\id EZR - Lokpa Bible portions [dop] -Benin 1999 (web edition -2017)
\ide UTF-8
\h Ɩsǝtǝlɑsɩ
\toc1 ƖSƎTƎLASƖ TƆM TAKƎLAƔA
\toc2 Ɩsǝtǝlɑsɩ
\toc3 Ɩsǝ
\mt1 ƖSƎTƎLASƖ
\mt2 TƆM TAKƎLAƔA
\imt1 Kʋtʋlʋtʋ
\ip Tǝ nɑɑkɩ tɑkǝlɑɣɑ kɑnɛ kɑ tɑɑ sɩ, Pɛɛsɩ wulɑʋ sɔsɔ Silusi hɑwɑ Yutɑ nyǝ́mɑ kɛ nɔɣɔ sɩ, pɑ́ mǝlɩ pɑ tɛ Yosɑlɛm. Ye pɑ mǝlɑɑ ɩlɛ pɑ tɑɣɑnɩ ŋmɑʋ kɛ Ɩsɔ tǝsɛɛlɛ. Amɑ Yutɑ nyǝ́mɑ kolontunɑɑ lɑŋɑ tɑ hɛɛnɑ Ɩsɔ tǝsɛɛlɛ ńtɛ́ tǝ tɑɣɑnʋɣʋ.
\ip Tɑkǝlɑɣɑ kɑnɛ kɑ tɑɑ sɛɣɛsʋɣʋ sɔsɔɔʋ lɛŋkʋ ntɛ́ sɩ, Ɩsɔ yǝlɑɑ ɩ́ lɑɣɑsɩ lɑɣɑsʋɣʋ mɑɣɑmɑɣɑ. Ɩlɛnɑ pǝ́ kɑɑsɩ nɑ pɑ́ tɔ́ tɔntɛ kʋpɑntɛ.
\iot Ɩsǝnɑ pɑ fɑɣɑ Ɩsǝtǝlɑsɩ tɑkǝlɑɣɑ tɔ:
\io1 Yutɑ nyǝ́mɑ mǝlʋɣʋ kɑncɑɑlɑɣɑ nyǝm, titite \ior 1–2\ior*
\io1 Ɩsɔ tǝsɛɛlɛ tɑɣɑnʋɣʋ nɑ tǝ tʋlʋɣʋ, titite \ior 3–6\ior*
\io1 Ɩsǝtǝlɑsɩ nɑ Yutɑ nyǝ́mɑ lɛlɑɑ pɑ mǝlʋɣʋ, titite \ior 7–10\ior*
\c 1
\s1 Wulɑʋ Silusi hɑ nɔɣɔ sɩ pɑ́ tɑɣɑnɩ ŋmɑ́ʋ kɛ Ɩsɔ tǝsɛɛlɛ
\p
\v 1 Ḿpʋ́ɣʋ́ Tɑcɑɑ tʋ ɩ tɑɑ sɩ ɩ yoosiɣi tɔm nti ɩ kɑ yɔɣɔtǝnɑ Ɩsɔ kʋyɔɣɔtʋtʋ tɛlǝsǝlʋ Selemii nɔɣɔ tɔɣɔ Pɛɛsɩ wulɑʋ sɔsɔ Silusi kɑwulɑɣɑ pǝnɑɣɑ kɑncɑɑlɑɣɑ nyǝŋkɑ tɑɑ. Ɩlɛnɑ Ɩsɔ tʋ Silusi tɑɑ sɩ ɩ́ kpɑɑlɩ ɩ kɑwulɑɣɑ tɑɑ nɑ pɑ́ ŋmɑɑ tɑkǝlɑsɩ tɑɑ sɩ, 
\v 2 Pɛɛsɩ wulɑʋ Silusi yɔɣɔtɑɑ sɩ: Ɩsɔtɑɑ Ɩsɔ Tɑcɑɑ tʋnɑ mɑ niŋ tɑɑ kɛ́ ɑntulinyɑ tǝnɑ kɑwulɑsɩ, nɑ ɩ́ tʋ-m sɩ mɑ́ tɑɣɑnɩ ŋmɑʋ kɛ ɩ tǝsɛɛlɛ kɛ Yutɑ tɛtʋ tɑɑ kɛ́ Yosɑlɛm. 
\v 3 Mǝ tɑɑ mpɑ pɑ kɛnɑ ɩ yǝlɑɑ tɑɑ lɛlɑɑ? Ɩsɔ ɩ́ wɛɛ pʋntʋnɑɑ wɑɑlɩ nɑ pɑ́ polo Yosɑlɛm kɛ Yutɑ nɑ pɑ́ ŋmɑ́ Tɑcɑɑ Ɩsɛɣɛlɩ Ɩsɔ kɛ́ tǝyɑɣɑ. Ɩsɔ ɩnɩ ɩ wɛnnɑ Yosɑlɛm. 
\v 4 Timpi timpi Ɩsɛɣɛlɩ nyǝ́mɑ wɛɛ tɔ, pǝ́ nyǝ́mɑ ɩ́ hɑ-wɛɣɛ liɣitee nɑ wʋlɑ nɑ wontu lɛntɩ nɑ tɔlɑ, nɑ luɣu kʋlʋmʋɣʋ kʋcɔɔŋ nɑ pɑ́ ponɑ Yosɑlɛm nɑ pɑ́ tɑɣɑnǝnɑ Ɩsɔ tǝsɛɛlɛ kɛ ŋmɑʋ.
\p
\v 5 Ḿpʋ́ɣʋ́ Yutɑ nɑ Pɛncɑmɛɛ pǝ lʋlʋŋ nyɔɔŋ nyǝ́mɑ, nɑ kɔtǝlɑɑ nɑ Lefii nyǝ́mɑ, nɑ pɑ tǝnɑ mpɑ pɑ tɑɑ Tɑcɑɑ Ɩsɔ kɑ tʋwɑ sɩ pɑ́ polo Yosɑlɛm tɔ pɑ sʋʋ pɑ tǝɣɩ tɑɣɑnʋɣʋ sɩ pɑ tɛɛkɩ. 
\v 6 Ɩlɛnɑ pɑ cɔlɔ nyǝ́mɑ hɑ-wɛɣɛ nyǝɣǝlʋɣʋ kʋpɑŋkʋ nɑ wʋlɑ pǝ wontu, nɑ wontu kʋpɑntʋ lɛntɩ nɑ tɔlɑ. Ɩsɔ tǝsɛɛlɛ nyǝntʋ nti pɑɑ hɑnɑ luɣu kʋlʋmʋɣʋ tɔ tǝ pɑɑsi.
\p
\v 7 Ḿpʋ́ɣʋ́ wulɑʋ sɔsɔ Silusi kotɑ Tɑcɑɑ kɔtɑɣɑ wontu nɑ ɩ́ mǝlǝnɑ Yosɑlɛm. Nepukɑnɛsɑɑ kɑ kuunɑ-tǝɣɩ Ɩsɔ tǝsɛɛlɛ nɑ ɩ́ sɩɩ-tǝɣɩ ɩ mɑɣɑmɑɣɑ ɩ tʋɣʋ kutuluɣu tɑɑ. 
\v 8 Ɩlɛnɑ wulɑʋ heeli kpɑncoou tɔɔ nyǝnlʋ Mitǝletɑtɩ sɩ: Cɛlɑ wontu ntǝɣɩ Yutɑ nyʋɣʋ tʋ Sɛɛsepɑsɑɑ. 
\v 9 Wontunɑɑ mpɑ ɩ cɛlɑ-ɩ tɔɣɔlɛ wʋlɑ pɛlɛntɛnɑɑ hiu nɑ nɑɑnʋwɑ nɑ liɣitee nyǝɣǝlʋɣʋ nyǝ́mɑ kɛ iyɑɣɑ (1000), nɑ sɛɛsɩ kɛ pɔɣɔlɑɣɑfɛɩ hiu nɑ nɑɑnʋwɑ. 
\v 10 Nɑ wʋlɑ cɛmsɛnɑɑ kɛ hiu nɑ nɑɑnʋwɑ, nɑ liɣitee nyǝɣǝlʋɣʋ toŋ nyǝŋkʋ cɛmsɛnɑɑ kɛ nɑsǝlɛ nɑ nɑɑnʋwɑ (410), nɑ wontu lɛntɩ kɛ iyɑɣɑ (1000). 
\v 11 Pǝ kpɛntɑ wʋlɑ nɑ liɣitee nyǝɣǝlʋɣʋ pǝ wontu kɛ iyisi kɑkpɑsɩ nɑ nɑsǝlɛ (5400). Ḿpʋ́ɣʋ́ Sɛɛsepɑsɑɑ nɑ lɛlɑɑ pɑ kpɑɣɑ wontu ntɩ nɑ pɑ́ mǝlɩ Yosɑlɛm.
\c 2
\s1 Ɩsɛɣɛlɩ nyǝ́mɑ mpɑ pɑ lɩɩnɑ Pɑpiloni tɔ pɑ hǝlɑ
\p
\v 1 Yutɑ tɛtʋ hɔɣɔlʋɣʋ nyǝ́mɑ mpɑ wulɑʋ Nepukɑnɛsɑɑ kɑ kuuwɑ tɔ pɑ hǝlɑ ntɔ. Pɑ tɑɑ pɑɣɑlɛ mǝlǝnɑ Yosɑlɛm nɑ Yutɑ tɛtʋ tɑɑ, pɑɑ wei kɛ́ ɩ ɩcɑtɛ tɑɑ. 
\v 2 Mpɑ pɑ kpɑɣɑ-wɛ nɑ pɑ́ mǝlǝnɑ tɔɣɔlɛ Solopɑpɛɛlɩ, nɑ Yesuwɑ, nɑ Nehemiyɑ, nɑ Selɑyɑ, nɑ Lelɑyɑ, nɑ Motokɑyi, nɑ Pilisɑŋ, nɑ Misipɑɑ, nɑ Pikifɑyi, nɑ Lehum, nɑ Pɑɑnɑ. Ɩsɛɣɛlɩ lʋlʋŋ nyǝ́mɑ nɑ pɑ yǝlɑɑ hǝlɑ ntɔ.
\m
\v 3 Pɑlɔsɩ lʋlʋɣʋ nyǝ́mɑ wɛ iyisi nɑɑlɛ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (2172).
\m
\v 4 Sefɑtiyɑ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩtoso nɑ nɑɑnʋwɑ nɑ nɑɑlɛ (372).
\m
\v 5 Alɑ nyǝ́mɑ kɛ nɑsǝtoso nɑ nɩɩnʋwɑ nɑ nɩɩtoso nɑ nɑɑnʋwɑ nɑ kɑkpɑsɩ (775).
\m
\v 6 Pɑhɑtɩ-Mowɑpʋ nyǝ́mɑ kɛ iyisi nɑɑlɛ nɑ nɩɩnɑɑsɑ nɑ nɑɑnʋwɑ nɑ nɑɑlɛ (2812). Yesuwɑ nɑ Yowɑpɩ pɑ lʋlʋɣʋ nyǝ́mɑ ntɛ́.
\m
\v 7 Ɩlɑm nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
\m
\v 8 Sɑtu nyǝ́mɑ kɛ nɑsǝnɑɑsɑ nɑ nɩɩnʋwɑ nɑ nɩɩlɛ nɑ kɑkpɑsɩ (945).
\m
\v 9 Sɑkɑyi nyǝ́mɑ kɛ nɑsǝtoso nɑ nɩɩnʋwɑ nɑ nɩɩtoso (760).
\m
\v 10 Pɑni nyǝ́mɑ kɛ nɑsǝtoso nɑ nɩɩlɛ nɑ nɑɑlɛ (642).
\m
\v 11 Pepɑyi nyǝ́mɑ kɛ nɑsǝtoso nɑ hiu nɑ tooso (623).
\m
\v 12 Asǝkɑtɩ nyǝ́mɑ kɛ iyɑɣɑ nɑ ŋmʋnʋɣʋ nɑ hiu nɑ nɑɑlɛ (1222).
\m
\v 13 Atonikɑm nyǝ́mɑ kɛ iyɑɣɑ nɑ nɩɩtoso nɑ nɑɑtoso (666).
\m
\v 14 Pikifɑyi nyǝ́mɑ kɛ iyisi nɑɑlɛ nɑ nɩɩlɛ nɑ nɑɑnʋwɑ nɑ nɑɑtoso (2056).
\m
\v 15 Atɛŋ nyǝ́mɑ kɛ nɑsǝlɛ nɑ nɩɩlɛ nɑ nɑɑnʋwɑ nɑ liɣiti (454).
\m
\v 16 Atɛɛ nyǝ́mɑ kɛ pǝlefɛɩ nɩɩnʋwɑ. Yehisikiyɑ lʋlʋɣʋ nyǝ́mɑ ntɛ́.
\m
\v 17 Pesɑyi nyǝ́mɑ kɛ ŋmʋnʋɣʋ nɑ nɩɩnʋwɑ nɑ hiu nɑ tooso (323).
\m
\v 18 Yolɑ nyǝ́mɑ kɛ nɩɩnʋwɑ nɑ nɑɑnʋwɑ nɑ nɑɑlɛ (112).
\m
\v 19 Hɑsum nyǝ́mɑ kɛ ŋmʋnʋɣʋ nɑ hiu nɑ tooso (223).
\m
\v 20 Kipɑɑ nyǝ́mɑ kɛ nɩɩnɑɑsɑ nɑ nɑɑnʋwɑ nɑ kɑkpɑsɩ.
\m
\v 21 Pɛtǝlɛhɛm ɩcɑtɛ nyǝ́mɑ kɛ nɩɩnʋwɑ nɑ hiu nɑ tooso (123).
\m
\v 22 Netofɑ ɩcɑtɛ nyǝ́mɑ kɛ nɩɩlɛ nɑ nɑɑnʋwɑ nɑ nɑɑtoso.
\m
\v 23 Anɑtɔtɩ ɩcɑtɛ nyǝ́mɑ kɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
\m
\v 24 Asǝmɑfɛtɩ ɩcɑtɛ nyǝ́mɑ kɛ nɩɩlɛ nɑ nɑɑlɛ.
\m
\v 25 Kiliyɑtɩ-Yeyɑlim nɑ Kefilɑ nɑ Peelɔtɩ pɑ ɑcɑlɛɛ nyǝ́mɑ kɛ nɑsǝtoso nɑ nɩɩnʋwɑ nɑ nɩɩlɛ nɑ tooso (743).
\m
\v 26 Lɑmɑ nɑ Kepɑ pɑ ɑcɑlɛɛ nyǝ́mɑ kɛ nɑsǝtoso nɑ hiu nɑ kʋlʋm (621).
\m
\v 27 Mikimɑsɩ nyǝ́mɑ kɛ nɩɩnʋwɑ nɑ hiu nɑ nɑɑlɛ (122).
\m
\v 28 Petɛɛlɩ nɑ Ayi pǝ nyǝ́mɑ kɛ ŋmʋnʋɣʋ nɑ hiu nɑ tooso (223).
\m
\v 29 Nepo nyǝ́mɑ kɛ nɩɩlɛ nɑ nɑɑnʋwɑ nɑ nɑɑlɛ.
\m
\v 30 Mɑkpisi nyǝ́mɑ kɛ nɩɩnʋwɑ nɑ nɩɩlɛ nɑ nɑɑnʋwɑ nɑ nɑɑtoso (156).
\m
\v 31 Ɩlɑm lɛlʋ nyǝ́mɑ kɛ iyɑɣɑ nɑ ŋmʋnʋɣʋ nɑ nɩɩlɛ nɑ nɑɑnʋwɑ nɑ liɣiti (1254).
\m
\v 32 Hɑlim nyǝ́mɑ kɛ ŋmʋnʋɣʋ nɩɩnʋwɑ nɑ hiu (320).
\m
\v 33 Lotɩ nɑ Hɑtitɩ nɑ Ono pǝ nyǝ́mɑ kɛ nɑsǝtoso nɑ nɩɩnʋwɑ nɑ hiu nɑ kɑkpɑsɩ (725).
\m
\v 34 Yeliko ɩcɑtɛ nyǝ́mɑ kɛ ŋmʋnʋɣʋ nɑ nɩɩnʋwɑ nɑ nɩɩlɛ nɑ kɑkpɑsɩ (345).
\m
\v 35 Senɑɑ ɩcɑtɛ nyǝ́mɑ kɛ iyisi tooso nɑ nɑsǝtoso nɑ hiu nɑ nɑɑnʋwɑ (3630).
\m
\v 36 Kɔtǝlɑɑ kpekɑ ntɔ. Yesuwɑ lʋlʋŋ nyǝ́mɑ Yetɑyɑ tɛɛsɩ nyǝ́mɑ wɛ nɑsǝnɑɑsɑ nɑ nɩɩnʋwɑ nɑ nɩɩtoso nɑ nɑɑnʋwɑ nɑ tooso (973).
\m
\v 37 Ɩmɛɛ lʋlʋɣʋ nyǝ́mɑ kɛ iyɑɣɑ nɑ nɩɩlɛ nɑ nɑɑnʋwɑ nɑ nɑɑlɛ (1052).
\m
\v 38 Pɑsehuu nyǝ́mɑ kɛ iyɑɣɑ nɑ nɑsǝlɛ nɑ nɩɩlɛ nɑ nɑɑtosompɔɣɔlɑɣɑ (1247).
\m
\v 39 Hɑlim lʋlʋɣʋ nyǝ́mɑ kɛ iyɑɣɑ nɑ nɑɑnʋwɑ nɑ nɑɑtosompɔɣɔlɑɣɑ (1017).
\m
\v 40 Lefii nyǝ́mɑ kpekɑ ntɔ. Hɑtɑfǝyɑ lʋlʋɣʋ nyǝ́mɑ Yesuwɑ nɑ Kɑtǝmǝyɛlɩ pɛlɛ pɑ nyǝ́mɑ wɛ nɩɩtoso nɑ nɑɑnʋwɑ nɑ liɣiti.
\m
\v 41 Ɩsɔ tǝsɛɛlɛ yonyoolɑɑ ntɔ. Asɑfɩ lʋlʋɣʋ nyǝ́mɑ wɛ pǝlefɛɩ nɩɩnʋwɑ nɑ hiu nɑ nɑɑnʋwɑ (128).
\m
\v 42 Ɩsɔ tǝsɛɛlɛ nɔnɔɔsɩ tɑŋlɑɑ ntɔ. Sɑlum, nɑ Atɛɛ, nɑ Tɑlǝmɔŋ, nɑ Akupi, nɑ Hɑtitɑ, nɑ Sopɑyi, pɑ lʋlʋŋ nyǝ́mɑ wɛ pɔɣɔlɑɣɑfɛɩ nɩɩnʋwɑ nɑ nɩɩlɛ (139).
\m
\v 43 Ɩsɔ tǝsɛɛlɛ tɑɑ tǝmɑ lɑtɑɑ sǝkpemɑ lʋlʋŋ nyɔɔŋ nyǝ́mɑ ntɛ́ Sihɑ, nɑ Hɑsufɑ, nɑ Tɑpɑwɔtɩ, 
\v 44 nɑ Kelɔsɩ, nɑ Siyɑhɑ, nɑ Pɑtɔŋ, 
\v 45 nɑ Lepɑnɑ, nɑ Hɑkɑpɑ, nɑ Akupi, 
\v 46 nɑ Hɑkɑpɩ, nɑ Sɑmlɑyi, nɑ Hɑnɑŋ, 
\v 47 nɑ Kitɛlɩ, nɑ Kɑhɑɑ, nɑ Leyɑyɑ, 
\v 48 nɑ Lesɛŋ, nɑ Nekotɑ, nɑ Kɑsɑm, 
\v 49 nɑ Usɑ, nɑ Pɑseyi, nɑ Pesɑyi, 
\v 50 nɑ Asǝnɑ, nɑ Meunim, nɑ Nefusim, 
\v 51 nɑ Pɑkǝpuki, nɑ Hɑkufɑ, nɑ Hɑluu, 
\v 52 nɑ Pɑsilutɩ, nɑ Mehitɑ, nɑ Hɑɑsɑ, 
\v 53 nɑ Pɑɑkɔsɩ, nɑ Siselɑ, nɑ Temɑ, 
\v 54 nɑ Nesiyɑ, nɑ Hɑtifɑ.
\m
\v 55 Sɑlʋmɔŋ tǝmlɛ lɑtɑɑ lʋlʋɣʋ nyǝ́mɑ ntɛ́ Sotɑyi, nɑ Sofelɛtɩ, nɑ Pelutɑ, 
\v 56 nɑ Yɑɑlɑ, nɑ Tɑɑkɔŋ, nɑ Kitɛlɩ, 
\v 57 nɑ Sefɑtiyɑ, nɑ Hɑtilɩ, nɑ Pokɛlɛtɩ-Hɑsepɑyim, nɑ Ami.
\m
\v 58 Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ nɑ Sɑlʋmɔŋ tǝmlɛ lɑtɑɑ lʋlʋɣʋ nyǝ́mɑ kpɛntɑ ŋmʋnʋɣʋ nɩɩnʋwɑ nɑ nɩɩnɑɑsɑ nɑ nɑɑnʋwɑ nɑ nɑɑlɛ (392).
\p
\v 59 Mpɑ pɑ lɩɩnɑ Pɑpiloni kɛ Tɛlɩ-Melɑ, nɑ Tɛlɩ-Hɑsɩ nɑ Kelupɩ, nɑ Atɑŋ, nɑ Ɩmɛɛ tɔ pɑ tɑ pǝsɩ nɑ pɑ́ kɛɛsɩ teu kɛ pɑ lʋlʋŋ nyǝ́mɑ nɑ pɑ cɔsɔnɑɑ tɔm sɩ pǝ́ hʋlɩ sɩ pɑ kɛ́ Ɩsɛɣɛlɩ nyǝ́mɑ. 
\v 60 Pɑ tǝnɑ pɑɑ kɛ́ Telɑyɑ, nɑ Topiyɑ, nɑ Nekotɑ pɑ lʋlʋŋ nyǝ́mɑ kɛ́. Pɑɑ wɛ nɑsǝtoso nɑ nɩɩlɛ nɑ nɑɑnʋwɑ nɑ nɑɑlɛ (652).
\p
\v 61 Kɔtǝlɑɑ lɛlɑɑ kɑ wɛ kɛ́ ɩsɩɩ mpɑ pɑ tɑ pǝsɩ nɑ pɑ́ hʋ́lɩ́ sɩ pɑ kɛ́ Ɩsɛɣɛlɩ nyǝ́mɑ tɔ. Mpɛɣɛlɛ Hopɑyɑ nɑ Hɑkɔɔsɩ nɑ Pɑɑsilɑyi. Mpi pǝ tɔɔ pɑ yɑɑkɑɣɑ kɑntǝkɑɣɑ nyǝŋ ɩnɛɣɛ mpʋ tɔɣɔlɛ sɩ Ɩ kpɑɣɑ Kɑlɑɑtɩ tʋ Pɑɑsilɑyi pɛɛlɑɑ tɑɑ lɛlʋ. 
\v 62 Pɑɑ pɛɛkɑ mpɛ ɩnɩ pɑ hǝlɑ kɛ kɔtǝlɑɑ nyǝnɑ tɑɑ kɛ́ pɑ tɑ nɑ. Pǝ tɔɔ kɛ́ pɑ nyǝnɑ-wɛɣɛ ɑsilimɑ nyǝ́mɑ nɑ pɑ́ kisinɑ-wɛ sɩ pɑ́ tɑɑ lɑ kɔtǝlɑɑ tǝmlɛ. 
\v 63 Ḿpʋ́ɣʋ́ kʋfǝnɛɛ mɑɣɑmɑɣɑ kisinɑ-wɛ sɩ pɑ́ tɑɑ tɔɣɔ Ɩsɔ kʋhɑʋ, hɑlǝnɑ kɔtʋlʋ nɔɣɔlʋ ɩ mɑɣɑsɩ wɑlɑ pee tɑkɑ nnɑ pɑ nɑɑkǝnɑ Ɩsɔ luɣu nyǝntʋ tɔ nɑ ɩ́ nɑ nɑ pǝ́cɔ́.
\p
\v 64 Ɩsɛɣɛlɩ nyǝ́mɑ mpɑ pɑ lɩɩnɑ Pɑpiloni tɔ pɑ kpɛntɑ iyisi nɩɩlɛ nɑ nɑɑlɛ nɑ ŋmʋnʋɣʋ nɩɩnʋwɑ nɑ nɩɩtoso (42360). 
\v 65 Pɑ tɑɑ kɑlǝnɑ tǝmlɛ nyǝ́mɑ ɑpɑlɑɑ nɑ ɑlɑɑ mpɑ pɑɑ wɛ iyisi nɑɑtosompɔɣɔlɑɣɑ nɑ ŋmʋnʋɣʋ nɑ nɩɩnʋwɑ nɑ hiu nɑ nɑɑnʋwɑ nɑ nɑɑtosompɔɣɔlɑɣɑ (7337) tɔ. Pɑ tɑɑ kɑ wɛ yonyoolɑɑ ɑpɑlʋ nyǝ́mɑ nɑ ɑlʋ nyǝ́mɑ kɛ ŋmʋnʋɣʋ (200). 
\v 66 Nɑ kpɑɣɑnǝŋ kɛ nɑsǝtoso nɑ nɩɩnʋwɑ nɑ hiu nɑ nɑɑnʋwɑ nɑ nɑɑtoso (736), nɑ kpɑɣɑnǝŋ kʋpǝsǝŋ*fɑ* kɛ ŋmʋnʋɣʋ nɑ nɩɩlɛ nɑ kɑkpɑsɩ (245). \f ɑ \fr 2:66 \fr*\fk kpɑɣɑnǝŋ kʋpǝsǝŋ: \fk*\ft Pɑ yoosɑ kpɑɣɑnʋ nɑ kpɑŋɑɣɑ nɑ pǝ lʋlɩ mpi tɔɣɔ pɑ yɑɑ mpʋ. Ɩ\ft*\f* wɛ hɛkʋ nɑ hɛkʋ kɛ́. Ɩ tɑ kɛ́ kpɑɣɑnʋ, pǝcɔ ɩ tɑ kɛ kpɑŋɑɣɑ. 
\v 67 Yooyoonɑɑ kɛ nɑsǝlɛ nɑ hiu nɑ nɑɑnʋwɑ nɑ kɑkpɑsɩ (435), nɑ kpɑŋɑsɩ kɛ iyisi nɑɑtoso nɑ nɑsǝtoso nɑ nɩɩnʋwɑ nɑ hiu (6720).
\p
\v 68 Wɑɑtʋ wei pɑ tɑlɑ Yosɑlɛm timpi Ɩsɔ tǝsɛɛlɛ wɛɛ tɔ, ɩlɛnɑ lʋlʋŋ nyɔɔŋ nyǝ́mɑ lɛlɑɑ hɑ kʋcɔɔŋ nɑ luɣu kʋlʋmʋɣʋ sɩ pɑ́ ŋmɑnɑ Ɩsɔ tǝsɛɛlɛ kɛ tǝ lonte kʋpǝntɛ tɑɑ. 
\v 69 Ḿpʋ́ɣʋ́ pɑ hɑwɑ ɩsǝnɑ pɑ pǝsɑɑ tɔ sɩ pɑ́ ŋmɑnɑ Ɩsɔ tǝsɛɛlɛ. Ɩlɛnɑ pǝ́ lɩɩ wʋlɑ nyǝɣǝtʋ iyisi nɩɩtoso nɑ kʋlʋm (61000), nɑ liɣitee nyǝɣǝtʋ kiloonɑɑ iyisi nɑɑlɛ nɑ nɑsǝlɛ nɑ nɩɩnʋwɑ (2500). Nɑ pɑ́ hɑ tɔtɔɣɔ kɔtǝlɑɑ cɑpɑnɑɑ nɩɩnʋwɑ (100).
\p
\v 70 Ɩlɛnɑ kɔtǝlɑɑ nɑ Lefii nyǝ́mɑ nɑ mpɑ pɑ sǝŋnɑ Ɩsɔ tǝmɑ tɔ, nɑ yonyoolɑɑ nɑ nɔnɔɔsɩ tɑŋlɑɑ nɑ Ɩsɔ tǝsɛɛlɛ tɑɑ tǝmlɛ lɑtɑɑ sǝkpemɑ cɑɣɑ ɑcɑlɛɛ nnɑ pɑ hɑ-wɛ tɔ ɑ tɑɑ.
\c 3
\s1 Yesuwɑ nɑ Solopɑpɛɛlɩ pɑ tɑɣɑnǝɣɩ Ɩsɔ sɛɛʋ
\p
\v 1 Ḿpʋ́ɣʋ́ pǝ tɑlɑ ɩsɔtʋ nɑɑtosompɔɣɔlɑɣɑ nyǝŋ, ɩlɛnɑ Ɩsɛɣɛlɩ nyǝ́mɑ tǝnɑ mpɑ pɑɑ mǝlɑ ɑcɑlɛɛ tɑɑ tɔ pɑ́ koti nɔɣɔ kʋlʋmɑɣɑ kɛ Yosɑlɛm. 
\v 2 Ɩlɛnɑ Yosɑtɑkɩ pǝyɑlʋ kɔtʋlʋ Yesuwɑ, nɑ ɩ tɛɛtʋnɑɑ nɑ kɔtǝlɑɑ lɛlɑɑ, nɑ Selɑtǝyɛlɩ pǝyɑlʋ Solopɑpɛɛlɩ, nɑ ɩ lʋlʋɣʋ nyǝ́mɑ pɑ niki Ɩsɔ kɔtɑɣɑ tǝlɑtɛ kɛ ŋmɑʋ sɩ pɑ lɑkɩ kɔtɑsɩ nsi kɔkɔ lusɑ sɩ tǝnɑ tɔ, ɩsɩɩ pɑ kɛɛsʋɣʋ Ɩsɔ yʋlʋ Moisi kiiŋ tɑɑ tɔ. 
\v 3 Pɑɑ nɑ pɑ cɔlɔ piitimnɑɑ cɑɑkɑɣɑ-wɛɣɛ nyɑɑsʋɣʋ tɔ, pɑ ŋmɑwɑ kɔtɑɣɑ tǝlɑtɛ kɛ tǝ lonte tɑɑ nɑ pɑ́ lɑkɩ Tɑcɑɑ kɛ kɔtɑsɩ nsi kɔkɔ lusɑ sɩ tǝnɑ tɔɣɔ tǝ tɔɔ kɛ tɑnɑŋ nɑ tɑɑnɑɣɑ. 
\v 4 Pǝ wɑɑlɩ kɛ́ pɑ tɔɣɑ cokɑ ɑcimɑ ɩsɩɩ pɑɑ kɛɛsʋɣʋ tɔ nɑ pɑ́ lɑkɩ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ tɔm ɩsǝnɑ pɑɑ sɩɩwɑ pɑɑ kʋyɑkʋ ŋku tɔ. 
\v 5 Pǝ kpɑɣɑʋ wɑɑtʋ ɩnɩ tɔɣɔ pɑɑ sʋʋ pɑɑ kʋyɑkʋ ŋku kʋ kɔtɑsɩ lɑpʋ kɛ tɑm, nɑ nsi pɑ lɑkɩ pɑɑ ɩsɔtʋ wei ɩ kɑncɑɑlɑɣɑ kʋyɑkʋ tɔ, nɑ Tɑcɑɑ ɑcimɑ kʋyɛɛŋ nyǝnsɩ, nɑ luɣu kʋlʋmʋɣʋ nyǝnsɩ. 
\v 6 Mpʋ pǝ yelinɑ nɑ pɑ́ cɑɑlɩ kɔtɑsɩ nsi kɔkɔ lusɑ sɩ tǝnɑ tɔɣɔ lɑpʋ kɛ Tɑcɑɑ kɛ ɩsɔtʋ nɑɑtosompɔɣɔlɑɣɑ nyǝŋ kʋyɑkʋ kɑncɑɑlɑɣɑ nyǝŋkʋ wule, nɑ pɑ́ tɑ tɩɩ sɩɩtɑ Ɩsɔ tǝsɛɛlɛ kʋfɑtɛ kite.
\p
\v 7 Pǝlɛ pǝ wɑɑlɩ kɛ́ pɑ cɑɑ tǝmlɛ nyǝ́mɑ sɩ pɑ́ sɑɑkǝɣɩ tɑɑsɩ nɑ pɛɛ nɑ pɑ́ fɛlɩ-wɛ. Ɩlɛnɑ pɑ́ cɛlɑ Sitɔŋ nɑ Tiii nyǝ́mɑ kɛ tɔɣɔnɑɣɑ nɑ kʋnyɔnyɔɔm nɑ nim sɩ pɛlɛ pɑ́ tilinɑ-wɛɣɛ kpeŋkpelɑsɩ kʋpɑŋsɩ nɑ teŋku tɑɑ sɩ pǝ́ tɑlɑ Sɑfɑŋ. Pɛɛsɩ wulɑʋ sɔsɔ Silusi hɑnɑ-wɛɣɛ pǝ mpɑɑʋ. 
\v 8 Ḿpʋ́ɣʋ́ pɑ mǝlɑ Yosɑlɛm tɑɑ, nɑ pǝnɑɣɑ nɑɑlɛ nyǝŋkɑ ɩsɔtʋ nɑɑlɛ nyǝŋ siki. Ɩlɛnɑ Selɑtǝyɛlɩ pǝyɑlʋ Solopɑpɛɛlɩ, nɑ Yosɑtɑkɩ pǝyɑlʋ Yesuwɑ, nɑ ɩ tɛɛtʋnɑɑ kɔtǝlɑɑ lɛlɑɑ, nɑ Lefii nyǝ́mɑ mpɑ pɑ lɩɩnɑ Pɑpiloni tɔ, pɑ niki tǝmlɛ nɑ pɑ́ lǝsɩ Lefii nyǝ́mɑ mpɑ pɑ tɑlɑ ɩsɩɩ pɩɩsɩ hiu nɑ wɑɑlɩ tɔ sɩ pɑ́ pɑɑsǝnɑ Ɩsɔ tǝsɛɛlɛ ŋmɑʋ. 
\v 9 Ḿpʋ́ɣʋ́ Lefii tʋ Yesuwɑ nɑ ɩ pǝyɑlɑɑ nɑ ɩ tɛɛtʋnɑɑ, nɑ Hotɑfiyɑ lʋlʋɣʋ tʋ Kɑtǝmǝyɛlɩ nɑ ɩ pǝyɑlɑɑ pɑ kpɛntɑ nɔɣɔ nɑ pɑ́ mʋ Ɩsɔ tǝsɛɛlɛ tǝmlɛ lɑtɑɑ pɑɑsǝnɑʋ. Nɑ Henɑtɑtɩ lʋlʋɣʋ nyǝ́mɑ Lefii nyǝ́mɑ sǝnɑ-wɛ.
\p
\v 10 Wɑɑtʋ wei Ɩsɔ tǝsɛɛlɛ ŋmɑlɑɑ sɩɩ kite, ɩlɛnɑ pɑ́ kɔnɑ kɔtǝlɑɑ nɑ pɑ́ suu pɑ kɔtɑɣɑ wontu nɑ Lefii nyǝ́mɑ mpɑ pɑ kɛ́ Asɑfɩ lʋlʋɣʋ nyǝ́mɑ tɔ nɑ ɑkɑntɛɛ nɑ cǝmǝŋ nɑ pɑ́ sɑŋ Tɑcɑɑ ɩsɩɩ Ɩsɛɣɛlɩ wulɑʋ Tɑfiiti kɑ sɩɩʋ tɔ. 
\v 11 Ɩlɛnɑ pɑ́ sɑŋ Tɑcɑɑ nɑ pɑ́ pʋɣʋlǝɣɩ-ɩ nɑ pɑ́ yooki yontu nɑ pɑ́ kɑɑsǝɣɩ tǝmɑ sɩ: Tɑcɑɑ wɛ teu, nɑ ɩ sɔɔlʋɣʋ kɛ Ɩsɛɣɛlɩ fɛɩ tǝnɑɣɑ. Ḿpʋ́ɣʋ́ sɑmɑɑ nɑ́ pʋɣʋlɑ-ɩ tɔtɔ nɑ kɑwilitɑsɩ sɔsɔɔnsɩ. Mpi tɔ, pɑ sɩɩ pɑ Ɩsɔ tǝsɛɛlɛ kite.
\p
\v 12 Ḿpʋ́ɣʋ́ kɔtǝlɑɑ nɑ Lefii nyǝ́mɑ pɑɣɑlɛ nɑ lʋlʋŋ nyɔɔŋ nyǝ́mɑ kʋkpɑtǝlɑɑ mpɑ pɑɑ nyǝmɑ Ɩsɔ tǝsɛɛlɛ kʋpǝntɛ tɔ pɑ wiiwɑ tǝkpoo kɛ sɑɑ wei pɑ tɔŋnɑ kʋfɑtɛ kite kɛ sɩɩʋ tɔ. Amɑ lɛlɑɑ nɑ́ wilitɑɣɑ kɛ́ nɑ lɑŋhʋlʋmlɛ sɔsɔɔlɛ. 
\v 13 Hɑlɩ yʋlʋ ɩɩ pǝsǝɣɩ nɑ ɩ́ fɑɣɑ lɛlɑɑ lɑŋhʋlʋmlɛ nɑ kɑwilitɑsɩ nɑ lɛlɑɑ wulɑ. Mpi tɔ, pɑ mɑkɑɣɑ kɑpusi sɔsɔɔnsɩ kɛ́ nɑ pǝ́ nɩɩkɩ pooluŋ.
\c 4
\s1 Yutɑ nyǝ́mɑ kolontunɑɑ sǝŋsɑ Ɩsɔ tǝsɛɛlɛ ŋmɑʋ
\p
\v 1 Ḿpʋ́ɣʋ́ Ɩsɛɣɛlɩ nyǝ́mɑ kolontunɑɑ nɩɩwɑ sɩ, Yutɑ nɑ Pɛncɑmɛɛ pǝ nyǝ́mɑ kɔmnɑ Pɑpiloni, nɑ pɑ́ ŋmɑɑkɩ timpi pɑɑ sɛɛ Tɑcɑɑ Ɩsɔ tɔ. 
\v 2 Ɩlɛnɑ pɑ́ polo nɑ pɑ́ mɑɣɑnɑ Solopɑpɛɛlɩ nɑ lʋlʋŋ nyɔɔŋ nyǝ́mɑ nɑ pɑ́ tɔ-wɛ sɩ: Tɑ́ luɣu wɛɛ sɩ tǝ́ sǝnɑ-mɛɣɛ Ɩsɔ tǝsɛɛlɛ ńtɛ́ tǝ ŋmɑʋ. Tɑ mɑɣɑmɑɣɑ tǝ sɛɛkɑɣɑ Ɩsɔ kʋlʋm ɩnǝɣɩ nɑ tǝ́ lɑkɩ-ɩ kɔtɑsɩ kɛ hɑtoo kʋyɑŋku Asilii wulɑʋ Asɑlɑtɔŋ kɔnɑ-tʋɣʋ cǝnɛ tɔ.
\p
\v 3 Amɑ Solopɑpɛɛlɩ nɑ Yesuwɑ nɑ Ɩsɛɣɛlɩ lʋlʋŋ nyɔɔŋ nyǝ́mɑ lɛlɑɑ pɑ cɔwɑ sɩ: Pǝ tɑ mʋnɑ sɩ ɩ́ sǝnɑ-tʋ nɑ tǝ́ ŋmɑ tɑ́ Ɩsɔ kɛ tǝsɛɛlɛ. Tɑ tike tɩɩ ŋmɑnɑ-ɩ. Mpi tɔ, pǝ kɛ́ tɑ́ Ɩsɔ Tɑcɑɑ tǝsɛɛlɛ kɛ́. Pɛɛsɩ wulɑʋ sɔsɔ Silusi mɑɣɑmɑɣɑ kɑ sɩɩ ḿpʋ́ɣʋ́.
\p
\v 4 Ḿpʋ́ɣʋ́ kolontunɑɑ mpɛ pɑ mɑɣɑsɑɑ sɩ pɑ nyɑɑsǝɣɩ Yutɑ nyǝ́mɑ nɑ pǝ́ yɔɔlɩ pɑ ɑpɑlʋtʋ nɑ pɑ́ yele Ɩsɔ tǝsɛɛlɛ ŋmɑʋ. 
\v 5 Hɑlǝnɑ pɑ́ hɑ wulɑʋ wɑɑlɩ nyǝ́mɑ kɛ liɣitee sɩ pɑ́ wɑkǝlɩ Yutɑ nyǝ́mɑ tǝmlɛ kɛ pǝ kpɑɣɑʋ Pɛɛsɩ wulɑʋ Silusi pɔɔlɛ hɑlǝnɑ pǝ tɑlɑ Tɑliyusi wɑɑtʋ.
\s1 Pɑ kulɑ Yutɑ nyǝ́mɑ wɑɑlɩ kɛ wulɑʋ Atɑkǝsɛsɛɛ kiŋ
\p
\v 6 Ḿpʋ́ɣʋ́ Yutɑ nyǝ́mɑ kolontunɑɑ ŋmɑɑ Atɑkǝsɛsɛɛ kɛ tɑkǝlɑɣɑ kɛ ɩ kɑwulɑɣɑ kɑncɑɑlɑɣɑ wɑɑtʋ nɑ pɑ́ suu Yosɑlɛm nɑ Yutɑ tɛtʋ nyǝ́mɑ kɛ tɔm.
\p
\v 7 Ɩlɛnɑ Piselɑm, nɑ Mitǝletɑtɩ, nɑ Tɑpeyɛlɩ, nɑ pɑ tɑɑpɑlɑɑ pɑ́ ŋmɑɑ wulɑʋ Atɑkǝsɛsɛɛ tɔtɔ nɑ Alɑɑmee tɔm tɑɑ nɑ tǝ ŋmɑɑtʋ pee.
\p
\v 8 Ḿpʋ́ɣʋ́ hɔɣɔlʋɣʋ ŋkʋ kʋ kʋfǝnɛɛ Lehum nɑ ɩ tɑkǝlɑsɩ ŋmɑɑlʋ Simesɑyi pɑ ŋmɑɑwɑ wulɑʋ Atɑkǝsɛsɛɛ tɔtɔɣɔ Yosɑlɛm tɔm sɩ:
\p
\v 9 Tɑɣɑ hɔɣɔlʋɣʋ kʋfǝnɛɛ Lehum nɑ ɩ wɑɑlɩ tʋ Simesɑyi, nɑ tɑ́ tɑɑpɑlɑɑ mpɑ tɑ tǝ wɛ Tiŋ, nɑ Afɑsɑtɑkɩ, nɑ Tɑɑpɛlɩ nɑ Afɑlɑsɩ, nɑ Ɩlɛkɩ, nɑ Pɑpiloni, nɑ Susi, nɑ Tehɑ, nɑ Ɩlɑm pǝ hɔɣɔlǝŋ tɑɑ tɔ. 
\v 10 Nɑ yǝlɑɑ lɛlɑɑ mpɑ Asilii wulɑʋ sɔsɔ lɛlʋ Asǝnɑpɑɑ kɑ kpɑɣɑɑ nɑ ɩ́ sɩɩ Sɑmɑlii ɑcɑlɛɛ tɑɑ nɑ Ɩfǝlɑtɩ pɔɣɔ tɛtʋ kʋkɑɑsǝtʋ nti tǝ wɛnɑ ilim tǝtʋlɛ hɔɣɔlʋɣʋ tɔɔ tɔ nɑ lɛntǝnɑɑ tɔ.
\p
\v 11 Pɑ tɑkǝlɑɣɑ ŋkɛ kɑ tɑɑ tɔm ntɛ́ sɩ: Tɑcɑɑ wulɑʋ Atɑkǝsɛsɛɛ, tɑɣɑ nyɑ́ tǝmlɛ nyǝ́mɑ mpɑ pɑ wɛnɑ Ɩfǝlɑtɩ pɔɣɔ kʋteŋ nɑ cǝnɛ tɔɔ tɔ.
\p
\v 12 Tɑ heeliɣinɑ-ŋ sɩ Yutɑ nyǝ́mɑ mpɑ pɑ lɩɩ nyɑ́ tɛ tɔ pɑ tɑlɑ Yosɑlɛm cǝnɛ nɑ pɑ tɑɑ wɛɛ sɩ pɑ tɑɣɑnǝɣɩ yǝlɑɑ ɑsɑɣɑɑ nɑ tɔɔ kʋllɑɑ ɩcɑtɛ ntɛɣɛ ŋmɑʋ. Hɑlɩ pɑ tɛmɑ koluŋɑ kite kɛ tɑɣɑnʋɣʋ nɑ pɑ́ ŋmɑɑkɩ. 
\v 13 Tɑcɑɑ, nyɩ teu sɩ ye yǝlɑɑ pɑnɛ pɑ ŋmɑ́ pɑ ɩcɑtɛ nɑ tǝ koloosi, ɩcɑtɛ nyǝmɑ kɑɑ tɑsɑ lɑmpuunɑɑ fɛlʋɣʋ nɑ liɣitee kɑɑ wɛɛ kɑwulɑɣɑ kpɑncoou tɑɑ. 
\v 14 Pǝ tɔɔ kɛ́ tɑ mpɑ tǝ lɑpɑ nyʋleleŋ nɑ tǝ kɛ́ nyɑ́ tǝmlɛ nyǝ́mɑ tɔ, ye tǝ nyǝnǝɣɩ ɩsǝnɑ pɑɑ tʋɣʋnɑ-ŋ tɔ pǝ wɩɩkɩ-tʋ. Ɩlɛ tǝ mɑɣɑsǝɣɩ kɛ́ sɩ 
\v 15 ń pɛɛkɩ nyɑ́ cɑɑnɑɑ tɑkǝlɑsɩ kʋpǝŋsɩ tɑɑ, n kɑ́ mɑɣɑnɑ sɩ ɩcɑtɛ tǝnɛ tǝ yǝlɑɑ kɛ́ ɑsɑɣɑɑ kɛ́. Tuu tɔ tǝ yǝlɑɑ tɑ hɛɛsɩ wulɑʋ sɔsɔ nɑ hɔɣɔlʋɣʋ kʋfǝnɛɛ kɛ wɑkǝlʋɣʋ, nɑ tǝ yǝlɑɑ kʋlǝɣɩ tǝmɑ tɔɔ kɛ́ tɑm kɛ́. Pǝ mɑɣɑmɑɣɑ pǝ tɔɔ kɛ́ tǝ yɔkɑɑ. 
\v 16 Tɑcɑɑ, tǝ kpɑɑlǝɣɩ-ŋ sɩ, ye ɩcɑtɛ tǝnɛ nɑ tǝ koloosi pǝ ŋmɑwɑ, n kɑɑ pǝsɩ Ɩfǝlɑtɩ pɔɣɔ hɔɣɔlʋɣʋ kʋnɛ.
\s1 Wulɑʋ Atɑkǝsɛsɛɛ kʋcɔcɔtʋ
\p
\v 17 Wulɑʋ sɔsɔ ŋmɑɑwɑ kʋfǝnɛɛ Lehum nɑ ɩ tɑkǝlɑsɩ ŋmɑɑlʋ Simesɑyi nɑ pɑ tɑɑpɑlɑɑ mpɑ pɑ sɩɩ Sɑmɑlii nɑ Ɩfǝlɑtɩ pɔɣɔ kʋteŋ tɛtʋ tɑɑ tɔ sɩ: Mɑ nyǝ́mɑ mɛ, mɑ sɛɛ-mɛ.
\p
\v 18 Tɑkǝlɑɣɑ ŋkɑ ɩ ŋmɑɑ-m tɔ pɑ tɛlǝsɑ-kɛ nɑ pɑ kɑlɑ-m. 
\v 19 Mɑ yelɑɑ nɑ pɑ pɛɛkɩ ɩcɑtɛ ntɛ tǝ tɔm nɑ pɑ́ nɑ́ tɑmpɑnɑ sɩ hɑtoo tɔ, Yosɑlɛm ɩcɑtɛ nyǝ́mɑ kʋlǝɣɩ ɑwulɑɑ tɔɔ kɛ́ tɑm kɛ́. 
\v 20 Pǝ kɑɑsɑ ɩcɑtɛ ńtɛ́ tɔ, ɑwulɑɑ nɑpǝlɩ pɑ tɔkɑɣɑnɑ kɑwulɑɣɑ nɑ pɑ́ ŋmɑkǝlǝɣɩ hɔɣɔlʋɣʋ ŋkʋ kʋ nyǝ́mɑ, nɑ pɑ́ mʋɣɩ-wɛɣɛ lɑmpuunɑɑ nɑ pɑ́ fɛlǝɣɩ-wɛ nɑ pǝ́cɔ́ pɑ́ sʋʋkɩ pɑ tɛtʋ tɑɑ. 
\v 21 Mpʋ tɔ, ɩ́ heeli Yutɑ nyǝ́mɑ sɩ pɑ́ sǝŋ nɑ mɑ́ hɑwɑ nɔɣɔ ɩlɛ pǝ́cɔ́ pɑɑ ŋmɑ́. 
\v 22 Ɩ́ pɑɑsǝnɑ teu yoo, ɩ́ tɑɑ too tɔm ntɩ tǝ tɔɔ. Pǝ tɑɑ kɔɔ nɑ pǝ́ tɑsɑ-tʋɣʋ wɑkǝlʋɣʋ tɔtɔ.
\p
\v 23 Too ɩsɩɩ Lehum nɑ ɩ tɑkǝlɑsɩ ŋmɑɑlʋ Simesɑyi nɑ pɑ tɑɑpɑlɑɑ pɑ kɑlʋɣʋ wulɑʋ tɑkǝlɑɣɑ tɔ, pɩɩ lɑkɩ-wɛɣɛ lɔŋ. Tǝnɑɣɑ pɑ polɑ kpɑkpɑɑ nɑ pɑ́ cɑ́ɑ́lɩ́ Yutɑ nyǝ́mɑ nɑ tɔm ntɩ tǝ toŋ sɩ pɑ́ yele ŋmɑʋ.
\s1 Pɑ tɑɣɑnǝɣɩ Ɩsɔ tǝsɛɛlɛ kɛ ŋmɑʋ
\p
\v 24 Ḿpʋ́ɣʋ́ Yosɑlɛm Ɩsɔ tǝsɛɛlɛ ŋmɑʋ sǝŋɑɑ hɑlǝnɑ pǝ́ tɑlɑ Pɛɛsɩ wulɑʋ Tɑliyusi kɑwulɑɣɑ pǝnɑɣɑ nɑɑlɛ nyǝŋkɑ.
\c 5
\p
\v 1 Ḿpʋ́ɣʋ́ kʋyɑkʋ nɑkʋlɩ Ɩsɔ kʋyɔɣɔtʋtʋ tɛlǝsʋlʋ Asee nɑ Ɩtoo pǝyɑlʋ Ɩsɔ kʋyɔɣɔtʋtʋ tɛlǝsʋlʋ Sɑkɑlɩ pɑ polɑɑ nɑ pɑ́ yɔɣɔtǝnɑ Yutɑ nɑ Yosɑlɛm nyǝ́mɑ nɑ Ɩsɛɣɛlɩ Ɩsɔ nɔɣɔ. 
\v 2 Ɩlɛnɑ Selɑtǝyɛlɩ pǝyɑlʋ Solopɑpɛɛlɩ nɑ Yosɑtɑkɩ pǝyɑlʋ Yesuwɑ pɑ́ niki Ɩsɔ tǝsɛɛlɛ ŋmɑʋ kɛ Yosɑlɛm, nɑ Ɩsɔ kʋyɔɣɔtʋtʋ tɛlǝsǝlɑɑ sǝnɑ-wɛ.
\p
\v 3 Tǝnɑɣɑlɛ Ɩfǝlɑtɩ pɔɣɔ hɔɣɔlʋɣʋ kʋfǝnɛɛ Tɑtǝnɑyi, nɑ Setɑ-Posǝnɑyi, nɑ pɑ tɑɑpɑlɑɑ pɑ polɑɑ nɑ pɑ́ pɔɔsɩ Yutɑ nyǝ́mɑ sɩ: Awe hɑ-mɛɣɛ mpɑɑʋ sɩ ɩ́ ŋmɑ́ Ɩsɔ tǝsɛɛlɛ nɑ koloosi? 
\v 4 Pǝ wɛɛ sɩ ɩ́ heeli-tʋɣʋ mpɑ mpɑ pɑ ŋmɑɑkɩ ɩsǝntɔ tɔ pɑ hǝlɑ.
\p
\v 5 Amɑ Ɩsɔ wɛ Yutɑ nyʋɣʋ nyǝ́mɑ wɑɑlɩ, ɩlɛ pɑ tɑ pǝsɩ pɑ́ sǝŋsɩ pɑ tǝmlɛ, hɑlǝnɑ pɑ́ heeli wulɑʋ Tɑliyusi kɛ pǝ tɔm nɑ ɩ́ cɔ-wɛ.
\s1 Yutɑ nyǝ́mɑ kolontunɑɑ kulɑ pɑ wɑɑlɩ
\p
\v 6 Tɑkǝlɑɣɑ ŋkɑ Ɩfǝlɑtɩ tɛtʋ kʋfǝnɛɛ Tɑtǝnɑyi nɑ Setɑ-Posǝnɑyi nɑ ɩ tɑɑpɑlɑɑ hɔɣɔlʋɣʋ nyɔɔŋ nyǝ́mɑ pɑ ŋmɑɑ wulɑʋ sɔsɔ Tɑliyusi tɔɣɔlɛ 
\v 7 sɩ:
\p Tɑcɑɑ wulɑʋ sɔsɔ Tɑliyusi, tǝ sɛɛ-ŋ, nyɑnɑ tɛtʋ.
\p
\v 8 Tǝ polɑ Yutɑ kɛ Ɩsɔ tǝsɛɛlɛ tǝŋmɑlɛ nɑ tǝ́ mɑɣɑnɑ pɑ tɔŋnɑ-tɛɣɛ ŋmɑʋ nɑ pɛɛ kʋsɑɑkɛɛ. Pɑ kɑmɑ kpeŋkpelɑsɩ kɛ koloosi tɑɑ. Pɑ tǝmlɛ tewɑɣɑ, nɑ tǝ tɔŋnɑ lɑpʋ kɛ lɔŋlɔŋ. 
\v 9 Ḿpʋ́ɣʋ́ tǝ nɑwɑ nyʋɣʋ nyǝ́mɑ nɑ tǝ́ pɔɔsɩ-wɛɣɛ wei ɩ hɑ-wɛɣɛ nɔɣɔ sɩ pɑ́ ŋmɑ Ɩsɔ tǝsɛɛlɛ nɑ pǝ koloosi tɔ. 
\v 10 Hɑlɩ tǝ pɔɔsɑ-wɛɣɛ mpɑ pɑ kɛ́ tǝmlɛ nyʋɣʋ nyǝ́mɑ tɔ pɑ hǝlɑ sɩ tǝ ŋmɑɑkɩ nɑ tǝ́ kɔnɑ-ŋ. 
\v 11 Ɩlɛnɑ pɑ́ cɔ-tʋ sɩ: Tǝ kɛ́ ɩsɔtɑɑ nɑ ɑtɛ pǝ Ɩsɔ tǝmlɛ nyǝ́mɑ kɛ́. Tǝ kʋsǝɣɩ Ɩsɔ tǝsɛɛlɛ nte Ɩsɛɣɛlɩ wulɑʋ sɔsɔ nɔɣɔlʋ ɩ kɑ ŋmɑwɑ lɔŋtɑɑ tɔɣɔ. 
\v 12 Amɑ tɑ́ cɑɑnɑɑ kʋsɑ ɩsɔtɑɑ Ɩsɔ pɑ́ɑ́nɑ́ nɑ ɩ́lɛ́ ɩ tʋ-tʋɣʋ Pɑpiloni wulɑʋ Nepukɑnɛsɑɑ niŋ tɑɑ nɑ ɩ́ wɑkǝlɩ Ɩsɔ tǝsɛɛlɛ ńtɛ́, nɑ ɩ́ kuu yǝlɑɑ nɑ ɩ́ tɛɛnɑ ɩ tɛ. 
\v 13 Pǝ wɑɑlɩ kɛ́ wulɑʋ Silusi nɑ́ hɑ nɔɣɔ kɛ ɩ́lɛ́ ɩ kɑwulɑɣɑ pǝnɑɣɑ kɑncɑɑlɑɣɑ nyǝŋkɑ tɑɑ sɩ tǝ́ tɑɣɑnɩ-tɛɣɛ ŋmɑʋ. 
\v 14 Nepukɑnɛsɑɑ nɑ́ kuu Ɩsɔ tǝsɛɛlɛ ńtɛ́ tǝ tɑɑ wʋlɑ nɑ nyǝɣǝtʋ kʋpɑntʋ nɑ pǝ wontu kɛ́, nɑ ɩ́ ponɑ Pɑpiloni nɑ ɩ́ sɩɩ ɩ tʋɣʋ kutuluɣu tɑɑ. Amɑ wulɑʋ sɔsɔ Silusi nɑ́ kpɑɣɑ-tɩ nɑ ɩ́ cɛlɑ Sesepɑsɑɑ wei ɩ kpɑwɑ Yutɑ kʋfǝnɛɛ tɔ. 
\v 15 Nɑ ɩ́ heeli-ɩ sɩ: Ɩ́ polo ɩ́ ŋmɑ Ɩsɔ tǝsɛɛlɛ ntɛɣɛ tǝ lonte kʋpǝntɛ tɑɑ. Ɩlɛnɑ pɑ́ sɩɩ wontu ntǝɣɩ pǝ tɑɑ. 
\v 16 Mpʋ pǝ lɑpǝnɑ nɑ Sesepɑsɑɑ polo Yosɑlɛm nɑ ɩ́ tɑɑlɩ Ɩsɔ tǝsɛɛlɛ kite. Pǝ kpɑɣɑʋ wɑɑtʋ ɩnɩ tɔ pɑ tǝmlɛ tɔŋnɑ pote kɛ́. Amɑ pǝ tɑ tɛntɑ. 
\v 17 Pǝnɛntɛ tɑ cɑɑ, yele nɑ pɑ́ pɛɛkɩ Pɑpiloni kɑwulɑɣɑ tɑkǝlɑsɩ tɑɑ nɑ tǝ́ nɑ́ sɩ Silusi hɑ nɔɣɔ kɛ tɑmpɑnɑ sɩ pɑ́ ŋmɑ Yosɑlɛm Ɩsɔ tǝsɛɛlɛ ńtɛ́ yɑɑ ɩsǝnɑ. Ye n tɛmɑ mpʋ, ɩlɛ n heeli-tʋɣʋ nti n mɑɣɑsɑɑ tɔ.
\c 6
\s1 Wulɑʋ Tɑliyusi kʋcɔcɔtʋ
\p
\v 1 Ḿpʋ́ɣʋ́ wulɑʋ sɔsɔ Tɑliyusi tʋ yǝlɑɑ sɩ pɑ́ pɛɛkɩ Pɑpiloni ɩcɑtɛ tɑɑ kɛ́ timpi pɑ sɩɩkɩ lɔŋ tɑkǝlɑsɩ nɑ wontu kʋpɑntʋ tɔ. 
\v 2 Amɑ Metii hɔɣɔlʋɣʋ koloŋɑ ɩcɑtɛ Ɩpɑtɑnɩ tɑɑ kɛ́ pɑ hii tɑkǝlɑɣɑ nɑkǝlɩ nɑ pɑ́ ŋmɑɑ kɑ tɑɑ sɩ:
\p
\v 3 Wulɑʋ Silusi kɑ kpɑɑlɑ ɩ kɑwulɑɣɑ pǝnɑɣɑ kɑncɑɑlɑɣɑ nyǝŋkɑ tɑɑ sɩ, pɑɑ tɑɣɑnɩ Ɩsɔ tǝsɛɛlɛ ŋmɑʋ kɛ tǝ kite kʋpǝntɛ tɔɔ kɛ́ Yosɑlɛm nɑ pɑ́ lɑkɩ tǝ tɑɑ kɛ́ kɔtɑsɩ. Tǝ kʋŋkʋlʋmǝŋ kɑ́ wɛɛ mɛɛtǝlǝnɑɑ hiu nɑ nɑɑnʋwɑ nɑ tǝ wɑŋ kɛ mpʋ tɔtɔ. 
\v 4 Pɑɑ ŋmɑ pɛɛ kʋsɑɑkɛɛ kɛ cɛɛsɩ tooso kɛ́, nɑ kpeŋkpelɑsɩ kɛ cɛɛɣɑ. Kɑwulɑɣɑ kpɑncoou liɣitee kɛ pɑɑ lɑnɑ. 
\v 5 Wʋlɑ nɑ nyǝɣǝtʋ kʋpɑntʋ wontu nti wulɑʋ Nepukɑnɛsɑɑ kɑ kpɑɣɑ Yosɑlɛm Ɩsɔ tǝsɛɛlɛ tɑɑ nɑ ɩ́ ponɑ Pɑpiloni tɔ, pɑɑ mǝŋnɑ-tɩ nɑ pɑ́ sɩɩ-tǝɣɩ tǝ lonɑ tɑɑ.
\p
\v 6 Mpʋɣʋlɛ Tɑliyusi ŋmɑɑ tɑkǝlɑɣɑ kɛ Ɩfǝlɑtɩ pɔɣɔ tɛtʋ nyʋɣʋ tʋ Tɑtǝnɑyi nɑ Setɑ-Posǝnɑyi nɑ pɑ tɑɑpɑlɑɑ hɔɣɔlʋɣʋ nyʋɣʋ nyǝ́mɑ sɩ: Ɩ́ yele tɔm ntɩ. 
\v 7 Pǝ wɛɛ sɩ pɑ́ yele Yutɑ nyǝ́mɑ kɛ́ tǝpɑmm nɑ pɑ́ ŋmɑ Ɩsɔ tǝsɛɛlɛ. Tɛtʋ tʋ nɑ Yutɑ nyʋɣʋ nyǝ́mɑ ɩ́ sǝnɑ nɑ pɑ́ ŋmɑ-tɛɣɛ tǝ lonte kʋpǝntɛ tɑɑ. 
\v 8 Mɑ cɑɑ sɩ ɩ́ sǝnɑ-wɛɣɛ tǝ ŋmɑʋ tɑɑ, nɑ ɩ́ feŋ nɑ ɩ́ lǝsǝɣɩ kɑwulɑɣɑ kpɑncoou tɑɑ lɑmpuunɑɑ mpɑ yǝlɑɑ fɛlɑɑ tɔ nɑ ɩ́ cɛlǝɣɩ-wɛ, nɑ tǝmlɛ ɩ́ tɑɑ sǝŋ. 
\v 9 Ɩ́ pɑɑsǝnɑ teu nɑ ɩ́ cɛlǝɣɩ Yosɑlɛm kɔtǝlɑɑ kɛ mpi pɑ nyɩɩlǝɣɩ tɔ, ɩsɩɩ lɑtǝcɛnɑɑ nɑ ɩwɑɑŋ nɑ ɩwɛɛsɩ nsi pɑ lɑkǝnɑ kɔtɑsɩ kɛ ɩsɔtɑɑ Ɩsɔ tɔ, nɑ tɔɣɔnɑɣɑ nɑ tɔm nɑ nim. 
\v 10 Wɑɑtʋ ɩnǝɣɩ pɑɑ pǝsɩ nɑ pɑ́ lɑkɩ Ɩsɔ kɛ́ kɔtɑsɩ nsi sɩ wɛ-ɩ sɔɔsʋŋ tɔ, nɑ pɑ́ sǝlǝmǝnɑ wulɑʋ sɔsɔ mɑ́ nɑ mɑ pǝyɑlɑɑ. 
\v 11 Ye wei ɩ tɑ tǝŋ mɑ tɔm tǝnɛ, mɑɑ yele nɑ pɑ́ lǝsɩ ɩ tǝyɑɣɑ tesikɑ nɑ pɑ́ siki nɑ pɑ́ hɔkɔ-ɩ kɑ nyʋɣʋ tɑɑ nɑ pɑ́ pǝsɩ ɩ tǝyɑɣɑ kɛ hute. 
\v 12 Ye wulɑʋ nɔɣɔlʋ yɑɑ piitim nɑpǝlɩ pǝ cɑɑ pǝ yɔkɩ Ɩsɔ tǝsɛɛlɛ ńtɛ́ yɑɑ pǝ kisi mɑ tɔm, Ɩsɔ wei ɩnɩ ɩ wɛ Yosɑlɛm tɔ ɩnɩ ɩ kɑ hɔnɑ pʋntʋ ŋkpɑŋʋɣʋ. Tɑliyusi mɑ́, mɑ sɩɩnɑ mpʋ. Ɩ́ tǝŋ tǝ tǝnɑ tǝtetete.
\p
\v 13 Ḿpʋ́ɣʋ́ Ɩfǝlɑtɩ pɔɣɔ tɛtʋ nyʋɣʋ tʋ Tɑtǝnɑyi nɑ Setɑ-Posǝnɑyi nɑ pɑ tɑɑpɑlɑɑ pɑ tǝŋɑ Tɑliyusi tɔm ntǝɣɩ teitei.
\s1 Ɩsɔ tǝsɛɛlɛ tʋlʋɣʋ
\p
\v 14 Ḿpʋ́ɣʋ́ Ɩsɔ kʋyɔɣɔtʋtʋ tɛlǝsʋlʋ Asee, nɑ Ɩtoo pǝyɑlʋ Ɩsɔ kʋyɔɣɔtʋtʋ tɛlǝsʋlʋ Sɑkɑlɩ pɑ tɑsɑ Yutɑ nyǝ́mɑ kɛ ɑpɑlʋtʋ nɑ pɑ́ tɛɛsɩ Ɩsɔ tǝsɛɛlɛ ŋmɑʋ nɑ ɑlɑɑfǝyɑ, ɩsɩɩ Ɩsɛɣɛlɩ Ɩsɔ kɑ sɩɩʋ nɑ Pɛɛsɩ ɑwulɑɑ sɔsɑɑ Silusi nɑ Tɑliyusi nɑ Atɑkǝsɛsɛɛ pɑɑ yɔɣɔtʋɣʋ tɔ. 
\v 15 Ḿpʋ́ɣʋ́ pɑ tɛɛsɑ Ɩsɔ tǝsɛɛlɛ ŋmɑʋ kɛ pɑ tɛ ɩsɔtʋ Atɑɑ kʋyɛɛŋ tooso wule kɛ Tɑliyusi kɑwulɑɣɑ pǝnɑɣɑ nɑɑtoso nyǝŋkɑ tɑɑ. 
\v 16 Ɩlɛnɑ Yutɑ nyǝ́mɑ tǝnɑ, pɑɑ kɔtǝlɑɑ nɑ Lefii nyǝ́mɑ lɛlɑɑ mpɑ pɑ lɩɩnɑ Pɑpiloni tɔ, pɑ tɔɣɔ Ɩsɔ tǝsɛɛlɛ tʋlʋɣʋ ɑcimɑ nɑ lɑŋhʋlʋmlɛ sɔsɔɔlɛ. 
\v 17 Nɑ pɑ́ lɑ Tɑcɑɑ kɛ kɔtɑɣɑ kɛ wʋlɛ ntɛɣɛ lɑtǝcɛnɑɑ nɩɩnʋwɑ (100), nɑ ɩwɑɑŋ kɛ ŋmʋnʋɣʋ (200), nɑ ɩwɛɛsɩ kɛ nɑsǝlɛ (400), nɑ pǝŋtʋlʋŋ kɛ nɑɑnʋwɑ nɑ nɑɑlɛ. Pɑɑ Ɩsɛɣɛlɩ kpekǝle nteɣe kʋlʋmʋɣʋ, sɩ Ɩsɔ ɩ́ hɩɩsɩ pɑ tǝnɑ pɑ ɩsɑɣɑtʋ. 
\v 18 Ḿpʋ́ɣʋ́ pɑ fɑɣɑ kɔtǝlɑɑ nɑ Lefii nyǝ́mɑ kɛ kpekɑ nɑ pǝ́ kɛɛsǝnɑ pɑ tǝmɑ kɛ Ɩsɔ tǝmlɛ tɑɑ kɛ́ Yosɑlɛm kɛ teitei ɩsɩɩ pɑ kɛɛsʋɣʋ Moisi tɑkǝlɑɣɑ tɑɑ tɔ.
\s1 Yutɑ nyǝ́mɑ tɔkɩ Tɛɛʋ ɑcimɑ
\p
\v 19 Ḿpʋ́ɣʋ́ pɑ tǝnɑ mpɑ pɑ lɩɩnɑ Pɑpiloni tɔ pɑ tɔɣɔ Tɛɛʋ ɑcimɑ kɛ pɑ pǝnɑɣɑ nɑɑlɛ nyǝŋkɑ ɩsɔtʋ kɑncɑɑlɑɣɑ nyǝŋ tɑɑ. 
\v 20 Nɑ kɔtǝlɑɑ nɑ Lefii nyǝ́mɑ pɑ kpɛntɩ nɑ pɑ́ lɑ nyɔɔŋ tɔɔ ɑsilimɑ kɛɛlʋɣʋ kɔtɑɣɑ nɑ pɑ tǝnɑ pɑ́ wɛɛ tǝnɑŋŋ. Ɩlɛnɑ Lefii nyǝ́mɑ kʋ pɑ nɑ kɔtǝlɑɑ nɑ Ɩsɛɣɛlɩ nyǝ́mɑ pɑ tɔɔ kɛ́ Tɛɛʋ ɑcimɑ ɩwɛɛsɩ ɩsɩɩ pɑ tɩɩ lɑkɩ tɔ. 
\v 21 Ḿpʋ́ɣʋ́ mpɑ pɑ lɩɩnɑ Pɑpiloni tɔ, nɑ mpɑ pɑ kisɑ cefelitu nɑ pɑ́ kpɛntǝnɑ pɑ tɛɛtʋnɑɑ kɛ Ɩsɛɣɛlɩ Ɩsɔ sɛɛʋ tɑɑ tɔ pɑ tǝnɑ pɑ tɔɣɔ Tɛɛʋ ɑcimɑ. 
\v 22 Pǝ wɑɑlɩ kɛ́ pɑ tɔɣɔ kʋkʋsʋm fɛɩ kɑkɑlɑsɩ ɑcimɑ kɛ kʋyɛɛŋ nɑɑtosompɔɣɔlɑɣɑ nɑ lɑŋhʋlʋmlɛ. Pɑ lɑŋhʋlʋmlɛ nyʋɣʋ ntɛ́ sɩ Tɑcɑɑ kɑ lɑpɑ nɑ wulɑʋ lɑŋlɛ hɛɛnɑ-wɛ. Mpʋ pǝ hɑnɑ-wɛɣɛ ɑpɑlʋtʋ nɑ pɑ́ niki Ɩsɔ tǝsɛɛlɛ ŋmɑʋ.
\c 7
\s1 Kɔtʋlʋ Ɩsǝtǝlɑsɩ tɔm
\p
\v 1-6 Pɛɛsɩ wulɑʋ sɔsɔ Atɑkǝsɛsɛɛ kɑwulɑɣɑ wɑɑtʋ tɑɑ kɛ́ nɔɣɔlʋ wei pɑ yɑɑ sɩ Ɩsǝtǝlɑsɩ tɔ ɩ lɩɩnɑ Pɑpiloni. Ɩ kɑ kɛ́ Selɑyɑ pǝyɑlʋ kɛ́, ɩ lʋlʋɣʋ nyǝ́mɑ ntɛ́ kɔtʋlʋ sɔsɔ Alɔŋ, nɑ Ɩlɑsɑɑ, nɑ Pɛnhɑsɩ, nɑ Apisuwɑ, nɑ Puki, nɑ Usi, nɑ Selɑyɑ, nɑ Melɑyɔtɩ, nɑ Asɑliyɑ, nɑ Amɑlǝyɑ, nɑ Ahitupi, nɑ Sɑtɔkɩ, nɑ Sɑlum, nɑ Hilikiyɑ, nɑ Asɑliyɑ. Ɩsǝtǝlɑsɩ kɑ nyǝmɑ́ tɑkǝlɑsɩ kɑlʋɣʋ kɛ́ nɑ ɩ́ nyǝmɑ́ Ɩsɛɣɛlɩ Ɩsɔ kiiŋ wei ɩ́lɛ́ ɩ kɑ hʋlɑ Moisi tɔ. Tɑcɑɑ kɑ lɑpɑɣɑ nɑ Ɩsǝtǝlɑsɩ nyʋɣʋ kʋlɩ, nɑ ɩ́ sǝlǝmɑ wulɑʋ kɛ mpi ɩ́lɛ́ ɩ lɑ-wɩ. 
\v 7 Wɑɑtʋ wei Ɩsɛɣɛlɩ yǝlɑɑ, nɑ kɔtǝlɑɑ, nɑ Lefii nyǝ́mɑ, nɑ yonyoolɑɑ, nɑ Ɩsɔ tǝsɛɛlɛ nɔnɔɔsɩ tɑŋlɑɑ, nɑ pǝ tǝmlɛ nyǝ́mɑ sǝkpemɑ mǝlɑ Yosɑlɛm kɛ Atɑkǝsɛsɛɛ kɑwulɑɣɑ pǝnɑɣɑ nɑɑtosompɔɣɔlɑɣɑ nyǝŋkɑ tɑɑ 
\v 8 tɔɣɔ Ɩsǝtǝlɑsɩ tɑlɑ Yosɑlɛm kɛ pɑ kiŋ kɛ ɩsɔtʋ kɑkpɑsɩ nyǝŋ tɑɑ. 
\v 9 Ɩsɔtʋ kɑncɑɑlɑɣɑ nyǝŋ kʋyɑkʋ kɑncɑɑlɑɣɑ nyǝŋkʋ kɛ ɩ kɑ sɩɩwɑ sɩ ɩ kɑ́ kʋlɩ Pɑpiloni. Ɩlɛnɑ Ɩsɔ kenti ɩ tɔɔ nɑ ɩ́ tɑlɑ Yosɑlɛm kɛ ɩsɔtʋ kɑkpɑsɩ nyǝŋ kʋyɑkʋ kɑncɑɑlɑɣɑ nyǝŋkʋ. 
\v 10 Ɩsǝtǝlɑsɩ kɑ sɛɛsɑ ɩsǝlɛ nɑ Tɑcɑɑ tɔm kɑlʋɣʋ kɛ́, nɑ tǝ tɑɑ welisuɣu, nɑ ɩ́ tɔkɑ-tɩ nɑ ɩ́ sɛɣɛsǝɣɩ Ɩsɛɣɛlɩ nyǝ́mɑ kɛ Ɩsɔ kiiŋ nɑ ɩ kʋsǝsɩɩtʋ.
\s1 Tǝmɑ nnɑ Atɑkǝsɛsɛɛ tʋ Ɩsǝtǝlɑsɩ tɔ
\p
\v 11 Tɑkǝlɑɣɑ ŋkɑ wulɑʋ Atɑkǝsɛsɛɛ ŋmɑɑ kɔtʋlʋ Ɩsǝtǝlɑsɩ wei ɩ kɛ Tɑcɑɑ kiiŋ nɑ ɩ kʋtʋtʋtʋ pǝ tʋ tɔɣɔlɛ sɩ:
\p
\v 12 Mɑɣɑ ɑwulɑɑ wulɑʋ Atɑkǝsɛsɛɛ, mɑ́ ŋmɑɑnɑ tɑkǝlɑɣɑ kɑnɛɣɛ ɩsɔtɑɑ Ɩsɔ kiiŋ nyǝntʋ kɔtʋlʋ Ɩsǝtǝlɑsɩ.
\p
\v 13 Mɑ cɑɑ sɩ pɑ́ yele mɑ tɛtʋ tǝnɑ Ɩsɛɣɛlɩ nyǝ́mɑ mpɑ pɑ sɔɔlɑ Yosɑlɛm pote tɔ nɑ nyɑnɑ-wɛ ɩ́ tɛɛ. Pǝ kpɑɣɑʋ Ɩsɔ tǝmlɛ sǝnlɑɑ nɑ kɔtǝlɑɑ nɑ Lefii nyǝ́mɑ tɔ. 
\v 14 Mɑ mɑɣɑmɑɣɑ nɑ mɑ lɑɣɑtʋ tɑsǝlɑɑ nɑɑtosompɔɣɔlɑɣɑ tǝ tiliɣinɑ-ŋ Yosɑlɛm kɛ Yutɑ tɛtʋ tɑɑ nɑ ń nɑ́ ɩsǝnɑ yǝlɑɑ pɑɑsǝɣǝnɑ nyɑ́ Ɩsɔ wei ɩ kiiŋ n tɔkɑ nyɑ́ niŋ tɑɑ tɔ ɩ tɔm tɔ. 
\v 15 Pǝyele tɩɩ cɛlɛ-ŋ wʋlɑ nɑ liɣitee nnɑ mɑ́ nɑ mɑ lɑɣɑtʋ tɑsǝlɑɑ tɩɩ hɑ Ɩsɔ wei ɩ tǝsɛɛlɛ wɛ Yosɑlɛm tɑɑ tɔ. 
\v 16 Nɑ ń kpɛntǝnɑ tɔtɔɣɔ liɣitee nɑ wʋlɑ wei Pɑpiloni hɔɣɔlʋɣʋ nyǝ́mɑ cɑɑwɑ nɑ nnɑ Ɩsɛɣɛlɩ nyǝ́mɑ nɑ kɔtǝlɑɑ nɑ Ɩsɔ tǝmlɛ sǝnlɑɑ hɑnɑ luɣu kʋlʋmʋɣʋ sɩ pɑ́ tɑɣɑnǝnɑ Ɩsɔ tǝsɛɛlɛ tɔ. 
\v 17 Ye n tɑlɑ tǝnɑ n kɑ́ yɑnɑ lɑtǝcɛnɑɑ, nɑ ɩwɑɑŋ yɑɑ ɩwɛɛsɩ, nɑ pǝ tǝnɑ mpi n kɑ lɑnɑ hɑtǝmʋtʋ kɔtɑsɩ nɑ sʋlʋm pǝ nyǝnsɩ kɛ mǝ Ɩsɔ kɔtɑɣɑ tǝlɑtɛ tɔɔ kɛ́ Yosɑlɛm tɔ. 
\v 18 Pǝ wɑɑlɩ ɩlɛ nyɑnɑ nyɑ́ tɑɑpɑlɑɑ ɩ́ kɑ́ lɑnɑ liɣitee nɑ wʋlɑ kʋkɑɑsʋ kɛ ɩsǝnɑ Ɩsɔ kɑ́ hʋlɩ-mɛ tɔ. 
\v 19 Ɩlɛnɑ ń sɩɩ Ɩsɔ tǝsɛɛlɛ tɑɑ kɛ́ Ɩsɔ nyǝnɑsɩ nsi pɑ cɛlɑ-ŋ tɔ. 
\v 20 Ye pǝ wɛɛ sɩ ń tɑsɑ pʋlʋpʋɣʋ yɑpʋ kɛ pǝ tɔm tɑɑ, ɩlɛ kɑwulɑɣɑ kpɑncoou tɑɑ kɛ́ n kɑ́ lǝsɩ nɑ ń yɑnɑ.
\p
\v 21 Ḿpʋ́ɣʋ́ wulɑʋ sɔsɔ Atɑkǝsɛsɛɛ tɑsɑɑ sɩ: Mɑ tʋɣɩ Ɩfǝlɑtɩ pɔɣɔ ilim tǝtʋlɛ tɔɔ tɛtʋ kpɑncooŋ nyǝ́mɑ tǝnɑ sɩ ye ɩsɔtɑɑ Ɩsɔ kiiŋ nyǝ́ńtʋ́ kɔtʋlʋ Ɩsǝtǝlɑsɩ ɩ́ sǝlǝmɑ mpi pɑ́ lɑpɩ-ɩ-wǝɣɩ teitei. 
\v 22 Pɑ́ cɛlɑ-ɩ liɣitee nyǝɣǝtʋ kɛ tɔɔnǝnɑɑ tooso, nɑ tɔɣɔnɑɣɑ kɛ tɔɔnǝnɑɑ iyisi hiu nɑ nɑɑnʋwɑ (30000), nɑ sʋlʋm kɛ liitilinɑɑ iyisi liɣiti (4000), nɑ nim kɛ liitilinɑɑ kɛ iyisi liɣiti (4000) tɔtɔ, nɑ tɔm kɛ ɩsǝnɑ pɑ sɔɔlɑɑ tɔ. 
\v 23 Pɑɑ lɑ ɩsɩɩ Ɩsɔ tɑɑ Ɩsɔ kɛɛsʋɣʋ ɩ tǝsɛɛlɛ tɔm tɔɣɔ teitei kɛ́, pǝ́cɔ́ pǝ tɑɑ kɔɔ nɑ Ɩsɔ mʋnɑ mɑ mɑɣɑmɑɣɑ yɑɑ mɑ lʋlʋɣʋ nyǝ́mɑ yɑɑ mɑ tɛtʋ nyǝ́mɑ nɑ pɑ́ɑ́nɑ́. 
\v 24 Pǝlɛ pǝ pɑɑsi tǝ kpɑɑlǝɣɩ kpɑncooŋ nyǝ́mɑ tǝnɑ sɩ pǝ fɛɩ sɩ pɑ́ mʋ lɑmpuu kɛ kɔtǝlɑɑ yɑɑ Lefii nyǝ́mɑ yɑɑ yonyoolɑɑ yɑɑ Ɩsɔ tǝsɛɛlɛ nɔnɔɔsɩ tɑŋlɑɑ yɑɑ Ɩsɔ tǝsɛɛlɛ tǝmlɛ nyǝ́mɑ sǝkpemɑ tɑɑ nɔɣɔlʋ.
\p
\v 25 Ɩsǝtǝlɑsɩ nyɑɑ lɑ ɩsɩɩ Ɩsɔ wei ɩ lǝmɑɣɑsɛɛ n wɛnɑ tɔ, nɑ ń kpɑ mpɑ pɑɑ hʋʋkǝnɑ pɔɣɔ ilim tǝtʋlɛ tɔɔ nyǝ́mɑ mpɑ pɑ tǝnɑ pɑ nyǝ́mɑ nyɑ́ Ɩsɔ kiiŋ tɔ, nɑ mpɑ pɛlɛ pɑ tɑ nyǝmɩ-ɩ tɔ, ń hʋlɩ-wɛɣɛ-ɩ. 
\v 26 Amɑ ye wei ɩ́ kisɑ Ɩsɔ nɑ wulɑʋ pɑ kiiŋ kɛ tɔkʋɣʋ pɑ hɔ ɩ ŋkpɑŋʋɣʋ ɩsɩɩ pǝ mʋnɑɑ tɔ. Pɑɑ kʋɣʋ, pɑɑ tɔɣɔnʋɣʋ, pɑɑ ɩ wɛnɑʋ lɛɛkʋɣʋ, yɑɑ sɑlǝkɑ tʋɣʋ.
\s1 Ɩsǝtǝlɑsɩ sɛɛʋ kɛ Ɩsɔ
\p
\v 27 Ḿpʋ́ɣʋ́ Ɩsǝtǝlɑsɩ sɛɛwɑ Ɩsɔ sɩ: Mɑ sɛɛ tɑ Sɔsɔ Ɩsɔ Tɑcɑɑ kɛ timpi n tʋwɑ wulɑʋ sɔsɔ tɑɑ sɩ ɩ́ kʋsɩ Yosɑlɛm Ɩsɔ tǝsɛɛlɛ nyʋɣʋ tɔ. 
\v 28 Tɑcɑɑ n lɑpɑ-m kʋpɑntʋ kɛ wulɑʋ nɑ ɩ lɑɣɑtʋ tɑsǝlɑɑ nɑ ɩ wɑɑlɩ nyǝ́mɑ sɔsɑɑ pɑ ɩsɛntɑɑ. Ɩlɛnɑ nyɑ́ kentuɣu mpɩ pǝ́ sɔɔsɩ mɑɣɑ ɑpɑlʋtʋ, nɑ mɑ́ kpeɣeli Ɩsɛɣɛlɩ nyʋɣʋ nyǝ́mɑ tǝnɑ, nɑ mɑ́ nɑ-wɛ tǝ́ polo Yosɑlɛm.
\c 8
\s1 Ɩsǝtǝlɑsɩ tɑɑpɑlɑɑ
\p
\v 1 Ḿpʋ́ɣʋ́ Ɩsǝtǝlɑsɩ yɔɣɔtɑɑ sɩ: Mɑ́ nɑ yǝlɑɑ mpɑ tǝ lɩɩ Pɑpiloni nɑ tǝ́ polo Yosɑlɛm kɛ wulɑʋ sɔsɔ Atɑkǝsɛsɛɛ kɑwulɑɣɑ wɑɑtʋ tɑɑ tɔɣɔlɛ:
\m
\v 2 Pɛnhɑsɩ lʋlʋɣʋ tʋ Kɛɛsɔm, nɑ Ɩtɑmɑɑ lʋlʋɣʋ tʋ Tɑniyɛɛlɩ, nɑ Tɑfiiti lʋlʋɣʋ tʋ Hɑtusi,
\m
\v 3 nɑ Sekɑniyɑ pǝyɑlɑɑ tɑɑ lɛlʋ nɑ Pɑlɔkɩ lʋlʋɣʋ tʋ Sɑkɑlɩ nɑ ɩ́lɛ́ ɩ lʋlʋɣʋ tɑɑ yǝlɑɑ kɛ nɩɩnʋwɑ nɑ nɩɩlɛ nɑ nɑɑnʋwɑ (150).
\m
\v 4 Nɑ Pɑhɑtɩ-Mowɑpʋ lʋlʋɣʋ tʋ Selɑyɑ pǝyɑlʋ Ɩliyohenɑyi nɑ pǝ́ sɔɔsǝnɑ yǝlɑɑ ŋmʋnʋɣʋ (200).
\m
\v 5 Nɑ Sɑtu lʋlʋɣʋ tʋ Yɑsiyɛlɩ pǝyɑlʋ Sekɑniyɑ nɑ yǝlɑɑ kɛ ŋmʋnʋɣʋ nɩɩnʋwɑ (300),
\m
\v 6 nɑ Atinɩ lʋlʋɣʋ tʋ Yonɑtɑŋ pǝyɑlʋ Ɩpɛtɩ nɑ yǝlɑɑ kɛ nɩɩlɛ nɑ nɑɑnʋwɑ,
\m
\v 7 nɑ Ɩlɑm lʋlʋɣʋ tʋ Atɑliyɑ pǝyɑlʋ Yesɑyɑ nɑ yǝlɑɑ nɩɩtoso nɑ nɑɑnʋwɑ,
\m
\v 8 nɑ Sefɑtiyɑ lʋlʋɣʋ tʋ Mikɑyɛɛlɩ pǝyɑlʋ Sepɑtiyɑ nɑ yǝlɑɑ nɩɩnɑɑsɑ,
\m
\v 9 nɑ Yowɑpɩ lʋlʋɣʋ tʋ Yehiyɛlɩ pǝyɑlʋ Opɑtiyɑ, nɑ yǝlɑɑ ŋmʋnʋɣʋ nɑ pǝlefɛɩ hiu (218),
\m
\v 10 nɑ Pɑni lʋlʋɣʋ tʋ Yosifiyɑ pǝyɑlʋ Selomitɩ nɑ yǝlɑɑ nɩɩnʋwɑ nɑ nɩɩtoso (160),
\m
\v 11 nɑ Pepɑyi kpekǝle tʋ Pepɑyi pǝyɑlʋ Sɑkɑlɩ nɑ yǝlɑɑ pǝlefɛɩ hiu nɑ nɑɑnʋwɑ,
\m
\v 12 nɑ Asǝkɑtɩ lʋlʋɣʋ tʋ Hɑkɑtɑŋ pǝyɑlʋ Yohɑnɑŋ nɑ yǝlɑɑ kɛ nɩɩnʋwɑ nɑ nɑɑnʋwɑ (110),
\m
\v 13 nɑ Atonikɑm lʋlʋŋ nyǝ́mɑ kɑntǝkɑɣɑ nyǝ́mɑ Ɩlifelɛtɩ nɑ Yehiyɛlɩ nɑ Semɑyɑ nɑ yǝlɑɑ nɩɩtoso,
\m
\v 14 nɑ Pikifɑyi lʋlʋɣʋ nyǝ́mɑ Utɑyi nɑ Sɑkuu nɑ yǝlɑɑ nɩɩtoso nɑ nɑɑnʋwɑ.
\s1 Yosɑlɛm pote mpɑɑʋ tɑɣɑnʋɣʋ
\p
\v 15 Ḿpʋ́ɣʋ́ Ɩsǝtǝlɑsɩ tɑsɑɑ sɩ: Mɑ kpeɣelɑ yǝlɑɑ tǝnɑɣɑ lɔɔʋ ŋku kʋ tǝŋǝɣǝnɑ Ahɑfɑ tɔ kʋ nɔɣɔ nɑ tǝ siki tǝnɑɣɑ kʋyɛɛŋ tooso. Tǝnɑɣɑ mɑ pɑɑsǝnɑɑ sɩ sǝnlɑɑ nɑ kɔtǝlɑɑ pɑɑ wɛ pǝ tɑɑ. Amɑ Lefii tʋ nɔɣɔlʋ ɩ fɛɩ. 
\v 16 Ntɛnɑ mɑ́ tʋ tǝmlɛ kɛ nyʋɣʋ nyǝmɑ Ɩliyesɛɛ nɑ Alǝyɛlɩ nɑ Semɑyɑ nɑ Ɩlǝnɑtɑŋ nɑ Yɑlipɩ nɑ Ɩlǝnɑtɑŋ nɑ Nɑtɑŋ nɑ Sɑkɑlɩ nɑ Mesulɑm nɑ kiiu sɛɣɛsǝlɑɑ nɑɑlɛ, Yoyɑlipɩ nɑ Ɩlǝnɑtɑŋ 
\v 17 nɑ mɑ́ heeli-wɛ sɩ: Ɩ́ polo Kɑsifiyɑ nyǝ́mɑ nyʋɣʋ tʋ Ɩtoo tɛ nɑ mɑ́ kɛɛsɩ-mɛɣɛ nti ɩ́ kɑ́ heeli ɩ́ nɑ ɩ tɑɑpɑlɑɑ nɑ Ɩsɔ tǝsɛɛlɛ sǝnlɑɑ mpɑ pɑ wɛ tǝnɑ tɔ. Ɩlɛnɑ ɩ́ kɔnɑ-tʋɣʋ tɑ́ Ɩsɔ tǝsɛɛlɛ tǝmlɛ lɑtɑɑ. 
\v 18 Ḿpʋ́ɣʋ́ tɑ́ Ɩsɔ kentɑ tɑ́ tɔɔ nɑ pɑ́ pǝsɩ nɑ pɑ́ kɔnɑ Mɑlii nɑ Lefii pɑ lʋlʋɣʋ tʋ Selepiyɑ. Yɑkɔpʋ pǝyɑlʋ kɛlɛ, ɩ pǝyɑlɑɑ nɑ ɩ newɑɑ pɑ wɛ pǝlefɛɩ hiu. 
\v 19 Ɩlɛnɑ pǝ́ sɔɔsɩ Melɑli lʋlʋɣʋ tʋ Hɑsɑpiyɑ nɑ Yesɑyɑ nɑ ɩ newɑɑ nɑ pɑ pǝyɑlɑɑ, pɑ wɛ hiu. 
\v 20 Nɑ pɑ́ kɔnɑ tɔtɔɣɔ yǝlɑɑ ŋmʋnʋɣʋ nɑ hiu (220) mpɑ pɑ lǝsɑ Ɩsɔ tǝsɛɛlɛ sǝnlɑɑ sǝkpemɑ tɑɑ tɔ. Mpɛ ɩnǝɣɩ Tɑfiiti nɑ ɩ tɑɑpɑlɑɑ pɑɑ cɛlɑ Lefii nyǝmɑ.
\p
\v 21 Ḿpʋ́ɣʋ́ mɑ tɔmɑ sɩ tǝ hɔkɔ nɔɔsɩ kɛ tɑ́ tǝnɑɣɑ Ahɑfɑ lɔɔʋ nɔɣɔ tǝnɑ, nɑ pǝ́ hʋ́lɩ́ sɩ tǝ pɑsɑ tɑ tǝɣɩ tɑ Ɩsɔ ɩsɛntɑɑ, nɑ ɩ́lɛ́ ɩ yele nɑ tɑ́ nɑ tɑ́ nyǝ́mɑ nɑ tɑ́ wontu nɑ tɑ́ mpɑɑʋ lɑ teu. 
\v 22 Pɩɩ wɛ-m fɛɛlɛ sɩ mɑ́ yɔɣɔtɩ wulɑʋ nɑ ɩ́ yele nɑ yoolɑɑ nɑ kpɑɣɑnǝŋ cɑɣɑlɑɑ sɩɩ-tʋɣʋ tɑ́ kolontunɑɑ tɔɔ. Amɑ tǝ heelɑ-ɩ tǝfoo sɩ tɑ́ Ɩsɔ kentiɣi ɩ yǝlɑɑ tǝnɑ tɔɔ kɛ́, nɑ ɩ́ mʋɣʋ pɑ́ɑ́nɑ́ nɑ mpɑ pɑ lɔɔkɩ-ɩ tɔ. 
\v 23 Ḿpʋ́ɣʋ́ tǝ hɔkɑ nɔɔsɩ nɑ tǝ́ sǝlǝmɩ Ɩsɔ sɩ ɩ́ wɑɑsɩ-tʋ nɑ ɩ́lɛ́ ɩ mʋ tɑ́ kʋsǝlǝmʋtʋ.
\p
\v 24 Pǝ wɑɑlɩ kɛ́ mɑ kpɑɣɑ kɔtǝlɑɑ sɔsɑɑ tɑɑ kɛ́ nɑɑnʋwɑ nɑ nɑɑlɛ, nɑ pǝ́ sɔɔsǝnɑ Selepiyɑ nɑ Hɑsɑpiyɑ nɑ pɑ tɑɑpɑlɑɑ kɛ nɑɑnʋwɑ. 
\v 25 Ɩlɛnɑ mɑ́ mɑɣɑsɩ pɑ ɩsɛntɑɑ kɛ liɣitee nyǝɣǝtʋ nɑ wʋlɑ nɑ wontu kʋpɑntʋ nti wulɑʋ sɔsɔ nɑ ɩ lɑɣɑtʋ tɑsǝlɑɑ nɑ ɩ wɑɑlɩ nyǝ́mɑ nɑ tɛtʋ tɑɑ Ɩsɛɣɛlɩ nyǝ́mɑ kɑ hɑwɑ sɩ pɑ́ ŋmɑnɑ tɑ́ Ɩsɔ tǝsɛɛlɛ tɔ. 
\v 26 Nɑ mɑ́ cɛlɛ-wɛɣɛ liɣitee nyǝɣǝtʋ kɛ tɔɔnǝnɑɑ hiu nɑ tǝ wontu kɛ tɔɔnǝnɑɑ tooso, nɑ wʋlɑ kɛ tɔɔnǝnɑɑ tooso tɔtɔ, 
\v 27 nɑ wʋlɑ cɛmsɛnɑɑ kɛ hiu, pɑ liɣitee wɛ ɩsɩɩ wʋlɑ nyǝɣǝtʋ iyɑɣɑ, nɑ nyǝɣǝlʋɣʋ kʋsɛɛmʋɣʋ hɛɛsɩ nsi sɩ tewɑ ɩsɩɩ wʋlɑ nɑ sɩ mʋɣɩ kɔkɔ tɔɣɔ nɑɑlɛ. 
\v 28 Ḿpʋ́ɣʋ́ mɑ heelɑ-wɛ sɩ: Teitei ɩsɩɩ mǝ kɛʋ Ɩsɔ tǝmlɛ lɑtɑɑ tɔ, mpʋ tɔtɔɣɔ wontu tǝnɛ tǝ kɛ́ Ɩsɔ nyǝntʋ. Liɣitee nɑ wʋlɑnɑɑ pǝ kɛ́ luɣu kʋlʋmʋɣʋ kʋcɔɔʋ ŋku yǝlɑɑ lɑpɑ mǝ cɔsɔnɑɑ Ɩsɔ Tɑcɑɑ tɔɣɔ. 
\v 29 Ɩ́ pɑɑsǝnɑ kpɑncoou ŋkʋɣʋ teu, hɑlǝnɑ Yosɑlɛm. Ɩ́ tɑlɑ tǝnɑ ɩlɛ ɩ́ mɑɣɑsɩ-tǝɣɩ kɔtǝlɑɑ sɔsɑɑ nɑ Lefii nyǝ́mɑ nɑ lʋlʋŋ nyɔɔŋ nyǝ́mɑ pɑ ɩsɛntɑɑ kɛ́ Ɩsɔ tǝsɛɛlɛ kutuluŋ lɛlǝŋ tɑɑ.
\p
\v 30 Ḿpʋ́ɣʋ́ kɔtǝlɑɑ nɑ Lefii nyǝ́mɑ pɑ pɑɑsǝnɑ wʋlɑ nɑ liɣitee nnɑ pɑ mɑɣɑsɑ mpʋ tɔ, nɑ wontu kʋpɑntʋ ntɩ nɑ pɑ́ ponɑ-tǝɣɩ Yosɑlɛm kɛ tɑ Ɩsɔ tǝsɛɛlɛ tɑɑ.
\s1 Ɩsǝtǝlɑsɩ-wɛ pɑ tɑtɛ kɛ Yosɑlɛm
\p
\v 31 Ḿpʋ́ɣʋ́ tǝ kʋlɑ Ahɑfɑ lɔɔʋ nɔɣɔ kɛ ɩsɔtʋ kɑncɑɑlɑɣɑ nyǝŋ kʋyɛɛŋ nɑɑnʋwɑ nɑ nɑɑlɛ nyǝŋkʋ wule nɑ tǝ tɛɛ Yosɑlɛm. Tɑ́ Ɩsɔ kɑ wɛ tɑ́ wɑɑlɩ kɛ́ tɑ́ mpɑɑʋ tǝnɑ tɑɑ kɛ́ nɑ ɩ́ tɔɣɔnǝɣɩ tɑ́ kolontunɑɑ nɑ ŋmɩɩlɑɑ mpɑ pɑ cɔɔsǝɣɩ-tʋ tɔ. 
\v 32 Tǝ tɑlɑ Yosɑlɛm ɩlɛnɑ tǝ́ hɛɛsɩ kʋyɛɛŋ tooso. 
\v 33 Ɩlɛnɑ tǝ mɑɣɑsɩ liɣitee nyǝɣǝtʋ nɑ pǝ wontu kʋpɑntʋ kɛ kʋyɑkʋ liɣiti nyǝŋkʋ wule kɛ tɑ́ Ɩsɔ tǝsɛɛlɛ tɑɑ nɑ tǝ cɛlɑ Uliyɑ pǝyɑlʋ kɔtʋlʋ Melemɔtɩ wei nɑ Pɛnhɑsɩ pǝyɑlʋ Ɩlɑsɑɑ pɑɑ wɛɛ tɔ, nɑ Lefii nyǝ́mɑ Yesuwɑ pǝyɑlʋ Yosɑpɑtɩ nɑ Pinuwi pǝyɑlʋ Noyɑtiyɑ. 
\v 34 Ḿpʋ́ɣʋ́ pɑ kɑlɑ pǝ tǝnɑ nɑ pɑ́ mɑɣɑsɩ nɑ pɑ́ ŋmɑɑ.
\p
\v 35 Pɑ tǝnɑ mpɑ pɑ lɩɩnɑ Pɑpiloni tɔ mpɛ pɑ lɑpǝnɑ Ɩsɔ kɛ́ kɔtɑsɩ nɑ Ɩsɛɣɛlɩ nyǝ́mɑ tǝnɑ hǝtɛ tɑɑ kɛ́ lɑtǝcɛnɑɑ nɑɑnʋwɑ nɑ nɑɑlɛ nɑ ɩwɑɑŋ kɛ nɩɩnɑɑsɑ nɑ nɑɑnʋwɑ nɑ nɑɑtoso, nɑ pɑ́ lɑ kɔtɑsɩ nsi kɔkɔ lusɑ sɩ tǝnɑ tɔɣɔ ɩwɛɛsɩ nɩɩtoso nɑ nɑɑnʋwɑ nɑ nɑɑtosompɔɣɔlɑɣɑ, nɑ ɩsɑɣɑtʋ hɩɩsʋɣʋ nyǝnsɩ kɛ pǝŋtʋlʋŋ nɑɑnʋwɑ nɑ nɑɑlɛ. Tɑcɑɑ kɛ pɑ wɔpɑ wontu ntɩ tǝ tǝnɑ. 
\v 36 Pǝlɛ pǝ wɑɑlɩ kɛ́ pɑ kɛɛsɑ nti wulɑʋ tʋwɑ Ɩfǝlɑtɩ pɔɣɔ nɑ ilim tǝtʋlɛ tɔɔ tɛtʋ nyɔɔŋ nyǝ́mɑ tɔ. Ɩlɛnɑ pɛlɛ pɑ́ sǝnɑ Ɩsɛɣɛlɩ nyǝ́mɑ kɛ Ɩsɔ tǝsɛɛlɛ ŋmɑʋ tɔm tɑɑ.
\c 9
\s1 Yutɑ nyǝ́mɑ pɑɣɑlɛ kpɑɣɑʋ kɛ kpɑɩ ɑlɑɑ
\p
\v 1 Pǝlɛ pǝ wɑɑlɩ kɛ́ nyʋɣʋ nyǝ́mɑ nɑpǝlɩ pɑ kɔmɑ nɑ pɑ́ heeli-m sɩ pɑɑ Ɩsɛɣɛlɩ nyǝ́mɑ yɑɑ kɔtǝlɑɑ yɑɑ Lefii nyǝ́mɑ, pɑ tɑ fɑɣɑnɑ tɛtʋ nyǝ́mɑ mɑ tɑ nyɩ ɩsɔnɑɑ, pɑ kɛɛnɑ ɑcɑɑlǝtʋ nti Kɑnɑɑŋ nyǝ́mɑ nɑ Hiti nyǝ́mɑ nɑ Peliisi nyǝ́mɑ nɑ Yepusi nyǝ́mɑ nɑ Amoni nyǝ́mɑ nɑ Mowɑpʋ nyǝ́mɑ nɑ Icipiti nyǝ́mɑ nɑ Amolii nyǝ́mɑ pɑ lɑkɩ tɔɣɔ. 
\v 2 Ɩsɛɣɛlɩ nyǝ́mɑ nɑ pɑ piyɑ pɑ kpɑɣɑ piitimnɑɑ mpɛ pɑ tɑɑ kɛ́ ɑlɑɑ kɛ́, hɑlǝnɑ pɑnɑ kpɑɩ nyǝ́mɑ mpɛ pɑ piitim siti. Pǝ tɑɣɑ nyʋɣʋ nyǝ́mɑ nɑ sɔsɑɑ mpɛ pɑ cɑɑlǝnɑ kʋtɑkɛɛsǝtʋ ntǝɣɩ lɑpʋ.
\p
\v 3 Wɑɑtʋ wei mɑ nɩɩ tɔm ntɩ, ɩlɛnɑ mɑ lɑŋlɛ pǝsɩ nɑ mɑ́ cǝlɩ mɑ kpɑɩ nɑ mɑ wontu, nɑ mɑ́ kpɛsɩ mɑ nyɔɔsɩ nɑ mɑ tɑntʋɣʋ nɑ mɑ tǝlɩ tɑmɑɣɑ 
\v 4 kɛ mpʋ, hɑlǝnɑ sɑɑ wei pɑ lɑkɩ tɑɑnɑɣɑ kɔtɑɣɑ tɔ. Ḿpʋ́ɣʋ́ Ɩsɛɣɛlɩ nyǝ́mɑ mpɑ pɑ tǝnɑ pɑ nyɑŋɑɣɑ sɩ Ɩsɔ kɑ́ hɔ mpɑ pɑ lɩɩnɑ Pɑpiloni tɔ pɑ ŋkpɑŋʋɣʋ kɛ pɑ ɩsɑɣɑtʋ tɔɔ tɔ, pɑ kɔmɑ nɑ pɑ́ kotinɑ-m.
\s1 Ɩsǝtǝlɑsɩ sǝlǝmǝnɑʋ kɛ ɑsɑɣɑɑ
\p
\v 5 Ḿpʋ́ɣʋ́ mɑ kʋlɑ tɑɑnɑɣɑ kɔtɑɣɑ wɑɑtʋ nɑ mɑ lɑŋpǝsǝlɛ ńtɛ́, nɑ mɑ tɔɔ nɑ mɑ wontu kʋcǝlǝtʋ ntɩ, nɑ mɑ́ luŋ ɑkulɑ nɑ mɑ́ tɛɣɛ mɑ Ɩsɔ Tɑcɑɑ kɛ niŋ 
\v 6 nɑ mɑ sǝlǝmɩ-ɩ sɩ: Hɑɩ, mɑ Ɩsɔ, mɑ lɑŋlɛ wɑkǝlɑɑ kɛ́, fɛɛlɛ ɩɩ tisiɣi sɩ mɑ́ kʋsɩ mɑ ɩsɛ nɑ mɑ́ nyǝnɩ-ŋ. Hɑɩ, tɑ́ ɩsɑɣɑtʋ kɑɑ huɣule kɛ́ nɑ tǝ́ kɑlǝsǝnɑ ɩsɔtɔnʋɣʋ nɑ tǝ́ liki-tʋ. 
\v 7 Too pǝ kpɑɣɑʋ tɑ́ cɑɑnɑɑ pɔɔlɛ tɑɑ nɑ pǝ́ sɩɩnɑ sɑŋɑ tɔ tǝ lɑpɑ ɩsɑɣɑtʋ sɔsɔɔntʋ kɛ́. Pǝ tɔɔ kɛ́ ɑwulɑɑ kpɑɩ nyǝ́mɑ ŋmɑkǝlɑ tɑ́ nɑ tɑ́ ɑwulɑɑ nɑ tɑ́ kɔtǝlɑɑ nɑ pɑ́ yoonɑ-tʋ nɑ pɑ́ kuu tɑnɑ tɑ́ wontu ɩsɩɩ sɑŋɑ pǝ wɛʋ ɩsǝntɔ tɔ. 
\v 8 Amɑ nɔɔnɔɔ Tɑcɑɑ tɑ́ Ɩsɔ nyɑ́, nyɑ́ hʋlɑ-tʋɣʋ pɛɛlɛɛ kɛ wɛɛ nɑɑlɛ nɑ ń yele sɩ tɑ́ tɑɑ kʋkɑɑsɑɑ ɩ́ mǝlɩ nɑ pɑ́ cɑɣɑ nyɑ́ tɛtʋ tɑɑ nɑ ń cɛ-tʋɣʋ tɑ́ yomle nɑ tɑ́ ɩsɛntɑɑ hɛtɩ nɑ tǝ feesi tǝfʋʋʋ. 
\v 9 Tɑmpɑnɑ tɔɔ, tɩɩ kɛ́ yomɑɑ kɛ́, ɩlɛ tɑ́ Ɩsɔ nyɑ́, n tɑ lɔ-tʋ. Nyɑ́ yelinɑ nɑ Pɛɛsɩ ɑwulɑɑ sɔsɑɑ nɑ tɑ́ pǝtɔɔtǝlɛ nɑ pɑ́ yele sɩ tǝ́ mǝlɩ tɑ́ wule tɑɑ, nɑ tǝ́ kʋsɩ nyɑ́ tǝsɛɛlɛ ncɑɑlɛ nɑ tǝ́ wɛɛnɑ tǝcɔɔsǝlɛ kʋpɑntɛ kɛ Yosɑlɛm nɑ Yutɑ tɑɑ.
\p
\v 10 Tɔʋ, tɑ́ Ɩsɔ, wentiɣi tɩɩ tɑsɑ yɔɣɔtʋɣʋ kɛ tǝnɛ tǝ tɔɔ? Tǝ tɑɑ tɔkɩ nyɑ́ kʋsǝsɩɩtʋ 
\v 11 nti n tɛlǝsɑ-tʋ nɑ nyɑ́ kʋyɔɣɔtʋtʋ tɛlǝsǝlɑɑ nɔɣɔ tɔ. Hɑlɩ n kɑ kpɑɑlɑ-tʋ sɩ tɛtʋ nti tǝ tɑɑ tǝ puki mpʋ tɔ tǝ kɛ́ ɑsilimɑ kɛ́. Tǝ yǝlɑɑ kɛ́ ɑcɑɑlǝŋ kɛ́, ɩlɛnɑ pɑ́ suuli-tǝɣɩ ɑcɑɑlǝtʋ. 
\v 12 Pǝ́cɔ́ tǝ tɑɑ hɑ tɑ́ pɛɛlɑɑ kɛ tɛtʋ ntɩ tǝ yǝlɑɑ piyɑ yɑɑ tǝ́ cɑɑ pɑ pɛɛlɑɑ kɛ tɑ́ pǝyɑlɑɑ. Pǝyele tǝ́ tɑɑ pɛɛkɩ pɑ ɑlɑɑfǝyɑ yɑɑ ɩsǝnɑ pɩɩ cɑɣɑnɑ-wɛ tɔ. Wɑɑtʋ ɩnǝɣɩ tɩɩ pǝsɩ yǝlɑɑ toŋtunɑɑ, nɑ tɛtʋ tǝnɛ tǝ nyǝ́mɑ pǝsɩ tɑ́ nɑ tɑ́ piyɑ tɑ́ nyǝm. 
\v 13 Hɑɩ, Tɑcɑɑ, tɑ́ yɑɑsi ɩsɑɣɑʋ nɑ tɑ́ kɑwɑlɑɣɑ sɔsɑɣɑ kɔnnɑ-tʋɣʋ wɑhɑlɑ ɩnɛ, pɑɑ nɑ mpʋ n tɑ kɛɛsǝnɑ tɑ́ ɩsɑɣɑtʋ nɑ ń fɛlɩ-tʋ. Hɑlɩ tɑɣɑ n kɑɑsɑɑ nɑ n mǝlǝnɑ-tʋɣʋ cǝnɛ. 
\v 14 Ɩlɛ ɩsǝnɑɣɑ tɩɩ tɑɣɑnɩ kisuɣu kɛ nyɑ́ kʋsǝsɩɩtʋ nɑ tɑ́ nɑ ɑcɑɑlǝŋ piitim mpɩ tǝ́ kpɑkǝɣɩ tǝmɑ? Ye tǝ lɑpɑ mpʋ, n kɑɑ mʋ pɑ́ɑ́nɑ́ nɑ n kpiisi-tʋ? 
\v 15 Sɑŋɑ ɩsǝntɔ, kʋpɑntʋ sɔsɔɔntʋ kɛ n lɑpɑ-tʋ, nɑ ń yele sɩ tɑ́ tɑɑ kʋkɑɑsɑɑ ɩ́ wɛɛnɑ weesiŋ. Tǝ sǝŋnɑ ntɛɣɛ nyɑ́ ɩsɛntɑɑ nɑ tɑ́ ɩsɑɣɑtʋ, pǝ́cɔ́ pǝ fɛɩ sɩ ń yele yʋlʋ kɛ mpʋ nɑ ɩ weesuɣu.
\c 10
\s1 Yutɑ nyǝ́mɑ tɔɣɔnʋɣʋ kɛ kpɑɩ ɑlɑɑ
\p
\v 1 Wɑɑtʋ wei Ɩsǝtǝlɑsɩ nɑ́ luŋɑ Ɩsɔ tǝsɛɛlɛ ɩsɛntɑɑ nɑ ɩ́ sǝlǝmǝɣɩ nɑ ɩ́ wiikinɑ Ɩsɔ sɩ ɩ́ wɑɑsɩ-wɛ, ɩlɛnɑ Ɩsɛɣɛlɩ nyǝ́mɑ tuutuumɑ, ɑpɑlɑɑ nɑ ɑlɑɑ nɑ piyɑ pɑ́ kotinɑ-ɩ, nɑ pɑ́ wii tǝkpoo. 
\v 2 Ḿpʋ́ɣʋ́ Ɩlɑm lʋlʋɣʋ tʋ Yehiyɛlɩ pǝyɑlʋ Sekɑniyɑ tɔmɑ Ɩsǝtǝlɑsɩ sɩ: Tǝ pǝntǝnɑ Ɩsɔ kɛ́ sɔsɔm kɛ timpi tǝ kpɑɣɑ ɑlɑɑ kpɑɩ nyǝ́mɑ tɔɣɔ. Pɑɑ nɑ mpʋ tɔ Ɩsɛɣɛlɩ nyǝ́mɑ wɛɛ nɑ pɑ́ tɛɛlǝɣɩ. 
\v 3 Ɩlɛ pǝ wɛɛ sɩ tǝ́ sɩɩ nɔɔsɩ kɛ Ɩsɔ ɩsɛntɑɑ nɑ tǝ́ tɔɣɔnɩ ɑlɑɑ mpɛ pɑ tǝnɑ nɑ pɑ piyɑ. Tɩɩ tǝŋ lɑɣɑtʋ nti nyɑnɑ mpɑ ɩ́ tǝŋǝɣɩ Ɩsɔ kʋsǝsɩɩtʋ kɛ teu tɔ ɩ́ tɑsɑ-tʋ tɔɣɔ. Pǝ wɛɛ sɩ tǝ́ tɔkɩ Ɩsɔ kiiu kɛ́. 
\v 4 Mpʋ tɔ, kʋlɩ nɑ ń tɔkɩ tɔm ntǝɣɩ niŋ nɑɑlɛ. Tɑ sɔɔlʋ pɩɩwɑ sɩ tɩɩ wɛɛ nyɑ́ wɑɑlɩ, tɑɑ lɑ sikɑ.
\p
\v 5 Ḿpʋ́ɣʋ́ Ɩsǝtǝlɑsɩ kʋlɑɑ nɑ ɩ́ tɔ kɔtǝlɑɑ nyʋɣʋ nyǝ́mɑ nɑ Lefii nyǝ́mɑ nɑ Ɩsɛɣɛlɩ nyǝ́mɑ tǝnɑ sɩ: Ɩ́ sɩɩ nɔɔsɩ sɩ ɩ́ kɑ́ tǝŋ nti Sekɑniyɑ yɔɣɔtɑɑ tɔ. Ɩlɛnɑ pɑ tǝnɑ pɑ́ sɩɩ mpʋ. 
\v 6 Ḿpʋ́ɣʋ́ Ɩsǝtǝlɑsɩ kʋlɑ Ɩsɔ tǝsɛɛlɛ kɑtɑɣɑ tɑɑ nɑ ɩ́ polo Ɩliyɑsipɩ pǝyɑlʋ Yohɑnɑŋ tɛ nɑ ɩ́ cɑɣɑ. Ɩ lɑŋlɛ wɑkǝlǝnɑ ɩ tɑɑpɑlɑɑ ɩsɑɣɑtʋ sɔsɔɔntʋ kɛ kɑtɑtǝlɑɣɑ, hɑlǝnɑ ɩ́ kisi tɔɣɔnɑɣɑ nɑ lʋm.
\p
\v 7 Ɩlɛnɑ pɑ́ heeli Yosɑlɛm nɑ Yutɑ tɛtʋ tǝnɑ tɑɑ sɩ mpɑ pɑ lɩɩnɑ Pɑpiloni tɔ, pɑ́ koti Yosɑlɛm. 
\v 8 Ye kʋyɛɛŋ tooso tɛɛwɑ nɑ nɔɣɔlʋ tɑ polo ɩsɩɩ nyʋɣʋ nyǝ́mɑ nɑ sɔsɑɑ pɑ sɩɩʋ tɔ, ɩsɩɩ pɑ lɛɛkɑ pʋntʋ wɛnɑʋ tǝnɑ nɑ pɑ́ lǝsɩ-ɩ lɛlɑɑ tɑɑ.
\p
\v 9 Kʋyɛɛŋ tooso ɩnɩ ɩ tɑɑ kɛ́ Yutɑ nɑ Pɛncɑmɛɛ ɑpɑlɑɑ polɑ Yosɑlɛm kɛ ɩsɔtʋ pɔɣɔlɑɣɑfɛɩ nyǝŋ kʋyɑkʋ hiu nyǝŋkʋ wule, nɑ pɑ́ koti Ɩsɔ tǝsɛɛlɛ kɑtɑɣɑ tɑɑ nɑ pɑ tǝnɑ pɑ́ seliɣi tɔm ntɩ tǝ tɔɔ. Pǝ́cɔ́ pǝ kɑɑsɩ tɛʋ tɔŋɑ nɩɩʋ tɔtɔ. 
\v 10 Mpʋɣʋlɛ Ɩsǝtǝlɑsɩ kʋlɑɑ nɑ ɩ́ tɔ-wɛ sɩ: Ɩsɛɣɛlɩ nyǝ́mɑ mɛ, ɩ́ kpɑɣɑʋ kpɑɩ ɑlɑɑ mpɛ tɔ, ɩ́ lɑpɑ ɩsɑɣɑtʋ sɔsɔɔntʋ kɛ́. Ɩsɑɣɑtʋ kɛ ɩ́ sɔɔsǝɣɩ tɑ́ yǝlɑɑ nyǝntʋ tɔɔ. 
\v 11 Pǝnɛntɛ pǝ wɛɛ sɩ pɑɑ wei ɩ́ nɑ́ kɑwɑlɑɣɑ ŋkɑ ɩ lɑpɑ tɑ́ cɔsɔnɑɑ Ɩsɔ Tɑcɑɑ tɔ, nɑ ɩ́ tɔkɩ ɩ luɣu nyǝntʋ nɑ mǝnɑ tɛtʋ tǝnɛ tǝ nyǝ́mɑ ɩ́ tɑɑ kɑɑ pʋlʋ, nɑ ɩ́ kisi mǝ ɑlɑɑ mpɛ.
\p
\v 12 Ntɛnɑ kotilɑɑ tǝnɑ kpɛntɩ nɑ pɑ́ yɔɣɔtǝnɑ nɔɣɔ sɔsɑɣɑ sɩ: Tɑmpɑnɑ kɛ n yɔɣɔtɑɑ, tɩɩ lɑ ɩsɩɩ n yɔɣɔtʋɣʋ tɔ. 
\v 13 Pǝyele tǝ wɛ pɑɣɑlɛ, ɑnɩ pǝ kɛ́ yolumɑ ntɔ, pǝ fɛɩ sɩ tǝ́ sǝŋ ḿpʋ́ɣʋ́ ɑwɑlɩ. Pǝ kɑɑsɩ ɩlɛ pǝ tɑɣɑ kʋyɑkʋ kʋlʋmʋɣʋ yɑɑ nɑɑlɛ tɑɑ kɛ́ tɑ́ tɔm kɑ́ tɑɣɑnɩ. Mpi tɔ, tɑ́ pɑɣɑlɛ wɛnnɑ tǝ tɑɑ. 
\v 14 Mpʋ tɔ, tɑ́ nyʋɣʋ nyǝ́mɑ ɩ́ sǝŋnɑ Ɩsɛɣɛlɩ nyǝ́mɑ tǝnɑ nɔɣɔ nɑ pɑ́ sɩɩ mpɑ pɑ kpɑɣɑ kpɑɩ ɑlɑɑ mpɛ tɔɣɔ kʋyɑkʋ ŋku pɑɑ polo pɑ́ nɑ pɑ ɑcɑlɛɛ sɔsɑɑ nɑ pǝ hʋʋlɑɑ pɑ kiŋ tɔ. Ɩlɛnɑ tǝ́ pɑɑsǝnɑ tɔm ntɩ, hɑlǝnɑ Tɑcɑɑ hɛɛsɩ ɩ pɑ́ɑ́nɑ́ sɔsɔɔnɑ kɛ tɑ́ tɔɔ.
\p
\v 15 Ḿpʋ́ɣʋ́ pɑ tǝnɑ pɑ mʋ tɔm ntɩ. Amɑ Asɑyɛɛlɩ pǝyɑlʋ Yonɑtɑŋ nɑ Tikifɑ pǝyɑlʋ Yɑsiyɑ pɑ kisinɑ. Ɩlɛnɑ Mesulɑm nɑ Lefii tʋ Sɑpetɑyi pɑ́ sɛɛnɑ pɑ tɔɔ. 
\v 16 Pɑ tǝnɑ mpɑ pɑ lɩɩnɑ Pɑpiloni tɔ pɑ mʋ-tǝɣɩ mpʋ, ɩlɛnɑ kɔtʋlʋ Ɩsǝtǝlɑsɩ lǝsɩ pɑɑ lʋlʋɣʋ ŋku kʋ tɑɑ kɛ́ nyɔɔŋ nyǝ́mɑ, nɑ mpɛ ɩnɩ pɑ́ cɑɣɑ ɩsɔtʋ nɑɑnʋwɑ nyǝŋ kʋyɑkʋ kɑncɑɑlɑɣɑ nyǝŋkʋ wule sɩ pɑ tɑɣɑnǝɣɩ tɔm ntɩ tǝ tǝnɑ. 
\v 17 Ḿpʋ́ɣʋ́ pɑ tɛmɑ kpɑɩ ɑlɑɑ mpɛ pɑ tɔm hʋʋʋ kɛ pǝnɑɣɑ nɑɑlɛ nyǝŋkɑ ɩsɔtʋ kɑncɑɑlɑɣɑ nyǝŋ kʋyɑkʋ kɑncɑɑlɑɣɑ nyǝŋkʋ wule.
\s1 Yutɑ nyǝ́mɑ mpɑ pɑ kpɑɣɑ kpɑɩ ɑlɑɑ tɔ pɑ hǝlɑ
\p
\v 18 Kɔtǝlɑɑ mpɑ pɑ kpɑɣɑ cefelinɑɑ tɔɣɔlɛ Yesuwɑ lʋlʋɣʋ nyǝ́mɑ nɑ ɩ newɑɑ, Yosɑtɑkɩ pǝyɑlɑɑ, Mɑɑseyɑ, nɑ Ɩliyesɛɛ, nɑ Yɑlipɩ, nɑ Ketɑliyɑ. 
\v 19 Ḿpʋ́ɣʋ́ pɑ tisɑɑ nɑ pɑ́ kisi pɑ ɑlɑɑ mpɛ nɑ pɑ́ lɑ́ Ɩsɔ kɔtɑɣɑ kɛ ɩwɑɑʋ nɑ Ɩsɔ hɩɩsɩ pɑ ɩsɑɣɑtʋ.
\m
\v 20 Ɩmɛɛ lʋlʋɣʋ nyǝ́mɑ Hɑnɑni, nɑ Sepɑtiyɑ,
\m
\v 21 nɑ Hɑlim lʋlʋɣʋ nyǝ́mɑ Mɑɑseyɑ, Ɩliyɑ, nɑ Semɑyɑ, nɑ Yehiyɛlɩ, nɑ Usiyɑ,
\m
\v 22 nɑ Pɑsehuu lʋlʋɣʋ nyǝ́mɑ Ɩliyohenɑyi, nɑ Mɑɑseyɑ, nɑ Ɩsǝmɑyɛlɩ, nɑ Netɑneyɛlɩ, nɑ Yosɑpɑtɩ, nɑ Ɩlɑsɑɑ.
\p
\v 23 Lefii nyǝ́mɑ tɑɑ kɑ wɛ Yosɑpɑtɩ, nɑ Simeyi, nɑ Kelɑyɑ wei pɑ yɑɑ tɔtɔ sɩ Kelitɑ tɔ, nɑ Petɑhiyɑ, nɑ Yehutɑ nɑ Ɩliyesɛɛ.
\p
\v 24 Yonyoolɑɑ tɑɑ kɛ́ Ɩliyɑsipɩ. Nɔnɔɔsɩ tɑŋlɑɑ tɑɑ kɛ́ Sɑlum, nɑ Telɛm, nɑ Ulii.
\p
\v 25 Ɩsɛɣɛlɩ nyǝ́mɑ lɛlɑɑ tɑɑ kɑ wɛ Pɑlɔsɩ lʋlʋɣʋ nyǝ́mɑ, Lɑmiyɑ, nɑ Ɩsiyɑ, nɑ Mɑlǝkiyɑ, nɑ Miyɑmɛŋ, nɑ Ɩlɑsɑɑ, nɑ Mɑlǝkiyɑ, nɑ Penɑyɑ,
\m
\v 26 nɑ Ɩlɑm lʋlʋɣʋ nyǝ́mɑ, Mɑtɑniyɑ, nɑ Sɑkɑlɩ, nɑ Yehiyɛlɩ, nɑ Apǝti, nɑ Yelemɔtɩ, nɑ Ɩliyɑ,
\m
\v 27 nɑ Sɑtu lʋlʋɣʋ nyǝ́mɑ, Ɩliyohenɑyi, nɑ Ɩliyɑsipɩ, nɑ Mɑtɑniyɑ, nɑ Yelomɔtɩ, nɑ Sɑpɑtɩ, nɑ Asisɑ,
\m
\v 28 nɑ Pepɑyi lʋlʋɣʋ nyǝ́mɑ, Yohɑnɑŋ, nɑ Hɑnɑniyɑ, nɑ Sɑpɑyi, nɑ Atǝlɑyi,
\m
\v 29 nɑ Pɑni lʋlʋɣʋ nyǝ́mɑ, Mesulɑm, nɑ Mɑlukɩ, nɑ Atɑyɑ, nɑ Yɑsupi, nɑ Seyɑlɩ, nɑ Yelemɔtɩ,
\m
\v 30 nɑ Pɑhɑtɩ-Mowɑpʋ lʋlʋɣʋ nyǝ́mɑ, Atǝnɑ, nɑ Kelɑlɩ, nɑ Penɑyɑ, nɑ Mɑɑseyɑ, nɑ Mɑtɑniyɑ, nɑ Pǝsɑlɛlɩ, nɑ Pinuwi, nɑ Mɑnɑsee,
\m
\v 31 nɑ Hɑlim lʋlʋɣʋ nyǝ́mɑ, Ɩliyesɛɛ, nɑ Ɩsiyɑ, nɑ Mɑlǝkiyɑ, nɑ Semɑyɑ, nɑ Simoŋ,
\m
\v 32 nɑ Pɛncɑmɛɛ, nɑ Mɑlukɩ, nɑ Semɑliyɑ,
\m
\v 33 nɑ Hɑsum lʋlʋɣʋ nyǝ́mɑ, Mɑtenɑyi, nɑ Mɑtɑtɑ, nɑ Sɑpɑtɩ, nɑ Ɩlifelɛtɩ, nɑ Yelemɑyi, nɑ Mɑnɑsee, nɑ Simeyi,
\m
\v 34 nɑ Pɑni lʋlʋɣʋ nyǝ́mɑ, Mɑɑtɑyi, nɑ Amǝlɑm, nɑ Uwɛlɩ, 
\v 35 nɑ Penɑyɑ, nɑ Petiyɑ, nɑ Keluhu, 
\v 36 nɑ Fɑniyɑ, nɑ Melemɔtɩ, nɑ Ɩliyɑsipɩ, 
\v 37 nɑ Mɑtɑniyɑ, nɑ Mɑtenɑyi, nɑ Yɑsɑyi, 
\v 38 nɑ Pɑni, nɑ Pinuwi, nɑ Simeyi, 
\v 39 nɑ Selemiyɑ, nɑ Nɑtɑŋ, nɑ Atɑyɑ, 
\v 40 nɑ Mɑkǝnɑtepɑyi, nɑ Sɑsɑyi, Sɑlɑyi, 
\v 41 nɑ Asɑlɛlɩ, nɑ Selemiyɑ, nɑ Semɑliyɑ, 
\v 42 nɑ Sɑlum, nɑ Amɑliyɑ, nɑ Yosɛɛfʋ,
\m
\v 43 nɑ Nepo lʋlʋɣʋ nyǝ́mɑ, Yeiyɛlɩ, nɑ Mɑtɑtiyɑ, nɑ Sɑpɑtɩ nɑ Sepinɑ, nɑ Yɑtɑyi, nɑ Sowɛɛlɩ, nɑ Penɑyɑ.
\p
\v 44 Pɑnɛ ɩnɩ pɑ tǝnɑ pɑ kpɑɣɑnɑ ɑlɑɑ kpɑɩ nyǝ́mɑ, hɑlɩ pɑ tɑɑ lɛlɑɑ nɑ lʋlɑ piyɑ.