\id 1CO - ዳውሮ 
\h 1 ቆሮንቶሳ 
\toc1 ጳዉሎሲ ቆሮንቶሳ ኣሳው ፃፌዳ ኮይሮ ኪታ 
\toc2 1 ቆሮንቶሳ 
\toc3 1ቆር 
\mt2 ጳዉሎሲ 
\mt1 ቆሮንቶሳ ኣሳው 
\mt2 ፃፌዳ ኮይሮ ኪታ 
\imt1 ጌሉዋ 
\ip ጳዉሎሲ ቆሮንቶሳ ኣሳው ፃፌዳ ኮይሮ ኪታይ፥ ጳዉሎሲ ቆሮንቶሳ ካታማን ዴዒያ ኣማኒያዋንቱ ጊዶን ኪሪስቲና ዴዑዋኔ ኣማኑዋ ፄሊያባን ዴንዴዳ ሜቱዋ ዪሳናው ቆፒዴ ፃፌዳዋ። ሄ ዎዴ ቆሮንቶሳ ካታማይ ሄ ጋዴን ዴዒያ ኣሳይ ጎዔቲያ ኤሬቴዳ ጊሪኬ ካታማ። ሄዋ ቦላካ ቃሲ ኣካዪያ ጌቴቲያ ሮማ ካዉቴሲ ሁጴ ካታማ። ሃ ካታማይ ዎልቃማ ዛሊዒያን፥ ጋሚዒዴ ሚኔዳ ዎጋን፥ ሎይ ኣኪ ኣኪ ቢያ ዬዳ ዴዑዋን ዎይ ጊጌናባ ሃኒያዋኒኔ ሃይማኖቲያ ጮራቴን ኤሬቴዳዋ። 
\ip ዬሱሲ ኪቴዳዌ ሚኒሲዴ ኦዳናው ኮዬዳዌ፥ ሄ ኣማኒያዋንቱ ጊዶን ዴዒያ ሻኮቴባኔ ዬዳ ዴዑዋባ፥ ዎሹማባኔ ጌሉዋ ኣካባ፥ ዎሳ ጎሌ ዎጋባ፥ ጌሻ ኣያና ኢሞታቱዋባኔ ሃይቁዋ ዴንዱዋባ። ዬሱሲ ኪቴዳዌ ሃ ሚሺራቹዋ ቃላ ሃ ኦሻቱዋ ቦላ ሚኒሲዴ ኦዲያዋ ናጊዴ ሺሼ። 
\ip ሲቁ ፆሳይ ባሬ ኣሳሲ ኢሜዳ ኢሞታ ኡባፔ ኣያዋ ጊዲያዋ ኦዲያ ሼምፑዋ ታማኔ ሄዙ፥ ሃ ማፃፋን ዳሮ ኤሬቴዳዋ ጌቴቲዴ ቆፌቴ። 
\iot ሼምፓቱዋ ኡባቱዋሲ ኢሜቴዳ ቃን ቆፋቱዋ 
\io1 ጌሉዋ (1፡1-9) 
\io1 ኣማኒያዋንቱ ጊዶን ዴንዴዳ ሻኮቴ (1፡10-4፡21) 
\io1 ዬዳ ዴዑዋባኔ ሶይ ኣሳ ዴዑዋባ (5፡1-7፡40) 
\io1 ኣማኒያዋንታኔ ኪሪስቲና ኣማኑዋ ኣኪቤናዋንታ (8፡1-11፡1) 
\io1 ኣማኒያዋንቱ ዴዑዋኔ ጎሼታ ዎጋ (11፡2-14፡40) 
\io1 ኪሪስቶሲ ሃይቁዋ ፆኒ ዴንዶዋኔ ኣማኒያዋንቱ ዴንዱዋባ (15፡1-58) 
\io1 ዪሁዳን ዴዒያ ሜቶታንቻቱዋሲ ኢሜቴዳ ማዱዋባ (16፡1-4) 
\io1 ዉርሴ ቁቲያ (16፡5-24) 
\c 1  
\p  
\v 1 ታኒ፥ ፆሳ ሼኒያን ዬሱሲ ኪሪስቶሲ ኪቴዳዋ ጊዳናው ፄሴቴዳ ጳዉሎሲኔ፥ ኑ ኢሻ ሶስቴኒሲ፥  
\v 2 ቆሮንቶሳን ዴዒያ ፆሳ ኣማኒያ ኣሳቱዋሲ፥ ዬሱሲ ኪሪስቶሳን ጌዬዳዋንቱሲኔ፥ ኑሲ ጎዳ ጊዲያ ኑ ጎዳ ዬሱሲ ኪሪስቶሳ ሱን ኡባ ሳዓን ፄሲያ ኡባቱዋና ጌሻ ጊዳናው ፄሴቴዳዋንቱሲ ሃ ዳቢዳቢያ ፃፌቶ። 
\p  
\v 3 ፆሳይ፥ ኑ ኣዉኔ ኑ ጎዳይ ዬሱሲ ኪሪስቶሲ ሂንቴንቱሲ ኣ ኬካቴኔ ሳሮቴ ኢሞ። 
\s1 ፆሳ ጋላቱሳ 
\p  
\v 4 ፆሳይ ኪሪስቶሳ ዬሱሳ ባጋና ሂንቴንቱሲ ኢሜዳ ኣ ኬካቴ ዲራው፥ ታኒ ኡባ ዎዴ ሂንቴንቱሲ ፆሳ ጋላታይ።  
\v 5-6 ታኒ ኪሪስቶሳሲ ማርካቲያዌ ሂንቴንቱን ሚኔዳ ዲራው፥ ሂንቴ ኡባባኒ፥ ሃሳያ ኡባን ኤራቴ ኡባን፥ ኣኒ ዱሬቴዲታ።  
\v 7 ሃዋዳን ሂንቴ ኑ ጎዳ ዬሱሲ ኪሪስቶሳ ዩሳ ናጊሺን፥ ኣያና ኢሞታፔ ሃራይ ኣቶ ኢቱኔ ሂንቴንቱሲ ፓጬና።  
\v 8 ቃሲ ኑ ጎዳ ዬሱሲ ኪሪስቶሳ ጋላሳን ሂንቴ ካ ባይናዋንታ ጊዳናዳን፥ ዉርሴይ ጋካናው ኢ ሂንቴንታ ሚኒሳናዋ።  
\v 9 ባሬ ናዓ ኑ ጎዳ ዬሱሲ ኪሪስቶሳ ኢቲፔቴው ሂንቴንታ ፄሴዳ ፆሳይ ኣማኔቴዳዋ። 
\s1 ኣማኒያ ኣሳ ጊዶን ሻኮቴይ ሜቶፖ 
\p  
\v 10 ሺን ታናዳን ኣማኒያዋንቶ፥ ኢቲ ዎዛናኒኔ ኢቲ ቆፋን ኢቲፔ ጊዳናፔ ኣቲን፥ ሻኮቴይ ሂንቴ ጊዶን ዴዔና ማላ፥ ሂንቴ ኡባይ ኢቲ ሃሳያ ሃሳያናዳን፥ ኑ ጎዳ ዬሱሲ ኪሪስቶሳ ሱንን ታኒ ሂንቴንታ ዎሳይ።  
\v 11 ኣዪሲ ጎፔ፥ ታናዳን ኣማኒያዋንቶ፥ ቃሎዓ ሶይ ኣሳይ ሂንቴንቱባ፥ ሂንቴ ጊዶን ዋላሳይ ዴዒያዋ፥ ታው ኦዴዲኖ።  
\v 12 ታኒ ጊያዌ ሃዋ፤ ሂንቴንቱ ሁጲያን ሁጲያን፥ «ታኒ ጳዉሎሳዋ። ታኒ ኣጲሎሳዋ። ታኒ ኬፋዋ። \f + \fr 1:12 \fq ኬፋ፡ \ft ሃዌ ግሪኬ ሱን ጊዲዴ፥ ቢሌይ ዛላ ጊያዋ። ሃራ ጌሻ ማፃፋቱዋን ኬፋ ሱንይ ጴፂሮሳ።\f* ታኒ ኪሪስቶሳዋ» ያጊታ።  
\v 13 ኪሪስቶሲ ሻኬቴዴ? ሂንቴንቱ ዲራው፥ ማስቃሊያ ቦላ ሚሲማሪያን ሼቲዴ ካቄቴዳዌ ጳዉሎሴ? ዎይ ሂንቴ ጳዉሎሳሲ ጊዳናው ፃማቄቴዲቴ? 
\p  
\v 14 ታኒ ቃሪሲጶሳፔኔ ጋዮሳፔ ኣቲን፥ ሂንቴንቱፔ ኦናኔ ፃማቃቤና ዲራው፥ ፆሳ ጋላታይ።  
\v 15 ሄዋ ዲራው፥ ኦኒኔ ሂንቴንታ ታው ጊዳናዳን ፃማቄቴዲታ ጋናው ዳንዳዬና።  
\v 16 ቃሲ፥ ኤ፥ ኢስፂፋኖሳ ሶይ ኣሳካ ታኒ ፃማቃዲ። ሺን ሃራ ጉጃዴ ፃማቃዲታንቶኔ ዎዛና ኣኬ።  
\v 17 ኣዪሲ ጎፔ፥ ኪሪስቶሲ ታና ሚሺራቹዋ ቃላ ኦዳና ማላ ኪቴዳፔ ኣቲን፥ ፃማቃና ማላ ኪቲቤና፤ ቃሲ ኪሪስቶሲ ማስቃሊያ ቦላ ሃይቄዳዌ ሜላ ጊዴና ማላ፥ ታኒ ኣሳ ኣዳ ኤራቴ ቃላን ታማሪሲኬ። 
\s1 ኪሪስቶሲ ፆሳ ኣዳ ኤራኔ ዎልቃ 
\p  
\v 18 ኣዪሲ ጎፔ፥ ኪሪስቶሲ ማስቃሊያ ቦላ ሃይቄዳዋ ኦዲያ ቃላይ ዪያዋንቱሲ ኤያቴ። ሺን ኑሲ ኣቲያዋንቱሲ ፆሳ ዎልቃ።  
\v 19 ፆሳ ማፃፋይ፥ 
\q1 «ታኒ ኤራንቻቱዋ ኣዳ ኤራቴ 
\q2 ባዪዛና፤ 
\q1 ቃሲ ኣኬካንቻቱዋ ኣኬካካ ዪሳና» 
\m ያጌ። \x - \xo 1:19 \xt ኢሳ 29፡14\x* 
\v 20 ኣዳ ኤራንቻይ ሃቃን ዴዒ? ሂጊያ ታማሪሲያዌ ሃቃን ዴዒ? ዎይ ሃ ኣላሚያ ፆናናው ፓሉሜቲያዋንቱ ዋናንዲኖሻ? ፆሳይ ሃ ሳዓ ኣ ኤራቴይ ኤያቴ ጊዲያዋ ቤሴዳ! \x - \xo 1:20 \xt ዮብ 12፡17፤ ኢሳ 19፡12፤ 33፡18፤ 44፡25\x* 
\p  
\v 21 ኣዪሲ ጎፔ፥ ኣሳይ ባሬ ሁጴ ኣ ኤራቴን ባሬና ፆሳ ኤሬና ማላ፥ ፆሳይ ባሬ ኣ ኤራቴን ዲጊዴ፥ ኑኒ ኦዲያ ኤያ ቃላን ኣማኒያዋንታ ኣሻናው ቆፔዳ።  
\v 22 ኣዪሁዳቱ ማላታ ኦቺኖ። ቃሲ ጊሪኬ ኣሳቱ ኣ ኤራቴ ዎልቃማ ኮሻ ኮዪኖ።  
\v 23 ሺን ኑኒ ማስቃሊያ ቦላ ሚሲማሪያን ሼቲዴ ካቄቴዳ ኪሪስቶሳባ ኦዴቶ። ሄዌ ኣዪሁዳቱዋሲ ቦ፤ ቃሲ ኣዪሁዳ ጊዴናዋንቱሲ ኤያቴ።  
\v 24 ሺን ፆሳይ ፄሴዳዋንቱሲ ኣዪሁዳቱሲካ ጊሪካቱሲካ ኑኒ ኦዲያ ፆሳ ዎልቃይኔ ኣ ኣ ኤራቴይ ኪሪስቶሳ።  
\v 25 ኣዪሲ ጎፔ፥ ፆሳ ኤያቴይ ኣሳ ኣዳ ኤራቴፔ ኣ፤ ቃሲ ኣ ላፋቴ ጌቴቲያዌካ ኣሳ ሚኖቴፔ ሚኔ። 
\p  
\v 26 ሲሚ ታናዳን ኣማኒያዋንቶ፥ ፆሳይ ሂንቴንታ ፄሲያ ዎዴ ሂንቴ ዎይሳ ማላ ኣሴንቶ ቆፒቴ። ኣሳ ቆፋን ሂንቴ ጊዶን ኣ ኤራንቻቱ፥ ዎልቃማቱኔ ቃ ሼሻቱ ዳራ ጊዲኪኖ።  
\v 27 ሺን ፆሳይ ኣዳ ኤራንቻቱዋ ዬላያናው፥ ኣላሚያን ዴዒያ ኤያቱዋ ዶሬዳ፤ ቃሲ ሚናቱዋ ዬላያናው፥ ኣላሚያን ዴዒያ ላፋቱዋ ዶሬዳ።  
\v 28 ፆሳይ ሃ ኣላሚያን ዎልቃማባ ጊዴ ቆፒያዋ ዪሳናው፥ ሃ ኣላሚያ ማዴናባ ካቶባኔ ሃኒቤናባ ዶሬዳ።  
\v 29 ሄዋ ዲራው፥ ኦኒኔ ፆሳ ሲንን ጬቄታናው ቤሴና።  
\v 30 ሺን ፆሳይ ሂንቴንቱሲ ኪሪስቶሲ ዬሱሳ ዴዑዋ ኡዲ ኢሜዳ። ኪሪስቶሲ ኑሲ ኣ ኤራቴ፥ ፂሎቴ፥ ጌሻቴኔ ኣቶቴ ጊዴዳ።  
\v 31 ሄዋ ዲራው፥ ፆሳ ማፃፋይ፥ 
\q1 «ጬቄቲያ ኡራይ 
\q2 ኦኒኔ ጎዳይ ኦዳዋን ጬቄቶ» 
\m ያጌ። \x - \xo 1:31 \xt ኤርም 9፡24\x* 
\c 2  
\s1 ኑኒ ኪሪስቶሳ ካቃባ ማርካቴቶ 
\p  
\v 1 ታናዳን ኣማኒያዋንቶ፥ ታኒ ፆሳ ቱማቴ ፁራ \f + \fr 2:1 \fq ፆሳ ቱማቴ ፁራ፡ \ft ኢቲ ኢቲ ጌሻ ማፃፋ ቢሌቱ፥ ፆሳባ ማርካቴ፥ ያጊኖ።\f* ሂንቴንቱሲ ኦዳናው ሂንቴንቱኮ ዬዳ ዎዴ፥ ቃ ቃላኒኔ ኣዳ ኤራቴን ኦዳናው ያቤይኬ።  
\v 2 ኣዪሲ ጎፔ፥ ታኒ ሂንቴንቱና ዴዓዴ፥ ዬሱሲ ኪሪስቶሳፔኔ ቃሲ ማስቃሊያ ቦላ ሚሲማሪያን ሼቲዴ ኢ ካቄቴዳዋፔ ኣቲን፥ ሃራባ ኤሬናዳን፥ ታ ቆፋ ቃቻዲ።  
\v 3 ታኒ ዳቡራኒኔ ያሻን ዳሮ ኮኮርሳን ሂንቴንቱና ዴዓዲ።  
\v 4 ታኒ ታማሪሲያዋኔ ኦዲያዋ ፆሳ ኣያናኒኔ ዎልቃን ቆንጪሳይፔ ኣቲን፥ ጪማ ጊዲዴ ኣዳ ኤራቴ ቃላና ጊዴና።  
\v 5 ሄዋ ዲራው፥ ሂንቴ ኣማኑ ፆሳ ዎልቃናፔ ኣቲን፥ ኣሳ ኣ ኤራቴን ዜምፒቤና። 
\s1 ፆሳ ኣዳ ኤራ 
\p  
\v 6 ኑኒ ኣያናን ዎዛናማቱዋ ጊዶን ኣ ኤራቴ ሃሳዬቶ። ሺን ሄዌካ ሃ ኣላሚያ ኣ ኤራቴ ጊዴና፤ ዎይ ሃ ኣላሚያ ሞዲያ ዪያዋንቱ ኣ ኤራቴ ጊዴና።  
\v 7 ሺን ኑኒ ኦዲያ ኣ ኤራቴይ፥ ፆሳይ ካሴቲዴ፥ ጮራ ዎዲያፔ ካሴ ኑ ቦንቹዋሲ ዶሬዳ ኣሳፔ ጌሜዳ ኣ ፁራ ኣ ኤራቴ።  
\v 8 ሃ ኣላሚያ ሞዲያዋንቱፔ ኦኒኔ ሃ ኣ ኤራቴ ኤሪቤና። ኡንቱንቱ ኤሬዳዋ ጊዲንቶ፥ ቦንቾ ጎዳ ማስቃሊያ ቦላ ሚሲማሪያን ሺዴ ካቂኪኖ።  
\v 9 ሺን ፆሳ ማፃፋይ፥ 
\q1 «ኦኒኔ ኣይፊያን ቤዒቤናዌ፥ 
\q1 ሃይንካ ሲሲቤናዌ፥ 
\q1 ቃሲ ኦኒኔ ባሬ ዎዛናን ቆፒቤናዌ 
\q2 ፆሳይ ባሬና ሲቂያዋንቱሲ ጊጊሴዳዋ» 
\m ጊያዋዳን ኑኒ ሃሳዬቶ። \x - \xo 2:9 \xt ኢሳ 64፡4\x* 
\v 10 ፆሳይ ባሬ ፁራ ዬዉዋ ባሬ ኣያናን ኑና ኤሪሴዳ፤ ኣዪሲ ጎፔ፥ ጌሻ ኣያናይ ፆሳባ ሃራይ ኣቶ ጌሜዳ ዬዉዋ ኡባ ቢዴ።  
\v 11 ኣዪሲ ጎፔ፥ ኣሳን ዴዒያ ኣሳ ኣያናፔ ኣቲን፥ ኣሳባ ኤሪያዌ ኦኔ? ሃዋዳንካ፥ ቃሲ ፆሳባ ፆሳ ኣያናፔ ኣቲን፥ ኦኒኔ ኤሬና።  
\v 12 ኑኒ ፆሳይ ኑሲ ኢሜዳባ ኡባ ኤራናው ኢ ኑሲ ዬዴዳ ኣያና ኣኬዶፔ ኣቲን፥ ኣላሚያ ኣያና ኣኪቤይኮ። 
\p  
\v 13 ኑኒ ኣያና ዬዉዋ \f + \fr 2:13 \fq ኣያና ዬዉዋ፡ \ft ጌሻ ኣያናይ ኢሜዳ ቃላ።\f* ኣያና ዬዉዋና ጋዴ፥ ጌሻ ኣያናይ ኑና ታማሪሴዳ ቃላን ሃዋ ሃሳዬቶፔ ኣቲን፥ ኣሳ ኣ ኤራቴይ ኑና ታማሪሴዳ ቃላን ሃሳዮኮ።  
\v 14 ሺን ጌሻ ኣያናይ ባይና ኣሳይ ፆሳ ኣያና ዬዉዋ ኣኬና፤ ኣዪሲ ጎፔ፥ ሄዌ ኣው ኤያቴ። ዬዉ ጌሻ ኣያናን ፓጬቲያ ዲራው፥ ኢ ኤራናው ዳንዳዬና።  
\v 15 ሺን ጌሻ ኣያናይ ዴዒያ ኣሳይ ኡባባ ሻኬ፤ ሺን ኢ ባሬ ሁጴው ኦናኒኔ ሻኬቴና።  
\v 16 ኣዪሲ ጎፔ፥ ፆሳ ማፃፋይ፥ 
\q1 «ጎዳ ዎዛና ኤሪያዌ ኦኔ? 
\q2 ኣ ዞራናው ዳንዳዪያዌ ኦኔ?» 
\m ያጌ። ሺን ኑሲ ኪሪስቶሳ ዎዛናይ ዴዔ። \f + \fr 2:16 \fq ኑሲ ኪሪስቶሳ ዎዛናይ ዴዔ፡ \ft ሃዋ ጉሳይ፥ ኑኒ ኪሪስቶሲ ቆፒያዋዳን ቆፔቶ ጉሳ።\f*\x - \xo 2:16 \xt ኢሳ 40፡13\x* 
\c 3  
\s1 ፆሳ ካሊያዋንቱ ኦሱዋ 
\p  
\v 1 ታናዳን ኣማኒያዋንቶ፥ ታኒ ጌሻ ኣያናይ ዴዒያ ኣሳሲ ሃሳዪያዋዳን፥ ሂንቴንቱሲ ሃሳያናው ዳንዳያቤይኬ። ሺን ሃ ኣላሚያ ኣሳሲ ሃሳዪያዋዳኒኔ ኣማኑዋን ሚኒቤና ኪሪስቶሳን ዴዒያ ጉ ናና ማላ ኣሳሲ ሃሳዪያዋዳን ሃሳያዲ።  
\v 2 ሂንቴንቱ ቢሮ ሚኖ ቁማ ማናው ዳንዳይቤና ዲራው፥ ታኒ ሂንቴንታ ማ ፓካዲ፤ ሃራይ ኣቶ፥ ሃዒካ ዳንዳይቤይኪታ።  
\v 3 ኣዪሲ ጎፔ፥ ሂንቴ ሃዒካ ሃ ኣላሚያ ኣሳዳን ዴዒታ። ሂንቴንቱ ሃ ኣላሚያ ኣሳ ጊዲያዋ ሂንቴ ጊዶን ዴዒያ ቃናቲኔ ፓሉማይ ኤሪሴኔ? ቃሲ ሃ ኣላሚያ ኣሳዳን ሲሜሬቲታ።  
\v 4 ኣዪሲ ጎፔ፥ ሂንቴንቱፔ ኢቱ፥ «ታኒ ጳዉሎሳዋ» ጎፔ፥ ሃራይ ቃሲ፥ «ታኒ ኣጲሎሳዋ» ጎፔ፥ ሃ ኣላሚያ ኣሳ ማላ ጊዲኪቴ? 
\p  
\v 5 ያቲና፥ ኣጲሎሲ ኦኔ? ጳዉሎሲ ኦኔ? ኑኒ ሂንቴንታ ኣማንዳ ፆሳ ካሊያዋንታ። ፆሳይ ኑሲ ሁጲያን ሁጲያን ኢሜዳ ኦሱዋ ኦቶ።  
\v 6 ታኒ ፑቲያ ቶካዲ፤ ኣጲሎሲ ሃ ኡሼዳ፤ ሺን ፆሳይ ፑቲያ ዲቼዳ።  
\v 7 ሄዋ ዲራው፥ ዲቺያ ፆሳፔ ኣቲን፥ ቶኪያዌካ ሃ ኡሺያዌካ ኣያኔ ጊዴና።  
\v 8 ቶኪያዌኔ ሃ ኡሺያዌ ኢቲ ማላ፤ ሺን ፆሳይ ሁጲያን ሁጲያን ኣ ዳቡራ ኬና ኣው ዎይታና።  
\v 9 ኑኒ ፆሳሲ ኢቲፔ ኦያ ኣ ኦሳንቻቱዋ ጊዲያ ዲራው፥ ሂንቴ ኣ ኦሱዋ ሳዓ። 
\p ቃሲካ ሂንቴ ፆሳ ጎሊያ።  
\v 10 ፆሳይ ታው ኢሜዳ ኣ ኬካቴን ኤራንቻ ኣናፂያዳን፥ ጎሊያ ባሱዋ ባሳዲ። ሃራ ኡራይ ኣ ቦላ ኬፄ። ሺን ኣ ቦላ ኬፂያ ኦኒኔ ዎቲ ኬፂንቶ፥ ባሬ ሁጴው ናጌቶ።  
\v 11 ኣዪሲ ጎፔ፥ ፆሳይ ዬሱሲ ኪሪስቶሳ ፃላላ ባሶ ኦዴ ዎዳ። ኣፔ ሃራ ባሱዋ ባሳናው ኦኒኔ ዳንዳዬና።  
\v 12 ሺን ሃ ባሱዋ ቦላ ኦኒኔ ዎርቃን ጊዲና፥ ቢራን ጊዲና፥ ኣልዖ ሹቻን ጊዲና፥ ሚን ጊዲና፥ ጋታን ዎይ ማቃን ኬፆፔ፥  
\v 13 ኣሳ ኡባ ኦሱ ቆንጪያ ኬሳናዋ። ኣዪሲ ጎፔ፥ ታማን ቆንጫና ዲራው፥ ሄ ጋላሳይ ኣሳ ኡባ ኦሱዋ ቤሳና። ኣሳይ ኡባይ ባሬ ኦሱዋ ዎቲ ኦዴንቶኔ ታማይ ፓጫና።  
\v 14 ኦኒኔ ባሱዋ ቦላ ኬፄዳ ኦሱ ሚኒዴ ኣቶፔ፥ ኢ ዎይታ ኣካናዋ።  
\v 15 ኦ ኦሱኔ ጉዴቶፔ፥ ሄ ኡራይ ቆሄታና። ኢ ባሬ ሁጴው ኣታና፤ ሺን ታማ ጊዶፔ ኬሲ ኣኮዋዳን ኣታና። 
\p  
\v 16 ሂንቴንቱ ፆሳይ ኣቂያ ጌሻ ጎሊያ ጊዲያዋኔ ፆሳ ኣያናይ ሂንቴንቱን ዴዒያዋ ኤሪኪቴ?  
\v 17 ኦኒኔ ፆሳ ጌሻ ጎሊያ ኮሎፔ፥ ፆሳይ ኣ ኮላና። ኣዪሲ ጎፔ፥ ፆሳይ ኣቂያ ጌሻ ጎሊ ጌሻ፤ ሄ ጌሻ ጎሊካ ሂንቴንታ። 
\p  
\v 18 ኦኒኔ ባሬ ሁጲያ ጪሞፖ። ሂንቴንቱፔ ኦኒኔ ባሬና ሃ ኣላሚያን ኣ ኤራንቻ ያጊዴ ቆፖፔ፥ ኣ ኤራንቻ ጊዳናው፥ ኤያ ጊዶ።  
\v 19 ኣዪሲ ጎፔ፥ ሃ ኣላሚያ ኣ ኤራቴይ ፆሳ ሲንን ኤያቴ። ፆሳ ማፃፋይ፥ 
\q1 «ፆሳይ ኣ ኤራንቻቱዋ 
\q2 ኡንቱንታ ኡንቱንቱ ጌኒያን ኦይቄ» 
\m ያጌ። \x - \xo 3:19 \xt ዮብ 5፡13\x* 
\v 20 ቃሲ፥ 
\q1 «ኣዳ ኤራንቻቱዋ ቆፋይካ 
\q2 ማዱ ባይናዋ ጊዲያዋ ጎዳይ ኤሬ» 
\m ያጌ። \x - \xo 3:20 \xt ማዝ 94፡11\x* 
\v 21 ሄዋ ዲራው፥ ኦኒኔ ኣሳን ጬቄቶፖ። ኣዪሲ ጎፔ፥ ኡባባይካ ሂንቴዋ።  
\v 22 ጳዉሎሲካ፥ ኣጲሎሲካ፥ ኬፋይካ፥ \f + \fr 3:22 \fq ኬፋ፡ \ft 1፡12 ሃ ሱንው ፃፌቴዳ ቢሌና ኢቱዋ።\f* ሃ ኣላሚካ፥ ዴዑካ፥ ሃይቁካ፥ ሃዒ ዴዒያዌካ፥ ሲንፔ ያናዌክ፥ ኡባይካ ሂንቴዋ።  
\v 23 ሂንቴንቱ ኪሪስቶሳዋንታ፤ ኪሪስቶሲካ ፆሳዋ። 
\c 4  
\s1 ኪሪስቶሳ ካሊያዋንታ 
\p  
\v 1 ኣሳይ ኑና ኪሪስቶሳው ኦያዋንቱዳኒኔ ፆሳ ጎሌን ዴዒያ ፁራ ናጊያ ኣሳዳን ቆፖ።  
\v 2 ያቲዴ ሄ ኣሳቱ ባሬንቱ ጎዳሲ ኣማኔቴዳዋንታ ጊዲዴ፥ ቤታናው ኮሼ።  
\v 3 ሺን ሂንቴ ዎይ ሃራይ ታ ቦላ ፒርዶፔ፥ ኣይኔ ጊዴና። ሃራይ ኣቶ፥ ታኒካ ታ ሁጲያን ፒርዲኬ።  
\v 4 ኣዪሲ ጎፔ፥ ታኒ ታ ሁጲያን ኣያኔካ ኤሪያባይ ባዋ፤ ሺን ታና ሄዌ ፂሊሴና። ታና ፒርዲያዌ ጎዳ።  
\v 5 ሄዋ ዲራው፥ ጎዳይ ማኒ ጌሜዳባ ፖዑዋ ኬሲያዌ፥ ዎዛና ቆፋ ቆንጪሲያዌ ያና ዎዲ ጋካናሲ ኦ ቦላኒኔ ኦናኔ ፒርዶፒቴ። ሄ ዎዴ፥ ኣሳይ ኡባይ ሁጲያን ሁጲያን ፆሳፔ ሳባ ዴማናዋ። 
\p  
\v 6 ታናዳን ኣማኒያዋንቶ፥ ሂንቴንቱፔ ኦኒኔ ኢቱ ታማሪሲያዋ ሳቢዴ፥ ሃራይ ታማሪሲያዋ ቦሬና ማላ፥ «ፆሳ ማፃፋን ፃፌቴዳዋ ቦንቻ» ያጊያዋ ሂንቴ ኑናና ታማራና ማላ፥ ሂንቴ ዲራው፥ ታባኔ ኣጲሎሳባ ሌሚሱዋዳን ኦዳዲ።  
\v 7 ኣዪሲ ጎፔ፥ ሃራቱዋፔ ኔና ኦኔ ቂሴዳዌ? ኔኒ ፆሳፔ ኣካቤናባይ ኔው ኣዬ ዴዒያዌ? ያቲና፥ ኔኒ ኣኬዳዋ ጊዶፔ፥ ኣዪሲ ኣካቤናዋዳን ጬቄታይ? 
\p  
\v 8 ሃዒ ሂንቴ ካሌዲታ። ሃዒ ዱሬቴዲታ። ኑኒ ባይናን ሂንቴሬካ ካዉቴዲታ። ኑኒካ ሂንቴንቱና ካዉታናዳን፥ ሂንቴ ካዉቴዲቴንቶ ሎዓ ሺን።  
\v 9 ኣዪሲ ጎፔ፥ ታው ማላቲያዋዳን፥ ኑኒ ሃ ሳዓሲ፥ ኪታንቻቱዋሲኔ ኣሳሲ ካሳ ጊዴዳ ዲራው፥ ፆሳይ ኑና ዬሱሲ ኪቴዳዋንታ ሃይቁዋሲ ፒርዴቴዳ ኣሳዳን፥ ኡባፔ ዉርሴ ኦዳ። 
\p  
\v 10 ኑኒ ኪሪስቶሳ ዲራው ኤያ፥ ሺን ሂንቴ ኪሪስቶሳን ኣዳ ኤራንቻ። ኑኒ ዳቡራንቻ፥ ሺን ሂንቴ ሚና። ሂንቴንቱ ቦንቼቴዳዋንታ፥ ሺን ኑኒ ቶሼቴዳዋንታ።  
\v 11 ሃ ዎዲ ጋካናሲ፥ ኑኒ ኮሻቴቶ፤ ሳሜቴቶ፤ ካሎቴቶ፤ ዴሼቴቶ። ቃሲ ዴዒያ ሳዓ ዪዴ ዩዬቶ።  
\v 12 ኑኒ ኑ ኩሺያን ኦዴ ዳቡሬቶ። ኑና ኣሳይ ሼቂያ ዎዴ፥ ኣንጄቶ። ኑና ዬዴርሲ ዩዪያ ዎዴካ ዳንዳዬቶ።  
\v 13 ኑ ቦላ ኢታባ ሃሳዪያ ዎዴ፥ ኑኒ ሎዖ ቃላ ዛሬቶ። ኑኒ ሃዋ ጋካናሲካ፥ ሃ ሳዓ ፒቱዋኔ ኡባባ ቡራ ጊዴዶ። 
\p  
\v 14 ታኒ ታ ሲቂያ ናናዳን፥ ሂንቴንታ ሴራናው ሃዋ ፃፋዲፔ ኣቲን፥ ዬላያናው ፃፋቤይኬ።  
\v 15 ኣዪሲ ጎፔ፥ ኪሪስቶሳን ሂንቴንታ ዲቺያ ታሙ ሻዓ ኣሳይ ሂንቴንቱሲ ዴዖፔካ፥ ሂንቴንቱሲ ኢቲ ኣዉዋፔ ሃራይ ባዋ። ኣዪሲ ጎፔ፥ ታኒ ሚሺራቹዋ ቃላ ሂንቴንቱሲ ኣሄዳዋዳን፥ ኪሪስቶሳ ዬሱሳን ሂንቴንቱሲ ኣዉዋ ጊዳዲ።  
\v 16 ሲሚ ታናዳን ሃኒቴ ያጋዴ ሂንቴንታ ዎሳይ።  
\v 17 ሄዋ ዲራው፥ ጎዳን ኣማኔቴዳ ታ ሲቂያ ታ ናዓ ፂሞቶሳ ሂንቴንቱኮ ኪታዲ። ኢ ኡባ ሳዓን ዴዒያ ኣማኒያ ኣሳ ኡባው ታኒ ታማሪሲያ ኪሪስቶሳ ዬሱሳን ዴዒያ ታ ኦጊያ ሂንቴንታ ሃሳዪሳናዋ። 
\p  
\v 18 ታኒ ሂንቴንታ ቤዓናው ሂንቴንቱኮ ዬናባ ማላቲና፥ ኦቶሬቲያ ኢቲ ኢቲ ኣሳቱ ዴዒኖ።  
\v 19 ሺን ጎዳይ ጎፔ፥ ታኒ ሂንቴንቱኮ ኤሌካ ባዴ ሄ ኦቶሬቲያ ኣሳቱዋሲ ሃሳያ ጊዴናን፥ ኡንቱንቱ ዎልቃ ኤራና።  
\v 20 ኣዪሲ ጎፔ፥ ፆሳ ካዉቴይ ፆሳ ዎልቃናፔ ኣቲን፥ ሃሳያና ጊዴና።  
\v 21 ታኒ ሂንቴንቱኮ ሙሪያ ፃምዓና ዮዬ ዎይ ሲቁዋናኔ ኣሺኬ ኣያናና ዮ? ሃቃዋ ዶሪቴ? 
\c 5  
\s1 ኣማኒያ ኣሳ ጊዶን ኦሴቴዳ ፖኮባ 
\p  
\v 1 ሂንቴንቱ ጊዶን ፖኮ ዎሹማ ኦሱ ዴዒያዌ ዚጊሬቴ፤ ሄዋ ማላ ፖኮ ዎሹማ ኦሱ ሃራይ ኣቶ፥ ፆሳ ኣማኔና ኣሳ ጊዶኒኔ ባዋ። ኣዪሲ ጎፔ፥ ባሬ ኣዉዋ ማቻቶ ኣኬዳ ኣሳይ ዴዔ። \x - \xo 5:1 \xt ዛር 22፡30\x* 
\v 2 ሂንቴንቱካ ኦቶሬቴዲታ። ሄዋፔ ሂንቴ ካዮታናው ቤሴኔ? ሄዋ ማላ ፖኮ ኦሱዋ ኦዳ ቢታኒ ሂንቴ ጊዶፔ ኪቻናው ቤሴ። 
\p  
\v 3-4 ኣያ ጊዲናካ ታኒ ታ ኣሳቴን ሂንቴንቱና ዴዔናኒ ዮፔካ፥ ኣያናን ሂንቴንቱና ዴዓይ። ሃዒ ሂንቴንቱና ዴዒያዋዳን ሃናዴ፥ ሄዋ ማላ ኦሱዋ ኦዳ ቢታኒያ ቦላ ኑ ጎዳ ዬሱሲ ኪሪስቶሳ ሱንን ፒርዳዲጋዲ። ሂንቴንቱኔ ታ ኣያናይ ኑ ጎዳ ዬሱሲ ኪሪስቶሳ ዎልቃና ኢቲፔ ሺቂዴ፥  
\v 5 ሄ ቢታኒያ ኣያናይ ጎዳ ዬሱሲ ፒርዳው ዪያ ጋላሳን ኣታና ማላ፥ ናጋራን ኩሜዳ ኣ ቦላ ኮላናዳን ሴፃናሲ ሂንቴ ኢማናዳን፥ ታኒ ፒርዳዲ። 
\p  
\v 6 ሂንቴንቱ ጬቁ ሎዓ ጊዴና። ጉ ኢርሹ ሙናቃ ኡባ ዴንያዋ ኤሪኪቴ?  
\v 7 ሂንቴንቱ ኦራ ጊዳና ማላ፥ ናጋራ ኢርሹ ጫሌዳዋ ኬሲቴ። ሂንቴንቱ ኢርሹ ባይና ሙናቃ ማላ። ኣዪሲ ጎፔ፥ ኑ ፓሲጋ ዶርሳይ፥ ኪሪስቶሲ ያርሼቴዳ። \x - \xo 5:7 \xt ኬስ 12፡5\x* 
\v 8 ሄዋ ዲራው፥ ኑኒ ኡኪ ባላ ሱሬቴኒኔ ቱማቴን ቦንቻናፔ ኣቲን፥ ጫላ ኢርሹዋን፥ ኢታቴ ኢርሹዋኒኔ ጌላቴ ኢርሹዋን ቦንቾኮ። \x - \xo 5:8 \xt ኬስ 13፡7፤ ዛር 16፡3\x* 
\p  
\v 9 ዎሹማናው ቆፒያዋንቱና ሂንቴ ኢቲፔ ጋኬቴና ማላ፥ ሂንቴንቱሲ ዳቢዳቢያ ፃፋዲ። \f + \fr 5:9 \fq ዳቢዳቢያ ፃፋዲ፡ \ft ሃዋ ፃፋናፔ ካሴና ጳዉሎሲ ቆሮንቶሳ ኣሳሲ ፃፌዳ ሃራ ቆንጪያን ኤሬቲቤና ዳቢዳቢ ዴዔ ጉሳ።\f* 
\v 10 ታኒ ጊያዌ ሃ ኣላሚያን ዴዒያ ዎሹማናው ቆፒያዋንቱፔ ዎይ ዮራቲያዋንቱፔ፥ ካዪሶቲያዋንቱፔኔ ዎይ ኤቃው ጎዪኒያዋንቱፔ ኡባካ ሻኬታና ማላ ጊዴና። ሄዋ ጊዶፔ፥ ሃ ኣላሚያፔ ሂንቴ ሻኬቲ ባናው ቤሴ ጉሳ።  
\v 11 ሺን ኢሻቱዋ ሃዒ ጌቴቲያዋንቱፔ ኢቱኔ ዎሹማናው ቆፒያዋንቱ ዎይ ሚሻው ዮራቲያዋንቱ ዎይ ኤቃው ጎዪኒያዋንቱ ዎይ ኣሳ ሱን ባይዚያዋንቱ ዎይ ማቲያዋንቱ ዎይ ዉዒያዋንቱና ሂንቴንቱ ኢቲፔቴ ኦና ማላ፥ ታኒ ሂንቴንቱሲ ፃፋዲ። ሄዋንቱ ማላና ሃራይ ኣቶ፥ ቁማካ ኢቲፔ ሞፒቴ። 
\p  
\v 12 ኣዪሲ ጎፔ፥ ዎሳ ጎሌፔ ካሬና ዴዒያዋንቱ ቦላ ፒርዳናው ታና ኣዬ ጋ? ሂንቴንቱ ጊዶን ዎሳ ጎሌን ዴዒያዋንቱ ቦላን ሂንቴ ፒርዲኪቴዬ?  
\v 13 ሺን ካሬና ዴዒያዋንቱ ቦላን ፆሳይ ፒርዳና። ሄ ኢታባ ኦያ ኡራ ሂንቴ ጊዶፔ ኬሲዲጊቴ። \x - \xo 5:13 \xt ዛር 13፡5፤ 17፡7\x* 
\c 6  
\s1 ኣማኒያ ኣሳ ጊዶን ዴዒያ ዋላሳ ዎቲዴ ዪሳናው ቤሲ? 
\p  
\v 1 ሂንቴንቱፔ ኢቲ ኡራሲ ባሬ ኢሻና ሞቱ ዴዒያባ ጊዶፔ፥ ኣማኒያዋንቱ ቦላ ፒርዴታናዋ ባሺዴ፥ ኣማኔናዋንቱ ቦላ ፒርዴታናው ዋኒ ፃሊዴ ቢ?  
\v 2 ኣማኒያዋንቱ ኣላሚያ ቦላ ፒርዳናዋ ኤሪኪቴ? ያቲና፥ ኣላሚያ ቦላ ሂንቴ ፒርዳናዋንታ ጊዶፔ፥ ኡባባፔ ጉፂያዋ ፒርዳናው ዳንዳይኪቴ?  
\v 3 ሃ ዴዑዋባይ ኣቶ ሺን፥ ኣማኒያዋንቱ ኪታንቻቱዋ ቦላ ፒርዳናዋ ኤሪኪቴ?  
\v 4 ያቲና፥ ሂንቴንታ ሃ ኣላሚያ ዴዑዋባው ፒርዳ ጎሌ ቡሳይ ኮሾፔ፥ ኣማኒያ ኣሳይ ካዳ ኣሳን ፒርዲሳናው ኣፊቴ?  
\v 5 ታኒ ሂንቴንታ ዬላያናው ሃዋ ጋይ፤ ሃዋ ጊዳናው ቤሲ? ሂንቴንቱ ጊዶን ኢሻቱዋ ሲጌናው ዳንዳዪያ ሎዖ ኤራንቻ ኣሳይ ኢቱኔ ባዌ?  
\v 6 ሺን ኢቲ ኢሻይ ዮኮ ኢሻ ፒርዳ ጎሌን ሞቲዴ፥ ሄ ዬዉዋ ኣማኔና ኣሳን ፒርዲሲ? 
\p  
\v 7 ሲሚ ኢቱ ኢቱዋ ሞቲያዌ ሂንቴ ጊዶን ዴዖፔ፥ ሄዌ ሂንቴ ኩንዴዳዋ ቤሴ። ሄዋፔ ሂንቴ ናቄቲያዌኔ ጪሜቲያዌ ሎዔኔ?  
\v 8 ሺን ሂንቴ ሂንቴ ሁጴው ኢቱ ኢቱዋ ሃራይ ኣቶ፥ ሂንቴ ኢሻቱዋካ ናቂታኔ ጪሚታ። 
\p  
\v 9 ዎይ ማካላንቻቱ ፆሳ ካዉቴ ላቴናዋ ኤሪኪቴ? ባሎፒቴ። ዎሹማናው ቆፒያዋንቱ ዎይ ኤቃው ጎዪኒያዋንቱ ዎይ ዎሹሚያዋንቱ ዎይ ኣቱማዋ ጊዲዴ፥ ኣቱማዋና ጊሲያዋንቱ፥  
\v 10 ዎይ ካዪሳቱ ዎይ ሚሻው ዮራቲያዋንቱ ዎይ ማቲያዋንቱ ዎይ ኣሳ ሱን ባይዚያዋንቱ ዎይ ቦንቂያዋንቱ ፆሳ ካዉቴ ላቲኪኖ።  
\v 11 ሂንቴንቱፔካ ኢቲ ኢቲ ኣሳይ ሄዋንቱ ማላ። ሺን ጎዳ ዬሱሲ ኪሪስቶሳ ሱንኒኔ ኑ ፆሳ ኣያናን ሂንቴ ሜጬቲዴ ጌዬዲታ፤ ቃሲ ፂሌዲታ። 
\s1 ሂንቴንቱ ኣሳቴ ፆሳ ቦንቹዋሲ ፔሺቴ 
\p  
\v 12 ኢቲ ኡራይ፥ «ታኒ ኮዬዳባ ኡባ ኦናው ዳንዳያይ» ጋና ዳንዳዬ። ሺን ኡባይካ ታና ማዴና። ታኒ ኮዬዳባ ኡባ ኦናው ዳንዳያይ። ሺን ኣዬኔካ ታና ሞዴና።  
\v 13 ቃይ ሃራይካ፥ «ቁማይ ኡሉዋሳ፤ ኡሉካ ቁማሳ» ጌ። ሺን ፆሳይ ኡሉዋካ ቁማካ ዪሳና። ኣሳ ኣሳቴይ ጎዳ ዬሱሳሳፔ ኣቲን፥ ዎሹማሳ ጊዴና። ጎዳ ዬሱሲካ ኣሳ ኣሳቴሳ።  
\v 14 ፆሳይ ጎዳ ዬሱሳ ሃይቁዋፔ ዴንዳ፤ ቃሲ ኑናካ ሃይቁዋፔ ባሬ ዎልቃን ዴንና። 
\p  
\v 15 ሂንቴንቱ ኣሳቴይ ኪሪስቶሳ ኣሳቴና ኢቱዋ ጊዲያዋ ሂንቴ ኤሪኪቴ? ያቲና፥ ታኒ ኪሪስቶሳ ኣሳቴና ኢቱዋ ጊዴዳዋ ኣፋዴ፥ ጫራቲ ኣሳቴና ኢቱዋ ኦናው ቤሲ? ቤሴና!  
\v 16 ዎይ ጫራቲና ኢቲፔቴ ሜያ ኡራይ ኢዚና ኢቲ ኣሳቴ ጊዲያዋ ኤሪኪቴ? ኣዪሲ ጎፔ፥ ፆሳ ማፃፋይ፥ «ኡንቱንቱ ላዓቱ ኢቲ ኣሾ ጊዳና» ያጌ። \x - \xo 6:16 \xt ዶም 2፡24\x* 
\v 17 ሺን ጎዳና ኢቲፔቴ ሜያ ኡራይ ኣያናን ኣናና ኢቱዋ ጊዴ። 
\p  
\v 18 ዎሹማፔ ሃኪቴ። ኢቲ ኡራይ ኦያ ሃራ ናጋራ ኡባይ ኣ ኣሳቴፔ ካሬና ዴዔ፤ ሺን ዎሹሚያዌ ባሬ ቦላን ናጋራ ኦ።  
\v 19 ዎይ ሂንቴ ቦላይ ፆሳይ ሂንቴንቱሲ ኢሜዳ ሂንቴንቱን ዴዒያ ጌሻ ኣያናይ ኣቂያ ጌሻ ጎሊያ ጊዲያዋ ኤሪኪቴ? ቃሲ ሂንቴ ሂንቴ ሁጲያሳ ጊዲኪታ።  
\v 20 ኣዪሲ ጎፔ፥ ፆሳይ ሂንቴንታ ጋቲያን ሻሜዳ። ሄዋ ዲራው፥ ሂንቴ ኣሳቴን ኣ ቦንቺቴ። 
\c 7  
\s1 ጌሉዋ ኣካባሲ ኦሼቴዳ ኦሻኔ ኢሜቴዳ ዛሩዋ 
\p  
\v 1 ሂንቴንቱ ታው ፃፌዳ ዬዉዋሲ ኣቱማ ኣሳይ ማጫዉኖ ቦቼኔንቶ ሎዓ።  
\v 2 ሺን ዎሹማ ጋሱዋ ዲራው፥ ኣቱማ ኣሳሲ ሁጲያን ሁጲያን ማቻታ ዴዑ። ቃሲ ማጫ ኣሳሲካ ሁጲያን ሁጲያን ኣሲናይ ዴዖ። 
\p  
\v 3 ኣሲናይ ባሬ ማቻቲው ኣሲናቴን ቤሲያባ ኡዶ፤ ቃሲ ሄዋዳን፥ ማቻታካ ባሬ ኣሲናሲ ማቼቴን ቤሲያባ ኦ።  
\v 4 ማቻታ ባሬ ኣሳቴሲ ጎዳ ጊዱኩ፤ ሺን ኢዚ ኣሲናይ ጎዳ። ሃዋዳንካ፥ ቃሲ ኣሲናይ ባሬ ኣሳቴሲ ጎዳ ጊዴና፤ ሺን ኣ ማቻታ ጎዳ።  
\v 5 ሂንቴንቱ ሂንቴ ጊዶን ፆሳ ዎሳን ጌንጫናው ሄ ዎዲያሲ ዞሬታን ዲጌታናፔ ኣቲን፥ ኢቱ ኢቱዋ ዲጎፒቴ። ሂንቴንቱ ሂንቴንታ ናጌና ዲራው፥ ሴፃናይ ሂንቴንታ ፓጬናዳን፥ ኢቲፔ ዴዒቴ።  
\v 6 ሺን ታኒ ሂንቴንታ ሄዋ ሂንቴ ዶሶዋዳን ሃኒቴ ጋዪፔ ኣቲን፥ ኣዛዚኬ።  
\v 7 ታኒ ኣሳይ ኡባይ ታናዳን ሃኒንቶ ዶሳይ። ሺን ፆሳይ ኣሳው ሁጲያን ሁጲያን ዱማ ዱማ ኢሞታ ኢሚ ዎዳ፤ ኢቱዋሲ ሃዋዳን፥ ቃሲ ዮኮዋሲ ሄዋዳን ኢሚ ዎዳ። 
\p  
\v 8 ሄዋ ዲራው፥ ታኒ ማቻቶ ኣኪቤናዋንቱኔ ኣሲናይ ሃይቆ ማጫዋንቱ ታናዳን ጮ ዴዒኖንቶ፥ ኡንቱንቶ ሎዓ ጋይ።  
\v 9 ሺን ኣሙዋን ጉዴቲያዋፔ ኣኪያዌኔ ጌሊያዌ ሎዓ ጊዲያ ዲራው፥ ኡንቱንቱ ባሬንታ ናጋናው ዳንዳያና ዮፔ፥ ኣኪኖኔ ጌሊኖ። 
\p  
\v 10-11 ማቻታ ባሬ ኣሲናፔ ሻኬቱፑ። ሺን ሻኬቶፔኔ ጌሌናን ዴዑ፤ ዎይ ባሬ ኣሲናና ሲጌቱ። ኣሲናይካ ባሬ ማቻቶ ዬዶፖ ያጋዴ፥ ኣኬዳዋንታኔ ጌሌዳዋንታ ኣዛዛይ። ሺን ሃዋ ኣዛዚያዌ ጎዳፔ ኣቲን፥ ታና ጊዲኬ። 
\p  
\v 12 ታኒ ሃራቱዋ ሃዋዳን ጋይ፤ ጎዳ ጊዴና። ኣማኔና ማቻታ ዴዒያ ኣማኒያ ኣሳይ ኦኒኔ ዴዖፔ፥ ኣ ማቻታ ኣናና ኢቲፔ ዴዒያዋ ኢ ዶሶፔ፥ ኢዞ ዬዶፖ።  
\v 13 ቃሲ ኣማኔና ኣሲናይ ዴዒያ ኣማኒያ ማቻታ ዴዖፔ፥ ኢዚ ኣሲናይ ኢዚና ኢቲፔ ዴዒያዋ ኢዛ ዶሶፔ፥ ኣፔ ሻኬቱፑ።  
\v 14 ኣዪሲ ጎፔ፥ ኣማኔና ኣሲናይ ባሬ ኣማኒያ ማቻቲና ዴዒዴ ጌዬዳ። ቃሲ ኣማኔና ማቻታ ባሬ ኣማኒያ ኣሲናና ዴዓዴ ጌያዱ። ሄዌ ባዌንቶ፥ ሂንቴንቱ ናናይ ቱና፤ ሺን ሃዒ ኡንቱንቱ ጌሻ።  
\v 15 ሺን ኣማኔናዌ ሻኬታና ኮዮፔ ሻኬቶ። ኣማኒያ ማቻቶ ጊዲና፥ ዎይ ኣሲና ጊዲና፥ ሃዋ ማላ ዬዉዋን ቃሼቲኪኖ። ኣዪሲ ጎፔ፥ ፆሳይ ኑና ሳሮቴን ዴዓናው ፄሴዳ።  
\v 16 ኣማኒያ ማቻቴ፥ ኔኒ ኔ ኣሲና ኣሻኒንቶኔ ኦ ኤሪ? ዎይ ኣማኒያ ኣሲናው ኔኒ ኔ ማቻቶ ኣሻኒንቶኔ ኦ ኤሪ? 
\s1 ፆሳይ ሂንቴንታ ኮይሮ ፄሲያ ዎዴ ሂንቴንቱ ዴዒያ ሃኖታን ዴዒቴ 
\p  
\v 17 ጊዶፔኔ፥ ኣሳይ ሁጲያን ሁጲያን ጎዳይ ኣው ኢሜዳዋዳኒኔ ቃሲ ፆሳይ ባሬና ፄሴዳዋዳን ዴዖ። ሄዌ ኣማኒያ ኣሳ ኡባ ታኒ ታማሪሴዳ ሂጊያ።  
\v 18 ኦኒኔ ቃፃሬቲ ኡቲዴ፥ ፆሳ ኣማኔዳዋ ጊዶፔ፥ ባሬ ቃፃራ ማላ ዲጎፖ። ቃሲ ኦኒኔ ቃፃሬቴናን ዴዒዴ፥ ፆሳ ኣማኔዳዋ ጊዶፔ ቃፃሬቶፖ።  
\v 19 ኣዪሲ ጎፔ፥ ፆሳ ኣዛዙዋ ናጋናፔ ኣቲን፥ ቃፃሬቲና ቃፃሬታና ዪና ኣላሊ ባዋ። 
\p  
\v 20 ኣሳይ ሁጲያን ሁጲያን ፆሳይ ባሬና ፄሲያ ዎዴ ዴዒያዋዳን ዴዖ።  
\v 21 ፆሳይ ኔና ፄሲያ ዎዴ ኔኒ ኣይሌ? ኣይኔ ባዋ፤ ሺን ኔኒ ኣይሌቴፔ ኬሳናው ዳንዳዮፔ ኬሳ።  
\v 22 ኣዪሲ ጎፔ፥ ኣይሌ ጊዲ ኡቴዳ ኣሳ ጎዳይ ፄሶፔ፥ ኢ ጎዳይ ኣይሌቴፔ ኬሴዳ ኣሳ። ሃዋዳንካ፥ ኣይሌ ጊዴና ኣሳ ኪሪስቶሲ ፄሶፔ፥ ኢ ኪሪስቶሳ ኣይሌ።  
\v 23 ፆሳይ ሂንቴንታ ጋቲያን ሻሜዳ። ኣሳ ኣይሌ ጊዶፒቴ።  
\v 24 ታናዳን ኣማኒያዋንቶ፥ ኣሳይ ሁጲያን ሁጲያን ፆሳይ ኣ ፄሲያ ዎዴ ዴዒያ ዴዑዋዳን፥ ፆሳና ዴዖ። 
\s1 ጌሌቲ ኣኬቲቤናዋንቱባኔ ኣምዔቱዋባሲ ኦሼቴዳ ኦሻ 
\p  
\v 25 ዎዶራቱዋሲ ጎዳይ ታና ኣዛዜዳባይ ባዋ። ሺን ታኒ ጎዳሲ ኣማኔቴዳዋ ጊዴዳ ዲራው፥ ኣፔ ማሮቴ ኣኬዳዋዳን፥ ሂንቴንታ ዞራይ።  
\v 26 ሲሚ ሃዒ ሜቱዋሲ ታው ሃዌ ሎዓ ማላቴ፤ ኣሳይ ሃዋዳን ሃኒዴ ዴዖፔ ሎዓ።  
\v 27 ኔኒ ማቻቶ ኣካዲጌዳዋ ጊዶፔ፥ ኢዞ ዬዳናው ኮዮፓ። ማቻቶ ኣካቤናዋ ጊዶፔ፥ ኣካናው ኮዮፓ።  
\v 28 ሺን ኔኒ ማቻቶ ኣኮፔ፥ ናጋራ ኦቤይካ። ዎዶራታካ ኣሲና ጌሎፔ፥ ናጋራ ኦቤይኩ። ሺን ኣኬቲያዋንቶኔ ጌሌቲያዋንቶ ኡንቱንቱ ዴዑዋን ዎልቃማ ሜቱ ዴዔ። ታኒ ሂንቴንታ ሄ ሜቱዋፔ ኣሻናው ኮያይ። 
\p  
\v 29 ሺን ታናዳን ኣማኒያዋንቶ፥ ታኒ ጊያዌ ሃዋ፤ ዎዲ ዉሬዳ። ሃዋፔ ሲንው ኣኬዳ ኣሳቱ፥ ኣኪቤና ኣሳዳን ሃኒኖ።  
\v 30 ዬኪያዋንቱ ዬኬናዋዳን፥ ናሼቲያዋንቱ ናሼቴናዋዳን፥ ሻሚያዋንቱካ ሻሚዴ ኣይኔ ባይናዋዳን፥  
\v 31 ሃ ኣላሚያ ዴዑዋን ማዴቲያዋንቱ ኡባካ ማዴቴናዋዳን ሃኒኖ። ኣዪሲ ጎፔ፥ ሃ ኣላሚያ ዴዑ ኣቲያዋ። 
\p  
\v 32 ሂንቴንቱ ሂርጌናን ዴዓናዋ ታኒ ዶሳይ። ኣኪቤናዌ ጎዳ ናሼቻናው ኮዪያ ዲራው፥ ኣ ኦሱዋባ ቆፔ።  
\v 33 ሺን ኣኬዳዌ ባሬ ማቻቶ ናሼቻናው ኮዪያ ዲራው፥ ሳዓባ ቆፔ።  
\v 34 ኣ ቆፋይ ሻኬቴዳ። ኣሲና ጌላቤና ዎዶራታ ባሬ ኣሹዋኒኔ ባሬ ሼምፑዋን ጌያናው ኮዪያ ዲራው፥ ጎዳ ኦሱዋባ ቆፓው። ሺን ኣሲና ጌሌዳዉና ባሬ ኣሲና ናሼቻናው ኮዪያ ዲራው፥ ሳዓባ ቆፓው። 
\p  
\v 35 ታኒ ሃዋ ሂንቴንታ ማዳና ማላ ጋዪፔ ኣቲን፥ ሂንቴንታ ባናው ጊኬ። ሺን ሂንቴ ቤሲያዋዳን ዴዒዴ፥ ጎዳ ኦሱዋ ሂንቴና ኢሚዴ ኦና ማላ ኮያይ። 
\p  
\v 36 ኦኒኔ ባሬ ጊጊሴዳ ዎዶራቶ ኣኪያ ዎዲ ጋኪና፥ ባሬና ናጋናው ኣው ዳንዳዬቴናን ኢፆፔ፥ ኢዞ ኣኮ። ኢ ኢዞ ኣኮፔ፥ ሄዋን ናጋራይ ባዋ።  
\v 37 ሺን ኢ ባሬ ዎዛናን ሚኖፔ፥ ኣኬናን ጋሚዓና ዳንዳዬ። ቃሲ ባሬና ናጊዴ፥ ባሬ ጊጊሴዳ ዎዶራቶ ኣኬናን ጋሚዓና ጎፔ፥ ኦኒኔ ዎልቃንናን ባሬ ዎዛናን ቆፋ ቃቼዳዋ ጊዶፔ ሎይዳ።  
\v 38 ሄዋ ዲራው፥ ዎዶራቶ ኣኪያ ኡራይ ሎይዳ፤ ቃሲ ኣኬናዌ ኡባ ኣ ሎይዳ። 
\p  
\v 39 ኣሲና ጌሌዳ ሚሺራታ ባሬ ኣሲናይ ዴዔዳ ኬናን ኣናና ኢቴፔ ዴዓናዳን ቃሼታ ኡታዱ። ሺን ኢ ሃይቆፔ፥ ጎዳ ኣማኒያ ኣሳ ኦናኔ ጊዶፔ፥ ባሬ ዶሴዳ ኣሲና ጌላናው ዳንዳያው።  
\v 40 ታ ቆፋ ጊዶፔ፥ ጌሌናን ዴዓንቶ፥ ኢዛ ናሼቻን ዴዓና። ቃሲ ታናን ፆሳ ኣያናይ ዴዒያዋ ታኒ ኤራይ። 
\c 8  
\s1 ኤቃሲ ያርሼቴዳ ቁማባ 
\p  
\v 1 ኤቃሲ ያርሼዳ ቁማባ ጊዶፔ፥ ኑኒ ኡባይካ ኤሬቶ። ኤራይ ኦቶርሴ፤ ሺን ሲቁ ኣማኑዋን ዲቼ።  
\v 2 ኦኒኔ ባሬው ኢቲባ ኤሪያዋ ማላቶፔ፥ ኢ ቢሮ ኤራናው ቤሲያዋ ኤሪቤና።  
\v 3 ሺን ኦኒኔ ፆሳ ሲቆፔ፥ ፆሳይ ኣ ኤሬ። 
\p  
\v 4 ሄዋ ዲራው፥ ኤቃው ያርሼዳ ቁማ ሙሳባ ጊዶፔ፥ ኤቃ ኡባይ ኣላሚያን ኣያኔ ጊዴናዋኔ፥ ኢቲ ፆሳፔ ኣቲን፥ ሃራይ ባይናዋ ኑኒ ኤሬቶ።  
\v 5 ኣዪሲ ጎፔ፥ ጮራ ፆሳቱኔ ጮራ ጎዳቱ ዴዒኖ። ሺን ሃራይ ኣቶ፥ ሳሉዋን ጊዲና ሳዓን ጊዲና፥ ፆሳቱዋ ጌቴቲያዋንቱ ዴዖፔካ፥  
\v 6 ኡባባ ሜዳዌ ኑኒ ኣው ዴዒያዌ፥ ኢቲ ፆሳይ፥ ኣዉ፥ ኑሲ ዴዔ። ቃሲ ኡባባይ ኣኒ ሜቴዳዌኔ ኑኒ ኣኒ ዴዒያዌ ኢቲ ጎዳይ፥ ዬሱሲ ኪሪስቶሲካ ኑሲ ዴዔ። 
\p  
\v 7 ሺን ሃ ኤራይ ኣሳ ኡባው ዴዔና። ኢቲ ኢቲ ኣሳቱ ኤቃ ዶዬዳ ዲራው፥ ሃዒ ጋካናዉካ፥ «ኤቃው ያርሼዳ ቁማ» ያጊዴ ሚኖ። ቃሲ ኡንቱንቱ ዎዛናይ ሹጋ ጊዴዳዋን፥ ኡንቱንቶ ሃ ቁማን ቱኔዳዋ ማላቴ።  
\v 8 ሺን ቁማይ ኑና ፆሳኮ ሺቃናዳን ማዴና። ኑኒ ማና ዪንቶካ ኑሲ ኣይኔ ፓጬና፤ ሞፔኔ ኑሲ ኣይኔ ጉጄቴና። 
\p  
\v 9 ሺን ሃዌ ሂንቴ ሂንቴ ዶሶዋዳን ሃኒያዌ ሹጎ ኣማኑዋና ዴዒያዋንታ ናጋራን ዬጌና ማላ ናጌቲቴ።  
\v 10 ኣዪሲ ጎፔ፥ ኔኒ ኤራንቻይ ኤቃው ያርሼዳ ቁማ ማናው ኤቃ ጎሊያን ኡቴዳ ዎዴ፥ ሹጎ ኣማኑዋና ዴዒያ ኢቲ ኣሳይ ኔና ቤዖፔ፥ ኤቃው ያርሼዳ ቁማ ኢ ማናው ኣ ዎዛናይ ቆፔኔዬ?  
\v 11 ሄዋ ጊዶፔ ሃ ሹጎ ኣማኑዋና ዴዒያ ኔ ኢሻይ፥ ኪሪስቶሲ ኣ ዲራው ሃይቄዳዌ፥ ኔ ኤራን ባዬ።  
\v 12 ሃዋዳንካ፥ ሂንቴ ሂንቴ ኢሻቱዋ ናቂያዋኒኔ ኡንቱንቱ ሹጎ ዎዛና ማይያዋን ኪሪስቶሳ ናቂታ።  
\v 13 ሄዋ ዲራው፥ ቁማይ ኣማኒያ ታ ኢሻ ቢያዋ ጊዶፔ፥ ኣ ቤና ማላ፥ ታ ዴዒያ ላይን ሙሌካ ኣሹዋ ሚኬ። 
\c 9  
\s1 ዬሱሲ ኪቴዳዋንቱሲ ዴዒያ ማታኔ ኡንቱንቱ ኦናው ቤሲያባ 
\p  
\v 1 ታኒ ኣይሌቴይ ባይና ኣሳ ጊዲኪታ? ዬሱሲ ኪቴዳዋ ጊዲኪታ? ኑ ጎዳ ዬሱሲ ኪሪስቶሳ ቤዓቤይኪታ? ሂንቴንቱ ታኒ ጎዳሲ ኦዳ ታ ኦሱዋፔ ቤቴዳዋንታ ጊዲኪቴዬ?  
\v 2 ታኒ ሃራንቱሲ ዬሱሲ ኪቴዳዋ ጊዳና ዮፔካ፥ ሂንቴንቶ ዬሱሲ ኪቴዳዋ ጊዲያዌ ኤሬቴዳዋ፤ ኣዪሲ ጎፔ፥ ታኒ ጎዳን ዬሱሲ ኪቴዳዋ ጊዲያዎ ሂንቴ ማርካ። 
\p  
\v 3 ታና ቦሪያዋንቱሲ ታኒ ኢሚያ ዛሩ ሃዋ።  
\v 4 ማናዉኔ ኡሻናው ኑሲ ማቲ ባዌ?  
\v 5 ዬሱሲ ኪቴዳ ሃራቱዋዳኒኔ ጎዳ ኢሻቱዋዳን፥ ቃሲ ጴፂሮሳዋዳን፥ ኤኖ ጊያ ማቻቶ ኢቲፔ ኣኪዴ ባናው ኑሲ ማታይ ባዌ?  
\v 6 ዎይ ኑ ዴዑዋሲ ኦዴ ባፄታናው ቤሲያዌ ታናኔ ባርናባሳ ፃላሌ?  
\v 7 ኣይ ዎዴኔ ባሬ ሚሻ ሚዴ፥ ዎታዳራቴ ኦያዌ ኦኔ? ዎይ ዎዪኒያ ቱራ ቶኪዴ፥ ኣ ኣይፊያ ሜናዌ ኦኔ? ዎይ ሚዛ ዉዲያ ሄሚዴ፥ ሄ ሚዛ ዉዲያፔ ማ ኡሼናዌ ኦኔ? 
\p  
\v 8 ታኒ ሃዋ ኣሳ ቆፋ ፃላላን ጋይታ? ዎይ ሂጊ ቃሲ ሃዋ ጌኔ?  
\v 9 ኣዪሲ ጎፔ፥ ሙሴ ሂጊያን፥ «ካ ዬያ ሜሂያ ዶና ቃቾፓ» ጌቴቲዴ ፃፌቴዳ። ፆሳይ ሜሂያባ ቆፒዴ ሃዋ ጊ? \x - \xo 9:9 \xt ዛር 25፡4፤ 1ፂም 5፡18\x* 
\v 10 ዎይ ኢ ሄዋ ጊያዌ ሙሌካ ኑ ዲራሳ ጊዴኔ? ቱማካ ኑ ዲራው ፃፌቴዳ፤ ጎሺያ ቢታኒካ ካ ቡኪያ ቢታኒካ፥ «ታና ጋኪያዋ ኣካና» ያጊዴ ኦናው ቤሴ።  
\v 11 ኑኒ ሂንቴ ጊዶን ኣያና ዬዉዋ ዜሬዳዋንታ ጊዲዴ፥ ኑ ኣሹዋሲ ማዶ ጊዲያዋ ሂንቴንቱፔ ጫኮፔ ዳሮቤ?  
\v 12 ሃራቱ ሄዋ ሂንቴንቱፔ ኣካናው ኡንቱንቶ ማታይ ዴዖፔ፥ ኑሲ ኡንቱንቱዋፔ ኣያ ማታይ ባዌ? 
\p ሺን ኑኒ ኪሪስቶሳ ሚሺራቹዋ ቃላሲ ቦ ጊዴናዳን፥ ኡባባ ጌንጪያዋፔ ኣቲን፥ ሄ ማታን ጎዔቲቤይኮ።  
\v 13 ጌሻ ጎሊያን ኦያ ኣሳቱ ባሬንቱ ቁማ ጌሻ ጎሊያፔ ኣኪያዋ ኤሪኪቴ? ቃሲ ያርሺያሳን ኦያዋንቱ ያርሹዋፔ ኣኪያዋ ኤሪኪቴ? \x - \xo 9:13 \xt ዛር 18፡1\x* 
\v 14 ሃዋዳንካ፥ ቃሲ ሚሺራቹዋ ቃላ ኦዲያዋንቱ ባሬንቱ ዴዑዋሲ ኮሺያባ ኣፔ ዴማናዳን፥ ጎዳይ ኣዛዜዳ። 
\p  
\v 15 ሺን ታኒ ሃ ማታ ኡባን ኣይኔ ጎዔታቤይኬ። ታኒ ሃዋ ፃፌዳዌ ሄዋ ማላ ማታይ ታው ዴዓናው ቤሴ ያጊያዋና ጊዴና። ኣዪሲ ጎፔ፥ ታ ጬቁዋ ኦኒኔ ሜላ ኬሲያዋፔ ሃይቂያዌ ታው ሎዓ።  
\v 16 ሚሺራቹዋ ቃላ ኦዳናው ታኒ ኣዛዜታ ኡቴዳ ዲራው፥ ኣ ኦዶፔካ ታው ጬቄቲያባይ ባዋ። ሚሺራቹዋ ቃላ ኦዴናን ኣጎፔ፥ ታው ኣዬሮ።  
\v 17 ኣዪሲ ጎፔ፥ ታኒ ሃዋ ዶሳዴ ኦፔ፥ ታው ዎይታይ ዴዔ። ሺን ታኒ ዶሴናን ኢፆፔካ፥ ሚሺራቹዋ ቃላ ዲራው ሃዳራ ፆሳይ ታው ኢሜዳ።  
\v 18 ያቲና፥ ታ ዎይታይ ኣዬ? ሚሺራቹዋ ቃላ ኦዳዴ፥ ታው ዎንጋላን ዴዒያ ኩሜን ማታን ጎዔቴናን፥ ሚሺራቹዋ ቃላ ጮ ኦዲያዋ። 
\p  
\v 19 ታኒ ኦሲኔ ኣይሌ ጊዲኬ ሺን፥ ጮራቱዋ ዛራናው ታና ኡባው ኣይሌ ኬሳዲ።  
\v 20 ታኒ ኣዪሁዳቱዋ ዛራናው ኡንቱንቱና ኡንቱንታ ጊዳዴ ዴዓዲ። ታ ሁጴው ሂጊያፔ ጋርሳና ዴዒኬ። ሺን ሂጊያፔ ጋርሳና ዴዒያዋንታ ዛራናው ሂጊያፔ ጋርሳና ዴዒያ ኣሳ ማላ ጊዳዲ።  
\v 21 ታኒ ሂጊ ባይና ኣሳቱዋና ዴዓዴ፥ ሂጊ ባይና ኣሳዳን ሃናዲ። ፆሳ ሂጊ ዪና ጊዴና። ሺን ሂጊ ባይናዋንታ ዛራናው፥ ኪሪስቶሳ ሂጊያፔ ጋርሳና ዴዓዲ።  
\v 22 ታኒ ኣማኑዋን ዳቡሪያዋንታ ዛራናው፥ ኡንቱንቱ ማላ ጊዳዲ። ታኒ ኣይ ኦጊያኒኔ ኣማሬዳ ኣሳቱዋ ኣሻናው፥ ኡባ ኣሳቱዋና ኡባባኒ ኡንቱንቱ ማላ ጊዳዲ።  
\v 23 ታኒ ሚሺራቹዋ ቃላ ኣንጁዋ ሻካናው፥ ሚሺራቹዋ ቃላ ዲራው፥ ኡባባ ኦይ። 
\p  
\v 24 ዎን ፆናና ጊዴ ዎፂያ ኡባይ ኢቲፔ ዎፄ። ሺን ኢቱዋ ፃላላይ ዎይታ ኣኪያዋ ኤሪኪቴ? ሃዋዳን ሂንቴንቱካ ዎይታ ኣካናው ዎፂቴ።  
\v 25 ካሳው ባሬና ጊጊሲያ ኦኒኔ ኡባባኒ ባሬና ናጌ። ኣሳይ ሄዋ ዳቡሪያዌ ፆኔዳዎ ኢሜቲያ ባዪያ ኣክሊሊያ ዴማናሳ። ሺን ኑኒ ዳቡሪያዌ ሜናው ዴዒያዋኔ ባዬና ኣክሊሊያ ዴማናሳ።  
\v 26 ሄዋ ዲራው፥ ታኒ ቆፊ ባይናን ዎፂያዋዳን ዎፂኬ። ጫርኩዋ ዪምፒያ ኣሳዳንካ ጮ ኦሌቲኬ።  
\v 27 ሺን ታኒ ሃራንቶ ኦዴዳዋፔ ጉዪያን፥ ታ ሁጴው ዎይታፔ ኣቴና ማላ፥ ታ ኣሳቴ ናጌታናዳን ኦይ። 
\c 10  
\s1 ኤቃው ጎዪናናው ቤሴና 
\p  
\v 1 ሄዋ ቦላን ታናዳን ኣማኒያዋንቶ፥ ታኒ ሂንቴ ሃዋ ኤራና ማላ ኮያይ። ኑ ኣዎቱ ኡባይ ሻሪያፔ ጋርሳና ዴዔዲኖ፤ ኡባይካ ኣባ ጊዶና ፒኔዲኖ። \x - \xo 10:1 \xt ኬስ 13፡21-22፤ 14፡22-29\x* 
\v 2 ኡንቱንቱ ኡባይ ሙሴና ኢቴፔ ጊዳናው፥ ሻሪያኒኔ ኣባን ፃማቄቴዲኖ።  
\v 3 ኡንቱንቱ ኡባይ ሄ ኢቲ ኣያና ቁማ ሜዲኖ። \x - \xo 10:3 \xt ኬስ 16፡35\x* 
\v 4 ቃሲ ኡባይካ ሄ ኢቲ ኣያና ኡሻ ኡሼዲኖ። ኣዪሲ ጎፔ፥ ኡንቱንቱ ባሬንታ ካሌያ ኣያና ዛላፔ ፑልቶዋ ኡሼዲኖ፤ ሄ ዛላይካ ኪሪስቶሳ። \x - \xo 10:4 \xt ኬስ 17፡6፤ ፓይ 20፡11\x* 
\v 5 ሺን ፆሳይ ኡንቱንቱፔ ዳሪያ ባጋቱዋን ናሼቲቤና ዲራው፥ ኡንቱንቱ ኣኃይ ኣሳይ ባይና ሳን ላሌቴዳ። \x - \xo 10:5 \xt ፓይ 14፡29-30\x* 
\p  
\v 6 ኡንቱንቱ ኢታባ ኣሞቴዳዋዳን፥ ኑ ዎዛናይ ቃሲ ኢታባ ኣሙዋፔ ናጌታናዳን፥ ሄዌ ኡባይ ኑሲ ቲሚርቴ ጊዴዳ። \x - \xo 10:6 \xt ፓይ 11፡4\x* 
\v 7 ፆሳ ማፃፋይ፥ «ኣሳይ ማናዉኔ ኡሻናው ኡቴዲኖ፤ ቃሲ ዱሮ ዴንዲ ኤቄዲኖ» ያጊያዋዳን፥ ኡንቱንቱፔ ኢቱ ኢቱ ኤቃው ጎዪኔዳዋዳን፥ ሂንቴ ጎዪኖፒቴ። \x - \xo 10:7 \xt ኬስ 32፡6\x* 
\v 8 ኡንቱንቱፔ ኢቱ ኢቱ ዎሹሜዳዋዳን፥ ኑኒ ዎሹማናው ቤሴና። ሄዋ ጋሱዋን ኡንቱንቱፔ ኢቲ ጋላሲ ላታማኔ ሄዙ ሻዓይ ሃይቄዳ። \x - \xo 10:8 \xt ፓይ 25፡1-18\x* 
\v 9 ኡንቱንቱፔ ኢቱ ኢቱ ጎዳ ፓጪዴ፥ ሾሻን ዱኬቲ ሃይቄዳዋዳን፥ ኑኒ ጎዳ ፓጫናው ቤሴና።  
\v 10 ኡንቱንቱፔ ኢቱ ኢቱ ዙዙሚና፥ ዎያ ኪታንቻን ኡንቱንታ ዪሴዳዋዳን ዙዙሞፒቴ። \x - \xo 10:10 \xt ፓይ 16፡41-49\x* 
\p  
\v 11 ሃዌ ኡባይ ሃራቱሲ ቲሚርቴ ጊዳናዳን ኡንቱንቱ ቦላ ጋኬዳ። ቃሲ ኑና ዎዲያ ዉርሴይ ጋካና ማቴዳዋንታ ሴራናው ፃፌቴዳ። 
\p  
\v 12 ሄዋ ዲራው፥ ሚና ኤቃዲ ጊዴ ቆፒያ ኡራይ ኦኒኔ ኩንዴናዳን፥ ባሬና ናጎ።  
\v 13 ሂንቴንታ ጋኪያ ፓጪ፥ ኣሳ ኡባ ጋኪያ ፓጪያ ማላፔ ኣቲን፥ ኣይኔ ዱማቴና። ሂንቴንቱ ዎልቃይ ዳንዳዪያዋፔ ኣያ ፓጪያን ሂንቴ ፓጬታናው ኮዬና ፆሳይ ኣማኔቴዳዋ። ሺን ሂንቴንታ ፓጪ ጋኪያ ዎዴ፥ ሄ ፓጪያ ኢ ሂንቴንታ ዳንዳዪሳና። ቃሲ ሄ ፓጪያፔ ሂንቴንቱ ኬሲያ ኦጊያካ ኢ ኢማና። 
\p  
\v 14 ሄዋ ዲራው፥ ታ ዶሲያዋንቶ፥ ኤቃው ጎዪኖፒቴ።  
\v 15 ሂንቴንቱ ዎዛናማ ኣሳ ጊዴዳ ዲራው፥ ታኒ ሂንቴንቶ ኦዳይ። ታኒ ጊያዋ ሂንቴ ፒርዲቴ።  
\v 16 ኑኒ ፆሳ ጋላቲዴ ሻኪያ ኣንጁዋ ፁዓይ ኪሪስቶሳ ሱና ኢቲፔቴይ ዴዒያዋ ጊዴኔ? ቃሲ ኑኒ ሜንያ ኡኪይ ኪሪስቶሳ ኣሹዋና ኢቲፔቴይ ዴዒያዋ ጊዴኔ?  
\v 17 ኢቲ ኡኪይ ዴዒያ ዲራው፥ ኑኒ ጮራ ጊዶፔካ፥ ኢቲ ኣሳቴ። ኣዪሲ ጎፔ፥ ኑኒ ኡባይካ ሄ ኢቲ ኡኪ ሻኬቴቶ። 
\p  
\v 18 ኢስራዔሊያ ኣሳ ፄሊቴ። ያርሹዋ ሚያዋንቱ ያርሺያሳና ኢቲፔቴይ ዴዒያዋንታ ጊዲኪኖ? \x - \xo 10:18 \xt ዎግ 7፡6\x* 
\v 19 ሲሚ ታኒ ዋጋይታ? ኤቃሲ ያርሼቴዳ ቁማይ ማዲ ዎይ ኤቃይ ማዲ?  
\v 20 ማዴና፤ ሺን ታኒ ጊያዌ ፆሳ ኣማኔና ኣሳቱ ኢታ ኣያናቱዋሲ ያርሺያዋፔ ኣቲን፥ ፆሳው ያርሺኪኖ። ኢታ ኣያናቱዋና ሂንቴ ኢቲፔ ዙፔታና ማላ፥ ታኒ ኮዪኬ። \x - \xo 10:20 \xt ዛር 32፡17\x* 
\v 21 ጎዳ ፁዓፔ ኡሺዴ ቃሲ ኢታ ኣያናቱዋ ፁዓፔ ኡሻናው ሂንቴ ዳንዳዪኪታ። ጎዳ ጋይታፔ ሂንቴ ጊሼቲዴ ቃሲ ኢታ ኣያናቱዋ ጋይታፔ ማናው ዳንዳዪኪታ።  
\v 22 ሄዋ ኡዲዴ ኑኒ ጎዳና ፂኖታናው ኮሺ? ኑኒ ኣፔ ሚኔቶ? \x - \xo 10:22 \xt ዛር 32፡21\x* 
\p  
\v 23 ሂንቴፔ ኢቱ ኢቱ፥ «ኡባባ ኦናው ታና ዲጊያባይ ባዋ»፤ ሺን ኡባባይ ማዴና። «ኡባባ ኦናው ዲጊያባይ ባዋ፤ ሺን ኡባባይ ጌሼና» ያጊኖ።  
\v 24 ኦኒኔ ሃራ ኣሳ ማዲያባ ቆፖፔ ኣቲን፥ ሃራይ ኣቶ ኢቱኔ ባሬና ማዲያባ ቆፖፖ። 
\p  
\v 25 ጌያን ኣፃሬ ታራን ዛሊዔቲያ ኣሹዋ ሂንቴ ዎዛና ቆፋን፥ ኣይኔ ሲናን ሚቴ።  
\v 26 ኣዪሲ ጎፔ፥ ኣላሚኔ ኣኒ ዴዒያባይ ኡባይ ጎዳባ። \x - \xo 10:26 \xt ማዝ 24፡1\x* 
\p  
\v 27 ኢቲ ኣማኔና ኣሳይ ሂንቴንታ ኢማ ኡዲ ሾባናው ፄሲና ባናው ኮዮፔ፥ ሂንቴ ዎዛና ቆፋን፥ ኣይኔ ሲናን ሂንቴ ሲን ኢ ኣያባ ኡባ ሚቴ።  
\v 28 ሺን ኢቲ ኡራይ ሂንቴንቶ፥ «ሃዌ ኤቃው ያርሼዳዋ» ጎፔ፥ ሄ ሂንቴንቶ ኦዴዳ ቢታኒያ ዲራዉኔ ቃሲ ሂንቴ ዎዛና ቆፋ ዲራው፥ ሄ ቁማ ሞፒቴ።  
\v 29 ታኒ ጊያዌ ኔ ዎዛና ቆፋ ዲራሳ ጊዴና፤ ሺን ዮኮ ቢታኒያ ዎዛና ቆፋ ዲራሳ። 
\p ታኒ ታ ሃናናው ዳንዳዪያ ታ ሃኖታ ሃራ ኣሳ ዎዛናይ ኣያው ፒርዲ?  
\v 30 ታኒ ፆሳ ጋላታዴ ቁማ ሞፔ፥ ፆሳ ጋላታዴ ሜዳ ቁማው ኣያው ቦሬታይታ? 
\p  
\v 31 ሲሚ ሂንቴ ኣያኔ ሞፔ፥ ዎይ ኣያኔ ኡሾፔ፥ ዎይ ሂንቴ ኣያኔ ኡዶፔ፥ ኡባባ ፆሳ ቦንቹዋሲ ኦቴ።  
\v 32 ሂንቴንቱ ኣዪሁዳ ኣሳቱዋሲ ዎይ ጊሪኬ ኣሳቱዋሲ ዎይ ፆሳ ኣማኒያዋንቱሲ ቦ ጊዶፒቴ።  
\v 33 ታኒ ቃሲ ጮራቱ ኣታና ማላ፥ ኡንቱንቱ ኡባ ማዳናዳኒፔ ኣቲን፥ ታ ሁጴው ማዱዋ ኮዬናን፥ ኣሳ ኡባ ኡባባኒ ናሼቺያዋዳን፥ ሂንቴንቱካ ሄዋዳ ኡዲቴ። 
\c 11  
\p  
\v 1 ታኒ ኪሪስቶሳ ሌሚሱዋ ካሊያዋዳን፥ ሂንቴንቱካ ታዋ ካሊቴ። 
\s1 ኣሳይ ኢቲፔ ዎሲያ ዎዴ ዴዓናው ቤሲያ ዎጋ 
\p  
\v 2 ታናዳን ኣማኒያዋንቶ፥ ሂንቴ ኡባባኒ ታና ሃሳዪያ ዲራዉኔ፥ ዎጋ ታኒ ሂንቴንቶ ኢሜዳዋዳን፥ ሂንቴ ሚኒሲዴ ናጊያ ዲራው፥ ሂንቴንታ ጋላታይ።  
\v 3 ሺን ኪሪስቶሲ ኣቱማዋ ኡባው ሁጴ ጊዲያዋ፥ ኣቱማ ኣሳይ ማጫ ኣሳሲ ሁጴ ጊዲያዋኔ ቃሲ ፆሳይ ኪሪስቶሳሲ ሁጴ ጊዲያዋ ሂንቴ ኤራና ማላ ኮያይ።  
\v 4 ፆሳ ዎሲዴ፥ ዎይ ቲምቢቲያ ኦዲዴ፥ ባሬ ሁጲያ ጎዚያ ኣቱማ ኣሳይ ኡባይ ኪሪስቶሳ ቶቼ።  
\v 5 ቃሲ ፆሳ ዎሳዴ ዎይ ቲምቢቲያ ኦዳዴ፥ ባሬ ሁጲያ ጎዜና ማጫዉና ባሬ ኣሲና ቶቻው፤ ኣያው ጎፔ፥ ኢዛ ባሬ ሁጲያ ሜዴታዲጎኒና ኢቲ ማላ። 
\p  
\v 6 ማጫዉና ባሬ ሁጲያ ጎዛና ዮፔ፥ ቃንፂሱ። ሺን ኢዛ ባሬ ሁጲያ ቃንፂሳናዌ ዎይ ሜዲሳናዌ ፖኮፔ፥ ባሬ ሁጲያ ጎዙ።  
\v 7 ኣቱማዌ ፆሳ ሌሚሱዋኔ ቦንቹዋ ጊዲያ ዲራው፥ ባሬ ሁጲያ ጎዛናው ቤሴና፤ ሺን ማጫዉና ኣቱማዋሲ ቦንቾ። \x - \xo 11:7 \xt ዶም 1፡26-27\x* 
\v 8 ኣዪሲ ጎፔ፥ ማጫዉና ኣቱማዋፔ ቤታዱፔ ኣቲን፥ ኣቱማዌ ማጫዉኒፔ ቤቲቤና። \x - \xo 11:8 \xt ዶም 2፡18-23\x* 
\v 9 ኣዪሲ ጎፔ፥ ማጫዉና ኣቱማዋ ዲራው ሜታዱፔ ኣቲን፥ ኣቱማዌ ማጫዉኒ ዲራው ሜቲቤና።  
\v 10 ሄዋ ዲራው፥ ማጫዉና ባሬ ኣሲና ኣዪሱዋፔ ጋርሳና ዴዒያዋ ኤሪሳናዉኔ ኪታንቻቱዋ ዲራው፥ ኢዚ ሁጲያን ጎዚያባይ ዴዓናው ቤሴ። 
\p  
\v 11 ሺን ጎዳን ማጫዉና ኣቱማዌ ባይናን ዴዑኩ፤ ኣቱማዌካ ማጫዉና ባይናን ዴዔና።  
\v 12 ኣዪሲ ጎፔ፥ ማጫዉና ኣቱማዋፔ ሜቴዳዋዳን፥ ቃሲ ኣቱማዌካ ማጫዉኒፔ ዬሌቴዳ። ቃሲ ኡባባይካ ፆሳፔ ዬ። 
\p  
\v 13 ሂንቴንቱ ሂንቴ ሁጴው ፒርዲቴ። ማጫዉና ባሬ ሁጲያ ጎዜናን ፆሳ ዎሳናው ቤሲ?  
\v 14-15 ኣቱማዌ ባሬ ሁጲያ ዲቾፔ፥ ኣው ፖኮ። ሺን ማጫዉና ባሬ ሁጲያ ዲቾፔ፥ ኢዚው ቦንቾ ጊዲያዋ ሃራይ ኣቶ፥ ሜቴንቶኔ ሂንቴንታ ታማሪሴኔ? ኣዪሲ ጎፔ፥ ማጫዉኒ ሁጲ ኢዞ ካማናው ኢዚው ኢሜቴዳ።  
\v 16 ሺን ኦኒኔ ሃ ዬዉዋን ፓሉሜታናው ኮዮፔ፥ ኑሲ ጊዲና ዎይ ፆሳ ኣማኒያዋንቶ ጊዲናካ፥ ሃዋፔ ሃራ ዎጋይ ባዋ። 
\s1 ጎዳ ካዉዋ ኣኪያ ዎጋ 
\r (ማት 26፡26-29፤ ማር 14፡22-25፤ ሉቅ 22፡14-20) 
\p  
\v 17 ሂንቴ ሺቂያዌ ኢታባሳፔ ኣቲን፥ ሎዖባሳ ጊዴና ዲራው፥ ታኒ ሃ ኣዛዙዋ ኢማዴ ሂንቴንታ ጋላቲኬ።  
\v 18 ሺን ሂንቴ ዎሳ ጎሌን ሺቂያ ዎዴ፥ ሂንቴ ጊዶን ጳልቄይ ዴዒያዋ ታኒ ሲሳይ። ቃሲ ሄዌ ኢቲ ባጋና ቱማ ጊዲያዋ ኣማናይ።  
\v 19 ኣዪሲ ጎፔ፥ ሂንቴ ማታን ኣማኔቴዳዋንቱ ቆንጪ ኤሬታና ማላ፥ ሂንቴ ጊዶኒካ ቃሲ ሻኩ ዴዓናው ቤሴ።  
\v 20 ሄዋ ዲራው፥ ሂንቴ ኢቲፔ ሺቂያ ዎዴ፥ ሂንቴ ሺቁ ጎዳ ካዉዋ ማናሳ ጊዴና።  
\v 21 ኣዪሲ ጎፔ፥ ሂንቴ ቁማ ሚያ ዎዴ፥ ኡባይ ሁጲያን ሁጲያን ባሬዋ ባሬዋ ሚያ ዲራው፥ ኢቱ ኮሻቴ፤ ኢቱ ቃሲ ማቴ።  
\v 22 ማናዉኔ ኡሻናው ሂንቴንቶ ጎሊ ባዌ? ዎይ ፆሳ ዎሳ ጎሊያ ካቴ? ቃሲ ኣይኔ ባይናዋንታ ዬላዪቴ? ታኒ ሂንቴንታ ዋጎ? ሃ ዬዉዋን ታኒ ሂንቴንታ ጋላቶ? ጋላቲኬ። 
\p  
\v 23 ኣዪሲ ጎፔ፥ ታኒ ቃሲ ሂንቴንቶ ኢሜዳ ቲሚርቲያ ጎዳፔ ኣካዲ። ጎዳ ዬሱሲ ኡንቱንቱ ኣ ኣዴ ኢሜዳ ቃማ ዳቡዋ ኣኪዴ፥ \x - \xo 11:23 \xt ማት 26፡26-28፤ ማር 14፡22-24፤ ሉቅ 22፡19፣ 20\x* 
\v 24 ፆሳ ጋላቴዳ፤ ዳቡዋ ሜንዴ፥ «ሄይቴ፤ ሚቴ። ሃዌ ሂንቴ ጊሻታው ባሬና ኢሜዳ ታ ኣሹዋ። ሃዋን ታና ቆፒቴ» ያጌዳ።  
\v 25 ሃዋዳንካ፥ ካዉዋ ሚዴ ሲሚና፥ ፁዓ ቃሲ ኣኪዴ፥ «ሃዌ ፁዓይ ታ ሱን ታኒ ጫቄዳ ኦራ ጫቁዋ። ሂንቴንቱ ኣፔ ኡሼዳ ዎዴ ኡባን ሄዋን ታና ቆፒቴ» ያጌዳ። \x - \xo 11:25 \xt ኬስ 24፡6-8፤ ኤርም 31፡31-34\x* 
\v 26 ኣዪሲ ጎፔ፥ ሂንቴ ሃ ዳቡዋ ሜዳ ዎዴ ኡባኒኔ ሃ ፁዓፔ ኡሼዳ ዎዴ ኡባን ጎዳይ ያና ጋካናዉካ፥ ኣ ሃይቁዋ ኦዲታ። 
\p  
\v 27 ሄዋ ዲራው፥ ቤሴናን ዴዒዴ ጎዳ ዳቡዋ ሚያዌ፥ ዎይ ጎዳ ፁዓፔ ኡሺያዌ ኦኒኔ ኣ ኣሹዋኔ ኣ ሱ ኣጮቴ።  
\v 28 ሺን ኣሳይ ባሬ ሁጲያ ፓጮ። ያቲዴ ዳቡዋ ሞ። ፁዓፔካ ኡሾ።  
\v 29 ኣዪሲ ጎፔ፥ ጎዳ ኣሹዋ ሻኪዴ ኤሬናን ዳቡዋ ሚያዌኔ ፁዓፔካ ኡሺያዌ ባሬ ሁጴዋ ፒርዳ ሜኔ ኡሼ።  
\v 30 ሄዋ ዲራው፥ ሂንቴ ጊዶን ጮራቱ ዳቡራንቻኔ ሃርጋንቻ ጊዴዲኖ፤ ቃሲ ኡንዴኔዳዋንቱ ሃይቄዲኖ።  
\v 31 ሺን ኑኒ ኑ ሁጲያ ቱሙ ፓጬዴንቶ፥ ፆሳይ ኑና ፒርዴና።  
\v 32 ኑኒ ፒርዴቲያ ዎዴ፥ ሃ ኣላሚያና ኢቲፔ ፒርዴቴና ማላ፥ ጎዳይ ኑና ሴሬ። 
\p  
\v 33 ሄዋ ዲራው፥ ታናዳን ኣማኒያዋንቶ፥ ጎዳ ካዉዋ ማናው ሂንቴ ሺቂያ ዎዴ፥ ኢቱ ኢቱዋ ናጊቴ።  
\v 34 ኦኒኔ ኮሻቴዳዋ ጊዶፔ፥ ኢቲፔ ሺቂያ ዎዴ ፆሳ ፒርዳን ሂንቴ ጌሌና ማላ፥ ባሬ ሶዪን ሞ። 
\p ኣቴዳዋ ታኒ ያ ባዴ ጊጊሳና። 
\c 12  
\s1 ጌሻ ኣያና ኢሞታቱዋ 
\p  
\v 1 ታናዳን ኣማኒያዋንቶ፥ ጌሻ ኣያና ኢሞታባ ሂንቴ ኤራናው ኮያይ።  
\v 2 ሂንቴንቱ ፆሳ ኣማኔና ዎዴ፥ ኡባ ዎዴ ካሊያዋዳንካ፥ ሃሳዬና ኤቃቱዋኮ ሂንቴ ቤዳዋ ኤሪታ።  
\v 3 ሄዋ ዲራው፥ ፆሳ ኣያናይ ካሌያ ኣሳይ ኦኒኔ፥ «ዬሱሲ ሼቄቶ» ያጊዴ ሃሳዬናዋኔ ቃሲ ጌሻ ኣያናይ ካሌፔፔ ኣቲን፥ ሃራይ ኣቶ ኢቲ ኣሳይኔ፥ «ዬሱሲ ጎዳ» ጋናው ዳንዳዬናዋ ታኒ ሂንቴንታ ኤሪሳይ። 
\p  
\v 4 ኣያና ኢሞታይ ዱማ ዱማ፤ ሺን ኢሚያ ኣያናይ ኢቱዋ። \x - \xo 12:4 \xt ሮም 12፡6-8\x* 
\v 5 ቃሲ ኦያ ኦሱ ዱማ ዱማ፤ ሺን ጎዳይ ኢቱዋ።  
\v 6 ኦሱዋ ኦናው ዱማ ዱማ ኦጊ ዴዒሺን፥ ሄ ኦያ ኦጊያ ኡባ ኣሳ ኡባው ቆንጪሲያ ፆሳይ ኢቱዋ።  
\v 7 ሺን ኣሳ ኡባ ማዳናው፥ ጌሻ ኣያና ቆንጪሲያ ዎልቃይ ኡባው ሁጲያን ሁጲያን ኢሜቴዳ። 
\p  
\v 8 ኣዪሲ ጎፔ፥ ጌሻ ኣያናይ ኢቱዋሲ ኣ ኤራቴ ሃሳያ ኢሜዳ፤ ቃሲ ኢቱዋሲ ኤራቴ ሃሳያ ኢሜዳ።  
\v 9 ሄ ጌሻ ኣያናይ ኢቱዋሲ ኣማኑዋ ኢሚዴ፥ ዮኮዋሲ ሃርጋንቻ ፓያ ዎልቃ ኢሜዳ።  
\v 10 ጌሻ ኣያናይ ኢቱዋሲ ማላታ ኦያ ዎልቃ ኢሚዴ፥ ኢቱዋሲ ቲምቢቲያ ኦዲያ ዎልቃ ኢሜዳ። ኢቱዋሲ ኣያናቱዋ ጊዱዋን ዴዒያ ዱማቴ ኤሪያ ዎልቃ ኢሚዴ፥ ኢቱዋሲ ዱማ ዱማ ቃላን ሃሳዪያ ዎልቃ ኢሜዳ። ቃሲ ኢቱዋሲ ዱማ ዱማ ቃላን ሃሳዬዳዋ ቢሊያ ዎልቃ ኢሜዳ  
\v 11 ሺን ሃ ኡባባ ኦያዌ ሄ ኢቲ ጌሻ ኣያና። ኣሳ ኡባው ኢ ባሬ ኮዪያዋዳን፥ ዱማ ዱማ ኢሞታ ሻኪ ሻኪዴ ኢሜዳ። 
\s1 ኢቲ ቦላን ዴዒያ ዱማ ዱማ ኣሳቴቱዋ 
\p  
\v 12 ኪሪስቶሲ ጮራ ኣሳቴቱ ዴዒያ ኢቲ ቦላ ማላ። ቦላይ ጮራ ኣሳቴቱዋፔ ሜቴዳዋ ጊዶፔካ፥ ኢቲ ቦላ። \x - \xo 12:12 \xt ሮም 12፡4-5\x* 
\v 13 ኣዪሲ ጎፔ፥ ኑኒ ኣዪሁዳ ኣሳ ጊዶፔኔ ዎይ ጊሪኬ ኣሳ ጊዶፔ፥ ዎይ ኣይሌ ጊዶፔኔ ዎይ ዎማኖ ጊዶፔ፥ ኡባይ ኢቲ ጌሻ ኣያናን ኢቲ ቦላ ጊዳናው ፃማቄቴዶ። ቃሲ ኑኒ ኡባይ ኢቲ ጌሻ ኣያና ኡሼዶ። 
\p  
\v 14 ኣዪሲ ጎፔ፥ ቦላሲ ኣሳቴይ ጮራ ጊዲያዋፔ ኣቲን፥ ኢቱዋ ጊዴና።  
\v 15 ጌዲ፥ «ታኒ ኩሺያ ጊዴና ዲራው፥ ቦላ ቆሞ ጊዲኬ» ጎፔ፥ ኢ ሄዋ ጊያዌ ቦላ ቆሞ ጊዲያዋ ዲጋኔ?  
\v 16 ሃይይካ፥ «ታኒ ኣይፊያ ጊዴና ዲራው፥ ቦላ ቆሞ ጊዲኬ» ጎፔ፥ ኢ ሄዋ ጊያዌ ቦላ ቆሞ ጊዲያዋ ዲጋኔ?  
\v 17 ቦላይ ኡባይ ኣይፊያ ፃላላ ጊዲንቶ፥ ዎቲዴ ሲሳናው ዳንዳዪ? ቃሲ ቦላይ ኡባይ ሃይ ፃላላ ጊዲንቶ፥ ዎቲዴ ሲንጋናው ዳንዳዪ? 
\p  
\v 18 ሺን ፆሳይ ባሬ ኮዬዳዋዳን፥ ቦላ ኣሳቴቱዋ ኢቱዋ ኢቱዋ ቦላን ዎዳ።  
\v 19 ኡባይ ኢቲ ቆሞ ጊዲንቶ፥ ቦላይ ሃቃን ዴዓኔ?  
\v 20 ሺን ኣሳቴቱ ጮራ ጊዶፔካ፥ ቦላይ ኢቱዋ። 
\p  
\v 21 ኣዪፊ ኩሺያ፥ «ኔኒ ታና ኮሻካ» ጋናው ዳንዳዬና። ዎይ ቃሲ ሁጲ ጌዳቱዋ፥ «ሂንቴንቱ ታና ኮሺኪታ» ጋናው ዳንዳዬና።  
\v 22 ሺን ላፋ ማላቲያ ቦላ ኣሳቴቱ ሎይ ኮሺያዋንታ።  
\v 23 ቦላ ኣሳቴቱዋፔ ቦንቼቴናዋንታ ኑሲ ማላቲያዋንታ ኑኒ ሎይ ቦንቼቶ። ቃሲ ኑና ዬላዪያ ቦላ ኣሳቴቱዋካ ሎይ ቦንቼቶ።  
\v 24 ኑ ቦላፔ ቤቲያ ባጋው ማዩ ኮሼና፤ ሺን ፖኪያ ባጋ ኣሳቴቱዋ ሎይ ማዪዛናዳን፥ ፆሳይ ኣሳቴ ኢቲፔ ጋዳ።  
\v 25 ቦላ ኣሳቴቱ ኢቱ ኢቱዋሲ ኢቲ ማላ ቆፋ ቆፓናፔ ኣቲን፥ ቦላን ዱማቴይ ዴዓናው ቤሴና።  
\v 26 ቦላ ኣሳቴቱዋፔ ኢቱ ሴሌቶፔ፥ ቦላ ኣሳቴቱ ኡባይካ ኣናና ሴሌቲኖ፤ ቦላ ኣሳቴቱዋፔ ኢቱ ቦንቼቶፔ፥ ቦላ ኣሳቴቱ ኡባይ ኣናና ናሼቲኖ። 
\p  
\v 27 ሂንቴንቱ ኡባይ ኪሪስቶሳ ቦላ፤ ቃሲ ሁጲያን ሁጲያን ሂንቴ ኡባይካ ኣ ቦላ ኣሳቴቱዋ።  
\v 28 ፆሳይ ዎሳ ጎሌን ኢቲ ኢቲ ኣሳቱዋ፥ ኮይሩዋን ዬሱሲ ኪቴዳዋንታ፥ ላዔንዋን ናባቱዋ፥ ሄዜንዋን ታማሪሲያዋንታ፥ ሄዋፔ ጉዪያን፥ ማላታ ኦያዋንታ፥ ሄዋፔ ጉዪያን፥ ፓያ ዎልቃይ ዴዒያዋንታ፥ ማዲያዋንታ፥ ዎሳ ጎሊያ ኣዪሲያዋንታ ዱማ ዱማ ቃላን ሃሲያዋንታ ኦዳ። \x - \xo 12:28 \xt ኤፌ 4፡11\x* 
\v 29 ኡባቱ ዬሱሲ ኪቴዳዋንቴ? ኡባቱ ናባቴ? ኡባቱ ታማሪሲያዋንቴ? ኡባቱ ማላታ ኦኖ?  
\v 30 ኡባሲ ፓያ ዎልቃይ ዴዒ? ኡባቱ ዱማ ዱማ ቃላን ሃሳዪኖ? ቃሲ ዱማ ዱማ ቃላን ሃሳዬዳዋ ኡባቱ ቢሊኖ?  
\v 31 ሺን ኡባፔ ኣያ ኢሞታ ሎይ ኮዪቴ። 
\p ቃሲ ኡባፔ ሎይ ኣያ ኦጊያ ታኒ ሂንቴንታ ቤሳና። 
\c 13  
\s1 ቱሙ ሲቁዋ 
\p  
\v 1 ታኒ ኣሳ ቃላኒኔ ኪታንቻ ቃላን ሃሳዮፔካ ታው ሲቁ ዮፔ፥ ታ ሃሳያይ ጮ ዋሲያ ዳዋላ ማላ፤ ዎይ ቆልጫካቲያ ፂናፂሊያ ማላ።  
\v 2 ናቤቴ ኢሞታይ ታው ዴዖፔካ፥ ታኒ ጌሜዳ ዬዉዋ ኡባኔ ኤራቴ ኡባ ኤሪንቶካ፥ ቃሲ ዴሪያ ዴን ዲጊያ ኣማኑ ታው ዴዖፔካ፥ ሲቁ ዮፔ፥ ታኒ ኣያኔ ጊዲኬ። \x - \xo 13:2 \xt ማት 17፡20፤ 21፡21፤ ማር 11፡23\x* 
\v 3 ታው ዴዒያዋ ኡባ ሂዬሳቱዋ ሚዛናው ኢሚንቶካ ሃራይ ኣቶ፥ ታ ቦላ ታማን ጉዳናው ኣ ኢሚንቶካ ሲቁ ዮፔ፥ ታና ኣይኔ ማዴና። 
\p  
\v 4 ሲቁ ዳንዳያንቻ። ሲቁ ኬኬ። ሲቁ ቃናቴና። ጬቄቴና፤ ቃሲ ኦቶሬቴና።  
\v 5 ሲቁ ባሬው ቤሴናዋ ኦና፤ ኡዜቴና፤ ዪሎቴና፤ ሲቁ ናቄቴዳዋካ ፓይዴና።  
\v 6 ሲቁ ቱማቴን ናሼቲያዋፔ ኣቲን፥ ዎርዱዋን ናሼቴና።  
\v 7 ሲቁ ኡባባ ዳንዳዬ። ኡባባይካ ሃናናዋ ጊዴ፥ ናሼቻን ናጌ። ኡባባኒ ጌንጬ። 
\p  
\v 8 ሲቁ ሙሌካ ዬና። ሺን ናቤቴይካ ኣታና። ዱማ ዱማ ቃላን ሃሳዪያዌካ ኣታና። ኤራቴይካ ያና።  
\v 9 ኣዪሲ ጎፔ፥ ኑኒ ኤራቴፔ ፓጫ ኤሬቶ፤ ቲምቢቲያፔካ ፓጫ ኦዴቶ።  
\v 10 ሺን ኩሜን ጊዴዳዌ ዪያ ዎዴ፥ ፓጫይ ያና። 
\p  
\v 11 ታኒ ናዓቴን ዴዒያ ዎዴ፥ ናዓዳን ሃሳያይ። ናዓዳን ቆፓይ። ቃሲ ናዓዳንካ ኣኬካይ። ዎዳላ ጊዴዳ ዎዴ፥ ናዓቴ ሃኑዋ ኣጋዲ።  
\v 12 ኑኒ ሃዒ ቤዒያዌ ማስቶቲያን ቤዒያ ሌምዒ ሌምዒያ ማላ ማላ፤ ሺን ሄ ዎዴ ኑኒ ኑ ኣይፊያን ቆንጪያን ቤዓና። ሃዒ ታኒ ኤራቴፔ ፓጫ ኤራይ፤ ሺን ፆሳይ ታና ዉርሲዴ ኤሪያዋዳን፥ ሄ ዎዴ ታኒካ ዉርሳ ኤራና። 
\p  
\v 13 ሺን ሄዋ ጊዶፔ፥ ኣማኑ፥ ሃናናዋ ጊዴ ናሼቻን ናጊያዌኔ ሲቁ፥ ሃዋንቱ ሄዛቱ ሚኒዴ ዴዒኖ። ሃዋንቱፔ ኣያዌ ሲቁዋ። 
\c 14  
\s1 ጌሻ ኣያና ኢሞታኔ ኡንቱንቱ ማዱዋ 
\p  
\v 1 ሲቁዋ ካሊቴ። ኣያና ኢሞታካ ሎይ ኮዪቴ። ሺን ኡባፔ ኣዴ፥ ናቤቴ ኮዪቴ።  
\v 2 ኣዪሲ ጎፔ፥ ዱማ ዱማ ቃላን ሃሳዪያ ኡራይ ፆሳው ሃሳዬፔ ኣቲን፥ ኣሳሲ ሃሳዬና። ኣዪሲ ጎፔ፥ ኢ ሃሳዪያዋ ኦኒኔ ኣኬኬና። ሺን ኣሳሲ ቆንጪቤና ዬዉዋ ኣያና ዎልቃን ሃሳዬ።  
\v 3 ሺን ናቢ ኣሳ ማዳናው፥ ዞራናዉኔ ሚኒሳናው ኣሳሲ ሃሳዬ።  
\v 4 ዱማ ዱማ ቃላን ሃሳዪያ ኡራይ ባሬና ማዴ። ሺን ናቢ ዎሳ ጎሊያ ማዴ። 
\p  
\v 5 ሂንቴንቱ ኡባይ ዱማ ዱማ ቃላን ሃሳያናዋ ታኒ ዶሳይ። ሺን ናቤቴ ሄዋፔ ኣዴ ዶሳይ። ኣዪሲ ጎፔ፥ ዱማ ዱማ ቃላን ሃሳዪያዌ ሄ ሃሳዬዳዋ ዎሳ ጎሊያ ማዳናው ቢሊያ ኣሳይ ዮፔ፥ ዱማ ዱማ ቃላን ሃሳዪያዋፔ ናቤቴይ ኣ። 
\p  
\v 6 ሺን ታናዳን ኣማኒያዋንቶ፥ ሃዒ ታኒ ሂንቴንቱኮ ባዴ፥ ዱማ ዱማ ቃላን ሃሳያዴ፥ ሳፃን ዎይ ኤራቴን ዎይ ናቤቴን ዎይ ታማሪሲያዋን ሂንቴንቱሲ ኦዳና ዮፔ፥ ታኒ ሂንቴንታ ኣያ ማዳይታ?  
\v 7 ሃራይ ኣቶ፥ ሼምፑ ባይናባይ ሱሱሊያ ጊዲና ዎይ ዲ ጊዲና ካዒዴ፥ ባሬ ካሳ ዱማቴ ኤሪሳና ዮፔ፥ ሱሱሊያ ፑኖፔኔ፥ ዎይ ዲ ዲፆፔ፥ ኣሳይ ዎቲዴ ኤራኔ?  
\v 8 ቃሲ ፁሩምባ ዋሱ ሎይ ኤሬታና ዮፔ፥ ኦላው ኦኔ ጊጌታናዌ?  
\v 9 ሃዋዳንካ፥ ቃሲ ዱማ ዱማ ቃላን ሂንቴ ሃሳዪያዌ ቆንጬ ጊዴናን ዮፔ፥ ሂንቴ ሃሳዪያዋ ኣሳይ ዎቲ ኣኬካኔ? ኣዪሲ ጎፔ፥ ጫርኩዋሲ ሂንቴ ሃሳዪታ። 
\p  
\v 10 ሃ ኣላሚያን ጮራ ቃላይ ዴዔ፤ ሺን ቢሌይ ባይና ቃላይ ኢቱኔ ባዋ።  
\v 11 ሺን ኢቲ ኣሳይ ሃሳዪያ ቃላ ታኒ ኤራና ዮፔ፥ ሄ ሃሳዪያዌ ታው ኢማ ጊዴ፤ ታኒካ ኣው ኢማ ጊዳይ።  
\v 12 ሃዋዳንካ፥ ቃሲ ጌሻ ኣያና ኢሞታ ሂንቴ ኣካናው ሎይ ኮዪያዋንታ ጊዲያ ዲራው፥ ዎሳ ጎሊያ ዲቻናው ማዳዋ ኡባባፔ ኣዴ ኮዪቴ። 
\p  
\v 13 ሄዋ ዲራው፥ ዱማ ዱማ ቃላን ሃሳዪያዌ ባሬ ሃሳዬዳዋ ቢላናው ዳንዳያና ማላ፥ ፆሳ ዎሶ።  
\v 14 ኣዪሲ ጎፔ፥ ታኒ ዱማ ዱማ ቃላን ፆሳ ዎሶፔ፥ ታ ኣያናይካ ዎሴ፤ ሺን ታ ጋርሳ ቆፋይ ኣይኔ ጎዔቴና።  
\v 15 ያቲና፥ ታኒ ዎቶ? ታኒ ታ ኣያናን ፆሳ ዎሳና፤ ቃሲ ታ ቆፋንካ ፆሳ ዎሳና። ታ ኣያናን ዬፃና፤ ቃሲ ታ ቆፋንካ ዬፃና።  
\v 16 ሄዋ ጊዳና ዮፔ፥ ኔኒ ኔ ኣያና ፃላላን ፆሳ ጋላቲያዋ ጊዶፔ፥ ሄ ሳዓን ኔኒ ጊያዋ ኤሬና ኣሳይ ኔኒ ፆሳ ጋላቲያዋ ኤሬናን፥ ኔኒ ጋላቴዳዋን ዎቲዴ፥ «ኣሜንዒ» ጋኔ?  
\v 17 ኔኒ ፆሳ ጋላቲያዌ ሎዓ፤ ሺን ሄዌ ዮኮ ቢታኒያ ማዴና። 
\p  
\v 18 ታኒ ዱማ ዱማ ቃላን ሂንቴ ኡባፔ ኣዴ ሃሳዪያ ዲራው፥ ፆሳ ጋላታይ።  
\v 19 ሺን ታኒ ዎሳ ጎሌን ሃራቱዋ ታማርሳናው ዱማ ዱማ ቃላን ታሙ ሻዓ ቃላቱዋ ሃሳዪያዋፔ ኢቼሹ ቃላቱዋ ታ ዎዛና ቆፋን ሃሳያናው ዶሳይ። 
\p  
\v 20 ታናዳን ኣማኒያዋንቶ፥ ሂንቴ ኢታ ዬዉዋን ጉ ናና ማላ ጊዳናፔ ኣቲን፥ ቆፋን ጉ ናና ማላ ጊዶፒቴ፤ ሂንቴ ጋርሳ ቆፋን ዎዛናማቱዋ ጊዲቴ።  
\v 21 ፆሳ ማፃፋን፥ 
\q1 «ጎዳይ፥ ‹ታኒ ሃ ኣሳው፥ 
\q2 ዱማ ዱማ ቃላን ሃሳዪያ ኣሳኒኔ 
\q2 ኢማቱዋ ዶናን ሃሳያና። 
\q1 ሺን ሄዋንካ፥ 
\q2 ታኒ ጊያዋ ኡንቱንቱ ሲሲኪኖ› ያጌ» 
\m ጌቴቲዴ ፃፌቴዳ። \x - \xo 14:21 \xt ኢሳ 28፡11-12\x* 
\p  
\v 22 ሲሚ ዱማ ዱማ ቃላን ሃሳዪያዌ ኣማኔናዋንቱሲ ማላታ ጊዲያዋፔ ኣቲን፥ ኣማኒያዋንቱሲ ማላታ ጊዴና። ቃሲ ናባቱዋፔ ሃሳዬቲያዌ ኣማኒያዋንቱሲ ማላታ ጊዲያዋፔ ኣቲን፥ ኣማኔናዋንቱሲ ማላታ ጊዴና። 
\p  
\v 23 ሄዋ ዲራው፥ ኣማኒያ ኣሳይ ኡባይ ኢቲፔ ሺቂዴ፥ ቃሲ ኡባይካ ዱማ ዱማ ቃላን ሃሳዮፔ፥ ታማሪቤና ኣሳይ ዎይ ኣማኔና ኣሳይ ጌሊዴ፥ ሂንቴንታ ኡባ፥ «ጎዪታ» ጌኔ?  
\v 24 ሺን ታማሪቤና ኣሳይ ዎይ ኣማኔና ኣሳይ ዎሳ ጎሌ ጌሊያ ዎዴ፥ ኣሳይ ኡባይ ቲምቢቲያ ኦዶፔ፥ ኢ ባሬ ሲሲያዋን ባሬ ናጋራ ኣኬኬ። ቃሲ ሄ ሲሴዳባ ኡባንካ ኢ ፒርዴታና።  
\v 25 ኣ ዎዛናን ጌሜዳ ቆፋይካ ቆንጫና። ሃዋዳንካ ቃሲ፥ «ፆሳይ ቱሙ ሂንቴ ጊዶን ዴዔ» ያጊዴ ማርካቲዴ፥ ጉፋኒዴ ፆሳው ጎዪናና። 
\s1 ኣሳይ ኢቲፔ ዎሲያ ዎዴ ዴዓናው ቤሲያ ዎጋ 
\p  
\v 26 ሲሚ ታናዳን ኣማኒያዋንቶ፥ ኣዬ? ሂንቴንቱ ኢቲፔ ሺቂያ ዎዴ፥ ሁጲያን ሁጲያን፥ ኢቱዋሲ ማዚሙሪ ዴዔ፤ ኢቱዋሲ ታማሪሲያዌ ዴዔ፤ ኢቱዋሲ ሳፃይ ዴዔ፤ ቃሲ ኢቱዋሲ ዱማ ዱማ ቃላን ሃሳዪያዌ ዴዔ፤ ኢቱዋሲ ቢሊያዌ ዴዔ። ኡባይካ ዎሳ ጎሊያ ማዲያዋ ጊዳናው ቤሴ።  
\v 27 ኦኒኔ ዱማ ዱማ ቃላን ሃሳዮፔ፥ ላዑ ጊዲዴ፥ ዎይ ዳሮፔ ሄዙ ጊዲዴ፥ ካላን ካላን ሃሳያናው ቤሴ። ቃሲ ሃራ ኢቱ ኡንቱንቱ ሃሳዬዳዋ ቢሎ።  
\v 28 ሺን ቢሊያ ኣሳይ ዮፔ፥ ዱማ ዱማ ቃላን ሃሳዪያዌ ዎሳ ጎሊያን ጮዑ ጎ። ባሬ ሁጴዉኔ ፆሳው ሃሳዮ። 
\p  
\v 29 ናባቱካ ላዑ ጊዲዴ ዎይ ሄዙ ጊዲዴ ሃሳዪኖ። ቃሲ ሃራንቱ ኡንቱንቱ ጊያዋ ሻኪኖ።  
\v 30 ሺን ፆሳይ ሄ ሳዓን ኡቴዳ ሃራሲ ኢቲባ ቆንጪሶፔ፥ ካሴና ሃሳዪያዌ ጮዑ ጎ።  
\v 31 ኣዪሲ ጎፔ፥ ኡባይ ታማራና ማላኔ ኡባይ ሚናና ማላ፥ ካላን ካላን ቲምቢቲያ ኦዳናው ዳንዳዪታ።  
\v 32 ቲምቢቲያ ኦዲያዋንቱ ኢሞታይ ኡንቱንቶ ኣዛዜቴ።  
\v 33 ኣዪሲ ጎፔ፥ ፆሳይ ሳሮቴ ፆሳፔ ኣቲን፥ ጫቡዋ ፆሳ ጊዴና። 
\p ጌሻቱ ዎሳ ጎሌቱዋ ኡባን፥  
\v 34 ማጫዋንቱ ሺቁዋ ጋርሳን ጮዑ ጊኖ። ኣዪሲ ጎፔ፥ ኣዪሁዳቱዋ ሂጊ ጊያዋዳንካ ኡንቱንቱ ሞዴታናፔ ኣቲን፥ ሺቁዋ ጋርሳን ሃሳያናው ኡንቱንቶ ማቲ ባዋ።  
\v 35 ማጫዋንቱ ሺቁዋ ጋርሳን ሃሳዪያዌ ፖኮ ጊዲያ ዲራው፥ ኣዬንቶ ኤራናው ኮዮፔኔ ሶዪን ባሬንቱ ኣሲና ኦቺኖ። 
\p  
\v 36 ፆሳ ቃላይ ኮይሮ ሂንቴፔ ዬዴ? ዎይ ሂንቴ ፃላላኮ ዬዴ?  
\v 37 ኦኒኔ ባሬና ናቢያ ዎይ ፆሳ ኣያናይ ዴዒያ ኣሳ ያጊዴ ቆፖፔ፥ ታኒ ሂንቴንቶ ፃፊያዌ ጎዳ ኣዛዙዋ ጊዲያዋ ኣኬኮ።  
\v 38 ሺን ኦኒኔ ኣኬካና ዮፔ፥ ኣኬኮፖ ባሺ ኣጎ። 
\p  
\v 39 ሄዋ ዲራው፥ ታናዳን ኣማኒያዋንቶ፥ ቲምቢቲያ ኦዳናው ሎይ ኣሞቲቴ። ቃሲ ዱማ ዱማ ቃላን ሃሲያዋካ ዲጎፒቴ።  
\v 40 ሺን ኡባባይካ ዎጋኒኔ ማራን ሃኖ። 
\c 15  
\s1 ኪሪስቶሲ ሃይቁዋፔ ዴንዴዳባ 
\p  
\v 1 ታናዳን ኣማኒያዋንቶ፥ ታኒ ሂንቴንቶ ኦዴዳ ሚሺራቹዋ ቃላ ሂንቴ ኣኬዳዋኔ ቃሲ ሂንቴ ኣማኑ ኣኒ ኤቄዳዋ ሂንቴንታ ቆፔይ።  
\v 2 ሂንቴንቱ ኣማኑ ሜላ ጊዳና ዮፔ፥ ቃሲ ታኒ ሂንቴንቶ ኦዴዳ ቃላ ሎይ ኦይቆፔ፥ ሂንቴ ሄ ሚሺራቹዋ ቃላን ኣቴዲታ። 
\p  
\v 3 ኣዪሲ ጎፔ፥ ታኒ ቃሲ ኣኬዳዋ ኡባባፔ ኣዴ ኮሺያዋ ካሴታዴ ሂንቴንቱሲ ኢማዲ። ሄዌ ኣዬ ጎፔ፥ ፆሳ ማፃፋይ ጊያዋዳን፥ ኪሪስቶሲ ኑ ናጋራ ዲራው \x - \xo 15:3 \xt ኢሳ 53፡5-12\x* 
\v 4 ሃይቂዴ ሞጌቴዳ። ፆሳ ማፃፋይ ጊያዋዳንካ፥ ሄዜንያ ጋላሲ ሃይቁዋፔ \x - \xo 15:4 \xt ማዝ 16፡8-10፤ ማት 12፡40፤ ኪት 2፡24-32\x* 
\v 5 ዴንዲዴ፥ ጴፂሮሳው ቆንጬዳ። ሄዋፔ ጉዪያን፥ ባሬ ኪቴዳ ታማኔ ላዓቶ ቆንጬዳ። \x - \xo 15:5 \xt ማት 28፡16-17፤ ማር 16፡14፤ ሉቅ 24፡34፣ 36፤ ዮህ 20፡19\x* 
\v 6 ሄዋፔ ጉዪያን፥ ኢቼሹ ፄቱዋፔ ዳሪያ ባሬና ካሊያ ኣሳው ኢቲ ካላ ቆንጬዳ። ኡንቱንቱፔ ዳሪያ ባጋይ ሃኖ ጋካናሲካ ፓፃ ዴዒኖ፤ ሺን ኣማሬዳዋንቱ ሃይቄዲኖ።  
\v 7 ሄዋፔ ጉዪያን፥ ያዪቆባው ቆንጬዳ፤ ጉዬፔ ባሬ ኪቴዳ ኡባቶ ቆንጬዳ። 
\p  
\v 8 ቃሲ ኡባፔ ዉርሴን፥ ዎዲ ጋኬናን ዬሌቴዳ ታዉካ ቆንጬዳ። \x - \xo 15:8 \xt ኪት 9፡3-6\x* 
\v 9 ኣዪሲ ጎፔ፥ ዬሱሲ ኪቴዳ ኡባፔ ታኒ ላፋ፤ ታኒ ፆሳ ዎሳ ጎሊያ ዋዪሴዳ ዲራው፥ ዬሱሲ ኪቴዳዋ ጌቴታዴ ፄሴታናዉካ ቤሲኬ።  
\v 10 ሺን ፆሳ ኣ ኬካቴን ታኒ ታናካ። ቃሲ ታው ኢ ኢሜዳ ኣ ኬካቴይ ሜላ ጊዲቤና፤ ሺን ታኒ ኡንቱንታ ኡባፔ ኣዴ ኦዲ። ሺን ታናና ዴዒያ ፆሳ ኣ ኬካቴይ ኦዳፔ ኣቲን፥ ታና ጊዲኬ።  
\v 11 ሲሚ ታና ጊዶፔካ፥ ዎይ ኡንቱንታ ጊዶፔካ፥ ኑኒ ኡባይ ኦዲያዌ ሃዋ፤ ሂንቴንቱካ ሃዋ ኣማኔዲታ። 
\s1 ኣሳይ ሃይቁዋፔ ዴንዳናባ 
\p  
\v 12 ኪሪስቶሲ ሃይቁዋፔ ዴንዴዳዋ ኦዲያዋ ጊዶፔ፥ ሂንቴንቱፔ ኢቲ ኢቲ ኣሳቱ ያቲና ዎቲዴ፥ «ሃይቄዳ ኣሳይ ሃይቁዋፔ ዴንዴና» ያጊኖ?  
\v 13 ሃይቄዳ ኡራይ ሃይቁዋፔ ዴንዲቤናዋ ጊዶፔ፥ ያቲና ሄኮ ኪሪስቶሲካ ሃይቁዋፔ ዴንዲቤና ጊያዋ።  
\v 14 ኪሪስቶሲ ሃይቁዋፔ ዴንዲቤናዋ ጊዶፔ፥ ያቲና ኑኒ ኦዲያዌካ ሜላ፤ ቃሲ ሂንቴ ኣማኑካ ሜላ።  
\v 15 ቃሲ ኑኒ፥ «ኪሪስቶሳ ሃይቁዋፔ ዴንዳ» ያጊዴ ፆሳባ ማርካቴዳ ዲራው፥ ኣ ዎርዶ ማርካቱዋ ጊዲዴ ቤቴዶ። ሺን ሃይቄዳዋንታ ሃይቁዋፔ ኢ ዴንቤናዋ ጊዶፔ፥ ኪሪስቶሳካ ዴንቤና።  
\v 16 ኣዪሲ ጎፔ፥ ሃይቄዳዋንቱ ሃይቁዋፔ ዴንዴናዋ ጊዶፔ፥ ሲሚ ኪሪስቶሲካ ዴንዲቤና።  
\v 17 ኪሪስቶሲ ሃይቁዋፔ ዴንዲቤናዋ ጊዶፔ፥ ሂንቴ ኣማኑካ ሜላ፤ ቃሲ ሂንቴ ሃዋ ጋካናዉካ ናጋራና ዴዒታ።  
\v 18 ሲሚ ኪሪስቶሳ ኣማኒዴ ሃይቄዳዋንቱካ ቃሲ ዬዲኖ ጊያዋ።  
\v 19 ኑኒ ሃ ዴዑዋ ፃላላው ኪሪስቶሳን ሂዶቴዳ \f + \fr 15:19 \fq ሂዶታ፡ \ft ኪሪስቶሳን ኑ ዎዳ ኑ ኡባ ሂዶታይ፥ ሃ ኣላሚያን ዴዑዋሳ ጊዶፔ፥ ሃ ኣላሚያን ዴዒያ ሃራ ኣሳቱዋ ኡባፔካ ኑባይ ኣዴ ኢታ፥ ጉሳ።\f* ጊዶፔ፥ ሃ ኣላሚያን ዴዒያ ኣሳ ኡባፔካ ኑባይ ሎዔና። 
\p  
\v 20 ሺን ኪሪስቶሲ ሃይቄዳዋንቱ ዴንዱዋሲ ባይራ ጊዲዴ፥ ሃይቁዋፔ ዴንዴዳዌ ቱማ።  
\v 21 ኣዪሲ ጎፔ፥ ሃይቁ ኢቲ ኣሳ ባጋና ሃ ኣላሚያ ዬዳ፥ ሃይቄዳዋንቱ ዴንዱካ ቃሲ ኢቲ ኣሳ ባጋና ዬዳ።  
\v 22 ኣዪሲ ጎፔ፥ ኣሳይ ኡባይ ኣዳማና ኢቲፔቴ ሜዳ ዲራው ሃይቄዳዋዳን፥ ኪሪስቶሳና ኢቲፔቴ ሜዳ ዲራው፥ ኡባይ ዴዑዋሲ ዴንዳና።  
\v 23 ሺን ኡባይካ ባሬ ካላን ካላን ዴንዳና። ኪሪስቶሲ ኡባፔ ካሴቲዴ ዴንዴዳ፤ ሄዋፔ ጉዪያን፥ ኪሪስቶሳዋንቱ ኪሪስቶሲ ዪያ ዎዴ ዴንዳና። 
\p  
\v 24 ሄዋፔ ጉዪያን፥ ኪሪስቶሲ ማታ ኡባ፥ ጎዳቴ ኡባኔ ዎሊቃ ኡባ ዪሲዴ፥ ፆሳው ባሬ ኣቦ ካዉቴ ኢሚያ ዎዴ፥ ዎዲያ ዉርሴይ ያናዋ።  
\v 25 ኣዪሲ ጎፔ፥ ፆሳይ ኣ ሞርኬቱዋ ኡባ ኣ ጌዲያፔ ጋርሳና ዎና ጋካናው፥ ኪሪስቶሲ ሞዳናው ቤሴ። \x - \xo 15:25 \xt ማዝ 110፡1\x* 
\v 26 ኡባፔ ዉርሴን ዪዴ ዴዒያ ሞርኪ ሃይቁዋ።  
\v 27 ኣዪሲ ጎፔ፥ ፆሳ ማፃፋይ፥ «ፆሳይ ኡባባ ኣ ጌዲያፔ ጋርሳና ዎዴ ሞዲሴዳ» ያጌ። ሺን ኡባባ ኣ ጌዲያፔ ጋርሳና ዎዴ ሞዲሴዳ ጊያ ዎዴ፥ ኡባባ ኦዳ ፆሳፔ ኣቲን፥ ዮኮ ኡባይ ሞዴቴዳ ጊያዌ ቆንጬ። \x - \xo 15:27 \xt ማዝ 8፡6\x* 
\v 28 ሺን ኡባባይ ኪሪስቶሳው ሞዴቴዳዋፔ ጉዪያን፥ ኪሪስቶሲ ቃሲ ባሬ ሁጴው ኡባባ ባሬና ሞዲሴዳ ፆሳው ሞዴታና። ፆሳይ ቃሲ ኡባባ ዉርሲዴ ሞዳና። 
\p  
\v 29 ሄዋ ጊዳና ዮፔ፥ ሃይቄዳዋንቱ ኮታ ፃማቄቲያዋንቱ ኣያ ኦኖ? ሃይቄዳዋንቱ ኡባካ ዴንዴናዋ ጊዶፔ፥ ኣሳይ ሃይቄዳዋንቱ ኮታ ኣዪሲ ፃማቄቲ? 
\p  
\v 30 ያቲና፥ ኑኒ ኡባ ዎዴ ኣዪሲ ሃሳዬና ሜቱዋን ጌሌቶ?  
\v 31 ታናዳን ኣማኒያዋንቶ፥ ታኒ ኑ ጎዳ ኪሪስቶሳ ዬሱሳን ታው ዴዒያ ሂንቴናን ጬቄታዴ፥ ጋላሳን ጋላሳን ሃይቃይ።  
\v 32 ታኒ ኤፌሶኔን ኣሳ ቆፋዳን ዱዓና ባፄቴዳዌ ታና ኣያ ማዲ? ሺን ሃይቄዳዋንቱ ሃይቁዋፔ ዴንዴናዋ ጊዶፔ፥ 
\q1 «ሲሚ ሞይቴኔ ኡሾይቴ፤ 
\q2 ኣዪሲ ጎፔ፥ ኑኒ ዎንቲ ሃይቃና» ጊያዋ ማላ። \x - \xo 15:32 \xt ኢሳ 22፡13\x* 
\p  
\v 33 ጪሜቶፒቴ፤ ኢታ ላጌቴይ ሎዖ ሃኖታ ባዪዜ።  
\v 34 ፂሎቴኮ ሲሚቴ። ናጋራ ኦፒቴ። ሂንቴንቱፔ ኢቲ ኢቲ ኣሳይ ፆሳ ኤሬና፤ ታኒ ሃዋ ሂንቴንታ ዬላያናው ጋይ። 
\s1 ሃይቁዋፔ ዴንዴዳ ቦላ ሃኖታ 
\p  
\v 35 ሺን ኢቲ ኣሳይ፥ «ሃይቄዳ ኣሳይ ዋኒዴ ዴንዳኔ? ኡንቱንቱ ኣያ ማላ ቦላና ያኔ?» ያጌናን ኣጌና።  
\v 36 ኔኖ ኤያው፥ ኔኒ ጋዲያን ዜሪያ ዜሬይ ሃይቄናን ሞኬና።  
\v 37 ኔኒ ዜሪያዌ ዛርጋ ጊዲና ዎይ ሃራ ቆሞ ካ ጊዲና፥ ኣይፊያ ፃላላፔ ኣቲን፥ ላሚ ዶሊዴ ኬሲያዋ ጊዴና።  
\v 38 ሺን ፆሳይ ዜሬው ባሬ ዶሴዳ ቦላ ኢሜ፤ ቃሲ ዜሬ ኡባሲካ ሁጲያን ሁጲያን ኡንቱንቱ ቦላ ኢሜ።  
\v 39 ሜታ ኡባ ኣሹ ኢቱዋ ጊዴና። ሺን ኣሳ ኣሹ ኢቱዋ፤ ሜሂያ ኣሹ ዱማ፤ ካፋቱዋ ኣሹካ ዱማ፤ ቃሲ ሞሊያ ኣሹካ ዱማ። 
\p  
\v 40 ቃሲ ሳሉዋ ኣሳቴቱኔ ሳዓ ኣሳቴቱ ዴዒኖ። ሺን ሳሉዋ ቦላ ቦንቹ ዱማ፤ ቃሲ ሳዓ ቦላ ቦንቹ ዱማ።  
\v 41 ኣዋይፊያሲ ኣ ሁጴ ቦንቹ ዴዔ። ኣጌናሲካ ኣ ሁጴ ቦንቹ ዴዔ። ቃሲ ፆሊንታቱዋሲካ ዱማ ቦንቹ ዴዔ፤ ኣያው ጎፔ፥ ኢቲ ፆሊንቲ ዮኮ ፆሊንቲያፔ ቦንቹዋን ዱማቴ። 
\p  
\v 42 ቃሲ ሃይቄዳዋንቱ ሃይቁዋፔ ዴንዲያ ዎዴ ሄዋዳን ሃናና፤ ሃይቂያ ቦላይ ሞጌቲዴ፥ ሃይቄና ቦላ ጊዲዴ ዴንዳና።  
\v 43 ቦላይ ቶሺያን ሞጌቲዴ፥ ቦንቹዋን ዴንዳና። ቃሲ ዳቡራን ሞጌቲዴ፥ ዎልቃን ዴንዳና።  
\v 44 ሜታ ቦላይ ሞጌቲዴ፥ ጌሻ ኣያናን ካሌሴቲያ ቦላ ጊዲዴ ዴንዳና። ሜታ ቦላይ ዴዖፔ፥ ቃሲ ጌሻ ኣያናን ካሌሴቲያ ቦላይካ ዴዔ። 
\p  
\v 45 ሃዋዳንካ፥ ቃሲ ፆሳ ማፃፋን፥ «ኮይሮ ቢታኒ፥ ኣዳሚ፥ ፓፃ ዴዒያ ኣሳ ጊዲዴ ሜቴዳ» ያጌ። ሺን ዉርሴ ኣዳሚ ዴዑዋ ኢሚያ ኣሳ ጊዴዳ። \x - \xo 15:45 \xt ዶም 2፡7\x* 
\v 46 ሺን ሜታ ኣሳይ ኮይሮ ዪና፥ ጌዶፔ ኣያና ኣሳይ ዬዳፔ ኣቲን፥ ኣያናዌ ኮይሮ ዪቤና።  
\v 47 ኮይሮ ኣዳሚ ቢታፔ ሜቴዳ፤ ኢ ቢታፔ ሜቴዳዋ። ላዔንዋ ኣዳሚ ሳሉዋፔ ዬዳ።  
\v 48 ሃ ሳዓ ኣሳቱ ቢታፔ ሜቴዳዋ ማላቲኖ። ቃሲ ሳሉዋ ኣሳቱ ሳሉዋፔ ዬዳዋ ማላቲኖ።  
\v 49 ኑኒ ቢታፔ ሜቴዳዋ ማላ ማዬዳዋዳን፥ ሳሉዋፔ ዬዳዋ ማላካ ቃሲ ማያና። 
\p  
\v 50 ታናዳን ኣማኒያዋንቶ፥ ታኒ ጊያዌ ሃዋ፤ ኣሹኔ ሱይ \f + \fr 15:50 \ft ሃ ሳዓ ቦላ ዴዒዴ ኣሳይ ማዬዳ ኣሹዋኔ ሱ፥ ጉሳይ ሃ ኣላሚያ ኣሳቴ ጉሳ።\f* ፆሳ ካዉቴ ላታና ዳንዳዬና። ቃሲ ዎቂያዌ ዎቄናዋ ላቴና። 
\p  
\v 51-52 ሲሲቴ! ታኒ ሂንቴንቶ ኢቲባ ፁራይ። ኑኒ ኡባይ ሃይቆኮ። ሺን ዉርሴ ፁሩምባይ ፑኔቲያ ዎዴ፥ ሊጴዳ ኣይፊ ፄላናሲ ዎዛና ኣናን ላሜታና። ኣዪሲ ጎፔ፥ ፁሩምባይ ፑኔቲያ ዎዴ፥ ሃይቄዳ ኣሳይ ዎቄና ኣሳ ጊዲዴ ዴንዳና፤ ኑኒካ ላሜታና። \x - \xo 15:51-52 \xt 1ቴስ 4፡15-17\x* 
\v 53 ኣዪሲ ጎፔ፥ ሃዌ ዎቂያዌ ዎቄናዋ ማያናው ቤሴ፤ ቃሲ ሃዌ ሃይቂያዌ ሃይቄናዋ ማያናው ቤሴ። 
\p  
\v 54 ሺን ሃዌ ዎቂያዌ ዎቄናዋ ማዪያ ዎዴ፥ ቃሲ ሃዌ ሃይቂያዌ ሃይቄናዋ ማዪያ ዎዴ፥ ሄ ዎዴ፥ ፆሳ ማፃፋይ፥ 
\q2 «ሃይቁ ፆኔቲዴ ሚቴቴዳ። \x - \xo 15:54 \xt ኢሳ 25፡8\x* 
\q1  
\v 55 ሃይቆ፥ ኔ ዪሻይ ሃቃኔ? 
\q2 ሃይቆ፥ ኔ ፆኑ ሃቃኔ?» 
\m ጌዳ ቃላይ ፖሌታና። \x - \xo 15:55 \xt ሆስ 13፡14\x* 
\v 56 ሃይቁ ዱኪያ ዎልቃ ናጋራፔ ዴሜ፤ ቃሲ ናጋራይ ዎልቃ ሂጊያፔ ዴሜ።  
\v 57 ሺን ኑ ጎዳ ዬሱሲ ኪሪስቶሳ ባጋና ኑና ፆኒሲያ ፆሳ ጋላታይ ጋኮ። 
\p  
\v 58 ታኒ ሲቂያ ታናዳን ኣማኒያዋንቶ፥ ሄዋ ዲራው፥ ቃፄናን ሚኒ ኤቂቴ። ሂንቴንቱ ዳቡራይ ጎዳ ባጋና ሜላ ጊዴናዋ ኤሪዴ፥ ኡባ ዎዴ ጎዳ ኦሱዋ ኣዛሌናን ኦቴ። 
\c 16  
\s1 ዬሩሳላሜን ዴዒያ ኣማኒያ ኣሳው ሺቄዳ ሚሻ ማዱዋ 
\p  
\v 1 ፆሳ ኣሳቶ ሚሻ ሺሻናው ጋላቲያን ዴዒያ ኣማኒያ ኣሳቶ ታኒ ቃላ ጌሌዳዋዳን፥ ሂንቴንቱካ ቃሲ ሄዋዳን ኦቴ።  
\v 2 ሂንቴንቱ ታኒ ያ ቢያ ዎዴ፥ ሚሻ ሺሼና ማላ፥ ሂንቴ ኡባይ ዎጋ ጋላሲ ጋላሲ፥ ሂንቴ ዴሚያ ኬናፔ ሂንቴ ጎሌን ዳጋዪቴ።  
\v 3 ታኒ ያ ጋኪያ ዎዴ፥ ሂንቴ ኣማኒያ ኣሳ ኦና ጊዶፔኔ፥ ሂንቴ ኢሜዳዋ ጋና ማላ፥ ዳቢዳቢያና ኡንቱንታ ዬሩሳላሜ ኪታና።  
\v 4 ቃሲ ታኒ ኡንቱንቱና ባናው ኮሾፔ፥ ኡንቱንቱ ታናና ኢቲፔ ባናዋንታ። 
\s1 ጳዉሎሳ ቆፋቱዋ 
\p  
\v 5 ታኒ ማቂዶኒያና ኣዴ፥ ሂንቴንቱኮ ባና፤ ኣዪሲ ጎፔ፥ ታኒ ማቂዶኒያና ኣይ።  
\v 6 ታኒ ቢያሳ ሃቃ ጊዶፔኔ፥ ታ ቡሳን ሂንቴ ታና ማዳና ማላ፥ ሂንቴ ማታን ኣማሬዳ ዎዲያ ጋሚዔናን ኣጊኬ። ዎይ ባልጉዋካ ሂንቴ ማታን ሻጬናን ዋያ ኣጋና።  
\v 7 ኣዪሲ ጎፔ፥ ታኒ ሃዒ ያና ኣዴ ሄ ኦጊያና ሂንቴንታ ቤዓናው ኮዪኬ። ጎዳይ ጎፔ፥ ሂንቴ ማታን ኣማሬዳ ዎዲያ ታካናው ቆፓይ። 
\p  
\v 8 ሺን ታኒ ጴንፄቆስቴ ጊያ ጋላሳይ ጋካናው ኤፌሶኔን ጋሚዓና።  
\v 9 ታው ኦሱ ኩሜዳ ኣኮ ፔንጊካ ያኒ ዶዬቴዳ። ቃሲ ታው ጮራ ሞርኬቱ ዴዒኖ። 
\p  
\v 10 ፂሞቶሴ ሂንቴንቱኮ ዮፔ፥ ሂንቴ ማታን ኢ ያዬናን ዴዓናዳን፥ ኣ ሎይ ኦይቂቴ። ኣዪሲ ጎፔ፥ ኢካ ቃሲ ጎዳ ኦሱዋ ኦ።  
\v 11 ሄዋ ዲራው፥ ኦኒኔ ኣ ካፖ። ሺን ኢ ታኮ ሳሮ ሲማና ማላ፥ ኣ ማዲዴ ሳሮቴን ሞዪዚቴ። ኣዪሲ ጎፔ፥ ታኒ ኢ ኢሻቱዋና ሲማናዋ ናጋ ኡታዲ። 
\p  
\v 12 ሺን ኑ ኢሻ ኣጲሎሲ ዮኮ ኢሻቱዋና ሂንቴንቱኮ ባና ማላ፥ ታኒ ኣ ሚኒሳ ዎሳዲ። ሺን ሃዒ ሂንቴንቱኮ ባናው ኮዪቤና፤ ኢ ባሬው ሚኪያ ዎዴ ሂንቴንቱኮ ባናዋ። 
\s1 ዉርሴ ዞሪያኔ ሳሮታ 
\p  
\v 13 ቤጎቲቴ። ኣማኑዋን ሚኒ ኤቂቴ። ፃሊቴ። ጎቢቴ።  
\v 14 ኦሱዋ ኡባ ሲቁዋን ኦቴ። 
\p  
\v 15-16 ታናዳን ኣማኒያዋንቶ፥ ኢስፂፋኖሲኔ ኣ ሶይ ኣሳይ ጊሪኬን ኮይሮ ኣማኔዳዋንታ ጊዲያዋኔ ፆሳ ኣሳቱዋሲ ኦናው ባሬንታ ኢሜዳዋ ሂንቴ ኤሪታ። ሂንቴንቱካ ኡንቱንቱ ማላ ኣሳሲኔ፥ ኡንቱንቱና ኦያ ኡባው ዳቡሪያ ኡባው ኤኖ ጋናዳን፥ ታኒ ሂንቴንታ ዎሳይ። 
\p  
\v 17 ኢስፂፋኖሲ፥ ፓርዶናፂሲኔ ኣካይቆሲ ሂንቴ ባይናሳን ታና ቦራሲሲቤና ዲራው፥ ኡንቱንቱ ዩሳን ታኒ ናሼታይ።  
\v 18 ኡንቱንቱ ሂንቴንታ ኣያናን ሚኒሴዳዋዳን፥ ታናካ ኣያናን ሚኒሴዳ ዲራው፥ ሄዋንቱ ማላ ኣሳቱዋ ዶጎፒቴ። 
\p  
\v 19 ኢሲያን ዴዒያ ኣማኒያ ኣሳይ ሂንቴንታ፥ «ሳሬ፥ ሎዔ» ጊኖ። ኣቂላይኔ ጲሪስቂላ ባሬንቱ ሶዪን ሺቂያ ዎሳ ጎሌ ኣሳናካ ሂንቴንቶ ጎዳ ሳሮታ ዎዛናፔ ኪቲኖ።  
\v 20 ኢሻቱ ኡባይ ሂንቴንቱሲ ሳሮታ ኪቲኖ። 
\p ኢቱ ኢቱዋና ጌሻ ዬሬታ ዬሬቲዴ ሳሮቴቲቴ።  
\v 21 ታኒ ጳዉሎሲ ሃ ሳሮታ ታ ኩሺያን ፃፋዲ። 
\p  
\v 22 ጎዳ ዬሱሲ ኪሪስቶሳ ሲቄና ኣሳይ ዴዖፔ፥ ኢ ሼቄቴዳዋ ጊዶ። ኑ ጎዳው፥ ሃያ። 
\p  
\v 23 ጎዳ ዬሱሲ ኪሪስቶሳ ኣ ኬካቴይ ሂንቴንቱና ጊዶ። 
\p  
\v 24 ኪሪስቶሳ ዬሱሳን ዴዒያ ሂንቴንቱ ኡባና ታ ሲቁ ጊዶ። ኣሜንዒ።