\id COL - ዳውሮ 
\h ቆላሲያሳ 
\toc1 ጳዉሎሲ ቆላሲያሳ ኣሳው ፃፌዳ ኪታ 
\toc2 ቆላሲያሳ 
\toc3 ቆል 
\mt2 ጳዉሎሲ 
\mt1 ቆላሲያሳ ኣሳው 
\mt2 ፃፌዳ ኪታ 
\imt1 ጌሉዋ 
\ip ጳዉሎሲ ቆላሲያሳ ኣሳሲ ፃፌዳ ኪታይ ፃፌቴዳዌ፥ ኤፌሶኔ ኣሳው ፃፌቴዳ ኪታና ኢቲ ዎዲያና ማላቴ። ሄዌካ ቄሪ ኢሲያን፥ ኤፌሶኔፔ ኣዋይ ዶሊያ ባጋና ቤቲያ ቆላሲያሳን ዴዒያ ኣማኒያ ኣሳቱዋሳ ጊዲዴ ላዑዋ ጊዶን ዴዒያ ዱማቴይ፥ ቆላሲያሳ ኣሳው ፃፌቴዳ ኪታይ ኪሪስቶሲ ሜታ ኡባሲ ሁጴ ጊዲያዋ ቤሲያ ዎዴ ኤፌሶና ኣሳሲ ፃፌቴዳ ኪታይ ቃሲ ኪሪስቶሲ ዎሳ ጎሌው ሁጴ ጊዲያዋ ቤሴ። ሃ ኣሳቱዋሲ ቃላ ማርካቴዳዌ ጳዉሎሳ ጊዳና ዮፔካ፥ ሮሜ ጋዲያን፥ ኢሲያ ዋና ካታማ ጊዲያ ኤፌሶኔፔ ኡንቱንቱሲ ኦያ ኣሳቱዋ ኪቲያዌ ኣ ጊዲያ ዲራው፥ ቆላሲያሳዉካ ኣዎቲያ ሃኖታይ ኣው ዴዔ። ቆላሲያሳ ኣማኒያዋንቱ ጊዶን፥ «ፆሳ ኤራናዉኔ ኩሜን ኣቶቴ ዴማናው፥ ኣሳይ ኡባይ ኣያና ዎልቃቱዋሲኔ ማታይ ዴዒያዋንቱሲ ጎዪናናው ኮሼ» ያጊያ ዎርዶ ኣስታማራቱ ዴዒያዋ ጳዉሎሲ ሲሴዳ። ሃ ኣስታማራቱ ሃራባ ቃሲ፥ «ኣሳይ ኡባይካ ቃፃራ ማላቲያ ዎጋቱዋሲ ሞዴታናዉኔ ቁማ ዎጋኔ ሃራ ዎጋቱዋ ኡባ ናጋናው ኮሼ» ያጊኖ። 
\ip ጳዉሎሲ ሃ ኪታ ፃፌዳዌ ቱማንቻ ጊዲያ ኪሪስቲና ኪታ ኦዲያዋን፥ ኡንቱንቱ ዎርዶ ቲሚርቲያ ጳልቃናሳ። ኢ ዛሬዳ ዛሩዋፔ ዋናቲያዌ «ዬሱሲ ኪሪስቶሲ ኩሜን ኣቶቴ ኢማናው ዳንዳዬ፤ ሃ ሃራ ኣማናቱኔ ኦሳቱ ኣፔ ሃሳናው ዳንዳዪኖ» ያጊያዋ። ፆሳይ ኪሪስቶሳ ባጋና ሃ ኣላሚያ ሜዳ። ቃሲ ኣ ባጋና ዛሪዴ ኣ ባሬኮ ኣሃና። ሃ ኣላሚያሲ ኪሪስቶሳ ዎዛናፔ ኣማኒያዋ ፃላላን ኣቶቴ ሂዶታይ ዴዔ። ሃዋ ማራን ጳዉሎሲ ሃ ዎልቃማ ቲሚርቲ ኣማኒያ ኣሳ ዴዑዋን ዋኒዴ ኦሱዋን ፔሻናው ዳንዳዪንቶ ኦዴ። 
\ip ሃ ኪታ ጳዉሎሳፔ ኣኪዴ፥ ቆላሲያሳ ጋናው ኪቴቴዳ ቲኪቆሳና ኢቲፔ ቤዳዌ ኣናሲሞሳ ጊዲያዋ ቤዒያዌ ጎዒያዋ። ዋኒዴ ጎፔ፥ ጳዉሎሲ ሃ ኣናሲሞሳ ጌቴቲያ ባሬ ኦሳንቻባ ዴንዴ፥ ፒሊሞናው ሃራ ኪታ ፃፌዳ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-8) 
\io1 ኪሪስቶሳ ኤሻኔ ኦሱዋ (1፡9-2፡19) 
\io1 ዬሱሳን ቤቲያ ኦራ ዴዑዋ (2፡20-4፡6) 
\io1 ዉርሴ ቁቲያ (4፡7-18) 
\c 1  
\p  
\v 1 ታኒ ጳዉሎሲ፥ ፆሳ ሼኒያን ኪሪስቶሲ ዬሱሲ ኪቴዳዋ ጊዴዳዌኔ ኑ ኢሻይ ፂሞቶሲ፥  
\v 2 ቆላሲያሳ ጊያ ካታማን ዴዒያ ፆሳ ናናቶ፥ ኪሪስቶሳን ኣማኔቴዳ ኢሻቶ ሃ ዳቢዳቢያ ፃፌቶ። 
\p ፆሳ ኑ ኣዉዋፔኔ ጎዳ ዬሱሲ ኪሪስቶሳፔ፥ ኣ ኬካቴዪኔ ሳሮቴይ ሂንቴንቶ ጊዶ። 
\s1 ጳዉሎሲ ዎሴዳ ጋላታ ዎሳ 
\p  
\v 3 ኑኒ ሂንቴንቶ ዎሲዴ፥ ኑ ጎዳ ዬሱሲ ኪሪስቶሳ ኣዉዋ፥ ፆሳ ኡባ ዎዴ ጋላቴቶ።  
\v 4 ኣዪሲ ጎፔ፥ ኑኒ ኪሪስቶሲ ዬሱሳ ሂንቴንቱ ኣማኒያዋኔ ፆሳ ኣሳቱዋ ኡባ ሲቂያዋ ሲሴዶ።  
\v 5 ቱሙ ኪታይ ዎንጋላይ ኮዪሮ ሂንቴኮ ዬዳ ዎዴ፥ ፆሳይ ሲንፔ ኢማና ጌዳዋ ሲሴዲታ። ሲሚ ሂንቴንቱ ኣማኑኔ ሲቁ ሳሉዋን ጊጊዴ ናጊያ፥ ፆሳይ ሲንፔ ኢማና ጌዳዋን ዶሜቴዳ።  
\v 6 ሄ ዎንጌሊ ሂንቴኮ ጋኬዳ፤ ሂንቴንቱ ኣ ሲሶዴፔኔ ፆሳ ኣ ኬካቴ ቱማቴን ኤሮዴፔ ዶሚዴ፥ ሂንቴንቱ ጊዶን ዴዒያዋዳንካ፥ ቢታ ኡባን ኣንጁዋ ኣሄኔ ኡባሳ ኣኬ። 
\p  
\v 7 ሂንቴንቱ ሄዋ ኑናና ኢቲፔ ቆማ ጊዴዳ ሲቆ ኤፓፊራፔ ታማሬዲታ፤ ኢ ኑ ዲራው ኪሪስቶሳው ኣማኔቲዴ ኦያዌ፥  
\v 8 ፆሳ ኣያናን ሃራቱዋ ሂንቴንቱ ሲቂያዋ ኑሲ ኦዴዳ። 
\p  
\v 9 ሄዋ ዲራው፥ ኑኒ ቃሲ ሄዋ ሲሴዳ ጋላሳፔ ዶሚዴ፥ ፆሳይ ሂንቴንቶ ባሬ ሼኒያ ኤሪያ ኤራቴ፥ ፆሳ ኣያናይ ኢሚያ ኣዳ ኤራቴናኔ ኣኬካና ኢቲፔ ኩንዴ ኢማናዳን፥ ኡባ ዎዴ ባሌናን ፆሳ ዎሴቶ።  
\v 10 ሄዋፔ ጉዪያን፥ ጎዳይ ኮዪያዋዳን ሂንቴንቱ ዴዓናዉኔ፥ ኡባ ዎዴ ኣ ናሼቺያባ ኦናው ዳንዳያና፤ ሂንቴንቱ ኦያ ሎዖ ኦሱዋ ኡባን ሂንቴንቱ ዴዑ ጎዓና ዴዒያዋ ጊዳናዋ፤ ቃሲ ፆሳ ኤሪያዋን ዲጪ ዲጪ ባኒታ። 
\p  
\v 11 ሂንቴንቱ ኡባባኒ ናሼቻን ጌንጫናዳኒኔ ዳንዳያናዳን፥ ፆሳይ ባሬ ቦንቹዋ ጊታቴዳን ኢሚያ ዎልቃ ኡባን ሚኒቴ።  
\v 12 ቃሲ ፆሳ ናናቶ ጊጌዳ ፖዖ ካዉቴ ላታናው፥ ኑና ዳንዳዪሴዳ ፆሳ ኣዉዋ ጋላቲቴ።  
\v 13 ኢ ኑና ማ ዎልቃፔ ኣሺዴ፥ ባሬ ሲቂያ ናዓ ካዉቴኮ ፒንዳ።  
\v 14 ቃሲ ኢ ባሬ ናዓን ኑና ዎዚዴ፥ ኑ ናጋራ ኣቶ ጌዳ። 
\s1 ኪሪስቶሳ ፆሳቴኔ ኣ ኦሱዋ 
\p  
\v 15 ኪሪስቶሲ ቤቴና ፆሳ ቆንጪሲያዋ፤ ኢ ሜቴዳዋ ኡባፔ ኣያ ባይራ ናዓ።  
\v 16 ኣዪሲ ጎፔ፥ ኡባባይካ ኣኒ ሜቴዳ፤ ቤቲያዋንቱ፥ ቤቴናዋንቱ፥ ኣያናቱዋፔ ቤቲያ ዎልቃይኔ ጎዳቴይ፥ ቃቴይኔ ማታይ፥ ሳሉዋኒኔ ሳዓን ዴዒያ ኡባባይካ ኣኒኔ ኣው ሜቴዳ።  
\v 17 ኢ ኡባባፔ ካሴ ዴዔዳ፤ ኡባባይካ ኣኒ ባሬ ሳዓ ሳዓ ኦይቂዴ ዴዔ።  
\v 18 ኢ ባሬ ሁጴው፥ ዎሳ ጎሌው ሁጴኔ ዴዖ፤ ኢ ኡባፔ ቦላ ጊዳና ማላ፥ ካሴቲዴ ሃዪቁዋፔ ዴንዴዳ ባዪራ ናዓ ጊዴዳ። 
\p  
\v 19 ኣዪሲ ጎፔ፥ ፆሳይ ኮዬዳዋዳን፥ ኣኒ ፆሳቴ ኩሜንይ ዴዔ።  
\v 20 ያቲና ፆሳይ ኪሪስቶሳ ባጋና ኡባባ ባሬናና ሲጌናው ዬዉዋ ቃቼዳ፤ ባሬ ናዓይ ማስቃሊያ ቦላን ጉሴዳ ሱን ሳሉዋኒኔ ሳዓን ዴዒያ ኡባባ ባሬናና ሲጌዳ። 
\p  
\v 21 ሃዋፔ ካሴ፥ ሂንቴንቱ ኢታባ ቆፔዳ ዲራዉኔ ኦዳ ዲራው፥ ፆሳፔ ሻኬቲዴ፥ ኣናና ሞርኬቴዲታ።  
\v 22 ሺን ፆሳይ ሃዒ ሂንቴንታ ፖኮባይ ባዪናዋንታኔ ቃሲ ጌሻቱዋ ኦዴ፥ ባሬ ሲን ሺሻናው፥ ባሬ ናዓ ሃዪቄዳዋ ኣሳቴን ባሬናና ሂንቴንታ ሲጌዳ።  
\v 23 ሄዌ ሂንቴንቱ ቱሙ ኣማኑዋን ሚኒ ኤቂዴ፥ ሚሺራቹዋ ቃላ ሲሲዴ፥ ሲንፔ ኣካና ጌዳዋፔ ቃፄናን ሚኒዴ ዴዖፔ ሃናና፤ ሄ ዎንጋላ ሚሺራቹ ሳዓን ዴዒያ ሜታ ኡባ ማታን ኦዴቴዳ። ታኒ ጳዉሎሲካ ሚሺራቹዋ ቃላ ኦዲያዋ ጊዳዲ። 
\s1 ጳዉሎሲ ዬሱሲ ኪቴዳዋ ጊዲዴ ኦዳ ኦሱዋ 
\p  
\v 24 ታኒ ሂንቴንቶ ዋዬቴዳ ዲራው፥ ሃዒ ናሼታይ፤ ኪሪስቶሲ ባሬ ሁጴው፥ ሄዋ ጊያዌ ዎሳ ጎሌው፥ ዋዬቲሺን ፓጬዳዋ ታኒ ታ ቦላ ሳኩዋን ኩንይ።  
\v 25 ፆሳይ ታና ሂንቴንታ ማዲያዋኔ ኣ ቃላ ፖላዴ ኦዲያ ኣሺካሬቴ ኪታ ታው ኢሜዳ።  
\v 26 ሃ ቃላይ ሃዋፔ ካሴ ባጋ ኡባን፥ ኣሳ ኡባው ኤሬቴናን ጌሚዴ ዴዔ፤ ሺን ባሬና ኣማኒያዋንቶ ፆሳይ ሃዒ ቆንጪሴዳ።  
\v 27 ፆሳይ ኣዪሁዳ ጊዴና ኣሳው ዎዳ ሃ ኣሳው ቆንጪቤና ቦንቹዋኔ ዱሬ ዬዉ ኣዬንቶ ጌሻቱዋ ኤሪሳናው ኮዬዳ፤ ሃ ኣሳው ሃዒ ቆንጬዳዌ ኣዬ ጎፔ፥ ኪሪስቶሲ ሂንቴንቱን ዴዒያዋ፤ ሄዋ ጊያዌ ፆሳ ቦንቹዋ ኣናና ሂንቴንቱ ኣካናዋ። 
\p  
\v 28 ሄዋ ዲራው፥ ኑኒ ኣሳ ኡባው ኪሪስቶሳዋ ኦዴቶ፤ ኣሳ ኡባ ኪሪስቶሳን ኩሜን ኣሳ ኦዴ፥ ፆሳኮ ሺሻና ማላ፥ ኑሲ ኣዳ ኤራቴ ኡባን ሂንቴንታ ሴሬቶኔ ታማሪሴቶ።  
\v 29 ታኒ ሃዋ ፖላናው፥ ታናን ኦያ ኪሪስቶሲ ታው ኢሚያ ዎልቃን ባፄታይኔ ዳቡራይ። 
\c 2  
\p  
\v 1 ታኒ ሂንቴንቶኔ ሎዶቂያ ጊያ ካታማን ዴዒያ ኣሳቶኔ ቃሲ ታና ቤዒቤና ኣማኒያዋንቶ ኡባቶ ኣይ ኬና ባፄታዲታንቶ ሂንቴንቱ ኤራና ማላ ኮያይ።  
\v 2 ኡንቱንቱ ዎዛናይ ሚናና ማላ፥ ሲቁዋን ኢቲፔ ጊዲዴ፥ ቱሙ ኣኬካን ቤቲያ ዱሬቴ ኡባ ኡንቱንቱ ኣካና ማላኔ ቃሲ ኡንቱንቱ ፆሳይ ኣሳው ቆንጪሲቤናዋ፥ ኪሪስቶሳ ኣ ሁጴው ኤራና ማላ፥ ታኒ ዳቡራይ።  
\v 3 ጌማን ፆሳይ ሚንጄዳ ኤራይኔ ኣዳ ኤራቴይ ኡባይ ኣኒ ዴዔ። 
\p  
\v 4 ኦኒኔ ሂንቴንታ ጪሚያ ቃላን ባሌና ማላ፥ ታኒ ሂንቴንታ ሃሳዪሳይ።  
\v 5 ኣዪሲ ጎፔ፥ ታኒ ሂንቴንቱ ማታፔ ሃካዴ ዴዖፔካ፥ ኣያናን ሂንቴንቱና ዴዓይ፤ ሂንቴንቱ ዴዒያ ማራኔ ኪሪስቶሳ ሂንቴንቱ ሚኒዴ ኣማኒያዋ ቤዓዴ ናሼታይ። 
\s1 ኪሪስቶሳን ቤቲያ ኩሜን ዴዑዋ 
\p  
\v 6 ሲሚ ሂንቴንቱ ጎዳ ኪሪስቶሲ ዬሱሳ ኣኬዳዋዳን፥ ኣኒ ዴዒቴ።  
\v 7 ኣኒ ፃጱዋ ዬዲዴ ዲጪቴ፤ ሂንቴንቱ ታማሬዳዋዳን ኣማኑዋን ሚኒቴ፤ ፆሳ ኡባ ዎዴ ጋላቲቴ። 
\p  
\v 8 ኪሪስቶሳፔ ጊዴና ቲሚርቲያን፥ ሃ ሳዓ ሞዲያ ኣያናቱዋ ቲሚርቲያኒኔ፥ ኣሳፔ ዬዳ ኤራቴን፥ ቃሲ ሜላ ጪሙዋን ሂንቴንታ ኦኒኔ ኦሞዴና ማላ ናጌቲቴ።  
\v 9 ኣዪሲ ጎፔ፥ ኪሪስቶሳ ኣሳቴ ቦላን ፆሳቴ ሜታ ኩሜንይ ዴዔ።  
\v 10 ቃሲ ኡባ ኣያናቱዋ ካፖቴዉኔ ጎዳቴው ኡባው ሁጴ ጊዲያ ኪሪስቶሳፔ ኩሜን ዴዑዋ ዴሜዲታ። 
\p  
\v 11 ሂንቴንቱ ኪሪስቶሳና ኢቲ ኣሳ ማላ ጊዲዴ፥ ኣሳ ቃፃራ ማላ ጊዴናን፥ ሂንቴንቱ ናጋራንቻ ሜታ ዲጊያ ቃፃራ፥ ሃዌካ ኣሹዋ ቃፃራ ጊዴናን ኪሪስቶሲ ኦዳዋ።  
\v 12 ሂንቴንቱ ፃማቄቴዳ ዎዴ፥ ኪሪስቶሳና ሞጌቲዴ፥ ኪሪስቶሳ ሃዪቁዋፔ ዴንዳ ፆሳ ዎልቃ ኣማኔዳ ዲራው፥ ኦራ ዴዑዋሲ ፂንቃታን ኪሪስቶሳና ኢቲፔ ዴንዴዲታ። 
\p  
\v 13 ሂንቴንቱ ሂንቴንቱ ናቁዋኒኔ ሂንቴንቱ ኤጫ ኣሳቴ ቃፃሬቴናን ኣጌዳዋን ሃዪቂዴ ዴዒያ ዎዴ፥ ፆሳይ ሂንቴንቱ ናቁዋ ኣቶ ጊዴ፥ ኪሪስቶሳና ሂንቴንታ ፓፃ ዎዳ።  
\v 14 ኑና ኢፂያ፥ ኣጩዋ ፓራማ ኣ ጫቁዋና ኢቲፔ ፆሳይ ዳኬዳ፤ ማስቃሊያ ቦላን ሺዴ፥ ኦጊያፔ ዲጌዳ።  
\v 15 ኪሪስቶሲ ሄ ማስቃሊያን ካፓቱዋፔኔ ጎዳቱዋፔ ዎልቃ ዎ ኣኪዴ፥ ባሬ ፆኑዋኔ ኦሞዴቴዳዋንታ ቆንጪያን ቤሴዳ። 
\p  
\v 16 ሄዋ ዲራው፥ ሙሳን ዎይ ኡሻን፥ ባላ ጋላሳ ዎይ ኣጌናይ ፄሪያ ዎዲያ ቦንቺያዋን፥ ዎይ ሳምባታ ቦንቺያዋን፥ ኦኒኔ ሂንቴንቱ ቦላ ፒርዶፖ።  
\v 17 ሃዋንቱ ሲንፔ ያና ዬዋቱዋሲ ኤሹዋ፤ ሺን ቱማቴይ ኪሪስቶሳዋ።  
\v 18 ዎርዱዋ ኣሺኬ ማላታናዉኔ ኪታንቻው ጎዪናናው ኮዪያዌ፥ ቤዒቤናዋ ሳፃን ቤዓዲ ጊዴ ኦቶሬቲያዌ፥ ኣሳቴ ቆፋን ጮ ኣዪያዌ፥ ኦኒኔ ሂንቴንቱ ቦላ ፒርዶፖ።  
\v 19 ሄዋ ማላ ኣሳይ ሁጴ ጊዲያ ኪሪስቶሳ ሚኒሲ ኦይቄዳዋ ሌፒሴ። ቦላ ኡባይ ሄ ሁጲያፔ ዎልቃ ዴሚዴ፥ ቦላን ዴዒያ ኩሪያናኔ ፃጱዋና ኢቲፔ ኦይቄቲዴ፥ ፆሳይ ዲቺያ ዲሹዋዳን ዲጬ። 
\s1 ሃይቁዋንካ ፓፃንካ ኪሪስቶሳና ዴዒያዋ 
\p  
\v 20-21 ሂንቴንቱ ሃ ሳዓ ሞዲያ ኣያናቱዋፔ ሃኪዴ፥ ኪሪስቶሳና ሃዪቄዲታ፤ ያቲና፥ ኣዪሲ ሃ ሳዓ ዎጋን ዴዒያ ኣሳዳን ዴዒቴ? «ኦይቆፓ፤ ባራ ቤዖፓ፤ ቦቾፓ» ያጊያ ሂጌቶ ኣዪሲ ኣዛዜቲቴ?  
\v 22 ሃ ኡባባይካ ኣሳይ ሜዳ ሂጌኔ ቲሚርቴ ጊዲያ ዲራው፥ ዎዲያፔ ጉዪያን ያና።  
\v 23 ኡንቱንቱ ኪታንቻው ጎዪኒያዋኒኔ ዎርዱዋ ኣሺኬ ማላቲያዋን ቃሲ ባሬንቱ ኣሳቴ ጊልቂሲያዋን ኣዳ ኤራንቻ ማላቲኖ፤ ሺን ኣሹዋ ኣሙዋ ዲጋናው ጎዔና። 
\c 3  
\p  
\v 1 ሲሚ ሂንቴንቱ ኪሪስቶሳና ሃዪቁዋፔ ዴንዴዳዋ ጊዶፔ፥ ፆሳፔ ኡሼቻ ባጋና ኡቴዳ ኪሪስቶሲ ዴዒያሳን ሳሉዋን ዴዒያዋ ሚኒሲ ኮዪቴ።  
\v 2 ሳሉዋን ዴዒያዋ ሂንቴንቱ ቆፓናፔ ኣቲን፥ ሳዓን ዴዒያዋ ቆፖፒቴ።  
\v 3 ኣዪሲ ጎፔ፥ ሂንቴንቱ ሃዪቄዲታ፤ ቃሲ ሂንቴንቱ ሼምፑ ፆሳን ኪሪስቶሳና ጌሜዳ።  
\v 4 ሂንቴው ዴዖ ጊዴዳ ኪሪስቶሲ ቆንጪያ ዎዴ፥ ሄ ዎዴ ሂንቴካ ኣናና ቦንቹዋን ቆንጫና። 
\s1 ኤጫኔ ኦራ ዴዑዋ 
\p  
\v 5 ሄዋ ዲራው፥ ሂንቴንቱን ዴዒያ ሃ ሳዓ ኣሞቱዋ ዎቴ፤ ሄዋንቱካ ዎሹሚያዋ፥ ቱናቴ፥ ዎሹማናው ኮዪያዋ፥ ኢታ ኣሙዋ፥ ሚሻ ኣሞቲያዋ። ዮራንቻ ጊዱሳይ ኤቃው ጎዪኒያዋፔ ዱማቴና።  
\v 6 ሃዋንቱ ጋሱዋን፥ ፆሳይ ኣዛዜቴና ኣሳቱዋ ሃንቄታናዋ።  
\v 7 ካሴ ሂንቴንቱ ሃ ኢታ ቆፋቱዋን ዴዒያ ዎዴ ኡንቱንቱን ሞዴቴዲታ። 
\p  
\v 8 ሺን ሃዒ ሂንቴንቱ ቃሲ ሃንቁዋ፥ ዪሉዋ፥ ኢፁዋ፥ ሂንቴንቱ ዶናፔ ኬሲያ ጫሻኔ ዬላዪያ ሃሳያ ሃዋንታ ኡባ ሂንቴፔ ዪሲቴ።  
\v 9 ኢቱ ኢቶ ዎርዶቶፒቴ፤ ኣዪሲ ጎፔ፥ ናጋራንቻ ሜታ ኣ ኦሱዋና ሂንቴፔ ዪሲ ዲጊዴ፥ \x - \xo 3:9 \xt ኤፌ 4፡22\x* 
\v 10 ፆሳይ፥ ኣ ሜዳዌ፥ ባሬና ማላቲሳናዉኔ ባሬው ዴዒያ ኤራቴ ኡባ ኢማናው፥ ኡባ ዎዴ ኦራያ ኦራ ሜታ ማዬዲታ። \x - \xo 3:10 \xt ዶም 1፡26፤ ኤፌ 4፡24\x* 
\v 11 ሃ ኦራ ሜታን፥ ጊሪኬ ኣሳ ዎይ ኣዪሁዳ ኣሳ፥ ቃፃሬቴዳዋ ዎይ ቃፃሬቲቤናዋ፥ ኢማቱዋኔ ኣይኔ ታማሪቤናዋ፥ ኣዪሊያ ዎይ ዎማኑዋ ጊዴ ሻኪያባይ ባዋ፤ ሁጴ ኣላሊ ኪሪስቶሳ፤ ኢ ኡባንካ ዴዔ። 
\p  
\v 12 ሄዋ ዲራው፥ ፆሳይ ዶሬዳዋንቱዳን፥ ጌሻኔ ሲቂያዋንታ ጊዲዴ፥ ማሮቴ፥ ቃሬታ፥ ኬካቴ፥ ሂንቴንቱ ሁጲያ ካዉሺያዋ፥ ኣሺኬቴኔ ዳንዳያ ማዪቴ።  
\v 13 ኢቱ ኢቱዋዋ ዳንዳዪቴ፤ ኦኒኔ ባሬ ላጊያ ቦላ ሃንቄቴዳዌ ዴዖፔ፥ ኢቱ ኢቶ ኣቶ ያጎ። ኪሪስቶሲ ሂንቴንቶ ኣቶ ጌዳዋዳን፥ ሂንቴካ ኣቶ ጊቴ።  
\v 14 ሄዋ ኡባ ቦላ፥ ኡባባ ኢቲፔ ሺሺ ቃቺያ ሲቁዋ ማዪቴ።  
\v 15 ኪሪስቶሲ ኢሚያ ሳሮቴይ ሂንቴንታ ሞዶ፤ ኣዪሲ ጎፔ፥ ፆሳይ ሂንቴንታ ኢቲ ኣሳ ኡዲዴ፥ ሄ ሳሮቴው ፄሴዳ ፆሳ ጋላቲቴ። 
\p  
\v 16 ኪሪስቶሳ ቃላይ ሂንቴንቱ ዎዛናን ኩሚዴ ዴዖ፤ ሂንቴንቶ ዴዒያ ኣዳ ኤራቴ ኡባን ኢቱ ኢቱዋ ታማሪሲቴኔ ዞሪቴ፤ ሂንቴንቱ ዎዛናን ፆሳ ጋላቲዴ፥ ዎሳኔ ማዚሙሪያ፥ ፆሳ ሱን ቁ ኦያ ዬ ዬፂቴ። \x - \xo 3:16 \xt ኤፌ 5፡19-20\x* 
\v 17 ሂንቴ ኣይ ሃሳዪያዋ ዎይ ኣይ ኦያዋ ጊዶፔካ፥ ኣዉዋ ፆሳ ዬሱሳ ባጋና ጋላቲዴ፥ ኦያዋ ኡባ ጎዳ ዬሱሳ ሱንን ኦቴ። 
\s1 ኣማኒያ ኣሳቱዋ ጎሌን ዴዓናው ቤሲያ ዎጋ 
\p  
\v 18 ማቼቶ፥ ኣማኒያ ኣሳው ቤሲያዋዳን፥ ሂንቴንቱ ኣሲናው ሞዴቲቴ። \x - \xo 3:18 \xt ኤፌ 5፡22፤ 1ጵፅ 3፡1\x* 
\p  
\v 19 ኣቱማ ኣሳቶ፥ ሂንቴንቱ ማጫ ኣሳ ሲቂቴ፤ ኡንቱንቱና ዎፑ ጊዴ ዴዒቴ። \x - \xo 3:19 \xt ኤፌ 5፡25፤ 1ጵፅ 3፡7\x* 
\p  
\v 20 ናቶ፥ ሂንቴንታ ዬሌዳዋንቶ ኡባባኒ ኣዛዜቲቴ። ኣዪሲ ጎፔ፥ ሂንቴንቱ ኡንቱንቶ ኣዛዜቲያዌ ፆሳ ዳሮ ናሼቼ። \x - \xo 3:20 \xt ኤፌ 6፡1\x* 
\p  
\v 21 ኣዋቶ፥ ሂንቴንቱ ናናይ ዎዛና ባዬና ማላ፥ ኡንቱንታ ዪሎዮፒቴ። \x - \xo 3:21 \xt ኤፌ 6፡4\x* 
\p  
\v 22 ኣዪሌቶ፥ ሳዓን ሂንቴንቶ ጎዳ ጊዲያዋንቶ ኡባባኒ ኣዛዜቲቴ፤ ጎዳው ያዪዴ፥ ሱሬ ዎዛናን ኦቴፔ ኣቲን፥ ኣሳ ናሼቻናዉኔ ኣሳይ ቤዖ ጊያዋን ኣዛዜቲያዋንታ ጊዶፒቴ። \x - \xo 3:22 \xt ኤፌ 6፡5-8\x* 
\v 23 ሂንቴ ኦያ ኦሱ ኡባ ኣሳው ጊዴናን ጎዳው ኦያዋዳን፥ ዎዛናፔ ኦቴ።  
\v 24 ጎዳ ኪሪስቶሳው ሂንቴንቱ ኦያ ዲራው፥ ኢ ባሬዋንቶ ኢማናው ጊጊሲ ዎዳዋ ሂንቴንቱ ላታናዋ ኣኬኪቴ።  
\v 25 ባላባ ኦዳ ኡራይ ኦኒኔ፥ ባሬ ኦዳ ባላዳን ዎይታ ኣካና፤ ኣዪሲ ጎፔ፥ ፆሳይ ፒርዲዴ፥ ኦናኔ ማዴና። \x - \xo 3:25 \xt ዛር 10፡17፤ ኤፌ 6፡9\x* 
\c 4  
\p  
\v 1 ጎዳቶ፥ ሂንቴዉካ ሳሉዋን ጎዳይ ዴዒያዋ ኤሪዴ፥ ሂንቴንቱ ኣዪሌቶ ፂሎቴኒኔ ሱሬቴን ኮሺያዋ ኦቴ። 
\s1 ዞሪያ 
\p  
\v 2 ፆሳ ኣጌናን ዎሲቴ፤ ቃሲ ዎሲዴ ኣዛሌናን፥ ኣ ጋላቲዴ ዎሲቴ።  
\v 3 ቃሲ ሂንቴንቱ ዎሲያ ዎዴ ኡባን፥ ካሴዴፔ ኣሳው ቆንጪቤናዋ፥ ኪሪስቶሳዋ ኑኒ ኦዳና ማላ፥ ፆሳይ ኑሲ ኢንጄያናዳን፥ ኑሲካ ፆሳ ዎሲቴ፤ ኣዪሲ ጎፔ፥ ሃዒ ታኒ ቃሾ ጎሊያን ዴዒያዌ ሄዋሳ።  
\v 4 ቃሲካ ታኒ ቤሲያዋ ኬና ቆንጪሳዴ ሃ ዬዉዋ ኦዳና ማላ፥ ታው ፆሳ ዎሲቴ። 
\p  
\v 5 ሂንቴው ዴዒያ ዎዲያ ጎዒ ባዪናሳን ዪሴናን፥ ኣማኔናዋንቱ ማታን ጪንጫቴን ዴዒቴ።  
\v 6 ሂንቴንቱ ኣሳ ኡባው ዎቲ ዛራናው ቤሲንቶ ኤራና ማላ፥ ሂንቴንቱ ሃሳያይ ኡባ ዎዴ፥ ሲሳናው ሎዒያዋኔ ናሼቺያዋ ጊዳናው ቤሴ። 
\s1 ዉርሴ ሳሮታ 
\p  
\v 7 ኑ ሲቆ ኢሻይ ቲኪቆሲ፥ ታናና ኢቲፔ ጎዳ ኦሱዋን ቆማ ጊዴዳ ኣማኔቲያ ኦሳንቻይ፥ ታ ዴዑዋባ ሂንቴንታ ኤሪሳና።  
\v 8 ታኒ ኣ ሂንቴኮ ኪቲያዌ፥ ኑኒ ዋኒ ዴዒንቶ ሂንቴንቶ ኢ ኦዲዴ፥ ሂንቴንታ ሜንና ዲራሳ።  
\v 9 ኣናሲሞሲ፥ ኣማኔቲያ ሲቆ ኢሻይ፥ ሂንቴንቱ ጋዴዌ፥ ኣናና ኢቲፔ ሂንቴኮ ቤ፤ ኡንቱንቱ ሃዋን ሃኒያ ኡባባ ሂንቴንታ ኤሪሳና። \x - \xo 4:9 \xt ፒም 10-12\x* 
\p  
\v 10 ታናና ቃሹዋን ዴዒያ ኣሪስፂሮኮሲኔ ባርናባሳው ኣዉዋ ጊዴዳ ማርቆሲ ሂንቴንታ ሳሮቲኖ፤ ታኒ ሂንቴንታ ካሴ ኣዛዜዳዋዳን፥ ማርቆሲ ሂንቴኮ ቦፔ፥ ዎዛናፔ ኣ ሞኪቴ። \x - \xo 4:10 \xt ኪት 19፡29፤ 27፡2፤ ፒም 24፤ ኪት 12፡12፣ 25፤ 13፡13፤ 15፡37-39\x* 
\v 11 ዮስፆሳ ጊያ ዬሱሲካ ሂንቴንታ ሳሮ ሳሮ ጌ፤ ኣዪሁዳ ኣሳቱዋፔ ታናና ፆሳ ካዉቴው ኦያዌ፥ ሃ ሄዙ ኣሳቱዋፔ ሃራይ ባዋ፤ ሃዋንቱ ታና ዳሮ ማዴዲኖ። 
\p  
\v 12 ኤፓፊሪ፥ ሂንቴንቱ ጋዴዌ፥ ኪሪስቶሲ ዬሱሳ ቆማይ፥ ሂንቴንታ ሳሮ ሳሮ ጌ። ኢ ሂንቴንቱ ፆሳን ሚኒዴ ኤቃናዳኒኔ ፆሳይ ኮዪያዌ ኡባይ ኣዬንቶ ኤሪዴ፥ ፖሊ ኣማናናዳን፥ ኡባ ዎዴ ፆሳ ሚኒሲ ዎሴ። \x - \xo 4:12 \xt ቆል 1፡7፤ ፒም 23\x* 
\v 13 ኣዪሲ ጎፔ፥ ኢ ሂንቴንቶ፥ ሎዶቂያ ኣሳዉኔ ሂራፖሊሳ ጊያ ካታማ ኣሳው ዳሮ ዳቡሪያዋ ታኒ ማርካታይ። 
\p  
\v 14 ኑ ሲቆ ዶቶሪ ሉቃሲኔ ዴማሲ ሂንቴንታ ሳሮ ዴዒቴ ያጊኖ።  
\v 15 ሎዶቂያን ዴዒያ ኑ ኢሻቶኔ ኒምፒው ቃሲ ኢዚ ጎሊያን ሺቂያ ኣማኒያ ኣሳቶ ኑ ሳሮታ ኦዲቴ። 
\p  
\v 16 ሃ ዳቢዳቢያ ሂንቴንቱ ናባቤዳዋፔ ጉዪያን፥ ሎዶቂያ ኣማኒያዋንቶካ ናባቢሲቴ፤ ሂንቴካ ሎዶቂያ ኣማኒያዋንቱካ ሂንቴንቶ ዬዲያ ዳቢዳቢያ ናባቢቴ።  
\v 17 ቃሲ ኣርኪፖሳው፥ «ጎዳይ ኔው ኢሜዳ ኦሱዋ ፖላናዋ ዶጎፓ» ያጊዴ ኦዲቴ። \x - \xo 4:17 \xt ፒም 2\x* 
\p  
\v 18 ታኒ ጳዉሎሲ፥ ታ ኩሺያን ሳሮታ ፃፌዳዋ ሃዋ ቤዒቴ፤ ታኒ ቃሹዋን ዴዒያዋ ዶጎፒቴ። 
\p ፆሳ ኣ ኬካቴይ ሂንቴንቱና ጊዶ።