\id HEB - ዳውሮ 
\h ኢብራዌ 
\toc1 ኢብራዌ ኣሳው ፃፌቴዳ ኪታ 
\toc2 ኢብራዌ 
\toc3 ኢብር 
\mt1 ኢብራዌ ኣሳው 
\mt2 ፃፌቴዳ ኪታ 
\imt1 ጌሉዋ 
\ip ሃዌ ጳዉሎሲኔ ጴፂሮሲ ፃፌዳዋዳን ኪታ ጊዴናን ቲሚርቴ ጊዲዴ ፃፌቴዳዌ፥ ዎልቃማ ቱጋይ ጋኪና፥ ኣማኑዋ ኣጋናው ማቴዳ ኣማኒያ ኣሳቱዋሳ (10፡32-39)። ሃ ማፃፋ ፃፌዳዌ ኦኔንቶ ኤሬቴና። ሃ ፃፊያ ሁጴ ቆፋይ ኮይሮቲዴ ኡንቱንቱን ዴዒያ ሲቁዋኮ ሲማናዳን ዬሱሳ ቃቴ ቤሲዴ ኡንቱንታ ዞሬ። ሄ ፃፊ ኢብራዌ ኣማኒያዋንቱሲ ሚኒሲ ኦዲያዌ ዬሱሲ ኪሪስቶሲ ቱማኔ ፆሳ ፖሎ ቆንጬ ጊዲያዋና። ሃ ኣማኒያዋንቱ ባሬንቱ ኣማኑዋን ሚናና ማላ፥ ኡንቱንታ ሜን። ኢ ሄዋ ኦዴ ሄዙ ቱማቱዋ ቆንጪሲዴ ቤሴ፡ 
\io1 1. ኢ ኣኬዳ ሜቱዋ ባጋና ባሬ ኣዉዋሲ ቱሙ ኣዛዜቴዳ ዬሱሲ ፆሳው ሜና ናዓ። ኢ ፆሳ ናዓ ጊዴዳ ዲራው፥ ኤጫ ቃላ ጫቁዋ ዎዲያን ቲምቢቲያ ኦዲያዋንቱፔ፥ ኪታንቻቱዋፔኔ፥ ሃራይ ኣቲን፥ ሙሴፔካ ሎይ ኣያዋ። 
\io1 2. ዬሱሲ ኤጫ ቃላ ጫቁዋ ቄሳቱዋፔ ሎይ ኣያ፥ ሜና ቄሳ ጊዲያዋ ፆሳይ ባሬ ሁጴው ኦዴዳ። 
\io1 3. ዬሱሳ ባጋና ኣማኒያዌ ናጋራፔ፥ ያሻቴፔኔ ሃይቁዋፔ ኣቴ። ዬሱሲ ቄሳቱዋ ኡባቱዋ ካፑዋ ጊዲያ ዲራው፥ ካሴ ኢብራዋቱዋ ኣማኑዋ ዎጋቱዋኒኔ ሜሄቱዋ ያርሹዋን ኩዋዳን ቤቲያ ኣቶቴ ሃዒ ቱማ ጊዳናዳን ኡዴዳ። 
\ip ፃፊ ኢስራዔሊያ ኣሳ ታሪኪያን ዳሮ ኤሬቴዳ ኣሳ ኣማኑዋ ሌሚሱዋዳን ጎዔቲዴ (ሼምፑዋ 11)፥ ሃ ማፃፋ ናባቢያ ኣሳቱ ባሬንቱ ኣማኑዋን ሚናናዳን ቆፊሴ። ሄዋዳንካ (ሼምፑዋ 12) ናባቢያዋንቱ ባሬንቱ ኣይፊያ ዬሱሳ ቦላን ቲሺ ኡዲ ዎዴ፥ ባሬንቱ ኣማኑዋን ሚናናዳኒኔ ኣይ ማላ ሜቱኔ ዋዪ ጋኮፔካ፥ ኡንቱንቱ ጌንጫናዳን ዞሬ። ዉርሴን ቃሲ ዞሪያኔ ኣኬኪሱዋ ቃላ ኢሚያዋን ዉርሴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ፡ ፆሳይ ዬሱሳን ቆንጬዳዋ (1፡1-3) 
\io1 ኪሪስቶሲ ኪታንቻቱዋፔ ቦላ ጊዲያዋ (1፡4-2፡18) 
\io1 ኪሪስቶሲ ሙሴፔኔ ኢያሱፔ ቦላ ጊዲያዋ (3፡1-4፡13) 
\io1 ኪሪስቶሳ ቄሳቴ ቃቴ (4፡14-7፡28) 
\io1 ኪሪስቶሳ ቃላ ጫቁዋ ቃቴ (8፡1-9፡23) 
\io1 ኪሪስቶሲ ያርሼቴዳዌ ኦዋፔኔ ዳሪያዋ (9፡23-10፡39) 
\io1 ኣማኑዋ ዳሮቴ (11፡1-12፡29) 
\io1 ፆሳ ናሼቹሳ (13፡1-19) 
\c 1  
\s1 ፆሳይ ባሬ ናዓ ባጋና ሃሳዬዳ 
\p  
\v 1 ፆሳይ ቤኒ ዎዴ፥ ኑ ኣዎቱ ናባቱዋ ባጋና ዱማ ዱማ ኦጊያኒኔ ዳሮ ዎዲያን ሃሳዬዳ።  
\v 2 ሺን ሃ ዉርሴ ዎዲያን፥ ኡባባ ኣ ላቲሲዴ፥ ዬሌታ ኣ ባጋና ሜዳ ባሬ ናዓ ባጋና ኑሲ ሃሳዬዳ።  
\v 3 ናዓይ ፆሳ ቦንቾ ፖዑዋ ጶሌ፤ ቃሲ ኩሜን ፆሳ ኤሻ ኣኪዴ፥ ባሬ ዎልቃማ ቃላን ሃ ሳዓ ናጌ፤ ያቲዴ ኣሳ ናጋራፔ ጌሺዴ፥ ኡባፔ ቦላ ፆሳፔ ኡሼቻ ባጋና \f + \fr 1:3 \fq ኡሼቻ ባጋና፡ \ft ቦንቹዋኔ ዎልቃሳ ጊዲያዋ ቤሴ።\f* ሳሉዋን ኡቴዳ። 
\s1 ፆሳ ናዓይ ኪታንቻቱዋፔ ቦላ 
\p  
\v 4 ፆሳይ ኣው ኢሜዳ ሱንቴይ ኪታንቻቱዋፔ ቃ ጊዲያዋዳንካ፥ ኡንቱንቱፔ ኣ ሎይ ቁ ኦዳ።  
\v 5 ኣዪሲ ጎፔ፥ ፆሳይ ባሬ ኪታንቻቱዋፔ ኦና፥ 
\q1 «ኔኒ ታ ናዓ፤ 
\q2 ታኒ ሃቼ ኔው ኣዉዋ ጊዳዲ» 
\m ጌዴ? ዎይ ቃሲ ኦና፥ 
\q1 «ታኒ ኣው ኣዉዋ ጊዳና፤ 
\q2 ኢካ ታው ናዓ ጊዳና» 
\m ጌዴ? \x - \xo 1:5 \xt ማዝ 2፡7፤ 2ሳም 7፡14፤ 1ኦድ 17፡13\x* 
\v 6 ቃሲ ፆሳይ ባሬ ባይራ ናዓ ሃ ሳዓ ዬዳና ሃኒዴ፥ 
\q1 «ታ ኪታንቻቱዋ ኡባቱካ ኣው ጎዪኒኖ» 
\m ያጌዳ። \x - \xo 1:6 \xt ዛር 32፡43\x* 
\v 7 ፆሳይ ኪታንቻቱዋባ ሃሳዪዴ፥ 
\q1 «ታኒ ታ ኪታንቻቱዋ ጫርኩዋ ኬሳይ፤ 
\q2 ቃሲ ታ ኦሳንቻቱዋካ ታማ ላጩዋ ኬሳይ» 
\m ያጌ። \x - \xo 1:7 \xt ማዝ 104፡4\x* 
\v 8 ሺን ባሬ ናዓዋ ሃሳዪዴ፥ 
\q1 «ፆሳው፥ ኔ ካዉቴ ኦይዲ 
\q2 ሜ ሜናው ዴዔ። 
\q2 ኔ ካዉቴ ፂሎቴን ኣሃሳ። \x - \xo 1:8 \xt ማዝ 45፡6-7\x* 
\q1  
\v 9 ኔኒ ፂሎቴ ሲቃዴ፤ 
\q1 ናቁዋ ኢፃዳ። 
\q2 ፆሳይ፥ ኔ ፆሳይ ኔና 
\q2 ኔ ላጌቱዋፔ ኣዴ፥ 
\q2 ናሼቻን ኢሊሊሲያ ዛይቲያ ኦኬዳዌ ሃዋሳ» 
\m ያጌ።  
\v 10 ፆሳይ ሃዋዳን ያጌ፤ 
\q1 «ጎዳው፥ ኮይሮ ኔኒ ሳዓ ሜዳ፤ 
\q2 ሳሉዋካ ኔ ኩሺያን ሜዳ። \x - \xo 1:10 \xt ማዝ 102፡25-27\x* 
\q1  
\v 11 ሄዋንቱ ኡባይ ያና፤ 
\q1 ሺን ኔኒ ዴዓና። 
\q2 ኡንቱንቱ ኡባይካ ኣፊላዳን ዉራና። 
\q1  
\v 12 ኔኒ ኡንቱንታ ጋቢያዳን ዳኮያና፤ 
\q1 ቃሲ ኡንቱንቱ ኣፊላዳን ላሜታናዋንታ። 
\q2 ሺን ኔኒ ኔናካ፤ 
\q2 ኔ ላይይ ኡባካ ዉሬና» 
\m ያጌ።  
\v 13 ሺን ፆሳይ ባሬ ኪታንቻቱዋፔ ኢቱዋኔ፥ 
\q1 «ታኒ ኔ ሞርኬቱዋ ኔኒ 
\q2 ጌዲያን ዬያዋ ኦና ጋካናው፥ 
\q2 ሃዋን ታፔ ኡሼቻ ባጋን ኡታ» 
\m ጊቤና። \x - \xo 1:13 \xt ማዝ 110፡1\x* 
\v 14 ኪታንቻቱ ኡባይ ፆሳው ኦናዉኔ ኣቶቴ ዴማና ኣሳቱዋ ማዳናው ፆሳይ ኪቴዳ ኣያናቱዋ ጊዲኪኖዬ? 
\c 2  
\s1 ዎልቃማ ኣንጁዋ 
\p  
\v 1 ሄዋ ዲራው፥ ኑኒ ሲሴዳ ቱሙ ዬዉዋፔ ሱጌቲ ዎራ ቤና ማላ፥ ሄ ዬዉዋ ሎይ ኦይቃናው ቤሴ።  
\v 2 ኣዪሲ ጎፔ፥ ኪታንቻቱ ኦዴዳ ቃላይ ቱማ ጊዲያ ዲራው፥ ናቂያ ዎይ ኣዛዜቴና ኣሳይ ኡባይ ሙሬቴዳዋ ጊዶፔ፥  
\v 3 ያቲና፥ ኑኒ ሃ ዎልቃማ ኣቶቴ ሼኔኮ ጎፔ፥ ዋኒዴ ኣታኔ? ጎዳይ ኮይሮ ባሬ ሁጴው ሃ ኣቶቴ ኦዴዳ፤ ቃሲ ኢ ኦዴዳዋ ሲሴዳዋንቱ ኑሲ ጌሺዴ ኦዴዲኖ።  
\v 4 ሄ ሲሴዳዋንቱ ማርካቴዳዌ ቦላ ፆሳይካ ማላ፥ ኦራባኔ ዱማ ዱማ ማላታ ኪቴቲያዋን ጉጂ ማርካቴዳ፤ ቃሲ ጌሻ ኣያና ኢሙዋካ ባሬ ኮዬዳዋዳን፥ ጊሺ ጋዳ። 
\s1 ኣቶቴው ካሌያዋ 
\p  
\v 5 ኣዪሲ ጎፔ፥ ፆሳይ ኑኒ ሃሳዪያ ሲንፔ ያና ኣላሚያ፥ ኪታንቻቱዋ ሞዲሲቤና።  
\v 6 ሺን ፆሳ ማፃፋይ ኢቲ ሳን ሃዋዳን ያጌ፤ 
\q1 «ፆሳው፥ ኔኒ ኣሳዋ ቆፓናው ኣሳይ ኣዬ? 
\q2 ዎይ ኔኒ ኣው ሂርጋናው ኢ ኣዬ? \x - \xo 2:6 \xt ማዝ 8፡4-6\x* 
\q1  
\v 7 ኔኒ ኪታንቻቱዋፔ 
\q2 ኣማሬዳ ዎዲያ ኣ ጉዳ። 
\q1 ኣ ሁጲያንካ ቦንቹዋኔ 
\q2 ሳባ ኣኪሊሊያ ዎዳ። 
\q1  
\v 8 ቃሲ ኡባባ ኣ ጌዲያፔ ጋርሳና 
\q2 ዎዴ ሞዲሳዳ» 
\m ያጌ። ኣዪሲ ጎፔ፥ ፆሳይ ኡባባካ ኣ ሞዲሴዳዋዳን ኣኒ ሞዴቲቤናዌ ኣያይኔ ባዋ፤ ሺን ሃዒ ኡባባይ ኣው ሞዴቲያዌ ኑሲ ቤቴና።  
\v 9 ሺን ኑኒ ዬሱሳ ቤዔቶ፤ ዬሱሲ ፆሳ ኣ ኬካቴ ባጋና ኣሳ ኡባው ሃይቃና ማላ፥ ኣማሬዳ ዎዲያ ኪታንቻቱዋፔ ጋርሳ ጊዴዳ። ቃሲ ሃይቁዋ ዋዪያ ኢ ዋዬቴዳ ዲራው፥ ፖዒያ ቦንቹዋኔ ሳባ ኣኪሊሊያ ዎዳዋ ሃዒ ኑኒ ቤዔቶ።  
\v 10 ፆሳይ ኡባባ ሜዳዌ፥ ኡባባካ ናጊያዌ፥ ዬሱሲ ዳሮ ናና ኣሂዴ፥ ባሬናና ቦንቺሳና ማላ፥ ዋዪያ ባጋና ዬሱሳ ባላይ ባይናዋ ኦዳዋ ቤሴ፤ ኣዪሲ ጎፔ፥ ሄ ናና ኣቶቴው ካሌያዌ ዬሱሳ። 
\p  
\v 11 ኣዪሲ ጎፔ፥ ኣሳ ጌሺያ ዬሱሳዉካ ቃሲ ሄ ጌዬዳ ኣሳ ኡባዉካ ኣዉ ኢቱዋ። ዬሱሲ ኡንቱንታ፥ «ታ ኢሻቱዋ» ጊዴ ዬላቴናን ፄሲያዌ ሃዋሳ።  
\v 12 ዬሱሲ፥ 
\q1 «ታኒ ኔ ሱን ታ ኢሻቶ ኣዋጃና። 
\q2 ማባራ ሺቁዋንካ ኔና ጋላታና» 
\m ያጌ። \x - \xo 2:12 \xt ማዝ 22፡22\x* 
\v 13 ቃሲ ኢ፥ «ታኒ ታ ኣማኑዋ ፆሳን ዎና» ቃሲካ፥ «ፆሳይ ታው ኢሜዳ ናናቱዋና ታኒ ሃዋን ዴዓይ» ያጌ። \x - \xo 2:13 \xt ኢሳ 8፡17፣ 18\x* 
\p  
\v 14 ናና ጊዴ ኢ ፄሲያዋንቱ፥ ኣሹዋፔኔ ሱፔ ሜቴዳ ኣሳቱዋ ጊዲያ ዲራው፥ ዬሱሲ ባሬ ሁጴው ኡንቱንታ ማላቲዴ፥ ኡንቱንቱ ሜታ ኣኬዳ፤ ቃሲ ኢ ሄዋ ኦዳዌ፥ ፃላሂያ ካፑዋ ሃይቁዋ ቦላ ማታይ ዴዒያዋ ባሬ ሃይቁዋን ዪሳናሳ።  
\v 15 ቃሲ ባሬንቱ ዴዑዋ ኡባን ሃይቆ ያዪዴ፥ ሃይቆ ኣይሌቲዴ ዴዒያዋንታ ኡባቱዋ ኣይሌቴፔ ኬሴዳ። 
\p  
\v 16 ኣዪሲ ጎፔ፥ ኣብራሃማ ዛሪያ ኢ ማዲያዋፔ ኣቲን፥ ኪታንቻቱዋ ማዴናዌ ኤሬቴዳ። \x - \xo 2:16 \xt ኢሳ 41፡8-9\x* 
\v 17 ሄዋ ዲራው፥ ኣሳ ናጋራይ ኣቶ ጌቴታና ማላ፥ ፆሳ ኪታን ኣማኔቴዳ ማሪያ ቄሳቱዋ ኡባቱዋ ካፑዋ ጊዳና ማላ፥ ኡባባኒ ኢ ባሬ ኢሻቱዋ ማላታናው ቤሴ።  
\v 18 ኣዪሲ ጎፔ፥ ኢ ባሬ ሁጴው ፓጬቴዳ ዲራዉኔ ዋዬቴዳ ዲራው፥ ፓጬቲያዋንታ ማዳናው ዳንዳዬ። 
\c 3  
\s1 ዬሱሲ ሙሴፔ ቦላ 
\p  
\v 1 ሄዋ ዲራው፥ ፆሳይ ፄሴዳ ጌሻ ኢሻቶ፥ ኑ ማርካቴ ፆሳይ ኪቴዳዋ ቄሳቱዋ ኡባቱዋ ካፑዋ፥ ዬሱሲ ኪሪስቶሳ ቆፒቴ።  
\v 2 ሙሴ ባሬ ኪታን ፆሳ ጎሊያ ኡባን ኣማኔቴዳዋ ጊዴዳዋዳን፥ ዬሱሲካ ባሬና ዶሪዴ፥ ሃ ኦሶ ዬዴዳ ፆሳው ኣማኔቴዳዋ። \x - \xo 3:2 \xt ፓይ 12፡7\x* 
\v 3 ኣዪሲ ጎፔ፥ ኬፄቲያ ጎሊያፔ ኬፂያ ቢታኒ ቦንቼቲያዋዳን፥ ሙሴዋፔ ኣያ ቦንቹዋ ኢ ኣካናው ቤሲያዌ ኤሬቴዳዋ።  
\v 4 ኣዪሲ ጎፔ፥ ጎሊያ ኡባ ኬፄዳዌ ኢቲ ኣሳ፤ ሺን ኡባባ ኬፄዳዌ ፆሳ።  
\v 5 ሙሴ ፆሳ ጎሊያ ኡባን ኣማኔቴዳ ኦሳንቻ ጊዲዴ፥ ፆሳይ ሲንፔ ጋናዋ ማርካቴዳ።  
\v 6 ሺን ኪሪስቶሲ ፆሳ ጎሌን ናዓዳን ኣማኔቴዳዋ፤ ኑኒ ኣካና ጊዴ ናሼቻን ናጊያዋ ፃላቴኒኔ ኣማኑዋን ናጎፔ፥ ፆሳው ጎሊያ ጊዴቶ። 
\s1 ፆሳ ኣሳይ ሼምፑዋ ዴማና 
\p  
\v 7 ሄዋ ዲራው፥ ጌሻ ኣያናይ ሃዋዳን ያጌ፤ 
\q1 «ፆሳ ቃላ ሂንቴንቱ ሃቼ ሲሲያባ ጊዶፔ፥ \x - \xo 3:7 \xt ማዝ 95፡7-11\x* 
\q2  
\v 8-9 ሂንቴንቱ ኣዎቱ ታው ኢፂ ማካሊዴ፥ 
\q1 ኦይታሙ ላይ ታ ኦሱዋ ቤዔዳ ባዙዋ ፓጪያ ጋላሳዳን፥ 
\q2 ሂንቴንቱካ ዞሪያ ኣኬናን ኢፆፒቴ። 
\q1  
\v 10 ሄዋ ዲራው፥ ታኒ 
\q2 ሄ ኣሳ ሃንቄታዴ፥ 
\q1 ‹ኡንቱንቱ ኡባ ዎዴ ባሬንቱ ዎዛናን ባሊኖ። 
\q2 ታ ኦጊያካ ኤሪቤይኪኖ› ያጋዲ። 
\q1  
\v 11 ሄዋዳንካ ቃሲ፥ 
\q2 ታኒ ሃንቄታ ጫቃዴ፥ 
\q1 ‹ታኒ ሼምፒያሳ ኡንቱንቱ 
\q2 ኡባካ ጌሊኪኖ› ያጋዲ» 
\m ያጌ። 
\p  
\v 12 ታናዳን ኣማኒያዋንቶ፥ ዴዑዋ ፆሳፔ ሂንቴንታ ሻኪያ ኢታ ኣማኔና ዎዛናይ ሂንቴናን ኦናኒኔ ዴዔና ማላ ናጌቲቴ።  
\v 13 ሺን ፆሳይ ሂንቴንታ ኡባ ጋላሲ ሃቼ ጊዴ ፄሲሺን፥ ሂንቴፔ ኦናኔ ናጋራይ ባሌና፥ ዞሪያ ኣኬናን ኢፄና ማላ፥ ኢቱ ኢቱዋ ዞሪቴ።  
\v 14 ኣዪሲ ጎፔ፥ ኑኒ ኮይሮ ኑሲ ዴዒያ ኣማኑዋ ዉርሴይ ጋካናው ሎይ ናጎፔ፥ ኪሪስቶሳና ኢቲፔ ሻካና።  
\v 15 ፆሳ ማፃፋይ፥ 
\q1 «ፆሳ ቃላ ሂንቴንቱ 
\q2 ሃቼ ሲሲያዋ ጊዶፔ፥ 
\q1 ሄ ዎዴ ኡንቱንቱ ኢፂ ማካሌዳዋዳን፥ 
\q2 ዞሪያ ኣኬናን ኢፆፒቴ» 
\m ያጌዳ። \x - \xo 3:15 \xt ማዝ 95፡7-8\x* 
\p  
\v 16 ፆሳይ ጊያዋ ሲሲዴ፥ ኣው ማካሌዳ ኣሳቱ ኦኔ? ሙሴ ጊብፄፔ ካሌና ኬሴዳ ኡባቱዋ ጊዲኪኖዬ? \x - \xo 3:16 \xt ፓይ 14፡1-35\x* 
\v 17 ፆሳይ ኦይታሙ ላይ ኦናን ሃንቄቴዴ? ኣኃይ ዎራን ኣቴዳ ኣሳቱዋ፥ ናጋራ ኦዳዋንታ ጊዲኪኖዬ?  
\v 18 ቃሲ ፆሳይ ባሬው ኣዛዜቴናን ኢፄዳዋንቱ ኢ ሼምፒያ ሳዓ ኡባካ ጌሌና ማላ፥ ኡንቱንቱሲ ጫቄዳዋፔ ኣቲን፥ ኦሲ ጫቄዴ?  
\v 19 ኡንቱንቱ ኣማኒቤና ዲራው፥ ሼምፒያሳ ጌላናው ዳንዳዪቤናዋ ኑኒ ቤዔቶ። 
\c 4  
\p  
\v 1 ሲሚ ፆሳይ ኑና ባሬ ሼምፒያሳ፥ «ጌሊሳና» ጌዳዌ ቢራ ጊዶፔ፥ ሂንቴፔ ኦኒኔ ሄ ሼምፒያሳ ጌሌናን ኣቴና ማላ ናጌቶ።  
\v 2 ኣዪሲ ጎፔ፥ ኡንቱንቱ ዎንጋላ ሚሺራቹዋ ሲሴዳዋዳን፥ ኑኒካ ሲሴዶ፤ ኡንቱንቱ ሲሴዲኖ፥ ሺን ኣማኒዴ ኣኪቤና ዲራው፥ ኣይኔ ኡንቱንታ ጎዒቤና።  
\v 3 ጊዶፔካ፥ ፆሳ ኪታይ ሳዓይ ሜቶዴፔ ዶሚና ፖሌቴዳዋ ጊዶፔኔ፥ ፆሳይ፥ 
\q1 «ታኒ ሃንቄታ ጫቃዴ፥ 
\q2 ‹ኡንቱንቱ ታኒ ሼምፒያሳ 
\q1 ኡባካ ጌሊኪኖ› ያጋዲ» 
\m ጌዳዋዳን፥ ኑኒ ኣማኔዳዋንቱ ኢ ሼምፒያሳ ጌላና። \x - \xo 4:3 \xt ማዝ 95፡11\x* 
\v 4 ኣዪሲ ጎፔ፥ ላፑን ጋላሳባ ኢቲሳዓን ፆሳ ማፃፋይ፥ «ፆሳይ ላፑን ጋላሳን ባሬ ኦሱዋ ኡባፔ ሼምፔዳ» ያጌዳ። \x - \xo 4:4 \xt ዶም 2፡2\x* 
\v 5 ቃሲ ሄ ሳዓን፥ «ኡንቱንቱ ታኒ ሼምፒያሳ ኡባካ ጌሊኪኖ» ያጌዳ። \x - \xo 4:5 \xt ማዝ 95፡11\x* 
\v 6 ዎንጋላ ሚሺራቹዋ ኮይሮ ሲሴዳዋንቱ ኣዛዜቲቤና ዲራው፥ ሼምፑዋ ሳዓ ጌሊቤይኪኖ፤ ኢቲ ኢቲ ኣሳቱ ያ ጌላናዋንቱ ዴዒኖ።  
\v 7 ፆሳይ ዳሮ ዎዲያፔ ጉዪያን፥ ዳዊታ ባጋና ላዔንዋ ኢቲ ጋላሳ፥ «ሃቼ» ጊያ ቃላን ኬሪዴ፥ 
\q2 «ፆሳ ቃላ ሂንቴንቱ ሃቼ ሲሲያዋ ጊዶፔ፥ 
\q2 ዞሪያ ኣኬናን ኢፆፒቴ» 
\m ያጌዳ። \x - \xo 4:7 \xt ማዝ 95፡7-8\x* 
\v 8 ፆሳይ ሼምፒያሳ ኣሳ ኣፊዴ ኢያሱ ሼምፒሴዳዋ ጊዲንቶ፥ ፆሳይ ሃራ ጋላሳዋ ጉዬ ኬሬና። \x - \xo 4:8 \xt ዛር 31፡7፤ ኢያ 22፡4\x* 
\v 9 ሄዋ ዲራው፥ ፆሳ ኣሳው ሳምባታ ሼምፑ ናጌቲ ኡቴዳ።  
\v 10 ኣዪሲ ጎፔ፥ ፆሳይ ሼምፒያሳ ጌሊያ ኦኒኔ፥ ፆሳይ ባሬ ኦሱዋፔ ሼምፔዳዋዳን፥ ኢካ ባሬ ኦሱዋፔ ሼምፓና። \x - \xo 4:10 \xt ዶም 2፡2\x* 
\v 11 ሲሚ ኢስራዔሊያ ኣሳይ ኣዛዜቴናን ኢፂዴ፥ ፆሳና ኢቲፔ ሼምፒያሳ ጌሌናን ኣቴዳዋዳን፥ ኑፔ ኦኒኔ ሄዋ ማላ ኢፁዋን ያ ጌሌናን ኣቴና ማላ ሚኖይቴ። 
\p  
\v 12 ኣዪሲ ጎፔ፥ ፆሳ ቃላይ ሚናው ዴዒያዋኔ ኦያዋ፤ ላዑ ባጋና ሌፌቴዳ ማሻፔካ ኣዴ ኩሴ። ሄ ቃላይ ሼምፑኔ ኣያናይ፥ ኩሪኔ ኮልዚ ኢቲፔ ጋኬቲያሳ ሻካና ጋካናው ጫዴ። ቃሲ ኣሳ ዎዛናን ዴዒያ ኮሻኔ ቆፋ ኢ ሻኬ።  
\v 13 ኑኒ ኦያዋ ዎቺያ ፆሳ ሲንን ኡባባይካ ቤቲያዋፔኔ ቆንጪያን ዴዒያዋፔ ኣቲን፥ ኣ ኣይፊያን ጌሚያ ሜታይ ኣያይኔ ባዋ። 
\s1 ዬሱሲ ቄሳቱዋ ኡባቶ ዎልቃማ ካፑዋ 
\p  
\v 14 ሲሚ ሳሉዋ ቤዳ፥ ቄሳቱዋ ኡባቱዋ ዎልቃማ ካፑ፥ ፆሳ ናዓይ ዬሱሲ፥ ኑሲ ዴዒያ ዲራው፥ ኑ ኣማኑዋ ሎይ ናጌቶ።  
\v 15 ኣዪሲ ጎፔ፥ ኑ ቄሳቱዋ ኡባቱዋ ካፑ ኑኒ ዳቡሪያ ዎዴ ኑሲ ቃሬታናው ዳንዳዬ፤ ናጋራ ኢ ኦቤናዋፔ ኣቲን፥ ኑናዳን ኡባባንካ ፓጬቴዳ።  
\v 16 ሲሚ ኑና ኮሺያ ዎዴ ማዲያ ማሮቴ ኣካናዉኔ ኣ ኬካቴ ዴማናው፥ ኣ ኬካቴይ ዴዒያ ሳዓ ፆሳ ኣራታኮ፥ ያዬናን ሺቆይቴ። 
\c 5  
\p  
\v 1 ቄሳቱዋ ኡባቱዋ ካፓቱ ሁጲያን ሁጲያን ባሬ ኣሳ ጊዶፔ ዶሬቲዴ፥ ሄ ኣሳ ጊሻታው ፆሳው ኦናው፥ ኢሙዋ ኢማናዉኔ ናጋራ ያርሹዋ ያርሻናው ሱንቴዲኖ።  
\v 2 ኢ ባሬ ሁጴው ዳቡራንቻ ጊዲያ ዲራው፥ ታማሪቤናዋንቶኔ ባሊያዋንቶ ቃሬታናው ዳንዳዬ።  
\v 3 ሄዋ ዲራው፥ ሄ ቄሳቱዋ ኡባቱዋ ካፑ ኣሳ ዲራው ያርሹዋ ያርሺያዋዳን፥ ባሬ ሁጴ ናጋራ ዲራዉካ ያርሻናው ቤሴ። \x - \xo 5:3 \xt ዎግ 9፡7\x* 
\p  
\v 4 ፆሳይ ኣሮና ቄሳቱዋ ኡባቱዋ ካፑዋ ጊዳና ማላ ፄሴዳዋዳን፥ ፆሳይ ፄሳናፔ ኣቲን፥ ኦኒኔ ቄሳቱዋ ኡባቱዋ ካፑዋ ጊዲያ ቦንቹዋ ባሬው ኣካናው ዳንዳዬና። \x - \xo 5:4 \xt ኬስ 28፡1\x* 
\v 5 ሄዋዳንካ፥ ኪሪስቶሲ ቄሳቱዋ ኡባቱዋ ካፑዋ ጊዲያ ቦንቹዋ ባሬው ኣኪቤና፤ ሺን ፆሳይ ኣ፥ 
\q1 «ኔኒ ታ ናዓ። 
\q2 ታኒ ሃቼ ኔው ኣዉዋ ጊዳዲ» 
\m ያጌዳ። \x - \xo 5:5 \xt ማዝ 2፡7\x* 
\v 6 ሄዋዳንካ ቃሲ ሃራሳን፥ 
\q1 «ማልኪ-ፄዴቂ \f + \fr 5:6 \fq ማልኪ-ፄዴቂ፡ \ft ሃ ሱንይ ኤጫ ጫቁዋን ፄሴቴዳዌ፥ ኢ ቄሳ ኣሮኔፔ ካሴና ዴዔዳዌ ኤሬቶ ዲራሳ። ኣ ጉዬ ዛሪያባሲኔ ኣ ሃይቁዋባሲ ኣይኔ ጌቴቶዌ ባዋ። 7፡3፤ ዶም 14፡17-20 ፄሊቴ።\f* ቄሳ ጊዴዳዋዳን፥ 
\q2 ኔኒካ ሜናው ቄሳ ጊዳና» 
\m ያጌዳ። \x - \xo 5:6 \xt ማዝ 110፡4\x* 
\p  
\v 7 ዬሱሲ ሳዓን ዴዒያ ዎዴ፥ ባሬና ሃይቁዋፔ ኣሻናው ዳንዳዪያ ፆሳ ሎይ ዬኪዴኔ ኣፎፂዴ ዎሴዳኔ ኦቼዳ፤ ፆሳይ ኣ ዎሳ ሲሴዳዌ፥ ኢ ባሬና ቶቼዳዋሳኔ ኣው ያዬዳዋሳ።  
\v 8 ዬሱሲ ፆሳ ናዓ ጊዶፔኔ፥ ባሬ ዋዬቴዳ ዋዪያን ኣዛዜቲያዋ ታማሬዳ።  
\v 9 ዬሱሲ ባሬ ኦሱዋ ፖሌዳ ዎዴ፥ ባሬው ኣዛዜቲያ ኡባው ሜና ኣቶቴ ዴማናው ጋሶ ጊዴዳ።  
\v 10 ቃሲ ፆሳይ ማልኪ-ፄዴቃ ሱንቴዳን፥ ቄሳቱዋ ኡባቱዋ ካፑዋ ጊዳና ማላ፥ ኣ ሱንዳ። 
\s1 ኣሳይ ባሌናዳን ኦዴቴዳ ሚኖ ኦዱዋ 
\p  
\v 11 ኑኒ ሃ ዬዉዋን ሃሳያናባይ ዳሮባይ ዴዔ፤ ሺን ሂንቴንቱ ኣኬካናው ኣዛላ ጊዲያ ዲራው፥ ሂንቴንቱሲ ኦዲ ጌሊሳናው ዋዪሴ።  
\v 12 ኣዪሲ ጎፔ፥ ሂንቴንቱ ሃ ዎዲያን ታማሪሲያዋንታ ጊዳናው ቤሶፔካ፥ ፆሳ ቃላ ኮይሮ ቲሚርቲያ ሂንቴንታ ዛሪ ታማሪሲያ ኢቲ ኡራ ኮሼ፤ ሂንቴንታ ኡሺያ ማ ኮሼፔ ኣቲን፥ ጮሚያ ቁማ ኮሼና።  
\v 13 ማ ፓኬቲዴ ዴዒያ ኦኒኔ ጋጪኖ ናዓ ጊዲያ ዲራው፥ ፂሎቴ ቲሚርቲያዋ ኤሬና።  
\v 14 ሺን ሚኖ ቁማይ ኢታኔ ኬካ ዴዑዋ ዳሩዋን ሻኪ ኤሬዳ ዎዛናማ ኣሳሳ። 
\c 6  
\p  
\v 1-2 ሄዋ ዲራው፥ ኪሪስቶሳ ቲሚርቲያ ቢሮ ዶሚያዋ ኣጊዴ፥ ዎዛናማ ኣሳ ቲሚርቴው ሲንው ቦይቴ፤ ኮይሮ ኑኒ ታማራናው ኮሺያ ቲሚርቲያ ዎ ኤቂዴ ታማራናው ኑሲ ቤሴና፤ ሄ ቲሚርቲ ኣዬ ጎፔ፥ ማዴና ኦሱዋፔ ሲሚያዋ፥ ፆሳ ኣማኒያዋ፥ ፂንቃታቱዋባ፥ \f + \fr 6:1-2 \fq ፂንቃታቱዋባ፡ \ft ሜቻቱዋባ ጊያዋ ጊዲዴ ጌሻቴባ ግሪኬን ዱማ ዱማ ዎጋ ጊዲያዋ ቤሴ።\f* ኩሺያ ዎዋባ፥ ሃይቁዋፔ ዴንዱዋባኔ ሜና ፒርዳባ።  
\v 3 ፆሳይ ኦቴ ጎፔ፥ ሄዋ ኑኒ ኦና። 
\p  
\v 4-5 ኣዪሲ ጎፔ፥ ኢቶዴካ ፖዑ ፖዔዳዋንታኔ ሳሉዋ ኢሙዋ ባሪ ቤዔዳዋንታ፥ ቃሲ ጌሻ ኣያናካ ሻኪ ኣኬዳዋንታኔ ፆሳ ቃላይ ሎዓ ጊዴዳዋ ሲሲ ኤሬዳዋንታ፥ ሲንፔ ያና ሳዓ ዎልቃካ ቦቺ ፄሌዳዋንታ፥  
\v 6 ሄዋፔ ጉዬ ሲሚዴ ካዴዳዋንታ ናጋራፔ ላዔንዋ ዛራናዌ ዳንዳዬቴና። ኣዪሲ ጎፔ፥ ሄዋንቱ ፆሳ ናዓ ማስቃሊያ ቦላ ሚሲማሪያን ሺዴ ካቂያዋንታኔ ኣሳ ሲንን ካዉሺያዋንቱ ማላ። 
\p  
\v 7 ኡባ ዎዴ ቡኪያ ኢራ ኡሺና፥ ጎሼዳ ኡራ ጎዒያ ካ ሞኪያ ቢታ ፆሳይ ኣንጄ።  
\v 8 ሺን ቡሉዋኔ ቡዙዋ ሞኮፔ፥ ኣይኔ ጎዔና፤ ሼቃው ሺቂ ኡቴዳ። ቃሲ ዉርሴን ጉዴታና። \x - \xo 6:8 \xt ዶም 3፡17-18\x* 
\p  
\v 9 ሺን ኑ ሲቃቶ፥ ኑኒ ሃዋዳን ሃሳዪያዋ ጊዶፔኔ፥ ሂንቴንቱ ኣቶቴው ጊዲያ ሎዖባይ ሂንቴንቱሲ ዴዒያዋ ኤሬቶ።  
\v 10 ኣዪሲ ጎፔ፥ ሂንቴንቱ ኦዳ ኦሱዋኔ ቃሲ ኣማኒያዋንታ ማዴዳዋኒኔ ሃዒካ ማዲያዋን ፆሳ ሲቄዳ ሲቁዋ ፆሳይ ዶጋናው ማካላ ጊዴና።  
\v 11 ሂንቴንቱ ሁጲያን ሁጲያን ዴማና ጊዴ፥ ሂዶታን ናጊ ኡቴዳ ኩሜን ቱማቴ ዉርሴይ ጋካናው፥ ካሴዋዳን ሚኒሲዴ ኦና ማላ ኣሞቴቶ።  
\v 12 ፆሳይ ኢማና ጌዳዋ ኣማኑዋኒኔ ጌንጫን ላቲያዋንቱ ማላ ሂንቴንቱ ጊዳናዋ ኑኒ ኮዪያዋፔ ኣቲን፥ ኣዛላ ጊዳናዋ ኮዮኮ። 
\s1 ፆሳይ ኢሜዳ ሂዶታይ ሲሴናዋ 
\p  
\v 13 ፆሳይ ኣብራሃሞ ኢማና ጊዴ ጫቄዳ ዎዴ፥ ባሬፔ ኣያ ዎልቃማይ ባይና ዲራው፥ ባሬ ሁጲያን ጫቄዳ።  
\v 14 ፆሳይ ኣ፥ 
\q1 «ታኒ ኔና ኣንጃና፤ 
\q2 ኔ ዜሬካ ጮሪሳና» 
\m ያጊዴ ጫቄዳ። \x - \xo 6:14 \xt ዶም 22፡16-17\x* 
\v 15 ሄዋዳንካ፥ ኣብራሃሞ ጌንጪ ናጊዴ፥ ፆሳይ ኢማና ጌዳዋ ኣኬዳ። 
\p  
\v 16 ኣዪሲ ጎፔ፥ ኣሳይ ባሬፔ ቂያ ኡራን ጫቄ፤ ቃሲ ሄ ጫቁ ፓሉሚያ ኡባካ ቴዔ።  
\v 17 ሄዋ ዲራው፥ ፆሳይ ባሬ ኢማና ጌዳዋ ላታናዋንቶ ባሬ ቆፋ ኡባካ ላሜናዋ ጌሺ ኦዳናው ሎይ ኮዪዴ፥ ሄዌ ቱማ ጊዴዳዎ ጫቄዳ።  
\v 18 ፆሳይ ዎርዶታናው ዳንዳዬና ሃ ላዑ ላሜቴና ዬዋቱዋን፥ ኢ ኢማና ጌዳ ኑ ሲንን ዴዒያዋ ኦይቃናው ኣኮ ባቃቴዳ ኑሲ ዎልቃማ ሜን ዴዔ። 
\p  
\v 19 ሃ ኑኒ ዴማና ጊዴ ናሼቻን ናጊ ኡቴዳዌ፥ ኑ ሼምፖ ማርካቢያ ኦይቂያ ቃፄና ቢራታ ማላ፤ ሄ ኑኒ ዴማና ጊዴ፥ ናሼቻን ናጊ ኡቴዳዌ ኤሬቴዳ ሚኖ ጊዲዴ፥ ጋሪዱዋ \f + \fr 6:19 \fq ጋሪዱዋ፡ \ft ሃዌ ዱንካኒያ ጊዱዋን ጎይናው ማዲያዋ። ሄዌካ «ጌሻሳ» ጌቴቴዳዋፔ «ጌሻፔ ጌሻሳ» ሻካናው ጎዒያዋ ጊዲዴ ቄሳቱዋ ካፖ ፃላላይ ጌላናው ዳንዳዪያሳ።\f* ጊዶ ጌሻሳ ጌሌ። \x - \xo 6:19 \xt ዎግ 16፡2\x* 
\v 20 ቃሲ ዬሱሲ ማልኪ-ፄዴቃ ሱንቴዳን፥ ሜናው ቄሳቱዋ ኡባቱዋ ካፑዋ ጊዲዴ፥ ኑ ጊሻታው ኑፔ ካሴቲዴ፥ ሄ ሳዓ ጌሌዳ። \x - \xo 6:20 \xt ማዝ 110፡4\x* 
\c 7  
\s1 ቄሳ ማልኪ-ፄዴቃ 
\p  
\v 1 ሃ ማልኪ-ፄዴቂ፥ ሳሌማ ካቲ፥ ኡባፔ ቦላ ፆሳ ቄሳይ፥ ኣብራሃሞ ካቴቱዋ ዎዴ ኦላፔ ሲሚሺን፥ ኣናና ጋኬቲዴ፥ ኣ ኣንጄዳ። \x - \xo 7:1 \xt ዶም 14፡17-20\x* 
\v 2 ኣብራሃሞ ባሬ ኦሞዴዳ ኡባፔ ኣሲራታ ኬሲዴ፥ ኣው ኢሜዳ፤ ማልኪ-ፄዴቃ ሱንው ኮይሮ ቢሌይ ፂሎቴ ካቲያ ጊያዋ፤ ቃሲ ሳሌማ ካቲያ ኢ ጊዲያ ዲራው፥ ላዔ ቢሌይ ሳሮቴ ካቲያ ጊያዋ።  
\v 3 ማልኪ-ፄዴቃው ዳያ ዎይ ኣዉ፥ ዎይ ኣው ዛሪያ ፓይዱ ባዋ፤ ቃሲ ኣ ዬሌታው ዶሜይ ዎይ ኣ ሃይቆ ዉርሴይ ባዋ፤ ሺን ፆሳ ናዓ ማላቲዴ፥ ሜናው ቄሳ ጊዴዳ። 
\p  
\v 4 ኑ ኣዎቱዋ ካፑ ኣብራሃሞ ኦላን ኦሞዲዴ፥ ኣሄዳዋፔ ኣሲራታ ኢሜዳ ማልኪ-ፄዴቂ ኣይ ኬና ቁ ጊያዌንቶ ቤዒቴ።  
\v 5 ቄሳ ጊዲያ ሌዊያ ዛራቱ ኢስራዔሊያ ኣሳፔ፥ ሄዌኔ ባሬንቱ ጋዴ ኣሳፔ ሃራይ ኣቶ ኡንቱንቱ ኣብራሃሞ ዛሬ ጊዶፔኔ፥ ኣሲራታ ኣካና ማላ፥ ሂጊያን ኣዛዜቴዲኖ። \x - \xo 7:5 \xt ፓይ 18፡21\x* 
\v 6 ማልኪ-ፄዴቂ ሌዊያ ዛሬ ጊዴና፤ ሺን ኣብራሃሞፔ ኣሲራታ ኣኪዴ፥ ፆሳይ ኢማና ጌዳዋ ናጊያ ኣብራሃማ ኣንጄዳ።  
\v 7 ቃሲ ኣንጂያዌ ኣንጄቲያዋፔ ቁ ጊያዌ ፓሉንና። 
\p  
\v 8 ኢቲ ባጋና፥ ሃይቂያ ኣሳይ ኣሲራታ ኬሴ፤ ሺን ሃራ ባጋና ቃሲ፥ ሃይቄና ጊዴ ማርካቲያ ኡራይ ኣሲራታ ኬሴ።  
\v 9 ሃዋዳን ሃሳያናው ሃራይ ኣቶ፥ ኣሲራታ ኬሲያ ሌዊካ ኣብራሃሞ ባጋና ኣሲራታ ኢሜዳ።  
\v 10 ኣዪሲ ጎፔ፥ ማልኪ-ፄዴቂ ኣብራሃሞና ጋኬቲያ ዎዴ፥ ሌዊ ቢሮ ዬሌቲቤና፤ ሺን ባሬ ዛሪያ ኣብራሃማ ጉልባታን ዴዔ። 
\p  
\v 11 ኢስራዔሊያ ኣሳው ሂጊ ሌዊያ \f + \fr 7:11 \fq ሌዊያ፡ \ft ሃ ሱን ፄሴቲያዋንቱ ቄሳቱዋፔኔ ኡንቱንታ ማዲያዋንቱፔ ዶሬቴዳዋንታ።\f* ዜሬቱዋ ቄሴቴ ባጋና ኢሜቴዳ። ሄ ቄሴቴ ኪታይ ባላይ ባይናዋ ጊዶፔ፥ ኣሮናዋ ማላ ጊዴናን ማልኪ-ፄዴቃ ማላ ሃራ ቄሳይ ሱንታናው ኣዪሲ ኮሺ?  
\v 12 ኣዪሲ ጎፔ፥ ቄሴቴይ ላሜቲያ ዎዴ፥ ሂጊካ ቃሲ ላሜታናው ኮሼ።  
\v 13 ሃ ዬዉ ሃሳዬቴዳ ኡራይ ሃራ ዛሪ፤ ኣ ዛሪያፔ ኦኒኔ ያርሺያሳን ቄሳዳን ኦቤና።  
\v 14 ኑ ጎዳይ ዪሁዳ ዛሪያፔ ዬዳዌ ኤሬቴዳዋ ጊዲያ ዲራው፥ ሙሴ ቄሳቱዋባ ሃሳዪዴ፥ ሄ ዛሪያባ ኣይኔ ሃሳዪቤና። 
\s1 ኪሪስቶሲ ማልኪ-ፄዴቃ ማላ ቄሳ 
\p  
\v 15 ማልኪ-ፄዴቃ ማላ ሃራ ቄሳይ ዬዳዋ ጊዲንቶ፥ ሃዌ ኣዴ ኤሬታናዋ።  
\v 16 ኢ ኣሳ ሂጊያኒኔ ዎጋን ቄሳ ጊዲቤና፤ ሺን ዉሬና ዴዑዋ ዎልቃን ቄሳ ጊዴዳ።  
\v 17 ኣዪሲ ጎፔ፥ ፆሳ ማፃፋይ፥ 
\q1 «ማልኪ-ፄዴቂ ቄሳ ጊዴዳዋዳን፥ 
\q2 ኔኒካ ሜናው ቄሳ ጊዳናዋ» 
\m ያጊዴ ማርካቴ። \x - \xo 7:17 \xt ማዝ 110፡4\x* 
\v 18 ቤኒ ዴዒያ ሂጊ ላፋኔ ማዴናዋ ጊዲያ ዲራው ኣቴዳ።  
\v 19 ኣዪሲ ጎፔ፥ ሙሴ ሂጊ ኣያኔ ባላይ ባይናዋ ኦናው ዳንዳዬና፤ ቃሲ ኑኒ ኣ ባጋና ፆሳኮ ሺቃና ጊዴ ናሼቻን ናጊ ኡቴዳ ኡባፔ ኣያዌ ዬዳ። 
\p  
\v 20 ሄዋ ቦላን ቃሲ ፆሳ ጫቁካ ዴዔ፤ ሃራቱ ቄሳ ጊዴዳ ዎዴ፥ ሄዋ ማላ ጫቁ ባዋ።  
\v 21 ሺን ዬሱሲ ጫቁዋን ቄሳ ጊዴዳ፤ ፆሳይ ኣ፥ 
\q1 «ጎዳይ ጫቄዳ፤ ኢ ባሬ ቆፋ ላሜና። 
\q2 ‹ኔኒ ሜናው ቄሳ ጊዳና› ጌዳ» 
\m ያጌዳ። \x - \xo 7:21 \xt ማዝ 110፡4\x* 
\v 22 ሄዋ ዲራው፥ ዬሱሲ ኡባፔ ኣያ ጫቆ ዋሴ ጊዴዳ። 
\p  
\v 23 ካሴ ቄሳቱዋ ፓይዱ ጮራ፤ ኣዪሲ ጎፔ፥ ኡንቱንቱ ኦና ኦሱዋ ሃይቁ ዲጌዳ።  
\v 24 ሺን ዬሱሲ ሜናው ዴዒያ ዲራው፥ ኣ ቄሴቴይ ላሜቴና።  
\v 25 ሄዋ ዲራው፥ ኢ ኡንቱንቱ ጊሻታው ጋናታናው ሜናው ዴዒያ ዲራው፥ ፆሳኮ ባሬ ባጋና ዪያዋንታ ኡባቱዋ ኣሻናው ዳንዳዬ። 
\p  
\v 26 ኑሲ ጊጊያ ሃዋ ማላ፥ ቄሳቱዋ ኡባቱዋ ካፑ ዴዓናው ኮሼ፤ ኢ ጌሻ፤ ኣኒ ጌኒኔ ካያባይ ባዋ፤ ናጋራንቻቱዋና ኢ ጋኬቴና፤ ቃሲ ቃ ሳሉዋንካ ኢ ቦንቼቴዳ።  
\v 27 ሃራ ቄሳቱዋ ኡባቱዋ ካፓቱዋዳን፥ ኢ ኮይሮ ባሬ ሁጴ ናጋራሲ ያርሺዴ፥ ቃሲ ጉዬፔ ኣሳ ናጋራሲ ሃቼ ሃቼ ያርሻናው ኮሼና፤ ኢ ባሬና ያርሼዳ ዎዴ፥ ላዔንናን ኢቲ ጌዴ ያርሼዳ። \x - \xo 7:27 \xt ዎግ 9፡7\x* 
\v 28 ኣዪሲ ጎፔ፥ ሙሴ ሂጊ ዳቡራንቻ ኣሳ ቄሳቱዋ ኡባቱዋ ካፑዋ ኡዲዴ ሱን፤ ሺን ፆሳይ ኢማና ጊዴ ጫቄዳ ሂጊያፔ ጉዬ ዬዳ ቃላይ ሜናው ባላይ ባይናዋ፥ ፆሳ ናዓ ሱን። 
\c 8  
\s1 ዬሱሲ ኦራ ቃላ ጫቁዋ ቄሳቱዋ ኡባቱዋ ካፑዋ 
\p  
\v 1 ኑኒ ሃሳዪያ ዎልቃማባይ ሃዋ፤ ሳሉዋን ኡባፔ ቦላ ፆሳይ ኡቲያ ካዉቴ ኦይዲያፔ ኡሼቻ ባጋና ኡቴዳ ቄሳቱዋ ኡባቱዋ ካፑ፥ ሃዋ ማላይ ኑሲ ዴዔ። \x - \xo 8:1 \xt ማዝ 110፡1\x* 
\v 2 ጌሻ ሳዓኒኔ ቱሙ ዱንካኒያን ኢ ኦ፤ ሄ ዱንካኒ ኣሳይ ኤሴዳዋ ጊዴናን፥ ፆሳይ ኤሴዳዋ። 
\p  
\v 3 ቄሳቱዋ ኡባቱዋ ካፑ ኡባይ ኢሙዋኔ ያርሹዋ ፆሳው ኢማናው ሱንቴዳ ዲራው፥ ሃ ቄሳቱዋ ኡባቱዋ ካፖካ ያርሻናው ኢቲባይ ዴዓናው ኮሼ።  
\v 4 ሲሚ ሳዓን ኢ ዴዒያዋ ጊዶፔ፥ ኡባካ ቄሳ ጊዴና፤ ኣዪሲ ጎፔ፥ ሂጊ ኣዛዚያዋዳን፥ ኢሙዋ ኢሚያ ቄሳቱ ዴዒኖ።  
\v 5 ኡንቱንቱ ቄሳቱዋዳን ኦያ ኪታይ ሳሉዋን ዴዒያ ኦሶ ቱሙ ሌሚሱዋኔ ኤሹዋ፤ ኣዪሲ ጎፔ፥ ሙሴ ዱንካኒያ ኤሳና ሃኒሺን፥ ፆሳይ ኣ፥ «ኣኬካ፤ ኡባባካ ታኒ ኔና ዴሪያ ሁጲያን ቤሴዳ ሌሚሱዋ ካላዴ ኦ» ያጌዳ። \x - \xo 8:5 \xt ኬስ 25፡40\x* 
\v 6 ሺን ዬሱሲ ጋናቲያ ጫቁ ካሴዋፔ ኣያዋዳንካ፥ ኣው ኢሜቴዳ ኦሱካ ኡንቱንቱዋፔ ኣ፤ ኣዪሲ ጎፔ፥ ሄ ጫቁ ፆሳይ ኢማና ጌዳ ኡባፔ ኣያ ኪታን ኦሴቴዳ። 
\p  
\v 7 ኣዪሲ ጎፔ፥ ኮይሮ ጫቁዋን ባላይ ባይናዋ ጊዲንቶ፥ ላዔን ጫቁዋ ኮሼና።  
\v 8 ሺን ኡንቱንታ ቦሪዴ፥ ጎዳይ ሃዋዳን ያጌ፤ 
\q1 «ታኒ ኢስራዔሊያ ኣሳናኔ ዪሁዳ ኣሳና 
\q2 ኦራ ጫቁዋ ጫቄቲያ ጋላሳቱ ያናዋ። \x - \xo 8:8 \xt ኤርም 31፡31-34\x* 
\q1  
\v 9 ሄ ጫቁ ታኒ ጊብፄ ጋዲያፔ 
\q2 ኡንቱንቱ ኣዋቱዋ ኩሺያ ኦዪቃዴ፥ ጎቻ ኬሴዳ ዎዴ፥ 
\q1 ኡንቱንቱና ጫቄቴዳ ጫቁዋ ማላ ጊዴና። 
\q2 ኡንቱንቱ ታ ጫቁዋን ኣማኔቲቤና ዲራው፥ 
\q2 ታኒካ ኡንቱንታ ኣጋዲ። 
\q2 ታኒ፥ ጎዳይ፥ ሃዋ ኦዳይ። 
\q1  
\v 10 ኣዪሲ ጎፔ፥ ሄ ጋላሳቱዋፔ ጉዪያን፥ 
\q2 ታኒ ኢስራዔሊያ ኣሳና ጫቄታና ጫቁ ሃዋ፡ 
\q1 ታኒ ታ ሂጊያ ኡንቱንቱ ቆፋን ዎና፤ 
\q2 ቃሲ ኡንቱንቱ ዎዛናንካ ፃፋና። 
\q1 ታኒ ኡንቱንቱ ፆሳ ጊዳና፤ ኡንቱንቱካ ታ ኣሳ ጊዳና።  
\v 11 ኡንቱንቱፔ ኦኒኔ ባሬ ሾሩዋ 
\q2 ዎይ ባሬ ኢሻ፥ 
\q2 ‹ጎዳ ኤራ› ያጊዴ ታማሪሴና። 
\q1 ኣዪሲ ጎፔ፥ ኡንቱንቱ ናዓፔ ጪማ ጋካናው ኡባይ ታና ኤሪኖ።  
\v 12 ታኒ ኡንቱንቱ ናቁዋ ማራና፤ 
\q2 ኡንቱንቱ ናጋራካ ላዔን ሃሳዪኬ» 
\m ያጌ።  
\v 13 ፆሳይ ኦራ ጫቁዋ ጊዴ ሃሳዪያዋን ኮይሮዋ ኤጪሴዳ፤ ቃሲ ኤጪያባዪኔ ዉሪያባይ ኤሌካ ያና። 
\c 9  
\s1 ሳሉዋን ኦሴቲያ ኣያና ኦሱ ሳዓን ኦሴቲያ ኣያና ኦሱዋፔ ኣ 
\p  
\v 1 ኮይሮ ጫቆ ፆሳው ጎዪኒያ ዎጋይኔ ኣሳይ ኦዳ ጌሻ ጎሊ ዴዔ።  
\v 2 ኣዪሲ ጎፔ፥ ኮይሮ ዱንካኒ ኤቄዳ፤ ኣ ጊዱዋን ሙቃዳ ዎያዌ፥ ፃራጴዛይኔ ጎዳ ሲንን ዎያ ኡኪይ ዴዔ፤ ሄ ሳዓይ ጌሻሳ ጊዴ ፄሴቴ። \x - \xo 9:2 \xt ኬስ 26፡1-30፤ 25፡31-40፤ 25፡23-30\x* 
\v 3 ላዔን ጋሪዱዋ ጉዬ ባጋና ኡባፔ ኣያ ጌሻ ሳዓ ጌቴቲያ ዱንካኒ ዴዔ። \x - \xo 9:3 \xt ኬስ 26፡31-33\x* 
\v 4 ኣ ጊዱዋን ኢፃና ጩዋያናው ዎርቃፔ ኦዳ ሳፂኒኔ ኡባሳና ዎርቃን ሼሼዳ ቃላ ጫቁዋ ታቦታይ ዴዔ። ሄ ቃላ ጫቁዋ ታቦታን ማናይ ዴዒያ ዎርቃ ፃሩ፥ ኣሮና ፃምዓይ ኣጬዳዌኔ ቃሲ ሙሴ ሂጊ ፃፌቴዳ ላዑ ማሴቴዳ ሹቻቱ ዴዒኖ። \x - \xo 9:4 \xt ኬስ 30፡1-6፤ 25፡10-16፤ 16፡33፤ ፓይ 17፡8-10፤ ዛር 10፡3-5\x* 
\v 5 ሄ ቃላ ጫቁዋ ታቦታፔ ቦላ ባጋና ኣቶ ጊያ ሳዓ ቁምዒያ ባሬንቱ ቄፊያን ጌንያ ቦንቾ ኪሩቤቱ ዴዒኖ፤ ሺን ሃ ኡባባ ሃዒ ዉርሲ ኦዳናው ዳንዳዮኮ። \x - \xo 9:5 \xt ኬስ 25፡18-22\x* 
\p  
\v 6 ሄዌ ሄዋዳን ጊጊ ዴዒሺን፥ ቄሳቱ ኡባ ዎዴ፥ ባሬንቱ ኦሱዋ ኦናው ኮይሮ ዱንካኒያ ጌሊኖ። \x - \xo 9:6 \xt ፓይ 18፡2-6\x* 
\v 7 ሺን ቄሳቱዋ ኡባቱዋ ካፑዋ ፃላላይ ላዔን ዱንካኒያ ላይፔ ኢቲ ጌዴ ጌሊዴ ባሬ ዲራዉኔ ኤሬናን ኣሳይ ኦዳ ናጋራ ዲራው፥ ፆሳው ያርሺያ ሱ ኣኪዴ ጌሌ። \x - \xo 9:7 \xt ዎግ 16፡2-34\x* 
\v 8 ኮይሮ ዱንካኒ ኤቂ ዴዒሺን፥ ኡባፔ ኣያ ጌሻ ሳዓ ኣፊያ ኦጊ ቢሮ ዶዬቲቤናዋ ጌሻ ኣያናይ ሄዋን ኤሪሴ። 
\p  
\v 9 ሄ ዱንካኒ ሃ ዎዴው ሌሚሱዋ፤ ሄዋ ጊያዌ ፆሳው ኢሚያ ኢሙኔ ያርሹ ጎዪኒያዋ ሱሬ ዎዛና ባላይ ባይናዋ ኦናው ዳንዳዪኪኖ።  
\v 10 ሄዋንቱ ሙሳባ፥ ኡሻባኔ ዱማ ዱማ ሜቻባ ኦዲያ ካሬ ባጋ ዎጋቱዋ፤ ኡንቱንቱ ኦራፂያ ዎዲ ጋካናው ኦሴቲያ ዎጋቱዋ። 
\p  
\v 11 ሺን ኪሪስቶሲ ሃዋን ዴዒያ ሎዖባው ቄሳቱዋ ኡባቱዋ ካፑዋ ጊዲዴ ዪዲጌዳ። ኢ ጌሊዴ ኦያ ዱንካኒ ኡባፔ ኣያዋኔ ባላይ ባይናዋ፤ ቃሲ ሄ ዱንካኒያ ኣሳይ ኦቤና፤ ሃ ሜቴዳ ሳዓባካ ጊዴና።  
\v 12 ኪሪስቶሲ ኡባፔ ኣያ ጌሻ ሳዓ ጌሊያ ዎዴ፥ ዴሻ ሱኔ ጋሎ ማራ ሱ ኦይቂዴ ጌሊቤና፤ ሺን ባሬ ሱ ኦይቂዴ፥ ኑሲ ሜና ኣቶቴ ኢሚዴ፥ ላዔናን ኢቲ ጌዴ ጌሌዳ።  
\v 13 ቱኔዳ ኣሳ ቦላ ኮሩማ ሱኔ ዴሻ ሱ ጫጫፊዴ፥ ጉዴቴዳ ኡሳቲ ቢዲን ቆሊና፥ ሄ ኡራ ቱናቴፔ ጌሻናው ዳንዳዮፔ፥ \x - \xo 9:13 \xt ዎግ 16፡15-16፤ ፓይ 19፡9፣ 17-19\x* 
\v 14 ሜና ጌሻ ኣያና ባጋና ባላይ ባይና ያርሹዋዳን፥ ፆሳው ባሬና ኢሜዳ ኪሪስቶሳ ሱይ፥ ኑኒ ዴዑዋ ፆሳው ኦና ማላ፥ ካሴ ኑ ሃይቄዳ ኦሱዋፔ ኑ ሱሬ ዎዛና ዎቲ ጌሻንዴሻ! 
\p  
\v 15 ሄዋ ዲራው፥ ፆሳይ ፄሴዳዋንቱ ኢ ኢማና ጌዳ ሜና ኣንጁዋ ላታና ማላ፥ ኪሪስቶሲ ኦራ ጫቆ ጋናቴዳ፤ ሄዌ ሃናና ዳንዳዪያዌ፥ ኣሳይ ኮይሮ ጫቁዋፔ ጋርሳን ዴዒዴ ኦዳ ባላ ኣይሌቴፔ ኬሲያ ሃይቁ ዴዒያ ዲራሳ። 
\p  
\v 16 ኣዪሲ ጎፔ፥ ሃይቂያ ኡራይ ዎይቴዳዌ ዴዖፔ፥ ሄ ኡራይ ሃይቆዌ ኤሬታናው ኮሼ።  
\v 17 ኣዪሲ ጎፔ፥ ዎይቴዳ ኡራይ ሃይቄዳ ዎዴ፥ ኢ ዎይቴዳዌ ፖሌቴዳ፤ ሄ ዎይቴዳዌ ፓፃ ዴዒሺን፥ ኣይኔ ፖሌቴና። 
\p  
\v 18 ሃራይ ኣቶ፥ ኮይሮ ጫቁካ ሱይ ባይናን ኢንጄቲቤናዌ ሃዋሳ።  
\v 19-20 ኣዪሲ ጎፔ፥ ሂጊያን ዴዒያ ኣዛዙዋ ኡባ ሙሴ ኣሳ ኡባው ኦዴዳ፤ ሄዋፔ ጉዪያን፥ ጋሎ ማራ ሱኔ ዴሻ ሱ፥ ሃና፥ ዞዖ ዶርሳ ኢሲኪያናኔ ሂሶጲያ ጊያ ሚ ቦንጪያና ኢቲፔ ኣኪዴ፥ «ሃዌ ሂንቴንታ ፆሳይ ኣዛዜዳ ጫቁዋ ሱ» ያጊዴ፥ ሂጊያ ማፃፋ ቦላኔ ኣሳ ኡባ ቦላ ጫጫፌዳ። \x - \xo 9:19-20 \xt ኬስ 24፡6-8\x* 
\v 21 ሄዋዳንካ፥ ዱንካኒያ ቦላኔ ኦያ ሚሻ ኡባ ቦላ ሱ ሙሴ ጫጫፌዳ። \x - \xo 9:21 \xt ዎግ 8፡15\x* 
\v 22 ሂጊ ጊያዋዳን፥ ቱሙካ ኣማሬዳዋፔ ኣቲን፥ ኡባባይካ ሱን ጌዬ፤ ሱይ ጉካና ዮፔ፥ ኣቶቴይ ባዋ። 
\s1 ኪሪስቶሲ ያርሼቴዳዌ ናጋራ ቁጪ ዪሴ 
\p  
\v 23 ሄዋ ዲራው፥ ሳሉዋን ዴዒያዋንታ ማላቲያዋንቱ ሄ ያርሹዋን ጌያናው ኮሼ፤ ሺን ሳሉዋን ዴዒያዋንቱካ ባሬንቱ ሁጴው ጌያናው ኣያ ያርሹዋ ኡንቱንታ ኮሼ። 
\p  
\v 24 ኣዪሲ ጎፔ፥ ኪሪስቶሲ ቱሙ ጌሻሳን ሌሚሴቲያ ኣሳይ ኦዳ ጌሻሳ ጌሊቤና፤ ሺን ኢ ሃዒ ኑ ጊሻታው ፆሳ ሲንን ቤታናው ያ ሳሉዋ ጌሌዳ።  
\v 25 ቄሳቱዋ ኡባቱዋ ካፑ ላይን ላይን ባሬ ሱ ጊዴናዋ ኦይቂዴ፥ ጌሻ ሳዓ ጌሊያዋዳን፥ ኪሪስቶሲ ባሬና ኡባዴ ያርሻናው ጌሊቤና።  
\v 26 ሄዋ ጊዲንቶ፥ ኪሪስቶሲ ሳዓይ ሜቶዴፔ ዶሚዴ ዳሮ ጌዴ ዋዬታናው ኮሼ፤ ሺን ሃዒ ዎዲያ ዉርሴን ናጋራ ዪሳናው ባሬና ያርሺዴ፥ ላዔናን ኢቲ ጌዴ ቤቴዳ። 
\p  
\v 27 ኣሳይ ኡባይ ኢቲ ጌዴ ሃይቃናው ቤሴ፤ ሄዋፔ ጉዪያን ፆሳይ ኣሳ ፒርዳና።  
\v 28 ሄዋዳንካ፥ ቃሲ ኪሪስቶሲ ዳሮ ኣሳ ናጋራ ዪሳናው ኢቲ ጌዴ ያርሼቴዳ፤ ቃሲ ኢ ባሬና ሎይ ናጊያዋንታ ኣሻናው ቤታናፔ ኣቲን፥ ላዔን ናጋራ ቶካናው ቤቴና። \x - \xo 9:28 \xt ኢሳ 53፡12\x* 
\c 10  
\p  
\v 1 ኣዪሲ ጎፔ፥ ሂጌው ያና ሎዖባ ኤሹዋ ፃላላይ ዴዔ፤ ኣው ቱሙ ሌሚሱ ባዋ። ኡባ ዎዴ ላይን ላይን ኢቲ ማላ ያርሹ ያርሼቴ፤ ሄዋ ዲራው፥ ሂጊ ፆሳኮ ሺቂያ ኣሳ ሄ ያርሹዋን ባላይ ባይና ኣሳ ኦናው ኡባካ ዳንዳዬና።  
\v 2 ፆሳው ጎዪኒያ ኣሳይ ባሬ ናጋራፔ ኡባና ጌዬዳባ ጊዲንቶ፥ ሱሬ ዎዛናን ላዔዋ ናጋራ ቆፔና፤ ቃሲ ያርሺያዋካ ኣጋና።  
\v 3 ሺን ኣሳይ ላይን ላይን ሄ ያርሹዋን ባሬ ናጋራ ሃሳዬ።  
\v 4 ኣዪሲ ጎፔ፥ ኮሩማ ሱይኔ ዴሻ ሱይ ናጋራ ዪሳናው ኡባካ ዳንዳዬና። 
\p  
\v 5 ሄዋ ዲራው፥ ኪሪስቶሲ ሃ ኣላሚያ ያና ሃኒዴ፥ ሃዋዳን ያጌዳ፤ 
\q1 «ኔኒ ያርሹዋኔ ኢሙዋ ኮያቤይካ፤ 
\q2 ሺን ታው ቦላ ጊጊሳዳ። \x - \xo 10:5 \xt ማዝ 40፡6-8\x* 
\q1  
\v 6 ኔኒ ፁጊያ ያርሹዋኒኔ 
\q2 ናጋራ ያርሹዋን ኡባካ ናሼታካ። 
\q1  
\v 7 ታኒ ሄ ዎዴ፥ ‹ፃ ማፃፋን ታባይ ፃፌቴዳዋዳንካ፥ 
\q2 ፆሳው፥ ታኒ ኔኒ ኮዪያዋ ኦናው ያዲ› ያጋዲ» 
\m ያጌዳ።  
\v 8 ያርሹ ያርሼታና ማላ፥ ሂጊ ኣዛዚያዋ ጊዶፔኔ፥ ኪሪስቶሲ ኮይሮ፥ «ኔኒ ያርሹዋ፥ ኢሞታ፥ ፁጊያ ያርሹዋኔ ናጋራ ያርሹዋ ኡባካ ኮያቤይካ፤ ሄዋንቱን ናሼታካ» ያጌዳ።  
\v 9 ሄዋፔ ጉዪያን ኪሪስቶሲ፥ «ፆሳው፥ ታኒ ኔኒ ኮዪያዋ ኦናው ያዲ» ያጌዳ። ሄዋ ዲራው፥ ኪሪስቶሲ ላዔንዋ ኤሳናው ኮይሮዋ ዪሴ።  
\v 10 ዬሱሲ ኪሪስቶሲ ፆሳይ ኮዬዳዋ ኦዳ ዲራው፥ ባሬ ኣሹዋ ላዔንናን ኢቲ ጌዴ ያርሼዳዋን ኑኒ ኑ ናጋራፔ ጌዪ ኣጌዶ። 
\p  
\v 11 ቄሳቱዋ ኡባቱ ሃቼ ሃቼ ኤቂዴ፥ ባሬ ኦሱዋ ኦኖ፤ ቃሲ ናጋራ ዪሳናው ኡባካ ዳንዳዬና ኢቲ ማላ ያርሹዋ ዛሪ ዛሪዴ ያርሺኖ። \x - \xo 10:11 \xt ኬስ 29፡38\x* 
\v 12 ሺን ኪሪስቶሲ ናጋራ ዲራው፥ ኡባ ዎዴው ጊዴዳ ኢቲ ያርሹዋ ያርሺዴ፥ ፆሳፔ ኡሼቻ ባጋና ኡቲ ኣጌዳ። \x - \xo 10:12 \xt ማዝ 110፡1\x* 
\v 13 ፆሳይ ሲንፔ ኪሪስቶሳ ሞርኬቱዋ ኪሪስቶሳው ጌዲያን ዬያዋ ኦና ጋካናው፥ ያኒ ናጌ።  
\v 14 ኣዪሲ ጎፔ፥ ኢ ኢቲ ጌዴ ያርሼዳዋን፥ ናጋራፔ ጌዬዳዋንታ ሜናው ባላይ ባይናዋንታ ኦዳ። 
\p  
\v 15 ቃሲ ጌሻ ኣያናይ ኑሲ ማርካቲዴ፥ ሃዋዳን ያጌ፤ 
\q1  
\v 16 «ታኒ ሄ ጋላሳቱዋፔ ጉዪያን፥ 
\q2 ኡንቱንቱና ጫቄቲያ ጫቁ ሃዋ፡ 
\q1 ታኒ ታ ሂጊያ ኡንቱንቱ ቆፋን ዎና፤ 
\q2 ቃሲ ኡንቱንቱ ዎዛናንካ ፃፋና» 
\m ያጌ። \x - \xo 10:16 \xt ኤርም 31፡33\x* 
\v 17 ቃሲ ሄዋፔ ጉዬና፥ 
\q2 «ታኒ ኡንቱንቱ ናጋራኔ 
\q2 ኡንቱንቱ ማካላ ኦሱዋ ላዔን ሃሳዪኬ» 
\m ያጌ። \x - \xo 10:17 \xt ኤርም 31፡34\x* 
\v 18 ፆሳይ ሄ ናጋራ ኣቶ ጌዳ ዎዴ፥ ናጋራ ዪሳናው ሃዋፔ ሲንው ያርሹዋ ኮሼና። 
\s1 ፆሳኮ ሺቃናው ኮሼ 
\p  
\v 19 ሲሚ ታናዳን ኣማኒያዋንቶ፥ ኑኒ ዬሱሳ ሱ ባጋና ኡባፔ ኣያ ጌሻ ሳዓ ጌላናው ኑሲ ፃላቴይ ዴዔ።  
\v 20 ኪሪስቶሲ ኑሲ ኦራ ኦጊያኔ ዴዑዋ ኦጊያ ጋሪዱዋ ባጋና፥ ሄዋ ጉሳይ ባሬ ቦላ ባጋና ዶዬዳ።  
\v 21 ኑሲ ፆሳ ጎሌን ሱንቴዳ ዎልቃማ ቄሳይ ዴዒያ ዲራው፥  
\v 22 ኑኒ ሱሬ ዎዛናና፥ ቱሙ ኣማኑዋና፥ ኢታ ዎዛናፔ ጌዬዳ ዎዛናናኔ ቃሲ ፂሎ ሃን ሜጬቴዳ ቦላና ፆሳኮ ሺቆይቴ። \x - \xo 10:22 \xt ዎግ 8፡30፤ ሂዝ 36፡25\x* 
\p  
\v 23 ኑሲ ኢማና ጌዳ ፆሳይ ኣማንያ ዲራው፥ ኑኒ ዴማና ጊዴ ናሼቻን ናጊ ኡቴዳዋ ሎይ ኦይቆይቴ።  
\v 24 ኢቱ ኢቱዋና ዋኒ ሲቄታኔንቶኔ ቃሲ ሎዖ ኦሱዋ ዎቲ ኦኔንቶ፥ ኢቱ ኢቱዋሲ ቆፔቶ።  
\v 25 ኢቱ ኢቱ ሺቁዋ ዶያ ኡዲዴ ሺቂያዋዳን፥ ኑኒካ ኢቲፔ ሺቂያዋ ኣጎኮ፤ ሺን ጎዳ ጋላሳይ ማታቲያዋ ሂንቴንቱ ቤዒያ ዲራው፥ ኢቱ ኢቱዋ ሜንቶ። 
\p  
\v 26 ኑኒ ቱማቴ ኤራ ኣኪዲጊዴ፥ ኤሪዴ ናጋራ ኦያዋ ጊዶፔ፥ ሃዋፔ ሲንው ናጋራ ዪሲያ ያርሹ ኢቲባይኔ ባዋ።  
\v 27 ሺን ያሺያ ፒርዳ ናጊያዌኔ ፆሳ ኢፂያ ኡባ ማናው ዎልቃማ ታማይ ዴዔ። \x - \xo 10:27 \xt ኢሳ 26፡11\x* 
\v 28 ሙሴ ሂጌው ኣዛዜቴና ኡራይ፥ ላዑ ኡራይ ዎይ ሄዙ ኡራይ ኣ ቦላ ማርካቶፔ፥ ቃሬቲ ባይናን ሃይቄ። \x - \xo 10:28 \xt ዛር 17፡6፤ 19፡15\x* 
\v 29 ፆሳ ናዓ ካዳ ኡራይ፥ ባሬና ናጋራፔ ጌሼዳ ፆሳ ጫቁዋ ሱ ቱናባዳን ቆፔዳ ኡራይ፥ ቃሲ ኣ ኬካቴ ጌሻ ኣያና ቦሪያ ኡራይ፥ ኣይ ኬና ኢታ ፒርዳ ኣካናው ቤሲንቶኔ ኣኔ ቆፒቴ። \x - \xo 10:29 \xt ኬስ 24፡8\x* 
\p  
\v 30 ኣዪሲ ጎፔ፥ «ታኒ ሃሉዋ ኬሳናኔ ኩሺያ ዛራና» ጌዳዋ ኑኒ ኤሬቶ፤ ቃሲካ፥ «ጎዳይ ባሬ ኣሳ ፒርዳና» ያጌዳ። \x - \xo 10:30 \xt ዛር 32፡35፣ 36\x* 
\v 31 ዴዑዋ ፆሳ ኩሺያን ኩንዳናዌ ዳሮ ያሺያዋ። 
\p  
\v 32 ሂንቴንቱሲ ፆሳ ፖዑ ፖዔዳዋፔ ጉዪያን፥ ሂንቴንቱ ዳሮባን ዋዬቲዴ፥ ዎልቃማ ዋታን ጌንጬዳ ቤኒ ዎዲያ ሃሳዪቴ።  
\v 33 ኢቲ ኢቲ ጌዴ ሂንቴንታ ኣሳ ሲንን ቦሬዲኖኔ ፓፃ ካዔዲኖ፤ ቃሲ ሃራ ዎዴ ሄዋዳን ኦዳዋንቱናኔ ኢቲፔ ዴዔዲታ።  
\v 34 ኣዪሲ ጎፔ፥ ቃሹዋን ዴዒያ ኣሳቱዋሲ ሂንቴንቱ ቃሬቴዲታ፤ ያቲዴ ሂንቴንቱሲ ሜናው ዉሬና ኡባፔ ኣያ ሻሉ ሳሉዋን ዴዒያዋ ሂንቴንቱ ሁጴው ኤሬዳ ዲራው፥ ሂንቴባ ኡባ ኣኪዲጎፔ ሂዶታን ጌንጬዲታ። 
\p  
\v 35 ሄዋ ዲራው፥ ዎልቃማ ዎዪታና ዴዒያ ሂንቴንቱ ፃላቴ ኦሎፒቴ።  
\v 36 ፆሳይ ኮዪያዋ ኡዲዴ፥ ኢ ሂንቴንቱሲ ኢማና ጌዳዋ ኣካናው ጌንጫና ኮሼ።  
\v 37 ኣዪሲ ጎፔ፥ ፆሳ ማፃፋይ፥ 
\q1 «ኣማሬዳ ዎዲ ኣቴዳ። 
\q2 ዪያዌ ያናዋ፤ ጋሚዔና። \x - \xo 10:37 \xt ኢምብ 2፡3-4\x* 
\v 38 ታ ፂሉ ኣማኔቲዴ ዴዓናዋ። 
\q1 ሺን ኦኒኔ ጉዬ ሲሞፔ፥ 
\q2 ታና ናሼቼና» 
\m ያጌ።  
\v 39 ኑኒ ኣማኔቲዴ ኣቴዳዋንቱ ባጋ ጊዲያዋፔ ኣቲን፥ ጉዬ ሲሚዴ ዬዳዋንቱ ባጋ ጊዶኮ። 
\c 11  
\s1 ኣማኑዋ 
\p  
\v 1 ኣማኑዋ ጊያዌ፥ ዴማና ጊዴ ናሼቻን ናጊ ኡቴዳባይ ኣማንያዋኔ ቤዓናው ዳንዳዬናባ ኤሪሲያዋ።  
\v 2 ፆሳይ ቤኒ ጪማ ኣሳው ማርካታዌ፥ ኡንቱንቱ ኣማኔዳዋና። 
\p  
\v 3 ሳሉኔ ሳዓይኔ ፆሳ ቃላን ሜቴዳዋ ኣማኑዋን ኑኒ ኤሬቶ፤ ሄዋ ዲራው፥ ቤቲያባይ ቤቴናባፔ ሜቴዳ። \x - \xo 11:3 \xt ዶም 1፡1፤ ማዝ 33፡6፣ 9፤ ዮህ 1፡3\x* 
\p  
\v 4 ኣቤል ቃዔላዋፔ ኣያ ያርሹዋ ፆሳው ያርሼዳዌ ኣማኑዋና። ፆሳይ ኣ ኢሙዋባ ማርካቲዴ፥ ኢ ፂሉዋ ጊዴዳዋካ ማርካቴዳ፤ ኣቤል ሃራይ ኣቶ ሃዪቄዳሺንካ፥ ባሬ ኣማኑዋን ሃዒ ጋካናው ሃሳዬ። \x - \xo 11:4 \xt ዶም 4፡3-10\x* 
\p  
\v 5 ሄኖኪ ሃይቄናን ሳሉዋ ቤዳዌ ኣማኑዋና፤ ፆሳይ ኣፌዳ ዲራው፥ ኦኒኔ ኣ ቤዓናው ዳንዳዪቤና። ፆሳ ማፃፋይ፥ «ሄኖኪ ሳሉዋ ባናፔ ካሴ ፆሳ ናሼቼዳ» ያጌ። \x - \xo 11:5 \xt ዶም 5፡21-24\x* 
\v 6 ኣማኑ ባይናን ኦኒኔ ፆሳ ናሼቻናው ዳንዳዬና፤ ኣዪሲ ጎፔ፥ ፆሳኮ ዪያ ኦኒኔ ፆሳይ ዴዒያዋኔ ባሬና ኮዪያዋንቶ ዎይታ ኢሚያዋ ኣማናናው ኮሼ። 
\p  
\v 7 ኖሄ ቤዓናው ዳንዳዬና ሲንፔ ሃናናባው ፆሳይ፥ «ኔና ናጋ» ጊና፥ ፆሳው ያዪዴ፥ ባሬናኔ ባሬ ሶይ ኣሳ ኣሻናው ማርካቢያ ሜዳዌ ኣማኑዋና፤ ያቲዴ ሄዋን ሃ ሳዓ ቦላ ፒርዲዴ፥ ኣማኑዋን ቤቲያ ፂሎቴካ ፆሳፔ ኣኬዳ። \x - \xo 11:7 \xt ዶም 6፡13-22\x* 
\p  
\v 8 ኣብራሃሞ ላታናዳን፥ ፆሳይ ባሬው ኢማና ጌዳ ጋዲያ ባና ማላ፥ ፆሳይ ባሬና ፄሴዳ ዎዴ፥ ኣዛዜቴዳዌ ኣማኑዋና፤ ኢ ባሬ ጋዲያፔ ኬሲዴ ቢያ ዎዴ፥ ሃቃ ቢንቶኔ ኤሬናን ኬሴዳ። \x - \xo 11:8 \xt ዶም 12፡1-5\x* 
\v 9 ኣብራሃሞ ፆሳይ ባሬው ኢማና ጌዳ ጋዲያን ሃራ ቢታ ኣሳዳን ዴዔዳዌ ኣማኑዋና፤ ፆሳይ ሄ ኢማና ጌዳዋ ባሬናና ኢቲፔ ላታና ዪሳቃናኔ ያዪቆባና ዱንካኒያን ዴዔዳ። \x - \xo 11:9 \xt ዶም 35፡27\x* 
\v 10 ኣዪሲ ጎፔ፥ ኣብራሃሞ ፆሳይ ሎዖ ባሱዋን ቆፒዴ ኬፄዳ ካታማ ናጌ። 
\p  
\v 11 ሳራ ባሬ ሁጴው ሃራይ ኣቶ ኤጫዴካ፥ ኢማና ጌዳ ፆሳይ ኣማኔቴዳዋ ጊዴዳዋ ኤሬዳ ዲራው፥ ናዓ ሻሃራናው ዎልቃ ዴሜዳዌ ኣማኑዋና። \x - \xo 11:11 \xt ዶም 18፡11-14፤ 21፡2\x* 
\v 12 ሄዋ ዲራው፥ ሃይቄዳ ኣሳ ማላቲያ ኢቲ ቢታኒያፔ ሳሉዋን ዴዒያ ፆሊንቲያ ኬና፥ ኣባ ጋፃን ዴዒያ ፓይዱ ባይና ሻፊያ ኬና ዛሬቱ ዬሌቴዲኖ። \x - \xo 11:12 \xt ዶም 18፡11-14፤ 21፡2\x* 
\p  
\v 13 ሄ ኣሳቱ ኡባቱ ኣማኑዋን ሃይቄዲኖ፤ ባሬንቶ ፆሳይ ኢማና ጌዳዋካ ኣኪቤይኪኖ፤ ሺን ሃኩዋን ሄዋ ቤዒዴ፥ ሳሮቴዲኖ። ቃሲ ኡንቱንቱ ሳዓን ኢማኔ ዬዴሪሴቲዴ ኬሴዳ ኣሳቱዋ ጊዴዳዋ ኤሬዲኖ። \x - \xo 11:13 \xt ዶም 23፡4፤ 1ኦድ 29፡15፤ ማዝ 39፡12\x* 
\v 14 ኣዪሲ ጎፔ፥ ሄዋዳን ጊያ ኣሳቱ ባሬንቱ ሁጴ ጋዲያ ኮዪያዋ ኤሪሲኖ።  
\v 15 ኡንቱንቱ ሄ ዬጊዴ ኬሴዳ ጋዲያ ሲማናው ቆፔዳዋ ጊዲንቶ፥ ጉዬ ሲሚያ ካጫ ዴሜናን ኣጊኪኖ፤ ሺን  
\v 16 ኡንቱንቱ ሄዋ ኣጊዴ፥ ሎዒያ ጋዲያ ላሞቲኖ፤ ሄዌ ሳሉዋ ጋዲያ። ሄዋ ዲራው፥ ፆሳይ ኡንቱንቱ ፆሳ ጌቴታናው ዬላቴና። ኣዪሲ ጎፔ፥ ኢ ኡንቱንቶ ካታማ ጊጊሲ ዎዳ። 
\p  
\v 17-18 ኣብራሃሞ ዪሳቃ ያርሻኔንቶ ዎይ ያርሼኔንቶ፥ ፆሳይ ኤራናው ፆሞሴዳ ዎዴ፥ ኣብራሃሞ ኣማኑዋን ኣ ያርሼዳ። ፆሳይ ኣብራሃማ፥ «ኔ ዛሪ ዪሳቃ ባጋና ፄሴታናዋ» ጌዳሺንካ፥ ኣብራሃሞ ባሬ ናዓ ዪሳቃ ያርሻናው ጊጌዳ። \x - \xo 11:17-18 \xt ዶም 22፡1-14\x* 
\v 19 ኣብራሃሞ ፆሳይ ዪሳቃ ሃራይ ኣቶ፥ ሃይቁዋፔካ ፓናው ዳንዳዪያዋ ኤሬዳ፤ ሄዋ ዲራው፥ ሃይቁዋፔ ጉዬ ኣ ዛሪዴ ኣኬዳ። 
\p  
\v 20 ዪሳቂ ሲንፔ ሃናናባው ያዪቆባኔ ኤሳ ኣንጄዳዌ ኣማኑዋና። \x - \xo 11:20 \xt ዶም 27፡27-29፣ 39-40\x* 
\p  
\v 21 ያዪቆቢ ሃይቃና ሃኒዴ፥ ዮሴፎ ናና ሁጲያን ሁጲያን ኣንጄዳዌኔ ጋቲማን ጉፌቲዴ፥ ፆሳው ጎዪኔዳዌ ኣማኑዋና። \x - \xo 11:21 \xt ዶም 47፡31\x* 
\p  
\v 22 ዮሴፎ ሃይቃናው ማቲዴ፥ ኢስራዔሊያ ኣሳይ ጊብፄፔ ኬሳናዋ ሃሳዬዳዌኔ ባሬ ሜቄ ኦናባ ኡንቱንታ ኣዛዜዳዌ ኣማኑዋና። \x - \xo 11:22 \xt ዶም 50፡24-25፤ ኬስ 13፡19\x* 
\p  
\v 23 ሙሴ ዬሌቴዳዋፔ ጉዪያን፥ ኣዉኔ ኣታ ማላ ሎዖ ናዓ ጊዴዳዋ ቤዒዴ፥ ሄዙ ኣጌና ቆሴዳዌ ኣማኑዋና፤ ኡንቱንቱ ካቲያ ኣዋጆካ ያዪቤይኪኖ። \x - \xo 11:23 \xt ኬስ 2፡2፤ 1፡22\x* 
\p  
\v 24 ሙሴ ዲጬዳዋፔ ጉዪያን፥ ጊብፄ ካቲያ ናቲ ናዓ ጌቴታናዋ ኢፄዳዌ ኣማኑዋና። \x - \xo 11:24 \xt ኬስ 2፡10-12\x* 
\v 25 ናጋራን ሙሴ ጉ ዎዲያ ናሼታናዋፔ፥ ፆሳ ኣሳና ዋዬታናዋ ዶሬዳ።  
\v 26 ዎዴፔ ዴማና ዎይታ ኢ ቲሺ ኡዲዴ ፄሎ ዲራው፥ ጊብፄ ጋዲያ ሻሉዋ ኡባፔ ኪሪስቶሳ ዲራው ቦሬቲያዌ ዳሮ ኣያ ዱሬቴ ጊዴዳዋ ቆፔዳ። 
\p  
\v 27 ካቲያ ሃንቆ ሙሴ ያዬናን፥ ጊብፄ ጋዲያፔ ኬሴዳዌ ኣማኑዋና፤ ኣዪሲ ጎፔ፥ ቤቴና ፆሳ ቤዔዳዋዳን፥ ጌንጪዴ ሲንው ቤዳ።  
\v 28 ሃይቁዋ ኪታንቻይ ኢስራዔሊያ ኣሳው ባይራ ናና ቦቼናዳን፥ ሙሴ ፓሲጋ ቦንቼዳዌኔ ጉባኒያን ሱ ጫጫፊሴዳዌ ኣማኑዋና። \x - \xo 11:28 \xt ኬስ 12፡21-30\x* 
\p  
\v 29 ኢስራዔሊያ ኣሳይ ሜላ ቢታን ሃሜቲያዋዳን፥ ዞዖ ኣባ ፒኔዳዌ ኣማኑዋና፤ ሺን ጊብፄ ኣሳቱ ፓጬው ጌሊሺን፥ ሃይ ኡንቱንታ ሚቲ ኣጌዳ። 
\p  
\v 30 ኢስራዔሊያ ኣሳይ ኢያርኮ ጊያ ካታማ ሹቻ ዲርሳ ላፑ ጋላሳ ዩዪ ዩዪ ኣዋፔ ጉዪያን፥ ሄ ሹቻ ዲርሳይ ኩንዴዳዌ ኣማኑዋና። \x - \xo 11:30 \xt ኢያ 2፡1-21፤ 6፡22-25\x* 
\v 31 ጫራታ ራዓባ ዬዉዋ ቆሪያዋንታ ሎይ ሞኬዳ ዲራው፥ ፆሳው ኣዛዜቴናን ኢፄዳ ኣሳና ሃይቄናን ኣቴዳዌ ኣማኑዋና። 
\p  
\v 32 ሲሚ ሃራባ ጉጃዴ ኣያ ኦዶ? ጌዶናባ፥ ባራቃባ፥ ሳሚሶናባ፥ ዮፍታሄባ፥ ዳዊቴባኔ ሳሜላባ፥ ቃሲ ናባቱዋባ ኦዳናው ታው ዎዲ ጊዴና። \x - \xo 11:32 \xt ዳት 6፡11-8፡32፤ 4፡6-5፡31፤ 13፡2-16፡31፤ 11፡1-12፡7፤ 1ሳም 16፡1-1ካ 2፡11፤ 1ሳም 1፡1-25፡1\x* 
\v 33 ኡንቱንቱ ካቲያ ኡባና ኦሌቲዴ ፆኔዳዌኔ ፂሎባ ኦዳዌ ኣማኑዋና፤ ያቲዴ ፆሳይ ኢማና ጌዳዋ ኣኬዲኖ፤ ጋሞቱዋ ዶናካ ጎርዴዲኖ። \x - \xo 11:33 \xt ዳን 6፡1-27\x* 
\v 34 ዎልቃማ ታማ ቶዪሴዲኖ፤ ኩሳ ማሻፔ ኣቴዲኖ፤ ኡንቱንቱ ዳቡራንቻ፤ ሺን ሚኔዲኖ፤ ቃሲ ኦላን ሚኒዴ፥ ሃራ ጋዲያ ኦላ ኣሳ ዬዴርሴዲኖ። \x - \xo 11:34 \xt ዳን 3፡1-30\x* 
\v 35 ማጫዋንቱ ባሬንቱ ሃይቄዳዋንታ ሃይቁዋፔ ዴንዲና ኣኬዲኖ። 
\p ቃሲ ሃራንቱ ቃሹዋፔ ቢሌታናዋ ኢፂዴ፥ ኬኪያ ዴዖ ሃይቁዋፔ ዴንዳናው፥ ኡጋቲዴ ሃይቄዲኖ። \x - \xo 11:35 \xt 1ካት 17፡17-24፤ 2ካት 4፡25-37\x* 
\v 36 ሃራቱዋ ቦላ ኣሳይ ቂሊጪ ካዔዳ፤ ሊሱዋን ሾጬቴዲኖኔ ሳንላታን ቃሼቲዴ፥ ቃሾ ጎሊያ ጌሌዲኖ። \x - \xo 11:36 \xt 1ካት 22፡26-27፤ 2ኦድ 18፡25-26፤ ኤርም 20፡2፤ 37፡15፤ 38፡6\x* 
\v 37 ሹቻን ጫዴቴዲኖ፤ ማጋዚያን ላዑ ኬሲዴ ጳልቄቴዲኖ፤ ፓጬቴዲኖ፤ ማሻን ሃይቄዲኖ፤ ኡንቱንቶ ኡባባይካ ዪና፥ ዋዬቲዴ ቱጋቲዴ፥ ዶርሳ ጫላኔ ዴሻ ጫላ ማዪዴ ዩዬዲኖ። \x - \xo 11:37 \xt 2ኦድ 24፡21\x* 
\v 38 ኡንቱንቱሲ ሃ ኣላሚ ጊጌናን ኢፂና፥ ዎራን፥ ዴሪያን፥ ጎንጎሉዋ ጊዶኒኔ ኦላ ጊዱዋን ዩዬዲኖ። 
\p  
\v 39 ፆሳይ ኡንቱንቱ ኣማኑዋ ማርካቶፔካ፥ ሄዋንቱ ኡባቱ ኢ፥ ኢማና ጌዳዋ ኣኪቤይኪኖ።  
\v 40 ፆሳይ ኑሲ ኢቲ ሎዖ ቆፋ ቆፒ ዎዳ ዲራው፥ ኡንቱንቱ ኑኒ ባይናን ባላይ ባይናዋንታ ጊዲኪኖ። 
\c 12  
\s1 ፆሳይ ኑሲ ኣዉዋ 
\p  
\v 1 ሲሚ ኑሲ ሃዋ ኬና ዳሮ ኣሳይ፥ ሻሪያዳን ኑ ማታን ዩዪ ኣዴ ማርካቲያዌ ዴዒሺን፥ ኑና ቢያ ኡባባኔ ባቂ ኦይቂያ ናጋራ ዲጊዴ ኑ ሲንን ዴዒያ ኑኒ ዎፃና ዎ ጌንጪዴ ዎፆይቴ።  
\v 2 ኑኒ ኑ ኣማኖ ኦጊያ ዶዬዳዋኔ ፖሊሲያዋ ጊዴዳ ዬሱሳ ፄሎይቴ። ዬሱሲ ዬላ ካዴ፥ ሲንፔ ኣው ዴዒያ ናሼቻ ዲራው፥ ማስቃሊያ ቦላ ሚሲማሪያን ሼቲዴ ሃይቃናዋ ጌንጪዴ፥ ፆሳ ካዉቴ ኦይዲያፔ ኡሼቻ ባጋና ኡቴዳ። 
\p  
\v 3 ሂንቴንቱ ሂንቴንቱ ዎዛና ባዪዚዴ ዳቡሬና ማላ፥ ናጋራንቻቱ ባሬና ዳሮ ኢፂናካ ጌንጬዳ ዬሱሳ ቆፒቴ።  
\v 4 ናጋራና ሂንቴንቱ ባፄቲዴ፥ ሱ ጉሳና ጋካናው ቢሮ ኦሌቲ ዲጊቤይኪታ።  
\v 5 ፆሳይ ባሬ ናናዳን፥ ሂንቴንታ ዞሪያዋ ዶጌዲቴ? ፆሳይ ሂንቴንታ፥ 
\q1 «ታ ናዓው፥ ፆሳይ ኔና ሙሪያ ዎዴ፥ ላፋባዳን ቆፖፓ። 
\q2 ኢ ኔና ሴሪያ ዎዴካ ያዮፓ። \x - \xo 12:5 \xt ዮብ 5፡17፤ ሌም 3፡11-12\x* 
\q1  
\v 6 ኣዪሲ ጎፔ፥ ኢ ባሬ ሲቂያ ኡራ ሙሬ፤ 
\q2 ቃሲ ባሬ ናዓዳን ኣኪያ ኡባካ ሊሱዋን ሾጬ» 
\m ያጌዳ።  
\v 7 ፆሳይ ሂንቴንታ ሙሪያ ዎዴ ጌንጪቴ። ኣዪሲ ጎፔ፥ ኢ ሂንቴንታ ናናዳን ኦ። ኣዉ ሴሬና ናዓይ ዴዒ?  
\v 8 ናና ኡባ ሴሪያዋዳን፥ ሂንቴንታ ሙሬናን ኣጎፔ፥ ካሬን ዬሌቴዳዋንታ ጊዲታፔ ኣቲን፥ ቱሙ ናና ጊዲኪታ።  
\v 9 ሄዋ ቦላን ቃሲ፥ ኑና ዬሌዳ ኑ ኣዎቱ ኑና ሙሬዳ ዎዴ፥ ኑኒ ኡንቱንታ ቦንቼዶ። ያቲና፥ ኑኒ ዋኒዴ ኣያና ኣቦ ሎይ ዳሪሲ ሞዴቲዴ ዴዖኮ?  
\v 10 ኣዪሲ ጎፔ፥ ኑና ዬሌዳ ኑ ኣዎቱ ባሬንታ ሎዖዋዳን፥ ኣማሬዳ ዎዲያ ኑና ሙሬዲኖ፤ ሺን ፆሳይ ኑኒ ኣ ጌሻቴ ኣካና ማላ፥ ኑና ማዳናው ሙሬ።  
\v 11 ኑኒ ሙሬቲያ ዎዴ፥ ሃዒው ዪሎዬ፤ ናሼቼና። ሺን ሙሬዳዋንቶ ጉዬፔ ሄ ሙራይ ፂሎቴ ዴዑዋ ሳሮቴ ዎይታ ኢማና። 
\s1 ዞሪያኔ ሴራ 
\p  
\v 12 ሄዋ ዲራው፥ ሂንቴንቱ ኣርጋጬዳ ኩሺያኔ ሂንቴንቱ ዳቡሬዳ ጉልባታ ሜንቴ። \x - \xo 12:12 \xt ኢሳ 35፡3\x* 
\v 13 ዎቢያ ጌዲ ፓፃናፔ ኣቲን፥ ቡርቄና ማላ፥ ሱሬ ኦጊያን ሃሜቲቴ። \x - \xo 12:13 \xt ሌም 4፡26\x* 
\p  
\v 14 ኣሳ ኡባና ሳሮ ዴዓናው ሚኒቴ፤ ቃሲ ጌሻ ዴዑዋ ዴዒቴ። ኣዪሲ ጎፔ፥ ጌሻቴይ ባይናን ኦኒኔ ጎዳ ቤዓናው ዳንዳዬና።  
\v 15 ፆሳ ኣ ኬካቴ ኦኒኔ ኣኬናን ኣቴና ማላ ናጌቲቴ፤ ቃሲ ዶላዴ፥ ባሬ ማርዚያን ኣሳ ዋዪሲያ ጫሞ ሚዳን ሃኒዴ፥ ኦኒኔ ዳሮ ኣሳ ቱኒሴና ማላ ናጌቲቴ። \x - \xo 12:15 \xt ዛር 29፡18\x* 
\v 16 ዎሹማናው ካጄሊያ ኣሳይ ኦኒኔ ዴዔና ማላ፥ ዎይ ቃሲ ኢቲ ጌዴ ሚያባው ባሬ ባይራቴ ዛሊዔዳ፥ ኣያናባ ካዉሺሲያ ኤሳ ማላ ኣሳይካ ዴዔና ማላ ናጌቲቴ። \x - \xo 12:16 \xt ዶም 25፡29-34\x* 
\v 17 ሄዋፔ ጉዪያን፥ ኤሳይ ባሬ ኣቡ ኣንጁዋ ኣካናው ኮዬዳዋ ኤሪታ፤ ሺን ኣ ኣቡ ኣ ኣንጄናን ኢፄዳ፤ ኣዪሲ ጎፔ፥ ናጋራፔ ሲሚያ ኦጊያ ኢ ሃራይ ኣቶ፥ ኣፎፂ ኮዪዴካ ዴማናው ዳንዳዪቤና። \x - \xo 12:17 \xt ዶም 27፡30-40\x* 
\p  
\v 18 ሂንቴንቱ ቦቻናው ዳንዳዪያ ዴሪያኮኔ ኤፂያ ታማኮ፥ ማኮ፥ ሻሪያኮኔ ጎቱዋኮ፥ \x - \xo 12:18 \xt ኬስ 19፡16-22፤ 20፡18-21፤ ዛር 4፡11-12፤ 5፡22-27\x* 
\v 19 ቃሲ ማላካታ ዋሱዋኮኔ ቃላ ኮሻኮ ዪቤይኪታ። ኣሳይ ሄ ኮሻ ሲሴዳ ዎዴ፥ ሃራ ጉጂ ሲሴና ማላ ዎሴዳ።  
\v 20 ኣዪሲ ጎፔ፥ ፆሳይ ኡንቱንታ፥ «ሃራይ ኣቶ፥ ዶዓይካ ሄ ዴሪያ ቦቾፔ፥ ሹቻን ጫዴቲዴ ሃይቆ» ያጌዳ ኣዛዙዋ ኡንቱንቱ ጌንጫናው ዳንዳዪቤዪኪኖ። \x - \xo 12:20 \xt ኬስ 19፡12-13\x* 
\v 21 ኣይፊያን ቤቲያዌ ዳሮ ዳጋንያዋ ጊዲያ ዲራው ሙሴ፥ «ታኒ ያሻን ኮኮራይ» ያጌዳ። \x - \xo 12:21 \xt ዛር 9፡19\x* 
\p  
\v 22 ሺን ሂንቴንቱ ፂዮኔ ዴሪያ፥ ዴዖ ፆሳይ ዴዒያ ካታማ፥ ኢቲፔ ሺቂዴ ናሼቲያ ዳሮ ሻዓ ኪታንቻቱዋኮ ሳሉዋ ዬሩሳላሜ ዬዲታ።  
\v 23 ፆሳ ባይራ ናናቱዋኮ፥ ኢቲፔ ሺቄዳዋንቱኮ፥ ኡንቱንቱ ሱንይ ሳሉዋን ፃፌቴዳዋንቱኮ ዬዲታ፤ ቃሲ ኣሳ ኡባ ፒርዲያ ፆሳኮኔ፥ ባላይ ባይናዋንታ ኦዳ ፂሎ ኣሳቱዋ ኣያናቱዋኮ ዬዲታ።  
\v 24 ኦራ ጫቆ ጋናቲያ ዬሱሳኔ ኣቤላ ሱፔ ኣያዋ ኦዲያ ጉኬዳ ሱኮ ዬዲታ። \x - \xo 12:24 \xt ዶም 4፡10\x* 
\p  
\v 25 ሂንቴንቱሲ ኦዲያ ኡራ ዬዉዋ ሲሲያዋ ሂንቴንቱ ኢፄና ማላ፥ ሂንቴንታ ናጊቴ። ፆሳ ኪታ ሳዓን ባሬንቶ ኦዲያዌ ኦዲያዋ ሲሴናን ኢፄዳዋንቱ ኣታና ዮፔ፥ ሳሉዋን፥ «ሂንቴና ናጊቴ» ጊያ ፆሳፔ ኑኒ ዋኒዴ ኣታኔ? \x - \xo 12:25 \xt ኬስ 20፡22\x* 
\v 26 ሄ ዎዴ ኣ ኮሻይ ሳዓ ቃዳ፤ ሺን ኢ ሃዒ፥ «ታኒ ሳዓ ፃላላ ጊዴናን፥ ኢቲ ጌዴ ጉጃዴ ሳሉዋካ ቃና» ያጌዳ። \x - \xo 12:26 \xt ሃግ 2፡6\x* 
\v 27 «ኢቲ ጌዴ ጉጃዴ» ጊያ ቃላይ ቃፄናባይ ሚኒዴ ዴዓና ማላ፥ ሜቴዳባይ ቃፃናዋኔ ኪቻናዋ ጌሺዴ ቤሴ። 
\p  
\v 28 ኑኒ ቃፃናው ዳንዳዬና ካዉቴ ኣኪያ ዲራው፥ ኣኔ ፆሳ ጋላቶይቴኔ ኣ ናሼቾይቴ፤ ኣው ቤሲያዋዳን ቦንቹዋኒኔ ያሻቴን ኣው ጎዪኖይቴ።  
\v 29 ኣዪሲ ጎፔ፥ ኑ ፆሳይ ቱሙ ባዪዚያ ታማ። \x - \xo 12:29 \xt ዛር 4፡24\x* 
\c 13  
\s1 ፆሳ ኑኒ ዎቲ ናሼቻናው ቤሲንቶ 
\p  
\v 1 ሂንቴንቱ ኢሻቱዋ ሲቂያዋ ኣጎፒቴ።  
\v 2 ኢማ ሞኪያዋካ ዶጎፒቴ። ኣዪሲ ጎፔ፥ ያቲያዋን ኢቲ ኢቲ ኣሳይ ኤሬናን ኪታንቻቱዋ ሞኬዳ። \x - \xo 13:2 \xt ዶም 18፡1-8፤ 19፡1-3\x* 
\v 3 ቃሾ ጎሌን ዴዒያዋንቱባ ሂንቴንቱካ ኡንቱንቱና ኢቲፔ ቃሾ ጎሌን ዴዒያዋዳን ቆፒቴ፤ ቃሲ ሂንቴንቱ ሂንቴንቱ ሁጴው ዋዬቲያዋዳን፥ ዋዬቲያዋንቱባ ቆፒቴ። 
\p  
\v 4 ኣኪያዋኔ ጌሊያዋ ኣሳይ ኡባይ ቦንቻናው ቤሴ፤ ቃሲ ኣሲናይኔ ማቻታ ኢቱ ኢቱዋሲ ኣማኔታናው ቤሴ፤ ኣዪሲ ጎፔ፥ ፆሳይ ዎሹማናው ካጄሊያዋንታኔ ዎሹሚያዋንታ ፒርዳና። 
\p  
\v 5 ሚሻ ሲቁዋፔ ሂንቴንታ ናጊቴ፤ ሂንቴንቱሲ ዴዒያዌ ሂንቴንቱሲ ጊዶ። ኣዪሲ ጎፔ፥ ፆሳይ ባሬ ሁጴው፥ 
\q1 «ታኒ ኔና ኡባካ ዬጊኬ 
\q2 ዎይ ኣጊኬ» 
\m ያጌዳ። \x - \xo 13:5 \xt ዛር 31፡6፣ 8፤ ኢያ 1፡5\x* 
\v 6 ሄዋ ዲራው፥ ኑኒ ፃሊዴ፥ 
\q1 «ጎዳይ ታና ማዲያዋ፤ 
\q2 ታኒ ያዪኬ። 
\q1 ኣሳይ ታና ኣይ ኦ?» 
\m ያጌቶ። \x - \xo 13:6 \xt ማዝ 118፡6\x* 
\p  
\v 7 ፆሳ ቃላ ሂንቴንቱሲ ኦዴዳ ሂንቴንታ ካሌዳዋንታ ሃሳዪቴ፤ ኡንቱንቱ ዋኒ ዴዔዲኖንቶኔ ሃሳዪቴ፤ ቃሲ ኡንቱንቱዋዳን ኣማኒቴ። 
\p  
\v 8 ዬሱሲ ኪሪስቶሲ ዚኖካ ሃቼካ ሜናዉካ ላሜቴና።  
\v 9 ዱማ ዱማ ኦራ ቲሚርቲያን ዎራ ቦፒቴ። ኑ ዎዛናይ ፆሳ ኣ ኬካቴን ሚኖፔ ሎዖ ጊዲያዋፔ ኣቲን፥ ቁማ ዎጋቶ ኣዛዜቲያዋ ጊዴና፤ ሄዎ ኣዛዜቴዳዋንቱካ ማዴቲቤይኪኖ። 
\p  
\v 10 ኑሲ ያርሺያሳይ ዴዔ፤ ዱንካኒያ ጊዶን ኦያዋንቱ ሄ ያርሺያሳፔ ማናው ኡንቱንቶ ማታይ ባዋ።  
\v 11 ቄሳቱዋ ኡባቱዋ ካፑ ናጋራ ዲራው፥ ሜሂያ ሱ ያርሻናው ኡባፔ ኣያ ጌሻ ሳዓ ኣፌ፤ ሺን ሄ ሜሂያ ኣሹዋ ቃሲ ዲርሳፔ ካሬና ጉዴ። \x - \xo 13:11 \xt ዎግ 16፡27\x* 
\v 12 ሄዋ ዲራው፥ ዬሱሲካ ቃሲ ናጋራፔ ኣሳ ባሬ ሱን ጌሻናው፥ ካታማ ፔንጊያፔ ካሬና ዋዬቴዳ።  
\v 13 ሲሚ ኑኒ ኢ ቦሬቴዳ ቦሪያ ኣኪዴ፥ ዲርሳፔ ካሬ ኣኮ ኬሶይቴ።  
\v 14 ኣዪሲ ጎፔ፥ ኑሲ ሃዋን ሜናው ዴዒያ ካታማይ ባዋ፤ ሺን ኑኒ ያና ካታማ ናጌቶ። 
\p  
\v 15 ሲሚ ፆሳው ዬሱሳ ባጋና ኡባ ዎዴ ጋላታ ያርሹዋ ኢሞይቴ፤ ሄዋ ጊያዌ ሜቴርሻይ ኣ ሱንው ኢሚያ ጋላታ ጊያዋ።  
\v 16 ሎዖባ ኦያዋኔ ኢቱ ኢቱዋ ማዲያዋ ዶጎፒቴ። ኣዪሲ ጎፔ፥ ፆሳ ናሼቺያዌ ሄዋ ማላ ያርሹዋ። 
\p  
\v 17 ሂንቴና ካሌያዋንቶ ኣዛዜቲቴ፤ ቃሲ ኡንቱንቱ ኣዛዚያዋካ ኦቴ። ኡንቱንቱ ባሬንቱ ኦዳዋ ፆሳው ኦዳና ዲራው፥ ሂንቴንቱ ሼምፑዋ ሎይ ናጊኖ፤ ሂንቴንቱ ኡንቱንቶ ኣዛዜቶፔ፥ ባሬንቱ ኦሱዋ ናሼቲዴ ኦና፤ ሄዌ ዮፔ፥ ኡንቱንቱ ዪሎቲዴ ኦና፤ ሄዌ ሂንቴንታ ኣይኔ ማዴና። 
\p  
\v 18 ኑሲ ፆሳ ዎሲቴ። ኑኒ ኡባ ዎዴ ሎዖባ ኦናው ኮዪያ ዲራው፥ ኑና ዞሪያ ሎዖ ዎዛናይ ኑሲ ዴዔ።  
\v 19 ፆሳይ ታና ሂንቴንቱኮ ኤሌካ ዛራና ማላ፥ ፆሳ ሂንቴንቱ ሎይ ዎሳናዳን፥ ታኒ ሂንቴንታ ሎይ ዎሳይ። 
\s1 ዎሳ 
\p  
\v 20 ሳሮቴ ፆሳይ፥ ኑ ጎዳ ዬሱሳ፥ ዶርሳቱዋ ሄንንቻ ዎልቃማ፥ ሜና ጫቁዋ ሱን ሃይቁዋፔ ዴንዳ።  
\v 21 ፆሳይ ዬሱሲ ኪሪስቶሳ ባጋና ባሬ ሲንን ባሬና ናሼቺያዋ ሂንቴንታ ኦሲሲዴ፥ ሂንቴንቱካ ኢ ኮዬዳዋ ኦና ማላ፥ ሎዖ ኦሱዋ ኡባን ሂንቴንታ ኢ ጊጊሶ፤ ፆሳይ ሜ ሜናው ቦንቼቶ። ኣሜንዒ። 
\s1 ቁቴ ቃላ 
\p  
\v 22 ታናዳን ኣማኒያዋንቶ፥ ታኒ ሃ ዳቢዳቢያ ሂንቴንቱሲ ቃንን ፃፌዳ ዲራው፥ ሂንቴንቱ ሃ ዞሪያ ሳሌቴናን ሲሳና ማላ፥ ታኒ ሂንቴንታ ዎሳይ። 
\p  
\v 23 ኑ ኢሻይ፥ ፂሞቶሲ ቃሹዋፔ ቢሌቴዳዋ ኤሪቴ። ኤሌሊ ኢ ሃ ዮፔ፥ ታኒ ኣናና ባዴ ሂንቴንታ ቤዓና። 
\p  
\v 24 ሂንቴና ካሌያ ኡባቱዋኔ ፆሳ ኣሳቱዋ ኡባ ሳሮ ሳሮ ጊቴ። ፃሊያፔ ዬዳ ኣማኒያዋንቱ ሂንቴንታ ሳሮ ሳሮ ጊኖ። 
\p  
\v 25 ኣ ኬካቴይ ሂንቴናና ኡባና ኢቲፔ ጊዶ። ኣሜንዒ።