\id NUM - Lokpa Bible portions [dop] -Benin 1999 (web edition -2017)
\ide UTF-8
\h Kʋkɑlʋɣʋ
\toc1 KƲKALƲƔƲ TAKƎLAƔA
\toc2 Kʋkɑlʋɣʋ
\toc3 Kʋk
\mt1 KƲKALƲƔƲ
\mt2 TAKƎLAƔA
\imt1 Kʋtʋlʋtʋ
\ip Pɑ yɑɑkɩ tɑkǝlɑɣɑ kɑnɛ sɩ, kʋkɑlʋɣʋ tɑkǝlɑɣɑ. Mpi tɔ, kɑ tɑɑ kɛ́ Ɩsɔ heelɑ Alɔŋ nɑ Moisi sɩ pɑ́ kɑlɑ Ɩsɛɣɛlɩ kpekɑ yǝlɑɑ. Tɔm nɑɑlɛɣɛ pɑ kɑlɑ Ɩsɛɣɛlɩ nyǝ́mɑ. Kʋkɑlʋɣʋ lɛŋkʋ kɛ Holɛpʋ pʋɣʋ kiŋ, nɑ pǝ́cɔ́ pɑ́ pukinɑ tɛtʋ nti Ɩsɔ hɑ-wɛ tɔ tǝ tɑɑ. Pɑ tɑ tɑlɑ tǝnɑ. Ɩlɛnɑ sɔɣɔntʋ lɑ-wɛ nɑ tɛtʋ ntɩ tǝ tɑɑ sʋʋʋ. Ḿpʋ́ɣʋ́ Ɩsɔ cɑɑlɑ-wɛ nɑ pɑ́ cɔɔ yem kɛ́ pɩɩsɩ nɩɩlɛ tǝcu kɛ́ wʋlɑɣɑ tɛtʋ tɑɑ. Pɑ cɔɔ mpʋ ɩlɛnɑ pɑ́ tɑlɑ Mowɑpʋ tɛtʋ tɑɑ. Tǝnɑɣɑ Ɩsɔ tɔmɑ Moisi sɩ, ɩ́ kɑlɑ Ɩsɛɣɛlɩ nyǝ́mɑ tɔtɔ. Ḿpʋ́ɣʋ́ pɑ tɑɑ lɛlɑɑ nɑ́ sɑɑlɑ Yɑɑtɑnɩ pɔɣɔ nɑ ilim tǝlɩɩlɛ tɔɔ. Ɩlɛnɑ lɛlɑɑ nɑ́ɑ́ tɑɣɑnǝɣɩ pɑ tɩ sɩ pɑ tɛsǝɣɩ Yɑɑtɑnɩ pɔɣɔ ŋkɛ nɑ pɑ́ polo tɛtʋ nti Ɩsɔ hɑ-wɛ tɔ tǝ tɑɑ. Ɩsɔ sɛɣɛsɑ-wɛɣɛ sɔsɔm tɔtɔɣɔ wɑɑtʋ ɩnɩ.
\iot Ɩsǝnɑ pɑ fɑɣɑ Kʋkɑlʋɣʋ tɑkǝlɑɣɑ tɔ:
\io1 Ɩsɛɣɛlɩ nyǝ́mɑ tɑɣɑnǝɣɩ pɑ tɩ sɩ pɑ puki Kɑnɑɑŋ tɛtʋ, titite \ior 1:1–10:10\ior*
\io1 Pɑ cɔɔ yem kɛ́ pɩɩsɩ nɩɩlɛ kɛ wʋlɑɣɑ tɛtʋ tɑɑ, titite \ior 10:11–21:35\ior*
\io1 Ɩsɛɣɛlɩ nyǝ́mɑ sʋʋʋ kɛ Kɑnɑɑŋ tɛtʋ tɑɑ, titite \ior 22–36\ior*
\c 1
\ms1 ƖSƐƔƐLƖ NYƎMA KƐ HOLƐPƲ WƲLAƔA TƐTƲ TAA
\s1 Ɩsɛɣɛlɩ nyǝ́mɑ kpekɑ kʋkɑlʋɣʋ
\p
\v 1 Wɑɑtʋ wei Ɩsɛɣɛlɩ nyǝ́mɑ lɩɩ Icipiti tɑɑ, ɩlɛnɑ pǝnɑɣɑ siki. Pǝ tɑlɑ nɑɑlɛ nyǝŋkɑ ɩsɔtʋ nɑɑlɛ nyǝŋ, kʋyɑkʋ kɑncɑɑlɑɣɑ nyǝŋkʋ wule, ɩlɛnɑ Tɑcɑɑ heeli Moisi kɛ Ɩsɔ nɑ ɩ yǝlɑɑ pɑ tǝsulle cokǝle nte pɑ lɔpǝnɑ pɔɔŋ tɔ tǝ tɑɑ kɛ́ Sinɑyi wʋlɑɣɑ tɛtʋ tɑɑ sɩ: 
\v 2 Nyɑ́ nɑ Alɔŋ ɩ́ kɑlɑ Ɩsɛɣɛlɩ yǝlɑɑ, nɑ ɩ́ tʋ́ pɑ hǝlɑ kɛ tɑkǝlɑsɩ tɑɑ. Nɑ pǝ́ kɛɛsǝnɑ pɑ lʋlʋŋ nɑ pɑ tɛɛsɩ. 
\v 3 Pǝ kpɑɣɑʋ ɩfepiyɑ mpɑ pɑ wɛnɑ pɩɩsɩ hiu nɑ wɑɑlɩ, nɑ pɑ́ mʋnɑ pɑ polo yoou tɔ. Nɑ pǝ́ kɛɛsǝnɑ Ɩsɛɣɛlɩ yoolɑɑ tintikɑ. 
\v 4 Pɑɑ kpekǝle nte tǝ lʋlʋŋ nyʋɣʋ tʋ ɩ́ sɔɔsɩ mǝ tɔɔ nɑ pɑ́ sǝnɑ-mɛ. 
\v 5 Mpɛ ɩnɩ pɑ hǝlɑ ntɔ: Lupɛŋ kpekǝle tɑɑ nyǝŋ ntɛ́ Setewu pǝyɑlʋ Ilisuu. 
\v 6 Simiyɔŋ nyǝntɛ tɑɑ kɛ́ Sulisɑtɑɩ pǝyɑlʋ Selumǝyɛlɩ. 
\v 7 Yutɑ nyǝntɛ tɑɑ kɛ́ Aminɑtɑpɩ pǝyɑlʋ Nɑsɔŋ. 
\v 8 Ɩsɑkɑɑ nyǝntɛ tɑɑ kɛ́ Suwɑɑ pǝyɑlʋ Netɑneyɛlɩ. 
\v 9 Sɑpulɔŋ nyǝntɛ tɑɑ kɛ́ Helɔŋ pǝyɑlʋ Ɩliyɑpɩ. 
\v 10 Yosɛɛfʋ pǝyɑlʋ Ɩfǝlɑyim nyǝntɛ tɑɑ kɛ́ Amihuti pǝyɑlʋ Ɩlisɑmɑ. Yosɛɛfʋ pǝyɑlʋ nɑɑlɛ nyǝŋ Mɑnɑsee nyǝntɛ tɑɑ kɛ́ Petɑsuu pǝyɑlʋ Kɑmliyɛlɩ. 
\v 11 Pɛncɑmɛɛ nyǝntɛ tɑɑ kɛ́ Kitoni pǝyɑlʋ Apitɑŋ. 
\v 12 Tɑŋ nyǝntɛ tɑɑ kɛ́ Amisɑtɑɩ pǝyɑlʋ Ahiyesɛɛ. 
\v 13 Asɛɛ nyǝntɛ tɑɑ kɛ́ Okǝlɑŋ pǝyɑlʋ Pɑkiyɛlɩ. 
\v 14 Kɑtɩ nyǝntɛ tɑɑ kɛ́ Teuwɛlɩ pǝyɑlʋ Ɩliyɑsɑfɩ. 
\v 15 Nɛfǝtɑli nyǝntɛ tɑɑ kɛ́ Ɩnɑŋ pǝyɑlʋ Ahilɑ.
\p
\v 16 Ɩsɛɣɛlɩ lʋlʋŋ nyʋɣʋ nyǝ́mɑ mpɑ pɑ lǝsɑ mpʋ tɔɣɔlɛ yoolɑɑ nyʋɣʋ nyǝ́mɑ tɔtɔ. 
\v 17 Ḿpʋ́ɣʋ́ Moisi nɑ Alɔŋ pɑ sɔɔsɑ ɑpɑlɑɑ nɑɑnʋwɑ nɑ nɑɑlɛ ɩnǝɣɩ pɑ tɔɔ sɩ pɑ́ sǝnɑ-wɛ. 
\v 18 Pɑ́ koti yǝlɑɑ tǝnɑɣɑ ɩsɔtʋ nɑɑlɛ nyǝŋ kʋyɑkʋ kɑncɑɑlɑɣɑ nyǝŋkʋ. Pɑ́ tʋ́ ɑpɑlɑɑ mpɑ pɑ wɛnɑ pɩɩsɩ hiu nɑ wɑɑlɩ tɔ pɑ hǝlɑ kɛ tɑkǝlɑɣɑ tɑɑ, nɑ pǝ́ kɛɛsǝnɑ pɑ lʋlʋŋ nɑ pɑ tɛɛsɩ. 
\v 19 Holɛpʋ wʋlɑɣɑ tɛtʋ tɑɑ kɛ́ Moisi kɑlɑ kʋkɑlʋɣʋ ŋkʋ, ɩsɩɩ Tɑcɑɑ kɑ kɛɛsʋɣʋ-ɩ tɔ.
\p
\v 20-43 Ḿpʋ́ɣʋ́ pɑ kɑlɑ pɑɑ Ɩsɛɣɛlɩ kpekǝle nte tǝ lʋlʋɣʋ, nɑ tǝ tɛɛsɩ nyǝ́mɑ. Nɑ pɑ́ tʋ́ ɑpɑlɑɑ mpɑ pɑ tɑlɑ pɩɩsɩ hiu nɑ wɑɑlɩ, nɑ pɑ́ mʋnɑ yoou pote tɔ pɑ hǝlɑ kɛ tɑkǝlɑɣɑ tɑɑ. Yɑkɔpʋ pǝyɑlʋ sɔsɔ Lupɛŋ kpekǝle kɛ pɑ cɑɑlǝnɑɑ. Pɑ nyʋɣʋ ntɔ:
\m Lupɛŋ kpekǝle nyǝ́mɑ wɛ iyisi nɩɩlɛ nɑ nɑɑtoso nɑ nɑsǝlɛ nɑ nɩɩnʋwɑ (46500). Simiyɔŋ nyǝ́mɑ nyǝntɛ kɛ iyisi pɔɣɔlɑɣɑfɛɩ nɩɩtoso nɑ ŋmʋnʋɣʋ nɑ nɩɩnʋwɑ (59300). Kɑtɩ nyǝ́mɑ nyǝntɛ kɛ iyisi nɩɩlɛ nɑ kɑkpɑsɩ nɑ nɑsǝtoso nɑ nɩɩlɛ nɑ nɑɑnʋwɑ (45650). Yutɑ nyǝ́mɑ nyǝntɛ kɛ iyisi nɩɩtoso nɑ nɑɑnʋwɑ nɑ liɣiti nɑ nɑsǝtoso (74600). Ɩsɑkɑɑ nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ liɣiti nɑ nɑsǝlɛ (54400). Sɑpulɔŋ nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ nɑɑtosompɔɣɔlɑɣɑ nɑ nɑsǝlɛ (57400). Yosɛɛfʋ pǝyɑlʋ Ɩfǝlɑyim nyǝ́mɑ nyǝntɛ kɛ iyisi nɩɩlɛ nɑ nɑsǝlɛ nɑ nɩɩnʋwɑ (40500). Yosɛɛfʋ pǝyɑlʋ lɛlʋ Mɑnɑsee nyǝ́mɑ nyǝntɛ kɛ iyisi hiu nɑ nɑɑnʋwɑ nɑ nɑɑlɛ nɑ ŋmʋnʋɣʋ (32200). Pɛncɑmɛɛ nyǝ́mɑ nyǝntɛ kɛ iyisi hiu nɑ nɑɑnʋwɑ nɑ kɑkpɑsɩ nɑ nɑsǝlɛ (35400). Tɑŋ nyǝ́mɑ nyǝntɛ kɛ iyisi nɩɩtoso nɑ nɑɑlɛ nɑ nɑsǝtoso nɑ nɩɩnʋwɑ (62700). Asɛɛ nyǝ́mɑ nyǝntɛ kɛ iyisi nɩɩlɛ nɑ kʋlʋm nɑ nɑsǝlɛ nɑ nɩɩnʋwɑ (41500). Nɛfǝtɑli nyǝ́mɑ nyǝntɛ kɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400).
\p
\v 44 Moisi nɑ Alɔŋ, nɑ Ɩsɛɣɛlɩ kpekɑ nɑɑnʋwɑ nɑ nɑɑlɛ lʋlʋŋ nyʋɣʋ nyǝ́mɑ, pɑ kɑlɑ yǝlɑɑ nɑ pǝ́ lɩɩ ɩsǝnɑ tɔɣɔlɛ. 
\v 45 Ɩsɛɣɛlɩ ɑpɑlɑɑ mpɑ pɑ wɛnɑ pɩɩsɩ hiu nɑ wɑɑlɩ, nɑ pɑ́ mʋnɑ yoou pote tɔ, 
\v 46 pɑ kpɛntɑ iyisi nɑsǝtoso nɑ tooso nɑ nɑsǝlɛ nɑ nɩɩnʋwɑ nɑ nɩɩlɛ nɑ nɑɑnʋwɑ (603550).
\s1 Lefii kpekǝle nyǝ́mɑ tǝmlɛ
\p
\v 47 Pɑ tɑɑ kpɛnnɑ Lefii kpekǝle nyǝ́mɑ nɑ pɑ́ kɑlɑ. 
\v 48 Tɑcɑɑ kɑ kisinɑ Moisi kɛ́ sɩ, 
\v 49 ɩ́ tɑɑ kpɛntɩ-wɛɣɛ Ɩsɛɣɛlɩ yoolɑɑ tɔɔ nɑ ɩ́ kɑlɑ. 
\v 50 Amɑ ɩ́ yelinɑ-wɛɣɛ Ɩsɔ cokǝle nɑ tǝ tɑɑ wontu tǝnɑ nɑ pɑ́ pɑɑsǝɣǝnɑ. Mpɛ pɑɑ kpɑkǝɣǝnɑ cokǝle nɑ tǝ tɑɑ wontu nɑ pɑ́ lɑɣɑsǝɣɩ lonɑ, nɑ pɑ́ sikiɣi nɑ pɑ́ cɔɔkǝnɑ-tɛ. 
\v 51 Ye Ɩsɛɣɛlɩ nyǝ́mɑ lɑɣɑsǝɣɩ lonte, Lefii nyǝ́mɑ mpɛ pɑɑ hɛtǝnɑ-tɛ, nɑ pɑ́ ponɑ timpi pɑɑ siki tɔ. Kpɑɩ tʋ ɩ́ kpǝtǝnɑɑ ɩsɩɩ pɑ kʋ-ɩ. 
\v 52 Pɑɑ Ɩsɛɣɛlɩ tʋ wei, ɩ yoolɑɑ kpekǝle cɔlɔɣɔ ɩ kɑ siki ɩ tuutɑ kiŋ. 
\v 53 Amɑ Lefii nyǝ́mɑ tike kɑ́ sikinɑ nɑ pɑ́ cɔɔ cokǝle. Nɑ pɑ́ feŋiɣi tǝ tɔɔ, Ɩsɛɣɛlɩ nyǝ́mɑ ɩ́ tɑɑ kpǝtǝnɑ-tɛɣɛ sɔsɔm, nɑ mɑ́ mʋnɑ-wɛ nɑ pɑ́ɑ́nɑ́.
\p
\v 54 Ḿpʋ́ɣʋ́ pɑ lɑpɑ teitei ɩsɩɩ Tɑcɑɑ kɑ tʋɣʋ Moisi tɔ.
\c 2
\s1 Ɩsɛɣɛlɩ kpekɑ nyǝ́mɑ pɩɩlɑ pɑ cokɑ nɑ pǝ́ kɛɛsǝnɑ pɑ lʋlʋŋ
\p
\v 1 Ḿpʋ́ɣʋ́ Tɑcɑɑ tɔmɑ Moisi nɑ Alɔŋ sɩ: 
\v 2 Pǝ wɛɛ sɩ pɑɑ Ɩsɛɣɛlɩ tʋ wei nɑ ɩ yoolɑɑ pɑ́ siki pɑ kpekǝle tuutɑ kiŋ, nɑ pɑ́ cɔɔnɑ Ɩsɔ cokǝle nɑ pǝ́ hɑtǝlǝnɑ-tɛɣɛ mɑɣɑnɑ.
\p
\v 3-8 Yutɑ yoolɑɑ tintiɣile kɑ́ wɛɛnɑ ilim tǝlɩɩlɛ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ, pɑ sɔsɔ ntɛ́ pɑ kpekǝle nyʋɣʋ tʋ Aminɑtɑpɩ pǝyɑlʋ Nɑsɔŋ. Nɑ ɩ yoolɑɑ kɛ iyisi nɩɩtoso nɑ nɑɑnʋwɑ nɑ liɣiti nɑ nɑsǝtoso (74600). Ɩsɑkɑɑ nyǝ́mɑ yoolɑɑ nyʋɣʋ tʋ ntɛ́ Suwɑɑ pǝyɑlʋ Netɑneyɛlɩ. Ɩ yoolɑɑ wɛ iyisi nɩɩlɛ nɑ nɑɑnʋwɑ nɑ liɣiti nɑ nɑsǝlɛ (54400). Sɑpulɔŋ nyǝ́mɑ yoolɑɑ tintiɣile nyʋɣʋ tʋ ntɛ́ Helɔŋ pǝyɑlʋ Ɩliyɑpɩ. Ɩ yoolɑɑ wɛ iyisi nɩɩlɛ nɑ nɑɑnʋwɑ nɑ nɑɑtosomopɔɣɔlɑɣɑ nɑ nɑsǝlɛ (57400). 
\v 9 Yutɑ yoolɑɑ tintiɣile tǝnɑ kpɛntɑ iyisi nɩɩnʋwɑ nɑ nɩɩnɑɑsɑ nɑ nɑɑtoso nɑ nɑsǝlɛ (186400). Ɩsɛɣɛlɩ yoolɑɑ looŋɑ kɑncɑɑlɑɣɑ nyǝŋkɑ ntɛ́.
\p
\v 10-15 Lupɛŋ nyǝ́mɑ yoolɑɑ tintiɣile kɑ́ wɛɛnɑ ilim mpǝtǝŋ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ, pɑ sɔsɔ ntɛ́ pɑ kpekǝle nyʋɣʋ tʋ Setewu pǝyɑlʋ Ɩlisuu. Ɩ yoolɑɑ wɛ iyisi nɩɩlɛ nɑ nɑɑtoso nɑ nɑsǝlɛ nɑ nɩɩnʋwɑ (46500). Simiyɔŋ nyǝ́mɑ yoolɑɑ tintiɣile nyʋɣʋ tʋ ntɛ́ Sulisɑtɑɩ pǝyɑlʋ Selumǝyɛlɩ. Ɩ yoolɑɑ wɛ iyisi pɔɣɔlɑɣɑfɛɩ nɩɩtoso nɑ ŋmʋnʋɣʋ nɑ nɩɩnʋwɑ (59300). Kɑtɩ nyǝ́mɑ yoolɑɑ tintiɣile nyʋɣʋ tʋ ntɛ́ Teuwɛlɩ pǝyɑlʋ Ɩliyɑsɑfɩ. Ɩ yoolɑɑ wɛ iyisi nɩɩlɛ nɑ kɑkpɑsɩ nɑ nɑsǝtoso nɑ nɩɩlɛ nɑ nɑɑnʋwɑ (45650). 
\v 16 Lupɛŋ nyǝ́mɑ yoolɑɑ tintiɣile tǝnɑ kpɛntɑ iyisi nɩɩnʋwɑ nɑ nɩɩlɛ nɑ nɑɑnʋwɑ nɑ kʋlʋm nɑ nɑsǝlɛ nɑ nɩɩlɛ nɑ nɑɑnʋwɑ (151450). Ɩsɛɣɛlɩ yoolɑɑ looŋɑ nɑɑlɛ nyǝŋkɑ ntɛ́.
\p
\v 17 Pǝlɛ pǝ wɑɑlɩ kɛ́ Lefii nyǝ́mɑ nɑ́ tǝŋǝɣǝnɑ Ɩsɔ cokǝle kɛ lɔlɔ loosi nɑɑlɛ, nɑ wɑɑlɩ nyǝnsɩ nɑɑlɛ hɛkʋ tɑɑ. Mpɛ pɑ mɑɣɑmɑɣɑ pɑɑ tɔ nɔɣɔ kʋlʋmɑɣɑ kɛ́. Pɑɑ wei kɛ́ ɩ lonte tɑɑ. Nɑ ɩ́ tǝŋǝɣɩ ɩ lʋlʋɣʋ nyǝ́mɑ tuutɑ.
\p
\v 18-23 Ɩfǝlɑyim yoolɑɑ tintiɣile kɑ́ wɛɛnɑ ilim tǝtʋlɛ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ pɑ sɔsɔ ntɛ́ pɑ kpekǝle nyʋɣʋ tʋ Amihuti pǝyɑlʋ Ɩlisɑmɑ. Ɩ yoolɑɑ wɛ iyisi nɩɩlɛ nɑ nɑsǝlɛ nɑ nɩɩnʋwɑ (40500). Mɑnɑsee yoolɑɑ tintiɣile nyʋɣʋ tʋ ntɛ́ Petɑsuu pǝyɑlʋ Kɑmliyɛlɩ. Yoolɑɑ wɛ iyisi hiu nɑ nɑɑnʋwɑ nɑ nɑɑlɛ nɑ ŋmʋnʋɣʋ (32200). Pɛncɑmɛɛ yoolɑɑ tintiɣile nyʋɣʋ tʋ ntɛ́ Kitoni pǝyɑlʋ Apitɑŋ. Ɩ yoolɑɑ wɛ iyisi hiu nɑ nɑɑnʋwɑ nɑ kɑkpɑsɩ nɑ nɑsǝlɛ (35400). 
\v 24 Ɩfǝlɑyim nyǝ́mɑ yoolɑɑ tintiɣile tǝnɑ kpɛntɑ iyisi pǝlefɛɩ nɩɩnʋwɑ nɑ nɑɑnʋwɑ nɑ yʋlʋpee nɩɩnʋwɑ (108100). Looŋɑ tooso nyǝŋkɑ kɑnɛ kɑɑ tǝŋnɑ ntɛɣɛ Lefii kpekǝle.
\p
\v 25-30 Tɑŋ nyǝ́mɑ yoolɑɑ tintiɣile kɑ́ wɛɛnɑ ilim tǝlɩɩlɛ mpǝtǝŋ tɔɔ kɛ́ pɑ tuutɑ kite. Mpɑ pɑ mʋnɑ yoou pote tɔ, pɑ sɔsɔ ntɛ́ pɑ kpekǝle nyʋɣʋ tʋ Amisɑtɑɩ pǝyɑlʋ Ahiyesɛɛ. Ɩ yoolɑɑ wɛ iyisi nɩɩtoso nɑ nɑɑlɛ nɑ nɑsǝtoso nɑ nɩɩnʋwɑ (62700). Asɛɛ nyǝ́mɑ yoolɑɑ tintiɣile nyʋɣʋ tʋ ntɛ́ Okǝlɑŋ pǝyɑlʋ Pɑkiyɛlɩ. Ɩ yoolɑɑ wɛ iyisi nɩɩlɛ nɑ kʋlʋm nɑ nɑsǝlɛ nɑ nɩɩnʋwɑ (41500). Nɛfǝtɑli nyǝ́mɑ yoolɑɑ tintiɣile nyʋɣʋ tʋ ntɛ́ Ɩnɑŋ pǝyɑlʋ Ahilɑ. Ɩ yoolɑɑ wɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400). 
\v 31 Tɑŋ nyǝ́mɑ yoolɑɑ tintiɣile tǝnɑ kpɛntɑ iyisi nɩɩnʋwɑ nɑ nɩɩlɛ nɑ nɑɑnʋwɑ nɑ nɑɑtosompɔɣɔlɑɣɑ nɑ nɑsǝtoso (157600). Ɩsɛɣɛlɩ yoolɑɑ looŋɑ kɑntǝkɑɣɑ nyǝŋkɑ ntɛ́. Pɑɑ kpekǝle nte tɩɩ wɛɛ tǝ tuutɑ wɑɑlɩ kɛ́ nɑ tǝ́ tɔŋ.
\p
\v 32 Ɩsɛɣɛlɩ kpekɑ nɑ pɑ yoolɑɑ mpɑ pɑ kɑlɑɑ tɔ, pɑ kpɛntɑ iyisi nɑsǝtoso nɑ tooso nɑ nɑsǝlɛ nɑ nɩɩnʋwɑ nɑ nɩɩlɛ nɑ nɑɑnʋwɑ (603550). 
\v 33 Pɑ tɑ kpɛŋnɑ Lefii nyǝ́mɑ nɑ pɑ́ kɑlɑ. Teitei ɩsɩɩ Tɑcɑɑ kɑ heeluɣu Moisi tɔ.
\p
\v 34 Ɩsɛɣɛlɩ nyǝ́mɑ lɑkɑɣɑ teitei kɛ́ ɩsɩɩ Tɑcɑɑ kɑ kɛɛsʋɣʋ Moisi tɔ. Pɑɑ mpɑ pɑ sikɑɣɑ pɑ tuutɑ cɔlɔɣɔ. Nɑ pɑ́ tɔŋ ɩsɩɩ pɑ kɛɛsʋɣʋ pɑ kpekɑ nɑ pɑ lʋlʋŋ tɔ.
\c 3
\s1 Lefii kpekǝle nyǝ́mɑ tǝmɑ
\p
\v 1 Wɑɑtʋ wei Tɑcɑɑ yɔɣɔtǝnɑ Moisi kɛ Holɛpʋ pʋɣʋ tɑɑ tɔ, ɩ nɑ ɩ tɑɑlʋ Alɔŋ pɑɑ wɛnɑ piyɑ mpɑ tɔɣɔlɔ. 
\v 2 Alɔŋ pǝyɑlɑɑ kɑ wɛ liɣiti kɛ́. Pɑ sɔsɔ ntɛ́ Nɑtɑpɩ, nɑ pǝ́ fɛɛ Apihu, nɑ Ɩlɑsɑɑ, nɑ Ɩtɑmɑɑ. 
\v 3 Pɑɑ tɛmɑ-wɛɣɛ kɔtǝlɑɑ kpɑʋ kɛ́. Hɑlǝnɑ pɑ́ pǝlɩ-wɛɣɛ kɔtɑɣɑ nim kɛ pɑ nyɔɔŋ tɑɑ. 
\v 4 Amɑ Nɑtɑpɩ nɑ Apihu pɑ sǝpɑ cokǝle kiŋ kɛ Holɛpʋ wʋlɑɣɑ tɛtʋ tɑɑ. Wɑɑtʋ ɩnǝɣɩ pɑ kɔnɑ kɔkɔ kpɑɩ nyǝŋkɑ kɛ kɔtɑɣɑ tǝlɑtɛ tɔɔ. Ɩlɛ pɑ tɑɑ wɛɛnɑ ɑpɑlʋpiyɑ. Ɩlɑsɑɑ nɑ Ɩtɑmɑɑ pɑɑ wɛnnɑ pɑ cɑɑ Alɔŋ kiŋ nɑ pɑ́ lɑkɩ kɔtʋɣʋ tǝmlɛ.
\p
\v 5 Ḿpʋ́ɣʋ́ Tɑcɑɑ tɔmɑ Moisi sɩ: 
\v 6 Yɑɑ Lefii nyǝ́mɑ nɑ ń sɔɔsɩ-wɛɣɛ kɔtʋlʋ Alɔŋ tɔɔ, nɑ pɑ́ sǝnɑ-ɩ. 
\v 7 Pɑɑ lɑkɩ pɑ tǝmɑ nnɑ pǝ tʋ pɑ́ nɑ sɑmɑɑ tɔɣɔ tɑm kɛ́ cokǝle kiŋ, nɑ pɑ́ lɑkɩ tǝ tǝmlɛ. 
\v 8 Nɑ pɑ́ tɑɣɑnǝɣɩ tǝ tɑɑ wontunɑɑ. Pɑ́ lɑkɩ tǝ tǝmɑ nɑ Ɩsɛɣɛlɩ nyǝ́mɑ nɔɣɔ. 
\v 9 N kɑ́ cɛlɑ Lefii nyǝ́mɑ kɛ Alɔŋ nɑ ɩ pǝyɑlɑɑ kɛ́. Nɑ pɑ́ pǝsɩ ɩsɩɩ Ɩsɛɣɛlɩ nyǝ́mɑ tillɑɑ. 
\v 10 Nɑ ń feŋ nɑ Alɔŋ nɑ ɩ pǝyɑlɑɑ pɑ tike pɑ́ lɑkɩ kɔtʋɣʋ tǝmlɛ. Ye wei ɩ́ sʋʋ pǝ tɑɑ, nɑ ɩ́ tɑ́ kɛ́ kɔtʋlʋ ɩsɩɩ pɑ kʋ-ɩ.
\p
\v 11 Ḿpʋ́ɣʋ́ Tɑcɑɑ tɑsɑ Moisi kɛ heeluɣu sɩ: 
\v 12 Mɑ mɑɣɑmɑɣɑ mɑ lǝsǝnɑ Lefii nyǝ́mɑ kɛ Ɩsɛɣɛlɩ yǝlɑɑ lɛlɑɑ tǝnɑ tɑɑ sɩ, pɑ́ pǝsɩ mɑ tǝmlɛ nyǝ́mɑ. Nɑ pɑ́ lɛɛtɩ Ɩsɛɣɛlɩ kɑncɑɑlɑɣɑ ɑpɑlʋpiyɑ lonte. 
\v 13 Kʋyɑŋku mɑ kʋ́ Icipiti nyǝ́mɑ kɑncɑɑlɑɣɑ ɑpɑlʋpiyɑ tǝnɑ tɔ, mɑ sɩɩ mɑ tǝɣɩ Ɩsɛɣɛlɩ nyǝ́mɑ nɑ pɑ tɔlɑ kɑncɑɑlɑɣɑ ɑpɑlʋ nyǝnsɩ kɛ́. Mɑɣɑlɛ Tɑcɑɑ.
\s1 Lefii kpekǝle kʋkɑlʋɣʋ
\p
\v 14 Ḿpʋ́ɣʋ́ Tɑcɑɑ tɔmɑ Moisi kɛ Holɛpʋ wʋlɑɣɑ tɛtʋ tɑɑ sɩ: 
\v 15 Kɑlɑ Lefii nyǝ́mɑ nɑ ń kɛɛsǝnɑ pɑ lʋlʋŋ nɑ pɑ tɛɛsɩ. Pǝ kpɑɣɑʋ ɑpɑlʋpiyɑ nsi sɩ wɛnɑ ɩsɔtʋ kʋlʋm nɑ wɑɑlɩ tɔ.
\p
\v 16 Ɩlɛnɑ Moisi lɑ mpʋ.
\p
\v 17 Lefii pǝyɑlɑɑ hǝlɑ ntɛ́ Kɛɛsɔŋ, nɑ Kehɑtɩ, nɑ Melɑli. 
\v 18 Kɛɛsɔŋ nyǝ́mɑ ntɛ́ Lipini nɑ Simeyi. Mpɛ ɩnɩ pɑ pǝsǝnɑ pɑ lʋlʋŋ nyɔɔŋ nyǝ́mɑ nɑ pɑ́ yɑɑkɩ-wɛɣɛ pɑ hǝlɑ. 
\v 19 Kehɑtɩ nyǝ́mɑ ntɛ́ Amǝlɑm nɑ Ɩsɑɑ nɑ Hepǝlɔŋ nɑ Wusiyɛlɩ. Mpɛ ɩnɩ pɑ pǝsǝnɑ pɑ lʋlʋŋ nyɔɔŋ nyǝ́mɑ. 
\v 20 Melɑli nyǝ́mɑ ntɛ́ Mɑlii nɑ Musi. Mpɛ ɩnǝɣǝlɛ pɑ lʋlʋŋ nyɔɔŋ nyǝ́mɑ. Mpɛ pɑ kɛnɑ Lefii kpekɑ nyǝ́mɑ nɑ pǝ́ kɛɛsǝnɑ pɑ lʋlʋŋ.
\p
\v 21 Kɛɛsɔŋ lʋlʋŋ nyǝ́mɑ fɑɣɑ tɔm nɑɑlɛɣɛ. Lipini nyǝŋkʋ nɑ Simeyi nyǝŋkʋ. 
\v 22 Kʋkɑlʋɣʋ wɑɑtʋ, pɑ hikɑ ɑpɑlɑɑ nɑ ɑpɑlʋpiyɑ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔɣɔ, iyisi nɑɑtosompɔɣɔlɑɣɑ nɑ nɑsǝlɛ nɑ nɩɩnʋwɑ (7500). 
\v 23 Mpɛ ɩnɩ pɑ sikɑɣɑnɑ cokǝle wɑɑlɩ nɑ ilim tǝtʋlɛ tɔɔ. 
\v 24 Lɑyɛlɩ pǝyɑlʋ Ɩliyɑsɑfɩ kɛlɛ pɑ nyʋɣʋ tʋ. 
\v 25 Kʋlʋmɑɑ mpɛ pɑ pɑɑsɑɣɑnɑ cokǝle tɑɑ nɑ tǝ wɑɑlɩ tɔɔ. Nɑ tǝ tɔɔ kʋtɑkʋɣʋ, nɑ tǝ nɔnɔɣɔ pʋʋɣʋ kʋkɑkɑɣɑʋ. 
\v 26 Nɑ kɑlɑɑ wei ɩ cɔɔnɑ cokǝle nɑ kɔtɑɣɑ tǝlɑtɛ tɔ ɩ pɔɔŋ nɑ ɩ nɔnɔɣɔ nyǝŋ nɑ pǝ ŋmɩɩsɩ. Mpɛ pɑ pɑɑsɑɣɑnɑ pǝ tǝnɑɣɑ mpʋ.
\p
\v 27 Kehɑtɩ lʋlʋŋ nyǝ́mɑ fɑɣɑ tɔm liɣiti kɛ́. Amǝlɑm nyǝ́mɑ, nɑ Ɩsɑɑ nyǝ́mɑ, nɑ Hepǝlɔŋ nyǝ́mɑ, nɑ Wusiyɛlɩ nyǝ́mɑ. 
\v 28 Pɑ kɑlɑ pǝ kpɑɣɑʋ ɑpɑlɑɑ, nɑ ɑpɑlʋpiyɑ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ. Pɑ wɛ iyisi pǝlefɛɩ nɑ nɑsǝtoso (8600). Pɑ nyǝntɛ ntɛ́ Ɩsɔ cokǝle tɑɑ wontunɑɑ pɑɑsǝnɑʋ. 
\v 29 Cokǝle ilim mpǝtǝŋ tɔɔ kɛ́ pɑ sikɑɑ. 
\v 30 Pɑ nyʋɣʋ tʋ ntɛ́ Wusiyɛlɩ pǝyɑlʋ Ɩlisɑfɑŋ. 
\v 31 Pɛlɛ pɑ pɑɑsǝɣǝnɑnɑ Ɩsɔ ɑtɑkɑɑ, nɑ tɑɑpǝlɩ, nɑ fǝtǝlɑnɑɑ tǝsɩɩlɛ, nɑ kɔtɑɣɑ tǝlɑtɛnɑɑ. Nɑ cokǝle tɑɑ wontunɑɑ mpɑ pɑ lɑkǝnɑ tɔ. Nɑ pǝ tɑɑ pʋʋɣʋ kʋkɑkɑɣɑʋ.
\p
\v 32 Lefii nyʋɣʋ nyǝ́mɑ tɑɑ sɔsɔ ntɛ́ kɔtʋlʋ Alɔŋ pǝyɑlʋ Ɩlɑsɑɑ. Ɩnɩ ɩ feŋiɣinɑ cokǝle pɑɑsǝnlɑɑ tɔɔ.
\p
\v 33 Melɑli lʋlʋŋ nyǝ́mɑ fɑɣɑ tɔm nɑɑlɛɣɛ: Mɑlii nyǝ́mɑ, nɑ Musi nyǝ́mɑ. 
\v 34 Pɑ kɑlɑ pǝ kpɑɣɑʋ ɑpɑlɑɑ nɑ ɑpɑlʋpiyɑ, mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ. Nɑ pɑ kpɛntɩ iyisi nɑɑtoso nɑ ŋmʋnʋɣʋ (6200). 
\v 35 Pɑ nyʋɣʋ tʋ ntɛ́ Apihɑyili pǝyɑlʋ Suluyɛlɩ. Nɑ mpɛ ɩnɩ pɑ sikɑɣɑnɑ cokǝle ilim ntɔɣɔŋ tɔɔ. 
\v 36 Melɑli nyǝ́mɑ tǝmlɛ ntɛ́ sɩ pɑ́ pɑɑsǝnɑ cokǝle kpɑtǝŋ kʋwɑlǝŋ, nɑ kʋkɑɣɑŋ nɑ tesikɑsɩ, nɑ sɩ tɑpǝŋ tɛɛ nyǝɣǝtʋ kʋtemtu, nɑ pǝ wontu. Nɑ pǝ tǝnɑ mpi pɑ lɑkǝnɑ tɔ. 
\v 37 Nɑ kɑlɑɑ tesikɑsɩ, nɑ sɩ tɑpǝŋ tɛɛ nyǝɣǝtʋ kʋtemtu, nɑ pǝ kɑŋkɑnɑsɩ nɑ pǝ ŋmɩɩsɩ.
\p
\v 38 Cokǝle ilim tǝlɩɩlɛ tɔɔ kɛ́ Moisi nɑ Alɔŋ nɑ ɩ pǝyɑlɑɑ pɑɑ sikɑɑ. Mpɛ pɑ pɑɑsɑɣɑnɑ cokǝle nɑ Ɩsɛɣɛlɩ nyǝ́mɑ tǝnɑ nɔɣɔ. Ye kpɑɩ tʋ ɩ kpǝtǝnɑɑ ɩsɩɩ pɑ kʋ-ɩ.
\p
\v 39 Lefii nyǝ́mɑ tǝnɑ, pǝ kpɑɣɑʋ ɑpɑlɑɑ nɑ ɑpɑlʋpiyɑ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ. Pɑ kpɛntɑ ɩsɩɩ iyisi hiu nɑ nɑɑlɛ (22000). Ɩsɩɩ Tɑcɑɑ kɑ kɛɛsʋɣʋ Moisi nɑ Alɔŋ tɔ. Ḿpʋ́ɣʋ́ pɑ kɑlɑ-wɛ nɑ pǝ́ kɛɛsǝnɑ pɑ lʋlʋŋ.
\s1 Pɑ sɩɩ Lefii nyǝ́mɑ kɛ kɑncɑɑlɑɣɑ ɑpɑlʋpiyɑ lonɑ
\p
\v 40 Ḿpʋ́ɣʋ́ Tɑcɑɑ tɔmɑ Moisi sɩ: Kɑlɑ Ɩsɛɣɛlɩ nyǝ́mɑ kɑncɑɑlɑɣɑ ɑpɑlʋpiyɑ tǝnɑ. Pǝ kpɑɣɑʋ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ. Ɩlɛnɑ ń tʋ́ pɑ hǝlɑ kɛ tɑkǝlɑɣɑ tɑɑ. 
\v 41 Sɩɩ Lefii nyǝ́mɑ nɑ pɑ mpɑɑ kɛ Ɩsɛɣɛlɩ ɑpɑlʋpiyɑ kɑncɑɑlɑɣɑ nyǝnsɩ lonte tɑɑ. Nɑ ń sɩɩ Lefii nyǝ́mɑ tɔlɑ nɑ ɑ mpɑɑ kɛ Ɩsɛɣɛlɩ nyǝ́mɑ tɔlɑ kɑncɑɑlɑɣɑ ɑpɑlʋ nyǝnɑ lonɑ tɑɑ. Tɑcɑɑ mɑ́ mɑ nyǝm ntɛ́.
\p
\v 42 Ḿpʋ́ɣʋ́ Moisi kɑlɑ Ɩsɛɣɛlɩ nyǝ́mɑ kɑncɑɑlɑɣɑ ɑpɑlʋpiyɑ tǝnɑ, ɩsɩɩ Tɑcɑɑ tʋɣɩ-ɩ tɔ. 
\v 43 Pǝ kpɑɣɑʋ mpɑ pɑ wɛnɑ ɩsɔtʋ kʋlʋm nɑ wɑɑlɩ tɔ, nɑ pɑ́ tʋ́ pɑ hǝlɑ kɛ tɑkǝlɑɣɑ tɑɑ. Pɑ wɛ iyisi hiu nɑ nɑɑlɛ nɑ ŋmʋnʋɣʋ nɑ nɩɩtoso nɑ nɑɑnʋwɑ nɑ tooso (22273). 
\v 44 Ɩlɛnɑ Tɑcɑɑ tɑsɑ Moisi kɛ heeluɣu sɩ: 
\v 45 Sɩɩ Lefii nyǝ́mɑ nɑ pɑ mpɑɑ, nɑ pɑ́ pǝsɩ mɑ nyǝ́mɑ kɛ Ɩsɛɣɛlɩ kɑncɑɑlɑɣɑ ɑpɑlʋpiyɑ lonte tɑɑ. Nɑ ń lɑ mpʋ tɔtɔɣɔ Lefii nyǝ́mɑ tɔlɑ, kɛ Ɩsɛɣɛlɩ nyǝ́mɑ tɔlɑ kɑncɑɑlɑɣɑ ɑpɑlʋpiyɑ lonte tɑɑ. Mɑɣɑlɛ Tɑcɑɑ. 
\v 46 Ɩsɛɣɛlɩ ɑpɑlʋpiyɑ ŋmʋnʋɣʋ nɑ nɩɩtoso nɑ nɑɑnʋwɑ nɑ tooso (273) pɑɣɑtǝnɑ ntɛɣɛ Lefii nyǝ́mɑ. Nɑ mpɛ ɩnǝɣɩ pǝ wɛɛ sɩ pɑ́ yɑ pɑ nyɔɔŋ. 
\v 47 Nɑ pɑ́ tʋ́ pɑɑ wei ɩ nyʋɣʋ tɔɔ kɛ́ liɣitee nyǝɣǝtʋ kɑkpɑsɩ. Nɑ pǝ́ kɛɛsǝnɑ Ɩsɔ cokǝle tɑɑ liɣitee mɑɣɑsʋɣʋ. Pɑɑ nyǝɣǝlʋɣʋ ŋku kʋ yuŋ kɑ wɛ cɑcɑɑsɩ nɑɑnʋwɑ. 
\v 48 Ɩlɛnɑ pɑ cɛlɑ-yɛɣɛ Alɔŋ nɑ ɩ pǝyɑlɑɑ, nɑ pɑ́ yɑnɑ kɑncɑɑlɑɣɑ ɑpɑlʋpiyɑ kʋpɑɣɑtɑsɩ nyɔɔŋ.
\p
\v 49-50 Ḿpʋ́ɣʋ́ Moisi mʋ Ɩsɛɣɛlɩ nyǝ́mɑ kɑncɑɑlɑɣɑ ɑpɑlʋpiyɑ mpɑ pɑ pɑɣɑtɑ mpʋ tɔ. Pɑ liɣitee wenɑ pɑ yɑpǝnɑ-wɛ, ɩsɩɩ pɑ mɑɣɑsʋɣʋ Ɩsɔ cokǝle tɑɑ tɔ, ɑ lɩɩ nyǝɣǝtʋ iyɑɣɑ nɑ ŋmʋnʋɣʋ nɑ nɩɩnʋwɑ nɑ nɩɩtoso nɑ kɑkpɑsɩ (1365). 
\v 51 Ḿpʋ́ɣʋ́ pɑ cɛlɑ-yɛɣɛ Alɔŋ nɑ ɩ pǝyɑlɑɑ ɩsɩɩ Tɑcɑɑ kɑ sɩɩʋ tɔ.
\c 4
\s1 Kehɑtɩ lʋlʋŋ nyǝ́mɑ tǝmɑ
\p
\v 1 Ḿpʋ́ɣʋ́ Tɑcɑɑ tɔmɑ Moisi nɑ Alɔŋ sɩ: 
\v 2-3 Ɩ́ ŋmɑɑ Lefii kpekǝle tʋ Kehɑtɩ lʋlʋɣʋ nyǝ́mɑ mpɑ pɑ pɩɩsɩ tɑlɑ hiu nɑ nɑɑnʋwɑ, nɑ pǝ́ polo nɩɩlɛ nɑ nɑɑnʋwɑ tɔ pɑ hǝlɑ. Pɑ́ kpɑ mpɑ pɑ pǝsǝɣɩ nɑ pɑ́ lɑ tǝmlɛ kɛ Ɩsɔ cokǝle tɑɑ tɔ. 
\v 4 Nɑ pɑ́ pɑɑsǝɣǝnɑ kɑtɛ tɑɑ kɑtɛ wontu. 
\v 5 Ye pɑ cɑɑ tǝsikile kɛ lɑɣɑsʋɣʋ, ɩlɛ Alɔŋ nɑ ɩ pǝyɑlɑɑ pɑ kɔɔ nɑ pɑ́ tisi pʋʋɣʋ kʋkɑɣɑʋ nɑ pɑ́ tɑkɩ Ɩsɔ ɑtɑkɑɑ tɔɔ. 
\v 6 Ɩlɛnɑ pɑ́ tǝnɩ pǝ tɔɔ kɛ́ tɔnʋɣʋ tɛɛlǝŋ nyǝŋkʋ nɑkʋlɩ. Nɑ pɑ́ wɑɑsɩ-ɩ heeŋ hʋntʋ pʋʋɣʋ ŋku pɑ lii ɑkpɑɑyɑlɑ tɔ, nɑ pɑ́ sʋsɩ ɩ kpɑtǝŋ kʋtɔkǝŋ. 
\v 7 Nɑ pɑ́ tɑkɩ heeŋ hʋntʋ pʋʋɣʋ ŋku pɑ lii ɑkpɑɑyɑlɑ tɔɣɔ Ɩsɔ potopotonɑɑ tɑɑpǝlɩ tɔɔ. Nɑ pɑ́ sɩɩ nyǝnɑsɩ, nɑ kɔpʋnɑɑ, nɑ poosiyɑnɑɑ, nɑ fusi nsi pɑ liisiɣinɑ sʋlʋm tɔ. Nɑ pɑ́ sɩɩ tɔtɔɣɔ potopotonɑɑ mpɑ pɑ hɑɑkɩ Ɩsɔ kɛ́ tɑm tɔɔ tɔ. 
\v 8 Ɩlɛnɑ pɑ́ wɑɑsɩ-ɩ heeŋ hʋntʋ pʋʋɣʋ ŋku pɑ lii ɑkpɑɑyɑlɑ tɔ nɑ pɑ́ tǝnɩ pǝ tɔɔ kɛ́ tɔnʋɣʋ tɛɛlǝŋ nyǝŋkʋ nɑkʋlɩ. Ɩlɛnɑ pɑ́ lɛɛ tɑɑpǝlɩ kɛ kpɑtǝŋ wei pɑ kpɑkǝɣǝnɑ-ɩ tɔ. 
\v 9 Nɑ pɑ́ wɑɑsɩ pʋʋɣʋ pooku kɛ fǝtǝlɑnɑɑ tǝsɩɩlɛ nɑ tǝ fǝtǝlɑnɑɑ. Nɑ wontu tǝnɑ tɔɔ, ɩsɩɩ kpǝtǝlɑsɩ nɑ tɔlʋmɑ nyǝnɑsɩ nɑ nim fusi. 
\v 10 Ɩlɛnɑ pɑ́ tʋ́ pǝ tǝnɑɣɑ tɔnʋɣʋ tɛɛlǝŋ nyǝŋkʋ nɑkʋlɩ kʋ tɑɑ, nɑ pɑ́ sɩɩ kpɑtǝlɛ nte pɑ kpɑkǝɣǝnɑ wontu tɔ tǝ tɔɔ. 
\v 11 Nɑ pɑ́ tɑkɩ ɑkpɑɑyɑlɑ pʋʋɣʋ kɛ wʋlɑ kɔtɑɣɑ tǝlɑtɛ tɔɔ. Nɑ pɑ́ wɑɑsɩ-tɛɣɛ tɔnʋɣʋ tɛɛlǝŋ nyǝŋkʋ, nɑ pɑ́ sʋsɩ kpɑtǝŋ wei pɑ kpɑkǝɣǝnɑ-tɛ tɔ. 
\v 12 Ɩlɛnɑ pɑ koti ɩsɔ sɛɛʋ wontu tǝnɑ, nti pɑ lɑkǝnɑ cokǝle tɑɑ tɔɣɔ ɑkpɑɑyɑlɑ pʋʋɣʋ tɑɑ. Nɑ pɑ́ wɑɑsɩ tɔnʋɣʋ tɛɛlǝŋ nyǝŋkʋ nɑ pɑ́ tǝnɩ kpɑtǝlɛ nte pɑ kpɑkǝɣǝnɑ-tɩ tɔ tǝ tɔɔ. 
\v 13 Nɑ pɑ́ hɑsɑ kɔtɑɣɑ tǝlɑtɛ tɔɔ tɔlʋmɑ, nɑ pɑ́ pɔ pʋʋɣʋ kʋsɛɛmʋɣʋ. 
\v 14 Nɑ pɑ́ tǝnɩ pǝ tɔɔ kɛ́ wontunɑɑ mpɑ pɑ lɑkǝnɑ kɔtɑɣɑ tǝlɑtɛ tɔ. Ɩsɩɩ cofolonɑɑ kelɑ lɔɣɔlɑsɩ, nɑ sɔsɔɔnsɩ nsi pɑ kuukinɑ tɔlʋmɑ tɔ. Nɑ poosiyɑnɑɑ nɑ wontu kʋlɑpǝnɑtʋ tǝnɑ. Nɑ pɑ́ tɑkɩ tɔnʋɣʋ tɛɛlǝŋ nyǝŋkʋ kɛ pǝ tɔɔ. Ɩlɛnɑ pɑ́ sʋsɩ kpɑtǝŋ wei pɑ kpɑkǝɣǝnɑ-tɛ tɔ. 
\v 15 Ye pǝ tɑlɑ tɛɛʋ, pǝ wɛɛ sɩ Alɔŋ nɑ ɩ pǝyɑlɑɑ pɑ́ tɛ pǝ tǝnɑɣɑ tɑkʋɣʋ. Ɩlɛnɑ Kehɑtɩ nyǝ́mɑ kɔɔ nɑ pɑ́ kpɑɣɑ. Mpi tɔ, pǝ fɛɩ sɩ pɑ́ tokinɑ Ɩsɔ wontuɣu nɑkʋlɩ nɑ pǝ́ kɔɔ nɑ pɑ́ sɩ. Pɛlɛ pɑ tǝmlɛ ntɛ́ cokǝle wontu kpɑɣɑʋ. 
\v 16 Kɔtʋlʋ Alɔŋ pǝyɑlʋ Ɩlɑsɑɑ tǝmlɛ ntɛ́ fǝtǝlɑ sɔsɔ nim nɑ tulɑɑlʋ wɔpʋ. Nɑ pɑɑ ɩfemle nte tǝ tɔɣɔnɑɣɑ kʋhɑʋ nɑ kɔtɑɣɑ nim, nɑ Ɩsɔ cokǝle tɑɑ wontu tǝnɑ pɑɑsǝnɑʋ.
\p
\v 17 Ḿpʋ́ɣʋ́ Tɑcɑɑ tɑsɑ Moisi nɑ Alɔŋ kɛ heeluɣu sɩ: 
\v 18-19 Ɩ́ feŋ Kehɑtɩ nyǝ́mɑ kɛ teu, kɛ wɑɑtʋ wei pɑ pɑɑsǝɣǝnɑ Ɩsɔ wontu tɔ. Pǝ tɑɑ kɔɔ nɑ pǝ́ kpiisi-wɛɣɛ Lefii nyǝ́mɑ hɛkʋ. Mpi tɔ, pǝ wɛɛ sɩ Alɔŋ nɑ ɩ pǝyɑlɑɑ pɑ́ sʋʋnɑ-wɛɣɛ cokǝle tɑɑ, nɑ pɑ́ hʋlǝɣɩ pɑɑ wei kɛ wontu nti ɩ kɑ́ kpɑɣɑ tɔ. 
\v 20 Ye pɑ sʋʋwɑ, nɑ pɑ́ loosi loosuɣu mɑɣɑmɑɣɑ kɛ Ɩsɔ wontu, nɑ pɑ́ tɑ hɔkǝtɑ-tɩ pɑɑ sɩ.
\s1 Kɛɛsɔŋ lʋlʋŋ nyǝ́mɑ tǝmɑ
\p
\v 21 Ḿpʋ́ɣʋ́ Tɑcɑɑ heelɑ Moisi sɩ: 
\v 22 Kɑlɑ Kɛɛsɔŋ lʋlʋɣʋ nyǝ́mɑ nɑ pɑ tɛɛsɩ yǝlɑɑ. 
\v 23 Ɩlɛnɑ ń ŋmɑɑ ɑpɑlɑɑ mpɑ pɑ pɩɩsɩ tɑlɑ hiu nɑ nɑɑnʋwɑ nɑ pǝ́ polo nɩɩlɛ nɑ nɑɑnʋwɑ nɑ pɑ́ pǝsǝɣɩ nɑ pɑ́ lɑ Ɩsɔ cokǝle tɑɑ kɛ tǝmlɛ tɔ pɑ hǝlɑ. 
\v 24 Tǝmɑ wenɑ pɑɑ tʋ-wɛ nɑ pɑ́ lɑkɩ tɔɣɔlɛ, 
\v 25 pɔɔŋ wei pɑ tɑkǝɣɩ Ɩsɔ cokǝle tɔɔ tɔ. Nɑ ɩwɑɑŋ tɔnǝŋ, nɑ tɔnʋɣʋ tɛɛlǝŋ nyǝŋkʋ ŋku kʋ wɑɑsɑ pǝ tǝnɑ pǝ tɔɔ tɔ. Nɑ cokǝle nɔnɔɣɔ pʋʋɣʋ. 
\v 26 Nɑ kɑlɑɑ pʋʋɣʋ nɑ ɩ nɔnɔɣɔ nyǝŋkʋ nɑ pǝ ŋmɩɩsɩ, nɑ pɑ́ lɑkɩ pǝ tɑɑ wontu tǝnɑ tǝmlɛ. 
\v 27 Alɔŋ nɑ ɩ pǝyɑlɑɑ pɑ hʋlǝɣǝnɑ Kɛɛsɔŋ nyǝ́mɑ kɛ pɑ kʋlɑpǝm nɑ pɑ kʋkpɑɣɑm tǝnɑ nɑ pɑ pɑɑsǝɣǝnɑ-wɩ. 
\v 28 Kɛɛsɔŋ nyǝ́mɑ tǝmɑ ntɛ́ Ɩsɔ cokǝle tɑɑ. Kɔtʋlʋ Alɔŋ pǝyɑlʋ Ɩtɑmɑɑ kɑ feŋiɣinɑ pɑ tǝmlɛ tɔɔ.
\s1 Melɑli lʋlʋŋ nyǝ́mɑ tǝmɑ
\p
\v 29 Ḿpʋ́ɣʋ́ Tɑcɑɑ tɑsɑ Moisi kɛ heeluɣu sɩ: Kɑlɑ tɔtɔɣɔ Melɑli lʋlʋɣʋ nyǝ́mɑ nɑ pɑ tɛɛsɩ nyǝ́mɑ kɛ 
\v 30 pǝ kpɑɣɑʋ ɑpɑlɑɑ mpɑ pɑ pɩɩsɩ tɑlɑ hiu nɑ nɑɑnʋwɑ nɑ pǝ́ polo nɩɩlɛ nɑ nɑɑnʋwɑ tɔ pɑ hǝlɑ nɑ ń kpɑ mpɑ pɑ pǝsǝɣɩ nɑ pɑ́ lɑ tǝmlɛ kɛ Ɩsɔ cokǝle tɑɑ tɔ. 
\v 31 Pɑ tǝmɑ kʋlɑpɛɛ ntɛ́ cokǝle kpɑtǝŋ kʋwɑlǝŋ, nɑ kʋkɑɣɑŋ, nɑ tesikɑsɩ, nɑ sɩ tɑpǝŋ tɛɛ nyǝɣǝtʋ kʋtemtu, 
\v 32 nɑ kɑlɑɑ tesikɑsɩ nɑ sɩ tɑpǝŋ tɛɛ nyǝɣǝtʋ kʋtemtu, nɑ kɑŋkɑnɑsɩ, nɑ pǝ ŋmɩɩsɩ nɑ pǝ wontunɑɑ tǝnɑ. Kɔtǝlɑɑ kɑ́ ŋmɑɑnɑ wontuɣu ŋku pɑɑ wei ɩ kɑ sǝɣǝlɩ tɔɣɔ tɑkǝlɑɣɑ tɑɑ. 
\v 33 Tǝmɑ wenɑ pǝ tʋ Melɑli lʋlʋɣʋ nyǝ́mɑ kɛ Ɩsɔ cokǝle tɑɑ tɔɣɔlɛ, nɑ kɔtʋlʋ Alɔŋ pǝyɑlʋ Ɩtɑmɑɑ nɑ́ɑ́ feŋiɣi pɑ tɔɔ.
\s1 Lefii kpekǝle tǝmlɑtɑɑ kʋkɑlʋɣʋ
\p
\v 34-49 Ḿpʋ́ɣʋ́ Moisi nɑ Alɔŋ nɑ Ɩsɛɣɛlɩ kpekǝle nyʋɣʋ nyǝ́mɑ kɑlɑ Lefii kpekǝle nyǝ́mɑ Kehɑtɩ, nɑ Kɛɛsɔŋ, nɑ Melɑli, pɑ lʋlʋŋ, nɑ pɑ tɛɛsɩ ɑpɑlɑɑ mpɑ pɑ tɑlɑ pɩɩsɩ hiu nɑ nɑɑnʋwɑ, nɑ pǝ́ polo nɩɩlɛ nɑ nɑɑnʋwɑ tɔ pɑ hǝlɑ. Nɑ pɑ́ tʋ pɑɑ wei kɛ tǝmlɛ kɛ Ɩsɔ cokǝle tɑɑ. Ḿpʋ́ɣʋ́ Moisi kɑlɑ-wɛ ɩsɩɩ Tɑcɑɑ tʋɣɩ-ɩ tɔ. Ɩlɛnɑ Kehɑtɩ nyǝ́mɑ kpɛntɩ iyisi nɑɑlɛ nɑ nɑsǝtoso nɑ nɩɩnʋwɑ nɑ nɩɩlɛ nɑ nɑɑnʋwɑ (2750). Kɛɛsɔŋ nyǝ́mɑ kɛ iyisi nɑɑlɛ nɑ nɑsǝtoso nɑ hiu nɑ nɑɑnʋwɑ (2630). Melɑli nyǝ́mɑ kɛ iyisi tooso nɑ ŋmʋnʋɣʋ (3200). Ɩlɛnɑ pɑ tǝnɑ pɑ kpɛntɩ iyisi pǝlefɛɩ nɑɑnʋwɑ nɑ nɑsǝlɛ nɑ nɩɩnʋwɑ nɑ nɩɩnɑɑsɑ (8580). Ḿpʋ́ɣʋ́ pɑ hʋlɑ pɑɑ Lefii tʋ wei kɛ́ ɩ tǝmɑ kʋlɑpɛɛ, nɑ ɩ kʋsǝɣǝlǝm kɛ teitei, ɩsɩɩ nti Tɑcɑɑ kɑ tʋ Moisi tɔ.
\c 5
\s1 Asilimɑ nyǝ́mɑ lǝsʋɣʋ kɛ tesikile
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Heeli Ɩsɛɣɛlɩ nyǝ́mɑ sɩ ye kʋtɔŋ ŋku kʋ pilisiɣi yʋlʋ tɔ kʋ kpɑ nɔɣɔlʋ yɑɑ pǝ wɩɩkɩ yʋlʋ ɑpɑlʋtʋ yɑɑ ɩ ɑlʋtʋ nɑ lʋm kpeŋnɑ-ɩ. Yɑɑ pʋntʋ tokinɑ sǝtʋ, pǝ wɛɛ sɩ pɑ́ lǝsɩ-ɩ tǝsikile kɛ́. 
\v 3 Pɑɑ ɩ kɛ́ ɑpɑlʋ yɑɑ ɑlʋ. Pǝ́ tɑɑ kɔɔ nɑ ɩ́ pilisi Ɩsɔ tesikile. 
\v 4 Ḿpʋ́ɣʋ́ Ɩsɛɣɛlɩ nyǝ́mɑ nɩɩ Moisi tɔm ntɩ nɑ pɑ́ tɔɣɔnɩ ɑsilimɑ nyǝ́mɑ tǝnɑ.
\s1 Ɩsɑɣɑtʋ tɑɣɑnʋɣʋ
\p
\v 5 Ḿpʋ́ɣʋ́ Tɑcɑɑ tɔmɑ Moisi sɩ: 
\v 6 Tɛlǝsɩ Ɩsɛɣɛlɩ yǝlɑɑ sɩ, ye yʋlʋ pǝntǝnɑ ɩ tɔɣɔntǝlɛ ɩ wɑkǝlǝnɑ Tɑcɑɑ kɛ́. 
\v 7 Pǝ wɛɛ sɩ ɩ́ tisi ɩsɑɣɑtʋ nti ɩ lɑpɑ mpʋ tɔ. Nɑ ɩ́ tɑɣɑnɩ mpi ɩ wɑkǝlɑɑ tɔɣɔ kɑncɑɑlɑɣɑ, pǝ wɑɑlɩ ɩlɛnɑ ɩ́ sɔɔsɩ pǝ tɔm kɑkpɑsɩ tɑɑ kʋlʋm. 
\v 8 Ye kpǝntɛ tʋ sǝpɑ nɑ ɩ́ fɛɩnɑ kɔɣɔpu, ɩlɛ pɑ cɛlɑ-tɛɣɛ kɔtʋlʋ nɑ ɩ́lɛ́ ɩ cɛlɑ Tɑcɑɑ. Ɩlɛnɑ pǝntʋlʋ cɑɑ ɩsɑɣɑtʋ hɩɩsʋɣʋ ɩwɑɑʋ nɑ kɔtʋlʋ lɑ pǝ sɔɔsɩ. 
\v 9 Ye Ɩsɛɣɛlɩ nyǝ́mɑ kɔnɑ Tɑcɑɑ kɛ kʋhɑʋ ŋku nɑ pɑ́ cɛlɑ kɔtʋlʋ wei, ɩnɩ ɩ tǝnnɑ. 
\v 10 Yʋlʋ ɩ́ hɑ mpiɣi Tɑcɑɑ, pɑ cɛlǝɣɩ kɔtʋlʋ kɛ́. Nɑ ye pɑ cɛlɑ kɔtʋlʋ kɛ mpi, ɩ pǝsǝɣɩ nɑ ɩ́ sɩɩnɑ ɩ tɩ.
\s1 Alʋ wei ɩ tɔɔ pɑ kpekiɣi wɑsɑŋkɑlǝtʋ tɔ pǝ kiiŋ
\p
\v 11 Ḿpʋ́ɣʋ́ Tɑcɑɑ tɔmɑ Moisi sɩ: 
\v 12 Tɛlǝsɩ Ɩsɛɣɛlɩ nyǝ́mɑ sɩ, ye ɩsɩɩ ɑlʋ lɑkɩ yem yem. 
\v 13 Ɩsɩɩ ɩ́ nɑ ɑpɑlʋ nɔɣɔlʋ pɑ ŋmɛlǝɣɩ nɑ pɑ́ hǝntǝɣɩ. Ɩlɛ nɔɣɔlʋ tɑ kpǝlɩ-wɛ. 
\v 14 Ye ɑpɑlʋ lɑkǝnɑ ɩ ɑlʋ kɛ ɩsɛsɛɛmlɛ, nɑ ɩ kpekiɣi ɩ tɔɔ sɩ ɩ lɑpɑ wɑsɑŋkɑlǝtʋ, nɑ pǝyele ɩ́lɛ́ ɩ fɛɩ pǝ tɑɑ. 
\v 15 Ɩlɛ ɑpɑlʋ kɑ ponɑ ɩ ɑlʋ kɛ kɔtʋlʋ, nɑ ɩ́ kpɛnnɑ mʋlʋm kiloonɑɑ tooso. Mʋlʋm mpi pǝ tɑɑ pɑ tɑ yɔɣɔlɩ nim yɑɑ tulɑɑlʋ tɔ. Mpi tɔ, pǝ kɛ́ ɩsɛsɛɛmlɛ kɔtɑɣɑ ŋkɑ kɑ tɔɔsǝɣɩ ɩsɑɣɑtʋ tɔɣɔ. 
\v 16 Ɩlɛnɑ kɔtʋlʋ yɑɑ ɑlʋ ɩnɩ nɑ ɩ́ sǝŋ Tɑcɑɑ ɩsɛntɑɑ. 
\v 17 Nɑ ɩ́ cosi Ɩsɔ lʋm kɛ nyǝnɑɣɑ tɑɑ, nɑ ɩ cosi cokǝle tɑɑ tɛtʋ nɑ ɩ́ tʋ́ pǝ tɑɑ. 
\v 18 Ɩlɛnɑ ɩ́ kɔɔlɩ ɑlʋ sɑɑlɑɣɑ kɛ ɩ nyʋɣʋ tɑɑ. Ɩlɛnɑ ɩ́ tʋ́ ɩ niŋ tɑɑ kɛ́ ɩsɛsɛɛmlɛ kɔtɑɣɑ mʋlʋm mpi ɩ pɑɑlʋ kɔnɑɑ tɔ. Nɑ kɔtʋlʋ tɔkɑ lʋm nyɑŋ nyǝm mpi pǝ kɔŋnɑ mpusi tɔ. 
\v 19 Ɩlɛnɑ ɩ́ yele nɑ ɑlʋ tuunɑ. Ɩlɛnɑ kɔtʋlʋ tɔmɩ-ɩ sɩ: Ye nyɑnɑ nɔɣɔlʋ ɩ́ tɑ́ hǝntɩ, nɑ ń pilisi nyɑ́ tɩ. Ɩlɛ lʋm nyɑŋ nyǝm pǝnɛ pǝ mpusi ɩ́ tɑɑ tii nyɑ́ tɔɔ. 
\v 20 Amɑ ye n puɣusɑ nyɑ́ pɑɑlʋ nɑ n lɑ wɑsɑŋkɑlǝtʋ. 
\v 21 Ɩlɛ mpusi lʋm pǝnɛ, pǝ́ sʋʋ nyɑ́ tɑɑ nɑ pǝ́ hɑɣɑsɩ nyɑ́ lotu nɑ pǝ́ ŋmǝlǝsɩ nyɑ́ ɑlʋtʋ nɑ ń pǝsɩ kɑɑlʋlɑɣɑ. Nɑ nyɑ́ tɑɑpɑlɑɑ tukuɣunɑ-ŋ nɑ ɩtuule. 
\v 22 Ɩlɛnɑ ɑlʋ nɑ́ɑ́ cɔ sɩ: Pǝ́ lɑ ɩsɩɩ n yɔɣɔtʋɣʋ tɔ. 
\v 23 Ɩlɛnɑ kɔtʋlʋ ŋmɑɑ mpusi tɔm ntɩ, nɑ ɩ́ nyɑɑlɩ ŋmɑɑtʋ nɑ lʋm nyɑŋ nyǝm mpɩ. 
\v 24 Ɩlɛnɑ ɩ́ cɛlɑ ɑlʋ kɛ lʋm nyɑŋ nyǝm mpi pǝ kɔŋnɑ mpusi tɔ nɑ ɩ nyɔɔ. Nɑ lʋm mpɩ pǝ́ tʋ ɩ tɑɑ kɛ́ lɑŋwɑkǝllɛ. 
\v 25 Amɑ kɔtʋlʋ mʋɣɩ ɑlʋ niŋ tɑɑ kɛ́ ɩsɛsɛɛmlɛ kɔtɑɣɑ, nɑ pǝ́cɔ́ ɩ́ pɑɣɑlɩ-kɛɣɛ Tɑcɑɑ, ɩsɩɩ kɔtǝlɑɑ lɑkɩ tɔ. Nɑ ɩ́ sɩɩ kɔtɑɣɑ tǝlɑtɛ. Nɑ ɩ́ cosi ŋkute nte tǝ hʋlǝɣɩ sɩ Tɑcɑɑ tǝnnɑ pǝ tǝnɑ tɔ, nɑ ɩ́ wɔ kɔkɔ. 
\v 26 Pǝlɛ pǝ wɑɑlɩ kɛ́ ɩ yeki nɑ ɑlʋ nyɔɔ lʋm mpɩ. 
\v 27 Ye tɑmpɑnɑ sɩ ɩ nɑwɑɣɑ nɑ ɩ́ nyɔɔ-wɩ, pǝ hɑɣɑsǝɣɩ ɩ lotu kɛ́ nɑ pǝ́ ŋmǝlǝsɩ ɩ ɑlʋtʋ nɑ ɩ́ pǝsɩ kɑɑlʋlɑɣɑ. Nɑ ye nɔɣɔlʋ cɑɑ sɩ ɩ tǝŋsɩ yǝlɑɑ kɛ mpusi, ɑlʋ ɩnɩ ɩ tɔm kɛ ɩ kɑ́ yɔɣɔtɩ. 
\v 28 Amɑ ye ɩ́ tɑ nɑ́, pɩɩ lɑkɩ-ɩ pʋlʋ. Ɩ pǝsǝɣɩ nɑ ɩ́ lʋlɩ piyɑ tɔtɔ. 
\v 29-30 Ye ɑpɑlʋ kpekiɣi ɩ ɑlʋ tɔɔ kɛ́ yem yem lɑkɑsɩ tɑɑ, pǝ kɔtɑɣɑ ntɛ́. 
\v 31 Wɑɑtʋ ɩnɩ ɑpɑlʋ kiŋ kɑɑ wɛɛ nɑtǝlɩ. Ye ɑlʋ wɑkǝlɑɑ, ɩnɩ ɩ kɑ nɑnɑ pǝ nɑʋ.
\c 6
\s1 Mpɑ pɑ hɑ pɑ tǝɣɩ Ɩsɔ tɔ pɑ kiiŋ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Tɛlǝsɩ Ɩsɛɣɛlɩ yǝlɑɑ sɩ, ye ɑpɑlʋ yɑɑ ɑlʋ ɩ́ sɩɩ nɔɣɔ sɩ ɩ hɑɑkɩ ɩ tǝɣɩ Ɩsɔ tǝmlɛ nɑtǝlɩ tǝ tɑɑ, 
\v 3 pǝ wɛɛ sɩ ɩ́ kii sʋlʋm. Pɑɑ lɛsɛŋ sʋlʋm toŋ nyǝm. Pǝyele ɩ́ tɑɑ tɩɩ tǝŋ lɛsɛŋ pee lʋm nyǝnɑ yɑɑ kʋwʋlɛɛ. 
\v 4 Pǝ tɩɩ fɛɩ sɩ ɩ́ tɩɩ tǝŋ lɛsɛŋ pʋlʋpʋ. 
\v 5 Pǝ́cɔ́ hʋnʋɣʋ kɑɑ kpɑ ɩ nyʋɣʋ tɑɑ, yɑɑ ɩ tɑntʋɣʋ tɔɔ. Pǝ tǝnɑ pɩɩ su ḿpʋ́ɣʋ́, hɑlǝnɑ pǝ kʋyɛɛŋ sɩɩ tǝnɑɣɑ. 
\v 6 Pǝ fɛɩ sɩ ɩ́ kpǝtǝnɑ sǝtʋ nɔɣɔlʋɣʋ wɑɑtʋ ɩnɩ ɩ tɑɑ. 
\v 7 Pɑɑ ɩ cɑɑ, yɑɑ ɩ too, yɑɑ ɩ tɑɑlʋ. Mpi tɔ, ɩ tɛmɑ ɩ tǝɣɩ Tɑcɑɑ tǝmlɛ tɑɑ kɛ́ hɑʋ kɛ́. Nɑ ḿpʋ́ɣʋ́ ɩ nyɔɔsɩ kʋtɑɣɑlɑsɩ hʋlǝɣɩ. 
\v 8 Ɩ pǝsɑ Ɩsɔ nyǝŋ kɛ ɩ nɔɣɔ sɩɩʋ wɑɑtʋ tǝnɑɣɑ. 
\v 9 Ye sǝm tutɑ nɔɣɔlʋɣʋ ɩ kɔŋkɔŋ tɑɑ, nɑ pǝ́ pilisi ɩ nyɔɔsɩ yeluɣu mpɩ kʋyɛɛŋ nɑɑtosompɔɣɔlɑɣɑ kɛ ɩ cɑkɩ, ɩlɛnɑ ɩ́ looli ɩ nyʋɣʋ. 
\v 10 Tɛʋ feŋ ɩlɛnɑ, ɩ́ kɔnɑ kɔtʋlʋ kɛ ɩhokɑsɩ, yɑɑ ɑlukukunɑɑ nɑɑlɛɣɛ Ɩsɔ cokǝle nɔnɔɣɔ. 
\v 11 Ɩlɛnɑ kɔtʋlʋ lɑ lɛlʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ lɛlʋ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ. Nɑ ɩ́ lɑpɩ-ɩ pǝ kɔtɑɣɑ nɑ pǝ́ hɩɩsɩ ɩ tɔɔ kɛ́ sǝtʋ ɑsilimɑ. Ɩlɛ ɩ ɑsilimɑ tɛmɑɣɑlɛ kʋyɑŋku. 
\v 12 Ɩlɛnɑ pʋntʋ tɑsɑ ɩ nɔɣɔ sɩɩʋ, nɑ ɩ́ lɑ pǝnɑɣɑ kʋlʋmɑɣɑ ɩwǝyɑɣɑ kɛ tɑsǝkǝlɛ tɑɣɑnʋɣʋ kɔtɑɣɑ. Pǝ fɛɩ sɩ ɩ́ kɑlǝnɑ kɑncɑɑlɑɣɑ kʋyɛɛŋ kɛ ɩ́lɛ́ ɩ kɑ pilisɑɑ tɔ pǝ tɔɔ.
\p
\v 13 Wei ɩ sɩɩ ḿpʋ́ɣʋ́ nɔɣɔ tɔ, ye kʋyɑŋku ɩ kʋyɛɛŋ tɛmɑ, ɩ puki Ɩsɔ cokǝle nɔnɔɣɔ kɛ́. 
\v 14 Nɑ ɩ́ lɑ Tɑcɑɑ kɛ kɔtɑɣɑ kɛ ɩwɑɑʋ kʋlʋmʋɣʋ, nɑ pǝnɑɣɑ kʋlʋmɑɣɑ ɩwɛɛsɩ nsi sɩ tiili tɑ cɑɑmɩ tɔɣɔ nɑɑlɛ. Apɑlʋ nyǝŋkɑ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ, nɑ ɑlʋ nyǝŋkɑ kɛ ɩsɑɣɑtʋ hɩɩsʋɣʋ kɔtɑɣɑ. Nɑ ɩwɑɑʋ ŋku kʋ tiili tɑ cɑɑmɩ tɔɣɔ ciikuɣu nyǝŋkɑ. 
\v 15 Nɑ ɩ́ kɔnɑ kʋkʋsʋm fɛɩ kɑkɑlɑsɩ nsi sɩ somtu pɑ nuɣutinɑ nim, nɑ pɑ́ tʋ tɔ. Nɑ nsi sɩ tɔɔ pɑ yɔɣɔlɑ nim tɔɣɔ tɔkʋ. Nɑ tɔɣɔnɑɣɑ kʋhɑʋ nɑ pǝ sʋlʋm mpi pɑɑ liisi tɔ. 
\v 16 Ɩlɛnɑ kɔtʋlʋ ponɑ pǝ tǝnɑɣɑ ḿpʋ́ɣʋ́ Tɑcɑɑ, nɑ ɩ́ lɑ́ ɩsɑɣɑtʋ hɩɩsʋɣʋ kɔtɑɣɑ, nɑ ŋkɑ kɔkɔ lusɑ kɑ tǝnɑ tɔ. 
\v 17 Nɑ ɩwɑɑʋ kɛ ciikuɣu nyǝŋkɑ, nɑ pǝ kʋkʋsʋm fɛɩ kɑkɑlɑsɩ tɔkʋ. Pǝ wɑɑlɩ kɛ́ tɔɣɔnɑɣɑ kɔtɑɣɑ nɑ sʋlʋm. 
\v 18 Ɩlɛnɑ nɔɣɔ sɩɩlʋ looli ɩ nyʋɣʋ kɛ cokǝle nɔnɔɣɔ tǝnɑ, nɑ ɩ́ tʋ́ ɩ nyɔɔsɩ kɛ ciikuɣu kɔtɑɣɑ kɔkɔ tɑɑ. 
\v 19 Pǝ wɑɑlɩ ɩlɛnɑ kɔtʋlʋ kpɑɣɑ ɩwɑɑʋ hɑmʋɣʋ ŋku pɑ tǝsɑɑ tɔ. Nɑ kʋkʋsʋm fɛɩ kɑkɑlɑsɩ wɑɑnɩ wɑɑnɩ kɛ tɔm nɑɑlɛ, nɑ ɩ́ tʋ́ nɔɣɔ sɩɩlʋ niŋ tɑɑ kɛ wɑɑtʋ wei ɩ tɛmɑ ɩ nyʋɣʋ looluɣu tɔ. 
\v 20 Ɩlɛnɑ kɔtʋlʋ tɑɣɑnɩ-tǝɣɩ Ɩsɔ kɛ́ pɑɣɑlʋɣʋ ɩsɩɩ kɔtǝlɑɑ lɑkɩ tɔ. Nɑ tɔɣɔnɑsɩ nsɩ sɩ pǝsɩ ɩ nyǝnsɩ. Nɑ pǝ́ sɔɔsǝnɑ lɑŋlɛ nɑ yule. 
\v 21 Yʋlʋ wei ɩ sɩɩkɩ nɔɣɔ sɩ ɩ hɑɑkɩ ɩ tǝɣɩ Ɩsɔ tɔ pǝ sɔɔsɩ ntɛ́. Ɩ́ nɔkɑɑ ɩ sɔɔsɩ pǝ tɔɔ. Amɑ pǝ wɛɛ kɛ́ sɩ ɩ́ lɑ mpi pǝ tǝnɑ ɩ kɑ sɩɩwɑ tɔ.
\s1 Koolee kʋpɑnɑ
\p
\v 22 Ḿpʋ́ɣʋ́ Tɑcɑɑ tɔmɑ Moisi sɩ: 
\v 23 Kɛɛsɩ Alɔŋ nɑ ɩ pǝyɑlɑɑ sɩ, koolee nnɑ pɑɑ kooliɣi Ɩsɛɣɛlɩ nyǝ́mɑ tɔɣɔlɛ sɩ:
\q1
\v 24 Tɑcɑɑ ɩ́ kooli-mɛɣɛ kʋpɑntʋ nɑ ɩ́ kenti mǝ tɔɔ.
\q1
\v 25 Nɑ ɩ́ nyǝnɩ-mɛɣɛ teu nɑ ɩ́ lɑkɩ-mɛɣɛ pɛɛlɛɛ.
\q1
\v 26 Nɑ ɩ́ wɛɛ mǝ wɑɑlɩ nɑ pǝ́ cɑɣɑnɑ-mɛ.
\p
\v 27 Ḿpʋ́ɣʋ́ pɑɑ yɑɑkɩ mɑ hǝtɛ kɛ Ɩsɛɣɛlɩ yǝlɑɑ tɔɔ. Ɩlɛnɑ mɑ́ɑ́ kooliɣi-mɛɣɛ kʋpɑntʋ.
\c 7
\s1 Nyʋɣʋ nyǝ́mɑ kɔtɑsɩ
\p
\v 1 Kʋyɑŋku Moisi tɛmɑ Ɩsɔ cokǝle sikuɣu, ɩlɛnɑ ɩ́ fɛɛnɩ tǝ́ nɑ tǝ tɑɑ wontu kɛ kɔtɑɣɑ nim, nɑ kɔtɑɣɑ tǝlɑtɛ nɑ tǝ wontu. 
\v 2 Ḿpʋ́ɣʋ́ Ɩsɛɣɛlɩ kpekɑ nyʋɣʋ nyǝ́mɑ mpɑ pɑɑ sǝnɑ kʋkɑlʋɣʋ wɑɑtʋ tɔ, pɑ kɔnɑ pɑ kʋhɑɑŋ 
\v 3 kɛ nɑɑŋ nɑɑnʋwɑ nɑ nɑɑlɛ nɑ kɛɛkɛnɑɑ nɑɑtoso. Nɑ pɑ́ wɑɑsɑ pɑ tɔɔ. Pǝ lɩɩwɑ sɩ nyɔɔŋ nyǝ́mɑ nɑɑlɛ cɑɑwɑ nɑɑŋ nɑɑlɛ nɑ kɛɛkɛ kʋlʋm ntɛ́. 
\v 4 Ḿpʋ́ɣʋ́ Tɑcɑɑ tɔmɑ Moisi sɩ: 
\v 5 Mʋ pɑ kʋhɑɑŋ ɩnɩ, nɑ ń cɛlɑ Lefii nyǝ́mɑ, nɑ pǝ́ kɛɛsǝnɑ pɑɑ mpɑ pɑ tǝmlɛ, nɑ pɑ́ kpɑkǝɣǝnɑ cokǝle wontu. 
\v 6 Ɩlɛnɑ Moisi mʋ nɑɑŋ nɑ kɛɛkɛnɑɑ mpɛ nɑ ɩ́ cɛlɑ Lefii kpekǝle nyǝ́mɑ 
\v 7 Kɛɛsɔŋ lʋlʋɣʋ nyǝ́mɑ kɛ kɛɛkɛnɑɑ nɑɑlɛ, nɑ nɑɑŋ liɣiti. Nɑ pǝ́ kɛɛsǝnɑ pɑɑ wei ɩ tǝmlɛ, 
\v 8 nɑ Melɑli nyǝ́mɑ kɛ kɛɛkɛnɑɑ liɣiti nɑ nɑɑŋ pǝlefɛɩ nɑɑnʋwɑ. Ɩ cɛlɑ-wɛɣɛ, nɑ ɩ́ kɛɛsǝnɑ pɑ tǝmɑ. Alɔŋ pǝyɑlʋ Ɩtɑmɑɑ pɑɑsǝɣǝnɑnɑ-wɛ. 
\v 9 Kehɑtɩ nyǝ́mɑ nɑ́ pɑɑsɑɣɑnɑ kɔtɑɣɑ wontunɑɑ kɛ́. Ɩlɛ ɩ tɑ cɛlɑ-wɛɣɛ kɛɛkɛ, yɑɑ nɑʋ. Mpi tɔ, pɩɩ wɛɛ sɩ pɑ́ hɔɣɔlǝɣɩ-tǝɣɩ.
\s1 Kɔtɑɣɑ tǝlɑtɛ tʋlʋɣʋ kʋcɔɔŋ
\p
\v 10 Kʋyɑŋku pɑ fɛɛnɑɣɑ kɔtɑɣɑ tǝlɑtɛ, ɩlɛnɑ lʋlʋŋ nyɔɔŋ nyǝ́mɑ kɔnɑ tɔtɔɣɔ pɑ kʋcɔɔŋ sɩ pɑ tʋlǝɣǝnɑ-tɛ. 
\v 11 Ḿpʋ́ɣʋ́ Tɑcɑɑ heelɑ Moisi sɩ: Nyʋɣʋ nyǝ́mɑ kɑ́ kɔɔ kʋlʋm kʋlʋm kɛ́ kʋyɑkʋ kʋyɑkʋ nɑ pɑ́ hɑ pɑ kʋcɔɔŋ.
\p
\v 12-83 Ɩsǝnɑ pɑ tǝŋɑ tǝmɑ nɑ pɑ́ kɔɔ tɔɣɔlɔ:
\m Yutɑ kpekǝle tʋ Aminɑtɑpɩ pǝyɑlʋ Nɑsɔŋ kɛlɛ kʋyɑkʋ kɑncɑɑlɑɣɑ nyǝŋkʋ. Ɩsɑkɑɑ nyǝntɛ tʋ Suwɑɑ pǝyɑlʋ Netɑneyɛlɩ kɛ kʋyɑkʋ nɑɑlɛ nyǝŋkʋ. Sɑpulɔŋ nyǝntɛ tʋ Helɔŋ pǝyɑlʋ Ɩliyɑpɩ kɛ kʋyɑkʋ tooso nyǝŋkʋ. Lupɛŋ nyǝntɛ tʋ Setewu pǝyɑlʋ Ɩlisuu kɛ kʋyɑkʋ liɣiti nyǝŋkʋ. Simiyɔŋ nyǝntɛ tʋ Sulisɑtɑɩ pǝyɑlʋ Selumǝyɛlɩ kɛ kʋyɑkʋ kɑkpɑsɩ nyǝŋkʋ. Kɑtɩ nyǝntɛ tʋ Teuwɛlɩ pǝyɑlʋ Ɩliyɑsɑfɩ kɛ kʋyɑkʋ nɑɑtoso nyǝŋkʋ. Ɩfǝlɑyim nyǝntɛ tʋ Amihuti pǝyɑlʋ Ɩlisɑmɑ kɛ kʋyɑkʋ nɑɑtosomopɔɣɔlɑɣɑ nyǝŋkʋ. Mɑnɑsee nyǝntɛ tʋ Petɑsuu pǝyɑlʋ Kɑmliyɛlɩ kɛ kʋyɑkʋ pǝlefɛɩ nɑɑnʋwɑ nyǝŋkʋ. Pɛncɑmɛɛ nyǝntɛ tʋ Kitoni pǝyɑlʋ Apitɑŋ kɛ pɔɣɔlɑɣɑfɛɩ nɑɑnʋwɑ nyǝŋkʋ. Tɑŋ nyǝntɛ tʋ Amisɑtɑɩ pǝyɑlʋ Ahiyesɛɛ kɛ nɑɑnʋwɑ nyǝŋkʋ. Asɛɛ nyǝntɛ tʋ Okǝlɑŋ pǝyɑlʋ Pɑkiyɛlɩ kɛ nɑɑnʋwɑ nɑ kʋlʋmʋɣʋ nyǝŋkʋ. Nɛfǝtɑli nyǝntɛ tʋ Ɩnɑŋ pǝyɑlʋ Ahilɑ kɛ nɑɑnʋwɑ nɑ nɑɑlɛ nyǝŋkʋ. Mpi mpi pɑ kɔnɑɑ tɔɣɔlɔ:
\m Liɣitee nyǝɣǝlʋɣʋ nyǝnɑɣɑ ŋkɑ kɑ yuŋ wɛ kiloo kʋlʋm nɑ cɑcɑɑsɩ ŋmʋnʋɣʋ nɑ nɩɩnʋwɑ tɔ (1300). Nɑ pǝ poosiyɑ wei pɑ ŋmɩɩsǝɣǝnɑ cɑlǝm tɔ. Ɩ́lɛ́ ɩ cɑcɑɑsɩ wɛ nɑsǝtoso nɑ nɩɩnʋwɑ (700). Ɩsǝnɑ pɑ mɑɣɑsɑɣɑ Ɩsɔ cokǝle tɑɑ kɛ́ liɣitee tɔɣɔ pɑ kɛɛsǝnɑɑ. Nɑ pɑ́ suuli nyǝnɑsɩ nsɩ sɩ nɑɑlɛɣɛ tɔɣɔnɑɣɑ kɔtɑɣɑ mʋlʋm mpi pɑ nuɣutinɑ nim tɔ. Wʋlɑ kɔpʋ, kɛ cɑcɑɑsɩ nɩɩnʋwɑ (100). Nɑ tulɑɑlʋ kʋwɔpʋ kɛ kɔpʋ ɩnɩ ɩ lǝpɑm. Nɑ lɑtǝcɛ, nɑ ɩwɑɑʋ, nɑ pǝnɑɣɑ kʋlʋmɑɣɑ ɩwǝyɑɣɑ sɩ, pɑ lɑkǝnɑ kɔtɑɣɑ ŋkɑ kɔkɔ lusɑ kɑ tǝnɑ tɔ. Nɑ pǝŋtʋlʋɣʋ sɩ pɑ lɑkɩ ɩsɑɣɑtʋ hɩɩsʋɣʋ nyǝŋkɑ. Nɑɑŋ nɑɑlɛ nɑ ɩwɑɑŋ kɛ kɑkpɑsɩ, nɑ pǝnɑɣɑ kʋlʋmɑɣɑ ɩwɛɛsɩ kɛ kɑkpɑsɩ sɩ pɑ lɑkǝnɑ ciikuɣu kɔtɑɣɑ.
\p
\v 84 Ɩsɛɣɛlɩ kpekɑ nyɔɔŋ nyǝ́mɑ hɑwɑ kʋcɔɔŋ wei kɛ kɔtɑɣɑ tǝlɑtɛ tʋlʋɣʋ wule tɔɣɔlɛ. Liɣitee nyǝɣǝtʋ nyǝnɑsɩ kɛ nɑɑnʋwɑ nɑ nɑɑlɛ. Nɑ poosiyɑnɑɑ mpɑ pɑ ŋmɩɩsǝɣǝnɑ cɑlǝm tɔɣɔ nɑɑnʋwɑ nɑ nɑɑlɛ. Nɑ wʋlɑ kɔpʋnɑɑ kɛ nɑɑnʋwɑ nɑ nɑɑlɛ. 
\v 85 Pɑɑ nyǝnɑɣɑ ŋkɑ kɑ yuŋ wɛ kiloo kʋlʋm nɑ cɑcɑɑsɩ ŋmʋnʋɣʋ nɑ nɩɩnʋwɑ (1300). Nɑ pɑɑ poosiyɑ wei kɛ́ cɑcɑɑsɩ nɑsǝtoso nɑ nɩɩnʋwɑ (700). Pǝ kpɛntɑ liɣitee nyǝɣǝtʋ kiloonɑɑ hiu nɑ liɣiti. Ɩsɩɩ pɑ mɑɣɑsʋɣʋ Ɩsɔ cokǝle tɑɑ tɔ. 
\v 86 Pɑɑ wʋlɑ kɔpʋ wei ɩ kɑ wɛ cɑcɑɑsɩ nɩɩnʋwɑ (100) kɛ́. Pǝ kpɛntɑ kiloo kʋlʋm nɑ cɑcɑɑsɩ ŋmʋnʋɣʋ (1200). Kɔpʋnɑɑ mpɛ pɑɑ sunɑ tulɑɑlʋ kʋwɔpʋ kɛ́. 
\v 87 Pǝ kɑɑsɩ lɑtǝcɛnɑɑ nɑɑnʋwɑ nɑ nɑɑlɛ, nɑ ɩwɑɑŋ kɛ mpʋ. Nɑ pǝnɑɣɑ kʋlʋmɑɣɑ ɩwɛɛsɩ kɛ mpʋ tɔtɔ. Sɩ pɑ lɑkǝnɑ kɔtɑɣɑ ŋkɑ kɔkɔ lusɑ kɑ tǝnɑ tɔ nɑ pǝ́ sɔɔsǝnɑ tɔɣɔnɑɣɑ kɔtɑɣɑ, nɑ ɩsɑɣɑtʋ hɩɩsʋɣʋ kɔtɑɣɑ pǝŋtʋlʋŋ kɛ nɑɑnʋwɑ nɑ nɑɑlɛ. 
\v 88 Nɑ lɑtǝcɛnɑɑ kɛ hiu nɑ liɣiti. Ɩwɑɑŋ kɛ nɩɩtoso, pǝŋtʋlʋŋ kɛ mpʋ. Nɑ pǝnɑɣɑ kʋlʋmɑɣɑ ɩwɛɛsɩ kɛ mpʋ tɔtɔ. Sɩ pɑ lɑkɩ ciikuɣu kɔtɑsɩ. Kʋcɔɔŋ wei pɑ hɑwɑ kɔtɑɣɑ tǝlɑtɛ tʋlʋɣʋ tɔɔ tɔɣɔlɛ.
\p
\v 89 Wɑɑtʋ wei Moisi sʋʋ cokǝle tɑɑ kɛ́ Ɩsɔ yɔɣɔtǝnɑʋ tɔ, ɩ nɩɩkɑɣɑ Ɩsɔ nɔɣɔ kɛ ɩsɔtɑɑ tɑŋlɑɑ mpɑ pɑ wɛ Ɩsɔ ɑtɑkɑɑ pile tɔɔ tɔ pɑ hɛkʋ kɛ́. Nɑ ɩ́ yɔɣɔtǝɣǝnɑ-ɩ.
\c 8
\s1 Fǝtǝlɑnɑɑ sɩɩʋ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Tɛlǝsɩ Alɔŋ sɩ wɑɑtʋ wei n sɩɩkɩ fǝtǝlɑ sɔsɔ kɔkɔsɩ nɑɑtosompɔɣɔlɑɣɑ ɩnɩ tɔ, pɑɑsǝnɑ nɑ pǝ́ nɑɑkɩ fǝtǝlɑ sɔsɔ ɩnɩ ɩ lɔlɔ. 
\v 3 Ɩlɛnɑ Alɔŋ lɑ́ ɩsɩɩ Tɑcɑɑ kɛɛsʋɣʋ Moisi tɔ. 
\v 4 Wʋlɑ tike kɛ Moisi lɑpɑ nɑ pɑ́ lu fǝtǝlɑnɑɑ tǝsɩɩlɛ tǝnɑ. Pǝ kpɑɣɑʋ tǝ tɑpʋɣʋ, hɑlǝnɑ tǝ tomle nte tǝ nǝɣǝsǝnɑ ɩsɩɩ tʋɣʋ hɛtʋ tɔ. Ɩsɩɩ Tɑcɑɑ kɑ hʋlɑ-ɩ tɔ.
\s1 Lefii nyǝ́mɑ tǝmlɛ tɑɑ sʋʋʋ kɔtɑɣɑ
\p
\v 5 Ḿpʋ́ɣʋ́ Tɑcɑɑ tɔmɑ Moisi sɩ: 
\v 6 Fɑɣɑ Lefii nyǝ́mɑ nɑ pɑ mpɑɑ. Lɑ-wɛɣɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ. 
\v 7 Nmɩɩsɩ pɑ tɔɔ kɛ́ kɔtɑɣɑ lʋm, nɑ pɑ́ hʋ pɑ tɔɔ hʋntʋ tǝnɑ. Nɑ pɑ́ cɔtɔ pɑ wontu, ɩlɛnɑ pǝ́ kɛɛlɩ pɑ nyɔɔŋ tɔɔ ɑsilimɑ. 
\v 8 Ɩlɛnɑ pɑ́ kpɑɣɑ lɑtǝcɛ nɑ kɔtɑɣɑ mʋlʋm mpi pɑ nuɣutinɑ nim tɔ. Nɑ Moisi nɑ́ɑ́ kpɑɣɑ ɩsɑɣɑtʋ hɩɩsʋɣʋ lɑtǝcɛ nɑɑlɛ nyǝŋ. 
\v 9-10 Nɑ ɩ́ koti Ɩsɛɣɛlɩ nyǝ́mɑ tǝnɑ nɑ Lefii nyǝ́mɑ kpǝtǝnɑ Ɩsɔ cokǝle nɔnɔɣɔ. Nɑ Ɩsɛɣɛlɩ nyǝ́mɑ tǝnɩ pɑ tɔɔ kɛ́ niŋ. 
\v 11 Ɩlɛnɑ Alɔŋ hʋlɩ Lefii nyǝ́mɑ kɛ Ɩsɔ nɑ hɔɣɔlǝŋ tǝnɑ, ɩsɩɩ Ɩsɛɣɛlɩ nyǝ́mɑ lɑkʋɣʋ Ɩsɔ nyǝm tɔ. Ɩlɛnɑ pɛlɛ pɑ lɑkɩ Ɩsɔ kɛ tǝmlɛ. 
\v 12 Pǝ wɑɑlɩ ɩlɛnɑ Lefii nyǝ́mɑ tǝnɩ pɑ niŋ kɛ lɑtǝcɛnɑɑ nɑɑlɛ tɔɔ nɑ Alɔŋ lɑ-m lɛlʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ lɛlʋ kɛ kɔtɑɣɑ ŋkɑ kɔkɔ lusɑ kɑ tǝnɑ tɔ. Ɩlɛ Lefii nyǝ́mɑ ɩsɑɣɑtʋ hɩɩsɑɑ kɛlɛ. 
\v 13 Ɩlɛnɑ ń sɩɩ Lefii nyǝ́mɑ kɛ Alɔŋ nɑ ɩ pǝyɑlɑɑ pɑ ɩsɛntɑɑ. Nɑ ń hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ. 
\v 14 Nɑ Lefii nyǝ́mɑ pǝsɩ Ɩsɔ nyǝ́mɑ nɑ pǝ́ fɑɣɑ pɑ nɑ pɑ tɛɛtʋnɑɑ. 
\v 15 Pǝlɛ pǝ wɑɑlɩ kɛ́ pɑɑ cɑɑlɩ pɑ tǝmlɛ kɛ cokǝle tɑɑ. Ɩsǝnɑ ɩ́ kɑ́ lɑ Lefii nyǝ́mɑ kɛ nyɔɔŋ tɔɔ ɑsilimɑ kɛɛlʋɣʋ kɔtɑɣɑ, nɑ ɩ́ hʋlɩ-wɛ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔɣɔlɛ. 
\v 16 Ḿpʋ́ɣʋ́ Tɑcɑɑ tɑsɑɑ sɩ: Mǝ kɛnɑ mɑ nyǝm. Mpi tɔ, mɑ lɛɛtɑ-mɛɣɛ Ɩsɛɣɛlɩ nyǝ́mɑ kɑncɑɑlɑɣɑ ɑpɑlʋpiyɑ lonɑ kɛ́. 
\v 17 Kʋyɑkʋ ŋku mɑ kʋwɑ Icipiti tɑɑ yǝlɑɑ kɑncɑɑlɑɣɑ ɑpɑlʋpiyɑ tɔ, pǝ kpɑɣɑʋ wɑɑtʋ ɩnɩ tɔ kɑncɑɑlɑɣɑ ɑpɑlʋpiyɑ tǝnɑ pǝsɑ mɑ nyǝm kɛ́. Pɑɑ yǝlɑɑ nyǝnsɩ, pɑɑ tɔlɑ nyǝnsɩ. 
\v 18 Lefii nyǝ́mɑ kɛ mɑ lɛɛtɑ Ɩsɛɣɛlɩ kɑncɑɑlɑɣɑ ɑpɑlʋnyǝnsɩ lonte. 
\v 19 Nɑ sɑmɑɑ tilinɑ-wɛɣɛ Alɔŋ nɑ ɩ pǝyɑlɑɑ pɑ kiŋ nɑ pɑ́ lɑkɩ tǝmɑ nɑ pɑ nɔɣɔ kɛ cokǝle tɑɑ, nɑ Tɑcɑɑ hɩɩsɩ sɑmɑɑ ɩsɑɣɑtʋ. Pǝ́ tɑɑ kɔɔ nɑ pɑ́ kpǝtǝnɑ Ɩsɔ cokǝle nɑ ɩ́ wɑkǝlɩ-wɛ. 
\v 20 Ḿpʋ́ɣʋ́ Moisi nɑ Alɔŋ nɑ Ɩsɛɣɛlɩ nyǝ́mɑ tǝnɑ, pɑ lɑpɑ teitei ɩsɩɩ Tɑcɑɑ kɑ kɛɛsʋɣʋ-wɛɣɛ Lefii nyǝ́mɑ tɔm tɔ. 
\v 21 Pɑ cɔtɑ pɑ wontu nɑ pɑ́ sɔ lʋm. Nɑ Alɔŋ hʋlɩ-wɛɣɛ Ɩsɔ nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ. Nɑ ɩ́ lɑ-wɛɣɛ ɩsɑɣɑtʋ hɩɩsʋɣʋ kɔtɑɣɑ, nɑ ɑsilimɑ kɛɛlʋɣʋ nyǝŋkɑ. 
\v 22 Pǝ wɑɑlɩ kɛ́ Lefii nyǝ́mɑ cɑɑlɑ pɑ tǝmlɛ kɛ Ɩsɔ cokǝle tɑɑ. Nɑ Alɔŋ nɑ ɩ pǝyɑlɑɑ pɑ́ feŋiɣi-wɛ. Ɩsǝnɑ pɑ lɑpɑ nti Tɑcɑɑ kɑ heelɑ Moisi tɔɣɔlɛ. 
\v 23 Ḿpʋ́ɣʋ́ Tɑcɑɑ tɑsɑ Moisi kɛ heeluɣu sɩ: 
\v 24 Mpi pǝ kɛ́ Lefii nyǝ́mɑ nyǝntʋ tɔɣɔlɔ. Pɑɑ Lefii tʋ wei, ye ɩ wɛnɑ pɩɩsɩ hiu nɑ kɑkpɑsɩ nɑ wɑɑlɩ kɛ mpʋ, wɑɑtʋ ɩnǝɣɩ ɩ kɑ cɑɑlɩ Ɩsɔ cokǝle tɑɑ tǝmlɛ. 
\v 25 Ɩlɛnɑ pɑ́ cɛpɩ-ɩ ɩ pɩɩsɩ nɩɩlɛ nɑ nɑɑnʋwɑ nyǝŋkɑ tɑɑ. 
\v 26 Ye pɑ cɛpɑ wei, ɩ pǝsǝɣɩ nɑ ɩ́ sǝnɑ ɩ tɛɛtʋnɑɑ kɛ Ɩsɔ cokǝle tǝmlɛ yɑɑ. Amɑ pɑ kɑɑ tʋ-ɩ ɩ mɑɣɑmɑɣɑ ɩ nyǝntɛ kɛ́. Ɩsǝnɑ Moisi kɑ́ lɑkɩ Lefii nyǝ́mɑ tǝmlɛ tɔm tɑɑ tɔɣɔlɛ.
\c 9
\s1 Tɛɛʋ ɑcimɑ tɔɣɔʋ kɛ Holɛpʋ wʋlɑɣɑ tɛtʋ tɑɑ
\p
\v 1 Ɩsɛɣɛlɩ nyǝ́mɑ Icipiti tɑɑ lɩɩʋ pǝnɑɣɑ nɑɑlɛ nyǝŋkɑ ɩsɔtʋ kɑncɑɑlɑɣɑ nyǝŋ tɑɑ, Tɑcɑɑ tɔmɑ Moisi kɛ Holɛpʋ wʋlɑɣɑ tɛtʋ tɑɑ sɩ: 
\v 2 Pǝ wɛɛ sɩ, Ɩsɛɣɛlɩ nyǝ́mɑ ɩ́ tɔɣɔ Tɛɛʋ ɑcimɑ kɛ kʋyɑkʋ ŋku mɑ sɩɩwɑ tɔ. 
\v 3 Ɩsɔtʋ ɩnɛ ɩ kʋyɑkʋ nɑɑnʋwɑ nɑ liɣiti nyǝŋkʋ wule tɑɑnɑɣɑ kɛ ɩ́ kɑ́ tɔɣɔ-yɛ, ɩsɩɩ pɑ sɩɩʋ pǝ kiiŋ nɑ pǝ kʋsǝsɩɩtʋ tɔ. 
\v 4 Ɩlɛnɑ Moisi tɛlǝsɩ tɔm ntǝɣɩ Ɩsɛɣɛlɩ nyǝ́mɑ. 
\v 5 Ḿpʋ́ɣʋ́ pɑ tɔɣɔ Tɛɛʋ ɑcimɑ kɛ kʋyɑkʋ ŋkʋɣʋ Holɛpʋ wʋlɑɣɑ tɛtʋ tɑɑ kɛ teitei ɩsɩɩ Tɑcɑɑ kɑ kɛɛsʋɣʋ Moisi tɔ. 
\v 6 Amɑ nɑpǝlɩ pɑ tokinɑ sǝtʋ nɑ pǝ́ pilisi-wɛɣɛ kʋyɑkʋ ŋkʋ. Ɩlɛ pɑ tɑ pǝsɩ nɑ pɑ́ tɔɣɔ Tɛɛʋ ɑcimɑ, nɑ pɑ́ polo nɑ pɑ́ kɛɛsɩ Moisi nɑ Alɔŋ sɩ: 
\v 7 Tǝ pilisɑ tɑ tɩ nɑ sǝtʋ tɔ, pɩɩ kɑɣɑtɩ-tʋ sɩ tǝ ponɑ Tɑcɑɑ kɛ kʋhɑʋ, ɩsɩɩ lɛlɑɑ kɛ kʋyɑkʋ ŋku pɑ sɩɩwɑ tɔ, kʋ wule nɑ? 
\v 8 Ntɛnɑ Moisi sɩ: Ɩ́ yele nɑ Tɑcɑɑ hʋlɩ-m ɩsǝnɑ pǝ wɛɛ sɩ ɩ́ lɑ tɔ nɑ pǝ́cɔ́.
\p
\v 9 Ḿpʋ́ɣʋ́ Tɑcɑɑ tɔmɑ Moisi sɩ: 
\v 10 Tɛlǝsɩ Ɩsɛɣɛlɩ nyǝ́mɑ sɩ, pǝ kpɑɣɑʋ sɑŋɑ nɑ pǝ́ puki tɔ, ye nɔɣɔlʋ tokinɑ sǝtʋ nɑ pǝ pilisi-ɩ, yɑɑ ɩ polɑ mpɑɑʋ kɛ ɑcimɑ wule, 
\v 11 ɩlɛ ɩ tɔɣɔ-yɛɣɛ ɩsɔtʋ nɑɑlɛ nyǝŋ kʋyɑkʋ nɑɑnʋwɑ nɑ liɣiti wule tɑɑnɑɣɑ, nɑ kɔtɑɣɑ ɩwǝyɑɣɑ nɑ kʋkʋsʋm fɛɩ kɑkɑlɑsɩ nɑ tuusi nyɑŋ nyǝnsɩ. 
\v 12 Pǝ tɔɣɔnɑɣɑ ɩ́ tɑɑ fe tɛʋ. Pǝyele ɩ́ tɑɑ yɔkɩ kpǝntɛ mʋɣʋlɛ. Pǝ wɛɛ sɩ ɩ́ tǝŋ Tɛɛʋ ɑcimɑ kɔtɑsɩ kɛ teitei kɛ́. 
\v 13 Amɑ ye nɔɣɔlʋ lɑpɑ Tɛɛʋ ɑcimɑ kʋyɑkʋ ŋkʋɣʋ ɑwusɑ, nɑ pǝ́ tɑ́ kɛ́ sɩ ɑsilimɑ nɑɑlɩ, yɑɑ ɩ tɔŋ mpɑɑʋ ɩ tɔm sǝpɑɣɑ. Pɑɑ lǝsɩ-ɩ Ɩsɛɣɛlɩ nyǝ́mɑ tɑɑ kɛ́ mpi pǝ tɔɔ ɩ tɑ kɔnɑ ɩ kʋhɑʋ kɛ pǝ kʋyɑkʋ wule tɔ. 
\v 14 Ye mǝ ɩcɑtɛ tɑɑ cɑɣɑlʋ tɔkɩ, ɩ kɑ́ tǝŋ ɑ kiiŋ kɛ́ nɑ ɑ kʋsǝsɩɩtʋ. Kʋlʋmtʋ ntǝɣɩ Ɩsɛɣɛlɩ tʋ nɑ cɑɣɑlʋ pɑɑ tɔkɩ.
\s1 Ɩsɔŋmʋntʋ wɑɑsɑ Ɩsɔ cokǝle tɔɔ
\p
\v 15-16 Kʋyɑkʋ ŋku pɑ sikɑ nɔɣɔ pɛɛlʋɣʋ wontu cokǝle tɔɣɔ ɩsɔŋmʋntʋ sʋʋ wɑɑsʋɣʋ kɛ tǝ tɔɔ kɛ tɑm. Nɑ tǝ́ mʋɣɩ kɔkɔ kɛ pɑɑ ɑhoo nnɑ, hɑlǝnɑ pǝ nyɑɑlǝɣɩ. 
\v 17 Ye ɩ́ cɑɑkɩ lonte lɑɣɑsʋɣʋ ɩlɛ ɩsɔŋmʋntʋ kɛɛlɩ Ɩsɔ cokǝle tɔɔ nɑ ɩ́ tɛmɑ ɩlɛ tǝ mǝlɩ. 
\v 18-19 Tɑcɑɑ hʋlǝɣǝnɑ Ɩsɛɣɛlɩ nyǝ́mɑ mɛɣɛ wɑɑtʋ wei ɩ́ kɑ́ kpɛsɩ tɔ, nɑ wɑɑtʋ wei ɩ́ kɑ siki tɔ. Ye ɩsɔŋmʋntʋ leelɑ Ɩsɔ cokǝle tɔɔ, Ɩsɛɣɛlɩ nyǝ́mɑ nɩɩkǝnɑ Ɩsɔ kɛ́. Pɑɑ lɑɣɑsǝɣɩ lonte. 
\v 20 Pɑɑ pǝ kɑɑsɑ-tǝɣɩ kʋyɛɛŋ kɛ pǝ́cɔ́ pɑ wɛ ḿpʋ́ɣʋ́. Tɑcɑɑ kɑ kɛɛlɩ-tǝɣɩ nɑ pǝ́cɔ́ pɑ́ kpɛsɩ. 
\v 21 Wulee wulee ɩlɛnɑ ɩsɔŋmʋntʋ cɑɣɑ lonte kʋlʋmtǝlɛ kɛ tɑɑnɑɣɑ, hɑlǝnɑ pǝ nyɑɑlɩ. Yɑɑ kʋyɑkʋ kʋlʋmʋɣʋ nɑ ɑhoo kʋlʋmɛɛ. Ye tǝ kɛɛlɑ kpɑkpɑɑ ɩlɛ Ɩsɛɣɛlɩ nyǝ́mɑ tɛɛ. 
\v 22 Amɑ ye tǝ nyɑlɑ ḿpʋ́ɣʋ́ Ɩsɔ cokǝle tɔɔ kɛ́ kʋyɛɛŋ nɑɑlɛ, yɑɑ ɩsɔtʋ, yɑɑ pǝ tɛɛ mpʋ. Ɩsɛɣɛlɩ nyǝ́mɑ wɛ ḿpʋ́ɣʋ́, hɑlǝnɑ tǝ́ kɛɛlɩ nɑ pǝ́cɔ́. 
\v 23 Ye pɑ sikɑɑ nɑ Tɑcɑɑ tɑ tɔ́ sɩ pɑ́ kʋlɩ, pɑɑ kʋlǝɣɩ. Ḿpʋ́ɣʋ́ pɑ lɑkɑɣɑ pɑ tǝmɑ nnɑ Tɑcɑɑ tʋ-wɛ nɑ Moisi nɔɣɔ tɔ.
\c 10
\s1 Liɣitee nyǝɣǝtʋ ɑkɑntɛɛ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Lu liɣitee nyǝɣǝtʋ kɛ ɑkɑntɛɛ nɑɑlɛ. Anǝɣɩ pɑɑ hʋlɩ nɑ sɑmɑɑ kpeɣeli, yɑɑ kpekɑ tʋ mpɑɑʋ. 
\v 3 Wɑɑtʋ wei pɑ́ hʋlɑ ɑ nɑɑlɛ, ɩlɛ Ɩsɛɣɛlɩ sɑmɑɑ koti ɩ cɔlɔɣɔ cokǝle nɔnɔɣɔ. 
\v 4 Ye kʋlʋmtǝlɛ kɛ pɑ hʋlɑɑ, ɩlɛ nyʋɣʋ nyǝ́mɑ tike koti. 
\v 5-6 Ye pɑ hʋlɑ ɑkɑntǝlɛ nɑ kɑkiisɑsɩ, ɩlɛ tɛɛʋ ntɛ́. Pɑ hʋlǝɣɩ tɔm kɑncɑɑlɑɣɑ nyǝm, ɩlɛnɑ Ɩsɛɣɛlɩ kpekǝle nte tɩɩ sikinɑ cokǝle ilim tǝlɩɩlɛ tɔɔ tɔ, tǝ́ tʋ́ mpɑɑʋ. Pɑ tɑsǝɣɩ nɑɑlɛ nyǝm, ɩlɛnɑ ilim mpǝtǝŋ nyǝntɛ nɑ́ɑ́ tǝŋ. 
\v 7 Ye pǝ kɛ́ sɩ yǝlɑɑ kotuɣu, pɑ kɑɑ hʋlǝnɑ kɑkiisɑsɩ. 
\v 8 Alɔŋ pǝyɑlɑɑ kɔtǝlɑɑ tike kɑ hʋlǝɣǝnɑ ɑkɑntɛɛ ɑnɩ. Pǝ wɛɛ sɩ mǝ nɑ mǝ piyɑ piyɑ, ɩ́ kɑ́ tɔkɩ kʋsǝsɩɩtʋ tǝnɛɣɛ tɑm tɔɔ kɛ́.
\p
\v 9 Ye ɩ polɑ mǝ kolontunɑɑ kɛ yoonɑʋ nɑ pɑ kʋlǝɣɩ mǝ tɔɔ, ɩlɛ ɩ́ hʋlɩ ɑkɑntɛɛ nɑ kɑkiisɑsɩ ɩlɛnɑ Tɑcɑɑ mǝ Ɩsɔ mɑ́, mɑ tɔɔsɩ mǝ tɔɔ nɑ mɑ́ wɑɑsɩ-mɛ. 
\v 10 Mpʋ tɔtɔɣɔ ɩ́ kɑ hʋlǝɣɩ-yɛɣɛ mǝ ɑyɔɔlɑ kʋyɛɛŋ, nɑ mǝ ɑcimɑ nyǝŋ, nɑ mǝ ɩsɔtʋnɑɑ kɑncɑɑlɑɣɑ kʋyɛɛŋ, kɛ wɑɑtʋ wei ɩ lɑkɩ kɔtɑsɩ nsi kɔkɔ lusɑ sɩ tǝnɑ tɔ nɑ ciikuɣu nyǝnsɩ. Ɩlɛnɑ mɑ́ tɔɔsɩ mǝ tɔɔ. Mɑɣɑlɛ Tɑcɑɑ mǝ Ɩsɔ.
\ms1 HOLƐPƲ NA PƎ POLO MOWAPƲ TƐTƲ TOŊA
\s1 Ɩsɛɣɛlɩ nyǝ́mɑ kʋlʋɣʋ kɛ Holɛpʋ pʋɣʋ luɣu
\p
\v 11 Ɩsɛɣɛlɩ nyǝ́mɑ Icipiti lɩɩʋ pǝnɑɣɑ nɑɑlɛ nyǝŋkɑ, ɩsɔtʋ nɑɑlɛ nyǝŋ kʋyɑkʋ hiu nyǝŋkʋ kɛ ɩsɔŋmʋntʋ kɛɛlɑ Ɩsɔ cokǝle tɔɔ. 
\v 12 Ḿpʋ́ɣʋ́ Ɩsɛɣɛlɩ nyǝ́mɑ kʋlɑ Holɛpʋ wʋlɑɣɑ tɛtʋ tɑɑ. Ɩlɛnɑ ɩsɔŋmʋntʋ tii Pɑlɑŋ wʋlɑɣɑ tɛtʋ tɑɑ. 
\v 13 Ɩsɛɣɛlɩ nyǝ́mɑ kʋlɑ tɔm kɑncɑɑlɑɣɑ nyǝm pǝnɛɣɛ, ɩsɩɩ Tɑcɑɑ kɛɛsʋɣʋ Moisi tɔ.
\p
\v 14 Yutɑ yoolɑɑ tintiɣile nɑ pɑ tuutɑ kɛlɛ nɔɣɔ tɔɔ. Aminɑtɑpɩ pǝyɑlʋ Nɑsɔŋ kɛlɛ pɑ nyʋɣʋ tʋ. 
\v 15 Ɩsɑkɑɑ nyǝ́mɑ nyʋɣʋ tʋ ntɛ́ Suwɑɑ pǝyɑlʋ Netɑneyɛlɩ. 
\v 16 Sɑpulɔŋ nyǝ́mɑ nyǝŋ ntɛ́ Helɔŋ pǝyɑlʋ Ɩliyɑpɩ.
\p
\v 17 Ḿpʋ́ɣʋ́ pɑ hɛtɑ cokǝle, nɑ Kɛɛsɔŋ nɑ Melɑli pɑ pǝyɑlɑɑ kpɑɣɑ-tɛ.
\p
\v 18 Ɩlɛnɑ Lupɛŋ yoolɑɑ tintiɣile, nɑ pɑ tuutɑ pɑ́ tʋ́ pɑ wɑɑlɩ. Pɛlɛ pɑ nyʋɣʋ tʋ ntɛ́ Setewu pǝyɑlʋ Ɩlisuu. 
\v 19 Simiyɔŋ nyǝ́mɑ nyʋɣʋ tʋ ntɛ́ Sulisɑtɑɩ pǝyɑlʋ Selumǝyɛlɩ. 
\v 20 Kɑtɩ nyǝ́mɑ nyǝŋ ntɛ́ Teuwɛlɩ pǝyɑlʋ Ɩliyɑsɑfɩ.
\p
\v 21 Ɩlɛnɑ Lefii tʋ Kehɑtɩ lʋlʋɣʋ nyǝ́mɑ mpɑ pɑ sǝɣǝlɑ ɩsɔ sɛɛʋ wontu tɔ pɑ́ tǝŋ. Nɑ Lefii nyǝ́mɑ lɛlɑɑ nɑ́ɑ́ tɔŋɑ cokǝle sikuɣu nɑ pɑ́ tɑŋɑ-wɛ.
\p
\v 22 Ɩlɛnɑ Ɩfǝlɑyim yoolɑɑ tintiɣile nɑ pɑ tuutɑ pɑ́ tʋ́ pɑ wɑɑlɩ. Pɛlɛ pɑ nyʋɣʋ tʋ ntɛ́ Amihuti pǝyɑlʋ Ɩlisɑmɑ. 
\v 23 Mɑnɑsee nyǝ́mɑ nyǝŋ ntɛ́ Petɑsuu pǝyɑlʋ Kɑmliyɛlɩ. 
\v 24 Pɛncɑmɛɛ nyǝ́mɑ nyǝŋ ntɛ́ Kitoni pǝyɑlʋ Apitɑŋ.
\p
\v 25 Pǝ wɑɑlɩ kɛ́ Tɑŋ yoolɑɑ tintiɣile nte tǝ kɛ́ wɑɑlɩ tɑŋlɑɑ tɔ, tǝ́ nɑ tǝ tuutɑ tǝ tʋ́ mpɑɑʋ. Amisɑtɑɩ pǝyɑlʋ Ahiyesɛɛ kɛlɛ pɑ nyʋɣʋ tʋ. 
\v 26 Asɛɛ nyǝ́mɑ nyǝŋ ntɛ́ Okǝlɑŋ pǝyɑlʋ Pɑkiyɛlɩ. 
\v 27 Nefǝtɑli nyǝ́mɑ nyǝŋ ntɛ́ Ɩnɑŋ pǝyɑlʋ Ahilɑ.
\p
\v 28 Ɩsǝnɑ Ɩsɛɣɛlɩ nyǝ́mɑ kpɛsɑ pɑ tǝsikile nɑ pɑ́ tʋ́ mpɑɑʋ tɔɣɔlɛ.
\s1 Tɑcɑɑ mɑɣɑmɑɣɑ tiikiɣi ɩ yǝlɑɑ
\p
\v 29 Ḿpʋ́ɣʋ́ Moisi tɔmɑ ɩ yǝtɩ Mɑtiyɑŋ tʋ Lewɛlɩ pǝyɑlʋ Hopɑpɩ sɩ: Tɛtʋ nti Tɑcɑɑ sɩɩ nɔɣɔ sɩ ɩ hɑɑkɩ-tʋ tɔ, tǝ tɑɑ kɛ́ tǝ puki. Ɩlɛ tǝŋ-tʋ nɑ tɩɩ tɑlǝnɑ-ŋ kʋpɑntʋ nti ɩ lɑkɩ-tʋ tɔ. 
\v 30 Ntɛnɑ ɩ́lɛ́ ɩ kisi sɩ ɩ mǝlǝɣɩ ɩ tɛtʋ tɑɑ. 
\v 31 Mpʋɣʋlɛ Moisi sɩ: Tɑɑ lɔ-tʋ. Mpi tɔ, nyɑ́ nyǝmnɑ wʋlɑɣɑ tɛtʋ tɑɑ timpi timpi tɩɩ siki tɔ, tǝŋ-tʋ nɑ ń hʋlɩ-tʋ. 
\v 32 Ye n tǝŋɑ-tʋ, tɩɩ tɑlǝnɑ-ŋ kʋpɑntʋ nti Tɑcɑɑ kɑ lɑ-tʋ tɔ.
\p
\v 33 Ḿpʋ́ɣʋ́ tǝ kʋlɑ Tɑcɑɑ pʋɣʋ cɔlɔ, nɑ tǝ́ tɔ́ kʋyɛɛŋ tooso. Nɑ Ɩsɔ ɑtɑkɑɑ kɛ́ tɑ nɔɣɔ tɔɔ sɩ ɩ pɛɛkǝɣɩ-tʋɣʋ timpi tɩɩ siki nɑ tǝ́ hɛɛsɩ tɔ. 
\v 34 Ilim tɑɑ kɛ tǝ kʋlɑɑ, nɑ ɩsɔŋmʋntʋ wɛ tɑ nyɔɔŋ tɑɑ. 
\v 35 Tǝ tɛɛkɑɣɑnɑ Ɩsɔ ɑtɑkɑɑ ɩlɛnɑ Moisi yɔɣɔtǝnɑ nɔɣɔ sɔsɑɣɑ sɩ: Tɑcɑɑ sǝŋ nyɑ́ nɑɑsɩ tɑɑ, nɑ nyɑ́ kolontunɑɑ nɑ mpɑ pɑɑ cɑɑ-ŋ tɔ pɑ́ yɑ́. 
\v 36 Wɑɑtʋ wei pɑ sɩɩkɑɣɑ Ɩsɔ ɑtɑkɑɑ, ɩlɛnɑ Moisi tɑsɑ sɩ: Tɑcɑɑ kɔɔ, nɑ ń cɑɣɑ Ɩsɛɣɛlɩ nyǝ́mɑ tɑ tɑ hɛkʋ. Mpi tɔ, tǝ wɛ pɑɣɑlɛ kɛ́, tǝ fɛɩ kɑlʋɣʋ.
\c 11
\s1 Ɩsɛɣɛlɩ nyǝ́mɑ kɛ Tɑpelɑ
\p
\v 1 Ḿpʋ́ɣʋ́ kʋyɑkʋ nɑkʋlɩ Ɩsɛɣɛlɩ nyǝ́mɑ kʋntǝnɑ Tɑcɑɑ, nɑ pɑ́ɑ́nɑ́ kpɑ-ɩ. Nɑ ɩ́ tisi kɔkɔ nɑ kɑ́ nyɑɣɑ tisikile kɛ pǝcɔ. 
\v 2 Ntɛnɑ sɑmɑɑ wiinɑ Moisi tǝkpɛɛ, nɑ ɩ́lɛ́ ɩ sǝlǝmǝnɑ-wɛɣɛ Tɑcɑɑ nɑ kɔkɔ te. 
\v 3 Ɩlɛnɑ pɑ́ hɑ lonte ntɛɣɛ hǝtɛ sɩ Tɑpelɑ. Nyɑɣɑʋ kɛ pɑ yɑɑ mpʋ nɑ pɑ tɛ tɑɑ. Mpi tɔ, tǝnɑɣɑ Tɑcɑɑ kɑ nyɑɣɑsɑ pɑ tǝsikile.
\s1 Ɩsɛɣɛlɩ nyǝ́mɑ kʋntǝɣǝnɑ Tɑcɑɑ
\p
\v 4 Ḿpʋ́ɣʋ́ kʋyɑkʋ nɑkʋlɩ luluɣu kpɑwɑ cɑɣɑlɑɑ. Ɩlɛnɑ pǝ kpɛnnɑ Ɩsɛɣɛlɩ nyǝ́mɑ mɑɣɑmɑɣɑ nɑ pɑ́ tɑɣɑnǝɣɩ kʋntʋɣʋ sɩ: Tɩɩ hiki nɑntʋ ntɛ́ nɑ tǝ́ tɔɣɔ? 
\v 5 Aɑ kɑɩ, yǝlɑɑ tɔɣɔ Icipiti tɑɑ kɛ́ tiinɑ kɛ fɑɑlɑɑ. Nɑ kɑɑmɑ mɑɣɑmɑɣɑ nɑ ɑ nǝɣǝsǝlɛnɑɑ mpɑ pɑ tɔkǝnɑ lɛŋ tɔ, nɑ kɑɑpǝnɑɑ kɛ wɑɑnɩ wɑɑnɩ. 
\v 6 Amɑ pǝ tɑɑ pʋlʋ fɛɩ cǝnɛ. Mɑnnɑ ɩnǝɣǝlɛ Mɑnnɑ, nɑ tǝ́ tɛŋ tɑɑsɩ.
\p
\v 7 Mɑnnɑ ɩnɩ ɩ kɑ nǝɣǝsǝnɑ kɛ́ ɩsɩɩ pee kʋhʋlʋmɛɛ nɑɑlɩ, ɩ wɛ ɩsɩɩ tʋɣʋ nɑkʋlɩ kʋ cǝlǝm. 
\v 8-9 Ahoo kɛ cɔlɔʋ kpɑɑkɩ tǝsikile, ɩlɛnɑ Mɑnnɑ hoti. Pǝ nyɑɑlǝɣɩ, ɩlɛnɑ sɑmɑɑ cɔɔ nɑ pɑ́ kuuki, nɑ pɑ́ nɑŋǝɣɩ yɑɑ pɑ́ sɔkɩ, nɑ pɑ́ tǝsǝɣɩ, yɑɑ pɑ́ tʋɣɩ kɑkɑlɑsɩ. Ɩ leleŋ wɛ kɛ ɩsɩɩ nim kɑkɑlɑɣɑ.
\p
\v 10 Mpʋɣʋlɛ Ɩsɛɣɛlɩ nyǝ́mɑ kotɑ pɑ tɛɛsɩ nɔnɔɔɔsɩ nɑ pɑ́ kʋntǝɣɩ, nɑ Moisi nɩɩ. Ɩlɛnɑ Tɑcɑɑ pɑ́ɑ́nɑ́ huu. 
\v 11 Nɑ Moisi lɑŋlɛ wɑkǝlɩ, nɑ ɩ́ pɔɔsɩ Ɩsɔ sɩ: Pepe tɔɔ kɛ́ mɑ nyʋɣʋ sǝpǝnɑ-ŋ, nɑ ń tʋ-m yǝlɑɑ pɑnɛ pɑ pɑɑsǝnɑʋ nɑ ń cɔɔsǝɣɩ-m mpʋ? 
\v 12 Anɩ pǝ tɑɣɑ mɑ lʋlǝnɑ-wɛ. Nɑ ń tɔŋ sɩ mɑ́ nʋkɩ-wɛ ɩsɩɩ ɑsɔnʋɣʋ nɑ mɑ́ ponɑ-wɛɣɛ tɛtʋ nti n kɑ sɩɩ pɑ cɑɑnɑɑ kɛ nɔɣɔ nɑ tuunɑʋ sɩ, n kɑ́ hɑ-wɛ tɔ. 
\v 13 Yɑɑ leɣe mɑ kpǝlǝɣɩ nɑntʋ nɑ mɑ́ cɛlɑ sɑmɑɑ ɩnɛ nɑ ɩ́ tɔɣɔ? Mpi tɔ, pɑ wiikinɑ-m sɩ mɑ́ cɛlɑ-wɛɣɛ nɑntʋ nɑ pɑ́ tɔɣɔ. 
\v 14 Mɑ tike mɑ kɑɑ pǝsɩ pɑ sǝɣǝlɑ, ɑ tɛɛ-m. 
\v 15 Ye tɑmpɑnɑ sɩ n cɑɑ ń lɑ-m kʋpɑntʋ, pǝ kǝlɑ teu sɩ ń kʋ-m nɑ mpi n kɑ lɑkɩ-m ɩsǝntɔ tɔ. Mɑ́ tɑɑ nɑ mɑ kʋnyɔntɔɣɔlɛ.
\p
\v 16 Ntɛnɑ Tɑcɑɑ cɔ Moisi sɩ: Koti yǝlɑɑ mpɑ lɛlɑɑ tʋɣʋnɑ nɑ pɑ́ kɛ́ nyʋɣʋ nyǝ́mɑ tɔɣɔ nɩɩtoso nɑ nɑɑnʋwɑ. Ɩlɛnɑ nyɑnɑ-wɛ ɩ́ kɔɔ ɩ sǝŋ Ɩsɔ cokǝle nɔnɔɣɔ. 
\v 17 Ɩlɛ mɑɑ tii nɑ mɑ́ nɑ-ŋ tǝ́ yɔɣɔtɩ tǝnɑ, nɑ mɑ́ tʋ-wɛɣɛ nyɑ́ lǝmɑɣɑsǝlɛ. Ɩlɛnɑ pɑ́ sǝnɑ-ŋ nɑ ń tɑɑ sǝɣǝlɩ sɑmɑɑ sǝɣǝlɑ kɛ nyɑ́ tike. 
\v 18 Ɩlɛnɑ ń tɛlǝsɩ yǝlɑɑ sɩ, ɩ́ tɑɣɑnɩ mǝ tǝɣɩ cele tɔɔ. Mɑɑ hɑ-mɛɣɛ nɑntʋ nɑ ɩ́ tɔɣɔ. Mpi tɔ, mɑ nɩɩ ɩsǝnɑ luluŋ pɩɩ-mɛ, nɑ ɩ́ kʋntǝɣɩ, nɑ ɩ́ tɔŋ sɩ mǝ nɩɩkɑɣɑ leleŋ kɛ Icipiti tɔ. 
\v 19 Pǝ tɑɣɑ kʋyɑkʋ kʋlʋmʋɣʋ yɑɑ nɑɑlɛ yɑɑ kɑkpɑsɩ yɑɑ nɑɑnʋwɑ tike kɛ ɩ́ kɑ́ tɔɣɔ-tɩ. 
\v 20 Amɑ ɩsɔtʋ tǝcu kɛ́, hɑlǝnɑ tǝ lɩɩ-mɛɣɛ sɔŋ. Mpi pǝ tɔɔ ɩ́ lɔwɑ Tɑcɑɑ mɑ wei mɑ wɛ mǝ hɛkʋ, nɑ ɩ́ kʋntǝɣɩ mǝ Icipiti tɑɑ lɩɩʋ tɔɔ tɔ.
\p
\v 21 Tǝnɑɣɑlɛ Moisi nɔɣɔ tǝkpɑʋ sɩ: Yoolɑɑ pɑnɛ pɑ tɑ sɛkɩ iyisi nɑsǝtoso (600.000). Nɑ ń mɑɣɑsǝɣɩ sɩ n kɑ́ cɛlɑ-wɛɣɛ nɑntʋ kɛ ɩsɔtʋ nɑ? 
\v 22 Pɑɑ tǝ kʋwɑ tɑ nɑɑŋ, nɑ tɑ heeŋ, nɑ tɑ pǝ́ŋ tǝnɑ. Yɑɑ tǝ kpɑwɑ teŋku tɑɑ tiinɑ tǝnɑ pɩɩ hɑŋǝɣǝnɑ-wɛ.
\p
\v 23 Ntɛnɑ Tɑcɑɑ sɩ: Mɑ tomɑ tɑ tɔɔ? N kɑ́ nɑnɑ nyɑ́ ɩsǝpǝle kɛ nɔɔnɔɔ sɩ, pɩɩ lɑ mpʋ yɑɑ pǝ kɑɑ lɑ?
\s1 Ɩsɔ hɑwɑ ɩ lǝmɑɣɑsǝlɛ kɛ sɔsɑɑ nɩɩtoso nɑ nɑɑnʋwɑ
\p
\v 24 Ḿpʋ́ɣʋ́ Moisi lɩɩwɑ nɑ ɩ́ tɛlǝsɩ Ɩsɛɣɛlɩ sɑmɑɑ kɛ Tɑcɑɑ kʋyɔɣɔtʋtʋ. Pǝ wɑɑlɩ kɛ́ ɩ kotɑ Ɩsɛɣɛlɩ nyʋɣʋ nyǝ́mɑ nɩɩtoso nɑ nɑɑnʋwɑ, nɑ ɩ́ pɩɩlɩ-wɛ nɑ ɩ cɔɔnɑ Ɩsɔ cokǝle. 
\v 25 Ɩlɛnɑ Tɑcɑɑ tii ɩsɔŋmʋntʋɣʋ tɑɑ, nɑ ɩ́ yɔɣɔtǝnɑ Moisi, nɑ ɩ́ tʋ́ nyʋɣʋ nyǝ́mɑ mpɛ pɑ tɑɑ kɛ́ Moisi lǝmɑɣɑsǝlɛ. Nɑ pɑ́ sʋʋ yɔɣɔtʋɣʋ ɩsɩɩ Ɩsɔ kʋyɔɣɔtʋtʋ tɛlǝsǝlɑɑ. Ɩlɛ pǝ tɑ leeli kɛ́.
\p
\v 26 Amɑ nyʋɣʋ nyǝ́mɑ mpɛ pɑ tɑɑ nɑɑlɛ, Ɩlǝtɑ nɑ Metɑ pɑ tɑ polo Ɩsɔ cokǝle kiŋ. Amɑ tǝsikile tɑɑ kɛ́ pɑ sɑɑlɑɑ. Nɑ Ɩsɔ tʋ́ ɩ lǝmɑɣɑsǝlɛ kɛ pɑ tɑɑ nɑ pɑ́ yɔɣɔtǝɣɩ, ɩsɩɩ Ɩsɔ kʋyɔɣɔtʋtʋ tɛlǝsǝlɑɑ. 
\v 27 Ntɛnɑ ɩfepu nɔɣɔlʋ ɩ́ kpɑɣɑ ɑsewɑ nɑ ɩ́ polo ɩ́ heeli Moisi kɛ nti Ɩlǝtɑ nɑ Metɑ pɑ lɑkɩ tɔ.
\p
\v 28 Mpʋɣʋlɛ Nuŋ pǝyɑlʋ Yosuwee wei ɩ lɑkɑɣɑ Moisi tǝmlɛ kɛ tuu ɩ pǝcɑɑtʋ tɔ, ɩ tɔmɑ sɩ: Mɑ cɛ heeli-wɛ sɩ pɑ́ su.
\p
\v 29 Ntɛnɑ Moisi sɩ: N lɑkɩ-m ɩsɛsɛɛmlɛ kɛ́? Hɑlɩ pǝ cɑɣɑ mɑɣɑ ɩsɩɩ Tɑcɑɑ ɩ́ tʋ́ ɩ lǝmɑɣɑsǝlɛ kɛ Ɩsɛɣɛlɩ nyǝ́mɑ tǝnɑ tɑɑ, nɑ pɑ́ lɑ Ɩsɔ kʋyɔɣɔtʋtʋ tɛlǝsǝlɑɑ.
\p
\v 30 Ɩlɛnɑ Moisi nɑ Ɩsɛɣɛlɩ nyʋɣʋ nyǝ́mɑ mpɛ pɑ́ mǝlɩ tǝsikile.
\s1 Tɑcɑɑ kɔnɑ lɛɛsɩ
\p
\v 31 Ḿpʋ́ɣʋ́ Tɑcɑɑ kʋsɑ heelimuɣu nɑ teŋku tɔɔ. Nɑ pǝ́ kɔnɑ lɛɛsɩ tuutuumɑ kɛ tǝsikile hɔɣɔlʋɣʋ, nɑ pǝ́ polo ɩsɩɩ kʋyɑkʋ kʋlʋmʋɣʋ tɔntɛ, nɑ pǝ́ cɔɔ tǝsikile. Nɑ sɩ́ kɑɑ huɣule ɩsɩɩ mɛɛtǝlɩ kʋlʋm. 
\v 32 Ntɛnɑ sɑmɑɑ kuu-sǝɣɩ kʋyɑkʋ ŋkʋ, nɑ pǝ ɑhoo nɑ pǝ tɛʋ kʋfemuɣu. Pɑɑ wei ɩ kɑ tɔɔsɑ pǝcɔ tɔ, pǝ lɩɩkɩ-ɩ kiloonɑɑ iyisi iyisi kɛ́. Ḿpʋ́ɣʋ́ pɑ lemɑ-sǝɣɩ ilim nɑ pǝ cɔɔnɑ tǝsikile. 
\v 33 Amɑ Tɑcɑɑ mʋ pɑ́ɑ́nɑ́ nɑ ɩ́ kʋ́ Ɩsɛɣɛlɩ nyǝ́mɑ kɛ ɩsɑɣɑkʋɣʋ, kɛ wɑɑtʋ wei pɑ suukɑɣɑ nɑntʋ kɛ pɑ nɔɔsɩ tɑɑ tɔ. 
\v 34 Ntɛnɑ pɑ́ hɑ lonte ntɛɣɛ hǝtɛ sɩ Kipǝloti-Tɑɑfɑ. Pǝ hʋwɛɛ ntɛ́ sɩ luluɣu pǝlɑɑʋ nɑ pɑ tɛ tɑɑ. Mpi tɔ, tǝnɑɣɑ pɑ pimɑ yǝlɑɑ mpɑ luluɣu kʋwɑ tɔ.
\p
\v 35 Ɩsɛɣɛlɩ nyǝ́mɑ lɩɩ Kipǝloti-Tɑɑfɑ ɩlɛnɑ pɑ́ tɛɛ Hɑselɔtɩ nɑ pɑ́ siki.
\c 12
\s1 Kʋtɔŋ ŋku kʋ pilisiɣi yʋlʋ tɔ kʋ kpɑ Mɑlǝyɑm
\p
\v 1 Moisi kɑ kpɑɣɑ Kusi ɑlʋ nɔɣɔlʋɣʋ. Ɩlɛnɑ Mɑlǝyɑm nɑ Alɔŋ pɑ́ cɑɣɑnɑ-ɩ ɑkpɑɣɑlɛ ntɛ́ tǝ tɔm. 
\v 2 Hɑlǝnɑ pɑ́ tɔ́ sɩ: Tɑcɑɑ yɔɣɔtǝɣǝnɑ tɑ́ tɔtɔɣɔ. Pǝ tɑɣɑ Moisi tike kɛ ɩ yɔɣɔtǝɣǝnɑ.
\p Ɩlɛnɑ Ɩsɔ nɑ́ɑ́ nɩɩ-tɩ. 
\v 3 Amɑ Moisi nɑ́ tɑ́ cɔ nɑtǝlɩ. Mpi tɔ, ɩ kɑ tɛɛwɑ ɑtɛ yǝlɑɑ tǝnɑɣɑ suulu kɛ́. 
\v 4 Ḿpʋ́ɣʋ́ Tɑcɑɑ yɑɑ ɩ́ nɑ Alɔŋ nɑ Mɑlǝyɑm, nɑ pɑ́ suli cokǝle kiŋ. 
\v 5 Nɑ ɩ́ tii ɩsɔŋmʋntʋɣʋ tɑɑ kɛ́ cokǝle nɔɣɔ. Nɑ ɩ́ yɑɑ Alɔŋ nɑ Mɑlǝyɑm nɑ pɑ nɑɑlɛ pɑ polo. 
\v 6 Nɑ Tɑcɑɑ tɔ-wɛ sɩ: Ɩ́ nɩɩ mɑ kʋyɔɣɔtʋtʋ kɛ teu yoo. Ye mɑ kʋyɔɣɔtʋtʋ tɛlǝsǝlʋ ɩ́ wɛ mǝ hɛkʋ mɑ hʋlǝɣɩ-ɩ mɑ tǝɣɩ. Nɑ mɑ́ lɩɩkɩ ɩ tɔɔ nɑ mɑ yɔɣɔtǝɣǝnɑ-ɩ toosee tɑɑ. 
\v 7 Amɑ mɑ yʋlʋ Moisi nɑ́ nɩɩnɑ-m teu kɛ́, nɑ ɩ́ lɑkɩ ɩ tǝmlɛ kɛ mɑ tǝyɑɣɑ tǝnɑ tɑɑ. 
\v 8 Mɑ nɑ-ɩ tǝ yɔɣɔtǝɣǝnɑ tǝmɑɣɑ tǝcɛɩcɛɩ. Mɑ hʋlǝɣɩ-ɩ mɑ tɩ nɑ ɩ́ nɑɑkɩ mɑ wɛɛtʋ. Ɩlɛ pepe tɔɔ kɛ́ mǝ tɑ́ nyɑnɑ-ɩ, nɑ hɑlǝnɑ ɩ́ cɑɣɑnɑ-ɩ?
\p
\v 9 Ḿpʋ́ɣʋ́ Tɑcɑɑ mʋ pɑ́ɑ́nɑ́ nɑ ɩ́ tɛɛ. 
\v 10 Wɑɑtʋ wei ɩsɔŋmʋntʋɣʋ kɛɛlɑ cokǝle tɔɔ ɩlɛ, kʋtɔŋ ŋku kʋ pilisiɣi yʋlʋ tɔ kʋ wɑɑsɑ Mɑlǝyɑm tɔɔ kɛlɛ, nɑ ɩ́ hʋlʋmɑɑ tǝloiloi ɩsɩɩ kponkpomʋlʋm. Ḿpʋ́ɣʋ́ Alɔŋ nɑ́ mpʋ. 
\v 11 Ɩlɛnɑ ɩ́ tɔ Moisi sɩ: Hɑɩ, suulu Tɑcɑɑ, tɑ́ tɔm sǝpɑɣɑ. Ɩlɛ tɑɑ lɛɛtɩ-tʋɣʋ tɑ́ kʋmɛlɛntʋ sɑlǝkɑ. 
\v 12 Mɑlǝyɑm ɩ́ tɑɑ wɛɛ ɩsɩɩ pǝyɑɣɑ sǝkʋɣʋ kɑ too lotu tɑɑ, nɑ pɑ́ lʋlɩ-kɛ nɑ kɑ tɔnʋɣʋ fetiliɣi ɩsǝnɑ tɔ.
\p
\v 13 Tǝnɑɣɑlɛ Moisi wiinɑ Tɑcɑɑ sɩ: Hɑɩ, Tɑcɑɑ, Suulu, wɑɑsɩ.
\p
\v 14 Ntɛnɑ Ɩsɔ sɩ: Ye ɩsɩɩ ɩ cɑɑ kɑ tɔwɑ ɩ ɩsɛntɑɑ kɛ́ ntɑɣɑmɑ, pǝ tɑɣɑ kʋyɑkʋ nɑ kʋ ɩsikile kɛ ɩ cɑkɩ fɛɛlɛ tɑɑ? Mpʋ tɔ, pǝ wɛɛ sɩ pɑ́ lǝsɩ-ɩ tǝsikile kɛ kʋyɑkʋ nɑ kʋ ɩsikile kɛ́. Pǝ wɑɑlɩ ɩlɛnɑ pɑ́ tɑɣɑnɩ-ɩ yɑɑʋ.
\p
\v 15 Ḿpʋ́ɣʋ́ pɑ lǝsɑ Mɑlǝyɑm kɛ tǝsikile tɑɑ kɛ́ kʋyɑkʋ nɑ kʋ ɩsikile. Pɑ mǝlǝnɑ-ɩ tɔɣɔ Ɩsɛɣɛlɩ nyǝ́mɑ tʋ́ mpɑɑʋ. 
\v 16 Nɑ pɑ́ polo pɑ siki Pɑlɑŋ wʋlɑɣɑ tɛtʋ tɑɑ.
\c 13
\s1 Feŋlɑɑ nɑɑnʋwɑ nɑ nɑɑlɛ tiluɣu kɛ Kɑnɑɑŋ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Lǝsɩ Ɩsɛɣɛlɩ kpekɑ nyʋɣʋ nyǝ́mɑ tɑɑ kɛ́ yʋlʋ yʋlʋ. Nɑ n tili-wɛ nɑ pɑ́ feŋ Kɑnɑɑŋ tɛtʋ nti mɑ hɑɑkɩ-mɛ tɔ.
\p
\v 3 Ɩlɛnɑ Moisi kʋsɩ Ɩsɛɣɛlɩ nyʋɣʋ nyǝ́mɑ kɛ Pɑlɑŋ wʋlɑɣɑ tɛtʋ tɑɑ, ɩsɩɩ Tɑcɑɑ kɛɛsʋɣʋ-ɩ tɔ. Nɑ pɑ́ polo Kɑnɑɑŋ tɛtʋ feŋuɣu. 
\v 4 Feŋlɑɑ mpɛ pɑ kpekɑ nɑ pɑ hǝlɑ ntɔ: Lupɛŋ kpekǝle tɑɑ nyǝŋ ntɛ́ Sɑkuu pǝyɑlʋ Sɑmuwɑ. 
\v 5 Simiyɔŋ nyǝntɛ tɑɑ nyǝŋ ntɛ́ Holi pǝyɑlʋ Sɑfɑtɩ. 
\v 6 Yutɑ nyǝntɛ tɑɑ nyǝŋ ntɛ́ Yefune pǝyɑlʋ Kɑlɛpʋ. 
\v 7 Ɩsɑkɑɑ nyǝntɛ tɑɑ nyǝŋ ntɛ́ Yosɛɛfʋ pǝyɑlʋ Ɩkɑɑlɩ. 
\v 8 Ɩfǝlɑyim nyǝntɛ tɑɑ nyǝŋ ntɛ́ Nuŋ pǝyɑlʋ Hosee. 
\v 9 Pɛncɑmɛɛ nyǝntɛ tɑɑ nyǝŋ ntɛ́ Lɑfu pǝyɑlʋ Pɑlǝti. 
\v 10 Sɑpulɔŋ nyǝntɛ tɑɑ nyǝŋ ntɛ́ Soti pǝyɑlʋ Kɑtǝyɛlɩ. 
\v 11 Yosɛɛfʋ pǝyɑlʋ Mɑnɑsee nyǝntɛ tɑɑ nyǝŋ ntɛ́ Susi pǝyɑlʋ Kɑtɩ. 
\v 12 Tɑŋ nyǝntɛ tɑɑ nyǝŋ ntɛ́ Kemɑli pǝyɑlʋ Amiyɛlɩ. 
\v 13 Asɛɛ nyǝntɛ tɑɑ nyǝŋ ntɛ́ Mikɑyɛɛlɩ pǝyɑlʋ Setuu. 
\v 14 Nɛfǝtɑli nyǝntɛ tɑɑ nyǝŋ ntɛ́ Fofǝsi pǝyɑlʋ Nɑpi. 
\v 15 Kɑtɩ nyǝntɛ tɑɑ nyǝŋ ntɛ́ Mɑki pǝyɑlʋ Kuwɛlɩ.
\p
\v 16 Mpɑ Moisi tilɑ Kɑnɑɑŋ tɔ pɑ hǝlɑ ntɛ́. Nuŋ pǝyɑlʋ Hosee kɛ Moisi cuɣusɑ hǝtɛ sɩ Yosuwee.
\p
\v 17 Ḿpʋ́ɣʋ́ Moisi kʋsɑ-wɛ nɑ ɩ́ heeli-wɛ sɩ: Ɩ́ kpɑɣɑ ilim ntɔɣɔŋ tɔɔ mpɑɑʋ, nɑ ɩ sʋʋ pulɑsɩ hɔɣɔlʋɣʋ tɑɑ. 
\v 18 Nɑ ɩ feŋ tɛtʋ ntɩ nɑ tǝ yǝlɑɑ kɛ teu, nɑ ɩ́ nɑ pɑ pɑɣɑlɛ nɑ pɑ toŋ tǝnɑɣɑ. 
\v 19 Nɑ ɩ́ nɑ sɩ pɑ wɛnɑ koloosi ɑcɑlɛɛ yɑɑ pɑ fɛɩnɑ. Nɑ tɛtʋ wɛ mʋsʋŋ yɑɑ tǝ sǝpɑ. Nɑ hɔtʋ wɛɛ yɑɑ tǝ fɛɩ. 
\v 20 Ɩ́ ponɑ ɑpɑlʋtʋ nɑ ɩ́ kɔnɑ pɑ tɛtʋ kʋlʋlʋm. Wɑɑtʋ ɩnǝɣɩ tɛtʋ ntɩ tǝ tɩɩŋ wei pɑ yɑɑ sɩ lɛsɛŋnɑɑ tɔ ɩ kɑncɑɑlɑɣɑ nyǝ́mɑ pɩɩkɩ.
\p
\v 21 Ḿpʋ́ɣʋ́ ɑpɑlɑɑ mpɛ pɑ tɛɛwɑ nɑ pɑ́ feŋ tɛtʋ kɛ pǝ kpɑɣɑʋ Siŋ wʋlɑɣɑ tɛtʋ, hɑlǝnɑ Lehopɩ, kɛ Lepo-Hɑmɑtɩ. 
\v 22 Ɩlɛnɑ pɑ́ sʋʋ tɛtʋ ntɩ tǝ tɑɑ, nɑ ilim mpǝtǝŋ tɔɔ. Nɑ pɑ́ tɑlɑ Hepǝlɔŋ kɛ Anɑkɩ lʋlʋɣʋ nyǝ́mɑ tookonɑɑ tɛ. Pɑ hǝlɑ ntɛ́, Ahimɑŋ nɑ Sesɑɩ nɑ Tɑlǝmɑyi. Pɑɑ ŋmɑwɑ Hepǝlɔŋ ɩcɑtɛ kɛ́, nɑ pɩɩsɩ nɑɑtosompɔɣɔlɑɣɑ siki, ɩlɛnɑ pɑ́ ŋmɑ́ Sowɑŋ nyǝntɛ kɛ Icipiti tɛtʋ tɑɑ. 
\v 23 Pɑ tɑlɑ lɛsɛŋ tɛtɛkǝlɛ tɑɑ, ɩlɛnɑ pɑ́ sɛtɩ pǝ tuku, nɑ piliŋɑ, nɑ pɑ́ hɔɣɔlɩ yǝlɑɑ nɑɑlɛ. Nɑ pɑ́ kooli tɩɩŋ wei pɑ yɑɑ sɩ fiki nɑ kǝlenɑɑtɩ tɔ ɩ pee tɔtɔ. 
\v 24 Ḿpʋ́ɣʋ́ pɑ hɑ tǝnɑ ɩnǝɣɩ hǝtɛ sɩ, lɛsɛŋ tɛtɛkǝlɛ kɛ tuku ŋku Ɩsɛɣɛlɩ nyǝ́mɑ kɑ sɛtɑɑ tɔ kʋ tɔɔ.
\s1 Feŋlɑɑ kɛɛsǝɣɩ pɑ mpɑɑʋ tɔm
\p
\v 25 Kʋyɛɛŋ sikɑ nɩɩlɛ, ɩlɛ feŋlɑɑ tɛmɑɣɑlɛ, nɑ pɑ́ mǝlɩ. 
\v 26 Moisi nɑ Alɔŋ nɑ Ɩsɛɣɛlɩ sɑmɑɑ kiŋ kɛ pɑ mǝlɑ Kɑtɛɛsɩ kɛ Pɑlɑŋ wʋlɑɣɑ tɛtʋ tɑɑ. Nɑ pɑ́ kɛɛsɩ-wɛɣɛ pǝ tǝnɑ mpi pɑ nɑwɑ tɔ pǝ tɔm. Nɑ pɑ́ hʋlɩ-wɛɣɛ tɛtʋ kʋlʋlʋm nɑ pɑ heeli-wɛ sɩ: 
\v 27 Kʋpɑntʋ nɑ tɔɣɔnɑɣɑ tǝnɑ tɔlɑ tǝ tɑɑ kɛ́ tǝhɔ. Hɑlǝnɑ pɑ́ hʋlɩ-wɛɣɛ tǝ kʋlʋlʋm. 
\v 28 Amɑ kʋlʋmtʋ kɛ́ sɩ tǝ yǝlɑɑ kɛ́ toŋtʋnɑɑ kɛ́. Nɑ pɑ ŋmɑwɑ koloosi ɑcɑlɛɛ sɔsɔɔnɑ. Hɑlɩ tǝ nɑwɑ tǝ tɑɑ kɛ́ tooko Anɑkɩ lʋlʋɣʋ nyǝ́mɑ. 
\v 29 Amɑleke nyǝ́mɑ nɑ́ cɑɣɑnɑ ntɛɣɛ ilim mpǝtǝŋ tɔɔ, nɑ Hiti nyǝ́mɑ nɑ Yepusi nyǝ́mɑ nɑ Amolii nyǝ́mɑ kɛ pulɑsɩ hɔɣɔlʋɣʋ. Nɑ Kɑnɑɑŋ nyǝ́mɑ kɛ Metitelɑnee teŋku nɑ Yɑɑtɑnɩ pɔɣɔ nɔɣɔ.
\p
\v 30 Ɩsɛɣɛlɩ nyǝ́mɑ cɑɑkɑɣɑ Moisi kɛ kʋntǝnɑʋ. Ɩlɛnɑ Kɑlɛpʋ sumsi-wɛ, nɑ ɩ́ yɔɣɔtǝnɑ tomɑ sɩ: Tǝ́ polo tǝ mʋ tɛtʋ ntɩ, tǝ wɛnɑ pǝ tomɑ.
\p
\v 31 Amɑ ɩ tɑɑpɑlɑɑ nɑ́ tɔmɑ sɩ: Tǝ kɑɑ pǝsɩ nɑ tǝ́ kpɑ yǝlɑɑ mpɛ pɑ tɔɔ, pɑ tɛɛ-tʋɣʋ toŋ.
\p
\v 32 Tǝnɑɣɑlɛ pɑ sʋʋ kɛɛsʋɣʋ kɛ mpi pɑ nɑwɑ tɛtʋ ntɩ tǝ tɑɑ nɑ pǝ́ lɑ-wɛɣɛ sɔɣɔntʋ tɔ pǝ tɔm sɩ: Tɛtʋ ntɩ tǝ kɛ́ nti tǝ kʋɣɩ tǝ yǝlɑɑ tɔɣɔ. Tǝ tɑɑ yǝlɑɑ kɛ́ tookonɑɑ kɛ́. 
\v 33 Ɩlɛnɑ pǝ́ tɩɩ kǝlǝnɑ Anɑkɩ lʋlʋɣʋ nyǝ́mɑ. Tɑ́ wɛ ɩsɩɩ tɔɔlɑɑ kɛ pɑ kiŋ kɛ́, nɑ pɛlɛ pɑ́ nyǝnǝɣɩ-tʋɣʋ mpʋ.
\c 14
\s1 Sɑmɑɑ kisɑ kɑnɑɑŋ tɛtʋ tɑɑ sʋʋʋ
\p
\v 1 Ḿpʋ́ɣʋ́ Ɩsɛɣɛlɩ nyǝ́mɑ mɑpɑ kɑpusi kɛ ɑhoo tǝnɑ. 
\v 2 Nɑ pɑ́ kʋntǝnɑ Moisi nɑ Alɔŋ, nɑ pɑ́ tɔŋ sɩ: Ye tɩɩ sǝpɑ Icipiti tɛtʋ tɑɑ tǝnɑ, pɩɩ lɑpɑ sɑnɑ. 
\v 3 Pepe tɔɔ kɛ́ Tɑcɑɑ kɑ́ ponɑ-tʋɣʋ tɛtʋ ntɩ tǝ tɑɑ, nɑ tǝ sɩ yoou tɑɑ. Nɑ kolontunɑɑ kuu tɑ ɑlɑɑ nɑ tɑ piyɑ. Pǝ kǝlɑ teu sɩ tǝ́ mǝlɩ Icipiti. 
\v 4 Hɑlǝnɑ pɑ́ mɑɣɑsɩ sɩ pɑ kpɑɑkɩ wulɑʋ, nɑ pɑ́ mǝlɩ Icipiti.
\p
\v 5 Tǝnɑɣɑlɛ Moisi nɑ Alɔŋ, pɑ hotɑ pɑ nɔɔsɩ tɔɔ kɛ́ Ɩsɛɣɛlɩ nyǝ́mɑ ɩsɛntɑɑ. 
\v 6 Ḿpʋ́ɣʋ́ feŋlɑɑ tɑɑ nɑɑlɛ, Nuŋ pǝyɑlʋ Yosuwee, nɑ Yefune nyǝŋ Kɑlɛpʋ, pɑ cǝlɑ pɑ wontu nɑ lɑŋwɑkǝllɛ. 
\v 7 Nɑ pɑ́ tɔ́ sɑmɑɑ sɩ tɛtʋ ntɩ tǝ teu wɛ sɔɣɔntʋ. 
\v 8 Kʋpɑntʋ nɑ tɔɣɔnɑɣɑ tɔlɑ tǝ tɑɑ kɛ́ tǝhɔ. Ye Tɑcɑɑ lɑŋlɛ hɛɛnɑ-tʋ, ɩ kɑ́ sʋsɩ-tʋɣʋ tǝ tɑɑ kɛ́ nɑ ɩ́ hɑ-tʋɣʋ-tɩ. 
\v 9 Pǝ tɔɔ tɔ, ɩ́ tɑɑ kpɑ Tɑcɑɑ tɔɔ. Yɑɑ ɩ́ wɛɛnɑ tɛtʋ ntɩ tǝ yǝlɑɑ sɔɣɔntʋ. Pɑ tɩɩŋ kɑ́ lɔ-wɛɣɛ, nɑ tɑ́ɑ́ tǝlǝkɩ-wɛɣɛ tɔm kʋlʋm tɔɔ. Mpi tɔ, tɑ Ɩsɔ wɛ tɑ́ wɑɑlɩ kɛ́. Mpʋ tɔ, tǝ tɑɑ nyɑnɑ-wɛ.
\p
\v 10 Ḿpʋ́ɣʋ́ sɑmɑɑ yɔɣɔtɑɑ sɩ pɑ́ kʋ-wɛ nɑ pɛɛ. Tǝnɑɣɑ Tɑcɑɑ teeli nɑ́ pɑ ɩsɛntɑɑ kɛ́ kpɑkpɑɑ kɛ cokǝle tɔɔ.
\s1 Moisi sǝlǝmǝɣɩ sɩ Ɩsɔ ɩ́ hɩɩsɩ sɑmɑɑ ɩsɑɣɑtʋ
\p
\v 11 Ḿpʋ́ɣʋ́ Tɑcɑɑ tɔmɑ Moisi sɩ: Mɑ hʋlɑ Ɩsɛɣɛlɩ nyǝ́mɑ nɑ yɑɑsinɑɑ pɑɣɑlɛ ntɛ́ mɑ toŋ. Pɑɑ nɑ mpʋ pɑ tɔŋnɑ-m kisuɣu. Pɑɑ lɑkɩ-m nɑɑni. Ɩlɛ pɑɑ lɑɣɑsɩ? 
\v 12 Mɑɑ kpiisi-wɛ nɑ yʋlʋkʋsʋkʋ. Ɩlɛnɑ mɑ́ lɑ́ nɑ Moisi lʋlɩ nɑ ɩ́ pǝsɩ piitim sɔsɔɔm nɑ toŋ nyǝm, nɑ pǝ́ kǝlɩ Ɩsɛɣɛlɩ nyǝ́mɑ.
\p
\v 13 Ntɛnɑ Moisi sɩ Icipiti nyǝ́mɑ cɛkǝnɑɑ sɩ, nyɑ́ toŋ kɛ n lǝsǝnɑ Ɩsɛɣɛlɩ nyǝ́mɑ kɛ pɑ tɛtʋ tɑɑ. 
\v 14 Pɑ kɑɑ lɑŋ-tǝɣɩ tɑɣɑsʋɣʋ kɛ tɛtʋ tǝnɛ tǝ nyǝ́mɑ. Pɛlɛ pɑ nyǝ́mɑ sɩ n wɛ tɑ́ wɑɑlɩ kɛ́, nɑ ń hʋlǝɣɩ-tʋɣʋ nyɑ́ tɩ. Nɑ tǝ́ nɑɑkɩ nyɑ́ tǝmɑ nɑ ń kentiɣi tɑ́ tɔɔ. Mpi tɔ, n wɛ tɑ́ nɔɣɔ tɔɔ kɛ́ ɩsɔŋmʋntʋɣʋ tɑɑ kɛ́, nɑ ɑhoo ɩlɛnɑ ń wɛɛ ɩsɔŋmʋntʋɣʋ ŋku kʋ mʋɣɩ kɔkɔ tɔ kʋ tɑɑ. 
\v 15 Ye nɔɔnɔɔ n kpiisɑ-tʋɣʋ tɔm kʋlʋm, piitimnɑɑ mpɑ pɑ nɩɩwɑ pǝ tǝnɑ mpi n lɑpɑ tɔ, pɑɑ tɔ sɩ, 
\v 16 n kpisɑ nyɑ́ yǝlɑɑ ponɑʋ kɛ tɛtʋ kʋpɑntʋ tɑɑ, ɩsɩɩ n kɑ sɩɩʋ tɔ. Pǝ tɔɔ kɛ́ n kʋ-wɛɣɛ wʋlɑɣɑ tɛtʋ tɑɑ. 
\v 17 Ɩlɛ hɑɩ, Tɑcɑɑ, mɑ wiikinɑ-ŋ sɩ ń hʋlɩ nyɑ́ toŋ nɑ ń lɑ́ ɩsɩɩ n kɑ yɔɣɔtʋɣʋ tɔ sɩ: 
\v 18 Mɑɣɑlɛ Tɑcɑɑ, mɑ wɛnɑ suulu kɛ́ nɑ mɑ kʋpɑntʋ fɛɩ tǝnɑɣɑ. Mɑ wiiki ɩsɑɣɑlɑtɑɑ nɑ kpɛɛnlɑɑ. Amɑ mɑɑ hɑɑkɩ tɑsǝkǝlɛ tʋ kɛ tɑmpɑnɑ. Mɑ hɔŋ ɑsɑɣɑɑ ŋkpɑŋŋ kɛ́ nɑ mɑ́ kpɛnnɑ pɑ lʋlʋŋ loosi tooso yɑɑ liɣiti nyǝŋkɑ. 
\v 19 Tɑcɑɑ nyɑ́ kʋpɑntʋ tɔɔwɑ sɔsɔm. Wii nyɑ́ yǝlɑɑ, ɩsɩɩ too n lǝsʋɣʋ-tʋɣʋ Icipiti nɑ n lɑkɩ tɔ. 
\v 20 Mpʋɣʋlɛ Ɩsɔ nɔɣɔ tǝkpɑʋ sɩ: Mɑɑ wii-mɛ, ɩsɩɩ n sǝlǝmʋɣʋ tɔ. 
\v 21 Pɑɑ nɑ mpʋ timpi mɑ kɛ́ weesuɣu tʋ, nɑ mɑ teeli su tɛtʋ tǝnɑ tɔ, mɑ tuukinɑ mɑ tɩ sɩ, 
\v 22-23 mǝ tɑɑ nɔɣɔlʋ kɑɑ sʋʋ tɛtʋ ntɩ tǝ tɑɑ. Pǝ tɑɣɑ pʋlʋ, ɩ́ nɑwɑ mɑ teeli nɑ mɑ tǝmɑ sɔsɔɔnɑ nnɑ mɑ lɑpɑ Icipiti nɑ wʋlɑɣɑ tɛtʋ tɑɑ cǝnɛ tɔ. Pɑɑ nɑ mpʋ ɩ́ tɔŋɑ-m mɑɣɑsʋɣʋ sɩ, ɩ́ nɑɑkɩ mɑ wɑɑlɩ. Pǝyele ɩ́ɩ́ nɩɩkǝnɑ-m. Pǝ tɔɔ kɛ́ mǝ tɑɑ nɔɣɔlʋ kɑɑ keesi tɛtʋ nti mɑɑ sɩɩwɑ sɩ mɑɑ hɑ mǝ cɑɑnɑɑ tɔ. Mpi tɔ, mǝ tǝnɑ ɩ́ lɔnɑ-m. 
\v 24 Amɑ mɑ tǝmlɛ tʋ Kɑlɛpʋ nɑ́ wɛnɑ lǝmɑɣɑsǝlɛ kʋpɑntɛ. Ɩ tɑ lɔ mɑ tɔm. Ɩ kɑ́ sʋʋ tɛtʋ nti ɩ feŋɑɑ tɔ tǝ tɑɑ. Mɑɑ hɑ-tǝɣɩ ɩ lʋlʋɣʋ nyǝ́mɑ. 
\v 25 Amɑleke nɑ Kɑnɑɑŋ nyǝ́mɑ wɛnnɑ tɛtɛkǝlɛ tɑɑ. Pǝ tɔɔ tɔ, cele ɩ́ mǝlɩ mǝ nɔɔhɛɛ tɔɔ nɑ ɩ́ fɑɣɑnɑ wʋlɑɣɑ tɛtʋ tɑɑ kɛ sǝsǝncɑɑsɩ teŋku tɔɔ.
\s1 Tɑcɑɑ hɔm kɛ yǝlɑɑ ŋkpɑŋʋɣʋ
\p
\v 26 Ḿpʋ́ɣʋ́ Tɑcɑɑ tɑsɑ Moisi nɑ Alɔŋ kɛ heeluɣu tɔtɔ sɩ: 
\v 27 Mɑ nɩɩwɑ Ɩsɛɣɛlɩ nyǝ́mɑ kʋntǝɣǝnɑ-m. Yǝlɑɑ kɑtɛ nyǝ́mɑ mɛ ɩ́ kɑɑ hɛɛsɩ pǝ lɑpʋ. 
\v 28 Ɩ́ tɛlǝsɩ-wɛ sɩ, mɑ kɛ́ weesuɣu tʋ kɛ́. Mɑ tuukinɑ mɑ tɩ sɩ mɑɑ lɑ-mɛ ɩsɩɩ ɩ́ yɔɣɔtɑɑ tɔ. 
\v 29 Amɑ mǝ tǝnɑ mpɑ pɑ kɑlɑɑ nɑ ɩ́ wɛnɑ ɩsɩɩ pɩɩsɩ hiu nɑ wɑɑlɩ tɔ, ɩ́ kɑ́ sɩ. Mpi pǝ tɔɔ ɩ́ kʋntǝɣǝnɑ-m tɔ. 
\v 30 Kɑlɛpʋ nɑ Yosuwee pɑ pɑɑsi, nɔɣɔlʋ kɑɑ sʋʋ tɛtʋ nti mɑɑ tuuwɑ sɩ mɑɑ hɑ mǝ cɑɑnɑɑ tɔ tǝ tɑɑ. 
\v 31 Ye pǝ kɑɑsɑ mǝ piyɑ mpɑ ɩ tɔŋɑɣɑ sɩ kolontunɑɑ kɑ́ kuu tɔ. Pɛlɛ pɑɑ tɔɣɔnɑ tɛtʋ nti ɩ footɑɑ tɔ. 
\v 32-33 Pɩɩsɩ nɩɩlɛ tǝcu kɛ́ mǝ pǝyɑlɑɑ kɑ́ pɑɑsǝnɑ pɑ kɑlǝkǝŋ. Nɑ pɑ́ tɔɣɔ mǝ kɑɑnɩɩtʋ sɑlǝkɑ tɔtɔ. Amɑ wʋlɑɣɑ tɛtʋ tɑɑ cǝnɛɣɛ mǝ looŋɑ tǝnɑ kɑ́ sɩ. 
\v 34 Kʋyɛɛŋ nɩɩlɛ kɛ ɩ́ feŋɑ tɛtʋ. Ɩlɛ pɩɩsɩ nɩɩlɛ kɛ ɩ́ kɑ́ tɔɣɔ mǝ ɩsɑɣɑtʋ sɑlǝkɑ. Pǝ lɩɩwɑ ɩsɩɩ kʋyɑkʋ kʋlʋmʋɣʋ pǝnɑɣɑ kʋlʋmɑɣɑ ntɛ́. Wɑɑtʋ ɩnǝɣɩ ɩ́ kɑ́ cɛkǝnɑ mpi mɑ tɔɔ kʋlʋɣʋ hʋlǝɣɩ tɔ. 
\v 35 Ɩsǝnɑ mɑ yɔɣɔtɑɑ tɔ, ḿpʋ́ɣʋ́ mɑɑ lɑ lɑŋkpɩɩsǝŋ nyǝ́mɑ mɛ. Mpi tɔ ɩ́ kʋlɑ mɑ tɔɔ. Ɩsɩɩ mǝ nɔɣɔ nɑ mǝ sukɑ ɩ sǝpɑ wʋlɑɣɑ tɛtʋ tɑɑ cǝnɛ.
\p
\v 36 Mpɑ ɩnɩ Moisi kɑ tilɑ tɛtʋ feŋuɣu nɑ pɑ́ footi-tɩ, nɑ pɑ́ yele nɑ sɑmɑɑ kʋntǝɣǝnɑ-m tɔ, 
\v 37 Tɑcɑɑ kʋ-wɛɣɛ kpɑkpɑɑ nɑ wɑhɑlɑ kɛ pǝ tɔɔ kɛ́. 
\v 38 Yosuwee nɑ Kɑlɛpʋ pɑ tike pɑ tɑ sǝnɑ yǝlɑɑ mpɑ pɑ polɑ tɛtʋ feŋuɣu tɔ pɑ tɑɑ.
\s1 Mɑɑnyǝmɑ wɛ wɑɑlɩ kɛ́
\p
\v 39 Ḿpʋ́ɣʋ́ Moisi kɛɛsɑ Ɩsɛɣɛlɩ nyǝ́mɑ kɛ tɔm ntɩ. Nɑ pɑ lɑŋɑ wɑkǝlɩ tǝtɔɣɔtɔɣɔ. 
\v 40 Pǝ tɔɔ kɛ́ pǝ femɑ tɑnɑŋ tǝhulu, nɑ pɑ́ pukinɑ pulɑsɩ hɔɣɔlʋɣʋ, nɑ pɑ́ tɔŋ sɩ: Tɑ́ tɔm sǝpɑ. Ɩlɛ pǝnɛntɛ tɑ́ sɔɔlʋ pɩɩwɑ sɩ tǝ polo timpi Tɑcɑɑ hʋlɑ-tʋ tɔ. 
\v 41 Ntɛnɑ Moisi sɩ: Pepe tɔɔ kɛ́ ɩ́ kisiɣi Tɑcɑɑ kʋsǝsɩɩtʋ, ɩ́ kɑɑ wɑɑ. 
\v 42 Ɩ fɛɩ mǝ wɑɑlɩ yoo. Ɩlɛ ɩ tɑɑ nɔkɩ pote sɩ ɩ́ yookinɑ mǝ kolontunɑɑ. 
\v 43 Amɑleke nɑ Kɑnɑɑŋ yoolɑɑ ntɛ́ mǝ nɔɣɔ tɔɔ tǝnɑ. Pɛlɛ pɑɑ kpiisi-mɛɣɛ. Timpi ɩ kisɑ Tɑcɑɑ tɔ, ɩ́lɛ́ ɩ kɑɑ wɛɛ mǝ wɑɑlɩ.
\p
\v 44 Ḿpʋ́ɣʋ́ pɑ lɑpɑ kɑŋkɑnɑ sɩ pɑ kpɑɑkɩ pʋɣʋ hɔɣɔlʋɣʋ. Amɑ Moisi nɑ Tɑcɑɑ nɔɣɔ pɛɛlʋɣʋ ɑtɑkɑɑ pɑ sɑɑlɑ tǝsikile. 
\v 45 Tǝnɑɣɑ Amɑleke nɑ Kɑnɑɑŋ yoolɑɑ mpɑ pɑɑ wɛ pɔɔŋ tɑɑ tǝnɑ tɔ, pɑ tiiwɑ nɑ pɑ́ tɔɣɔnɩ-wɛ nɑ pɑ́ kʋ-wɛ, hɑlǝnɑ Hoomɑ.
\c 15
\s1 Mʋlʋm nɑ nim nɑ sʋlʋm pǝ kɔtɑɣɑ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Tɛlǝsɩ Ɩsɛɣɛlɩ nyǝ́mɑ sɩ, wɑɑtʋ wei ɩ́ kɑ́ sʋʋ tɛtʋ nti mɑ hɑɑkɩ-mɛ tɔ, tǝ tɑɑ sɩ ɩ́ cɑkɩ tɔ, 
\v 3 ye ɩ́ lɑkɩ kɔtɑsɩ nsi kɔkɔ lusɑ sɩ tǝnɑ tɔ yɑɑ ciikuɣu nyǝnsɩ yɑɑ nɔɣɔ sɩɩʋ nyǝnsɩ. Yɑɑ luɣu kʋlʋmʋɣʋ nyǝnsɩ yɑɑ ɑcimɑ nyǝnsɩ. Nɑʋ yɑɑ heu yɑɑ pǝ́ŋ́ kɛ ɩ́ kɑ́ lɑnɑ pǝ kɔtɑɣɑ. Nɑ mɑ lɑŋlɛ hɛɛnɑ pǝ sɔɔsʋŋ. 
\v 4 Ye wei ɩ kɔnɑ ɩ kpǝntɛ, ɩ kɑ́ tǝnɩ tǝ tɔɔ kɛ́ tɔɣɔnɑɣɑ kɔtɑɣɑ. Ɩsɩɩ mʋlʋm mpi pɑ nuɣutinɑ nim liitili kʋlʋm nɑ titite tɔɣɔ kiloonɑɑ tooso. 
\v 5 Nɑ ɩ́ liisi sʋlʋm kɛ liitili kʋlʋm nɑ titite kɛ pɑɑ ɩwǝyɑɣɑ ŋkɑ kɑ kɔtɑɣɑ ŋkɑ kɔkɔ lusɑ kɑ tǝnɑ tɔ, yɑɑ ciikuɣu nyǝŋkɑ tɔɔ. 
\v 6 Ye pǝ kɛ́ ɩwɑɑʋ, ɩlɛ ɩ́ sɔɔsɩ mʋlʋm mpi pɑ nuɣutinɑ nim liitilinɑɑ nɑɑlɛ tɔɣɔ kiloonɑɑ nɑɑtoso. 
\v 7 Nɑ sʋlʋm kɛ liitilinɑɑ nɑɑlɛ, nɑ Tɑcɑɑ lɑŋlɛ hɛɛnɑ pǝ sɔɔsʋŋ. 
\v 8 Ye ɩsɩɩ nɑʋ kɛ ɩ́ lɑkɩ-m kɔtɑɣɑ ŋkɑ kɔkɔ lusɑ kɑ tǝnɑ tɔ, yɑɑ ciikuɣu nyǝŋkɑ, yɑɑ nɔɣɔ sɩɩʋ nyǝŋkɑ. 
\v 9 Ɩ́ tǝnɩ kpǝntɛ tɔɔ kɛ́ mʋlʋm mpi pɑ nuɣutinɑ nim liitilinɑɑ tooso, tɔɣɔ kiloonɑɑ pɔɣɔlɑɣɑfɛɩ nɑɑnʋwɑ. 
\v 10 Nɑ sʋlʋm kɛ liitilinɑɑ tooso, nɑ Tɑcɑɑ lɑŋlɛ hɛɛnɑ pǝ sɔɔsʋŋ. 
\v 11 Ye ɩ́ lɑkɩ nɑʋ yɑɑ ɩwɑɑʋ yɑɑ ɩwǝyɑɣɑ yɑɑ pinɑɣɑ kɛ kɔtɑɣɑ, ḿpʋ́ɣʋ́ ɩ́ kɑ́ lɑ. 
\v 12 Pɑɑ tɔlɑ ɩsǝnɑɣɑ ɩ́ kɑ́ lɑ kɔtɑɣɑ. Ɩ́ kɑ́ tǝnɩ pɑɑ nte tǝ tɔɔ kɛ́ ḿpʋ́ɣʋ́. 
\v 13-14 Yɑɑsi ɩnǝɣɩ Ɩsɛɣɛlɩ nyǝ́mɑ mɛ ɩ́ kɑ́ tǝŋ nɑ ɩ́ lɑkɩ kɔtɑsɩ sɔɔsʋŋ nyǝnsɩ. Nɑ pǝ́ kpɛnnɑ mǝ tɛtʋ tɑɑ cɑɣɑlɑɑ tǝnɑ. Mpɑ pɑ leelɑɑ nɑ mpɑ pɑ tɑ leeli tɔ. 
\v 15-16 Kʋsǝsɩɩtʋ kʋlʋmtʋ ntǝɣɩ Ɩsɛɣɛlɩ nyǝ́mɑ nɑ cɑɣɑlɑɑ ɩ́ kɑ tɔkɩ teitei, nɑ pǝ́ polo mǝ piyɑ piyɑ. Tɑcɑɑ mɑ́ mɑɑ fɑɣɑsǝɣɩ.
\s1 Kɑkɑlɑsɩ kɑncɑɑlɑɣɑ nyǝnsɩ kɔtɑɣɑ
\p
\v 17 Ḿpʋ́ɣʋ́ Tɑcɑɑ tɔmɑ Moisi sɩ: 
\v 18 Tɛlǝsɩ Ɩsɛɣɛlɩ nyǝ́mɑ sɩ, ye wɑɑtʋ wei ɩ́ tɑlɑ tɛtʋ nti tǝ tɑɑ mɑ pukinɑ-mɛ tɔ, 
\v 19 ɩlɛ ɩ́ kpɑɣɑ tǝ tɔɣɔnɑɣɑ nɑ ɩ́ lɑ-m kɔtɑɣɑ. Ɩlɛnɑ pǝ́cɔ́ ɩ́ tɔɣɔ. 
\v 20 Ɩlɛnɑ ɩ́ cosi mǝ kɑncɑɑlɑɣɑ somtu tɑɑ nɑ ɩ́ tʋ́ kɑkɑlɑɣɑ. Nɑ ɩ́ kpɑɑsɩ-m-kɛ nɑ ɩsɔ, ɩsɩɩ pɑ lɑkʋɣʋ kɑncɑɑlɑɣɑ pee wenɑ pɑ mɑpɑ tɔ. 
\v 21 Nɑ ɩ́ lɑ-m kɔtɑɣɑ kɛ pǝ kɑkɑlɑɣɑ kɑncɑɑlɑɣɑ nyǝŋkɑ. Ɩ́ kɑ́ tɔkɩ kʋsǝsɩɩtʋ tǝnɛɣɛ tɑm tɔɔ kɛ́.
\s1 Ɩsɑɣɑtʋ nti tǝ yʋkǝnɑ yʋlʋ tɔ tǝ kɔtɑɣɑ
\p
\v 22-23 Ḿpʋ́ɣʋ́ Moisi tɔmɑ sɩ: Ye kʋyɑkʋ nɑkʋlɩ pǝ yʋkǝnɑ mɛ, yɑɑ mǝ piyɑ piyɑ kɛ wɑɑtʋ nɔɣɔlʋ, ɩlɛnɑ pʋntʋ yɔkɩ kʋsǝsɩɩtʋ nti mɑ tɛlǝsɑ-mɛ ɩsǝntɔ tɔ tǝ tɑɑ nɑtǝlɩ, ɩlɛ ɩ́ tɑɣɑnɩ-tɩ nɑ kɔtɑɣɑ. 
\v 24 Ye pǝ kɛ́ ɩsɑɣɑtʋ nti tǝ yʋkǝnɑ yʋlʋ tɔ nɑ sɑmɑɑ tɑ nyɩ pǝ tɔm, ɩlɛ ɩ́ cɑɑ lɑtǝcɛ nɑ ɩ́ lɑ-m kɔtɑɣɑ sɔɔsʋŋ nyǝŋkɑ ŋkɑ kɔkɔ lusɑ kɑ tǝnɑ tɔ. Nɑ ɩ́ tǝnɩ kɑ tɔɔ kɛ́ mʋlʋm, nɑ sʋlʋm, nɑ ɩsɑɣɑtʋ hɩɩsʋɣʋ kɔtɑɣɑ pǝŋtʋlʋɣʋ. 
\v 25 Kɔtʋlʋ kɑ́ lɑ ɩsɑɣɑtʋ hɩɩsʋɣʋ kɔtɑɣɑ kɛ Ɩsɛɣɛlɩ nyǝ́mɑ tǝnɑ, nɑ pǝ́ hɩɩsɩ mǝ ɩsɑɣɑtʋ. Mpi tɔ, pǝ kɛ́ ɩsɑɣɑtʋ nti tǝ yʋkǝnɑ-mɛ tɔɣɔ. Nɑ pǝ tɔɔ kɛ́ ɩ́ kɔnɑ-m kɔtɑɣɑ ŋkɑ kɔkɔ lusɑ kɑ tǝnɑ tɔ. Nɑ ɩsɑɣɑtʋ hɩɩsʋɣʋ nyǝŋkɑ. 
\v 26 Pɩɩ hɩɩsɩ Ɩsɛɣɛlɩ nyǝ́mɑ tǝnɑ ɩsɑɣɑtʋ kɛ. Nɑ cɑɣɑlɑɑ mpɑ pɑ wɛ mǝ hɛkʋ tɔ pɛlɛ pɑ nyǝntʋ. Mpi tɔ, pǝ kɛ ɩsɑɣɑtʋ nti tǝ yʋkǝnɑ-mɛ tɔɣɔ.
\p
\v 27 Ye yʋlʋ kʋlʋm kɛ pǝ yʋkǝnɑɑ nɑ ɩ́ lɑ ɩsɑɣɑtʋ, ɩlɛ pǝnɑɣɑ kʋlʋmɑɣɑ pǝ́ŋ́ kɛ ɩ kɑ́ kɔtǝnɑ. 
\v 28 Ɩlɛnɑ kɔtʋlʋ lɑ ɩsɑɣɑtʋ hɩɩsʋɣʋ kɔtɑɣɑ, kɛ wei ɩnɩ pǝ yʋkǝnɑɑ nɑ ɩ́ lɑ́ ɩsɑɣɑtʋ kɛ mpʋ tɔ. Ɩ tɛŋ mpʋ ɩlɛnɑ ɩ ɩsɑɣɑtʋ hɩɩsɩ. 
\v 29 Pɑɑ Ɩsɛɣɛlɩ tʋ yɑɑ cɑɣɑlʋ kɛ pǝ yʋkǝnɑɑ nɑ ɩ́ pǝntɩ, kʋsǝsɩɩtʋ kʋlʋmtʋ tǝnɛ ɩnǝɣɩ ɩ́ kɑ́ tɔ́kɩ.
\p
\v 30 Amɑ ye Ɩsɛɣɛlɩ tʋ yɑɑ cɑɣɑlʋ pǝntǝnɑ tǝfɑɑ, ɩsɩɩ pɑ kpiisɑ-ɩ tɛtʋ tɑɑ. 
\v 31 Ɩ nyʋɣʋ tɑɑ kɛ́ ɩ kpiisuɣu kɑ́ mǝlɩ. Mpi tɔ, ɩ footɑ Tɑcɑɑ tɔm, nɑ ɩ́ wɑkǝlɩ ɩ kʋtʋtʋtʋ.
\s1 Kʋyɑkʋ kʋhɛɛsʋɣʋ wɑkǝlʋɣʋ tɔm
\p
\v 32 Ḿpʋ́ɣʋ́ wɑɑtʋ wei Ɩsɛɣɛlɩ nyǝ́mɑ tɑlɑ wʋlɑɣɑ tɛtʋ tɑɑ, ɩlɛnɑ kʋyɑkʋ nɑkʋlɩ pɑ́ kpǝlɩ pɑ tɑɑ nɔɣɔlʋ nɑ ɩ́ cɑɑkɩ tɑɑsɩ kɛ kʋyɑkʋ kʋhɛɛsʋɣʋ wule. 
\v 33 Ɩlɛnɑ pɑ́ ponɑ-ɩ Moisi nɑ Alɔŋ nɑ sɑmɑɑ tǝnɑ kiŋ. 
\v 34 Nɑ pɑ́ sɩɩ-ɩ nɑ pɑ́ tɑŋɑ nti Ɩsɔ kɑ heeli-wɛ sɩ pɑ́ lɑnɑ-ɩ tɔ. 
\v 35 Ntɛnɑ Tɑcɑɑ heeli Moisi sɩ: Pǝ wɛɛ sɩ sɑmɑɑ tǝnɑ ɩ́ kʋ́ pʋntʋ ɩnǝɣɩ nɑ pɛɛ, kɛ tǝsikile wɑɑlɩ. 
\v 36 Kɛlɛnɑ pɑ́ lɩɩnɑ-ɩ nɑ pɑ́ kʋ-ɩ nɑ pɛɛ, ɩsɩɩ Tɑcɑɑ kɑ heeluɣu Moisi tɔ.
\s1 Tokonɑɑ sɔsɑɑ ɑtʋɣʋsɑ
\p
\v 37 Ḿpʋ́ɣʋ́ Tɑcɑɑ tɔmɑ Moisi sɩ: 
\v 38 Tɛlǝsɩ Ɩsɛɣɛlɩ nyǝ́mɑ sɩ, mǝ nɑ mǝ lʋlʋŋ nyǝ́mɑ ɩ́ kɑ́ kɔɔkɩ mǝ tokonɑɑ sɔsɑɑ ntompee kɛ ɑtʋɣʋsɑ kɛ́, nɑ ɩ tɑmsǝɣɩ-yɛɣɛ ɑkpɑɑyɑlɑ kponkpontu. 
\v 39-40 Ntǝɣɩ ɩ́ kɑ́ nyǝnǝɣɩ nɑ ɩ́ tɔɔsǝɣɩ mɑ kʋsǝsɩɩtʋ tɔɔ, nɑ ɩ tɔkǝɣɩ-tɩ. Ɩlɛ ɩ kɑɑ nyɩɩlɩ tɩɩŋ wɑɑnɩ wɑɑnɩ lɑɑʋ kɛ mǝ hʋwɛɛ w tɑɑ. Tǝnɑɣɑ ɩ́ kɑ́ hʋlǝnɑ sɩ ɩ́ kɛ́ mɑ nyǝ́mɑ. 
\v 41 Mɑɣɑlɛ Tɑcɑɑ mǝ Ɩsɔ, mɑ lǝsǝnɑ-mɛɣɛ Icipiti tɛtʋ tɑɑ sɩ mɑ́ wɛɛ mǝ Ɩsɔ.
\c 16
\s1 Kolee nyǝ́mɑ kʋlʋɣʋ kɛ Moisi tɔɔ
\p
\v 1-2 Ḿpʋ́ɣʋ́ Lefii kpekǝle tʋ Kehɑtɩ lʋlʋɣʋ tʋ Ɩsɑɑ pǝyɑlʋ Kolee tʋsɑ Lupɛŋ nyǝ́mɑ tooso. Ɩliyɑpɩ pǝyɑlɑɑ Tɑtɑŋ, nɑ Apilɑm, nɑ Pelee pǝyɑlʋ Oŋ nɑ pǝ́ sɔɔsǝnɑ Ɩsɛɣɛlɩ nyǝ́mɑ kʋpɑɣɑlɑɑ mpɑ pɑ hǝlɑ yɑɑwɑ nɑ pɑ́ kotiɣi kotuŋ tɔɣɔ ŋmʋnʋɣʋ nɑ nɩɩlɛ nɑ nɑɑnʋwɑ (250) nɑ pɑ́ kʋlɩ Moisi tɔɔ. 
\v 3 Ɩlɛnɑ pɑ kotinɑ Moisi nɑ Alɔŋ nɑ pɑ koo-wɛ sɩ: Wooo, mǝ nyǝntʋ nɑ́ wɔpɑ. Sɑmɑɑ tǝnɑ kɛ́ Tɑcɑɑ nyǝ́mɑ kɛ́, nɑ ɩ́ wɛ pɑ wɑɑlɩ. Ɩlɛ pepe tɔɔ kɛ́ mǝ hɔŋ mǝ tɩ sɩ ɩ́ tɛɛ lɛlɑɑ?
\p
\v 4 Moisi nɩɩ mpʋ, ɩlɛnɑ ɩ́ hoti ɩ ɩsɛntɔɔ. 
\v 5 Nɑ ɩ́ tɔ́ Kolee nɑ ɩ wɑɑlɩ nyǝ́mɑ sɩ: Cele tɑnɑŋ Tɑcɑɑ kɑ́ hʋ́lɩ́ mpɑ pɑ kɛ́ ɩ nyǝ́mɑ tɔ. Nɑ ɩ́ yele nɑ ɩ kʋlǝsɑɑ kpǝtǝnɑ-ɩ. 
\v 6 Mpʋ tɔ, Kolee, nyɑnɑ nyɑ́ wɑɑlɩ nyǝ́mɑ ɩ́ kpɑɣɑ cofolonɑɑ. 
\v 7 Ɩ́ tʋ́ pɑ tɑɑ kɛ́ mɑmɑlɑ nɑ ɩ́ wɔ Tɑcɑɑ kɛ tulɑɑlʋ. Ɩlɛ tɩɩ nɑ́ wei ɩ́ kɑ́ lǝsɩ sɩ ɩ kɛ́ ɩ nyǝŋ tɔ. Amɑ Lefii piyɑ mɛ mǝ nyǝntʋ wɔpǝnɑ.
\p
\v 8 Ḿpʋ́ɣʋ́ Moisi heelɑ Kolee tɔtɔ sɩ: Lefii nyǝ́mɑ mɛ ɩ́ nɩɩ yoo. 
\v 9 Ɩsǝnɑ Tɑcɑɑ lǝsɑ-mɛɣɛ Ɩsɛɣɛlɩ nyǝ́mɑ tɑɑ sɩ, ɩ́ kpǝtǝnɑ-ɩ, nɑ ɩ́ pɑɑsǝnɑ ɩ tǝcɑɣɑlɛ nɑŋŋ nyǝntɛ, nɑ ɩ́ sɛɛkǝnɑ-wɛɣɛ Ɩsɔ tɔ, pǝ tɑ tɔɔ mɛ? 
\v 10 Kolee, Tɑcɑɑ tʋnɑ nyɑnɑ nyɑ́ tɛɛtʋnɑɑ kɛ tǝmlɛ. Ɩlɛnɑ mɩɩ pɛɛkǝɣɩ sɩ pɑ́ sɔɔsɩ-mɛɣɛ kɔtǝlɑɑ nyǝnɑ. 
\v 11 Ɩlɛ Tɑcɑɑ tɔɔ kɛ́ ɩ́ kʋlǝɣɩ, pǝ tɑɣɑ Alɔŋ. Ɩ́lɛ́ ɩ tɑ kɛ pʋlʋ.
\p
\v 12 Ḿpʋ́ɣʋ́ Moisi tilɑɑ sɩ pɑ́ yɑɑ Tɑtɑŋ nɑ Apilɑm. Ɩlɛnɑ pɑ́ kisi pote nɑ pɑ́ tɔ sɩ: 
\v 13 N lǝsɑ-tʋɣʋ tɛtʋ nti tǝ tɑɑ kʋpɑntʋ nɑ tɔɣɔnɑɣɑ tɔlɑ yem tǝhɔ tɔ, nɑ ń kɔnɑ-tʋɣʋ wʋlɑɣɑ tɛtʋ tɑɑ. Pɑɑ nɑ mpʋ, pǝ tɑ tɔɔ-ŋ nɑ ń cɑɑ sɩ tǝ́ nyǝnǝɣɩ-ŋ tɑ́ wulɑʋ. 
\v 14 Anɩ kʋpɑntʋ nɑ tɔɣɔnɑɣɑ tɑ tɔlɩ cǝnɛ. Pǝ́cɔ́ n tɑ tɑlɑ-tʋɣʋ pɑɑ wei nɑ ɩ tɛtʋ, nɑ lɛsɛŋ tɑwɑ. Tɑɑ nyǝnɩ-tʋɣʋ yʋlʋmɑɑ, tɩɩ puki.
\p
\v 15 Ḿpʋ́ɣʋ́ pɑ́ɑ́nɑ́ huu Moisi tɑɑ, nɑ pɑ tɔm ntɩ. Ɩlɛnɑ ɩ́ heeli Tɑcɑɑ sɩ: Tɑɑ tɑsɑ pɑ kɔtɑsɩ kɛ mʋɣʋ. Mɑ tɑ ŋmɑkǝlǝtɑ pɑ tɑɑ nɔɣɔlʋ. Pǝyele mɑ tɑ mʋtɑ pɑ tɑɑ nɔɣɔlʋ kpɑŋɑɣɑ.
\s1 Kolee nɑ ɩ wɑɑlɩ nyǝ́mɑ pɑ sɑlǝkɑ
\p
\v 16 Ḿpʋ́ɣʋ́ Moisi tɔmɑ Kolee sɩ: Cele tɑnɑŋ, nyɑnɑ nyɑ́ wɑɑlɩ nyǝ́mɑ ɩ kɔɔ Tɑcɑɑ ɩsɛntɑɑ, nɑ Alɔŋ tɔtɔ. 
\v 17 Ɩlɛnɑ ɩ́ nɑ pɑ ŋmʋnʋɣʋ nɑ nɩɩlɛ nɑ nɑɑnʋwɑ (250) pɑ́ kpɑɣɑ cofolonɑɑ, nɑ pɑ́ wɔ Tɑcɑɑ kɛ tulɑɑlʋ.
\p
\v 18 Kolee nɑ ɩ nyǝ́mɑ pɑ́ tɛŋ mpʋ, ɩlɛnɑ pɑ́ tuusi nɑ pɑ́ sǝŋ Ɩsɔ cokǝle nɔnɔɣɔ. Nɑ Moisi nɑ Alɔŋ pɛlɛ pɑ́ polo tɔtɔ. 
\v 19 Ntɛnɑ Kolee sɔɔsɩ Ɩsɛɣɛlɩ sɑmɑɑ tǝnɑɣɑ ɩ tɔɔ kɛ́ Ɩsɔ cokǝle nɔnɔɣɔ.
\p Ḿpʋ́ɣʋ́ Tɑcɑɑ teeli nɑ́ pɑ tɔɔ. 
\v 20 Ɩlɛnɑ Ɩsɔ tɔ́ Moisi nɑ Alɔŋ sɩ: 
\v 21 Ɩ́ hɑtǝlǝnɑ-wɛ, mɑ cɑɑ-wɛɣɛ kpiisuɣu kɛ tɔm kʋlʋm tɔɔ kɛ́. 
\v 22 Tǝnɑɣɑlɛ Moisi nɑ Alɔŋ pɑ hotɑ pɑ nɔɔsɩ tɔɔ kɛ́ kpɑkpɑɑ. Nɑ pɑ́ mɑ́ kɑpukɑ sɩ: Hɑɩ, yǝlɑɑ tǝnɑ ŋmɑlʋ Ɩsɔ. Kʋlʋm wɑkǝlɑɑ, ɩlɛnɑ ń mʋɣɩ sɑmɑɑ tǝnɑ nɑ pɑ́ɑ́nɑ́ nɑ? 
\v 23 Ntɛnɑ Tɑcɑɑ cɔ Moisi sɩ: 
\v 24 Heeli sɑmɑɑ nɑ pɑ́ hɑtǝlǝnɑ Kolee nɑ Tɑtɑŋ nɑ Apilɑm pɑ tǝcɑɣɑlɛ.
\p
\v 25 Ḿpʋ́ɣʋ́ Moisi polɑ Tɑtɑŋ nɑ Apilɑm pɑ cɔlɔ. Nɑ Ɩsɛɣɛlɩ nyʋɣʋ nyǝ́mɑ kɛ ɩ wɑɑlɩ. 
\v 26 Nɑ ɩ́ heeli sɑmɑɑ sɩ: Ɩ́ hɑtǝlǝnɑ ɑsɑɣɑɑ mpɛ pɑ cokɑ. Ye wei ɩ́ tokinɑ pɑ pʋlʋpʋ pɑ ɩsɑɣɑtʋ kɑ́ kʋ-ɩ.
\p
\v 27 Ntɛnɑ sɑmɑɑ hɑtǝlǝnɑ Kolee pɑ cokɑ. Wɑɑtʋ ɩnɩ Tɑtɑŋ nɑ Apilɑm pɑ ɑlɑɑ, nɑ pɑ lʋlʋɣʋ nyǝ́mɑ lɛlɑɑ pɑɑ tɛmɑ lɩɩʋ, nɑ pɑ́ sǝŋ pɑ nɔnɔɔsɩ. 
\v 28 Mpʋɣʋlɛ Moisi tɔmɑ sɩ: Ɩ́ kɑ́ cɛkǝnɑ teu sɩ mɑɑ lɑkɩ pʋlʋ nɑ mɑ mɑɣɑmɑɣɑ mɑ toŋ. Amɑ Tɑcɑɑ tilinɑ-m. 
\v 29 Ye yǝlɑɑ pɑnɛ pɑ sǝpɑ pɑ mɑɣɑmɑɣɑ pɑ sǝm, ɩlɛ pǝ tɑɣɑ Tɑcɑɑ tilinɑ-m. 
\v 30 Amɑ ye ɩ lɑpɑ piti tǝmlɛ nɑ tɛtʋ hɑɑ nɔɣɔ, nɑ tǝ́ li pɑ́ nɑ pɑ nyǝm tǝnɑ, nɑ pɑ́ tii ɑtɛtǝlɛ tɑɑ nɑ pɑ ɩsɛ, ɩlɛ pǝlɛɣɛlɛ ɩ́ kɑ́ tʋnɑ sɩ pɑ woŋɑ Ɩsɔ.
\p
\v 31 Moisi nɔɣɔ tɑ tɩɩ tiitɑ ɑtɛɣɛ, nɑ tɛtʋ fɑɣɑ yem kɛ pɑ nɔɔhɛɛ tɛɛ. 
\v 32 Nɑ tǝ́ li pɑ́ nɑ pɑ ɑlɑɑ, nɑ pɑ piyɑ. Nɑ Kolee wɑɑlɩ nyǝ́mɑ nɑ pɑ nyǝm tǝnɑ. 
\v 33 Nɑ pɑ́ tii ɑtɛtǝlɛ tɑɑ. Ɩsɛɣɛlɩ nyǝ́mɑ tɑ tɑsɑ-wɛɣɛ nɑʋ. 
\v 34 Lɛlɑɑ mpɑ pɑ kpǝtǝnɑ-wɛ tɔ, pɑ nɩɩ pɑ kɑkiisɑsɩ ɩlɛnɑ pɑ se. Mpi tɔ, pɑ nyɑŋɑɣɑ sɩ tɛtʋ ɩ́ tɑɑ kɔɔ nɑ tǝ́ li mpɛ tɔtɔ. 
\v 35 Ḿpʋ́ɣʋ́ Ɩsɔ tisɑ kɔkɔ nɑ kɑ́ nyɑɣɑ yǝlɑɑ ŋmʋnʋɣʋ nɑ nɩɩlɛ nɑ nɑɑnʋwɑ (250) wei ɩ lɑkɑɣɑ tulɑɑlʋ kɔtɑɣɑ tɔ.
\s1 Kolee wɑɑlɩ nyǝ́mɑ cofolonɑɑ
\p
\v 36 Ḿpʋ́ɣʋ́ Tɑcɑɑ tɔmɑ Moisi sɩ: 
\v 37 Tɛlǝsɩ Alɔŋ pǝyɑlʋ kɔtʋlʋ Ɩlɑsɑɑ sɩ, lǝsɩ cofolonɑɑ kɛ kɔkɔ tɑɑ nɑ ń yɑsɩ mɑmɑlɑ. Pɑ kɛ́ mɑ nyǝm kɛ́. 
\v 38 Cofolonɑɑ mpɛ pɑ kɛ́ Ɩsɔ nyǝ́mɑ kɛ́. Mpi tɔ, pɑ tɛmɑ-m-wɛɣɛ kɔtɑɣɑ lɑpǝnɑʋ. Amɑ mpɑ pɑ tɩ-wɛ tɔ pɑ sǝpɑ pɑ ɩsɑɣɑtʋ tɔɔ. Pǝ tɔɔ tɔ, pǝ wɛɛ sɩ pɑ́ hɛɛ-wɛ nɑ pɑ́ wɑɑsɩ kɔtɑɣɑ tǝlɑtɛ tɔɔ. Ɩlɛnɑ pɑ́ pǝsɩ Ɩsɛɣɛlɩ nyǝ́mɑ kɛ pʋlʋ kʋyʋsʋm.
\p
\v 39 Ḿpʋ́ɣʋ́ kɔtʋlʋ Ɩlɑsɑɑ kpɑɣɑ yǝlɑɑ mpɑ kɔkɔ nyɑɣɑ mpʋ tɔ, pɑ nyǝɣǝlʋɣʋ kʋsɛɛmʋɣʋ cofolonɑɑ. Nɑ ɩ́ lu-wɛ nɑ ɩ́ wɑɑsɩ kɔtɑɣɑ tǝlɑtɛ. 
\v 40 Mpʋ pǝ hʋlǝɣǝnɑ Ɩsɛɣɛlɩ nyǝ́mɑ sɩ, Alɔŋ lʋlʋɣʋ nyǝmɑ pɑɑsi kpɑɩ tʋ nɔɣɔlʋ ɩ fɛɩnɑ mpɑɑʋ sɩ ɩ́ tɑsɑ Tɑcɑɑ kɛ tulɑɑlʋ wɔpʋ. Ye wei ɩ́ lɑpɑ mpʋ, sǝm mpi Kolee nɑ ɩ wɑɑlɩ nyǝ́mɑ pɑ sǝpɑ tɔ, mpɩ pɩɩ kʋnɑ-ɩ. Ɩsɩɩ Tɑcɑɑ kɑ kpɑɑlʋɣʋ Alɔŋ nɑ Moisi nɔɣɔ tɔ.
\s1 Yǝlɑɑ cɑɣɑnɑʋ kɛ Moisi nɑ Alɔŋ
\p
\v 41 Tɛʋ femɑ ɩlɛnɑ Ɩsɛɣɛlɩ nyǝ́mɑ tǝnɑ nɑɑlɩ Alɔŋ nɑ Moisi kɛ cɑɣɑnɑʋ sɩ: Ɩ́ kʋwɑ Tɑcɑɑ yǝlɑɑ.
\p
\v 42 Ḿpʋ́ɣʋ́ sɑmɑɑ kotinɑ Moisi nɑ Alɔŋ. Sɑɑ wei pɑ nyǝnnɑ Ɩsɔ cokǝle tɔɔ, ɩlɛnɑ pɑ́ nɑ́ nyɔɔsɩ nyɑlɑ timpi Tɑcɑɑ teeli nɑɑkɩ tɔ. 
\v 43 Ɩlɛnɑ Moisi nɑ Alɔŋ pɑ́ polo tǝ ɩsɛntɑɑ. 
\v 44 Ɩlɛnɑ Tɑcɑɑ tɔ Moisi sɩ: 
\v 45 Hɑtǝlǝnɑ yǝlɑɑ mpɛ, nɑ mɑ́ kpiisi-wɛɣɛ tɔm kʋlʋm. Tǝnɑɣɑ Moisi nɑ Alɔŋ pɑ hotɑ pɑ ɩsɛntɔɔ. 
\v 46 Nɑ Moisi tɔ ɩ tɑɑlʋ sɩ: Polo tǝcɑʋ nɑ ń kpɑɣɑ nyɑ́ cofolo nɑ ń hee kɔtɑɣɑ tǝlɑtɛ tɔɔ kɔkɔ. Tʋ́ tulɑɑlʋ kɛ́ pǝ tɔɔ, nɑ ń lɑ sɑmɑɑ kɛ ɩsɑɣɑtʋ hɩɩsʋɣʋ kɔtɑɣɑ. Mpi tɔ, Tɑcɑɑ mʋ pɑ́ɑ́nɑ́ kɛ́ hɑlɩ ɩ tɛmɑ niŋ tʋɣʋ.
\p
\v 47 Ḿpʋ́ɣʋ́ Alɔŋ kpɑɣɑ cofolo, ɩsɩɩ Moisi heeluɣu-ɩ tɔ. Ɩlɛnɑ ɩ́ cɔɔ sɑmɑɑ tɑɑ, nɑ ɩ́ nɑ́ sɩ pɑ tɔŋnɑ sǝpʋ. Ɩlɛnɑ ɩ́ wɔ tulɑɑlʋ, nɑ ɩ́ lɑ-wɛɣɛ ɩsɑɣɑtʋ hɩɩsʋɣʋ kɔtɑɣɑ. 
\v 48 Ḿpʋ́ɣʋ́ ɩ sǝŋɑ mpɑ pɑ tɛmɑ sǝpʋ tɔ, nɑ ɩsɛ nyǝ́mɑ pɑ hɛkʋ tɑɑ. Ɩlɛnɑ sǝm hɛɛ. 
\v 49 Kolee wɑɑlɩ nyǝ́mɑ mpɑ pɑ sǝpɑ lɔŋ tɔ pɑ pɑɑsi yǝlɑɑ iyisi nɑɑnʋwɑ nɑ liɣiti nɑ nɑsǝtoso nɑ nɩɩnʋwɑ (14.700) sǝpǝnɑ tɔtɔ. 
\v 50 Ntɛnɑ Alɔŋ mǝlɩ Moisi kiŋ kɛ Ɩsɔ cokǝle nɔnɔɣɔ kɛ sɑɑ wei sǝm hɛɛwɑ tɔ.
\c 17
\s1 Alɔŋ kpɑ́tʋ́ɣʋ́
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Heeli Ɩsɛɣɛlɩ kpekɑ nyɔɔŋ nyǝ́mɑ sɩ pɑɑ wei ɩ́ kɔnɑ kpɑ́tʋ́ɣʋ́. Pǝ kpɛntǝɣɩ kpɑtǝŋ nɑɑnʋwɑ nɑ nɑɑlɛ kɛlɛ. Ɩlɛnɑ ɩ́ ŋmɑɑ pɑɑ mpɑ pɑ kpekǝle hǝtɛ kɛ pɑ nyǝŋkʋ tɔɔ. 
\v 3 Amɑ Alɔŋ hǝtɛ kɛ ɩ́ kɑ́ ŋmɑɑ Lefii nyǝ́mɑ nyǝŋkʋ tɔɔ. Ɩlɛnɑ pɑɑ kpekǝle tʋ wei ɩ́ wɛɛnɑ ɩ nyǝŋkʋ. 
\v 4 Ɩlɛnɑ Tɑcɑɑ sɩ: Moisi sɩɩ kpɑtǝŋ ɩnǝɣɩ Ɩsɔ cokǝle tɑɑ kɛ́ ɑtɑkɑɑ kiŋ, kɛ timpi mɑ́ nɑ-mɛ tǝ suliɣi tɔ. 
\v 5 Nɑ mɑ́ lǝsɑ wei, ɩ́lɛ́ ɩ kpɑ́tʋ́ɣʋ́ nɛɣɛtǝɣǝnɑ ntɛ́. Ɩlɛnɑ mɑ́ sɩɩ tǝnɑɣɑ kɛ kʋntǝnɑʋ mpi Ɩsɛɣɛlɩ nyǝ́mɑ kʋntǝɣǝnɑ-mɛ tɔ.
\p
\v 6 Mpʋɣʋlɛ Moisi tɛlǝsɑ Ɩsɛɣɛlɩ nyǝ́mɑ kɛ tɔm ntɩ. Nɑ kpekɑ nyɔɔŋ nyǝ́mɑ kɔnɑ-ɩ pɑ kpɑtǝŋ nɑ Alɔŋ nyǝŋkʋ kɑ wɛ hɛkʋ tɑɑ. Ɩlɛnɑ pǝ́ lɩɩ kpɑtǝŋ nɑɑnʋwɑ nɑ nɑɑlɛ. 
\v 7 Ɩlɛnɑ Moisi sɩɩ kpɑtǝŋ ɩnǝɣɩ Ɩsɔ cokǝle tɑɑ kɛ́ ɑtɑkɑɑ ɩsɛntɑɑ. 
\v 8 Tɛʋ femɑ, nɑ Moisi sʋʋ tǝ tɑɑ, ɩlɛ ɩ mɑɣɑnɑ Lefii kpekǝle tʋ Alɔŋ kpɑ́tʋ́ɣʋ́ nɛɣɛtɑɑ kɛlɛ. Nɑ kʋ́ tʋ́ hɛtʋ. Hɑlǝnɑ kʋ́ lʋlɩ pee nɑ ɑ́ pɩɩwɑ. 
\v 9 Ḿpʋ́ɣʋ́ Moisi kuu kpɑtǝŋ tǝnɑ, nɑ ɩ́ ponɑ Ɩsɛɣɛlɩ nyǝ́mɑ nɑ pɑɑ wei ɩ́ nɑ. Ɩlɛnɑ pɑɑ nyʋɣʋ tʋ wei ɩ́ kpɑɣɑ ɩ nyǝŋkʋ. 
\v 10 Ntɛnɑ Tɑcɑɑ tɑsɑ Moisi kɛ heeluɣu sɩ: Polo ń sɩɩ Alɔŋ kpɑ́tʋ́ɣʋ́ kɛ ɑtɑkɑɑ kiŋ, nɑ pǝ́ tɔɔsɩ Ɩsɛɣɛlɩ nyǝ́mɑ kɛ pɑ kɑɑnɩɩtʋ. Ɩlɛnɑ pɑ kʋntʋɣʋ sɩɩ tǝnɑɣɑ. Ɩlɛ pɑ kɑɑ tɑsɑ sǝm. 
\v 11 Ḿpʋ́ɣʋ́ Moisi lɑpɑ teitei kɛ́ mpʋ.
\s1 Lefii nyǝ́mɑ nɑ kɔtǝlɑɑ pɑ kʋlɑpǝlɛ
\p
\v 12 Ḿpʋ́ɣʋ́ Ɩsɛɣɛlɩ nyǝ́mɑ tɔmɑ Moisi sɩ: Nyǝnɩ ɩsǝnɑ tɑ tǝnɑ tǝ sǝkɩ nɑ tǝ́ tɛŋ tɔ. 
\v 13 Tɑ́ tɑɑ wei ɩ́ kpǝtǝnɑ Ɩsɔ tǝcɑɣɑlɛ, ɩ́lɛ́ ɩ sɩ. Tɑ́ tǝnɑ tɩɩ sǝnɑ ntɛ́?
\c 18
\p
\v 1 Ḿpʋ́ɣʋ́ Tɑcɑɑ tɔmɑ Alɔŋ sɩ: Ye nyɑnɑ nyɑ́ lʋlʋɣʋ nyǝ́mɑ nɑ nyɑ́ tɛɛtʋnɑɑ Lefii nyǝ́mɑ lɛlɑɑ, ɩ́ wɑkǝlɑ Ɩsɔ cokǝle tɑɑ tǝmlɛ nɑ mǝ kɔtʋɣʋ nyǝntɛ, mǝ nyɔɔŋ tɑɑ kɛ́ pɩɩ tɛ. 
\v 2 Wɑɑtʋ wei ɩ́ sʋʋkɩ tǝ tɑɑ kɛ́ tǝmlɛ, ɩlɛnɑ ɩ́ yɑɑ mǝ tɛɛtʋnɑɑ Lefii nyǝ́mɑ nɑ pɑ́ wɛɛ mǝ wɑɑlɩ nyǝ́mɑ, nɑ pɑ́ sǝŋnɑ-mɛ. 
\v 3 Pɑɑ lɑ pǝ tǝnɑ mpi n kɑ́ kɛɛsɩ-wɛɣɛ cokǝle pɑɑsǝnɑʋ tɔm tɑɑ tɔ. Amɑ pǝ fɛɩ sɩ pɑ́ tokinɑ Ɩsɔ pʋlʋpʋ yɑɑ kɔtɑɣɑ tǝlɑtɛ. Pǝ́ tɑɑ kɔɔ nɑ mpɛ yɑɑ mǝ tɑɑ nɔɣɔlʋ sɩ. 
\v 4 Pɑ tike pɑɑ sǝŋnɑ-mɛɣɛ Ɩsɔ cokǝle tǝmlɛ tɑɑ. Cɑɣɑlʋ nɔɣɔlʋ ɩ kɑɑ kpǝtǝnɑ. 
\v 5 Ɩlɛnɑ mɩɩ pɑɑsǝnɑ tǝ nɑ kɔtɑɣɑ tǝlɑtɛ. Ɩlɛ mɑ pɑ́ɑ́nɑ́ kɑɑ tɑsɑ huuu kɛ Ɩsɛɣɛlɩ nyǝ́mɑ tɔɔ. 
\v 6 Mɑ lǝsɑ mǝ tɑɑ kɛ́ mǝ tɛɛtʋnɑɑ Lefii nyǝ́mɑ. Ɩlɛnɑ mɑ tɑɣɑnɩ-mɛɣɛ wɛɣɛ hɑʋ sɩ, pɑ́ lɑ tǝmlɛ kɛ Ɩsɔ cokǝle tɑɑ. 
\v 7 Amɑ Alɔŋ, nyɑnɑ nyɑ́ lʋlʋɣʋ nyǝ́mɑ mɩɩ lɑ mǝ kɔtʋɣʋ tǝmlɛ kɛ kɑtɛ tɑɑ kɑtɛ tǝcɑɣɑlɛ tɑɑ, kɛ́ pʋʋɣʋ kʋkɑɣɑʋ wɑɑlɩ. Mɑ́ hɑɑkǝnɑ-mɛɣɛ lonte ntɛ́. Ye yʋlʋ kɛ yem kpǝtǝnɑ tǝnɑ, ɩsɩɩ pɑ kʋ-ɩ.
\s1 Kɔtǝlɑɑ tǝtɔɣɔlɛ
\p
\v 8 Ḿpʋ́ɣʋ́ Tɑcɑɑ tɔmɑ Alɔŋ sɩ: Nyɑnɑ nyɑ́ lʋlʋɣʋ nyǝ́mɑ ɩ́ tǝnnɑ kɔtɑsɩ nsi Ɩsɛɣɛlɩ nyǝ́mɑ hʋlɑɑ sɩ sɩ kɛ́ mɑ nyǝnsɩ tɔɣɔ tɑm tɔɔ. 
\v 9 Kɑtɛ tɑɑ kɑtɛ nyǝm mpi pɑ tɑ nyɑɣɑsɩ kɔkɔ, nɑ pɩɩ pǝsɩ mǝ nyǝm kɛ Ɩsɛɣɛlɩ nyǝ́mɑ kʋcɔɔʋ, nɑ pɑ kʋhɑʋ, nɑ pɑ ɩsɑɣɑtʋ hɩɩsʋɣʋ kɔtɑɣɑ, nɑ pɑ tɑsǝkǝlɛ tɑɣɑnʋɣʋ nyǝŋkɑ tǝnɑ ŋkɑ pɑɑ lɑ-m tɔɣɔlɔ. Wontu kɑtɛ nyǝntʋ ntɩ tǝ pǝsǝɣɩ mǝ nɑ mǝ piyɑ mǝ nyǝm kɛ́. 
\v 10 Ɩlɛ mǝ tɑɑ ɑpɑlɑɑ nyǝ́mɑ tike kɑ́ tɔɣɔnɑ kɔtɑɣɑ tɔɣɔnɑɣɑ ŋkɛɣɛ Ɩsɔ lonte tɑɑ. 
\v 11-13 Nɑ pǝ́ sɔɔsǝnɑ kʋcɔɔŋ wei Ɩsɛɣɛlɩ nyǝ́mɑ pɑɣɑlɑ-m, nɑ pɑ́ kpɑɑsɩ-m nɑ ɩsɔ nɑ pɑ́ hɑ-m tɔ. Pɑɑ nim kʋpɑm, pɑɑ sʋlʋm kʋpɑm, pɑɑ tɔɣɔnɑɣɑ pee kʋpɑnɑ nnɑ ɑ kɛ́ tɛtʋ kʋlʋlʋm kɑncɑɑlɑɣɑ nyǝm tɔ. Nyɑnɑ nyɑ́ piyɑ piyɑ mǝ nyǝm ntɛ́ tɑm tɔɔ. Nɑ mǝ tɑɑ ɑpɑlɑɑ, nɑ ɑlɑɑ mpɑ pɑ wɛ tǝnɑŋŋ tɔ, pɑ pǝsǝɣɩ nɑ pɑ́ tɔɣɔ. 
\v 14 Nɑ pǝ tǝnɑ mpi pǝ kɛ́ mɑ nyǝm tɔ, pǝ tɑɣɑnǝɣɩ mǝ nyǝm kɛ pǝsʋɣʋ tɔtɔɣɔ. 
\v 15 Yǝlɑɑ nɑ tɔlɑ kɑncɑɑlɑɣɑ ɑpɑlʋpiyɑ nsi pɑ hɑ-m tɔ sɩ pǝsɑ mɑ nyǝnsɩ kɛ́. Ɩlɛ ɩ́ kɑ́ tɑɣɑnɩ yɑpʋ kɛ yǝlɑɑ nyǝnsɩ nɑ tɔlɑ nnɑ ɑ tɑ mʋnɑ kɔtɑɣɑ tɔ ɑ nyǝnsɩ. 
\v 16 Apɑlʋpǝyɑɣɑ ŋkɑ kɑ wɛnɑ ɩsɔtʋ kʋlʋm tɔ, kɑ liɣitee kɑ́ wɛɛ nyǝɣǝtʋ kɑkpɑsɩ kɛ́ nɑ pǝ́ kɛɛsǝnɑ ɩsǝnɑ pɑ mɑɣɑsʋɣʋ Ɩsɔ cokǝle tɑɑ tɔ. 
\v 17 Pǝ fɛɩ sɩ, ɩ́ tɑɣɑnɩ yɑpʋ kɛ nɑʋ yɑɑ heu yɑɑ pǝŋ́ kɑncɑɑlɑɣɑ ɑpɑlʋpǝyɑɣɑ. Tɔlɑ ɑnɩ ɑ kɛ́ mɑ nyǝm kɛ́ tǝsiɣisiɣi. Ɩ́ kɑ́ ŋmɩɩsɩ ɑ cɑlǝm kɛ kɔtɑɣɑ tǝlɑtɛ tɔɔ kɛ́. Nɑ ɩ́ wɔ nim cɔlɔ nim cɔlɔɣɔ kɔkɔ. Nɑ mɑ lɑŋlɛ hɛɛnɑ pǝ sɔɔsʋŋ. 
\v 18 Ɩlɛnɑ ɑ nɑntʋ pǝsɩ mǝ nyǝntʋ. Teitei ɩsɩɩ pɑ lɑkʋɣʋ ciikuɣu kɔtɑɣɑ, nɑ pɑ́ hʋlǝɣɩ-m lɑŋlɛ nɑ yule ntɔɣɔŋ nyǝntɛ, nɑ hɔɣɔlǝŋ tǝnɑ ɩsɩɩ Ɩsɛɣɛlɩ nyǝ́mɑ lɑkɩ tɔ.
\p
\v 19 Pǝ tǝnɑ mpi Ɩsɛɣɛlɩ nyǝ́mɑ hʋlǝɣɩ-m nɑ hɔɣɔlǝŋ tǝnɑ sɩ kʋcɔɔʋ nɑŋŋ nyǝŋkʋ tɔ. Kʋ pǝsɑ nyɑnɑ nyɑ́ pǝyɑlɑɑ nɑ nyɑ́ pɛɛlɑɑ mǝ nyǝŋkʋ kɛ́. Pǝ kɛ́ tɑm tɔɔ nyǝntʋ kɛ mǝ nɑ mǝ lʋlʋɣʋ nyǝ́mɑ kɛ́, tǝ fɛɩ lɑɣɑsʋɣʋ.
\p
\v 20 Ḿpʋ́ɣʋ́ Tɑcɑɑ tɑsɑ Alɔŋ kɛ heeluɣu tɔtɔ sɩ: N kɑɑ hiki tɛtʋ ɩsɩɩ Ɩsɛɣɛlɩ nyǝ́mɑ lɛlɑɑ. Amɑ mɑɣɑlɛ nyɑ́ tɑɑlɛ nɑ nyɑ́ wɛnɑʋ.
\s1 Lefii nyǝ́mɑ nyǝm
\p
\v 21 Hɔɣɔlǝŋ nɑɑnʋwɑ tɑɑ kʋlʋmʋɣʋ ŋku Ɩsɛɣɛlɩ nyǝ́mɑ kɔŋnɑ Tɑcɑɑ tɔɣɔ mɑɑ cɛlɑ Lefii nyǝ́mɑ mpɑ pɑ lɑpɑ Ɩsɔ cokǝle tɑɑ kɛ́ tǝmlɛ tɔ. 
\v 22 Sɑmɑɑ kɑɑ kpǝtǝnɑ cokǝle. Pǝ́ tɑɑ kɔɔ nɑ pɑ́ pǝntɩ nɑ pɑ́ sɩ. 
\v 23 Lefii nyǝ́mɑ tike kɑ lɑkǝnɑ cokǝle tɑɑ tǝmlɛ. Ye pɑ pǝntɑɑ pǝ́ wɛɛ pɑ nyɔɔŋ tɑɑ. Pɑ kɑɑ wɛɛnɑ tɛtʋ ɩsɩɩ kpekɑ lɛnnɑ. Ɩ́ tɔkɩ kʋsǝsɩɩtʋ tǝnɛɣɛ tɑm tɔɔ. 
\v 24 Amɑ mɑɑ cɛlɑ-mɛɣɛ hɑtǝmʋtʋ hɔɣɔlǝŋ nɑɑnʋwɑ tɑɑ kʋlʋmʋɣʋ, ŋku Ɩsɛɣɛlɩ nyǝ́mɑ lɑpɑ-m kɔtɑɣɑ nɑ pɑ́ kpɑɑsɩ-m nɑ ɩsɔ tɔ. Pǝ tɔɔ kɛ́ mɑ heelɑ-mɛ sɩ, ɩ́ kɑɑ hiki tɛtʋ ɩsɩɩ kpekɑ lɛnnɑ.
\p
\v 25 Ḿpʋ́ɣʋ́ Tɑcɑɑ tɔmɑ Moisi sɩ: 
\v 26 Tɛlǝsɩ Lefii nyǝ́mɑ sɩ, ye Ɩsɛɣɛlɩ nyǝ́mɑ kɔnɑ-mɛɣɛ pɑ hɑtǝmʋtʋ hɔɣɔlǝŋ nɑɑnʋwɑ tɑɑ kʋlʋmʋɣʋ ŋku mɑ hɑ-wɛ tɔ, ɩlɛ mɩɩ lǝsɩ pǝ tɑɑ kɛ́ hɔɣɔlǝŋ nɑɑnʋwɑ tɑɑ kʋlʋmʋɣʋ tɔtɔ nɑ ɩ́ cɛlɛ-m. 
\v 27 Nɑ pǝ́ wɛɛ ɩsɩɩ mǝ tɛɛtʋnɑɑ lǝsʋɣʋ pɑ hɑtǝmʋtʋ nɑ pɑ lɛsɛŋnɑɑ tɔɔ tɔ. 
\v 28 Tǝnɑɣɑ mǝ hikiɣinɑ mǝ kʋhɑʋ nɑ ɩ́ kɔnɑ-m nɑ ɩ́ cɛlǝɣɩ Alɔŋ-wɛ. 
\v 29 Kʋcɔɔŋ wei ɩ tǝnɑ ɩ́ hikiɣi tɔ, ɩ tɑɑ kɛ́ ɩ́ kɑ́ lǝsɩ tǝpɑntɛ nɑ ɩ́ cɛlɛ-m. 
\v 30 Ye ɩ́ tɛmɑ lǝsʋɣʋ kɛ mɑ nyǝm, ɩlɛ ɩ́ sɩɩ mǝ tǝɣɩ kʋkɑɑsǝm. Ɩsɩɩ mǝ tɛɛtʋnɑɑ kɑɑsʋɣʋ pɑ tǝɣɩ hɑtǝmʋtʋ nɑ lɛsɛŋnɑɑ tɔ. 
\v 31 Tǝmlɛ nte ɩ lɑkɩ cokǝle tɑɑ tɔ tǝ kʋfɛlʋɣʋ ntɛ́. Ɩlɛ pɑɑ timpiɣi mǝ nɔkɑɑ mǝnɑ mǝ tɛɛsɩ nyǝ́mɑ ɩ́ pǝsǝɣɩ nɑ ɩ́ tɔɣɔ pǝ tɔɣɔnɑɣɑ. 
\v 32 Ye ɩ́ tɑ́ lǝsɩ-m tǝpɑntɛ, ɩlɛnɑ pǝ́cɔ́ ɩ́ tɔɣɔ kʋkɑɑsǝm, ɩ́ pilisɑ Ɩsɛɣɛlɩ nyǝ́mɑ kɔtɑɣɑ kɛ́. Mǝ tɔm kɑ́ sɩ nɑ pǝ́ ponɑ-mɛɣɛ sǝm tɑɑ.
\c 19
\s1 Nɑʋ kʋsɛɛm kɔtɑɣɑ tɔlʋmɑ
\p
\v 1 Ḿpʋ́ɣʋ́ Tɑcɑɑ tɔmɑ Moisi nɑ Alɔŋ sɩ: 
\v 2 Ɩ́ tɛlǝsɩ sɑmɑɑ kɛ kʋsǝsɩɩtʋ tǝnɛ sɩ, ɩ́ cɑɑ nɑʋ kʋsɛɛm wei ɩ tiili tɑ́ cɑɑmɩ, pǝ́cɔ́ pɑ tɑ tʋtɑ-ɩ kpɑ́tʋ́ɣʋ́ kʋhɑlʋɣʋ tɔ. 
\v 3 Nɑ ɩ́ cɛlɑ kɔtʋlʋ Ɩlɑsɑɑ, nɑ ɩ́lɛ́ ɩ́ lɩɩnɑ-ɩ tǝsikile wɑɑlɩ nɑ pɑ́ lɛntɩ-ɩ mɑ ɩsɛntɑɑ. 
\v 4 Ɩlɛnɑ kɔtʋlʋ lii cɑlǝm tɑɑ kɛ́ mpǝle kɛ tɔm nɑɑtosompɔɣɔlɑɣɑ nɑ ɩ́ ŋmɩɩsǝɣǝnɑ cokǝle nɔnɔɣɔ. 
\v 5 Nɑ pɑ́ wɔ nɑʋ tǝnɑɣɑ kɔtʋlʋ ɩsɛntɑɑ. Pǝ kpɑɣɑʋ kɔŋlɛ, nɑ nɑntʋ, nɑ cɑlǝm, nɑ pǝ tɑɑ lotu tɔ. 
\v 6 Nɑ kɔtʋlʋ kpɑɣɑ tʋɣʋ ŋku pɑ yɑɑ sɩ sɛɛtǝlɩ tɔ kʋ tɑɑsɩ, nɑ tʋɣʋ ŋku pɑ yɑɑ sɩ hisɔpʋ tɔ kʋ piliŋɑ, nɑ heeŋ hʋntʋ nti pɑ lii ɑkpɑɑyɑlɑ tɔ, nɑ ɩ́ pɛtɩ timpi nɑʋ tɔŋɑ nyɑɣɑʋ kɛ mpʋ tɔ. 
\v 7 Pǝ wɑɑlɩ ɩlɛnɑ, ɩ́ cɔtɔ ɩ wontu nɑ ɩ́ sɔ lʋm nɑ pǝ́cɔ́ ɩ́ sʋʋ tǝsikile tɑɑ. Nɑ ɩ́ wɛɛ ɑsilimɑ tɑɑ, hɑlǝnɑ tɑɑnɑɣɑ. 
\v 8 Nɑʋ wɔtʋ kɑ́ cɔtɔ ɩ wontu nɑ ɩ́ sɔ lʋm nɑ ɩ́ cɑɣɑ ɑsilimɑ tɑɑ tɔtɔ, hɑlǝnɑ tɑɑnɑɣɑ. 
\v 9 Ɩlɛnɑ yʋlʋ wei ɩ fɛɩ ɑsilimɑ tɑɑ tɔ, ɩ́ kuu nɑʋ tɔlʋmɑ nɑ ɩ́ ponɑ lonte kʋpɑntɛ tɑɑ kɛ́ tǝsikile wɑɑlɩ. Nɑ ɩ́ sɩɩ-yɛ nɑ pɑ́ lɑ́ ɑsilimɑ kɛɛlʋɣʋ kɔtɑɣɑ lʋm. Kɔtɑɣɑ ŋkɛ kɑ wɛ ɩsɩɩ ɩsɑɣɑtʋ hɩɩsʋɣʋ nyǝŋkɑ kɛ́. 
\v 10 Pǝ wɛɛ sɩ tɔlʋmɑ kuulu ɩ́ cɔtɔ ɩ wontu tɔtɔɣɔ. Ɩlɛnɑ ɩ́ wɛɛ ɑsilimɑ tɑɑ, hɑlǝnɑ tɑɑnɑɣɑ. Ɩsɛɣɛlɩ nyǝ́mɑ nɑ cɑɣɑlɑɑ pɑɑ tɔkǝnɑ kɔtɑɣɑ kɑnɛɣɛ tɑm tɔɔ.
\s1 Asilimɑ kɛɛlʋɣʋ kɔtɑɣɑ lʋm lɑpǝnɑʋ
\p
\v 11 Ye wei ɩ́ tokinɑ sǝtʋ, ɩ kɑ́ cɑɣɑ ɑsilimɑ tɑɑ kɛ́. Hɑlǝnɑ kʋyɑkʋ nɑ kʋ ɩsikile. 
\v 12 Ɩlɛnɑ ɩ́ ŋmɩɩsɩ ɩ tǝɣɩ ɑsilimɑ kɛɛlʋɣʋ kɔtɑɣɑ lʋm mpǝɣɩ kʋyɑkʋ tooso nyǝŋkʋ, nɑ nɑɑtosompɔɣɔlɑɣɑ nyǝŋkʋ. Ɩlɛnɑ ɩ́ wɛɛ tǝnɑŋŋ. Ye ɩ tɑ lɑ mpʋ, ɩ wɛ ɑsilimɑ tɑɑ kɛ́. 
\v 13 Pǝyele ɩ pilisɑ Tɑcɑɑ tǝyɑɣɑ kɛ́. Nɑ ɩ ɑsilimɑ wɛ tɑm kɛ́ ɩ tɑ ŋmɩɩsɩ ɩ tǝɣɩ kɔtɑɣɑ lʋm tɔ pǝ tɔɔ.
\p
\v 14 Ye yʋlʋ sǝpɑ kutuluɣu tɑɑ, nɑ nɔɣɔlʋ sʋʋ ɩ kiŋ. Yɑɑ pʋntʋ kɑ tɩɩ wɛ tǝnɑ. Ɩ pǝsɑ ɑsilimɑ tʋ kɛ́ hɑlǝnɑ kʋyɑkʋ nɑ kʋ ɩsikile. 
\v 15 Pɑɑ fulɑɣɑ, yɑɑ pʋlʋpʋ wɛ tǝnɑ nɑ pǝ́ tɑ́ pɑ́ teu. Pǝ tɑɑ nyǝm pilisɑɑ tɔtɔɣɔ. 
\v 16 Ye pɑ kʋ yʋlʋ, yɑɑ ɩ sǝpɑ ɩ sǝm kɛ nyɩɩtʋ tɑɑ. Ɩlɛnɑ nɔɣɔlʋ tokinɑ pɑɑ ɩ mʋwɑ yɑɑ ɩ pǝlɑɑʋ. Pʋntʋ pǝsɑ ɑsilimɑ tʋ kɛ́, hɑlǝnɑ kʋyɑkʋ nɑ kʋ isikile. 
\v 17 Ye pɑ cɑɑkɩ ɑsilimɑ tʋ kɛ nyɑɑlʋɣʋ, nɑʋ ɩnɩ ɩ tɔlʋmɑ kɛ pɑ cosiɣi. Nɑ pɑ́ tʋ́ pʋlʋpʋ tɑɑ nɑ pɑ́ pǝlɩ lʋm kʋpɑm. 
\v 18 Ɩlɛnɑ wei ɩ fɛɩ ɑsilimɑ tɔ, ɩ cɑɑ tʋɣʋ ŋku pɑ yɑɑ sɩ hisɔpʋ tɔ kʋ piliŋɑ nɑ ɩ́ lii lʋm mpɩ pǝ tɑɑ. Nɑ ɩ́ ŋmɩɩsɩ cokǝle nte tǝ tɑɑ yʋlʋ sǝpɑ mpʋ tɔ. Nɑ pǝ́ kpɛnnɑ tǝ yǝlɑɑ, nɑ pǝ wontu, nɑ wei ɩ tokinɑ sǝtʋ, yɑɑ ɩ mʋwɑ, yɑɑ ɩ pǝlɑɑʋ tɔ. 
\v 19 Kʋyɑkʋ tooso nyǝŋkʋ, nɑ nɑɑtosompɔɣɔlɑɣɑ nyǝŋkʋ kɛ pɑɑ lɑpɩ-ɩ mpʋ. Pǝ wɑɑlɩ ɩlɛnɑ, ɩ́ cɔtɔ ɩ wontu nɑ ɩ́ sɔ lʋm. Tɑɑnɑɣɑ ntɛ́ ɩ ɑsilimɑ tɛŋ.
\p
\v 20 Ye ɑsilimɑ tʋ tɑ lɑ mpʋ, pɑɑ lǝsɩ-ɩ Ɩsɛɣɛlɩ kpekǝle tɑɑ. Mpi tɔ, ɩ pilisɑ Tɑcɑɑ cokǝle kɛ́. Pǝ́cɔ́ ɩ pǝsɑ ɑsilimɑ tʋ.
\p
\v 21 Ɩsɛɣɛlɩ nyǝ́mɑ kɑ́ tɔkɩ kɔtɑɣɑ kɑnɛɣɛ tɑm tɔɔ kɛ́. Ye wei ɩ ŋmɩɩsɑ kɔtɑɣɑ lʋm, pǝ wɛɛ sɩ ɩ́ cɔtɔ ɩ wontu kɛ́. Nɑ wei ɩ́lɛ́ ɩ́ tokinɑ-wɩ, ɩ́ wɛɛkɩ ɑsilimɑ tɑɑ kɛ́ hɑlǝnɑ tɑɑnɑɣɑ. 
\v 22 Ye ɑsilimɑ tʋ ɩ́ tokinɑ mpi, ɩ pilisɑ-wǝɣɩ. Nɑ wei ɩ́lɛ́ ɩ́ tɩɩ tokinɑ ɑsilimɑ tʋ, pʋntʋ pǝsɑ ɑsilimɑ tʋ kɛ́, hɑlǝnɑ tɑɑnɑɣɑ.
\c 20
\s1 Melipɑ lʋm tɔm
\r (Lɩɩʋ 17:1-7)
\p
\v 1 Ḿpʋ́ɣʋ́ Ɩsɛɣɛlɩ nyǝ́mɑ tɑlɑ Siŋ wʋlɑɣɑ tɛtʋ tɑɑ kɛ́ ɩsɔtʋ kɑncɑɑlɑɣɑ nyǝŋ tɑɑ, nɑ pɑ́ siki Kɑtɛɛsɩ. Tǝnɑɣɑ Mɑlǝyɑm sǝpɑ nɑ pɑ́ pimi-ɩ.
\p
\v 2 Wɑɑtʋ wei sɑmɑɑ lɑŋɑ lʋm, ɩlɛnɑ pɑ́ kotinɑ Moisi nɑ Alɔŋ 
\v 3 nɑ pɑ́ kuuki Moisi nɔɣɔ sɩ: Ye Ɩsɔ kɑ kpɛntɑ tɑ nɑ tɑ tɛɛtʋnɑɑ kɛ kʋɣʋ, pɩɩ kǝlɑ teu. 
\v 4 Pepe tɔɔ kɛ́ ɩ kɔnɑ Ɩsɔ yǝlɑɑ tɑɣɑ wʋlɑɣɑ tɛtʋ tǝnɛ tǝ tɑɑ cǝnɛ sɩ, tɑ́ nɑ tɑ́ kɑlǝkǝŋ tǝ sɩ? 
\v 5 Ɩ tɩɩ lǝsɑ-tʋɣʋ Icipiti, nɑ ɩ́ kɔnɑ-tʋɣʋ lonte ɩsɑɣɑlɛ tǝnɛ tǝ tɑɑ suwe? Pǝ fɛɩ hɑlǝm, pǝ́cɔ́ yʋlʋ kɑɑ hiki tɩɩŋ kʋlʋlǝŋ, ɩsɩɩ fikinɑɑ yɑɑ lɛsɛŋnɑɑ, yɑɑ tʋɣʋ nɑkʋlɩ. Anɩ lʋm kʋnyɔnyɔɔm mɑɣɑmɑɣɑ nɑ́ tɩɩ fɛɩ kɔlɔ.
\p
\v 6 Ḿpʋ́ɣʋ́ Moisi nɑ Alɔŋ pɑ hɑtǝlǝnɑ sɑmɑɑ, nɑ pɑ́ polo Ɩsɔ cokǝle nɔnɔɣɔ. Nɑ pɑ́ hoti pɑ ɩsɛntɔɔ kɛ ɑtɛ, nɑ Ɩsɔ teu nɑ pɑ tɔɔ. 
\v 7 Ɩlɛnɑ Tɑcɑɑ tɔ Moisi sɩ: 
\v 8 Kpɑɣɑ nyɑ́ kpɑ́tʋ́ɣʋ́, nɑ nyɑnɑ Alɔŋ ɩ́ koti sɑmɑɑ. Ɩlɛnɑ n yɔɣɔtǝnɑ kʋkpɑmʋɣʋ kʋnɛɣɛ pɑ ɩsɛntɑɑ, nɑ lʋm lɩɩ nɑ Ɩsɛɣɛlɩ nyǝ́mɑ nɑ pɑ kɑlǝkǝŋ pɑ́ nyɔɔ.
\p
\v 9 Ntɛnɑ Moisi polo nɑ ɩ́ kpɑɣɑ ɩ kpɑ́tʋ́ɣʋ́ ɩsɩɩ Tɑcɑɑ yɔɣɔtʋɣʋ tɔ. 
\v 10 Nɑ ɩ́ nɑ Alɔŋ pɑ́ koti sɑmɑɑ kɛ kʋkpɑmʋɣʋ ŋku Ɩsɔ hʋlɑɑ tɔ kʋ kiŋ, nɑ pɑ́ tɔ sɩ: Yǝlɑɑ tɔɔ kʋllɑɑ mɛ, ɩ́ tʋ ŋkpɑŋŋ. Tɩɩ pǝsɩ nɑ tǝ́ lǝsɩ kʋkpɑmʋɣʋ tɑɑ kɛ́ lʋm nɑ?
\p
\v 11 Ɩlɛnɑ Moisi kʋsɩ kpɑ́tʋ́ɣʋ́ nɑ ɩ́ mɑ kʋkpɑmʋɣʋ kɛ tɔm nɑɑlɛ nɑ lʋm kpe sɔsɔm. Nɑ pɑ nɑ pɑ kɑlǝkǝŋ pɑ́ nyɔɔ nɑ pɑ́ nyǝɣǝsɩ. 
\v 12 Tǝnɑɣɑlɛ Tɑcɑɑ kɑlǝnɑ Moisi nɑ Alɔŋ sɩ: Timpi ɩ́ tɑ́ tɛ-m nɑ mǝ tɑɑ, nɑ ɩ́ fɑɣɑsɩ-m nɑ mɑ mpɑɑ kɛ Ɩsɛɣɛlɩ nyǝ́mɑ tɑɑ tɔ, ɩ kɑɑ sʋsɩ sɑmɑɑ ɩnɛɣɛ tɛtʋ nti mɑ hɑɑ-mɛ tɔ tǝ tɑɑ.
\p
\v 13 Yɑɑsi ɩnɛ ɩ kɔnnɑ ntɛɣɛ Melipɑ lʋm tɔm. Yoou kɛ pɑ yɑɑ mpʋ nɑ pɑ tɛ tɑɑ. Mpi tɔ, Ɩsɛɣɛlɩ nyǝ́mɑ kɑ pɛɛkɑ Tɑcɑɑ nɑ yoou kɛ́. Ɩlɛnɑ ɩ́ fɑɣɑsɩ ɩ tɩ nɑ ɩ mpɑɑ kɛ pɑ tɑɑ.
\s1 Ɩtɔm nyǝ́mɑ tɑŋʋɣʋ kɛ Ɩsɛɣɛlɩ nyǝ́mɑ
\p
\v 14 Ḿpʋ́ɣʋ́ Moisi kʋsɑ tillɑɑ kɛ Kɑtɛɛsɩ, nɑ ɩ́ tili-wɛɣɛ Ɩtɔm wulɑʋ kiŋ. Sɩ pɑ́ heeli-ɩ sɩ: N nyǝmɑ́ wɑhɑlɑnɑɑ mpɑ nyɑ́ kɔɣɔpiyɑ Ɩsɛɣɛlɩ nyǝ́mɑ tɑ́ tǝ tɔɣɑɑ tɔ. 
\v 15 Tɑ cɔsɔnɑɑ kɑ polǝnɑ Icipiti nɑ pɑ́ leeli tǝnɑ. Nɑ pɛlɛ pɑ́ tʋ-wɛɣɛ wɑhɑlɑ. 
\v 16 Ɩlɛnɑ tǝ wiinɑ Tɑcɑɑ sɩ ɩ́ wɑɑsɩ-tʋ. Ɩlɛnɑ Ɩsɔ tili ɩsɔtɑɑ tillu nɑ ɩ́ lǝsɩ-tʋɣʋ tǝnɑ. Sɑŋɑ tǝ tɑlɑ nyɑ́ tɛtʋ toŋɑ tɔɔ kɛlɛ Kɑtɛɛsɩ. 
\v 17 Ɩlɛ hɑ-tʋɣʋ mpɑɑʋ nɑ tǝ́ fɑɣɑnɑ nyɑ́ tɛtʋ tɑɑ. Tǝ kɑɑ hɛlɩ nyɑ́ hɑlǝm yɑɑ nyɑ́ lɛsɛŋnɑɑ tɑɑ. Pǝ́cɔ́ tǝ kɑɑ nyɔɔ nyɑ́ lɔkɔnɑɑ lʋm. Tɩɩ siɣisi hɑpǝlɛ kɛ ḿpʋ́ɣʋ́, hɑlǝnɑ tǝ́ tɛsɩ nyɑ́ tɛtʋ. 
\v 18 Ntɛnɑ Ɩtɔm wulɑʋ sɩ: Ye ɩ́ sʋʋ mɑ tɛtʋ tɑɑ, mɑɑ lɩɩ mǝ yoonɑʋ.
\p
\v 19 Ḿpʋ́ɣʋ́ Ɩsɛɣɛlɩ nyǝ́mɑ tɑsɑɑ sɩ: Hɑɩ, hɑpǝlɛ kɛ tɩɩ tǝŋ. Ye tɑ́ yɑɑ tɑ́ kɑlǝkǝŋ luɣu wɛ lʋm, tɩɩ yɑ-wǝɣɩ. Mpɑɑʋ tike kɛ tǝ wiikinɑ-ŋ sɩ ń hɑ-tʋ nɑ tǝ́ fɑɣɑnɑ nyɑ́ tɛtʋ tɑɑ. 
\v 20 Amɑ Ɩtɔm wulɑʋ tɑ tisi.
\p Hɑlǝnɑ yoolɑɑ tuutuumɑ lɩɩ Ɩsɛɣɛlɩ nyǝ́mɑ tɔɔ, nɑ pɑ yoou wontu sɔsɔɔntʋ. 
\v 21 Ɩlɛnɑ Ɩtɔm nyǝmɑ kisinɑ Ɩsɛɣɛlɩ nyǝmɑ sɩ pɑ́ tɑɑ fɑɣɑnɑ pɑ tɛ. Ɩlɛnɑ pɛlɛ pɑ́ kɛɛnɑ hɔɣɔlʋɣʋ lɛŋkʋ.
\s1 Alɔŋ sǝm
\p
\v 22 Ḿpʋ́ɣʋ́ Ɩsɛɣɛlɩ nyǝ́mɑ kʋlɑ pɑ tǝnɑ nɑ pɑ́ polo Hoo pʋɣʋ luɣu, 
\v 23 kɛ Ɩtɔm tɛtʋ toŋɑ tɔɔ. Tǝnɑɣɑ Tɑcɑɑ heelɑ Alɔŋ nɑ ɩ neu sɩ: 
\v 24 Alɔŋ nyɑ́ sǝm wʋsɑɑ. N kɑɑ tɑlɑ tɛtʋ nti mɑ hɑɑkɩ Ɩsɛɣɛlɩ nyǝ́mɑ tɔ tǝ tɑɑ. Mpi tɔ, n tɑ nɩɩnɑ-m Melipɑ lʋm cɔlɔ. 
\v 25 Ɩlɛnɑ ɩ́ tɔ́ Moisi sɩ: Kpɑɣɑ Alɔŋ nɑ ɩ pǝyɑlʋ Ɩlɑsɑɑ nɑ ń kpɑɑnɑ-wɛɣɛ Hoo pʋɣʋ tɔɔ. 
\v 26 N kɑ́ wɔɣɔsɩ Alɔŋ kɔtʋɣʋ wontu nɑ ń suu-tǝɣɩ ɩ pǝyɑlʋ Ɩlɑsɑɑ. Tǝnɑɣɑ Alɔŋ kɑ́ sɩ.
\p
\v 27 Ḿpʋ́ɣʋ́ Moisi lɑpɑ ɩsɩɩ Tɑcɑɑ yɔɣɔtʋɣʋ tɔ. Ɩlɛnɑ pɑ́ tǝŋ tǝmɑɣɑ pɑ tooso nɑ pɑ́ kpɑ́ pʋɣʋ ŋkʋ kʋ tɔɔ kɛ́ Ɩsɛɣɛlɩ nyǝ́mɑ tǝnɑ ɩsɛntɑɑ. 
\v 28 Ɩlɛnɑ Moisi wɔɣɔsɩ Alɔŋ wontu, nɑ ɩ́ suu-tǝɣɩ ɩ pǝyɑlʋ. Ḿpʋ́ɣʋ́ Alɔŋ sǝpɑ, nɑ Moisi nɑ Ɩlɑsɑɑ pɑ́ mǝlɩ tiiu. 
\v 29 Ɩsɛɣɛlɩ nyǝ́mɑ nɩɩwɑ sɩ Alɔŋ sǝpɑ, ɩlɛnɑ pɑ́ cɑɣɑ ɩ lǝyɑɣɑ kɛ kʋyɛɛŋ hiu nɑ nɑɑnʋwɑ.
\c 21
\s1 Ɩsɛɣɛlɩ nyǝ́mɑ kǝlʋɣʋ kɛ Kɑnɑɑŋ nyǝ́mɑ
\p
\v 1 Ḿpʋ́ɣʋ́ Kɑnɑɑŋ nyǝ́mɑ ɑwulɑɑ tɑɑ lɛlʋ, wei ɩ wɛ Alɑtɩ kɛ ilim mpǝtǝŋ tɔɔ tɔ, ɩ nɩɩwɑ sɩ Ɩsɛɣɛlɩ nyǝ́mɑ tɔŋɑ kɔntɛ nɑ Atɑlim mpɑɑʋ. Ɩlɛnɑ pɑ́ tii pɑ tɔɔ nɑ pɑ́ kpɑ́ pɑ tɑɑ lɛlɑɑ kɛ sɑlǝkɑ nyǝmɑ. 
\v 2 Ntɛnɑ Ɩsɛɣɛlɩ nyǝ́mɑ sɩɩ Tɑcɑɑ kɛ nɔɔsɩ sɩ: Ye n tʋ-wɛɣɛ tɑ niŋ tɑɑ, tɩɩ kpiisi pɑ ɑcɑlɛɛ tǝnɑŋnɑŋ.
\p
\v 3 Ɩlɛnɑ Tɑcɑɑ mʋ pɑ kʋsǝlǝmʋtʋ, nɑ pɑ́ kpiisi pɑ ɑcɑlɛɛ ɑnɩ ɑ tǝnɑ. Ɩlɛnɑ pɑ́ hɑ hɔɣɔlʋɣʋ ŋkʋɣʋ hǝtɛ sɩ Hoomɑ. Ncɑɑlɛ kɛ pɑ yɑɑ mpʋ nɑ pɑ tɛ tɑɑ.
\s1 Tʋmɑɑ ɑsɑɣɑɑ tɔm
\p
\v 4 Ḿpʋ́ɣʋ́ Ɩsɛɣɛlɩ nyǝ́mɑ kʋlɑ Hoo pʋɣʋ, nɑ pɑ́ kpɑɣɑnɑ sǝsǝncɑɑsɩ teŋku hɔɣɔlʋɣʋ mpɑɑʋ sɩ pɑ cɔlǝɣɩ Ɩtɔm tɛtʋ. Amɑ pɑ kpisɑ kɑntǝlʋɣʋ kɛ mpɑɑʋ tɑɑ. 
\v 5 Ɩlɛnɑ pɑ́ niki Ɩsɔ nɑ Moisi kɛ kʋntǝnɑʋ sɩ pepe tɔɔ kɛ́ pɛlɛ pɑ lǝsɑ-wɛɣɛ Icipiti tɑɑ sɩ, pɑ́ sɩ wʋlɑɣɑ tɛtʋ tɑɑ? Tɔɣɔnɑɣɑ yɑɑ lʋm fɛɩ, pǝyele wɑhɑlɑ kʋtɔɣɔʋ Mɑnnɑ nɑ́ lɩɩ-wɛɣɛ sɔŋ.
\p
\v 6 Ḿpʋ́ɣʋ́ Tɑcɑɑ tʋwɑ Ɩsɛɣɛlɩ nyǝ́mɑ kɛ tʋmɑɑ ɑsɑɣɑɑ, nɑ pǝ́ nyɑsɑ pɑ pɑɣɑlɛ nɑ pɑ́ sɩ. 
\v 7 Tǝnɑɣɑlɛ yǝlɑɑ lɛlɑɑ polɑɑ nɑ pɑ́ tɔ Moisi sɩ: Tǝ pǝntǝnɑ nyɑnɑ Tɑcɑɑ kɛ timpi tǝ kʋntǝnɑ-mɛ tɔ. Mpʋ tɔ, wiinɑ-ɩ nɑ ɩ́ hɑtǝlǝnɑ-tʋɣʋ tʋmɑɑ mpɛ. Ɩlɛnɑ Moisi nɑɑ sʋʋ-wɛɣɛ sǝlǝmǝnɑʋ. 
\v 8 Ntɛnɑ Tɑcɑɑ sɩ: Ɩ́ lu tʋm lɛɛsʋɣʋ kɛ nyǝɣǝlʋɣʋ kʋsɛɛmʋɣʋ, nɑ ɩ́ siki kpɑ́tʋ́ɣʋ́ kʋtɑɣɑlʋɣʋ nyʋɣʋ tɑɑ. Ye pǝ nyɑsɑ wei nɑ ɩ́ kʋsɩ ɩsɛ nɑ ɩ́ nyǝnɩ-kʋ, pɩɩ wɑɑ-ɩ.
\p
\v 9 Ḿpʋ́ɣʋ́ Moisi lɑpɑ ɩsɩɩ Tɑcɑɑ yɔɣɔtʋɣʋ tɔ. Nɑ pǝ́ nyɑsɑ wei nɑ ɩ́ nyǝnɑ-kʋ pǝ wɑɑ-ɩ.
\s1 Ɩsǝnɑ pɑ tɔmɑ tɔ hɑlǝnɑ Pisikɑ pʋɣʋ
\p
\v 10 Ḿpʋ́ɣʋ́ Ɩsɛɣɛlɩ nyǝ́mɑ tʋ mpɑɑʋ hɑlǝnɑ Opoti. 
\v 11 Pɑ kʋlɑ tǝnɑ, ɩlɛnɑ pɑ́ polo Yɛ-Apɑlim kɛ Mowɑpʋ ilim tǝlɩɩlɛ tɔɔ wʋlɑɣɑ tɛtʋ tɑɑ. 
\v 12 Pɑ lɩɩ tǝnɑɣɑ nɑ pɑ́ polo Selɛtɩ lɔɔʋ nɔɣɔ. 
\v 13 Pɑ kʋlɑ tǝnɑɣɑ nɑ pɑ́ polo Alǝnɔŋ pɔɣɔ ŋkɑ kɑ nyʋɣʋ wɛ Amoni nyǝ́mɑ tɛ, nɑ kɑ́ fɑkɩ wʋlɑɣɑ tɛtʋ hɔɣɔlʋɣʋ, nɑ pǝ́cɔ́ kɑ́ tɑkɩ Mowɑpʋ nyǝ́mɑ nɑ Amolii nyǝ́mɑ pɑ toŋɑ tɔ. 
\v 14 Pǝ tɔɔ kɛ́ pɑ yɔɣɔtɑ Tɑcɑɑ yoou tɑkǝlɑɣɑ tɑɑ sɩ: Fɑhɛpɩ kɛ Sufɑ tɛtʋ tɑɑ, nɑ Alǝnɔŋ lɔɔŋ 
\v 15 nɑ lɔɔŋ wei ɩ wɛ Alǝnɔŋ hɔɣɔlʋɣʋ tɔɔ kɛ́ Mowɑpʋ toŋɑ tɔɔ tɔ. 
\v 16 Pɑ lɩɩ tǝnɑɣɑ ɩlɛnɑ pɑ́ polo Lɔkɔ cɔlɔɣɔ timpi Tɑcɑɑ tɔmɑ Moisi sɩ: Kpeɣeli sɑmɑɑ, nɑ mɑ́ hɑ-wɛɣɛ lʋm tɔ.
\p
\v 17 Wɑɑtʋ ɩnǝɣɩ Ɩsɛɣɛlɩ nyǝ́mɑ mɑpɑ kɑwǝyɑɣɑ sɩ:
\q1 Lɔkɔ lʋm ɩ́ lɩɩnɑ kɑwilitɑsɩ.
\q1
\v 18 Awulɑɑ nɑ kɑsɑɣɑmpiyɑ hulinɑ-ɩ nɑ pɑ kɑwulɑɣɑ kpɑtǝŋ.
\p Pɑ lɩɩ wʋlɑɣɑ tɛtʋ tɑɑ, ɩlɛnɑ pɑ́ tɑlɑ Mɑtɑnɑ. 
\v 19 Pɑ lɩɩ tǝnɑ nɑ pɑ́ polo Nɑhɑliyɛlɩ, tǝnɑ wɑɑlɩ kɛ́ Pɑmɔtɩ. 
\v 20 Pɑ lɩɩ tǝnɑ, ɩlɛnɑ pɑ́ polo Mowɑpʋ tɛtʋ tɛtɛkǝlɛ kɛ
\q1 Pisikɑ pʋɣʋ nyʋɣʋ tɑɑ nɑ wʋlɑɣɑ tɛtʋ tɔɔ.
\s1 Ɩsɛɣɛlɩ kǝlʋɣʋ kɛ Sihoŋ nɑ Oki
\p
\v 21 Ḿpʋ́ɣʋ́ Ɩsɛɣɛlɩ nyǝ́mɑ tilɑɑ nɑ pɑ́ heeli Amolii nyǝ́mɑ wulɑʋ Sihoŋ sɩ: 
\v 22 Yele nɑ tǝ fɑɣɑnɑ nyɑ́ tɛtʋ tɑɑ. Hɑpǝlɛ kɛ tɩɩ siɣisi, hɑlǝnɑ tǝ́ tɛsɩ nyɑ́ tɛtʋ. Tǝ kɑɑ hɛlɩ hɑlǝm yɑɑ lɛsɛŋnɑɑ tɑɑ, yɑɑ tǝ́ nyɔɔ lʋm.
\p
\v 23 Amɑ Sihoŋ tɑ tisi. Ḿpʋ́ɣʋ́ ɩ́ kuu ɩ yoolɑɑ tǝnɑ, nɑ ɩ́ kɑtɩ Ɩsɛɣɛlɩ nyǝ́mɑ kɛ Yɑhɑsɩ wʋlɑɣɑ tɛtʋ tɑɑ. 
\v 24 Ḿpʋ́ɣʋ́ Ɩsɛɣɛlɩ nyǝ́mɑ yoonɑ-ɩ. Nɑ pɑ́ lɛɛkɩ ɩ tɛtʋ tǝnɑɣɑ pǝ kpɑɣɑʋ Alǝnɔŋ nɑ pǝtɛɛ tɔɔ, nɑ Yɑpɔkɩ nɑ ɩsɔtɑɑ tɔɔ, kɛ́ Amoni nyǝ́mɑ toŋɑ koluŋɑ nɑ ilim tǝlɩɩlɛ tɔɔ. 
\v 25 Nɑ pɑ́ lɛɛkɩ Hɛsǝpɔŋ ɩcɑtɛ, nɑ pǝ cɔlɔ nyǝnɑ sǝkpenɑ nɑ pɑ́ cɑɣɑ. 
\v 26 Hɛsǝpɔŋ tǝnɑɣɑ Amolii nyǝ́mɑ wulɑʋ Sihoŋ kɑ wɛɛ. Ɩ kɑ yoonɑ Mowɑpʋ wulɑʋ kʋpǝŋ kɛ́, nɑ ɩ́ lɛɛkɩ ɩ tɛtʋ tǝnɑ. Hɑlǝnɑ pǝ yoosinɑ Alǝnɔŋ. 
\v 27 Hɑlɩ yonyoolɑɑ tʋ-tɛ nɑ yontu sɩ:
\q1 Ɩ́ kɔɔ Hɛsǝpɔŋ nɑ ɩ́ ŋmɑ́ Sihoŋ ɩcɑtɛ nɑ tǝ koluŋɑ.
\q1
\v 28 Kɔkɔ yɑwɑ Hɛsǝpɔŋ.
\q1 Kɑ tʋlɑ Sihoŋ ɩcɑtɛ tɑɑ.
\q1 Kɑ nyɑɣɑ Aɑ kɛ Mowɑpʋ tɛtʋ tɑɑ.
\q1 Kɑ kpɛnnɑ Alǝnɔŋ ɩsɔtɑɑ sɔsɑɑ.
\q1
\v 29 Mowɑpʋ, nyɑ́ tɔm wɛ wɑɩyo.
\q1 Tʋɣʋ Kemɔsɩ lɑɑlɑɑ mɛ, mǝ lepɑ.
\q1 Mǝ pǝyɑlɑɑ sewɑ, nɑ Amolii wulɑʋ Sihoŋ
\q1 nɑ́ɑ́ kpɑ mǝ ɑlɑɑ kɛ yomle.
\q1
\v 30 Tǝ tɔwɑ Amolii nyǝ́mɑ kɛ nyǝmɑ́.
\q1 Tǝ wɑkǝlɑ Hɛsǝpɔŋ tɛtʋ tǝnɑ, hɑlǝnɑ Tipɔŋ.
\q1 Hɑlǝnɑ pǝ́ polo Nofɑ nɑ Mɛtǝpɑ tɔ, tǝ kpiisɑ pɑ tǝnɑɣɑ.
\m
\v 31 Ḿpʋ́ɣʋ́ Ɩsɛɣɛlɩ nyǝ́mɑ tɔɣɔ Amolii nyǝ́mɑ tɛtʋ. 
\v 32 Nɑ Moisi kʋsɩ feŋlɑɑ nɑ pɑ́ cɔɔ Yɑsɛɛ ɩcɑtɛ. Yoolɑɑ lɛɛkɑ-tɛ nɑ tǝ ɑcɑlɛɛ sǝkpenɑ. Pɑ tɔɣɔnɑ Amolii nyǝ́mɑ. 
\v 33 Pǝ wɑɑlɩ kɛ́ pɑ lɑɣɑsɑ mpɑɑʋ nɑ pɑ́ mǝŋnɑ Pɑsɑŋ tɔɔ. Ḿpʋ́ɣʋ́ tǝnɑ wulɑʋ Oki nɑ́ lǝsɑ ɩ yoolɑɑ tǝnɑ nɑ pɑ́ polo Ɩsɛɣɛlɩ nyǝ́mɑ yoonɑʋ kɛ Ɩtǝlei. 
\v 34 Ḿpʋ́ɣʋ́ Tɑcɑɑ heelɑ Moisi sɩ: Tɑɑ nyɑnɑ-ɩ. Mɑɑ tʋ ɩ́ nɑ ɩ yoolɑɑ nɑ ɩ tɛtʋ tǝnɑɣɑ nyɑ́ niŋ tɑɑ, nɑ ń lɑnɑ-ɩ ɩsɩɩ n lɑpǝnɑ Amolii nyǝ́mɑ wulɑʋ Sihoŋ wei ɩ kɑ wɛ Hɛsǝpɔŋ tɔ. 
\v 35 Nɑ Ɩsɛɣɛlɩ nyǝ́mɑ kʋ Oki nɑ ɩ pǝyɑlɑɑ, nɑ ɩ yoolɑɑ tǝnɑ. Ɩ tɑ yele pɑɑ kʋlʋm nɑ ɩ weesuɣu. Ɩlɛnɑ pɑ́ lɛɛkɩ tɛtʋ.
\ms1 ƖSƐƔƐLƖ NYƎMA KƐ MOWAPƲ TƐTƲ TƐTƐKƎLƐ TAA
\c 22
\s1 Tʋʋ Pɑlɑɑm nɑ wulɑʋ Pɑlɑkɩ pɑ tɔm
\p
\v 1 Ḿpʋ́ɣʋ́ Ɩsɛɣɛlɩ nyǝ́mɑ tɛɛwɑ nɑ pɑ́ siki Yɑɑtɑnɩ kʋtɛsʋɣʋ tɔɔ kɛ́ Mowɑpʋ tɛtɛkǝlɛ tɑɑ kɛ́ Yeliko ɩsɛntɑɑ.
\p
\v 2-4 Tǝnɑɣɑ Sipɔɔ pǝyɑlʋ Pɑlɑkɩ wei ɩ tɔkɑɣɑ kɑwulɑɣɑ kɛ Mowɑpʋ kɛ wɑɑtʋ ɩnɩ tɔ, ɩ nɩɩwɑ ɩsǝnɑ Ɩsɛɣɛlɩ nyǝ́mɑ lɑpɑ Amolii nyǝ́mɑ tɔ. Ɩlɛnɑ sɔɣɔntʋ kpɑ ɩ́ nɑ ɩ sɑmɑɑ nɑ pɑ́ seliɣi sɩ, Ɩsɛɣɛlɩ nyǝ́mɑ kǝlɑ pɑɣɑlɛ. Mpʋɣʋlɛ Mowɑpʋ nyǝ́mɑ tɔmɑ Mɑtiyɑŋ nyǝ́mɑ kʋpɑɣɑlɑɑ sɩ: Ɩsɛɣɛlɩ nyǝ́mɑ cɑɑ pǝ tǝnɑɣɑ kpiisuɣu kɛ́, nɑ pɑ́ cɔɔnɑ-mɛ, ɩsɩɩ nɑɑŋ kuntuɣu nyɩɩtʋ tɔ.
\p
\v 5 Ɩlɛnɑ wulɑʋ tili ɩ yǝlɑɑ kɛ Peyɔɔ pǝyɑlʋ Pɑlɑɑm wei ɩ kɑ wɛ Petɔɔ kɛ Ɩfǝlɑtɩ pɔɣɔ tɔɔ tɔ ɩ kiŋ sɩ, pɑ́ heeli-ɩ sɩ: Yǝlɑɑ nɑpǝlɩ pɑ lɩɩnɑ Icipiti nɑ pɑ́ kɔɔ nɑ pɑ́ wɑɑsɩ mɑ tɛtʋ tɔɔ. 
\v 6 Hɑɩ, kɔɔ nɑ ń tǝŋsɩ-wɛɣɛ mpusi. Pɑ kǝlɑ-m toŋ. Ntɑnyɩ n kɑ́ pǝsɩ nɑ ń tɔɣɔnɩ-wɛɣɛ mɑ tɛtʋ tɑɑ. Mpi tɔ, mɑ nyǝmɑ sɩ, ye n tǝŋsɑ yʋlʋ kɛ mpusi, yɑɑ n koolɑ-ɩ kʋpɑntʋ, pǝ lɑkɩ kɛ́. 
\v 7 Ḿpʋ́ɣʋ́ Mowɑpʋ nɑ Mɑtiyɑŋ kʋpɑɣɑlɑɑ kpɛnnɑ mpi pɑɑ fɛlɩ pee nɑlʋ Pɑlɑɑm tɔ. Nɑ pɑ́ polo ɩ tɛ nɑ pɑ́ heeli-ɩ Pɑlɑkɩ kʋsǝlǝmʋtʋ. 
\v 8 Ntɛnɑ Pɑlɑɑm sɩ: Ɩ́ sʋʋ mɑ tɛ, nɑ kʋ femɑ, ɩlɛ mɑ tɛlǝsɩ-mɛɣɛ nti Tɑcɑɑ heelɑ-m tɔ. 
\v 9 Ɩlɛnɑ Tɑcɑɑ pɔɔsɩ-ɩ sɩ: Mʋʋlɑɑ mpɑ pɑ wɛnnɑ nyɑ́ tɛ? 
\v 10 Ntɛnɑ Pɑlɑɑm cɔ-ɩ sɩ: Mowɑpʋ wulɑʋ Pɑlɑkɩ tilinɑ yǝlɑɑ sɩ pɑ́ heeli-m sɩ 
\v 11 nɑpǝlɩ pɑ lɩɩnɑ Icipiti nɑ pɑ́ wɑtɩ-m. Ɩlɛ kɔɔ nɑ ń tǝŋsɩ-wɛɣɛ mpusi, nɑ mɑ pǝsɩ-wɛ nɑ mɑ́ tɔɣɔnɩ-wɛ. 
\v 12 Mpʋɣʋlɛ Ɩsɔ tɔmɑ Pɑlɑɑm sɩ: Tɑɑ tǝŋ-wɛ sɩ n tǝŋsǝɣɩ Ɩsɛɣɛlɩ nyǝ́mɑ kɛ mpusi yoo. Mpi tɔ, mɑ tɛmɑ-wɛɣɛ kʋpɑntʋ kooluɣu.
\p
\v 13 Tɛʋ femɑ ɩlɛnɑ Pɑlɑɑm tɔ Pɑlɑkɩ tillɑɑ sɩ: Ɩ́ kpe mǝ tɛ. Tɑcɑɑ kisɑɑ sɩ mɑ́ tɑɑ tǝŋ-mɛ.
\p
\v 14 Ɩlɛnɑ Mowɑpʋ kʋpɑɣɑlɑɑ mpɛ pɑ́ mǝlɩ nɑ pɑ́ heeli Pɑlɑkɩ sɩ: Pɑlɑɑm kisɑ-tʋɣʋ tǝŋʋɣʋ. 
\v 15 Ḿpʋ́ɣʋ́ Pɑlɑkɩ kʋsɑ tillɑɑ kʋfɑmɑ nɑ pɑ tɑɑ kɛ́ ɩ wɑɑlɩ nyǝ́mɑ. Pɛlɛ pɑ kǝlɑ kɑncɑɑlɑɣɑ nyǝ́mɑ kɛ pɑɣɑlɛ nɑ sɔsɔɔntʋ. 
\v 16 Nɑ pɑ́ polo pɑ heeli Pɑlɑɑm sɩ wulɑʋ tɔmɑ sɩ: Mɑ kpɑ nyɑ́ yule. Pɑɑ pǝ cɑɑlɑ-ŋ ɩsǝnɑ, polo nɑ nyɑnɑ-ɩ ɩ́ nɑ́. 
\v 17 Pǝyele ye n tǝŋsɑ mpɛ ɩnǝɣɩ mpusi, mɑɑ kʋsɩ nyɑ́ nyʋɣʋ nɑ mɑ́ hɑ-ŋ pǝ tǝnɑ mpi n sɔɔlɑɑ tɔ.
\p
\v 18 Ntɛnɑ Pɑlɑɑm cɔ tillɑɑ mpɛ sɩ: Pɑɑ ɩ kɑ́ hɑ-m ɩ liɣitee nɑ pǝ wʋlɑnɑɑ tǝnɑ, pǝ fɛɩ sɩ mɑ́ lɩɩ hǝm, nɑ mɑ́ pǝntǝnɑ mɑ Ɩsɔ Tɑcɑɑ. 
\v 19 Ɩlɛ pɑɑ nɑ mpʋ, ɩ́ sʋʋ cǝnɛɣɛ ɑhoo ɑnɛ nɑ mɑ́ nɑ́ nti Ɩsɔ kɑ́ tɑsɑ-m heeluɣu tɔ. 
\v 20 Ḿpʋ́ɣʋ́ Tɑcɑɑ tɔmɑ Pɑlɑɑm kɛ ɑhoo tɑɑ sɩ: Ntɔŋ nyɑ́ wɑɑlɩ kɛ́ yǝlɑɑ mpɛ pɑ kɔmɑ? Tǝŋ-wɛ, ɩlɛ nti mɑɑ hʋlɩ-ŋ tɔ, tǝ tike kɛ n kɑ́ lɑ.
\p
\v 21 Tɛʋ femɑ tɑnɑŋ, ɩlɛnɑ Pɑlɑɑm kpɛɛlɩ ɩ kpɑŋɑɣɑ nɑ ɩ́ tǝŋ Mowɑpʋ nyǝ́mɑ.
\s1 Pɑlɑɑm nɑ ɩ kpɑŋɑɣɑ pɑ tɔm
\p
\v 22 Tɛʋ femɑ tɑnɑŋ, ɩlɛnɑ Pɑlɑɑm kpɛɛlɩ ɩ kpɑŋɑɣɑ ɑlʋnyǝŋkɑ. Nɑ ɩ tǝmlɛ nyǝ́mɑ kɛ nɑɑlɛ, nɑ pɑ́ tǝŋ Mowɑpʋ nyǝ́mɑ. Amɑ Tɑcɑɑ mʋ pɑ́ɑ́nɑ́ nɑ ɩ tɛɛʋ mpɩ. Ɩlɛnɑ ɩsɔtɑɑ tillu tɑŋɩ-ɩ mpɑɑʋ tɑɑ. 
\v 23 Kpɑŋɑɣɑ nɑwɑ ɩsɔtɑɑ tillu kɛ mpɑɑʋ hɛkʋ tɑɑ nɑ ɩ́ kpɛɛwɑ ɩ lɑɣɑtɛ nɑ ɩ́ tɔkɑ ɩ niŋ tɑɑ, ɩlɛnɑ kɑ́ hɛlɩ. Nɑ Pɑlɑɑm mɑ-kɛ nɑ ɩ́ mǝlǝnɑ mpɑɑʋ tɑɑ. 
\v 24 Ḿpʋ́ɣʋ́ ɩsɔtɑɑ tillu tuusɑ lɔlɔ, nɑ ɩ́ sǝŋ mpɑɑʋ tɑɑ kɛ́ lɛsɛŋ tɑwɑ koloosi hɛkʋ. 
\v 25 Kpɑŋɑɣɑ nɑ-ɩ ɩlɛnɑ kɑ́ tiili kɑ tɩ nɑ koluŋɑ nɑ pǝ́ kʋ́ Pɑlɑɑm nɔɔhǝlɛ. Ɩlɛnɑ ɩ́ sʋʋ-kɛɣɛ mɑpʋ. 
\v 26 Ḿpʋ́ɣʋ́ ɩsɔtɑɑ tillu tɑsɑ pote nɑ ɩ́ sǝŋ timpi koloosi kpɩɩlɑ teu nɑ pǝ́ fɛɩ hɛlʋɣʋ nɑ ntɔɣɔŋ yɑɑ mpǝtǝŋ tɔ. 
\v 27 Kpɑŋɑɣɑ nɑ-ɩ, ɩlɛnɑ kɑ́ hǝntɩ. Tǝnɑɣɑ pɑ́ɑ́nɑ́ kpɑ Pɑlɑɑm nɑ ɩ́ hɔɔkɩ-kɛɣɛ kpɑ́tʋ́ɣʋ́. 
\v 28 Mpʋɣʋlɛ Tɑcɑɑ kulɑ kpɑŋɑɣɑ nɔɣɔ nɑ kɑ́ tɔ́ Pɑlɑɑm sɩ: Pepeɣe mɑ lɑpɑ-ŋ nɑ ń mɑ-m hɑlɩ tɔm tooso tǝnɑ? 
\v 29 Ntɛnɑ Pɑlɑɑm cɔ sɩ: N nyǝnɑ-m yem kɛ́ te. Ye mɑɑ tɔkɑ lɑɣɑtɛ ɩsǝntɔ mɑɑ tɛmɑ-ŋ kʋɣʋ kɛ kpɑkpɑɑ. 
\v 30 Kɛlɛnɑ kpɑŋɑɣɑ sɩ: Anɩ mɑ kɛ́ nyɑ́ kpɑŋɑɣɑ kɛ́, nɑ ń cɑkɩ-m tɑm. Too tɔ, mɑ tɛmɑ-ŋ ḿpʋ́ɣʋ́ lɑpʋ nɑ? Pɑɑlɑm sɩ: Aɑɩ yoo.
\p
\v 31 Ḿpʋ́ɣʋ́ Tɑcɑɑ kulɑ Pɑlɑɑm ɩsɛ nɑ ɩ́ nɑ́ ɩsɔtɑɑ tillu sǝŋɑ mpɑɑʋ hɛkʋ tɑɑ, nɑ ɩ lɑɣɑtɛ kɛ ɩ niŋ tɑɑ. Tǝnɑɣɑlɛ ɩ hotɑ ɩ lotu tɔɔ kɛ́ ɑtɛ. 
\v 32 Ntɛnɑ ɩsɔtɑɑ tillu pɔɔsɩ-ɩ sɩ: N mɑpɑ nyɑ́ kpɑŋɑɣɑ kɛ tɔm tooso suwe? Mɑ kɔmɑɣɑ sɩ mɑ kɑkɩ-ŋ mpɑɑʋ. Mpi tɔ, mɑ nyǝmɑ́ sɩ n puki tǝlete kɛ́. 
\v 33 Amɑ nyɑ́ kpɑŋɑɣɑ nɑ-m nɑ kɑ́ hɛlɩ-m tɔm tooso. Ye pǝ tɑɣɑ mpʋ mɑɑ kʋ-ŋ nɑ mɑ yele-kɛ nɑ kɑ weesuɣu. 
\v 34 Ḿpʋ́ɣʋ́ Pɑlɑɑm tɔmɑ ɩsɔtɑɑ tillu sɩ: Mɑ tɑɑ nyɩ sɩ n tɑŋɑ-m mpɑɑʋ tɑɑ sɩ mɑ́ tɑɑ polo. Mɑ tɔm sǝpɑ. Ye nyɑ́ lɑŋlɛ tɑ hɛɛnɑ mɑ pote ńtɛ́ mɑ mǝlǝɣɩ nɔɔnɔɔ. 
\v 35 Ɩlɛnɑ ɩsɔtɑɑ tillu sɩ: Tǝŋ-wɛ. Amɑ nti mɑ heeliɣi-ŋ tɔ, tǝ tike kɛ ń kɑ́ yɔɣɔtɩ. Ntɛnɑ Pɑlɑɑm tǝŋ tillɑɑ mpɛ.
\s1 Pɑlɑɑm nɑ Pɑlɑkɩ pɑ suluɣu
\p
\v 36 Wɑɑtʋ wei Pɑlɑkɩ nɩɩwɑ Pɑlɑɑm kɔntɛ ɩlɛnɑ ɩ́ polo ɩ sǝŋʋɣʋ kɛ Mowɑpʋ ɩcɑtɛ nte tǝ wɛ tɛtʋ toŋɑ kɛ Alǝnɔŋ lɔɔʋ nɔɣɔ tɔ. 
\v 37 Nɑ Pɑlɑkɩ pɔɔsɩ-ɩ sɩ: Pepe tɔɔ kɛ́ n tɑ kɔɔ kpɑkpɑɑ kɛ wɑɑtʋ wei mɑ tilɑ tɔm kɑncɑɑlɑɣɑ nyǝm tɔ? Yɑɑ n hʋʋkɩ sɩ mɑ kpisiɣi nyɑ́ nyʋɣʋ kʋsʋɣʋ? 
\v 38 Ḿpʋ́ɣʋ́ Pɑlɑɑm cɔwɑ sɩ: Tɔʋ pǝnɛntɛ mɑ kɔmɑ yɑɑ. Amɑ mɑɑ lɑkɩ mɑ luɣu nyǝntʋ kɛ́. Nti Ɩsɔ kɑ́ tʋ-m tɔ tǝ tike kɛ mɑɑ yɔɣɔtɩ.
\p
\v 39 Ḿpʋ́ɣʋ́ pɑ nɑɑlɛ pɑ polɑ Kiliyɑtɩ-Husoti. 
\v 40 Nɑ Pɑlɑkɩ lɑɑ nɑɑŋ nɑ heeŋ nɑ ɩ́ hɑ ɩ wɑɑlɩ nyǝ́mɑ nɑ Pɑlɑɑm.
\s1 Pɑlɑɑm tǝlɑsɩ kʋpɑntʋ kooluɣu kɑncɑɑlɑɣɑ nyǝm
\p
\v 41 Tɛʋ femɑ ɩlɛnɑ Pɑlɑkɩ nɑ Pɑlɑɑm pɑ́ kpɑ Pɑmɔtɩ-Pɑɑlɩ timpi pǝ loosiɣi ɩsɛɣɛlɩ tǝsikile hɔɣɔlʋɣʋ tɔ.
\c 23
\p
\v 1 Ḿpʋ́ɣʋ́ Pɑlɑɑm tɔmɑ Pɑlɑkɩ sɩ: Nmɑ-m tǝfɛɛnlɛ kɛ tɔm nɑɑtosompɔɣɔlɑɣɑ. Nɑ ń cɛlɛ-m lɑtǝcɛnɑɑ nɑ ɩwɑɑŋ kɛ nɑɑtosompɔɣɔlɑɣɑ mpɔɣɔlɑɣɑ. 
\v 2 Ɩlɛnɑ Pɑlɑkɩ lɑ mpʋ, nɑ pɑ nɑɑlɛ pɑ́ lɑɑ lɑtǝcɛ nɑ ɩwɑɑʋ kɛ pɑɑ lonte nte tǝ tɑɑ. 
\v 3 Nɑ Pɑlɑɑm tɔ Pɑlɑkɩ sɩ:
\p Sǝŋ tǝfɛɛnlɛ cǝnɛ nɑ mɑ́ hɑtǝlɩ. Ntɑnyɩ Tɑcɑɑ kɑ́ lɩɩ mɑ tɔɔ nɑ ɩ́ heeli-m nɑtǝlɩ nɑ mɑ tɛlǝsɩ-ŋ. Ɩlɛnɑ ɩ́ kpɑ tontoŋlɛ tɔɔ. 
\v 4 Tǝnɑɣɑ Tɑcɑɑ lɩɩ ɩ tɔɔ, nɑ Pɑlɑɑm tɔ sɩ: Mɑ ŋmɑwɑ tǝfɛɛnlɛ kɛ tɔm nɑɑtosompɔɣɔlɑɣɑ, nɑ mɑ́ lɑɑ lɑtǝcɛ nɑ ɩwɑɑʋ kɛ pɑɑ tǝfɛɛnlɛ nte tǝ tɔɔ.
\p
\v 5 Ɩlɛnɑ Tɑcɑɑ hʋlɩ Pɑlɑɑm kɛ tɔm nti ɩ kɑ yɔɣɔtɩ tɔ. Nɑ ɩ́ tɔmɩ-ɩ sɩ: Mǝlɩ Pɑlɑkɩ kiŋ. 
\v 6 Ḿpʋ́ɣʋ́ ɩ mǝlɑ Pɑlɑkɩ nɑ ɩ wɑɑlɩ nyǝ́mɑ pɑ cɔlɔ nɑ pɑ́ sǝŋ tǝfɛɛnlɛ tǝnɑ. 
\v 7 Kɑwǝyɑɣɑ ŋkɑ Pɑlɑɑm mɑpɑ tɔɣɔlɔ:
\q1 Mowɑpʋ wulɑʋ Pɑlɑkɩ yɑɑnɑ-m
\q1 ilim tǝlɩɩlɛ pɔɔŋ tɑɑ kɛ Silii,
\q1 sɩ mɑ́ nyɑɑsɩ Ɩsɛɣɛlɩ nyǝ́mɑ.
\q1 Nɑ mɑ́ tǝŋsɩ Yɑkɔpʋ lʋlʋɣʋ nyǝ́mɑ kɛ mpusi.
\q1
\v 8 Ɩlɛ ɩsǝnɑɣɑ mɑɑ tǝŋsɩ mpusi kɛ wei
\q1 Tɑcɑɑ tɑ tǝŋsɩ mpusi tɔ?
\q1 Yɑɑ ɩsǝnɑɣɑ mɑɑ nyɑɑsɩ yǝlɑɑ
\q1 mpɑ ɩ tɑ nyɑɑsɩ tɔ?
\q1
\v 9 Pɔɔŋ tɔɔ kɛ́ mɑ wɛɛ, nɑ mɑ́ loosiɣi yǝlɑɑ mpɛ.
\q1 Pulɑsɩ tɔɔ kɛ́ mɑ wɛɛ nɑ mɑ́ nyǝnǝɣɩ-wɛ.
\q1 Pɑ fɑɣɑnɑ piitimnɑɑ lɛmpɑ kɛ,
\q1 nɑ pɑ tǝcɑɣɑlɛ wɛnɑ tǝ mpɑɑ.
\q1
\v 10 Aweɣelɛ Ɩsɛɣɛlɩ sɑmɑɑ kɑllʋ?
\q1 Yɑɑ ɩ cɛkǝnɑ ɩ lʋlʋɣʋ nyǝ́mɑ nyʋɣʋ?
\q1 Mɑ sɔɔlɑ mɑ́ nɑ siɣisilɑɑ mpɛ tǝ́ kpɛntɩ sǝm kɛ́,
\q1 nɑ pǝ́ lɑ-m ɩsɩɩ mpɛ.
\p
\v 11 Mpʋɣʋlɛ Pɑlɑkɩ pɔɔsɑ Pɑlɑɑm nɑ piti sɩ: Wetiɣilɛ n lɑpɑ-m mpʋ? Mɑ kɔnɑ-ŋ kɛ́ sɩ ń tǝŋsɩ mɑ kolontunɑɑ kɛ mpusi ɩlɛnɑ nyɑɑ mǝlɩ nɑ ń kooliɣi-wɛɣɛ kʋpɑntʋ nɑ?
\p
\v 12 Ntɛnɑ Pɑlɑɑm cɔ sɩ: Tǝlɑsɩ kɛ́ sɩ mɑ yɔɣɔtɩ nti Tɑcɑɑ tʋ mɑ nɔɣɔ tɑɑ tɔ.
\s1 Pɑlɑɑm koolee nɑɑlɛ nyǝnɑ
\p
\v 13 Mpʋɣʋlɛ Pɑlɑkɩ tɔmɑ Pɑlɑɑm sɩ: Kɔɔ nɑ tǝ́ lɑɣɑsɩ timpi n kɑ́ nɑ́ Ɩsɛɣɛlɩ nyǝ́mɑ tǝnɑ tɔ. Pǝ tɑɣɑ pʋlʋ, pǝcɔ tike kɛ n nɑɑkɩ. Tǝnɑɣɑ n kɑ́ tǝŋsɩ-m-wɛɣɛ mpusi.
\p
\v 14 Ɩlɛnɑ ɩ́ ponɑ Pɑlɑɑm kɛ Pisikɑ pʋɣʋ luɣu tǝfeŋle, nɑ ɩ́ ŋmɑ tǝfɛɛnlɛnɑɑ tɔtɔɣɔ nɑɑtosompɔɣɔlɑɣɑ. Nɑ ɩ́ lɑɑ lɑtǝcɛ nɑ ɩwɑɑʋ kɛ pɑɑ tǝfɛɛnlɛ nte tǝ tɔɔ. 
\v 15 Nɑ ɩ́ tɔ́ Pɑlɑkɩ sɩ: Sǝŋ tǝnɑ nɑ mɑ́ polo nɑ mɑ́ nɑ Ɩsɔ tǝ́ suli.
\p
\v 16 Ɩlɛnɑ Tɑcɑɑ tʋ Pɑlɑɑm nɔɣɔ tɑɑ kɛ́ tɔm sɩ ɩ́ mǝlɩ nɑ ɩ́ heeli Pɑlɑkɩ. 
\v 17 Pɑlɑɑm mǝlɑ wulɑʋ nɑ ɩ wɑɑlɩ nyǝ́mɑ pɑ kiŋ, ɩlɛnɑ ɩ́lɛ́ ɩ pɔɔsɩ-ɩ sɩ: Wentiɣilɛ Tɑcɑɑ heelɑ-ŋ?
\p
\v 18 Ḿpʋ́ɣʋ́ Pɑlɑɑm kpɑɣɑ kɑwǝyɑɣɑ sɩ:
\q1 Sipɔɔ pǝyɑlʋ Pɑlɑkɩ kʋlɩ nɑ n ke ŋkpɑŋŋ.
\q1
\v 19 Ɩsɔ tɑ́ kɛ́ yʋlʋ sɩ ɩ looliɣi, yɑɑ ɩ́ lɑɣɑsɩ ɩ kʋsǝsɩɩtʋ.
\q1 Nti ɩ sɩɩwɑ tɔɣɔ ɩ lɑkɩ tǝtetete.
\q1
\v 20 Tɑcɑɑ koolinɑ yǝlɑɑ mpɛɣɛ kʋpɑntʋ,
\q1 nɑ mɑ́ɑ́ tɛɛsǝɣɩ,
\q1
\v 21 mɑɑ pǝsǝɣɩ nɑ mɑ́ lɑɣɑsɩ pʋlʋ.
\q1 Ɩ wɛ pɑ wɑɑlɩ kɛ́ ɩ tɑ nɑ pɑ ɩsɑɣɑtʋ, yɑɑ pɑ tɑsǝkǝlɛ.
\q1 Ɩ kɛ́ pɑ wulɑʋ kɛ́ nɑ pɑ́ wilitiɣi-ɩ nɑ lɑŋhʋlʋmlɛ.
\q1
\v 22 Ɩnɩ ɩ lǝsǝnɑ-wɛɣɛ Icipiti tɑɑ
\q1 nɑ tomiŋ ɩsɩɩ tɑɑlɛ nɑʋ.
\q1
\v 23 Tɩɩtʋ nɑ pee pɔɔsʋɣʋ ɩɩ lɑkɩ Ɩsɛɣɛlɩ nyǝ́mɑ kɛ pʋlʋ.
\q1 Pǝ tɔɔ kɛ́ pɑ nyǝnǝɣɩ Ɩsɛɣɛlɩ nɑ pɑ tɔŋ sɩ:
\q1 Ɩɩ nɑɑkɩ mpi Ɩsɔ lɑpɑ-wɛ tɔ.
\q1
\v 24 Yǝlɑɑ mpɛ pɑ wɛ toŋ kɛ́ ɩsɩɩ tɔɣɔlɑɣɑ
\q1 ŋkɑ kɑ cǝlǝɣɩ kɑ tɔɣɔnɑɣɑ,
\q1 nɑ kɑ́ nyɔɔkɩ kɑ kʋkʋkʋm cɑlǝm,
\q1 nɑ pǝ́cɔ́ kɑ́ hǝntǝɣɩ tɔ.
\p
\v 25 Ntɛnɑ Pɑlɑkɩ tɔ Pɑlɑɑm sɩ: Ye n kɑɑ tǝŋsɩ-wɛɣɛ mpusi, ɩlɛ tɑɑ kooli-wɛɣɛ kʋpɑntʋ.
\p
\v 26 Kɛlɛnɑ Pɑlɑɑm sɩ: Anɩ mɑ tɛmɑ-ŋ heeluɣu sɩ nti Tɑcɑɑ tʋɣʋ mɑ nɔɣɔ tɑɑ tɔɣɔ mɑ yɔɣɔtǝɣɩ.
\s1 Pɑlɑɑm koolee tooso nyǝnɑ
\p
\v 27 Ḿpʋ́ɣʋ́ Pɑlɑkɩ yɑɑ pɑlɑɑm sɩ: Tǝ́ lɑɣɑsɩ lonte lɛntɛ. Ntɑnyɩ Ɩsɔ kɑ́ tisi nɑ ń tǝŋsɩ-m yǝlɑɑ mpɛɣɛ mpusi. 
\v 28 Ɩlɛnɑ ɩ́ kpɑɑnɑ-ɩ Peyɔɔ pʋɣʋ tɔɔ timpi yǝlɑɑ nɑɑkɩ wʋlɑɣɑ tɛtʋ tɔ. 
\v 29 Nɑ Pɑlɑɑm tɔ Pɑlɑkɩ sɩ: Nmɑ-m tǝfɛɛnlɛnɑɑ kɛ nɑɑtosompɔɣɔlɑɣɑ, nɑ ń cɑɑ-m lɑtǝcɛnɑɑ kɛ nɑɑtosompɔɣɔlɑɣɑ nɑ heeŋ kɛ mpʋ tɔtɔ. 
\v 30 Ɩlɛnɑ Pɑlɑkɩ lɑ mpʋ nɑ ɩ́ lɑɑ lɑtǝcɛ nɑ ɩwɑɑʋ kɛ pɑɑ tǝfɛɛnlɛ nte tǝ tɔɔ.
\c 24
\p
\v 1 Ḿpʋ́ɣʋ́ Pɑlɑɑm cɛkǝnɑɑ sɩ Tɑcɑɑ sɩɩwɑɣɑ sɩ ɩ kooliɣi Ɩsɛɣɛlɩ nyǝ́mɑ kɛ kʋpɑntʋ. Ɩlɛ ɩ tɑ tɑsɑ pɛɛkʋɣʋ sɩ ɩ suliɣi Ɩsɔ ɩsɩɩ ɩ tɩɩ lɑkɩ tɔ. Ntɛnɑ ɩ kɛɛsɩ kpɑkpɑɑ nɑ wʋlɑɣɑ tɛtʋ tɔɔ. 
\v 2 Ɩ kʋsɑ ɩsɛ nɑ ɩ́ nɑ́ Ɩsɛɣɛlɩ nyǝ́mɑ kɛ pɑ tǝsikile, ɩlɛnɑ Ɩsɔ Feesuɣu tii ɩ tɔɔ. 
\v 3 Nɑ ɩ́ mɑ kɑwǝyɑɣɑ sɩ:
\q1 Peyɔɔ pǝyɑlʋ Pɑlɑɑm mɑ́, mɑ kʋkpɑɑlǝtʋ ntɔ.
\q1 Pǝ kulɑ mɑ ɩsɛ kɛ́.
\q1
\v 4 Mɑ nɩɩkɩ Ɩsɔ kʋyɔɣɔtʋtʋ kɛ́,
\q1 nɑ mɑ́ pɑɑsǝɣǝnɑ nti Tomɑ tǝnɑ tʋ hʋlǝɣɩ-m tɔ.
\q1 Ye mɑ sɛɛkɩ-ɩ ɩ hʋlǝɣɩ-m ɩ tǝɣɩ.
\q1
\v 5 Ɩsɛɣɛlɩ yǝlɑɑ Yɑkɔpʋ lʋlʋɣʋ nyǝ́mɑ mɛ,
\q1 mǝ cokɑ tewɑɣɑ pǝ tɩɩ fɛɩ.
\q1
\v 6 Pǝ cɑɣɑ kɛ́ ɩsɩɩ lɔɔŋ wei ɩ kpeŋ tɔ,
\q1 yɑɑ pɔɣɔ kʋtemiŋ tɔɔ hɑlǝm.
\q1 Yɑɑ tɩɩŋ kʋpɑŋ wei Tɑcɑɑ tuuwɑ pɔɣɔ nɔɣɔ tɔ.
\q1
\v 7 Pǝ cɑɣɑ ɩsɩɩ lʋm sukuɣu nɑ pǝ wɑtǝɣɩ tɩɩŋ tɛɛ tɔ.
\q1 Pɑ wulɑʋ kɑ́ kǝlɩ Akɑkɩ nɑ pɑ kɑwulɑɣɑ tɛɛ toŋ.
\q1
\v 8 Ɩsɔ lǝsǝnɑ-wɛɣɛ Icipiti tɑɑ, nɑ tomiŋ ɩsɩɩ tɑɑlɛ nɑʋ.
\q1 Nɑ pɑ́ yɔkǝɣɩ pɑ kolontunɑɑ mʋwɑ
\q1 nɑ pɑ́ cʋtǝtǝɣɩ-wɛɣɛ nyǝmɑ́.
\q1
\v 9 Pɑ luŋiɣi kɛ́ ɩlɛnɑ pɑ hǝntɩ ɩsɩɩ tɔɣɔlɑsɩ.
\q1 Awe pǝsǝɣɩ nɑ ɩ́ kʋsɩ-wɛ nɑ toŋ?
\q1 Ɩsɛɣɛlɩ, pǝ́ kooli kʋpɑntʋ kɛ nyɑ́ kʋpɑntʋ koollu.
\q1 Pǝ́ tǝŋsɩ mpusi kɛ nyɑ́ mpusi tǝŋsǝlɑɑ.
\p
\v 10 Tǝnɑɣɑlɛ pɑ́ɑ́nɑ́ kpɑ Pɑlɑkɩ nɑ ɩ́ kɑlǝɣɩ nɑ ɩ́ fiisiɣi niŋ nɑ ɩ́ tɔŋ sɩ: Mɑ kɔnɑ-ŋ kɛ́ sɩ ń tǝŋsɩ mɑ kolontunɑɑ kɛ mpusi. Tɔm tooso nyǝm ntɔ n kooliɣi-wɛɣɛ kʋpɑntʋ. 
\v 11 Polo ń kpe. Mɑɑ sɩɩwɑ sɩ mɑɑ kʋsɩ nyɑ́ nyʋɣʋ kɛ́. Amɑ Tɑcɑɑ kisɑɑ.
\s1 Pɑlɑɑm kɛɛsǝɣɩ ɩsǝnɑ Ɩsɛɣɛlɩ nyǝ́mɑ kɑ wɛɛ teu tɔ
\p
\v 12 Ḿpʋ́ɣʋ́ Pɑlɑɑm cɔwɑ Pɑlɑkɩ sɩ: Anɩ mɑɑ tɛmɑ nyɑ́ tillɑɑ kɛ heeluɣu sɩ, 
\v 13 pɑɑ n kɑ́ cɛlɛ-m nyɑ́ kɑwulɑɣɑ tɑɑ liɣitee nɑ wʋlɑ tǝnɑ, pǝ fɛɩ sɩ mɑ́ kpɛɛsǝnɑ Tɑcɑɑ. Nti tǝ tike ɩ́ kɑ́ tʋ mɑ nɔɣɔ tɑɑ tɔɣɔ mɑɑ yɔɣɔtɩ. 
\v 14 Tɔʋ, nɔɔnɔɔ mɑɑ mǝlɩ mɑ yǝlɑɑ kiŋ. Ɩlɛ kɔɔ nɑ mɑ́ hʋlɩ-ŋ mpi Ɩsɛɣɛlɩ nyǝ́mɑ kɑ́ wɑkǝlɩ nyɑ́ yǝlɑɑ kɛ kʋyɑkʋ nɑkʋlɩ tɔ. 
\v 15 Ntɛnɑ ɩ́ mɑ́ kɑwǝyɑɣɑ sɩ:
\q1 Peyɔɔ pǝyɑlʋ Pɑlɑɑm mɑ́, mɑ kʋkpɑɑlǝtʋ ntɔ.
\q1 Pǝ kulɑ mɑ ɩsɛ kɛ́.
\q1
\v 16 Mɑ nɩɩkɩ Ɩsɔ nyɑ́ kʋyɔɣɔtʋtʋ kɛ́,
\q1 nɑ mɑ́ pɑɑsǝɣǝnɑ nti n hʋlǝɣɩ-m tɔ.
\q1 Ye mɑ sɛɛkɩ-ŋ n hʋlǝɣɩ-m nyɑ́ tǝɣɩ.
\q1
\v 17 Mɑ loosiɣi mpi pɩɩ tɛ nɑ pǝ́ lɑ́ tɔ, nɑ mɑ́ nyǝnǝɣɩ-wɩ.
\q1 Ɩsɔtʋlʋŋɑ kɑ́ lɩɩ Yɑkɔpʋ lʋlʋɣʋ tɑɑ.
\q1 Wulɑʋ kɑ lɩɩ Ɩsɛɣɛlɩ tɑɑ
\q1 nɑ ɩ́ mɑ́ Mowɑpʋ nyǝ́mɑ lǝkpɑɣɑsɑɣɑ
\q1 nɑ Sɛɛtɩ lʋlʋɣʋ nyǝ́mɑ nyɔɔŋ tɑɑ.
\q1
\v 18 Ɩsɛɣɛlɩ nyǝ́mɑ kɑ́ lɛɛkɩ pɑ kolontunɑɑ
\q1 Ɩtɔm nyǝ́mɑ tɛtʋ Seyii nɑ pɑ́ pǝsɩ ɑkɑnɑɑ.
\q1
\v 19 Yɑkɔpʋ lʋlʋɣʋ nyǝ́mɑ kpilɑ pɑ kolontunɑɑ.
\q1 Pɑ kpiisiɣi mpɑ pǝ kɑɑsɑɑ tɔɣɔ pɑ ɑcɑlɛɛ tɑɑ.
\s1 Pɑlɑɑm kɛɛsʋɣʋ kɛ Ɩsɛɣɛlɩ kolontunɑɑ ncɑɑ tɔm
\p
\v 20 Ḿpʋ́ɣʋ́ Pɑlɑɑm nɑwɑ Amɑleke nyǝ́mɑ, nɑ ɩ́ tɔ sɩ:
\q1 Amɑleke nyǝ́mɑ kɛ piitim sɔsɔɔm kɛ́.
\q1 Amɑ ncɑɑlɛ tǝkpɑtɑɑ kɛ pɑɑ tɛɛsǝnɑ.
\q1
\v 21 Ɩ nɑwɑ Keni nyǝ́mɑ, ɩlɛnɑ ɩ tɔ sɩ:
\q1 Pǝ cɑɣɑnɑ-mɛɣɛ mǝ tɛtʋ tɑɑ kɛ́ ɩsɩɩ
\q1 Tɑntɛ pusuɣunɑ kʋkpɑmʋɣʋ tɔ.
\q1
\v 22 Pɑɑ nɑ mpʋ kɔkɔ kɑ́ niisinɑ mǝ tǝcɑɣɑlɛ,
\q1 nɑ Asilii nyǝ́mɑ nɑ́ɑ́ kuu-mɛɣɛ yomle.
\q1
\v 23 Ḿpʋ́ɣʋ́ Pɑlɑɑm tɑsɑɑ sɩ:
\q1 Ye Ɩsɔ tʋ niŋ, ɑwe wɛɛnɑ weesuɣu?
\q1
\v 24 Sipili kʋteŋ kɛ Asilii ŋmɑkǝllɑɑ lɩɩkǝnɑ,
\q1 nɑ pɑ́ wɑkǝlɩ-wɛ nɑ pǝ́ kpɛŋnɑ Hepɛɛ lʋlʋɣʋ nyǝ́mɑ.
\q1 Amɑ pɛlɛ pɑ tɛɛsǝɣǝnɑ ncɑɑlɛ tɔtɔɣɔ.
\p
\v 25 Pɑlɑɑm tɛmɑ tɔmnɑɑ mpɛɣɛ yɔɣɔtʋɣʋ kɛ́, ɩlɛnɑ ɩ́ kpɑɣɑ mpɑɑʋ nɑ ɩ́ mǝlɩ ɩ tɛtʋ tɑɑ, nɑ Pɑlɑkɩ nɑ́ɑ́ mǝlɩ ɩ́lɛ́ ɩ tɛ.
\c 25
\s1 Ɩsɛɣɛlɩ nyǝ́mɑ sʋʋʋ kɛ lɑɑtʋ tɑɑ
\p
\v 1 Ḿpʋ́ɣʋ́ Ɩsɛɣɛlɩ nyǝ́mɑ cɑɣɑ Sitim nɑ pɑ́ nɑ Mowɑpʋ ɑlɑɑ pɑ́ sʋʋ yem yem lɑkɑsɩ tɑɑ. 
\v 2 Nɑ pɛlɛ pɑ́ sʋsɩ-wɛɣɛ tɩɩŋ lɑɑʋ tɑɑ, nɑ hɑlɩ pɑ́ tɔkɩ pǝ tɔɣɔnɑɣɑ nɑ pɑ luŋiɣi 
\v 3 tʋɣʋ Pɑɑlɩ kɛ Peyɔɔ pʋɣʋ tɑɑ. Ɩlɛnɑ Tɑcɑɑ pɑ́ɑ́nɑ́ nɑ́ɑ́ huunɑ-wɛ. 
\v 4 Ntɛnɑ Ɩsɔ tɔ Moisi sɩ: Koti Ɩsɛɣɛlɩ nyʋɣʋ nyǝ́mɑ tǝnɑ, nɑ ń pusi tɑsǝkǝlɛ nyǝ́mɑ nɑ tɩɩŋ kɛ mɑ ɩsɛntɑɑ kɛ ilim tɑɑ, nɑ pǝ́cɔ́ mɑ́ kʋ́ mɑ pɑ́ɑ́nɑ́ kɛ pɑ tɔɔ.
\p
\v 5 Ḿpʋ́ɣʋ́ Moisi tɔmɑ Ɩsɛɣɛlɩ hʋʋlɑɑ sɩ: Pɑɑ wei ɩ́ kʋ́ Peyɔɔ pʋɣʋ tɑɑ tʋɣʋ Pɑɑlɩ luŋlɑɑ mpɛ.
\p
\v 6 Wɑɑtʋ wei Moisi nɑ lɛlɑɑ pɑ kotɑ Ɩsɔ cokǝle nɔnɔɣɔ nɑ pɑ́ wiiki, ɩlɛ Ɩsɛɣɛlɩ tʋ nɔɣɔlʋ ɩ kɔnɑ Mɑtiyɑŋ ɑlʋ ńtɛ́ pɑ ɩsɛntɑɑ tǝnɑ, nɑ ɩ́ ponɑ ɩ tɛ. 
\v 7 Ḿpʋ́ɣʋ́ Ɩlɑsɑɑ pǝyɑlʋ kɔtʋlʋ Pɛŋhɑsɩ wei ɩ kɛ́ Alɔŋ sɑɑlɩ tɔ, ɩ kʋlɑ sɑmɑɑ tɑɑ tǝnɑ nɑ ɩ́ co ŋmɑntɑɑɣɑ, 
\v 8 nɑ ɩ́ tǝŋ ɑpɑlʋ nɑ ɑlʋ ɩnɩ pɑ wɑɑlǝɣɩ cokǝle tɑɑ, nɑ ɩ́ sɔ pɑ nɑɑlɛ pɑ lotu tɑɑ kɛ ŋmɑntɑɑɣɑ nɑ pɑ́ sɩ́. Ɩlɛnɑ yʋlʋkʋsʋkʋ kɛɛlɩ Ɩsɛɣɛlɩ nyǝ́mɑ tɔɔ. 
\v 9 Ɩlɛ sǝtɑɑ tɛmɑ iyisi hiu nɑ liɣiti (24.000) kɛ yoosuɣu.
\p
\v 10 Mpʋɣʋlɛ Tɑcɑɑ tɔmɑ Moisi sɩ: 
\v 11 Ɩlɑsɑɑ pǝyɑlʋ kɔtʋlʋ Pɛŋhɑsɩ wei ɩ kɛ́ Alɔŋ sɑɑlɩ tɔ, ɩ kɛɛlɑ mɑ pɑ́ɑ́nɑ́ kɛ timpi ɩ sɛɛsɑ ɩsǝlɛ kɛ Ɩsɛɣɛlɩ nyǝ́mɑ tɑɑ ɩsɩɩ mɑ́ tɔ. Pǝ tɔɔ kɛ́ mɑ tɑ kpiisi-wɛ. 
\v 12 Mpʋ tɔ, heeli-ɩ sɩ, mɑ́ nɑ-ɩ tɩɩ pɛɛlɩ hɛɛsʋɣʋ nɔɣɔ. 
\v 13 Nɑ kɑ́ wɛɛ ɩ́ nɑ ɩ piyɑ piyɑ pɑ tɔɔ, nɑ pɑ́ pǝsɩ kɔtǝlɑɑ kɛ tɑm. Mpi tɔ, ɩ sɛɛsɑ ɩsǝlɛ nɑ mɑ tǝmlɛ, nɑ ɩ́ hɩɩsɩ Ɩsɛɣɛlɩ nyǝ́mɑ ɩsɑɣɑtʋ.
\p
\v 14 Ɩsɛɣɛlɩ tʋ wei nɑ ɩ ɑlʋ Mɑtiyɑŋ tʋ pɑ kʋwɑ mpʋ tɔ, ɩ kɑ kɛ́ Sɑlu pǝyɑlʋ Simili kɛ́. Simiyɔŋ kpekǝle tɑɑ nyʋɣʋ tʋ ntɛ́. 
\v 15 Nɑ pɑ́ yɑɑkɩ ɩ ɑlʋ sɩ Kosipi, nɑ ɑlʋ ɩnɩ ɩ cɑɑ sɩ Suuu. Ɩlɛ ɩ kɑ kɛ́ Mɑtiyɑŋ lʋlʋŋ pɑɣɑlɛ nyʋɣʋ tʋ kɛ́.
\p
\v 16 Ḿpʋ́ɣʋ́ Tɑcɑɑ tɔmɑ Moisi sɩ: 
\v 17 Tii Mɑtiyɑŋ nyǝ́mɑ tɔɔ, nɑ ń kpiisi-wɛ. 
\v 18 Pɑ pǝsɑ mǝ kolontunɑɑ kɛ. Mpi tɔ, pɑ tʋsɑ-mɛ nɑ ɑcilɑɣɑtʋ kɛ Pɑɑlɩ, nɑ pɑ nyʋɣʋ tʋ lɛlʋ pɛɛlɔ Kosipi tɔm tɑɑ. Ɩnǝɣɩ pɑ kʋwɑ yʋlʋkʋsǝkʋ wɑɑtʋ tɑɑ.
\c 26
\s1 Ɩsɛɣɛlɩ kpekɑ kʋkɑlʋɣʋ tɔm nɑɑlɛ nyǝm
\p
\v 1 Wɑɑtʋ wei yʋlʋkʋsǝkʋ ŋkʋ kʋ tɛɛwɑ, ɩlɛnɑ Tɑcɑɑ tɔ Alɔŋ pǝyɑlʋ kɔtʋlʋ Ɩlɑsɑɑ sɩ: 
\v 2 Kɑlɑ Ɩsɛɣɛlɩ yǝlɑɑ nɑ pǝ́ kɛɛsǝnɑ pɑ lʋlʋŋ, kɛ pǝ kpɑɣɑʋ ɑpɑlɑɑ mpɑ pɑ tɑlɑ pɩɩsɩ hiu nɑ pɑ́ mʋnɑ yoou pote tɔ. 
\v 3 Ḿpʋ́ɣʋ́ Moisi nɑ Ɩlɑsɑɑ pɑ heelɑ Ɩsɛɣɛlɩ nyǝ́mɑ kɛ Mowɑpʋ tɛtɛkɑ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ 
\v 4 sɩ: Tɑcɑɑ tʋwɑ Moisi sɩ ɩ́ kɑlɑ yǝlɑɑ mpɑ pɑ tǝnɑ pɑ wɛnɑ pɩɩsɩ hiu nɑ wɑɑlɩ tɔ.
\p Ɩsɛɣɛlɩ kpekɑ nnɑ ɑ lɩɩwɑ Icipiti tɑɑ tɔ ɑ hǝlɑ ntɔ:
\p
\v 5 Yɑkɔpʋ pǝyɑlʋ kɑncɑɑlɑɣɑ nyǝŋ Lupɛŋ kpekǝle, nɑ ɩ́lɛ́ ɩ lʋlʋɣʋ nyǝ́mɑ ntɛ́ Hɑnɔkɩ nyǝ́mɑ nɑ Pulɑ nyǝ́mɑ. 
\v 6 Nɑ Hɛsǝlɔŋ nyǝ́mɑ nɑ Kɑɑmi nyǝ́mɑ. 
\v 7 Lupɛŋ kpekǝle nyǝ́mɑ ntɛ́, nɑ pɑ tɑɑ kɛ́ ɑpɑlɑɑ iyisi nɩɩlɛ nɑ tooso nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (43.730). 
\v 8 Pɑlu pǝyɑlʋ Ɩliyɑpɩ, 
\v 9 pǝyɑlɑɑ ntɛ́ Nemuwɛlɩ nɑ Tɑtɑŋ nɑ Apilɑm. Nɑ Tɑtɑŋ nɑ Apilɑm pɑɑ kɛnɑ nyʋɣʋ nyǝ́mɑ, kɛ sɑmɑɑ wei ɩ kʋlɑ Moisi nɑ Alɔŋ pɑ tɔɔ tɔ. Kolee wɑɑlɩ nyǝ́mɑ ntɛ́ mpɛ ɩnɩ. Wɑɑtʋ ɩnǝɣɩ pɛlɛ pɑ kʋlɑ Tɑcɑɑ tɔɔ. 
\v 10 Ḿpʋ́ɣʋ́ tɛtʋ hɑɑ nɔɣɔ nɑ tǝ́ li-wɛ nɑ tǝ́ kpɛnnɑ Kolee. Kɔkɔ nyɑɣɑ lɛlɑɑ nɑ pɑ ɩsɛ kɛ ŋmʋnʋɣʋ nɑ nɩɩlɛ nɑ nɑɑnʋwɑ (250). Mpʋ ɩnɩ pǝ hʋlɑ lɛlɑɑ mpɑ pǝ kɑɑsɑɑ tɔɣɔ lɔŋ kɛ́. 
\v 11 Pɑɑ nɑ mpʋ Kolee pǝyɑlɑɑ tɑ sɩ.
\p
\v 12 Simiyɔŋ kpekǝle nyǝ́mɑ lʋlʋŋ hǝlɑ ntɔ: Nemuwɛlɩ nyǝ́mɑ, nɑ Yɑmɛŋ nyǝ́mɑ, nɑ Yɑkɛŋ nyǝ́mɑ, 
\v 13 nɑ Selɑ nyǝ́mɑ, nɑ Sɑwuli nyǝ́mɑ. 
\v 14 Pɑ tɑɑ ɑpɑlɑɑ wɛ yǝlɑɑ iyisi hiu nɑ nɑɑlɛ nɑ ŋmʋnʋɣʋ (22.200).
\p
\v 15 Kɑtɩ kpekǝle nyǝ́mɑ lʋlʋŋ hǝlɑ ntɔ: Sefoŋ nyǝ́mɑ nɑ Hɑki nyǝ́mɑ nɑ Suni nyǝ́mɑ, 
\v 16 nɑ Osini nyǝ́mɑ nɑ Ɩli nyǝ́mɑ 
\v 17 nɑ Aloti nyǝ́mɑ nɑ Aleli nyǝ́mɑ. 
\v 18 Pɑ tɑɑ ɑpɑlɑɑ wɛ yǝlɑɑ iyisi nɩɩlɛ nɑ nɑsǝlɛ nɑ nɩɩnʋwɑ (40.500).
\p
\v 19-21 Yutɑ kpekǝle nyǝ́mɑ lʋlʋŋ ntɔ: Selɑ nyǝ́mɑ nɑ Pɛlɛsɩ nyǝ́mɑ nɑ Selɑɩ nyǝ́mɑ. Pɛlɛsɩ nyǝ́mɑ ntɛ́ nɑ Hɛsǝlɔŋ nyǝ́mɑ nɑ Hɑmuli nyǝ́mɑ. Yutɑ pǝyɑlɑɑ nɑɑlɛ Ɩlɩ nɑ Onɑŋ pɑɑ sǝpɑ Kɑnɑɑŋ tɛtʋ tɑɑ. 
\v 22 Pɑ tɑɑ ɑpɑlɑɑ wɛ iyisi nɩɩtoso nɑ nɑɑnʋwɑ nɑ nɑɑtoso nɑ nɑsǝlɛ nɑ nɩɩnʋwɑ (76500).
\p
\v 23 Ɩsɑkɑɑ kpekǝle nyǝ́mɑ lʋlʋŋ ntɔ: Tolɑ nyǝ́mɑ nɑ Pufɑ nyǝ́mɑ 
\v 24 nɑ Yepusi nyǝ́mɑ nɑ Similoŋ nyǝ́mɑ. 
\v 25 Nɑ pɑ tɑɑ ɑpɑlɑɑ kɛ iyisi nɩɩtoso nɑ liɣiti nɑ ŋmʋnʋɣʋ nɑ nɩɩnʋwɑ (64300).
\p
\v 26 Sɑpulɔŋ kpekǝle lʋlʋŋ nyǝ́mɑ ntɔ: Selɛtɩ nyǝ́mɑ nɑ Ɩloŋ nyǝ́mɑ nɑ Yɑleyɛlɩ nyǝ́mɑ. 
\v 27 Nɑ pɛlɛ pɑ tɑɑ ɑpɑlɑɑ kɛ iyisi nɩɩtoso nɑ nɑsǝlɛ nɑ nɩɩnʋwɑ (60500).
\p
\v 28 Mɑnɑsee nɑ Ɩfǝlɑyim pɑ kpekɑ nyǝ́mɑ ntɛ́ Yosɛɛfʋ lʋlʋŋ nyǝ́mɑ tǝnɑ. 
\v 29 Mɑnɑsee kpekǝle nyǝ́mɑ lʋlʋŋ ntɔ: Mɑkii nyǝ́mɑ nɑ ɩ́lɛ́ ɩ pǝyɑlʋ Kɑlɑɑtɩ nyǝ́mɑ. 
\v 30 Kɑlɑɑtɩ lʋlʋŋ nyǝ́mɑ ntɛ́ nɑ Yesɛɛ nyǝ́mɑ nɑ Helɛkɩ nyǝ́mɑ 
\v 31 nɑ Asǝliyɛlɩ nyǝ́mɑ nɑ Sekem nyǝ́mɑ, 
\v 32 nɑ Semitɑ nyǝ́mɑ, nɑ Hefɛɛ nyǝ́mɑ. 
\v 33 Hefɛɛ pǝyɑlʋ Selofɑtɩ nɑ́ lʋlɑ ɑlʋpiyɑ tike kɛ́. Mpɛɣɛlɛ Mɑlɑ nɑ Nowɑ nɑ Hokǝlɑ nɑ Milikɑ nɑ Tiisɑ. 
\v 34 Nɑ pɑ tɑɑ ɑpɑlɑɑ kɛ iyisi nɩɩlɛ nɑ nɑɑnʋwɑ nɑ nɑɑlɛ nɑ nɑsǝtoso nɑ nɩɩnʋwɑ (52700).
\p
\v 35 Ɩfǝlɑyim kpekǝle lʋlʋŋ nyǝ́mɑ ntɔ: Sutelɑ nyǝ́mɑ nɑ Pekɛɛ nyǝ́mɑ nɑ Tɑhɑŋ nyǝ́mɑ. 
\v 36 Sutelɑ pǝyɑlʋ Ɩlɑŋ lʋlʋɣʋ nyǝ́mɑ ntɛ ɩlɑŋ nyǝ́mɑ. 
\v 37 Pɑ tɑɑ ɑpɑlɑɑ wɛ iyisi hiu nɑ nɑɑnʋwɑ nɑ nɑɑlɛ nɑ nɑsǝlɛ nɑ nɩɩnʋwɑ (32500). Yosɛɛfʋ lʋlʋɣʋ nyǝ́mɑ ntɛ́ kpekɑ ɑnɩ ɑ nɑɑlɛ.
\p
\v 38 Pɛncɑmɛɛ kpekǝle lʋlʋŋ nyǝ́mɑ ntɔ: Pelɑ nyǝ́mɑ, nɑ Asepɛlɩ nyǝ́mɑ nɑ Ahilɑm nyǝ́mɑ 
\v 39 nɑ Sufɑm nyǝ́mɑ nɑ Hufɑm nyǝ́mɑ. 
\v 40 Pelɑ lʋlʋɣʋ nyǝ́mɑ ntɛ́ nɑ Aɑtɩ nyǝ́mɑ nɑ Nɑɑmɑŋ nyǝ́mɑ. 
\v 41 Pɑ tɑɑ ɑpɑlɑɑ wɛ iyisi nɩɩlɛ nɑ kɑkpɑsɩ nɑ nɑsǝtoso (45600).
\p
\v 42 Tɑŋ kpekǝle lʋlʋɣʋ nyǝ́mɑ ntɛ́ Suhɑm nyǝ́mɑ. 
\v 43 Pɛlɛ pɑ tɑɑ ɑpɑlɑɑ wɛ iyisi nɩɩtoso nɑ liɣiti nɑ nɑsǝlɛ (64400).
\p
\v 44 Asɛɛ kpekǝle lʋlʋɣʋ nyǝ́mɑ ntɛ́: Ɩmǝnɑ nyǝ́mɑ nɑ Ɩsefi nyǝ́mɑ nɑ Peliyɑ nyǝ́mɑ. 
\v 45 Peliyɑ lʋlʋɣʋ nyǝ́mɑ ntɛ́ nɑ Hepɛɛ nyǝ́mɑ nɑ Mɑlǝkǝyɛlɩ nyǝ́mɑ. 
\v 46 Asɛɛ kɑ wɛnɑ pɛɛlɔ nɑ pɑ́ yɑɑkɩ-ɩ sɩ Selɑ. 
\v 47 Pɛlɛ pɑ tɑɑ ɑpɑlɑɑ wɛ iyisi nɩɩlɛ nɑ nɑɑnʋwɑ nɑ tooso nɑ nɑsǝlɛ (53400).
\p
\v 48 Nɛfǝtɑli kpekǝle lʋlʋɣʋ nyǝ́mɑ ntɛ́: Yɑsiyɛlɩ nyǝ́mɑ nɑ Kuni nyǝ́mɑ 
\v 49 nɑ Yesɛɛ nyǝ́mɑ nɑ Sikɛm nyǝ́mɑ. 
\v 50 Pɑ tɑɑ ɑpɑlɑɑ kɑ wɛ iyisi nɩɩlɛ nɑ kɑkpɑsɩ nɑ nɑsǝlɛ (45400).
\p
\v 51 Ɩsɛɣɛlɩ ɑpɑlɑɑ tǝnɑ mpɑ pɑ kɑlɑɑ tɔ, pɑ kpɛntɑ iyisi nɑsǝtoso nɑ kʋlʋmɑɣɑ nɑ nɑsǝtoso nɑ nɩɩnʋwɑ nɑ hiu nɑ nɑɑnʋwɑ (601730).
\s1 Tɛtʋ tɑlʋɣʋ tɔm
\p
\v 52 Ḿpʋ́ɣʋ́ Tɑcɑɑ tɔmɑ Moisi sɩ: 
\v 53 Pǝ wɛɛ sɩ ń tɑlɑ tɛtʋ kɛ Ɩsɛɣɛlɩ kpekɑ nɑ pǝ́ kɛɛsǝnɑ ɑ sɑmɑɑ. 
\v 54-56 Tɛtɛ kɛ pɑɑ tɔ nɑ pɑ́ tɑlǝnɑ pɑɑ kpekǝle nteɣe tǝ tɛtʋ. Ɩlɛnɑ pɑ́ cɛlɑ kpekɑ sɔsɔɔnɑ kɛ tɛtʋ sɔsɔɔntʋ nɑ sǝkpenɑ kɛ sǝkpetu.
\s1 Lefii nyǝ́mɑ kʋkɑlʋɣʋ nɑɑlɛ nyǝŋkʋ
\p
\v 57 Lefii kpekǝle tɑɑ lʋlʋŋ wei wei pɑ kɑlɑɑ tɔɣɔlɛ Kɛɛsɔŋ nyǝ́mɑ nɑ Kehɑtɩ nyǝ́mɑ nɑ Melɑli nyǝ́mɑ. 
\v 58 Pɑ lʋlʋŋ tɑɑ sǝkpeŋ ntɛ́ Lipini nyǝ́mɑ nɑ Hepǝlɔŋ nyǝ́mɑ nɑ Mɑlii nyǝ́mɑ nɑ Musi nyǝ́mɑ nɑ Kolee nyǝ́mɑ. Amǝlɑm cɑɑ kɛlɛ Kehɑtɩ. 
\v 59 Amǝlɑm kpɑɣɑnɑ Lefii pɛɛlɔ Yɔkǝpɛtɩ wei pɑ lʋlɑ Icipiti tɔ. Nɑ ɩ́lɛ́ ɩ lʋlɩ-ɩ Alɔŋ nɑ Moisi nɑ Mɑlǝyɑm pɑ tooso. 
\v 60 Alɔŋ piyɑ ntɛ́ Nɑtɑpɩ, nɑ Apihu, nɑ Ɩlɑsɑɑ, nɑ Ɩtɑmɑɑ. 
\v 61 Amɑ Tɑcɑɑ kʋwɑ Nɑtɑpɩ nɑ Apihu kɛ wɑɑtʋ wei pɑ ponɑ-ɩ kɔtɑɣɑ tǝlɑtɛ tɔɔ kɛ tulɑɑlʋ kpɑɩ nyǝŋ tɔ. 
\v 62 Pɑ tɑɑ ɑpɑlɑɑ nɑ ɑlʋpiyɑ mpɑ pɑ tɑlɑ ɩsɔtʋnɑɑ nɑɑlɛ tɔ pɑ wɛ iyisi hiu nɑ tooso (23000). Pɑ tɑɑ kɑlǝnɑ-wɛ nɑ Ɩsɛɣɛlɩ nyǝ́mɑ lɛlɑɑ. Mpi tɔ, pǝ fɛɩ sɩ pɑ́ tɑlǝnɑ-wɛɣɛ tɛtʋ.
\s1 Kʋkɑlʋɣʋ kʋtǝkǝtʋ
\p
\v 63 Ɩsǝnɑ Moisi nɑ kɔtʋlʋ Ɩlɑsɑɑ pɑ kɑlɑ Ɩsɛɣɛlɩ nyǝ́mɑ kɛ Mowɑpʋ tɛtɛkǝlɛ tɑɑ kɛ́ Yɑɑtɑnɩ nɔɣɔ kɛ Yeliko ɩsɛntɑɑ tɔɣɔlɛ. 
\v 64 Mpɑ Moisi nɑ kɔtʋlʋ Alɔŋ pɑɑ kɑlɑ tɔm kɑncɑɑlɑɣɑ nyǝm kɛ Holɛpʋ wʋlɑɣɑ tɛtʋ tɑɑ tɔ pɑ fɛɩ nɔɔnɔɔ nyǝ́mɑ tɑɑ. 
\v 65 Tɑcɑɑ kɑ tɛmɑ-wɛɣɛ heeluɣu sɩ pɑ tǝnɑ pɑɑ sɩ wʋlɑɣɑ tɛtʋ tɑɑ. Ye pǝ tɑɣɑ Yefune pǝyɑlʋ Kɑlɛpʋ nɑ Nuŋ pǝyɑlʋ Yosuwee pɑ tike kɛ pǝ kɑɑsɑɑ.
\c 27
\s1 Mpɑ pǝ mʋnɑ pɑ́ tɔɣɔ kpɑncoou tɔ
\p
\v 1 Ḿpʋ́ɣʋ́ Yosɛɛfʋ pǝyɑlʋ Mɑnɑsee, nɑ Mɑnɑsee pǝyɑlʋ Mɑkii, nɑ Mɑkii pǝyɑlʋ Kɑlɑɑtɩ nɑ Kɑlɑɑtɩ pǝyɑlʋ Hefɛɛ, nɑ Hefɛɛ pǝyɑlʋ Selofɑtɩ. Selofɑtɩ ɩnɩ ɩ pɛɛlɑɑ Mɑlɑ nɑ Nowɑ nɑ Hokǝlɑ nɑ Milikɑ nɑ Tiisɑ pɑ polǝnɑ 
\v 2 Moisi nɑ kɔtʋlʋ Ɩlɑsɑɑ nɑ Ɩsɛɣɛlɩ kʋpɑɣɑlɑɑ tǝnɑ kiŋ kɛ Ɩsɔ cokǝle nɔnɔɣɔ nɑ pɑ́ tɔ sɩ: 
\v 3 Tɑ́ cɑɑ sǝpɑ wʋlɑɣɑ tɛtʋ tɑɑ kɛ́ ɩ ɩsɑɣɑtʋ tɔɔ, ɩ tɑ yele ɑpɑlʋpǝyɑɣɑ. Amɑ ɩ fɛɩ Kolee nɑ ɩ wɑɑlɩ nyǝ́mɑ mpɑ pɑ kʋlɑ Tɑcɑɑ tɔɔ kɛ́ wʋlɑɣɑ tɛtʋ tɑɑ tɔ pɑ tɑɑ. 
\v 4 Mpʋ tɔ, ɩ́ hɑ tɑ́ nɑ tɑ́ cɑɑ yǝlɑɑ kɛ tɛtʋ. Pǝ́ tɑɑ kɔɔ nɑ ɩ hǝtɛ sɑɑlɩ yem. Mpi tɔ, ɑlʋpiyɑ tike kɛ ɩ lʋlɑɑ. 
\v 5 Ḿpʋ́ɣʋ́ Moisi hʋlɑ Tɑcɑɑ kɛ pɑ kʋsǝlǝmʋtʋ ntɩ. 
\v 6 Nɑ ɩ́lɛ́ ɩ tɔ́ sɩ: 
\v 7 Pɛɛlɑɑ mpɛ pɑ kʋsǝlǝmʋtʋ wɛ teu. Ɩ́ cɛlɛ-wɛɣɛ pɑ cɑɑ tɛtʋ kɛ ɩ́lɛ́ ɩ lʋlʋɣʋ nyǝ́mɑ nyǝntʋ kiŋ. 
\v 8 Pǝ wɛɛ sɩ ń tɛlǝsɩ Ɩsɛɣɛlɩ nyǝ́mɑ sɩ ye ɑlʋpiyɑ tike kɛ yʋlʋ lʋlɑɑ nɑ ɩ́ sɩ, pɑ́ cɛlɛ-sǝɣɩ ɩ kpɑncoou. 
\v 9 Ye ɩ fɛɩnɑ ɑlʋpǝyɑɣɑ, ɩlɛ pɑ cɛlɑ ɩ kpɑncoou kɛ ɩ neu yɑɑ ɩ tɑɑlʋ. 
\v 10 Yɑɑ ye ɩ fɛɩnɑ neu yɑɑ tɑɑlʋ, ɩlɛ pɑ cɛlɑ ɩ kpɑncoou kɛ ɩ cɑɑ tɑɑlʋ yɑɑ ɩ neu. 
\v 11 Yɑɑ ye ɩ cɑɑ fɛɩnɑ tɑɑlʋ yɑɑ neu, ɩlɛ pɑ cɛlɑ ɩ kpɑncoou kɛ ɩ lʋlʋɣʋ nyǝ́mɑ tɑɑ wei ɩ kǝlɑ-ɩ kpǝtǝnɑʋ tɔ. Pǝ kɛ́ Ɩsɛɣɛlɩ nyǝ́mɑ kɛ kʋsǝsɩɩtʋ kɛ́ ɩsɩɩ mɑ kɛɛsʋɣʋ-wɛ tɔ.
\s1 Yosuwee lɛɛtʋɣʋ kɛ Moisi lonte
\p
\v 12 Ḿpʋ́ɣʋ́ Tɑcɑɑ tɔmɑ Moisi sɩ: Kpɑ Apɑlim pʋɣʋ tɔɔ nɑ ń loosi tɛtʋ nti mɑ hɑɑkɩ Ɩsɛɣɛlɩ nyǝ́mɑ tɔ. 
\v 13 N kɑ́ nɑ-tɩ yɑɑ. Amɑ n kɑ́ sɩ teitei kɛ́ ɩsɩɩ nyɑ́ tɑɑlʋ Alɔŋ. 
\v 14 Pǝ tɑɣɑ pʋlʋ, ɩ́ tɑ́ tɔkɩ mɑ tɔm kɛ Siŋ wʋlɑɣɑ tɛtʋ tɑɑ kɛ́ wɑɑtʋ wei sɑmɑɑ yookɑɣɑnɑ-m tɔ. Ɩ́ tɑ́ fɑɣɑsɩ-m nɑ mɑ mpɑɑ kɛ wɑɑtʋ wei ɩ́ sǝlǝmɑɣɑ lʋm tɔ. Yoou lʋm mpi pɑ yɑɑnɑ pɑ tɛ tɑɑ sɩ, Melipɑ kɛ Siŋ wʋlɑɣɑ tɛtʋ tɑɑ kɛ́ Kɑtɛɛsɩ tɔ pǝ tɔm kɛ ɩ yɔɣɔtǝɣɩ.
\p
\v 15 Mpʋɣʋlɛ Moisi cɔwɑ Tɑcɑɑ sɩ: 
\v 16 Hɑɩ, Ɩsɔ Tɑcɑɑ nyɑ́ wei n hɑɑkɩ weesuɣu tɔ, kpɑ yǝlɑɑ pɑnɛ pɑ nyʋɣʋ tʋ, 
\v 17 wei ɩ kɑ pǝsɩ nɑ ɩ́ pɑɑsǝnɑ-wɛɣɛ pɑɑ wɑɑtʋ wei tɔ, nɑ pɑ́ tɑɑ wɛɛ ɩsɩɩ kɑlǝkʋ ŋku kʋ lɑŋɑ tiikilu tɔ.
\p
\v 18 Mpʋɣʋlɛ Tɑcɑɑ tɔmɑ Moisi sɩ: Nuŋ pǝyɑlʋ Yosuwee kɛ́ yʋlʋ wei ɩ tɑɑ mɑ Feesuɣu hɑɣɑɑ tɔɣɔ. Yɑɑ-ɩ nɑ ń tʋ-ɩ tǝmlɛ ntɛ́. 
\v 19 Ponɑ-ɩ kɔtʋlʋ Ɩlɑsɑɑ kiŋ kɛ Ɩsɛɣɛlɩ nyǝ́mɑ tǝnɑ ɩsɛntɑɑ, nɑ ń lɑpɩ-ɩ wei ɩ kɑ lɛɛtɩ nyɑ́ lonte tɑɑ tɔ. 
\v 20 Pɑsɑ-ɩ nyɑ́ sɔsɔɔntʋ hɔɣɔlʋɣʋ. Ɩlɛnɑ Ɩsɛɣɛlɩ nyǝ́mɑ nyɑnɑ-ɩ. 
\v 21 Kɔtʋlʋ Ɩlɑsɑɑ kɑ́ pɛɛkǝɣǝnɑ-ɩ Tɑcɑɑ luɣu nyǝntʋ nɑ kɔtɑɣɑ wontu nti pɑ yɑɑ sɩ wulim nɑ tumim\f ɑ \fr 27:21 \fr*\fk wulim nɑ tumim: \fk*\ft Ɩsɔ kɔtɑɣɑ wontu nti pɑ nɑɑkɑɣɑnɑ ɩ luɣu nyǝntʋ tɔɣɔ pɑ yɑɑkɩ mpʋ.\ft*\f* tɔ. Ɩlɛnɑ ɩnɩ nɑ Ɩsɛɣɛlɩ sɑmɑɑ pɑ́ tǝŋǝɣɩ-tɩ. 
\v 22 Ḿpʋ́ɣʋ́ Moisi mʋwɑ Tɑcɑɑ tɔm, nɑ ɩ́ yɑɑ Yosuwee kɛ kɔtʋlʋ Ɩlɑsɑɑ kiŋ kɛ Ɩsɛɣɛlɩ nyǝ́mɑ tǝnɑ ɩsɛntɑɑ. 
\v 23 Nɑ Moisi tǝnɩ niŋ kɛ Yosuwee tɔɔ, nɑ ɩ́ lɑpɩ-ɩ ɩ lonte tɑɑ lɛɛtʋlʋ ɩsɩɩ Tɑcɑɑ kɛɛsʋɣʋ-ɩ tɔ.
\c 28
\s1 Pɑɑ kʋyɑkʋ ŋku kʋ nyǝntʋ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Tɛlǝsɩ Ɩsɛɣɛlɩ nyǝ́mɑ sɩ ɩ́ pɑɑsǝnɑ nɑ ɩ́ wɔkɩ-m tɔɣɔnɑɣɑ kɔtɑsɩ nsi sɩ sɔɔsʋŋ mɑ cɑɑkɩ tɔɣɔ pǝ wɑɑtʋnɑɑ mpɑ mɑ sɩɩwɑ tɔ. 
\v 3 Pɑɑ ɩfemle nte ɩ́ kɑ́ lɑ Tɑcɑɑ mɑɣɑ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ. Ɩlɛ pǝnɑɣɑ kʋlʋmɑɣɑ ɩwɛɛsɩ nsi sɩ tiili tɑ cɑɑmɩ tɔɣɔ ɩ́ kɑ́ lɑ-m kɔtɑɣɑ ŋkɛ. Nɑ pǝ́ wɛɛ ḿpʋ́ɣʋ́ tɑm tɔɔ. 
\v 4 Lɛŋkɑ kɛ tɑnɑŋ, nɑ lɛŋkɑ kɛ tɑɑnɑɣɑ. 
\v 5 Nɑ pǝ́ sɔɔsǝnɑ mʋlʋm kiloonɑɑ tooso, wei pɑ nuɣutinɑ Olifi nim liitili kʋlʋm nɑ titite tɔ. 
\v 6 Kɔtɑɣɑ ŋkɛɣɛ ɩ́ kɑ́ tɛmɑ-m lɑpʋ kɛ Holɛpʋ pʋɣʋ tɔɔ. Kɑ sɔɔsʋŋ kɛ mɑ cɑɑkɩ. 
\v 7 Ɩlɛnɑ ɩ́ tǝnɩ tɑnɑŋ kɔtɑɣɑ ɩwǝyɑɣɑ tɔɔ kɛ sʋlʋm liitili kʋlʋm nɑ titite, nɑ ɩ́ liisi pǝlɛɣɛ cokǝle tɑɑ.
\p
\v 8 Ɩlɛnɑ ɩ́ lɑ tɑɑnɑɣɑ nyǝŋkɑ kɛ teitei ɩsɩɩ tɑnɑŋ tɛɛ nyǝŋkɑ. Sɔɔsʋŋ wei mɑ cɑɑkɩ tɔ ɩ kɔtɑɣɑ ŋkɑ kɔkɔ lusɑ kɑ tǝnɑ tɔɣɔlɛ.
\s1 Kʋyɑkʋ kʋhɛɛsʋɣʋ nyǝntʋ
\p
\v 9-10 Pǝnɑɣɑ kʋlʋmɑɣɑ ɩwɛɛsɩ nɑɑlɛ nsi sɩ tiili tɑ́ cɑɑmɩ tɔɣɔ ɩ́ kɑ́ lɑ kɔtɑɣɑ ŋkɛɣɛ kʋyɑkʋ kʋhɛɛsʋɣʋ wule, nɑ pǝ sʋlʋm nɑ mʋlʋm kiloonɑɑ nɑɑtoso, wei pɑ nuɣutinɑ nim tɔ. Nɑ pǝ́ sɔɔsǝnɑ pɑɑ kʋyɑkʋ ŋku kʋ nyǝŋkɑ.
\s1 Ɩsɔtʋ kʋyɑkʋ kɑncɑɑlɑɣɑ nyǝŋkʋ nyǝntʋ
\p
\v 11 Pɑɑ ɩsɔtʋ wei ɩ kʋyɑkʋ kɑncɑɑlɑɣɑ nyǝŋkʋ ŋku, ɩ́ kɑ́ lɑ Tɑcɑɑ kɛ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ lɑtǝcɛnɑɑ kʋfɑmɑ nɑɑlɛɣɛ, nɑ ɩwɑɑʋ kʋlʋmʋɣʋ, nɑ pǝnɑɣɑ kʋlʋmɑɣɑ ɩwɛɛsɩ nɑɑtosompɔɣɔlɑɣɑ nsi sɩ tilli tɑ́ cɑɑmɩ tɔ. 
\v 12 Ɩ́ kɑ́ sɔɔsɩ pɑɑ lɑtǝcɛ wei ɩ tɔɔ kɛ́ mʋlʋm mpi pɑ nuɣutinɑ nim tɔɣɔ kiloonɑɑ pɔɣɔlɑɣɑfɛɩ nɑɑnʋwɑ. Nɑ kiloonɑɑ nɑɑtoso kɛ pɑɑ ɩwɑɑʋ ŋku kʋ tɔɔ. 
\v 13 Nɑ kiloonɑɑ toosoɣo pɑɑ ɩwǝyɑɣɑ ŋkɑ kɑ tɔɔ. Kɔtɑɣɑ ŋkɑ kɑ sɔɔsʋŋ mɑ cɑɑkɩ tɔɣɔlɛ. 
\v 14 Pɑɑ lɑtǝcɛ wei ɩ tɔɔ kɛ́ sʋlʋm liitilinɑɑ tooso, nɑ pɑɑ ɩwɑɑʋ ŋku kʋ tɔɔ kɛ sʋlʋm liitilinɑɑ nɑɑlɛ, nɑ pɑɑ ɩwǝyɑɣɑ ŋkɑ kɑ tɔɔ kɛ́ liitili kʋlʋm nɑ titite. Kɔtɑsɩ nsi ɩ́ kɑ́ lɑ pɑɑ pǝnɑɣɑ ŋkɑɣɑ ɩsɔtʋ kɑncɑɑlɑɣɑ kʋyɛɛŋ tɑɑ tɔɣɔlɛ. 
\v 15 Ɩlɛnɑ ɩ́ lɑ́ pǝŋtʋlʋɣʋ kɛ ɩsɑɣɑtʋ hɩɩsʋɣʋ kɔtɑɣɑ. Nɑ pǝ́ sɔɔsǝnɑ pɑɑ kʋyɑkʋ ŋku kʋ kɔtɑɣɑ nɑ pǝ sʋlʋm.
\s1 Tɛɛʋ ɑcimɑ nyǝntʋ
\p
\v 16 Ḿpʋ́ɣʋ́ Tɑcɑɑ tɑsɑɑ sɩ: Pɑɑ pǝnɑɣɑ kʋfɑlɑɣɑ ŋkɑ kɑ ɩsɔtʋ kɑncɑɑlɑɣɑ nyǝŋ, kʋyɛɛŋ nɑɑnʋwɑ nɑ liɣiti wule ɩ́ kɑ́ tɔɣɔ Tɛɛʋ ɑcimɑ nɑ mɑ hǝtɛ tɑɑ. 
\v 17 Ɩlɛnɑ ɩsɔtʋ kʋlʋm ɩnɩ ɩ kʋyɛɛŋ nɑɑnʋwɑ nɑ kɑkpɑsɩ wule ɩ́ tɔɣɔ kʋkʋsʋm fɛɩ kɑkɑlɑsɩ ɑcimɑ kɛ kʋyɛɛŋ nɑɑtosompɔɣɔlɑɣɑ. 
\v 18 Acimɑ ɑnɩ ɑ kʋyɑkʋ kɑncɑɑlɑɣɑ nyǝŋkʋ wule, Ɩsɔ sɛɛtʋ kɛ ɩ́ kɑ́ koti. Ɩ́ kɑɑ lɑ tǝmlɛ nɑtǝlɩ. 
\v 19 Ɩ́ kɑ́ lɑ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ tɔlɑ wenɑ ɑ tiili tɑ́ cɑɑmɩ tɔ. Ɩsɩɩ lɑtǝcɛnɑɑ kʋfɑmɑ nɑɑlɛ, nɑ ɩwɑɑʋ nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑtosompɔɣɔlɑɣɑ. 
\v 20 Ɩ́ kɑ́ tǝnɩ pɑɑ kpǝntɛ nte tǝ tɔɔ kɛ́ kɔtɑɣɑ mʋlʋm mpi pɑ nuɣutinɑ nim tɔ, pɑɑ lɑtǝcɛ kʋfɑlʋ wei ɩ tɔɔ kɛ́ kiloonɑɑ pɔɣɔlɑɣɑfɛɩ nɑɑnʋwɑ, nɑ kiloonɑɑ tooso kɛ́ pɑɑ ɩwɑɑʋ ŋku kʋ tɔɔ. 
\v 21 Nɑ ɩ́ tǝnɩ pɑɑ ɩwǝyɑɣɑ ŋkɑ kɑ tɔɔ kɛ́ kiloonɑɑ tooso. 
\v 22 Ɩlɛnɑ ɩ́ lɑ́ pǝŋtʋlʋɣʋ kɛ ɩsɑɣɑtʋ hɩɩsʋɣʋ kɔtɑɣɑ. Nɑ kɔtʋlʋ lɑ-mɛɣɛ pǝ kɔtɑɣɑ. 
\v 23 Kɔtɑsɩ nsɩ sɩ tǝnɑ sɩ sɔɔsǝɣǝnɑ pɑɑ tɑnɑŋ ŋku kʋ nyǝŋsɩ tɔɔ. 
\v 24 Acimɑ kʋyɛɛŋ nɑɑtosompɔɣɔlɑɣɑ tǝcu kɛ́ mɑɑ nɩɩ pɑɑ kʋyɑkʋ ŋku kʋ tɔɣɔnɑɣɑ nɑ sʋlʋm nɑ kɔtɑɣɑ ŋkɑ kɔkɔ lusɑ kɑ tǝnɑ tɔ kɑ sɔɔsʋŋ. 
\v 25 Mɑ sɛɛtʋ tike kɛ ɩ́ kɑ́ koti kʋyɑkʋ nɑɑtosompɔɣɔlɑɣɑ nyǝŋkʋ ŋkʋ kʋ wule. Ɩ́ kɑɑ lɑ tǝmlɛ nɑtǝlɩ.
\s1 Kʋmtʋ ɑcimɑ nyǝntʋ
\p
\v 26 Ḿpʋ́ɣʋ́ Moisi tɔmɑ sɩ: Pǝ tɑkɩ kʋmtʋ ɑcimɑ wule, ɩlɛnɑ ɩ́ kɔnɑ Tɑcɑɑ kɛ tɔɣɔnɑɣɑ kʋfɑlɑɣɑ kɔtɑsɩ. Ɩ sɛɛtʋ tike kɛ ɩ́ kɑ́ koti kʋyɑkʋ ŋkʋ kʋ wule. Ɩ́ kɑɑ lɑ tǝmlɛ nɑtǝlɩ. 
\v 27 Ɩ́ kɑ́ lɑ Tɑcɑɑ kɛ kɔtɑɣɑ ŋkɑ kɔkɔ lusɑ kɑ tǝnɑ nɑ ɩ́ cɑɑkɩ kɑ sɔɔsʋŋ tɔɣɔ lɑtǝcɛnɑɑ kʋfɑmɑ nɑɑlɛ, nɑ ɩwɑɑʋ nɑ pǝnɑɣɑ kʋlʋmɑɣɑ ɩwɛɛsɩ nɑɑtosompɔɣɔlɑɣɑ. 
\v 28-29 Nɑ ɩ́ tǝnɩ pɑɑ kɔtɑɣɑ ŋkɑ kɑ tɔɔ kɛ́ tɔɣɔnɑɣɑ kɔtɑɣɑ, ɩsɩɩ pɑɑ ɩsɔtʋ wei ɩ kʋyɑkʋ kɑncɑɑlɑɣɑ nyǝŋkʋ nyǝŋkɑ. 
\v 30 Ɩlɛnɑ ɩ́ lɑ́ pǝŋtʋlʋɣʋ kɛ kɔtɑɣɑ, nɑ pɑ́ lɑ-mɛɣɛ ɩsɑɣɑtʋ hɩɩsʋɣʋ kɔtɑɣɑ. 
\v 31 Kɔtɑsɩ sǝnɛ sɩ tǝnɑɣɑ ɩ́ sɔɔsǝɣɩ pɑɑ kʋyɑkʋ ŋku kʋ nyǝŋkɑ tɔɔ, nɑ pǝ tɔɣɔnɑɣɑ, nɑ pǝ sʋlʋm. Pǝ wɛɛ sɩ tɔlɑ nnɑ ɑ tiili tɑ́ cɑɑmɩ tɔɣɔ ɩ́ lɑkɩ kɔtɑsɩ.
\c 29
\s1 Kɑwilitɑsɩ kʋyɑkʋ nyǝntʋ
\p
\v 1 Ḿpʋ́ɣʋ́ Moisi tɔmɑ sɩ: Tɑcɑɑ sɛɛtʋ tike kɛ ɩ́ kɑ́ koti ɩsɔtʋ nɑɑtosompɔɣɔlɑɣɑ nyǝŋ kʋyɑkʋ kɑncɑɑlɑɣɑ nyǝŋkʋ wule. Ɩ́ kɑɑ lɑ tǝmlɛ nɑtǝlɩ. Nɑ pɩɩ lɑ-mɛɣɛ kɑwilitɑsɩ ɑcimɑ. 
\v 2 Ɩlɛnɑ ɩ́ lɑ́ Tɑcɑɑ kɛ kɔtɑsɩ nsi kɔkɔ lusɑ sɩ tǝnɑ tɔ, sɩ sɔɔsʋŋ nyǝnsɩ kɛ tɔlɑ wenɑ ɑ tiili tɑ́ cɑɑmɩ tɔ. Ɩsɩɩ lɑtǝcɛ kʋfɑlʋ kʋlʋm, nɑ ɩwɑɑʋ kʋlʋmʋɣʋ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑtosompɔɣɔlɑɣɑ. 
\v 3 Ɩ́ kɑ́ sɔɔsɩ pɑɑ kpǝntɛ nte tǝ tɔɔ kɛ́ kɔtɑɣɑ mʋlʋm mpi pɑ nuɣutinɑ nim tɔ. Pɑɑ lɑtǝcɛ kʋfɑlʋ wei ɩ tɔɔ kɛ́ kiloonɑɑ pɔɣɔlɑɣɑfɛɩ nɑɑnʋwɑ, nɑ ɩwɑɑʋ tɔɔ kɛ́ kiloonɑɑ nɑɑtoso. 
\v 4 Nɑ ɩ́ tǝnɩ pɑɑ ɩwǝyɑɣɑ ŋkɑ kɑ tɔɔ kɛ́ kiloonɑɑ nɑɑtoso. 
\v 5 Nɑ ɩ́ lɑ́ Tɑcɑɑ kɛ pǝŋtʋlʋɣʋ kɛ ɩsɑɣɑtʋ hɩɩsʋɣʋ kɔtɑɣɑ, nɑ pɑ́ lɑ-mɛɣɛ pǝ kɔtɑɣɑ. 
\v 6 Ɩ́ kɑ́ sɔɔsɩ kɔtɑsɩ sǝnɛ sɩ tǝnɑɣɑ pɑɑ kʋyɑkʋ ŋku kʋ kɔtɑsɩ nsi kɔkɔ lusɑ sɩ tǝnɑ tɔ. Nɑ pɑɑ ɩsɔtʋ wei ɩ kʋyɑkʋ kɑncɑɑlɑɣɑ nyǝŋkʋ nyǝnsɩ nɑ pǝ sʋlʋm nɑ pǝ tɔɣɔnɑɣɑ nyǝnsɩ tɔɔ, ɩsɩɩ Tɑcɑɑ kɑ sɩɩʋ tɔ. Kɔtɑɣɑ ŋkɑ kɔkɔ lusɑ kɑ tǝnɑ nɑ Tɑcɑɑ cɑɑkɩ kɑ sɔɔsʋŋ tɔɣɔlɛ.
\s1 Ɩsɑɣɑtʋ hɩɩsʋɣʋ kʋyɑkʋ sɔsɔɔʋ nyǝntʋ
\p
\v 7 Ḿpʋ́ɣʋ́ Moisi tɑsɑɑ sɩ: Ɩsɔ sɛɛtʋ tike kɛ ɩ́ kɑ́ koti ɩsɔtʋ nɑɑtosompɔɣɔlɑɣɑ nyǝŋ kʋyɑkʋ nɑɑnʋwɑ nyǝŋkʋ wule, nɑ nɔhɔkʋtʋ. Tǝmlɛ nɑtǝlɩ tǝ fɛɩ lɑpʋ. 
\v 8 Nɑ ɩ́ lɑ́ kɔtɑɣɑ ŋkɑ kɔkɔ lusɑ kɑ tǝnɑ nɑ kɑ́ wɛnɑ sɔɔsʋŋ tɔɣɔ tɔlɑ wenɑ ɑ tiili tɑ́ cɑɑmɩ tɔ. Ɩsɩɩ lɑtǝcɛ kʋfɑlʋ nɑ ɩwɑɑʋ nɑ pǝnɑɣɑ kʋlʋmɑɣɑ ɩwɛɛsɩ nɑɑtosompɔɣɔlɑɣɑ. 
\v 9-10 Nɑ ɩ́ tǝnɩ pɑɑ kɔtɑɣɑ ŋkɑ kɑ tɔɔ kɛ́ tɔɣɔnɑɣɑ nyǝŋkɑ. Ɩsɩɩ pɑɑ ɩsɔtʋ wei ɩ kʋyɑkʋ kɑncɑɑlɑɣɑ nyǝŋkʋ nyǝŋkɑ. 
\v 11 Ɩlɛnɑ ɩ́ lɑ́ pǝŋtʋlʋɣʋ kɛ ɩsɑɣɑtʋ hɩɩsʋɣʋ kɔtɑɣɑ. Nɑ ɩ́ sɔɔsɩ lɛŋkʋ kɛ ɩsɑɣɑtʋ hɩɩsʋɣʋ kʋyɑkʋ sɔsɔɔŋkʋ nyǝŋkɑ. Nɑ pǝ́ kɑɑsɩ pɑɑ kʋyɑkʋ ŋku kʋ kɔkɔ nyǝnsɩ nɑ pǝ tɔɣɔnɑɣɑ nɑ pǝ sʋlʋm.
\s1 Cokɑ ɑcimɑ nyǝntʋ
\p
\v 12 Ḿpʋ́ɣʋ́ Moisi tɑsɑɑ sɩ: Ɩsɔ sɛɛtʋ tike kɛ ɩ́ kɑ́ koti ɩsɔtʋ nɑɑtosompɔɣɔlɑɣɑ nyǝŋ kʋyɑkʋ nɑɑnʋwɑ nɑ kɑkpɑsɩ nyǝŋkʋ wule. Tǝmlɛ nɑtǝlɩ tǝ fɛɩ lɑpʋ. Nɑ ɩ́ tɔɣɔ Tɑcɑɑ ɑcimɑ kɛ kʋyɛɛŋ nɑɑtosompɔɣɔlɑɣɑ. 
\v 13 Ɩlɛnɑ ɩ́ lɑpɩ-ɩ tɔlɑ wenɑ pǝ tɑ cɑɑmɩ tɔɣɔ kɔtɑɣɑ ŋkɑ kɔkɔ lusɑ kɑ tǝnɑ nɑ kɑ wɛ sɔɔsʋŋ tɔɣɔ kʋyɑkʋ kɑncɑɑlɑɣɑ nyǝŋkʋ wule. Ɩsɩɩ lɑtǝcɛnɑɑ kʋfɑmɑ nɑɑnʋwɑ nɑ tooso, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti. 
\v 14-15 Nɑ ɩ́ tǝnɩ pɑɑ kɔtɑɣɑ ŋkɑ kɑ tɔɔ kɛ́ tɔɣɔnɑɣɑ nyǝŋkɑ. 
\v 16 Ɩlɛnɑ ɩ́ lɑ́ pǝŋtʋlʋɣʋ kɛ ɩsɑɣɑtʋ hɩɩsʋɣʋ nyǝŋkɑ. Nɑ pǝ́ sɔɔsǝnɑ pɑɑ kʋyɑkʋ ŋku kʋ kɔkɔ nyǝnsɩ nɑ pǝ tɔɣɔnɑɣɑ nɑ pǝ sʋlʋm.
\p
\v 17-34 Pǝ kpɑɣɑʋ kʋyɑkʋ nɑɑlɛ nyǝŋkʋ nɑ pǝ́ polo nɑɑtosompɔɣɔlɑɣɑ nyǝŋkʋ tɔ. Ɩ́ kɑ́ lɑ pɑɑ kʋyɑkʋ ŋku kʋ kɔtɑɣɑ kɛ tɔlɑ wenɑ ɑ tiili tɑ́ cɑɑmɩ tɔɣɔ. Nɑ pǝ́ sɔɔsǝnɑ pǝ tɔɣɔnɑɣɑ nɑ pǝ sʋlʋm. Mpi ɩ́ kɑ́ lɑ kɔtɑsɩ kɛ kʋyɑkʋ nɑɑlɛ nyǝŋkʋ tɔɣɔlɛ, lɑtǝcɛnɑɑ nɑɑnʋwɑ nɑ nɑɑlɛ, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti, nɑ pǝŋtʋlʋɣʋ kʋlʋmʋɣʋ.
\p Kʋyɑkʋ tooso nyǝŋkʋ wule kɛ lɑtǝcɛnɑɑ nɑɑnʋwɑ nɑ kʋlʋm, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti nɑ pǝŋtʋlʋɣʋ kʋlʋmʋɣʋ. Kʋyɑkʋ liɣiti nyǝŋkʋ wule kɛ lɑtǝcɛnɑɑ nɑɑnʋwɑ, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti, nɑ pǝŋtʋlʋɣʋ kʋlʋmʋɣʋ. Kʋyɑkʋ kɑkpɑsɩ nyǝŋkʋ wule kɛ lɑtǝcɛnɑɑ pɔɣɔlɑɣɑfɛɩ nɑɑnʋwɑ, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti, nɑ pǝŋtʋlʋɣʋ kʋlʋmʋɣʋ. Kʋyɑkʋ nɑɑtoso nyǝŋkʋ wule kɛ lɑtǝcɛnɑɑ pǝlefɛɩ nɑɑnʋwɑ, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti, nɑ pǝŋtʋlʋɣʋ kʋlʋmʋɣʋ. Kʋyɑkʋ nɑɑtosompɔɣɔlɑɣɑ nyǝŋkʋ kɛ lɑtǝcɛnɑɑ nɑɑtosompɔɣɔlɑɣɑ, nɑ ɩwɑɑŋ nɑɑlɛ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑnʋwɑ nɑ liɣiti, nɑ pǝŋtʋlʋɣʋ kʋlʋmʋɣʋ.
\p
\v 35 Acimɑ sɔsɔɔnɑ kɛ ɩ́ kɑ́ koti nɑ ɩ́ tɔɣɔ kʋyɑkʋ pǝlefɛɩ nɑɑnʋwɑ nyǝŋkʋ wule. Tǝmlɛ nɑtǝlɩ tǝ fɛɩ lɑpʋ. 
\v 36 Ɩ́ kɑ́ lɑ Tɑcɑɑ kɛ kɔtɑɣɑ sɔɔsʋŋ nyǝŋkɑ kɛ lɑtǝcɛ, nɑ ɩwɑɑʋ, nɑ pǝnɑɣɑ kʋlʋmɑɣɑ ɩwɛɛsɩ kɛ nɑɑtosompɔɣɔlɑɣɑ. Pǝ fɛɩ sɩ tɔlɑ ɑnɩ ɑ tiili ɩ́ cɑɑmɩ. 
\v 37 Nɑ ɩ́ tǝnɩ pɑɑ tɔtɛ nte tǝ tɔɔ kɛ́ kɔtɑɣɑ tɔɣɔnɑɣɑ, nɑ pǝ sʋlʋm mpi pɑ lɑkǝnɑ tɑm tɔ. 
\v 38 Nɑ ɩ́ lɑ tɔtɔɣɔ ɩsɑɣɑtʋ hɩɩsʋɣʋ kɔtɑɣɑ nɑ ɩ́ sɔɔsɩ pǝ tǝnɑɣɑ pɑɑ kʋyɑkʋ ŋku kʋ kɔkɔ kɔtɑsɩ tɔɔ, nɑ pǝ tɔɣɔnɑɣɑ nɑ pǝ sʋlʋm.
\p
\v 39 Kɔtɑsɩ nsi pǝ wɛɛ sɩ ɩ́ sɔɔsɩ kɔkɔ nɑ tɔɣɔnɑɣɑ nɑ sʋlʋm nɑ ciikuɣu nɑ luɣu kʋlʋmʋɣʋ pǝ nyǝnsɩ tɔɔ kɛ́ Tɑcɑɑ ɑcimɑ kʋyɑkʋ wule tɔɣɔlɛ.
\p
\v 40 Ḿpʋ́ɣʋ́ Moisi tɛlǝsɑ Ɩsɛɣɛlɩ nyǝ́mɑ kɛ tǝ tǝnɑ nti Tɑcɑɑ tʋ-ɩ tɔ.
\c 30
\s1 Nɔɔsɩ sɩɩʋ tɔɔ kʋsǝsɩɩtʋ
\p
\v 1 Pǝ wɑɑlɩ kɛ́ ɩ tɑsɑ kpekɑ nyɔɔŋ nyǝ́mɑ kɛ tɛlǝsʋɣʋ kɛ Tɑcɑɑ kʋyɔɣɔtʋtʋ lɛntǝnɑɑ tɔtɔ sɩ: 
\v 2 Ye yʋlʋ sɩɩ nɔɣɔ sɩ ɩ lɑkɩ Tɑcɑɑ kɛ kɔtɑɣɑ. Yɑɑ ɩ kisiɣi pʋlʋpʋɣʋ Ɩsɔ tɔɔ. Pǝ fɛɩ sɩ ɩ́ sɛkɩ pǝ lɑpʋ. Pǝ wɛɛ sɩ ɩ́ lɑ pǝ tǝnɑ mpi pǝ lɩɩnɑ ɩ nɔɣɔ tɔ. 
\v 3 Ye ɩsɩɩ pɛɛlɔ wɛ ɩ cɑɑ tǝyɑɣɑ tɑɑ, nɑ ɩ́ sɩɩ ɩ nɔɣɔ kɛ Ɩsɔ ɩsɛntɑɑ sɩ, ɩ kɑ́ lɑ pʋlʋ, 
\v 4 nɑ cɛcɛ nɩɩ, nɑ ɩ́ tɑ́ kisinɑ-ɩ. Pǝ wɛɛ kɛ́ sɩ ɩ́ tǝŋ teitei ɩsɩɩ ɩ sɩɩʋ tɔ. 
\v 5 Amɑ ye ɩ kisinɑ-ɩ kʋyɑkʋ ŋkʋɣʋ kpɑkpɑɑ, ɩlɛ ɩ yele pǝ tɔm. Tɑcɑɑ kɑɑ pɔɔsɩ-ɩ. Mpi tɔ, ɩ cɑɑ kisinɑ-ɩ.
\p
\v 6 Ye ɩsɩɩ pɛɛlɔ hulinɑ nɔɣɔ sɩɩʋ nɑ pǝ́cɔ́ ɩ sɑɑ. 
\v 7 Ɩlɛnɑ ɩ pɑɑlʋ nɩɩ-tɩ nɑ ɩ́ tɑ́ kisinɑ-ɩ pǝ wɛɛ sɩ ɩ lɑ ɩsɩɩ ɩ sɩɩʋ tɔ. 
\v 8 Amɑ ye ɩ kisinɑ-ɩ kʋyɑkʋ ŋkʋɣʋ kpɑkpɑɑ, ɩlɛ ɩ yele pǝ tɔm. Tɑcɑɑ kɑɑ pɔɔsɩ-ɩ. 
\v 9 Ye ɩsɩɩ ɑlʋ leelu, yɑɑ wei nɑ ɩ pɑɑlʋ pɑ yɑwɑ tɔ, ɩ sɩɩ nɔɣɔ. Pǝ wɛɛ sɩ ɩ́ lɑ-kɛɣɛ. 
\v 10 Mpʋ tɔ, ye ɩsɩɩ ɑlʋ wei ɩ wɛnɑ pɑɑlʋ tɔ ɩ sɩɩ nɔɣɔ sɩ ɩ́ kɑ́ lɑ pʋlʋ, 
\v 11 nɑ ɩ pɑɑlʋ tɑ́ kisinɑ-ɩ. Ɩsɩɩ ɩ lɑpɑ ɩsǝnɑ ɩ sɩɩwɑ tɔ. 
\v 12 Ye ɩ pɑɑlʋ kisinɑ-ɩ kʋyɑkʋ ŋkʋɣʋ kpɑkpɑɑ, ɩlɛ ɩ yele pǝ tɔm. Tɑcɑɑ kɑɑ pɔɔsɩ-ɩ. Mpi tɔ, ɑpɑlʋ kisinɑ-ɩ. 
\v 13 Mpʋ tɔ, ye ɩsɩɩ ɑlʋ cɑɑ ɩ sɩɩ nɔɣɔ sɩ ɩ lɑkɩ pʋlʋpʋ, ɩ pɑɑlʋ wɛnɑ mpɑɑʋ sɩ ɩ́ tisinɑ-ɩ, yɑɑ ɩ́ kisinɑ-ɩ. 
\v 14 Amɑ ye ɩ nɩɩwɑ nɑ ɩ́ tɑ́ kisinɑ-ɩ kʋyɑkʋ ŋkʋɣʋ kpɑkpɑɑ. Ɩlɛ ɩ hʋlǝnɑ ɩ sum ntɛ́ sɩ ɩ tisɑɑ. 
\v 15 Amɑ ye wɑɑlɩ wɑɑlɩ kɛ́ ɩ lɑŋlɛ tɑ hɛɛnɑ ɩ ɑlʋ sɩ ɩ́ tɑɑ lɑ ɩsɩɩ ɩ sɩɩwɑ tɔ. Ɩlɛ Tɑcɑɑ kɑɑ pɔɔsɩ ɑlʋ, ɩ pɑɑlʋ nyʋɣʋ tɑɑ kɛ́ pɩɩ mǝlɩ. 
\v 16 Kʋsǝsɩɩtʋ nti Tɑcɑɑ sɩɩwɑ ɑlɑɑ nɑ pɛɛlɑɑ pɑ nɔɔsɩ sɩɩʋ tɔm tɑɑ tɔɣɔlɛ.
\c 31
\s1 Mɑtiyɑŋ nyǝ́mɑ yoonɑʋ kɛ pɑ ɩsɑɣɑtʋ tɔɔ
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Polo nɑ ń hɔ Mɑtiyɑŋ nyǝ́mɑ ŋkpɑŋʋɣʋ kɛ ɩsɑɣɑtʋ nti pɑ lɑpɑ Ɩsɛɣɛlɩ nyǝ́mɑ tɔ tǝ tɔɔ. Pǝ wɑɑlɩ kɛ́ n kɑ́ kpe nyɑ́ nyǝ́mɑ cɔlɔ. 
\v 3 Mpʋɣʋlɛ Moisi tɔmɑ sɑmɑɑ sɩ: Mǝ tɑɑ lɛlɑɑ ɩ́ suu pɑ yoou wontu nɑ pɑ́ polo nɑ pɑ yoonɑ Mɑtiyɑŋ nyǝ́mɑ, nɑ pɑ́ lɛɛtɩ-wɛ ɩsɩɩ Tɑcɑɑ sɩɩʋ tɔ. 
\v 4 Mpʋ tɔ, ɩ́ lǝsɩ pɑɑ kpekǝle nte tǝ tɑɑ kɛ́ yoolɑɑ iyɑɣɑ (1000).
\p
\v 5 Ḿpʋ́ɣʋ́ pɑ lǝsɑ pɑɑ Ɩsɛɣɛlɩ kpekǝle nte tǝ tɑɑ kɛ́ yoolɑɑ iyɑɣɑ (1000). Ɩlɛnɑ pǝ́ kpɛntɩ iyisi nɑɑnʋwɑ nɑ nɑɑlɛ (12000). 
\v 6 Nɑ pɑ́ tilinɑ pɑ tǝnɑɣɑ yoou. Ɩlɛnɑ kɔtʋlʋ Ɩlɑsɑɑ pǝyɑlʋ Pɛŋhɑsɩ kpɛnnɑ Ɩsɔ wontu nɑ tutuuŋ wei pɑɑ hʋlɩ nɑ pɑ́ cɑɑlɩ yoou tɔ. 
\v 7 Ḿpʋ́ɣʋ́ pɑ tii Mɑtiyɑŋ nyǝ́mɑ tɛtʋ tɔɔ, ɩsɩɩ Tɑcɑɑ kɑ heeluɣu Moisi nɑ ɩ́ tɛlǝsɩ-wɛ tɔ, nɑ pɑ́ kpiisi ɑpɑlɑɑ tǝnɑ. 
\v 8 Pɑ kʋwɑ tɔtɔɣɔ Mɑtiyɑŋ ɑwulɑɑ kɑkpɑsɩ: Ɩfi, nɑ Lekem, nɑ Suuu, nɑ Huuu, nɑ Lepɑ, nɑ pǝ kpɛnnɑ Peyɔɔ pǝyɑlʋ Pɑlɑɑm. 
\v 9 Nɑ pɑ́ kpɑ sɑlǝkɑ kɛ pɑ ɑlɑɑ, nɑ pɑ piyɑ, nɑ pɑ́ kuu pɑ tɔlɑ nɑ pɑ kɑlǝkǝŋ nɑ pɑ wɛnɑʋ tǝnɑ. 
\v 10 Nɑ pɑ́ sɔ pɑ ɑcɑlɛɛ nɑ pɑ cɑcɑkǝŋ kɛ kɔkɔ. 
\v 11 Ḿpʋ́ɣʋ́ pɑ tɛɛnɑ wontu nɑ yǝlɑɑ nɑ tɔlɑ nnɑ pɑ kuuwɑ tɔ. 
\v 12 Ɩlɛnɑ pɑ́ ponɑ pǝ tǝnɑɣɑ pɑ tǝsikile kɛ Mowɑpʋ tɛtɛkǝlɛ tɑɑ, kɛ Yɑɑtɑnɩ pɔɣɔ nɔɣɔ, kɛ Yeliko ɩsɛntɑɑ. Nɑ pɑ́ hʋ́lɩ́ Moisi nɑ kɔtʋlʋ Ɩlɑsɑɑ nɑ Ɩsɛɣɛlɩ kpekǝle tǝnɑ.
\p
\v 13 Ḿpʋ́ɣʋ́ Moisi nɑ Ɩlɑsɑɑ, nɑ Ɩsɛɣɛlɩ nyʋɣʋ nyǝ́mɑ lɛlɑɑ pɑ lɩɩwɑ tǝsikile nɑ pɑ́ suli-wɛ. 
\v 14 Tǝnɑɣɑlɛ Moisi mʋ pɑ́ɑ́nɑ́ nɑ yoolɑɑ nyɔɔŋ nyǝ́mɑ. Ɩsɩɩ iyisi iyɑɣɑ (1000) nyɔɔŋ nyǝ́mɑ, nɑ nɩɩnʋwɑ (100) nyɔɔŋ nyǝ́mɑ mpɑ pɑ lɩɩnɑ yoou tɔ. 
\v 15 Nɑ ɩ́ pɔɔsɩ-wɛ sɩ: Pepe tɔɔ kɛ́ ɩ́ tɑ́ kʋ́ ɑlɑɑ? 
\v 16 Pǝyele ɩ́ nyǝ́mɑ teu sɩ, Mɑtiyɑŋ ɑlɑɑ mpɛɣɛ Pɑlɑɑm puɣusɑɑ, nɑ pɑ́ sʋsɩ Ɩsɛɣɛlɩ nyǝ́mɑ kɛ ɩsɑɣɑtʋ sɔsɔɔntʋ tɑɑ, nɑ pɑ́ wɑkǝlǝnɑ Tɑcɑɑ kɛ Peyɔɔ tɔm tɑɑ. Mpʋ pǝ kɔnnɑ yʋlʋkʋsǝkʋ kɛ Ɩsɔ yǝlɑɑ tɔɔ. 
\v 17 Pǝ tɔɔ tɔ, ɩ́ kʋ́ ɑpɑlʋpiyɑ nɑ ɑlɑɑ mpɑ pɑ tɛmɑ sɑɑʋ tɔ. 
\v 18 Ye ɩ́ nɔkɑɑ, ɩlɛ ɩ́ sɩɩ mǝ tǝɣɩ yomɑɑ kɛ pɛɛlɑɑ mpɑ pɑ tɑ nyǝntɑ ɑpɑlɑɑ tɔ. 
\v 19 Pǝ kɑɑsɑ mǝ tɑɑ mpɑ pɑ kʋwɑ yǝlɑɑ, yɑɑ pɑ tokinɑ sǝtɑɑ tɔ, pɑɑ cɑɣɑ tǝsikile wɑɑlǝɣɩ kʋyɛɛŋ nɑɑtosompɔɣɔlɑɣɑ kɛ́. Ɩlɛnɑ pɑ́ lɑ ɑsilimɑ kɛɛlʋɣʋ kɔtɑɣɑ kɛ kʋyɑkʋ tooso nyǝŋkʋ wule. Nɑ pǝ́ kpɛŋnɑ pɑ yomɑɑ mpɑ pɑ sɩɩ pɑ tɩ tɔ. 
\v 20 Nɑ pɑ́ lɑ ɑsilimɑ kɛɛlʋɣʋ kɔtɑɣɑ tɔtɔɣɔ wontu kususuutu nɑ tɔnǝŋ nyǝntʋ, nɑ pǝ́ŋ hʋntʋ nyǝntʋ, yɑɑ nti pɑ sɑɑkɑ tɑɑsɩ tɔ.
\p
\v 21 Pǝ wɑɑlɩ kɛ́ kɔtʋlʋ Ɩlɑsɑɑ tɔmɑ ɑpɑlɑɑ mpɑ pɑ polɑ yoou tɔ sɩ kʋsǝsɩɩtʋ nti Tɑcɑɑ tɛlǝsɑ Moisi tɔɣɔlɛ sɩ: 
\v 22-23 Pǝ kpɑɣɑʋ wontu nti tɩɩ nyɑkɩ kɔkɔ tɔ, ɩsɩɩ wʋlɑ nɑ liɣitee nyǝɣǝtʋ, nɑ nyǝɣǝlʋɣʋ kʋsɛɛmʋɣʋ, nɑ nyǝɣǝlʋɣʋ mɑɣɑmɑɣɑ, nɑ nyǝɣǝtʋ lɛntɩ. Nɑ wontu nti tǝ yɔkǝɣɩ, ɩsɩɩ somtu tɔ. Ɩ́ kɑ́ nyɑɑlɩ-tɩ nɑ kɔkɔ kɛ́ nɑ ɩ́ lii-tǝɣɩ kɔtɑɣɑ lʋm tɑɑ. Ye kɔkɔ kʋnyɑɣɑtʋ, ɩlɛ ɩ́ lii tǝlɛɣɛ kɔtɑɣɑ lʋm tɑɑ tike. 
\v 24 Ye ɩ́ cɔtɑ mǝ wontu kɛ kʋyɑkʋ nɑɑtosompɔɣɔlɑɣɑ wule, ɩlɛ mǝ ɑsilimɑ kɛɛlɑɑ kɛlɛ. Ɩ́ sʋʋ tǝsikile tɑɑ.
\s1 Yoou tɑɑ wontu kukukuutu tɑlʋɣʋ
\p
\v 25 Ḿpʋ́ɣʋ́ Tɑcɑɑ tɔmɑ Moisi sɩ: 
\v 26 Nyɑnɑ Ɩlɑsɑɑ, nɑ Ɩsɛɣɛlɩ nyɔɔŋ nyǝ́mɑ, ɩ́ kɑlɑ pǝ tǝnɑ mpi ɩ́ kpɑwɑ yoou tɑɑ tɔ. Pǝ kpɑɣɑʋ yǝlɑɑ nɑ pǝ tɔlɑ tɔ. 
\v 27 Ɩlɛnɑ ɩ́ tɑlɑ pǝ tɑɑ kɛ́ cɑlɩ. Yoou potɑɑ kɛ hɔɣɔlʋɣʋ, nɑ lɛlɑɑ kɛ lɛŋkʋ. 
\v 28 Nɑ ɩ́ lǝsɩ yoolɑɑ nyǝm tɔɔ kɛ́ mpi pǝ kɛ́ mɑ tǝtɔɣɔlɛ tɔɣɔ yʋlʋ kʋlʋm kɛ yǝlɑɑ nɑsǝlɛ nɑ nɩɩnʋwɑ (500) tɔɔ, nɑ tɔlɑ kɛ mpʋ tɔtɔ. 
\v 29 Nɑ ɩ́ cɛlɑ kɔtʋlʋ Ɩlɑsɑɑ. 
\v 30 Ye pǝ kɑɑsɑ Ɩsɛɣɛlɩ nyǝ́mɑ lɛlɑɑ nyǝm, ɩlɛ ɩ́ lǝsɩ mpi pǝ wɛɛ sɩ, pɛlɛ pɑ́ lǝsɩ tɔɣɔ yǝlɑɑ nɩɩlɛ nɑ nɑɑnʋwɑ tɔɔ kɛ́ yʋlʋ kʋlʋm. Nɑ tɔlɑ kɛ mpʋ tɔtɔ, nɑ ɩ́ cɛlɑ pǝ tǝnɑɣɑ Lefii nyǝ́mɑ mpɑ pɑ pɑɑsǝɣǝnɑ Ɩsɔ cokǝle tɔ.
\p
\v 31 Ḿpʋ́ɣʋ́ Moisi nɑ Ɩlɑsɑɑ pɑ lɑpɑ teitei ɩsɩɩ Tɑcɑɑ heeluɣu-wɛ tɔ. 
\v 32 Tɔlɑ wenɑ pɑ kuuwɑ kolontunɑɑ tɛ́ tɔ, ɑ kɑɑsɑ heeŋ nɑ pǝ́ŋ kɛ iyisi nɑsǝtoso nɑ nɩɩtoso nɑ nɑɑnʋwɑ nɑ kɑkpɑsɩ (675000) 
\v 33 nɑ nɑɑŋ kɛ iyisi nɩɩtoso nɑ nɑɑnʋwɑ nɑ nɑɑlɛ (72000) 
\v 34 nɑ kpɑŋɑsɩ kɛ iyisi nɩɩtoso nɑ kʋlʋm (61000) 
\v 35 nɑ pɛɛlɑɑ mpɑ pɑ tɑ nyǝntɑ ɑpɑlɑɑ tɔɣɔ iyisi hiu nɑ nɑɑnʋwɑ nɑ nɑɑlɛ (32000). 
\v 36 Heeŋ nɑ pǝ́ŋ wei pɑ cɛlɑ yoolɑɑ tɔ, ɩ kpɛntɑ iyisi ŋmʋnʋɣʋ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ nɑ nɑsǝlɛ nɩɩnʋwɑ (337500). 
\v 37 Nɑ pɑ́ lǝsɩ Tɑcɑɑ nyǝnɑ kɛ nɑsǝtoso nɑ nɩɩtoso nɑ nɑɑnʋwɑ nɑ kɑkpɑsɩ (675). 
\v 38 Nɑɑŋ kɛ iyisi hiu nɑ nɑɑnʋwɑ nɑ nɑɑtoso (36000) nɑ Tɑcɑɑ nyǝŋ kɛ nɩɩtoso nɑ nɑɑnʋwɑ nɑ nɑɑlɛ. 
\v 39 Kpɑŋɑsɩ kɛ iyisi hiu nɑ nɑɑnʋwɑ nɑ nɑsǝlɛ nɩɩnʋwɑ (30500). Tɑcɑɑ nyǝnsɩ kɛ nɩɩtoso nɑ kʋlʋm. 
\v 40 Yǝlɑɑ kɛ iyisi nɑɑnʋwɑ nɑ nɑɑtoso (16000). Tɑcɑɑ nyǝ́mɑ kɛ hiu nɑ nɑɑnʋwɑ nɑ nɑɑlɛ. 
\v 41 Ḿpʋ́ɣʋ́ Moisi cɛlɑ Ɩsɔ nyǝm kɛ kɔtʋlʋ Ɩlɑsɑɑ, ɩsɩɩ Tɑcɑɑ kɑ heeluɣu-ɩ tɔ. 
\v 42-43 Mpi pɑ cɛlɑ Ɩsɛɣɛlɩ nyǝ́mɑ lɛlɑɑ tɔ, pǝ nɑ yoolɑɑ nyǝm pǝ kʋlʋm kɛ́. Heeŋ nɑ pǝ́ŋ kɑ wɛ iyisi ŋmʋnʋɣʋ nɑ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ nɑ nɑsǝlɛ nɑ nɩɩnʋwɑ (337500). 
\v 44 Nɑɑŋ kɛ iyisi hiu nɑ nɑɑnʋwɑ nɑ nɑɑtoso (36000). 
\v 45 Kpɑŋɑsɩ kɛ iyisi hiu nɑ nɑɑnʋwɑ nɑ nɑsǝlɛ nɑ nɩɩnʋwɑ (30500), 
\v 46 nɑ pɛɛlɑɑ kɛ iyisi nɑɑnʋwɑ nɑ nɑɑtoso (16000). 
\v 47 Ḿpʋ́ɣʋ́ Moisi lǝsɑ pɛɛlɑɑ tɔɔ kɛ́ yʋlʋ kʋlʋm kɛ nɩɩlɛ nɑ nɑɑnʋwɑ tɔɔ, nɑ tɔlɑ kɛ mpʋ tɔtɔ, ɩsɩɩ Tɑcɑɑ kɑ heeluɣu-ɩ tɔ, nɑ ɩ́ cɛlɑ Lefii nyǝ́mɑ mpɑ pɑ pɑɑsɑɣɑnɑ Ɩsɔ cokǝle tɔ.
\s1 Luɣu kʋlʋmʋɣʋ kʋhɑɑŋ
\p
\v 48 Ḿpʋ́ɣʋ́ yoolɑɑ iyisi iyɑɣɑ (1000) nyɔɔŋ nyǝ́mɑ, nɑ nɩɩnʋwɑ (100) nyɔɔŋ nyǝ́mɑ, pɑ kotɑ Moisi kiŋ, 
\v 49 nɑ pɑ́ heeli-ɩ sɩ: Tǝ kɑlɑ yoolɑɑ sǝkpemɑ, pɑ wɛ pɑ nɔɣɔ tɑɑ, nɔɣɔlʋ tɑ lɑ ɑsɑɑlɑ. 
\v 50 Pǝ tɔɔ kɛ́ tǝ kɔŋnɑ Tɑcɑɑ kɛ kʋhɑɑŋ kɛ wʋlɑ ɑlukpɑlisi, nɑ pǝ kpɑsɩ, nɑ kukuwee, nɑ ŋkpɑnyɑpǝlɑsɩ, nɑ lɩɩtʋ, nti tǝ hikɑɑ tɔ sɩ pǝ́ hɩɩsɩ tɑ ɩsɑɣɑtʋ. 
\v 51 Ɩlɛnɑ Moisi nɑ kɔtʋlʋ Ɩlɑsɑɑ pɑ́ mʋ wʋlɑ wontu nti pɑ kɔnɑɑ tɔ. 
\v 52 Wontu nti yoolɑɑ mpɛ pɑ kɔnɑɑ tɔ, tǝ kpɛntɑ kiloonɑɑ nɩɩnʋwɑ nɑ nɩɩtoso nɑ nɑɑnʋwɑ. 
\v 53 Pǝ kɑɑsɑ yoolɑɑ sǝkpemɑ, ɩlɛnɑ pɑɑ wei ɩ́ sɩɩnɑ ɩ tǝɣɩ wontu nti ɩ kuuwɑ tɔ. 
\v 54 Ḿpʋ́ɣʋ́ Moisi nɑ Ɩlɑsɑɑ pɑ sɩɩ wʋlɑ wontu nti yoolɑɑ hɑwɑ tɔɣɔ Ɩsɔ cokǝle tɑɑ sɩ, Tɑcɑɑ ɩ́ tɑɑ sɔɔ Ɩsɛɣɛlɩ nyǝ́mɑ tɔɔ.
\c 32
\s1 Kpekɑ tooso cɑɣɑlɛ kɛ Yɑɑtɑnɩ ilim tǝlɩɩlɛ tɔɔ
\p
\v 1 Lupɛŋ nɑ Kɑtɩ pǝ yǝlɑɑ kɑ wɛnɑ kɑlǝkǝŋ sɔsɔɔŋ kɛ tuutuumɑ kɛ́. Ɩlɛnɑ pɑ́ cɛkǝnɑ sɩ Yɑsɛɛ tɛtʋ hɔɣɔlʋɣʋ, nɑ Kɑlɑɑtɩ tɛtʋ kɑ mʋnɑ tɔlɑ tɔɔʋ. 
\v 2 Pǝ tɔɔ kɛ́ pɑ polɑɑ nɑ pɑ́ mɑɣɑnɑ Moisi nɑ kɔtʋlʋ Ɩlɑsɑɑ nɑ kpekɑ nyɔɔŋ nyǝ́mɑ nɑ pɑ́ heeli-wɛ sɩ: 
\v 3 Atɑlɔtɩ, nɑ Tipɔŋ, nɑ Yɑsɛɛ, nɑ Nimlɑ, nɑ Hɛsǝpɔŋ, nɑ Ɩlɑle, nɑ Sepɑm, nɑ Nepo, nɑ Peyoŋ pǝ ɑcɑlɛɛ kɛ́ 
\v 4 Tɑcɑɑ sǝnɑ Ɩsɛɣɛlɩ nyǝ́mɑ nɑ pɑ́ mʋ tɛtʋ nti tɔ, tǝ nyǝ́mɑ kɛ́. Tɛtʋ ntɩ tǝ mʋnɑ tɔlɑ tǝtɔɔlɛ. Pǝ́cɔ́ tɑ́ mɑɣɑmɑɣɑ tǝ wɛnɑ kɑlǝkǝŋ. 
\v 5 Ɩlɛnɑ pɑ́ sǝlǝmɩ Moisi sɩ ɩ hɑ-wɛɣɛ tɛtʋ ntɩ. Ɩ́ tɑɑ tɛsǝnɑ-wɛɣɛ Yɑɑtɑnɩ wɑɑlɩ tɔɔ.
\p
\v 6 Mpʋɣʋlɛ Moisi pɔɔsɑ-wɛ sɩ: Ɩsǝnɑɣɑlɛ mpʋ? Mǝ tɛɛtʋnɑɑ nɑ́ puki yoou ntɛ́ nɑ mɩɩ cɑɣɑ cǝnɛ tǝpɑmm nɑ? 
\v 7 Ye mɩɩ cɑɣɑnɑ cǝnɛ pɩɩ yɔɔlɩ pɛlɛ pɑ ɑpɑlʋtʋ, pɑ kɑɑ polo tɛtʋ nti Tɑcɑɑ hɑ-wɛ tɔ tǝ tɑɑ. 
\v 8 Yɑɑsi kʋlʋm ɩnǝɣɩ mǝ cɑɑnɑɑ tɛmɑ lɑpʋ kɛ wɑɑtʋ wei mɑ kʋsɑ-wɛɣɛ Kɑtɛɛsɩ-Pɑɑneyɑ sɩ, pɑ́ polo pɑ feŋ Kɑnɑɑŋ tɛtʋ tɔ. 
\v 9 Pɑ polɑ Ɩsǝkɔɔlɩ tɛtɛkǝlɛ tɑɑ nɑ pɑ́ cɔɔ-tɛ, nɑ pɑ́ mǝlɩ. Ɩlɛnɑ pɑ́ yɔɔlɩ Ɩsɛɣɛlɩ nyǝ́mɑ ɑpɑlʋtʋ sɩ, pɑ́ tɑɑ sʋʋ tɛtʋ nti Tɑcɑɑ kɑ hɑ-mɛɣɛ hɑtoo lɔŋ tɔ tǝ tɑɑ. 
\v 10 Hɑlɩ Tɑcɑɑ mʋ pɑ́ɑ́nɑ́ kɛ kʋyɑkʋ ŋkʋ nɑ ɩ́ tuu sɩ: 
\v 11 Mǝ tǝnɑ mpɑ ɩ́ lɩɩ Icipiti nɑ ɩ́ wɛnɑ pɩɩsɩ hiu nɑ wɑɑlɩ tɔ, ɩ́ kɑɑ nɑ tɛtʋ nti mɑ sɩɩwɑ sɩ mɑ hɑɑkɩ Apǝlɑhɑm nɑ Ɩsɑɑkɑ nɑ Yɑkɔpʋ tɔ. Mpi tɔ, ɩ́ tɑ́ nɩɩnɑ-m teu. 
\v 12 Ye pǝ tɑɣɑ Kenɑsɩ lʋlʋɣʋ tʋ Yefune pǝyɑlʋ Kɑlɛpʋ, nɑ Nuŋ pǝyɑlʋ Yosuwee pɑ tike pɑɑ sʋʋnɑ. Pǝ tɑɣɑ pʋlʋ, mpɛ ɩnɩ pɑ nɩɩnɑ-m teu kɛ́. 
\v 13 Pǝ tɔɔ kɛ́ Tɑcɑɑ mʋ pɑ́ɑ́nɑ́ nɑ Ɩsɛɣɛlɩ nyǝ́mɑ nɑ pɑ́ tɔɣɔ pɩɩsɩ nɩɩlɛ tǝcu kɛ wʋlɑɣɑ tɛtʋ tɑɑ. Hɑlǝnɑ mpɑ ɩnɩ Ɩsɔ tɑɑ kpɑnɑ mpʋ tɔ, pɑ́ sɑɑlɩ yem kɛ́ tǝnɑ. 
\v 14 Ɩlɛnɑ ɑsɑɣɑɑ mɛ, ɩ́ cɑɑ sɩ ɩ́ tǝŋ mǝ cɑɑnɑɑ ɩkpɑtɛ nɑ ɩ́ kʋsɩ Tɑcɑɑ pɑ́ɑ́nɑ́ kɛ mǝ tɔɔ. 
\v 15 Ye Lupɛŋ nɑ Kɑtɩ nyǝ́mɑ mɛ, ɩ́ tɑ́ nɩɩnɑ Tɑcɑɑ, ɩ́lɛ́ ɩ yeki kɛ́ nɑ mǝ kʋyɛɛŋ tɑɣɑlɩ wʋlɑɣɑ tɛtʋ tɑɑ. Ɩlɛ ɩ́ wɑkǝlɑ Ɩsɛɣɛlɩ nyǝ́mɑ ntɛ́.
\p
\v 16 Mpʋɣʋlɛ ɑpɑlɑɑ mpɛ pɑ kpǝtǝnɑ Moisi nɑ pɑ́ tɔ sɩ: Aɑɩ yoo, tɩɩ ŋmɑ́ tɑ́ kɑlǝkǝŋ kɛ tǝcɑɣɑlɛ, nɑ tɑ́ tɛɛsɩ nyǝ́mɑ kɛ koloosi ɑcɑlɛɛ. 
\v 17 Ɩlɛnɑ tɑ́ yǝlɑɑ cɔɔsɩ tǝnɑ. Tɛtʋ nyǝ́mɑ ɩ́ tɑɑ pǝsɩ-wɛ. Pǝ wɑɑlɩ ɩlɛnɑ tǝ́ co tɑ́ yoou wontu tǝcɑʋ nɑ tǝ́ tɛɛ tɑ́ tɛɛtʋnɑɑ kɛ nɔɣɔ nɑ tǝ́ ponɑ-wɛɣɛ tɛtʋ nti pɑ hɑ-wɛ tɔ tǝ tɑɑ. 
\v 18 Pɑɑ Ɩsɛɣɛlɩ tʋ wei ɩ kɑ́ cɑɣɑ ɩ tɛtʋ tɔɔ kɛ́ nɑ pǝ́cɔ́ tǝ mǝlɩ tɑ́ tɛ́. 
\v 19 Ye tǝ hikɑ tɛtʋ nɑ pɔɣɔ nɑ cǝnɛ tɔɔ, pɑ́ tɑɑ tɑsɑ-tʋɣʋ tɛtʋ hɑʋ nɑ pɔɣɔ nɑ wɑɑlɩ tɔɔ. 
\v 20 Ntɛnɑ Moisi sɩ: Ye ɩ tɔkɑ ɩsɩɩ ɩ yɔɣɔtʋɣʋ tɔ, nɑ ɩ́ suu mǝ yoou wontu, nɑ ɩ́ tɛsɩ Yɑɑtɑnɩ nɑ ɩ́ polo mǝ kolontunɑɑ tɔɔ, nɑ Tɑcɑɑ tʋ-wɛɣɛ mǝ niŋ tɑɑ, 
\v 21-22 ɩlɛ tɛtʋ tǝnɑ pǝsɩ mǝ nyǝntʋ. Wɑɑtʋ ɩnɩ Tɑcɑɑ yɑɑ mǝ tɛɛtʋnɑɑ tɑɑ kɑɑ kpɑnɑ-mɛ. Pǝyele Ɩsɔ kɑ́ yelinɑ-mɛɣɛ mǝ tɛtʋ tǝnɛ nɑ pɔɣɔ nɑ cǝnɛ tɔɔ. 
\v 23 Amɑ ye ɩ́ tɑ́ lɑ́ mpʋ, ɩ́ kɑ́ pǝntǝnɑ Tɑcɑɑ, nɑ pǝ́ mǝlɩ mǝ nyɔɔŋ tɑɑ. 
\v 24 Pǝ wɛ teu, ɩ́ ŋmɑ́ mǝ nyǝ́mɑ kɛ tɛɛsɩ nɑ mǝ tɔlɑ tǝtǝkǝlɛ. Amɑ ɩ́ tɑɑ sɔɔ nti mɑ yɔɣɔtɑɑ nɑ mɑ́ sɩɩ tɔɣɔ tɔkʋɣʋ kɛ́. 
\v 25 Mpʋɣʋlɛ Lupɛŋ nɑ Kɑtɩ pǝ nyǝ́mɑ cɔwɑ Moisi sɩ: Tɩɩ lɑ ɩsɩɩ n sɩɩʋ tɔ. 
\v 26 Tɩɩ yele tɑ́ ɑlɑɑ nɑ tɑ́ piyɑ nɑ tɑ́ kɑlǝkǝŋ kɛ Kɑlɑɑtɩ ɑcɑlɛɛ tɑɑ, 
\v 27 nɑ tǝ́ kpɑɣɑ tɑ́ wontu nɑ tǝ́ polo Tɑcɑɑ yoou, ɩsɩɩ n yɔɣɔtʋɣʋ tɔ.
\p
\v 28 Ḿpʋ́ɣʋ́ Moisi heelɑ pɑ tɔm kɛ kɔtʋlʋ Ɩlɑsɑɑ, nɑ Nuŋ pǝyɑlʋ Yosuwee, nɑ Ɩsɛɣɛlɩ kpekɑ nyɔɔŋ nyǝ́mɑ. 
\v 29 Ɩlɛnɑ ɩ́ tɔ-wɛ sɩ: Ye Kɑtɩ nɑ Lupɛŋ nyǝ́mɑ kpɑɣɑ yoou wontu, nɑ mǝ nɑ-wɛ ɩ́ tɛsɩ mǝ kolontunɑɑ wɑɑlɩ, ɩsɩɩ Tɑcɑɑ yɔɣɔtʋɣʋ tɔ, nɑ ɩ́ kǝlɩ-wɛ, ɩlɛ mɩɩ cɛlɛ-wɛɣɛ Kɑlɑɑtɩ tɛtʋ. 
\v 30 Amɑ ye pɑ kisɑ mpʋ ɩlɛ Kɑnɑɑŋ tɛtʋ kɛ mǝ tǝnɑ ɩ́ kɑ́ tɑlɑ.
\p
\v 31 Ḿpʋ́ɣʋ́ Kɑtɩ nɑ Lupɛŋ pǝ nyǝ́mɑ tɑsɑ yɔɣɔtʋɣʋ sɩ: Tɩɩ lɑ nti Tɑcɑɑ heelɑ-tʋ tɔ. 
\v 32 Tɩɩ kpɑɣɑ tɑ́ wontu nɑ tǝ́ polo Tɑcɑɑ yoou, nɑ pɑ́ cɛlɛ-tʋɣʋ tɑ́ tɛtʋ nɑ Yɑɑtɑnɩ nɑ cǝnɛ tɔɔ.
\p
\v 33 Ḿpʋ́ɣʋ́ Moisi cɛlɑ Kɑtɩ nɑ Lupɛŋ pɑ kpekɑ nɑ Yosɛɛfʋ pǝyɑlʋ Mɑnɑsee nyǝntɛ hɔɣɔlʋɣʋ kɛ Amolii wulɑʋ Sihoŋ, nɑ Pɑsɑŋ nyǝŋ Oki pɑ tɛtʋ nɑ pɑ ɑcɑlɛɛ.
\p
\v 34 Ḿpʋ́ɣʋ́ Kɑtɩ nyǝ́mɑ ŋmɑwɑ koloosi kɛ Tipɔŋ nɑ Atɑlɔtɩ nɑ Alowɛɛ 
\v 35 nɑ Atǝlɔtɩ-Sofɑŋ nɑ Yɑsɛɛ nɑ Yokpɑhɑ 
\v 36 nɑ Pɛtɩ-Nimlɑ nɑ Pɛtɩ-Hɑlɑŋ pǝ ɑcɑlɛɛ. Nɑ pɑ́ ŋmɑ́ tɔtɔɣɔ pɑ tɔlɑ tǝtǝkǝlɛ.
\p
\v 37 Ɩlɛnɑ Lupɛŋ nyǝ́mɑ ŋmɑ Hɛsǝpɔŋ nɑ Ɩlɑle nɑ Kiliyɑtɑyim 
\v 38 nɑ Nepo nɑ Pɑɑlɩ-Meyɔŋ nɑ Sipǝmɑ nɑ pɑ́ hɑ-yɛɣɛ hǝlɑ.
\p
\v 39 Ḿpʋ́ɣʋ́ Mɑnɑsee pǝyɑlʋ Mɑkii nyǝ́mɑ nɑ́ yoonɑ Kɑlɑɑtɩ nyǝ́mɑ, nɑ pɑ́ tɔɣɔnɩ Amolii nyǝ́mɑ nɑ pɑ́ cɑɣɑ. 
\v 40 Pǝ tɔɔ kɛ́ Moisi nɑ́ yelinɑ-wɛɣɛ-tɩ. 
\v 41 Ɩlɛnɑ Mɑnɑsee pǝyɑlʋ Yɑyii nyǝ́mɑ nɑ́ɑ́ lɛɛkɩ Amolii nyǝ́mɑ ɑcɑlɛɛ lɛnnɑ, nɑ pɑ́ hɑ-yɛ sɩ Yɑyii ɑcɑlɛɛ. 
\v 42 Pǝ wɑɑlɩ kɛ́ Nopɑ nɑ́ lɛɛkɑ Kenɑ ɩcɑtɛ nɑ pǝcɔlɔ nyǝnɑ, nɑ ɩ́ hɑ-yɛɣɛ ɩ hǝtɛ sɩ Nopɑ.
\c 33
\s1 Ɩsǝnɑ Ɩsɛɣɛlɩ nyǝ́mɑ tɔmɑ pɑ Icipiti lɩɩʋ wɑɑlɩ tɔ
\p
\v 1 Wɑɑtʋ wei Moisi nɑ Alɔŋ pɑ lǝsɑ Ɩsɛɣɛlɩ nyǝ́mɑ kɛ cɑɑsɩ cɑɑsɩ tɔ, ɩsǝnɑ pɑ tɔmɑ tɔɣɔlɔ: 
\v 2 Tɑcɑɑ kɑ heelɑ Moisi kɛ́ sɩ ŋmɑɑ timpi timpi ɩ́ sǝŋɑɑ tɔ, hɑlɩ lonɑ ɑnɩ ɑ hǝlɑ ntɔ.
\p
\v 3 Pǝnɑɣɑ ɩsɔtʋ kɑncɑɑlɑɣɑ nyǝŋ kʋyɑkʋ nɑɑnʋwɑ nɑ kɑkpɑsɩ wule, kɛ Ɩsɛɣɛlɩ nyǝ́mɑ kʋlɑ Tɛɛʋ ɑcimɑ tɛʋ kʋfemuɣu kɛ Lɑmsɛsɩ nɑ pɑ́ tɛɛkɩ Icipiti nyǝ́mɑ ɩsɛntɑɑ tǝkɑɑ sɩ, pǝ cɛpɑ-wɛ. 
\v 4 Nɑ pɛlɛ pɑ́ tɔŋɑ pɑ kɑncɑɑlɑɣɑ piyɑ mpɑ Tɑcɑɑ kʋwɑ tɔɣɔ pim. Ɩ lɑpɑ ḿpʋ́ɣʋ́ sɩ pɑ nyɩ sɩ ɩ kǝlɑ pɑ tɩɩŋ kɛ toŋ. 
\v 5 Pɑ kʋlɑ Lɑmsɛsɩ, ɩlɛnɑ pɑ́ siki Sukɔtɩ. 
\v 6 Pɑ kʋlɑ Sukɔtɩ, ɩlɛnɑ pɑ́ siki Ɩtɑm kɛ wʋlɑɣɑ tɛtʋ nɔɣɔ tɔɔ. 
\v 7 Pɑ kʋlɑ Ɩtɑm, ɩlɛnɑ pɑ́ polo Pi-Hɑhilotɩ kɛ Pɑɑlɩ-Sɛfʋŋ ɩsɛntɑɑ, nɑ pɑ́ siki Mikitɔɔlɩ pǝtɛɛ. 
\v 8 Pɑ kʋlɑ Mikitɔɔlɩ, ɩlɛnɑ pɑ́ tɛsɩ teŋku nɑ pɑ́ sʋʋ wʋlɑɣɑ tɛtʋ nɑ pɑ́ tɔ́ kʋyɛɛŋ toosoɣo Ɩtɑm wʋlɑɣɑ tɛtʋ tɑɑ, nɑ pɑ́ tɑlɑ Mɑlɑ. 
\v 9 Mɑlɑ kɛ pɑ kʋlɑɑ, nɑ pɑ́ polo Iliim, timpi hilɑ nɑɑnʋwɑ nɑ nɑɑlɛ, nɑ pɑɑŋ nɩɩtoso nɑ nɑɑnʋwɑ kɑ wɛɛ tɔ nɑ pɑ́ siki. 
\v 10 Pɑ kʋlɑ Iliim, ɩlɛnɑ pɑ́ siki teŋku kʋsɛɛm nɔɣɔ. 
\v 11 Pɑ kʋlɑ teŋku nɔɣɔ, ɩlɛnɑ pɑ́ siki Siŋ wʋlɑɣɑ tɛtʋ tɑɑ. 
\v 12 Pɑ kʋlɑ wʋlɑɣɑ tɛtʋ tɑɑ, ɩlɛnɑ pɑ́ siki Tɔfǝkɑ. 
\v 13 Pɑ kʋlɑ Tɔfǝkɑ, ɩlɛnɑ pɑ siki Alusi. 
\v 14 Pɑ kʋlɑ Alusi, ɩlɛnɑ pɑ́ siki Lefitim timpi pɑ lɑŋɑ lʋm kʋnyɔnyɔɔm tɔ.
\p
\v 15 Pɑ kʋlɑ Lefitim, ɩlɛnɑ pɑ́ siki Holɛpʋ wʋlɑɣɑ tɛtʋ tɑɑ. 
\v 16 Pɑ kʋlɑ Holɛpʋ, ɩlɛnɑ pɑ́ siki Kipǝloti-Tɑɑfɑ. 
\v 17 Pɑ kʋlɑ Kipǝloti-Tɑɑfɑ, ɩlɛnɑ pɑ́ siki Hɑselɔtɩ. 
\v 18 Pɑ kʋlɑ Hɑselɔtɩ, ɩlɛnɑ pɑ́ siki Litimɑ. 
\v 19 Pɑ kʋlɑ Litimɑ, ɩlɛnɑ pɑ́ siki Limɔŋ-Pɛlɛsɩ. 
\v 20 Pɑ kʋlɑ Limɔŋ-Pɛlɛsɩ, ɩlɛnɑ pɑ́ siki Lipinɑ. 
\v 21 Pɑ kʋlɑ Lipinɑ, ɩlɛnɑ pɑ́ siki Lisɑ. 
\v 22 Pɑ kʋlɑ Lisɑ, ɩlɛnɑ pɑ́ siki Kehɑlɑtɑ. 
\v 23 Pɑ kʋlɑ Kehɑlɑtɑ, ɩlɛnɑ pɑ́ siki Sefɛɛ pʋɣʋ. 
\v 24 Pɑ kʋlɑ Sefɛɛ pʋɣʋ, ɩlɛnɑ pɑ́ siki Hɑlɑtɑ. 
\v 25 Pɑ kʋlɑ Hɑlɑtɑ, ɩlɛnɑ pɑ́ siki Mɑkelo. 
\v 26 Pɑ kʋlɑ Mɑkelo, ɩlɛnɑ pɑ́ siki Tɑhɑtɩ. 
\v 27 Pɑ kʋlɑ Tɑhɑtɩ, ɩlɛnɑ pɑ́ siki Telɑ. 
\v 28 Pɑ kʋlɑ Telɑ, ɩlɛnɑ pɑ́ siki Mitikɑ. 
\v 29 Pɑ kʋlɑ Mitikɑ, ɩlɛnɑ pɑ́ siki Hɑsemonɑ. 
\v 30 Pɑ kʋlɑ Hɑsemonɑ, ɩlɛnɑ pɑ́ siki Moseloti. 
\v 31 Pɑ kʋlɑ Moseloti, ɩlɛnɑ pɑ́ siki Pene-Yɑkɑŋ. 
\v 32 Pɑ kʋlɑ Pene-Yɑkɑŋ, ɩlɛnɑ pɑ́ siki Hoo-Kitǝkɑtɩ. 
\v 33 Pɑ kʋlɑ Hoo-Kitǝkɑtɩ, ɩlɛnɑ pɑ́ siki Yotǝpɑtɑ. 
\v 34 Pɑ kulɑ Yotǝpɑtɑ, ɩlɛnɑ pɑ́ siki Apǝlonɑ. 
\v 35 Pɑ kʋlɑ Apǝlonɑ, ɩlɛnɑ pɑ́ siki Ɩsiyoŋ-Kepɛɛ. 
\v 36 Pɑ kʋlɑ Ɩsiyoŋ-Kepɛɛ, ɩlɛnɑ pɑ́ siki Kɑtɛɛsɩ kɛ Siŋ wʋlɑɣɑ tɛtʋ tɑɑ. 
\v 37 Pɑ kʋlɑ Kɑtɛɛsɩ, ɩlɛnɑ pɑ́ siki Hoo pʋɣʋ, kɛ Ɩtɔm tɛtʋ toŋɑ tɔɔ.
\p
\v 38-39 Ḿpʋ́ɣʋ́ Tɑcɑɑ yelɑɑ nɑ kɔtʋlʋ Alɔŋ kpɑ Hoo pʋɣʋ tɑɑ. Ɩlɛnɑ ɩ́ sɩ́ tǝnɑɣɑ ɩsɔtʋ kɑkpɑsɩ nyǝŋ kʋyɑkʋ kɑncɑɑlɑɣɑ nyǝŋkʋ wule, kɛ ɩ pǝnɑɣɑ nɩɩnʋwɑ nɑ hiu nɑ tooso (123) nyǝŋkɑ tɑɑ. Pɑ Icipiti tɑɑ lɩɩʋ pǝnɑɣɑ nɩɩlɛ nyǝŋkɑ ntɛ́. 
\v 40 Wɑɑtʋ ɩnǝɣɩ Kɑnɑɑŋ wulɑʋ wei pɑ yɑɑ sɩ, Alɑ nɑ ɩ kɑ wɛ ilim tǝlɩɩlɛ mpǝtǝŋ tɔɔ tɔ, ɩ nɩɩwɑ Ɩsɛɣɛlɩ nyǝ́mɑ tɑtɛ.
\p
\v 41 Ɩsɛɣɛlɩ nyǝ́mɑ kʋlɑ Hoo pʋɣʋ ɩlɛnɑ pɑ́ siki Sɑlǝmonɑ. 
\v 42 Pɑ kʋlɑ Sɑlǝmonɑ, ɩlɛnɑ pɑ́ siki Punoŋ. 
\v 43 Pɑ kʋlɑ Punoŋ, ɩlɛnɑ pɑ́ siki Opoti. 
\v 44 Pɑ kʋlɑ Opoti, ɩlɛnɑ pɑ́ siki Ye-Apɑlim kɛ Mowɑpʋ toŋɑ tɔɔ. 
\v 45 Pɑ kʋlɑ Ye-Apɑlim, ɩlɛnɑ pɑ́ siki Tipoŋ-Kɑtɩ. 
\v 46 Pɑ kʋlɑ Tipoŋ-Kɑtɩ, ɩlɛnɑ pɑ́ siki Alǝmoŋ-Tipǝlɑtɑyim ɩsɛntɑɑ. 
\v 47 Pɑ kʋlɑ Alǝmoŋ-Tipǝlɑtɑyim, ɩlɛnɑ pɑ́ siki Apɑlim pulɑsɩ tɑɑ kɛ́ Nepo pʋɣʋ ɩsɛntɑɑ. 
\v 48 Pɑ kʋlɑ Apɑlim pulɑsɩ, ɩlɛnɑ pɑ́ siki Mowɑpʋ tɛtɛkɑ tɑɑ kɛ́ Yɑɑtɑnɩ kiŋ kɛ Yeliko ɩsɛntɑɑ. 
\v 49 Tǝnɑɣɑ pɑ sikɑ pɑ cokɑ kɛ Pɛtɩ-Yesimɔtɩ nɑ Apɛɛlɩ-Sitim pǝ hɛkʋ tɑɑ.
\s1 Nti Tɑcɑɑ sɩɩwɑ Kɑnɑɑŋ tɛtʋ tɑlʋɣʋ tɔɔ tɔ
\p
\v 50 Ḿpʋ́ɣʋ́ Tɑcɑɑ tʋwɑ Moisi kɛ Mowɑpʋ tɛtɛkɑ tɑɑ kɛ́ Yɑɑtɑnɩ pɔɣɔ nɔɣɔ kɛ Yeliko ɩsɛntɑɑ sɩ: 
\v 51 Tɛlǝsɩ Ɩsɛɣɛlɩ nyǝ́mɑ sɩ ye ɩ́ tɛsɑ Yɑɑtɑnɩ nɑ ɩ́ sʋʋ Kɑnɑɑŋ nyǝ́mɑ tɛtʋ tɑɑ. 
\v 52 Pǝ wɛɛ sɩ ɩ́ tɔɣɔnɩ tɛtʋ nyǝ́mɑ tǝnɑ nɑ ɩ́ yɔkɩ pɛɛ yɑɑ nyǝɣǝtʋ lɛɛsǝŋ wei ɩ́ lɑɑkɩ tɔ, nɑ pǝ tǝkɔtǝlɛnɑɑ. 
\v 53 Nɑ ɩ́ lɛɛkɩ pɑ tɛtʋ ntɩ nɑ ɩ́ cɑɣɑ. Mpi tɔ, mɑ hɑ-mɛɣɛ tǝɣɩ. 
\v 54 Tɛtɛ kɛ́ ɩ́ kɑ́ tɔ nɑ ɩ́ tɑlǝnɑ tɛtʋ ntǝɣɩ mǝ kpekɑ nɑ mǝ lʋlʋŋ, nɑ ɩ́ kɛɛsǝnɑ mǝ pɑɣɑlɛ. 
\v 55 Pǝ wɛɛ sɩ ɩ́ tɔɣɔnɩ tɛtʋ nyǝ́mɑ tǝnɑɣɑ. Tɔfɔ kʋkɑɑsɑɑ mǝlǝɣɩ mǝ kolontunɑɑ kɛ́ nɑ pɑ́ nɑɑsǝɣɩ-mɛ, ɩsɩɩ sɔwɑ kɛ ɩsǝpee tɑɑ, nɑ nyǝmɑ́ tǝpilɑ kɛ mǝ kɔŋkɔmǝŋ tɑɑ. 
\v 56 Ɩlɛ mɛɣɛ mɑɑ lɑnɑ, ɩsɩɩ mɑɑ sɩɩʋ sɩ mɑɑ lɑ-mɛ tɔ.
\c 34
\s1 Ɩsɛɣɛlɩ nyǝ́mɑ tɛtʋ toosi
\p
\v 1 Ḿpʋ́ɣʋ́ Tɑcɑɑ tɔmɑ Moisi sɩ: 
\v 2 Tɛlǝsɩ Ɩsɛɣɛlɩ nyǝ́mɑ sɩ, wɑɑtʋ wei ɩ́ kɑ́ sʋʋ Kɑnɑɑŋ tɛtʋ nti mɑ hɑɑkɩ-mɛ tɔ tǝ tɑɑ tɔ, tǝ toosi ntɛ́ 
\v 3 Siŋ wʋlɑɣɑ tɛtʋ nɑ Ɩtɔm nyǝntʋ nɑ pǝtɛɛ tɔɔ. Nɑ kɑ́ kpɑɣɑ teŋku kʋsǝpʋ, 
\v 4 nɑ kɑ́ mǝlǝnɑ pǝcɛsɩ pulɑsɩ tontoŋle pǝtɛɛ tɔɔ. Ɩlɛnɑ kɑ́ polo Siŋ, nɑ kɑ́ tiinɑ Kɑtɛɛsɩ-Pɑɑneyɑ pǝtɛɛ tɔɔ. Nɑ kɑ́ mǝlɩ Hɑsɑɑ-Atɑɑ nɑ Asǝmɔŋ. 
\v 5 Nɑ kɑ́ kɛɛ nɑ kɑ́ yoosinɑ Icipiti lɔɔʋ, nɑ kɑ́ lɩɩ Metitelɑnee teŋku. 
\v 6 Ilim tǝtʋlɛ tɔɔ toŋɑ ntɛ́ Metitelɑnee teŋku ɩnɩ. 
\v 7 Ilim tǝlɩɩlɛ mpǝtǝŋ tɔɔ nyǝŋkɑ ntɛ́ teŋku kʋlʋm ɩnɩ, nɑ Hoo pʋɣʋ pǝ hɛkʋ tɑɑ. 
\v 8 Ɩlɛnɑ kɑ́ lɩɩ Lepo-Hɑmɑtɩ nɑ Setɑ, 
\v 9 nɑ kɑ́ polo Sifǝloŋ, nɑ kɑ́ lɩɩ Hɑsɑɑ-Ɩnɑŋ.
\p
\v 10 Ilim tǝlɩɩlɛ tɔɔ nyǝŋkɑ ntɛ́ pǝ kpɑɣɑʋ Hɑsɑɑ-Ɩnɑŋ nɑ Sefɑm tɛtʋ hɔɣɔlʋɣʋ tɔɔ. 
\v 11 Ɩlɛnɑ kɑ́ mǝlǝnɑ Lipǝlɑ kɛ Ayiŋ ilim tǝlɩɩlɛ tɔɔ, nɑ kɑ́ tɛɛ pooluŋ nɑ kɑ́ polo kɑ yoosinɑ Kenɑsɑlɛtɩ kʋteŋ, 
\v 12 nɑ kɑ́ polo kɑ lɩɩ Yɑɑtɑnɩ lɔɔŋ, nɑ teŋku kʋsǝpʋ. Mǝ tɛtʋ tǝnɑsɩ ntɛ́.
\p
\v 13 Ḿpʋ́ɣʋ́ Moisi tɛlǝsɑ tǝ tǝnɑɣɑ Ɩsɛɣɛlɩ nyǝ́mɑ nɑ ɩ́ tɑsɑ-wɛɣɛ heeluɣu sɩ: Tɛtʋnɑɑ mpɑ Tɑcɑɑ tɔmɑ sɩ ɩ́ tɔ́ tɛtɛ nɑ ɩ́ tɑlɑ Ɩsɛɣɛlɩ kpekɑ pɔɣɔlɑɣɑfɛɩ nɑɑnʋwɑ nɑ hɔɣɔlʋɣʋ tɔɣɔlɛ. 
\v 14-15 Mpi tɔ, Lupɛŋ nɑ Kɑtɩ pɑ lʋlʋɣʋ nyǝ́mɑ nɑ Mɑnɑsee kpekǝle hɔɣɔlʋɣʋ lɛŋkʋ nɑ́ tɛmɑ pɛlɛ pɑ nyǝntʋ hikuɣu kɛ Yeliko ɩsɛntɑɑ kɛ Yɑɑtɑnɩ wɑɑlɩ nɑ ilim tǝlɩɩlɛ tɔɔ.
\s1 Tɛtʋ tɑllɑɑ nyɔɔŋ nyǝ́mɑ hǝlɑ
\p
\v 16 Ḿpʋ́ɣʋ́ Tɑcɑɑ tɔmɑ Moisi sɩ: 
\v 17 Kɔtʋlʋ Ɩlɑsɑɑ nɑ Nuŋ pǝyɑlʋ Yosuwee pɑɑ pɑɑsǝnɑ tɛtʋ tɑlʋɣʋ. 
\v 18 Pɑ́ kpɑ pɑɑ kpekǝle nte tǝ tɑɑ kɛ́ nyʋɣʋ tʋ wei ɩ kɑ́ pɑɑsǝnɑ-wɛ tɔ. 
\v 19 Mpɑ mpɑ pɑɑ kpɑ mpʋ tɔ pɑ hǝlɑ ntɔ: Yutɑ kpekǝle tɑɑ nyǝŋ ntɛ́ Yefune pǝyɑlʋ Kɑlɛpʋ. 
\v 20 Simiyɔŋ nyǝntɛ tɑɑ nyǝŋ ntɛ́ Amihuti pǝyɑlʋ Semuwɛlɩ. 
\v 21 Pɛncɑmɛɛ nyǝntɛ tɑɑ nyǝŋ ntɛ́ Kisiloŋ pǝyɑlʋ Ɩlitɑtɩ. 
\v 22 Tɑŋ nyǝntɛ tɑɑ nyǝŋ ntɛ́ Yokili pǝyɑlʋ Puki. 
\v 23 Yosɛɛfʋ pǝyɑlʋ Mɑnɑsee nyǝntɛ tɑɑ nyǝŋ ntɛ́ Ɩfoti pǝyɑlʋ Hɑnǝyɛlɩ. 
\v 24 Yosɛɛfʋ pǝyɑlʋ nɑɑlɛ nyǝŋ Ɩfǝlɑyim nyǝntɛ tɑɑ nyǝŋ ntɛ́ Sifitɑŋ pǝyɑlʋ Kemuwɛlɩ. 
\v 25 Sɑpulɔŋ nyǝntɛ tɑɑ nyǝŋ ntɛ́ Pɑɑnɑkɩ pǝyɑlʋ Ɩlisɑfɑŋ. 
\v 26 Ɩsɑkɑɑ kpekǝle tɑɑ nyǝŋ ntɛ́ Asɑŋ pǝyɑlʋ Pɑlǝtǝyɛlɩ. 
\v 27 Asɛɛ nyǝntɛ tɑɑ nyǝŋ ntɛ́ Selomitɩ pǝyɑlʋ Ahihuti. 
\v 28 Nefǝtɑli nyǝntɛ tɑɑ nyǝŋ ntɛ́ Amihuti pǝyɑlʋ Petɑyɛlɩ.
\p
\v 29 Mpɑ Tɑcɑɑ lǝsɑɑ sɩ pɑ́ tɑlɑ Kɑnɑɑŋ tɛtʋ kɛ Ɩsɛɣɛlɩ kpekɑ nyǝ́mɑ tɔɣɔlɛ.
\c 35
\s1 Lefii nyǝ́mɑ ɑcɑlɛɛ
\p
\v 1 Ḿpʋ́ɣʋ́ Tɑcɑɑ yɔɣɔtɑ Moisi kɛ Mowɑpʋ tɛtɛkǝlɛ tɑɑ, kɛ Yɑɑtɑnɩ pɔɣɔ nɔɣɔ kɛ Yeliko ɩsɛntɑɑ sɩ: 
\v 2-3 Tʋ Ɩsɛɣɛlɩ nyǝ́mɑ sɩ pɑ́ cɛlɑ Lefii nyǝ́mɑ kɛ ɑcɑlɛɛ nnɑ pɑ lǝsɑ pɑ tɛtʋnɑɑ tɑɑ tɔ, nɑ pǝ nɔnɔkilɑ. Nɑ pɑ́ cɑɣɑ ɑcɑlɛɛ tɑɑ nɑ pɑ́ tiikiɣi pɑ tɔlɑ kɛ hɑlǝmnɑɑ tɑɑ. 
\v 4-5 Ɩsǝnɑ ɩ́ kɑ́ mɑɣɑsɩ nɔnɔkilɑ ɑnɩ ɑ wɑŋ tɔɣɔlɔ: Pǝ sɩɩnɑʋ ɩcɑtɛ koloosi nɑ pǝ́ pukinɑ ilim tǝlɩɩlɛ tɔɔ tɔɣɔ mɛɛtǝlǝnɑɑ nɑsǝlɛ nɑ nɩɩnʋwɑ (500), nɑ ilim tǝtʋlɛ tɔɔ kɛ́ mpʋ. Pǝ mpǝtǝŋ nɑ pǝ ntɔɣɔŋ tɔɔ tɔtɔɣɔ mpʋ. Ɩlɛnɑ ɩ́ mɑɣɑsɩ pɑɑ hɔɣɔlʋɣʋ ŋku kʋ tɔɔ kɛ́ mɛɛtǝlǝnɑɑ iyɑɣɑ (1000) ɩyɑɣɑ (1000) kɛ tɔm liɣiti nɑ pǝ́ cɔɔ ɩcɑtɛ nɑ pǝ́ tɑ. 
\v 6 Nɑ pɑ́ cɛlɑ Lefii nyǝ́mɑ kɛ ɑcɑlɛɛ nɑɑtoso. A tɑɑ kɛ́ ye pǝ yʋkǝnɑ yʋlʋ nɑ ɩ́ kʋ ɩ tɔɣɔntǝlɛ ɩ kɑ́ tʋ kpʋlʋɣʋ. Nɑ pǝ́ sɔɔsɩ ɑcɑlɛɛ nɩɩlɛ nɑ nɑɑlɛ tɔtɔ. 
\v 7 Pǝ kpɛntɑ ɑcɑlɛɛ pǝlefɛɩ nɑɑnʋwɑ nɑ pǝ nɔnɔkilɑ. 
\v 8 Pɑɑ kpekǝle nte tɩɩ hɑ Lefii nyǝ́mɑ kɛ́ nɑ pǝ́ kɛɛsǝnɑ tǝ tɛtʋ tɔɔʋ.
\s1 Yʋlʋkʋlɑɑ kpʋlʋɣʋ tǝtʋlɛ ɑcɑlɛɛ
\p
\v 9 Ḿpʋ́ɣʋ́ Tɑcɑɑ tɔmɑ Moisi sɩ: 
\v 10 Tɛlǝsɩ Ɩsɛɣɛlɩ nyǝ́mɑ sɩ, ye ɩ́ tɛsɑ Yɑɑtɑnɩ nɑ ɩ́ sʋʋ Kɑnɑɑŋ tɛtʋ tɑɑ, 
\v 11 ɩlɛ ɩ́ lǝsɩ ɑcɑlɛɛ wenɑ ɩ́ kɑ́ lɑ yʋlʋkʋlɑɑ mpɑ pǝ yʋkǝnɑɑ tɔ pɑ kpʋlʋɣʋ tǝtʋlɛ tɔ. 
\v 12 Nɑ pɛlɛ pɑ yǝlɑɑ ɩ tɑɑ lɛɛtɩ-wɛ nɑ pɑ́ tɑ́ hʋʋtɑ pɑ tɔm. 
\v 13 Acɑlɛɛ nɑɑtoso kɛ ɩ́ kɑ́ lǝsɩ. 
\v 14 Tooso nɑ Yɑɑtɑnɩ ilim tǝlɩɩlɛ tɔɔ, nɑ tooso kɛ Kɑnɑɑŋ tɛtʋ tɑɑ. 
\v 15 Ye Ɩsɛɣɛlɩ tʋ yɑɑ cɑɣɑlʋ kɛ pǝ yʋkǝnɑɑ nɑ ɩ́ kʋ́ yʋlʋ, ɩlɛ pʋntʋ se nɑ ɩ́ polo ɑ tɑɑ nɑtǝlɩ tǝ tɑɑ, nɑ ɩ́ tʋ́ kpʋlʋɣʋ.
\p
\v 16-18 Ye nɔɣɔlʋ mɑpɑ ɩ tɔɣɔntǝlɛ kɛ nyǝɣǝlʋɣʋ yɑɑ kpɑ́tʋ́ɣʋ́, yɑɑ ɩ yɑɣɑ-ɩ pǝlɛ nɑ ɩ́ sɩ. Ɩ kɛ́ yʋlʋkʋlʋ kɛ́, pǝ wɛɛ sɩ pɑ́ kʋ-ɩ. 
\v 19 Sǝtʋ yʋlʋ siɣisiɣi kɑ́ pɛɛkǝnɑ kʋlʋ nɑ ɩ́ lɛɛtɩ-ɩ. 
\v 20-21 Ye kʋlʋ kɑ tɔkǝnɑ-ɩ nɑ nɑtǝlɩ kɛ ɩ tɑɑ, yɑɑ pɑ wɛnɑ tǝmɑ nɑ koluŋɑ, ɩlɛnɑ ɩ́ mɑpɩ-ɩ ŋkumle, yɑɑ ɩ́ tusi-ɩ, yɑɑ ɩ́ yɑɣɑ-ɩ pʋlʋ nɑ ɩ́ sɩ́. Ɩ kɛ́ yʋlʋkʋlʋ kɛ́, pǝ wɛɛ sɩ lɛɛtǝlʋ ɩ́ hikɑ-ɩ ɩ́ kʋ-ɩ.
\p
\v 22-23 Ntɑnyɩ pǝ yʋkǝɣǝnɑ yʋlʋ nɑ ɩ́ tusi lɛlʋ, yɑɑ pǝlɛ, yɑɑ pʋlʋ fiti ɩ niŋ tɑɑ nɑ pǝ́ yɑɣɑ-ɩ. Pǝ́cɔ́ pɑ tɑɑ yoo, yɑɑ ɩ tɔkɑ-ɩ nɑ ɩ tɑɑ. 
\v 24 Ɩlɛ hʋʋlɑɑ kɑ tǝŋ pǝ kʋsǝsɩɩtʋ kɛ́, nɑ pɑ́ hʋʋ pɑ tɔm ntɩ. 
\v 25 Nɑ pɑ́ kenti kʋlʋ tɔɔ nɑ pɑ́ mǝŋnɑ-ɩ ɩ kpǝlʋɣʋ tǝtʋlɛ, nɑ ɩ́ sɑɑlɩ tǝnɑ.
\p Hɑlǝnɑ kɔtʋlʋ sɔsɔ wei ɩ lɑkɩ tǝmlɛ kɛ wɑɑtʋ ɩnɩ tɔ ɩ sǝm. 
\v 26 Amɑ ye ɩ lɩɩwɑ ɩcɑtɛ ntɛ tǝ tɑɑ nɑ ɩ́ tɛsɩ tǝ toŋɑ 
\v 27 nɑ lɛɛtʋlʋ hiki-ɩ, ɩ́ nɔkɑɑ ɩ kʋɣʋ-ɩ kɛ́ nɑ ɩ tɔm tɑ sɩ. 
\v 28 Pǝ nyʋɣʋ ntɛ́ sɩ kʋlʋ ɩ cɑɣɑ kpʋlʋɣʋ tǝtʋlɛ tǝnɑ, hɑlǝnɑ kɔtʋlʋ sɔsɔ sǝm. Pǝlɛ pǝ wɑɑlɩ kɛ́ ɩ pǝsǝɣɩ nɑ ɩ́ lɩɩ nɑ ɩ́ mǝlɩ ɩ tɛ.
\p
\v 29 Pɑɑ leɣe ɩ́ wɛɛ, yɑɑsi ɩnǝɣɩ mǝnɑ mǝ piyɑ piyɑ ɩ́ kɑ́ tɔkɩ.
\p
\v 30 Ɩ́ kɑɑ mʋ yʋlʋ kʋlʋm ɑseetɑ nɑ ɩ́ kʋnɑ yʋlʋkʋlʋ tɔm. Pǝ wɛɛ sɩ pɑ́ tɑlɑ nɑɑlɛ. 
\v 31 Pǝ fɛɩ sɩ ɩ́ mʋ kʋhɑʋ nɑ ɩ́ yele yʋlʋkʋlʋ kɛ kʋɣʋ. Pǝ wɛɛ sɩ ɩ́ kʋ-ɩ kɛ́. 
\v 32 Pǝ fɛɩ tɔtɔ sɩ ɩ́ mʋ kʋhɑʋ nɑ ɩ́ tʋ́ yʋlʋkʋlʋ kɛ kpʋlʋɣʋ tǝtʋlɛ nɑ kɔtʋlʋ sɔsɔ sɩ́, ɩlɛnɑ ɩ́ mǝlǝnɑ-ɩ ɩ tɛ.
\p
\v 33 Yʋlʋkʋlɛ pilisiɣi tɛtʋ kɛ́. Ɩlɛ pǝ fɛɩ sɩ ɩ́ pilisi tɛtʋ nti tǝ tɑɑ ɩ́ wɛɛ tɔ. Ye yʋlʋ kʋwɑ ɩ tɔɣɔntǝlɛ, pǝ wɛɛ sɩ pɑ́ kʋ́ ɩnǝɣɩ nɑ pǝ́cɔ́ pǝ́ kpiisi pǝ ɑsilimɑ. 
\v 34 Pǝ fɛɩ sɩ ɩ́ pilisi mǝ tɛtʋ. Mpi tɔ, Tɑcɑɑ mɑ́, mɑ wɛ mǝ hɛkʋ kɛ́.
\c 36
\s1 Pɛɛlɑɑ mpɑ pɑ tɔkɩ pɑ nyǝmɑ kpɑncoou tɔ pɑ tɔm
\p
\v 1 Ḿpʋ́ɣʋ́ Yosɛɛfʋ pǝyɑlʋ Mɑnɑsee, nɑ Mɑnɑsee pǝyɑlʋ Mɑkii, nɑ Mɑkii pǝyɑlʋ Kɑlɑɑtɩ lʋlʋɣʋ nyɔɔŋ nyǝ́mɑ polɑ Moisi nɑ Ɩsɛɣɛlɩ kpekɑ nyɔɔŋ nyǝ́mɑ kiŋ 
\v 2 nɑ pɑ́ tɔ sɩ: Wɑɑtʋ wei Tɑcɑɑ tʋwɑ Moisi sɩ ɩ́ tɔ tɛtɛ nɑ ɩ́ tɑlɑ Ɩsɛɣɛlɩ nyǝ́mɑ kɛ tɛtʋ tɔ, ɩ sɩɩwɑ tɔtɔ sɩ, ɩ́ cɛlɑ tɑ́ tɛɛtʋ Selofɑtɩ tɛtʋ kɛ ɩ pɛɛlɑɑ. 
\v 3 Amɑ ye pɑ sɑɑwɑ kpekǝle lɛntɛ tɑɑ, pɑ tɛtʋ pɑsǝɣɩ tɑ́ kpekǝle nyǝntʋ tɔɔ kɛ́ nɑ pǝ́ sɔɔsɩ lɛntɩ tɔɔ. 
\v 4 Nɑ pǝ́ kɔmɑ nɑ pǝ́ tɑlɑ cɛpʋ pǝnɑɣɑ, pɑ nyǝntʋ lɩɩ tǝkpɑtɑɑ kɛ́ tɑ́ kpekǝle tɔɔ nɑ pǝ́ sɔɔsɩ pɑ nyǝntɛ kʋfɑtɛ tɔɔ.
\p
\v 5 Mpʋɣʋlɛ Tɑcɑɑ heelɑ Moisi sɩ: Tɛlǝsɩ Ɩsɛɣɛlɩ nyǝ́mɑ sɩ Yosɛɛfʋ lʋlʋɣʋ nyǝ́mɑ wɛnɑ tɑmpɑnɑ. 
\v 6 Ye pɑ sɔɔlɑ wei pɑ sɑɑ-ɩ. Amɑ pɩɩ wɛɛ pɑ kpekǝle tɑɑ tʋ́ kɛ́. 
\v 7-9 Ɩlɛ pɑɑ kpekǝle nte tǝ tɛtʋ kɑ́ cɑɣɑ tǝ tǝcɑɣɑlɛ, tǝ kɑɑ sɔɔsɩ lɛntɛ nyǝntʋ tɔɔ. Mpʋ tɔtɔɣɔ ye kpekǝle nɑtǝlɩ tǝ ɑlʋ nɔɣɔlʋ ɩ wɛnɑ tɛtʋ pǝ wɛɛ sɩ ɩ́ sɑɑ ɩ cɑɑ kpekǝle lʋlʋɣʋ tʋ kɛ́.
\p
\v 10-11 Ḿpʋ́ɣʋ́ Selofɑtɩ pɛɛlɑɑ Mɑlɑ nɑ Tiisɑ nɑ Hokǝlɑ nɑ Milikɑ nɑ Nowɑ pɑ sɑɑwɑ pɑ cɑɑ tɑɑlʋnɑɑ pǝyɑlɑɑ kɛ pɑ kpekǝle tɑɑ, ɩsɩɩ Tɑcɑɑ kɑ kɛɛsʋɣʋ Moisi tɔ. 
\v 12 Yosɛɛfʋ pǝyɑlʋ Mɑnɑsee lʋlʋɣʋ nyǝ́mɑ ntɛ́. Ɩlɛnɑ pɑ tɛtʋnɑɑ nti pɑ hikɑɑ tɔ tǝ́ sɑɑlɩ pɑ cɑɑ kpekǝle tɑɑ.
\p
\v 13 Kiiŋ nɑ kʋsǝsɩɩtʋ nti Tɑcɑɑ tɛlǝsɑ Ɩsɛɣɛlɩ nyǝ́mɑ, nɑ Moisi nɔɣɔ kɛ Mowɑpʋ tɛtɛkǝlɛ tɑɑ, kɛ́ Yɑɑtɑnɩ nɔɣɔ kɛ Yeliko ɩsɛntɑɑ tɔɣɔlɛ.