\id 2TI - ዳውሮ 
\h 2 ፂሞቶሳ 
\toc1 ጳዉሎሲ ፂሞቶሳው ፃፌዳ ላዔን ኪታ 
\toc2 2 ፂሞቶሳ 
\toc3 2ፂም 
\mt2 ጳዉሎሲ 
\mt1 ፂሞቶሳው 
\mt2 ፃፌዳ ላዔን ኪታ 
\imt1 ጌሉዋ 
\ip ሃዌ ጳዉሎሲ ፂሞቶሳው ፃፌዳ ላዔን ኪታይ፥ ጳዉሎሲ ማታ ባሬና ማዲያኔ ኦሱዋ ባሬናና ኢቲፔ ኦያ ዎዳላ፥ ፂሞቶሳ ዞሬዳ ዞሪያ ኦይቄዳዋ። ኣ ዞሪያፔ ዳሪያ ባጋይ ዳንዳያን ጌንጫና ቤሴ ጊያዋ። ፂሞቶሳው ዞሪያኔ ሜንዋ ቃላይ ኢሜቴዳዌ፥ ዬሱሲ ኪሪስቶሳባ ኣማኔቲያዋ ጊዲዴ ማርካታናዳን፥ ሚሺራቹዋ ቃላኔ ኤጫ ቃላ ጫቁዋ ቲሚርቲያ ሚኒሲዴ ኦይቃናዳኒኔ ሜቲያባይኔ ኤቄቲያባይ ዳሮፔካ ታማሪሲያዋኒኔ ሚሺራቹዋ ቃላ ኦዲያዋን ሚናናሳ። 
\ip ፂሞቶሲ ኤያቴን ኦሴቲያ ፓና ሜላ ፓሉማፔ ሃካና ማላ፥ ዱማ ሚኖ ኦዱ ኣው ኦዴቴዳ። ኣዪሲ ጎፔ፥ ሄዋ ማላ ኦዱ ሲሲያዋንታ ባዪዚያዋፔ ኣቲን፥ ሃራ ኢ ኢሚያ ጎዒ ባዋ። 
\ip ሄዋን ኡባን ፂሞቶሲ ሃሳያናው ቤሲያባይ ጳዉሎሳ ዴዑዋኔ ኣ ሃኖታ ሎዖ ቆፋ፥ ሄዋፔካ ኣ ኣማኑዋ፥ ኣ ጌንጩዋ፥ ኣ ሲቁዋ ኣ ዳንዳያኔ ዬዴሳን ኣ ጋኬዳ ሜቱዋ ሌሚሱዋን ካላናዳና። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-2) 
\io1 ፂሞቶሳው ኢሜቴዳ ማቁዋ (1፡3-2፡13) 
\io1 ኣሳይ ካዲያ ዎዴ ኣማኔቲ ቤቱሳ (2፡14-4፡5) 
\io1 ሄ ዎዴ ዴዒያባቱዋኔ ኮሺያ ካሌያ ኦጋቱዋ (4፡6-18) 
\io1 ዉርሴ ቁቲያ (4፡19-22) 
\c 1  
\p  
\v 1 ታኒ ጳዉሎሲ፥ ፆሳይ ኢማና ጌዳ ኪሪስቶሲ ዬሱሳና ኑሲ ዴዒያ ዴዑዋባ ኦዳናው፥ ፆሳይ ጌዳዋዳን፥ ኪሪስቶሲ ዬሱሲ ኪቴዳዌ፥  
\v 2 ታ ሲቆ ናዓ ፂሞቶሳው ሃ ዳቢዳቢያ ፃፋይ። 
\s1 ፂሞቶሳው ኢሜቴዳ ዞሪያ 
\p ፆሳ ኣዉዋፔኔ ኑ ጎዳ ኪሪስቶሲ ዬሱሳፔ፥ ኣ ኬካቴይ፥ ማሮቴይኔ ሳሮቴይ ኔው ጊዶ። 
\p  
\v 3 ታ ዛራቱ ኦዳዋዳን፥ ታኒካ ታና ዞሪያ ጌሻ ዎዛናፔ ኦያ ፆሳ ቃማኔ ጋላሲ ዎሲያ ዎሳን ኡባ ዎዴ ኔና ሃሳዪያ ዲራው፥ ኣ ጋላታይ።  
\v 4 ታኒ ኔ ኣፎ ሃሳያ ሃሳያዴ ናሼታና ማላ፥ ኔና ቤዓናው ዳሮ ላሞታይ። 
\p  
\v 5 ኔናን ዴዒያ ዎርዶ ባይና ኣማኑዋ ሃሳያይ። ሄ ኣማኑ ቤኒ ኔ ዳይ ዳይ ሎይዲኒኔ ኔ ዳይ ኤዉኒቂን ዴዒያ ኣማኑዋ ማላ፤ ቃሲ ኔናኒካ ሄዌ ዴዒያዋ ኤራዲ።  
\v 6 ሄዋ ዲራው፥ ታኒ ታ ኩሺያ ላዑዋ ኔ ቦላ ዎዳ ዎዴ፥ \f + \fr 1:6 \fq ታኒ ታ ኩሺያ ላዑዋ ኔ ቦላ ዎዳ ዎዴ፡ \ft ሃዌ ቤሲያዌ፥ ኣማኒያ ኣሳ ካሌናዳን ጌሻ ኣያናይ ኦሱዋሲ ዶሪና ቱማቴን ካሌያዋንቱ ቃላ ኦዳናው ዎይ ታማሪሳናው ፆሳይ ኦኬዳዋንቱ ቦላን ባሬንቱ ኩሺያ ዎዴ ዎሲያዋ ቤሴ። 1ፂም 1፡4 ፄሊቴ።\f* ፆሳይ ኔው ኢሜዳ ኢሙዋ ኔኒ ዶሺሴና ማላ፥ ኔና ሃሳዪሳይ።  
\v 7 ኣዪሲ ጎፔ፥ ፆሳይ ኑሲ ዎልቃ፥ ሲቁዋኔ ኑ ሁጲያ ናጊያዋ ኢሚያ ጌሻ ኣያና ኢሜዳፔ ኣቲን፥ ያሻ ኣያና ኢሚቤና። 
\p  
\v 8 ሲሚ፥ ኑ ጎዳው ማርካቲያዋን ዎይ ኣ ዲራው ቃሹዋን ዴዒያ ታዋንካ ዬላቶፓ። ሺን ፆሳይ ኔው ኢሚያ ዎልቃ ኬናን ታናና ሚሺራቹዋ ቃላው ዋዬታ።  
\v 9 ፆሳይ ባሬ ቆፋኒኔ ባሬ ኣ ኬካቴን ኑና ኣሺዴ፥ ባሬ ኣሳ ኦናው ፄሶዋፔ ኣቲን፥ ኑኒ ኦዳ ኦሱዋ ዲራው ጊዴና። ኢ ሃ ኣ ኬካቴ ኪሪስቶሲ ዬሱሳ ባጋና ዎዲ ዶሜታናፔ ካሴ ኑሲ ኢሜዳ።  
\v 10 ሺን ሃዒ ሃ ኣ ኬካቴይ ኑና ኣሺያ ኪሪስቶሲ ዬሱሳ ዩሳን ኑሲ ቆንጬዳ። ቃሲ ሃይቁዋ ዎልቃካ ኢ ዪሴዳ። ዎንጋላ ሚሺራቹዋ ባጋና ባዬና ዴዑዋ ኑሲ ቆንጪሴዳ። 
\p  
\v 11 ታኒ ዬሱሲ ኪቴዳዋኔ ኣዪሁዳ ጊዴና ኣሳ ታማሪሲያዋ ጊዳዴ፥ ዎንጋላ ሚሺራቹዋ ኦዳና ማላ፥ ፆሳይ ታና ዶሬዳ።  
\v 12 ቃሲ ታኒ ሃ ሜቱዋ ኣኪያዌ ሄዋ ዲራሳ። ሺን ታኒ ኣማኔዳዋ ኤሪያ ዲራው፥ ዬላቲኬ። ቃሲ ኢ ታው ኢሜዳ ሃዳራ ሄ ጋላሳይ ጋካናው፥ ኢ ናጋናው ዳንዳዪያዋ ኤራይ። 
\p  
\v 13 ታኒ ኔና ታማሪሴዳ ቱሙ ቃላ ሌሚሱዋ ኡዳ ኦዪቃዴ፥ ኪሪስቶሲ ዬሱሳን ኑሲ ዴዒያ ኣማኑዋኒኔ ሲቁዋን ዴዓ።  
\v 14 ኑ ጊዶን ዴዒያ ጌሻ ኣያና ባጋና ኔው ሃዳራ ኢሜዳ ሎዖባ ናጋ። 
\p  
\v 15 ኢሲያ ጊያ ቢታን ዴዒያ ኡባቱ ታፔ ባቃቴዳዋ ኤራሳ፤ ኡንቱንቱ ጊዶን ፒጌሉሲኔ ሄርሞጌኔሲ ዴዒኖ። 
\p  
\v 16 ሄኔሲፎሩ ታና ዳሮ ዎዴ ሜንዳ ዲራው፥ ጎዳይ ኣ ሶይ ኣሳው ማሮቴ ኢሞ። ቃሲ ታኒ ቃሾ ጎሌን ዴዒያዋ ኢ ዬላቲቤና።  
\v 17 ሺን ሮሜ ጊያ ካታማ ጋኬዳሳና ታና ሎይ ኮዪዴ ዴሜዳ።  
\v 18 ሄ ጋላሲ ጎዳፔ ማሮቴ ዴማናዳን፥ ጎዳይ ኣው ኢሞ። ቃሲ ኤፌሶና ጊያ ካታማን ኢ ታና ኣይ ኬና ማዴዴንቶኔ ኔኒ ሎይ ኤራሳ። 
\c 2  
\s1 ኪሪስቶሳው ሎዖ ዎታዳራ ጊዲዴ ሜቱዋ ኣኪያዋ 
\p  
\v 1 ሲሚ ታ ናዓው፥ ኪሪስቶሲ ዬሱሳን ዴዒያ ኣ ኬካቴን ሚና።  
\v 2 ቃሲ ዳሮ ማርካቱ ዴዒያሳን ታፔ ኔኒ ሲሴዳ ዬዋቱዋ ሃራቱዋ ታማሪሳናው ዳንዳዪያ ኣማኔቴዳ ኣሳቱዋሲ ሃዳራ ኢማ። 
\p  
\v 3 ኪሪስቶሳ ዬሱሳው ኣማኔቴዳ ዎታዳራዳን፥ ታናና ዋዬታ።  
\v 4 ኦላ ቢያ ዎታዳራይ ባሬ ካፑዋ ናሼቻናው፥ ዎታዳራ ጊዴና ኣሳይ ኦያ ኪታን ዋላኬቴና።  
\v 5 ቃሲ ዎን ኬሴቲያ ኡራይካ ዎጋዳን ዎፃና ዮፔ፥ ዎይታ ኣኬና።  
\v 6 ዳሮ ዳቡሪዴ ኦዳ ቢታ ጎሺያ ቢታኒ ሺቄዳ ካፔ ባሬና ጋኪያዋ ኮይሮ ኣካናው ቤሴ።  
\v 7 ኔኒ ኡባባ ኣኬካናዳን፥ ጎዳይ ኔና ዳንዳዪሳና ዲራው፥ ታኒ ጊያዋ ቆፓ። 
\p  
\v 8 ታኒ ዎንጋላ ሚሺራቹዋ ኦዲያዋዳን፥ ሃይቁዋፔ ዴንዴዳ ዳዊቴ ዛሪያ ዬሱሲ ኪሪስቶሳ ቆፓ።  
\v 9 ታኒ ዎንጋላ ሚሺራቹዋ ኦዲያ ዲራው፥ ኢታባ ኦዳዋዳን፥ ሃራይ ኣቶ ቃሼታና ጋካናው ዋዬታይ። ሺን ፆሳ ቃላይ ቃሼቴና።  
\v 10 ሄዋ ዲራው፥ ታኒ ፆሳይ ዶሬዳ ኣሳቱካ ኪሪስቶሲ ዬሱሳን ዴዒያ ኣቶቴ ሜና ቦንቹዋና ዴማናዳን፥ ኡንቱንቱ ዲራው፥ ታኒ ኡባባን ዋዬታይ። 
\p  
\v 11 ሃዌ፥ 
\q2 «ኑኒ ኣናና ኢቲፔ ሃይቄዳዋ ጊዶፔ፥ 
\q2 ኣናና ኢቲፔ ዴዓና። 
\q1  
\v 12 ኑኒ ጌንጮፔ፥ 
\q2 ኣናና ኢቲፔ ካዉታና። 
\q1 ኑኒ ኣ ካዶፔ፥ 
\q2 ኢካ ኑና ካዳና። 
\q1  
\v 13 ኑኒ ኣማኔቴናን ኣጎፔካ፥ 
\q2 ኢ ኣማኔቲያዋ ጊዲዴ ዴዓናዋ። 
\q2 ኣዪሲ ጎፔ፥ ኢ ባሬና ባሬ ሁጴው 
\q2 ኤሪኬ ጋናው ዳንዳዬና» 
\m ጊያዌ ቱሙ ሃሳያ። 
\s1 ሚኖ ኦሳንቻ 
\p  
\v 14 ኔኒ ኔ ኣሳ ሃዋ ሃሳዪሳ፤ ኡንቱንቱ ቃላን ፓሉሜቴና ማላ፥ ፆሳ ሲንን ዞራ። ሄዌ ሲሲያ ኣሳ ባዪዚያዋፔ ኣቲን፥ ኣይኔ ጎዔና።  
\v 15 ኔኒ ፆሳ ቱማቴ ቃላ ሱሬቴን ኦዲያዋኔ ቃሲ ኣ ኦሶ ዬላቴና ኦሳንቻ ጊዳዴ፥ ፆሳይ ሳቢያ ኣሳዳን፥ ኔ ሁጲያ ፆሳው ኢማናው ሚና።  
\v 16 ሺን ሃ ሳዓው ኢንጄቲያ ማዴና ሃሳያፔ ኔና ናጋ። ኣዪሲ ጎፔ፥ ሄዌ ፆሳፔ ኣሳ ሃሴ።  
\v 17 ቃሲ ኡንቱንቱ ታማሪሲያዌ ቦላ ጪቱዋዳን ኡባሳ ጋካናሳ። ሄ ታማሪሲያዋንቱፔ ላዓቱ ሄሜኔዮሳኔ ፒሊፆሳ።  
\v 18 ኡንቱንቱ ቱሙዋ ኦጊያ ኣጊዴ፥ «ሃይቁዋፔ ዴንዲያዌ ካሴ ኣዲጌዳ» ያጊዴ ኣማሬዳ ኣማኒያ ኣሳቱዋ ኣማኑዋ ባዪዚኖ። 
\p  
\v 19 ጊዶፔካ፥ ፆሳይ ኤሴዳ ሚኖ ቱሳይ ቃፃና ዳንዳዬና። ቃሲ ኣ ቦላን፥ «ጎዳይ ባሬዋንታ ኤሬ»፤ ቃሲ «ጎዳዋ ጊዲያ ኦኒኔ ኢታ ኦሱዋ ኣጎ» ያጊያ ቃላቱ ፃፌቴዲኖ። \x - \xo 2:19 \xt ፓይ 16፡5\x* 
\p  
\v 20 ኢቲ ዎልቃማ ጎሌን ዎርቃፔኔ ቢራፔ ሜቴዳ ሚሻ ፃላላ ጊዴናን፥ ሚፔኔ ኡርቃፔ ሜቴዳ ሚሻቱካ ዴዒኖ። ሄዋንቱፔ ባጋቱ ቦንቾ ኦሱዋ ኡንቱንቱን ኦናው፥ ቃሲ ባጋቱ ቶሼቲያባ ኡንቱንቱን ኦናው ሜቴዲኖ።  
\v 21 ሄዋ ዲራው፥ ኦኒኔ ሃ ኢታባ ኡባፔ ባሬና ጌሾፔ፥ ኢ ባሬ ጎዳ ጎዒያ ኦሱዋ ኦናው ባሬና ኢሜዳ ዲራው፥ ቦንቾ ኦሱዋ ኦያ ሚሻ ጊዳናዋ። ቃሲ ሎዖ ኦሱዋ ኡባ ኦናው ጊጌቴዳዋ ጊዳናዋ። 
\p  
\v 22 ሺን ኔኒ ኢታ ዎዳላቴ ኣሙዋፔ ባቃታ። ባሬንታ ማዳናው ጌሻ ዎዛናፔ ጎዳ ፄሲሲያዋንቱና ኢቲፔ፥ ፂሎቴ፥ ኣማኑዋ፥ ሲቆቴኔ ሳሮቴ ሚኒሳዴ ካላ። 
\p  
\v 23 ሺን ኤያቱዋ ፓሉሚኔ ኣይኔ ኤሬናዋንቱ ፓሉሚ ዋላሳ ካሌያዋ ኤራዴ ኣፔ ባቃታ።  
\v 24 ጎዳ ቆማይ ኡባው ኬኪያዋ፥ ሎይ ታማሪሲያዋኔ ዳንዳያንቻ ጊዳናው ቤሴፔ ኣቲን፥ ዋላቄታናው ቤሴና።  
\v 25 ቃሲ ኢ ባሬና ኢፂያዋንታ ኣሺኬቴን ሴሪያዋ ጊዳናው ቤሴ። ኡንቱንቱ ባሬንቱ ናጋራፔ ሲሚዴ፥ ቱማቴ ኤራናዳን ፆሳይ ኦኔንቶ፥ ኦኒ ኤሪ።  
\v 26 ቃሲ ኡንቱንቱ ባሬንቱ ዎዛና ቆፋው ሲሚዴ፥ ኡንቱንታ ባሬ ኮዬዳባው ኣዛዜታና ማላ ኦይቄዳ ፃላሂያ ካፑዋ ዳባፔ ኬሲ ኣካና። 
\c 3  
\s1 ዉርሴ ጋላሳቱዋን ሃናናው ዴዒያ ኢታ ዬዋቱዋ 
\p  
\v 1 ሺን ዉርሴ ጋላሲ ዋዪሲያ ዎዲ ያናዋ ኣኬካ።  
\v 2 ኣዪሲ ጎፔ፥ ኣሳይ ባሬና ሲቂያዋንታ፥ ሻሉዋ ሲቂያዋንታ፥ ጬቄቲያዋንታ፥ ኣዪያዋንታ፥ ቦሪያዋንታ፥ ባሬና ዬሌዳዋንቶ ኣዛዜቴናዋንታ፥ ጋላቴናዋንታ፥ ጌሻቴይ ባይናዋንታ፥  
\v 3 ሲቁ ባይናዋንታ፥ ሲጌቴናዋንታ፥ ዚጊርሳንቻቱዋ፥ ባሬና ናጌናዋንታ፥ ኬኬናዋንታ፥ ሎዖባ ዶሴናዋንታ፥  
\v 4 ኡባ ኤሪኬ ጊያዋንታ፥ ዲርቢያዋንታ፥ ኦቶሩዋን ሱጌቲያዋንታ፥ ቃሲ ፆሳፔ ኣዴ፥ ኢሻሉዋ ዶሲያዋንታ ጊዳና።  
\v 5 ኡንቱንቱ ፆሳው ጎዪኒያዋ ማላቲኖ፤ ሺን ኣ ዎልቃ ካዴዲኖ። ሄዋንቱ ማላ ኣሳቱዋኮ ሺቆፓ። 
\p  
\v 6-7 ኣዪሲ ጎፔ፥ ኡንቱንቱፔ ኢቱ ኢቱ ኣሳ ጎሊያ ጌሊዴ፥ ናጋራይ ዴፄዳዋንታ፥ ዱማ ዱማ ኣሙዋን ሱጌቲያዋንታ፥ ኡባ ዎዴ ታማሪዴ፥ ቱማቴ ኤራ ኣካናው ሙሌ ዳንዳዪቤና ዳቡራንቻ ማጫዋንታ ባሌኖ።  
\v 8 ያኔሲኔ ያምባሬሲ \f + \fr 3:8 \fq ያኔሲኔ ያምባሬሲ፡ \ft ሃ ሱንቱ ኤጫ ጫቁዋ ማፃፋን ባዋ። ሺን ጮራ ኣሳይ ጊያ ቆፋይ፥ «ሃዋንቱ ሙሴ ኢስራዔሊያ ኣሳ ጊብፄፔ ኬሲዴ ካሌናው ቆፔዳ ዎዴ፥ ኣናና ኤቄቴዳ ሙሩኒያዋንታ» ያጊያዋና። ኬስ 7፡11፥ 12 ፄሊቴ።\f* ሙሴ ዬዉዋ ጳልቆዋዳን፥ ሄዋዳን ቃሲ ሃዋንቱ፥ ሱሬ ቆፋይ ባይናዋንታ ኣማኑዋን ኩንዴዳዋንቱ፥ ቱማቴባ ጳልቂኖ። \x - \xo 3:8 \xt ኬስ 7፡11\x* 
\v 9 ሺን ያኔሳ ኤያቴይኔ ያምባሬሳ ኤያቴይ ቃሲ ቆንጬዳዋዳን፥ ኡንቱንቱ ኤያቴይካ ኣሳ ኡባው ቆንጫና ዲራው፥ ኡንቱንቱ ካሴዋፔ ኣዴ ዲጪኪኖ። 
\s1 ዉርሴ ዞሪያ 
\p  
\v 10 ሺን ኔኒ ታ ቲሚርቲያ፥ ታ ሃኖታኔ ታ ቆፋ፥ ታ ኣማኑዋኔ ታ ዳንዳያ፥ ታ ሲቁዋኔ ታ ጌንጩዋ፥  
\v 11 ታ ዬዴሳኔ ታ ዋዪያ ቤዓዳ። ኣንፆኪያኔ፥ ኢቆኒዮኔኔ ሊስፂራ ጊያ ካታማቱዋን ታና ጋኬዳባኔ ታኒ ዳንዳዬዳ ዬዴሳ ኤራሳ። ጎዳይ ታና ሄ ኡባፔ ኣሼዳ።  
\v 12 ቱማቴን ኪሪስቶሲ ዬሱሳን ፆሳ ማላቲዴ ዴዓናው ዶሲያ ኡባይ ዬዴርሴታና።  
\v 13 ሺን ኢታ ኣሳቱኔ ባሌያዋንቱ ሃራቱዋ ባሌዴኔ ባሬንቱ ሁጴው ባሊዴ፥ ካሴፔ ኢቲ ኢቲ ቢኖ። 
\p  
\v 14 ሺን ኔኒ ሄ ቱማቴ ኦፔ ታማሬዴንቶኔ ኤራዴ፥ ኔኒ ታማሬዳዋኒኔ ኤሬዳዋን ሚናዴ ዴዓ።  
\v 15 ኔኒ ጉ ናዓቴፔ ዶማዴ ኪሪስቶሲ ዬሱሳ ኣማናዴ፥ ኣቶቴይ ቤቲያ ኣዳ ኤራ ኢማናው ዳንዳዪያ ጌሻ ማፃፋቱዋ ኤራዳ።  
\v 16-17 ፆሳ ማፃፋ ኡባን ፆሳ ኣያናይ ዴዔ። ቃሲ ሄ ማፃፋቱ ፆሳው ኦያ ኣሳይ ኩሜንኔ ሎዖ ኦሱዋ ኡባው ጊጌዳዋ ጊዳና ማላ፥ ቱማቴ ታማሪሳናው፥ ባላ ሴራናው፥ ባዪዙዋ ሱሪሳናዉኔ ፂሎቴ ዴዖ ዞሪያ ኢማናው ማዲኖ። 
\c 4  
\p  
\v 1 ታኒ ኔና ፆሳ ሲንኒኔ፥ ዴዑዋን ዴዒያ ኣሳኔ ሃይቄዳ ኣሳ ፒርዳናው ዴዒያ ኪሪስቶሲ ዬሱሳ ሲንን፥ ቃሲ ኣ ዩሳኒኔ ኣ ካዉቴን ኔና ዞራይ።  
\v 2 ቃላ ኦዳ። ዎዲ ኢንጄቲና ኢንጄታና ዪና፥ ሚናዴ ኦዳ። ዳሮ ዳንዳያን ኣሳ ታማሪሳዴ ሱሪሳ፥ ሴራኔ ዞራ።  
\v 3 ኣዪሲ ጎፔ፥ ኣሳይ ቱሙ ቲሚርቲያ ሲሴናን ኢፂያ ዎዲ ያናዋ። ሺን ኣሳይ ባሬንቱ ኣሙዋ ካሊዴ፥ ሲሳናው ናሼቺያዋ ኦዲያ ታማሪሲያዋንታ ጉጂ ጉጂ ሺሻና።  
\v 4 ኡንቱንቱ ቱሙ ዬዉዋ ሲሲያዋ ኣጊዴ፥ ቶሳ ሲሳናው ባሬንቱ ሃይ ዎራ ዛራና።  
\v 5 ሺን ኔኒ ኡባባኒ ኔ ሁጲያ ናጋናው ቤሴ። ዋዪያ ዳንዳያ። ዎንጋላ ሚሺራቹዋ ኦዲያዌ ኦያ ኦሱዋ ኦ። ፆሳ ቆማዳን፥ ኔ ኦያ ኦሱዋ ኡባ ፖላ። 
\p  
\v 6 ታና ጊዶፔ፥ ታ ሱይ ጉኪዴ ያርሼቲያ ዎዲኔ ቃሲ ሃ ዴዑዋ ኣጋዴ ቢያ ዎዲ ጋኬዳ።  
\v 7 ታኒ ሎዖ ባፂያ ባፄታዲ፤ ዎ ዎፃዴ ዉርሳዲ፤ ኣማኑዋካ ናጋዲ።  
\v 8 ሲንፔ ታው ፂሎቴ ኣኪሊሊ ጊጊ ኡቴዳ። ሄዋ ፂሎ ፒርዳ ፒርዲያ ጎዳይ ሄ ጋላሲ ታው ኢማና። ቃሲ ኪሪስቶሲ ቆንጫናዋ ዶሲያ ኡባሳፔ ኣቲን፥ ታ ፃላላሳ ጊዴና። 
\s1 ኣ ቡዞ ኣላላቱዋባ 
\p  
\v 9 ታኮ ኤሌካ ያናው ሚና።  
\v 10 ኣዪሲ ጎፔ፥ ዴማሲ ሃ ኣላሚያ ዶሲዴ፥ ታና ኣጊዴ፥ ቴሴሎንቂያ ጊያ ካታማ ቤዳ። ቄርቂሲ ጋላቲያ ጊያ ጋዲያ ቢና፥ ቃሲ ቲቶ ዲልማፂያ ጊያ ጋዲያ ቤዳ።  
\v 11 ሉቃሳ ፃላላይ ታናና ዴዔ። ማርቆሲ ታና ኪታን ሎይ ማዳናው ዳንዳዪያ ዲራው፥ ኣ ዴማዴ ኔናና ኣካዴ ያ።  
\v 12 ሺን ታኒ ቲኪቆሳ ኤፌሶና ጊያ ካታማ ኪታዲ።  
\v 13 ኔኒ ያዴ፥ ፂሮዓዳ ጊያ ካታማን ካርፖሳዋን ታኒ ዬጋዴ ዬዳ ታ ጋቢያኔ ቃሲ ማፃፋቱዋ ታው ኣካዴ ያ። ሺን ዱማያዴ ጋልባን ፃፌቴዳ ማፃፋቱዋ ኣያ ጊዶፔኔ፥ ኣኬናን ዮፓ። 
\p  
\v 14 ቢራታ ቆፂያ ኢስኪንዲሪ ታና ዳሮ ቆሄዳ፤ ጎዳይ ኣው ኣ ኦሱዋዳን ዛራና።  
\v 15 ኢ ኑኒ ኦዲያዋ ሎይ ጳልቂያ ዲራው፥ ኔኒ ኣፔ ኔና ናጋ። 
\p  
\v 16 ኮይሮ ታና ሞቲያ ዎዴ፥ ኡባይካ ኣጌዳዋፔ ኣቲን፥ ታና ኦኒኔ ማዲቤና። ፆሳይ ሄዋ ኡንቱንቶ ፓይዶፖ።  
\v 17 ሺን ታኒ ኩሜን ኪታ ኣዪሁዳ ጊዴና ኣሳይ ኡባይ ሲሳናው ኦዳና ማላ፥ ጎዳይ ታ ማታን ኤቂዴ፥ ታው ዎልቃ ኢሜዳ። ቃሲ ጋሙዋ ዶናፔካ ታና ኣሼዳ።  
\v 18 ጎዳይ ታና ኢታባ ኡባፔ ኣሺዴ፥ ባሬ ሳሉዋ ካዉቴ ሳሮቴን ኣፋና፤ ኣው ሜ ሜናው ቦንቹ ጊዶ። ኣሜንዒ። 
\s1 ዉርሴ ሳሮታ 
\p  
\v 19 ጲሪስቂሊሲ፥ ኣቂላሲኔ ሄኔሲፎሩ ሶይ ኣሳው ታ ሳሮታ ኦዳ።  
\v 20 ኤራስፆሲ ቆሮንቶሳ ጊያ ካታማን ኣቴዳ። ሺን ፂሮፊሞሲ ሳኬቴዳ ዲራው፥ ሚሊፄ ጊያ ካታማን ኣ ዎዲ።  
\v 21 ባልጉ ዎናፔ ካሴ ያናው ሚና። 
\p ኤዉቡሉሲ፥ ጱዴሲ፥ ሊኖሲኔ ቂላዉዴ ቃሲ ሃራ ኢሻቱ ኡባይካ ኔና ሳሮ ሳሮ ጊኖ። 
\p  
\v 22 ጎዳይ ኔ ኣያናና ጊዶ። ኣ ኬካቴይ ሂንቴናና ኡባና ጊዶ። ኣሜንዒ።