\id JAS - ዳውሮ 
\h ያዪቆባ ኪታ 
\toc1 ያዪቆቢ ፃፌዳ ኪታ 
\toc2 ያዪቆባ ኪታ 
\toc3 ያይ 
\mt1 ያዪቆቢ 
\mt2 ፃፌዳ ኪታ 
\imt1 ጌሉዋ 
\ip ሃ ኪታ ፃፌዳ ያዪቆቢ ጎዳ ዬሱሳ ኢሻፔ ኣቲን ታማኔ ላዑ ዬሱሳ ካሊያዋንቱፔ ኢቱዋ ጊዴና። ኢካ ዬሩሳላሜን ዴዒያ ኣማኒያ ኣሳ ካሌያ ጪማ (ጋል 2፡9)። ሃ ኪታይ ፃፌቴዳዌ ኢቲ ዎሳ ጎላቲው ጊዴናን ሮሜ ካዉቴ ጊዶን ላሌቴዳ ኣዪሁዳ ኣማኒያዋንቱ ኡባቱዋሳ ጊዲዴ፥ ኑናካ ሃቼ ሃቼ ዴዑዋ ካሌያ ቆፋቱዋ ኦይቄዳ። ፃፌቴዳዌካ «ኣላሚያ ኡባን ላሌቴዳ ፆሳ ኣሳሳ»። ሃ ማፃፋ ፃፌዳዌ ኣዳ ኤራቴ ኑኒ ኦሱዋን ፔሺያ ሂላኔ ኣማኒያ ኣሳ ኤሻኔ ሃኖታ ታማሪሲያ ኦጊያ ካሌሱዋ ኢሚያ ዬዋቱዋ ሚሲሊያዳን ቆንጪያን ቤሴ። 
\ip ሂዬሳቴባ፥ ዱሬቴባ፥ ፓጪያባ፥ ሎዖ ኤሻባ፥ ቃናቲያባ፥ ኣማኑዋባኔ ሎዖ ኦሱዋባ፥ ኢንፃርሳ ማዱዋባኔ ቆሁዋባ፥ ኣዳ ኤራቴባ፥ ኢቱ ኢቱዋና ዋላቄቲያባ፥ ኦቶሩዋባኔ ኣሺኬቴባ፥ ሃራ ኣሳ ቦላ ፒርዲያዋ፥ ጬቁዋባ ዎይ ኣዩዋባ፥ ጌንጫባኔ ዎሳባ፥ ኣማኒያ ኣሳይ ዴዓናው ቤሲያ ኦጊያ ኡባ ፃፌዳ። 
\ip ኪታይካ ኪሪስቲና ዴዑዋን ኣማኑ ኦሱዋን ፔሻና ሃኖታባ ቆንጪሲዴ ቤሴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1) 
\io1 ኣማኑዋኔ ኣዳ ኤራቴ (1፡2-8) 
\io1 ሂዬሳቴባኔ ዱሬቴ (1፡9-11) 
\io1 ፓጪያ (1፡12-18) 
\io1 ፆሳ ቃላ ሲሱሳኔ ኦሱዋ ቦላ ፔሹሳ (1፡19-27) 
\io1 ሃኔና ኦጊያን ኢቱ ሃራሲ ማዴና ማላ ኢሜቴዳ ኦዱዋ (2፡1-13) 
\io1 ኣማኑዋኔ ኦሱዋ (2፡14-26) 
\io1 ኣማኒያ ኣሳኔ ኢንፃርሳፔ ኬሲያ ሃሳያ (3፡1-18) 
\io1 ኣማኒያ ኣሳኔ ሃ ኣላሚያ (4፡1-5፡6) 
\io1 ዱማ ዱማ ዬዉዋሲ ኢሜቴዳ ማቁዋ (5፡7-20) 
\c 1  
\p  
\v 1 ታኒ ያዪቆቢ ፆሳ ኣይሊኔ ጎዳ ዬሱሲ ኪሪስቶሳ ኣይሊ፥ ቢታ ኡባን ላሌቴዳ ታማኔ ላዑ ዜሬቶ \f + \fr 1:1 \fq ቢታ ኡባን ላሌቴዳ ታማኔ ላዑ ዜሬቶ፡ \ft ያዪቆቢ ጊዴ ዴዒያ ቆፋይ፥ ጎዳ ካሊያ ኣማኒያዋንታ ጊዲዴ ታማኔ ላዑ ኢስራዔሊያ ዜሬቱዋዳን ባሬንቱ ሞርኬቱዋን ቢታ ኡባ ላሌቲ ጋኬዳዋንታ ጉሳ።\f* ሳሮታ ኪታይ። 
\s1 ዳንዳያ፥ ኣማኑዋ፥ ኣዳ ኤራቴ 
\p  
\v 2-3 ታናዳን ፆሳ ካሊያዋንቶ፥ ሂንቴ ኣማኑ ፓጬቲያዌ ሂንቴንቶ ዳንዳያ ኢማናዋ ኤሪዴ፥ ዱማ ዱማ ፓጪ ሂንቴና ጋኪያ ዎዴ፥ ሄዋ ኩሜን ናሼቻዳን ፓይዲቴ።  
\v 4 ሂንቴ ዳንዳያይ ኣይኔ ባሊ ባይናን ሂንቴና ሚኔዳዋንታኔ ፓጪ ባዪናዋንታ ኦዴ፥ ባሬ ኦሱዋ ፖሎ።  
\v 5 ሺን ሂንቴፔ ኦኒኔ ባሬው ኣዳ ኤራቴይ ዮፔ፥ ካናኒ ኡባው ኬካቴን ኢሚያ ፆሳ ዎሶ። ኢ ኣው ኢማና።  
\v 6 ሺን ኢ ኣያኒኔ ሲናን ኣማኑዋን ፆሳ ዎሶ። ኣዪሲ ጎፔ፥ ሲያ ኡራይ ጫርኩ ሱጊና ቃፂያ ኣባ ቤታ ማላ።  
\v 7-8 ኣዪሲ ጎፔ፥ ላዑ ቆፋይ ዴዒያ ኡራይ፥ ባሬ ኦጊያ ኡባን ባሬ ቆፋ ቃቼናዌ፥ ሄ ኡራይ ጎዳፔ ኣዪኔ ዴማናው ቆፖፖ። 
\s1 ሂዬሳ ኣሳኔ ዱሬ ኣሳ ናሼቻ 
\p  
\v 9 ሺን ሂዬሳ ኢሻይ ፆሳይ ኣ ቁ ኦዳ ዎዴ ናሼቶ።  
\v 10 ቃሲ ዱሬ ኢሻይካ ፆሳይ ኣ ካዉሺሴዳ ዎዴ ናሼቶ። ኣዪሲ ጎፔ፥ ዱሬ ቢታኒ ማታ ጊዶን ዲጪያ ጪሻዳን ያና። \x - \xo 1:10 \xt ኢሳ 40፡6-7\x* 
\v 11 ኣዪሲ ጎፔ፥ ኣዋይ ባሬ ሴላና ኬሲዴ፥ ማታ ሜሊሲና፥ ጪሻይ ዬ፤ ቃሲ ኣ ማላ ሎዖቴይካ ዬ፤ ሄዋዳንካ ቃሲ ዱሬ ቢታኒ ባሬዋ ኦዴ ያና። 
\s1 ኣሳ ቦላ ጋኪያ ፓጪያ 
\p  
\v 12 ዋዪያን ጌንጪያ ኡራይ ኣንጄቴዳዋ፤ ኣዪሲ ጎፔ፥ ሄ ዋዪያ ፆኔዳዋፔ ጉዪያን፥ ፆሳይ ባሬና ሲቂያዋንቶ ኢማና ጌዳ ዴዑዋ ኣኪሊሊያ \f + \fr 1:12 \fq ዴዑዋ ኣኪሊሊያ፡ \ft ቦንቼቴዳ ዴዑዋ ጉሳ።\f* ኢ ኣካና።  
\v 13 ኦኒኔ ፓጬቴዳ ዎዴ፥ «ታና ፆሳይ ፓጬ» ጎፖ። ኣዪሲ ጎፔ፥ ፆሳይ ኢታን ፓጬታናው ዳንዳዬና፤ ቃሲ ኢ ባሬ ሁጴው ኦናኔ ፓጬና።  
\v 14 ሺን ኣሳይ ሁጲያን ሁጲያን ባሬ ሁጴ ኢታ ኣሙዋን ጎሼቲያ ዎዴኔ ጪሜቲያ ዎዴ ፓጬቴ።  
\v 15 ሄዋፔ ጉዪያን፥ ኣሙ ሻሃሪዴ፥ ናጋራ ዬሌ፤ ቃሲ ናጋራይ ዲጪዴ፥ ሃይቁዋ ዬሌ። 
\p  
\v 16 ታናዳን ፆሳ ካሊያዋንቶ፥ ጪሜቶፒቴ።  
\v 17 ሎዖ ኢሙዋ ኡባዪኔ ኩሜን ዎይታ ኡባይ ሳሉዋፔ ዬ። ሳሉዋ ፖዑዋ ሜዳ ኣዉዋፔ ዬ፤ ፆሳይ ባሬ ሁጴው ዱማቴናኔ ዎይ ባሬ ኩዋ ላሜና።  
\v 18 ኑኒ ኢ ሜዳ ሜታቱዋ ጊዶን ቃሳ ኣካናዳን፥ ኑና ባሬ ሼኒያን ቱሙ ቃላን ዬሌዳ። 
\s1 ሲሴዳዋ ኦሱዋን ፔሺያዋ 
\p  
\v 19 ታናዳን ፆሳ ካሊያዋንቶ፥ ሃዋ ሃሳዪቴ፤ ኣሳይ ኡባይ ሲሳናው ኤሌሎ፤ ሺን ሃሳያናዉኔ ሃንቄታናው ኤሌሎፖ።  
\v 20 ኣዪሲ ጎፔ፥ ኣሳ ሃንቁ ፆሳይ ኮዪያ ፂሎቴ ኣሄና።  
\v 21 ሄዋ ዲራው፥ ቱና ሃኖታ ኡባኔ ኢታቴ ኡባ ሂንቴፔ ዪሲዴ፥ ፆሳይ ሂንቴ ዎዛናን ቶኬዳ ሂንቴ ሼምፑዋ ኣሻናው ዳንዳዪያ ቃላ ኣሺኬቴን ኣኪቴ። 
\p  
\v 22 ሺን ፆሳ ቃላ ኦሱዋን ፔሺቴፔ ኣቲን፥ ሲሳ ፃላላን ሂንቴ ሁጲያ ጪሞፒቴ።  
\v 23 ኣዪሲ ጎፔ፥ ቃላ ሲሲዴ ኦና ኡራይ ዴዖፔ፥ ኢ ባሬ ማላ ማስቶቲያ ፄሊያ ኡራ ማላ።  
\v 24 ኢ ባሬና ፄሊዴ ቤ፤ ኤሌካ ኢ ኣይ ማሌንቶኔ ዶጊ ኣጌ።  
\v 25 ሺን ኦኒኔ ኣዪሌቴፔ ኬሲያ ባሊ ባዪና ሂጊያ ፄሊዴ፥ ኣኒ ኣቂያዌ ቃሲ ኣ ናጊያዌ፥ ሲሴዳዋካ ዶጌናዌ፥ ሄ ኡራይ ባሬ ኦያ ኦሱዋን ኣንጄታና። 
\p  
\v 26 ባሬ ኢንፃርሳ ናጌናን ባሬና ጪሚዴ፥ ባሬው ፆሳ ጎዪኒያዋ ማላቲያ ኡራይ ዴዖፔ፥ ኣ ጎይናይ ሜላ።  
\v 27 ፆሳ ኣዉዋ ሲንን ፖኩ ባዪና ጌሻ ጎይናይ ሃዋ፤ ሄዌ ሃቃዌ ጎፔ፥ ኣታ ኣዉ ባዪና ናናቱዋኔ ዋዬቲያ ኣምዔቱዋ ማዳናዋኔ ሳዓ ናጋራ ቂታፔ ባሬ ሁጲያ ናጋናዋ። 
\c 2  
\s1 ሂዬሳ ካናው ቤሴና 
\p  
\v 1 ታናዳን ፆሳ ካሊያዋንቶ፥ ሂንቴ ኑ ቦንቾ ጎዳ ዬሱሲ ኪሪስቶሳ ኣማኒ ዴዒዴ፥ ዴሙዋ ፄሊዴ፥ ኣሳ ቦንቾፒቴ።  
\v 2 ኣዪሲ ጎፔ፥ ዎርቃ ሚጊዱዋ ዎዴ፥ ሎዖ ማዩዋ ማዬዳ ኢቲ ኣሳይ ሂንቴ ሺቁዋ ዮፔ፥ ቃሲ ጩርቃ ማዩዋ ማዬዳ ሂዬሳ ኣሲካ ዮፔ፥  
\v 3 ሎዖ ማዩዋ ማዬዳ ቢታኒያ ሂንቴ ኣ ቦንቺዴ ኣ፥ «ኔኒ ሃዋን ኡባፔ ሎዒያ ኦይዲያን ኡታ» ጊዴ ቃሲ ሂዬሳ ቢታኒያ፥ «ኔኒ ሂኒና ኤቃሻ፤ ዎይ ሃዋን ታ ጌዲያ ማታን ሳዓን ኡታ» ጎፔ፥  
\v 4 ያቲና ሂንቴ ሂንቴ ጊዶን ሻኮቴ ሜያዋንታኔ ኢታ ቆፋና ዴዒያ ዳናቱዋ ጊዲኪቴዬ? 
\p  
\v 5 ታናዳን ፆሳ ካሊያዋንቶ፥ ሲሲቴ፤ ፆሳይ ሃ ሳዓን ዴዒያ ሂዬሳ ኣሳይ ኣማኑዋን ዱሬታናዉኔ ባሬና ሲቂያዋንቶ ኢማና ጌዳ ሳሉዋ ካዉቴ ላታናው ዶሪቤኔዬ?  
\v 6 ሺን ሂንቴ ሂዬሳቱዋ ቶቼዲታ። ዱሬቱ ሂንቴና ቱጋዪያዋንታ ጊዲኪኖዬ? ኡንቱንቱ ሂንቴና ዳናን ሞቲያዋንታ ጊዲኪኖዬ?  
\v 7 ሂንቴው ኢሜቴዳ ሎዖ ሱን ቦሪያዋንቱ ኡንቱንታ ጊዲኪኖዬ? 
\p  
\v 8 ሺን ፆሳ ማፃፋን፥ «ኔ ሾሩዋ ኔ ሁጲያዳን ሲቃ» ጌቴቲዴ ፃፌቴዳ ካቲያ ሂጊያ \f + \fr 2:8 \fq ካቲያ ሂጊያ፡ \ft ኡባፔ ኣዋን ጎዒያ ሂጊያ፤ ሃዋ ቢሌይ፥ ካቲያፔ ኢሜቴዳዋ ጉሳ። ካቲ ኦኔ ጎፔ ፆሳፔ ኢሜቴዳ ሂጊያ።\f* ሂንቴ ፖሎፔ፥ ሎዖባ ኦታ። \x - \xo 2:8 \xt ዎግ 19፡18\x* 
\v 9 ሺን ሂንቴ ኣሳ ዴሙዋ ፄሊዴ ቦንቾፔ፥ ናጋራ ኦታ፤ ቃሲ ሂጊ ሂንቴ ቦላ፥ ሂጊያ ሜንዳዋንቱዳን ፒርዳና።  
\v 10 ኣዪሲ ጎፔ፥ ኦኒኔ ሂጊያ ኡባ ናጊዴ፥ ኢቲኖ ሜንያዋ ጊዶፔ፥ ሄ ኡራይ ሂጊያ ኡባ ሜን።  
\v 11 ኣዪሲ ጎፔ፥ «ዎሹሞፓ» ጌዳዌ ቃሲ «ዎፓ» ጌዳ፤ ሺን ኔኒ ዎሹማና ዮፔካ፥ ዎዳዋ ጊዶፔ፥ ሂጊያ ሜንዳ። \x - \xo 2:11 \xt ኬስ 20፡13፣ 14፤ ዛር 5፡17፣ 18\x* 
\v 12 ኣሳ ኣይሌቴፔ ኬሲያ ሂጊያን፥ ፒርዳ ኣካና ኣሳቱዋዳን ሃሳዪቴኔ ኡንቱንቱዋዳን ኦቴ።  
\v 13 ኣዪሲ ጎፔ፥ ኣሳ ማሪቤና ኡራ ፆሳይ ማሬናን ፒርዳና፤ ማሮቴይ ፒርዳ ፆኔ። 
\s1 ኣማኑዋኔ ኦሱዋ 
\p  
\v 14 ታናዳን ፆሳ ካሊያዋንቶ፥ ኢቲ ኡራይ ባሬው ኣማኑ ዴዔ ጎፔ፥ ቃሲ ኣ ኣማኑዋ ኣ ኦሱ ኤሪሳና ዮፔ፥ ኣ ኣይ ጎዓኔ? ኣ ኣማኑ ኣ ኣሻናው ዳንዳዪ?  
\v 15 ኢቲ ኢሻይ፥ ዎይ ኢቲ ሚቻታ ካሎቶፔ፥ ቃሲ ኡንቱንቶ ኡባ ጋላሲ ሚያባይ ዮፔ፥  
\v 16 ሂንቴፔ ኢቲ ኡራይ ኡንቱንታ፥ «ሳሮ ቢቴ። ታማ ሆዒቴ። ካሊዴ ሚቴ» ጊዴ፥ ኡንቱንቶ ኮሺያዋ ኢማና ዮፔ፥ ኡንቱንታ ኣይ ጎዓኔ?  
\v 17 ሄዋ ዲራው፥ ኣማኑ ኦሱ ባይናን ባሬካ ዴዖፔ ሃይቄዳዋ። 
\p  
\v 18 ሺን ኢቲ ኡራይ፥ «ኔው ኣማኑ ዴዔ፤ ቃሲ ታው ኦሱ ዴዔ። ኔኒ ኔ ኣማኑዋ ኔ ኦሱዋፔ ሻካዴ ታና ቤሳ፤ ታኒካ ታ ኣማኑዋ ታ ኦሱዋን ኔና ቤሳና» ጋና።  
\v 19 ኔኒ ኢቲ ፆሳይ ዴዒያዋ ኣማናሳ፤ ሄዌ ሎዓ። ፃላሄቱካ ቃሲ ኣማኒኖ፤ ያሻን ኮኮሪኖ።  
\v 20 ኔኒ ኤያይ! ኣማኑ ኦሱዋፔ ሻኬቲዴ ጎዔናዋ \f + \fr 2:20 \fq ጎዔናዋ፡ \ft ሃዋ ጉሳይ ሃይቄዳዋ ጉሳ።\f* ኤራናው ኮያይ?  
\v 21 ኑ ኣቡ ኣብራሃሞ ባሬ ናዓ ዪሳቃ ያርሺያ ሳዓ ቦላ ዎዳ ዎዴ፥ ባሬ ኦሱዋን ፂሊቤኔ? \x - \xo 2:21 \xt ዶም 22፡1-14\x* 
\v 22 ኣ ኣማኑኔ ኣ ኦሱ ኢቲፔ ኦዳዋኔ ኣ ኣማኑ ኣ ኦሱዋን ፖሌቴዳዋ ቤዒኪ?  
\v 23 ፆሳ ማፃፋይ «ኣብራሃሞ ፆሳ ኣማኔዳ። ፆሳይካ ሄዋ ኣው ፂሎቴን ፓይዴዳ» ጌዳዌ ፖሌቴዳ፤ ቃሲ ፆሳ ዳቦ ጌቴቲዴ ኢ ፄሴቴዳ። \x - \xo 2:23 \xt ዶም 15፡6፤ 2ኦድ 20፡7፤ ኢሳ 41፡8\x* 
\v 24 ኣሳይ ኣማኖ ፃላላና ጊዴናን፥ ኦሱዋን ፂሊያዋ ሂንቴ ቤዒታ። 
\p  
\v 25 ሄዋዳንካ ቃሲ ጫራታ ራዓባ ኪቴቶዋንታ ሞካዴ ሃራ ኦጊያና ኡንቱንታ ሞዪዜዳ ዎዴ፥ ባሬ ኦሱዋን ፂላቤይኬ? \x - \xo 2:25 \xt ኢያ 2፡1-21\x* 
\p  
\v 26 ኣዪሲ ጎፔ፥ ሼምፑ ሻኬቴዳ ቦላይ ሃዪቄዳዋ ጊዲያዋዳን፥ ሄዋዳንካ ቃሲ ኦሱ ሻኬቴዳ ኣማኑ ሃይቄዳዋ። 
\c 3  
\s1 ኢንፃርሳ ናጊያዋ 
\p  
\v 1 ታናዳን ፆሳ ካሊያዋንቶ፥ ኑኒ ሃራቱዋፔ ኣያ ፒርዳ ኣካናዋ ሂንቴ ኤሪያ ዲራው፥ ሂንቴፔ ጮራቱ ታማሪሲያዋንታ ጊዶፒቴ።  
\v 2 ኑኒ ኡባዪካ ዳሮባን ባሌቶ፤ ኢቲ ኡራይ ባሬ ሃሳያን ሙሌካ ባላና ዮፔ፥ ኢ ባሬና ናጋናው ዳንዳዪያ ባሊ ባዪና ኣሳ።  
\v 3 ፓራቱ ኑሲ ኣዛዜታና ማላ፥ ቢፃላ ባርሲዴ፥ ኑኒ ኮዪያሳ ኡባ ኡንቱንታ ኣፌቶ።  
\v 4 ቤዒቴ፥ ማርካቤቱካ ቃሲ ሄዋ ኬና ዎልቃማ ጊዲዴ፥ ጎቱዋ ጫርኩዋን ላጌቶፔካ፥ ኡንቱንታ ላጊያዌ ባሬዋ ኮዪያሳ ዛሪዴ ላጊያ ቄሪ ጉ ሚን ላጌቲዴ ቢኖ።  
\v 5 ሄዋዳን ኢንፃርሳይ ቦላ ጊዶን ጉ ኣሳቴ ጊዶፔካ፥ ዳሮ ዎልቃማባን ጬቄቴ። 
\p ጉ ታማይ ዋኒዴ ዎልቃማ ዎራ ጉዲ! ኣኬኪቴ።  
\v 6 ኢንፃርሳይካ ታማ ማላ። ኢ ኑ ኣሳቴ ጊዶን ኢታባ ኡባ ኦና ዳንዳዬ፤ ኣሳቴ ኡባ ቱኒሴ። ቃሲ ኑ ዴዑዋ ዎካ ታማን ጉዴ፤ ጋናሚያ ታማን ኢ ጉዴታናዋ።  
\v 7 ኣዪሲ ጎፔ፥ ዶዓቱዋ፥ ካፋቱዋ ዛሪያ፥ ቲራን ጎሼቲያ ሾሻቱ ዛሪያኔ ኣባን ዴዒያ ሜታቱዋ ዛሪያ ኡባ ኣሳይ ኣዲሴዳ፤ ቃሲ ኡንቱንቱካ ኣዴዲኖ።  
\v 8 ሺን ኦኒኔ ኢንፃርሳ ኣዲሳናው ዳንዳዪቤና፤ ኢንፃርሳይ ዎያ ማርዚ ኩሜዳ ጮዑ ጌና ኢታ ሜታ።  
\v 9 ኑኒ ኢንፃርሳን ኑ ጎዳኔ ኣዉዋ ጋላቴቶ፤ ቃሲ ኣኒካ ፆሳ ማላቲዴ ሜቴዳ ኣሳ ሼቄቶ። \x - \xo 3:9 \xt ዶም 1፡26\x* 
\v 10 ኢቲ ዶናፔ ጋላታይኔ ሼቃይ ኬሴ። ታናዳን ፆሳ ካሊያዋንቶ፥ ሄዌ ሄዋዳን ሃናናው ቤሴና።  
\v 11 ፑልቱ ኢቲ ኦላፔ ማልዒያ ሃኔ ጫሚያ ሃ ፑልታናው ዳንዳዪ?  
\v 12 ታናዳን ፆሳ ካሊያዋንቶ፥ ባላሲያ ጊያ ሚይ ዎጋራ ኣዪፋናው ዳንዳዪ? ዎይ ዎዪኒያ ቱራይ ባላሲያ ጊያ ሚ ኣዪፋናው ዳንዳዪ? ማፂኔ ማፂኔ ጊያ ሃፔካ ማልዖ ሃይ ኬሳና ዳንዳዬና። 
\s1 ሳሉዋ ኣዳ ኤራኔ ሳዓ ኣዳ ኤራ 
\p  
\v 13 ሂንቴ ጊዶን ኣዳ ኤራንቻዪኔ ኣኬካንቻይ ኦኔ? ባሬ ሎዖ ዴዑዋን ኦሴቴዳ ባሬ ኦሱዋ ኣዳ ኤራቴፔ ዪያ ኣሺኬቴን ቤሶ።  
\v 14 ሺን ሂንቴ ዎዛናን ጫሚያ ቃናቲኔ ዪርጊ ዴዖፖ። ቃሲ ቱማቴ ቦላካ ዎርዶቶፒቴኔ ኦቶሬቶፒቴ።  
\v 15 ሄዋ ማላ ኣዳ ኤራቴይ ሳሉዋፔ ዎያዋ ጊዴና፤ ሺን ሄዌ ሳዓባ፥ ኣሳዋ፥ ፃላሃቱዋዋ።  
\v 16 ኣዪሲ ጎፔ፥ ቃናቲኔ ዪርጊ ዴዒያሳን ዋላሳዪኔ ኢታ ኦሶ ኡባይ ዴዔ።  
\v 17 ሺን ቦላፔ ዪያ ኣዳ ኤራቴይ ኡባፔ ካሴ ጌሻ። ቃሲ ሳሮቴ ዶሲያዋ፥ ኣሺኬኔ ኤኖ ጊያዋ፤ ቃሲ ማሮቴይኔ ሎዖ ኣይፊ ኩሜዳዋ። ሲኔ ሎዖ ማላቲያ ኢታቴይ ባዪናዋ።  
\v 18 ፂሎቴ ኣይፊ ሳሮቴ ኦያዋንቱ ሳሮቴን ዜሬዳ ዜሬፔ ቤቴዳ። 
\c 4  
\s1 ሃ ኣላሚያ ኢታቴ ዶሴናን ኣጋናዋ 
\p  
\v 1 ኦላይኔ ዋላሳይ ሂንቴ ጊዱዋ ሃቃፔ ዪ? ኡንቱንቱ ዬዳሳይ ሂንቴ ቦላ ጊዶን ኦሌቲያ ሂንቴ ናሼታናው ዎልቃማ ኣሙዋ ኣሞቲያዋፔ ጊዴኔ?  
\v 2 ሂንቴ ኣሞቲታ፤ ሺን ዴሚኪታ፤ ዎታ። ሎይ ኮዪታ፤ ሺን ዴማናው ዳንዳዪኪታ፤ ዋላቄቲታኔ ኦሌቲታ። ሺን ፆሳ ዎሴና ዲራው፥ ሂንቴ ኮዪያዋ ዴሚኪታ።  
\v 3 ፆሳ ዎሲታ፥ ሺን ዴሚኪታ፤ ጋሱካ ባላ ኦጊያን ዎሲታ። ሄዋ ሂንቴና ናሼቺያዋን ፔሻናው ኮዪያ ዲራሳ።  
\v 4 ሲሚ ዎሹሚያዋንቶ፥ ሃ ኣላሚያና ዳቦቲያዌ ፆሳው ሞርኬ ጊዲያዋ ኤሪኪቴ? ኣዪሲ ጎፔ፥ ሃ ኣላሚያና ዳቦታናው ኮዪያዌ ኦኒኔ ፆሳና ሞርኬቴ።  
\v 5 ዎይ ፆሳ ማፃፋይ፥ «ፆሳይ ኑናን ዎዳ ኣያናይ ዎልቃማ ኣሙዋ ኑሲ ኣሞቴ» \f + \fr 4:5 \fq «ፆሳይ ኑናን ዎዳ ኣያናይ ዎልቃማ ኣሙዋ ኣሞቴ»፡ \ft ፆሳይ ኑናን ባሬ ኣያና ዎዳዌ፥ ኑሲ ሎዖ ቆፋ ኣሞቲያዋና።\f* ጊያዋ ሂንቴንቶ ጮ ጊያዋ ማላቲ?  
\v 6 ሺን ፆሳይ ኣ ኬካቴ ኣዴ ኢሜ። ሄዋ ዲራው፥ ፆሳ ማፃፋይ፥ «ፆሳይ ኦቶሬቲያዋንታ ኢፄ፤ ሺን ባሬና ካዉሺያዋንቶ ኣ ኬካቴ ኢሜ» ያጌ። \x - \xo 4:6 \xt ሌም 3፡34\x* 
\p  
\v 7 ሲሚ፥ ሂንቴ ፆሳው ሞዴቲቴ። ያቲዴ ፃላሂያና ኤቄቲቴ፤ ኢ ሂንቴፔ ባቃታና።  
\v 8 ፆሳኮ ሺቂቴ፤ ኢካ ሂንቴኮ ሺቃና። ሂንቴኖ ናጋራንቻቶ፥ ሂንቴ ኩሺያ ሜጬቲቴ። ላዑ ቆፋይ ዴዒያዋንቶ፥ ሂንቴ ዎዛና ጌሺቴ።  
\v 9 ቱጋቲቴ፤ ካዮቲቴኔ ዬኪቴ። ሂንቴ ሚቻ ዬኮ ላሚቴ፤ ሂንቴ ናሼቻካ ካዮ ላሚቴ።  
\v 10 ጎዳ ሲንን ሂንቴ ሁጲያ ቶቺቴ፤ ቃሲ ኢ ሂንቴና ቁ ቁ ኦና። 
\s1 ኣሳ ቦላ ፒርዴናን ኣጋናዋ 
\p  
\v 11 ታናዳን ፆሳ ካሊያዋንቶ፥ ኢቱ ኢቱዋ ዚጊሮፒቴ። ባሬ ኢሻ ዚጊሪያዌኔ ኣ ቦላ ፒርዲያዌ ሂጊያ ዚጊሬኔ ሂጊያ ቦላ ፒርዴ። ኔኒ ሂጊያ ቦላ ፒርዶፔ፥ ሂጊያ ቦላ ፒርዲያዋ ጊዳሳፔ ኣቲን፥ ሂጌው ኣዛዜቲያዋ ጊዳካ።  
\v 12 ሂጊያ ኢሚያዌኔ ፒርዲያዌ ፆሳ ፃላላ፤ ኢ ኣሻናዉኔ ዪሳናው ዳንዳዬ፤ ሺን ኔ ሾሩዋ ቦላ ፒርዲያዌ ኔኒ ኦኔ? 
\s1 ጬቄቴናዳን ኢሜቴዳ ዞሪያ 
\p  
\v 13 ሂንቴኖ፥ «ኑኒ ሃቼ ዎይ ዎንቲ ሄ ካታማ ባና፤ ሄዋን ላይ ኡታና፤ ዛሊዓናኔ ቃሲ ሚሻ ዎሳና» ጊያዋንቶ፥ ቤዒቴ። \x - \xo 4:13 \xt ሌም 27፡1\x* 
\v 14 ዎንቲ ሂንቴ ዴዑ ኣያ ሃናኔንቶኔ ኤሪኪታ፤ ጉ ዎዴው ሂንቴ ቤቲዴ፥ ጉዬፔ ዪያ ፔኑዋ ማላ።  
\v 15 ሄዋ ኣጊዴ፥ «ጎዳይ ጎፔ፥ ኑኒ ዴዓና፤ ሃዋ ዎይ ሄዋ ኦና» ጋናው ቤሴ።  
\v 16 ሺን ሂንቴ ሃዒ ሂንቴንቱ ቃቴን ጬቄቲታ፤ ሄዋ ማላ ጬቁ ኡባይ ኢታ። 
\p  
\v 17 ሄዋ ዲራው፥ ሎዖባ ኦናው ኤሪዴ ኦና ኡራው ሄዌ ናጋራ። 
\c 5  
\s1 ዱሬ ኣሳሲ ኢሜቴዳ ሚኖ ዞሪያ 
\p  
\v 1 ሃዒካ ሂንቴኖ ዱሬ ኣሳቶ፥ ሂንቴ ቦላ ዪያ ቱጋው «ኣዬ! ኣዬ!» ያጊዴ ዬኪቴኔ ዚላሊቴ።  
\v 2 ሂንቴ ዱሬቴይ ባይዲጌዳ፤ ቃሲ ሂንቴ ኣፊላካ ቢልዓይ ሚዲጌዳ።  
\v 3 ሂንቴ ዎርቃይኔ ሂንቴ ቢራይ ሺዒ ዲጌዳ። ቃሲ ሄ ሺዓይ ሂንቴ ቦላ ማርካታና፤ ሂንቴ ቦላካ ታማዳን ማና። ሂንቴ ሂንቴ ሚሻ ሲንው ዳጋይ ዴዒታ።  
\v 4 ኣኬኪቴ፤ ሂንቴ ጋዴን ካ ቆይጬዳ ኣሳቶ ጪጊቤና ኪራ ሚሻይ ዋሴ፤ ኡንቱንቱ ዋሱ ዎልቃማ ጎዳ ሃዪን ሲሴቴዳ። \x - \xo 5:4 \xt ዛር 24፡14-15\x* 
\v 5 ሂንቴው ኢንጄቲና፥ ሳዓን ኢሻሊዴ ዴዔዲታ፤ ሹካ ጋላሳው ኪያዋዳን፥ ሂንቴ ቦላ ኬዲታ።  
\v 6 ፂሎ ኣሳ ቦላ ፒርዴዲታ፤ ቃሲ ኣ ዎዲታ፤ ኢ ሂንቴናና ኤቄቴና። 
\s1 ጎዳ ላዔን ዩሳ ዳንዳያን ናጊያዋ 
\p  
\v 7 ሄዋ ዲራው፥ ታናዳን ፆሳ ካሊያዋንቶ፥ ጎዳይ ያና ጋካናው ጌንጪቴ፤ ቢታ ጎሺያዌ ኣዲሊያ ኢራይኔ ኣሱራ ኢራይ ያና ጋካናው ጌንጪዴ፥ ኣልዖ ካ ኢ ዎቲ ናጊዴ ጋ ኣኪንቶ ቤዒቴ።  
\v 8 ሂንቴካ ቃሲ ጌንጪቴ፤ ሂንቴ ዎዛና ሚኒሲቴ። ኣዪሲ ጎፔ፥ ጎዳ ዩሳይ ማታቴዳ። 
\p  
\v 9 ታናዳን ፆሳ ካሊያዋንቶ፥ ፆሳይ ሂንቴ ቦላ ፒርዴና ማላ፥ ኢቱ ኢቱዋ ቦላ ዙዙሞፒቴ። ቤዒቴ፥ ፒርዲያዌ ፔንጊያን ኤቄዳ።  
\v 10 ታናዳን ፆሳ ካሊያዋንቶ፥ ዋዪያሲኔ ጌንጫሲ ሌሚሱዋ ጊዴዳዋንታ፥ ጎዳ ሱንን ሃሳዬዳ ናባቱዋ ሃሳዪቴ።  
\v 11 ቤዒቴ፥ ዳንዳዪዴ ጌንጬዳዋንታ ኑኒ ኣንጄቴዳዋንታ ጌቶ። ኢዮባ ጌንጫ ሂንቴ ሲሴዲታ፤ ቃሲ ጎዳይ ኣው ዉርሴን ኢሜዳዋካ ቤዔዲታ። ኣዪሲ ጎፔ፥ ጎዳይ ማሮታይኔ ቃሬታይ ኩሜዳዋ። \x - \xo 5:11 \xt ዮብ 1፡21-22፤ 2፡10፤ ማዝ 103፡8\x* 
\p  
\v 12 ሺን ኡባፔ ካሴ፥ ታናዳን ፆሳ ካሊያዋንቶ፥ ሳሉዋን ጊዲና፥ ዎይ ሳዓን ጊዲና፥ ዎይ ሃራ ጫቁዋን ጊዲና፥ ኣያንካ ጫቆፒቴ። ሺን ፆሳ ፒርዳን ሂንቴ ጌሌናዳን፥ ሂንቴ ዬዉ ኤ ጊያዋ ጊዶፔ፥ «ኤ» ጊቴ፤ ጊዴና ጊያዋ ጊዶፔ፥ «ጊዴና» ጊቴ። 
\p  
\v 13 ሂንቴ ጊዶን ዋዬቲያ ኡራይ ኦኒኔ ዴዖፔ፥ ፆሳ ዎሶ፤ ናሼቲያ ኡራይ ኦኒኔ ዴዖፔ፥ ዬፂዴ ጋላቶ።  
\v 14 ሂንቴፔ ሳኬቲያ ኡራይ ኦኒኔ ዴዖፔ፥ ኣማኒያ ኣሳ ካሌያ ጪማቱዋ ባሬኮ ፄሶ፤ ኡንቱንቱ ጎዳ ሱንን ዛይቲያ ኣ ኦኪዴ፥ ኣው ፆሳ ዎሲኖ።  
\v 15 ኣማኑዋን ፆሳ ዎሴዳ ዎሳይ ሃርጋንቻ ፓና፤ ጎዳይካ ኣ ሃርጊያፔ ዴንና፤ ቃሲ ናጋራ ኢ ኦዳዋ ጊዶፔካ ጎዳይ ኣው ኣቶ ጋና።  
\v 16 ሄዋ ዲራው፥ ሂንቴ ፓፃና ማላ፥ ሂንቴ ናጋራ ኢቱ ኢቶ ፓፂቴኔ ኢቱ ኢቶ ፆሳ ዎሲቴ፤ ፂሎ ኣሳ ዎሳይ ዎልቃማ ኦሱዋ ኦ።  
\v 17 ኤላስ ኑ ማላ ኣሳ። ኢራይ ሳዓን ቡኬናዳን፥ ኢ ሚኒሲዴ፥ ፆሳ ዎሲና ሄዙ ላይኔ ኡሱፑን ኣጌና ሳዓን ኢራይ ቡኪቤና። \x - \xo 5:17 \xt 1ካት 17፡1፤ 18፡1\x* 
\v 18 ላዔንዋ ፆሳ ኢ ዎሲና፥ ሳሉዋፔ ኢራይ ቡኬዳ፤ ሳዓይካ ባሬ ካ ሞኬዳ። \x - \xo 5:18 \xt 1ካት 18፡42-45\x* 
\p  
\v 19 ታናዳን ፆሳ ካሊያዋንቶ፥ ሂንቴፔ ኦኒኔ ቱሙዋፔ ዎራ ቦፔ፥ ቃሲ ኢቱ ኣ ጉዬ ሄ ቱሙዋኮ ዛሮፔ፥  
\v 20 ናጋራንቻ ኣ ባላ ኦጊያፔ ዛሪያ ኦኒኔ ኣ ሼምፑዋ ሃዪቁዋፔ ኣሻናዋኔ ዳሮ ናጋራ ካማናዋ ኤሮ። \x - \xo 5:20 \xt ሌም 10፡12፤ 1ጵፅ 4፡8\x*