\id NEH - Lokpa Bible portions [dop] -Benin 1999 (web edition -2017)
\ide UTF-8
\h Nehemii
\toc1 NEHEMII TƆM TAKƎLAƔA
\toc2 Nehemii
\toc3 Neh
\mt1 NEHEMII
\mt2 TƆM TAKƎLAƔA
\imt1 Kʋtʋlʋtʋ
\ip Nehemii kɑ kɛ́ Pɛɛsɩ wulɑʋ Atɑkǝsɛsɛɛ kɑwulɑɣɑ tɑɑ ɑkewe sɔsɔ kɛ́. Ɩlɛnɑ wulɑʋ hɑ-ɩ mpɑɑʋ sɩ ɩ́ polo Yosɑlɛm nɑ ɩ́ pɑɑsǝnɑ tɛtʋ tɔkʋɣʋ tɔm. Ɩ́ nɑ kɔtʋlʋ Ɩsǝtǝlɑsɩ pɑ lɑpǝnɑ nɔɣɔ kʋlʋmɑɣɑ kɛ tɛtʋ tɔkʋɣʋ tǝmlɛ tɑɑ.
\ip Pǝ wɑɑlɩ ɩlɛnɑ Nehemii lɑɣɑsɩ Ɩsɔ sɛɛʋ kɛ timpi timpi pǝ tɑɑ tǝŋ tɔ.
\iot Ɩsǝnɑ pɑ fɑɣɑ Nehemii tɑkǝlɑɣɑ tɔ:
\io1 Nehemii mǝlʋɣʋ kɛ Yosɑlɛm, titite \ior 1:1–2:20\ior*
\io1 Pɑ tɑɣɑnɑ Yosɑlɛm koloosi ŋmɑʋ, titite \ior 3:1–7:72\ior*
\io1 Pɑ kɑlɑ Ɩsɔ Tɔm tɑkǝlɑɣɑ, titite \ior 8:1–10:40\ior*
\io1 Nehemii tǝmɑ lɛnnɑ, titite \ior 11:1–13:31\ior*
\c 1
\p
\v 1 Hɑkɑliyɑ pǝyɑlʋ Nehemii tɔm ntɔ.
\s1 Nehemii nɩɩwɑ Yosɑlɛm tɔm
\p Wulɑʋ Atɑkǝsɛsɛɛ kɑwulɑɣɑ pǝnɑɣɑ hiu nyǝŋkɑ kɛ pɑ ɩsɔtʋ wei pɑ yɑɑ sɩ Kisileu tɔ ɩ tɑɑ, Nehemii mɑ́, mɑɑ wɛ Susi ɩcɑtɛ sɔsɔɔlɛ tɑɑ. 
\v 2 Mɑ tɛɛtʋ lɛlʋ Hɑnɑni nɑ lɛlɑɑ pɑ lɩɩnɑ Yutɑ nɑ mɑ́ pɔɔsɩ-wɛɣɛ Hepǝlɑ nyǝ́mɑ mpɑ pɑ lɩɩnɑ Pɑpiloni tɔ, nɑ Yosɑlɛm pɑ tɔm. 
\v 3 Ḿpʋ́ɣʋ́ pɑ cɔ-m sɩ: Hepǝlɑ sɔsɑɑ mpɑ pɑ lɩɩnɑ Pɑpiloni tɔ, pɑ cɑɣɑ Yutɑ. Amɑ wɑhɑlɑ nɑ kʋnyɔŋ tɑɑ kɛ́ pɑ wɛɛ. Yosɑlɛm ɩcɑtɛ tɔm ɩlɛ, tǝ koloosi yɑ́ pɔɣɔlɛɛ kɛ́, nɑ kɔkɔ nɑ́ɑ́ nyɑɣɑ ɩcɑtɛ kɑmpʋnɑɑ.
\s1 Nehemii sǝlǝmʋɣʋ kɛ Yutɑ nyǝ́mɑ tɔɔ
\p
\v 4 Wɑɑtʋ wei mɑ nɩɩ tɔm ntɩ, ɩlɛnɑ mɑ lɑŋlɛ wɑkǝlɩ kʋyɛɛŋ pɑɣɑlɛ, nɑ mɑ́ wiiki, nɑ mɑ́ hɔkǝɣɩ nɔɣɔ. Ɩlɛnɑ mɑ́ sǝlǝmɩ ɩsɔtɑɑ Ɩsɔ sɩ: 
\v 5 Hɑɩ, ɩsɔtɑɑ Ɩsɔ sɔsɔ, wei nyɑ́ pɑ nyɑŋnɑ tɔ. N lɑkɩ ɩsǝnɑ n sɩɩ nyɑ́ nɔɣɔ tɔɣɔ nyɑ́ kʋsǝsɩɩtʋ tɔkǝlɑɑ kɛ́. Pǝ́cɔ́ nn lɩɩkɩ nyɑ́ sɔɔllɑɑ wɑɑlɩ. 
\v 6 Hɑɩ, kɛɛsɩ ɩsɛ nɑ tɑ́ tɔɔ, nɑ ń ké nyɑ́ ŋkpɑŋŋ nɑ ń nɩɩ nti nyɑ́ tǝmlɛ tʋ mɑ́, mɑ sǝlǝmǝɣɩ-ŋ tɔ. Mɑ sǝlǝmǝɣɩ-ŋ ilim nɑ ɑhoo kɛ nyɑ́ yǝlɑɑ Ɩsɛɣɛlɩ nyǝ́mɑ tɑ́, tɑ́ tɔɔ sɩ, ń tɑɣɑnɩ tɑ́ ɩsɑɣɑtʋ. Mɑ́ nɑ mɑ cɔsɔnɑɑ tǝ wɑkǝlǝnɑ-ŋ kɛ́. 
\v 7 Tǝ kisɑ nyɑ́ kʋsǝsɩɩtʋ nɑ kiiŋ wei n cɛlɑ nyɑ́ tǝmlɛ tʋ Moisi nɑ ɩ́ tɛlǝsɩ-tʋ tɔ. 
\v 8 Tɔɔsɩ nti n kɑ heelɑ Moisi nɑ ɩ́ kɛɛsɩ-tʋ tɔ sɩ: Ye ɩ́ tɑ́ nɩɩnɑ-m, mɑɑ yɑsɩ-mɛɣɛ piitim kpɑɩ nyǝm tɑɑ. 
\v 9 Amɑ ye ɩ́ pǝsǝnɑ lɑɑkɑlɩ kɛ tǝnɑ, nɑ ɩ́ tɔkɩ mɑ kʋsǝsɩɩtʋ, nɑ ɩ́ lɑkɩ-tɩ. Pɑɑ pǝ ponɑ-mɛɣɛ tɛtʋ tǝnɑɣɑ, mɑ́ɑ́ kɔnɑ-mɛɣɛ lonte nte mɑ lǝsɑɑ sɩ mɑ́ɑ́ cɑɣɑ tǝ tɑɑ tɔ. 
\v 10 Tɑcɑɑ, tǝ kɛ́ nyɑ́ yǝlɑɑ nɑ nyɑ́ tǝmlɛ nyǝ́mɑ kɛ́. Tɑɣɑ n yɑpǝnɑ nyɑ́ toŋ nɑ nyɑ́ kǝlʋɣʋ sɔsɔɔʋ. 
\v 11 Mɑ wiikinɑ-ŋ sɩ, ń nɩɩ sǝlǝmʋɣʋ ŋku mɑ́ nɑ nyɑ́ nyǝ́mɑ lɛlɑɑ tǝ kʋsǝɣǝnɑ nyɑ́ nyʋɣʋ nɑ lɑŋhʋlʋmlɛ tɔ. Lɑ nɑ wulɑʋ cɔ-m kʋpɑntʋ nɑ mɑ́ wɑɑ mɑ tǝmlɛ tɑɑ.
\p Wɑɑtʋ ɩnɩ ɩ tɑɑ, mɑɑ kɛ́ wulɑʋ kʋnyɔnyɔɔm pɑɑsǝnlʋ.
\c 2
\s1 Wulɑʋ hɑ Nehemii kɛ mpɑɑʋ sɩ ɩ́ mǝlɩ Yosɑlɛm
\p
\v 1 Ḿpʋ́ɣʋ́ wulɑʋ sɔsɔ Atɑkǝsɛsɛɛ kɑwulɑɣɑ pǝnɑɣɑ hiu nyǝŋkɑ kɛ pɑ ɩsɔtʋ Nisɑŋ kʋyɑkʋ nɑkʋlɩ wulɑʋ cɑɣɑ tɔɣɔʋ, nɑ mɑ́ tʋɣʋ-ɩ sʋlʋm. Mɑ lɑŋlɛ kɑ wɑkǝlɑɑ kɛ́. Pǝ́cɔ́ ɩ tɑ nɑtɑ-m mpʋ. 
\v 2 Ntɛnɑ ɩ́ pɔɔsɩ-m sɩ: Pepe wɑkǝlɑ nyɑ́ lɑŋlɛ? Anɩ pɩɩ wɩɩkɩ-ŋ. Pepe nǝɣǝsɛɛ kʋɣʋnɑ-ŋ?
\p Tǝnɑɣɑlɛ sɔɣɔntʋ ɑnɑɑm kpɑ-m. 
\v 3 Ɩlɛnɑ mɑ́ cɔ-ɩ sɩ: Hɑɩ, tɑ cɑɑ wulɑʋ, mǝnɑ tɛtʋ. Tɑ ɩcɑtɛ nte tǝ tɑɑ pɑ pimɑ mɑ cɔsɔnɑɑ tɔ, tǝ pǝsɑ ncɑɑlɛ. Tǝ kɑmpʋnɑɑ nyɑɣɑ kɔkɔ. Ɩlɛ ɩsǝnɑɣɑ mɑ lɑŋlɛ kɑɑ wɑkǝlɩ? 
\v 4 Ḿpʋ́ɣʋ́ wulɑʋ pɔɔsɑ-m sɩ: Pepeɣe n cɑɑ sɩ mɑ́ lɑ-ŋ?
\p Tǝnɑɣɑ mɑ sǝlǝmɑ ɩsɔtɑɑ Ɩsɔ kɛ́ kpɑkpɑɑ. 
\v 5 Ɩlɛnɑ mɑ́ cɔ wulɑʋ sɩ: Hɑɩ, tɑ́ cɑɑ, lɑ suulu nɑ ń hɑ nyɑ́ tǝmlɛ tʋ mɑɣɑ nɔɣɔ, nɑ mɑ́ mǝlɩ Yutɑ tɛtʋ ɩcɑtɛ tɑɑ timpi pɑ pimɑ mɑ cɔsɔnɑɑ tɔ, nɑ mɑ́ tɑɣɑnɩ-tɛɣɛ ŋmɑʋ.
\p
\v 6 Ḿpʋ́ɣʋ́ ɩ pɔɔsɑ-m sɩ: Kʋyɛɛŋ ɩsǝnɑɣɑ n kɑ́ tɔ nyɑ́ mpɑɑʋ? Nɑ sɑɑ wei kɛ́ n kɑ́ mǝlɩ?
\p Ɩlɛnɑ mɑ́ heeli-ɩ mɑ kʋyɑkʋ kʋmǝlʋɣʋ, nɑ ɩ́ hɑ-m mpɑɑʋ sɩ mɑ́ tɛɛ. 
\v 7 Nɑ mɑ́ tɑsɑ sɩ: Hɑɩ, tɑ cɑɑ, ŋmɑɑ Ɩfǝlɑtɩ pɔɣɔ ilim tǝtʋlɛ tɔɔ nyʋɣʋ nyǝ́mɑ kɛ tɑkǝlɑsɩ, nɑ pɑ́ hɑ-m mpɑɑʋ nɑ mɑ́ polo Yutɑ. 
\v 8 Nɑ pɑ́ ŋmɑɑ tɔtɔɣɔ kɑwulɑɣɑ hɔtʋŋ nyʋɣʋ tʋ Asɑfɩ, nɑ ɩ́ cɑɑ-m kpeŋkpelɑsɩ nsi mɑɑ lɑ́nɑ́ koluŋɑ kutuluɣu ŋku kʋ wɛ Ɩsɔ tǝsɛɛlɛ kiŋ tɔ kʋ kɑmpʋnɑɑ, nɑ ɩcɑtɛ koluŋɑ, nɑ mɑ kutuluɣu kʋhǝntʋɣʋ.
\p Ḿpʋ́ɣʋ́ wulɑʋ lɑpɑ-m tɑkǝlɑsɩ nsɩ. Mpi tɔ, Tɑcɑɑ kɑ wɛ mɑ wɑɑlɩ kɛ́. 
\v 9 Nɑ mɑ́ polo nɑ mɑ́ cɛlɑ Ɩfǝlɑtɩ pɔɣɔ ilim tǝtʋlɛ tɔɔ nyʋɣʋ nyǝ́mɑ kɛ tɑkǝlɑsɩ nsɩ. Mɑ wɑɑlɩ kɛ́ yoolɑɑ nyʋɣʋ nyǝ́mɑ, nɑ kpɑɣɑnǝŋ cɑɣɑlɑɑ mpɑ ɩ kɑ cɛlɑ-m tɔ. 
\v 10 Wɑɑtʋ wei Holoŋ tʋ Sɑnǝpɑlɑ nɑ ɩ wɑɑlɩ tʋ Amoni tʋ Topiyɑ pɑ nɩɩ mɑ kɔntɛ, ɩlɛ pɑ lɑŋɑ tɑ hɛɛ pɑɑ pǝcɔ. Mpi pǝ tɔɔ nɔɣɔlʋ kɔŋ sɩ ɩ́ pɑɑsǝnɑ Ɩsɛɣɛlɩ nyǝ́mɑ nɑ pǝ́ cɑɣɑnɑ-wɛ tɔ.
\s1 Nehemii cɔɔʋ kɛ ɩcɑtɛ koloosi
\p
\v 11 Mɑ tɑlɑ Yosɑlɛm, ɩlɛnɑ mɑ́ cɑɣɑ kʋyɛɛŋ tooso tǝpɑmm. 
\v 12 Mɑ tɑ heeli nɔɣɔlʋɣʋ mpi Ɩsɔ tʋ-m sɩ mɑ́ lɑ ɩcɑtɛ tɑɑ tɔ. Pǝ wɑɑlɩ kɛ́ mɑ tʋ mpɑɑʋ kɛ ɑhoo, nɑ mɑ wɑɑlǝɣɩ nɑpǝlǝɣɩ pǝcɔ. Mɑ tɑ kpɛnnɑ tɔtɛ nɑtǝlɩ. Ye pǝ tɑɣɑ kpɑŋɑɣɑ ŋkɑ mɑɑ cɑɣɑɑ tɔ. 
\v 13 Ahoo hɛkɑ kɛ mɑ lɩ́ɩ́ ɩcɑtɛ tɑɑ, nɑ Tɛtɛkǝlɛ nɔnɔɣɔ, nɑ mɑ́ polo Tʋm sɔsɔ hite, nɑ Hute nɔnɔɣɔ pǝ kiŋ. Nɑ mɑ́ wiili Yosɑlɛm koluŋɑ kɛ teu, nɑ mɑ́ nɑ́ sɩ kɑ yɑ́ pɔɣɔlɛɛ. Pǝ́cɔ́ kɔkɔ nɑ́ nyɑɣɑ kɑ kɑmpʋnɑɑ. 
\v 14 Ɩlɛnɑ mɑ́ mǝlǝnɑ Hite nɔnɔɣɔ nɑ wulɑʋ lɩɩlɛ pǝ kiŋ. Amɑ mɑ kpɑŋɑɣɑ ŋkɑ kɑ tɔɔ mɑɑ cɑɣɑɑ tɔ, kɑ tɑ hiki mpɑɑʋ sɩ kɑ́ tɛɛ. 
\v 15 Ahoo ɑnǝɣɩ mɑ tɛsɑ Setǝlɔŋ lɔɔʋ nɑ mɑ́ nyǝnǝɣɩ koloosi. Ɩlɛnɑ mɑ́ mǝlɩ nɑ mɑ́ sʋʋnɑ Tɛtɛkǝlɛ nɔnɔɣɔ.
\p
\v 16 Mpʋ tɔ, ɩcɑtɛ sɔsɑɑ tɑ nyɩ timpi mɑ polɑɑ tɔ, yɑɑ mpi mɑ lɑpɑ tɔ. Pǝ tɑɣɑ pʋlʋ, mɑ tɑɑ heeli Yutɑ nyǝ́mɑ, yɑɑ kɔtǝlɑɑ, yɑɑ ɩcɑtɛ sɔsɑɑ, yɑɑ hʋʋlɑɑ, yɑɑ tǝmɑ nyʋɣʋ nyǝ́mɑ nɑpǝlǝɣɩ nɑtǝlɩ. 
\v 17 Amɑ mɑ tɔmɑ-wɛɣɛ sɩ: Ɩ́ nɑwɑ wɑhɑlɑ wei ɩ tɑɑ tǝ wɛɛ tɔ. Yosɑlɛm pǝsɑ ncɑɑlɛ, nɑ ɩ nɔnɔɔsɩ nyɑɣɑ kɔkɔ. Ɩ́ kɔɔ tǝ́ tɑɣɑnɩ Yosɑlɛm koloŋɑ ŋmɑʋ nɑ tɑ́ fɛɛlɛ yɑ́.
\p
\v 18 Ḿpʋ́ɣʋ́ mɑ kɛɛsɑ-wɛɣɛ ɩsǝnɑ mɑ Ɩsɔ wɑɑsɑ-m nɑ nti wulɑʋ sɔsɔ nɑ́ heelɑ-m tɔ. Ntɛnɑ pɑ́ mɑ́ kɑpusi kɛ kpɑkpɑɑ sɩ: Tǝ́ sʋʋ tǝmlɛ tɑɑ, tǝ́ ŋmɑ́ ɩcɑtɛ.
\p Kɛlɛnɑ pɑ́ tɑɣɑnɩ pɑ tɩ nɑ ɑpɑlʋtʋ sɩ pɑ́ lɑkɩ tǝmlɛ kʋpɑntɛ ńtɛ́. 
\v 19 Amɑ wɑɑtʋ wei Sɑnǝpɑlɑ nɑ Topiyɑ nɑ Lɑɑlupu Kesɛm pɑ nɩ́ɩ́ mpʋ, ɩlɛnɑ pɑ́ sʋʋ-tʋɣʋ woŋɑ nɑ pɑ́ footiɣi-tʋ nɑ pɑ́ pɔɔsǝɣɩ-tʋ sɩ: Pepeɣe ɩ́ lɑkɩ tǝnɑ? Ɩ́ cɑɑ ɩ́ kʋlǝɣɩ wulɑʋ tɔɔ kɛlɛ yɛɛ?
\p
\v 20 Ntɛnɑ mɑ́ cɔ-wɛ sɩ: Ɩsɔtɑɑ Ɩsɔ mɑɣɑmɑɣɑ kɑ́ hɑnɑ-tʋɣʋ pǝ toŋ. Ɩ tǝmlɛ nyǝ́mɑ tɑ́ tɑɑ niki ɩcɑtɛ ŋmɑʋ kɛ́. Amɑ mǝ fɛɩnɑ mpɑɑʋ sɩ ɩ́ wɛɛnɑ pʋlʋɣʋ ɩcɑtɛ tɑɑ, yɑɑ ɩ́ wɛɛnɑ toŋ nɩɩlǝɣɩ tǝ tɔɔ. Mǝ tɑɑ nɔɣɔlʋ fɛɩnɑ tǝ tɑɑ kɛ́ mpi pɑɑ yɑɑkǝnɑ ɩ hǝtɛ tɔ.
\c 3
\s1 Yutɑ nyǝ́mɑ tɑɣɑnǝɣɩ ŋmɑʋ kɛ Yosɑlɛm koloosi
\p
\v 1 Ḿpʋ́ɣʋ́ kɔtʋlʋ sɔsɔ Ɩliyɑsipɩ, nɑ ɩ tɑɑpɑlɑɑ kɔtǝlɑɑ lɛlɑɑ pɑ sʋʋ tǝmlɛ, nɑ pɑ́ kpɛntɩ nɑ pɑ́ ŋmɑ́ heeŋ nɔnɔɣɔ. Pɑ tɛmɑ-kɛɣɛ fɛɛnʋɣʋ, ɩlɛnɑ pɑ́ tʋ́ kɑ kɑmpʋnɑɑ. Nɑ pɑ́ tɑɣɑnɩ nɑ pɑ́ cɔɔ nɑ pɑ́ tɑlɑ Meyɑ ɑtɛ nɑ ɩsɔ kutuluɣu, hɑlǝnɑ Hɑnɑneyɛɛlɩ nyǝŋkʋ. 
\v 2 Pɑ kɔŋkɔŋ tɑɑ kɛ́ Yeliko nyǝ́mɑ nɑ́ lɑkɑɣɑ tǝmlɛ. Pɑ wɑɑlɩ kɛ́ Imili pǝyɑlʋ Sɑkuu. 
\v 3 Ḿpʋ́ɣʋ́ Senɑɑ nyǝ́mɑ nɑ́ ŋmɑwɑ Tiinɑ nɔnɔɣɔ. Pɑ tʋ kɑmpʋ kpɑtǝŋ ɩlɛnɑ pɑ́ tʋ kɑmpʋ pee, nɑ pǝ kʋkɑlǝsǝŋ. 
\v 4 Mpɑ pɑ lɑkɑɣɑ tǝmlɛ kɛ pɑ kɔŋkɔŋ tɑɑ tɔɣɔlɛ Uliyɑ pǝyɑlʋ Melemɔtɩ. Hɑkɔɔsɩ sɑɑlɩ kɛlɛ. Pɑ wɑɑlɩ kɛ́ Pelekiyɑ pǝyɑlʋ Mesulɑm. Mesesɑpɛlɩ sɑɑlɩ kɛlɛ. Pɛlɛ pɑ wɑɑlɩ kɛ́ Pɑɑnɑ pǝyɑlʋ Sɑtɔkɩ. 
\v 5 Pɛlɛ pɑ wɑɑlɩ kɛ́ Tɛkʋwɑ nyǝ́mɑ mpɑ pɑ sɔsɑɑ kisɑɑ sɩ mɑ́ tɑɑ kɔmtɩ-wɛ tɔ, pɛlɛ pɑ kɔmɑ.
\p
\v 6 Ḿpʋ́ɣʋ́ Pɑɑseyɑ pǝyɑlʋ Yoyɑtɑ, nɑ Pesotiyɑ pǝyɑlʋ Mesulɑm pɑ ŋmɑwɑ Yesɑnɑ nɔnɔɣɔ. Pɑ tʋ kɑmpʋ kpɑtǝŋ ɩlɛnɑ pɑ́ tʋ́ kɑmpʋ pee nɑ pǝ kʋkɑlǝsǝŋ. 
\v 7 Mpɑ pɑ lɑkɑɣɑ pɑ kɔŋkɔŋ tɑɑ kɛ́ tǝmlɛ tɔɣɔlɛ Kɑpɑwɔŋ tʋ Melɑtiyɑ, nɑ Melonotɩ tʋ Yɑtɔŋ, nɑ Kɑpɑwɔŋ nɑ Misipɑ pǝ nyǝ́mɑ lɛlɑɑ. Ɩfǝlɑtɩ pɔɣɔ wɑɑlɩ nyʋɣʋ tʋ yǝlɑɑ ntɛ́. 
\v 8 Hɑlɑyɑ pǝyɑlʋ koolu Usiyɛlɩ kɑ wɛnnɑ pǝ lɔlɔ. Pɑ wɑɑlɩ kɛ́ tulɑɑlʋ lɑtʋ Hɑnɑniyɑ. Wɑɑtʋ wei pɑ tɑlɑ timpi koluŋɑ kǝlɑ wɑŋ tɔ, sɑɑ ɩnǝɣǝlɛ pɑ tɛmɑ pɑ tǝmlɛ kɛ Yosɑlɛm tɑɑ. 
\v 9 Pɑ kɔŋkɔŋ tɑɑ kɛ́ Huuu pǝyɑlʋ Lefɑyɑ wei ɩ kɛ́ Yosɑlɛm hɔɣɔlʋɣʋ lɛŋkʋ nyʋɣʋ tʋ tɔ ɩ lɑkɑɣɑ tǝmlɛ. 
\v 10 Pɛlɛ pɑ wɑɑlɩ kɛ́ Hɑlumɑfɩ pǝyɑlʋ Yetɑyɑ nɑ́ pɑɑsɑɣɑnɑ ɩ tǝyɑɣɑ ɩsɛntɑɑ hɔɣɔlʋɣʋ. Ɩlɛnɑ Hɑsɑpǝneyɑ pǝyɑlʋ Hɑtusi nɑ́ɑ́ tǝŋ kpɑkpɑɑ. 
\v 11 Hɑlim pǝyɑlʋ Mɑlǝkiyɑ, nɑ Pɑhɑtɩ-Mowɑpʋ pǝyɑlʋ Hɑsupɩ, pɛlɛ pɑ lɑkɑɣɑnɑ ntɛɣɛ tǝmlɛ kɛ Mǝsɑsɩ ɑtɛ nɑ ɩsɔ kutuluɣu hɔɣɔlʋɣʋ tɑɑ. 
\v 12 Pɑ kɔŋkɔŋ tɑɑ kɛ́ Hɑlohɛsɩ pǝyɑlʋ Sɑlum wei ɩ kɛ́ Yosɑlɛm hɔɣɔlʋɣʋ lɛŋkʋ nyʋɣʋ tʋ tɔ, ɩ nɑ ɩ pɛɛlɑɑ pɑ lɑkɑɣɑ pɑ nyǝntɛ. 
\v 13 Ḿpʋ́ɣʋ́ Hɑnuŋ nɑ Sɑnʋwɑ ɩcɑtɛ nyǝ́mɑ pɑ́ ŋmɑ́ tɛtɛkǝlɛ nɔnɔɣɔ. Pɑ tɛmɑ, ɩlɛnɑ pɑ́ tʋ́ kɑmpʋnɑɑ nɑ kʋkɑlǝsǝŋ. Nɑ pɑ́ tɑɣɑnɩ koluŋɑ kɛ hɑlɩ mɛɛtǝlǝnɑɑ nɑsǝlɛ nɑ nɩɩnʋwɑ (500), nɑ pɑ́ tɑlɑ Hute nɔnɔɣɔ. 
\v 14 Lekɑpii pǝyɑlʋ Mɑlǝkiyɑ wei ɩ kɛ́ Pɛtɩ-Kelem hɔɣɔlʋɣʋ nyʋɣʋ tʋ tɔ, ɩnɩ ɩ ŋmɑnɑ Hute nɔnɔɣɔ. Ɩ tɛmɑ, ɩlɛnɑ ɩ́ tʋ́ kɑmpʋnɑɑ nɑ pǝ kʋkɑlǝsǝŋ.
\p
\v 15 Kɔlɩ-Hose pǝyɑlʋ Sɑluŋ wei ɩ kɛ́ Misipɑ hɔɣɔlʋɣʋ nyʋɣʋ tʋ tɔ, ɩnɩ ɩ ŋmɑnɑ Hite nɔnɔɣɔ. Ɩ tɛmɑ nɑ ɩ́ lɔ, ɩlɛnɑ ɩ́ tʋ́ kɑmpʋnɑɑ, nɑ kʋkɑlǝsǝŋ, nɑ ɩ́ tɑɣɑnɩ Yosɑlɛm koluŋɑ kɛ pǝ kɛɛsǝnɑʋ Silowee lɩɩlɛ kiŋ tɔ, nɑ wulɑʋ tɩɩŋ tɑɑlɛ, nɑ tǝkpɑlɛ nte tǝ tiikinɑ Tɑfiiti tɛ tɔ pǝ hɛkʋ. 
\v 16 Pɑ wɑɑlɩ kɛ́ Asǝpuki pǝyɑlʋ Nehemii wei ɩ kɛ́ Pɛtɩ-Suu hɔɣɔlʋɣʋ lɛŋkʋ nyʋɣʋ tʋ tɔ, ɩ lɑkɑɣɑ tǝmlɛ kɛ Tɑfiiti pǝlɑɑŋ ɩsɛntɑɑ. Hɑlǝnɑ lɩɩlɛ nte pɑ hulɑ kuhulu tɔ, nɑ pǝ́ polo kɑwulɑɣɑ tɑŋlɑɑ tǝcɑɣɑlɛ. 
\v 17 Lefii nyǝ́mɑ lɑpǝnɑ ntɛɣɛ tǝmlɛ kɛ pǝ lɔlɔ. Pɛlɛɣɛ Pɑni pǝyɑlʋ Lehum, nɑ Hɑsɑpiyɑ wei ɩ kɛ́ Keilɑ hɔɣɔlʋɣʋ nɑ ɩ nyǝŋkʋ pǝ nyʋɣʋ tʋ tɔ. 
\v 18 Pɑ wɑɑlɩ kɛ́ Henɑtɑtɩ pǝyɑlʋ Pɑfɑyi wei ɩ kɛ́ Keilɑ hɔɣɔlʋɣʋ lɛŋkʋ nyʋɣʋ tʋ tɔ, 
\v 19 nɑ Yesuwɑ pǝyɑlʋ Ɩsɛɛ wei ɩ kɛ́ Misipɑ nyʋɣʋ tʋ tɔ. Ɩnɩ ɩ tɑɣɑnɑɣɑnɑ yoou wontu tǝsɩɩlɛ hɔɣɔlʋɣʋ kɛ timpi koluŋɑ lɑpɑ ŋkuluŋɑ tɔ. 
\v 20 Ɩ́lɛ́ ɩ kɔŋkɔŋ tɑɑ kɛ́ Sɑpɑyi pǝyɑlʋ Pɑɑluuki. Ɩnɩ ɩ lɑkɑɣɑnɑ tǝmlɛ nɑ toŋ kɛ hɔɣɔlʋɣʋ ŋku kʋ wɛ koluŋɑ ŋkuluŋɑ nɑ kɔtʋlʋ sɔsɔ Ɩliyɑsipɩ tǝyɑɣɑ pǝ hɛkʋ tɔ. 
\v 21 Pɑ wɑɑlɩ kɛ́ Uliyɑ pǝyɑlʋ Melemɔtɩ wei ɩ kɛ́ Hɑkɔɔsɩ sɑɑlɩ, nɑ ɩ́ lɑkɑɣɑ tǝmlɛ kɛ pǝ kpɑɣɑʋ Ɩliyɑsipɩ tǝyɑɣɑ nɔnɔɣɔ, hɑlǝnɑ pǝ́ sɩɩnɑ kɑ tǝnɑɣɑ tɔ.
\p
\v 22 Kɔtǝlɑɑ mpɑ pɑ lɩɩnɑ Yosɑlɛm tɔ, mpɛ pɑ lɑkɑɣɑnɑ tǝmlɛ kɛ pɑ wɑɑlɩ. 
\v 23 Pɛncɑmɛɛ nɑ Hɑsupɩ pɛlɛ pɑ tɑɣɑnɑɣɑ hɔɣɔlʋɣʋ ŋku kʋ wɛ pɑ tǝyɑɣɑ ɩsɛntɑɑ tɔ. Nɑ Mɑɑseyɑ pǝyɑlʋ Asɑliyɑ wei ɩ kɛ́ Anɑniyɑ sɑɑlɩ tɔ, ɩ́lɛ́ ɩ lɑkɩ tǝmlɛ kɛ ɩ tǝyɑɣɑ kɔŋkɔŋ tɑɑ. 
\v 24 Henɑtɑtɩ pǝyɑlʋ Pinuwi nɑ́ ŋmɑɑkɑɣɑnɑ Asɑliyɑ tǝyɑɣɑ nɑ koluŋɑ ŋkuluŋɑ pǝ hɛkʋ tɑɑ. 
\v 25 Wusɑyi pǝyɑlʋ Pɑlɑɑlɩ kɛlɛ koluŋɑ ŋkuluŋɑ, nɑ ɑtɛ nɑ ɩsɔ kutuluɣu sɔsɔɔʋ ŋku kʋ wɛ kɑwulɑɣɑ tǝyɑɣɑ ɩsɛntɑɑ tɔ, pɑ hɛkʋ kɛ yoolɑɑ tǝtɑŋlɛ kɑtɑɣɑ cɔlɔ. Pɑ wɑɑlɩ kɛ́ Pɑlosɩ pǝyɑlʋ Petɑyɑ 
\v 26 nɑ Ɩsɔ tǝsɛɛlɛ tǝmlɛ nyǝ́mɑ sǝkpemɑ mpɑ pɑ wɛ pulɑɣɑ tɑɑ tɔ, pɑ lɑkɑɣɑ tǝmlɛ kɛ pǝ kpɑɣɑʋ ɑtɛ nɑ ɩsɔ kutuluɣu tɔ, hɑlǝnɑ lʋm nɔnɔɣɔ kɛ ilim tǝlɩɩlɛ tɔɔ. 
\v 27 Tɛkʋwɑ nyǝ́mɑ nɑ́ lɑkɑɣɑ pɑ nyǝntɛ kɛ ɑtɛ nɑ ɩsɔ kutuluɣu sɔsɔɔʋ, hɑlǝnɑ pulɑɣɑ koluŋɑ pǝ ɩsɛntɑɑ.
\p
\v 28 Kɔtǝlɑɑ nɑ́ lɑkɑɣɑ pɑ nyǝntɛ kɛ kpɑɣɑnǝŋ nɔnɔɣɔ kɛ́, pɑɑ wei nɑ ɩ lonte kɛ ɩ tǝyɑɣɑ nɔnɔɣɔ. 
\v 29 Nɑ Ɩmɛɛ pǝyɑlʋ Sɑtɔkɩ nɑ́ɑ́ lɑkɩ pǝ lɔlɔ tɔtɔɣɔ ɩ tǝyɑɣɑ ɩsɛntɑɑ, nɑ pǝ́ sɔɔsǝnɑ Sekɑniyɑ pǝyɑlʋ Semɑyɑ wei ɩ tɑŋǝɣɩ ilim tǝlɩɩlɛ nɔnɔɣɔ tɔ, 
\v 30 nɑ Selemiyɑ pǝyɑlʋ Hɑnɑniyɑ nɑ Sɑlɑfɩ pǝyɑlʋ nɑɑtoso nyǝŋ Hɑnuŋ wei ɩ tɑɣɑnɑɣɑ hɔɣɔlʋɣʋ lɛŋkʋ tɔ. Ɩ́lɛ́ ɩ kɔŋkɔŋ tɑɑ kɛ́ Pelekiyɑ pǝyɑlʋ Mesulɑm. Ɩ́lɛ́ ɩ lɑkɑɣɑnɑ timpi ɩ kɑ wɛɛ tɔ pǝ ɩsɛntɑɑ. 
\v 31 Pɑ wɑɑlɩ kɛ́ koolu Mɑlǝkiyɑ, wei ɩ lɑkɑɣɑ tǝmlɛ kɛ Ɩsɔ tǝsɛɛlɛ tǝmlɛ lɑtɑɑ sǝkpemɑ nɑ tɑɑtǝlɑɑ pɑ tǝyɑɣɑ kɛ Mifikɑtɩ nɔnɔɣɔ. Hɑlǝnɑ ŋkuluŋɑ tɑɑ ɑtɛ nɑ ɩsɔ kutuluɣu ɩsɛntɑɑ. 
\v 32 Koolɑɑ lɛlɑɑ nɑ tɑɑtǝlɑɑ pɑ lɑkɑɣɑnɑ pɑ tǝmɑ kɛ pǝ kpɑɣɑʋ tǝnɑ tɔ, hɑlǝnɑ heeŋ nɔnɔɣɔ pǝ hɛkʋ tɑɑ.
\c 4
\s1 Kolontunɑɑ nyɩɩlǝɣɩ sɩ pɑ́ sǝŋsɩ tǝmlɛ
\p
\v 1 Wɑɑtʋ wei Sɑnǝpɑlɑ nɩɩwɑ sɩ Yutɑ nyǝ́mɑ tɑ́, tǝ nikɑ tɑ́ koluŋɑ ŋmɑʋ, ɩlɛnɑ ɩ́ mʋ pɑ́ɑ́nɑ́ kɛ kɑtɑtǝlɑɣɑ. Nɑ ɩ́ woŋiɣi-tʋ. 
\v 2 Nɑ ɩ́ yɔɣɔtǝɣɩ ɩ tɑɑpɑlɑɑ Sɑmɑlii yoolɑɑ kiŋ sɩ: Pepeɣe Yutɑ ɑcɑmisi nsɩ sɩ cɑɑ lɑpʋ? Pɑɑ tɛ pɑ tǝmlɛ ntɛɣɛ sɑŋɑ nɑ pɑ́ lɑ́ pɑ Ɩsɔ kɛ́ kɔtɑsɩ nɑ? Pɑɑ tɩɩ pǝsɩ nɑ pɑ́ kuli pɛɛ nnɑ kɔkɔ pimɑ tɔ nɑ pɑ́ tɑɣɑnɩ-yɛ?
\p
\v 3 Tǝnɑɣɑlɛ Amoni tʋ Topiyɑ nɑ́ cɔwɑ ɩ kɔŋkɔŋ tɑɑ sɩ: Nmɑtʋ ntiɣilɛ tǝnɑ ye? Tɑɑlɛ hɑɣɑ mɑɣɑmɑɣɑ ɩ́ ŋmɑɑnɑ pɑ pɛɛ koluŋɑ ŋkɛ kɑ tɔɔ kɑ yele tim nɑ?
\p
\v 4 Ḿpʋ́ɣʋ́ mɑ mɑpɑ kɑpukɑ sɩ, hɑɩ, Tɑcɑɑ Ɩsɔ nɩɩ ɩsǝnɑ pɑ woŋiɣi-tʋ tɔ? Mǝŋnɑ pɑ footuɣu kɛ pɑ nyɔɔŋ tɑɑ. Yele nɑ kolontunɑɑ kpɑ-wɛɣɛ yomle nɑ pɑ́ lɛɛkɩ pɑ wontu. 
\v 5 Tɑɑ wii pɑ pǝtɔɔtǝlɛ nɑ ń tɑɣɑnɩ pɑ ɩsɑɣɑtʋ. Tǝ ŋmɑɑkɩ koluŋɑ tɔɣɔ pɑ tʋʋkɩ-tʋ ɩsǝntɔ.
\p
\v 6 Ɩsǝnɑ tǝ lɑpɑ tǝmlɛ kɛ tɑ koluŋɑ ŋmɑʋ tɔm tɑɑ tɔɣɔlɛ. Hɑlɩ tǝ́ ŋmɑ́ nɑ tǝ́ cɔɔ nɑ kɑ́ kpɑ ɩsɩɩ kɑɑ wɛʋ tɔ pǝ hɛkʋ tɑɑ. Mpi tɔ, pɑɑ wei ɩ kɑ nikɑ tǝmlɛ kɛ́ nɑ lotu kʋlʋmtʋ.
\p
\v 7 Amɑ wɑɑtʋ wei Sɑnǝpɑlɑ, nɑ Topiyɑ, nɑ Lɑɑlupunɑɑ, nɑ Amoni nyǝ́mɑ, nɑ Asǝtɔtɩ nyǝ́mɑ pɑ nɩɩwɑ sɩ tǝ tɔŋɑ Yosɑlɛm koluŋɑ ŋmɑʋ nɑ pɔɣɔlɛɛ tɔŋɑ tǝkʋɣʋ, ɩlɛnɑ pɑ́ɑ́nɑ́ kpɑ-wɛɣɛ kɑtɑtǝlɑɣɑ. 
\v 8 Nɑ pɑ́ lɑ́ nɔɣɔ kʋlʋmɑɣɑ kɛ pɑ tǝnɑ sɩ pɑ kɔŋ Yosɑlɛm tɑɑ, nɑ pɑ́ lɑ́ nɑ pǝ́ cʋkɩ. 
\v 9 Ḿpʋ́ɣʋ́ tǝ sǝlǝmɑ tɑ́ Ɩsɔ nɑ tǝ sɩɩ tɑŋlɑɑ kɛ ilim nɑ ɑhoo sɩ, kolontunɑɑ ɩ́ tɑɑ tii tɑ́ tɔɔ nɑ tiili. 
\v 10 Pɑɑ nɑ mpʋ tɔ, nɑ Yutɑ nyǝ́mɑ nɑ́ɑ́ tɔŋ sɩ:
\q1 Tǝmlɛ nyǝ́mɑ kɑwɑ pǝnɛntɛɣɛ tǝtɔɣɔtɔɣɔ,
\q1 pǝ́cɔ́ ncɑɑlɛ kǝlɑ kɑɑʋ.
\q1 Tǝ kɑ́ɑ́ pǝsɩ nɑ tǝ́ tɛ koloosi sǝnɛ sɩ ŋmɑʋ.
\p
\v 11 Tɑ́ kolontunɑɑ nɑ́ mɑɣɑsǝɣɩ kɛ́ sɩ mpɛ pɑɑ tii tɑ tɔɔ kɛ́ kʋyɑkʋ nɑkʋlɩ tǝ kɑɑ nyɩ. Nɑ pɑ́ kpiisi-tʋ nɑ tɑ́ tǝmlɛ sɩɩ tǝnɑɣɑ.
\s1 Nehemii suu yoou wontu kɛ tǝmɑ lɑtɑɑ
\p
\v 12 Ḿpʋ́ɣʋ́ tɑ́ tɛɛtʋnɑɑ Yutɑ nyǝ́mɑ lɛlɑɑ mpɑ pɑɑ wɛ kolontunɑɑ hɔɣɔlǝŋ tɑɑ tɔ, pɑ kɔmɑ tɔm nɑɑnʋwɑ, nɑ pɑ́ kpɑɑlǝɣɩ-tʋ sɩ: Asolɑ wɛɛ, ɩ́ kɔɔ tɑ́ tɛ. 
\v 13 Ḿpʋ́ɣʋ́ mɑ sɩɩwɑ lʋlʋŋ yoolɑɑ kpekɑ nɑ pɑ ŋmɑntɑɑsɩ nɑ pɑ tɔɔŋ kɛ koluŋɑ kɑfɛɛŋ tɑɑ. 
\v 14 Mɑ cɛkǝnɑ pɑ yɑɑsinɑɑ kɛ mpʋ, ɩlɛnɑ mɑ́ yɔɣɔtǝnɑ sɔsɑɑ nɑ hʋʋlɑɑ, nɑ pɑ tǝnɑ mpɑ pɑɑ wɛ tǝnɑ tɔ sɩ: Ɩ́ tɑɑ nyɑnɑ mǝ kolontunɑɑ, ɩ́ tɔɔsɩ sɩ Tɑcɑɑ kɛlɛ sɔsɔ nɑ toŋ tʋ. Ɩ́ yoonɑ mǝ tɛɛtʋnɑɑ, nɑ mǝ pǝyɑlɑɑ, nɑ mǝ pɛɛlɑɑ, nɑ mǝ ɑlɑɑ, nɑ mǝ tɛɛsɩ nyǝ́mɑ nɔɔsɩ.
\p
\v 15 Ḿpʋ́ɣʋ́ tɑ́ kolontunɑɑ cɛkǝnɑɑ sɩ, tǝ nɩɩwɑ pɑ ɩsɑɣɑtʋ tɔm ntɩ. Pǝyele Ɩsɔ lɑpɑ nɑ pɑ́ kpisi nti pɑ cɑɑkɑɣɑ tɔ. Ɩlɛnɑ tɑ́ tǝnɑ tɑ́ɑ́ mǝlɩ koluŋɑ tǝŋmɑlɛ nɑ tǝ́ niki tɑ tǝmlɛ. 
\v 16 Pǝ kpɑɣɑʋ kʋyɑkʋ ŋkʋ tɔɣɔ mɑ tɑɑpɑlɑɑ tɑɑ hɔɣɔlʋɣʋ kʋlʋmʋɣʋ sʋ́ʋ́ tǝmɑ lɑpʋ. Nɑ lɛlɑɑ nɑ́ɑ́ tɔkɑ ŋmɑntɑɑsɩ, nɑ kpɑlǝŋ, nɑ tɔɔŋ, nɑ pɑ́ suu yoou wontu. Ɩlɛnɑ nyʋɣʋ nyǝ́mɑ nɑ́ɑ́ feŋiɣi yǝlɑɑ tǝnɑ tɔɔ. 
\v 17 Nɑ pɛlɛ pɑ́ pɑɑsǝnɑ koluŋɑ ŋmɑʋ. Nɑ wontu sǝɣǝllɑɑ nɑ́ɑ́ tɔkɑ pɑ sǝɣǝlɑ nɑ niŋ ɩnɛ, nɑ yoou wontu nɑ niŋ lɛlǝŋ. 
\v 18 Nɑ ŋmɑlɑɑ nɑ́ɑ́ lǝlɑ pɑ lɑɣɑlɛɛ kɛ pɑ tɩɩsɩ tɑɑ, nɑ pɑ́ tɔŋɑ koluŋɑ kɛ tɑɣɑnʋɣʋ. Nɑ nɔɣɔlʋ nɑ́ɑ́ tǝŋǝɣɩ mɑ wɑɑlɩ, nɑ ɩ sɔɔlʋ pɩɩwɑ sɩ ye pǝ ciɣitɑɑ, ɩ yɑɣɑ ɑpɑlʋtutuɣu. 
\v 19 Ḿpʋ́ɣʋ́ mɑ tɔmɑ sɔsɑɑ nɑ hʋʋlɑɑ nɑ pɑ tǝnɑ mpɑ pɑɑ wɛɛ tɔ sɩ: Koluŋɑ tǝmlɛ kɑɑsɑ sɔsɔm. Pǝyele kɑ ɩtɑɣɑlɑʋ tɔɔ kɛ́ tǝ wɛɛ nɑ tǝ́ hɑtǝlǝnɑ tǝmɑ. 
\v 20 Pɑɑ timpiɣi ɩ́ wɛɛ nɑ ɩ́ nɩɩ tutuɣu, ɩlɛ ɩ́ kotinɑ-m nɑ tɑ́ Ɩsɔ yoonɑ tɑ́ nɔɣɔ.
\p
\v 21 Ḿpʋ́ɣʋ́ tǝ lɑkɑɣɑ tǝmlɛ kɛ pǝ kpɑɣɑʋ tefemle tɔ. Hɑlǝnɑ ɑhoo, nɑ tɑ́ tɑɑ lɛlɑɑ tɔkɑ ŋmɑntɑɑsɩ. 
\v 22 Wɑɑtʋ ɩnǝɣɩ mɑ heelɑɣɑ nyʋɣʋ nyǝ́mɑ sɩ pɑɑ wei ɩ́ sʋʋ ɩ kpekǝle kiŋ kɛ Yosɑlɛm tɑɑ kɛ́ ɑhoo, nɑ pɑ́ feŋiɣi tɑ́ tɔɔ nɑ pɑ́ lɑkɩ tǝmlɛ kɛ ilim tɑɑ. 
\v 23 Pǝ kɑɑsɑ mɑ́ nɑ mɑ tɑɑpɑlɑɑ, nɑ mɑ tǝmlɛ nyǝ́mɑ nɑ tɑŋlɑɑ mpɑ pɑɑ wɛ mɑ wɑɑlɩ tɔ. Ye pǝ tɑɣɑ tǝ cɑɑ lʋm sɔʋ, tɩɩ wɔɣɔsǝɣɩ tɑ́ wontu.
\c 5
\s1 Nehemii sǝŋsʋɣʋ kɛ kɑmuɣulɑsɩ
\p
\v 1 Ḿpʋ́ɣʋ́ kʋyɑkʋ nɑkʋlɩ, ɑpɑlɑɑ nɑ ɑlɑɑ pɑ lɑŋɑ wɑkǝlǝnɑ pɑ tɛɛtʋnɑɑ Yutɑ nyǝ́mɑ lɛlɑɑ. 
\v 2 Nɑ pɑ tɑɑ lɛlɑɑ tɔŋ sɩ: Tɑnɑ tɑ́ pǝyɑlɑɑ nɑ tɑ́ pɛɛlɑɑ tǝ wɛ pɑɣɑlɛ kɛ́. Tɔɣɔnɑɣɑ ɩɩ tɑkɩ-tʋ. Ɩlɛ tǝ cɑɑ sɩ tǝ́ hiki tɔɣɔnɑɣɑ nɑ tǝ́ tɔɣɔ nɑ tǝ́ tɑɑ sɩ. 
\v 3 Ɩlɛnɑ lɛlɑɑ nɑ́ɑ́ tɔŋ sɩ: Pǝ wɛɛ sɩ tǝ́ sɩɩ tɑ́ tɩɩŋ wei pɑ yɑɑ sɩ lɛsɛŋnɑɑ tɔ ɩ tɑwɑ nɑ tɑ́ tɛɛsɩ kɛ tɔlʋmɑ kɛ sɑɑ wei tǝ nyɩɩlǝɣɩ tɔɣɔnɑɣɑ kɛ nyɔɣɔsɩ wɑɑtʋ tɔ. 
\v 4 Nɑ lɛlɑɑ nɑ́ɑ́ tɔŋ tɔtɔ sɩ: Pǝ cɑɑlɑ-tʋ sɩ tǝ́ kǝntɩ liɣitee kɛ tɑ́ tɑwɑ tɔɔ kɛ́ nɑ pǝ́cɔ́ tǝ́ pǝsɩ nɑ tǝ́ fɛlɩ wulɑʋ lɑmpuu. 
\v 5 Pǝyele tǝ kɛ́ piitim kʋlʋmǝm kɛ́. Tɑ́ piyɑ tɑ fɑɣɑnɑ tɑ́ tɑɑpɑlɑɑ nyǝŋsɩ. Tǝ tʋɣɩ yomle kɛ tɑ́ pǝyɑlɑɑ nɑ tɑ́ pɛɛlɑɑ. Hɑlɩ pɑ tɑɑ pɑɣɑlɛ pɑsɑɑ. Anɩ tɑ́ toŋ tɛmɑ. Pǝ́cɔ́ tɑ́ tɑwɑ pǝsɑ lɛlɑɑ nyǝnɑ.
\p
\v 6 Mɑ nɩ́ɩ́ tɔmnɑɑ mpɛ, ɩlɛnɑ mɑ pɑ́ɑ́nɑ́ huu sɔsɔm. 
\v 7 Nɑ mɑ́ tʋ́ mɑ tɑɑ sɩ mɑɑ kɑlǝnɑ sɔsɑɑ nɑ hʋʋlɑɑ kɛ timpi pɑ tʋɣɩ pɑ tɛɛtʋnɑɑ kɛ sǝɣǝlɑ sɔsɔɔnɑ tɔ. Ɩlɛnɑ mɑ́ koti-wɛ. 
\v 8 Nɑ mɑ́ tɔ-wɛ sɩ: Tǝ yɑpɑ tɑ́ tɛɛtʋnɑɑ Yutɑ nyǝ́mɑ mpɑ pɑ kpɑ yomle tɔ, ɩsɩɩ tɑ́ toŋ wɛɛ tɔ. Ɩlɛnɑ nɔɔnɔɔ mɩɩ tɑɣɑnǝɣɩ-wɛɣɛ pɛɛtʋɣʋ, pǝ́cɔ́ tɑ́ yǝlɑɑ kɛ́.
\p Ḿpʋ́ɣʋ́ pɑ sumɑ, pɑ tɑ nɑ kʋcɔcɔtʋ. 
\v 9 Nɑ mɑ́ tɑsɑ sɩ mǝ tɔm sǝpɑɣɑ, pɩɩ wɛɛ kɛ́ sɩ ɩ́ wɛɛnɑ Ɩsɔ sɔɣɔntʋ. Ɩlɛnɑ ɩ́ fiti tɑ́ kolontunɑɑ kʋtʋɣʋ. 
\v 10 Yǝlɑɑ kǝntɑ mɑ mɑɣɑmɑɣɑ mɑ kiŋ kɛ liɣitee nɑ tɔɣɔnɑɣɑ. Ɩsɩɩ tɑ́ cɔlɔ nyǝ́mɑ nɑ tɑ́ tɑɑpɑlɑɑ lɑpʋ tɔ. Ɩlɛ tǝ́ kisi sɩ pɑ́ tɑɑ fɛlɩ-tʋ. 
\v 11 Sɑŋɑ mɑɣɑmɑɣɑ ɩ́ mǝŋnɑ mǝ kǝmɑ nyǝ́mɑ kɛ pɑ hɑlǝm, nɑ pɑ tɩɩŋ wei pɑ yɑɑ sɩ Olifinɑɑ tɔ ɩ tɑwɑ, nɑ pɑ tɛɛsɩ. Ɩ́ kisi kɑsǝyɑɣɑ ŋkɑ pɩɩ wɛɛ sɩ pɑ́ cɛlɑ-mɛ tɔ. Pɑɑ liɣitee, yɑɑ tɔɣɔnɑɣɑ, yɑɑ sʋlʋm, yɑɑ nim. 
\v 12 Ḿpʋ́ɣʋ́ pɑ cɔwɑ sɩ: Tɩɩ lɑ nti n hʋlɑ-tʋ tɔ, tɩɩ mǝlǝnɑ-wɛɣɛ pɑ nyǝm, tǝ kɑɑ pɔɔsɩ-wɛɣɛ pʋlʋ.
\p Ɩlɛnɑ mɑ́ koti kɔtǝlɑɑ nɑ mɑ́ yele nɑ pɑ́ tuu sɩ pɑɑ lɑ ɩsǝnɑ pɑ sɩɩwɑ tɔ. 
\v 13 Pǝ wɑɑlɩ kɛ́ mɑ fiɣitɑ mɑ cɑpɑ nɑ mɑ́ tɔ sɩ: Ḿpʋ́ɣʋ́ Ɩsɔ kɑ́ fiɣiti mpɑ pɑ kɑɑ tǝŋ ɩsɩɩ pɑ yɔɣɔtʋɣʋ tɔ. Nɑ ɩ́ lɛɛkɩ-wɛɣɛ pɑ tɛɛsɩ nɑ pɑ wɛnɑʋ nɑ pǝ́ yele-wɛɣɛ kpɛtɛ. Ɩlɛnɑ sɑmɑɑ cɔ sɩ: Ɩsɔ ɩ́ kɔnɑ mpʋ. Nɑ pɑ tǝnɑ pɑ́ sɑ Tɑcɑɑ nɑ pɑ́ tɔkɩ ɩsɩɩ pɑ yɔɣɔtʋɣʋ tɔ.
\p
\v 14 Hɑtoo kʋyɑŋku wulɑʋ Atɑkǝsɛsɛɛ kpɑ-m Yutɑ nyǝ́mɑ nyʋɣʋ tʋ kɛ pǝ kpɑɣɑʋ ɩ kɑwulɑɣɑ pǝnɑɣɑ hiu nyǝŋkɑ, hɑlǝnɑ hiu nɑ nɑɑnʋwɑ nɑ nɑɑlɛ nyǝŋkɑ tɔ. Pǝ yoosɑ pɩɩsɩ nɑɑnʋwɑ nɑ nɑɑlɛ kɛlɛ. Pɑɑ mɑ́, yɑɑ mɑ tɛɛtʋnɑɑ, tɑ́ tɑɑ nɔɣɔlʋ tɑ tɔɣɔ sɔsɔɔntʋ tǝtɔɣɔlɛ. 
\v 15 Mpɑ pɑ lɑɑlɑ mɑɣɑ sɔsɔɔntʋ tɔɣɔʋ tɔ, pɑ cɑɑlɑɣɑɑ yǝlɑɑ kɛ́, nɑ pɛlɛ pɑ́ cɛlǝɣɩ-wɛɣɛ tɔɣɔnɑɣɑ, nɑ sʋlʋm nɑ liɣitee nyǝɣǝtʋ kɛ nɩɩlɛ. Hɑlǝnɑ pɑ tǝmlɑtɑɑ muɣuliɣi sɑmɑɑ. Amɑ Ɩsɔ sɔɣɔntʋ tɔɔ ɩlɛ mɑ tɑ lɑ mpʋ. 
\v 16 Mɑ mɑɣɑmɑɣɑ mɑ lɑpɑ tǝmlɛ kɛ koluŋɑ ŋmɑʋ tɔɔ kɛ́. Mɑ tɑ lʋ sɩ mɑ́ yɑ tɛtʋ kɛ fɑɑlɑɑ kɛ mɑ sɔsɔɔntʋ tɔɔ. Mɑ nɑ mɑ tɑɑpɑlɑɑ mpɑ tǝ lɑkɑɣɑ koluŋɑ ŋmɑʋ tǝmlɛ tɔ, pɛlɛ pɑ tɑ lɑ mpʋ tɔtɔ. 
\v 17 Pɑɑ nɑ mpʋ tɔ, mɑ nɑ Yutɑ hʋʋlɑɑ nɩɩnʋwɑ nɑ nɩɩlɛ nɑ nɑɑnʋwɑ (150) tǝ́ tɔkɑɣɑnɑ. Nɑ pǝ́ sɔɔsǝnɑ piitimnɑɑ mpɑ pɑ cɔɔnɑ-tʋ tɔ pɑ mʋʋlɑɑ mpɑ pɑ kɔŋɑɣɑ-tʋ tɔ. 
\v 18 Pɑɑ kʋyɑkʋ ŋku mɑ liɣitee kɛ mɑ yɑkǝnɑ nɑʋ nɑ pɑ́ kʋ, nɑ heeŋ kʋpɑŋ kɛ nɑɑtoso, nɑ kɑmpee. Nɑ pɑɑ kʋyɛɛŋ nɑɑnʋwɑ wei ɩ́ tɛɛwɑ pɑ kɔnɑ-m sʋlʋm kɛ tuutuumɑ. Pɑɑ nɑ mpʋ tɔ, mɑ tɑ pɔɔsɩ sɩ pɑ́ cɛlɛ-m mpi pɩɩ wɛɛ sɩ mɑ́ mʋ tɔ. Mpi tɔ, koluŋɑ ŋmɑʋ kɛ́ sɑmɑɑ kɛ tǝmlɛ sɔsɔɔlɛ kɛ́.
\p
\v 19 Hɑɩ, mɑ Ɩsɔ, tɔɔsɩ kʋpɑntʋ nti mɑ lɑpɑ yǝlɑɑ pɑnɛ tɔ, nɑ ń lɑ-m nyɑ́ pɛɛlɛɛ.
\c 6
\s1 Kolontunɑɑ lʋkɩ tɔtɔ sɩ pɑ́ wɑkǝlɩ
\p
\v 1 Ḿpʋ́ɣʋ́ Sɑnǝpɑlɑ nɑ Topiyɑ nɑ Lɑɑlupu Kesɛm nɑ tɑ́ kolontunɑɑ lɛlɑɑ nɩɩwɑ sɩ, mɑ ŋmɑwɑ ɩcɑtɛ koluŋɑ, pǝ tɑ kɑɑsɩ kɑfɛɛʋ. Pǝyele wɑɑtʋ ɩnɩ tɔ, mɑ tɑ tʋtɑ kɑmpʋnɑɑ. 
\v 2 Ntɛnɑ Sɑnǝpɑlɑ nɑ Kesɛm pɑ́ tili nɑ pɑ́ yɑɑ-m sɩ mɑ́ nɑ-wɛ tǝ́ suli Kefilim kɛ Ono tɛtɛkǝlɛ tɑɑ. Pɑ tɑɑ kɑ wɛɛ kɛ́ sɩ pɑ lɑkɩ-m ɩsɑɣɑtʋ. 
\v 3 Amɑ mɑ cɔ-wɛ sɩ mɑ niŋ tɔkǝnɑ tǝmlɛ, mɑ kɑɑ pǝsɩ nɑ mɑ́ polo. Ye mɑ tɛɛwɑ tǝ sɑɑlǝɣɩ kɛ́.
\p
\v 4 Tɔm liɣiti kɛ́ pɑ yɑɑ-m nɑ mɑ́ɑ́ cɔ-wɛɣɛ kʋlʋmtʋ ntɩ. 
\v 5 Tɔm kɑkpɑsɩ nyǝm kɛ Sɑnǝpɑlɑ tilinɑ ɩ tɑɑpɑlɑɑ tɑɑ nɔɣɔlʋɣʋ tɑkǝlɑɣɑ kɛ nɔholo. 
\v 6 Nɑ pɑ́ ŋmɑɑ kɑ tɑɑ sɩ: Tǝ nɩɩnɑ nɩɩlɑɑ mpɑ pɑ tɑ kɛ Yutɑ nyǝ́mɑ tɔ, ɩsɩɩ Kesɛm-wɛ sɩ, nyɑnɑ nyɑ́ tɑɑpɑlɑɑ ɩ́ lʋkɩ kɛ́ sɩ ɩ́ kʋlɩ tɑ́ tɔɔ. Pǝ tɔɔ kɛ́ n ŋmɑɑkɩ koluŋɑ sɩ ń pǝsɩ pɑ wulɑʋ. 
\v 7 Hɑlɩ pɑ yɔɣɔtɑɑ tɔtɔ sɩ n kpɑwɑ Ɩsɔ kʋyɔɣɔtʋtʋ tɛlǝsǝlɑɑ, nɑ pɑ́ heeli-ŋ sɩ nyɑɣɑlɛ Yutɑ wulɑʋ. Ɩlɛ wulɑʋ sɔsɔ kɑɑ lɑŋ-tǝɣɩ nɩɩʋ kɛ nɔɔnɔɔ. Mpʋ tɔ, kɔɔ nɑ mɑ́ nɑ-ŋ tǝ nɑ́. 
\v 8 Ntɛnɑ mɑ́ cɔ-ɩ nɑ mɑ́ tilinɑ sɩ: Nyɑ́ mɑɣɑmɑɣɑ n loolinɑ pǝ tǝnɑɣɑ mpʋ. Nɑtǝlɩ tǝ tɑ kɛ tɑmpɑnɑ. 
\v 9 Pɔpɔtʋ fɛɩ leleŋ, pɑ tǝnɑ pɑ lʋpɑɣɑ sɩ pɑ nyɑɑsǝɣɩ-tʋ nɑ tɑ́ ɑpɑlʋtʋ yɔɔlɩ, ɩlɛnɑ tǝ́ yele tǝmlɛ.
\p Hɑɩ, Tɑcɑɑ, yele nɑ mɑ́ kɑɑsɩ mɑ tǝɣɩ mɑ tǝmlɛ tɑɑ.
\p
\v 10 Ḿpʋ́ɣʋ́ kʋyɑkʋ nɑkʋlɩ mɑ polɑ Telɑyɑ pǝyɑlʋ Semɑyɑ tɛ, Metɑpɛlɩ sɑɑlɩ kɛlɛ. Mpi tɔ, ɩ tɑ pǝsɩ nɑ ɩ́ kɔɔ mɑ tɛ. Kɛlɛnɑ ɩ́ tɔ-m sɩ: Tǝ́ sʋʋ Ɩsɔ tǝsɛɛlɛ tɑɑ nɑ tǝ́ tǝkɩ tɑ tɔɔ kɛ́ teu. Ye pǝ tɑɣɑ mpʋ, mɑ kolontunɑɑ kɑ́ kɔɔ ɑhoo nɑ pɑ́ kʋ-m. 
\v 11 Ɩlɛnɑ mɑ́ɑ́ cɔ-ɩ sɩ: Mɑ tɛɛ mɑ́ se. Pǝlɛ pǝ pɑɑsi ye mɑ sʋʋ Ɩsɔ tǝsɛɛlɛ tɑɑ, mɑ kɑɑ lɑ yʋlʋ. Aɑɩ, mɑ kɑɑ sʋʋ tǝnɑ.
\p
\v 12 Mɑ nyǝ́mɑ teu sɩ pǝ tɑɣɑ Ɩsɔ heelinɑ-ɩ nti ɩ heelɑ-m mpʋ tɔ. Sɑnǝpɑlɑ nɑ Topiyɑ pɑ fɛlǝnɑ-ɩ liɣitee sɩ ɩ́ yɔɣɔtɩ mpʋ. 
\v 13 Pǝ tɔɔ kɛ́ pǝ fɛɩ sɩ sɔɣɔntʋ ɩ́ kpɑ-m nɑ mɑ́ tǝŋ ɩ sɛɣɛsɛɛ nɑ mɑ́ pǝntǝnɑ Ɩsɔ nɑ pǝ́ kʋ́ mɑ nyʋɣʋ nɑ pǝ́ tʋ́-m fɛɛlɛ.
\p
\v 14 Hɑɩ, mɑ Ɩsɔ, tɔɔsɩ nti Topiyɑ nɑ Sɑnǝpɑlɑ nɑ Ɩsɔ kʋyɔɣɔtʋtʋ tɛlǝsʋlʋ ɑlʋ nyǝŋ Noyɑtiyɑ nɑ Ɩsɔ kʋyɔɣɔtʋtʋ tɛlǝsǝlɑɑ lɛlɑɑ pɑ lɑpɑ tɔ. Nɑ ɩsǝnɑ pɑ cɑɑ pɑ́ tʋ-m sɔɣɔntʋ tɔ.
\p
\v 15 Ḿpʋ́ɣʋ́ koluŋɑ tɛmɑ pɑ ɩsɔtʋ wei pɑ yɑɑ sɩ Ɩluuli tɔ ɩ kʋyɛɛŋ hiu nɑ kɑkpɑsɩ wule. Koluŋɑ tǝmlɛ kʋyɛɛŋ lɩ́ɩ́ nɩɩlɛ nɑ nɑɑnʋwɑ nɑ nɑɑlɛ. 
\v 16 Wɑɑtʋ wei tɑ kolontunɑɑ mpɑ pɑ cɔɔnɑ-tʋ tɔ pɑ nɩɩ-tɩ, ɩlɛnɑ sɔɣɔntʋ kpɑ-wɛɣɛ sɔsɔm. Ḿpʋ́ɣʋ́ pɑ pɔpɔtʋ tɛmɑ nɑ pɑ́ cɛkǝnɑ sɩ Ɩsɔ toŋ tɑɑ kɛ́ tǝ lɑpǝnɑ tǝmlɛ ńtɛ́.
\p
\v 17 Wɑɑtʋ ɩnɩ ɩ tɑɑ kɛ́ Yutɑ nyʋɣʋ nyǝ́mɑ nɑ Topiyɑ pɑ ŋmɑɑkɑɣɑ tǝmɑɣɑ tɑkǝlɑsɩ kɛ sɔsɔm. 
\v 18 Ɩlɛ tɑmpɑnɑ tɔɔ Yutɑ nyǝ́mɑ pɑɣɑlɛ lɑŋɑ kɑ hɛɛnɑ-ɩ kɛ́. Mpi tɔ, Yutɑ tʋ Alɑ pǝyɑlʋ Sekɑniyɑ kɑ hɑ-ɩ ɩ pɛɛlɔ. Pǝyele ɩ mɑɣɑmɑɣɑ ɩ pǝyɑlʋ Yohɑnɑŋ kɑ kpɑɣɑ Pelekiyɑ pǝyɑlʋ Mesulɑm pɛɛlɔ. 
\v 19 Pɑ sɑŋɑɣɑ-ɩ mɑ kiŋ kɛ́, nɑ pɑ́ tɑɣɑsǝɣɩ-ɩ mɑ tɔm. Topiyɑ mɑɣɑmɑɣɑ nɑ́ ŋmɑɑkɑɣɑ-m tɑkǝlɑsɩ kɛ́ sɩ sɔɣɔntʋ ɩ́ kpɑ-m.
\c 7
\s1 Pɑ sɩ́ɩ́ tɑŋlɑɑ kɛ ɩcɑtɛ tɑɑ
\p
\v 1 Wɑɑtʋ wei koluŋɑ tɛmɑ nɑ pɑ́ tʋ́ kɑmpʋnɑɑ, ɩlɛnɑ pɑ́ sɩɩ nɔnɔɔsɩ tɑŋlɑɑ, nɑ yonyoolɑɑ, nɑ Lefii nyǝ́mɑ kɛ pɑ tǝmɑ tɑɑ. 
\v 2 Ɩlɛnɑ mɑ́ cɛlɑ Yosɑlɛm ɩcɑtɛ pɑɑsǝnɑʋ kɛ mɑ neu Hɑnɑni nɑ koluŋɑ ɩcɑtɛ yoolɑɑ nyʋɣʋ tʋ Hɑnɑniyɑ. Mɑɑ wɛnɑ-ɩ nɑɑni kɛ́, pǝ́cɔ́ ɩ tǝŋǝɣɩ Ɩsɔ nɑ pǝ́ kǝlɩ lɛlɑɑ. 
\v 3 Ḿpʋ́ɣʋ́ mɑ heelɑ-wɛ sɩ: Pǝ wɛɛ sɩ ilim ɩ́ lɩɩ kɛ́ nɑ pǝ́ kpɑ nɑ pǝ́cɔ́ ɩ́ tʋlɩ ɩcɑtɛ nɔnɔɔsɩ. Tɑɑnɑɣɑ, ɩlɛnɑ ɩ́ tǝkɩ-sɩ nɑ pǝ́cɔ́ sɩ tɑŋlɑɑ kʋlɩ pɑ tǝmɑ tɑɑ. Yosɑlɛm ɩcɑtɛ nyǝ́mɑ lɛlɑɑ tɑŋǝɣɩ nɑ lɛlɑɑ pɑɑsǝɣǝnɑ pɑ kutuluŋ kilɑ.
\s1 Yutɑ nyǝ́mɑ mpɑ pɑ mǝlɑ Pɑlɛsǝtini tɛtʋ tɑɑ tɔ pɑ hǝlɑ
\p
\v 4 Pɑɑ nɑ Yosɑlɛm ɩcɑtɛ kɑ́ wɑlɑɑ tɔ, tǝ tɑɑ yǝlɑɑ fɛɩ pɑɣɑlɛ. Pǝ́cɔ́ pɑ tɑɑ ŋmɑ́ kutuluŋ lɛlǝŋ. 
\v 5 Ḿpʋ́ɣʋ́ mɑ Ɩsɔ heelɑ-m nɑ mɑ́ koti ɩcɑtɛ sɔsɑɑ nɑ hʋʋlɑɑ nɑ yǝlɑɑ lɛlɑɑ sɩ pɑ́ kɑlɑ yǝlɑɑ. Ɩlɛnɑ mɑ́ wiili tɑkǝlɑɣɑ ŋkɑ kɑ tɑɑ mpɑ pɑ lɩɩnɑ Pɑpiloni kɛ kɑncɑɑlɑɣɑ tɔ pɑ hǝlɑ kɑ wɛɛ tɔ, hɑlɩ pɑ kɛɛsɑ kɑ tɑɑ sɩ:
\p
\v 6 Ɩsɛɣɛlɩ lʋlʋŋ nyǝ́mɑ mpɑ Pɑpiloni wulɑʋ Nepukɑnɛsɑɑ kɑ kpɑwɑ tɔ, pɑ tɑɑ pɑɣɑlɛ mǝlǝnɑ Yosɑlɛm nɑ Yutɑ tɛtʋ tɑɑ. Pɑɑ wei ɩ mǝlɑ ɩ mɑɣɑmɑɣɑ ɩ ɩcɑtɛ tɑɑ. 
\v 7 Mpɑ pɑ kɔnɑ-wɛ tɔɣɔlɛ Solopɑpɛɛlɩ, nɑ Yesuwɑ, nɑ Nehemiyɑ, nɑ Asɑliyɑ, nɑ Lɑɑmiyɑ, nɑ Nɑhɑmɑnɩ, nɑ Motokɑyi, nɑ Pilisɑŋ, nɑ Misipelɛtɩ, nɑ Pikifɑyi, nɑ Nehum, nɑ Pɑɑnɑ. Pɑ lʋlʋŋ kpekɑ ntɔ nɑ yǝlɑɑ pee nyɔɔŋ.
\m
\v 8 Pɑlɔsɩ lʋlʋɣʋ tɑɑ kɛ́ yǝlɑɑ iyisi nɑɑlɛ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (2172).
\m
\v 9 Sefɑtiyɑ nyǝŋkʋ tɑɑ kɛ́ ŋmʋnʋɣʋ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (372).
\m
\v 10 Alɑ nyǝŋkʋ tɑɑ kɛ́ nɑsǝtoso nɑ nɩɩlɛ nɑ nɑɑnʋwɑ nɑ nɑɑlɛ (652).
\m
\v 11 Pɑhɑtɩ-Mowɑpʋ nyǝŋkʋ tɑɑ kɛ́ iyisi nɑɑlɛ nɑ nɑsǝnɑɑsɑ nɑ pǝlefɛɩ hiu (2818). Yesuwɑ nɑ Yowɑpɩ pɑ lʋlʋɣʋ nyǝ́mɑ ntɛ́.
\m
\v 12 Ɩlɑm nyǝŋkʋ tɑɑ kɛ́ yǝlɑɑ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
\m
\v 13 Sɑtu nyǝŋkʋ tɑɑ kɛ́ yǝlɑɑ nɑsǝnɑɑsɑ nɑ nɩɩlɛ nɑ kɑkpɑsɩ (845).
\m
\v 14 Sɑkɑyi nyǝŋkʋ tɑɑ kɛ́ yǝlɑɑ nɑsǝtoso nɑ nɩɩnʋwɑ nɑ nɩɩtoso (760).
\m
\v 15 Pinuwi nyǝŋkʋ tɑɑ kɛ́ yǝlɑɑ nɑsǝtoso nɑ pǝlefɛɩ nɩɩlɛ nɑ nɑɑnʋwɑ (648).
\m
\v 16 Pepɑyi nyǝŋkʋ tɑɑ kɛ́ yǝlɑɑ nɑsǝtoso nɑ pǝlefɛɩ hiu nɑ nɑɑnʋwɑ (628).
\m
\v 17 Asǝkɑtɩ nyǝŋkʋ tɑɑ kɛ́ yǝlɑɑ iyisi nɑɑlɛ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑlɛ (2322).
\m
\v 18 Atonikɑm nyǝŋkʋ tɑɑ kɛ́ yǝlɑɑ nɑsǝtoso nɑ nɩɩtoso nɑ nɑɑtosompɔɣɔlɑɣɑ (667).
\m
\v 19 Pikifɑyi nyǝŋkʋ tɑɑ kɛ́ yǝlɑɑ iyisi nɑɑlɛ nɑ nɩɩtoso nɑ nɑɑtosompɔɣɔlɑɣɑ (2067).
\m
\v 20 Atɛŋ nyǝŋkʋ tɑɑ kɛ́ yǝlɑɑ nɑsǝtoso nɑ nɩɩlɛ nɑ nɑɑnʋwɑ nɑ kɑkpɑsɩ (655).
\m
\v 21 Hisikiyɑ lʋlʋɣʋ tʋ Atɛɛ nyǝŋkʋ tɑɑ kɛ́ yǝlɑɑ pǝlefɛɩ nɩɩnʋwɑ.
\m
\v 22 Hɑsum nyǝŋkʋ tɑɑ kɛ́ yǝlɑɑ ŋmʋnʋɣʋ nɑ nɩɩnʋwɑ nɑ pǝlefɛɩ hiu nɑ nɑɑnʋwɑ (328).
\m
\v 23 Pesɑyi nyǝŋkʋ tɑɑ kɛ́ yǝlɑɑ ŋmʋnʋɣʋ nɑ nɩɩnʋwɑ nɑ hiu nɑ liɣiti (324).
\m
\v 24 Hɑlifɩ nyǝŋkʋ tɑɑ kɛ́ yǝlɑɑ nɩɩnʋwɑ nɑ nɑɑnʋwɑ nɑ nɑɑlɛ (112).
\m
\v 25 Kɑpɑwɔŋ ɩcɑtɛ yǝlɑɑ kɛ nɩɩnɑɑsɑ nɑ nɑɑnʋwɑ nɑ kɑkpɑsɩ.
\m
\v 26 Pɛtǝlɛhɛm nɑ Netofɑ pǝ yǝlɑɑ kɛ pǝlefɛɩ nɩɩnʋwɑ nɑ nɩɩnɑɑsɑ nɑ nɑɑnʋwɑ (188).
\m
\v 27 Anɑtɔtɩ nyǝ́mɑ kɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
\m
\v 28 Pɛtɩ-Asǝmɑfɛtɩ nyǝ́mɑ kɛ nɩɩlɛ nɑ nɑɑlɛ.
\m
\v 29 Kiliyɑtɩ-Yeyɑlim nɑ Kefilɑ nɑ Pelɔtɩ nyǝ́mɑ kɛ nɑsǝtoso nɑ nɩɩnʋwɑ nɑ nɩɩlɛ nɑ tooso (743).
\m
\v 30 Lɑmɑ nɑ Kepɑ nyǝ́mɑ kɛ nɑsǝtoso nɑ hiu nɑ kʋlʋm (621).
\m
\v 31 Mikimɑsɩ nyǝ́mɑ kɛ nɩɩnʋwɑ nɑ hiu nɑ nɑɑlɛ (122).
\m
\v 32 Petɛɛlɩ nɑ Ayi pǝ nyǝ́mɑ kɛ nɩɩnʋwɑ nɑ hiu nɑ tooso (123).
\m
\v 33 Nepo ɩcɑtɛ lɛntɛ nyǝ́mɑ kɛ nɩɩlɛ nɑ nɑɑnʋwɑ nɑ nɑɑlɛ.
\m
\v 34 Ɩlɑm lɛlʋ lʋlʋɣʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
\m
\v 35 Hɑlim lʋlʋɣʋ nyǝ́mɑ kɛ ŋmʋnʋɣʋ nɑ nɩɩnʋwɑ nɑ hiu (320).
\m
\v 36 Yeliko ɩcɑtɛ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩlɛ nɑ kɑkpɑsɩ (345).
\m
\v 37 Lotɩ nɑ Hɑtitɩ nɑ Ono pǝ ɑcɑlɛɛ nyǝ́mɑ kɛ nɑsǝtoso nɑ nɩɩnʋwɑ nɑ hiu nɑ kʋlʋm (721).
\m
\v 38 Senɑɑ ɩcɑtɛ nyǝ́mɑ kɛ iyisi tooso nɑ nɑsǝnɑɑsɑ nɑ nɩɩnʋwɑ nɑ hiu nɑ nɑɑnʋwɑ (3930).
\b
\m
\v 39 Kɔtǝlɑɑ kpekɑ ntɔ. Yesuwɑ lʋlʋɣʋ nyǝ́mɑ tɑɑ lɛlʋ Yetɑyɑ yǝlɑɑ wɛ nɑsǝnɑɑsɑ nɑ nɩɩnʋwɑ nɑ nɩɩtoso nɑ nɑɑnʋwɑ nɑ tooso (973).
\m
\v 40 Ɩmɛɛ lʋlʋɣʋ nyǝ́mɑ wɛ iyɑɣɑ nɑ nɩɩlɛ nɑ nɑɑnʋwɑ nɑ nɑɑlɛ (1052).
\m
\v 41 Pɑsehuu lʋlʋɣʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑtosompɔɣɔlɑɣɑ (1247).
\m
\v 42 Hɑlim lʋlʋɣʋ nyǝ́mɑ kɛ iyɑɣɑ nɑ nɑɑnʋwɑ nɑ nɑɑtosompɔɣɔlɑɣɑ (1017).
\b
\m
\v 43 Lefii nyǝ́mɑ kpekɑ ntɔ. Hɑtefɑ lʋlʋɣʋ nyǝ́mɑ Yesuwɑ nɑ Kɑtǝmǝyɛlɩ pɑ lʋlʋɣʋ nyǝ́mɑ wɛ nɩɩtoso nɑ nɑɑnʋwɑ nɑ liɣiti.
\m
\v 44 Ɩsɔ tǝsɛɛlɛ yonyoolɑɑ kpekɑ ntɔ. Asɑfɩ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ nɩɩlɛ nɑ nɑɑnʋwɑ (148).
\b
\m
\v 45 Nɔnɔɔsɩ tɑŋlɑɑ kpekɑ ntɔ. Sɑlum, nɑ Atɛɛ, nɑ Tɑlǝmɔŋ, nɑ Akupi, nɑ Hɑtitɑ, nɑ Sopɑyi, pɑ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ nɩɩlɛ (138).
\b
\m
\v 46 Ɩsɔ tǝsɛɛlɛ tǝmlɛ lɑtɑɑ sǝkpemɑ lʋlʋɣʋ nyǝ́mɑ ntɛ́ Sihɑ, nɑ Hɑsufɑ, nɑ Tɑpɑwɔtɩ. 
\v 47 Nɑ Kelɔsɩ, nɑ Siyɑ, nɑ Pɑtɔŋ. 
\v 48 Nɑ Lepɑnɑ, nɑ Hɑkɑpɑ, nɑ Sɑlǝmɑyi. 
\v 49 Nɑ Hɑnɑŋ, nɑ Kitɛlɩ, nɑ Kɑhɑɑ. 
\v 50 Nɑ Leyɑyɑ, nɑ Lesɛŋ, nɑ Nekotɑ. 
\v 51 Nɑ Kɑsɑm, nɑ Usɑ, nɑ Pɑseyɑ. 
\v 52 Nɑ Pesɑyi, nɑ Meunim, nɑ Nefusesim. 
\v 53 Nɑ Pɑkǝpuki, nɑ Hɑkufɑ, nɑ Hɑluu. 
\v 54 Nɑ Pɑɑsilitɩ, nɑ Mehitɑ, nɑ Hɑɑsɑ. 
\v 55 Nɑ Pɑɑkɔsi, nɑ Siselɑ, nɑ Temɑ. 
\v 56 Nɑ Nesiyɑ, nɑ Hɑtifɑ.
\b
\m
\v 57 Sɑlʋmɔŋ tǝmlɛ nyǝ́mɑ lʋlʋŋ kpekɑ ntɛ́ Sotɑyi, nɑ Sofelɛtɩ, nɑ Pelitɑ. 
\v 58 Nɑ Yɑɑlɑ, nɑ Tɑɑkɔŋ, nɑ Kitɛlɩ. 
\v 59 Nɑ Sefɑtiyɑ, nɑ Hɑtilɩ, nɑ Pokɛlɛtɩ-Hɑsepɑyim, nɑ Amɔŋ.
\b
\m
\v 60 Ɩsɔ tǝsɛɛlɛ tɑɑ tǝmlɛ lɑtɑɑ nɑ Sɑlʋmɔŋ tǝmlɛ nyǝ́mɑ pɑ kpɛntɑ ŋmʋnʋɣʋ nɑ nɩɩnʋwɑ nɑ nɩɩnɑɑsɑ nɑ nɑɑnʋwɑ nɑ nɑɑlɛ (392).
\b
\p
\v 61 Mpɑ pɑ lɩɩnɑ Pɑpiloni ɑcɑlɛɛ Tɛɛlɩ-Melɑ, nɑ Tɛɛlɩ-Hɑɑsɑ, nɑ Kelupɩ-Atɔŋ, nɑ Ɩmɛɛ tɔ, pɑ tɑ pǝsɩ nɑ pɑ́ kɛɛsɩ pɑ cɔsɔnɑɑ lʋlʋŋ loosi sɩ pǝ́ hʋ́lɩ́ tɑmpɑnɑ sɩ pɑ kɛ́ Ɩsɛɣɛlɩ nyǝ́mɑ. 
\v 62 Pɑ tǝnɑ pɑ kpɛntɑ nɑsǝtoso nɑ nɩɩlɛ nɑ nɑɑlɛ (642). Pɑ lʋlʋŋ nyǝ́mɑ ntɛ́ Telɑyɑ, nɑ Topiyɑ, nɑ Nekotɑ.
\p
\v 63 Kɔtǝlɑɑ lɛlɑɑ kɑ wɛ kɛ́ ɩsɩɩ mpɑ pɑ tɑ pǝsɩ nɑ pɑ́ hʋ́lɩ́ sɩ pɑ kɛ́ Ɩsɛɣɛlɩ nyǝ́mɑ tɔ. Mpɛɣɛlɛ Hopɑyɑ, nɑ Hɑkɔɔsɩ, nɑ Pɑɑsilɑyi. Mpi pǝ tɔɔ pɑ yɑɑkɑɣɑ kɑntǝkɑɣɑ nyǝŋ ɩnɛɣɛ mpʋ tɔɣɔlɛ sɩ ɩ kpɑɣɑ Pɑɑsilɑyi pɛɛlɑɑ tɑɑ lɛlʋ. 
\v 64 Pɑɑ pɛɛkɑ mpɛ ɩnɩ pɑ hǝlɑ kɛ kɔtǝlɑɑ nyǝnɑ tɑɑ kɛ́ pɑ tɑ nɑ́. Ɩlɛnɑ pɑ́ nyǝnɩ-wɛɣɛ ɑsilimɑ nyǝ́mɑ. Pǝ tɔɔ kɛ́ pɑ kisinɑ-wɛ sɩ pɑ́ tɑɑ lɑ kɔtǝlɑɑ tǝmlɛ. 
\v 65 Ḿpʋ́ɣʋ́ kʋfǝnɛɛ mɑɣɑmɑɣɑ kisinɑ-wɛ sɩ pɑ́ tɑɑ tɔɣɔ Ɩsɔ kʋhɑʋ. Hɑlǝnɑ kɔtʋlʋ nɔɣɔlʋ ɩ́ mɑɣɑsɩ wɑlɑ pee tɑkɑ nnɑ pɑ nɑɑnɑ Ɩsɔ luɣu nyǝntʋ tɔ nɑ pǝ́cɔ́.
\p
\v 66 Ɩsɛɣɛlɩ nyǝ́mɑ tǝnɑ mpɑ pɑ lɩɩnɑ Pɑpiloni tɔ pɑ kpɛntɑ iyisi nɩɩlɛ nɑ nɑɑlɛ nɑ ŋmʋnʋɣʋ nɑ nɩɩnʋwɑ nɑ nɩɩtoso (42360). 
\v 67 Pɑ tɑɑ kɑ wɛ tǝmlɛ nyǝ́mɑ ɑpɑlɑɑ nɑ ɑlɑɑ kɛ iyisi nɑɑtosompɔɣɔlɑɣɑ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (7337). Nɑ yonyoolɑɑ ɑpɑlʋ nyǝ́mɑ nɑ ɑlʋ nyǝ́mɑ kɛ ŋmʋnʋɣʋ nɑ nɩɩlɛ nɑ kɑkpɑsɩ (245). 
\v 69 Nɑ yooyoonɑɑ nɑsǝlɛ nɑ hiu nɑ nɑɑnʋwɑ nɑ kɑkpɑsɩ (235), nɑ kpɑŋɑsɩ kɛ iyisi nɑɑtoso nɑ nɑsǝtoso nɑ nɩɩnʋwɑ nɑ hiu (6720). 
\v 70 Lʋlʋŋ nyɔɔŋ nyǝ́mɑ tɑɑ lɛlɑɑ hɑwɑ kʋcɔɔŋ sɩ pɑ́ tɑɣɑnɩ ŋmɑʋ kɛ Ɩsɔ tǝsɛɛlɛ. Nɑ tɛtʋ kʋfǝnɛɛ nɑ́ɑ́ hɑ wʋlɑ nyǝɣǝtʋ iyɑɣɑ (1000), nɑ poosiisi nsi pɑ ŋmɩɩsǝɣǝnɑ cɑlǝm tɔɣɔ nɩɩlɛ nɑ nɑɑnʋwɑ, nɑ kɔtǝlɑɑ cɑpɑnɑɑ kɛ nɑsǝlɛ nɑ nɩɩnʋwɑ nɑ hiu nɑ nɑɑnʋwɑ (530), sɩ pɑ́ lɑnɑ Ɩsɔ tǝsɛɛlɛ tǝmlɛ. 
\v 71 Lʋlʋŋ nyɔɔŋ nyǝ́mɑ lɑpɑ kʋcɔɔŋ wei tɔ ɩ kpɛntɑ wʋlɑ nyǝɣǝtʋ kɛ iyisi hiu (20000), nɑ liɣitee nyǝɣǝtʋ kɛ kiloonɑɑ iyɑɣɑ nɑ nɩɩnʋwɑ (1100). 
\v 72 Ɩlɛnɑ Ɩsɛɣɛlɩ nyǝ́mɑ lɛlɑɑ hɑ wʋlɑ nyǝɣǝtʋ iyisi hiu (20000). Liɣitee nyǝɣǝtʋ kɛ kiloonɑɑ iyɑɣɑ (1000). Kɔtǝlɑɑ cɑpɑnɑɑ kɛ nɩɩtoso nɑ nɑɑtosompɔɣɔlɑɣɑ.
\p
\v 73 Ḿpʋ́ɣʋ́ kɔtǝlɑɑ, nɑ Lefii nyǝ́mɑ, nɑ nɔnɔɔsɩ tɑŋlɑɑ, nɑ yonyoolɑɑ, nɑ yǝlɑɑ ɩsɩɩ Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ nɑ Ɩsɛɣɛlɩ nyǝ́mɑ lɛlɑɑ tǝnɑ, pɑ cɑɣɑ pɑɑ wei kɛ́ ɩ ɩcɑtɛ tɑɑ.
\s1 Ɩsǝtǝlɑsɩ kɑlǝɣɩ kiiu tɑkǝlɑɣɑ kɛ sɑmɑɑ tɑɑ
\p Wɑɑtʋ wei pǝ tɑlɑ ɩsɔtʋ nɑɑtosompɔɣɔlɑɣɑ nyǝŋ, ɩlɛnɑ pɑɑ Ɩsɛɣɛlɩ tʋ wei ɩ́ lɩɩnɑ ɩ ɩcɑtɛ tɑɑ nɑ ɩ́ kɔɔ.
\c 8
\p
\v 1-2 Ḿpʋ́ɣʋ́ ɩsɔtʋ ɩnɩ ɩ kʋyɑkʋ kɑncɑɑlɑɣɑ nyǝŋkʋ wule, pɑ kotɑ nɔɣɔ kʋlʋmɑɣɑ kɛ Yosɑlɛm tɑɑ kɛ́ lʋm nɔnɔɣɔ ɩsɛntɑɑ. Nɑ pɑ́ tɔ́ Ɩsɔ Tɔm nyǝntʋ Ɩsǝtǝlɑsɩ sɩ: Kɔnɑ tɑkǝlɑɣɑ ŋkɑ Tɑcɑɑ cɛlɑ Moisi sɩ ɩ́ tɛlǝsɩ Ɩsɛɣɛlɩ nyǝ́mɑ tɔ. Ɩlɛnɑ kɔtʋlʋ Ɩsǝtǝlɑsɩ lɩɩnɑ-kɛɣɛ ɑpɑlɑɑ nɑ ɑlɑɑ, nɑ piyɑ mpɑ pɑ tɑlɑ pʋlʋ cɛkǝnɑʋ tɔ pɑ sɑmɑɑ tɑɑ. 
\v 3 Nɑ ɩ́ kɑlɑ tɑkǝlɑɣɑ ŋkɛ nɑ nɔɣɔ sɔsɑɣɑ kɛ tǝnɛ ɩnǝɣɩ tɑnɑŋ tɛɛ. Hɑlǝnɑ ilim sikuɣu, nɑ pɑ tǝnɑ pɑ́ ké ŋkpɑŋŋ kɛ teu.
\p
\v 4 Pɑɑ kɑmɑ kpɑtǝŋ kɛ́ ɩsɩɩ kumte tɑkɑ, nɑ Ɩsǝtǝlɑsɩ sǝŋ pǝ tɔɔ kɛ́ kotuɣu ŋkʋ kʋ tɑɑ. Ɩ ntɔɣɔŋ tɔɔ kɛ́ Mɑtitiyɑ, nɑ Semɑ, nɑ Anɑyɑ, nɑ Uliyɑ, nɑ Hilikiyɑ, nɑ Mɑɑseyɑ. Ɩ mpǝtǝŋ tɔɔ kɛ́ Petɑyɑ, nɑ Mikɑyɛɛlɩ, nɑ Mɑlǝkiyɑ, nɑ Hɑsum, nɑ Hɑsepɑtɑnɑ, nɑ Sɑkɑlɩ, nɑ Mesulɑm. 
\v 5 Ɩsǝtǝlɑsɩ tǝsǝŋlɛ kʋlɑɑ kɛ́ nɑ yǝlɑɑ tǝnɑ nɑɑkɩ-ɩ. Wɑɑtʋ wei ɩ kulɑ tɑkǝlɑɣɑ, ɩlɛnɑ sɑmɑɑ tǝnɑ sǝŋ ɩsɔ. 
\v 6 Ḿpʋ́ɣʋ́ Ɩsǝtǝlɑsɩ sɛɛ Tɑcɑɑ Ɩsɔ sɔsɔ, nɑ pɑ tǝnɑ pɑ́ cɔ sɩ: Ɩsɔ ɩ́ mʋ, Ɩsɔ ɩ́ mʋ. Nɑ pɑ́ tiɣisɑ niŋ nɑ ɩsɔtɑɑ. Pǝ wɑɑlɩ, ɩlɛnɑ pɑ́ hǝntɩ ɑtɛ nɑ pɑ́ sɛɛ Tɑcɑɑ. 
\v 7 Pɑ kʋlɑɑ, ɩlɛnɑ Lefii nyǝ́mɑ, nɑ Yesuwɑ, nɑ Pɑni, nɑ Selepiyɑ, nɑ Yɑmɛŋ, nɑ Akupi, nɑ Sepetɑyi, nɑ Hotiyɑ, nɑ Mɑɑseyɑ, nɑ Kelitɑ, nɑ Asɑliyɑ, nɑ Yosɑpɑtɩ, nɑ Hɑnɑŋ, nɑ Pelɑyɑ pɑ́ sʋʋ-wɛɣɛ kiiu ŋkʋɣʋ sɛɣɛsʋɣʋ. 
\v 8 Pɑ kɑlɑɣɑ kiiu tɑkǝlɑɣɑ ŋkɛɣɛ nɑ pǝ́ nɩɩkɩ teu, nɑ pɑ́ kilisiɣi pǝ hʋwɛɛ sɩ pɑɑ wei ɩ́ cɛkǝnɑ.
\p
\v 9 Yǝlɑɑ tǝnɑ nɩɩ tɔm ntɩ, ɩlɛnɑ pɑ́ niki wulɑ. Pǝ tɔɔ kɛ́ kʋfǝnɛɛ Nehemii, nɑ Ɩsɔ Tɔm nyǝntʋ kɔtʋlʋ Ɩsǝtǝlɑsɩ, nɑ Lefii nyǝ́mɑ mpɑ pɑ kilisɑɣɑ-wɛɣɛ Ɩsɔ Tɔm ntɩ tɔ, pɑ tɔmɑ-wɛ sɩ: Kʋyɑkʋ kʋnɛ kʋ kɛ́ Ɩsɔ nyǝŋkʋ kɛ́, ɩlɛ pǝ fɛɩ sɩ ɩ́ huɣutiɣi lotu nɑ ɩ́ wiiki.
\p
\v 10 Ntɛnɑ Ɩsǝtǝlɑsɩ tɑsɑ sɩ: Ɩ́ kpe mǝ tɛɛsɩ, nɑ ɩ́ tɔɣɔ teu nɑ ɩ́ nyɔɔ kʋnyɔnyɔɔm kʋpɑm, nɑ ɩ́ hɑ mpɑ pɑ lɑŋɑɑ tɔ. Mpi tɔ, kʋyɑkʋ kʋnɛ kʋ kɛ́ Tɑcɑɑ nyǝŋkʋ kɛ́. Mǝ lɑŋɑ ɩ́ tɑɑ wɑkǝlɩ. Tɑcɑɑ kɑ́ hɛɛsɩ mǝ lɑŋlɛ nɑ ɩ́ hɑ-mɛɣɛ toŋ.
\p
\v 11 Nɑ Lefii nyǝ́mɑ tɔtɔ nɑ́ɑ́ puɣusiɣi-wɛ sɩ: Ɩ́ su, Ɩsɔ kʋyɑkʋ kɛ sɑŋɑ kɛ́. Mǝ lɑŋɑ ɩ́ tɑɑ wɑkǝlɩ.
\p
\v 12 Ḿpʋ́ɣʋ́ pɑ tǝnɑ pɑ kpemɑ nɑ pɑ́ tɔɣɔ nɑ pɑ́ nyɔɔ, nɑ pɑ́ hɑ mpɑ pɑ lɑŋɑɑ tɔ nɑ pɑ́ ŋmɑɑlɩ. Mpi tɔ, pɑ nɩɩwɑ sɛɣɛsʋɣʋ ŋku pɑ sɛɣɛsɑ-wɛ tɔ.
\s1 Cokɑ ɑcimɑ
\p
\v 13 Ḿpʋ́ɣʋ́ kʋyɑkʋ lɛŋkʋ Ɩsɛɣɛlɩ lʋlʋŋ nyɔɔŋ nyǝ́mɑ tǝnɑ, nɑ kɔtǝlɑɑ nɑ Lefii nyǝ́mɑ pɑ kotinɑ Ɩsɔ Tɔm nyǝntʋ Ɩsǝtǝlɑsɩ sɩ: Kilisi-tʋɣʋ Ɩsɔ Tɔm kɛ teu. 
\v 14 Kiiu ŋku ɩnɩ Ɩsɔ kɑ hʋlɑ Moisi tɔ, kʋ tɑɑ kɛ́ pɑ nɑwɑ timpi pɑ heelɑ Ɩsɛɣɛlɩ nyǝ́mɑ sɩ pɑ́ cɑɣɑ cokɑ tɑɑ kɛ́ cokɑ ɑcimɑ ɑnɩ ɑ kʋyɛɛŋ tɑɑ kɛ́ ɩsɔtʋ nɑɑtosompɔɣɔlɑɣɑ nyǝŋ tɑɑ tɔ. 
\v 15 Pɑɑ kpɑɑlɩ ɑcimɑ ɑnɩ ɑ tɔm kɛ ɑcɑlɛɛ tǝnɑ tɑɑ kɛ́, nɑ pǝ́ kpɛnnɑ Yosɑlɛm. Ɩlɛnɑ ɩcɑtɛ nyǝ́mɑ kpɑ pʋɣʋ tɑɑ nɑ pɑ́ pɛlɩ tʋɣʋ ŋku pɑ hɑlǝɣɩ nɑ pɑ́ yɑɑkɩ-kʋ sɩ Olifinɑɑ tɔ kʋ piliŋɑsɩ. Nɑ kʋ nǝɣǝsǝlɛ wei ɩ wɛ tɑɑlɛ tɔ kʋ nyǝnsɩ, nɑ tɩɩŋ kʋlɔpǝŋ piliŋɑsɩ nɑ tiikɑsɩ nɑ pɑcʋntʋ nɑ pɑ́ lɔ cokɑ.
\p
\v 16 Ḿpʋ́ɣʋ́ Ɩsɛɣɛlɩ nyǝ́mɑ polɑɑ nɑ pɑ́ pɛlɩ piliŋɑsɩ nɑ pɑ́ lɔkɩ cokɑ. Lɛlɑɑ kɛ pɑ kutuluŋ pɑtɑnɑɑ tɔɔ, lɛlɑɑ kɛ nɔnɔɔsɩ tɛɛ, lɛlɑɑ kɛ Ɩsɔ tǝsɛɛlɛ kɑtɑɣɑ tɑɑ, lɛlɑɑ kɛ lʋm nɔnɔɣɔ nɑ Ɩfǝlɑyim nyǝŋkɑ tɛɛ. 
\v 17 Ɩlɛnɑ Ɩsɛɣɛlɩ nyǝ́mɑ tǝnɑ mpɑ pɑ lɩɩnɑ Pɑpiloni tɔ pɑ́ lɔ cokɑ nɑ pɑ́ cɑɣɑ. Pɑ lɑŋhʋlʋmlɛ kɑ wɛ sɔɣɔntʋ. Mpi tɔ, too pǝ kpɑɣɑʋ Nuŋ pǝyɑlʋ Yosuwee wɑɑtʋ tɔ, Ɩsɛɣɛlɩ nyǝ́mɑ tɑ tɑsɑ ɑcimɑ ɑnǝɣɩ tɔɣɔʋ. 
\v 18 Pɑ kɑlɑɣɑ Ɩsɔ Tɔm kɛ pɑɑ kʋyɑkʋ ŋkuɣu, ɑcimɑ kʋyɛɛŋ ɩnɩ ɩ nɑɑtosompɔɣɔlɑɣɑ tɑɑ kɛ́. Ɩlɛnɑ pɑ́ tǝkǝnɑ kotuɣu sɔsɔɔʋ kɛ kʋyɑkʋ pǝlefɛɩ nɑɑnʋwɑ nyǝŋkʋ wule, ɩsɩɩ pɑɑ sɩɩʋ pǝ kiiu tɔ.
\c 9
\s1 Sɑmɑɑ lɑkɩ pɑ ɩsɑɣɑtʋ tisuɣu kɔtɑɣɑ
\p
\v 1 Ḿpʋ́ɣʋ́ ɩsɔtʋ kʋlʋm ɩnɩ ɩ kʋyɛɛŋ hiu nɑ liɣiti wule, Ɩsɛɣɛlɩ nyǝ́mɑ kotɑ nɔhɔkʋtʋ. Pɑ́ suuwɑ lɑŋwɑkǝllɛ wontu, nɑ pɑ́ pǝlɑ pɑ nyɔɔŋ tɑɑ kɛ́ tɛtʋ. 
\v 2 Nɑ Yutɑ nyǝ́mɑ fɑɣɑnɑ kpɑɩ nyǝ́mɑ nɑ pɑ́ wɛɛ kpeeŋɑ nɑ pɑ́ tisiɣi pɑ́ nɑ pɑ cɔsɔnɑɑ pɑ ɩsɑɣɑtʋ. 
\v 3 Ḿpʋ́ɣʋ́ pɑ sǝŋɑ kɑlǝfunɑɑ tooso tǝcu, nɑ pɑ́ nɩɩkɩ pɑ Ɩsɔ Tɑcɑɑ kiiu. Ɩlɛnɑ pɑ́ tɑsɑ-ɩ hǝntʋɣʋ kɛ ɑtɛɣɛ kɑlǝfunɑɑ tooso tɔtɔ nɑ pɑ́ sǝlǝmǝɣɩ-ɩ suulu.
\p
\v 4 Nɑ Lefii nyǝ́mɑ, nɑ Yesuwɑ, nɑ Pɑni, nɑ Kɑtǝmǝyɛlɩ, nɑ Sepɑniyɑ, nɑ Puni, nɑ Selepiyɑ, nɑ Pɑni, nɑ Kenɑni pɑ́ kʋlɩ nɑ pɑ́ sǝlǝmǝnɑ nɔɔsɩ sɔsɔɔnsɩ sɩ Tɑcɑɑ Ɩsɔ ɩ́ wɑɑsɩ-wɛ. 
\v 5 Pǝ wɑɑlɩ kɛ́ Lefii nyǝ́mɑ nɑ Yesuwɑ, nɑ Kɑtǝmǝyɛlɩ, nɑ Pɑni, nɑ Hɑsɑpǝneyɑ, nɑ Selepiyɑ, nɑ Hotiyɑ, nɑ Sepɑniyɑ, nɑ Petɑhiyɑ pɛlɛ pɑ cɔnɑ nɔɣɔ sɔsɑɣɑ sɩ: Ɩ́ kʋlɩ nɑ ɩ́ sɛɛ Tɑcɑɑ mǝ Ɩsɔ nɑ ɩ́ lɑkɩ ḿpʋ́ɣʋ́ tɑm tɔɔ.
\s1 Ɩsɔ sǝlǝmʋɣʋ sɔsɔɔʋ
\q1 Pɑɑ wei ɩ́ sɑ nyɑ́ hǝtɛ sɔsɔɔlɛ,
\q1 tǝ sɔsɔɔntʋ kǝlɑ yʋlʋ hʋwɛɛ tǝnɑ.
\q1
\v 6 Ɩlɛnɑ sɑmɑɑ sɑ Ɩsɔ sɩ:
\q1 Nyɑ́ tike tǝkoŋ ntɛ́ Tɑcɑɑ,
\q1 nyɑ́ lɑpǝnɑ ɩsɔtɔnʋɣʋ sɔsɔɔʋ,
\q1 nɑ ɩsɔtʋlʋŋɑsɩ, nɑ tɛtʋ,
\q1 nɑ tǝ tɑɑ nyǝm tǝnɑ, nɑ teŋkunɑɑ
\q1 nɑ pɑ tɑɑ nyǝm tǝnɑ.
\q1 Nyɑ́ hɑɑkǝnɑ pɑɑ kʋŋmɑŋmɑm mpiɣi weesuɣu.
\q1 Nɑ ɩsɔtɑɑ toŋ nyǝ́mɑ tǝnɑ hǝntǝɣɩ-ŋ ɑtɛ.
\q1
\v 7 Tɑcɑɑ Ɩsɔ, nyɑ́ yɑɑnɑ Apǝlɑm
\q1 nɑ ń lǝsɩ-ɩ Uu ɩcɑtɛ tɑɑ kɛ́
\q1 Pɑpiloni tɛtʋ tɑɑ nɑ ń cuɣusɩ-ɩ hǝtɛ sɩ Apǝlɑhɑm.
\q1
\v 8 Ɩ tɔntɛ kɛɛsǝnɑ-ŋ teu,
\q1 ɩlɛnɑ nyɑnɑ-ɩ ɩ́ pɛɛlɩ nɔɣɔ nɑ ń
\q1 yɔɣɔtɩ nɑ ń sɩɩ sɩ
\q1 n kɑ́ hɑ-ɩ Kɑnɑɑŋ nyǝ́mɑ, nɑ Hiti nyǝ́mɑ,
\q1 nɑ Amolii nyǝ́mɑ, nɑ Peliisi nyǝ́mɑ,
\q1 nɑ Yepusi nyǝ́mɑ, nɑ Kilikɑsɩ nyǝ́mɑ pɑ tɛtʋnɑɑ,
\q1 nɑ ɩ lʋlʋɣʋ nyǝ́mɑ cɑɣɑ.
\q1 N kɛ́ siɣisilu tɔɣɔ n tɔkɑ nyɑ́ kʋsǝsɩɩtʋ.
\q1
\v 9 N nɑwɑ tɑ́ cɔsɔnɑɑ wɑhɑlɑ kɛ Icipiti,
\q1 nɑ ɩsǝnɑ pɑ yɑɑkɑɣɑ-ŋ sɩ ń wɑɑsɩ-wɛɣɛ Sǝsǝncɑɑsɩ teŋku nɔɣɔ tɔ.
\q1
\v 10 N lɑpɑ kɔkɔlɔ nyǝmnɑɑ sɔsɔɔm kɛ
\q1 Icipiti wulɑʋ nɑ ɩ wɑɑlɩ nyǝ́mɑ,
\q1 nɑ ɩ tɛtʋ tǝnɑ yǝlɑɑ.
\q1 Ɩlɛnɑ nyɑ́ hǝtɛ yɑɑ sɔsɔm kɛ hɑlǝnɑ sɑŋɑ.
\q1 Mpi tɔ, n nyǝmɑ́ kɑlɑmpɑɑnɩ wei pɑ lɑkɑɣɑ tɑ́ cɔsɔnɑɑ tɔ.
\q1
\v 11 N fɑɣɑ lʋm kɛ cɑlɩ kɛ́
\q1 Ɩsɛɣɛlɩ nyǝ́mɑ ɩsɛntɑɑ nɑ pɑ́ tɛsɩ nɔɔhɛɛ.
\q1 N tʋsɑ pɑ wɑɑlɩ tǝŋlɑɑ kɛ lumɑŋ sɔsɔɔŋ tɑɑ,
\q1 nɑ pɑ́ tii tǝsii ɩsɩɩ pǝlɛ.
\q1
\v 12 Ɩsɔŋmʋntʋɣʋ kɛ pɑ nyǝnɑɣɑ,
\q1 nɑ pɑ́ tǝŋǝɣɩ ilim tɑɑ.
\q1 Ɩlɛnɑ kʋ kɔkɔ nɑ́ɑ́ nɑɑkɩ-wɛɣɛ ɑhoo nɑ pɑ́ tɔŋnɑ.
\q1
\v 13 Ɩsɔtɑɑ kɛ́ n tiinɑɑ nɑ ń yɔɣɔtǝnɑ-wɛɣɛ Sinɑyi pʋɣʋ tɑɑ.
\q1 Nɑ ń tʋ-wɛɣɛ kʋtʋtʋtʋ nɑ kʋsǝsɩɩtʋ kʋsiɣisitu
\q1 nɑ kiiŋ nɑ kʋsɛɣɛsǝtʋ tɑmpɑnɑ nyǝntʋ.
\q1
\v 14 Ɩlɛnɑ ń hʋ́lɩ́ nyɑ́ tǝmlɛ tʋ Moisi kɛ
\q1 kʋyɑkʋ kʋhɛɛsʋɣʋ tɔkʋɣʋ tɔm,
\q1 nɑ ɩ́lɛ́ ɩ́ kɛɛsɩ-wɛ.
\q1 Nɑ ń hʋlɩ-wɛɣɛ kiiu tɔm lɛntǝnɑɑ.
\q1
\v 15 Nɑ ń kʋ́ pɑ nyɔɣɔsɩ nɑ ɩsɔtɑɑ tɔɣɔnɑɣɑ.
\q1 Nɑ ń tʋlɩ kʋkpɑmʋɣʋ tɑɑ lʋm nɑ ń kʋnɑ pɑ lʋkɔtʋ.
\q1 Nɑ ń yele nɑ pɑ́ lɛɛkɩ tɛtʋ nti n kɑ sɩɩ nɔɣɔ
\q1 nɑ tuunɑʋ sɩ n kɑ́ hɑ-wɛ tɔ.
\q1
\v 16 Amɑ tɑ́ cɔsɔnɑɑ lɑpɑ kɑlɑmpɑɑnɩ
\q1 nɑ pɑ́ kʋlɩ nyɑ́ tɔɔ. Pɑ lɔɣɔ nyɑ́ kʋsǝsɩɩtʋ
\q1 nɑ pɑ lumɑɣɑ wɑɑlɩ.
\q1
\v 17 Pɑ kisɑ-tǝɣɩ tɔkʋɣʋ,
\q1 pɑ́ sɔɔ piti tǝmɑ nnɑ n lɑpɑ-wɛ tɔ.
\q1 Pɑ lɑpɑ lɑŋkpɩɩsǝŋ sɩ,
\q1 pɑ mǝlǝɣɩ pɑ yomle tɑɑ kɛ́ Icipiti.
\q1 Amɑ Ɩsɔ nyɑ́ wiiki pǝtɔɔtǝlɛ,
\q1 nɑ ń wɛnɑ suulu, nn mʋɣɩ pɑ́ɑ́nɑ́ kɛ lɔŋ,
\q1 nɑ nyɑ́ kʋpɑntʋ wɛ sɔɣɔntʋ, ɩlɛ n tɑ lɔ-wɛ.
\q1
\v 18 Pɑɑ nɑ wɑɑtʋ wei pɑ lupɑ nɑʋle nɑ pɑ́ tɔŋ sɩ:
\q1 Tɑ́ Ɩsɔ wei ɩ lǝsɑ-tʋɣʋ Icipiti tɑɑ tɔɣɔlɛ.
\q1 Pɑ sɑɣɑtɑɣɑ-ŋ sɔsɔm kɛ́.
\q1
\v 19 Nyɑ́ suulu kɑtɑtǝlɑɣɑ tɔɔ,
\q1 n tɑ lɔ-wɛɣɛ wʋlɑɣɑ tɛtʋ tɑɑ,
\q1 nɑ ɩsɔŋmʋntʋɣʋ tɑ yele-wɛɣɛ
\q1 mpɑɑʋ hʋlʋɣʋ kɛ ilim tɑɑ.
\q1 Pǝyele kʋ kɔkɔ nɑ́ tɑ́ yele-wɛɣɛ nɑʋ kɛ ɑhoo.
\q1
\v 20 N hɑ-wɛɣɛ nyɑ́ lǝmɑɣɑsɛɛ,
\q1 nɑ ń tɑsɑ-wɛɣɛ lɑɣɑtʋ.
\q1 N hɑ-wɛɣɛ mɑnnɑ nɑ pɑ́ tɔɣɔ nɑ lʋm nɑ pɑ́ nyɔɔ.
\q1
\v 21 Pɩɩsɩ nɩɩlɛ tǝcu kɛ́ n pɑɑsǝnɑ-wɛɣɛ
\q1 wʋlɑɣɑ tɛtʋ tɑɑ kɛ́ pɑ tɔntɛ tɑɑ, pɑ tɑ lɑŋ pʋlʋ.
\q1 Pɑ kususuutu tɑ sɩ́, pǝyele pɑ nɔɔhɛɛ tɑ mʋlɩ.
\q1
\v 22 N tʋ́ pɑ niŋ tɑɑ kɛ́ piitimnɑɑ nɑ ɑwulɑɑ,
\q1 nɑ pɑ́ lɛɛkɩ tɛtʋnɑɑ mpɑ pɑ cɔɔnɑ-wɛ tɔ,
\q1 ɩsɩɩ Hɛsǝpɔŋ tɛtʋ wulɑʋ Sihoŋ,
\q1 nɑ Pɑsɑŋ tɛtʋ nyǝŋ Oki.
\q1
\v 23 Nɑ ń hɑ-wɛɣɛ piyɑ kɛ pɑɣɑlɛ,
\q1 ɩsɩɩ ɩsɔtʋlʋŋɑsɩ,
\q1 nɑ ń ponɑ-wɛɣɛ Kɑnɑɑŋ tɛtʋ nti n kɑ heelɑ
\q1 pɑ cɔsɔnɑɑ sɩ pɑ́ polo pɑ́ lɛɛkɩ tɔ tǝ tɑɑ.
\q1
\v 24 Pɑ sʋʋ tǝ tɑɑ kɛ́ tɑmpɑnɑ, nɑ pɑ́ tɔɣɔ-tɩ.
\q1 Nɑ ń tɔɣɔnɩ Kɑnɑɑŋ nyǝ́mɑ nɑ mpɛ pɑ́ ŋmɑkǝlɩ-wɛ.
\q1 Pɑ lɑpǝnɑ hɔɣɔlʋɣʋ ŋkʋ kʋ yǝlɑɑ nɑ kʋ ɑwulɑɑ
\q1 kɛ ɩsǝnɑ pɑ cɑɑ tɔ.
\q1
\v 25 Pɑ lɛɛkɑ koloosi ɑcɑlɛɛ nɑ mʋsʋŋ tɛtʋ,
\q1 nɑ tɛɛsɩ nɑ sɩ tɑɑ sunɑ wɛnɑʋ, nɑ lɔkɔnɑɑ mpɑ
\q1 pɑ tɛmɑ huluɣu tɔ. Nɑ tɩɩŋ wei pɑ yɑɑ sɩ lɛsɛŋnɑɑ
\q1 nɑ Olifinɑɑ tɔ nɑ lɛlǝŋ.
\q1 Nyɑ́ pɛɛlɛɛ tɔɔ kɛ́ pɑ tɔɣɑɑ
\q1 nɑ pɑ́ hɑɣɑ nɑ pǝ́ cɑɣɑnɑ-wɛ.
\b
\q1
\v 26 Pɑɑ nɑ mpʋ pɑ lɑpɑ ɩsǝtoosile nyǝ́mɑ.
\q1 Pɑ kʋlɑ nyɑ́ tɔɔ. Pɑ kisɑ nyɑ́ kiiŋ,
\q1 pɑ kʋ́ nyɑ́ kʋyɔɣɔtʋtʋ tɛlǝsǝlɑɑ.
\q1 Pɛlɛ pɑ cɑɑlɑɣɑɑnɑ-wɛ sɩ pɑ́ mǝlǝnɑ nyɑ́ tɔɔ sɩ,
\q1 pɑ tɔntɛ tɑ kɛɛsɩ.
\q1
\v 27 Ḿpʋ́ɣʋ́ n tʋ-wɛɣɛ kolontunɑɑ niŋ tɑɑ,
\q1 nɑ pɛlɛ pɑ́ tɔkɩ pɑ ɩsɛ. Pɑ lɑŋɑ wɑkǝlɑɑ,
\q1 ɩlɛnɑ pɑ kɛɛsǝnɑ nyɑ́ tɔɔ nɑ ń nɩɩ pɑ tɑŋ.
\q1 Ɩlɛnɑ nyɑ́ sɔɔlʋɣʋ tɔɔ ń tilinɑ-wɛɣɛ yǝlɑɑ,
\q1 nɑ pɑ́ lɛɛkɩ-wɛɣɛ pɑ kolontunɑɑ ŋmɑkʋlʋɣʋ tɑɑ.
\q1
\v 28 N tɛmɑ-wɛɣɛ lǝsʋɣʋ kɛ
\q1 ŋmɑkǝllɑɑ niŋ tɑɑ kɛ́ kpɑkpɑɑ,
\q1 ɩlɛnɑ pɑ́ tɑɣɑnɩ-ŋ pǝntǝnɑʋ.
\q1 Nɑ ń tɑɣɑnɩ-wɛɣɛ kolontunɑɑ
\q1 sǝkpɑŋ tɑɑ kɛ́ pɛtʋɣʋ.
\q1 Nɑ pɑ́ tɑɣɑnɩ-ŋ wiinɑʋ nɑ ń nɩɩ,
\q1 nɑ ń tɑɣɑnɩ-wɛɣɛ wɑɑsʋɣʋ kɛ
\q1 tɔm pɑɣɑlɛ kɛ nyɑ́ sɔɔlʋɣʋ tɔɔ.
\q1
\v 29 Nyɑ́ cɑɑlɑ-wɛ sɩ pɑ́ tǝŋ nyɑ́ kiiŋ.
\q1 Amɑ ɩsǝcɑʋ pɩɩ mpɛ, ɩlɛnɑ pɑ́ kisi
\q1 nyɑ́ kʋsǝsɩɩtʋ nɑ nyɑ́ kʋtʋtʋtʋ.
\q1 Pǝ́cɔ́ tǝ hɑɑkɩ tǝ tǝŋlɑɑ kɛ weesiŋ kɛ́.
\q1 Ḿpʋ́ɣʋ́ pɑ kisɑ nyɑ́ nɩɩnɑʋ
\q1 nɑ pɑ́ lɑ́ lɑŋkpɩɩsǝŋ nɑ pɑ́ kʋlɩ nyɑ́ tɔɔ.
\b
\q1
\v 30 Pɩɩsɩ pɑɣɑlɛ kɛ n pɑɑsǝnɑ-wɛ,
\q1 nyɑ́ Feesuɣu Nɑŋŋtʋ kʋlǝnɑ
\q1 nyɑ́ kʋyɔɣɔtʋtʋ tɛlǝsǝlɑɑ,
\q1 nɑ pɑ́ yɑɑ-wɛ nɑ nyɑ́ nɔɣɔ. Amɑ pɑ tɑ nɩɩ,
\q1 ɩlɛnɑ ń tʋ-wɛɣɛ piitim kpɑɩ nyǝm niŋ tɑɑ.
\q1
\v 31 Pɑɑ nɑ mpʋ, nyɑ́ sɔɔlʋɣʋ kɑtɑtǝlɑɣɑ tɔɔ,
\q1 n tɑ kpiisi-wɛ. Pǝ́cɔ́ n tɑ lɔ-wɛ.
\q1 Mpi tɔ, Ɩsɔ nyɑ́ n sɔɔlǝɣɩ kɛ́ nɑ ń kɛ́ suulu tʋ.
\b
\q1
\v 32 Tɑ Ɩsɔ nyɑ́, n kɛ́ sɔsɔ kɛ́
\q1 nɑ ń wɛ toŋ nɑ sɔɣɔntʋ, nɑ ń
\q1 tɔkɑ tɑ́ nɑ-ŋ tɑ nɔɣɔ pɛɛlʋɣʋ kɛ teu.
\q1 Pɑɑsǝnɑ wɑhɑlɑnɑɑ mpɑ tǝ tɔkɩ tɔ,
\q1 pɑɑ tɑ́ cɔsɔnɑɑ, nɑ tɑ́ ɑwulɑɑ,
\q1 nɑ tɑ́ nyʋɣʋ nyǝ́mɑ, nɑ tɑ́ kɔtǝlɑɑ,
\q1 nɑ tɑ́ Ɩsɔ kʋyɔɣɔtʋtʋ tɛlǝsǝlɑɑ,
\q1 nɑ tɑ́ mɑɣɑmɑɣɑ kɛ pǝ kpɑɣɑʋ Asilii
\q1 ɑwulɑɑ pɔɔlɛ tɑɑ nɑ pǝ́ sɩɩnɑ sɑŋɑ tɔ.
\q1
\v 33 Pǝ tǝnɑɣɑ mpʋ pǝ tɑɑ,
\q1 n pɑɑsǝnɑ-tʋɣʋ teu kɛ́.
\q1 Amɑ tɑɣɑlɛ tɛtɛlɑtɑɑ.
\q1
\v 34 Tɑ́ cɔcɔnɑɑ, nɑ tɑ́ ɑwulɑɑ,
\q1 nɑ tɑ́ nyʋɣʋ nyǝ́mɑ nɑ tɑ́
\q1 kɔtǝlɑɑ tɑ tɔkɩ nyɑ́ kiiu,
\q1 pɑ kisɑ nyɑ́ kʋsǝsɩɩtʋ nɑ
\q1 kpɑɑlʋɣʋ mpi n kpɑɑlɑ-wɛ tɔɣɔ.
\q1
\v 35 Pɑɑ nɑ n kɑtɑ-wɛɣɛ nyɑ́ kʋpɑntʋ nɑ ń sɩɩ-wɛɣɛ tɛtʋ
\q1 sɔsɔɔntʋ mʋsʋŋ nyǝntʋ tɑɑ nɑ pɑ́ tɔkɩ kɑwulɑɣɑ tɔ,
\q1 pɑ tɑ kisi ɩsɑɣɑtʋ lɑpʋ sɩ pɑ́ pɑɑsǝnɑ nyɑ́ tǝmlɛ.
\q1
\v 36 Sɑŋɑ tɑɑ tǝ pǝsɑ tɛtʋ nti n hɑ
\q1 tɑ́ cɔsɔnɑɑ tɔ tǝ yomɑɑ ntɛ́.
\q1 Pǝyele n kɑ hɑ-wɛɣɛ tǝɣɩ sɩ
\q1 pɑ́ yɔɔlǝnɑ tǝ kʋlʋlʋm nɑ tǝ kʋpɑntʋ.
\q1
\v 37 Awulɑɑ mpɑ pɑ niŋ tɑɑ n tʋ-tʋ tɔ,
\q1 mpɛɣɛ tɛtʋ ntɩ tǝ lʋlǝɣɩ kʋpɑntʋnɑɑ kɛ sɔsɔm.
\q1 Mpi tɔ, tǝ pǝntǝnɑ-ŋ tɔ pǝ tɔɔ.
\q1 Pɑ lɑkǝnɑ tɑ́ mɑɣɑmɑɣɑ tɑ́ tɔlɑ kɛ ɩsǝnɑ pɑ sɔɔlɑɑ tɔɣɔ,
\q1 nɑ tǝ́ wɛ lɑŋwɑkǝllɛ sɔsɔɔlɛ tɑɑ.
\s1 Yǝlɑɑ tʋ pɑ tǝɣɩ kiiŋ tǝŋʋɣʋ
\p
\v 38 Ḿpʋ́ɣʋ́ Ɩsɛɣɛlɩ nyǝ́mɑ tɑsɑɑ sɩ: Wɑhɑlɑ wei ɩ mɑɣɑnɑ-tʋ tɔ, ɩ tɔɔ kɛ́ tǝ tʋ tɑ́ tɑɑ sɩ, tɩɩ tǝŋ nyɑ́ kiiŋ, hɑlǝnɑ tǝ ŋmɑɑ-tɩ. Tɑ́ nyʋɣʋ nyǝ́mɑ, nɑ tɑ́ Lefii nyǝ́mɑ, nɑ tɑ́ kɔtǝlɑɑ pɑ tʋnɑ niŋ.
\c 10
\m
\v 1 Hɑlɩ niŋ tʋlɑɑ mpɛ pɑ hǝlɑ ntɔ: Hɑkɑliyɑ pǝyɑlʋ kʋfǝnɛɛ Nehemii, nɑ Sitekiyɑ. 
\v 2 Nɑ Selɑyɑ, nɑ Asɑliyɑ, nɑ Imeyɑ.
\m
\v 3 Nɑ Pɑsehuu, nɑ Amɑliyɑ, nɑ Mɑlǝkiyɑ. 
\v 4 Nɑ Hɑtusi, nɑ Sepɑniyɑ, nɑ Mɑlukɩ. 
\v 5 Nɑ Hɑlim, nɑ Melemɔtɩ, nɑ Opɑtiyɑ. 
\v 6 Nɑ Tɑniyɛɛlɩ, nɑ Kinetɔŋ, nɑ Pɑɑluuki. 
\v 7 Nɑ Mesulɑm, nɑ Apiyɑ, nɑ Miyɑmɛŋ. 
\v 8 Nɑ Mɑɑsiyɑ, nɑ Pilikɑyi, nɑ Semɑyɑ. Pɑ tǝnɑɣɑ mpʋ kɔtǝlɑɑ.
\m
\v 9 Lefii nyǝ́mɑ tɑɑ kɛ́ Asɑniyɑ pǝyɑlʋ Yesuwɑ, nɑ Hɑtɑtɩ lʋlʋɣʋ tʋ Pinuwi, nɑ Kɑtǝmǝyɛlɩ, nɑ pɑ tɑɑpɑlɑɑ. Nɑ Sepɑniyɑ, nɑ Hotiyɑ, nɑ Kelitɑ, nɑ Pelɑyɑ, nɑ Hɑnɑŋ. Nɑ Mikɑ, nɑ Lehopɩ, nɑ Hɑsɑpiyɑ, nɑ Sɑkuu, nɑ Selepiyɑ, nɑ Sepɑniyɑ, nɑ Hotiyɑ, nɑ Pɑni, nɑ Pininu. Pɑ tǝnɑɣɑ mpʋ Lefii nyǝ́mɑ.
\m
\v 14 Nyʋɣʋ nyǝ́mɑ ntɛ́ Pɑlɔsɩ, nɑ Pɑhɑtɩ-Mowɑpʋ, nɑ Ɩlɑm, nɑ Sɑtu, nɑ Pɑni. Nɑ Puni, nɑ Asǝkɑtɩ, nɑ Pepɑyi, nɑ Atoniyɑ, nɑ Pikifɑyi, nɑ Atɛŋ, nɑ Atɛɛ, nɑ Hisikiyɑ. Nɑ Asuu, nɑ Hotiyɑ, nɑ Hɑsum, nɑ Pesɑyi, nɑ Hɑlifɩ, nɑ Anɑtɔtɩ, nɑ Nepɑyi, nɑ Mɑkǝpǝyɑsɩ. Nɑ Mesulɑm, nɑ Hesii, nɑ Mesesɑpɛlɩ, nɑ Sɑtɔkɩ, nɑ Yɑtuwɑ, nɑ Pelɑtiyɑ, nɑ Hɑnɑŋ, nɑ Anɑniyɑ, nɑ Osee. Nɑ Hɑnɑniyɑ, nɑ Hɑsupɩ, nɑ Hɑlohɛsɩ, nɑ Pilɑ, nɑ Sopɛkɩ, nɑ Lehum, nɑ Hɑsɑpǝnɑ, nɑ Mɑɑseyɑ. Nɑ Ahiyɑ, nɑ Hɑnɑŋ, nɑ Anɑŋ, nɑ Mɑlukɩ, nɑ Hɑlim, nɑ Pɑɑnɑ.
\p
\v 28 Nɑ pǝ́ sɔɔsɩ pɛlɛ pɑ tɔɔ kɛ́ tɛtʋ nyǝ́mɑ lɛlɑɑ nɑ kɔtǝlɑɑ, nɑ Lefii nyǝ́mɑ, nɑ nɔnɔɔsɩ tɑŋlɑɑ, nɑ yonyoolɑɑ. Nɑ Ɩsɔ tǝsɛɛlɛ tɑɑ tǝmlɛ lɑtɑɑ nɑ tɑ́ mpɑ tǝ fɑɣɑnɑ tɛtʋ tɑɑ cɑɣɑlɑɑ kɛ Pɑpiloni ponɑʋ wɑɑtʋ tǝnɑ nɑ tǝ́ tɔkɑ Ɩsɔ kiiu kɛ teu tɔ. Nɑ tɑ́ ɑlɑɑ nɑ tɑ́ ɑpɑlʋpiyɑ nɑ ɑlʋnyǝmɑ mpɑ pɑ ɩsɛ nyɑɑlɑɑ tɔ. 
\v 29 Tɑ́ nɑ tɑ́ tɑɑpɑlɑɑ kʋpɑmɑ tǝ sɩɩ tɑ́ nɔɔsɩ kɛ́ nɑ ɩsǝlɛ kʋsɛɛmlɛ sɩ tɩɩ tɔ kiiu ŋku Ɩsɔ tǝmlɛ tʋ Moisi cɛlɑ-tʋ tɔ kʋ tɑɑ. Tɩɩ tɔkɩ Tɑcɑɑ kʋsǝsɩɩtʋ nɑ ɩ kʋtʋtʋtʋ.
\p
\v 30 Nɑ tǝ́ sɩɩ tɑ́ nɔɔsɩ sɩ tǝ kɑɑ hɑ tɑ́ pɛɛlɑɑ kɛ yǝlɑɑ mpɑ pɑɑ wɛ tɛtʋ tɑɑ kɛ́ Pɑpiloni pote wɑɑtʋ tɔ. Pǝ́cɔ́ tǝ kɑɑ cɑɑ pɑ pɛɛlɑɑ kɛ tɑ́ pǝyɑlɑɑ. 
\v 31 Ye yǝlɑɑ mpɛ pɑ pɛɛtǝɣɩ tɔɣɔnɑɣɑ, yɑɑ pʋlʋɣʋ kʋyɑkʋ kʋhɛɛsʋɣʋ wule, yɑɑ ɑcimɑ wule, tǝ kɑɑ yɑ pǝ tɑɑ pʋlʋ. Pɑɑ pɩɩsɩ nɑɑtosompɔɣɔlɑɣɑ wei, tɩɩ yele tɛtʋ nɑ tǝ́ hɛɛsɩ nɑ tǝ́ kisi sɩ pɑ́ tɑɑ cɑɑlɩ nɔɣɔlʋ sɩ ɩ́ fɛlɩ ɩ kǝmlɛ. 
\v 32 Tɩɩ tʋ tɑ́ tɩ sɩ, pɑɑ wei ɩ́ fɛlɩ liɣitee nyǝɣǝlʋɣʋ ŋku kʋ yuŋ wɛ cɑcɑɑsɩ liɣiti tɔɣɔ, pɑɑ pǝnɑɣɑ ŋkɑɣɑ Ɩsɔ tǝsɛɛlɛ tǝmlɛ tɔɔ. 
\v 33 Liɣitee ɑnǝɣɩ pɑɑ yɑnɑ Ɩsɔ potopotonɑɑ, nɑ kɔtɑɣɑ ŋkɑ kɔkɔ lusɑ kɑ tǝnɑ tɔ kɑ wontu, nɑ tɔɣɔnɑɣɑ kʋhɑʋ ŋku pɑɑ kɔnɑ pɑɑ ɩfemle nte tɔ. Nɑ kɔtɑsɩ nsi pɑ lɑkɩ kʋyɑkʋ kʋhɛɛsʋɣʋ wule tɔ, nɑ ɩsɔtʋ kʋfɑlʋ ɑcimɑ nɑ ɑcimɑnɑɑ lɛlɑɑ nyǝnsɩ. Nɑ kɔtɑsɩ nsi Ɩsɛɣɛlɩ nyǝ́mɑ kɑ́ lɑ pɑ ɩsɑɣɑtʋ tɑɣɑnʋɣʋ tɔɔ tɔ, nɑ pɑ́ tɑɣɑnǝnɑ liɣitee ɑnɩ tɔtɔɣɔ Ɩsɔ tǝsɛɛlɛ. 
\v 34 Kɔtǝlɑɑ tɑ́, nɑ Lefii nyǝ́mɑ nɑ sɑmɑɑ, tɛtɛ kɛ́ tǝ tɔwɑ nɑ tǝ́ fɑɣɑnɑ tɑ́ lʋlʋŋ nɑ tǝ́ sɩɩ wɑɑtʋnɑɑ mpɑ tɩɩ hɑ kpeŋkpelɑsɩ, nɑ tǝ́ kɔnɑ Ɩsɔ tǝsɛɛlɛ kɛ pɑɑ pǝnɑɣɑ ŋkɑ ɩsɩɩ pɑ kɛɛsɑ kiiu tɑɑ tɔ. Nɑ tǝ́ ponɑ tɑɑsɩ nsi pɑɑ wɔnɑ kɔtɑsɩ kɛ tɑ́ Ɩsɔ Tɑcɑɑ kɔtɑɣɑ tǝlɑtɛ tɔɔ tɔ. 
\v 35 Tǝ sɩɩwɑ sɩ pɑɑ pǝnɑɣɑ ŋkɑ tɩɩ ponɑ Ɩsɔ tǝsɛɛlɛ tɑɑ kɛ́ tɑ́ tɑwɑ nɑ tɑ́ tɩɩŋ kʋlʋlʋm. 
\v 36 Tɩɩ hɑ Ɩsɔ kɛ́ tɑ́ kɑncɑɑlɑɣɑ ɑpɑlʋpiyɑ, nɑ tɑ́ tɔlɑ nyǝnsɩ, ɩsɩɩ pɑ kɛɛsɑ Ɩsɔ kiiu tɑɑ tɔ. Pɑɑ nɑɑŋ, yɑɑ heeŋ, yɑɑ pǝ́ŋ nɑ tǝ́ cɛlɑ kɔtǝlɑɑ mpɑ pɑ lɑkɩ Ɩsɔ tǝmlɛ kɛ Ɩsɔ tǝsɛɛlɛ tɑɑ tɔ. 
\v 37 Tɩɩ cosi tɑ́ kʋhɑlǝm kɑlɑɑlɑsɩ tɑɑ nɑ tǝ́ cɛlɑ-wɛ. Pɑɑ tɩɩŋ pee, pɑɑ sʋlʋm, pɑɑ nim, nɑ tǝ́ sɩɩ Ɩsɔ tǝsɛɛlɛ sɔsɔɔlɛ kutuluŋ lɛlǝŋ tɑɑ. Lefii nyǝ́mɑ kɑ́ tɔɣɔnɑ ntɛɣɛ tɑ́ tɛtʋ kʋlʋlʋm hɔɣɔlǝŋ nɑɑnʋwɑ tɑɑ kʋlʋmʋɣʋ. Mpɛ pɑɑ cɔɔnɑ timpiwɛ tǝ wɛɛ tɔ, nɑ pɑ́ lǝsɩ hɔɣɔlǝŋ ɩnɩ. 
\v 38 Alɔŋ lʋlʋŋ kɔtǝlɑɑ tɑɑ nɔɣɔlʋ kɑ́ tǝŋ Lefii nyǝ́mɑ kɛ wɑɑtʋ wei pɑ mʋɣɩ hɔɣɔlǝŋ nɑɑnʋwɑ tɑɑ kʋlʋmʋɣʋ tɔ. Ɩlɛnɑ Lefii nyǝ́mɑ nɑ́ɑ́ lǝsɩ pǝ tɑɑ tɔtɔɣɔ hɔɣɔlǝŋ nɑɑnʋwɑ tɑɑ kʋlʋmʋɣʋ nɑ pɑ́ ponɑ Ɩsɔ tǝsɛɛlɛ kɛ kpɑncoou kutuluŋ tɑɑ. 
\v 39 Ɩsɛɣɛlɩ nyǝ́mɑ nɑ Lefii nyǝ́mɑ pɑɑ ponɑ tɔɣɔnɑɣɑ nɑ sʋlʋm kʋfɑm nɑ nim pǝ kɔtɑɣɑ kɛ Ɩsɔ tǝsɛɛlɛ kutuluŋ tɑɑ. Kutuluŋ ɩnɩ ɩ tɑɑ kɛ́ pɑ sɩɩkɩ wontu, nɑ kɔtǝlɑɑ tǝmlɑtɑɑ nɑ nɔnɔɔsɩ tɑŋlɑɑ nɑ yonyoolɑɑ nɑ́ɑ́ cɑkɩ.
\p Wɑɑtʋ ɩnɩ tǝ kɑɑ yele Ɩsɔ tǝsɛɛlɛ kɛ yem.
\c 11
\s1 Yutɑ nyǝ́mɑ mpɑ pɑ mǝlɑ Yosɑlɛm tɑɑ tɔ pɑ hǝlɑ
\p
\v 1 Ḿpʋ́ɣʋ́ nyɔɔŋ nyǝ́mɑ cɑɣɑ Yosɑlɛm tɑɑ. Pǝ yelɑ sɑmɑɑ wei, ɩlɛnɑ pɑ́ kɑlǝɣɩ yǝlɑɑ nɑɑnʋwɑ nɑɑnʋwɑ, nɑ pɑ́ lǝsǝɣɩ kʋlʋm kʋlʋm wei pɑ tɔ tɛtɛ nɑ pǝ́ kpɑ tɔ sɩ, pɛlɛ pɑ́ polo Ɩsɔ ɩcɑtɛ Yosɑlɛm tɑɑ nɑ pɑ́ cɑɣɑ. Pǝ kɑɑsɑ pɔɣɔlɑɣɑfɛɩ nɑɑnʋwɑ nɑɑnʋwɑ wei tɔ, ɩlɛnɑ pɑ́ polo tɛtʋ tɑɑ ɑcɑlɛɛ lɛnnɑ tɑɑ nɑ pɑ́ cɑɣɑ. 
\v 2 Ɩlɛnɑ pɑ lɑŋɑ hɛɛnɑ mpɑ pɑ hɑ pɑ tǝɣɩ kpɑkpɑɑ sɩ, pɑ puki pɑ́ cɑɣɑ Yosɑlɛm tɑɑ tɔ.
\p
\v 3 Tɛtʋ hɔɣɔlǝŋ nyɔɔŋ nyǝ́mɑ nɑ́ cɑɣɑ Yosɑlɛm kɛ́, ɩlɛnɑ Ɩsɛɣɛlɩ nyǝ́mɑ lɛlɑɑ, nɑ kɔtǝlɑɑ, nɑ Lefii nyǝ́mɑ, nɑ Ɩsɔ tǝsɛɛlɛ tǝmlɑtɑɑ sǝkpemɑ, nɑ Sɑlʋmɔŋ tǝmlɑtɑɑ lʋlʋɣʋ nyǝ́mɑ nɑ́ɑ́ cɑɣɑ pɑɑ wei nɑ ɩ tǝcɑɣɑlɛ. 
\v 4 Pɑɑ nɑ mpʋ tɔ, Yutɑ nɑ Pɛncɑmɛɛ pǝ yǝlɑɑ lɛlɑɑ cɑɣɑ Yosɑlɛm.
\p Yutɑ yǝlɑɑ tɑɑ nyǝ́mɑ hǝlɑ ntɛ́, Pɛlɛsɩ piitim tʋ Atɑyɑ, nɑ ɩ́lɛ́ ɩ lʋlʋɣʋ tʋ Mɑlɑleyɛlɩ, nɑ Sefɑtiyɑ, nɑ Amɑliyɑ, nɑ Sɑkɑlɩ, nɑ Usiyɑ. 
\v 5 Nɑ Sɑkɑlɩ lʋlʋɣʋ tʋ Siloni nɑ ɩ́lɛ́ ɩ lʋlʋɣʋ tʋ Mɑɑseyɑ, nɑ Yoyɑlipɩ, nɑ Atɑyɑ, nɑ Hɑsɑyɑ, nɑ Kolɩ-Hose, nɑ Pɑɑluuki. 
\v 6 Pɛlɛsɩ lʋlʋɣʋ nyǝ́mɑ kpɛntɑ nɑsǝlɛ nɑ pǝlefɛɩ nɩɩtoso nɑ nɑɑnʋwɑ (468) kɛlɛ Yosɑlɛm tɑɑ. Pɑ tǝnɑɣɑ mpʋ pɑ kɛ́ kpelikpekɑ nyǝ́mɑ.
\p
\v 7 Pɛncɑmɛɛ nyǝ́mɑ tɑɑ kɑ wɛ Yesɑyɑ lʋlʋɣʋ tʋ Sɑlu nɑ ɩ́lɛ́ ɩ lʋlʋɣʋ tʋ Ɩtǝyɛɛlɩ, nɑ Mɑɑseyɑ, nɑ Kolɑyɑ, nɑ Petɑyɑ, nɑ Yowɛtɩ, nɑ Mesulɑm. 
\v 8 Nɑ Kɑpɑyi, nɑ Sɑlɑyi. Pɛncɑmɛɛ nyǝ́mɑ kpɛntɑ nɑsǝnɑɑsɑ nɑ nɩɩnʋwɑ nɑ pǝlefɛɩ hiu nɑ nɑɑnʋwɑ (928). 
\v 9 Sikǝli pǝyɑlʋ Sowɛɛlɩ kɑ́ kɛnɑ pɑ nyʋɣʋ tʋ, nɑ Hɑsenuwɑ pǝyɑlʋ Yehutɑ kɛlɛ ɩcɑtɛ wulɑʋ wɑɑlɩ tʋ.
\p
\v 10 Kɔtǝlɑɑ tɑɑ nyǝ́mɑ ntɛ́ Yoyɑlipɩ pǝyɑlʋ Yetɑyɑ nɑ Yɑkɛŋ. 
\v 11 Nɑ kɔtʋlʋ sɔsɔ Ahitupi lʋlʋɣʋ tʋ Selɑyɑ, nɑ Selɑyɑ lʋlʋɣʋ nyǝ́mɑ Melɑyɔtɩ, nɑ Sɑtɔkɩ, nɑ Mesulɑm, nɑ Hilikiyɑ. 
\v 12 Nɑ pǝ́ sɔɔsǝnɑ pɑ lʋlʋŋ nyǝ́mɑ nɑsǝnɑɑsɑ nɑ hiu nɑ nɑɑlɛ (822). Mpɑ pɑ pɑɑsǝɣǝnɑ Ɩsɔ tǝsɛɛlɛ tɑɑ tǝmɑ tɔ nɑ Mɑlǝkiyɑ lʋlʋɣʋ tʋ Atɑyɑ, nɑ Atɑyɑ lʋlʋɣʋ nyǝ́mɑ Pɑsehuu, nɑ Sɑkɑlɩ, nɑ Amsi, nɑ Pelɑliyɑ, nɑ Yelowɑm. 
\v 13 Nɑ pǝ́ sɔɔsǝnɑ lʋlʋŋ nyɔɔŋ nyǝ́mɑ ŋmʋnʋɣʋ nɑ nɩɩlɛ nɑ nɑɑlɛ (242) mpɑ pɑ kɛ́ ɩ nyǝ́mɑ tɔ. Nɑ Ɩmɛɛ lʋlʋɣʋ tʋ Amɑsesɑyi, nɑ Amɑsesɑyi lʋlʋɣʋ nyǝ́mɑ Misilemɔtɩ, nɑ Asɑyi, nɑ Asɑlɛlɩ. 
\v 14 Nɑ pǝ́ sɔɔsǝnɑ yoolɑɑ tɑɑ yoolɑɑ nɩɩnʋwɑ nɑ pǝlefɛɩ hiu nɑ nɑɑnʋwɑ (128), mpɑ pɑ kɛ́ ɩ nyǝ́mɑ tɔ. Pɛlɛ pɑ nyʋɣʋ tʋ ntɛ́ Hɑketolim pǝyɑlʋ Sɑpitiyɛlɩ.
\p
\v 15 Lefii nyǝ́mɑ tɑɑ kɑ wɛ Puni lʋlʋɣʋ tʋ Semɑyɑ, nɑ Semɑyɑ lʋlʋɣʋ nyǝ́mɑ Hɑsɑpiyɑ, nɑ Asǝlikɑm, nɑ Hɑsupɩ. 
\v 16 Nɑ pǝ́ sɔɔsǝnɑ Lefii nyʋɣʋ nyǝ́mɑ Sɑpǝtɑyi, nɑ Yosɑpɑtɩ mpɑ pɑ pɑɑsǝɣǝnɑ Ɩsɔ tǝsɛɛlɛ wɑɑlɩ tǝmɑ tɔ. 
\v 17 Nɑ Asɑfɩ lʋlʋɣʋ tʋ Mɑtɑniyɑ nɑ Mɑtɑniyɑ lʋlʋɣʋ nyǝ́mɑ Sɑpǝti, nɑ Mikɑ wei ɩ cɑɑlǝɣɩ sɑmtʋ yontu kɛ Ɩsɔ sɛɛʋ wɑɑtʋ tɔ, nɑ Mɑtɑniyɑ newɑɑ tɑɑ lɛlʋ Pɑsukiyɑ wei ɩ wɛ Mikɑ wɑɑlɩ tɔ nɑ Yetutuŋ lʋlʋɣʋ tʋ Apǝtɑ, nɑ Apǝtɑ lʋlʋɣʋ nyǝ́mɑ Kɑlɑlɩ nɑ Sɑmʋwɑ. 
\v 18 Lefii nyǝ́mɑ kpɛntɑ ŋmʋnʋɣʋ nɑ nɩɩnɑɑsɑ nɑ liɣiti (284) kɛ́ Ɩsɔ ɩcɑtɛ tɑɑ.
\p
\v 19 Pǝ́ kɑɑsɩ nɔnɔɔsɩ tɑŋlɑɑ Akupi, nɑ Tɑlǝmɔŋ mpɑ nɑ pɑ lʋlʋɣʋ nyǝ́mɑ pɑ pɑɑsǝɣǝnɑ nɔnɔɔsɩ tɔ. Pɑ kpɛntɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (172).
\p
\v 20 Pǝ́ kɑɑsɩ Ɩsɛɣɛlɩ nyǝ́mɑ lɛlɑɑ, nɑ Lefii nyǝ́mɑ nɑ kɔtǝlɑɑ, pɑɑ wei ɩ kɑ wɛ ɩ tǝcɑɣɑlɛ kɛ Yutɑ ɑcɑlɛɛ tɑɑ. 
\v 21 Ɩsɔ tǝsɛɛlɛ tɑɑ tǝmlɑtɑɑ kɑ wɛ Yosɑlɛm ɩcɑtɛ hɔɣɔlʋɣʋ ŋku pɑ yɑɑ sɩ Ofɛlɩ tɔ kʋ tɑɑ, nɑ Sihɑ, nɑ Kisepɑ pɑ́ pɑɑsǝɣǝnɑ-wɛ.
\p
\v 22 Yosɑlɛm tɑɑ Lefii nyǝ́mɑ nyʋɣʋ tʋ ntɛ́ Mikɑ lʋlʋɣʋ tʋ Usi, nɑ Usi lʋlʋɣʋ nyǝ́mɑ Mɑtɑniyɑ nɑ Hɑsɑpiyɑ nɑ Pɑni. Pɑni kɑ kɛ́ Asɑfɩ lʋlʋɣʋ tʋ kɛ́. Mpɛ pɑɑ kɛnɑ Ɩsɔ tǝsɛɛlɛ tɑɑ yontu pɑɑsǝnlɑɑ. 
\v 23 Yonyoolɑɑ tǝŋɑɣɑ Ɩsɔ kɑwulɑɣɑ tɑɑ kʋsǝsɩɩtʋ kɛ́. Nɑ ɩsǝnɑ pɑɑ sɩɩ-wɛ sɩ pɑ́ lɑ pɑ tǝmɑ kɛ pɑɑ ɩfemle nte tɔ.
\p
\v 24 Yutɑ pǝyɑlʋ Selɑ lʋlʋɣʋ tʋ Mesesɑpɛlɩ pǝyɑlʋ Petɑhiyɑ kɑ kɛnɑ Ɩsɛɣɛlɩ nyǝ́mɑ nyʋɣʋ tʋ kɛ Pɛɛsɩ nyǝ́mɑ kɑwulɑɣɑ tɑɑ.
\s1 Yutɑ nyǝ́mɑ mpɑ pɑ fɛɩ Yosɑlɛm tɑɑ tɔ
\p
\v 25 Yutɑ kpekɑ lʋlʋŋ nyǝ́mɑ lɛlɑɑ kɑ cɑɣɑ tɑwɑ tɑɑ kɛ́ Kiliyɑtɩ-Aɑpɑ, nɑ pǝ cɔlɔ ɑcɑlisi, nɑ Tipɔŋ nɑ pǝ cɔlɔ nyǝnsɩ nɑ Yekɑpǝseyɛlɩ, nɑ pǝ cɔlɔ nyǝnsɩ. 
\v 26 Nɑ Yesuwɑ, nɑ Molɑtɑ, nɑ Pɛtɩ-Pɛlɛtɩ. 
\v 27 Nɑ Hɑsɑɑ-Suwɑlɩ, nɑ Pɛɛsepɑ nɑ pǝ cɔlɔ ɑcɑlɛɛ. 
\v 28 Nɑ Sikǝlɑkɩ nɑ Mekonɑ nɑ pǝ cɔlɔ ɑcɑlɛɛ. 
\v 29 Nɑ Aŋ-Limɔŋ, nɑ Solɑ, nɑ Yɑɑmutɩ. 
\v 30 Nɑ Sɑnowɑ, nɑ Atulɑm, nɑ pǝ cɔlɔ ɑcɑlɛɛ, nɑ Lɑkisi nɑ pǝ cɔlɔ ɑcɑlɛɛ, nɑ Asekɑ nɑ pǝ cɔlɔ ɑcɑlɛɛ. Mpʋ tɔ, pǝ kpɑɣɑʋ Pɛɛsepɑ kɛ ilim mpǝtǝŋ tɔɔ nɑ pǝ́ polo Hinom tɛtɛkǝlɛ kɛ ilim ntɔɣɔŋ tɔɔ tɔɣɔ pɑɑ cɑɣɑɑ.
\p
\v 31 Pɛncɑmɛɛ kpekɑ lʋlʋŋ nyǝ́mɑ kɑ cɑɣɑnɑ Kepɑ nɑ Mikimɑsɩ nɑ Ayɑ nɑ Petɛɛlɩ nɑ pǝ cɔlɔ ɑcɑlɛɛ. 
\v 32 Nɑ Anɑtɔtɩ, nɑ Nopɩ, nɑ Anɑniyɑ. 
\v 33 Nɑ Hɑsɔɔ, nɑ Lɑmɑ, nɑ Kitɑyim. 
\v 34 Nɑ Hɑtitɩ, nɑ Sepoyim, nɑ Nepɑlɑtɩ. 
\v 35 Nɑ Lotɩ, nɑ Ono nɑ niŋ tǝmɑ lɑtɑɑ tɛtɛkǝlɛ.
\p
\v 36 Lefii kpekɑ lɛnnɑ lɩ́ɩ́ Yutɑ tɑɑ nɑ ɑ́ sʋ́ʋ́ Pɛncɑmɛɛ nyǝntɛ tɑɑ.
\c 12
\s1 Kɔtǝlɑɑ nɑ Lefii nyǝ́mɑ pɑ hǝlɑ
\p
\v 1 Kɔtǝlɑɑ nɑ Lefii nyǝ́mɑ mpɑ nɑ Selɑtǝyɛlɩ pǝyɑlʋ Solopɑpɛɛlɩ nɑ Yesuwɑ pɑ lɩɩnɑ timpi pɑɑ ponɑ-wɛ tɔ pɑ hǝlɑ ntɔ. Selɑyɑ, nɑ Ɩmeyɑ, nɑ Ɩsǝlɑ. 
\v 2 Nɑ Amɑliyɑ, nɑ Mɑlukɩ, nɑ Hɑtusi. 
\v 3 Nɑ Sekɑniyɑ, nɑ Lehum, nɑ Melemɔtɩ. 
\v 4 Nɑ Ɩtoo, nɑ Kinetɔyi, nɑ Apiyɑ. 
\v 5 Nɑ Miyɑmɛŋ, nɑ Mɑɑtiyɑ, nɑ Pilikɑ. 
\v 6 Nɑ Semɑyɑ, nɑ Yoyɑlipɩ, nɑ Yetɑyɑ. 
\v 7 Nɑ Sɑlu, nɑ Amokɩ, nɑ Hilikiyɑ, nɑ Yetɑyɑ. Pɑnɛ ɩnɩ pɑ tǝnɑ pɑɑ kɛ́ Lefii nyǝ́mɑ nɑ kɔtǝlɑɑ nyɔɔŋ nyǝ́mɑ kɛ Yesuwɑ pɔɔlɛ tɑɑ kɛ́. 
\v 8 Lefii nyǝ́mɑ tɑɑ yǝlɑɑ ntɛ́ Yesuwɑ, nɑ Pinuwi, nɑ Kɑtǝmǝyɛlɩ, nɑ Selepiyɑ, nɑ Yehutɑ, nɑ Mɑtɑniyɑ. Mɑtɑniyɑ nɑ ɩ tǝyɑɣɑ yǝlɑɑ pɑ yookɑɣɑnɑ sɑmtʋ yontu. 
\v 9 Nɑ Lefii nyǝ́mɑ mpɑ pɑɑ wɛ pɑ kiŋ nɑ pɑ́ lɑkɩ Ɩsɔ tǝmlɛ tɔ pɛlɛ pɑ́ cɔɔkɩ.
\p
\v 10 Yesuwɑ lʋlǝnɑ Yoyɑkim, nɑ Yoyɑkim lʋlɩ Ɩliyɑsipɩ, nɑ Ɩliyɑsipɩ lʋlɩ Yoyɑtɑ. 
\v 11 Nɑ Yoyɑtɑ lʋlɩ Yonɑtɑŋ, nɑ Yonɑtɑŋ lʋlɩ Yɑtuwɑ.
\p
\v 12 Kɔtʋlʋ sɔsɔ Yoyɑkim pɔɔlɛ tɑɑ kɔtǝlɑɑ lʋlʋŋ nyɔɔŋ nyǝ́mɑ hǝlɑ ntɔ. Selɑyɑ lʋlʋɣʋ tʋ ntɛ́ Melɑyɑ, nɑ Ɩmeyɑ lʋlʋɣʋ tʋ ntɛ́ Hɑnɑniyɑ. 
\v 13 Ɩsǝlɑ lʋlʋɣʋ tʋ ntɛ́ Mesulɑm, nɑ Amɑliyɑ lʋlʋɣʋ tʋ ntɛ́ Yohɑnɑŋ. 
\v 14 Nɑ Mɛliku lʋlʋɣʋ tʋ ntɛ́ Yonɑtɑŋ, nɑ Sepɑniyɑ lʋlʋɣʋ tʋ ntɛ́ Yosɛɛfʋ. 
\v 15 Nɑ Hɑlim lʋlʋɣʋ tʋ ntɛ́ Atǝnɑ, nɑ Melɑyɔtɩ lʋlʋɣʋ tʋ ntɛ́ Hɛlǝkɑyi. 
\v 16 Nɑ Ɩtoo lʋlʋɣʋ tʋ ntɛ́ Sɑkɑlɩ, nɑ Kinetɔŋ lʋlʋɣʋ tʋ ntɛ́ Mesulɑm. 
\v 17 Nɑ Apiyɑ lʋlʋɣʋ tʋ ntɛ́ Sikǝli, Pilitɑyi lʋlʋɣʋ tʋ ntɛ́ Miniyɑni, nɑ Motiyɑ. 
\v 18 Nɑ Pilikɑ lʋlʋɣʋ tʋ ntɛ́ Sɑmʋwɑ, nɑ Semɑyɑ lʋlʋɣʋ tʋ ntɛ́ Yonɑtɑŋ. 
\v 19 Nɑ Yoyɑlipɩ lʋlʋɣʋ tʋ ntɛ́ Mɑtǝnɑyi, nɑ Yoyɑtɑ lʋlʋɣʋ tʋ ntɛ́ Usi. 
\v 20 Nɑ Sɑlɑyi lʋlʋɣʋ tʋ ntɛ́ Kɑlɑyi, nɑ Amokɩ lʋlʋɣʋ tʋ ntɛ́ Ɩpɛɛ. 
\v 21 Nɑ Hilikiyɑ lʋlʋɣʋ tʋ ntɛ́ Hɑsɑpiyɑ, nɑ Yetɑyɑ lʋlʋɣʋ tʋ ntɛ́ Netɑneyɛlɩ.
\p
\v 22 Kɔtǝlɑɑ sɔsɑɑ Ɩliyɑsipɩ, nɑ Yoyɑtɑ, nɑ Yohɑnɑŋ, nɑ Yɑtuwɑ pɑ wɑɑtʋnɑɑ tɑɑ kɛ́ pɑ ŋmɑɑ Lefii lʋlʋŋ nyɔɔŋ nyǝ́mɑ, nɑ kɔtǝlɑɑ pɑ hǝlɑ kɛ tɑkǝlɑsɩ tɑɑ. Hɑlǝnɑ Pɛɛsɩ wulɑʋ sɔsɔ Tɑliyusi kɑwulɑɣɑ wɑɑtʋ.
\p
\v 23 Pɑɑ ŋmɑɑwɑ Lefii lʋlʋɣʋ nyɔɔŋ nyǝ́mɑ hǝlɑ tɔtɔɣɔ Kʋtɔɔsʋtʋ tɑkǝlɑɣɑ tɑɑ. Ɩlɛ Ɩliyɑsipɩ sɑɑlɩ Yohɑnɑŋ pɔɔlɛ tɑɑ tike kɛ pǝ sɩɩnɑɑ.
\p
\v 24 Lefii nyɔɔŋ nyǝ́mɑ Hɑsɑpiyɑ, nɑ Selepiyɑ, nɑ Kɑtǝmǝyɛlɩ pǝyɑlʋ Yesuwɑ, nɑ Lefii nyǝ́mɑ lɛlɑɑ pɑɑ sǝŋnɑ nɑ pɑ́ yooki Ɩsɔ sɑm yontu. Pǝ tɑlɑ pɑ nyǝntʋ, ɩlɛnɑ pɑ́ lɑ́ teitei ɩsɩɩ Ɩsɔ yʋlʋ Tɑfiiti kɑ sɛɣɛsʋɣʋ tɔ.
\p
\v 25 Nɔnɔɔsɩ tɑŋlɑɑ Mɑtɑniyɑ, nɑ Pɑkǝpukiyɑ, nɑ Opɑtiyɑ, nɑ Mesulɑm, nɑ Tɑlǝmɔŋ, nɑ Akupi pɑ tǝmlɛ ntɛ́ sɩ pɑ́ feŋ wontu tǝsɩɩlɛnɑɑ mpɑ pɑ wɛ Ɩsɔ tǝsɛɛlɛ nɔnɔɣɔ tɔ. 
\v 26 Yesuwɑ pǝyɑlʋ Yoyɑkim, Yosɑtɑkɩ sɑɑlɩ, nɑ tɛtʋ nyʋɣʋ tʋ Nehemii nɑ kiiu nyǝntʋ kɔtʋlʋ Ɩsǝtǝlɑsɩ pɑ pɔɔlɛ tɑɑ kɛ́ pɑ lɑkɑɣɑ pɑ tǝmɑ.
\s1 Yosɑlɛm koluŋɑ tɛm sɔɔsɩ
\p
\v 27 Wɑɑtʋ wei pɑ tɛmɑ ɩcɑtɛ koluŋɑ kɛ ŋmɑʋ, ɩlɛnɑ pɑ́ yɑɑ Lefii nyǝ́mɑ tǝnɑɣɑ timpiwɛ pɑɑ wɛɛ tɔɣɔ Yosɑlɛm, nɑ pɑ́ lɑ́ ɑcimɑ nɑ lɑŋhʋlʋmlɛ, nɑ sɑmtʋ yontu, nɑ kpɛŋkpɛŋnɑɑ, nɑ cǝmǝŋ, nɑ sɑŋkʋnɑɑ. 
\v 28-29 Nɑ yonyoolɑɑ lɩɩnɑ ɑcɑlɛɛ nnɑ pɑɑ ŋmɑwɑ pǝ cɔɔnɑʋ Yosɑlɛm, nɑ Netofɑ cɔlɔ, nɑ Pɛtɩ-Kilikɑɑ kɛ Kepɑ nɑ Asǝmɑfɛtɩ hɔɣɔlǝŋ tɑɑ tɔ. 
\v 30 Ḿpʋ́ɣʋ́ kɔtǝlɑɑ nɑ Lefii nyǝ́mɑ pɑ lɑpɑ nyɔɔŋ tɔɔ ɑsilimɑ kɛɛlʋɣʋ kɔtɑɣɑ. Nɑ pɑ́ koti yǝlɑɑ tǝnɑ sɩ, pɛlɛ pɑ́ lɑ́ mpʋ tɔtɔ. Ɩlɛnɑ pɑ́ lɑ ḿpʋ́ɣʋ́ koluŋɑ nɑ kɑ nɔnɔɔsɩ.
\p
\v 31 Tǝnɑɣɑ Nehemii mɑ́, mɑ kpɑɑsɑ Yutɑ nyʋɣʋ nyǝ́mɑ kɛ koluŋɑ tɔɔ, nɑ mɑ́ fɑɣɑ yonyoolɑɑ kɛ tɔm nɑɑlɛ. Nɑ kɑncɑɑlɑɣɑ kpekǝle nɑ́ɑ́ mǝŋnɑ ntɔɣɔŋ tɔɔ kɛ́ koluŋɑ tɔɔ, nɑ Hute nɔnɔɣɔ kiŋ. 
\v 32 Pɛlɛ pɑ wɑɑlɩ kɛ́ Hosɑyɑ nɑ Yutɑ nyʋɣʋ nyǝ́mɑ hɔɣɔlʋɣʋ lɛŋkʋ pɑ tɔŋɑɣɑ. 
\v 33 Pǝ wɑɑlɩ kɛ́ Asɑliyɑ, nɑ Ɩsǝlɑ, nɑ Mesulɑm, 
\v 34 nɑ Yehutɑ, nɑ Pɛncɑmɛɛ, nɑ Semɑyɑ, nɑ Ɩmeyɑ. 
\v 35 Pɛlɛ pɑ wɑɑlɩ kɛ́ kɔtǝlɑɑ ɑkɑntɛɛ tɔkǝlɑɑ, nɑ Sɑkuu, nɑ Asɑfɩ pɑ lʋlʋɣʋ tʋ Sɑkɑlɩ, nɑ Mikɑyɑ, nɑ Mɑtɑniyɑ, nɑ Semɑyɑ, nɑ Yonɑtɑŋ. 
\v 36 Nɑ ɩ tɛɛtʋnɑɑ Semɑyɑ, nɑ Asɑlɛlɩ, nɑ Milɑlɑyi, nɑ Kilɑlɑyi, nɑ Mɑɑyi, nɑ Netɑneyɛlɩ, nɑ Yehutɑ, nɑ Hɑnɑni, pɛlɛ pɑ tǝŋǝɣɩ nɑ pɑ́ tɔkɑ cǝmǝŋ wei Ɩsɔ yʋlʋ Tɑfiiti kɑ lupɑ tɔ. Kiiu nyǝntʋ Ɩsǝtǝlɑsɩ kɛlɛ kpekǝle ńtɛ́ tǝ nyʋɣʋ tʋ. 
\v 37 Pɑ tɑlɑ hite nɔnɔɣɔ kɛ Tɑfiiti tɛ tontoŋle ɩsɛntɑɑ, ɩlɛnɑ pɑ́ kpɑ koluŋɑ tɔɔ. Hɑlǝnɑ lʋmnɑɑ nɔnɔɣɔ kɛ ɩcɑtɛ ilim tǝlɩɩlɛ tɔɔ.
\p
\v 38 Ḿpʋ́ɣʋ́ yonyoolɑɑ nɑɑlɛ nyǝ́mɑ mǝlǝnɑ mpǝlɛ tɔɔ, ɩlɛnɑ mɑ́ nɑ sɑmɑɑ hɔɣɔlʋɣʋ lɛŋkʋ tǝ́ tǝŋ pɑ wɑɑlɩ nɑ Mǝsɑsɩ ɑkele cɔlɔ, nɑ tǝ́ lɩɩ timpi koluŋɑ lɑpɑ ɩwɑlɑʋ tɔ. 
\v 39 Nɑ tǝ́ tǝŋnɑ Ɩfǝlɑyim nɔnɔɣɔ ɩsɔtɑɑ tɔɔ nɑ tǝ́ tɑlɑ Yesɑnɑ nɔnɔɣɔ nɑ tiinɑ nyǝŋkɑ. Tǝ tɛɛ Hɑnɑneyɛɛlɩ ɑkele nɑ nɩɩnʋwɑ (100) nyǝŋ nɑ tǝ́ tɛɛ heeŋ nɔnɔɣɔ nɑ kʋtɑŋɑɣɑ. 
\v 40 Ɩlɛnɑ yonyoolɑɑ kpekɑ nɑɑlɛ sǝŋ Ɩsɔ tǝsɛɛlɛ kiŋ, nɑ mɑ́ nɑ hʋʋlɑɑ mpɑ pɑɑ wɛ mɑ wɑɑlɩ tɔ tɑ́ɑ́ sǝŋ tɔtɔ. 
\v 41 Nɑ kɔtǝlɑɑ Ɩliyɑkim, nɑ Mɑɑseyɑ, nɑ Miniyɑmɛŋ, nɑ Mikɑyɑ, nɑ Ɩliyohenɑyi, nɑ Sɑkɑlɩ, nɑ Hɑnɑniyɑ pɑ́ hʋlǝɣɩ ɑkɑntɛɛ. 
\v 42 Mɑɑseyɑ, nɑ Semɑyɑ, nɑ Ɩlɑsɑɑ, nɑ Usi, nɑ Yohɑnɑŋ, nɑ Mɑlǝkiyɑ, nɑ Ɩlɑm, nɑ Ɩsɛɛ pɑɑ wɛɛ tɔtɔ. Nɑ Ɩsǝlɑhiyɑ pɑɑsǝɣǝnɑ yonyoolɑɑ nɑ pɑ yontu nɩɩkɩ.
\p
\v 43 Ḿpʋ́ɣʋ́ kʋyɑŋku Ɩsɔ lɑpɑ nɑ pɑ tǝnɑ pɑ lɑŋɑ hʋlǝmǝnɑ ɑcimɑ kɛ teu, nɑ pɑ́ lɑ́ kɔtɑsɩ kɛ sɔsɔm. Hɑlǝnɑ pǝ́ kpɛnnɑ Yosɑlɛm tɑɑ ɑlɑɑ nɑ piyɑ tɔtɔ, nɑ pɛlɛ pɑ lɑŋɑ hʋlʋmɩ. Nɑ pɑ ɑŋmɑɑlɑ kɔkɔtɛ nɩɩkɩ pooluŋ.
\s1 Lefii nyǝ́mɑ nɑ kɔtǝlɑɑ pɑ pɑɑ nyǝm
\p
\v 44 Ḿpʋ́ɣʋ́ wɑɑtʋ kʋlʋm ɩnɩ ɩ tɑɑ pɑ kpɑ yǝlɑɑ mpɑ pɑɑ feŋiɣi tɩɩŋ kɑncɑɑlɑɣɑ kʋlʋlʋm, nɑ kʋhɑlǝm hɔɣɔlǝŋ nɑɑnʋwɑ tɑɑ kʋlʋm tǝsɩɩlɛ tɔ. Mpɛ ɩnɩ pɑ tǝmlɛ ntɛ́ sɩ pɑ́ kpeɣeli kɔtǝlɑɑ nɑ Lefii nyǝ́mɑ pɑ tɔɣɔnɑɣɑ ŋkɑ kɑ́ lɩɩkǝnɑ nɔnɔkilɑ hɑlǝm tɑɑ tɔ. Ɩlɛnɑ Yutɑ sɑmɑɑ lɑŋlɛ hɛɛnɑ kɔtǝlɑɑ nɑ Lefii nyǝ́mɑ pɑ tǝmɑ. 
\v 45 Mpi tɔ, pɑ pɑɑsɑɣɑnɑ pɑ Ɩsɔ tǝmlɛ kɛ́. Nɑ pɑ́ lɑkɩ nyɔɔŋ tɔɔ ɑsilimɑ kɛɛlʋɣʋ kɔtɑsɩ. Nɑ yonyoolɑɑ, nɑ nɔnɔɔsɩ tɑŋlɑɑ tɔtɔ nɑ́ɑ́ tǝŋǝɣɩ wulɑʋ Tɑfiiti nɑ ɩ pǝyɑlʋ Sɑlʋmɔŋ pɑ kʋsǝsɩɩtʋ. 
\v 46 Tɑmpɑnɑ tɔɔ pǝ kpɑɣɑʋ hɑtoo Tɑfiiti nɑ Asɑfɩ pɑ wɑɑtʋ tɔ, yonyoolɑɑ nyɔɔŋ nyǝ́mɑ pɑɑsɑɣɑnɑ Ɩsɔ sɑm nɑ ɩ sɛɛʋ pǝ yontu kɛ́. 
\v 47 Solopɑpɛɛlɩ nɑ Nehemii pɑ wɑɑtʋnɑɑ tɑɑ tɔ, Ɩsɛɣɛlɩ nyǝ́mɑ cɛlɑɣɑɑ yonyoolɑɑ nɑ nɔnɔɔsɩ tɑŋlɑɑ kɛ pɑ pɑɑ nyǝm, nɑ pɑ́ cɛlǝɣɩ Lefii nyǝ́mɑ kɛ pɑ Ɩsɔ kʋcɔɔŋ. Nɑ pɛlɛ pɑ́ cɛlǝɣɩ Alɔŋ lʋlʋɣʋ nyǝ́mɑ kɔtǝlɑɑ kɛ pɑ pɑɑ nyǝmnɑɑ.
\c 13
\s1 Nehemii feesiɣi Ɩsɔ sɛɛʋ
\p
\v 1 Wɑɑtʋ ɩnɩ ɩ tɑɑ kɛ́ pɑ kɑlɑ sɑmɑɑ kɛ Moisi tɑkǝlɑɣɑ. Ɩlɛnɑ pɑ́ tɑlɑ lonte nte tǝ tɑɑ pɑ ŋmɑɑwɑ sɩ Amoni nyǝ́mɑ nɑ Mowɑpʋ nyǝ́mɑ pɑ kɑɑ sʋʋ mpɑ pɑ sɛɛkɩ Ɩsɔ tɔ pɑ kpekǝle tɑɑ tɔ. 
\v 2 Tɑmpɑnɑ tɔɔ, pɛlɛ pɑ tɑɑ mʋ Ɩsɛɣɛlɩ nyǝ́mɑ nɑ pɑ́ hɑ-wɛɣɛ tɔɣɔnɑɣɑ nɑ kʋnyɔnyɔɔm. Hɑlǝnɑ Mowɑpʋ nyǝ́mɑ nɑ́ɑ́ fɛlɩ Pɑlɑɑm kɛ liɣitee sɩ, ɩ́ tǝŋsɩ Ɩsɛɣɛlɩ nyǝ́mɑ kɛ mpusi. Amɑ tɑ́ Ɩsɔ nɑ́ lɑɣɑsɑ mpusi ɩnǝɣɩ koolee kʋpɑnɑ. 
\v 3 Wɑɑtʋ wei Ɩsɛɣɛlɩ nyǝ́mɑ nɩ́ɩ́ mpʋ, ɩlɛnɑ pɑ́ tʋ́ pɑ tɑɑ sɩ pɑ tɔɣɔnǝɣɩ pɑ kpekǝle tɑɑ kɛ́ kpɑɩ nyǝ́mɑ.
\p
\v 4 Nɑ pǝ́cɔ́ pǝ́ tɑkɩ mpʋ tɔ, kɔtʋlʋ Ɩliyɑsipɩ kɛ pɑɑ kpɑwɑ sɩ, ɩ́ pɑɑsǝɣǝnɑ Ɩsɔ tǝsɛɛlɛ kutuluŋ lɛlǝŋ. Pǝyele Ɩliyɑsipɩ lʋlǝtɑ kɛlɛ Topiyɑ. 
\v 5 Pǝ tɔɔ kɛ́ Ɩliyɑsipɩ hʋlɑ Topiyɑ kɛ Ɩsɔ tǝsɛɛlɛ kutuluɣu sɔsɔɔʋ ŋku kʋ tɑɑ pɑ sɩɩwɑ kʋtɔɣɔʋ ŋku pɑ hɑwɑ tɔ, nɑ tulɑɑlʋ, nɑ Ɩsɔ tǝsɛɛlɛ wontu nɑ kɔtǝlɑɑ pɑɑ tete nɑ tɔɣɔnɑɣɑ, nɑ sʋlʋm kʋfɑm, nɑ nim pǝ hɔɣɔlǝŋ nɑɑnʋwɑ tɑɑ kʋlʋmʋɣʋ ŋku Lefii nyǝ́mɑ, nɑ yonyoolɑɑ, nɑ nɔnɔɔsɩ tɑŋlɑɑ pɑ tɩ tɔ.
\p
\v 6 Pǝ lɑkɑɣɑ mpʋ tɔ mɑ fɛɩ Yosɑlɛm. Mɑ polɑ Pɑpiloni wulɑʋ sɔsɔ Atɑkǝsɛsɛɛ tɛɣɛ ɩ kɑwulɑɣɑ pǝnɑɣɑ hiu nɑ nɑɑnʋwɑ nɑ nɑɑlɛ nyǝŋkɑ tɑɑ. Pǝ lɑpɑ wɛɛ nɑɑlɛ, ɩlɛnɑ wulɑʋ hɑ-m nɔɣɔ 
\v 7 nɑ mɑ́ mǝlɩ Yosɑlɛm. Ḿpʋ́ɣʋ́ mɑ nɑwɑ ɩsǝnɑ Ɩliyɑsipɩ hɑwɑ Ɩsɔ tǝsɛɛlɛ kutuluɣu lɛŋkʋ kɛ Topiyɑ tɔ, pǝ fɛɩ teu. 
\v 8 Tǝnɑɣɑ pɑ́ɑ́nɑ́ huu mɑ tɑɑ nɑ mɑ́ lɔɣɔ Topiyɑ wontu nɑ ɑwɑlɩ tɔɔ. 
\v 9 Ɩlɛnɑ mɑ́ yele nɑ pɑ́ nyɑɑlɩ kutuluŋ ɩnǝɣɩ teu, nɑ pɑ́ mǝŋnɑ ɩ tɑɑ kɛ́ Ɩsɔ tǝsɛɛlɛ wontu nɑ kʋhɑɑŋ nɑ tulɑɑlʋnɑɑ.
\p
\v 10 Mɑ nɩɩwɑ tɔtɔ sɩ pɑɑ cɛlǝɣɩ Lefii nyǝ́mɑ kɛ pɑ pɑɑ nyǝm. Pǝ tɔɔ kɛ́ pɛlɛ pɑ yelɑ pɑ tǝmɑ nɑ pɑ́ mǝlɩ hɑlǝm tɑɑ, nɑ yonyoolɑɑ nɑ́ɑ́ lɑ́ mpʋ tɔtɔ. 
\v 11 Ɩlɛnɑ mɑ́ kɑlǝnɑ hʋʋlɑɑ kɛ ɩsǝnɑ pɑ lɔwɑ Ɩsɔ tǝsɛɛlɛ tɔ. Kɛnɑ mɑ́ koti yonyoolɑɑ nɑ Lefii nyǝ́mɑ nɑ pɑ́ mǝlɩ pɑ tǝmɑ tɑɑ. 
\v 12 Ḿpʋ́ɣʋ́ Yutɑ nyǝ́mɑ sʋʋ ponɑʋ kɛ tɔɣɔnɑɣɑ pee, nɑ sʋlʋm kʋfɑm, nɑ nim pǝ hɔɣɔlǝŋ nɑɑnʋwɑ tɑɑ kʋlʋmʋɣʋ kɛ pǝ kutuluŋ tɑɑ. 
\v 13 Ɩlɛnɑ mɑ́ kpɑ kɔtʋlʋ Selemiyɑ nɑ tɑkǝlɑsɩ ŋmɑɑlʋ Sɑtɔkɩ nɑ Lefii tʋ Petɑyɑ nɑ pǝ́ sɔɔsǝnɑ Sɑkuu pǝyɑlʋ Hɑnɑŋ, Mɑtɑniyɑ sɑɑlɩ sɩ pɑ́ feŋiɣi kutuluŋ ɩnɩ. Mpi tɔ, yǝlɑɑ kɑ lɑpɑ-wɛɣɛ nɑɑni kɛ́, nɑ pɑ tǝmlɛ ntɛ́ kʋhɑɑŋ tɑlʋɣʋ kɛ pɑ tɑɑpɑlɑɑ.
\p
\v 14 Hɑɩ, mɑ Ɩsɔ, tɔɔsɩ pǝ tǝnɑ mpi mɑ lɑpɑ tɔ. Tɑɑ sɔɔ ɩsǝnɑ mɑ lʋpɑ Ɩsɔ tǝsɛɛlɛ tǝmlɛ nɑ Ɩsɔ sɛɛʋ pǝ tɔɔ tɔ.
\p
\v 15 Wɑɑtʋ ɩnɩ ɩ tɑɑ kɛ́ mɑ nɑwɑ Yutɑ tɑɑ kɛ́ yǝlɑɑ, nɑ pɑ́ nyɑɑsǝɣɩ pɑ lɛsɛŋnɑɑ kɛ kʋyɑkʋ kʋhɛɛsʋɣʋ wule. Nɑ lɛlɑɑ nɑ́ɑ́ sǝɣǝlɑ tɔɣɔnɑɣɑ nɑ pɑ́ sʋkɩ pɑ kpɑŋɑsɩ kɛ sʋlʋm, nɑ lɛsɛŋnɑɑ, nɑ fikinɑɑ, nɑ wontunɑɑ lɛntɩ kɛ mpʋ nɑ pɑ́ pukinɑ Yosɑlɛm. Ɩlɛnɑ mɑ́ kpɑɑlɩ-wɛ sɩ: Ɩ́ tɑɑ pɛɛtɩ pʋlʋɣʋ kʋyɑkʋ kʋhɛɛsʋɣʋ wule. 
\v 16 Pǝlɛ pǝ pɑɑsi, Tiii nyǝ́mɑ mpɑ pɑ wɛ Yosɑlɛm tɔ, pɛlɛ pɑ kɔŋɑɣɑnɑ tiinɑ, nɑ wontu lɛntɩ, nɑ pɑ́ pɛɛtǝɣǝnɑ ɩcɑtɛ nyǝ́mɑ nɑ Yutɑ nyǝ́mɑ kɛ kʋyɑkʋ ŋkʋ kʋ wule. 
\v 17 Ḿpʋ́ɣʋ́ mɑ kɑlǝnɑ Yutɑ sɔsɑɑ sɩ: Ɩ́ nɑwɑ ɩsɑɣɑtʋ nti ɩ́ lɑkɩ tɔ yɑɑ ɩ́ tɑ́ nɑ́? Ɩ́ kʋɣɩ kʋyɑkʋ kʋhɛɛsʋɣʋ nyʋɣʋ kɛ́. 
\v 18 Mǝ cɔsɔnɑɑ lɑpɑ ḿpʋ́ɣʋ́. Pǝ tɔɔ kɛ́ Tɑcɑɑ hɔmɑ tɑ́ nɑ tɑ́ ɩcɑtɛ tɑ́ ŋkpɑŋʋɣʋ. Ɩlɛnɑ mɩ́ɩ́ sɔɔsǝɣɩ Ɩsɔ pɑ́ɑ́nɑ́ kpɑɑsʋɣʋ kɛ Ɩsɛɣɛlɩ tɔɔ.
\p
\v 19 Pǝ kpɑɣɑʋ kʋyɑŋku tɔɣɔ mɑ yelɑɑ nɑ pɑ́ tǝkǝɣɩ Yosɑlɛm nɔnɔɔsɩ kɛ ilim tʋɣʋ wɑɑtʋ, nɑ pǝ́cɔ́ kʋyɑkʋ kʋhɛɛsʋɣʋ cɑɑlǝɣɩ, nɑ pɑ́ tʋlǝɣɩ-sɩ nɑ pǝ́cɔ́ kʋ tɛŋ. Nɑ mɑ́ sɩɩ mɑ tɑɑpɑlɑɑ nɑpǝlɩ sɩ pɑ́ feŋ nɑ nɔɣɔlʋ ɩ́ tɑɑ sʋʋnɑ tɑɑtǝlɛ nɑtǝlǝɣɩ kʋyɑkʋ kʋhɛɛsʋɣʋ wule. 
\v 20 Ḿpʋ́ɣʋ́ pɛɛtɛɛ nyǝ́mɑ tǝnɑ lɩɩnɑ pɑ tɑɑtɛɛ kɛ Yosɑlɛm koluŋɑ kite, nɑ pɑ́ sʋʋ ɑhoo kɛ tɔm kʋlʋm yɑɑ nɑɑlɛ. 
\v 21 Tǝnɑɣɑlɛ mɑ pɔɔsɑ-wɛ sɩ: Pepe tɔɔ kɛ́ ɩ́ cɑkɩ ɩcɑtɛ koluŋɑ kite? Nɑ mɑ́ kpɑɑlɩ-wɛ sɩ: Ye ɩ́ tɑsɑ mpʋ, mɑɑ kpɑ-mɛ.
\p Pǝ́ kpɑɣɑʋ wɑɑtʋ ɩnɩ tɔ, pɑ tɑ tɑsɑ mǝlʋɣʋ kɛ kʋyɑkʋ kʋhɛɛsʋɣʋ wule. 
\v 22 Ḿpʋ́ɣʋ́ mɑ tɔmɑ Lefii nyǝ́mɑ sɩ: Ɩ́ lɑ nyɔɔŋ tɔɔ ɑsilimɑ kɛɛlʋɣʋ kɔtɑɣɑ. Ɩ́ polo ɩ́ feŋ ɩcɑtɛ nɔnɔɣɔ, nɑ yǝlɑɑ tǝŋ ɩsǝnɑ Ɩsɔ sɩɩwɑ kʋyɑkʋ kʋhɛɛsʋɣʋ tɔɔ tɔ.
\p Hɑɩ, mɑ Ɩsɔ kʋpɑŋ, tɔɔsɩ mɑ tɔɔ kɛ́ ntɩ ɩnɩ tǝ tɑɑ, nɑ ń wii mɑ pǝtɔɔtǝlɛ.
\p
\v 23 Wɑɑtʋ ɩnɩ ɩ tɑɑ tɔtɔɣɔ mɑ nɑwɑ sɩ, Yutɑ nyǝ́mɑ kpɑɣɑ Asǝtɔtɩ nɑ Amoni nɑ Mowɑpʋ nyǝ́mɑ ɑlɑɑ. 
\v 24 Nɑ pɑ piyɑ hɔɣɔlʋɣʋ yɔɣɔtǝɣɩ Asǝtɔtɩ nyǝ́mɑ tɔm. Mpɑ pɑ́ wɛ piitim mpi pǝ tɑɑ, pǝlɛ pǝ tɔm kɛ pɛlɛ pɑ piyɑ yɔɣɔtǝɣɩ. Pɑ tɑɑ nɔɣɔlʋ tɑɑ nɩɩkɩ Yutɑ nyǝ́mɑ tɔm. 
\v 25 Ḿpʋ́ɣʋ́ mɑ kɑlǝnɑ-wɛ, nɑ mɑ́ tǝŋsɩ-wɛɣɛ mpusi. Hɑlǝnɑ mɑ́ mɑ́ lɛlɑɑ, nɑ mɑ́ kpɛsɩ pɑ nyɔɔsɩ. Nɑ mɑ́ yele nɑ pɑ́ tuunɑ sɩ: Tǝ kɑɑ hɑ tɑ́ pɛɛlɑɑ kɛ cefelinɑɑ. Pǝyele tɑ́ pǝyɑlɑɑ kɑɑ kpɑɣɑ-wɛ, yɑɑ tɑ́ mɑɣɑmɑɣɑ tɔtɔ. 
\v 26 Nɑ mɑ́ pɔɔsɩ-wɛ sɩ: Pǝ tɑɣɑ mpʋ pǝ tusinɑ wulɑʋ Sɑlʋmɔŋ kɛ ɩsɑɣɑtʋ tɑɑ? Pǝyele ɩ kɑ kǝlɑ piitimnɑɑ ɑwulɑɑ tǝnɑɣɑ, nɑ Ɩsɔ sɔɔlɑ-ɩ nɑ ɩ́ kpɑ-ɩ Ɩsɛɣɛlɩ wulɑʋ. Pɑɑ nɑ mpʋ tɔ, ɑlɑɑ tɑ kpisi ɩlɛɣɛ pɛtʋɣʋ kɛ ɩsɑɣɑtʋ tɑɑ. 
\v 27 Tɩɩ cɑɑ sɩ tǝ́ tɑsɑ nɩɩʋ sɩ, ɩ́ kpɑkǝɣɩ cefelinɑɑ nɑ ɩ́ pǝntǝɣǝnɑ Tɑcɑɑ kɛ mpʋ.
\p
\v 28 Yoyɑtɑ pǝyɑlɑɑ tɑɑ lɛlʋ wei ɩ kɛ́ kɔtʋlʋ sɔsɔ Ɩliyɑsipɩ sɑɑlɩ tɔ ɩ kɑ kɛ́ Holoŋ tʋ Sɑnǝpɑlɑ yǝtɩ kɛ́. Pǝ tɔɔ kɛ́ mɑ lǝsɑ-ɩ Yosɑlɛm tɑɑ.
\p
\v 29 Hɑɩ, mɑ Ɩsɔ, tɑɑ sɔɔ ɩsǝnɑ pɑ wɑkǝlǝɣɩ kɔtɑɣɑ nɑ nɔɣɔ ŋkɑ nyɑnɑ kɔtǝlɑɑ nɑ Lefii nyǝ́mɑ ɩ́ pɛɛlɑɑ tɔ.
\p
\v 30 Ḿpʋ́ɣʋ́ mɑ lɑpɑ sɑmɑɑ kɛ nyɔɔŋ tɔɔ ɑsilimɑ tǝnɑ kɛɛlʋɣʋ kɔtɑɣɑ. Nɑ mɑ́ kpɑɑsɩ kʋsǝsɩɩtʋ nti tǝ hʋlǝɣɩ kɔtǝlɑɑ nɑ Lefii nyǝ́mɑ pɑ tǝmɑ tɔ tǝ toŋ. 
\v 31 Nɑ mɑ́ sɩɩ tɔtɔ sɩ: Ɩ́ hɑɑkɩ tɑɑsɩ kɛ pǝ kʋyɛɛŋ tɑɑ, nɑ ɩ́ kɔŋnɑ tɛtʋ kɑncɑɑlɑɣɑ kʋlʋlʋm tɔtɔ.
\p Hɑɩ, mɑ Ɩsɔ, tɔɔsɩ mɑ tɔɔ nɑ ń lɑ-m kʋpɑntʋ.