\id ACT - Dawro 
\h ዬሱሲ ኪቴዳዋንቱ ኦሱዋ 
\toc1 ዬሱሲ ኪቴዳዋንቱ ኦሱዋ 
\toc2 ዬሱሲ ኪቴዳዋንቱ ኦሱዋ 
\toc3 ኪት 
\mt1 ዬሱሲ ኪቴዳዋንቱ 
\mt2 ኦሱዋ 
\imt1 ጌሉዋ 
\ip ዬሱሲ ኪቴዳዋንቱ ኦሱዋ ጌቴቲያ ማፃፋይ፥ ሉቃሳ ሚሺራቹዋ ካሊዴ ፃፌቴዳ ማፃፋ። ኣው ዴዒያ ሁጴ ቆፋይ ኮይሮ ዬሱሳ ካሌዳ ኣሳቱ ጌሻ ኣያናን ካሌሴቲዴ፥ ኣባ ኦዲያ ሚሺራቹዋ ቃላ «ዬሩሳላሜን፥ ዪሁዳ ጋዲያ ኡባን፥ ሳማርያን፥ ሳዓ ጋፃ ጋካናው» ሚሺራቹዋ ቃላ ዎቲ ጋዲያ ኡባ ጋዴንቶ ኦዳናሳ (ኪት 1፡8)። ማፃፋይ ኪሪስቲና ኣማኑ ኣዪሁዳ ኣሳቱዋ ጊዶን ዶሜቲዴ፥ ኩሜን ኣላሚያን ዴዒያ ኣሳ ኡባ ኣማኑዋ ጊዳና ጋካናው ዋኒ ኣኬዴንቶ ኦዲያ ታሪኪያ። ፃፊ፥ ኣማኒያ ኣሳቱ ሮማ ካዉቴ ኦላናው ጋርሳና ማቄቲያ ኣሳ ጊዴናዋኔ ኪሪስቲና ኣማኑ ኣዪሁዳቱዋ ኣማኑዋ ኩሜን ኡዲያዋ ጊዲያዋ ኤሪሳናው ዳሪሲ ዳቡሪዴ ኦዳ። 
\ip ዬሱሲ ኪቴዳዋንቱ ኦሱ ዬሱሳባ ኦዲያ ሚሺራቹዋ ቃላይ ጋኪያ ሳዓይ ዎዲያን ዎዲያን ኣኪ ኣኪ ቢያዋኔ ዎሳ ጎሊ ኤቄዳዋ ቆንጪሲያዋ ሄዙ ሁጴ ሳን ሻካናው ዳንዳዬቴ፡ 
\io1 1. ኪሪስቲና ኣማኑ ዬሱሲ ሳሉዋ ፑዴ ቢ ሲሚና ዶሜቴዳባ፤ 
\io1 2. ኢስራዔሊያ ጋዲያ ኡባ ጋኬዳባኔ 
\io1 3. ሮሜ ጉጂዴ ሜዲቴራኒያ ኣባ ዩሹዋን ዴዒያ ጋዲያን ኣኬዳዋ ኦዴ። 
\ip ዬሱሲ ኪቴዳዋንቱ ኦሱዋ ማፃፋን ዳሮፔ ኤሬቶዌ ጌሻ ኣያና ኦሱዋ ጊዲሺን፥ ጴንፄቆስቴ ጋላሲ ዬሩሳላሜን ዴዒያ ኣማኒያዋንቱ ቦላ ዎልቃፔ ኢ ዎዳዋ፥ ሃዋዳንካ ማፃፋ ጊዶን ኦዴቴዳ ኦሳቱዋ ኡባን ቤቴዳዋዳን፥ ጌሻ ኣያናይ ዎሳ ጎሊያኔ ዎሳ ጎሊያ ካሌያዋንታ ካሌዳዋኔ ሚኒሴዳዋ ጉጂዴ ኦዴ። ቤኒ ዎዴ ኦሴቲያ ኪሪስቲና ኪታይ ዱማ ዱማ ኦዴዳ ቃላ ጊዶፔ ማፂ ኬሲና፥ ቃንን ሺቄዳ። ዬሱሲ ኪቴዳዋንቱ ኦሱዋ ጊዶን ፖሌቴዳ ኪታቱካ ሄ ኦሱ ኣማኒያ ኣሳ ዴዑዋኒኔ ኣማኒያዋንቱ ኢቲፔቴን ዴዒያ ዎልቃይ ኣይ ኬና ዳሬንቶ ኦዴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ማርካቴው ጊጉዋ (1፡1-26) 
\io1 ዉርሴን ዬሱሲ ኢሜዳ ኣዛዙዋኔ ሂዶታ (1፡1-14) 
\io1 ዪሁዳ ኮታ ጌሌዳዋ (1፡15-26) 
\io1 ዬሩሳላሜን ኦሴቴዳ ማርካቴ (2፡1-8፡3) 
\io1 ዪሁዳኒኔ ሳማሪያን ኦሴቴዳ ማርካቴ (8፡4-12፡25) 
\io1 ጳዉሎሲ ኪቴቴዳ ኦሱዋባ (13፡1-28፡31) 
\io1 ጳዉሎሲ ኪቴቴዳ ኦሱዋሲ ኮይሮ ሃሜታ (13፡1-14፡28) 
\io1 ዬሩሳላሜ ሺቁዋ (15፡1-35) 
\io1 ጳዉሎሲ ኪቴቴዳ ኦሱዋሲ ላዔ ሃሜታ (15፡36-18፡22) 
\io1 ጳዉሎሲ ኪቴቴዳ ኦሱዋሲ ሄዜን ሃሜታ (18፡23-21፡16) 
\io1 ዬሩሳላሜን፥ ቄሳሪያኒኔ ሮሜን ሃኔዳ ጳዉሎሳ ቃሹዋ (21፡17-28፡31) 
\c 1  
\p  
\v 1-2 ቶፊሎሳ፥ \x - \xo 1:1-2 \xt ሉቅ 1፡1-4\x* ዬሱሲ ሳሉዋ ቤዳ ጋላሳይ ጋካናው፥ ኦናዉኔ ታማሪሳናው ዶሜዳዋ ኡባባ ታኒ ታ ኮይሮ ማፃፋን \f + \fr 1:1-2 \fq ታ ኮይሮ ማፃፋን፡ \ft ሉቃሳ ሚሺራቹዋ ማፃፋ።\f* ፃፋዲ። ሳሉዋ ባናፔ ካሴ ኢ ባሬ ዶሪዴ ኪቴዳዋንታ ጌሻ ኣያናን ኣዛዜዳ።  
\v 3 ኢ ባሬ ኪቴዳዋንቶ ኦይታሙ ጋላሳ ቤቲዲኔ ቃሲ ፆሳ ካዉቴባ ኡንቱንቶ ኦዲዴ፥ ባሬ ዋዪያፔ ጉዪያን፥ ሃይቁዋፔ ዴንዴዳዋ ሲ ባይናን ሎይ ኣማንዴ፥ ባሬና ኡንቱንታ ቤሴዳ።  
\v 4 ኡንቱንቱና ኢቲፔ ዴዒዴ፥ ኡንቱንታ ሃዋዳን ያጊዴ ኣዛዜዳ፤ «ዬሩሳላሜፔ ኬሶፒቴ፤ ሺን ሂንቴንቱ ታፔ ሲሴዳ ታ ኣቡ ሂንቴንቶ ኢማና ጊዴ ሂዶቴዳዋ ናጊቴ። \x - \xo 1:4 \xt ሉቅ 24፡49\x* 
\v 5 ኣዪሲ ጎፔ፥ ዮሃኒሲ ሃን ፃማቄዳ፤ ሺን ጉ ዎዲያፔ ጉዪያን፥ ጌሻ ኣያናን ሂንቴንቱ ፃማቄታኒታ» ያጌዳ። 
\s1 ዬሱሲ ሳሉዋ ቤዳ 
\r (ማር 16፡19-20፤ ሉቅ 24፡50-53) 
\p  
\v 6 ዬሱሲ ኪቴዳዋንቱ ዬሱሳና ጋኬቴዳ ዎዴ ኣ፥ «ጎዳው፥ ሃ ዎዲያን ኢስራዔላቱዋሲ ካዉቴ ዛራኒ?» ያጊዴ ኦቼዲኖ። 
\p  
\v 7 ዬሱሲ ኡንቱንታ፥ «ታ ኣቡ ባሬ ጎዳቴን ኬሬዳ ኣጌናኔ ዎዲያ ሂንቴንቱ ኤራናሳ ጊዴና።  
\v 8 ሺን ጌሻ ኣያናይ ሂንቴንቱ ቦላ ዎያ ዎዴ፥ ዎልቃ ሂንቴንቱ ኣካኒታ፤ ያቲዴ ዬሩሳላሜኒኔ ዪሁዳ ጋዲያ ኡባን፥ ሳማሪያኒኔ ጋዲያ ጋፃ ኡባ ጋካናው ታው ማርካቲያዋንታ ጊዳኒታ» ያጌዳ። 
\p  
\v 9 ሄዋ ጌዳዋፔ ጉዪያን፥ ኡንቱንቱ ፄሊሺን፥ ቁ ቁ ጊዴ፥ ሳሉዋ ቢና፥ ኡንቱንቱ ኣይፊያፔ ሻሪ ኣ ጌንዳ። 
\p  
\v 10 ዬሱሲ ቦላው ዴንዲያ ዎዴ፥ ኡንቱንቱ ሳሉዋ ጫዲ ፄሊሺን፥ ቦ ማዩዋ ማዬዳ ላዑ ኣሳቱ ኤሌካ ኡንቱንቱ ማታን ኤቂዴ፥  
\v 11 «ጋሊላ ኣሳቶ፥ ሳሉዋ ፄሊዴ፥ ሂንቴንቱ ኣዪሲ ኤቄዲቴ? ሃ ሂንቴንቱፔ ሳሉዋ ቤዳ ዬሱሲ ሳሉዋ ቢያዋ ሂንቴንቱ ቤዔዳዋዳንካ፥ ሲሚዴ ያናዋ» ያጌዲኖ። 
\s1 ዪሁዳ ኮታ ማቲያሲ ዶሬቴዳ 
\r (ማት 27፡3-10) 
\p  
\v 12 ሄዋፔ ጉዪያን፥ ዬሱሲ ኪቴዳዋንቱ ዴብሬ ዛይቴ ጌቴቲያ ዎጋራ ሚ ዴሪያፔ ዬሩሳላሜ ሲሜዲኖ። ዎጋራ ሚ ዴሪ ዬሩሳላሜፔ ኢቲ ኪሎ ሚቲሪያ ኬና።  
\v 13 ዬሱሲ ኪቴዳዋንቱ ዬሩሳላሜ ጌሊዴ፥ ባሬንቱ ዴዒያ ሳዓ ቃ ፑዴ ኬሴዲኖ፤ ያ ኬሴዳዋንቱ ሱንይ ጴፂሮሳ፥ ዮሃኒሳ፥ ያዪቆባ፥ ኢንዲራሳ፥ ፒሊጶሳ፥ ቶማሳ፥ ባርታላሞሳ፥ ማቶሳ፥ ኢልፒዮሳ ናዓ ያዪቆባ፥ ባሬ ጋዲያሲ ሴሌቲያ \f + \fr 1:13 \fq ባሬ ጋዲያሲ ሴሌቲያ፡ \ft ሃ ሱንይ ካላፔ ሮሜ ኣሳና ኤቄቲዴ ኦሌቴዳ ኣዪሁዴ ኣሳሲ ኢሜቴዳዋ።\f* ሲሞናኔ ያዪቆባ ናዓ ዪሁዳ።  
\v 14 ሃዋንቱ ኡባቱ ማጫዋንቱና፥ ዬሱሳ ዳዪ ማይራሚናኔ ዬሱሳ ኢሻቱዋና ኡባይ ኢቲ ዎዛና ጊዲዴ፥ ኡባ ዎዴ ኢቲፔቴን ዎሳው ሺቂኖ። 
\p  
\v 15 ሄ ዎዴ፥ ጴፂሮሲ ፄታኔ ላታማ ጊዲያ ኣማኒያ ኣሳ ሺቁዋን ኢቲፔ ዴዒያ ባሬ ኢሻቱዋ ጊዶን ዴንዲ ኤቂዴ፥ ሃዋዳን ያጌዳ፤  
\v 16 «ታናዳን ኣማኒያዋንቶ፥ ዬሱሳ ኦይቄዳዋንታ ካሌዳ ዪሁዳባ ጌሻ ኣያናይ ካሴ ዳዊቴ ዶናን ኦዴዳ ፆሳ ማፃፋ ቃላይ ፖሌታናው ቤሴ።  
\v 17 ኣዪሲ ጎፔ፥ ዪሁዳ ኣስቆሮቱ ኑናና ዴዔ፤ ቃሲ ኑናና ኢቱዋ ጊዲ ፓይዴቲዴ ኦሱዋ ባጋይ ዴዓና ማላ ዶሬቴዳ» ያጌዳ። 
\p  
\v 18 ዪሁዳ ኣስቆሮቱ ባሬ ኢታ ኦሱዋን ዴሜዳ ሚሻን ጋዲያ ሻሜዳ፤ ሲንው ጉፋኒዴ ኩንዲና፥ ኣ ኡሉ ጊዱዋፔ ዳኬቴዳ፤ ኣ ማራጪ ኡባይካ ካሬው ጱልፄቲ ኬሲ ኣጌዳ።  
\v 19 ዪሁዳ ቦላ ሃኔዳዋ ዬሩሳላሜን ዴዒያ ኣሳይ ኡባይ ሲሴዳ፤ ሄዋ ዲራው፥ ሄ ጋዲያ ባሬንቱ ቃላን ኣኬልዳማ ጊዴ ሱንዲኖ፤ ሄዋ ቢሌይ ሱ ጋዲያ ጊያዋ። 
\p  
\v 20 ጴፂሮሲ ኦዲዴ፥ «ኣዪሲ ጎፔ፥ ማዚሙሪያ ማፃፋን፥ \x - \xo 1:20 \xt ማዝ 69፡25፤ 109፡8\x* 
\q1 ‹ኣ ጎሊ ሜላ ኣቶ፤ 
\q2 ኦኒኔ ሄዋን ዴዖፖ› 
\m ቃሲ 
\q1 ‹ኣ ሱንቴካ ሃራይ ኣኮ› 
\m ጌቴቲዴ ፃፌቴዳ።  
\v 21-22 ሄዋ ዲራው፥ ኢቲ ኣሳይ ጎዳ ዬሱሳ ዴንዱዋ ማርካታናው፥ ኑናና ጋኬታናው ቤሴ፤ ዮሃኒሲ ፃማቄዳ ዎዲያፔ ዶሚዴ፥ ዬሱሲ ኑፔ ሳሉዋ ቤዳ ዎዲ ጋካናሲ፥ ጎዳ ዬሱሲ ኑናና ሃሜቴዳ ዎዲያ ኡባን ኢ ኑናና ዴዒያዋንቱፔ ኢቱዋ ጊዲ ሱንታናው ቤሴ።» 
\p  
\v 23 ሄዋፔ ጉዬ ኣማኒያ ኣሳይ ዶሩዋሲ ዮስፆሳ ጊያ ባርሳባ ጌቴቲያ ዮሴፋኔ ማቲያሳ ላዑዋ ኤሴዲኖ።  
\v 24-25 ሄዋፔ ጉዪያን፥ ፆሳ ዎሲዴ፥ «ኡባ ዎዛና ኤሪያ ጎዳው፥ ዪሁዳ ኣስቆሮቱ ባሬሳ ባናው ዬጊዴ ቤዳ ኦሱዋኔ ዬሱሲ ኪቴዳ ኦሱዋ ሃዳራ ኣካናዳን፥ ሃ ላዑ ኣሳቱዋፔ ኢቱዋ ኔኒ ዶሬዳዋ ኑና ቤሳ» ያጌዲኖ።  
\v 26 ኡንቱንቱን ሳማ ዬጌዲኖ፤ ሳማይ ማቲያሳ ቦላን ዎና፥ ማቲያሲ ዬሱሲ ኪቴዳ ታማኔ ኢቲ ኪቴታዋንቱና ፓይዴቴዳ። 
\c 2  
\s1 ዬሱሳ ካሊያዋንቱ ቦላ ጌሻ ኣያና ዎ 
\p  
\v 1 ጴንፄቆስቴ \f + \fr 2:1 \fq ጴንፄቆስቴ፡ \ft ኣዪሁዲያ ኣሳይ ፓሲጋ ባላ ቦንቾዴፔ ኢሻታሙ ጋላሳይ ኣ ሲሚና ቦንቼቲያ ዛርጋ ቆይቻ ባላ ጌቴቲያዋ።\f* ጊያ ጋላሳይ ጋኬዳ ዎዴ፥ ኣማኒያዋንቱ ኡባቱ ኢቲፔ ጊዲዴ፥ ኢቲሳ ሺቂ ዴዒሺን፥ \x - \xo 2:1 \xt ዎግ 23፡15-21፤ ዛር 16፡9-11\x* 
\v 2 ዎልቃማ ጎቱዋዳን ጉሚያ ጉንይ ዎዛና ኣናን ሳሉዋፔ ዪዴ፥ ኡንቱንቱ ኡቴዳ ጎሊያ ኡባ ኩሜዳ።  
\v 3 ቃሲ ታማ ላጩዋዳን ፖዱጊያዌ ኡንቱንቶ ቤቲዴ፥ ሻኬቲ ሻኬቲ፥ ኡንቱንቱ ኡባ ቦላ ዎዳ።  
\v 4 ኡንቱንቱ ኡባን ጌሻ ኣያናይ ኩሚዴ፥ ዱማ ዱማ ቃላን ሃሳያና ማላ፥ ኡንቱንታ ዳንዳዪሲና፥ ሃሳያ ዶሜዲኖ። 
\p  
\v 5 ሳዓን ዴዒያ ኣሳ ዜሬ ኡባፔ ዪዴ፥ ፆሳው ያዪያ ኢቲፔ ዴዒያ ኣዪሁዳቱ ዬሩሳላሜን ዴዒኖ።  
\v 6 ሃ ጉን ሲሴዳ ዎዴ፥ ኣሳይ ኡባይ ሺቄዳ፤ ኡንቱንቱ ባሬንቱ ቃላን ቃላን ሃሳዪሺን ሲሴዳ ዲራው፥ ጊያዋ ዬዲኖ። 
\p  
\v 7 ኣሳይ ኡባይ ማላሌቲዴኔ ሃዌ ኦራባ ጊዴ፥ «ቤዒቴ፤ ሃ ሃሳዪያዋንቱ ኡባቱ ጋሊላ ኣሳቱዋ ጊዲኪኖ?  
\v 8 ያቲና፥ ኑኒ ኑ ዬሌቴዳ ጋዴ ቃላን ኡንቱንቱ ሃሳዪሺን ዋኒዴ ሲሴቶ?  
\v 9 ኑኒ ጳርቴ ኣሳቱ፥ ሜዶኔ ኣሳቱ፥ ኤላሜፄ ኣሳቱ፥ ላዑ ሻፋቱዋፔ ጊዱዋን ዴዒያዋንቱ፥ ዪሁዳን፥ ቃጳዶቂያን፥ ጳንፆሳን፥ ኢሲያን፥  
\v 10-11 ፒርጊያን፥ ጲኒፊሊያን፥ ጊብፄን፥ ቄሬና ባጋን ዴዒያ ሊቢያ ዎራዳቱዋን ዴዒያዋንቱ፥ ሮሜፔ ዬዳ ኢማቱ፥ ኣዪሁዳቱ፥ ኣዪሁዳቴው ላሜቴዳ ኑፔ ኣማሬዳዋንቱ፥ ቃሪፄሴ ኣሳቱኔ፥ ኣራቢያ ኣሳቱ፥ ፆሳይ ኦዳ ዎልቃማ ኦሱዋ ኑ ቃላን ኡንቱንቱ ሃሳዪሺን ሲሴዶ» ያጌዲኖ።  
\v 12 ኡባይካ ማላሌቲዴ፥ ዬዉ ባሬንቶ ጌሌናን ኢፂና ባሬንቱ ጊዶን፥ «ላ ሃዌ ዋጊያዌ?» ያጌዲኖ።  
\v 13 ሺን ሃራ ኣሳቱ ኣማኒያዋንቱ ቦላን ቂሊጪዴ፥ «ሃዋንቱ ኡሺዴ ማቴዲኖ» ያጌዲኖ። 
\s1 ጴፂሮሳ ሃሳያ 
\p  
\v 14 ሺን ጴፂሮሲ፥ ዬሱሲ ኪቴዳ ሃራ ታማኔ ኢቲ ኪቴቶዋንቱና ዴንዲ ኤቂዴ፥ ባሬ ኮሻ ቁ ኦዴ፥ ኡንቱንቶ ሃዋዳን ያጊ ኦዴዳ፤ «ኣዪሁዳቶ፥ ቃሲ ዬሩሳላሜን ዴዒያ ኡባቶ፥ ታኒ ኦዲያዋ ሲሲቴ። ሃዌ ሂንቴንቶ ኤሬቶ፤ ሂንቴንቱ ቆፒያዋዳን፥ ሃዋንቱ ማቲቤይኪኖ።  
\v 15 ኣዪሲ ጎፔ፥ ዎንታፔ ቢሮ ሄዙ ሳቴ ጊዴ።  
\v 16 ሺን ሃዌ ናቢያ ኢዩዔል ሃሳዬዳዋ። 
\q1  
\v 17 «ኢ ሃሳዪዴ፥ ‹ፆሳይ ሃዋዳን ያጌዳ፤ 
\q2 ዎዲያ ዉርሴን ሃዋዳን ሃናናዋ። 
\q1 ታኒ ኣሳ ኡባ ቦላን ታ ኣያና ጉሳና። 
\q2 ሂንቴንቱ ኣቱማ ናናይኔ ሂንቴንቱ ማጫ ናናይ 
\q2 ቲምቢቲያ ኦዳናዋንታ። 
\q1 ሂንቴንቱ ዎዳላ ናናይካ ሳፃ ቤዓናዋንታ፤ 
\q2 ሂንቴንቱ ጪማቱካ ኣኩሙዋ ኣኩሜታናዋንታ። \x - \xo 2:17 \xt ኢዩ 2፡28-32\x* 
\q1  
\v 18 ሄ ጋላሳቱን ታ ኣቱማ ቆማቱዋ ቦላኒኔ 
\q2 ታ ማጫ ኣሺካራቱዋ ቦላን 
\q2 ታኒ ታ ኣያና ጉሳና። 
\q1 ሄዋፔ ጉዬ ኡንቱንቱ ቲምቢቲያ ኦዳናዋንታ። 
\q1  
\v 19 ቃሲ ታኒ ቦላ ሳሉዋን ኦራባ፥ 
\q2 ጋርሳ ሳዓንካ ማላታ ቤሳና። 
\q2 ሱይ፥ ታማይኔ ሻሪያዳን 
\q2 ካሜዳ ጩዋይ ዴዓና። 
\q1  
\v 20 ዎልቃማኔ ቦንቾ ጊዴዳ ጎዳ ጋላሳይ 
\q2 ጋካናፔ ካሴ ኣዋይ ማና፤ 
\q2 ኣጌናይካ ሱ ማላታና። 
\q1  
\v 21 ሄ ዎዴ ሃዋዳን ሃናናዋ፤ 
\q1 ጎዳ ሱን ፄሲያ ኦኒኔ ኣታና› 
\m ያጌዳ። 
\p  
\v 22 «ኢስራዔሊያ ኣሳቶ፥ ሃ ቃላ ሲሲቴ፤ ናዚሬቲያ ዬሱሲ ሂንቴንቱ ጊዶን ፆሳይ ባሬናን ኦዳ ዎልቃማ ኦሱዋን፥ ኦራባኒኔ ማላታን ሂንቴንቶ ሺሴዳ ኣሳ፤ ሄዋ ሂንቴንቱካ ኤሪታ።  
\v 23 ዬሱሲ ሂንቴንቶ ኢሜታና ማላ፥ ፆሳይ ካሴ ባሬ ሼኒያኒኔ ባሬ ኤራን ባሬ ቆፋ ቃቺ ዎዳ፤ ያቲና፥ ኣ ሂንቴንቱ ናጋራንቻቱዋ ኩሺያን ማስቃሊያ ቦላ ሚሲማሪያን ሺሲዴ፥ ካቂሲ ዎሴዲታ።  
\v 24 ሺን ሃይቁ ዬሱሳ ኦይቃናው ዳንዳዪቤና ዲራው፥ ፆሳይ ሃይቁዋ ሴላ ኣፔ ዪሲዴ፥ ኣ ዴንዳ።  
\v 25 ኣዪሲ ጎፔ፥ ዳዊቴ ዬሱሳባ ሃዋዳን ያጌዳ፤ 
\q2 ‹ታኒ ሜቶቴናዳን፥ 
\q2 ጎዳይ ታ ኡሼቻን ዴዒያ ዲራው፥ 
\q1 ታኒ ኡባ ዎዴ ጎዳ ታ ማታን ቤዓይ። \x - \xo 2:25 \xt ማዝ 16፡8-11\x* 
\q1  
\v 26 ሄዋ ዲራው፥ ታ ዎዛናይ ናሼቴዳ፤ 
\q2 ታ ኢንፃርሳንካ ናሼቻይ ኩሜዳ። 
\q2 ቃሲ ታ ቦላይካ ሎዖ ዴዓና ጊዴ፥ 
\q2 ናሼቻን ናጌ። 
\q1  
\v 27 ኣዪሲ ጎፔ፥ ታ ሼምፑዋ 
\q2 ሲዖሊያን ኣጋካ። 
\q2 ቃሲ ኔ ጌሻ ናዓ ኣኃካ ዎቄካ። 
\q1  
\v 28 ኔኒ ታና ዴዑዋ ኦጊያ ኤርሳዳ። 
\q2 ኔኒ ታናና ዴዒያዋን 
\q2 ታኒ ዳሪ ናሼታይ› 
\m ያጌዳ። 
\p  
\v 29 «ኢሻቶ፥ ኑ ኣዋቱዋ ካፑዋ ዳዊቴባ ታኒ ሂንቴንቶ ጌሻዴ ኦዳናው ቤሴ፤ ዳዊቴ ሃይቂዴ ሞጌቴዳ፤ ኣ ዱፉ ሃቼ ጋካናዉካ ኑ ማታን ዴዔ።  
\v 30 ዳዊቴ ናቢያ ጊዴዳ ዲራዉኔ ፆሳይ ኣ ናና ዜሬፔ ኢቱዋ ኣ ካዉቴ ኦይዲያን ኡቲሳናው ኣው ጫቄዳዋ ኤሬዳ ዲራው፥ \x - \xo 2:30 \xt ማዝ 132፡11፤ 2ሳም 7፡12-13\x* 
\v 31 ኪሪስቶሳ ዴንዱዋ ሲንው ፄሊዴ፥ ‹ኣ ሼምፑ ሲዖሊያን ኣቲቤና፤ ኣ ቦላይካ ዎቂቤና› ጊዴ ኦዴዳ። 
\p  
\v 32 «ፆሳይ ዬሱሳ ሃይቁዋፔ ዴንዳዋሲ ኑኒ ኡባይ ማርካ።  
\v 33 ሄዋ ዲራው፥ ፆሳይ ባሬፔ ኡሼቻ ባጋን \f + \fr 2:33 \fq ኡሼቻ ባጋ፡ \ft ጉሳይ ቦንቹዋኔ ዎልቃ ቤሲያ ሳዓ።\f* ኣ ቁ ቁ ኡዲዴ፥ ኣው ጌሻ ኣያና ኢማና ጌዳዋዳን፥ ጌሻ ኣያና ኣኪዴ፥ ሃዋ ሂንቴንቱ ሃዒ ቤዒያዋኔ ሲሲያዋ ኑ ቦላ ጉሴዳ።  
\v 34-35 ኣዪሲ ጎፔ፥ ዳዊቴ ባሬ ሁጴው ሳሉዋ ኬሲቤና፤ ሺን ያጌዳ፤ 
\q1 ‹ጎዳይ ታ ጎዳ፤ «ታኒ ኔ ሞርኬቱዋ 
\q2 ኔኒ ጌዲያን ዬ ኤቂያዋ ኦና ጋካናው 
\q1 ሃዋን ታፔ ኡሼቻ ባጋና ኡታ» ጌዳ› 
\m ያጌዳ። \x - \xo 2:34-35 \xt ማዝ 110፡1\x* 
\p  
\v 36 «ሄዋ ዲራው፥ ፆሳይ ማስቃሊያ ቦላ ሚሲማሪያን ሃ ሂንቴንቱ ሺዴ ካቄዳ ዬሱሳ ጎዳኔ ኪሪስቶሳ ኦዳዋ ኢስራዔሊያ ኣሳ ዜሬይ ኡባይ ቱሙፔ ኤሮ» ያጌዳ። 
\p  
\v 37 ኣሳይ ጴፂሮሲ ጌዳዋ ሲሴዳ ዎዴ፥ ኣሳው ዎዛናይ ዳሮፔ ቦሼቲና፥ ጴፂሮሳኔ ዬሱሲ ኪቴዳ ሃራቱዋ፥ «ኑ ኢሻቶ፥ ያቲና ኑኒ ኣያ ኡዳኔ?» ያጌዲኖ። 
\p  
\v 38 ጴፂሮሲ ኡንቱንታ፥ «ሂንቴንቱ ናጋራይ ኣቶ ጌቴታና ማላ፥ ናጋራፔ ሲሚዴ፥ ሂንቴንቱ ሁጲያን ሁጲያን ዬሱሲ ኪሪስቶሳ ሱንን ፃማቄቲቴ። ፆሳይ ኢሚያ ጌሻ ኣያና ሂንቴንቱ ኣካና።  
\v 39 ኣዪሲ ጎፔ፥ ፆሳይ ኢማና ጌዳ ቃላይ ሂንቴንቱሳ፥ ሂንቴንቱ ናናቱዋሳኔ ጎዳይ ኑ ፆሳይ ባሬኮ ፄሲያ ሃኩዋን ዴዒያዋንቱ ኡባሳ» ያጌዳ። 
\p  
\v 40 ጴፂሮሲ ኡንቱንቶ ቃላ ሃራካ ጉጂ ማርካቲዴ፥ «ሃ ዎዲያ ጌላ ኣሳፔ ሂንቴንቱ ሁጲያ ኣሺቴ» ያጊዴ ዞሬዳ።  
\v 41 ጴፂሮሲ ኦዴዳዋ ኣኬዳዋንቱ ፃማቄቴዲኖ፤ ሄ ጋላሲ ሄዙ ሻዓ ጊዲያ ኣሳይ ኣማኔዲኖ።  
\v 42 ኡንቱንቱ ዬሱሲ ኪቴዳዋንቱ ቲሚርቲያን፥ ኢቲፔቴን ኡኪ ሜን ሚያዋኒኔ ፆሳ ዎሳን ጌንጪኖ። 
\s1 ኣማኒያ ኣሳይ ኢሻቴኒኔ ኢቲፔቴን ዴዒያ ዴዑዋ 
\p  
\v 43 ዬሱሲ ኪቴዳዋንቱ ኩሺያን ዳሮ ኦራባይኔ ማላታቱ ኦሴቲና፥ ኣሳ ኡባ ያሻይ ኦይቄዳ።  
\v 44 ኣማኔዳ ኡባቱ ኢቲፔ ዴዒኖ፤ ቃሲ ባሬንቶ ዴዒያባ ኡባካ ኢቲፔ ሻኪ ኣኬዲኖ።  
\v 45 ኡንቱንቱ ባሬንቱ ጋዲያኔ ባሬንቶ ዴዒያባ ዛሊዒ ዛሊዒዴ፥ ኦናኔ ኮሼዳ ኬና ሚሻ ኡባው ሻኬዲኖ።  
\v 46 ቃሲ ኡባ ጋላሲ፥ ኢቲ ዎዛና ጊዲዴ፥ ጌሻ ጎሊያን ፓጬናን ጋኬቲዴ፥ ባሬንቱ ጎሌ ጎሌ ፄሴቲዴ ናሼቻኒኔ ፓሺካ ዎዛናን ቁማ ሚኖ።  
\v 47 ፆሳ ጋላቲዴ፥ ኣሳ ኡባን ሳቤቴዲኖ። ቃሲ ጎዳይ ኣማኒ ኣቲያዋንታ ጋላሲ ጋላሲካ ኡንቱንቱ ቦላ ጉጄ። 
\c 3  
\s1 ኢቲ ዎባ ቢታኒ ፓፄዳ 
\p  
\v 1 ኢቲ ጋላሲ፥ ጴፂሮሲኔ ዮሃኒሲ ፆሳ ዎሳናው ኡዱፑ ሳቲያን ጌሻ ጎሊያ ቤዲኖ።  
\v 2 ዬሌቶዴፔ ዶሚዴ፥ ጉንዳ ጊዲዴ ዴዒያ ኢቲ ቢታኒ ጌሻ ጎሊያ ጌሊያ ኣሳፔ ሚሻ ዎሳናው፥ ኡባ ጋላሲ ዳሪ ሎዓ ጊያ ጌሻ ጎሊያ ፔንጊያን ኣሳይ ኣፊዴ ዎያዌ ዴዔ።  
\v 3 ሄ ዎባ ቢታኒ፥ ጴፂሮሲኔ ዮሃኒሲ ጌሻ ጎሊያ ጌላና ሃኒሺን ቤዒዴ፥ ሚሻ ኡንቱንታ ዎሴዳ። 
\p  
\v 4 ጴፂሮሲ ዮሃኒሳና ኣ ጫዲ ፄሊዴ፥ «ኑኮ ሃ ፄላ» ያጌዳ።  
\v 5 ዎባ ቢታኒ ኡንቱንቱፔ ኢቲባ ኣካናው ኮዪዴ፥ ኡንቱንቱኮ ፄሌዳ።  
\v 6 ሺን ጴፂሮሲ ኣ፥ «ታው ሚሻይ ባዋ፤ ሺን ታው ዴዒያባ ታኒ ኔው ኢማና፤ ናዚሬቲያ ዬሱሲ ኪሪስቶሳ ሱንን ዴንዳዴ ሃሜታ» ያጌዳ። 
\p  
\v 7 ያቲዴ፥ ዎባ ቢታኒያ ባሬ ኡሼቻ ኩሺያን ኦይቂዴ፥ ፑዴ ዴንዳ፤ ኤሌካ ኣ ጌዲኔ ሜሺ ሜቄይ ሚኒ ኣጌዳ።  
\v 8 ቢታኒ ፑዴ ጉፒዴ፥ ዴንዲ ኤቄዳ፤ ያኔ ሃኔ ሃሜታ ዶሜዳ። ሄዋፔ ጉዪያን ሃሜቲዴ፥ ጉፒዲኔ ፆሳ ጋላቲዴ፥ ኡንቱንቱና ኢቲፔ ጌሻ ጎሊያ ጌሌዳ። 
\p  
\v 9 ኢ ሃሜቲሺናኔ ፆሳ ጋላቲሺን፥ ኣሳይ ኡባይ ኣ ቤዔዳ።  
\v 10 ያቲዴ፥ ሚሻ ዎሳናው ዳሪ ሎዓ ጊያ ጌሻ ጎሊያ ፔንጊያን ኡቴዳዌ ኣ ጊዴዳዋ ኣኬኬዲኖ፤ ኢ ሃኔዳዋ ቤዒዴ ማላሌቴዲኖ። 
\s1 ጴፂሮሲ ጌሻ ጎሊያን ሃሳዬዳ ሃሳያ 
\p  
\v 11 ቢታኒ ጴፂሮሳኔ ዮሃኒሳ ኦይቂ ኡቴዳ ዎዴ፥ ኣሳይ ኡባይ ማላሌቲዴ፥ ሶሎሞኔ ባራንዳ \f + \fr 3:11 \fq ሶሎሞኔ ባራንዳ፡ \ft ጌሻ ጎሊያ ኣዋይ ዶሊያ ሲን ባጋና ጮራ ኣሳይ ሺቂያ ኣዱሳኔ ኣኮ ሳዓ።\f* ጊያሳን ኢቲፔ ኡንቱንቱኮ ዎፄዲኖ።  
\v 12 ጴፂሮሲ ኣሳ ቤዔዳ ዎዴ ኡንቱንቶ ያጌዳ፤ «ኢስራዔሊያ ኣሳቶ፥ ኣዪሲ ሃዎ ማላሌቲቴ? ዎይ ኣዪሲ ኑና ጫዲ ፄሊቴ? ኑኒ ኑ ዎልቃን ዎይ ፆሳ ማላቲያዋን ሃ ቢታኒያ ሃሜዳዋ ሂንቴንቶ ማላቲ?  
\v 13 ኣብራሃሞ ፆሳይ፥ ዪሳቃ ፆሳይ፥ ያዪቆባ ፆሳይ፥ ኑ ኣዋቱዋ ፆሳይ፥ ሂንቴንቱ ኣ ኢሜዳዋ ጲላፆሲ ቢላናው ቆፒ ኡቴዳ ዎዴ፥ ሂንቴንቱ ኣ ሲንን፥ ‹ኑኒ ኣ ኤሮኮ› ጌዳ ባሬ ናዓ ዬሱሳ ቦንቼዳ።  
\v 14 ሺን ሂንቴንቱ ጌሻኔ ፂሉዋ፥ ‹ኑኒ ኣ ኤሮኮ› ጊዴ፥ ሼምፑዋ ዎዳዋ ኣ ዲራ ሂንቴንቶ ቢላናው ጲላፆሳ ዎሴዲታ።  
\v 15 ዴዑዋ ኢሚያዋ ሂንቴንቱ ዎዲታ፤ ሺን ፆሳይ ሃይቁዋፔ ኣ ዴንዳዋሲ ኑኒ ማርካ።  
\v 16 ሃ ዎባ ቢታኒያ ዬሱሳ ሱን ዎልቃይ ሚኒሴዳ፤ ሂንቴንቱ ቤዒያዌኔ ኤሪያዌካ ኢ ኣ ሱንን ኣማኒያዋን ኦሴቴዳ፤ ሃ ሂንቴንቱ ኡባ ሲንን ኣ ሃዋዳን ሎይዳዌ፥ ዬሱሳ ኢ ኣማኒያዋ። 
\p  
\v 17 «ሃዒካ ታናዳን ኣማኒያዋንቶ፥ ሂንቴንቱካ ሂንቴንታ ካሊያዋንቱዳን፥ ኤሬናን ኦዳዋ ታኒ ኤራይ።  
\v 18 ሺን ፆሳይ ቤኒ፥ ናባቱዋ ኡባቱዋ ዶናን፥ ‹ኪሪስቶሲ ዋዬታና ቤሴ› ያጊዴ ኦዴዳ፤ ባሬ ኦዴዳዋካ ሄዋዳን ፖሌዳ።  
\v 19-20 ሲሚ ፆሳይ ሂንቴንቱ ናጋራ ማራናዳን፥ ጎዳ ማታፔ ኣያና ሚኖቴ ዎዲ ሂንቴንቶ ያናዳኒኔ ፆሳይ ዬሱሲ ኪሪስቶሳ ካሴ ሂንቴንቶ ኦዴቶዋዳን ዬዳናዳን፥ ሂንቴንቱ ናጋራ ፓፂዴ ፆሳኮ ሲሚቴ።  
\v 21 ፆሳይ ጌሻ ጊዴዳ ባሬ ናባቱዋ ዶናን ቤኒፔ ዶሚዴ ሃሳዬዳዋዳን፥ ኡባባይ ኦራፂያ ዎዲ ጋካናው፥ ዬሱሲ ሳሉዋን ጋሚዓናው ቤሴ።  
\v 22 ሙሴ፥ ‹ጎዳይ ፆሳይ፥ ሂንቴንቱ ዛሪያ ጊዶፔ ሂንቴንቶ ታናዳን ናቢያ ዴንና፤ ሂንቴንቱ ኢ ጊያዋ ኡባ ሲሲቴ። \x - \xo 3:22 \xt ዛር 18፡15፣ 18\x* 
\v 23 ሄ ናቢ ኦዲያዋ ሲሴና ኣሳይ ኦኒኔ ኣሳ ጊዶፔ ሻኬቲ ዮ› ያጌዳ። \x - \xo 3:23 \xt ዛር 18፡19\x* 
\p  
\v 24 «ቃሲ ሳሜላፔ ዶሚዴ፥ ኣፔ ካላ ዴንዴዳ ናባቱ ኡባቱ፥ ሃ ዎዲያባ ኦዴዲኖ።  
\v 25 ሂንቴንቱ ናባቱዋ ናና፤ ቃሲ ፆሳይ ኣብራሃሞሲ፥ ‹ሳዓን ዴዒያ ኣሳ ኡባ ታኒ ኔ ዜሬ ባጋና ኣንጃና› ያጊዴ ኑ ኣዋቱዋና ጫቄዳ ጫቁዋ ላቲያ ናና። \x - \xo 3:25 \xt ዶም 22፡18\x* 
\v 26 ፆሳይ ሂንቴንታ ኡባቱዋ ሂንቴንቱ ኢታ ኦሱዋፔ ዛሪዴ ኣንጃና ማላ፥ ባሬ ቆማ \f + \fr 3:26 \fq ቆማ፡ \ft ፆሳ ኣዉዋን ዶሬቴዳ ናዓ።\f* ዴንዴ፥ ሂንቴንቶ ኮይሮ ዬዴዳ» ያጌዳ። 
\c 4  
\s1 ጴፂሮሲኔ ዮሃኒሲ ኣዪሁዳቱዋ ሻንጋቱዋ ሲን ሺቄዲኖ 
\p  
\v 1 ጴፂሮሲኔ ዮሃኒሲ ኣሳሲ ኦዲሺን፥ ቄሳቱዋ ካፓቱ፥ ጌሻ ጎሊያ ዎታዳራቱዋ ኣዛዚያዌኔ ሳዱቃዋናቱ፥  
\v 2 ኡንቱንቱ ኣሳ ታማሪሲያ ዲራዉኔ ሃራ ኣሳቱ ሃይቁዋፔ ዴንዳናዎ ማርካ ጊዳና ማላ፥ ዬሱሲ ሃይቁዋፔ ዴንዴዳዋ ኦዴዳ ዲራው፥ ዳሪ ዪሎቲዴ፥ ኡንቱንቱኮ ዬዲኖ።  
\v 3 ኡንቱንታ ኦይቂዴ፥ ሳዓይ ኦማርሲዲጎ ዲራው ዎንታናሲ ቃሾ ጎሌ ጌሊሴዲኖ።  
\v 4 ሺን ቃላ ሲሴዳዋንቱፔ ጮራቱ ኣማኔዲኖ፤ ኣቱማ ኣሳ ፓይዱ ኢቼሹ ሻዓ ኬና ጊዴዳ። 
\p  
\v 5-6 ዎንቴ ጋላሲ፥ ኡንቱንታ ሞዲያዋንቱ፥ ኣዪሁዳ ኣሳ ጪማቱ፥ ሙሴ ሂጊያ ታማርሲያዋንቱ፥ ቄሳቱዋ ኡባቱዋ ካፓቱ ሃኒ፥ ቃያፊ፥ ዮሃኒሲ ኢስኪንዲሪኔ ቄሳቱዋ ኡባቱዋ ካፓቱዋ ዳባቱ ኡባይ ዬሩሳላሜን ሺቄዲኖ።  
\v 7 ዬሱሲ ኪቴዳዋንታ ባሬንቱ ጊዱዋን ኤሲዴ፥ «ኣያ ዎልቃን ዎይ ኦ ሱንን ሃዋ ሂንቴንቱ ኦዲቴ?» ያጊዴ ኦቼዲኖ። 
\p  
\v 8 ሄ ዎዴ ጴፂሮሲ ባሬናን ጌሻ ኣያናይ ኩሚና፥ ኡንቱንታ ሃዋዳን ያጌዳ፤ «ኣሳ ካሌያዋንቶ፥ ኣዪሁዳ ኣሳ ጪማቶ፥  
\v 9 ሃቼ ሃ ሃርጋንቻ ቢታኒያሲ ኦሴቴዳ ሎዖ ኦሱዋባኔ ኢ ዋኒ ፓፄዴንቶ፥ ሂንቴንቱ ኑና ኦቾፔ፥  
\v 10 ማስቃሊያ ቦላ ሚሲማሪያን ሂንቴንቱ ሺዴ ካቂና፥ ፆሳይ ሃይቁዋፔ ዴንዳ ናዚሬቲያ ዬሱሲ ኪሪስቶሳ ሱንን ሃ ቢታኒ ፓፂዴ፥ ሂንቴንቱ ሲንን ኤቄዳዌ ሂንቴንቱ ኡባሲኔ ኢስራዔሊያ ኣሳ ኡባው ኤሬቶ።  
\v 11 ጎሊያ ኬፂያዋንቱ ሂንቴንቱ ካዴ ኢፄዳ ቱሳይ ጎሊያ ኡባ ቶኪያ ኮሺያ ቱሳ ጊዴዳ። \x - \xo 4:11 \xt ማዝ 118፡22\x* 
\v 12 ኣሳይ ኣቶቴ ዬሱሳ ባጋና ዴማናፔ ኣቲን፥ ሃራ ኦ ባጋናኔ ዴሜና፤ ኑኒ ኣ ሱንን ኦናው ቤሴ፤ ኣዪሲ ጎፔ፥ ፆሳይ ሳሉዋፔ ጋርሳን ኣሳሲ ኢሜዳ ሃራ ሱንይ ባዋ» ያጌዳ። 
\p  
\v 13 ሺቁዋ ኣሳይ ጴፂሮሲኔ ዮሃኒሲ ፃሌዳ ፃላ ቤዔዳ ዎዴ፥ ኡንቱንቱ ታማሪቤና ጮ ኣሳ ጊዴዳዋ ኣኬኪዴ ማላሌቴዲኖ፤ ኡንቱንቱ ዬሱሳና ዴዒያዋካ ኤሬዲኖ።  
\v 14 ቃሲ ፓፄዳ ቢታኒ ጴፂሮሳናኔ ዮሃኒሳና ኤቄዳዋ ኣሳይ ቤዒዴ፥ ጊያዋ ዬዲኖ።  
\v 15 ሺን ጴፂሮሲኔ ዮሃኒሲ ሺቁዋፔ ካሬ ኬሳና ማላ ኣሳይ ኣዛዚዴ፥ ባሬ ጊዶን ዞሬቲዴ፥  
\v 16 «ሃ ኣሳቱዋ ኣያ ኡዳኔ? ኣዪሲ ጎፔ፥ ኡንቱንቱ ኩሺያን ኦሴቴዳ ዎልቃማ ማላታቱ ዬሩሳላሜን ዴዒያ ኡባው ቤቴዳ። ኑኒ ሄዋ ኤሮኮ ጋናው ዳንዳዮኮ።  
\v 17 ሺን ዬዉ ኣሳው ላሌቴና ማላ፥ ሃዋፔ ሲንው ሃ ኣሳቱ ዬሱሳ ሱን ኦሲኔ ኦዴናዳን፥ ሚኒሲዴ ኡንቱንታ፥ ‹ሂንቴና ኤሪቴ› ጎይቴ» ያጌዲኖ። 
\p  
\v 18 ኡንቱንቱ ፄሲዴ፥ ዬሱሳ ሱን ሙሌካ ዴንናዳኒኔ ኣባ ታማሪሴናዳን ኣዛዜዲኖ።  
\v 19 ሺን ጴፂሮሲኔ ዮሃኒሲ ዛሪዴ፥ «ፆሳው ኤኖ ጊያዋ ኣጊዴ፥ ሂንቴንቶ ኤኖ ጊያዌ ፆሳ ሲንን ሎዔንቶኔ ኣኔ ሂንቴ ፒርዲቴ።  
\v 20 ኣዪሲ ጎፔ፥ ኑኒ ቤዔዳባኔ ሲሴዳባ ኦዴናን ኣጋናው ዳንዳዮኮ» ያጊዴ ሺቄዳ ኣሳው ኦዴዲኖ። 
\p  
\v 21 ሺቄዳ ኣሳይ ኡንቱንታ ሙራናው ጋሶቲያባይ ዪና፥ ላዔዋ ዳሪሲ ፓሉሜቲዴ፥ ሃኔዳባው ኣሳይ ኡባይ ፆሳ ጋላቲያ ዲራው፥ ኡንቱንታ ቢሊዴ ዬዴዲኖ።  
\v 22 ሄ ሃርጊያፔ ፓያ ማላታቱ ኣው ኦሴቴዳ ቢታኒ ዬሌቶዴፔ ላይይ ኣው ኦይታሙዋፔ ኣዳ። 
\s1 ዬሱሲ ኪቴዳዋንቱኔ ሃራ ኣማኒያ ኣሳቱ ማ ዎዴ ዎሴዳ ዎሳ 
\p  
\v 23 ጴፂሮሲኔ ዮሃኒሲ ቢሌቲዴ፥ ባሬንቱ ዳባቱዋኮ ቢዴ፥ ቄሳቱዋ ካፓቱኔ ኣዪሁዳ ጪማቱ ባሬንታ ጌዳባ ኡባ ኡንቱንቶ ኦዴዲኖ።  
\v 24 ኡንቱንቱ ሄዋ ሲሴዳ ዎዴ፥ ኢቲ ዎዛና ጊዲዴ፥ ፆሳ ሃዋዳን ያጊዴ ዎሴዲኖ፤ «ኡባ ሞዲያ ጎዳው፥ ሳሉዋ፥ ሳዓ፥ ኣባኔ ኡንቱንቱ ጊዶን ዴዒያ ኡባባ ሜዳዎ፥ \x - \xo 4:24 \xt ኬስ 20፡21፤ ናህ 9፡6፤ ማዝ 146፡6\x* 
\v 25 ኔኒ ኔው ኦያ ኑ ኣዉዋ ዳዊቴ ዶናን ጌሻ ኣያናን ሃሳያዴ፥ 
\q1 ‹ኣዪሁዳ ጊዴና ኣሳይ ኣዪሲ ዪሎቴዴ? 
\q2 ቃሲ ኣሳይ ኣዪሲ ዳንቤናባው ማቄቴዴ? 
\q1  
\v 26 ሳዓ ካታቱ ጊጌቴዲኖ፤ 
\q1 ጋዲያ ሞዲያዋንቱ ጎዳ ቦላኒኔ 
\q2 ኢ ኦኬዳ ኪሪስቶሳ ቦላ ኢቲፔ ዴንዴዲኖ› 
\m ያጋዴ ሃሳያዳ። \x - \xo 4:26 \xt 2፡1-2\x* 
\p  
\v 27 «ኣዪሲ ጎፔ፥ ሄሮዲሲኔ ጴንፄናዊያ ጲላፆሲ ኣዪሁዳ ጊዴና ኣሳናኔ ኢስራዔሊያ ኣሳና፥ ኔኒ ኦኬዳ ኪሪስቶሳ ኔ ጌሻ ናዓ ዬሱሳ ቦላ ዴንዳናው፥ ሃ ካታማን ሺቄዳዌ ቱማ።  
\v 28 ቃሲ ኔኒ ኔ ዎልቃኒኔ ኔ ሼኒያን ሃናና ጋዴ ቆፓ ኡቴዳባ ኡባ ኦናው ሺቄዲኖ።  
\v 29 ሃዒካ ጎዳው፥ ኡንቱንቱ ናሲያ ፄላ፤ ኑኒ ኔና ካሊያዋንቱ፥ ኔ ቃላ ኩሜን ቆንጬቴን ኦዳናዳን፥ ኑና ዳንዳዪሳ።  
\v 30 ፓናው ኔ ዎልቃ ቤሳ፤ ቃሲ ኔ ጌሻ ናዓ ዬሱሳ ሱንን ኦራባኔ ማላታ ኦሲሳ» ጊዴ ዎሴዲኖ። 
\p  
\v 31 ኡንቱንቱ ፆሳ ዎሴዳዋፔ ጉዪያን፥ ሄ ኡንቱንቱ ሺቄዳሳይ ቃፄዳ። ኡንቱንቱ ኡባን ጌሻ ኣያናይ ኩሚና፥ ፆሳ ቃላ ቆንጬቴን ኦዴዲኖ። 
\s1 ኮይሮ ኣማኔዳ ኣሳቱዋ ኢቲፔቴ ዴዑዋ 
\p  
\v 32 ኣማኒያዋንቱ ኡባቱ ቆፋኒኔ ዎዛናን ኢቱዋ ጊዴዲኖ። ኡንቱንቱ ሜሂ ኡባይ ኢቲፔ ዴዒያዋፔ ኣቲን፥ ባሬው ዴዔዳባ ኦኒኔ ባሬንቱባ ጊቤና።  
\v 33 ዬሱሲ ኪቴዳዋንቱ ጎዳ ዬሱሲ ሃይቁዋፔ ዴንዴዳዋ ዎልቃማ ዎልቃን ማርካቲኖ፤ ቃሲ ፆሳይ ኡንቱንቶ ኡባው ኣ ኬካቴ ዳሪሲዴ ኢሜዳ።  
\v 34 ኣማኒያዋንቱ ጊዶን ሜቶታንቻይ ኢቱኔ ባዋ፤ ኣዪሲ ጎፔ፥ ቢታይ ዎይ ጎሊ ዴዒያዋንቱ ኡባቱ ዛሊዒዴ፥ ኣኬዳ ሚሻ ኣሂዴ፥  
\v 35 ዬሱሲ ኪቴዳዋንቱሲ ኢሚኖ፤ ሄ ሚሻይ ኣሳው ኮሺያዋዳን ሻኬቲ፥ ሁጲያን ሁጲያን ኢሜቴ። 
\p  
\v 36 ቆጲሮሳ ጌቴቲያ ሳን ዬሌቴዳ ዮሴፋ ጊያ ሌዊያ ዛሪ ኢቱ ዴዔ፤ ኣ ሱን ዬሱሲ ኪቴዳዋንቱ ባርናባሳ ጌዲኖ። ሄዋ ቢሌይ «ሜንያ ናዓ» ጊያዋ።  
\v 37 ባርናባሲ ባሬው ዴዒያ ጋዲያ ዛሊዔዳ ሚሻ ኣሂዴ፥ ዬሱሲ ኪቴዳዋንቱሲ ኢሜዳ። 
\c 5  
\s1 ሃናኒያኔ ኣ ማቻቲ ሳጲሮ 
\p  
\v 1 ኢቲ ሃናኒያ ጌቴቲያ ቢታኒ ባሬ ማቻቲ ሳጲሪና ጋዲያ ዛሊዔዳ።  
\v 2 ሄ ዛሊዔዳ ሚሻፔ ባሬ ማቻታ ኤሪሺን ኣሺዴ፥ ኣቶዋ ዬሱሲ ኪቴዳዋንቱሲ ኢሜዳ። 
\p  
\v 3 ሺን ጴፂሮሲ ሃናኒያ፥ «ኔኒ ጌሻ ኣያና ጪማዴ ኔ ጋዲያ ዛሊዔዳ ሚሻፔ ሻካ ኣሻና ማላ፥ ፃላሂ ኔ ዎዛናን ኣዪሲ ጌሌዴ?  
\v 4 ኔኒ ዛሊዓናፔ ካሴ ጋዲ ኔዋ ጊዴኔ? ቃሲ ኔኒ ዛሊዓ ሲሚናካ ሚሻይ ኔሳ ጊዴኔ? ያቲና፥ ሃዋ ማላባ ኦናው ኣዪሲ ኔ ዎዛናን ቆፓዲ? ኔኒ ፆሳው ዎርዶቶዋፔ ኣቲን፥ ኣሳው ዎርዶታቤይካ» ያጌዳ። 
\p  
\v 5 ሃናኒ ሄ ቃላ ሲሴዳ ማንዒያንካ ኩንዲዴ ሃይቂ ኣጌዳ፤ ሄዋ ሲሴዳ ኡባይ ዳሮ ያዬዳ።  
\v 6 ዎዳላ ኣሳቱ ሶይ ጌሊዴ፥ ኣ ኣኃ ፃፂዴ፥ ካሬው ኬሲ ኣ ሞጌዲኖ። 
\p  
\v 7 ሄዙ ሳቴ ጊዶዋፔ ጉዪያን፥ ሃናኒያ ማቻታ ሄዋ ኤሬናን ዴዓዴ ጌላዱ።  
\v 8 ጴፂሮሲ ኢዞ፥ «ሂንቴንቱ ጋዲያ ሃኒ ኬና ሚሻን ዛሊዔዲቴ? ኣኔ ታው ኦዳ» ያጌዳ። 
\p ኢዛ፥ «ኤ ሃኒ ኬና ሚሻን ዛሊዔዶ» ያጋዱ። 
\p  
\v 9 ጴፂሮሲ ሚሺራቶ፥ «ኔኒኔ ኔ ኣሲናይ ጎዳ ኣያና ፓጫናው ኣዪሲ ዞሬቴዲቴ? ቤዓ፤ ኔ ኣሲና ሞጌዳ ኣሳቱ ካሬን ዴዒኖ፤ ኔ ኣኃካ ኡንቱንቱ ካሬ ኬሳና» ያጌዳ። 
\p  
\v 10 ሚሺራታ ሄ ማንዒያንካ ጴፂሮሳ ጌዲያ ማታን ኩንዳዴ ሃይቃ ኣጋዱ፤ ዎዳላ ኣሳቱ ጌሊያ ዎዴ ሃይቄዳዉኖ ዴሚዴ፥ ካሬ ኬሴዳዋፔ ጉዬ፥ ኢዚ ኣሲና ዱፉዋ ማታን ሞጌዲኖ።  
\v 11 ኣማኒያ ኣሳ ኡባይኔ ሄዋ ሲሴዳ ሃራ ኣሳይ ኡባይ ዳሪ ያዬዳ። 
\s1 ዬሱሲ ኪቴዳዋንቱ ኩሺያን ኦሴቴዳ ኦራባቱዋኔ ማላሊሲያዋንታ 
\p  
\v 12 ዬሱሲ ኪቴዳዋንቱ ዳሮ ማላታኔ ኦራባ ኣሳ ጊዶን ኦኖ፤ ኣማኒያ ኡባቱ ሶሎሞኔ ባራንዳን ኢቲፔ ሺቂኖ።  
\v 13 ሃራ ኣሳፔ ኡንቱንቱና ጋኬታናው ሃራይ ኣቶ ኢቱኔ ፃሊቤና፤ ሺን ኣሳይ ኡንቱንታ ቦንቼ።  
\v 14 ኣማኒያ ኣቱማ ኣሳይኔ ማጫ ኣሳይ ካሴዋፔ ጮራይ ጎዳሲ ጉጄቴ።  
\v 15 ሄዋ ዲራው፥ ኣሳይ ሃርጋንቻቱዋ ሻንቻማኒኔ ሳሌናን ቄሪ ቶኪዴ፥ ጴፂሮሲ ሄዋና ኣያ ዎዴ ሃራይ ኣቶ፥ ኣው ኩዌንቶኔ ኡንቱንቱፔ ኢቱዋ ኢቱዋ ቦላና ኣና ማላ፥ ካታማ ኦጊያ ዶና ኬሲዴ ዎ።  
\v 16 ቃሲ ጮራ ኣሳይ ዬሩሳላሜ ማታን ዴዒያ ካታማቱዋፔ ሃርጋንቻቱዋኔ ኢታ ኣያናን ኦይቄቴዳ ኣሳቱዋ ኣኪ ዬዲኖ፤ ኡባቱካ ፓፄዲኖ። 
\s1 ዬሱሲ ኪቴዳዋንቱ ቦላ ዬዴሳይ ዴንዴዳ 
\p  
\v 17 ሄዋፔ ሲሚና ቄሳቱዋ ካፑኔ ኣናና ዴዒያ ሳዱቃዋናቱ ኡባቱ ዬሱሲ ኪቴዳዋንታ ዳሮ ቃናቲዴ፥ ኡንቱንቱ ቦላ ዴንዴዲኖ።  
\v 18 ቃሲ ዬሱሲ ኪቴዳዋንታ ኦይቂዴ፥ ኡባ ኣሳ ቃቺያ ጎሊያን ዬጌዲኖ።  
\v 19 ሺን ጎዳ ኪታንቻይ ቃማ ቃሾ ጎሌ ፔንጊያ ዶዪዴ፥ ዬሱሲ ኪቴዳዋንታ ካሬ ኬሲዴ፥  
\v 20 «ሂንቴንቱ ቢዴ፥ ጌሻ ጎሊያን ኤቂዴ፥ ሃ ኦራ ዴዑዋ ቃላ ኡባ ኣሳው ኦዲቴ» ያጌዳ።  
\v 21 ዬሱሲ ኪቴዳዋንቱ ሄዋ ሲሴዳ ዎዴ፥ ዎንቱማን ጌሻ ጎሊያ ጌሊዴ፥ ታማርሳናው ዶሜዲኖ። 
\p ቃሲ ቄሳቱዋ ካፑኔ ኣናና ዴዒያዋንቱ ዪዴ፥ ሺቄዳ ኣሳና ኢስራዔሊያ ጪማቱዋ ኡባቱዋ ኢቲፔ ፄሲዴ፥ ዬሱሲ ኪቴዳዋንታ ባሬንቱ ሲን ኣሃና ማላ፥ ዎታዳራቱዋ ቃሾ ጎሌ ኪቴዲኖ።  
\v 22-23 ሺን ዎታዳራቱ ቃሾ ጎሌ ቢዴ፥ ዬሱሲ ኪቴዳዋንታ ዴሚቤይኪኖ፤ ጉዬ ሲሚዴ ሺቄዳ ኣሳው፥ «ኑኒ ቢያ ዎዴ ቃሾ ጎሌ ካሪያ ዳሮ ሚኒሲ ቃቺና፥ ናጊያዋንቱካ ፔንጊያን ኤቄዳዋንታ ዴሜዶ፤ ሺን ኑኒ ቃሾ ጎሊያ ዶዪያ ዎዴ፥ ጎሌ ጋርሳን ሃራይ ኣቶ ኢቲ ኣሳይኔ ባዋ» ያጌዲኖ።  
\v 24 ጌሻ ጎሊያ ዎታዳራቱዋ ኪቲያዌኔ ቄሳቱዋ ካፓቱ ሄዋ ሲሴዳ ዎዴ፥ «ሃዌ ዋኑዋሻ? ቃሲ ጊዲኒ ኣዬ ሃናንዴሻ?» ያጊዴ ሂርጌዲኖ። 
\p  
\v 25 ሄዋፔ ጉዪያን፥ ኢቲ ቢታኒ ኡንቱንቱኮ ዪዴ፥ «ቤዒቴ፤ ቃሾ ጎሊያን ሂንቴ ቃቼዳ ኣሳቱ ጌሻ ጎሊያን ኤቂዴ፥ ኣሳ ታማሪሲኖ» ያጊዴ ኡንቱንቶ ኦዴዳ።  
\v 26 ጌሻ ጎሊያ ዎታዳራቱዋ ኣዛዚያዌ ዎታዳራቱዋና ቢዴ፥ ዬሱሲ ኪቴዳዋንታ ኣሄዳ፤ ሺን ኡንቱንቱ ባሬንታ ኣሳይ ሹቻን ጫዳናዋንታ ጊዴ ያዬዳ ዲራው፥ ኡንቱንታ ሎዳን ኣሄዲኖ። 
\p  
\v 27 ኡንቱንቱ ዬሱሲ ኪቴዳዋንታ ኣሂዴ፥ ሄዋ ሺቄዳ ሻንጉዋ ሲንን ኤሲና፥ ቄሳቱዋ ካፑ ኡንቱንታ፥  
\v 28 «ሂንቴንታ ኑኒ ሄ ቢታኒያ ሱንን ታማሪሴና ማላ ሚኒሲዴ ኣዛዚቤይኮ? ቤዒቴ፤ ሂንቴ ቲሚርቲያ ዬሩሳላሜ ካታማ ኡባ ጋዲታ፤ ቃሲ ሄ ቢታኒያ ሼምፑዋን ኑና ኦይናው ቆፒታ!» ያጊዴ ኦቼዳ። 
\p  
\v 29 ጴፂሮሲኔ ዬሱሲ ኪቴዳ ሃራንቱ ዛሪዴ ያጌዲኖ፤ «ኑኒ ኣሳው ኣዛዜታናፔ ፆሳው ኣዛዜታናው ቤሴ።  
\v 30 ማስቃሊያ ቦላ ሚሲማሪያን ሺ ካቂዴ፥ ሂንቴ ዎዳ ዬሱሳ ኑ ኣዋቱዋ ፆሳይ ሃይቁዋፔ ዴንዳ፤  
\v 31 ኢስራዔላቱዋሲ ናጋራፔ ሲማኔ ናጋራ ኣቶ ጉሳ ዬሱሲ ኢማና ማላ፥ ፆሳይ ሞዲያዋኔ ኣሺያዋ ኣ ኦዴ፥ ባሬፔ ኡሼቻ ባጋን ቁ ቁ ኦዳ።  
\v 32 ሄዋሲ ኑኒ ማርካ፤ ቃሲ ፆሳይ ባሬው ኣዛዜቲያዋንቱሲ ኢሜዳ ጌሻ ኣያናይካ ማርካ» ያጌዲኖ። 
\p  
\v 33 ሺቄዳ ኣሳይ ሄዋ ሲሴዳ ዎዴ፥ ዳሮ ዪሎቲዴ፥ ዬሱሲ ኪቴዳዋንታ ዎናው ቆፔዲኖ።  
\v 34 ሺን ኣሳ ኡባን ዳሮ ቦንቼቴዳ ጋማሊያላ ጌቴቲያ፥ ሂጊያ ታማሪሲያ ኢቲ ፓሪሳዊ፥ ሺቁዋን ዴንዲ ኤቂዴ፥ ዬሱሲ ኪቴዳዋንቱ ጉ ዎዲያ ካሬ ኬሳና ማላ  
\v 35 ኣዛዚዴ ሄዋን ሺቄዳ ኣሳ ሃዋዳን ያጌዳ፤ «ኢስራዔሊያ ኣሳቶ፥ ሂንቴ ሃ ኣሳቱዋ ኦና ቆፒያዋን ሂንቴንታ ናጊቴ።  
\v 36 ኣዪሲ ጎፔ፥ ሃዋፔ ካሴ ዎዲያን ቴዎዳሳ ጌቴቲያዌ ባሬና ዎልቃማ ጊዴ ዴንዴዳ፤ ዴንዲና ኦይዱ ፄቱ ጊዲያ ኣሳቱ ኣናና ጋኬቴዲኖ፤ ሺን ኣ ዎና፥ ኣ ካሌዳ ኡባቱካ ላሌቲዴ፥ ማዴና ኣሳ ጊዲዴ ኣቴዲኖ።  
\v 37 ሄዋፔ ጉዪያን፥ ኣሳይ ፓይዴቲያ ዎዴ፥ ጋሊላ ዪሁዳይ ዴንዲዴ፥ ዳሮ ኣሳ ፓኑዋ ኡዲዴ ካሌዳ፤ ሺን ኣካ ዎና፥ ኣ ካሌዳ ኣሳይ ኡባይ ላሌቴዳ። 
\p  
\v 38 «ሃዒካ ታኒ ሂንቴንቶ ኦዳይ፤ ሃ ኣሳቱዋፔ ሻኬቲቴ፤ ኡንቱንታ ቦቾፒቴ። ኣዪሲ ጎፔ፥ ሃ ቆፋይኔ ሃ ኦሱ ኣሳይ ኦዳዋ ጊዶፔ ያና።  
\v 39 ሺን ሃ ቆፋይኔ ሃ ኦሱ ፆሳፔ ዬዳዋ ጊዶፔ፥ ሂንቴ ኡንቱንታ ዪሳናው ዳንዳይኪታ፤ ኦኒ ኤሪ ሃዋ ሃኒዴ ፆሳና ሂንቴ ኢቴቴናዳን» ያጌዳ። 
\p  
\v 40 ሄዋፔ ጉዬ ሺቄዳ ኣሳይ ጋማሊያላ ዞሪያ ኣኪዴ፥ ዬሱሲ ኪቴዳዋንታ ፄሲዴ፥ ሊሱዋን ሾጪሴዲኖ፤ ሄዋፔ ጉዪያን ኡንቱንታ፥ «ዬሱሳ ሱን ላዔዋ ኡባካ ዴንፒቴ» ጊ ቢሊዴ ዬዴዲኖ።  
\v 41 ዬሱሳ ሱን ዲራው፥ ኡንቱንቱ ኡጋቲዴ ዬላታናው ቤሲያባ ቆፔዳ ዲራው፥ ሻንጉዋ ሲንፔ ናሼቲዴ ኬሴዲኖ።  
\v 42 ኡንቱንቱ ኡባ ጋላሲ ጌሻ ጎሊያኒኔ ኣሳ ሶዪን ዬሱሲ፥ ኪሪስቶሳ ጊዴዳዋ ታማሪሲያዋኔ ኦዲያዋ ያ ጉጄዲኖ። 
\c 6  
\s1 ዎሳ ጎሊያ ማዲያ ላፑ ኣሳቱ ዶሬቴዲኖ 
\p  
\v 1 ሄ ዎዴ፥ ካሊያዋንቱ ፓይዱ ዳሪ ዳሪ ቢሺን፥ ጊሪኬ ቃላ ሃሳዪያ ኣዪሁዳቱኔ ዪሁዳን ዴዒያ ኣዪሁዳቱ ዋላቄቴዲኖ፤ ኣዪሲ ጎፔ፥ ጊሪኬ ቃላ ሃሳዪያ ኣዪሁዳቱ፥ «ኡባ ጋላሲ ጊሼቲያ ቁማን ኑ ኣሲናይ ሃይቆ ማጫዋንቱ ናቄቲኖ» ያጌዲኖ።  
\v 2 ዬሱሲ ኪቴዳ ታማኔ ላዓቱ ዎሳ ጎሌ ኣሳ ኡባ ፄሲዴ፥ ሃዋዳን ያጌዲኖ፤ «ኑኒ ፆሳ ቃላ ኦዲያዋ ኣጊዴ፥ ቁማ ጊሻናው ኑሲ ቤሴና።  
\v 3 ኢሻቶ፥ ሎዓ ጌቴቲያዋንታ ጌሻ ኣያናይኔ ኣ ኤራቴይ ኩሜዳ ላፑ ኣሳቱዋ ሂንቴ ጊዶፔ ዶሪቴ፤ ኑኒ ቃሲ ኡንቱንታ ሃ ኦሱዋሲ ሱንና።  
\v 4 ሺን ኑኒ ፆሳ ዎሳኒኔ ቃላ ኦዱዋን ሚናና» ያጌዲኖ። 
\p  
\v 5 ዬሱሲ ኪቴዳዋንቱ ሃሳዬዳ ሃሳያይ ኣሳ ኡባ ናሼቼዳ፤ ሄዋፔ ጉዬ፥ ኣማኑኔ ጌሻ ኣያናይ ኩሜዳ ኢስፂፋኖሳ፥ ፒሊጶሳ፥ ጲሮኮሮሳ፥ ኒቃሮና፥ ፂሞና፥ ጳሪሜናኔ ኣዪሁዳቱዋ ኣማኑዋን ጌሌዳ ኣንፆኪያ ኒቆላዎሳ ዶሬዲኖ።  
\v 6 ያቲዴ ዬሱሲ ኪቴዳዋንቱ ሲንን ኡንቱንታ ኤሲና፥ ዬሱሲ ኪቴዳዋንቱ ፆሳ ዎሴዳዋፔ ጉዪያን፥ ባሬንቱ ኩሺያ ኡንቱንቱ ቦላ ዎዲኖ። 
\p  
\v 7 ፆሳ ቃላይ ኣኪ ኣኪ ቤዳ፤ ካሊያዋንቱ ፓይዱዋን ዬሩሳላሜን ዳሪሲ ዳሪ ዳሪ ቤዳ፤ ቃሲ ጮራ ቄሳቱካ ኣማኔዲኖ። 
\s1 ዎሳ ጎሊያ ካሌያ ኢስፂፋኖሲ ኦይቄቴዳ 
\p  
\v 8 ኣ ኬካቴይኔ ዎልቃይ ኩሜዳ ኢስፂፋኖሲ፥ ኣሳ ጊዶን ኦራባኔ ዎልቃማ ማላታ ኦ።  
\v 9 ኣይሌቴፔ ኬሴዳ ኣሳ ጊያ ኣዪሁዳ ኣማኒያዋንቱፔ፥ ቄሬናፔ፥ ኢስኪንዲሪያ ኣሳቱዋፔ፥ ኪልቂያፔኔ ኢሲያፔ ዬዳ ኢቲ ኢቲ ኣሳቱ ዴንዲዴ፥ ኢስፂፋኖሳና ፓሉሜቴዲኖ።  
\v 10 ሺን ኢስፂፋኖሲ ኣ ኤራቴኒኔ ኣያናን ሃሳዪያዋ ዲጋናው ዳንዳይቤይኪኖ። 
\p  
\v 11 ሄ ዎዴ ኡንቱንቱ፥ «ሙሴ ቦላኔ ፆሳ ቦላ ኢ ቦሪያ ቃላ ሃሳዪሺን ሲሴዶ» ጊያ ዎርዶ ኣሳቱዋ ሻሜዲኖ።  
\v 12 ኣሳ ኡባ፥ ጪማቱዋኔ ሙሴ ሂጊያ ታማሪሲያዋንታ ሃንቄዲኖ፤ ኢስፂፋኖሳኮ ዪዴ ኣ ኦይቂዴ፥ ሺቄዳ ኣሳኮ ኣሂና፥  
\v 13 ኣ ቦላ ፄሴዳ ዎርዶ ማርካቱ፥ «ሃ ቢታኒ ሃ ጌሻ ጎሊያኔ ሙሴ ሂጊያ ቦሪያዋ ኣዉዴኔ ኣጌና።  
\v 14 ኣዪሲ ጎፔ ኢ፥ ‹ሃዌ ናዚሬቲያ ዬሱሲ ሃ ጌሻ ጎሊያ ኮላና፤ ሙሴ ኑሲ ኢሜዳ ሂጊያካ ላማና› ያጊሺን፥ ኑኒ ሲሴዶ» ያጌዲኖ። 
\p  
\v 15 ሺቁዋን ኡቴዳ ኣሳይ ኡባይ ኢስፂፋኖሳ ኣኬኪዴ ፄሊያ ዎዴ፥ ኣ ሶምዒ ኪታንቻ ሶምዒያ ማላቴ። 
\c 7  
\s1 ኢስፂፋኖሳ ሃሳያ 
\p  
\v 1 ቄሳቱዋ ኡባቱዋ ካፑ ኢስፂፋኖሳ፥ «ሃዌ ቱሜ?» ያጊዴ ኦቼዳ። 
\p  
\v 2 ኢስፂፋኖሲ «ታናዳን ኣማኒያዋንቶ፥ ታ ኣዋቶ፥ ሲሲቴ! ኑ ኣዉዋ ኣብራሃሞ ቢሮ ካራኔ ባናፔ ካሴ ማሲጴፆሚያን ዴዒሺን፥ ቦንቾ ፆሳይ ኣው ቤቲዴ፥ \x - \xo 7:2 \xt ዶም 12፡1\x* 
\v 3 ‹ኔ ቢታፔኔ ኔ ዳባቱዋፔ ሻኬታዴ፥ ታኒ ኔና ቤሲያ ጋዲያ ባ› ያጌዳ።  
\v 4 ሄ ዎዴ ኣብራሃሞ ካላዳዋቱ ጋዲያፔ ኬሲዴ፥ ካራኔን ዴዓናው ቤዳ። ኣ ኣቡ ሃይቄዳዋፔ ጉዪያን፥ ፆሳይ ኣ ሃ ጋዴ ሂንቴ ሃዒ ዴዒያሳ ኣሄዳ። \x - \xo 7:4 \xt ዶም 11፡31፤ 12፡4\x* 
\v 5 ኢ ሃ ጋዲያፔ ሃራይ ኣቶ፥ ጌዲያን ዬያ ሳዓካ ኣብራሃሞሲ ኢሚቤና፤ ሺን ኣው ናዓይ ዮፔካ፥ ፆሳይ ኣ፥ ‹ታኒ ኔዉኔ ኔፔ ጉዪያን፥ ኔ ዜሬው ሃ ጋዲያ ላታ ኦዴ ኢማና› ያጌዳ። \x - \xo 7:5 \xt ዶም 12፡7፤ 13፡15፤ 15፡18፤ 17፡8\x* 
\v 6 ፆሳይ ኣብራሃሞሲ፥ ‹ኔ ዛራቱ ሃራ ጋዲያን ዴዓና፤ ያኒ ኦይዱ ፄቱ ላይው ኡንቱንቱ ኣይሌታናኔ ናቄታና። \x - \xo 7:6 \xt ዶም 15፡13-14\x* 
\v 7 ሺን ታኒ ኔ ዜሬ ሞዲያ ኣሳ ቦላ ፒርዳና፤ ሄዋፔ ጉዪያን፥ ኡንቱንቱ ሄ ጋዲያፔ ኬሲዴ፥ ሃዋን ታው ጎዪናና› ያጌዳ። \x - \xo 7:7 \xt ኬስ 3፡12\x* 
\v 8 ፆሳይ ኣብራሃሜ ዜሬይ ቃፃሬታና ማላ ኣናና ጫቂና፥ ዪሳቃ ኢ ዬሊዴ፥ ሆስፑን ጋላሲ ቃፃሬዳ፤ ዪሳቂ ያዪቆባ ቃፃሪና፥ ቃሲ ያዪቆቢ ታማኔ ላዑ ኣዋቱዋ ካፓቱዋ ቃፃሬዳ። \x - \xo 7:8 \xt ዶም 17፡10-14፤ 21፡2-4፤ 25፡26፤ 29፡31-35፡18\x* 
\p  
\v 9 «ኣዋቱዋ ካፓቱ ዮሴፋ ቃናቲዴ፥ ጊብፄ ጋዲያሲ ኣይሌታናዳን፥ ኣ ዛሊዔዲኖ፤ ሺን ፆሳይ ኣናና ኢቲፔ ዴዔ። \x - \xo 7:9 \xt ዶም 37፡11፣ 28፤ 39፡2፣ 21\x* 
\v 10 ፆሳይ ዋዪያ ኡባፔካ ኣ ኬሴዳ፤ ቃሲ ጊብፄ ካቲያ ሲንንካ ናሹዋኔ ኣ ኤራቴ ኣው ኢሜዳ፤ ጊብፄ ካቲ ዮሴፎሲ ጊብፄ ጋዲያኔ ባሬ ጎሊያ ኡባ ሞዳናዳን፥ ሱንቴ ኢሜዳ። \x - \xo 7:10 \xt ዶም 41፡39-41\x* 
\p  
\v 11 «ጊብፄ ጋዲያኒኔ ካናኔ ጋዲያን ኡባን ኮሻይ ጌሊዴ፥ ጮራ ኣሳ ሜቶዳ፤ ሄ ጋሱዋን ኑ ኣዋቱ ቁማ ዴሚቤይኪኖ። \x - \xo 7:11 \xt ዶም 42፡1-2\x* 
\v 12 ያዪቆቢ ጊብፄ ጋዲያን ካይ ዴዒያዋ ሲሲዴ፥ ኑ ኣዋቱዋ ኮይሮ ያ ዬዴዳ።  
\v 13 ላዔዋ ቡሳን ዮሴፎ ባሬ ኢሻቱዋሲ ኤሬቴዳ፤ ቃሲ ጊብፄ ካቲካ ዮሴፎ ዛሪያ ኤሬዳ። \x - \xo 7:13 \xt ዶም 45፡1፣ 16\x* 
\v 14 ዮሴፎ ባሬ ኣዉዋ ያዪቆቢኔ ባሬ ዳቡ ኡባይ ሙሌካ ላፑን ታማኔ ኢቼሹ ኣሳይ ባሬኮ ያና ማላ፥ ኪቲዴ ፄጊሴዳ። \x - \xo 7:14 \xt ዶም 45፡9-10፣ 17-18፤ 46፡27\x* 
\v 15 ያዪቆቢ ጊብፄ ጋዲያ ዎዴ ሃይቄዳ፤ ኑ ኣዋቱካ ያኒ ሃይቄዲኖ። \x - \xo 7:15 \xt ዶም 46፡1-7፤ 49፡33\x* 
\v 16 ኡንቱንቱ ኣኃይ ሄዋፔ ሴኬማ ጌቴቲያ ጋዲያ ቶኬቲዴ፥ ያኒ ኣብራሃሞ ሃሞራ ናናፔ ዳሮ ቢራን ሻሜዳ ዱፉዋን ሞጌቴዳ። \x - \xo 7:16 \xt ዶም 23፡3-16፤ 33፡19፤ 50፡7-13፤ ኢያ 24፡32\x* 
\p  
\v 17-18 «ሺን ፆሳይ ኣብራሃሞሲ ኢማና ጌዳዌ ፖሌቲያ ዎዲ ጋካና ማቲና፥ ዮሴፋ ኤሬና ሃራ ካቲ ጊብፄ ጋዲያን ዴንዳና ጋካናሲ፥ ኣሳይ ዳሪ ዳሪ ቤዳ። \x - \xo 7:17-18 \xt ኬስ 1፡7-8\x* 
\v 19 ሄ ካቲ ኑ ዛሪያ ጪሚዴ፥ ጉ ናናይ ሃይቃና ማላ፥ ካሬ ኡንቱንታ ኬሲ ኦላናዳን፥ ኑ ኣዋቱዋ ኡንዔዳ። \x - \xo 7:19 \xt ኬስ 1፡10-11፣ 22\x* 
\p  
\v 20 «ሙሴ ዬሌቴዳዌ ሄ ዎዴ፤ ፆሳ ሲንን ኢ ዳሮ ሎዖ ናዓ ጊዴዳ፤ ባሬ ኣዉዋ ጎሊያን ሄዙ ኣጌና ጋካናሲ ዲጬዳ። \x - \xo 7:20 \xt ኬስ 2፡2\x* 
\v 21 ሙሴ ዎራ ኦሌቴዳ ዎዴ፥ ጊብፄ ካቲያ ናታ ዴማዴ ባሬ ናዓዳን ኣ ዲቻዱ። \x - \xo 7:21 \xt ኬስ 2፡3-10\x* 
\v 22 ሙሴ ጊብፃቱዋ ኣ ኤራቴ ኡባ ታማሪዴ፥ ቃላኒኔ ኦሱዋን ዎልቃማ ኣሳ ጊዴዳ። 
\p  
\v 23 «ሺን ሙሴው ዬሌቶዴፔ ላይይ ኦይታሙዋ ኩሜዳ ዎዴ፥ ባሬ ኢሻቱዋ፥ ኢስራዔሊያ ኣሳቱዋ ቤዓናው ባሬ ዎዛናን ቆፔዳ። \x - \xo 7:23 \xt ኬስ 2፡11-15\x* 
\v 24 ኢስራዔላቱዋፔ ኢቱዋ ጊብፄፔ ኢቱ ናቂሺን ቤዒዴ፥ ሄ ኢስራዔሊያ ማዴዳ፤ ሄ ናቄዳ ጊብፄ ቢታኒያ ዎዴ፥ ኣ ሃሉዋ ኬሴዳ።  
\v 25 ሙሴ ባሬ ኢሻቱዋ ባሬ ባጋና ፆሳይ ኣሻና ሃኒያዋ ኡንቱንቱ ኣኬኬዲኖ ጊዴ ቆፔዳ፤ ሺን ኡንቱንቱ ኣኬኪቤይኪኖ። 
\p  
\v 26 «ዎንቴ ጋላሲ ላዑ ኢስራዔሊያ ኣሳቱ ኢቱ ኢቱዋና ዋቲያዋንታ ዴሚዴ፥ ኡንቱንታ ሲጌናው ኮዪዴ፥ ‹ኣሳቶ፥ ኢሻቱ ሂንቴንቱ ኣዪሲ ኢቱ ኢቱዋ ናቂቴ?› ያጌዳ። 
\p  
\v 27 «ሺን ሄ ባሬ ሾሩዋ ናቂያዌ ሙሳ፥ ‹ኔና ኑ ቦላ ሞዲያዋኔ ዳና ኡዲዴ፥ ሱንዳዌ ኦኔ?  
\v 28 ኔኒ ዚኖ ጊብፄ ቢታኒያ ዎዳዋዳን፥ ታናካ ዎናው ኮያይ?› ያጊዴ፥ ሙሳ ካሬው ሱጊ ዬጌዳ።  
\v 29 ሙሴ ሄዋ ሲሴዳ ዎዴ ጊብፄፔ ኬሲዴ፥ ሚዲያማ ጋዲያን ቤቴ ጊዲ ዴዒዴ፥ ላዑ ኣቱማ ናና ያኒ ዬሌዳ። \x - \xo 7:29 \xt ኬስ 18፡3-4\x* 
\p  
\v 30 «ጎዳ ኪታንቻይ ኦይታሙ ላይፔ ጉዪያን፥ ሲና ዴሪያ ማታን ዴዒያ ባዙዋ ቡራን ኤፂያ ታማ ላጩዋ ጊዶን ሙሴው ቤቴዳ። \x - \xo 7:30 \xt ኬስ 3፡1-10\x* 
\v 31-32 ሙሴ ባሬ ቤዔዳዎ ማላሌቲዴ፥ ኣኬኪ ፄላናው ቡራ ማታን ኢ ሺቂዴዒሺን፥ ጎዳ ቃላይ፥ ‹ታኒ ኔ ኣዋቱዋ ፆሳ፥ ኣብራሃሜ ፆሳ፥ ዪሳቃ ፆሳ፥ ያዪቆባ ፆሳ› ያጊዴ ሙሴኮ ዬዳ። ሙሴ ያሻ ኮኮሪዴ፥ ፄላናው ፃሊቤና። 
\p  
\v 33 «ጎዳይ ሙሳ፥ ‹ኔኒ ኤቄዳ ቢታይ ጌሻ ጊዲያ ዲራው፥ ኔ ጌዲያን ዴዒያ ጫማካ ኬሳ።  
\v 34 ታኒ ጊብፄን ዴዒያ ታ ኣሳ ዋዪያ ጌሻ ቤዓዴ፥ ቃሲ ኡንቱንቱ ኦሊያካ ሲሳዴ፥ ኡንቱንታ ኣሻናው ዎዲ። ሃዒ ሃ ያ። ታኒ ኔና ጊብፄ ኪታና› ያጌዳ። 
\p  
\v 35 «ሄ ሙሳ ኢስራዔላቱ፤ ‹ኔና ኑና ሞዲያዋኔ ዳና ኡዲዴ ሱንዳዌ ኦኔ?› ያጊዴ ኢፄዲኖ፤ ቡራ ጊዶን ኣው ቤቴዳ ኪታንቻን ሞዲያዋኔ ኣሺያዋ ጊዳና ማላ፥ ፆሳይ ኣ ኪቴዳ። \x - \xo 7:35 \xt ኬስ 2፡14\x* 
\v 36 ሄ ሙሴ ኢስራዔላቱዋ ጊብፄ ጋዲያን ዞዖ ኣባኒኔ ሜላ ቢታን፥ ኦይታሙ ላይው ኦራባኔ ማላታ ኦዴ፥ ጊብፄፔ ካሌዳ። \x - \xo 7:36 \xt ኬስ 7፡5፤ 14፡21፤ ፓይ 14፡33\x* 
\p  
\v 37 «ኢስራዔሊያ ኣሳሲ፥ ‹ፆሳይ ታና ዴንዳዋዳን፥ ሂንቴ ዛሪያ ጊዶፔ ታ ማላ ናቢያ ሂንቴንቶ ዴንናዋ› ያጌዳዌ ሄ ሙሳ። \x - \xo 7:37 \xt ዛር 18፡15፣ 18\x* 
\v 38 ኢ ኢስራዔሊያ ኣሳ ማባራና ኢቲፔ ሜላ ቢታን ዴዔዳዋ፤ ኢ ኑ ኣዋቱዋናኔ ሲና ዴሪያ ቦላን ባሬው ሃሳዬዳ ኪታንቻና ኢቲፔ ዴዔዳ። ያቲዴ ፆሳፔ ዴዑዋ ቃላ ኑሲ ኢማናው ኣኬዳ። \x - \xo 7:38 \xt ኬስ 19፡1-20፡17፤ ዛር 5፡1-33\x* 
\p  
\v 39 «ሙሴው ኑ ኣዋቱ ኣዛዜታናው ዶሲቤይኪኖ፤ ሺን ጌዴ ኣ ሱጊ ኦሊዴ፥ ጉዬ ጊብፄ ሲማናው ኣሞቴዲኖ።  
\v 40 ቃሲ ኣሮና፥ ‹ኑና ካሌያ ፆሳቱዋ ኑሲ ሜ፤ ኣዪሲ ጎፔ፥ ሃ ኑና ጊብፄፔ ኣሄዳ ሙሴ ዋኔዴንቶ ኑኒ ኤሮኮ› ያጌዲኖ። \x - \xo 7:40 \xt ኬስ 32፡1\x* 
\v 41 ሚዛ ማራ ማላቲሲዴ፥ ሄ ዎዴ ኤቃ ኦዲኖ፤ ሄ ኤቃሲ ያርሹዋ ያርሺዴ፥ ባሬንቱ ኩሺ ኦዳ ኦሱዋን ናሼቴዲኖ። \x - \xo 7:41 \xt ኬስ 32፡2-6\x* 
\v 42 ሺን ፆሳይ ኡንቱንቶ ዞኪያ ዛሬዳ፤ ኡንቱንቱ ሳሉዋ ፆሊንቲያሲ ጎዪናናዳን፥ ኡንቱንታ ኣጌዳ፤ ናባቱዋ ማፃፋን፥ 
\q1 ‹ኢስራዔሊያ ኣሳቶ፥ ኦይታሙ ላይ 
\q2 ኣሳይ ባይና ሳን ሹኬዳ ሜሂያኔ ያርሹዋ 
\q1 ታው ያርሼዲቴ? 
\q1  
\v 43 ሂንቴንቱ ሂንቴንቶ ጎዪናናው 
\q1 ኦዳ ኤቃቱዋ፥ ሞሎካ ዱንካኒያኔ 
\q2 ሬፋና ጊያ ሂንቴ ፆሳ ፆሊንቲያ ቶኬዲታ። 
\q1 ታኒ ሂንቴንታ ባቢሎኔፔ 
\q2 ሂኒ ባጋ ዬዳና› 
\m ጌቴቲዴ ፃፌቴዳ።\x - \xo 7:43 \xt ኣሞ 5፡25-27\x* 
\p  
\v 44 «ሙሴ ባሬ ቤዔዳዋ ማላቲሲዴ፥ ጎዳይ ኣው ኦዴዳዋዳን ሜዳ ማርካ ዱንካኒ ኑ ኣዋቱዋሲ ሜላ ቢታን ዴዔ። \x - \xo 7:44 \xt ኬስ 25፡9፣ 40\x* 
\v 45 ቃሲ ኑ ኣዋቱ ዱንካኒያ ባሬንቱ ኣዋቱዋፔ ካላን ኣኪዴ፥ ፆሳይ ካሴ ዬዴርሴዳ ኣዪሁዳ ጊዴና ኣሳ ቢታ ኦይቄዳ ዎዴ፥ ኢያሱና ጌሊሴዲኖ፤ ሄ ዱንካኒ ዳዊቴ ዴዒያ ዎዲ ጋካናዉካ ሄዋን ዴዔዳ። \x - \xo 7:45 \xt ኢያ 3፡14-17\x* 
\v 46 ዳዊቴ ፆሳን ሳቤቴዳ፤ ቃሲ ያዪቆባ፥ ጎዳይ ዴዓና ጎሊያ ኬፃናው ፆሳ ዎሴዳ። \x - \xo 7:46 \xt 2ሳም 7፡1-16፤ 1ኦድ 17፡1-14\x* 
\v 47 ሺን ኣው ጎሊያ ኬፄዳዌ ሶሎሞና። \x - \xo 7:47 \xt 1ካት 6፡1-38፤ 2ኦድ 3፡1-17\x* 
\p  
\v 48-50 «ሺን ናቢ፥ 
\q1 ‹ጎዳይ፥ «ሳሉ ታ ካዉቴ ኦይዲያ፤ 
\q2 ሳዓይካ ታ ጌዲ ዬያሳ። 
\q1 ያቲና፥ ታው ኣያ ማላ ጎሊያ ኬፃኒቴ? 
\q2 ዎይ ታኒ ሼምፓናሳይ ሃቃኔ? 
\q1 ሃ ኡባባ ታ ኩሺያን ሜቤይኪታ?» ያጌ› 
\m ጌዳዋዳን፥ ኡባፔ ቦላ ፆሳይ ኣሳይ ኬፄዳ ጎሊያን ዴዔና። \x - \xo 7:48-50 \xt ኢሳ 66፡1-2\x* 
\p  
\v 51 «ሂንቴንቱ ኣይቤ ሞርጊ ሚኖ ኣሴ? ሂንቴንቱ ዎዛናይ ፆሳ ቃላ ኣካናው ኣይቤ ዳሜዳዌ? ሂንቴንቱ ሃይይካ ዋኒ ቱሌዴ? ኡባ ዎዴ ጌሻ ኣያናሲ ኣዛዜቴናን ኢፂታ። \x - \xo 7:51 \xt ኢሳ 63፡10\x* 
\v 52-53 ናባቱዋን ሂንቴንቱ ኣዋቱ ዬዴርሲቤናዌ ኦኔ? ፆሳ ናዓይ ፂሉ ያናዋ ካሴቲዴ ኦዴዳዋንታካ ዎዲኖ። ሃዒ ሂንቴንቱካ ኪታንቻቱዋ ኩሺያፔ ፆሳ ሂጊያ ኣኪዴ ኣዛዜቲቤናዋንቱ፥ ፂሉዋ ኣ ኢሚዴ ዎዲታ» ያጌዳ። 
\s1 ኢስፂፋኖሳ ሹቻን ዴቺዴ ዎዲኖ 
\p  
\v 54 ኡንቱንቱ ሄዋ ሲሴዳ ዎዴ፥ ባሬንቱ ዎዛናን ኢስፂፋኖሳሲ ዳሮ ዪሎቲዴ፥ ባሬንቱ ሜንቴርሻ ሳዒዴ ናሴዲኖ።  
\v 55 ሺን ኢስፂፋኖሲ ባሬናን ጌሻ ኣያናይ ኩሚና፥ ሳሉዋ ፑዴ ጫዲ ፄሊዴ፥ ፆሳ ቦንቹዋኔ ዬሱሲ ፆሳፔ ኡሼቻ ባጋን ኤቄዳዋ ቤዔዳ።  
\v 56 ያቲዴ፥ «ፄሊቴ፥ ታኒ ሳሉ ዶዬቲና፥ ኣሳ ናዓይ ፆሳፔ ኡሼቻ ባጋን ኤቄዳዋ ቤዓይ» ያጌዳ። 
\p  
\v 57 ኮሻ ቁ ኦ ዋሲዴ፥ ባሬንቱ ሃይ ቱጪዴ፥ ኢቲፔ ጊዲ ኣኮ ዎፄዲኖ።  
\v 58 ካታማፔ ጋፃ ኣ ኬሲዴ፥ ሹቻን ጫዴዲኖ። ማርካቱካ ባሬንቱ ማዩዋ ኬሲዴ፥ ኢቲ ሳዖላ ጌቴቲያ ዎዳላ ማታን ዎዲኖ። 
\p  
\v 59 ኢስፂፋኖሲ፥ «ታ ጎዳ ዬሱሳ፥ ታ ሼምፑዋ ኣካ» ያጊዴ ፄጊሺን፥ ኡንቱንቱ ሹቻን ኣ ዴቺኖ።  
\v 60 ሄ ዎዴ ኢ ጉልባቲዴ፥ ባሬ ኮሻ ቁ ኦዴ፥ «ታ ጎዳው፥ ሃ ናጋራ ኡንቱንቶ ኣቶ ጋ» ያጌዳ። ሄዋ ጊኔ ሃይቂ ኣጌዳ። 
\c 8  
\s1 ሳዖሊ ኣማኒያ ኣሳ ዬዴርሴዳ 
\p  
\v 1 ሳዖሊ ኢስፂፋኖሴ ሃይቁ ሎዓ ጊ ኣኬዳ። ሄ ጋላሲ ዬሩሳላሜን ዴዒያ ኣማኒያዋንቱ ቦላ ዎልቃማ ዬዴርሱ ዴንዴዳ፤ ዬሱሲ ኪቴዳዋንቱፔ ኣቲን፥ ኣማኒያዋንቱ ኡባቱ ዪሁዳ ጋዲያኒኔ ሳማሪያ ጋዲያን ላሌቴዲኖ።  
\v 2 ፆሳ ኣሳቱ ኢስፂፋኖሳ ሞጌዲኖ፤ ቃሲ ኣው ዳሮ ዬኬዲኖ።  
\v 3 ሺን ሳዖሊ ኣማኒያ ኣሳ ዪሳናው ባፄቴ፤ ኡባ ጎሊያ ጌሊ ጌሊዴ፥ ኣቱማ ኣሳኔ ማጫ ኣሳ ጎቺ ጎቺዴ፥ ቃሾ ጎሌ ዬዴ። 
\s1 ዎንጋላ ሚሺራቹ ሳማሪያን ኦዴቴዳ 
\p  
\v 4 ላሌቴዳ ኣማኒያዋንቱ ቃላ ኦዲዴ፥ ኡባሳ ቤዲኖ።  
\v 5 ፒሊጶሲ ሳማሪያ ካታማ ዎዴ፥ ኪሪስቶሳባ ኣሳሲ ኦዴዳ።  
\v 6 ጮራ ኣሳይ ፒሊጶሲ ጌዳዋ ዳሪሲ ኣኬኪዴ ሲሴዳ፤ ኢ ኦያ ማላታካ ቤዔዳ።  
\v 7 ኣዪሲ ጎፔ፥ ኢታ ኣያናቱ ኮሻ ቁ ኦ ሃሳዪዴ፥ ጮራ ኣሳፔ ኬሴዲኖ፤ ቃሲ ጮራ ሲሌዳዋንቱኔ ዎባቱ ፓፄዲኖ።  
\v 8 ሄ ካታማን ኣሳይ ዳሮ ናሼቴዳ። 
\p  
\v 9 ሺን ሲሞና ጌቴቲያ ኢቲ ቢታኒ ካሴ፥ ባሬና ዎልቃማ ጊ ካዪዲ፥ ሳማሪያ ኣሳ፥ «ላ ሃዌ ኣይቤ ኦራቤ» ጊሲዴ ሄ ካታማን ዴዔዳ።  
\v 10 ጉቴፔ ዶሚዴ፥ ዎጋቴ ጋካናው፥ ኣሳይ ኡባይ፥ «ፆሳ ዎልቃይ ዳሮ ዎልቃማይ ሃዋ» ጊዴ ኣባ ሲሴ።  
\v 11 ዳሮ ዎዲያፔ ዶሚዴ፥ ካዩዋን ሳማሪያ ኣሳ «ላ ሃዌ ኣይባ ኦራቤ» ጊሴዳ ዲራው፥ ኣሳይ ኣባ ሲሴ።  
\v 12 ሺን ፒሊጶሲ ፆሳ ካዉቴባኔ ዬሱሲ ኪሪስቶሳ ሱንባ ኣቱማዋንቱሲኔ ማጫዋንቱሲ ሚሺራቹዋ ኦዲዴ፥ ኡንቱንቱ ኣባ ኣማኒዴ ፃማቄቴዲኖ።  
\v 13 ቃሲ ሲሞኒካ ባሬ ሁጴው ኣማኒዴ ፃማቄቴዳዋፔ ጉዪያን፥ ፒሊጶሳና ኢቲፔ ዴዒዴ፥ ኦሴቲያ ማላታኔ ፆሳይ ኦዳ ዎልቃማ ማላታ ቤዒዴ ማላሌቴዳ። 
\p  
\v 14 ዬሱሲ ኪቴዳ ዬሩሳላሜን ዴዒያዋንቱ፥ ሳማሪያ ኣሳይ ፆሳ ቃላ ኣኬዳዋ ሲሴዳ ዎዴ፥ ጴፂሮሳኔ ዮሃኒሳ ኡንቱንቱኮ ዬዴዲኖ።  
\v 15 ጴፂሮሲኔ ዮሃኒሲ ዎዴ፥ ኣማኒያዋንቱ ጌሻ ኣያና ኣካና ማላ፥ ኡንቱንቶ ፆሳ ዎሴዲኖ፤  
\v 16 ኣዪሲ ጎፔ፥ ሳማሪያ ኣሳቱ ጎዳ ዬሱሳ ሱንን ፂንቃታ ፃላላ ፃማቄቴዳዋፔ ኣቲን፥ ኡንቱንቱፔ ኢቱዋ ቦላኒኔ ጌሻ ኣያናይ ዎቤና።  
\v 17 ሄ ዎዴ ጴፂሮሲኔ ዮሃኒሲ ባሬንቱ ኩሺያ ኡንቱንቱ ቦላ ዎዋፔ ጉዪያን ኡንቱንቱ ጌሻ ኣያና ኣኬዲኖ። 
\p  
\v 18 ዬሱሲ ኪቴዳዋንቱ ባሬንቱ ኩሺያ ኡንቱንቱ ቦላ ዎና፥ ኡንቱንቶ ጌሻ ኣያናይ ኢሜቴዳዋ ሲሞኒ ቤዔዳ ዎዴ፥ ጴፂሮሳሲኔ ዮሃኒሳሲ ሚሻ ኣሂዴ፥  
\v 19 «ታኒካ ታ ኩሺያ ዎያ ኡባይ ጌሻ ኣያና ኣካና ማላ፥ ሃ ማታ ታዉካ ኢሜሪኪቴ» ያጌዳ። 
\p  
\v 20 ሺን ጴፂሮሲ ኣው ሃዋዳን ያጌዳ፤ «ኔኒ ፆሳ ኢሞታ ሚሻን ሻማናው ቆፔዳ ዲራው፥ ኔ ሚሻይ ኔናና ጮ ዮ።  
\v 21 ኔ ዎዛናይ ፆሳ ሲንን ሱሬ ጊዴና ዲራው፥ ኔው ሃዋን ጊሹ ባዋ።  
\v 22 ያቶዋፔ ጉዪያን ሃ ኔ ዎዛና ኢታ ቆፋ ዲራው፥ ናጋራፔ ሲማ፤ ኦኒ ኤሪ ኔ ዎዛናን ዴዒያ ኢታ ቆፋ ፆሳይ ኣቶ ጋኔንቶኔ ፆሳ ዎሳ።  
\v 23 ኣዪሲ ጎፔ፥ ኔኒ ዳሮ ቃናቲያ ኦይቃዴ ናጋራ ቃሹዋን ዴዒያዋ ታኒ ቤዓይ» ያጌዳ። 
\p  
\v 24 ሄዋፔ ጉዬ ሲሞኒ ጴፂሮሳሲኔ ዮሃኒሳሲ ዛሪዴ፥ «ሂንቴንቱ ጌዳዋፔ ኢቲባይኔ ታና ጋኬና ማላ፥ ሂንቴ ታው ፆሳ ዎሲቴ» ያጌዳ። 
\p  
\v 25 ጴፂሮሲኔ ዮሃኒሲ ማርካቴዳዋፔኔ ጎዳ ቃላ ኦዴዳዋፔ ጉዪያን፥ ጉዬ ዬሩሳላሜ ሲሜዲኖ፤ ያቲዴ ሳማሪያን ዴዒያ ዳሮ ቄሪ ካታማቱዋን ሚሺራቹዋ ቃላ ኦዴዲኖ። 
\s1 ፒሊጶሲ ቶጲያ ኣሳ ጊዴዳ ሹፋ ፃማቄዳ 
\p  
\v 26 ጎዳ ኪታንቻይ ፒሊጶሳ፥ «ዴንዳዴ ዬሩሳላሜፔ ጋዛ ኣፊያ ኣሲ ባይና ሜላ ሳዓ ኦጊያኮ ባ፤ ሄ ኦጊ ኣዋይ ኬሲያሳ ፄሊያ ዎዴ ኡሼቻ ዱጌሃ ባጋና ዴዔ» ያጌዳ።  
\v 27 ፒሊጶሲ ዴንዲዴ ቤዳ። ሂንዴኮ ጌቴቲያ ቶጲያ ካታቲሲ ቢታ ሞዲያ ኢ ሚሻ ኡባካ ናጊያ ቶጲያ ኣሳ ጊዴዳ ኢቲ ሹፋይ ዴዒያዌ ጎዪናናው ዬሩሳላሜ ቤዳ።  
\v 28 ፓራይ ጎቺያ ጋሪያን ኡቲዴ፥ ዬሩሳላሜፔ ጉዬ ሲሚዴ፥ ናቢያ ኢሲያሳ ማፃፋ ናባቤ። 
\p  
\v 29 ጌሻ ኣያናይ ፒሊጶሳ፥ «ሄ ጋሪያኮ ሺቃዴ ኢቲፔ ጊዳ» ያጌዳ። 
\p  
\v 30 ፒሊጶሲ ዎፂ ዪዴ፥ ናቢያ ኢሲያሳ ማፃፋ ሹፋይ ናባቢሺን ሲሲዴ ኣ፥ «ኔኒ ናባቢያዋ ኣኬካይ?» ያጌዳ። 
\p  
\v 31 ሹፋይ፥ «ታው ኦዲዴ ኣኬኪሲያ ኣሳይ ባይናን ዋኒዴ ኣኬኬቲ?» ያጌዳ፤ ቃሲ ባሬናና ጋሪያን ኬሲዴ ኡታና ማላ፥ ፒሊጶሳ ዎሴዳ።  
\v 32 ሹፋይ ናባቢያ ማፃፋይ 
\q1 «ዶርሳዳን ኢ ሹኬታናው ላጌቴ። 
\q2 ዶርሳ ማራይ ባሬ ኢሲኪያ 
\q1 ቃንፂያዋ ሲንን ጮዑ ጊያዋዳን፥ 
\q2 ኢካ ባሬ ዶና ፖኪቤና። 
\q1  
\v 33 ኢ ካዉሼዳዋዳን ኣው ፂሎ ፒርዳይ ዬዳ። 
\q2 ዬሱሳ ዴዑ ሃ ሳዓፔ ፑዴ ኣኬቲዲጌዳ ዲራው፥ 
\q1 ኣ ዛሪያባ ኦኔ ኦዳናዌ?» 
\m ያጌዳ።\x - \xo 8:33 \xt ኢሳ 53፡7-8\x* 
\p  
\v 34 ሹፋይ ዛሪዴ ፒሊጶሳው፥ «ናቢ ሃዋ ኦዋ ኦዲ? ባሬባ ኦዲዬ ዎይ ሃራ ኣሳባ ኦዲ? ታው ኦዳሪኪ» ያጌዳ።  
\v 35 ፒሊጶሲ ዛሪዴ፥ ፆሳ ማፃፋ ኢ ናባቢያሳፔ ዶሚዴ፥ ዬሱሳባ ሚሺራቹዋ ቃላ ኣው ኦዴዳ። 
\p  
\v 36 ኡንቱንቱ ኦጊያ ኦይቂ ቢዴ፥ ሃይ ዴዒያሳ ጋኬዲኖ፤ ሹፋይ፥ «ሃ ሃዋ ቤዓ፤ ፃማቄቲያዋ ታና ዲጊያዌ ኣዬ?» ያጌዳ። 
\p  
\v 37 ፒሊጶሲ ኣ፥ «ኔኒ ኔ ኩሜን ዎዛናፔ ኣማኖፔ፥ ዳንዳያ» ያጌዳ። 
\p ኢ ዛሪዴ፥ «ዬሱሲ ኪሪስቶሲ ፆሳ ናዓ ጊዲያዋ ታኒ ኣማናይ» ያጌዳ። 
\p  
\v 38 ጋሪ ኤቃና ማላ ሹፋይ ኣዛዚና፥ ኢኔ ፒሊጶሲ ላዓቱ ዱጌ ዎዴ፥ ሃን ጌሊና ፒሊጶሲ ኣ ፃማቄዳ።  
\v 39 ኡንቱንቱ ሃፔ ጋፃ ኬሴዳ ዎዴ፥ ጎዳ ኣያናይ ፒሊጶሳ ሊጲ ኡዲዴ፥ ኣፊ ኣጌዳ፤ ላዔዋ ሹፋይ ፒሊጶሳ ቤዒቤና፤ ሺን ባሬ ኦጊያ ናሼቲዴ ቤዳ።  
\v 40 ፒሊጶሲ ባሬ ሁጴው ኣዞፆሳን ዴዒያዋ ኤሬዳ፤ ቃሲ ቂሳሪያ ያና ጋካናዉካ፥ ካታማ ኡባን ዩዪዴ ሚሺራቹዋ ቃላ ኦዴ። 
\c 9  
\s1 ሳዖሊ ኪሪስቶሳን ኣማኔዳ 
\r (ኪት 22፡6-16፤ 26፡12-18) 
\p  
\v 1 ሺን ሳዖሊ ጎዳ ካሊያዋንታ ዎናው ማንዲዴ፥ ቄሳቱዋ ኡባቱዋ ካፑዋኮ ቤዳ።  
\v 2 ያቲዴ ጎዳ ኦጊያ ካሊያ ኣሳቱዋ ማጫዋንታኔ ኣቱማዋንታ ዴሞፔ፥ ቃቺዴ ዬሩሳላሜ ኣሃናው፥ ዳማስቆን ዴዒያ ኣዪሁዳ ዎሳ ጎሌቶ ዳቢዳቢያ ፃፋናው ኣ ዎሴዳ። 
\p  
\v 3 ኢ ቢዴ፥ ዳማስቆ ካታማ ጋካና ማቶዴ፥ ቆፔናን ሳሉዋፔ ዎልቃማ ፖዑ ኣ ዩሹዋ ኡባኒ ፖዔዳ።  
\v 4 ሳዖሊ ሳዓን ኩንዲ ኡቲና፥ «ሳዖላ ሳዖላ፥ ኣዪሲ ታና ዋዪሳይ?» ጊያ ቃላ ሲሴዳ። 
\p  
\v 5 ሳዖሊ፥ «ታ ጎዳው፥ ኔኒ ኦኔ?» ያጊዴ ኦቼዳ። 
\p ዬሱሲካ፥ «ታኒ ኔኒ ዬዴርሳዴ ዴዒያ ዬሱሳ።» ያጌዳ። 
\p  
\v 6 ሺን ሳዖሊ ኮኮሪዲኔ ማላሌቲዴ፥ «ታ ጎዳው፥ ታኒ ኣያ ኦናዳን ኮያይ?» ያጌዳ። 
\p ጎዳይ ኣ፥ «ዴንዳዴ ካታማ ጌላ፤ ኔኒ ኦናው ቤሲያባይ ኔው ያኒ ኦዴታናዋ» ያጌዳ። 
\p  
\v 7 ሳዖላና ኦጊያን ቢያ ኣሳቱ ኣይኔ ሃሳዬናን ኤቂ ኣጊዴ፥ ኮሻ ሲሲኖ፤ ሺን ኦናኔ ቤዒቤይኪኖ።  
\v 8 ሳዖሊ ሳዓፔ ዴንዲና፥ ኣ ኣይፊ ዶዬቴዳ ዎዴ፥ ኣይኔ ፄላናው ዳንዳዪቤና፤ ሄዋ ዲራው፥ ኡንቱንቱ ኣ ኩሺያ ኦይቂ ጎቺዴ፥ ዳማስቆ ጌሊሴዲኖ።  
\v 9 ሄዙ ጋላሳ ጋካናዉካ ኢ ፄሊቤና፤ ኣይኔ ሚቤና፤ ኣያኔካ ኡሺቤና። 
\p  
\v 10 ዳማስቆን ኢቲ ሃናኒያ ጊያ ካሊያዌ ዴዔ፤ ጎዳይ ሳፃን ኣ፥ «ሃናኔው» ያጌዳ። 
\p ሃናኒ፥ «ታ ጎዳው፥ ሃዋን ዴዓይ» ያጌዳ። 
\p  
\v 11 ጎዳይ ኣ፥ «ዴንዳዴ ሱሬ ጌቴቲያ ኦጊያ ባዴ፥ ዪሁዳ ሶዪን ኢቲ ሳዖላ ጊያ ፄርሴሴፔ ዬዳ ቢታኒያ ኮያ፤ ኣዪሲ ጎፔ፥ ኢ ዎሴ።  
\v 12 ቃሲ ሃናኒያ ጊያ ቢታኒ ጌሊዴ፥ ሳዖሊ ላዔንዋ ፄላናዳን፥ ባሬ ኩሺያ ኣ ቦላ ዎያዋ ሳፃን ቤዔዳ» ያጌዳ። 
\p  
\v 13 ሃናኒ ዛሪዴ፥ «ታ ጎዳው፥ ዬሩሳላሜን ኔ ጌሻ ኣሳ ቦላ ሄ ቢታኒ ኣይ ኬና ኢታባ ኦዴንቶ፥ ታኒ ዳሮ ኣሳፔ ሲሳዲ።  
\v 14 ቃሲ ዳማስቆን ኔ ሱን ፄሲያዋንታ ኡባ ቃቻናው፥ ቄሳቱዋ ካፓቱ ኣው ማታ ኢሜዲኖ» ያጌዳ። 
\p  
\v 15 ሺን ጎዳይ ኣ፥ «ሳዖሊ ኣዪሁዳ ጊዴና ኣሳ ሲንን፥ ካታቱዋ ሲንኒኔ ኢስራዔሊያ ኣሳ ሲንን፥ ታ ሱን ኤሪሳናዉኔ ታው ኦናዳን ዶሬቴዳ ሚሻ ጊዲያ ዲራው፥ ኔኒ ባ።  
\v 16 ኣዪሲ ጎፔ፥ ታ ሱን ዲራው፥ ኢ ኣዪኬና ዋዬታናው ቤሲንቶ፥ ታኒ ኣ ቤሳና» ያጌዳ። 
\p  
\v 17 ሃናኒ ቢዴ፥ ሶይ ጌሊዴ፥ ባሬ ኩሺያ ሳዖላ ቦላ ዎዴ፥ «ታ ኢሻው ሳዖላ፥ ኔኒ ዪያ ኦጊያን ኔው ቤቴዳ ዬሱሲ፥ ኔኒ ፄላና ማላኔ ጌሻ ኣያናይ ኔናን ኩማና ማላ፥ ታና ኪቴዳ» ያጌዳ።  
\v 18 ኤሌካ፥ ኣዬንቶ ፖቁዋ ማላይ ሳዖላ ኣይፊያፔ ዎና፥ ሳዖሊ ላዔንዋ ፄሌዳ፤ ቃሲ ዴንዲዴ ፃማቄቴዳ።  
\v 19 ቁማ ሚዴ ሚኔቲ፥ ዳማስቆን ዴዒያ ካሊያዋንቱና ኣማሬዳ ጋላሳ ጋሚዔዳ። 
\s1 ሳዖሊ ዳማስቆን ታማሪሴዳ 
\p  
\v 20 ኤሌካ፥ «ዬሱሲ ኪሪስቶሲ ፆሳ ናዓ» ያጊዴ፥ ኣዪሁዳ ዎሳ ጎሌቱዋን ቃላ ኦዴዳ። 
\p  
\v 21 ሄዋ ሲሴዳ ኡባይ ማላሌቲዴ፥ «ሃዌ ዬሩሳላሜን ዬሱሳ ሱን ፄሲያዋንታ ዪሲያዋ ጊዴኔ? ቃሲ ኡንቱንታ ቃቺዴ፥ ቄሳቱዋ ካፓቱዋ ሲን ኣፋናው ዪቤኔዬ?» ያጌዲኖ። 
\p  
\v 22 ሺን ሳዖሊ ቃላ ኦዲያ ኦዱ ሚኒ ሚኒ ቤዳ፤ ዬሱሲ ቃሲ ኪሪስቶሳ ጊዲያዋካ ኢ ኣኬኪሲዴ ኦዴዳ ዲራው፥ ዳማስቆን ዴዒያ ኣዪሁዳቱ ኣው ዛሪያዋ ዬዲኖ። 
\p  
\v 23 ጮራ ጋላሳፔ ጉዪያን፥ ኣዪሁዳቱ ሺቂዴ፥ ሳዖላ ዎናው ዞሬቴዲኖ።  
\v 24 ሺን ኣዪሁዳቱ ባሬና ዎናው ቆፖዋ ሳዖሊ ሲሴዳ፤ ኡንቱንቱ ኣ ዎናው ቃማኔ ጋላሲ ካታማ ፔንጊያ ናጊኖ።  
\v 25 ሺን ካሊያዋንታ ኣ ቃማ ኣፊዴ፥ ዲርሳ ሁጲያና ታዪያን ዱጌ ዎዲኖ። 
\s1 ሳዖሊ ዬሩሳላሜን ታማሪሴዳ 
\p  
\v 26 ሳዖሊ ዬሩሳላሜ ጋኬዳ ዎዴ፥ ካሊያዋንቱና ኢቲፔ ጋኬታናው ሺቂ ቤዔዳ፤ ሺን ካሊያዋ ኢ ጊዴዳዋ ኡባይ ኣማኔናን ኢፂዴ፥ ኣው ያዬዲኖ።  
\v 27 ሺን ባርናባሲ ሳዖላ ዬሱሲ ኪቴዳዋንቱኮ ኣፌዳ፤ ኦጊያን ጎዳ ኢ ዋኒዴ ቤዔዴንቶ፥ ኣው ጎዳይ ዎቲ ሃሳዬዴንቶኔ ቃሲ ሳዖሊ ዳማስቆን ዬሱሳ ሱንን ያዬናን ዎቲ ቃላ ኦዴዴንቶ፥ ኡንቱንቶ ጌሺዴ ኦዴዳ።  
\v 28 ሳዖሊ ዬሩሳላሜን ዩዪዴኔ ጎዳ ዬሱሳ ሱንን ያዬናን ቃላ ኦዲዴ፥ ዬሱሲ ኪቴዳዋንቱና ኢቲፔ ዴዔዳ።  
\v 29 ቃሲ ሳዖሊ ጊሪኬ ቃላ ሃሳዪያ ኣዪሁዳቱዋና ሃሳዬኔ ፓሉሜቴ፤ ሺን ኡንቱንቱ ኣ ዎናው ኮዬዲኖ።  
\v 30 ኢሻቱ ሄዋ ሲሲዴ፥ ሳዖላ ዱጌ ቂሳሪያ ኣፊዴ፥ ፄርሴሴ ዬዴዲኖ። 
\p  
\v 31 ዪሁዳን፥ ጋሊላኒኔ ሳማሪያን ኡባን ዴዒያ ኣማኒያ ኣሳቱ ሳሮቴን ዴዔዲኖ፤ ቃሲ ሚኔዲኖ፤ ጎዳሲ ያዪያዋኒኔ ጌሻ ኣያና ማዱዋን ጌሜቲዴ፥ ፓይዱዋንካ ዳሪ ዳሪ ቤዲኖ። 
\s1 ጴፂሮሲ ሊዲያኒኔ ዮጴን ታማሪሴዳ 
\p  
\v 32 ጴፂሮሲ ኡባሳን ዩዪዴ፥ ሊዳን ዴዒያ ጌሻ ኣሳቱዋኮ ቃሲ ዎዳ።  
\v 33 ያቲዴ ሄዋን ሆስፑን ላይ ሲሊዴ፥ ኣርሳን ጊሲዴ ዴዒያ ኢቲ ኤኒያ ጊያ ቢታኒያ ዴሜዳ።  
\v 34 ጴፂሮሲ ኤኒያ፥ «ኤናው፥ ዬሱሲ ኪሪስቶሲ ኔና ፓ፤ ዴንዳዴ ኔ ሂፃ ዬጋ» \f + \fr 9:34 \fq ሂፃ ዬጋ፡ \ft ሃዋ ጉሳይ ሜቴቲያባ ጊጊሳ ጉሳ።\f* ያጌዳ። ሄዋፔ ጉዬ ኤሌካ ዴንዲ ኤቄዳ።  
\v 35 ሊዳኒኔ ሳሮናን ዴዒያ ኣሳይ ኡባይ ኤኒያ ቤዒዴ፥ ጎዳኮ ሲሜዲኖ። 
\p  
\v 36 ዮጴ ካታማን ኢቲ ፃቢቶ ጌቴቲያ ኣማኔዉና ዴዓው፤ ፃቢቶ ጉሳይ ጊሪኬ ቃላን ዶርቆ ጊያዋ። ኢዛ ባሬ ዴዔዳ ዎዲያ ኡባን ሎዖባ ኦዴኔ ሂዬሳ ማዳዴ ዴዓው።  
\v 37 ሄ ዎዴ ኢዛ ሃርጋዴ ሃይቂና፥ ኣሳይ ኢዚ ኣኃ ሜጪዴ፥ ፖቂያ ፑዴ ኬሲዴ ጊሲሴዳ።  
\v 38 ሊዳይ ዮጴሲ ማታ፤ ካሊያዋንቱ ጴፂሮሲ ሊዲያን ዴዒያዋ ዮጴን ሲሲዴ፥ «ሃያና ኑኮ ኤሌካ ያሪኪ» ያጊያ ኪታ ላዑ ኣሳቱዋ ቦላ ኣኮ ኪቴዲኖ። 
\p  
\v 39 ሄዋፔ ጉዬ ጴፂሮሲ ዴንዲዴ፥ ኡንቱንቱና ቢ ጋኪና፥ ፖቂያ ፑዴ ኣ ኬሲዴ፥ ኪፊሊያ ጌሊሴዲኖ። ኣሲኒ ባይና ኣምዔ ማጫዋንቱ ኡባይ ዬኪዴኔ ዶርቃ ኡንቱንቱና ዴዒያ ዎዴ ኦዳ ቃሚሻቱዋኔ ማያቱዋ ኡባ ጴፂሮሳ ቤሲዴ፥ ኣ ዩሹዋን ዩዪ ኣዴ ኤቄዲኖ።  
\v 40 ጴፂሮሲ ኡንቱንታ ኡባ ካሬ ኬሲዴ፥ ጉልባቲ ፆሳ ዎሴዳ፤ ቃሲ ኣኃኮ ሲሚዴ፥ «ፃቢቴ፥ ዴንዳ» ያጌዳ፤ ፃቢታካ ባሬ ኣይፊያ ዶያ ጴፂሮሳ ቤዓዴ፥ ቃ ኡታዱ።  
\v 41 ጴፂሮሲ ኢዞ ባሬ ኩሺያን ማዲዴ፥ ዴን ኤሴዳ፤ ሄዋፔ ጉዪያን፥ ኣማኒያዋንታኔ ኣሲኒ ባይና ኣምዔ ማጫዋንታ ፄሲዴ፥ ፓፄዳዉኖ ኡንቱንቶ ኢሜዳ። 
\p  
\v 42 ሃ ዬዉ ዮጴ ካታማ ኡባን ላሌቲና ጮራ ኣሳይ ጎዳ ኣማኔዲኖ።  
\v 43 ጴፂሮሲ ዮጴን ኢቲ ሲሞና ጊያ ጋልባ ቃጪያዋና ዳሮ ዎዲያ ጋሚዔዳ። 
\c 10  
\s1 ጴፂሮሳኔ ቆርኔሊዮሳ 
\p  
\v 1 ቂሳሪያን «ፃላቱዋ ኦላ ኣሳቱዋ» ጌቴቲያ ኦላንቻቶ ኢቲ ፄታቱዋ ካፑ ቆርኔሊዮሳ ጊያዌ ዴዔ።  
\v 2 ቆርኔሊዮሲ ፆሳ ሎይዴ ኣማኒያ ኣሳኔ፥ ባሬ ሶይ ኣሳ ኡባና ኢቲፔ ፆሳሲ ጎዪኒያ ኣሳ፤ ኣዪሁዳ ሂዬሳካ ኢ ዳሮ ማዴ፤ ቃሲ ፆሳ ኡባ ዎዴ ዎሴ።  
\v 3 ኢቲ ጋላሲ ኡዱፑ ሳቲያ ሄራን፥ «ቆርኔሊዮሳ» ጊዴ ፄሲያ ፆሳ ኪታንቻይ ባሬኮ ጌሊሺን፥ ቆርኔሊዮሲ ሳፃን ጌሺዴ ቤዔዳ። 
\p  
\v 4 ቆርኔሊዮሲ ያዪዴ፥ ኪታንቻ ጫዲ ፄሊዴ፥ «ታ ጎዳው፥ ኢ ኣዬ?» ያጌዳ። 
\p ኪታንቻይ ዛሪዴ፥ ሃዋዳን ያጌዳ፤ «ኔ ዎሳይኔ ኔኒ ሂዬሳ ማዲያዌ ፆሳ ሲንን ሃሳዬታናው ሳሉዋ ቤዳ።  
\v 5 ሃዒ ዮጴ ኣሳ ኪታዴ፥ ጴፂሮሳ ጌቴቲያ ሲሞና ኣሂሳ።  
\v 6 ጴፂሮሲ ኣባ ዶናን ዴዒያ ጋልባ ቃጪያ ሲሞና ጎሌን ኢማቴኒ ኡቴዳ፤ ኔኒ ኦናው ቤሲያዋ ኢ ኔው ኦዳናዋ» ያጌዳ። 
\p  
\v 7 ቆርኔሊዮሲ ባሬው ኦዴዳ ኪታንቻይ ቢና፥ ባሬ ቆማቱዋፔ ላዓቱዋኔ ፆሳሲ ጎዪኒያ ባሬፔ ሻኬቴና ዎታዳራቱዋፔ ኢቱዋ ፄሲዴ፥  
\v 8 ኡንቱንቶ ኡባባ ኦዲዴ፥ ኡንቱንታ ዮጴ ኪቴዳ። 
\p  
\v 9 ዎንቴ ጋላሲ ኡንቱንቱ ቢዴ፥ ዮጴ ካታማኮ ማቲሺን፥ ጴፂሮሲ ኡሱፑን ሳቲያ ሄራን ጎሊያ ቦላን ዴምባዪዴ ኦዳሳ ፆሳ ዎሳናው ኬሴዳ።  
\v 10 ቃሲ ኮሻቲዴ፥ ቁማ ማናው ኮዬዳ፤ ሺን ቁማይ ካዒሺን፥ ሳፃ ቤዔዳ።  
\v 11 ሳሉ ዶዬቲና፥ ዎልቃማ ማዩዋ ማላቲያባይ ኦይዱ ባጋና ኦይቄቲዴ፥ ሳዓን ዎሺን፥ ጴፂሮሲ ቤዔዳ።  
\v 12 ሄዋን ኦይዱ ጌዲያና ዴዒያ ሜሂ፥ ዶዓይ፥ ሾሻይ፥ ዛሪኔ ካፉ ኡባይ ዴዔ።  
\v 13 «ጴፂሮሳ፥ ዴንዳ ኤቃዴ ሹካ ማ» ጊያ ቃላይ ኣኮ ዬዳ። 
\p  
\v 14 ሺን ጴፂሮሲ፥ «ታ ጎዳው፥ ሃኔና! ታኒ ቱናባኔ ሼኔዪያባ ኡባካ ማ ኤሪኬ» ያጌዳ። 
\p  
\v 15 ቃሲ ላዔንዋ፥ «ፆሳይ ጌሼዳዋ ኔኒ ቱኒሶፓ» ጊያ ቃላይ ኣኮ ዬዳ።  
\v 16 ሄዙ ጌዴ ሄዋዳን ጌዳ፤ ሄዋፔ ጉዪያን፥ ኤሌካ ሄ ዎልቃማ ማዩዋ ማላቲያዌ ፑዴ ሳሉዋ ኣኬቲ ኣጌዳ። 
\p  
\v 17 ጴፂሮሲ ባሬ ቤዔዳ ሳፃ ቢሌይ ኣያ ጊዳንዴሻ? ያጊዴ፥ ባሬ ዎዛና ጊዶን፥ «ላ ሃዌ ኣዬ?» ጊሺን፥ ቆርኔሊዮሲ ኪቴዳ ኣሳቱ ሲሞና ጎሊ ዴዒያሳ ኮዪዴ፥ ኣ ፔንጊያን ኤቄዲኖ።  
\v 18 ባሬንቱ ኮሻ ቁ ኦዴ፥ «ጴፂሮሳ ጌቴቲያ ሲሞና ጊያ ኢማይ ሄዋን ዴዒ?» ያጊዴ ኦቼዲኖ። 
\p  
\v 19 ጴፂሮሲ ሳፃን ቤዔዳባ ኣኬካናው ቆፋን ሼኪዴዒሺን፥ ጌሻ ኣያናይ ኣ፥ «ቤዓ፥ ሄዙ \f + \fr 10:19 \fq ሄዙ፡ \ft ኢቲ ኢቲ ማፃፋቱ ጮራ ጊኖ፤ ኢቲ ማፃፋይ ላዑ ያጌ።\f* ኣሳቱ ኔና ኮዪኖ፤  
\v 20 ዴንዳዴ ዎ፤ ታኒ ኡንቱንታ ኪቴዳ ዲራው፥ ሲናን ኡንቱንቱና ባ» ያጌዳ። 
\p  
\v 21 ጴፂሮሲ ኣሳቱዋኮ ዎዴ፥ «ሂንቴንቱ ኮዪያዌ ታና። ኣያ ኣካና ዬዲቴ?» ያጌዳ። 
\p  
\v 22 ኡንቱንቱ፥ «ፆሳሲ ያዪያ ፂሉ ኣዪሁዳ ኣሳ ኡባን ዳሮ ቦንቼቴዳ ፄታቱዋ ካፑዋ ቆርኔሊዮሲ፥ ኔና ባሬ ሶይ ኣፊሲዴ፥ ቃላ ኔፔ ሲሳና ማላ፥ ፆሳ ጌሻ ኪታንቻይ ኣው ኦዴዳ» ያጌዲኖ።  
\v 23 ጴፂሮሲ ኣሳቱዋ ኢማ ኡዲ ሾባናው ሶይ ሞኬዳ። 
\p ዎንቴ ጋላሲ፥ ዴንዲዴ ኡንቱንቱና ቤዳ፤ ዮጴ ካታማን ዴዒያ ኢሻቱዋፔ ኢቱ ኢቱ ኣናና ኢቲፔ ቤዲኖ።  
\v 24 ዎንቴ ጋላሲ፥ ቂሳሪያ ጋኬዲኖ፤ ቆርኔሊዮሲ ባሬ ዳባቱዋኔ ባሬ ላጌቱዋ ኢቲፔ ፄሲ ሺሺዴ፥ ጴፂሮሳ ናጌ።  
\v 25 ጴፂሮሲ ጌላና ሃኒሺን፥ ቆርኔሊዮሲ ኣናና ጋኬቲዴ፥ ኣ ሲንን ኩንዲዴ፥ ኣው ጎዪኔዳ።  
\v 26 ሺን ጴፂሮሲ፥ «ዴንዳ! ታኒካ ታ ሁጴው ኣሳ» ያጊዴ ኣ ዴንዳ። 
\p  
\v 27 ጴፂሮሲ ቆርኔሊዮሳና ሃሳዪዴ፥ ሶይ ጌሌዳ፤ ኢ ጌሊያ ዎዴ ጮራ ኣሳይ ሺቄዳዋ ዴሚዴ፥  
\v 28 ኣሳ፥ «ኣዪሁዳ ኣሳይ ሃራ ዛሪያና ኢቲፔቴን ዴዓናው፥ ዎይ ጋኬታናው ዎጋ ጊዴናዋ ሂንቴ ሁጴው ኤሪታ፤ ሺን ታኒ ኦናኔ ቱና ዎይ ሼኔዪያባ ጌና ማላ፥ ፆሳይ ታና ቤሴዳ።  
\v 29 ሄዋ ዲራው፥ ሂንቴ ታው ኪቲና፥ ፓሉማይ ባይናን ያዲ። ሃዒ፥ ‹ታና ኣዪሲ ኣሂሴዲቴ?› ያጋዴ ሂንቴንታ ኦቻይ» ያጌዳ። 
\p  
\v 30 ቆርኔሊዮሲ ሃዋዳን ያጌዳ፤ «ታኒ ሃቼ ኦይዱ ጋላሳፔ ካሴ ሃ ሳቲያን ኡዱፑ ሳቲያ ዎሳ ታ ሶዪን ፆሳ ዎሲሺን፥ ጶልቂያ ማዩዋ ማዬዳ ኣሳይ ታ ሲንን ኤቂዴ፥  
\v 31 ታና፥ ‹ቆርኔሊዮሳ፥ ፆሳይ ኔ ዎሳ ሲሴዳ፤ ኔኒ ሂዬሳ ማዲያዋካ ሃሳዬዳ።  
\v 32 ሲሚ ኣሳ ዮጴ ኪታዴ፥ ሲሞኒ ጴፂሮሳ ጊያዋ ፄሲሳ፤ ሲሞኒ ጴፂሮሲ ሲሞና ጊያ ጋልባ ቃጪያዋ ጎሌን ኣባ ዶናን ኢማቴ ኡቴዳ› ያጌዳ።  
\v 33 ሄዋ ዲራው፥ ታኒ ኔኮ ኤሌካ ኪታዲ፤ ኔኒኔ ያዴ ሎይዳ፤ ሲሚ ኔኒ ኑሲ ኦዳናው ፆሳይ ኔና ኣዛዜዳዋ ኡባ ሲሳናው ሃዒ ኑኒ ኡባይ ሃዋን ፆሳ ሲንን ዴዔቶ» ያጌዳ። 
\s1 ጴፂሮሳ ሃሳያ 
\p  
\v 34-35 ጴፂሮሲ ሃሳያ ሃዋዳን ያጊ ዶሜዳ፤ «ፆሳይ ኣሳ ሶምዒያ ፄሌና፤ ሺን ጋዴ ኡባን ባሬው ያዪያዋኔ ፂሎ ኦሱዋ ኦያዋ ጋላቲያዋ ታኒ ቱሙ ኣኬካዲ። \x - \xo 10:34-35 \xt ዛር 10፡17\x* 
\v 36 ፆሳይ ኣሳ ኡባ ጎዳ፥ ዬሱሲ ኪሪስቶሳ ባጋና፥ ሳሮቴ ኦዲዴ፥ ሃ ዎንጋላ ሚሺራቹዋ ኢስራዔሊያ ኣሳሲ ኪቴዳዋ ሂንቴንቱ ኤሪታ።  
\v 37 ዮሃኒሲ ቃላ ኦዴዳ ፂንቃታፔ ጉዪያን፥ ጋሊላፔ ዶሚዴ፥ ዪሁዳ ጋዲያ ኡባን ሃኔዳዋ ሂንቴ ኤሪታ።  
\v 38 ፆሳይ ናዚሬቲያ ዬሱሳ ጌሻ ኣያናኒኔ ዎልቃን ኩንዳ፤ ፆሳይ ኣናና ዴዒያ ዲራው፥ ሎዖባ ኢ ኦዲኔ ፃላሂያ ካፑዋሲ ሞዴቴዳ ኡባ ፓዴ ዩዬዳ። 
\p  
\v 39 «ኣዪሁዳ ጋዲያኒኔ ዬሩሳላሜን ኢ ኦዳ ኡባባሲ ኑኒ ማርካ። ኡንቱንቱ ማስቃሊያ ቦላ ሚሲማሪያን ሺ ካቂዴ፥ ኣ ዎዲኖ።  
\v 40 ሺን ፆሳይ ሄዜንያ ጋላሳን ሃይቁዋፔ ኣ ዴንዴ ቤሴዳ።  
\v 41 ፆሳይ ኮይሮ ዶሬዳ ማርካቱዋ ኑና፥ ኣ ቤሴዳፔ ኣቲን፥ ኣሳ ኡባ ጊዴና፤ ሃይቁዋፔ ኢ ዴንዴዳዋፔ ጉዪያን፥ ኑኒ ኣናና ሜዶኔ ኡሼዶ።  
\v 42 ፆሳይ ዎንጋላ ሚሺራቹዋ ኣሳሲ ኑኒ ኦዳናዉኔ፥ ፓፃ ዴዒያዋንቱ ቦላኒኔ ሃይቄዳዋንቱ ቦላን ፒርዳናው ኢ ሱንዳዌ ዬሱሳ ጊዴዳዋ ኑኒ ማርካታናው ኑና ኣዛዜዳ።  
\v 43 ፆሳይ ኣኒ ኣማኒያ ኡባ ናጋራ ኣ ሱንን ኣቶ ጋናዋ ናባቱ ኡባቱ ማርካቲኖ» ያጌዳ። 
\s1 ኣዪሁዳ ጊዴና ኣሳቱ ኣማኒዴ ጌሻ ኣያና ኣኬዲኖ 
\p  
\v 44 ጴፂሮሲ ቢሮ ሄ ዬዉዋ ኦዲሺን፥ ቃላ ሲሲያ ኡባ ቦላ ጌሻ ኣያናይ ዎ ኣጌዳ።  
\v 45 ጴፂሮሳና ዮጴፔ ዬዳ፥ ኣማኒያ ቃፃሬቴዳ ኣዪሁዳ ኡባቱ ኣዪሁዳ ጊዴናዋንቱ ቦላንካ ጌሻ ኣያና ኢሞታይ ጉኬዳ ዲራው ማላሌቴዲኖ።  
\v 46 ኣዪሲ ጎፔ፥ ኡንቱንቱ ዱማ ዱማ ቃላን ሃሳዪሺኒኔ ፆሳ ዳሮቴ ሳቢሺን ሲሴዲኖ። 
\p ሄ ዎዴ ጴፂሮሲ ዛሪዴ፥  
\v 47 «ሃዋንቱ ቃሲ ኑናዳን ጌሻ ኣያና ኣኬዳዋንቱ ፃማቄቴናዳን፥ ሃ ኡንቱንታ ዲጋናው ዳንዳዪያዌ ኦኔ?» ያጌዳ።  
\v 48 ኡንቱንቱ ዬሱሲ ኪሪስቶሳ ሱንን ፃማቄታና ማላ፥ ኡንቱንታ ኣዛዜዳ፤ ሄዋፔ ጉዪያን፥ ኡንቱንቱ ባሬንቱና ኣማሬዳ ጋላሳ ኡታና ማላ፥ ኣ ዎሴዲኖ። 
\c 11  
\s1 ጴፂሮሲ ኣዪሁዳ ጊዴና ኣሳፔ ኣማኔዳዋንቱ ሶይ ኣያው ጌሌዴንቶ ኦዴዳ 
\p  
\v 1 ዬሱሲ ኪቴዳዋንቱኔ ዪሁዳ ኡባን ዴዒያ ኢሻቱ፥ ኣዪሁዳ ጊዴናዋንቱካ ፆሳ ቃላ ኣኬዳዋ ሲሴዲኖ።  
\v 2 ጴፂሮሲ ዬሩሳላሜ ቤዳ ዎዴ፥ ቃፃሬቴዳ ኣሳቱ ኣናና ፓሉሜቲዴ፥  
\v 3 ኣ፥ «ኔኒ ቃፃሬቲቤናዋንቱኮ ጌላዴ፥ ኡንቱንቱና ቁማ ማዳ» ያጌዲኖ። 
\p  
\v 4 ሺን ጴፂሮሲ ሃኔዳዋ ኮይሩዋፔ ዶሚዴ፥ ማራን ማራን ሃዋዳን ያጊዴ ኦዴዳ፤  
\v 5 «ታኒ ዮጴ ካታማን ፆሳ ዎሲሺን፥ ታኒ ኣያናኒ ጊዳዴ ሳፃ ቤዓዲ፤ ዎልቃማ ማዩዋ ማላቲያዌ ኦይዱ ባጋና ኦይቄቲዴ፥ ሳሉዋፔ ዎዴ፥ ታኮ ዬዳ።  
\v 6 ሄዋ ጊዱዋ ታኒ ጫዳ ፄሊያ ዎዴ፥ ኦይዱ ጌዲ ዴዒያ ሜሂያ፥ ዱዓ፥ ሾሻ፥ ዛሪያኔ ካፉዋ ቤዓዲ።  
\v 7 ቃሲ፥ ‹ጴፂሮሳ፥ ዴንዳ፤ ሹካ ማ› ጊያ ቃላ ታኒ ሲሳዲ። 
\p  
\v 8 «ሺን ታኒ፥ ‹ታ ጎዳው፥ ሃኔና! ቱናባይ ዎይ ሼኔዪያባይ ኡባካ ታ ዶናኮ ሺቂ ኤሬና› ጋዲ። 
\p  
\v 9 «ቃላይ ሳሉዋፔ ላዔዋካ፥ ‹ፆሳይ ጌሼዳዋ ኔኒ ቱና ጎፓ› ያጊዴ ታው ዛሬዳ። 
\p  
\v 10 «ሄዌ ሄዙ ጌዴ ሃኒና፥ ዉርሴን ኡባባይ ሳሉዋ ፑዴ ጎሼቴዳ።  
\v 11 ሄ ማንዒያንካ ሄዙ ኣሳቱ ቂሳሪያፔ ታኮ ኪቴቲዴ፥ ታኒ ዴዒያ ጎሊያ ጋኪ ኣጌዲኖ።  
\v 12 ታኒካ ሲናኒ ኡንቱንቱና ባና ማላ፥ ጌሻ ኣያናይ ታው ኦዴዳ። ቃሲ ሃ ኡሱፑን ኢሻቱ ዮጴፔ ታናና ቂሳሪያ ቢና፥ ኑኒ ቆርኔሊዮሳ ሶይ ጌሌዶ።  
\v 13-14 ኪታንቻይ ባሬ ሶዪን ኤቂዴ ባሬና፥ ‹ጴፂሮሳ ጌቴቲያ ሲሞና ፄሳናው ኣሳ ዮጴ ኪታ፤ ኔኒኔ ኔ ጎሌ ኣሳይ ኡባይ ኣቲያ ቃላ ኢ ኔው ኦዳናዋ› ጌዳዋ ቆርኔሊዮሲ ዎቲ ሲሴዴንቶ፥ ኑሲ ኦዴዳ። 
\p  
\v 15 «ታኒ ሃሳያናው ዶሚያዋን ጌሻ ኣያናይ ኮይሮ ኑ ቦላ ዎዳዋዳን፥ ኡንቱንቱ ቦላካ ዎ ኣጌዳ።  
\v 16 ጎዳይ፥ ‹ዮሃኒሲ ሃን ፃማቄዳ፤ ሺን ሂንቴንቱ ጌሻ ኣያናን ፃማቄታኒታ› ያጌዳ ቃላ ታኒ ሃሳያዲ።  
\v 17 ፆሳይ ኑሲ ጎዳ ዬሱሲ ኪሪስቶሳ ኣማኔዳዋንቱሲ ኢሜዳ ኢሞታ ማላ ኣዪሁዳ ጊዴናዋንቶካ ቃሲ ኢሞፔ፥ ሲሚ ፆሳ ዲጋናው ታኒ ኦኔ?» ያጌዳ። 
\s1 ኣማኒያዋንቱ ኪሪስታኔ ጌቴቴዲኖ 
\p  
\v 18 ኡንቱንቱ ሃዋ ሲሴዳ ዎዴ ባሬንቱ ፓሉማ ኣጊዴ፥ «ያቲና፥ ፆሳይ ኣዪሁዳ ጊዴናዋንቱካ ቃሲ ናጋራፔ ሲሚዴ ዴዓናዳን፥ ኡንቱንታ ቃዴዳ» ያጊዴ ፆሳ ጋላቴዲኖ። 
\p  
\v 19 ኢስፂፋኖሳ ቦላ ጋኬዳ ዋዪያ ጌዱዋን ላሌቴዳ ኣማኒያዋንቱ ቃላ ኣዪሁዳቱዋ ፃላላፔ ኣቲን፥ ሃራሲ ኢቱዋሲኔ ኦዴናን፥ ፒንቄ፥ ቆጲሮሳኔ ኣንፆኪያ ጋካናው ዩዬዲኖ።  
\v 20 ሺን ቆጲሮሳፔኔ ቄሬናፔ ዬዳ ኢቲ ኢቲ ኣማኒያ ኣሳቱ ኣንፆኪያ ቢዴ፥ ጎዳ ዬሱሳ ዎንጋላ ሚሺራቹዋ ኦዲዴ፥ ጊሪኬ ኣሳሲካ \f + \fr 11:20 \fq ግሪኬ ኣሳ፡ \ft ሃዋ ጉሳይ ግሪኬ ቃላ ሃሳዪያ ኣዪሁዴ ዎይ ሃራ ኣሳ።\f* ኦዴዲኖ።  
\v 21 ጎዳ ዎልቃይ ኡንቱንቱና ዴዔ፤ ቃሲ ጮራ ኣሳይ ኣማኒዴ፥ ጎዳኮ ሲሜዲኖ። 
\p  
\v 22 ሃ ዬዉ ዬሩሳላሜን ዴዒያ ኣማኒያ ኣሳሲ ሲሴቲና፥ ኣማኒያ ኣሳይ ባርናባሳ ኣንፆኪያ ኪቴዳ።  
\v 23 ባርናባሲ ኣንፆኪያ ቤዳ ዎዴ፥ ፆሳ ኣ ኬካቴ ኦሱዋ ቤዒዴ ናሼቴዳ፤ ኡንቱንቱ ኡባይ ጎዳን ባሬንቱ ኩሜን ዎዛናፔ ሚኒ ዴዓናዳን፥ ኡንቱንታ ዞሬዳ።  
\v 24 ኣዪሲ ጎፔ፥ ባርናባሲ ጌሻ ኣያናይኔ ኣማኑ ኩሜዳ ሎዖ ኣሳ፤ ሄ ጋሱዋን ጮራ ኣሳይ ጎዳኮ ዬዲኖ። 
\p  
\v 25 ሄዋፔ ጉዪያን፥ ባርናባሲ ሳዖላ ኮያናው ፄርሴሴ ቤዳ።  
\v 26 ያቲዴ ሳዖላ ዴሜዳ ዎዴ፥ ኣንፆኪያ ኣሄዳ። ባርናባሲኔ ሳዖሊ ኣማኒያ ኣሳና ኢቲ ላይ ኩሜን ኡቲዴ፥ ጮራ ኣሳ ታማሪሴዲኖ፤ ካሊያዋንቱ ኣንፆኪያን ኣማኒያ ኣሳ ጌቴቲዴ፥ ኮይሮ ፄሴቴዲኖ። 
\p  
\v 27 ናባቱ ዬሩሳላሜፔ ኣንፆኪያ ሄ ዎዴ ዎዲኖ።  
\v 28 ኡንቱንቱ ጊዶፔ ኣጋቦሳ ጊያዌ ዴንዲዴ፥ ሳዓ ኡባን ዎልቃማ ኮሻይ ዴንዳናዋ ኣያና ዎልቃን ቲምቢቲያ ኦዴዳ፤ ሄዌ ሃኔዳዌ ቃላዉዴዮሳ ካዉቴ ዎዲያና።  
\v 29 ካሊያዋንቱ ሁጲያን ሁጲያን ባሬንቱ ዎልቃ ኬና ሚሻ ኬሲዴ፥ ዪሁዳን ዴዒያ ባሬንቱ ኢሻቱዋሲ ማዱዋ ዬዳናው ቆፋ ቃቼዲኖ።  
\v 30 ኡንቱንቱ ሄዋዳን ኦዴ፥ ሚሻ ባርናባሳ ቦላኒኔ ሳዖላ ቦላ ዎሳ ጎሌ ጪማቶ ዬዴዲኖ። 
\c 12  
\s1 ዎሳ ጎሌን ዎልቃማ ኢታ ዬዴሳይ ዶሜዳ 
\p  
\v 1 ካቲያ ሄሮዲሴ \f + \fr 12:1 \fq ሄሮዲሳ፡ \ft ሃዋ ጉሳይ ሄሮዲሴ ኣግሪጳ ኮይሩዋ ጊዲዴ፥ ፓሌስቲኔ ጊያ ጋዲያ ኡባ ሞዲያዋ። ሄዌኔካ ዎጋ ሄሮዲሴ ሄዜ ዬሌታ።\f* ሄ ዎዴ ዎሳ ጎሌ ኣሳፔ ኣማሬዳዋንታ ዋዪሱዋ ዶሜዳ።  
\v 2 ዮሃኒሳ ኢሻ ያዪቆባ ማሻን ዎሴዳ።  
\v 3 ሄዌ ኣዪሁዳቱዋ ናሼቼዳዋ ቤዒዴ፥ ጉጂ ጴፂሮሳካ ኦይቄዳ፤ ሄዌ ማጋጌ ኡኪ ባላ ቦንቺያ ጋላሳቱዋና።  
\v 4 ጴፂሮሳ ኦይቂዴ ቃቼዳ። ፓሲጋ ባላ ቦንቺያ ጋላሳቱዋፔ ጉዪያን፥ ጋዴ ኣሳ ሲን ኣናው ቆፒዴ፥ ኦይዱ ኦይዱ ዎታዳራቱ ኣ ናጋናዳን፥ ታማኔ ኡሱፑን ዎታዳራቱዋሲ ኣዴ ኢሜዳ። \x - \xo 12:4 \xt ኬስ 12፡1-27\x* 
\v 5 ሄዋ ዲራው፥ ጴፂሮሲ ቃሾ ጎሊያን ናጌቴ፤ ሺን ዎሳ ጎሌ ኣሳይ ኣው ሚኒሲዴ ፆሳ ዎሴ። 
\s1 ኪታንቻይ ጴፂሮሳ ቃሾ ጎሌፔ ኬሴዳ 
\p  
\v 6 ሄሮዲሴ ጴፂሮሳ ኣሳ ሲን ኣናው ቆፓናፔ ካሴ ቃማ፥ ጴፂሮሲ ላዑ ሳንላታን ቃሼቲዴ፥ ላዑ ዎታዳራቱዋፔ ጊዱዋን ጌሚዒሼዳ፤ ናጊያዋንቱካ ቃሾ ጎሌ ፔንጊያን ኤቂዴ ናጊኖ።  
\v 7 ኣኬኬናን ዴዒሺን፥ ጎዳ ኪታንቻይ ሄዋን ኤቂ ኣጌዳ፤ ቃሾ ጎሌንካ ፖዑ ፖዒ ኣጌዳ። ኪታንቻይ ጴፂሮሳ ሚዪያ ዴቺ ቤጎዴ ኣ፥ «ኤሌ ዴንዳ» ያጌዳ፤ ሄ ማንዒያንካ ሳንላታይ ኣ ኩሺያፔ ዎ ኣጌዳ።  
\v 8 ኪታንቻይ ኣ፥ «ኔ ሱሪያ ዳንጫ፤ ኔ ጫማካ ዎ» ያጊና፥ ጴፂሮሲ ሄዋዳን ኦዳ፤ ኪታንቻይ፥ «ኔ ማዩዋ ማያዴ ታና ካላ» ያጌዳ። 
\p  
\v 9 ጴፂሮሲ ቃሾ ጎሊያፔ ኬሲዴ፥ ኪታንቻ ካሌዳ፤ ኣው ሳፃ ቤዒያዋ ማላቴዳፔ ኣቲን፥ ኪታንቻይ ኦያባይ ቱማ ጊዴዳዋ ኤሪቤና።  
\v 10 ኪታንቻይኔ ጴፂሮሲ ኮይሮ ዎታዳራፔኔ ላዔን ዎታዳራፔ ኣዴ፥ ካታማ ኣፊያ ቢራታ ፔንጊያኮ ጋኬዲኖ፤ ፔንጊካ ኡንቱንቶ ባሬካ ዶዬቲ ኣጌዳ፤ ኡንቱንቱ ኬሲዴ ኢቲ ኦጊያና ቢሺን፥ ኪታንቻይ ኤሌካ ጴፂሮሳፔ ሻኬቲ ኣጌዳ። 
\p  
\v 11 ጴፂሮሲ ባሬና ጋኬዳባ ኣኬኪዴ፥ «ታና ጎዳይ ባሬ ኪታንቻ ኪቲዴ፥ ሄሮዲሳ ኩሺያፔኔ ኣዪሁዳ ኣሳይ ናጊ ኡቴዳ ኡባባፔ ኣሼዳዋ ሃዒ ቱሙ ኤራዲ» ያጌዳ። 
\p  
\v 12 ኢ ሄዋ ኣኬኬዳ ዎዴ፥ ጮራ ኣሳይ ኢቲፔ ሺቂዴ ፆሳ ዎሲያሳ፥ ማርቆሳ ጊያ ዮሃኒሳ ዳዪ ማይራሚ ሶይ  
\v 13 ቢዴ ፔንጊያን ፄሲና፥ ኢቲ ሮዶ ጊያ ኣሺካራታ ዶያናው ያዱ።  
\v 14 ሮዳ ጴፂሮሳ ቃላ ጊዴዳዋ ኤሬዳ ዎዴ፥ ባሬና ናሼቺና፥ ፔንጊያ ዶዬናን ጉዬ ዎፃዴ፥ ጴፂሮሲ ካሬን ኤቄዳዋ ኣሳሲ ኦዳዱ። 
\p  
\v 15 ኣሳይ ኢዞ፥ «ሃኔ፥ ኔኒ ጎያ» ያጌዳ። ሮዳ ጴፂሮሳ ጊዴዳዋ ጌሻዴ ኦዳዱ። ኡንቱንቱ፥ «ሄዌ ኣ ኪታንቻ» \f + \fr 12:15 \fq ኣ ኪታንቻ፡ \ft ኣ ናጊያ ኪታንቻ ጊዴናን ኣጌና ጉሳ።\f* ያጌዲኖ። 
\p  
\v 16 ሺን ጴፂሮሲ ካሬን ፄሲዴ ኣጌናን ኢፂና፥ ኣሳይ ካሪያ ዶዪ፥ ኣ ቤዒዴ ማላሌቴዲኖ።  
\v 17 ሺን ኡንቱንቱ ጮዑ ጋና ማላ፥ ጴፂሮሲ ባሬ ኩሺያን ፆርሲዴ፥ ጎዳይ ቃሾ ጎሊያፔ ኣ ዎቲ ኬሴዴንቶ፥ ኡንቱንቶ ቆንጪሲ ኦዲዴ፥ «ሃዋ ያዪቆባሲኔ \f + \fr 12:17 \fq ያዪቆባ፡ \ft ጎዳ ኢሻ።\f* ኢሻቱዋሲ \f + \fr 12:17 \fq ኢሻቱዋሲ፡ \ft ኣማኒያ ሃራቱዋሲ።\f* ኦዲቴ» ጊዴ፥ ኬሲ ሃራሳ ቤዳ። 
\s1 ሄሮዲሳ ሃይቁዋ 
\p  
\v 18 ሳዓይ ዎንቴዳ ዎዴ፥ ጴፂሮሲ ሃቃ ቢዲጌዴንቶ ጊና ዎታዳራቱዋ ጊዶን ዳሮ ዋላሳይ ኬሴዳ።  
\v 19 ሄሮዲሴ ጴፂሮሳ ኮዪሺን፥ ኢ ዬዳ ዎዴ፥ ናጊያዋንታ ቆሪዴ፥ ኡንቱንታ ዎና ማላ ኣዛዜዳ፤ ሄዋፔ ጉዪያን፥ ዪሁዳፔ ቂሳሪያ ዎዴ፥ ሄዋን ኣማሬዳ ዎዲያ ኡቴዳ። 
\p  
\v 20 ሄሮዲሴ ፂሮሳ ኣሳሲኔ ሲዶና ኣሳሲ ሎይ ሃንቄቴዳ፤ ኡንቱንቱ ጋዴ ኣሳይ ካ ሄሮዲሳ ጋዴ ኣሳፔ ዴሚያ ዲራው፥ ኡንቱንቱ ኢቲፔ ጊዲዴ፥ ኣ ጎሊያ ካፑዋ ቢላስፆሳ ባሬንቱ ባጋ ኦዴ፥ ሲጌታና ማላ ዎሳናው ሄሮዲሳኮ ቤዲኖ። 
\p  
\v 21 ሄሮዲሴ ሱንቴዳ ጋላሲ፥ ባሬ ካዉቴ ማዩዋ ማዪዴ፥ ካዉቴ ኦይዲያን ኡቲዴ፥ ኣሳሲ ሃሳዬዳ።  
\v 22 ኣሳይ፥ «ሃዌ ፆሳ ቃላ፤ ኣሳ ቃላ ጊዴና» ያጊዴ ኮሻ ቂሲዴ ሃሳዬዳ።  
\v 23 ሄሮዲሴ ፆሳ ቦንቺቤና ዲራው፥ ሄ ማንዒያንካ ጎዳ ኪታንቻይ ኣ ዴቺና፥ ጉፁኒያን ሜቴቲዴ፥ ሃይቂ ኣጌዳ። 
\p  
\v 24 ሺን ፆሳ ቃላይ ዲጬኔ ዳር ዳር ቤ። 
\p  
\v 25 ባርናባሲኔ ሳዖሊ ባሬንቱ ኦሱዋ ፖሊዴ፥ ማርቆሳ ጊያ ዮሃኒሳ ባሬንቱና ኣኪዴ፥ ዬሩሳላሜፔ ሲሜዲኖ። 
\c 13  
\s1 ባርናባሲኔ ሳዖሊ ጌሻ ኣያናይ ዶሪና፥ ታማሪሳናው ኪቴቴዲኖ 
\p  
\v 1 ኣንፆኪያን ዴዒያ ኣማኒያ ኣሳ ጊዶን ናባቱኔ ታማርሲያዋንቱ ዴዒኖ፤ ኡንቱንቱካ ባርናባሳ፥ ካሬ ጊያ ሲሞና፥ ቄሬናፔ ዬዳ ሉቂዮሳ፥ ጋዲያ ሞዲያ ሄሮዲሳና \f + \fr 13:1 \fq ሄሮዲሳ፡ \ft ሄሮድ ኣንቲጳሳ ጌቴቲያ ዎጋ ሄሮዲሴ ናዓ። ሄዌኔካ ጋሊላ ጊያ ጋዲያ ሞዲያዋ። ሉቅ 3፡1 ፄሊቴ።\f* ዲጬዳ ሚናሃኔ ሳዖላ።  
\v 2 ኡንቱንቱ ጎዳሲ ጎዪኒሺናኔ ፆሚሺን፥ ጌሻ ኣያናይ፥ «ታኒ ፄሴዳ ኦሱዋሲ ባርናባሳኔ ሳዖላ ታው ዱማዪቴ» ያጌዳ። 
\p  
\v 3 ኡንቱንቱ ፆሜዳዋፔኔ ዎሴዳዋፔ ጉዪያን፥ ባሬንቱ ኩሺያ ባርናባሳ ቦላኒኔ ሳዖላ ቦላን ዎዴ፥ ኡንቱንታ ዬዴዲኖ። 
\s1 ባርናባሲኔ ሳዖሊ ቆጲሮሳ ቤዲኖ 
\p  
\v 4 ሄዋ ዲራው፥ ጌሻ ኣያናይ ኡንቱንታ ኪቲና፥ ሴሉቂያ ዎዲኖ፤ ሄዋፔ ዎንጊሪያን ጌሊዴ፥ ቆጲሮሳ ሃኒ ዶዴቴዳሳ ቤዲኖ።  
\v 5 ኡንቱንቱ ሲልማና ጋኪዴ፥ ኣዪሁዳ ዎሳ ጎሌቱዋን ፆሳ ቃላ ኦዴዲኖ፤ ኡንቱንታ ማዳናው ዮሃኒሲ \f + \fr 13:5 \fq ዮሃኒሳ፡ \ft ሃራ ሱንይ ማርቆሳ። 12፡12፥25 ፄሊቴ።\f* ኡንቱንቱና ዴዔ። 
\p  
\v 6 ኡንቱንቱ ቆጲሮሳ ሃን ዶዴቴዳ ሳዓ ኡባ ጳፉ ጋካናው ዩዪዴ፥ ናቢያ ኢቲ ዎርዳንቻ፥ ኣዪሁዳ ኣሳ ባር-ዬሱሳ ጊያ ሻሬቹዋ ዴሜዲኖ።  
\v 7 ሄ ሻሬቹ ጋዲያ ሞዲያ ሳርጊዮሳ ጳዉሎሳ ጊያ ኣኬካንቻ ቢታኒያና ዴዔ። ሳርጊዮሳ ጳዉሎሳ ባርናባሳኔ ሳዖላ ባሬኮ ፄሲዴ፥ ፆሳ ቃላ ሲሳናው ኮዬዳ።  
\v 8 ሺን ሻሬቹዋ ኤሊማሲ (ጊሪኬ ቃላን ሄዌ ኣ ሱን) ጋዲያ ሞዲያዋ ኣማኑዋ ዲጋናው ኮዪዴ፥ ኡንቱንቱ ሃሳያ ጳልቄዳ። 
\p  
\v 9 ሺን ጳዉሎሳ ጊያ ሳዖሊ ባሬናን ጌሻ ኣያናይ ኩሚና፥ ሻሬቹዋ ጫዲ ፄሊዴ፥  
\v 10 ኣ፥ «ላ ሃ ፃላሂያ ካፑዋ ናዓው፥ ጌኔቴይ ኡባይኔ ኢታቴይ ኡባይ ኩሜዳዎ፥ ፂሎቴ ኡባ ሞርኬው፥ ጎዳ ኦጊያ ሱሪያ ጌላዪያዋ ኣጊኪ?  
\v 11 ቤዓ፤ ሃዒ ጎዳ ኩሺ ኔ ቦላ ዴዔ፤ ኔኒ ቆቃ ጊዳና፤ ኣማሬዳ ዎዲ ጋካናው፥ ኣዋ ፖዑዋ ቤዓካ» ያጌዳ። 
\p ሄ ማንዒያንካ ሻኖቻይኔ ማይ ኣ ኣይፊያ ጎዚና፥ ባሬ ኩሺያ ኦይቂዴ፥ ካሌያ ኡራ ኮዪዴ ዩዬዳ።  
\v 12 ሄ ዎዴ ጋዲያ ሞዲያዌ ሄዋ ቤዔዳ ዎዴ፥ ጎዳይ ታማሪሲያዋን ማላሌቲዴ ኣማኔዳ። 
\s1 ባርናባሲኔ ጳዉሎሲ ጲሲዲያን ዴዒያ ኣንፆኪያ ቤዲኖ 
\p  
\v 13 ጳዉሎሲኔ ኣናና ዴዒያዋንቱ ጳፉፔ ዴንዲዴ፥ ጲኒፊሊያን ዴዒያ ጴርጌ ዎንጊሪያን ቤዲኖ፤ ዮሃኒሲ ኡንቱንቱፔ ሻኬቲ፥ ዬሩሳላሜ ሲሜዳ።  
\v 14 ሺን ኡንቱንቱ ጴርጌፔ ኣዴ፥ ጲሲዲያን ዴዒያ ኣንፆኪያ ጋኬዲኖ፤ ሳምባታ ጋላሳን ኣዪሁዳ ዎሳ ጎሌ ጌሊዴ ኡቴዲኖ።  
\v 15 ሙሴ ሂጊኔ ናባቱዋ ማፃፋይ \f + \fr 13:15 \fq ሙሴ ሂጊያኔ ናባቱዋ ማፃፋ፡ \ft ኣዪሁዳቱዋ ማፃፋ፥ ኤጫ ጫቁዋ ማፃፋ።\f* ናባቤቴዳዋፔ ጉዪያን፥ ኣዪሁዳ ዎሳ ጎሌ ካፓቱ፥ «ኑ ኢሻቶ ኣሳ ሚኒሲያ ቃላይ ሂንቴንቶ ዴዖፔ፥ ኣሳው ሃሳዬሪኪቴ» ያጊዴ ኡንቱንቶ ኪቴዲኖ። 
\p  
\v 16 ጳዉሎሲ ዴንዲ ኤቂዴ፥ ባሬ ኩሺያን ፆርሲዴ፥ ሃዋዳን ያጌዳ፤ «ኢስራዔሊያ ኣሳቶ፥ ፆሳሲ ያዪያዋንቶ ሲሲቴ።  
\v 17 ሃ ኢስራዔሊያ ኣሳ ፆሳይ ኑ ኣዋቱዋ ዶሪዴ፥ ጊብፄ ጋዲያን ኢማቴን ኡንቱንቱ ዴዒሺን፥ ኡንቱንታ ጮሪሴዳ፤ ባሬ ዎልቃማ ዎልቃኒካ ጊብፄ ጋዲያፔ ኡንቱንታ ኬሴዳ። \x - \xo 13:17 \xt ኬስ 1፡7፤ 12፡51\x* 
\v 18 ባዙዋን ኦይታሙ ላይ ኬና ኑ ኣዋቱዋ ኢ ዳንዳዬዳ። \x - \xo 13:18 \xt ፓይ 14፡34፤ ዛር 1፡31\x* 
\v 19 ካናኔ ጊያ ጋዲያን ኣዪሁዳ ጊዴና ላፑ ካዉቴ ዪሲዴ፥ ኡንቱንቱ ጋዲያ ባሬ ኣሳ ላቲሴዳ። \x - \xo 13:19 \xt ዛር 7፡1፤ ኢያ 14፡1\x* 
\v 20 ሄዋፔ ጉዪያን፥ ናቢያ ሳሜላ ዎዲያ ጋካናሲ፥ ኦይዱ ፄታኔ ኢሻታሙ ላይ ኬና ዳናቱዋ ኡንቱንቶ ኢሜዳ። \x - \xo 13:20 \xt ዳት 2፡16፤ 1ሳም 3፡20\x* 
\v 21 ሄዋፔ ጉዪያን፥ ኡንቱንቱ ባሬንቶ ካቲያ ኢማና ማላ ዎሲና፥ ፆሳይ ቢኒያማ ዛሪያፔ ቂሳ ናዓ ሳዖላ ኦይታሙ ላይው ካዉታና ማላ፥ ኡንቱንቶ ኢሜዳ። \x - \xo 13:21 \xt 1ሳም 8፡5፤ 10፡21\x* 
\v 22 ፆሳይ ሳዖላ ሻሬዳዋፔ ጉዪያን፥ ኡንቱንቱ ቦላ ዳዊቴ ካዉታና ማላ፥ ኣ ዴንዳ፤ ዳዊቴባ ማርካቲዴ፥ ‹ታኒ ኮዪያ ኡባባ ታ ዎዛናዳን ኦያ ኢሴይ ናዓ ዳዊታ ዴማዲ› ያጌዳ። \x - \xo 13:22 \xt 1ሳም 13፡14፤ 16፡12፤ ማዝ 89፡20\x* 
\p  
\v 23 «ፆሳይ፥ ‹ታኒ ዳዊታ ዛሪያፔ ኢስራዔሊያ ኣሳ ኣሺያዋ ኣሃና› ቃላ ጌሌዳዋዳንካ፥ ዬሱሳ ኣሄዳ።  
\v 24 ዬሱሲ ያናፔ ካሴ ኢስራዔሊያ ኣሳይ ኡባይ ባሬንቱ ናጋራፔ ሲሚዴ ፃማቄታና ማላ፥ ዮሃኒሲ ቃላ ኦዴዳ። \x - \xo 13:24 \xt ማር 1፡4፤ ሉቅ 3፡3\x* 
\v 25 ቃሲ ዮሃኒሲ ባሬ ኦሱዋ ዉርሳና ሃኒዴ ኣሳ፥ ‹ታና ኦና ጊዴ ቆፒቴ? ታኒ ሂንቴ ናጊያዋ ጊዲኬ፤ ሺን ቤዒቴ፥ ኣ ጌዲያ ጫማ ቃሹዋካ ጌዲያፔ ቢላናው ታው ቤሴናዌ ታፔ ጉዬና ዬ› ያጌዳ። 
\p  
\v 26 «ታናዳን ኣማኒያዋንቶ፥ ኣብራሃሜ ዜሬቶ፥ ቃሲ ሃዋን ኣዪሁዳ ጊዴናዋንቶ ፆሳሲ ያዪያዋንቶ፥ ሃ ኣቶቴ ቃላይ ኑሲ ኪቴቴዳ።  
\v 27 ኣዪሲ ጎፔ፥ ዬሩሳላሜን ዴዒያ ኣሳይኔ ኡንቱንቱ ካፓቱ ዬሱሳኔ ሳምባታ ጋላሳ ኡባን ናባቤቲያ ናባቱዋ ቃላ ኣኬኪቤና ዲራው፥ ኣ ቦላ ፒርዲዴ፥ ናባቱዋ ቃላ ፖሌዲኖ።  
\v 28 ዬሱሳ ዎሳናው ኢቲ ጋሱካ ኡንቱንቶ ቤቴናን ኢፂና፥ ጲላፆሲ ኣ ዎና ማላ ዎሴዲኖ። 
\p  
\v 29 «ኡንቱንቱ ዬሱሳባይ ፆሳ ማፃፋን ፃፌቴዳዋ ኡባ ፖሌዳ ዎዴ፥ ማስቃሊያፔ ኣ ዎዴ ሞጌዲኖ።  
\v 30 ሺን ፆሳይ ሃይቁዋፔ ዬሱሳ ዴንዳ።  
\v 31 ሄዋፔ ጉዪያን ኢ ባሬናና ጋሊላፔ ዬሩሳላሜ ዬዳ ኣሳቶ ጮራ ጋላሳ ቤቴዳ ኡንቱንቱ ሃዒ ኣባ ኣሳሲ ማርካቲኖ። 
\p  
\v 32 «ፆሳይ ኑ ኣዋቱዋሲ ኢማና ጌዳ ዎንጋላ ሚሺራቹዋ ኑኒ ሂንቴንቶ ኦዴቶ።  
\v 33 ዳዊቴ ማዚሙሪያ ማፃፋን ላዔ ሼምፑዋን፥ 
\q1 ‹ኔኒ ታ ናዓ። 
\q2 ሃቼ ታኒ ኔ ኣዉዋ ጊዳዲ› 
\m ጌቴቲዴ ፃፌቴዳዋዳን፥ ፆሳይ ዬሱሳ ዴንዴ፥ ኑ ኣዋቱዋሲ ኢማና ጌዳዋ ኑሲ ኡንቱንቱ ናናሲ ፖሌዳ። \x - \xo 13:33 \xt ማዝ 2፡7\x* 
\v 34 ላዔንዋ ኢ ሃይቄና ማላ፥ ሃይቁዋፔ ኣ ዴንዳዋሲ ፆሳይ፥ ‹ታኒ ዳዊቴው ኢማና ጌዳ ኣማኔቴዳ ጌሻ ኣንጁዋ ሂንቴንቶ ኢማና› ያጊዴ ሃሳዬዳ።  
\v 35 ሄዋ ዲራው፥ ማዚሙሪያ ማፃፋን ሃራሳን ቃሲ፥ ‹ኔ ጌሻ ናዓ ኣኃካ ሙሲሳካ› ያጌዳ። \x - \xo 13:35 \xt ማዝ 16፡10\x* 
\v 36 ኣዪሲ ጎፔ፥ ዳዊቴ ባሬ ዎዲያን ፆሳ ቆፋ ኦዳዋፔ ጉዪያን ሃይቂዴ፥ ባሬ ኣዋቱዋና ሃይቂ ሙሴዳ።  
\v 37 ሺን ፆሳይ ሃይቁዋፔ ዴንዳዌ ሙሲቤና። 
\p  
\v 38-39 «ሄዋ ዲራው፥ ታናዳን ኣማኒያዋንቶ፥ ናጋራ ኣቶ ጌቴቴዳዌ ሂንቴንቶ ዬሱሳ ባጋና ኦዴቴዳዌኔ፥ ሙሴ ሂጊያን ፂላናው ሂንቴንቶ ዳንዳዬቴና ኡባባፔ ኣኒ ኣማኒያ ኡባይ ፂላናዌ ሂንቴንቶ ኤሬቶ።  
\v 40 ሄዋ ዲራው፥ ናባቱ ጌዳዌ ሂንቴ ቦላ ጋኬና ማላ ናጌቲቴ፤ 
\q1  
\v 41 ‹ፆሳይ ጌዳባ ቂሊጪያዋንቶ፥ \x - \xo 13:41 \xt ኢምብ 1፡5\x* 
\q2 ቤዒቴ፤ ሃራይ ኣቶ ኢቲ ኡራይ ሂንቴንቶ ኦዲንቶካ፥ 
\q1 ሂንቴ ኣማኔና ኦሱዋ ታኒ ሂንቴንቱ ዎዲያን 
\q2 ኦያ ዲራው፥ ፖራ ጊቴ፤ ሃይቂቴ› 
\m ጌዲኖ» ያጌዳ። 
\p  
\v 42 ጳዉሎሲኔ ባርናባሲ ኣዪሁዳ ዎሳ ጎሊያፔ ኬሲሺን፥ ኣሳይ ኡንቱንታ ላዔንዋ ሳምባታንካ ሄዋ ጉጂዴ ኦዳና ማላ ዎሴዲኖ።  
\v 43 ሺቁ ላሌቴዳዋፔ ጉዪያን፥ ጮራ ኣዪሁዳቱኔ ኣዪሁዳቱዋ ኣማኑዋን ጌሊዴ ፆሳው ያዪያ ጮራቱ፥ ጳዉሎሳኔ ባርናባሳ ካሌዲኖ፤ ዬሱሲ ኪቴዳዋንቱ ፆሳ ኣ ኬካቴን ሚኒ ዴዓና ማላ፥ ኡንቱንቶ ኦዲዴ ሚኒሴዲኖ። 
\p  
\v 44 ላዔንዋ ሳምባታን ኣማሬዳ ኣሳቱዋፔ ኣቲን፥ ካታማ ኣሳይ ኡባይ ፆሳ ቃላ ሲሳናው ሺቄዳ።  
\v 45 ሺን ኣዪሁዳቱ ጮራ ኣሳ ቤዔዳ ዎዴ፥ ጳዉሎሳ ቃናቴዲኖ፤ ኣ ሃሳያ ጳልቂዴ፥ ኣ ቦሬዲኖ። 
\p  
\v 46 ጳዉሎሲኔ ባርናባሲ ፃሊዴ፥ «ፆሳ ቃላይ ካሴቲዴ ሂንቴንቶ ኦዴታናው ኮሼ፤ ሺን ቃላ ሂንቴ ኢፄዳ ዲራዉኔ ሜና ዴዑዋ ኣካናው ሂንቴንቶ ቤሴና ጊዴ፥ ሂንቴ ሂንቴንቱ ሁጲያን ፒርዴዳ ዲራው፥ ቤዒቴ፥ ኑኒ ኣዪሁዳ ጊዴናዋንቱኮ ሲሜቶ።  
\v 47 ኣዪሲ ጎፔ፥ ጎዳይ ኑና፥ \x - \xo 13:47 \xt ኢሳ 42፡6፤ 49፡6\x* 
\q1 « ‹ኣሳይ ኡባይ ሂንቴ ባጋና ኣታና ማላ፥ 
\q2 ሂንቴንታ ታኒ ኣዪሁዳ ጊዴናዋንቶ ፖዑዋ ኦዲ› 
\q1 ያጊ ኣዛዜዳ» 
\m ያጌዲኖ። 
\p  
\v 48 ኣዪሁዳ ጊዴናዋንቱ ሄዋ ሲሴዳ ዎዴ፥ ናሼቲዴ ፆሳ ቃላ ቦንቼዲኖ፤ ቃሲ ሜና ዴዑዋሲ ዶሬቴዳ ኡባይ ኣማኔዲኖ። 
\p  
\v 49 ጎዳ ቃላይ ሄ ጋዲያ ኡባ ጋኬዳ።  
\v 50 ሺን ኣዪሁዳቱ ፆሳው ጎዪኒያ ቦንቼቴዳ ማጫዋንታኔ ካታማን ዴዒያ ዎልቃማ ኣሳቱዋ ጳዉሎሳ ቦላኒኔ ባርናባሳ ቦላ ዴንና፥ ኣሳቱ ኡንቱንታ ዬዴርሱዋ ዶሚዴ፥ ባሬንቱ ጋዲያፔ ኬሴዲኖ።  
\v 51 ሺን ዬሱሲ ኪቴዳዋንቱ ኡንቱንታ ኢፂያዋንቱሲ ማላታ ጊዳና ማላ፥ ባሬንቱ ጌዲያፔ ባና ሾጪዴ፥ \f + \fr 13:51 \fq ባሬንቱ ጌዲያፔ ባና ሾጪዴ፡ \ft ሃዌ ኣሳይ ኣኬናን ኢፆዋ ቤሲያ ኦጊያ።\f* ኢቆኒዮኔ ካታማ ቤዲኖ።  
\v 52 ቃሲ ኣንፆኪያን ዴዒያ ካሊያዋንቱኒካ ጌሻ ኣያናይኔ ናሼቻይ ኩሜዳ። 
\c 14  
\s1 ጳዉሎሲኔ ባርናባሲ ኢቆኒዮኔ ቤዲኖ 
\p  
\v 1 ካሴዋዳንካ ጳዉሎሲኔ ባርናባሲ ኢቆኒዮኔን ኣዪሁዳቱዋ ዎሳ ጎሌ ጌሊዴ፥ ቃላ ኦዴዲኖ፤ ሄዋፔ ጉዪያን ጮራ ኣዪሁዳቱኔ ኣዪሁዳ ጊዴናዋንቱ ኣማኔዲኖ።  
\v 2 ሺን ኣማኒቤና ኣዪሁዳቱ ኣዪሁዳ ጊዴናዋንቱ ዎዛና ላሚዴ፥ ኢሻቱዋ ቦላ ሃንቄዲኖ።  
\v 3 ዬሱሲ ኪቴዳዋንቱ ሄዋን ዳሮ ዎዲያ ጋሚዔዲኖ፤ ኡንቱንቱ ጎዳባ ያዬናን ኦዴዲኖ፤ ጎዳይ ማላታኔ ኦራባ ኡንቱንቱ ኦና ማላ፥ ኡንቱንቶ ዎልቃ ኢሜዳዋን ባሬ ኣ ኬካቴ ቃላባይ ቱማ ጊዴዳዋ ማርካቴዳ።  
\v 4 ሺን ካታማ ኣሳይ ሻኬቲ፥ ባጋይ ኣዪሁዳቱዋኮ፥ ባጋይ ዬሱሲ ኪቴዳዋንቱኮ ሲሜዲኖ። 
\p  
\v 5 ኣዪሁዳ ጊዴናዋንቱኔ ኣዪሁዳቱ ባሬንቱ ካፓቱዋና ኢቲፔ ዬሱሲ ኪቴዳዋንታ ቆሃናዉኔ ሹቻን ጫዳናው ቆፔዳ ዎዴ፥  
\v 6 ዬሱሲ ኪቴዳዋንቱ ሄዋ ኤሪዴ፥ ሊስፂራኔ ዴርቤ ጌቴቲያ ሊቃዖኒያ ካታማቱዋኔ ኡንቱንቱ ሄራን ዴዒያ ጋዲያ ቢ ኣጌዲኖ፤  
\v 7 ሄዋን ዎንጋላ ሚሺራቹዋ ኦዲኖ። 
\p  
\v 8 ባሬ ዳዪ ኡሉዋፔ ዬሌቶዴፔ ዶሚዴ፥ ላዑ ጌዲ ሲሊና፥ ኡባካ ሃሜቴና ኢቲ ቢታኒ ሊስፂራን ዴዔ።  
\v 9 ሄ ቢታኒ ጳዉሎሲ ኦዲሺን ሲሴ፤ ጳዉሎሲ ኣ ጫዲ ፄሊያ ዎዴ፥ ፓፃናው ኣው ኣማኑ ዴዒያዋ ቤዒዴ፥  
\v 10 ኮሻ ቂሲዴ ኣ፥ «ሲቲ ጋዴ ኔ ጌዲያን ኤቃ» ያጌዳ፤ ጉፒ ዴንዲዴ፥ ሃሜታ ዶሜዳ። 
\p  
\v 11 ጳዉሎሲ ኦዳዋ ኣሳይ ቤዒዴ፥ ባሬ ኮሻ ሊቃዖኒያ ቃላን ቁ ኦዴ፥ «ፆሳቱ ኣሳ ማላቲዴ ኑኮ ዎዲኖ» ያጌዳ።  
\v 12 ኣሳይ ባርናባሳ፥ «ዲያ» \f + \fr 14:12 \fq ዲያ፡ \ft ጉሳይ ግሪካቱዋ ፆሳቱዋ ኡባቱዋፔ ቦላ ጌቴቲ ፓይዴቲያ ኡንቱንቱ ኤቃ።\f* ጊዴ፥ ጳዉሎሲ ሃሳያሲ ዋናቲያ ዲራው፥ ኣ፥ «ሄርሜሳ» ጊዴ ሱንዳ።  
\v 13 ጌሻ ጎሊ ካታማ ማታን ዴዒያ ዲያ ቄሳይኔ ኣሳይ ኮሩማቱዋኔ ዳሪ ሎዒያ ጪሻቱዋ ዬሱሲ ኪቴዳዋንቱሲ ያርሹዋ ያርሻናው ኮዪዴ፥ ፔንጊያ ኣሄዲኖ። 
\p  
\v 14 ሺን ዬሱሲ ኪቴዳ ባርናባሲኔ ጳዉሎሲ ሄዋ ሲሴዳ ዎዴ ባሬንቱ ማዩዋ ፔዴ፥ ኣሳ ጊዶ ዎፂዴ፥  
\v 15 ባሬንቱ ኮሻ ቁ ኦዴ፥ ሃዋዳን ያጌዲኖ፤ «ኣሳው፥ ሃዋ ኣዪሲ ኦቴ? ኑኒካ ሂንቴንቱዋዳን ሜቴዳ ኣሳ፤ ሃ ፓና ዬዉዋፔ ሳሉዋኔ ሳዓ፥ ኣባኔ ኡንቱንቱ ጊዶን ዴዒያ ኡባባ ሜዳ ዴዑዋ ፆሳኮ ሂንቴ ሲማና ማላ፥ ሂንቴንቶ ኑኒ ዎንጋላ ሚሺራቹዋ ኦዴቶ። \x - \xo 14:15 \xt ኬስ 20፡11፤ ማዝ 146፡6\x* 
\v 16 ኢ ቤኒ ኣሳ ዜሬይ ኡባይ ባሬንቱ ኦጊያ ባና ማላ ዬዲ ኣጌዳ።  
\v 17 ሂንቴንቶ ኢራ ሳሉዋፔ ቡኪሴዳ፤ ካካ ኢ ዎዲያን ኢሜዳ፤ ቃሲ ቁማ ኢሚዴ፥ ሂንቴንታ ሎይ ናሼቼ፤ ያቲዴ ሂንቴንቶ ሎዖባ ኦዴ፥ ኡባ ዎዴካ ባሬው ማርካ ዪቤና» ያጌዲኖ።  
\v 18 ዬሱሲ ኪቴዳዋንቱ ሄዋ ጊዴ፥ ባሬንቶ ኣሳይ ያርሼና ማላ፥ ሜቶቲዴ ዲጌዲኖ። 
\p  
\v 19 ኣንፆኪያፔኔ ኢቆኒዮኔፔ ዬዳ ኣዪሁዳቱ ኣሳ ባሬንቱ ባጋ ዛሪዴ፥ ሹቻን ጳዉሎሳ ጫዴዲኖ፤ ኡንቱንቶ ሃይቄዳዋ ማላቲና፥ ካታማፔ ካሬው ኣ ጎቺ ኬሴዲኖ።  
\v 20 ሺን ካሊያዋንቱ ኣ ማታን ዩዪ ኣዴ ኤቂሺን፥ ኢ ዴንዲዴ፥ ካታማ ጌሌዳ። ዎንቴ ጋላሲ ባሪናባሳና ኢቲፔ ዴርቤ ቤዳ። 
\s1 ጳዉሎሲኔ ባርናባሲ ኣንፆኪያ ሲሜዲኖ 
\p  
\v 21-22 ኡንቱንቱ ዴሪቤ ካታማን ዎንጋላ ሚሺራቹዋ ኦዲዴ፥ ጮራ ኣሳይ ዬሱሳ ኣማናና ማላ ኦዳዋፔ ጉዪያን፥ ሊስፂራ፥ ኢቆኒዮኔኔ ጲሲዲያን ዴዒያ ኣንፆኪያ ሲሜዲኖ፤ ያቲዴ ሄዋን ካሊያዋንታ ሚኒሲዴኔ ኡንቱንቱ ኣማኑዋን ሚኒ ዴዓና ማላ ዞሪዴ፥ «ኑኒ ፆሳ ካዉቴ ጌላናው ሎይ ዋዬታና ቤሴ» ያጌዲኖ።  
\v 23 ቃሲ ኣማኒያዋንቶ ዴዒያሳን ዴዒያሳን ጪማቱዋ ዶሪዴ፥ ፆሜዳዋፔኔ ዎሴዳዋፔ ጉዪያን፥ ኡንቱንቱ ኣማኔዳ ጎዳሲ ኡንቱንታ ሃዳራ ኢሜዲኖ። 
\p  
\v 24 ጲሲዲያ ጋዲያፔ ኣዴ፥ ጲኒፊሊያ ዬዲኖ፤  
\v 25 ጴርጌን ቃላ ኦዴዳዋፔ ጉዪያን፥ ኣፃሊያ ቤዲኖ።  
\v 26 ሄዋፔ ኡንቱንቱ ባሬንቱ ፖሌዳ ኦሱዋ ዲራው፥ ኣሳይ ኡንቱንቱ ሃዳራ ፆሳ ኣ ኬካቴው ኢሜዳ ኣንፆኪያ ማርካቢያን ሲሜዲኖ። 
\p  
\v 27 ኣንፆኪያ ጋኬዳ ዎዴ ኣማኒያ ኣሳ ሺሺዴ፥ ፆሳይ ባሬንቱና ኢቲፔ ኦዳ ኡባባኔ፥ ኣዪሁዳ ጊዴና ኣሳይ ኣማናና ማላ፥ ኡንቱንቶ ፔንጊያ ዶዬዳዋ፥ ኣሳው ኦዴዲኖ።  
\v 28 ያቲዴ ሄዋን ካሊያዋንቱና ዳሮ ዎዲያ ጋሚዔዲኖ። 
\c 15  
\s1 ዬሩሳላሜ ሺቁዋ 
\p  
\v 1 ኢቲ ኢቲ ኣሳቱ ዪሁዳፔ ኣንፆኪያ ዎዴ፥ «ሙሴ ዎጋዳን፥ ሂንቴ ቃፃሬቴናዋ ጊዶፔ፥ ኣታናው ዳንዳይኪታ» ያጊዴ ኢሻቱዋ ታማሪሱዋ ዶሜዲኖ። \x - \xo 15:1 \xt ዎግ 12፡3\x* 
\v 2 ጳዉሎሲኔ ባርናባሲ ኡንቱንቱና ዳሪሲ ዋላቄቲዴ ፓሉሜቲና፥ ኣንፆኪያን ዴዒያ ኢቲ ኢቲ ሃራ ኣሳቱ ሄ ፓሉማ ዲራው፥ ጳዉሎሳናኔ ባሪናባሳና ዬሩሳላሜ ቢዴ፥ ዬሱሲ ኪቴዳዋንቱናኔ ጪማቱዋና ጋኬታናው ቆፋይ ቃሼቴዳ። 
\p  
\v 3 ኣማኒያ ኣሳቱ ኡንቱንታ ኪቲዴ ኦጊያን ማዲሺን፥ ኣዪሁዳ ጊዴናዋንቱ ፆሳኮ ሲሜዳዋ ኦዲዴ፥ ፒንቂያናኔ ሳማሪያና ኣዲኖ፤ ሄዌ ኢሻቱዋ ኡባ ሎይ ናሼቼዳ።  
\v 4 ኡንቱንቱ ዬሩሳላሜ ጋኬዳ ዎዴ፥ ኣማኒያዋንቱ፥ ዬሱሲ ኪቴዳዋንቱኔ ጪማቱ ኡንቱንታ ሞኬዲኖ፤ ፆሳይ ባሬንቱን ኦዳዋ ኡባ ኦዴዲኖ።  
\v 5 ሺን ፓሪሳዋቱዋ ባጋፔ ኣማኔዳ ኢቲ ኢቲ ኣሳቱ ዴንዲ ኤቂዴ፥ «ሂንቴንቱ ኡንቱንታ ቃፃራናዉኔ ሙሴ ሂጊያ ናጋና ማላ ኣዛዛናው ቤሴ» ያጌዲኖ። 
\p  
\v 6 ዬሱሲ ኪቴዳዋንቱኔ ጪማቱ ሄዋ ዞሬታናው ሺቄዲኖ።  
\v 7 ሎይ ሃሳዬዳዋፔ ጉዪያን፥ ጴፂሮሲ ዴንዲ ኤቂዴ፥ ኡንቱንታ ሃዋዳን ያጌዳ፤ «ታናዳን ኣማኒያዋንቶ፥ ኣዪሁዳ ጊዴናዋንቱ ዎንጋላ ሚሺራቹዋ ቃላ ታ ዶናፔ ሲሲዴ ኣማናና ማላ፥ ታና ፆሳይ ሂንቴ ጊዶፔ ቤኒ ዶሬዳዋ ሂንቴንቱ ኤሪታ።  
\v 8 ኣሳ ዎዛና ኤሪያ ፆሳይ ጌሻ ኣያና ኑሲ ኢሜዳዋዳን፥ ኡንቱንቶካ ኢሚዴ ቱማዬዳ።  
\v 9 ኡንቱንቱ ኣማኔዳ ዲራው፥ ኢ ኡንቱንቱ ዎዛና ጌሺዴ፥ ኑ ጊዱዋኒኔ ኡንቱንቱ ጊዱዋን ዱማቴ ዎቤና።  
\v 10 ሄዋ ዲራው፥ ኑ ኣዋቱኔ ኑኒ ቶካናው ዳንዳዪቤና ዎልቃማ ቶኩዋ ካሊያዋንቱ ሞርጊያን ዎዴ፥ ሃዒ ሂንቴ ኣዪሲ ፆሳ ፓጪቴ?  
\v 11 ሺን ጎዳ ዬሱሲ ኪሪስቶሳ ኣ ኬካቴን ኡንቱንቱ ኣቴዳዋዳን፥ ኑኒካ ኣቴዳዋ ኣማኔቶ» ያጌዳ። 
\p  
\v 12 ኣሳይ ኡባይ ጮዑ ጊዴ፥ ባርናባሲኔ ጳዉሎሲ ኣዪሁዳ ጊዴና ኣሳ ጊዶን ባሬንቱ ባጋና ፆሳይ ኦዳ ማላታኔ ኦራባ ኡባ ኦዲሺን ሲሴ። 
\p  
\v 13 ኡንቱንቱ ሃሳያ ዉርሴዳዋፔ ጉዪያን፥ ያዪቆቢ ሃዋዳን ያጊዴ ዛሬዳ፤ «ኢሻቶ፥ ታኒ ጊያዋ ሲሲቴ።  
\v 14 ፆሳይ ኣዪሁዳ ጊዴናዋንቱ ጊዶፔ ባሬው ሃኒያ ኣሳ ኣካናው ኣዪሁዳ ጊዴናዋንቶ ኮይሮ ዎቲ ቆፔዴንቶ ሲሞኒ ኦዴዳ።  
\v 15-18 ናቢያ ቃላይ ሃዋና ጊጌ፤ ጎዳይ ዳሮ ዎዲያፔ ዶሚዴ፥ ኣሳ ሃዋ ኤሪሲዴ፥ ፆሳ ማፃፋን ሃዋዳን ያጌዳ፤ \x - \xo 15:15-18 \xt ኣሞ 9፡11-12\x* 
\q1 ‹ሃዋፔ ጉዪያን፥ ሳዓን ዴዒያ 
\q2 ሃራ ኣሳይ ኡባይኔ ታዋ ጊዳናው 
\q1 ታኒ ፄሴዳ ኣዪሁዳ ጊዴና ኣሳይ ኡባይ 
\q2 ጎዳ ኮያና ማላ፥ ታኒ ሲማና። 
\q1 ታኒ ኮሌቲዴ ኩንዴዳ ጎሊያዳን 
\q2 ሃኔዳ ዳዊቴ ካዉቴ ዴንና። 
\q1 ኮሌቴዳዋካ ዛራዴ ኬፃና፤ 
\q2 ታኒ ላዔዋ ኣ ኤሳና› 
\m ያጌዳ። 
\p  
\v 19 «ሄዋ ዲራው፥ ታ ቆፋ ጊዶፔ፥ ኣዪሁዳ ጊዴናዋንቱፔ ፆሳኮ ሲሚያዋንታ ኑኒ ሜቶናው ኮሼና።  
\v 20 ሺን ኡንቱንቱ ኤቃኒ ቱኔዳዋ ሜና ማላ፥ ዎሹሜና ማላ፥ ባኩቴዳ ሜሂያ ኣሹዋ ሜና ማላኔ ሱ ኡሼና ማላ፥ ኡንቱንቶ ኑኒ ዳቢዳቢያ ፃፋናው ኮሼ። \x - \xo 15:20 \xt ኬስ 34፡15-17፤ ዎግ 17፡10-16፤ 18፡6-23\x* 
\v 21 ኣዪሲ ጎፔ፥ ሙሴ ሂጊያ ካሴ ዬሌታፔ ዶሚዴ ሳምባታን ሳምባታን ኣዪሁዳ ዎሳ ጎሌቱዋን ናባቢዴ፥ ኣ ቃላ ካታማ ኡባን ኦዲያዋንቱ ዴዒኖ» ያጌዳ። 
\p  
\v 22 ሄዋፔ ጉዪያን፥ ዬሱሲ ኪቴዳዋንቱኔ ጪማቱ ዎሳ ጎሌ ኣሳ ኡባና ኢቲፔ ባሬንቱ ጊዶፔ ኣማሬዳ ኣሳቱዋ ዶሪዴ፥ ጳዉሎሳናኔ ባሪናባሳና ኣንፆኪያ ዬዳናው ቆፋ ቃቼዲኖ፤ ኡንቱንቱ ዳሮ ቦንቼቴዳ ላዑ ኣሳቱዋ ባርሳባ ጌቴቲያ ዪሁዳኔ ሲላሳ ዶሬዲኖ።  
\v 23 ያቲዴ ሃዋዳን ጊያ ዳቢዳቢያ ፃፊዴ፥ ኡንቱንቱ ቦላ ኪቴዲኖ፤ «ኑኒ ዬሱሲ ኪቴዳዋንቱኔ ጪማቱ ሂንቴ ኢሻቱ፥ ኣንፆኪያን፥ ሶሪያኒኔ ኪልቂያን ዴዒያ ኣዪሁዳ ባጋ ጊዴና ኢሻቱዋሲ ኑ ሳሮታ ኪቴቶ። 
\p  
\v 24 «ኑኒ ኣዛዚቤና ኣሳቱ ኑ ጊዶፔ ቢዴ፥ ‹ሂንቴንቱ ቃፃሬታናዉኔ ሙሴ ሂጊያ ናጋናው ቤሴ› ጊዴ፥ ሂንቴንታ ሜቶዳዋኔ ዪሎዬዳዋ ሲሲዴ፥  
\v 25-26 ኑ ጎዳ ዬሱሲ ኪሪስቶሳ ሱን ዲራው፥ ባሬንቱ ሼምፑዋ ኦሌዳ ኑኒ ሲቂያ ባርናባሳናኔ ጳዉሎሳና ዶሬቴዳ ኣሳቱዋ ሂንቴንቱኮ ኪታናው ኢቲ ዎዛናን ኑ ቆፋ ቃቼዶ።  
\v 27 ሄዋ ዲራው፥ ኑኒ ፃፌዳዋ ኡንቱንቱ ባሬንቱ ሁጴው ባሬንቱ ዶናን ሂንቴንቶ ኦዳና ማላ፥ ዪሁዳኔ ሲላሳ ኪቴዶ። 
\p  
\v 28-29 «ኣዪሲ ጎፔ፥ ኤቃው ያርሼዳዋ ሞፒቴ፤ ሱ ኡሾፒቴ፤ ባኩቴዳ ሜሂያ ኣሹዋ ሞፒቴ፤ ዎሹሞፒቴ። ሃ ኮሺያዋንቱፔ ኣቲን፥ ሃራ ዴፂያ ዬዉዋ ሂንቴንታ ቶሴና ማላ፥ ኑኒኔ ጌሻ ኣያናይ ዬዉዋ ኤኖ ጊዴ ኣኬዶ፤ ሃ ኡባባፔ ሂንቴ ሁጲያ ናጎፔ፥ ሂንቴንቱ ሎዖባ ኦታ። ሲሚ ሳሮ ዴዒቴ» ያጌዲኖ። 
\p  
\v 30 ሄዋ ዲራው፥ ኪቴቴዳዋንቱ ሞዪዜቲ፥ ኣንፆኪያ ዎዴ፥ ኣማኒያ ኣሳ ሺሺዴ፥ ዳቢዳቢያ ኣሳሲ ኢሜዲኖ።  
\v 31 ኡንቱንቱ ሄ ሚኒሲያ ዳቢዳቢያ ናባቤዳ ዎዴ፥ ናሼቴዲኖ።  
\v 32 ቃሲ ዪሁዳይኔ ሲላሴ ባሬንቱ ሁጴው ናባቱዋ ጊዲያ ዲራው፥ ኢሻቱዋ ሎይ ማቂዴ ሚኒሴዲኖ።  
\v 33 ኡንቱንቱ ኣንፆኪያን ኣማሬዳ ጋላሳ ኡቴዳዋፔ ጉዪያን፥ ኢሻቱ ሳሮቴን ሞዪዚና፥ ባሬንታ ኪቴዳዋንቱኮ ሲሜዲኖ።  
\v 34 ሺን ሲላሴ ያኒ ኣታናው ባሬ ቆፋ ቃቼዳ። \f + \fr 15:34 \ft ሲላሴ ኣንፆኪያን ኣታናው ባሬ ቆፋ ቃቼዳ፥ ጊያዌ ጮራ ሃራ ቃላ ቢሌን ባዋ።\f* 
\p  
\v 35 ቃሲ ጳዉሎሲኔ ባርናባሲ ሃራ ጮራ ኣሳቱዋና ኢቲፔ ጎዳ ቃላ ታማሪሲዴኔ ዎንጋላ ሚሺራቹዋ ኦዲዴ፥ ኣንፆኪያን ኡቴዲኖ። 
\s1 ጳዉሎሲኔ ባርናባሲ ሻኬቴዲኖ 
\p  
\v 36 ኣማሬዳ ጋላሳፔ ጉዪያን፥ ጳዉሎሲ ባርናባሳ፥ «ኑኒ ጎዳ ቃላ ኦዴዳ ካታማ ኡባን ኑ ኢሻቱ ዎቲ ዴዒኖንቶ፥ ጉዬ ሲሚዴ፥ ፆሞሲ ቤዖይቴ» ያጌዳ።  
\v 37 ሄዋፔ ጉዬ ባርናባሲ ማርቆሳ ጌቴቲያ ዮሃኒሳ ባሬንቱና ኣፋናው ኮዬዳ።  
\v 38 ሺን ጳዉሎሲ ማርቆሳ ባሬንቱና ኣፋናው ኮዪቤና፤ ኣዪሲ ጎፔ፥ ኢ ኡንቱንቱፔ ጲኒፊሊያን ሻኬቴዳ፤ ቃሲ ኡንቱንቱና ኦሱዋሲ ቢቤና።  
\v 39 ኡንቱንቱ ጊዱዋን ሎዔና ዋላሳይ ኬሲና፥ ኢቱ ኢቱዋፔ ሻኬቴዳ፤ ባርናባሲ ማርቆሳ ኣኪዴ፥ ማርካቢያን ቆጲሮሳ ቤዳ።  
\v 40 ሺን ጳዉሎሲ ሲላሳ ኣኪና፥ ኢሻቱ ኣ ሃዳራ ፆሳ ኣ ኬካቴው ኢሜዳዋፔ ጉዪያን ቤዳ።  
\v 41 ያቲዴ ኣማኒያ ኣሳቱዋ ሚኒሲዴ፥ ሶሪያናኔ ኪልቂያና ኣዳ። 
\c 16  
\s1 ፂሞቶሴ ጳዉሎሳናኔ ሲላሴና ጋኬቴዳ 
\p  
\v 1 ጳዉሎሲ ቃሲ ዴርቤኔ ሊስፂራ ቤዳ፤ ሄዋን ፂሞቶሳ ጌቴቲያ ካሊያዌ፥ ኢቲ ኣማኒያ ኣዪሁዳ ሚሺራቲ ናዓይ ዴዔ፤ ኣ ኣቡ ጊሪኬ ኣሳ።  
\v 2 ሊስፂራኒኔ ኢቆኒዮኔን ዴዒያ ኢሻቱ ፂሞቶሳባ ሎይ ማርካቴዲኖ።  
\v 3 ጳዉሎሲ ፂሞቶሳ ባሬናና ኣፋናው ኮዪዴ፥ ኣ ኣቡ ጊሪኬ \f + \fr 16:3 \fq ኣ ኣቡ ግሪኬ … ኣ ኦይቂዴ ቃፃሬዳ፡ \ft ግሪኬ ኣሳይ ባሬንቱ ናና ቃፃሪኪኖ። ሺን ፂሞቶሴ ቃፃሬታና ዮፔ፥ ኣዪሁዴ ኣሳይ ኣ ኣኬና ዲራው፥ ጳዉሎሲ ኣ ኦይቂዴ ቃፃሬዳ።\f* ኣሳ ጊዴዳዋ ሄዋን ዴዒያ ኣዪሁዳ ኡባይ ኤሪያ ዲራው፥ ኣ ኦይቂዴ ቃፃሬዳ።  
\v 4 ኡንቱንቱ ካታማቱዋና ቢዴ፥ ዬሱሲ ኪቴዳ ዬሩሳላሜን ዴዒያዋንቱኔ ጪማቱ ዎዳ ሂጊያ ኣማኒያዋንቱ ናጋና ማላ፥ ኡንቱንቶ ኦዲዴ ኣዲኖ።  
\v 5 ሄዋ ዲራው፥ ኣማኒያዋንቱ ኣማኑዋን ሚኒ፥ ፓይዱዋንካ ጋላሳፔ ጋላሳን ዳሪ ዳሪ ቤዲኖ። 
\s1 ጳዉሎሲ ማቂዶኒያ ባናዳን ፄጌቴዳ 
\p  
\v 6 ኢሲያን ቃላ ኦዴና ማላ፥ ጌሻ ኣያናይ ኡንቱንታ ዲጌዳ ዲራው፥ ፒርጊያ ጋዲያናኔ ጋላቲያ ጋዲያና ኣዲኖ።  
\v 7 ኡንቱንቱ ሚሲያ ዛዋ ጋኬዳ ዎዴ፥ ቢቲኒያ ባናው ኮዬዲኖ፤ ሺን ዬሱሳ ኣያናይ ኡንቱንታ ዲጌዳ።  
\v 8 ሄዋ ዲራው፥ ኡንቱንቱ ሚሲያ ማታና ኣዴ፥ ፂሮዓዳ ዎዲኖ።  
\v 9 ጳዉሎሲ ቃማ ሳፃን ኢቲ ማቂዶኒያ ቢታኒ ባሬና፥ «ማቂዶኒያ ፒናዴ ኑና ማዳሪኪ» ያጊዴ ኤቂ ዎሲሺን ቤዔዳ።  
\v 10 ሳፃ ኢ ቤዔዳዋፔ ጉዪያን፥ ኑኒ ኤሌካ ማቂዶኒያ ባናው ኮዬዶ፤ ኣዪሲ ጎፔ፥ ዎንጋላ ሚሺራቹዋ ያኒ ዴዒያ ኣሳሲ ኦዳናው፥ ፆሳይ ኑና ፄሴዳዋ ኑሲ ማላቴዳ። 
\s1 ሊዲያ ፒሊጲሲዮሳን ኪሪስቶሳ ኣማናዱ 
\p  
\v 11 ሄዋ ዲራው፥ ፂሮዓዳፔ ዴንዲዴ፥ ሲቲ ጊዴ ማርካቢያን ሳሞቲራቄ ቤዶ፤ ዎንቴ ጋላሲ ናጱሌ ቤዶ።  
\v 12 ሄዋፔ ፒሊጲሲዮሳ ቤዶ፤ ፒሊጲሲዮሲ ማቂዶኒያ ቢታው ሁጴ ካታማ፤ ቃሲ ሮሜ ኣሳይ ዴዒያ ካታማ፤ ኑኒ ሄ ካታማን ኣማሬዳ ጋላሳ ኡቴዶ። 
\p  
\v 13 ሳምባታ ጋላሲ፥ ካታማፔ ጋፃን ሻፋ ዶናን ኣዪሁዳቱ ፆሳ ዎሲያ ሳዓይ ዴዒያዋ ኣኬኪዴ ቤዶ፤ ሄዋን ኡቲዴ ሺቄዳ ማጫ ኣሳሲ ቃላ ኦዴዶ። 
\p  
\v 14 ኢቲ ሊዲያ ጌቴቴዉና፥ ቲያፂሮና ካታማፔ ያዴ ፆሳ ኣማኔዉና፥ ዞዖ ማዩዋ ዛሊዒያ ሚሺራታ፥ ኑኒ ኦዲያዋ ሲሳዱ፤ ጳዉሎሲ ኦዲያዋካ ኢዛ ሲሳና ማላ ፆሳይ ኢ ዎዛና ዶዬዳ።  
\v 15 ሊዲያ ባሬ ሶይ ኣሳና ኢቲፔ ፃማቄቴዳዋፔ ጉዪያን ኑና፥ «ሂንቴንቱ ታና ጎዳ ቱማቴን ኣማናው ጊዴ ቆፖፔ፥ ታ ሶዪን ዴዒሺቴ» ጋዴ ዎሳዱ፤ ሚኒሳዴ ሾባዱ። 
\s1 ጳዉሎሲኔ ሲላሴ ቃሼቴዲኖ 
\p  
\v 16 ኑኒ ፆሳ ዎሲያሳ ቢሺን፥ ኢታ ኣያናይ ኢዚ ቦላ ኣቂና ካዪያ ኢቲ ኣሺካሬ ናታ ኑናና ጋኬታዱ፤ ሄ ናታ ካያዴ ዳሮ ሚሻ ባሬ ጎዳቱዋሲ ዴማዱ።  
\v 17 ጋኬታዴ ጳዉሎሳኔ ኑና ካላዴ፥ «ሃዋንቱ ሂንቴንቶ ኣታና ኦጊያ ኦዲያዋንቱ፥ ኡባፔ ቦላ ፆሳ ኣይሌቱዋ» ጋዴ ኮሻ ቁ ኦዴ ሃሳያው። 
\p  
\v 18 ኡባ ጋላሲ ሄዋዳን ጋው፤ ሺን ጳዉሎሲ ዪሎቲዴ ጉዬ ሲሚ፥ ሄ ኢታ ኣያና፥ «ኔኒ ኢፔ ኬሳና ማላ ዬሱሲ ኪሪስቶሳ ሱንን ኔና ኣዛዛይ» ያጌዳ፤ ሄ ማንዒያንካ ኢታ ኣያናይ ኢፔ ኬሲ ኣጌዳ። 
\p  
\v 19 ሺን ኢዚ ጎዳቱ ባሬንቱ ሚሻ ዴማና ኦጊ ዬዳዋ ቤዒዴ፥ ጳዉሎሳኔ ሲላሳ ኦይቂዴ፥ ጌያ ሳዓን ዴዒያ ዳናቱዋ ሲን ጎቺ ኬሴዲኖ።  
\v 20 ዳናቱዋ ሲን ኡንቱንታ ኣፊዴ፥ «ሃዋንቱ ኣዪሁዳ ኣሳ ጊዲዴ፥ ኑ ካታማ ኣሳ ሎይ ሜቶኖ።  
\v 21 ኑኒ ሮሜ ጋዲያ ኣሳ ጊዲዴ፥ ኣካናዉኔ ኦናው ዎጋ ጊዴናባ ታማሪሲኖ» ያጌዲኖ። 
\p  
\v 22 ኣሳይ ኢቲ ባጋ ጊዲዴ፥ ጳዉሎሳ ቦላኒኔ ሲላሳ ቦላ ዴንዴዳ፤ ዳናቱካ ኡንቱንቱ ማዩዋ ቃሪ ኣኪዴ፥ ፃምዓን ኡንቱንታ ሾጫና ማላ ኣዛዜዲኖ።  
\v 23 ኡንቱንቱ ዳሪሲ ዋዳዋፔ ጉዪያን፥ ቃሾ ጎሊያን ዬጌዲኖ። ቃሾ ጎሊያ ናጊያዌካ ኡንቱንታ ሚኒሲ ናጋናዳን ኣዛዜዲኖ።  
\v 24 ቃሾ ጎሊያ ናጊያዌ ሄ ኣዛዙዋ ኣኪዴ፥ ጳዉሎሳኔ ሲላሳ ቃሾ ጎሊያ ቆልዖ ጌሊሴዳ፤ ኡንቱንቱ ጌዲያካ ሚና ጋ ዳራፂዴ ቃቼዳ። 
\p  
\v 25 ሺን ቃማ ቢላሄ ጊዲያ ሄራን ጳዉሎሲኔ ሲላሴ ፆሳ ዎሲዴ፥ ማዚሙሪያ ዬፂዴ ፆሳ ጋላቲኖ፤ ቃሼቶ ኣሳይ ኡንቱንቱ ጊያዋ ሲሴ።  
\v 26 ቃሾ ጎሊያ ፃጱ ቃፃና ጋካናው ዎዛና ኣናን ቢታይ ዳሪሲ ቃፄዳ፤ ሄ ማንዒያንካ ፔንጊካ ኡባይ ዶዬቲ ኣጊና፥ ቃሼቴዳ ኣሳ ኡባ ሳንላታይ ቢሌቲ ዎዳ።  
\v 27 ቃሾ ጎሊያ ናጊያዌ ጌሚዒሹዋፔ ቤጎቲያ ዎዴ፥ ቃሾ ጎሊያ ፔንጊካ ኡባይ ዶዬቴዳዋ ቤዒዴ፥ ቃሼቶ ኣሳይ ኬሲ ኣኪዴ ቢዲጌዳዋ ኣው ማላቲና፥ ባሬና ዎናው ቆፒዴ፥ ጩቢያ ኣኬዳ።  
\v 28 ሺን ጳዉሎሲ ኮሻ ቁ ኦዴ፥ «ኔኒ ኔና ኣያኔ ኡዶፓ፤ ኣዪሲ ጎፔ፥ ኑኒ ኡባይ ሃዋን ዴዔቶ» ያጌዳ። 
\p  
\v 29 ቃሾ ጎሊያ ናጊያዌ ፆምፒያ ዎሲ ኣኪዴ፥ ኤሌካ ቆልዖ ዎፄዳ፤ ኮኮሪዴ ጳዉሎሳ ሲንኒኔ ሲላሴ ሲንን ጉፋኔዳ፤  
\v 30 ኡንቱንታ ካሬ ኬሲዴ፥ «ታ ጎዳቶ፥ ታኒ ኣታናው ኣያ ኦና ቤሲ?» ያጌዳ። 
\p  
\v 31 ጳዉሎሲኔ ሲላሴ ኣ፥ «ጎዳ ዬሱሲ ኪሪስቶሳ ኣማና፤ ኔኒ ኣታና፤ ኔ ሶይ ኣሳይካ» ያጌዲኖ።  
\v 32 ኡንቱንቱ ኣዉኔ ኣ ሶዪን ዴዒያ ኡባው ጎዳ ቃላ ኦዴዲኖ።  
\v 33 ቃማ ሄ ሳቲያንካ ቃሾ ጎሊያ ናጊያዌ ኡንቱንታ ኣፊዴ ኡንቱንቱ ማይ ሜጬዳ፤ ሄ ማንዒያንካ ባሬ ሶይ ኣሳ ኡባና ፃማቄቲ ኣጌዳ።  
\v 34 ጳዉሎሳኔ ሲላሳ ፑዴ ባሬ ሶይ ኣፊዴ፥ ኡንቱንቶ ቁማ ኣዳ፤ ኢ ባሬ ሶይ ኣሳ ኡባና ፆሳ ኣማኔዳ ዲራው፥ ናሼቴዳ። 
\p  
\v 35 ዎንቲና ዳናቱ፥ «ሄ ኣሳቱዋ ቢላ» ያጊዴ፥ ፖሊሲያ ካፓቱዋ ኣኮ ኪቴዲኖ።  
\v 36 ሄዋፔ ጉዬ ቃሾ ጎሊያ ናጊያዌ፥ «ሂንቴንቱ ቢሌታና ማላ፥ ዳናቱ ታው ኪቴዲኖ፤ ሲሚ ሃዒ ኬሲዴ ሳሮቴን ቢቴ» ያጊዴ ሄ ኪታ ጳዉሎሳው ኦዴዳ። 
\p  
\v 37 ሺን ጳዉሎሲ ሄ ፖሊሲያ ካፓቱዋ፥ «ኑኒ ሮሜ ጋዴ ኣሳ \f + \fr 16:37 \fq ሮሜ ጋዴ ኣሳ፡ \ft ሮሜ ካዉቴን ኤሬቲዴ ዴዒያ ጉ ኣሳይ ሄ ጋዴ ኣሳቱዋ ጌቴቲኖ። ሄዋንቶካ ቃይ ሃራቱዋፔ ዱማቲያ ማታይኔ ካጫይ ዴዔ።\f* ጊዲሺን፥ ኡንቱንቱ ኑና ፒርዳይ ባይናን ኣሳ ሲንን ዋዴ፥ ቃሾ ጎሊያን ዬጌዲኖ። ሃዒ ኑና ጌማን ኬሲ ዬዲኖ? ሃኔና፤ ኡንቱንቱ ባሬንቱ ሁጴው ዪዴ፥ ኑና ኬሲኖ» ያጌዳ። 
\p  
\v 38 ፖሊሲያ ካፓቱ ዳናቱዋሲ ሄዋ ኦዲና፥ ጳዉሎሲኔ ሲላሴ ሮሜ ጋዴ ኣሳ ጊዴዳዋ ሲሴዳ ዎዴ፥ ያዬዲኖ።  
\v 39 ሄዋ ዲራው፥ ዳናቱ ዪዴ ኡንቱንታ፥ «ኑኒ ሂንቴንታ ናቄዶ» ጌዲኖ። ቃሾ ጎሊያፔ ካሬ ኡንቱንታ ኬሲዴ፥ ካታማፔ ኬሲዴ ባና ማላ ዎሴዲኖ።  
\v 40 ጳዉሎሲኔ ሲላሴ ቃሾ ጎሊያፔ ኬሲዴ፥ ሊዲያ ሶይ ቤዲኖ፤ ያኒ ኢሻቱዋና ጋኬቲዴ፥ ኡንቱንታ ሚኒሲዴ ሄዋፔ ቤዲኖ። 
\c 17  
\s1 ቴሴሎንቄን ዴንዴዳ ዋላሳ 
\p  
\v 1 ጳዉሎሲኔ ሲላሴ፥ ኣምፒጶሊሳናኔ ኣጶሎኒያና ኣዴ፥ ቴሴሎንቄ ዬዲኖ፤ ቴሴሎንቄን ኣዪሁዳ ዎሳ ጎሊ ዴዔ።  
\v 2 ጳዉሎሲ ባሬ ዶያዳንካ ያ ጌሌዳ፤ ሄዋን ሄዙ ሳምባታ ጋላሳቱዋን ፆሳ ማፃፋቱዋፔ ኣሳና ሃሳዬዳ፤  
\v 3 ኪሪስቶሲ ዋዪያ ኣካናዉኔ ሃይቁዋፔ ዴንዳናው ቤሲያዋ ኡንቱንቶ ቢሊዴ ኦዲዲኔ ቱማ ጊዴዳዋካ ኡንቱንታ ኤሪሲዴ፥ «ዬሱሲ ሃ ታኒ ሂንቴንቶ ኦዲያዌ ኪሪስቶሳ» ያጌ።  
\v 4 ኡንቱንቱፔ ኢቱ ኢቱ ዬዉ ቱማ ጊዴዳዋ ኣኬኪዴ፥ ጳዉሎሳናኔ ሲላሴና ጋኬቴዲኖ፤ ሃዋዳንካ፥ ፆሳሲ ጎዪኒያ ጮራ ጊሪኬ ኣሳይኔ ጮራ ቦንቼቴዳ ማጫዋንቱ፥ ጳዉሎሳናኔ ሲላሴና ጋኬቴዲኖ። 
\p  
\v 5 ሺን ኣዪሁዳቱ ቃናቲዴ፥ ኢቲ ኢቲ ኦሱ ባዪና ኢታ ኣሳቱዋ ቆጫፔ ሺሺዴ ካታማ ኣሳ ዋላሴዲኖ፤ ጳዉሎሳኔ ሲላሳ ኣሳኮ ኬሳና ማላ ኮዪዴ፥ ያሶና ጎሊያ ዶዴዲኖ።  
\v 6 ጳዉሎሲኔ ሲላሴ ኡንቱንቶ ቤቴናን ኢፂና፥ ያሶናኔ ኢቲ ኢቲ ኢሻቱዋ ካታማ ካፓቱዋኮ ኣፊዴ፥ «ሃዋንቱ ጋዲያ ኡባ ሜቶዳዋንቱ፥ ሃዋካ ዬዲኖ።  
\v 7 ያቲና ያሶኒ ኡንቱንታ ባሬ ሶዪን ዎዳ፤ ሃዋንቱ ኡባይ፥ ‹ዬሱሳ ጊያ ሃራ ካቲ ዴዔ› ጊዴ ቄሳሬ ኣዛዙዋ ሚኒሲኖ» ያጊዴ፥ ኮሻ ቂሲዴ ሃሴዬዲኖ። 
\p  
\v 8 ሺቄዳ ኣሳይኔ ካታማ ካፓቱ ሄዋ ሲሲዴ ሜቶቴዲኖ።  
\v 9 ካፓቱ ያሶናኔ ሃራቱዋ ዋሲያን ቢሌዲኖ። 
\s1 ጳዉሎሲኔ ሲላሴ ቤሪያ ቤዲኖ 
\p  
\v 10 ኣማኒያዋንቱ ጳዉሎሳኔ ሲላሳ ሳዓይ ቃሚያዋኒ ኤሌካ ቤሪያ ዬዴዲኖ። ያ ጋኪዴ፥ ኣዪሁዳ ዎሳ ጎሌ ጌሌዲኖ።  
\v 11 ቤሪያ ኣሳቱ ቴሴሎንቄን ዴዒያ ኣሳቱዋፔካ ኣ ዶዬቶ ዎዛናይ ዴዒያ ዲራው፥ «ጳዉሎሲ ጌዳዌ ቱሜንቶኔ» ያጊዴ፥ ኡባ ጋላሲ ፆሳ ማፃፋቱዋ ታማሪዴ፥ ቃላ ኩሜን ላሞታን ኣኬዲኖ።  
\v 12 ሄዋ ዲራው፥ ኡንቱንቱፔ ጮራቱ፥ ጊሪካቱዋፔ ቦንቼቴዳ ጮራ ማጫዋንቱኔ ጮራ ኣቱማ ኣሳቱ ኣማኔዲኖ። 
\p  
\v 13 ሺን ቴሴሎንቄን ዴዒያ ኣዪሁዳቱ ጳዉሎሲ ፆሳ ቃላ ቤሪያንካ ኦዴዳዋ ሲሴዳ ዎዴ፥ ቤሪያ ዪዴ፥ ኣሳ ኣናና ዋላሴዲኖ።  
\v 14 ሄዋፔ ጉዪያን፥ ኢሻቱ ኤሌካ ጳዉሎሳ ኣባ ማታን ዬዲ ኣጌዲኖ፤ ሺን ሲላሴኔ ፂሞቶሴ ቤሪያን ኣቴዲኖ።  
\v 15 ጳዉሎሳ ሞዪዜዳ ኣሳቱ ኣቴና ጋዲኖ፤ ሄ ኣሳቱ ሲላሴኔ ፂሞቶሴ ባሬንቶ ዳንዳዬቴዳዋዳን፥ ኤሌካ ባሬኮ ያና ማላ፥ ጳዉሎሲ ኪቴዳ ኪታ ኣኪዴ፥ ቤሪያ ሲሜዲኖ። 
\s1 ጳዉሎሲ ኣቴና ቤዳ 
\p  
\v 16 ጳዉሎሲ ኣቴናን ሲላሳኔ ፂሞቶሳ ናጊዴ፥ ካታማን ኤቃይ ኩሜዳዋ ቤዒዴ ዪሎቴዳ።  
\v 17 ሄዋ ዲራው፥ ኣዪሁዳ ዎሳ ጎሊያን ኣዪሁዳቱዋናኔ ፆሳሲ ጎዪኒያ ኣዪሁዳ ጊዴና ኣሳቱዋና ፓሉሜቴ፤ ቃሲ ኡባ ጋላሲ ጌያን ባሬናና ጋኬቲያ ኣሳናካ ፓሉሜቴ።  
\v 18 ቃሲ ኤፒቆሮሳፔኔ \f + \fr 17:18 \fq ኤፒቆሮሳ፡ \ft ሃዌ ጋዲያ ጊዲዴ፥ ሃ ጋዲያን ዴዒያ ኣሳቱ ናሼቺያ ኣሳ ዴዑዋሲ ኮይሮ ሳዓ ኦይቄዳ ያጊ ታማሪሲያ ኤፒቆሮሳ ጊያ ቢታኒያ ቲሚርቲያ ካሊያዋንታ።\f* ኢስፆዒኪያፔ \f + \fr 17:18 \fq ኢስፆዒኪያ፡ \ft ሃዌካ ጋዲያ ጊዲዴ፥ ሃ ጋዴን ዴዒያ ኣሳቱ፥ ባሬና ሞዱሳኔ ባሬ ቆፋን ካሌሴቲያዋ ኣሳይ ታማራና ቤሴ፥ ያጊያ ቲሚርቲያ ታማሪሲያ ዜኖ ያጌቲያ ቢታኒያ ቲሚሪቲያ ካሊያዋንታ።\f* ዬዳ ኢቲ ኢቲ ኤራንቻቱ ጳዉሎሳና ፓሉሜቴዲኖ፤ ኡንቱንቱፔ ኢቱ ኢቱ፥ «ሃ ቶፊናይ ኣያ ሃሳያናው ኮዪ?» ያጌዲኖ። 
\p ሃራቱ ጳዉሎሳ ዬሱሳባኔ ሃይቁዋፔ ኢ ዴንዴዳዋ ባሬንቶ ኦዲያ ዲራው፥ «ኦራ ፆሳቱባ ኦዲያዋ ማላቴ» ያጌዲኖ። 
\p  
\v 19-20 ጳዉሎሳ ኦይቂዴ፥ «ሃ ኔኒ ታማሪሲያ ኦራ ዬዉ ኣዬንቶ ኑና ኤሪሳሪኪ? ኣዪሲ ጎፔ፥ ኔኒ ኑሲ ኦራባ ኦዳሳ፤ ሲሚ ሃዌ ኣዬንቶ ኑኒ ኤራናው ኮዬቶ» ያጊዴ ጳዉሎሳ ኣሪዮስፓጎሳ ጌቴቲያሳ ኣፌዲኖ።  
\v 21 ኣቴና ኣሳይ ኡባይኔ ሄዋን ዴዒያ ኢማቱ ኦራባ ሃሳዪዲኔ ሲሲዴ ፔሺያዋፔ ኣቲን፥ ሃራባን ፔሺኪኖ። 
\p  
\v 22 ጳዉሎሲ ኣሪዮስፓጎሳን ዴዒያ ሺቁዋ ሲንን ኤቂዴ፥ ሃዋዳን ያጌዳ፤ «ኣቴና ኣሳቶ፥ ፆሳቱዋሲ ኡባባኒ ሂንቴንቱ ዳሪ ያዪያዋ ታኒ ቤዓይ።  
\v 23 ኣዪሲ ጎፔ፥ ታኒ ሂንቴንቱ ጎዪኒያዋ ፄላዴ ኣሺን፥ ‹ኤሬቴና ፆሳሲ› ጌቴቲዴ ፃፌቴዳ ያርሹዋ ሳዓ ቃሲ ዴማዲ፤ ሄዋ ዲራው፥ ሃ ሂንቴ ኤሬናን ጎዪኒያዋ ታኒ ሂንቴንቶ ኦዳይ። 
\p  
\v 24 «ኣላሚያኔ ኣላሚያን ዴዒያ ኡባባ ሜዳ ፆሳይ ሳሉዋኔ ሳዓ ጎዳይ፥ ኣሳይ ኬፄዳ ጌሻ ጎሊያን ዴዔና። \x - \xo 17:24 \xt 1ካት 8፡27፤ ኢሳ 42፡5፤ ኪት 7፡48\x* 
\v 25 ኣዬንቶ ፓጬዳ ኣሳዳን፥ ኣሳ ኩሺያ ኢ ፄሌና፤ ኣዪሲ ጎፔ፥ ኢ ባሬ ሁጴው ዴዑዋ ሼምፑዋኔ ኡባባ ኣሳ ኡባው ኢሜዳ።  
\v 26 ፆሳይ ኣሳ ዛሪያ ኡባ ኢቲ ኡራፔ ሜዴ፥ ጋዲያ ኡባን ዎዳ፤ ኢ ባሬ ሁጴው ኡንቱንቱ ዴዓና ዎዲያኔ ሳዓ ካሴ ዛዋዬዳ። 
\p  
\v 27 «ኢ ሄዋ ኦዳዌ ኡንቱንቱ ኦይቂ ኦይቂ ፄሊዴ፥ ባሬና ኮዪዴ፥ ኦኒ ኤሪ ዴማናዋንቴሻ ጊያዋና፤ ጊዶፔኔ፥ ፆሳይ ኑፔ ኦሲኔ ሃኮ ጊዴና።  
\v 28 ኣዪሲ ጎፔ፥ ሂንቴንቱፔ ኢቲ ኢቲ ኤራንቻቱ፥ ‹ኑኒ ኣ ናና› ጌዳዋዳን፥ ኑኒ ኣኒ ፓፃ ዴዔቶኔ ቃፄቴቶ።  
\v 29 ሲሚ ኑኒ ፆሳ ናና ጊዴዳ ዲራው፥ ፆሳይ ኣሳ ጪንጫቴኒኔ ቆፋን ዎርቃፔ ዎይ ቢራፔ ዎይ ሹቻፔ ኦሴቴዳዋ ማላቴ ያጊዴ፥ ቆፓናው ቤሴና።  
\v 30 ሄዋ ዲራው፥ ፆሳይ ኣሳይ ኤሪቤና ዎዲያ ኣዳ፤ ሺን ሃዒ ኡባሳን ኣሳይ ኡባይ ናጋራፔ ሲማና ማላ ኣዛዜዳ።  
\v 31 ኣዪሲ ጎፔ፥ ፆሳይ ዎዲያ ኬሪ ዎዳ፤ ሄ ዎዲያን ባሬ ዶሬዳ ኡራን ሳዓን ዴዒያ ኣሳ ኡባ ቦላ ፂሎ ፒርዳ ኢ ፒርዳና፤ ኣሳ ኡባው ሃይቁዋፔ ዬሱሳ ዴንዳዋን ሄዋ ቱማዬዳ» ያጌዳ። 
\p  
\v 32 ኡንቱንቱፔ ኢቲ ኢቲ ኣሳቱ ሃይቁዋፔ ዴንዱዋባ ጳዉሎሳፔ ሲሲዴ፥ ኣ ቦላ ቂሊጬዲኖ፤ ሺን ሃራ ኣሳቱ ኣ፥ «ኑኒ ሃዋ ኔፔ ጉጂዴ ሲሳና ኮዬቶ» ጌዲኖ።  
\v 33 ሄዋ ዲራው፥ ጳዉሎሲ ኡንቱንቱ ጊዶፔ ኬሴዳ።  
\v 34 ሺን ኢቲ ኢቲ ኣቱማ ኣሳቱ ጳዉሎሳና ጋኬቲዴ ኣማኔዲኖ፤ ኡንቱንቱ ጊዱዋን ኣሪዮስፓጎሳን ዴዒያ ፒርዳ ጎሌ ዳናይ ዲዮናሲዮሲ፥ ዳማሪሶ ጌቴቲያ ኢቲ ሚሺራቲና ሃራ ኣሳቱ ዴዒኖ። 
\c 18  
\s1 ጳዉሎሲ ቆሮንቶሳ ቤዳ 
\p  
\v 1 ሄዋፔ ጉዪያን፥ ጳዉሎሲ ኣቴናፔ ኬሲዴ፥ ቆሮንቶሳ ቤዳ።  
\v 2 ሄዋን ኣቂላ ጊያ ኢቲ ኣዪሁዳ ቢታኒያ ዴሜዳ፤ ኣቂላይ ጳንፆሳን ዬሌቴዳ፤ ኣዪሁዳ ኣሳይ ኡባይ ሮሜፔ ኬሳና ማላ፥ ቃላዉዴዮሲ ኣዛዜዳ ዲራው፥ ኣማሬዳ ዎዲያፔ ካሴ፥ ኢ ባሬ ማቻቲ ጲሪስቂላና ፃሊያፔ ዬዳ፤ ጳዉሎሲ ኡንቱንቱና ጋኬታናው ቤዳ።  
\v 3 ኣ ኦሱኔ ኡንቱንቱ ኦሱ ኢቲ ማላ ዱንካኒያ ሲካ ጊዲያ ዲራው፥ ኡንቱንቱና ኡቲዴ፥ ኢቲፔ ኦዳ።  
\v 4 ጳዉሎሲ ሳምባታ ኡባን ኣዪሁዳቱዋና ጊሪካቱዋ ኣማንናው ኣዪሁዳ ዎሳ ጎሊያን ፓሉሜቴ። 
\p  
\v 5 ሲላሴኔ ፂሞቶሴ ማቂዶኒያፔ ዬዳ ዎዴ፥ ጳዉሎሲ ኣዪሁዳቱዋሲ ዬሱሲ ባሬ ሁጴው ኪሪስቶሳ ጊዴዳዎ ቃላ ኦዱዋ ቶሌዳ።  
\v 6 ሺን ኡንቱንቱ ጳዉሎሳ ሃሳያ ጳልቂናኔ ኣ ቦሪና፥ ጳዉሎሲ ባሬ ማዩዋፔ ባና ቆቆፊዴ፥ \f + \fr 18:6 \fq ማዩዋፔ ባና ቆቆፌ፡ \ft ሃዋ ጉሳይ ጌዲያፔ ባና ቆቆፊያዋና ኢታ።\f* «ሂንቴንቱ ኢታቴይ ሂንቴንታ ኦይቆ፤ ታኒ ሄዋን ጌሊኬ፤ ሃዋፔ ሂኒ ባጋን ታኒ ኣዪሁዳ ጊዴና ኣሳኮ ባይ» ያጌዳ። 
\p  
\v 7 ሄዋፔ ኬሲዴ፥ ፆሳሲ ጎዪኒያ ዮስፆሳ ጊያ ቢታኒያ ሶይ ቤዳ፤ ዮስፆሳ ጎሊ ኣዪሁዳ ዎሳ ጎሊያ ማታን ዴዔ።  
\v 8 ኣዪሁዳ ዎሳ ጎሌ ካፑ ቃሪሲጶሲ ባሬ ሶይ ኣሳ ኡባና ጎዳ ኣማኔዳ፤ ቆሮንቶሳ ኣሳቱዋፔካ ጮራቱ ፆሳ ቃላ ሲሴዳ ዎዴ፥ ኣማኒዴ ፃማቄቴዲኖ። 
\p  
\v 9-10 ጎዳይ ኢቲ ቃማ ሳፃን ጳዉሎሳ፥ «ያዮፓ፤ ኦዳ፤ ጮዑ ጎፓ። ታኒ ኔናና ዴዒያ ዲራው፥ ኔና ቆሃናው ኢታባን ዬጋና ኣሳይ ኦኒኔ ባዋ፤ ኣዪሲ ጎፔ፥ ታው ሃ ካታማን ጮራ ኣሳይ ዴዔ» ያጌዳ።  
\v 11 ጳዉሎሲ ፆሳ ቃላ ኣሳ ታማሪሲዴ፥ ኢቲ ላይኔ ኡሱፑን ኣጌና ኡንቱንቱና ኡቴዳ። 
\p  
\v 12 ጋሊዮሴ ኣካዪያ ጋዲያ ሞዲያ ዎዴ፥ ኣዪሁዳቱ ኢቲፔ ጳዉሎሳ ቦላ ዴንዲዴ፥ ፒርዳ ጎሌ ኣ ኣፊዴ፥  
\v 13 «ሃ ቢታኒ ሙሴ ሂጊያ ኢፂዴ፥ ኣሳይ ፆሳሲ ጎዪናና ማላ ጪሜ» ያጌዲኖ። 
\p  
\v 14 ጳዉሎሲ ሃሳያና ሃኒሺን፥ ጋሊዮሴ ኣዪሁዳቱዋ፥ «ኣዪሁዳቶ፥ ሄዌ ባላ ኦሱዋ ዎይ ኢታ ናቆ ጊዶፔ፥ ታኒ ሂንቴንቱባ ዳንዳያዴ ሲሳናው ቤሴ።  
\v 15 ሺን ቃላሲ ሱንሲኔ ሂንቴ ሁጴ ሂጊያሲ ሂንቴንቱ ፓሉሜቶፔ፥ ሂንቴ ሁጴው ኤሪቴ፤ ሃዋ ታኒ ፒርዲኬ» ያጌዳ።  
\v 16 ፒርዳ ጎሊያፔ ካሬው ኡንቱንታ ኬሴዳ።  
\v 17 ሄዋፔ ጉዪያን፥ ጊሪኬ ኣሳይ ኡባይ ኣዪሁዳ ዎሳ ጎሌ ካፑዋ ሶስቴኒሳ ኦይቂዴ፥ ፒርዳ ጎሊያ ሲንን ሾጬዲኖ፤ ሺን ጋሊዮሳ ሄዌ ኣይኔ ሜቲቤና። 
\s1 ጳዉሎሲ ኣንፆኪያ ቤዳ 
\p  
\v 18 ጳዉሎሲ ዳሮ ዎዲያ ቆሮንቶሳን ኡቴዳዋፔ ጉዪያን፥ ኢሻቱዋ ሳሮቲዴ፥ ጲሪስቂሊናኔ ኣቂላና ማርካቢያን ሶሪያ ቤዳ፤ ባሬው ሺቄዳ ጋሱ ዴዒያ ዲራው፥ ኪንኪሪያ ካታማን ባሬ ሁጲያ ሜዴቴዳ። \f + \fr 18:18 \fq ሁጲያ ሜዴቴዳ፡ \ft ጳዉሎሲ ጉ ዎዲያሲ «ዱማታና» ጊዴ ጫቄዳ። ሃዋ ጉሳይ፥ ባሬ ሁጲያካ ሜዴቴና፤ ዎዪኒያካ ኡሼና ጉሳ። ሺን ኢ ጫቄዳ ዎዲ ዉሮዴ፥ ባሬ ሁጲያ ሜዴቲዴ ፆሳው ያርሹዋ ያርሻናው ቤሴ ጉሳ።\f*\x - \xo 18:18 \xt ፓይ 6፡18\x* 
\v 19 ኡንቱንቱ ኤፌሶኔ ጋኬዳ ዎዴ፥ ጳዉሎሲ ጲሪስቂሎኔ ኣቂላ ያኒ ዬጊ ዬዳ፤ ሺን ባሬው ኣዪሁዳ ዎሳ ጎሌ ጌሊዴ፥ ኣዪሁዳቱዋና ፓሉሜቴዳ።  
\v 20 ኡንቱንቱ ባሬንቱና ዳሮ ዎዲያ ኡታና ማላ ጳዉሎሳ ዎሲና ኢ ኢፄዳ።  
\v 21 ሺን ኡንቱንቱፔ ሻኬቲዴ፥ «ፆሳይ ጎፔ፥ ላዔዋ ሂንቴንቱኮ ሲማና» ያጊዴ ኤፌሶናፔ ማርካቢያን ቤዳ።  
\v 22 ቂሳሪያ ጋኬዳ ዎዴ ዬሩሳላሜ ቢዴ፥ ኣማኒያ ኣሳ ሳሮቴዳዋፔ ጉዪያን፥ ኣንፆኪያ ዎዳ። 
\p  
\v 23 ያኒ ኣማሬዳ ዎዲያ ጋሚዒዴ ቤዳ፤ ካሊያዋንታ ኡባ ሚኒሲዴ፥ ጋላቲያናኔ ፒርጊያና ኣዳ። 
\s1 ኣጲሎሲ ኤፌሶናኔ ቆሮንቶሳ ቤዳ 
\p  
\v 24 ኢስኪንዲሪያን ዬሌቴዳ ኣዪሁዳ ኣሳ ኢቲ ኣጲሎሳ ጊያ ሎዖ ሃሳዪያዌ ኤፌሶኔ ቤዳ፤ ፆሳ ማፃፋቱዋ ኢ ዳሪሲ ኤሪያ ኣሳ።  
\v 25 ጎዳ ኦጊያካ ታማሬዳ ኣሳ፤ ዮሃኒሳ ፂንቃታ ፃላላ ኤሪዴ፥ ኣያናን ባሬ ጋርሳን ኤፄቲዴ፥ ዬሱሳባ ሱሪሲዴ ሃሳዬዳኔ ታማርሴዳ።  
\v 26 ያቲዴ ኣዪሁዳ ዎሳ ጎሊያን ያዬናን ሃሳያ ዶሜዳ። ጲሪስቂላይኔ ኣቂላይ ኢ ኦዲያዋ ሲሴዳ ዎዴ፥ ባሬንቱና ሶይ ኣ ኣፊዴ፥ ፆሳ ኦጊያ ካሴፔ ሱሪሲዴ፥ ኣው ጌሺ ኦዴዲኖ። 
\p  
\v 27 ኣጲሎሲ ኣካዪያ ፒናና ኮዪና፥ ኢሻቱ ኣ ሚኒሲዴ፥ ኣካዪያን ዴዒያ ካሊያዋንቱ ኣ ሞካና ማላ፥ ኡንቱንቶ ዳቢዳቢያ ፃፌዲኖ፤ ኢ ያ ጋኪዴ፥ ፆሳ ኣ ኬካቴን ኣማኒያዋንታ ዳሮ ማዴዳ።  
\v 28 ኣዪሲ ጎፔ፥ ዬሱሲ ባሬ ሁጴው ኪሪስቶሳ ጊዴዳዋ ኣዪሁዳቱዋሲ ፆሳ ማፃፋቱዋፔ ቆንጪሲዴ፥ ኣሳ ሲንን ሚኒሲዴ ኦዴዳ። 
\c 19  
\s1 ጳዉሎሲ ኤፌሶኔ ቤዳ 
\p  
\v 1 ኣጲሎሲ ቆሮንቶሳን ዴዒሺን፥ ጳዉሎሲ ቆሞ ባጋና ኣዴ፥ ኤፌሶኔ ቤዳ፤ ኢቲ ኢቲ ካሊያዋንታ ዴሜዳ።  
\v 2 ጳዉሎሲ ኡንቱንታ፥ «ሂንቴንቱ ኣማኔዳ ዎዴ ጌሻ ኣያና ኣኬዲቴ?» ያጊዴ ኦቼዳ። 
\p ኡንቱንቱ፥ «ቱይቲ፥ ኣኪቤይኮ፤ ሃራይ ኣቶ፥ ጌሻ ኣያናይ ዴዒያዋካ ሲሲቤይኮ» ያጌዲኖ። 
\p  
\v 3 ጳዉሎሲ ኡንቱንታ፥ «ያቲና፥ ኣያን ፃማቄቴዲቴ?» \f + \fr 19:3 \fq ኣያን ፃማቄቴዲቴ? \ft ሃዋ ጉሳይ ኦ ሱንን ፃማቄቴዲቴ፥ ጉሳ።\f* ያጌዳ። 
\p ኡንቱንቱ፥ «ኑኒ ዮሃኒሳ ፂንቃታኒ ፃማቄቴዶ» ያጊዴ ዛሬዲኖ። 
\p  
\v 4 ጳዉሎሲ፥ «ዮሃኒሲ ባሬፔ ጉዪያን ዪያ ዬሱሲ ኪሪስቶሳን ኣሳይ ኣማናና ማላ፥ ኣሳሲ ኦዲዴ፥ ናጋራፔ ሲሚያ ፂንቃታኒ ፃማቄዳ» ያጌዳ። 
\p  
\v 5 ኡንቱንቱ ሄዋ ሲሴዳ ዎዴ፥ ጎዳ ዬሱሲ ኪሪስቶሳሲ ጊዳናው ፃማቄቴዲኖ።  
\v 6 ጳዉሎሲ ባሬ ኩሺያ ኡንቱንቱ ቦላ ዎዳ ዎዴ ጌሻ ኣያናይ ኡንቱንቱ ቦላን ዎና፥ ዱማ ዱማ ቃላን ሃሴዬዲኖ፤ ቃሲ ቲምቢቲያካ ኦዴዲኖ።  
\v 7 ሄዋን ታማኔ ላዑ ኣሳቱዋ ጊዲያዋንቱ ዴዒኖ። 
\p  
\v 8 ጳዉሎሲ ኣዪሁዳ ዎሳ ጎሌ ጌሊዴ፥ ፆሳ ካዉቴባ ፓሉሜቲዲኔ ኣኬኪሲዴ፥ ኣሳና ሄዙ ኣጌና ጊዲያዋ ኬና ያዬናን ሃሳዬ።  
\v 9 ሺን ኡንቱንቱፔ ኢቱ ኢቱ ማካሊዴ፥ ጮራ ኣሳ ሲንን ጎዳ ኦጊያ ቦሪዴ ኣማኔናን ኢፂና፥ ጳዉሎሲ ኡንቱንቱፔ ሻኬቲ፥ ባሬና ካሊያዋንታ ባሬናና ኣፌዳ፤ ፂራኖሳ ጊያ ቲሚርቴ ጎሊያን ኡባ ጋላሲ ፓሉሜቴ።  
\v 10 ጳዉሎሲ ላዑ ላይ ጋካናው ቃላ ኦዴዳ፤ ሄዋ ዲራው፥ ኢሲያን ዴዒያ ኣሳይ ኡባይ፥ ኣዪሁዳቱካ ኣዪሁዳ ጊዴናዋንቱካ ጎዳ ቃላ ሲሴዲኖ። 
\s1 ፆሳይ ጳዉሎሳ ኩሺያን ኦዳ ኦራባ 
\p  
\v 11 ፆሳይ ጳዉሎሳ ባጋና ዱማ ማላታ ኦዳ።  
\v 12 ሄዋ ዲራው፥ ኣሳይ ኣ ቦላይ ቦቼዳ ማራቢያ ዎይ ማዩዋ ሃርጋንቻቱዋሲ ኣፌ፤ ሃርጋንቻቱካ ፓፂኖ፤ ኢታ ኣያናቱካ ኡንቱንቱፔ ኬሲኖ። 
\p  
\v 13 ኢታ ኣያናቱዋ ኬሲዴ ዩዪያ ኣዪሁዳቱዋፔ ኢቱ ኢቱ፥ «ጳዉሎሲ ቃላ ኦዲያ ዬሱሳ ሱንን ኑኒ ሂንቴንታ ኬሲቴ ጊዴ ኣዛዜቶ» ያጊዴ፥ ኢታ ኣያናቱ ዴዒያ ኣሳቱዋ ቦላን ጎዳ ዬሱሳ ሱን ፄሲ ቤዔዲኖ።  
\v 14 ቄሳቱዋ ካፑዋ ኣስቄዋ ጊያ ኢቲ ኣዪሁዳ ቢታኒያሲ ሄዋ ኦዳ ላፑ ናናይ ዴዒኖ። 
\p  
\v 15 ኢታ ኣያናይ ኡንቱንቶ ዛሪዴ፥ «ታኒ ዬሱሳ ኤራይ፤ ጳዉሎሳካ ኤራይ። ሺን ሂንቴንቱ ኦኔ?» ያጌዳ። 
\p  
\v 16 ኢታ ኣያናይ ዴዒያ ቢታኒ ኡንቱንቱ ቦላ ጉፒ ዎና፥ ኡንቱንቱ ማሱንፂዴ፥ ሄ ጎሊያፔ ካሎ ዎፃና ጋካናሲ፥ ዎልቃሚዴ ፆኔዳ።  
\v 17 ኤፌሶኔን ዴዒያ ኣዪሁዳቱኔ ኣዪሁዳ ጊዴናዋንቱ ኡባይ ሄዋ ሲሲዴ ኡባይ ዳሮ ያዬዲኖ፤ ጎዳ ዬሱሳ ሱንይካ ዳሮ ቦንቼቴዳ።  
\v 18 ኣማኒያዋንቱፔ ጮራ ኣሳቱ ባሬንቱ ኦዳዋ ፓፂዲኔ ቆንጪያን ኦዲዴ ዪኖ።  
\v 19 ቢቲያዋንቱፔ ጮራቱ ባሬንቱ ማፃፋቱዋ ሺሺዴ፥ ኣሳ ኡባ ሲንን ጉዴዲኖ፤ ሄ ማፃፋቱዋ ጋቲያ ሄቲያ ዎዴ፥ ኢሻታሙ ሻዓ ቢራ ሳንቲሚያ ጊዴዳ።  
\v 20 ሄዋ ማላ ዎልቃማ ኦጊያን ፆሳ ቃላይ ዲጬኔ ኣኬ። 
\s1 ኤፌሶኔ ካታማን ዋላሳይ ዴንዴዳ 
\p  
\v 21 ሄዌ ፖሌቴዳዋፔ ጉዪያን ጳዉሎሲ፥ «ታኒ ዬሩሳላሜ ባዴ ሮሜካ ቃሲ ቤዓናው ቤሴ» \f + \fr 19:21 \ft ጳዉሎሲ ሃዋ ኣያና ጌሻን ካሌሴቲዴ ሃሳዬዳዋ።\f* ያጊዴ፥ ማቂዶኒያናኔ ኣካዪያና ኣዴ፥ ዬሩሳላሜ ባናው ቆፋ ቃቼዳ።  
\v 22 ቃሲ ባሬና ማዲያዋንቱፔ ላዓቱዋ ፂሞቶሳኔ ኤራስፆሳ ማቂዶኒያ ኪቲዴ፥ ባሬው ኢሲያን ኣማሬዳ ዎዲያ ጋሚዔዳ። 
\p  
\v 23 ጎዳ ኦጊያ ዲራው፥ ሄ ዎዴ ዳሮ ዋላሳይ ኬሴዳ።  
\v 24 ኣዪሲ ጎፔ፥ ፃጋራ ቢራ ሙሺሲዴ ቲጊ ሜያ ዲሜፂሮሳ ጊያ ኢቲ ቢታኒ ኣርፄሚሲ ጌሻ ጎሊያ ሚሲሊያ ቢራፔ ቲጊ ቲጊዴ፥ ኦሳንቻቱዋሲ ዳሮ ዎያ ዴሜ።  
\v 25 ሄዋንታኔ ኡንቱንቱዋ ማላ ኦሱዋ ኦያዋንታ ኢቲፔ ሺሺዴ፥ ሃዋዳን ያጌዳ፤ «ኣሳው፥ ኑ ዱሬቴይ ሃ ኦሱዋና ጊዲያዋ ሂንቴ ኤሪታ።  
\v 26 ሄዌ ጳዉሎሲ፥ ‹ኣሳ ኩሺ ሜዳዋንቱ ፆሳቱዋ ጊዲኪኖ› ያጊዴ፥ ኤፌሶኔ ፃላላን ጊዴናን ኣማሬዳ ጋዳቱዋፔ ኣቲን፥ ኢሲያን ኡባን ጮራ ኣሳሲ ኦዲ ኣማንዳዋ ሂንቴንቱ ቤዔዲታኔ ሲሴዲታ።  
\v 27 ሎዔናባይ፥ ኑ ኦሱ ካታናዋ ፃላላ ጊዴና፤ ሺን ኢሲያን ዴዒያ ኡባቱኔ ሳዓ ኡባን ዴዒያዋንቱ ጎዪኒያ ዎልቃማ ፆሳቶ ጌቴቲያ ኣርፄሚሲ ጌሻ ጎሊ ቦንቼቴናን ኣታናዋኔ፥ ኢዚ ዳሮቴይ ኩንዳናዋ» ያጌዳ። 
\p  
\v 28 ኣሳይ ሄዋ ሲሴዳ ዎዴ ሎይ ሃንቄቲዴ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ።  
\v 29 ካታማ ኡባን ዋላሳይ ዴንዴዳ፤ ጳዉሎሳና ሃሜቲያ ማቂዶኒያ ኣሳቱዋ ጋዮሳኔ ኣሪስፂሮኮሳ ባሬንቱና ኦይቂ ኣኪዴ፥ ኢቲፔ ካሳ ሳዓ ዎፄዲኖ።  
\v 30 ጳዉሎሲካ ኣሳይ ሺቄዳሳ ጌላናው ኮዬዳ። ሺን ካሊያዋንቱ ኣ ዲጌዲኖ።  
\v 31 ኢሲያ ጋዲያ ካፓቱዋፔ ጳዉሎሳ ላጌቱዋፔ ኢቱ ኢቱ ጳዉሎሳው ኪቲዴ፥ ካሳ ሳዓን ቆንጪያ ኬሲዴ ኢ ቤቴና ማላ፥ ኣ ዎሴዲኖ። 
\p  
\v 32 ሺቁዋን ዋላሳይ ዴንዲና፥ ዳሪያ ባጋ ኣሳይ ሃራይ ኣቶ ኣዪሲ ሺቄዴንቶ ኤሬና ዲራው፥ ኢቱ ኢቲባው ዋላቄቲያ ዎዴ፥ ዮኩ ቃይ ሃራባው ዋላቄቴ።  
\v 33 ኣዪሁዳቱ ኢስኪንዲራ ኣ ቤሲና፥ ኢቲ ኢቲ ኣሳይ ኢ ሃሳያና ማላ፥ ኣሳ ጊዶፔ ሲንው ኣ ኣዳ፤ ኣሳይ ጮዑ ጋና ማላ፥ ኢ ባሬ ኩሺያን ፆርሲ ቤሲዴ፥ ኣሳሲ ሞቴታናው ኮዬዳ።  
\v 34 ሺን ኢስኪንዲሬ ኣዪሁዳ ኣሳ ጊዴዳዋ ኣሳይ ኤሬዳ ዎዴ፥ ላዑ ሳቴ ጊዲያዋ ኬና ኡባይ ኢቲ ቃላን፥ «ኤፌሶኔ ኣርፄሚሳ ዎልቃማ» ያጊዴ ጫቦቴዲኖ። 
\p  
\v 35 ካታማው ፃፌ ጊዴዳዌ ኣሳ ጮዑ ኦዴ፥ ሃዋዳን ያጌዳ፤ «ኤፌሶኔ ኣሳው፥ ኤፌሶኔ ካታማይ ዎልቃማ ኣርፄሚሲሲኔ ሳሉዋፔ ዎዳ ኤቃ ሹቻሲ ኤቃ ጎሊያ ናጊያዋ ጊዴዳዋ ኤሬና ኣሳይ ኦኔ?  
\v 36 ሃዋ ካዲያ ኣሳይ ባይና ዲራው፥ ሂንቴንቱ ዎፑ ጋናዉኔ ዲርቤናን ኣጋናው ቤሴ።  
\v 37 ኣዪሲ ጎፔ፥ ሃዋንቱ ጌሻ ጎሊያ ሚሻ ዉዒቤናዋንታ ኑ ፆሳቱዋካ ቦሪቤናዋንታ ኣሄዲታ።  
\v 38 ሄዋ ዲራው፥ ዲሜፂሮሲኔ ኣናና ዴዒያ ኦሳንቻቱ ኣሳ ሞታናው ኮዮፔ፥ ፒርዳ ጎሊ ዶያ ዴዔ፤ ቃሲ ጋዲያ ሞዲያዋንቱካ ዴዒኖ፤ ኡንቱንቱ ባሬንቱ ጊዶን ሞቴቲኖ።  
\v 39 ሺን ሂንቴ ሃራ ዬዉዋ ኮዮፔ፥ ሂጊያ ሺቁዋን ዬዉዋ ቃቻና።  
\v 40 ኣዪሲ ጎፔ፥ ሃቼ ሃኔዳዋ ሻቢሬ ጊዴ፥ ሮሜ ጋዲያ ኣሳቱ ኑና ሞታና፤ ሃ ሺቆካ ጋሱ ባዪና ዲራው፥ ኑኒ ጋሱዋ ኦዳናው ዳንዳዮኮ»  
\v 41 ያጊዴ ሺቁዋ ላሌዳ። 
\c 20  
\s1 ጳዉሎሲ ማቂዶኒያኔ ጊሪኬ ቤዳ 
\p  
\v 1 ዋላሳይ ኢርፄዳዋፔ ጉዪያን፥ ጳዉሎሲ ካሊያዋንታ ኣሂሲዴ ዞሬዳ፤ ኡንቱንታ፥ «ሳሩዋን ዴዒቴ» ጊዴ፥ ማቂዶኒያ ባናው ኬሴዳ።  
\v 2 ሄ ጋዲያና ኣዴ፥ ቃላ ኦዲዴ፥ ኣሳ ሎይ ሚኒሴዳዋፔ ጉዪያን፥ ጊሪኬ ጋዴ ዬዳ።  
\v 3 ኢ ሄዋን ሄዙ ኣጌና ኡቲዴ፥ ማርካቢያን ሶሪያ ባናው ቆፒሺን፥ ኣዪሁዳቱ ባሬና ዎናው ኮዪያዋ ቤዒዴ፥ ማቂዶኒያና ጉዬ ሲማናው ባሬ ቆፋ ቃቼዳ። 
\p  
\v 4 ጳዉሎሳ ሞዪዜዳዋንቱ፥ ቤሪያፔ ጳሪሃሳ ናዓ ሶሲጳፂሮሳ፥ ቴሴሎንቄፔ ኣሪስፂሮኮሳኔ ሲኮንዲሳ፥ ዴርቤፔ ጋዮሳኔ ኢሲያፔ ቲኪቆሳኔ ፂሮፊሞሳ፥ ቃሲ ፂሞቶሳ።  
\v 5 ሄዋንቱ ሲንው ቢዴ፥ ኑና ፂሮዓዳን ናጊኖ።  
\v 6 ኑኒ ኡኪ ባላ ጋላሳ ቦንቾዋፔ ጉዪያን፥ ፒሊጲሲዮሳ ጊያ ጋዲያፔ ማርካቢያን ዴንዲዴ፥ ኢቼሹ ጋላሳን ፂሮዓዳን ኡንቱንታ ጋኪዴ፥ ያኒ ላፑ ጋላሳ ኡቴዶ። 
\s1 ጳዉሎሲ ፂሮዓዳ ቤዳ 
\p  
\v 7 ኑኒ ዎጋ ጋላሲ \f + \fr 20:7 \fq ዎጋ ጋላሲ፡ \ft ግሪኪያ ማፃፋን፥ ሳምባታቱዋፔ ኢቱዋን ያጌ።\f* ኡኪ ሜንናው ሺቂዴዒሺን፥ ጳዉሎሲ ዎንቲና ባናው ቆፔዳ ዲራው፥ ኡንቱንቶ ቃላ ኦዲዴ፥ ቃማ ቢላሂ ጋካናው ዬዉዋ ኣዱሴዳ።  
\v 8 ኑኒ ሺቂ ኡቴዳ ፖቂያን ጮራ ፆምፒ ዴዔ።  
\v 9 ኤዉፂኮሳ ጊያ ኢቲ ዎዳላይ ማስኮቲያ ቦላ ኡቲዴ፥ ዳሪሲ ጌሚዒሼዳ። ጳዉሎሲ ሃሳያ ኣዱሴዳ ዎዴ፥ ኤዉፂኮሲ ጌሚዒሹዋን ሃይሬዳዌ ሄዜንያ ፖቂያፔ ሳዓን ኩንዲዴ ሃይቄዳዋ ኣሳይ ዴንዳ።  
\v 10 ሺን ጳዉሎሲ ዎዴ፥ ኣ ቦላ ጉፋኔዳ። ኣ ኢዲሚዴ፥ «ኣ ሼምፑ ኬሲቤና ዲራው ሂርጎፒቴ» ያጌዳ።  
\v 11 ያቲዴ ፑዴ ፖቂያ ኬሲዴ፥ ኡኪ ሜንዴ ሜዳ፤ ሳዓይ ዎንታና ጋካናሲ፥ ዳሮ ዎዲያ ሃሳዬዳዋፔ ጉዪያን ቤዳ።  
\v 12 ዎዳላይ ፓፂና፥ ሶይ ኣፊዴ፥ ዳሪሲ ናሼቴዲኖ። 
\s1 ጳዉሎሲ ፂሮዓዳፔ ሚሊፄ ቤዳ 
\p  
\v 13 ሺን ጳዉሎሲ ባሬና ያፔ ኑኒ ሞካና ማላ፥ ኑሲ ኦዴዳ ዲራው፥ ካሴቲዴ ማርካቢያኮ ቢዴ፥ ኣሶሳ ባናው ዴንዴዶ፤ ኣዪሲ ጎፔ፥ ጌዲያን ባናው ኢ ቆፔዳ ዲራው ኑና ሄዋዳን ኣዛዜዳ።  
\v 14 ኢ ኑናና ኣሶሳን ጋኬቲና፥ ማርካቢያን ኣ ኣኪዴ ሚፂሊኔ ዬዶ።  
\v 15 ዎንቴ ጋላሲ ያፔ ማርካቢያን ዴንዲዴ፥ ኪዮሳ ሄራ ጋኬዶ፤ ቃሲ ዎንቴ ጋላሲ ሳሞሳ ፒኔዶ፤ ቲሮጊሊዮሜን ኣቂዴ፥ ዎንቲና ሚሊፄ ዬዶ።  
\v 16 ኣዪሲ ጎፔ፥ ጳዉሎሲ ኢሲያን ዳሪ ጋሚዔናን ኤፌሶኔ ላንቂያና ኣናው ባሬ ቆፋ ቃቼዳ፤ ባሬው ዳንዳዬቶፔ፥ ጴንፄቆስቴ ጌቴቲያ ጋላሲ ዬሩሳላሜ ጋካናው ኤሌሌ። 
\s1 ጳዉሎሲ ኤፌሶኔ ጪማቶ ዉርሴ ሃሳያ ሃሳዬዳ 
\p  
\v 17 ጳዉሎሲ ሚሊፄፔ ኤፌሶኔ ኪቲዴ፥ ኣማኒያ ኣሳ ካሌያዋንታ ፄጊሴዳ።  
\v 18-19 ዎሳ ጎሌ ጪማቱ ጳዉሎሳኮ ዪና፥ ኡንቱንታ ኢ ሃዋዳን ያጌዳ፤ «ታኒ ኢሲያ ጌሌዳ ኮይሮ ጋላሳፔ ዶሚን፥ ካዉሻቴኒኔ ዳሮ ኣፎኒ ጎዳሲ ኦዴ፥ ኣዪሁዳቱዋ ሺቁዋፔ ታና ጋኬዳ ፓጬ ጊዴዳ ዎዲያ ኡባን ሂንቴንቱና ዋናዴ ዴዓዲታንቶ ሂንቴንቱ ኤሪታ።  
\v 20-21 ናጋራፔ ፆሳኮ ሲሚያዋኔ ኑ ጎዳ ዬሱሲ ኪሪስቶሳ ኣማኒያዋ ኣዪሁዳቱዋሲኔ ኣዪሁዳ ጊዴናዋንቶ ማርካታዴ፥ ሺቁዋንካ ሂንቴንቱ ጎሌን ጎሌንካ ሂንቴንቶ ኦዳዴ ታማሪሴዳዋፔ ኣቲን፥ ሂንቴንታ ጎዒያባፔ ኢቲባኔ ፓጪሳ ቤይኬ። 
\p  
\v 22 «ቤዒቴ፤ ሃዒካ ታኒ ጌሻ ኣያናሲ ኣዛዜታዴ፥ ዬሩሳላሜ ባይ፤ ያኒ ታው ኣዬ ኬሳኔንቶኔ ኤሪኬ።  
\v 23 ጌሻ ኣያናይ ቃሹኔ ዋዪ ታና ናጊያዋ ካታማ ኡባን ታው ኦዴ።  
\v 24 ሺን ታ ዎ ፖላናዉኔ ጎዳ ዬሱሲ ኪሪስቶሳፔ ታኒ ኣኬዳ ኦሱዋ ፆሳ ኣ ኬካቴ ዎንጋላ ሚሺራቹዋ ማርካቲያዋ ፖላናው፥ ታ ሼምፑዋ ማዴናዋዳን ፓይዳይ። 
\p  
\v 25 «ቤዒቴ፤ ታኒ ሃዒካ ፆሳ ካዉቴባ ኦዳዴ፥ ሂንቴንቱ ኡባ ጊዶን ዩያዲ፤ ሲሚ ሃዋፔ ሲንው ሂንቴንቱፔ ኦኒኔ ታና ቤዔናዋ ኤራይ።  
\v 26 ሄዋ ዲራው፥ ሂንቴንቱፔ ኢቲ ኡራይ ባዮፔካ ታኒ ሄዋን ጌሌናዋ ሃቼ ሂንቴንቶ ጌሻዴ ኦዳይ።  
\v 27 ኣዪሲ ጎፔ፥ ፆሳይ ኦናው ቆፔዳዋ ኡባ ሂንቴንቶ ኣይኔ ኣሼናን ኦዳዲ። 
\p  
\v 28 «ዬሱሲ ባሬ ሱን ዎዜዳ ፆሳ ኣማኒያዋንታ ናጊቴ፤ ቃሲ ጌሻ ኣያናይ ሂንቴንታ ካፓቱዋ ኦዴ ሱንዳ ዉዲያ ኡባኔ ሂንቴንቱ ሁጲያ ናጊቴ።  
\v 29-30 ታኒ ቤዳዋፔ ጉዪያን፥ ዉዲያሲ ቃሬቴና ኢታ ዎራካናቱ ሂንቴንቱ ጊዶ ጌላናዋንታኔ፥ ካሊያዋንታ ባሬንቱ ጌዱዋ ካሌናው ዎርዱዋ ሃሳዪያ ኣሳቱ ሂንቴንቱ ጊዶፔ ዴንዳናዋ ኤራይ።  
\v 31 ሄዋ ዲራው፥ ታኒ ሄዙ ላይ ቃማኔ ጋላሳ ኣፎኒ ሂንቴንታ ሁጲያን ሁጲያን ሚኒሲያዋ ኣጋቤናዋ ቆፒዴ ጌንጪቴ። 
\p  
\v 32 «ሃዒካ ሂንቴንታ ሚኒሳናዉኔ ጌሻ ኣሳ ኡባ ጊዶን ላቲሳናው ዳንዳዪያ ፆሳሲኔ ኣ ኣ ኬካቴ ቃላሲ ሂንቴንታ ሃዳራ ኢማይ። 
\p  
\v 33 «ታኒ ኦፔኔ ቢራ ዎይ ዎርቃ ዎይ ማዩዋ ኣሞታቤይኪ፤  
\v 34 ታኒ ሃ ታ ኩሺያን ታናኔ ታናና ኢቲፔ ዴዒያዋንታ ኮሼዳዋ ኦዳዋ ሂንቴንቱ ሂንቴንቱ ሁጴው ኤሪታ።  
\v 35 ሂንቴንቱ ሃዋዳን ዳቡሪ ኦዴ፥ ዳቡራንቻቱዋ ማዳናሲኔ ጎዳ ዬሱሲ ባሬ ሁጴው፥ ‹ኣኪያዋፔ ኢሚያዌ ኣንጄቴዳዋ› ጌዳዋዳን፥ ኣ ቃላ ሂንቴንቱ ዎዛና ኣናው ቤሲያዋ ታኒ ጮራ ኦጊያን ሂንቴንታ ቤሳዲ» ያጌዳ። 
\p  
\v 36 ጳዉሎሲ ሄዋ ሃሳይ ዉርሲዴ፥ ኡንቱንቱ ኡባና ኢቲፔ ጉልባቲዴ፥ ፆሳ ዎሴዳ።  
\v 37 ኡንቱንቱ ኡባይ ጳዉሎሳ ኢዲሚዴ፥ ዬኪዴ ዬሬዲኖ።  
\v 38 ኡባፔ ኢ፥ «ታና ላዔዋ ኡባካ ቤዒኪታ» ያጌዳ ቃላይ ኡንቱንታ ዳሮ ቃሬና ማርካቢያ ጋካናው ኣ ሞዪዜዲኖ። 
\c 21  
\s1 ጳዉሎሲ ዬሩሳላሜ ቤዳ 
\p  
\v 1 ኑኒ ኤፌሶኔ ጪማቱዋፔ ሻኬቲዴ፥ ቆሳ ጌቴቲያ ሃን ዶዴቶ ሳዓ ዪ ኣጌዶ፤ ዎንቲሳ ጋላሲ ሮዳ ጋኬዶ፤ ሄዋፔ ጳፂራ ቤዶ።  
\v 2 ፒንቄ ፒኒያ ማርካቢያ ዴሚዴ፥ ኣኒ ጌሊዴ ባናው ዴንዴዶ።  
\v 3 ኑኒ ቆጲሮሳፔ ቤዓናው ዳንዳዪያሳ ዪዴ፥ ኣዋይ ኬሲያሳ ፄሊያ ዎዴ ቆጲሮሳ ሃዲርሳ ባጋ ዬጊዴ፥ ሶሪያ ቤዶ፤ ሄዋፔ ጉዪያን ፂሮሳ ጋኬዶ፤ ኣዪሲ ጎፔ፥ ማርካቢ ባሬ ጫና ፂሮሳን ዎ።  
\v 4 ያኒ ካሊያዋንታ ዴሚዴ፥ ኡንቱንቱና ላፑ ጋላሳ ኡቴዶ፤ ጳዉሎሲ ዬሩሳላሜ ቤና ማላ፥ ኡንቱንቱ ኣው ኣያናን ኦዴዲኖ።  
\v 5 ኑኒ ኡንቱንቱና ኡቲያ ዎዲ ዉሪና፥ ኬሲዴ ቤዶ፤ ኡንቱንቱ ኡባቱ ባሬንቱ ማጫዋንቱናኔ ባሬንቱ ናናና ኢቲፔ ካታማፔ ካሬው ኬሳና ጋካናሲ፥ ኑና ሞዪዜዲኖ፤ ኑኒ ኣባ ዶናን ጉልባቲዴ፥ ፆሳ ዎሴዶ።  
\v 6 ሄዋፔ ጉዪያን፥ ኢቱ ኢቱዋ ሳሮቲዴ፥ ማርካቢያን ጌሌዶ፤ ኡንቱንቱ ባሬንቱ ሶይ ሲሜዲኖ። 
\p  
\v 7 ኑኒ ኣባ ኦጊያ ዉርሲዴ፥ ፂሮሳፔ ጴፄሌማይሴ ጋኬዶ፤ ኢሻቱዋ ሳሮቲዴ፥ ኡንቱንቱ ማታን ኢቲ ጋላሳ ፔሼዶ።  
\v 8 ዎንቲሳ ጋላሲ ኬሲዴ፥ ቂሳሪያ ቤዶ፤ ዎንጋላ ሚሺራቹዋ ኦዲያ ፒሊጶሳ ሶይ ጋኪዴ፥ ኣ ማታን ኡቴዶ፤ ዬሩሳላሜን ዶሬቴዳ ላፑናቱዋፔ ኢ ኢቱዋ።  
\v 9 ፒሊጶሳሲ ናባቱዋ ጊዴዳ ኦይዱ ዎዶሮ ማጫ ናናቱ ዴዒኖ። 
\p  
\v 10 ኑኒ ኡንዴኔዳ ጋላሳ ኡቴዳ ዎዴ፥ ናቢያ ኣጋቦሳ ጊያ ቢታኒ ዪሁዳፔ ቂሳሪያ ዬዳ።  
\v 11 ኑኮ ዪዴ፥ ጳዉሎሳ ሳቂያ ኣኪዴ ባሬ ኩሺያኔ ባሬ ጌዲያ ቃቺዴ፥ «ጌሻ ኣያናይ ጊያዌ ሃዋ፤ ሃ ሳቂያ ጎዳ ዬሩሳላሜን ኣዪሁዳቱ ሃዋዳን ቃቺዴ፥ ኣዪሁዳ ጊዴና ኣሳቱዋሲ ኣዴ ኢማና» ያጌዳ። 
\p  
\v 12 ኑኒ ሄዋ ሲሴዳ ዎዴ፥ ኑኒኔ ያኒ ዴዒያ ኣሳቱ ጳዉሎሲ ዬሩሳላሜ ቤና ማላ ዎሴዶ።  
\v 13 ሺን ጳዉሎሲ ዛሪዴ፥ «ሂንቴንቱ ዬኪዴኔ ታ ዎዛና ቃሬቲሲዴ ዋኒቴ? ታኒ ጎዳ ዬሱሳ ሱን ዲራው ቃሼታናዋ ፃላላ ጊዴናን፥ ሃራይ ኣቶ ዬሩሳላሜን ሃይቃናዉካ ጊጋ ኡታዲ» ያጌዳ። 
\p  
\v 14 ዞሪያ ኢ ኣኬናን ኢፂና፥ «ጎዳይ ጌዳዌ ሃኖ» ያጊዴ ጮዑ ጌዶ። 
\p  
\v 15 ያኒ ኣማሬዳ ዎዲያ ጋሚዔዳዋፔ ጉዪያን፥ ጊጌቲዴ ዬሩሳላሜ ባናው ኬሴዳ።  
\v 16 ቂሳሪያን ዴዒያ ካሊያዋንቱፔ ኣማሬዳዋንቱ ቃሲ ኑናና ቤዲኖ፤ ኡንቱንቱ ኑኒ ኣቃናሳ ሚናሶና ጊያ ቆጲሮሳ ቢታኒያ ሶይ ኑና ኣፌዲኖ፤ ሚናሶኒ ዳሮ ዎዲያፔ ዶሚዴ ካሊያዋ። 
\s1 ጳዉሎሲ ዬሩሳላሜን ያዪቆባ ኦቼዳ 
\p  
\v 17 ኑኒ ዬሩሳላሜ ጋኬዳ ዎዴ፥ ኢሻቱ ኑና ናሼቻን ሞኬዲኖ።  
\v 18 ዎንቲሳ ጋላሲ፥ ጳዉሎሲኔ ኑኒ ያዪቆባና ጋኬታናው ቤዶ። ዎሳ ጎሌ ጪማቱ ኡባቱካ ዴዒኖ።  
\v 19 ጳዉሎሲ ኡንቱንታ ሳሮቴዳዋፔ ጉዪያን፥ ኣዪሁዳ ጊዴና ኣሳ ጊዶን ባሬ ባጋና ፆሳይ ኦዳዋ ኡንቱንቶ ዉርሲዴ ኦዴዳ። 
\p  
\v 20 ኡንቱንቱ ሄዋ ሲሴዳ ዎዴ ፆሳ ጋላቲዴ፥ ጳዉሎሳ ሃዋዳን ያጌዲኖ፤ «ኑ ኢሻው፥ ኣዪሁዳቱዋ ጊዶን ፆሳ ኣማኔዳዋንቱፔ ኣፑን ሻዓይ ዴዒኖንቶ ቤዓሳ፤ ኡንቱንቱ ኡባይ ሂጊያ ሚኒሲ ናጊኖ።  
\v 21 ዬሩሳላሜ ኣዪሁዳቱ፥ ኣዪሁዳ ጊዴናዋንቱ ጋዲያን ዴዒያ ኣዪሁዳ ኡባቱ ባሬንቱ ናና ቃፃሬና ማላ፥ ዎይ ኣዪሁዳቱ ኦያዋ ካሌና ማላ፥ ሙሴ ሂጊያካ ባዪዛና ማላ ኔኒ ታማርሲያዋ ሲሴዲኖ።  
\v 22 ያቲና፥ ኣዬ ሎዑ? ኔኒ ዬዳዋ ጮራቱ ሲሲያ ዲራው፥ ሺቄናን ኣጊኪኖ። 
\p  
\v 23 «ሄዋ ዲራው፥ ሃዋ ኑኒ ኔው ኦዲያዋ ኦ፤ ኢቲፔ ሺቁ ዴዒያ ኦይዱ ኣሳቱ ኑ ማታን ዴዒኖ። \x - \xo 21:23 \xt ፓይ 6፡13-21\x* 
\v 24 ኡንቱንታ ኣካዴ ኡንቱንቱና ጌያ፤ ቃሲ ኡንቱንቱ ባሬንቱ ሁጲያ ሜዴታና ማላ፥ ኡንቱንቶ ሚሻ ኢማ፤ ኡንቱንቱ ኡባይ ኔዋ ሲሴዳዌ ቱማ ጊዴናዋኔ ኔኒ ኔ ሁጴዉካ ቃሲ ሙሴ ሂጊያ ናጋዴ ማራን ዴዒያዋ ኤራና። 
\p  
\v 25 «ሺን ኣማኔዳ ኣዪሁዳ ጊዴና ኣሳቱዋ ጊዶፔ፥ ኡንቱንቱ ኤቃው ያርሼዳዋ ሜና ማላኔ ሱ ኡሼና ማላ፥ ባኩቴዳ ሜሂያ ኣሹዋ ሜና ማላኔ ዎሹሜና ማላ፥ ኑኒ ዬዉዋ ቃቺዴ፥ ኡንቱንቶ ዳቢዳቢያ ፃፌዶ» ያጌዲኖ። 
\p  
\v 26 ሄዋፔ ጉዪያን፥ ጳዉሎሲ ዎንቲሳ ጋላሲ ኣሳቱዋ ኣኪዴ፥ ኡንቱንቱና ጌዬዳ፤ ኢ ባሬንታ ጌሹሳ ኣዉዴ ፖሊንቶ ኤሪሳናዉኔ ቃሲ ያርሹዋ ሁጲያን ሁጲያን ኣዉዴ ኢማኔንቶ ኤሪሳናው ጌሻ ጎሊያ ጌሌዳ። 
\s1 ጳዉሎሲ ጌሻ ጎሊያን ኦይቄቴዳ 
\p  
\v 27-28 ላፑ ጋላሳይ ዉራና ሃኖዴ፥ ኢሲያፔ ዬዳ ኣዪሁዳቱ ጌሻ ጎሊያን ጳዉሎሳ ቤዒዴ፥ ኣሳ ኡባ ሃንቄዴ፥ «ኢስራዔሊያ ኣሳው፥ ኑና ማዲቴ፤ ኢስራዔሊያ ኣሳ፥ ሙሴ ሂጊያኔ ሃ ጌሻ ጎሊያ ኢፂዴ፥ ኡባሳን ኣሳ ኡባ ታማሪሲያዌ ሃ ቢታኒያ፤ ጉጂዴ ቃሲ ጊሪኬ ኣሳካ ጌሻ ጎሊያ ጌሊሲዴ፥ ሃ ጌሻ ሳዓ ቱኒሴዳ» ያጊ ዋሲዴ፥ ጳዉሎሳ ኦይቄዲኖ።  
\v 29 ኡንቱንቱ ካሴ ኤፌሶኔን ዴዒያ ፂሮፊሞሳ ጳዉሎሳና ካታማን ቤዔዳ ዲራው፥ ጌሻ ጎሊያ ጳዉሎሲ ኣ ጌሊሴዳዋ ኡንቱንቶ ማላቴዳ። 
\p  
\v 30 ካታማ ኡባይ ሻቢሬቴዳ፤ ኣሳይ ኡባይ ሺቂዴ ጳዉሎሳ ኦይቂዴ፥ ጌሻ ጎሊያፔ ካሬው ጎቺ ኬሴዳ፤ ሄ ማንዒያንካ ጌሻ ጎሊያ ፔንጌቱ ቃሼቲ ኣጌዲኖ።  
\v 31 ኣሳይ ጳዉሎሳ ዎና ሃኒሺን፥ «ዬሩሳላሜ ካታማይ ሙሌካ ሻቢሬቲዲጌዳ» ጊያ ሃሳያይ ሮሜ ጋዲያ ኦላ ካፑዋሲ ጋኬዳ።  
\v 32 ሄ ኦላ ካፑ ዎታዳራቱዋኔ ፄታቱዋ ካፓቱዋ ኢቲፔ ኣኪዴ፥ ዎፂዴ ኣሳ ቦላ ኬሲ ዎዳ፤ ኣሳይ ኦላ ካፑዋኔ ዎታዳራቱዋ ቤዔዳ ዎዴ፥ ጳዉሎሳ ሾጪያዋ ባሺ ኣጌዳ። 
\p  
\v 33 ሄ ዎዴ፥ ሄ ኦላ ካፑ ሺቂ፥ ጳዉሎሳ ኦይቂዴ፥ ላዑ ሳንላታን ቃሼታና ማላ ኣዛዚዴ፥ ኢ ኦኔንቶኔ ቃሲ ኣያ ኦዴንቶኔ ኣሳ ኦቼዳ።  
\v 34 ኣሳፔ ባጋይ ኢቲባው ዋሲያ ዎዴ፥ ባጋይ ሃራባው ዋሴ፤ ዋሱ ጮሬዳ ዲራው፥ ኦላ ካፑዋሲ ቱሙዋ ኤራናው ዳንዳዬቴናን ኢፂና፥ ዎታዳራቱ ጳዉሎሳ ባሬንቱ ዴዒያሳ ኣፋና ማላ፥ ኡንቱንታ ኣዛዜዳ።  
\v 35 ዬዴ ኬሲያ ዴ ጳዉሎሲ ጋኬዳ ዎዴ፥ ኣሳ ሱጌ ዲራው፥ ዎታዳራቱ ኣ ቶኬዲኖ።  
\v 36 ኣዪሲ ጎፔ፥ ጮራ ኣሳይ፥ «ኣ ዎ!» ያጊዲኔ ዋሲዴ ካሌ። 
\s1 ጳዉሎሲ ሞቱዋሲ ዛሩዋ ኢሜዳ 
\p  
\v 37 ዎታዳራቱ ጳዉሎሳ ባሬንቱ ዴዒያሳ ኣፋና ሃኒሺን ጳዉሎሲ ኦላ ካፑዋ፥ «ታኒ ኔው ኢቲባ ኦዶ?» ያጌዳ። 
\p ሄ ኦላ ካፑ ጳዉሎሳ፥ «ኔኒ ጊሪኬ ቃላ ኤራይ?  
\v 38 ኔኒ ሃዋፔ ካሴ ዎዴ፥ ዋላሳ ኬሳዴ ሼምፑዋ ዎዳዋንቱፔ ኦይዱ ሻዓ ኣሳቱዋ ኣሳይ ባይና ሜላ ሳዓ ካሌዳ ጊብፄ ቢታኒያ ጊዲኪ?» ያጌዳ። 
\p  
\v 39 ሺን ጳዉሎሲ፥ «ታኒ ኣዪሁዳ ኣሳ፤ ቃሲ ኪልቂያን ዴዒያ ፄርሴሴን ዬሌቴዳ ሁጴ ካታማን ዴዒያ ኣሳ። ሃያና ታና ኣሳሲ ሃሳዪሳሪኪ!» ያጌዳ። 
\p  
\v 40 ኦላ ካፑ ኣ፥ «ሃሳያ» ያጊና፥ ጳዉሎሲ ዬዴ ኬሲያ ዴን ኤቂዴ፥ ኣሳይ ጮዑ ጋና ማላ፥ ባሬ ኩሺያን ኣሳኮ ፆርሴዳ። ኣሳይ ጮዑ ጊና፥ ኢብራዪስፄ ቃላን ሃሳዪዴ፥ ሃዋዳን ያጌዳ። 
\c 22  
\p  
\v 1 «ታናዳን ኣማኒያዋንቶ፥ ታ ኣዋቶ፥ ታኒ ሃዒ ሂንቴንቶ ኦዲያ ዬዉዋ ሲሲቴ!»  
\v 2 ጳዉሎሲ ኡንቱንቶ ኢብራዪስፄ ቃላን ሃሳዪያዋ ሲሲዴ፥ ካሴፔ ሎይ ጮዑ ጊና ኢ ሃዋዳን ያጌዳ። 
\p  
\v 3 «ታኒ ኪልቂያን ዴዒያ ፄርሴሴን ዬሌታዴ፥ ሃ ካታማን ጋማሊያሊ ታና ታማሪሲና ዲጫዴ፥ ኑ ኣዋቱዋ ሂጊያካ ሚኒሳ ታማራዴ፥ ሃቼ ሂንቴ ኡባይ ሃኒያዋዳንካ፥ ታኒ ፆሳ ዬዉዋሲ ሴሌቲያ ኣዪሁዳ ኣሳ።  
\v 4 ታኒ ማጫ ኣሳኔ ኣቱማ ኣሳ ኦይቃ ኦይቃዴ ቃሾ ጎሌን ዬጌዳ ኣሳኔ፥ ሃ ኦጊያ ካሊያ ኣሳ ዎሳና ጋካናሲ ሜቶዳ ኣሳ።  
\v 5 ሃዋዳንካ፥ ቃሲ፥ ቄሳቱዋ ኡባቱዋ ካፑኔ ጪማ ኡባ ሺቁ ታዋ ማርካታናው ዳንዳዬ፤ ታኒ ዳማስቆን ዴዒያ ኡንቱንቱ ኢሻቱዋ ኣዪሁዳቱዋሲ፥ ኡንቱንቱፔ ዳቢዳቢያ ኣካዴ፥ ሄዋን ዴዒያ ኣሳቱ ቃሼቲዴ ሙሬታናዳን፥ ዬሩሳላሜ ኡንቱንታ ኣሃናው ያ ባዲ። 
\s1 ጳዉሎሲ ኪሪስቶሳኮ ሲሜዳ ባሬ ሲማባ ኦዴዳ 
\r (ኪት 9፡1-19፤ 26፡12-18) 
\p  
\v 6 «ታኒ ባዴ ዳማስቆ ማቴዳ ዎዴ፥ ሴታ ጋላሳ ጊዲሺን፥ ቆፔናን ሳሉዋፔ ዎልቃማ ፖዑ ታ ማታን ዩዪ ኣዴ ፖዔዳ።  
\v 7 ታኒ ሳዓን ኩንዳ ኡታዴ፥ ‹ሳዖላ፥ ሳዖላ፥ ታና ኣያው ዬዴርሳይ?› ጊያ ቃላ ሲሳዲ። 
\p  
\v 8 «ታኒ ዛራዴ፥ ‹ታ ጎዳው፥ ኔኒ ኦኔ?› ያጋዲ። 
\p «ሄዋፔ ጉዬ፥ ‹ታኒ ኔኒ ዬዴርሲያ ናዚሬቲያ ዬሱሳ› ያጌዳ።  
\v 9 ታናና ኢቲፔ ዴዒያዋንቱ ፖዑዋ ቤዒዴ ያዬዲኖ፤ ሺን ታው ሃሳዪያዋ ቃላ ሲሲቤይኪኖ። 
\p  
\v 10 « ‹ታ ጎዳው፥ ታኒ ኣያ ኡዶ?› ያጋዲ። 
\p «ጎዳይ ታና፥ ‹ዴንዳዴ ዳማስቆ ባ። ኔኒ ኦናው ፆሳይ ቆፔዳ ኡባባይ ኔው ያኒ ኦዴታናዋ› ያጌዳ።  
\v 11 ሄ ዎልቃማ ፖዑዋ ዲራው፥ ታ ኣይፊ ቆቂና፥ ታናና ዴዒያ ኣሳቱ ታ ኩሺያ ኦይቂዴ፥ ታና ጎቺና፥ ዳማስቆ ጋካዲ። 
\p  
\v 12 «ዳማስቆን ዴዒያ ኣዪሁዳ ኡባይ ሎይ ቦንቺያ ኢቲ ሃናኒያ ጊያ ቢታኒ፥ ኑ ሂጊያሲ ኣዛዜቲዴ፥ ፆሳው ኢሜቴዳ ኣሳ።  
\v 13 ሃናኒ ታኮ ዪዴ፥ ታ ማታን ኤቂዴ ታና፥ ‹ታ ኢሻው ሳዖላ፥ ፄላ› ያጌዳ። ታኒ ሄ ዎዴ ሄ ማንዒያንካ ኣኮ ፄላ ኣጋዲ። 
\p  
\v 14 «ኢ ታና ሃዋዳን ያጌዳ፤ ‹ኑ ኣዋቱዋ ፆሳይ ኔኒ ኣ ቆፋ ኤራናው፥ ኣ ፂሎ ናዓ ቤዓናዉኔ ኣ ዶናፔካ ሃሳያ ሲሳናው ኔና ካሴና ዶሬዳ።  
\v 15 ኣዪሲ ጎፔ፥ ኔኒ ቤዔዳባኔ ሲሴዳባ ኣሳ ኡባ ሲንን ኣው ማርካታናሳ።  
\v 16 ሃዒካ ኣያው ጋሚዓይ? ዴንዳዴ ፃማቄታ፤ ኣ ሱን ፄሳዴ፥ ኔ ናጋራፔካ ሜጬታ› ያጌዳ። 
\p  
\v 17 «ታኒ ጉዬ ዬሩሳላሜ ሲማዴ ጌሻ ጎሊያን ዎሲሺን፥ ታ ኣያናን ጊዳዲ።  
\v 18 ጎዳይ ታና፥ ‹ኤሌላዴ፥ ዬሩሳላሜ ኬሳ ኣያው ጎፔ፥ ኔኒ ታው ሃዋን ማርካቲያዋ ኣሳይ ኣኬና› ያጊሺን ታኒ ኣ ቤዓዲ። 
\p  
\v 19 «ታኒ፥ ‹ታ ጎዳው፥ ኣዪሁዳ ዎሳ ጎሊያ ኡባን ኔና ኣማኒያዋንታ ኦይቃዴ ዋዳዋኔ ቃሾ ጎሊያን ዬጌዳዋ ኡንቱንቱ ኤሪኖ።  
\v 20 ኡንቱንቱ ኔ ማርካ ኢስፂፋኖሳ ዎያ ዎዴ፥ ታኒ ሄ ዬዉዋ ኤኖ ጋዲ። ቃሲ ኡንቱንቱ ሚዪያን ኤቃዴ፥ ኣ ዎያዋንቱ ማዩዋ ናጋይ› ያጌዳ። 
\p  
\v 21 «ጎዳይ ታና፥ ‹ታኒ ኔና ኣዪሁዳ ጊዴና ኣሳኮ ሃኮሳ ኪቲያ ዲራው ባ› ጌዳ» ያጌዳ። 
\s1 ጳዉሎሲ ሮሜ ኣሳ ጊዲያዋ ቆንጪሴዳ 
\p  
\v 22 ጳዉሎሲ ሄ ቃላ ሃሳያና ጋካናው ኣሳይ ኢ ጊያዋ ሲሴ፤ ሄዋፔ ጉዪያን፥ ባሬንቱ ኮሻ ቁ ኦዴ፥ «ሃዋ ጋዲያፔ ዪሳ፤ ኢ ዴዓናው ቤሴና» ያጌዲኖ። 
\p  
\v 23-24 ኡንቱንቱ ዋሲሺን፥ ባሬንቱ ማዩዋ ቦላው ኦሊሺኒኔ ባና ጫርኩዋን ላሊሺን፥ ኦላ ካፑ ዎታዳራቱ ጳዉሎሳ ባሬንቱ ዴዒያሳ ኣፋና ማላ ኣዛዜዳ። ቃሲ ኣሳይ ኣዪሲ ሄዋዳን ኣቦላ ዋሴዲኖንቶ ኤራናው፥ ጳዉሎሳ ሊሱዋን ሾጫና ማላ፥ ኡንቱንታ ኣዛዜዳ።  
\v 25 ሺን ዎታዳራቱ ጳዉሎሳ ዳፉዋን ሚኒሲ ቃቼዳ ዎዴ፥ ጳዉሎሲ ባሬ ማታን ኤቄዳ ፄታቱዋ ካፑዋ፥ «ሮሜ ጋዲያ ኣሳ ፒርዳይ ባይናን ሾጪያዌ ሂንቴንቶ ዎጌ?» ያጌዳ። 
\p  
\v 26 ሄዋ ፄታቱዋ ካፑ ሲሴዳ ዎዴ፥ ኦላ ካፑዋኮ ቢዴ፥ «ሃ ቢታኒ ሮሜ ኣሳ። ኔኒ ኣያ ኦና ቆፓይ?» ያጊዴ ኦቼዳ። 
\p  
\v 27 ኦላ ካፑ ጳዉሎሳኮ ሺቂዴ፥ «ኔኒ ሮሜ ኣሴ? ታው ኦዳ» ያጌዳ። 
\p ጳዉሎሲ፥ «ኤ» ያጌዳ። 
\p  
\v 28 ኦላ ካፑ ጳዉሎሳው ዛሪዴ፥ «ታኒ ሃ ዛሬቴ ዳሮ ሚሻን ሻማዲ» ያጌዳ። 
\p ሺን ጳዉሎሲ፥ «ታኒ ሄ ዜሬፔ ዬሌታዲ» ያጌዳ። 
\p  
\v 29 ሄዋ ዲራው፥ ጳዉሎሳ ቢዳናው ቆፔዳዋንቱ ማንዒያን ኣፔ ሻኬቲ ኣጌዲኖ። ኦላ ካፑካ ጳዉሎሲ ሮሜ ኣሳ ጊዴዳዋ ኤሬዳ ዎዴ ያዬዳ፤ ኣዪሲ ጎፔ፥ ሳንላታን ኣ ቃሺሲ ዎዳ። 
\s1 ጳዉሎሲ ኣዪሁዳቱዋ ሻንጋቱዋኮ ሺቄዳ 
\p  
\v 30 ዎንቴ ጋላሲ ኦላ ካፑ፥ ኣዪሁዳቱ ጳዉሎሳ ኣዪሲ ሞቴዲኖንቶኔ ጌሺዴ ኤራናው ኮዪዴ፥ ጳዉሎሳ ቢሌዳ። ያቲዴ ቄሳቱዋ ካፓቱኔ ኣሳይ ኡባይ ሺቃና ማላ ኣዛዜዳ፤ ቃሲ ጳዉሎሳ ዱጌ ዎዴ፥ ኡንቱንቱ ሲንን ኤሴዳ። 
\c 23  
\p  
\v 1 ጳዉሎሲ ሄዋን ሺቄዳ ኣሳ ጫዲ ፄሊዴ፥ «ታናዳን ኣማኒያዋንቶ፥ ታኒ ሃቼ ጋካናዉካ ፆሳ ሲንን ታ ዴዑዋ ኡባን ቲላ ዎዛናን ዴዓዲ» ያጌዳ።  
\v 2 ቄሳቱዋ ኡባቱዋ ካፑ ሃናኒ፥ ጳዉሎሳ ዶና ባቃና ማላ፥ ኣ ማታን ኤቄዳዋንታ ኣዛዜዳ።  
\v 3 ጳዉሎሲ ሄ ዎዴ ኣ፥ «ላ ሃ ቦሺንቻን ኦኬዳ \f + \fr 23:3 \fq ቦሺንቻን ኦኬዳ፡ \ft ኢቲ ኡራይ ሎዓ ማላታና ማላ ኦሱሳ፥ ሺን ጊዴና።\f* ጎዳው፥ ፆሳይ ኔና ባቃና። ኔኒ ታ ቦላ ሂጊያን ፒርዳናው ኡታዴ፥ ዎጋይ ባይናን ታና ባቃና ማላ ኣዛዛይ?» ያጌዳ። 
\p  
\v 4 ጳዉሎሳ ማታን ኤቄዳዋንቱ ኣ፥ «ኔኒ ፆሳ ቄሳቱዋ ኡባቱዋ ካፑዋ ቦራይ?» ያጌዲኖ። 
\p  
\v 5 ሄዋፔ ጉዬ ጳዉሎሲ፥ «ታናዳን ኣማኒያዋንቶ፥ ኢ ቄሳቱዋ ኡባቱዋ ካፑዋ ጊዴዳዋ ታኒ ኤራቤይኬ፤ ኣዪሲ ጎፔ፥ ‹ኔ ጋዲያ ሞዲያዋ ቦላ ኢታ ቃላ ሃሳዮፓ› ጌቴቲዴ ፆሳ ማፃፋን ፃፌቴዳ» ያጌዳ። \x - \xo 23:5 \xt ኬስ 22፡28\x* 
\p  
\v 6 ሺን ጳዉሎሲ ባጋቱ ሳዱቃዋናቱዋ፤ ባጋቱ ፓሪሳዋቱዋ ጊዴዳዋ ቤዒዴ፥ «ታናዳን ኣማኒያዋንቶ፥ ታኒ ፓሪሳዊያኔ ፓሪሳዊያ ናዓ፤ ‹ሃይቄዳዋንቱ ሃይቁዋፔ ዴንዳናዋንታ› ጋዴ ታኒ ናሼቻን ናጊያ ዲራው፥ ኡንቱንቱ ታ ቦላ ፒርዲኖ» ያጊዴ፥ ቁ ኦዴ ሃሳዬዳ። 
\p  
\v 7 ጳዉሎሲ ሄዋ ያጊና፥ ፓሪሳዋቱዋ ጊዶኒኔ ሳዱቃዋናቱዋ ጊዶን ዋላሳይ ኬሲና፥ ሺቄዳ ኣሳይ ላሌቴዳ።  
\v 8 ኣዪሲ ጎፔ፥ ሳዱቃዋናቱ፥ «ሃይቄዳ ኣሳይ ዴንዴና፤ ኪታንቻይካ ኣያናይካ ባዋ» ያጌዲኖ፤ ፓሪሳዋቱ ቃሲ ላዑካ ዴዒያዋ ኣማኒኖ።  
\v 9 ዎልቃማ ዋላሳይ ዴንዴዳ፤ ፓሪሳዋቱዋ ባጋፔ ሙሴ ሂጊያ ታማርሲያዋንቱ ዴንዲ ኤቂዴ፥ «ሃ ቢታኒያ ቦላ ኣይኔ ባላ ዴሚቤይኮ፤ ኣው ኣያናይ ዎይ ኪታንቻይ ሃሳዬናን ኣጌና» ያጊዴ ፓሉሜቴዲኖ። 
\p  
\v 10 ዋላሳይ ዳሪና፥ ኦላ ካፑ ጳዉሎሳ ኡንቱንቱ ሜንሬኔንቶኔ ጊ ያዪዴ፥ ባሬ ዎታዳራቱ ዎዴ፥ ኡንቱንቱ ጊዶፔ ኣ ኤሌካ ኬሲዴ፥ ባሬንቱ ዴዒያሳ ኣፋና ማላ ኣዛዜዳ። 
\p  
\v 11 ሄ ቃማ ጎዳይ ጳዉሎሳ ማታን ኤቂዴ፥ «ጳዉሎሳ፥ ኔኒ ታው ዬሩሳላሜን ማርካቴዳዋዳን፥ ሮሜንካ ማርካታናው ቤሴ፤ ሚና፤ ኣይኔ ባዋ» ያጌዳ። 
\s1 ጳዉሎሳ ዎናው ኦሴቴዳ ማቁዋ 
\p  
\v 12 ዎንቲሳ ጋላሲ፥ ኣዪሁዳቱ ጳዉሎሳ ዎና ጋካናሲ፥ ሜናዳኒኔ ኡሼናዳን፥ ጫቄቲዴ ጊጌቴዲኖ።  
\v 13 ጳዉሎሳ ቦላ ሄዋ ማቄቴዳ ኣሳቱ ኦይታሙዋፔ ዳሪኖ።  
\v 14 ኡንቱንቱ ቄሳቱዋ ካፓቱዋኮኔ ጪማቱዋኮ ዪዴ፥ «ኑኒ ጳዉሎሳ ዎና ጋካናሲ፥ ኣይኔ ባሬናዳን፥ ጊጌቲ ኡቴዶ።  
\v 15 ሄዋ ዲራው፥ ሂንቴንቱኔ ሺቄዳ ኣሳይ ጳዉሎሳባ ጌሺዴ ቢዲያዋ ማላቲዴ፥ ኦላ ካፑ ኣ ሂንቴንቱኮ ዱጌ ዎና ማላ ኦቺቴ፤ ኑኒ ኢ ሃ ሺቃናፔ ካሴና ኣ ዎናው ጊጊ ኡቴዶ» ያጌዲኖ። 
\p  
\v 16 ሺን ጳዉሎሳ ሚቻቲ ናዓይ ሄ ማቁዋ ሲሴዳ ዎዴ፥ ቢዴ ዎታዳራቱ ዴዒያሳ ጌሊዴ፥ ጳዉሎሳው ኦዴዳ።  
\v 17 ጳዉሎሲ ፄታቱዋ ካፓቱዋፔ ኢቱዋ ፄሲዴ፥ «ሃ ናዓ ኦላ ካፑዋኮ ኣፋ፤ ኣዪሲ ጎፔ፥ ኦላ ካፑዋሲ ኢ ኦዲያዌ ዴዔ» ያጌዳ። 
\p  
\v 18 ሄዋ ዲራው፥ ፄታቱዋ ካፑ ናዓ ኦላ ካፑዋኮ ኣፊዴ፥ «ቃሾ ጎሌን ዴዒያ ጳዉሎሲ፥ ሃ ናዓይ ኔው ኣዬንቶ ኦዲያባይ ዴዒያ ዲራው፥ ታና ባሬኮ ፄሲዴ፥ ኣ ኔኮ ኣሃናዳን፥ ታና ዎሴዳ» ያጌዳ። 
\p  
\v 19 ኦላ ካፑ ናዓ ኩሺያ ኦይቂዴ፥ ዱማ ጋፃ ኬሲዴ፥ «ኔኒ ታው ኦዳናባይ ኣዬ?» ያጊዴ ኦቼዳ። 
\p  
\v 20 ናዓይ ኦላ ካፑዋሲ፥ «ኣዪሁዳቱ ጳዉሎሳባ ካሴፔ ሚኒሲ ኦቺያዋ ማላቲዴ፥ ኔኒ ሺቁዋ ኣ ኡቲሳናዳን፥ ኔና ዎንቲ ዎሳናው ዞሬታ ቃቼዲኖ።  
\v 21 ሺን ኔኒ ኡንቱንቱ ጊያዋ ሲሶፓ፤ ኣዪሲ ጎፔ፥ ኦይታሙዋፔ ዳሪያ ኣሳቱ ጳዉሎሳ ዎና ጋካናሲ፥ ቁማ ሜናዳኒኔ ሃ ኡሼናዳን፥ ጫቄቲዴ ጌሜቲ ኡቲዴ ኣ ናጊኖ፤ ኔኒ ጊያዋ ሲሳናው ሃዒካ ጊጌቲ ኡቲዴ ናጊኖ» ያጌዳ። 
\p  
\v 22 ሄዋ ዲራው፥ ኦላ ካፑ ናዓ፥ «ሃ ዬዉዋ ኔኒ ታና ኤሪሴዳዋ ኦሲኔ ኦዶፓ» ያጊዴ ኣዛዜዳዋፔ ጉዪያን፥ ኣ ዬዴዳ። 
\s1 ጳዉሎሲ ጋዲያ ሞዲያ ፊሊኪሳ ሲን ሺቄዳ 
\p  
\v 23 ኦላ ካፑ ፄታቱዋ ካፓቱዋፔ ላዑዋ ፄሲዴ፥ «ቂሳሪያ ባናው፥ ላዑ ፄቱ ዎታዳራቱዋ፥ ላፑን ታሙ ፓራ ኦይቄዳ ኣሳቱዋኔ ላዑ ፄቱ ቶራንቻቱዋ ቃማፔ ሄዙ ሳቲያን ጊጊሲቴ፤  
\v 24 ጋዲያ ሞዲያ ፊሊኪሳኮ ጳዉሎሳ ሳሮቴን ጋናው ቶጊሲያ ሜሂያኔ ጊጊሲቴ» ያጊዴ፥ ኡንቱንታ ኣዛዜዳ።  
\v 25 ኦላ ካፑ ሃዋዳን ጊያ ዳቢዳቢያ ፃፌዳ። 
\p  
\v 26 «ቃላዉዴዮሳ ሉሲዮሳፔ፤ ጋዲያ ሞዲያ ቦንቼቴዳ ፊሊኪሳ! ሳሮቴይ ኔው ጊዶ።  
\v 27 ኣዪሁዳቱ ሃ ቢታኒያ ኦይቂዴ ዎና ሃኒሺን፥ ሮሜ ካታማ ኣሳ ኢ ጊዴዳዋ ኤራዴ፥ ዎታዳራቱዋና ጋካዴ ኣ ኣሻዲ።  
\v 28 ኡንቱንቱ ኣ ኣዪሲ ሞቴዲኖንቶ ኤራናው ኮያዴ፥ ዱጌ ኡንቱንቱ ሺቁዋሲ ኣ ኣፋዲ።  
\v 29 ኡንቱንቱ ባሬንቱ ሂጊያባ ኢ ኦቼዳዋሲ ኣ ሞቴዳዋፔ ኣቲን፥ ኣ ዎሲያ ዎይ ቃሺሲያ ሞቶ ጊዴና።  
\v 30 ኡንቱንቱ ሃ ቢታኒያ ቦላ ማቄቲ ኡቴዳ ዚጊሪሳይ ታና ጋኪና፥ ታኒ ሄ ማንዒያንካ ኣ ኔኮ ዬዳ ኣጋዲ፤ ኣ ሞቲያዋንቱካ ቢዴ፥ ኔ ሲንን ሞታና ማላ ኦዳዲ፤ ሳሮ ዴዓ» ያጌዳ። 
\p  
\v 31 ሄዋ ዲራው፥ ዎታዳራቱ ኣዛዜቴዳዋዳንካ ጳዉሎሳ ኣኪዴ፥ ቃማ ኣንቲጳፂሪሳ ጋዲኖ።  
\v 32 ዎንቲሳ ጋላሲ ኣናና ባና ማላ ፓራ ቶጎ ኣሳቱዋ ዎዴ፥ ጌዲያን ቢያዋንቱ ጉዬ ዎታዳራቱ ዴዒያሳ ሲሜዲኖ።  
\v 33 ፓራዋንቱ ቂሳሪያ ጌሊዴ፥ ዳቢዳቢያ ጋዲያ ሞዲያዎ ኢሚዴ፥ ጳዉሎሳ ኣ ሲን ኣዲኖ።  
\v 34 ጋዲያ ሞዲያዌ ዳቢዳቢያ ናባቤዳዋፔ ጉዪያን፥ ጳዉሎሲ ሃቃ ኣዉራጃ ኣሴንቶ ኣ ኦቼዳ፤ ኪልቂያ ኣሳ ኢ ጊዴዳዋ ኤሬዳ ዎዴ፥  
\v 35 «ታኒ ኔባ ኔና ሞቲያዋንቱ ዪያ ዎዴ ሲሳና» ያጊዴ፥ ዎታዳራቱ ሄሮዲሳ ካዉቴ ጎሌን ኣ ናጋና ማላ ኣዛዜዳ። 
\c 24  
\s1 ጳዉሎሳ ኣዪሁዳቱ ሞቴዲኖ 
\p  
\v 1 ኢቼሹ ጋላሳፔ ጉዪያን፥ ቄሳቱዋ ኡባቱዋ ካፑ፥ ሃናኒያ፥ ጪማቱዋናኔ ፃርፃሉሳ ጊያ ኢቲ ፃባቃና ዱጌ ቂሳሪያ ዎዳ፤ ኡንቱንቱ ጋዲያ ሞዲያዋ ቦላ ጳዉሎሳ ሞቴዲኖ።  
\v 2-3 ጳዉሎሲ ፄሴቴዳ ዎዴ፥ ፃርፃሉሴ ኣ ሃዋዳን ያጊዴ፥ ሞቱዋ ዶሜዳ። 
\p «ቦንቼቴዳ ፊሊኪሳ፥ ኑኒ ኔ ባጋና ዳሮ ሳሮቴ ዴሜዶሺን፥ ኔ ቆፋን ሃ ጋዲያሲ ኡባባኒ ኡባሳንካ ሎዖ ላሚ ቤቲያዎ ኔና ሎይ ጋላቲዴ፥ ሃዋ ኣኬቶ።  
\v 4 ሺን ታኒ ኔና ጋሚዔናን፥ ዶያ ጊዴዳ ኔ ኬካቴን ኑባ ኔኒ ቃንን ሲሳና ማላ፥ ኔና ዎሳይ።  
\v 5 ኣዪሲ ጎፔ፥ ሃ ቢታኒ ቦ ጊዲዴ፥ ሳዓ ኡባን ዴዒያ ኣዪሁዳቱዋ ጊዶን ዋላሳ ዴንዳ፥ ናዚራዋቱ ባጋ ኣሳ ካሌያዋ ጊዴዳዋ ኤሬዶ።  
\v 6 ሃራይ ኣቶ ጌሻ ጎሊያካ ቱኒሳናው ኮዪሺን ኣ ኦይቂዴ፥ ኑ ሂጊያዳን፥ ኣ ቦላ ፒርዳናው ቆፔዶ፤  
\v 7 ሺን ኦላ ካፑዋ ሉሲዮሲ ዪዴ፥ ዎልቃን ኑ ኩሺያፔ ኣ ዎ ኣኬዳ።  
\v 8 ኣ ሞቲያዋንቱካ ኔኮ ያና ማላ ኣዛዜዳ፤ ኔኒ ኔ ሁጴው ሃ ቢታኒያ ቢዳዴ፥ ኑኒ ኣ ሞቲያ ዬዉዋ ኡባ ኤራናው ዳንዳያ» ያጌዳ። 
\p  
\v 9 ኣዪሁዳቱካ ቃሲ፥ «ሃ ዬዉ ቱማ» ጊዴ፥ ኣ ቆፋ ኣኬዲኖ። 
\s1 ጳዉሎሲ ፊሊኪሳ ሲንን ሞቶ ዛሩዋ ኢሜዳ 
\p  
\v 10 ጋዲያ ሞዲያዌ ጳዉሎሳ ያናዳን ዉቲና፥ ኢ ሃዋዳን ያጊዴ ዛሬዳ፤ «ኔኒ ዳሮ ዎዲያፔ ዶማዴ፥ ሃ ኣሳሲ ፒርዳዴ ዴዒያዋ ታኒ ኤራዴ፥ ታ ዬዉዋ ናሼቻን ዛራይ።  
\v 11 ታኒ ዬሩሳላሜ ጎዪናናው ኬሶዴፔ ታማኔ ላዑ ጋላሳፔ ዳሬናዋ ኔኒ ኔ ሁጴው ኤራና ዳንዳያ።  
\v 12 ኣዪሁዳቱ ታና ጌሻ ጎሊያን ጊዲና፥ ኣዪሁዳ ዎሳ ጎሌን ጊዲና፥ ካታማን ጊዲና፥ ኦናናኔ ፓሉሜቲሺን ዎይ ኣሳ ሺሻዴ ማቂሺን፥ ኢቲ ኡራናኔ ቤዒቤይኪኖ።  
\v 13 ኡንቱንቱ ሃዒካ ታና ሞቲያዋ ሻቲማናው ዳንዳይኪኖ። 
\p  
\v 14 «ሺን ታኒ ሃዋ ኔው ኦዳይ፤ ታኒ ሙሴ ሂጊያን ዴዒያዋኔ ናባቱ ፃፌዳ ኡባባ ኣማናናዳን፥ ኑ ኣዋቱዋ ፆሳሲ ኡንቱንቱ ዎርዶ ጊያ ኦጊያን ጎሼታይ።  
\v 15 ሃዋንቱ ባሬንቱ ሁጴው፥ ‹ኣሳይ ኡባይ፥ ዎርዱካ ፂሉካ ሃይቁዋፔ ዴንዳናዋንታ› ጊያዋዳን፥ ታኒካ ኡንቱንቱ ዴንዲያዋ ፆሳኒ ሂዶታ ዎዴ ኣሙዋኒ ናጋይ።  
\v 16 ሄዋ ዲራው፥ ታኒ ቃሲ፥ ፆሳ ሲንኒኔ ኣሳ ሲንን ኡባ ዎዴ፥ ፖኩ ባይና ቲላ ዎዛናይ ታው ዴዓና ማላ ሚናይ። 
\p  
\v 17 «ታኒ ዬሩሳላሜፔ ኬሶዴፔ ጮራ ላይፔ ጉዪያን፥ ታ ጋዴ ሂዬሳሲ ሚሻ ኢማናዉኔ ያርሹዋ ያርሻናው ዬሩሳላሜ ባዲ።  
\v 18 ሄዋ ኦሺን፥ ኣሳይ ሺቄናን፥ ዋላሳይ ዴንዴናን፥ ታኒ ጌሻ ጎሊያን ጌዪሺን፥ ኡንቱንቱ ታና ዴሜዲኖ።  
\v 19 ሺን ኢሲያፔ ዬዳ ኢቲ ኢቲ ኣዪሁዳቱ ሄዋን ዴዒኖ፤ ኡንቱንቱ ታ ቦላ ዬዉዋ ኮዮፔ፥ ዪዴ ታና ኔ ቦላን ሞታናው ቤሴ።  
\v 20-21 ዎይ ታኒ ኡንቱንቱ ጊዶን ኤቃዴ፥ ‹ሃይቄዳዋንቱ ዴንዳናዋ ኣማኒያ ዲራው፥ ሃቼ ሂንቴ ሲንን ታ ቦላ ፒርዲኖ› ጋዴ ሃ ቂሳዴ ሃሳዬዳ ኢቲ ቃላፔ ኣቲን፥ ሺቁዋ ሲንን ኤቂሺን፥ ታ ቦላ ኢቲ ባዪዙዋ ዴሜዳዋ ጊዶፔ፥ ሃዋንቱ ባሬንቱ ሁጴው ሃዋን ኦዳናዋንታ» ያጌዳ። 
\p  
\v 22 ሺን ፊሊኪሴ ፆሳ ኦጊያባ ጌሺ ኤሬዳ ዲራው፥ «ታኒ ሂንቴ ዬዉዋ ኦላ ካፑዋ ሉሲዮሲ ዪያ ዎዴ ኦጊያ ኦይና» ያጊዴ፥ ፒርዲያ ዎዲያ ሲንው ኬሬዳ።  
\v 23 ፊሊኪሴ ቃሲ ጳዉሎሳ ቃቼናን ናጋና ማላኔ ኣ ዳባቱዋፔ ኦኒኔ ኣው ኦሺን፥ ዎይ ኣኮ ዪሺን ዲጌና ማላ፥ ፄታቱዋ ካፑዋ ኣዛዜዳ። 
\s1 ጳዉሎሲ ፊሊኪሳኔ ዲሩሲላ ሲን ሺቄዳ 
\p  
\v 24 ኣማሬዳ ጋላሳፔ ጉዪያን፥ ፊሊኪሴ ኣዪሁዳ ኣሳ ዛሬ ጊዴዳ ባሬ ማቻቲ ዲሩሲሊና ዪዴ፥ ጳዉሎሳ ኪቲ ኣሂሲዴ፥ ዬሱሲ ኪሪስቶሳን ኣማኒያ ኦጊያ ኢ ሃሳዪሺን ሲሴዳ።  
\v 25 ጳዉሎሲ ፂሎቴባ፥ ባሬ ሁጲያ ናጉዋባኔ ያና ፒርዳባ ሃሳዪሺን፥ ፊሊኪሴ ያዪዴ፥ «ኔኒ ሃዒው ባ፤ ታው ሚኬዳ ዎዴ፥ ኔና ኪታዴ ፄጊሳና» ያጌዳ።  
\v 26 ሄ ዎዴ ቃሲ ጳዉሎሲ ቢሌታናው፥ ባሬው ማጋንፃ ኢማንዴሻ ጊዴ ቆፔዳ፤ ሄዋ ዲራው፥ ዳሮ ዎዴ ኣ ኣሂሲ ኣሂሲዴ፥ ኣናና ሃሳዬ። 
\p  
\v 27 ላዑ ላይ ኩሜዳዋፔ ጉዪያን፥ ፊሊኪሳ ኮታ ጶርቂዮሳ ፒስፆሲ ኣኬዳ። ፊሊኪሴ ኣዪሁዳቱዋ ናሼቻናው ኮዪዴ፥ ቃሾ ጎሌን ጳዉሎሳ ባሺ ኣጌዳ። 
\c 25  
\s1 ጳዉሎሲ ሮሜ ካቲያኮ ባሬ ዬዉዋ ኣኪዴ ባናው ኦቼዳ 
\p  
\v 1 ፒስፆሲ ኣዉራጃ ጌሌዳ ሄዜንያ ጋላሳፔ ጉዪያን፥ ቂሳሪያፔ ዬሩሳላሜ ቤዳ።  
\v 2 ያኒ ቄሳቱዋ ካፓቱኔ ኣዪሁዳቱዋ ካሌያዋንቱ ጳዉሎሳ ሞቴዲኖ።  
\v 3 ኡንቱንቱ ጳዉሎሳ ዎናው ኦጊያን ቆሴቲ ኡታናው፥ ባሬንቶ ሎዖባ ኡዲዴ ኣ ዬሩሳላሜ ኣሃና ማላ፥ ፒስፆሳ ዎሴዲኖ።  
\v 4 ፒስፆሲ ኡንቱንቶ፥ «ጳዉሎሲ ቂሳሪያን ቃሼቲ ኡቴዳ፤ ታኒ ታ ሁጴዉካ ኤሌካ ያ ጉዬ ሲማናው ቆፓ ኡታዲ።  
\v 5 ሄዋ ዲራው፥ ኢ ኣዬንቶ ባዪዜዳዌ ዴዖፔ፥ ሂንቴንቱ ጊዶን ኣዎቲያዋንቱ ታናና ቂሳሪያ ቢዴ፥ ኣ ሞቲኖ» ያጊዴ ዛሬዳ። 
\p  
\v 6 ፒስፆሲ ዬሩሳላሜን ሆስፑን ዎይ ታሙ ጋላሳፔ ኣናን ኡቲዴ፥ ቂሳሪያ ቤዳ፤ ዎንቲሳ ጋላሲ ፒርዲያሳን ኡቲዴ፥ ጳዉሎሳ ኣሃና ማላ ኣዛዜዳ።  
\v 7 ኢ ጋኬዳ ዎዴ፥ ዬሩሳላሜፔ ዬዳ ኣዪሁዳቱ ኣ ማታን ዩዪ ኣ ኤቂዴ፥ ባሬንቶ ሻቲማናው ዳንዳዬቴና ዳሮ ዴፆ ሞቱዋ ኣ ቦላ ዎዲኖ።  
\v 8 ጳዉሎሲ ሞቴቲዴ፥ «ታኒ ኣዪሁዳቱዋ ሂጊያካ ጌሻ ጎሊያካ ሮሜ ካቲያ ቄሳራካ ኣይኔ ናቃቤይኪ» ያጌዳ። 
\p  
\v 9 ፒስፆሲ ኣዪሁዳቱዋ ናሼቻናው ኮዪዴ ጳዉሎሳ፥ «ፑዴ ዬሩሳላሜ ኬሳዴ፥ ሃ ዬዉዋባ ያኒ ታ ሲንን ኦሼታናው ኮያይ?» ያጊዴ ኦቼዳ። 
\p  
\v 10 ሺን ጳዉሎሲ፥ «ታኒ ኦሼታናው ቤሲያ ቄሳራ ፒርዳ ጎሌን ኤቃዲ። ኔኒካ ሎይ ኤሪያዋዳን፥ ታኒ ኣዪሁዳቱዋ ኣይኔ ናቃቤይኪ።  
\v 11 ሲሚ ታኒ ናቄዳዋ ዎይ ሃይቃናው ቤሲያዋ ኦዳዋ ጊዶፔ፥ ሃይቁዋፔ ኣታና ጊኬ፤ ሺን ኡንቱንቱ ታና ሞቲያ ሞቱ ሜላ ጊዴዳዋፔ ሂኒ ባጋን፥ ኦኒኔ ታና ኡንቱንቶ ኣዴ ኢማናው ዳንዳዬና፤ ቄሳሬ ታባ ፒርዶ ጋዴ ኦቻይ» ያጌዳ። 
\p  
\v 12 ሄዋፔ ጉዪያን፥ ፒስፆሲ ባሬናና ዞሬቲያዋንቱና ዞሬቲ ሲሚዴ ኣ፥ «ኔኒ ቄሳሬ ታባ ፒርዶ ጋዴ ኦቻዳ፤ ቄሳራኮ ባናሳ» ያጊዴ ዛሬዳ። 
\s1 ፒስፆሲ ጳዉሎሳባ ኣግሪጳና ማቄቴዳ 
\p  
\v 13 ኣማሬዳ ጋላሳፔ ጉዪያን፥ ካቲያ ኣግሪጳይኔ ባሪኒቄ ፒስፆሳ ሳሮታናው ቂሳሪያ ቤዲኖ።  
\v 14 ያኒ ኡንቱንቱ ጮራ ጋላሳ ኡቲ ዴዒሺን፥ ፒስፆሲ ካቲያሲ ጳዉሎሳባ ሃዋዳን ያጊዴ ኦዴዳ፤ «ሃዋን ፊሊኪሴ ቃቺዴ ባሺ ቤዳ ኢቲ ቢታኒ ዴዔ።  
\v 15 ታኒ ዬሩሳላሜን ዴዒሺን፥ ቄሳቱዋ ካፓቱኔ ኣዪሁዳ ጪማቱ ኣ ቦላ ፒርዳና ማላ፥ ታና ዎሲዴ፥ ኣባ ታው ኦዴዲኖ።  
\v 16 ታኒ፥ ‹ሞቴቴዳ ኡራይ ባሬና ሞቲያዋንቱና ኢቲፔ ኤቄናኒኔ ባሬና ሞቴዳ ዬዉዋሲ ዛሩዋ ኢሜናን፥ ኦና ጊዶፔኔ ኣዴ ኢሚያዌ ሮሜ ኣሳሲ ዎጋ ጊዴና› ያጋዴ ኡንቱንቶ ዛራዲ። 
\p  
\v 17 «ሄዋ ዲራው፥ ኡንቱንቱ ሃዋን ሺቄዳ ዎዴ፥ ታኒ ጋሚዔናን ዎንቲሳ ጋላሲ፥ ፒርዳ ጎሌ ጌላዴ ጳዉሎሳ ኣሃና ማላ ኣዛዛዲ።  
\v 18 ኣ ሞቲያዋንቱ ኤቂዴ፥ ኢታባን ኣ ሞቴናን ኣጊኪኖ ጋዴ ታኒ ቆፔዳዋዳን፥ ኣይኔ ኣ ሞቲቤይኪኖ።  
\v 19 ሺን ኡንቱንቱ ባሬንቱ ኣማኔዳባንቱባኔ ጳዉሎሲ፥ ‹ፓፃ ዴዔ› ጊያ ሃይቄዳ ኢቲ ዬሱሳ ጌቴቲያ ቢታኒያባ ኣናና ፓሉሜቴዲኖ።  
\v 20 ታኒ ሃ ዬዉዋ ዎታዴ ቢዳ ዴማኒታንቶ፥ ቆፋ ቃቼናን ዴዓዴ፥ ጳዉሎሲ ዬሩሳላሜ ቢዴ፥ ሃ ዬዉዋ ያኒ ኦሼታናው ኮዪንቶኔ ጋዴ ኣ ኦቻዲ፤  
\v 21 ሺን ጳዉሎሲ ባሬ ዬዉዋ ኣዉጊስፆሴ ቄሳሬ ኦጊያ ኦይና ጋካናው ናጌታናዳን ኦቺና፥ ታኒ ኣ ቄሳራኮ ዬዳና ጋካናሲ፥ ኢ ቃሼታና ማላ ኣዛዛዲ» ያጌዳ። 
\p  
\v 22 ሄዋፔ ጉዬ ኣግሪጳይ ፒስፆሳ፥ «ታኒ ታ ሁጴዉካ ቃሲ ሄ ቢታኒ ጊያዋ ሲሳና ኮያይ» ያጌዳ። 
\p ፒስፆሲ ኣ፥ «ኔኒ ዎንቲ ኢ ጊያዋ ሲሳናሳ» ያጌዳ። 
\p  
\v 23 ዎንቲሳ ጋላሲ፥ ኣግሪጳይኔ ባሪኒቄ ዳሮ ቦንቹዋን ኦላ ካፓቱዋናኔ ካታማን ዴዒያ ዎልቃማ ኣሳና ዪዴ፥ ፒርዳ ጎሌ ጌሌዲኖ፤ ፒስፆሲ ጳዉሎሳ ኣሃና ማላ ኣዛዚና ኣሄዲኖ።  
\v 24 ፒስፆሲ ሃዋዳን ያጌዳ፤ «ካቲያ ኣግሪጳ፥ ሃዋን ኑናና ዴዒያ ኣሳ ኡባው፥ ኣዪሁዳ ኣሳይ ኡባይ ዬሩሳላሜኒካ ሃዋንካ ዋሲዴ፥ ‹ኢ ሃዋፔ ሲንው ፓፃ ዴዓናው ቤሴና› ያጊዴ፥ ታና ዎሴዳ ቢታኒያ ሃዋ ቤዒታ።  
\v 25 ሺን ኢ ኣይኔ ሃይቃናው ቤሲያዋ ኦዳዋ ታኒ ዴማቤይኬ፤ ኢ ባሬ ሁጴው፥ ‹ኣዉጊስፆሴ ቄሳሬ ታባ ፒርዶ ያጋዴ ኦቻዲ› ጌዳ ዲራው፥ ቄሳራኮ ኣ ዬዳናው ታኒ ቆፓዲ።  
\v 26 ታኒ ኣባ ታ ጎዳ ኣዉጊስፆሴ ቄሳሬሲ ፃፋናው ቱሙ ዬዉ ታው ኣይኔ ባዋ፤ ሄዋ ዲራው፥ ኢ ሎይ ኦሼቶዋፔ ጉዪያን፥ ታኒ ፃፊያባ ዴማና ማላ፥ ሂንቴንቱ ሲን፥ ካቲያ ኣግሪጳ፥ ኡባ ኔ ሲን ኣ ኣሃዲ።  
\v 27 ኣዪሲ ጎፔ፥ ቃሼቴዳ ኡራ ኪቲያ ዎዴ፥ ኣ ኣያው ሞቴዴንቶ፥ ኤሪሴናን ጮዑ ጊ ባሺያዌ ታው ኤያቴ ማላቴ» ያጌዳ። 
\c 26  
\s1 ጳዉሎሲ ኣግሪጳ ሲንን ሃሳዬዳ ሃሳያ 
\p  
\v 1 ኣግሪጳይ ጳዉሎሳ፥ «ኔኒ ኔባ ሃሳያናው ዳንዳያ» ያጌዳ። ሄ ዎዴ ጳዉሎሲ ባሬ ኩሺያ ሚጪዴ ሃዋዳን ያጊ ዛሬዳ። 
\p  
\v 2-3 «ካቲያ ኣግሪጳ፥ ኣዪሁዳቱዋ ዎጋኔ ፓሉማ ኡባ ኔኒ ሎይዴ ኤሪያ ዲራው፥ ታና ኣዪሁዳቱ ሞቲያ ዬዉዋ ኡባ ሃቼ ታኒ ኔ ሲንን ዛሪያዎ ታ ቃዳይ ዳሪሲ ሎዓ ያጋዴ ቆፓይ፤ ሄዋ ዲራው፥ ኔኒ ታ ሃሳያ ሳሌቴናን ሲሳና ማላ፥ ኔና ዎሳይ። 
\p  
\v 4 «ታኒ ናዓቴፔ ዶማዴ ታ ኣሳ ጊዶኒኔ ዬሩሳላሜን ዴዔዳ ታ ዴዑዋ ኣዪሁዳ ኡባቱ ካሴፔ ዶሚዴ ኤሪኖ።  
\v 5 ታኒ ኮይሮፔ ዶማዴ፥ ኑ ኣማኑዋ ሂጊያ ኦፔኔ ሚኒሲዴ ናጊያ ፓሪሳዋቱዋ ባጋ ፓሪሳዌ ጊዳዴ ዴዒያዋ፥ ኡንቱንቱ ማርካታናው ኮዮፔ ኤሪኖ።  
\v 6 ታኒ ሃዒካ ፆሳይ ኑ ኣዋቱዋሲ ኢማና ጌዳዋ ናሼቻን ናጊያ ዲራው፥ ፒርዴታናሲ ሃዋን ኤቃይ።  
\v 7 ቃሲ ታማኔ ላዑ ኑ ኣዋቱዋ ዛራቱ ፆሳው ቃማኔ ጋላሲ ኡባዴ ሚኒሲ ጎዪኒዴ፥ ፆሳይ ኢማና ጌዳዋ ኣካናው ናሼቻን ናጊኖ፤ ካቲያ ኣግሪጳ፥ ኣዪሁዳቱ ታና ሞቲያዌ ታኒ ሄዋ ናሼቻን ናጊያ ዲራሳ።  
\v 8 ኣዪሁዳቶ፥ ፆሳይ ሃይቄዳዋንታ ዴንያዋ ኣዪሲ ኣማኒኪቴ? 
\p  
\v 9 «ታኒ ታ ሁጴዉካ ናዚሬቲያ ዬሱሳ ኤቄታናው ቤሴ ጋዴ ካሴ ቆፓዲ።  
\v 10 ታኒ ዬሩሳላሜን ኦዳዌ ሃዋ፤ ቄሳቱዋ ካፓቱዋፔ ማታ ኣካዴ፥ ፆሳ ኣሳቱዋፔ ጮራቱዋ ቃሺሳዲ፤ ኡንቱንታ ዎያ ዎዴካ ኡንቱንቱ ሃይቂያዋ ዶሳዲ።  
\v 11 ኣዪሁዳ ዎሳ ጎሌ ኡባን ዳሮ ዎዴ ኡንቱንታ ሙራዴ፥ ባሬንቱ ኣማኑዋ ኡንቱንቱ ኣጋና ማላ ጎዴታዲ፤ ታኒ ዎጋይ ባይናዋ ኡንቱንቶ ሃንቄታዴ፥ ሃራይ ኣቶ፥ ሃራ ጋዲያ ካታማ ጋካናዉካ ኡንቱንታ ሜቶይ። 
\s1 ጳዉሎሲ ባሬ ሁጴው ኪሪስቶሳ ዎቲ ኣማኔዴንቶ ኦዴዳ 
\r (ኪት 9፡1-19፤ 22፡6-16) 
\p  
\v 12 «ታኒ ሃ ዬዉዋሲ ቄሳቱዋ ካፓቱዋፔ ማታኔ ኣዛዙዋ ኣካዴ ዳማስቆ ባዲ።  
\v 13 ካቴው፥ ታኒ ሴታ ጋላሲ ኦጊያን ዴዒሺን፥ ኣዋ ፖዑዋፔ ሎይ ኣያ ፖዑ ታናኔ ታናና ቤዳዋንታ ዩዪ ኣዴ፥ ሳሉዋፔ ፖዒሺን ቤዓዲ።  
\v 14 ኑኒ ኡባይ ሳዓን ኩንዴዳ ዎዴ፥ ኢብራዪስፄ ቃላን፥ ‹ሳዖላ፥ ሳዖላ፥ ታና ኣያው ዬዴሳን ሜቶይ? ኔኒ ታና ኢፁሳን ኔና ቆሃሳ› ያጊዴ ታው ኦዲሺን ሲሳዲ። 
\p  
\v 15 «ያታዴ፥ ‹ታ ጎዳው፥ ኔኒ ኦኔ?› ያጋዲ። 
\p «ጎዳይ፥ ‹ታኒ ኔኒ ዬዴሳን ሜቶያ ዬሱሳ።  
\v 16 ሺን ዴንዳ ኤቃ፤ ኣዪሲ ጎፔ፥ ሃቼ ኔኒ ታና ቤዔዳዋኔ ታኒ ኔና ሲንፔ ቤሳናዋ ሃራንቶ ማርካታና ማላ፥ ታው ኦያዋ ኡዳዴ ኔና ሱንናው ኔው ቆንጫዲ።  
\v 17-18 ኡንቱንቱ ታና ኣማኒና፥ ኡንቱንቱ ናጋራይ ኣቶ ጌቴታናዳን፥ ፆሳይ ዶሬዳ ኣሳ ጊዶን ኡንቱንቱ ባሬንቱ ዴዒያሳ ዴማናዳን፥ ቃሲ ማፔ ፖዑዋ ሲማናዳኒኔ ፃላሂያ ጎዳቴፔካ ፆሳኮ ሲማናዳን፥ ኡንቱንቱ ኣይፊያ ኔኒ ዶያና ማላ፥ ኢስራዔሊያ ኣሳፔኔ ታኒ ኔና ኡንቱንቱኮ ኪቲያ ኣዪሁዳ ጊዴናዋንቱፔ ኔና ኣሻና› ያጌዳ። 
\p  
\v 19 «ካቲያ ኣግሪጳ፥ ሄዋ ዲራው፥ ታው ሳሉዋፔ ቤቴዳ ሳፃሲ ታኒ ኣዛዜታናዋ ኢፃቤይኬ።  
\v 20 ሺን ታኒ ካሴታዴ፥ ዳማስቆኒኔ ዬሩሳላሜን ሄዋፔ ጉዪያን፥ ዪሁዳ ጋዲያ ኡባን ዴዒያዋንቱሲኔ ኣዪሁዳ ጊዴናዋንቶ ባሬንቱ ናጋራፔ ሲማና ማላ፥ ቃሲ ናጋራፔ ሲማናው ቤሲያዋ ኦዴ፥ ፆሳኮ ሲማና ማላ ቃላ ኦዳዲ።  
\v 21 ሄዋ ዲራው፥ ኣዪሁዳቱ ታና ጌሻ ጎሊያን ኦይቂዴ ዎናው ኮዬዲኖ።  
\v 22-23 ሄዋ ዲራው፥ ታኒ ፆሳ ማዱዋ ኣካዴ፥ ዳሮኔ ጉው ሃቼ ጋካናዉካ ኤቃዴ ማርካታይ። ናባቱኔ ሙሴ፥ ‹ኪሪስቶሲ ሜቶታናው ቤሴ፤ ቃሲ ሃይቁዋፔ ኮይሮ ዴንዲዴ፥ ኣዪሁዳቱዋሲኔ ኣዪሁዳ ጊዴናዋንቶ ኣቶቴ ፖዑዋ ኦዳናው ቤሴ› ጌዳዋዳን፥ ታኒካ ኡንቱንቱ ሃሳዬዳዋፔ ሃራ ኢቲባኔ ሃሳዬዳባይ ባዋ» ያጌዳ። \x - \xo 26:22-23 \xt ኢሳ 42፡6፤ 49፡6፤ 1ቆር 15፡20\x* 
\p  
\v 24 ጳዉሎሲ ባሬንቱባ ሃዋዳን ያጊዴ ዛሪሺን፥ ፒስፆሲ ኮሻ ቁ ኡዲዴ ኣ ሃሳያ ባናው፥ «ጳዉሎሳ፥ ኔኒ ጎያ፤ ኔኒ ዳሪ ታማሬዳዌ ኔና ጎሻና ሃኔ» ያጌዳ። 
\p  
\v 25 ሺን ጳዉሎሲ ሃዋዳን ያጌዳ፤ «ቦንቼቴዳ ፒስፆሳ፥ ታኒ ቱማቴን ሎዖ ዬዉዋኔ ዎዛና ቆፋ ሃሳዪያዋፔ ኣቲን ጎዪኬ።  
\v 26 ታኒ ካቲያ ኣግሪጳሲ ሃ ዬዉዋ ቆንጪያን ኦዲያዋ ኢ ኤሬ፤ ኣዪሲ ጎፔ፥ ሃ ዬዉ ጌማን ኦሴቲቤና ዲራው፥ ሃዋፔ ኢቱኔ ኣፔ ጌሜናዋ ታኒ ጌሻዴ ኤራይ። 
\p  
\v 27 «ካቲያ ኣግሪጳ፥ ኔኒ ናባቱ ጌዳዋ ኣማናይ? ኔኒ ኡንቱንቱ ጌዳዋ ኣማኒያዋ ታኒ ኤራይ» ያጌዳ። 
\p  
\v 28 ካቲያ ኣግሪጳይ ጳዉሎሳ፥ «ሃዒ ሃ ቃን ዎዳቲንካ ታና ኣማንናው ኮያይ?» ያጌዳ። 
\p  
\v 29 ሄዋፔ ጉዬ ጳዉሎሲ፥ «ዳሮ ዎዴ ጊዲና፥ ጉ ዎዴ ጊዲና፥ ኔ ፃላላ ጊዳካ፤ ሺን ሃቼ ታኒ ኦዲያዋ ሲሲያ ኡባይ ቃሲ ታዋዳን ቃሼቶፒኖ ኣቲን፥ ታ ማላ ጊዳናዳን ፆሳ ዎሳይ» ያጌዳ። 
\p  
\v 30 ሄዋፔ ጉዪያን ካቲ፥ ሞዲያ ፒስፆሴ፥ ባሪኒቄኔ፥ ኡንቱንቱና ዴዒያ ኡባይ ዴንዲ፥  
\v 31 ኢቲ ባጋ ሲሚዴ፥ ኢቱ ኢቱዋና፥ «ሃ ቢታኒ ሃይቁሳይ ኣቶ ሺን፥ ቃሹዋሲካ ቤሲያባ ኦቤና» ያጊ ሃሴዬዲኖ።  
\v 32 ኣግሪጳይ ፒስፆሳ፥ «ሃ ቢታኒ፥ ‹ቄሳሪ ታባ ፒርዶ› ጊቤኔንቶ፥ ቢሌታናው ዳንዳዬ ሺን» ያጌዳ። 
\c 27  
\s1 ጳዉሎሲ ሮሜ ቤዳ 
\p  
\v 1 ኑኒ ማርካቢያን ፃሊያ ባናው ቆፒ ኡቴዳ ዎዴ፥ ጳዉሎሳኔ ሃራ ኣማሬዳ ቃሼቴዳ ኣሳቱዋ ኣዉጊስፆሳ ዎታዳራቱዋ ጊያዋንቱፔ ኢቲ ዩሊዮሳ ጊያ ፄታቱዋ ካፑዋሲ ኣዴ ኢሜዲኖ።  
\v 2 ኢሲያ ጋፃን ዴዒያ ጋዳቱዋ ቢያ ኣዲራሚፂዮና ማርካቢያን ጌሊዴ ቤዶ፤ ማቂዶኒያ ኣሳ ጊዲያ ቴሴሎንቄ ኣሪስፂሮኮሲ ኑናና ዴዔ። 
\p  
\v 3 ዎንቲሳ ጋላሲ ኑኒ ሲዶና ጋኪሺን፥ ዩሊዮሲ ጳዉሎሳው ዳሮፔ ኣ፥ «ኔ ዳባቱ ኔና ኮሺያባ ማዳና ማላ፥ ኔኒ ኡንቱንቱኮ ባናው ዳንዳያ» ያጌዳ።  
\v 4 ሄዋፔ ዴንዲዴ፥ ሲንና ኑ ቦላ ጫርኪያ ዲራው፥ ቆጲሮሳ ሃን ዶዴቴዳ ሳዓን ጫርኬና ባጋ ቤዶ።  
\v 5 ኪልቂያ ማታኒኔ ጲኒፊሊያ ማታን ዴዒያ ኣባ ፒኒዴ፥ ሊቂያን ዴዒያ ሙራ ጋኬዶ።  
\v 6 ሄዋን ፄታቱዋ ካፑ ፃሊያ ቢያ ኢስኪንዲሪያ ማርካቢያ ዴሚዴ፥ ኣኒ ኑና ጌሊሴዳ። 
\p  
\v 7 ኑኒ ጮራ ዎዲያ ሎዳን ቢዴ፥ ዳሮ ሜቱዋን ቄኒዶሳ ካታማ ጋኬዶ፤ ሄዋና ባናው ኑና ጫርኩ ዲጊና ሳልሞናና ኣዴ፥ ሃን ዶዴቴዳ ቃርፄሳን ጫርኩዋፔ ቴዔቲዴ ቤዶ።  
\v 8 ቃሲካ ዳሮ ሜቱዋን ጋፃና ጋፃና ኣዴ፥ ላሲያ ካታማ ማታን ዴዒያ ኣባ ዶናን ማርካቢ ዎፑ ጊዴ ሼምፒያሳ ጌቴቲያሳ ዬዶ። 
\p  
\v 9 ኑኒ ሄዋን ጮራ ዎዲያ ጋሚዔዳዋፔ ጉዪያን፥ ፆማይ ቢሌቲዲጌዳ ዲራው፥ ማርካቢያን ቢያዌካ ሂርጊሺን ጳዉሎሲ ኡንቱንታ ዞሪዴ፥  
\v 10 «ኣሳው፥ ኑ ቡሳን ዎልቃማ ቦሻይኔ ዳሮ ባሻይ ዴዓናዌ ታው ቤቴ፤ ባሻይ ዪያዌ ጫና ቦላኔ ማርካቢያ ቦላ ፃላላን ጊዴና፤ ኑ ሼምፑዋ ቦላካ ያናዋ» ያጌዳ።  
\v 11 ሺን ፄታቱዋ ካፑ ጳዉሎሲ ጌዳዋፔ ኣዴ፥ ማርካቢያን ዴዒያዋንታ ኣዛዚያዌኔ ማርካቢያ ጎዳይ ጊያዋ ኣማኔ።  
\v 12 ሄ ኣባ ማታ ካታማይ ባልጉዋ ሻጫናው ኡንቱንቶ ሚኬና ካታማ፤ ሄዋ ዲራው፥ ጮራ ኣሳቱ ባሬንቶ ዳንዳዬቶፔ፥ ፒንቄ ጊያ ካታማ ጋኪዴ፥ ባልጉዋ ያኒ ሻጫና ማላ፥ ያፔ ዴንዳናው ዞሬቴዲኖ፤ ፒንቄን ዴዒያ ማርካቢ ሼምፒያ ሚኮ ሳዓይ ዶዬቴዳዌ፥ ኣዋይ ዉሊያሳፔኔ ኡሼቻ ባጋፔ ጊዱዋን፥ ቃሲ ዉሊያሳፔኔ ሃዲርሳፔ ጊዱዋና። 
\s1 ኣባ ቦላን ጎቱ ዴንዴዳ 
\p  
\v 13 ኣዋይ ኬሲያሳ ፄሊያ ዎዴ ኡሼቻ ዱጌሃ ባጋ ጫርኩ ሎዳን ጫርኬዳ ዎዴ፥ ባሬንቱ ቆፔዳዋዳን ሃኔዳዋ ኡንቱንቶ ማላቲና ዴንዴዲኖ፤ ማርካቢ ቤና ማላ ኦይቂያ ቢራታ ፑዴ ዳፊዴ፥ ቃርፄሳ ማታቲዴ፥ ላንቂያና ኣዲኖ።  
\v 14 ሺን ዳሪ ጋሚዔናን፥ «ኣዉራቂስ» \f + \fr 27:14 \fq «ኣዉራቂስ» \ft ጌቴቲያ ዎልቃማ ጎቱ ኪሊ ፑዴሃፔ ዉላ ባጋ ጫርኪያዋ ጊዲያዋ ቤሴ።\f* ጊያ ዳሮ ዎልቃማ ጎቱ ሃ ጊዶን ዴዒያ ሳዓፔ ዱጌ ኡንቱንቱ ቦላ ዴንዴዳ።  
\v 15 ሄ ጎቱ ማርካቢያ ዴቺዴ ኣናን ዲጊና፥ ባናው ኑሲ ዳንዳዬቴናን ኢፄዳ ዲራው፥ ማርካቢያ ኢ ኣፊያሳ ኣጊዴ ቤዶ። 
\p  
\v 16 ኑኒ ቄዳ ጊያ ሃን ዶዴቴዳ ጫርኩዋፔ ጌሜዳ ሳና ኣያ ዎዴ፥ ዳሪሲ ሜቶቲዴ ማርካቢያ ዎንጊሪያን ናጊ ኣሻናው ዳንዳዬዶ።  
\v 17 ኡንቱንቱ ዎንጊሪያ ፑዴ ኬሴዳዋፔ ጉዪያን፥ ጋዲያን ማርካቢያ ፃፂዴ፥ ሚኒሲ ቃቼዲኖ፤ ሲርፂሳ ጊያ ሻፊ ኩሜዳ ሳን ባሬንታ ኩንዲሳኔንቶኔ ጊዴ ሂርጊዴ፥ ማርካቢያ ኣፊያ ሻራ ዎዴ፥ ጫርኩዋን ማርካቢያ ጮ ዬዲ ኣጌዲኖ። 
\p  
\v 18 ጎቱ ዎልቃሚዴ ኑ ቦላን ዎልቃሜዳ ዲራው፥ ዎንቲሳ ጋላሲ ጫናፔ ኣባን ኦሉዋ ዶሜዲኖ።  
\v 19 ሄዜንያ ጋላሲካ ማርካቢያን ዴዒያ ሚሻ ኡንቱንቱ ባሬንቱ ኩሺያን ኦሌዲኖ።  
\v 20 ኑኒ ዳሮ ዎዲያ ኣዋኔ ፆሊንቲያ ቤዔናን፥ ዎልቃማ ኡሹ ኑ ቦላ ቡኪሺን፥ ሲንፔ ያናን ኣቶኮ ጊዴ ቆፔዶ። 
\p  
\v 21 ኡንቱንቱ ዳሮ ዎዲያ ቁማ ሜናን ጋሚዔዳዋፔ ጉዪያን፥ ጳዉሎሲ ሄ ዎዴ ኡንቱንቱ ጊዶን ዴንዲ ኤቂዴ፥ ሃዋዳን ያጌዳ፤ «ኣሳው፥ ሂንቴንቱ ታ ዞሪያ ኣኬዴንቶኔ ቃርፄሳፔ ዴንዴናን ኣቴዴንቶ፥ ሃዋ ማላ ባዬይኔ ቆሁ ኑና ጋኬና።  
\v 22 ሺን ሃዒካ ታኒ ሂንቴንታ ያዮፒቴ ጋዴ ዞራይ፤ ኣዪሲ ጎፔ፥ ሃ ማርካቢ ባያናፔ ኣቲን፥ ሂንቴንቱፔ ኢቲ ኡራ ሼምፑካ ባዬና።  
\v 23 ኣዪሲ ጎፔ፥ ፆሳ ኪታንቻይ፥ ታና ሞዴዳ ታኒ ጎዪኒያ ፆሳዌ፥ ዚኖ ቃማ ታ ማታን ኤቂዴ፥  
\v 24 ‹ጳዉሎሳ፥ ያዮፓ፤ ኔኒ ሮሜ ጋዲያ ካቲያ ቄሳራ ሲንን ኤቃናው ቤሴ፤ ቤዓ፥ ፆሳይ ባሬ ኬካቴን ኔናና ቢያ ኣሳ ኡባ ሼምፑዋ ኣሻና› ያጌዳ።  
\v 25 ሄዋ ዲራው ኣሳው፥ ያዮፒቴ። ኣዪሲ ጎፔ፥ ሄ ኪታንቻይ ታው ኦዴዳዋዳን ሃናናዋ ታኒ ፆሳ ኣማናይ፤  
\v 26 ሺን ጫርኩ ኑና ኢቲ ሃን ዶዴቴዳ ሳዓን ኣባ ዶናን ዶምዒሳና» ያጌዳ። 
\p  
\v 27 ታማኔ ኦይዴን ጋላሲ ሜዲቴራኒያ ኣባን ኑና ጫርኩ ያኔ ሃኔ ሱጊሺን፥ ማርካቢያን ኦያዋንቱሲ ቃማ ቢላሂ ቢታኮ ማቴዳዋ ማላቴዳ።  
\v 28 ኡንቱንቱ ሊኪያ ጋዲያ ፄራን ዴፂያባ ቃቺዴ፥ ሃን ዬጊና፥ ሃይ ኦይታሙ ሚቲሪያ ጪማቴዳዋ ኤሬዲኖ። ጉ ጋሚዒዴ፥ ላዔዋ ዬጊዴ፥ ሃታሙ ሚቲሪያ ጪማቴዳዋ ኤሬዲኖ።  
\v 29 ኡንቱንቱ ሹቻቲያሳን ኩንዴና ማላ ያዪዴ፥ ማርካቢ ቤና ማላ ኦይቂያ ኦይዱ ቢራታ ማርካቢያፔ ጉዬና ኣባን ዬጊዴ፥ ሳዓይ ዎንታና ማላ፥ ባሬንቱ ፆሳቱዋ ዎሲኖ።  
\v 30 ማርካቢያን ኦያዋንቱ ማርካቢያፔ ኪቻናው ኮዪዴ፥ ማርካቢ ቤና ማላ ኦይቂያ ኣማሬዳ ቢራታቱዋ ማርካቢያፔ ሲን ባጋና ኣባን ዬጊያዋ ማላቲዴ፥ ዎንጊሪያ ኣባን ዎዳ ዎዴ፥  
\v 31 ጳዉሎሲ ፄታቱዋ ካፑዋኔ ዎታዳራቱዋ፥ «ሃዋንቱ ማርካቢያ ጊዶን ዴዓና ዮፔ፥ ሂንቴንቱ ኣታናው ዳንዳይኪታ» ያጌዳ።  
\v 32 ሄዋፔ ጉዪያን፥ ዎታዳራቱ ዎንጊሪ ቃሼቴዳ ጋዲያ ቃንፂዴ፥ ዬዲ ኣጌዲኖ። 
\p  
\v 33 ሳዓይ ዎንታና ሃኒሺን፥ ጳዉሎሲ ኡባይ ቁማ ማና ማላ፥ ሃዋዳን ያጊዴ ዎሴዳ፤ «ሂንቴንቱ ሃቼና ታማኔ ኦይዱ ጋላሳ ናጌዲታ፤ ቃሲ ሄ ኡባንካ ቁማ ሚቤይኪታ።  
\v 34 ሄዋ ዲራው፥ ጉ ቁማ ሂንቴንቱ ማና ማላ፥ ታኒ ሂንቴንታ ዎሳይ፤ ኣዪሲ ጎፔ፥ ሂንቴንቱ ፓፃ ዴዓናው ጉ ቁማ ማና ኮሼ፤ ሃራይ ኣቶ ሂንቴንቱ ሁጲያ ቢናናፔ ኢቱካ ባዬና» ያጌዳ።  
\v 35 ጳዉሎሲ ሃዋ ጊዴ፥ ኡኪ ኣኪዴ፥ ኡባ ሲንን ፆሳ ጋላቴዳ፤ ሜን ሙሳ ዶሜዳ።  
\v 36 ሄዋፔ ጉዪያን ኡባይ ሎይ፥ ባሬንቶ ቃሲ ቁማ ሜዲኖ።  
\v 37 ኑኒ ማርካቢያን ዴዒያዋንቱ ላዑ ፄታኔ ላፑን ታማኔ ኡሱፑና።  
\v 38 ኡንቱንቱ ሚዴ ካሌዳ ዎዴ፥ ጫና ዛርጋ ኣባን ኦሊዴ ማርካቢያ ዴፁዋ ካዉሺሴዲኖ። 
\s1 ማርካቢያ ሜዑሳ 
\p  
\v 39 ሳዓይ ዎንቴዳ ዎዴ፥ ማርካቢያን ኦያዋንቱ ጋዲያ ኤሪቤይኪኖ፤ ሺን ሃይ ጎጊዴ ኣባን ጌሌዳሳ ሚዪያን ዴዒያ ሻፊያ ኣኬካን ፄሌዲኖ። ባሬንቱሲ ዳንዳዬቲንቶ፥ ማርካቢያ ሄ ሻፊያኮ ላጋናው ባሬንቱ ቆፋ ቃቼዲኖ።  
\v 40 ያቲዴ ማርካቢ ቤና ማላ ኦይቂያ ቢራታቱዋ ቢሊዴ፥ ኣባ ጊዶ ዬጌዲኖ፤ ሄ ዎዴ፥ ማርካቢያ ኮዬዳሳ ዛሪዴ ላጊያ ሚ ቃቼዳ ጋዲያ ቢሌዲኖ፤ ሄዋፔ ጉዪያን፥ ጫርኩ ማርካቢያ ሲንው ሱጋና ማላ፥ ማርካቢያ ኣፊያ ሻራ ሲን ባጋና ቁ ኡዲዴ፥ ቡሳ ዶሜዲኖ።  
\v 41 ሺን ማርካቢ ጪሙ ዴዒያሳፔ ኣዴ ሃን ዶዴቴዳ ሳዓ ማታን ዴዒያ ዴሳን ዶምዔቲ ኤቄዳ፤ ማርካቢያሲ ጉዬ ባጋይ ቤታ ሱጌን ሜዔሬቲሺን፥ ሲን ባጋይ ዱጌ ሼቲዴ፥ ቃፄናን ኢፂ ኣጌዳ። 
\p  
\v 42 ዎታዳራቱ ቃሼቴዳ ኣሳፔ ኢቱኔ ሃ ዋዴ ኬሲ ኣኪ ቤና ማላ፥ ኡንቱንታ ዎናው ዞሬቴዲኖ።  
\v 43 ሺን ፄታቱዋ ካፑ ጳዉሎሳ ኣሻናው ኮዪዴ፥ ዎታዳራቱዋ ማቁዋ ኢፄዳ፤ ሃ ዋ ኤሪያ ኡባይ ማርካቢያፔ ሃን ጉፒ ጉፒዴ ካሴቲዴ ጋፃ ኬሳና ማላ ኣዛዜዳ።  
\v 44 ኣቴዳዋንቱፔ ኣማሬዳዋንቱ ሳንቃን፥ ኣማሬዳዋንቱ ቃይ ማርካቢያ ሜዑዋን ኬሳና ማላ ኣዛዜዳ፤ ሄዋዳን ኡባቱካ ጋፃ ሳሮቴን ኬሴዲኖ። 
\c 28  
\s1 ጳዉሎሲ ማልታ ጊያ ሃን ዶዴቴዳ ሳዓ ቤዳ 
\p  
\v 1 ኑኒ ጋፃ ሳሮቴን ኬሴዳ ዎዴ፥ ሄ ሃን ዶዴቴዳ ሳዓይ ማልታ ጌቴቲያዋ ኤሬዶ።  
\v 2 ሃን ዶዴቴዳ ሳዓን ዴዒያ ኣሳቱ ኑሲ ዳሮ ኬካቴ ኬኬዲኖ፤ ኢራይ ቡካናው ዶሜዳ ዲራዉኔ ሜጉዋ ዲራው፥ ታማ ኤዴ፥ ኑና ኡባ ሞኬዲኖ። 
\p  
\v 3 ጳዉሎሲ ዳሮ ቃይፄሪያ ሚ ሚፂዴ ታማን ዬጊሺን፥ ማርዛማ ሾሻይ ሴላ ዲራው ኬሲዴ፥ ኣ ኩሺያን ፃፄቲዴ፥ ኣ ዱኬዳ።  
\v 4 ሃን ዶዴቴዳ ሳዓን ዴዒያ ኣሳቱ ቂርጫንቲያ ሾሻይ ጳዉሎሳ ኩሺያን ፃፄቴዳዋ ቤዔዳ ዎዴ ኢቱ ኢቱዋሲ፥ «ቱሙ ሃ ቢታኒ ሼምፑዋ ዎያ ኣሳ፤ ሃራይ ኣቶ ኣባፔ ኢ ኣቲናካ ኑ ፆሳ ፒርዳይ ኣ ፓፃ ዴዖ ጊቤና» ያጌዲኖ። 
\p  
\v 5 ሺን ጳዉሎሲ ባሬ ኩሺያፔ ቂርጫንቲያ ሾሻ ዉፃኪዴ፥ ታማን ኦሌዳ፤ ኣ ኣይኔ ኦቤና።  
\v 6 ኡንቱንቱ፥ «ኣ ቦላይ ጋፌ፤ ዎይ ኣኬኬናን ኩንዲዴ ሃይቄ» ያጊዴ ኣ ናጊኖ፤ ሺን ጮራ ዎዲያ ናጊዴ፥ ኣ ቦላን ኣይኔ ዱማቴዳባይ ዪና፥ «ሃዌ ፆሳ» ያጊዴ ባሬንቱ ቆፋ ባሺ ኣጌዲኖ። 
\p  
\v 7 ሄዋ ሄራን ሃን ዶዴቲ ኡቴዳ ሳዓ ካፑዋ ፑፒሊዮሳ ጊያዋሲ ጋዲ ዴዔ፤ ኢ ኑና ኢማቴ፥ ሄዙ ጋላሳ ሲቁዋን ሞኪ ሞዪዜዳ።  
\v 8 ፑፒሊዮሳ ኣቡ ቆፁዋ፥ ሴላኔ ኡሉዋ ካ ሳኬቲ ጊሲዴ ዴዔ፤ ጳዉሎሲ ኣ ሶይ ጌሊዴ፥ ኣው ፆሳ ዎሴዳ፤ ባሬ ኩሺያ ኣ ቦላ ዎዴ፥ ኣ ፓዳ።  
\v 9 ሄዋፔ ጉዪያን፥ ሄ ሃን ዶዴቴዳ ሳዓን ሃርጊያ ሃራ ኡባ ኣሳይካ ቃሲ ዪዴ ፓፄዳ።  
\v 10 ሄዋፔ ሲሚና ኑና ዳሮ ቦንቹዋ ቦንቼዲኖ፤ ኑኒ ማርካቢያን ባናው ዴንዴዳ ዎዴ፥ ኦጌው ኑና ኮሺያባ ኑሲ ኢሜዲኖ። 
\s1 ጳዉሎሲ ማልታፔ ሮሜ ቤዳ 
\p  
\v 11 ሄዙ ኣጌናፔ ጉዪያን፥ ሃን ዶዴቴዳ ሳዓን ባልጉዋ ኣዴ፥ «ማንቴ ፆሳ» \f + \fr 28:11 \fq ማንቴ ፆሳ፡ \ft ሃዋንቱ ላዑ ኣቱማ ናናቱ፥ ካስቶሪኔ ፓሎኪሳ ጌቴቲያዋንቱ ዜዉሴ ናናቱዋ ጊዲዴ፥ ማርካቢያን ዴዒያ ኣሳቱዋ ናጊያ ፆሳቱዋ ጌቴቲዴ ፄሴቲኖ።\f* ጊያ ኢስኪንዲሪያ ማርካቢያን ባናው ዴንዴዶ።  
\v 12 ኑኒ ሲራኩሴ ጊያ ካታማ ጌሊዴ፥ ያኒ ሄዙ ጋላሳ ኡቴዶ።  
\v 13 ሄዋፔ ዩዪዴ፥ ሬጊዩሜ ጊያ ካታማ ጋኬዶ። ኢቲ ጋላሳፔ ጉዪያን፥ ኣዋይ ኬሲያሳ ፄሊያ ዎዴ ኡሼቻ ዱጌሃ ባጋ ጫርኩ ጫርኪና፥ ዎንቲሳ ጋላሲ ፑቲያሉሳ ጊያ ካታማ ዬዶ።  
\v 14 ሄዋን ኑኒ ኢቲ ኢቲ ኣማኒያዋንታ ዴሚና፥ ባሬንቱና ላፑ ጋላሳ ኡታና ማላ፥ ኑና ዎሴዲኖ፤ ሄዋፔ ቃሲ ሮሜ ዬዶ። 
\p  
\v 15 ሮሜን ዴዒያ ኣማኒያዋንቱ ኑባ ሲሲዴ፥ ኣፊያሳ ጌያኔ «ሄዙ ኣቂያሳ ጌቴቲያሳ» ጋካናሲ ኑና ሞካናው ዬዲኖ፤ ጳዉሎሲ ኡንቱንታ ቤዔዳ ዎዴ ፆሳ ጋላቲዴ፥ ዎዛናን ሚኒሴዳ። 
\s1 ጳዉሎሲ ሮሜን ታማሪሴዳ 
\p  
\v 16 ኑኒ ሮሜ ጌሌዳ ዎዴ፥ ጳዉሎሲ ባሬና ናጊያ ዎታዳራና ባሬካ ዴዓናዳን ኡዴቴዳ። 
\p  
\v 17 ሄዙ ጋላሳፔ ጉዪያን፥ ጳዉሎሲ ኣዪሁዳቱዋ ካፓቱዋ ባሬኮ ፄሴዳ፤ ኡንቱንቱ ሺቄዳ ዎዴ፥ ኡንቱንታ ሃዋዳን ያጌዳ፤ «ታናዳን ኣማኒያዋንቶ፥ ታኒ ኑ ኣሳ ዎይ ኑ ኣዋቱዋ ዎጋ ኢታባ ኣይኔ ኦናን፥ ታና ዬሩሳላሜን ቃቺዴ፥ ሮሜ ኣሳሲ ኣዴ ኢሜዲኖ።  
\v 18 ኡንቱንቱ ታና ቢዴዳዋፔ ጉዬ፥ ሃይቃናው ቤሲያባይ ታ ቦላ ኣይኔ ባዪና ዲራው፥ ታና ቢላናው ኮዬዲኖ።  
\v 19 ሺን ሄዋ ኣዪሁዳቱ ኤኖ ጌናን ኢፄዳ ዎዴ፥ ‹ታባ ቄሳሬ ፒርዶ› ጋናዌ ታና ኮሼዳፔ ኣቲን፥ ታኒ ታ ዛሪያ ሞቲያባይ ታው ዴዒና ጊዴና።  
\v 20 ታኒ ሂንቴንቱና ጋኬታናዉኔ ሃሳያናው ሂንቴንታ ፄሴዳዌ ሄዋሳ፤ ኣዪሲ ጎፔ፥ ኢስራዔሊያ ኣሳይ ናሼቻን ናጊያዋ ዲራው ታኒ ሃ ሳንላታን ቃሼታዲ» ያጌዳ። 
\p  
\v 21 ኣዪሁዳ ጪማቱ ጳዉሎሳ፥ «ኑኒ ዪሁዳፔ ኔባው ዳቢዳቢያ ኣኪቤይኮ። ኑ ኢሻቱዋፔካ ሃራይ ኣቶ፥ ኢቱካ ዪዴ፥ ኔባ ኦዲቤና፤ ዎይ ኔ ሱን ባዪዚዴ፥ ኑሲ ኦዲቤና።  
\v 22 ሺን ሄ ኣሳ ሱን ኡባሳን ኣሳይ ባዪዚዴ ሃሳዪያዋ ኑኒ ኤሪያ ዲራው፥ ኔ ቆፋ ሲሳናው ኮዬቶ» ያጌዲኖ። 
\p  
\v 23 ኡንቱንቱ ባሬንቱ ያና ጋላሳ ጳዉሎሳው ኬሪዴ፥ ሄ ጋላሲ ጮሪዴ ኢ ዴዒያሳ ዬዲኖ፤ ኢካ ኡንቱንቶ ፆሳ ካዉቴባ ማርካቴዳ። ቃሲ ኡንቱንቱ ዬሱሳባ ኣማናና ማላ፥ ሙሴ ሂጊያፔኔ ናባቱ ፃፌዳዋፔ ኣኪዴ ኡንቱንታ ታማሪሲዴ፥ ዎንታፔ ኦማርሲ ጋካናው ሎይ ኦዴዳ።  
\v 24 ባጋቱ ጳዉሎሲ ጌዳዋ ኣማኔዲኖ፤ ሺን ባጋቱ ኣማኒቤይኪኖ።  
\v 25 ኡንቱንቱ ባሬንቱ ጊዶን ዬዉዋ ኤኖ ጌናን ኢፄዳ ዎዴ፥ ጳዉሎሲ ኢቲባ ጌዳዋፔ ጉዪያን ቤዲኖ፤ ኢ ሃዋዳን ያጌዳ፤ «ጌሻ ኣያናይ ኑ ኣዋቱዋሲ ናቢያ ኢሲያሳ ማፃፋን፥ 
\q1  
\v 26 ‹ኔኒ ሄ ኣሳኮ ባዴ ሃዋዳን ጋ፤ 
\q1 «ሂንቴንቱ ሲሳ ሲሳና፥ 
\q2 ሺን ሂንቴንቶ ጌሌና፤ 
\q1 ሂንቴንቱ ፄላ ፄላና፥ 
\q2 ሺን ቤዒኪታ። 
\q1  
\v 27 ኣዪሲ ጎፔ፥ ሃ ኣሳ ዎዛናይ ጉዙሜዳ፤ 
\q1 ባሬንቱ ሃይ ቱሊሴዲኖ፤ 
\q2 ባሬንቱ ኣዪፊያካ ጪሉሜዲኖ። 
\q1 ሄዌ ባዌንቶ፥ ባሬንቱ ኣይፊያን ቤዓና፤ 
\q2 ኡንቱንቱ ሃይይካ ሲሳና፤ 
\q1 ኡንቱንቱ ዎዛናይካ ኣኬካና፤ 
\q2 ኡንቱንቱ ታኮ ፆሳኮ ሲማና። 
\q1 ቃሲ ታኒካ ኡንቱንታ ፓና» 
\m ያጋ› ያጌዳ። \x - \xo 28:27 \xt ኢሳ 6፡9-10\x* 
\p  
\v 28 «ሲሚ ሃዌ ፆሳ ኣቶቴይ፥ ኣዪሁዳ ጊዴናዋንቶ ኪቴቴዳዌ ሂንቴንቶ ኤሬቶ። ቃሲ ኡንቱንቱካ ሲሳና» ያጌዳ። 
\p  
\v 29 [ጳዉሎሲ ሄዋ ጌዳዋፔ ጉዪያን፥ ኣዪሁዳቱ ባሬንቱ ጊዶን ዳሮ ፓሉሜቲዴ ቤዲኖ።] \f + \fr 28:29 \ft ዱማ ዱማ ማፃፋቱ ሃዋ ጉጂያዌ፥ ጳዉሎሲ ሃዋ ጌዳዋፔ ጉዪያን ጊያዋና።\f* 
\p  
\v 30 ጳዉሎሲ ኪራ ጎሊያን ላዑ ላይ ኩሜን ዴዒዴ፥ ባሬኮ ዪያ ኡባ ሞኬ።  
\v 31 ባሬና ኦኒኔ ዲጌናን ፆሳ ካዉቴባኔ ጎዳ ዬሱሲ ኪሪስቶሳባ ኦዲዴ፥ ያዬናን ዳሪ ቆንጪሲዴ ታማርሴዳ።