\id 1TH - ዳውሮ 
\h 1 ቴሴሎንቃ 
\toc1 ጳዉሎሲ ቴሴሎንቂያ ኣሳው ፃፌዳ ኮይሮ ኪታ 
\toc2 1 ቴሴሎንቃ 
\toc3 1ቴስ 
\mt2 ጳዉሎሲ 
\mt1 ቴሴሎንቂያ ኣሳው 
\mt2 ፃፌዳ ኮይሮ ኪታ 
\imt1 ጌሉዋ 
\ip ቴሴሎንቂያ ማቂዶኒያ ጌቴቲያ ሮማ ቢታው ዋና ካታማቶ። ጳዉሎሲ ቴሴሎንቂያን ኣማኒያዋንቶ ሺሼዳዌ፥ ፒሊጲሲዮሳ ቢታ ዬጊ ቤዳዋፔ ጉዪያና። ጊዶፔ ኣቲሺን፥ ኣዪሁዳቱዋ ኣማኑዋ ኣካናው ማቴዳ ኣዪሁዳ ጊዴና ኣሳቱ ጳዉሎሲ ታማሪሲያ፥ ኣማኑዋ ቲሚርቲያ ዶሴዳ ዲራው (1፡8-10)፥ ኣዪሁዳቱ ጳዉሎሳ ቃናቲዴ፥ ጳልቄ ዴንዲኖ። ሄዋ ዲራው ጳዉሎሲ ቴሴሎንቂያ ዬዲዴ፥ ቤሪያ ጌቴቲያ ጋዲያ ቤዳ። ታኪዴ ኢ ቆሮንቶሳ ጋኬዳ ዎዴ፥ ማታን ኣ ማዲያ ፂሞቶሲ ቴሴሎንቂያ ቢዴ ሲሞዋፔ ጉዪያን ኣማኒያ ኣሳ ሃኖታ ኣው ቆንጪሲዴ ኦዴዳ። 
\ip ጳዉሎሲ ኮይሮ ኪታ ቴሴሎንቂያ ኣሳሲ ፃፌዳዌ፥ ኣማኒያዋንታ ሚኒሳናሳኔ ሜንናሳ። ኢ ኡንቱንቱ ኣማኑዋባኔ ሲቁዋባ ሎዖ ዎሪያ ሲሴዳ ዲራው፥ ፆሳ ጋላቴ። ካሴ ኢ ኡንቱንቱ ጊዶን ሄዙ ሳሚንታ (ኪት 17፡1-9) ዴዔዳ ዎዴ፥ ኣይ ማላ ዴዑዋ ዴዔዴንቶ ኡንቱንታ ኣኬኪሴ። ሄዋፔ ጉዬ ኪሪስቶሳ ላዔዋ ዩሳ ፄሌዳዋን ዴንዴዳ ኦሻቱዋሲ ዛሩዋ ኢሜ። ሄ ኦሻቱዋፔካ ኣማሬዳዋንቱ፡ «ኪሪስቶሲ ሃ ኣላሚያ ሲማናፔ ካሴቲዴ ሃይቄዳ ኣማኒያ ኣሳይ፥ ኪሪስቶሳ ሲማይ ኢሚያ ሜና ዴዑዋ ሻኪ ኣካናው ዳንዳዪ? ኪሪስቶሲ ሲሚዴ ያናዌ ኣዉዴ?» ያጊያዋንታ። ጳዉሎሲካ ሄ ጋኬቴዳ ዎዲያ ጎዔቲዴ፥ «ኪሪስቶሳ ላዔንዋ ዩሳ ቲሚርቲያ ሂዶታን ናጊዴ ኢ ያና ጋካናው ዎፑ ጊዴ ሂንቴንቱ ኦሱዋ ኦቴ» ያጊዴ ኡንቱንታ ዞሬ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1) 
\io1 ጳዉሎሳ ናሼቻኔ ጋላታ (1፡2-3፡13) 
\io1 ኣማኒያዋንቱ ዴዑዋ ካሌያ ኦጊያ (4፡1-12) 
\io1 ዬሱሳ ላዔዋ ዩሳ ቲሚርቲያ (4፡13-5፡11) 
\io1 ዉርሴ ማቁዋ (5፡12-22) 
\io1 ቁቲያ (5፡23-28) 
\c 1  
\p  
\v 1 ኑኒ ጳዉሎሲ፥ ሲላሴኔ ፂሞቶሲ ቴሴሎንቄን ዴዒያ ኣማኒያ ኣሳቶ ሃ ዳቢዳቢያ ፃፌቶ፤ ሄዋንቱ ፆሳ ኑ ኣቡዋንቶኔ ጎዳ ዬሱሲ ኪሪስቶሳዋንቶ፥ ኣ ኬካቴይኔ ሳሮቴይ ጊዶ። \x - \xo 1:1 \xt ኪት 17፡1\x* 
\s1 ቴሴሎንቂያ ኣሳ ዴዑዋኔ ኣማኑዋ 
\p  
\v 2 ኑኒ ዎሳን ፆሳ ጋላቲዴ፥ ኡባ ዎዴ ሂንቴና ኡባቱዋ ሃሳዬቶ።  
\v 3 ኑኒ ኑ ፆሳ፥ ኑ ኣዉዋ ሲንን ኣማኑዋን ሂንቴንቱ ኦዳ ኦሱዋኔ፥ ሲቁዋን ሂንቴንቱ ዳቡሬዳ ዳቡራ፥ ቃሲ ኑ ጎዳ ዬሱሲ ኪሪስቶሳን ሂንቴው ዴዒያ ሂዶታን ጌንጪያ ጌንጩዋ ኡባ ዎዴ ሃሳዬቶ። 
\p  
\v 4 ኑናዳን ፆሳ ካሊያዋንቶ፥ ፆሳይ ሂንቴና ሲቂያዋኔ ሂንቴና ባሬው ናና ኦናው ዶሬዳዋ ኑኒ ኤሬቶ።  
\v 5 ኣዪሲ ጎፔ፥ ኑኒ ዎንጋላ፥ ዎልቃን፥ ጌሻ ኣያናኒኔ ሄ ዎንጌሊ ቱማ ጊዴዳዋ ዉርሲ ኣማኒያዋን ሂንቴንቶ ኣሄዳዋፔ ኣቲን፥ ኣሳ ቃላ ፃላላን ኣሂቤይኮ። ኑኒ ሂንቴናና ዴዒያ ዎዴ፥ ሂንቴንቱ ዲራው ዋኒ ዴዔዴንቶ፥ ሂንቴንቱ ኤሪታ።  
\v 6 ቃሲ ሂንቴንቱ ዳሮ ዋዬቶፔካ፥ ጌሻ ኣያናይ ኢሜዳ ናሼቻን ኪታ ኣኬዲታ፤ ሄዋን ኑ ሌሚሱዋኔ ጎዳዋ ካሌዲታ። \x - \xo 1:6 \xt ኪት 17፡5-9\x* 
\v 7 ሄዋ ዲራው፥ ማቂዶኒያኒኔ ኣካዪያ ጊያ ጋዲያን ዴዒያ ኣማኒያ ኡባቶ ሌሚሱዋ ጊዴዲታ።  
\v 8 ኣዪሲ ጎፔ፥ ጎዳ ቃላይ ሂንቴፔ ኬሲዴ፥ ማቂዶኒያኒኔ ኣካዪያ ፃላላን ሲሴቲቤና፤ ሺን ፆሳ ሂንቴንቱ ኣማኒያዌ ኡባሳን ሲሴቴዳ። ሲሚ ኑኒ ሃሳያናው ኮሺሺን ኣቶዌ ኣይኔ ባዋ።  
\v 9 ኣዪሲ ጎፔ፥ ኑኒ ሂንቴኮ ቤዳ ዎዴ፥ ሂንቴንቱ ኑና ዎቲ ሞኬዴንቶኔ ቃሲ ሂንቴንቱ ሂንቴንቱ ኤቃው ኦያዋ ኣጊዴ፥ ዎርዶቴና ዴዑዋ ፆሳው ኦናው ዋኒ ፆሳኮ ሲሜዲቴንቶ፥ ኡንቱንቱ ባሬንቱ ሁጲያን ሃሳዪኖ።  
\v 10 ቃሲ ፆሳ ናዓይ ዬሱሲ፥ ፆሳይ ሃዪቁዋፔ ዴንዳዌ፥ ኑና ሲንፔ ያና ፆሳ ሃንቁዋፔ ኣሺያዌ ሳሉዋፔ ያናዋ ሂንቴንቱ ናጊያዋ ኡንቱንቱ ሃሳዪኖ። 
\c 2  
\s1 ጳዉሎሲ ቴሴሎንቂያን ኦዳ ኦሱዋ 
\p  
\v 1 ኑናዳን ፆሳ ካሊያዋንቶ፥ ኑኒ ሂንቴኮ ቤዳዌ ሜላ ጊዴናዋ ሂንቴንቱ ሂንቴንቱ ሁጴው ኤሪታ።  
\v 2 ሺን ኑኒ ሂንቴኮ ያናፔ ካሴ ፒሊጲሲዮሳ ጊያ ካታማን ዋዬቴዳዋኔ ቦሬቴዳዋ ሂንቴንቱ ኤሪታ፤ ዳሮ ጳልቄይ ዴዖፔካ፥ ሂንቴንቶ ኣ ሚሺራቹዋ ቃላ ኦዳና ማላ፥ ፆሳይ ኑሲ ሚኖቴ ኢሜዳ።  
\v 3 ኑኒ ሂንቴና ዎሲያዌ ባሊዴ ዎይ ቱናቴን ዎይ ጌኒያን ጊዴና። 
\p  
\v 4 ሺን ፆሳይ ዎንጋላ ሃዳራ ኣካናው ኑኒ ኣማኔቲያዋንታ ጊዲና፥ ኑሲ ሄ ሃዳራ ኢሜዳ፤ ሄ ኢሜዳዋዳንካ ኑኒ ሃሳዬቶ። ቃሲ ኑኒ ኑ ዎዛና ፆሞሲያ ፆሳ ናሼቺያዋዳን ሃሳዬቶፔ ኣቲን፥ ኣሳ ናሼቺያዋዳን ሃሳዮኮ።  
\v 5 ኑኒ ሂንቴኮ ጪሚያ ሃሳያና፥ ዎይ ኑኒ ዮራ ጌንያ ሃኖታን ዪቤናዋ ሂንቴንቱ ሎይ ኤሪታ፤ ፆሳይካ ኑሲ ማርካ።  
\v 6 ኑኒ ኣሳፔ፥ ዎይ ሂንቴፔ፥ ዎይ ሃራንቱ ኦፔኔካ ቦንቹዋ ኣካናው ኮዪቤይኮ።  
\v 7 ኑኒ ኪሪስቶሲ ኪቴዳዋንታ ጊዲዴ፥ ቦንቹዋ ሂንቴንቱፔ ኦቻናው ዳንዳዬቶ። ሺን ኣታ ባሬ ናናቱዋ ሲቁዋን ዲቺያዋዳን፥ ሂንቴንቱ ጊዶን ኣሺኬ ጊዴዶ።  
\v 8 ሂንቴንቱ ኑሲ ዳሮ ኣልዖ ጊዴዳ ዲራው፥ ፆሳ ዎንጋላ ሂንቴንቶ ኢማናዋ ፃላላ ጊዴናን፥ ኑ ዴዑዋካ ሂንቴንቶ ኢማናው ጊጊ ኡቴዶ፤ ኣዪሲ ጎፔ፥ ሂንቴና ኑኒ ሎይ ሲቄዶ።  
\v 9 ኑናዳን ፆሳ ካሊያዋንቶ፥ ኑ ኦሱዋኔ ኑ ዳቡራ ሂንቴንቱ ኣኬኪታ፤ ሂንቴንቶ ፆሳ ሚሺራቹዋ ቃላ ኦዲዴ፥ ሂንቴና ኣዪኔ ዋዪሴና ማላ፥ ቃማኔ ጋላሲ ኑኒ ኦዶ። 
\p  
\v 10 ኑ ዴዑ ሂንቴንቱ ማታን፥ ኣማኒያዋንቱ ማታን፥ ጌሻ፥ ፂሎኔ ቦሬቴናዋ ጊዲያዎ ሂንቴኔ ፆሳይ ማርካ።  
\v 11 ኑኒ ሂንቴንቶ ሁጲያን ሁጲያን ኣዉ ባሬ ናናው ሃኒያዋዳን ሃኔዳዋ ኤሪታ።  
\v 12 ኑኒ ሂንቴና ዞሬዶ፤ ሜንዶኔ ሂንቴንቶ ማርካቴዶ። ሄዌኔካ ሂንቴና ፄሴዳ ፆሳ ናሼቺያ ዴዑዋ ሂንቴንቱ ዴዓናዳናኔ ኣ ካዉቴኔ ኣ ቦንቹዋ ጌላናዳና። 
\p  
\v 13 ሂንቴ ኑፔ ፆሳ ቃላ ቱማ ጊዴዳዋዳን ኣኬዳ ዎዴ፥ ፆሳ ኪታዳን ኣኬዳዋፔ ኣቲን፥ ኣሳ ኪታዳን ኣኪቤና ዲራው፥ ፆሳ ቃላይ ኣማኒያ ሂንቴናን ኦ፤ ሄ ጋሱዋን ኑኒ ፆሳ ኡባ ዎዴ ጋላቴቶ። 
\p  
\v 14 ኣዪሲ ጎፔ፥ ኑናዳን ፆሳ ካሊያዋንቶ፥ ኪሪስቶሲ ዬሱሳን ኢቱዋ ጊዴዳ ዪሁዳ ጊያ ጋዲያን ዴዒያ ኣማኒያዋንታ፥ ሂንቴንቱ ሌሚሴቲታ፤ ሄዋንቱ ፆሳ ኣማኒያዋንታ። ኣዪሁዳቱ ኡንቱንታ ዋዪሴዳዋዳን፥ ሂንቴንቱ ቢታ ኣሳይካ ሂንቴና ዋዪሴዳ።  
\v 15 ሄ ኣዪሁዳቱ ጎዳ ዬሱሳኔ ናባቱዋ ዎዲኖ፤ ቃሲ ኑና ዬዴርሴዲኖ። ኡንቱንቱ ፆሳ ናሼቺኪኖ፤ ኣሳ ኡባካ ኢፂኖ።  
\v 16 ኣዪሁዳ ጊዴና ኣሳይ ኣታና ማላ፥ ኑኒ ኡንቱንቶ ቃላ ኦዲያዋ ዲጊኖ። ቃሲ ኡንቱንቱ ናጋራይካ ኡባ ዎዴ ዳሪ ዳሪ ቤ። ሺን ዉርሴን ፆሳ ሃንቁ ኡንቱንቱ ቦላ ዎዳ። 
\s1 ጳዉሎሲ ቴሴሎንቂያ ኣሳ ላዔንዋ ፆሞሳናው ኣሞቴዳ ኣሙዋ 
\p  
\v 17 ሺን ኑናዳን ፆሳ ካሊያዋንቶ፥ ኑኒ ኑ ቆፋን ጊዴናዳን፥ ኣሳቴ ፃላላን ሂንቴፔ ጉ ዎዴው ሻኬቴዳ ዎዴ፥ ሂንቴና ዳሮ ላሞቲዴ፥ ኣይፊያን ቤዓናው ሎይ ኮዬዶ።  
\v 18 ኣዪሲ ጎፔ፥ ኑኒ ሂንቴኮ ሲሚዴ ባናው ኮዬዶ። ኡባ ታኒ ጳዉሎሲ ዛራ ዛራዴ ሂንቴኮ ባናው ማላ ቤዓዲ፤ ሺን ሴፃናይ ኑና ዲጌዳ።  
\v 19 ኣዪሲ ጎፔ፥ ኑ ጎዳ ዬሱሲ ኪሪስቶሲ ዪያ ዎዴ፥ ኑኒ ቤዓና ጊዴ ናሼቻን ናጊያዌ፥ ዎይ ኑ ናሼቻይ፥ ዎይ ኑኒ ጬቄቲያ ኣኪሊሊ ኦኔ? ሂንቴና ጊዲኪቴዬ?  
\v 20 ኣዪሲ ጎፔ፥ ሂንቴንቱ ኑ ቦንቹዋኔ ኑ ናሼቻ። 
\c 3  
\p  
\v 1 ሄዋ ዲራው፥ ኑሲ ጌንጫናው ዳንዳዬቴናን ኢፄዳ ዎዴ፥ ኣቴና ጊያ ካታማን ኑሬካ ኣታናው ቆፋ ቃቼዶ።  
\v 2 ሂንቴና ዞራናዳኒኔ ሂንቴንቱ ኣማኑዋን ሂንቴና ሚኒሳናዳን፥ ፆሳው ኦያ ኑ ኢሻ፥ ኑናና ኢቲፔ ኪሪስቶሳ ሚሺራቹዋ ቃላ ኦዲያ ፂሞቶሳ ሂንቴኮ ኪቴዶ።  
\v 3 ሃ ዋዪያ ጋሱዋን ሂንቴፔ ኦኒኔ ጉዬ ሲሜና ማላ፥ ኣ ኪቴዶ። ኑኒ ሄዎ ዶሬቴዳዋ ሂንቴንቱ ሂንቴንቱ ሁጴው ኤሪታ።  
\v 4 ኣዪሲ ጎፔ፥ ኑኒ ሂንቴናና ዴዒዴ፥ ኑኒ ዋዬታናዋ ካሴቲዴ ሂንቴንቶ ኦዴዶ፤ ቃሲ ሂንቴንቱ ኤሪያዋዳንካ ካሴ ሄዋዳን ሃኔዳ።  
\v 5 ሄዋ ዲራው፥ ቃሲ ጌንጫናው ታው ዳንዳዬቴናን ኢፄዳ ዎዴ፥ «ኦኒ ኤሪ ፃላሂያ ካፑ ሂንቴና ፓጬናን ኣጌና። ኑ ዳቡራዪካ ሜላ ጊዴናን ኣጌና» ያጋዴ ሂንቴንቱ ኣማኑዋ ኤራናው ፂሞቶሳ ሂንቴኮ ኪታዲ። 
\p  
\v 6 ሺን ሃዒ ፂሞቶሲ ሂንቴንቱ ማታፔ ኑኮ ዪዴ፥ ሂንቴንቱ ኣማኑዋባኔ ሂንቴንቱ ሲቁዋባ ሂንቴንቶ ሚሺራቹ ጊዴ ኑሲ ኦዴዳ። ቃሲ ኑኒ ሂንቴና ቤዓናው ላሞቲያዋዳን ሂንቴካ ኑና ቤዓናው ላሞቲዴ፥ ኡባ ዎዴ ኑሲ ሎዖባ ቆፒያዋ ኢ ኦዴዳ።  
\v 7 ሄዋ ዲራው፥ ኑናዳን ፆሳ ካሊያዋንቶ፥ ኑ ዋዪያኒኔ ኑ ቱጋን ኡባን ሂንቴንቱ ኣማኑዋ ባጋና ሂንቴዋን ኑ ሚኔቴዶ።  
\v 8 ጎዳን ሚኒዴ ሂንቴንቱ ዴዖፔ፥ ኑኒካ ሃዒ ዴዔቶ።  
\v 9 ኣዪሲ ጎፔ፥ ኑኒ ሂንቴባው ፆሳ ጋላቴቶ። ኑኒ ኑ ፆሳ ሲንን ሂንቴንቱ ዲራው ዴዒያ ናሼቻ ኡባው ኣ ዳሮ ጋላቴቶ።  
\v 10 ኑኒ ሂንቴና ቤዓናዉኔ ሂንቴንቱ ኣማኖ ፓጬዳዋ ኩንናው፥ ቃማኔ ጋላሲ ኑ ኩሜን ዎዛናፔ ፆሳ ዎሴቶ። 
\p  
\v 11 ኑ ኣዉ፥ ኑ ፆሳይ ባሬ ሁጴው፥ ቃሲ ኑ ጎዳይ ዬሱሲ ኪሪስቶሲ ኑኒ ሂንቴኮ ቢያ ኦጊያ ኑሲ ጊጊሶ።  
\v 12 ኑኒ ሂንቴና ሎይ ሲቂያዋዳን፥ ጎዳይ ሂንቴንቱ ኢቱ ኢቱዋ ሲቂያ ሲቁዋኔ ቃሲ ኣሳ ኡባ ሲቂያ ሲቁዋ ሂንቴንቶ ዳሪሶኔ ጉጆ።  
\v 13 ኑ ጎዳይ ዬሱሲ ባሬ ጌሻቱዋ ኡባና ዪያ ዎዴ፥ ኑ ፆሳ፥ ኑ ኣዉዋ ሲንን ሂንቴ ዎዛናይ ጌሻኔ ፖኩ ባይናዋ ኡዲዴ፥ ሂንቴና ኢ ሜን። 
\c 4  
\s1 ፆሳ ናሼቺያ ዴዑዋ 
\p  
\v 1 ሲሚ ዉርሴን፥ ኑናዳን ፆሳ ካሊያዋንቶ፥ ፆሳ ናሼቻናው ሂንቴንቱ ዋኒ ዴዓናው ቤሲንቶ፥ ኑፔ ታማሬዲታ። ሄዌ ሂንቴንቱ ካሴዴፔ ዴዒያ ማራ፤ ሺን ሃዒ ሂንቴንቱ ካሴዋፔ ሎይዴ ኦናዳን፥ ጎዳ ዬሱሳ ሱንን ሂንቴና ዎሴቶኔ ዞሬቶ።  
\v 2 ኣዪሲ ጎፔ፥ ኑኒ ጎዳ ዬሱሳ ማታ ባጋና ሂንቴንቶ ኢሜዳ ኣዛዙ ሃቃዌንቶ፥ ሂንቴንቱ ኤሪታ። 
\p  
\v 3 ኣዪሲ ጎፔ፥ ፆሳይ ሂንቴፔ ኮዪያዌ ኣዬ ጎፔ፥ ሂንቴንቱ ጌሻ ጊዳናዋኔ ዎሹሚያዋ ኡባና ኣጋናዋ ኮዬ።  
\v 4 ሂንቴንቱ ሁጲያን ሁጲያን ጌሻቴኒኔ ቦንቹዋን ሂንቴንቱ ማቺያና ዎቲ ዴዓኔንቶ \f + \fr 4:4 \fq ጌሻቴኒኔ ቦንቹዋን ሂንቴንቱ ማቺያና ዎቲ ዴዓኔንቶ፡ \ft ጉሳይ ባሬ ኣሳቴ ናጊዴ ጌሻቴን ዴዓናው ኮሺያዋ ቤሴ።\f* ኤራናው ቤሴፔ ኣቲን፥  
\v 5 ፆሳ ኤሬና ኣማኔና ኣሳቱዋዳን፥ ሎይ ኣሞቲያዋን ኣካናው ቤሴና።  
\v 6 ኑኒ ቃሲ ካሴ ሂንቴንቶ ኦዴዳዋዳኒኔ ሂንቴና ሚኒሲ ዞሬዳዋዳን፥ ጎዳይ ሃዋ ማላባን ኡባን ሃሉዋ ኬሲያዋ ጊዲያ ዲራው፥ ኦኒኔ ሃ ዬዉዋን ባሬ ኢሻ ናቃናዉኔ ጪማናው ቤሴና።  
\v 7 ኣዪሲ ጎፔ፥ ፆሳይ ኑና ጌሻቴን ዴዓናው ፄሴዳዋፔ ኣቲን፥ ቱናቴን ዴዓናው ፄሲቤና።  
\v 8 ሄዋ ዲራው፥ ሃ ቲሚርቲያ ኢፂያ ኦኒኔ ሂንቴንቶ ባሬ ጌሻ ኣያና ኢሚያ ፆሳ ኢፄፔ ኣቲን፥ ኣሳ ኢፄና። 
\p  
\v 9 ሂንቴ ሂንቴንቱ ሁጲያን ኢቱ ኢቱዋ ሲቃናዳን፥ ፆሳይ ሂንቴና ታማሪሴዳ ዲራው፥ ሂንቴንቱ ሂንቴንቱ ኢሻቱዋ ዎቲ ሲቃናው ቤሲንቶ፥ ኑኒ ፃፋናው ኮሼና።  
\v 10 ቃሲ ማቂዶኒያ ቢታ ኡባን ዴዒያ ኢሻቱዋ ኡባቱዋ ቱሙ ሂንቴንቱ ሲቂታ። ሺን ኑናዳን ፆሳ ካሊያዋንቶ፥ ሂንቴንቱ ሄዋፔ ጉጂ ጉጂዴ ኡንቱንታ ሲቃና ማላ፥ ሂንቴና ዎሴቶ። 
\p  
\v 11 ኑኒ ካሴ ሂንቴንቶ ኦዴዳዋዳን፥ ዎፑ ጌዳ ዴዑዋ ዴዒቴ። ቃሲ ሂንቴና ኮሺያዋ ዴማናው፥ ሂንቴ ኩሺያን ኦቴ።  
\v 12 ሄዋ ጊዶፔ፥ ኣማኔናዋንቱ ማታን ሂንቴንቱ ቦንቼታናኔ ቃሲ ሂንቴና ኮሺያባው ኦናኔ ኣዉዳሺኪታ። 
\s1 ጎዳይ ዪያ ዎዴ ሃዪቄዳ ኣሳይኔ ፓፃ ዴዒያ ኣሳይ ሃናናባ 
\p  
\v 13 ሺን ኑናዳን ፆሳ ካሊያዋንቶ፥ ሂንቴንቱ ሂዶታይ ባይና ኣሳቱዋዳን ካዮቴና ማላ፥ ሃይቄዳ ኣሳቱዋባ ሂንቴንቱ ኤራና ማላ ኮዬቶ።  
\v 14 ኑኒ ዬሱሲ ሃዪቄዳዋኔ ቃሲ ሃዪቁዋፔ ኢ ዴንዴዳዋ ኣማኔቶ፤ ሄዋዳንካ፥ ፆሳይ ዬሱሳ ኣማኒዴ ሃዪቄዳዋንታ ዬሱሳና ኣሃናዋ ኣማኔቶ። 
\p  
\v 15 ኣዪሲ ጎፔ፥ ኑኒ ሂንቴንቶ ኦዲያ ጎዳ ቃላይ ሃዋ፤ ኑኒ፥ ጎዳ ላዔንዋ ዩሳ ጋላሳይ ጋካናው ሃዋን ፓፃ ዴዒያዋንቱ፥ ሃይቄዳዋንቱፔ ካሴቶኮ።  
\v 16 ኣዪሲ ጎፔ፥ ጎዳይ ባሬ ሁጲያን ኣዛዙዋና፥ ኪታንቻቱዋ ካፑዋ ኮሻና፥ ፆሳ ማላካታ ጊሬና ሳሉዋፔ ዎና። ኪሪስቶሳ ኣማኒዴ ሃዪቄዳዋንቱ ካሴቲዴ ሃዪቁዋፔ ዴንዳና።  
\v 17 ሄዋፔ ጉዪያን፥ ኑኒ ሄ ዎዴ ፓፃ ዴዒያዋንቱ፥ ጎዳና ጫርኩዋ ጊዶን ጋኬታናው ኡንቱንቱና ኢቲፔ ሻሪያን ዴንዳና። ሄዋ ዲራው ኑኒ ጎዳና ኢቲፔ ኡባ ዎዴ ዴዓና።  
\v 18 ሄዋሲ፥ ሃ ቃላን ኢቱ ኢቱዋ ሜንቴ። 
\c 5  
\s1 ጎዳ ዩሳ ጊጊዴ ናጊቴ 
\p  
\v 1 ሺን ኑናዳን ፆሳ ካሊያዋንቶ፥ ሃ ዬዋቱ ኣዉዴ ሃናኔንቶ፥ ዎዲያኔ ኣጌና ሂንቴንቶ ፃፋናው ኮሼና።  
\v 2 ኣዪሲ ጎፔ፥ ጎዳ ጋላሳይ ካዪሱ ቃማ ዪያዋዳን ያናዋ ሂንቴንቱ ሎይ ኤሪታ።  
\v 3 ኣሳይ፥ «ኡባባይ ሳራ፤ ኣያይካ ሃኔና» ጊሺን፥ ማጫ ኣሳ ዬሉ ኦይቂያዋዳን፥ ባሻይ ኡንቱንቱ ቆፔናን ኡንቱንቱ ቦላ ያና። ኡንቱንቱ ሙሌካ ኬሲ ኣኪኪኖ። 
\p  
\v 4 ሺን ኑናዳን ፆሳ ካሊያዋንቶ፥ ሄ ጋላሳይ ሂንቴንቶ ካዪሱ ዪያዋዳን ያናው ሂንቴንቱ ማኒ ዴዒኪታ።  
\v 5 ሂንቴ ኡባይ ፖዑዋ ኣሳኔ ጋላሳ ኣሳ፤ ኑኒ ቃማ ኣሳ ዎይ ማ ኣሳ ጊዶኮ።  
\v 6 ሄዋ ዲራው፥ ኑኒ ሃራቱ ጌሚዒሺያዋዳን ጌሚዒሻናው ቤሴና። ኑኒ ቤጎታናዉኔ ዎጋን ዴዓናው ቤሴ።  
\v 7 ኣዪሲ ጎፔ፥ ጌሚዒሺያዋንቱ ቃማ ጌሚዒሺኖ፤ ማቲያዋንቱካ ቃማ ማቲኖ።  
\v 8 ሺን ኑኒ ጋላሳ ኣሳ ጊዲያዋንቱ ዎጋን ዴዓናው ቤሴ። ኑኒ ኣማኑዋኔ ሲቁዋ ቲራን ዎያ ኦላ ሚሻዳን ኦይቂዴ፥ ኑኒ ሂዶታን ናጊያ ኣቶቴ፥ ቢራታ ቆቢያዳን፥ ሁጲያን ዎናው ቤሴ። \x - \xo 5:8 \xt ኢሳ 59፡17፤ ኤፌ 6፡13-17\x* 
\v 9 ኣዪሲ ጎፔ፥ ፆሳይ ኑና ኑ ጎዳ ዬሱሲ ኪሪስቶሳ ባጋና ኣቶቴ ዴማናው ዶሬዳዋፔ ኣቲን፥ ኣ ሃንቁዋ ኣካናው ዶሪቤና።  
\v 10 ኑኒ ፓፃ ጊዲና ዎይ ሃዪቄዳዋንታ ጊዲና፥ ኪሪስቶሳና ኢቲፔ ዴዓና ማላ፥ ኪሪስቶሲ ኑ ዲራው ሃዪቄዳ።  
\v 11 ሄዋ ዲራው፥ ሂንቴንቱ ቃሲ ሃዒ ኦያዋዳን፥ ሃራቱዋ ሜንቴኔ ኢቱ ኢቱዋ ዲቺቴ። 
\s1 ዉርሴ ዞሪያኔ ሳሮታ 
\p  
\v 12 ኑናዳን ፆሳ ካሊያዋንቶ፥ ሂንቴንቱ ጊዶን ኦያዋንታ፥ ሂንቴና ኣማኑዋ ኦጊያን ካሌያዋንታኔ ዞሪያዋንታ፥ ሂንቴንቱ ቦንቻና ማላ፥ ሂንቴና ዎሴቶ።  
\v 13 ኡንቱንቱ ኦያ ኦሱዋ ዲራው፥ ኡንቱንታ ሎይ ቦንቺቴኔ ሲቂቴ። ኢቱ ኢቱዋና ሳሮቴን ዴዒቴ። 
\p  
\v 14 ኑናዳን ፆሳ ካሊያዋንቶ፥ ኑኒ ሂንቴና ዞሬቶ፤ ማራይ ባዪና ዴዑዋ ዴዒያዋንታ ሴሪቴ። ያዪያዋንታ ሜንቴ። ዎልቂ ባይናዋንታ ማዲቴ። ኣሳ ኡባ ዳንዳዪቴ።  
\v 15 ኦኒኔ ኢታ ዲራው ኢታ ዛሬና ማላ ናጌቲቴ፤ ሺን ኡባ ዎዴ፥ ኢቱ ኢቶኔ ቃሲ ኣሳ ኡባው ሎዖባ ኦናው ሚኒቴ። 
\p  
\v 16 ኡባ ዎዴ ናሼቲቴ።  
\v 17 ኡባ ዎዴ ቃንፄናን ፆሳ ዎሲቴ።  
\v 18 ኡባባኒ ጋላቲቴ። ኣዪሲ ጎፔ፥ ኪሪስቶሳ ዬሱሳ ባጋና ፆሳይ ሂንቴፔ ኮዪያዌ ሄዋ። 
\p  
\v 19 ጌሻ ኣያና ታማ ቶዪሶፒቴ።  
\v 20 ቲምቢቲያ ቃላ ካፒቴ።  
\v 21 ኡባባካ ፓጪቴ። ሎዖባ ኦይቂቴ።  
\v 22 ኢታ ኦሱዋ ኡባፔ ሃኪቴ። 
\p  
\v 23 ሳሮቴ ፆሳይ ባሬ ሁጴው ሂንቴና ኡባባኒ ፖሎ ጌሾ፤ ቃሲ ኑ ጎዳይ ዬሱሲ ኪሪስቶሲ ዪያ ዎዴ፥ ፆሳይ ሂንቴንቱ ኣያና፥ ሼምፑዋኔ ኣሳቴ ኢቲፔ ቦሬቴናዋኔ ፖሎ ኡዲዴ ናጎ።  
\v 24 ሂንቴና ፄሲያዌ ኣማኔቴዳዋ፤ ቃሲ ሄዋ ኢ ፖላና። 
\p  
\v 25 ኑናዳን ፆሳ ካሊያዋንቶ፥ ኑሲ ፆሳ ዎሲቴ። 
\p  
\v 26 ኢሻቱዋ ኡባ ጌሻ ዬሩዋ ዬሪዴ ሳሮቲቴ። 
\p  
\v 27 ሂንቴ ሃ ዳቢዳቢያ ጌሻ ኢሻቱዋ ኡባው ናባባናዳን፥ ጎዳ ሱንን ሂንቴና ዎሳይ። 
\p  
\v 28 ኑ ጎዳ ዬሱሲ ኪሪስቶሳ ኣ ኬካቴይ ሂንቴናና ኢቲፔ ጊዶ።