\id 1TH - Lokpa Bible portions [dop] -Benin 1999 (web edition -2017)
\ide UTF-8
\h Tɛsɑlonikɩ I
\toc1 TAKƎLAƔA KANCAALAƔA NYƎŊKA ŊKA PƆƆLƖ NMAAWA TƐSALONIKƖ NYƎ́MA TƆ
\toc2 Tɛsɑlonikɩ I
\toc3 Tɛs I
\mt2 TAKƎLAƔA KANCAALAƔA NYƎŊKA ŊKA PƆƆLƖ NMAAWA
\mt1 TƐSALONIKƖ
\mt2 NYƎ́MA TƆ
\imt1 Kʋtʋlʋtʋ
\ip Pɔɔlɩ wɑɑsʋ yɛlǝnɑʋ wɑɑtʋ kɛ Ɩsɔ sɛɛlɑɑ lɩɩwɑ Tɛsɑlonikɩ ɩcɑtɛ tɑɑ. Amɑ ɩ mɑɣɑmɑɣɑ ɩ tɑ cɑɣɑ tǝnɑ nɑ pǝ tɑɑŋɩ kɛ́. Yutɑ Ɩsɔ sɛɛlɑɑ kpekǝle nɑtǝlɩ tǝ yelɑɑ nɑ ɩ́ kʋlɩ nɑ ɩ́ tɛɛnɑ Kɔlɛntɩ ɩcɑtɛ tɑɑ. Tǝnɑɣɑ ɩ tɑɑpɑlʋ Timotee polɑɑ nɑ ɩ́ kɛɛsɩ-ɩ Tɛsɑlonikɩ nyǝ́mɑ tɔm. Ɩ nɩɩwɑ mpʋ ɩlɛnɑ ɩ ɑpɑlʋtʋ kpɑ. Hɑlǝnɑ ɩ́ sɑ Ɩsɔ kɛ́ pǝ tɔɔ. Pɔɔlɩ mɑɣɑmɑɣɑ nyɩɩlɑ teu ɩsɩɩ ɩ́ nɑ́ Tɛsɑlonikɩ nyǝ́mɑ. Ɩ tɑsɑ-wɛɣɛ ɑpɑlʋtʋ sɩ pɑ́ kɑntǝlɩ nɑ pɑ pɩɩkɩ Ɩsɔ sɛɛʋ tɑɑ. Pɔɔlɩ cɔwɑ tɔm nti Tɛsɑlonikɩ nyǝ́mɑ kɑ pɔɔsɑ-ɩ sǝtɑɑ fem tɔɔ nɑ Kilisiti mǝlʋɣʋ tɔm tɔɔ tɔtɔ tɔ. Ɩ tɔmɑ sɩ pɑɑ nɔɣɔlʋ tɑ nyɩ Yesu mǝlʋɣʋ kʋyɑkʋ nɑ pǝ wɑɑtʋ tɔ, pǝ wɛɛ kɛ́ sɩ tɑ sɔɔlʋ ɩ́ pɩɩ nɑ tǝ́ tɑŋɑɑ.
\iot Ɩsǝnɑ pɑ fɑɣɑ Tɛsɑlonikɩ I tɑkǝlɑɣɑ tɔ:
\io1 Ɩsɔ sɑmtʋ nɑ sɛɛtʋ, titite \ior 1:1–3:13\ior*
\io1 Ɩ tɑsǝɣɩ-wɛɣɛ lɑɣɑtʋ sɩ pɑ́ pɩɩkɩ Ɩsɔ sɛɛʋ tɑɑ, titite \ior 4:1-12\ior*
\io1 Kilisiti mǝlʋɣʋ tɔɔ lɑɣɑtʋ tɑsʋɣʋ, titite \ior 4:13–5:11\ior*
\io1 Kɑntǝkɑɣɑ kʋtʋtʋtʋ nɑ sɛɛtʋ, titite \ior 5:12-28\ior*
\c 1
\s1 Sɛɛtʋ
\p
\v 1 Tɑɣɑ Pɔɔlɩ nɑ Silɑɑsɩ nɑ Timotee.
\p Tɑ́ ŋmɑɑkǝnɑ tɑkǝlɑɣɑ kɑnɛɣɛ Tɛsɑlonikɩ Yesu sɛɛlɑɑ kpekǝle nyǝ́mɑ mɛ mpɑ ɩ́ kɛ́ Tɑcɑɑ Ɩsɔ nɑ tɑ́ Sɔsɔ Yesu Kilisiti pɑ nyǝ́mɑ tɔ. Ɩsɔ nɑ Yesu Kilisiti pɑ́ hʋ́lɩ́-mɛɣɛ pɛɛlɛɛ nɑ pɑ́ hɑ-mɛɣɛ ɑlɑɑfǝyɑ.
\s1 Tɛsɑlonikɩ nyǝ́mɑ Ɩsɔsɛɛlɛ teu
\p
\v 2 Tɑm tǝ sɛɛkɩ Ɩsɔ sɩ ɩ́ nɑ tǝmlɛ kɛ mǝ tǝnɑ mǝ tɔɔ, nɑ tǝ́ sǝlǝmǝɣǝnɑ-mɛɣɛ tɑm tɔtɔ. 
\v 3 Nɑ tɑm ye tǝ sǝŋɑ Tɑcɑɑ Ɩsɔ ɩsɛntɑɑ tǝ tɔɔsǝɣɩ ɩsǝnɑ ɩ́ lɑpɑ tǝmɑ kɛ mǝ Ɩsɔ mpɑɑʋ tɑɑ tɔ, nɑ ɩsǝnɑ mǝ tǝmɑ sɔɔlʋɣʋ sʋsɑ-mɛɣɛ lʋpʋ sɔsɔɔm tɑɑ tɔ, nɑ ɩsǝnɑ mǝ tɛɛlʋɣʋ kɛ Tɑcɑɑ Yesu Kilisiti kiŋ tɑ pɑsɑ pɑɑ pǝcɔ tɔ. 
\v 4 Tɑ́ tɑɑpɑlɑɑ mɛ, tǝ nyǝmɑ́ sɩ Ɩsɔ sɔɔlɑ-mɛ nɑ ɩ́ lǝsɩ-mɛ sɩ ɩ́ pǝsɩ ɩ nyǝ́mɑ. 
\v 5 Pǝ tɑɣɑ pʋlʋ tɔɔ, tǝ tɑ heeli-mɛɣɛ Lɑɑpɑɑlɩ Kʋpɑŋ nɑ nɔɣɔ tɑɑ tɔm tike. Amɑ nɑ tomɑ nɑ Feesuɣu Nɑŋŋtʋ toŋ tɑɑ kɛ́ tǝ heelinɑ-mɛɣɛ-ɩ. Nɑ tǝ tɛmɑ tɑ́ tɑɑ kɛ́ teu sɩ tɔm tǝnɛ tǝ kɛ́ tɑmpɑnɑ nyǝntʋ. Mǝ mɑɣɑmɑɣɑ ɩ́ nyǝmɑ́ ɩsǝnɑ tǝ tɔmɑ mǝ hɛkʋ sɩ pǝ́ sǝnɑ-mɛ tɔ. 
\v 6 Ɩ́ tǝŋɑ tɑ́ nɑ Tɑcɑɑ tɑ́ ɩkpɑtɛ, nɑ ɩ́ nɑ́ kʋnyɔntɔɣɔlɛ sɔsɔɔlɛ, pɑɑ nɑ mpʋ ɩ́ mʋ Ɩsɔ Tɔm nɑ lɑŋhʋlʋmlɛ sɔsɔɔlɛ nte Feesuɣu Nɑŋŋtʋ kɔŋnɑ tɔ. 
\v 7 Hɑlǝnɑ mǝ yɑɑsi hʋlɑ Mɑsetoni nɑ Akɑyi Ɩsɔ sɛɛlɑɑ tǝnɑɣɑ ɩsǝnɑ pɑɑ lɑ nɑ pɑ́ te tɔ. 
\v 8 Nɑ pǝ tɑɣɑ Mɑsetoni nɑ Akɑyi pɑ tɛtʋnɑɑ tɑɑ tike kɛ Tɑcɑɑ tɔm nɩɩ mǝ tɔɔ. Amɑ pɑɑ timpi pǝ nɩɩwɑ ɩsǝnɑ ɩ́ mʋ Ɩsɔ Tɔm tɔ nɑ pɑ́ yɔɣɔtǝɣɩ pǝ tɔm. Hɑlɩ pǝ fɛɩ sɩ tɩɩ nɔkɩ nɑ tǝ́ tɑsɑ nɔɣɔlʋɣʋ mǝ tɔm heeluɣu. 
\v 9 Pɑɑ wei ɩ kɛɛsǝɣɩ ɩsǝnɑ tɩɩ polɑ mǝ tɛ nɑ ɩ́ mʋ-tʋ tɔ, nɑ ɩsǝnɑ ɩ́ lɔ tɩɩŋ tɔm nɑ ɩ́ mǝlǝnɑ Ɩsɔ tɔɔ sɩ ɩ́ lɑkɩ tɑmpɑnɑ Ɩsɔ weesuɣu tʋ tǝmlɛ, 
\v 10 nɑ ɩ́ tɑŋ sɩ ɩ Pǝyɑɣɑ Yesu wei ɩ kɑ feesɑ sǝtɑɑ tɑɑ tɔ ɩ́ lɩɩnɑ ɩsɔtɑɑ nɑ ɩ́ kɔɔ. Ɩ Pǝyɑɣɑ ŋkɛ kɑɑ yɑnɑ-tʋɣʋ cele kɛ Ɩsɔ pɑ́ɑ́nɑ́ tɑɑ.
\c 2
\s1 Tǝmlɛ nte Pɔɔlɩ lɑpɑ Tɛsɑlonikɩ tɔ
\p
\v 1 Tɑ́ tɑɑpɑlɑɑ mɛ, mǝ mɑɣɑmɑɣɑ ɩ́ nyǝmɑ́ sɩ wɑɑtʋ wei tǝ kɔmɑ mǝ kiŋ tɔ tǝ tɑ lɩɩ yem. 
\v 2 Ɩsɩɩ ɩ́ tɛmɑ nyǝm tɔ pɑ tɛmɑ-tʋɣʋ nyɑŋ lɑpʋ nɑ kʋtʋɣʋ kɛ Filipʋ kɛ́ nɑ pǝ́cɔ́ tǝ́ tɑkɩ mǝ tɛ Tɛsɑlonikɩ. Amɑ Ɩsɔ hɑ-tʋɣʋ ɑpɑlʋtʋ sɩ tǝ́ heeli-mɛɣɛ ɩ Lɑɑpɑɑlɩ Kʋpɑŋ, pɑɑ kɑɣɑtʋɣʋ tɔɔ ɩsǝnɑ. 
\v 3 Pǝ tǝnɑ mpi tǝ sɛɣɛsǝɣɩ yǝlɑɑ sɩ pɑ́ lɑ tɔ pǝntʋɣʋ fɛɩ pǝ tɑɑ yɑɑ hʋwɛɛ ɑsɑɣɛɛ nɑɑlɩ, nɑ tɩɩ pɛɛkǝɣɩ sɩ tǝ́ puɣusi nɔɣɔlʋ. 
\v 4 Amɑ tǝ yɔɣɔtǝɣɩ pǝ tǝnɑɣɑ teitei kɛ́ ɩsɩɩ Ɩsɔ cɑɑkɩ tɔ, pǝ tɑɣɑ pʋlʋ tɔɔ, Ɩsɔ ɩnɩ ɩ sɑmɑ-tʋ nɑ ɩ́ cɛlɑ-tʋɣʋ ɩ Lɑɑpɑɑlɩ Kʋpɑŋ sɩ tǝ́ heeli. Ɩlɛ pǝ tɑɣɑ yǝlɑɑ lɑŋhɛɛlɛ kɛ tǝ́ pɛɛkǝɣɩ nɑ tǝ́ lɑkɩ mpʋ. Amɑ Ɩsɔ wei ɩ wiiliɣi tɑ́ lotunɑɑ tɑɑ nɑ ɩ́ nɑɑ tɑ́ tɑɑ hʋwɛɛ tɔ ɩ lɑŋhɛɛlɛ kɛ tǝ pɛɛkǝɣɩ. 
\v 5 Mǝ mɑɣɑmɑɣɑ ɩ́ nyǝmɑ́ teu sɩ tǝ tɑ mɑ-mɛɣɛ nɔɣɔ tɑɑ kɛ́ tiiliɣi pɑɑ pǝcɔ mɑɣɑmɑɣɑ, nɑ tǝ tɑ lɑ liɣitee kɔtɔɩ kɛ tiili nɑ tǝ́ puɣusi-mɛ. Nɑ Ɩsɔ mɑɣɑmɑɣɑ nɑ́ nɑ́ pǝ tǝnɑɣɑ mpʋ. 
\v 6 Tǝ tɑ pɛɛkɩ yǝlɑɑ ɩsɑntɛ, pɑɑ mǝ mɑɣɑmɑɣɑ mǝ kiŋ yɑɑ nɔɣɔlʋ ɩ kiŋ. 
\v 7 Pǝcɔ tǝ kɛʋ Kilisiti tillɑɑ ɩsǝntɔ tɔ, ye tɩɩ nɔkɑɑ tɩɩ ŋmɑkǝlɑ-mɛ nɑ ɩ́ lɑ́ ɩsǝnɑ tǝ cɑɑ tɔ. Amɑ tǝ cɑɣɑ mǝ hɛkʋ nɑ suulu nɑ tǝ́ lɑkɩ-mɛ tǝpɑmm ɩsɩɩ ɑsɔnʋɣʋ lɑkʋɣʋ kʋ pǝyɑɣɑ tɔ. 
\v 8 Tǝ sɔɔlɑ-mɛɣɛ kɑtɑtǝlɑɣɑ kɛ́, hɑlǝnɑ tǝ tɛm-mɛɣɛ Lɑɑpɑɑlɩ Kʋpɑŋ kɛ heeluɣu tɔ, ye pɑɑ tɔmɑ sɩ tǝ́ lǝsɩ tɑ́ weesiŋ mɑɣɑmɑɣɑ nɑ tǝ́ tʋ-mɛ, tɩɩ lǝsɑɑ. Pɔpɔtʋ fɛɩ, tɑ́ luuŋ sʋʋ-mɛɣɛ teu kɛ́. 
\v 9 Tɑ́ tɑɑpɑlɑɑ, ntɔŋ ɩ́ tɔɔsɑ ɩsǝnɑ tǝ lɑpɑ tǝmɑ nɑ tǝ́ konti hɑŋɑɣɑ tɔ? Ɩsǝnɑ tǝ lɑpɑ tǝmlɛ nɑ ɩsǝlɛ kʋsɛɛmlɛ kɛ teu sɩ tǝ́ tɑɑ sʋkɩ mǝ tɑɑ nɔɣɔlʋɣʋ sǝɣǝlɑ kɛ sɑɑ wei tɩɩ wɛ mǝ hɛkʋ nɑ tǝ heeliɣi-mɛɣɛ Ɩsɔ Lɑɑpɑɑlɩ Kʋpɑŋ tɔ.
\p
\v 10 Ɩ́ pǝsǝɣɩ nɑ ɩ́ lǝsɩ tɑ́ nyɩɩlʋɣʋ kɛ ɩsǝnɑ tɑ́ tɔntɛ tewɑ Ɩsɔ sɛɛlɑɑ mɛ mǝ kiŋ, nɑ tǝ́ kɛɛsɑɑ nɑ tǝ́ tɑ́ liɣiti tiili tɔ, Ɩsɔ mɑɣɑmɑɣɑ nɑ́ nɑ́ mpʋ tɔtɔ. 
\v 11 Pǝ́cɔ́ ɩ nyǝmɑ́ tɔtɔɣɔ ɩsǝnɑ tǝ lɑpɑ pɑɑ mǝ tɑɑ wei ɩsɩɩ cɛcɛ lɑkʋɣʋ ɩ pǝyɑɣɑ tɔ. 
\v 12 Tǝ lɑpɑ nɑ ɩ́ tɔkɩ tɔnǝŋ kɛ teu nɑ tǝ sɔɔsɑ-mɛɣɛ ɑpɑlʋtʋ, nɑ tǝ́ sɛɛsɩ-mɛ nɑ ɩsǝlɛ sɩ ɩ́ tɔ nɑ pǝ́ kɛɛsǝnɑ teitei ɩsɩɩ Ɩsɔ cɑɑkɩ tɔ. Ɩsɔ ɩnɩ ɩ yɑɑnɑ-mɛ sɩ ɩ́ hiki mǝ pɑɑ tete kɛ ɩ kɑwulɑɣɑ nɑ ɩ teeli tɑɑ.
\p
\v 13 Tǝ sɛɛkɩ Ɩsɔ sɩ ɩ́ nɑ tǝmlɛ kɛ tɑm tɔtɔ. Pǝ tɑɣɑ pʋlʋ tɔɔ, wɑɑtʋ wei tǝ heelɑ-mɛɣɛ Ɩsɔ Tɔm tɔ ɩ́ tɑ́ mʋ-tɩ ɩsɩɩ yǝlɑɑ nyǝntʋ. Amɑ ɩ́ nɩɩwɑ tɔ ɩ́ mʋwɑɣɑ sɩ tǝ kɛ́ Ɩsɔ Tɔm, nɑ tɑmpɑnɑ tǝ mɑɣɑmɑɣɑ kɛ́. Ntɩ ɩnɩ tǝ lɑkǝnɑ tǝmlɛ kɛ Ɩsɔ sɛɛlɑɑ mɛ mǝ tɑɑnɑɑ. 
\v 14 Tɑ́ tɑɑpɑlɑɑ-mɛ, mpi pǝ lɑpɑ Kilisiti nyǝ́mɑ hɛkʋ kɛ Ɩsɔ sɛɛlɑɑ kpekɑ wenɑ ɑ wɛ Yutɑ tɔ ɑ tɑɑ tɔ, pǝ ɑkpele lɑpǝnɑ ntɛɣɛ mǝ kiŋ tɔtɔ. Nɑɑsʋɣʋ mpi Yutɑ nyǝ́mɑ nɑɑsɑ pɛlɛɣɛ tǝnɑ tɔ pǝ tɑkɑ kɛ́ mǝ ɩcɑtɛ nyǝ́mɑ nɑ́ nɑɑsɑ-mɛ tɔtɔ. 
\v 15 Yutɑ nyǝ́mɑ mpɛ pɑ kʋnɑ Tɑcɑɑ Yesu, nɑ mpɛ ɩnɩ pɑ kʋnɑ Ɩsɔ kʋyɔɣɔtʋtʋ tɛlǝsǝlɑɑ. Kʋlʋmɑɑ mpɛ ɩnɩ pɑ nɑɑsǝnɑ-tʋ tɔtɔ. Pɑ fɛɩ Ɩsɔ kɛ́ teu, nɑ pɑ kɛ́ yǝlɑɑ tǝnɑ kolontunɑɑ. 
\v 16 Pɑɑ yeki sɩ tǝ sɛɣɛsɩ mpɑ pɑ tɑ kɛ Yutɑ nyǝ́mɑ tɔ nɑ pǝ́ yɑ pɛlɛ pɑ nyɔɔŋ. Ɩsɑɣɑtʋnɑɑ mpɑ tuu lɔŋ pɑɑ lɑpɑ tɔ mpɛ pɑ tɔɔ kɛ́ pɑ tɔŋnɑ lɛntǝnɑɑ kɛ kɑɑʋ nɑ pǝ́ kpɑɑ huɣule. Amɑ pǝnɛntɛɣɛlɛ Ɩsɔ tɛmɑ pɑ tɔm.
\s1 Pɔɔlɩ nyɩɩlǝɣɩ sɩ ɩ́ nɑ́ Tɛsɑlonikɩ nyǝ́mɑ
\p
\v 17 Tɑ́ tɑɑpɑlɑɑ-mɛ, tuu ɩsɩɩ tǝ yeluɣu tǝmɑɣɑ wɛɛ nɑɑlɛɣɛ mpʋ tɔ, tǝ nyɩɩlɑ sɔsɔm sɩ tǝ́ nɑ-mɛ, hɑlǝnɑ pɩɩ tɩɩ lɑkɩ-tʋɣʋ lɔŋ. Amɑ pɑɑ tɩɩ nɑɑ tǝmɑɣɑ mpʋ tɔ tɑ́ lɑɑkɑlǝnɑɑ wɛ tǝmɑ kiŋ kɛ́. 
\v 18 Tǝ nyɩɩlɑ teu sɩ tǝ́ mǝlɩ mǝ kiŋ, hɑlǝnɑ Pɔɔlɩ mɑ́, tɔm pɑɣɑlɛ kɛ mɑ tʋ mǝ tɛ pote pǝlɛ nɑ Sɑtɑnɩ tɑ́ tisi sɩ tǝ́ hiki mpɑɑʋ. 
\v 19 Mǝ tike tǝkoŋ kɛ́ tǝ tɛɛlǝɣɩ nɑ tǝ́ hʋlǝsǝɣǝnɑ lɑŋɑ, nɑ mɛɣɛ tɩɩ mʋɣʋlǝnɑ Tɑcɑɑ Yesu kɔntɛ wule kɛ ɩ ɩsɛntɑɑ sɩ tǝ yoowɑ yoou nɑ tǝ́ lɑ́ ɑkɑnɑɑ. 
\v 20 Nn, mɛɣɛ tɩɩ yɔɔlǝnɑ, nɑ mɛɣɛ tɩɩ hʋlǝsǝnɑ lɑŋɑ mɛɛ.
\c 3
\p
\v 1 Tǝ tʋ mǝ tɛ pote pǝlɛ kɛ ḿpʋ́ɣʋ́ tɑm nɑ pǝ́ kɔɔ pǝ́ nɩɩ-tʋ ɩlɛnɑ tǝ́ hiki hʋwɛɛ sɩ tɑɑ cɑɣɑ Atɛɛnɩ kɛ tɑ́ tike, 
\v 2 nɑ pǝ́ kɑɑsɩ nɑ tǝ́ tili tɑ́ tɑɑpɑlʋ Timotee wei tɑ́ nɑ-ɩ tǝ lɑkɩ Ɩsɔ tǝmlɛ kɛ Kilisiti Lɑɑpɑɑlɩ kʋpɑŋ heeluɣu tɑɑ tɔ. Tǝ kʋsɑ-ɩ nɑ tǝ́ tili-ɩ ḿpʋ́ɣʋ́ sɩ ɩ́ sɔɔsɩ-mɛɣɛ tomɑ nɑ ɑpɑlʋtʋ kɛ mǝ Ɩsɔ mpɑɑʋ tɑɑ, 
\v 3 nɑ pǝ́ tɑɑ kɔɔ nɑ kʋnyɔntɔɣɔlɛ nte tǝ tɑɑ tǝ wɛ ɩsǝntɔ tɔ tǝ́ kɔɔ tǝ́ kǝlɩ mǝ tɑɑ nɔɣɔlʋ nɑ ɩ́ lɔ tɔɔŋ. Mǝ mɑɣɑmɑɣɑ ɩ́ nyǝmɑ́ mpʋ, sɩ kʋnyɔntɔɣɔlɛnɑɑ mpɛ pɑ kɛ́ mpi mpi Ɩsɔ kɑ tɔmɑ sɩ pɩɩ mɑɣɑnɑ-tʋ tɔ pǝ tɑɑ lɛmpǝnɑɑ kɛ́. 
\v 4 Hɑlǝnɑ pǝ mɑɣɑmɑɣɑ kɛ tǝ heelɑ-mɛɣɛ wɑɑtʋ wei tɑ́ nɑ-mɛ tǝ wɛɛ tɔ, sɩ pɑɑ tʋ-tʋɣʋ kʋnyɔŋ. Mpʋ ɩnɩ pǝ mɑɣɑmɑɣɑ kɛ ɩ́ nɑɑ pǝ kɔmɑ ɩsǝntɔ. 
\v 5 Pǝ tɔɔ kɛ́ tǝ tʋɣʋ mǝ tɛ pote pǝlɛ kɛ ḿpʋ́ɣʋ́ tɑm nɑ pǝ́ nɩɩ-tʋ tɔ, mɑ kʋsɑ Timotee sɩ ɩ́ polo nɑ ɩ́ nɑ ɩsǝnɑ mǝ Ɩsɔ mpɑɑ tǝŋʋɣʋ yɑɑsi wɛɛ tɔ. Mɑ nyɑŋ sɩ pǝ́ tɑɑ kɔɔ sɩ Ɩlɔɣɔʋ mɑɣɑsɑ-mɛ nɑ tɑ́ tǝmlɛ sɑɑlɩ yem kɛ́ mǝ kiŋ.
\p
\v 6 Amɑ Timotee kɔmnɑ mǝ tɛ ɩsǝntɔ tɔ ɩ kɛɛsɑ-tʋɣʋ ɩsǝnɑ ɩ́ sǝŋɑ Ɩsɔ mpɑɑʋ tɑɑ kɛ́ teu nɑ ɩ́ tɔkɑ tǝmɑ sɔɔlʋɣʋ tɔm tɔ. Nɑ ɩ heelɑ-tʋ sɩ ɩ́ tɔɔsǝɣɩ tɑ́ tɔm kɛ tɑm nɑ lɑŋhʋlʋmlɛ. Hɑlǝnɑ ɩ́ nyɩɩlǝɣɩ sɩ ɩ́ nɑ-tʋɣʋ teitei ɩsɩɩ tɑ́ nyɩɩlǝɣɩ sɩ tǝ́ nɑ-mɛ tɔ. 
\v 7 Tɑ́ tɑɑpɑlɑɑ mɛ, wɑɑtʋ wei tǝ nɩɩ mǝ tɔm tɔ pǝ hɛɛsɑ tɑ́ lɑŋɑ kɛ teu kɛ sɔsɔm kɛ́ tɑ́ wɑhɑlɑnɑɑ nɑ tɑ kʋnyɔntɔɣɔlɛnɑɑ pɑnɛ pɑ tǝnɑ pɑ tɑɑ kɛ́. Ɩsɔ mpɑɑʋ ŋku ɩ́ tɔkɑ teu tɔ ŋkʋ kʋ hɛɛsǝnɑ tɑ́ lɑŋɑ kɛ mpʋ. 
\v 8 Nɑ ɩ́ sǝŋʋɣʋ tǝcɑ kɛ Tɑcɑɑ tɔm tɑɑ tɔ tǝ feesɑɑ kɛ́ tǝfʋʋ. 
\v 9 Sɛɛtʋ ntiɣi tɩɩ sɛɛ Ɩsɔ nɑ pǝ́ tɑlɑ ɩsɩɩ lɑŋhʋlʋmlɛ nte tǝ hikɑ mǝ́ kiŋ kɛ ɩ ɩsɛntɑɑ tɔ? 
\v 10 Tɑ ɩsǝlɛ sɛɛnɑ Ɩsɔ sǝlǝmʋɣʋ kɛ tɑm sɩ ɩ́ yele nɑ tɑ́ nɑ-mɛ tǝ́ nɑ́ tǝmɑ nɑ tɑ́ ɩsǝpee nɑ tǝ́ tɛɛsɩ-mɛɣɛ Ɩsɔ mpɑɑʋ tɔm kɛ hʋ́lʋ́ɣʋ́.
\p
\v 11 Tɑcɑɑ Ɩsɔ mɑɣɑmɑɣɑ nɑ tɑ́ Sɔsɔ Yesu pɑ́ lɑ nɑ tǝ́ hiki mpɑɑʋ nɑ tǝ́ polo nɑ tǝ́ nɑ-mɛ. 
\v 12 Tɑ́ Sɔsɔ ɩ́ lɑ nɑ mǝ sɔɔlʋɣʋ sɔɔsǝɣɩ tɑm kɛ́ tǝmɑ kiŋ nɑ yǝlɑɑ tǝnɑ kiŋ, hɑlǝnɑ kʋ tɑlɑ ɩsɩɩ tɑ́ mɑɣɑmɑɣɑ tǝ sɔɔlʋɣʋ-mɛ tɔ. 
\v 13 Ye tɑ́ Sɔsɔ ɩnɩ ɩ lɑpɑ mpʋ, mɛ ɩ́ kɑ́ hiki tomɑ kɛ hɑtuu mǝ hʋwɛɛ tɑɑ nɑ ɩ́ pǝsɩ Ɩsɔ nyǝ́mɑ, nɑ ɩ́ te tǝkpɑtɑɑ kɛ́ Tɑcɑɑ Ɩsɔ ɩsɛntɑɑ kɛ́ kʋyɑŋku tɑ́ Sɔsɔ Yesu nɑ ɩ nyǝ́mɑ pɑɑ kɔɔ tɔ.
\c 4
\s1 Tɔntɛ nte tǝ mɑɣɑ Ɩsɔ tɔ
\p
\v 1 Pǝ tǝnɑɣɑ mpʋ ɩlɛ tɑ́ tɑɑpɑlɑɑ mɛ ɩ́ nɑ́ tɑ́ kiŋ kɛ ɩsǝnɑ pǝ wɛɛ sɩ ɩ́ kɑ́ tɔ nɑ pǝ́ mɑɣɑ Ɩsɔ tɔ, hɑlɩ ɩ́ tɔŋnɑ ḿpʋ́ɣʋ́ lɑpʋ mɛɛ. Amɑ nti nɔɔnɔɔ mɑ wiikinɑ-mɛ tɔɣɔlɛ sɩ, hɑɩ, Tɑcɑɑ Yesu tɔɔ ɩ́ sɔɔsɩ lʋpʋ kɛ pǝ tɑɑ. 
\v 2 Anɩ ɩ́ nyǝmɑ́ Tɑcɑɑ Yesu kʋsɛɣɛsǝtʋ nti tǝ sɛɣɛsɑ-mɛ sɩ ɩ́ tǝŋ tɔ. 
\v 3 Mpi Ɩsɔ cɑɑkɩ tɔɣɔlɛ sɩ ɩ́ pǝsɩ ɩ nyǝ́mɑ nɑ ɩ́ yele ɑsilimɑ kʋlɑpʋtʋ tǝkpɑtɑɑ. 
\v 4 Pɑɑ mǝ tɑɑ wei ɩ́ nyɩ ɩsǝnɑ ɩ kɑ́ kpɑɣɑ ɑlʋ nɑ pǝ́ wɛ tǝnɑŋŋ nɑ pǝ́ wɛnɑ nyʋɣʋ tɔ. 
\v 5 Pǝ́ tɑɑ wɛɛ kɔtɔɩnɑɑ tike tɔm ɩsɩɩ yǝlɑɑ mpɑ pɑ tɑ nyɩ Ɩsɔ tɔ pɛlɛ pɑ lɑkʋɣʋ tɔ. 
\v 6 Nɔɣɔlʋ ɩ́ tɑɑ pǝntǝnɑ ɩ tɔɣɔntǝlɛ kɛ tɔm tǝnɛ tǝ tɑɑ nɑ ɩ́ tɑɑ wɑkǝlɩ-ɩ pʋlʋ. Tǝ tɛmɑ-mɛɣɛ tɔm tǝnɛɣɛ heeluɣu nɑ tǝ kpɑɑlɑ-mɛɣɛ teu sɩ Tɑcɑɑ kɑ́ tʋ sɑlǝkɑ kɛ mpɑ pɑ lɑkɩ ɩsɑɣɑtʋ ntǝnɑɑ tɔ. 
\v 7 Ɩsɔ tɑ́ yɑɑ-tʋɣʋ ɩ mpɑɑʋ tɑɑ sɩ tǝ́ lɑkɩ ɑsilimɑ kʋlɑpʋtʋ, ɑmɑ sɩ tǝ́ lɑ tɑ́ tɩ tǝnɑŋŋ kɛ́. 
\v 8 Pǝ tɔɔ kɛ́ ye wei ɩ kpɑɣɑ tɔm tǝnɛ nɑ ɩ́ lɔɣɔnɑ lumɑɣɑ wɑɑlɩ, pǝ tɑɣɑ yʋlʋ kʋheelitu kɛ pʋntʋ lɔwɑ. Amɑ Ɩsɔ wei ɩ hɑ-tʋɣʋ ɩ Feesuɣu Nɑŋŋtʋ tɔ ɩ nyǝntʋ kɛ ɩ lɔwɑ.
\p
\v 9 Ye mǝ tɑɑ mǝ tike tǝmɑ sɔɔlʋɣʋ tɔm ɩlɛ, pɑɑ ŋmɑɑ-mɛ nɑ pɑ́ sɔɔsɩ-mɛɣɛ nti tɔtɔ? Ɩsɔ mɑɣɑmɑɣɑ tɔŋnɑ-mɛɣɛ pǝ tǝnɑɣɑ ḿpʋ́ɣʋ́ sɛɣɛsʋɣʋ ɩlɛ. 
\v 10 Hɑlɩ ntɩ ɩnɩ tǝ mɑɣɑmɑɣɑ kɛ ɩ́ tɔŋnɑ mǝ tɑɑpɑlɑɑ mpɑ pɑ tǝnɑ pɑ wɛ Mɑsetoni tǝnɑ tɑɑ tɔɣɔ lɑpʋ. Amɑ tɑ́ tɑɑpɑlɑɑ mɛ, tǝ tɑsǝɣɩ-mɛɣɛ wiinɑʋ sɩ ɩ́ sɔɔsɩ lʋpʋ kɛ pǝ tɑɑ. 
\v 11 Pɑɑ mǝ tɑɑ wei ɩ́ lʋ sɩ ɩ́ nɑ ɩ tɔɣɔntǝlɛ pɑ́ wɛɛnɑ tǝmɑ nɑ leleŋ, nɑ pɑɑ wei ɩ́ pɑɑsǝnɑ ɩ nyǝntɛ nɑ ɩ́ hiki ɩ mɑɣɑmɑɣɑ kɛ mpi ɩ kɑ́ suu ɩ nɔɣɔ tɔ. Ntɩ ɩnǝɣɩ tɩɩ tɛmɑ-mɛɣɛ heeluɣu. 
\v 12 Mpʋ ɩnɩ pɩɩ yelinɑ nɑ mɑ tɑ nyɩ ɩsɔnɑɑ tʋnɑ-mɛ, nɑ ɩ́ kɑɑ cɑɣɑ nɑ ɩ́ tɛɛlɩ nɔɣɔlʋɣʋ pʋlʋ tɑɑ.
\s1 Tɑcɑɑ kɔntɛ
\p
\v 13 Tɑ tɑɑpɑlɑɑ tǝ cɑɑ sɩ ɩ́ cɛkǝnɑ mpɑ pɑ sǝpɑ tɔ pɑ tɔm nɑ ɩ́ tɑɑ wɛɛ piti tɑɑ ɩsɩɩ mpɑ pɑ fɛɩnɑ tɛɛlʋɣʋ kɛ Ɩsɔ kiŋ tɔ. 
\v 14 Ɩsɩɩ tǝ tɛmɑ tɑ́ tɑɑ sɩ Yesu sǝpɑ nɑ ɩ́ tɑɣɑnɩ fem tɔ, mpʋ tɔtɔɣɔ tǝ tɛmɑ tɑ́ tɑɑ tɔtɔ sɩ Ɩsɔ kɑ́ kpɛnnɑ Yesu nɑ mpɑ pɑ sǝpɑ Yesu mpɑɑʋ tɑɑ tɔ nɑ ɩ́ mǝŋnɑ.
\p
\v 15 Tɑcɑɑ kʋheelitu mɑɣɑmɑɣɑ kɛ tǝ cɑɑ-mɛɣɛ sɔɔsʋɣʋ kɛ cǝnɛ, sɩ tɑ́ mpɑ tɩɩ wɛɛnɑ tɑ́ ɩsɛ kɛ Tɑcɑɑ kʋyɑkʋ kʋkɔmʋɣʋ wule tɔ tǝ kɑɑ tɛɛ nɔɣɔ kɛ mpɑ pɑ tɛmɑ sǝpʋ tɔ. 
\v 16 Pǝ kɔŋ pǝ́ kɛɛsɩ nɑ pǝ́ holi nɑ pɑ́ nɩɩ ɩsɔtɑɑ tillu sɔsɔ tɑŋ nɑ Ɩsɔ ɑkɑntǝlɛ, ɩlɛnɑ Tɑcɑɑ mɑɣɑmɑɣɑ lɩɩnɑ ɩsɔtɑɑ nɑ ɩ́ tiiki. Mpɑ pɑ sǝpɑ Kilisiti mpɑɑʋ tɑɑ tɔ pɛlɛ pɑɑ fe kɑncɑɑlɑɣɑ. 
\v 17 Pǝ wɑɑlɩ kɛ́ pɩɩ kɛlɩ ɩsɛ nyǝ́mɑ tɑ́, nɑ tɑ́ nɑ-wɛ tǝ́ kpɛntɩ nɑ tǝ́ sʋʋ ŋmʋntʋ tɛɛ nɑ tǝ́ suli Tɑcɑɑ kɛ ɩsɔtɑɑ. Nɑ tɑ́ nɑ-ɩ tɩɩ cɑɣɑ tɑm. 
\v 18 Ɩ́ hɛɛsǝɣɩ tǝmɑ lɑŋɑ nɑ tɔm tǝnɛ.
\c 5
\p
\v 1 Tɑ́ tɑɑpɑlɑɑ, pǝ fɛɩ ɩsɩɩ pɑɑ nɔkɩ-mɛɣɛ tɑkǝlɑɣɑ ŋmɑɑʋ nɑ pɑ kɛɛsɩ-mɛɣɛ wɑɑtʋ yɑɑ wɛɛ nnɑ ɑ tɑɑ mpʋ ɩnɩ pɩɩ lɑ tɔ pǝ tɔm. 
\v 2 Ɩsɩɩ mǝ mɑɣɑmɑɣɑ ɩ́ tɛmɑ nyǝm kɛ teu tɔ, Tɑcɑɑ kʋyɑkʋ kɑ́ lɑ kɛ́ ɩsɩɩ ŋmɩɩlʋ kɛɛsʋɣʋʋ nɑ ɩ́ kɔɔ ɑhoo tɔ. 
\v 3 Wɑɑtʋ wei yǝlɑɑ kɑ́ kɔɔ nɑ pɑ́ tɔŋ sɩ: Nhnn, pǝnɛntɛɣɛlɛ ɑntulinyɑ cɑɣɑ ɩ tete, nɑ pǝnɛntɛɣɛlɛ tǝ hɛɛsɑɑ tɔ. Wɑɑtʋ ɩnǝɣɩ pɩɩ tii pɑ tɔɔ tǝkpili kɛ tɔm kʋlʋm tɔɔ, nɑ pǝ́ lɑ-wɛɣɛ sɑkɑsɑkɑ pɑ kɑɑ fiti. Pɩɩ lɑ kɛ́ ɩsɩɩ lʋlʋɣʋ wʋsɑsɩ tɑkʋɣʋ ɑhonto tɔ. 
\v 4 Amɑ tɑ́ tɑɑpɑlɑɑ, kɑɣɑnɑ ɩ́ tɑ́ kɛ́ sǝkpɛtʋɣʋ tɛɛ nyǝ́mɑ, nɑ pǝ fɛɩ sɩ kʋyɑkʋ kʋnɛ kʋ tuti-mɛɣɛ kʋtutu ɩsɩɩ ŋmɩɩlʋ tutuɣuu tɔ. 
\v 5 Nɔɔnɔɔ tɑɑ ɩsǝntɔ pǝ nyɑɑlɑ mǝ tɔɔ kɛ́ nɑ ɩ́ pǝsɑ ilim tɑɑ nyǝ́mɑ kɛ́. Tǝ tɑ kɛ mpɑ pɑ wɛ ɑhoo tɑɑ nɑ sǝkpɛtʋɣʋ tɛɛ tɔ. 
\v 6 Mpʋ tɔ tǝ́ tɑɑ pɑɑsǝnɑ tom ɩsɩɩ lɛlɑɑ lɑkʋɣʋ tɔ. Amɑ tǝ́ cɑɣɑnɑ tɑ́ ɩsɛ nɑ tǝ́ feŋ nɑ tǝ́ lɑkɩ pǝ tǝnɑ nɑ lɑɑkɑlɩ. 
\v 7 Ahoo kɛ toolɑɑ tooki, nɑ ɑhoo kɛ sʋlʋm kʋɣɩ pǝ nyɔɔlɑɑ. 
\v 8 Amɑ tɑ́ mpɑ pǝ nyɑɑlɑ tɑ́ tɔɔ nɑ tǝ́ pǝsɩ ilim tɑɑ nyǝ́mɑ tɔ tɩɩ lɑkɩ pǝ tǝnɑ nɑ lɑɑkɑlɩ kɛ́. Tǝ́ yele nɑ tɑ́ Ɩsɔ tɑɑ tɛmnɑʋ nɑ tɑ́ tǝmɑ sɔɔlʋɣʋ pǝsɩ-tʋ ɩsɩɩ nyǝɣǝlʋɣʋ toko. Tǝ́ cɑɣɑnɑ nɑɑni sɩ pɩɩ yɑ-tʋ, nɑ pǝlɛ pɩɩ wɛɛ ɩsɩɩ tǝ pɑŋʋɣʋ yoou kɑhukɑ tɔ. 
\v 9 Tǝ tɑ kɛ mpɑ Ɩsɔ sɩɩwɑ sɩ cele pɩɩ fɛlɩ nyɑŋ tɔ se. Amɑ sɩ pǝ́ yɑ tɑ́ nyɔɔŋ kɛ Tɑcɑɑ Yesu Kilisiti tɔɔ kɛ́. 
\v 10 Kilisiti ɩnɩ ɩ sǝpɑ tɑ́ tɔɔ kɛ́ sɩ ye pǝ tɑlɑ ɩ kɔntɛ wule nɑ ɩ́ mɑɣɑnɑ tɑ́ nɑ tɑ́ ɩsɛ, yɑɑ pɑɑ tǝ tɛmɑ sǝpʋ, tɑ́ nɑ-ɩ tǝ́ kpɛntɩ nɑ tǝ kɑɑ tǝcɑɣɑlɛ kɛ tɑm tɔɔ. 
\v 11 Pǝ tɔɔ ɩlɛ ɩ́ sɔɔsǝɣɩ tǝmɑɣɑ ɑpɑlʋtʋ, nɑ ɩ́ tuliɣi tǝmɑɣɑ teitei ɩsɩɩ ɩ́ tɔŋnɑ lɑpʋ tɔ.
\s1 Pɔɔlɩ cɑɑ pɑ lɑkɩ mpi tɔ
\p
\v 12 Tɑ́ tɑɑpɑlɑɑ, tǝ heeliɣi-mɛ sɩ ɩ́ tʋnɑ mpɑ pɑ lɑkɩ tǝmlɛ kɛ mǝ hɛkʋ tɔ, mpɑ Tɑcɑɑ kpɑwɑ sɩ pɑ́ tiikiɣi-mɛ nɑ pɑ́ sɛɣɛsɩ-mɛ tɔ. 
\v 13 Mǝ luuŋ ɩ́ lɑ-wɛ, nɑ ɩ́ sɔɔlɩ-wɛɣɛ teu kɛ tǝmlɛ nte pɑ tɔŋnɑ lɑpʋ tɔ tǝ tɔɔ. Ɩ́ wɛɛnɑ tǝmɑ nɑ leleŋ.
\p
\v 14 Tɑ́ tɑɑpɑlɑɑ, hɑɩ, ɩ́ kɑlǝnɑ mpɑ pɑɑ cɑɑ pʋlʋ lɑpʋ tɔ. Ɩ́ lɑ nɑ mpɑ pɑ kǝlɑ fɛɛlɛ tɔ pɑ fɛɛlɛ yɑ, ɩ́ teŋ ɑcɑmɑɑ, ɩ́ hʋ́lǝ́ɣɩ́ yǝlɑɑ tǝnɑɣɑ suulu. 
\v 15 Ɩ́ lɑ lɑɑkɑlɩ nɑ mǝ tɑɑ nɔɣɔlʋ ɩ́ tɑɑ lɛɛtɩ lɛlʋ kɛ ɩsɑɣɑtʋ. Amɑ ɩ́ lʋ sɩ ɩ́ lɑkɩ tǝmɑɣɑ kʋpɑntʋ kɛ tɑm, pɑɑ mǝ mɑɣɑmɑɣɑ mǝ tǝmɑ, pɑɑ kpɑɩ nyǝ́mɑ.
\p
\v 16 Mǝ lɑŋɑ ɩ́ hʋlʋmɩ tɑm. 
\v 17 Ɩ́ sǝlǝmǝɣɩ Ɩsɔ kɛ́ tɑm, ɩ́ tɑɑ yele. 
\v 18 Ɩ́ sɛɛ Ɩsɔ sɩ ɩ́ nɑ tǝmlɛ kɛ pɑɑ mpi pǝ tɑɑ. Ɩsǝnɑ Ɩsɔ cɑɑ sɩ ye ɩ́ tǝŋǝɣɩ Yesu Kilisiti ɩ́ lɑkɩ tɔɣɔlɛ.
\p
\v 19 Ɩ́ tɑɑ kɑɣɑtɩ Feesuɣu Nɑŋŋtʋ, ɩ́ yele-ɩ nɑ ɩ́ lɑ ɩ tǝmlɛ. 
\v 20 Ɩ́ tɑɑ nyǝnɩ Ɩsɔ kʋheelitu kpɑɑlʋɣʋ kɛ yem. 
\v 21 Ɩ́ wɛsɩ pɑɑ mpi pǝ tɑɑ kɛ́ teu nɑ ɩ́ nɑ́ nti nti tǝ wɛ teu tɔ nɑ ɩ́ tɔkɩ tǝlɛ. 
\v 22 Nɑ ɩ́ lɔ nti tǝ fɛɩ teu tɔ pɑɑ tǝ kɛ́ nti.
\p
\v 23 Ɩsɔ wei ɩ lɑkɩ nɑ tǝ́ nɩɩkɩ leleŋ tɔ ɩ́ yele nɑ ɩ́ pǝsɩ ɩ nyǝ́mɑ tǝkpɑtɑɑ. Ɩsɔ ɩnɩ ɩ́ pɑɑsǝnɑ mǝ lǝmɑɣɑsɛɛ nɑ mǝ tɔnǝŋ, nɑ mǝ wɛɛtʋ ntɩ tǝ tǝnɑ tǝ́ wɛɛ tǝnɑŋŋ kɛ́ Tɑcɑɑ Yesu Kilisiti kɔntɛ wule. 
\v 24 Wei ɩ yɑɑ-mɛ tɔ ɩ kɛ́ kʋpɑŋ. Pǝ tɔɔ kɛ́ ɩ kɑɑ yele-mɛɣɛ tɑɣɑnʋɣʋ kɛ mpʋ.
\p
\v 25 Tɑ́ tɑɑpɑlɑɑ ɩ́ sǝlǝmǝnɑ-tʋɣʋ Ɩsɔ tɔtɔ.
\p
\v 26 Ɩ́ sɛɛ tɑ́ tɑɑpɑlɑɑ tǝnɑɣɑ teu nɑ ɩ́ lɛlɩ.
\p
\v 27 Hɑɩ, mɑ wiikinɑ-mɛɣɛ, Tɑcɑɑ tɔɔ sɩ ɩ́ kɑlɑ tɑkǝlɑɣɑ kɑnɛ nɑ yǝlɑɑ tǝnɑ nɩɩ.
\p
\v 28 Tɑcɑɑ Yesu Kilisiti ɩ́ lɑ-mɛɣɛ pɛɛlɛɛ.