\id 3JN - Lokpa Bible portions [dop] -Benin 1999 (web edition -2017)
\ide UTF-8
\h Yohɑɑnɩ III
\toc1 TAKƎLAƔA TOOSO NYƎŊKA ŊKA YOHAANƖ NMAAWA TƆ
\toc2 Yohɑɑnɩ III
\toc3 Yoh III
\mt2 TAKƎLAƔA TOOSO NYƎŊKA ŊKA
\mt1 YOHAANƖ
\mt2 NMAAWA TƆ
\imt1 Kʋtʋlʋtʋ
\ip Apɑlɑɑ mpɑ pɑ yɑɑ sɩ Kɑyusi nɑ Temetiyusi tɔɣɔ Yohɑɑnɩ ŋmɑɑ ɩ tɑkǝlɑɣɑ kɑnɛ. Amɑ tǝ tɑ nyɩ pɑ tɔm kɛ teu. Nti Yohɑɑnɩ yɔɣɔtɑ pɑ tɔɔ tɔɣɔlɛ sɩ pɑ tɔŋ tɑmpɑnɑ tɑɑ. Ɩlɛnɑ ɩ́ kɛɛsǝɣɩ-tʋɣʋ ɑpɑlʋ wei pɑ yɑɑ sɩ Tiyotǝlɛfɩ tɔ ɩ tɔm sɩ ɩ kɛ́ ɩsɑɣɑʋ.
\iot Ɩsǝnɑ pɑ fɑɣɑ Yohɑɑnɩ III tɑkǝlɑɣɑ tɔ:
\io1 Yohɑɑnɩ lǝsǝɣɩ Kɑyusi ɑseetɑ, 1-8
\io1 Tiyotǝlɛfɩ tɔntɛ ɩsɑɣɑlɛ, 9-10
\io1 Temetiyusi tɔntɛ kʋpɑntɛ, 11-12
\io1 Sɛɛtʋ, 13-15
\c 1
\s1 Sɛɛtʋ
\p
\v 1 Sɔsɔ mɑ́, mɑ ŋmɑɑkǝnɑ tɑkǝlɑɣɑ kɑnɛɣɛ mɑ yʋlʋ kʋpɑŋ Kɑyusi. Mɑ sɔɔlɑ-ŋ sɔsɔm kɛ́.
\p
\v 2 Mɑ tɑɑpɑlʋ kʋpɑŋ, mɑ koolee ntɛ́ sɩ ń cɑɣɑnɑ nyɑ́ tɩ, nɑ pǝ́ hɑ-ŋ tɔnʋɣʋ tɑɑ ɑlɑɑfǝyɑ ɩsɩɩ nyɑ́ lǝsɑɣɑ wɛʋ ɑlɑɑfǝyɑ tɔ. 
\v 3 Tɑ tɑɑpɑlɑɑ tɑlɑ cǝnɛ ɩlɛnɑ pɑ́ heeli-m sɩ ń tɔkɑ tɑmpɑnɑ kɛ́ pǝ tɩɩ fɛɩ, ɩsɩɩ tuu lɔŋ n kɑ tɩɩ tɔkʋɣʋ-yɛ tɔ, ɩlɛnɑ mɑ lɑŋlɛ hʋlʋmɩ sɔsɔm. 
\v 4 Ɩsɩɩ mɑ nɩɩkʋɣʋ sɩ mɑ piyɑ tǝŋǝɣɩ tɑmpɑnɑ tɔ pǝ wɛ-m leleŋ kɛ́ pǝ tɩɩ fɛɩ.
\s1 Kɑyusi kʋpɑntʋ
\p
\v 5 Mɑ tɑɑpɑlʋ kʋpɑŋ, pɑɑsǝnɑʋ mpi ń pɑɑsǝnɑ tɑ́ tɑɑpɑlɑɑ hɑlǝnɑ pǝ́ kpɛŋnɑ mʋʋlɑɑ mɑɣɑmɑɣɑ tɔ n kɛ́ yʋlʋ kʋpɑŋ kɛ́. 
\v 6 Yǝlɑɑ pɑnɛ pɑ pʋɣʋlɑ nyɑ́ sɔɔlʋɣʋ tɔm kɛ Yesu sɛɛlɑɑ tǝnɑ ɩsɛntɑɑ. Hɑɩ, mɑ wiikinɑ-ŋ sɩ ń nyǝnɩ Ɩsɔ nɑ ń sǝnɑ-wɛɣɛ pɑ mpɑɑʋ tɔm tɑɑ. 
\v 7 Kilisiti tǝmlɛ lɑpʋ tɔɔ kɛ́ pɑ tʋ mpɑɑʋ, pɑ tɑ tisi sɩ mpɑ pɑ tɑ nyɩ Ɩsɔ tɔ pɑ́ sǝnɑ-wɛ. 
\v 8 Pǝ mʋnɑ Kilisiti tǝŋlɑɑ tɑ tɑɑ tɔkǝnɑ yǝlɑɑ ɩsɩɩ pɑnɛ ɩnɩ pɑ tɑkɑnɑɑ, nɑ tǝ́ tʋ-wɛɣɛ niŋ kɛ tɑmpɑnɑ tǝmlɛ nte pɑ lɑkɩ tɔ tǝ tɑɑ.
\s1 Tiyotǝlɛfɩ nɑ Temetiyusi pɑ tɔm
\p
\v 9 Mɑ ŋmɑɑ Yesu sɛɛlɑɑ kpekǝle kɛ tɑkiliyɑ tǝnyǝʋ, nɑ Tiyotǝlɛfɩ wei ɩ pɛɛkǝɣɩ sɩ pɑ nyǝnǝɣɩ-ɩ pɑ sɔsɔ tɔ ɩ́ kisi sɩ ɩnɩ ɩ kɑɑ mʋ mɑ tɔm. 
\v 10 Pǝ tɔɔ kɛ́ ye mɑ kɔmɑ nɑ mɑ́ kɔɔ mɑɑ kuli ɩsɑɣɑtɔm nɑ pɔpɔtʋ tɔm nti ɩ suu-tʋ tɔ tǝ tɔɔ nɑ ɩ́ nɩɩ. Ɩ tɑ yele ɩ nyǝŋ ɩnɩ se. Tɑ tɑɑpɑlɑɑ mpɑ pɑ kɔŋ tǝnɑ tɔ ɩɩ mʋɣʋ-wɛ. Hɑlǝnɑ ye mpɑ pɑ cɑɑkɩ sɩ pɑ mʋ-wɛ, ɩ kɑlǝɣǝnɑ-wɛɣɛ nɑ ɩ́ nyɑɑsɩ-wɛ nɑ Yesu sɛɛlɑɑ kpekǝle tɑɑ tɔɣɔnʋɣʋ.
\p
\v 11 Mɑ tɑɑpɑlʋ kʋpɑŋ, tɑɑ kɛɛnɑ ɩsɑɣɑlɑtʋ. Amɑ kɛɛnɑ kʋpɑntʋ lɑtʋ nɑ ń lɑkɩ. Ɩsɔ tǝnnɑ kʋpɑntʋ lɑtʋ. Ye wei ɩɩ lɑkɩ kʋpɑntʋ, pʋntʋ tɑ nyɩ Ɩsɔ kɛ́ pɑɑ pǝcɔɣɔ.
\p
\v 12 Yǝlɑɑ tǝnɑ pʋɣʋlǝɣɩ Temetiyusi kʋpɑntʋ kɛ́, nɑ ɩ tɑmpɑnɑ mɑɣɑmɑɣɑ nɑ́ lǝsǝɣɩ ɩ nyɩɩlʋɣʋ tɔtɔ. Ɩnǝɣɩ tɑ́ tɔtɔ tǝ kuliɣi kɑhukɑ kɛ ɩ kʋpɑntʋ tɔɔ, nɑ n nyǝmɑ́ teu sɩ tɑɑ yɔɣɔtɑ nti, ḿpʋ́ɣʋ́ pǝ wɛɛ.
\s1 Tǝnɑɣɑ sɛɛtʋ
\p
\v 13 Tɔm nti mɑ wɛnɑ sɩ mɑ heeliɣi-ŋ tɔ tǝ tɔɔwɑɣɑ, ɩlɛ mɑ kɑɑ nɔkɩ nɑ mɑ́ ŋmɑɑ-tǝɣɩ kʋŋmɑɑ kɛ tɑkǝlɑɣɑ tɑɑ nɑ ŋmɑɑlɑɣɑ. 
\v 14 Amɑ mɑ nyɩɩlǝɣɩ sɩ mɑɑ kɔɔ nɑ mɑ́ nɑ-ŋ nɔɔnɔɔ nɑ tǝ́ cɑɣɑ nɑ tǝ́ yɔɣɔtɩ.
\p
\v 15 Ɩsɔ ɩ́ hɑ-ŋ ɑlɑɑfǝyɑ, nyɑ́ tɑɑpɑlɑɑ sɛɛkɩ-ŋ.
\p Sɛɛ pɑɑ tɑ tɑɑpɑlʋ wei.