\id 2CO - ዳውሮ 
\h 2 ቆሮንቶሳ 
\toc1 ጳዉሎሲ ቆሮንቶሳ ኣሳው ፃፌዳ ላዔን ኪታ 
\toc2 2 ቆሮንቶሳ 
\toc3 2ቆር 
\mt2 ጳዉሎሲ 
\mt1 ቆሮንቶሳ ኣሳው 
\mt2 ፃፌዳ ላዔን ኪታ 
\imt1 ጌሉዋ 
\ip ጳዉሎሲ ቆሮንቶሳ ኣሳው ፃፌዳ ላዔን ኪታይ ፃፌቴዳዌ፥ ጳዉሎሳው ቆሮንቶሳን ዴዒያ ኣማኒያ ኣሳና ዴዒያ ጋኬይ ዳሮ ሜቱዋ ጊዶ ጌሊ ኡቴዳ ዎዲያና። ኢቲ ኢቲ ኣማኒያ ኣሳቱ ኢቲ ኢቲ ቶሺያ ጳዉሎሳ ቦላ ዎዲኖ፤ ጊዶፔኔ ጳዉሎሲ ሲጋቴ ሜናው ላሞታይ ባሬው ዴዒያዋ ቤሲዴ፥ ሄዌ ሃኒያ ዎዴ ዎልቃማ ናሼቻ ናሼታናው ዳንዳዪያዋ ቆንጪሴ። 
\ip ሃ ኪታ ኮይሮ ዶሜን ጳዉሎሲ ቆሮንቶሳን ዴዒያ ኣማኒያዋንቱና ባሬው ዴዒያ ጋኮቴ ቆንጪሲዴ፥ ኣማኒያዋንቱ ጊዶን ዴንዴዳ ቶሺያሲኔ ጳልቄሲ፥ ኢ ኡንቱንቶ ኣያሲ ሚኖ ዛሩዋ ኢሜዴንቶ ኦዴ። ሄዋናካ ጋዴ ሃዌ ኣ ሴራይ ኡንቱንታ ናጋራፔ ሲማሲኔ ሲጋቴው ካሌዳ ዲራው፥ ሲሴቴዳ ናሼቻ ኡንቱንቱሲ ቆንጪሴ። ካሊዴ ቃሲ ዪሁዳን ዴዒያ ኣማኒያዋንታ ማዲያዋ ባሬንቱዋፔ ጮ ኢማና ማላ፥ ኡንቱንታ ሃሳዪሴ። ዉርሴ ሼምፓቱዋን ጳዉሎሲ ዬሱሳፔ ኪቴቴዳዋ ጊዲያዋ ቦላ ሺቄዳ ሞቱዋሲ ዛሩዋ ቃላ ኢሜ። ኣዪሲ ጎፔ፥ ቆሮንቶሳ ኣማኒያዋንቱ ጊዶን ኢቲ ኢቲ ኣሳቱ ባሬንታ ቱሙ ዬሱሲ ኪቴዳዋንታ ኬሲዴ፥ «ጳዉሎሲ ዬሱሲ ኪቴዳዋ ጊዴና፤ ኢ ዎርዱዋ» ያጊዴ፥ ኣ ሞቲኖ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ኡባፔ ሲንቲያ ዬዉዋ (1፡1-11) 
\io1 ጳዉሎሳኔ ቆሮንቶሳን ዴዒያ ኣማኒያዋንታ (1፡12-7፡16) 
\io1 ዪሁዳን ዴዒያ ኣማኒያዋንቶ ኢሜቴዳ ማዱዋ (8፡1-9፡15) 
\io1 ጳዉሎሲ ባሬ ኪቴቴዳ ማታው ኤቄታናው ሺሼዳ ቃላ ማርካ (10፡1-13፡10) 
\io1 ዉርሴ ቁቲያ (13፡11-14) 
\c 1  
\p  
\v 1 ታኒ ጳዉሎሲ፥ ፆሳ ሼኒያን፥ ኪሪስቶሲ ዬሱሲ ኪቴዳዌኔ ኑ ኢሻይ ፂሞቶሲ ፆሳው ጎዪኒያ ቆሮንቶሳ ካታማን ዴዒያ ኣማኒያዋንቶኔ ኣካዪያን ዴዒያ ፆሳ ናናቶ ሃ ዳቢዳቢያ ፃፌቶ። 
\p  
\v 2 ፆሳ ኑ ኣዉዋፔኔ ጎዳ ዬሱሲ ኪሪስቶሳፔ፥ ኣ ኬካቴዪኔ ሳሮቴይ ሂንቴንቶ ጊዶ። 
\s1 ጳዉሎሲ ፆሳው ሺሼዳ ጋላታ 
\p  
\v 3 ፆሳ ኑ ጎዳ ዬሱሲ ኪሪስቶሳ ኣዉዋ፥ ማሮቴ ኣዉዋኔ ሜንዋ ኡባ ፆሳ ጋላታይ ጋኮ፤  
\v 4 ፆሳይ ኑና ኑ ሁጴው ሜንዳ ሜንዋዳን፥ ዳሮ ዋዪያ ዋዬቲያዋንታ ኑኒካ ሜንናዳን፥ ኑ ዋዪያ ኡባን ኢ ኑና ሜን።  
\v 5 ኣዪሲ ጎፔ፥ ኑኒ ኪሪስቶሳ ባጋና ዳሮ ዋዪያ ዋዬቲያዋዳን፥ ሄዋዳንካ፥ ቃሲ ኑና ኣ ባጋና ዳሮ ሜንዋን ሜን።  
\v 6 ኑኒ ዋዬቶፔ፥ ሄዌ ሂንቴና ሜንናሳኔ ሂንቴና ኣሻናሳ፤ ቃሲ ኑኒ ሚኔቶፔ፥ ኑኒ ዳንዳዬዳ ዋዪያ ማላ ሂንቴካ ጌንጪዴ ዳንዳያና ማላ፥ ፆሳይ ሂንቴዉካ ቃሲ ሜንዋኔ ዳንዳያ ኢማናሳ።  
\v 7 ሂንቴ ዴማና ጊዴ፥ ሂዶታን ናጊ ኡቴዳዌ ዳሮ ሚና፤ ኣዪሲ ጎፔ፥ ሂንቴ ኑናና ዋዬቴዳዋዳን፥ ሄዋዳን ሜንዋካ ኑናና ኣካናዋ ኑኒ ኤሬቶ። 
\p  
\v 8 ኑ ኑናዳን ፆሳ ካሊያዋንቶ፥ ኑኒ ኢሲያ ጋዲያን ዋዬቴዳ ዋዪያ ሂንቴና ሃሳዪሳናው ኮዬቶ፤ ኑ ዋዪ ኑ ዎልቃፔ ዳሪና፥ ኑና ዎ ጊዴ፥ ሂርጋና ጋካናው፥ ኑና ዎጋይ ባዪናዋ ዴፄዳ።  
\v 9 ኑኒ ኑ ቦላ ሃዪቁዋ ፒርዳይ ፒርዴቴዳ ያጊዴ ቆፔዶ፤ ሺን ሄዌ ሃኔዳዌ ሃይቄዳ ኣሳ ሃይቁዋፔ ዴንያ ፆሳን ኑኒ ኣማኔታናፔ ኣቲን፥ ኑ ሁጲያን ኣማኔቴናዳና።  
\v 10 ፆሳይ ሃዋ ማላ ኢታ ሃዪቁዋፔ ኑና ኣሼዳ፤ ኢ ኑና ኣሻና፤ ሲንፔካ ኢ ኑና ኣሻናዋ ጊዴ፥ ሂዶታን ናጊ ኡቴዶ።  
\v 11 ሂንቴ ዎሴዳ ዳሮ ዎሳን ኑሲ ኣንጁ ሲሜዳ ዲራው፥ ዳሮ ኣሳይ ኑ ዲራው ፆሳ ጋላታና ማላ፥ ሂንቴካ ቃሲ ኑና ዎሳን ማዳና ኮሼ። 
\s1 ላሜቴዳ ጳዉሎሳ ቆፋ 
\p  
\v 12 ኑኒ ጬቄቲያዌ ሃዋ፤ ሃ ሳዓን ኑኒ ዴዒያ ዴዑ፥ ኡባ ቃሲ ሂንቴናና ኑሲ ዴዒያ ኢቲፔቴይ ፆሳ ኣ ኬካቴናፔ ኣቲን፥ ኣሳ ኣዳ ኤራቴና ጊዴናዋ፥ ቃሲ ፆሳይ ኢሜዳ ጌሻቴኒኔ ሱሬቴን ኑኒ ዴዒያዋ ዎዛና ቆፋይ ኑሲ ማርካቴ።  
\v 13-14 ኣዪሲ ጎፔ፥ ሂንቴ ናባባናዉኔ ኣኬካናው ዳንዳዪያዋ ፃላላ ሂንቴንቶ ፃፊያዋፔ ኣቲን፥ ኑኒ ሃራባ ሂንቴንቶ ፃፎኮ። ኑ ጎዳ ዬሱሳ ጋላሲ ኑኒ ሂንቴናን ጬቄታናዋዳን፥ ሂንቴካ ኑናን ጬቄታና ማላ፥ ሂንቴ ሃዒ ዉርሲ ኣኬኬና ዬዉዋ ጊዲኒ ዉርሲ ኣኬካና ጋዴ ቆፓይ። 
\p  
\v 15 ሄዋ ታኒ ሎይ ኤሬዳ ዲራው፥ ሂንቴ ላዑ ጌዴ ጎዔታና ማላ፥ ኡባፔ ካሴታዴ ሂንቴኮ ባናው ቆፋ ቃቻዲ።  
\v 16 ታኒ ማቂዶኒያ ባዴ ሂንቴናና ጋኬታናዋኔ ቃሲ ያፔ ሲማዴ ሂንቴ ማታና ዪሁዳ ኣሺን፥ ሂንቴ ታና ማዳናዋ ቆፓ ኡታዲ።  
\v 17 ሄዋ ዲራው፥ ታኒ ሄዋ ቆፓዴ ታናን ኣማኔታቤይኪታ? ታኒ ታ ቆፋ ቃቺያ ዎዴ፥ ሳዓ ኣሳዳን ኢቲ ኩን፥ «ኤ፥ ኤ» ዎይ፥ «ጊዴና፥ ጊዴና» ጋናው ጊጋ ኡታዲታ? 
\p  
\v 18 ሺን ፆሳይ ኣማኔቴዳዋ ጊዲያዌ ቱማ ጊዲያዋዳን፥ ኑኒ ሂንቴንቶ ኦዲያ ቃላይ «ኤ» ጊያዋኔ «ጊዴና» ጊያዋ ጊዴና።  
\v 19 ኣዪሲ ጎፔ፥ ታኒ፥ ሲላሴኔ ፂሞቶሲ ሂንቴ ጊዶን ኦዴዳ ፆሳ ናዓይ፥ ዬሱሲ ኪሪስቶሲ «ኤ» ጊያዋፔ ኣቲን፥ «ጊዴና» ጊያዋ ጊዴና። ሺን ፆሳ ባጋና ኢ ኡባ ዎዴካ «ኤ»።  
\v 20 ኣዪሲ ጎፔ፥ ፆሳይ ኢማና ጌዳባው ኡባው ኤኖ ጌዳዌ ኪሪስቶሳ ባጋና ፖሌታና፤ ሄዋ ዲራው፥ ኑኒ ኪሪስቶሳ ባጋና ፆሳ ቦንቾ፥ ኣሜንዒ \f + \fr 1:20 \fq ኣሜንዒ፡ \ft «ኣሜንዒ» ጊያ ቃላይ ሃዋን «ኤ» ያጌቲያ ቢሌ ኦይቄ።\f* ጌቶ።  
\v 21 ፆሳይ ኪሪስቶሳ ባጋና ኑናኔ ሂንቴና ሜንኔ ኦኬ።  
\v 22 ኑኒ ኣዋ ጊዲያዋ ኤሪሲያ ማታፋ ኢ ኑ ቦላ ዎዴ፥ ባሬ ጌሻ ኣያና ዋሲያዳን፥ ኑ ዎዛና ጊዶን ዎዳ። 
\p  
\v 23 ቃሲ ታኒ ቆሮንቶሳ ቤናን ኣጌዳዌ ሂንቴና ቆሄናዳና። ሄዌ ዎርዶ ጊዶፔ ታና ሙራናው ታ ሼምፑዋን ፆሳይ ማርካ።  
\v 24 ኑኒ ሂንቴና ናሼቻናው ሂንቴናና ኢቲፔ ኦያዋንታፔ ኣቲን፥ ሂንቴ ኣማኒያዋን ሂንቴና ጎዴታናው ኮዪያዋንታ ጊዶኮ፤ ኣዪሲ ጎፔ፥ ሂንቴንቱ ሂንቴ ኣማኑሳን ሚኒዴ ዴዒታ። 
\c 2  
\p  
\v 1 ታኒ ላዔንዋ ሂንቴና ካዮዬና ማላ፥ ሂንቴኮ ቤናዳን፥ ታ ቆፋ ቃቻዲ።  
\v 2 ኣዪሲ ጎፔ፥ ታኒ ሂንቴና ካዮዪያዋ ጊዶፔ፥ ሃ ታኒ ካዮዬዳ ሂንቴ ታና ናሼቻናፔ ኣቲን፥ ኦኔ ታና ናሼቻናዌ?  
\v 3 ታኒ ሂንቴንቶ ሄ ዳቢዳቢያ ፃፌዳዌ፥ ታና ናሼቻናው ቤሲያ ኣሳቱዋን ታኒ ካዮታናው ሂንቴኮ ባናው ኮያቤናዋሳ፤ ታኒ ናሼቲያ ዎዴ፥ ሂንቴ ኡባይካ ቃሲ ናሼታናዋ ሂንቴ ኡባን ኣማኔታይ።  
\v 4 ኣዪሲ ጎፔ፥ ታኒ ሂንቴንቶ ዳሮ ዋዪያኒኔ ቱጋን ቃሲ ዳሮ ኣፎና ፃፌዳዌ፥ ሂንቴና ካዮያናሳ ጊዴና፤ ሺን ታኒ ሂንቴና ኡባቱዋ ኣይ ኬና ሲቃይታንቶ ሂንቴ ኤራናዳና። 
\s1 ባዪዛንቻው ኣቶ ጊያዋ 
\p  
\v 5 ሺን ኢቲ ኡራይ ሃራ ካዮዬዳዋ ጊዶፔ፥ ታኒ ኣ ዬዉዋ ዳሪሳናው ኮዪኬ፤ ኢ ሂንቴና ኡባቱዋ ካዮዬዳፔ ኣቲን፥ ታ ፃላላ ካዮዪቤና።  
\v 6 ሂንቴፔ ዳሪያ ባጋ ኣሳይ ሄ ቢታኒያ ማላ ኣሳ ሄዋዳን ሙሮፔ፥ ሄ ሙራይ ኣው ጊዳናዋ።  
\v 7 ሄዋ ዲራው፥ ሄ ቢታኒ ሎይ ካዮቴና ማላ፥ ሂንቴ ኣው ኣቶ ጋናዉኔ ኣ ሜንናው ቤሴ።  
\v 8 ሄዋ ዲራው፥ ሂንቴ ኣ ሚኒሲዴ ሲቂያዋ ኢ ኤራና ማላ፥ ታኒ ሂንቴና ዎሳይ።  
\v 9 ኣዪሲ ጎፔ፥ ሂንቴ ታው ኣዛዜታናው ኡባ ዎዴ ጊጊ ኡቴዲቴንቶኔ ቃሲ ፓጪያ ሂንቴ ዳንዳዪንቶ ኤራናው፥ ሄ ዳቢዳቢያ ሂንቴንቶ ፃፋዲ።  
\v 10 ኢቲ ኡራይ ናቄዳዋ ሂንቴ ኣቶ ጊያ ዎዴ፥ ታኒካ ቃሲ ኣቶ ጋይ፤ ታኒ ኣቶ ጌዳዋ ጊዶፔ፥ ኣቶ ጌዳዋ ኣያኔ ኪሪስቶሳ ሲንን ሂንቴ ዲራው፥ ኣቶ ጋዲ።  
\v 11 ሴፃናይ ኑኮ ዪዴ፥ ኑና ጪሜና ማላ፥ ታኒ ኣቶ ጋዲ፤ ኣዪሲ ጎፔ፥ ኑኒ ኣ ቆፋ ኤሬቶ። 
\s1 ኦራ ጫቁዋ ኦሳንቻቱዋ ፆኑዋ 
\p  
\v 12 ታኒ ኪሪስቶሳ ሚሺራቹዋ ቃላ ኦዳናው ፂሮዓዳ ቤዳ ዎዴ፥ ጎዳይ ያኒ ታው ፔንጊያ ዶዪ ዎዳ።  
\v 13 ታኒ ታ ኢሻ ቲታ ያኒ ዴማቤና ዲራው፥ ታው ኣያናይ ሼምፒቤና። ሄዋ ዲራው፥ ያኒ ዴዒያ ኣሳ፥ «ሳሮ ዴዒቴ» ጋዴ ማቂዶኒያ ባዲ። 
\p  
\v 14 ሺን ኪሪስቶሳ ባጋና ኡባ ዎዴ ኑና ፆኖ ካሌያ ፆሳ፥ ቃሲ ኪሪስቶሳ ቲሚርቲያ ኑ ባጋና ሺቱዋዳን፥ ኡባሳ ጋያዋ ጋላታይ ጋኮ።  
\v 15 ኣዪሲ ጎፔ፥ ኑኒ ኣቲያ ኣሳ ጊዱዋኒኔ ዪያ ኣሳ ጊዶን ኪሪስቶሲ ፆሳው ያርሺያ ሳዉዋ ቶሺኩ ጊያ ሺቱዋ ማላ።  
\v 16 ኑኒ ዪያዋንቶ ዜዒያ ሃይቁዋ፤ ቃሲ ኣቲያዋንቶ ዴዑዋ ኢሚያ ሳዊያ ሺቱዋ፤ ያቲና፥ ሄዋ ኦናው ዳንዳዪያዌ ኦኔ?  
\v 17 ኑኒ ፆሳ ቃላ ጌሎባዳን፥ ዋላኪዴ ዛሊዒያ ሃራ ጮራ ኣሳቱዋ ማላ ጊዶኮ፤ ሺን ፆሳይ ኑና ኪቲና፥ ኣማኔቲዴ ፆሳ ሲንን ኪሪስቶሳ ባጋና ቃላ ኦዴቶ። 
\c 3  
\s1 ፆሳ ኦራ ጫቁዋ 
\p  
\v 1 ኑኒ ሺሬቲዴ፥ ኑ ሁጲያ ሳባናው ዶሜዶዬ? ዎይ ሃራ ኣሳቱዋዋዳን፥ ሳባ ዳቢዳቢያ ሂንቴንቶ ዬዳናው ዎይ ሂንቴፔ ኣካናው ኮዬቶ?  
\v 2 ሂንቴንቱ ሂንቴ ሁጲያን ኣሳይ ኡባይ ኤራናዳኒኔ ናባባናዳን፥ ኑ ዎዛናን ፃፌቲ ኡቴዳ ኑ ዳቢዳቢያ።  
\v 3 ሃ ዳቢዳቢያ ኪሪስቶሲ ባሬ ሁጲያን ፃፊዴ፥ ኑ ቦላ ኪቴዳዌ ቱማ፤ ሃ ዳቢዳቢ ዴዑዋ ፆሳ ጌሻ ኣያናን ኣሳ ዎዛናን ፃፌቴዳዋፔ ኣቲን፥ ሹቻ ቦላ ቃላሚያን ፃፌቲቤና። \x - \xo 3:3 \xt ኬስ 24፡12፤ ኤርም 31፡33፤ ሂዝ 11፡19፤ 36፡26\x* 
\p  
\v 4 ኑሲ ኪሪስቶሳ ባጋና ፆሳን ሃዋ ማላ ኣማኑ ዴዔ።  
\v 5 ኑ ዳንዳያይ ፆሳፔ ዪያዋፔ ኣቲን፥ ሃ ኦሱዋ ኑኒ ኑ ሁጲያን ኦናው ዳንዳዬቶ ጊያዌ ኑሲ ኣያዪኔ ባዋ።  
\v 6 ኑኒ ኦራ ጫቆ ኦና ማላ፥ ፆሳይ ኑና ዳንዳዪሴዳ፤ ሄ ኦራ ጫቁ ጌሻ ኣያናዋፔ ኣቲን፥ ፃፌቴዳ ሂጊያዋ ጊዴና። ፃፌቴዳ ሂጊ ሃዪቁዋ ኣሄ፤ ሺን ጌሻ ኣያናይ ዴዑዋ ኣሄ። \x - \xo 3:6 \xt ኤርም 31፡31\x* 
\p  
\v 7 ሹቻ ዎጪዴ ፃፌዳ ሂጊ ኢሜቲያ ዎዴ፥ ፆሳ ቦንቹ ቤቴዳ፤ ሙሴ ሶምዒያን ዴዒያ ጶሌይ ዪያዋ ጊዶፔካ፥ ሄ ጶሌይ ዳሮ ዎልቃማ ጊዲያ ዲራው፥ ኢስራዔሊያ ኣሳይ ኣ ሶምዒያ ቲሽሺ ኦ ፄላናው ዳንዳዪቤና። ሃዪቁዋ ኣሂያ ሂጊ ኦያ ኦሱ ሃዋ ማላ ቦንቹዋና ዪያዋ ጊዶፔ፥ \x - \xo 3:7 \xt ኬስ 34፡29\x* 
\v 8 ጌሻ ኣያናይ ኦያ ኦሱዋ ቦንቹ ኣይ ኬና ዳራኔ?  
\v 9 ኣዪሲ ጎፔ፥ ኣሳይ ፒርዳ ኣኪያ ኦሱ ቦንቾ ጊዶፔ፥ ኣሳይ ፂሊያ ኦሱዋ ቦንቹ ዋኒዴ ዳራንዴሻ?  
\v 10 ኣዪሲ ጎፔ፥ ካሴ ቦንቹ ሃዒ ባሬፔ ሎይ ኣያ ቦንቹዋ ጋሱዋን ቦንቹዋ ዬዳዌ ቱማ።  
\v 11 ኣዪሲ ጎፔ፥ ሄ ዬዳዋን ቦንቹ ዴዒያዋ ጊዶፔ፥ ሜናው ዴዒያዋን ኣይ ኬና ዎልቃማ ቦንቹ ዴዓንዴሻ? 
\p  
\v 12 ኑኒ ሂዶታን ናጊያ ሃዋ ማላባይ ኑሲ ዴዒያ ዲራው፥ ቆንጪያን ፃሊዴ ሃሳዬቶ።  
\v 13 ኢስራዔሊያ ኣሳይ ዪያ ቦንቹዋ ዉርሴ ቤዔና ማላ፥ ባሬ ሶምዒያ ናፃላን ካሜዳ ሙሴ ማላ ጊዶኮ። \x - \xo 3:13 \xt ኬስ 34፡33\x* 
\v 14 ሺን ኡንቱንቱ ዎዛናይ ዶንጪሌዳ፤ ኣዪሲ ጎፔ፥ ኡንቱንቱ ኤጫ ጫቁዋ ናባቢያ ዎዴ፥ ሃቼ ጋካናሲካ፥ ሄ ናፃላይ ኡንቱንቱ ዎዛና ካሚ ዎዳ፤ ኦኒኔ ኪሪስቶሳና ጋኬቲያ ዎዴ ፃላላን ሄ ናፃላይ ኪቼ።  
\v 15 ሺን ኡንቱንቱ ሙሴ ማፃፋ ናባቢያ ዎዴ ኡባን ሃቼ ጋካናሲካ፥ ሄ ናፃላይ ኡንቱንቱ ዎዛና ካሚ ዎዳ።  
\v 16 ሺን ፆሳ ማፃፋይ፥ «ኦኒኔ ጎዳኮ ሲሚያ ዎዴ፥ ኣዉዴኔ ሄ ናፃላይ ቃሬቴ» ያጌ። \x - \xo 3:16 \xt ኬስ 34፡34\x* 
\v 17 ጎዳይ ጌሻ ኣያና። ጎዳ ኣያናይ ዴዒያሳን ኣዪሌቴይ ባዋ።  
\v 18 ኑኒ ኡባይካ ናፃላን ካሜቲቤና ሶምዒያን ጎዳ ቦንቹዋ ቤዓና \f + \fr 3:18 \fq ናፃላን ካሜቲቤና ሶምዒያን፡ \ft ኢቲ ኣሳ ዴዑዋን ሲን ሃናናባይ፥ ካሃ ጋርሳን ጶልቂ ቤቲያዋዳን ጉሳ።\f* ቃሲ ጌሻ ኣያና ጊዲያ ጎዳፔ ዪያ ሄ ቦንቹ ኑና ባሬና ማላቲሲዴ፥ ቦንቹዋፔ ቦንቾ ላማና። 
\c 4  
\s1 ጳዉሎሲ ባሬ ኦሱዋን ኣማኔቴዳ ኣሳ 
\p  
\v 1 ሲሚ ፆሳይ ኑሲ ሃ ኦሱዋ ባሬ ማሮቴን ኦናዳን ኢሜዳ ዲራው፥ ኑኒ ሳሌቶኮ።  
\v 2 ኑኒ ጌማን ኦያ ዬላዪያ ኦሱዋ ኡባ ኣጎይቴ፤ ቃሲ ጌኒያ ኦሱዋካ ኦኮ፤ ዎይ ፆሳ ቃላ ዎርዱዋና ዋላኮኮ። ሄዋዳንካ፥ ቱሙዋ ቆንጪያን ሃሳዪዴ፥ ፆሳ ሲንን ሱሬ ዎዛናው ኑና ሺሾይቴ። 
\p  
\v 3 ኑኒ ኦዲያ ዎንጋላ ሚሺራቹ ጌሜዳዋ ጊዶፔካ፥ ዪያ ኣሳቱዋ ፃላላው ጌሜዳ።  
\v 4 ሃ ሳዓ ፆሳይ ኣማኔና ኣሳቱዋ ቆፋ ጆሊሴዳ፤ ኪሪስቶሳ ቦንቹዋ፥ ዎንጋላ ሚሺራቹዋ ፖዑዋ ባሬንቶ ፖዒያዋ፥ ፆሳ ማላቲያዋ ኡንቱንቱ ቤዔና ማላ፥ ኡንቱንታ ዲጌዳ።  
\v 5 ኣዪሲ ጎፔ፥ ዬሱሲ ኪሪስቶሲ ጎዳ ጊዲያዋኔ ኣ ዲራው ኑኒ ኑ ሁጲያን ሂንቴንቶ ቆማ ጊዲያዋ ኦዴቶፔ ኣቲን፥ ኑባ ኦዶኮ።  
\v 6 ኣዪሲ ጎፔ፥ «ማፔ ፖዑ ፖዓና» ጌዳ ፆሳይ ኑ ዎዛናን ባሬ ፖዑዋ ፖዒሴዳ፤ ቃሲ ኢ ባሬ ቦንቾ ኤራቴ ፖዑዋ ኪሪስቶሳ ሲንን ፖዒያዋ ኑሲ ኢማናው ፖዒሴዳ። \x - \xo 4:6 \xt ዶም 1፡3\x* 
\p  
\v 7 ሺን ኡባፔ ኣያ ዎልቃይ ፆሳዋፔ ኣቲን፥ ኑሳ ጊዴናዋ ቤሳናው ኑሲ ሃ ሚንጃይ ኡርቃፔ ሜቴዳ ሚሻ ጊዴዳ ኑ ጊዶን ዴዔ። 
\p  
\v 8 ኑኒ ኡባ ባጋናካ ኡንዔቴዶ፤ ሺን ሜዔሬቲቤይኮ፤ ቃሲ ኢቲ ኢቲ ዎዴ ሲቶ፤ ሺን ኑ ኡባናካ ኣጊቤይኮ።  
\v 9 ኑኒ ዬዴርሴቴዶ፤ ሺን ፆሳይ ኑና ኦሊቤና፤ ቃሲ ኑ ሞርኬቱ ኑና ኦሊ ኣጌዲኖ፤ ሺን ኑኒ ዪቤይኮ።  
\v 10 ቃሲ ዬሱሳ ዴዑ ኑ ኣሳቴን ቤታና ማላ፥ ኑኒ ኡባ ዎዴ ኣ ሃዪቁዋ ኑ ኣሳቴን ቶኪ ዩዬቶ።  
\v 11 ኣዪሲ ጎፔ፥ ሃዪቂያ ኑ ኣሳቴ ቦላ ዬሱሳ ዴዑ ቤታና ማላ፥ ፓፃ ዴዒያ ኑኒ ኣ ዲራው፥ ኡባ ዎዴ ሃይቄቶ።  
\v 12 ሄዋ ዲራው፥ ሃይቁ ኑ ጊዶን ኦ፤ ሺን ዴዑ ቃሲ ሂንቴ ጊዶን ኦ። 
\p  
\v 13 ፆሳ ማፃፋይ፥ «ታኒ ኣማኔዳ ዲራው ሃሳያዲ» ያጌ፤ ሄ ኣማኑዋ ኣያናይ ኑሲካ ዴዒያ ዲራው፥ ኑኒካ ኣማኔቶ፤ ሄዋ ዲራው፥ ሃሳዬቶ። \x - \xo 4:13 \xt ማዝ 116፡10\x* 
\v 14 ፆሳይ፥ ጎዳ ዬሱሳ ሃዪቁዋፔ ዴንዳዌ፥ ኑናካ ቃሲ ዬሱሳና ሃዪቁዋፔ ዴንዴ፥ ሂንቴናና ኢቲፔ ባሬ ሲን ሺሻናዋ ኤሬቶ።  
\v 15 ሃዌ ኡባይ ሂንቴ ዲራሳ፤ ፆሳ ኣ ኬካቴይ ዳሮ ኣሳ ጋኪያ ዎዴ፥ ኣሳይ ፆሳ ቦንቾ ዳሮ ጋላታ ኢማና። 
\s1 ኣማኑዋን ዴዑሳ 
\p  
\v 16 ሄዋ ዲራው፥ ኑኒ ሳሌቶኮ፤ ኑሲ ሃራይ ኣቶ፥ ቦላ ባጋ ኣሳቴይ ዎቂንቶካ፥ ጋርሳ ባጋ ኣሳቴይ ጋላሳን ጋላሳን ኦራፄ።  
\v 17 ኣዪሲ ጎፔ፥ ሃዒው ዋዬቲያ ሃ ጉ ዋዪ፥ ኡባፔ ሎይ ዳሪያ ሜና ቦንቹዋ ኑሲ ቤቲሳና።  
\v 18 ኑኒ ቤቴናዋ ፄሌቶፔ ኣቲን፥ ቤቲያዋ ፄሎኮ፤ ኣዪሲ ጎፔ፥ ቤቲያባይ ሃዒሳ፤ ሺን ቤቴናዌ ሜናው ዴዒያዋ። 
\c 5  
\p  
\v 1 ኣዪሲ ጎፔ፥ ኑኒ ዴዒያ ሃ ሳዓ ዱንካኒ ኮሌቶፔ፥ ኑሲ ኣሳይ ኬፂቤና ጎሊ፥ ፆሳይ ኬፄዳዌ፥ ሳሉዋን ሜናው ዴዒያዋ ኑኒ ኤሬቶ።  
\v 2 ኑኒ ሃ ኣላሚያን ዴዒዴ ዳሮ ኦሌቶኔ ሳሉዋን ዴዓና ኑ ጎሊያ ማያናው ሎይ ኣሞቴቶ።  
\v 3 ኑኒ ሄዋ ማዪዴ፥ ካሎቶኮ፤  
\v 4 ኑኒ ሃ ሳዓ ዱንካኒያን ዴዒዴ፥ ዴፄቲዴ ኦሌቶ፤ ኣዪሲ ጎፔ፥ ሃዪቂያ ኣሳቴይ ዴዑዋን ሚቴታና ማላ፥ ኑኒ ማያናው ኮዬቶፔ ኣቲን፥ ካሎታናው ኮዮኮ።  
\v 5 ኑና ሃዎ ጊጊሴዳዌ ፆሳ፤ ቃሲ ኢ ባሬ ጌሻ ኣያና ዋሴ ኡዲዴ፥ ኢሜዳዌ ኣ። 
\p  
\v 6 ሄዋ ዲራው፥ ኑኒ ኡባ ዎዴ ኣማኔቴቶ፤ ቃሲ ኑኒ ኑ ጎሌን ሃ ኣሳቴን ዴዔዳ ኬናን፥ ጎዳፔ ሻኬቲዴ ዴዒያዋካ ኤሬቶ።  
\v 7 ኣዪሲ ጎፔ፥ ኑኒ ኣማኑዋን ዴዔቶፔ ኣቲን፥ ቤዒያዋን ዴዖኮ።  
\v 8 ኑና ኣማን፤ ቃሲ ሃ ኣሳቴን ኑ ጎሊያ ኣጊ ጎሌ ቢዴ ጎዳና ኢቲፔ ዴዒያዌ ኑና ናሼቼ።  
\v 9 ሄዋ ዲራው፥ ኑኒ ቃሲ ኣሹዋን ዴዒና ዴዓና ዪና፥ ኑ ቆፋይ ኣ ናሼቻናሳ።  
\v 10 ኣዪሲ ጎፔ፥ ኑኒ ሁጲያን ሁጲያን ኦዳ ኦሱ ሎዓ ጊዲና፥ ዎይ ኢታ ጊዲና፥ ኑሲ ቤሲያዋ ኣካናው፥ ኪሪስቶሳ ፒርዳ ኦይዲያ ሲንን ኡባይካ ሺቃናው ቤሴ። 
\s1 ኣሳ ፆሳና ዳቦዪያ ኦሱዋ 
\p  
\v 11 ሄዋ ዲራው፥ ኑኒ ፆሳው ያዩሳይ ኣዬንቶ ኤሪዴ፥ ሄዋዳን ቃሲ ኣሳካ ኣማንቶ፤ ፆሳይ ኑና ኡባና ኤሬ፤ ቃሲ ሂንቴካ ሂንቴ ዎዛና ቆፋን ኑና ኤሪታ ያጋዴ ቆፓይ።  
\v 12 ቤቲያባን ጬቄቲያዋንቱፔ ኣቲን፥ ዎዛናን ዴዒያዋን ጬቄቴና ኣሳቶ ሂንቴ ኦዲ ዛሪያባይ ዴዓና ማላ፥ ሂንቴ ኑናን ጬቄታናዳን፥ ኑኒ ሂንቴንቶ ጋሱዋ ጊዳናው ኮዪያዋፔ ኣቲን፥ ኑና ጋላታናው ኮዮኮ።  
\v 13 ኑኒ ጎዪያዋ ጊዶፔ፥ ፆሳ ቦንቹዋሳ፤ ዎይ ቃሲ ዎዛናና ዴዒያዋ ጊዶፔካ፥ ሂንቴና ጎዓናሳ።  
\v 14 ኪሪስቶሳ ሲቁ ኑና ጊዴ፤ ኣዪሲ ጎፔ፥ ኢቲ ኣሳይ ኣሳ ኡባው ሃዪቄዳዋ ኑኒ ኣኬኬዶ፤ ሄዋ ጊዶፔ ኣሳይ ኡባይ ኣናና ሃዪቄዳ።  
\v 15 ፓፃ ዴዒያዋንቱ ባሬንቱ ዲራው ሃዪቄዳዎኔ ቃሲ ሃዪቁዋፔ ዴንዴዳዎ ዴዓናፔ ኣቲን፥ ሲንፔ ባሬንቱ ሁጴው ዴዔና ማላ፥ ኢ ኣሳ ኡባ ዲራው ሃዪቄዳ። 
\p  
\v 16 ሄዋ ዲራው፥ ኑኒ ሃዋፔ ሲንው ኦናኔ ኣሳ ቆፋን ፒርዶኮ፤ ሃራይ ኣቶ፥ ኑኒ ኪሪስቶሳ ካሴ ኣሳ ቆፋን ፒርዴዳዋ ጊዶፔካ፥ ሲሚ ሲንፔ ሄዋዳን ፒርዶኮ።  
\v 17 ሄዋ ዲራው፥ ኦኒኔ ኪሪስቶሳና ዴዖፔ፥ ኦራ ሜታ፤ ጪማይ ኣዳ፤ ቤዒቴ፥ ኡባባይካ ኦራፄዳ።  
\v 18 ኪሪስቶሳ ባጋና ኑና ባሬናና ሲጌዳ ፆሳይ ኡባባካ ኦዳ፤ ቃሲ ኢ ኑሲ ሃራቱዋ ባሬናና ሲጌያ ኦሱዋ ኢሜዳ።  
\v 19 ፆሳይ ኪሪስቶሳ ባጋና ኣሳ ኡባ ባሬናና ሲጌ፤ ኣሳ ናጋራካ ኣሳ ቦላ ፓይዴና፤ ቃሲ ኣሳ ባሬናና ሲጌያ ኪታካ ኑሲ ኢሜዳ። 
\p  
\v 20 ሲሚ ፆሳይ ኑ ባጋና ሂንቴንቶ ሃሳዪያዋዳን፥ ኑኒካ ኪሪስቶሳ ዲራው ሃሳዪያ ኢ ኪቴዳዋንታ፤ ቃሲ ኑኒ ሂንቴና፥ «ፆሳና ሲጌቲቴ» ጊዴ፥ ኪሪስቶሳ ዲራው ዎሴቶ።  
\v 21 ኑኒ ፆሳ ፂሎቴ ኪሪስቶሳ ባጋና ኣካና ማላ፥ ናጋራ ኤሬና ኪሪስቶሳ ኑ ዲራው፥ ፆሳይ ናጋራንቻ ኦዳ። 
\c 6  
\p  
\v 1 ሂንቴ ኑናና ፆሳ ኦሱዋ ኦዴ፥ ኣ ኣ ኬካቴ ኣኪዴ ሃኔና ኦጊያን ጎዔቴና ማላ፥ ኑኒ ሂንቴና ዎሴቶ።  
\v 2 ኣዪሲ ጎፔ ፆሳይ፥ 
\q1 «ታኒ ኢንጄ ዎዲያን 
\q2 ኔኒ ጊያዋ ሲሳዲ፤ 
\q1 ቃሲ ኣቶቴ ጋላሲ 
\q2 ኔና ማዳዲ» 
\m ያጌ። ቤዒቴ፥ ኢንጄ ዎዲ ሃዓ። ቤዒቴ፥ ኣቶቴ ጋላሳይ ሃቻ። \x - \xo 6:2 \xt ኢሳ 49፡8\x* 
\p  
\v 3 ኑኒ ኑ ኦሱዋ ኦኒኔ ቦራናዋ ኮዮኮ፤ ቃሲ ኦናኔ ባናዋ ኮዮኮ።  
\v 4 ሺን ኡባባኒ ኑኒ ፆሳ ኦሳንቻቱዋ ጊዲያዋ ኑ ሁጲያን ቤሴዶ፤ ዳሮ ጌንጫን፥ ዋዪያን፥ ሜቱዋን፥ ዎልቃማ ቱጋን፥  
\v 5 ሊሱዋን ሾጬቲያዋን፥ ቃሹዋን፥ ሻቢሬቱሳን፥ ዳቡራን፥ ጌሚዒሹዋ ዪያዋን፥ ፆማን፥  
\v 6 ጌሻቴን፥ ኤራቴን፥ ዳንዳያን፥ ኬካቴን፥ ጌሻ ኣያናን፥ ቱሙ ሲቁዋን፥  
\v 7 ቱሙዋ ሃሳዪያዋን፥ ፆሳ ዎልቃን ኑኒ ፆሳ ኦሳንቻቱዋ ጊዲያዋ ኑ ሁጲያን ቤሴዶ፤ ቃሲ ፂሎቴ ቶራ ኡሼቻ ኩሺያን፥ ጎንዳሊያ ሃዲርሳ ኩሺያን ኦይቃና።  
\v 8 ኑኒ ቦንቼቴዶኔ ቶሼቴዶ፤ ቦሬቴዶኔ ጋላቴቴዶ። ቃሲ ቱሙዋ ሃሳዬቶ፤ ሺን ኣሳይ ኑና ዎርዱዋ ጊዴ ቆፔ።  
\v 9 ኑኒ ኣሳይ ኤሬና ኣሳ ማላ፤ ሺን ኣሳይ ኡባይ ኑና ኤሬ፤ ኑኒ ሃይቄዳ ኣሳ ማላ፤ ሺን ሂንቴ ቤዒያዋዳንካ ዴዔቶ፤ ሙሬቴዳ ኣሳ ማላ፤ ሺን ሃዪቂቤይኮ።  
\v 10 ኑኒ ካዮቲያዋንታ ጊዶፔካ፥ ኡባ ዎዴ ናሼቴቶ። ሂዬሳ ማላቴቶ፤ ሺን ዳሮ ኣሳ ዱሬዬቶ፤ ቃሲ ኣያይኔ ባይና ኣሳ ማላቴቶ፤ ሺን ኡባባይካ ኑዋ። 
\p  
\v 11 ቆሮንቶሳን ዴዒያ ኣሳው፥ ኑኒ ሂንቴንቶ ቆንጪያን ኦዴዶ፤ ኑ ኡሉዋካ ሂንቴና ቤሴዶ፤  
\v 12 ኑኒ ሂንቴንቶ ቢቤይኮ፤ ቤዳዋንቱ ሂንቴና። ኑኒ ኑ ኡሉዋ ሂንቴንቶ ጌንቤይኮ፤ ሺን ሂንቴ ኡሉዋ ኑሲ ጌንዳዋንቱ ሂንቴና።  
\v 13 ሃዒ ታኒ ታ ናናው ሃሳዪያዋዳን፥ ሂንቴንቶ ሃሳያይ፤ ኑኒ ሂንቴና ኑ ኡሉዋ ቤሴዳዋዳን፥ ሂንቴካ ኑና ሂንቴ ኡሉዋ ኣሲ ዶዪዴ ቤሲቴ። 
\s1 ኣማኔና ኣሳና ዙፔቴና ማላ ሴራ 
\p  
\v 14 ኣማኔና ኣሳቱዋና ዙፔቲዴ፥ ጊጌና ኦሱዋ ኦፒቴ። ኣዪሲ ጎፔ፥ ፂሎቴዉኔ ናጋራው ኣያን ጋኬይ ዴዒ? ፖዖኔ ማው ኣያን ኢቲፔቴይ ዴዒ?  
\v 15 ኪሪስቶሳኔ ዳቢሎሳ \f + \fr 6:15 \fq ዳቢሎሳ፡ \ft ግሪኪያ ማፃፋይ «ቤሊያር» ጌ። ሄዋ ጉሳይ ኢብራዪስፂያን «ቤሊያል» ጊያዋ። ላዑዋ ቢሌይካ «ማካላንቻ» ዎይ «ማዴናዋ» ጉሳ።\f* ኢቲፔ ጋያባይ ኣዬ? ቃሲ ኣማኒያዌኔ ኣማኔናዌ ኮፂያዌ ኣዬ ዴዒ?  
\v 16 ፆሳ ጌሻ ጎሌዉኔ ኤቃው ኣይቤ ዙፔቴይ ዴዒ? ኣዪሲ ጎፔ ፆሳይ፥ 
\q1 «ታኒ ኡንቱንቱ ጊዶን ዴዓናኔ 
\q2 ኡንቱንቱ ጊዶን ሃሜታና። 
\q1 ታኒ ኡንቱንቱ ፆሳ ጊዳና፤ 
\q2 ቃሲ ኡንቱንቱካ ታ ኣሳቱዋ ጊዳና» 
\m ጌዳዋዳን፥ ኑኒ ዴዑዋ ፆሳ ጌሻ ጎሊያ። \x - \xo 6:16 \xt ዎግ 26፡12፤ ሂዝ 37፡27፤ 1ቆር 3፡16፤ 6፡19\x* 
\q1  
\v 17 ሄዋዳንካ፥ ቃሲ ጎዳይ፥ 
\q1 «ኡንቱንቱ ጊዶፔ ኬሲቴ፤ 
\q2 ኡንቱንቱፔ ሻኬቲቴ። 
\q1 ቱናባካ ቦቾፒቴ። 
\q2 ታኒ ሂንቴና ሞካ ኣካና። \x - \xo 6:17 \xt ኢሳ 52፡11\x* 
\q1  
\v 18 ቃሲ ታኒ ሂንቴንቶ ኣዉዋ ጊዳና፤ 
\q1 ሂንቴካ ታው ኣቱማ ናናቱዋኔ 
\q2 ማጫ ናናቱዋ ጊዳኒታ። 
\q1 ታኒ ኡባፔ ዎልቃማ ጎዳይ 
\q2 ሃዋ ኦዳይ» 
\m ያጌዳ። \x - \xo 6:18 \xt 2ሳም 7፡14፤ 1ኦድ 17፡13፤ ኢሳ 43፡6፤ ኤርም 31፡9\x* 
\c 7  
\p  
\v 1 ሄዋ ዲራው፥ ታ ሲቃቶ፥ ፆሳይ ሃ ኡባባ ኑሲ ኢማና ጌዳዋፔ ሂኒ ባጋን፥ ኑ ኣሹዋኔ ኑ ሼምፑዋ ቱኒሲያ ኡባባፔ ኑ ሁጲያ ኣኔ ጌሾይቴ፤ ቃሲ ፆሳው ያዪያዋን ኡባና ጌዪዴ ዴዔቶ። 
\s1 ጳዉሎሳ ናሼቻ 
\p  
\v 2 ሂንቴ ኡሉዋ ኑና ቤሲቴ፤ ኑኒ ኦናኔ ናቂቤይኮ፤ ኦናኔ ቆሂቤዪኮ፤ ቃሲ ኦናኔ ጪሚቤዪኮ።  
\v 3 ታኒ ሄዋ ሂንቴ ቦላ ፒርዳናው ጊኬ፤ ኣዪሲ ጎፔ፥ ታኒ ካሴ ሂንቴንቶ ጌዳዋዳንካ፥ ሂንቴንቱ ኑ ዎዛናን ዴዒታ፤ ኑኒ ዴዒናካ ሃይቂናካ፥ ኢቲፔ ዴዔቶ።  
\v 4 ታኒ ሃሳዪያዋ ሂንቴፔ ቆሲኬ፤ ታኒ ሂንቴናን ጬቄታይ፤ ኑ ዋዪያ ኡባን ታኒ ሎይ ሚናይኔ ናሼታይ። 
\p  
\v 5 ኣዪሲ ጎፔ፥ ሃራይ ኣቶ ኑኒ ማቂዶኒያ ቤዳ ዎዴ፥ ኡባ ባጋንካ ዋዬቴዶፔ ኣቲን፥ ሼምፒቤይኮ፤ ሃራ ኣሳና ዋላሳይ ዴዔ፤ ኑ ዎዛናንካ ያሻይ ዴዔ።  
\v 6 ሺን ካዉሼዳዋንታ ሜንያ ፆሳይ፥ ቲቶ ዩሳን ኑና ሜንዳ።  
\v 7 ኑና ካሴዋፔ ኣ ናሼቺያዌ፥ ቲቶ ዩሳ ፃላላ ጊዴና፤ ሺን ሂንቴ ኣ ሜንዳዌ፥ ሂንቴ ታና ቤዓናው ኣሞቴዳዋኔ ታው ቃሬቴዳዋ ቃሲ ሂንቴ ታና ማዳናው ጊጌቴዳዋ ኢ ኑሲ ኦዴዳ። 
\p  
\v 8 ኣዪሲ ጎፔ፥ ታ ዳቢዳቢ ሂንቴና ካዮዬዳዋ ጊዶፔካ፥ ኣዪሲ ፃፋዲታሻ ጊኬ፤ ኣዪሲ ፃፋዲታሻ ጎፔካ፥ ታ ዳቢዳቢ ሂንቴና ጉ ዎዲያ ካዮዬዳዋ ቤዓይ።  
\v 9 ሃዒ ታና ናሼቺያዌ ታኒ ሂንቴና ካዮዬዳ ዲራሳ ጊዴና፤ ሺን ሂንቴ ካዩ ሂንቴና ናጋራፔ ዛሬዳዋ ዲራሳ፤ ኣዪሲ ጎፔ፥ ኑኒ ሂንቴና ኣያኒኔ ቆሄናዳን፥ ፆሳይ ባሬ ኮዬዳዋዳን፥ ሂንቴና ካዮዬዳ።  
\v 10 ኣዪሲ ጎፔ፥ ፆሳይ ኮዪያ ካዩ ናጋራፔ ዛሪዴ ኣቶቴኮ ኣሄ፤ ሄዌካ ታኒ ባዪዛዲ ጌና ዎዛና፤ ሺን ኣላሚያ ካዩ ሃዪቁዋ ኣሄ።  
\v 11 ፆሳይ ሄ ሂንቴ ካዩዋን ኣይ ኣዪፊያ ኢሜዴንቶ ቤዒቴ። ሂንቴና ኣይ ኬና ዴንዴንቶኔ ሂንቴ ጌሻቴ ቱማያናው ሂንቴና ኣይ ኬና ዛሩዋ ኢሚሴዴንቶ፥ ኣይ ኬና ሃንቄዴንቶኔ ኣይ ኬና ታው ያሺሴዴንቶ፥ ኣይ ኬና ሴሊሴዴንቶ፥ ኣያ ኬና ታና ላሞቲሴዴንቶኔ ናቆ ኦሱዋ ኦዋንታ ሙራናው ኣይ ኬና ጊጊሴዴንቶ ፓጪ ቤዒቴ፤ ሂንቴ ሂንቴ ሁጲያን ጌሻ ጊዴዳዋ ኡባባንካ ኤሪሴዲታ። 
\p  
\v 12 ሄዋ ዲራው፥ ታኒ ሄ ዳቢዳቢያ ሂንቴንቶ ፃፌዳዋ ጊዶፔካ፥ ናቄዳ ኡራ ዎይ ናቄቴዳ ኡራ ዲራሳ ጊዴና፤ ሺን ሂንቴ ኑሲ ዎዪሳ ቆፒንቶኔ ፆሳ ሲንን ሂንቴንቶ ቆንጪሳናው ታኒ ፃፋዲ።  
\v 13 ኑኒ ሚኔዳዌ ሄዋ ዲራሳ፤ ሄ ኑ ሚኖታ ቦላ፥ ቲቶ ናሼቴዳዋሲ ኑኒ ኡባፔ ዳሪያ ናሼቻ ናሼቴዶ። ኣዪሲ ጎፔ፥ ሂንቴ ኡባይ ኣ ሂርጋፔ ሼምፒሴዲታ።  
\v 14 ታኒ ሂንቴዋ ሳባዴ ኣው ኦዲና፥ ሂንቴ ታና ዬላዪቤዪኪታ፤ ሺን ኑኒ ሂንቴንቶ ኡባ ዎዴ ቱሙዋ ሃሳዬዶ፤ ሄዋዳንካ፥ ኑኒ ቲቶ ሲንን ሂንቴዋ ሳቤዳዌ ቱማ ጊዴዳ።  
\v 15 ሄዋ ዲራው፥ ሂንቴ ኡባይ ኣው ያዪዴ ኮኮሪዴ፥ ኣ ዎቲ ሞኬዲቴንቶኔ ቃሲ ኣው ኣይ ኬና ኣዛዜቴዲቴንቶ ኢ ሃሳዪያ ዎዴ፥ ሂንቴና ሎይ ሲቄ።  
\v 16 ታኒ ኡባባኒ ሂንቴና ኣማኒያ ዲራው ናሼታይ። 
\c 8  
\s1 ፆሳ ኣሳቱዋ ኬካቴ ኢሞታ 
\p  
\v 1 ኑዋዳን ፆሳ ኣሳቶ፥ ፆሳ ኣ ኬካቴይ ማቂዶኒያ ኣማኒያዋንቱ ጊዶን ኦዳዋ ሂንቴና ኤሪሳናው ኮዬቶ።  
\v 2 ኡንቱንቱ ኣዳ ዋዪያን ዎልቃማ ፓጪያ ፓጬቴዲኖ፤ ሺን ኡንቱንቱ ሂዬሳ ጊዶፔካ፥ ባሬንቱ ኢሚያዋን ዳሮ ኬኪኖኔ ቃሲ ዎልቃማ ናሼቻ ናሼቲኖ።  
\v 3 ኣዪሲ ጎፔ፥ ኡንቱንቱ ባሬንቱ ዎልቃ ኬና ቃሲ ሃራይ ኣቶ ባሬንቱ ዎልቃፔካ ዳሪያዋ ዶሲዴ ኢሜዳዎ ታኒ ማርካ።  
\v 4 ኡንቱንቱ ፆሳ ኣሳቱዋ ማዲያ ሎዖ ኦሱዋ ኑናና ኦናው ኑና ዳሮ ዎሴዲኖ።  
\v 5 ኡንቱንቱ ኑኒ ቆፔዳዋፔ ኣዴ ኦዲኖ፤ ካሴቲዴ ኡንቱንቱ ባሬንቱ ሁጲያ ጎዳው ኢሜዳዋፔ ጉዪያን፥ ፆሳ ሼኒያዳን፥ ኑሲካ ባሬንቱ ሁጲያ ኢሜዲኖ። 
\p  
\v 6 ሄዋ ዲራው፥ ኑኒ ሃ ሎዖ ኦሱዋ ዶሜዳ ቲቶ ጉጂ ኦናዳኒኔ ሂንቴና ማዲዴ፥ ሄ ኦሱዋ ፖሊሳናዳን ኣ ዎሴዶ።  
\v 7 ሺን ሂንቴ ኡባባኒ፥ ኣማኑዋን፥ ሃሳያን፥ ኤራቴን፥ ዎልቃማ ሎዖ ኣሙዋን፥ ኑና ሲቂያዋንካ ዱሬቴዳዋዳን፥ ሃ ሎዖ ኦሱዋንካ ሂንቴንቱ ኬካ ጊዳናዋ ኑኒ ኮዬቶ። 
\p  
\v 8 ታኒ ሄዋ ኣዛዛናው ጊኬ፤ ሺን ሃራቱዋ ዎልቃማ ሎዖ ኣሙዋ ባጋና ሂንቴ ሲቁ ኣይ ኬና ቱሜንቶ ኤራናው ጋይ።  
\v 9 ኣዪሲ ጎፔ፥ ሂንቴ ኑ ጎዳ ዬሱሲ ኪሪስቶሳ ኣ ኬካቴ ኤሪታ፤ ኪሪስቶሲ ዱሬ ጊዲ ዴዒዴ፥ ሂንቴ ኣ ሂዬሳቴን ዱሬታናዳን፥ ሂንቴ ዲራው ሂዬሴዳ። 
\p  
\v 10 ታኒ ሃ ዬዉዋ ሂንቴና ዞሪያዌ ሃዋ፤ ዚላይ ሂንቴ ዶሜዳዋ ሃዒ ዉርሲያዌ ሂንቴንቶ ሎዓ፤ ሂንቴ ኦሶ ፃላላው ጊዴናን፥ ኦና ቆፋዉካ ካሴቴዳዋንታ።  
\v 11 ሂንቴ ኦናው ሎይ ኣሞቴዳዌ ኦዴ ፖሌዳዋና ጊጋ ጊዳና ማላ፥ ሂንቴንቶ ዳንዳዬቴዳዋዳንካ ኦሱዋ ፖሊቴ።  
\v 12 ኣዪሲ ጎፔ፥ ኢቲ ኡራይ ኢማናው ሎይ ኮዮፔ፥ ኢ ባሬው ዴዔዳ ኬና ኢማናፔ ኣቲን፥ ኣው ባይናዋ ኣፔ ኣኬና። 
\p  
\v 13 ኣዪሲ ጎፔ፥ ታኒ ሃራንቱ ዋዪያፔ ሼምፒና፥ ሂንቴ ዋዬቲቴ ጊኬ፤ ሂንቴ ኡባይካ ቃራ ዴዓናዳናፔ ኣቲን።  
\v 14 ኡንቱንቱ ፓላሃይ ሂንቴ ፓጫ ኩንና ማላ፥ ሂንቴንቶ ሃ ዎዲያን ዴዒያ ፓላሃይ ኡንቱንቱ ፓጫ ኩንና ኮሼ፤ ላዑካ ሄዋን ቃራን ጎዔቲኖ።  
\v 15 ፆሳ ማፃፋን፥ «ዳሪሲዴ ሺሼዳዎ ፓላሂቤና፤ ቃሲ ጉ ሺሼዳዎካ ፓጪቤና» ጌቴቲዴ ፃፌቴዳ። \x - \xo 8:15 \xt ኬስ 16፡18\x* 
\s1 ቲታኔ ኣ ላጌ 
\p  
\v 16 ሺን ኑኒ ሂንቴንቶ ቆፒያዋ ማላ፥ ዎልቃማ ቆፋ ቲታ ቆፊሴዳ ፆሳ ጋላታይ ጋኮ።  
\v 17 ቲቶ ሂንቴኮ ባናው ባሬ ቆፋ ቃቼዳዌ፥ ባሬ ሁጲያን ሂንቴና ማዳናው ዳሮ ኣሞቴዳ ጊሻፔ ኣቲን፥ ኑ ዞሪያ ፃላላ ኣኬዳዋና ጊዴና።  
\v 18 ሚሺራቹዋ ቃላ ኦዲያ ባሬ ኦሱዋን ኣማኔቲያ ኣማኒያዋንቱ ሲን ኡባን ዳሮ ቦንቼቴዳ ኢሻ ኑኒ ኣናና ኢቲፔ ኪቴቶ።  
\v 19 ሄዋ ቦላን ቃሲ፥ ሃ ኑኒ ኦያ ሎዖ ኦሱዋ ኢ ኑናና ኢቲፔ ኦናዉኔ ጎዳ ቦንቾ ኑኒ ሃራቱዋ ማዳናሲ ሎይ ኣሞቲያዋ ቤሳናው ኣማኒያ ኣሳቱ ኣ ዶሪዴ ሱንዲኖ። 
\p  
\v 20 ኑኒ ኦያ ሃ ኬካ ኢሞታ ዲራው፥ ኦኒኔ ኑና ዚጊሬና ማላ ናጌቴቶ።  
\v 21 ኣዪሲ ጎፔ፥ ኑኒ ጎዳ ሲንን ሎዖባ ኦናዋ ፃላላ ጊዴና፤ ሺን ኣሳ ሲንንካ ሎዖባ ኦናው ቆፔቶ። \x - \xo 8:21 \xt ሌም 3፡4\x* 
\p  
\v 22 ኑኒ ዳሮ ጌዴ ፓጪ ቤዔዳ ኑ ኢሻ፥ ኡባ ዎዴ ሂንቴና ማዳናው ዳሮ ኣሞቲያዋ፥ ሃ ኣሳቱዋና ሂንቴኮ ኪቴቶ፤ ቃሲ ሃዒ ኢ ሂንቴና ዳሮ ኣማኒያ ዲራው፥ ሂንቴና ማዳናው ካሴዋፔ ኣዴ ሎይ ኣሞቴ።  
\v 23 ቲቶዋ ጊዶፔ፥ ኢ ሂንቴና ማዳናው ታናና ኢቲፔ ኦያ ታ ላጊያ፤ ዮኮ ኢሻቱዋባ ጊዶፔ፥ ኡንቱንቱ ኣማኒያ ኣሳቱ ኪቴዳዋንታኔ ኡንቱንቱ ዴዑ ኪሪስቶሳ ቦንቺሲያዋ።  
\v 24 ሲሚ ኣማኒያዋንቱ ኡባቱ ሂንቴ ሲቁ ቱማ ጊዲያዋ ኤራና ማላ፥ ቃሲ ኑኒ ሂንቴዋ ሳቢያዌ ሊኬ ጊዲያዋ ኤራና ማላ፥ ሂንቴ ሲቁዋ ኡንቱንታ ቤሲቴ። 
\c 9  
\s1 ፓጫይ ዴዒያዋንታ ማዱሳ 
\p  
\v 1 ዪሁዳን ዴዒያ ጌሻ ኣሳቱዋ ማዳናው ዬዲያባው ታኒ ሂንቴንቶ ፃፋናው ኮሼና።  
\v 2 ሂንቴ ማዳናው ሎይ ኣሞቲያዋ ታኒ ኤሪያ ዲራው፥ ማቂዶኒያን ዴዒያ ኣሳው ሂንቴዋ ሳባዲ። ታኒ ኡንቱንቶ፥ «ኣካዪያን ዴዒያ ኢሻቱ ዚላይፔ ዶሚዴ፥ ማዳናው ጊጌቴዲኖ» ያጋዴ ኦዳዲ፤ ቃሲ ሂንቴ ዎልቃማ ኣሙካ ኡንቱንቱፔ ዳሪያ ባጋ ዴንዳ።  
\v 3 ሺን ታኒ ኡንቱንቶ ጌዳዋዳንካ ኑኒ ሃ ዬዉዋ ሂንቴናን ጬቄቲያዌ ሜላ ጊዴና ማላ፥ ሂንቴ ጊጌቴዳዋንታ ጊዳናዳን፥ ሃ ኢሻቱዋ ሂንቴኮ ኪታይ።  
\v 4 ማቂዶኒያ ኣሳቱ ታናና ዪዴ፥ ሂንቴ ጊጌቴናን ዴዒሺን፥ ሂንቴና ዴሞፔ፥ ኑ ፃላላ ጊዴናዳን፥ ሂንቴ ኑፔ ኣዋ ዬላታኒታ፤ ሺን ኑኒ ሂንቴና ሎይ ኣማኒዴ ጬቄቴዳዋሳ።  
\v 5 ሄዋ ዲራው፥ ታኒ ሃ ኢሻቱ ታፔ ሲንቲ ሂንቴኮ ቢዴ፥ ሂንቴ ኢማና ጌዳ ኢሞታ ካሴቲዴ ጊጊሳና ማላ፥ ኡንቱንታ ዎሳናው ኮሺያዋ ኣኬካዲ። ሄዋፔ ጉዪያን፥ ሄ ኢሞታይ ታኒ ጋኪያ ዎዴ ጊጊ ኡታናዋ፤ ሄዌ ቃሲ ዎልቃን ሂንቴ ኢሚያዋ ጊዴናን፥ ዶሲዴ ኢሚያዋ ኤሪሴ። 
\p  
\v 6 ሃዋ ኣኬኪቴ፤ ጉ ዜሬ ዜሪያ ኡራይ ጉ ካ ጫካና፤ ዳሮ ዜሬ ዜሪያ ኡራይ ቃሲ ዳሮ ካ ጫካና።  
\v 7 ፆሳይ ናሼቻን ኢሚያ ኡራ ሲቂያ ዲራው፥ ቃሬቲዴ ዎይ ዶሴናን ኢሚያዋ ጊዴናን፥ ኢሚያ ኡራይ ሁጲያን ሁጲያን ባሬ ዎዛናን ቆፔዳዋ ኢሞ።  
\v 8 ፆሳይ ሂንቴንቶ ጊዲያዌ ኡባ ዎዴ ዴዓናዳኒኔ ቃሲ ሃራቶካ ሂንቴ ኢማናው ጊዲያዌ ዴዓናዳን ሂንቴና ኮሺያ ኡባባ ሂንቴንቶ ኢማናው ዳንዳዬ።  
\v 9 ፆሳ ማፃፋይ፥ 
\q1 «ኢ ሂዬሳ ኣሳው ዳሪሲዴ ኢሜ፤ 
\q2 ቃሲ ኣ ፂሎቴይ ሜናው ዴዓናዋ» 
\m ያጌ። \x - \xo 9:9 \xt ማዝ 112፡9\x* 
\v 10 ፆሳይ፥ ዜሪያዎ ዜሬኔ ማናው ቁማ ኢሚያዌ፥ ሂንቴና ኮሺያ ዜሬ ኡባ ሂንቴንቶ ኢማና፤ ቃሲ ሂንቴ ፂሎቴፔ ዳሮ ኣይፊያ ኣዪፊሳናው ሄ ዜሬ ዲቻናዋ። \x - \xo 9:10 \xt ኢሳ 55፡10\x* 
\p  
\v 11 ዳሮ ኣሳይ ሂንቴ ኢሚያ ኢሞታ ኑፔ ኣኪዴ፥ ፆሳ ጋላታናዳን፥ ሂንቴ ኡባ ዎዴ ዳሪሲዴ ኢሚያዋንታ ጊዳና ማላ፥ ፆሳይ ሂንቴና ኡባ ባጋና ዱሬያና።  
\v 12 ኣዪሲ ጎፔ፥ ሃ ሂንቴ ኦያ ኦሱ ፆሳ ናናው ኮሺያዋ ኩን ኢሚያዋ ፃላላ ጊዴና፤ ሺን ፆሳው ዳሮ ጋላታ ኢሚያዋን ኩሚዴ ጎጌ።  
\v 13 ሃ ሂንቴ ኦሱ ሂንቴ ኣማኑዋ ኤሪሲያ ዲራው፥ ዳሮ ኣሳይ ኪሪስቶሳ ዎንጋላ ሂንቴ ኣማኒዴ ማርካቲያዎኔ ሂንቴ ማዱዋ ኡንቱንቱናኔ ሃራ ኡባቱዋና ሻኪዴ፥ ዳሪሲ ኢሚያዎ ፆሳ ቦንቻና።  
\v 14 ኡንቱንቱ ሂንቴንቶ ፆሳ ዎሲዴ፥ ሂንቴናን ዴዒያ ፆሳ ኣ ኬካቴይ ዛዋይ ባዪናዋ ዲራው፥ ሂንቴና ላሞቴቶ።  
\v 15 ዛዋይ ባዪና ፆሳ ኣ ኬካቴ ዲራው፥ ፆሳ ጋላታይ ጋኮ። 
\c 10  
\s1 ጳዉሎሲ ሞቲያዋንቱሲ ዛሬዳ ዛሩዋ 
\p  
\v 1 ታኒ ጳዉሎሲ፥ ሂንቴ፥ «ኢ ኑናና ዴዒያ ዎዴ ኣሺኬ» ጊያዌ፥ ቃሲ፥ «ኑፔ ሃኪ ዴዒያ ዎዴ ኑ ቦላ ፃሌ» ጊያዌ፥ ሎዓኔ ኣሺኬ ጊዴዳ ኪሪስቶሳ ባጋና ሂንቴና ዎሳይ።  
\v 2 ኑና ሃ ሳዓ ዶያዳን ዴዒኖ ጊዴ ቆፒያ ኢቲ ኢቲ ኣሳቱዋ ቦላ ታኒ ፃላናዋ ኤራይ፤ ሺን ታኒ ሂንቴኮ ቢያ ዎዴ ሂንቴ ታና ፃሊሴና ማላ፥ ሂንቴና ዎሳይ።  
\v 3 ኣዪሲ ጎፔ፥ ኑኒ ሃ ሳዓን ዴዖፔካ፥ ሃ ሳዓ ኣሳዳን ኦሌቶኮ።  
\v 4-5 ኣዪሲ ጎፔ፥ ኑኒ ኦሌቲያ ቶራይ ሃ ሳዓዋ ጊዴና። ሺን ጌሱዋ ላላናው ዎልቃና ዴዒያ ፆሳ ቶራ። ኑኒ ኣሳ ቆፋ ዪሴቶ፤ ቃሲ ፆሳ ኤራቴ ቦላ ዴንዲዴ ቢያ ኦቶሮ ቆፋ ኡባ ላሌቶ። ሄ ቆፋ ኡባይ ኪሪስቶሳው ኣዛዜታና ማላ ኦሞዴቶ።  
\v 6 ሂንቴ ኣዛዜቲያዋ ፖሌዳዋፔ ጉዪያን፥ ኣዛዜቴናን ኢፂያዋ ኡባ ኑኒ ሙራናው ጊጌታና። 
\p  
\v 7 ሂንቴ ሲንን ዴዒያዋ ፄሊቴ፤ ኦኒኔ ባሬና ኪሪስቶሳዋ ጊዴ ቆፖፔ፥ ሄዋ ጉጂ ቆፖ፤ ኪሪስቶሳዋ ኢ ጊዴዳዋዳን፥ ኑኒካ ቃሲ ኣዋ።  
\v 8 ኣዪሲ ጎፔ፥ ጎዳይ ኑሲ ኢሜዳ ኑ ኣዎቴኒ ታኒ ሎይ ኦቶሬቲያዋ ጊዶፔካ፥ ሄዋን ዬላቲኬ፤ ሄ ኑሲ ኢሜዳ ኣዎቴይ ሂንቴና ኬፃናሳፔ ኣቲን፥ ኮላናሳ ጊዴና።  
\v 9 ታኒ ታ ዳቢዳቢያን ሂንቴና ያሺሳናው ፃፎ ኣሳ ማላታዴ ቤታናው ኮዪኬ።  
\v 10 ኣዪሲ ጎፔ፥ ኢቲ ኢቲ ኣሳይ፥ «ጳዉሎሳ ዳቢዳቢ ዴፆኔ ዎልቃማ፤ ሺን ፄሊያ ዎዴ ኢ ዳቡራንቻ፤ ኣ ሃሳያይካ ፓና» ያጌ።  
\v 11 ሄዋ ማላ ኣሳይ ኑኒ ሃኩዋን ዴዒዴ ፃፊያ ዳቢዳቢያኒኔ ያኒ ሂንቴናና ዴዒዴ ኦያ ኦሱዋን ዱማቴ ባዪናዋ ኣኬካና ኮሼ። 
\p  
\v 12 ኑኒ ባሬና ናሺያ ኢቲ ኢቲ ኣሳቱዋና ኑና ፓይዳናው ዎይ ሊኪሳናው ኮዮኮ፤ ሺን ኡንቱንቱ ባሬና ኢቱ ኢቱዋና ሊኪሲዲኔ ቃሲ ባሬና ኢቱ ኢቱዋና ቃራዪዴ፥ ኡባና ኤዬዲኖ። 
\p  
\v 13 ሺን ኑኒ ፆሳይ ኑሲ ኤሴዳ ዛዋ ጊዶን ጬቄቲያዋፔ ኣቲን፥ ሄ ዛዋፔ ፒኒዴ ጬቄቶኮ፤ ሄ ዛዋይ ሂንቴኮካ ጋኬ።  
\v 14 ኑኒ ሂንቴኮ ጋኪቤናዋ ማላቲዴ፥ ዛዋ ፒኖኮ፤ ኣዪሲ ጎፔ፥ ኑኒ ኪሪስቶሳ ሚሺራቹዋ ቃላ ኦዲዴ፥ ሂንቴኮ ካሴ ጋኬዶ።  
\v 15 ኑኒ ፆሳይ ኤሴዳ ዛዋ ፒኒዴ፥ ሃራ ኣሳይ ኦዳ ኦሱዋን ጬቄቶኮ፤ ሺን ሂንቴ ኣማኑ ዲጪ ዲጪ ቢያ ዎዴ፥ ኑኒ ሂንቴ ጊዶን ኦያ ኦሱዋ ዛዋይ ካሴዋፔ ሎይ ኣኪ ኣኪ ባናዋ ጊዴ ቆፔቶ።  
\v 16 ኑኒ ሚሺራቹዋ ቃላ ሂንቴ ዴዒያሳፔ ሂኒ ባጋን ኦዳና፤ ቃሲ ሃራ ዛዋን ኦሴቲዲጌዳ ኦሱዋንካ ጬቄቶኮ።  
\v 17 ሺን ፆሳ ማፃፋይ፥ 
\q1 «ጬቄቲያ ኡራይ ኦኒኔ 
\q2 ጎዳ ሎዖቴባን ጬቄቶ» 
\m ያጌ። \x - \xo 10:17 \xt ኤርም 9፡24\x* 
\v 18 ኣዪሲ ጎፔ፥ ጎዳይ ናሺያ ኡራፔ ኣቲን፥ ባሬና ናሺያ ኡራይ ጋላቴቴና። 
\c 11  
\s1 ጳዉሎሳኔ ባሬና ዬሱሲ ኪቴዳ ጊያ ዎርዳንቻቱዋ 
\p  
\v 1 ሂንቴ ታ ኤያቴ ጉ ዳንዳዪንቶ ሎዓ። ሃያና ዳንዳዪቴ።  
\v 2 ፆሳይ ቃናቲያዋዳን፥ ታኒካ ሂንቴው ቃናታይ፤ ኣዪሲ ጎፔ፥ ታኒ ሂንቴና ኢቲ ኣቱማዎ፥ ኪሪስቶሳው ኢማና ጋዴ፥ ኣቱማዋ ኤሬና ጌሻ ዎዶራቲዳን ጊጊሳ ዎዲ። 
\p  
\v 3 ሺን ሾሻይ ባሬ ማካላን ሄዋኖ ባሌዳዋዳን፥ ኪሪስቶሳው ሂንቴ ኢሜዳ ሂንቴ ሱሬ ቆፋይ ባዪቤናዌ ዎራ ባንዴሻ ጋዴ ሂርጋይ። \x - \xo 11:3 \xt ዶም 3፡1-5\x* 
\v 4 ኣዪሲ ጎፔ፥ ኢቲ ኡራይ ዪዴ፥ ኑኒ ሂንቴንቶ ኦዴዳ ዬሱሳፔ ሃራ ዬሱሳ ሂንቴንቶ ኦዶፔ፥ ዎይ ሂንቴ ኣኬዳ ኣያናፔኔ ዎንጋላፔ ዱማ ኣያናኔ ዎንጋላ ሂንቴ ኣኮፔ፥ ሂንቴ ኤኖ ጊዴ ኣኬዲታ ጉሳ። 
\p  
\v 5 ዬሱሲ ኪቴዳ ሃ ዋናቱዋፔ ታኒ ኣያንካ ላፊያዋ ታው ማላቴና።  
\v 6 ታኒ ሃሳዪያ ሃሳያን ታማራቤና ኣሳ ጊዶፔካ፥ ኤራቴን ጊዲኬ፤ ሺን ኑኒ ሂንቴንቶ ሃ ዬዉዋ ኣሳ ኡባ ጊዶን ኡባ ባጋና ቆንጪሴዶ። 
\p  
\v 7 ዎይ ታኒ ሂንቴና ሚሻ ኦቼናን፥ ፆሳ ሚሺራቹዋ ቃላ ሂንቴንቶ ጮ ኦዴዳዌኔ ሂንቴና ቁ ኦናው ታ ሁጲያ ቶቼዳዌ ታው ናጋራ ጊዳንዴሻ?  
\v 8 ታኒ ሂንቴንቶ ኦናው ሃራ ኣማኒያ ኣሳፔ ሚሻ ኣኬዳዎ፥ ሄዋንታ ቦንቃዲ።  
\v 9 ቃሲ ታኒ ሂንቴናና ዴዒሺን፥ ታና ሜቲና፥ ሂንቴፔ ኢቲ ኡራካ ዋዪሳቤይኬ። ኣዪሲ ጎፔ፥ ማቂዶኒያፔ ዬዳ ኢሻቱ ታና ኮሼዳ ኡባባ ታው ኢሜዲኖ፤ ታኒ ሂንቴና ዋዪሴና ማላ፥ ካሴ ቶኮ ጊዳቤናዋዳንካ ሲንዉካ ቶኮ ጊዲኬ።  
\v 10 ኪሪስቶሳ ቱማቴይ ታናን ዴዒሺን፥ ሃ ታ ጬቁ ኣካዪያ ጋዲያን ሃቃኒኔ ኣቴና።  
\v 11 ታኒ ሃዋ ኣዪሲ ጋይታ? ሂንቴና ሲቄና ዲራሴ? ታኒ ሂንቴና ሲቂያዋ ፆሳይ ኤሬ። 
\p  
\v 12 ሺን ሄ ባሬንቱ ጬቄቲያዋን ኑኒ ኦያዋዳን ኦናው ጋሶቲያዋንቱ ጋሱዋ ዲጋናው፥ ሃዒ ታኒ ኦያ ኦሱዋ ጉጃዴ ኦና።  
\v 13 ኣዪሲ ጎፔ፥ ኡንቱንቱ ዬሱሲ ኪቲቤና ዎርዶ ኣሳቱዋ፤ ሄዋንቱ ማላ ኣሳቱ ኪሪስቶሲ ኪቴዳዋንታ ማላታናው ባሬንቱ ማላ ላሜሬያ ኪቴቲቤና ዎርዳንቻቱዋኔ ላባንቻ ኦሳንቻቱዋ።  
\v 14 ሄዌ ማላሊሲያዋ ጊዴና፤ ኣዪሲ ጎፔ፥ ሴፃናይ ባሬ ሁጴው ፖዑዋ ኪታንቻ ማላታናው ባሬ ማላ ላሜ።  
\v 15 ሄዋ ዲራው፥ ሴፃና ኦሳንቻቱ ፂሎቴ ኦሳንቻቱዋ ማላታናው ባሬንቱ ማላ ላሞፔ፥ ሄዌ ዎልቃማባ ጊዴና፤ ኡንቱንቱ ዉርሴን ባሬንቱ ኦሱዋ ማላ ኣካና። 
\s1 ጳዉሎሳ ጋኬዳ ሜቱዋ 
\p  
\v 16 ታኒ ላዔዋካ ጋይ፤ ታና ኦኒኔ ኤያ ጊዴ ቆፖፖ፤ ሺን ሂንቴ ታና፥ ኢ ኤያ ጎፔካ፥ ታኒ ጉ ጬቄታናዳን፥ ታና ኤያ ጊቴ።  
\v 17 ታኒ ሃዋዳን ፃላዴ ጬቄታዴ ሃሳዪያዌ፥ ኤያቴ ሃሳያፔ ኣቲን፥ ታና ጎዳይ ኣዛዚና ጊዴና።  
\v 18 ዳሮ ኣሳይ ሃ ሳዓባን ጬቄቲያ ዲራው፥ ታኒካ ጬቄታና።  
\v 19 ሂንቴ ኣዳ ኤራንቻ ጊዲያ ዲራው፥ ኤያ ኣሳዋ ናሼቻን ዳንዳዪታ።  
\v 20 ኣዪሲ ጎፔ፥ ኦኒኔ ሂንቴና ኣዪሌዮፔ፥ ዎይ ሂንቴዋ ሞፔ፥ ዎይ ሂንቴዋ ቦንቆፔ፥ ሂንቴ ቦላ ኦቶሬቶፔ፥ ዎይ ሂንቴ ሻዪያ ባቆፔ፥ ዳንዳዪታ።  
\v 21 ኑኒ ሄዋ ኦናው ዳሮ ዳቡራንቻ ጊዴዳዋ ታኒ ዬላታዴ ኦዳይ። 
\p ሺን ኦኒኔ ኢቲባን ፃሊዴ ጬቄቶፔ፥ ታኒካ ጬቄታናው ፃላይ፤ ታኒ ኤያ ኣሳዳን ሃሳያይ።  
\v 22 ኡንቱንቱ ኢብራዌ? ታኒካ ኢብራዌ። ኡንቱንቱ ኢስራዔሊያ ኣሴ? ታኒካ ኢስራዔሊያ ኣሳ። ኡንቱንቱ ኣብራሃሜ ዛሬ? ታኒካ ቃሲ ኣብራሃማ ዛሬ።  
\v 23 ኡንቱንቱ ኪሪስቶሳ ቆማቴ? ታኒካ ኡንቱንቱፔ ኣያ ቆማ፤ ታኒ ጎዪያ ኣሳዳን ሃሳያይ፤ ታኒ ዳሮ ኦ ዳቡራዲ፤ ዳሮ ዎዲያ ቃሼታዲኔ ሊሱዋን ሾጬታዲ፤ ቃሲ ዳሮ ዎዲያ ሃዪቃዴ ኣታዲ።  
\v 24 ኣዪሁዳቱ ታና ኢቼሹ ጌዴ፥ ሃታማኔ ኡዱፑኑዋ ሊሱዋን ሾጬዲኖ። \x - \xo 11:24 \xt ዛር 25፡3\x* 
\v 25 ሮሜ ኣሳይ ታና ሄዙ ጌዴ ፃምዓን ሾጬዳ፤ ኢቲ ጋላሲ ሹቻን ጫዲ ጫዲዴ ኣጌዳ፤ ማርካቢ ሄዙ ጌዴ ሜዒና፥ ኣባ ጊዶን ኢቲ ቃማኔ ኢቲ ጋላሳ ኣቃዴ ፔሻዲ።  
\v 26 ታኒ ዳሮ ኦጊያ ሃሜታዲ፤ ታና ኩን ሃዪኔ ቦንቃንቻቱ ቦንቂ ዲጊዴ ኣሼዳ፤ ቃሲ ታ ቢታ ኣሳይኔ ኣዪሁዳ ጊዴና ኣሳይ ቦንቂ ዲጊዴ ኣሼዲኖ። ቃሲካ ካታማይ፥ ባዙ፥ ኣባይ፥ ታና ያሺሴዳ፤ ዎርዱዋ ዳባቱካ ታና ቦንቂ ዲጊዴ ኣሼዲኖ።  
\v 27 ታኒ ዳቡራዲኔ ሜቶታዲ። ዳሮ ጌዴ ጌሚዒሹዋ ያዲ፤ ኮሻታዲ፤ ሳሜታዲ። ዳሮ ጌዴ ፆማዲ፤ ቃሲ ሜጌታዲኔ ካሎታዲ። 
\p  
\v 28 ሃራባ ኡባፔካ ኡባ ጋላሲ ታው ቶኩዋ ጊዴዳባይ፥ ዎሳ ጎሊያ ኡባው ሂርጊያዋ።  
\v 29 ዳቡሪያዌ ኦኔ? ታኒ ዳቡሪኪታዬ? ናጋራን ጌሊያዌ ኦኔ? ታኒ ኡንዔታዴ ኣው ቃሬቲኪታዬ? 
\p  
\v 30 ታኒ ጬቄታናው ኮሺያዋ ጊዶፔ፥ ታኒ ዳቡራንቻ ጊዲያዋ ኤሪሲያዋን ጬቄታና።  
\v 31 ሜናው ኣንጄቴዳ ፆሳይ፥ ኑ ጎዳ ዬሱሲ ኪሪስቶሳ ኣዉ፥ ታኒ ዎርዶቴናዋ ኤሬ።  
\v 32 ዳማስቆ ካታማን ኣሬታሳ ጊያ ካቲያፔ ጋርሳና ጋዲያ ሞዲያዌ፥ ታና ኦይናው ዳማስቆ ካታማ ናጊሴ።  
\v 33 ሺን ካታማ ጊምቢያ ዲርሳ ማስኮቲያና ታና ታዪያን ዱጌ ዎና፥ ኣፔ ኬሳ ኣካዲ። 
\c 12  
\s1 ጳዉሎሳ ሳፃ 
\p  
\v 1 ጬቄቲያዌ ታው ኣዪኔ ጎዔናዋ ጊዶፔካ፥ ታኒ ጬቄታናው ቤሴ። ሺን ታኒ ሳፃባኔ ጎዳፔ ቆንጬዳዋ ሃሳያና።  
\v 2 ታማኔ ኦይዱ ላይፔ ካሴ፥ ሄዜን ሳሉዋ ፑዴ ቤዳ ኢቲ ቢታኒያ፥ ኪሪስቶሳ ኣማኒያዋ፥ ታኒ ኤራይ፤ ሄ ቢታኒ ባሬ ኣሳቴን ቤዴ ዎይ ሳፃን ቤዴንቶ፥ ታኒ ኤሪኬ፤ ፆሳይ ኤሬ።  
\v 3 ሄ ቢታኒያ፥ ሄዜን ሳሉዋ ፑዴ ቤዳዋ፥ ኤራይ፤ ኢ ባሬ ኣሳቴን ቤዴንቶኔ ዎይ ሳፃን ቤዴንቶ፥ ታኒ ኤሪኬ፤ ፆሳይ ኤሬ።  
\v 4 ሄዋን ሄ ቢታኒ ኣሳይ ሃሳያናው ዳንዳዬናዋ፥ ኣሳ ኢንፃርሳዪካ ሃሳያናው ዳንዳዬናዋ ሲሴዳ።  
\v 5 ታኒ ሄ ቢታኒያባን ጬቄታና፤ ሺን ታኒ ዳቡራንቻ ጊዲያዋ ኤሪሲያ ዲራው፥ ታ ሁጲያን ጬቄቲኬ።  
\v 6 ታኒ ጬቄታናው ኮዪያዋ ጊዶፔካ ኤያ ጊዲኬ፤ ኣዪሲ ጎፔ፥ ታኒ ቱሙዋ ሃሳያይ። ሺን ኣሳይ ታዋ ታናን ቤዒያዋፔኔ ታፔ ሲሲያዋፔ ኣዴ ቆፔና ማላ ናጌታይ። 
\p  
\v 7 ቃሲ ፆሳይ ታው ዳሮ ቆንጬዳ ዎልቃማ ዬዉዋፔ ዴንዴዳዋን ኦቶሬቴናዳን ዲጋናው ታና ጫዲ ኦይቂያ፥ ሴፃና ኪታንቻይ፥ ታና ሜቶናዉኔ ታኒ ኦቶሬቴና ማላ፥ ታና ናጋናው ታው ኢሜቴዳ።  
\v 8 ሄዋ ታፔ ሻካና ማላ፥ ታኒ ጎዳ ሄዙ ጌዴ ዎሳዲ።  
\v 9 ጎዳይ ታና፥ «ታ ኣ ኬካቴይ ኔው ጊዳናዋ፤ ኣዪሲ ጎፔ፥ ታ ዎልቃይ ኔ ዳቡራን ፖሌቴ» ያጌዳ፤ ሄዋ ዲራው፥ ኪሪስቶሳ ዎልቃይ ታናን ዴዓና ማላ፥ ታ ዳቡራን ጬቄታናው ታኒ ዳሮ ናሼታይ።  
\v 10 ታኒ ኪሪስቶሳ ዲራው ዳቡሪያዋን፥ ኣሳን ቦሬቲያዋን፥ ዋዬቲያዋን፥ ዬዴርሴቲያዋን፥ ሜቶቲያዋን ናሼታይ፤ ኣዪሲ ጎፔ፥ ታኒ ዳቡሪያ ዎዴ፥ ሄ ዎዴ ሚናይ። 
\s1 ጳዉሎሲ ቆሮንቶሳ ኣሳሲ ኡንዔቲዴ ቆፔዳ 
\p  
\v 11 ታኒ ጬቄቴዳዋን ኤያዲ፤ ሺን ሄዋ ሂንቴ ታና ዎልቃን ኦሲሴዲታ፤ ኣዪሲ ጎፔ፥ ሂንቴ ታና ጋላታናው ቤሴ፤ ታኒ ኣያኒኔ ኤሬቴናን ዮፔካ፥ ዬሱሲ ኪቴዳ ቃ ጌቴቴዳ ኡባቱዋፔ ላፊኬ።  
\v 12 ታና ዬሱሲ ኪቴዳዌ ቱማ ጊዲያዋ ኤሪሲያ ማላይ፥ ኦራባይኔ ዎልቃማ ኦሱ ሂንቴ ጊዶን ዳሮ ጌንጫን ኦሴቴዳ።  
\v 13 ታኒ ታ ሁጲያን ሂንቴና ዋዪሳቤናዋፔ ኣቲን፥ ሃራ ኣማኒያ ኣሳቱዋፔ ሂንቴ ኣያኒ ላፊቴ? ሃያና ታኒ ሂንቴና ናቄዳዋ ታው ኣቶ ጊቴ። 
\p  
\v 14 ታኒ ሂንቴኮ ባናው ጊጎዴፔ፥ ሃዌ ታው ሄዜን ዎዴ፤ ታኒ ሂንቴና ዋዪሲኬ። ታኒ ሂንቴና ኮዪያዋፔ ኣቲን፥ ሂንቴ ሚሻ ኮዪኬ፤ ኣዪሲ ጎፔ፥ ኣዉኔ ኣታ ባሬንቱ ናናው ሚሻ ሚንጂያዋፔ ኣቲን፥ ናናይ ባሬንቱ ኣዎኔ ኣቲው ሚንጂኪኖ።  
\v 15 ታኒ ሂንቴ ሼምፖ ታው ዴዒያዋ ታናና ጋዴ ናሼቻን ኢማና፤ ያቲና፥ ታኒ ሂንቴና ሎይ ሲቂያ ዲራው፥ ሂንቴ ታና ላፋ ሲቂቴ? 
\p  
\v 16 ጊዶፔካ፥ ታኒ ሂንቴና ዋዪሳቤይኬ፤ ሺን ሂንቴ ታና፥ «ኔኒ ኑና ጪማዴ ማካላን ኦይቃዳ» ያጋኒታ።  
\v 17 ታኒ ሃራይ ኣቶ፥ ሂንቴኮ ኪቴዳ ኢቲ ኣሳ ባጋናካ ሂንቴፔ ጎዔታዲታ?  
\v 18 ቲቶ ሂንቴኮ ባና ማላ፥ ታኒ ዎሳዲ፤ ቃሲ ኣማኒያ ኢሻካ ኣናና ዬዳዲ። ቲቶ ሂንቴፔ ጎዔቴዴ? ኑኒ ኑ ኦሱዋ ኢቲ ቆፋን ኦቤይኮ? ቃሲ ኑ ሃኑካ ኢቱዋ ጊዴኔዬ? 
\p  
\v 19 ኑኒ ኡባ ዎዴካ ሂንቴ ሲንን ኑ ሁጴው ሞቴቲያዋ ሂንቴንቶ ማላቲ? ኑኒ ኪሪስቶሳን ዴዒያዋንቱዳን፥ ፆሳ ሲንን ሃዒ ጋካናሲካ ሃሳዬቶ። ኑ ሲቃቶ፥ ኑኒ ኦያ ኡባባይካ ሂንቴና ማዳናሳ።  
\v 20 ኣዪሲ ጎፔ፥ ታኒ ሂንቴኮ ቢያ ዎዴ፥ ኦኒ ኤሪ ታኒ ኮዪያዋ ማላ ሂንቴ ጊዴናን ኣጋኔንቶኔ፤ ቃሲ ታኒካ ሂንቴ ኮዪያዋ ማላ ጊዴናን ኣጋኔንቶኔ። ቃሲ ኦኒ ኤሪ ሄዋን ፓሉሚ፥ ቃናቲ፥ ሃንቁ፥ ዮራይ፥ ዚጊርሳይ፥ ሳሮቴ ዲጉሳይ፥ ኦቶሩ፥ ሜቱ ዴዔናን ዋዪ ኣጋና፤ ታና ያሼ።  
\v 21 ታኒ ሂንቴኮ ላዔዋ ቢያ ዎዴ፥ ታ ፆሳይ ሂንቴ ሲንን ታና ካዉሻኔንቶኔ ያያይ፤ ታኒ ናጋራ ካሴ ኦዴ፥ ባሬንቱ ኦዳ ቱናቴፔ፥ ዎሹሚያዋፔኔ ኣሙዋፔ ሲሚቤና ዳሮ ኣሳቶ ዬኬናን ኣጊኬ ጋዴ ያያይ። 
\c 13  
\s1 ዉርሴ ዞሪያኔ ሳሮታ 
\p  
\v 1 ሃዌ ታው ሂንቴኮ ዩሳይ ሄዜን ዎዴ። ኣይ ሞቱካ ላዑ ዎይ ሄዙ ማርካይ ማርካቲና ፒርዴታናው ኮሼ። \x - \xo 13:1 \xt ዛር 17፡6፤ 19፡15\x* 
\v 2 ታኒ ላዔንዋ ሂንቴናና ጋኬቴዳ ዎዴ፥ ሂንቴና ናጌቲቴ ጋዲ፤ ሃዒካ ሃኩዋን ዴዖፔካ፥ ሂንቴና ናጌቲቴ ጋይ። ታኒ ቃሲካ ሂንቴኮ ቢያ ዎዴ፥ ናጋራ ካሴ ኦዳዋንታካ ቃሲ ሃራቱዋ ኡባቱዋካ ሙሬናን ኣጊኬ። 
\p  
\v 3 ኣዪሲ ጎፔ፥ ኪሪስቶሲ ታ ባጋና ሃሳዪያዋ ኤሪሲያዋ ሂንቴ ኮዪታ። ኢ ሂንቴናና ሃሳዪያ ዎዴ ኣ ዎልቃፔ ኣቲን ቤቲያዌ ኣ ዳቡራ ጊዴና።  
\v 4 ኣዪሲ ጎፔ፥ ኪሪስቶሲ ማስቃሊያ ቦላ ሚሲማሪያን ሼቲዴ፥ ዳቡራን ካቄቴዳ፤ ሺን ፆሳ ዎልቃን ፓፃ ዴዔ። ኣዪሲ ጎፔ፥ ኢ ዳቡራንቻ ጊዴዳዋዳን፥ ኑኒካ ዳቡራንቻ፤ ሺን ሂንቴናና ሃሳዪያዋን ኑኒ ፆሳ ዎልቃን ኣናና ዴዓና። 
\p  
\v 5 ኣማኑዋን ሂንቴ ሚኒ ዴዒንቶ ኣኔ ሂንቴና ፓጪቴ፤ ሂንቴና ቢዲቴ። ኪሪስቶሲ ሂንቴናን ዴዒያዋ ሂንቴ ኤሪኪቴ? ሄዌ ዮፔ ፓጪያን ኩንዴዲታ ጉሳ።  
\v 6 ኑኒ ፓጪያን ኩንዲቤናዋ ሂንቴ ኤሪያዋ ኣማናይ። 
\p  
\v 7 ሂንቴ ኢታባ ሙሌካ ኦና ማላ፥ ኑኒ ፆሳ ዎሴቶ። ኑኒ ፓጪያ ዳንዳዪያዋንታ ጊዲዴ ቤታናሳ ጊዴና፤ ሺን ኑኒ ፓጪያ ዳንዳዬናዋንታ ማላቲዴ ቤቶፔካ፥ ሎዖባ ሂንቴ ኦናሳ።  
\v 8 ኣዪሲ ጎፔ፥ ኑኒ ቱሙዋ ፃላላው ኦናፔ ኣቲን፥ ቱሙዋፔ ሃራ ኣዪኔ ኦናው ዳንዳዮኮ፤  
\v 9 ኑኒ ዳቡራንቻ ሺን ሂንቴ ዎልቃማ ጊዶዴ ናሼቴቶ። ሂንቴ ፖሎ ጊዳና ማላ ኑኒ ፆሳ ዎሴቶ። 
\p  
\v 10 ታኒ ሂንቴፔ ሃኩዋን ዴዓዴ ፃፌዳዌ ሄዋ ዲራሳ፤ ታኒ ሂንቴኮ ቢያ ዎዴ፥ ጎዳይ ታው ኢሜዳ ማታኒ ዜምፓዴ፥ ሂንቴና ሜቶናው ታና ዋዪ ኮሻና። ሄ ማታይ ታኒ ሂንቴና ኬፃናው ታው ኢሜቴዳዋፔ ኣቲን፥ ሂንቴና ኮላናው ኢሜቲቤና። 
\p  
\v 11 ዉርሴን ታናዳን ፆሳ ካሊያዋንቶ፥ ሳሮ ዴዒቴ፤ ባሊ ባይናን ዴዒቴ፤ ታ ዞሪያ ሲሲቴ፤ ኢቲ ዎዛና ጊዲዴ ዴዒቴ፤ ሳሮቴን ዴዒቴ። ሲቁዋኔ ሳሮቴ ፆሳይ፥ ሂንቴናና ኢቲፔ ዴዓና። 
\p  
\v 12 ኢቱ ኢቱዋና ጌሻ ዬሬታ ዬሬቲዴ ሳሮቴቲቴ።  
\v 13 ፆሳ ኣሳ ኡባቱ ሂንቴና ሳሮ ሳሮ ጊኖ። 
\p  
\v 14 ጎዳ ዬሱሲ ኪሪስቶሳ ኣ ኬካቴይ፥ ፆሳ ሲቁ፥ ጌሻ ኣያና ኢቲፔቴይ ሂንቴናና ኡባና ጊዶ። ኣሜንዒ።