\id 3JN - ዳውሮ 
\h 3 ዮሃኒሳ ኪታ 
\toc1 ዮሃኒሲ ፃፌዳ ሄዜን ኪታ 
\toc2 3 ዮሃኒሳ ኪታ 
\toc3 3ጵፅ 
\mt1 ዮሃኒሲ 
\mt2 ፃፌዳ ሄዜን ኪታ 
\imt1 ጌሉዋ 
\ip ዮሃኒሳ ሄዜን ኪታ፥ ዬሱሲ ኪቴዳ ኣማኒያ ኣሳ ካሌያ ጪማ ዮሃኒሲ ፃፌዳ። ኢ ፃፌዳዌካ ጋዮሳ ጊያ ኢቲ ዎሳ ጎሊያ ካሌያዋሳ። ፃፊ፥ ጋዮሲ ሃራ ኣማኒያዋንታ ማዴዳ ዲራው ኣ ጋላቴ፤ ሃራ ባጋና ቃሲ ዲዮቲራፊሳ ጌቴቲያ ሜቱዋ ሜያ ቢታኒያፔ ናጌታና ማላ ኣኬኪሴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1-4) 
\io1 ጋዮሲ ጋላቴቶዋ (5-8) 
\io1 ዲዮቲራፊሴ ናጌታናዳን ኦዴቶዋ (9-10) 
\io1 ዲሜፂሮሲ ጋላቴቶዋ (11-12) 
\io1 ዉርሴ ቁቲያ (13-15) 
\c 1  
\p  
\v 1 ታኒ ኣማኒያዋንታ ካሌያ ጪማይ፥ ቱሙ ሲቂያ ታ ሲቁዋ ጋዮሳው ሃ ዳቢዳቢያ ፃፋይ። \x - \xo 1:1 \xt ኪት 19፡29፤ ሮም 16፡23፤ 1ቆር 1፡14\x* 
\v 2 ታ ሲቆ፥ ኔኒ ፆሳና ዴዒያ ዴዑ ሎዓ ጊዲያዋ ታኒ ኤሪያዋዳን፥ ኔና ኣያዪኔ ዋዪሴና ማላኔ ቃሲ ኔ ኣሳቴይ ፓፃ ጊዳና ማላ፥ ፆሳ ዎሳይ።  
\v 3 ኣዪሲ ጎፔ፥ ኣማሬዳ ኢሻቱ ዪዴ፥ ኡባ ዎዴ ኔኒ ቱማቴን ዴዒያዋኔ ኔ ቱማቴባ ማርካቴዳ ዎዴ፥ ታኒ ዳሮ ናሼታዲ።  
\v 4 ታ ናናይ \f + \fr 1:4 \fq ታ ናናይ፡ \ft ጎዳ ኣማኒዴ ካሊያዋንታ ጉሳ።\f* ቱማቴን ዴዒያዋ ሲሲያዋፔ ኣዴ፥ ታና ናሼቺያባይ ባዋ። 
\s1 ጋዮሳባ ኣሳይ ማርካቴ 
\p  
\v 5 ታ ሲቆ፥ ኑ ኢሻቱ ኢማ ጊዶፔካ፥ ኔኒ ኡንቱንቶ ኦያ ኦሱዋ ኡባን ኣማኔቴዳ ኦሱዋ ኦዳ።  
\v 6 ቃሲ ኡንቱንቱ ኔ ሲቁዋባ ኣማኒያ ኣሳቶ ማርካቴዲኖ፤ ኡንቱንቱ ቃንፄናን ባሬ ኦጊያ ባና ማላ ፆሳይ ዶሲያዋዳን፥ ኔኒ ሎዖባ ኦዴ ኡንቱንታ ማዳሪኪ።  
\v 7 ኣዪሲ ጎፔ፥ ፆሳ ኣማኔናውንቱፔ ኣዪኔ ኣኬናን፥ ኪሪስቶሳ ሱን ዲራው ኬሴዲኖ።  
\v 8 ሄዋ ዲራው፥ ኑኒ ቱማቴ ኡንቱንቱና ኢቲፔ ኦና ማላ፥ ሃዋንቱ ማላ ኣሳቱዋ ማዳናው ቤሴ። 
\s1 ዲዮቲራፊሴ ሴሬቴዳ፤ ዲሜፂሮሲ ሳቤቴዳ 
\p  
\v 9 ታኒ ኣማኒያዋንቶ፥ ዳቢዳቢያ ፃፋዲ፤ ሺን ኡንቱንቱ ካፑዋ ጊዳናው ኮዪያ ዲዮቲራፊሴ ኑኒ ጊያዋ ኣኬና።  
\v 10 ሄዋ ዲራው፥ ታኒ ያ ቢያ ዎዴ፥ ኢ ኑ ቦላን ሃሳዪያ ኢታ ሃሳያኔ ኢ ኦዳ ኦሱዋ ሂንቴንቶ ኦዳና፤ ቃሲ ኢ ሄዌ ጉፄዳ ጊዴ፥ ኑ ኢሻቱ ዪያ ዎዴ ሞኬና፤ ሃራይ ኣቶ ኡንቱንታ ሞካናው ኮዪያዋንታካ ዲጊዴ፥ ኣማኒያዋንቱ ጊዶፔ ኬሴ። 
\p  
\v 11 ታ ሲቆ፥ ሎዖባፔ ኣቲን፥ ኢታባ ማላቶፓ። ሎዖባ ኦያ ኦኒኔ ፆሳ ኣሳ፤ ሺን ኢታባ ኦያ ኦኒኔ ፆሳ ኤሬና። 
\p  
\v 12 ዲሜፂሮሲ ሎዓ ጊዲያዋ ኣሳይ ኡባይ ማርካቴ፤ ቱማቴይ ባሬ ሁጲያንካ ኣባ ማርካቴ። ኑኒካ ቃሲ ኣባ ማርካቴቶ፤ ኑ ማርካቴይ ቱማ ጊዲያዋ ሂንቴካ ኤሪታ። 
\s1 ዉርሴ ሳሮታ 
\p  
\v 13 ታኒ ኔው ፃፋናው ኮዬዳ ዳሮባይ ዴዔ፤ ሺን ዋራቃታኒኔ ቃላሚያኒኔ ፃፋናው ኮዪኬ።  
\v 14 ሺን ታኒ ማታን ኔናና ጋኬታናው ቆፓይ፤ ሄ ዎዴ ኑኒ ጋኬቲዴ ሃሳያና። 
\p  
\v 15 ሳሮቴይ ኔናና ጊዶ። 
\p ኔ ዳባቱ ኔና ሳሮ ሳሮ ያጊኖ። ኑ ዳባቱዋ ኡባ ኡንቱንቱ ሱን ሱን ፄሳዴ፥ ታና ሳሮ ሳሮ ጌዳ ያጋ።