\id HAB - Lokpa Bible portions [dop] -Benin 1999 (web edition -2017)
\ide UTF-8
\h Hɑpɑkuku
\toc1 ƖSƆ KƲYƆƔƆTƲTƲ TƐLƎSƲLƲ HAPAKUKU TƆM TAKƎLAƔA
\toc2 Hɑpɑkuku
\toc3 Hɑp
\mt2 ƖSƆ KƲYƆƔƆTƲTƲ TƐLƎSƲLƲ
\mt1 HAPAKUKU
\mt2 TƆM TAKƎLAƔA
\imt1 Kʋtʋlʋtʋ
\ip Hɑpɑkuku nɑɑkɩ ɩsǝnɑ yǝlɑɑ ɩɩ tǝŋǝɣɩ tɑmpɑnɑ nɑ pɑ́ pǝntǝɣɩ nɑ Ɩsɔ sumɑ tɔ. Ɩlɛnɑ ɩ́ tɔkɩ wɑhɑlɑ kɛ pǝ tɔɔ. Pǝ tɔɔ kɛ́ ɩ pɔɔsǝɣɩ Ɩsɔ sɩ: Ɩsǝnɑɣɑ Ɩsɔ kɛ́ siɣisulu nɑ yǝlɑɑ lɑkɩ mpi pǝ tɑ siɣisi tɔ nɑ ɩ́ sumɑ? Amɑ Ɩsɔ nɑ́ cɔɔkɩ sɩ, wɑɑtʋ wɛɛ wei ɩ tɑɑ ɩnɩ ɩ́ kɑ́ hʋʋnɑ ɑsɑɣɑɑ nɑ pǝntǝlɑɑ tɔ. Pǝ tɔɔ tɔ, pǝ wɛɛ sɩ Ɩsɔ kʋyɔɣɔtʋtʋ tɛlǝsʋlʋ ɩ́ cɑɣɑnɑ tʋnɑʋ nɑ ɩ́ tɑŋ wɑɑtʋ wei Ɩsɔ hʋʋnɑʋ kɑ́ tɑlɑ tɔ.
\iot Ɩsǝnɑ pɑ fɑɣɑ Hɑpɑkuku tɑkǝlɑɣɑ tɔ:
\io1 Misee wiinɑʋ kɛ Ɩsɔ, nɑ ɩ́lɛ́ ɩ cɔʋ, titite \ior 1:1–2:6\ior*
\io1 Mpusinɑɑ kɑkpɑsɩ, titite \ior 2:7-20\ior*
\io1 Yʋlʋ ɩ́ tɑŋ Ɩsɔ wɑɑsʋɣʋ nɑ nɑɑni, titite \ior 3\ior*
\c 1
\p
\v 1 Tɔmnɑɑ mpɑ Tɑcɑɑ kulɑɑ nɑ ɩ́ hʋlɩ Ɩsɔ kʋyɔɣɔtʋtʋ tɛlǝsʋlʋ Hɑpɑkuku tɔ.
\s1 Hɑpɑkuku yɑɑkɩ Ɩsɔ sɩ ɩ́ wɑɑsɩ
\q1
\v 2 Ḿpʋ́ɣʋ́ Ɩsɔ kʋyɔɣɔtʋtʋ
\q1 tɛlǝsʋlʋ Hɑpɑkuku wiinɑ Tɑcɑɑ sɩ:
\q1 Hɑtoo, mɑ yɑɑ-ŋ sɩ ń wɑɑsɩ-tʋ
\q1 sɩ pɑ lɑkɩ-tʋɣʋ mʋsʋŋ tɔ, pǝlee kɛ́ n kɑ́ cɔ-m?
\q1
\v 3 Ɩsǝnɑɣɑ n kɑ́ tisi nɑ mɑ́ nyǝnǝɣɩ yǝlɑɑ ɩsɑɣɑtʋnɑɑ?
\q1 Nɑ nyɑɑ nyǝnǝɣɩ mpi pǝ tɑ siɣisi tɔ?
\q1 Mpi tɔ, ŋmɑkǝlʋɣʋ nɑ mʋsʋŋ,
\q1 nɑ yooŋ nɑ hʋʋlɛ tike kɛ yǝlɑɑ lɑkɩ.
\q1
\v 4 Nɔɣɔlʋ ɩɩ tɑsǝɣɩ kiiŋ kɛ tǝŋʋɣʋ.
\q1 Pǝ́cɔ́ pɑɑ hʋlǝɣɩ tɑmpɑnɑ kɛ ɑ lonte tɑɑ.
\q1 Asɑɣɑɑ ntɛ́ tɑmpɑnɑ nyǝ́mɑ,
\q1 nɑ hʋʋlɛ wɑkǝlǝɣɩ.
\s1 Pɑpiloni nyǝ́mɑ wɑtɑɑ
\q1
\v 5 Ḿpʋ́ɣʋ́ Tɑcɑɑ cɔwɑ sɩ:
\q1 Ɩ́ nyǝnɩ piitimnɑɑ nɑ sɔɣɔntʋ kpɑ-mɛ.
\q1 Mpi tɔ, tǝmlɛ nɑtǝlɩ tɩɩ lɑ nɑ ɩ́ nɑnɑ mǝ ɩsɛ.
\q1 Hɑlɩ ye pɑɑ heelɑ-mɛɣɛ pǝ tɔm,
\q1 mǝ tɑɑ nɔɣɔlʋ tɑɑ tisi.
\q1
\v 6 Mɑɑ kɔnɑ Pɑpiloni kpɑŋtʋnɑɑ mpɛ.
\q1 Pɑ fɛɩ nɔɣɔlʋ pǝtɔɔtǝlɛ.
\q1 Pɑ cɔɔkɩ ɑntulinyɑ tǝnɑɣɑ nɑ pɑ́ lɛɛkǝɣɩ lɛlɑɑ tɛtʋ.
\q1
\v 7 Pɑ tɔm wɛ sɔɣɔntʋ kɛ́.
\q1 Kɑlɑmpɑɑnɩ kɛ́ pɑ tʋɣʋnɑ mpi pɑ cɑɑkɩ lɑpʋ tɔ.
\q1
\v 8 Pɑ kpɑɣɑnǝŋ lɔŋlɔŋ lɑpʋ tɛɛ kpooŋ.
\q1 Pɑ kǝlɑ toŋ kɛ sʋnsʋmʋɣʋ ŋku nyɔɣɔsɩ pɩɩwɑ tɔ.
\q1 Ye pɑ lɩɩnɑ pooluŋ pɑ kpɑɣɑnǝŋ ŋmɑɑkɩ kɛ́.
\q1 Ɩ́ kʋlǝɣɩ hʋntʋ kɛ́ ɩsɩɩ hɛkǝlɛ tiliɣi kɑmpɑɣɑ wɑɑlɩ.
\q1
\v 9 Wontu kuuu kɛ pɑ kɔŋ pɑɑ nyǝɣǝsǝɣɩ.
\q1 Pɑ kuuki sɑlǝkɑtʋnɑɑ kɛ tuutuumɑ ɩsɩɩ kɑnyǝŋɑ pee.
\q1
\v 10 Pɑ footiɣi ɑwulɑɑ nɑ pɑ́ woŋiɣi tɛtʋ tɔkǝlɑɑ.
\q1 Koloosi ɑcɑlɛɛ ɩɩ kɑɣɑtǝɣɩ-wɛ.
\q1 Pɑ loŋ hɑpɛɛ kɛ koloosi ɑcɑlɛɛ kilɑ kɛ́,
\q1 nɑ pɑ́ lɛɛkǝɣɩ-yɛ.
\q1
\v 11 Pɑ hɔkɑ tɑm kɛ́ ɩsɩɩ kɑcuculɑɣɑ.
\q1 Akpɑlɑ kɛ pɑ tɛɛlǝɣɩ.
\s1 Ɩsɔ kʋyɔɣɔtʋtʋ tɛlǝsʋlʋ yɑɑkɩ Ɩsɔ kɛ́ tɔm nɑɑlɛ nyǝm
\q1
\v 12 Hɑtoo kɑncɑɑlɑɣɑ tɑɑ,
\q1 Tɑcɑɑ nyɑ́ kɛnɑ mɑ Nɑŋŋtʋ.
\q1 Ɩlɛ tǝ kɑɑ sɩ.
\q1 Hɑɩ, nyɑɣɑlɛ mɑ kentulu.
\q1 Nyɑ́ kɔnnɑ tɑ́ kolontunɑɑ pɑnɛ sɩ,
\q1 n hɔŋnɑ tɑ́ ŋkpɑŋʋɣʋ.
\q1
\v 13 Amɑ nyɑ́ ɩsɛ ɩɩ nyǝnǝɣɩ ɩsɑɣɑtʋ yɑɑ mʋsʋŋ.
\q1 Ɩlɛ pepe tɔɔ kɛ́ n sumnɑ ɑsɑɣɑɑ mpɑ
\q1 pɑ wɑkǝlǝɣɩ kʋpɑmɑ tɔ?
\q1 Pǝyele pɛlɛ pɑ lɑpǝnɑ sɑnɑ.
\q1
\v 14 Pepe tɔɔ kɛ́ n nyǝnǝɣɩ yǝlɑɑ ɩsɩɩ tiinɑ.
\q1 Yɑɑ ɩsɩɩ filifilinɑɑ mpɑ pɑ fɛɩnɑ pɑɑsǝnlʋ tɔ?
\q1
\v 15 Pɑpiloni nyǝ́mɑ kpɑ yǝlɑɑ kɛ́ ɩsɩɩ kulɑɣɑ.
\q1 Yɑɑ ɩsɩɩ puluɣu puukuɣu tinte tɔ.
\q1 Pɑ lɑŋɑ hʋlʋmɑɑ kɛ́ pǝ tɩɩ fɛɩ.
\q1
\v 16 Pɑ lɑɑwɑ pɑ puluŋ nɑ pɑ́ wɔ pǝ tulɑɑlʋnɑɑ.
\q1 Mpi tɔ, ɩnǝɣɩ pɑ wɑɑkǝnɑ,
\q1 nɑ pɑ tɔɣɔnɑɣɑ kɛ kʋpɑŋkɑ.
\q1
\v 17 Pɑ kɑɑ hɛɛsɩ piitimnɑɑ lɛmpɑ
\q1 kʋɣʋ nɑ pɑ lɑɣɑlɛɛ kɛ mpʋ?
\c 2
\p
\v 1 Ḿpʋ́ɣʋ́ Ɩsɔ kʋyɔɣɔtʋtʋ tɛlǝsʋlʋ tɑsɑɑ sɩ:
\q1 Mɑɑ cɑɣɑ mɑ tǝtɑŋlɛ nɑ mɑ́ feŋiɣi.
\q1 Ɩlɛnɑ mɑ́ nɩɩ nti Ɩsɔ kɑ́ cɔ-m mɑ kʋsǝlǝmʋtʋ tɔɔ tɔ.
\s1 Siɣisilu nɑ ŋmɑkǝllʋ pɑ tɔm
\q1
\v 2 Ntɛnɑ Tɑcɑɑ cɔ-m sɩ:
\q1 Nmɑɑ nti mɑ kulɑɑ nɑ mɑ hʋlɩ-ŋ tɔ.
\q1 Tʋ-tǝɣɩ kpɑɑtɑnɑɑ tɔɔ kɛ́ teu,
\q1 nɑ pɑɑ wei ɩ́ pǝsɩ nɑ ɩ́ kɑlɑ-tɩ.
\q1
\v 3 Tɔm ntɩ tǝ wɑɑtʋ tɑ tɑtɑ kɛ́ sɩ tǝ lɑ.
\q1 Amɑ pɑ sɩɩ tǝ wɑɑtʋ kɛ́.
\q1 Ɩlɛ tɑŋ-tɩ nɑ nɑɑni.
\q1 Tɩɩ leeli kɛ́ tǝ kɑɑ sɑɑlɩ.
\q1
\v 4 Nmɑɑ sɩ ɩsɑɣɑʋ sɑɑlǝɣɩ yem kɛ́.
\q1 Amɑ tɑmpɑnɑ tǝŋlʋ nɑ́ wɛnɑ weesuɣu kɛ ɩ tɑɑ tɛm tɔɔ.
\q1
\v 5 Wɛnɑʋ kɛ́ ɑsolɑ kɛ́.
\q1 Mpi tɔ, kɑlɑmpɑɑnɩ yǝlɑɑ ɩɩ hɛɛsǝɣɩ.
\q1 Pɑ wɛ hiliŋ kɛ́ ɩsɩɩ ɑtɛtǝlɛ.
\q1 Pǝyele pɑɑ hɑkɩ, ɩsɩɩ sǝm.
\q1 Pɑ lɛɛkǝɣɩ piitimnɑɑ nɑ pɑ́ puki,
\q1 nɑ pɑ́ ŋmɑkǝlǝɣɩ-wɛ.
\q1
\v 6 Piitimnɑɑ mpɑ pɑɑ kǝlɑɑ tɔ
\q1 pɛlɛ pɑɑ kʋlɩ pɑ ŋmɑkǝllɑɑ tɔɔ.
\s1 Mpusinɑɑ kɑkpɑsɩ
\q1 Pɑɑ tʋʋ-wɛ sɩ mpusi wɛ pɑ tɔɔ kɛ́.
\q1 Ɩsɩɩ pɑ lɛɛkʋɣʋ lɛlɑɑ nyǝm nɑ pɑ́ kɑɑkɩ
\q1 nɑ pɑ́ pɔɔsǝɣɩ-wɛɣɛ kǝmlɛ tɔ,
\q1 pǝlee kɛ́ pɑɑ yele mpʋ ɩnɩ pǝ lɑpʋ?
\q1
\v 7 Mǝ kǝmɑ nyǝ́mɑ kɑ́ mǝlɩ
\q1 mǝ tɔɔ nɑ pɑ́ lɛɛtɩ-mɛ.
\q1
\v 8 Ɩsǝnɑ ɩ́ kɑ́ lɛɛkɑ lɛlɑɑ tɔɣɔ,
\q1 pɑɣɑlɛ kɑ lɛɛkɩ-mɛ mpi pǝ tɔɔ tɔ,
\q1 ɩ́ lɑpɑ tɛtʋnɑɑ nɑ ɑcɑlɛɛ kɛ mʋsʋŋ nɑ ɩ́ kʋ-wɛ.
\q1
\v 9 Mpusi wɛ mǝ tɔɔ kɛ́.
\q1 Mpi tɔ ɩ́ pɛɛkǝɣɩ kɑsǝyɑɣɑ ɑsilimɑ nyǝŋkɑ sɩ
\q1 yǝlɑɑ ɩ́ nyǝnǝɣɩ-mɛɣɛ sɔsɑɑ.
\q1 Pɑɑ nɑ mpʋ nɑ ɩ́ hʋʋkɩ sɩ
\q1 mǝ toŋ kɑ́ lǝsɩ-mɛɣɛ wɑkǝlʋɣʋ tɑɑ.
\q1
\v 10 Mǝ mɑɣɑmɑɣɑ ɩ́
\q1 lǝsǝnɑ fɛɛlɛ nɑ ɩ́ tʋ mǝ tɩ.
\q1 Ɩ́ kʋ yǝlɑɑ tuutuumɑ,
\q1 nɑ ɩ́ wɑkǝlɩ mǝ tɩ.
\q1
\v 11 Pɑɑ koloosi tɑɑ pɛɛ,
\q1 ɩsɩɩ ɑ mɑpɑ kɑpusi nɑ ɑ́ pɔɔsɩ-mɛ
\q1 nɑ lɔtɑsɩ nɑ́ɑ́ tisi.
\q1
\v 12 Mpusi wɛ mǝ tɔɔ kɛ́.
\q1 Mpi tɔ, yʋlʋkʋlɛ nɑ ŋmɑkǝlʋɣʋ kɛ ɩ́ sɩɩkǝnɑ ɑcɑlɛɛ.
\q1
\v 13 Pǝ tɔɔ kɛ́ piitimnɑɑ tǝmlɛ nyɑɣɑ kɔkɔ.
\q1 Pɑ wɑhɑlɑ sɑɑlɑ yem.
\q1 Pǝ tǝnɑɣɑ mpʋ Atɛ nɑ ɩsɔtɑɑ tʋ Tɑcɑɑ tǝmlɛ kɛ́.
\q1
\v 14 Yǝlɑɑ tǝnɑ kɑ́ tɛ nɑ pɑ́ nyɩ Tɑcɑɑ teeli tʋ kɛ́.
\q1 Pɑɑ nyǝmɩ-ɩ tɛtʋ tǝnɑ tɑɑ kɛ́ ɩsɩɩ teŋku lʋm wɑɑsʋɣʋ
\q1 kɑnyǝŋɑ tɔɔ tɔ.
\q1
\v 15 Mpusi wɛ mǝ tɔɔ kɛ́.
\q1 Mpi tɔ, ɩ́ tʋɣɩ mǝ tɔɣɔntǝlɛnɑɑ kɛ sʋlʋm kɛ sɔsɔm.
\q1 Pǝ kʋɣɩ-wɛ nɑ pɑ kʋtɔɣɔlǝm cɛ,
\q1 nɑ pǝ yele-wɛɣɛ kpɛlɑ,
\q1 ɩlɛnɑ ɩ́ nyǝnǝɣɩ.
\q1
\v 16 Fɛɛlɛ kɛ ɩ́ nɑŋǝɣɩ nɑ ɩ́ tɑɑkɩ mǝ tokuŋ.
\q1 Pǝ tɑɣɑ teeli,
\q1 mɩɩ nyɔɔ-wɩ nɑ ɩ́ sǝŋ kpɛlɑ.
\q1 Tɑcɑɑ kɑ́ mʋ pɑ́ɑ́nɑ́,
\q1 nɑ ɩ́ tʋ-mɛɣɛ wɑhɑlɑ nɑ toŋ.
\q1 Ɩ́ kɑ́ pǝsɩ tɛtɛlɑtɑɑ.
\q1
\v 17 Ɩsɩɩ pɑ sɛtʋɣʋ Lipɑŋ hɔtʋɣʋ kɛ mʋsʋŋ tɔ,
\q1 pɩɩ mǝlɩ mǝ nyɔɔŋ tɑɑ.
\q1 Mpi tɔ, ɩ́ kpiisɑ tɑɑlɛ wontu.
\q1 Ɩ́ kʋ yǝlɑɑ.
\q1 Ɩ́ lɑpǝnɑ toŋ kɛ tɛtʋ tɑɑ ɑcɑlɛɛ yǝlɑɑ.
\q1 Pɩɩ nyɑɑsɩ mǝ pʋntʋ.
\q1
\v 18 Pepe tɔɔ kɛ́ ɩ́ luki tɩɩŋ kɛ nyǝɣǝtʋ?
\q1 Ɩ́ sɑɑkǝɣɩ-ɩ tɑɑsɩ,
\q1 nɑ ɩ́ puɣusiɣinɑ mǝ tɩ.
\q1 Ɩ́ tʋɣɩ mǝ niŋ kʋlɑpǝm kɛ nɑɑni,
\q1 ɑnɩ pǝlɛ pɩɩ yɔɣɔtǝɣɩ?
\q1
\v 19 Mpusi wɛ mǝ tɔɔ kɛ́.
\q1 Mpi tɔ ɩ́ yɑɑkɩ tɑɑkukulɑɣɑ sɩ kɑ́ fe,
\q1 nɑ ɩ́ tɔŋ pǝlɛ sɩ tǝ́ kʋlɩ.
\q1 Pǝ́cɔ́ pǝ tɑɑ pʋlʋpʋ kɑɑ pǝsɩ nɑ pǝ́ heeli-mɛɣɛ nɑtǝlɩ.
\q1 Pɑɑ nɑ ɩ́ wɑɑsɑ tɩɩŋ ɩnɩ ɩ tɔɔ kɛ́ wʋlɑ nɑ liɣitee nyǝɣǝtʋ tɔ.
\q1 Ɩ fɛɩnɑ weesuɣu nɑkʋlɩ.
\q1
\v 20 Amɑ Tɑcɑɑ nɑ́ wɛ ɩ tǝsɛɛlɛ tɑɑ kɛ́.
\q1 Antulinyɑ yǝlɑɑ mɛ ɩ́ su.
\c 3
\s1 Hɑpɑkuku sǝlǝmʋɣʋ nɑ Ɩsɔ wɑɑsʋɣʋ
\p
\v 1 Wiinɑʋ mpi Ɩsɔ kʋyɔɣɔtʋtʋ tɛlǝsʋlʋ Hɑpɑkuku wiinɑ Tɑcɑɑ tɔɣɔlɛ sɩ:
\q1
\v 2 Hɑɩ Ɩsɔ, Tɑcɑɑ,
\q1 pɑ yɔɣɔtɑ nyɑ́ tǝmɑ sɔsɔɔnɑ tɔm nɑ mɑ́ nɩɩ.
\q1 Ɩlɛnɑ mɑ́ nyɑŋnɑ-ŋ.
\q1 Lɑ tɑ́ wɑɑtʋ tɑɑ kɛ́ tǝmɑ ɑnɩ ɑ tɑkɑnɑɑ nɑ yǝlɑɑ nɑ́.
\q1 Pɑɑ pɩɩ wɛɛ sɩ, ń mʋ pɑ́ɑ́nɑ́, hʋlɩ-tʋɣʋ suulu.
\q1
\v 3 Ɩsɔ lɩɩnɑ Temɑŋ,
\q1 Ɩsɔ Nɑŋŋtʋ lɩɩnɑ Pɑlɑŋ pʋɣʋ tɔɔ.
\q1 Ɩ teu nɑɑkɩ ɩsɔtɔnʋɣʋ tɔɔ kɛ́,
\q1 nɑ ɑtɛ nyǝm sɑŋɩ-ɩ.
\q1
\v 4 Ɩ kɔŋ nɑ ɩ́ mʋɣɩ kɔkɔ nɑ ɩ niŋ tɑɑ
\q1 timpi ɩ tomɑ lɩɩkǝnɑ tɔ pǝ ŋmɛlǝsǝɣɩ.
\q1
\v 5 Kʋtɔŋ wɛ ɩ nɔɣɔ tɔɔ kɛ́ nɑ ɩ wɑɑlɩ.
\q1
\v 6 Ye ɩ sǝŋɑɑ, tɛtʋ seliɣi kɛ́.
\q1 Ye ɩ nyǝnǝɣɩ,
\q1 kolontunɑɑ huɣutiɣi pɑ lotu kɛ nɑ sɔɣɔntʋ.
\q1 Tɑm tɔɔ pɔ́ɔ́ŋ nɑ́ seliɣi.
\q1 Lɔŋtɑɑ pulɑsɩ nsi sɩ tɔɔ ɩ tɔŋɑɣɑ tɔ sɩ yɔkǝɣɩ.
\q1
\v 7 Mɑ nɑwɑ Kusɑŋ nyǝ́mɑ lɑŋwɑkǝllɛ
\q1 nɑ Mɑtiyɑŋ nyǝ́mɑ sɔɣɔntʋ.
\q1
\v 8 Tɑcɑɑ, pusi tɔm kpɑnɑ-ŋ pɑ́ɑ́nɑ́ nɑ?
\q1 Yɑɑ teŋku yelinɑ nɑ nyɑ́ pɑ́ɑ́nɑ́ huu?
\q1 N cɑɣɑ ɩsɔŋmʋntʋ kɛ́ ɩsɩɩ yoou kɛɛkɛ,
\q1 nɑ ɩ kpɑɣɑnǝŋ pukinɑ-ŋ ɑkɑɩtʋ tɑɑ.
\q1
\v 9 N kpɑɑsɑ nyɑ́ tɔɔʋ.
\q1 Nyɑ́ nyǝmɑ wɛ ɩsɩɩ mpusi tǝŋsʋɣʋ.
\q1 Tɛtʋ hɑɑ nɔɣɔ nɑ pusi lɩɩ.
\q1
\v 10 Ye pɔ́ɔ́ŋ ɩ́ nɑ-ŋ ɩ seliɣi kɛ́,
\q1 nɑ tɛʋ hɩɩkɩ tɛtʋ tɔɔ.
\q1 Teŋku sɔsɔ sʋʋ wulɑ,
\q1 nɑ ɩ lʋm sǝŋǝɣɩ ɩsɩɩ koloosi.
\q1
\v 11 Nyɑ́ nyǝmɑ kʋtɔtɔnɑ nyɑɑlǝm,
\q1 nɑ nyɑ́ ŋmɑntɑɑɣɑ ŋmɛlǝsʋɣʋ,
\q1 sǝŋsǝɣɩ ilim nɑ ɩsɔtʋ pɑ tɔntɛ kɛ́.
\q1
\v 12 Ye pɑ́ɑ́nɑ́ ɩ kpɑ-ŋ,
\q1 n cɔɔkɩ tɛtʋ kɛ́ nɑ ń nɑŋtɩ piitimnɑɑ.
\q1
\v 13 N puki nyɑ́ yǝlɑɑ nɑ pɑ wulɑʋ
\q1 wei n kpɑwɑ tɔ pɑ wɑɑsʋɣʋ.
\q1 Ɩlɛnɑ ń kʋ ɑsɑɣɑɑ nyʋɣʋ tʋ nɑ ɩ wɑɑlɩ nyǝ́mɑ.
\q1
\v 14 Kolontunɑɑ nyǝmɑ́ kɛ n tʋlǝɣǝnɑ pɑ nyɔɔŋ.
\q1 Pɑ nǝɣǝsǝnɑ kɛ́ ɩsɩɩ kɑcuculɑɣɑ.
\q1 Pɑ huliɣi sɩ pɑ́ yɑsɩ-tʋ.
\q1 Pɑ kiisiɣi lɑŋhʋlʋmlɛ kɑkiisɑsɩ.
\q1 Pɑ sɔɔlʋ pɩɩwɑ sɩ pɑ́ kʋ-tʋ.
\q1
\v 15 N cɔɔkǝnɑ nyɑ́ kpɑɣɑnǝŋ kɛ
\q1 teŋku lʋm koloosi sɔsɔɔnsɩ tɑɑ kɛ́.
\q1
\v 16 Mɑ nɩɩ kɔkɔtɛ ńtɛ́ tǝ tǝnɑ nɑ mɑ lɑŋlɛ pǝsɩ.
\q1 Sɔɣɔntʋ kpɑ-m nɑ mɑ ntompee seliɣi.
\q1 Mɑ tɔnʋɣʋ kɑwɑ,
\q1 mɑ tʋnɑ hoowɑ nɑ mɑ́ wɩɩ sǝŋʋɣʋ.
\q1 Ɩlɛnɑ mɑ́ su nɑ mɑ́ tɑŋɑ tɑ tɔɔ kʋllɑɑ
\q1 ŋkpɑŋʋɣʋ hɔm kʋyɑkʋ.
\q1
\v 17 Fikinɑɑ nɑ lɛsɛŋnɑɑ nɑ Olifinɑɑ pǝ tɩɩŋ nɑ́ kisɑ lʋlʋɣʋ.
\q1 Tɑwɑ kʋhɑlǝm nɑɑ lɑkɩ.
\q1 Heeŋ nɑ nɑɑŋ pǝ tɛmɑ.
\q1
\v 18 Amɑ Tɑcɑɑ hɑɑnɑ mɑɣɑ lɑŋhʋlʋmlɛ.
\q1 Mɑ nɩɩ leleŋ kɛ Ɩsɔ wɑɑsʋlʋ tɔɔ.
\q1
\v 19 Tɑcɑɑ Ɩsɔ kɛlɛ mɑ toŋ.
\q1 Ɩnɩ ɩ hɑnɑ-m tɔntɛ nyǝm ɩsɩɩ nɑm,
\q1 nɑ mɑ́ tɔŋ pulɑsɩ tɑɑ.
\b
\d Yontu tǝnɛɣɛ pɑ yoonɑ sɑŋkʋ nɑ tǝ wɛ yonyoolɑɑ nyʋɣʋ tʋ yontunɑɑ tɑɑ.