\id GAL - ዳውሮ 
\h ጋላቲያ 
\toc1 ጳዉሎሲ ጋላቲያ ኣሳው ፃፌዳ ኪታ 
\toc2 ጋላቲያ 
\toc3 ጋል 
\mt2 ጳዉሎሲ 
\mt1 ጋላቲያ ኣሳው 
\mt2 ፃፌዳ ኪታ 
\imt1 ጌሉዋ 
\ip ዬሱሲ ኣሺያዋ ጊዲያዋ ኦዲያ ሚሺራቹዋ ቃላይ፥ ዱማ ዱማ ሳዓን ኦዴቲሺናኔ ኣዪሁዳ ጊዴና ኣሳይካ ኣማኒዴ ኣኪ ኣኪ ቢሺን፥ «ኣማኒያ ኣሳ ጊዳናው ሙሴ ሂጊያ ፖላናው ኮሺዬ ኮሼኔ?» ጊያ ዋላሳይ ኢቲፔ ዴንዴዳ። ሄ ዎዴ ጳዉሎሲ፥ «ኣማኒያ ኣሳ ጊዳናው ሙሴ ሂጊያ ፖላናው ኮሼና፤ ዬሱሳን ኦራ ዴዑዋ ዴማናው ኣኒ ኣማኖ ኣሳይ፥ ፆሳ ሲንን ፂላናው ዳንዳዪያዌ ኣማኖ ፃላላና» ያጊዴ ታማሪሱዋ ዶሜዳ። ሺን ቄሪ ኢሲያ ጊዶን፥ «ኣሳይ ፆሳ ሲንን ፂላናው ዬሱሳን ኣማኒያዋ ፃላላ ጊዴናን፥ ሙሴ ሂጊያካ ፖላናዉኔ ቃፃሬታናው ኮሼ» ያጊዴ ጳዉሎሳ ቲሚርቲያ ጳልቂያ ኣሳቱ ዴዒኖ። 
\ip ጳዉሎሲ ሃዋ ጋላቲያ ኪታ ፃፌዳዌ ሃ ባላ ቲሚርቲያን ጪሜቴዳ ኣሳ ሱሬ ኣማኑዋሲኔ ኣማኑዋ ዴዑዋሲ ዛሪዴ ካሌናሳ። ጳዉሎሲ ኮይሮ ዶሚዴ፥ ኢ ባሬና፥ «ታኒ ዬሱሲ ኪቴዳዋ» ያጊ ኤሪሲዴ ዶሜ። ዬሱሲ ኪቴዳዋ ኦዴ ኣ ፄሴዳዌ ፆሳፔ ኣቲን፥ ኣሳ ጊዴናዋኔ ቃሲ ኢ ኪቴቴዳዌ ኣዪሁዳ ጊዴና ኣሳቱዋሳ ጊዲያዋ ቆንጪሲዴ ኦዴ። ሄዋናካ ኦይቄቲዴ፥ ኣሳይ ፂላናው ዳንዳዪያዌ ኣማኑዋ ፃላላና ጊዲያዋ ኦዴ። ዉርሴ ሼምፓቱዋን ኣማኑዋ ኤሻይ ዬሱሳ ኣማኒያ ኣማኑዋፔ ኬሲያ ሲቁዋፔ ፑልቲያዋ ጊዲያዋ ኦዴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-10) 
\io1 ጳዉሎሲ ፆሳፔ ኪቴቴዳ ማታ (1፡11-2፡21) 
\io1 ፆሳ ኣ ኬካቴ ሚሺራቹዋ ቃላ (3፡1-4፡31) 
\io1 ኪሪስቲና ላዓቴኔ ኣማኑዋ (5፡1-6፡10) 
\io1 ዉርሴ ቁቲያ (6፡11-18) 
\c 1  
\p  
\v 1 ታኒ ጳዉሎሲ፥ ዬሱሲ ኪሪስቶሲኔ ቃሲ ሃይቁዋፔ ኣ ዴንዳ ፆሳይ ኣዉ ኪቴዳዋፔ ኣቲን፥ ኣሳፔ ዎይ ኣሳ ባጋና ኪቴቴዳዋ ጊዲኬ።  
\v 2 ሃ ታኒኔ ታናና ዴዒያ ኣማኒያ ኢሻቱ ኡባይ፥ ጋላቲያ ጋዲያን ዴዒያ ኣማኒያ ኣሳ ኡባው ሳሮታ ኪቴቶ። 
\p  
\v 3 ፆሳይ ኑ ኣዉኔ ኑ ጎዳይ ዬሱሲ ኪሪስቶሲ ሂንቴንቶ ኣ ኬካቴኔ ሳሮቴ ኢሞ። 
\p  
\v 4 ኑ ፆሳ፥ ኑ ኣዉዋ ሼኒያን ኪሪስቶሲ ሃ ኢታ ኦሱ ኦሴቲያ ዎዲያፔ ኑና ኣሻና ማላ፥ ኑ ናጋራ ዲራው፥ ባሬ ሁጲያ ኢሜዳ።  
\v 5 ፆሳው ሜፔ ሜና ጋካናው ቦንቹ ጊዶ። ኣሜንዒ። 
\s1 ሚሺራቹዋ ቃላ ቱሙ ኢቱዋ ፃላላ 
\p  
\v 6 ኪሪስቶሳ ኣ ኬካቴን ሂንቴንታ ፄሴዳ ፆሳ ኣጊዴ፥ ሃራ ዎንጋላኮ፥ ሂንቴ ኤሌሊዴ፥ ዎቲ ሲሜዲቴንቶ ታው ኦራባ ጊዴዳ።  
\v 7 ሂንቴንታ ቡልዓኪያዋንቱኔ ኪሪስቶሳ ሚሺራቹዋ ቃላ ጌላያናው ኮዪያ ኣማሬዳ ኣሳቱ ዴዒኖፔ ኣቲን፥ ቱሙፔ ሃራ ሚሺራቹዋ ቃላይ ባዋ።  
\v 8 ሺን ሃራይ ኣቶ ኑና ጊዲና፥ ዎይ ሳሉዋፔ ኪታንቻ ጊዲና፥ ኑኒ ሂንቴንቶ ካሴ ኦዴዳ ሚሺራቹዋ ቃላፔ ዱማቲያዋ ሂንቴንቶ ኦዲያዋ ጊዶፔ፥ ኢ ሜናው ሼቄቴዳዋ ጊዶ።  
\v 9 ካሴ ኑኒ ጌዳዋዳን፥ ሃዒካ ላዔንዋ ታኒ ኦዳይ፤ ሂንቴ ኣኬዳ ሚሺራቹዋ ቃላፔ ዱማቲያዋ ኦኒኔ ሂንቴንቶ ኦዶፔ፥ ሄ ኡራይ ሜናው ሼቄቴዳዋ ጊዶ። 
\p  
\v 10 ሃዌ ታና ኣሳፔ ሳባ ኮዪያዋ ማላቲሲ? ማላቲሴና! ታኒ ፆሳይ ሎዓ ጊያዋ ኮያይ። ዎይ ታኒ ኣሳ ናሼቻናው ኮያይታ? ታኒ ሃዒካ ኣሳ ናሼቻናው ኮዪያዋ ጊዶፔ፥ ኪሪስቶሳ ኣይሌ ጊዲኬ። 
\s1 ጳዉሎሲ ዬሱሲ ኪቴዳዋ ጊዴዳ ሃኑዋ 
\p  
\v 11 ታ ኢሻቶ፥ ታኒ ሂንቴንቶ ኦዴዳ ሚሺራቹዋ ቃላይ ኣሳፔ ጊዴናዋ ሂንቴንቶ ኦዳይ።  
\v 12 ኣዪሲ ጎፔ፥ ታው ዬሱሲ ኪሪስቶሲ ቆንጪሴዳፔ ኣቲን፥ ታኒ ሚሺራቹዋ ቃላ ኣሳፔ ኣካቤይኬ፤ ኣሳይ ታና ታማሪሲቤና። 
\p  
\v 13 ካሴ ታኒ ኣዪሁዳ ኣማኑዋን ዴዒያ ዎዴ፥ ዋናዴ ዴዓዲታንቶ፥ ሂንቴ ሲሴዲታ፤ ታኒ ኪሪስቶሳ ኣማኒያዋንታ ቃሬታይ ባይናን ዬዴርሳዲኔ ዪሳናው ባፄታዲ።  
\v 14 ታ ዎዴ ዴዔዳ ኣሳቱዋፔ ጮራቱዋ ኣዪሁዳ ኣማኑዋ ሂጊያ ናጉዋን ኣይ፤ ኑ ኣዎቱዋ ዎጋ ኦፔኔ ኣዴ ሲቃዲ። 
\p  
\v 15-16 ሺን ፆሳይ ባሬ ኣ ኬካቴን፥ ታኒ ቢሮ ታ ዳዪ ኡሉዋን ዴዒሺን፥ ባሬው ኦናው ታና ፄሴዳ፤ ኣባ ኦዲያ ሚሺራቹዋ ቃላ ኣዪሁዳ ጊዴና ኣሳው ታኒ ኦዳና ማላ፥ ፆሳይ ባሬ ናዓ ታው ቆንጪሳናው ኮዬዳ ዎዴ፥ ዞሬታናው ኦኮኔ ባቤይኪ።  
\v 17 ዎይ ታፔ ካሴ ዬሱሲ ኪቴዳዋንቱና ጋኬታናው ዬሩሳላሜ ባቤይኪ፤ ሺን ታኒ ኤሌካ ኣራቢያ ጌቴቲያ ጋዲያ ባዲ። ሄዋፔ ዳማስቆ ጊያ ካታማ ሲማዲ።  
\v 18 ሄዙ ላይፔ ጉዪያን፥ ጴፂሮሳና \f + \fr 1:18 \fq ጴፂሮሳ፡ \ft ግሪኬ ማፃፋይ ኬፋ ያጌ። ቢሌይካ ኣራማዪኬ ቃላን «ዛላ» ጊያዋ።\f* ጋኬታናው ዬሩሳላሜ ባዴ፥ ኣናና ታማኔ ኢቼሹ ጋላሳ ኡታዲ።  
\v 19 ሺን ዬሱሲ ኪቴዳዋንቱፔ ጎዳ ኢሻ ያዪቆባፔ ኣቲን፥ ሃራቱዋና ጋኬታቤይኪ። 
\p  
\v 20 ታኒ ሂንቴንቶ ፃፊያዋን ዎሪ ባዋ፤ ታኒ ሂንቴንቶ ዎርዱዋ ኦዴናዋ ፆሳይ ማርካ! 
\p  
\v 21 ሄዋፔ ጉዪያን፥ ሶሪያ ጌቴቲያ ጋዲያኔ ኪልቂያ ጌቴቲያ ጋዲያ ባዲ።  
\v 22 ዪሁዳን ዴዒያ ኪሪስቶሳን ኣማኒያዋንቱ ታናና ኤሬታ ጊዲኪኖ።  
\v 23 ሺን ሃራ ኣሳይ፥ «ኑና ዬዴርሲ ዩዪያ ቢታኒ ሃዋፔ ካሴ ኢ ዪሳናው ኮዪያ ኣማኑዋባ ሃዒ ኦዴ» ጊያዋ ኡንቱንቱ  
\v 24 ሲሲዴ ታባን ፆሳ ጋላቴዲኖ። 
\c 2  
\s1 ጳዉሎሲ ኪቴቶዋ ጊዲያዌ ሃራቱዋ ማታን ኤሬቴዳ 
\p  
\v 1 ሄዋፔ ሲማዴ ታኒ ታማኔ ኦይዱ ላይፔ ጉዪያን፥ ባሪናባሳና ላዔንዋ ዬሩሳላሜ ባዴ፥ ቲታካ ታናና ኣካዴ ባዲ።  
\v 2 ፆሳይ ታው ሳፃን ቆንጪሴዳ ዲራው ባዴ ታኒ ሃዒ ኦያ ኦሱ ዎይ ካሴ ኦዳዌ ሜላ ኣቴና ማላ፥ ኪሪስቶሳን ኣማኒያዋንታ ካሌያዋንታ ዱማ ሺሻዴ፥ ኣዪሁዳ ጊዴና ኣሳው ታኒ ኦዲያ ሚሺራቹዋ ቃላይ ኣይ ማሌንቶ ኡንቱንቶ ኦዳዲ።  
\v 3 ሺን ሃራይ ኣቶ ታናና ዴዒያ ቲታ ኢ ጊሪኬ ጋዲያ ኣሳ ጊዲሺን፥ ቃፃሬቶ ጊዴ ጎዴቲቤይኪኖ።  
\v 4 ጊዶፔኔካ፥ ዎርዱዋን ኑሲ ኢሻቱዋ ማላቲ ዪዴ፥ ኑናና ዋላኬቴዳ ጮራ ኣሳቱ ኣ ቃፃራናው ኮዬዲኖ። ሄ ኣሳቱ ኪሪስቶሳ ዬሱሳን ኑሲ ዴዒያ ኑኒ ኮዬዳዋዳን ሃናና ዳንዳዪያ ላዓቴ ዎቺዴ ሻናው፥ ዉዔቲዴ ኑ ጊዶ ጌሊዴ ኑና ኣይሌ ኦናው ኮዬዲኖ።  
\v 5 ሺን ሚሺራቹዋ ቃላ ቱማቴይ ሂንቴንቱና ሚኒ ዴዓና ማላ፥ ኑኒ ሃራይ ኣቶ ጉ ዎዲያካ ኡንቱንቶ ሞዴቲቤይኮ። 
\p  
\v 6 ሺን ካፓቱዋ ማላቲያዋንቱ ታው ኣይኔ ኦራ ቆፋ ኢሚቤይኪኖ፤ ሃዋ ኣዪሲ ጋይታ ጎፔ፥ ሃዋፔ ካሴ ኡንቱንቱ ኦና ጊዲናካ ታና ሜቲያባ ጊዴና፤ ፆሳይ ኣሳ ሶምዒያ ፄሊዴ ፒርዴና። \x - \xo 2:6 \xt ዛር 10፡17\x* 
\v 7 ሺን ጉዬፔ ፆሳይ ጴፂሮሳው፥ ኣዪሁዳቶ ሚሺራቹዋ ቃላ ኦዲያ ሃዳራ ኢሜዳዋዳን፥ ታዉካ ኣዪሁዳ ጊዴና ኣሳው ሚሺራቹዋ ቃላ ኦዲያ ሃዳራ ኢሜዳዋ ኡንቱንቱ ቤዔዲኖ።  
\v 8 ኣዪሲ ጎፔ፥ ጴፂሮሲ ኣዪሁዳቶ ዬሱሲ ኪቴዳዋ ጊዴዳዋዳን፥ ታኒካ ፆሳ ዎልቃን ኣዪሁዳ ጊዴና ኣሳው ዬሱሲ ኪቴዳዋ ጊዳዲ።  
\v 9 ቃሲ ካሌያዋንታ ማላቲዴ ቤቲያዋንቱ፥ ያዪቆቢ፥ ጴፂሮሲኔ ዮሃኒሲ፥ ታው ኢሜቴዳ ኣ ኬካቴ ኤሪዴ፥ ታናኔ ባርናባሳ ኑ ኩሺያ ኦይቂዴ ሳሮቴዲኖ። ታኒኔ ባርናባሲ ኣዪሁዳ ጊዴና ኣሳ ጊዶን ኦናዳን፥ ቃሲ ኡንቱንቱ ኣዪሁዳቱዋ ጊዶን ኦናዳን ቃቺዴ ዴንዴዶ።  
\v 10 ኡንቱንቱ ኑና ካሴፔካ ታኒ ኦናው ቆፓዴ ዴዒያ ሂዬሳቱዋ ማዳናዋ ፃላላ ቆፊሴዲኖ። 
\s1 ጳዉሎሲ ኣንፆኪያን ጴፂሮሳ ቲሚርቲያ ጳልቄዳ 
\p  
\v 11 ሺን ጴፂሮሲ ኣንፆኪያ ጊያ ካታማ ዬዳ ዎዴ፥ ኢ ባዪዜዳ ዲራው፥ ቆንጪያን ታኒ ኣ፥ «ኔኒ ባዪዛንቻ» ያጋዲ።  
\v 12 ኣዪሲ ጎፔ፥ ያዪቆባ ማታፔ ኪቴቴዳ ኣማሬዳ ኣሳይ ያናፔ ካሴ ኣዪሁዳ ጊዴና ኣሳቱዋና ቁማ ሜ፤ ሺን ኡንቱንቱ ዬዳዋፔ ጉዪያን፥ ኣዪሁዳ ጊዴናዋንቱ ኣማኒያዋንታ ጊዳናው ቃፃሬታናው ኮሼ ጊያዋንቶ ያዬዳ ዲራው፥ ሚያዋ ኤሲዴ፥ ኣዪሁዳ ጊዴናዋንቱፔ ሻኬቴዳ።  
\v 13 ቃሲ ዮኮ ኣማኔዳ ኣዪሁዳቱ ጴፂሮሳና ያሻ ዶሜዲኖ፤ ሃራይ ኣቶ ባርናባሲካ ኡንቱንቱና ያሻንቻ ጊዴዳ። 
\p  
\v 14 ሺን ኡንቱንቱ ሚሺራቹዋ ቃላ ቱማቴዳን፥ ሱሬ ሃሜቴናዋ ቤዓዴ፥ ጴፂሮሳ ሄ ኡባ ኣሳ ሲንን፥ «ኔኒ ፆሳ ኣሳ ኣዪሁዳ ጊዳዴ፥ ኡንቱንቱዳን ጊዴናን ፆሳ ኣሳ ጊዴና ኣዪሁዳ ጊዴናዋንቱዳን ዴዓ፤ ሺን ያቲና፥ ዎታዴ ኣዪሁዳ ጊዴናዋንታ፥ ‹ኣዪሁዳቱዋዳን ዴዒቴ› ጋዴ ጊዳይ?» ያጋዲ። 
\s1 ኣዪሁዳቱካ ኣዪሁዳ ጊዴናዋንቱካ ኣቲያዌ ኣማኑዋና 
\p  
\v 15 ኑኒ ዬሌታን ኣዪሁዳ፤ «ናጋራንቻ ጊዴዳ ኣዪሁዳ ጊዴና ኣሳቱዋ» ጊዶኮ።  
\v 16 ሄዋ ጊዶፔካ፥ ኣሳይ ዬሱሲ ኪሪስቶሳ ኣማኒዴ ፆሳ ሲንን ፂላናፔ ኣቲን፥ ሙሴ ሂጊያ ናጉዋን ፂሌናዋ ኤሬዶ፤ ኣሹዋ ማዬዳ ኣሳይ ኡባይ ሙሴ ሂጊያ ናጉዋን ፂሌና ዲራው፥ ኑኒ ኑ ሁጴዉካ ሙሴ ሂጊያ ናጉዋን ጊዴናን፥ ኪሪስቶሳን ኣማኒዴ ፂላና ማላ፥ ኪሪስቶሲ ዬሱሳን ኣማኔዶ። \x - \xo 2:16 \xt ማዝ 143፡2፤ ሮም 3፡20፣ 22\x* 
\p  
\v 17 ሺን ኑሲ ኪሪስቶሳን ዴዒያ ኢቲፔቴን ፂላናው ኮዪያዋንታ ጊዲዴ፥ ኑ ሁጴው ናጋራንቻ ጊዲዴ ቤቶፔ፥ ያቲና ኪሪስቶሲ ናጋራ ታማሪሲያዌ? ሄዌ ሙሌካ ዎርዶ!  
\v 18 ኣዪሲ ጎፔ፥ ኢቲ ካላካ ኣጋ ዲጌዳዋ ታኒ ላዔዋ ኦያዋ ጊዶፔ፥ ታኒ ታ ሁጴው ሂጊያ ሜንያዋ ጊዲያዋ ኤሪሳይ።  
\v 19 ታኒ ፆሳው ፓፃ ዴዓና ማላ፥ ሂጊያ ባጋና ሂጌው ሃይቃዲ።  
\v 20 ታኒ ኪሪስቶሳና ኣ ማስቃሊያ ቦላ ሚሲማሪያን ሼታዴ ካቄታዲ፤ ሲሚ፥ ሃዒ ፓፃ ዴዒያዌ ታና ጊዲኬ። ሺን ኪሪስቶሲ ታ ጊዶን ዴዔ፤ ታኒ ሃዒ ዴዒያ ዴዑ፥ ታና ሲቂዴ፥ ታ ዲራው፥ ባሬ ሁጲያ ኢሜዳ ፆሳ ናዓን ዴዒያ ኣማኑዋና።  
\v 21 ታኒ ፆሳ ኣ ኬካቴ ኢፂኬ፤ ኣሳይ ሂጊያ ባጋና ፂሎቴ ዴሚያዋ ጊዶፔ፥ ኪሪስቶሲ ጮ ሜላ ሃይቄዳ ጉሳ። 
\c 3  
\s1 ፂሎቴይ ኣማኖ ፃላላን ቤቴ 
\p  
\v 1 ኣኬካይ ባይና ጋላቲያ ኣሳቶ፥ ታኒ ሂንቴና ኪሪስቶሲ ማስቃሊያ ቦላን ሚሲማሪያን ሼቲዴ ካቄቴዳዋ ቆንጪሳዴ ታማሪሳዲ። ያቲና፥ ቱሞ ሂንቴ ኤኖ ጌና ማላ፥ ሂንቴንታ ቢቴዳዌ ኦኔ?  
\v 2 ኣኔ ታው ሃ ኢቲ ዬዉዋ ፃላላ ኦዲቴ፡ ፆሳ ኣያና፥ ሂጊ ጊያዋ ናጊዴ ኣኬዲቴ ዎይ ኣማኑዋን ሲሲዴ ኣኬዲቴ?  
\v 3 ሂንቴንቱ ሄዋ ኬና ኤዬ? ፆሳ ኣያናን ዴዑዋ ዶሚዴ፥ ሃዒ ሂንቴ ዎልቃን ፖሊቴ?  
\v 4 ሂንቴንቱ ዳቡራ ኡባው ኣይኔ ማዱ ባዌ? ቱማ ማዱ ዴዔ።  
\v 5 ያቲና፥ ፆሳይ ሂንቴንቶ ጌሻ ኣያና ኢሚያዌኔ ሂንቴ ጊዶን ማላታ ኦያዌ፥ ሙሴ ሂጊያ ሂንቴ ኦዳ ዲራሴ? ዎይ ሚሺራቹዋ ቃላ ሲሲዴ፥ ሂንቴ ኣማኔዳ ዲራሴ? 
\p  
\v 6 ሃዋዳንካ፥ ኣብራሃሞ ፆሳ ኣማኔዳ ዲራው፥ ፆሳይ ኣ ፂሉዋዳን ፄሌዳ።  
\v 7 ሄዋ ዲራው፥ ኣማኒያዋንቱ ኣብራሃሜ ዛሬ \f + \fr 3:7 \fq ኣማኒያዋንቱ ኣብራሃሜ ዛሬ፡ \ft ፆሳይ ኣብራሃማ ዶሬዳ፤ ሄ ዲራው ኦኒኔካ ኣብራሃሜ ናዓ ጌቴቴዳዌ፥ ፆሳ ናዓ ጊዲያዌ ኣማኔቴዳ። 3፡29 ፄሊቴ።\f* ጊዲያዋ ኤሪቴ። \x - \xo 3:7 \xt ሮም 4፡16\x* 
\v 8 ፆሳይ ኣዪሁዳ ጊዴና ኣሳ ኣማኑዋን ፂሊሳናዋ ፆሳ ማፃፋይ ካሴት ቤዒዴ፥ «ሃ ኣላሚያን ዴዒያ ኣሳይ ኡባይ ኔናን ኣንጄታና» ያጊዴ፥ ሚሺራቹዋ ቃላ ኣብራሃሞሲ ካሴቲዴ ኦዴዳ። \x - \xo 3:8 \xt ዶም 12፡3\x* 
\v 9 ሄዋ ዲራው፥ ኣብራሃሞ ኣማኒዴ ኣንጄቴዳዋዳን፥ ኣማኒያዋንቱ ኣዋዳካ ኣንጄታና። 
\p  
\v 10 ሂጊያ ኦሱዋን ኣማኔቲዴ ዴዒያዋንቱ ኡባይ ሼቃ ጊዶን ዴዒኖ፤ ኣዪሲ ጎፔ፥ ፆሳ ማፃፋይ፥ «ሂጊያ ማፃፋን ፃፌቴዳ ኡባባኒ ዴዔናዌኔ ፖሌናዌ ኦኒኔ ሼቄቴዳዋ» ያጌ።  
\v 11 ፆሳ ማፃፋይ፥ «ፆሳ ሲንን ፂላቱ ኣኒ ኣማኔቲዴ ዴዑዋን ዴዓና» \f + \fr 3:11 \fq «ፆሳ ሲንን ፂላቱ ኣኒ ኣማኔቲዴ ዴዑዋን ዴዓና»፡ \ft ፆሳይ ኣኬዳ ኣሳይ ኣማኑዋፔ ዴንዴዳዋን ዴዑዋን ዴዔ።\f* ጊያ ዲራው፥ ኦኒኔ ፆሳ ሲንን ሂጊያ ናጊያዋን ፂሌናዌ ኤሬቴዳዋ።  
\v 12 ሂጊ ኣማኑዋን ባሴቲ ኤቂ ቤና፤ ሺን ፆሳ ማፃፋይ፥ «ሂጊ ጊያዋ ፖሊያዌ ኣኒ ዴዑዋን ዴዓና» ያጌ። \x - \xo 3:12 \xt ዎግ 18፡5\x* 
\p  
\v 13 ፆሳ ማፃፋን፥ «ሚ ቦላ ካቄቲ ሃይቂያ ኦኒኔ ሼቄቴዳዋ» ጌቴቲ ፃፌቴዳ ዲራው፥ ኪሪስቶሲ ኑ ዲራው ሼቄቴዳዋ ጊዲዴ፥ ኑና ሂጊያ ሼቃፔ ዎዚ ኣኬዳ። \x - \xo 3:13 \xt ዛር 21፡23\x* 
\v 14 ኪሪስቶሲ ሄዋ ኣዪሲ ኦዴ ጎፔ፥ ፆሳይ ኢማና ጌዳ፥ ጌሻ ኣያና ኑኒ ኣማኑዋን ኣካናዳኒኔ ኣብራሃሜ ኣንጁ ባሬ ባጋና ኣዪሁዳ ጊዴና ኣሳ ጋካና ማላ ጊዴ ኦዳ። 
\s1 ሂጊ ሂዶታ ቃላ ኮሌና 
\p  
\v 15 ታናዳን ኣማኒያዋንቶ፥ ታኒ ኣሳይ ጊያዋዳን ሂንቴንቶ ጋይ፤ ሃራይ ኣቶ ላዑ ኣሳቱ ኢቲ ዬዉዋ ሃሳዪዴ፥ ጫቁዋ ዎዳዋፔ ሂኒ ባጋን፥ ኦኒኔ ሄ ጫቁዋ ቢላናው ዎይ ሃራባ ሄ ጫቁዋ ቦላ ጉጃናው ዳንዳዬና።  
\v 16 ኣብራሃሞኔ ኣ ዛሪ ፆሳይ ሲንፔ ኢማና ጊዴ ሃሳዬዳዋ ሲሴዲኖ። ፆሳ ማፃፋይ ጮራ ኣሳው ሃሳዪያዋዳን፥ «ኔ ዜሬቱዋሲ» ጌና፤ ዋጊ ጎፔ፥ «ኔ ዛሬው» ያጌ። ሄዌኔ፥ ኢቲ ኣሳ ፃላላ ጌ፤ ኢካ ኪሪስቶሳ። \x - \xo 3:16 \xt ዶም 12፡7\x* 
\p  
\v 17 ታኒ ጊያዌ ሃዋ፤ ፆሳይ ኣብራሃሞሲ ጫቂዴ፥ ሃ ጫቁዋ ታኒ ናጋና ያጌዳ። ኦይዱ ፄታኔ ሃታሙ ላይፔ ጉዪያን ዬዳ ሙሴ ሂጊ ፆሳይ ዎዳ ሃ ጫቁዋ ዪሳናዉኔ ሲንፔ ኢማና ጊዴ ሃሳዬዳዋ ዲጋናው ዳንዳዬና። \x - \xo 3:17 \xt ኬስ 12፡40\x* 
\v 18 ኣዪሲ ጎፔ፥ ፆሳይ ኢሚያ ላታይ ሂጊያን ቤቲያዋ ጊዶፔ፥ ያቲና ፆሳይ ሲንፔ ኢማና ጊዴ፥ ቃላ ጌሌዳዋና ጊዴና ጊያዋ፤ ሺን ፆሳይ ኢማና ጊዴ ቃላ ጌሌዳዋን ላታ ኣብራሃሞሲ ኢሜዳ። 
\p  
\v 19 ያቲና፥ ሂጊ ኣዪሲ ዴዒ? ሂጊ ባዪዞ ኦሱዋ ጊዲያባይ ኣዬንቶ ቤሳናው ፆሳይ ኢማና ጊዴ ሃሳዬዳ ኣብራሃሜ ዛሪ ያና ጋካናው ጉጄቴዳ፤ ኪታንቻ ባጋና ሙሴ ጋናቲያዋን ኢሜቴዳ።  
\v 20 ጋናይ ኢቲ ኡራ ፃላላሳ ጊዴና፤ ሺን ፆሳይ ኢቱዋ። 
\s1 ሂጊያ ቆፋ 
\p  
\v 21 ያቲና፥ ፆሳይ ሲንፔ ኢማና ጊዴ ሃሳዬዳዋ፥ ኢቲ ሂጊ፥ «ሃኔና» ያጊ? ኣዓ! ሄዋ ጌና። ኣዪሲ ጎፔ፥ ሂጊ ኣሳው ዴዑዋ ኢማናው ዳንዳዪያባ ጊዶፔ፥ ፂሎቴይካ ቱሙ ሂጊያ ኣዛዜቲያዋፔ ቤቴ ጊያዋ።  
\v 22 ሺን ዬሱሲ ኪሪስቶሳ ኣማኒና፥ ፆሳይ ሲንፔ ኢማና ጊዴ ቃላ ጌሌዳ ላዓቴይ፥ ኣማኒያዋንቶ ኢሜታና ማላ፥ ኣሳይ ኡባይ ናጋራሲ ሞዴቲዴ ዴዒያዋ፥ ፆሳ ማፃፋይ ኦዴ። 
\p  
\v 23 ሺን ካሴ ሃ ኣማኑ ያናሲ፥ ሲንፔ ቆንጫና ኣማኖ ሂጊ ኑና ቃሼቴዳ ኣሳዳን ጎርዲ ዎዳ።  
\v 24 ሄዋ ዲራው፥ ኑኒ ኣማኑዋን ፂላና ማላ፥ ኪሪስቶሲ ያና ጋካናው ሂጊ ኑና ናጊያዋ ጊዴዳ።  
\v 25 ሺን ሃዒ ሲሚ ኣማኑ ዬዳ ዲራው፥ ሂጊ ሃዋፔ ሲንው ኑና ናጊያዋ ጊዴና። 
\p  
\v 26 ሂንቴንቱ ኡባይ ኣማኑዋ ባጋና ኪሪስቶሳ ዬሱሳን ኢቱዋ ጊዴዳ ፆሳ ናና።  
\v 27 ኣዪሲ ጎፔ፥ ሂንቴ ኪሪስቶሳና ኢቱዋ ጊዳና ማላ ፃማቄቴዳ ኡባቱ ኪሪስቶሳ ማዬዲታ።  
\v 28 ሄዋ ዲራው፥ ኣዪሁዳ ኣሳ ጊዶኒኔ ጊሪኬ ኣሳ ጊዶን ዱማቴይ ባዋ፤ ኣይሊያ ዎይ ዎማኑዋ ጊዶን ዱማቴይ ባዋ፤ ኣቱማዋ ዎይ ማጫ ኣሳ ጊዶን ዱማቴይ ባዋ። ኣዪሲ ጎፔ፥ ሂንቴንቱ ኡባይካ ኪሪስቶሳ ዬሱሳን ኢቲ ኣሳ።  
\v 29 ሂንቴንቱ ኪሪስቶሳዋ ጊዶፔ፥ ሲሚ ሂንቴንቱ ኣብራሃሜ ዛሬ፤ \f + \fr 3:29 \fq ኣብራሃሜ ዛሬ፡ \ft ሃዒ ኑኒ ኣብራሃሜ ጎሌ ኣሳ። ሄዋሳ ጳዉሎሲ ጋላቲያ ኣሳው ኦዲዴ፥ ኢቲ ኣሳይ ዬሱሳ ኣማኔዳ ኣማኑዋን ኣብራሃሜው ቱሙ ናዓ ያጌቲዴ ፄጌቴ። ሄዋ ጉሳይ ፆሳ ናዓ ጉሳ። 3፡7 ፄሊቴ።\f* ቃሲ ፆሳይ ሲንፔ ኢማና ጊዴ ቃላ ጌሌዳዋ ላቲያዋንታ። 
\c 4  
\s1 ኑኒ ፆሳ ናና ጊዲያዋ 
\p  
\v 1 ሺን ኣኬኪቴ፤ ባሬ ኣቡዋ ላቲያ ናዓይ ናዓቴን ዴዒዴ፥ ዴዒያዋ ኡባው ጎዳ ጊዶፔካ፥ ኣይላቱዋፔ ኣው ዱማቲያሳይ ባዋ።  
\v 2 ሺን ባሬ ኣቡ ጌዳ ዎዲ ዉራና ጋካናው፥ ኣ ሃዳራ ኣኬዳዋንቱ ኩሺያኒኔ ኣ ሚሻ ናጊያዋንቱ ኩሺያን ዴዔ።  
\v 3 ሃዋዳን ኑኒካ ቃሲ ናዓቴን ዴዒያ ዎዴ፥ ሃ ኣላሚያ ሞዲያ ኣያናቱዋሲ ኣይሌቴዶ።  
\v 4 ሺን ያናው ቤሲያ ዎዲ ጋኬዳ ዎዴ፥ ፆሳይ ማጫዉኒፔ ዬሌቶዋ፥ ሙሴ ሂጌው ሞዴቲያ ኣሳ ጋርሳን ዬሌቴዳዋ፥ ባሬ ናዓ ኪቴዳ።  
\v 5 ኣዪሲ ኪቴዴ ጎፔ፥ ሂጊያን ሞዴቲዴ ዴዒያዋንታ ዎዛናዉኔ ኑና ባሬ ናና ኦናው ኪቴዳ። 
\p  
\v 6 ፆሳይ ሂንቴ ኣ ናና ጊዲያ ዲራው፥ «ኣባቦ፥ ታ ኣቦ» ጊዴ ዋሲያ ባሬ ናዓ ኣያና፥ ኑ ዎዛና ጊዶ ኪቴዳ።  
\v 7 ሄዋ ዲራው፥ ሃዋፔ ሲንው ኔኒ ፆሳ ናዓ ጊዲያዋፔ ኣቲን፥ ኣይሌ ጊዳካ፤ ቃሲ ኔኒ ኣ ናዓ ጊዶፔ፥ ኪሪስቶሳ ባጋና ፆሳይ ቃላ ጌሌዳባ ላቲያዋ። 
\s1 ጳዉሎሲ ጋላቲያ ኣሳባ ሂርጌዳ 
\p  
\v 8 ሺን ሂንቴ ሃዋፔ ካሴ ፆሳ ኤሬናን ዴዒዴ፥ ቱማ ጊዴና ፆሳቱዋሲ ኣይሌ ጊዲዴ ኤኖ ጌዲታ።  
\v 9 ሺን ሃዒ ፆሳ ኤሪዴ፥ ኡባካ ፆሳን ኤሬቲዴ፥ ላፋኔ ቃሲ ካቴዳ ሃ ኣያናቱዋኮ ዋኒዴ ሲሚቴ? ሺሬቲ ሲሚ፥ ኣይሌ ጊዲዴ፥ ላዔዋ ኡንቱንቶ ኤኖ ጋናው ኮዪቴ?  
\v 10 ዱማቴዳ ጋላሳቱዋ፥ ኣጌናቱዋ፥ ዎዴቱዋኔ ላይቱዋ ሂንቴ ሎይ ናጉዋን ኣይሌቴዲታ።  
\v 11 ታና ሂንቴባይ ያሼ፤ ታኒ ሂንቴንቶ ጮ ጋዴ ሜላ ዳቡራዲታሻ? 
\p  
\v 12 ታናዳን ኣማኒያዋንቶ፥ ታኒ ሂንቴንቱዳን ሃኔዳ ዲራው፥ «ሂንቴንቱካ ታናዳን ሃኒቴ» ጋዴ፥ ሂንቴንታ ዎሳይ፤ ሂንቴ ታና ኣይኔ ናቂቤይኪታ።  
\v 13 ታኒ ኮይሮ ሂንቴንቶ ሚሺራቹዋ ቃላ ኦዴዳዌ ታና ሃርጊሲሺና ጊዲያዋ ሂንቴ ኤሪታ።  
\v 14 ታው ፓፃቴይ ዪዴ፥ ሂንቴንቶ ፓጬ ጊዲናካ፥ ታና ካቤይኪታ፤ ሼኔቲካቤይኪታ። ሄዋ ዲራ ኡባ ታና ፆሳ ኪታንቻ ሞኪያዋዳን፥ ዎይ ኪሪስቶሳ ዬሱሳ ሞኪያዋዳን ሞኬዲታ። 
\p  
\v 15 ያቲና፥ ሄኮ ሂንቴ ናሼቲያዌ ቤቴና! ታና ጊዶፔ፥ ሂንቴንቶ ዳንዳዬቲያባ ጊዲና፥ ታው ሂንቴ ሂንቴንቱ ኣይፊያ ዎጪ ኢሚንቶኔ ኢፄናዋ ማርካታይ።  
\v 16 ያቲና ታኒ ሂንቴንቶ ቱሙዋ ኦዲያ ዲራው፥ ሂንቴ ሞርኬ ጊዳይታ? 
\p  
\v 17 ሃራ ኣሳቱ ሂንቴንቶ ቃሬቲያዋ ማላቲኖ፤ ሺን ኡንቱንቱ ቆፋይ ሎዔና፤ ኣዪሲ ጎፔ፥ ሂንቴ ኡንቱንቶ ቃሬታና ማላ፥ ታፔ ሂንቴንታ ሻካናው ኮዪኖ።  
\v 18 ሺን ታኒ ሂንቴ ማታን ዴዒያ ዎዴ ፃላላን ጊዴናን፥ ኡባ ዎዴካ ሎዖባን ሂንቴ ኮዬቲያዋንታ ጊዶፔ ሎዓ። 
\p  
\v 19 ታ ሲቆ ናቶ፥ ኪሪስቶሳ ሜታይ ሂንቴንቱን ቤታና ጋካናው፥ ማጫዉኖ ኦይይ ሳኪያ ኬና፥ ታኒ ሂንቴ ዲራው ሳኬታይ።  
\v 20 ሺን ታኒ ሂንቴንቶ ሂርጊያ ዲራው፥ ሃዒ ሂንቴ ማታ ባዴ ሂንቴንቱና ዶናን ሃሳያንቶ፥ ዳሪ ዶሳይ። 
\s1 ኣጋሪኔ ሳሪ ሌሚሱዋ 
\p  
\v 21 ሙሴ ሂጊያን ሞዴቲዴ ዴዓናው ኮዪያዋንቶ፥ ሂጊ ጊያዋ ሲስኪቴ? ኣኔ ታው ኦዲቴ።  
\v 22 ኣዪሲ ጎፔ፥ ፆሳ ማፃፋይ፥ «ኣብራሃሞሲ ዳንጋፂራቲፔኔ ጎዳቲፔ ዬሌቴዳ ላዑ ናናይ ዴዒኖ» ያጌ። \x - \xo 4:22 \xt ዶም 16፡15፤ 21፡2\x* 
\v 23 ሺን ዳንጋፂራቲ ናዓይ ኣሳይ ናዓ ዬሊያ ማራዳንካ ዬሌቴዳ፤ ቃሲ ጎዳቲ ናዓይ፥ ፆሳይ ሲንፔ ኢማና ጊዴ ቃላ ጌሌዳዋን ዬሌቴዳ። 
\p  
\v 24 ሃ ላዑ ማጫዋንቱ ላዑ ጫቁዋሲ ጊዲያ ሌሚሶ። ኡንቱንቱፔ ኢቲና፥ ሙሴሲ ሂጊ ኢሜቴዳ ሲና ዴሪያፔ ጫቁ ዬዳዉና፥ ባሬ ናና ኣይሌቴው ዬላዱ፤ ኢዛካ ኣጋሮ።  
\v 25 ሃ ኣጋራ ኣራቢያ ጌቴቲያ ጋዲያን ዴዒያ ሲና ዴሪያን ሌሚሴታው፤ ቃሲካ ሃዒ ዴዒያ ዬሩሳላሜን ሌሚሴታው፤ ኣዪሲ ጎፔ፥ ዬሩሳላሜ ካታማይ ባሬ ጊዶን ዴዒያ ኣሳ ኡባና ሙሴ ሂጊያ ኣይሌቴን ዴዔ።  
\v 26 ሺን ሳሉዋን ዴዒያ ዬሩሳላሜ ኣይሌቴን ዴዑኩ፤ ኢዛ ኑሲ ኣቶ ጊዴዳ ሳሮ።  
\v 27 ኣዪሲ ጎፔ፥ ፆሳ ማፃፋይ፥ 
\q1 «ሃኔ፥ ዬላቤና ማንቴ፥ ናሼታ፤ 
\q2 ዬሉዋ ኦይይ ኦይቂ ኤሬናዉኔ፥ 
\q2 ኔ ኮሻ ቁ ኦዴ ኢሊላ! 
\q1 ኣዪሲ ጎፔ፥ ባሬ ኣሲናና 
\q2 ዴዒያ ማጫዉኒፔ፥ 
\q1 ባሬካ ዴዒያ ማጫዉኒው 
\q2 ጮራ ናናይ ዴዓና» 
\m ያጌ። \x - \xo 4:27 \xt ኢሳ 54፡1\x* 
\p  
\v 28 ታናዳን ኣማኒያዋንቶ፥ ኑኒካ ሳሪ ናዓ ዪሳቃዳን፥ ፆሳይ ሲንፔ ኢማና ጊዴ ቃላ ጌሌዳ ናና።  
\v 29 ሺን ሄ ዎዴ ኣሳ ማራዳን ዬሌቴዳዌ፥ ፆሳ ኣያናይ ጌዳዋዳን ዬሌቴዳዋ ዬዴርሲ ዲጎዋዳን፥ ሃዒካ ሄዋ ማላ። \x - \xo 4:29 \xt ዶም 21፡9\x* 
\v 30 ሺን ፆሳ ማፃፋይ ዋጊ? «ዳንጋፂርቲ ናዓይ ጎዳቲ ናዓና ኢቲፔ ላቴና ዲራው፥ ዳንጋፂራቶ ኢዚ ናዓና ኢቲፔ ኬሳ ዬዳ» ያጌ። \x - \xo 4:30 \xt ዶም 21፡10\x* 
\v 31 ሄዋ ዲራው፥ ታናዳን ኣማኒያዋንቶ፥ ኑኒ ጎዳቲ ናና ጊዲያዋፔ ኣቲን፥ ዳንጋፂራቲ ናና ጊዶኮ። 
\c 5  
\s1 ኪሪስቶሳን ኣይሌቴፔ ኬሱሳ 
\p  
\v 1 ኑኒ ኣይሌቴይ ባይናን፥ ዴዓና ማላ፥ ኪሪስቶሲ ኑና ኣይሌቴፔ ኬሴዳ፤ ሲሚ ሚኒዴ ኤቂቴ፤ ላዔንዋ ኣይሌቴ ሞርጌ ሚን ዋፄቶፒቴ። 
\p  
\v 2 ሲሲቴ፥ ታኒ ጳዉሎሲ፥ ሂንቴንታ ያጋይ፤ ሂንቴ ቃፃሬቲያዋ ጊዶፔ፥ ኪሪስቶሲ ሂንቴንታ ኣይኔ ማዴና።  
\v 3 ቃፃሬቲያ ኡባቱ ሂጊ ጊያዋ ኡባ ፖሊዴ ናጋናው ቤሲያዋ ጉጃዴ ቆፔይ።  
\v 4 ሂጊያ ናጊዴ ፂላናው ኮዪያዋንቶ፥ ኪሪስቶሳፔ ሻኬቴዲታ፤ ፆሳ ኣ ኬካቴፔካ ኩንዴዲታ።  
\v 5 ኑና ጊዶፔ፥ ኑኒ ፆሳ ኣያና ባጋና ኣማኑዋን ፂላናው ናሼቻን ናጌቶ።  
\v 6 ኣዪሲ ጎፔ፥ ኑኒ ኪሪስቶሲ ዬሱሳና ኢቲፔ ዴዖፔ፥ ሲቁዋን ኦያ ኣማኑዋፔ ኣቲን፥ ቃፃሬቲናካ፥ ቃፃሬቴናኒ ኣጊናካ ኑና ኣይኔ ማዴና። 
\p  
\v 7 ካሴ ሎዖ ዎፂታ፤ ሺን ቱማቴው ሂንቴ ኤኖ ጌና ማላ፥ ኦኔ ሂንቴንታ ዲጌዳዌ?  
\v 8 ሃ ጪሙ ሂንቴንታ ፄሴዳ ፆሳፔ ዪቤና።  
\v 9 ኣሳይ ጊያዋዳን፥ ጉ ኢርሹ ሙናቃ ኡባ ዴን።  
\v 10 ሂንቴንቱ ሃራባ ቆፔናዋ ታኒ ፆሳን ኣማኔታይ፤ ሺን ሂንቴንታ ሜቲያ ኡራይ ኦና ጊዶፔኔ፥ ፆሳፔ ባሬ ፒርዳ ኣካናዋ። 
\p  
\v 11 ሺን ታናዳን ኣማኒያዋንቶ፥ ታኒ ሃዋ ጋካናው ቃፃራይ ኮሺያዋ ኦዲያዋ ጊዶፔ፥ ታና ኣዪሲ ዬዴርሲኖ? ሄዌ ቱማ ጊዶፔ፥ ታኒ ኪሪስቶሳ ማስቃሊያባ ታማሪሲና ኣይኔ ሜቲያባይ ባዋ።  
\v 12 ሂንቴንታ ሜቶያዋንቱ ባሬንታ ባሬንቶካ ጎይሬሪኪኖሻ! 
\p  
\v 13 ሂንቴንታ ጊዶፔ፥ ታናዳን ኣማኒያዋንቶ፥ ኣይሌቴፔ ኬሳናው ፄሴቴዲታ። ጊዶፔኔካ ኣይሌቴፔ ሂንቴ ኬሴዳዋን፥ ሂንቴ ኣሳቴ ኣሙ ሂንቴንታ ሞዶፖ። ሄዋ ዲራ ሲቁዋን ኢቱ ኢቶ ሞዴቲቴ።  
\v 14 ኣዪሲ ጎፔ፥ ሂጊ ኡባይ ኢቲ ሃሳያን ቃሼቴዳ፤ ኢካ፥ «ኔ ሾሩዋ ኔ ሁጲያዳን ሲቃ» ያጊያዋ። \x - \xo 5:14 \xt ዎግ 19፡18\x* 
\v 15 ሺን ሂንቴ ኢቱ ኢቱዋና ሳዔቲያዋኔ ሜቴቲያዋ ጊዶፔ፥ ሂንቴ ሂንቴ ጊዶን ዉሬና ማላ ናጌቲቴ። 
\s1 ኣያናኔ ኣሹዋ 
\p  
\v 16 ሺን ሲሲቴ፤ ፆሳ ኣያናይ ሂንቴንታ ካሌያዋ ጊዶፔ፥ ሂንቴ ኣሹዋ ኣሙዋ ሙሌካ ፖሊኪታ።  
\v 17 ኣዪሲ ጎፔ፥ ኑ ኣሹ ኣሞቲያዋ ጌሻ ኣያናይ ኢፄ፤ ቃሲ ጌሻ ኣያናይ ኣሞቲያዋ ኑ ኣሹ ኢፄ፤ ሃዋንቱ ኢቱ ኢቱዋና ኢፄቲኖ። ሄዋ ዲራው፥ ሂንቴ ዶሲያዋ ኦናው ዳንዳይኪታ።  
\v 18 ሺን ፆሳ ኣያናይ ሂንቴንታ ካሌያዋ ጊዶፔ፥ ሙሴ ሂጊ ሂንቴንታ ሞዴና። 
\p  
\v 19 ኣሹዋ ኦሱ ኤሬቴዳዋ፤ ኢካ ኣዬ ጎፔ፥ ዎሹሚያዋ፥ ቱናቴ፥ ኣዳ ቱናቴ ኦሱዋ፥  
\v 20 ኤቃው ጎዪኒያዋ፥ ቢቲያዋ፥ ሞርኬቴ፥ ፓሉማ፥ ቃናቲያዋ፥ ሃንቁዋ፥ ባሬና ዶሲያዋ፥ ዋላቄቲያዋ፥ ኢቱ ኢቱዋፔ ሻኬቲያዋ፥  
\v 21 ኣሳዋ ኣሞቲያዋ፥ ማቲያዋ፥ ዬንቻ ጊዲያዋኔ ሃዋንታ ማላቲያዋንታ። ካሴካ ታኒ ሂንቴንቶ ኦዴዳዋዳን፥ ሃዋንታ ማላቲያዋንታ ኦያዋንቶ ፆሳ ካዉቴን ጌሊያሳይ ባዋ። 
\p  
\v 22 ሺን ጌሻ ኣያና ኣይፊ፥ ሲቁዋ፥ ናሼቻ፥ ሳሮቴ፥ ዳንዳያ፥ ኬካቴ፥ ሎዖቴ፥ ኣማኔቲያዋ፥  
\v 23 ኣሺኬቴ፥ ባሬ ሁጲያ ናጊያዋ። ሄዋንታ ማላቲያዋንታ ዲጊያ ሂጊ ባዋ። 
\p  
\v 24 ኪሪስቶሳ ዬሱሳባ ጊዲያዋንቱ ባሬንቱ ኣሳቴ ኣ ኢታ ቆፋናኔ ኣ ኣሙዋና ኢቲፔ ማስቃሊያ ቦላን ሚሲማሪያን ሺዴ ካቄዲኖ።  
\v 25 ኑሲ ጌሻ ኣያናይ ዴዑዋ ኢሞዋፔ ጉዪያን፥ ኑና ቃሲ ኢ ካሌ።  
\v 26 ኣኔ ኦቶሬቲያዋ፥ ዎይ ኢቱ ኢቱዋ ሃንቄያዋ፥ ዎይ ኢቱ ኢቱዋ ቃናቲያዋ ኣጎይቴ። 
\c 6  
\s1 ኢቱ ኢቱዋና ማዴቲያዋ 
\p  
\v 1 ታናዳን ኣማኒያዋንቶ፥ ሂንቴናን ጌሻ ኣያናን ዴዒያዋንቱ ኢቲ ኡራይ ኣይ ባዪዙዋ ኦዴ፥ ቤቶፔካ፥ ኣሺኬቴ ኣያናን ኣ ሱሪሲቴ፤ ቃሲ ሂንቴ ፓጬቴና ማላ፥ ሂንቴ ሁጲያ ናጊቴ።  
\v 2 ኢቱ ኢቱዋ ቶኩዋ ቶኪቴ፤ ሄዋ ኦያዋን ኪሪስቶሳ ሂጌው ኣዛዜቲታ።  
\v 3 ኣዪሲ ጎፔ፥ ኢቲ ኡራይ ኣይኔ ሃኔናን ዴዒዴ፥ ኢቲባ ኢ ሃኔዳዋ ኣው ማላቶፔ፥ ባሬ ሁጲያ ጪሜ።  
\v 4 ሺን ኣሳይ ኡባይ ሁጲያን ሁጲያን ባሬ ኦሱዋ ፓጮ፤ ሄዋፔ ጉዪያን፥ ሃራ ኣሳዋና ሊኬናን፥ ባሬ ሁጴ ኦሱዋ ፃላላን ኣማኔቲያዋ ዴማና።  
\v 5 ኣዪሲ ጎፔ፥ ኣሳይ ኡባይ ሁጲያን ሁጲያን ባሬፔ ናጌቲያዋ ኦና ቤሴ። 
\p  
\v 6 ሺን ፆሳ ቃላ ታማሪያዌ ባሬው ዴዒያ ሎዖባ ኡባ ባሬና ታማሪሲያዋና ሻኮ። 
\p  
\v 7 ሂንቴንታ ሂንቴሬካ ጪሞፒቴ። ኦኒኔ ፆሳ ቦላ ቂሊጫናው ዳንዳዬና፤ ኣዪሲ ጎፔ፥ ኣሳይ ባሬ ዜሪያዋ ዛሬዴ ቆይጫና።  
\v 8 ባሬ ኣሹዋ ኣሙዋን ዜሪያዋ ጊዶፔ፥ ኣሹዋ ኣሙዋፔ ሃይቁዋ ቆይጫና። ሺን ፆሳ ኣያናን ዜሪያዋ ጊዶፔ፥ ፆሳ ኣያናፔ ሜና ዴዑዋ ቆይጫና።  
\v 9 ኣኔ ሎዖ ኦሱዋ ኦናው ሚኖይቴ። ኣዪሲ ጎፔ፥ ኑኒ ሚኒ ኦፔ፥ ቆይጪያ ዎዲ ሲንፔ ያናዋ።  
\v 10 ሄዋ ጊዶፔ ሃ ኦናው ኑኒ ዳንዳዪያዋን፥ ኣሳ ኡባው ሎዖባ ኦይቴ፤ ሺን ኡባፔ ኣዴ፥ ኑናና ኣማኑዋን ዴዒያዋንቶ ሎዖባ ኦይቴ። 
\s1 ዉርሴ ዞሪያኔ ሳሮታ 
\p  
\v 11 ታኒ ታ ኩሺያን፥ ኣይ ማላ ዎልቃማ ፒዶላቱዋን፥ ሃዋ ሂንቴንቶ ፃፋዲታንቶ ቤዒቴ።  
\v 12 ኣሳ ሲንን ሎዒዴ ቤታናው ኮዪያ ኡባቱ፥ ሂንቴ ቃፃሬታና ማላ ኮዪኖ፤ ሺን ሄዋ ኡንቱንቱ ኦያዌ ባሬንቶ ኪሪስቶሳ ማስቃሊያ ዲራው ዬዴርሴቴናን ኣታና ፃላላሳ።  
\v 13 ኣዪሲ ጎፔ፥ ኡንቱንቱ ሂንቴ ቃፃሬቴዳዋን ጬቄታናው ሂንቴንታ ቃፃሬቲኖ ጊኖፔ ኣቲን፥ ሃራይ ኣቶ ቃፃሬቴዳዋንቱካ ባሬንቱ ሁጴው ሙሴ ሂጊያ ናጊኪኖ። 
\p  
\v 14 ሺን ኣላሚ ታው ካቄቲና፥ ታኒካ ኣላሜው ካቄቴዳ ዬሱሲ ኪሪስቶሳ ማስቃሊያፔ ኣቲን፥ ታኒ ጬቄቲያባይ ሃራባይ ታፔ ሃኮ።  
\v 15 ኣዪሲ ጎፔ፥ ኪሪስቶሲ ዬሱሳን ኦራ ሜታ ጊዲያዌ ማዴፔ ኣቲን፥ ቃፃሬቲናካ ቃፃሬቴናን ኣጊናካ ኣይኔ ማዴና።  
\v 16 ሃ ዎጋን ሃሜቲያ ኡባቱዋ ቦላኒኔ ፆሳ ኣሳ ኡባ ቦላ፥ ሳሮቴይኔ ማሮቴይ ጊዶ። 
\p  
\v 17 ታኒ ዬሱሳው ማይቴድ ማላ ታ ቦላን ቶኬዳ ዲራው፥ ሃዋፔ ሲንው ኢቲ ኣሳይካ ታና ሜቶፖ። 
\p  
\v 18 ታናዳን ኣማኒያዋንቶ፥ ኑ ጎዳ ዬሱሲ ኪሪስቶሳ ኣ ኬካቴይ ሂንቴንቱና ጊዶ። ኣሜንዒ።