\id MAL - Lokpa Bible portions [dop] -Benin 1999 (web edition -2017)
\ide UTF-8
\h Mɑlɑsi
\toc1 ƖSƆ KƲYƆƔƆTƲTƲ TƐLƎSƲLƲ MALASI TƆM TAKƎLAƔA
\toc2 Mɑlɑsi
\toc3 Mɑlɑsi
\mt2 ƖSƆ KƲYƆƔƆTƲTƲ TƐLƎSƲLƲ
\mt1 MALASI
\mt2 TƆM TAKƎLAƔA
\imt1 Kʋtʋlʋtʋ
\ip Nɑ pə́cɔ́ pə tɑkɩ Mɑlɑsi wɑɑtʋ tɔ Ɩsɛɣɛlɩ nyə́mɑ kɑ təŋɑ Asee nɑ Sɑkɑlɩ pɑ sɛɣɛsəŋ kɛ́. Hɑlənɑ pɑ́ tɑɣɑnɩ Ɩsɔ təsɛɛlɛ kɛ ŋmɑʋ. Amɑ pə kɔmɑ nɑ pə́ kɛɛsɩ, ɩlɛnɑ pɑ́ tɑɣɑnɩ Ɩsɔ sɛɛʋ kɛ yepu. Ɩlɛnɑ pɑ́ puɣusiɣi Ɩsɔ kɛ́ pɑ kʋhɑɑŋ tɔm tɑɑ. Kɔtəlɑɑ nɑ́ yelɑ pɑ təmlɛ nɑ kiiŋ wei Ɩsɔ cɛlɑ-wɛ sɩ pɑ́ hʋlɩ yəlɑɑ tɔ.
\iot Ɩsənɑ pɑ fɑɣɑ Mɑlɑsi tɑkəlɑɣɑ tɔ:
\io1 Ɩsɔ ləsɑ Ɩsɛɣɛlɩ nyə́mɑ sɩ pɑ́ pəsɩ ɩ yəlɑɑ, titite \ior 1\ior*
\io1 Ɩsɔ kpɑɑləɣɩ kɔtəlɑɑ, titite \ior 2:1-16\ior*
\io1 Tɑcɑɑ tillu nɑ Ɩsɔ hʋʋlɛ, titite \ior 2:17–3:23\ior*
\c 1
\p
\v 1 Tɑcɑɑ heelɑ Mɑlɑsi kɛ tɔm sɩ ɩ́ tɛləsɩ Ɩsɛɣɛlɩ nyə́mɑ.
\s1 Ɩsɛɣɛlɩ nyə́mɑ kɛ Tɑcɑɑ ləsɑɑ
\p
\v 2 Tɔm ntəɣəlɛ sɩ ɩnɩ ɩ́ sɔɔlɑ-wɛ. Ɩlɛnɑ pɛlɛ pɑ pɔɔsɩ Ɩsɔ sɩ: Pepe hʋləɣənɑ mpʋ? Ntɛnɑ Ɩsɔ sɩ: Ɩsɑʋ nɑ Yɑkɔpʋ pɑɑ wɛ tɛɛtəlɛ kɛ́. Pɑɑ nɑ mpʋ mɑ sɔɔlɑ Yɑkɔpʋ. 
\v 3 Ɩlɛnɑ mɑ́ kisi Ɩsɑʋ. Mɑ kpiisɑ Ɩsɑʋ lʋlʋɣʋ Ɩtɔm nyə́mɑ tɛtʋ, nɑ pə́ wɑɑsɩ tɑɑlɛ hɑsɩ. 
\v 4 Ɩtɔm nyə́mɑ mɛ ɩ́ tɔmɑ sɩ: Pə kpiisɑ-tʋ yɑɑ. Amɑ tɩɩ tɑɣɑnɩ tɑ ncɑɑ kʋsʋɣʋ. Ɩlɛ mɑɣɑ Pə tənɑ pə tʋ Tɑcɑɑ mɑɑ heeli-mɛ sɩ: Pɑɑ ɩ́ ŋmɑwɑ, ɩsɩɩ mɑ yɔkɑɑ. Ɩlɛnɑ mɑ́ hɑ-mɛɣɛ hətɛ sɩ ɩsɑɣɑtʋ tɛ. Yɑɑ yəlɑɑ mpɑ Tɑcɑɑ ɩɩ hɛɛsəɣɩ pɑ́ɑ́nɑ́ mʋnɑʋ tɔ. 
\v 5 Ɩsɛɣɛlɩ nyə́mɑ mɛ, ɩ́ kɑ́ nɑ́ mpʋ nɑ mə ɩsəlɛ. Hɑlənɑ ɩ́ yɔɣɔtɩ sɩ: Pɑɑ Ɩsɛɣɛlɩ nyə́mɑ tɛtʋ toosi nɑ wɑɑlɩ tɔɔ, Tɑcɑɑ hʋləɣɩ ɩ́ toŋ kɛ́.
\s1 Kɔtəlɑɑ sɔsɑɑ kɑlənɑʋ
\p
\v 6 Ḿpʋɣʋ Pə tənɑ pə tʋ Tɑcɑɑ pɔɔsɑ kɔtəlɑɑ sɩ: Pəyɑɣɑ seeki kɑ cɑɑ kɛ́, nɑ təmlɛ tʋ nɑ́ɑ́ seeki ɩ sɔsɔ. Anɩ mɑɣɑlɛ mə Cɑɑ nɑ mə Sɔsɔ. Ɩlɛ pepe tɔɔ kɛ́ ɩɩ seeki-m, nɑ ɩɩ nɩɩnɑ-m? Ɩ́ nyənəɣɩ-m yem, nɑ ɩ́ tɑɣɑnəɣɩ-m pɔɔsʋɣʋ sɩ: Pepe tɑɑ kɛ́ tə nyənəɣɩ-ŋ yem? 
\v 7 Ɩ́ kɔŋnɑ mɑ kɔtɑɣɑ təlɑtɛ tɔɔ kɛ́ ɑsilimɑ tɔɣɔnɑɣɑ. Ɩlɛnɑ ɩ́ tɑɣɑnəɣɩ-m pɔɔsʋɣʋ sɩ: Tɑ́ pepe kɛnɑ ɑsilimɑ? Timpi ɩ́ nyənəɣɩ mɑ kɔtɑɣɑ təmlɛ kɛ yem tɔɣɔ. 
\v 8 Tɑcɑɑ Pə tənɑ pə tʋ mɑ́, mɑ pɔɔsəɣɩ-mɛ sɩ: Wɑɑtʋ wei ɩ́ lɑkɩ-m kɔtɑɣɑ kɛ ɩsəkpəlʋɣʋ kpəntɛ, yɑɑ kʋsɛkəllɛ, yɑɑ kʋtɔntʋ tɔ, pə wɛ teu nɑ? Ye kpəntɛ ɩsɩɩ ḿpʋɣʋ n hɑ nyɑ́ tɛtʋ nyʋɣʋ tʋ ɩ kɑ́ mʋnɑ lɑŋhʋlʋmlɛ nɑ? 
\v 9 Tɔʋ, ɩ́ mɑɣɑsɩ-m wiinɑʋ sɩ, mɑ́ nyənɩ mə pətɔɔtəlɛ nɑ ɩ́ nɑ́. Ɩsɩɩ mɑ kisɑɑ. 
\v 10 Pə kəlɑ teu sɩ mə tɑɑ nɔɣɔlʋ ɩ́ polo ɩ́ təkɩ Ɩsɔ təsɛɛlɛ nɔnɔɔsɩ. Ɩ́ tɑɑ lɑ-m kpɑɩ kɔtɑɣɑ ŋkɑ mɑɑ cɑɑkɩ tɔ. Mɑ luɣu fɛɩ sɩ mɑ́ nɑ mə kɔtɑsɩ. Tɑcɑɑ Pə tənɑ pə tʋ mɑ́, mɑ yɔɣɔtənɑ mpʋ. 
\v 11 Mɑ hətɛ yɑɑwɑ ilim təlɩɩlɛ nɑ pə polo pə tətʋlɛ kɛ piitimnɑɑ tɑɑ kɛ́. Pɑɑ timpiɣi pɑ lɑkɩ-m tulɑɑlʋ kɔtɑɣɑ nɑ mɑ hətɛ tɑɑ. Pɑ hɑɑkɩ-m kʋcɔɔŋ wei ɩ mʋnɑ-m tɔ. 
\v 12 Amɑ mə nyənəɣɩ-m yem kɛ́ timpi ɩ́ tɔŋ sɩ mɑ kɔtɑɣɑ təlɑtɛ tɑ kɛ pʋlʋ tɔ. Hɑlɩ ɩ́ kɔŋnɑ mɑ kɔtɑɣɑ təlɑtɛ tɔɔ kɛ́ mpi pə fɛɩ teu tɔ. 
\v 13 Ɩ́ kʋntəɣɩ sɩ pə wɛ-mɛɣɛ təlɑsɩ. Ntompee kɛ ɩ́ tuluɣu-m. Nɑ ɩ́ lɑkɩ-m kɔtɑɣɑ kɛ tɔlɑ kʋŋmɩɩlɛɛ, nɑ kʋtɔntʋnɑɑ. Pə tənɑ pə tʋ Tɑcɑɑ mɑ́, mɑ kɑɑ mʋ mpʋ. 
\v 14 Ye yʋlʋ kɑ́ sɩɩ ɩ nɔɣɔ sɩ ɩ kɑ́ hɑ-m ɩ kɑləkʋ tɔtɛ kʋpɑntɛ. Ɩlɛnɑ ɩ́ kɔɔ nɑ ɩ́ cɛlɛ-m kpɑɩ nyəntɛ. Mpusi wɛ ɩ tɔɔ kɛ́. Mpi tɔ, mɑ kɛ Wulɑʋ Sɔsɔ kɛ́, nɑ piitimnɑɑ nyɑŋnɑ mɑ toŋ.
\c 2
\s1 Tɑcɑɑ kpɑɑlʋɣʋ kɛ kɔtəlɑɑ
\p
\v 1 Ḿpʋɣʋ Pə tənɑ pə tʋ Tɑcɑɑ kpɑɑlɑ kɔtəlɑɑ sɩ: 
\v 2 Ye ɩ́ tɑ́ nɩɩnɑ-m nɑ ɩ́ tɔkɩ mɑ tɔm nɑ ɩ́ tʋɣɩ mɑ hətɛ kɛ teeli. Mɑɑ yele nɑ mə koolee kʋpɑnɑ pəsɩ mpusinɑɑ. Ḿpʋɣʋ mɑɑ lɑ-mɛ. Mpi tɔ, ɩɩ sɛɛsəɣɩ ɩsəlɛ. 
\v 3 Mɑɑ wɑkəlɩ mə lʋlʋɣʋ nyə́mɑ. Ye pə kɑɑsɑ-mɛ, ɩlɛ mɑ ŋmɩɩsɩ mə ɩsɛntɑɑ kɛ́ tɔlɑ wenɑ ɩ́ lɑkɩ kɔtɑɣɑ kɛ mə ɑcimɑ wɑɑtʋ tɔ ɑ pʋntʋ. Ɩlɛnɑ pɑ́ kpɛntɩ mə tənɑ nɑ pɑ́ lɔ. 
\v 4 Ntɛnɑ Tɑcɑɑ sɩ: Wɑɑtʋ ɩnəɣɩ ɩ́ kɑ́ cɛkənɑ sɩ Ɩsɔ Tɑcɑɑ mɑ́, mɑ kpɑɑlɑ-mɛ sɩ ɩ́ tɔkɩ nɔɣɔ ŋkɑ mɑ́ nɑ Lefii nɑ ɩ lʋlʋɣʋ nyə́mɑ tə pɛɛlɑɑ tɔ. 
\v 5 Pəyele mɑ́ nɑ-ɩ tɑ́ nɔɣɔ pɛɛlʋɣʋ mpɩ pə hɑɑkɑɣɑnɑ-mɛɣɛ weesuɣu nɑ ɑlɑɑfəyɑ. Mɑ lɑkɑɣɑ-mɛɣɛ ḿpʋɣʋ sɩ ɩ́ nɩɩnɑ-m nɑ ɩ́ nyɑŋnɑ-m, ɩlɛnɑ ɩ́ lɑ mpʋ. 
\v 6 Tɔm tɑmpɑnɑ nyəntʋ tike kɛ Lefii nyə́mɑ mɛ ɩ́ yɔɣɔtɑɑ, ɩ́ tɑ looli. Mɑ́ nɑ-mɛ tə kpɛntɑ teu, nɑ ɩ́ lɑkɩ-m yəllɛ. Ɩ́ hʋlɑ yəlɑɑ pɑɣɑlɛ sɩ pɛlɛ pɑ lɔ ɩsɑɣɑtʋ. 
\v 7 Kɔtʋlʋ təmlɛ ntɛ́ sɩ ɩ́ sɛɣɛsɩ yəlɑɑ nɑ pɑ́ nyɩ Ɩsɔ. Ɩlɛɣɛ pɑ pɔɔsəɣɩ sɩ ɩ́ hʋlɩ-wɛɣɛ kiiŋ wei wei pɑɑ tɔkɩ tɔ. Mpi tɔ, ɩnəɣəlɛ Pə tənɑ pə tʋ mɑ́ mɑ tɔm tɛləsʋlʋ. 
\v 8 Amɑ kɔtəlɑɑ mɛ, mə yelɑ mpɑɑʋ kʋsiɣisuɣu. Mə sɛɣɛsəŋ pilisɑ yəlɑɑ pɑɣɑlɛ. Ɩ́ wɑkəlɑ nɔɣɔ ŋkɑ mɑ nɑ-mɛ tə pɛɛlɑɑ tɔ. 
\v 9 Mɑɑ yele nɑ yəlɑɑ tənɑ kʋlɩ mə tɔɔ, nɑ pɑ́ tisi-mɛ. Mpi tɔ, ɩ́ kisɑ mɑ luɣu nyəntʋ. Ɩ́ fɑɣɑsəɣɩ yəlɑɑ kɛ mə sɛɣɛsʋɣʋ tɑɑ.
\s1 Ɩsɛɣɛlɩ nyə́mɑ lɑpɑ mpi Ɩsɔ kisinɑ-wɛ tɔ
\p
\v 10 Anɩ Tɑcɑɑ kɛ kʋlʋm kɛ́. Tɑ nɔɣɔ nɑ tɑ sukɑ Ɩsɔ kʋlʋm ŋmɑnɑ-tʋ. Ɩlɛ pepe tɔɔ kɛ́ tə lɩɩkɩ təmɑ wɑɑlɩ. Nɑ tə́ wɑkələɣɩ Ɩsɔ nɑ tɑ́ cɑɑnɑɑ pɑ nɔɣɔ pɛɛlʋɣʋ? 
\v 11 Yutɑ nyə́mɑ mɛ ɩ́ wɑkəlɑ mə nɔɣɔ sɩɩʋ. Ɩ́ lɑpɑ ɑcɑɑlətʋ kɛ Yosɑlɛm nɑ Ɩsɛɣɛlɩ tɛtʋ tənɑ tɑɑ. Mpi tɔ, ɩ́ wɑkəlɑ Tɑcɑɑ Ɩsɔ təsɛɛlɛ. Ɩlɛnɑ ɩ́ kpɑɣɑ ɑlɑɑ mpɑ pɑ lɑɑkɩ tɩɩŋ tɔ. Pəyele Ɩsɔ kɑ sɔɔlɑ ɩ təsɛɛlɛ kɛ́. 
\v 12 Tɑcɑɑ Pə tənɑ pə tʋ ɩ́ kpiisi-mɛɣɛ Yɑkɔpʋ lʋlʋɣʋ tɑɑ. Ɩ́ tɑɑ tɑsɑ-ɩ mə kɔtɑsɩ lɑpʋ.
\p
\v 13 Mə kʋlɑpʋtʋ nɑɑlɛ nyəntʋ ntɛ́ sɩ ɩ́ pələɣɩ ɩsəlʋm kɛ Tɑcɑɑ mɑ́ mɑ kɔtɑɣɑ təlɑtɛ tɔɔ. Mpi tɔ, mɑ kisiɣi mə kʋhɑhɑm. Pə́cɔ́ mɑɑ cɑɑkɩ mə kɔtɑsɩ kɛ pənɛntɛ. 
\v 14 Anɩ pɑɑ mə tɑɑ wei ɩ kɑ sɩɩnɑ ɩ nɔɣɔ sɩ ɩ kɑ́ tɔkɩ ɩ kɑncɑɑlɑɣɑ ɑlʋ. Mə ləsənɑ-wɛ, nɑ pɑ kɛ́ mə ɑlɑɑ, pɑɑ nɑ mpʋ ɩ́ kisɑ-wɛ. 
\v 15 Pəyele Tɑcɑɑ kpɛntɑ-mɛɣɛ tɔnʋɣʋ kʋlʋmʋɣʋ nɑ ləmɑɣɑsəlɛ kʋlʋmtəlɛ kɛ́. Ɩlɛ pepe tɔɔ kɛ́ ɩ kpɛntɑ-mɛɣɛ mpʋ? Piyɑ kɛ ɩ cɑɑkɑɣɑ sɩ ɩ́ hɑ-mɛ. Mpʋ tɔ, ɩ́ lɑ lɑɑkɑlɩ nɑ nɔɣɔlʋ ɩ́ tɑɑ kisi ɩ kɑncɑɑlɑɣɑ ɑlʋ. 
\v 16 Ɩsɛɣɛlɩ Ɩsɔ Tɑcɑɑ Pə tənɑ pə tʋ yɔɣɔtɑɑ sɩ: Mɑ tɑɑ kpɑɑkənɑ ɑpɑlʋ nɑ ɑlʋ pɑ yɑʋ tɔm. Mpi tɔ, pə tɑɑ wɛ səm kɛ́. Pɑɑ wei ɩ́ lɑ lɑɑkɑlɩ nɑ ɩ tɩ. Ɩ́ tɑɑ wɑkəlɩ ɩ nɔɣɔ sɩɩʋ.
\s1 Tɑcɑɑ tillu tiluɣu
\p
\v 17 Ɩ́ tʋɣɩ Ɩsɔ mɑɣɑ wɑhɑlɑ nɑ mə tɔmnɑɑ. Ɩlɛnɑ ɩ́ tɑɣɑnəɣɩ yɔɣɔtʋɣʋ sɩ: Pepe tɑɑ kɛ́ tə tʋɣʋ-ŋ wɑhɑlɑ? Timpi ɩ́ tɔŋ sɩ Ɩsɔ mɑ́ mɑ cɑɑkɩ ɩsɑɣɑlɑtɑɑ. Mɑ lɑŋlɛ hɛɛkənɑ-wɛɣɛ teu. Aɑɩyee sɩ: Ɩsɔ wei ɩ hɔŋ tɑ ŋkpɑŋŋ tɔ ɩ wɛ le? Tənɑɣɑ ɩ́ tʋɣənɑ-m wɑhɑlɑ.
\c 3
\p
\v 1 Ḿpʋɣʋ Pə tənɑ pə tʋ Tɑcɑɑ cɔwɑ sɩ: Mɑ tiliɣi mɑ tillu nɑ ɩ́ kpɑlɩ-m mpɑɑʋ. Sɔsɔ wei ɩ́ pɛɛkəɣɩ tɔ, ɩ kɑ́ sʋʋ Ɩsɔ təsɛɛlɛ tɑɑ təlɛʋ. Pəyele nɔɣɔ pɛɛlʋɣʋ tillu wei ɩ́ nyɩɩləɣɩ tɔ, ɩ kɔŋnɑ ntɛ́. 
\v 2 Awe kɑ́ wɛɛnɑ ɩ tɩ nɑ ɩ́ pəsɩ nɑ ɩ́ səŋ ɩ kʋyɑkʋ kʋkɔmʋɣʋ wule? Mpi tɔ, ɩ kɑ́ wɛɛ kɛ́ ɩsɩɩ kuluku kɔkɔ, yɑɑ kpɑləkpɑm mpi pə wɛ lɔŋ kɛ teu tɔ. 
\v 3 Ɩ kɑ́ cɑɣɑ kɛ́ nɑ ɩ́ tɑɣɑnɩ Lefii nyə́mɑ kɔtəlɑɑ ɑsilimɑ təkpɑtɑɑ. Ɩsɩɩ pɑ nyɑɑlʋɣʋ wʋlɑ nɑ liɣitee nyəɣəlʋɣʋ tɔ. Wɑɑtʋ ɩnəɣɩ ɩ́ kɑ́ lɑ Tɑcɑɑ kɛ kɔtɑɣɑ ɩsɩɩ ɩ́ sɩɩʋ tɔ. 
\v 4 Ɩlɛnɑ Tɑcɑɑ mʋ Yutɑ nɑ Yosɑlɛm nyə́mɑ mɛ mə kʋcɔɔŋ təkpɑ, ɩsɩɩ hɑtoo kɑncɑɑlɑɣɑ tɑɑ. 
\v 5 Pə tənɑ pə tʋ Tɑcɑɑ mɑ́ mɑ yɔɣɔtɑɑ sɩ: Mɑɑ kɔɔ nɑ mɑ́ hʋʋnɑ mpɑ pɑɑ nyɑŋnɑ-m tɔ. Ɩsɩɩ topotopo nyə́mɑ, nɑ wɑsɑŋkɑlənɑɑ, nɑ mpɑ pɑ sɩɩkɩ pɑ nɔɔsɩ kɛ yem tɔ. Nɑ mpɑ pɑɑ sɑŋ təmlɛ nyə́mɑ kɛ fɛlʋɣʋ tɔ. Nɑ mpɑ pɑ muɣuliɣi leelɑɑ, nɑ suluwɑɑ tɔ. Nɑ mpɑ pɑ tʋɣɩ tɑsəkəlɛ kɛ mʋʋlɑɑ tɔ.
\s1 Tɑcɑɑ kiŋ məlʋɣʋ
\p
\v 6 Ḿpʋɣʋ Ɩsɔ tɔmɑ sɩ: Mɑɣɑ Tɑcɑɑ kɛ́, mɑɑ lɑɣɑsəɣɩ. Pə́cɔ́ mə kɛ́ Yɑkɔpʋ lʋlʋɣʋ nyə́mɑ kɛ tɑm kɛ́. 
\v 7 Hɑtoo mə cɑɑnɑɑ wɑɑtʋ kɛ ɩ́ cɑɑlɑ mɑ kiiŋ kɛ kisuɣu nɑ ɩ́ lɔ-ɩ. Mpʋ tɔ, Pə tənɑ pə tʋ mɑ́, mɑ cɑɑ sɩ ɩ́ məlɩ mɑ kiŋ nɑ mɑɑ məlɩ mə kiŋ. Ɩlɛnɑ mɩɩ tɔŋ sɩ: Ɩsənɑɣɑ tɩɩ lɑ nɑ tə́ məlɩ nyɑ́ kiŋ? 
\v 8 Hɑ, yʋlʋ ŋmɩɩləɣɩ Ɩsɔ yɛɛ? Pəyele mə ŋmɩɩlɑ-m nɑ ɩ́ tɑɣɑnəɣɩ-m pɔɔsʋɣʋ sɩ: Leɣe tə ŋmɩɩlɑ-ŋ? Mə wɛnɑʋ hɔɣɔləŋ nɑɑnʋwɑ tɑɑ kʋlʋm tələsəlɛ, nɑ mə kʋcɔɔŋnɑɑ hɑʋ tɑɑ kɛ́ ɩ́ ŋmɩɩləɣɩ-m. 
\v 9 Yəlɑɑ mɛ, mə tənɑ ɩ́ wɛ mpusi tɑɑ kɛ́ mpʋ ɩnɩ pə tɑɑ kɛ́. 
\v 10 Mpʋ tɔ, ɩ́ kɔnɑ mə kʋwɛnɑm hɔɣɔləŋ nɑɑnʋwɑ tɑɑ kʋlʋmtəlɛ tənɑ kɛ mɑ təsɛɛlɛ tɑɑ. Ɩlɛ kɔtəlɑɑ kɑɑ lɑŋ tɔɣɔnɑɣɑ. Ɩ́ tɑɑ nəɣəsɩ sɩ ye ɩ́ ləsɑ mpʋ ɩ́ kɑ́ lɑŋ tɔɣɔnɑɣɑ. Ɩ́ mɑɣɑsɩ-m nɑ ɩ́ nɑ́ sɩ mɑ kɑɑ tʋlɩ ɩsɔtɔnʋɣʋ kɛ pɔɔŋ nɑ mɑ́ pəlɩ-mɛɣɛ kʋpɑntʋ kɛ sɔsɔm? 
\v 11 Nɑ mɑ́ tɑŋ tɔɣɔlɑɑ kɛ mə kʋhɑləm tɔɔ. 
\v 12 Tɑcɑɑ Pə tənɑ pə tʋ mɑ́, mɑ heeliɣi-mɛ təfoo sɩ piitimnɑɑ tənɑ kɑ́ yɑɑ-mɛɣɛ leleŋ nɩɩlɑɑ. Mpi tɔ, mə tɛtʋ kɑ́ wɛɛnɑ kʋpɑntʋ kɛ́.
\s1 Ɩsɔ siɣisuɣu hʋlʋɣʋ
\p
\v 13 Ɩ́ yɔɣɔtəɣɩ mɑ tɔɔ kɛ́ tɔm ɩsɑɣɑtʋ. Ɩlɛnɑ ɩ́ tɔŋ sɩ: Le nɑ leɣe tə pəntənɑ-ŋ? 
\v 14 Pə́cɔ́ ɩ́ kʋntəɣɩ sɩ ɩ́ tɔkɑ mɑ tɔm. Sɩ ɩ́ lɑpɑ lɑŋwɑkəllɛ kɔtɑsɩ. Sɩ Pə tənɑ pə tʋ mɑ, mɑ́ nɑ́ mə pətɔɔtəlɛ. Amɑ mə tɑ wɑɑ pʋlʋ. Pə tɔɔ mə hʋʋkɩ sɩ pɑɑ ɩ́ lɑpɑ-m təmlɛ yem kɛ́. 
\v 15 Hɑlənɑ ɩ́ tɔŋ sɩ: Kɑlɑmpɑɑnɩ nyə́mɑ nɑ ɑsɑɣɑɑ kɛ pə cɑɣɑnɑɑ. Pɑɑ pɑ wɑkələnɑ Ɩsɔ ɩ́lɛ́ ɩ sumɑ tɑm kɛ́.
\p
\v 16 Mpɑ pɑ nyɑŋnɑ Ɩsɔ tɔ, pɑ yɔɣɔtɑɣɑnɑ təmɑ, ɩlɛnɑ Tɑcɑɑ ke ŋkpɑŋʋɣʋ nɑ ɩ́ nɩɩ pɑ kʋyɔɣɔtʋtʋ. Pə́cɔ́ pɑ ŋmɑɑ pɑ tənɑ mpɑ pɑ nyə́mɑ ɩ toŋ tɔɔ, nɑ pɑ́ nyɑŋnɑ-ɩ tɔ, pɑ həlɑ kɛ tɑkəlɑɣɑ tɑɑ. 
\v 17 Ntɛnɑ Pə tənɑ pə tʋ Tɑcɑɑ yɔɣɔtɩ sɩ: Kʋyɑŋku mɑɑ hʋlɩ mɑ toŋ tɔ. Mɑɑ nyənɩ yəlɑɑ mɛɣɛ mɑ nyə́mɑ. Ɩ́ kɑ́ pəsɩ mɑ nyə́mɑ təkpɑtɑɑ nɑ mɑ́ lɑkɩ-mɛɣɛ kʋpɑntʋ, ɩsɩɩ cɛcɛ nɑ ɩ pəyɑɣɑ ŋkɑ kɑ pɑɑsəɣənɑ-ɩ tɔ. 
\v 18 Kʋyɑŋkuɣu ɩ́ kɑ́ nɑ siɣisilɑɑ nɑ ɑsɑɣɑɑ. Nɑ mpɑ pɑ lɑkɩ mɑ təmlɛ nɑ mpɑ pɑɑ lɑkɩ-tɛ tɔ pɑ fɑɣɑʋ.
\c 4
\p  
\v 1 Tɑcɑɑ Pə tənɑ pə tʋ mɑ́, mɑ pɑ́ɑ́nɑ́ kʋyɑkʋ tɔŋnɑ kɔntɛ kɛ́ ɩsɩɩ kɔkɔ sɔsɔɔŋkɑ. Kʋyɑŋkuɣu pɑɑ nyɑɣɑsɩ kɑlɑmpɑɑnɩ nyə́mɑ nɑ ɑsɑɣɑɑ kɛ kɔkɔ ɩsɩɩ nyɩɩtʋ. Pə kɑɑ kɑɑsɩ-wɛɣɛ pʋlʋ cəcəkɑ. 
\v 2 Amɑ mɑ sɩɩkɩ mpɑ pɑ seeki-m tɔɣɔ nɔɔsɩ sɩ, mɑ toŋ kɑ́ wɑɑsɩ-wɛɣɛ ɩsɩɩ ilim lɩɩkʋɣʋ nɑ pə́ wɑɑsəɣɩ tɛtʋ tɔ. 
\v 3 Kʋyɑŋkuɣu ɩ́ kɑ́ pɑɑ ɑsɑɣɑɑ kɛ nɔɔhɛɛ ɩsɩɩ tɛtʋ. Pə tənɑ pə tʋ Tɑcɑɑ mɑ́, mɑ yɔɣɔtənɑ mpʋ.
\s1 Ilii məlʋɣʋ
\p
\v 4 Ɩ́ tɔɔsɩ mɑ təmlɛ tʋ Moisi kʋsɛɣɛsətʋ tɔɔ. Nɑ kiiŋ nɑ kʋsəsɩɩtʋ nti mɑ cɛlɑ-ɩ Holɛpʋ pʋɣʋ tɔɔ sɩ ɩ́ tɛləsɩ Ɩsɛɣɛlɩ nyə́mɑ tənɑ tɔ.
\p
\v 5 Mɑɑ tili Ɩsɔ kʋyɔɣɔtʋtʋ tɛləsʋlʋ Ilii. Mɑɑ tili-ɩ nɑ pə́cɔ́ pə́ tɑlɑ mɑ kʋyɑkʋ sɔsɔɔŋkʋ sɔɣɔntʋ nyəŋkʋ ŋkʋ. 
\v 6 Ɩnɩ ɩ kɑ́ ciikinɑ cɛcɛnɑɑ nɑ piyɑ. Ɩlɛ mɑ kɑɑ wɑkəlɩ mə ɩcɑtɛ.