\id EPH - ዳውሮ 
\h ኤፌሶና 
\toc1 ጳዉሎሲ ኤፌሶና ኣሳው ፃፌዳ ኪታ 
\toc2 ኤፌሶና 
\toc3 ኤፌ 
\mt2 ጳዉሎሲ 
\mt1 ኤፌሶና ኣሳው 
\mt2 ፃፌዳ ኪታ 
\imt1 ጌሉዋ 
\ip ጳዉሎሲ ኤፌሶናን ዴዒያ ኣሳሲ ፃፌዳ ኪታን ኡባባፔ ኣዴ ኢ ፄሌዳዌ፥ «ፆሳ ቆፋ ኦሱዋን ፔሻናዌ ሳሉዋኒኔ ሳዓን ዴዒያባይ ኡባይ ኢቲፔ ሺቂዴ፥ ኢቲ ኪሪስቶሳ ማታ ጋርሳን ኣቂያ ዎዲ ጋካና» ያጊያ ቆፋ (1፡10)። ሄዋ ቦላንካ ጉጃይ ዬሱሲ ኪሪስቶሳና ኢቲፔ ጊዲዴ፥ ኣሳ ዛሪያ ኡባይ ኢቱዋ ጊዳና ማላ፥ ሃ ዎልቃማ ቆፋ ኦሱዋን ፔሻናዳን ፆሳ ኣሳ ሃሳዪሴ። 
\ip ኤፌሶና ኪታይ ኮይሮ ሳን ፃፊ ኢቲፔቴዋ ፃፋናው ዶሜዳዋ ኣሲዴ፥ ፆሳይ ኣዉ ባሬ ኣሳ ዎቲ ዶሬዴንቶ፥ ኡንቱንቱካ ኣ ናዓ፥ ዬሱሲ ኪሪስቶሳን ባሬንቱ ናጋራፔ ማሬቲዴ፥ ዋኒ ላዓ ኬሴዴንቶኔ ፆሳ ዎልቃማ ሂዶታ ቃላይ ጌሻ ኣያና ባጋና ዎቲ ኤሬቴዴንቶ ኦዴ። ላዔያ ሻኩዋን ቃሲ ፃፊ ሃ ኪታ ናባቢያዋንቱ ባሬንቱ ኢቲፔቴ ዴዑዋን ኪሪስቶሳን ኡንቱንቱሲ ዴዒያ ኢቲፔቴይ ቱማ ጊዳና ማላ ኡንቱንቱ ዋኒዴ ዴዓናው ቤሲንቶ ቆፊሴ። 
\ip ኣሳይ ኪሪስቶሳን ዴዒያ ኢቲፔቴን ዋኒዴ ዴዓናው ዳንዳዪንቶ ዱማ ዱማ ሂላ ሃሳያን ቆንጬዳ። ኣማኒያ ኣሳይ ኢቲ ኣሳቴ ሌሚሱዋ ጊዲያ ዎዴ፥ ኪሪስቶሲ ሄ ኣሳቴው ሁጲያ ጊዴ። ኣማኒያ ኣሳይ ጊምቢያ ጎሊያን ሌሚሴቲያ ዎዴ፥ ኪሪስቶሲ ሄ ጊምቢያ ጎሌው ጎዳ ፃጱዋ ሚኒሲያ ዋና ሹቻ ጊዴ። ኣማኒያ ኣሳይ ማቺያዳን ሌሚሴቲያ ዎዴ፥ ኪሪስቶሲ ኣሲናዳን ጊዴ። ፃፊያዌ ኪሪስቶሳ ባጋና ቆንጬዳ ፆሳ ኣ ኬካቴ ዳሮ ቂሲ ናሺ ሃሳዪዴ፥ ጪማቴዳ ቆፋ ሺሼ። ኢ ኡባባካ ኪሪስቶሳ ሲቁዋን፥ ኢ ያርሼቶዋን፥ ኣ ማሮቴን፥ ኣ ኣ ኬካቴኒኔ ኣ ሳሮቴ ባጋና ፄሌ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-2) 
\io1 ኪሪስቶሳኔ ኣማኒያ ኣሳ (1፡3-3፡21) 
\io1 ኪሪስቶሳን ቤቲያ ኦራ ዴዑዋ (4፡1-6፡20) 
\io1 ዉርሴ ቁቲያ (6፡21-24) 
\c 1  
\p  
\v 1 ታኒ ፆሳ ሼኒያን ኪሪስቶሲ ዬሱሲ ኪቴዳ ጳዉሎሲ፥ ኤፌሶናን ዴዒያ ፆሳ ናናው ቃሲ ኪሪስቶሳ ዬሱሳው ኣማኔቲዴ ዴዒያዋንቶ ሃ ዳቢዳቢያ ፃፋይ። 
\p  
\v 2 ፆሳ ኑ ኣዉዋፔኔ ጎዳ ዬሱሲ ኪሪስቶሳፔ ኣ ኬካቴዪኔ ሳሮቴይ ሂንቴንቶ ጊዶ። 
\s1 ኪሪስቶሳፔ ቤቲያ ኣያና ኣንጁዋ 
\p  
\v 3 ኣያና ኣንጁዋ ኡባን ኪሪስቶሳ ባጋና ቦላ ሳሉዋን ኑና ኣንጄዳ ፆሳ፥ ኑ ጎዳ ዬሱሲ ኪሪስቶሳ ኣዉዋ፥ ኑኒ ጋላቴቶ።  
\v 4 ኑኒ ኣ ሲንን ጌሻቱዋኔ ፖኩ ባዪናዋንታ ጊዳና ማላ፥ ፆሳይ ኑና ሳዓይ ሜታናፔ ካሴ፥ ኪሪስቶሳ ባጋና ባሬ ሲቁዋን ዶሬዳ።  
\v 5 ፆሳይ ባሬ ሼኒያን ባሬ ዶሴዳዋዳን፥ ዬሱሲ ኪሪስቶሳ ባጋና ኑና ባሬ ናናቱዋ ኦናው ካሴቲዴ ቆፒ ዎዳ።  
\v 6 ፆሳይ ባሬ ሲቂያ ናዓ ባጋና ኑሲ ጮ ኢሜዳ ኣ ኬካቴ ቦንቹዋ ዲራው፥ ኑፔ ጋላታ ኣካናው ሄዋ ኦዳ። 
\p  
\v 7 ኑኒ ፆሳ ኣ ኬካቴ ዳሩዋዳን፥ ኪሪስቶሳ ሱን ዎዜቴዶ፤ ሄዋን ፆሳይ ኑ ናጋራ ኣቶ ጌዳ።  
\v 8 ፆሳይ ባሬ ኣዳ ኤራቴ ኡባኒኔ ባሬ ዎዛና ቆፋ ኡባን ባሬ ኣ ኬካቴ ኑሲ ዳሪሲዴ ኢሜዳ።  
\v 9 ኣዪሲ ጎፔ፥ ፆሳይ ባሬ ቆፔዳዋ ኦዳ፤ ቃሲ ኪሪስቶሳ ባጋና ፖላናው ቆፒ ዎዳ ፁራ ዬዉዋ ኑና ኤሪሴዳ።  
\v 10 ፆሳይ ዎዲያ ዉርሴይ ጋኪያ ዎዴ ፖላናው ቆፔዳ ቆፋይ ኪሪስቶሳ ዋና ኡዲዴ፥ ሳሉዋኒኔ ሳዓን ዴዒያ ሜታ ኡባ ኢቲፔ ኣኒ ሺሻናዋ። 
\p  
\v 11 ኡባባይ ፆሳ ቆፋዳኒኔ ኢ ጌዳዋዳን ሃኔዳ፤ ፆሳይ ካሴቲዴ ቆፒ ዎዳዋዳን፥ ኪሪስቶሳ ባጋና ኑኒ ኣዋንታ ጊዳናዳን፥ ኑና ዶሬዳ።  
\v 12 ኑኒ ካሴቲዴ፥ ኪሪስቶሳ ባጋና ኣካና ጊዴ ናሼቻን ናጊያዋንቱ፥ ፆሳ ቦንቹዋ ጋላቴቶ።  
\v 13 ሂንቴዉካ ቃሲ ሄዋዳን ሃኔዳ፤ ቱሙ ኪታ፥ ሂንቴንቶ ኣቶቴ ኣሄዳ ሚሺራቹዋ ቃላ፥ ሂንቴ ሲሴዳ ዎዴ ኪሪስቶሳ ኣማኔዲታ፤ ፆሳይ ሂንቴንቶ ኢማና ጌዳ ጌሻ ኣያና ባጋና፥ ሂንቴ ኣዋ ጊዲያዋ ኤሪሲያ ማታፋ ሂንቴ ቦላ ዎዳ።  
\v 14 ፆሳይ ባሬ ኣሳው ኢማና ጌዳዋ ኑኒ ላታና ጋካናው፥ ጌሻ ኣያና ዋሴቴ ኦይቄዶ። ሄዌ ቃሲ ኣ ቦንቹዋሲ፥ ጋላታ ጊዳናዋ። 
\s1 ጳዉሎሲ ኤፌሶና ኣሳው ዎሴዳ 
\p  
\v 15 ሄዋ ዲራው፥ ጎዳ ዬሱሳ ሂንቴ ኣማኒያዋኔ ጌሻቱዋ ኡባ ሂንቴ ሲቂያዋ ታኒ ሲሶዴፔ ዶማዴ፥  
\v 16 ሂንቴንቶ ፆሳ ጋላቲያዋ ኣጋቤዪኬ፤ ፆሳ ዎሳዴ ሂንቴዉካ ዎሳይ።  
\v 17 ቃሲ ጎዳ ዬሱሲ ኪሪስቶሳ ፆሳይ፥ ቦንቹዋ ኣዉ፥ ፆሳ ሂንቴ ኤራናዳን፥ ሂንቴና ኣዳ ኤራንቻ ኦያ ቃሲ ፆሳ ሂንቴንቶ ቆንጪሲያ ጌሻ ኣያና ሂንቴንቶ ኢማናዳን፥ ታኒ ዎሳይ።  
\v 18 ፆሳይ ሂንቴ ኣካና ጊዴ፥ ናሼቻን ናጊ ኡቴዳዎ ሂንቴና ፄሴዳዋኔ ኢ ባሬ ኣሳው ኢማና ጊያ ኣንጁ ኣይ ኬና ዱሬንቶ ሂንቴ ኤራናዳን፥ ፆሳይ ሂንቴ ዎዛና ዶዪና፥ ኣ ፖዑዋ ሂንቴ ቤዓናዳን፥ ታኒ ፆሳ ዎሳይ። 
\p  
\v 19-20 ቃሲ ኣ ኣማኒያ ኑናን ኣ ዎልቃይ ሎይ ኦ። ሃ ኑናን ዴዒያ ዎልቃይኔ ሃዪቁዋፔ ኪሪስቶሳ ዴንዴ፥ ሳሉዋ ሳዓን ፆሳፔ ኡሼቻ ባጋና \f + \fr 1:19-20 \fq ኡሼቻ ባጋ፡ \ft ዎልቃኔ ቦንቹዋ ሳዓ።\f* ኡቲሴዳ ዎልቃማ ዎልቃይ ኢቱዋ። \x - \xo 1:19-20 \xt ማዝ 110፡1\x* 
\v 21 ኪሪስቶሲ ሳሉዋ ሱንቱዋፔ፥ ጎዳቴይ ዴዒያዋንቱፔ፥ ዎልቃማቱዋፔኔ ጎዳቱዋ ኡባፔ ቦላ ጊዲዴ ሞዴ፤ ኢ ሃዒ ዴዒያ ዬሌታ ፃላላን ጊዴናን፥ ሲንፔ ያና ዬሌታኒካ ሃራ ሱንቴ ኡባፔ ቄ።  
\v 22 ፆሳይ ኡባባ ኪሪስቶሳ ጌዲያፔ ጋርሳን ሞዲሲዴ፥ ቃሲ ፆሳይ ኢ ኡባባኒ ኡባፔ ቦላና ጎዳ ጊዳናዳን፥ ዎሳ ጎሌው ኣ ኢሜዳ። \x - \xo 1:22 \xt ማዝ 8፡6\x*\x - \xo 1:22 \xt ቆል 1፡18\x* 
\v 23 ዎሳ ጎሊ ኪሪስቶሳ ኣሳቴ፤ ዎሳ ጎሊ ኪሪስቶሲ ኡባሳን ኡባባ ኩንያ ኣ ፖሉዋ። 
\c 2  
\s1 ኪሪስቶሳን ሃዪቁዋፔ ዴዖ ፒኒያዋ 
\p  
\v 1 ሂንቴ ኣዛዜቴናን ኢፄዳ ዲራዉኔ ሂንቴ ናጋራ ዲራው፥ ካሴ ዎዲያን ኣያና ሃዪቁዋ ሃዪቄዲታ።  
\v 2 ሄ ዎዴ ሂንቴ ሃ ኣላሚያ ዬሌታ ኢታ ኦጊያ ሃሜቴዲታ፤ ጫርኩዋ ጊዶን ዴዒያ ዎልቃማ ኣያናቱዋ ካፖ ቃሲ ፆሳው ኣዛዜቴና ኣሳ ሃዒ ሞዲያ ኣያናው ኣዛዜቴዲታ።  
\v 3 ኑኒካ ቃሲ ኡባይ ሄ ኣሳ ማላ፤ ቃሲ ኑኒ ኑ ኣሹዋ ኣሙዋዳን ዴዔዶ፤ ኑ ኣሹኔ ኑ ዎዛናይ ኮዬዳዋ ኦዶ። ኑኒካ ሃራቱዋዋዳን፥ ኑ ሜታን ፆሳ ሃንቁዋ ኣካናው ዴዔቶ። 
\p  
\v 4 ሺን ፆሳ ማሮቴይ ዳራ ጊዲያ ዲራው፥ ባሬ ሲቁዋ ዳሩዋዳን፥  
\v 5 ኑኒ ኣው ኣዛዜቴናን ኢፂዴ፥ ሃራይ ኣቶ ኣያናን ሃዪቄዳዋንታ ጊዲናካ፥ ኢ ኪሪስቶሳና ኑሲ ዴዑዋ ኢሜዳ። ፆሳ ኣ ኬካቴን ሂንቴ ኣቴዲታ።  
\v 6 ኑኒ ኪሪስቶሲ ዬሱሳና ሳሉዋኔ ሳዓኔ ሞዳናዳን፥ ፆሳይ ኑና ኣናና ኢቲፔ ሃዪቁዋፔ ዴንዳ።  
\v 7 ኢ ሲንፔ ያና ዎዲያን፥ ኑሲ ኪሪስቶሲ ዬሱሳን ዴዒያ ኬካቴን፥ ኡባፔ ኣያ ባሬ ኣ ኬካቴ ቃቴ ቤሳናው ሄዋ ኦዳ።  
\v 8 ኣዪሲ ጎፔ፥ ሂንቴ ፆሳ ኣ ኬካቴን፥ ኣማኑዋን ኣቴዲታ፤ ሃዌ ፆሳ ኢሙዋፔ ኣቲን፥ ሂንቴ ኦሱዋና ጊዴና።  
\v 9 ሂንቴ ዳቡራን ቤቲቤና ዲራው፥ ሂንቴ ጬቄቲያባይ ኣያዪኔ ባዋ።  
\v 10 ኣዪሲ ጎፔ፥ ኑኒ ፆሳ ሜታ፤ ኢ ኑሲ ካሴቲዴ ጊጊሲ ዎዳ ሎዖ ኦሱዋ ኑኒ ኦናዳን፥ ኪሪስቶሲ ዬሱሳ ባጋና ኑና ሜዳ። 
\s1 ኪሪስቶሳን ቤቲያ ኢቲፔቴ 
\p  
\v 11 ሄዋ ዲራው፥ ሂንቴኖ ዛሪያን ኣዪሁዳ ጊዴና ኣሳቶ፥ ባሬንቱ ኣሳቴ ቦላ ኩሺያን ኦሴቴዳዋን፥ ባሬና ቃፃሬቴዳዋንታ ጊያ ኣዪሁዳቱ፥ ቃፃሬቲቤናዋንታ ጊዴ ፄሲያዋንቶ፥ ሂንቴ ካሴ ኦኔንቶ ኣኬኪቴ።  
\v 12 ሄ ዎዴ ሂንቴ ኪሪስቶሳፔ ሻኬቴዲታ፤ ኢማ ጊዲዴ፥ ኢስራዔሊያ ኣሳፔ ሃኪዴ ዴዔዲታ፤ ፆሳይ ባሬ ኣሳው ኢማና ጊዴ ጫቄዳ ጫቁዋፔ ኣዪኔ ዴሚቤይኪታ፤ ሃ ሳዓ ቦላ ሂንቴ ዴማና ጊዴ፥ ናሼቻን ናጊ ኡቴዳዋ ዴሜናኒኔ ቃሲ ፆሳይ ባዪናን ዴዔዲታ።  
\v 13 ሺን ሂንቴ ካሴ ሃኪዴ ዴዒያዋንቱ ሃዒ ኪሪስቶሳ ዬሱሳና ዴዒዴ፥ ኪሪስቶሳ ሃዪቁዋን ማታ ሺቄዲታ። 
\p  
\v 14 ኣዪሲ ጎፔ፥ ኪሪስቶሲ ኣዪሁዳ ኣሳኔ ኣዪሁዳ ጊዴና ኣሳ ኢቱዋ ኡዲዴ፥ ኑሲ ሳሮቴ ኣሄዳ። ኡንቱንቱ ላዑዋ ሻኪዴ፥ ሞርኬ ኦ ዎዳ ሞርኬቴ ጎዳ ባሬ ኣሳቴን ኮሊ ዬጌዳ።  
\v 15 ኢ ባሬ ሁጴው ሃ ላዑ ዛሬቱዋፔ ኢቲ ኦራ ኣሳ ሜዴ ሳሮቴ ዎናው፥ ኣዪሁዳ ኣሳቱዋ ሂጊያ ኣ ኣዛዛቱዋኔ ዎጋቱዋና ኢቲፔ ዪሴዳ።  
\v 16 ኪሪስቶሲ ማስቃሊያ ቦላ ሚሲማሪያን ሼቲዴ ሃይቄዳ ባሬ ሃዪቁዋን ሞርኬቴ ዪሴዳ፤ ቃሲ ማስቃሊያ ባጋና ላዑ ዛሬቱዋካ ኢቲ ኣሳ ኦ ሲጌዴ፥ ፆሳኮ ኣሄዳ።  
\v 17 ኪሪስቶሲ ዪዴ፥ ፆሳፔ ሃኪዴ ዴዒያ ሂንቴንቶ ኣዪሁዳ ጊዴናዋንቶኔ፥ ኣ ማታን ዴዒያ ኣዪሁዳቶ ኡባው፥ ሚሺራቹዋ ቃላ ሳሮቴ ኦዴዳ። \x - \xo 2:17 \xt ኢሳ 57፡19\x* 
\v 18 ኣዪሲ ጎፔ፥ ኑኒ ኡባይ፥ ኣዪሁዳቱካ ኣዪሁዳ ጊዴናዋንቱካ፥ ኢቲ ጌሻ ኣያናን ኪሪስቶሳ ባጋና ኣዉዋ ሲን ሺቃናው ዳንዳዬቶ። 
\p  
\v 19 ሲሚ ሂንቴ ኣዪሁዳ ጊዴና ኣሳቱ ሃዋፔ ሲንው ኣላጋ ዎይ ኢማ ጊዲኪታ፤ ሃዒ ሂንቴኔ ጌሻቱ ኢቲ ቢታ ኣሳ፤ ቃሲ ፆሳው ሂንቴ ሶይ ኣሳ።  
\v 20 ዬሱሲ ኪቴዳዋንቱኔ ቲምቢቲያ ኦዲያዋንቱ ባሴዳ ባሱዋ ቦላ ሂንቴካ ኬፄቴዲታ፤ ጎዳ ፃጱዋ ሚኒሲያ ዋና ሹቻይ ኪሪስቶሲ ዬሱሳ።  
\v 21 ኢ ጎሊያ ኡባ ኢቲፔ ሺሺ ኦይቂዴ፥ ፆሳ ባጋና ጌሻ፥ ፆሳ ጌሻ ጎሌ ጊዳና ማላ ዲቼ።  
\v 22 ሂንቴ ቃሲ ፆሳይ ባሬ ኣያናን ዴዒያ ጎሊያ ጊዳናው፥ ሃራቱዋ ኡባና ኢቲፔ ኪሪስቶሳን ኬፄቲታ። 
\c 3  
\s1 ጳዉሎሲ ኣማኔና ኣሳው ኦዳ ኦሱዋ 
\p  
\v 1 ሄዋ ዲራው፥ ሂንቴኖ ኣዪሁዳ ጊዴና ኣሳቶ፥ ታኒ ጳዉሎሲ ሂንቴ ዲራው ኪሪስቶሲ ዬሱሳ ቃሾ ኣሳ ጊዴዳዌ፥ ፆሳ ዎሳይ።  
\v 2 ፆሳይ ባሬ ኣ ኬካቴን፥ ታኒ ሂንቴና ማዳናዳን፥ ሃ ኦሱዋ ታው ኢሜዳዋ ሂንቴ ሎይ ሲሴዲታ።  
\v 3 ፆሳይ ባሬ ፁራ ቆፋ ታው ቆንጪሲዴ፥ ታና ኤሪሴዳ፤ ታኒ ሄዋ ቃንን ፃፋዲ።  
\v 4 ቃሲ ታኒ ፃፌዳዋ ሂንቴ ናባቢያ ዎዴ፥ ኪሪስቶሳ ፁራ ታኒ ዎታ ኣኬካዲታንቶኔ ኤራናው ዳንዳዪታ።  
\v 5 ቤኒ ዎዴ ኣሳይ ሄ ፁራ ዬዉዋ ሲሲቤና፤ ሺን ፆሳይ ሄዋ ዬሱሲ ኪቴዳ ፆሳ ናናቶኔ ቲምቢቲያ ኦዲያዋንቶ፥ ጌሻ ኣያናን ሃዒ ቆንጪሴዳ።  
\v 6 ፁራ ዬዉ ሃዋ፤ ኣዪሁዳ ጊዴና ኣሳይ ዎንጋላ ባጋና፥ ፆሳ ኣንጁዋ ኣዪሁዳቱዋና ኢቲፔ ላቲኖ፤ ኡንቱንቱ ኢቲ ኣሳቴን ሻኬቴናን ዴዒኖ፤ ቃሲ ኪሪስቶሲ ዬሱሳ ባጋና ፆሳይ ኢማና ጌዳዋ ኣዪሁዳቱዋና ሻኪኖ። 
\p  
\v 7 ፆሳይ ባሬ ኦሱዋ ዎልቃ ባጋና ታው ኢሜዳ ኣ ኬካቴን ታኒ ሃ ዎንጋላው ቆማ ጊዳዲ።  
\v 8 ታኒ ጌሻቱዋ ኡባ ጊዶን ላፊያዋ ጊዶፔካ፥ ኣዪሁዳ ጊዴና ኣሳው ዛዋይ ባዪና ኪሪስቶሳ ዱሬቴ ሚሺራቹዋ ቃላ ኦዲያ ሃ ቃዳ ፆሳይ ታው ኢሜዳ።  
\v 9-10 ቃሲ ታኒ ሄዋን ፆሳ ፁራ ቆፋ ኣሳ ኡባው ቆንጪሳ ኦዳና፤ ኡባባ ሜዳ ፆሳይ ባሬ ፁራ ዬዉዋ ቤኒ ዎዴ ጌን ዎዳ። ፆሳይ ሃዒ ሄዋ ዎሳ ጎሊያ ባጋና ሳሉዋ ሳዓን ዴዒያ ካፓቶኔ ጎዳቴይ ዴዒያዋንቶ ዛዋይ ባዪና ባሬ ኣዳ ኤራቴ ቆንጪሳናው ኦዳ።  
\v 11 ፆሳይ ሄዋ ኑ ጎዳ ኪሪስቶሲ ዬሱሳ ባጋና ኢ ፖሌዳ ባሬ ሜና ቆፋዳን ኦዳ።  
\v 12 ኑኒ ኪሪስቶሲ ዬሱሳና ኢቲፔ ጊዲዴ፥ ኣ ኣማኒያ ኣማኑዋን ኣማኔቲዴ፥ ኣዪኔ ያዬናን ፆሳ ሲን ሺቃናው ዳንዳዬቶ። 
\p  
\v 13 ሄዋ ዲራው፥ ታኒ ሂንቴዋን ሜቶቲያዋን ሂንቴ ሂርጌና ማላ፥ ሂንቴና ዎሳይ፤ ኣዪሲ ጎፔ፥ ታኒ ሂንቴ ቦንቾ ሜቶታይ። 
\s1 ኪሪስቶሳ ሲቁዋ 
\p  
\v 14-15 ሄዋ ዲራው፥ ታኒ ሳሉዋኒኔ ሳዓን ዴዒያ ኣማኒያ ጎሊያ ኣሳይ ኡባይ ኣፔ ዬዳ \f + \fr 3:14-15 \fq ኣፔ ዬዳ፡ \ft ኣፔ ዴንዶዋን፥ ኢቱዋ ኢቱዋ ሁጲያን ሁጲያን ኤሪያዋሳ።\f* ፆሳ ሲንን ጉልባታይ።  
\v 16-17 ፆሳይ ባሬ ቦንቹዋ ዳሩዋዳን፥ ባሬ ጌሻ ኣያናን፥ ሂንቴንቶ ሂንቴ ጋርሳ ኣሳቴን ሂንቴ ሚኒያ ዎልቃ ኢማናዳኒኔ፥ ቃሲ ኣማኑዋ ባጋና ኪሪስቶሲ ሂንቴ ዎዛና ባሬ ጎሊያ ሜናዳን፥ ታኒ ፆሳ ዎሳይ፤ ቃሲካ ሂንቴ ፃጱዋ ዬዲዴ፥ ቶኬቲዴ ሲቁዋን ሚናናዳን፥ ፆሳ ዎሳይ።  
\v 18 ቃሲ ጌሻቱዋ ኡባና ኪሪስቶሳ ሲቁ ኣይ ኬና ኣኬንቶ፥ ኣዱሴንቶ፥ ቄንቶኔ ጪሜንቶ \f + \fr 3:18 \fq ኣኬንቶ፥ ኣዱሴንቶ፥ ቄንቶኔ ጪሜንቶ፡ \ft ሃዌ ቤሲያዌ ሳሉዋን ዴዒያ ዬሩሳላሞ ዎይ ፆሳ ሲቁዋ ዎይ ፆሳ ኣ ኤራ ዎይ ዬሱሳ ማስቃሌው ዴዒያ ቢሌ።\f* ኤሪያ ዎልቃ ሂንቴንቱ ዴማናዳን፥ ታኒ ፆሳ ዎሳይ።  
\v 19 ኤራቴፔ ኣያ ኪሪስቶሳ ሲቁዋ ሂንቴ ኤራናዳኒኔ ቃሲ ፆሳዋ ጊዲያ ኡባባኒ ሂንቴ ፖሊ ኩማናዳን፥ ታኒ ፆሳ ዎሳይ። 
\p  
\v 20-21 ሲሚ ኑ ጊዶን ኦያ ባሬ ዎልቃ ባጋና ኑኒ ዎሲያዋ ዎይ ቆፒያዋ ኡባፔ ሎይ ዳሪሲ ኦናው ዳንዳዪያ ፆሳው፥ ዎሳ ጎሊያኒኔ ኪሪስቶሲ ዬሱሳን ኡባ ዎዴ ሜናፔ ሜና ጋካናው ቦንቹ ጊዶ። ኣሜንዒ። 
\c 4  
\s1 ቦላ ኢቲፔቴ 
\p  
\v 1 ሄዋ ዲራው፥ ታኒ ጎዳው ኦያ ዲራው ቃሼቴዳዌ ፆሳይ ሂንቴና ፄሴዳ ፄሳው ቤሲያ ዴዑዋ ሂንቴ ዴዓናዳን፥ ታኒ ሂንቴና ዎሳይ።  
\v 2 ኡባ ዎዴ ሂንቴ ሂንቴ ሁጲያ ካዉሺያዋንታ፥ ኣሺኬቱዋኔ ዳንዳያንቻቱዋ ጊዲቴ፤ ኢቱ ኢቱዋ ማዲያዋን ሂንቴ ሲቁዋ ቤሲቴ።  
\v 3 ሂንቴና ኢቲፔ ጋ ቃቺያ ሳሮቴን፥ ጌሻ ኣያናይ ሂንቴንቶ ኢሚያ ኢቲፔቴ ናጋናው ሚኒቴ።  
\v 4 ፆሳይ ሂንቴና ፄሴዳ ሂዶታይ፥ ሂንቴ ዴማና ጊዴ ናጊ ኡቴዳዌ ሜፂ ኢቱዋ ጊዶዋዳን፥ ኢቲ ኣሳቴይኔ ኢቲ ጌሻ ኣያናይ ዴዔ።  
\v 5 ኢቲ ጎዳይ፥ ኢቲ ኣማኑኔ ኢቲ ፂንቃታይ ዴዔ።  
\v 6 ኡባ ጎዳይ፥ ኡባ ባጋና ኦያዌ፥ ኡባ ጊዶን ዴዒያዌ፥ ኢቲ ፆሳይ፥ ኡባ ኣዉ ዴዔ። 
\p  
\v 7 ሺን ኪሪስቶሲ ኢሜዳ ኢሙዋዳን፥ ኑኒ ሁጲያን ሁጲያን ዱማ ኢሙዋ ኣኬዶ።  
\v 8 ሄዋ ዲራው፥ ፆሳ ማፃፋይ፥ 
\q1 «ኢ ፑዴ ቃሳ ኬሴዳ ዎዴ፥ 
\q2 ኦሞዴቴዳዋንታ ኣፌዳ፤ 
\q1 ኣሳዉካ ኢሞታ ኢሜዳ» 
\m ያጌ። \x - \xo 4:8 \xt ማዝ 68፡18\x* 
\v 9 ያቲና፥ «ፑዴ ኬሴዳ» ጊያዌ ዋጊያዌ? ኢ ኮዪሮ ዱጌ ዎዳ፤ ሄዌ ሳዓው ሂርኪ ዉርሴሳ ዎዳ ጊያዋ።  
\v 10 ሃ ዱጌ ዎዳዌ ባሬ ሁጴው ኣ፤ ሄ ኢ ኡባባ ኩማናዳን፥ ሳሉዋ ኡባፔ ቂያሳ ፑዴ ኬሴዳ። 
\p  
\v 11 ኣሳው ኢሞታ ኢሜዳዌ ኣ፤ ኢ ኢቱዋ ኢቱዋ ዬሱሲ ኪቴዳዋንታ፥ ሃራቱዋ ቲምቢቲያ ኦዲያዋንታ፥ ቃሲ ሃራቱዋ ሚሺራቹዋ ቃላ ኦዲያዋንታ፥ ቃሲካ ሃራቱዋ ዎሳ ጎሊያ ካሌያዋንታኔ ታማሪሲያዋንታ ኦ ሱንዳ።  
\v 12 ኢ ሄዋ ጌሻቱ ኡባይ ኣማኒያ ኣሳ ኦሱዋ ኦናዳኒኔ ኪሪስቶሳ ቦላን ኬፄታናዳን ጊጊሳናው ኦዳ።  
\v 13 ቃሲ ኑኒ ኡባይ ፆሳ ናዓ ኣማኒናኔ ኤሪና ቤቲያ ኢቲፔቴኮ ጋካና፤ ኑኒ ኪሪስቶሳ ፖሎ ዲቻ ኬና ዲጪዴ፥ ዶንዛ ኣሳ ጊዳናዳና። 
\p  
\v 14 ኑኒ ቤታን ያኔ ሃኔ ሾጬቲዴ፥ ባሬንቱ ጪሚያ ሃኖታን ኣሳ ባላ ኦጊያ ካሌያ ጌኒያ ኣሳ ቲሚርቲያ ጫርኩዋ ኡባን ሱጌቲዴ፥ ሃዋፔ ሲንው ናዓ ጊዳናው ቤሴና።  
\v 15 ሺን ኑኒ ሲቆቴን ቱሙዋ ሃሳዪዴ፥ ሁጴ ጊዲያ ኪሪስቶሳኮ ኡባባኒ ዲጫናው ቤሴ።  
\v 16 ቦላ ጊዶን ዴዒያ ዱማ ዱማ ሻኮታይ ኣኒ ኢቲፔ ኦይቄቴዲኖ፤ ቃሲ ኩሜን ቦላይ ባሬው ኢሜቴዳሳ ኡባን ኢቱ ኢቱዋና ጋኬቲዴ፥ ኢቲፔ ኦይቄቲ ኡቴዳ፤ ሄ ዱማ ዱማ ሻኮታይ ኦናው ቤሲያዋ ኦያ ዎዴ፥ ኩሜን ቦላይ ሲቁዋን ዲጬኔ ባሬና ኬፄ። 
\s1 ኪሪስቶሳን ቤቲያ ኦራ ዴዑዋ 
\p  
\v 17 ሄዋ ዲራው፥ ታኒ ሃዋ ሂንቴንቶ ጎዳ ሱንን ኦዳይኔ ማርካታይ። ሂንቴ ጎዒ ባዪና ቆፋ ቆፒያ ኣዪሁዳ ጊዴና ኣሳቱዋዳን ዴዖፒቴ።  
\v 18 ኡንቱንቱ ዎዛናይ ማኒ ዴዔ፤ ኡንቱንቱ ኣዪኔ ኤሬናዋንታኔ ኣዛዜቴና ዲራው፥ ፆሳይ ኢሚያ ዴዑዋፔ ሃኬዲኖ።  
\v 19 ኡንቱንቱ ማታን ዬላ ጊያዌ ባዋ፤ ኡንቱንቱ ዎሹማው ካጄላናው ባሬንቱ ሁጲያ ኣ ኢሚኖ፤ ቃሲ ቱናባ ኡባ ፓጪ ባዪናን ኦናው ሎይ ዮራቲያዋንታ። 
\p  
\v 20 ሺን ሂንቴ ኪሪስቶሳዋ ሄዋዳን ታማሪቤዪኪታ።  
\v 21 ኣባ ቱሙ ሲሴዲታ፤ ቃሲ ቱማቴይካ ዬሱሳን ዴዒያዋ፥ ኣፔ ታማሬዲታ።  
\v 22 ሂንቴ ካሴ ዴዒያ ዴዑዋ ኣጊቴ፤ ቃሲ ባሬ ጪሚያ ኣሙዋን ዪያ ሂንቴ ኤጫ ኣሳቴ ዪሲቴ።  
\v 23 ሂንቴ ዎዛናይኔ ቆፋይ ኡባና ኦራፃናው ቤሴ።  
\v 24 ቱሙ ፂሎቴኒኔ ጌሻቴን ፆሳ ሌሚሱዋን ሜቴዳ ኦራ ኣሳቴ ማዪቴ። 
\p  
\v 25 ሲሚ ዎርዶቶፒቴ። ኑኒ ኡባይ ኪሪስቶሳ ኣሳቴን ኢቲ ኣሳ ጊዲያ ዲራው፥ ኣሳይ ኡባይ ባሬ ኢሻው ቱሙዋ ሃሳያናው ቤሴ። \x - \xo 4:25 \xt ዛክ 8፡16\x* 
\v 26 ሃንቄቲቴ፤ ሺን ሂንቴ ሃንቁዋን ናጋራ ኦፒቴ። ሂንቴ ሃንቁዋን ዴዒሺን፥ ኣዋይ ዉሎፖ። \x - \xo 4:26 \xt ማዝ 4፡4\x* 
\v 27 ፃላሄው ፆዒያ ኢሞፒቴ።  
\v 28 ዉዒያ ኡራይ ሃዋፔ ሲንው ዉዖፖ፤ ሺን ሄዋ ኣጊዴ፥ ሂዬሳቱዋ ማዳናው፥ ባሬ ኩሺያን ሎዖባ ኦዴ ዳቡሮ። 
\p  
\v 29 ሂንቴ ሃሳያይ ሲሲያዋንታ ጎዓና ማላ፥ ኮሺያዋዳን ሜንያ ሎዖ ቃላይ ሂንቴ ዶናፔ ኬሶፔ ኣቲን፥ ኢታ ቃላይ ሙሌካ ኬሶፖ።  
\v 30 ፆሳይ ሂንቴና ዎዚያ ጋላሳው ሂንቴ ኣታሜቲ ኡቴዳ ፆሳ ጌሻ ኣያና ካዮዮፒቴ።  
\v 31 ኢፂያ ሃኖታ፥ ዪሉዋ፥ ሃንቁዋ፥ ዋሱዋኔ ጫሻ ኡባ ኢታቴ ኡባና ሂንቴፔ ዪሲቴ።  
\v 32 ኢቱ ኢቶ ኬኪቴኔ ቃሬቲቴ፤ ቃሲ ፆሳይ ኪሪስቶሳ ባጋና ሂንቴንቶ ኣቶ ጌዳዋዳን፥ ሂንቴካ ኢቱ ኢቱዋ ኣቶ ጊቴ። 
\c 5  
\s1 ፖዑዋን ዴዒቴ 
\p  
\v 1 ሲሚ ፆሳይ ሲቂያ ናናቱዋዳን፥ ኣ ማላቲቴ።  
\v 2 ቃሲ ኪሪስቶሲ ኑና ሲቂዴ፥ ባሬ ሁጲያ ፆሳው ናሼቺያ ያርሹዋዳኒኔ ኢሞታ ኡዲዴ ኢሜዳዋዳን፥ ሂንቴካ ሲቁዋን ዴዓናው ቤሴ። \x - \xo 5:2 \xt ኬስ 29፡18፤ ማዝ 40፡6\x* 
\p  
\v 3 ሺን ፆሳ ናናው ቤሲያዋዳን፥ ሂንቴ ጊዶን ዎሹሚያዌኔ ቱናቴ ኡባይ፥ ዎይ ሚሻ ኣሞቲያዌ ሙሌካ ሲሴቶፖ።  
\v 4 ዬላዪያዌኔ ኤያ ሃሳያይ ዎይ ፓና ቂ ሂንቴንቶ ቤሴናዋ ጊዲያ ዲራው፥ ሂንቴ ማታን ኡባካ ዴዖፖ፤ ሂንቴ ሄዋ ኡባ ኣጊዴ፥ ፆሳ ጋላታናው ቤሴ።  
\v 5 ሃዋ ኤሪቴ፤ ኦኒኔ ዎሹሚያዋ ዎይ ቱናባ ኦያዋ፥ ዎይ ሚሻ ኣሞቲያዋ ጊዶፔ፥ ኪሪስቶሳ ካዉቴኔ ፆሳ ካዉቴ ላታናው ዳንዳዬና፤ ሚሻ ኣሞቲያዌ ኤቃው ጎዪኒያዋፔ ዱማቴና። 
\p  
\v 6 ሂንቴና ኦኒኔ ፓና ሃሳያን ጪሞፖ፤ ኣዪሲ ጎፔ፥ ሃዋ ጋሱዋን ፆሳ ሃንቁ ኣዛዜቴና ኣሳ ቦላ ያና።  
\v 7 ሲሚ ሄዋ ማላ ኣሳና ዙፔቶፒቴ።  
\v 8 ኣዪሲ ጎፔ፥ ካሴ ሂንቴ ማኒ ዴዔዲታ፤ ሺን ጎዳ ባጋና ሃዒ ፖዑዋን ዴዒታ፤ ፖዑዋን ዴዒያ ኣሳዳን ፖዑዋን ሃሜቲቴ።  
\v 9 ኣዪሲ ጎፔ፥ ፖዑ ሎዖቴ፥ ፂሎቴኔ ቱማቴ ኡባ ኣዪፌ። 
\p  
\v 10 ጎዳ ናሼቺያባይ ኣዬንቶ ታማሪቴ።  
\v 11 ጎዒ ባዪና ማ ኦሱዋ ቆንጪሲ ቤሲቴፔ ኣቲን ኣናና ዋላኬቶፒቴ።  
\v 12 ኡንቱንቱ ጌማን ኦያዌ ሃራይ ኣቶ ሃሳዪያዌካ ፖኬ።  
\v 13 ሺን ኡባባይ ፖዑዋ ኬሲያ ዎዴ፥ ቆንጪያን ቤታና፤ ኣዪሲ ጎፔ፥ ቆንጪያን ቤቲያ ኡባባይ ፖዑዋ።  
\v 14 ሄዋ ዲራው፥ 
\q1 «ጌሚዒሺያዎ፥ ቤጎታ፤ 
\q2 ሃዪቁዋፔካ ዴንዳ፤ 
\q1 ኪሪስቶሲ ኔው ፖዒሳናዋ» 
\m ያጌ። \f + \fr 5:14 \ft ሃዌ ማዚሙሪያ ጊዲዴ ኣማኔዳ ኣሳይ ፃማቄቲያ ዎዴ ዬፄቲያዋ።\f* 
\p  
\v 15 ሲሚ ሂንቴ ዋኒ ዴዒንቶ ኣኬኪቴ፤ ኣዳ ኤራቴና ዴዒያ ኣሳዳን ዴዒቴፔ ኣቲን፥ ኣዳ ኤራቴይ ባዪና ኣሳዳን ዴዖፒቴ።  
\v 16 ዎዲ ኢታ ጊዲያ ዲራው፥ ሂንቴ ዎዲያ ሂንቴው ዳንዳዬቶዋዳን ሎዖቴው ጎዔቲቴ።  
\v 17 ሄዋ ዲራው፥ ጎዳይ ኮዪያዌ ኣዬንቶ ኣኬኪቴፔ ኣቲን፥ ኤያ ጊዶፒቴ። 
\p  
\v 18 ቃሲ ሂንቴናን ጌሻ ኣያናይ ቃንፄናን ኩሞፔ ኣቲን፥ ሂንቴና ባዪዚያ ዎዪኒያ ጊያ ኤሳ ኡሺዴ ማቶፒቴ።  
\v 19 ማዚሙሪያ ዬን፥ ጋላቲዴ ዬፂያዋኒኔ ኣያና ዬን ኢቱ ኢቱዋና ሃሳዪቴ፤ ቃሲ ጋላቲያ ዬኒኔ ማዚሙሪያ ዬፂያዋን ሂንቴ ዎዛናን ጎዳ ጋላቲዴ ዬፂቴ።  
\v 20 ኑ ጎዳ ዬሱሲ ኪሪስቶሳ ሱንን፥ ኣዉዋ ፆሳ ኡባባው ኡባ ዎዴ ጋላቲቴ። 
\s1 ኣሲናባኔ ማቻቲባ 
\p  
\v 21 ኪሪስቶሳው ያዪዴ፥ ኢቱ ኢቶ ሞዴቲቴ። 
\p  
\v 22 ማቼቶ፥ ጎዳው ሞዴቲያዋዳን፥ ሂንቴ ኣሲናው ሞዴቲቴ።  
\v 23 ኣዪሲ ጎፔ፥ ኪሪስቶሲ ቃሲ ዎሳ ጎሌው ሁጴ ጊዲያዋዳን፥ ኣሲናይካ ባሬ ማቻቲው ሁጴ፤ ቃሲ ኪሪስቶሲ ባሬ ሁጲያን፥ ባሬ ቦላ ጊዲያ ዎሳ ጎሊያ ኣሺያዋ።  
\v 24 ሺን ዎሳ ጎሊ ኪሪስቶሳው ሞዴቲያዋዳን፥ ማቼቱ ቃሲ ባሬንቱ ኣሲናው ኡባባኒ ሞዴታናው ቤሴ። 
\p  
\v 25 ኣሲናቶ፥ ኪሪስቶሲ ዎሳ ጎሊያ ሲቂዴ፥ ባሬ ሁጲያ ኢዚው ኢሜዳዋዳን፥ ሂንቴካ ሂንቴ ማቻቱዋ ሲቂቴ።  
\v 26 ኢ ዎሳ ጎሊያ ባሬ ቃላኒኔ ሃን ሜጪ ጌሺዴ፥ ፆሳው ዱማያናው ሃዋ ኦዳ።  
\v 27 ኪሪስቶሲ ዎሳ ጎሊያ ቂታይ ዎይ ዴሙዋ ጪሲያዌ ዎይ ሄዋ ማላቲያዌ ባዪናን፥ ኣ ኩሜን ቦንቹዋና ጌሻኔ ቦሬቴናዋ ኡዲዴ፥ ባሬ ሁጴው ሺሻናው ኮዬዳ።  
\v 28 ሲሚ ቃሲ ኣሲናይ ባሬ ማቻቶ ባሬ ቦላዳን ሲቃናው ቤሴ፤ ባሬ ማቻቶ ሲቂያዌ ባሬና ሲቄ።  
\v 29 ኣዪሲ ጎፔ፥ ባሬ ቦላ ኢፂያ ኣሳይ ሙሌካ ባዋ፤ ሺን ኪሪስቶሲ ዎሳ ጎሊያ ሙዚያዋዳኒኔ ናጊያዋዳን ኦኒኔ ባሬ ቦላ ሙዜኔ ናጌ።  
\v 30 ኣዪሲ ጎፔ፥ ኑኒ ኣ ቦላ ዱማ ዱማ ኣሳቴ። 
\p  
\v 31 ፆሳ ማፃፋይ፤ «ሄዋ ዲራው፥ ኣቱማዌ ባሬ ኣዉዋኔ ባሬ ዳዮ ኣጊዴ፥ ባሬ ማቻቲና ኢቲፔ ዴዓና፤ ኡንቱንቱ ላዑካ ኢቲ ኣሹዋ ጊዳና» ያጌ። \x - \xo 5:31 \xt ዶም 2፡24\x* 
\v 32 ሃ ፁራይ ዎልቃማ ቱማቴ፤ ሺን ታኒ ሃዌ ኪሪስቶሳባኔ ዎሳ ጎሊያባ ኦዴ ያጋይ።  
\v 33 ጊዶፔካ፥ ቃሲ ኣሲናይ ሁጲያን ሁጲያን ማቺያ ባሬ ሁጲያዳን ሲቃናው ቤሴ፤ ማቻታካ ባሬ ኣሲና ቦንቻናው ቤሴ። 
\c 6  
\s1 ዬሌዳዋንቱባኔ ዬሌቴዳ ናናቱዋባ 
\p  
\v 1 ናቶ፥ ሂንቴና ዬሌዳዋንቶ ጎዳ ቦንቺያዋዳን ኣዛዜቲቴ፤ ኣዪሲ ጎፔ፥ ሃዌ ኦናው ቤሲያዋ። \x - \xo 6:1 \xt ቆል 3፡20\x* 
\v 2-3 «ኔው ኡባባይ ሎዓናዳኒኔ ሳዓን ኔ ላይይ ኣዱቃናዳን፥ ኔ ኣዉዋኔ ኔ ዳዮ ቦንቻ» ጊያ ኣዛዙ ፆሳይ ኢማና ጌዳ ሂዶታና ዴዒያ ኮዪሮ ኣዛዙዋ። \x - \xo 6:2-3 \xt ኬስ 20፡12፤ ዛር 5፡16\x* 
\p  
\v 4 ኣዋቶ፥ ሂንቴ ሂንቴ ናናቱዋ ጎዳ ሴራኒኔ ዞሪያን ዲቺቴፔ ኣቲን፥ ኡንቱንታ ሃንቄፒቴ። \x - \xo 6:4 \xt ቆል 3፡21\x* 
\s1 ጎዳቱዋባኔ ኣይላቱዋባ 
\p  
\v 5 ኣዪላቶ፥ ኪሪስቶሳው ኦያዋዳን፥ ሂንቴ ጎዳቶ ያሻቴኒኔ ኮኮርሳን ሱሬ ዎዛናፔ ኣዛዜቲቴ። \x - \xo 6:5 \xt ቆል 3፡22-25\x* 
\v 6 ፆሳይ ጌዳዋ ኦያዋንቱዳን፥ ኪሪስቶሳ ኣዪላቱዋዳን፥ ዎዛናፔ ኦቴፔ ኣቲን፥ ኣሳ ናሼቻናው ኦያዋዳን፥ ኣሳይ ቤዖ ጊዴ ኦፒቴ።  
\v 7 ኣሳው ጊዴናን ጎዳው ኦያዋዳን፥ ቤናን ዎዛናፔ ኦቴ።  
\v 8 ኣዪሌ ጊዲና ዎይ ዎማኑዋ ጊዲና፥ ኢ ኦያ ሎዖ ኦሶ ኡባው ጎዳይ ሁጲያን ሁጲያን ዎዪታናዋ ኤሪታ። 
\p  
\v 9 ጎዳቶ፥ ሂንቴ ኣዪሌቱዋ ናሲያዋ ኣጊዴ፥ ኡንቱንቶ ሄዋዳን ኦቴ፤ ሂንቴናኔ ኡንቱንታ ጋ ሞዲያ ጎዳይ፥ ኦናኔ ማዲ ፒርዴናዌ፥ ሳሉዋን ዴዒያዋ ኤሪታ። 
\s1 ፆሳ ኦላ ሚሻቱዋባ 
\p  
\v 10 ዉርሴን፥ ጎዳኒኔ ኣ ዎልቃማ ዎልቃን ኡባ ዎዴ ሚኒቴ።  
\v 11 ፃላሂያ ኢታ ጪሙዋ ቴዓናው ሂንቴ ዳንዳያና ማላ፥ ፆሳይ ሂንቴንቶ ኢሚያ ኦላ ማዩዋ ኡባ ማዪቴ።  
\v 12 ኣዪሲ ጎፔ፥ ኑኒ ቦላ ሳሉዋ ዴዒያ ኢታ ኣያና ዎልቃቱዋና፥ ሞዲያዋንቱና፥ ጎዳቴይ ዴዒያዋንቱናኔ ሃ ማ ቢታ ሞዲያዋንቱና ኦሌቲያዋፔ ኣቲን፥ ኣሳና ኦሌቶኮ። 
\p  
\v 13 ሄዋ ዲራው፥ ኢታ ጋላሳን \f + \fr 6:13 \fq ኢታ ጋላሳን፡ \ft ሃዒ ዴዒያ ዎዲያ ዎይ ሃይቁዋ ጋላሳ ዎይ ዉርሴ ፒርዳ ዎይ ሙራ ጋላሳ ጊያዋ።\f* ቴዓናዉኔ ቃሲ ዉርሴይ ጋካናው ዋቶዋፔ ጉዪያን፥ ሚኒ ኤቃናው ሂንቴ ዳንዳያና ማላ፥ ፆሳ ኦላ ሚሻ ኡባ ኦይቂቴ።  
\v 14-15 ሄዋ ዲራው፥ ፄሳን ሳቂያ ዳንጪያዋዳን ቱማቴ ዳንጪዴ፥ ቲራን ዎያ ኦላ ሚሻዳን ፂሎቴ ማዪዴ፥ ሂንቴ ጌዲያን ጫማ ዎያዋዳን ሳሮቴ ሚሺራቹዋ ቃላ ኦዳናው ጊጊዴ፥ ሚኒ ኤቂቴ። \x - \xo 6:14-15 \xt ኢሳ 52፡7\x* 
\v 16 ሄ ኡባፔ ኣዴ፥ ፃላሂ ዬዲያ ዎንዳፊያ ታማ ኡባ ቶዪሳናው፥ ኣማኑዋ ኡባ ዎዴ ጎንዳሊያዳን ኦይቂቴ።  
\v 17 ኣቶቴ ሁጲያን ዎያ ቢራታ ቆቢያዳን ዎቴ፤ ቃሲ ጌሻ ኣያና ማሻ ጊዴዳ ፆሳ ቃላ ኦይቂቴ። \x - \xo 6:17 \xt ኢሳ 59፡17\x* 
\v 18 ፆሳ ዎሲዲኔ ኣ ማዱዋ ኦቺዴ፥ ኡባ ዎዴ ጌሻ ኣያናን ፆሳ ዎሲቴ። ሄዋ ዲራው፥ ሚኒቴ፤ ሳሌቶፒቴ፤ ጌሻቱዋ ኡባው ፆሳ ኡባ ዎዴ ዎሲቴ። 
\p  
\v 19 ቃሲ ታኒ ያዬናን ዎንጋላ ፁራ ኦዳናው፥ ፆሳይ ታ ዶና ዶዪዴ፥ ሃሳዪያዋ ኢማናዳን፥ ታዉካ ፆሳ ዎሲቴ።  
\v 20 ታኒ ሃዒ ቃሹዋን ዴዖፔካ፥ ሃ ዎንጋላ ዲራው ታኒ ኪቴቴዳዋ፤ ታኒ ኣባ ታው ቤሲያዋዳን ያዬናን ኦዳና ማላ፥ ታው ፆሳ ዎሲቴ። 
\s1 ዉርሴ ሳሮታ 
\p  
\v 21 ሺን ታኒ ዋና ዴዒንቶኔ ኣያ ኦይታንቶ ሂንቴካ ኤራናዳን፥ ኑ ሲቆ ኢሻይ፥ ጎዳ ኦሱዋን ኣማኔቴዳ ቆማይ ቲኪቆሲ፥ ታዋ ኡባ ሂንቴንቶ ኦዳናዋ። \x - \xo 6:21 \xt ኪት 20፡4፤ 2ፂም 4፡12\x*\x - \xo 6:21 \xt ቆል 4፡7-8\x* 
\v 22 ኑኒ ኡባይ ዋኒ ዴዒንቶ ሂንቴንቶ ኦዲዴ፥ ሂንቴና ሚኒሳና ማላ፥ ታኒ ኣ ሂንቴኮ ኪታዲ። 
\p  
\v 23 ፆሳ ኣዉዋፔኔ ጎዳ ዬሱሲ ኪሪስቶሳፔ ሳሮቴይኔ ሲቆቴይ ኣማኑዋና ኢቲፔ ኢሻቱዋ ኡባው ጊዶ፤  
\v 24 ዶቼና ሲቁዋን ኑ ጎዳ ዬሱሲ ኪሪስቶሳ ሲቂያ ኡባቱዋና ፆሳ ኣ ኬካቴይ ጊዶ። ኣሜንዒ።