\id 1JN - ዳውሮ 
\h 1 ዮሃኒሳ ኪታ 
\toc1 ዮሃኒሲ ፃፌዳ ኮይሮ ኪታ 
\toc2 1 ዮሃኒሳ ኪታ 
\toc3 1ጵፅ 
\mt1 ዮሃኒሲ 
\mt2 ፃፌዳ ኮይሮ ኪታ 
\imt1 ጌሉዋ 
\ip ዬሱሲ ኪቴዳ ዮሃኒሲ ፃፌዳ ኮይሮ ኪታይ፥ ላዑ ሁጴ ቆፓቱዋ ኦይቄዳ፤ ሄዋንቱካ፡ ናባቢያዋንቶ ፆሳናኔ ኣ ናዓ ዬሱሲ ኪሪስቶሳና ኢቲፔቴይ ዴዓናዳን ሜንናሳኔ ሃ ኢቲፔቴ ዪሳናው ዳንዳዪያ ዎርዶ ቲሚርቲያፔ ኡንቱንቱ ሃካና ማላ፥ ሚኒሲዴ ኣኬኪሳናሳ። ሄ ዎዴ ዴንዴዳ ዎርዶ ቲሚርቲ «ኢታቴይ ፑልቲያዌ ሃ ኑኒ ዴዒያ ዎልቃማ ኣላሚያና ጋኬቲያ ጋኬና ጊዲያ ዲራው፥ ፆሳ ናዓይ ዬሱሲ ሙሌካ ኣሳ ጊዳናው ዎይ፥ ኣሳቴ ኤሻይ ኣው ዴዓናው ዳንዳዬና» ያጊያዋ። ሄ ኣስታማራቱ፥ «ኣቶቴ ጉሳይ ኣላሚያ ዴዑዋሲ ኡንዔቲያዋፔ ላዓ ኬሲያዋ» ያጊኖ። ሄዋ ቦላካ ቃሲ «ኢታኔ ኬካ ሻኪዴ ኦይቂያዋ ዎይ፥ ሃራ ኣሳው ሲቁዋ ቤሲያዋ ጊዶፔካ፥ ኣቶቴና ኡንቱንታ ጋያባይ ባዋ» ያጊኖ። 
\ip ፃፊ ሃ ቲሚርቲያ ኤቄቲዴ፥ «ዬሱሲ ኪሪስቶሲ ፖሎ ኣሳ፤ ዬሱሳን ኣማኒያዋንቱኔ ፆሳ ሲቂያዋንቱ ኡባይ ባሬንቱ ጊዶኒካ ኢቱ ኢቱዋና ሲቄታናው ቤሴ» ያጊዴ ኦዴዳ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-4) 
\io1 ፖዑዋኔ ማ (1፡5-2፡29) 
\io1 ፆሳ ናናኔ ፃላሂያ ናና (3፡1-24) 
\io1 ቱሙዋኔ ባሌዋ (4፡1-6) 
\io1 ሲቁዋ ዎልቃንዋ (4፡7-21) 
\io1 ፆኒያ ኣማኑዋ (5፡1-21) 
\c 1  
\s1 ዴዑዋ ቃላ 
\p  
\v 1 ኑኒ ኮዪሩዋፔ ዶሚዴ ዴዒያ፥ ኑ ኣዪፊያን ቤዒዴ፥ ኑ ኩሺያን ኣ ቦቺ ቤዔዳ ዴዑዋ ቃላባ ሂንቴንቶ ፃፌቶ። ኑኒ ኣ ቤዔዶ፤ ኑ ኩሺካ ኣ ቦቺ ቤዔዳ። \x - \xo 1:1 \xt ዮህ 1፡1\x* 
\v 2 ሄ ዴዑ ቆንጪና፥ ኑኒ ኣ ቤዒዴ፥ ኣባ ሂንቴንቶ ማርካቴቶ፤ ቃሲ ፆሳ ኣዉዋ ማታን ዴዒያ ኑሲ ቆንጬዳ ሜና ዴዑዋባ ሂንቴንቶ ኦዴቶ። \x - \xo 1:2 \xt ዮህ 1፡14\x* 
\v 3 ቃሲ ኑናና ሂንቴንቶ ኢቲፔቴይ ዴዓና ማላ፥ ኑኒ ቤዔዳዋኔ ሲሴዳዋ ሂንቴንቶ ኦዴቶ፤ ኑሲ ኣዉዋናኔ ኣ ናዓ ዬሱሲ ኪሪስቶሳና ኢቲፔቴይ ዴዔ።  
\v 4 ኑኒ ኑ ናሼቻይ ፖሌታና ማላ፥ ሃዋ ሂንቴንቶ ፃፌቶ። 
\s1 ፆሳይ ፖዑዋ 
\p  
\v 5 ኑኒ ፆሳ ናዓፔ ሲሲዴ፥ ሂንቴንቶ ኦዲያ ኪታይ፥ «ፆሳይ ፖዑዋ፤ ኣኒ ማይ ሙሌካ ባዋ» ያጊያዋ።  
\v 6 ኑኒ ኑሲ ኣናና ኢቲፔቴይ ዴዔ ጊዴ ማኒ ዴዖፔ፥ ኑ ሃሳያኒኔ ኑ ኦሱዋን ዎርዶቴቶ።  
\v 7 ሺን ፖዑዋን ኢ ዴዒያዋዳን፥ ኑኒካ ፖዑዋን ዴዖፔ፥ ኑሲ ኢቶ ኢቱዋና ኢቲፔቴይ ዴዔ፤ ቃሲ ኣ ናዓ፥ ዬሱሲ ኪሪስቶሳ ሱይ ናጋራ ኡባፔ ኑና ጌሼ። 
\p  
\v 8 ኑኒ ናጋራ ኦቤይኮ ጎፔ፥ ኑሬካ ኑና ጪሜቶ፤ ኑናን ቱማቴይካ ባዋ።  
\v 9 ሺን ኑኒ ፆሳው ኑ ናጋራ ፓፆፔ፥ ኢ ኑ ናጋራ ኣቶ ጋናዉኔ ኑ ባዪዞ ኦሱዋ ኡባፔ ኑና ጌሻናው፥ ኣማኔቲያዋኔ ቱሙዋ ኦያዋ።  
\v 10 ኑኒ ናጋራ ኦቤይኮ ጎፔ፥ ፆሳ ዎርዱዋ ጌቶ፤ ኣ ቃላይካ ኑ ዎዛናን ዴዔና። 
\c 2  
\s1 ኪሪስቶሲ ኑሲ ጋናቲያዋ 
\p  
\v 1 ታ ናቶ፥ ናጋራ ሂንቴ ኦናዳን፥ ታኒ ሃዋ ሂንቴንቶ ፃፋይ፤ ሺን ኦኒኔ ናጋራ ኦፔ፥ ኣዉዋ ማታን ኑሲ ጋናቲያ ዬሱሲ ኪሪስቶሲ፥ ፂሉ፥ ዴዔ።  
\v 2 ቃሲ ኑኒ ኑ ናጋራ ኣቶ ጌቴቱሳ ኪሪስቶሳ ባጋና ዴሜቶ፤ ኪሪስቶሲ ያርሼቴዳዌ ኣሳ ኡባ ናጋራ ዲጋናሳፔ ኣቲን፥ ኑ ናጋራ ፃላላ ዲጋናሳ ጊዴና። 
\p  
\v 3 ኑኒ ፆሳ ኣዛዙዋ ናጎፔ፥ ቱሙ ኣ ኤሪያዋ ሄዋን ሻካናው ዳንዳዬቶ።  
\v 4 ኢቲ ኡራይ፥ «ታኒ ኣ ኤራይ» ጊዴ፥ ቃሲ ኣ ኣዛዙዋ ናጌናን ኣጎፔ፥ ሄ ኡራይ ዎርዱዋ፤ ቱማቴይካ ኣኒ ባዋ።  
\v 5 ሺን ኣ ቃላው ኣዛዜቲያ ኦና ጊዶፔኔ፥ ሄ ኡራይ ፆሳ ሲቂያዌ ቱሙ ፖሌቴዳ። ኑኒ ፆሳን ዴዒያዋ ሃዌ ኑና ኤሪሴ። ሄዌካ፥  
\v 6 «ታኒ፥ ፆሳን ዴዓይ» ጊያ ኦኒኔ ኪሪስቶሲ ዴዔዳዋዳን ዴዓናው ቤሴ። 
\s1 ኦራ ኣዛዙዋ 
\p  
\v 7 ታ ሲቃቶ፥ ታኒ ሂንቴንቶ ኮዪሩዋፔ ዴዒያ ኤጫ ኣዛዙዋ ፃፋይፔ ኣቲን፥ ኦራ ኣዛዙዋ ፃፊኬ፤ ሄ ኤጫ ኣዛዙ ሂንቴ ሲሴዳ ቃላ። \x - \xo 2:7 \xt ዮህ 13፡34\x* 
\v 8 ጊዶፔካ፥ ታኒ ሂንቴንቶ ላዔንዋ ኦራ ኣዛዙዋ ፃፋይ፤ ሄ ኣዛዙዋ ቱማቴይካ ኪሪስቶሳኒኔ ሂንቴናን ቤቴ። ኣዪሲ ጎፔ፥ ማይ ዬ፤ ቱሙ ፖዑ ሃዒ ፖዔ። 
\p  
\v 9 ፖዑዋን ዴዓይ ጊዴ፥ ባሬ ኢሻ ኢፂያ ኦኒኔ ሃኖ ጋካናሲካ ማኒ ዴዔ።  
\v 10 ባሬ ኢሻ ሲቂያ ኦኒኔ ፖዑዋን ዴዔ፤ ሄ ኡራን ሃራ ኡራ ቢያባይ ኣያይኔ ባዋ።  
\v 11 ሺን ባሬ ኢሻ ኢፂያ ኦኒኔ ማኒ ዴዔ፤ ማኒ ሃሜቴ። ማይ ኣ ኣይፊያ ቆቂሲ ዎዳ ዲራው፥ ሃቃ ቢንቶኔ ኤሬና። 
\q1  
\v 12 ታ ናቶ፥ ፆሳይ ኪሪስቶሳ ሱን ዲራው፥ 
\q2 ሂንቴ ናጋራ ኣቶ ያጌዳ ዲራው፥ ታኒ 
\q2 ሂንቴንቶ ፃፋይ። 
\q1  
\v 13 ኣዎቶ፥ ኮዪሩዋፔ ዴዒያዋ ሂንቴ ኤሬዳ ዲራው፥ 
\q2 ሂንቴንቶ ፃፋይ። 
\q1 ያላጋቶ፥ 
\q1 ፃላሂያ ካፑዋ ሂንቴ ፆኔዳ ዲራው፥ 
\q2 ሂንቴንቶ ፃፋይ። 
\q1 ጉ ናቶ፥ ፆሳ ኣዉዋ ሂንቴ ኤሬዳ ዲራው፥ 
\q2 ሂንቴንቶ ፃፋይ። 
\q1  
\v 14 ኣዎቶ፥ ኮዪሩዋፔ ዴዒያዋ ሂንቴ ኤሬዳ ዲራው፥ 
\q2 ሂንቴንቶ ፃፋይ። 
\q1 ያላጋቶ፥ 
\q2 ሂንቴ ሚኖ ጊዲያ ዲራዉኔ 
\q2 ፆሳ ቃላይ ሂንቴናን ዴዒያ ዲራው፥ 
\q2 ቃሲ ፃላሂያ ካፑዋ ሂንቴ ፆኔዳ ዲራው፥ 
\q2 ሂንቴንቶ ፃፋይ። 
\p  
\v 15 ሃ ኣላሚያ ዎይ ኣላሚያን ዴዒያ ኣያኔ ሲቆፒቴ። ሂንቴ ሃ ኣላሚያ ሲቆፔ፥ ፆሳ ሲቁ ሂንቴናን ባዋ።  
\v 16 ኣዪሲ ጎፔ፥ ሃ ኣላሚያን ዴዒያ ኡባባይ፥ ሄዌካ፡ ኣሳቴ ኣሙ፥ ኣዪፊያን ፄሊዴ ካጄሊያዌኔ ባሬ ዴዒያዋን ጬቄቲያዌ ሃ ኣላሚያፔ ዬዳዋፔ ኣቲን፥ ፆሳፔ ዪቤና።  
\v 17 ሃ ኣላሚኔ ሃ ኣላሚያን ኣሳይ ኣሞቲያ ኡባባይ ኣና። ሺን ፆሳይ ጌዳዋ ኦያ ኡራይ ሜናው ዴዓና። 
\s1 ኪሪስቶሳ ኤቄቲያዋፔ ናጌቲያዋ 
\p  
\v 18 ታ ናቶ፥ ዎዲያ ዉርሴይ ማታቴዳ፤ ኪሪስቶሳ ኤቄቲያዌ ሲንፔ ያናዋ ሂንቴ ሲሴዳዋዳን፥ ሃራይ ኣቶ ሃዒካ ኣ ኤቄቲያዋንቱ ጮራቱ ዴንዴዲኖ። ሄዋ ዲራው፥ ዎዲያ ዉርሴይ ማታቴዳዋ ኑኒ ሄዋን ኤሬቶ።  
\v 19 ሃ ኤቄቲያዋንቱ ኑ ባጋ ጊዴና ዲራው፥ ኑ ጊዶፔ ኬሴዲኖ፤ ኣዪሲ ጎፔ፥ ኡንቱንቱ ኑ ባጋ ጊዲያባ ጊዲንቶኔ፥ ኑ ጊዶን ዴዓና፤ ሺን ኡንቱንቱፔ ኦኒኔ ኑ ባጋ ጊዴናዌ ኤሬታና ማላ፥ ኑ ጊዶፔ ኬሴዲኖ። 
\p  
\v 20 ሺን ኪሪስቶሲ ሂንቴ ቦላ ጌሻ ኣያና ጉሴዳ፤ ቃሲ ሂንቴ ኡባይ ቱሙዋ ኤሪታ።  
\v 21 ቱሙዋ ሂንቴ ኤሪያ ዲራዉኔ ቃሲ ቱሙዋን ዎርዱ ኣያይኔ ባዪናዋ ሂንቴ ኤሪያ ዲራው፥ ታኒ ሂንቴንቶ ፃፋይፔ ኣቲን፥ ቱሙዋ ሂንቴ ኤሬና ዲራው ፃፊኬ። 
\p  
\v 22 ዬሱሲ ኦኬቴዳ ኪሪስቶሳ ጊዲያዋ ኤሪኬ ጊያ ኡራፔ ኣቲን፥ ዎርዱ ኦኔ? ሄዌ ፆሳ ኣዉዋኔ ናዓ ኤሪኬ ጊያዌ ኪሪስቶሳ ኤቄቲያዋ።  
\v 23 ፆሳ ናዓ ኤሪኬ ጊያ ኦናኔ ፆሳ ኣዉካ ኤሬና፤ ፆሳ ናዓ ኤራይ ጊያ ኦናኔ ቃሲ ፆሳ ኣዉካ ኤሬ። 
\p  
\v 24 ሄዋ ዲራው፥ ኮዪሩዋፔ ሂንቴ ሲሴዳዋ ሂንቴ ዎዛናን ሚኒሲዴ ናጊቴ። ኮዪሩዋፔ ሲሴዳዋ ሂንቴ ናጎፔ፥ ሂንቴንቶ ቃሲ ፆሳ ናዓናኔ ፆሳ ኣዉዋና ኢቲፔቴይ ዴዓና።  
\v 25 ቃሲ ኪሪስቶሲ ባሬ ሁጴው ኑሲ ኢማና ጌዳዌ ሜና ዴዑዋ። 
\p  
\v 26 ታኒ ሃዋ ሂንቴንቶ ሄ ሂንቴና ባሌያ ኣሳቱዋ ዲራው ፃፋዲ።  
\v 27 ሺን ኪሪስቶሲ ሂንቴ ቦላ ባሬ ጌሻ ኣያና ጉሴዳ። ጌሻ ኣያናይ ሂንቴናን ዴዒያ ዲራው፥ ኦኒኔ ሂንቴና ታማሪሳና ኮሼና፤ ኣዪሲ ጎፔ፥ ኣ ጌሻ ኣያናይ ሂንቴና ኡባባ ታማሪሴ። ኢ ታማሪሲያዌ ቱሙዋፔ ኣቲን ዎርዱዋ ጊዴና። ሄዋ ዲራው ኣያና ጌሻ ቲሚርቴው ኣዛዜቲዴ፥ ኪሪስቶሳና ኢቲፔቴን ዴዒቴ። 
\p  
\v 28 ታ ናቶ፥ ቃሲ ኢ ቆንጪያ ዎዴ፥ ኑኒ ያሺ ባዪናዋንታ ጊዳናዳኒኔ፥ ኣ ዩሳ ጋላሲ ኣ ሲንን ኑኒ ዬላቴናዳን፥ ኣናና ኢቲፔቴን ዴዒቴ።  
\v 29 ኪሪስቶሲ ፂሎ ጊዲያዋ ሂንቴ ኤሮፔ፥ ፂሎባ ኦያ ኡባይ ፆሳ ናዓ ጊዲያዋ ኤራናው ቤሴ። 
\c 3  
\s1 ፆሳ ናናቱዋ 
\p  
\v 1 ኑኒ ፆሳ ናናቱዋ ጌቴቲዴ ፄሴታና ማላ፥ ፆሳይ ኑና ኣይ ኬና ሲቄዴንቶኔ ቤዒቴ። ኑኒ ቱሙካ ኣ ናናቱዋ። ሃ ኣላሚ ፆሳ ኤሬና ዲራው፥ ኑናካ ኤሬና። \x - \xo 3:1 \xt ዮህ 1፡12\x* 
\v 2 ታ ሲቃቶ፥ ሃዒ ኑኒ ፆሳ ናናቱዋ፤ ኑኒ ኣያ ሃናኔንቶ ቢሮ ኤሬቲቤና፤ ሺን ኪሪስቶሲ ቆንጪያ ዎዴ፥ ኑኒ ኣ ማላታናዋ ኤሬቶ። ኣዪሲ ጎፔ፥ ኢ ቱሙ ኣ ጊዲያዋ ኑኒ ኩሜንን ቤዓና።  
\v 3 ቃሲ ኪሪስቶሳ ቤዓና ጊዴ ናሼቻን ናጊያ ኦኒኔ ኪሪስቶሲ ጌሻ ጊዴዳዋዳን፥ ባሬና ጌሼ። 
\p  
\v 4 ናጋራ ኦያ ኡባይ ፆሳ ሂጊያ ሜን፤ ኣዪሲ ጎፔ፥ ናጋራይ ፆሳ ሂጊያ ሜንሳ።  
\v 5 ኪሪስቶሲ ኣሳ ናጋራ ዪሳናው ቆንጬዳዋ ሂንቴ ኤሪታ፤ ኣኒ ናጋራይ ባዋ። \x - \xo 3:5 \xt ዮህ 1፡29\x* 
\v 6 ኪሪስቶሳን ዴዒያ ኦኒኔ ናጋራ ኦዴ ዴዔና፤ ቃሲ ናጋራ ኦዴ ዴዒያ ኦኒኔ ኣ ቤዒቤና ዎይ ኤሪቤና። 
\p  
\v 7 ታ ናቶ፥ ኦኒኔ ሂንቴና ባሌፖ። ኪሪስቶሲ ፂሎ ጊዲያዋዳን፥ ፂሎባ ኦያ ኡራይ ፂሉዋ።  
\v 8 ፃላሂያ ካፑ ኮዪሩዋፔ ናጋራ ኦዳ ዲራው፥ ናጋራ ኡባ ዎዴ ኦያ ኡራይ ፃላሂያ ካፑዋሳ፤ ሄዋ ዲራው፥ ፆሳ ናዓይ ፃላሂያ ካፑዋ ኦሱዋ ዪሳናው ቆንጬዳ።  
\v 9 ፆሳ ናናቱዋ ጊዲያ ኡባይ ፆሳ ሜታይ ኡንቱንቱን ዴዒያ ዲራው፥ ናጋራ ኡባ ዎዴ ኦኪኖ፤ ቃሲ ፆሳይ ኡንቱንቱ ኣዉዋ ጊዲያ ዲራው፥ ናጋራ ኦናው ዳንዳዪኪኖ።  
\v 10 ፆሳ ናናቱዋ ጊዱዋኒኔ ፃላሂያ ካፑዋ ናናቱዋ ጊዶን ዴዒያ ዱማቴይ ሃዋን ኤሬቴ፤ ፂሎባ ኦናዋንቱኔ ዎይ ባሬ ኢሻ ሲቄናዋንቱ ኦኒኔ ፆሳ ናናቱዋ ጊዲኪኖ። 
\s1 ኢቱ ኢቱዋና ሲቄቲያዋ 
\p  
\v 11 ኣዪሲ ጎፔ፥ ኮዪሩዋፔ ሂንቴ ሲሴዳ ኪታይ፥ «ኢቱ ኢቱዋና ሲቄታናው ቤሴ» ያጊያዋ። \x - \xo 3:11 \xt ዮህ 13፡34\x* 
\v 12 ኑኒ ቃዬላ ማላ ጊዳናው ቤሴና። ቃዬሊ ፃላሂያ ካፑዋሳ፤ ሄዋ ጊዶ ዲራው፥ ባሬ ኢሻ ዎዳ። ኢ ባሬ ኢሻ ኣዪሲ ዎዴ? ኢ ኦዳ ኦሱ ኢታ ጊዲና፥ ኣ ኢሻይ ኦዳ ኦሱ ሎዓ ጊዴዳ ዲራው ዎዳ። \x - \xo 3:12 \xt ዶም 4፡8\x* 
\p  
\v 13 ታናዳን ፆሳ ካሊያዋንቶ፥ ሃ ሳዓ ኣሳይ ሂንቴና ኢፆፔ፥ ኦራባ ጎፒቴ።  
\v 14 ኑኒ ኣማኒያዋንታ ሲቂያ ዲራው፥ ሃዪቁዋፔ ዴዖ ፒኔዳዋ ኤሬቶ፤ ኣማኒያዋንታ ሲቄና ኡራይ ኦኒኔ ሃዪቁዋ ጊዶን ዴዔ።  
\v 15 ኣማኒያዋንታ ኢፂያ ኦኒኔ ሼምፑዋ ዎዳዋ፤ ቃሲ ሼምፑዋ ዎዳዋን ሜና ዴዑ ባዪናዋ ሂንቴ ኤሪታ።  
\v 16 ኪሪስቶሲ ባሬ ሼምፑዋ ኑ ዲራው ኣዴ ኢሜዳዋን ሲቁ ኣዬንቶ ኑኒ ኤሬዶ፤ ኑኒካ ኣማኒያዋንቱ ዲራው፥ ኑ ሼምፑዋ ኣዴ ኢማናው ቤሴ።  
\v 17 ሺን ዱሬ ኣሳይ ኦኒኔ ባሬ ኢሻይ ሜቶቲያዋ ቤዒዴ፥ ኣው ቃሬቴናን ኢፆፔ፥ ባሬ ዎዛናን ፆሳ ሲቃይ ጋናው ዋኒ ዳንዳዪ?  
\v 18 ታ ናቶ፥ ኑኒ ኦሱዋኒኔ ቱማቴን ሲቄቶይቴፔ ኣቲን፥ ጮ ሃሳያን ዎይ ቦላ ዶናን ሲቄታናው ቤሴና። 
\s1 ፆሳ ሲንን ኣማኔቲዴ ኤቂያዋ 
\p  
\v 19-20 ኑኒ ቱሙዋ ባጋን ዴዒያዋ ሄዋን ኤራና፤ ቃሲ ኑ ዎዛናይ ኑ ቦላ ፒርዲያ ዎዴ ኡባን፥ ፆሳ ሲንን ቱማቴ ኑና ሄዋን ኤሪሴ። ኣዪሲ ጎፔ፥ ፆሳይ ኑ ዎዛናፔ ዎልቃማ፤ ቃሲ ኢ ኡባባ ኤሬ። 
\p  
\v 21 ታ ሲቃቶ፥ ኑ ዎዛናይ ኑ ቦላ ፒርዴናዋ ጊዶፔ፥ ኑኒ ፆሳ ሲንን ያዮኮ።  
\v 22 ኑኒ ኣ ኣዛዙዋ ናጊያ ዲራዉኔ ኣ ናሼቺያባ ኦያ ዲራው፥ ዎሲያ ኡባባ ኣፔ ኣኬቶ።  
\v 23 ፆሳ ኣዛዙ ሃዋ፡ ኪሪስቶሲ ኑና ኣዛዜዳዋዳንካ፥ ፆሳ ናዓ ዬሱሲ ኪሪስቶሳ ሱንን ኑኒ ኣማናናዳኒኔ ኢቱ ኢቱዋና ሲቄታናዳን ፆሳይ ኑና ኣዛዜዳ።  
\v 24 ፆሳ ኣዛዙዋ ናጊያ ኦኒኔ ፆሳ ጊዶን ዴዔ፤ ፆሳይካ ኣ ጊዶን ዴዔ፤ ፆሳይ ኑሲ ኢሜዳ ኣ ኣያና ባጋና ኢ ኑ ጊዶን ዴዒያዋ ኑኒ ኤሬቶ። 
\c 4  
\s1 ቱማንቻ ኣያናኔ ዎርዶ ኣያና 
\p  
\v 1 ታ ሲቆቶ፥ ፆሳ ኣያናይ ታናን ዴዔ ጊያ ኡባ ኣማኖፒቴ፤ ሺን ኡንቱንቱን ዴዒያ ኣያናይ ፆሳፔዬ ዎይ ጊዴኔንቶ ፓጪቴ። ኣዪሲ ጎፔ፥ ጮራ ዎርዶ ናባቱ ኡባሳ ቤዲኖ።  
\v 2 ፆሳ ኣያና ጊዲያዋ ሂንቴ ሃዋን ኤራና፤ «ዬሱሲ ኪሪስቶሲ ኣሳ ጊዲዴ ዬዳዋ ኣማናይ» ጊያ ኦናኒኔ ዴዒያ ኣያናይ ኡባይ ፆሳፔ ዬ።  
\v 3 ቃሲ ኪሪስቶሲ ኣሳ ጊዲዴ ዬዳዋ ኣማናይ ጌናዋ ኣያናይ ኡባይ ፆሳፔ ዪቤና፤ ኣኒ ኪሪስቶሳ ኤቄቲያ ኣያናይ ዴዔ። ሂንቴ ሄዌ ያናዋ ካሴ ሲሴዲታ፤ ኢ ሃራይ ኣቶ ሃዒካ ሃ ኣላሚያን ዴዔ። 
\p  
\v 4 ታ ናቶ፥ ሂንቴ ፆሳዋንታ፤ ሂንቴ ጊዶን ዴዒያ ጌሻ ኣያናይ ሃ ኣላሚያን ዴዒያ ኣያናፔ ዳሮ ዎልቃሚያ ዲራው፥ ዎርዶ ናባቱዋ ሂንቴ ፆኔዲታ።  
\v 5 ኡንቱንቱ ሃ ኣላሚያ ኣሳ ጊዲያ ዲራው፥ ሃ ኣላሚያባ ሃሳዪኖ፤ ሃ ኣላሚያ ኣሳይካ ኡንቱንቱ ሃሳያ ሲሴ።  
\v 6 ኑኒ ፆሳዋንታ፤ ፆሳ ኤሪያ ኦኒኔ ኑኒ ጊያዋ ሲሴ። ፆሳ ኤሬና ኦኒኔ ኑኒ ጊያዋ ሲሴና። ኑኒ ቱሙ ኣያናኔ ዎርዶ ኣያና ሄዋን ሻኬቶ። 
\s1 ፆሳይ ሲቁዋ 
\p  
\v 7 ታ ሲቃቶ፥ ሲቁ ፆሳፔ ዪያ ዲራው፥ ኣኔ ኢቱ ኢቱዋና ሲቄቶይቴ። ሲቄቲያ ኦኒኔ ፆሳ ናና፤ ፆሳካ ኤሪኖ።  
\v 8 ፆሳ ኤሻይ ሲቆ ጊዲያ ዲራው፥ ሲቄና ኡራይ ኦኒኔ ፆሳ ኤሬና።  
\v 9 ፆሳይ ኑና ባሬ ሲቁዋ ሃዋን ቤሴዳ፤ ኑኒ ኣ ባጋና ዴዑዋ ዴማና ማላ፥ ባሬ ኢቲ ናዓ ሃ ኣላሚያ ኪቴዳ።  
\v 10 ሲቁዋ ጊያዌ ሃዋ፤ ፆሳይ ኑና ሲቂዴ፥ ኑኒ ኑ ናጋራፔ ማሮቴ ዴሜዳ ባሬ ናዓ ኑሲ ኪቴዳፔ ኣቲን፥ ኑኒ ኣ ሲቄዳዋና ጊዴና። 
\p  
\v 11 ታ ሲቆቶ፥ ፆሳይ ኑና ሃዋዳን ሲቄዳዋ ጊዶፔ፥ ኑኒካ ኢቱ ኢቱዋና ሲቄታናው ቤሴ።  
\v 12 ፆሳ ኦኒኔ ሙሌካ ቤዒቤና፤ ኑኒ ኢቱ ኢቱዋና ሲቄቶፔ፥ ፆሳይ ኑ ጊዶን ዴዔ፤ ኣ ሲቁካ ኑ ጊዶን ፖሌቴዳ። 
\p  
\v 13 ፆሳይ ባሬ ኣያና ኑሲ ኢሜዳ ዲራው፥ ኑኒ ፆሳ ጊዶን ዴዒያዋኔ ኢካ ኑ ጊዶን ዴዒያዋ ኤሬቶ።  
\v 14 ፆሳ ኣዉ ባሬ ናዓ ሃ ኣላሚያ ኣሺያዋ ጊዳናው ኪቴዳዋ ኑኒ ቤዒዴ ማርካቴቶ።  
\v 15 ዬሱሲ ፆሳ ናዓ ጊዲያዋ ማርካቲያ ኦ ጊዱዋኒኔ ፆሳይ ዴዔ፤ ኢካ ፆሳ ጊዶን ዴዔ።  
\v 16 ፆሳይ ኑና ሲቂያዋ ኑኒ ኑ ሁጴው ኤሬቶኔ ኣማኔቶ። 
\p ፆሳይ ሲቁዋ። ሲቁዋን ዴዒያ ኦኒኔ ፆሳ ጊዶን ዴዔ፤ ፆሳይካ ኣ ጊዶን ዴዔ።  
\v 17 ኑ ዴዑ ሃ ኣላሚያን ኪሪስቶሲ ዴዔዳዋ ማላ ጊዲያ ዲራው፥ ፒርዳ ጋላሲ ኑኒ ያዬና ማላ፥ ሲቁ ኑ ጊዶን ፖሌቴዳ።  
\v 18 ሲቁዋን ያሺ ባዋ፤ ጋሱካ ቱሙ ሲቁ ያሻ ኬሲ ኦሌ። ያሻይኔ ሙራይ ኢቲፔ ቢያ ዲራው፥ ያዪያ ኡራ ሲቁ ኩሜን ጊዴና። 
\p  
\v 19 ፆሳይ ኮይሮ ኑና ሲቄዳ ዲራው፥ ኑኒ ኣ ሲቄዶ።  
\v 20 ኦኒኔ፥ «ታኒ ፆሳ ሲቃይ» ጊዴ ባሬ ኢሻ ኢፆፔ፥ ኢ ዎርዱዋ። ኣዪሲ ጎፔ፥ ቤዔዳ ባሬ ኢሻ ሲቄናዌ ቤዒቤና ፆሳ ሲቃናው ዋኒ ዳንዳዪ?  
\v 21 ቃሲ ኪሪስቶሲ ኑሲ ኢሜዳ ኣዛዙ ሃዋ፤ ፆሳ ሲቂያ ኡራይ ባሬ ኢሻካ ሲቃናው ቤሴ። 
\c 5  
\s1 ሃ ኣላሚያ ፆኒያዋ 
\p  
\v 1 ኦኬቴዳ ኪሪስቶሳ ያጊዴ፥ ዬሱሳ ኣማኒያ ኡባይ ፆሳ ናና፤ ቃሲ ፆሳ ኣዉዋ ሲቂያ ኦኒኔ ኣ ናናቱዋካ ሲቄ።  
\v 2 ኑኒ ፆሳ ሲቂያዋኒኔ ኣ ኣዛዙዋ ናጊያዋን፥ ፆሳ ናናቱዋ ሲቂያዋ ኤሬቶ።  
\v 3 ኣዪሲ ጎፔ፥ ኑኒ ፆሳ ሲቂያዌ ኣ ኣዛዙዋ ናጊያዋ፤ ኣ ኣዛዙካ ዴፆ ጊዴና።  
\v 4 ኣዪሲ ጎፔ፥ ፆሳ ናዓ ጊዲያ ኦኒኔ ሃ ኣላሚያ ፆናናው ዳንዳዬ፤ ኑኒካ ሃ ኣላሚያ ፆናናዌ ኑ ኣማኑዋና።  
\v 5 ሃ ኣላሚያ ፆናናው ዳንዳዪያዌ ኦኔ? ዬሱሲ ፆሳ ናዓ ጊዲያዋ ኣማኒያዋ ፃላላይ ፆናና። 
\s1 ኪሪስቶሳዋ ማርካቴዳዋ 
\p  
\v 6 ፂንቃታ ሃናኔ ሃይቁዋ ሱና ዬዳዌ ሃዋ፤ ኢካ ዬሱሲ ኪሪስቶሳ፤ ሃናኔ ሱና \f + \fr 5:6 \fq ሃናኔ ሱና፡ \ft ዬሱሲ ሃ ኣላሚያ ዪዴ ፂንቃታ ሃ ፃላላና ጊዴናን ባሬ ሃይቁዋ ሱን ዬዳ። ሄዋ ጉሳይ ኢ ኣሳ ኩሺያን ፃማቄቱሳ ፃላላ ጊዴናን፥ ሃ ኣላሚያን ሃይቄዳ ጉሳ።\f* ኢ ዬዳዋፔ ኣቲን፥ ሃ ፃላላና ዪቤና። ጌሻ ኣያናይ ቱማ ጊዲያ ዲራው፥ ሄዌ ቱማ ጊዲያዋ ኢ ባሬ ሁጴው ማርካቴ።  
\v 7 ኣዪሲ ጎፔ፥ ሄዙ ማርካቱ ዴዒኖ።  
\v 8 ሄዋንቱ፥ ፆሳ ኣያና፥ ሃኔ ሱ፤ ሃ ሄዛቱ ኢቱ ኢቱዋዋ ጳልቂኪኖ።  
\v 9 ኑኒ ኣሳይ ማርካቲያዋ ኣማኖፔ፥ ፆሳይ ማርካቲያዌ ኣሳዋፔ ሎይ ኣ፤ ኣዪሲ ጎፔ፥ ፆሳይ ባሬ ናዓባ ማርካቴዳ ማርካቴይ ሃዋ።  
\v 10 ፆሳ ናዓ ኣማኒያ ኡራ ዎዛናን ሃ ማርካቴይ ዴዔ። ፆሳ ኣማኔና ኡራይ ኦኒኔ ፆሳይ ባሬ ናዓው ማርካቴዳ ማርካቴ ኣማኒቤና ዲራው፥ ፆሳ ዎርዱዋ ጌ። 
\p  
\v 11 ሲሚ ማርካቴይ ሃዋ፤ ፆሳይ ኑሲ ሜና ዴዑዋ ኢሜዳ፤ ሄዌካ ኣ ናዓን ዴዔ።  
\v 12 ፆሳ ናዓይ ዴዒያ ኦሲኔ ዴዑ ዴዔ፤ ፆሳ ናዓይ ባይና ኦሲኔ ዴዑ ባዋ። 
\s1 ሜና ዴዑዋ 
\p  
\v 13 ፆሳ ናዓ ሱንን ኣማኒያ ሂንቴንቶ ሜና ዴዑ ዴዒያዋ ሂንቴ ኤራና ማላ፥ ሃዋ ሂንቴንቶ ፃፋዲ።  
\v 14 ፆሳይ ኮዪያዋዳን፥ ኣዪኔ ኑኒ ኣ ዎሶፔ፥ ኢ ሲሲያዋ ኑኒ ኤሪያ ዲራው፥ ኣ ሲንን ያዮኮ።  
\v 15 ኑኒ ዎሲያ ኡባን ኢ ሲሲያዋ ኤሮፔ፥ ኑኒ ኣ ዎሴዳዋ ኢ ዛሬዳዋ ኤሬቶ። 
\p  
\v 16 ኦኒኔ ሃይቁ ቤሴና ናጋራ ባሬ ኢሻይ ኦሺን ቤዖፔ፥ ፆሳ ዎሳናው ቤሴ፤ ሃይቁ ቤሴና ናጋራ ኦዳዋንቶ ፆሳይ ዴዑዋ ኢማና። ሃይቁ ቤሲያ ናጋራይ ዴዔ፤ ታኒ ሂንቴና ሄዎ ፆሳ ዎሲቴ ጊኬ።  
\v 17 ባዪዞ ኦሱ ኡባይ ናጋራ፤ ሺን ሃይቁ ቤሴና ናጋራይ ዴዔ። 
\p  
\v 18 ፆሳ ናናይ ኦኒኔ ናጋራ ኡባ ዎዴ ኦናዋ ኑኒ ኤሬቶ። ኣዪሲ ጎፔ፥ ፆሳ ናዓይ ኡንቱንታ ናጌ፤ ቃሲ ፃላሂያ ካፑካ ኡንቱንታ ቆሃናው ዳንዳዬና።  
\v 19 ኑኒ ፆሳዋንታ ጊዲያዋኔ ሃ ኣላሚ ኡባይ ፃላሂያ ካፑዋን ሞዴቴዳዌ ኤሬቶ። 
\p  
\v 20 ኑኒ ቱሙ ፆሳ ኤራናዳን፥ ፆሳ ናዓይ ዬዳዋኔ ኑሲ ኣኬካ ኢሜዳዋ ኤሬቶ። ኑኒ ቱሙ ፆሳ ጊዶን፥ ኣ ናዓ ዬሱሲ ኪሪስቶሳ ጊዶን ዴዔቶ፤ ኢ ቱሙ ፆሳኔ ሜና ዴዑዋ። 
\p  
\v 21 ታ ናቶ፥ ኤቃቱዋፔ ሂንቴ ሁጲያ ናጊቴ።