዱፉዋኮ ቤዳ፤ ሄ ዱፉ ጎንጎሉዋ ጊዲዴ ሹቻን ቁምዔቲ ኡቴዳ።  
\v 39 ዬሱሲ፥ «ሹቻ ዲጊቴ!» ያጊዴ ኣዛዜዳ። 
\p ሃይቄዳ ቢታኒያ ሚቻታ ማርታ፥ «ጎዳው፥ ኢ ሃይቆዴፔ ኦይዱ ጋላሳ ጊዴዳ ዲራው፥ ሃዒ ፂንቃናዋ!» ያጋዱ። 
\p  
\v 40 ዬሱሲ ማርቶ፥ «ኣማኒያዋ ጊዶፔ፥ ኔኒ ፆሳ ቦንቹዋ ቤዓናዋ ታኒ ኔው ኦዳቤይኪታ?» ያጌዳ።  
\v 41 ኡንቱንቱ ሹቻ ዴንዲኖ፤ ዬሱሲ ሳሉዋ ፑዴ ፄሊዴ፥ «ኣዎ፥ ታኒ ጊያዋ ኔኒ ሲሴዳ ዲራው፥ ኔና ጋላታይ።  
\v 42 ኔኒ ኡባ ዎዴ ሲሲያዋ ታኒ ኤራይ፤ ሺን ሃዋን ዩዪ ኣዴ ኤቄዳ ኣሳይ ኔኒ ታና ኪቴዳዋ ኣማናና ማላ፥ ሃዋ ታኒ ኡንቱንቱ ዲራው ጋይ» ያጌዳ።  
\v 43 ዬሱሲ ሄዋ ጌዳዋፔ ጉዪያን፥ ባሬ ቃላ ቁ ኡዲዴ፥ «ኣሊዓዛራ፥ ሃ ኬሳ!» ያጌዳ።  
\v 44 ሃይቄዳ ኣሊዓዛራ ኩሺኔ ጌዲ ሻሉዋን ቃሼቲ ኡቲዴ ኣ ዴሙካ ኣፊላን ካሜቲ ኡቴዳዌ ኬሲና ዬሱሲ ኡንቱንታ፥ «ቢሊ ኣጊቴ! ቦ!» ያጌዳ። 
\s1 ኪሪስቶሳ ቦላ ማቄቴዲኖ 
\r (ማት 26፡1-5፤ ማር 14፡1-2፤ ሉቅ 22፡1-2) 
\p  
\v 45 ሄዋ ዲራው፥ ማይራሚኮ ዬዳ ኣዪሁዳቱዋፔ ጮራቱ ዬሱሲ ኦዳዋ ቤዒዴ፥ ኣ ኣማኔዲኖ።  
\v 46 ሺን ኡንቱንቱፔ ኢቱ ኢቱ ፓሪሳዋቱዋኮ ቢዴ፥ ዬሱሲ ኦዳዋ ኡንቱንቱሲ ኦዴዲኖ።  
\v 47 ሄዋፔ ጉዪያን፥ ቄሳቱዋ ካፓቱኔ ፓሪሳዋቱ ያዓ ሺሺዴ፥ «ሃ ቢታኒ ዳሮ ዎልቃማ ማላታ ኦያ ዲራው፥ ኣያ ኦኔ?  
\v 48 ኑኒ ኣ ጮዑ ጊዴ፥ ኣጎፔ፥ ኣሳይ ኡባይ ኣ ኣማናናዋ፤ ቃሲ ሮሜ ጋዲያ ኣሳቱ ዪዴ፥ ኑ ጌሻ ጎሊያኔ ኑ ኣሳ ዪሳና» ያጌዲኖ። 
\p  
\v 49 ኡንቱንቱፔ ኢቱ ቃያፋ ጊያ፥ ሄ ላይ ቄሳቱዋ ኡባቱዋ ካፖ ጊዴዳዌ፥ «ሂንቴንቱ ኣይኔ ኤሪኪታ!  
\v 50 ኣሳይ ኡባይ ዪያዋፔ ኣሳ ኡባ ዲራው፥ ኢቲ ኣሳይ ሃይቂያዌ ሎዓ ጊዲያዋ ሂንቴንቱ ኣኬኪቴ?» ያጌዳ።  
\v 51 ኢ ሄዋ ባሬፔ ጊቤና፤ ሺን ሄ ላይ ቄሳቱዋ ኡባቱዋ ካፖ ጊዲያ ዲራው፥ ዬሱሲ ኣዪሁዳ ኣሳ ዲራው ሃይቃናው ቤሲያዋ ናቢ ኦዴዳ።  
\v 52 ቃሲ ዬሱሲ ኣዪሁዳ ኣሳ ፃላላው ሃይቄና፤ ሺን ላሌቲ ዴዒያ ፆሳ ናና ኢቱዋ ኡዲ ሺሻናው ሃይቃናዋ። 
\p  
\v 53 ሄ ጋላሳፔ ዶሚዴ፥ ኡንቱንቱ ኣ ዎናው ማቄቴዲኖ።  
\v 54 ሄዋ ዲራው፥ ዬሱሲ ኣዪሁዳቱ ጊዱዋን ቆንጪያን ያ ሃ ሃሜቲቤና፤ ሺን ሜላ ቢታ ጋፃን ዴዒያ ጋዲያ፥ ኤፊሬማ ጌቴቲያ ካታማ ቤዳ። ባሬና ካሊያዋንቱና ሄዋን ታኬዳ። 
\p  
\v 55 ኣዪሁዳቱ ፓሲጋ ቦንቺያ ጋላሳይ ማቴዳ፤ ቃሲ ዳሮ ኣሳይ ባሬና ጌሻናው፥ ፓሲጋ ቦንቺያ ጋላሳይ ጋካናፔ ካሴ ዱማ ዱማ ሳፔ ዬሩሳላሜ ቤዳ።  
\v 56 ኡንቱንቱ ዬሱሳ ኮዪኖ፤ ጌሻ ጎሊያን ኤቂዴ፥ «ኣያ ቆፒቴ? ፓሲጋ ቦንቺያሳ ዬሱሲ ዬኔ?» ያጊዴ ኢቱ ኢቱዋ ኦቼዲኖ።  
\v 57 ቃሲ ቄሳቱዋ ካፓቱኔ ፓሪሳዋቱ ዬሱሳ ቃቻናው፥ ኢ ዴዒያሳ ኤሪያዌ ኦኒኔ ባሬንቶ ኦዳና ማላ ኣዛዜዲኖ። 
\c 12  
\s1 ዬሱሳ ሺቱዋ ኦኬዳ ሚሺራቶ 
\r (ማት 26፡6-13፤ ማር 14፡3-9) 
\p  
\v 1 ፓሲጋ ቦንቺያ ጋላሳፔ ኡሱፑን ጋላሳ ካሴቲዴ፥ ዬሱሲ ኢ ሃይቁዋፔ ዴንዳ ኣሊዓዛር ዴዒያ ቢታኒያ ጊያ ካታማ ቤዳ።  
\v 2 ሄ ሳዓን ኡንቱንቱ ኣው ካዉዋ ካዲኖ፤ ኣሊዓዛር ኣናና ኡቲዴ ኢቲፔ ሚያዋንቱ ጊዶን ኡቲ ዴዒሺን፥ ማርታ ካዉዋ ጊሻ ሚዛዱ።  
\v 3 ማይራማ ዳሮ ሻሉዋን ዛሊዔቲያ ኢቲ ፃሪሙሲያ ጊዲያ ናርዶሳ ጌቴቲያ ጌሻ ሺቱዋ ኣሃዴ፥ ዬሱሳ ጌዲያ ኦካዴ ባሬ ቢናናን ኣ ጌዲያ ቁጫዱ፤ ጎሊያ ኡባይ ሺቱዋ ሳዉዋን ቶሺኩ ጌ። 
\p  
\v 4 ሺን ዬሱሳ ካሊያዋንቱፔ ኢቱ፥ ዬሱሳ ኣ ኢማናዌ፥ ዪሁዳ ኣስቆሮቱ፥  
\v 5 «ሃ ሺቱ ሄዙ ፄቱ ዲናሪያኒ ዛሊዔቲና፥ ኣያሲ ሄዌ ሂዬሳው ኢሜቴኔ?» ያጌዳ።  
\v 6 ኢ ካዪሱዋ ጊዴዳ ዲራው፥ ሄዋ ጌዳፔ ኣቲን፥ ሂዬሳው ቃሬቲዴ ጊቤና፤ ኢ ሚሻ ቃርጪቲያ ኦይቂያዋ ጊዲያ ዲራው፥ ኡባ ዎዴ ኣፔ ባሬው ኣኬዳ። 
\p  
\v 7 ዬሱሲ፥ «ሃ ሺቱዋ ታኒ ሞጌቲያ ጋላሳይ ጋካናው ኢዛ ኣያው ሚንጃኔ? ኢዞ ኣጊቴ።  
\v 8 ሂዬሳቱ ኡባ ዎዴ ሂንቴናና ዴዓና፤ ሺን ታኒ ኡባ ዎዴ ሂንቴናና ዴዒኬ» ያጌዳ። \x - \xo 12:8 \xt ዛር 15፡11\x* 
\p  
\v 9 ኣዪሁዳቱዋፔ ዳሮ ኣሳይ ዬሱሲ ቢታኒያን ዴዒያዋ ሲሲዴ፥ ያ ቤዳ፤ ኡንቱንቱ ዬሱሳ ቤዓና ጊሻ ፃላላው ጊዴናን፥ ኢ ሃይቁዋፔ ዴንዳ ኣሊዓዛራካ ቤዓናው ቤዲኖ።  
\v 10 ሄዋ ዲራው፥ ቄሳቱዋ ካፓቱ ኣሊዓዛራካ ቃሲ ዎናው ማቄቴዲኖ።  
\v 11 ኣዪሲ ጎፔ፥ ኣሊዓዛራ ጋሱዋን ዳሮ ኣዪሁዳቱ ባሬና ካሌያዋንታ ኣጊዴ፥ ዬሱሳ ኣማኒኖ። 
\s1 ዬሱሲ ቦንቹዋን ዬሩሳላሜ ጌሌዳ 
\r (ማት 21፡1-11፤ ማር 11፡1-11፤ ሉቅ 19፡28-40) 
\p  
\v 12 ዎንቴ ጋላሲ ፓሲጋ ቦንቺያሳ ዬዳ ዳሮ ኣሳይ ዬሱሲ ዬሩሳላሜ ቢያዋ ሲሴዳ።  
\v 13 ያቲዴ ዛምባ ሃይ ኦይቂዴ፥ \f + \fr 12:13 \fq ዛምባ ሃይ ኦይቂዴ፡ \ft ሃዌ ኣዪሁዳ ኣሳይ ኤሬቴዳ ኣሳ ሞኪያ ዎጋ።\f* ኣ ሞካናው ኬሴዲኖ። ባሬንቱ ኮሻ ቁ ኡዲዴ፥ 
\q1 «ፆሳይ ጋላቴቶ! 
\q2 ፆሳ ሱንን ዪያ ኢስራዔሊያ ካቲ ኣንጄቴዳዋ!» 
\m ያጌዲኖ። \x - \xo 12:13 \xt ማዝ 118፡25\x* 
\p  
\v 14-15 ፆሳ ማፃፋይ፥ 
\q1 «ፂዮኔ ካታማው፥ ያዮፓ! 
\q2 ቤዓ፥ ኔ ካቲ ሃሬ ማራ ቦላ ኡቲዴ ዬ» 
\m ጊያዋዳን፥ ዬሱሲ ሃሬ ማራ ዴሚዴ፥ ኣ ቶጌዳ። 
\p  
\v 16 ዬሱሳ ካሊያዋንቱ ሄዋ ካሴ ኣኬኪቤይኪኖ፤ ሺን ዬሱሲ ቦንቼቴዳዋፔ ጉዪያን፥ ፆሳ ማፃፋይ ሄዋ ኡባ ጌዳዋኔ ቃሲ ኡንቱንቱካ ሄዋ ኡባ ዬሱሳው ኦዳዋ ሃሳዬዲኖ። 
\p  
\v 17 ኣሊዓዛር ሞጌቴዳ ጎንጎሉዋፔ ዬሱሲ ኣ ፄሲዴ፥ ሃይቁዋፔ ዴንዳ ዎዴ፥ ዬሱሳና ዴዒያ ዳሮ ኣሳይ ዬሱሳው ማርካቴዳ።  
\v 18 ዳሮ ኣሳይ ኣ ሞካናው ኬሴዳዌ፥ ኢ ሄ ዎልቃማ ማላሊያዋ ኦዳ ዲራሳ።  
\v 19 ሄዋ ዲራው፥ ፓሪሳዋቱ ኢቱ ኢቱዋ፥ «ሂንቴንቱ ኣይኔ ኦናው ዳንዳዬናዋ ቤዒቴ! ቤዒቴ፥ ጋዴ ኡባይ ኣ ጌዱዋ ካሌዳ» ያጌዲኖ። 
\p  
\v 20 ፓሲጋ ቦንቺያ ጋላሲ ጎዪናናው ዬሩሳላሜ ቤዳዋንቱ ጊዶን ኢቲ ኢቲ ጊሪኬ ኣሳቱ ዴዒኖ።  
\v 21 ኡንቱንቱ ጋሊላ ጋዲያን ቤቴሳይዳ ጌቴቲያ ካታማፔ ዬዳ ፒሊጶሳኮ ቢዴ፥ «ጎዳው፥ ኑኒ ዬሱሳ ቤዓናው ኮዬቶ» ያጊዴ ዎሴዲኖ።  
\v 22 ፒሊጶሲ ቢዴ፥ ኢንዲራሳው ኦዲና ላዓቱካ ቢዴ፥ ዬሱሳው ኦዴዲኖ። 
\p  
\v 23 ዬሱሲ ኡንቱንቱሲ ሃዋዳን ያጌዳ፤ «ታኒ፥ ኣሳ ናዓይ፥ ቦንቼቲያ ሳቲ ጋኬዳ።  
\v 24 ታኒ ሂንቴንቱሲ ቱሙዋ ኦዳይ፤ ኢቲ ዛርጋ ኣይፋታ ቢታን ዎዴ ዎቃና ዮፔ፥ ባሬካ ኣታው። ሺን ሄ ዛርጋ ኣይፋታ ዎቆፔ፥ ዳሮ ኣይፊያ ኣይፋው።  
\v 25 ባሬ ሼምፑዋ ሲቂያ ኦኒኔ ባዪዜ፤ ቃሲ ባሬ ሼምፑዋ ሃ ሳዓን ኢፂያ ኦኒኔ ሜና ዴዖ ኣሼ።  
\v 26 ኦኒኔ ታው ኦፔ፥ ታና ካላናው ቤሴ፤ ቃሲ ታኒ ዴዒያ ሳዓን ታው ኦያዌካ ዴዓናዋ። ታው ኦያ ኦናኔ፥ ታ ኣቡካ ኣ ቦንቻናዋ። 
\p  
\v 27 «ሃዒ ታ ሼምፑ ዳሮ ኡንዔቴዳ፤ ያቲና ዋጎ? ታኒ፥ ‹ታ ኣቦ፥ ታና ሃ ሳታቲፔ ኣሻርኪ› ያጎ? ቱይቲ፥ ታኒ ሃ ሳቲያን ዬዳዌ ሃዋ ዲራሳ።  
\v 28 ታ ኣቦ፥ ኔ ሱን ቦንቻ» ያጌዳ። 
\p ሄ ዎዴ ሳሉዋፔ፥ «ታኒ ታ ሱን ቦንቻዲ፤ ቃሲካ ጉጃዴ ቦንቻና» ያጊያ ቃላይ ዬዳ። 
\p  
\v 29 ሄ ሳዓን ኤቄዳ ጮራ ኣሳይ ሄ ቃላ ሲሲዴ፥ «ሄዌ ጉጉን» ያጌዳ። 
\p ሃራንቱ ቃሲ፥ «ኪታንቻይ ኣው ሃሳዬዳ» ያጌዲኖ። 
\p  
\v 30 ዬሱሲ ዛሪዴ ኡንቱንታ፥ «ሃ ቃላይ ሂንቴንቱ ዲራው ዬዳዋፔ ኣቲን፥ ታ ዲራሳ ጊዴና።  
\v 31 ሃ ሳዓይ ፒርዴቲያ ዎዲ ሃዓ፤ ሃ ሳዓ \f + \fr 12:31 \fq ሃ ሳዓ፡ \ft ጉሳይ ሃ ኣላሚያ ጊዲዴ ሃ ዮሃኒሳ ሚሺራቹዋን ዴዒያ ሃ ሳዓ ጊያዌ ሃ ሳዓ ቦላ ዴዒያ ኣሳኔ ኡንቱንቱ ካሃ ባሬሳ ኡዲዴ ሞዲያ ኢታ ኣያና ዎልቃ ቤሴ።\f* ሞዲያዌ ሃዒ ካሬ ኦሌታናዋ።  
\v 32 ቃሲ ታኒ ማስቃሊያ ቦላ ካቄቲያ ዎዴ፥ ኣሳ ኡባ ታኮ ጎቻና» ያጌዳ።  
\v 33 ኢ ሄዋ ጌዳዌ ኣይ ማላ ሃይቁዋ ኢ ሃይቃኔንቶኔ ኡንቱንታ ኤሪሳናሳ። 
\p  
\v 34 ዳሮ ኣሳይ ዛሪዴ ዬሱሳ፥ «ኑ ሂጊ ኪሪስቶሲ ሜናው ዴዒያዋ ኦዴ። ያቲና፥ ኔኒ ዋጋዴ፥ ‹ኣሳ ናዓይ ማስቃሊያ ቦላ ካቄታና› ጋይ? ሄ ኣሳ ናዓይ ኦኔ?» ያጌዲኖ። \x - \xo 12:34 \xt ማዝ 110፡4፤ ኢሳ 9፡7፤ ሂዝ 37፡25፤ ዳን 7፡14\x* 
\p  
\v 35 ዬሱሲ፥ «ፖዑ ሂንቴናና ጉ ዎዲያ ጋሚዓናዋ። ሂንቴንቱሲ ሜና ማላ፥ ፖዑ ዴዒሺን፥ ፖዑዋን ሃሜቲቴ። ማኒ ሃሜቲያ ኡራይ ሃቃ ቢንቶኔ ኤሬና።  
\v 36 ፖዑዋ ኣሳ ጊዳና ማላ፥ ሂንቴንቱሲ ፖዑ ዴዒሺን፥ ፖዑዋ ኣማኒቴ» ያጌዳ። 
\s1 ኣዪሁዳቱ ኣማኔናን ኢፄዳ ሃኖታ 
\p ዬሱሲ ሄዋ ሃሳዬዳዋፔ ጉዪያን፥ ቢዴ ኡንቱንቱፔ ጌሜቴዳ።  
\v 37-38 ኢ ሄዋ ኬና ዎልቃማ ማላታ ኡንቱንቱ ሲንን ኦፔካ፥ ናቢያ ኢሳያሴ፥ 
\q1 «ጎዳው፥ ኑ ማርካቴ ኦኒ ኣማኔዴ? 
\q2 ጎዳይ ባሬ ዎልቃ ኦና ቤሴዴ?» 
\m ጌዳዌ ቱማ ጊዳና ማላ፥ ኡንቱንቱ ኣ ኣማኒቤይኪኖ። \x - \xo 12:37-38 \xt ኢሳ 53፡1\x* 
\p  
\v 39-40 ኢሳያሴ ቃሲካ፥ 
\q1 «ኡንቱንቱ ኣይፊ ፄሌና ማላ፥ 
\q2 ኡንቱንቱ ዎዛናይካ ኣኬኬና ማላ፥ 
\q1 ኡንቱንቱ ፆሳኮ ሲሚና፥ ኢ ኡንቱንታ ፓና ማላ፥ 
\q2 ፆሳይ ኡንቱንቱ ኣይፊያ ቆቂሴዳ። 
\q1 ኡንቱንቱ ዎዛና ዳሚሴዳ» 
\m ጌዳ ዲራው፥ ኡንቱንቱ ኣማናናው ዳንዳዪቤዪኪኖ። \x - \xo 12:39-40 \xt ኢሳ 6፡10\x* 
\p  
\v 41 ኢሳያሴ ዬሱሳ ቦንቹዋ ቤዔዳ ዲራዉኔ ቃሲ ኣባ ሃሳዬዳ ዲራው፥ \f + \fr 12:41 \fq ኢሳያሴ ዬሱሳ ቦንቹዋ ቤዔዳ ዲራዉኔ ቃሲ ኣባ ሃሳዬዳ ዲራው፥ \ft ዎይ ኢሳያሴ ፆሳ ቦንቹዋ ቤዔዳ ዲራዉኔ ቃሲ ዬሱሳባ ሃሳዬዳ ዲራው፥\f* ሄዋ ጌዳ። 
\p  
\v 42 ሄዋ ጊዲናካ፥ ሃራይ ኣቶ ኣዪሁዳቱ ካፓቱዋፔካ ጮራቱ ዬሱሳ ኣማኔዲኖ። ሺን ፓሪሳዋቱ ባሬና ኣዪሁዳቱ ዎሳ ጎሊያፔ ኬሲኖ ጊዴ ያዬዳ ዲራው፥ ኣማኔዳ ጊዴ ማርካቲቤይኪኖ።  
\v 43 ኣዪሲ ጎፔ፥ ኡንቱንቱ ፆሳ ሳባፔ ኣዴ፥ ኣሳ ሳባ ሲቄዲኖ። 
\p  
\v 44 ዬሱሲ ባሬ ቃላ ቁ ኡዲዴ ያጌዳ፤ «ታና ኣማኒያ ኦኒኔ ታና ኪቴዳዋካ ኣማኒያዋፔ ኣቲን፥ ታ ፃላላ ኣማኔና።  
\v 45 ታና ቤዒያ ኦኒኔ ታና ኪቴዳዋካ ቤዔ።  
\v 46 ታና ኣማኒያ ኡባይ ማኒ ዴዔና ማላ፥ ታኒ ፖዑዋ ጊዳዴ ሳዓ ያዲ።  
\v 47 ታ ቃላ ሲሲዴ ኣዛዜቴና ኡራ ኦናኔ ታኒ ፒርዲኬ፤ ኣዪሲ ጎፔ፥ ታኒ ኣላሚያ ኣሻናው ዬዳዋፔ ኣቲን፥ ፒርዳናው ያቤይኬ።  
\v 48 ታና ኢፂያ ኦናኔ ቃሲ ታ ቃላ ኣኬና ኦናኔ ፒርዲያዌ ዴዔ። ታኒ ኦዴዳ ቃላይ ዉርሴ ጋላሲ ሄ ኡራ ፒርዳና።  
\v 49 ኣዪሲ ጎፔ፥ ታኒ ሃዋ ታፔ ሃሳያቤይኬ፤ ሺን ታና ኪቴዳ ታ ኣቡ ታኒ ጋናዋኔ ሃሳያናዋ ታና ኣዛዜዳ።  
\v 50 ቃሲ ኣ ኣዛዙ ሜና ዴዑዋ ኣሂያዋ ታኒ ኤራይ፤ ሄዋ ዲራው፥ ታኒ ኦዲያዌ ታ ኣቡ ታና ኦዳ ጊዴ ኦዴዳዋ» ያጌዳ። 
\c 13  
\s1 ዬሱሲ ባሬ ካሊያዋንቱ ጌዲያ ሜጬዳ 
\p  
\v 1 ፓሲጋ ቦንቺያ ጋላሳይ ጋካናፔ ካሴቲዴ፥ ሃ ሳዓፔ ሻኬቲዴ፥ ኣዉዋኮ ቢያ ዎዲ ጋኬዳዋ ዬሱሲ ኤሬዳ፤ ሃ ሳዓን ዴዒያ ባሬዋንታ ኡባ ዎዴ ሲቄዳ፤ ዉርሴይ ጋካናው ኡንቱንታ ሲቄዳ። 
\p  
\v 2 ዬሱሲኔ ካሊያዋንቱ ካዉዋ ሚሺን፥ ሲሞና ናዓ ዪሁዳ ኣስቆሮቱ ዬሱሳ ኣ ኢማናዳን፥ ፃላሂ ኣ ቆፊሲ ዎዳ።  
\v 3 ዬሱሲ ባሬ ኣዉ ኡባባ ኣ ኩሺያን ዎዳዋ፥ ቃሲ ፆሳ ማታፔ ኢ ዬዳዋኔ፥ ሲሚዴ ኣኮ ባናዋ ኤሬዳ።  
\v 4 ዬሱሲ ሚያሳፔ ዴንዲ ኤቂዴ፥ ቦላ ባጋ ማዩዋ ቃሪ ዎዴ፥ ፖፃ ባሬ ፄሳን ዳንጬዳ።  
\v 5 ሄዋፔ ጉዪያን፥ ሃ ሜቻ ሚሻን ቲጊዴ፥ ባሬና ካሊያዋንቱ ጌዲያ ሜቻኔ ባሬ ፄሳን ዳንጬዳ ፖፃን ቁጩሳ ዶሜዳ። 
\p  
\v 6 ዬሱሲ ሲሞኒ ጴፂሮሳኮ ዪና ጴፂሮሴ፥ «ጎዳው፥ ኔኒ ታ ጌዲያ ሜጫናው ሃናዪዬ?» ያጌዳ። 
\p  
\v 7 ዬሱሲ ዛሪዴ ኣ፥ «ታኒ ኦያዋ ኔኒ ሃዒ ኤራካ፤ ሺን ጉዬፔ ኤራናሳ» ያጌዳ። 
\p  
\v 8 ጴፂሮሴ፥ «ኔኒ ታ ጌዲያ ኡባካ ሜጫካ!» ያጌዳ። 
\p ዬሱሲ ኣ፥ «ታኒ ኔ ጌዲያ ሜጫና ዮፔ፥ ኔዉኔ ታዉኔ ኢቲፔቴይ ባዋ» ያጊዴ ዛሬዳ። 
\p  
\v 9 ሲሞና ጴፂሮሴ ዬሱሳ፥ «ጎዳው፥ ያቶፔ፥ ታ ጌዲያ ፃላላ ሜጮፓ፤ ታ ኩሺያካ ታ ሁጲያካ ሜጫ!» ያጌዳ። 
\p  
\v 10 ዬሱሲ ዛሪዴ፥ «ቦላ ሜጬቲዲጌዳ ኡራይ ኦኒኔ ጌዲያፔ ሃራባ ሜጬታናው ኮሼና፤ ኣው ኡባሳይካ ጌሻ። ቃሲ ሂንቴንቱካ ጌሻ፤ ሺን ኡባይ ጌሻ ጊዲኪታ» ያጌዳ።  
\v 11 ኣዪሲ ጎፔ፥ ዬሱሲ ባሬና ኣ ኢማና ኡራይ ኦኔንቶኔ ኤሬዳ፤ ኢ፥ «ሂንቴንቱ ኡባይ ጌሻ ጊዲኪታ» ጌዳዌ ሃዋሳ። 
\p  
\v 12 ኡንቱንቱ ጌዲያ ሜጬዳዋፔ ጉዪያን፥ ዬሱሲ ባሬ ማዩዋ ማዪዴ፥ ባሬሳ ጉዬ ሲሚ ቢ ኡቲዴ ኡንቱንታ ያጌዳ፤ «ታኒ ሂንቴንቱሲ ኦዳዋ ኣኬኪቴ?  
\v 13 ሂንቴንቱ ታና፥ ታማሪሲያዎኔ ጎዳው ጊታ፤ ታኒ ሄ ሂንቴንቱ ጊያዋ ጊዲያ ዲራው፥ ሎይዲታ።  
\v 14 ታኒ ሂንቴንቱሲ ጎዳኔ ሂንቴንታ ታማሪሲያዋ ጊዳዴ፥ ሂንቴንቱ ጌዲያ ሜጪያዋ ጊዶፔ፥ ሂንቴንቱካ ኢቱ ኢቱዋ ጌዲያ ሜጫናው ቤሴ።  
\v 15 ኣዪሲ ጎፔ፥ ታኒ ሂንቴንቱሲ ኦዳዋዳን፥ ሂንቴንቱካ ኦና ማላ፥ ሂንቴንቱሲ ሌሚሱዋ ጊዳዲ።  
\v 16 ታኒ ሂንቴንቱሲ ቱሙዋ ኦዳይ፤ ቆማይ ባሬ ጎዳፔ ኣና። ቃሲ ኪቴቴዳ ኡራይካ ባሬና ኪቴዳዋፔ ኣና።  
\v 17 ሂንቴንቱ ሄዋ ኤሪዴ ኦያዋ ጊዶፔ ኣንጄቴዳዋንታ። 
\p  
\v 18 «ታኒ ሂንቴንቶ ኡባባ ሃሳዪኬ። ታኒ ዶሬዳዋንታ ኤራይ፤ ሺን ፆሳ ማፃፋይ፥ ‹ታኒ ባርሴዳዌ ታ ኩሺያ ሳዔዳ› ጌዳዌ ቱማ ጊዳናው ቤሴ። \x - \xo 13:18 \xt ማዝ 41፡9\x* 
\v 19 ሄዌ ሃኒያ ዎዴ ታኒ ታና \f + \fr 13:19 \fq ታኒ ታና፡ \ft ዮህ 8፡24 ፄሊቴ።\f* ጊዲያዋ ሂንቴንቱ ኣማናና ማላ፥ ሄዌ ሃናናፔ ካሴታዴ ሂንቴንቱሲ ሃናናዋ ኦዳይ።  
\v 20 ታኒ ሂንቴንቱሲ ቱሙዋ ኦዳይ፤ ታኒ ኪቲያ ኦናኔ ሞኪያ ኡራይ ታናካ ሞኬ፤ ቃሲ ታና ሞኪያ ኦኒኔ ታና ኪቴዳዋ ሞኬ» ያጌዳ። 
\s1 ዬሱሲ ባሬና ኣ ኢማናዌ ኦኔንቶ ካሴቲዴ ኦዴዳ 
\r (ማት 26፡20-25፤ ማር 14፡17-21፤ ሉቅ 22፡21-23) 
\p  
\v 21 ዬሱሲ ሄዋ ሃሳዬዳዋፔ ጉዪያን፥ ባሬ ዎዛናን ዳሮ ሜቶቲዴ፥ «ታኒ ሂንቴንቱሲ ቱሙዋ ኦዳይ፤ ታና ሂንቴፔ ኢቱ ኣ ኢማናዋ» ጊዴ ቆንጪያን ኦዴዳ። 
\p  
\v 22 ኢ ኦና ሃሳዪንቶኔ፥ ካሊያዋንቱሲ ኡባካ ኤሬቴናን ኢፂና፥ ኢቱ ኢቱዋ ፄሌዲኖ።  
\v 23 ዬሱሳ ካሊያዋንቱፔ ኢቱ፥ ዬሱሲ ሲቂያዌ፥ ዬሱሳ ማታን ኡቴዳ።  
\v 24 ሄዋ ዲራው፥ ሲሞና ጴፂሮሴ ሄ ካሊያዋ ሲሚዒዴ፥ «ኢ ኦና ጊንቶ፥ ኣኔ ኣ ኦቻ» ያጌዳ። 
\p  
\v 25 ሄዋ ዲራው፥ ሄ ካሊያዌ ዬሱሳ ሃይኮ ሺቂዴ፥ «ጎዳው፥ ኢ ኦኔ?» ያጌዳ። 
\p  
\v 26 ዬሱሲ ዛሪዴ፥ «ታኒ ኡኪን ጫባ ቱሻዴ ኢሚያዌ ኣ» ያጌዳ። ቃሲ ኡኪ ሜን ኣኪዴ፥ ጫባ ቱሺዴ፥ ሲሞና ናዓ፥ ዪሁዳ ኣስቆሮቱሲ ኢሜዳ።  
\v 27 ዪሁዳይ ኡኪ ሜንዋ ኣኮዋፔ ጉዪያን፥ ሴፃናይ ኤሌካ ዪሁዳን ጌሌዳ። ዬሱሲ ኣ፥ «ኔኒ ኦናዋ ኤሌላ ኦ!» ያጌዳ።  
\v 28 ሺን ሄ ሳዓን ኡቴዳዋንቱፔ ኦኒኔ ዬሱሲ ሄዋ ኣ ኣዪሲ ጌዴንቶኔ ኤሪቤና።  
\v 29 ዪሁዳይ ሚሻ ቃርጪቲያ ኦይቂያ ዲራው፥ ካሊያዋንቱፔ ኢቱ ኢቱ ዬሱሲ ዪሁዳ፥ «ፓሲጋ ቦንቺያ ጋላሳው ባሬና ኮሺያዋ ባዴ ሻማ ዎይ ሂዬሳው ሚፁዋታ ኢማ ጌዳ» ያጊዴ ቆፔዲኖ። 
\p  
\v 30 ዪሁዳይ ኡኪ ሜንዋ ኣኪዴ፥ ኤሌካ ካሬ ኬሴዳ፤ ሄ ዎዴ ሳዓይ ቃማ። 
\s1 ኦራ ኣዛዙዋ 
\p  
\v 31 ዪሁዳይ ካሬ ኬሴዳዋፔ ጉዪያን፥ ዬሱሲ ያጌዳ፤ «ሃዒ ታኒ ኣሳ ናዓይ ቦንቼታዲ፡ ፆሳይካ ታ ባጋና ቦንቼቴዳ።  
\v 32 ፆሳይ ታ ባጋና፥ ኣሳ ናዓ ባጋና ቦንቼቶፔ፥ ኢ ባሬ ሁጴው ታና ኣሳ ናዓ ቦንቻናዋ፤ ቃሲ ኢ ታና ኤሌካ ቦንቻናዋ።  
\v 33 ታ ናቶ፥ ታኒ ሂንቴናና ዳሮ ዎዲያ ጋሚዒኬ። ሂንቴንቱ ታና ኮያና፤ ሺን ታኒ ኣዪሁዳቱዋ፥ ‹ታኒ ቢያሳ ሂንቴንቱ ባናው ዳንዳዪኪታ› ጌዳዋዳን፥ ሂንቴዉካ ሃዒ ኦዳይ።  
\v 34 ታኒ ሂንቴንታ ኦራ ኣዛዙዋ ኣዛዛይ፤ ኢቱ ኢቱዋ ሲቂቴ። ታኒ ሂንቴንታ ሲቄዳዋዳንካ፥ ሂንቴንቱ ኢቱ ኢቱዋ ሲቃና ቤሴ።  
\v 35 ሂንቴንቱ ኢቱ ኢቱዋና ሲቄቶፔ፥ ታና ካሊያዋንታ ጊዲያዋ ኣሳይ ኡባይ ኤራና» ያጌዳ። 
\s1 ጴፂሮሴ ካዳናዋ ዬሱሲ ካሴቲዴ ኦዴዳ 
\r (ማት 26፡31-35፤ ማር 14፡27-31፤ ሉቅ 22፡31-34) 
\p  
\v 36 ሲሞኒ ጴፂሮሴ ዬሱሳ፥ «ጎዳው፥ ኔኒ ሃቃ ባይ?» ያጌዳ። 
\p ዬሱሲ ዛሪዴ፥ «ታኒ ቢያሳ ኔኒ ሃዒ ታና ካላናው ዳንዳያካ፤ ሺን ጉዬፔ ካላና» ያጌዳ። 
\p  
\v 37 ጴፂሮሴ፥ «ጎዳው፥ ታኒ ኔና ሃዒ ካላናው ኣዪሲ ዳንዳዪኪታ? ታኒ ኔ ዲራው፥ ሃይቃናዉካ ጊጋ ኡታዲ!» ያጌዳ። 
\p  
\v 38 ዬሱሲ ዛሪዴ፥ «ታ ዲራው ሃይቃናው ሃዒ ቱሙ ጊጋ ኡታዲ? ታኒ ኔው ቱሙዋ ኦዳይ፤ ኩቱ ዋሳናፔ ካሴ፥ ኔኒ ታና ሄዙ ጌዴ ካዳናሳ» ያጌዳ። 
\c 14  
\s1 ዬሱሲ፥ ኣዉዋኮ ኣፊያ ኦጊያ 
\p  
\v 1 ዬሱሲ ካሊያዋንታ «ሂንቴንቱ ዎዛናይ ሂርጎፖ፤ ፆሳን ኣማኒቴ፤ ታናንካ ኣማኒቴ። \f + \fr 14:1 \fq ፆሳ ኣማኒቴ፤ ታናካ ኣማኒቴ። \ft ፆሳን ኣማኑ ሂንቴው ዴዔ ጉሳይ፥ ታናንካ ኣማኑ ዴዔ ጉሳ።\f* 
\v 2 ታ ኣቡ ጎሌን ዳሮ ሳዓይ ዴዔ። ሄዋ ጊዴኔንቶ፥ ታኒ ሂንቴንቱሲ ሄዋ ኦዲኬ፤ ታኒ ሂንቴንቱሲ ሳዓ ጊጊሳናው ባይ።  
\v 3 ታኒ ባዴ ሳዓ ጊጊሴዳዋፔ ጉዪያን፥ ታኒ ዴዒያ ሳዓን ሂንቴንቱካ ዴዓና ማላ፥ ሲማ ያዴ ሂንቴንታ ታኮ ኣካ ኣፋና።  
\v 4 ቃሲ ሂንቴንቱ ታኒ ቢያ ኦጊያ ኤሪታ» ያጌዳ። 
\p  
\v 5 ቶማሲ፥ «ጎዳው፥ ኔኒ ቢያሳ ኑኒ ኤሮኮ፤ ኦጊያ ዋኒዴ ኤራናው ዳንዳዬቶ?» ያጌዳ። 
\p  
\v 6 ዬሱሲ ዛሪዴ፥ «ኦጊ፥ ቱሙኔ ዴዑ ታና፤ ታ ባጋናፔ ኣቲን፥ ኦኒኔ ታ ኣቡኮ ባናው ዳንዳዬና።  
\v 7 ሂንቴንቱ ታና ኤሪያዋ ጊዲንቶ፥ ታ ኣባካ ኤራና፤ ሃዒፔ ዶሚዴ፥ ሂንቴንቱ ኣ ኤሪታኔ ቃሲ ኣ ቤዔዲታ» ያጌዳ። 
\p  
\v 8 ፒሊጶሲ ዬሱሳ፥ «ጎዳው፥ ኣዉዋ ኑና ቤሳ፤ ሄዌ ኑሲ ጊዳናዋ» ያጌዳ። 
\p  
\v 9 ዬሱሲ ዛሪዴ ያጌዳ፤ «ፒሊጶሳ፥ ታኒ ሃዋ ኬና ዎዲያ ሂንቴናና ዴዒናካ ታና ኤሪኪ? ታና ቤዔዳ ኡራይ ኣዉዋካ ቤዔዳ፤ ያቲና፥ ኔኒ ዋጋዴ፥ ‹ኣዉዋ ኑና ቤሳ› ጋይ?»  
\v 10 ታኒ ኣዉዋ ጊዶን ዴዒያዋ ቃሲ ኣዉካ ታ ጊዶን ዴዒያዋ ኔኒ ኣማኒኪ? ታኒ ሂንቴንቱሲ ኦዲያ ቃላ ታኒ ታፔ ኦዲኬ፤ ሺን ታ ጊዶን ዴዒያ ኣዉ ባሬ ኦሱዋ ኦ።  
\v 11 ታኒ ኣዉዋ ጊዶን ዴዒያዋኔ ቃሲ ኣዉካ ታ ጊዶን ዴዒያዋ ታና ኣማኒቴ፤ ሄዌ ዮፔ፥ ታ ኦሱዋባው ታና ኣማኒቴ። 
\p  
\v 12 «ታኒ ሂንቴንቱሲ ቱሙዋ ኦዳይ፤ ታና ኣማኒያ ኡራይ ታኒ ኦያ ኦሱዋ ኦና። ታኒ ኣዉዋኮ ቢያ ዲራው፥ ሄ ኡራይ ሃዋፔ ኣያ ኦሱዋ ኦና።  
\v 13 ኣዉ ናዓ ጋሱዋን፥ ታ ባጋና ቦንቼታና ማላ፥ ታ ሱንን ሂንቴንቱ ዎሲያ ኡባባ ታኒ ሂንቴንቱሲ ፖላና።  
\v 14 ሂንቴንቱ ታ ሱንን ታና ኣያኔ ኦቾፔካ፥ ታኒ ፖላና። 
\s1 ዬሱሲ ኣያና ጌሻ ኪታናው ኢሜዳ ሂዶታ 
\p  
\v 15 «ሂንቴንቱ ታና ሲቂያዋ ጊዶፔ፥ ታ ኣዛዙዋ ናጋና።  
\v 16-17 ታኒ ኣዉዋ ዎሳና፤ ሂንቴናና ሜናው ዴዓና ማላ፥ ቱማቴ ኣያና፥ ሃራ ሜንያዋ ሂንቴንቱሲ ኢ ኢማና። ሃ ሳዓይ ሄ ቱማቴ ኣያና ቤዔናዋኔ ኤሬናዋ ጊዲያ ዲራው፥ ኣ ኣካናው ዳንዳዬና፤ ሺን ኢ ሂንቴናና ዴዒያ ዲራዉኔ ሂንቴንቱ ጊዶን ዴዓና ዲራው፥ ሂንቴንቱ ኣ ኤሪታ። 
\p  
\v 18 «ታኒ ሂንቴንታ ኣዉኔ ኣታ ባይና ዪዖ ናናዳን ሂንቴሬካ ኣጋባሺኬ፤ ታኒ ሲማዴ ሂንቴንቱኮ ያና።  
\v 19 ጉ ዎዲያፔ ጉዪያን፥ ኣላሚ ታና ላዔንዋ ቤዔና፤ ሺን ሂንቴንቱ ታና ቤዓና፤ ታኒ ዴዑዋን ዴዒያ ዲራው፥ ሂንቴንቱካ ቃሲ ዴዑዋን ዴዓና።  
\v 20 ታኒ ታ ኣዉዋ ጊዶን ዴዒያዋኔ ሂንቴንቱ ታ ጊዶን ዴዒያዋ፥ ቃሲ ታኒ ሂንቴንቱ ጊዶን ዴዒያዋኔ ሂንቴንቱ ሄ ጋላሲ ኤራና። 
\p  
\v 21 «ታ ኣዛዙ ኣ ማታን ዴዒያ ኣሳይ፥ ቃሲ ሄ ኣዛዙዋካ ናጊያዌ፥ ኢ ታና ሲቂያ ኣሳ። ታና ሲቂያ ኣሳ ታ ኣቡካ ሲቄ፤ ታኒካ ኣ ሲቃይ። ታኒ ኣው ቆንጫና» ያጌዳ። 
\p  
\v 22 ዪሁዳ ኣስቆሮታ ጊዴና ዪሁዳይ ዬሱሳ፥ «ጎዳው፥ ኔኒ ኔ ሁጲያ ኣላሚያ ቤሴናን፥ ኑና ቤሳና ጊያዋ ዋጋዴ ጋይ?» ያጌዳ። 
\p  
\v 23 ዬሱሲ፥ «ታና ሲቂያ ኦኒኔ ታ ቃላ ናጌ፤ ታ ኣቡ ኣ ሲቃናዋ፤ ቃሲ ታ ኣቡኔ ታኒኔ ኣኮ ዪዴ፥ ኣናና ዴዓና።  
\v 24 ታና ሲቄና ኡራይ ኦኒኔ ታ ቃላው ኣዛዜቴና፤ ሂንቴንቱ ሲሲያ ቃላይ ታና ኪቴዳ ኣዉዋፔ ኣቲን፥ ታዋ ጊዴና። 
\p  
\v 25 «ታኒ ሂንቴናና ኢቲፔ ዴዓዴ ሃዋ ሂንቴንቱሲ ኦዳዲ፤  
\v 26 ሺን ጌሻ ኣያናይ፥ ሜንያዌ፥ ኣዉ ታ ሱንን ኪታናዌ፥ ሂንቴንታ ኡባባ ታማሪሳናዋ። ታኒ ሂንቴንቱሲ ኦዴዳ ኡባባካ ሂንቴንታ ሃሳዪሳናዋ። 
\p  
\v 27 «ታኒ ሳሮቴ ሂንቴናና ዎይ፤ ታ ሳሮቴ ሂንቴንቱሲ ኢማይ። ታኒ ኣላሚ ኢሚያ ሳሮቴ ማላ ኢሚኬ። ሂንቴንቱ ሂርጎፒቴኔ ያዮፒቴ።  
\v 28 ታኒ ሂንቴንቱሲ፥ ‹ታኒ ባይ፤ ሺን ሲማዴ ሂንቴንቱኮ ያና› ጌዳዋ ሲሴዲታ፤ ሂንቴንቱ ታና ሲቄዳዋ ጊዲንቶ፥ ታፔ ኣዉ ዳሪያ ዲራው፥ ታኒ ኣዉዋኮ ቢያዋን ሂንቴንቱ ናሼታኒታ።  
\v 29 ሄዌ ሃኒያ ዎዴ ሂንቴንቱ ኣማናና ማላ፥ ሄዌ ሃኔናን ዴዒሺን፥ ሃናና ካሴታዴ ታኒ ሂንቴንቱሲ ኦዳዲ። 
\p  
\v 30 «ሃ ኣላሚያ ሞዲያዌ ዪያ ዲራው፥ ታኒ ሃዋፔ ሲንን ሂንቴናና ሎይ ሃሳዪኬ። ታና ኢ ኣይኔ ኦናው ዳንዳዬና።  
\v 31 ሺን ታኒ ኣዉዋ ሲቂያዋ ኣላሚ ኤራናው ቤሴ፤ ቃሲ ታኒካ ኣዉ ታና ኣዛዜዳዋዳን ኦይ። ዴንዲ ኤቂቴ፤ ሃዋፔ ቦይቴ። 
\c 15  
\s1 ዎዪኒያ ጊያ ቱራው ቱሙ ኣኑ ዬሱሳ 
\p  
\v 1 «ታኒ ዎዪኒያ ጌቴቲያ ቱራው ቱሙ ኣኖ፤ ጎሻንቻይ ታ ኣባ።  
\v 2 ታ ጊዶን ዴዒያ ኣይፊያ ኣይፌና ቱራ ማራ ኡባ ኢ ካሬ፤ ኣይፊያ ቱራ ማራ ኡባይ ካሴዋፔ ሎይ ኣይፋናዳን፥ ሄ ማራ ፄራ ኢ ጪጊዴ ጌሻና።  
\v 3 ታኒ ሂንቴንቱሲ ሃዒ ኦዴዳ ቃላ ጋሱዋን፥ ሂንቴንቱ ጌሻ።  
\v 4 ታ ጊዶን ዴዒቴ፤ ታኒካ ሂንቴንቱ ጊዶን ዴዓና። ዎዪኒያ ቱራ ማራይ ኣኑዋና ኢቲፔ ዴዔናን ዮፔ፥ ሄ ማራይ ባሬካ ኣይፊያ ኣይፋናው ዳንዳዬናዋዳን፥ ሂንቴንቱካ ታ ጊዶን ዴዔናን ዮፔ፥ ኣይፊያ ኣይፋናው ዳንዳዪኪታ። 
\p  
\v 5 «ታኒ ዎዪኒያ ቱራው ኣኖ፤ ሂንቴንቱ ሄ ቱራ ማራቱዋ። ታ ጊዶን ዴዒያ ኡራይ፥ ታኒካ ኣ ጊዶን ዴዒያ ኡራይ፥ ዳሮ ኣይፊያ ኣይፋና፤ ኣዪሲ ጎፔ፥ ታኒ ባይናን ሂንቴሬካ ኣይኔ ኦናው ዳንዳዪኪታ።  
\v 6 ታ ጊዶን ዴዔና ኡራይ ቱራ ማራዳን፥ ካሬን ዬጊና ሜሌዳዋ ሺሺዴ ታማን ዎና፥ ኢ ኤፃናዋ።  
\v 7 ሂንቴንቱ ታ ጊዶን ዴዖፔ፥ ቃሲ ታ ቃላይካ ሂንቴንቱ ጊዶን ዴዖፔ፥ ሂንቴንቱ ኮዬዳዋ ኣያ ጊዲናካ ዎሲቴ፤ ሂንቴንቱ ኣካኒታ።  
\v 8 ሂንቴንቱ ዳሮ ኣይፊያ ኣይፎፔኔ ቃሲ ታና ካሊያዋንታ ጊዶፔ፥ ሄዋን ታ ኣቡ ቦንቼታናዋ።  
\v 9 ኣዉ ታና ሲቄዳዋዳን፥ ታኒካ ሂንቴንታ ሲቃዲ፤ ታ ሲቁዋን ዴዒቴ።  
\v 10 ታኒ ታ ኣቡ ኣዛዙዋ ናጋዴ ኣ ሲቁዋን ዴዔዳዋዳን፥ ሂንቴንቱካ ታ ኣዛዙዋ ናጎፔ፥ ታ ሲቁዋን ዴዓኒታ። 
\p  
\v 11 «ታ ናሼቻይ ሂንቴናና ዴዓና ማላኔ፥ ሂንቴንቱ ናሼቻይ ኩሜን ጊዳና ማላ፥ ታኒ ሃዋ ሂንቴንቱሲ ኦዳዲ።  
\v 12 ታ ኣዛዙ ሃዋ፤ ታኒ ሂንቴንታ ሲቂያዋዳን፥ ሂንቴንቱካ ኢቱ ኢቱዋና ሲቄቲቴ።  
\v 13 ባሬ ሼምፑዋ ባሬ ላጌው ኣዴ ኢሚያዋፔ ኣያ ሲቁ ኦሲኔካ ባዋ።  
\v 14 ታኒ ሂንቴንታ ኣዛዜዳዋ ኡባ ኦፔ፥ ሂንቴንቱ ታ ላጌቱዋ። 
\p  
\v 15 «ኣይሊ ባሬ ጎዳይ ኦያዋ ኤሬና ዲራው፥ ታኒ ሂንቴንታ ሃዋፔ ሲንው ኣይላቱዋ ጊኬ፤ ሺን ታኒ ሂንቴንታ ታ ላጌቱዋ ጋዲ። ኣዪሲ ጎፔ፥ ታ ኣዉዋፔ ሲሴዳ ኡባባ ታኒ ሂንቴንቱሲ ኦዳዲ።  
\v 16 ታኒ ሂንቴንታ ዶሬዳዋፔ ኣቲን፥ ሂንቴንቱ ታና ዶሪቤይኪታ። ሂንቴንቱ ቢዴ ኣይፊያ ኣይፋና ማላኔ ዴዓና ማላ፥ ታኒ ሂንቴንታ ሱንዲ። ቃሲ ኣዉካ ሂንቴንቱ ታ ሱንን \f + \fr 15:16 \fq ታ ሱንን፡ \ft ዎይ «ታና ካሊያዋንታ ጊዲያ ዲራው»\f* ዎሴዳዋ ኡባ ኢማና።  
\v 17 ታኒ ሂንቴንታ ኣዛዚያዌ ሃዋ፤ ኢቱ ኢቱዋና ሲቄቲቴ። 
\s1 ዬሱሲ ሃ ኣላሚ ኢፂያዋ ኦዴዳ 
\p  
\v 18 «ኣላሚ ሂንቴንታ ኢፆፔ፥ ካሴቲዴ ታና ኢፄዳዋ ኣኬኪቴ።  
\v 19 ሂንቴንቱ ኣላሚያሳ ጊዴዴንቶ፥ ኣላሚ ባሬዋዳን ሂንቴንታ ሲቃና፤ ሺን ታኒ ሂንቴንታ ኣላሚያፔ ዶሬዳዋፔ ኣቲን፥ ሂንቴንቱ ኣላሚያሳ ጊዲኪታ፤ ኣላሚ ሂንቴንታ ኢፂያዌ ሃዋሳ።  
\v 20 ‹ኣይሊ ባሬ ጎዳፔ ዳሬና› ጋዴ ታኒ ሂንቴንቱሲ ኦዴዳዋ ሃሳዪቴ። ኡንቱንቱ ታና ዬዴርሴዳዋ ጊዶፔ፥ ሂንቴናካ ዬዴርሳና። ኡንቱንቱ ታ ቃላ ናጌዳዋ ጊዶፔ፥ ሂንቴንቱ ቃላካ ናጋናዋንታ።  
\v 21 ሺን ኡንቱንቱ ታና ኪቴዳዋ ኤሬና ዲራው፥ ሃ ኡባ ታ ጋሱዋን ኡንቱንቱ ሂንቴንቱ ቦላ ኦናዋንታ።  
\v 22 ታኒ ያዴ ኡንቱንቱሲ ኦዴናዋ ጊዲንቶ፥ ኡንቱንቱሲ ናጋራ ጊዴና፤ ሺን ሃዒ ኡንቱንቱ ኦያ ናጋራ ጋሶዪያዌ ባዋ።  
\v 23-24 ታና ኢፂያዌ ታ ኣዉዋካ ኢፄዳ። ኦኒኔ ኦቤና ኦሱዋ ኡንቱንቱ ጊዶን ታኒ ኦቤናባ ጊዲንቶ፥ ኡንቱንቱሲ ናጋራ ጊዴናን ኣታናዋ፤ ሺን ሃዒ ኡንቱንቱ ታኒ ኦዳ ኦሱዋ ቤዒዴ፥ ታናካ ታ ኣዉዋካ ኢፄዲኖ።  
\v 25 ሺን ኡንቱንቱ ሂጊያን፥ ‹ታና ጮ ኢፄዲኖ› ጌቴቲዴ ፃፌቴዳዌ ፖሌታና ማላ፥ ሃዌ ሃኔዳ። \x - \xo 15:25 \xt ማዝ 35፡19፤ 69፡4\x* 
\p  
\v 26 «ሺን ኣዉዋፔ ዪያ ቱማቴ ኣያናይ ሜንያዌ ያናዋ። ታኒ ኣዉዋፔ ሂንቴንቱሲ ኣ ዬዳና፤ ቃሲ ኢ ታባ ማርካታናዋ።  
\v 27 ሂንቴካ ቃሲ ካሴፔ ዶሚዴ፥ ታናና ዴዒያ ዲራው፥ ታባ ማርካታና። 
\c 16  
\p  
\v 1 «ታኒ ሃዋ ሂንቴንቱ ቤቴና ማላ፥ ሂንቴንቱሲ ኦዳዲ።  
\v 2 ኡንቱንቱ ሂንቴንታ ባሬንቱ ኣዪሁዳ ዎሳ ጎሊያፔ ኬሲ ዬዳናዋንታ። ሄዋ ቦላ ቃሲ ሂንቴንታ ዎያ ኡራይ ፆሳው ኦያዋ ኣው ማላቲያ ዎዲ ያናዋ።  
\v 3 ኡንቱንቱ ሄዋ ሂንቴንቱ ቦላ ኦያዌ ታናኔ ኣዉዋ ኤሬና ዲራሳ።  
\v 4 ሺን ኡንቱንቱ ሄዋ ሂንቴንቱ ቦላ ኦያ ዎዲ ጋኪያ ዎዴ፥ ታኒ ሂንቴንቱሲ ኦዴዳዋ ሂንቴንቱ ሃሳያና ማላ፥ ታኒ ሂንቴንቱሲ ሃዋ ኦዳዲ። 
\s1 ጌሻ ኣያና ኦሱዋ 
\p «ታኒ ሂንቴናና ዴዒያ ዲራው፥ ኮይሮ ሄዋ ሂንቴንቱሲ ኦዳቤይኬ።  
\v 5 ሺን ሃዒ ታኒ ታና ኪቴዳዋኮ ባይ፤ ሺን ሂንቴፔ ኦኒኔ፥ ‹ሃቃ ባይ?› ጊዴ ታና ኦቺያዌ ባዋ።  
\v 6 ሺን ታኒ ሃዋ ኦዴዳ ዲራው፥ ሂንቴንቱ ዎዛናን ዳሮ ካዩ ዴዔ።  
\v 7 ሺን ታኒ ሂንቴንቱሲ ቱሙዋ ኦዳይ፤ ታኒ ቢያዌ ሂንቴንቱሲ ሎዓ። ኣዪሲ ጎፔ፥ ታኒ ባና ዮፔ፥ ሜንያዌ ሂንቴንቱኮ ዬና፤ ሺን ታኒ ቦፔ፥ ኣ ሂንቴንቱኮ ዬዳና።  
\v 8 ቃሲ ሜንያዌ ዪዴ፥ ኡንቱንቱ ናጋራባ፥ ፆሳ ፂሎቴባኔ ፒርዳባ ሃ ሳዓ ኣሳይ ባዪዜዳዋ ቤሳናዋ።  
\v 9 ናጋራባይ ኣሳይ ታና ኣማኔና ዲራሳ።  
\v 10 ፂሎቴባይ ቃሲ ታኒ ኣዉዋኮ ቢያ ዲራው፥ ሂንቴንቱ ታና ላዔንዋ ቤዒኪታ።  
\v 11 ፆሳ ፒርዳባይ ቃሲ ኣላሚያ ሞዲያዌ ፒርዴቴዳ ዲራሳ። 
\p  
\v 12 «ታኒ ሂንቴንቱሲ ኦዲያባይ ዳሮባይ ዴዔ፤ ሺን ሃዒ ሂንቴንቱሲ ጌሌና።  
\v 13 ቱማቴ ኣያናይ ዪያ ዎዴ፥ ሂንቴንታ ቱማቴ ኡባኮ ካሌናዋ። ኣዪሲ ጎፔ፥ ኢ ባሬ ሲሴዳዋ ኦዳናፔ ኣቲን፥ ባሬፔ ኣይኔ ኦዴና። ቃሲ ሲንፔ ያናባ ሂንቴንቱሲ ኢ ኦዳናዋ።  
\v 14 ኢ ታና ቦንቻናዋ፤ ኣዪሲ ጎፔ፥ ኢ ታው ዴዒያዋፔ ኣኪዴ፥ ሂንቴንቱሲ ኦዳናዋ።  
\v 15 ኣዎ ዴዒያባይ ኡባይ ታዋ፤ ሜንያዌ ታው ዴዒያባፔ ኣኪዴ፥ ሂንቴንቱሲ ኦዳናዋ ታኒ ጌዳዌ ሃዋሳ። 
\s1 ዬሱሳ ካሊያዋንቱ ካዩ ናሼቻው ላሜታና 
\p  
\v 16 «ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓና» ያጌዳ። 
\p  
\v 17 ዬሱሳ ካሊያዋንቱፔ ኢቱ ኢቱ ባሬንቱ ጊዶን፥ « ‹ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓኒታ፤ ኣዪሲ ጎፔ፥ ታኒ ኣዉዋኮ ባይ› ጊያዌ ሄዌ ዋጊያዌ?» ያጌዲኖ።  
\v 18 « ‹ጉ ዎዲያፔ ጉዪያን› ጊያዌ ዋጊያዌ? ኢ ኣዪሲ ሃሳዪንቶኔ ኑሲ ኤሬቴና» ያጌዲኖ። 
\p  
\v 19 ኡንቱንቱ ባሬና ኦቻናው ኮዪያዋ ዬሱሲ ኤሪዴ፥ ኡንቱንታ ያጌዳ፤ «ታኒ፥ ‹ጉ ዎዲያፔ ጉዪያን፥ ሂንቴንቱ ታና ቤዒኪታ፤ ቃሲ ጉ ዎዲያፔ ጉዪያን፥ ሂንቴንቱ ታና ቤዓና› ጌዳዎ ሂንቴንቱ ኢቱ ኢቱዋ ኦቺቴ?  
\v 20 ታኒ ሂንቴንቱሲ ቱሙዋ ኦዳይ። ሂንቴንቱ ዬካናኔ ካዮታና፤ ሺን ሃ ኣላሚ ናሼታና። ቃሲ ሂንቴንቱ ካዮታና፤ ሺን ሂንቴንቱ ካዮቶዌ ናሼቻ ጊዳናዋ።  
\v 21 ኢቲ ሚሺራታ ናዓ ዬላና ሃኒያ ዎዴ፥ ባሬ ዬሊያ ዎዲ ጋኬዳ ዲራው፥ ኦይቄታው፤ ሺን ናዓይ ዬሌቴዳዋፔ ጉዪያን፥ ናዓይ ሃ ሳዓን ዬሌቴዳ ናሼቻ ዲራው፥ ባሬ ኦይ ሃሳዩኩ።  
\v 22 ሄዋ ዲራው፥ ሂንቴንቱካ ሂንቴንቱ ዎዛናን ካዮቲታ፤ ሺን ታኒ ላዔንዋ ሂንቴንታ ቤዓና፤ ቃሲ ሂንቴንቱ ዎዛናይ ሎይ ናሼታና፤ ሂንቴንቱ ናሼቻ ኦኒኔ ሂንቴፔ ኣኬና። 
\p  
\v 23 «ሄ ጋላሲ ሂንቴንቱ ታና ኣይኔ ዎሲኪታ። ታኒ ሂንቴንቱሲ ቱሙዋ ኦዳይ፤ ሂንቴንቱ ታ ሱንን ዎሲያዋ ኡባ ኣዉ ሂንቴንቱሲ ኢማናዋ።  
\v 24 ሃዒ ጋካናሲ ታ ሱንን ኣይኔ ዎሲቤይኪታ፤ ሂንቴንቱ ናሼቻይ ፖሌታና ማላ፥ ፆሳ ዎሲቴ፤ ሂንቴንቱ ኣካና። 
\p  
\v 25 «ሃዋ ታኒ ሂንቴንቱሲ ሌሚሱዋን ኦዳዲ፤ ሺን ታኒ ሌሚሱዋን ኦዴና ዎዲ ያናዋ፤ ሺን ኣዉዋባ ታኒ ሂንቴንቱሲ ቆንጪያን ኦዳና።  
\v 26 ታኒ ሄ ጋላሲ፥ ሂንቴንቱ ታ ሱንን ኣዉዋ ዎሳና፤ ቃሲ ሂንቴንቱ ዲራው፥ ታኒ ኣዉዋ ዎሳና ጊኬ።  
\v 27 ኣዪሲ ጎፔ፥ ኣዉ ባሬ ሁጴው ሂንቴንታ ሲቄ፤ ሂንቴንቱ ታና ሲቂያ ዲራዉኔ ታኒ ኣዉዋ ማታፔ ዬዳዋ ኣማኖ ዲራው፥ ኢ ሂንቴንታ ሲቄ።  
\v 28 ታኒ ኣዉዋ ማታፔ ሃ ኣላሚያ ያዲ፤ ቃሲ ሃ ኣላሚያ ኣጋዴ ኣዉዋኮ ባና» ያጌዳ። 
\p  
\v 29 ዬሱሳ ካሊያዋንቱ ዛሪዴ ዬሱሳ፥ «ቤዓ፥ ሃዒ ኔኒ ቆንጪያን ሃሳያሳ፤ ሌሚሱዋን ኣይኔ ሃሳያካ።  
\v 30 ኔኒ ኡባባ ኤሪያዋ ኑኒ ሃዒ ኤሬቶ፤ ቃሲ ኔና ኦኒኔ ኦቻና ማላ፥ ኔኒ ኮዬናዋ ኤሬቶ። ሄዌ ኑና ኔኒ ፆሳፔ ዬዳዋ ኣማን» ያጌዲኖ። 
\p  
\v 31 ዬሱሲ ዛሪዴ ኡንቱንታ፥ «ሃዒ ኣማኒቴ?  
\v 32 ቤዒቴ፥ ሂንቴንቱ ሂንቴንቱ ጎሌ ጎሌ ላሌቲያ ዎዲኔ ታ ፃላላ ዬጊ ባሺያ ዎዲ ያናዋ፤ ሃዒካ ዪዲጌዳ። ሺን ኣዉ ታናና ዴዒያ ዲራው፥ ታ ፃላላ ጊዲኬ።  
\v 33 ሂንቴንቱ ታ ጊዶን ዴዒዴ፥ ሳሮ ዴዓና ማላ፥ ታኒ ሃዋ ሂንቴንቱሲ ኦዳዲ። ኣላሚያን ሂንቴንቱ ዋዬታና። ሺን ሚኒቴ፤ ታኒ ኣላሚያ ፆናዲ» ያጌዳ። 
\c 17  
\s1 ዬሱሳ ዎሳ 
\p  
\v 1 ዬሱሲ ሄዋ ሃሳዬዳዋፔ ጉዪያን፥ ፑዴ ሳሉዋ ፄሊዴ፥ ሃዋዳን ያጌዳ፤ «ታ ኣቦ፥ ዎዲ ጋኬዳ፤ ኔ ናዓይ ኔና ቦንቻና ማላ፥ ኔኒካ ኔ ናዓ ቦንቻ።  
\v 2 ኣዪሲ ጎፔ፥ ኔኒ ኣው ኢሜዳ ኡባው ሜና ዴዑዋ ኢ ኢማና ማላ፥ ኣሳ ኡባ ቦላን ኣው ማታ ኢማዳ።  
\v 3 ኣሳይ ኔና ኢቲ ቱሙ ፆሳ ጊዴዳዋ ኤራና ማላኔ፥ ቃሲ ኔኒ ኪቴዳ ዬሱሲ ኪሪስቶሳ ኤራና ማላ፥ ሃዌ ሜና ዴዑዋ።  
\v 4 ኔኒ ታው ኦናው ኢሜዳ ኦሱዋ ፖላዴ፥ ኔና ሳዓን ቦንቻዲ።  
\v 5 ሃዒካ ቃሲ ኣዎ፥ ኣላሚ ሜታናፔ ካሴ ኔ ማታን ታው ዴዒያ ቦንቹዋን ኔ ሲንን ታና ቦንቻ። 
\p  
\v 6 «ኣላሚያ ኣሳፔ ኔኒ ታው ኢሜዳዋንቶ ኔ ሱን ኤሪሳዲ፤ ኡንቱንቱ ኔዋንታ፤ ቃሲ ኔኒ ኡንቱንታ ታው ኢማዳ። ኡንቱንቱ ኔ ቃላዉካ ኣዛዜቴዲኖ።  
\v 7 ሃዒ ኔኒ ታው ኢሜዳ ኡባባይ ኔፔ ዬዳዋ ኡንቱንቱ ኤሪኖ።  
\v 8 ኣዪሲ ጎፔ፥ ኔኒ ታው ኢሜዳ ቃላ ታኒ ኡንቱንቱሲ ኢማዲ፤ ኡንቱንቱካ ሄ ቃላ ኣኬዲኖ። ታኒ ኔ ማታፔ ዬዳዌ ቱማ ጊዲያዋ ኤሪዴ ኔኒ ታና ኪቴዳዋካ ኣማኔዲኖ። 
\p  
\v 9 «ታኒ ኡንቱንቱሲ ዎሳይ፤ ኣላሜው ኔና ዎሲኬ። ሺን ኔኒ ታው ኢሜዳ ኣሳው ዎሳይ፤ ኣዪሲ ጎፔ፥ ኡንቱንቱ ኔዋንታ።  
\v 10 ታው ዴዒያ ኡባባይ ኔባ፤ ቃሲ ኔው ዴዒያ ኡባባይካ ታባ። ታኒ ኡንቱንቱ ባጋና ቦንቼታዲ።  
\v 11 ታኒ ሃዋፔ ጉዪያን፥ ኣላሚያን ዴዒኬ፤ ኡንቱንቱ ኣላሚያን ዴዒኖ፤ ታኒ ሃዒ ኔኮ ባይ። ጌሻ ኣዎ፥ ሃ ኔኒ ታው ኢሜዳዋንቱ ኔኒኔ ታኒ ኢቱዋ ጊዲያዋዳን፥ ኡንቱንቱ ኢቱዋ ጊዳና ማላ፥ ኡንቱንታ ኔ ሱንን ናጋ።  
\v 12 ታኒ ኡንቱንቱና ኣላሚያን ዴዓዴ፥ ኔኒ ታው ኢሜዳ ኔ ሱን ዎልቃን ኡንቱንታ ናጋዲ። ታኒ ኡንቱንታ ናጋዲ፤ ፆሳ ማፃፋይ ጌዳዌ ፖሌታና ማላ፥ ባሻይ ቤሲያ ኡራፔ ኣቲን፥ ኡንቱንቱፔ ሃራይ ኦኒኔ ባይቤና። \x - \xo 17:12 \xt ማዝ 41፡9፤ ዮህ 13፡18\x* 
\p  
\v 13 «ሃዒ ታኒ ኔኮ ባይ፤ ኡንቱንቱ ዎዛናን ታ ናሼቻይ ፖሌታና ማላ፥ ሃዋ ታኒ ኣላሚያን ሃሳያይ።  
\v 14 ታኒ ኡንቱንቱሲ ኔ ቃላ ኢማዲ፤ ታኒ ኣላሚያሳ ጊዴናዋዳን፥ ኡንቱንቱካ ኣላሚያሳ ጊዴና ዲራው፥ ኣላሚ ኡንቱንታ ኢፄዳ።  
\v 15 ኔኒ ፃላሂያፔ ኡንቱንታ ናጋና ማላ ዎሲያዋፔ ኣቲን፥ ኣላሚያፔ ኬሳና ማላ ዎሲኬ።  
\v 16 ታኒ ኣላሚያሳ ጊዴናዋዳን፥ ኡንቱንቱካ ኣላሚያሳ ጊዲኪኖ።  
\v 17 ኔኒ ቱማቴን ኡንቱንታ ኔዋንታ ኦ፤ ኔ ቃላይካ ቱማቴ።  
\v 18 ኔኒ ታና ኣላሚያ ኪቴዳዋዳን፥ ታኒካ ኡንቱንታ ኣላሚያ ኪታዲ፤  
\v 19 ቃሲ ኡንቱንቱ ቱማቴን ኔው ዱማታና ማላ፥ ኡንቱንቱ ዲራው፥ ታኒ ታ ሁጲያ ኔው ዱማያዲ። 
\p  
\v 20 «ታኒ ኡንቱንቱ ፃላላው ዎሲኬ፤ ሺን ኡንቱንቱ ቃላ ኦዲና፥ ታና ኣማኔዳዋንቶካ ዎሳይ።  
\v 21 ኡንቱንቱ ኡባይ ኢቱዋ ጊዳና ማላ፥ ታኒ ዎሳይ። ኣዎ፥ ኔኒ ታ ጊዶን ዴዒያዋዳን፥ ቃሲ ታኒካ ኔ ጊዶን ዴዒያዋዳን፥ ኡንቱንቱ ኑ ጊዶን ዴዒኖ። ቃሲ ኔኒ ታና ኪቴዳዋ ኣላሚ ኣማናና ማላ፥ ኡንቱንቱ ኢቱዋ ጊዲኖ።  
\v 22 ኔኒኔ ታኒ ኢቱዋ ጊዲያዋዳን፥ ኡንቱንቱ ኢቱዋ ጊዳና ማላ፥ ኔኒ ታና ቦንቼዳዋዳን፥ ታኒካ ኡንቱንታ ቦንቻዲ።  
\v 23 ታኒ ኡንቱንቱ ጊዶን ዴዒና፥ ኔኒ ታ ጊዶን ዴዒና፥ ቃሲ ኔኒ ታና ሲቂያዋዳን፥ ኡንቱንታካ ሲቆዋኔ ኔኒ ታና ሃ ኣላሚያ ኪቴዳዋ ኣላሚ ኤራናዳን፥ ኡንቱንቱ ኡባ ኢቱዋ ጊዲኖ። 
\p  
\v 24 «ኣዎ፥ ሳዓይ ሜታናፔ ካሴ ኔኒ ታና ሲቄዳ ዲራው፥ ታው ኢሜዳ ታ ቦንቹዋ ኡንቱንቱ ቤዓና ማላ፥ ኔኒ ታው ኢሜዳዋንቱ ታኒ ዴዒያ ሳዓን ታናና ዴዓና ማላ ኮያዲ። 
\p  
\v 25 «ፂሎ ኣዎ፥ ኣላሚያ ኣሳይ ኔና ኤሬና፤ ሺን ታኒ ኔና ኤራይ። ቃሲ ኔኒ ታና ኪቴዳዋ ሃዋንቱ ኤሪኖ።  
\v 26 ኔኒ ታና ሲቄዳ ሲቁ ኡንቱንቱ ጊዶን ዴዓና ማላ፥ ቃሲ ታኒካ ኡንቱንቱ ጊዶን ዴዓና ማላ፥ ታኒ ኔ ሱን ኡንቱንታ ኤሪሳዲ፤ ሲንዉካ ኤሪሳና» ያጌዳ። 
\c 18  
\s1 ዬሱሲ ባሬ ሞርኬቱዋ ኩሺያን ኦይቄቴዳ 
\r (ማት 26፡47-56፤ ማር 14፡43-50፤ ሉቅ 22፡47-53) 
\p  
\v 1 ዬሱሲ ሄዋ ጊዴ፥ ፆሳ ዎሴዳዋፔ ጉዪያን፥ ባሬና ካሊያዋንቱና ቄዲሮና ጊያ ዛንጋራ ፒኔዳ። ሄ ሳዓን ኣቲኪልቲያ ሳዓይ ዴዔ፤ ዬሱሲኔ ዬሱሳ ካሊያዋንቱ ጌሌዲኖ።  
\v 2 ዬሱሳ ኣ ኢሜዳ ዪሁዳይ ሄ ሳዓ ኤሬዳ፤ ኣዪሲ ጎፔ፥ ዬሱሲ ኡባ ዎዴ ባሬና ካሊያዋንቱና ሄዋን ሺቄ።  
\v 3 ሄዋ ዲራው፥ ካሌያ ቄሳቱዋ ካፓቱኔ ፓሪሳዋቱ ዪሁዳና ባናዳን ኢሜዳ ሮማ ዎታዳራቱኔ ጌሻ ጎሊያ ናጊያዋንቱ ኩራዚያ፥ ያቢያኔ ቶራ ኦይቂዴ ሄ ሳዓ ቤዲኖ። 
\p  
\v 4 ዬሱሲ ባሬና ጋካናው ሃኒያ ኡባባ ኤሪዴ፥ ጋፃ ኬሲዴ፥ «ኦና ኮዪቴ?» ያጌዳ 
\p  
\v 5 ኡንቱንቱ ዛሪዴ፥ «ናዚሬቲያ ዬሱሳ ኮዬቶ» ያጌዲኖ። 
\p ዬሱሲ ዛሪዴ፥ «ታኒ ኣ» ያጌዳ። 
\p ዬሱሳ ኣ ኢሜዳ ዪሁዳይካ ሄዋን ኡንቱንቱና ኤቄዳ፤  
\v 6 ዬሱሲ፥ «ታኒ ኣ» ጌዳ ዎዴ፥ ኡንቱንቱ ጉዬኮ ሺቂዴ፥ ሳዓን ኩንዴዲኖ።  
\v 7 ዬሱሲ ቃሲካ፥ «ኦና ኮዪቴ?» 
\p ያጊ ኦቺና ኡንቱንቱ፥ «ናዚሬቲያ ዬሱሳ» ያጌዲኖ። 
\p  
\v 8 ዬሱሲ ዛሪዴ፥ «ታኒ ኣ ጊዲያዋ ሂንቴንቱሲ ኦዳዲ፤ ሲሚ ሂንቴንቱ ታና ኮዪያዋ ጊዶፔ፥ ሃዋንታ ዬዲቴ» ያጌዳ።  
\v 9 ኢ፥ «ታ ኣቦ፥ ኔኒ ታው ኢሜዳዋንቱፔ ሃራይ ኣቶ፥ ኢቱዋካ ባዪዛቤይኬ» ጌዳዌ ፖሌታና ማላ፥ ሄዋ ጌዳ። 
\p  
\v 10 ሲሞኒ ጴፂሮሳው ማሻይ ዴዔ፤ ኢ ሄ ማሻ ሾዲኔ ቄሳቱዋ ኡባቱዋ ካፑዋ ቆማ ኡሼቻ ሃይ ሾጪዴ፥ ቃንፂ ዬጌዳ። ሄ ቆማ ሱንይ ማልኮሳ።  
\v 11 ዬሱሲ ጴፂሮሳ፥ «ኔ ማሻ ሾኩዋን ዛራዴ ዎ! ታ ኣቡ ታው ኢሜዳ ሜቱዋ ፁዓ ታኒ ኡሺኪታ?» ያጌዳ። 
\s1 ዬሱሲ ቄሳቱዋ ካፑዋ ሃና ሲን ሺቄዳ 
\p  
\v 12 ሻላቃይ፥ ዳሮ ዎታዳራቱኔ ቃሲ ጌሻ ጎሊያ ናጊያዋንቱ ዬሱሳ ኦይቂዴ ቃቼዲኖ።  
\v 13 ኮይሮ ዬሱሳ ሃናኮ ኣፌዲኖ፤ ሃኒ ሄ ላይ ቄሳቱዋ ካፓቱዋ ጊዴዳ ቃያፋ ቦሉዋ።  
\v 14 «ኣሳ ኡባ ዲራው፥ ኢቲ ኣሳይ ሃይቂንቶ ሎዓ» ጊዴ ኣዪሁዳቱዋ ዞሬዳዌ ቃያፋ። 
\s1 ጴፂሮሴ ዬሱሳ ካዴዳ 
\r (ማት 26፡69-70፤ ማር 14፡66-68፤ ሉቅ 22፡55-57) 
\p  
\v 15 ሲሞኒ ጴፂሮሲኔ ሃራ ኢቲ ካሊያዌ ዬሱሳ ካሊዴ ቤዲኖ። ሄ ሃራ ካሊያዋ ቄሳቱዋ ካፑ ኤሬዳ፤ ሄዌ ዬሱሳና ቄሳቱዋ ካፑዋ ዲርሳ ጋርሳ ጌሌዳ።  
\v 16 ሺን ጴፂሮሴ ካሬና ዲርሳ ፔንጊያን ኤቄዳ። ቄሳቱዋ ኡባቱዋ ካፑ ኤሪያ ሃራ ካሊያዌ ካሬ ኬሲዴ፥ ፔንጊያ ናጊያ ናቲው ኦዲዴ፥ ጴፂሮሳ ዲርሳ ጋርሳ ጌሊሴዳ።  
\v 17 ፔንጊያ ናጊያ ናታ ጴፂሮሳ፥ «ኔኒ ሃ ቢታኒያ ካሊያዋንቱፔ ኢቱዋ ጊዲኪዬ?» ያጋዱ። 
\p ኢ፥ «ቱይቲ፥ ታኒ ጊዲኬ» ያጌዳ። 
\p  
\v 18 ሳዓይ ሜጊያ ዲራው፥ ኣይላቱኔ ጌሻ ጎሊያ ናጊያዋንቱ ታማ ኤፂዴ፥ ቦንቄዳዋ ዩዪ ኣ ኤቂዴ ካሺኖ፤ ጴፂሮሲካ ኡንቱንቱና ኤቂዴ፥ ሄ ታማ ካሼ። 
\s1 ቄሳቱዋ ካፑ ዬሱሳ ኦቾ ኦሻ 
\r (ማት 26፡59-66፤ ማር 14፡55-64፤ ሉቅ 22፡66-71) 
\p  
\v 19 ቄሳቱዋ ኡባቱዋ ካፑ፥ ዬሱሳ ካሊያዋንቱባኔ ኣ ቲሚርቲያባ ኦቼዳ።  
\v 20 ዬሱሲ ኣው ዛሪዴ፥ «ታኒ ኣሳ ኡባው ቆንጪያን ኦዳዲ። ታኒ ኣዪሁዳ ኡባይ ሺቂያ ኣዪሁዳ ዎሳ ጎሌኒኔ ጌሻ ጎሊያን ኡባ ዎዴ ታማሪሳዲ፤ ጌማን ኣዪኔ ሃሳያቤይኬ።  
\v 21 ያቲና፥ ኔኒ ታና ኣዪሲ ኦቻይ? ታኒ ኦዴዳዋ ሲሴዳ ኣሳ ኦቻ፤ ሄ ኣሳይ ታኒ ኦዴዳዋ ኤሬዳ» ያጌዳ። 
\p  
\v 22 ዬሱሲ ሄዋ ጌዳ ዎዴ፥ ሄዋን ኤቄዳ ዎታዳራቱዋፔ ኢቱ ዬሱሳ ባቂዴ፥ «ቄሳቱዋ ኡባቱዋ ካፑዋ ቦላ ሃዋዳን ዛራይ?» ያጌዳ። 
\p  
\v 23 ዬሱሲ ዛሪዴ፥ «ታኒ ባላባ ሃሳዬዳዋ ጊዶፔ፥ ሃዋን ዴዒያ ኣሳ ኡባው ኦዳ፤ ሺን ታኒ ቱሙዋ ሃሳዬዳዋ ጊዶፔ፥ ታና ኣዪሲ ባቃይ?» ያጌዳ። 
\p  
\v 24 ሄዋ ዲራው፥ ሃኒ፥ ቃሼቲ ኡቴዳ ዬሱሳ፥ ቄሳቱዋ ኡባቱዋ ካፑዋ፥ ቃያፋኮ ዬዴዳ። 
\s1 ጴፂሮሲ ዬሱሳ ላዔንዋ ካዴዳ 
\r (ማት 26፡71-75፤ ማር 14፡69-72፤ ሉቅ 22፡58-62) 
\p  
\v 25 ጴፂሮሲ ሄዋን ኤቂዴ፥ ታማ ካሼ፤ ሃራንቱ ኣ፥ «ኔኒ ሃ ቢታኒያ ካሊያዋንቱፔ ኢቱዋ ጊዲኪዬ?» ያጌዳ። 
\p ጴፂሮሴ፥ «ቱይቲ፤ ታኒ ጊዲኬ» ያጊዴ ካዴዳ። 
\p  
\v 26 ቄሳቱዋ ኡባቱዋ ካፑዋ ቆማቱዋፔ ኢቱዋ፥ ጴፂሮሴ ሃይ ቃንፄዳ ቢታኒያ ዳቡ ጴፂሮሳ፥ «ታኒ ኔና ኣናና ዳሮ ኣታኪልቲያ ጊዶን ቤዓቤይኪታዬ?» ያጊዴ ኦቼዳ። 
\p  
\v 27 ጴፂሮሴ ቃሲካ ካዴዳ፤ ኤሌካ ኩቱ ዋሲ ኣጌዳ። 
\s1 ዬሱሲ ጲላፆሳ ሲን ሺቄዳ 
\r (ማት 27፡1-2፣ 11-14፤ ማር 15፡1-5፤ ሉቅ 23፡1-5) 
\p  
\v 28 ኡንቱንቱ ዬሱሳ ቃያፋ ጎሌፔ ሮሜ ኣሳ ኣዪሲያዋ ኦሶ ጎሊያ ኣፌዲኖ። ሳዓይ ዎንታ ጉራ፤ ኣዪሁዳቱ ፓሲጋ ቦንቺያ ጋላሳ ቁማ ማናው፥ ባሬንቱ ሁጲያሲ ቱኔና ማላ፥ ሮሜ ኣሳ ኣዪሲያዋ ኦሶ ጎሊያ ጌሊቤይኪኖ።  
\v 29 ሄዋ ዲራው፥ ጲላፆሲ ኡንቱንቱኮ ካሬ ኬሲዴ፥ «ሃ ቢታኒያ ሂንቴንቱ ኣያኒ ሞቲቴ?» ያጌዳ። 
\p  
\v 30 ኡንቱንቱ፥ «ኢ ኢታባ ኦቤናዋ ጊዲንቶ፥ ኑኒ ኣ ኔኮ ኣሆኮ» ያጌዲኖ። 
\p  
\v 31 ጲላፆሲ ዛሪዴ ኡንቱንቱሲ፥ «ሂንቴንቱ ኣ ኣፊዴ፥ ሂንቴንቱ ሂጊ ጊያዋዳን፥ ኣ ቦላ ፒርዲቴ» ያጌዳ። 
\p ኣዪሁዳቱ፥ «ኦናኔ ዎያ ማታይ ኑሲ ባዋ» ያጌዲኖ።  
\v 32 ሃዌ ሃኔዳዌ ዬሱሲ ኣይ ማላ ሃይቁዋ ሃይቃኔንቶ ኤሪሳናው ሃሳዬዳዌ ፖሌታናሳ። 
\p  
\v 33 ጲላፆሲ ባሬ ኦሱዋ ጎሌ ላዔዋ ጌሊዴ፥ ዬሱሳ ፄሲዴ፥ «ኔኒ ኣዪሁዳ ካቴ?» ያጊዴ ኣ ኦቼዳ። 
\p  
\v 34 ዬሱሲ ጲላፆሳ፥ «ሃ ኦሻ ኔኒ ኔፔ ኦቻዪዬ ዎይ ሃራ ኣሳይ ኔው ታባ ኦዴዴ?» ያጌዳ። 
\p  
\v 35 ጲላፆሲ ዛሪዴ፥ «ታና ኣዪሁዳ ኣሳ ጋይ? ኔ ዛሬቱኔ ቄሳቱዋ ካፓቱ ኔና ታው ኣ ኢሜዲኖ፤ ኔኒ ኣያ ኦዲ?» ያጌዳ። 
\p  
\v 36 ዬሱሲ፥ «ታ ካዉቴይ ሃ ኣላሚያና ጊዴና። ታ ካዉቴይ ሃ ኣላሚያና ጊዴዴንቶ፥ ታና ኣዪሁዳቶ ኣ ኢሜናዳን፥ ታው ኦያዋንቱ ታው ኦሌታና፤ ሺን ታ ካዉቴይ ሃ ኣልሚያና ጊዴና» ያጌዳ። 
\p  
\v 37 ሄዋ ዲራው፥ ጲላፆሲ ዬሱሳ፥ «ያቲና፥ ኔኒ ካቴዬ?» ያጊዴ ኦቼዳ። 
\p ዬሱሲ ዛሪዴ፥ «ኔኒ ታና ካቲያ ጋዳ። ታኒ ቱማ ማርካታና ዲራው ዬሌታዲ፤ ቃሲ ሄዋ ዲራው፥ ሃ ኣላሚያ ያዲ። ቱሙዋ ባጋ ጊዴዳ ኦኒኔ ታኒ ጊያዋ ሲሴዳ» ያጌዳ። 
\p  
\v 38 ጲላፆሲ፥ «ቱሙ ኣዬ?» ያጌዳ። 
\p ጲላፆሲ ሄዋ ጌዳዋፔ ጉዪያን፥ ኣዪሁዳቱዋኮ ካሬ ኬሲዴ፥ «ታኒ ኣኒ ኣይ ባላኔ ዴማቤይኬ።  
\v 39 ሺን ፓሲጋ ቦንቺያ ጋላሲ፥ ኢቲ ኣሳ ታኒ ሂንቴንቱሲ ቃሹዋፔ ቢሊያ ዶያይ ዴዔ፤ ታኒ ሂንቴንቱሲ ኣዪሁዳቱ ካቲያ ቢሊያዋ ኮዪቴ?» ያጌዳ። 
\p  
\v 40 ኡንቱንቱ ዛሪዴ፥ ባሬንቱ ኮሻ ቁ ኡዲዴ፥ «ባርባና ቢላፔ ኣቲን፥ ኣ ጊዴና!» ያጌዲኖ። ሺን ባርባኒ ፓኑዋ። 
\c 19  
\s1 ዎታዳራቱ ዬሱሳ ቦላ ቂሊጬዲኖ 
\r (ማት 27፡27-32፤ ማር 15፡15-21) 
\p  
\v 1 ሄዋፔ ጉዪያን፥ ጲላፆሲ ዬሱሳ ኦይቂዴ፥ ሊሱዋን ሾጬዳ።  
\v 2 ዎታዳራቱ ኣጉንፔ ኣኪሊሊያ ጊጊሲዴ፥ ኣ ሁጲያን ዎዲኖ፤ ቃሲ ዞዖ ማዩዋካ ኣ ማዪዜዲኖ።  
\v 3 ኣኮ ሺቂዴ፥ «ኣዪሁዳ ካቴው፥ ሼምፑዋ ጋሚዓ!» ያጊዴ ኣ ሻዪያ ባቄዲኖ። 
\p  
\v 4 ጲላፆሲ ቃሲካ ካሬ ኬሲዴ ኣዪሁዳቱዋ፥ «ቤዒቴ፥ ታኒ ኣኒ ኣይ ባላኔ ዴማቤናዋ ሂንቴንቱ ኤራና ማላ፥ ኣ ሂንቴንቱኮ ካሬ ኬሳና» ያጌዳ።  
\v 5 ሄዋፔ ጉዪያን፥ ዬሱሲ ኣጉን ኣኪሊሊያ ባሬ ሁጲያን ዎዴ፥ ዞዖ ማዩዋ ማዪዴ፥ ካሬ ኬሴዳ፤ ጲላፆሲ ኣዪሁዳቱዋ፥ «ቢታኒያ ሃዋ ቤዒቴ» ያጌዳ። 
\p  
\v 6 ቄሳቱዋ ካፓቱኔ ዎታዳራቱ ኣ ቤዔዳ ዎዴ፥ ባሬንቱ ኮሻ ቁ ኡዲዴ፥ «ማስቃሊያ ቦላ ሚሲማሪያን ሻዴ ኣ ሱላ! ሱላ!» ያጌዲኖ። 
\p ጲላፆሲ ኡንቱንታ፥ «ሂንቴንቱ ኣ ኣፊዴ፥ ማስቃሊያ ቦላ ሚሲማሪያን ሺዴ ሱሊቴ፤ ኣዪሲ ጎፔ፥ ታኒ ኣይ ባላኔ ዴማቤይኬ» ያጌዳ። 
\p  
\v 7 ኣዪሁዳቱ ዛሪዴ፥ «ኑሲ ሂጊ ዴዔ፤ ኑ ሂጊ ጊያዋዳን፥ ኢ ሃይቃናው ቤሴ፤ ኣዪሲ ጎፔ፥ ኢ ባሬና ፆሳ ናዓ ኦዳ» ያጌዲኖ። 
\p  
\v 8 ጲላፆሲ ሄዋ ሲሴዳ ዎዴ፥ ካሴዋፔ ሎይ ያዬዳ።  
\v 9 ቃሲካ ጲላፆሲ ባሬ ኦሱዋ ጎሌ ሲሚ ጌሊዴ ዬሱሳ፥ «ኔኒ ሃቃፔ ያዲ?» ያጊዴ ኦቼዳ፤ ሺን ዬሱሲ ኣው ኣይኔ ዛሪቤና።  
\v 10 ሄዋ ዲራው፥ ጲላፆሲ ኣ፥ «ታው ኦዲኪ? ኔና ቢላናው ዎይ ማስቃሊያ ቦላ ሚሲማሪያን ሻዴ ካቃናው ታው ማታይ ዴዒያዋ ኤሪኪዬ?» ያጌዳ። 
\p  
\v 11 ዬሱሲ፥ «ፆሳይ ኔው ቦላፔ ማታ ኢሚቤናባ ጊዲንቶ፥ ኔው ታ ቦላ ማታይ ዴዔና ሺን። ሄዋ ዲራው፥ ታና ኔው ኣ ኢሜዳዌ ኣያ ናጋራ ኦዳ» ያጌዳ። 
\s1 ዬሱሳ ሃይቆ ፒርዴዲኖ 
\r (ማት 27፡15-31፤ ማር 15፡6-20፤ ሉቅ 23፡13-25) 
\p  
\v 12 ጲላፆሲ ሄዋ ሲሴዳ ዎዴ፥ ዬሱሳ ቢላናው ኦጊያ ኮዬዳ፤ ሺን ኣዪሁዳቱ ባሬንቱ ኮሻ ቁ ኡዲዴ፥ «ኔኒ ኣ ቢሊያዋ ጊዶፔ፥ ካቲያ ቄሳሬ ዳቦ ጊዳካ! ባሬና ካቲያ ጊያ ኦኒኔ ቄሳሬ ሞርኬ!» ያጌዲኖ። 
\p  
\v 13 ጲላፆሲ ሄዋ ሲሲዴ፥ ዬሱሳ ካሬ ኬሴዳ። ያቲዴ ሹቻ ባሱዋ ጊያ ሳዓን ፒርዳ ኦይዲያን ኡቴዳ፤ ኢብራዪስፄ ቃላን ሄ ሳዓይ ጋይታ ጊያዋ።  
\v 14 ሄ ጋላሳይ ፓሲጋ ቦንቺያ ጋላሳው ጊጊሲያ ጋላሳ፤ ሳዓይ ኡሱፑን ሳቲያ ሄራ ጊዳናዋ። ጲላፆሲ ኣዪሁዳቱዋ፥ «ሂንቴንቱ ካቲያ ሃዋ ቤዒቴ!» ያጌዳ። 
\p  
\v 15 ኣዪሁዳቱ ባሬንቱ ኮሻ ቁ ኡዲዴ፥ «ዲጋ! ዲጋ! ማስቃሊያ ቦላ ሚሲማሪያን ሻዴ ሱላ!» ያጌዲኖ። 
\p ጲላፆሲ ዛሪዴ፥ «ሂንቴንቱ ካቲያ ታኒ ማስቃሊያ ቦላ ሚሲማሪያን ሻዴ ሱሊያዋ ኮዪቴ?» ያጊዴ ኦቼዳ። 
\p ቄሳቱዋ ካፓቱ፥ «ቄሳሬፔ ሃራ ካቲ ኑሲ ባዋ!» ያጌዲኖ። 
\p  
\v 16 ሄዋፔ ጉዪያን፥ ኡንቱንቱ ማስቃሊያ ቦላ ሚሲማሪያን ሺዴ፥ ዬሱሳ ካቃና ማላ፥ ጲላፆሲ ኡንቱንቱሲ ኣ ኢሜዳ። 
\s1 ዬሱሳ ሱሌዲኖ 
\r (ማት 27፡32-44፤ ማር 15፡21-32፤ ሉቅ 23፡26-43) 
\p ኡንቱንቱ ዬሱሳ ኦይቂዴ፥ ኣፌዲኖ።  
\v 17 ዬሱሲ ባሬ ማስቃሊያ ቶኪዴ፥ ጉጊያሳ ጌቴቲያሳ ቤዳ። «ጉጊያሳ» \f + \fr 19:17 \fq «ጉጊያሳ» \ft ሄዋን ኣሳ ጉጊያ ማላቲ ሜቴዳ ዎጋ ሹቻይ ዴዒያ ዲራው፥ «ጉጊያሳ ጌቴቴዳ»።\f* ጊያዌ ኢብራዪስፄ ቃላን «ጎልጎ» ጊያዋ።  
\v 18 ኡንቱንቱ ሄ ሳዓን ማስቃሊያ ቦላ ሚሲማሪያን ሺዴ፥ ዬሱሳ ካቄዲኖ፤ ቃሲ ኣናና ሃራ ላዑ ኣሳቱ፥ ኢቱዋ ያ ባጋና ቃሲ ኢቱዋ ሃ ባጋና ዬሱሳ ጊዱዋን ዎዴ፥ ማስቃሊያ ቦላ ሚሲማሪያን ሺዴ ካቄዲኖ።  
\v 19 ጲላፆሲ ፂፋቲያ ፃፊዴ፥ ማስቃሊያ ቦላ ዎዳ። ኢ ፃፌዳዌ፥ «ኣዪሁዳቱ ካቲያ፥ ናዚሬቲያ ዬሱሳ» ያጌ።  
\v 20 ዬሱሲ ማስቃሊያ ቦላ ሚሲማሪያን ሼቲዴ ሱሌቴዳ ሳዓይ ካታማ ማታን ዴዒያ ዲራው፥ ዳሮ ኣዪሁዳቱ ሄ ፂፋቲያ ናባቤዲኖ። ፂፋቲ ኢብራዪስፄ ቃላን፥ ሮማይስፄ ቃላኒኔ ጊሪኬ ቃላን ፃፌቴዳ።  
\v 21 ሄዋ ዲራው፥ ኣዪሁዳ ቄሳቱዋ ካፓቱ ጲላፆሳ፥ « ‹ሃ ቢታኒ ባሬና ኣዪሁዳ ካቲያ ያጌዳ› ጋዴ ፃፋፔ ኣቲን፥ ‹ኣዪሁዳ ካቲያ› ጋዴ ፃፎፓ» ያጌዲኖ። 
\p  
\v 22 ጲላፆሲ፥ «ታኒ ፃፌዳዋ ፃፋ ዲጋዲ» ያጊዴ ዛሬዳ። 
\p  
\v 23 ዎታዳራቱ ማስቃሊያ ቦላ ሚሲማሪያን ሺዴ፥ ዬሱሳ ካቄዳዋፔ ጉዪያን፥ ኣ ማዩዋ ኣኪዴ፥ ኦይዱ ኬሲ ሻኬዲኖ፤ ኢቲ ኢቲ ዎታዳራ ኢቲ ሻኩ ጋኬዳ። ኣ ኣዱሳ ማዩዋካ ኣኬዲኖ፤ ኣዱሳ ማዩ ሃሺያፔ ዶሚዴ፥ ዱጌ ጋካናው ዬዲ ማዬቲያዋፔ ኣቲን፥ ቃንፄቲዴ ሲኬቲቤና።  
\v 24 ዎታዳራቱ ኢቱ ኢቱዋ፥ «ኦና ጋካኔንቶ፥ ሳማ ዎይ ኤፃ ዬጋናፔ ኣቲን፥ ማዩዋ ፔኮ» ያጌዲኖ። ሄዌ ሃኔዳዌ ፆሳ ማፃፋይ፥ «ታ ማዩዋ ሻኪ ኣኬዲኖ፤ ታ ኣዱሳ ማዩዋን ሳማ ዬጌዲኖ» ጊያዌ ፖሌታናሳ። ሄዋ ዲራው፥ ዎታዳራቱ ሄዋ ኦዲኖ። \x - \xo 19:24 \xt ማዝ 22፡18\x* 
\p  
\v 25 ሺን ዬሱሳ ማስቃሊያ ማታን ኣ ዳያ፥ ኣ ኣቲ ሚቻታ፥ ቃሊዮጳ ማቻታ ማይራማኔ ማግዳላ ጌቴቲያ ካታማፔ ዬዳ ማይራማ ኤቄዲኖ።  
\v 26 ዬሱሲ ባሬ ዳያኔ ኢ ሲቂያ ካሊያዌ ሄዋን ኤቄዳዋንታ ቤዒዴ፥ ባሬ ዳዮ፥ «ሃ ሚሺራቴ፥ ኔ ናዓ ሃዋ ቤዓ!» ያጌዳ። 
\p  
\v 27 ሄዋፔ ጉዪያን፥ ሄ ካሊያዋ «ኔ ዳዮ ሃኖ ቤዓ!» ያጌዳ። ሄ ካሊያዌ ኢዞ ሄ ሳቲያፔ ዶሚዴ፥ ባሬ ሶይ ኣፌዳ። 
\s1 ዬሱሳ ሃይቁዋ 
\r (ማት 27፡45-56፤ ማር 15፡33-41፤ ሉቅ 23፡44-49) 
\p  
\v 28 ሄዋፔ ጉዪያን፥ ዬሱሲ ኡባባይ ሃዒ ፖሌቴዳዋ ኤሪዴ፥ ፆሳ ማፃፋይ ጌዳዌ ፖሌታና ማላ፥ «ታና ሳሜ» ያጌዳ። \x - \xo 19:28 \xt ማዝ 69፡21፤ 22፡15\x* 
\p  
\v 29 ሄ ሳዓን ኢቲ ፁጋ ኩሜዳ ጫላ ዎዪኒያ ኤሳይ ዴዔ። ኡንቱንቱ ኢስፖንጂያ ሄ ዎዪኒያ ኤሳን ዬጊዴ፥ ሂሶጲያ ጌቴቲያ ሚ ፄራን ዎዴ፥ ዬሱሳ ዶናኮ ሺሼዲኖ።  
\v 30 ዬሱሲ ዎዪኒያ ኤሳ ጋንፂ ቤዔዳዋፔ ጉዪያን፥ «ፖሌቴዳ» ያጌዳ። 
\s1 ዬሱሳ ሚዪያ ቶራን ጫዴዲኖ 
\p ቃሲ ሄዋፔ ጉዪያን፥ ባሬ ሁጲያ ቶቺዴ፥ ባሬ ሼምፑዋ ኢሜዳ። 
\p  
\v 31 ሄ ጋላሳይ ኣዪሁዳቱዋሲ ጊጌቲያ ጋላሳ \f + \fr 19:31 \fq ኣዪሁዳቱዋሲ ጊጌቲያ ጋላሳ፡ \ft ፓሲጋይ ሳሚንታፔ ኢቲ ጋላሳ ኣዉዴኔ ጊዳና ዳንዳዬ፤ ሺን ዮሃኒሳ ሚሺራቹ ታማሪሲያዋዳን፥ ፓሲጋ ዎዲ ሃናናው ቤሲያዌ፥ ላይ ላይን ዬሱሲ ማስቃሊያን ካቄቲ ሃይቄዳ ሳምባታና ጊዳና ኮሼ።\f* ጊዲያ ዲራዉኔ ቃሲ ሄ ሳምባታይ ዳሮ ቦንቾ ጊዲያ ዲራው፥ ሳምባታን ኣሳቱዋ ኣኃይ ማስቃሊያ ቦላ ፔሼና ማላ፥ ሱሌቴዳ ኣሳቱዋ ሱዪሊያ ሜንዴ፥ \f + \fr 19:31 \fq ሱሌቴዳ ኣሳቱዋ ሱዪሊያ ሜንዴ፡ \ft ሃ ዎጋይ ሮሜ ካዉቴ ዎጋዳን፥ ማስቃሊያን ሱሌቴዳ ኣሳቱ ኤሌካ ሃይቃና ማላ ኡዲያ ኦጊያ ጉሳ።\f* ማስቃሊያፔ ዎና ማላ፥ ኣዪሁዳቱ ጲላፆሳ ዎሴዲኖ።  
\v 32 ሄዋ ዲራው፥ ዎታዳራቱ ዪዴ፥ ዬሱሳና ሱሌቴዳ ኮይሮ ቢታኒያ ሱዪሊያ ሜንዲኖ፤ ቃሲ ኣናና ሱሌቴዳ ላዔ ቢታኒያ ሱዪሊያካ ሜንዲኖ።  
\v 33 ሺን ዬሱሳኮ ዬዳ ዎዴ ኢ ሃይቂዲጌዳዋ ቤዒዴ፥ ኣ ሱዪሊያ ሜንቤይኪኖ።  
\v 34 ጊዶፔኔ፥ ዎታዳራቱዋፔ ኢቱ ኣ ሚዪያ ቶራን ጫዴዳ። ኤሌካ ሱይኔ ሃይ ጎጊ ኣጌዳ።  
\v 35 ሂንቴንቱ ኣማናና ማላ፥ ሃዋ ቤዔዳዌ ማርካቴዳ፤ ኢ ማርካቲያዌካ ቱሙዋ፤ ቃሲ ባሬ ሃሳያይ ቱማ ጊዲያዋ ኢ ኤሬዳ።  
\v 36 ሄዌ ሃኔዳዌ ፆሳ ማፃፋይ፥ «ኣ ሜቄቱዋፔ ኢቱኔ ሜዔና» ጌዳዌ ፖሌታናሳ። \x - \xo 19:36 \xt ኬስ 12፡46፤ ፓይ 9፡12፤ ማዝ 34፡20\x* 
\v 37 ቃሲካ ፆሳ ማፃፋይ ሃራይ፥ «ኣሳይ ባሬ ጫዴዳዋ ቤዓና» ያጌ። \x - \xo 19:37 \xt ዛክ 12፡10፤ ሳፅ 1፡7\x* 
\s1 ዬሱሲ ሞጌቴዳ 
\r (ማት 27፡57-61፤ ማር 15፡42-47፤ ሉቅ 23፡50-56) 
\p  
\v 38 ሄዋፔ ጉዪያን፥ ኣርማቲያሳ ጌቴቲያ ካታማፔ ዬዳ ዮሴፎ ዬሱሳ ኣኃ ኣኪዴ ኣፋናው ጲላፆሳ ዎሴዳ፤ ዮሴፎ ኣዪሁዳቶ ያዬዳ ዲራው፥ ኣሳይ ኤሬናን ዬሱሳ ካሊያዋ። 
\p ዮሴፎ ዎሲና ጲላፆሲ፥ «ኣፋ» ያጌዳ። ሄዋ ዲራው፥ ዮሴፎ ቢዴ፥ ዬሱሳ ኣኃ ኣፌዳ።  
\v 39 ቃሲ ኒቆዲሞሲ ሄዋፔ ካሴ ዬሱሳኮ ቃማ ዬዳዌ፥ ካዋራናኔ ጎዳሬ ኡና ዋላኬቴዳ ኦይታማኔ ኢቼሹ ኪሎ ጊራሜ ጊዲያዋ ኬና ሺቱዋ ኦይቂ ኣኪዴ፥ ዮሴፎና ዬዳ።  
\v 40 ሄ ላዑ ኣሳቱ ዬሱሳ ኣኃ ኣኪዴ፥ ኣዪሁዳቱ ኣኃ ፃፂያ ዎጋዳን፥ ሺቱዋና ጋዴ፥ ሞጉዋ ኣፊላን ፃፄዲኖ።  
\v 41 ዬሱሲ ማስቃሊያ ቦላ ሚሲማሪያን ሼቲዴ ሱሌቴዳ ሳዓን ዳሮ ኣቲኪልቲያ ሳዓይ ዴዔ፤ ሄ ኣቲኪልቲያ ሳዓ ጊዶን ሹቻ ዎጪ ኬሴዳ ቢሮ ኦኒኔ ሞጌቲቤና ኦራ ዱፉ ዴዔ።  
\v 42 ሄ ዱፉ ማታን ዴዒያ ዲራዉኔ ቃሲ ኣዪሁዳቱ ሳምባታው ጊጌቲያ ጋላሳ ጊዲያ ዲራው፥ ዬሱሳ ያኒ ዎዲኖ። 
\c 20  
\s1 ዬሱሲ ሃይቁዋፔ ዴንዴዳ 
\r (ማት 28፡1-8፤ ማር 16፡1-8፤ ሉቅ 24፡1-12) 
\p  
\v 1 ዎጋ ጋላሲ ጉራን፥ ቢሮ ዳቢዳቢያዋን፥ ማግዳላ ጌቴቲያ ካታማፔ ዬዳ ማይራማ ዬሱሲ ሞጌቴዳ ዱፉዋኮ ባዴ ሹቻይ ሄ ጎንጎሉዋ ዶናፔ ዴንዲኪቼዳዋ ቤዓዱ።  
\v 2 ሲሞኒ ጴፂሮሳኮኔ ዬሱሲ ሲቂያ ዮኮ ካሊያዋኮ፥ ኢዛ ዎፃዴ ባዴ፥ «ዱፉዋፔ ጎዳ ኣፊዲጌዲኖ፤ ሃቃን ኣ ዎዲኖንቶኔ ኑኒ ኤሮኮ» ያጋዱ። 
\p  
\v 3 ሄዋ ዲራው፥ ጴፂሮሲኔ ዮኮ ካሊያዌ ኣጊዴ፥ ዱፉዋኮ ቤዲኖ።  
\v 4 ላዑካ ኢቲፔ ዎፄዲኖ፤ ሺን ዮኮ ካሊያዌ ጴፂሮሳፔ ኣ ካሴቲዴ፥ ሄ ዱፉዋኮ ጋኬዳ።  
\v 5 ሄ ካሊያዌ ሆኪዴ፥ ሞጉዋ ኣፊላ ቤዔዳ፤ ሺን ጊዶ ጌሊቤና።  
\v 6 ሲሞኒ ጴፂሮሴ ኣ ካሊ ዪዴ፥ ዱፉዋ ጊዶ ጌሌዳ። ያቲዴ ሞጉዋ ኣፊላይ ሄዋን ዴዒያዋ ቤዔዳ፤  
\v 7 ቃሲ ዬሱሳ ሁጲያን ፃፄቲ ኡቴዳ ኣፊላይ ሄ ፃፄቴዳዋዳንካ ዱማ ኢቲ ሳዓን ዴዒያዋ ቤዔዳ፤ ሄ ኣፊላይ ዱማ ዴዔፔ ኣቲን፥ ሞጉዋ ኣፊላና ኢቲፔ ዴዔና።  
\v 8 ሄ ዎዴ፥ ካሴቲዴ ጎንጎሉዋኮ ጋኬዳ ዮኮ ካሊያዌ ጌሊ ቤዒዴ ኣማኔዳ።  
\v 9 ዬሱሲ ሃይቁዋፔ ዴንዳናው ቤሲያዋ ኦዲያ ፆሳ ማፃፋ ኡንቱንቱ ቢሮ ኣኬኪቤይኪኖ።  
\v 10 ሄዋፔ ጉዪያን፥ ካሊያዋንቱ ባሬንቱ ጎሌ ሲሚዴ ቤዲኖ። 
\s1 ዬሱሲ ማግዳላ ማይራሚው ቤቴዳ 
\r (ማት 28፡9-10፤ ማር 16፡9-11) 
\p  
\v 11 ሺን ማይራማ ሄ ዱፉዋ ዶናን ኤቃዴ ዬካዴ ሆካዴ ዱፉዋ ጊዶ ፄላዱ።  
\v 12 ቦ ማዩዋ ማዬዳ ላዑ ኪታንቻቱ ዬሱሳ ኣኃይ ጊሴዳ ሳዓን ኢቱ ሁጲሳና ኢቱ ጌዲሳና ኡቴዳዋንታ ቤዓዱ።  
\v 13 ኡንቱንቱ ኢዞ፥ «ሚሺራቴ፥ ኣዪሲ ዬካይ?» ያጊዴ ኦቼዲኖ። 
\p ኢዛ፥ «ኣሳቱ ታ ጎዳ ኣፊዲጌዲኖ፤ ኡንቱንቱ ሃቃን ዎዲኖንቶኔ ታኒ ኤሪኬ» ያጋዱ። 
\p  
\v 14 ሄዋ ጌዳዋፔ ጉዪያን፥ ጉዬ ሲማ ፄላዴ፥ ዬሱሲ ኤቄዳዋ ቤዓዱ። ሺን ኢ ዬሱሳ ጊዴዳዋ ኣኬካቤይኩ።  
\v 15 ዬሱሲ ኢዞ፥ «ሚሺራቴ፥ ኣዪሲ ዬካይ? ኦና ኮያይ?» ያጊዴ ኦቼዳ። 
\p ማይራማ ኣቲኪልቲያ ናጊያዋ ጋዴ፥ «ጎዳው፥ ኔኒ ኣኬዳዋ ጊዶፔ፥ ኣ ሃቃን ዎዲንቶ፥ ታው ኦዳሪኪ፤ ታኒ ኣ ኣካና» ያጋዱ። 
\p  
\v 16 ዬሱሲ ኢዞ፥ «ማይራሜ» ያጌዳ። 
\p ኣ ኣኮ ሲማዴ፥ ኢብራዪስፄ ቃላን «ራቡኒ» ያጋዱ፤ ሄዋ ቢሌይ «ታማሪሲያዎ» ጊያዋ። 
\p  
\v 17 ዬሱሲ ኢዞ፥ «ታኒ ቢሮ ታ ኣዉዋኮ ባቤና ዲራው፥ ታና ቦቾፓ፤ ሺን ታ ኢሻቱዋኮ ባዴ፥ ‹ታኒ ታ ኣዉዋኮኔ ሂንቴንቱ ኣዉዋኮ፥ ታ ፆሳኮኔ ሂንቴንቱ ፆሳኮ፥ ፑዴ ባይ ጌዳ› ጋዴ ኡንቱንቱሲ ኦዳ» ያጌዳ። 
\p  
\v 18 ማግዳላ ጌቴቲያ ካታማፔ ዬዳ ማይራማ ጎዳ ቤዔዳዋኔ ኢዚው ኢ ሄዋ ኦዴዳዋ ባዴ ካሊያዋንቱሲ ኦዳዱ። 
\s1 ዬሱሲ ባሬ ካሊያዋንቶ ቤቴዳ 
\r (ማት 28፡16-20፤ ማር 16፡14-18፤ ሉቅ 24፡36-49) 
\p  
\v 19 ሄ ዎጋ ጋላሲ ኦማርሲ፥ ካሊያዋንቱ ኣዪሁዳቱው ያዬዳ ዲራው፥ ፔንጊያ ጎርዲዴ፥ ሺቂ ኡቲ ዴዒሺን፥ ዬሱሲ ዪዴ፥ ኡንቱንቱ ጊዱዋን ኤቂዴ፥ «ሳሮቴይ ሂንቴንቱሲ ጊዶ» ያጌዳ።  
\v 20 ሄዋ ጌዳዋፔ ጉዪያን፥ ባሬ ኩሺያኔ ባሬ ሚዪያ ኡንቱንታ ቤሴዳ፤ ካሊያዋንቱ ጎዳ ቤዔዳ ዎዴ ሎይ ናሼቴዲኖ።  
\v 21 ዬሱሲ ላዔንዋ ኡንቱንቱሲ፥ «ሳሮቴይ ሂንቴንቱሲ ጊዶ፤ ታ ኣቡ ታና ኪቴዳዋዳን፥ ታኒካ ሂንቴንታ ኪታይ» ያጌዳ።  
\v 22 ሄዋ ጌዳዋፔ ጉዪያን፥ ኡንቱንቱ ቦላ ኡፉ ጊዴ ሼምፔዳ፤ ቃሲ፥ «ጌሻ ኣያና ኣኪቴ።  
\v 23 ሂንቴንቱ ኣቶ ጌዳ ኣሳ ናጋራይ ኣቶ ጌቴታናዋ፤ ሂንቴንቱ ኣቶ ጌናዋንቱ ናጋራይ ኣቶ ጌቴቴና» ያጌዳ። 
\s1 ዬሱሳኔ ቶማሳ 
\p  
\v 24 ሺን ታማኔ ላዑ ካሊያዋንቱፔ ኢቱ፥ ማንቲያ ጊያ ቶማሲ፥ ዬሱሲ ዬዳ ዎዴ ኡንቱንቱና ባዋ።  
\v 25 ሄዋ ዲራው፥ ዮኮ ካሊያዋንቱ ቶማሳው፥ «ኑኒ ጎዳ ቤዔዶ!» ያጌዲኖ። 
\p ሺን ቶማሲ ኡንቱንቱሲ፥ «ሚሲማሪያን ኢ ጫዴቴዳ ኣ ኩሺያን ዴዒያ ማላ ቤዔናኒኔ ሄ ማላ ታ ቢራያን ቦቼናን፥ ቃሲ ታ ኩሺያ ኣ ሚዪያን ዬዳ ቤዔናን ታኒ ኣማኒኬ» ያጌዳ። 
\p  
\v 26 ሳሚንታፔ ጉዪያን፥ ዬሱሳ ካሊያዋንቱ ቃሲካ ጎሌን ሺቂ ኡቴዲኖ፤ ቶማሲካ ኡንቱንቱና ዴዔ። ፔንጊ ቃሼቲ ኡቲ ዴዒሺን፥ ዬሱሲ ዪዴ፥ ኡንቱንቱ ጊዱዋን ኤቂዴ፥ «ሳሮቴይ ሂንቴንቱሲ ጊዶ» ያጌዳ።  
\v 27 ሄዋፔ ጉዪያን፥ ዬሱሲ ቶማሳ፥ «ኔ ኩሺያ ሃ ኣሃዴ፥ ታ ኩሺያ ቤዓ፥ ቃሲ ኔ ኩሺያ ሃ ኣሃዴ፥ ታ ሚዪያን ዬዳ ቤዓ፥ ኔኒ ኣማኒያዋ ጊዳፔ ኣቲን፥ ኣማኔናዋ ጊዶፓ!» ያጌዳ። 
\p  
\v 28 ቶማሲ ዛሪዴ፥ «ታ ጎዳው፥ ታ ፆሳው!» ያጌዳ። 
\p  
\v 29 ዬሱሲ፥ «ኔኒ ታና ቤዔዳ ዲራው ኣማናዳ፤ ቤዔናን ኣማኔዳዋንቱ ኣንጄቴዳዋንታ» ያጌዳ። 
\s1 ሃ ማፃፋ ቆፋ 
\p  
\v 30 ዬሱሲ ሃ ማፃፋን ፃፌቲቤና ሃራ ዳሮ ማላታቱዋ ባሬና ካሊያዋንቱ ሲንን ኦዳ።  
\v 31 ሺን ዬሱሲ፥ ኢ ኪሪስቶሳ፥ ፆሳ ናዓ ጊዲያዋ ሂንቴንቱ ኣማናና ማላኔ፥ ቃሲ ኣ ኣማኒዴ ኣ ሱንን ዴዑዋ ሂንቴንቱ ዴማና ማላ፥ ሃዌ ፃፌቴዳ። 
\c 21  
\s1 ዬሱሲ ላፑ ካሊያዋንቶ ቤቴዳ 
\p  
\v 1 ሄዋፔ ጉዪያን፥ ዬሱሲ ፂቢሪያዶሳ ጌቴቲያ ኣባ ጋፃን ባሬ ካሊያዋንቱሲ ላዔንዋ ቤቴዳ። ኢ ኡንቱንቱሲ ሃዋዳን ቤቴዳ።  
\v 2 ሲሞኒ ጴፂሮሲኔ ማንቲያ ጌቴቲያ ቶማሲ፥ ቃና ጋሊላፔ ዬዳ ናቲናዔሊ፥ ዛቢዲዮሳ ናናይኔ \f + \fr 21:2 \fq ዛቢዲዮሳ ናና፡ \ft ኢሻቱዋ ጊዴዳ ያዪቆባኔ ዮሃኒሳ።\f* ዬሱሳ ካሊያዋንቱፔ ሃራ ላዓቱ ኢቲፔ ዴዒኖ። 
\p  
\v 3 ሲሞኒ ጴፂሮሴ ኡንቱንቱሲ፥ «ታኒ ሞሊያ ኦይቃናው ባይ» ያጌዳ። 
\p ኡንቱንቱ፥ «ኑኒካ ኔናና ባና» ያጊዴ፥ ኬሲዴ ዎንጊሪያ ጊዶ ጌሌዲኖ፤ ሺን ኡንቱንቱ ሄ ጋላሲ ቃማ ሞሊያ ኣይኔ ኦይቂቤይኪኖ። 
\p  
\v 4 ዎንቲያ ዎዴ ኣዋይ ኬሳናፔ ካሴ፥ ዬሱሲ ኣባ ጋፃን ኤቄዳ፤ ሺን ኣ ካሊያዋንቱ ዬሱሳ ጊዴዳዋ ኤሪቤይኪኖ።  
\v 5 ዬሱሲ ኡንቱንታ፥ «ናቶ፥ ሞሊያ ኦይቂቤይኪቴዬ?» ያጌዳ። 
\p ኡንቱንቱ ዛሪዴ፥ «ኣይኔ ኦይቂቤይኮ» ያጌዲኖ። 
\p  
\v 6 ኢ ዛሪዴ፥ «ሂንቴንቱ ዳባ ዎንጊሪያፔ ኡሼቻ ባጋኮ ዬጊቴ፤ ኣማሬዳዋ ሂንቴንቱ ኦይቃና» ያጌዳ። ሄዋ ዲራው፥ ዳባ ኡሼቻ ባጋኮ ዬጊና፥ ሞሊ ዳሬዳ ዲራው፥ ጎቺ ኬሳናዌ ኡንቱንታ ፆኔዳ። 
\p  
\v 7 ዬሱሲ ሲቂያ ኣ ካሊያዌ ጴፂሮሳ፥ «ሃዌ ጎዳቴኔ!» ያጌዳ። ሲሞኒ ጴፂሮሴ ጎዳ ኢ ጊዴዳዋ ሲሴዳ ዎዴ፥ ካሎ ዴዒያ ዲራው፥ ባሬ ማዩዋ ማዪዴ፥ ኣባ ጊዶ ጉፒ ጌሌዳ።  
\v 8 ሺን ዮኮ ካሊያዋንቱ ሞሊ ኩሚ ኡቴዳ ዳባ ጎቺዴ፥ ዎንጊሪያን ኣባፔ ጋፃ ኬሴዲኖ፤ ኡንቱንቱ ኣባፔ ላዑ ፄቱ ዋ ኬና ሃኪዴ ዴዒኖፔ ኣቲን፥ ሎይ ሃኪዴ ዴዒኪኖ።  
\v 9 ኡንቱንቱ ኣባፔ ጋፃ ኬሴዳ ዎዴ፥ ፂፁን ቦንቁዋን ሞሊ ዴዒያዋኔ ኡኪ ቤዔዲኖ። 
\p  
\v 10 ዬሱሲ ኡንቱንታ፥ «ሃዒ ሂንቴንቱ ኦይቄዳ ሞሊያፔ ኣማሬዳዋ ሃሚቴ» ያጌዳ። 
\p  
\v 11 ሲሞኒ ጴፂሮሴ ዎንጊሪያን ጌሊዴ፥ ፄታኔ ኢሻታማኔ ሄዙ ዎጋ ሞሌቱ ኩሚ ኡቴዳ ዳባ ጎቺዴ፥ ኣባፔ ጋፃ ኬሴዳ፤ ሞሊ ሄዋ ኬና ዳሮ ጊዲናካ ዳባይ ዳኬቲቤና። 
\p  
\v 12 ዬሱሲ ኡንቱንታ፥ «ሃ ዪዴ፥ ቃንዒያ ቃንዒቴ» ያጌዳ። ዬሱሳ ካሊያዋንቱፔ ኢቱኔ፥ «ኔኒ ኦኔ?» ጊዴ ኣ ኦቻናው ፃሊቤና፤ ኣዪሲ ጎፔ፥ ጎዳ ኢ ጊዴዳዋ ኡንቱንቱ ኤሬዲኖ።  
\v 13 ዬሱሲ ዪዴ፥ ኡኪ ኣኪዴ፥ ኡንቱንቱሲ ኢሜዳ፤ ሞሊያካ ሄዋዳን ኢሜዳ። 
\p  
\v 14 ዬሱሲ ሃይቁዋፔ ዴንዴዳዋፔ ጉዪያን፥ ባሬ ካሊያዋንቱሲ ቤቲሺን ሃዌ ሄዜንዋ። 
\s1 ዬሱሳኔ ጴፂሮሳ 
\p  
\v 15 ኡንቱንቱ ቁማ ሜዳዋፔ ጉዪያን፥ ዬሱሲ ሲሞኒ ጴፂሮሳ፥ «ዮሃኒሳ ናዓ ሲሞና፥ ታና ሃዋንቱፔ ኣዴ ሲቃይ?» \f + \fr 21:15 \fq « … ታና ሃዋንቱፔ ኣዴ ሲቃይ?» \ft ሃዋ ጉሳይ፥ «ታና ሃ ዬዋቱዋ ሲቂያዋፔ ኣዴ ሲቃይ?» ጉሳ።\f* ያጌዳ። 
\p ሲሞኒ ጴፂሮሴ፥ «ኤ ጎዳው፥ ታኒ ኔና ዶሲያዋ ኔኒ ኤራሳ» ያጌዳ። 
\p ዬሱሲ ኣ፥ «ታ ዶርሳ ማራቱዋ ሄማ» ያጌዳ። 
\p  
\v 16 ዬሱሲ ቃሲካ፥ «ዮሃኒሳ ናዓ ሲሞና፥ ታና ሲቃይ?» ያጌዳ። 
\p ሲሞኒ ጴፂሮሴ፥ «ኤ ጎዳው፥ ታኒ ኔና ዶሲያዋ ኔኒ ኤራሳ» ያጌዳ። 
\p ዬሱሲ፥ «ታ ዶርሳቱዋ ሄማ» ያጌዳ። 
\p  
\v 17 ዬሱሲ ሄዜንዋ፥ «ዮሃኒሳ ናዓ ሲሞና፥ ታና ዶሳይ?» ያጌዳ። 
\p ዬሱሲ ሄዜንዋ ሲሞኒ ጴፂሮሳ፥ «ታና ዶሳይ?» ያጊዴ ኦቼዳ ዲራው፥ ጴፂሮሴ ኣዛኒዴ፥ «ጎዳው፥ ኔኒ ኡባባ ኤራሳ፤ ታኒ ኔና ዶሲያዋ ኔኒ ኤራሳ» ያጌዳ። 
\p ዬሱሲ፥ «ታ ዶርሳቱዋ ሄማ።  
\v 18 ታኒ ኔው ቱሙዋ ኦዳይ፤ ኔኒ ዎዳላቴን ዴዒያ ዎዴ፥ ኔ ፄሳን ሳቂያ ኔሬካ ዳንጫዴ፥ ኔኒ ኮዬዳሳ ባሳ። ሺን ጪሜዳዋፔ ጉዪያን፥ ኔ ኩሺያ ሚጫ ቤሳሳ። ኔና ሃራ ኡራይ ዳንጪሳናዋ፤ ኔኒ ዶሴናሳካ ኣፌ» ያጌዳ።  
\v 19 ዬሱሲ ሄዋ ጴፂሮሴ ኣይ ማላ ሃይቁዋ ሃይቂዴ፥ ፆሳ ቦንቺሳኔንቶኔ ኤሪሳናው ጌዳ፤ ቃሲ ሄዋ ጌዳዋፔ ጉዪያን፥ ዬሱሲ ጴፂሮሳ፥ «ታና ካላ» ያጌዳ። 
\s1 ዬሱሳኔ ዮኮ ካሊያዋ 
\p  
\v 20 ጴፂሮሴ ጉዬ ሲሚዴ፥ ዬሱሲ ሲቂያ ካሊያዌ ባሬፔ ጉዬና ዪያዋ ቤዔዳ፤ ሄ ካሊያዌ ካዉዋ ሚያ ሳዓን ዬሱሳኮ ሺቂዴ ኣ፥ «ጎዳው፥ ኔና ኣ ኢማናዌ ኦኔ?» ያጌዳዋ።  
\v 21 ጴፂሮሴ ሄ ካሊያዋ ቤዒዴ ዬሱሳ፥ «ጎዳው፥ ሃ ቢታኒ ቃሲ ዋናኔ?» ያጌዳ። 
\p  
\v 22 ዬሱሲ ኣ፥ «ታኒ ያና ጋካናው ኢ ዴዓና ማላ ታኒ ኮዮፔ፥ ሄዌ ኔና ኣያ ሜቲ? ኔኒ ታና ካላ» ያጌዳ። 
\p  
\v 23 ሄዋ ዲራው፥ ሄ ካሊያዌ ሃይቄና ጊያ ሃሳያይ ኢሻቱዋ ኡባኮ ጋኬዳ፤ ሺን ዬሱሲ፥ «ታኒ ያና ጋካናው፥ ኢ ዴዓና ማላ፥ ታኒ ኮዮፔ፥ ኔና ኣያ ሜቲ?» ጌዳዋፔ ኣቲን፥ «ሃይቄና» ጊቤና። 
\p  
\v 24 ሄ ዬዉዋባ ማርካቴዳዌኔ ቃሲ ሄዋ ፃፌዳዌ ሄ ካሊያዋ ኣ ማርካቴይ ቱማ ጊዲያዋ ኑኒ ኤሬቶ። 
\p  
\v 25 ዬሱሲ ኦዳ ሃራ ዳሮባይካ ዴዔ፤ ኡባባይ ሁጲያን ሁጲያን ፃፌቲንቶ፥ ፃፌቲያ ማፃፋቶ ሃ ሙሌ ኣላሚ ጊዳናዋ ታው ማላቴና።