\id 2TH - ዳውሮ 
\h 2 ቴሴሎንቃ 
\toc1 ጳዉሎሲ ቴሴሎንቂያ ኣሳው ፃፌዳ ላዔን ኪታ 
\toc2 2 ቴሴሎንቃ 
\toc3 2ቴስ 
\mt2 ጳዉሎሲ 
\mt1 ቴሴሎንቂያ ኣሳው 
\mt2 ፃፌዳ ላዔን ኪታ 
\imt1 ጌሉዋ 
\ip ኪሪስቶሳ ላዔን ዩሳ ፄሊያዋን ዴንዴዳ ኦሻይ ዋላሳ ሜዴ ቤዳ ዲራው፥ ቴሴሎንቄን ዴዒያ ኣማኒያ ኣሳ ጊዶን ሜቱ ዳሪዴ ቤዳ። ጳዉሎሲ ቴሴሎንቂያ ኣሳሲ ፃፌዳ ላዔን ኪታይ፥ «ጎዳይ ያና ጋላሳይ ማቴዳ» ያጊያ ኣማኑዋ ሚኒሲዴ ኦዴ። ጳዉሎሲ ኡንቱንቱሲ ኦዲዴ፥ «ኪሪስቶሲ ያናፔ ካሴቲዴ ኪሪስቶሳ ቲሚርቲያ ጳልቂያ ኢቲ፥ ‹ማካላ ኣሳ› ጌቴቲያ ኪሪስቶሳ ኢፂያዌ ካሌና ኣላሚያ ቦላን ኢታቴይኔ ማካላይ ዳሪዴ ባና» ያጊዴ ኡንቱንቱ ኣማኑዋ ሱሪሳናው ማሌ። 
\ip ዬሱሲ ኪቴዳዌ ናባቢያዋንቱሲ፥ «ሜቱኔ ዋዪ ዳሮፔካ ኡንቱንቱ ባሬንቱ ኣማኑዋን ሚናናዳን፥ ኢካ ኣናና ኢቲፔ ኦያዋንቱካ ኦያዋዳን፥ ኡንቱንቱ ባሬንቱ ዴዑዋሲ ኮሺያዋ ዴማናው፥ ሚኒዴ ኦናዳን፥ ሄዋዳንካ ቃሲ ሎዖ ኦሱዋ ኦናው ቤናዳን» ያጊ ኡንቱንታ ሚኒሲዴ ዞሬ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-2) 
\io1 ጋላታኔ ሃዳራ (1፡3-12) 
\io1 ዬሱሳ ላዔንዋ ዩሳው ኢሜቴዳ ቲሚርቲያ (2፡1-17) 
\io1 ኣማኑዋን ዴዑዋባ ማቁዋ (3፡1-15) 
\io1 ዉርሴ ቁቲያ (3፡16-18) 
\c 1  
\p  
\v 1 ኑኒ ጳዉሎሲ፥ ሲላሴኔ ፂሞቶሲ፥ ቴሴሎንቄን ዴዒያ ኣማኒያ ኣሳቶ ሃ ዳቢዳቢያ ፃፌቶ። ሄዋንቱ ፆሳ ኑ ኣቡዋንታኔ ጎዳ ዬሱሲ ኪሪስቶሳዋንታ። 
\p  
\v 2 ፆሳ ኑ ኣዉዋፔኔ ጎዳ ዬሱሲ ኪሪስቶሳፔ፥ ኣ ኬካቴይኔ ሳሮቴይ ሂንቴንቶ ጊዶ። 
\s1 ኪሪስቶሳ ዩሳ ጋላሲ ሃናና ፒርዳ 
\p  
\v 3 ኑናዳን ፆሳ ካሊያዋንቶ፥ ሂንቴንቱ ኣማኑ ሎይ ዲጪያ ዲራዉኔ፥ ሂንቴንቱ ኢቱ ኢቱዋ ሲቂያ ሲቁ ዳሪያ ዲራው፥ ኑኒ ሂንቴንቶ ቤሲያዋዳን፥ ፆሳ ኡባ ዎዴ ጋላታናው ቤሴ።  
\v 4 ሄዋ ዲራው፥ ሂንቴንታ ዬዴሳይኔ ዋዪያ ኡባይ ጋኪናካ ሂንቴንቱ ጌንጪያዋኔ ኣማኒያዋ ኑኒ ኑ ሁጴው ፆሳ ኣማኒያዋንቶ ኦዲዴ፥ ሂንቴዋን ጬቄቴቶ። 
\p  
\v 5 ሂንቴንቱ ዋዬቲያ ፆሳ ካዉቴው ቤሲያዋንታ ጊዲዴ ፓይዴታና ማላ፥ ፆሳይ ፒርዲያ ፂሎ ፒርዳ ቤሲያ ማላ።  
\v 6-7 ፆሳይ ቱሙ ፒርዳ ፒርዳና። ጎዳይ ዬሱሲ ባሬ ዎልቃማ ኪታንቻቱዋና ታማ ላጩዋ ጊዶን ሳሉዋፔ ዪያ ዎዴ፥ ፆሳይ ሂንቴንታ ዋዪሲያዋንቱ ቦላ ዋዪያ ኣሃና። ቃሲ ዋዬቲያ ሂንቴናኔ ኑና ሼምፒሳና።  
\v 8 ቃሲ ፆሳይ ባሬና ኤሬናዋንታኔ ኑ ጎዳ ዬሱሲ ኪሪስቶሳ ዎንጋላ ሚሺራቾ ኣዛዜቴናዋንታ ሙራና።  
\v 9-10 ሄ ጋላሲ ኢ ባሬ ጌሻቱዋን ቦንቼታናዉኔ ቃሲ ባሬና ኣማኒያ ኡባቱዋን ሳቤታናው ዪያ ዎዴ፥ ኡንቱንቱ ጎዳ ሲንፔኔ ኣ ዎልቃ ቦንቹዋፔ ሻኬቲዴ፥ ሜና ባሻን ሙሬታና። ጋሱኔካ፥ ኑኒ ሂንቴንቶ ኦዴዳ ኪታይ ኣማኔቴዳ። \x - \xo 1:9-10 \xt ኢሳ 2፡10\x* 
\p  
\v 11 ኑኒ ሂንቴንቶ ኡባ ዎዴ ፆሳ ዎሲያዌ ሄዋሳ። ኑ ፆሳይ ፄሴዳ ዴዖ ሂንቴንታ ቤሲያዋንታ ጊዴ ፓይዳናዳን፥ ኑኒ ኣ ዎሴቶ፤ ሂንቴንቱ ሎዖባ ኡባ ኣሞቲያዋኔ ሂንቴንቱ ኣማኑዋ ኦሱዋ ኢ ባሬ ዎልቃን ፖሎ።  
\v 12 ሄዋን ኑ ፆሳ ኣ ኬካቴኒኔ ቃሲ ኑ ጎዳ ዬሱሲ ኪሪስቶሳ ኣ ኬካቴን፥ ጎዳ ዬሱሳ ሱን ሂንቴንቱ ቦንቻና፤ ሂንቴናካ ኢ ቦንቻና። 
\c 2  
\s1 ዬሱሳ ላዔዋ ዩሳባ 
\p  
\v 1 ሃዒ ኑናዳን ፆሳ ካሊያዋንቶ፥ ኑ ጎዳ ዬሱሲ ኪሪስቶሳ ዩሳባዉኔ ኑኒ ኣናና ዴዓናው ኣኮ ሺቃናባው፥  
\v 2 ቲምቢቲያ ኣሳይ ሂንቴንቶ ኦዲያዋን ዎይ ሃራ ኣሳፔ ሲሴዳ ቃላን፥ ዎይ ኦኒኔ ኑፔ ዬዳ ኪታዳን ሃሳዪያዋን፥ «ጎዳ ጋላሳይ ጋኬዳ» ጊዴ ሂንቴንቱ ኤሌካ ዳጋሜናዳኒኔ ዎዛና ባዬናዳን፥ ኑኒ ሂንቴንታ ዎሴቶ።  
\v 3 ሂንቴንታ ኦኒኔ ኣይ ኦጊያኒኔ ባሌፖ። ኣዪሲ ጎፔ፥ ካሴቲዴ ማካሊያዌኔ ቃሲ ናጋራንቻይ፥ ባሻ ናዓይ ቆንጬናን ዴዒሺን፥ ሄ ጋላሳይ ጋኬና።  
\v 4 ኣሳይ ጎዪኒያ ኡባባኔ ኣሳይ ፆሳ ጊያ ኡባባ ኢ ኢፃና። ኢ ባሬና ኡንቱንቱ ኡባፔ ቁ ኦና። ቃሲ ሃራይ ኣቶ ፆሳ ጌሻ ጎሊያ ጌሊ ኡቲዴካ፥ «ታኒ ፆሳ» ጋና። 
\p  
\v 5 ሂንቴንቱ ሃሳዪኪቴ? ታኒ ሄዋ ሂንቴንቶ ሂንቴናና ዴዓዴ ኦዳዲ።  
\v 6 ኢ ባሬ ዎዲያን ያናፔ ኣቲን፥ ሃዒ ያናዋ ኣያይ ኣ ቴቂንቶ፥ ሂንቴንቱ ኤሪታ። 
\p  
\v 7 ኣዪሲ ጎፔ፥ ፁራ ጊዴዳ ማካላይ ሃዒ ኦ፤ ሺን ሄ ቴዒያዌ ኦጊያፔ ኪቻና ጋካናው፥ ኢ ቆንጬና።  
\v 8 ሄዋፔ ጉዪያን፥ ሄ ማካላንቻይ ቆንጪና፥ ጎዳይ ዬሱሲ ባሬ ዶና ፔኑዋን ኣ ዎና። ቃሲ ዬሱሲ ባሬ ላዔን ቦንቾ ዩሳን ኣ ሙሌካ ዪሳና። \x - \xo 2:8 \xt ኢሳ 11፡4\x* 
\v 9 ሄ ማካላንቻይ ሴፃና ኦሱዋን ዪዴ፥ ዳሮ ዎልቃን ዎርዶ ማላታኔ ማላሊሲያዋ ኦና። \x - \xo 2:9 \xt ማት 24፡24\x* 
\v 10 ሄዋዳንካ፥ ቃሲ ዪያ ኣሳቱዋ ዱማ ዱማ ኢታ ጪሙዋን ባሌና። ዪያዋንቱ ኣታናው ቱማቴ ሲቂዴ ኣኪቤና ዲራው ያና።  
\v 11-12 ሄዋ ዲራው፥ ቱማቴ ኣማኒቤና ኡባ ኣሳቱ፥ ናጋራ ኦያዋን ናሼቲያዋንቱ ኡባይ ፒርዴታናዳኒኔ ዎርዶ ጊዲያባ ኣማናናዳን፥ ፆሳይ ዎልቃማ ባላ ኡንቱንቱ ጊዶ ዬዳና። 
\s1 ኣቶቴው ዶሬቴዳ ኣሳቱዋ 
\p  
\v 13 ሺን ጎዳይ ሲቂያ ኑናዳን ፆሳ ካሊያዋንቶ፥ ኑኒ ፆሳ ሂንቴንቱ ዲራው፥ ኡባ ዎዴ ጋላታናው ቤሴ። ኣዪሲ ጎፔ፥ ጌሻ ኣያና ዎልቃኒኔ ቱማቴ ሂንቴንቱ ኣማኒያዋን ሂንቴንታ ኣሻናው፥ ፆሳይ ሂንቴና ባይራዳን ዶሬዳ።  
\v 14 ፆሳይ ሂንቴንታ ኑኒ ሂንቴንቶ ኦዴዳ ኑ ሚሺራቹዋ ቃላ ባጋና ፄሴዳዌ፥ ሂንቴንቱ ኑ ጎዳ ዬሱሲ ኪሪስቶሳና ኢቲፔ ቦንቼታናሳ።  
\v 15 ሲሚ ኑናዳን ፆሳ ካሊያዋንቶ፥ ሚኒዴ ኤቂቴ፤ ኑኒ ሂንቴና ኑ ዶናን ጊዲና፥ ዎይ ኑ ዳቢዳቢያን ጊዲና፥ ታማሪሴዳ ዎጋ ኦይቂቴ። 
\p  
\v 16-17 ኑ ጎዳ ዬሱሲ ኪሪስቶሲ ባሬ ሁጲያን ቃሲ ፆሳይ፥ ኑ ኣዉ ኑና ሲቂዴ፥ ባሬ ኣ ኬካቴን ኑሲ ሜና ዳንዳያኔ ሎዖ ሂዶታ ኢሜዳዌ፥ ቃሲ ሂንቴንቱ ሎዖባ ኡባ ኦናዳኒኔ ሃሳያናዳን፥ ሂንቴንቱ ዎዛና ሚኒሶኔ ሜን። 
\c 3  
\s1 ጳዉሎሲ፥ «ኑሲ ዎሲቴ» ያጌዳ 
\p  
\v 1 ዉርሴን ኑናዳን ፆሳ ካሊያዋንቶ፥ ጎዳ ቃላይ ሂንቴንቱ ጊዶን፥ ኤሌካ ኣካናዳኒኔ ቦንቼታናዳን፥ ኑሲ ፆሳ ዎሲቴ።  
\v 2 ቃሲ ኣሳይ ኡባይ ኣማኔና ዲራው፥ ፆሳይ ኑና ናጋራንቻ ኣሳቱዋፔኔ ኢታ ኣሳቱዋፔ ኣሻና ማላ፥ ኑሲ ዎሲቴ። 
\p  
\v 3 ሺን ጎዳይ ኣማንያዋ፤ ኢ ሂንቴና ሜንናኔ ቃሲ ኢታፔካ ናጋና።  
\v 4 ኑኒ ሂንቴና ኣዛዚያዋ ሂንቴንቱ ሃዒ ኦያዋኔ ቃሲ ሲንፔካ ኦናዋ ጎዳይ ኑና ሂንቴዋን ኣማን። 
\p  
\v 5 ጎዳይ ሂንቴንቱ ዎዛና ፆሳ ሲቁዋኮኔ ኪሪስቶሲ ኢሚያ ዳንዳያኮ ካሌ። 
\s1 ኪታ ኪቴቲ ዴዓናዌ ጊዴ 
\p  
\v 6 ኑናዳን ፆሳ ካሊያዋንቶ፥ ሂንቴንቱ ኑፔ ኣኬዳ ዎጋ ካሌናን ኣዛላ ዴዑዋ ዴዒያ ኢሻ ኡባፔ ሂንቴንቱ ሻኬታናዳን፥ ኑ ጎዳ ዬሱሲ ኪሪስቶሳ ሱንን ሂንቴና ኣዛዜቶ።  
\v 7 ኣዪሲ ጎፔ፥ ኑኒ ሂንቴናና ዴዒያ ዎዴ ኣዛሊቤና ዲራው፥ ሂንቴንቱ ኑዋዳን ሃኒዴ ዴዓናው ቤሲያዋ ሂንቴንቱ ሂንቴንቱ ሁጲያን ኤሪታ።  
\v 8 ኑኒ ሂንቴፔ ኦሲኔ ቶኩዋ ጊዴና ማላ፥ ቃማኔ ጋላሲ ዳቡሪዴኔ ጃሚዴ ኦዴ ዴዔዳዋፔ ኣቲን፥ ኦፔኔ ቁማ ጮ ሚቦኮ።  
\v 9 ኑኒ ሄዋ ኦዳዌ ሂንቴንቱ ኑዋዳን ሃኒዴ ዴዓናዳን፥ ኑኒ ሂንቴንቶ ሌሚሱዋ ጊዳናዳፔ ኣቲን፥ ሄዋ ሂንቴና ኦቻናው ኑሲ ማታይ ዪና ጊዴና።  
\v 10 ኣዪሲ ጎፔ፥ ኑኒ ሃራይ ኣቶ ሂንቴናና ዴዒዴካ፥ «ኦናው ኮዬና ኡራይ ኦኒኔ ሞፖ» ያጊዴ ሂንቴና ኣዛዜዶ። 
\p  
\v 11 ኣዪሲ ጎፔ፥ ኣሳ ዬዉዋን ጌሊያዋፔ ኣቲን፥ ኣዪኔ ኦናዋንቱ፥ ኣዛላ ዴዑዋ ዴዒያ ኣማሬዳ ኣሳቱ ሂንቴንቱ ጊዶን ዴዒያዋ ኑኒ ሲሴዶ።  
\v 12 ኑኒ ሄዋንቱ ማላ ኣሳቱ ማራ ዴዑዋ ዴዓናዳኒኔ ኦዴ ቁማ ማናዳን፥ ጎዳ ዬሱሲ ኪሪስቶሳ ሱንን ኣዛዜቶኔ ዞሬቶ። 
\p  
\v 13 ሺን ሂንቴንቱ ኑናዳን ፆሳ ካሊያዋንቶ፥ ሎዖ ኦሱዋ ኦናው ኣዛሎፒቴ።  
\v 14 ቃሲ ኑኒ ሃ ዳቢዳቢያን ኪቴዳ ኪታው ኣዛዜቴና ኡራይ ኦኒኔ ዴዖፔ፥ ሄ ኡራ ኣኬኪቴ። ኢ ዬላታና ማላ፥ ኣፔ ሻኬቲቴ።  
\v 15 ሺን ኢሻዳን ኣ ሴሪቴፔ ኣቲን፥ ሞርኪያዳን ፄሎፒቴ። 
\s1 ዉርሴ ሳሮታ 
\p  
\v 16 ሳሮቴ ጎዳይ ባሬ ሁጲያን ሂንቴንቶ ኡባ ዎዴኔ ኡባ ባጋና ሳሮቴ ኢሞ። ጎዳይ ሂንቴናና ኡባና ጊዶ። 
\p  
\v 17 ታኒ ጳዉሎሲ፥ ሃ ሳሮታ ታ ኩሺያን ፃፋዲ፤ ታ ዳቢዳቢያ ኡባው ሃዌ ታ ፊርማ። ሃዌ ታኒ ፃፊያ ኦጊያ። 
\p  
\v 18 ኑ ጎዳ ዬሱሲ ኪሪስቶሳ ኣ ኬካቴይ ሂንቴናና ኡባና ጊዶ።