\id 2JN - ዳውሮ 
\h 2 ዮሃኒሳ ኪታ 
\toc1 ዮሃኒሲ ፃፌዳ ላዔን ኪታ 
\toc2 2 ዮሃኒሳ ኪታ 
\toc3 2ጵፅ 
\mt1 ዮሃኒሲ 
\mt2 ፃፌዳ ላዔን ኪታ 
\imt1 ጌሉዋ 
\ip ዮሃኒሳ ላዔን ኪታ፥ ዬሱሲ ኪቴዳ ኣማኒያዋንታ ካሌያ ጪማ ዮሃኒሲ ፃፌዳ። ፃፌቴዳዌካ፥ ዶሬቴዳ ጎዳቲሳኔ ኢዚ ናናቱዋሳ። ኢዛካ ሄ ዎዴ ዴዒያ ኣማኒያ ኣሳ ሺቁዋ ቤሳው። ሃ ቃን ኪታይ ፃፌቴዳዌ ኡንቱንቱ ኢቱ ኢቱዋና ሲቄታናዳን ሃሳዪሳናሳኔ ዎርዶ ኣስታማራቱዋፔኔ ኡንቱንቱ ቲሚርቲያፔ ናጌታናዳን ቆፊሳናሳ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1-3) 
\io1 ሲቁ ኡባፔ ቦላ (4-6) 
\io1 ዎርዶ ቲሚርቲያፔ ናጌታናዳን ኦዴቶዋ (7-11) 
\io1 ዉርሴ ቁቲያ (12-13) 
\c 1  
\p  
\v 1-2 ታኒ ኣማኒያዋንታ ካሌያ ጪማይ፥ ሂንቴንቶ፥ ዶሬቴዳ ጌኒዉኔ ኢዚ ናናው \f + \fr 1:1-2 \fq ዶሬቴዳ ጌኒዉኔ ኢዚ ናናው፡ \ft ኦኒ ኤሪ ሃዌ ፃፌቴዳዌ፥ ዎሳ ጎሌዉኔ ኢዚን ዴዒያ ጎዳ ካሊያ ኣማኒያዋንቶ ጊዴናን ኣጌና። 13 ፄሊቴ።\f* ሃ ዳቢዳቢያ ፃፋይ፤ ኑ ጊዶን ዴዒያ ቃሲ ኑናና ሜናው ዴዓና ቱማቴ ዲራው፥ ታኒ ሂንቴና ቱሙ ሲቃይ። ቃሲ ታ ፃላላ ጊዴናን፥ ቱማቴ ኤሪያ ኡባቱ ሂንቴና ሲቂኖ። 
\p  
\v 3 ፆሳ ኑ ኣዉዋኔ ኣ ናዓ ዬሱሲ ኪሪስቶሳ ኣ ኬካቴይ፥ ማሮቴይኔ ሳሮቴይ ቱማቴኒኔ ሲቁዋን ኑናና ኢቲፔ ጊዶ። 
\s1 ቱሙዋባኔ ሲቁዋባ 
\p  
\v 4 ፆሳ ኣዉ ኑና ኣዛዜዳዋዳን፥ ኔ ናናቱዋፔ ኣማሬዳዋንቱ፥ ቱማቴን ዴዒያዋ ቤዓዴ ታኒ ዳሮ ናሼታዲ።  
\v 5 ሲቆ ጌኔ፥ ሃዒካ ኑኒ ኡባይ ኢቱ ኢቱዋና ሲቄታና ማላ፥ ታኒ ኔና ዎሳይ፤ ሃ ኣዛዙ ካሴዴፔ ኑናና ዴዒያ ኣዛዙዋፔ ኣቲን፥ ታኒ ኔው ኦራ ኣዛዙዋ ፃፊኬ። \x - \xo 1:5 \xt ዮህ 13፡34፤ 15፡12፣ 17\x* 
\v 6 ሲቁዋ ጊያዌ ኑኒ ፆሳ ኣዛዙዋ ናጊዴ ዴዒያዋ ጊያዋ። ቃሲ ኮዪሩዋፔ ሂንቴ ሲሴዳዋዳንካ፥ ኣ ኣዛዙ ኣዬ ጎፔ፥ ሂንቴ ኡባይ ሲቁዋን ዴዓናዋ። 
\p  
\v 7 ኣዪሲ ጎፔ፥ ዬሱሲ ኪሪስቶሲ ኣሳ ጊዲዴ ዬዳዋ ኣማኖኮ ጊያዋንቱ፥ ባሌያ ዳሮ ኣሳቱ፥ ጋዴ ጊዶ ጌሌዲኖ። ሄዋ ማላ ኡራይ ኦኒኔ ኣሳ ባሌያዋኔ ኪሪስቶሳ ኤቄቲያዋ።  
\v 8 ሂንቴ ኦዳዎ ኩሜን ዎይታ ኣካናፔ ኣቲን፥ ኑኒ \f + \fr 1:8 \fq ኑኒ፡ \ft ኢቲ ኢቲ ጌሻ ማፃፋ ቢሌይ፥ «ሂንቴንቱ» ያጌ።\f* ኦዳዋ ባዪዜና ማላ፥ ሂንቴና ናጊቴ። 
\p  
\v 9 ኪሪስቶሳ ቲሚርቲያፔ ሃኪያ ኡራዉኔ ቃሲ ኣ ቲሚርቲያን ዴዔና ኡራው ፆሳና ኢቲፔቴይ ባዋ። ኪሪስቶሳ ቲሚርቲያን ዴዒያ ኡራው ፆሳ ኣዉዋናኔ ኣ ናዓና ኢቲፔቴይ ዴዔ።  
\v 10 ኦኒኔ ሂንቴኮ ዪዴ፥ ሃ ቲሚርቲያ ኣሄናን ኣጎፔ፥ ሂንቴ ጎሌ ኣ ጌሊሶፒቴ፤ ሳሮካ ጎፒቴ።  
\v 11 ኣዪሲ ጎፔ፥ ኣ ሳሮ ጊያ ኡራይ ኣ ኢታ ኦሱዋ ኣናና ጊሼቴ። 
\s1 ዉርሴ ሳሮታ 
\p  
\v 12 ታኒ ሂንቴንቶ ፃፋናው ኮዬዳ ዳሮባይ ዴዔ፤ ሺን ዋራቃታኒኔ ቃላሚያን ፃፋናው ኮያቤይኬ፤ ሺን ኑ ናሼቻይ ፖሌታና ማላ፥ ሂንቴናና ዶናን ሃሳያናው ሂንቴኮ ባና ጋዴ ቆፓይ። 
\p  
\v 13 ሲቆ ጌኔ፥ ፆሳይ ዶሬዳ ኔ ሚቻቲ ናናይ ኔና ሳሮ ሳሮ ያጊኖ።