\id PSA - Lokpa Bible portions [dop] -Benin 1999 (web edition -2017)
\ide UTF-8
\h Yontu
\toc1 YONTU NTI PA YOONA ƖSƆ HƎTƐ TƆ TƎ TAKƎLAƔA Kʋtʋlʋtʋ
\toc2 Yontu
\toc3 Yontu
\mt1 YONTU
\mt2 NTI PA YOONA ƖSƆ HƎTƐ TƆ TƎ TAKƎLAƔA
\mt1 Kʋtʋlʋtʋ
\ip Tɑkəlɑɣɑ kɑnɛ kɑ kɛ́ Yontu nɑ Ɩsɔ sələmʋɣʋ kɛ́. Nɑ ŋmɑɑlɑɑ wɑɑnɩ wɑɑnɩ ŋmɑɑnɑ-təɣɩ pɩɩsɩ pɑɣɑlɛ tɑɑ. Ɩlɛnɑ Ɩsɛɣɛlɩ nyə́mɑ koti-tɩ nɑ pɑ́ lɑkənɑ-təɣɩ pɑ Ɩsɔ təsɛɛlɛ.
\ip Ɩsɔ Tɔm Yontu ntɩ tə wɛ mpɑɑ mpɑɑ kɛ́. Lɛntɩ kɛ́ Ɩsɔ sɑmtʋ yontu kɛ Ɩsɔ təsɛɛlɛ. Lɛntɩ kɛ́ Ɩsɔ sələmʋɣʋ sɩ ɩ́ sənɑ nɑ ɩ́ kenti ɩ yəlɑɑ tɔɔ nɑ ɩ́ yɑ́ pɑ nyʋɣʋ. Lɛntɩ kɛ kʋpəntəŋ tisuɣu kɛ́ sɩ Ɩsɔ ɩ́ tɑɣɑnɩ pɑ təwɑkəllɛ. Lɛntɩ sɩ pɑ́ sɛɛnɑ Ɩsɔ kɛ́ ɩ́ nɑ təmlɛ kɛ ɩ koolɑ-wɛɣɛ kʋpɑntʋ tɔ pə tɔɔ. Lɛntɩ ɩlɛ, pɑ wiikinɑ Ɩsɔ sɩ ɩ́ hɔ pɑ kolontunɑɑ ŋkpɑŋʋɣʋ.
\ip Yesu mɑɣɑmɑɣɑ tʋwɑ yontunɑɑ lɛmpɑ kɛ ɩ sɛɣɛsʋɣʋ tɑɑ. Ɩlɛnɑ Nɔɣɔ Sɩɩʋ Kʋfɑlɑɣɑ ŋmɑɑlɑɑ tʋ-təɣɩ pɑ tɑkəlɑsɩ tɑɑ, hɑlənɑ sɑŋɑ yontunɑɑ mpɛ pɑ kɛ́ Ɩsɔ sɛɛlɑɑ pʋlʋ kʋpɑm kɛ́.
\is1 Yontu nɩɩnʋwɑ nɑ nɩɩlɛ nɑ nɑɑnʋwɑ (150) ɩnɩ ɩsənɑ pɑ fɑɣɑ-tɩ tɔɣɔlɔ.
\iq1 Kɑncɑɑlɑɣɑ nyəntʋ, titite 1–41
\iq1 Nɑɑlɛ nyəntʋ, titite 42–72
\iq1 Tooso nyəntʋ, titite 73–89
\iq1 Liɣiti nyəntʋ, titite 90–106
\iq1 Kɑkpɑsɩ nyəntʋ, titite 107–150
\c 1
\ms1 TAKƎLAƔA KANCAALAƔA NYƎŊKA
\r (Yontu 1–41)
\s1 Leleŋ nɩɩʋ mɑɣɑmɑɣɑ
\p
\v 1 Leleŋ nɩɩlʋ ntɛ́ yʋlʋ wei ɩɩ təŋəɣɩ ɑsɑɣɑɑ lɑɣɑtʋ
\q1 tɑsʋɣʋ, nɑ ɩɩ lɑkɩ mpɑ pɑ kisiɣi Ɩsɔ nyəntʋ tɔ pɑ kʋlɑpəlɛ
\q1 tɔ. Pəyele ɩ́ nɑ Ɩsɔ woŋlɑɑ pɑɑ cɑkɩ tɔ.
\q1
\v 2 Amɑ Tɑcɑɑ kʋsɛɣɛsətʋ hʋləsəɣənɑ ɩ lɑŋlɛ, nɑ ɩ́ kɑləɣɩ-tɩ
\q1 nɑ ɩ́ mɑɣɑsəɣɩ tə tɔm kɛ ɩ tɑɑ kɛ́ ilim nɑ ɑhoo.
\q1
\v 3 Ɩ wɛ kɛ́ ɩsɩɩ tʋɣʋ ŋku pɑ sɔwɑ kɑcəkɑ tɑɑ nɑ kʋ lʋləɣɩ
\q1 kʋ wɑɑtʋnɑɑ tɔ. Kʋ hɑtʋ ɩɩ lontiliɣi.
\q1
\v 4 Amɑ ɑsɑɣɑɑ nɑ́ fɛɩ mpʋ.
\q1 Pɑ wɛ kɛ́ ɩsɩɩ lɔɔtʋ nti heelim kpɑkəɣɩ tɔ.
\q1
\v 5 Pə tɔɔ kɛ́ pɑ kɑɑ tʋlɩ-təɣɩ Ɩsɔ hʋʋlɛ wule. Nɑ wɑkəllɑɑ
\q1 nɑ́ kɑɑ sʋʋ Ɩsɔ yəlɑɑ kpekəle tɑɑ.
\q1
\v 6 Mpi tɔ, Tɑcɑɑ pɑɑsəɣənɑ siɣisilɑɑ kɛ́.
\q1 Ɩlɛnɑ wɑkəllɑɑ mpɑɑʋ nɑ́ɑ́ wɑkələɣɩ-wɛ.
\c 2
\s1 Wulɑʋ wei Ɩsɔ ləsɑɑ tɔ
\p
\v 1 Pepe tɔɔ kɛ́ piitimnɑɑ cʋkɑ pə tɑɑ,
\q1 nɑ yəlɑɑ nɑ́ɑ́ hʋʋkɩ hʋwɛɛ kpɑɩ nyənɑ kɛ mpʋ?
\q1
\v 2 Nɑ ɑwulumpiyɑ nɑ́ɑ́ sɔɔsəɣɩ ɑtɛ ɑwulɑɑ tɔɔ sɩ, pɑ kʋləɣɩ
\q1 Tɑcɑɑ nɑ ɩ kʋləsʋ pɑ tɔɔ nɑ pɑ́ yoonɑ-wɛ.
\q1
\v 3 Nɑ pɑ́ tɔŋ sɩ pɑ́ cɛ pɑ hɔkʋtʋ nɑ pɑ́ lɩɩ ŋmɑkəlʋɣʋ tɑɑ.
\b
\q1
\v 4 Amɑ Tɑcɑɑ nɑ́ wɛ ɩ kumte tɔɔ kɛ́
\q1 ɩsɔtɑɑ kɛ́ nɑ ɩ́ woŋiɣi-wɛ.
\q1
\v 5 Nɑ ɩ́ nyɑɑsəɣɩ-wɛ nɑ ɩ pɑ́ɑ́nɑ́, nɑ ɩ́ kɑləɣɩ sɩ:
\q1
\v 6 Mɑ ləsənɑ mɑ wulɑʋ nɑ mɑ́ kpɑ-ɩ Siyɔŋ pʋɣʋ nɑŋŋ nyəŋkʋ
\q1 tɑɑ.
\b
\q1
\v 7 Mɑɑ yɑsɩ nti Tɑcɑɑ sɩɩwɑ tɔ.
\q1 Ɩ heelɑ-m sɩ: Nyɑɣɑlɛ mɑ pəyɑlʋ,
\q1 sɑŋɑ kɛ mɑ lʋlɑ-ŋ.
\q1
\v 8 Sɩ mɑ sələmɩ-ɩ piitimnɑɑ nɑ ɩ hɑ-m, nɑ ɑntulinyɑ tənɑ
\q1 pəsɩ mɑ nyəm.
\q1
\v 9 Mɑɑ ŋmɑkəlɩ-wɛ nɑ nyəɣəlʋɣʋ kpɑ́tʋɣʋ, nɑ mɑ́ fɑɣɑ-wɛɣɛ
\q1 hɔɣɔlɑsɩ ɩsɩɩ hɛɛʋ.
\b
\q1
\v 10 Awulɑɑ ɩ́ kpɑɣɑ ləmɑɣɑsɛɛ, nɑ ɑtɛ sɔsɑɑ nɑ́ɑ́ nɩɩ
\q1 kpɑɑlʋɣʋ.
\q1
\v 11-12 Sɩ pɑ́ pɛtɩ pɑ təɣɩ Tɑcɑɑ
\q1 nɑ pɑ́ nyɑŋnɑ-ɩ nɑ pɑ́ nyɩ ɩ sɔsɔɔntʋ tɔɔ,
\q1 nɑ pɑ́ wiliti nɑ pɑ́ həntɩ-ɩ ɑtɛ.
\q1 Pə́ tɑɑ kɔɔ nɑ ɩ́ mʋnɑ-wɛ nɑ pɑ́ɑ́nɑ́ nɑ pɑ́ le.
\q1 Mpi tɔ, ɩ pɑ́ɑ́nɑ́ ɩɩ lɑɑ kpɑʋ.
\q1 Leleŋ nɩɩlɑɑ ntɛ́ pɑ tənɑ mpɑ pɑ cɔɔsəɣɩ ɩ tɛɛ tɔ.
\c 3
\s1 Kolontunɑɑ cɔɔnɑ Tɑfiiti kɛ kotɑɣɑ
\p Tɑfiiti yontu.
\d Pɑ kɛɛsɑ tə tɑɑ kɛ́ ɩsənɑ ɩ seekɑɣɑ ɩ pəyɑlʋ Apəsɑlɔm tɔ.
\b
\q1
\v 1 Hɑɩ Tɑcɑɑ, mɑ kolontunɑɑ tɔɔwɑɣɑ.
\q1 Mpɑ pɑ kʋləɣɩ mɑ tɔɔ tɔ, pɑ hukɑɑ kɛ́.
\q1
\v 2 Pɑ yɔɣɔtəɣɩ mɑ tɔm nɑ pɑ́ tɔŋ sɩ:
\q1 Ɩsɔ kɑɑ sənɑ-ŋ.
\q1
\v 3 Amɑ Tɑcɑɑ, nyɑɣɑlɛ mɑ kpɑntɛ,
\q1 nyɑ́ tʋɣʋnɑ-m teeli nɑ ń kʋsəɣɩ mɑ nyʋɣʋ.
\b
\q1
\v 4 Ye mɑ yɑɑ-ŋ sɩ ń wɑɑsɩ-m,
\q1 n cɔɔkɩ nyɑ́ pʋɣʋ nɑŋŋ nyəŋkʋ tɔɔ kɛ́.
\q1
\v 5 Mɑ həntəɣɩ nɑ mɑ́ tooki nɑ mɑ́ feŋ tɔ,
\q1 Tɑcɑɑ pɑɑsəɣənɑnɑ-m.
\q1
\v 6 Mɑɑ nyɑŋnɑ kolontunɑɑ iyisi iyisi wei ɩ tɑmɑ-m kotɑɣɑ tɔ.
\b
\q1
\v 7 Hɑɩ Tɑcɑɑ, kɔɔ.
\q1 Mɑ Ɩsɔ, yɑ-m.
\q1 N mɑkɩ mɑ kolontunɑɑ nɔɔsɩ kɛ́ nɑ ń holiɣi pɑ kelɑ.
\q1
\v 8 Tɑcɑɑ nyɑ́ tike n wɑɑsəɣənɑ.
\q1 Kooli nyɑ́ yəlɑɑ kɛ kʋpɑntʋ.
\c 4
\s1 Tɑcɑɑ kisuɣu kɛ tɔm tʋɣʋ
\p Tɑfiiti yontu nti pɑ yoonɑ sɑŋkʋ nɑ tə́ wɛ Yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ cɔ-m wɑɑtʋ wei mɑ wiikinɑ-ŋ tɔ.
\q1 Nyɑɣɑlɛ mɑ tɑmpɑnɑ hɑlʋ.
\q1 Nyɑ́ wɑɑsənɑ-m mɑɑ wɛʋ lɑŋwɑkəllɛ tɑɑ tɔ.
\q1 Nyənɩ mɑ pətɔɔtəlɛ nɑ ń nɩɩ mɑ kʋsələmʋtʋ.
\b
\q1
\v 2 Mpɑ mɛ mə pɛɛkəɣɩ sɩ ɩ́ cɑɣɑnɑ-m nɑ ɩ́ tʋʋ-m mʋsʋŋ tɔ,
\q1 pəlee kɛ́ mɩɩ hɛɛsɩ mɑ nyʋɣʋ kʋɣʋ nɑ kɑloolɑɣɑ?
\q1
\v 3 Ɩ́ nyɩ sɩ Tɑcɑɑ lɑpɑ-m pɛɛlɛɛ sɔsɔɔnɑ kɛ́.
\q1 Ye mɑ yɑɑ-ɩ sɩ ɩ́ wɑɑsɩ-m ɩ nɩɩkɩ.
\q1
\v 4 Ɩ́ sele, ɩlɛ ɩ tɑɑ pəntɩ.
\q1 Ɩ́ ponɑ ləmɑɣɑsɛɛ kɛ mə təhəntəlɛnɑɑ kɛ ɑhoo nɑ ɩ́ cɑɣɑ tətiɣitiɣi.
\b
\q1
\v 5 Ɩ́ pɛtɩ mə təɣɩ Tɑcɑɑ nɑ ɩ́ lɑpɩ-ɩ kɔtɑsɩ nsi sə təŋɑɑ tɔ.
\b
\q1
\v 6 Pɑɣɑlɛ wiikinɑ sɩ:
\q1 Awe kɑ yele nɑ tə nɩɩ leleŋ?
\q1 Tɑcɑɑ nyənɩ tɑ́ tɔɔ nɑ ɩsɛ kʋpɑnɑ.
\q1
\v 7 Amɑ n tʋ mɑ tɑɑ kɛ́ lɑŋhʋlʋmlɛ nɑ pə́ kəlɩ
\q1 mpɛɣɛ wɑɑtʋ wei pɑ wɛnɑ pɑ tɔɣɔnɑɣɑ
\q1 nɑ pɑ sʋlʋm tuutuumɑ tɔ.
\q1
\v 8 Mɑ həntəɣɩ kɛ́ nɑ mɑ́ tooki teu.
\q1 Mpi tɔ, Tɑcɑɑ tike kentiɣinɑ mɑ təcɑɣɑlɛ.
\c 5
\s1 Ɩsɔ sənɑʋ pɛɛkʋɣʋ
\p Tɑfiiti Yontu nti pɑ yoonɑ həsɩ nɑ tə́ wɛ
\d Yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ Tɑcɑɑ, nɩɩ mɑ kʋyɔɣɔtʋtʋ nɑ mɑ mɔlɑ.
\q1
\v 2 Nyɑɣɑlɛ mɑ wulɑʋ sɔsɔ nɑ mɑ Ɩsɔ.
\q1 Nɩɩ mɑ yɑɑʋ nɑ mɑ wiinɑʋ kɛ
\q1
\v 3 tɑnɑŋ tɛɛ, hɑɩ Tɑcɑɑ.
\q1 Pə nyɑɑləɣɩ tɔɣɔ mɑ kɛɛsəɣənɑ nyɑ́ tɔɔ nɑ mɑ tɑŋɑɑ.
\b
\q1
\v 4 N tɑ kɛ Ɩsɔ wei ɩ lɑŋlɛ hɛɛkənɑ ɩsɑɣɑtʋ tɔ.
\q1 Ɩsɑɣɑʋ ɩɩ hikiɣi lonte kɛ́ nyɑ́ tɛ.
\q1
\v 5 Nyɑ́ luɣu fɛɩ kɑlɑmpɑɑnɩ nyə́mɑ.
\q1 Pəyele nn cɑɑkɩ mpɑ pɑ pɛɛkəɣɩ lɛlɑɑ nɑ ɩsɑɣɑtʋ tɔ.
\q1
\v 6 N kpiisiɣi kɑloolutʋnɑɑ kɛ́,
\q1 nɑ nyɑ́ tɑɑ kpɑɑkənɑ yʋlʋkʋlɑɑ nɑ ŋmɩɩlɑɑ.
\b
\q1
\v 7 Amɑ nyɑ́ kʋpɑntʋ sɔsɔɔntʋ tɔɔ
\q1 mɑ pəsəɣɩ mɑ sʋʋ nyɑ́ tɛ́ nɑ sɔɣɔntʋ
\q1 nɑ mɑ luŋ nyɑ́ təsɛɛlɛ ɩsɛntɑɑ.
\q1
\v 8 Tɑcɑɑ tiiki-m nyɑ́ tɑmpɑnɑ tɑɑ kɛ́ mɑ kolontunɑɑ tɔɔ,
\q1 nɑ ń kpɑlɩ mpɑɑʋ nɑ mɑ́ təŋ.
\q1
\v 9 Pə fɛɩ sɩ yʋlʋ ɩ́ lɑ nɑɑni nɑ pɑ kʋyɔɣɔtʋtʋ.
\q1 Wɑkəlʋɣʋ tike hʋwɛɛ hɑɣɑnɑ pɑ tɑɑ.
\q1 Pɑ nɔɣɔ tɑɑ wɛ ɩsɩɩ pəlɑɑʋ ŋku kʋ kulɑɑ tɔ.
\q1 Nɑ pɑ́ tʋsəɣɩ yəlɑɑ nɑ pɑ nsəmɑ.
\q1
\v 10 Hɑɩ Ɩsɔ kʋ tɑsəkəlɛ nyəmɑ mpɛ pɑ tɔm
\q1 nɑ ń yele nɑ pɑ mɑɣɑmɑɣɑ pɑ kɑtɔsɩ kpɑ-wɛ.
\q1 Mpi tɔ, pɑ ɩsɑɣɑtʋ kəlɑ tɔɔʋ.
\q1 Pəyele pɑ kʋləɣɩ nyɑ́ tɔɔ.
\b
\q1
\v 11 Ɩlɛ mpɑ pɑ pɛtɑ-ŋ pɑ tɩ tɔ pɑ lɑŋɑ kɑ́ hɛɛ
\q1 nɑ pɑ́ wɛɛ ḿpʋɣʋ tɑm nɑ ń kentiɣi pɑ tɔɔ
\q1 nɑ nyɑ́ sɔɔllɑɑ yɔɔləɣənɑ-ŋ.
\q1
\v 12 Tɑcɑɑ, ń kooliɣi kʋpɑntʋ kɛ nyɑ́ nɩɩntɑɑ kɛ́,
\q1 nɑ nyɑ́ pɛɛlɛɛ kentiɣi-wɛɣɛ kpɑntɛ.
\c 6
\s1 Tɑcɑɑ wɑɑsʋɣʋ kɛ wɑhɑlɑ wɑɑtʋ
\p Tɑfiiti yontu nti pɑ yoonɑ ŋmɩɩsɩ pəlefɛɩ sɑŋkʋ
\d nɑ tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ, n mʋ-m nɑ pɑ́ɑ́nɑ́ tɔ
\q1 tɑɑ hɔ mɑ ŋkpɑŋʋɣʋ.
\q1
\v 2 Hɑɩ, Tɑcɑɑ, mɑ toŋ tɛmɑ nɑ mɑ kɑ tətɔɣɔtɔɣɔ.
\q1 Wɑɑ-m, mpi tɔ, mɑ mʋwɑ tɑɑ sɑləɣɩ kɛ́.
\q1
\v 3 Pəlee kɛ́ nyɑ́ tɑɑ kɑ́ hɛɛsɩ-m kpɑnɑʋ?
\q1 Mɑ lɑŋlɛ wɑkəlɑɑ kɛ́ tətɔɣɔtɔɣɔ.
\q1
\v 4 Hɑɩ, Tɑcɑɑ məlɩ nɑ ń yɑ-m.
\q1 Wɑɑsɩ-m nyɑ́ kʋpɑntʋ tɔɔ.
\q1
\v 5 Pə tɑɣɑ pʋlʋ, sətʋ ɩɩ tɔɔsəɣɩ nyɑ́ tɔm.
\q1 Pə́cɔ nɔɣɔlʋ ɩɩ sɑŋɩ-ŋ ɑtɛtəlɛ tɑɑ.
\b
\q1
\v 6 Mɔlɑ kʋɣʋnɑ-m nɑ mɑ́ pələɣɩ ɩsəlʋm kɛ
\q1 mɑ kʋhəntʋɣʋ tɔɔ kɛ́ pɑɑ ɑhoo nnɑ.
\q1
\v 7 Wulɑ mʋlʋsɑ mɑ ɩsɛ kɛ́ nɑ ɑɑ tɑsəɣɩ nɑʋ.
\q1 Mɑ kolontunɑɑ lɑpənɑ-m mpʋ.
\b
\q1
\v 8 Ɩsɑɣɑlɑtɑɑ mɛ, ɩ́ tɛɛ ɩ́ wɛsɩ-m.
\q1 Mpi tɔ, Tɑcɑɑ nɩɩ mɑ wulɑ.
\q1
\v 9 Ɩ́ nɩɩ mɑ wiinɑʋ nɑ ɩ́ mʋ mɑ sələmʋɣʋ.
\q1
\v 10 Pə́ liɣiti mɑ kolontunɑɑ tənɑ nɑ sɔɣɔntʋ kpɑɑ-wɛ,
\q1 nɑ pɑ́ pəsəɣənɑ pɑ wɑɑlɩ kɛ kpɑkpɑɑ nɑ fɛɛlɛ nɑ pɑ́ seeki.
\c 7
\s1 Tɑcɑɑ sɛɛnɑʋ kɛ ɩ nyəŋ tɔɔ
\p Tɑfiiti kɑwəyɑɣɑ ŋkɑ ɩ wiikɑɣɑnɑ Tɑcɑɑ kɛ ɩ kolontu
\d Pɛncɑmɛɛ tʋ Kusi tɔm tɔɣɔlɔ.
\b
\q1
\v 1 Tɑcɑɑ, nyɑɣɑlɛ mɑ kentulu.
\q1 Yɑ-m, wɑɑsɩ-m mɑ kʋnyɔntʋlɑɑ niŋ tɑɑ.
\q1
\v 2 Pɑ́ tɑɑ cəlɩ-m ɩsɩɩ tɔɣɔlɑsɩ.
\q1 Nɔɣɔlʋ kɑɑ lɛɛkɩ-m pɑ niŋ tɑɑ nɑ ɩ́ yɑ-m.
\b
\q1
\v 3 Hɑɩ, mɑ Ɩsɔ Tɑcɑɑ,
\q1 ye mɑ niŋ tɑɑ wɛ ɩsɑɣɑtʋ,
\q1
\v 4 ye mɑ lɑpɑ mɑ tɑɑpɑlʋ nɔɣɔlʋɣʋ ɩsɑɣɑtʋ,
\q1 yɑɑ mɑ lɛɛtɑ wei ɩ ŋmɑkələɣɩ-m mʋsʋŋ tɔ.
\q1
\v 5 Ɩlɛ mɑ kolontu ɩ́ tɔɣɔnɩ-m nɑ ɩ́ kpɑ-m
\q1 nɑ ɩ́ fɛlɩ-m ɑtɛ nɑ ɩ́ kʋ-m nɑ mɑ teeli sɩ.
\b
\q1
\v 6 Hɑɩ Tɑcɑɑ, mʋ mɑ kolontunɑɑ nɑ pɑ́ɑ́nɑ́.
\q1 Kʋlɩ pɑ tɔɔ nɑ ń wɑɑsɩ-m.
\q1 Nyɑ́ hɑɑnɑ tɑmpɑnɑ, feŋ mɑ tɔɔ.
\q1
\v 7 Piitimnɑɑ ɩ́ cɑɣɑ nɑ pɑ́ cɔɔnɑ-ŋ
\q1 nɑ nyɑɑ kpɑ nyɑ́ kumte tɔɔ nɑ ń ŋmɑkəlɩ-wɛ.
\q1
\v 8 Hɑɩ Tɑcɑɑ, nyɑ́ wei n hʋʋkənɑ piitimnɑɑ tɔ,
\q1 kɛɛsənɑ mɑ siɣisuɣu nɑ ń hɑ-m tɑmpɑnɑ.
\q1
\v 9 Səŋsɩ ɑsɑɣɑɑ kɑwɑlɑɣɑ nɑ ń sɔɔsɩ siɣisilɑɑ kɛ toŋ.
\q1 Nyɑ́ nyəmnɑ yəlɑɑ lotunɑɑ tɑɑ hʋwɛɛ tənɑ.
\q1 Nyɑɣɑlɛ Ɩsɔ nɑ ń təŋəɣɩ tɑmpɑnɑ.
\b
\q1
\v 10 Nyɑɣɑlɛ mɑ kentulu,
\q1 nɑ ń wɑɑsəɣɩ tɑmpɑnɑ təŋlɑɑ.
\q1
\v 11 N təŋəɣɩ tɑmpɑnɑ kɛ nyɑ́ hʋʋlɛ tɑɑ kɛ́
\q1 nɑ ń mʋɣɩ ɑsɑɣɑɑ nɑ pɑ́ɑ́nɑ́ kɛ tɑm.
\b
\q1
\v 12 Ye pɑ kisɑ lɑɣɑsʋɣʋ,
\q1 n sɑləɣɩ nyɑ́ lɑɣɑtɛ kɛ́ nɑ
\q1 ń pɑ́ nyɑ́ tɔɔʋ nɑ ń tɔ-wɛɣɛ nyəmɑ́.
\q1
\v 13 Yoou wontu kʋkʋkʋtʋ kɛ n tɑɣɑnəɣɩ
\q1 nɑ ń tɑntəɣɩ kɔkɔ nyəmɑ́.
\q1
\v 14 Ɩkɑɑlɛ kɛ kolontu hɑɣɑɑ,
\q1 nɑ ɑcilɑɣɑtʋ wɩɩkɩ-ɩ.
\q1 Ɩ kɑ lʋlɩ kɑloolɑɣɑ.
\q1
\v 15 Wei ɩ́ hulɑ pʋʋɣʋ nɑ ɩ́ wɑləsɩ-kʋɣʋ teu kɛ lɛlɑɑ tɔɔ,
\q1 ɩ mɑɣɑmɑɣɑ ɩ hotiɣinɑ kʋ tɑɑ.
\q1
\v 16 Ɩ kɑwɑlɑɣɑ nɑ ɩ mʋsʋŋ mələɣɩ ɩ nyʋɣʋ tɑɑ kɛ́.
\b
\q1
\v 17 Mɑɑ sɑ Tɑcɑɑ kɛ ɩ siɣisuɣu tɔɔ.
\q1 Nɑ mɑ́ yoo yontu nɑ mɑ́ tɑlɑ ɩsɔtɑɑ Ɩsɔ Sɔsɔ.
\c 8
\s1 Ɩsɔ sɔsɔɔntʋ nɑ yʋlʋ nyʋɣʋ kʋsʋɣʋ
\p Tɑfiiti yontu nti pɑ yookinɑ Kɑtɩ nyə́mɑ sɑŋkʋ
\d nɑ tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ Tɑcɑɑ,
\q1 nyɑ́ hətɛ ɩ́ yɑɑ tɛtʋ tənɑ tɑɑ.
\q1 Nɑ mɑ́ sɑŋ nyɑ́ teu mpi pə kəlɑ ɩsɔtɑɑ nyəm tɔ.
\q1
\v 2 Ahʋlʋmnɑɑ nɑ pəcəncələm mɑɣɑmɑɣɑ nɑ́ sɑŋɩ-ŋ.
\q1 Nɑ pə́ wɛ ɩsɩɩ koluŋɑ ɩcɑtɛ kɛ n ŋmɑwɑ nɑ ń cɔɔsɩ
\q1 nyɑ́ kolontunɑɑ, nɑ ń təkəɣɩ nyɑ́ tɔɔ kʋllɑɑ nɔɔsɩ.
\b
\q1
\v 3 Sɑɑ wei mɑ nyənəɣɩ nyɑ́ ɩsɔtɔnʋɣʋ ŋku n ŋmɑwɑ
\q1 nɑ ɩsɔtʋ nɑ ɩsɔtʋlʋŋɑsɩ nsi n sɩɩ sɩ lonɑ tɑɑ tɔ.
\q1
\v 4 Ɩlɛ mɑ pɔɔsəɣɩ mɑ tɩ sɩ:
\q1 Yʋlʋ kɛ́ we nɑ ń tɔɔsəɣɩ ɩ tɔm?
\q1 Yɑɑ yʋlʋ pəyɑɣɑ tɩɩ kɛ́ we nɑ ń pɑɑsəɣənɑ-kɛ?
\q1
\v 5 N lɑpɑ-ɩ kɛ́ nɑ ɩ́ sɛkɩ-ŋ pəcɔ,
\q1 nɑ ń tʋ-ɩ teeli nɑ ń kʋsɩ ɩ nyʋɣʋ.
\q1
\v 6 Nyɑ́ tʋnɑ-ɩ sɩ ɩ́ ŋmɑkəlɩ wontu nti n lɑpənɑ nyɑ́ niŋ tɔ
\q1 nɑ ń tʋ pə tənɑɣɑ ɩ nɔɔhɛɛ tɛɛ.
\q1
\v 7 Pə kpɑɣɑʋ nɑɑŋ nɑ heeŋ nɑ pə́ŋ
\q1 nɑ pə kpɛŋnɑ tɑɑlɛ wontu.
\q1
\v 8 Nɑ sumɑsɩ nɑ tiinɑ
\q1 nɑ teŋku tɑɑ nyəm tənɑ tɔ.
\b
\q1
\v 9 Hɑɩ, Ɩsɔ Tɑcɑɑ,
\q1 nyɑ́ hətɛ yɑɑwɑ tɛtʋ tənɑ tɑɑ kɛ́.
\c 9
\s1 Ɩsɔ pɑɑsənɑʋ kɛ kʋnyɔntʋnɑɑ nɑ wɑhɑlɑ nyə́mɑ
\p Tɑfiiti yontu nti pɑ yookinɑ nɔɣɔ səkpelɑɣɑ
\d nɑ tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ mɑɑ sɑ-ŋ nɑ mɑ lotu tənɑ,
\q1 nɑ mɑ́ yɔɣɔtɩ nyɑ́ təmɑ kʋpɑmpɑnɑ tənɑ tɔm.
\q1
\v 2 Nyɑɣɑ mɑɑ yɔɔlənɑ nɑ lɑŋhʋlʋmlɛ nɑ mɑ́ wiliti,
\q1 nɑ mɑ́ yoo ɩsɔtɑɑ Ɩsɔ Sɔsɔ nyɑɣɑ yontu.
\b
\q1
\v 3 Mɑ kolontunɑɑ tulɑ tɑpəŋ
\q1 nɑ pɑ́ seliɣi nyɑ́ ɩsɛntɑɑ nɑ pɑ́ hotiɣi.
\q1
\v 4 N tɑɣɑnɑ mɑ tɔm nɑ ń hɑ-m tɑmpɑnɑ.
\q1 Siɣisuɣu kɛ n təŋəɣɩ nɑ ń hʋʋkənɑ nyɑ́ kumte tɔɔ.
\b
\q1
\v 5 N hɔŋ piitimnɑɑ mɑ tɑ nyɩ ɩsɔnɑɑ mpɛ pɑ ŋkpɑŋŋ kɛ́,
\q1 nɑ ń wɑkələɣɩ ɑsɑɣɑɑ mpɛ,
\q1 nɑ ń hɩɩsəɣɩ pɑ həlɑ kɛ tɑm tɔɔ.
\q1
\v 6 Pə kpiisɑ-wɛ nɑ pɑ́ lɑ́ yem kɛ́ tɑm tɔɔ,
\q1 nɑ pɑ ɑcɑlɛɛ pəsɩ kpɛntəlɑsɩ,
\q1 nɔɣɔlʋ ɩɩ tɔɔsəɣɩ ɑ tɔɔ.
\b
\q1
\v 7 Amɑ Tɑcɑɑ kɑ tɔɣɔnɑ kɑwulɑɣɑ kɛ tɑm tɔɔ.
\q1 Ɩ sɩɩwɑ ɩ hʋʋlɛ kumte.
\q1
\v 8 Ɩnɩ ɩ hʋʋkənɑ ɑntulinyɑ yəlɑɑ nɑ siɣisuɣu,
\q1 nɑ ɩ́ təŋəɣɩ tɑmpɑnɑ ɩɩ fɑɣɑsəɣɩ piitimnɑɑ.
\b
\q1
\v 9 Tɑcɑɑ kentiɣinɑ mpɑ lɛlɑɑ muɣuliɣi tɔ
\q1 nɑ pɑ́ cɔɔsəɣɩ ɩ kiŋ kɛ pɑ lɑŋwɑkəllɛ wɑɑtʋnɑɑ.
\q1
\v 10 Hɑɩ Tɑcɑɑ, mpɑ pɑ nyəmɑ́ nyɑ́ hətɛ tɔ,
\q1 pɑ tʋɣʋ-ŋ nɑɑni kɛ́.
\q1 Mpi tɔ, nn lɔɔkɩ mpɑ pɑ pɛɛkəɣɩ-ŋ tɔ.
\b
\q1
\v 11 Ɩ́ yoo Tɑcɑɑ wei ɩ kumte wɛ Siyɔŋ tɔɣɔ yontu,
\q1 ɩ́ kpɑɑlɩ ɩ kookɑlənɑɑ tɔm kɛ piitimnɑɑ tɑɑ.
\q1
\v 12 Mpi tɔ, ɩ kɑ́ lɛɛtɩ yʋlʋkʋlɑɑ,
\q1 nɑ ɩ́ tɔɔsɩ wɑhɑlɑ nyə́mɑ tɔɔ,
\q1 ɩɩ sɔɔkɩ pɑ wiinɑʋ tɔm.
\b
\q1
\v 13 Hɑɩ Tɑcɑɑ, nyənɩ mɑ pətɔɔtəlɛ,
\q1 nɑ ń nɑ wɑhɑlɑ wei mɑ kolontunɑɑ tʋɣʋ-m tɔ.
\q1 Ləsɩ-m səm nɔɣɔ tɑɑ.
\q1
\v 14 Wɑɑtʋ ɩnəɣɩ mɑɑ yoo nyɑ́ sɑmtʋ tənɑɣɑ Siyɔŋ nyə́mɑ tɑɑ.
\q1 Nɑ mɑ́ yɔɔlənɑ nyɑ́ wɑɑsʋɣʋ tɔm.
\b
\q1
\v 15 Piitimnɑɑ hotɑ pʋʋɣʋ ŋku pɑ hulɑɑ tɔ kʋ tɑɑ kɛ́.
\q1 Pɑ puluɣu ŋku pɑ mɑɣɑmɑɣɑ pɑ nyəpɑ tɔ ŋkʋ kʋ kpɑnɑ-wɛ.
\q1
\v 16 Tɑcɑɑ hʋlɑ ɩ tɩ nɑ ɩ́ təŋəɣɩ tɑmpɑnɑ nɑ ɩ́ hʋʋkənɑ.
\q1 Yʋlʋ ɩsɑɣɑʋ kpɑ ɩ təɣɩ ɩ mɑɣɑmɑɣɑ ɩ kɑtɔkɑ tɑɑ.
\b
\q1
\v 17 Asɑɣɑɑ nɑ piitimnɑɑ mpɑ pɑ tənɑ pɑ sɔɔ Ɩsɔ tɔɔ tɔ,
\q1 pɑɑ məlɩ ɑtɛtəlɛ tɑɑ.
\q1
\v 18 Amɑ Ɩsɔ nɑ́ kɑɑ sɔɔ wɑhɑlɑ nyə́mɑ tɔɔ.
\q1 Kʋnyɔntʋnɑɑ tɛɛlʋɣʋ nɑ́ kɑɑ sɑɑlɩ pɑɑ pəlee.
\b
\q1
\v 19 Hɑɩ, Tɑcɑɑ kʋlɩ,
\q1 yʋlʋ ɩ tɑɑ tɔɣɔ nyɑ́ tɔɔ.
\q1 Kɔnɑ mpɑ pɑ tɑ nyɩ-ŋ tɔɣɔ nyɑ́ ɩsɛntɑɑ nɑ ń hʋʋnɑ-wɛ.
\q1
\v 20 Yele nɑ sɔɣɔntʋ kpɑ-wɛ,
\q1 nɑ ń hʋlɩ-wɛ sɩ pɑ kɛ́ yəlɑɑ kɛ yem.
\c 10
\s1 Sələmʋɣʋ sɩ Ɩsɔ ɩ́ hʋlɩ tɑmpɑnɑ
\p
\v 1 Hɑɩ, Tɑcɑɑ, pepe tɔɔ kɛ́ n hɑtəlɑɑ,
\q1 nɑ ń ŋmɛsəɣɩ nyɑ́ təɣɩ lɑŋwɑkəllɛ kʋyɛɛŋ?
\b
\q1
\v 2 Ɩsɑɣɑʋ muɣuliɣi kʋnyɔntʋ kɛ́ nɑ kɑlɑmpɑɑnɩ.
\q1 Yele nɑ pɑ mɑɣɑmɑɣɑ pɑ kɑtɔsɩ kpɑ-wɛ.
\q1
\v 3 Ɩsɑɣɑʋ hɔŋ ɩ tɩ nɑ ɩ kʋnyɩɩlʋɣʋ hʋwɛɛ kɛ́.
\q1 Nɑ ɩ́ tɔkɩ kɑsəyɑɣɑ ɑsilimɑ nyəŋkɑ.
\q1 Nɑ ɩ́ woŋiɣi Tɑcɑɑ nɑ ɩ́ tʋʋkɩ-ɩ.
\q1
\v 4 Ɩsɑɣɑʋ ləmɑɣɑsɛɛ ntɛ́ kɑlɑmpɑɑnɩ.
\q1 Ɩ yɔɣɔtəɣɩ sɩ: Ɩsɔ ɩɩ hɔŋ yʋlʋ ŋkpɑŋʋɣʋ,
\q1 pəyele Ɩsɔ tɩɩ fɛɩ.
\q1
\v 5 Ɩ kʋlɑpəm lɑkɩ teu kɛ pɑɑ wɑɑtʋ wei kɛ́.
\q1 Ɩsɔ nyɑ́ hʋʋlɛ kəlɑ-ɩ pooluŋ ɩ tɑ cɛkənɑ.
\q1 Nɔɣɔ tɑɑ heelim kɛ n hosiɣi
\q1 nyɑ́ kolontunɑɑ tənɑ sɩ ń kpiisi-wɛ.
\q1
\v 6 Ɩsɑɣɑʋ mɑkɩ ɩ lɑŋlɛ tɑɑ sɩ: Pʋlʋpʋ kɑɑ ciɣiti-m.
\q1 Wɑhɑlɑ kɑɑ mɑɣɑnɑ-m pɑɑ pəlee.
\b
\q1
\v 7 Mpusi təŋsʋɣʋ nɑ tɔm looluɣu nɑ tʋsʋɣʋ
\q1 nɑ ɑcilɑɣɑtʋ tɔm nɑ ɩsɑɣɑtʋ wɛnnɑ ɩ nɔɣɔ tɑɑ.
\q1
\v 8 Acɑlisi kiŋ kɛ ɩ ŋmɛləɣɩ
\q1 nɑ ɩ́ cɛŋəɣɩ wɑhɑlɑ nyə́mɑ nɑ ɩ́ kʋɣɩ mʋsʋŋ.
\q1
\v 9 Ɩ wɛ ɩ təŋmɛllɛ kɛ́ ɩsɩɩ tɔɣɔlɑɣɑ kɛ kɑ lonte tɑɑ.
\q1 Nɑ ɩ́ cɛŋəɣɩ sɩ ɩ́ kpɑ kʋnyɔntʋ nɑ ɩ́ tʋ-ɩ ɩ puluɣu tɑɑ.
\q1
\v 10 Ɩ pɑpəɣɩ kɛ́ nɑ ɩ́ teŋ wɑhɑlɑ nyə́mɑ kɛ ɩ səkpɑŋ tɑɑ.
\q1
\v 11 Ɩ tɑɑ kɛlɛ sɩ Ɩsɔ sɔɔkɩ
\q1 nɑ ɩ́ kɛɛsəɣɩ ɩ ɩsɛ ɩɩ nyənəɣɩ pɑɑ pə́cɔ.
\b
\q1
\v 12 Hɑɩ, Tɑcɑɑ Ɩsɔ kʋlɩ nɑ ń wɑɑsɩ
\q1 tɑɑ sɔɔ wɑhɑlɑ nyə́mɑ tɔɔ.
\q1
\v 13 Pepe tɔɔ kɛ́ ɩsɑɣɑʋ woŋiɣi-ŋ nɑ ɩ́ tɔŋ sɩ:
\q1 Ɩsɔ kɑɑ hɔ mɑ ŋkpɑŋʋɣʋ se.
\b
\q1
\v 14 N nyənəɣɩ nɑ ń nɑɑkɩ kʋnyɔntʋ wɑhɑlɑ,
\q1 nɑ ɩ nəɣəsɛɛ sɩ n pɑɑsəɣənɑ-ɩ.
\q1 Nyɑɣɑ ɩ pɛtəɣɩ ɩ tɩ,
\q1 pə́cɔ nyɑ́ wɑɑsəɣənɑ sulɑʋ.
\q1
\v 15 Pɛlɩ ɩsɑɣɑʋ niŋ nɑ ń pɔɔsɩ-ɩ ɩ kɑwɑlɑɣɑ tɔɔ
\q1 nɔɣɔlʋ ɩ́ tɑɑ tɔɔsɩ ɩ tɔm.
\q1
\v 16 Tɑcɑɑ nyɑɣɑlɛ wulɑʋ kɛ tɑm tɔɔ.
\q1 N kɑ́ kpiisi piitimnɑɑ kpɑɩ nyəm tənɑɣɑ tɛtʋ tɑɑ kɛ́.
\b
\q1
\v 17 N nɩɩkɩ kʋnyɔntʋnɑɑ sələmʋɣʋ kɛ́,
\q1 nɑ ń keŋ ŋkpɑŋŋ nɑ pɑ tɔɔ nɑ ń hɑɑkɩ-wɛɣɛ ɑpɑlʋtʋ.
\q1
\v 18 N hɑ suluwɑɑ nɑ mpɑ pɑ muɣulɑɑ tɔɣɔ tɑmpɑnɑ.
\q1 Ɩlɛnɑ ń pɛ yəlɑɑ mpɑ pɑ ŋmɑnɑ tɛtʋ tɔɣɔ mpɑɑʋ
\q1 sɩ pɑ ŋmɑkəlɩ lɛlɑɑ.
\c 11
\s1 Tɑcɑɑ kiŋ təcɔɔsəlɛ
\p
\v 1 Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ kiŋ kɛ mɑ təcɔɔsəlɛ wɛɛ.
\q1 Ɩlɛ ɩsənɑɣɑ mə heeliɣi-m sɩ mɑ́ se
\q1 nɑ mɑ́ ŋmɛlɩ pɔɔŋ tɑɑ ɩsɩɩ sumɑɣɑ.
\q1
\v 2 Pə tɑɣɑ pʋlʋ, ɑsɑɣɑɑ pɑmɑ pɑ tɔɔʋ
\q1 nɑ pɑ́ tʋ nyəmlɛ kɛ hikɑ tɔɔ
\q1 sɩ pɑ tɔɔkɩ səkpɛtʋɣʋ tɑɑ kɛ́ yəlɑɑ kʋpɑmɑ tɔɔ.
\q1
\v 3 Ye kiiŋ sɑɑlɑ yem,
\q1 Ɩsɔ kʋsəsɩɩtʋ təŋlʋ pəsəɣɩ we?
\b
\q1
\v 4 Ɩsɔtɑɑ kɛ́ Tɑcɑɑ kumte wɛɛ,
\q1 nɑ ɩ wɛ ɩ təsɛɛlɛ nɑŋŋ nyəntɛ tɑɑ cənɛ.
\q1 Ɩ nɑɑkɩ yəlɑɑ kɛ timpi pɑ wɛɛ tɔɣɔ,
\q1 nɑ ɩ́ nyəmɑ́ pɑ kʋlɑpəlɛ.
\q1
\v 5 Tɑcɑɑ nyəmɑ siɣisilɑɑ kɛ́.
\q1 Amɑ ɩ tɑɑ kpɑɑnɑ ɑsɑɣɑɑ nɑ mʋsʋntʋnɑɑ.
\q1
\v 6 Ɩ yeki nɑ kɔkɔ pɛɛ nɑ pə heelim tii pɑ tɔɔ.
\q1 Pɑ pɑɑ tete ntɛ́.
\q1
\v 7 Mpi tɔ, Tɑcɑɑ kɛ́ siɣisilu kɛ́
\q1 nɑ ɩ́ sɔɔlɑ kʋsiɣisim.
\q1 Siɣisuɣu təŋlɑɑ kɑ́ nɑ-ɩ nɑ pɑ ɩsəpee.
\c 12
\s1 Tɑcɑɑ tɔkʋɣʋ kɛ ɩ nɔɔsɩ sɩɩʋ
\p Tɑfiiti yontu nti pɑ yookinɑ ŋmɩɩsɩ pəlefɛɩ nɑɑnʋwɑ sɑŋkʋ
\d nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ:
\b
\q1
\v 1 Hɑɩ, Tɑcɑɑ wɑɑsɩ,
\q1 nyɑ́ yəlɑɑ tɔŋɑ sɑɑlʋɣʋ kɛ́.
\q1 Mpɑ pɑ mʋnɑ pɑ́ lɑ-wɛɣɛ nɑɑni tɔ pɑ tɔŋnɑ pɑsʋɣʋ.
\q1
\v 2 Yəlɑɑ cɑɣɑnɑʋ tike kɛ pɑɑ wei ɩ lɑkɩ,
\q1 pɑ lotu wɛ nɑɑlɛ nɑɑlɛɣɛ nɑ pɑ́ looliɣinɑ pɑ ntompee.
\q1
\v 3 Tɑcɑɑ kpiisi tʋsəlɑɑ
\q1 nɑ kɑlɑmpɑɑnɩ nyə́mɑ tənɑ.
\q1
\v 4 Nɑ mpɑ pɑ tɔŋ sɩ: Tɑ́ nsəmlɛ ntɛ́ tɑ́ toŋ,
\q1 tɑ́ tənnɑ tɑ́ ntompee.
\q1 Awe kɑ ŋmɑkəlɩ-tʋ?
\b
\q1
\v 5 Ḿpʋɣʋ Tɑcɑɑ tɔmɑ sɩ:
\q1 Kʋnyɔntʋ wei pɑ lɛɛkəɣɩ tɔ
\q1 nɑ wɑhɑlɑ tʋ wei ɩ mɔləɣɩ tɔ
\q1 pɑ tɔɔ mɑɑ kʋlɩ nɑ mɑ́ yɑ
\q1 mpɑ pɑ cɑɑ tɔ pɑ nyɔɔŋ.
\b
\q1
\v 6 Tɑcɑɑ kʋyɔɣɔtʋtʋ wɛ kɛ́ təcɛɩcɛɩ ɩsɩɩ liɣitee nyəɣəlʋɣʋ
\q1 ŋku pɑ tʋ kɔkɔ tɑɑ nɑ pɑ́ nyɑɑlɩ tɔm nɑɑtosompɔɣɔlɑɣɑ tɔ.
\q1
\v 7 Tɑcɑɑ, nyɑ́ɑ́ tɔkɩ nɔɔsɩ nsi n sɩɩwɑ sɩ
\q1 n kɑ́ kenti-tʋɣʋ tɑm kɛ́ yəlɑɑ mpɛ tɔ.
\q1
\v 8 Asɑɣɑɑ mpɛ pɑ cɔɔkɩ pɑɑ timpiɣi,
\q1 nɑ ɩsɑɣɑtʋ tɔkɑ yəlɑɑ tənɑ.
\c 13
\s1 Niŋ tɛkʋɣʋ kɛ Tɑcɑɑ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ, wɑɑtʋ wei kɛ́ n kɑ yele
\q1 mɑ tɔɔ sɔɔʋ kɛ tɑm kɛ́ mpʋ?
\q1 Nɑ ń yele-m nyɑ́ tɩ ŋmɛsʋɣʋ?
\q1
\v 2 Ləmɑɣɑsɛɛ nɑ nəɣəsɛɛ kʋɣʋ-m tɑm kɛ́.
\q1 Nɑ mɑ kolontu nɑ́ɑ́ tɔkɩ mɑ tɔɔ.
\q1
\v 3 Hɑɩ, Tɑcɑɑ mɑ Ɩsɔ,
\q1 nyənɩ-m nɑ ń cɔ-m,
\q1 nɑ ń cɛ mɑ ɩsɛntɔɔ.
\q1 Nɑ mɑ́ tɑɑ too səm tom.
\q1
\v 4 Nɑ mɑ kolontunɑɑ ɩ́ tɑɑ tɔ sɩ pɑ kəlɑɑ,
\q1 nɑ mɑ pɑtɑnɑɑ nɑ́ɑ́ pɑɑnɑ mɑ cɛŋlʋɣʋ.
\b
\q1
\v 5 Nyɑ́ kʋpɑntʋ kɛ mɑ tɛɛləɣɩ,
\q1 nɑ mɑ yɔɔləɣənɑ nyɑ́ wɑɑsʋɣʋ.
\q1 Tɑcɑɑ mɑɑ yoo-ŋ yontu kɛ
\q1 kʋpɑntʋ nti n lɑpɑ-m tɔ tə tɔɔ.
\c 14
\s1 Yəlɑɑ kʋpɑmɑ nɑ pɑ Ɩsɔ kɛ́ ɑntulinyɑ ɩsɑɣɑʋ tɑɑ
\r (Yontu 53)
\p
\v 1 Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Kʋmɛlɛməŋ mɑɣɑsəɣənɑ ɩ tɑɑ sɩ Ɩsɔ fɛɩ.
\q1 Yəlɑɑ mpɛ pɑ wɑkəlɑɑ kɛ́ nɑ pɑ́ lɑkɩ ɑcɑɑlətʋ,
\q1 kʋpɑntʋ lɑtʋ fɛɩ.
\q1
\v 2 Hɑtoo ɩsɔtɑɑ kɛ́ Tɑcɑɑ nyənəɣənɑ ɑtɛ yəlɑɑ
\q1 sɩ ɩ nɑɑkɩ sɩ ləmɑɣɑsɛɛ tʋ nɔɣɔlʋ ɩ pɛɛkəɣɩ ɩ sɛɛʋ nɑ.
\q1
\v 3 Pɑ tənɑ pɑ yelɑ ɩ mpɑɑʋ kɛ́ nɑ pɑ́ wɑkəlɩ.
\q1 Kʋpɑntʋ lɑtʋ fɛɩ pɑ tɑɑ, pɑɑ kʋlʋm.
\b
\q1
\v 4 Tɑcɑɑ sɩ: Kɑwɑlɑɣɑ lɑtɑɑ tənɑ fɛɩnɑ ləmɑɣɑsɛɛ.
\q1 Pɑ pəsɑ mɑ yəlɑɑ ɩsɩɩ tɔɣɔnɑɣɑ nɑ pɑ́ tɔkɩ pɑɑ sɛɛkɩ-m.
\b
\q1
\v 5 Tənɑɣɑ pɑɑ selinɑ sɔɣɔntʋ kɛ sɔsɔm.
\q1 Mpi tɔ, Ɩsɔ kɑ́ wɛɛ mpɑ pɑ nɩɩkənɑ-ɩ tɔ pɑ wɑɑlɩ.
\q1
\v 6 Kʋnyɔntʋnɑɑ tɛɛlʋɣʋ kɛ ɩ́ cɑɑkɩ wɑkəlʋɣʋ.
\q1 Ɩlɛ Tɑcɑɑ kɛlɛ pɑ kpʋlʋɣʋ tətʋlɛ.
\b
\q1
\v 7 Hɑɩ, mɑ kooliɣi kɛ́ sɩ
\q1 Ɩsɛɣɛlɩ nyə́mɑ wɑɑsʋɣʋ ɩ́ lɩɩnɑ Ɩsɔ kiŋ kɛ Siyɔŋ pʋɣʋ tɑɑ
\q1 kɛ́ wɑɑtʋ wei Tɑcɑɑ kɑ́ məŋnɑ ɩ yəlɑɑ mpɑ pɑɑ kuuwɑ tɔ.
\q1 Yɑkɔpʋ lʋlʋɣʋ nyə́mɑ Ɩsɛɣɛlɩ nyə́mɑ
\q1 kɑ́ ŋmɑɑlənɑ lɑŋhʋlʋmlɛ sɔsɔɔlɛ.
\c 15
\s1 Ɩsɔsɛɛtʋ nti Tɑcɑɑ cɑɑkənɑ ɩ yəlɑɑ tɔ
\p
\v 1 Tɑfiiti yontu.
\b
\q1 Hɑɩ, Tɑcɑɑ ɑwe mʋnnɑ nyɑ́ təsɛɛlɛ tɑɑ sʋʋʋ?
\q1 Nɑ pʋntʋ cɑɣɑ nyɑ́ Siyɔŋ pulɑɣɑ nɑŋŋ nyəŋkɑ tɔɔ?
\q1
\v 2 Yʋlʋ wei ɩ kiŋ pɑ kɑɑ nɑ ɩsɑɣɑtʋ nɑ ɩ́ təŋəɣɩ kʋsiɣisim
\q1 nɑ ɩ́ yɔɣɔtəɣɩ tɑmpɑnɑ wenɑ ɩ nyəmɑ́ ɩ lotu tɑɑ tɔɣɔ.
\q1
\v 3 Pə tɛ́ yʋlʋ ɩɩ cɑkənɑ lɛlɑɑ.
\q1 Pə́cɔ ɩɩ lɑkɩ ɩsɑɣɑtʋ kɛ ɩ tɔɣɔntəlɛ yɑɑ ɩ́ tʋ-ɩ fɛɛlɛ.
\q1
\v 4 Yʋlʋ ɩnɩ ɩ tɑɑ kpɑɑkənɑ mpɑ Ɩsɔ ɩɩ cɑɑkɩ tɔɣɔ.
\q1 Amɑ ɩ tʋɣʋnɑ mpɑ pɑ nyɑŋnɑ Tɑcɑɑ tɔ.
\q1 Ye yʋlʋ ɩnɩ ɩ sɩɩ nɔɣɔ ɩɩ lɑɣɑsəɣɩ-kɛ, pɑɑ pɩɩ cɑɑlɩ-ɩ ɩsənɑ.
\q1
\v 5 Ye nɔɣɔlʋ kəntɑ ɩ kiŋ kɛ liɣitee ɩɩ pɛɛkəɣɩ kɑsəyɑɣɑ.
\q1 Pə tɛ yʋlʋ kɑɑ mʋ kʋhɑʋ nɑ ɩ́ ləsɩ pɔpɔtʋ ɑseetɑ
\q1 nɑ ɩ́ kʋ tɑmpɑnɑ tʋ tɔm.
\b
\q1 Pɩɩ cɛŋləɣɩ wei ɩ tɔkɑ yɑɑsinɑɑ mpɛ tɔ.
\c 16
\s1 Wei pə yɑpɑ səm nɔɣɔ tɑɑ tɔ ɩ lɑŋhʋlʋmlɛ
\p
\v 1 Tɑfiiti yontu.
\q1 Hɑɩ, Ɩsɔ, kenti mɑ tɔɔ,
\q1 nyɑ́ kiŋ kɛ mɑ cɑɑ mɑ cɔɔsɩ.
\b
\q1
\v 2 Mɑ heelɑ Tɑcɑɑ sɩ: Nyɑɣɑlɛ mɑ cɑɑ,
\q1 nyɑ́ kiŋ tike kɛ mɑ nɩɩkɩ leleŋ.
\q1
\v 3 Ɩsɔ yəlɑɑ mpɑ pɑ wɛ tɛtʋ tɑɑ tɔɣɔ mɑ cɑɑkɩ teu.
\q1
\v 4 Yəlɑɑ lʋləsəɣɩ tɩɩŋ kɛ́ nɑ pɑ́ təŋəɣɩ kpɑɩ nyəŋ.
\q1 Mɑ kɑɑ lɑɑ tɩɩŋ yɑɑ mɑ́ tɩɩ yɑɑ ɩ həlɑ nɑ mɑ nɔɣɔ.
\b
\q1
\v 5 Tɑcɑɑ, nyɑɣɑlɛ mɑ pɑɑ tete,
\q1 n hɑɑkɩ-m mpi mɑ nyɩɩləɣɩ tɔ.
\q1 N tɔkɑ mpi pɩɩ mɑɣɑnɑ-m cele tɔɣɔ nyɑ́ niŋ tɑɑ.
\q1
\v 6 Mɑ pɑɑ tete kʋpɑmpɑntɛ nte mɑ hikɑɑ tɔɣɔlɛ,
\q1 mɑ lɑŋlɛ hɛɛnɑ nyɑ́ kʋhɑhɑm mpɩ.
\b
\q1
\v 7 Mɑ sɛɛ mɑ lɑɣɑtʋ tɑsʋlʋ Tɑcɑɑ.
\q1 Pɑɑ ɑhoo tɑɑ pə sɛɣɛsəɣɩ-m mɑ tɑɑ kɛ́.
\q1
\v 8 Mɑ nɑɑkɩ Tɑcɑɑ kɛ tɑm kɛ́.
\q1 Mɑɑ cɛŋləɣɩ, mpi tɔ, n wɛ mɑ kɔŋkɔŋ tɑɑ.
\q1
\v 9 Pə tɔɔ kɛ́ mɑ hɛɛsɑɑ mɑɑ nyɑŋnɑ pʋlʋpʋ,
\q1 nɑ mɑ lɑŋlɛ hʋlʋmɑɑ nɑ mɑ́ yɔɔləɣɩ.
\q1
\v 10 Mpi tɔ, n kɑɑ pɛtɩ-m ɑtɛtəlɛ tɑɑ.
\q1 Yɑɑ ń yele sɩ nyɑ́ kʋsɔɔlʋ mɑ́,
\q1 mɑ́ tɩɩ sɔŋ pəcɔ mɑɣɑmɑɣɑ.
\q1
\v 11 Nyɑ́ hʋləɣənɑ-m weesuɣu mpɑɑʋ
\q1 nyɑ́ kiŋ kɛ lɑŋhʋlʋmlɛ sɔsɔɔlɛ wɛɛ.
\q1 Nɑ ń hɑɑkɩ leleŋ tɑm nyəŋ.
\c 17
\s1 Wɑhɑlɑ tʋ sələmʋɣʋ kɛ Ɩsɔ
\p
\v 1 Tɑfiiti sələmʋɣʋ kɛ Ɩsɔ.
\b
\q1 Hɑɩ, Tɑcɑɑ, ke ŋkpɑŋŋ nɑ ń nɩɩ mɑ sələmʋɣʋ,
\q1 nɑ mɑ wiinɑʋ, nɑ ń yele nɑ pɑ́ təŋ tɑmpɑnɑ kɛ mɑ tɔm tɑɑ.
\q1 Kɑloolɑɣɑ fɛɩ mɑ nɔɣɔ tɑɑ.
\q1
\v 2 Nyɑɑ teesinɑ mɑ tɔm.
\q1 Mpi tɔ, n təŋəɣɩ tɑmpɑnɑ kɛ pə tɑɑ kɛ́.
\q1
\v 3 Ye n kɔmɑ mɑ kiŋ kɛ ɑhoo
\q1 nɑ ń wiili too mɑ lotu tɑɑ,
\q1 n kɑɑ nɑ ɩsɑɣɑtʋ.
\q1 Mɑ tɑɑ tɔm nɑ mɑ kʋyɔɣɔtʋtʋ kɛ́ kʋlʋm kɛ́.
\q1
\v 4 Nyɑ́ kʋyɔɣɔtʋtʋ kɛ mɑ tɔkɑ mɑ lɑkɑsɩ tɑɑ,
\q1 mɑ tɑ təŋ mʋsʋŋtʋnɑɑ mpɑɑʋ.
\q1
\v 5 Nyɑ́ nyəŋkʋ kɛ mɑ nyɔɔnɑɑ,
\q1 mɑɑ hɛləɣɩ.
\b
\q1
\v 6 Hɑɩ, Ɩsɔ, nyɑɣɑ mɑ yɑɑkɩ.
\q1 Mpi tɔ, n nɩɩkɩ.
\q1 Ke ŋkpɑŋʋɣʋ nɑ mɑ tɔɔ nɑ ń nɩɩ mɑ kʋyɔɣɔtʋtʋ.
\q1
\v 7 Wɑtɩ-m nyɑ́ kʋpɑntʋ.
\q1 Nyɑ́ wɑɑsəɣənɑ mpɑ pɑ tʋɣʋ-ŋ kpʋlʋɣʋ
\q1 tɔɣɔ pɑ kolontunɑɑ niŋ tɑɑ.
\q1
\v 8 Kenti mɑ tɔɔ ɩsɩɩ ɩsəlɛ tɑɑ pəyɑɣɑ.
\q1 Nɑ ń ŋmɛsɩ-m nyɑ́ keŋ tɛɛ.
\q1
\v 9 Kɛ mɑ kolontunɑɑ ɑsɑɣɑɑ
\q1 ŋmɑkəllɑɑ mpɑ pɑ tɑmɑ-m tɔ pɑ tɔɔ.
\b
\q1
\v 10 Pɑ fɛɩnɑ pətɔɔtəlɛ,
\q1 pɑ yɔɣɔtəɣɩ kɑlɑmpɑɑnɩ tɔm.
\q1
\v 11 Pɑ tɑmɑ-m kɛ́ nɑ pɑ́ wɛ mɑ wɑɑlɩ təkpɑm,
\q1 nɑ pɑ́ feŋiɣi sɩ pɑ́ pɛtɩ-m ɑtɛ.
\q1
\v 12 Ɩsɩɩ tɔɣɔlɑsɩ cɛŋʋɣʋ sɩ
\q1 sɩ cələɣɩ sɩ tɔɣɔnɑɣɑ tɔ.
\b
\q1
\v 13 Tɑcɑɑ kʋlɩ pɑ tɔɔ nɑ ń pəsɩ-wɛɣɛ kpɛntəlɑsɩ.
\q1 Yɑ-m ɩsɑɣɑtʋ niŋ tɑɑ nɑ nyɑ́ lɑɣɑtɛ.
\q1
\v 14 Tɑcɑɑ kpiisi-wɛ nɑ nyɑ́ niŋ.
\q1 Nɑ pə ləsɩ mpi pə kɛ́ pɑ tɑɑ nyəm tɔɣɔ weesuɣu nyəm tɑɑ.
\q1 Nɑ ń nyɔɔsɩ-wɛɣɛ nyɑŋ lʋm mpi n sɩɩ-wɛ tɔ.
\q1 Pɑ piyɑ ɩ́ nyɔɔ nɑ pə́ kʋ pɛlɛ nɑ pɑ́ kɑɑsɩ pɑ sɑɑlənɑɑ.
\q1
\v 15 Ye mɑ ɩlɛ, mɑɑ nɑ́ nyɑ́ ɩsɛntɑɑ kɛ́ mɑ tɑmpɑnɑ təŋʋɣʋ tɔɔ.
\q1 Nɑ mɑ́ femɑ mɑ nyənɩ-ŋ ɩsənɑ mɑ cɑɑ tɔ.
\c 18
\s1 Wulɑʋ lɑpɑ ɑkɑ nɑ ɩ́ sɑŋ Ɩsɔ kɛ́ pə tɔɔ
\r (Sɑmiyɛɛlɩ II 22:1-51)
\p Tɑcɑɑ təmlɛ tʋ Tɑfiiti yontu nti ɩ sɑmnɑ Ɩsɔ kɛ́ sɑɑ wei Ɩsɔ
\q1 wɑɑsɑ-ɩ Sɑyuli nɑ ɩ kolontunɑɑ lɛlɑɑ tənɑ niŋ tɑɑ tɔ.
\d Ntɩ tə wɛnnɑ yonyoolɑɑ nyʋɣʋ tʋ yontunɑɑ tɑɑ cənɛ sɩ:
\b
\q1
\v 1 Tɑcɑɑ, mɑ luɣu sʋʋ-ŋ kɛ́,
\q1 nyɑɣɑlɛ mɑ toŋ.
\b
\q1
\v 2 Nyɑɣɑlɛ mɑ kʋkpɑmʋɣʋ nɑ mɑ təcɔɔsəlɛ toŋ nyəntɛ,
\q1 nyɑ́ wɑɑsəɣənɑ-m, nyɑɣɑlɛ mɑ Ɩsɔ nɑ mɑ cɔɔsəɣənɑ-ŋ.
\q1 Nyɑɣɑlɛ mɑ kpɑ́lʋɣʋ nɑ toŋ wei ɩ wɑɑsəɣɩ-m tɔ.
\q1
\v 3 Mɑ sɑmɑ Tɑcɑɑ nɑ kɑwilitɑɣɑ.
\q1 Nyɑ́ yɑpənɑ-m kolontunɑɑ niŋ tɑɑ.
\q1
\v 4 Səm kɑ tʋ-m ɑlukpɑlɑ kɛ́,
\q1 nɑ pə́ nyɑɑsəɣɩ-m ɩsɩɩ pɔɣɔ ɩsɑɣɑɑ.
\q1
\v 5 Atɛtəlɛ kɑ hɔkɑ-m tə ŋmɩɩsɩ kɛ́
\q1 nɑ səm nɑ́ɑ́ tuti-m nɑ pə puluɣu.
\q1
\v 6 Mɑ yɑ́ɑ́ Tɑcɑɑ kɛ mɑ lɑŋwɑkəllɛ wɑɑtʋ sɩ ɩ́ wɑɑsɩ-m.
\q1 Mɑ kiisɑɑ nɑ ɩ́ nɩɩ mɑ nɔɣɔ kɛ ɩ təyɑɣɑ tɑɑ.
\b
\q1
\v 7 Pɑ́ɑ́nɑ́ kpɑ Ɩsɔ nɑ tɛtʋ sele,
\q1 nɑ pɔɔŋ nɑ́ɑ́ sele too ɩ kilɑ tɛɛ.
\q1
\v 8 Ɩsɔ tɔwɑ kɔkɔ nɑ kɑ cəɣəlɑsɩ nɑ ɩ nɔɣɔ
\q1 nɑ kɑ nyɔɔsɩ lɩɩnɑ ɩ mɩɩnɑ tɛɛ.
\q1
\v 9 Ɩsɔ lumsɑ ɩsɔtɔnʋɣʋ nɑ ɩ́ tii.
\q1 Nɑ ɩ nɔɔhɛɛ tɛɛ kɛ́ ɩsɔtɔnʋɣʋ kpɩɩsəŋ nyəŋkʋ.
\q1
\v 10 Ɩsɔ cɑɣɑ ɩsɔtɑɑ tillu tɔɔ nɑ ɩ́ kʋləɣɩ hʋntʋ,
\q1 kɛ heelim tɔɔ.
\q1
\v 11 Ɩsɔ tɑkɑ ɩ təɣɩ səkpɛtʋɣʋ
\q1 nɑ ɩ́ wɛ tɛʋ ŋmʋntʋɣʋ kʋkpɛɛtʋɣʋ tɛɛ.
\q1
\v 12 Ɩsɔ nyɑləməlɛ tɛɛ-ɩ nɔɣɔ nɑ tə́ yɑsəɣɩ ɩsɔŋmʋntʋ
\q1 nɑ tə́ lɔkɩ tɛʋ tɔmpɛɛ nɑ kɔkɔ cəɣəlɑsɩ.
\q1
\v 13 Ɩsɔtɑɑ Ɩsɔ Sɔsɔ nɔɣɔ nɩɩ
\q1 ɩsɔtɑɑ kɛ́ ɩsɩɩ tɛʋ holɑ.
\q1
\v 14 Ɩsɔ tɔwɑ mɑ kolontunɑɑ kɛ nyəmɑ́ nɑ ɩ́ yɑsɩ-wɛ.
\q1 Nɑ ɩ́ tisi pɑ tɔɔ kɛ́ cɑlɑnɑɑ kɛ sɔsɔm nɑ pɑ́ se yem yem.
\q1
\v 15 Tɑcɑɑ mʋ pɑ́ɑ́nɑ́ nɑ ɩ́ woso ɩ mɩɩnɑ tɛɛ,
\q1 nɑ teŋku tɛtʋ nyɩɩ nɑ pə́ nɑ́ ɑntulinyɑ kite.
\b
\q1
\v 16 Ɩlɛnɑ ɩ́ tisi ɩ niŋ nɑ ɩsɔtɑɑ
\q1 nɑ ɩ́ ləsɩ-m lʋm sɔsɔɔm tɑɑ.
\q1
\v 17 Nɑ ɩ́ yɑ-m mɑ kolontunɑɑ toŋ nyə́mɑ
\q1 mpɑ pɑ tɛɛ-m tɔ pɑ niŋ tɑɑ.
\q1
\v 18 Mɑ wɑhɑlɑ wule kɛ pɑ tutɑ-m,
\q1 ɩlɛnɑ Tɑcɑɑ wɑɑsɩ-m.
\q1
\v 19 Ɩsɔ sɔɔlɑ-m tɔɣɔ ɩ wɑɑsɑ-m
\q1 sɩ mɑ́ cɑɣɑnɑ mɑ tɩ.
\b
\q1
\v 20 Mɑ təŋɑ tɑmpɑnɑ tɔɣɔ n lɑpɑ-m mpʋ,
\q1 mɑ kʋsiɣisim lɑpʋ kɑsəyɑɣɑ ntɛ́.
\q1
\v 21 Mɑ təŋɑ Tɑcɑɑ tɔm kɛ́,
\q1 mɑ tɑ wɑkələnɑ-ɩ.
\q1
\v 22 Mɑ təŋɑ nyɑ́ kʋsəsɩɩtʋ tənɑ tɔɣɔ.
\q1 Mɑ tɑ yɔkɩ nyɑ́ kiiu nɑkʋlɩ.
\q1
\v 23 Mɑ luɣu fɛɩ tɑɑlɩ nɔɣɔlʋ,
\q1 tɔɣɔ mɑ kpɑ mɑ təɣɩ ɩsɑɣɑtʋ təlɑtɛ.
\q1
\v 24 Ɩlɛnɑ Tɑcɑɑ lɛɛtɩ-m mɑ tɑmpɑnɑ təŋʋɣʋ tɔɔ.
\q1 Mɑ kʋsiɣisim lɑpʋ kɑsəyɑɣɑ ntɛ́ nɑ ń nyəmɑ́.
\b
\q1
\v 25 Kʋpɑntʋ kɛ n fɛləɣɩ tə lɑtʋ.
\q1 Nɑ ń təŋ tɑmpɑnɑ nɑ ń lɑnɑ ɑ təŋlʋ.
\q1
\v 26 Yʋlʋ ɩ́ wɛ tənɑŋŋ ḿpʋɣʋ n lɑkɩ-ɩ.
\q1 Ɩlɛnɑ ń kisi ɩsɑɣɑʋ kɛ ɩ ɩsɑɣɑtʋ tɔɔ.
\q1
\v 27 N wɑɑsəɣɩ təpɑsəlɑɑ.
\q1 Ɩlɛnɑ ń tisiɣi kɑlɑmpɑɑnɩ nyə́mɑ.
\q1
\v 28 Mɑ Ɩsɔ Tɑcɑɑ yekinɑ nɑ mɑ nyɑɑləm nɑɑkɩ.
\q1 Nɑ pə́ kɛɛləɣɩ mɑ səkpɛtʋɣʋ.
\q1
\v 29 Nyɑ́ toŋ kɛ mɑ ŋmɑɑkənɑ koluŋɑ ɩcɑtɛ,
\q1 nɑ mɑ́ sʋʋ nɑ mɑ́ tuti mɑ kolontunɑɑ.
\b
\q1
\v 30 Tɑcɑɑ nyɑ́ kʋlɑpʋtʋ wɛ kɛ́ təcʋŋŋ.
\q1 Nɑ nyɑ́ kʋyɔɣɔtʋtʋ fɛɩ sikɑ.
\q1 N kentiɣi mpɑ pɑ cɔɔsəɣənɑ-ŋ tɔ ɩsɩɩ kpɑ́lʋɣʋ
\q1
\v 31 Tɑcɑɑ nyɑ́ tike təkoŋ ntɛ́ Ɩsɔ.
\q1 Tɑ Ɩsɔ nyɑ́ tike təkoŋ ntɛ́
\q1 kʋkpɑmʋɣʋ ŋku kʋ kentiɣi-tʋ tɔ.
\q1
\v 32 Nyɑ́ hɑɑkənɑ-m tomɑ.
\q1 Nɑ ń tiikiɣi-m mpɑɑʋ kʋsiɣisuɣu tɑɑ.
\q1
\v 33 Nɑ ń yeki nɑ mɑ́ pəsəɣɩ sewɑ nɑ nɑɑni
\q1 kɛ pulɑsɩ tɔɔ ɩsɩɩ nɑm.
\q1
\v 34 N fɑləsɑ mɑ niŋ nɑ yoou,
\q1 nɑ mɑ́ nyɩ tɔɔʋ toŋ nyəŋkʋ tɔʋ.
\b
\q1
\v 35 N yɑpɑ mɑ nyʋɣʋ nɑ pə́ wɛɛ ɩsɩɩ kʋkentuɣu.
\q1 Nyɑ́ toŋ teesiɣi-m nɑ mɑ́ wɛɛnɑ tomɑ.
\q1
\v 36 Nyɑ́ hɑsəɣənɑ mɑ nɔɔhɛɛ tɛɛ,
\q1 pʋlʋpʋ ɩɩ tuuliɣi-m.
\q1
\v 37 Nɑ mɑ́ tɔɣɔnəɣɩ mɑ kolontunɑɑ nɑ mɑ́ kpɑɑkɩ-wɛ,
\q1 mɑ́ tɑ wɑkəlɩ-wɛ mɑɑ mələɣɩ.
\q1
\v 38 Nɑ mɑ́ huɣi-wɛɣɛ ɑtɛ,
\q1 nɑ pɑ́ wɛ mɑ nɔɔhɛɛ tɛɛ pɑɑ tɑsəɣɩ kʋlʋɣʋ.
\q1
\v 39 Nyɑ́ hɑɑkənɑ-m yoou toŋ
\q1 nɑ ń yeki nɑ mɑ kolontunɑɑ həntəɣɩ-m ɑtɛ.
\q1
\v 40 N yeki nɑ mɑ kolontunɑɑ seeki-m
\q1 nɑ mɑ́ wɑkələɣɩ-wɛ tənɑŋnɑŋ.
\q1
\v 41 Pɑ wiiwɑ nɔɣɔlʋ tɑ wɑɑsɩ-wɛ.
\q1 Nɑ pɑ́ yɑɑ Ɩsɔ, Ɩsɔ tɑ́ cɔ.
\q1
\v 42 Mɑ nuɣutɑ-wɛɣɛ nɑ pɑ́ pəsɩ ɩsɩɩ
\q1 mʋsʋɣʋ ŋku heelim kpɑkəɣɩ tɔ.
\q1 Nɑ mɑ́ fɛlɩ-wɛ ɩsɩɩ hɑpəlɛ tɔɔ ɑfəlɑ.
\b
\q1
\v 43 N yɑpɑ-m mɑ yəlɑɑ nɔhɔntɛ tɑɑ
\q1 nɑ ń sɩɩ-m piitimnɑɑ nyʋɣʋ tʋ,
\q1 nɑ yəlɑɑ mpɑ mɑ tɑɑ nyɩ tɔ pɑ́ lɑkɩ-m təmlɛ.
\q1
\v 44 Ye mɑ nyənɑ-wɛɣɛ ɩsəlɛ,
\q1 pɑ nɩɩnɑ-m kɛ́.
\q1 Kpɑɩ nyə́mɑ piyɑ seekinɑ-m.
\q1
\v 45 Sɩ nɑɑni leki-səɣɩ nɑ sɩ seliɣi
\q1 sɩ koloosi ɑcɑlɛɛ tɑɑ nɑ sɩ lɩɩkɩ.
\b
\q1
\v 46 Tɑcɑɑ nyɑ́ wɛnnɑ.
\q1 Nyɑɣɑlɛ mɑ kʋkpɑmʋɣʋ ŋku kʋ kentiɣi-m tɔ, mɑɑ sɑ-ŋ.
\q1 Mɑɑ tɑlɑ mɑ Ɩsɔ mɑ wɑɑsʋlʋ nyɑ́.
\q1
\v 47 Nyɑ́ lɛɛtəɣənɑ nɑ mɑ nɔɣɔ,
\q1 nɑ ń tisiɣi piitimnɑɑ kɛ mɑ tɛɛ.
\q1
\v 48 Nyɑ́ yɑkənɑ-m mɑ kolontunɑɑ niŋ tɑɑ
\q1 nɑ ń lɑkɩ nɑ mɑ́ kələɣɩ-wɛ.
\q1 Nɑ ɩ́ yɑkɩ-m mʋsʋŋ tʋ niŋ tɑɑ.
\q1
\v 49 Pə tɔɔ kɛ́ mɑɑ sɑ-ŋ piitimnɑɑ tɑɑ,
\q1 nɑ mɑ́ pʋɣʋlɩ nyɑ́ hətɛ.
\q1
\v 50 N tʋɣɩ nyɑ́ wulɑʋ kɛ ɑkɑɩtʋ sɔsɔɔntʋ,
\q1 nɑ ń lɑ kʋpɑntʋ kɛ nyɑ́ kʋləsʋ Tɑfiiti,
\q1 nɑ ɩ́lɛ́ ɩ piitim nyə́mɑ kɛ tɑm tɔɔ.
\c 19
\s1 Tɑcɑɑ kʋŋmɑŋmɑm hʋlʋɣʋ kɛ ɩ teeli
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Ɩsɔtɔnʋɣʋ hʋləɣənɑ Ɩsɔ nyɑ́ teeli
\q1 nɑ kʋ kpɑɑləɣɩ nyɑ́ kʋlɑpəlɛ.
\q1
\v 2 Wʋlɛ sɛɣɛsəɣənɑ lɛntɛ kɛ tə tɔm.
\q1 Nɑ ɑhoo nɑ́ɑ́ heeliɣi lɛnnɑ kɛ ɑ tɔm.
\q1
\v 3 Pɩɩ yɔɣɔtəɣɩ sɩ yʋlʋ ɩ́ nɩɩ pə nɔɣɔ.
\q1
\v 4 Pɑɑ nɑ mpʋ, pə tɔm cɔɔkɩ ɑntulinyɑ tənɑsɩ tənɑɣɑ.
\b
\q1 Ɩsɔ sikɑ ilim kɛ cokəle kɛ ɩsɔtɑɑ kɛ́.
\q1
\v 5 Pə wɛ kɛ́ ɩsɩɩ ɑkpɑɣɑlʋ lɩɩkʋɣʋnɑ ɩ nɑŋ tɑɑ tɔ,
\q1 nɑ ɩ́ tʋɣɩ mpɑɑʋ nɑ lɑŋhʋlʋmlɛ ɩsɩɩ ɑkɑ.
\q1
\v 6 Pə lɩɩkənɑ ɑntulinyɑ tənɑɣɑ kɑnɛɣɛ,
\q1 nɑ pə́ tɔlənɑ lɛŋkɑ.
\q1 Pʋlʋpʋ ɩɩ fitiɣi pə hɑŋɑɣɑ.
\b
\q1
\v 7 Tɑcɑɑ nyɑ́ kiiŋ wɛ kɛ́ təcʋŋŋ,
\q1 nɑ ɩ́ hɑɑkɩ toŋ nɑ weesuɣu.
\q1 Tɑcɑɑ nyɑ́ kʋsəsɩɩtʋ tɑ siti tə wɛ kɛ́ təcʋŋŋ.
\q1 Tə kuliɣi mpɑ pɑ tɑ nyɩ pʋlʋ tɔ pɑ ɩsɛ.
\q1
\v 8 Tɑcɑɑ nyɑ́ kʋtʋtʋtʋ siɣisɑɑ kɛ́ nɑ tə́
\q1 hɛɛsəɣɩ mpɑ pɑ nɩɩkənɑ-tɩ tɔ pɑ lɑŋɑ.
\q1 Nyɑ́ kiiŋ siɣisɑɑ kɛ́ təkpɑtɑɑ,
\q1 nɑ ɩ́ kuliɣi ɩsɛ.
\q1
\v 9 Tɑcɑɑ nyɑmnɑʋ tewɑɣɑ,
\q1 yəlɑɑ kɑ nɩɩnɑ-ŋ ḿpʋɣʋ tɑm tɔɔ.
\q1 Nyɑ́ kʋsəsɩɩtʋ wɛ tɑmpɑnɑ kɛ́ nɑ tə siɣisɑɑ.
\q1
\v 10 Tə kəlɑ wʋlɑnɑɑ kʋpɑmpɑmɑ kɛ teu.
\q1 Nɑ tə́ kəlɩ tɩɩŋ sɛtɑɣɑ nim nyəŋkɑ mɑɣɑmɑɣɑ kɛ leleŋ.
\b
\q1
\v 11 Ntɩ tə sɛɣɛsəɣənɑ nyɑ́ təmlɛ tʋ mɑ́.
\q1 Tə tɔkʋɣʋ tɑɑ mɑ wɑɑkɩ mɑ weesuɣu tɑɑ kɛ́.
\q1
\v 12 Nɔɣɔlʋ ɩɩ cɛkəɣənɑ ɩ tɑsəkəlɛ.
\q1 Wii mɑɣɑ timpi mɑ tɑ cɛkənɑ tɔ.
\q1
\v 13 Kenti-m kɑlɑmpɑɑnɩ nyə́mɑ,
\q1 pɑ tɑɑ ŋmɑkəlɩ-m.
\q1 Wɑɑtʋ ɩnəɣɩ mɑɑ te teu nɑ ń fiti-m kʋpəntʋɣʋ ɩsɑɣɑʋ.
\b
\q1
\v 14 Mʋ mɑ kʋyɔɣɔtʋtʋ nɑ nti mɑ mɑɣɑsəɣɩ mɑ lotu tɑɑ tɔ.
\q1 Hɑɩ, Tɑcɑɑ, nyɑɣɑlɛ mɑ wɑɑsʋlʋ
\q1 nɑ mɑ kʋkpɑmʋɣʋ ŋku kʋ kentiɣi-m tɔ.
\c 20
\s1 Wulɑʋ tɔɔ sələmʋɣʋ
\p Tɑfiiti yontu nti tə wɛ yonyoolɑɑ
\d nyʋɣʋ tʋ tɑkəlɑɣɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ ɩ́ mʋ nyɑ́ kʋsələmʋtʋ kɛ nyɑ́ lɑŋwɑkəllɛ wule.
\q1 Yɑkɔpʋ Ɩsɔ ɩnɩ ɩ kenti nyɑ́ tɔɔ.
\q1
\v 2 Nɑ ɩ́ lɩɩ ɩ təyɑɣɑ tɑɑ kɛ́ Yosɑlɛm kɛ
\q1 Siyɔŋ pʋɣʋ tɑɑ nɑ ɩ́ kɔɔ nyɑ́ wɑɑsʋɣʋ.
\q1
\v 3 Ɩ́ tɔɔsɩ nyɑ́ kɔtɑsɩ tənɑ tɔɔ,
\q1 nɑ ɩ́ mʋ nsi kɔkɔ lusɑ sɩ tənɑ tɔ.
\q1
\v 4 Ɩ́ hɑ-ŋ mpi n sɔɔlɑ teu tɔ,
\q1 nɑ ɩ́ lɑ mpi n cɑɑkɩ tɔ.
\q1
\v 5 Ɩlɛ tɑ́ lɑŋɑ kɑ́ hɛɛnɑ nyɑ́ nyʋɣʋ yɑpʋ tɔm.
\q1 Mpi tɔ, tɑ́ Ɩsɔ hətɛ tɑɑ kɛ́ tə pəsənɑ ɑkɑnɑɑ.
\q1 Tɑcɑɑ ɩ́ lɑ pə tənɑ mpi n sələməɣɩ tɔ.
\b
\q1
\v 6 Pənɛntɛ mɑ nyəmɑ sɩ Tɑcɑɑ
\q1 wɑɑsəɣɩ wulɑʋ wei n ləsɑɑ tɔɣɔ,
\q1 nɑ ń cɔ-ɩ nyɑ́ təyɑɣɑ tɑɑ kɛ́ hɑtoo ɩsɔtɑɑ.
\q1 Nyɑ́ toŋ sɔsɔɔŋ wɑɑsəɣənɑ.
\q1
\v 7 Pɑɣɑlɛ nɑ́ tɛɛləɣɩ pɑ yoou kpɑɣɑnəŋ kɛ́,
\q1 nɑ lɛlɑɑ kɛ pə kɛɛkɛnɑɑ.
\q1 Amɑ tɑ́ ɩlɛ, tɑ́ Ɩsɔ Tɑcɑɑ kɛ tɑ́ nyənəɣɩ.
\q1
\v 8 Mpɛ ɩnɩ pɑ nukiɣi kɛ́ nɑ pɑ́ hotiɣi.
\q1 Ɩlɛnɑ tɑɑ səŋɑ ɩsɔ təcɑ.
\b
\q1
\v 9 Hɑɩ, Tɑcɑɑ, wɑɑsɩ wulɑʋ.
\q1 Cɔ-tʋɣʋ wɑɑtʋ wei tə yɑɑkɩ-ŋ tɔ.
\c 21
\s1 Wulɑʋ tɛɛlʋɣʋ kɛ Tɑcɑɑ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Tɑcɑɑ wulɑʋ lɑŋlɛ hɛɛnɑ nyɑ́ tomɑ sɔsɔɔnɑ kɛ́.
\q1 Nɑ ɩ́ ŋmɑɑləɣənɑ nyɑ́ wɑɑsʋɣʋ pə fɛɩnɑ.
\q1
\v 2 Mpi ɩ luɣu sɔɔlɑɑ tɔɣɔ n hɑ-ɩ,
\q1 n tɑ pɛmɩ-ɩ ɩ kʋsələməm.
\q1
\v 3 N koolɑ-ɩ kʋpɑntʋ kɛ tuutuumɑ.
\q1 N temɑ-ɩ wʋlɑ ntenuɣu.
\q1
\v 4 Ɩ sələmɑ-ŋ weesuɣu nɑ ń hɑ-ɩ,
\q1 nɑ kʋ tɑɣɑlɩ teu.
\q1
\v 5 N wɑɑsɑ-ɩ nɑ ɩ teeli tɔɔ sɔsɔm.
\q1 Nɑ ń suu-ɩ teu nɑ sɔsɔɔntʋ.
\q1
\v 6 N kooliɣi-ɩ kʋpɑntʋ kɛ tɑm tɔɔ kɛ́,
\q1 nɑ ń wɛ ɩ kiŋ nɑ ɩ lɑŋlɛ hʋləməɣɩ.
\q1
\v 7 Wulɑʋ pɛtɑ ɩ təɣɩ Tɑcɑɑ kɛ́.
\q1 Nɑ ɩsɔtɑɑ Ɩsɔ Sɔsɔ kʋpɑntʋ tɔɔ,
\q1 pə kɑɑ cɛŋlɩ-ɩ.
\b
\q1
\v 8 Hɑɩ, wulɑʋ, nyɑ́ niŋ ɩ wɛɛ nyɑ́ kolontunɑɑ
\q1 nɑ mpɑ pɑɑ cɑɑ-ŋ tɔ pɑ tɔɔ.
\q1
\v 9 Kʋyɑŋku n kɔŋ tɔ,
\q1 n kɑ́ tʋ-wɛɣɛ kɔkɔ sɔsɑɣɑ tɑɑ kɛ́.
\q1 Tɑcɑɑ n kɑ́ kpiisi-wɛɣɛ nɑ pɑ́ɑ́nɑ́,
\q1 nɑ kɔkɔ nyɑɣɑ-wɛ.
\q1
\v 10 Nɑ ń kpiisi pɑ lʋləŋ tənɑɣɑ
\q1 tɛtʋ tɑɑ yəlɑɑ tɑɑ.
\q1
\v 11 Pɑɑ hɔkɔ ɩsɑɣɑtʋ sɩ pɑ lɑkɩ-ŋ,
\q1 ɩlɛ pɑ kɑɑ pəsɩ.
\q1
\v 12 N kɑ́ tɔ-wɛɣɛ nyɑ́ nyəmɑ́
\q1 nɑ ń tɔɣɔnɩ-wɛ nɑ pɑ́ se.
\b
\q1
\v 13 Tɑcɑɑ hʋlɩ nyɑ́ toŋ sɔsɔɔŋ.
\q1 Ɩlɛnɑ tɑ́ɑ́ yoo-ŋ yontu nɑ tə́ sɑ nyɑ́ toŋ tɔm.
\c 22
\s1 Wei pɑ lɔwɑ tɔ ɩ wɑɑsʋɣʋ
\p Tɑfiiti yontu nti pɑ yookinɑ tefemle nɑm luɣu,
\d nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, mɑ Ɩsɔ yoou,
\q1 pepe tɔɔ kɛ́ n lɔ-m?
\q1 N hɑtələnɑ-m suwe,
\q1 nɑ nn nɩɩkɩ mɑ wulɑ sɩ ń wɑɑsɩ-m?
\q1
\v 2 Hɑɩ, Ɩsɔ, mɑ wiikinɑ-ŋ ilim ilim nn cɔɔkɩ,
\q1 nɑ ɑhoo ɑhoo mɑɑ hikiɣi tom.
\b
\q1
\v 3 Pɑɑ nɑ mpʋ nyɑɣɑlɛ Ɩsɔ Nɑŋŋtʋ
\q1 wei Ɩsɛɣɛlɩ nyə́mɑ sɑŋ tɔ.
\q1
\v 4 Nyɑɣɑ tɑ́ cɔsɔnɑɑ tʋwɑ nɑɑni
\q1 ɩlɛnɑ ń yɑ-wɛ.
\q1
\v 5 Pɑ wiinɑ-ŋ nɑ ń yɑ-wɛ,
\q1 pɑ pɛtɑ-ŋ pɑ tɩ tɔ fɛɛlɛ tɑ tɔɣɔ-wɛ.
\b
\q1
\v 6 Amɑ mɑ pəsɑ kɛ́ ɩsɩɩ ɑtɑntɑɑlʋ pə tɑɣɑ yʋlʋ,
\q1 nɑ yəlɑɑ tənɑ tʋʋkɩ-m nɑ pɑ footiɣi-m.
\q1
\v 7 Pɑ tənɑ mpɑ pɑ nɑɑkɩ-m tɔ pɑ tuluɣu-m ntompee
\q1 nɑ pɑ́ hooki-m ɩsɛ nɑ pɑ́ footiɣi-m sɩ:
\q1
\v 8 Ntɔŋ Tɑcɑɑ kɛ n pɛtɑ nyɑ́ tɩ yɑɑ,
\q1 Tɑcɑɑ ɩ́ ləsɩ-ŋ pə tɑɑ.
\q1 Ntɔŋ Tɑcɑɑ sɔɔlɑ-ŋ yɑɑ,
\q1 Tɑcɑɑ ɩ́ wɑɑsɩ-ŋ.
\q1
\v 9 Tɑcɑɑ, nyɑ́ ləsənɑ-m mɑ too tɑɑ,
\q1 nɑ ń pɑpəsɩ-m ɩ həlɑ tɔɔ nɑ nɑɑni.
\q1
\v 10 Hɑtoo mɑ hɔɔʋ tɛɛ nyɑ́ tɔɔ kɛ́ mɑ wɛɛ,
\q1 nɑ n kɛ́ mɑ Ɩsɔ.
\q1
\v 11 Tɑɑ hɑtələnɑ-m mɑ wɑhɑlɑnɑɑ wɑɑtʋ,
\q1 nyɑɣɑlɛ mɑ sənlʋ nɔɣɔlʋ fɛɩ.
\b
\q1
\v 12 Mɑ kolontunɑɑ tɑmɑ-m kɛ́ ɩsɩɩ lɑtəcɛnɑɑ,
\q1 pɑ tʋ-m hɛkʋ kɛ́ ɩsɩɩ tɑɑlɛ nɑɑŋ keesɑsɩ.
\q1
\v 13 Pɑ hɑɑkɩ nɔɔsɩ nɑ mɑ tɔɔ kɛ́ ɩsɩɩ tɔɣɔlɑɣɑ
\q1 cəlʋɣʋ kɑ tɔɣɔnɑɣɑ nɑ kɑ́ nyɩɩsəɣɩ tɔ.
\q1
\v 14 Mɑ tomɑ tɛmɑɣɑ ɩsɩɩ lʋm kpeŋuɣu ɑtɛ tɔ,
\q1 nɑ mɑ tətɑntɛnɑɑ tɑɑ cɛ́.
\q1 Ɩlɛnɑ mɑ ɑpɑlʋtʋ hoo mɑ tɑɑ ɩsɩɩ keetu.
\q1
\v 15 Mɑ luɣu tɛɛ wʋlɑɑ kɛ́ təpuɣupuɣu,
\q1 nɑ mɑ nsəmlɛ mɑtənɑ mɑ tɑntɑhɑɑʋ.
\q1 N sɩɩ-m mʋsʋɣʋ tɑɑ kɛ́ ɩsɩɩ mɑ tɛmɑ səpʋ.
\b
\q1
\v 16 Asɑɣɑɑ kpekəle tɑmɑ-m kɛ́.
\q1 Hɑsɩ nsɩ sɩ tʋ-m hɛkʋ.
\q1 Pɑ tʋlɑ mɑ niŋ nɑ mɑ nɔntɑɑləŋ kɛ pɔɔŋ.
\q1
\v 17 Mɑ wʋlɑɑ kɛ́ nɑ mɑ́ yele mʋwɑ tike
\q1 nɑ mɑ kolontunɑɑ nyənəɣɩ-m təcooo.
\q1
\v 18 Pɑ tɑlɑ mɑ wontu.
\q1 Ɩlɛnɑ pɑ́ tɔ tɛtɛ kɛ́ mɑ kpɑɩ tɔɔ.
\b
\q1
\v 19 Hɑɩ, Tɑcɑɑ, tɑɑ hɑtələnɑ-m.
\q1 Nyɑɣɑlɛ mɑ toŋ.
\q1 Kɔɔ mɑ wɑɑsʋɣʋ kɛ lɔŋ.
\q1
\v 20 Yɑ-m lɑɣɑtɛ nɔɣɔ tɑɑ.
\q1 Ləsɩ-m hɑsɩ nsɩ sɩ kelɑ tɑɑ.
\q1
\v 21 Wɑɑsɩ-m tɔɣɔlɑsɩ nsɩ sɩ nɔɣɔ tɑɑ,
\q1 nɑ tɑɑlɛ nɑɑŋ ɩnɩ ɩ həŋ tɑɑ.
\b
\q1 Hɑɩ, nɩɩ mɑ kʋsələmətʋ.
\q1
\v 22 Mɑɑ heeli nyɑ́ tɔm kɛ mɑ cɑmnɑnɑɑ,
\q1 nɑ mɑ́ sɑ-ŋ sɑmɑɑ tɑɑ.
\q1
\v 23 Tɑcɑɑ yəlɑɑ mɛ ɩ́ sɑmɩ-ɩ
\q1 Yɑkɔpʋ lʋlʋɣʋ nyə́mɑ mɛ ɩ́ tʋ-ɩ teeli.
\q1 Ɩsɛɣɛlɩ nyə́mɑ mɛ ɩ́ sɛɛ-ɩ.
\q1
\v 24 Mpi tɔ, Tɑcɑɑ nn footiɣi wɑhɑlɑ tʋ nɔɣɔlʋ
\q1 yɑɑ ń nyənɩ-ɩ səkpelu
\q1 pə́cɔ nn hɑɑkɩ-ɩ siɣile.
\q1 Amɑ ye wɑhɑlɑ tʋ wiinɑ-ŋ, n nɩɩkɩ kɛ́.
\b
\q1
\v 25 Tɑcɑɑ nyɑ́ kʋlɑpʋtʋ tike kɛ mɑ sɑŋ sɑmɑɑ tɑɑ.
\q1 Ɩlɛnɑ mɑ lɑ-ŋ kɔtɑsɩ nsi
\q1 mɑɑ sɩɩ nɔɣɔ tɔɣɔ nyɑ́ sɛɛlɑɑ ɩsɛntɑɑ.
\q1
\v 26 Kʋnyɔntʋnɑɑ kɑ tɔɣɔ nɑ pɑ́ hɑɣɑ.
\q1 Tɑcɑɑ nyɑ́ pɛɛkəlɑɑ ɩ́ sɑ-ŋ.
\q1 Nɑ pə́ cɑɣɑnɑ-wɛɣɛ tɑm.
\b
\q1
\v 27 Tɛtʋ tənɑsɩ tənɑ yəlɑɑ kɑ hʋʋ
\q1 Tɑcɑɑ nyɑ́ tɔm nɑ pɑɑ kɛɛsənɑ nyɑ́ tɔɔ.
\q1 Nɑ ɑtɛ yəlɑɑ tənɑ luŋ nyɑ́ tɛɛ.
\q1
\v 28 Mpi tɔ, Tɑcɑɑ nyɑɣɑlɛ wulɑʋ sɔsɔ.
\q1 Nɑ ń tɔkɩ kɑwulɑɣɑ kɛ piitimnɑɑ tənɑ tɔɔ.
\q1
\v 29 Tɛtʋ tɑɑ toŋtunɑɑ tənɑ kɑ́ tɔɣɔ nɑ pɑ́ həntɩ-ŋ ɑtɛ.
\q1 Nɑ yəlɑɑ tənɑ mpɑ pɑɑ tɛ nɑ pɑ́ sɩ tɔ pɑɑ luŋɩ-ŋ ɑkulɑ.
\q1
\v 30 Pɑ lʋlʋŋ nyə́mɑ kɑ́ lɑ-ŋ təmlɛ
\q1 nɑ pɑ́ heeli nyɑ́ tɔm kɛ pɑ wɑɑlɩ piyɑ.
\q1
\v 31 Nɑ pɛlɛ pɑ kɛɛsɩ pɛlɛ pɑ piyɑ kɛ
\q1 ɩsənɑ n wɑɑsɑ nyɑ́ yəlɑɑ tɔ.
\c 23
\s1 Tɑcɑɑ kɛlɛ mɑ tiikilu
\p
\v 1 Tɑfiiti yontu.
\b
\q1 Ɩsɔ nyɑ́ tiikiɣinɑ-m,
\q1 mɑɑ lɑŋəɣɩ pʋlʋ.
\q1
\v 2 Pə tɔɔ kɛ́ n pukinɑ-m nyɩɩtʋ
\q1 kʋlɛkəlɛkətʋ tɑɑ nɑ mɑ́ hɛɛsəɣɩ.
\q1 Nɑ ń yeki nɑ mɑ́ hɛɛsəɣɩ lʋm mpi
\q1 pə wɛ təpɑmm tɔ pə cɔlɔ.
\q1
\v 3 N tɑɣɑnəɣɩ mɑ toŋ kpɑɑsʋɣʋ
\q1 nɑ ń pukinɑ-m mpɑɑʋ kʋsiɣisuɣu tɑɑ sɩ, nyɑ́ hətɛ ɩ́ yɑɑ.
\q1
\v 4 Pɑɑ mɑ tɔŋ səkpɛtʋɣʋ ɑnɑɑm tɑɑ,
\q1 mɑɑ nyɑŋ sɩ pʋlʋpʋ kɑ́ lɑ-m.
\q1 Mpi tɔ, Tɑcɑɑ n wɛ mɑ wɑɑlɩ tɔ se.
\q1 N tiikiɣi-m nɑ ń kentiɣi mɑ tɔɔ nɑ pə́ tʋɣʋ-m nɑɑni.
\b
\q1
\v 5 Tɑcɑɑ, pɑɑ mɑ kolontunɑɑ kiŋ,
\q1 n mʋɣʋ-m kɛ́ nɑ ń pələɣɩ mɑ nyʋɣʋ tɑɑ kɛ́ sɔɔsʋŋ nim,
\q1 nɑ ń sɩɩkɩ-m tɔɣɔnɑɣɑ təkpɛtɛkpɛtɛ.
\q1 Nɑ ń suuliɣi mɑ iyɑɣɑ kʋnyɔnyɔɔɣɑ təpɑm.
\q1
\v 6 Tɑmpɑnɑ tɔɔ, n lɑkɩ-m kʋpɑntʋ kɛ́
\q1 nɑ ń sɔɔləɣɩ-m hɑlənɑ mɑ weesuɣu kʋyɛɛŋ tɛ́.
\q1 Mɑ nɑ-ŋ tɩɩ kpɛntɩ teu kɛ́, hɑlənɑ mɑ səm.
\c 24
\s1 Tɑcɑɑ kɛlɛ ɑntulinyɑ wulɑʋ sɔsɔ
\p
\v 1 Tɑfiiti yontu.
\b
\q1 Tɑcɑɑ nyɑ́ tənnɑ ɑntulinyɑ tənɑ nɑ ɩ tɑɑ yəlɑɑ
\q1 nɑ pə tənɑ mpi pə wɛ ɩ tɑɑ tɔ.
\q1
\v 2 Nyɑ́ sɩɩnɑ ɑntulinyɑ kite kɛ teŋku nɑ
\q1 lʋmnɑɑ tɔɔ nɑ ń tɔkɑ-ɩ.
\b
\q1
\v 3 Awe tɑkɑ kɑ́ kpɑnɑ Tɑcɑɑ nyɑ́ pulɑɣɑ
\q1 ŋkɑ kɑ tɔɔ pɑ sɛɛkɩ-ŋ tɔ?
\q1 Nɑ pʋntʋ sʋʋ nyɑ́ təcɑɣɑlɛ nɑŋŋ nyəntɛ ntɛ́ tə tɑɑ?
\q1
\v 4 Mpɑ pɑ kisɑ ɩsɑɣɑtʋ lɑpʋ nɑ pɑ lotu wɛ kʋlʋmtʋ
\q1 nɑ pɑ́ tɑ́ hɑ pɑ təɣɩ tɩɩŋ lɑɑʋ nɑ pɔpɔtʋ nɔɔsɩ sɩɩʋ tɔɣɔ.
\q1
\v 5 Tɑcɑɑ lɑŋlɛ kɑ hɛɛnɑ-wɛ nɑ ɩ́ wɑɑsɩ-wɛ,
\q1 nɑ ɩ́ kooli-wɛɣɛ kʋpɑntʋ.
\q1
\v 6 Yəlɑɑ mpɛ ɩnɩ pɑ tɑkɑnɑɑ sɛɛkənɑ Tɑcɑɑ.
\q1 Yɑkɔpʋ lʋlʋɣʋ nyə́mɑ siɣisiɣi mpɑ pɑ pəsəɣɩ
\q1 nɑ pɑ́ kɔɔ ɩ ɩsɛntɑɑ tɔɣɔlɛ.
\b
\q1
\v 7 Tɑm tɔɔ nɔnɔɔsɩ mɛ ɩ́ tʋlɩ təyelele,
\q1 nɑ teeli wulɑʋ sʋʋ.
\q1
\v 8 Aweɣelɛ teeli wulɑʋ ɩnɩ?
\q1 Tɑcɑɑ toŋ tʋ wei ɩ kɛ́ yooŋ tɑɑ ɑkɑ tɔɣɔ.
\q1
\v 9 Tɑm tɔɔ nɔnɔɔsɩ mɛ ɩ́ tʋlɩ təyelele,
\q1 nɑ teeli wulɑʋ sʋʋ.
\q1
\v 10 Aweɣelɛ teeli wulɑʋ ɩnɩ ye?
\q1 Atɛ nɑ ɩsɔtɑɑ Tɑcɑɑ kɛlɛ teeli wulɑʋ.
\c 25
\s1 Hɩɩsɩ mɑ təwɑkəllɛ nɑ ń hʋlʋ-m nyɑ́ luɣu nyəntʋ
\p
\v 1 Tɑfiiti yontu.
\b
\q1 Tɑcɑɑ nyɑ́ tɔɔ kɛ́ mɑ kɛɛsəɣənɑ.
\q1
\v 2 Mɑ Ɩsɔ nyɑɣɑ mɑ pɛtɑ mɑ tɩ.
\q1 Tɑɑ yele-m nɑ fɛɛlɛ tɔɣɔ-m.
\q1 Yɑɑ mɑ kolontunɑɑ pɑɑnɑ-m.
\q1
\v 3 Mpɑ pɑ tʋɣʋ-ŋ nɑɑni tɔ
\q1 pɑ kɑɑ wɛɛ mɑɑ nyə́mɑ tɑɑ.
\q1 Amɑ nyɑ́ wɑɑlɩ lɩɩlɑɑ kɑ́ nyɑsənɑ pɑ mpee kɛ kelɑ.
\b
\q1
\v 4 Hʋlʋ-m nyɑ́ mpɑɑʋ nɑ mɑ́ nyɩ-kʋ,
\q1 nɑ ń sɛɣɛsɩ-m mpi n cɑɑ mɑ lɑ tɔ.
\q1
\v 5 Tiiki-m nyɑ́ tɑmpɑnɑ tɑɑ,
\q1 nɑ ń sɛɣɛsɩ-m-yɛ.
\q1 Mpi tɔ, Ɩsɔ nyɑ́, nyɑ́ yɑkənɑ-m.
\q1 Nyɑɣɑ mɑ tɛɛləɣɩ tɑm.
\q1
\v 6 Tɑcɑɑ, tɔɔsɩ sɩ hɑtoo tɔ n kɛ́ kʋpɑŋ kɛ́,
\q1 nɑ ń sɔɔləɣɩ yəlɑɑ.
\q1
\v 7 Tɑɑ tɔɔsɩ mɑ ɩfepile kʋpəntəŋ nɑ mɑ ɩsɑɣɑtʋ tɔm.
\q1 Amɑ nyənɩ mɑ pətɔɔtəlɛ nɑ ń tɔɔsɩ mɑ tɔɔ
\q1 kɛ́ nyɑ́ kʋpɑntʋ tɔɔ.
\b
\q1
\v 8 Tɑcɑɑ n kɛ́ kʋpɑŋ kɛ́ nɑ ń siɣisɑɑ.
\q1 Pə tɔɔ kɛ́ n hʋləɣɩ pəntəlɑɑ kɛ mpɑɑʋ.
\q1
\v 9 N teesiɣi mpɑ pɑ ɩsɛ pɑ tɔkɩ tɔ pɑ tɔm kɛ́.
\q1 Nɑ ń hʋləɣɩ-wɛɣɛ nyɑ́ luɣu nyəntʋ.
\q1
\v 10 Mpɑ pɑ tɔkəɣɩ Tɑcɑɑ nyɑ́ nɔɔsɩ pɛɛlʋɣʋ nɑ nyɑ́ kʋsəsɩɩtʋ tɔ
\q1 pɑ nɑɑkɩ nyɑ́ mpɑɑŋ tənɑ tɑɑ kɛ́ sɔɔlʋɣʋ nɑ kʋpɑntʋ kɛ́.
\q1
\v 11 Hɑɩ, Tɑcɑɑ hɩɩsɩ mɑ ɩsɑɣɑtʋ
\q1 sɔsɔɔntʋ kɛ nyɑ́ hətɛ tɔɔ.
\q1
\v 12 Ye yʋlʋ nyɑŋnɑ Tɑcɑɑ,
\q1 Tɑcɑɑ hʋləɣɩ-ɩ mpɑɑʋ ŋku ɩ kɑ́ təŋ tɔɣɔ.
\q1
\v 13 Pə yʋlʋ wɛɛkɩ leleŋ tɑɑ kɛ́.
\q1 Ɩlɛnɑ ɩ piyɑ nɑ́ɑ́ tɔɣɔ tɛtʋ.
\q1
\v 14 Tɑcɑɑ heeliɣi pʋntʋ kɛ ɩ lotu kɛ́,
\q1 nɑ ɩ́ hʋləɣɩ-ɩ nɔɣɔ pɛɛlʋɣʋ təmɑ.
\q1
\v 15 Tɑcɑɑ kɛ mɑ tekiɣi tɑm.
\q1 Mpi tɔ, ɩnɩ ɩ kɑ ləsənɑ-m
\q1 kɑtɔkɑ ŋkɑ kɑ kpɑ-m tɔ kɑ tɑɑ.
\b
\q1
\v 16 Hɑɩ, hʋlʋ-m nyɑ́ pɛɛlɛɛ nɑ ń kɛɛsənɑ mɑ tɔɔ.
\q1 Mpi tɔ, mɑ kɛ́ kɑtɑyəlɑɣɑ kɛ́, nɑ kʋnyɔntɔɣɔlʋ.
\q1
\v 17 Nəɣəsɛɛ sɔɔsəɣɩ mɑ lotu tɑɑ kɛ́.
\q1 Ləsɩ-m mɑ lɑŋwɑkəllɛ tɑɑ.
\q1
\v 18 Nyənɩ mɑ kʋnyɔŋ nɑ mɑ wɑhɑlɑ
\q1 nɑ ń hɩɩsɩ mɑ kʋpəntəŋ tənɑ.
\q1
\v 19 Nyənɩ mɑ kolontunɑɑ pɑɣɑlɛ,
\q1 nɑ ɩsənɑ pɑ tɑɑ hɑŋəɣənɑ-m sɔsɔm tɔ.
\q1
\v 20 Kenti mɑ weesuɣu tɔɔ nɑ ń yɑ-m,
\q1 nɑ mɑ́ tɑɑ lɑ mɑɑ nyəmɑ,
\q1 kɛ ɩsənɑ mɑ pɛtɑ-ŋ mɑ tɩ tɔ pə tɔɔ.
\q1
\v 21 Nyɑɣɑ mɑ tɛɛləɣɩ sɩ ń yele nɑ mɑ́ təŋ siɣisuɣu
\q1 nɑ mɑ́ tɑɑ wɑkələnɑ nɔɣɔlʋ.
\q1
\v 22 Hɑɩ, Ɩsɔ, yɑ Ɩsɛɣɛlɩ nyə́mɑ
\q1 kɛ pɑ lɑŋwɑkəllɛ tənɑ tɑɑ.
\c 26
\s1 Yʋlʋpɑŋ yɑɑʋ kɛ Tɑcɑɑ
\p
\v 1 Tɑfiiti yontu.
\b
\q1 Tɑcɑɑ, hɑ-m tɑmpɑnɑ.
\q1 Mpi tɔ, mɑ yɑɑsi tewɑɣɑ,
\q1 pəyele mɑ pɛtɑ-ŋ mɑ təɣɩ təkpɑtɑɑ.
\q1 Mɑ tɑ hɛlɩ.
\q1
\v 2 Mɑɣɑsɩ-m nɑ ń wiili mɑ lotu tɑɑ,
\q1 nɑ ń yɑsɩ mɑ ləmɑɣɑsɛɛ tɑɑ nɑ ń nɑ́.
\b
\q1
\v 3 Mɑ nɑɑkɩ nyɑ́ kʋpɑntʋ nɑ mɑ ɩsɛ,
\q1 nɑ mɑ́ tɔŋ nyɑ́ tɑmpɑnɑ tɑɑ.
\q1
\v 4 Mɑɑ təŋəɣɩ pɔpɔtʋnɑɑ,
\q1 pəyele mɑ nɑ mənɑɑfikinɑɑ tɩɩ tɔŋ.
\q1
\v 5 Mɑ tɑɑ kpɑɑkənɑ ɩsɑɣɑlɑtɑɑ kpekəle kɛ́.
\q1 Pəyele mɑɑ kpətəɣənɑ nyɔɔŋ fɛɩnɑɑ.
\b
\q1
\v 6 Tɑcɑɑ, mɑɑ sɑŋ mɑ niŋ nɑ pə́ hʋlɩ sɩ mɑ kɛ́ kʋpɑŋ,
\q1 nɑ mɑ́ cɔɔ kɔtɑɣɑ təlɑtɛ,
\q1
\v 7 nɑ mɑ́ sɛɛkɩ-ŋ nɑ mɑ́ sɑŋ nyɑ́ kookɑlənɑɑ.
\q1
\v 8 Tɑcɑɑ mɑ sɔɔlɑ nyɑ́ təyɑɣɑ kɛ́.
\q1 Nyɑ́ təcɑɣɑlɛ tənɑɣɑ nyɑ́ teeli nɑɑkɩ.
\b
\q1
\v 9 Tɑɑ kpɛntɩ mɑ́ nɑ ɑsɑɣɑɑ kɛ təkʋlɛ,
\q1 yɑɑ mɑ́ nɑ yʋlʋkʋlɑɑ tɑ́ weesiŋ ləsʋɣʋ.
\q1
\v 10 Mpɑ pɑ lɑkɩ kɑwɑlɑɣɑ nɑ
\q1 pɑ́ pɑɑləɣɩ kʋhɑɑŋ ɩsɑɣɑŋ tɔ.
\q1
\v 11 Mɑ yɑɑsi tewɑɣɑ.
\q1 Nyənɩ mɑ pətɔɔtəlɛ nɑ ń yɑ-m.
\q1
\v 12 Mɑ səŋɑɑ kɛ́ təcɑ,
\q1 mɑɑ sɛɛ Tɑcɑɑ kɛ sɑmɑɑ tɑɑ.
\c 27
\s1 Tɑcɑɑ kiŋ cɔɔsʋɣʋ
\p
\v 1 Tɑfiiti yontu.
\b
\q1 Tɑcɑɑ nyɑɣɑlɛ mɑ fətəlɑ nɑ mɑ nyʋɣʋ yɑ́tʋ.
\q1 Mɑ kɑɑ nyɑnɑ nɔɣɔlʋ.
\q1 Nyɑ́ kentiɣinɑ mɑ weesuɣu tɔɔ,
\q1 pʋlʋpʋ kɑɑ sʋsʋ-m wɑtʋ.
\q1
\v 2 Ye ɑsɑɣɑɑ kɔŋ mɑ cəlʋɣʋ ɩsɩɩ tɑɑlɛ wontu,
\q1 mpɛ pɑɑ hotinɑ ɑtɛ nɑ pə wɑkəlɩ-wɛ.
\q1
\v 3 Pɑɑ yoolɑɑ tɑmɑ-m kotɑɣɑ sɔɣɔntʋ fɛɩ-m.
\q1 Pɑɑ pɑ sʋʋ-m yoonɑʋ mɑ wɛnɑ Ɩsɔ kɛ́ nɑɑni.
\q1
\v 4 Kʋlʋmtʋ kɛ mɑ sələməɣɩ Tɑcɑɑ nɑ mɑ́ səkɩ tə tɔɔ.
\q1 Pə wɛɛ sɩ mɑ́ cɑɣɑ nyɑ́ təyɑɣɑ tɑɑ kɛ́ hɑlənɑ mɑ səm,
\q1 nɑ mɑ́ sɑ kɑ teu nɑ mɑ́ yɔɔlənɑ Ɩsɔ wɛɛʋ.
\q1
\v 5 Nɑ ń ŋmɛsɩ-m nyɑ́ təyɑɣɑ tɑɑ,
\q1 nɑ ń kenti mɑ tɔɔ kɛ́ wɑhɑlɑ wɑɑtʋ.
\q1 Nɑ ń sɩɩ-m kʋkpɑmʋɣʋ tɔɔ sɩ pʋlʋ ɩ́ tɑɑ hiki-m.
\q1
\v 6 Wɑɑtʋ ɩnəɣɩ mɑɑ kəlɩ mɑ kolontunɑɑ mpɑ pɑ cɔɔnɑ-m tɔ,
\q1 nɑ mɑ́ sɑ-ŋ nyɑ́ təyɑɣɑ tɑɑ nɑ mɑ́ lɑ-ŋ kɔtɑsɩ,
\q1 nɑ mɑ́ yoo-ŋ yontu nɑ mɑ́ tɑlɑ-ŋ.
\b
\q1
\v 7 Tɑcɑɑ nyənɩ mɑ pətɔɔtəlɛ,
\q1 nɑ ń nɩɩ sɑɑ wei mɑ yɑɑkɩ-ŋ tɔ.
\q1
\v 8 Mɑ tɔɔsɑ nti n sɩɩwɑ sɩ mɑ́ kɛɛsənɑ nyɑ́ tɔɔ tɔ.
\q1 Tɑcɑɑ pə tɔɔ kɛ́ mɑ kɛɛsəɣənɑ nyɑ́ tɔɔ.
\q1
\v 9 Ɩsɔ nyɑ́ wɑɑsəɣənɑ-m.
\q1 Tɑɑ hɑ nyɑ́ sɛɛlʋ mɑɣɑ siɣile yɑɑ ń lɔ-m nɑ pɑ́ɑ́nɑ́.
\q1
\v 10 Pɑɑ mɑ too nɑ mɑ cɑɑ pɑ lɔ-m,
\q1 Tɑcɑɑ, nyɑ́ mʋɣʋnɑ-m.
\q1
\v 11 Tɑcɑɑ, hʋlʋ-m mpɑɑʋ ŋku n cɑɑ mɑ́ təŋ tɔ.
\q1 Mpi tɔ, mɑ kolontunɑɑ yookinɑ-m.
\q1 Tiiki-m kʋsiɣisuɣu tɑɑ.
\q1
\v 12 Tɑɑ yele nɑ mɑ kolontunɑɑ
\q1 lɑnɑ-m ɩsənɑ pɑ cɑɑkɩ tɔ.
\q1 Mpi tɔ, pɔpɔtʋ ɑseetɑ nyə́mɑ mpɛ,
\q1 pɑ nyɑɑsəɣɩ-m kɛ́.
\q1
\v 13 Ye mɑ tɑɑ wɛɛnɑ nɑɑni kɛ́
\q1 Tɑcɑɑ kʋpɑntʋ tɔɔ kɛ́ ɑtɛ cənɛ,
\q1 ɩsənɑɣɑ mɑɑ lɑpɑ?
\b
\q1
\v 14 Tɑŋ Tɑcɑɑ,
\q1 kɑɑsɩ nyɑ́ tɩ
\q1 nɑ ń tɔɣɔ ɑpɑlʋtʋ.
\q1 Tɑŋ Tɑcɑɑ.
\c 28
\s1 Səm nɔɣɔ tɑɑ tʋ sələmʋɣʋ
\p
\v 1 Tɑfiiti yontu.
\b
\q1 Tɑcɑɑ nyɑɣɑ mɑ mɑkɩ kɑpusi nɑ mɑ́ yɑɑkɩ,
\q1 mɑ kentulu, tɑɑ təkɩ nyɑ́ ŋkpɑŋŋ.
\q1 Ye n tɑ cɔ-m, mɑ wɛ kɛ́ ɩsɩɩ wei pɑ tisiɣi pəlɑɑʋ tɑɑ tɔ.
\q1
\v 2 Wɑɑtʋ wei mɑ mɑkɩ kɑpusi nɑ mɑ́ yɑɑkɩ-ŋ
\q1 nɑ mɑ́ hʋləɣɩ niŋ nɑ nyɑ́ təcɑɣɑlɛ
\q1 nɑŋŋ nyəntɛ tɔɔ tɔ, nɩɩ mɑ wiinɑʋ.
\b
\q1
\v 3 Tɑɑ kɑɑ mɑ́ nɑ kɑwɑlɑɣɑ nyə́mɑ
\q1 nɑ ɩsɑɣɑlɑtɑɑ kɛ kpɑ́tʋɣʋ kʋlʋmʋɣʋ.
\q1 Pɑ kʋyɔɣɔtʋtʋ wɛ leleŋ kɛ́,
\q1 nɑ pɑ tɑɑ nɑ sɛɛsɩ.
\q1
\v 4 Fɛlɩ-wɛɣɛ pɑ ɩsɑɣɑtʋ fɔɔtɔ
\q1 nɑ ń kɛɛsənɑ pɑ ɑcilɑɣɑtʋ təmɑ.
\q1 Lɛɛtɩ-wɛɣɛ pɑ kʋlɑpəlɛ.
\q1
\v 5 Pɑɑ lɑkɩ lɑɑkɑlɩ nɑ nyɑ́ kʋlɑpʋtʋ nɑ nyɑ́ təmɑ.
\q1 Wɑkəlɩ-wɛ tənɑŋnɑŋ, pɑ́ tɑɑ tɑsɑ kʋlʋɣʋ.
\b
\q1
\v 6 Tɑcɑɑ, mɑ sɛɛ-ŋ
\q1 ɩsənɑ n nɩɩ mɑ wulɑ tɔ.
\q1
\v 7 Nyɑɣɑlɛ mɑ toŋ nɑ mɑ kʋkentuɣu.
\q1 Nyɑɣɑ mɑ tʋɣɩ nɑɑni nɑ ń wɑɑsəɣɩ-m,
\q1 nɑ mɑ wɛ lɑŋhʋlʋmlɛ tɑɑ nɑ mɑ́ sɑŋɩ-ŋ nɑ yontu.
\b
\q1
\v 8 Nyɑ́ kentiɣinɑ nyɑ́ yəlɑɑ nɑ toŋ,
\q1 nɑ ń wɑɑsəɣɩ nyɑ́ kʋləsʋ nɑ ɩɩ nyɑŋnɑ pʋlʋ.
\q1
\v 9 Wɑɑsɩ nyɑ́ yəlɑɑ tɑ́ nɑ ń kooli-tʋɣʋ kʋpɑntʋ.
\q1 Tiiki-tʋ nɑ ń pɑɑsəɣənɑ-tʋɣʋ tɑm tɔɔ.
\q1 Mpi tɔ, nyɑ́ tənnɑ-tʋ.
\c 29
\s1 Tɑcɑɑ nɔɣɔ
\p
\v 1 Tɑfiiti yontu.
\b
\q1 Ɩsɔtɑɑ nyə́mɑ mɛ ɩ́ sɑ Tɑcɑɑ.
\q1 Ɩ́ pʋɣʋlɩ Tɑcɑɑ teeli nɑ ɩ sɔsɔɔntʋ tɔm.
\q1
\v 2 Ɩ́ sɑ Tɑcɑɑ hətɛ sɔsɔɔlɛ
\q1 nɑ ɩ həntɩ-ɩ ɑtɛɣɛ
\q1 sɑɑ wei ɩ hʋləɣɩ ɩ tənɑŋŋ wɛɛtʋ tɔ.
\b
\q1
\v 3 Ɩsɔ teeli tʋ yekinɑ nɑ tɛʋ tiliɣi.
\q1 Ɩnɩ ɩ holiɣinɑ lʋmnɑɑ tɔɔ.
\q1 Ɩsɔ ŋmɑkəlɑ lʋm sɔsɔɔm kɛ́.
\q1
\v 4 Tɑcɑɑ nɔɣɔ nɩɩkənɑ toŋ kɛ́ nɑ sɔsɔɔntʋ.
\b
\q1
\v 5 Nyɑ́ nɔɣɔ pɛləɣɩ tɩɩŋ sɔsɔɔŋ kɛ́.
\q1 Nyɑ́ pɛləɣənɑ Lipɑŋ tɩɩŋ sɔsɔɔŋ.
\q1
\v 6 N lɑkɩ nɑ Lipɑŋ pʋɣʋ ŋmɑɑkɩ ɩsɩɩ lɑtəcɛ kʋfɑlʋ.
\q1 Nɑ Hɛɛmɔŋ nyəŋkʋ ɩsɩɩ tɑɑlɛ nɑʋ kʋfɑlʋ.
\b
\q1
\v 7 Tɑcɑɑ nyɑ́ nɔɣɔ lɑkənɑ nɑ tɛʋ ŋmɛləsəɣɩ.
\q1
\v 8 Nɑ kɑ ciɣitiɣi Kɑtɛɛsɩ wʋlɑɣɑ tɛtʋ.
\q1
\v 9 Nyɑ́ nɔɣɔ lɑkənɑ nɑ nɑməŋ lʋləɣɩ,
\q1 nɑ kɑ́ yeki nɑ hɔtʋ tɩɩŋ kpɑɑləɣɩ təkpɑlɑkpɑlɑ.
\b
\q1 Nɑ pɑ tənɑ pɑ kpɑɑləɣɩ Tɑcɑɑ təyɑɣɑ tɑɑ kɛ́ ɩsɔtɑɑ sɩ
\q1 Ɩsɔ kɛlɛ teeli tʋ təkpɑpɑ.
\q1
\v 10 Nyɑ́ kɑwulɑɣɑ tətɔɣɔlɛ ntɛ́ lʋm sɔsɔɔm tɔɔ.
\q1 Tənɑɣɑ n kɑ́ tɔkɩ-kɛɣɛ tɑm tɔɔ.
\b
\q1
\v 11 Tɑcɑɑ hɑ toŋ kɛ nyɑ́ yəlɑɑ
\q1 nɑ ń kooli-wɛɣɛ kʋpɑntʋ
\q1 nɑ ń yele nɑ pɑ́ hɛɛsɩ.
\c 30
\s1 Tɑcɑɑ hɑɑkɩ weesuɣu kʋfɑlʋɣʋ
\p Tɑfiiti yontu nti pɑ yoo
\d Ɩsɔ təsɛɛlɛ tʋlʋɣʋ wɑɑtʋ tɔɣɔlɔ.
\b
\q1
\v 1 Hɑɩ, Tɑcɑɑ, mɑ sɑmɑ-ŋ.
\q1 Mpi tɔ, nyɑ́ ləsənɑ-m lumɑŋ tɑɑ.
\q1 N tɑ sɔɔlɩ sɩ mɑ kolontunɑɑ ɩ́ pɑɑnɑ-m.
\b
\q1
\v 2 Mɑ Ɩsɔ Tɑcɑɑ,
\q1 mɑ wiinɑ-ŋ, ɩlɛnɑ ń wɑɑ-m.
\q1
\v 3 Mɑ nɔɔhəlɛ kɑ wɛʋ pəlɑɑʋ tɑɑ tɔ,
\q1 nyɑ́ ləsənɑ-m sətɑɑ tɛ́ nɑ ń hɑ-m weesuɣu.
\b
\q1
\v 4 Mpɑ mɛ ɩ́ sɔɔlɑ Tɑcɑɑ tɔ ɩ́ yoo-ɩ yontu.
\q1 Ɩ́ sɛɛ-ɩ nɑ ɩ́ sɑmɩ-ɩ ɩ tənɑŋŋ wɛɛtʋ tɔɔ.
\q1
\v 5 Ɩ pɑ́ɑ́nɑ́ wɛ lɑɑsɑɣɑ tɔɔ tike kɛ́.
\q1 Ɩlɛnɑ ɩ kʋpɑntʋ kɛ yʋlʋ weesuɣu tənɑ.
\q1 Tɑɑnɑɣɑ kɛ yʋlʋ wiiki nɑ kʋ fe tɑnɑŋ
\q1 ɩlɛnɑ ɩ́ woŋ nɑ ɩ́ kpɑləsɩ.
\q1
\v 6 Wɑɑtʋ wei mɑɑ cɑɣɑnɑ mɑ tɩ tɔ,
\q1 mɑ hʋʋkɑɣɑ kɛ́ sɩ pʋlʋpʋ kɑɑ lɑ-m.
\q1
\v 7 Tɑcɑɑ nyɑ́ kʋpɑntʋ tɔɔ kɛ́ n kɑ yelɑɑ
\q1 nɑ mɑ́ səŋ teu təcɑ ɩsɩɩ pʋɣʋ.
\q1 N kɔmɑ nɑ ń hɑ-m siɣile ɩlɛnɑ pə liɣiti-m.
\q1
\v 8 Ḿpʋɣʋ mɑ mɑpɑ kɑpusi nɑ
\q1 mɑ́ wiinɑ-ŋ nɑ mɑ́ pɔɔsɩ-ŋ sɩ
\q1
\v 9 ye mɑ səpɑ nɑ mɑ́ tii pəlɑɑʋ tɑɑ weɣe n wɑɑkɩ?
\q1 Yʋlʋ ɩ́ pəsɑ tɛtʋ ɩ tɑsəɣɩ-ŋ sɑm yɑɑ ɩ́ kpɑɑlɩ
\q1 nyɑ́ kʋpɑntʋ tɔtɔɣɔ?
\q1
\v 10 Tɑcɑɑ, ke ŋkpɑŋŋ nɑ ń wɑɑsɩ-m,
\q1 Tɑcɑɑ kɔɔ nɑ ń yɑ-m.
\b
\q1
\v 11 Ḿpʋɣʋ n lɑɣɑsɑ mɑ lɑŋwɑkəllɛ kɛ lɑŋhʋlʋmlɛ,
\q1 nɑ ń wɔɣɔsɩ mɑ ləyɑɣɑ wontu nɑ ń suu-m ɑcimɑ nyəntʋ.
\q1
\v 12 Wɑɑtʋ ɩnəɣɩ mɑɑ yoo-ŋ yontu,
\q1 mɑ kɑɑ su, Tɑcɑɑ, mɑ Ɩsɔ,
\q1 mɑɑ sɑŋɩ-ŋ tɑm kɛ́.
\c 31
\s1 Nɑɑni tʋɣʋ kɛ Tɑcɑɑ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Tɑcɑɑ nyɑɣɑ mɑ tʋɣɩ kpʋlʋɣʋ,
\q1 tɑɑ yele-m nɑ fɛɛlɛ tɔɣɔ-m.
\q1 Wɑɑsɩ-m nyɑ́ tɑmpɑnɑ təŋʋɣʋ tɔɔ.
\q1
\v 2 Ke ŋkpɑŋʋɣʋ nɑ ń wɑɑsɩ-m lɔŋ.
\q1 Pəsɩ mɑ kʋkentuɣu toŋ nyəŋkʋ nɑ mɑ́ nɑ́ nyʋɣʋ.
\q1
\v 3 Mpi tɔ, nyɑ́ kentiɣinɑ-m
\q1 nɑ ń wɛ ɩsɩɩ mɑ koluŋɑ ɩcɑtɛ.
\q1 N kɑ́ tiiki-m nɑ ń pɑɑsənɑ-m nyɑ́ hətɛ tɔɔ.
\q1
\v 4 Fiti-m puluɣu ŋku pɑ nyəpɑ-m tɔ kʋ tɑɑ.
\q1 Mpi tɔ, nyɑɣɑlɛ mɑ kentilu.
\q1
\v 5 Nyɑ́ niŋ tɑɑ kɛ́ mɑ pɛtəɣɩ mɑ tɩ təkpɑtɑɑ.
\q1 Nyɑɣɑlɛ Ɩsɔ Tɑcɑɑ tɑmpɑnɑ tʋ,
\q1 n kɑ́ wɑɑsɩ-m.
\q1
\v 6 Mɑ tɑɑ kpɑɑkənɑ mpɑ pɑ mɑtənɑ tɩɩŋ kpɑɩ nyəŋ ɩnɩ tɔɣɔ.
\q1 Amɑ nyɑɣɑ mɑ pɛtɑ mɑ tɩ.
\b
\q1
\v 7 Nyɑ́ kʋpɑntʋ tɔɔ kɛ́ mɑ wɛ lɑŋhʋlʋmlɛ nɑ ɑŋmɑɑlɑ pə tɑɑ.
\q1 Mpi tɔ, n nɑwɑ mɑ wɑhɑlɑ nɑ ń nyɩ mɑ nəɣəsɛɛ tɔɔ.
\q1
\v 8 N kɑɑ pɛtɩ-m kolontu niŋ tɑɑ.
\q1 N kɑ́ cɛ-m kɛ́ nɑ ń yele nɑ mɑ́ səŋ mɑ nɔɔhɛɛ tɔɔ.
\b
\q1
\v 9 Wulɑ nɩɩ mɑ ɩsɛ nɑ mɑ́ tɑlɑ mɑ tənɑɣɑ.
\q1 Hɑɩ, Tɑcɑɑ, nyənɩ mɑ pətɔɔtəlɛ,
\q1 mɑ wɛ lɑŋwɑkəllɛ tɑɑ kɛ́.
\q1
\v 10 Nəɣəsɛɛ tɔkɑ mɑ weesuɣu nɑ mɑ pɩɩsɩ kɛ́.
\q1 Mɑ ɩsɑɣɑtʋ tɛŋnɑ mɑ tomɑ nɑ pə cɑɑməɣɩ-m.
\q1
\v 11 Mɑ kolontunɑɑ nɑ pə́ kpɛŋnɑ
\q1 mɑ ɑsəmɑɑ pəsɑ-m woŋɑ pʋlʋpʋɣʋ.
\q1 Nɑ mɑ tɔm wɛ mɑ tɑɑpɑlɑɑ kɛ sɔɣɔntʋ.
\q1 Nɑ pɑ́ nɑ-m ɑwɑlɩ pɑ seeki-m.
\q1
\v 12 Mɑ pəsɑ kɛ́ ɩsɩɩ nyənɑɣɑ kʋyɔkɑɣɑ.
\q1 Nɑ pɑ́ sɔɔ mɑ tɔɔ ɩsɩɩ sətʋ.
\q1
\v 13 Mɑ nɩɩwɑ nti yəlɑɑ yɔɣɔtəɣɩ mɑ tɔɔ tɔ.
\q1 Sɔɣɔntʋ tɑmɑ-m kotɑɣɑ kɛ́.
\q1 Pɑ cɑkɩ mɑ tɔɔ sɩ pɑ́ ləsɩ mɑ weesuɣu.
\b
\q1
\v 14 Amɑ Tɑcɑɑ, nyɑɣɑ mɑ pɛtɑ mɑ tɩ.
\q1 Nyɑɣɑlɛ mɑ Ɩsɔ.
\q1
\v 15 Nyɑ́ niŋ tɑɑ kɛ́ mpi mɑɑ tɛɛsənɑ tɔ pə wɛɛ.
\q1 Fiti-m mɑ kolontunɑɑ nɑ mɑ kʋnyɔntʋlɑɑ.
\q1
\v 16 Nyɑ́ ɩsɛntɑɑ ɩ́ hɛtənɑ nyɑ́ təmlɛ tʋ mɑɣɑ teu
\q1 nɑ ń yɑ-m nyɑ́ kʋpɑntʋ tɔɔ.
\q1
\v 17 Tɑcɑɑ tɑɑ tʋ-m fɛɛlɛ kɛ wɑɑtʋ wei mɑ yɑɑkɩ-ŋ tɔ.
\q1 Amɑ mɑ kolontunɑɑ kɑ tɔɣɔnɑ-tɛ.
\q1 Pə wɛɛ sɩ pə́ tisi-wɛɣɛ ɑtɛtəlɛ tɑɑ
\q1 nɑ pə́ nyɑlɑ pɑ nɔɔsɩ.
\q1
\v 18 Yele nɑ footilɑɑ pɔpɔtʋnɑɑ
\q1 mpɛ pɑ́ pəsɩ kɑmumusi.
\q1 Mpi tɔ, tɑmpɑnɑ təŋlɑɑ kɛ
\q1 pɑ holiɣinɑ nɑ kɑlɑmpɑɑnɩ.
\q1
\v 19 Pɔpɔtʋ fɛɩ leleŋ,
\q1 kʋpɑntʋ sɔsɔɔntʋ kɛ n sɩɩ mpɑ pɑ nyɑŋnɑ-ŋ tɔ.
\q1 Yəlɑɑ tənɑ nɑɑkɩ sɩ,
\q1 mpɑ pɑ tʋɣʋ-ŋ kpʋlʋɣʋ tɔɣɔ n hɑɑkɩ-tɩ.
\q1
\v 20 Pɑ cɔɔsəɣɩ nyɑ́ kiŋ kɛ mpʋ
\q1 ɩlɛnɑ ń kenti pɑ tɔɔ sɩ,
\q1 kolontunɑɑ ɩ́ tɑɑ tʋ-wɛɣɛ kʋnyɔŋ.
\b
\q1
\v 21 Tɑcɑɑ mɑ sɛɛ-ŋ.
\q1 Pɩɩ tɑmɑ-m kɛ́ ɩsɩɩ ɩcɑtɛ.
\q1 Ɩlɛnɑ ń hʋlɩ-m nyɑ́ kʋpɑntʋ
\q1 nɑ ń lɑ-m piti təmlɛ.
\q1
\v 22 Mɑ lɑŋlɛ kɑ wɑkəlɑɑ kɛ́,
\q1 hɑlɩ mɑ mɑɣɑsɑɣɑ sɩ pə ləsɑ-m nyɑ́ kiŋ.
\q1 Ɩlɛnɑ ń nɩɩ mɑ wiinɑʋ.
\b
\q1
\v 23 Tɑcɑɑ yəlɑɑ mɛ ɩ́ sɔɔlɩ Tɑcɑɑ.
\q1 Mpi tɔ, Tɑcɑɑ feŋiɣi mpɑ pɑ tɔkəɣɩ ɩ tɔm kɛ teu tɔɣɔ.
\q1 Ɩlɛnɑ ɩ́ lɛɛtəɣɩ kɑlɑmpɑɑnɩ nyə́mɑ nɑ pɑ́ɑ́nɑ́.
\q1
\v 24 Mə tənɑ mpɑ mɛ ɩ́ tʋɣɩ Tɑcɑɑ kɛ nɑɑni tɔ,
\q1 ɩ́ tɔɣɔ ɑpɑlʋtʋ nɑ ɩ́ nyɔɔ toŋ.
\c 32
\s1 Wei Ɩsɔ hɩɩsɑ ɩ ɩsɑɣɑtʋ tɔ ɩ lɑŋhʋlʋmlɛ
\p
\v 1 Tɑfiiti yontu.
\b
\q1 Leleŋ nɩɩlʋ ntɛ́ wei ɩ ɩsɑɣɑtʋ Ɩsɔ hɩɩsɑɑ
\q1 nɑ ɩ́ wii-ɩ ɩ kʋpəntəŋ tɔ.
\q1
\v 2 Leleŋ nɩɩlʋ ntɛ́ wei Tɑcɑɑ ɩɩ yeki sɩ
\q1 ɩ ɩsɑɣɑtʋ ɩ́ məlɩ ɩ nyʋɣʋ tɑɑ tɔ.
\q1 Pəyele cɛsʋɣʋ fɛɩ ɩ ləmɑɣɑsɛɛ tɑɑ.
\b
\q1
\v 3 Ye mɑ ŋmɛsɑ mɑ ɩsɑɣɑtʋ,
\q1 mɑɣɑ tə wɑkələɣɩ.
\q1 Nɑ mɑ́ mɔləɣɩ ilim nɑ pə tɛm.
\q1
\v 4 Mpi tɔ, ilim nɑ ɑhoo kɛ
\q1 n hɔŋɑɣɑ mɑ ŋkpɑŋʋɣʋ nɑ pə́ nɩɩ-m.
\q1 Mɑ tomɑ tɛmɑ ɩsɩɩ tʋɣʋ kɛ wʋlɑɣɑ tɛtʋ tɑɑ kɛ́ lʋŋlɛ.
\q1
\v 5 Mɑ mɑɣɑsɑɑ sɩ mɑɑ hʋlɩ-ŋ mɑ ɩsɑɣɑtʋ,
\q1 mɑ tɑ ŋmɛsɩ-ŋ mɑ kʋpəntəŋ.
\q1 Ɩlɛnɑ nyɑɑ hɩɩsɩ-m tə tənɑ.
\b
\q1
\v 6 Pə tɔɔ kɛ́ nyɑ́ yəlɑɑ tənɑ kɑ sələməɣɩ-ŋ
\q1 nɑ pɑɑ wɑɑtʋ wei wɑhɑlɑnɑɑ
\q1 wɑtɑ-wɛ ɩsɩɩ lʋm, pɩɩ tɑkɩ-wɛ.
\q1
\v 7 Nyɑɣɑ mɑ cɔɔsəɣənɑ,
\q1 nɑ ń hɑtələɣənɑ-m lɑŋwɑkəllɛ.
\q1 Nɑ mɑ́ ŋmɑɑləɣənɑ mɑ nyʋɣʋ yɑpʋ.
\b
\q1
\v 8 Ḿpʋɣʋ Tɑcɑɑ cɔ-m sɩ: Mɑɑ sɛɣɛsɩ-ŋ
\q1 nɑ mɑ́ hʋlɩ-ŋ mpɑɑʋ ŋku n kɑ́ təŋ tɔ.
\q1 Nɑ mɑ́ pɑɑsəɣənɑ-ŋ nɑ mɑ́ tɑsəɣɩ-ŋ lɑɣɑtʋ.
\q1
\v 9 Tɑɑ lɑ kʋmɛlɛntʋ ɩsɩɩ kpɑɣɑnʋ,
\q1 yɑɑ kpɑŋɑɣɑ ŋkɑ pɑ kɛɛkənɑ kpɑsɩ tɔ.
\q1 Ɩlɛ nɑtəlɩ tə kɑɑ mɑɣɑnɑ-ŋ.
\b
\q1
\v 10 Ɩsɑɣɑʋ wɛ wɑhɑlɑnɑɑ pɑɣɑlɛ tɑɑ kɛ́.
\q1 Ɩlɛnɑ Tɑcɑɑ nɑ́ɑ́ pələɣɩ kʋpɑntʋ kɛ wei
\q1 ɩ tʋɣɩ-ɩ nɑɑni tɔ.
\q1
\v 11 Siɣisilɑɑ mɛ, ɩ́ yɔɔlənɑ Tɑcɑɑ nɑ ɩ́ ŋmɑɑlɩ.
\q1 Nɑ tɑmpɑnɑ təŋlɑɑ mɛ mə tənɑ
\q1 mɩɩ wilitinɑ lɑŋhʋlʋmlɛ.
\c 33
\s1 Antulinyɑ ŋmɑlʋ Ɩsɔ sɑmtʋ
\p
\v 1 Siɣisilɑɑ mɛ ɩ́ yɔɔlənɑ Tɑcɑɑ.
\q1 Ɩsɔ sɑmtʋ mʋnɑ tɑmpɑnɑ təŋlɑɑ.
\q1
\v 2 Ɩ́ sɑmɩ-ɩ nɑ cəmʋɣʋ,
\q1 nɑ ɩ́ tɑlɑ-ɩ nɑ ŋmɩɩsɩ nɑɑnʋwɑ nyəŋkʋ.
\q1
\v 3 Ɩ yoo-ɩ yontu kʋfɑtʋ,
\q1 nɑ mə cəməŋ nɑ mə nɔɔsɩ kʋlɩ ɩsɔtɑɑ.
\b
\q1
\v 4 Mpi tɔ, Tɑcɑɑ nyɑ́ kʋyɔɣɔtʋtʋ kɛ́ tɑmpɑnɑ kɛ́,
\q1 nɑ nyɑ́ kʋlɑpʋtʋ tənɑ hʋləɣənɑ mpʋ.
\q1
\v 5 N sɔɔlɑ siɣisuɣu nɑ tɑmpɑnɑ təŋʋɣʋ kɛ́.
\q1 Tɑcɑɑ kʋpɑntʋ suwɑ tɛtʋ tɑɑ kɛ́.
\q1
\v 6 Tɔmʋɣʋ kɛ n yɔɣɔtɑɑ,
\q1 nɑ pə́ lɑ ɩsɔtɔnʋɣʋ
\q1 nɑ ilim nɑ ɩsɔtʋ nɑ ɩsɔtʋlʋŋɑsɩ nɑ́ɑ́ wɛɛ.
\q1
\v 7 N kpeɣelɑ teŋku lʋm kɛ təntəmlɛ.
\q1 Nɑ ń tʋ lʋmnɑɑ sɔsɔɔm kɛ kotikotuŋ tɑɑ.
\q1
\v 8 Tɛtʋ tənɑ ɩ́ nyɑnɑ Tɑcɑɑ,
\q1 nɑ tə tɑɑ yəlɑɑ tənɑ sele nyɑ́ kiŋ.
\q1
\v 9 Mpi tɔ, ń yɔɣɔtɑɑ pə lɑkɩ kɛ́.
\q1 Ń kulɑ nɔɣɔ sɩ mpi pə wɛɛ,
\q1 pəlɛ pə wɛɛ.
\b
\q1
\v 10 Tɑcɑɑ n wɑkələɣɩ təmɑ nnɑ
\q1 piitimnɑɑ sɩɩwɑ sɩ pɑ lɑkɩ tɔɣɔ,
\q1 nɑ ń hɛtəɣɩ nti pɑ hɔkəɣɩ tɔ.
\q1
\v 11 Amɑ təmɑ nnɑ Tɑcɑɑ n sɩɩwɑ nɑ
\q1 ń təŋəɣɩ nɑ ń lɑkɩ tɔ ɑ wɛ tɑm kɛ́.
\q1 Nɑ ń hɔkɑ nti təlɛ tə wɛɛ ḿpʋɣʋ pɩɩsɩ pɩɩsɩ.
\q1
\v 12 Leleŋ nɩɩlɑɑ ntɛ́ piitim mpi
\q1 pə nyənəɣɩ Tɑcɑɑ kɛ pə Ɩsɔ tɔ.
\q1 Nɑ yəlɑɑ mpɑ n ləsɑɑ sɩ nyɑ́ nyə́mɑ tɔ.
\b
\q1
\v 13 Tuu ɩsɔtɑɑ kɛ́ Tɑcɑɑ n wɛɛ nɑ
\q1 ń nyənəɣɩ nɑ ń nɑɑkɩ yəlɑɑ tənɑ.
\q1
\v 14 Nyɑ́ təcɑɣɑlɛ tɑɑ kɛ́ n wɛɛ nɑ
\q1 ń keŋnɑ ɑtɛ nyə́mɑ tənɑ tɔɔ.
\q1
\v 15 Nyɑ́ ŋmɑnɑ pɑ tənɑ nɑ
\q1 ń tʋ-wɛɣɛ cɛkənɑʋ ləmɑɣɑsɛɛ
\q1 nɑ pʋlʋ lɑpʋ yɑɑ pə kisuɣu ləmɑɣɑsəlɛ.
\q1 Nɑ pɑ́ feŋiɣi pɑ təmɑ.
\b
\q1
\v 16 Pə tɑɣɑ yoolɑɑ tuutuumɑ kɛ
\q1 wulɑʋ tɔkənɑ yoou.
\q1 Pəcɔ tomiŋ nɑɑ wɑɑsəɣɩ yoolu.
\q1
\v 17 Pə tɑɣɑ yoou kpɑɣɑnʋ tomɑ yɑɑ
\q1 ɩ ɑlɑɑfəyɑ yɑkənɑ ɩ cɑɣɑlʋ.
\q1
\v 18 Amɑ Tɑcɑɑ nyɑ́ ɩsəlɛ nɑ́ wɛ mpɑ
\q1 pɑ nyɑŋnɑ-ŋ nɑ pɑ́ tɛɛləɣɩ
\q1 nyɑ́ kʋpɑntʋ tɔ pɑ tɔɔ kɛ́.
\q1
\v 19 Nɑ ń ləsəɣɩ-wɛɣɛ səm tɑɑ.
\q1 Nɑ ń pɑɑsəɣənɑ-wɛɣɛ nyɔɣɔsɩ
\q1 wɑɑtʋ nɑ pɑ́ wɛnɑ weesuɣu.
\q1
\v 20 Tɑcɑɑ nyɑɣɑ tɑ́ tɛɛləɣɩ.
\q1 Nyɑ́ wɑɑsəɣənɑ-tʋ nɑ
\q1 ń kentiɣi tɑ́ tɔɔ.
\q1
\v 21 Nyɑ́ tɔɔ kɛ́ tə wɛ lɑŋhʋlʋmlɛ tɑɑ.
\q1 Nɑ tə́ wɛnɑ-ŋ nɑɑni.
\q1
\v 22 Tɑcɑɑ, lɑ-tʋɣʋ nyɑ́ kʋpɑntʋ ɩsɩɩ
\q1 tɑ́ tɛɛlʋɣʋ-ŋ tɔ.
\c 34
\s1 Tɑcɑɑ wɑɑsɑ-m mɑ sɔɣɔntʋ tənɑ tɑɑ.
\p Tɑfiiti yontu kɛ wɑɑtʋ wei ɩ polɑ Filiisi nyə́mɑ
\q1 wulɑʋ Apimelɛkɩ tɛ nɑ ɩ́ pəsɩ ɩsɩɩ kʋmɛlɛŋ
\d nɑ ɩ́lɛ́ ɩ tɔɣɔnɩ-ɩ tɔ.
\b
\q1
\v 1 Mɑɑ sɑ Tɑcɑɑ kɛ pɑɑ wɑɑtʋ wei kɛ́.
\q1 Mɑ nɔɣɔ tɑɑ kɛ́ nyɑ́ sɑmtʋ kɑ wɛɛ tɑm.
\q1
\v 2 Mɑɑ sɑ-ŋ mpi n lɑpɑ-m tɔ pə tɔɔ.
\q1 Kʋnyɔntɔɣɔlɑɑ ɩ́ nɩɩ nɑ ɩ́ yɔɔlɩ.
\q1
\v 3 Tə kpɛntɩ nɑ tə́ tɑlɑ Ɩsɔ nɑ tə́ sɛɛ-ɩ.
\b
\q1
\v 4 Tɑcɑɑ, mɑ yɑɑ-ŋ ń cɔ-m,
\q1 nɑ ɩ́ wɑɑsɩ-m mɑ sɔɣɔntʋ tənɑ tɑɑ.
\b
\q1
\v 5 Ye yʋlʋ tekiɣi Tɑcɑɑ pʋntʋ ɩsɛntɑɑ hɛtəɣɩ kɛ́
\q1 nɑ fɛɛlɛ yɑ ɩ tokuɣu tɑɑ.
\q1
\v 6 Ye wɑhɑlɑ tʋ ɩ́ wiinɑ Tɑcɑɑ,
\q1 ɩ nɩɩkɩ kɛ́ nɑ ɩ́ yɑpɩ-ɩ ɩ nəɣəsɛɛ tənɑ tɑɑ.
\q1
\v 7 Ɩsɔtɑɑ tillu wɛ yəlɑɑ mpɑ pɑ nyɑŋnɑ
\q1 Tɑcɑɑ tɔ pɑ wɑɑlɩ kɛ́.
\q1 Nɑ ɩ́ ləsəɣɩ-wɛɣɛ ɑsolɑ tɑɑ.
\q1
\v 8 Ɩ́ mɑɣɑsɩ nɑ ɩ́ nɑ́ ɩsənɑ
\q1 Tɑcɑɑ wɛ leleŋ tɔ.
\q1 Leleŋ nɩɩlʋ ntɛ́ yʋlʋ wei
\q1 ɩ tʋɣɩ Tɑcɑɑ kɛ kpʋlʋɣʋ tɔ.
\q1
\v 9 Tɑcɑɑ nyə́mɑ mɛ, ɩ́ nyɑŋnɑ-ɩ.
\q1 Pʋlʋpʋ ɩɩ lɑŋəɣɩ mpʋ ɩnɩ pə lɑtɑɑ.
\q1
\v 10 Hɑlɩ tɔɣɔlɑsɩ piyɑ mɑɣɑmɑɣɑ wiiki nyɔɣɔsɩ kɛ́.
\q1 Amɑ Tɑcɑɑ pɛɛkəlɑɑ nɑ́ɑ́ lɑŋəɣɩ kʋpɑntʋ.
\b
\q1
\v 11 Mɑ pəyɑlɑɑ ɩ́ nɩɩ mɑ tɔm nɑ
\q1 mɑ́ hʋlɩ-mɛɣɛ mpi pɑ yɑɑ Tɑcɑɑ sɔɣɔntʋ tɔ.
\q1
\v 12 Mə tɑɑ nɔɣɔlʋ cɑɑ sɩ ɩ́ wɑɑ ɩ weesuɣu tɑɑ
\q1 nɑ ɩ pɩɩsɩ tɑɣɑlɩ nɑ ɩ́ nɩɩ leleŋ nɑ?
\q1
\v 13 Pə wɛɛ sɩ ɩ́ kpɑ mə nɔɔsɩ
\q1 nɑ ɩ́ yele cɑɣɑnɑʋ nɑ kɑloolɑɣɑ.
\q1
\v 14 Ɩ́ se ɩsɑɣɑtʋ nɑ ɩ́ lɑ kʋpɑntʋ.
\q1 Nɑ ɩ́ pɛɛkɩ mə nɑ lɛlɑɑ mə́ leleŋ
\q1 nɑ ɩsəlɛ kʋsɛɛmlɛ.
\q1
\v 15 Tɑcɑɑ ɩsəlɛ wɛ siɣisilɑɑ tɔɔ kɛ́
\q1 nɑ ɩ́ kemɑ ŋkpɑŋʋɣʋ nɑ pɑ tɔɔ.
\q1
\v 16 Ɩ hɑɑkɩ ɑsɑɣɑɑ kɛ siɣile kɛ́.
\q1 Nɑ ɩ́ kpiisi pɑ həlɑ mɑɣɑmɑɣɑ kɛ
\q1 tɛtʋ tɑɑ nɑ pɑ́ sɔɔ pɑ tɔɔ.
\q1
\v 17 Ye siɣisilu ɩ́ wiiwɑ Tɑcɑɑ nɩɩkɩ kɛ́.
\q1 Nɑ ɩ́ wɑɑsɩ-ɩ ɩ nəɣəsɛɛ tənɑ tɑɑ.
\q1
\v 18 Ye ɩ lɑŋlɛ wɑkəlɑɑ ɩ wɛ ɩ wɑɑləɣɩ.
\q1 Nɑ ye pə nɩɩ-ɩ ɩ wɑɑsɩ-ɩ.
\q1
\v 19 Wɑhɑlɑnɑɑ pɑɣɑlɛ mɑkənɑ siɣisilu,
\q1 ɑmɑ Tɑcɑɑ wɑɑsəɣɩ-ɩ pɑ tənɑ pɑ tɑɑ.
\q1
\v 20 Nɑ ɩ́ feŋiɣi ɩ tɔnʋɣʋ tənɑ tɔɔ sɩ
\q1 ɩ mʋwɑ tɑɑ nɑtəlɩ tə́ tɑɑ pɛlɩ.
\q1
\v 21 Ɩsɑɣɑtʋ kʋɣʋnɑ tə tʋ.
\q1 Ɩlɛnɑ mpɑ pɑ cɑkɩ siɣisilu ɑcɑɣɑ tɔ
\q1 pɛlɛ pɑ́ nɑ́ pə nɑʋ.
\q1
\v 22 Tɑcɑɑ yɑkɩ ɩ təmlɛ nyə́mɑ kɛ́.
\q1 Ɩlɛnɑ pɑ tənɑ mpɑ pɑ tʋɣɩ-ɩ kpʋlʋɣʋ tɔ
\q1 pɑ fitiɣi ŋkpɑŋʋɣʋ hɔm.
\c 35
\s1 Siɣisilu wei pɑ yɑɑ hʋʋlɛ tɔ ɩ wulɑ
\p
\v 1 Tɑfiiti yontu.
\b
\q1 Hɑɩ, Tɑcɑɑ hʋʋnɑ mɑ nɔɣɔ kɛ mɑ kolontunɑɑ
\q1 nɑ ń yoonɑ mpɑ pɑ yookinɑ-m tɔ.
\q1
\v 2 Co nyɑ́ kpɑ́lʋɣʋ nɑ nyɑ́ yoou wontu,
\q1 nɑ ń kɔɔ mɑ wɑɑsʋɣʋ.
\q1
\v 3 Kpɛɛ nyɑ́ ŋmɑntɑɑɣɑ
\q1 nɑ mɑ kʋnyɔntʋlɑɑ tɔɔ.
\q1 Heeli-m sɩ n kɑ yɑ mɑ nyʋɣʋ.
\b
\q1
\v 4 Tʋ fɛɛlɛ kɛ mɑ weesuɣu ləsəlɑɑ
\q1 nɑ pə́ liɣiti-wɛ.
\q1 Mpɑ pɑ hɔkəɣɩ sɩ pɑ́ lɑ-m ɩsɑɣɑtʋ tɔ,
\q1 pɑ́ məlɩ wɑɑlɩ nɑ pɑ́ kɑ́ nyɔɔŋ.
\q1
\v 5 Pə́ yɑsɩ-wɛ ɩsɩɩ heelim kpɑɣɑ nyɩɩlʋɣʋ kɛ
\q1 wɑɑtʋ wei Tɑcɑɑ ɩsɔtɑɑ tillu tɔɣɔnəɣɩ-wɛ tɔ.
\q1
\v 6 Nɑ səkpɛtʋɣʋ nɑ sotu wɛɛ pɑ mpɑɑʋ tɑɑ
\q1 kɛ wɑɑtʋ wei Tɑcɑɑ ɩsɔtɑɑ tillu wɛ pɑ wɑɑlɩ tɔ.
\q1
\v 7 Mpi tɔ, mʋsʋŋ kɛ pɑ nyəpɑ-m kɑtɔkɑ,
\q1 nɑ pɑ́ huli mɑ mpɑɑʋ tɑɑ kɛ́ pʋʋɣʋ sɩ mɑ́ hoti.
\q1
\v 8 Wɑkəlʋɣʋ ɩ́ tuti-wɛ nɑ pɑ mɑɣɑmɑɣɑ pɑ kɑtɔkɑ kpɑ-wɛ,
\q1 nɑ pɑ́ hoti pɑ pʋʋɣʋ tɑɑ nɑ pɑ́ lɑ́ ɑsɑɑlɑ.
\b
\q1
\v 9 Amɑ mɑ lɑŋlɛ kɑ́ hʋləmənɑ Tɑcɑɑ
\q1 nɑ mɑ́ yɔɔlənɑ nyɑ́ wɑɑsʋɣʋ.
\q1
\v 10 Ɩlɛnɑ mɑ́ yɔɣɔtɩ mɑ tɑɑ sɩ,
\q1 Tɑcɑɑ fɛɩnɑ sɑɑlɑ.
\q1 N wɑɑsəɣɩ kʋnyɔntɔɣɔlʋ kɛ toŋ tʋ niŋ tɑɑ.
\q1 Nɑ ń wɑɑsɩ wɑhɑlɑ tʋ nɑ kʋnyɔntʋ kɛ wei ɩ
\q1 tɔkɩ pɑ ɩsɛ tɔ ɩ niŋ tɑɑ.
\b
\q1
\v 11 Pɔpɔtʋ ɑseetɑ nyə́mɑ pɔɔsəɣɩ-m
\q1 ɩsɑɣɑtʋ nti mɑ tɑ nyɩ tɔ.
\q1
\v 12 Nɑ pɑ́ lɔɔkɩ-m.
\q1 Mɑ pəsɑ kʋcɔɔʋ fɛləɣɩ nyɑŋ kɛ́.
\q1
\v 13 Pəyele sɑɑ wei pə wɩɩkɑɣɑ mpɛ tɔ
\q1 mɑ suukɑɣɑ ləyɑɣɑ wontu kɛ́ nɑ mɑ́ hɔkəɣɩ nɔɣɔ,
\q1 nɑ mɑ́ sələməɣɩ Ɩsɔ nɑ nyʋɣʋ kɑmɑ sɩ pə́ wɑɑ-wɛ.
\q1
\v 14 Mɑ nyənɑɣɑ-wɛɣɛ mɑ newɑɑ yɑɑ mɑ tɑɑpɑlɑɑ kɛ́,
\q1 nɑ pɑ tɔm wɑkələɣɩ mɑ lɑŋlɛ.
\q1 Nɑ mɑ́ tɔŋ nɔɔhəlɛ nɔɔhəlɛ.
\q1 Nɑ ɩsɛ kɑmɑ ɑtɛ ɩsɩɩ
\q1 mɑ too kʋlʋlʋ səpənɑ.
\b
\q1
\v 15 Ɩlɛnɑ mpɛ pɑ́ woŋiɣi mɑɣɑ sɑɑ wei mɑ cɛŋləɣɩ tɔ.
\q1 Nɑ pɑ́ pɛɛləɣɩ mɑ tɔɔ kɛ́ nɔɣɔ.
\q1 Kpɑɩ nyə́mɑ mpɑ mɑ tɑ nyɩ tɔ,
\q1 pɑɑ hɛɛsəɣɩ mɑ tɔm kɛ kɑpusi mɑpʋ.
\q1
\v 16 Pə copɑ-m nɑ pɑ́ woŋ nɑ pɑ́ kpɑləsɩ.
\q1 Nɑ pɑ́ nyɩɩkɩ-m kelɑ nɑ pɑ́ɑ́nɑ́.
\b
\q1
\v 17 Tɑcɑɑ wɑɑtʋ wei kɛ́ n kɑ́ hɛɛsɩ-m nyənʋɣʋ nɑ ɩsɛ?
\q1 Kenti-m tɔɣɔlɑsɩ nsɩ nɑ ń yɑ-m sɩ səkpɑŋ tɑɑ.
\q1
\v 18 Ɩlɛ mɑɑ sɑ-ŋ kotilɑɑ tɑɑ.
\q1 Nɑ mɑ́ sɛɛ-ŋ yəlɑɑ sɑmɑɑ tɑɑ.
\q1
\v 19 Tɑɑ yele nɑ mɑ kolontunɑɑ mpɛ
\q1 pɑ́ pɑɑnɑ mɑ wɑhɑlɑ.
\q1 Mpɑ ɩnɩ pɑ tɑɑ kpɑɑnɑ-m mʋsʋŋ tɔ,
\q1 pɑ yele təmɑɣɑ ɩsɛ cəpəlʋɣʋ kɛ mɑ tɔm.
\q1
\v 20 Pɑɑ yɔɣɔtəɣɩ tɔm kʋpɑntʋ
\q1 pəyele pɑ cɑkənɑ yəlɑɑ mpɑ
\q1 pɑ wɛ təpɑmm tɔɣɔ tɑm.
\q1
\v 21 Pɑ hɑɑkɩ pɑ nɔɔsɩ nɑ mɑ tɔɔ
\q1 nɑ pɑ́ woŋiɣi nɑ pɑ́ kpɑləsəɣɩ sɩ:
\q1 Tə nɑ-ŋ kɛ́ nɑ tɑ́ ɩsəpile təkelekele.
\b
\q1
\v 22 Tɑcɑɑ, n nɑwɑ mpi pə lɑpɑ tɔ,
\q1 Tɑɑ hɑtələnɑ-m, pəyele tɑɑ su.
\q1
\v 23 Hɑɩ Tɑcɑɑ, kʋlɩ nɑ ń hɑ-m tɑmpɑnɑ,
\q1 mɑ cɑɑ Ɩsɔ, sɛɛnɑ mɑ tɔɔ.
\q1
\v 24 Kɛɛsənɑ ɩsənɑ nyɑ́ siɣisuɣu wɛɛ tɔ
\q1 nɑ ń hɑ-m tɑmpɑnɑ.
\q1 Nɑ pɑ́ yele-m pɑɑnɑʋ.
\q1
\v 25 Tɑɑ yele nɑ pɑ́ tɔ sɩ:
\q1 Tə hikɑ-ɩ nɑ tə tɛ ɩ tɔm.
\q1
\v 26 Fɛɛlɛ ɩ́ kpɑ pɑ tənɑ mpɑ pɑ lɑŋɑ hɛɛnɑ
\q1 mɑ wɑhɑlɑ nɑ pɑ́ kʋləɣɩ mɑ tɔɔ tɔ nɑ pə́ liɣiti-wɛ.
\b
\q1
\v 27 Mpɑ pɑ lɑŋɑ hɛɛnɑ mɑ tɑmpɑnɑ hɑʋ tɔ
\q1 pɑ́ yɔɔlənɑ lɑŋhʋlʋmlɛ,
\q1 nɑ pɑ́ yɔɣɔtəɣɩ tɑm sɩ:
\q1 Tɑcɑɑ wei ɩ cɑɑnɑ ɩ təmlɛ tʋ nɑ
\q1 hɛɛsʋɣʋ tɔɣɔ tɩɩ tɑləɣɩ tɑm.
\b
\q1
\v 28 Mɑɑ sɛɛ-ŋ nyɑ́ siɣisuɣu tɔɔ,
\q1 nɑ mɑ́ sɑŋɩ-ŋ kʋyɛɛŋ tənɑ.
\c 36
\s1 Ɩsɔ kiŋ ntɛ weesuɣu təlɩɩlɛ
\p Tɑcɑɑ təmlɛ tʋ Tɑfiiti yontu nti
\d tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Mɑ cɛkənɑ Ɩsɔ tɔɔ kʋllʋ kʋyɔɣɔtʋtʋ,
\q1 sɩ: Ɩsɔ sɔɣɔntʋ tɑ kɛ mɑɣɑ pʋlʋpʋ.
\q1
\v 2 Pə puɣusiɣi-ɩ kɛ́ sɩ ɩ kɛ́ kʋpɑŋ
\q1 ɩlɛ ɩɩ cɛkəɣənɑ ɩ ɩsɑɣɑtʋ sɩ ɩ́ kisi-tɩ.
\q1
\v 3 Ɩ kʋyɔɣɔtʋtʋ tənɑ kɛ kɑloolɑɣɑ nɑ kʋtʋsʋtʋ kɛ́.
\q1 Ɩ fɛɩ ləmɑɣɑsɛɛ, pə́cɔ ɩ tɑ nyɩ kʋpɑntʋ lɑpʋ.
\q1
\v 4 Ɩ təhəntəlɛ kɛ ɩ mɑɣɑsəɣɩ
\q1 mpi pə tɑ siɣisi tɔ pə tɔm,
\q1 nɑ ɩ́ təŋəɣɩ mpɑɑʋ ŋku kʋ fɛɩ teu tɔ,
\q1 ɩɩ lɔɔkɩ ɩsɑɣɑtʋ.
\b
\q1
\v 5 Tɑcɑɑ nyɑ́ kʋpɑntʋ wɑlɑɑ kɛ́ ɩsɩɩ ɩsɔtɔnʋɣʋ
\q1 nɑ nyɑ́ teu nɑ́ɑ́ kɑləsənɑ ɩsɔŋmʋntʋ.
\q1
\v 6 Nyɑ́ siɣisuɣu kɑɑwɑɣɑ ɩsɩɩ pulɑsɩ.
\q1 Nɑ nyɑ́ kʋmɑɣɑsʋtʋ nɑ́ɑ́ lumɑɑ ɩsɩɩ teŋku.
\q1 Nyɑ́ wɑɑsəɣənɑ yəlɑɑ nɑ tɔlɑ.
\q1
\v 7 Hɑɩ, Ɩsɔ nyɑ́ kʋpɑntʋ tewɑɣɑ.
\q1 Nɑ yəlɑɑ ŋmɛləɣɩ nyɑ́ tɛɛ.
\q1
\v 8 Nyɑ́ təyɑɣɑ tɑɑ wɛnɑʋ kɛ n hɑɣɑsəɣɩ-wɛ,
\q1 nɑ ń yeki nɑ pɑ́ nyɔɔkɩ nyɑ́ kʋpɑntʋ ɩsɩɩ lʋm.
\q1
\v 9 Nyɑ́ kiŋ kɛ weesuɣu sɛɛlʋ wɛɛ.
\q1 Nɑ tə nɑɑkənɑ nyɑ́ nyɑɑləm.
\b
\q1
\v 10 Tɑcɑɑ lɑ kʋpɑntʋ kɛ mpɑ pɑ nyəmɑ-ŋ tɔ
\q1 nɑ mpɑ pɑ təŋəɣɩ tɑmpɑnɑ tɔ.
\q1
\v 11 Kɑlɑmpɑɑnɩ tʋ ɩ́ tɑɑ fɛlɩ-m nɔɔhəlɛ.
\q1 Pəyele ɩsɑɣɑʋ ɩ́ tɑɑ tɔɣɔnɩ-m.
\q1
\v 12 Ɩɩ nɑɑkɩ yəlɑɑ ɑsɑɣɑɑ tɛmɑ
\q1 hotuɣu nɑ pɑ́ pəsɩ kpɛntəlɑsɩ
\q1 pɑɑ pəsəɣɩ kʋlʋɣʋ.
\c 37
\s1 Nyɑ́ tɑɑ ɩ́ tɑɑ kpɑnɑ ɑsɑɣɑɑ lɛɛsʋɣʋ
\p
\v 1 Tɑfiiti yontu.
\b
\q1 Yʋlʋ nyɑ́, nyɑ́ tɑɑ ɩ́ tɑɑ kpɑnɑ ɩsɑɣɑlɑtɑɑ yoo.
\q1 Tɑɑ tɩɩ nyɩɩlɩ pɑ kɑwɑɑɣɑ.
\q1
\v 2 Pɑ kɔŋ lontiluɣu kɛ́ ɩsɩɩ nyɩɩtʋ,
\q1 nɑ pɑ́ wʋlɩ ɩsɩɩ nyɩɩtʋ kʋlɛkəlɛkətʋ wʋlʋɣʋ tɔ.
\b
\q1
\v 3 Hɑ nyɑ́ təɣɩ Tɑcɑɑ nɑ ń lɑkɩ kʋpɑntʋ,
\q1 ɩlɛ n kɑ́ cɑɣɑ mə tɛtʋ tɑɑ nɑ ɑlɑɑfəyɑ.
\q1
\v 4 Yele nɑ Tɑcɑɑ pəsɩ nyɑ́ leleŋ təlɩɩlɛ,
\q1 ɩlɛ ɩ kɑ́ hɑ-ŋ mpi n nyɩɩləɣɩ tɔ.
\b
\q1
\v 5 Pɛtɩ-ɩ nyɑ́ weesuɣu nɑ ń nyənəɣɩ ɩ tike
\q1 ɩlɛ ɩ kɑ́ lɑ mpi pə wɛ lɑpʋ tɔ.
\q1
\v 6 Ɩ kɑ́ yele nɑ nyɑ́ siɣisuɣu nɑ́ ɩsɩɩ nyɑɑləm
\q1 nɑ nyɑ́ tɑmpɑnɑ nɑ́ ɩsɩɩ ilim kɛ pə sikuɣu wɑɑtʋ.
\b
\q1
\v 7 Cɑɣɑ təpɑmm nɑ ń tɛɛləɣɩ Tɑcɑɑ nɑ suulu.
\q1 Tɑɑ mʋ pɑ́ɑ́nɑ́ nɑ mpɑ pɑ wɑɑkɩ pɑ ɩsɑɣɑtʋ tɑɑ tɔ.
\b
\q1
\v 8 Lɔ-yɛ, nɑ ń yele tɑɑ hɑŋɑɣɑ.
\q1 Tɑɑ kʋntɩ, ɩsɑɣɑtʋ kɛ pə lʋləɣɩ.
\q1
\v 9 Pɩɩ kpiisi ɩsɑɣɑlɑtɑɑ kɛ́,
\q1 ɩlɛnɑ Tɑcɑɑ tɛɛllɑɑ nɑ́ɑ́ tɔɣɔ tɛtʋ.
\q1
\v 10 Pəcɔɣɔ pə kɑɑsɑɑ nɑ ɩsɑɣɑʋ sɑɑlɩ yem.
\q1 N kɔŋ n nyənɩ ɩ lonte tɑɑ,
\q1 n kɑɑ nɑ ɩ ɩkpɑtɛ.
\q1
\v 11 Amɑ təpɑsəlɑɑ kɑ́ tɔɣɔnɑ tɛtʋ
\q1 nɑ pɑ́ cɑɣɑnɑ pɑ tɩ təpɛlɛkɛtɛɛ.
\b
\q1
\v 12 Ɩsɑɣɑʋ cɑkɩ siɣisilu ɑcɑɣɑ kɛ́,
\q1 nɑ ɩ nyɑsəɣɩ ɩ təɣɩ kelɑ.
\q1
\v 13 Amɑ Tɑcɑɑ nɑ́ woŋiɣi-ɩ kɛ́.
\q1 Mpi tɔ, ɩ nyəmɑ́ sɩ hʋʋlɛ kʋyɑkʋ kɑ́ kɔɔ.
\b
\q1
\v 14 Asɑɣɑɑ nɑ́ kpɛɛkɩ pɑ lɑɣɑlɛɛ kɛ́ nɑ pɑ́ pɑŋ pɑ tɔɔŋ
\q1 sɩ pɑ kʋɣɩ kʋnyɔntʋnɑɑ nɑ wɑhɑlɑ nyə́mɑ
\q1 mpɑ pɑ təŋəɣɩ mpɑɑʋ kʋsiɣisuɣu tɔ.
\q1
\v 15 Amɑ pɑ mɑɣɑmɑɣɑ kɛ pɑ lɑɣɑlɛɛ kɑ́ sɔ
\q1 nɑ pɑ tɔɔŋ pɛlɩ.
\b
\q1
\v 16 Siɣisilu wɛnɑʋ pəciimɑɣɑ kəlɑ teu
\q1 kɛ ɑsɑɣɑɑ pɑɣɑlɛ nyəŋkʋ tuutuumɑ.
\q1
\v 17 Mpi tɔ, Tɑcɑɑ n pɛləɣɩ pɑ niŋ kɛ́
\q1 ɩlɛnɑ ń pɑɑsəɣənɑ siɣisilɑɑ.
\b
\q1
\v 18 N nyəmɑ́ mpɑ pɑ tɔŋ ɩsɩɩ Ɩsɔ sɔɔlɑɑ tɔ pɑ tɔɔ kɛ́
\q1 nɑ mpi n kɑ́ hɑ-wɛ tɔ, pɩɩ pəsɩ pɑ nyəm kɛ tɑm tɔɔ.
\q1
\v 19 Fɛɛlɛ kɑɑ tɔɣɔ-wɛɣɛ wɑhɑlɑ wɑɑtʋ tɑɑ.
\q1 N kɑ́ hɑ-wɛɣɛ hɑɣɑnɑɣɑ kɛ nyɔɣɔsɩ wɑɑtʋ.
\b
\q1
\v 20 Asɑɣɑɑ kɔŋ lepu kɛ́.
\q1 Tɑcɑɑ kolontunɑɑ kɑ́ sɑɑlɩ kɛ́
\q1 ɩsɩɩ nyɩɩtʋ hɛtʋ yɑɑ kɔkɔ nyɔɔsɩ.
\b
\q1
\v 21 Ɩsɑɣɑʋ kəntəɣɩ kɛ́ ɩɩ fɛləɣɩ.
\q1 Amɑ siɣisilu nɑ́ hɑɑkənɑ luɣu kʋlʋmʋɣʋ.
\q1
\v 22 Mpɑ Tɑcɑɑ kooliɣi kʋpɑntʋ tɔ
\q1 mpɛ pɑ tənnɑ tɛtʋ.
\q1 Ɩlɛnɑ pə́ kpiisiɣi mpɑ ɩ təŋsəɣɩ mpusi tɔ.
\q1
\v 23 Ye ɩ lɑŋlɛ hɛɛnɑ yʋlʋ tɔntɛ,
\q1 ɩ hɑsəɣɩ ɩ nɔɔhɛɛ tɛɛ kɛ́.
\q1
\v 24 Pɑɑ ɩ tɩɩ hotɑɑ ɩɩ sɑɑləɣɩ ɑtɛ.
\q1 Ɩ tɔkəɣɩ ɩ niŋ tɑɑ kɛ́ nɑ ɩ kʋsɩ-ɩ.
\b
\q1
\v 25 Too mɑ kʋlʋɣʋ tɔ,
\q1 hɑlənɑ mɑ kpɑtəlɑɣɑ,
\q1 mɑ tɑ nɑtɑ pə lɔwɑ siɣisilu,
\q1 yɑɑ pə sʋsɑ ɩ piyɑ kɛ tɔɣɔnɑɣɑ sələmʋɣʋ tɑɑ.
\q1
\v 26 Ɩ hɑɑkənɑ luɣu kʋlʋmʋɣʋ kɛ tɑm kɛ́
\q1 nɑ Ɩsɔ kooliɣi ɩ piyɑ kɛ kʋpɑntʋ.
\b
\q1
\v 27 Kisi ɩsɑɣɑtʋ nɑ ń lɑkɩ kʋpɑntʋ
\q1 ɩlɛ nyɑ́ piitim kɑ́ wɛɛ tɛtʋ tɑɑ kɛ́ tɑm.
\q1
\v 28 Mpi tɔ, siɣisuɣu kɛ Tɑcɑɑ n sɔɔlɑɑ.
\q1 Pəyele nn lɔɔkɩ nyɑ́ yəlɑɑ.
\q1 N kentiɣi pɑ tɔɔ kɛ́ tɑm kɛ́.
\b
\q1 Amɑ n kɑ́ kpiisi ɑsɑɣɑɑ piitim.
\q1
\v 29 Siɣisilɑɑ kɑ́ tɔɣɔnɑ tɛtʋ
\q1 nɑ pɑ́ cɑɣɑ tə tɑɑ kɛ́ tɑm.
\b
\q1
\v 30 Ləmɑɣɑsɛɛ tɔm kɛ siɣisilɑɑ yɔɣɔtəɣɩ
\q1 nɑ pɑ́ kpɑɑləɣɩ tɑmpɑnɑ təŋʋɣʋ.
\q1
\v 31 Pɑ Ɩsɔ kiiŋ wɛ pɑ lotu tɑɑ kɛ́,
\q1 pɩɩ cɛŋləɣɩ-wɛ.
\b
\q1
\v 32 Ɩsɑɣɑʋ cɛŋəɣɩ siɣisilu kɛ́
\q1 nɑ ɩ́ pɛɛkəɣɩ ɩ kʋɣʋ.
\q1
\v 33 Amɑ Tɑcɑɑ ɩɩ yeki sɩ ɩsɑɣɑʋ ɩ́ kpɑ siɣisilu kɛ ɩ səkpɑŋ tɑɑ.
\q1 Yɑɑ siɣisilu tɔm ɩ́ sɩ təhʋʋlɛ tɑɑ.
\b
\q1
\v 34 Tɛɛlɩ Tɑcɑɑ nɑ ń təŋəɣɩ ɩ mpɑɑʋ.
\q1 Ɩ kɑ kʋsɩ nyɑ́ nyʋɣʋ nɑ ń tɔɣɔ tɛtʋ
\q1 nɑ ɩ́ kpiisi ɑsɑɣɑɑ nɑ ń nɑ́.
\b
\q1
\v 35 Mɑɑ nɑwɑ ɩsɑɣɑʋ nɑ ɩ́ ŋmɑkələɣɩ.
\q1 Nɑ ɩ́ pɩɩ sɔsɔm ɩsɩɩ tʋɣʋ kɛ Lipɑŋ
\q1 tɛtʋ kʋpɑntʋ tɑɑ.
\q1
\v 36 Amɑ mɑ məlɑ tənɑ ɩlɛ mɑɑ tɑsəɣɩ-ɩ nɑʋ,
\q1 nɑ mɑ́ pɛɛkɩ nɑ mɑ́ wɩɩ pɑɣɑ.
\b
\q1
\v 37 Nyənnɑ mpɑ pɑ tɔŋ ɩsɩɩ Ɩsɔ sɔɔlɑɑ
\q1 nɑ pɑ́ təŋəɣɩ tɑmpɑnɑ tɔ.
\q1 Wei ɩ cɑɑkɩ ɩ́ nɑ lɛlɑɑ pɑ leleŋ tɔ,
\q1 ɩ wɛɛkənɑ lʋlʋɣʋ nyə́mɑ kɛ́.
\q1
\v 38 Pɩɩ wɑkəlɩ ɩsɑɣɑlɑtɑɑ tənɑɣɑ,
\q1 nɑ pə kpiisi pɑ lʋlʋŋ.
\b
\q1
\v 39 Tɑcɑɑ yɑkənɑ siɣisilɑɑ.
\q1 Nɑ ɩ́ kentiɣi pɑ tɔɔ kɛ́ wɑhɑlɑnɑɑ wɑɑtʋ.
\q1
\v 40 Ɩnɩ ɩ wɑɑsəɣənɑ-wɛ nɑ ɩ́ teŋ-wɛ.
\q1 Nɑ ɩ́ fitiɣi-wɛɣɛ ɑsɑɣɑɑ niŋ tɑɑ nɑ ɩ́ yɑkɩ-wɛ.
\q1 Mpi tɔ, ɩnəɣɩ pɑ tʋ kpʋlʋɣʋ.
\c 38
\s1 Kʋtɔntʋ wei ɩ nyəmɑ ɩ təwɑkəllɛ tɔ ɩ sələmʋɣʋ
\p Tɑfiiti yontu nti
\d pɑ tɔɔsəɣənɑ Ɩsɔ tɔɔ tɔɣɔlɔ.
\b
\q1
\v 1 Tɑcɑɑ tɑɑ hɔ mɑ ŋkpɑŋʋɣʋ
\q1 yɑɑ ń tʋ-m sɑləkɑ nɑ pɑ́ɑ́nɑ́.
\q1
\v 2 Mpi tɔ, nyɑ́ nyəmɑ́ yɑɣɑ-m kɛ́,
\q1 nɑ nyɑ́ niŋ yuŋ tii mɑ tɔɔ.
\b
\q1
\v 3 Nyɑ́ pɑ́ɑ́nɑ́ tɔɔ,
\q1 mɑ tɔnʋɣʋ fɛɩ təcʋŋŋ.
\q1 Mɑ kʋpəntʋɣʋ tɔɔ,
\q1 ɑlɑɑfəyɑ fɛɩ mɑ mʋwɑ tɑɑ.
\q1
\v 4 Mɑ ɩsɑɣɑtʋ kəlɑ-m kʋŋkʋlʋməŋ.
\q1 Nɑ tə́ nɩɩ-m ɩsɩɩ səɣəlɑ sɔsɔɔnɑ.
\b
\q1
\v 5 Mɑ hiŋ tɑɑ lɑpɑ kʋsɔɣɔtʋ kɛ́ nɑ pə́ wɩɩkɩ.
\q1 Mɑ kʋmɛlɛntʋ kɑsəyɑɣɑ ntɛ́.
\q1
\v 6 Wʋsɑsɩ kɔkəlɑ-m kɛ́ nɑ mɑ́ kɑwɑ kɑtɑtəlɑɣɑ.
\q1 Lɑŋwɑkəllɛ tɑɑ kɛ́ mɑ tɔŋ kʋyɛɛŋ tənɑ.
\b
\q1
\v 7 Wʋsɑsɩ sɔsɔɔnsɩ sɑləɣənɑ mɑ tənɑɣɑ tɑɑ.
\q1 Pʋlʋpʋ fɛɩ təcʋŋŋ kɛ́ mɑ tɔnʋɣʋ tɑɑ.
\q1
\v 8 Pə yɔkɑ-m kɛ́ tənɑŋnɑŋ mɑ fɛɩ tomɑ.
\q1 Nɑ mɑ lɑŋwɑkəllɛ yeki nɑ mɑ́ mɔləɣɩ.
\b
\q1
\v 9 Tɑcɑɑ n nyəmɑ́ mɑ kʋnyɩɩləm kɛ teu.
\q1 Pəyele n nyəmɑ́ mɑ mɔlɑ.
\q1
\v 10 Mɑ lɑŋlɛ tɔɔkɩ kɛ́ nɑ mɑ tomɑ tɛŋ.
\q1 Mɑ ɩsɛ nɑ́ɑ́ tɩɩ tɛŋ nɑʋ.
\b
\q1
\v 11 Mɑ tɑɑpɑlɑɑ nɑ mɑ ɑsəmɑɑ seeki mɑ wɑhɑlɑ.
\q1 Nɑ mɑ cɔlɔ nyə́mɑ hɑtələɣənɑ-m.
\q1
\v 12 Mpɑ pɑ pɛɛkəɣɩ mɑ səm tɔ pɑ nyəkɩ-m kɑtɔsɩ
\q1 ɩlɛnɑ mpɑ pɑɑ cɑɑ-m nɑ kʋpɑntʋ tɔ
\q1 pɑ́ yɔɣɔtəɣɩ ɩsɑɣɑtʋ nɑ tɔm kʋtʋsʋtʋ kɛ tɑm.
\q1
\v 13 Amɑ mɑ pəsɑ ntɑm kɛ́ mɑɑ nɩɩkɩ,
\q1 yɑɑ kɑmumukɑ mɑɑ yɔɣɔtəɣɩ nɑtəlɩ.
\q1
\v 14 Mɑ wɛ kɛ́ ɩsɩɩ ntɑm,
\q1 mɑɑ cɔɔkɩ nɑtəlɩ.
\b
\q1
\v 15 Mɑ Ɩsɔ Tɑcɑɑ nyɑɣɑ mɑ tekiɣi,
\q1 nɑ mɑ́ tɑŋɑɑ sɩ ń cɔnɑ mɑ nɔɣɔ.
\q1
\v 16 Hɑlɩ mɑ sələmɑ-ŋ sɩ ń tɑɑ yele nɑ pɑ́ pɑɑnɑ-m.
\q1 Yɑɑ pɑ́ kɛɛsənɑ mɑ cɛŋlʋɣʋ nɑ pɑ́ kʋlɩ mɑ tɔɔ.
\b
\q1
\v 17 Mpi tɔ, mɑ cɛɛ fiɣinuɣu kɛ́,
\q1 nɑ mɑ wʋsɑsɩ tɔɔsəɣɩ-m pə tɔm.
\q1
\v 18 Mɑ tisɑ mɑ kʋpəntʋɣʋ kɛ́
\q1 nɑ kʋ tɔm cɑɑləɣɩ-m.
\b
\q1
\v 19 Mɑ kolontunɑɑ wɛnɑ ɑlɑɑfəyɑ kɛ́ nɑ tomɑ.
\q1 Mpɑ pɑ footiɣi-m mʋsʋŋ tɔ,
\q1 pɑ pɑɣɑlɛ wɛ sɔɣɔntʋ.
\q1
\v 20 Ɩsɑɣɑtʋ kɛ pɑ lɛɛtəɣɩ-m mɑ kʋpɑntʋ lonte.
\q1 Mɑ pɛɛkəɣɩ kʋpɑntʋ tɔɣɔ pɑɑ cɑɑkɩ-m.
\b
\q1
\v 21 Mɑ Ɩsɔ Tɑcɑɑ, tɑɑ lɔ-m.
\q1 Pəyele tɑɑ hɑtələnɑ-m pooluŋ.
\q1
\v 22 Mɑ cɑɑ, mɑ nyʋɣʋ yɑ́tʋ,
\q1 kɔɔ lɔŋ kɛ mɑ wɑɑsʋɣʋ.
\c 39
\s1 Kʋnyɔntɔɣɔlʋ kʋpəntəŋ tisuɣu
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ nɑ Yetutuŋ nyəntʋ tɑɑ tɔɣɔlɔ.
\b
\q1
\v 1 Mɑɑ tʋwɑ mɑ tɑɑ kɛ́ sɩ mɑɑ feŋ mɑ tɔntɛ tɔɔ,
\q1 nɑ mɑ́ tɑɑ pəntənɑ mɑ nɔɣɔ.
\q1 Mɑɑ kpɑ mɑ nɔɣɔ kɛ wɑɑtʋ wei ɩsɑɣɑtʋ kɑ́ wɛɛ mɑ kiŋ tɔ.
\q1
\v 2 Pə tɔɔ kɛ́ mɑ sumɑ ɩsɩɩ kɑmumukɑ.
\q1 Amɑ mɑ lɑŋlɛ wɑkəlɑɑ nɑ mɑ wʋsɑsɩ sɔɔsɩ.
\q1
\v 3 Nəɣəsɛɛ pɩɩ-m nɑ ɑ́ nyɑɣɑ mɑ tɑɑ
\q1 ɩsɩɩ kɔkɔ nɑ mɑ́ mɔləɣɩ.
\q1 Ntɛnɑ pə́ cɑɑlɩ-m sɩ mɑ́ sələmɩ sɩ:
\b
\q1
\v 4 Tɑcɑɑ kɛɛsɩ-m sɑɑ wei mɑ weesuɣu kɑ́ tɛ tɔ.
\q1 Kʋyɛɛŋ ɩsənɑɣɑ pə kɑɑsɑ-m.
\q1 Yele nɑ mɑ́ nyɩ ɩsənɑ mɑ wɛ tətɑntɑɑ tɔ.
\q1
\v 5 Mɑ weesuɣu tɑɣɑləŋ wɛ kɛ́ ɩsɩɩ ntɑntɑkʋ wɑŋ.
\q1 Pəyele kʋ tɑ kɛ-ŋ pʋlʋ.
\q1 Yəlɑɑ tənɑ wɛ kɛ́ ɩsɩɩ heelim.
\q1
\v 6 Yʋlʋ cɔɔkɩ kɛ́ ɩsɩɩ ɩsotom,
\q1 nɑ ɩ́ tɑŋtəɣɩ ɩsɩɩ heelim,
\q1 nɑ ɩ́ kɑɑkɩ wɛnɑʋ huwɑ.
\q1 Amɑ ɩ tɑ nyɩ kʋ kuulu.
\b
\q1
\v 7 Tɑcɑɑ, pənɛntɛ pepeɣe mɑ tɑsəɣɩ tɛɛlʋɣʋ?
\q1 Nyɑɣɑ mɑɑ tɛɛlɩ təkpɑtɑɑ.
\q1
\v 8 Wɑɑsɩ-m mɑ kɑwɑlɑɣɑ tənɑ tɑɑ.
\q1 Tɑɑ yele nɑ kʋmɛlɛməŋ woŋɩ-m.
\q1
\v 9 Pənɛntɛ mɑ sumɑɣɑ,
\q1 mɑɑ kuliɣi nɔɣɔ.
\q1 Mpi tɔ, nyɑ́ yelinɑ nɑ mɑ́ wɛɛ yɑɑsi ɩnɛ ɩ tɑɑ.
\q1
\v 10 Hɑɩ, yele-m mɑpʋ kɛ mpʋ.
\q1 Mɑ tɔm kɑ́ tɛ nyɑ́ niŋ tɑɑ.
\q1
\v 11 Yʋlʋ ɩsɑɣɑtʋ kɛ n hɔŋnɑ ɩ ŋkpɑŋʋɣʋ,
\q1 nɑ ń wɑkələɣɩ ɩ weesuɣu ŋku
\q1 ɩ sɔɔlɑ teu tɔ ɩsɩɩ sonsompəle
\q1 wɑkəlʋɣʋ tʋɣʋ pile tɔ.
\b
\q1
\v 12 Hɑɩ, Tɑcɑɑ ke ŋkpɑŋŋ nɑ ń nɩɩ,
\q1 mɑ kʋsələmʋtʋ nɑ mɑ kɑpusi.
\q1 Mɑ ɩsəlʋm tɔm ɩ́ tɑɑ kisi-ŋ pətɔɔtəlɛ lɑpʋ.
\q1 Mpi tɔ, mɑ kɛ́ mʋʋlʋ kɛ nyɑ́ tɛɣɛ,
\q1 ɩsɩɩ mɑ cɔsɔnɑɑ.
\b
\q1
\v 13 Kʋsɩ nyɑ́ ɩsɛ kɛ mɑ tɔɔ
\q1 nɑ ń yele nɑ mɑ́ feesi
\q1 nɑ pə́cɔ mɑ́ tɛɛ nɑ pə́ sɑɑlɩ.
\c 40
\s1 Pɑɑ wei ɩ́ nyɩ pə tənɑ mpi n lɑpɑ-m tɔ
\r (Kʋkɑlətʋ 14-18: Yontu 70:2-6)
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Tɑcɑɑ kɛ mɑ tɛɛlɑɑ təkpɑpɑ.
\q1 Nɑ ɩ́ kɛɛsənɑ mɑ tɔɔ nɑ ɩ́ nɩɩ mɑ kɑpusi.
\q1
\v 2 Pʋʋɣʋ ɑnɑɑm wei ɩ kɛ́
\q1 səm kɑtɑntɑmɑɣɑ tɔ ɩ tɑɑ kɛ́ ɩ kpɛɛ-m.
\q1 Nɑ ɩ́ səŋsɩ-m kʋkpɑmʋɣʋ tɔɔ,
\q1 nɑ mɑ́ tɔŋnɑ nɑɑni.
\q1
\v 3 Tɑ Ɩsɔ tʋnɑ mɑ nɔɣɔ tɑɑ kɛ́
\q1 yontu kʋfɑtʋ sɩ mɑ́ sɑŋnɑ-ɩ.
\q1 Pɑɣɑlɛ nɩɩwɑ nɑ pɑ́ nɑ́ mpʋ.
\q1 Ɩlɛnɑ pɑ́ nyɑŋnɑ Tɑcɑɑ nɑ pɑ́ tʋ-ɩ nɑɑni.
\q1
\v 4 Leleŋ nɩɩlʋ ntɛ́ wei ɩ tʋwɑ
\q1 Tɑcɑɑ kɛ nɑɑni təkpɑtɑɑ tɔ.
\q1 Ɩ pɑɑ fɛɩnɑ kɑlɑmpɑɑnɩ nyə́mɑ nɑ pɔpɔtʋnɑɑ.
\b
\q1
\v 5 Mɑ Ɩsɔ Tɑcɑɑ n lɑpɑ təmɑ sɔsɔɔnɑ kɛ,
\q1 tɑ́ tɔɔ kɛ́ n fɛɩnɑ sɑɑlɑ.
\q1 Mɑ cɑɑkɑɣɑ ɑ tɔm yɔɣɔtʋɣʋ
\q1 ɩlɛ ɑ kəlɑ pɑɣɑlɛ.
\q1
\v 6 Pə tɑɣɑ kɔtɑɣɑ ɩsɩɩ ɩsɑɣɑtʋ hɩɩsʋɣʋ nyəŋkɑ
\q1 yɑɑ ŋkɑ kɔkɔ lusɑ kɑ tənɑ tɔ yɑɑ kʋhɑʋ kɛ n sɔɔlɑɑ.
\q1 Amɑ ŋkpɑŋŋ kɛ n tʋ-m sɩ mɑ́ nɩɩ nyɑ́ tɔm.
\q1
\v 7 Pə tɔɔ kɛ́ mɑ tɔmɑ sɩ:
\q1 Mɑɣɑlɔ, mɑ cɑɑ mɑ́ lɑ nyɑ́ luɣu nyəntʋ.
\q1 Ɩsɩɩ pə wɛʋ kiiu tɑkəlɑɣɑ tɑɑ tɔ.
\q1 Nɑ mɑ́ tɔkəɣɩ nyɑ́ kiiu kɛ hɑtoo mɑ lotu tɑɑ.
\q1
\v 9 Siɣisuɣu tɔm kɛ mɑ kpɑɑləɣɩ
\q1 sɑmɑɑ tuutuumɑ tɑɑ sɩ:
\q1 Tɑcɑɑ nyɑ́ wɑɑsəɣənɑ.
\q1 Mɑɑ suŋ, nyɑ́ mɑɣɑmɑɣɑ n nyəmɑ́ mpʋ.
\q1
\v 10 Mɑɑ ŋmɛsəɣɩ ɩsənɑ n yɑpɑ-m tɔ,
\q1 nɑ nyɑ́ kʋpɑntʋ nti n lɑkɩ tɑm tɔɣɔ sɑmɑɑ tɑɑ.
\q1 Amɑ mɑ kpɑɑləɣɩ kɛ́ sɩ nyɑɣɑlɛ mɑ wɑɑsʋlʋ.
\q1
\v 11 Tɑcɑɑ n tɑ kisi nyɑ́ pətɔɔtəlɛ kɛ lɑpʋ.
\q1 Nyɑ́ kʋpɑntʋ nɑ nyɑ́ tɑɑ teu kentiɣinɑ-m tɑm.
\b
\q1
\v 12 Wɑhɑlɑnɑɑ wɑtəɣənɑ-m nɑ pɑɑ timpiɣi.
\q1 Pɑ fɛɩ kɑlʋɣʋ, mɑ kɑwɑlɑɣɑ fɔɔtɔ fɛləɣənɑ-m.
\q1 Pɑ tike kɛ mɑ nɑɑkɩ.
\q1 Pɑ pɑɣɑlɛ kəlɑ ɩsɩɩ nyʋɣʋ tɑɑ nyɔɔsɩ.
\q1 Pə tɔɔ kɛ́ mɑ ɑpɑlʋtʋ lepɑ.
\q1
\v 13 Hɑɩ, Tɑcɑɑ,
\q1 lɑ suulu nɑ ń kɔɔ lɔŋ nɑ ń yɑ-m.
\q1
\v 14 Mpɑ pɑ cɑɑkɩ mɑ wɑhɑlɑ nɑ mɑ səm tɔ,
\q1 pɑ́ kpisi nɑ fɛɛlɛ kpɑ-wɛ nɑ pə́ tisi-wɛ təfɛ.
\q1
\v 15 Mpɑ pɑ woŋiɣi-m nɑ pɑ́ kpɑləsəɣɩ tɔ,
\q1 pɑ fɛɛlɛ ɩ́ tʋ-wɛɣɛ sɔɣɔntʋ.
\b
\q1
\v 16 Nyɑ́ pɛɛkəlɑɑ tənɑ ɩ́
\q1 yɔɔlənɑ-ŋ nɑ lɑŋhʋlʋmlɛ.
\q1 Mpɑ pɑ cɑɑkɩ sɩ ń yɑ-wɛ tɔ,
\q1 pɑ tɑləɣɩ-ŋ tɑm sɩ:
\q1 Tɑcɑɑ kɛlɛ sɔsɔ.
\q1
\v 17 Mɑ kɛ́ kʋnyʋntʋ kɛ́ nɑ wɑhɑlɑ tʋ.
\q1 Amɑ Tɑcɑɑ tɔɔsəɣɩ mɑ tɔm.
\q1 Nyɑɣɑlɛ mɑ wɑɑsʋlʋ nɑ mɑ sənlʋ.
\q1 Mɑ Ɩsɔ, wɑɑsɩ-m tɑɑ tɑɑŋɩ.
\c 41
\s1 Kʋnyɔntɔɣɔlʋ Ɩsɔ sələmʋɣʋ
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Leleŋ nɩɩlʋ ntɛ́ wei ɩ pɑɑsəɣənɑ ɑcɑmɑɑ tɔ.
\q1 Mpi tɔ, Tɑcɑɑ ləsəɣɩ-ɩ wɑhɑlɑ tɑɑ kɛ́
\q1 kʋyɑkʋ ɩsɑɣɑʋ wule kɛ́.
\q1
\v 2 Ɩsɔ kentiɣi pʋntʋ weesuɣu tɔɔ kɛ́,
\q1 nɑ ɩ́ cɑɣɑnɑ lɑŋhʋlʋmlɛ kɛ tɛtʋ tɔɔ.
\q1 Ɩsɔ ɩɩ yeki nɑ yʋlʋ ɩnɩ ɩ́ hoti ɩ kolontunɑɑ səkpɑŋ tɑɑ.
\q1
\v 3 Tɑcɑɑ pɑɑsəɣənɑ-ɩ ɩ wʋsɑsɩ wɑɑtʋ kɛ́,
\q1 nɑ ɩ fɛkɩ-ɩ.
\b
\q1
\v 4 Mɑ kʋyɔɣɔtʋtʋ ntɛ́ sɩ: Mɑ pəntənɑ Tɑcɑɑ,
\q1 ɩlɛ nyənɩ mɑ pətɔɔtəlɛ nɑ ń wɑɑsɩ-m.
\q1
\v 5 Mɑ kolontunɑɑ pɔɔsəɣənɑ nɑ mʋsʋŋ sɩ:
\q1 Pəlee kɛ́ n kɑ́ sɩ nɑ pɑ́ sɔɔ nyɑ́ tɔɔ?
\q1
\v 6 Ye pɑ tɑɑ nɔɣɔlʋ kɔmɑ mɑ wiiluɣu
\q1 pɔpɔtʋ tɔm kɛ́ ɩ yɔɣɔtəɣɩ sɩ ɩ hiki
\q1 timpi ɩ kɑ cɑɣɑnɑ-m tɔ.
\q1
\v 7 Mpɑ pɑɑ cɑɑ-m tɔ pɑ kotiɣi kɛ́ nɑ
\q1 pɑ́ wɛlətəɣɩ mɑ ɩsɑɣɑtʋ tɔm sɩ:
\q1
\v 8 Kʋtɔŋ ɩsɑɣɑʋ hɩɩsənɑ-ɩ,
\q1 ɩ kɑɑ kʋlɩ.
\q1
\v 9 Hɑlɩ mɑ tɑɑpɑlʋ kʋpɑŋ wei
\q1 mɑ́ nɑ-ɩ tə nɩɩkɑɣɑ təmɑ tɔm
\q1 nɑ tə́ tɔkɩ mɑ mʋtʋ tɔ
\q1 ɩ kʋlɑ mɑ tɔɔ.
\q1
\v 10 Hɑɩ, Tɑcɑɑ nyənɩ mɑ pətɔɔtəlɛ,
\q1 nɑ ń kʋsɩ-m nɑ mɑ́ lɛɛtɩ-wɛ.
\b
\q1
\v 11 Mpi pɩɩ hʋlɩ sɩ n sɔɔlɑ-m tɔɣɔlɛ
\q1 wɑɑtʋ wei mɑ kolontunɑɑ kɑ́ yele koou
\q1 sɩ mpɛ pɑ kəlɑ-m tɔ.
\q1
\v 12 N pɑɑsənɑ-m mɑ tɑmpɑnɑ təŋʋɣʋ tɔɔ,
\q1 nɑ ń sɩɩ-m nyɑ́ ɩsɛntɑɑ kɛ tɑm tɔɔ.
\q1
\v 13 Tɑcɑɑ Ɩsɔ wei nyɑ́ n kɛ́ Ɩsɛɣɛlɩ nyə́mɑ
\q1 Ɩsɔ tɔɣɔlɛ teeli tʋ.
\q1 Ɩsɔ ɩ́ kɔnɑ mpʋ.
\c 42
\ms1 TAKƎLAƔA NAALƐ NYƎŊKA
\r (Yontu 42–72)
\s1 Wei ɩ hɑtələnɑ Ɩsɔ təsɛɛlɛ tɔ ɩ wulɑ
\p Kolee yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Ɩsɩɩ lʋkɔtʋ pɩɩkʋɣʋ nɑm nɑ ɩ́ təŋəɣɩ lʋm ɑkpɑɑ tɔ,
\q1 ḿpʋɣʋ mɑ pɛɛkəɣɩ Tɑcɑɑ.
\b
\q1
\v 2 Mɑ nyɩɩləɣɩ weesuɣu tʋ Ɩsɔ nyɑɣɑ.
\q1 Pəlee kɛ́ mɑɑ kɔɔ nyɑ́ tɛ́ nɑ mɑ́ nɑ-ŋ?
\q1
\v 3 Ɩsəlʋm kɛ mɑ tɔkɩ ilim nɑ ɑhoo.
\q1 Mpi tɔ, pɑ pɔɔsəɣɩ-m tɑm kɛ́ sɩ:
\q1 Leɣe nyɑ́ Ɩsɔ ɩnɩ ɩ wɛɛ?
\b
\q1
\v 4 Hɑlɩ pə lɑpɑ nɑ mɑ́ tɔɔsəɣənɑ lɑŋwɑkəllɛ kɛ
\q1 ɩsənɑ sɑmɑɑ tʋkɑɣɑ-m hɛkʋ nɑ lɑŋhʋlʋmlɛ sɔsɔɔlɛ,
\q1 nɑ tə́ pukinɑ Ɩsɔ təyɑɣɑ tɔɔ,
\q1 nɑ pɑ́ wilitiɣi nɑ pɑ́ sɑŋɩ-ɩ tɔ.
\b
\q1
\v 5 Pepe tɔɔ kɛ́ mɑ lɑŋlɛ wɑkələɣɩ mɑ tɩ tɔm tɔtɔ?
\q1 Pə kəlɑ teu sɩ mɑ́ tɛɛlɩ mɑ Ɩsɔ
\q1 nɑ mɑ́ tɑsɑ-ɩ sɑm tɔtɔ.
\q1 Ɩnəɣəlɛ mɑ wɑɑsʋlʋ Ɩsɔ.
\b
\q1
\v 6 Hɑɩ, Tɑcɑɑ, mɑ lɑŋlɛ wɑkəlɑɑ kɛ́ tətɔɣɔtɔɣɔ.
\q1 Pə tɔɔ kɛ́ mɑ tɔɔsəɣɩ nyɑnɑ Yɑɑtɑnɩ tɛtʋ mə tɔm,
\q1 nɑ nyɑ́ sɛɛlɑɑ nɑ Hɛɛmɔŋ pʋɣʋ nɑ Miseyɑɑ pulɑsi tɔm.
\q1
\v 7 N yelɑɑ nɑ wɑhɑlɑnɑɑ təŋəɣɩ
\q1 təmɑɣɑ mɑ tɔɔ ɩsɩɩ lʋm holɑ.
\q1 Pɑ wɑɑsɑ mɑ tɔɔ kɛ́ təwisiwisi.
\q1
\v 8 Tɑcɑɑ, lɑ-m kʋpɑntʋ kɛ ilim.
\q1 Ɩlɛnɑ mɑ́ yoo-ŋ yontu kɛ ɑhoo,
\q1 nɑ mɑ́ sələmɩ-ŋ.
\q1 Mpi tɔ, nyɑ́ hɑɑnɑ-m weesuɣu.
\q1
\v 9 Mɑ kentulu Ɩsɔ,
\q1 n sɔɔ mɑ tɔɔ suwe nɑ pə́ nɩɩkɩ-m?
\q1 Nɑ ń yele mɑ kolontunɑɑ nɑ pɑ́ ŋmɑkələɣɩ-m?
\q1
\v 10 Pɑ kʋtʋɣʋ nɩɩ-m kɛ́ təkpətɩɩ
\q1 nɑ pɑ́ yɔɣɔtəɣɩ ilim nɑ pə tɛm sɩ:
\q1 Leɣe nyɑ́ Ɩsɔ ɩnɩ ɩ wɛɛ?
\b
\q1
\v 11 Pepe tɔɔ kɛ́ mɑ lɑŋlɛ wɑkələɣɩ mɑ tɩ tɔm tɔtɔ?
\q1 Pə kəlɑ teu sɩ mɑ́ tɛɛlɩ mɑ wɑɑsʋlʋ Ɩsɔ,
\q1 nɑ mɑ́ tɑsɑ-ɩ sɑm tɔtɔ.
\c 43
\p
\v 1 Hɑɩ, Ɩsɔ, sɛɛnɑ mɑ tɔɔ kɛ́
\q1 mpɑ pɑ tɑ nyɩ-ŋ tɔ pɑ tɔm tɑɑ,
\q1 nɑ ń hɑ-m tɑmpɑnɑ.
\q1 Yɑ-m pɔpɔtʋnɑɑ nɑ ɑsɑɣɑɑ niŋ tɑɑ.
\q1
\v 2 Nyɑɣɑlɛ mɑ kentulu,
\q1 n kisiɣi-m suwe?
\q1 N yelɑɑ nɑ pə́ nɩɩkɩ-m
\q1 nɑ mɑ kolontunɑɑ ŋmɑkələɣɩ-m suwe?
\q1
\v 3 Hʋlɩ-m nyɑ́ nyɑɑləm nɑ nyɑ́ tɑmpɑnɑ
\q1 nɑ ɑ́ ponɑ-m nyɑ́ təcɑɣɑlɛ
\q1 kɛ nyɑ́ pʋɣʋ nɑŋŋ nyəŋkʋ tɔɔ.
\q1
\v 4 Ɩlɛ mɑɑ kpətənɑ nyɑ́ kɔtɑɣɑ təlɑtɛ tənɑ.
\q1 Mpi tɔ, nyɑɣɑlɛ mɑ lɑŋhʋlʋmlɛ nɑ mɑ ɑyɔɔlɛɛ.
\q1 Hɑɩ, mɑ Ɩsɔ mɑɑ sɛɛ-ŋ nɑ mɑ sɑŋkʋ.
\b
\q1
\v 5 Pepe tɔɔ kɛ́ mɑ lɑŋlɛ wɑkələɣɩ mɑ tɩ tɔm tɔtɔ?
\q1 Pə kəlɑ teu sɩ mɑ́ tɛɛlɩ mɑ Ɩsɔ
\q1 nɑ mɑ́ tɑsɑ-ɩ sɑm tɔtɔ.
\q1 Ɩnəɣəlɛ mɑ wɑɑsʋlʋ Ɩsɔ.
\c 44
\s1 Tɑcɑɑ kentuɣu sələmʋɣʋ
\p Kolee yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ, tɑ́ cɑɑnɑɑ kɛɛsɑ-tʋɣʋ
\q1 mpi n lɑpɑ-wɛɣɛ too lɔŋtɑɑ tɔ
\q1 nɑ tə́ nɩɩnɑ tɑ́ ŋkpɑŋŋ.
\q1
\v 2 N tɔɣɔnɑ piitimnɑɑ yəlɑɑ nɑ ń sɩɩ-wɛ.
\q1 N kʋwɑ yəlɑɑnɑɑ nɑ pə́ wɑlənɑ-wɛ.
\q1
\v 3 Pə tɑɣɑ pɑ toŋ nɑ pɑ yoou wontu yɑpənɑ-wɛ,
\q1 nɑ pə́ lɑ́ nɑ pɑ́ tɔɣɔ tɛtʋ.
\q1 Amɑ nyɑ́ toŋ nɑ nyɑ́ wɛɛʋ kɛ pɑ wɑɑlɩ lɑpənɑ mpʋ.
\q1 Mpi tɔ, n kɑ sɔɔlɑ-wɛɣɛ.
\b
\q1
\v 4 Hɑɩ, Ɩsɔ, nyɑɣɑlɛ mɑ wulɑʋ,
\q1 nyɑ́ yekinɑ nɑ Yɑkɔpʋ kələɣɩ.
\q1
\v 5 Nyɑ́ toŋ kɛ tə pəsəɣənɑ tɑ́ kolontunɑɑ kɛ kpɛntəlɑsɩ,
\q1 nɑ tə́ fɛləɣɩ-wɛɣɛ nɔɔhɛɛ nɑ nyɑ́ hətɛ.
\q1
\v 6 Tə tɑ tʋ tɑ́ tɔɔʋ kɛ nɑɑni.
\q1 Pəyele tə tɑ tɑŋ tɑ́ lɑɣɑtɛ sɩ tə́ wɑɑsɩ-tʋɣʋ pʋlʋ.
\q1
\v 7 Mpi tɔ, nyɑ́ yɑkənɑ-tʋɣʋ tɑ́ kolontunɑɑ niŋ tɑɑ
\q1 nɑ ń tʋɣɩ mpɑ pɑɑ cɑɑkɩ-tʋ tɔɣɔ fɛɛlɛ.
\q1
\v 8 Tɑcɑɑ tɩɩ tʋɣʋ-ŋ teeli kɛ pɑɑ kʋyɑkʋ ŋkuɣʋ.
\q1 Tɩɩ sɛɛkɩ-ŋ tɑm kɛ́.
\b
\q1
\v 9 Pɑɑ nɑ mpʋ n lɔ-tʋ nɑ ń tʋ-tʋɣʋ fɛɛlɛ,
\q1 nɑ ń kisi tɑ́ yoolɑɑ wɑɑlɩ kɛ wɛɛʋ.
\q1
\v 10 N yelɑɑ nɑ tə́ se tɑ́ kolontunɑɑ,
\q1 nɑ pɛlɛ pɑ́ kuu tɑ́ wontu.
\q1
\v 11 N pɛtɑ-tʋɣʋ pɑ niŋ tɑɑ kɛ́ ɩsɩɩ tɔlɑ kɛ təkʋlɛ
\q1 nɑ tə́ yɑ́ yem kɛ́ lɛlɑɑ tɛ́.
\q1
\v 12 N lɔ nyɑ́ piyɑ tɑɣɑ ɑləhɑ kɛ́ yem kɛ́
\q1 n tɑ wɑɑ tɑ́ tɔɔ kɛ́ pʋlʋ.
\q1
\v 13 N yelɑɑ nɑ tɑ́ cɔlɔ nyə́mɑ tʋʋkɩ-tʋ,
\q1 nɑ pɑ́ pɑɑnɑ-tʋ nɑ pɑ́ woŋiɣi-tʋ.
\q1
\v 14 Tɑɣɑ piitimnɑɑ yookinɑ yontu,
\q1 nɑ yəlɑɑ nɑ́ɑ́ tuliɣi-tʋɣʋ ntompee.
\q1
\v 15 Pɑɑ kʋyɑkʋ ŋkuɣu fɛɛlɛ kpɑɑkɩ-m
\q1 nɑ pə́ lɑkɩ-m tokuɣu
\q1
\v 16 kɛ wɑɑtʋ wei mɑ nɩɩkɩ
\q1 kolontu kʋtʋɣʋ nɑ ɩ sɑɣɑtʋɣʋ tɔ.
\b
\q1
\v 17 Wɑhɑlɑnɑɑ pɑnɛ pɑ tənɑ pɑ mɑkənɑ-tʋɣʋ.
\q1 Pəyele tə tɑ sɔɔ nyɑ́ tɔɔ.
\q1 Pə́cɔ tə tɑ wɑkəlɩ tɑ́ nɑ-ŋ tɑ́ nɔɣɔ pɛɛlʋɣʋ.
\q1
\v 18 Anɩ tə tɑ lɔ-ŋ yɑɑ tə́ hɑtələnɑ nyɑ́ mpɑɑʋ.
\q1
\v 19 Pɑɑ nɑ mpʋ n nɑŋtɑ-tʋɣʋ
\q1 lonte nte pɑ lɔwɑ tɔ tə tɑɑ kɛ́
\q1 tɑɑlɛ hɑsɩ təcɑɣɑlɛ.
\q1 Nɑ ń yele nɑ səm səkpɛtʋɣʋ nyɑlɑ tɑ́ tɔɔ.
\q1
\v 20 Ye tɩɩ sɔɔwɑ tɑ́ Ɩsɔ tɔɔ,
\q1 yɑɑ tə sʋʋ tɩɩŋ kɛ lɑɑʋ,
\q1
\v 21 n tɑɑ kpisi pə nyəm.
\q1 Mpi tɔ, n nyəmɑ pə tənɑ mpi
\q1 pə wɛ yʋlʋ lotu tɑɑ tɔɣɔ.
\q1
\v 22 Nyɑ́ tɔɔ kɛ́ pɑ kʋɣɩ-tʋɣʋ pɑɑ kʋyɑkʋ ŋku,
\q1 nɑ pɑ́ lɑkənɑ-tʋ ɩsɩɩ pɑ pukuɣunɑ heu kɛ təkʋlɛ tɔ.
\b
\q1
\v 23 Hɑɩ, Tɑcɑɑ n tooki suwe?
\q1 Fe nɑ ń kʋlɩ, tɑɑ lɔ-tʋɣʋ tɑm tɔɔ.
\q1
\v 24 Pepe tɔɔ kɛ́ n sɔɔ tɑ́ wɑhɑlɑ
\q1 nɑ tɑ́ lɑŋwɑkəllɛ tɔɔ
\q1 nɑ nn cɑɑkɩ tɑ́ nyənʋɣʋ?
\q1
\v 25 Mpi tɔ tə hotɑ tɑ́ lotu tɔɔ kɛ́ mʋsʋɣʋ tɑɑ kɛ́.
\q1 Hɑɩ, kʋlɩ nɑ ń wɑɑsɩ-tʋ.
\q1
\v 26 Hɛtɩ-tʋɣʋ nyɑ́ kʋpɑntʋ tɔɔ.
\c 45
\s1 Wulɑʋ ɑkpɑɣɑlɛ yontu
\p Kolee yontu nti tə kɛ́ sɔɔlʋɣʋ nyəntʋ
\q1 nɑ pɑ́ yookinɑ cəməŋ nɑ tə́ wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Tɔm kʋpɑntʋ hɑɣɑ mɑ tɑɑ kɛ́ sɩ mɑ́ yɔɣɔtɩ.
\q1 Wulɑʋ kɛ mɑ yoo mɑ yontu.
\q1 Mɑɑ yoo-təɣɩ nɑ cɑŋəm ɩsɩɩ tɑkəlɑɣɑ ŋmɑɑlʋ kʋpɑŋ.
\b
\q1
\v 2 N tɛ́ɛ́ ɑpɑlɑɑ tənɑɣɑ ɩsɛntɑɑ lɩɩʋ,
\q1 nɑ ń yɔɣɔtəɣənɑ cɑŋəm.
\q1 Ɩsɔ koolɑ-ŋ kʋpɑntʋ kɛ tɑm tɔɔ kɛ́.
\q1
\v 3 Yoolɑɑ tɑɑ yoolu,
\q1 ləlɩ nyɑ́ lɑɣɑtɛ.
\q1 Ntɛɣɛlɛ nyɑ́ teu nɑ nyɑ́ teeli.
\q1
\v 4 Kpɑ nyɑ́ yoou kɛɛkɛ tɑɑ nɑ nyɑ́ sɔsɔɔntʋ,
\q1 nɑ ń hʋlɩ tɑmpɑnɑ təŋʋɣʋ nɑ ń sɛɛnɑ ɑcɑmɑɑ tɔɔ.
\q1 Nyɑ́ toŋ ɩ́ nɑ́nɑ́ nyɑ́ kookɑlənɑɑ sɔsɑɑ tɑɑ.
\q1
\v 5 Tɔ nyɑ́ nyəmɑ́ kʋsɛŋtɛɛ
\q1 nɑ ń yɑɣɑ nyɑ́ kolontunɑɑ nyɑmɑ
\q1 nɑ ń məŋnɑ-wɛɣɛ nyɑ́ tɛɛ.
\q1
\v 6 Hɑɩ, Ɩsɔ, nyɑ́ kumte wɛ tɑm tɔɔ kɛ́.
\q1 Tɑmpɑnɑ kɛ n təŋəɣɩ nɑ ń tɔkənɑ nyɑ́ kɑwulɑɣɑ.
\q1
\v 7 N sɔɔlɑ siɣisuɣu kɛ́ nɑ ń kisi ɩsɑɣɑtʋ.
\q1 Pə tɔɔ kɛ́ nyɑ́ Ɩsɔ ləsɑ-ŋ nyɑ́ tɑɑpɑlɑɑ tɑɑ,
\q1 nɑ pɑ́ pəlɩ-ŋ kɔtɑɣɑ nim.
\q1
\v 8 Nɑ tulɑɑlʋnɑɑ wɑɑnɩ wɑɑnɩ sɔɔsʋŋ kɛ nyɑ́ wontu tɔɔ.
\q1 Nɑ lɑŋhʋlʋmlɛ yonkpɑɑmɑ kʋləɣɩ,
\q1 nyɑ́ kutuluŋ wei pɑ lɑpɑ cɑŋəm nɑ tuuŋ kelɑ tɔ ɩ tɑɑ.
\q1
\v 9 Awulɑɑ pɛɛlɑɑ wɛ kɑwulɑɣɑ təyɑɣɑ tɑɑ ɑlɑɑ tɑɑ.
\q1 Wulɑʋ ɑlʋnyəŋ səŋɑ nyɑ́ ntɔɣɔŋ tɔɔ
\q1 nɑ ɩ́ tʋwɑ wʋlɑnɑɑ kʋpɑmɑ.
\b
\q1
\v 10 Mɑ pɛɛlɔ ke ŋkpɑŋŋ kɛ teu
\q1 nɑ ń kɛɛsɩ ɩsɛ nɑ mɑ tɔɔ.
\q1 Sɔɔ nyɑ́ yəlɑɑ nɑ nyɑ́ cɑɑ təyɑɣɑ pə tɔɔ.
\q1
\v 11 Wulɑʋ ləsɑɣɑ ɩ́ sʋʋ-ŋ nyɑ́ teu tɔɔ.
\q1 Ɩnəɣəlɛ nyɑ́ sɔsɔ, luŋɩ-ɩ ɑtɛ.
\q1
\v 12 Tiii ɩcɑtɛ nyə́mɑ mpɑ pɑ wɛnɑ liɣitee
\q1 nɑ pə́ kəlɩ lɛlɑɑ tɔ,
\q1 pɑɑ pɛɛkɩ sɩ ń hʋlɩ-wɛɣɛ pɛɛlɛɛ,
\q1 ɩlɛnɑ pɑ́ hɑ-ŋ kʋcɔɔŋ.
\b
\q1
\v 13 Wulɑʋ pɛɛlɔ tewɑɣɑ təkpɑpɑ kɛ́ kɑwulɑɣɑ təyɑɣɑ tɑɑ.
\q1 Wontu nti pɑ lʋʋnɑ wʋlɑ tɔɣɔ ɩ suuwɑ.
\q1
\v 14 Pɑ sɔpɑ-təɣɩ ŋmɑləm pɑɣɑlɛ kɛ́.
\q1 Ntəɣɩ ɩ suuki nɑ pɛɛlɑɑ sɩɩ-ɩ nɑ pɑ́ ponɑ wulɑʋ kiŋ.
\q1
\v 15 Nɑ pɑ́ sʋʋkənɑ-ɩ nɑ kɑwilitɑsɩ kɛ wulɑʋ təyɑɣɑ.
\b
\q1
\v 16 Hɑɩ, wulɑʋ, kʋyɑkʋ nɑkʋlɩ nyɑ́ piyɑ
\q1 ɩ́ kpɑɣɑ nyɑ́ cɔsɔnɑɑ kɑwulɑɣɑ kumte,
\q1 nɑ ń lɑ-wɛɣɛ ɑntulinyɑ tənɑ ɑwulumpiyɑ.
\q1
\v 17 Amɑ mɑ́ɑ́ tɔɔsəɣɩ nyɑ́ hətɛ kɛ pɑɑ wɑɑtʋ wei kɛ́.
\q1 Ɩlɛnɑ yəlɑɑ tənɑ sɑŋɩ-ŋ tɑm tɔɔ.
\c 46
\s1 Pə tənɑ pə tʋ Ɩsɔ wɛ tɑ́ wɑɑlɩ
\p Kolee yontu nti pɑ yookinɑ nɔɣɔ kʋyʋllɑɣɑ nɑ tə́ wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Ɩsɔ kɛlɛ tɑ́ təcɔɔsəlɛ nɑ tɑ́ nyʋɣʋ tətʋlɛ.
\q1 Ɩnəɣəlɛ wɑɑsʋɣʋ ŋku kɩɩ lɑŋəɣɩ lɑŋwɑkəllɛ wɑɑtʋ tɔ.
\q1
\v 2 Pə tɔɔ kɛ́ pɑɑ tɛtʋ kɑ́ sele
\q1 nɑ pɔɔŋ yɔɔləɣɩ nɑ ɩ́ tiiki lʋm tɛɛ
\q1 yɑɑ lʋm holɑ kɑləɣɩ kɔkɔtɛ nɑ ɑ́ wɑsəɣɩ
\q1 nɑ ɑ́ kʋləɣɩ nɑ ɑ́ ciɣitiɣi pɔɔŋ, tɩɩ nyɑŋ.
\b
\q1
\v 4 Pɔɣɔ nɑkəlɩ kɑ wɛnnɑ nɑ kɑ lʋm hɛɛsəɣɩ
\q1 Ɩsɔ ɩcɑtɛ nyə́mɑ lɑŋlɛ.
\q1 Ɩsɔtɑɑ Ɩsɔ Sɔsɔ təcɑɣɑlɛ nɑŋŋ nyəntɛ ntɛ́.
\q1
\v 5 Ɩsɔ wɛ tə tɑɑ ɩlɛ pʋlʋpʋ ɩɩ ciɣitiɣi-tɛ.
\q1 Ɩ kɑ wɑɑsɩ-tɛɣɛ nɑ pə́cɔ ilim lɩɩ.
\q1
\v 6 Ye Ɩsɔ kulɑ ɩ nɔɣɔ tɔɔ piitimnɑɑ tɛɛ sʋʋkɩ kɛ́,
\q1 nɑ kɑwulɑsɩ nɑ́ɑ́ seliɣi,
\q1 nɑ sɔɣɔntʋ nɑ́ɑ́ pɩ́ɩ́ tɛtʋ nɑ tə́ yɔɔləɣɩ nɑ tə́ tiiki.
\q1
\v 7 Atɛ nɑ ɩsɔtɑɑ pə tʋ Tɑcɑɑ wɛ tɑ́ wɑɑlɩ kɛ́.
\q1 Yɑkɔpʋ Ɩsɔ kɛlɛ tɑ́ kʋkentuɣu.
\b
\q1
\v 8 Ɩ́ kɔɔ nɑ ɩ́ nɑ́ sɔɣɔntʋ təmɑ wenɑ
\q1 Tɑcɑɑ lɑpɑ tɛtʋ tɔɔ tɔ.
\q1
\v 9 Ɩnɩ ɩ kʋɣʋnɑ yooŋ nyʋɣʋ kɛ hɑtoo ɑntulinyɑ tənɑsɩ tɔɔ,
\q1 nɑ ɩ́ pɛləɣɩ pə tɔɔŋ nɑ pə ŋmɑntɑɑsɩ,
\q1 nɑ ɩ́ wɔ kpɑləŋ kɛ kɔkɔ.
\b
\q1
\v 10 Ɩsɔ sɩ: Yəlɑɑ ɩ́ hɛɛsɩ yoou nɑ pɑ́ cɛkənɑ sɩ mɑ kɛ́ Ɩsɔ.
\q1 Mɑ́ ŋmɑkələnɑ tɛtʋ nɑ tə piitimnɑɑ.
\q1
\v 11 Atɛ nɑ ɩsɔtɑɑ tʋ wɛ tɑ́ wɑɑlɩ kɛ́.
\q1 Yɑkɔpʋ Ɩsɔ kɛlɛ tɑ́ kʋkentuɣu.
\c 47
\s1 Ɩ wiliti Tɑcɑɑ wulɑʋ sɔsɔ
\p Kolee yontu nti tə wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Yəlɑɑ mɛ mə́ tənɑ ɩ́ wilitiɣi,
\q1 nɑ ɩ́ mɑkɩ niŋ tɑɑ kɛ́ tɑ́ Ɩsɔ.
\q1
\v 2 Mpi tɔ, pə tənɑ pə tɛɛ sʋʋkənɑ
\q1 Tɑcɑɑ Ɩsɔtɑɑ Ɩsɔ Sɔsɔ kɛ́.
\q1 Ɩnəɣəlɛ tɛtʋ tənɑ wulɑʋ sɔsɔ.
\q1
\v 3 Ɩnɩ ɩ tʋɣʋnɑ tɑ́ niŋ tɑɑ kɛ́ yəlɑɑ,
\q1 nɑ ɩ́ tʋ tɑ́ nɔɔhɛɛ tɛɛ kɛ́ piitimnɑɑ.
\q1
\v 4 Yɑkɔpʋ nyə́mɑ tɑɣɑ ɩ sɔɔlɑɑ
\q1 nɑ ɩ́ ləsɩ tɑ́ tɛtʋ nɑ tɑ́ lɑŋɑ hɛɛwɑ.
\q1
\v 5 Kɑwilitɑsɩ nɑ tutuɣu wulɑ kɛ
\q1 Ɩsɔ Tɑcɑɑ kpɑnɑ ɩ kumte tɔɔ.
\q1
\v 6 Ɩ yoo Tɑcɑɑ kɛ yontu.
\q1 Ɩnəɣəlɛ tɑ́ wulɑʋ, ɩ́ sɑmɩ-ɩ.
\q1
\v 7 Ɩsɔ kɛlɛ tɛtʋ tənɑ wulɑʋ.
\q1 Ɩ́ sɑmɩ-ɩ nɑ yontu kʋpɑntʋ tɑɑ kʋpɑntʋ.
\q1
\v 8 Ɩsɔ cɑɣɑ ɩ kumte nɑŋŋ nyəntɛ tɔɔ kɛ́
\q1 nɑ ɩ́ tɔkɩ piitimnɑɑ tɔɔ kɛ́ kɑwulɑɣɑ.
\q1
\v 9 Piitimnɑɑ ɑwulumpiyɑ sɔɔsɑ Apəlɑhɑm Ɩsɔ yəlɑɑ tɔɔ.
\q1 Mpi tɔ, ɩnɩ ɩ tənnɑ ɑtɛ ɑwulɑɑ nɑ pəsəlɑɑ tənɑ
\q1 nɑ ɩ́ tɔkɩ pɑ tənɑ pɑ tɔɔ kɛ́ kɑwulɑɣɑ.
\c 48
\s1 Wulɑʋ sɔsɔ ɩcɑtɛ
\d Kolee yontu ntɔ.
\b
\q1
\v 1 Tɑcɑɑ kɛ́ sɔsɔ kɛ́,
\q1 ɩ mʋnɑ sɑmtʋ tənɑ kɛ ɩ ɩcɑtɛ tɑɑ kɛ́
\q1 ɩ pʋɣʋ nɑŋŋ nyəŋkʋ tɔɔ.
\q1
\v 2 Siyɔŋ pʋɣʋ ŋkʋ kʋ tewɑɣɑ
\q1 nɑ kʋ hɛɛsəɣɩ tɛtʋ tənɑ yəlɑɑ lɑŋɑ.
\q1 Kʋ wɛnnɑ ilim ntɔɣɔŋ tɔɔ kɛ́,
\q1 kʋ tɑɑ kɛ́ wulɑʋ sɔsɔ ɩcɑtɛ wɛɛ.
\q1
\v 3 Tɑcɑɑ wɛ tə tɑɑ kɛ́ nɑ ɩ́ kentiɣi tə tɔɔ
\q1 nɑ pə́ kəlɩ tə koluŋɑ toŋ nyəŋkɑ.
\b
\q1
\v 4 Awulɑɑ kotɑɑ nɑ pɑ́ kʋlɩ Siyɔŋ tɔɔ.
\q1
\v 5 Pɑ nɑwɑ ɩcɑtɛ ɩlɛnɑ sɔɣɔntʋ
\q1 ɑnɑɑm kpɑ-wɛ nɑ pɑ́ tʋ cɑsəlɛ.
\q1
\v 6 Ḿpʋɣʋ sɔɣɔntʋ tutɑ-wɛ nɑ pɑ́ niki tənɛ ɩnəɣɩ
\q1 seluɣu ɩsɩɩ lʋlʋɣʋ wʋsɑsɩ tutuɣu ɑlʋ tɔ.
\q1
\v 7 Yɑɑ ɩsɩɩ ilim təlɩɩlɛ heelim
\q1 yɔkʋɣʋ kpɩɩləŋ sɔsɔɔŋ tɔ.
\b
\q1
\v 8 Nti tɩɩ nɩɩwɑ kʋnɩɩ tɔ,
\q1 tə nɑ-tɩ nɑ tɑ́ ɩsəpəle
\q1 kɛ Tɑcɑɑ pə tənɑ pə tʋ Ɩsɔ ɩcɑtɛ tɑɑ.
\b
\q1
\v 9 Hɑɩ, Tɑcɑɑ tə hʋʋ nyɑ́ kʋpɑntʋ tɔm
\q1 kɛ nyɑ́ təsɛɛlɛ tɑɑ.
\q1
\v 10 Ɩsɔ nyɑ́ sɑmtʋ nɩɩkɩ tɛtʋ tənɑsɩ tɑɑ kɛ́.
\q1 Siɣisuɣu kɛ n təŋəɣɩ nɑ ń hʋləɣənɑ nyɑ́ toŋ.
\q1
\v 11 Pɑ yɔɔləɣɩ Siyɔŋ pulɑɣɑ tɑɑ kɛ́,
\q1 nɑ Yutɑ ɑcɑlɛɛ nɑ́ɑ́ wɛ ɑŋmɑɑlɑ tɑɑ kɛ́
\q1 nyɑ́ tɑmpɑnɑ hʋʋlɛ tɔɔ.
\b
\q1
\v 12 Ɩ́ tɔ nɑ ɩ́ cɔɔ Siyɔŋ ɩcɑtɛ tɑɑ
\q1 nɑ ɩ́ kɑlɑ ɩ tətɑŋlɛ kutuluŋ.
\q1
\v 13 Ɩ́ pɑɑsənɑ tə koloosi nɑ sɩ toŋ
\q1 nɑ ɩ́ kɑ́ kɛɛsɩ mə piyɑ sɩ:
\q1
\v 14 Ɩsɔ kɛlɛ tɑ́ Ɩsɔ kɛ́ tɑm tɔɔ.
\q1 Ɩnɩ ɩ́ kɑ́ tiikiɣinɑ-tʋɣʋ hɑlənɑ tɑ́ səm.
\c 49
\s1 Yʋlʋ səkɩ niŋ kɑkpɑsɩ kɛ́
\p Kolee yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Antulinyɑ tɑɑ yəlɑɑ mɛ,
\q1 mə tənɑ ɩ́ ke ŋkpɑŋŋ.
\q1
\v 2 Sɔsɑɑ, nɑ səkpemɑ,
\q1 nɑ liɣitee nyə́mɑ,
\q1 nɑ kʋnyɔntʋnɑɑ mɛ,
\q1
\v 3 ləmɑɣɑsɛɛ tɔm kɛ mɑ yɔɣɔtəɣɩ,
\q1 nɑ mɑ tɑɑ kʋmɑɣɑsətʋ wɛnɑ hʋwɛɛ kɛ sɔsɔm kɛ́.
\q1
\v 4 Mɑ welisiɣi teu kɛ ɩtuule tɑɑ kɛ́,
\q1 nɑ mɑ́ tɛləsəɣɩ-tɛ nɑ cəmʋɣʋ.
\b
\q1
\v 5 Pepe tɔɔ kɛ́ mɑɑ tɑsɑ nyɑm kɛ wɑhɑlɑ wɑɑtʋ
\q1 kɛ sɑɑ wei mɑ kolontunɑɑ kɑ́ tɑ-m
\q1 nɑ pɑ́ tʋɣʋ-m wɑhɑlɑ tɔ.
\q1
\v 6 Pɑ liɣitee tuutuumɑ kɛ pɑ tʋ nɑɑni
\q1 nɑ pɑ́ hɔŋ pɑ tɩ nɑ pɑ wɛnɑʋ kɑtɑtəlɑɣɑ.
\b
\q1
\v 7 Amɑ pɑ tɑɑ nɔɣɔlʋ fɛɩnɑ toŋ sɩ
\q1 ɩ́ yɑ Ɩsɔ cɔlɔɣɔ ɩ tɔɣɔntəlɛ weesuɣu
\q1 yɑɑ ɩ mɑɣɑmɑɣɑ ɩ nyəŋkʋ.
\q1
\v 8 Yʋlʋ ləsɑɣɑ kəlɑ liɣitee,
\q1 pɑɑ pə lɑ́ ɩsənɑ nɔɣɔlʋ kɑɑ pəsɩ kɑ yɑpʋ.
\q1
\v 9 Pɑ hʋʋkɩ sɩ pɑɑ fiti pəlɑɑʋ pɑ kɑɑ sɩ?
\q1
\v 10 Tɑmpɑnɑ tɔɔ, pɑɑ n kɛ́ nyəntʋ yɑɑ kʋmɛlɛŋ,
\q1 n kɑ́ sɩ kɛ́, nɑ ń yelinɑ lɛlɑɑ kɛ nyɑ́ wɛnɑʋ.
\q1
\v 11 Pɑɑ pɑ hɑwɑ pɑ tɛtʋ kɛ pɑ həlɑ
\q1 pəlɑɑʋ tike kɑ́ tɛnɑ nɑ kʋ pəsɩ
\q1 pɑ təcɑɣɑlɛ tɑm tɔɔ nyəntɛ.
\q1
\v 12 Yʋlʋ sɔsɔɔntʋ kɑɑ sɔɔsɩ ɩ weesuɣu kɛ tɑɣɑləŋ.
\q1 Ɩ wɛ tənɑɣɑ kɛ teitei kɛ́ ɩsɩɩ kpəntɛ.
\q1
\v 13 Yəlɑɑ mpɛ pɑ təɣɩ pɑ tʋɣɩ nɑɑni
\q1 nɑ pɑ́ nyənəɣɩ pɑ kʋyɔɣɔtʋtʋ tike kɛ tɑmpɑnɑ nyəntʋ.
\q1
\v 14 Ɩlɛ mpi pɑ kɔŋ tɛɛsənɑʋ tɔɣɔlɔ.
\q1 Pɩɩ keeti-wɛɣɛ ɩsɩɩ heeŋ
\q1 nɑ pə́ sʋsɩ ɑtɛtəlɛ tɑɑ
\q1 nɑ səm pəsɩ pɑ tiikilu.
\q1 Nɑ pə siɣisinɑ-wɛɣɛ pəlɑɑʋ təpəŋpəŋ nɑ pɑ teu sɩ.
\q1 Atɛtəlɛ tɑɑ kɛlɛ pɑ təcɑɣɑlɛ.
\b
\q1
\v 15 Amɑ Ɩsɔ kɑ́ yɑ-m ɑtɛtəlɛ tɑɑ tənɑ,
\q1 nɑ ɩ́ ləsɩ-m.
\b
\q1
\v 16 Pɑɑ yʋlʋ wɛnɑʋ tɔŋnɑ hukuɣu nɑ ɩ́ sʋʋkɩ toŋ
\q1 nyɑ́ lɑŋlɛ ɩ tɑɑ pɛlɩ.
\q1
\v 17 Ɩ kɑɑ kpɛnnɑ pə tɑɑ pʋlʋɣʋ ɩ səm wule
\q1 nɑ ɩ́ ponɑ ɑtɛtəlɛ tɑɑ.
\q1
\v 18 Pəyele ɩ yɑɑkɑɣɑ ɩ təɣɩ
\q1 leleŋ nɩɩlʋ kɛ́ nɑ ɩ́ wɛnɑ ɩ ɩsɛ.
\q1 Nɑ ɩ́ sɑŋ ɩ tɩ sɩ pə tɔŋ teu.
\q1
\v 19 Pɑɑ nɑ mpʋ, pə wɛɛ kɛ́ sɩ,
\q1 ɩ́ polo timpi ɩ cɑɑnɑɑ wɛɛ
\q1 nɑ pɑɑ nɑɑkɩ nyɑɑləm tɔ.
\q1
\v 20 Yʋlʋ pəsəɣɩ nɑ ɩ́ wɛɛnɑ sɔsɔɔntʋ,
\q1 ye ɩ fɛɩnɑ ləmɑɣɑsɛɛ ɩ wɛɛkɩ tənɑɣɑ kɛ
\q1 teitei kɛ́ ɩsɩɩ kpəntɛ.
\c 50
\s1 Ɩsɔ kɔŋ sɩ ɩ hʋʋkɩ ɩ hʋʋlɛ
\p
\v 1 Asɑfɩ yontu.
\b
\q1 Ɩsɔ Tomɑ tənɑ tʋ Tɑcɑɑ yɑɑkɩ tɛtʋ tənɑɣɑ
\q1 pə kpɑɣɑʋ ilim təlɩɩlɛ nɑ pə tətʋlɛ tɔ.
\q1
\v 2 Siyɔŋ ɩcɑtɛ nte tə tewɑ təkpɑtɑɑ tɔ
\q1 tə tɑɑ kɛ́ Ɩsɔ teeki kɔkɔ.
\b
\q1
\v 3 Tɑ Ɩsɔ kɔŋ kɛ́,
\q1 ɩlɛ pə tɑɣɑ təpɑmm.
\b
\q1 Kɔkɔ wɛ ɩ nɔɣɔ tɔɔ kɛ́ nɑ kɑ́ niisiɣi pə tənɑ.
\q1 Heelim ɩsɑɣɑm cɔɔnɑ-ɩ kɛ́.
\q1
\v 4 Ɩsɔ hʋʋkənɑ ɩ yəlɑɑ nɑ
\q1 ɩ́ yɑɑ ɩsɔtɔnʋɣʋ nɑ tɛtʋ kɛ ɑseetɑ.
\q1
\v 5 Ɩsɔ sɩ: Ɩ́ koti mɑ nyə́mɑ mpɑ
\q1 mɑ nɑ-wɛ tə pɛɛlɑ nɔɣɔ sɩ
\q1 pɑɑ nɩɩnɑ-m nɑ pɑ́ lɑ́ pə kɔtɑɣɑ tɔ.
\q1
\v 6 Ɩsɔtɔnʋɣʋ ɩ́ yɔɣɔtɩ sɩ Tɑcɑɑ mɑ́ mɑ siɣisɑɑ kɛ́.
\q1 Mpi tɔ, mɑɣɑlɛ hʋʋnlʋ.
\b
\q1
\v 7 Ɩsɔ sɩ: Mɑ yəlɑɑ Ɩsɛɣɛlɩ nyə́mɑ ɩ́ ke ŋkpɑŋŋ
\q1 nɑ mɑ kɑlənɑ-mɛ, mɑ kɛ́ mə Ɩsɔ kɛ́.
\q1
\v 8 Mɑɑ kɑlənɑ-mɛɣɛ,
\q1 ɩlɛ pə tɑɣɑ mɑ kɔtɑsɩ tɔɔ,
\q1 ɩ́ tɑ́ tɩɩ hɛɛsɩ-m səlɛɣɛ lɑpʋ,
\q1
\v 9 mɑ kɑɑ mʋ, mɑɑ cɑɑ mə lɑtəcɛnɑɑ
\q1 yɑɑ mə́ kpeeŋ tɛɛ pəŋtʋlʋŋ kpɑʋ.
\q1
\v 10 Mpi tɔ, mɑ́ tənnɑ hɔtʋ tɛɛ wontu tənɑ
\q1 nɑ pulɑsɩ tɑɑ nyəntʋ tənɑɣɑ iyisi iyisi.
\q1
\v 11 Nɑ pə sumɑsɩ tənɑ,
\q1 ɑtɛ wontunɑɑ tənɑ kɛ́ mɑ nyəm kɛ́.
\q1
\v 12 Pɑɑ nyɔɣɔsɩ wɛ-m, mɑɑ pɔɔsəɣɩ.
\q1 Mpi tɔ, ɑntulinyɑ nɑ ɩ nyəm tənɑ mɑ́ tənnɑ.
\q1
\v 13 Wulee mɑ tɔɣɔ lɑtəcɛnɑɑ nɑntʋ
\q1 nɑ mɑ́ nyɔɔ pəŋtʋlʋŋ cɑləm nɑ?
\q1
\v 14 Pə tɑɣɑ tɔɣɔnɑɣɑ kʋhɑʋ kɛ mɑ cɑɑkɩ.
\q1 Amɑ sɛɛtʋ kɛ mɑ pɔɔsəɣɩ.
\q1 Ɩ́ təŋəɣɩ nɑ ɩ́ lɑkɩ ɩsənɑ
\q1 ɩ́ kɑ sɩɩwɑ ɩsɔtɑɑ Ɩsɔ Sɔsɔ mɑɣɑ nɔɔsɩ tɔ.
\q1
\v 15 Nɑ ye ɩ́ wɛ lɑŋwɑkəllɛ tɑɑ ɩ́ yɑɑ-m nɑ mɑ́ wɑɑsɩ-mɛ
\q1 nɑ ɩ́ tʋ-m teeli.
\b
\q1
\v 16 Mɑɑ pɔɔsɩ ɑsɑɣɑɑ sɩ:
\q1 Ɩ́ kɑləɣɩ mɑ kiiŋ nɑ mɑ́ nɑ-mɛ tɑ́ nɔɣɔ pɛɛlʋɣʋ tɔm
\q1 wɛ mə nɔɔsɩ tɑɑ sɩ pə wɑɑsɩ-mɛɣɛ we?
\q1
\v 17 Ɩlɛnɑ mɑ́ sɛɣɛsəɣɩ-mɛ nɑ ɩɩ nɩɩkɩ
\q1 nɑ Ɩ́ lɔɔkɩ mɑ tɔm.
\q1
\v 18 Ɩ́ tənəɣɩ ŋmɩɩlɑɑ tɔɔ kɛ́,
\q1 nɑ ɩ́ sɔɔsəɣɩ wɑsɑŋkɑlənɑɑ tɔɔ.
\q1
\v 19 Ɩsɑɣɑtʋ kɛ mə nɔɔsɩ yɔɣɔtəɣɩ
\q1 nɑ ɩɩ nyɑŋnɑ kɑloolɑɣɑ.
\q1
\v 20 Nɑ ɩ́ cɑkɩ mə tɔɣɔntəlɛnɑɑ ɑcɑɣɑ,
\q1 nɑ ɩ́ kpɛŋəɣənɑ mə mɑɣɑmɑɣɑ mə newɑɑ.
\q1
\v 21 Mpi ɩ́ lɑpɑ tɔɣɔlɛ,
\q1 nɑ ɩ́ hʋʋkɩ sɩ mɑ́ su nɑ?
\q1 Yɑɑ ɩ́ mɑɣɑsəɣɩ mə tɑɑ sɩ,
\q1 mɑɑ təŋ mə ɩkpɑtɛ.
\q1 Mɑɑ kʋlɩ mə tɔɔ kɛ́
\q1 nɑ mɑ́ kuli mə ɑcɑɑlətʋ tənɑ tɔɔ nɑ ɩ́ nɑ́.
\b
\q1
\v 22 Mə tənɑ mpɑ mɛ ɩ́ sɔɔkɩ mɑ tɔɔ tɔ ɩ́ ke ŋkpɑŋŋ.
\q1 Pə tɑɑ kɔɔ nɑ mɑ́ cəlɩ-mɛ nɑ nɔɣɔlʋ kɑɑ wɑɑsɩ-mɛ.
\b
\q1
\v 23 Mɑ sɛɛtʋ ntɛ́ wei ɩ kʋsəɣɩ
\q1 mɑ nyʋɣʋ kɛ teu tɔ.
\q1 Nɑ wei ɩ nɩɩkənɑ-m tɔ,
\q1 pʋntʋ kɛ mɑ wɑɑsəɣɩ.
\c 51
\s1 Sələmʋɣʋ sɩ pə́ hɩɩsɩ ɩsɑɣɑtʋ
\p Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ tɔɣɔlɔ.
\q1 Tə tɑɑ kɛ́ Tɑfiiti kɛɛsəɣɩ wɑɑtʋ wei ɩ nɑ Ulii ɑlʋ Pɑsepɑ pɑ lɑpɑ
\q1 Wɑsɑŋkɑlətʋ, nɑ Ɩsɔ kʋyɔɣɔtʋtʋ tɛləsʋlʋ
\q1 Nɑtɑŋ polo nɑ ɩ́ kɑlənɑ-ɩ tɔ pə tɔm.
\d Yontu ntəɣəlɛ sɩ:
\b
\q1
\v 1 Hɑɩ, Ɩsɔ, nyənɩ mɑ pətɔɔtəlɛ kɛ nyɑ́ kʋpɑntʋ tɔɔ.
\q1 Hɩɩsɩ mɑ kɑwɑlɑɣɑ kɛ nyɑ́ suulu sɔsɔ tɔɔ.
\q1
\v 2 Nyɑɑlɩ mɑ ɩsɑɣɑtʋ təkpɑtɑkpɑtɑ,
\q1 hɩɩsɩ mɑ təpəntəlɛ nɑ mɑ́ wɛɛ tənɑŋŋ.
\b
\q1
\v 3 Mpi tɔ, mɑ nyəmɑ mɑ kɑwɑlɑɣɑ tɔɔ,
\q1 mɑ nɑɑkɩ mɑ təpəntəlɛ kɛ tɑm.
\q1
\v 4 Nyɑ́ tike kɛ mɑ pəntənɑɑ,
\q1 mpi tɔ, mɑ lɑpɑ mpi pə fɛɩ-ŋ teu tɔ.
\q1 N wɛnɑ tɑmpɑnɑ kɛ timpi n hʋʋkənɑ-m tɔɣɔ,
\q1 n tɑ wɑkəlɩ tiili.
\q1
\v 5 Mɑ kɛ́ kɑwɑlɑɣɑ tʋ kɛ hɑtoo kʋyɑŋku
\q1 mɑ too hɑɣɑ-m tɔɣɔ.
\q1 Ɩsɑɣɑtʋ tɑɑ kɛ́ ɩ lʋlɑ-m.
\q1
\v 6 Amɑ n cɑɑ kɛ́ sɩ tɑmpɑnɑ ɩ́ wɛɛ mɑ lotu tɑɑ.
\q1 Tʋ ləmɑɣɑsɛɛ kɛ hɑtoo mɑ tɑɑ.
\b
\q1
\v 7 Hɩɩsɩ mɑ ɩsɑɣɑtʋ nɑ mɑ́ wɛɛ tənɑŋŋ.
\q1 Nyɑɑlɩ-m nɑ mɑ́ kəlɩ kponkpo mʋlʋm kɛ hʋlʋmʋɣʋ.
\q1
\v 8 Kɛɛsɩ-m lɑŋhʋlʋmlɛ sɔsɔɔlɛ tɔm,
\q1 ɩlɛnɑ mɑ wei mɑ lɑŋlɛ kɑ wɑkəlɑɑ tətɔɣɔtɔɣɔ tɔ
\q1 tə́ hʋləmɩ təloiloi.
\q1
\v 9 Kɛɛsɩ nyɑ́ ɩsɛ, tɑɑ nyənɩ mɑ ɩsɑɣɑtʋ,
\q1 hɩɩsɩ mɑ təwɑkəllɛnɑɑ.
\b
\q1
\v 10 Hɑɩ, Ɩsɔ tʋ mɑ tɑɑ kɛ́ ləmɑɣɑsəlɛ nɑŋŋ nyəntɛ.
\q1 Lɑɣɑsɩ-m kʋfɑlʋ nɑ mɑ́ nɩɩkənɑ-ŋ nɑ lotu kʋlʋmtʋ.
\q1
\v 11 Tɑɑ lɔ-m nɑ mɑ́ hɑtələnɑ-ŋ,
\q1 yɑɑ ń ləsɩ nyɑ́ Feesuɣu Nɑŋŋtʋ kɛ mɑ tɑɑ.
\q1
\v 12 Mələnɑ-m mɑ nyʋɣʋ yɑpʋ lɑŋhʋlʋmlɛ,
\q1 tʋ mɑ tɑɑ kɛ́ nɩɩnɑʋ ləmɑɣɑsəlɛ.
\b
\q1
\v 13 Ɩlɛnɑ mɑ́ hʋlɩ pəntəlɑɑ kɛ nyɑ́ mpɑɑŋ
\q1 nɑ pɑ́ təŋəɣɩ nɑ pɑ́ tɑɣɑnɩ kɛɛsʋɣʋ nɑ nyɑ́ tɔɔ.
\q1
\v 14 Hɑɩ, mɑ nyʋɣʋ yɑtʋ Ɩsɔ, ləsɩ-m səm*fɑ* tɑɑ,
\q1 nɑ mɑ́ kpɑɑlənɑ lɑŋhʋlʋmlɛ kɛ nyɑ́ wɑɑsʋɣʋ tɔm. \f ɑ \fr 51:16 \fr*\fk ləsɩ-m səm: \fk*\ft Lɛlɑɑ hʋʋkɩ sɩ ntɑnyɩ yontu tʋ cɑɑ sɩ Ɩsɔ ɩ́ cɛpɩ-ɩ yʋlʋkʋlɛ nte ɩnɩ ɩ lɑpɑ tɔ tə tɑɑ.\ft*\f*
\q1
\v 15 Tɑcɑɑ kuli mɑ nɔɣɔ nɑ mɑ́ sɑ-ŋ.
\b
\q1
\v 16 Ye nyɑ́ luɣu kɑ wɛ kɔtɑsɩ mɑɑ lɑpɑ-ŋ.
\q1 Pɑɑ nsi kɔkɔ lusɑ sɩ tənɑ tɔ sɩ mɑɣɑmɑɣɑ,
\q1 n tɑ sɔɔlɩ.
\q1
\v 17 Hɑɩ, Ɩsɔ kɔtɑɣɑ ŋkɑ kɑ wɛ-ŋ teu nɑ ń cɑɑkɩ tɔɣɔlɛ sɩ
\q1 yʋlʋ lɑŋlɛ nɑ ɩ lɑɑkɑlɩ ɩ́ wɑkələnɑ ɩ ɩsɑɣɑtʋ.
\b
\q1
\v 18 Lɑ nyɑ́ kʋpɑntʋ kɛ Siyɔŋ nyə́mɑ
\q1 kɛ nyɑ́ pɛɛlɛɛ tɔɔ.
\q1 Nɑ ń ŋmɑ Yosɑlɛm koloosi.
\q1
\v 19 Wɑɑtʋ ɩnəɣɩ n kɑ́ sɔɔlɩ kɔtɑsɩ nsi
\q1 n sɩɩwɑ sɩ pɑ́ lɑ-ŋ tɔ, nɑ nsi kɔkɔ lusɑ sɩ tənɑ tɔ.
\q1 Ɩlɛnɑ pɑ́ lɑ-ŋ kɔtɑsɩ kɛ lɑtəcɛnɑɑ
\q1 kɛ nyɑ́ kɔtɑɣɑ təlɑtɛ tɔɔ.
\c 52
\s1 Yʋlʋ wei ɩ tʋ nɑɑni kɛ́ ɩ wɛnɑʋ tɔ
\p Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ tɔɣɔlɔ.
\q1 Tə tɑɑ kɛ́ pɑ kɛɛsəɣɩ ɩsənɑ
\q1 Ɩtɔm tʋ Towɛkɩ tɑɣɑsɑ
\q1 Sɑyuli sɩ Tɑfiiti polɑ Apimelɛkɩ tɛ.
\d Yontu ntəɣəlɛ sɩ:
\b
\q1
\v 1 Toŋ tʋ nyɑ́, n yɔɔləɣənɑ nyɑ́ ɩsɑɣɑtʋ kɛ mpʋ suwe?
\q1 N tɑ nyɩ tɑɑ sɩ Ɩsɔ kʋpɑntʋ wɛ tɑm tɔɔ?
\q1
\v 2 Nyɑ́ nsəmlɛ nɑ lɔŋ ɩsɩɩ hʋnʋɣʋ,
\q1 nɑ ń tʋsəɣənɑ lɛlɑɑ.
\q1
\v 3 N sɔɔlɑ ɩsɑɣɑtʋ nɑ pə́ kəlɩ kʋpɑntʋ,
\q1 nɑ ń cɑɑkɩ pɔpɔtʋ nɑ pə́ kəlɩ tɑmpɑnɑ.
\q1
\v 4 Nɑ nyɑ́ lɑŋlɛ hɛɛnɑ tɔm tənɑ nti tə wɑkələɣɩ tɔɣɔ.
\q1 Tə tənɑ tə kɛ́ kʋkɛkɛɛtʋ kɛ́.
\b
\q1
\v 5 Pə tɔɔ kɛ́ Ɩsɔ kɑ́ wɑkəlɩ-ŋ tɑm tɔɔ.
\q1 Ɩ kɑ́ ləsɩ-ŋ nyɑ́ tɛ nɑ ɩ́ tɛɛnɑ,
\q1 nɑ ɩ́ kpɛsɩ-ŋ weesuɣu nyə́mɑ tɛ nɑ ɩ́ tɔɣɔnɩ-ŋ.
\q1
\v 6 Siɣisilɑɑ kɑ́ nɑ-ɩ nɑ sɔɣɔntʋ kpɑ-wɛ.
\q1 Pɑɑ woŋɩ-ɩ nɑ pɑ́ tɔŋ sɩ:
\q1
\v 7 Ye yʋlʋ kisɑ Ɩsɔ kɛ kpʋlʋɣʋ tʋɣʋ
\q1 nɑ ɩ́ hɑ ɩ təɣɩ liɣitee nnɑ ɩ wɑkəlɑ lɛlɑɑ nɑ ɩ hiki tɔ,
\q1 ɩsənɑ ɩ tɛŋnɑ tɔɣɔlɛ.
\b
\q1
\v 8 Amɑ mɑ wɛ Ɩsɔ təyɑɣɑ tɑɑ kɛ́ ɩsɩɩ
\q1 tʋɣʋ hɛtʋ nyəŋkʋ.
\q1 Ɩ kʋpɑntʋ tɑɑ kɛ́ mɑ́ hɑ mɑ təɣɩ tɑm tɔɔ.
\b
\q1
\v 9 Mɑ sɑŋɩ-ŋ tɑm tɔɔ kɛ́ pə tənɑ mpi n lɑpɑ tɔ pə tɔɔ,
\q1 nɑ mɑ́ kpɑɑləɣɩ nyɑ́ yəlɑɑ ɩsɛntɑɑ sɩ,
\q1 n kɛ́ kʋpɑŋ.
\c 53
\s1 Yəlɑɑ kʋpɑmɑ nɑ pɑ Ɩsɔ kɛ ɑntulinyɑ ɩsɑɣɑʋ tɑɑ
\r (Yontu 14)
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ tɔɣɔlɔ.
\b
\q1
\v 1 Kʋmɛlɛməŋ mɑɣɑsəɣənɑ ɩ tɑɑ sɩ Ɩsɔ fɛɩ.
\q1 Yəlɑɑ mpɛ ɑcɑɑlətʋ kɛ pɑ lɑkɩ,
\q1 kʋpɑntʋ lɑtʋ fɛɩ.
\q1
\v 2 Hɑtoo ɩsɔtɑɑ kɛ́ Tɑcɑɑ nyənəɣənɑ ɑtɛ yəlɑɑ
\q1 sɩ ɩ nɑɑkɩ sɩ ləmɑɣɑsɛɛ tʋ nɔɣɔlʋ ɩ pɛɛkəɣɩ-ɩ?
\q1
\v 3 Pɑ tənɑ pɑ yelɑ ɩ mpɑɑʋ kɛ́ nɑ pɑ́ wɑkəlɩ.
\q1 Kʋpɑntʋ lɑtʋ fɛɩ pɑ tɑɑ pɑɑ kʋlʋm.
\b
\q1
\v 4 Ɩsɑɣɑlɑtɑɑ mpɛ pɑ kɑɑ nɩɩ.
\q1 Pɑ pəsɑ mɑ yəlɑɑ ɩsɩɩ tɔɣɔnɑɣɑ nɑ pɑ́ tɔkɩ pɑɑ sɛɛkɩ-m.
\b
\q1
\v 5 Tənɑɣɑ pɑɑ selinɑ sɔɣɔntʋ pə́cɔ sɔɣɔntʋ fɛɩ.
\q1 Ɩsɔ kɑ́ kʋ mpɑ pɑ kʋləɣɩ ɩ tɔɔ tɔ nɑ ɩ́ lɔ.
\q1 Pɑɑ tɔɣɔ fɛɛlɛ, mpi tɔ, Ɩsɔ lɔ-wɛ.
\b
\q1
\v 6 Hɑɩ, mɑ kooliɣi kɛ́ sɩ Ɩsɛɣɛlɩ nyə́mɑ wɑɑsʋɣʋ
\q1 ɩ́ lɩɩnɑ Ɩsɔ pʋɣʋ tɑɑ kɛ́ wɑɑtʋ wei
\q1 Tɑcɑɑ kɑ́ məŋnɑ ɩ yəlɑɑ mpɑ pɑɑ kuuwɑ tɔ.
\q1 Yɑkɔpʋ lʋlʋɣʋ nyə́mɑ Ɩsɛɣɛlɩ nyə́mɑ kɑ́
\q1 ŋmɑɑlənɑ lɑŋhʋlʋmlɛ sɔsɔɔlɛ.
\c 54
\s1 Kʋnyɔntɔɣɔlʋ yɑɑkɩ sɩ pɑ́ wɑɑsɩ-ɩ
\p Tɑfiiti yontu nti pɑ yookinɑ sɑŋkʋ
\q1 nɑ tə wɛ yonyoolɑɑ nyʋɣʋ tʋ tɑkəlɑɣɑ tɑɑ tɔɣɔlɔ.
\q1 Tə tɑɑ kɛ́ pɑ kɛɛsəɣɩ ɩsənɑ Sifɩ nyə́mɑ polɑ
\q1 Sɑyuli kiŋ nɑ pɑ́ tɑɣɑsɩ-ɩ sɩ
\q1 Tɑfiiti ŋmɛlɑ pɑ tɛtʋ tɑɑ tɔ.
\d Yontu ntəɣəlɛ sɩ:
\b
\q1
\v 1 Hɑɩ, Ɩsɔ, yɑ-m nyɑ́ hətɛ tɔɔ,
\q1 nɑ ń hʋlɩ mɑ tɑmpɑnɑ nɑ nyɑ́ toŋ.
\q1
\v 2 Hɑɩ, Ɩsɔ nɩɩ mɑ kʋyɔɣɔtʋtʋ.
\q1 Ke ŋkpɑŋŋ nɑ ń nɩɩ mɑ kʋsələmʋtʋ.
\b
\q1
\v 3 Mpi tɔ, kpɑɩ nyə́mɑ kʋlɑ mɑ tɔɔ,
\q1 nɑ pɑ́ sɔɔlɩ mɑ weesuɣu ləsʋɣʋ nɑ mʋsʋŋ
\q1 pɑ pɑɑ fɛɩnɑ-ŋ.
\q1
\v 4 Amɑ nyɑɑ wɑɑsənɑ-m,
\q1 nyɑɣɑlɛ Tɑcɑɑ, nɑ ń pɑɑsəɣənɑ-m.
\b
\q1
\v 5 Ɩsɑɣɑtʋ ɩ́ məlɩ mɑ kolontunɑɑ nyɔɔŋ tɑɑ
\q1 nɑ ń təkɩ pɑ nɔɔsɩ kɛ nyɑ́ tɑmpɑnɑ tɔɔ.
\q1
\v 6 Mɑɑ lɑ-ŋ kɔtɑɣɑ nɑ lotu kʋlʋmtʋ
\q1 nɑ mɑ́ sɑ nyɑ́ hətɛ.
\q1 Mpi tɔ, Tɑcɑɑ n kɛ́ kʋpɑŋ kɛ́.
\q1
\v 7 N fitɑ-m nəɣəsɛɛ tənɑ tɑɑ kɛ́,
\q1 nɑ mɑ́ nyənəɣɩ mɑ kolontunɑɑ kpisuɣu.
\c 55
\s1 Wei ɩ wɑɑlɩ pɑ lɩɩwɑ tɔ ɩ sələmʋɣʋ
\p Tɑfiiti yontu nti pɑ yookinɑ sɑŋkʋ nɑ tə́ wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ ke ŋkpɑŋŋ nɑ ń nɩɩ mɑ kʋsələmʋtʋ.
\q1 Tɑɑ kisi mɑ wiinɑʋ kɛ nɩɩʋ.
\q1
\v 2 Nɩɩ mɑ tɔm nɑ ń cɔ-m,
\q1 nəɣəsɛɛ pɩɩnɑ-m nɑ mɑ́ cɔɔkɩ yem nɑ mɑ́ huɣutiɣi lotu.
\q1
\v 3 Mpi tɔ, mɑ kolontunɑɑ nyɑɑsəɣɩ-m kɛ́,
\q1 nɑ ɑsɑɣɑɑ nɑ́ɑ́ ŋmɑkələɣɩ-m nɑ pɑ́ mələɣənɑ
\q1 mɑ nyʋɣʋ tɑɑ kɛ́ wɑhɑlɑ nɑ pɑ́ wɛ mɑ wɑɑlɩ nɑ pɑ́ɑ́nɑ́.
\q1
\v 4 Mɑ lɑŋlɛ wɑkəlɑ sɔsɔm kɛ́,
\q1 nɑ səm sɔɣɔntʋ pɩɩ-m.
\q1
\v 5 Sɔɣɔntʋ sɔsɔɔntʋ kpɑ-m kɛ́,
\q1 nɑ mɑ́ seliɣi.
\b
\q1
\v 6 Mɑ nyɩɩlɑɣɑ ɩsɩɩ ye mɑɑ wɛnɑ keŋ ɩsɩɩ ɑlukuku,
\q1 mɑɑ kʋlɑ hʋntʋ nɑ mɑ́ hɛɛsɩ.
\q1
\v 7 Mɑɑ sewɑ nɑ mɑ́ polo pooluŋ
\q1 nɑ mɑ́ cɑɣɑ timpi nɔɣɔlʋ fɛɩ tɔ.
\q1
\v 8 Mɑɑ sewɑ lɔŋ kɛ kɑcuculɑɣɑ
\q1 nɑ heelim sɔsɔɔm nɑ mɑ́ cɔɔsɩ.
\q1
\v 9 Tɑcɑɑ, líɣítí mɑ kolontunɑɑ, pɑ́ tɑɑ nɩɩnɑ təmɑ.
\b
\q1 Mpi tɔ, mʋsʋŋ nɑ ɩyoosile tike kɛ mɑ nɑɑkɩ ɩcɑtɛ tɑɑ.
\q1
\v 10 Yoou cɔɔkənɑ tə koloosi kɛ ilim nɑ ɑhoo.
\q1 Kʋpəntəŋ nɑ ɑcilɑɣɑtʋ sunɑ tə tɑɑ.
\q1
\v 11 Yʋlʋkʋlɛ wɛ tə tɑɑ kɛ́.
\q1 Pəyele ŋmɩɩləm nɑ tʋsʋɣʋ nɑ́ɑ́ lɑŋəɣɩ.
\b
\q1
\v 12 Ye pɩɩ kɛ́ kolontu tʋʋkənɑ-m pə tɑɑ lɑ-m pʋlʋ.
\q1 Yɑɑ ye mɑ pɑtɑ kɑ kʋlɑɣɑnɑ mɑ tɔɔ mɑɑ ŋmɛlɑ-ɩ.
\q1
\v 13 Amɑ mɑ nɑ wei tə kɑɑwɑ nɑ mɑ tʋɣʋnɑ-ɩ tɔɣɔ,
\q1 ɩ kɛ́ mɑ tɑɑpɑlʋ nɑ mɑ ceu kɛ́.
\q1
\v 14 Mɑ nɑ-ɩ tɩɩ wɛ təmɑ nɑ leleŋ kɛ́,
\q1 nɑ tɑ́ nɑ sɑmɑɑ tə puki Ɩsɔ təsɛɛlɛ tɑɑ.
\b
\q1
\v 15 Səm ɩ́ tuti mɑ kolontunɑɑ,
\q1 nɑ pɑ́ tii ɑtɛtəlɛ tɑɑ nɑ pɑ ɩsɛ.
\q1 Mpi tɔ, ɩsɑɣɑtʋ sunɑ pɑ tɑɑ.
\b
\q1
\v 16 Ɩsɔ kɛ́ mɑɑ wiinɑ,
\q1 nɑ ɩnɩ ɩ kɑ́ wɑɑsənɑ-m.
\q1
\v 17 Tɑnɑŋ nɑ ilim tɑɑ nɑ tɑɑnɑɣɑ kɛ mɑ wiiki
\q1 nɑ ɩ́ nɩɩkɩ mɑ nɔɣɔ.
\q1
\v 18 Ɩnɩ ɩ kɑ́ yɑnɑ-m nɑ ɩ́ yele nɑ mɑ́ hɛɛsɩ.
\q1 Mpi tɔ, mpɑ pɑ kʋləɣɩ mɑ tɔɔ tɔ pɑ wɛ pɑɣɑlɛ kɛ́.
\q1
\v 19 Ɩsɔ wei ɩnɩ ɩ kɛ́ wulɑʋ kɛ too tɑm tɔɔ tɔ,
\q1 ɩ́ nɩɩ nɑ ɩ́ pɑsɑ-wɛ.
\b
\q1 Yəlɑɑ mpɛ́ pɑɑ lɑɣɑsəɣɩ,
\q1 pə́cɔ pɑɑ nyɑŋnɑ Ɩsɔ.
\q1
\v 20 Ɩ tʋ ɩ tɑɑpɑlɑɑ mpɑ ɩ́ nɑ-wɛ pɑ wɛ leleŋ tɔɣɔ niŋ.
\q1 Nɑ ɩ́ wɑkəlɩ nɔɣɔ ŋkɑ ɩ kɑ pɛɛlɑɑ tɔ.
\q1
\v 21 Ɩ nɔɣɔ nɑ leleŋ kɛ́ ɩsɩɩ tɩɩŋ nɑ ɩ tɑɑ nɑ kɔkɔ,
\q1 nɑ ɩ fɑɑcinɑɑ tewɑ, ɩlɛnɑ ɩ tɑɑ nɑ sɑpəlɑsɩ.
\b
\q1
\v 22 Pɛtɩ nyɑ́ nəɣəsɛɛ tənɑɣɑ Tɑcɑɑ niŋ tɑɑ, nɑ ɩ́ pɑɑsənɑ-ŋ.
\q1 Ɩɩ yeki sɩ siɣisulu ɩ́ cɛŋlɩ.
\b
\q1
\v 23 Amɑ Ɩsɔ n kɑ́ yele nɑ yəlɑɑ mpɛ
\q1 pɑ tii pəlɑɑʋ tɑpʋɣʋ tɛɛ.
\q1 Yʋlʋkʋlɑɑ nɑ ŋmɩɩlɑɑ nɑ́ kɑɑ hɑɣɑ
\q1 pɑ pɩɩsɩ hɛkʋ nɑ pə́cɔ pɑ́ sɩ.
\q1 Amɑ nyɑɣɑ mɑ pɛtɑ mɑ tɩ.
\c 56
\s1 Kʋnyɔntɔɣɔlʋ pɛtɑ ɩ təɣɩ Ɩsɔ
\p Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\q1 Yontu ntəɣɩ pɑ yookinɑ ɑlukuku wei ɩ wɛ
\q1 pooluŋ tɩɩŋ sɔsɔɔŋ tɔɔ tɔ ɩ luɣu.
\q1 Tə tɑɑ kɛ́ Tɑfiiti kɛɛsəɣɩ ɩsənɑ Filiisi nyə́mɑ
\q1 səŋsɑ-ɩ Kɑtɩ tɔ pə tɔm.
\d Yontu ntəɣəlɛ sɩ:
\b
\q1
\v 1 Hɑɩ, Ɩsɔ nyənɩ mɑ pətɔɔtəlɛ, pɑ huluɣu-m kɛ́.
\q1 Kʋyɛɛŋ tənɑ pɑ yookinɑ-m kɛ́, nɑ pɑ́ cɑɑləɣɩ-m.
\q1
\v 2 Kʋyɛɛŋ tənɑɣɑ mɑ kolontunɑɑ wɛ mɑ wɑɑlɩ.
\q1 Pɑ wɛ pɑɣɑlɛ kɛ́, nɑ pɑ́ yookinɑ-m.
\q1
\v 3 Ye kʋyɑkʋ ŋku sɔɣɔntʋ ɩ́ kpɑ-m,
\q1 nyɑɣɑ mɑ tʋɣɩ nɑɑni.
\b
\q1
\v 4 Mɑ sɑŋ Ɩsɔ kɛ́ ɩ tɔm kʋyɔɣɔtʋtʋ tɔɔ,
\q1 nɑ mɑ tʋ-ɩ nɑɑni nɑ sɔɣɔntʋ fɛɩ.
\q1 Pepeɣe yʋlʋ pəsəɣɩ nɑ ɩ́ lɑ-m?
\b
\q1
\v 5 Pɑɑ kʋyɑkʋ ŋkuɣu pɑ tʋɣʋ-m kʋnyɔŋ,
\q1 nɑ pɑ́ hʋʋkɩ mɑ tɔɔ kɛ́ ɩsɑɣɑtʋ.
\q1
\v 6 Pɑ lɑpɑ nɔɣɔ kʋlʋmɑɣɑ sɩ pɑ cɛŋəɣɩ-m nɑ pɑ́ nɑɑsəɣɩ-m
\q1 nɑ pɑ́ huliɣi mɑ ɩkpɑtɛ kɛ pɑɑ timpi mɑ puki tɔ.
\q1 Mpi tɔ, pɑ cɑɑ mɑ weesuɣu ləsʋɣʋ tɔ.
\q1
\v 7 Pɑ kɑɑ pəsɩ pɑ fitinɑ ɩsɑɣɑtʋ nti pɑ lɑkɩ tɔ.
\q1 Hɑɩ, Ɩsɔ, pɛtɩ yəlɑɑ mpɛɣɛ ɑtɛ nɑ pɑ́ɑ́nɑ́.
\q1
\v 8 N tɛmɑ mɑ təkpɑɑlətʋ mpɑɑʋ kɛ cɛkənɑʋ
\q1 suu mɑ ɩsəlʋm kɛ nyɑ́ tɔnʋɣʋ huluɣu tɑɑ.
\q1 Nmɑɑ pə tɔm kɛ nyɑ́ tɑkəlɑɣɑ tɑɑ.
\q1
\v 9 Ye mɑ mɑpɑ kɑpukɑ nɑ nyɑ́ tɔɔ,
\q1 mɑ kolontunɑɑ nɑ́ mələɣənɑ pɑ wɑɑlɩ kɛ́,
\q1 mɑ nyəmɑ sɩ Ɩsɔ nyɑ́, n wɛ mɑ tɔɔ.
\q1
\v 10 Mɑ sɑŋ Ɩsɔ kɛ́ ɩ tɔm kʋyɔɣɔtʋtʋ tɔɔ.
\q1 Mɑ sɑmɑ Tɑcɑɑ kɛ ɩ tɔm tɔɔ.
\q1
\v 11 Ɩnəɣɩ mɑ lɑkɩ nɑɑni, mɑɑ nyɑŋnɑ pʋlʋ.
\q1 Pepeɣe yəlɑɑ pəsəɣɩ nɑ pɑ́ lɑ-m?
\b
\q1
\v 12 Hɑɩ, Ɩsɔ pə wɛɛ sɩ mɑ́ lɑ ɩsɩɩ mɑ sɩɩʋ nɔɣɔ tɔ,
\q1 ɩlɛ nyɑnɑ təmlɛ kɔtɑɣɑ kɛ mɑɑ lɑ-ŋ.
\q1
\v 13 Mpi tɔ, n wɑɑsɑ-m səm tɑɑ kɛ́,
\q1 sɩ mɑ tɔ nyɑ́ ɩsɛntɑɑ kɛ weesuɣu nyə́mɑ nyɑɑləm tɑɑ.
\c 57
\s1 Tɑfiiti sələməɣɩ ɩsɔtɑɑ Ɩsɔ sɔsɔ
\r (Kʋkɑlətʋ 8-12: Yontu 108:2-6)
\p Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ nɑ pɑ́ yɑɑkɩ-tɩ sɩ:
\q1 Tɑɑ kʋ tɔɣɔlɔ.
\q1 Tə tɑɑ kɛ́ Tɑfiiti kɛɛsəɣɩ ɩsənɑ ɩ sewɑ Sɑyuli nɑ ɩ́
\q1 ŋmɛlɩ kʋkpɑmʋɣʋ pʋʋɣʋ tɑɑ tɔ pə tɔm.
\d Yontu ntəɣəlɛ sɩ:
\b
\q1
\v 1 Hɑɩ, Ɩsɔ nyənɩ mɑ pətɔɔtəlɛ yoo,
\q1 nyənɩ mɑ pətɔɔtəlɛ.
\q1 Mpi tɔ, nyɑ́ kiŋ kɛ mɑ pɛɛkəɣɩ mɑ təcɔɔsəlɛ.
\q1 Mɑɑ ŋmɛlɩ tənɑ, nɑ n kenti mɑ tɔɔ,
\q1 hɑlənɑ wɑhɑlɑnɑɑ pɑnɛ pɑ́ tɛ.
\q1
\v 2 Ɩsɔtɑɑ Ɩsɔ Sɔsɔ kɛ mɑ yɑɑkɩ.
\q1 Ɩnɩ ɩ lɑpənɑ-m pə tənɑ.
\q1
\v 3 Ɩ kɑ́ wɑɑsɩ-m nɑ hɑtoo ɩsɔtɑɑ,
\q1 nɑ ɩ́ liɣiti wei ɩ tʋ mɑ wɑɑlɩ tɔ,
\q1 nɑ ɩ́ lɑ-m ɩ kʋpɑntʋ.
\b
\q1
\v 4 Mpɑ pɑ hɛkʋ mɑ wɛɛ tɔ
\q1 pɑ tɔkɩ yəlɑɑ kɛ́ ɩsɩɩ tɔɣɔlɑsɩ.
\q1 Pɑ kelɑ sɛŋtɑɑ kɛ́ ɩsɩɩ ŋmɑntɑɑsɩ nɑ nyəmɑ́,
\q1 nɑ pɑ nsəmlɛ nɑ lɔŋ ɩsɩɩ lɑɣɑtɛ.
\b
\q1
\v 5 Hɑɩ Ɩsɔ, nyɑ́ sɔsɔɔntʋ ɩ́ kəlɩ ɩsɔtɔnʋɣʋ kɛ kʋlʋɣʋ,
\q1 nɑ nyɑ́ teu nɑ tɛtʋ tənɑ tɔɔ.
\b
\q1
\v 6 Pɑɑ hulɑ pʋʋɣʋ kɛ mɑ mpɑɑʋ tɑɑ kɛ́,
\q1 nɑ kʋ lumsu-m.
\q1 Ɩlɛnɑ pɑ́ nyɩ-m kɑtɔkɑ.
\q1 Amɑ kʋlʋmɑɑ mpɛ pɑ hotinɑ kɑ tɑɑ.
\b
\q1
\v 7 Hɑɩ Ɩsɔ, mɑ nyɔɔ toŋ,
\q1 mɑɑ sɑ-ŋ nɑ mɑ́ pʋɣʋlɩ-ŋ.
\q1
\v 8 Mɑ ləsɑɣɑ, fe,
\q1 mɑ cəmʋɣʋ nɑ mɑ sɑŋkʋ ɩ́ fe,
\q1 mɑɑ fe nɑ pə́cɔ pə́ nyɑɑlɩ.
\b
\q1
\v 9 Tɑcɑɑ mɑɑ sɑ-ŋ yəlɑɑ tɑɑ,
\q1 nɑ mɑ́ pʋɣʋlɩ-ŋ piitimnɑɑ tɑɑ.
\q1
\v 10 Mpi tɔ, nyɑ́ kʋpɑntʋ sɔsɔɔntʋ tɑpɑ ɩsɔtɔnʋɣʋ kɛ́,
\q1 nɑ nyɑ́ teu nɑ́ɑ́ tɛɛ ɩsɔŋmʋntʋ tɔɔ.
\b
\q1
\v 11 Hɑɩ Ɩsɔ, kpɑɑsɩ nyɑ́ təɣɩ ɩsɔtɔnʋɣʋ tɔɔ,
\q1 nɑ nyɑ́ teeli nɑ tɛtʋ tənɑ tɑɑ.
\c 58
\s1 Ɩsɔ wɛ tɛtʋ tɔɔ nɑ ɩ́ hʋʋkənɑ
\p Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ nɑ pɑ́ yɑɑkɩ-tɩ sɩ:
\d Tɑɑ kʋ tɔɣɔlɔ.
\b
\q1
\v 1 Yəlɑɑ mɛ sum tɑɑ kɛ́ ɩ́ kɑ́ hʋlənɑ tɑmpɑnɑ nɑ?
\q1 Ḿpʋɣʋ ɩ́ təŋəɣɩ siɣisuɣu nɑ ɩ́ hʋʋkənɑ?
\q1
\v 2 Təfɑɑ kɛ ɩ́ lɑkənɑ ɩsɑɣɑtʋ kɛ tɛtʋ tɔɔ,
\q1 nɑ ɩ́ lɑkɩ mʋsʋŋ.
\b
\q1
\v 3 Hɑtoo ɑsɑɣɑɑ hɔɔʋ tɛɛ kɛ́ pɑ wɑkəlɑɑ,
\q1 nɑ pɔpɔtʋnɑɑ nɑ́ɑ́ leki nɑ pə́cɔ
\q1 pɑ lɩɩkɩ pɑ toonɑɑ lotu tɑɑ.
\q1
\v 4 Pɑ wɛ sɔtʋ kɛ́ ɩsɩɩ tʋmɑɑ,
\q1 yɑɑ ɩsɩɩ pɑɑsəlɛ ntɑm wei ɩ təkəɣɩ ŋkpɑŋŋ tɔ.
\q1
\v 5 Ɩsɩɩ pɑɑsəlɛ nte tɩɩ nɩɩkɩ tʋʋ yontu tɔ,
\q1 pɑɑ tʋwɑɑ tɑɑ ɑkɑ.
\b
\q1
\v 6 Hɑɩ, Ɩsɔ holi pɑ kelɑ kɛ pɑ nɔɔsɩ tɑɑ,
\q1 Tɑcɑɑ yɔkɩ tɔɣɔlɑsɩ tɑmɑsɩ.
\q1
\v 7 Pɑ́ mʋkɩ yem ɩsɩɩ lʋm kpeŋuɣu tɔ.
\q1 Ye pɑ tɔ nɔɣɔlʋɣʋ nyəmɑ́, ɑ́ pəsɩ kpɛtɛ.
\q1
\v 8 Pɑ́ sɩ nɑ pɑ́ yɔɔlɩ yem ɩsɩɩ ɑtɑntɑɑlʋ.
\q1 Nɑ pɑ́ wɛɛ ɩsɩɩ pə hɔləsʋɣʋ pəyɑɣɑ,
\q1 nɑ kɑ́ tɑ́ keesi ilim tɔ.
\q1
\v 9 Pɑ sɔwɑ́ tɩɩŋ kɑɑ lɑ hɔtʋ,
\q1 nɑ pə́cɔ Ɩsɔ kpɛsɩ-ɩ ɩsɩɩ kɑcuculɑɣɑ,
\q1 pɑɑ ɑ wʋlɑɑ yɑɑ ɑ́ nɑ ɑ lʋm, pə tɑ kʋ pʋlʋ.
\b
\q1
\v 10 Yʋlʋpɑŋ lɑŋlɛ kɑ́ hʋlʋmɩ
\q1 wɑɑtʋ wei Ɩsɔ kɑ́ lɛɛtɩ ɑsɑɣɑɑ tɔ
\q1 ɩnɩ ɩ kɑ́ tɔ pɑ cɑləm tɑɑ.
\q1
\v 11 Wɑɑtʋ ɩnəɣɩ yəlɑɑ tənɑ kɑ́ tɔ sɩ:
\q1 Yəlɑɑ kʋpɑmɑ wɛnɑ pɑ kɑsəyɑɣɑ,
\q1 Ɩsɔ wɛ ɑtɛ nɑ ɩ́ hʋʋkənɑ.
\c 59
\s1 Ɩsɔ wɑɑsɩ-m mpɑ pɑɑ cɑɑkɩ-m tɔ pɑ niŋ tɑɑ
\p Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ nɑ pɑ́ yɑɑkɩ-tɩ sɩ:
\q1 Tɑɑ kʋ tɔɣɔlɔ.
\q1 Tə tɑɑ kɛ́ Tɑfiiti kɛɛsəɣɩ ɩsənɑ Sɑyuli tilɑɑ sɩ
\q1 pɑ́ feŋ ɩ təyɑɣɑ nɑ pɑ́ kʋ-ɩ tɔ.
\d Yontu ntəɣəlɛ sɩ:
\b
\q1
\v 1 Mɑ Ɩsɔ wɑɑsɩ-m mɑ kolontunɑɑ niŋ tɑɑ,
\q1 kenti mɑ tɔɔ kɛ́ mpɑ pɑɑ cɑɑ-m tɔ pɑ tɔɔ.
\q1
\v 2 Wɑɑsɩ-m mpɑ pɑ pɛɛkəɣənɑ-m ɩsɑɣɑtʋ tɔ pɑ niŋ tɑɑ,
\q1 yɑ-m yʋlʋkʋlɑɑ mpɛ pɑ nɔɣɔ tɑɑ.
\b
\q1
\v 3 Asɑɣɑɑ mpɛɣɛlɛ nɑ pɑ́ cɛŋəɣɩ-m,
\q1 yʋlʋkʋlɑɑ mpɛ pɑ cɑɑ pɑ tii mɑ tɔɔ kɛ́.
\q1 Tɑcɑɑ ɑnɩ mɑ tɑ lɑ ɩsɑɣɑtʋ nɑtəlɩ,
\q1 pəyele mɑ tɑ sɛkɩ mɑ kʋlɑpəlɛ.
\q1
\v 4 Pɑɑ nɑ mɑ tɑ lɑ pʋlʋ tɔ,
\q1 pɑ kpɑkəɣɩ sewɑ nɑ pɑ́ tɑɣɑnəɣɩ pɑ tɩ.
\b
\q1 Hɑɩ, Ɩsɔ fe nɑ ń kɔɔ mɑ kiŋ nɑ ń nɑ́.
\q1
\v 5 Tɑcɑɑ ɑtɛ nɑ ɩsɔtɑɑ pə tʋ,
\q1 Ɩsɛɣɛlɩ Ɩsɔ nyɑ́,
\q1 kʋlɩ nɑ ń wɑɑsɩ-m mpɑ pɑ tɑ nyɩ-ŋ tɔ pɑ niŋ tɑɑ,
\q1 kisinɑ wɑɑlɩ lɩɩlɑɑ mpɛɣɛ nyɑ́ kʋpɑntʋ.
\b
\q1
\v 6 Pɑɑ tɑɑnɑɣɑ ŋkɑɣɑ pɑ kɔŋ
\q1 ɩsɩɩ hɑsɩ tintiɣile.
\q1 Pɑ cɑsəɣɩ kɑpusi nɑ pɑ́ cɔɔkənɑ ɩcɑtɛ.
\q1
\v 7 Ɩsɑɣɑtʋ sunɑ pɑ nɔɔsɩ tɑɑ təpɑm,
\q1 nɑ pɑ kʋyɔɣɔtʋtʋ wɛ ɩsɩɩ lɑɣɑlɛɛ.
\q1 Pɑ tɔŋ sɩ ɑwe kɑ́ nɩɩnɑ pɑ tɔm?
\b
\q1
\v 8 Amɑ Tɑcɑɑ nyɑ́ woŋiɣi-wɛɣɛ,
\q1 nɑ ń pɑɑkənɑ mpɑ pɑ tɑ nyɩ-ŋ tɔ pɑ tənɑ.
\q1
\v 9 Pɑɑ pɑ toŋ kɑ́ wɛɛ ɩsɩɩ cənɛ nɑ lé,
\q1 Ɩsɔ nyɑɣɑlɛ mɑ kentulu.
\q1
\v 10 Mɑ Ɩsɔ kʋpɑŋ n kɑ́ kɔɔ mɑ cɔlɔ,
\q1 nɑ ń hʋlɩ-m mɑ kolontunɑɑ nɑ pə́ wɑkəlɑ-wɛ.
\b
\q1
\v 11 Tɑɑ kʋ-wɛɣɛ lɔŋ,
\q1 nɑ pə́ kɔɔ nɑ mɑ yəlɑɑ sɔɔ nyɑ́ toŋ tɔɔ.
\q1 Amɑ ciɣiti-wɛ nɑ toŋ ɩlɛnɑ ń pɛtɩ-wɛ.
\q1 Tɑcɑɑ, nyɑɣɑlɛ tɑ́ kʋkentuɣu.
\q1
\v 12 Pɑ́ kulɑ pɑ nɔɣɔ tɔɔ te, pɑ wɑkələnɑ-ŋ kɛ́.
\q1 Pɑ mɑɣɑmɑɣɑ pɑ kɑlɑmpɑɑnɩ kɑtɔkɑ ɩ́ kpɑ-wɛ.
\q1 Mpi tɔ, kʋtʋɣʋ nɑ kɑloolɑɣɑ tike kɛ pɑ lɑkɩ.
\q1
\v 13 Kpiisi-wɛ nɑ pɑ́ɑ́nɑ́ nɑ pɑ́ tɑɑ tɑsɑ-wɛɣɛ nɑʋ.
\q1 Ɩlɛ ɑntulinyɑ tənɑ kɑ́ nyɩ sɩ
\q1 Ɩsɔ Sɔsɔ wɛ Ɩsɛɣɛlɩ tɑɑ.
\b
\q1
\v 14 Pɑɑ tɑɑnɑɣɑ ŋkɑɣɑ pɑ kɔŋ ɩsɩɩ hɑsɩ tintiɣile.
\q1 Pɑ cɑsəɣɩ kɑpusi nɑ pɑ́ cɔɔkənɑ ɩcɑtɛ.
\q1
\v 15 Nɑ pɑ́ pɛɛkəɣɩ pɑɑ timpiɣi tɔɣɔnɑɣɑ.
\q1 Pɩɩ tɑkɩ-wɛɣɛ teu ɩlɛnɑ pɑ́ sʋʋ mɔlɑ.
\b
\q1
\v 16 Mɑɑ sɑ nyɑ́ toŋ kɛ́,
\q1 nɑ mɑ kpɑɑlɩ nyɑ́ kʋpɑntʋ kɛ tɑnɑŋ tɛɛ.
\q1 Mpi tɔ, n kɛ-m təcɔɔsəlɛ toŋ nyəntɛ kɛ́
\q1 nɑ mɑ kentulu kɛ lɑŋwɑkəllɛ wɑɑtʋ.
\b
\q1
\v 17 Mɑɑ sɑ mɑ kentulu nyɑɣɑ.
\q1 Hɑɩ, Ɩsɔ nyɑɣɑlɛ mɑ təcɔɔsəlɛ,
\q1 mɑ Ɩsɔ nyɑ́ kʋpɑntʋ wɛ sɔɣɔntʋ.
\c 60
\s1 Ɩsɔ nɩɩkɩ ɩ yəlɑɑ mpɑ pə kəlɑɑ tɔ pɑ wulɑ
\r (Kʋkɑlətʋ 7-14: Yontu 108:7-14)
\p Tɑfiiti yontu nti ɩ yoonɑ
\q1 sɑŋkʋ sɩ ɩ sɛɣɛsəɣənɑ tɔɣɔlɔ.
\q1 Tə tɑɑ kɛ́ Tɑfiiti kɛɛsəɣɩ ɩsənɑ ɩ yoonɑ
\q1 Silii nyə́mɑ mpɑ pɑɑ wɛ Mesopotɑmi
\q1 nɑ Sopɑ pə tɛtʋ tɑɑ tɔ.
\q1 Pɑ məlɑɣɑ kpente ɩlɛnɑ Sowɑpɩ nɑ́ɑ́ kʋ Ɩtɔm tɛtʋ
\q1 yoolɑɑ kɛ iyisi nɑɑnʋwɑ nɑ nɑɑlɛɣɛ (12.000) tɔm tɛtɛkəlɛ tɑɑ.
\d Yontu ntəɣəlɛ sɩ:
\b
\q1
\v 1 Hɑɩ, Ɩsɔ, nyɑ́ lɔnɑ-tʋ nɑ tə́ yɑ́ yem yem.
\q1 Hɛɛsɩ nyɑ́ pɑ́ɑ́nɑ́ nɑ ń məŋnɑ-tʋ.
\q1
\v 2 N ciɣitɑ tɛtʋ nɑ tə́ yɑ́ pɔɣɔlɛɛ,
\q1 nyɑlɑ-yɛ, tɔfɔ tə tɔŋnɑ seluɣu kɛ́.
\q1
\v 3 N mɑɣɑsɑ nyɑ́ yəlɑɑ tɑ́ nɑ toŋ,
\q1 nɑ ń cɑɑlɩ-tʋ nɑ tə́ nyɔɔ sʋlʋm kʋkʋkʋm.
\q1
\v 4 N hʋlɑ nyɑ́ kʋpɑmɑ kɛ yɑɑsi wei pɑ́ nɑwɑ,
\q1 ɩlɛ pɑ se kolontu nyəmɑ́ kʋtɔtɔnɑ tɔ.
\q1
\v 5 Hɑɩ, cɔ-tʋ nɑ ń kɔɔ tɑ́ wɑɑsʋɣʋ,
\q1 ɩlɛnɑ ń yɑ́ nyɑ́ kʋsɔɔllɑɑ tɑ́, nɑ nyɑ́ toŋ.
\b
\q1
\v 6 Ɩsɔ yɔɣɔtɑ ɩ təsɛɛlɛ nɑŋŋ nyəntɛ tɑɑ sɩ:
\q1 Mɑɑ tɔɣɔnɑ ɑkɑɩtʋ.
\q1 Mɑɑ tɑlɑ Sikɛm ɩcɑtɛ,
\q1 nɑ mɑ́ fɑɣɑ Sukɔtɩ tɛtɛkəlɛ kɛ hɔɣɔləŋ.
\q1
\v 7 Mɑ́ tənnɑ Kɑlɑɑtɩ nɑ Mɑnɑsee.
\q1 Ɩfəlɑyim kɛlɛ mɑ yoou kɑhukɑ.
\q1 Yutɑ kɛlɛ mɑ kɑwulɑɣɑ kpɑ́tʋɣʋ.
\q1
\v 8 Mowɑpʋ kɛlɛ tiyɑɣɑ ŋkɑ kɑ tɑɑ mɑ sɔɔ lʋm tɔ.
\q1 Mɑɑ ləsɩ Ɩtɔm tɔɔ kɛ́ ɑseetɑ
\q1 nɑ pə́ hʋlɩ sɩ mɑ́ tənnɑ-ɩ.
\q1 Mɑɑ yɑɣɑ yoou kɑkiisɑsɩ kɛ Filiisi nyə́mɑ tɔɔ.
\b
\q1
\v 9 Awe kɑ́ ponɑ-m Ɩtɔm nɑ ɩ́ cɛlɛ-m
\q1 pɑ koluŋɑ ɩcɑtɛ?
\q1
\v 10 Ye pə tɑɣɑ Ɩsɔ nyɑ́, ɑwe?
\q1 Pəyele nyɑ́ lɔ-tʋ, n fɛɩ tɑ́ yoolɑɑ wɑɑlɩ.
\q1
\v 11 Kɔɔ ń sənɑ-tʋɣʋ tɑ́ kolontu tɔm tɑɑ.
\q1 Mpi tɔ, yəlɑɑ wɑɑsʋɣʋ kɛ́ heelim kɛ yem kɛ́.
\q1
\v 12 Ye Ɩsɔ n wɛ tɑ́ wɑɑlɩ tə lɑkɩ ɑkɑnɑɑ kɛ́.
\q1 Nyɑɑ nɑŋtənɑ tɑ́ kolontunɑɑ.
\c 61
\s1 Mɑ sɔɔlɑ nyɑ́ təyɑɣɑ tɑɑ cɑɣɑlɛ kɛ tɑm tɔɔ
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ nɑ pɑ́ yooki-tɩ nɑ sɑŋkʋ tɔɣɔlɔ.
\b
\q1
\v 1 Hɑɩ, Ɩsɔ nɩɩ mɑ wulɑ,
\q1 nɑ ń ké ŋkpɑŋŋ nɑ mɑ kʋsələmʋtʋ.
\q1
\v 2 Ye pə kɔmɑ nɑ mɑ́ kpisi,
\q1 pɑɑ mɑ wɛ tɛtʋ tənɑɣɑ,
\q1 ɩsɩɩ mɑ yɑɑ-ŋ sɩ ń wɑɑsɩ-m.
\q1 Ponɑ-m təcɔɔsəlɛ nte mɑ kɑɑ pəsɩ nɑ mɑ́ tɑlɑ tɔ.
\b
\q1
\v 3 Mpi tɔ, nyɑɣɑlɛ mɑ kentulu,
\q1 nɑ mɑ koluŋɑ ɩcɑtɛ kɛ kolontu kiŋ.
\q1
\v 4 Nyɑ́ tɛɣɛ mɑ cɑɑ cɑɣɑʋ kɛ tɑm tɔɔ,
\q1 nɑ mɑ́ cɔɔsɩ nyɑ́ tɛɛ.
\b
\q1
\v 5 Mpi tɔ, hɑɩ, Ɩsɔ nyɑ́ nɩɩkənɑ mɑ koolee
\q1 nɑ ń hɑɑkɩ-m mpɑ pɑ nyɑŋnɑ-ŋ tɔ pɑ kpɑncoou.
\q1
\v 6 Kpɑɑsɩ wulɑʋ weesuɣu nɑ ɩsɔ,
\q1 nɑ ɩ́ pɩɩsɩ tɑɣɑlɩ nɑ pə́ polo lʋlʋŋ loosi loosi.
\q1
\v 7 Ɩ́ wɛɛ kɑwulɑɣɑ kumte tɔɔ kɛ́ tɑm tɔɔ,
\q1 nɑ nyɑ́ kʋpɑntʋ wɑɑsəɣɩ-ɩ.
\b
\q1
\v 8 Ɩlɛ mɑɑ pʋɣʋlɩ nyɑ́ hətɛ kɛ tɑm.
\q1 Nɑ mɑ́ lɑ́ ɩsɩɩ mɑɑ sɩɩʋ nɔɣɔ tɔɣɔ pɑɑ kʋyɑkʋ ŋku.
\c 62
\s1 Mɑɑ wɛɛ Ɩsɔ kɔŋkɔŋ tɑɑ təpɑmm
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ ɩsɩɩ Yetutuŋ kɛɛsʋɣʋ tɔɣɔlɔ.
\b
\q1
\v 1 Ɩsɔ kɛ́ mɑ pɛtɑ mɑ tɩ.
\q1 Ɩnɩ ɩ kiŋ kɛ mɑ nyʋɣʋ yɑpʋ lɩɩkənɑ.
\q1
\v 2 Ɩnəɣəlɛ mɑ kʋkpɑmʋɣʋ nɑ mɑ́ tʋɣʋ-ɩ kpʋlʋɣʋ
\q1 mɑ nyʋɣʋ yɑpʋ ntɛ́, nɑ mɑ koluŋɑ ɩcɑtɛ.
\q1 Pʋlʋpʋ ɩɩ cɛŋləɣɩ-m ɩ kiŋ.
\b
\q1
\v 3 Pəlee kɛ́ mə tənɑ ɩ́ kɑ́ yele kpɛntʋɣʋ
\q1 nɑ ɩ́ huliɣi yʋlʋ sɩ ɩ́ kʋɣʋ-ɩ?
\q1 Ɩsɩɩ koluŋɑ wɛɛlʋɣʋ tɔ,
\q1 yɑɑ kɑlɑɑ wei ɩ seliɣi tɔ?
\q1
\v 4 Ɩ́ kpɛntɑ nɔɣɔ sɩ ɩ́ tusɩ-ɩ ɩ təcɑɣɑlɛ sɔsɔɔlɛ tɑɑ.
\q1 Pɔpɔtʋ wɛ-mɛɣɛ teu kɛ́,
\q1 mə nɔɔsɩ kɛ ɩ́ kooliɣinɑ kʋpɑntʋ
\q1 nɑ mə lotu tɑɑ nɑ mpusi.
\q1
\v 5 Ɩsɔ kiŋ tike kɛ mɑɑ pɛɛkɩ hɛɛsʋɣʋ.
\q1 Mpi tɔ, ɩnɩ ɩ yekinɑ nɑ mɑ́ tɛɛləɣɩ.
\q1
\v 6 Ɩnəɣəlɛ mɑ kʋkpɑmʋɣʋ nɑ mɑ́ tʋɣɩ-ɩ kpʋlʋɣʋ.
\q1 Mɑ nyʋɣʋ yɑpʋ ntɛ́,
\q1 nɑ mɑ koluŋɑ ɩcɑtɛ.
\q1 Pʋlʋpʋ ɩɩ cɛŋləɣɩ-m ɩ kiŋ.
\q1
\v 7 Ɩsɔ yɑkənɑ mɑ nyʋɣʋ nɑ ɩ́ tʋɣʋ-m teeli.
\q1 Ɩnɩ ɩ kentiɣinɑ mɑ tɔɔ nɑ toŋ,
\q1 Ɩsɔ kɛlɛ mɑ kpʋlʋɣʋ tətʋlɛ.
\q1
\v 8 Hɑɩ, yəlɑɑ mɛ, ɩ́ pɛtɩ-ɩ mə təɣɩ pɑɑ wɑɑtʋ wei,
\q1 nɑ ɩ́ tʋlɩ-ɩ mə lotu,
\q1 Ɩsɔ kɛlɛ tɑ́ kpʋlʋɣʋ tətʋlɛ.
\b
\q1
\v 9 Tɑmpɑnɑ tɔɔ,
\q1 yəlɑɑ tɔm cɛkənɑʋ wɛ kɑtɛ kɛ́,
\q1 pɑ wɛ kɛ́ ɩsɩɩ ɩlɛɛməŋ.
\q1 Pɑ tənɑ pɑ fɛɩ yuŋ kɛ sɑnəyɑ tɔɔ.
\q1
\v 10 Ɩ tɑɑ hɑ mə təɣɩ mʋsʋŋ tɑɑ,
\q1 ɩ tɑɑ tɛɛlɩ wɛnɑʋ mpi pɑ lɛɛkənɑ tomɑ tɔ.
\q1 Pɑɑ wɛnɑʋ hukiɣi, ɩ tɑɑ cɛlɑ-wəɣɩ mə tɩ.
\b
\q1
\v 11 Ɩsɔ yɔɣɔtɑɑ nɑ ɩ́ lɛlɩ nɑ mɑ́ nɩɩ sɩ,
\q1 ɩnəɣəlɛ tomɑ tʋ.
\q1
\v 12 Tɑcɑɑ nyɑ́ tike ntɛ́ kʋpɑŋ
\q1 nɑ ń fɛləɣɩ pɑɑ wei ɩsɩɩ ɩ lɑpɑ tɔ.
\c 63
\s1 Ɩsɔ kʋpɑntʋ kəlɑ weesuɣu kɛ teu
\p Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔ.
\d Tə tɑɑ kɛ́ Tɑfiiti kɛɛsɑ ɩ cɑɣɑlɛ tɔm kɛ Yutɑ wulɑʋ tɛtʋ tɑɑ.
\b
\q1
\v 1 Hɑɩ, Ɩsɔ, nyɑɣɑlɛ mɑ Ɩsɔ,
\q1 mɑ pɛɛkəɣɩ-ŋ kɛ́,
\q1 mɑ ləsɑɣɑ nyɩɩləɣɩ-ŋ kɛ́,
\q1 nɑ mɑ́ tɛŋ tɑɑsɩ kɛ nyɑ́ tɔɔ kɛ́ wʋlɑɣɑ
\q1 tɛtʋ nti tə tɑɑ lʋm fɛɩ tɔ.
\q1
\v 2 Nyɑ́ təyɑɣɑ tɑɑ kɛ́ mɑ nyənɑ-ŋ teu
\q1 nɑ mɑ́ nɑ́ nyɑ́ toŋ nɑ nyɑ́ teeli.
\q1
\v 3 Mpi tɔ, nyɑ́ kʋpɑntʋ kəlɑ weesuɣu kɛ teu.
\q1 Mɑɑ kpɑɑlɩ nyɑ́ sɑmtʋ.
\q1
\v 4 Nyɑɣɑ mɑɑ sɛɛ mɑ weesuɣu tənɑ,
\q1 nɑ mɑ́ sələməɣənɑ nyɑ́ hətɛ.
\q1
\v 5 Mɑɑ hɑɣɑ kɛ́ ɩsɩɩ mɑ tɔɣɔ nim tɔɣɔnɑɣɑ kʋpɑŋkɑ.
\q1 Ɩlɛnɑ mɑ́ yoo-ŋ yontu nɑ lɑŋhʋlʋmlɛ.
\b
\q1
\v 6 Ye mɑ həntɑɑ, mɑ tɔɔsəɣɩ nyɑ́ tɔm kɛ́,
\q1 nɑ mɑ mɑɣɑsəɣɩ-təɣɩ mɑ tɑɑ kɛ́ ɑhoo tənɑ.
\q1
\v 7 Nyɑɣɑlɛ mɑ wɑɑsʋlʋ, mɑ lɑŋlɛ hɛɛnɑ
\q1 nyɑ́ keŋ ɩsotom tɑɑ cɑɣɑlɛ.
\q1
\v 8 Mɑ tɑmsənɑ-ŋ kɛ́ nɑ luɣu kʋlʋmʋɣʋ,
\q1 nyɑ́ toŋ wɑɑsəɣənɑ-m.
\b
\q1
\v 9 Mpɑ pɑ lʋkɩ mɑ weesuɣu ləsʋɣʋ tɔ,
\q1 pə́ wɑkəlɩ-wɛɣɛ lɔŋ nɑ pə́ sʋsɩ-wɛɣɛ tɛtʋ lumɑŋ tɑɑ.
\q1
\v 10 Pə́ kʋ-wɛɣɛ ɩsɑɣɑkʋɣʋ nɑ pə́ wɑɑsɩ tɑɑlɛ hɑsɩ.
\b
\q1
\v 11 Ɩlɛnɑ wulɑʋ nɑ́ɑ́ yɔɔləɣənɑ Ɩsɔ.
\q1 Wei ɩ kɑ tuunɑ Ɩsɔ hətɛ tɔ pʋntʋ kɑ́ sɑmɩ-ɩ kɛ́.
\q1 Mpi tɔ, pɩɩ təkɩ pɔpɔtʋnɑɑ nɔɔsɩ.
\c 64
\s1 Ɩsɔ kəlɑ nsəmɑ ɑsɑɣɛɛ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ nɩɩ mɑ nɔɣɔ kɛ wɑɑtʋ wei mɑ mɔləɣɩ tɔ.
\q1 Kenti-m kolontu wei ɩ nyɑɑsəɣɩ-m tɔ.
\q1
\v 2 Fiti-m ɩsɑɣɑtʋ nti ɑsɑɣɑɑ tɑɣɑnɑ mɑ tɔɔ tɔ,
\q1 nɑ ń hɑtələnɑ-m nti yəlɑɑ wɑkəllɑɑ mɑɣɑsəɣɩ mɑ tɔɔ tɔ.
\b
\q1
\v 3 Pɑ nɔɔsɩ nɑ lɔŋ kɛ́ ɩsɩɩ lɑɣɑtɛ nte pɑ sɑlɑɑ tɔ,
\q1 nɑ pɑ tɔm ɩsɑɣɑtʋ wɩɩkɩ ɩsɩɩ nyəmɑ́.
\q1
\v 4 Yəlɑɑ kʋpɑmɑ kɛ pɑ tɔɔkɩ pɑ nyəmɑ́ kɛ mukɑɣɑ.
\q1 Pɑɑ heeliɣi-wɛ nɑ pə́cɔ pɑ́ tɔ-wɛ,
\q1 pə́cɔ sɔɣɔntʋ fɛɩ-wɛ.
\q1
\v 5 Pɑ kɑɑsəɣɩ pɑ təɣɩ pɑ ɩsɑɣɑtʋ təmlɛ tɑɑ kɛ́,
\q1 nɑ pɑ́ mɑɣɑsəɣɩ ɩsənɑ pɑɑ nyɩ pɑ kɑtɔsɩ tɔ,
\q1 nɑ pɑ́ tɔŋ sɩ nɔɣɔlʋ kɑɑ nɑ-sɩ.
\q1
\v 6 Ɩsɑɣɑtʋ kɛ pɑ mɑɣɑsəɣɩ.
\q1 Nɑ pɑ́ tɔŋ sɩ tɑ́ sɔɔlʋ pɩɩwɑ.
\q1 Tə tʋwɑ mpi tɩɩ lɑ tɔ pə pəlɛ.
\q1 Yʋlʋ lotu wɛ lumɑŋ kɛ́.
\b
\q1
\v 7 Ɩlɛnɑ Ɩsɔ nɑ́ɑ́ tɔ-wɛɣɛ nyəmɑ́,
\q1 nɑ ɩ́ yɑɣɑ-wɛɣɛ kpɑkpɑɑ.
\q1
\v 8 Pɑ kʋyɔɣɔtʋtʋ hunɑ-wɛ,
\q1 pɑ tənɑ mpɑ pɑ nɑɑkɩ-wɛ tɔ
\q1 pɑ kpɛɛtəɣɩ nyɔɔŋ.
\q1
\v 9 Sɔɣɔntʋ kpɑ yəlɑɑ tənɑ
\q1 nɑ pɑ́ kpɑɑləɣɩ mpi Ɩsɔ lɑkɩ tɔ,
\q1 nɑ pɑ́ cɛkəɣənɑ ɩ kʋlɑpəlɛ hʋwɛɛ.
\q1
\v 10 Siɣisilu ɩ́ yɔɔlənɑ Tɑcɑɑ nɑ ɩ́ tʋɣɩ-ɩ kpʋlʋɣʋ.
\q1 Pɑ tənɑ mpɑ pɑ təŋəɣɩ tɑmpɑnɑ tɔ pɑ́ sɑ pɑ tɩ.
\c 65
\s1 Ɩsɔ mʋnɑɑ sɩ pɑ́ sɑmɩ-ɩ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ, tɩɩ sɑ-ŋ Siyɔŋ tɑɑ kɛ́ nɑ nɑɑni,
\q1 nɑ tə́ lɑ́ ɩsɩɩ tə sɩɩʋ tɑ́ nɔɔsɩ tɔ.
\q1
\v 2 Nyɑ́ nɩɩkənɑ sələməŋ.
\q1 Nyɑ́ cɔlɔɣɔ yəlɑɑ tənɑ kɑ́ kɔɔ.
\q1
\v 3 Tɑ́ kɑwɑlɑɣɑ tɛɛ-tʋɣʋ toŋ kɛ́.
\q1 Amɑ nyɑɑ hɩɩsənɑ-kɛ.
\q1
\v 4 Leleŋ nɩɩlʋ ntɛ́ wei n ləsɑɑ nɑ ń yɑɑ
\q1 sɩ ɩ́ cɑɣɑ nyɑ́ təyɑɣɑ tɑɑ kɛ́ nyɑ́ ɩsɛntɑɑ tɔ.
\q1 Tɩɩ tɔɣɔ nyɑ́ təyɑɣɑ nɑŋŋ nyəŋkɑ tɑɑ kʋpɑntʋ nɑ tə́ hɑɣɑ.
\q1
\v 5 Tɑ́ nyʋɣʋ yɑ́tʋ Ɩsɔ nyɑ́ kʋpɑntʋ tɔɔ kɛ́
\q1 n nɩɩkɩ tɑ́ kʋsələmʋtʋ,
\q1 nɑ ń lɑkɩ-tʋɣʋ kɔkɔlɔ nyəmnɑɑ.
\q1 Nyɑɣɑ tɛtʋ nɑ lʋm pə tənɑsɩ yəlɑɑ tɛɛləɣɩ.
\b
\q1
\v 6 Ɩsɔ nyɑ́ sɩɩnɑ pɔɔŋ nɑ nyɑ́ toŋ,
\q1 nɑ ń suu nyɑ́ təɣɩ tomɑ.
\q1
\v 7 Nɑ ń hɛɛsəɣɩ teŋku nɑ ɩ holɑ pɑ kɔkɔtɛ,
\q1 nɑ yəlɑɑ nyəntɛ tɔtɔ.
\q1
\v 8 Antulinyɑ tənɑsɩ tɔɔ nyə́mɑ nɑ́
\q1 nyɑ́ kɔkɔlɔ nyəm nɑ pɑ́ nəɣəsəɣɩ,
\q1 nɑ lɑŋhʋlʋmlɛ nɑ́ɑ́ kʋɣɩ ilim
\q1 tətʋlɛ nɑ pə təlɩɩlɛ nyə́mɑ.
\b
\q1
\v 9 N pɑɑsənɑ tɛtʋ nɑ ń yele nɑ tɛʋ nɩɩ-təɣɩ sɔsɔm,
\q1 nɑ ń kɑɑ-təɣɩ kʋpɑntʋ nɑ lʋm su Ɩsɔ lɔɔŋ.
\q1 Nɑ ń yele nɑ tɛtʋ wɛɛ mʋsʋŋ
\q1 kɛ teu nɑ tɔɣɔnɑɣɑ nɑ́ɑ́ lɑkɩ.
\q1
\v 10 N yɔɣɔləɣɩ lʋm kɛ ɑwɑsɑ nɑ ń yɔkəɣɩ tɑmpɑɣɑ,
\q1 n yeki nɑ tɛʋ nɩɩ nɑ pə́ hʋʋ,
\q1 nɑ ń kooli kʋpɑntʋ kɛ pə məhoo.
\q1
\v 11 N kʋsəɣɩ pənɑɣɑ nyʋɣʋ nɑ nyɑ́ kʋpɑntʋ,
\q1 nɑ kʋpɑntʋ kpeŋ nyɑ́ mpɑɑʋ tɑɑ.
\q1
\v 12 Tɛʋ nɩɩwɑ wʋlɑɣɑ tɛtʋ,
\q1 nɑ pulɑsɩ lɑŋɑ nɑ́ɑ́ hʋlʋmɩ.
\q1
\v 13 Kɑləkəŋ wɑɑsɑ tətɔɣɔlɛ,
\q1 nɑ kʋtɔɣɔʋ nɑ́ɑ́ nyɑlɑ tɛtɛkɑ tɑɑ.
\q1 Lɑŋhʋlʋmlɛ kɑkiisɑsɩ nɑ yontu nɩɩkɩ.
\c 66
\s1 Wɑɑsʋlʋ Ɩsɔ sɑmtʋ
\p
\v 1 Yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ tɔɣɔlɔ.
\b
\q1 Atɛ yəlɑɑ mɛ́,
\q1 mə́ tənɑ ɩ́ wiliti Ɩsɔ nɑ lɑŋhʋlʋmlɛ.
\q1
\v 2 Ɩ́ yoo ɩ hətɛ sɑmtʋ yontu,
\q1 nɑ ɩ́ tʋ-ɩ teeli nɑ mə́ sɑmtʋ.
\q1
\v 3 Ɩ́ heeli Ɩsɔ sɩ:
\q1 Nyɑ́ təmɑ kɛ sɔsɔɔnɑ.
\q1 Kolontunɑɑ nɑɑkɩ nyɑ́ toŋ sɔsɔɔŋ,
\q1 ɩlɛnɑ pɑ́ yeki kɑlɑmpɑɑnɩ.
\q1
\v 4 Tɛtʋ yəlɑɑ tənɑ həntɑ nyɑ́ nɔɔhɛɛ tɛɛ kɛ́,
\q1 nɑ pɑ́ yooki lɑŋhʋlʋmlɛ yontu nɑ pɑ́ sɑŋ nyɑ́ hətɛ.
\b
\q1
\v 5 Ɩ́ kɔɔ nɑ ɩ́ nɑ́ Ɩsɔ təmɑ,
\q1 ɩ lɑkɑsɩ kɛ sɔsɔɔnsɩ kɛ́.
\q1 Yəlɑɑ tɑɣɑ ɩ lɑkɩ-sɩ.
\q1
\v 6 Ɩsɔ yelɑɑ nɑ teŋku lʋm nyɔɔ,
\q1 nɑ pə́ yele tɛtʋ puɣulɑɣɑ nɑ yəlɑɑ tɔ nɔɔhɛɛ.
\q1 Tənɑɣɑ tɑ́ lɑŋɑ hɛɛnɑ-ɩ.
\q1
\v 7 Ɩsɔ tomɑ kɛ ɩ ŋmɑkələnɑ tɑm tɔɔ.
\q1 Nɑ ɩ́ feŋiɣi piitimnɑɑ nɑ ɩ ɩsɛ
\q1 sɩ tɔɔ kʋllɑɑ ɩ́ tɑɑ tɑsɑ ɩ tɔɔ kɛ́ kʋlʋɣʋ.
\b
\q1
\v 8 Yəlɑɑ mɛ́ ɩ́ sɑ tɑ́ Ɩsɔ,
\q1 ɩ́ sɑmɩ-ɩ nɑ mə́ nɔɔsɩ nɩɩ.
\q1
\v 9 Ɩsɔ hɑɑnɑ-tʋɣʋ weesuɣu,
\q1 nɑ ɩ́ kentiɣi tɑ́ tɔɔ sɩ pə́ tɑɑ co-tʋ.
\b
\q1
\v 10 Hɑɩ, Ɩsɔ, nyɑ́ mɑɣɑsənɑ-tʋ nɑ ń tɑɣɑnɩ-tʋ,
\q1 ɩsɩɩ pɑ wɔkʋɣʋ liɣitee nyəɣəlʋɣʋ sɩ kʋ té tɔ.
\q1
\v 11 Ɩsɔ n yelɑɑ nɑ wɑhɑlɑ mɑɣɑnɑ-tʋ,
\q1 nɑ ń yele nɑ lɑŋwɑkəllɛ kəlɩ-tʋ.
\q1
\v 12 Ɩsɔ yelɑɑ nɑ yəlɑɑ tɔɣɔ tɑ́ tɔɔ,
\q1 tə tɔmɑ kɔkɔ nɑ lʋm pə tɑɑ.
\q1 Ɩlɛnɑ Ɩsɔ ń ləsɩ-tʋ nɑ ń tɑnɑ-tʋɣʋ təpɑntɛ tɑɑ.
\b
\q1
\v 13 Mɑɑ sʋʋnɑ nyɑ́ təyɑɣɑ kɛ kɔtɑsɩ
\q1 nsi kɔkɔ lusɑ sɩ tənɑ tɔ,
\q1 nɑ mɑ́ lɑ́ nɔɔsɩ nsi mɑɑ sɩɩ-ŋ tɔ.
\q1
\v 14 Nsi mɑɑ kulɑ nɔɣɔ kɛ mɑ wɑhɑlɑ wɑɑtʋ nɑ mɑ́ sɩɩ tɔ.
\q1
\v 15 Mɑɑ lɑ-ŋ kɔtɑɣɑ ŋkɑ kɔkɔ lusɑ
\q1 kɑ tənɑ tɔɣɔ heeŋ nim nyəŋ,
\q1 nɑ ɩwɑɑŋ,
\q1 nɑ lɑtəcɛnɑɑ nɑ pəŋtʋlʋŋ.
\b
\q1
\v 16 Mə tənɑ mpɑ mɛ ɩ́ nyɑŋnɑ Tɑcɑɑ tɔ,
\q1 ɩ́ kɔɔ nɑ mɑ́ kɛɛsɩ-mɛɣɛ mpi Ɩsɔ lɑpɑ-m tɔ.
\q1
\v 17 Mɑ mɑpɑ kɑpukɑ nɑ Ɩsɔ tɔɔ nɑ mɑ nɔɣɔ,
\q1 nɑ mɑ́ sɑmɩ-ɩ nɑ mɑ nsəmlɛ.
\q1
\v 18 Ye mɑ tɑɑ kɑ wɛ ɩsɑɣɑtʋ
\q1 Ɩsɔ tɑɑ nɩɩnɑ-m.
\q1
\v 19 Amɑ Ɩsɔ nɩɩwɑ mɑ nɔɣɔ
\q1 nɑ ɩ́ ké ŋkpɑŋŋ nɑ ɩ́ nɩɩ mɑ wiinɑʋ.
\q1
\v 20 Ɩsɔ kɛlɛ sɔsɔ,
\q1 ɩ tɑ lɔ mɑ sələmʋɣʋ,
\q1 pəyele ɩ tɑ pɛ-m kʋpɑntʋ.
\c 67
\s1 Yəlɑɑ tənɑ ɩ́ sɑ Ɩsɔ
\p Yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ nɑ pɑ́ yookinɑ sɑŋkʋ tɔɣɔlɔ.
\b
\q1
\v 1 Hɑɩ, Ɩsɔ nyənɩ tɑ́ pətɔɔtəlɛ nɑ ń kooli-tʋɣʋ kʋpɑntʋ,
\q1 nyɑ́ ɩsɛntɑɑ teu ɩ́ nɑ́ tɑ́ tɔɔ.
\q1
\v 2 Ɩlɛnɑ pɑ́ nyɩ nyɑ́ mpɑɑŋ kɛ tɛtʋ tɑɑ,
\q1 nɑ pɑ́ hʋlɩ nyɑ́ nyʋɣʋ yɑpʋ tɔm kɛ piitimnɑɑ tənɑ.
\q1
\v 3 Hɑɩ, Ɩsɔ, yəlɑɑ ɩ́ sɑ-ŋ,
\q1 pɑ tənɑ pɑ́ tʋ-ŋ teeli.
\q1
\v 4 Piitimnɑɑ lɑŋɑ ɩ́ hʋlʋmɩ nɑ pɑ́ ŋmɑɑlɩ.
\q1 Mpi tɔ, siɣisuɣu kɛ n təŋəɣɩ nɑ ń hʋʋkənɑ yəlɑɑ,
\q1 nɑ ń tiikiɣi piitimnɑɑ kɛ tɛtʋ tɑɑ.
\q1
\v 5 Hɑɩ, Ɩsɔ, yəlɑɑ ɩ́ sɑ-ŋ,
\q1 pɑ tənɑ pɑ́ tʋ-ŋ teeli.
\b
\q1
\v 6 Tɛtʋ lʋlɑ tə kʋlʋlʋm.
\q1 Tɑ Ɩsɔ kooliɣi-tʋɣʋ kʋpɑntʋ kɛ́.
\q1
\v 7 Ɩsɔ kooliɣi-tʋɣʋ kʋpɑntʋ,
\q1 nɑ ɑntulinyɑ tənɑsɩ tənɑ yəlɑɑ nyɑŋnɑ-ŋ.
\c 68
\s1 Ɩsɔ ɑkɑɩtʋ yontu
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Ɩsɔ kʋlɩ nɑ nyɑ́ kolontunɑɑ yɑ yem.
\q1 Mpɑ pɑɑ cɑɑkɩ-ŋ tɔ, pɑ́ se nyɑ́ ɩsɛntɑɑ.
\q1
\v 2 Yele nɑ ɑsɑɣɑɑ mpɛ pɑ́ sɑɑlɩ yem kɛ
\q1 Ɩsɔ ɩsɛntɑɑ, ɩsɩɩ nyɔɔsɩ sɑlʋɣʋ tɔ,
\q1 yɑɑ ɩsɩɩ keetu hookuɣu kɔkɔ tɑɑ tɔ.
\q1
\v 3 Ɩlɛnɑ siɣisilɑɑ lɑŋɑ nɑ́ɑ́ hʋlʋmɩ nɑ pɑ́ ŋmɑɑlɩ.
\b
\q1
\v 4 Ɩ́ yoo Ɩsɔ kɛ́ yontu nɑ ɩ́ sɑ ɩ hətɛ,
\q1 ɩ́ hɛɛ-ɩ mpɑɑʋ, ɩnɩ ɩ fɑɣɑnɑ tɛtɛkɑ tɑɑ nɑ ɩ́ kɔŋ.
\q1 Ɩ hətɛ ntɛ́ Tɑcɑɑ, ɩ́ yɔɔlɩ ɩ ɩsɛntɑɑ.
\q1
\v 5 Ɩnəɣəlɛ suluwɑɑ cɑɑ, nɑ leelɑɑ pɑɑsənlʋ.
\q1 Ḿpʋɣʋ Ɩsɔ wɛ ɩ təcɑɣɑlɛ nɑŋŋ nyəntɛ tɑɑ tənɑ.
\q1
\v 6 Ɩ hɑɑkɩ kɑtɑyəlɑsɩ kɛ tɛɛsɩ,
\q1 nɑ ɩ́ yeki nɑ sɑləkɑtʋnɑɑ hɛɛsəɣɩ.
\q1 Asɑɣɑɑ tike kɛ ɩ yeki wʋlɑɣɑ tɑɑ.
\b
\q1
\v 7 Hɑɩ, Ɩsɔ, wɑɑtʋ wei n lɩɩ nyɑ́ yəlɑɑ nɔɣɔ tɔɔ tɔ,
\q1 wɑɑtʋ wei n tɛɛ pɑ lɔlɔ kɛ wʋlɑɣɑ tɛtʋ tɑɑ tɔ,
\q1
\v 8 tɛtʋ selɑɑ kɛ́, nɑ ɩsɔtɔnʋɣʋ pəsɩ lʋm.
\q1 Sinɑyi pʋɣʋ selɑ Ɩsɛɣɛlɩ Ɩsɔ nyɑ́, nyɑ́ ɩsɛntɑɑ.
\q1
\v 9 Hɑɩ, Ɩsɔ, n yelɑɑ nɑ tɛʋ kʋpɑŋkʋ nɩɩ,
\q1 nɑ ń məŋnɑ nyɑ́ kpɑncoou ŋku kɩɩ tɛmɑ tɔ.
\q1
\v 10 Hɑɩ, Ɩsɔ, nyɑ́ yəlɑɑ lɑpɑ pɑ təcɑɣɑlɛ kɛ tɛtʋ tɑɑ.
\q1 Lonte ntɛɣɛ n tɑɣɑnɑ wɑhɑlɑ nyə́mɑ kɛ nyɑ́ kʋpɑntʋ tɔɔ.
\b
\q1
\v 11 Tɔmʋɣʋ kɛ Tɑcɑɑ yɔɣɔtɑɑ.
\q1 Tɔm kʋpɑntʋ kɔntɑɑ nɑ́ kɛ́ kpekəle sɔsɔɔlɛ.
\q1
\v 12 Kolontunɑɑ ɑwulɑɑ kpekəle tʋ cɑsəlɛ.
\q1 Ɩlɛnɑ ɑlɑɑ mpɑ pɑ wɛ təyɑɣɑ tɔ pɑ́ tɑlɑ wontu kukukuutu.
\q1
\v 13 Ɩ́ kɑ́ həntɩ mə cɑcɑkəŋ tɛɛ nɑ ɩ́ hɛɛsəɣɩ,
\q1 nɑ liɣitee wɑɑsɑ ɑlukuku keŋ tɔɔ,
\q1 nɑ wʋlɑ kʋpɑŋ wɑɑsɑ ɩ hʋntʋ tɔɔ*fɑ*? \f ɑ \fr 68:14 \fr*\ft Looŋɑ kɑnɛ kɑ nɩɩʋ wɛ kɑtɛ. Ɩlɛ lɛlɑɑ hʋʋkɩ sɩ Ɩsɛɣɛlɩ nyə́mɑ ɩlɛ, ɑlukuku kɛlɛ Ɩsɛɣɛlɩ nɑ wʋlɑ nɑ liɣitee nnɑ ɑ tee kɔkɔ kɛ mpʋ tɔ, ɑ hʋləɣɩ pɑ ɑkɑɩtʋ. Wɛnɑʋ ŋku yoolɑɑ kuuki təyoole tɑɑ tɔ.\ft*\f*
\q1
\v 14 Wɑɑtʋ wei Tomɑ tənɑ tʋ yɑsɑ ɑwulɑɑ kɛ tɛtʋ tɑɑ tɔ,
\q1 tɛtʋ hʋlʋmɑɑ kɛ ɩsɩɩ kponkpontu.
\b
\q1
\v 15 Hɑɩ, Pɑsɑŋ pʋɣʋ kɛ́ Ɩsɔ nyəŋkʋ kɛ́,
\q1 nɑ kʋ hɛlɑ tɔm pɑɣɑlɛ.
\q1
\v 16 Pepe tɔɔ kɛ́ pʋɣʋ kʋhɛlʋɣʋ lɑkɩ ɩsɛsɛɛmlɛ,
\q1 kɛ ŋku Ɩsɔ ləsɑɑ sɩ ɩ kɑ cɑɣɑ tɑm tɔɔ tɔ?
\q1 Tənɑɣɑ Tɑcɑɑ kɑ́ cɑɣɑ hɑlənɑ tənɑɣɑ.
\b
\q1
\v 17 Ɩsɔ wɛnɑ yoou kɛɛkɛnɑɑ kɛ iyisi iyisi kɛ́,
\q1 Tɑcɑɑ wɛ pɑ hɛkʋ, nɑ Sinɑyi nɑ́ɑ́ wɛ Ɩsɔ təsɛɛlɛ tɑɑ.
\q1
\v 18 N kpɛŋnɑ yəlɑɑ mpɑ pɑ kpɑwɑ tɔ nɑ ń kpɑɑnɑ,
\q1 yəlɑɑ kɛ pɑ lɑpɑ-ŋ kʋcɔɔʋ*fɑ*.
\q1 Tɔɔ kʋllɑɑ mɑɣɑmɑɣɑ kɑ́ cɑɣɑ nyɑ́ kiŋ. \f ɑ \fr 68:19 \fr*\fk kʋcɔɔʋ: \fk*\ft Lɛlɑɑ nɑ́ hʋʋkɩ sɩ pə hʋwɛɛ ntɛ́ sɩ pɑ hɑ Ɩsɔ kɛ́ kʋcɔɔŋ. Looŋɑ kɑnɛ kɑ hʋwɛɛ wɛ kɑtɛ.\ft*\f*
\b
\q1
\v 19 Tɑcɑɑ kɛlɛ sɔsɔ kɛ pɑɑ kʋyɑkʋ ŋku,
\q1 ɩnɩ ɩ pɑɑsəɣənɑnɑ tʋ nɑ ɩ́ wɑɑsəɣɩ-tʋɣʋ
\q1 sɑɑ wei pɑ ŋmɑkələɣɩ-tʋ tɔ.
\q1
\v 20 Ɩsɔ kɛ́ wei ɩ wɑɑsəɣɩ-tʋ tɔɣɔ.
\q1 Tɑcɑɑ Ɩsɔ ɩnɩ ɩ wɛnnɑ tomɑ sɩ ɩ́ fiti-tʋɣʋ səm tɑɑ.
\q1
\v 21 Amɑ Tɑcɑɑ kɑ́ yɔkɩ ɩ kolontunɑɑ nyɔɔŋ,
\q1 ɩ kɑ́ yɔkɩ mpɑ pɑ wɛ ɩsɑɣɑtʋ tɑɑ tɔ pɑ nyʋmpɔɣɔlɑsɩ.
\b
\q1
\v 22 Tɑcɑɑ yɔɣɔtɑɑ sɩ: Mɑɑ ləsɩ
\q1 mɑ kolontunɑɑ kɛ Pɑsɑŋ pʋɣʋ tɑɑ nɑ mɑ́ kɔnɑ.
\q1 Mɑɑ ləsɩ-wɛɣɛ teŋku lʋm tɛɛ nɑ mɑ́ kɔnɑ.
\q1
\v 23 Nɑ ń fɛlɩ pɑ cɑləm tɑɑ kɛ́ nɔɔhɛɛ,
\q1 nɑ nyɑ́ hɑsɩ tɔɣɔ-wɛ.
\q1
\v 24 Hɑɩ, mɑ Ɩsɔ, mɑ wulɑʋ,
\q1 pɑ nɑwɑ nyɑ́ cɑŋɑ kɛ nyɑ́ təyɑɣɑ tɑɑ.
\q1
\v 25 Yonyoolɑɑ ntɛ́ nɔɣɔ tɔɔ,
\q1 pɑ wɑɑləɣɩ wontu mɑtɑɑ,
\q1 hɛkʋ tɑɑ kɛ́ ɑlʋpiyɑ mpɑ pɑ mɑkɩ ɑkilimisi tɔ.
\q1
\v 26 Ɩ sɑ Ɩsɔ kɛ́ təkotilenɑɑ tɑɑ.
\q1 Ɩsɛɣɛlɩ lʋlʋŋ nyə́mɑ mɛ ɩ́ sɑ Tɑcɑɑ.
\q1
\v 27 Mə tənʋɣʋ Pɛncɑmɛɛ kpekəle ntɛ́ mə nɔɣɔ tʋ,
\q1 nɑ pə́ kɑɑsɩ Yutɑ nɑ Sɑpulɔŋ nɑ Nɛfətɑli pə ɑwulumpiyɑ.
\q1
\v 28 Mə Ɩsɔ cɑɑ kɛ́ sɩ ɩ́ wɛɛ toŋ.
\q1 Hɑɩ, Ɩsɔ, sɔɔsɩ toŋ kɛ mpi n lɑpɑ-tʋ tɔ.
\q1
\v 29 Nyɑ́ təsɛɛlɛ tɑɑ kɛ́ n wɛɛ,
\q1 nɑ ń tɔkɩ kɑwulɑɣɑ kɛ Yosɑlɛm tɔɔ.
\q1 Awulɑɑ kɑ́ kɔnɑ-ŋ kʋcɔɔŋ.
\q1
\v 30 Nyɑɑsɩ Icipiti wei ɩ kɛ́ səsəncɑɑsɩ tɛɛ wontuɣu tɔ.
\q1 Ɩ wɛ kɛ́ ɩsɩɩ lɑtəcɛnɑɑ kɑləkʋ nɑ ɩ́ ŋmɑkələɣɩ yəlɑɑ.
\q1 Ɩ pɑsɑ ɩ tɩ nɑ ɩ́ hɑɑkɩ-ŋ liɣitee nyəɣətʋ.
\b
\q1
\v 31 Sɔsɑɑ kɑ́ lɩɩnɑ Icipiti nɑ pɑ́ kɔɔ.
\q1 Ɩtiyopii nyə́mɑ nɑ́ kɔŋ nɑ pɑ́ tɛkəɣɩ Ɩsɔ kɛ́ niŋ.
\q1
\v 32 Atɛ kɑwulɑsɩ mɛ ɩ́ yoo Ɩsɔ kɛ́ yontu.
\q1 Ɩ́ sɑ Tɑcɑɑ.
\q1
\v 33 Ɩ́ yoo yontu kɛ wei ɩ wɛ ɩsɔŋmʋntʋ
\q1 tɑm tɔɔ nyəntʋ tɔɔ nɑ ɩ́ kɔŋ tɔ.
\q1 Ɩ yɔɣɔtəɣənɑ ntɛ́ nɑ toŋ.
\q1
\v 34 Ɩ́ nyɩ Tɑcɑɑ toŋ.
\q1 Ɩ sɔsɔɔntʋ wɛ Ɩsɛɣɛlɩ tɔɔ kɛ́,
\q1 nɑ ɩ toŋ wɛ ɩsɔtɑɑ.
\b
\q1
\v 35 Hɑɩ, Ɩsɔ, pɑ nyɑŋnɑ-ŋ nyɑ́ təyɑɣɑ tɑɑ kɛ́.
\q1 Ɩsɛɣɛlɩ nyə́mɑ Ɩsɔ hɑɑkɩ ɩ yəlɑɑ kɛ toŋ nɑ pəsʋɣʋ.
\q1 Ɩsɔ kɛlɛ teeli tʋ.
\c 69
\s1 Sɔɔlʋɣʋ ŋku mɑ sɔɔlənɑ Ɩsɔ təsɛɛlɛ tɔ
\p Tɑfiiti yontu nti tə wɛ yonyoolɑɑ nyʋɣʋ tʋ
\d yontunɑɑ tɑɑ nɑ pɑ yookinɑ cəmʋɣʋ*fɑ* tɔɣɔlɔ. \f ɑ \fr 69:1 \fr*\fk cəmʋɣʋ: \fk*\ft Lɛlɑɑ hʋʋkɩ sɩ pɑ yoonɑ yontu luɣu ŋku pɑ yɑɑ sɩ hɛtʋɣʋ tɔ.\ft*\f*
\b
\q1
\v 1 Hɑɩ, Ɩsɔ, wɑɑsɩ-m,
\q1 lʋm sɩɩnɑ mɑ luɣu tɛɛ kɛ́.
\q1
\v 2 Pə tisɑ-m kɑtɑntɑmɑɣɑ tɑɑ kɛ́, pɩɩ səŋəɣɩ.
\q1 Mɑ hotɑ lʋm lumɑŋ tɑɑ kɛ́ nɑ pə holɑ tɛɛkənɑ-m.
\q1
\v 3 Mɑ kiisɑɑ nɑ mɑ luɣu tɛɛ wʋlɩ, nɑ mɑ́ kɑ́.
\q1 Mɑ tekɑ mɑ Ɩsɔ nɑ mɑ ɩsɛ cɑŋ ɑ pɔɣɔlʋŋ tɑɑ.
\q1
\v 4 Mpɑ pɑ tɑɑ kpɑɑnɑ-m mʋsʋŋ tɔ pɑ kəlɑ
\q1 mɑ nyʋɣʋ tɑɑ nyɔɔsɩ kɛ pɑɣɑlɛ.
\q1 Mpɑ pɑ cɑɑ sɩ mɑ́ lɑ yem tɔ pɑ kɛ́ toŋtʋnɑɑ kɛ́,
\q1 mɑ kolontunɑɑ mpɛ pɑ fɛɩnɑ tɑmpɑnɑ.
\q1 Mpi mɑ tɑ kpɑɣɑ tɔ mpəɣɩ pə wɛɛ sɩ mɑ́ məŋnɑ.
\b
\q1
\v 5 Hɑɩ, Ɩsɔ, n nyəmɑ́ mɑ kʋmɛlɛntʋ,
\q1 nɑ mɑ kʋlɑpəlɛ ɩsɑɣɑlɛ fɛɩ-ŋ ŋmɛsɑɣɑ.
\b
\q1
\v 6 Mɑ tɔm ɩ́ tɑɑ kpɑ mpɑ pɑ tʋ-ŋ nɑɑni tɔɣɔ fɛɛlɛ.
\q1 Hɑɩ, Ɩsɛɣɛlɩ nyə́mɑ Ɩsɔ Tɑcɑɑ,
\q1 mɑ tɔm ɩ́ tɑɑ liɣiti mpɑ pɑ pɛɛkəɣɩ-ŋ tɔ.
\q1
\v 7 Mpi tɔ, nyɑ́ tɔɔ kɛ́ pɑ tʋʋkɩ-m,
\q1 nɑ fɛɛlɛ wɛ mɑ ɩsɛntɑɑ.
\q1
\v 8 Mɑ pəsɑ ɩsɩɩ mʋʋlʋ kɛ mɑ newɑɑ,
\q1 yɑɑ kpɑɩtʋ kɛ mɑ təyɑɣɑ nyə́mɑ.
\q1
\v 9 Mpi tɔ, mɑ ɩsəlɛ sɛɛnɑ nyɑ́ təyɑɣɑ
\q1 təmlɛ kɛ́ ɩsɩɩ yem nɑ kpɛtɛ.
\q1 Nɑ nyɑ́ kʋtʋɣʋ pəsɩ mɑ nyəŋkʋ.
\q1
\v 10 Mɑ ɩsəlʋm lukiɣi yem kɛ́ nɑ mɑ́ hɔkəɣɩ nɔɣɔ,
\q1 pɑɑ nɑ mpʋ kʋtʋɣʋ kɛ pə kɔŋnɑ-m.
\q1
\v 11 Pɑɑ mɑ suu ləyɑɣɑ wontu,
\q1 mɑ pəsɑ wei pɑ tuliɣi ntompee tɔɣɔ.
\q1
\v 12 Mɑ tɔm kɛ pɑ yɔɣɔtəɣɩ kʋyɛɛŋ tɑɑ,
\q1 nɑ sʋlʋnyɔɔlɑɑ nɑ́ɑ́ yooki-təɣɩ yontu.
\b
\q1
\v 13 Hɑɩ, Tɑcɑɑ, nyɑɣɑ mɑ tekiɣi mɑ sələmʋɣʋ tɑɑ,
\q1 hʋlʋ-m suulu nɑ ń mʋ.
\q1 Cɔ-m nyɑ́ kʋpɑntʋ tɔɔ, nɑ ń yɑ mɑ nyʋɣʋ.
\q1 Mpi tɔ, nyɑ́ nyʋɣʋ yɑpʋ wɛ nɑɑni kɛ́.
\q1
\v 14 Kpɛɛ-m ɑfəlɑ tɑɑ, ɑ́ tɑɑ tɑsɑ-m lipu.
\q1 Yɑ-m lʋm lumɑŋ sɔsɔɔŋ nɑ mɑ kolontunɑɑ
\q1 mpɑ pɑɑ cɑɑ-m tɔ pɑ niŋ tɑɑ.
\q1
\v 15 Lʋm holɑ ɩ́ tɑɑ tɛɛnɑ-m,
\q1 pə́cɔ lʋhəyɑɣɑ ɩ́ tɑɑ li-m.
\q1 Tɑɑ yele nɑ pəlɑɑʋ suli mɑ tɔɔ.
\q1
\v 16 Tɑcɑɑ, cɔ-m, mpi tɔ, nyɑ́ kʋpɑntʋ tɔɔwɑ sɔsɔm kɛ́.
\q1 Kɛɛsɩ nyɑ́ ɩsɛ nɑ mɑ tɔɔ kɛ́ nyɑ́ suulu sɔsɔ tɔɔ.
\q1
\v 17 Tɑɑ kisi nyənʋɣʋ nɑ nyɑ́ təmlɛ tʋ mɑ́ mɑ tɔɔ.
\q1 Hɑɩ, cɔ-m lɔŋ, mɑ wɛ lɑŋwɑkəllɛ tɑɑ kɛ́.
\q1
\v 18 Kpətənɑ-m, wɑɑsɩ-m,
\q1 yɑ-m mɑ kolontunɑɑ tɔɔ.
\b
\q1
\v 19 N nyəmɑ́ mɑ fɛɛlɛ nɑ ɩsənɑ pə pɑsɑ-m tɔ.
\q1 N nɑɑkɩ mɑ kolontunɑɑ tənɑɣɑ.
\q1
\v 20 Kʋtʋɣʋ wɑkəlɑ mɑ lɑŋlɛ kɛ́ nɑ pə́ tʋ-m kʋtɔŋ.
\q1 Mɑ tɑŋɑɑ sɩ pɑ́ nyənɩ mɑ pətɔɔtəlɛ
\q1 yɑɑ pɑ́ puɣusi-m mɑ tɑ nɑ.
\q1
\v 21 Pɑ sitiɣi sɔtʋ kɛ mɑ tɔɣɔnɑɣɑ tɑɑ.
\q1 Nɑ pɑ́ hɑɑkɩ-m lʋm kʋnyəŋəm sɩ mɑ́ nyɔɔ nɑ mɑ lʋkɔtʋ sɩ́.
\b
\q1
\v 22 Pɑ ɑcimɑ nɑ pɑ kɔtɑsɩ tɔɣɔnɑɣɑ ɩ́ pəsɩ-wɛɣɛ
\q1 kɑtɔkɑ ŋkɑ kɑɑ kpɑ-wɛ tɔ.
\q1
\v 23 Pɑ ɩsɛntɔɔ ɩ́ nyɑlɑ təkpɑm nɑ pɑ́ tɑɑ tɑsɑ nɑʋ,
\q1 pɑ sɑləməɣənɑ wɑhɑlɑ kɛ tɑm.
\q1
\v 24 Mʋ-wɛ nɑ nyɑ́ pɑ́ɑ́nɑ́ sɔsɔɔnɑ nɑ ɑ kɔkɔ tɑlɑ-wɛ.
\q1
\v 25 Pə́ kpiisi pɑ təcɑɣɑlɛ.
\q1 Nɔɣɔlʋ ɩ́ tɑɑ wɛɛ pɑ tɛɛsɩ tɑɑ.
\q1
\v 26 Wei ɩ ŋkpɑŋʋɣʋ n hɔmɑ tɔɣɔ mpɛ pɑ tʋ kʋnyɔŋ,
\q1 nɑ pɑ́ yɔɣɔtəɣɩ mpɑ Ɩsɔ nyɑ́ n kɑ tʋwɑ kʋnyɔŋ tɔ pɑ wɑhɑlɑ tɔm.
\q1
\v 27 Lɛɛtɩ-wɛɣɛ pɑ ɩsɑɣɑtʋ,
\q1 tɑɑ hʋlɩ-wɛɣɛ nyɑ́ suulu.
\q1
\v 28 Pə́ hɩɩsɩ pɑ həlɑ kɛ weesuɣu tɑkəlɑɣɑ tɑɑ,
\q1 pɑ́ tɑɑ ŋmɑɑ pɑ həlɑ kɛ siɣisilɑɑ nyənɑ tɑɑ.
\b
\q1
\v 29 Mɑ kɛ́ kʋnyɔntʋ kɛ́ nɑ mɑ́ tɔkɩ wɑhɑlɑ.
\q1 Hɑɩ, Ɩsɔ nyɑ́ yɑpʋ kɑ́ kenti mɑ tɔɔ.
\q1
\v 30 Hɑɩ, Ɩsɔ, mɑɑ sɑ nyɑ́ hətɛ nɑ yontu,
\q1 nɑ mɑ́ pʋɣʋlɩ nyɑ́ sɔsɔɔntʋ kɛ mɑ sɑmtʋ tɑɑ.
\q1
\v 31 Tɑcɑɑ pəlɛ pə kəlɑ-ŋ teu kɛ mɑ hɑ-ŋ nɑʋ,
\q1 yɑɑ lɑtəcɛ ɑlɑɑfəyɑ nyəŋ.
\q1
\v 32 Mpɑ pɑ pɑsəɣɩ pɑ tɩ tɔ,
\q1 pɑɑ nɑ́ mɑ yɑpʋ nɑ pɑ lɑŋɑ hʋlʋmɩ.
\q1 Ɩsɔ wɑɑsʋɣʋ pɛɛkəlɑɑ mɛ,
\q1 mə weesuɣu ɩ́ tɑɣɑlɩ.
\q1
\v 33 Mpi tɔ, Tɑcɑɑ nɩɩkɩ kʋnyɔntʋnɑɑ nɔɔsɩ kɛ́.
\q1 Ɩɩ lɑkɩ ɑwusɑ kɛ ɩ yəlɑɑ kʋpɑmɑ mpɑ pɑ wɛ sɑləkɑ tɑɑ tɔ.
\q1
\v 34 Ɩsɔtɑɑ nɑ ɑtɛ ɩ́ sɑmɩ-ɩ,
\q1 nɑ teŋkunɑɑ nɑ pə tɑɑ nyəmnɑɑ pʋɣʋlɩ-ɩ.
\q1
\v 35 Tɑcɑɑ kɑ wɑɑsɩ Siyɔŋ ɩcɑtɛ,
\q1 nɑ ɩ́ tɑɣɑnɩ Yutɑ ɑcɑlɛɛ kɛ ŋmɑʋ,
\q1 ɩ yəlɑɑ kɑ́ mʋ-yɛ nɑ ɑ́ pəsɩ pɑ nyənɑ.
\q1
\v 36 A kɑ pəsɩ ɩ təmlɛ nyə́mɑ piyɑ kpɑncoou,
\q1 nɑ mpɑ pɑ sɔɔlɑ ɩ hətɛ tɔ pɑ cɑɣɑ ɑ tɑɑ.
\c 70
\s1 Tɑcɑɑ kɔɔ lɔŋ
\r (Yontu 40:14-18)
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ nɑ pɑ́ tɔɔsəɣənɑ Ɩsɔ tɔɔ tɔɣɔlɔ.
\b
\q1
\v 1 Hɑɩ, Ɩsɔ, kɔɔ nɑ ń hɛtɩ-m.
\q1 Tɑcɑɑ kɔɔ lɔŋ nɑ ń wɑɑsɩ-m.
\q1
\v 2 Mpɑ pɑ cɑɑ mɑ səm tɔ fɛɛlɛ ɩ́ pɩɩ-wɛ nɑ pə́ liɣiti-wɛ.
\q1 Mpɑ ɩnɩ pɑ lɑŋlɛ hɛɛnɑ mɑ kʋnyɔŋ tɔ
\q1 pɑ́ kɑ nyɔɔŋ nɑ pɑ́ məŋnɑ wɑɑlɩ.
\q1
\v 3 Mpɑ pɑ lɑkɑɣɑ-m ɑnyɑŋkɑ tɔ
\q1 fɛɛlɛ ɩ́ pɩɩ-wɛ nɑ pɑ́ se.
\q1
\v 4 Mpɑ pɛlɛ pɑ pɛɛkəɣɩ Ɩsɔ nyɑ́ tɔ,
\q1 pə́ cɑɣɑnɑ-wɛ nɑ pɑ lɑŋɑ hʋlʋmɩ.
\q1 Nɑ mpɑ pɛlɛ pɑ sɔɔlɑ nyɑ́ nyʋɣʋ yɑpʋ tɔ,
\q1 pɑ yɔɣɔtəɣɩ tɑm sɩ Tɑcɑɑ kɛlɛ sɔsɔ.
\q1
\v 5 Mɑ kɛ́ kʋnyɔntʋ kɛ́ nɑ mɑ́ wɛ ɑtɛ.
\q1 Hɑɩ, mɑ Ɩsɔ, kɔɔ mɑ wɑɑsʋɣʋ kɛ lɔŋ.
\q1 Nyɑɣɑlɛ mɑ wɑɑsʋlʋ nɑ mɑ hɛtʋlʋ.
\q1 Tɑcɑɑ tɑɑ leeli.
\c 71
\s1 Tɑcɑɑ, tɑɑ lɔ-m, nɔɔnɔɔ mɑ kpɑtəlɑɑ kɛ́
\p
\v 1 Tɑcɑɑ, nyɑɣɑ mɑ tʋɣɩ kpʋlʋɣʋ,
\q1 tɑɑ yele nɑ mɑ lɑŋlɛ wɑkəlɩ.
\b
\q1
\v 2 Wɑɑsɩ-m nɑ ń yɑ-m nyɑ́ siɣisuɣu tɔɔ,
\q1 ke nyɑ́ ŋkpɑŋʋɣʋ nɑ mɑ tɔɔ nɑ ń sənɑ-m.
\q1
\v 3 Nyɑɣɑlɛ mɑ kʋkpɑmʋɣʋ ŋku mɑ cɔɔsəɣənɑ
\q1 nɑ mɑ tʋɣɩ kpʋlʋɣʋ kɛ tɑm tɔ.
\q1 Nyɑɣɑlɛ mɑ kʋkpɑmʋɣʋ, nɑ mɑ koluŋɑ ɩcɑtɛ.
\q1
\v 4 Mɑ Ɩsɔ fiti-m ɩsɑɣɑʋ niŋ tɑɑ,
\q1 fiti-m wei ɩɩ təŋəɣɩ tɑmpɑnɑ
\q1 nɑ ɩ́ kɛ́ nyəməŋ tʋ tɔ ɩ niŋ tɑɑ.
\q1
\v 5 Tɑcɑɑ Ɩsɔ, nyɑɣɑ mɑ tɛɛləɣɩ,
\q1 nyɑɣɑ mɑ pɛtɑ mɑ təɣɩ hɑtoo mɑ pəcɑɑtʋ.
\q1
\v 6 Hɑtoo mɑ too lotu tɑɑ nyɑɣɑ mɑ tekiɣi,
\q1 nyɑ́ ləsənɑ-m mɑ too tɑɑ,
\q1 nyɑɣɑ mɑ sɑŋ tɑm.
\q1
\v 7 Mɑ kɛ́ kɔkɔlɔ nyəm kɛ yəlɑɑ pɑɣɑlɛ kɛ́.
\q1 Nyɑɣɑlɛ mɑ kpʋlʋɣʋ tətʋlɛ toŋ nyəntɛ.
\q1
\v 8 Nyɑ́ sɑmtʋ yontu tike ɩ́ wɛɛ mɑ nɔɣɔ tɑɑ.
\q1 Pə wɛɛ sɩ mɑ yɔɣɔtəɣɩ nyɑ́ teeli tɔm kɛ pɑɑ ɩfemle nte.
\b
\q1
\v 9 Tɑɑ lɔ-m, nɔɔnɔɔ mɑ kpɑtəlɑɑ kɛ́.
\q1 Wɑɑtʋ wei mɑ tomɑ pɑsəɣɩ tɔ tɑɑ lɔ-m.
\q1
\v 10 Mɑ kolontunɑɑ yɔɣɔtəɣɩ mɑ tɔm kɛ́.
\q1 Mpɑ pɑ cɛŋəɣɩ mɑ weesuɣu tɔ pɑ lɑkɩ təmɑɣɑ sɑɑwɑlɑ sɩ:
\q1
\v 11 Ɩsɔ lɔ-ŋ kɛ́, tə təŋɩ-ŋ nɑ tə kpɑ-ŋ.
\q1 Mɑ fɛɩnɑ nɔɣɔlʋ sɩ ɩ́ lɛɛkɩ-m pɑ niŋ tɑɑ.
\q1
\v 12 Hɑɩ, Ɩsɔ, tɑɑ hɑtələnɑ-m.
\q1 Mɑ Ɩsɔ kɔɔ lɔŋ nɑ ń wɑɑsɩ-m.
\q1
\v 13 Pɑ tənɑ mpɑ pɑ suuki-m tɔm tɔ,
\q1 pə́ liɣiti-wɛ nɑ pɑ́ sɑɑlɩ yem,
\q1 nɑ fɛɛlɛ tɔɣɔ mpɑ pɑ cɑɑ mɑ lepu tɔ.
\q1
\v 14 Ɩlɛ mɑɑ tɛɛləɣɩ tɑm,
\q1 nɑ mɑ́ sɑŋɩ-ŋ nɑ mɑ́ lɛləɣɩ.
\q1
\v 15 Nɑ mɑ nɔɣɔ yɔɣɔtəɣɩ nyɑ́ siɣisuɣu
\q1 nɑ nyɑ́ nyʋɣʋ yɑpʋ tɔm kɛ pɑɑ kʋyɑkʋ ŋku.
\q1 Mpi tɔ, mɑ tɑ nyɩ pə tənɑsɩ.
\q1
\v 16 Mɑɑ yɔɣɔtɩ nyɑ́ təmɑ sɔsɔɔnɑ tɔm Tɑcɑɑ Ɩsɔ,
\q1 nɑ mɑ́ tɔɔsɩ nyɑ́ siɣisuɣu tike tɔm.
\b
\q1
\v 17 Hɑɩ, Ɩsɔ, hɑtoo mɑ pəcɑɑtʋ kɛ n sɛɣɛsɑ-m,
\q1 hɑlənɑ sɑŋɑ nyɑ́ teu tɔm kɛ mɑ kpɑɑləɣɩ.
\q1
\v 18 Pɑɑ mɑ kpɑtəlɑɑ təkuŋkuŋku,
\q1 mɑ Ɩsɔ tɑɑ lɔ-m.
\q1 Ɩlɛ mɑɑ kpɑɑlɩ kʋfɑlɑŋ yəlɑɑ kɛ nyɑ́ tɔm
\q1 nɑ mɑ́ heeli cele piyɑ kɛ nyɑ́ toŋ tɔm.
\q1
\v 19 Hɑɩ, Ɩsɔ, nyɑ́ siɣisuɣu fɛɩ tənɑɣɑ.
\q1 Pə́cɔ n lɑpɑ kɔkɔlɔ nyəmnɑɑ,
\q1 nɔɣɔlʋ tɑ nəɣəsənɑ-ŋ.
\q1
\v 20 N yelɑɑ nɑ tə́ nɑ́ wɑhɑlɑnɑɑ nɑ
\q1 lɑŋwɑkəllɛ kɛ kɑtɑtəlɑɣɑ,
\q1 n kɑ́ yele nɑ mɑ́ wɛɛnɑ weesuɣu,
\q1 nɑ ń ləsɩ-m pʋʋɣʋ sɔsɔɔʋ tɑɑ.
\q1
\v 21 Tɑɣɑnɩ mɑ nyʋɣʋ kɛ kʋsʋɣʋ,
\q1 hɛɛsɩ mɑ lɑŋlɛ.
\q1
\v 22 Ɩlɛ Ɩsɔ mɑɑ sɑ-ŋ nɑ cəmʋɣʋ
\q1 nɑ mɑ́ yoo nyɑ́ teu tɔm kɛ yontu.
\q1 Nɑ mɑ́ tɑlɑ Ɩsɛɣɛlɩ Nɑŋŋ tʋ nyɑ́ nɑ sɑŋkʋ.
\q1
\v 23 Mɑɑ tɑlɑ-ŋ nɑ yontu,
\q1 nɑ mɑ́ wiliti-ŋ nɑ mɑ nɔɣɔ
\q1 sɩ n yɑpɑ mɑ nyʋɣʋ.
\q1
\v 24 Mɑ nɔɣɔ kɑ yɔɣɔtəɣɩ pɑɑ kʋyɑkʋ
\q1 ŋkuɣu nyɑ́ siɣisuɣu tɔm.
\q1 Mpɑ pɑ pɛɛkəɣɩ mɑ lepu tɔ fɛɛlɛ
\q1 pɩɩ-wɛɣɛ nɑ pə liɣiti-wɛ.
\c 72
\s1 Wulɑʋ tɔɔ sələmʋɣʋ
\p
\v 1 Sɑlʋmɔŋ kʋŋmɑŋmɑɑtʋ.
\b
\q1 Hɑɩ, Ɩsɔ, hɑ wulɑʋ kɛ nyɑ́ hʋʋlɛ,
\q1 nɑ ń hɑ wulɑʋ pəyɑlʋ kɛ nyɑ́ tɑmpɑnɑ təŋʋɣʋ ləmɑɣɑsəlɛ.
\q1
\v 2 Ɩlɛnɑ ɩ́ təŋəɣɩ tɑmpɑnɑ nɑ kʋsiɣisim
\q1 nɑ ɩ́ hʋʋkənɑ nyɑ́ yəlɑɑ kʋnyɔntʋnɑɑ.
\q1
\v 3 Pɔɔŋ nɑ pulɑsɩ ɩ́ kɔnɑ yəlɑɑ kɛ hɛɛsʋɣʋ
\q1 nɑ tɑmpɑnɑ təŋʋɣʋ.
\q1
\v 4 Wulɑʋ ɩ́ hɑ tɑmpɑnɑ kɛ yəlɑɑ kʋnyɔntʋnɑɑ
\q1 nɑ ɩ́ wɑɑsɩ wɑhɑlɑ nyə́mɑ,
\q1 nɑ ɩ́ wɑkəlɩ pɑ ŋmɑkəllɑɑ.
\b
\q1
\v 5 Ɩlɛ pɑɑ nyɑŋnɑ-ŋ, hɑlənɑ kʋyɑŋku
\q1 ilim kɑ́ yele nyɑɣɑʋ nɑ ɩsɔtʋ nɑ́ɑ́ yele nɑʋ tɔ.
\q1
\v 6 Wulɑʋ ɩnɩ ɩ kɑ́ wɛɛ kɛ́ ɩsɩɩ tɛʋ ŋku kʋ nɩɩkʋɣʋ
\q1 tɑɑlɛ nte tə nyɩɩtʋ pɑ hɑlɑɑ tɔ.
\q1 Yɑɑ ɩsɩɩ tɛʋ sɔsɔɔʋ nɩɩkʋɣʋ hɑləm tɔ.
\q1
\v 7 Pɩɩ cɑɣɑnɑ siɣisilɑɑ kɛ kʋyɑkʋ ŋkʋ.
\q1 Nɑ pɑ́ wɛɛ hɛɛsʋɣʋ sɔsɔɔŋkʋ tɑɑ,
\q1 hɑlənɑ kʋyɑŋku ɩsɔtʋ kɑ sɩɩ tənɑɣɑ tɔ.
\b
\q1
\v 8 Ɩ kɑ́ tɔɣɔ kɑwulɑɣɑ kɛ pə kpɑɣɑʋ
\q1 teŋku nɑ pə́ sɩɩnɑ lɛlʋ tɔ,
\q1 nɑ pə́ kpɑɣɑ pɔɣɔ sɔsɑɣɑ hɑlənɑ ɑntulinyɑ tənɑɣɑ tɔ.
\q1
\v 9 Ɩ kolontunɑɑ kɑ́ həntɩ-ɩ ɑtɛ
\q1 nɑ ɩ pɑtɑnɑɑ mpɛ pɑ́ niisi mʋsʋɣʋ.
\q1
\v 10 Tɑɑsisi tɛtʋ nɑ tɛtʋ nti lʋm cɔɔnɑɑ tɔ
\q1 pə ɑwulɑɑ kɑ fɛlɩ lɑmpuunɑɑ.
\q1 Sepɑ nɑ Sɑpɑ pə nyə́mɑ nɑ́ɑ́ lɑpɩ-ɩ kʋcɔɔŋ.
\q1
\v 11 Awulɑɑ tənɑ kɑ́ həntɩ-ɩ ɑtɛ,
\q1 nɑ piitimnɑɑ tənɑ nɑ́ɑ́ lɑkɩ-ɩ təmlɛ.
\b
\q1
\v 12 Ɩlɛnɑ ɩnɩ ɩ wɑɑsɩ kʋnyɔntʋ wei ɩ wiikinɑ-ɩ tɔ
\q1 nɑ wɑhɑlɑ tɔɣɔlʋ wei ɩ fɛɩnɑ sənlʋ tɔ.
\q1
\v 13 Wulɑʋ kɑ́ wɛɛnɑ ɩcɑm nɑ kʋnyɔntɔɣɔlʋ
\q1 nɑ mpɑ pɑ pɑsəɣɩ pɑ tɩ tɔ pɑ pətɔɔtəlɛ,
\q1 nɑ ɩ́ yɑ́ pɑ weesiŋ.
\q1
\v 14 Wulɑʋ kɑ́ yɑ pɑ weesiŋ kɛ ŋmɑkəlʋɣʋ nɑ mʋsʋŋ niŋ tɑɑ.
\q1 Mpi tɔ, pɑ kɛ́-ɩ pʋlʋ sɔsɔɔm kɛ́.
\b
\q1
\v 15 Pɑɑ wɛɛnɑ weesuɣu nɑ pɑ́ hɑ-ɩ Sepɑ nyə́mɑ wʋlɑ.
\q1 Pɑɑ sələməɣɩ Ɩsɔ kɛ́ ɩ tɔɔ kɛ́ tɑm kɛ́,
\q1 nɑ pɑ́ kooliɣi-ɩ kʋpɑntʋ kɛ pɑɑ kʋyɑkʋ ŋku.
\q1
\v 16 Tɔɣɔnɑɣɑ hɑləm kɑ wɑɑsɩ tɛtʋ tɑɑ
\q1 nɑ pə́ kpɛnnɑ pulɑsɩ nyɔɔŋ tɑɑ.
\q1 Nɑ kɑ pee ciɣitiɣi ɩsɩɩ Lipɑŋ tɩɩŋ sɔsɔɔŋ,
\q1 nɑ yəlɑɑ huki ɑcɑlɛɛ tɑɑ ɩsɩɩ nyɩɩtʋ kɛ tɑwɑ tɑɑ.
\q1
\v 17 Wulɑʋ hətɛ kɑ́ wɛɛ tɑm tɔɔ kɛ́,
\q1 hɑlənɑ kʋyɑŋku ilim kɑ sɩɩ tənɑɣɑ tɔ.
\q1 Nɑ pɑ́ kooliɣi təmɑɣɑ kʋpɑntʋ nɑ pɑ́ yɑɑkənɑ ɩ hətɛ,
\q1 nɑ piitimnɑɑ yɑɑkɩ-ɩ leleŋ nɩɩlʋ.
\b
\q1
\v 18 Tɑcɑɑ Ɩsɔ, wei nyɑ́ n kɛ́ Ɩsɛɣɛlɩ nyə́mɑ Ɩsɔ tɔɣɔlɛ teeli tʋ,
\q1 nyɑ́ tike n lɑkənɑ kɔkɔlɔ nyəmnɑɑ.
\q1
\v 19 Nyɑ́ hətɛ sɔsɔɔlɛ ntɛ́ teeli nyəntɛ kɛ tɑm tɔɔ.
\q1 Nyɑ́ teu ɩ́ wɑɑsɩ tɛtʋ tənɑ tɑɑ.
\q1 Ɩsɔ ɩ́ kɔnɑ mpʋ, Ɩsɔ ɩ́ kɔnɑ mpʋ.
\b
\q1
\v 20 Sesee pəyɑlʋ Tɑfiiti sələmʋɣʋ tənɑɣɑ ntɔ.
\c 73
\ms1 TAKƎLAƔA TOOSO NYƎŊKA
\r (Yontu 73–89)
\s1 Asɑɣɑɑ teu
\p
\v 1 Asɑfɩ yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Ɩsɔ tewɑ Ɩsɛɣɛlɩ nyə́mɑ mpɑ pɑ lotu tɑɑ tewɑ tɔɣɔ.
\q1
\v 2 Pɑɑ nɑ mpʋ pəcɔɣɔ pə kɑɑsɑɑ sɩ pə́ co-m yɑɑ pə́ tuu-m.
\b
\q1
\v 3 Mpi tɔ, mɑ nɑɑkɩ ɑsɑɣɑɑ hɛɛsəɣɩ, ɩlɛnɑ
\q1 mɑ́ lɑkɩ-wɛɣɛ ɩsɛsɛɛmlɛ.
\q1
\v 4 Mpi tɔ, pɑɑ nɑɑkɩ wɑhɑlɑ nɔɣɔlʋ hɑlənɑ pɑ səm,
\q1 nɑ pɑ́ nɩɩkɩ pɑ nɑntʋ tɑɑ ɑlɑɑfəyɑ.
\q1
\v 5 Pɑɑ nɑɑkɩ wɑhɑlɑnɑɑ mpɑ lɛlɑɑ nɑɑkɩ tɔ,
\q1 pəyele pɩɩ mɑkənɑ-wɛ ɩsɩɩ yəlɑɑ lɛlɑɑ.
\q1
\v 6 Kɑlɑmpɑɑnɩ wɛnnɑ ɩsɩɩ pɑ lɩɩlʋɣʋ,
\q1 nɑ mʋsʋŋ nɑ́ɑ́ wɛɛ ɩsɩɩ pɑ kɑcɔkɑ wontuɣu.
\q1
\v 7 Pɑ cɑɣɑnɑ pɑ tɩ nɑ pɑ́ toosiɣi yəlɑɑ kɛ ɩsɛ,
\q1 nɑ pɑ ləmɑɣɑsɛɛ nɑɑkɩ kpɑkpɑɑ.
\q1
\v 8 Ɩsɑɣɑtʋ tɔm kɛ pɑ yɔɣɔtəɣɩ,
\q1 nɑ pɑ́ woŋiɣi lɛlɑɑ,
\q1 nɑ pɑ́ hɔŋ pɑ tɩ nɑ pɑ́ kɛɛkɩ tɑmpɑnɑ.
\q1
\v 9 Pɑ kooki kɛ́ nɑ pə tɑkɩ ɩsɔtɔnʋɣʋ,
\q1 nɑ pɑ́ wɑkələɣɩ tɛtʋ nɑ pɑ nsəmlɛ.
\q1
\v 10 Pə tɔɔ kɛ́ pɑ tənɑ pɑ kɛɛsənɑ pɑ tɔɔ,
\q1 nɑ pɑ́ nyɔɔkɩ pɑ kʋyɔɣɔtʋtʋ kɛ lʋm təlɛ.
\q1
\v 11 Nɑ pɑ́ tɔŋ sɩ ɩsənɑɣɑ Ɩsɔ kɑ́ cɛkənɑ-tɩ.
\q1 Ɩsənɑɣɑ ɩsɔtɑɑ Ɩsɔ kɑ́ cɛkənɑ-tɩ?
\q1
\v 12 Ḿpʋɣʋ ɑsɑɣɑɑ wɛɛ,
\q1 pə cɑɣɑnɑ-wɛɣɛ tɑm kɛ́,
\q1 nɑ pɑ́ kɑɑkɩ pɑ wɛnɑʋ.
\q1
\v 13 Mpʋ tɔ, yem tɔɔ kɛlɛ mɑ tɑɣɑnɑ mɑ lotu tɑɑ,
\q1 nɑ mɑ́ sɑŋ mɑ niŋ kɛ ɩsɑɣɑtʋ lɑpʋ tɔm tɑɑ.
\q1
\v 14 Pɑɑ kʋyɑkʋ ŋkuɣu pɑ mɑkɩ-m,
\q1 nɑ pɑ́ tʋɣʋ-m wɑhɑlɑ kɛ pɑɑ tɑnɑŋ ŋku.
\q1
\v 15 Ye mɑɑ tɔmɑ sɩ mɑ yɔɣɔtɩ ɩsɩɩ mpɛ,
\q1 hɑlɩ mɑɑ lɩɩwɑ nyɑ́ piyɑ piitim wɑɑlɩ.
\q1
\v 16 Mɑ mɑɣɑsɑɑ sɩ mɑ́ hʋʋ pə tɔɔ nɑ mɑ́ cɛkənɑ.
\q1 Amɑ pə tənɑɣɑ mpʋ pə kəlɑ kɑtɛ.
\q1
\v 17 Hɑlɩ kʋyɑkʋ ŋku mɑ sʋʋ Ɩsɔ təyɑɣɑ tɑɑ
\q1 tɔɣɔ mɑ cɛkənɑ mpi pə tɑŋɑ ɑsɑɣɑɑ tɔ.
\b
\q1
\v 18 Mpɑɑŋ wei ɩ tɑɑ pɩɩ tuu-wɛ tɔɣɔ n sɩɩkɩ-wɛ
\q1 sɩ pɑ́ hoti timpi pɩɩ wɑkəlɩ-wɛ tɔ.
\q1
\v 19 Ɩlɛnɑ pə́ wɑkəlɩ-wɛɣɛ tɔm kʋlʋm tɔɔ,
\q1 nɑ pə́ kpiisi-wɛ nɑ pɑ tɔm tɛɛsənɑ sɔɣɔntʋ.
\q1
\v 20 Tɑcɑɑ, ye n kʋlɑ pɑ tɔɔ ɩlɛ pɑ mʋkɩ
\q1 ɩsɩɩ yʋlʋ feŋuɣu nɑ ɩ toosee sɑɑlɩ yem tɔ.
\b
\q1
\v 21 Wɑɑtʋ wei mɑ tɑɑ kɑ wɛ nyɑŋ
\q1 nɑ mɑ lɑŋlɛ wɑkəlɩ sɔsɔm tɔ.
\q1
\v 22 Mɑɑ kɛ́ kʋmɛlɛŋ kɛ́, mɑ tɑɑ cɛkənɑ pʋlʋpʋ.
\q1 Mɑɑ wɛ teitei kɛ́ ɩsɩɩ kpəntɛ kɛ nyɑ́ ɩsɛntɑɑ.
\b
\q1
\v 23 Pɑɑ nɑ mpʋ mɑ nɑ-ŋ kɛ́ tɑm kɛ́,
\q1 n kpɑ-m nyɑ́ niŋ ntɔɣɔŋ tɑɑ.
\q1
\v 24 Nyɑ́ lɑɣɑtʋ tɑsʋɣʋ kɛ n kɑ tiikinɑ-m.
\q1 Pə wɑɑlɩ n kɑ mʋ-m nyɑ́ teeli tɑɑ.
\q1
\v 25 Aweɣe mɑ wɛnɑ ɩsɔtɑɑ, ye pə tɑɣɑ nyɑ́?
\q1 Nyɑ́ lɑkənɑ nɑ mɑ́ nɩɩkɩ leleŋ kɛ ɑtɛ.
\q1
\v 26 Pɑɑ mɑ nɑntʋ yɑɑ mɑ nyɑmlɛ kpisɑɑ.
\q1 Ɩsɔ kɛlɛ mɑ nyəm nɑ mɑ kpʋlʋɣʋ tətʋlɛ kɛ tɑm tɔɔ.
\q1
\v 27 Pɑ tənɑ mpɑ pɑ hɑtələnɑ-ŋ tɔ pɑ leki kɛ́,
\q1 nɑ ń wɑkələɣɩ pɑ tənɑ mpɑ pɑɑ nɩɩkənɑ-ŋ tɔ.
\q1
\v 28 Ye mɑ, Ɩsɔ kpətənɑʋ wɛnnɑ-m teu.
\q1 Tɑcɑɑ Ɩsɔ kiŋ kɛ mɑ tʋɣɩ kpʋlʋɣʋ.
\q1 Ɩlɛnɑ mɑ́ kɛɛsɩ ɩ təmɑ tənɑ.
\c 74
\s1 Ɩsɔ yɑɑʋ kɛ ɩsɔtəsɛɛlɛ ncɑɑlɛ tɑɑ
\p
\v 1 Asɑfɩ yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Hɑɩ, Ɩsɔ, pepe tɔɔ kɛ́ n lɔɔkɩ-tʋɣʋ tɑm tɔɔ?
\q1 Nɑ n mʋɣɩ pɑ́ɑ́nɑ́ nɑ nyɑ́ yəlɑɑ tɑ?
\q1
\v 2 Tɔɔsɩ nyɑ́ yəlɑɑ mpɑ n hikɑ too lɔŋtɑɑ
\q1 nɑ ń yɑ-wɛ sɩ pɑ́ pəsɩ nyɑ́ kpəntɛ tɔ pɑ tɔɔ.
\q1 Tɔɔsɩ Siyɔŋ pʋɣʋ ŋku kʋ tɔɔ n lɑpɑ nyɑ́ tɛ tɔ kʋ tɔm.
\b
\q1
\v 3 Kɔɔ nɑ ń nɑ́ lonɑ ɑnɩ,
\q1 pə wɑkələɣɩ-yɛɣɛ tɑm kɛ́.
\q1 Kolontu wɑkəlɑ nyɑ́ təyɑɣɑ tɑɑ.
\q1
\v 4 Nyɑ́ kolontunɑɑ kiisiɣinɑ ntɛɣɛ timpi n sulɑɣɑ-tʋ tɔ,
\q1 hɑlənɑ pɑ́ tʋ pɑ kʋyʋsʋm.
\q1
\v 5 Pɑ́ nɑ pɑ lɑwɑ kɛ́ nɑ pɑ loŋ
\q1 ɩsɩɩ tɑɑsɩ sɛtəlɑɑ kɛ hɔtʋɣʋ tɑɑ.
\q1
\v 6 Nɑ pɑ́ fɑkɩ lɛɛsəŋ nɑ pɑ́ yɔkəɣɩ lɛləŋ.
\q1
\v 7 Pɑ tʋ kɔkɔ kɛ nyɑ́ təsɛɛlɛ
\q1 nɑ pɑ́ yɔkɩ nɑ pɑ́ wɑkəlɩ timpi nyɑ́ hətɛ wɛɛ tɔ.
\q1
\v 8 Nti pɑ mɑkɩ pɑ lɑŋɑ tɑɑ tɔɣɔlɛ sɩ,
\q1 pɑ́ wɑkəlɩ-tʋɣʋ tɔm kʋlʋm tɔɔ.
\q1 Pɑɑ wɔ kɔkɔ kɛ lonɑ nnɑ ɑ tɑɑ
\q1 Ɩsɔ nɑ yəlɑɑ pɑ suliɣi tɔ.
\q1
\v 9 Tɩɩ tɑsəɣɩ nɑʋ kɛ mpi pə hʋləɣɩ sɩ Ɩsɔ wɛɛ tɔ.
\q1 Ɩsɔ kʋyɔɣɔtʋtʋ tɛləsəlɑɑ nɑ́ fɛɩ tɔtɔ.
\q1 Tɑ tɑɑ nɔɣɔlʋ tɑ nyɩ ɩsənɑ pɩɩ tɑɑŋɩ tɔ.
\q1
\v 10 Hɑɩ, Ɩsɔ Tɑcɑɑ,
\q1 pəlee kɛ́ kolontunɑɑ kɑ́ hɛɛsɩ nyɑ́ hətɛ kʋtʋɣʋ?
\q1 Pəlee kɛ́ pɑɑ hɛɛsɩ-tɛɣɛ footuɣu?
\q1
\v 11 Pepe tɔɔ kɛ́ n sumɑ,
\q1 nɑ nn sɑŋ nyɑ́ niŋ ntɔɣɔŋ kʋsʋɣʋ sɩ n mɑ?
\q1
\v 12 Hɑɩ, Ɩsɔ, nyɑɣɑlɛ mɑ wulɑʋ kɛ too lɔŋtɑɑ,
\q1 nyɑ́ wɑɑsəɣənɑ tɛtʋ tɑɑ.
\q1
\v 13 Nyɑ́ toŋ kɛ n fɑɣɑnɑ teŋku
\q1 nɑ ń yɔkɩ lʋm tɛɛ tʋmɑɑ sɔsɑɑ nyɔɔŋ.
\q1
\v 14 N yɔkɑ tʋm sɔsɔ Lefiyɑtɑŋ nyʋɣʋ nɑ ń pɛtɩ-ɩ
\q1 wʋlɑɣɑ tɛtʋ tɑɑ yəlɑɑ sɩ pɑ́ tɔɣɔ.
\q1
\v 15 Nyɑ́ hulinɑ lʋm sɛɛlɑɑ nɑ ń hɛɛ lɔɔŋ
\q1 nɑ ń yele nɑ pusi nsi sɩɩ nyɔɔkɩ tɔ sɩ lʋm nyɔɔ.
\q1
\v 16 Nyɑɣɑlɛ ilim tɑɑ nɑ ɑhoo pə tʋ.
\q1 Nyɑ́ lɑpənɑ ilim nɑ ɩsɔtʋ.
\q1
\v 17 Nyɑ́ sɩɩnɑ tɛtʋ toosi tənɑ
\q1 nɑ ń lɑ́ wɑtʋ wɑɑtʋ nɑ yolumɑ.
\b
\q1
\v 18 Tɑcɑɑ tɔɔsɩ sɩ kolontu kʋləɣɩ nyɑ́ tɔɔ,
\q1 yəlɑɑ kʋmɛlɛməŋ ɩnɩ ɩ woŋəɣɩ-ŋ.
\q1
\v 19 Tɑɑ pɛtɩ nyɑ́ yəlɑɑ kʋpɑmɑ weesiŋ kɛ tɑɑlɛ wontu.
\q1 Tɑɑ sɔɔ nyɑ́ kʋnyɔntʋnɑɑ tɔɔ kɛ́ tɑm tɔɔ.
\q1
\v 20 Tɔɔsɩ nyɑ́ nɔɣɔ pɛɛlʋɣʋ tɔɔ.
\q1 Mpi tɔ, mʋsʋŋ nyəmnɑɑ sunɑ ɩcɑtɛ səkpɛtəŋ tɑɑ.
\q1
\v 21 Tɑɑ yele nɑ mpɑ pɑ ɩsɛ pɑ tɔkɩ tɔ pɑ́ tɛɛnɑ lɑŋwɑkəllɛ.
\q1 Amɑ kʋnyɔntʋnɑɑ nɑ wɑhɑlɑ nyə́mɑ ɩ́ sɑŋɩ-ŋ.
\q1
\v 22 Hɑɩ, Ɩsɔ, tɔɔsɩ nɑ ń pɑɑsənɑ kʋtʋɣʋ ŋku
\q1 kʋmɛlɛməŋ ɩnɩ ɩ tʋʋkɩ-ŋ pɑɑ kʋyɑkʋ ŋku tɔ.
\q1
\v 23 Tɑɑ sɔɔ nyɑ́ kolontunɑɑ wulɑ tɔɔ,
\q1 nɑ kɑkiisɑsɩ nsi pɑ kiisiɣinɑ-ŋ tɑm tɔ sɩ tɔɔ.
\c 75
\s1 Tɑcɑɑ kɛlɛ hʋʋlʋ
\p Asɑfɩ yontu nti ɩ yoowɑ sɩ: Tɑɑ kʋ
\d nɑ tə wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ tə sɑmɑ-ŋ.
\q1 Tɑcɑɑ Ɩsɔ tə sɑmɑ-ŋ.
\q1 Tɩɩ yɔɣɔtɩ nyɑ́ tɔm nɑ
\q1 tə kpɑɑlɩ nyɑ́ teu sɔsɔɔm.
\b
\q1
\v 2 Tɑcɑɑ sɩ: Mɑɑ sɩɩ wɑɑtʋ nɔɣɔlʋ,
\q1 nɑ mɑ́ hʋʋnɑ siɣisuɣu.
\q1
\v 3 Tɛtʋ nɑ tə tɑɑ nyəm tənɑ kɑ́ sele.
\q1 Amɑ mɑ́ sɩɩkənɑ-təɣɩ tə kilɑ tɔɔ.
\q1
\v 4 Nɑ mɑ́ heeli mpɑ pɑ sɑŋ pɑ tɩ tɔ sɩ: Ɩ́ yele mpʋ,
\q1 nɑ ɑsɑɣɑɑ sɩ: Ɩ́ tɑɑ hɔ mə tɩ.
\q1
\v 5 Ɩ́ tɑɑ hɔ mə tɩ,
\q1 ɩ́ tɑɑ yɔɣɔtɩ kɑlɑmpɑɑnɩ tɔm.
\q1
\v 6 Sɔsɔɔntʋ ɩɩ kɔŋnɑ ilim təlɩɩlɛ yɑɑ pə tətʋlɛ,
\q1 yɑɑ wʋlɑɣɑ tɛtʋ tɑɑ.
\q1
\v 7 Amɑ Ɩsɔ nyəmnɑ,
\q1 ɩ́ nɔkɑɑ ɩ kpɑɑsɩ lɛlʋ nɑ ɩ́ tisi lɛlʋ.
\b
\q1
\v 8 Tɑcɑɑ tɔkɑ kɔpʋ nɑ ɩ́ sunɑ ɩ pɑ́ɑ́nɑ́ sʋlʋm,
\q1 ɩ kɑ́ cɛ-wəɣɩ ɑtɛ ɑsɑɣɑɑ tənɑ,
\q1 nɑ pɑɑ nyɔɔ pə tənɑ nɑ pɑ́ kpɛŋnɑ tɑɣɑtʋ.
\b
\q1
\v 9 Mɑ kɑɑ yele Yɑkɔpʋ Ɩsɔ Tɔm yɔɣɔtʋɣʋ,
\q1 nɑ pə yontu yoou.
\q1
\v 10 Mɑɑ yɔkɩ ɑsɑɣɑɑ toŋ tənɑ.
\q1 Amɑ tɑmpɑnɑ təŋlɑɑ toŋ kɑ pɩɩkənɑ.
\c 76
\s1 Ɩsɔ wɑkələɣɩ yoou kɛ Siyɔŋ tɑɑ
\p Asɑfɩ yontu nti pɑ yookinɑ cəmʋɣʋ
\d nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Ɩsɔ hʋlɑ ɩ təɣɩ Yutɑ,
\q1 ɩ hətɛ yɑɑ Ɩsɛɣɛlɩ tɑɑ.
\q1
\v 2 Ɩ cokəle wɛ Sɑlɛm kɛ́,
\q1 nɑ ɩ təcɑɣɑlɛ kɛ Siyɔŋ tɑɑ.
\q1
\v 3 Tənɑɣɑ ɩ pɛlɑ yoou wontu:
\q1 Ɩsɩɩ nyəmɑ́ nɑ kpɑləŋ nɑ lɑɣɑlɛɛ nɑ wontu lɛntɩ.
\b
\q1
\v 4 Hɑɩ, Ɩsɔ, sɔsɔɔntʋ ntɛ́ yɑɑ?
\q1 N kəlɑ tɑm tɔɔ pɔɔŋ tənɑ.
\q1
\v 5 Yoolɑɑ tɑɑ yoolɑɑ mpɛ pə cɑɑmɑ-wɛɣɛ,
\q1 pɑ toowɑ tom kɑntəkɑɣɑ nyəm,
\q1 pɑ tɑ pəsɩ nɑ pɑ́ yoo nɑ pɑ́ fiti.
\q1
\v 6 Yɑkɔpʋ Ɩsɔ, wɑɑtʋ wei n nyɑɑsɑ-wɛ tɔ,
\q1 pə yeɣetɑ pɑ kpɑɣɑnəŋ nɑ ɩ cɑɣɑlɑɑ kɛ́.
\q1
\v 7 Hɑɩ, n kɛ́ sɔsɔ kɛ́,
\q1 n mʋɣɩ pɑ́ɑ́nɑ́ nɑ ɑwe kpətənɑ-ŋ?
\q1
\v 8 Hɑtoo ɩsɔtɑɑ kɛ́ n yɔɣɔtɑ nyɑ́ hʋʋlɛ tɔm,
\q1 nɑ sɔɣɔntʋ kpɑ tɛtʋ nɑ tə́ cɑɣɑ təpɑmm.
\q1
\v 9 Wɑɑtʋ ɩnəɣɩ n kʋlɑɑ sɩ n hʋʋkənɑ
\q1 nɑ ń wɑɑsɩ ɑtɛ kʋnyɔntɔɣɔlɑɑ.
\q1
\v 10 Ye nyɑ́ tɑɑ huuwɑ,
\q1 yʋlʋ tʋɣʋ-ŋ teeli kɛ́,
\q1 pɑɑ ɩ wɛ pɑ́ɑ́nɑ́ sɔsɔɔnɑ tɑɑ.
\b
\q1
\v 11 Ɩ́ sɩɩ mə Ɩsɔ Tɑcɑɑ kɛ nɔɔsɩ nɑ ɩ́ lɑ́-sɩ.
\q1 Mpɑ pɑ cɔɔnɑ Ɩsɔ Sɔsɔ ɩnɩ tɔ,
\q1 pɑ́ kɔnɑ-ɩ kʋcɔɔŋ.
\q1
\v 12 Ɩsɔ ləsəɣɩ ɑwulumpiyɑ kɑlɑmpɑɑnɩ kɛ́
\q1 ɩlɛnɑ pə́ tisi-wɛ təfɛ.
\q1 Atɛ ɑwulɑɑ seliɣinɑ-ɩ kɛ́.
\c 77
\s1 Mɑ sələməɣɩ Ɩsɔ lɔŋtɑɑ kʋpɑntʋ kɛ lɑŋwɑkəllɛ kʋyɛɛŋ tɑɑ
\p Yetutum sɩ Asɑfɩ yontu nti tə wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Mɑɑ wiinɑ Ɩsɔ nɑ mɑ́ heeli-ɩ mɑ tɔm,
\q1 mɑɑ wiinɑ-ɩ nɑ ɩ́ ké ŋkpɑŋʋɣʋ nɑ mɑ tɔɔ.
\q1
\v 2 Ye mɑ lɑŋlɛ wɑkəlɑɑ,
\q1 mɑ pɛɛkəɣɩ Tɑcɑɑ kɛ́,
\q1 nɑ mɑ́ tɛkəɣɩ-ɩ niŋ kɛ ɑhoo, hɛɛsʋɣʋ fɛɩ,
\q1 mɑ luɣu fɛɩ sɩ pɑ́ puɣusi-m.
\q1
\v 3 Ye mɑ tɔɔsɑ Ɩsɔ tɔɔ mɑ nəɣəsəɣɩ kɛ́,
\q1 ye mɑ kpɑɣɑ ləmɑɣɑsɛɛ ɩlɛ mɑ ɑpɑlʋtʋ yɔɔlɩ.
\q1
\v 4 Tɑcɑɑ, nn tisiɣi sɩ mɑ́ kpətɩ ɩsəlɛ,
\q1 nɑ pə́ cɔɔsəɣɩ-m, mɑ nɔɣɔ tɑɑ fɛɩ kete.
\q1
\v 5 Ye mɑ hʋʋ pɩɩsɩ kɑncɑɑlɑɣɑ nyənsɩ
\q1 nɑ kʋyɛɛŋ wei ɩ tɛɛwɑ tɔ ɩ tɔm,
\q1
\v 6 mɑ tɔɔsəɣɩ mɑ yontunɑɑ tɔm kɛ ɑhoo kɛ́,
\q1 nɑ mɑ mɑɣɑsəɣɩ hɑtoo mɑ tɑɑ
\q1 nɑ mɑ́ pɛɛkəɣɩ mɑ hʋwɛɛ tɑɑ.
\q1
\v 7 Tɑcɑɑ n kɑ́ lɔ-tʋɣʋ tɑm tɔɔ?
\q1 Nyɑ́ pɑɑ kɑɑ wɛɛnɑ-tʋ?
\q1
\v 8 N yelɑ-tʋɣʋ kʋpɑntʋ lɑpʋ kɛ tɑm tɔɔ?
\q1 N kɑɑ tɑsɑ-tʋɣʋ nɑtələɣɩ heeluɣu kɛ pɑɑ wulee?
\q1
\v 9 Ɩsɔ tɑ́ sɔɔ tɑ́ pətɔɔtəlɛ tɔɔ,
\q1 pəyele ɩ tɑ mʋ pɑ́ɑ́nɑ́ nɑ ɩ́ yele ɩ suulu hʋlʋɣʋ.
\q1
\v 10 Mɑ yɔɣɔtɑ mɑ tɑɑ sɩ mpi pə tʋɣʋ-m wɑhɑlɑ tɔɣɔlɛ sɩ,
\q1 Ɩsɔtɑɑ Ɩsɔ Sɔsɔ ɩɩ tɑsəɣɩ-tʋɣʋ pɑɑsənɑʋ.
\b
\q1
\v 11 Mɑ tɔɔsɑ Tɑcɑɑ təmɑ tɔɔ.
\q1 Mpi tɔ, mɑ tɑ sɔɔ nyɑ́ lɔŋtɑɑ kʋpɑntʋ sɔsɔɔntʋ tɔɔ.
\q1
\v 12 Mɑɑ yɔɣɔtɩ nyɑ́ kʋlɑpʋtʋ tənɑ tɔm,
\q1 nɑ mɑ́ kɛɛsɩ nyɑ́ təmɑ sɔsɔɔnɑ tɔm.
\q1
\v 13 Hɑɩ, Ɩsɔ nyɑ́ mpɑɑʋ wɛɛ kɛ́ tənɑŋŋ.
\q1 Tʋɣʋ kʋlɑlɑɑʋ ŋku kʋ hɑŋnɑ-ŋ sɔsɔɔntʋ?
\q1
\v 14 Nyɑɣɑlɛ Ɩsɔ wei ɩ lɑkɩ piti təmɑ tɔ,
\q1 n hʋlɑ nyɑ́ toŋ kɛ yəlɑɑ tɑɑ.
\q1
\v 15 Nyɑ́ toŋ kɛ n yɑpənɑ nyɑ́ yəlɑɑ
\q1 Yɑkɔpʋ nɑ Yosɛɛfʋ pɑ lʋlʋɣʋ nyə́mɑ.
\q1
\v 16 Hɑɩ, Ɩsɔ, lʋm nɑ-ŋ nɑ sɔɣɔntʋ kpɑ-wɩ,
\q1 nɑ pə́ sele nɑ pə́ kpɛŋnɑ hɑtoo pə tɑpʋɣʋ tɛɛ.
\q1
\v 17 Ntɛnɑ tɛʋ kpe ɩsɩɩ lɔɔŋ lʋm nɑ kʋ holiɣi.
\q1 N tɔɔkɩ nyɑ́ nyəmɑ́ kɛ pɑɑ timpi.
\q1
\v 18 Tɛʋ nyəɣəsʋɣʋ nyɑləməlɛ nɑɑkɩ ɑntulinyɑ kɛ holɑ ɑnɩ ɑ tɑɑ,
\q1 nɑ sɔɣɔntʋ pɩɩ tɛtʋ nɑ tə́ seliɣi.
\q1
\v 19 Teŋku lʋm hɛkʋ tɑɑ kɛ́ n hɛɛ nyɑ́ təɣɩ mpɑɑʋ,
\q1 nɔɣɔlʋ ɩɩ nyəŋ kʋ lonte.
\q1
\v 20 Moisi nɑ Alɔŋ kɛ n kpɑwɑ ɩsɩɩ tiikilɑɑ
\q1 nɑ pɑ́ pɑɑsəɣənɑ nyɑ́ yəlɑɑ.
\c 78
\s1 Ɩsɛɣɛlɩ nyə́mɑ tɔm fɛɩ sɔɔʋ
\p
\v 1 Asɑfɩ yontu nti pɑ yookɑɣɑ nɑ tə́ wɛ
\q1 yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1 Mɑ yəlɑɑ ɩ́ nɩɩ mɑ kʋsɛɣɛsətʋ,
\q1 ɩ́ tʋ ŋkpɑŋŋ nɑ ɩ́ nɩɩ mɑ kʋyɔɣɔtʋtʋ.
\q1
\v 2 Ɩsɔ kɛ́ mɑɑ sɛɛ-mɛ,
\q1 nɑ mɑ́ kɛɛsənɑ-mɛɣɛ lɔŋ tɑɑ tɔm.
\q1
\v 3 Nti tɑ́ cɑɑnɑɑ kɛɛsɑ-tʋ
\q1 nɑ tə́ nɩɩ nɑ tə́ nyɩ-tɩ tɔ.
\q1
\v 4 Pə fɛɩ sɩ tə́ ŋmɛsɩ-təɣɩ tɑ́ piyɑ.
\q1 Tɩɩ kɛɛsɩ tɑ́ piyɑ piyɑ kɛ Tɑcɑɑ sɑmtʋ tɔm.
\q1 Nɑ ɩ tomɑ nɑ piti təmɑ wenɑ ɩ lɑpɑ tɔ pə tɔm.
\b
\q1
\v 5 Ɩsɔ tʋwɑ kʋtʋtʋtʋ nɑ ɩ́ sɩɩ kiiu
\q1 kɛ ɩ yəlɑɑ kɛ Ɩsɛɣɛlɩ tɑɑ.
\q1 Nɑ kiiŋ ɩnɩ ɩ́ hʋlɩ tɑ́ cɔsɔnɑɑ sɩ
\q1 pɛlɛ pɑ́ sɛɣɛsɩ-təɣɩ pɑ piyɑ.
\q1
\v 6 Ɩlɛnɑ pɛlɛ pɑ piyɑ nyɩ-tɩ,
\q1 nɑ səlɛ sɩ tɔɔwɑ ɩlɛ sɩ sɛɣɛsɩ-təɣɩ sɩ piyɑ.
\q1
\v 7 Ɩlɛnɑ pɑ́ tʋ Ɩsɔ kɛ́ nɑɑni pɑ tɑɑ sɔɔ ɩ təmɑ tɔɔ,
\q1 nɑ pɑ́ tɔkɩ ɩ kʋsəsɩɩtʋ.
\q1
\v 8 Ɩlɛ pɑ kɑɑ təŋ pɑ cɑɑnɑɑ ɩkpɑtɛ.
\q1 Pɛlɛ pɑɑ kɛ́ kɑɑnɩɩtʋnɑɑ nɑ tɔɔ kʋllɑɑ piitim kɛ́.
\q1 Pɑ fɛɩ nɑɑni, pə́cɔ pɑɑ təŋəɣɩ Ɩsɔ
\q1 kɛ́ teu kɛ pɑ ləmɑɣɑsɛɛ tɑɑ.
\q1
\v 9 Ɩfəlɑyim lʋlʋɣʋ nyə́mɑ mpɑ pɑ kɛ́ tɔtɔlɑɑ tɔ,
\q1 pɑ sewɑ yoou kɛ kʋ wule.
\q1
\v 10 Pɑ tɑ́ tɔkɩ pɑ́ nɑ Ɩsɔ pɑ nɔɣɔ pɛɛlʋɣʋ.
\q1 Pɑ kisɑ ɩ kiiŋ tɑɑ tɔntɛ.
\q1
\v 11 Pɑ sɔɔwɑ Ɩsɔ kookɑlənɑɑ nɑ ɩ təmɑ sɔsɔɔnɑ wenɑ
\q1 ɩ kɑ yelɑɑ nɑ pɑ́ nɑ́ tɔ.
\b
\q1
\v 12 Ɩsɔ kɑ lɑpɑ kɔkɔlɔ nyəmnɑɑ kɛ Icipiti
\q1 hɔɣɔlʋɣʋ ŋku pɑ yɑɑ sɩ Sowɑŋ tɔ
\q1 kʋ tɑɑ kɛ́ pɑ cɔsɔnɑɑ ɩsɛntɑɑ kɛ́.
\q1
\v 13 Ɩsɔ fɑɣɑ lʋm nɑ pə́ yele-wɛɣɛ mpɑɑʋ nɑ pɑ́ tɛɛ
\q1 nɑ ɩ́ kɑɑ-wəɣɩ huɣule ɩsɩɩ koluŋɑ.
\q1
\v 14 Ɩsɔŋmʋntʋɣʋ hʋlɑɣɑnɑ-wɛɣɛ mpɑɑʋ kɛ ilim tɑɑ,
\q1 ɩlɛnɑ kʋ mʋɣɩ kɔkɔ kɛ pɑɑ ɑhoo nnɑ.
\q1
\v 15 Ɩsɔ fɑɣɑ kʋkpɑmʋɣʋ kɛ wʋlɑɣɑ tɛtʋ tɑɑ
\q1 nɑ ɩ́ yele nɑ pɑ́ nyɔɔ tɛtʋ tɛɛ lʋm.
\q1
\v 16 Ɩsɔ lɑpɑ nɑ lʋm sɛɛlɑɑ lɩɩnɑ kʋkpɑmʋɣʋ tɑɑ
\q1 nɑ pə́ kpe ɩsɩɩ pusi.
\q1
\v 17 Amɑ tɑ́ cɑɑnɑɑ tɔŋɑ ɩsɔtɑɑ Ɩsɔ sɔsɔ kɛ pəntənɑʋ
\q1 nɑ pɑ́ kʋləɣɩ Ɩsɔ tɔɔ kɛ́ wʋlɑɣɑ tɛtʋ tɑɑ tənɑ.
\q1
\v 18 Tɑ́ cɑɑnɑɑ mɑɣɑsɑ Ɩsɔ kɛ́ pɑ tɑɑ sɩ pɑ nɑɑ ɩ wɑɑlɩ,
\q1 kɛ timpi pɑ sələmɑ-ɩ tɔɣɔnɑɣɑ ɩsɩɩ pɑ sɔɔlɑɑ tɔ.
\q1
\v 19 Hɑlənɑ pɑ́ tʋʋ Ɩsɔ sɩ: Nn pəsəɣɩ nɑ ń cɑlɩ-tʋɣʋ
\q1 tɔɣɔnɑɣɑ kɛ wʋlɑɣɑ tɛtʋ tɑɑ.
\q1
\v 20 Tɑmpɑnɑ n mɑpɑ kʋkpɑmʋɣʋ nɑ lʋm kpe,
\q1 nɑ pə́ hɛɛ lɔɔŋ yɑɑ.
\q1 Ɩlɛ n pəsəɣɩ nɑ ń hɑ nyɑ́ yəlɑɑ kɛ tɔɣɔnɑɣɑ nɑ nɑntʋ nɑ?
\q1
\v 21 Ḿpʋɣʋ Tɑcɑɑ n nɩɩwɑ nɑ pɑ́ɑ́nɑ́ kpɑ-ŋ
\q1 nɑ nyɑ́ tɑɑ hɑŋnɑ Ɩsɛɣɛlɩ nyə́mɑ ɩsɩɩ kɔkɔ,
\q1
\v 22 kɛ timpi pɑ tɑ tɛ-ŋ nɑ pɑ tɑɑ tɔ.
\q1 Pɑ tɑ lɑ nɑɑni kɛ́ nyɑ́ wɑɑsʋɣʋ tɔm.
\q1
\v 23 Ḿpʋɣʋ n yɔɣɔtənɑ ɩsɔŋmʋntʋ
\q1 nɑ ń tʋlɩ ɩsɔtɔnʋɣʋ tɑɑ nɔnɔɔsɩ.
\q1
\v 24 Nɑ ń yele nɑ Mɑnnɑ*fɑ* hoti pɑ tɔɔ ɩsɩɩ tɛʋ sɩ pɑ tɔɣɔ.
\q1 Ɩsɔtɑɑ tɔɣɔnɑɣɑ kɛ n hɑ nyɑ́ yəlɑɑ kɛ mpʋ. \f ɑ \fr 78:24 \fr*\fk Mɑnnɑ: \fk*\ft Tɔɣɔnɑɣɑ ŋkɑ Ɩsɔ hɑwɑ Ɩsɛɣɛlɩ nyə́mɑ kɛ wʋlɑɣɑ tɛtʋ tɑɑ tɔ. Sɑɑ ɩnəɣɩ pɑ lɩɩwɑ Icipiti yomle tɑɑ nɑ pɑ puki Kɑnɑɑŋ nyəntʋ tɑɑ.\ft*\f*
\q1
\v 25 Ɩsɔtɑɑ tillɑɑ tɔɣɔnɑɣɑ kɛ n hɑ-wɛ,
\q1 nɑ pɑ́ tɔɣɔ nɑ pɑ́ hɑɣɑ.
\q1
\v 26 Ḿpʋɣʋ Ɩsɔ n yelɑɑ nɑ ilim təlɩɩlɛ heelim mɑ́,
\q1 nɑ ń kɔnɑ ilim mpətəŋ tɔɔ nyəm nɑ nyɑ́ toŋ.
\q1
\v 27 Nɑ ń lɑ́ nɑ nɑntʋ tii pɑ tɔɔ ɩsɩɩ mʋsʋɣʋ.
\q1 Sumɑsɩ tuutuumɑ kɛ n kɔnɑ-wɛ
\q1 ɩsɩɩ teŋkunɑɑ nɔɔsɩ kɑnyəŋɑ.
\q1
\v 28 N lɑpɑɣɑ nɑ sɩ hoti tɑ́ cɑɑnɑɑ təsikile
\q1 nɑ sɩ cɔɔnɑ pɑ təcɑɣɑlɛ.
\q1
\v 29 Tɑcɑɑ hɑ-wɛɣɛ mpi pɑ nyɩɩlɑɣɑ tɔ.
\q1 Ɩlɛnɑ pɑ́ tɔɣɔ nɑ pɑ́ hɑɣɑ kɑtɑtəlɑɣɑ.
\q1
\v 30 Tɑ́ cɑɑnɑɑ tɔɣɔnɑɣɑ kɑ wɛ pɑ nɔɔsɩ tɑɑ kɛ́,
\q1 pɑ luluŋ tɑ tɩɩ sətɑ,
\q1
\v 31 ḿpʋɣʋ Ɩsɔ tɑ́ɑ́ huunɑ-wɛ nɑ ɩ́ kʋ
\q1 Ɩsɛɣɛlɩ ɩfepiyɑ tɑɑ ɩfepiyɑ.
\b
\q1
\v 32 Pɑɑ nɑ mpʋ tɔ, pɑ tɑ tʋnɑ nyɑ́ kɔkɔlɔ nyəmnɑɑ
\q1 nɑ pɑ́ tɔŋɑ ɩsɑɣɑtʋnɑɑ kɛ lɑpʋ.
\q1
\v 33 Ḿpʋɣʋ n kpiisɑ-wɛ nɑ heelim,
\q1 nɑ ń tisi wɑhɑlɑ kɛ́ pɑ tɔɔ kɛ kpɑkpɑɑ,
\q1 nɑ ń sɩɩ pɑ weesiŋ tənɑɣɑ.
\q1
\v 34 Wɑɑtʋ wei səm kɔŋ tɑ́ cɑɑnɑɑ ɩlɛnɑ pɑ́ kɛɛsənɑ Ɩsɔ nyɑ́ tɔɔ
\q1 nɑ pɑ́ pɛɛkəɣɩ sɩ ń kenti pɑ tɔɔ.
\q1
\v 35 Nɑ pɑ́ tɔɔsɩ sɩ n kɛ́ pɑ kʋkpɑmʋɣʋ.
\q1 Ɩsɔtɑɑ Ɩsɔ Sɔsɔ kɛ́ pɑ wɑɑsʋlʋ.
\q1
\v 36 Amɑ pɑ ntompee kɛ pɑ puɣusɑɣɑnɑ-ŋ
\q1 nɑ pɑ́ looliɣi-ŋ nɑ pɑ nsəmɑ.
\q1
\v 37 Pɑ tɑɑ tɛŋɩ-ŋ nɑ pɑ tɑɑ kɛ́ teu,
\q1 pəyele pɑ tɑ tɔkɩ nyɑ́ nɑ-wɛ mə nɔɣɔ pɛɛlʋɣʋ.
\q1
\v 38 Pɑɑ nɑ mpʋ, nyɑ́ suulu tɔɔ,
\q1 n wiiki ɩsɑɣɑlɑtɑɑ pətɔɔtəlɛ,
\q1 nn wɑkələɣɩ-wɛ.
\q1 N kpɑɑ nyɑ́ təɣɩ tɑm kɛ́,
\q1 nn hɑɑkɩ nyɑ́ təɣɩ nyɑ́ pɑ́ɑ́nɑ́ tənɑ tɑɑ.
\q1
\v 39 Nɑ ń tɔɔsɩ sɩ tɑ cɑɑnɑɑ kɛ́ yəlɑɑ kɛ yem kɛ́.
\q1 Pɑ kɛ́ heelim mpi pə tɛɛkɩ pə kɑɑ məlɩ tɔɣɔ.
\b
\q1
\v 40 Tɑ́ cɑɑnɑɑ kʋlɑ nyɑ́ tɔɔ kɛ́ wʋlɑɣɑ tɛtʋ tɑɑ
\q1 nɑ pɑ́ kpɑɑsəɣɩ nyɑ́ pɑ́ɑ́nɑ́ tɔ pə fɛɩ kɑlʋɣʋ.
\q1
\v 41 Pɑ tɑ hɛɛsɩ Ɩsɔ nyɑɣɑ mɑɣɑsʋɣʋ sɩ pɑ nɑɑkɩ nyɑ́ wɑɑlɩ,
\q1 nɑ pɑ́ kpɑɑsəɣɩ Ɩsɛɣɛlɩ Ɩsɔ Nɑŋŋ tʋ nyɑ́ nyɑ́ pɑ́ɑ́nɑ́.
\q1
\v 42 Pɑ tɑ tɔɔsɩ Ɩsɔ nyɑ́ nyɑ́ toŋ tɔɔ
\q1 nɑ ɩsənɑ n kɑ yɑpɑ-wɛɣɛ kolontu niŋ tɑɑ tɔ.
\q1
\v 43 Tɑ cɑɑnɑɑ sɔɔ piti təmɑ wenɑ n kɑ lɑpɑ Icipiti tɛtʋ tɑɑ
\q1 nɑ kɔkɔlɔ nyəmnɑɑ mpɑ n lɑpɑ Sowɑŋ hɔɣɔlʋɣʋ tɑɑ tɔ.
\q1
\v 44 N pəsɑ Icipiti nyə́mɑ pusi lʋm kɛ cɑləm
\q1 nɑ pɑ́ wɩɩ sɩ lʋm kɛ nyɔɔʋ.
\q1
\v 45 Nɑ ń kɔnɑ-wɛɣɛ kɑcɔsɩ sɔtʋ nyənsɩ
\q1 nɑ sɩ́ nyɔɔ pɑ cɑləm.
\q1 Nɑ sɑlɛɛ, nɑ ɑlɛ ɑ wɑkəlɩ-wɛ.
\q1
\v 46 Nɑ ń tʋ pɑ tɑwɑ nɑ pɑ hɑtəmʋtʋ kɛ kʋtoloŋ.
\q1
\v 47 Nɑ ń yele nɑ tɛʋ ɩsɑɣɑʋ nɑ tɔmpɛɛ
\q1 wɑkəlɩ pɑ lɛsɛŋ tɩɩŋ nɑ tɩɩŋ kʋlʋlʋŋ lɛləŋ.
\q1
\v 48 Nɑ tɛʋ tɔmpɛɛ kʋ pɑ tɔlɑ
\q1 nɑ kʋ nɑsɩ pɑ kɑləkəŋ.
\q1
\v 49 Ḿpʋɣʋ Ɩsɔ nyɑ́ n mʋ Icipiti nyə́mɑ nɑ pɑ́ɑ́nɑ́ sɔsɔɔnɑ
\q1 nɑ nyɑ́ tɑɑ huunɑ-wɛ nɑ pɑ lɑŋɑ wɑkəlɩ,
\q1 nɑ ń tilinɑ-wɛɣɛ ɩsɔtɑɑ tillɑɑ wɑkəllɑɑ kpekəle.
\q1
\v 50 N hɑɣɑ-wɛ nɑ nyɑ́ pɑ́ɑ́nɑ́ kɛ ḿpʋɣʋ,
\q1 pə tɑɣɑ səm tike kɛ n tʋ-wɛ.
\q1 Amɑ n sʋsɑ-wɛɣɛ wɑhɑlɑ tɑɑ nɑ pɑ ɩsɛ.
\q1
\v 51 Nɑ ń kʋ Icipiti nyə́mɑ
\q1 ɑpɑlʋpiyɑ kɑncɑɑlɑɣɑ nyənsɩ tənɑ.
\q1 Kɑm lʋlʋɣʋ nyə́mɑ ɩwɩɩlɛ
\q1 kɑncɑɑlɑɣɑ nyəntɛ səpənɑ mpʋ.
\q1
\v 52 Ḿpʋɣʋ n tiikɑ nyɑ́ yəlɑɑ nɑ ń tɛɛnɑ-wɛ ɩsɩɩ
\q1 pɑ ləsʋɣʋ heeŋ kɛ kɑləkʋ tɑɑ tɔ,
\q1 nɑ ń tiiki-wɛɣɛ wʋlɑɣɑ tɛtʋ tɑɑ ɩsɩɩ tɔlɑ.
\q1
\v 53 N ponɑ-wɛɣɛ nɑ nɑɑni, sɔɣɔntʋ fɛɩ-wɛ,
\q1 nɑ teŋku li pɑ kolontunɑɑ.
\b
\q1
\v 54 Pə wɑɑlɩ kɛ́ n ponɑ-wɛɣɛ nyɑ́ tɛtʋ nɑŋŋ nyəntʋ tɑɑ
\q1 kɛ́ pʋɣʋ ŋku n mʋwɑ tɔ kʋ tɔɔ.
\q1
\v 55 Nɑ n tɔɣɔnɩ Kɑnɑɑŋ piitimnɑɑ nɑ n tɑlɑ
\q1 yəlɑɑ kɛ pɑ tɛtʋ nɑ ń sɩɩ Ɩsɛɣɛlɩ
\q1 kpekɑ yəlɑɑ kɛ pɑ tɛɛsɩ tɑɑ.
\q1
\v 56 Pɑɑ nɑ mpʋ tɔ pɑ́ mɑɣɑsɑ ɩsɔtɑɑ Ɩsɔ Sɔsɔ nyɑ́
\q1 nɑ pɑ́ kʋlɩ nyɑ́ tɔɔ,
\q1 pɑ tɑ tɔkɩ nyɑ́ kʋsəsɩɩtʋ.
\q1
\v 57 Pɑ hɑtələnɑ Tɑcɑɑ nyɑ́ nɑ
\q1 pɑ́ pəsɩ tɛtɛlɑtɑɑ ɩsɩɩ pɑ cɑɑnɑɑ.
\q1 Pɑ yɔɔləɣɩ ɑpɑlʋtʋ kɛ́ ɩsɩɩ
\q1 tɔɔʋ ŋku kʋ hikɑ fitɑɑ tɔ.
\q1
\v 58 Tɑ́ cɑɑnɑɑ kʋsɑ Ɩsɔ nyɑ́ nyɑ́ pɑ́ɑ́nɑ́ nɑ pɑ təfɛɛnlɛnɑɑ
\q1 nɑ pɑ́ kʋsɩ nyɑ́ ɩsɛsɛɛmlɛ nɑ pɑ tɩɩŋ.
\q1
\v 59 Ɩsɔ n nɩɩ mpʋ ɩlɛnɑ pə́ kʋsɩ nyɑ́ pɑ́ɑ́nɑ́
\q1 nɑ ń kpiisi Ɩsɛɣɛlɩ nyə́mɑ nɑ toŋ.
\q1
\v 60 Nɑ ń lɔ nyɑ́ təyɑɣɑ ŋkɑ kɑ tɑɑ
\q1 n kɑ wɛ nyɑ́ yəlɑɑ hɛkʋ kɛ Silo tɔ.
\q1
\v 61 Nɑ ń yele nɑ kolontunɑɑ lɛɛkɩ nyɑ́ ɑtɑkɑɑ
\q1 wei ɩ hʋləɣɩ nyɑ́ toŋ nɑ nyɑ́ teeli tɔ.
\q1
\v 62 Ɩlɛnɑ ń mʋ pɑ́ɑ́nɑ́ nɑ nyɑ́ yəlɑɑ,
\q1 nɑ ń yele nɑ pɑ́ kʋ-wɛ.
\q1
\v 63 Yoou kʋwɑ tɑ cɑɑnɑɑ ɩfepiyɑ,
\q1 pɑ pɛɛlɑɑ tɑ hiki mpɑ pɑɑ sɑɑ tɔ.
\q1
\v 64 Pɑ kʋwɑ pɑ kɔtəlɑɑ kɛ yoou tɑɑ,
\q1 pɑ leelɑɑ tɑ wii-wɛ.
\b
\q1
\v 65 Ḿpʋɣʋ Tɑcɑɑ n kʋlɑɑ ɩsɩɩ tomtoolu,
\q1 yɑɑ sʋlʋm cɛkʋɣʋ yoolɑɑ tɑɑ yoolu ɩsɛntɔɔ tɔ.
\q1
\v 66 Nɑ ń kʋ nyɑ́ kolontunɑɑ nɑ pɑ́ tɔŋɑ sewɑ,
\q1 nɑ ń tʋ-wɛɣɛ fɛɛlɛ kɛ tɑm tɔɔ.
\q1
\v 67 Pɑɑ nɑ mpʋ n lɔwɑ Yosɛɛfʋ təyɑɣɑ,
\q1 n tɑ ləsɩ Ɩfəlɑyim kpekəle nyə́mɑ mpɛ.
\q1
\v 68 Amɑ Yutɑ kpekəle nɑ Siyɔŋ
\q1 pʋɣʋ kɛ n sɔɔlɑɑ nɑ ń ləsɩ.
\q1
\v 69 Nɑ ń ŋmɑ nyɑ́ təsɛɛlɛ nɑ tə́ kʋlɩ sɔsɔm
\q1 nɑ tə́ wɛɛ toŋ ɩsɩɩ tɛtʋ nti n sɩɩ tɑm tɔɔ tɔ.
\b
\q1
\v 70 Nɑ n ləsɩ nyɑ́ təmlɛ tʋ Tɑfiiti.
\q1 Ntiɣile tɑɑ kɛ́ n polɑɑ nɑ ń kpɑɣɑ-ɩ.
\q1
\v 71 Kɑləkʋ wɑɑlɩ kɛ́ n kpɑɣɑ-ɩ.
\q1 Sɩ ɩ́ pəsɩ ɩ yəlɑɑ Ɩsɛɣɛlɩ nyə́mɑ
\q1 mpɑ n sɔɔlɑ teu tɔ pɑ tiikulu.
\q1
\v 72 Tɑfiiti nɑ́ tiikɑ-wɛɣɛ
\q1 nɑ lotu kʋlʋmtʋ nɑ ləmɑɣɑsɛɛ.
\c 79
\s1 Tɑcɑɑ, tə hotɑɑ kɛ́, kɔɔ tɑ́ wɑɑsʋɣʋ
\p
\v 1 Asɑfɩ yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Hɑɩ, Ɩsɔ, kpɑɩ nyə́mɑ wɑtɑ nyɑ́ tɛ,
\q1 nɑ pɑ́ wɑkələɣɩ nyɑ́ təsɛɛlɛ nɑŋŋ nyəntɛ.
\q1 Pɑ pəsɑ Yosɑlɛm kɛ ncɑɑlɛ kɑŋmɑɑɣɑ.
\q1
\v 2 Pɑ kʋ nyɑ́ təmlɛ nyə́mɑ nɑ pɑ́ pɛtɩ
\q1 kpeliŋ nɑ tɑɑlɛ wontu.
\q1
\v 3 Nɑ nyɑ́ yəlɑɑ kʋpɑmɑ cɑləm kpé nɑ pə́ cɔɔnɑ Yosɑlɛm ɩcɑtɛ,
\q1 nɔɣɔlʋ tɑ kɔɔ sɩ ɩ́ pi-wɛ.
\q1
\v 4 Tə pəsɑ mpusi pʋlʋɣʋ tɑ́ cɔlɔ nyə́mɑ kɛ́,
\q1 nɑ mpɑ pɑ cɔɔnɑ-tʋ tɔ pɑ woŋiɣi-tʋ
\q1 nɑ pɑ́ tuliɣi-tʋɣʋ ntompee.
\b
\q1
\v 5 Hɑɩ, Tɑcɑɑ, pəlee kɛ́ nyɑ́ tɑ́ɑ́ kɑ́ hɛɛsɩ-tʋɣʋ kpɑnɑʋ
\q1 nɑ nyɑ́ pɑ́ɑ́nɑ́ yele-tʋɣʋ nyɑɣɑʋ ɩsɩɩ kɔkɔ?
\q1
\v 6 Piitimnɑɑ nɑ kɑwulɑsɩ nsi sɩ tɑ nyɩ-ŋ
\q1 nɑ sɩɩ sɛɛkɩ-ŋ tɔ, nsəɣɩ pɩɩ wɛɛ sɩ ń mʋnɑ pɑ́ɑ́nɑ́.
\q1
\v 7 Mpi tɔ, pɑ kuu Ɩsɛɣɛlɩ nyə́mɑ wontu,
\q1 nɑ pɑ́ wɑkəlɩ pɑ təcɑɣɑlɛ.
\q1
\v 8 Tɑɑ tɔɔsɩ tɑ́ ɩsɑɣɑtʋ kʋpəntʋ tɔɔ.
\q1 Amɑ nyənɩ tɑ́ pətɔɔtəlɛ nɑ ń kɔɔ tɑ́ kiŋ kɛ lɔŋ.
\q1 Mpi tɔ, tə wɛ wɑhɑlɑ tɑɑ kɛ́.
\q1
\v 9 Hɑɩ, wɑɑsɩ-tʋ, tɑ́ nyʋɣʋ Yɑ́tʋ Ɩsɔ,
\q1 nɑ pə́ tʋ nyɑ́ hətɛ kɛ teeli.
\q1 Yɑ-tʋ nɑ ń kpiisi tɑ́ ɩsɑɣɑtʋ kɛ nyɑ́ hətɛ tɔɔ.
\q1
\v 10 Pepe tɔɔ kɛ́ piitimnɑɑ kɑ́ pɔɔsəɣɩ sɩ:
\q1 Leɣe pɑ Ɩsɔ ɩnɩ ɩ mələnɑɑ?
\q1 Pə wɛɛ kɛ́ sɩ ń lɛɛtɩ-wɛɣɛ
\q1 nyɑ́ təmlɛ nyə́mɑ səm kɛ tɑ́ ɩsɛntɑɑ nɑ pɑ́ nɑ́.
\q1
\v 11 Ke ŋkpɑŋŋ nɑ ń nɩɩ sɑləkɑtʋnɑɑ wulɑ,
\q1 nɑ ń yɑ́ mpɑ pɑ kʋɣʋ pəlɛ pɑ tʋwɑ tɔ nɑ nyɑ́ toŋ sɔsɔɔŋ.
\q1
\v 12 Tɑcɑɑ, fɛlɩ tɑ́ cɔlɔ nyə́mɑ kɛ kʋtʋɣʋ ŋku
\q1 pɑ tʋʋ-ŋ tɔɣɔ tɔm nɑɑtosompɔɣɔlɑɣɑ.
\b
\q1
\v 13 Amɑ tɑ́ kɛ́ nyɑ́ yəlɑɑ kɛ́.
\q1 Tɑɣɑlɛ kɑləkʋ nɑ nyɑɣɑlɛ tiikilu.
\q1 Tɩɩ sɛɛkɩ-ŋ tɑm tɔɔ kɛ́ nɑ tə́ sɑŋɩ-ŋ.
\c 80
\s1 Ɩsɛɣɛlɩ tiikilu nyɑ́, nɩɩ
\p Asɑfɩ yontu kʋtɔɔsʋtʋ nti pɑ yookinɑ sɑŋkʋ
\d nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɛɣɛlɩ nyə́mɑ tiikilu, ke ŋkpɑŋŋ.
\q1 Nyɑ́ tiikiɣinɑ nyɑ́ yəlɑɑ ɩsɩɩ kɑləkʋ.
\q1 Ɩsɔtɑɑ tɑŋlɑɑ tɔɔ kɛ́ nyɑ́ təcɑɣɑlɛ wɛɛ, hʋlɩ nyɑ́ tɩ.
\q1
\v 2 Hʋlɩ nyɑ́ toŋ nɑ ń kɔɔ ń wɑɑsɩ-tʋɣʋ
\q1 Ɩfəlɑyim nɑ Pɛncɑmɛɛ nɑ Mɑnɑsee pɑ ɩsɛntɑɑ.
\q1
\v 3 Hɑɩ, Ɩsɔ kʋsɩ-tʋ nɑ ń kɛɛsɩ nyɑ́ ɩsɛ
\q1 nɑ tɑ́ tɔɔ nɑ pə́ yɑ-tʋ.
\b
\q1
\v 4 Hɑɩ, Ɩsɛɣɛlɩ Ɩsɔ Tɑcɑɑ,
\q1 pəlee kɛ́ nyɑ́ tɑ́ɑ́ kɑ́ yele kpɑnɑʋ kɛ nyɑ́ yəlɑɑ sələməŋ?
\q1
\v 5 Nəɣəsɛɛ kɛ n cɑləɣɩ nyɑ́ yəlɑɑ
\q1 nɑ ɩsəlʋm kʋɣɩ-wɛɣɛ sʋlʋm nyəm
\q1 nɑ pə́ tɛləsəɣɩ mpəle.
\q1
\v 6 N yelɑɑ nɑ tə́ pəsɩ mpi pə yoosiɣi
\q1 tɑ́ nɑ tɑ́ cɔlɔ nyə́mɑ tɔ.
\q1 Nɑ tɑ́ kolontunɑɑ nɑ́ɑ́ woŋiɣi-tʋ.
\q1
\v 7 Ɩsɔtɑɑ nɑ ɑtɛ pə tʋ Ɩsɔ kʋsɩ-tʋ.
\q1 Kɛɛsɩ nyɑ́ ɩsɛ nɑ tɑ́ tɔɔ nɑ pə́ yɑ-tʋ.
\b
\q1
\v 8 N kpɛsɑ lɛsɛŋ tʋɣʋ kɛ Icipiti
\q1 nɑ ń tɔɣɔnɩ yəlɑɑ nɑ ń sɔ-kʋ.
\q1
\v 9 Nɑ ń tɑɣɑnɩ-kʋ nɑ kʋ tɛɛ
\q1 nɑ kʋ sú tɛtʋ.
\q1
\v 10 Kʋ wɑɑsɑ pɔɔŋ kɛ kʋ ɩsotom,
\q1 nɑ kʋ piliŋɑsɩ wɛ ɩsɩɩ Ɩsɔ tɩɩŋ sɔsɔɔŋ.
\q1
\v 11 Ɩlɛnɑ kʋ piliŋɑsɩ hɛlɩ nɑ sɩ́ polo teŋku
\q1 nɑ kʋ ɑkpɑɑ kɛ pɔɣɔ sɔsɑɣɑ.
\b
\q1
\v 12 Pepe tɔɔ kɛ́ n pɛlɑ kɑlɑɑnɑɑ sɩ
\q1 mpɑtɔntɑɑ ɩ́ wɑkəlɩ-kʋ?
\q1
\v 13 Hɔtʋɣʋ tɑɑ teele kɑ tɔɣɔ-kʋ,
\q1 nɑ tɑɑlɛ wontu nɑ́ɑ́ pəsɩ-kʋɣʋ tə tɔɣɔnɑɣɑ.
\q1
\v 14 Atɛ nɑ ɩsɔtɑɑ pə tʋ Ɩsɔ kɔɔ.
\q1 Kʋsɩ nyɑ́ ɩsɛ kɛ ɩsɔtɑɑ tənɑ nɑ ń nyənɩ.
\q1 Pɑɑsənɑ lɛsɛŋ tʋɣʋ kʋnɛ.
\q1
\v 15 Kenti mpi nyɑ́ niŋ sɔwɑ tɔ
\q1 nɑ ɑpɑlʋpəyɑɣɑ ŋkɑ n ləsɑ nyɑ́ tɩ tɔ.
\b
\q1
\v 16 Mpɑ pɑ sɛtɑ-kʋ nɑ pɑ wɔ-kʋ tɔ,
\q1 nyɑɑsɩ-wɛ nɑ pɑ́ sɑɑlɩ yem.
\q1
\v 17 Tənɩ nyɑ́ ŋkpɑləŋɑ kɛ yʋlʋ pəyɑɣɑ ŋkɑ n ləsɑɑ
\q1 nɑ kɑ́ wɛ nyɑ́ ntɔɣɔŋ tɔɔ tɔ kɑ tɔɔ.
\q1
\v 18 Ɩlɛ tə kɑɑ tɑsɑ-ŋ hɑtələnɑʋ.
\q1 Yele nɑ tə́ wɛɛnɑ weesuɣu nɑ tə́ yɑɑkɩ nyɑ́ hətɛ.
\q1
\v 19 Hɑɩ, Tɑcɑɑ, ɑtɛ nɑ ɩsɔtɑɑ pə tʋ,
\q1 kɛɛsɩ nyɑ́ ɩsɛ nɑ tɑ́ tɔɔ nɑ pə́ yɑ-tʋ.
\c 81
\s1 Ye mɑ yəlɑɑ kɑ nɩɩnɑ-m
\p Asɑfɩ yontu nti pɑ yookinɑ sɑŋkʋ nɑ tə́ wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Ɩ́ yoo tɑ́ kentilu Ɩsɔ kɛ́ yontu nɑ lɑŋhʋlʋmlɛ.
\q1 Ɩ́ wiliti Yɑkɔpʋ Ɩsɔ kɛ́ lɑŋhʋlʋmlɛ kɑwilitɑɣɑ.
\q1
\v 2 Ɩ́ yoo-ɩ yontu nɑ ɑkilimɑnɑɑ
\q1 nɑ cəməŋ nɑ sɑŋkʋnɑɑ.
\q1
\v 3 Ɩ́ hʋlɩ tutuuŋ kɛ ɩsɔtʋ kʋfɑlʋ ɑcimɑ kʋyɑkʋ wule,
\q1 nɑ ɩ hʋləməŋ ɑcimɑ nyəŋkʋ wule.
\q1
\v 4 Mpi tɔ, pə kɛ́ Ɩsɛɣɛlɩ nyə́mɑ kɛ kiiu kɛ́.
\q1 Mpi Yɑkɔpʋ Ɩsɔ sɩɩwɑ tɔɣɔlɛ.
\q1
\v 5 Nti ɩ tʋ Yosɛɛfʋ lʋlʋɣʋ nyə́mɑ kɛ
\q1 wɑɑtʋ wei ɩ tii Icipiti nyə́mɑ tɔɔ tɔɣɔlɛ.
\b
\q1 Mɑ nɩɩwɑ nɔɣɔ ŋkɑ mɑ tɑ nyɩ tɔ sɩ:
\q1
\v 6 Mɑ tisɑ səɣəlɑ yuŋ nyənɑ kɛ nyɑ́ nyʋɣʋ tɑɑ nɑ mɑ́ sɩɩ,
\q1 nɑ nyɑ́ niŋ yele tɔkʋ yuŋ nyəŋkʋ.
\q1
\v 7 Lɑŋwɑkəllɛ mɑɣɑnɑ-ŋ nɑ ń mɑ́ kɑpukɑ nɑ mɑ́ yɑ-ŋ,
\q1 nɑ mɑ́ cɔ-ŋ tɛʋ holɑ tɑɑ.
\q1 Nɑ mɑ mɑɣɑsɩ-ŋ sɩ mɑ nɑɑ nyɑ́ wɑɑləɣɩ Melipɑ lʋm cɔlɔ.
\q1
\v 8 Mɑ yəlɑɑ ɩ́ nɩɩ mɑ kʋkpɑɑlətʋ.
\q1 Ye Ɩsɛɣɛlɩ yəlɑɑ kɑ nɩɩkɑɣɑnɑ-m,
\q1
\v 9 tʋɣʋ kʋlɑlɑɑʋ tɑɑ wɛɛ mə tɛ.
\q1 Pəyele ɩ́ tɑɑ luŋ tʋɣʋ nɑkʋlɩ.
\q1
\v 10 Mɑɣɑlɛ Tɑcɑɑ mə Ɩsɔ wei ɩ ləsɑ-mɛɣɛ
\q1 Icipiti tɛtʋ tɑɑ tɔ.
\q1 Ɩ́ hɑɑ mə nɔɔsɩ nɑ mɑ́ suuli-sɩ.
\b
\q1
\v 11 Amɑ mɑ yəlɑɑ mɛ ɩ́ tɑ nɩɩ mɑ nɔɣɔ.
\q1 Ɩsɛɣɛlɩ nyə́mɑ tɑ nɩɩnɑ-m.
\q1
\v 12 Ɩlɛnɑ mɑ́ɑ́ yele-mɛɣɛ mə lɑŋkpɩɩsəŋ ɩnɩ ɩ tɑɑ.
\q1 Nɑ ɩ́ təŋ mə mɑɣɑmɑɣɑ mə lɑɣɑtʋ.
\q1
\v 13 Hɑɩ, ye mɑ yəlɑɑ Ɩsɛɣɛlɩ nyə́mɑ kɑ nɩɩkɑɣɑnɑ-m
\q1 nɑ pɑ́ tɔŋ mɑ mpɑɑʋ tɑɑ.
\q1
\v 14 Mɑɑ tisɑ pɑ kolontunɑɑ təfɛ kɛ nɔɔnɔɔ
\q1 nɑ mɑ́ kʋlɩ pɑ tɔɔ.
\b
\q1
\v 15 Ɩlɛ Tɑcɑɑ mɑ́, mɑ kolontunɑɑ kɑ́ yele pɑ tɩ hɔm
\q1 nɑ Ɩsɛɣɛlɩ nyə́mɑ mɛ mɩɩ cɑɣɑnɑ mə təɣɩ tɑm tɔɔ.
\q1
\v 16 Wɑɑtʋ ɩnəɣɩ mɑɑ cɑləɣɩ-mɛɣɛ tɔɣɔnɑɣɑ kʋpɑŋkɑ
\q1 nɑ mɑ́ cɛlɛ-mɛɣɛ kʋkpɑmʋɣʋ tɑɑ tɩɩŋ nɑ ɩ́ hɑɣɑ.
\c 82
\s1 Ɩsɔ hɑɑnɑ yəlɑɑ tənɑɣɑ tɑmpɑnɑ təŋʋɣʋ
\p
\v 1 Asɑfɩ yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Ɩsɔ səŋɑ ɩ kotuɣu tɑɑ kɛ́ ɩsɔtɑɑ nyə́mɑ hɛkʋ
\q1 nɑ ɩ́ hʋləɣɩ tɑmpɑnɑ təŋʋɣʋ.
\q1
\v 2 Pəlee kɛ́ ɩ́ kɑ́ yele yəlɑɑ fɑɣɑsʋɣʋ kɛ hʋʋlɛ tɑɑ,
\q1 nɑ tɑsəkəlɛ nyə́mɑ kɛ tɑmpɑnɑ hɑʋ?
\q1
\v 3 Ɩ́ təŋ tɑmpɑnɑ kɛ ɩcɑm nɑ sulɑʋ pɑ tɔm tɑɑ.
\q1 Nɑ ɩ́ hɑ kʋnyɔntɔɣɔlʋ nɑ kʋnyɔntʋ kɛ pɑ tɑmpɑnɑ.
\q1
\v 4 Ɩ́ wɑɑsɩ ɩcɑm nɑ kʋnyɔntɔɣɔlʋ,
\q1 ɩ́ fiti-wɛɣɛ ɑsɑɣɑɑ səkpɑŋ tɑɑ.
\b
\q1
\v 5 Amɑ ɩ́ tɑ nyɩ pʋlʋ,
\q1 pəyele ɩɩ cɛkəɣənɑ pʋlʋ,
\q1 səkpɛtʋɣʋ tɑɑ kɛ́ ɩ́ tɔŋ.
\q1 Ɩlɛnɑ tɛtʋ kilɑ tənɑ seliɣi.
\q1
\v 6 Mɑɑ tɔmɑɣɑ sɩ ɩ́ kɛ́ Ɩsɔ Sɔsɔ lʋlʋɣʋ nyə́mɑ.
\q1 Hɑlɩ ɩ tɩɩ kɛ́ ɩsɔnɑɑ.
\q1
\v 7 Pɑɑ nɑ mpʋ tɔ,
\q1 ɩ́ kɑ́ sɩ kɛ́ ɩsɩɩ yəlɑɑ,
\q1 nɑ ɩ́ hoti ɩsɩɩ pɑɑ ɑwulumpu wei.
\b
\q1
\v 8 Hɑɩ, Ɩsɔ kʋlɩ nɑ ń hʋʋnɑ ɑntulinyɑ.
\q1 Mpi tɔ, n kɛ́ piitimnɑɑ tənɑ tʋ kɛ́.
\c 83
\s1 Ɩsɔ yəlɑɑ mpɑ piitimnɑɑ lɛlɑɑ tʋɣɩ kʋnyɔŋ tɔ pɑ sələmʋɣʋ
\p Asɑfɩ yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ, tɑɑ sú, tɑɑ hɛɛsɩ.
\q1 Pəyele tɑɑ cɑɣɑ yem.
\b
\q1
\v 2 Nyɑ́ kolontunɑɑ tɑ cɑɣɑ təpɑmm,
\q1 mpɑ pɑɑ cɑɑkɩ-ŋ tɔ pɑ kʋsɑ nyɔɔŋ.
\q1
\v 3 Pɑ cɑkɩ nyɑ́ yəlɑɑ ɑcɑɣɑ nɑ ɑcilɑɣɑtʋ,
\q1 pɑ kotiɣi nɑ pɑ́ yɔɣɔtəɣɩ mpɑ pɑ tɔɔ n kentɑɑ tɔ pɑ tɔm.
\q1
\v 4 Nɑ pɑ́ yɑɑkɩ təmɑ sɩ pɑ́ kpiisi
\q1 Ɩsɛɣɛlɩ nyə́mɑ kɛ piitimnɑɑ hɛkʋ,
\q1 nɑ nɔɣɔlʋ ɩ́ tɑɑ tɑsɑ pɑ hətɛ kɛ tɔɔsʋɣʋ.
\q1
\v 5 Nyɑ kolontunɑɑ kpɛntɑ kʋlʋm nɑ
\q1 pɑ́ pɛɛlɩ nyɑ́ tɔɔ kɛ́ nɔɣɔ.
\q1
\v 6 Mpɛɣɛlɛ Ɩtɔm nyə́mɑ nɑ Ɩsəmɑyɛlɩ nyə́mɑ
\q1 nɑ Mowɑpʋ nyə́mɑ, nɑ Akɑɑ nɑ Kepɑɑlɩ pə nyə́mɑ.
\q1
\v 7 Nɑ Amoni nyə́mɑ nɑ Amɑleke nyə́mɑ
\q1 nɑ Filiisi nyə́mɑ nɑ pə́ sɔɔsənɑ Tiii nyə́mɑ tɔtɔ.
\q1
\v 8 Asilii nyə́mɑ mɑɣɑmɑɣɑ nɑ́ sɔɔsɑ pɑ tɔɔ
\q1 nɑ pɑ kʋlɩ Lɔɔtɩ lʋlʋɣʋ nyə́mɑ tɔɔ.
\b
\q1
\v 9 Hɑɩ, Ɩsɔ lɑnɑ-wɛ ɩsɩɩ n kɑ lɑpʋ Mɑtiyɑŋ nyə́mɑ
\q1 nɑ Siselɑ nɑ Yɑpɛŋ kɛ Kisɔŋ lɔɔʋ nɔɣɔ tɔ.
\q1
\v 10 Pɑ kʋ-wɛɣɛ Hɑlotɩ nɑ pə lɑ tɛtʋ kɛ mʋsʋŋ.
\q1
\v 11 Lɑ pɑ ɑwulumpiyɑ ɩsɩɩ Olɛpɩ nɑ Sɛpɩ,
\q1 nɑ ń lɑ́ pɑ ɑwulɑɑ tənɑ ɩsɩɩ Sepɑ nɑ Sɑləmunɑ.
\q1
\v 12 Mpi tɔ, pɛlɛ pɑɑ yɔɣɔtɑɣɑnɑ sɩ
\q1 pɑ lɛɛkəɣɩ Ɩsɔ təcɑɣɑlɛnɑɑ.
\q1
\v 13 Mɑ Ɩsɔ, lɑ-wɛ ɩsɩɩ kɑcuculɑɣɑ
\q1 yɑɑ nyɩɩtʋ nti heelim kpɑkəɣɩ tɔ.
\q1
\v 14 Yɑɑ ɩsɩɩ kɔkɔ mʋkʋɣʋ hɔtʋɣʋ tɔ
\q1 yɑɑ kɑ mʋkʋɣʋ pʋɣʋ nyɩɩtʋ tɔ.
\q1
\v 15 Yele nyɑ́ tɛʋ heelim tɔɣɔnɩ-wɛ
\q1 nɑ nyɑ́ kɑcuculɑɣɑ ɑnɑɑm lɑ́ nɑ pɑ́ sele.
\q1
\v 16 Tɑcɑɑ yele nɑ fɛɛlɛ kpɑ-wɛ,
\q1 nɑ pɑ́ pɛɛkɩ nyɑ́ hətɛ.
\q1
\v 17 Pə́ liɣiti-wɛ nɑ pə́ tʋ-wɛɣɛ sɔɣɔntʋ tɑɑ kɛ́ tɑm tɔɔ.
\q1 Pə́ tʋ-wɛɣɛ fɛɛlɛ nɑ pɑ́ lé.
\q1
\v 18 Ɩlɛnɑ pɑ cɛkənɑ sɩ nyɑ́ tike kɛ pɑ yɑɑ sɩ Tɑcɑɑ.
\q1 Nyɑɣɑlɛ ɩsɔtɑɑ Ɩsɔ Sɔsɔ kɛ tɛtʋ tənɑ tɑɑ.
\c 84
\s1 Mpɑ pɑ puki Yosɑlɛm kɛ ɩsɔsɛɛʋ tɔ pɑ yontu
\p Kolee nyə́mɑ kpekəle yontu nti pɑ yookinɑ Kɑtɩ tʋ cəmʋɣʋ
\d nɑ tə́ wɛ yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Tɑcɑɑ, pə tənɑ pə tʋ,
\q1 nyɑ́ təcɑɣɑlɛ tewɑɣɑ hɑlɩ.
\q1
\v 2 Pɩɩ lɑkɩ-m lɔŋ sɩ mɑ́ sʋʋ Tɑcɑɑ təyɑɣɑ tɑɣɑ tɔɔ
\q1 nɑ mɑ́ sɑ́ Ɩsɔ weesuɣu tʋ nɑ lɑŋhʋlʋmlɛ kɑwilitɑsɩ.
\q1
\v 3 Sumpɩʋpɩʋ wɛnɑ ɩ təcɑɣɑlɛ,
\q1 nɑ keŋkehilɑɣɑ kɛ tɑntɛ nte
\q1 tə tɑɑ kɑ tʋɣɩ kɑ piiŋ tɔɣɔ
\q1 nyɑ́ kɔtɑsɩ təlɑtɛ kiŋ.
\q1 Hɑɩ, mɑ wulɑʋ nɑ mɑ Ɩsɔ.
\q1 Tɑcɑɑ, pə tənɑ pə tʋ.
\q1
\v 4 Leleŋ nɩɩlɑɑ ntɛ́ mpɑ pɑ wɛ nyɑ́ təyɑɣɑ tɑɑ tɔ,
\q1 pɑɑ sɑŋɩ-ŋ tɑm tɔɔ kɛ́.
\q1
\v 5 Mpɑ pɑ tekiɣi-ŋ tɔɣɔlɛ lɑŋhʋlʋmlɛ nyə́mɑ,
\q1 nyɑ́ hɑsəɣənɑ pɑ nɔɔhɛɛ tɛɛ.
\q1
\v 6 Wɑɑtʋ wei pɑɑ tɛsəɣɩ Pɑkɑ*fɑ* tɛtɛkəlɛ tɔ,
\q1 Ɩsɔ kɑ́ pəsɩ-tɛɣɛ hilɑ nyəntɛ,
\q1 nɑ sɑlɑŋ tɛʋ kooli-tɛɣɛ kʋpɑntʋ. \f ɑ \fr 84:7 \fr*\fk Pɑkɑ: \fk*\ft Wulɑ kɛ pɑ yɑɑ mpʋ nɑ pɑ tɛ tɑɑ.\ft*\f*
\q1
\v 7 Pɑ toŋ sɔɔsəɣɩ pɑ tɔntɛ tɑɑ kɛ́,
\q1 nɑ pɑ́ kpətəɣənɑ timpi pɑɑ səŋ Ɩsɔ
\q1 ɩsɛntɑɑ kɛ́ Siyɔŋ tɔ.
\b
\q1
\v 8 Hɑɩ, Tɑcɑɑ, ɑtɛ nɑ ɩsɔtɑɑ pə tʋ nɩɩ mɑ kʋsələmʋtʋ.
\q1 Yɑkɔpʋ Ɩsɔ ke ŋkpɑŋʋɣʋ.
\q1
\v 9 Hɑɩ, Ɩsɔ, nyɑɣɑlɛ tɑ́ kpɑntɛ,
\q1 nyənɩ wei n ləsɑɑ tɔ ɩ ɩsɛntɑɑ.
\b
\q1
\v 10 Kʋyɑkʋ kʋlʋmʋɣʋ cɑɣɑʋ kɛ nyɑ́ təyɑɣɑ tɑɑ
\q1 lɑpɑ sɑnɑ nɑ kʋyɛɛŋ iyɑɣɑ (1000) cɑɣɑʋ kɛ kpɑɩ tɑɑ.
\q1 Mɑ sɔɔlɑɑ sɩ mɑ́ səŋ mɑ Ɩsɔ təyɑɣɑ nɔnɔɣɔ
\q1 nɑ mpi mɑɑ cɑɣɑ ɩsɑɣɑtʋ nyəŋkɑ tɑɑ tɔ.
\b
\q1
\v 11 Tɑcɑɑ nyɑ́ həlɑ ntɛ́ ilim nɑ kpɑntɛ.
\q1 Nyɑ́ hɑɑnɑ pɛɛlɛɛ nɑ teeli.
\q1 Nn pɛŋ kʋpɑntʋ nɑtələɣɩ mpɑ
\q1 pɑ tɔŋ siɣisuɣu tɑɑ tɔ.
\q1
\v 12 Atɛ nɑ ɩsɔtɑɑ pə tʋ Tɑcɑɑ,
\q1 wei ɩ tekiɣi-ŋ tɔɣɔlɛ lɑŋhʋlʋmlɛ tʋ.
\c 85
\s1 Tɑcɑɑ yɔɣɔtəɣɩ hɛɛsʋɣʋ tɔm
\p Kolee nyə́mɑ kpekəle yontu nti tə wɛ
\d yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, Ɩsɔ, n hʋlɑ nyɑ́ tɛtʋ kɛ pɛɛlɛɛ kɛ́,
\q1 nɑ ń məŋnɑ Yɑkɔpʋ nyə́mɑ mpɑ kolontunɑɑ kɑ kuuwɑ tɔ.
\q1
\v 2 N kpiisɑ nyɑ́ yəlɑɑ ɩsɑɣɑtʋ
\q1 nɑ ń tɑɣɑnɩ pɑ təwɑkəllɛnɑɑ.
\q1
\v 3 N kʋ nyɑ́ pɑ́ɑ́nɑ́ sɔsɔɔnɑ tənɑ
\q1 nɑ ń hɛɛsɩ-yɛɣɛ tɑ́ tɔɔ.
\b
\q1
\v 4 Hɑɩ, tɑ́ wɑɑsʋlʋ Ɩsɔ məŋnɑ-tʋ ɩsɩɩ tɩɩ wɛʋ tɔ,
\q1 nɑ ń kʋ nyɑ́ pɑ́ɑ́nɑ́ kɛ tɑ́ tɔɔ.
\q1
\v 5 Nyɑ́ tɑɑ kɑ́ kpɑnɑ-tʋɣʋ tɑm tɔɔ
\q1 nɑ ń tɔkɩ-tʋ nɑ nyɑ́ tɑɑ nɑ pə́ polo
\q1 lʋlʋŋ loosi loosi nɑ?
\q1
\v 6 N kɑɑ hɑ-tʋɣʋ weesuɣu
\q1 nɑ tə́ yɔɔlənɑ-ŋ?
\q1
\v 7 Tɑcɑɑ yele nɑ tə́ nɑ́ nyɑ́ kʋpɑntʋ
\q1 nɑ ń yɑ́ tɑ́ nyʋɣʋ.
\b
\q1
\v 8 Ɩsɔ Tɑcɑɑ kʋyɔɣɔtʋtʋ kɛ mɑ nɩɩkɩ.
\q1 Mpi tɔ, hɛɛsʋɣʋ tɔm kɛ n yɔɣɔtəɣənɑ nyɑ́ yəlɑɑ
\q1 nɑ mpɑ pɑ nɩɩkənɑ-ŋ tɔ sɩ pɑ tɑɑ məlɩ kʋmɛlɛntʋ tɑɑ.
\q1
\v 9 Nyɑ́ nyʋɣʋ yɑpʋ kpətənɑ mpɑ pɑ nyɑŋnɑ-ŋ tɔɣɔ
\q1 ɩlɛnɑ pə kɔnɑ nyɑ́ teeli kɛ tɑ́ tɛtʋ tɑɑ.
\b
\q1
\v 10 Kʋpɑntʋ nɑ tɑmpɑnɑ təŋʋɣʋ pə sulɑɑ,
\q1 nɑ hɛɛsʋɣʋ nɑ siɣisuɣu pə́ wɑɣɑlɩ təmɑ.
\q1
\v 11 Tɑmpɑnɑ təŋʋɣʋ lɩɩkənɑ tɛtʋ tɛɛ kɛ́,
\q1 ɩlɛnɑ siɣisuɣu nɑ́ɑ́ lɩɩnɑ ɩsɔtɑɑ.
\q1
\v 12 Tɑcɑɑ mɑɣɑmɑɣɑ kɑ́ kɔnɑ kʋpɑntʋ
\q1 nɑ tɑ́ tɛtʋ nɑ́ɑ́ lʋlɩ tə kʋlʋlʋm.
\q1
\v 13 Tɑmpɑnɑ təŋʋɣʋ wɛ nyɑ́ nɔɣɔ tɔɔ kɛ́
\q1 nɑ ɑ́ hɛɛkɩ-ŋ ɩkpɑtɛ kɛ mpɑɑʋ tɑɑ.
\c 86
\s1 Mɑ yɑɑkɩ-ŋ mɑ lɑŋwɑkəllɛ tɑɑ
\p
\v 1 Sələmʋɣʋ ŋku kʋ wɛ Tɑfiiti yontu tɑkəlɑɣɑ tɑɑ tɔ.
\b
\q1 Hɑɩ, Tɑcɑɑ ke ŋkpɑŋʋɣʋ nɑ mɑ tɔɔ nɑ ń cɔ-m.
\q1 Mpi tɔ, mɑ kɛ́ kʋnyɔntʋ kɛ́ nɑ wɑhɑlɑ tʋ.
\q1
\v 2 Mɑ kɛ́ kʋpɑŋ kɛ́, kenti mɑ tɔɔ.
\q1 Mɑ Ɩsɔ, mɑ kɛ́ nyɑ́ təmlɛ tʋ kɛ́,
\q1 mɑ pɛtɑ-ŋ mɑ tɩ, wɑɑsɩ-m.
\q1
\v 3 Tɑcɑɑ nyənɩ mɑ pətɔɔtəlɛ.
\q1 Nyɑɣɑ mɑ wiikinɑ pɑɑ ɩfemle nte.
\q1
\v 4 Nyɑ́ tɔɔ kɛ́ mɑ kɛɛsənɑɑ.
\q1 Ɩlɛ hɛɛsɩ nyɑ́ təmlɛ tʋ mɑ, mɑ lɑŋlɛ.
\q1
\v 5 Tɑcɑɑ, n kɛ́ kʋpɑŋ kɛ́,
\q1 nɑ ń hʋləɣɩ suulu.
\q1 Nyɑ́ kʋpɑntʋ tɔɔwɑ mpɑ pɑ yɑɑkɩ-ŋ tɔ pɑ tɔɔ.
\q1
\v 6 Tɑcɑɑ ke ŋkpɑŋʋɣʋ nɑ mɑ kʋsələmʋtʋ
\q1 nɩɩ mɑ wiinɑʋ.
\q1
\v 7 Mɑ yɑɑkɩ-ŋ mɑ lɑŋwɑkəllɛ kʋyɛɛŋ tɑɑ kɛ́.
\q1 Mpi tɔ, n nɩɩkɩ mɑ nɔɣɔ.
\b
\q1
\v 8 Hɑɩ, Tɑcɑɑ, Ɩkɔntɛ nɑtəlɩ tə tɑ nəɣəsənɑ-ŋ,
\q1 pəyele nɔɣɔlʋ ɩɩ pəsəɣɩ nɑ ɩ́ lɑ nyɑ́ təmlɛ nɑtəlɩ.
\q1
\v 9 Piitimnɑɑ mpɑ pɑ tənɑ n ŋmɑwɑ tɔ,
\q1 pɑɑ kɔɔ nɑ pɑ́ həntɩ-ŋ ɑtɛ,
\q1 nɑ pɑ́ tʋ nyɑ́ hətɛ kɛ teeli.
\q1
\v 10 N kɛ́ sɔsɔ kɛ́, nɑ n lɑkɩ kɔkɔlɔ nyəm,
\q1 nyɑ́ tike ntɛ́ tɑmpɑnɑ Ɩsɔ.
\b
\q1
\v 11 Hɑɩ, Tɑcɑɑ hʋlɩ-m nyɑ́ mpɑɑŋ,
\q1 mɑɑ tɔ nyɑ́ tɑmpɑnɑ tɑɑ.
\q1 Tʋ mɑ tɑɑ nɑ mɑ́ wɛɛnɑ nyɑ́ sɔɣɔntʋ.
\q1
\v 12 Tɑcɑɑ, mɑ Ɩsɔ mɑɑ sɑ-ŋ nɑ lotu kʋlʋmtʋ,
\q1 nɑ mɑ́ tʋɣɩ nyɑ́ hətɛ kɛ teeli kɛ tɑm tɔɔ.
\q1
\v 13 Nyɑ́ kʋpɑntʋ tɔɔwɑ mɑ tɔɔ kɛ́,
\q1 nɑ ń yɑkɩ mɑ ləsɑɣɑ kɛ ɑtɛtəlɛ lumɑŋ tɑɑ.
\b
\q1
\v 14 Hɑɩ, Ɩsɔ, kɑlɑmpɑɑnɩ nyə́mɑ kʋlɑ mɑ tɔɔ,
\q1 mʋsʋntʋnɑɑ kpekəle cɑɑkɩ mɑ weesuɣu ləsʋɣʋ.
\q1
\v 15 Amɑ Tɑcɑɑ, nyɑ́ kɛ́ suulu tʋ kɛ́,
\q1 nɑ ń wɛnɑ pətɔɔtəlɛ.
\q1 Nn mʋɣɩ pɑ́ɑ́nɑ́ kɛ lɔŋ,
\q1 nyɑ́ kʋpɑntʋ tɔɔwɑ,
\q1 nɑ n lɑkɩ ɩsənɑ n sɩɩwɑ tɔ.
\q1
\v 16 Nyənɩ mɑ pətɔɔtəlɛ nɑ ń kɛɛsənɑ mɑ tɔɔ,
\q1 hɑ nyɑ́ təmlɛ tʋ mɑɣɑ toŋ.
\q1 Mɑ kɛ́ nyɑ́ nyəŋ kɛ́ wɑɑsɩ-m.
\q1
\v 17 Lɑ-m mpi pə hʋləɣɩ nyɑ́ kʋpɑntʋ tɔ,
\q1 mɑ kolontunɑɑ ɩ́ nɑ́ nɑ pə tʋ-wɛɣɛ fɛɛlɛ.
\q1 Mpi tɔ, nyɑ́ wɑɑsəɣənɑ-m nɑ ń hɛɛsəɣɩ mɑ lɑŋlɛ.
\c 87
\s1 Yəlɑɑ tənɑ ɩcɑtɛ mɑɣɑmɑɣɑ kɛlɛ Siyɔŋ
\p
\v 1 Kolee nyə́mɑ kpekəle yontu nti tə wɛ
\q1 yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ nyɑ́ sɩɩnɑ Siyɔŋ ɩcɑtɛ kɛ pʋʋŋ nɑŋŋ nyəŋ tɔɔ.
\q1
\v 2 Ntɛɣɛ n kəlɑ sɔɔlʋɣʋ kɛ
\q1 Yɑkɔpʋ nyə́mɑ ɑcɑlɛɛ tənɑ tɑɑ.
\b
\q1
\v 3 Teeli tɔm kɛ pɑ yɔɣɔtəɣɩ
\q1 Ɩsɔ ɩcɑtɛ nyɑ́, nyɑ́ tɔɔ.
\q1
\v 4 Mpɑ pɑ nyəmɑ-m tɔ pɑ ɩsɛntɑɑ kɛ́
\q1 mɑ yɑɑkɩ Icipiti nɑ Pɑpiloni nɑ
\q1 Filiisi nɑ Tiii nɑ Ɩtiyopii pə nyə́mɑ.
\q1 Tɛtʋnɑɑ mpɛ pɑ tɑɑ kɛ́ pə lʋlɑ-wɛ.
\q1
\v 5 Amɑ ye Siyɔŋ ɩcɑtɛ ɩlɛ tə tɑɑ kɛ́
\q1 pə lʋlɑ yəlɑɑ tənɑ.
\q1 Ɩsɔtɑɑ Ɩsɔ Sɔsɔ yɔɣɔtənɑ-tɩ.
\b
\q1
\v 6 Tɑcɑɑ kɑləɣɩ yəlɑɑ nɑ ɩ ŋmɑɑkɩ sɩ:
\q1 Siyɔŋ kɛlɛ pɑɑ wei ɩ ɩcɑtɛ mɑɣɑmɑɣɑ.
\b
\q1
\v 7 Hɑɩ, Ɩsɔ ɩcɑtɛ nyɑ́, yonyoolɑɑ nɑ pɑɑlɑɑ
\q1 pɑ kpɛntənɑ nɑ pɑ yɔɣɔtəɣɩ nyɑ́ teu tɔm.
\c 88
\s1 Wei səm kpɛɣɛtənɑɑ tɔ ɩ sələmʋɣʋ
\p Kolee nyə́mɑ kpekəle yontu nti tə wɛ
\q1 yonyoolɑɑ nyʋɣʋ tʋ yontunɑɑ tɑɑ,
\q1 nɑ tə́ kɛ́ lɑŋwɑkəllɛ nyəntʋ nti
\d Ɩsəlɑhi tʋ Hemɑŋ yoowɑ tɔɣɔlɔ.
\b
\q1
\v 1 Tɑcɑɑ Ɩsɔ, mɑ nyʋɣʋ yɑ́tʋ,
\q1 ilim nɑ ɑhoo kɛ mɑ wiikinɑ-ŋ.
\q1
\v 2 Mʋ mɑ kʋsələmʋtʋ kɛ nyɑ́ kʋpɑntʋ tɔɔ.
\q1 Ke ŋkpɑŋʋɣʋ nɑ ń nɩɩ mɑ wiinɑʋ.
\b
\q1
\v 3 Mpi tɔ, wɑhɑlɑ nɩɩ-m kɛ́,
\q1 nɑ mɑ́ kpɛɣɛtənɑ səm tətɛɣɛtɛɣɛ.
\q1
\v 4 Mɑ wɛ mpɑ pɑ tiiki pəlɑɑʋ tɑɑ tɔ pɑ looŋɑ tɑɑ kɛ́.
\q1 Mɑ wɛ ɩsɩɩ yʋlʋ wei ɩ fɛɩnɑ toŋ tɔ.
\q1
\v 5 Sətɑɑ hɛkʋ kɛ mɑ həntɑɑ
\q1 nɑ mɑ́ nəɣəsənɑ ɩsɩɩ mpɑ pɑ kʋwɑ nɑ pɑ́ hɩɩsɩ
\q1 pəlɑɑʋ tɑɑ nɑ pə́ fɑɣɑ nyɑnɑ-wɛ,
\q1 nɑ nn tɔɔsəɣɩ pɑ tɔm tɔ.
\q1
\v 6 Pʋʋɣʋ lumɑŋ nyəŋkʋ tɑɑ kɛ́ n pɛtɑ-m,
\q1 səkpɛtʋɣʋ tɑɑ kɛ́ pʋʋɣʋ ɑnɑɑm tɑɑ.
\q1
\v 7 Nyɑ́ pɑ́ɑ́nɑ́ tii mɑ tɔɔ kɛ́
\q1 nɑ ɑ́ tɑ-m ɩsɩɩ lʋm holɑ.
\q1
\v 8 N hɑtələnɑ-m mɑ cewɑɑ
\q1 nɑ ń pəsɩ-m ɩsɩɩ ɑcɑɑlətʋ
\q1 pʋlʋ kɛ pɑ ɩsɛntɑɑ.
\q1 Pə təkɑ-m pə fɛɩ lɩɩʋ.
\q1
\v 9 Wɑhɑlɑ nyəŋsɑ mɑ ɩsɛ kɛ́.
\b
\q1 Pɑɑ ɩfemle nteɣe mɑ yɑɑkɩ-ŋ Tɑcɑɑ,
\q1 nɑ mɑ́ tɛkəɣɩ-ŋ niŋ.
\q1
\v 10 Sətɑɑ kɛ n lɑkɩ piti təmɑ nɑ?
\q1 Pɑɑ kʋlɩ nɑ pɑ́ sɑ-ŋ?
\q1
\v 11 Sətɑɑ yɔɣɔtəɣɩ nyɑ́ kʋpɑntʋ tɔm kɛ pɑ tɛɣɛ?
\q1 Yɑɑ nyɑ́ teu tɔm kɛ pɑ yɔɣɔtəɣɩ ɑtɛtəlɛ tɑɑ?
\q1
\v 12 Nɔɣɔlʋ tɑ nyɩ nyɑ́ kɔkɔlɔ
\q1 nyəmnɑɑ tɔm kɛ səkpɛtʋɣʋ tɑɑ.
\q1 Pəyele pɑ tɑ nyɩ nyɑ́ siɣisuɣu tɔm kɛ
\q1 tɛtʋ nti tə tɑɑ yəlɑɑ wɛnɑ ləsɔɔʋ tɔ.
\b
\q1
\v 13 Hɑɩ, Tɑcɑɑ, nyɑɣɑ mɑ yɑɑkɩ sɩ ń wɑɑsɩ-m
\q1 nɑ mɑ́ sələməɣɩ-ŋ pɑɑ tɑnɑŋ ŋku.
\q1
\v 14 Tɑcɑɑ, pepe tɔɔ kɛ́ n lɔ-m
\q1 nɑ nn cɑɑkɩ sɩ ń nɑ-m?
\q1
\v 15 Mɑ kɛ́ kʋnyɔntʋ kɛ hɑtoo mɑ pəcɑɑtʋ kɛ́
\q1 nɑ mɑ́ wɛ səm nɔɣɔ tɑɑ,
\q1 nɑ mɑ́ tɔkɩ sɔɣɔntʋ nti n tʋ-m tɔ tə wɑhɑlɑ.
\q1 Pə pəsɑ mɑ lɑŋlɛ kɛ́.
\q1
\v 16 Nyɑ́ pɑ́ɑ́nɑ́ huunɑ-m kɛ́ ɩsɩɩ kɔkɔ,
\q1 nɑ nyɑ́ sɔɣɔntʋ sɔsɔɔntʋ wɑkələɣɩ-m.
\q1
\v 17 A liki-m pɑɑ ɩfemle nteɣe ɩsɩɩ lʋm
\q1 nɑ ɑ́ wɑtəɣɩ-m nɑ pɑɑ timpi.
\q1
\v 18 N hɑtələnɑ-m mɑ cewɑɑ nɑ mɑ tɑɑpɑlɑɑ tənɑ,
\q1 səkpɛtʋɣʋ kɛ pə yelinɑ-m.
\c 89
\s1 Nɔɔsɩ nsi pɑ sɩɩ Tɑfiiti tɔ sɩ wɛ le?
\d Ɩsəlɑhi tʋ Ɩtɑŋ yontu.
\b
\q1
\v 1 Tɑcɑɑ nyɑ́ kʋpɑntʋ tɔm kɛ mɑɑ yooki yontu kɛ tɑm,
\q1 nɑ mɑ heeliɣi nyɑ́ tɑmpɑnɑ təŋʋɣʋ tɔm kɛ pɑɑ pəlee.
\q1
\v 2 Mpi tɔ, mɑ yɔɣɔtɑɑ sɩ:
\q1 Nyɑ́ kʋpɑntʋ wɛ tɑm tɔɔ kɛ́ nɑ tə sikɑ ɩsɔtɔnʋɣʋ tɑɑ.
\b
\q1
\v 3 Mɑ nɑ mɑ təmlɛ tʋ Tɑfiiti wei mɑ ləsɑɑ tɔ tə pɛɛlɑ nɔɣɔ
\q1 hɑlənɑ mɑ́ yɔɣɔtɩ nɑ mɑ́ tuu sɩ:
\q1
\v 4 Mɑɑ yele nɑ nyɑ́ kɑwulɑɣɑ wɛɛ tɑm,
\q1 nɑ mɑ́ lɛɛtəɣɩ kɑ tɑɑ kɛ́ nyɑ́ lʋlʋɣʋ nyə́mɑ.
\b
\q1
\v 5 Hɑɩ, Tɑcɑɑ, ɩsɔtɔnʋɣʋ hʋləɣənɑ nyɑ́ teu
\q1 nɑ nyɑ́ kʋpɑntʋ kɛ sɑmɑɑ tɑɑ.
\q1
\v 6 Awe pəsəɣɩ nɑ ɩ́ kɛɛsənɑ Tɑcɑɑ nyɑɣɑ ɩsɔtɑɑ?
\q1 Nyɑ́ pəyɑlɑɑ tɑɑ ɑwe nəɣəsənɑ-ŋ?
\q1
\v 7 Ɩsɔ n kɛ́ sɔsɔ kɛ ɩsɔtɑɑ sɑmɑɑ tɑɑ kɛ́,
\q1 nɑ pɑ tənɑ mpɑ pɑ cɔɔnɑ-ŋ tɔ pɑ nyɑŋnɑ-ŋ.
\q1
\v 8 Hɑɩ, Tɑcɑɑ, ɑtɛ nɑ ɩsɔtɑɑ pə tʋ,
\q1 ɑwe wɛ ɩsɩɩ nyɑ́?
\q1 Tomɑ nɑ teu pə tʋ-ŋ hɛkʋ.
\q1
\v 9 Nyɑ́ ŋmɑkələnɑ teŋku nɑ ɩ kɑlɑmpɑɑnɩ,
\q1 n hɛɛsəɣɩ ɩ lʋm kɛ wɑɑtʋ wei pə kʋləɣənɑ pɑ́ɑ́nɑ́ tɔ.
\q1
\v 10 Nyɑ́ nɑŋtənɑ Icipiti ɩsɩɩ sətʋ,
\q1 nɑ ń yɑsɩ nyɑ́ kolontunɑɑ nɑ nyɑ́ niŋ toŋ.
\q1
\v 11 Nyɑ́ tənnɑ ɩsɔtɔnʋɣʋ nɑ tɛtʋ.
\q1 Nyɑ́ sɩɩnɑ ɑntulinyɑ nɑ ɩ tɑɑ nyəm tənɑ.
\q1
\v 12 Nyɑ́ lɑpənɑ ilim ntɔɣɔŋ nɑ pə mpətəŋ
\q1 nɑ Tɑpɔɔ nɑ Hɛɛmɔŋ pʋʋŋ sɑŋ nyɑ́ hətɛ.
\q1
\v 13 Nyɑɣɑlɛ toŋ sɔsɔɔŋ tʋ,
\q1 nyɑɣɑlɛ pəsʋɣʋ sɔsɔɔŋkʋ tʋ.
\q1
\v 14 Nyɑ́ kɑwulɑɣɑ kite ntɛ́ tɑmpɑnɑ təŋʋɣʋ nɑ siɣisuɣu
\q1 nɑ kʋpɑntʋ nɑ teu kɛ nyɑ́ nɔɣɔ tɔɔ.
\q1
\v 15 Yəlɑɑ mpɑ pɑ nyəmɑ́ nyɑ́
\q1 ɑkɑntəlɛ wulɑ tɔɣɔlɛ leleŋ nɩɩlɑɑ,
\q1 nyɑ́ ɩsɛntɑɑ kɛ́ pɑ wɛ tɑm.
\q1
\v 16 Pɑ lɑŋlɛ hɛɛnɑ nyɑ́ hətɛ kɛ kʋtɑmsɑ,
\q1 nɑ pɑ́ sɑŋ pɑ tɩ nɑ nyɑ́ siɣisuɣu.
\q1
\v 17 Pɑ toŋ teeli kɛlɛ nyɑ́,
\q1 nyɑ́ kʋpɑntʋ kpɑɑsəɣənɑ tɑ́ toŋ.
\q1
\v 18 Tɑcɑɑ kɛlɛ tɑ́ kʋkentuɣu,
\q1 Ɩsɛɣɛlɩ nɑŋŋ tʋ ntɛ́ tɑ́ wulɑʋ.
\b
\q1
\v 19 Kʋyɑkʋ nɑkʋlɩ n yɔɣɔtənɑ
\q1 nyɑ́ kʋsɔɔlʋ kɛ toosee tɑkɑ tɑɑ sɩ
\q1 n hɑ nyɑ́ toŋ kɛ ɑkɑ,
\q1 nɑ ń tɔɔ ɩfepu kɛ yəlɑɑ tɑɑ.
\q1
\v 20 N hikɑ nyɑ́ təmlɛ tʋ Tɑfiiti,
\q1 nɑ ń ləsɩ-ɩ nɑ ń pəlɩ-ɩ kɔtɑɣɑ nim.
\q1
\v 21 N kɑ́ sənɑ-ɩ nɑ toŋ,
\q1 nɑ ń pəsɩ-ɩ yʋlʋ toŋ tʋ.
\q1
\v 22 Kolontu kɑɑ tuti-ɩ,
\q1 yʋlʋ ɩsɑɣɑʋ nɑ́ kɑɑ pəsɩ-ɩ.
\q1
\v 23 Nkɑ nɑŋtɩ ɩ kolontunɑɑ kɛ ɩ nɔɣɔ tɔɔ,
\q1 nɑ ń mɑ́ mpɑ pɑɑ cɑɑkɩ-ɩ tɔ.
\q1
\v 24 N kɑ́ lɑpɩ-ɩ nyɑ́ kʋpɑntʋ,
\q1 nɑ ɩ toŋ kpɑɑkənɑ nyɑ́ hətɛ.
\q1
\v 25 N kɑ́ tʋ ɩ niŋ tɑɑ kɛ́ teŋku,
\q1 nɑ ń yele nɑ ɩ́ pəsɩ pusi.
\q1
\v 26 Hɑlɩ n kɑ́ yɑɑ-ɩ nɑ ɩ́ tɔ sɩ:
\q1 Nyɑɣɑlɛ mɑ cɑɑ Ɩsɔ nɑ mɑ nyʋɣʋ yɑpʋ kʋkpɑmʋɣʋ.
\q1
\v 27 Ɩlɛnɑ nyɑɑ pəsɩ-ɩ nyɑ́ pəyɑlʋ kɑncɑɑlɑɣɑ nyəŋ
\q1 wei ɩ kɛ́ ɑtɛ ɑwulɑɑ sɔsɑɑ tənɑ tɑɑ sɔsɔ tɔ.
\q1
\v 28 N kɑ́ sɩɩ-ɩ kʋpɑntʋ kɛ tɑm tɔɔ,
\q1 pəyele nɔɣɔ ŋkɑ nyɑ́ nɑ-ɩ
\q1 ɩ́ pɛɛlɑɑ tɔ kɑ kɑɑ lɑɣɑsɩ.
\q1
\v 29 N kɑ́ yele nɑ ɩ lʋlʋɣʋ nyə́mɑ wɛɛ tɑm tɔɔ,
\q1 nɑ ɩ kɑwulɑɣɑ nɑ́ɑ́ leeli ɩsɩɩ ɩsɔtɔnʋɣʋ.
\b
\q1
\v 30 Ye ɩ lʋlʋɣʋ nyə́mɑ lɔwɑ nyɑ́ kiiŋ
\q1 nɑ pɑ́ kisi nyɑ́ kʋsəsɩɩtʋ kɛ təŋʋɣʋ,
\q1
\v 31 ye pɑ kisiɣi nyɑ́ kʋtʋtʋtʋ
\q1 nɑ pɑɑ tɔkəɣɩ nyɑ́ kʋsəsɩɩtʋ,
\q1
\v 32 ɩlɛ n kɑ́ cɑɑ kpɑ́tʋɣʋ nɑ ń hɔnɑ pɑ ŋkpɑŋʋɣʋ
\q1 nɑ ń mɑ́-wɛɣɛ pɑ ɩsɑɣɑtʋ tɔɔ.
\q1
\v 33 Amɑ n kɑɑ pɛ-wɛɣɛ nyɑ́ kʋpɑntʋ,
\q1 pəyele n kɑɑ pɛ-wɛɣɛ nyɑ́ teu.
\q1
\v 34 N kɑɑ yɔkɩ nyɑ́ nɔɣɔ pɛɛlʋɣʋ.
\q1 Pəyele n kɑɑ lɑɣɑsɩ nti n yɔɣɔtɑɑ tɔ.
\q1
\v 35 N tɛmɑ tuunɑʋ nɑ nyɑ́ tənɑŋŋ wɛɛtʋ,
\q1 n kɑɑ pəsɩ ń looli Tɑfiiti.
\q1
\v 36 Tɑfiiti lʋlʋɣʋ kɑ wɛɛ tɑm tɔɔ kɛ́,
\q1 nɑ ɩ kɑwulɑɣɑ kumte wɛɛ nyɑ́ ɩsɛntɑɑ ɩsɩɩ ilim.
\q1
\v 37 Nɑ ɩ́ leeli ɩsɩɩ ɩsɔtʋ,
\q1 ɩnɩ ɩ kɛnɑ ɑseetɑ tʋ kʋpɑŋ wei ɩ wɛ ɩsɔtɔnʋɣʋ tɑɑ tɔ.
\b
\q1
\v 38 Pɑɑ nɑ mpʋ pɑ́ɑ́nɑ́ kpɑ-ŋ nɑ ń lɔ wulɑʋ wei n kɑ ləsɑɑ
\q1 nɑ ń pəlɩ nim tɔ nɑ ń yele-ɩ nɑ ɩ́ hoti.
\q1
\v 39 N yɔkɑ nɔɣɔ ŋkɑ nyɑ nɑ nyɑ́ təmlɛ tʋ ɩ pɛɛlɑɑ tɔ
\q1 nɑ ń wɑkəlɩ ɩ ntenuɣu nɑ ń lɔ-kʋɣʋ ɑtɛ.
\q1
\v 40 N yɔkɑ ɩ koloosi toŋ nyənsɩ tənɑ,
\q1 nɑ ń pəsɩ ɩ koloosi ɑcɑlɛɛ kɛ ncɑɑ.
\q1
\v 41 Mpɑtɔntɑɑ tənɑ kuuki ɩ wontu kɛ́,
\q1 nɑ ɩ cɔlɔ nyə́mɑ pɑɑkənɑ-ɩ.
\q1
\v 42 N kpɑɑsɑ ɩ kolontunɑɑ ɑpɑlʋtʋ,
\q1 nɑ ń lɑ nɑ mpɑ pɑɑ cɑɑkɩ-ɩ tɔ pɑ lɑŋɑ hɛɛ.
\q1
\v 43 N kʋwɑ ɩ yoou wontu lɔŋ.
\q1 Pəyele n tɑ sənɑ-ɩ yoou tɑɑ.
\q1
\v 44 N lɛɛkɑ ɩ kɑwulɑɣɑ toŋ,
\q1 nɑ ń pəsɩ ɩ kumte kɛ kpɛntəlɑsɩ kɛ ɑtɛ.
\q1
\v 45 N pɑsɑ ɩ ɩfepile pɩɩsɩ,
\q1 nɑ ń tʋ-ɩ fɛɛlɛ.
\q1
\v 46 Hɑɩ, Tɑcɑɑ, pəlee kɛ́ n kɑ́ hɛɛsɩ nyɑ́ təɣɩ ŋmɛsʋɣʋ?
\q1 Nɑ nyɑ́ pɑ́ɑ́nɑ́ kpɑɑsʋɣʋ ɩsɩɩ kɔkɔ?
\q1
\v 47 Tɔɔsɩ mɑ tɔm, yʋlʋ weesuɣu kəlɑ topi kɛ́,
\q1 pə nəɣəsənɑ kɛ́ ɩsɩɩ n ŋmɑ yʋlʋ kɛ sɩ n pəsəɣɩ-ɩ yem.
\q1
\v 48 Yʋlʋ nɔɣɔlʋ ɩ fɛɩ sɩ ɩ kɑɑ sɩ.
\q1 Awe pəsəɣənɑ nɑ ɩ́ yɑ́ ɩ təɣɩ ɑtɛtəlɛ tɑɑ?
\q1
\v 49 Tɑcɑɑ, leɣe nyɑ́ lɔŋtɑɑ kʋpɑntʋ
\q1 nti n kɑ sɩɩ Tɑfiiti kɛ nɔɣɔ tɔ tə sɑɑlɑɑ?
\q1
\v 50 Tɑcɑɑ tɔɔsɩ mpusi wei nyɑ́ təmlɛ nyə́mɑ tʋɣʋ-m tɔ,
\q1 tɔɔsɩ sɩ mɑ nʋkɑ yəlɑɑ sɑmɑɑ.
\q1
\v 51 Hɑɩ, Tɑcɑɑ tɔɔsɩ kʋtʋɣʋ ŋku nyɑ́ kolontunɑɑ
\q1 tʋʋkɩ nyɑ́ ləsəlʋ tɔntɛ tɔɔ tɔ.
\b
\q1
\v 52 Tɑcɑɑ hətɛ sɔsɔɔlɛ ntɛ́ teeli nyəntɛ kɛ tɑm tɔɔ.
\q1 Ɩsɔ ɩ́ kɔnɑ mpʋ, Ɩsɔ ɩ́ kɔnɑ mpʋ.
\c 90
\ms1 TAKƎLAƔA LIƔITI NYƎŊKA
\r (Yontu 90–106)
\s1 Yʋlʋ wɛ tənɑɣɑ, Ɩsɔ nɑ́ wɛ tɑm tɔɔ
\p
\v 1 Ɩsɔ yʋlʋ Moisi kʋsələmʋtʋ.
\b
\q1 Hɑɩ, Tɑcɑɑ, nyɑ́ kɛnɑ tɑ́ kpʋlʋɣʋ
\q1 tətʋlɛ kɛ too lɔŋtɑɑ.
\q1
\v 2 Nɑ pə́cɔ pə́ lɑkɩ ɑntulinyɑ nɑ pulɑsɩ tɔ,
\q1 nyɑ́ kɛnɑ Ɩsɔ nɑ n kɑ́ wɛɛ ḿpʋɣʋ tɑm tɔɔ kɛ́.
\q1
\v 3 Nyɑ́ mələɣənɑnɑ yəlɑɑ kɛ ɑtɛ mʋsʋɣʋ tɑɑ,
\q1 nɑ ń tɔŋ-wɛ sɩ: Ɩ́ məlɩ timpi ɩ́ kɑ lɩɩnɑɑ tɔ.
\q1
\v 4 Mpi tɔ, pɩɩsɩ iyɑɣɑ (1000) wɛ-ŋ kɛ́ ɩsɩɩ kʋyɑkʋ ŋku
\q1 kʋ tɛɛwɑ nɑ kʋ kɑɑ tɑsɑ məlʋɣʋ tɔ,
\q1 yɑɑ ɑhoo nnɑ ɑ tɛɛwɑ tɔ ɑ hɔɣɔlʋɣʋ.
\q1
\v 5 N kpiisiɣi yəlɑɑ kɛ́ ɩsɩɩ toosee wenɑ
\q1 pə feŋuɣu tɑnɑŋ nɑ ɑ́ sɑɑlɩ yem ɩsɩɩ nyɩɩtʋ tɔ.
\q1
\v 6 Nyɩɩtʋ tʋɣɩ hɛtʋ kɛ tɑnɑŋ tɛɛ kɛ́ nɑ tə́ pɩɩ.
\q1 Ɩlɛnɑ tɑɑnɑɣɑ tə́ lontili nɑ tə́ wʋlɩ.
\b
\q1
\v 7 Nyɑ́ pɑ́ɑ́nɑ́ kpiisiɣi-tʋɣʋ
\q1 nɑ nyɑ́ tɑɑ kpɑʋ nyɑɑsəɣɩ-tʋ.
\q1
\v 8 N ləsəɣɩ tɑ́ ɩsɑɣɑtʋ kɛ pɑtəmɑ tɑɑ kɛ́,
\q1 nɑ ń sɩɩkɩ nyɑɑləm tɑɑ kɛ́ tɑ́ kʋŋmɛsətʋ.
\q1
\v 9 Nyɑ́ pɑ́ɑ́nɑ́ sɔsɔɔnɑ lɑkɩ kɛ́ nɑ tɑ́ kʋyɛɛŋ sɑɑləɣɩ yem,
\q1 nɑ tɑ́ pɩɩsɩ nyɑɑ sɑləɣɩ yem ɩsɩɩ yʋlʋ nɔɣɔ.
\q1
\v 10 Tɑ́ weesuɣu pɩɩsɩ ntɛ́ nɩɩtosonnɑɑnʋwɑ.
\q1 Ye mpɑ pɑ kəlɑ ɑlɑɑfəyɑ, ɩlɛ pɑ nyənsɩ yoosi nɩɩnɑɑsɑ.
\q1 Amɑ kʋnyɔŋ nɑ wɑhɑlɑ tike kɛ yʋlʋ wɑɑkɩ pə tɑɑ.
\q1 Weesuɣu tɛɛkɩ lɔlɔ kɛ́ nɑ tɑɑ kʋləɣɩ
\q1 hʋntʋ nɑ tə́ kpətəɣənɑ səm.
\q1
\v 11 Tɑcɑɑ, ɑwe nyəmnɑ nyɑ́ toŋ nɑ nyɑ́ pɑ́ɑ́nɑ́ pə tɔm?
\q1 Nɔɣɔlʋ ɩɩ nyɑŋnɑ-ŋ sɩ ɩ́ nyɩ nyɑ́ pɑ́ɑ́nɑ́ tɔm kɛ teu.
\q1
\v 12 Hʋlɩ-tʋɣʋ tɑ́ kʋyɛɛŋ kɑlʋɣʋ.
\q1 Wɑɑtʋ ɩnəɣɩ tɩɩ hii lɑɣɑtʋ.
\b
\q1
\v 13 Hɑɩ, Tɑcɑɑ, hɛɛsɩ-tʋɣʋ pɑ́ɑ́nɑ́ mʋnɑʋ kɛ mpʋ.
\q1 Nyənɩ nyɑ́ təmlɛ nyə́mɑ tɑ́,
\q1 tɑ́ pətɔɔtəlɛ nɑ ń kɛ́ɛ́sə́nɑ́ tɑ́ tɔɔ.
\q1
\v 14 Lɑ-tʋɣʋ nyɑ́ kʋpɑntʋ sɔsɔɔntʋ kɛ tɑ́ tɑnɑŋ tɛɛ.
\q1 Ɩlɛ tɩɩ cɑɣɑnɑ lɑŋhʋlʋmlɛ kɛ tɑ́ weesuɣu tənɑ.
\q1
\v 15 Pɩɩsɩ pɑɣɑlɛ tɑɑ kɛ́ n hɔmɑ tɑ́ ŋkpɑŋʋɣʋ.
\q1 Ɩlɛ hɛɛsɩ tɑ́ lɑŋɑ kɛ pɩɩsɩ pɑɣɑlɛ
\q1 ɩsɩɩ nsi sɩ tɑɑ tə nɑ wɑhɑlɑnɑɑ tɔ.
\q1
\v 16 Lɑ nyɑ́ yomɑɑ tɑɣɑ nyɑ́ təmlɛ,
\q1 nɑ tɑ́ lʋlʋɣʋ nyə́mɑ nɑ nyɑ́ sɔsɔɔntʋ.
\q1
\v 17 Hɑɩ, Tɑcɑɑ, tɑ Ɩsɔ lɑ-tʋɣʋ nyɑ́ kʋpɑntʋ,
\q1 nɑ ń yele nɑ tɑ́ niŋ təmɑ leeli.
\q1 Ɛɛ, yele nɑ ɑ́ leeli.
\c 91
\s1 Ɩsɔ kɛlɛ tɑ́ kpʋlʋɣʋ tətʋlɛ
\p
\v 1 Yʋlʋ wei ɩ tʋɣɩ ɩsɔtɑɑ Ɩsɔ sɔsɔ kɛ kpʋlʋɣʋ tɔ,
\q1 Tomɑ tənɑ tʋ tɛɛ kɛ́ ɩ hɛɛsəɣɩ.
\q1
\v 2 Pə wɛɛ sɩ pʋntʋ ɩ́ yɔɣɔtɩ Tɑcɑɑ sɩ:
\q1 Nyɑɣɑlɛ mɑ kpɑntɛ nte mɑ cɔɔsəɣənɑ tɔ.
\q1 Nyɑɣɑlɛ mɑ Ɩsɔ nɑ mɑ́ tʋɣɩ-ŋ nɑɑni.
\b
\q1
\v 3 Tɑcɑɑ nyɑ́ fitiɣinɑ yʋlʋ kɛ puluɣu kʋnyəpʋɣʋ tɑɑ,
\q1 nɑ yʋlʋkʋsəkʋ nɑ kʋ wɑkəlʋɣʋ tɑɑ.
\q1
\v 4 Nɑ n kenti ɩ tɔɔ nɑ ɩ́ tʋ-ŋ kpʋlʋɣʋ,
\q1 ɩsɩɩ kɑmpɑɣɑ kɛ kɑ too keŋ tɛɛ.
\q1 Nyɑ́ kʋpɑntʋ wɛ kɛ́ ɩsɩɩ kpɑ́lʋɣʋ kʋkentuɣu.
\q1
\v 5 Yʋlʋ kɑɑ nyɑnɑ ɑhoo sɔɣɔntʋ,
\q1 yɑɑ nyəmɑ́ kʋtɔtɔnɑ kɛ ilim tɑɑ.
\q1
\v 6 Yɑɑ yʋlʋkʋsəkʋ ŋku kʋ cɔɔkɩ səkpɛtʋɣʋ tɛɛ tɔ,
\q1 yɑɑ ɩsənɑ kʋ tɛɛkʋɣʋ yəlɑɑ kɛ ilim hɛkɑ tɔ.
\q1
\v 7 Pɑɑ yəlɑɑ iyɑɣɑ (1000) səpɑ nyɑ́ kɔŋkɔŋ tɑɑ,
\q1 yɑɑ pɑɑ yəlɑɑ iyisi nɑɑnʋwɑ (10000) səpənɑ
\q1 nyɑ́ ntɔɣɔŋ tɔɔ, pʋlʋpʋ kɑɑ lɑ-ŋ.
\q1
\v 8 Kuli nyɑ́ ɩsɛ nɑ ń nɑ́ ɩsənɑ
\q1 Ɩsɔ fɛləɣɩ ɑsɑɣɑɑ tɔ.
\q1
\v 9 Hɑɩ, Tɑcɑɑ kɛlɛ nyɑ́ kpʋlʋɣʋ tətʋlɛ,
\q1 ɩsɔtɑɑ Ɩsɔ Sɔsɔ kɛ n cɔɔsəɣənɑ.
\q1
\v 10 Wɑhɑlɑ nɔɣɔlʋ kɑɑ mɑɣɑnɑ-ŋ,
\q1 pə́cɔ mpusi nɔɣɔlʋ kɑɑ kpətənɑ nyɑ́ təyɑɣɑ.
\q1
\v 11 Mpi tɔ, Tɑcɑɑ kɑ́ tʋ ɩ ɩsɔtɑɑ tillɑɑ kɛ́ sɩ
\q1 pɑ́ feŋi-ŋ nyɑ́ mpɑɑŋ tənɑ tɑɑ.
\q1
\v 12 Nɑ pɑ́ɑ́ te-ŋ pɑ niŋ tɑɑ sɩ pəlɛ
\q1 nɑtəlɩ tə́ tɑɑ co-ŋ.
\q1
\v 13 Nɑ pɑɑ n fɛlɑ tɔɣɔlɑɣɑ yɑɑ pɑɑsəlɛ
\q1 yɑɑ wontuɣu ɩsɑɣɑʋ yɑɑ tʋm,
\q1 pʋlʋpʋ kɑɑ lɑ-ŋ.
\b
\q1
\v 14 Tɑcɑɑ sɩ: Timpi n sɔɔlɑ-m tɔ mɑɑ wɑɑsɩ-ŋ,
\q1 nɑ mɑ́ kenti nyɑ́ tɔɔ kɛ́ n nyəmɑ́ mɑ hətɛ tɔ pə tɔɔ.
\q1
\v 15 N kɑ yɑɑ mɑ hətɛ nɑ mɑ́ cɔ-ŋ,
\q1 nɑ mɑ́ wɛɛ nyɑ́ wɑɑlɩ kɛ́ lɑŋwɑkəllɛ wɑɑtʋ,
\q1 nɑ mɑ́ wɑɑsɩ-ŋ nɑ mɑ́ tɑɣɑnɩ nyɑ́ nyʋɣʋ kɛ kʋsʋɣʋ.
\q1
\v 16 Mɑɑ yele nɑ nyɑ́ weesuɣu tɑɣɑlɩ
\q1 nɑ mɑ́ yɑ́ nyɑ́ nyʋɣʋ.
\c 92
\s1 Tɑcɑɑ, pɑ sɑŋɩ-ŋ tɔ pɑ lɑkɩ teu kɛ́
\d Kʋyɑkʋ kʋhɛɛsʋɣʋ wule yontu.
\b
\q1
\v 1 Pə wɛ teu kɛ́ sɩ tə́ sɑ Tɑcɑɑ nyɑ́,
\q1 nɑ tə́ yoo yontu kɛ ɩsɔtɑɑ
\q1 Ɩsɔ sɔsɔ nyɑ́ nyɑ́ hətɛ tɑɑ.
\q1
\v 2 Nɑ tə́ kpɑɑlɩ nyɑ́ kʋpɑntʋ kɛ tɑnɑŋ tɛɛ,
\q1 nɑ nyɑ́ teu tɔm kɛ ɑhoo.
\q1
\v 3 Tə́ sɑ-ŋ nɑ ŋmɩɩsɩ
\q1 nɑɑnʋwɑ cəməŋ nɑ sɑŋkʋnɑɑ.
\b
\q1
\v 4 Hɑɩ, Tɑcɑɑ, nyɑ́ kʋlɑpəm hɛɛsəɣɩ mɑ lɑŋlɛ kɛ́,
\q1 nɑ mɑ́ yooki nyɑ́ niŋ təmɑ tɔm kɛ yontu nɑ lɑŋhʋlʋmlɛ.
\q1
\v 5 Hɑɩ, Tɑcɑɑ, nyɑ́ təmɑ kɛ́ sɔsɔɔnɑ kɛ́,
\q1 nɑ nyɑ́ ləmɑɣɑsɛɛ kɛ́ yuŋ nyənɑ.
\q1
\v 6 Kʋmɛlɛŋ ɩɩ cɛkəɣənɑ təlɛ,
\q1 pəyele ləmɑɣɑsɛɛ fɛɩ tʋ nɑɑ pɑɑsəɣənɑ.
\q1
\v 7 Asɑɣɑɑ hukiɣi kɛ́ ɩsɩɩ nyɩɩtʋ,
\q1 nɑ ɩsɑɣɑtʋ lɑtɑɑ nɑ́ɑ́ pɩɩkɩ.
\q1 Amɑ wɑkəlʋɣʋ tɑm tɔɔ nyəŋkʋ tɑŋnɑ-wɛ.
\q1
\v 8 Hɑɩ, Tɑcɑɑ, nyɑ́ kɛ́ ɩsɔtɑɑ
\q1 Ɩsɔ sɔsɔ kɛ tɑm tɔɔ kɛ́.
\q1
\v 9 Ye pə kɑɑsɑ nyɑ́ kolontunɑɑ, pɛlɛ pɑɑ le kɛ́.
\q1 Pɑ tənɑ mpɑ pɑ lɑkɩ ɩsɑɣɑtʋ tɔ pɑɑ yɑ yem.
\b
\q1
\v 10 Tɑɑlɛ nɑʋ tomɑ kɛ n hɑ-m,
\q1 nɑ ń pəlɩ mɑ tɔɔ kɛ́ nikɑɣɑ nim.
\q1
\v 11 Mɑ nɑɑkɩ mɑ kolontunɑɑ kpisuɣu,
\q1 nɑ mɑ́ nɩɩkɩ ɑsɑɣɑɑ mpɑ pɑ cɑɑkɩ-m
\q1 tɔm tɔ pɑ kiisuɣu.
\q1
\v 12 Tɑmpɑnɑ təŋlɑɑ pɩɩkɩ kɛ́ ɩsɩɩ pɑɑŋ,
\q1 nɑ pɑ́ kʋləɣɩ ɩsɩɩ Lipɑŋ tɩɩŋ sɔsɔɔŋ.
\q1
\v 13 Pɑ wɛ kɛ́ ɩsɩɩ tʋɣʋ ŋku pɑ tuu
\q1 Ɩsɔ təsɛɛlɛ kɑtɑɣɑ tɑɑ tɔ,
\q1 nɑ pɑ́ pɩɩkɩ teu kɛ tɑ́ Ɩsɔ Tɑcɑɑ tɛ́.
\q1
\v 14 Pɑɑ kpɑtəlɑɣɑ wɑɑtʋ,
\q1 pɑ tɔŋɑ lʋlʋɣʋ kɛ́,
\q1 nɑ pɑ́ wɛ təlɛkʋlɛkʋ kɛ teu nɑ ɑlɑɑfəyɑ.
\q1
\v 15 Mpʋ pə hʋlə́ɣə́nɑ́ təkelekele sɩ Tɑcɑɑ siɣisɑɑ.
\q1 Ɩ tɑ kɛɛ tiili, ɩnəɣəlɛ mɑ kʋkpɑmʋɣʋ.
\c 93
\s1 Tɑcɑɑ kɛlɛ wulɑʋ
\p
\v 1 Tɑcɑɑ n kɛ́ wulɑʋ kɛ́ nɑ ń suu teu,
\q1 nɑ ń ləlɑ tomɑ kɛ nyɑ́ tənɑɣɑ tɑɑ ɩsɩɩ tɑmpɑlɑ.
\q1 Mpʋ tɔtɔɣɔ tɛtʋ səŋɑɑ təcɑ tɩɩ seliɣi.
\b
\q1
\v 2 Hɑtoo lɔŋtɑɑ kɛ́ n sɩɩ nyɑ́ kumte kɛ teu,
\q1 nɑ ń wɛ tɑm tɔɔ.
\q1
\v 3 Hɑɩ, Tɑcɑɑ, pusi kʋsɑ nɔɔsɩ
\q1 sɩ kʋsɑ sɩ nɔɔsɩ nɑ sɩ holɑ wulɑ nɩɩ.
\q1
\v 4 Nɑ pə́ kəlɩ lʋm sɔsɔɔm toŋ nyəm nɔɣɔ,
\q1 nɑ pə́ kəlɩ teŋku holɑ sɔsɔɔnɑ.
\q1 Tɑcɑɑ kɛlɛ toŋ tʋ kɛ hɑtoo ɩsɔtɑɑ.
\b
\q1
\v 5 Nyɑ́ kʋsəsɩɩtʋ ntɛ́ tɑmpɑnɑ təsiɣisiɣi.
\q1 Nyɑ́ təsɛɛlɛ kɛ nɑŋŋ nyəntɛ hɑlənɑ ɑntulinyɑ tɛm.
\c 94
\s1 Ɩsɔ kɛ́ kɑwɑlɑɣɑ nyə́mɑ lɛɛtʋlʋ
\p
\v 1 Hɑɩ, Ɩsɔ nyɑɣɑlɛ lɛɛtʋlʋ.
\q1 Lɛɛtʋlʋ Ɩsɔ, hʋlɩ nyɑ́ tɩ.
\q1
\v 2 Antulinyɑ hʋʋlʋ nyɑ́, kʋlɩ
\q1 nɑ ń lɛɛtɩ kɑlɑmpɑɑnɩ nyə́mɑ kɛ pɑ kʋlɑpʋtʋ.
\b
\q1
\v 3 Hɑɩ, Tɑcɑɑ, ɑsɑɣɑɑ mpɛ pɑɑ wɛɛ mpʋɣʋlɛ?
\q1 Mpɛ pɑɑ wɛɛkənɑ ntɛɣɛ ɑkɑnɑɑ kɛ mpʋ?
\q1
\v 4 Pɑ yɔɣɔtəɣɩ tɔm kɛ́ nɑ kɑlɑmpɑɑnɩ
\q1 nɑ pɑ́ pɛɛkəɣɩ lɛlɑɑ wɑkəlʋɣʋ.
\q1
\v 5 Tɑcɑɑ, pɑ ŋmɑkələɣɩ nyɑ́ yəlɑɑ kɛ́,
\q1 nɑ pɑ́ muɣuliɣi mpɑ pɑ kɛ́ nyɑ́ nyə́mɑ tɔ.
\q1
\v 6 Pɑ lɛntəɣɩ mʋsʋŋ kɛ leelɑɑ nɑ mʋʋlɑɑ
\q1 nɑ pɑ́ kʋɣɩ suluwɑɑ.
\q1
\v 7 Nɑ pɑ́ tɔŋ sɩ Tɑcɑɑ ɩɩ nɑɑkɩ,
\q1 Yɑkɔpʋ Ɩsɔ ɩɩ pɑɑsəɣənɑ.
\b
\q1
\v 8 Kʋmɛlɛməŋ mɛ ɩ́ lɑ lɑɑkɑlɩ,
\q1 ləmɑɣɑsɛɛ fɛɩnɑɑ mɛ,
\q1 pəlee kɛ́ ɩ́ kɑ́ hii lɑɣɑtʋ?
\q1
\v 9 Tɑcɑɑ wei ɩ tʋ yəlɑɑ kɛ ŋkpɑŋŋ tɔ, ɩ nɩɩkɩ kɛ́.
\q1 Ɩsənɑɣɑ ɩ kɑ́ tʋ ɩsəlɛ nɑ ɩɩ nɑɑkɩ?
\q1
\v 10 Ɩsənɑɣɑ ɩ nɑɑsəɣɩ piitimnɑɑ
\q1 nɑ ɩ́ kɑɑ hɔ ɑsɑɣɑɑ ŋkpɑŋŋ?
\q1 Ɩnɩ ɩ sɛɣɛsəɣənɑ yəlɑɑ,
\q1 ɩlɛ ɩsənɑɣɑ ɩ kɑ́ lɑŋ nyəm?
\q1
\v 11 Tɑcɑɑ nyəmɑ́ yʋlʋ hʋwɛɛ kɛ
\q1 teu sɩ ɑ wɛ kpɛtɛ.
\b
\q1
\v 12 Hɑɩ, Tɑcɑɑ, nyʋleleŋ tʋ ntɛ́ wei n sɛɣɛsəɣɩ
\q1 nyɑ́ kiiu nɑ ń hɔŋ ɩ ŋkpɑŋʋɣʋ tɔ.
\q1
\v 13 Ɩ kɑ́ cɑɣɑ təpɑmm kɛ kʋyɛɛŋ ɩsɑɣɑŋ tɑɑ,
\q1 hɑlənɑ pɑ́ huli ɑsɑɣɑɑ pɔɔŋ.
\q1
\v 14 Pə tɑɣɑ pʋlʋ, Tɑcɑɑ ɩɩ lɔɔkɩ ɩ yəlɑɑ.
\q1 Ɩ kɑɑ yele mpɑ pɑ kɛ́ ɩ nyə́mɑ tɔ.
\q1
\v 15 Mpi tɔ, pɑɑ hʋʋnɑ kɛ́ nɑ pə́ kɛɛsənɑ tɑmpɑnɑ təŋʋɣʋ.
\q1 Pɑ tənɑ mpɑ pɑ təŋəɣɩ tɑmpɑnɑ tɔ pɑ lɑŋɑ kɑ hɛɛnɑ-tɩ.
\b
\q1
\v 16 Awe kɑ́ sɛɛnɑ mɑ tɔɔ kɛ́ ɑsɑɣɑɑ mpɛ pɑ tɔm tɑɑ?
\q1 Awe kɑ́ sənɑ-m mpɑ pɑ lɑkɩ ɩsɑɣɑtʋ tɔ pɑ tɔm tɑɑ?
\q1
\v 17 Ye Tɑcɑɑ tɑɑ wɑɑsɩ-m,
\q1 ɩsəntɔ mɑɑ tɛmɑ wɛɛʋ kɛ
\q1 timpi pə sumɑ tətiɣitiɣi tɔ.
\q1
\v 18 Pɑɑ wɑɑtʋ wei kɛ mɑ tɔmɑ sɩ mɑ cɑɑ hotuɣu,
\q1 Tɑcɑɑ nyɑ́ kʋpɑntʋ teŋi-m kɛ́.
\q1
\v 19 Sɑɑ wei nəɣəsɛɛ pɩɩ mɑ lotu tɔ,
\q1 nyɑ́ hɛɛsənɑ mɑ lɑŋlɛ nɑ ń hʋləsɩ-tɛ.
\q1
\v 20 Nyɑnɑ hʋʋlɑɑ ɑsɑɣɑɑ mpɑ pɑ wɑkələɣɩ kiiŋ
\q1 nɑ pɑ́ kɔŋnɑ wɑhɑlɑ tɔ ɩ́ kɑɑwɑɣɑ?
\q1
\v 21 Siɣisilɑɑ kɛ pɑ wɑkələɣɩ
\q1 nɑ pɑ́ kʋɣɩ mpɑ pɑ tɑ lɑ pʋlʋ tɔ pɑ tɔm.
\q1
\v 22 Amɑ Tɑcɑɑ kɛlɛ kʋkpɑmʋɣʋ
\q1 ŋku mɑ cɔɔsəɣənɑ tɔ.
\q1
\v 23 Pɑ mɑɣɑmɑɣɑ pɑ ɩsɑɣɑtʋ kɛ ɩ kɑ́ məŋnɑ pɑ nyɔɔŋ tɑɑ,
\q1 nɑ ɩ́ wɑkəlɩ-wɛ nɑ kʋlʋmtʋ ntɩ.
\c 95
\s1 Ɩsɔ cɔlɔ pote wɑɑtʋ
\p
\v 1 Ɩ́ kɔɔ nɑ tə́ yoo Tɑcɑɑ kɛ lɑŋhʋlʋmlɛ yontu,
\q1 tə́ sɑ tɑ́ wɑɑsʋlʋ wei tə tʋɣɩ kpʋlʋɣʋ tɔ.
\q1
\v 2 Tə́ polo ɩ ɩsɛntɑɑ nɑ tə́ sɛɛ-ɩ,
\q1 nɑ tə́ wiliti-ɩ nɑ lɑŋhʋlʋmlɛ yontu.
\q1
\v 3 Mpi tɔ, Tɑcɑɑ nyɑɣɑlɛ Ɩsɔ sɔsɔ.
\q1 Nyɑɣɑlɛ wulɑʋ sɔsɔ wei ɩ ŋmɑkələɣɩ tɩɩŋ tənɑ tɔ.
\q1
\v 4 Nyɑ́ niŋ tɑɑ kɛ́ ɑtɛ lumɑŋ tənɑ wɛɛ
\q1 nɑ pɔɔŋ sɔsɔɔŋ tənɑ kɛ nyɑ́ nyəm.
\q1
\v 5 Nyɑ́ tənnɑ teŋku,
\q1 hɑlɩ nyɑ́ tɩɩ lɑpənɑ-ɩ.
\q1 Kʋlʋm nyɑ́ n lɑpənɑ tɛtʋ nɑ nyɑ́ niŋ.
\q1
\v 6 Ɩ́ kɔɔ nɑ tə́ luŋ tɑ́ ŋmɑlʋ Tɑcɑɑ kɛ ɑkulɑ,
\q1 nɑ tə́ həntɩ-ɩ ɑtɛ.
\q1
\v 7 Pə tɑɣɑ pʋlʋ, nyɑɣɑlɛ tɑ́ Ɩsɔ.
\q1 Tɑɣɑlɛ nyɑ́ yəlɑɑ, nyɑɣɑlɛ tiikilu.
\q1 Tə wɛ kɛ́ ɩsɩɩ nyɑ́ niŋ kɑləkʋ.
\b
\q1 Ye ɩ́ nɩɩ Ɩsɔ mɑ́ mɑ kʋyɔɣɔtʋtʋ kɛ sɑŋɑ,
\q1
\v 8 ɩ́ tɑɑ lɑ lɑŋkpɩɩsəŋ ɩsɩɩ mə cɑɑnɑɑ kɑ lɑpʋ
\q1 Melipɑ nɑ Mɑsɑ kɛ wʋlɑɣɑ tɛtʋ tɑɑ tɔ.
\q1
\v 9 Tənɑɣɑ mə cɑɑnɑɑ mɑɣɑsɑ-m sɩ pɑ nɑɑkɩ mɑ wɑɑlɩ,
\q1 pɑɑ nɑ pɑ nɑnɑ pɑ ɩsəpəle kɛ mpi mɑ lɑpɑ tɔ.
\q1
\v 10 Pɩɩsɩ nɩɩlɛ təcu kɛ́ mɑ luɣu lɩɩ piitim pənɛ,
\q1 hɑlənɑ mɑ tʋ mɑ tɑɑ sɩ yəlɑɑ mpɛ pɑ lepɑɣɑ,
\q1 pɑɑ nyəŋ mɑ mpɑɑŋ.
\q1
\v 11 Ḿpʋɣʋ pɑ́ɑ́nɑ́ kpɑ-m nɑ mɑ́ tuu sɩ:
\q1 Pɑ kɑɑ sʋʋ mɑ hɛɛsʋɣʋ tɑɑ.
\c 96
\s1 Wulɑʋ wei ɩ kɔŋ tɔ ɩ yontu kʋfɑtʋ
\r (Kʋtɔɔsʋtʋ I 16:23-33)
\p
\v 1 Ɩ́ yoo Tɑcɑɑ kɛ yontu kʋfɑtʋ,
\q1 ɑtɛ yəlɑɑ mɛ mə tənɑ ɩ́ yoo Tɑcɑɑ kɛ yontu.
\q1
\v 2 Ɩ́ yoo Tɑcɑɑ kɛ yontu nɑ ɩ́ sɑ ɩ hətɛ,
\q1 nɑ ɩ́ kpɑɑləɣɩ pɑɑ kʋyɑkʋ ŋkuɣu ɩ nyʋɣʋ yɑpʋ tɔm.
\q1
\v 3 Ɩ́ yɔɣɔtɩ piitimnɑɑ tɑɑ kɛ́ ɩ teeli tɔm
\q1 nɑ ɩ́ yɔɣɔtɩ yəlɑɑ tənɑ tɑɑ kɛ́ ɩ teu tɔm.
\b
\q1
\v 4 Tɑcɑɑ n kɛ́ sɔsɔ kɛ́ nɑ n mʋnɑ pɑ́ sɑ-ŋ.
\q1 Nyɑ́ tɔm wɛ sɔɣɔntʋ kɛ́ nɑ pə́ tɛɛ tɩɩŋ tənɑ.
\q1
\v 5 Mpi tɔ, piitimnɑɑ tɩɩŋ tənɑ wɛ kpɛtɛ kɛ́.
\q1 Amɑ Tɑcɑɑ nyɑ́ lɑpənɑ ɩsɔtɔnʋɣʋ.
\q1
\v 6 Teu sɔsɔɔm nɑɑkɩ nyɑ́ tɔɔ kɛ́,
\q1 nɑ teeli sɔsɔ nɑ́ɑ́ wɛ nyɑ́ təyɑɣɑ tɑɑ.
\b
\q1
\v 7 Piitimnɑɑ yəlɑɑ mɛ ɩ́ tʋ Tɑcɑɑ kɛ teeli,
\q1 ɩ́ tʋ Tɑcɑɑ kɛ teeli nɑ ɩ́ kʋsɩ ɩ nyʋɣʋ.
\q1
\v 8 Ɩ́ sɑ Tɑcɑɑ kɛ ɩ hətɛ tɔɔ.
\q1 Ɩ́ kɔnɑ mə kʋhɑhɑm nɑ ɩ́ sʋʋnɑ ɩ tɑɑsɩ tɔɔ.
\q1
\v 9 Ɩ́ həntɩ Tɑcɑɑ kɛ ɑtɛɣɛ sɑɑ wei
\q1 ɩ hʋləɣɩ ɩ tənɑŋŋ wɛɛtʋ tɔ.
\q1 Atɛ yəlɑɑ mɛ mə tənɑ ɩ́ sele ɩ ɩsɛntɑɑ.
\q1
\v 10 Ɩ́ heeli piitimnɑɑ tənɑ sɩ
\q1 Tɑcɑɑ kɛlɛ wulɑʋ.
\q1 Mpʋ tɔtɔɣɔ tɛtʋ səŋɑɑ təcɑ, tɩɩ seliɣi.
\q1 Tɑcɑɑ təŋəɣɩ tɑmpɑnɑ kɛ́ nɑ ɩ́ hʋʋkənɑ yəlɑɑ.
\b
\q1
\v 11 Ɩsɔtɔnʋɣʋ lɑŋlɛ ɩ́ hʋləmɩ nɑ tɛtʋ yɔɔlɩ,
\q1 teŋku nɑ ɩ tɑɑ nyəm tənɑ ɩ́ sɛɛ.
\q1
\v 12 Tɑwɑ tənɑ ɩ́ wɛɛ ɑcimɑ tɑɑ,
\q1 nɑ hɔtʋɣʋ tɑɑ tɩɩŋ tənɑ kiisinɑ lɑŋhʋlʋmlɛ,
\q1
\v 13 kɛ Tɑcɑɑ ɩsɛntɑɑ.
\q1 Mpi tɔ, ɩ kɔŋ sɩ ɩ hʋʋnɑ tɛtʋ tənɑ.
\q1 Ɩ kɑ́ təŋ tɑmpɑnɑ nɑ ɩ́ hʋʋnɑ ɑntulinyɑ nɑ ɩ yəlɑɑ.
\c 97
\s1 Tɑcɑɑ kɛlɛ wulɑʋ, lɑŋhʋlʋmlɛ ɩ́ wɛɛ tɛtʋ tənɑ tɑɑ
\p
\v 1 Tɑcɑɑ tɔkɩ kɑwulɑɣɑ, tɛtʋ tənɑ ɩ́ yɔɔlɩ.
\q1 Tɛtʋnɑɑ mpɑ lʋm tɑmɑ kotɑɣɑ tɔ pɑ pɑɣɑlɛ ɩ́ yɔɔlɩ.
\b
\q1
\v 2 Ɩsɔŋmʋntʋɣʋ nɑ səkpɛtʋɣʋ tɑmɑ-ɩ kotɑɣɑ,
\q1 nɑ ɩ kumte nɑ́ɑ́ cɑɣɑ siɣisuɣu nɑ tɑmpɑnɑ təŋʋɣʋ tɔɔ.
\q1
\v 3 Kɔkɔ wɛ ɩ nɔɣɔ tɔɔ kɛ́
\q1 nɑ kɑ́ nyɑkɩ ɩ kolontunɑɑ nɑ kɑ́ cɔɔkənɑ-ɩ.
\q1
\v 4 Ɩ ŋmɛləsəɣɩ nyɑɑləm nɑ pə́ nɑɑkɩ ɑntulinyɑ,
\q1 nɑ ɑtɛ yəlɑɑ nɑɑkɩ nɑ pɑ́ seliɣi.
\q1
\v 5 Tɛtʋ tənɑ tʋ ɩ́ kpətənɑ pɔɔŋ,
\q1 ɩ hooki kɛ́ ɩsɩɩ keetu.
\q1
\v 6 Ɩsɔtɔnʋɣʋ kpɑɑləɣɩ ɩ tɑmpɑnɑ
\q1 nɑ yəlɑɑ tənɑ nɑɑkɩ ɩ teu.
\b
\q1
\v 7 Tɩɩŋ luŋlɑɑ nɑ mpɑ pɑ hʋləsəɣɩ tɩɩŋ
\q1 nɑ lɑŋlɛ tɔ, pɑ tɔkɩ fɛɛlɛ kɛ́.
\q1 Tɩɩŋ tənɑ həntəɣɩ Ɩsɔ kɛ́ ɑtɛɣɛ.
\q1
\v 8 Siyɔŋ ɩcɑtɛ nyə́mɑ nɩɩ-tɩ nɑ pɑ lɑŋɑ hʋlʋmɩ,
\q1 nɑ Yutɑ ɑcɑlɛɛ nɑ́ɑ́ wɛ ɑyɔɔlɛɛ tɑɑ
\q1 kɛ nyɑ́ hʋʋlɛ tɔɔ, hɑɩ, Tɑcɑɑ.
\q1
\v 9 Mpi tɔ, Tɑcɑɑ nyɑɣɑlɛ ɩsɔtɑɑ Ɩsɔ sɔsɔ kɛ tɛtʋ tənɑ tɑɑ.
\q1 N kəlɑ tɩɩŋ tənɑɣɑ sɔsɔɔntʋ kɛ təcɑɣɑcɑɣɑ.
\b
\q1
\v 10 Mpɑ mɛ ɩ́ sɔɔlɑ Tɑcɑɑ tɔ,
\q1 mə tɑɑ ɩ́ kpɑnɑ ɩsɑɣɑtʋ.
\q1 Ɩsɔ kentiɣi ɩ kʋpɑmɑ tɔɔ kɛ́,
\q1 nɑ ɩ́ yɑkɩ-wɛɣɛ ɑsɑɣɑɑ niŋ tɑɑ.
\q1
\v 11 Tɑmpɑnɑ təŋlɑɑ tənnɑ nyɑɑləm,
\q1 nɑ mpɑ pɑ lotu tɑɑ tewɑ tɔɣɔ lɑŋhʋlʋmlɛ.
\q1
\v 12 Siɣisilɑɑ, mə lɑŋɑ ɩ́ hʋləmənɑ Tɑcɑɑ,
\q1 nɑ ɩ́ sɑ ɩ tənɑŋŋ wɛɛtʋ.
\c 98
\s1 Ɩ wiliti Tɑcɑɑ wei ɩ kɔŋ tɔ
\p
\v 1 Ɩ́ yoo Tɑcɑɑ kɛ yontu kʋfɑtʋ,
\q1 mpi tɔ, ɩ lɑpɑ kɔkɔlɔ nyəmnɑɑ,
\q1 nɑ ɩ nyəm nɑ ɩ Ɩsɔtʋ toŋ.
\q1
\v 2 Tɑcɑɑ n hʋlɑ nyɑ́ yɑpʋ tɔm
\q1 nɑ ń kuli nyɑ́ tɑmpɑnɑ təŋʋɣʋ tɔɔ nɑ piitimnɑɑ nɑ́.
\q1
\v 3 N tɔɔsɑ Ɩsɛɣɛlɩ nyə́mɑ tɔɔ nɑ ń lɑ-wɛɣɛ teu nɑ kʋpɑntʋ.
\q1 Tɛtʋ tənɑsɩ tənɑ nɑwɑ tɑ́ Ɩsɔ nyʋɣʋ yɑpʋ tɔm.
\b
\q1
\v 4 Atɛ yəlɑɑ mɛ mə tənɑ ɩ́ yoo Tɑcɑɑ kɛ lɑŋhʋlʋmlɛ yontu.
\q1 Ɩ́ sɑmɩ-ɩ nɑ yontu nɑ ɩ́ wilitinɑ lɑŋhʋlʋmlɛ.
\q1
\v 5 Ɩ́ yoo Tɑcɑɑ sɑmtʋ
\q1 ɩ́ yoo-ɩ-tɩ nɑ cəməŋ.
\q1
\v 6 Ɩ́ tʋ Tɑcɑɑ wulɑʋ kɛ yonkpɑɑmɑ nɑ lɑŋhʋlʋmlɛ,
\q1 nɑ ɑkɑntɛɛ nɑ tutuuŋ.
\q1
\v 7 Teŋku nɑ ɩ tɑɑ nyəm tənɑ ɩ́ cɔ,
\q1 nɑ tɛtʋ nɑ tə tɑɑ nyəm ŋmɑɑlənɑ lɑŋhʋlʋmlɛ.
\q1
\v 8 Pusi ɩ́ wiliti
\q1 nɑ pɔɔŋ tənɑ nɑ́ɑ́ kpɛntɩ nɑ ɩ́ yoo yontu kɛ Tɑcɑɑ.
\q1
\v 9 Mpi tɔ, Tɑcɑɑ kɔŋ sɩ ɩ́ hʋʋnɑ tɛtʋ tənɑ.
\q1 Ɩ kɑ təŋ tɑmpɑnɑ nɑ ɩ́ hʋʋnɑ ɑntulinyɑ,
\q1 nɑ ɩ́ hʋʋnɑ yəlɑɑ kɛ teitei.
\c 99
\s1 Tɑcɑɑ kɛ wulɑʋ, nɑ ɩ́ wɛ tənɑŋŋ
\p
\v 1 Tɑcɑɑ n tɔkɩ kɑwulɑɣɑ kɛ́, nɑ yəlɑɑ seliɣi.
\q1 N cɑɣɑ ɩsɔtɑɑ tɑŋlɑɑ hɛkʋ nɑ tɛtʋ seliɣi.
\q1
\v 2 Tɑcɑɑ nyɑɣɑlɛ sɔsɔ kɛ Siyɔŋ tɑɑ,
\q1 Nyɑ́ tɛɛnɑ yəlɑɑ tənɑ.
\q1
\v 3 Pɑ sɛɛ nyɑ́ hətɛ sɔsɔɔlɛ kɑtɛ nyəntɛ,
\q1 tə kɛ́ nɑŋŋ nyəntɛ kɛ́.
\q1
\v 4 Pɑ sɛɛ wulɑʋ nyɑ́ wei n sɔɔlɑ siɣisuɣu tɔ nyɑ́ toŋ,
\q1 nyɑ́ nyɔɔsəɣənɑ tɑmpɑnɑ təŋʋɣʋ.
\q1 N lɑkɩ kʋsiɣisim nɑ mpi pə
\q1 wɛ teitei tɔɣɔ Ɩsɛɣɛlɩ tɑɑ.
\b
\q1
\v 5 Ɩ́ pʋɣʋlɩ Tɑcɑɑ tɑ Ɩsɔ,
\q1 nɑ ɩ́ luŋ ɩ nɔɔhɛɛ təsɩɩlɛ,
\q1 ɩ kɛ́ nɑŋŋ tʋ kɛ́.
\b
\q1
\v 6 Moisi nɑ Alɔŋ mpɑ pɑɑ wɛ Ɩsɔ nyɑ́ nyɑ́ kɔtəlɑɑ tɑɑ tɔ
\q1 nɑ Sɑmiyɛlɩ wei ɩ kɑ wɛ mpɑ
\q1 pɑ sələmɑɣɑ-ŋ tɔ pɑ hɛkʋ tɔ,
\q1 pɑ sələmɑ Tɑcɑɑ nyɑ́ nɑ ń mʋ.
\q1
\v 7 Ɩsɔŋmʋntʋɣʋ tɑɑ kɛ́ n yɔɣɔtɑɣɑnɑ-wɛ
\q1 nɑ mpɛ pɑ́ tɔkəɣɩ nyɑ́ kʋsəsɩɩtʋ nɑ kiiu ŋku n sɩɩ-wɛ tɔ.
\b
\q1
\v 8 Tɑcɑɑ tɑ́ Ɩsɔ, n mʋ pɑ kʋsələmʋtʋ.
\q1 Nyɑɣɑlɛ pɑ Ɩsɔ, nɑ ń wiiki-wɛ.
\q1 Amɑ n tʋ-wɛɣɛ sɑləkɑ kɛ pɑ ɩsɑɣɑtʋ tɔɔ.
\b
\q1
\v 9 Ɩ sɑ Tɑcɑɑ tɑ Ɩsɔ nɑ ɩ́ luŋ
\q1 ɩ pulɑɣɑ nɑŋŋ nyəŋkɑ tɔɔ.
\q1 Mpi tɔ, tɑ́ Ɩsɔ Tɑcɑɑ wɛɛ kɛ́ tənɑŋŋ.
\c 100
\s1 Tə kɛ́ ɩ yəlɑɑ
\p
\v 1 Sɑmtʋ yontu.
\b
\q1 Tɛtʋ tənɑ yəlɑɑ mɛ
\q1 ɩ́ sɑ Tɑcɑɑ nɑ lɑŋhʋlʋmlɛ.
\q1
\v 2 Ɩ́ lɑ Tɑcɑɑ kɛ təmlɛ nɑ lɑŋhʋlʋmlɛ.
\q1 Ɩ́ kɔɔ ɩ ɩsɛntɑɑ nɑ yonkpɑɑmɑ.
\q1
\v 3 Ɩ́ nyɩ sɩ Tɑcɑɑ kɛlɛ Ɩsɔ.
\q1 Ɩnɩ ɩ ŋmɑnɑ-tʋ, ɩnɩ ɩ tənnɑ-tʋ.
\q1 Tə kɛ́ ɩ yəlɑɑ kɛ́, tɑɣɑlɛ ɩ kɑləkʋ.
\b
\q1
\v 4 Ɩ́ sʋʋnɑ Ɩsɔ təsɛɛlɛ nɔnɔkeelɑsɩ nɑ sɑmtʋ.
\q1 Ɩ́ sʋʋ ɩ tɑɣɑ tɔɔ nɑ yontu.
\q1 Ɩ́ sɛɛ-ɩ nɑ ɩ́ sɑ ɩ hətɛ.
\b
\q1
\v 5 Tɑcɑɑ kɛ́ kʋpɑŋ kɛ́,
\q1 nɑ ɩ kʋpɑntʋ wɛ tɑm tɔɔ.
\q1 Ɩ teu wɛ ḿpʋɣʋ nɑ pə puki lʋlʋŋ loosi loosi.
\c 101
\s1 Wulɑʋ sɩɩ ɩ nɔɣɔ kɛ Ɩsɔ ɩsɛntɑɑ sɩ ɩ kɑ́ təŋ siɣisuɣu
\p
\v 1 Tɑfiiti yontu.
\b
\q1 Kʋpɑntʋ nɑ tɑmpɑnɑ təŋʋɣʋ pə yontu kɛ mɑ yoo.
\q1 Tɑcɑɑ nyɑɣɑ mɑ yoo-tɩ.
\b
\q1
\v 2 Mɑɑ kɑɑsɩ mɑ tɩ nɑ mpɑɑʋ kʋsiɣisuɣu.
\q1 Pəlee kɛ́ n kɑ́ kɔɔ mɑ kiŋ?
\q1 Mɑɑ tɔnɑ lotu kʋlʋmtʋ kɛ mɑ təyɑɣɑ tɑɑ.
\q1
\v 3 Mɑ kɑɑ hɑ ɩsɑɣɑm kɛ mpɑɑʋ,
\q1 mɑ tɑɑ kɑ́ kpɑɑkənɑ mpɑ pɑ kisiɣi pɑ Ɩsɔsɛɛlɛ tɔɣɔ.
\q1 Pɑ Ɩsɔsɛɛlɛ ńtɛ́ tə kɑɑ mɑtənɑ-m.
\q1
\v 4 Nyɑmlɛ ɩsɑɣɑlɛ kɑ́ hɑtələnɑ-m,
\q1 mɑɑ cɑɑkɩ sɩ mɑ nɑ ɩsɑɣɑʋ tə́ kɑɑ pʋlʋ.
\q1
\v 5 Mɑɑ wɑkəlɩ wei ɩ cɑkənɑ ɩ tɔɣɔntəlɛ kɛ mukɑɣɑ tɔ.
\q1 Pəyele mɑɑ cɑɑkɩ kɑlɑmpɑɑnɩ tʋ.
\q1 Nɑ wei ɩ lotu tɑɑ suwɑ pɔpɔtʋ tɔ.
\b
\q1
\v 6 Mɑɑ nyənɩ tɛtʋ tɑɑ kʋpɑmɑ tɔɔ kɛ́,
\q1 nɑ pɑ́ cɑɣɑ mɑ kɔŋkɔŋ tɑɑ.
\q1 Wei ɩ tɔŋ mpɑɑʋ kʋsiɣisuɣu tɑɑ tɔɣɔlɛ mɑ təmlɛ tʋ.
\b
\q1
\v 7 Wei ɩ hɑ ɩ təɣɩ ŋmɩɩləm tɑɑ tɔ ɩɩ cɑkɩ mɑ təyɑɣɑ tɑɑ.
\q1 Wei ɩ looliɣi tɔ ɩ kɑɑ səŋ mɑ ɩsɛntɑɑ.
\q1
\v 8 Pɑɑ tɑnɑŋ ŋku mɑɑ wɑkəlɩ tɛtʋ tɑɑ ɑsɑɣɑɑ tənɑɣɑ.
\q1 Ḿpʋɣʋ mɑɑ kpiisinɑ Tɑcɑɑ ɩcɑtɛ
\q1 tɑɑ kɛ́ mpɑ pɑ lɑkɩ ɩsɑɣɑtʋ tɔ.
\c 102
\s1 Lɑŋwɑkəllɛ tʋ tɛɛlʋɣʋ
\p Kʋnyɔntɔɣɔlʋ sələmʋɣʋ
\q1 kɛ wɑɑtʋ wei pə kələnɑ-ɩ
\d nɑ ɩ́ wiikinɑ Tɑcɑɑ tɔ.
\b
\q1
\v 1 Tɑcɑɑ nɩɩ mɑ wiinɑʋ nɑ
\q1 ń mʋ mɑ kʋsələmʋtʋ.
\q1
\v 2 Tɑɑ yele mɑ tɔɔ kɛ́ nyənnɑʋ kɛ mɑ lɑŋwɑkəllɛ wɑɑtʋ.
\q1 Ke ŋkpɑŋʋɣʋ nɑ mɑ tɔɔ kɛ́ kʋyɑkʋ ŋku
\q1 mɑ yɑɑkɩ-ŋ sɩ ń wɑɑsɩ-m tɔ. Cɔ-m lɔŋ.
\q1
\v 3 Pə tɑɣɑ pʋlʋ, mɑ kʋyɛɛŋ mʋkəɣɩ kɛ́ ɩsɩɩ nyɔɔsɩ
\q1 nɑ mɑ sɑɑlɩ yem ɩsɩɩ kɔkɔ nyɑkʋɣʋ tuputu tɔ.
\q1
\v 4 Mɑ wʋlɑɑ kɛ́ ɩsɩɩ nyɩɩtʋ nti pɑ sɛtɑɑ tɔ.
\q1 Mɑ tɩɩ sɔɔkɩ mɑ tɔɣɔnɑɣɑ tɔɣɔʋ.
\q1
\v 5 Mɔlɑ nɩɩ-m teu kɛ́,
\q1 nɑ mɑ́ tɛ́ tɑɑsɩ təkɔŋɔkɔŋɔ.
\q1
\v 6 Mɑ nəɣəsənɑ kɛ́ ɩsɩɩ wʋlɑɣɑ tɛtʋ tɑɑ sumɑɣɑ.
\q1 Mɑ wɛɛ kɛ́ ɩsɩɩ ncɑɑ tɑɑ sumɑɣɑ.
\q1
\v 7 Mɑ sʋʋkɩ mɑɑ tooki.
\q1 Mɑ wɛ kɛ́ ɩsɩɩ sumɑɣɑ ŋkɑ
\q1 kɑ wɛ kɑ tike kɛ lɔpʋtʋ tɔɔ tɔ.
\q1
\v 8 Pɑɑ ɩfemle nte mɑ kolontunɑɑ tʋʋkɩ-m kɛ́,
\q1 nɑ pɑ tɑɑ kpɑɑnɑ-m nɑ pɑ́ yɔɣɔtəɣɩ
\q1 nɑ pɑ́ tuuki nɑ pɑ́ yɑɑkɩ mɑ hətɛ.
\q1
\v 9 Tɛtʋ kɛ mɑ tɔkɩ tɔɣɔnɑɣɑ lonte
\q1 nɑ mɑ ɩsəlʋm pɑləɣɩ mɑ kʋnyɔnyɔɔm tɑɑ.
\q1
\v 10 Nyɑ́ pɑ́ɑ́nɑ́ kpɑnɑ-m.
\q1 Nyɑ́ tɑɑ huunɑ-m nɑ ń kpɛsɩ-m nɑ ń lɔɣɔ pooluŋ.
\q1
\v 11 Mɑ kʋyɛɛŋ tɔŋɑ tuusuɣu kɛ́ ɩsɩɩ ɩsotom tɛɛkʋɣʋ tɔ,
\q1 nɑ mɑ́ wʋləɣɩ ɩsɩɩ nyɩɩtʋ.
\b
\q1
\v 12 Amɑ Tɑcɑɑ, nyɑ́ tɔkənɑ kɑwulɑɣɑ kɛ tɑm tɔɔ.
\q1 Wɑɑlɩ lʋlʋŋ loosi tənɑ kɑ́ tɔɔsɩ nyɑ́ tɔɔ.
\q1
\v 13 N kɑ́ kʋlɩ nyɑ́ nɑɑsɩ tɑɑ nɑ ń wii Siyɔŋ nyə́mɑ kʋnyɔŋ.
\q1 Pə tɑɣɑ pʋlʋ, wɑɑtʋ tɑlɑɑ kɛ́.
\q1 Kʋyɑkʋ ŋku n kɑ lɑ-wɛɣɛ pɛɛlɛɛ tɔ kʋ kɔmɑɣɑlɛ.
\q1
\v 14 Nyɑ́ təmlɛ nyə́mɑ tɑ, tə sɔɔlɑ nyɑ́ ɩcɑtɛ kɛ́.
\q1 Tə wɑkəlɑɑ, tə ncɑɑ wɛ-tʋɣʋ pətɔɔtəlɛ.
\b
\q1
\v 15 Piitimnɑɑ kɑ́ nyɑnɑ Tɑcɑɑ hətɛ
\q1 nɑ tɛtʋ tɑɑ ɑwulɑɑ tənɑ nyɑnɑ ɩ teeli.
\q1
\v 16 Tɑcɑɑ tɑɣɑnɩ Siyɔŋ ɩcɑtɛ kɛ ŋmɑʋ,
\q1 nɑ ń hʋlɩ nyɑ́ teeli kɛ tə tɑɑ.
\q1
\v 17 Tɑcɑɑ keŋ ŋkpɑŋʋɣʋ nɑ kʋnyɔntɔɣɔlʋ kʋsələmətʋ kɛ́.
\q1 Ɩɩ kisiɣi ɩ sələmʋɣʋ.
\q1
\v 18 Pɑ́ ŋmɑɑ-təɣɩ wɑɑlɩ lʋlʋŋ tɔɔ.
\q1 Yəlɑɑ mpɑ pɩɩ ŋmɑ tɔ, pɑɑ sɑ Tɑcɑɑ.
\q1
\v 19 Tɑcɑɑ wɛ ɩ tənɑŋŋ təcɑɣɑlɛ kɛ́ nɑ ɩ nyənəɣɩ.
\q1 Hɑtoo ɩsɔtɑɑ kɛ́ ɩ wɛɛ nɑ ɩ́ nyənəɣɩ tɛtʋ tɔɔ.
\q1
\v 20 Sɩ ɩ nɩɩkɩ sɑləkɑtʋnɑɑ wulɑ.
\q1 Sɩ ɩ wɑɑsəɣɩ mpɑ pɑɑ kʋ tɔ.
\q1
\v 21 Ɩlɛnɑ yəlɑɑ kpɑɑlɩ Tɑcɑɑ hətɛ kɛ Siyɔŋ tɑɑ
\q1 nɑ pɑ́ sɑmɩ-ɩ Yosɑlɛm tɑɑ.
\q1
\v 22 Yəlɑɑ tənɑ kɑ́ koti təntəmlɛ.
\q1 Piitimnɑɑ kɑ́ koti nɑ pɑ́ luŋ Tɑcɑɑ.
\b
\q1
\v 23 Ɩ yɔkɑ mɑ toŋ kɛ mpɑɑʋ tɑɑ kɛ́
\q1 nɑ ɩ́ pɑsɑ mɑ kʋyɛɛŋ.
\q1
\v 24 Mɑ tɔmɑ sɩ: Mɑ Ɩsɔ nyɑ́ wei n wɛ tɑm tɔɔ tɔ,
\q1 tɑɑ kɔɔlɩ-m mɑ kʋyɛɛŋ hɛkʋ tɑɑ.
\q1
\v 25 Hɑtoo lɔŋtɑɑ kɛ́ n sɩɩ tɛtʋ kite,
\q1 ɩsɔtɔnʋɣʋ kɛ́ nyɑ́ niŋ kʋlɑpəm kɛ́.
\q1
\v 26 Nyɑ́ wɛ tɑm tɔɔ kɛ́.
\q1 Amɑ pəlɛ pɩɩ sɑɑlɩ yem.
\q1 Pə kɔŋ tɛm kɛ́ ɩsɩɩ wontu kʋsusuutu,
\q1 nɑ ń lɑɣɑsɩ-wɩ ɩsɩɩ toko, ɩlɛnɑ pə lɑɣɑsɩ-wɩ.
\q1
\v 27 Tɑcɑɑ nyɑ́ wɛ tɑm tɔɔ kɛ́ ḿpʋɣʋ,
\q1 nyɑ́ pɩɩsɩ fɛɩnɑ tənɑɣɑ.
\q1
\v 28 Nyɑ́ təmlɛ nyə́mɑ tɑ́,
\q1 tɑ́ piyɑ kɑ́ tɔɣɔnɑ tɛtʋ,
\q1 nɑ pɑ lʋlʋŋ nyə́mɑ toŋ sɔɔsəɣɩ nyɑ́ ɩsɛntɑɑ.
\c 103
\s1 Mɑ sɛɛkɩ Tɑcɑɑ kɛ ɩ́ nɑ təmlɛ
\p
\v 1 Tɑfiiti yontu.
\b
\q1 Mɑ sɑŋ Tɑcɑɑ kɛ́.
\q1 Mɑ sɑŋ nyɑ́ hətɛ nɑŋŋ nyəntɛ kɛ́ nɑ mɑ lotu tənɑ.
\q1
\v 2 Mɑ sɑŋ Tɑcɑɑ kɛ́.
\q1 Mɑ kɑɑ sɔɔ nyɑ́ kʋpɑntʋ nɑtəlɩ.
\b
\q1
\v 3 Nyɑ́ hɩɩsəɣənɑ mɑ ɩsɑɣɑtʋ tənɑ,
\q1 nɑ ń wɑɑkɩ mɑ kʋtɔməŋ tənɑ.
\q1
\v 4 Nyɑ́ yɑkənɑ-m pəlɑɑʋ tɑɑ,
\q1 nɑ ń hʋlə́ɣɩ́-m suulu nɑ ń lɑkɩ-m kʋpɑntʋ.
\q1
\v 5 N kpɑɑsəɣɩ mɑ toŋ kɛ mɑ kpɑtəlɑɣɑ wɑɑtʋ,
\q1 nɑ ń mələɣənɑ-m ɩfepile tɑɑ ɩsɩɩ hɛkəlɛ.
\q1
\v 6 Tɑcɑɑ nyɑɣɑlɛ tɑmpɑnɑ hɑlʋ.
\q1 Nyɑ́ tɑɣɑnəɣənɑ mpɑ pɑ ɩsɛ pɑ tɔkɩ tɔ pɑ tɔm.
\q1
\v 7 Nyɑ́ hʋlənɑ Moisi kɛ nyɑ́ mpɑɑŋ,
\q1 nɑ ń hʋlɩ́ Ɩsɛɣɛlɩ nyə́mɑ kɛ nyɑ́ kookɑlənɑɑ.
\q1
\v 8 Tɑcɑɑ kɛ suulu nɑ pətɔɔtəlɛ tʋ kɛ́,
\q1 nyɑ́ kʋpɑntʋ wɛ sɔɣɔntʋ.
\q1 Pəyele nn mʋɣɩ pɑ́ɑ́nɑ́ kɛ lɔŋ.
\q1
\v 9 Nn kɑləɣɩ kʋtɑmsɑ,
\q1 pəyele nn tɔkəɣənɑ yʋlʋ kɛ nyɑ́ tɑɑ kɛ́ tɑm tɔɔ.
\q1
\v 10 Nn lɑkɩ-tʋ nɑ n kɛ́ɛ́sə́ɣə́nɑ tɑ́ ɩsɑɣɑtʋ.
\q1 Pəyele nn fɛləɣɩ-tʋɣʋ tɑ́ kɑwɑlɑɣɑ.
\b
\q1
\v 11 Ɩsɩɩ ɩsɔtɔnʋɣʋ kʋŋkʋlʋməŋ wɛʋ tɔ
\q1 ḿpʋɣʋ n lɑkɩ mpɑ pɑ nɩɩkənɑ-ŋ tɔɣɔ kʋpɑntʋ.
\q1
\v 12 Ɩsɩɩ ilim təlɩɩlɛ nɑ pə tətʋlɛ hɑtələnɑʋ təmɑ tɔ,
\q1 ḿpʋɣʋ n hɑtələɣənɑ-tʋɣʋ tɑ́ kɑwɑlɑsɩ.
\q1
\v 13 Ɩsənɑ cɛcɛ wɛnɑ ɩ piyɑ pətɔɔtəlɛ tɔ,
\q1 ḿpʋɣʋ Tɑcɑɑ n wɛnɑ mpɑ pɑ nyɑŋnɑ-ŋ tɔ pɑ nyəntɛ.
\q1
\v 14 Mpi tɔ, n nyəmɑ́ mpi pə ŋmɑnɑ-tʋ tɔ.
\q1 N tɑ sɔɔ sɩ tə kɛ́ mʋsʋɣʋ.
\b
\q1
\v 15 Yʋlʋ kʋyɛɛŋ wɛ kɛ́ ɩsɩɩ nyɩɩlʋɣʋ.
\q1 Ɩ tʋɣɩ hɛtʋ kɛ́ ɩsɩɩ tɑɑlɛ tɑɑ nyɩɩlʋɣʋ.
\q1
\v 16 Wɑɑtʋ wei heelim mɑkɩ-kʋ ɩlɛnɑ kʋ sɑɑlɩ yem,
\q1 nɑ pɑ́ wɩɩ kʋ lonte kɛ nyəm.
\q1
\v 17 Amɑ Tɑcɑɑ nyɑ́ kʋpɑntʋ leeliɣi tɑm tɔɔ kɛ́
\q1 mpɑ pɑ nyɑŋnɑ-ŋ tɔ pɑ kiŋ,
\q1 nɑ nyɑ́ tɑmpɑnɑ təŋʋɣʋ pəsəɣɩ pɑ piyɑ piyɑ nyəm.
\q1
\v 18 Ye pɑ tɔkɑ nyɑ́ nɔɣɔ pɛɛlʋɣʋ nɑ pɑ́ tɔɔsəɣɩ
\q1 nyɑ́ kʋsəsɩɩtʋ tɔɔ nɑ pɑ́ lɑkɩ-tɩ.
\b
\q1
\v 19 Ɩsɔtɔnʋɣʋ tɑɑ kɛ́ Tɑcɑɑ n ŋmɑwɑ nyɑ́ kumte
\q1 nɑ ń tɔkɩ kɑwulɑɣɑ kɛ pə tənɑ pə tɔɔ.
\q1
\v 20 Ɩsɔtɑɑ tillɑɑ mpɑ mɛ ɩ wɛ toŋ sɔsɔɔŋ
\q1 nɑ ɩ́ lɑkɩ Ɩsɔ kʋtʋtʋtʋ tɔ, ɩ sɑ Ɩsɔ,
\q1 nɑ ɩ́ nɩɩkənɑ ɩ nɔɣɔ tɑɑ tɔm.
\q1
\v 21 Tɑcɑɑ sɑmɑɑ mɛ mpɑ mə tənɑ ɩ́ kɛ́ ɩ təmlɛ nyə́mɑ
\q1 nɑ ɩ́ lɑkɩ ɩ kʋsɔɔləm tɔ, ɩ́ sɑmɩ-ɩ.
\q1
\v 22 Tɑcɑɑ kʋŋmɑŋmɑmɑ mɛ ɩ́ sɑmɩ-ɩ ɩ kɑwulɑɣɑ tənɑ tɑɑ.
\q1 Mɑ sɑŋ Tɑcɑɑ.
\c 104
\s1 Nmɑlʋ Ɩsɔ nyɑnɑ təmlɛ
\p
\v 1 Mɑ sɑŋ Tɑcɑɑ kɛ́.
\b
\q1 Mɑ Ɩsɔ nyɑ́ sɔsɔɔntʋ fɛɩ tənɑɣɑ.
\q1 N suu teu sɔsɔɔm kɛ́.
\q1
\v 2 N suu nyɑɑləm kɛ́ ɩsɩɩ kpɑɩ,
\q1 nɑ ń lɔ ɩsɔtɔnʋɣʋ ɩsɩɩ cokəle.
\q1
\v 3 Hɑtoo ɩsɔtɑɑ nyʋɣʋ tɑɑ kɛ́ n ŋmɑ nyɑ́ təcɑɣɑlɛ.
\q1 Ɩsɔŋmʋntʋ ntɛ́ nyɑ́ yoou kɛɛkɛ nɑ heelim tɛɛkənɑ-ŋ.
\q1
\v 4 Heelim ntɛ́ nyɑ́ tillɑɑ
\q1 nɑ nyɑ́ təmlɛ tʋ ntɛ́ kɔkɔ.
\b
\q1
\v 5 N sɩ́ɩ́ tɛtʋ kɛ tə kite tɔɔ kɛ́ teu kɛ́.
\q1 Pʋlʋpʋ kɑɑ ciɣiti-təɣɩ pɑɑ pə́cɔ.
\q1
\v 6 N wɑɑsɑ teŋku kɛ́ tə tɔɔ ɩsɩɩ kpɑɩ
\q1 nɑ lʋm nɑ́ɑ́ kpɑ pulɑsɩ.
\q1
\v 7 Amɑ n nyɑɑsɑ-wɩ nɑ pə́ se,
\q1 pə nɩ́ɩ́ nyɑ́ tɛʋ holɑ nɑ pə́ tʋ cɑsəlɛ.
\q1
\v 8 Ɩlɛnɑ pulɑsɩ nyɩɩ nɑ tɛtɛkɑ nɑ́ɑ́ lum
\q1 lonɑ wenɑ n kɑ sɩɩwɑ tɔ ɑ tɑɑ.
\q1
\v 9 N pɩ́ɩ́ lʋm kɛ tənɑɣɑ sɩ pə́ tɑɑ ŋmɑɑ kɑ tɔɔ
\q1 nɑ pə́ kɔɔ pə tɑsɑ tɛtʋ wɑɑsʋɣʋ.
\b
\q1
\v 10 Nyɑ́ təŋsənɑ lʋm sɛɛlɑɑ kɛ lɔɔŋ
\q1 nɑ pə́ kpeŋ pulɑsɩ hɛkəŋ.
\q1
\v 11 Tənɑɣɑ tɑɑlɛ wontu tənɑ nyɔɔkɩ
\q1 nɑ tɑɑlɛ kpɑŋɑsɩ nɑ́ɑ́ kʋɣɩ sɩ lʋkɔtʋ.
\q1
\v 12 Ɩlɛnɑ sumɑsɩ sʋʋkɩ lɔɔŋ ɩnɩ ɩ kʋtemiŋ tɩɩŋ tɔɔ
\q1 nɑ sɩ wiiki piliŋɑsɩ tɔɔ.
\b
\q1
\v 13 Hɑtoo nyɑ́ ɩsɔtɑɑ tənɑɣɑ n yeki nɑ tɛʋ nɩɩkɩ pɔɔŋ tɔɔ,
\q1 nɑ tɛtʋ nɑ́ɑ́ hɑkɩ nyɑ́ təmɑ kʋlʋlʋm.
\q1
\v 14 N yeki nɑ nyɩɩtʋ nyɔɔkɩ sɩ pə́ wɑɑsɩ tɔlɑ
\q1 nɑ tɩɩŋ nɑ́ɑ́ nyɔɔkɩ sɩ pə wɑɑsɩ yʋlʋ.
\q1 N lɑpɑ ḿpʋɣʋ sɩ tɛtʋ ɩ́ lʋlɩ
\q1 mpi pə hɑɑkɩ yʋlʋ kɛ weesuɣu tɔ.
\q1
\v 15 N lɑpɑ sʋlʋm sɩ pə́ hɛɛsɩ yʋlʋ lɑŋlɛ.
\q1 Nɑ ń lɑ nim sɩ pə tɑɣɑnəɣɩ ɩsɛntɑɑ.
\q1 Ɩlɛnɑ mʋtʋ nɑ́ɑ́ hɑ yʋlʋ kɛ ɑlɑɑfəyɑ.
\b
\q1
\v 16 Tɑcɑɑ nyɑ́ tuunɑ Lipɑŋ tɩɩŋ sɔsɔɔŋ.
\q1 Ɩ hikiɣi lʋm mpi ɩ cɑɑkɩ tɔ.
\q1
\v 17 Tɩɩŋ ɩnɩ ɩ tɔɔ kɛ́ sumɑsɩ səkpesi tʋɣɩ sɩ tɑnɑ
\q1 nɑ sumɑsɩ sɔsɔɔnsɩ nɑ́ɑ́ cɑkɩ ɩ tɔɔ.
\q1
\v 18 Tɑɑlɛ pəntʋlʋŋ təcɑɣɑlɛ ntɛ́ pɔɔŋ sɔsɔɔŋ tɔɔ
\q1 nɑ pʋɣʋ nɑmisi nɑ́ɑ́ cɑkɩ kʋkpɑməŋ tɛɛ.
\b
\q1
\v 19 N lɑpɑ ɩsɔtʋ kɛ sɩ ɩ́ fɑɣɑ kʋyɛɛŋ,
\q1 ilim nyəmɑ́ pə tʋɣʋ wɑɑtʋ.
\q1
\v 20 N kɔŋnɑ səkpɛtʋɣʋ ɩlɛnɑ pə́ yu,
\q1 nɑ hɔtʋɣʋ tɑɑ wontu sʋʋ tə təmɑ tɑɑ.
\q1
\v 21 Tɔɣɔlɑsɩ kʋfɑsɩ nyɩɩsəɣɩ sɩ tɔɣɔnɑɣɑ wɑɑlɩ
\q1 nɑ sɩ́ sələməɣɩ Ɩsɔ nyɑɣɑ sɩ kʋtɔɣɔʋ.
\q1
\v 22 Wɑɑtʋ wei ilim lɩɩkɩ ɩlɛnɑ
\q1 sɩ́ məlɩ nɑ sɩ́ həntɩ sɩ pɔɔŋ tɑɑ.
\q1
\v 23 Ɩlɛnɑ yʋlʋ nɑ́ɑ́ lɩɩ nɑ ɩ́ tɛɛ ɩ təmlɛ
\q1 nɑ ɩ́ lɑ-tɛɣɛ mpʋ hɑlənɑ tɑɑnɑɣɑ.
\b
\q1
\v 24 Hɑɩ, Tɑcɑɑ, nyɑ́ kʋlɑpəlɛ tɔɔwɑ pɑɣɑlɛ kɛ́,
\q1 nɑ ləmɑɣɑsɛɛ kɛ n lɑpənɑ pə tənɑ.
\q1 Nyɑ́ kʋpɑmpɑm sunɑ tɛtʋ tɑɑ.
\q1
\v 25 Teŋku kɔlɔ təlelele, ɩ fɛɩ tənɑɣɑ,
\q1 nɑ ɩ tɑɑ wontu sɔsɔɔntʋ nɑ səkpetu cɔɔkɩ,
\q1 tə fɛɩ kɑlʋɣʋ.
\q1
\v 26 Ɩ tɑɑ tɔtɔɣɔ kpɩɩləŋ sɔsɔɔŋ nɑ́ kpɑɑkɩ nɑ ɩ́ tiiki,
\q1 nɑ tʋm sɔsɔ Lefiyɑtɑŋ wei n lɑpɑ sɩ n liɣiliɣinɑ teŋku holɑ tɑɑ tɔ.
\b
\q1
\v 27 Nyɑɣɑ wontu ntɩ tə tənɑ tə tɛɛləɣɩ
\q1 sɩ ń cɑləɣɩ-təɣɩ tə tɔɣɔʋ wɑɑtʋ.
\q1
\v 28 Ń hɑ-tɩ ɩlɛ tə mʋ.
\q1 Ń kulɑ nyɑ́ niŋ ɩlɛ kʋpɑntʋ tɔɔlənɑ-tɩ.
\q1
\v 29 Ń hɑ-təɣɩ siɣile ɩlɛ tə sʋʋ seluɣu.
\q1 Ye n ləsɑ tə feesiŋ ɩlɛ tə hɛɛ nɑ tə́ pəsɩ ɑtɛ mʋsʋɣʋ.
\q1
\v 30 Ń mələnɑ tə feesiŋ ɩlɛ tə tɑɣɑnɩ kʋlʋɣʋ
\q1 nɑ tə tənɑ tə́ pəsɩ kʋfɑm kɛ tɛtʋ tɔɔ.
\b
\q1
\v 31 Tɑcɑɑ nyɑ́ teu ɩ́ wɛɛ tɑm tɔɔ,
\q1 nɑ ń yɔɔlənɑ nyɑ́ kʋlɑpəm.
\q1
\v 32 Ń nyənɑ tɛtʋ tə seliɣi kɛ́,
\q1 nɑ ye n tokinɑ pɔɔŋ ɩlɛ nyɔɔsɩ nyɑlɑ ɩ tɔɔ.
\b
\q1
\v 33 Tɑcɑɑ nyɑɣɑ mɑ yoo yontu hɑlənɑ mɑ səm
\q1 mɑ Ɩsɔ kɛ́ mɑ sɑŋ hɑlənɑ mɑ tənɑɣɑ sɩɩʋ.
\q1
\v 34 Mɑ yontu ɩ́ lɑ-ŋ teu Tɑcɑɑ,
\q1 nyɑɣɑ mɑ yɔɔləɣənɑ.
\q1
\v 35 Pəntəlɑɑ ɩ́ sɑɑlɩ yem kɛ tɛtʋ tɔɔ,
\q1 ɑsɑɣɑɑ ɩ́ tɑɑ tɑsɑ wɛɛʋ.
\b
\q1 Tɑcɑɑ, mɑ sɑŋɩ-ŋ kɛ́.
\q1 Ɩ́ sɑ Tɑcɑɑ.
\c 105
\s1 Ɩsɔ kʋpɑntʋ tɔm
\r (Kʋkɑlətʋ 1-15: Kʋtɔɔsʋtʋ I 16:8-22)
\p
\v 1 Ɩ́ sɑ Tɑcɑɑ, ɩ́ yɑɑ ɩ hətɛ.
\q1 Ɩ́ yɔɣɔtɩ ɩ kookɑlənɑɑ tɔm kɛ yəlɑɑ tɑɑ.
\q1
\v 2 Ɩ́ yoo-ɩ yontu nɑ ɩ́ sɛɛ-ɩ nɑ cəməŋ.
\q1 Ɩ́ yɔɣɔtɩ ɩ təmɑ sɔsɔɔnɑ tɔm.
\q1
\v 3 Ɩ́ sɑ mə təɣɩ ɩ hətɛ nɑŋŋ nyəntɛ tɔɔ.
\q1 Tɑcɑɑ pɛɛkəlɑɑ mɛ mə lɑŋɑ ɩ́ hʋləmənɑ-ɩ.
\q1
\v 4 Ɩ́ kɛɛsənɑ Tɑcɑɑ Tomɑ tənɑ tʋ tɔɔ,
\q1 ɩ́ pɛɛkəɣɩ tɑm sɩ ɩ́ wɛɛ Ɩsɔ ɩsɛntɑɑ.
\q1
\v 5-6 Tɑcɑɑ təmlɛ tʋ Apəlɑhɑm lʋlʋɣʋ nyə́mɑ mɛ.
\q1 Yɑkɔpʋ piyɑ mpɑ mɛ Ɩsɔ ləsɑɑ tɔ.
\q1 Ɩ́ tɔɔsɩ ɩ təmɑ sɔsɔɔnɑ tɔm,
\q1 nɑ ɩ piti təmɑ nɑ ɩ hʋʋlɛ pə tɔm.
\b
\q1
\v 7 Tɑcɑɑ nyɑɣɑlɛ tɑ́ Ɩsɔ
\q1 nɑ ń hʋʋkənɑ tɛtʋ tənɑ.
\q1
\v 8 Nn sɔɔkɩ nyɑ́ nɔɣɔ sɩɩʋ tɔɔ kɛ́ pɑɑ pəcɔ.
\q1 Nyɑ́ tɔm wɛ ḿpʋɣʋ hɑlənɑ lʋlʋŋ loosi iyɑɣɑ (1000).
\q1
\v 9 N kɑ́ tɔkɩ nɔɣɔ ŋkɑ n kɑ sɩɩwɑ Apəlɑhɑm tɔ
\q1 nɑ n tɛləsɩ kɑ tɔm kɛ Ɩsɑɑkɑ nɑ tuunɑʋ.
\q1
\v 10 Nɔɣɔ ŋkɛɣɛ n sɩɩ Yɑkɔpʋ.
\q1 N cɛlɑ-kɛɣɛ Ɩsɛɣɛlɩ kɛ tɑm tɔɔ.
\q1
\v 11 N heelɑ-ɩ sɩ:
\q1 Mɑɑ tɑlɑ Kɑnɑɑŋ tɛtʋ kɛ nyɑnɑ nyɑ́ lʋlʋɣʋ nyə́mɑ
\q1 nɑ tə pəsɩ mə pɑɑ nyəm.
\b
\q1
\v 12 Sɑɑ ɩnɩ tɔ, Ɩsɛɣɛlɩ yəlɑɑ mɛ ɩ́ fɛɩ pɑɣɑlɛ kɛ pɑɑ pəcɔ.
\q1 Pəyele ɩ́ cɑɣɑ tɛtʋ tɑɑ tɔ pə tɑ leeli.
\q1
\v 13 Nɑ ɩ́ puki piitimnɑɑ tɑɑ
\q1 nɑ ɩ́ cɔɔkɩ kɑwulɑsɩ tɑɑ.
\q1
\v 14 Amɑ Ɩsɔ tɑ́ tisi sɩ piitim nɑpəlɩ pə́ tɔɣɔ mə ɩsɛ,
\q1 hɑlɩ ɩ́ nɑɑsɩ ɑwulɑɑ pɑɣɑlɛ kɛ mə nyʋɣʋ tɔɔ.
\q1
\v 15 Nɑ ɩ́ tɔ sɩ: Ɩ́ tɑɑ tokinɑ mɑ kʋləsɑɑ.
\q1 Ɩ́ tɑɑ lɑ ɩsɑɣɑtʋ kɛ
\q1 mɑ kʋyɔɣɔtʋtʋ tɛləsəlɑɑ.
\b
\q1
\v 16 Ḿpʋɣʋ Ɩsɔ yelɑɑ nɑ nyɔɣɔsɩ lɩɩ tɛtʋ tɑɑ,
\q1 nɑ tɔɣɔnɑɣɑ lɑŋ.
\q1
\v 17 Ɩlɛnɑ Ɩsɔ tɛləsɩ yʋlʋ kɛ mə nɔɣɔ tɔɔ.
\q1 Yʋlʋ ɩnəɣəlɛ Yosɛɛfʋ wei ɩ tɑɑlʋnɑɑ pɛɛtɑɑ tɔ.
\q1
\v 18 Pɑ tʋwɑ ɩ nɔɔhɛɛ tɑɑ kɛ́ ŋkpɑsɩ
\q1 nɑ nyəɣəlʋɣʋ kɛ ɩ luɣu tɛɛ.
\q1
\v 19 Hɑlənɑ pə́ tɑlɑ wɑɑtʋ wei Tɑcɑɑ kɑ sɩɩwɑ tɔ.
\q1 Ɩlɛnɑ Tɑcɑɑ tɔm hʋlɩ sɩ ɩ kɑ wɛnɑ tɑmpɑnɑ.
\q1
\v 20 Ḿpʋɣʋ wulɑʋ hɑwɑ nɔɣɔ sɩ pɑ hɛtɩ-ɩ.
\q1 Wei ɩ tɔkɩ kɑwulɑɣɑ kɛ yəlɑɑ tənɑ tɔɔ tɔ sɩ, pɑ́ cɛpɩ-ɩ.
\q1
\v 21 Nɑ wʋlɑʋ kpɑ Yosɛɛfʋ kɛ ɩ təyɑɣɑ tɔɔ nyənlʋ
\q1 nɑ Yosɛɛfʋ pɑɑsəɣənɑ wʋlɑʋ nyəm tənɑ,
\q1
\v 22 sɩ ɩ́ sɛɣɛsɩ ɩ wɑɑlɩ nyə́mɑ ɩsɩɩ ɩ cɑɑkɩ tɔ
\q1 nɑ ɩ́ hʋlɩ ləmɑɣɑsɛɛ kɛ ɩ lɑɣɑtʋ tɑsəlɑɑ kʋpəmɑ.
\q1
\v 23 Ḿpʋɣʋ Yɑkɔpʋ polɑ Icipiti tɛtʋ tɑɑ.
\q1 Ḿpʋɣʋ Ɩsɛɣɛlɩ polɑɑ nɑ ɩ́ cɑɣɑ Kɑm*fɑ* tɛtʋ tɑɑ. \f ɑ \fr 105:23 \fr*\fk Kɑm: \fk*\ft Kɑm tɛtʋ kɛ cənɛ, pə kɛ Icipiti kɛ. Pə tɑɣɑ tɛtʋ kʋfɑtʋ nɑtələɣɩ yem.\ft*\f*
\b
\q1
\v 24 Ɩlɛnɑ Tɑcɑɑ ń yele nɑ nyɑ́ yəlɑɑ huki kɑtɑtəlɑɣɑ
\q1 nɑ pɑ́ kəlɩ pɑ kolontunɑɑ kɛ toŋ.
\q1
\v 25 Nɑ n lɑɣɑsɩ Icipiti nyə́mɑ kɛ
\q1 hʋwɛɛ nɑ pɑ tɑɑ kpɑnɑ nyɑ́ yəlɑɑ.
\q1 Nɑ pɑ́ lɑ-wɛɣɛ nyəməŋ nɑ pɑ́ muɣuli-wɛ.
\q1
\v 26 Ḿpʋɣʋ n tilɑ nyɑ́ təmlɛ tʋ Moisi
\q1 nɑ Alɔŋ wei n kɑ ləsɑɑ tɔ.
\q1
\v 27 Nɑ pɑ́ lɑ piti təmɑ nɑ kɔkɔlɔ nyəm nɑ toŋ
\q1 kɛ Kɑm nyə́mɑ tɛtʋ tɑɑ.
\q1
\v 28 Ɩlɛnɑ ń yele nɑ səkpɛtʋɣʋ nyɑlɑ nɑ ɑhoo yu.
\q1 Pɑ tɑɑ nɔɣɔlʋ tɑ kpɛɛsənɑ Tɑcɑɑ kʋyɔɣɔtʋtʋ.
\q1
\v 29 Nɑ ń pəsɩ lʋm kɛ cɑləm,
\q1 nɑ ń kʋ pə tɑɑ tiinɑ.
\q1
\v 30 Ḿpʋɣʋ sɑlɛɛ lɩɩwɑ Icipiti tɛtʋ tɑɑ kɛ́ kɑtɑtəlɑɣɑ
\q1 nɑ ɑ́ sʋʋ pɑ ɑwulɑɑ nɑŋŋ kʋhəntəŋ tɑɑ.
\q1
\v 31 Ɩlɛnɑ Tɑcɑɑ ń yɔɣɔtɩ nɑ kɑcɔsɩ kʋnyɑsɑsɩ
\q1 nɑ pɔtʋ lɩɩ pɑ tɛtʋ tənɑ tɑɑ.
\q1
\v 32 Nɑ ń yele nɑ tɔmpɛɛ nɩɩ-wɛɣɛ tɛʋ lonte
\q1 nɑ cɑlɑnɑɑ tii pɑ tɛtʋ tɑɑ nɑ tə́ nyɑɣɑ kɔkɔ.
\q1
\v 33 Nɑ ń wɑkəlɩ pɑ tɩɩŋ wei pɑ yɑɑ sɩ fiki
\q1 nɑ lɛsɛŋnɑɑ tɔ.
\q1 Nɑ ń pɛlɩ pɑ hɔɣɔlʋɣʋ tɑɑ tɩɩŋ.
\q1
\v 34 Ḿpʋɣʋ Ɩsɔ n tɑsɑ yɔɣɔtʋɣʋ nɑ kʋtoloŋ
\q1 lɩɩ kʋ fɛɩ kɑlʋɣʋ.
\q1
\v 35 Nɑ kʋ kpiisi pɑ tɑwɑ tɩɩŋ pee
\q1 nɑ tɛtʋ tənɑ nyɩɩtʋ.
\q1
\v 36 Ḿpʋɣʋ Ɩsɔ kʋwɑ pɑ tɛtʋ tɑɑ kɑncɑɑlɑɣɑ piyɑ tənɑ.
\q1 Nsɩ sɩ kɛnɑ pɑ kɑncɑɑlɑɣɑ piyɑ nsi pɑ lʋlɑ pɑ ɩfepile wɑɑtʋ tɔ.
\q1
\v 37 Ɩlɛnɑ Ɩsɔ ń ləsɩ nyɑ́ yəlɑɑ nɑ liɣitee nɑ wʋlɑ.
\q1 Nɔɣɔlʋ tɑɑ seliɣi mpɑɑʋ tɑɑ kɛ́ ɩ kpekɑ tɑɑ.
\q1
\v 38 Pɑ tɛɛwɑ ɩlɛnɑ Icipiti nyə́mɑ feesi təfʋʋ.
\q1 Mpi tɔ, pɑ tɛɛ sʋʋkɑɣɑnɑ-wɛɣɛ.
\b
\q1
\v 39 Ɩsɔŋmʋntʋɣʋ kɛ Tɑcɑɑ n kentɑɣɑɑ pɑ tɔɔ kɛ́ ilim tɑɑ,
\q1 ɩlɛnɑ nyɑ́ kɔkɔ nɑɑkɩ-wɛɣɛ ɑhoo.
\q1
\v 40 Ḿpʋɣʋ Tɑcɑɑ n mʋ pɑ kʋsələmʋtʋ nɑ ń kɔnɑ-wɛɣɛ lɛɛsɩ,
\q1 nɑ ń hɑɣɑsɩ-wɛɣɛ ɩsɔtɑɑ tɔɣɔnɑɣɑ.
\q1
\v 41 Ɩlɛnɑ ń tʋlɩ kʋkpɑmʋɣʋ nɑ lʋm kpe
\q1 wʋlɑɣɑ tɛtʋ tɑɑ ɩsɩɩ pɔɣɔ.
\b
\q1
\v 42 N tɑ sɔɔ nyɑ́ tɔm nɑŋŋ nyəntʋ nti
\q1 n kɑ heelɑ nyɑ́ təmlɛ tʋ Apəlɑhɑm tɔ.
\q1
\v 43 Ḿpʋɣʋ n ləsɑ nyɑ́ yəlɑɑ mpɑ n yɑɑwɑ tɔ nɑ pɑ wɛnɑʋ
\q1 nɑ lɑŋhʋlʋmlɛ sɔsɔɔlɛ nɑ pɑ́ wilitiɣi.
\q1
\v 44 Ɩlɛnɑ ń cɛlɛ-wɛɣɛ piitimnɑɑ tɛtʋnɑɑ
\q1 nɑ pɛlɛ pɑ́ tɔɣɔ yəlɑɑnɑɑ təmɑ kʋlʋlʋm.
\q1
\v 45 N lɑpɑ ḿpʋɣʋ sɩ pɑ́ təŋ nyɑ́ kiiŋ
\q1 nɑ pɑ́ tɔkɩ nyɑ́ kʋsəsɩɩtʋ.
\q1 Ɩ́ sɑ Tɑcɑɑ.
\c 106
\s1 Ɩsɔ təŋəɣɩ tɑmpɑnɑ, Ɩsɛɣɛlɩ nyə́mɑ kisɑ-yɛ
\r (Kʋkɑlətʋ 1,47-48: Kʋtɔɔsʋtʋ I 16:34-36)
\p
\v 1 Ɩ́ sɑ Tɑcɑɑ, ɩ́ sɛɛ-ɩ.
\b
\q1 Mpi tɔ, ɩ kɛ́ kʋpɑŋ.
\q1 Ɩ kʋpɑntʋ wɛ tɑm tɔɔ kɛ́.
\q1
\v 2 Aweɣelɛ ɩ təmɑ sɔsɔɔnɑ tɔm yɔɣɔtʋlʋ?
\q1 Nɑ ɩ sɑmtʋ tənɑ kpɑɑllʋ?
\b
\q1
\v 3 Mpɑ pɑ təŋəɣɩ tɑmpɑnɑ nɑ pɑ́ lɑkɩ kʋsiɣisim
\q1 kɛ tɑm tɔɣɔlɛ leleŋ nɩɩlɑɑ.
\b
\q1
\v 4 Tɑcɑɑ tɔɔsɩ mɑ tɔɔ.
\q1 Mpi tɔ, n sɔɔlɑ nyɑ́ yəlɑɑ.
\q1 Pɑɑsənɑ-m nyɑ́ wei n wɑɑsəɣɩ tɔ.
\q1
\v 5 Wɑɑsɩ-m nɑ mɑ́ nɑ́ nyɑ́ ləsəlɑɑ təcɑɣɑnɑʋ.
\q1 Ɩlɛnɑ mɑ́ nɑ nyɑ́ yəlɑɑ tɑ́ lɑŋɑ hɛɛ.
\q1 Nɑ mɑ́ nɑ-wɛ tə́ yɔɔlɩ.
\b
\q1
\v 6 Tə pəntɑɑ kɛ́ ɩsɩɩ tɑ́ cɑɑnɑɑ.
\q1 Tə lɑpɑ ɩsɑɣɑtʋ, tə lɑpɑ mpi pə tɑ kɛɛsɩ tɔ.
\b
\q1
\v 7 Tɑ́ cɑɑnɑɑ tɑɑ cɛkənɑ nyɑ́ piti təmɑ kɛ Icipiti.
\q1 Pɑ tɑ tɔɔsɩ nyɑ́ kʋpɑntʋnɑɑ tuutuumɑ tɔɔ.
\q1 Hɑlənɑ pɑ́ kʋlɩ nyɑ́ tɔɔ kɛ́ teŋku kʋsɛɛm nɔɣɔ.
\q1
\v 8 Pɑɑ nɑ mpʋ n yɑpɑ-wɛɣɛ nyɑ́ hətɛ tɔɔ
\q1 sɩ nyɑ́ toŋ ɩ́ nɑ́.
\q1
\v 9 Ḿpʋɣʋ n nyɑɑsɑ teŋku kʋsɛɛm nɑ ɩ́lɛ́ ɩ nyɔɔ.
\q1 N yelɑɑ nɑ nyɑ́ yəlɑɑ tɔ lumɑŋ sɔsɔɔŋ tɑɑ
\q1 ɩsɩɩ wʋlɑɣɑ tɛtʋ tɑɑ.
\q1
\v 10 N yɑpɑ tɑ cɑɑnɑɑ kɛ mpɑ pɑɑ cɑɑkɩ-wɛ tɔ pɑ niŋ tɑɑ.
\q1 N hɛtɑ-wɛɣɛ pɑ kolontu səkpɑŋ tɑɑ.
\q1
\v 11 Lʋm tɔɣɔ pɑ kolontunɑɑ tənɑɣɑ,
\q1 pə tɑ sɔɔ pɑɑ kʋlʋm.
\q1
\v 12 Tənɑɣɑlɛ pɑ tɛmɑ pɑ tɑɑ nɑ nyɑ́ tɔm,
\q1 nɑ pɑ́ sɑ-ŋ nɑ yontu.
\b
\q1
\v 13 Amɑ pɑ sɔɔ kpɑkpɑɑ kɛ nyɑ́ təmɑ,
\q1 pɑ tɑ tɑŋ sɩ pɑ́ nɑ́ ɑ tɛɛsʋɣʋ.
\q1
\v 14 Ḿpʋɣʋ pɑ nyɩɩlɑ teu sɩ pɑ́ hiki
\q1 mpi pɑ fɛɩnɑ tɔɣɔ wʋlɑɣɑ tɛtʋ tɑɑ.
\q1 Ɩlɛnɑ pɑ́ cɑɑ-ŋ tɔm kɛ tɛtʋ pooluŋ nyəntʋ tɑɑ.
\q1
\v 15 N hɑ-wɛɣɛ pɑ kʋsələməm
\q1 nɑ pɑ́ tɔɣɔ nɑ pɑ́ hɑɣɑ nɑ pə́ lɩɩ-wɛɣɛ sɔŋ.
\q1
\v 16 Ḿpʋɣʋ pɑ lɑpɑ Moisi kɛ ɩsɛsɛɛmlɛ kɛ təsikile,
\q1 nɑ Alɔŋ wei ɩ kɛ́ yʋlʋ nɑŋŋ tʋ tɔ.
\q1
\v 17 Tənɑɣɑlɛ tɛtʋ hɑɑ nɔɣɔ nɑ tə́ li Tɑtɑŋ nyə́mɑ
\q1 nɑ tə́ wɑɑsɩ Apilɑm nyə́mɑ tɔɔ.
\q1
\v 18 Kɔkɔ nyɑɣɑ pɑ kpekəle,
\q1 kɑ niisɑ ɑsɑɣɑɑ mpɛ.
\b
\q1
\v 19 Ḿpʋɣʋ pɑ lupɑ nyəɣəlʋɣʋ kɛ nɑule kɛ Holɛpʋ pʋɣʋ tɔɔ,
\q1 nɑ pɑ́ luŋ nɑ pɑ́ sɛɛ-tɛ.
\q1
\v 20 Pɑ kpɑɣɑ nɑʋ wei ɩ tɔkɩ nyɩɩtʋ tɔɣɔ,
\q1 nɑ pɑ́ lɛɛtɩ Ɩsɔ teeli tʋ nyɑ́ nyɑ́ lonte tɑɑ.
\q1
\v 21 Pɑ sɔɔwɑ pɑ wɑɑsʋlʋ Ɩsɔ nyɑ́ nyɑ́ tɔɔ,
\q1 pə́cɔ nyɑ́ lɑpənɑ-wɛɣɛ təmɑ sɔsɔɔnɑ,
\q1
\v 22 kɛ Kɑm nyə́mɑ tɛtʋ tɑɑ,
\q1 nɑ piti təmɑ kɛ teŋku kʋsɛɛm tɑɑ.
\q1
\v 23 Ḿpʋɣʋ Tɑcɑɑ nyɑ́ n yɔɣɔtɑ pɑ kpiisuɣu tɔm, Moisi pɑɑsi.
\q1 Amɑ nyɑ́ kʋləsʋ Moisi tike səŋnɑ nɑ ɩ́ tɛɣɛ-ŋ niŋ
\q1 nɑ Ɩsɔ kʋ ɩ pɑ́ɑ́nɑ́ kɛ wɑkəlʋɣʋ tɔm tɑɑ.
\b
\q1
\v 24 Ɩlɛnɑ pɑ́ lɔ tɛtʋ kʋpɑntʋ nti Ɩsɔ nyɑ́ n kɑ hɑ-wɛ tɔ.
\q1 Pɑ tɑ tʋnɑ Tɑcɑɑ nyɑ́ nyɑ́ nɔɣɔ sɩɩʋ tɔtɔ.
\q1
\v 25 Ntɛnɑ pɑ́ kʋntɩ pɑ tɛɛsɩ tɑɑ,
\q1 nɑ pɑ́ kisi Tɑcɑɑ nyɑ́ nyɑ́ nɔɣɔ kɛ nɩɩnɑʋ.
\q1
\v 26 Tənɑɣɑlɛ n kʋsɑ niŋ nɑ ɩsɔ nɑ ń tuu
\q1 sɩ n kɑ́ yele nɑ pɑ́ sɩ́ wʋlɑɣɑ tɛtʋ tɑɑ.
\q1
\v 27 Nɑ ń yɑsɩ pɑ lʋlʋŋ kɛ pɑɑ timpi,
\q1 nɑ ń yele nɑ pɑ́ sɩ́ mɑ tɑ nyɩ ɩsɔnɑɑ tɛ.
\b
\q1
\v 28 Ḿpʋɣʋ Ɩsɛɣɛlɩ nyə́mɑ luŋɑ Peyɔɔ nyə́mɑ tʋɣʋ Pɑɑlɩ.
\q1 Ɩlɛnɑ pɑ́ tɔɣɔ nɑntʋ nti pɑ lɑɑwɑ sətɑɑ tɔ.
\q1
\v 29 Pɑ kpɑɑsɑ Tɑcɑɑ nyɑ́ pɑ́ɑ́nɑ́ nɑ pɑ kʋlɑpʋtʋ ntɩ.
\q1 Ɩlɛnɑ nyɑɑ kɔnɑ wɑhɑlɑ kɛ pɑ tɔɔ.
\q1
\v 30 Ḿpʋɣʋ Pɛnhɑsɩ kʋlɑɑ nɑ ɩ́ tɑɣɑnɩ-tɩ.
\q1 Ɩlɛnɑ mpusi ɩnɩ ɩ́ hɛɛ.
\q1
\v 31 Ḿpʋɣʋ Tɑcɑɑ nyɑ́ nyənɑ yɑɑsi ɩnɩ sɩ
\q1 ɩ wɛ teu kɛ tɑm tɔɔ.
\b
\q1
\v 32 Mpɛ pɑ kpɑɑsənɑ Tɑcɑɑ nyɑ́ nyɑ́ pɑ́ɑ́nɑ́ kɛ Melipɑ lʋm kiŋ.
\q1 Ɩlɛnɑ Moisi tɔɣɔ pə sɑləkɑ kɛ pɑ nyʋɣʋ tɔɔ.
\q1
\v 33 Pɑ nyəŋsɑ ɩ ɩsɛ nɑ ɩ́ kpisi kɑntəlʋɣʋ,
\q1 ɩlɛnɑ ɩ́ yɔɣɔtɩ tɔm ɩ tɑ mɑɣɑsɩ.
\b
\q1
\v 34 Ɩsɛɣɛlɩ nyəmɑ tɑ kʋ Kɑnɑɑŋ nyə́mɑ ɩsɩɩ Tɑcɑɑ
\q1 kɑ heeluɣu-wɛ tɔ.
\q1
\v 35 Amɑ pɑ kpɛntənɑ piitimnɑɑ lɛlɑɑ kɛ́
\q1 nɑ pɑ́ kpɛləmɩ pɛlɛ pɑ kʋlɑpəlɛ.
\q1
\v 36 Hɑlənɑ pɑ́ luŋ pɑ tɩɩŋ
\q1 nɑ pɛlɛ pɑ́ nyɩ-wɛɣɛ kɑtɔkɑ nɑ pɑ́ hoti kɑ tɑɑ.
\q1
\v 37 Nɑ pɑ́ lɑɑ pɑ pəyɑlɑɑ nɑ pɑ pɛɛlɑɑ kɛ
\q1 pɛlɛ pɑ tɩɩŋ.
\q1
\v 38 Pɑ kʋwɑ pɑ piyɑ kɛ mʋsʋŋ kɛ Kɑnɑɑŋ tɩɩŋ tɛɛ
\q1 nɑ pɑ yʋlʋkʋlɛ ntɛ́ tə́ pilisɑ tɛtʋ.
\q1
\v 39 Pɑ təmɑ lɑpɑ-wɛɣɛ ɑsilimɑ nyə́mɑ
\q1 nɑ pɑ lɑkɑsɩ pəsɩ-wɛ ɩsɩɩ wɑsɑŋkɑlənɑɑ.
\q1
\v 40 Ḿpʋɣʋ Tɑcɑɑ nyɑ́ nyɑ́ tɑɑ kpɑnɑ nyɑ́ yəlɑɑ mpɑ pɑ kɛ́
\q1 nyɑ́ kpɑncoou tɔ nɑ pɑ́ lɩɩ-ŋ sɔŋ.
\q1
\v 41 Ɩlɛnɑ ń tʋ-wɛɣɛ piitimnɑɑ niŋ tɑɑ
\q1 nɑ pɛlɛ pɑ tɑɑ kpɑnɑ-wɛ nɑ pɑ́ ŋmɑkəlɩ-wɛ.
\q1
\v 42 Nɑ pɑ kolontunɑɑ muɣuli-wɛ
\q1 nɑ pɑ́ tʋ-wɛɣɛ wɑhɑlɑ.
\q1
\v 43 Tɔm pɑɣɑlɛ kɛ Tɑcɑɑ n wɑɑsɑ-wɛ.
\q1 Pɑɑ nɑ mpʋ nɑ pɑ́ kʋləɣɩ nyɑ́ tɔɔ kɛ́ tɑm.
\q1 Ɩlɛnɑ pɑ́ kɑmɑ nyɔɔŋ kɛ pɑ ɩsɑɣɑtʋ tɑɑ.
\q1
\v 44 Ḿpʋɣʋ Tɑcɑɑ n nɩɩwɑ pɑ wulɑ
\q1 nɑ ń nɑ́ pɑ lɑŋpəsəlɛ.
\q1
\v 45 Ɩlɛnɑ ń hʋʋ nyɑ́ nɑ-wɛ mə nɔɣɔ pɛɛlʋɣʋ tɔm.
\q1 Nɑ pɑ tɔm lɑ-ŋ pətɔɔtəlɛ kɛ nyɑ́ kʋpɑntʋ sɔsɔɔntʋ tɔɔ.
\q1
\v 46 Nɑ ń yele nɑ mpɑ pɑɑ kpɑ-wɛɣɛ yomle tɔ
\q1 pɑ tɔm lɑ-wɛɣɛ ɩsəkilim.
\b
\q1
\v 47 Tɑcɑɑ tɑ́ Ɩsɔ wɑɑsɩ-tʋ,
\q1 nɑ ń ləsɩ-tʋɣʋ piitimnɑɑ tɑɑ nɑ ń kpeɣeli-tʋ.
\q1 Ɩlɛnɑ tə́ sɑ nyɑ́ hətɛ nɑŋŋ nyəntɛ
\q1 nɑ tə́ pɛɛkɩ teeli kɛ nyɑ́ sɑmtʋ tɑɑ.
\b
\q1
\v 48 Ɩsɛɣɛlɩ Ɩsɔ Tɑcɑɑ tə sɛɛ-ŋ tɑm tɔɔ.
\q1 Yəlɑɑ tənɑ ɩ́ tisi sɩ Ɩsɔ ɩ́ kɔnɑ mpʋ.
\q1 Ɩ́ sɑ Tɑcɑɑ.
\c 107
\ms1 TAKƎLAƔA KAKPASƖ NYƎŊKA
\r (Yontu 107–150)
\s1 Ɩsɔ wɑɑsʋlʋ nyɑnɑ kookɑlɩ
\p
\v 1 Ɩ́ sɑ Tɑcɑɑ.
\q1 Mpi tɔ, n kɛ́ kʋpɑŋ,
\q1 nɑ nyɑ́ sɔɔlʋɣʋ wɛ tɑm tɔɔ.
\q1
\v 2 Mpɑ Tɑcɑɑ n wɑɑsɑɑ tɔ pɑ́ yɔɣɔtɩ.
\q1 Mpɑ n yɑpɑ kolontu niŋ tɑɑ tɔ pɑ́ tɔ sɩ: Tɑcɑɑ kɛ́ kʋpɑŋ.
\q1
\v 3 N ləsɑ-wɛɣɛ tɛtʋnɑɑ tənɑ tɑɑ kɛ́,
\q1 pə kpɑɣɑʋ ilim təlɩɩlɛ nɑ pə tətʋlɛ,
\q1 nɑ pə ntɔɣɔŋ nɑ pə mpətəŋ tɔ.
\b
\q1
\v 4 Pɑ tɑɑ lɛlɑɑ tɔŋɑɣɑ pɑ tike kɛ́.
\q1 Pɑ tooliɣi wʋlɑɣɑ tɛtʋ tɑɑ.
\q1 Pɑɑ nɑɑkɩ ɩcɑtɛ nte tə tɑɑ pɑɑ cɑɣɑ tɔ.
\q1
\v 5 Nyɔɣɔsɩ nɑ lʋkɔtʋ kʋkɑɣɑ-wɛ nɑ pɑ ɑpɑlʋtʋ yɔɔləɣɩ.
\q1
\v 6 Ḿpʋɣʋ pɑ wiinɑ Tɑcɑɑ nyɑɣɑ pɑ lɑŋwɑkəllɛ tɑɑ,
\q1 nɑ ń wɑɑsɩ-wɛɣɛ pɑ ɑpɑlʋtʋ yɔɔlʋɣʋ tɑɑ.
\q1
\v 7 Mpɑɑʋ kʋpɑŋkʋ tɑɑ kɛ́ n tiikɑ-wɛ.
\q1 N tɑnɑ-wɛɣɛ ɩcɑtɛ nte tə tɑɑ pɑɑ cɑɣɑ tɔ.
\q1
\v 8 Pɑ́ sɛɛ Tɑcɑɑ nyɑɣɑ nyɑ́ kʋpɑntʋ tɔɔ,
\q1 nɑ piti təmɑ wenɑ n lɑkɩ yəlɑɑ tɔ ɑ tɔɔ.
\q1
\v 9 Mpi tɔ, n kʋwɑ lʋkɔtʋ nyə́mɑ lʋkɔtʋ
\q1 nɑ ń hɑɣɑsɩ nyɔɣɔtʋnɑɑ.
\b
\q1
\v 10 Mpɑ pɑɑ wɛ səkpɛtʋɣʋ nɑ səm nɔɣɔ tɑɑ tɔ.
\q1 Pɑɑ wɛ wɑhɑlɑ tɑɑ kɛ́ nɑ ɑlukpɑlɑ kɛ pɑ nɔɔhɛɛ tɑɑ.
\q1
\v 11 Mpi tɔ, pɑɑ kisɑ Tɑcɑɑ nyɑ́ nyɑ́ tɔm kɛ́.
\q1 Pɑ footɑ ɩsɔtɑɑ Ɩsɔ sɔsɔ lɑɣɑtʋ tɑsʋɣʋ.
\q1
\v 12 Wɑhɑlɑ kɛ n nyəkɑ-wɛ nɑ pɑ́ hotiɣi.
\q1 Nɔɣɔlʋ fɛɩ sɩ ɩ́ wɑɑsɩ-wɛ.
\q1
\v 13 Ḿpʋɣʋ pɑ wiinɑ Tɑcɑɑ nyɑɣɑ pɑ lɑŋwɑkəllɛ tɑɑ.
\q1 Ɩlɛnɑ ń wɑɑsɩ-wɛɣɛ pɑ ɑpɑlʋtʋ yɔɔlʋɣʋ tɑɑ.
\q1
\v 14 Nɑ ń ləsɩ-wɛɣɛ səkpɛtʋɣʋ nɑ səm nɔɣɔ tɑɑ,
\q1 nɑ ń cɛ́ pɑ kʋhɔkəm.
\q1
\v 15 Pɑ́ sɛɛ Tɑcɑɑ nyɑɣɑ nyɑ́ kʋpɑntʋ tɔɔ,
\q1 nɑ piti təmɑ wenɑ n lɑkɩ yəlɑɑ tɔ ɑ tɔɔ.
\q1
\v 16 N pɛlɑ nyəɣəlʋɣʋ kʋsɛɛmʋɣʋ kʋtəkʋɣʋ
\q1 nɑ ń wɑkəlɩ pə kʋkɑləsəŋ.
\b
\q1
\v 17 Kʋmɛlɛməŋ yɑɑsi kʋtɑkɛɛsʋɣʋ tɔɔ,
\q1 pɑ kɑwɑlɑɣɑ sʋsɑ-wɛɣɛ wɑhɑlɑ tɑɑ.
\q1
\v 18 Tɔɣɔnɑsɩ tənɑ lɩɩ-wɛɣɛ sɔŋ
\q1 hɑlənɑ pə ponɑ-wɛɣɛ səm nɔɣɔ tɑɑ.
\q1
\v 19 Mpʋɣʋlɛ pɑ wiinɑ Tɑcɑɑ nyɑɣɑ pɑ lɑŋwɑkəllɛ tɑɑ
\q1 nɑ ń wɑɑsɩ-wɛɣɛ pɑ ɑpɑlʋtʋ yɔɔlʋɣʋ tɑɑ.
\q1
\v 20 Ɩlɛnɑ ń yɔɣɔtɩ nɑ pə́ wɑɑ-wɛ
\q1 nɑ ń fiti-wɛɣɛ səm tɑɑ.
\q1
\v 21 Pɑ́ sɑ Tɑcɑɑ nyɑqɑ nyɑ kʋpɑntʋ tɔɔ
\q1 nɑ piti təmɑ wenɑ n lɑkɩ yəlɑɑ tɔ ɑ tɔɔ.
\q1
\v 22 Pɑ́ lɑ Tɑcɑɑ nyɑɣɑ sɛɛtʋ kɔtɑsɩ
\q1 nɑ pɑ́ kpɑɑlɩ nyɑ́ təmɑ nɑ kɑwilitɑsɩ.
\b
\q1
\v 23 Mpɑ pɑɑ wɛ teŋku tɑɑ kɛ kpɩɩləŋ tɑɑ
\q1 nɑ pɑ́ lɑkɩ pɑ tɑɑtəlɛ tɔ.
\q1
\v 24 Pɛlɛ pɑ nɑwɑ mpi Tɑcɑɑ nyɑ́ n pəsəɣɩ lɑpʋ tɔ,
\q1 nɑ piti təmɑ nnɑ n lɑpɑ teŋku tɑɑ tɔ.
\q1
\v 25 N yɔɣɔtɑ kʋyɔɣɔtʋ kɛ́ nɑ
\q1 kɑcuculɑɣɑ kʋsɩ teŋku holɑ.
\q1
\v 26 Nɑ pə́ lɔɣɔ pɑ kpɩɩlʋɣʋ kɛ ɩsɔtɑɑ
\q1 nɑ pə́ tisi-kʋɣʋ lumɑŋ tɑɑ,
\q1 nɑ pə́ cɔɔsɩ-wɛɣɛ teu.
\q1
\v 27 Pɑ ɩsɛ pilɑɑ ɩlɛnɑ pɑ́ sʋʋ seluɣu ɩsɩɩ sʋlʋnyɔɔlɑɑ
\q1 nɑ pɑ nyəm kɛ teŋku tənɑ sɑɑlɩ yem.
\q1
\v 28 Mpʋɣʋlɛ pɑ wiinɑ Tɑcɑɑ nyɑɣɑ pɑ lɑŋwɑkəllɛ tɑɑ
\q1 nɑ ń wɑɑsɩ-wɛɣɛ pɑ sɔɣɔntʋ tɑɑ.
\q1
\v 29 Ɩlɛnɑ ń səŋsɩ kɑcuculɑɣɑ
\q1 nɑ teŋku holɑ hɛɛ təli.
\q1
\v 30 Pɑ lɑŋlɛ hɛɛnɑ teŋku hɛɛʋ mpɩ.
\q1 Ɩlɛnɑ Tɑcɑɑ tɛsənɑ-wɛ nɑ ɩ́ ponɑ-wɛɣɛ
\q1 timpi pɑ pukɑɣɑ tɔ.
\q1
\v 31 Pɑ́ sɛɛ Tɑcɑɑ nyɑɣɑ nyɑ́ kʋpɑntʋ tɔɔ,
\q1 nɑ piti təmɑ wenɑ n lɑkɩ yəlɑɑ tɔ ɑ tɔɔ.
\q1
\v 32 Pɑ́ sɑ-ŋ timpi yəlɑɑ kpeɣelɑɑ tɔ
\q1 nɑ pɑ́ pʋɣʋlɩ-ŋ sɔsɑɑ kotuɣu tɑɑ.
\b
\q1
\v 33 Nyɑ́ yekinɑ nɑ pusi nyɔɔkɩ,
\q1 nɑ sɛɛlɑɑ nɑ́ɑ́ wʋləɣɩ.
\q1
\v 34 Nɑ ń pəsəɣɩ mʋsʋŋ tɛtʋ kɛ tɛsəpɑɣɑ
\q1 kɛ tə yəlɑɑ kɑwɑlɑɣɑ tɔɔ.
\q1
\v 35 N lɑkɩ nɑ wʋlɑɣɑ tɛtʋ pəsɩ lɩɩlɛ
\q1 nɑ lʋm sɛɛlɑɑ wɛɛ timpi lʋm nyɔɣɔsɩ wɛɛ tɔ.
\q1
\v 36 Nɑ ń sɩɩ lɑŋlɑɑ kɛ tənɑ
\q1 nɑ pɛlɛ pɑ́ ŋmɑ́ ɩcɑtɛ nte tə tɑɑ pɑɑ cɑɣɑ tɔ.
\q1
\v 37 Nɑ pɑ́ tuu tɑwɑ nɑ pɑ́ sɔ tɩɩŋ wei
\q1 pɑ yɑɑ sɩ lɛsɛŋnɑɑ tɔ nɑ ɩ́ lʋlɩ pee kɛ sɔsɔm.
\q1
\v 38 Tɑcɑɑ n kooliɣi-wɛɣɛ kʋpɑntʋ kɛ́ nɑ pɑ́ hukiɣi sɔsɔm,
\q1 n tɑ pɑsɑ pɑ tɔlɑ.
\b
\q1
\v 39 Ɩlɛnɑ lɑŋʋɣʋ nɑ wɑhɑlɑ nɑ kʋnyɔntɔɣɔlɛ
\q1 nyəkɩ lɛlɑɑ nɑ pə́ pɑsɑ-wɛ.
\q1
\v 40 Tɑcɑɑ n yeki nɑ pɑ́ footiɣi kɑsɑɣɑmpiyɑ.
\q1 N yeki nɑ pɑ cɔɔkɩ wʋlɑɣɑ tɛtʋ tɑɑ, pɑ fɛɩ tɛ́.
\q1
\v 41 Amɑ n wɑɑsəɣɩ kʋnyɔntʋnɑɑ kɛ wɑhɑlɑ tɑɑ,
\q1 nɑ pɑ tɛɛsɩ huki ɩsɩɩ kɑləkəŋ.
\b
\q1
\v 42 Yəlɑɑ kʋpɑmɑ nɑɑkɩ Tɑcɑɑ nɑ pɑ́ ŋmɑɑləɣɩ.
\q1 Amɑ ɩsɑɣɑtʋ təkəɣɩ nɔɔsɩ.
\q1
\v 43 Yʋlʋ ləmɑɣɑsɛɛ tʋ ɩ́ lɑ lɑɑkɑlɩ nɑ yɑɑsinɑɑ mpɛ
\q1 nɑ ɩ́ pɛɛkɩ sɩ ɩ́ cɛkənɑ Tɑcɑɑ kʋpɑntʋnɑɑ.
\c 108
\s1 Tɑnɑŋ yontu
\r (Kʋkɑlətʋ 2-6: Yontu 57:8-12,7-14; Yontu 60:7-14)
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Hɑɩ, mɑ Ɩsɔ, mɑ tɛmɑ mɑ tɑɑ sɩ
\q1 mɑ́ yoo-ŋ yontu nɑ mɑ lotu tənɑɣɑ.
\q1
\v 2 Mɑ cəməŋ ɩ́ fe, mɑɑ fe nɑ pə́cɔ pə nyɑɑlɩ.
\b
\q1
\v 3 Tɑcɑɑ, mɑɑ sɛɛ-ŋ yəlɑɑ tɑɑ,
\q1 nɑ mɑ́ yoo-ŋ yontu kɛ piitimnɑɑ tɑɑ.
\q1
\v 4 Nyɑ́ pɛɛlɛɛ kəlɑ ɩsɔtɔnʋɣʋ kɛ kʋlʋɣʋ,
\q1 nɑ nyɑ́ kʋpɑntʋ nɑ́ɑ́ kɑləsənɑ hɑtoo ɩsɔtɑɑ.
\q1
\v 5 Hɑɩ, Ɩsɔ, hʋlɩ nyɑ́ tɔɔməŋ kɛ ɩsɔtɑɑ.
\q1 Nyɑ́ teu ɩ́ nɑ́ tɛtʋ tənɑ tɔɔ.
\q1
\v 6 Lɑ mpʋ ɩlɛnɑ pə hɛtɩ nyɑ́ kʋsɔɔllɑɑ.
\q1 Wɑɑsɩ-m nɑ nyɑ́ niŋ ntɔɣɔŋ.
\q1 Mʋ tɑ́ sələmʋɣʋ.
\b
\q1
\v 7 Ɩsɔ yɔɣɔtɑ ɩ kutuluɣu nɑŋŋ nyəŋkʋ tɑɑ sɩ:
\q1 Mɑ́ɑ́ tɔɣɔnɑ ɑkɑɩtʋ nɑ mɑ́ tɑlɑ Sikɛm ɩcɑtɛ.
\q1 Mɑɑ mɑɣɑsɩ Sukɔtɩ tɛtɛkəlɛ nɑ ŋmənɑɣɑ.
\q1
\v 8 Mɑ́ tənnɑ Kɑlɑɑtɩ nɑ Mɑnɑsee.
\q1 Ɩfəlɑyim kɛlɛ mɑ nyəɣəlʋɣʋ kɑhukɑ.
\q1 Yutɑ kɛlɛ mɑ kɑwulɑɣɑ kpɑ́tʋɣʋ.
\q1
\v 9 Mowɑpʋ tɛtʋ ntɛ́ mɑ lʋm kʋsɔsɔm tətʋlɛ.
\q1 Ɩtɔm nyəntʋ kɛ mɑ ntɑŋkpɑlɑ təsɩɩlɛ.
\q1 Ɩlɛnɑ mɑ́ kiisiɣi yoou kɑkiisɑsɩ kɛ Filiisi nyə́mɑ tɔɔ.
\b
\q1
\v 10 Awe kɑ́ ponɑ-m Ɩtɔm?
\q1 Awe kɑ́ tʋ-m Ɩtɔm koluŋɑ ɩcɑtɛ tɑɑ?
\q1
\v 11 Pə tɑɣɑ Ɩsɔ nyɑ́?
\q1 Pəyele nyɑ́ lɔnɑ-tʋ,
\q1 nn tɑsəɣɩ tɑ́ yoolɑɑ kɛ təŋʋɣʋ.
\b
\q1
\v 12 Kɔɔ nɑ ń yɑ-tʋɣʋ kolontu tɔm tɑɑ,
\q1 yʋlʋ wɑɑsʋɣʋ wɛ kpɛtɛ kɛ́.
\q1
\v 13 Ɩsɔ toŋ tɑɑ tɩɩ lɑ kookɑlənɑɑ kɛ́.
\q1 Ɩnɩ ɩ kɑ́ nɑŋtənɑ tɑ́ kolontunɑɑ.
\c 109
\s1 Tɑfiiti təŋsəɣɩ mpusi kɛ́ ɩ kolontunɑɑ
\p
\v 1 Tɑfiiti yontu nti tə wɛ yonyoolɑɑ nyʋɣʋ tʋ
\q1 yontunɑɑ tɑɑ tɔɣɔlɔ.
\b
\q1 Ɩsɔ nyɑɣɑ mɑ sɑŋ, tɑɑ su.
\q1
\v 2 Pə tɑɣɑ pʋlʋ, yəlɑɑ ɑsɑɣɑɑ nɑ tʋsəlɑɑ
\q1 hɑ́ɑ́ nɔɔsɩ nɑ mɑ tɔɔ kɛ́,
\q1 nɑ pɑ́ yɔɣɔtəɣənɑ-m pɔpɔtʋ tɔm.
\q1
\v 3 Pɑ́ɑ́nɑ́ tɔm kɛ pɑ yɔɣɔtəɣənɑ-m pɑɑ le,
\q1 nɑ pɑ́ yookinɑ-m mʋsʋŋ.
\q1
\v 4 Pɑɑ nɑ mɑ sɔɔlɑ-wɛ tɔ,
\q1 pɑ nyənəɣɩ-m pɑ kolontu kɛ́.
\q1 Amɑ mɑ sələməɣɩ Ɩsɔ kɛ́.
\q1
\v 5 Mɑ lɑkɩ-wɛɣɛ kʋpɑntʋ nɑ mpɛ pɑ́ lɑkɩ-m ɩsɑɣɑtʋ.
\q1 Mɑ sɔɔlɑ-wɛ nɑ mpɛ pɑ tɑɑ kpɑɑkənɑ-m.
\b
\q1
\v 6 Ləsɩ tɔm hʋʋlʋ ɩsɑɣɑʋ nɔɣɔlʋ
\q1 nɑ ɩ́ kɔɔ ɩ́ hʋʋnɑ mɑ kolontu.
\q1 Ɩ kolontunɑɑ tɑɑ nɔɣɔlʋ ɩ́ kɔɔ ɩ́ suu-ɩ tɔm.
\q1
\v 7 Pɑ́ kʋ ɩ tɔm kɛ təhʋʋlɛ tɑɑ,
\q1 Ɩsɔ nyənɩ ɩ sələmʋɣʋ kɛ ɩsɑɣɑtʋ sɔsɔɔntʋ.
\q1
\v 8 Ɩ́ sɩ lɔŋ
\q1 nɑ nɔɣɔlʋ mʋ ɩ təmlɛ,
\q1
\v 9 nɑ ɩ piyɑ pəsɩ suluwɑɑ
\q1 nɑ ɩ ɑlʋ kɛ leelu.
\q1
\v 10 Ɩlɛnɑ ɩ piyɑ pəsɩ təkpɑɑləŋ nɑ pɑ́ sələməɣɩ nɑ pɑ́ tɔkɩ.
\q1 Pɑ́ tɔɣɔnɩ-wɛɣɛ pɑ ncɑɑ tɑɑ.
\q1
\v 11 Ɩ kəmlɛ tʋ ɩ́ kuu ɩ nyəm tənɑ,
\q1 nɑ kpɑɩ nyə́mɑ nɑ́ɑ́ wɑkəlɩ ɩ təmlɛ kʋlʋlʋm.
\q1
\v 12 Nɔɣɔlʋ luɣu ɩ́ tɑɑ lɑpɩ-ɩ.
\q1 Pə́cɔ ɩ suluwɑɑ tɔm ɩ́ tɑɑ lɑ nɔɣɔlʋɣʋ ɩsəkilim.
\q1
\v 13 Pə́ kpiisi ɩ lʋlʋɣʋ nyə́mɑ nɑ pɑ həlɑ sɑɑlɩ yem
\q1 kɛ́ mpɑ pɑɑ kʋlɩ tɔ pɑ nɔɔsɩ tɑɑ.
\q1
\v 14 Tɑcɑɑ, tɑɑ sɔɔ ɩ cɑɑnɑɑ ɩsɑɣɑtʋ tɔɔ.
\q1 Pə́cɔ tɑɑ hɩɩsɩ ɩ too kɑwɑlɑɣɑ.
\q1
\v 15 Tɑcɑɑ, tɑɑ sɔɔ ɩ cɑɑnɑɑ ɩsɑɣɑtʋ nɑ ɩ too kɑwɑlɑɣɑ tɔɔ.
\q1 Tɑcɑɑ kpiisi yəlɑɑ mpɛ pɑ hətɛ kɛ tɛtʋ tɑɑ.
\q1
\v 16 Pə tɑɣɑ pʋlʋ, yʋlʋ ɩnɩ ɩ tɑ hʋlɩ nɔɣɔlʋɣʋ suulu.
\q1 Pə́cɔ ɩ tʋ wɑhɑlɑ tʋ nɑ kʋnyɔntʋ kɛ wɑhɑlɑ.
\q1 Hɑlənɑ ɩ́ kʋ lɑŋwɑkəllɛ tʋ.
\q1
\v 17 Mpusi kɛ́ ɩ kɑ sɔɔlɑɑ,
\q1 mpusi ɩnɩ ɩ́ kɔɔ ɩ nyʋɣʋ tɑɑ.
\q1 Ɩ́ tɑɑ sɔɔlɩ nɔɣɔ kʋpɑŋkɑ,
\q1 kɛlɛ kɑ́ hɑtələnɑ-ɩ.
\q1
\v 18 Mpusi ɩ́ wɛɛ ɩ tɔɔ ɩsɩɩ toko.
\q1 Mpusi ɩ́ sʋʋ ɩ tɑɑ ɩsɩɩ lʋm.
\q1 Mpusi ɩ́ pəsɩ ɩsɩɩ nim kɛ ɩ mʋwɑ tɑɑ.
\q1
\v 19 Mpusi ɩ́ tɑkɩ-ɩ ɩsɩɩ toko.
\q1 Mpusi ɩ́ cɔɔ-ɩ nɑ ɩ́ tɑ́ tɑm ɩsɩɩ tɑmpɑlɑ.
\b
\q1
\v 20 Ḿpʋɣʋ Tɑcɑɑ kɑ lɑ mɑ kolontunɑɑ.
\q1 Pɑ kʋfɛlʋɣʋ ntɛ́.
\q1 Nɑ mpɑ pɑ yɔɣɔtəɣɩ ɩsɑɣɑtʋ kɛ mɑ tɔɔ tɔ.
\q1
\v 21 Tɑcɑɑ Ɩsɔ lɑ-m mpi pə wɛ teu tɔɣɔ nyɑ́ hətɛ tɔɔ.
\q1 Mpi tɔ, nyɑ́ kʋpɑntʋ tɔɔwɑɣɑ, wɑɑsɩ-m.
\q1
\v 22 Mɑ kɛ́ kʋnyɔntʋ kɛ́ nɑ wɑhɑlɑ tʋ,
\q1 mɑ wɑkəlɑ hɑtoo mɑ tɑɑ.
\q1
\v 23 Mɑ tɔŋnɑ sɑɑlʋɣʋ kɛ yem kɛ́ ɩsɩɩ ɩsotom
\q1 nɑ pɑ́ tɔɣɔnəɣɩ-m ɩsɩɩ filifili wei ɩ wɑkələɣɩ tɔ.
\q1
\v 24 Nɔhɔkətʋ pɩɩ-m mɑɑ pəsəɣɩ nɑ mɑ́ səŋ.
\q1 Mɑ tɛmɑ tɑɑsɩ təkɔŋɔkɔŋɔ.
\q1
\v 25 Mɑ pəsɑ-wɛɣɛ mpi pə fɛɩ teu tɔɣɔ.
\q1 Pɑ nyənəɣɩ-m nɑ pɑ́ kpɛɛtəɣɩ nyɔɔŋ.
\b
\q1
\v 26 Wɑɑsɩ-m, Tɑcɑɑ mɑ Ɩsɔ.
\q1 Yɑ-m nyɑ́ kʋpɑntʋ tɔɔ.
\q1
\v 27 Yəlɑɑ mpɛ pɑ́ nyɩ sɩ nyɑ́ niŋ kɛ́.
\q1 Tɑcɑɑ nyɑ́, nyɑ́ lɑpənɑ mpʋ.
\q1
\v 28 Mpɛ pɑ təŋsəɣɩ mpusi kɛ́.
\q1 Amɑ nyɑ́ kooliɣi kʋpɑntʋ.
\q1 Ye pɑ kʋlɑɑ fɛɛlɛ kɑ́ kpɑ-wɛ.
\q1 Amɑ nyɑ́ təmlɛ tʋ mɑ́ mɑ lɑŋlɛ kɑ́ hʋlʋmɩ.
\q1
\v 29 Pə́ liɣiti mɑ kolontunɑɑ mpɑ pɑ suu-m tɔm tɔ.
\q1 Fɛɛlɛ ɩ́ wɑɑsɩ pɑ tɔɔ ɩsɩɩ toko.
\b
\q1
\v 30 Mɑɑ pʋɣʋlɩ Tɑcɑɑ nyɑɣɑ nɑ kɑwilitɑɣɑ.
\q1 Mɑɑ sɑ-ŋ sɑmɑɑ hɛkʋ.
\q1
\v 31 Mpi tɔ, n wɛ kʋnyɔntʋ kɔŋkɔŋ tɑɑ kɛ́.
\q1 Sɩ n wɑɑsəɣɩ-ɩ mpɑ pɑ kʋɣɩ ɩ tɔm tɔ pɑ niŋ tɑɑ.
\c 110
\s1 Wulɑʋ wei ɩ kɛ́ kɔtʋlʋ tɔ
\p
\v 1 Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ Ɩsɔ heelɑ mɑ sɔsɔ sɩ:
\q1 Cɑɣɑ mɑ ntɔɣɔŋ tɔɔ, hɑlənɑ mɑ́ yele nɑ nyɑ́
\q1 kolontunɑɑ pəsɩ nyɑ́ nɔɔhɛɛ təsɩɩlɛ.
\q1
\v 2 Tɑcɑɑ kɑ́ wɑləsɩ nyɑ́ kpɑ́tʋɣʋ toŋ kɛ Siyɔŋ tɑɑ.
\q1 Nyɑɑ ŋmɑkəlɩ nyɑ́ kolontunɑɑ.
\q1
\v 3 Kʋyɑkʋ ŋku n kɑ́ yoonɑ nyɑ́ kolontunɑɑ tɔ.
\q1 Nyɑ́ ɩfepiyɑ ɑpɑlʋtʋ kɑ́ kpɑ.
\q1 Ɩlɛnɑ pɑ́ kɔɔ pɑ tɩ.
\q1 Pɑɑ wɛɛ ɩsɩɩ tefemle cɔlɔʋ,
\q1 nɑ pɑ́ kɔɔ nyɑ́ pʋɣʋ nɑŋŋ nyəŋkʋ tɔɔ.
\b
\q1
\v 4 Tɑcɑɑ tɛmɑ tuuu ɩ kɑɑ tɑsɑ lɑɣɑsʋɣʋ.
\q1 Ɩ yɔɣɔtɑɑ sɩ:
\q1 N kɛ́ kɔtʋlʋ sɔsɔ kɛ tɑm tɔɔ kɛ́,
\q1 ɩsɩɩ Mɛləcisetɛɛkɩ.
\q1
\v 5 Tɑcɑɑ wɛ nyɑ́ ntɔɣɔŋ tɔɔ kɛ́.
\q1 Ɩ kɑ́ wɑkəlɩ ɑwulɑɑ kɛ ɩ pɑ́ɑ́nɑ́ kʋyɑkʋ wule.
\q1
\v 6 Ɩnɩ ɩ hʋʋkənɑ nɑ piitimnɑɑ,
\q1 nɑ sətɑɑ sɔɣɔtɑ pɑɑ timpi.
\q1 Ɩ wɑkələɣɩ ɑwulɑɑ kɛ tɛtʋ tənɑ tɑɑ kɛ́.
\b
\q1
\v 7 Ɩ nyɔɔkɩ lʋm kɛ lɔɔʋ tɑɑ kɛ́ tɔntɛ wɑɑtʋ kɛ́.
\q1 Pə tɔɔ kɛ́ ɩ kʋsəɣɩ nyʋɣʋ.
\c 111
\s1 Tɑcɑɑ təmɑ sɔsɔɔnɑ tɔm tɔɔsʋɣʋ
\p
\v 1 Ɩ́ sɑ Tɑcɑɑ.
\b
\q1 Mɑɑ sɛɛ Tɑcɑɑ nɑ mɑ lotu tənɑ
\q1 kɛ tɑmpɑnɑ təŋlɑɑ kpekəle tɑɑ kɛ́ təkotile.
\q1
\v 2 Tɑcɑɑ təmɑ nɑ́ kɛ́ sɔsɔɔnɑ kɛ́,
\q1 nɑ ɑ sɔɔllɑɑ pɛɛkəɣɩ-yɛ.
\q1
\v 3 Nyɑ́ kʋlɑpəm tənɑ tɑɑ wɛ teeli nɑ teu sɔsɔɔm kɛ́.
\q1 Nyɑ́ siɣisuɣu wɛ tɑm tɔɔ.
\q1
\v 4 Tɑcɑɑ n yelɑɑ sɩ tə́ tɔɔsəɣɩ nyɑ́ kɔkɔlɔ təmɑ tɔɔ.
\q1 N kɛ́ pɛɛlɛɛ tʋ kɛ́ nɑ pətɔɔtəlɛ tʋ.
\q1
\v 5 N hɑɑkɩ tɔɣɔnɑɣɑ kɛ mpɑ pɑ nyɑŋnɑ-ŋ tɔ.
\q1 Nn sɔɔkɩ nyɑ́ nɔɣɔ pɛɛlʋɣʋ tɔɔ kɛ́ pɑɑ pəcɔ.
\q1
\v 6 N hʋlɑ nyɑ́ yəlɑɑ kɛ nyɑ́ təmɑ toŋ
\q1 kɛ timpi n cɛlɑ-wɛɣɛ piitimnɑɑ lɛlɑɑ tɛtʋ tɔ.
\q1
\v 7 Nyɑ́ kʋlɑpəm siɣisɑɑ nɑ pə təŋɑɑ.
\q1 Nyɑ́ kʋsəsɩɩtʋ wɛ nɑɑni.
\q1
\v 8 Ɩsɔ kʋsəsɩɩtʋ wɛ tɑm tɔɔ kɛ́.
\q1 Tə siɣisɑɑ kɛ́ nɑ tə́ təŋɑɑ.
\q1
\v 9 N hɛtɑ nyɑ́ yəlɑɑ
\q1 nɑ nyɑ́ nɑ-wɛ ɩ́ pɛɛlɩ nɔɣɔ kɛ tɑm tɔɔ.
\q1 Nyɑ́ hətɛ kɛ sɔsɔɔlɛ kɛ́, nɑ kɑtɛ nyəntɛ.
\q1
\v 10 Ɩsɔ nyɑmnɑʋ ntɛ́ nyəm kite,
\q1 mpɑ pɑ tɔkɑ yɑɑsi ɩnɛ tɔ
\q1 pɑ wɛnɑ ləmɑɣɑsɛɛ kʋpɑnɑ kɛ́.
\q1 Tɑcɑɑ teeli wɛ tɑm tɔɔ kɛ́.
\c 112
\s1 Tɑcɑɑ kooliɣi kʋpɑntʋ kɛ ɩ yəlɑɑ kʋpɑmɑ
\p
\v 1 Ɩ́ sɑ Tɑcɑɑ.
\b
\q1 Leleŋ nɩɩlʋ ntɛ́ wei ɩ nyɑŋnɑ Tɑcɑɑ tɔ.
\q1 Ɩ lɑŋlɛ hɛɛnɑ Ɩsɔ kʋsəsɩɩtʋ lɑpʋ kɛ́.
\q1
\v 2 Ɩ kʋlʋlɑɑ kɑ́ lɑ sɔsɑɑ kɛ tɛtʋ tɔɔ.
\q1 Ɩsɔ kooliɣi kʋpɑntʋ kɛ tɑmpɑnɑ təŋlɑɑ piitim.
\q1
\v 3 Wɛnɑʋ nɑ təcɑɣɑnɑʋ wɛnnɑ pə tɛ yʋlʋ təyɑɣɑ tɑɑ.
\q1 Ɩsɔ lɑŋlɛ hɛɛnɑ-ɩ tɑm tɔɔ.
\q1
\v 4 Kɔkɔ nɑɑkɩ səkpɛtʋɣʋ tɑɑ kɛ́ tɑmpɑnɑ təŋlʋ.
\q1 Kɔkɔ nɑɑkɩ wei ɩ wɛnɑ suulu nɑ ɩ́ wɛnɑ lɛlɑɑ pətɔɔtəlɛ,
\q1 nɑ ɩ́ təŋəɣɩ kʋsiɣisim tɔ.
\q1
\v 5 Pə wɛ teu sɩ yʋlʋ ɩ́ hʋləɣɩ suulu nɑ ɩ́ kəntəɣɩ.
\q1 Pə wɛ teu sɩ yʋlʋ ɩ́ təŋ siɣisuɣu nɑ ɩ́ lɑkənɑ ɩ təmɑ.
\q1
\v 6 Ye n lɑkɩ mpʋ nn cɛŋləɣɩ.
\q1 Pɑ tɔɔsəɣɩ siɣisilu tɔɔ kɛ́ tɑm tɔɔ kɛ́.
\q1
\v 7 Ɩ lɑŋlɛ ɩɩ tɔɔkənɑ lɑŋwɑkəllɛ lɑɑpɑɑlɩ,
\q1 ɩ tɔkɑ ɩ təɣɩ, Tɑcɑɑ kɛ ɩ lɑkɩ nɑɑni.
\q1
\v 8 Siɣisilu tɔkɑ ɩ təɣɩ, sɔɣɔntʋ fɛɩ-ɩ.
\q1 Ɩ kɑ nyənɩ ɩ kolontunɑɑ kpisuɣu.
\q1
\v 9 Ɩ hɑɑkɩ kʋnyɔntʋnɑɑ kɛ́ nɑ ɩ́ yeki niŋ.
\q1 Ɩsɔ lɑŋlɛ hɛɛnɑ-ɩ tɑm tɔɔ kɛ́.
\q1 Siɣisilu toŋ sɔɔsəɣɩ nɑ yəlɑɑ tʋɣʋnɑ-ɩ teu.
\q1
\v 10 Ɩsɑɣɑʋ nɑ́ nɑɑkɩ-ɩ ɩlɛnɑ pɑ́ɑ́nɑ́ kpɑ-ɩ.
\q1 Ɩ nyɑsəɣɩ ɩ təɣɩ kelɑ nɑ ɩ́ lɔɔkɩ ɩ ɑpɑlʋtʋ.
\q1 Asɑɣɑɑ kʋnyɩɩlʋɣʋ sɑɑləɣɩ yem kɛ́.
\c 113
\s1 Tɑcɑɑ pɑɑsəɣənɑ mpɑ pɑ fɛɩnɑ pʋlʋ tɔ
\p
\v 1 Ɩ́ sɑ Tɑcɑɑ.
\b
\q1 Tɑcɑɑ təmlɛ lɑtɑɑ mɛ, ɩ́ sɑmɩ-ɩ.
\q1 Ɩ́ sɑ Tɑcɑɑ hətɛ.
\q1
\v 2 Tɑcɑɑ hətɛ ɩ́ yɑɑ pə kpɑɣɑʋ nɔɔnɔɔ tɔ
\q1 nɑ pə́ polo tɑm tɔɔ.
\q1
\v 3 Pɑ́ sɛɛ Tɑcɑɑ kɛ pə kpɑɣɑʋ ilim təlɩɩlɛ
\q1 nɑ pə́ sɩɩnɑ pə tətʋlɛ tɔ.
\q1
\v 4 Tɑcɑɑ ŋmɑkəlɑ piitimnɑɑ tənɑɣɑ.
\q1 Ɩ teeli kʋŋkʋlʋməŋ tɛɛ ɩsɔtɔnʋɣʋ.
\b
\q1
\v 5 Tɑ Ɩsɔ Tɑcɑɑ n fɛɩnɑ ɑkpele.
\q1 Nyɑ́ təcɑɣɑlɛ ntɛ́ hɑtoo ɩsɔtɑɑ.
\q1
\v 6 N kɑŋ nyʋɣʋ kɛ́ nɑ ń nyənɩ
\q1 ɩsɔtɔnʋɣʋ nɑ ɑtɛ.
\q1
\v 7 N kʋsəɣɩ kʋnyɔntʋ kɛ mʋsʋɣʋ tɑɑ kɛ́,
\q1 nɑ wɑhɑlɑ tʋ kɛ hute tɑɑ.
\q1
\v 8 Sɩ ń cɑɣɑsɩ pɑ́ nɑ nyɑ́ yəlɑɑ kʋpɑɣɑlɑɑ.
\q1
\v 9 N hɑɑkɩ ɑlʋ kɑɑlʋlɑɣɑ kɛ təyɑɣɑ.
\q1 Nɑ ń lɑpɩ-ɩ toto lɑŋhʋlʋmlɛ nyəŋ
\q1 kɛ ɩ piyɑ hɛkʋ.
\b
\q1 Ɩ́ sɑ Tɑcɑɑ.
\c 114
\s1 Wɑɑtʋ wei Ɩsɛɣɛlɩ nyə́mɑ lɩɩwɑ Icipiti tɛtʋ tɑɑ tɔ
\p
\v 1 Wɑɑtʋ wei Ɩsɛɣɛlɩ nyə́mɑ lɩɩwɑ Icipiti tɛtʋ tɑɑ tɔ,
\q1 wɑɑtʋ wei Yɑkɔpʋ lʋlʋɣʋ nyə́mɑ lɩɩ piitim lɛmpɩ tɔm
\q1 yɔɣɔtəlɑɑ mpɛ pɑ tɛ tɔ.
\q1
\v 2 Ḿpʋɣʋ Yutɑ pəsɑ Tɑcɑɑ kɔtɑɣɑ təlɑtɛ
\q1 nɑ Ɩsɛɣɛlɩ nɑ́ɑ́ pəsɩ Tɑcɑɑ tɛtʋ.
\b
\q1
\v 3 Teŋku nɑ́-wɛ́ nɑ ɩ́lɛ́ ɩ se.
\q1 Yɑɑtɑnɩ pɔɣɔ nɑ́ məlɑ wɑɑlɩ wɑɑlɩ.
\q1
\v 4 Ɩlɛnɑ pɔɔŋ ŋmɑɑ ɩsɩɩ ɩwɑɑŋ,
\q1 nɑ pulɑsɩ nɑ́ɑ́ ŋmɑɑ ɩsɩɩ ɩwɛɛsɩ.
\b
\q1
\v 5 Teŋku, n seeki suwe?
\q1 Yɑɑtɑnɩ, nɑ́ mələɣɩ wɑɑlɩ wɑɑlɩ suwe?
\q1
\v 6 Pɔɔŋ, mə ŋmɑɑkɩ ɩsɩɩ ɩwɑɑŋ suwe?
\q1 Pulɑsɩ, mə ŋmɑɑkɩ ɩsɩɩ ɩwɛɛsɩ suwe?
\b
\q1
\v 7 Tɛtʋ nyɑ́ɑ́ sele Tɑcɑɑ ɩsɛntɑɑ.
\q1 Sele Yɑkɔpʋ Ɩsɔ ɩsɛntɑɑ.
\q1
\v 8 Ɩnɩ ɩ pəsəɣənɑ kʋkpɑmʋɣʋ kɛ lɩɩlɛ,
\q1 nɑ pɩɩʋ kɛ lʋm sɛɛlʋ.
\c 115
\s1 Ɩsɔ tike ntɛ́ teeli tʋ
\p
\v 1 Tɑcɑɑ, tɑɑ tʋ-tʋɣʋ teeli.
\q1 Tɑɑ tʋ-tʋ yoo.
\q1 Amɑ tʋ teeli kɛ nyɑ́ hətɛ.
\q1 Mpi tɔ, n kɛ́ kʋpɑŋ nɑ tɑmpɑnɑ tʋ.
\b
\q1
\v 2 Pepe tɔɔ kɛ́ piitimnɑɑ pɔɔsəɣɩ sɩ:
\q1 Leɣe mə Ɩsɔ ɩnɩ ɩ wɛɛ?
\q1
\v 3 Tɑ Ɩsɔ wɛ ɩsɔtɑɑ kɛ́.
\q1 Ɩ lɑkɩ mpi ɩ sɔɔlɑɑ tɔ.
\q1
\v 4 Amɑ mpɛ pɑ tɩɩŋ kɛ wʋlɑnɑɑ nɑ liɣitee
\q1 nnɑ yəlɑɑ niŋ lupɑ tɔɣɔ.
\q1
\v 5 Pɑ tɩɩŋ ɩnɩ ɩ wɛnɑ nɔɔsɩ, ɩlɛ ɩɩ yɔɣɔtəɣɩ nɑtəlɩ.
\q1 Pə́cɔ ɩ wɛnɑ ɩsɛ, ɩɩ nɑɑkɩ pʋlʋ.
\q1
\v 6 Ɩ wɛnɑ ŋkpɑŋŋ, ɩɩ nɩɩkɩ nɑtəlɩ.
\q1 Pə́cɔ ɩ wɛnɑ mɩɩnɑ, ɩɩ nɩɩkɩ sɔŋ.
\q1
\v 7 Ɩ wɛnɑ niŋ, ɩɩ pəsəɣɩ nɑ ɩ́ tokinɑ pʋlʋ.
\q1 Pə́cɔ ɩ wɛnɑ nɔɔhɛɛ, ɩɩ tɔŋ.
\q1 Pəyele ɩɩ tɩɩ mʋtəɣɩ ɩ luɣu tɛɛ kɛ́ mʋtʋɣʋ mɑɣɑmɑɣɑ.
\q1
\v 8 Mpɑ pɑ luki tɩɩŋ ɩnɩ nɑ pɑ́ tʋɣʋ-ɩ nɑɑni tɔ,
\q1 pɑ́ wɛɛ ɩsɩɩ tɩɩŋ ɩnɩ.
\q1
\v 9 Ɩsɛɣɛlɩ nyə́mɑ, ɩ́ pɛtɩ mə təɣɩ Tɑcɑɑ,
\q1 ɩnɩ ɩ teŋnɑ-mɛ nɑ ɩ́ kentiɣi mə tɔɔ.
\q1
\v 10 Alɔŋ təyɑɣɑ nyə́mɑ mɛ ɩ́ pɛtɩ mə təɣɩ Tɑcɑɑ,
\q1 ɩnɩ ɩ teŋnɑ-mɛ nɑ ɩ́ kentiɣi mə tɔɔ.
\q1
\v 11 Mpɑ mɛ ɩ́ nyɑŋnɑ Tɑcɑɑ tɔ, ɩ́ pɛtɩ-ɩ mə tɩ.
\q1 Ɩnɩ ɩ teŋnɑ-mɛ, nɑ ɩ́ kentiɣi-mɛ.
\b
\q1
\v 12 Tɑcɑɑ ɩɩ sɔɔkɩ tɑ́ tɔm kɛ pɑɑ pəcɔ.
\q1 Ɩ kɑ́ kooli tɑ́ tənɑɣɑ kʋpɑntʋ kɛ́.
\q1 Ɩ kɑ́ kooli Ɩsɛɣɛlɩ nyə́mɑ kɛ kʋpɑntʋ.
\q1 Ɩ kɑ́ kooli Alɔŋ nyə́mɑ kɛ pɑ nyəntʋ.
\q1
\v 13 Ɩ kɑ́ kooli kʋpɑntʋ kɛ mpɑ pɑ nɩɩkənɑ-ɩ tɔ,
\q1 pɑɑ sɔsɑɑ pɑɑ piyɑ.
\q1
\v 14 Tɑcɑɑ ɩ́ yele nɑ mə lʋlʋŋ huki.
\q1 Ɩ́ lɑ nɑ mə nɑ mə piyɑ ɩ́ wɛɛ pɑɣɑlɛ.
\q1
\v 15 Tɑcɑɑ wei ɩ lɑpɑ ɩsɔtɔnʋɣʋ
\q1 nɑ ɑtɛ tɔ ɩ́ kooli-mɛɣɛ kʋpɑntʋ.
\b
\q1
\v 16 Tɑcɑɑ tike tənnɑ ɩsɔtɔnʋɣʋ
\q1 ɩlɛnɑ ɩ hɑ yəlɑɑ kɛ tɛtʋ.
\q1
\v 17 Sətɑɑ ɩɩ pəsəɣɩ nɑ pɑ́ sɛɛ Tɑcɑɑ.
\q1 Mpɑ pɑ wɛ ɑtɛtəlɛ tɑɑ timpi sumɑ tiɣitiɣi tɔ
\q1 Pɑɑ pəsəɣɩ nɑ pɑ́ sɛɛ Ɩsɔ.
\q1
\v 18 Amɑ tɑ́ɑ́ sɑ Tɑcɑɑ kɛ pə kpɑɣɑʋ nɔɔnɔɔ tɔ,
\q1 hɑlənɑ tɑm tɔɔ.
\b
\q1 Ɩ́ sɑ Tɑcɑɑ.
\c 116
\s1 Yʋlʋ wei pə yɑpɑ səm tɑɑ tɔ ɩ sələmʋɣʋ
\p
\v 1 Mɑ sɔɔlɑ Tɑcɑɑ kɛ́.
\q1 Mpi tɔ, n nɩɩkɩ mɑ nɔɣɔ nɑ mɑ wiinɑʋ.
\q1
\v 2 N kemɑ ŋkpɑŋʋɣʋ nɑ mɑ tɔɔ.
\q1 Mɑɑ sələmɩ-ŋ kɛ́, hɑlənɑ mɑ səm.
\b
\q1
\v 3 Səm kɑ tɑmɑ-m kotɑɣɑ kɛ́.
\q1 Atɛtəlɛ sɔɣɔntʋ nɑ́ pɩɩ-m.
\q1 Mɑ wɛ nəɣəsɛɛ nɑ lɑŋwɑkəllɛ tɑɑ.
\q1
\v 4 Ḿpʋɣʋ mɑ yɑ́ɑ́ Tɑcɑɑ nyɑ́ hətɛ.
\q1 Hɑɩ, Ɩsɔ mɑ wiikinɑ-ŋ sɩ, ń wɑɑsɩ-m.
\q1
\v 5 Tɑcɑɑ n wɛnɑ suulu kɛ́ nɑ ń siɣisɑɑ.
\q1 Tɑ Ɩsɔ n kɛ́ pətɔɔtəlɛ tʋ kɛ́.
\q1
\v 6 Tɑcɑɑ n pɑɑsəɣənɑ ɑcɑmɑɑ kɛ́.
\q1 Mɑɑ kɛ wɑhɑlɑ tʋ kɛ́, nɑ n wɑɑsɩ-m.
\b
\q1
\v 7 Mɑ yɔɣɔtɑ mɑ tɑɑ sɩ, mɑɑ hɛɛsɩ.
\q1 Mpi tɔ, Tɑcɑɑ lɑpɑ-m kʋpɑntʋ.
\q1
\v 8 Nyɑ́ yɑpənɑ-m səm nɔɣɔ tɑɑ, nɑ ń hɩɩsɩ mɑ ɩsəlʋm.
\q1 N hɑsɑ mɑ nɔɔhɛɛ tɛɛ.
\q1
\v 9 Mɑɑ tɔ Tɑcɑɑ nyɑ́ ɩsɛntɑɑ
\q1 kɛ weesuɣu nyə́mɑ tɛtʋ tɑɑ.
\b
\q1
\v 10 Pɑɑ wɑɑtʋ wei mɑɑ tɔmɑ sɩ mɑ kɛ́ wɑhɑlɑ tʋ tɔ,
\q1 nɑ mɑ́ wɛnɑ nɑɑni kɛ́.
\q1
\v 11 Mɑ tɑ mɑɣɑsɩ teu ɩlɛnɑ mɑ́ tɔ sɩ
\q1 pɑɑ pəsəɣɩ nɑ pɑ́ lɑ nɑɑni kɛ nɔɣɔlʋ.
\q1
\v 12 Ɩsənɑɣɑ mɑɑ lɛɛtɩ Tɑcɑɑ nyɑɣɑ
\q1 kʋpɑntʋ nti n lɑpɑ-m tɔ?
\q1
\v 13 Mɑɑ kpɑɑsɩ wɑɑsʋɣʋ kɔpʋ nɑ ɩsɔ
\q1 nɑ mɑ́ yɑɑ Tɑcɑɑ nyɑ́ hətɛ.
\q1
\v 14 Mɑɑ yoosi nɔɣɔ ŋkɑ mɑ sɩɩ Tɑcɑɑ nyɑ́ tɔɣɔ
\q1 nyɑ́ yəlɑɑ ɩsɛntɑɑ.
\b
\q1
\v 15 Tɑcɑɑ mpɑ pɑ sɔɔlɑ-ŋ tɔ
\q1 pɑ səm wɩɩkɩ-ŋ sɔsɔm kɛ́.
\q1
\v 16 Hɑɩ, Tɑcɑɑ, mɑ kɛ́ nyɑ́ təmlɛ tʋ kɛ́,
\q1 nyɑ́ pɛɛlɔ pəyɑlʋ kɛlɛ mɑ́,
\q1 n cɛpɑ mɑ kʋhɔkʋm.
\q1
\v 17 Mɑɑ lɑ́-ŋ́ nyɑnɑ təmlɛ kɔtɑɣɑ.
\q1 Mɑɑ sɑ́-ŋ́ nɑ mɑ́ yɑɑ nyɑ́ hətɛ.
\b
\q1
\v 18 Mɑɑ yoosi nɔɣɔ ŋkɑ mɑ sɩɩ Tɑcɑɑ nyɑ́ tɔɣɔ
\q1 nyɑ́ yəlɑɑ ɩsɛntɑɑ.
\q1
\v 19 Mɑɑ lɑ ɩsənɑ mɑɑ sɩɩwɑ tɔɣɔ
\q1 nyɑ́ təyɑɣɑ tɑɣɑ tɔɔ kɛ́ Yosɑlɛm tɑɑ.
\b
\q1 Ɩ́ sɑ Tɑcɑɑ.
\c 117
\s1 Piitimnɑɑ tənɑ sɑŋ Tɑcɑɑ
\p
\v 1 Piitimnɑɑ mɛ, ɩ́ sɑ Tɑcɑɑ.
\q1 Yəlɑɑnɑɑ tənɑ ɩ́ sɑmɩ-ɩ.
\q1
\v 2 Kʋpɑntʋ nti ɩ lɑkɩ-tʋ tɔ tə tɔɔwɑɣɑ.
\q1 Ɩ tɑmpɑnɑ wɛ tɑm tɔɔ.
\b
\q1 Ɩ́ sɑ Tɑcɑɑ.
\c 118
\s1 Kɛɛsɩ mpi Tɑcɑɑ lɑpɑ tɔ
\p
\v 1 Ɩ́ sɛɛ Tɑcɑɑ, mpi tɔ, ɩ kɛ́ kʋpɑŋ.
\q1
\v 2 Ɩsɛɣɛlɩ nyə́mɑ ɩ́ tɔ sɩ:
\q1 Ɩ kʋpɑntʋ wɛ tɑm tɔɔ.
\q1
\v 3 Alɔŋ təyɑɣɑ nyə́mɑ ɩ́ tɔ sɩ:
\q1 Ɩ kʋpɑntʋ wɛ tɑm tɔɔ.
\q1
\v 4 Mpɑ pɑ nɩɩkənɑ Tɑcɑɑ tɔ pɑ́ tɔ sɩ:
\q1 Ɩ kʋpɑntʋ wɛ tɑm tɔɔ.
\b
\q1
\v 5 Mɑ lɑŋwɑkəllɛ tɑɑ kɛ́ mɑ yɑ́ɑ́ Tɑcɑɑ
\q1 nɑ ɩ́ cɔ-m nɑ ɩ́ wɑɑsɩ-m.
\q1
\v 6 Tɑcɑɑ n wɛ mɑ tɔɔ kɛ́, mɑɑ nyɑŋ pʋlʋ.
\q1 Yʋlʋ pəsəɣɩ nɑ ɩ́ lɑ-m we?
\q1
\v 7 Nyɑ́ teŋnɑ-m
\q1 nɑ mɑ́ nɑɑkɩ mɑ kolontunɑɑ kpisuɣu.
\q1
\v 8 Pə kəlɑ teu sɩ yʋlʋ ɩ́ tʋ Tɑcɑɑ nyɑɣɑ kpʋlʋɣʋ
\q1 nɑ mpi ɩ kɑ́ pɛtɩ nyɑ́ təɣɩ yəlɑɑ tɔ.
\q1
\v 9 Pə kəlɑ teu sɩ yʋlʋ ɩ́ tʋ Tɑcɑɑ nyɑɣɑ kpʋlʋɣʋ
\q1 nɑ mpi ɩ kɑ́ pɛtɩ ɩ təɣɩ sɔsɑɑ tɔ.
\b
\q1
\v 10 Piitimnɑɑ tənɑ kɑ tɑmɑ-m kɛ́.
\q1 Ɩlɛ mɑ tɔɣɔnɑ-wɛɣɛ Tɑcɑɑ nyɑ́ toŋ tɑɑ.
\q1
\v 11 Pɑɑ tɑmɑ-m kɛ́ nɑ pɑ́ wɑtəɣɩ-m.
\q1 Ɩlɛ mɑ tɔɣɔnɑ-wɛɣɛ Tɑcɑɑ toŋ tɑɑ.
\q1
\v 12 Pɑɑ wɑtɑ-m kɛ́ ɩsɩɩ tɩɩŋ sɛsɛkʋ.
\q1 Amɑ pɑ toŋ tɛmɑ lɔŋ ɩsɩɩ kiisi kɔkɔ.
\q1 Ɩlɛ mɑ tɔɣɔnɑ-wɛɣɛ Tɑcɑɑ toŋ tɑɑ.
\b
\q1
\v 13 Mɑ kolontu nyɑ́, nyɑ́ tusɑɣɑ-m kɛ́ sɩ mɑ́ hoti.
\q1 Amɑ Tɑcɑɑ nɑ́ kɔmɑ nɑ ń wɑɑsɩ-m.
\q1
\v 14 Tɑcɑɑ kɛlɛ mɑ toŋ nɑ mɑ sɑmtʋ nyʋɣʋ,
\q1 nyɑ́ yɑpənɑ-m.
\b
\q1
\v 15 Siɣisilɑɑ wilitiɣi.
\q1 Mpi tɔ, Ɩsɔ hɑ-wɛɣɛ ɑkɑɩtʋ.
\q1 Tɑmpɑnɑ təŋlɑɑ lɑŋlɛ hɛɛwɑ.
\q1 Mpi tɔ, Ɩsɔ yɑpɑ-wɛ.
\q1 Tɑcɑɑ n yɑpɑ-tʋ nɑ nyɑ́ toŋ.
\q1
\v 16 Tɑcɑɑ n kʋsɑ ŋkpɑləŋɑ nɑ ɩsɔ.
\q1 N lɑpənɑ toŋ sɔsɔɔŋ.
\b
\q1
\v 17 Mɑ kɑɑ tɑsɑ səm tɔtɔ,
\q1 mɑɑ wɛɛnɑ weesuɣu kɛ́.
\q1 Mɑɑ kɛɛsɩ Tɑcɑɑ təmɑ tɔm.
\q1
\v 18 Tɑcɑɑ n hɔmɑ mɑ ŋkpɑŋʋɣʋ yɑ́ɑ́.
\q1 Amɑ n tɑ yele nɑ mɑ́ sɩ.
\q1
\v 19 Ɩ́ tʋlɩ-m tɑmpɑnɑ təŋlɑɑ nɔnɔɔsɩ,
\q1 nɑ mɑ́ sʋʋ nɑ mɑ́ sɑ Tɑcɑɑ.
\q1
\v 20 Tɑcɑɑ nɔnɔɣɔ ntɔ,
\q1 ŋkɛɣɛ siɣisilɑɑ sʋʋkənɑ.
\q1
\v 21 Mɑɑ sɛɛ-ŋ kɛ́, mpi tɔ, n cɔ-m
\q1 nɑ ń pəsɩ mɑ wɑɑsʋlʋ.
\b
\q1
\v 22 Pəlɛ nte ŋmɑlɑɑ kisɑɑ nɑ pɑ́ lɔ tɔ,
\q1 ntɛ́ tə pəsənɑ ntɛɣɛ pəlɛ sɔsɔɔlɛ.
\q1
\v 23 Tɑcɑɑ nyɑ́ kiŋ kɛ pə lɩɩnɑɑ,
\q1 pə kɛ́ piti təmlɛ kɛ́.
\q1
\v 24 Tɑcɑɑ nyɑ́ lɑpənɑ kʋyɑkʋ kʋnɛ.
\q1 Kʋ kɛ́ lɑŋhʋlʋmlɛ nɑ ɑyɔɔlɑ nyəŋkʋ kɛ́.
\q1
\v 25 Hɑɩ, Tɑcɑɑ, yele nɑ pə́ lɑnɑ-tʋ.
\q1 Hɑɩ, Tɑcɑɑ, yɑ tɑ́ nyɔɔŋ.
\q1
\v 26 Ɩsɔ ɩ́ kooli kʋpɑntʋ kɛ wei ɩ kɔŋnɑ Tɑcɑɑ hətɛ tɑɑ tɔ.
\q1 Hɑtoo Tɑcɑɑ təyɑɣɑ kɛ tə kooliɣinɑ-mɛɣɛ kʋpɑntʋ.
\q1
\v 27 Tɑcɑɑ kɛlɛ Ɩsɔ, ɩnɩ ɩ kɔkɔ nɑɑkənɑ-tʋ.
\q1 Ɩ́ tɑmsɩ ɑcimɑ kpəntɛ nɑ ɩ́ ponɑ-tɛɣɛ
\q1 kɔtɑɣɑ təlɑtɛ həlʋɣʋ kiŋ*fɑ*. \f ɑ \fr 118:27 \fr*\ft Kʋkɑlətʋ tənɛ tə hʋwɛɛ wɛ tɔm nɑɑlɛɣɛ. Lɛlɑɑ nɑ́ tɛləsəɣɩ tɔtɔ sɩ: Ɩ́ kpɑɣɑ tʋɣʋ piliŋɑsɩ kɛ mə niŋ tɑɑ nɑ ɩ́ cɑɑlɩ ɑcimɑ pɑɑlɛ. Nɑ ɩ́ tɔ nɑ ɩ cɔɔnɑ kɔtɑɣɑ təlɑtɛ.\ft*\f*
\b
\q1
\v 28 Tɑcɑɑ, n kɛ́ mɑ Ɩsɔ kɛ́ mɑɑ sɑ-ŋ.
\q1 Mɑ Ɩsɔ, mɑɑ pʋɣʋlɩ-ŋ.
\q1
\v 29 Ɩ́ sɛɛ Tɑcɑɑ.
\q1 Mpi tɔ, n kɛ́ kʋpɑŋ,
\q1 nɑ nyɑ́ kʋpɑntʋ wɛ tɑm tɔɔ.
\c 119
\s1 Yontu nti pɑ sɑŋnɑ Ɩsɔ kʋsəsɩɩtʋ tɔ
\p
\v 1 Leleŋ nɩɩlɑɑ ntɛ́ mpɑ pɑ tɔntɛ tewɑ
\q1 nɑ pɑ́ tɔŋ ɩsɩɩ Ɩsɔ kiiu wɛɛ tɔ.
\q1
\v 2 Leleŋ nɩɩlɑɑ ntɛ́ Ɩsɔ kʋsəsɩɩtʋ tɔkəlɑɑ,
\q1 nɑ mpɑ pɑ pɛɛkəɣɩ-ɩ nɑ pɑ lotu tənɑ tɔ.
\q1
\v 3 Pə yəlɑɑ tɔŋ Ɩsɔ mpɑɑŋ tɑɑ kɛ́.
\q1 Pɑɑ lɑkɩ ɩsɑɣɑtʋ nɑtəlɩ.
\q1
\v 4 Tɑcɑɑ n hʋlɑ nyɑ́ kʋtʋtʋtʋ kɛ́ sɩ
\q1 yəlɑɑ ɩ́ pɑɑsənɑ-təɣɩ teu.
\q1
\v 5 Hɑɩ, Ɩsɔ, yele nɑ mɑ tɔntɛ lɑ teu
\q1 ɩlɛnɑ mɑ́ pəsɩ nɑ mɑ́ tɔkɩ nyɑ́ kiiŋ.
\q1
\v 6 Ye mɑ tɔkɑ nyɑ́ kʋsəsɩɩtʋ tənɑ,
\q1 mɑ kɑɑ wɛɛnɑ fɛɛlɛ.
\q1
\v 7 Pəlɛɣɛ mɑɑ sɑ́-ŋ́ nɑ lotu kʋlʋmtʋ
\q1 nɑ mɑ́ kpɛləməɣɩ nyɑ́ kiiŋ kʋpɑŋ.
\q1
\v 8 Mɑ cɑɑ mɑ lɑ nyɑ́ luɣu nyəntʋ kɛ́,
\q1 tɑɑ lɔ-m təkpɑtɑɑ.
\b
\s1 Nyɑ kʋsəsɩɩtʋ hɛɛsəɣɩ mɑ lɑŋlɛ
\q1
\v 9 Ɩsənɑɣɑ ɩfepu kɑ́ kpɛləmənɑ tənɑŋŋ tɔntɛ?
\q1 Nyɑ́ tɔm tɔkʋɣʋ tɑɑ kɛ́ ɩfepu kɑ́ kpɛləmənɑ tənɑŋŋ tɔntɛ.
\q1
\v 10 Tɑcɑɑ, mɑ pɛɛkəɣɩ-ŋ kɛ́ nɑ lotu kʋlʋmtʋ.
\q1 Tɑɑ yele nɑ mɑ́ hɑtələnɑ nyɑ́ kʋsəsɩɩtʋ.
\q1
\v 11 Mɑ tɔkɑ nyɑ́ tɔm kɛ teu kɛ hɑtoo mɑ tɑɑ kɛ́,
\q1 sɩ pə tɑɑ kɔɔ nɑ mɑ́ pəntənɑ-ŋ.
\q1
\v 12 Tɑcɑɑ, mɑ sɛɛ-ŋ.
\q1 Sɛɣɛsɩ-m nyɑ́ luɣu nyəntʋ.
\q1
\v 13 Mɑɑ yɔɣɔtɩ kʋlʋm kʋlʋm kɛ́
\q1 kʋsəsɩɩtʋ nti n sɩɩwɑ tɔ.
\q1
\v 14 Nyɑ́ tɔm təŋʋɣʋ hʋləsəɣɩ mɑ lɑŋlɛ kɛ́
\q1 ɩsɩɩ mɑ́ tənnɑ wɛnɑʋ tənɑ.
\q1
\v 15 Mɑ mɑɣɑsəɣɩ nyɑ́ kʋtʋtʋtʋ tɔm kɛ́.
\q1 Nɑ mɑ́ kpɛləməɣɩ nyɑ́ kʋsɛɣɛsətʋ kɛ teu.
\q1
\v 16 Nyɑ́ kʋsəsɩɩtʋ kɛ mɑ lɑŋlɛ hɛɛkənɑ
\q1 mɑ kɑɑ sɔɔ nyɑ́ tɔm.
\b
\s1 Nyɑ kiiŋ tɑsəɣɩ-m lɑɣɑtʋ
\q1
\v 17 Lɑ nyɑ́ təmlɛ tʋ mɑɣɑ kʋpɑntʋ
\q1 ɩlɛnɑ mɑ́ wɛɛnɑ weesuɣu nɑ mɑ́ tɔkɩ nyɑ́ tɔm.
\q1
\v 18 Kuli mɑ ɩsɛ nɑ mɑ́ nɑ́ nyɑ́ kiiu teu.
\q1
\v 19 Mɑ kɛ́ ɩkɔm kɛ tɛtʋ tɑɑ kɛ́.
\q1 Tɑɑ ŋmɛsɩ-m nyɑ́ kʋsəsɩɩtʋ.
\q1
\v 20 Mɑ sɔɔlɑ nyɑ́ kiiŋ kɛ́, nɑ mɑ́ səkɩ ɩ tɔɔ.
\q1 Mɑ cɑɑ mɑ kpɛləmɩ-ɩ pɑɑ kʋyɑkʋ ŋku.
\q1
\v 21 N nyɑɑsəɣɩ mpusitʋnɑɑ ɩsəcɑʋ nyə́mɑ
\q1 mpɑ pɑ hɑtələɣənɑ nyɑ́ kiiŋ tɔɣɔ.
\q1
\v 22 Kɛɛlɩ mɑ tɔɔ kɛ́ fɛɛlɛ nɑ footuɣu.
\q1 Mpi tɔ, mɑ tɔkɑ nyɑ́ kiiŋ kɛ́.
\q1
\v 23 Pɑɑ ɑwulumpiyɑ cɑɣɑɑ nɑ pɑ́ yɔɣɔtəɣɩ mɑ tɔm,
\q1 nyɑ́ tɔm kɛ nyɑ́ təmlɛ tʋ mɑ́, mɑ mɑɣɑsəɣɩ.
\q1
\v 24 Nyɑ́ kʋsəsɩɩtʋ hɛɛsəɣɩ mɑ lɑŋlɛ kɛ́.
\q1 Ntɩ tə tɑsəɣənɑ-m lɑɣɑtʋ.
\b
\s1 Nyɑ kʋsəsɩɩtʋ hɑɑkɩ-m weesuɣu
\q1
\v 25 Mɑ hotɑ ɑtɛɣɛ.
\q1 Nyɑ́ tɔm ɩ́ hɑ-m weesuɣu ɩsɩɩ n kɑ yɔɣɔtʋɣʋ tɔ.
\q1
\v 26 Mɑ kɛɛsəɣɩ-ŋ mɑ kʋlɑpəlɛ tɔm.
\q1 Sɛɣɛsɩ-m nyɑ́ kʋsəsɩɩtʋ tɔm.
\q1
\v 27 Hʋlʋ-m nyɑ́ kʋsəsɩɩtʋ təŋʋɣʋ
\q1 nɑ mɑ́ mɑɣɑsɩ nyɑ́ teu tɔm.
\q1
\v 28 Lɑŋwɑkəllɛ nɩɩ-m nɑ mɑ́ pələɣɩ ɩsəlʋm.
\q1 Kʋsɩ-m ɩsɩɩ n kɑ yɔɣɔtʋɣʋ tɔ.
\q1
\v 29 Hɑtələnɑ-m pɔpɔtʋ.
\q1 Hʋlɩ-m pɛɛlɛɛ nɑ mɑ́ təŋ nyɑ́ kiiu.
\q1
\v 30 Tɑmpɑnɑ mpɑɑʋ kɛ mɑ ləsɑɑ.
\q1 Mɑɑ təŋ nyɑ́ kʋsəsɩɩtʋ.
\q1
\v 31 Nyɑ́ kʋsəsɩɩtʋ kɛ mɑɑ mɑtənɑ.
\q1 Tɑcɑɑ tɑɑ yele nɑ pə́ liɣiti-m.
\q1
\v 32 Nyɑ́ kʋsəsɩɩtʋ kɛ mɑ nɩɩkənɑ teu.
\q1 Mpi tɔ, n kulɑ mɑ ɩsɛ.
\b
\s1 Mɑɑ təŋ nyɑ kiiu nɑ mɑ lotu tənɑ
\q1
\v 33 Tɑcɑɑ hʋlɩ-m nyɑ́ kʋtʋtʋtʋ mpɑɑʋ
\q1 nɑ mɑ́ tɔkɩ-tɩ nɑ mɑ́ tɑlɑ tənɑɣɑ.
\q1
\v 34 Tɑcɑɑ hɑ-m nyəm nɑ mɑ́ tɔkɩ nyɑ́ kiiu
\q1 nɑ mɑ́ təŋəɣɩ-kʋ nɑ mɑ lotu tənɑ.
\q1
\v 35 Yele nɑ mɑ́ nɩɩnɑ nyɑ́ kʋsəsɩɩtʋ.
\q1 Mpi tɔ, mɑ sɔɔlɑ-təɣɩ.
\q1
\v 36 Ponɑ mɑ hʋwɛɛ kɛ nyɑ́ kʋsəsɩɩtʋ kiŋ.
\q1 Tɑɑ ponɑ-yɛɣɛ liɣitee luluɣu cɔlɔ.
\q1
\v 37 Ləsɩ mɑ ɩsɛ kɛ kpɑɩ nyəm tɔɔ.
\q1 Tɑɑ yele nɑ mɑ́ pɑɑsənɑ kpɑɩ nyəm.
\q1 Yele nɑ mɑ́ wɛɛ nyɑ́ luɣu nyəntʋ tɑɑ.
\q1
\v 38 Lɑ nyɑ́ təmlɛ tʋ mɑɣɑ nti
\q1 n kɑ sɩɩwɑ mpɑ pɑ nyɑŋnɑ-ŋ tɔ.
\q1
\v 39 Mɑ wɛnɑ fɛɛlɛ sɔɣɔntʋ kɛ́.
\q1 Tɑɑ yele nɑ tə́ mɑɣɑnɑ-m.
\q1
\v 40 Nti mɑ nyɩɩləɣɩ sɔsɔm tɔɣɔlɛ nyɑ́ kʋtʋtʋtʋ lɑpʋ.
\q1 N kɛ́ siɣisilu kɛ́, hɑ-m weesuɣu.
\b
\s1 Mɑɑ tɔkɩ nyɑ kiiu kɛ
\q1
\v 41 Tɑcɑɑ nyɑ́ kʋpɑntʋ ɩ́ kɔɔ mɑ tɔɔ
\q1 nɑ ń yɑ mɑ nyʋɣʋ ɩsɩɩ n sɩɩʋ tɔ.
\q1
\v 42 Nɑ mɑ́ wɛɛnɑ nti mɑɑ cɔ mɑ tʋʋlɑɑ tɔ.
\q1 Mpi tɔ, nyɑ́ kʋyɔɣɔtʋtʋ kɛ mɑ lɑpɑ nɑɑni.
\q1
\v 43 Tɑɑ ləsɩ tɑmpɑnɑ tɔm kɛ mɑ nɔɣɔ tɑɑ təkpɑtɑɑ.
\q1 Nti n mɑɣɑsəɣɩ nyɑ́ tɑɑ tɔɣɔ mɑ tɑŋɑɑ.
\q1
\v 44 Mɑɑ tɔkɩ nyɑ́ kiiu kɛ
\q1 pɑɑ kʋyɑkʋ ŋkuɣu tɑm tɔɔ kɛ́.
\q1
\v 45 Mɑ cɑɑ mɑ́ tɔnɑ mɑ təɣɩ.
\q1 Mpi tɔ, nyɑ́ kʋsəsɩɩtʋ kɛ mɑ pɛɛkəɣɩ.
\q1
\v 46 Mɑɑ heeli nyɑ́ kʋsəsɩɩtʋ tɔm kɛ ɑwulɑɑ,
\q1 fɛɛlɛ kɑɑ wɛɛ-m.
\q1
\v 47 Nyɑ́ kʋsəsɩɩtʋ kɛ mɑ lɑŋlɛ hɛɛnɑɑ.
\q1 Mpi tɔ, mɑ sɔɔlɑ-təɣɩ.
\q1
\v 48 Mɑ nɩɩkənɑ nyɑ́ kʋsəsɩɩtʋ kɛ́.
\q1 Mɑ sɔɔlɑ-təɣɩ.
\q1 Mɑ cɑɑ mɑ mɑɣɑsɩ-təɣɩ mɑ tɑɑ kɛ́.
\b
\s1 Nyɑ́ kʋsəsɩɩtʋ tʋɣʋ-m nɑɑni
\q1
\v 49 Tɔɔsɩ tɔm nti n kɑ heelɑ nyɑ́ təmlɛ tʋ mɑ́ tɔ tə tɔɔ.
\q1 Ntɩ tə tʋnɑ-m nɑɑni.
\q1
\v 50 Ntɩ tə hɛɛsəɣənɑ mɑ lɑŋlɛ kɛ mɑ wɑhɑlɑ tɑɑ.
\q1 Nyɑ́ tɔm kʋpɑntʋ hɑɑkənɑ-m weesuɣu.
\q1
\v 51 Pɑɑ ɩsəcɑʋtʋnɑɑ woŋiɣi-m
\q1 mɑ tɑ lɩɩ nyɑ́ kiiu tɑɑ.
\q1
\v 52 Tɑcɑɑ mɑ tɔɔsəɣɩ nyɑ́ lɔŋtɑɑ hʋʋlɛ tɔm
\q1 nɑ pə́ hɛɛsəɣɩ mɑ lɑŋlɛ.
\q1
\v 53 Mɑ́ nɑɑkɩ ɑsɑɣɑɑ mpɑ pɑ lɔɔkɩ nyɑ́ kiiŋ tɔ,
\q1 pɑ́ɑ́nɑ́ kpɑɑkɩ-m kɛ́.
\q1
\v 54 Nyɑ́ kiiŋ tɔm kɛ mɑ yooki yontu kɛ timpi
\q1 mɑ kɛ́ ɩkɔm tɔ.
\q1
\v 55 Mɑ tɔɔsəɣɩ nyɑ́ hətɛ kɛ ɑhoo
\q1 nɑ mɑ́ tɔkəɣɩ nyɑ́ kʋsəsɩɩtʋ.
\q1
\v 56 Mpi pə kɛ́ mɑ nyəm tɔɣɔlɛ,
\q1 sɩ mɑ́ tɔkəɣɩ nyɑ́ kʋsəsɩɩtʋ.
\b
\s1 Tɑcɑɑ hʋʋlɛ wɛ teu
\q1
\v 57 Mɑ lɛləɣɩ sɩ mɑ nyəntʋ ntɛ́ sɩ
\q1 mɑ́ təŋ nyɑ́ kʋyɔɣɔtʋtʋ.
\q1
\v 58 Mɑ wiikinɑ-ŋ nɑ mɑ lotu tənɑ,
\q1 nyənɩ mɑ pətɔɔtəlɛ ɩsɩɩ n kɑ sɩɩʋ nyɑ́ nɔɣɔ tɔ.
\q1
\v 59 Mɑ hʋʋ mɑ mpɑɑʋ tɔm kɛ mɑ tɑɑ,
\q1 nyɑ́ kʋsəsɩɩtʋ kɛ mɑ cɑɑ təŋʋɣʋ.
\q1
\v 60 Mɑ lɑkɩ nyɑ́ kʋsəsɩɩtʋ kɛ lɔŋ kɛ́ təcɑʋ.
\q1 Mɑ kɑɑ yele nɑ tə́ leeli.
\q1
\v 61 Asɑɣɑɑ kɑtɔsɩ tɑmɑ-m kɛ́.
\q1 Amɑ mɑɑ sɔɔkɩ nyɑ́ kiiu tɔɔ.
\q1
\v 62 Mɑ kʋləɣɩ ɑhoo hɛkɑ nɑ mɑ́ sɑ́-ŋ́.
\q1 Mpi tɔ, nyɑ hʋʋlɛ wɛ teu.
\q1
\v 63 Mɑ kɛ́ mpɑ pɑ nyɑŋnɑ-ŋ nɑ pɑ́ tɔkəɣɩ
\q1 nyɑ́ kʋsəsɩɩtʋ tɔ pɑ tɑɑpɑlʋ kɛ́.
\q1
\v 64 Hɑɩ, Tɑcɑɑ, nyɑ́ kʋpɑntʋ sunɑ tɛtʋ.
\q1 Sɛɣɛsɩ-m nyɑ́ kʋsəsɩɩtʋ.
\b
\s1 Tɑcɑɑ mɑpɑ-m sɩ pə tɑɣɑnɩ-m
\q1
\v 65 Tɑcɑɑ n lɑpɑ kʋpɑntʋ kɛ nyɑ́ təmlɛ tʋ mɑɣɑ,
\q1 ɩsɩɩ n kɑ yɔɣɔtʋɣʋ tɔ.
\q1
\v 66 Sɛɣɛsɩ-m ləmɑɣɑsɛɛ kʋpɑnɑ nɑ nyəm.
\q1 Mpi tɔ, mɑ tɛmɑ mɑ tɑɑ nɑ nyɑ́ kʋsəsɩɩtʋ kɛ́.
\q1
\v 67 Lɔŋ ɩlɛ ye n tɑ hɔ mɑ ŋkpɑŋʋɣʋ mɑɑ tɔkəɣɩ nyɑ́ tɔm.
\q1 Amɑ nɔɔnɔɔ mɑ təŋəɣɩ nyɑ́ kiiŋ.
\q1
\v 68 N kɛ́ kʋpɑŋ kɛ́ nɑ kʋpɑntʋ lɑtʋ.
\q1 Hʋlʋ-m nyɑ́ luɣu nyəntʋ.
\q1
\v 69 Ɩsəcɑʋtʋnɑɑ pilisiɣi-m kɛ́ nɑ pɑ kɑloolɑɣɑ.
\q1 Amɑ mɑ tɔkɑ nyɑ́ kʋsəsɩɩtʋ kɛ nɑ lotu kʋlʋmtʋ.
\q1
\v 70 Pɑ ləmɑɣɑsɛɛ tɑɑ toowɑɣɑ ɩsɩɩ nim.
\q1 Ɩlɛnɑ mɑ́ɑ́ hʋləsəɣɩ lɑŋlɛ nɑ nyɑ́ kiiu.
\q1
\v 71 Pə wɛ teu sɩ pə́ pɑsɑ-m kɛ́.
\q1 Ɩlɛnɑ mɑ́ cɛkənɑ nyɑ́ kʋsəsɩɩtʋ.
\q1
\v 72 Nyɑ́ nɔɣɔ tɑɑ kʋsəsɩɩtʋ kəlɑ-m teu kɛ
\q1 wʋlɑ nɑ liɣitee wontu tuutuumɑ.
\b
\s1 Tɑcɑɑ, nyɑ́ hʋʋlɛ siɣisɑɑ
\q1
\v 73 Nyɑ́ niŋ ŋmɑnɑ-m.
\q1 Hɑ-m lɑɣɑtʋ nɑ mɑ́ kpɛləmənɑ nyɑ́ kʋsəsɩɩtʋ.
\q1
\v 74 Mpɑ pɑ nyɑŋnɑ-ŋ tɔ pɑ nɑɑ-m nɑ pɑ lɑŋlɛ hʋləməɣɩ.
\q1 Mpi tɔ, nyɑ́ nɔɔsɩ sɩɩʋ kɛ mɑ tɛɛləɣɩ.
\q1
\v 75 Tɑcɑɑ, mɑ nyəmɑ́ sɩ nyɑ́ hʋʋlɛ siɣisɑɑ kɛ́.
\q1 Nyɑ́ tɑmpɑnɑ təŋʋɣʋ tɔɔ kɛ́ n pɑsɑ-m.
\q1
\v 76 Nyɑ́ kʋpɑntʋ ɩ́ hɛɛsɩ mɑ lɑŋlɛ
\q1 ɩsɩɩ n kɑ sɩɩʋ nyɑ́ təmlɛ tʋ mɑɣɑ nɔɣɔ tɔ.
\q1
\v 77 Hʋlʋ-m sɩ n sɔɔlɑ-m nɑ pə́ hɑ-m weesuɣu.
\q1 Mpi tɔ, nyɑ́ kiiu kɛ mɑ lɑŋlɛ hɛɛkənɑ.
\q1
\v 78 Pə́ liɣiti ɩsəcɑʋ nyə́mɑ mpɑ pɑ muɣuluɣu-m mʋsʋŋ tɔ.
\q1 Mpi tɔ, nyɑ́ kʋsəsɩɩtʋ tɔm kɛ mɑ mɑɣɑsəɣɩ mɑ tɑɑ.
\q1
\v 79 Mpɑ pɑ nyɑŋnɑ-ŋ tɔ pɑ́ kɔɔ mɑ kiŋ
\q1 nɑ pɑ́ cɛkənɑ nyɑ́ kʋsəsɩɩtʋ.
\q1
\v 80 Mɑɑ lɑ nyɑ́ luɣu nyəntʋ nɑ lotu kʋlʋmtʋ.
\q1 Ɩlɛ fɛɛlɛ kɑɑ tɔɣɔ-m nyɑ́ kiŋ.
\b
\s1 Tɑcɑɑ fitiɣi-m kolontunɑɑ kɑtɔsɩ
\q1
\v 81 Mɑ tɑŋɑ nyɑ́ nyʋɣʋ yɑpʋ kɛ tətɛɣɛtɛɣɛ.
\q1 Nyɑ́ tɔm kɛ mɑ tɛɛləɣɩ.
\q1
\v 82 Mɑ ɩsɛ tɛŋnɑ nyɑ́ nɔɣɔ sɩɩʋ kiŋ kɛ́,
\q1 nɑ mɑ́ pɔɔsəɣɩ sɩ pəlee kɛ́ n kɑ hɛɛsɩ mɑ lɑŋlɛ?
\q1
\v 83 Mɑ tɔnʋɣʋ cukɑ kpɑsɩ kɛ́ ɩsɩɩ kɔŋlɛ kɛ nyɔɔsɩ tɑɑ.
\q1 Mɑ kɑɑ sɔɔ nyɑ́ kʋsəsɩɩtʋ tɔɔ.
\q1
\v 84 Kʋyɛɛŋ ɩsənɑɣɑ pə kɑɑsɑ nyɑ́ təmlɛ tʋ mɑ?
\q1 Wɑɑtʋ wei kɛ́ n kɑ́ hʋʋnɑ mpɑ pɑ tʋɣʋ-m wɑhɑlɑ tɔ?
\q1
\v 85 Ɩsəcɑʋtʋnɑɑ huliɣinɑ mɑ nɔɣɔ tɔɔ kɛ́ pɔɔŋ,
\q1 pɑɑ təŋəɣɩ nyɑ́ kiiu kɛ pɑɑ pəcɔ.
\q1
\v 86 Nyɑ́ kʋsəsɩɩtʋ tənɑ kɛ́ kʋsiɣisitʋ kɛ́.
\q1 Pɑ tʋɣʋ-m wɑhɑlɑ kɛ mʋsʋŋ kɛ́, wɑɑsɩ-m.
\q1
\v 87 Pɑ kɑɣɑ pɑ hu-m nɑ pɑ́ kʋ-m
\q1 ɩlɛ mɑɑ lɔɔkɩ nyɑ́ kʋsəsɩɩtʋ.
\q1
\v 88 Hɑ-m weesuɣu kɛ nyɑ́ kʋpɑntʋ tɔɔ,
\q1 ɩlɛnɑ mɑ təŋ nyɑ́ kʋsəsɩɩtʋ.
\b
\s1 Tɑcɑɑ, pə tənɑ pə lɑkɩ-ŋ təmlɛ
\q1
\v 89 Hɑɩ, Tɑcɑɑ, n wɛ tɑm tɔɔ kɛ́.
\q1 Nyɑ́ tɔm cɑɣɑ teu kɛ ɩsɔtɑɑ kɛ́.
\q1
\v 90 Kʋpɑntʋ nti n lɑkɩ tɔ tɩɩ tɛŋ.
\q1 Nyɑ́ sɩɩnɑ tɛtʋ nɑ tə nyɔɔwɑ teu.
\q1
\v 91 Nyɑ́ kʋsəsɩɩtʋ tɔɔ kɛ́ pə tənɑ pə cɑɣɑ teu kɛ sɑŋɑ.
\q1 Mpi tɔ, pə tənɑ pə lɑkɩ-ŋ təmlɛ.
\q1
\v 92 Ye mɑ lɑŋlɛ tɑɑ hɛɛnɑ nyɑ́ kiiŋ,
\q1 mɑɑ lepɑ mɑ wɑhɑlɑ tɑɑ kɛ́.
\q1
\v 93 Mɑ kɑɑ sɔɔ nyɑ́ kʋsəsɩɩtʋ.
\q1 Ntəɣɩ n hɑɑkənɑ-m weesuɣu.
\q1
\v 94 Mɑ kɛ́ nyɑ́ nyəŋ kɛ́, wɑɑsɩ-m.
\q1 Mpi tɔ, nyɑ́ kʋsəsɩɩtʋ kɛ mɑ pɛɛkəɣɩ.
\q1
\v 95 Asɑɣɑɑ cɛŋəɣɩ-m kɛ́ sɩ pɑ kʋɣʋ-m.
\q1 Pɑɑ nɑ mpʋ nyɑ́ kʋsəsɩɩtʋ kɛ mɑ keŋnɑ ŋkpɑŋŋ.
\q1
\v 96 Mɑ nɑwɑ təmɑ kʋpɑnɑ tənɑ tənɑsɩ.
\q1 Amɑ nyɑ́ kʋsəsɩɩtʋ fɛɩ tənɑɣɑ.
\b
\s1 Nyɑ́ kiiŋ kəlɑ tɩɩŋ kɛ leleŋ
\q1
\v 97 Mɑ sɔɔlɑ nyɑ́ kiiu kɛ sɔsɔm kɛ́.
\q1 Kʋ tɔm kɛ mɑ mɑɣɑsəɣɩ kʋyɛɛŋ tənɑ.
\q1
\v 98 Nyɑ́ kʋsəsɩɩtʋ hɑɑkɩ-m ləmɑɣɑsɛɛ
\q1 nɑ pə́ kəlɩ mɑ kolontunɑɑ.
\q1 Mpi tɔ, tə wɛ mɑ kiŋ kɛ tɑm tɔɔ kɛ́.
\q1
\v 99 Mɑ tɛɛ mɑ sɛɣɛsəlɑɑ tənɑɣɑ nyəm.
\q1 Mpi tɔ, nyɑ́ kʋsəsɩɩtʋ kɛ mɑ mɑɣɑsəɣɩ.
\q1
\v 100 Mɑ tɛɛ kʋkpɑtəlɑɑ kɛ ləmɑɣɑsɛɛ.
\q1 Mpi tɔ, mɑ tɔkɑ nyɑ́ kʋtʋtʋtʋ.
\q1
\v 101 Mɑ kisɑ mpɑɑŋ ɩsɑɣɑŋ tɑɑ tɔntɛ
\q1 sɩ mɑ́ pəsɩ nɑ mɑ́ tɔkɩ nyɑ́ tɔm.
\q1
\v 102 Mɑɑ hɑtələɣənɑ nyɑ́ kʋsəsɩɩtʋ.
\q1 Mpi tɔ, nyɑ́ sɛɣɛsəɣənɑ-m.
\q1
\v 103 Nyɑ́ tɔm wɛ leleŋ kɛ mɑ tɑntɑhɑɑʋ tɑɑ kɛ́.
\q1 Tə kəlɑ tɩɩŋ kɛ leleŋ kɛ mɑ nɔɣɔ tɑɑ.
\q1
\v 104 Nyɑ́ kʋsəsɩɩtʋ pəsəɣənɑ-m nyəntʋ
\q1 nɑ mɑ́ kisiɣi pɔpɔtʋ tənɑ.
\b
\s1 Tɑcɑɑ tɔm kɛ́ fətəlɑ
\q1
\v 105 Nyɑ́ tɔm wɛnnɑ ɩsɩɩ fətəlɑ kɛ mɑ nɔɔhɛɛ tɛɛ
\q1 nɑ pə́ nɑɑkɩ mɑ mpɑɑʋ tɑɑ.
\q1
\v 106 Mɑ tuuki sɩ mɑɑ tɔkɩ nyɑ́ kʋsəsɩɩtʋ.
\q1 Mɑɑ lɑ ɩsɩɩ mɑ tuuwɑ tɔ.
\q1
\v 107 Tɑcɑɑ, pə pɑsɑ-m teu kɛ́.
\q1 Yele nɑ mɑ́ wɛɛnɑ weesuɣu ɩsɩɩ n yɔɣɔtʋɣʋ tɔ.
\q1
\v 108 Hɑɩ, Tɑcɑɑ, mʋ mɑ sələmʋɣʋ ɩsɩɩ kʋcɔɔʋ.
\q1 Sɛɣɛsɩ-m nyɑ́ kʋsəsɩɩtʋ.
\q1
\v 109 Mɑ weesuɣu wɛ ɑsolɑ tɑɑ kɛ́ tɑm kɛ́.
\q1 Amɑ mɑ kɑɑ sɔɔ nyɑ́ kiiu tɔm.
\q1
\v 110 Asɑɣɑɑ nyəkɩ-m kɑtɔsɩ kɛ́.
\q1 Amɑ mɑɑ hɑtələɣənɑ nyɑ́ kʋsəsɩɩtʋ.
\q1
\v 111 Nyɑ́ kʋtʋtʋtʋ kɛ-m kʋpɑntʋ sɔsɔɔntʋ kɛ tɑm tɔɔ kɛ́,
\q1 tə hɛɛsəɣɩ mɑ lɑŋlɛ.
\q1
\v 112 Mɑ tʋ mɑ tɑɑ sɩ mɑ́ təŋ nyɑ́ kʋsəsɩɩtʋ*fɑ*
\q1 hɑlənɑ mɑ səm. \f ɑ \fr 119:112 \fr*\ft Looŋɑ kɑnɛ kɑ tɛləsʋɣʋ lɑpɑ kɑtɛ. Lɛlɑɑ nɑ tɛləsəɣɩ sɩ mɑ kɑɑsəɣɩ mɑ tɩ sɩ mɑ́ təŋ nyɑ́ kʋsəsɩɩtʋ. Mpi tɔ, tə kɑwɑɑɣɑ ɩɩ tɛŋ.\ft*\f*
\b
\s1 Tɑcɑɑ kɛ́ mɑ tentu
\q1
\v 113 Mɑ tɑɑ kpɑɑnɑ ɑtɑɑ nɑ ɑ wɑɑlɩ yəlɑɑ kɛ́.
\q1 Amɑ mɑ sɔɔlɑ nyɑ́ kiiu.
\q1
\v 114 Nyɑɣɑlɛ mɑ kpʋlʋɣʋ tətʋlɛ nɑ mɑ kentulu.
\q1 Nyɑ́ kʋyɔɣɔtʋtʋ kɛ mɑ tɛɛləɣɩ.
\q1
\v 115 Asɑɣɑɑ mɛ ɩ́ hɑtələnɑ-m.
\q1 Ɩlɛnɑ mɑ́ tɔkɩ mɑ Ɩsɔ kiiŋ.
\q1
\v 116 Te-m ɩsɩɩ n kɑ sɩɩʋ nyɑ́ nɔɣɔ tɔ nɑ mɑ́ hiki weesuɣu.
\q1 Nyɑɣɑ mɑ tɛɛləɣɩ, tɑɑ tʋ-m fɛɛlɛ.
\q1
\v 117 Wɛɛ mɑ tentu nɑ pə́ yɑ mɑ nyʋɣʋ.
\q1 Ɩlɛnɑ mɑ pɑɑsənɑ nyɑ́ kʋsəsɩɩtʋ kɛ tɑm tɔɔ mɑ́ tɑɑ hɛɛsɩ.
\q1
\v 118 N tɔɣɔnəɣɩ mpɑ pɑɑ təŋəɣɩ nyɑ́ kʋsəsɩɩtʋ tɔɣɔ.
\q1 Mpi tɔ, pɑ tʋsʋɣʋ ɩɩ wɑɑsəɣɩ pʋlʋ.
\q1
\v 119 N lɔɔkɩ ɑtɛ ɑsɑɣɑɑ tənɑɣɑ ɩsɩɩ hute.
\q1 Pə tɔɔ kɛ́ mɑ sɔɔlɑ nyɑ́ kʋsəsɩɩtʋ.
\q1
\v 120 N tʋ nyɑ́ sɔɣɔntʋ kɛ mɑ tɑɑ nɑ mɑ tɔnʋɣʋ seliɣi,
\q1 nɑ mɑ́ nyɑŋnɑ nyɑ́ hʋʋlɛ.
\b
\s1 Tɑcɑɑ kɛlɛ mɑ tentu
\q1
\v 121 Mɑ tɔkɑ nyɑ́ kiiu nɑ nyɑ́ siɣisuɣu kɛ́.
\q1 Tɑɑ pɛtɩ-m mɑ ŋmɑkəllɑɑ.
\q1
\v 122 Sɩɩ nyɑ́ təmlɛ tʋ mɑɣɑ nɔɣɔ sɩ n kɑ́ sənɑ-m.
\q1 Tɑɑ yele nɑ kɑlɑmpɑɑnɩ nyə́mɑ muɣulu-m.
\q1
\v 123 Mɑ tɑŋɑ nyɑ́ nyʋɣʋ yɑpʋ.
\q1 Mɑ tɑŋɑ ɑkɑɩtʋ nti tə tɔm n sɩɩwɑ nɔɣɔ tɔ
\q1 nɑ mɑ ɩsɛ tɛŋ.
\q1
\v 124 Lɑ nyɑ́ təmlɛ tʋ mɑɣɑ kʋpɑntʋ,
\q1 nɑ ń sɛɣɛsɩ-m nyɑ́ kʋsəsɩɩtʋ.
\q1
\v 125 Mɑ kɛ́ nyɑ́ təmlɛ tʋ kɛ́, hɑ-m lɑɣɑtʋ
\q1 nɑ mɑ́ nyɩ́ nyɑ́ kʋsəsɩɩtʋ.
\q1
\v 126 Tɑcɑɑ pə tɑlɑɑ sɩ ń lɑ pʋlʋ.
\q1 Pɑ yɔkəɣɩ nyɑ́ kiiu kɛ́.
\q1
\v 127 Pə tɔɔ kɛ́ mɑ sɔɔlɑ nyɑ́ kʋsəsɩɩtʋ
\q1 nɑ pə́ kəlɩ wʋlɑ kʋpɑmpɑŋ.
\q1
\v 128 Pə tɔɔ kɛ́ mɑ nyənəɣɩ nyɑ́ kʋtʋtʋtʋ tənɑɣɑ kʋsiɣisitʋ
\q1 nɑ mɑ tɑɑ kpɑɑkənɑ pɔpɔtʋ.
\b
\s1 Mɑ cɑɑ mɑ təŋ nyɑ kiiu
\q1
\v 129 Nyɑ́ kʋsəsɩɩtʋ kɛ kʋpɑmpɑntʋ kɛ́
\q1 pə tɔɔ kɛ́ mɑ təŋəɣɩ-tɩ.
\q1
\v 130 Nyɑ́ tɔm cɛkənɑʋ kɔŋnɑ nyɑɑləm kɛ́
\q1 tə hɑɑkɩ lɑɣɑtʋ kɛ mpɑ pɑ lɑŋɑ-tɩ tɔ.
\q1
\v 131 Mɑ liki nyɑ́ tɔm kɛ́ nɑ hiluɣu.
\q1 Mpi tɔ, mɑ wɛnɑ nyɑ́ kʋsəsɩɩtʋ nyɔɣɔsɩ kɛ́.
\q1
\v 132 Kɛɛsɩ nyɑ́ ɩsɛ nɑ mɑ tɔɔ nɑ ń nyənɩ mɑ pətɔɔtəlɛ,
\q1 ɩsɩɩ n lɑkʋɣʋ mpɑ pɑ sɔɔlɑ nyɑ́ hətɛ tɔ.
\q1
\v 133 Nyɑ́ tɔm ɩ́ tʋ-m nɑɑni.
\q1 Tɑɑ yele nɑ ɩsɑɣɑtʋ nɑtəlɩ tə́ pəsɩ-m.
\q1
\v 134 Wɑɑsɩ-m, yəlɑɑ cɑɑkɩ pɑ ŋmɑkələɣɩ-m.
\q1 Ɩlɛnɑ mɑ tɔkɩ nyɑ́ kʋsəsɩɩtʋ.
\q1
\v 135 Nyɑ́ ɩsɛntɑɑ ɩ́ hɛtənɑ nyɑ́ təmlɛ tʋ mɑɣɑ teu.
\q1 Sɛɣɛsɩ-m nyɑ́ kʋsəsɩɩtʋ.
\q1
\v 136 Wɑɑtʋ wei mɑ nɑɑkɩ sɩ pɑɑ tɔkəɣɩ nyɑ́ kiiu tɔ
\q1 mɑ lukiɣi ɩsəlʋm kɛ́.
\b
\s1 Tɑcɑɑ kiiu siɣisɑɑ
\q1
\v 137 Hɑɩ, Tɑcɑɑ, n kɛ́ siɣisilu kɛ́,
\q1 nɑ ń təŋəɣɩ tɑmpɑnɑ kɛ nyɑ́ hʋʋlɛ tɑɑ.
\q1
\v 138 Nyɑ́ kʋsəsɩɩtʋ siɣisɑɑ kɛ nɑ tə kɛ́ tɑmpɑnɑ.
\q1
\v 139 Wɑɑtʋ wei mɑ nɑɑkɩ mɑ kolontunɑɑ sɔɔkɩ nyɑ́ tɔm tɔ,
\q1 pɑ́ɑ́nɑ́ sɔsɔɔnɑ kpɑɑkɩ-m kɛ́.
\q1
\v 140 Nyɑ́ tɔm lɑpɑ tə təmlɛ.
\q1 Nɑ nyɑ́ təmlɛ tʋ mɑ́, mɑ sɔɔlɑ-tɩ.
\q1
\v 141 Mɑɣɑ səkpelu kɛ́,
\q1 nɑ nɔɣɔlʋ ɩɩ cɑɑkɩ-m.
\q1 Amɑ mɑ tɑ sɔɔ nyɑ́ kʋsəsɩɩtʋ tɔɔ.
\q1
\v 142 Nyɑ́ siɣisuɣu kɛ́ tɑm nyəŋkʋ kɛ́,
\q1 nɑ nyɑ́ kiiu kɛ tɑmpɑnɑ.
\q1
\v 143 Lɑŋwɑkəllɛ nɑ nəɣəsɛɛ pə hikɑ-m.
\q1 Amɑ mɑ lɑŋlɛ hɛɛkənɑ nyɑ́ kiiŋ.
\q1
\v 144 Nyɑ́ kʋsəsɩɩtʋ siɣisinɑ tɑm tɔɔ.
\q1 Hɑ-m lɑɣɑtʋ nɑ mɑ́ wɛɛnɑ weesuɣu.
\b
\s1 Mɑ mɑɣɑsəɣɩ nyɑ́ kʋsəsɩɩtʋ tɔm kɛ ɑhoo tənɑ
\q1
\v 145 Mɑ yɑɑkɩ-ŋ nɑ mɑ lotu tənɑɣɑ.
\q1 Tɑcɑɑ cɔ-m ɩlɛnɑ mɑ́ tɔkɩ nyɑ́ kʋsəsɩɩtʋ.
\q1
\v 146 Mɑ yɑɑkɩ-ŋ, wɑɑsɩ-m.
\q1 Ɩlɛnɑ mɑ tɔkɩ nyɑ́ kʋsəsɩɩtʋ.
\q1
\v 147 Mɑ kʋləɣɩ nɑ pə́cɔ pə́ nyɑɑlɩ
\q1 nɑ mɑ́ sələmɩ sɩ ń wɑɑsɩ-m.
\q1 Mɑ tɑŋnɑ tɛɛlʋɣʋ kɛ nti n kɑ́ yɔɣɔtɩ tɔ.
\q1
\v 148 Mɑɑ kpəkɩ ɩsəlɛ, hɑlənɑ pə́ nyɑɑlɩ
\q1 nɑ mɑ́ mɑɣɑsɩ nyɑ́ tɔm.
\q1
\v 149 Tɑcɑɑ n kɛ kʋpɑŋ kɛ́, ɩlɛ nɩɩ mɑ nɔɣɔ,
\q1 nɑ ń hɑ-m weesuɣu ɩsɩɩ n sɩɩwɑ tɔ.
\q1
\v 150 Mpɑ pɑ huliɣi ɩsɑɣɑtʋ wɑɑlɩ tɔ pɑ kpɛɣɛtɑɑ,
\q1 nɑ pɑ́ hɑtələɣənɑ kiiu.
\q1
\v 151 Hɑɩ, Tɑcɑɑ, n kpətənɑ-m kɛ́
\q1 nɑ nyɑ́ kʋsəsɩɩtʋ tənɑ kɛ́ tɑmpɑnɑ.
\q1
\v 152 Hɑtoo lɔŋ kɛ mɑ nyəmɑ́ sɩ
\q1 n sɩɩ nyɑ́ kʋsəsɩɩtʋ kɛ tɑm tɔɔ.
\b
\s1 Tɑcɑɑ yɑ-m nyɑ́ kʋpɑntʋ tɔɔ
\q1
\v 153 Nyənɩ mɑ wɑhɑlɑ nɑ ń wɑɑsɩ-m.
\q1 Mpi tɔ, mɑɑ sɔɔkɩ nyɑ́ kiiu.
\q1
\v 154 Yoonɑ mɑ nɔɣɔ nɑ ń yɑ-m,
\q1 nɑ ń hɑ-m weesuɣu ɩsɩɩ n yɔɣɔtʋɣʋ tɔ.
\q1
\v 155 Asɑɣɑɑ kɑɑ nɑ nyʋɣʋ yɑpʋ.
\q1 Mpi tɔ, pɑɑ pɛɛkəɣɩ nyɑ́ kʋsəsɩɩtʋ.
\q1
\v 156 Hɑɩ, Tɑcɑɑ, nyɑ́ sɔɔlʋɣʋ tɔɔwɑɣɑ.
\q1 Hɑ-m weesuɣu ɩsɩɩ n mɑɣɑsɑɑ tɔ.
\q1
\v 157 Mɑ kolontunɑɑ nɑ mɑ kʋnyɔntʋlɑɑ tɔɔwɑɣɑ.
\q1 Mɑɑ hɑtələɣənɑ nyɑ́ kiiŋ.
\q1
\v 158 Mɑ tɑɑ kpɑɑkənɑ wɑɑlɩ lɩɩlɑɑ
\q1 mpɑ pɑɑ tɔkəɣɩ nyɑ́ tɔm tɔɣɔ.
\q1
\v 159 Tɑcɑɑ nyənɩ mɑ sɔɔlɑ nyɑ́ kʋsəsɩɩtʋ kɛ́.
\q1 Ɩlɛ hɑ-m weesuɣu kɛ nyɑ́ kʋpɑntʋ tɔɔ.
\q1
\v 160 Nyɑ́ tɔm kite ntɛ́ tɑmpɑnɑ,
\q1 nɑ nyɑ́ siɣisuɣu kiiŋ tənɑ wɛ tɑm tɔɔ.
\b
\s1 Tɑcɑɑ kiiu sɔɔllɑɑ hɛɛsɑɑ kɛ́
\q1
\v 161 Awulumpiyɑ tʋɣʋ-m wɑhɑlɑ kɛ mʋsʋŋ.
\q1 Amɑ nyɑ́ kʋyɔɣɔtʋtʋ tike kɛ mɑ seliɣinɑ.
\q1
\v 162 Mɑ lɑŋlɛ hɛɛkənɑ nyɑ́ nɔɔsɩ sɩɩʋ kɛ́.
\q1 Ɩsɩɩ wei ɩ hikɑ wɛnɑʋ sɔsɔɔm tɔ.
\q1
\v 163 Mɑ tɑɑ kpɑɑkənɑ pɔpɔtʋ kɛ́,
\q1 nɑ mɑ nyənəɣɩ-təɣɩ ɑcɑɑlətʋ.
\q1 Amɑ nyɑ́ kiiu kɛ mɑ sɔɔlɑɑ.
\q1
\v 164 Pɑɑ kʋyɑkʋ ŋku tɔm nɑɑtosompɔɣɔlɑɣɑ kɛ mɑ sɛɛkɩ-ŋ.
\q1 Mpi tɔ nyɑ kiiŋ siɣisɑɑ kɛ́.
\q1
\v 165 Mpɑ pɑ cɑɑkɩ nyɑ́ kiiu tɔ pɑ hɛɛsɑɑ kɛ́.
\q1 Wɑhɑlɑ nɔɣɔlʋ ɩɩ mɑkənɑ-wɛ.
\q1
\v 166 Hɑɩ, Tɑcɑɑ, mɑ tɛɛlʋɣʋ ntɛ́ sɩ n kɑ́ yɑ-m,
\q1 nɑ mɑ tɔkɑ nyɑ́ kʋsəsɩɩtʋ.
\q1
\v 167 Mɑ təŋəɣɩ nyɑ́ kʋtʋtʋtʋ kɛ́,
\q1 nɑ mɑ sɔɔlɑ-təɣɩ teu.
\q1
\v 168 Mɑ tɔkɑ nyɑ́ kʋtʋtʋtʋ kɛ́ nɑ nyɑ́ kʋsəsɩɩtʋ.
\q1 Mpi tɔ, n nɑɑkɩ mɑ mpɑɑŋ tənɑɣɑ.
\b
\s1 Tɑcɑɑ nɩɩ mɑ wulɑ
\q1
\v 169 Hɑɩ, Tɑcɑɑ, nɩɩ mɑ wulɑ
\q1 nɑ ń hɑ-m lɑɣɑtʋ ɩsɩɩ n sɩɩʋ tɔ.
\q1
\v 170 Nɩɩ mɑ wiinɑʋ nɑ ń wɑɑsɩ-m
\q1 ɩsɩɩ n sɩɩʋ nɔɣɔ tɔ.
\q1
\v 171 Mɑ nɔɣɔ ɩ́ kpɑɑlɩ nyɑ́ sɑmtʋ.
\q1 Mpi tɔ, n sɛɣɛsəɣɩ-m nyɑ́ kʋsəsɩɩtʋ.
\q1
\v 172 Mɑ nsəmlɛ ɩ́ yoo nyɑ́ nɔɣɔ sɩɩʋ tɔm.
\q1 Mpi tɔ, nyɑ́ kʋsəsɩɩtʋ kɛ kʋsiɣisitu kɛ́.
\q1
\v 173 Kʋsɩ nyɑ́ niŋ nɑ ń wɑɑsɩ-m.
\q1 Mpi tɔ, nyɑ́ kʋtʋtʋtʋ kɛ mɑ ləsɑɑ.
\q1
\v 174 Hɑɩ, Tɑcɑɑ, nyɑ́ yɑpʋ tɔɔ kɛ́ mɑ səkɩ
\q1 nyɑ́ kiiu hɛɛsəɣənɑ mɑ lɑŋlɛ.
\q1
\v 175 Yele mɑ́ wɛɛnɑ weesuɣu nɑ mɑ́ sɑ́-ŋ́,
\q1 nɑ nyɑ́ hʋʋlɛ wɑɑsɩ-m.
\q1
\v 176 Mɑ kɛ́ cɔɔlʋ kɛ́ ɩsɩɩ heu kʋlepu,
\q1 pɛɛkɩ nyɑ́ təmlɛ tʋ mɑ́.
\q1 Mpi tɔ, mɑɑ sɔɔkɩ nyɑ́ kʋsəsɩɩtʋ.
\c 120
\s1 Wei pɑ suu tɔm kɛ mʋsʋŋ tɔ ɩ sələmʋɣʋ
\p
\v 1 Yosɑlɛm kpɑʋ yontu.
\b
\q1 Tɑcɑɑ nyɑɣɑ mɑ wiinɑ mɑ lɑŋwɑkəllɛ wɑɑtʋ
\q1 nɑ ɩ́ nɩɩ mɑ nɔɣɔ.
\q1
\v 2 Tɑcɑɑ wɑɑsɩ-m yəlɑɑ pɔpɔtʋnɑɑ
\q1 nɑ tʋsʋlɑɑ niŋ tɑɑ.
\b
\q1
\v 3 Kɑwɑɑɣɑ yɑɑ kɑsəyɑɣɑ ŋkɑɣɑ
\q1 nsəmlɛ kʋtʋsəlɛ kɑ́ hɑ-ŋ yɑɑ tɩɩ kɔnɑ-ŋ?
\q1
\v 4 Mpi tə hɑɑkɩ-ŋ tɔɣɔlɛ yoolu
\q1 nyəmɑ́ kʋsɛŋtɛɛ nɑ mɑmɑlɑ.
\q1
\v 5 Mɑ kɛ́ wɑhɑlɑ tʋ kɛ́.
\q1 Mpi tɔ, mɑ nɑ Mesɛkɩ tɛtʋ nyə́mɑ kpɑɩ nyə́mɑ tə wɛnnɑ.
\q1 Ketɑɑ tɛtʋ nyə́mɑ cokɑ tɛɛ kɛ́ mɑ wɛɛ.
\q1
\v 6 Hɑtoo lɔŋ kɛ mɑ wɛ mpɑ
\q1 pɑ tɑɑ kpɑɑkənɑ hɛɛsʋɣʋ tɔ pɑ tɛ́.
\q1
\v 7 Hɛɛsʋɣʋ kɛ mɑ sɔɔlɑɑ.
\q1 Amɑ ye mɑ yɔɣɔtəɣɩ hɛɛsʋɣʋ tɔm,
\q1 yoou kɛ mpɛ pɑ cɑɑkɩ.
\c 121
\s1 Awe pəsəɣɩ nɑ ɩ́ tem?
\p
\v 1 Yosɑlɛm kpɑʋ yontu.
\b
\q1 Mɑ kʋsɑ ɩsɛ nɑ mɑ́ nyənəɣənɑ pɔɔŋ tɔɔ.
\q1 Leɣe mɑ wɑɑsʋɣʋ kɑ́ lɩɩnɑ?
\q1
\v 2 Tɑcɑɑ nyɑ́ lɑpənɑ ɩsɔtɑɑ nɑ ɑtɛ.
\q1 Nyɑ́ kiŋ kɛ wɑɑsʋɣʋ kɑ́ lɩɩnɑ.
\q1
\v 3 N kɑɑ tisi sɩ pə́ tuuli nyɑ́ yʋlʋ nɔɔhəlɛ.
\q1 N feŋiɣi nyɑ́ yʋlʋ tɔɔ kɛ́ nn hɛɛsəɣɩ.
\b
\q1
\v 4 Tɑcɑɑ n feŋiɣi Ɩsɛɣɛlɩ tɔɔ kɛ́,
\q1 tom ɩɩ kɑɑkɩ-ŋ, pəyele nn tooki.
\q1
\v 5 Tɑcɑɑ nyɑ́ feŋiɣinɑ nyɑ́ yʋlʋ tɔɔ.
\q1 Nyɑ́ wɛnnɑ ɩ wɑɑlɩ nɑ ń kentiɣi-ɩ.
\q1
\v 6 Ilim kɑɑ cɔɔsɩ nyɑ́ yʋlʋ kɛ ilim tɑɑ.
\q1 Pə́cɔ ɩsɔtʋ nɑ́ kɑɑ cɔɔsɩ-ɩ ɑhoo.
\q1
\v 7 Tɑcɑɑ n kɑ́ pɑɑsənɑ nyɑ́ yʋlʋ weesuɣu.
\q1 Nɑ n feŋ ɩ tɔɔ kɛ́ ɩsɑɣɑtʋ tənɑ tɑɑ.
\q1
\v 8 Tɑcɑɑ n kɑ́ feŋ nyɑ́ yʋlʋ kʋlʋɣʋ wɑɑtʋ nɑ ɩ tɑtɛ wɑɑtʋ
\q1 kɛ pə kpɑɣɑʋ nɔɔnɔɔ tɔ, nɑ pə́ polo tɑm tɔɔ.
\c 122
\s1 Yosɑlɛm tɔɔ kʋpɑntʋ kooluɣu
\p
\v 1 Tɑfiiti Yosɑlɛm kpɑʋ yontu nti tə wɛ
\q1 yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1 Ye pɑ tɔmɑ sɩ tə́ polo Tɑcɑɑ təyɑɣɑ tɑɑ,
\q1 mɑ lɑŋhʋlʋmlɛ wɛ sɔɣɔntʋ.
\q1
\v 2 Yosɑlɛm, nyɑ́ nɔnɔkeelɑsɩ kɛ tə səŋɑɑ.
\q1
\v 3 Yosɑlɛm ɩcɑtɛ nyɑ́, pə ŋmɑ-ŋ teu kɛ́,
\q1 nɑ ń tɑmsɑ teu təkpeɣekpeɣe.
\q1
\v 4 Nyɑ́ tɑɑ kɛ́ Tɑcɑɑ kpekɑ Ɩsɛɣɛlɩ nyə́mɑ kpɑɑkɩ
\q1 nɑ pɑ́ sɑŋ Tɑcɑɑ hətɛ ɩsɩɩ pɑ kiiu wɛɛ tɔ.
\q1
\v 5 Tənɑɣɑ Tɑfiiti təyɑɣɑ nyə́mɑ kɑwulɑɣɑ kumlee wɛɛ
\q1 nɑ pɑ́ cɑkɩ ɑ tɔɔ nɑ pɑ́ hʋʋkɩ tɔm.
\q1
\v 6 Ɩ́ sələmɩ Ɩsɔ sɩ:
\q1 Yosɑlɛm hɛɛsɩ.
\q1 Mpɑ pɑ sɔɔlɑ-ŋ tɔ,
\q1 pɑ lɑŋɑ́ ɩ́ hɛɛnɑ hɛɛsʋɣʋ ŋkʋ.
\q1
\v 7 Hɛɛsʋɣʋ ɩ́ wɛɛ nyɑ́ koloosi tɑɑ
\q1 nɑ təcɑɣɑnɑʋ kɛ nyɑ́ tɛɛsɩ kʋpɑnsɩ tɑɑ.
\q1
\v 8 Mɑ sɔɔlɑɑ sɩ hɛɛsʋɣʋ ɩ́ wɛɛ nyɑ́ tɑɑ kɛ́
\q1 mɑ tɛɛtʋnɑɑ nɑ mɑ tɑɑpɑlɑɑ pɑ tɔɔ.
\q1
\v 9 Tɑ́ Ɩsɔ Tɑcɑɑ təyɑɣɑ tɔɔ kɛ́
\q1 mɑ kooliɣi sɩ pə́ cɑɣɑnɑ-ŋ.
\c 123
\s1 Mpɑ pɑ pɑsɑ pɑ tɩ tɔ pɑ tɑŋʋɣʋ
\p
\v 1 Yosɑlɛm kpɑʋ yontu.
\b
\q1 Mɑ kʋsɑ mɑ ɩsɛ nɑ mɑ́ nyənəɣɩ Tɑcɑɑ nyɑ́ wei
\q1 nyɑ́ təcɑɣɑlɛ wɛ ɩsɔtɑɑ tɔ.
\b
\q1
\v 2 Teitei ɩsɩɩ təmlɛ nyə́mɑ
\q1 ɑpɑlʋnyəmɑ nyənʋɣʋ pɑ cɑɑ niŋ
\q1 nɑ ɑlʋnyəmɑ nɑ́ɑ́ nyənəɣɩ pɑ too nyəŋ tɔ,
\q1 ḿpʋɣʋ tɑ́ ɩsɛ kɛɛsənɑ tɑ́ Ɩsɔ Tɑcɑɑ nyɑ́ tɔɔ.
\q1 Hɑlənɑ wɑɑtʋ wei ɩ kɑ́ wɛɛnɑ tɑ́ pətɔɔtəlɛ tɔ.
\b
\q1
\v 3 Tɑcɑɑ nyənɩ tɑ́ pətɔɔtəlɛ.
\q1 Hɑɩ, nyənɩ tɑ́ pətɔɔtəlɛ.
\q1 Mpi tɔ, kʋtʋɣʋ kəlɑ-tʋɣʋ pɩɩʋ.
\q1
\v 4 Ɩsəcɑʋtʋnɑɑ woŋɑ nɑ
\q1 təhɔntɑɑ footuɣu nɩɩ-tʋɣʋ.
\c 124
\s1 Tɑcɑɑ wɛ tɑ wɑɑlɩ
\p
\v 1 Tɑfiiti Yosɑlɛm kpɑʋ yontu.
\b
\q1 Ɩsɛɣɛlɩ nyə́mɑ ɩ́ tisi sɩ:
\q1 Ye Tɑcɑɑ ń tɑɑ wɛɛ tɑ́ wɑɑlɩ.
\q1
\v 2 Ye Tɑcɑɑ ń tɑɑ wɛɛ tɑ́ wɑɑlɩ,
\q1 ɑwe kɑ wɑɑsɑ-tʋɣʋ wɑɑtʋ wei
\q1 yəlɑɑ kotɑ tɑ́ tɔɔ tɔ.
\q1
\v 3 Pɑɑ lipɑ tɑ́ tənɑɣɑ nɑ tɑ́ ɩsɛ kɛ wɑɑtʋ wei
\q1 pɑ pɑ́ɑ́nɑ́ huu tɑ́ tɔɔ tɔ.
\q1
\v 4 Ye Tɑcɑɑ ń tɑɑ wɛɛ tɑ́ wɑɑlɩ.
\q1 Pusi lʋm kɑ lipɑ-tʋɣʋ nɑ pə holɑ tɛɛnɑ-tʋ.
\q1
\v 5 Holɑ toŋ nyənɑ ɑnɩ
\q1 ɑ kɑ tɔɣɔ-tʋɣʋ.
\b
\q1
\v 6 Tə́ sɛɛ-ŋ Tɑcɑɑ n tɑ tʋ-tʋɣʋ
\q1 pɑ kelɑ tɑɑ ɩsɩɩ tɔɣɔnɑɣɑ tɔ.
\q1
\v 7 Tə fitɑɑ kɛ́ ɩsɩɩ sumɑɣɑ fituɣu
\q1 kɑ kpɑlʋ ɑpɑɩ tɑɑ tɔ.
\q1 Apɑɩ pɛlɑɑ nɑ tɑ́ɑ́ fiti.
\q1
\v 8 Tɑcɑɑ nyɑ́ ŋmɑwɑ ɑtɛ nɑ ɩsɔtɑɑ.
\q1 Nyɑ́ wɑɑsənɑ-tʋ.
\c 125
\s1 Mpɑ pɑ lɑpɑ Tɑcɑɑ kɛ nɑɑni tɔ
\p
\v 1 Yosɑlɛm kpɑʋ yontu.
\b
\q1 Mpɑ pɑ tʋɣɩ Tɑcɑɑ kɛ nɑɑni tɔ
\q1 pɑ wɛ kɛ́ ɩsɩɩ Siyɔŋ pʋɣʋ,
\q1 kɩɩ nyəɣələɣɩ.
\q1 Kʋ nyɔɔ toŋ kɛ tɑm tɔɔ kɛ́.
\q1
\v 2 Pɔɔŋ tʋwɑ Yosɑlɛm ɩcɑtɛ kɛ hɛkʋ kɛ́.
\q1 Ḿpʋɣʋ Tɑcɑɑ n tʋwɑ nyɑ́ yəlɑɑ kɛ hɛkʋ,
\q1 kɛ pə kpɑɣɑʋ nɔɔnɔɔ tɔ, hɑlənɑ tɑm tɔɔ.
\q1
\v 3 N kɑɑ tisi sɩ ɑsɑɣɑɑ
\q1 ɩ́ tɔɣɔ kɑwulɑɣɑ kɛ kʋpɑmɑ tɔɔ.
\q1 Pə́ tɑɑ kɔɔ nɑ pə́ hɔ-wɛɣɛ ɩsɑɣɑtʋ lɑpʋ tɑɑ.
\b
\q1
\v 4 Tɑcɑɑ yele nɑ pə cɑɣɑnɑ-tʋ
\q1 ɩsɩɩ tɛʋ lɑkʋɣʋ ilim mpətəŋ tɔɔ tɛtʋ tɔ.
\b
\q1
\v 5 Tɑcɑɑ kpiisi ɑsɑɣɑɑ
\q1 nɑ mpɑ pɑ lɑkɩ mpi pə tɑ siɣisi tɔ.
\b
\q1 Hɛɛsʋɣʋ ɩ́ wɛɛ Ɩsɛɣɛlɩ nyə́mɑ tɑɑ.
\c 126
\s1 Wulɑ pəsɑ lɑŋhʋlʋmlɛ
\p
\v 1 Yosɑlɛm kpɑʋ yontu.
\b
\q1 Wɑɑtʋ wei Tɑcɑɑ məŋnɑ mpɑ pɑɑ kuuwɑ Siyɔŋ tɔ,
\q1 pə lɑpɑ-tʋɣʋ ɩsɩɩ toosee.
\q1
\v 2 Ḿpʋɣʋ tɑ́ lɑ́ŋɑ́ hʋlʋmɑɑ
\q1 nɑ tə́ woŋ nɑ tə́ woŋ nɑ tə́ woŋ.
\q1 Nɑ tə́ wiliti ɑkɑɩtʋ kɑwilitɑɣɑ.
\q1 Ɩlɛnɑ piitimnɑɑ yɔɣɔtəɣɩ sɩ:
\q1 Tɑcɑɑ lɑpɑ-wɛɣɛ kʋpɑntʋ sɔsɔɔntʋ.
\q1
\v 3 Tɑcɑɑ lɑpɑ-tʋɣʋ kʋpɑntʋ sɔsɔɔntʋ,
\q1 tə wɛ lɑŋhʋlʋmlɛ tɑɑ kɛ́.
\b
\q1
\v 4 Tɑcɑɑ, mə́ŋ́nɑ́ tɑ́ yəlɑɑ mpɑ pɑɑ kuuwɑ tɔ
\q1 ɩsɩɩ ilim mpətəŋ tɔɔ lɔɔŋ.
\b
\q1
\v 5 Mpɑ pɑ tuuki pɑ tɑwɑ nɑ ɩsəlʋm tɔ,
\q1 pɑɑ kʋnɑ ɑkɑɩtʋ kɑwilitɑsɩ kɛ́.
\q1
\v 6 Wei ɩ kpɑɑkənɑ mətutuunɑ kɛ tɑɑlɛ nɑ wulɑ tɔ,
\q1 ɩ kɑ́ səɣəlɩ ɩ məhɔwɑ nɑ ɩ́ mələɣɩ
\q1 təyɑɣɑ nɑ ɑkɑɩtʋ kɑwilitɑsɩ.
\c 127
\s1 Ye Tɑcɑɑ ɩ tɑ ŋmɑ təyɑɣɑ
\p
\v 1 Sɑlʋmɔŋ Yosɑlɛm kpɑʋ yontu.
\b
\q1 Ye Tɑcɑɑ ɩ́ tɑ ŋmɑ təyɑɣɑ,
\q1 kɑ ŋmɑlɑɑ tənɑ lʋkənɑ lɑ́ŋɑ́ kɛ́.
\q1 Ye Tɑcɑɑ tɑ feŋ ɩcɑtɛ tɔɔ,
\q1 tə feŋlu lʋkənɑ lɑŋlɛ kɛ́.
\q1
\v 2 Ɩ́ kʋləɣɩ tefemle nɑ ɩ́ tooki tɑpɩɩlɛ,
\q1 nɑ ɩ́ lɑkɩ sɩ ɩ́ hiki mə tɔɣɔnɑɣɑ tɔ,
\q1 ɩ́ lʋkənɑ lɑŋɑ kɛ́.
\q1 Ɩsɔ hɑɑkɩ mpʋ tɔtɔɣɔ ɩ sɔɔllɑɑ kɛ́ pɑɑ pɑ tɔŋnɑ tom.
\b
\q1
\v 3 Piyɑ kɛnɑ wɛnɑʋ mpi Tɑcɑɑ hɑɑkɩ sɩ cɑɑnɑɑ tɔ,
\q1 pɑ kɑsəyɑɣɑ ntɛ́.
\q1
\v 4 Piyɑ mpɑ yʋlʋ hikɑ ɩ ɩfepile wɑɑtʋ tɔ,
\q1 pɑ wɛɛ kɛ́ ɩsɩɩ yoolu kɔɔkɑ tɑɑ nyəmɑ́.
\q1
\v 5 Leleŋ nɩɩlʋ ntɛ́ yʋlʋ wei ɩ suulɑ
\q1 pə tɛ́ nyəmɑ́ kɛ ɩ kɔɔkɑ tɔ.
\q1 Ɩ kɑɑ nyɑnɑ ɩ kolontunɑɑ kɛ wɑɑtʋ
\q1 wei ɩ yɔɣɔtəɣənɑ-wɛɣɛ ɩcɑtɛ nɔnɔɣɔ tɛɛ tɔ.
\c 128
\s1 Tɑmpɑnɑ təŋlɑɑ təcɑɣɑnɑʋ
\p
\v 1 Yosɑlɛm kpɑʋ yontu.
\b
\q1 Leleŋ nɩɩlʋ ntɛ́ nyɑ́ wei n nyɑŋnɑ Tɑcɑɑ
\q1 nɑ ń tɔŋ ɩ mpɑɑŋ tɑɑ tɔ.
\q1
\v 2 Nyɑ́ lɑŋlɛ hɛɛkənɑ nyɑ́ niŋ təmlɛ.
\q1 Nyɑ́ tɑɑ hɛɛwɑ nɑ ń wɑɑkɩ.
\q1
\v 3 Nyɑ́ ɑlʋ wɛ nyɑ́ təyɑɣɑ tɑɑ kɛ́ ɩsɩɩ lɛsɛŋ tʋɣʋ kʋlʋlʋɣʋ.
\q1 Nɑ nyɑ́ piyɑ nɑ́ɑ́ wɛ tətɔɣɔlɛ ɩsɩɩ Olifi tɩɩŋ.
\q1
\v 4 Ḿpʋɣʋ pə kooliɣi kʋpɑntʋ kɛ
\q1 wei ɩ nyɑŋnɑ Tɑcɑɑ tɔ.
\b
\q1
\v 5 Tɑcɑɑ koolee kɑ́ lɩɩnɑ Siyɔŋ tɑɑ nɑ ɑ́ tii nyɑ́ tɔɔ.
\q1 N kɑ́ nɑ́ Yosɑlɛm təcɑɣɑnɑʋ.
\q1 Hɑlənɑ nyɑ́ weesuɣu tənɑɣɑ.
\q1
\v 6 N kɑ́ nɑ́ nyɑ́ piyɑ piyɑ.
\q1 Pəyele nɑ Ɩsɛɣɛlɩ nyə́mɑ hɛɛsɩ.
\c 129
\s1 Pɑ lɑpɑ-m ɩsɑɣɑtʋ kɛ sɔsɔm
\p
\v 1 Yosɑlɛm kpɑʋ yontu.
\b
\q1 Ɩsɛɣɛlɩ ɩ́ tisi sɩ:
\q1 Kolontu lɑpɑ-m ɩsɑɣɑtʋ kɛ sɔsɔm kɛ hɑtoo mɑ pəcɑɑtʋ.
\q1
\v 2 Kolontu lɑpɑ-m ɩsɑɣɑtʋ kɛ sɔsɔm kɛ hɑtoo mɑ pəcɑɑtʋ yɑ́ɑ́.
\q1 Amɑ ɩ tɑ pəsɩ-m kɛ́.
\q1
\v 3 Ɩ mɑpɑ mɑ siɣile tɑɑ,
\q1 nɑ cɑcɑɑsɩ həntɩ.
\q1
\v 4 Tɑcɑɑ kɛ siɣisulu kɛ́.
\q1 Ɩ sɛtɑ ɑsɑɣɑɑ ŋmɩɩsɩ kɛ sɛtəɣɩ sɛtəɣɩ.
\b
\q1
\v 5 Pɑ tənɑ mpɑ pɑɑ cɑɑkɩ Siyɔŋ tɔ
\q1 fɛɛlɛ ɩ́ kpɑ-wɛ nɑ pɑ́ pəsənɑ pɑ wɑɑlɩ.
\q1
\v 6 Pɑ́ wɛɛ ɩsɩɩ kʋtuluŋ tɔɔ nyɩɩtʋ nti tə wʋləɣɩ
\q1 nɑ tə́ tɑ tɩɩ pɩɩtɑ tɔ.
\q1
\v 7 Tɩɩ suɣi tə kpɛsəlʋ ŋkute.
\q1 Pəyele tɩɩ tɑkɩ tə hɔkʋlʋ kɛ ŋkɔlʋɣʋ.
\q1
\v 8 Mpɑ pɑ tɛɛkənɑ Siyɔŋ tɑɑ tɔ ɩ́ tɑɑ sɛɛ-wɛ sɩ:
\q1 Tɑcɑɑ ɩ́ kooli-mɛɣɛ kʋpɑntʋ.
\b
\q1 Tə sɛɛkɩ-mɛ nɑ Tɑcɑɑ hətɛ tɑɑ.
\c 130
\s1 Tɑcɑɑ wiinɑʋ kɛ lɑŋwɑkəllɛ sɔsɔɔlɛ tɑɑ
\p
\v 1 Yosɑlɛm kpɑʋ yontu.
\b
\q1 Hɑɩ, Tɑcɑɑ, mɑ wɛ pʋʋɣʋ sɔsɔɔŋkʋ tɑɑ kɛ́ nɑ mɑ́ yɑɑkɩ-ŋ.
\q1
\v 2 Tɑcɑɑ nɩɩ mɑ nɔɣɔ.
\q1 Ke ŋkpɑŋŋ nɑ ń nɩɩ mɑ wiinɑʋ.
\q1
\v 3 Ye n kɑ sɩɩkɑɣɑ ɩsɑɣɑtʋ kɛ nyɑ́ tɑɑ,
\q1 Tɑcɑɑ, ɑwe kɑ wɛnɑ weesuɣu?
\q1
\v 4 Amɑ nyɑ́ tənnɑ ɩsɑɣɑtʋ hɩɩsʋɣʋ
\q1 sɩ pɑ́ nyɑŋnɑ-ŋ.
\b
\q1
\v 5 Tɑcɑɑ nyɑɣɑ mɑ tɛɛləɣɩ nɑ
\q1 mɑ́ tɑŋɑ nyɑ́ kʋyɔɣɔtʋtʋ.
\q1
\v 6 Tɑcɑɑ nyɑɣɑ mɑ tɛɛləɣɩ nɑ pə́ kəlɩ ɩsɩɩ
\q1 tɑŋlɑɑ tɛɛlʋɣʋ tɑnɑŋ tɔ.
\q1 Ɛɛ, pə kəlɑ ɩsɩɩ tɑŋlɑɑ tɛɛlʋɣʋ tɑnɑŋ tɔ.
\b
\q1
\v 7 Ɩsɛɣɛlɩ nyə́mɑ ɩ́ tɛɛlɩ Tɑcɑɑ.
\q1 Mpi tɔ, Tɑcɑɑ kɛnɑ kʋpɑŋ.
\q1 Pə́cɔ ɩ sɔɔlʋ pɩɩwɑ tɑm sɩ ɩ́ wɑɑsɩ.
\q1
\v 8 Tɑcɑɑ kɑ́ hɛtənɑ Ɩsɛɣɛlɩ nyə́mɑ
\q1 kɛ pɑ ɩsɑɣɑtʋ tənɑ tɑɑ.
\c 131
\s1 Mɑ tɑɑ fɛɩ kɑlɑmpɑɑnɩ ləmɑɣɑsəlɛ
\p
\v 1 Tɑfiiti Yosɑlɛm kpɑʋ yontu nti tə wɛ
\q1 yonyoolɑɑ nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ, mɑ tɑɑ fɛɩ kɑlɑmpɑɑnɩ ləmɑɣɑsəlɛ yɑɑ ɩsəcɑʋ hʋwɛɛ.
\q1 Mɑɑ pɛɛkəɣɩ sɔsɔɔntʋ yɑɑ mpi pə tɛɛ-m tɔ.
\q1
\v 2 Ɩsɔ ɩ́ ponɑ pooluŋ.
\q1 Mɑ wɛ təpɑmm kɛ́ ɩsɩɩ pəyɑɣɑ ŋkɑ
\q1 kɑ cɛpɑ hətɛ tɔɣɔ kɑ too niŋ tɑɑ.
\q1 Mɑ wɛ təpɑmm kɛ́ ɩsɩɩ pəyɑɣɑ ŋkɑ kɑ cɛpɑ hətɛ tɔ.
\b
\q1
\v 3 Ɩsɛɣɛlɩ nyə́mɑ ɩ́ tʋ Tɑcɑɑ kɛ nɑɑni
\q1 kɛ pə kpɑɣɑʋ nɔɔnɔɔ tɔ, hɑlənɑ tɑm tɔɔ.
\c 132
\s1 Tɑfiiti ɩcɑtɛ Siyɔŋ tɑɑ timpi Tɑcɑɑ wɛɛ tɔ
\p
\v 1 Yosɑlɛm kpɑʋ yontu.
\b
\q1 Tɑcɑɑ, tɔɔsɩ Tɑfiiti nɑ ɩ wɑhɑlɑnɑɑ tənɑ tɔɔ.
\b
\q1
\v 2 Tɑfiiti ɩnɩ ɩ yɔɣɔtənɑ nɑ ɩ́ tuunɑ Tɑcɑɑ,
\q1 nɑ ɩ́ sɩɩ Yɑkɔpʋ Ɩsɔ toŋ tʋ ɩnəɣɩ nɔɣɔ sɩ:
\q1
\v 3 Mɑ kɑɑ sʋʋ mɑ tɛ nɑ
\q1 mɑ́ həntɩ mɑ kʋhəntʋɣʋ tɔɔ.
\q1
\v 4 Mɑ kɑɑ yele nɑ tom kɑɑ-m,
\q1 yɑɑ mɑ ɩsəhutu yoosinɑ təmɑ.
\q1
\v 5 Hɑlənɑ mɑ́ hiki Tɑcɑɑ kɛ lonte
\q1 nɑ Yɑkɔpʋ Ɩsɔ toŋ tʋ ɩnəɣɩ təcɑɣɑlɛ.
\b
\q1
\v 6 Tə nɩɩwɑ pɑ yɔɣɔtɑ Ɩsɔ ɑtɑkɑɑ tɔm kɛ Ɩfəlɑtɑ tɛtʋ tɑɑ.
\q1 Tə mɑɣɑnɑ-ɩ Yɑɑɑ tɛtʋ hɔɣɔlʋɣʋ tɑɑ.
\q1
\v 7 Tə́ polo Tɑcɑɑ təcɑɣɑlɛ.
\q1 Tə́ luŋ ɩ nɔɔhɛɛ təsɩɩlɛ.
\q1
\v 8 Tɑcɑɑ kʋlɩ nɑ ń kɔɔ nyɑ́ təhɛɛsəlɛ.
\q1 Nyɑnɑ nyɑ́ teeli ɑtɑkɑɑ.
\q1
\v 9 Nyɑ́ kɔtəlɑɑ ɩ́ suu nyʋɣʋ yɑpʋ ɩsɩɩ wontu
\q1 nɑ nyɑ́ tɑmpɑnɑ təŋlɑɑ wilitinɑ lɑŋhʋlʋmlɛ.
\q1
\v 10 Nyɑ́ təmlɛ tʋ Tɑfiiti tɔɔ,
\q1 tɑɑ lɔ wei n ləsɑɑ tɔ.
\q1
\v 11 Tɑcɑɑ tɛmɑ Tɑfiiti kɛ heeluɣu nɑ tuunɑʋ.
\q1 Ɩ kɑɑ məlɩ wɑɑlɩ.
\q1 Ɩ tɔmɑ sɩ: Nyɑ́ tɑpʋɣʋ tɛɛ pəyɑɣɑ kɛ
\q1 mɑɑ sɩɩ nyɑ́ kɑwulɑɣɑ kumte tɔɔ.
\q1
\v 12 Sɩ ye nyɑ́ pəyɑlɑɑ tɔkɑ mɑ nɔɣɔ pɛɛlʋɣʋ
\q1 nɑ kʋsəsɩɩtʋ nti mɑ sɛɣɛsəɣɩ-wɛ tɔ,
\q1 pɑ pəyɑlɑɑ kɑ́ lɛɛtəɣənɑ pɑ kɑwulɑɣɑ
\q1 kumte tɔɔ kɛ́ tɑm tɔɔ.
\b
\q1
\v 13 Tɑcɑɑ sɔɔlənɑ nɑ ɩ́ ləsɩ Siyɔŋ
\q1 sɩ ɩ lɑkɩ ɩ təcɑɣɑlɛ.
\q1
\v 14 Nɑ ɩ́ tɔ sɩ: Mɑ təhɛɛsəlɛ ntɛ́ tɑm tɔɔ.
\q1 Mɑɑ cɑɣɑ tə tɑɑ. Mpi tɔ, mɑ sɔɔlɑ-tɛɣɛ.
\q1
\v 15 Mɑɑ lɑ kʋpɑntʋ kɛ Siyɔŋ nɑ mɑ́ cɛlɛ-ɩ
\q1 mpi pɩɩ hɑ-ɩ weesuɣu tɔ.
\q1 Nɑ mɑ́ hɑ ɩ kʋnyɔntʋnɑɑ kɛ tɔɣɔnɑɣɑ ŋkɑ pɑɑ nyɩɩlɩ tɔ.
\q1
\v 16 Mɑɑ kooli kʋpɑntʋ kɛ mɑ kɔtəlɑɑ.
\q1 Nɑ mɑ tɑmpɑnɑ təŋlɑɑ nɑ́ɑ́ wilitinɑ lɑŋhʋlʋmlɛ.
\q1
\v 17 Mɑɑ lɑ nɑ Tɑfiiti lʋlʋɣʋ tɑɑ tʋ lɑ wulɑʋ sɔsɔ.
\q1 Mɑ tɛmɑ tɑɣɑnʋɣʋ kɛ fətəlɑ kɛ wulɑʋ wei mɑ ləsɑɑ tɔ.
\q1
\v 18 Mɑɑ suu wʋlɑʋ kolontunɑɑ kɛ fɛɛlɛ.
\q1 Amɑ wʋlɑʋ ntenuɣu kɑ́ mʋɣɩ kɔkɔ.
\c 133
\s1 Tɑɑpɑlɑɑ cɑkʋɣʋ təntəmlɛ tɔ pə wɛ teu kɛ́
\p
\v 1 Tɑfiiti Yosɑlɛm kpɑʋ yontu.
\b
\q1 Wɑɑtʋ wei tɑɑpɑlɑɑ cɑkʋɣʋ təntəmlɛ tɔ,
\q1 pə wɛ teu kɛ́, nɑ pə wɛ leleŋ.
\q1
\v 2 Pə wɛ kɛ́ ɩsɩɩ pɑ pəlɑ sɔɔsʋŋ nim kɛ Alɔŋ nyʋɣʋ tɑɑ,
\q1 nɑ pə́ kpe ɩ tɑntʋɣʋ tɔɔ nɑ pə́ tii ɩ tokonɑɑ luɣu.
\q1
\v 3 Pə wɛ kɛ́ ɩsɩɩ cɔlɔʋ lɩɩkʋɣʋnɑ Hɛɛmɔŋ pʋɣʋ tɔɔ
\q1 nɑ kʋ kpeŋ Siyɔŋ tɔ.
\q1 Mpi tɔ, tənɑɣɑ Tɑcɑɑ koolɑ kʋpɑntʋ
\q1 nɑ ɩ́ hɑɑkɩ weesuɣu kɛ tɑm tɔɔ.
\c 134
\s1 Tɑcɑɑ təmlɛ nyə́mɑ mɛ mə tənɑ ɩ́ sɑmɩ-ɩ
\p
\v 1 Yosɑlɛm kpɑʋ yontu.
\b
\q1 Tɑcɑɑ təmlɛ nyə́mɑ mɛ mə tənɑ ɩ́ sɛɛ-ɩ.
\q1 Mə tənɑ mpɑ mɛ ɩ səŋɑ ɩ təyɑɣɑ tɑɑ kɛ ɑhoo tɔ ɩ́ sɛɛ-ɩ.
\b
\q1
\v 2 Ɩ́ kpɑɑsɩ mə niŋ nɑ Tɑcɑɑ təyɑɣɑ tɔɔ
\q1 nɑ ɩ́ sɛɛ-ɩ.
\b
\q1
\v 3 Tɑcɑɑ wei ɩ lɑpɑ ɑtɛ nɑ ɩsɔtɑɑ tɔ
\q1 ɩ́ koolu-ŋ kʋpɑntʋ nɑ Siyɔŋ.
\c 135
\s1 Tɑcɑɑ kɛlɛ sɔsɔ
\p
\v 1 Ɩ́ sɑ Tɑcɑɑ.
\b
\q1 Ɩ́ sɑ Tɑcɑɑ hətɛ.
\q1 Tɑcɑɑ təmlɛ nyə́mɑ mɛ ɩ́ sɑmɩ-ɩ.
\q1
\v 2 Mpɑ mɛ ɩ wɛ Tɑcɑɑ Ɩsɔ təyɑɣɑ tɑɑ
\q1 nɑ ɩ tɑɣɑ tɔɔ tɔ,
\q1
\v 3 ɩ́ sɑ Tɑcɑɑ.
\q1 Mpi tɔ, ɩ kɛ́ kʋpɑŋ.
\q1 Ɩ́ yoonɑ ɩ hətɛ tɑɑ,
\q1 pə tɑɣɑ pʋlʋ, ɩ kɛ́ kʋpɑŋ.
\q1
\v 4 Yɑkɔpʋ kɛ Tɑcɑɑ ləsɑɑ.
\q1 Ɩsɛɣɛlɩ kɛ ɩ pəsɑ ɩ nyəm.
\b
\q1
\v 5 Mɑ nyəmɑ́ sɩ tɑ́ Ɩsɔ Tɑcɑɑ n kɛ́ sɔsɔ,
\q1 n kəlɑ tɩɩŋ tənɑ.
\q1
\v 6 Pɑɑ mpiɣi n cɑɑkɩ, n lɑkɩ-wəɣɩ.
\q1 Pɑɑ ɩsɔtɑɑ nɑ ɑtɛ.
\q1 Pɑɑ teŋkunɑɑ tɑɑ, pɑɑ lumɑŋ sɔsɔɔŋ tənɑ tɑɑ.
\q1
\v 7 Nyɑ́ kpɑɑsəɣənɑ ɩsɔŋmʋntʋ kɛ tɛtʋ tɔɔ,
\q1 nɑ ń tisiɣi cɑlɑnɑɑ nɑ tɛʋ,
\q1 nɑ ń ləsəɣɩ heelim kɛ pə təsɩɩlɛ tɑɑ.
\b
\q1
\v 8 Nyɑ́ kʋnɑ Icipiti kɑncɑɑlɑɣɑ ɑpɑlʋpiyɑ.
\q1 Pɑɑ yəlɑɑ nyənsɩ, pɑɑ tɔlɑ nyənsɩ.
\q1
\v 9 Nɑ ń lɑ́ kɔkɔlɔ nyəmnɑɑ nɑ piti təmɑ kɛ Icipiti tɑɑ,
\q1 sɩ pə́ sɛɣɛsɩ Icipiti wulɑʋ nɑ ɩ nyə́mɑ.
\q1
\v 10 N yoonɑ piitimnɑɑ pɑɣɑlɛ,
\q1 nɑ ń kʋ ɑwulɑɑ toŋtʋnɑɑ.
\q1
\v 11 Ɩsɩɩ Amolii nyə́mɑ wulɑʋ Sihoŋ,
\q1 nɑ Pɑsɑŋ nyə́mɑ nyəŋ Hoki,
\q1 nɑ Kɑnɑɑŋ ɑwulɑɑ tənɑ.
\q1
\v 12 Ɩlɛnɑ ń hɑ́ pɑ tɛtʋnɑɑ kɛ Ɩsɛɣɛlɩ nyə́mɑ
\q1 nɑ tə́ pəsɩ pɑ nyəntʋ.
\b
\q1
\v 13 Tɑcɑɑ nyɑ́ hətɛ yɑɑkɩ tɑm tɔɔ kɛ́.
\q1 Lʋlʋŋ lʋlʋŋ kɑ tɔɔsəɣɩ nyɑ́ tɔɔ.
\q1
\v 14 Mpi tɔ, Tɑcɑɑ n kɑ́ hʋʋnɑ nyɑ́ yəlɑɑ kɛ́.
\q1 N kɑ wɛɛnɑ nyɑ́ təmlɛ nyə́mɑ pətɔɔtəlɛ.
\q1
\v 15 Piitimnɑɑ tɩɩŋ ntɛ́ liɣitee nɑ wʋlɑ.
\q1 Yəlɑɑ lupənɑ-ɩ nɑ pɑ niŋ.
\q1
\v 16 Tɩɩŋ ɩnɩ ɩ wɛnɑ nɔɔsɩ, ɩɩ yɔɣɔtəɣɩ.
\q1 Ɩ wɛnɑ ɩsɛ ɩɩ nɑɑkɩ.
\q1
\v 17 Ɩ wɛnɑ ŋkpɑŋŋ, ɩɩ nɩɩkɩ nɑtəlɩ.
\q1 Ɩ tɩɩ fɛɩnɑ feesiŋ kɛ ɩ nɔɔsɩ tɑɑ.
\q1
\v 18 Mpɑ pɑ luki tɩɩŋ ɩnɩ nɑ
\q1 pɑ tənɑ mpɑ pɑ tʋɣɩ-ɩ nɑɑni tɔ,
\q1 pɑ́ wɛɛ ɩsɩɩ tɩɩŋ ɩnɩ.
\b
\q1
\v 19 Ɩsɛɣɛlɩ nyə́mɑ mɛ ɩ́ sɛɛ Tɑcɑɑ.
\q1 Alɔŋ lʋlʋɣʋ nyə́mɑ mɛ mɩ́ɩ́ sɛɛ-ɩ.
\q1
\v 20 Lefii nyə́mɑ mɛ ɩ́ sɛɛ Tɑcɑɑ.
\q1 Mpɑ mɛ mə nyɑŋnɑ-ɩ tɔ ɩ́ sɛɛ-ɩ.
\q1
\v 21 Ɩ́ sɑ Tɑcɑɑ kɛ Siyɔŋ tɑɑ.
\q1 Ɩ́ sɑmɩ-ɩ Yosɑlɛm timpi ɩ wɛɛ tɔ.
\q1 Ɩ́ sɑ Tɑcɑɑ.
\c 136
\s1 Ɩsɛɣɛlɩ nyə́mɑ wɑɑsʋlʋ kookɑlɩ
\p
\v 1 Ɩ́ sɑ Tɑcɑɑ, mpi tɔ, ɩ kɛ́ kʋpɑŋ kɛ́.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 2 Ɩ́ sɛɛ Ɩsɔ wei ɩ kəlɑ tɩɩŋ tənɑ tɔ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 3 Ɩ́ sɛɛ Tɑcɑɑ wei ɩ kəlɑ tɑ́ cɑɑnɑɑ tənɑ tɔ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\b
\q1
\v 4 Ɩ tike ɩ lɑkənɑ kɔkɔlɔ nyəmnɑɑ sɔsɔɔm.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 5 Ɩnɩ ɩ lɑpənɑ ɩsɔtɔnʋɣʋ nɑ nyəm.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 6 Ɩnɩ ɩ pɔnɑ tɛtʋ kɛ lʋm tɔɔ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 7 Ɩnɩ ɩ lɑpənɑ ɩsɔtʋlʋŋɑsɩ sɔsɔɔnsɩ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 8 Ɩ lɑpɑ ilim sɩ pə tɔɣɔ kɑwulɑɣɑ kɛ ilim tɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 9 Ɩnɩ ɩ lɑpənɑ ɩsɔtʋ nɑ ɩsɔtʋlʋŋɑsɩ
\q1 sɩ sɩ́ tɔɣɔ kɑwulɑɣɑ kɛ ɑhoo.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\b
\q1
\v 10 Ɩnɩ ɩ kʋnɑ Icipiti ɑpɑlʋpiyɑ kɑncɑɑlɑɣɑ kʋlʋlɑsɩ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 11 Ɩnɩ ɩ ləsənɑ Ɩsɛɣɛlɩ nyə́mɑ kɛ Icipiti nyə́mɑ hɛkʋ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 12 Ɩ tomɑ sɔsɔɔnɑ kɛ ɩ hʋlɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 13 Ɩnɩ ɩ fɑɣɑnɑ teŋku kʋsɛɛm kɛ cɑlɩ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 14 Ɩ lɑpɑ nɑ Ɩsɛɣɛlɩ nyə́mɑ tɔ teŋku ɩnɩ ɩ hɛkʋ tɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 15 Ɩnɩ ɩ təŋsənɑ Icipiti wulɑʋ nɑ ɩ yoolɑɑ kɛ lʋm.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 16 Ɩnɩ ɩ tiikinɑ ɩ yəlɑɑ kɛ wʋlɑɣɑ tɛtʋ tɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 17 Ɩnɩ ɩ yoonnɑ ɑwulɑɑ sɔsɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 18 Ɩnɩ ɩ kʋnɑ ɑwulɑɑ toŋ nyə́mɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 19 Amolii nyə́mɑ wulɑʋ Sihoŋ kɛ ɩ kʋwɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 20 Nɑ ɩ́ kʋ tɔtɔɣɔ Pɑsɑŋ wulɑʋ Oki.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 21 Ɩlɛnɑ ɩ́ cɛlɑ Ɩsɛɣɛlɩ nyə́mɑ kɛ ɑwulɑɑ mpɛ pɑ tɛtʋ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 22 Nɑ tə́ pəsɩ ɩ təmlɛ nyə́mɑ kpɑncoou.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\b
\q1
\v 23 Ɩ tɑ sɔɔ tɑ́ tɔɔ kɛ́ sɑɑ wei
\q1 pɑ fɛlɑɣɑɑ-tʋɣʋ nɔɔhɛɛ tɔ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 24 Ɩnɩ ɩ yɑpənɑ-tʋɣʋ tɑ́ ŋmɑkəllɑɑ niŋ tɑɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 25 Ɩnɩ ɩ hɑɑnɑ kʋŋmɑŋmɑm tənɑɣɑ tɔɣɔnɑɣɑ.
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\q1
\v 26 Ɩ́ sɑ ɩsɔtɑɑ Ɩsɔ,
\q1 Mpi tɔ, ɩ kʋpɑntʋ wɛ tɑm tɔɔ kɛ́.
\c 137
\s1 Ɩsɛɣɛlɩ nyə́mɑ kɛ Pɑpiloni pɔɣɔ nɔɣɔ
\p
\v 1 Tɩɩ wɛ Pɑpiloni pusi nɔɣɔ nɑ tə́ cɑɣɑɑ.
\q1 Sɑɑ wei tə tɔɔsəɣɩ Siyɔŋ tɔɔ, ɩlɛnɑ tə́ wiiki.
\q1
\v 2 Nɑ tə́ pusi tɑ́ cəməŋ nɑ tənɑ tɩɩŋ.
\q1
\v 3 Tənɑɣɑ mpɑ pɑ kuu-tʋ tɔ pɑ tɔŋɑɣɑ-tʋ sɩ:
\q1 Ɩ́ yoo-tʋɣʋ yontu.
\q1 Tɑ́ cɑɑllɑɑ cɑɑkɑɣɑ lɑŋhʋlʋmlɛ yontu nɑ pɑ́ tɔŋ-tʋ sɩ:
\q1 Ɩ́ yoo-tʋɣʋ Siyɔŋ yontu.
\q1
\v 4 Ɩsənɑɣɑ tɩɩ yoo Tɑcɑɑ yontu kɛ
\q1 tɛtʋ kpɑɩ nyəntʋ tɑɑ?
\q1
\v 5 Hɑɩ, Yosɑlɛm, ye mɑ sɔɔ nyɑ́ tɔɔ,
\q1 mɑ niŋ ntɔɣɔŋ ɩ́ sɔɔ mɑ tɔɔ.
\q1
\v 6 Ye mɑ tɑ tɔɔsɩ Yosɑlɛm nyɑ́, nyɑ́ tɔɔ,
\q1 yɑɑ nyɑ́ tɔm ɩɩ hʋləsəɣɩ mɑ lɑŋlɛ,
\q1 mɑ nsəmlɛ ɩ́ mɑtənɑ mɑ tɑntɑhɑɑʋ.
\b
\q1
\v 7 Tɑcɑɑ, tɑɑ sɔɔ mpi Ɩtɔm nyə́mɑ lɑpɑ tɔ.
\q1 Mpi tɔ, kʋyɑŋku kolontunɑɑ tii Yosɑlɛm tɔɔ tɔ.
\q1 Pɑ tɔŋɑɣɑ kɛ́ sɩ kpiisi, kpiisi nɑ ń kpɛŋnɑ kite.
\q1
\v 8 Pɑpiloni nyɑ́, pɩɩ kpiisi-ŋ nɔɔnɔɔ.
\q1 Leleŋ nɩɩlʋ ntɛ́ wei ɩ kɑ́ lɛɛtɩ-ŋ
\q1 ɩsɑɣɑtʋ nti n lɑpɑ-tʋ tɔ.
\q1
\v 9 Leleŋ nɩɩlʋ ntɛ́ wei ɩ kɑ́ kpɑ nyɑ́ piyɑ
\q1 nɑ ɩ́ nɑŋtɩ-səɣɩ kʋkpɑmʋɣʋ tɔɔ tɔ.
\c 138
\s1 Mɑɑ sɑ-ŋ nɑ mɑ lotu tənɑ
\p
\v 1 Tɑfiiti yontu.
\b
\q1 Tɑcɑɑ, mɑ sɛɛ-ŋ nɑ mɑ lotu tənɑ.
\q1 Nɩɩ mɑ kʋyɔɣɔtʋtʋ, mɑ yoo-ŋ yontu kɛ
\q1 ɩsɔtɑɑ toŋtʋnɑɑ ɩsɛntɑɑ.
\q1
\v 2 Mɑ luŋiɣi nyɑ́ təsɛɛlɛ nɑŋŋ nyəntɛ tɑɑ
\q1 kɛ́ nyɑ́ kʋpɑntʋ nɑ nyɑ́ tɑmpɑnɑ tɔɔ.
\q1 Mpi tɔ, n lɑpɑ nɑ nyɑ́ nɔɔsɩ sɩɩʋ té
\q1 nɑ pə́ tɛɛ pə tənɑ.
\q1
\v 3 Wɑɑtʋ wei mɑ yɑɑ-ŋ tɔ n cɔ-m,
\q1 nɑ ń tʋ-m ɑpɑlʋtʋ nɑ toŋ.
\b
\q1
\v 4 Tɑcɑɑ, ɑtɛ ɑwulɑɑ tənɑ kɑ́ sɛɛ-ŋ.
\q1 Wɑɑtʋ wei pɑɑ nɩɩ nyɑ́ nɔɣɔ tɑɑ tɔm tɔ.
\q1
\v 5 Pɑɑ sɑ nyɑ́ təmɑ nɑ pɑ́ yooki sɩ:
\q1 Tɑcɑɑ teeli tɔɔwɑ sɔsɔm.
\q1
\v 6 Tɑcɑɑ wɛ ɩsɔtɑɑ kɛ́,
\q1 nɑ ɩ́ nɑɑkɩ mpɑ pɑ pɑsəɣɩ pɑ tɩ tɔ.
\q1 Nɑ ɩ́ loosiɣi kɑlɑmpɑɑnɩ nyə́mɑ kɛ
\q1 pooluŋ nɑ ɩ́ nyəmɑ-wɛ.
\b
\q1
\v 7 Ye mɑ wɛ lɑŋwɑkəllɛ tɑɑ,
\q1 nyɑ́ hɑɑkənɑ-m weesuɣu.
\q1 Pɑɑ mɑ kolontunɑɑ pɑ́ɑ́nɑ́ kɑ́ kpɑ ɩsənɑ,
\q1 n kɑ wɑɑsɩ-m kɛ́.
\q1
\v 8 Tɑcɑɑ n kɑ́ lɑ-m mpʋ,
\q1 nyɑ́ kʋpɑntʋ fɛɩ tənɑɣɑ.
\q1 Tɑɑ lɔ mpi n ŋmɑnɑ nyɑ́ niŋ tɔ.
\c 139
\s1 Tɑcɑɑ, n nyəmɑ-m teu
\p
\v 1 Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ, n nyənəɣɩ too mɑ tɑɑ kɛ́ nɑ ń nyəmɑ-m.
\q1
\v 2 Ye mɑ cɑɣɑɑ, n nyəmɑ́,
\q1 yɑɑ mɑ kʋlɑɑ, n nyəmɑ́.
\q1 N nɑɑkɩ too pooluŋ kɛ
\q1 mɑ hʋwɛɛ kɛ́ nɑ ń nyəmɑ-yɛ.
\q1
\v 3 N nyəmɑ́ wɑɑtʋ wei mɑ tɔŋ yɑɑ mɑ həntɑɑ tɔ,
\q1 n nyəmɑ́ mɑ mpɑɑŋ tənɑ tətetete.
\q1
\v 4 Pɑɑ mɑ tɑ kulitɑ nɔɣɔ n tɛmɑ nti
\q1 mɑ cɑɑ yɔɣɔtʋɣʋ tɔɣɔ nyəm təcɛɩcɛɩ.
\q1
\v 5 N wɛ mɑ wɑɑlɩ nɑ mɑ lɔlɔ kɛ́,
\q1 nɑ ń tənəɣɩ nyɑ́ niŋ kɛ mɑ tɔɔ.
\q1
\v 6 N nyəmɑ-m nɑ pə tɛɛ cɑɑsɑ.
\q1 Mɑ lɑŋlɛ hʋlʋmɑ kɑtɑtəlɑɣɑ.
\q1 Mɑɑ cɛkəɣənɑ pə tənɑɣɑ.
\b
\q1
\v 7 Leɣe mɑɑ polo nɑ mɑ́ hɑtələnɑ nyɑ́ ləmɑɣɑsɛɛ
\q1 yɑɑ leɣe mɑɑ se nɑ mɑ́ tɛɛ nɑ ń kɑɑ nɑ-m?
\q1
\v 8 Ye mɑ kpɑ ɩsɔtɑɑ n wɛ tənɑ,
\q1 ye mɑ həntɑ ɑtɛtəlɛ tɑɑ,
\q1 nyɑ́ tɑɑ nyɑ́ tike.
\q1
\v 9 Pɑɑ mɑ kʋlɑ hʋntʋ nɑ mɑ polo ilim təlɩɩlɛ,
\q1 yɑɑ mɑ tɛsɑ teŋku nɑ mɑ cɑɣɑ tənɑ.
\q1
\v 10 Nyɑ́ niŋ kɛ n kɑ́ tiikinɑ-m tənɑ,
\q1 nɑ ń kpɑ-m nɑ nyɑ́ ntɔɣɔŋ.
\q1
\v 11 Pɑɑ mɑ tɔmɑ sɩ: Səkpɛtʋɣʋ tɑkɩ-m.
\q1 Ahoo nɑ́ pəsəɣɩ nyɑɑləm kɛ́, nɑ pə́ cɔɔnɑ-m.
\q1
\v 12 Səkpɛtʋɣʋ mɑɣɑmɑɣɑ tɑ kɛ-ŋ pʋlʋ.
\q1 Ahoo nɑɑkɩ-ŋ kɛ́ ɩsɩɩ ilim,
\q1 nɑ səkpɛtʋɣʋ nɑ́ɑ́ wɛɛ-ŋ ɩsɩɩ nyɑɑləm.
\b
\q1
\v 13 Nyɑ́ lɑpənɑ mɑ yʋlʋ pilimile
\q1 nɑ ń lʋʋ-m mɑ too lotu tɑɑ.
\q1
\v 14 Mɑ sɛɛ-ŋ, mpi tɔ, mɑ kɛ́
\q1 kʋŋmɑŋmɑm mpi pə tewɑ tɔɣɔ.
\q1 Nyɑ́ kʋlɑpʋtʋ wɛ teu,
\q1 mɑ nyəmɑ́ ḿpʋɣʋ teu.
\q1
\v 15 Wɑɑtʋ wei n ŋmɑɑkɑɣɑ-m ɩŋmɛlɑʋ tɑɑ
\q1 nɑ ń lʋʋkɩ-m mɑ too lotu tɑɑ tɔ,
\q1 mɑ tɔnʋɣʋ tɑ kɛ-ŋ pʋlʋ kʋŋmɛsəm.
\q1
\v 16 Wɑɑtʋ wei pə tɑɑ ŋmɑɣɑtɑ-m tɔ n nɑɑkɑɣɑ-m,
\q1 hɑlɩ n ŋmɑɑ nyɑ́ tɑkəlɑɣɑ tɑɑ kɛ́ kʋyɛɛŋ wei n hɑ-m tɔ
\q1 nɑ ɩ́ tɑ cɑɑlətɑ.
\b
\q1
\v 17 Hɑɩ, Ɩsɔ, mɑɑ cɛkəɣənɑ nyɑ́ ləmɑɣɑsɛɛ.
\q1 A tɔɔwɑɣɑ pə tɩɩ fɛɩ.
\q1
\v 18 Pɑɑ mɑ kɑləɣɩ-yɛ ɑ kəlɑ pɑɣɑlɛ kɛ kɑnyəŋɑ pee.
\q1 Pɑɑ mɑ kɑlɑɑ nɑ mɑ kʋkɑlətʋ tɛ, mɑ kɑɑ tɛ-ŋ cɛkənɑʋ.
\b
\q1
\v 19 Hɑɩ, Ɩsɔ, mɑ kooliɣi sɩ ń kʋ ɑsɑɣɑɑ.
\q1 Hɑtələnɑ-m yʋlʋkʋlɑɑ mpɛ.
\q1
\v 20 Tɔm ɩsɑɣɑtʋ kɛ nyɑ́ kolontunɑɑ yɔɣɔtəɣɩ nyɑ́ tɔɔ,
\q1 nɑ pɑ́ kpɑkəɣɩ nyɑ́ hətɛ nɑ pɑ́ looliɣinɑ.
\q1
\v 21 Tɑcɑɑ mɑ tɑɑ kpɑɑnɑ mpɑ pɑ tɑɑ kpɑɑnɑ-ŋ tɔɣɔ.
\q1 Mɑɑ cɑɑkɩ mpɑ pɑ kʋləɣɩ nyɑ́ tɔɔ tɔ.
\q1
\v 22 Mɑ tɑɑ kpɑnɑ-wɛɣɛ nɑ pə́ tɛɛ mpəle.
\q1 Mɑ nyənəɣɩ-wɛɣɛ mɑ kolontunɑɑ kɛ́.
\b
\q1
\v 23 Hɑɩ, Ɩsɔ, nyənɩ mɑ tɑɑ nɑ ń cɛkənɑ mɑ lotu.
\q1 Mɑɣɑsɩ-m nɑ ń cɛkənɑ mɑ hʋwɛɛ.
\q1
\v 24 Nyənɩ, yɑɑ mɑ wɛ mpɑɑʋ ɩsɑɣɑʋ tɑɑ?
\q1 Tiiki-m nyɑ́ mpɑɑʋ tɑm tɔɔ nyəŋkʋ tɑɑ.
\c 140
\s1 Yʋlʋ wei pɑ suuki tɔm tɔ ɩ sələmʋɣʋ
\p Tɑfiiti yontu nti tə wɛ yonyoolɑɑ
\d nyʋɣʋ tʋ yontunɑɑ tɑɑ tɔɣɔlɔ.
\b
\q1
\v 1 Tɑcɑɑ wɑɑsɩ-m yəlɑɑ ɑsɑɣɑɑ niŋ tɑɑ,
\q1 nɑ ń kenti-m mʋsʋŋtʋnɑɑ.
\q1
\v 2 Ɩsɑɣɑtʋ kɛ pɑ mɑɣɑsəɣɩ pɑ tɑɑ,
\q1 nɑ pɑ́ pɛɛkəɣɩ yoou kɛ pɑɑ kʋyɑkʋ ŋku.
\q1
\v 3 Pɑ niisiɣi pɑ nɔɔsɩ ɩsɩɩ tʋmɑɑ.
\q1 Akɑlɑ sɔtʋ wɛnnɑ pɑ ntompee tɔɔ.
\q1
\v 4 Pɑɑsənɑ-m nɑ mɑ́ tɑɑ hoti ɑsɑɣɑɑ niŋ tɑɑ.
\q1 Tɑcɑɑ kenti mɑ tɔɔ kɛ́ mʋsʋŋtʋnɑɑ mpɑ pɑ
\q1 cɑɑ-m pɛtʋɣʋ tɔ pɑ tɔɔ.
\q1
\v 5 Kɑlɑmpɑɑnɩ nyə́mɑ nyəpɑ-m kɑtɔkɑ.
\q1 Pɑ nyəpɑ-m ŋmɩɩsɩ nɑ puluŋ kɛ mɑ mpɑɑʋ tɑɑ sɩ pɑ kpɑɑkɩ-m.
\q1 Ɩlɛnɑ pɑ́ sɩɩ kʋhuhum kɛ mpɑɑʋ nɔɣɔ.
\b
\q1
\v 6 Tɑcɑɑ, nyɑɣɑlɛ mɑ Ɩsɔ,
\q1 ke ŋkpɑŋŋ nɑ ń nɩɩ mɑ wiinɑʋ.
\q1
\v 7 Tɑcɑɑ Ɩsɔ, nyɑɣɑlɛ mɑ nyʋɣʋ təyɑtɛ toŋ nyəntɛ.
\q1 N kentiɣi mɑ nyʋɣʋ tɔɔ kɛ́ yoou wɑɑtʋ.
\q1
\v 8 Tɑɑ lɑ ɑsɑɣɑɑ luɣu nyəntʋ,
\q1 pə́cɔ tɑɑ yele nɑ pɑ kʋmɑɣɑsəm lɑ́
\q1 nɑ pə́ kɔɔ nɑ pɑ́ hɔ pɑ tɩ.
\b
\q1
\v 9 Mpɑ pɑ tɑmɑ-m tɔ,
\q1 pɑ ɩsɑɣɑtʋ ɩ́ hoti pɑ nyɔɔŋ tɑɑ.
\q1
\v 10 Pə́ pəlɩ-wɛɣɛ kɔkɔ mɑmɑlɑ.
\q1 Pə́ tusi-wɛɣɛ kɔkɔ tɑɑ.
\q1 Pə́ pɛtɩ-wɛɣɛ pʋʋɣʋ sɔsɔɔʋ tɑɑ.
\q1 Pɑ́ tɑɑ tɑsɑ kʋlʋɣʋ.
\q1
\v 11 Nɔɔleleŋ nyə́mɑ ɩ́ tɑɑ cɑɣɑ tɛtʋ tɑɑ.
\q1 Pɑɑ tɔɣɔnɩ ɑsɑɣɑɑ nɑ mʋsʋŋtʋnɑɑ kɛ́, hɛɛsʋɣʋ fɛɩ.
\b
\q1
\v 12 Mɑ nyəmɑ́ teu sɩ Tɑcɑɑ hʋʋkənɑ wɑhɑlɑ nyə́mɑ tɔm kɛ teu
\q1 nɑ ɩ́ hɑɑkɩ kʋnyɔntʋnɑɑ kɛ siɣisuɣu.
\q1
\v 13 Tɑcɑɑ, tɑmpɑnɑ təŋlɑɑ kɑ́ sɑnɑ nyɑ́ hətɛ
\q1 nɑ siɣisilɑɑ cɑɣɑ nyɑ́ ɩsɛntɑɑ.
\c 141
\s1 Tɑcɑɑ feŋ mɑ kʋyɔɣɔtʋtʋ tɔɔ
\p
\v 1 Tɑfiiti yontu.
\b
\q1 Tɑcɑɑ mɑ yɑɑkɩ-ŋ, kɔɔ lɔŋ kɛ mɑ sənɑʋ.
\q1 Ke ŋkpɑŋʋɣʋ nɑ ń nɩɩ mɑ nɔɣɔ kɛ wɑɑtʋ wei mɑ yɑɑkɩ-ŋ tɔ.
\q1
\v 2 Mɑ sələmʋɣʋ ɩ́ kpɑ nyɑ́ kiŋ ɩsɩɩ tulɑɑlʋ nyɔɔsɩ,
\q1 nɑ mɑ niŋ kpɑɑsʋɣʋ wɛɛ-ŋ ɩsɩɩ tɑɑnɑɣɑ kʋhɑʋ.
\b
\q1
\v 3 Tɑcɑɑ feŋ mɑ nɔɣɔ tɔɔ,
\q1 tɑŋ mɑ ntompee.
\q1
\v 4 Tɑɑ yele nɑ mɑ́ hʋʋkɩ sɩ mɑ́ lɑ ɩsɑɣɑtʋ.
\q1 Yɑɑ mɑ nɑ ɩsɑɣɑlɑtɑɑ tə́ lɑkɩ tɑsəkəlɛ təmɑ.
\q1 Pəyele mɑ tɑɑ tʋ niŋ kɛ pɑ ɑcimɑ tɑɑ.
\q1
\v 5 Ye siɣisilu mɑpənɑ-m,
\q1 kʋpɑntʋ kɛ ɩ cɑɑnɑ-m.
\q1 Pɑɑ ɩ hɔmɑ mɑ ŋkpɑŋʋɣʋ,
\q1 pə wɛ kɛ́ ɩsɩɩ nim kɛ mɑ nyʋɣʋ tɑɑ,
\q1 mɑ kɑɑ kisi.
\q1 Asɑɣɑɑ ɩsɑɣɑtʋ kɑɑ səŋsɩ mɑ sələmʋɣʋ.
\b
\q1
\v 6 Pə́ pɛtɩ pɑ hʋʋlɑɑ kɛ kʋkpɑməŋ tɑɑ.
\q1 Ɩlɛnɑ pɑ́ nɩɩ mɑ kʋyɔɣɔtʋtʋ.
\q1 Mpi tɔ, tə wɛ teu.
\q1
\v 7 Teitei ɩsɩɩ pɑ hɑlʋɣʋ nɑ pɑ́ fɑkɩ tɛtʋ tɔ,
\q1 ḿpʋɣʋ tɑ mʋwɑ kɑ sɔɣɔtɩ ɑtɛtəlɛ nɔnɔɣɔ*fɑ*. \f ɑ \fr 141:7 \fr*\ft Kʋkɑlətʋ tənɛ tə tɑɑ, tɛləsəlɑɑ fɛɩ nɔɣɔ kʋlʋmɑɣɑ. Pɑɑ wei nɑ ɩ kʋtɛləsʋtʋ kɛ.\ft*\f*
\b
\q1
\v 8 Tɑcɑɑ Ɩsɔ, nyɑ́ tɔɔ kɛ́ mɑ kɛɛsəɣɩ mɑ ɩsɛ,
\q1 nyɑɣɑ mɑ tʋɣɩ kpʋlʋɣʋ, tɑɑ yele nɑ mɑ́ sɩ́.
\q1
\v 9 Kenti-m kɑtɔsɩ nsi pɑ nyəkɩ-m tɔ,
\q1 nɑ ɑsɑɣɑɑ mpɛ pɑ kʋcopum.
\b
\q1
\v 10 Asɑɣɑɑ ɩ́ hoti pɑ mɑɣɑmɑɣɑ pɑ puluŋ tɑɑ,
\q1 nɑ mɑ́ɑ́ fiti.
\c 142
\s1 Tɑcɑɑ kɛlɛ wɑhɑlɑ tʋ kpʋlʋɣʋ tətʋlɛ
\p Tɑfiiti yontu nti tə wɛ yonyoolɑɑ
\q1 nyʋɣʋ tʋ tɑkəlɑɣɑ tɑɑ tɔɣɔlɔ.
\d Sələmʋɣʋ ŋku ɩ kɑ sələmɑ kʋkpɑmʋɣʋ pʋʋɣʋ tɑɑ tɔ.
\q1
\v 1 Tɑcɑɑ mɑ wiikinɑ-ŋ nɑ nɔɣɔ sɔsɑɣɑ,
\q1 nɑ mɑ́ tɛkəɣɩ-ŋ niŋ nɑ mɑ nɔɣɔ.
\q1
\v 2 Nyɑɣɑ mɑ hʋləɣɩ mɑ kʋsələmətʋ,
\q1 nɑ mɑ́ hʋləɣɩ-ŋ mɑ lɑŋwɑkəllɛ.
\q1
\v 3 Pɑɑ mɑ lɔwɑ ɑpɑlʋtʋ,
\q1 nyɑ́ nyəmnɑ mɑ təpote.
\q1 Pɑ nyəpɑ-m kɑtɔkɑ kɛ
\q1 mpɑɑʋ ŋku mɑɑ təŋ tɔ kʋ tɑɑ.
\q1
\v 4 Nyənɩ ntɔɣɔŋ tɔɔ nɑ ń nɑ́ nɔɣɔlʋ tɑ nyə-m.
\q1 Mɑ kpʋlʋɣʋ tətʋlɛ lepɑ-m.
\q1 Nɔɣɔlʋ ɩɩ nəɣəsəɣɩ mɑ tɔm.
\b
\q1
\v 5 Tɑcɑɑ nyɑɣɑ mɑ yɑɑkɩ.
\q1 Mɑ yɔɣɔtəɣɩ sɩ nyɑɣɑlɛ mɑ kpʋlʋɣʋ tətʋlɛ,
\q1 nyɑɣɑlɛ mɑ pɑɑ tete kɛ weesiŋ nyə́mɑ tɛtʋ tɑɑ.
\q1
\v 6 Ke ŋkpɑŋŋ nɑ ń nɩɩ mɑ wulɑ.
\q1 Mpi tɔ, mɑ kəlɑ ɩcɑntʋ.
\q1 Yɑ-m mɑ wɑhɑlɑ tʋlɑɑ niŋ tɑɑ.
\q1 Pə tɑɣɑ pʋlʋ, pɑ kəlɑ-m toŋ.
\q1
\v 7 Ləsɩ-m mɑ sɑləkɑ tɑɑ, nɑ mɑ́ sɑ́ nyɑ́ hətɛ.
\q1 Wɑɑtʋ wei n kɑ́ lɑ-m kʋpɑntʋ tɔ,
\q1 siɣisilɑɑ kɑ́ tʋ-m hɛkʋ.
\c 143
\s1 Tɑcɑɑ tɑɑ yɑɑ-m nɔnɔɣɔ
\p
\v 1 Tɑfiiti yontu nti tə wɛ yonyoolɑɑ
\q1 nyʋɣʋ tʋ yontunɑɑ tɑɑ tɔɣɔlɔ.
\b
\q1 Tɑcɑɑ nɩɩ mɑ sələmʋɣʋ,
\q1 ke ŋkpɑŋŋ nɑ ń nɩɩ mɑ wiinɑʋ.
\q1 Mʋ mɑ sələmʋɣʋ kɛ nyɑ́ kʋpɑntʋ nɑ nyɑ́ siɣisuɣu tɔɔ.
\q1
\v 2 Tɑɑ yɑɑ nyɑ́ təmlɛ tʋ mɑɣɑ nɔnɔɣɔ.
\q1 Mpi tɔ, nɔɣɔlʋ tɑ siɣisi nyɑ́ ɩsɛntɑɑ.
\b
\q1
\v 3 Mɑ wɛnɑ kolontu nɑ ɩ́ tʋɣʋ-m wɑhɑlɑ.
\q1 Ɩ́ fɛləɣɩ-m ɑtɛɣɛ.
\q1 Ɩ cɑɑləɣɩ-m sɩ mɑ́ wɛɛ səkpɛtʋɣʋ tɑɑ,
\q1 ɩsɩɩ mpɑ pɑ tɛmɑ səpʋ tɔ.
\q1
\v 4 Mɑ ɑpɑlʋtʋ hoowɑ mɑ tɑɑ kɛ́,
\q1 nɑ mɑ lɑɑkɑlɩ pəsɩ.
\q1
\v 5 Mɑ tɔɔsəɣɩ lɔŋtɑɑ kʋyɛɛŋ tɔɔ kɛ́,
\q1 nɑ mɑ́ mɑɣɑsəɣɩ nyɑ́ təmɑ tənɑ tɔm,
\q1 nɑ mɑ́ hʋʋkɩ nyɑ́ niŋ təmɑ tɔɔ.
\q1
\v 6 Mɑ kpɑɑsəɣɩ niŋ kɛ nyɑ́ ɩsɛntɑɑ kɛ́.
\q1 Mɑ wɛ nyɑ́ ɩsɛntɑɑ kɛ́ ɩsɩɩ tɛtʋ nti tə kɑwɑ tɔ.
\b
\q1
\v 7 Hɑɩ, Tɑcɑɑ, cɔ-m lɔŋ.
\q1 Mɑ tɑlɑ mɑ tənɑɣɑ kɛ́.
\q1 Tɑɑ hɑ-m siɣile, tɔfɔ,
\q1 mɑ wɛɛkɩ ɩsɩɩ ɑtɛtəlɛ tɑɑ sʋʋlɑɑ.
\q1
\v 8 Heeli-m sɩ n wɛ teu kɛ hɑtoo tɑnɑŋ tɛɛ.
\q1 Mpi tɔ, mɑ pɛtɑ-ŋ mɑ təɣɩ.
\q1 Yele nɑ mɑ́ nyɩ mpɑɑʋ ŋku kʋ tɑɑ mɑɑ tɔ tɔ.
\q1 Pə tɑɣɑ pʋlʋ, nyɑ́ tɔɔ kɛ́ mɑ sələməŋ kpɑɑkɩ.
\q1
\v 9 Hɑɩ, Tɑcɑɑ, wɑɑsɩ-m mɑ kolontunɑɑ niŋ tɑɑ.
\q1 Nyɑ́ cɔlɔɣɔ mɑ pɛɛkəɣɩ kpʋlʋɣʋ tʋɣʋ.
\q1
\v 10 Sɛɣɛsɩ-m nyɑ́ luɣu nyəntʋ lɑpʋ.
\q1 Mpi tɔ, n kɛ́ mɑ Ɩsɔ kɛ́.
\q1 Nyɑ́ Feesuɣu kʋpɑŋkʋ ɩ́ tiiki-m mpɑɑʋ kʋhʋlʋmʋɣʋ tɑɑ.
\q1
\v 11 Tɑcɑɑ hɑ-m weesuɣu kɛ nyɑ́ hətɛ tɔɔ.
\q1 Ləsɩ-m lɑŋwɑkəllɛ tɑɑ kɛ́ nyɑ́ siɣisuɣu tɔɔ.
\q1
\v 12 Wɑkəlɩ mɑ kolontunɑɑ kɛ nyɑ́ kʋpɑntʋ tɔɔ.
\q1 Yele nɑ mɑ ŋmɑkəllɑɑ tənɑ le.
\q1 Pə tɑɣɑ pʋlʋ, mɑ kɛ́ nyɑ́ təmlɛ tʋ kɛ́.
\c 144
\s1 Wulɑʋ sələmʋɣʋ
\p
\v 1 Tɑfiiti yontu.
\b
\q1 Mɑ sɛɛ Tɑcɑɑ.
\q1 Nyɑɣɑlɛ mɑ kʋkpɑmʋɣʋ.
\q1 Nyɑ́ fɑləsəɣənɑ mɑ niŋ nɑ mɑ mpee kɛ yoou tɔɔ.
\q1
\v 2 Mɑ kʋpɑntʋ lɑtʋ nɑ mɑ təcɔɔsəlɛ toŋ nyəntɛ ntɛ́ nyɑ́.
\q1 N kɛ́ mɑ wɑɑsʋlʋ nɑ mɑ hɛtʋlʋ.
\q1 Nyɑɣɑlɛ mɑ kpɑntɛ nɑ mɑ́ tʋɣʋ-ŋ kpʋlʋɣʋ.
\q1 Nɑ ń tʋɣɩ yəlɑɑ kɛ mɑ niŋ tɑɑ.
\b
\q1
\v 3 Tɑcɑɑ, yʋlʋ ntɛ́ we nɑ ń cɑɑkɩ ɩ tɔm?
\q1 Yɑɑ yʋlʋ pəyɑɣɑ ntɛ́ ɑwe nɑ ń pɑɑsəɣənɑ-kɛ?
\q1
\v 4 Kɑ kɛ́ heelim kɛ́ nɑ kɑ weesuɣu nɑ́ɑ́ wɛ ɩsɩɩ
\q1 ɩsotom tɛɛkʋɣʋ tɔ.
\b
\q1
\v 5 Tɑcɑɑ lumsi ɩsɔtɔnʋɣʋ nɑ ń tii,
\q1 nɑ ń tokinɑ pulɑsɩ nɑ sɩ́ mʋ kɔkɔ.
\q1
\v 6 Lɑ nɑ tɛʋ ŋmɛləsɩ nɑ ń yɑsɩ mɑ kolontunɑɑ.
\q1 Tɔ-wɛɣɛ nyɑ́ nyəmɑ́ nɑ pɑ́ yɑ́ yem yem.
\q1
\v 7 Loosi nyɑ́ niŋ nɑ ɩsɔtɑɑ nɑ ń hɛtɩ-m,
\q1 nɑ ń yɑ-m kpɑɩ nyə́mɑ mpɑ pɑ wɛ ɩsɩɩ lʋm
\q1 sɔsɔɔm tɔ pɑ ɑsolɑ tɑɑ.
\q1
\v 8 Kɑloolɑɣɑ kɛ pɑ nɔɔsɩ yɔɣɔtəɣɩ,
\q1 nɑ pɑ́ kpɑɑsəɣɩ pɑ niŋ ntɔɣɔŋ nɑ pɑ tuukinɑ pɔpɔtʋ.
\b
\q1
\v 9 Hɑɩ, Ɩsɔ, mɑɑ yoo-ŋ yontu kʋfɑtʋ,
\q1 nɑ mɑ́ sɑ-ŋ ŋmɩɩsɩ nɑɑnʋwɑ cəmʋɣʋ tɔɔ.
\q1
\v 10 Nyɑ́ wɑɑsəɣənɑ ɑwulɑɑ.
\q1 Nyɑ́ yɑpənɑ nyɑ́ təmlɛ tʋ Tɑfiiti kɛ lɑɣɑtɛ nɔɣɔ tɑɑ.
\q1
\v 11 Hɛtɩ-m nɑ ń yɑ-m kpɑɩ nyə́mɑ niŋ tɑɑ.
\q1 Kɑloolɑɣɑ kɛ pɑ nɔɔsɩ yɔɣɔtəɣɩ,
\q1 nɑ pɑ́ kpɑɑsəɣɩ pɑ niŋ ntɔɣɔŋ nɑ pɑ́ tuukinɑ pɔpɔtʋ.
\b
\q1
\v 12 Tɑ pəyɑlɑɑ ɩ́ wɛɛ ɩsɩɩ tɩɩŋ wei ɩ wɛ tɑwɑ tɑɑ
\q1 nɑ ɩ́ pɩɩkɩ ɩ pəcɑɑtʋ tɔ.
\q1 Tɑ pɛɛlɑɑ ɩ́ wɛɛ ɩsɩɩ Ɩsɔ təsɛɛlɛ ɑkelenɑɑ
\q1 mpɑ pɑ lɑpɑ kɑcɔkɑ kɛ teu tɔ.
\q1
\v 13 Tɑ́ kpeeŋ ɩ́ sunɑ tɔɣɔnɑsɩ nsɩ sɩ tənɑ,
\q1 nɑ tɑ́ tɔlɑ nɑ́ɑ́ hukiɣi sɔsɔm
\q1 nɑ ɑ wɛ tuutuumɑ kɛ tɑwɑ tɑɑ.
\q1
\v 14 Tɑ́ nɑɑŋ ɩfɑlɛɛ ɑlʋnyənɑ ɩ́ lʋləɣɩ.
\q1 Wɑhɑlɑ nɔɣɔlʋ, yɑɑ kolontunɑɑ ɩ́ tɑɑ kuu-tʋ.
\q1 Wulɑ ɩ́ tɑɑ wɛɛ tɑ́ hɑpɛɛ tɔɔ.
\q1
\v 15 Leleŋ nɩɩlɑɑ ntɛ́ yəlɑɑ mpɑ pɑ wɛnɑ pə tənɑɣɑ mpʋ tɔ.
\q1 Leleŋ nɩɩlɑɑ ntɛ́ mpɑ pɑ Ɩsɔ kɛlɛ Tɑcɑɑ tɔ.
\c 145
\s1 Tɑcɑɑ kɑwulɑɣɑ kɛ́ tɑm tɔɔ nyəŋkɑ
\p
\v 1 Tɑfiiti sɑmtʋ Yontu.
\b
\q1 Hɑɩ, mɑɑ sɑ mɑ Ɩsɔ,
\q1 nyɑɣɑlɛ mɑ wulɑʋ.
\q1 Mɑ yɔɣɔtəɣɩ nyɑ́ hətɛ tɔm kɛ tɑm tɔɔ.
\q1
\v 2 Pɑɑ kʋyɑkʋ ŋkuɣu mɑɑ sɑŋɩ-ŋ,
\q1 nɑ mɑ́ pʋɣʋləɣɩ nyɑ́ hətɛ kɛ tɑm tɔɔ.
\q1
\v 3 Tɑcɑɑ Nyɑɣɑlɛ sɔsɔ nɑ ń mʋnɑ sɑmtʋ,
\q1 nyɑ́ sɔsɔɔntʋ fɛɩ tənɑɣɑ.
\q1
\v 4 Pɑɑ lʋlʋɣʋ looŋɑ ŋkɑ kɑ́ pʋɣʋləɣɩ nyɑ́ təmɑ
\q1 nɑ kɑ́ kpɑɑləɣɩ nyɑ́ kookɑlənɑɑ.
\q1
\v 5 Mɑɑ yɔɣɔtɩ nyɑ́ sɔsɔɔntʋ nɑ nyɑ́ teu sɔsɔɔm tɔm
\q1 nɑ mɑ́ yooki nyɑ́ sɔsɔɔntʋ yontu.
\q1
\v 6 Pɑɑ yɔɣɔtɩ nyɑ́ toŋ sɔsɔɔŋ tɔm,
\q1 nɑ mɑ́ɑ́ kɛɛsɩ nyɑ́ sɔsɔɔntʋ tɔm.
\q1
\v 7 Pɑɑ tɔɔsɩ nyɑ́ kʋpɑntʋ sɔsɔɔntʋ tɔm,
\q1 nɑ pɑ́ yɔɣɔtəɣɩ nyɑ́ siɣisuɣu tɔm nɑ kɑwilitɑɣɑ.
\b
\q1
\v 8 Tɑcɑɑ n kɛ́ pɛɛlɛɛ tʋ kɛ́, nɑ pətɔɔtəlɛ tʋ.
\q1 Nn mʋɣɩ pɑ́ɑ́nɑ́ kɛ lɔŋ, pə́cɔ nyɑ́ kʋpɑntʋ tɔɔwɑ.
\q1
\v 9 Tɑcɑɑ n lɑkɩ kʋpɑntʋ kɛ yəlɑɑ tənɑɣɑ,
\q1 nɑ ń wɛnɑ nyɑ́ kʋŋmɑŋmɑm tənɑ pətɔɔtəlɛ.
\q1
\v 10 Hɑɩ, Tɑcɑɑ, nyɑ́ təmɑ tənɑ kɑ́ sɑ-ŋ kɛ́,
\q1 nɑ nyɑ́ tɑmpɑnɑ təŋlɑɑ nɑ́ɑ́ sɛɛ-ŋ.
\q1
\v 11 Pɑɑ yɔɣɔtɩ nyɑ́ kɑwulɑɣɑ teu tɔm,
\q1 nɑ pɑ́ kpɑɑlɩ nyɑ́ toŋ tɔm.
\q1
\v 12 Nɑ pɑ́ hʋlənɑ yʋlʋ piyɑ kɛ nyɑ́ toŋ
\q1 nɑ nyɑ́ kɑwulɑɣɑ teeli sɔsɔ tɔm.
\b
\q1
\v 13 N tɔkɩ nyɑ́ kɑwulɑɣɑ kɛ tɑm tɔɔ kɛ́,
\q1 nɑ nyɑ́ ŋmɑkəlʋɣʋ nɑ́ɑ́ wɛ pɑɑ pəlee.
\q1 Tɑcɑɑ n tɔkəɣɩ nyɑ́ nɔɔsɩ sɩɩʋ kɛ teu kɛ́.
\q1 Nyɑ́ kʋlɑpʋtʋ tɑɑ kɛ́ nyɑ́ kʋpɑntʋ nɑɑkənɑ.
\q1
\v 14 Tɑcɑɑ n teŋ hotilɑɑ kɛ́,
\q1 nɑ ń siɣisiɣi mpɑ pɑ pɑmɑ tɔ.
\q1
\v 15 Nyɑɣɑ yəlɑɑ tənɑ tekiɣi
\q1 nɑ ń hɑɑkɩ-wɛɣɛ tɔɣɔnɑɣɑ kɛ pə wɑɑtʋ.
\q1
\v 16 Nyɑ́ kuliɣinɑ nyɑ́ niŋ,
\q1 nɑ ń cɛləɣɩ weesiŋ nyə́mɑ kɛ pɑ kʋnyɩɩləm.
\q1
\v 17 Tɑcɑɑ n siɣisɑ nyɑ́ kʋlɑpəlɛ tənɑ tɑɑ kɛ́,
\q1 nɑ ń kɛ́ pɛɛlɛɛ tʋ kɛ nyɑ́ təmɑ tənɑ tɑɑ.
\q1
\v 18 Tɑcɑɑ n wɛ mpɑ pɑ yɑɑkɩ-ŋ
\q1 nɑ ɩsəlɛ kʋsɛɛmlɛ tɔ pɑ kiŋ kɛ́.
\q1
\v 19 Nɑ ń lɑkɩ mpɑ pɑ nyɑŋnɑ-ŋ tɔ pɑ kʋsɔɔləm.
\q1 N nɩɩkɩ pɑ wulɑ kɛ́, nɑ ń yɑkɩ-wɛ.
\q1
\v 20 Tɑcɑɑ n pɑɑsəɣənɑ mpɑ pɑ sɔɔlɑ-ŋ tɔɣɔ,
\q1 nɑ n wɑkələɣɩ ɑsɑɣɑɑ tənɑ.
\b
\q1
\v 21 Mɑ nɔɣɔ ɩ́ yoo Tɑcɑɑ nyɑ́ sɑmtʋ tɔm
\q1 nɑ pɑɑ yʋlʋ wei ɩ́ sɑŋ nyɑ́ hətɛ nɑŋŋ nyəntɛ
\q1 kɛ pɑɑ kʋyɑkʋ ŋkuɣu tɑm tɔɔ.
\c 146
\s1 Tɑcɑɑ kɛlɛ ɑcɑmɑɑ kentulu
\p
\v 1 Ɩ́ sɑ Tɑcɑɑ.
\b
\q1 Mɑɑ sɑ Tɑcɑɑ.
\q1
\v 2 Nyɑɣɑ mɑɑ sɑ mɑ weesuɣu tənɑ.
\q1 Mɑɑ pʋɣʋləɣɩ-ŋ mɑ weesuɣu tənɑɣɑ.
\b
\q1
\v 3 Ɩ tɑɑ hɑ mə təɣɩ yəlɑɑ sɔsɑɑ,
\q1 pɑ kɛ́ yəlɑɑ kɛ́. Pɑɑ pəsəɣɩ yʋlʋ nyʋɣʋ yɑpʋ.
\q1
\v 4 Pɑ weesiŋ tɛŋ kɛ́ nɑ pɑ́ tɑɣɑnɩ tɛtʋ kɛ pəsʋɣʋ,
\q1 nɑ pɑ təmɑ wenɑ ɑ pɛɛ pɑɑ tʋwɑ tɔ ɑ́ sɑɑlɩ yem.
\b
\q1
\v 5 Leleŋ nɩɩlʋ ntɛ́ wei ɩ nyənəɣɩ Yɑkɔpʋ Ɩsɔ kɛ́ ɩ wɑɑsʋlʋ
\q1 nɑ ɩ́ tɛɛləɣɩ ɩ Ɩsɔ Tɑcɑɑ tɔ.
\b
\q1
\v 6 Ɩsɔ nyɑ́ lɑpənɑ ɩsɔtɑɑ nɑ ɑtɛ,
\q1 nɑ teŋku nɑ ɩ tɑɑ nyəm tənɑ.
\q1 Yʋlʋ pəsəɣɩ nɑ ɩ́ tʋ-ŋ nɑɑni kɛ tɑm tɔɔ kɛ́.
\q1
\v 7 N tɑɣɑnəɣɩ mpɑ pɑ muɣuliɣi tɔ pɑ tɔmnɑɑ.
\q1 N hɑɑkɩ nyɔɣɔtʋnɑɑ kɛ tɔɣɔnɑɣɑ.
\q1 N hɛtəɣɩ mpɑ pɑ hɔkɑɑ tɔ.
\q1
\v 8 Tɑcɑɑ nyɑ́ kuliɣinɑ yʋlʋmɑɑ ɩsɛ.
\q1 N siɣisiɣi mpɑ pɑ pɑmɑ tɔ.
\q1 N sɔɔlɑ siɣisilɑɑ.
\q1
\v 9 Tɑcɑɑ nyɑ́ kentiɣinɑ cɑɣɑlɑɑ tɔɔ,
\q1 nɑ ń pɑɑsəɣənɑ suluwɑɑ nɑ leelɑɑ.
\q1 Amɑ n wɑkələɣɩ mpi pə pəlɛ ɑsɑɣɑɑ tʋɣɩ tɔ.
\b
\q1
\v 10 Tɑcɑɑ tɔkɩ kɑwulɑɣɑ kɛ tɑm tɔɔ kɛ́.
\q1 Hɑɩ, Siyɔŋ nyə́mɑ mɛ mə Ɩsɔ wɛ tɑm tɔɔ kɛ́.
\q1 Ɩ́ sɑ Tɑcɑɑ.
\c 147
\s1 Ɩsɔ pəsʋɣʋ tɔm
\p
\v 1 Ɩ́ sɑ Tɑcɑɑ.
\b
\q1 Mpi tɔ, pə wɛ teu kɛ́ sɩ tə́ sɑ tɑ́ Ɩsɔ.
\q1 Nyɑ́ sɑmtʋ wɛ leleŋ kɛ́ nɑ tə́ lɑkɩ kʋpɑntʋ.
\q1
\v 2 Tɑcɑɑ tɑɣɑnəɣɩ Yosɑlɛm kɛ ŋmɑʋ.
\q1 N kpeɣeliɣi Ɩsɛɣɛlɩ nyə́mɑ mpɑ pɑɑ kuuwɑ tɔ.
\q1
\v 3 Nyɑ hɛɛsəɣənɑ lɑŋwɑkəllɛ nyə́mɑ lɑŋɑ,
\q1 nɑ ń hɔkəɣɩ pɑ hiŋnɑɑ.
\q1
\v 4 Nyɑ́ kɑləɣənɑ ɩsɔtʋlʋŋɑsɩ nyʋɣʋ,
\q1 nɑ ń hɑ pɑɑ ŋkɑɣɑ kɑ hətɛ.
\q1
\v 5 Tɑ Ɩsɔ n kɛ́ sɔsɔ kɛ́, nyɑ́ tomɑ fɛɩ tənɑɣɑ,
\q1 pə́cɔ nyɑ́ nyəm fɛɩ kɛɛsʋɣʋ.
\q1
\v 6 Tɑcɑɑ n kʋsəɣɩ mpɑ pɑ pɑsəɣɩ pɑ tɩ tɔɣɔ.
\q1 Amɑ n tisiɣi ɑsɑɣɑɑ kɛ ɑtɛ.
\b
\q1
\v 7 Ɩ́ sɛɛ Tɑcɑɑ kɛ nyɑ́ nɑ təmlɛ nɑ Yontu.
\q1 Ɩ́ sɑ tɑ Ɩsɔ nɑ cəmʋɣʋ.
\q1
\v 8 N wɑɑsəɣɩ ɩsɔŋmʋntʋ kɛ ɩsɔtɔnʋɣʋ tɔɔ.
\q1 N tɑɣɑnəɣɩ tɛʋ sɩ kʋ nɩɩ tɛtʋ tɔɔ.
\q1 Nɑ ń lɑkɩ nɑ nyɩɩtʋ nyɔɔkɩ pɔɔŋ tɔɔ.
\q1
\v 9 N hɑɑkɩ hʋntʋ wontu kɛ tə tɔɣɔnɑɣɑ,
\q1 nɑ ń cɑləɣɩ kɑtəkɑtəŋ piyɑ kɛ sɑɑ wei sɩ wiiki tɔ.
\q1
\v 10 Tɑcɑɑ nn yɔɔləɣənɑ kpɑɣɑnəŋ kpelekpekɑ nyəŋ,
\q1 pə́cɔ yoolu tomɑ tɑ kɛ-ŋ pʋlʋ.
\q1
\v 11 Amɑ mpɑ Tɑcɑɑ cɑɑkɩ tɔɣɔlɛ mpɑ pɑ nyɑŋnɑ-ŋ
\q1 nɑ pɑ́ tɛɛləɣɩ nyɑ́ kʋpɑntʋ tɔ.
\b
\q1
\v 12 Yosɑlɛm nyə́mɑ mɛ ɩ́ sɑ Tɑcɑɑ.
\q1 Siyɔŋ nyə́mɑ ɩ́ sɑ mə Ɩsɔ.
\q1
\v 13 Mpi tɔ, Ɩsɔ nyɔɔsəɣənɑ mə kɑmpʋnɑɑ kʋkɑləsəŋ
\q1 nɑ ɩ́ kooliɣi-mɛɣɛ kʋpɑntʋ kɛ mə ɩcɑtɛ tɑɑ.
\q1
\v 14 Ɩsɔ hɑɑnɑ mə tɛtʋ kɛ hɛɛsʋɣʋ,
\q1 nɑ ɩ́ hɑɑkɩ-mɛɣɛ tɔɣɔnɑɣɑ kʋpɑŋkɑ.
\q1
\v 15 Ɩsɔ yɔɣɔtəɣənɑ nti ɩ cɑɑkɩ tɔɣɔ tɛtʋ tɔɔ,
\q1 nɑ ɩ tɔm tɔŋ lɔŋlɔŋ.
\q1
\v 16 Ɩsɔ yeki nɑ tɛʋ tɔmpɛɛ kpɑɑkpɑɑcɑʋ hotiɣi, nɑ ɑ́
\q1 hʋlʋmɑɑ ɩsɩɩ heeŋ hʋntʋ, nɑ tɛʋ lʋm kiiki ɑtɛ nɑ pə́
\q1 hʋlʋmɑɑ ɩsɩɩ tɔlʋmɑ.
\q1
\v 17 Nɑ Ɩsɔ pɛtəɣɩ tɛʋ tɔmpɩɩŋ kɛ ɑtɛ nɑ ɑ wɑtʋ kpɑ.
\q1 Nɔɣɔlʋ ɩɩ pəsəɣɩ nɑ ɩ səŋ ɑ nikɑɣɑ tɑɑ.
\q1
\v 18 Ɩsɔ yɔɣɔtəɣɩ ɩlɛnɑ tɔmpɩɩŋ ɩnɩ ɩ́ hoo.
\q1 Ɩ lɑkɩ nɑ heelim mɑ, ɩlɛnɑ lʋm kpe.
\q1
\v 19 Ɩsɔ heelɑ ɩ yəlɑɑ kɛ ɩ tɔm.
\q1 Ɩ sɩɩ ɩ kiiŋ nɑ kʋsəsɩɩtʋ kɛ Ɩsɛɣɛlɩ nyə́mɑ.
\q1
\v 20 Ɩsɔ tɑ́ lɑ ḿpʋɣʋ piitim nɑpəlɩ.
\q1 Pə́cɔ piitim nɑpəlɩ pə tɑ nyɩ Ɩsɔ kʋtʋtʋtʋ.
\b
\q1 Ɩ́ sɑ Tɑcɑɑ.
\c 148
\s1 Tɑcɑɑ sɑmtʋ kɛ ɩsɔtɑɑ nɑ ɑtɛ
\p
\v 1 Ɩ́ sɑ Tɑcɑɑ.
\b
\q1 Ɩ́ sɑmɩ-ɩ hɑtoo ɩsɔtɔnʋɣʋ tɑɑ,
\q1 ɩ́ sɑmɩ-ɩ hɑtoo ɩsɔtɑɑ.
\q1
\v 2 Ɩsɔtɑɑ tillɑɑ mɛ mə tənɑ ɩ́ sɑ Ɩsɔ,
\q1 Ɩsɔ yoolɑɑ mɛ mə tənɑ ɩ́ sɑmɩ-ɩ.
\q1
\v 3 Ilim nɑ ɩsɔtʋ ɩ́ sɑmɩ-ɩ,
\q1 ɩsɔtʋlʋŋɑsɩ mɛ mpɑ ɩ́ tee kɔkɔ tɔ ɩ́ sɑmɩ-ɩ.
\q1
\v 4 Ɩsɔtɑɑ ɩsɔtɔnəŋ mɛ ɩ́ sɑ Ɩsɔ,
\q1 nɑ lʋmnɑɑ mpɑ mɛ ɩ wɛ ɩsɔtɔnʋɣʋ tɔɔ tɔ mɩɩ sɑmɩ-ɩ.
\q1
\v 5 Pɑ tənɑɣɑ mpʋ pɑ́ sɑ Tɑcɑɑ hətɛ.
\q1 Mpi tɔ, Ɩsɔ yɔɣɔtənɑ nɑ pə́ ŋmɑ-mɛ.
\q1
\v 6 Ɩnɩ ɩ sɩɩnɑ-mɛɣɛ mə lonɑ kɛ tɑm tɔɔ,
\q1 ɩ sɩɩ-mɛɣɛ kiiŋ, pə fɛɩ sɩ ɩ́ yɔkɩ-ɩ.
\b
\q1
\v 7 Tɛtʋ tɔɔ nyə́mɑ mɛ ɩ́ sɑ Tɑcɑɑ,
\q1 teŋkunɑɑ nɑ pɑ tɑɑ tʋmɑɑ sɔsɑɑ ɩ́ sɑmɩ-ɩ.
\q1
\v 8 Nɑ kɔkɔ nɑ tɛʋ tɔmpɛɛ nɑ kʋ kpɑɑkpɑɑcɑʋ,
\q1 nɑ ɩhunte nɑ tɛʋ heelim sɔsɔɔm mɛ mpɑ
\q1 ɩ́ lɑkɩ ɩsɩɩ ɩ yɔɣɔtʋɣʋ tɔ.
\q1 Ɩ́ sɑ Tɑcɑɑ.
\q1
\v 9 Pɔɔŋ nɑ pulɑsɩ mɛ mə tənɑ,
\q1 nɑ tɩɩŋ kʋlʋlʋŋ nɑ sɔsɔɔŋ tənɑ ɩ́ sɑmɩ-ɩ.
\q1
\v 10 Tɑɑlɛ wontu nɑ təyɑɣɑ nyəntʋ,
\q1 nɑ ɑtɛ kututuutu nɑ sumɑsɩ.
\q1 Ɩ́ sɑ Tɑcɑɑ.
\q1
\v 11 Atɛ ɑwulɑɑ nɑ yəlɑɑ tənɑ,
\q1 nɑ ɑwulumpiyɑ nɑ ɑtɛ hʋʋlɑɑ tənɑ.
\q1 Ɩ́ sɑ Tɑcɑɑ.
\q1
\v 12 Akpɑtəlɑɑ nɑ piyɑ
\q1 ɩfepiyɑ nɑ pɛɛlɑɑ ɩ sɑmɩ-ɩ.
\q1
\v 13 Ɩ́ sɑ Tɑcɑɑ hətɛ.
\q1 Mpi tɔ, tə tike ntɛ́ sɔsɔɔlɛ.
\q1 Ɩsɔ sɔsɔɔntʋ wɑɑsɑ ɩsɔtɔnʋɣʋ nɑ tɛtʋ kɛ́.
\q1
\v 14 Tɑcɑɑ hɑ ɩ yəlɑɑ kɛ toŋ kɛ́.
\q1 Pə tɔɔ kɛ́ ɩ yəlɑɑ kʋpɑmɑ sɑŋɩ-ɩ.
\q1 Ɩsɛɣɛlɩ yəlɑɑ mpɑ mɛ ɩ kpətənɑ-ɩ tɔ ɩ́ sɑŋɩ-ɩ.
\b
\q1 Ɩ́ sɑ Tɑcɑɑ.
\c 149
\s1 Yəlɑɑ kʋpɑmɑ teeli
\p
\v 1 Ɩ́ sɑ Tɑcɑɑ.
\q1 Ɩ́ yoo Tɑcɑɑ kɛ yontu kʋfɑtʋ,
\q1 ɩ́ yoo ɩ sɑmtʋ kɛ yəlɑɑ kʋpɑmɑ kpekəle tɑɑ.
\q1
\v 2 Ɩsɛɣɛlɩ nyə́mɑ ɩ́ yɔɔlənɑ wei ɩ ŋmɑ-mɛ tɔ.
\q1 Siyɔŋ nyə́mɑ ɩ́ wɛɛ ɑŋmɑɑlɑ tɑɑ kɛ mə wulɑʋ tɔɔ.
\q1
\v 3 Ɩ́ sɑ Ɩsɔ hətɛ nɑ pɑɑlɛ,
\q1 ɩ́ sɑ-tɛ nɑ ɑkilimɑ nɑ cəmʋɣʋ.
\q1
\v 4 Mpi tɔ, Tɑcɑɑ lɑŋlɛ hɛɛnɑ ɩ yəlɑɑ mɛɣɛ,
\q1 nɑ ɩ yɑkɩ mpɑ pɑ pɑsəɣɩ pɑ tɩ tɔ, nɑ pɑ nyɔɔŋ kʋləɣɩ.
\b
\q1
\v 5 Yəlɑɑ kʋpɑmɑ ɩ́ wɛɛ ɑcimɑ tɑɑ nɑ pɑ́ tʋ Ɩsɔ kɛ teeli.
\q1 Ɩ́ wilitinɑ lɑŋhʋlʋmlɛ kɛ mə kʋhəntəŋ tɔɔ kɛ́ ɑhoo.
\q1
\v 6 Ɩsɔ sɑmtʋ ɩ́ wɛɛ mə nɔɔsɩ tɑɑ,
\q1 nɑ lɑɣɑtɛ nte tə wɛ lɔŋ kɛ tɑɑ nɑ wɑɑlɩ tɔɣɔ mə niŋ tɑɑ.
\q1
\v 7 Nɑ ɩ́ lɛɛtɩ piitimnɑɑ lɛlɑɑ,
\q1 nɑ ɩ́ tʋ yəlɑɑ lɛlɑɑ kɛ wɑhɑlɑ.
\q1
\v 8 Nɑ ɩ́ hɔkɔ mə ɑwulɑɑ kɛ ɑlukpɑlɑ,
\q1 nɑ pɛlɛ pɑ wɑɑlɩ nyə́mɑ kɛ nyəɣətʋ.
\q1
\v 9 Nɑ ɩ́ hʋʋnɑ-wɛɣɛ Ɩsɔ hʋʋlɛ ɩsɩɩ pɑ ŋmɑɑʋ tɔ,
\q1 pə kɛ́ yəlɑɑ kʋpɑmɑ tənɑ teeli kɛ́.
\b
\q1 Ɩ́ sɑ Tɑcɑɑ.
\c 150
\s1 Ɩ́ tʋ Tɑcɑɑ kɛ teeli
\p
\v 1 Ɩ́ sɑ Tɑcɑɑ.
\b
\q1 Ɩ́ sɑ Ɩsɔ kɛ́ ɩ təsɛɛlɛ tɑɑ.
\q1 Ɩ́ sɑmɩ-ɩ ɩsɔtɑɑ, timpi ɩ tomɑ nɑɑkɩ tɔ.
\q1
\v 2 Ɩ́ sɑmɩ-ɩ, ɩ kookɑlənɑɑ tɔɔ,
\q1 ɩ́ sɑmɩ-ɩ, ɩ toŋ kɛ́ sɔsɔɔŋ tɔ pə tɔɔ.
\b
\q1
\v 3 Ɩ́ sɑ Ɩsɔ nɑ tutuɣu wulɑ,
\q1 ɩ́ sɑmɩ-ɩ nɑ cəməŋ nɑ sɑŋkʋnɑɑ.
\q1
\v 4 Ɩ́ sɑ Ɩsɔ nɑ ɑkilimɑ nɑ pɑɑlɛ,
\q1 ɩ́ sɑmɩ-ɩ nɑ ŋmɩɩsɩ cəmʋɣʋ nɑ həlɑɣɑ.
\q1
\v 5 Ɩ́ sɑ Ɩsɔ nɑ kpɛŋkpɛŋnɑɑ mpɑ pɑ wiiki teu tɔ.
\q1 Ɩ́ sɑmɩ-ɩ nɑ mpɑ pɑ wiiki nɑ pɑ́ sɛɛkɩ tɔ.
\b
\q1
\v 6 Weesuɣu nyəm tənɑ ɩ́ sɑ Tɑcɑɑ.
\q1 Ɩ́ sɑ Tɑcɑɑ.