\id 1JN - Lokpa Bible portions [dop] -Benin 1999 (web edition -2017)
\ide UTF-8
\h Yohɑɑnɩ I
\toc1 TAKƎLAƔA KANCAALAƔA NYƎŊKA ŊKA YOHAANƖ NMAAWA TƆ
\toc2 Yohɑɑnɩ I
\toc3 Yoh I
\mt2 TAKƎLAƔA KANCAALAƔA NYƎŊKA ŊKA
\mt1 YOHAANƖ
\mt2 NMAAWA TƆ
\imt1 Kʋtʋlʋtʋ
\ip Sɛɣɛsǝŋ kpɑɩ nyǝŋ pɑɣɑlɛ kɑ wɛ sɑɑ wei Yohɑɑnɩ ŋmɑɑkɑɣɑ ɩ tɑkǝlɑɣɑ tɔɣɔ. Sɛɣɛsǝŋ kpɑɩ nyǝŋ ɩnɩ ɩ tɑɑ lɛŋkʋ ntɛ́ sɩ mpi pǝ nɑɑkɩ ɩsɛntɔɔ tɔ pǝ kɛ ɩsɑɣɑm kɛ́. Mpi pɩɩ nɑɑkɩ tɔɣɔlɛ kʋpɑm. Pǝ tɔɔ kɛ́ pɑ sɛɣɛsɑɣɑ sɩ pǝ tɑ mʋnɑ Yesu ɩ́ wɛɛnɑ yʋlʋ wɛɛtʋ, mpi tɔ ɩ kɛ́ Ɩsɔ kɛ́. Amɑ Yohɑɑnɩ nɑ hʋlɑɑ tǝfoo sɩ Yesu kɛ́ Ɩsɔ, pǝcɔ ɩ kɛ́ yʋlʋ, pǝyele ɩ kɛ́ Feesuɣu.
\iot Ɩsǝnɑ pɑ fɑɣɑ Yohɑɑnɩ I tɑkǝlɑɣɑ tɔ:
\io1 Kʋtʋlʋtʋ, titite \ior 1:1-4\ior*
\io1 Tǝ́ wɛɛ nyɑɑlǝm tɑɑ ɩsɩɩ Ɩsɔ, titite \ior 1:5–2:17\ior*
\io1 Kilisiti kolontu tɔm, titite \ior 2:18-29\ior*
\io1 Mpi pɑ nyǝŋnɑ sɩ yʋlʋ kɛ́ Ɩsɔ pǝyɑɣɑ tɔ, titite \ior 3\ior*
\io1 Tɑmpɑnɑ nɑ pɔpɔtʋ pǝ fɑɣɑʋ, titite \ior 4:1-6\ior*
\io1 Ɩsɔ kɛ́ sɔɔlʋɣʋ, titite \ior 4:7-21\ior*
\io1 Tɑɑ tɛm mpi pǝ kǝlɑɑ tɔ, titite \ior 5\ior*
\c 1
\s1 Weesuɣu tɔm
\p
\v 1 Weesuɣu Tɔm kɛ tǝ ŋmɑɑ-mɛɣɛ tɑkǝlɑɣɑ tɑɑ cǝnɛ. Tɔm ntɩ tɩɩ wɛ kɑncɑɑlɑɣɑ kɛ́, nɑ tǝ́ nɩɩ-tɩ, nɑ tǝ́ nɑ-tɩ nɑ tɑ ɩsǝpee, nɑ tǝ́ nyǝnɩ-tǝɣɩ teu, nɑ tɑ́ niŋ tokinɑɑ. 
\v 2 Wɑɑtʋ wei weesuɣu kʋnɛ kʋ kɔmɑ tɔ tǝ nɑ-kʋ. Pǝ tɔɔ kɛ́ tǝ heeliɣi-mɛ nɑ tǝ́ kpɑɑlɩɣɩ-mɛɣɛ weesuɣu ŋku kɩɩ tɛŋ tɔ kʋ tɔm. Tɑcɑɑ cɔlɔɣɔ kɩɩ wɛɛ nɑ pǝ́ kuli-kʋ nɑ pǝ́ hʋ́lɩ́-tʋ. 
\v 3 Nti tǝ nɑwɑ nɑ tǝ nɩɩwɑ tɔɣɔ tɑ́ heeliɣi-mɛ tɔtɔ, sɩ ɩ́ kpɛntǝnɑ-tʋɣʋ tɑ́ nɑ Tɑcɑɑ nɑ ɩ Pǝyɑɣɑ Yesu Kilisiti tɑ kpɛntʋɣʋ tɑɑ. 
\v 4 Tǝ ŋmɑɑ tɑkǝlɑɣɑ sɩ tǝ́ heeliɣi-mɛɣɛ tɔm tǝnɛɣɛ nɑ tɑ́ lɑŋɑ hʋlʋmɩ teu.
\s1 Ɩsɔ wɛɛ kɛ́ ɩsɩɩ kɔkɔ sɔsɔɔŋkɑ
\p
\v 5 Nti tǝ nɩɩ Yesu Kilisiti kiŋ nɑ tǝ́ heeliɣi-mɛ tɔɣɔlɛ sɩ, Ɩsɔ wɛɛ kɛ́ ɩsɩɩ kɔkɔ sɔsɔɣɑ ŋkɑ kɑ nɑɑ tɔ, nɑ pɑɑ sǝkpɛtiyɑ kɑɩ fɛɩ ɩ kiŋ. 
\v 6 Ye tǝ yɔɣɔtǝɣɩ sɩ tɑ́ nɑ Ɩsɔ tǝ kpɛntɑɑ nɑ pǝyele nɑ tǝ́ tɔŋnɑ sǝkpɛtʋɣʋ tɑɑ kɛ́ tɔntɛ, tǝ kɛ́ pɔpɔtʋnɑɑ kɛ tɑ́ yɔɣɔtɑɣɑ nɑ tɑ́ kʋlɑpǝlɛ pǝ nɑɑlɛ pǝ tɑɑ kɛ́. 
\v 7 Amɑ ye tǝ tɔŋ tǝnɑŋŋ tɑɑ ɩsɩɩ Ɩsɔ mɑɣɑmɑɣɑ wɛʋ tǝnɑŋŋ tɑɑ tɔ pǝ kpɛntǝɣɩ-tʋɣʋ, nɑ ɩ Pǝyɑɣɑ Yesu cɑlǝm kpiisiɣi-tʋɣʋ tɑ ɩsɑɣɑtʋ tǝnɑ.
\p
\v 8 Ye tǝ yɔɣɔtǝɣɩ sɩ tǝ wɛʋ ɩsǝntɔ tɔ tǝ fɛɩnɑ ɩsɑɣɑtʋ, tɑ mɑɣɑmɑɣɑ kɛ tǝ puɣusiɣi, nɑ tɑmpɑnɑ fɛɩ tɑ́ kiŋ kɛ pɑɑ pǝcɔ. 
\v 9 Amɑ ye tǝ heelɑ Ɩsɔ kɛ́ tɑ́ ɩsɑɣɑtʋ, tǝ pǝsǝɣɩ nɑ tǝ́ tʋ-ɩ nɑɑni. Pǝ tɑɣɑ pʋlʋ tɔɔ, ɩ tǝŋǝɣɩ siɣisuɣu kɛ́, ɩlɛ ɩ kɑ́ hɩɩsɩ tɑ́ ɩsɑɣɑtʋ nɑ ɩ́ kpiisi tɑ kɑwɑlɑsɩ tǝnɑ tǝpɑɩpɑɩ. 
\v 10 Ye tǝ yɔɣɔtǝɣɩ sɩ tǝ tɑ lɑ ɩsɑɣɑtʋ, Ɩsɔ kɛ́ tǝ yɑɑkɩ pɔpɔtʋ, nɑ tɩɩ mʋɣɩ ɩ tɔm.
\c 2
\s1 Kilisiti kɛlɛ tɑ sǝnlʋ
\p
\v 1 Mɑ piyɑ, mɑ ŋmɑɑ-mɛɣɛ tǝnɛ ɩnǝɣɩ sɩ pǝ́ lɑ nɑ ɩ́ tɑɑ lɑ ɩsɑɣɑtʋ. Amɑ ye pǝ tɩɩ yelɑɑ nɑ nɔɣɔlʋ lɑ ɩsɑɣɑtʋ, ɩlɛ tǝ wɛnɑ tɑ tɔm tɑɣɑnlʋ kɛ Tɑcɑɑ kiŋ. Ɩnǝɣǝlɛ Yesu Kilisiti wei ɩ kɛ́ tɑmpɑnɑ tǝŋlʋ tɔ. 
\v 2 Pǝ tɑɣɑ pʋlʋ, Yesu Kilisiti ɩnǝɣɩ pɑ lɑpɑ kɔtɑɣɑ sɩ pǝ́ tɑɣɑnɩ tɑ́ ɩsɑɣɑtʋ, nɑ pǝ tɑɣɑ tɑ́ tike tɑ́ ɩsɑɣɑtʋ, ɑmɑ nɑ yǝlɑɑ tǝnɑ tǝpɑɩ ɩsɑɣɑtʋ tɔtɔɣɔ.
\p
\v 3 Ye tǝ tǝŋǝɣɩ Ɩsɔ kʋheelitu ɩlɛ tɩɩ cɛkǝnɑ sɩ tɑmpɑnɑ tǝ nyǝmɑ́ Ɩsɔ. 
\v 4 Ye nɔɣɔlʋ tɔmɑ sɩ ɩ nyǝmɑ́ Ɩsɔ, nɑ pǝyele pʋntʋ ɩɩ tǝŋǝɣɩ ɩ kʋheelitu, pʋntʋ kɛ́ pɔpɔtʋ kɛ́, nɑ tɑmpɑnɑ fɛɩ ɩ kiŋ. 
\v 5 Amɑ wei ɩ tǝŋǝɣɩ Ɩsɔ kʋyɔɣɔtʋtʋ tɔ pʋntʋ sɔɔlǝnɑ Ɩsɔ nɑ tɑmpɑnɑ tǝkpɑtɑɑ. Mpi pǝ yeki nɑ tǝ nyǝŋ sɩ tɑ́ nɑ Ɩsɔ tǝ kpɛntɑɑ yɑɑ tǝ tɑ kpɛntɩ tɔɣɔlɛ. 
\v 6 Ye wei ɩ yɔɣɔtɑɑ sɩ ɩ́ nɑ Ɩsɔ pɑ kpɛntɑɑ, pʋntʋ ɩ́ tɔ tɔntɛ nte Yesu kɑ tɔmɑ tɔ.
\s1 Kʋsǝsɩɩtʋ kʋfɑtʋ
\p
\v 7 Mɑ tɑɑpɑlɑɑ, pǝ tɑɣɑ kʋsǝsɩɩtʋ kʋfɑtʋ nɑtǝlǝɣɩ mɑ ŋmɑɑ tɑkǝlɑɣɑ sɩ mɑ heeliɣi-mɛ. Amɑ kʋsǝsɩɩtʋ kʋpǝntʋ nti pǝ heelɑ-mɛɣɛ hɑtuu kɑncɑɑlɑɣɑ tɔɣɔ. Nɑ kʋsǝsɩɩtʋ kʋpǝntʋ ntǝɣǝlɛ tɔm nti ɩ́ tɛmɑ nɩɩʋ tɔ. 
\v 8 Pɑɑ nɑ mpʋ pǝ wɛ ɩsɩɩ kʋsǝsɩɩtʋ kʋfɑtʋ tɔɔ kɛ́ mɑ ŋmɑɑ-mɛɣɛ tɑkǝlɑɣɑ, pǝ hʋlɑ tǝ tɑmpɑnɑ kɛ Kilisiti kiŋ nɑ mǝ kiŋ tɔtɔ. Sǝkpɛtʋɣʋ kɛɛlɑɑ nɑ tɑmpɑnɑ kɔkɔ tɛmɑ nɑʋ tǝnyɑɩɩ.
\p
\v 9 Ye wei ɩ yɔɣɔtǝɣɩ sɩ ɩ wɛ tǝnɑŋŋ tɑɑ nɑ pǝyele ɩ tɑɑ kpɑɑnɑ ɩ yʋlʋtʋɣʋntǝlɛ, sǝkpɛtʋɣʋ tɑ cɛtɑ pʋntʋ tɔɔ se. 
\v 10 Amɑ ye wei ɩ sɔɔlǝɣɩ ɩ yʋlʋtɔɣɔntǝlɛ, pʋntʋ wɛnnɑ tǝnɑŋŋ tɑɑ, nɑ pʋlʋ mpi pɩɩ pǝsɩ nɑ pǝ́ tusi lɛlʋ nɑ ɩ́lɛ́ ɩ́ lɑ́ ɩsɑɣɑtʋ tɔ pǝ fɛɩ ɩ kiŋ. 
\v 11 Amɑ sǝkpɛtʋɣʋ nyɑlǝnɑ wei ɩnɩ ɩ tɑɑ kpɑɑnɑ ɩ yʋlʋtɔɣɔntǝlɛ tɔ ɩ tɔɔ. Kʋ tɑɑ kɛ́ ɩ tɔŋ, ɩ tɑ cɛkǝnɑ ɩ tǝpote. Mpi tɔ, sǝkpɛtʋɣʋ yʋlʋsɑ ɩ ɩsɛ tɔ se.
\p
\v 12 Mɑ piyɑ, pǝ hɩɩsɑ mǝ ɩsɑɣɑtʋ kɛ Kilisiti tɔɔ tɔɣɔ mɑ ŋmɑɑ tɑkǝlɑɣɑ nɑ mɑ́ heeliɣi-mɛ. 
\v 13 Cɑɑnɑɑ mɛ mǝ nyǝmnɑ wei ɩ kɑ wɛ hɑtuu kɑncɑɑlɑɣɑ tɔ, pǝ tɔɔ kɛ́ mɑ ŋmɑɑ tɑkǝlɑɣɑ sɩ mɑ́ heeliɣi-mɛ. Ɩfepiyɑ mɛ, mǝ kǝlɑ Ɩsɑɣɑʋ tɔɣɔ mɑ ŋmɑɑ tɑkǝlɑɣɑ sɩ mɑ́ heeliɣi-mɛ.
\p
\v 14 Piyɑ, mǝ nyǝmɑ́ Tɑcɑɑ tɔɣɔ mɑ ŋmɑɑ tɑkǝlɑɣɑ nɑ mɑ́ heeliɣi-mɛ. Cɑɑnɑɑ mɛ, mǝ nyǝmɑ́ wei ɩ kɑ wɛ hɑtuu pǝ kɑncɑɑlɑɣɑ tɔ, pǝ tɔɔ kɛ́ mɑ ŋmɑɑ tɑkǝlɑɣɑ nɑ mɑ́ heeliɣi-mɛ. Ɩfepiyɑ, mǝ wɛnnɑ tomɑ, nɑ Ɩsɔ Tɔm cɑkɩ mǝ tɑɑ, nɑ ɩ́ kǝlɑ Ɩsɑɣɑʋ, pǝ tɔɔ kɛ́ mɑ ŋmɑɑ-mɛɣɛ tɑkǝlɑɣɑ.
\p
\v 15 Ɩ́ tɑɑ sɔɔlɩ ɑntulinyɑ, pɑɑ mpi pǝ tɩɩ kɛ́ ɑntulinyɑ nyǝm mɑɣɑmɑɣɑ tɔ, ɩ́ tɑɑ sɔɔlɩ. Ye nɔɣɔlʋ sɔɔlɑ ɑntulinyɑ, pʋntʋ tɑ sɔɔlɩ Tɑcɑɑ tɔtɔ. 
\v 16 Pǝ tǝnɑ mpi pǝ kɛ́ ɑntulinyɑ nyǝm tɔɣɔlɔ, yʋlʋtɔnʋɣʋ kʋnyɩɩlǝŋ ɩsɑɣɑŋ, nɑ yʋlʋ nɑɑkʋɣʋ pʋlʋ nɑ pǝ ɩsǝsɛɛmlɛ kpɑɩ́ tɔ, pǝ tɑɣɑ Tɑcɑɑ kiŋ kɛ pǝ lɩɩnɑɑ. 
\v 17 Antulinyɑ nɑ pǝ tǝnɑ mpi yǝlɑɑ nɑɑkɩ ɩ tɑɑ nɑ pɑ́ nyɩɩlǝɣɩ tɔ pǝ tɔŋnɑ tɛm kɛ́. Amɑ wei ɩ lɑkɩ Ɩsɔ luɣu nyǝntʋ tɔ pʋntʋ cɑkǝnɑ tɑm.
\s1 Kilisiti kolontu
\p
\v 18 Mɑ piyɑ, ɑntulinyɑ tɛm wʋsɑɑ kɛ́. Ɩ́ tɛmɑ nɩɩʋ sɩ Kilisiti kolontu kɑ lɩɩ. Tɔʋ, kɑɣɑnɑ ɩ kolontunɑɑ mpɛ pɑ lɩɩ pɑɣɑlɛ kɛ́ tǝnyɔɔ. Pǝ tɔɔ kɛ́ tǝ nyǝmnɑɑ sɩ pǝ wʋsɑ tɛm kɛ́. 
\v 19 Yǝlɑɑ pɑnɛ pɑ tɑɑ kɛ́ tɑ nyǝ́mɑ nɑ tɑmpɑnɑ se, pǝ tɔɔ kɛ́ pɑ lɩɩ tɑ́ tɑɑ. Ḿpʋ́ɣʋ́ mɛɛ, ye pɑɑ kɛ́ tɑ́ nyǝ́mɑ, pɑ tɑɑ lɩɩ tɑ́ tɑɑ se. Amɑ pɑ lɩɩ tɑ tɑɑ kɛ́ sɩ pǝ́ hʋ́lɩ́ teu sɩ pɑ tɑɑ nɔɣɔlʋ tɑɑ kɛ́ tɑ́ nyǝŋ nɑ tɑmpɑnɑ.
\p
\v 20 Ye mɛ ɩlɛ Feesuɣu Nɑŋŋtʋ wei Kilisiti tisɑ pɑɑ mǝ tɑɑ wei ɩ tɔɔ tɔ ɩnǝɣɩ ɩ́ hikɑɑ, nɑ mpʋ pǝ yelinɑ mǝ tǝnɑ ɩ́ nyǝmɑ́ tɑmpɑnɑ. 
\v 21 Ye mpʋ pǝ tɑɣɑ ɩsɩɩ ɩ́ tɑ́ nyɩ tɑmpɑnɑ tɔɣɔ mɑ ŋmɑɑ-mɛ sɩ mɑ́ heeliɣi-mɛ. Amɑ ɩsɩɩ ɩ́ nyǝmɑ-yɛ, nɑ ɩ́ nyǝmɑ́ tɔtɔ sɩ pɔpɔtʋ nɑtǝlɩ tǝ fɛɩ tɑmpɑnɑ tɑɑ tɔ pǝ tɔɔ kɛ́.
\p
\v 22 Aweɣelɛ pɔpɔtʋ ɩlɛ? Wei ɩ yɔɣɔtǝɣɩ tǝfoo sɩ Yesu tɑ́ kɛ́ Kilisiti tɔ pʋntʋ ntɛ́ pɔpɔtʋ. Nɑ ɩnǝɣǝlɛ Kilisiti kolontu. Pʋntʋ kpɛŋnɑ Tɑcɑɑ nɑ ɩ Pǝyɑɣɑ kɛ́ nɑ ɩ́ kisi. 
\v 23 Ḿpʋ́ɣʋ́ mɛɛ, ye wei ɩ́ kisɑ Pǝyɑɣɑ, pʋntʋ kisɑ Tɑcɑɑ tɔtɔɣɔ. Nɑ ye wei ɩ́ nyǝmɑ́ Pǝyɑɣɑ, pʋntʋ nyǝmɑ́ Tɑcɑɑ tɔtɔɣɔ.
\p
\v 24 Pǝ tɔɔ kɛ́ ɩ́ kɑ́ lɑ kookɑlɩ nɑ ɩ́ tɔkɩ tɔm nti ɩ nɩɩ hɑtuu kɑncɑɑlɑɣɑ tɔɣɔ mǝ tɑɑ kɛ́ teu. Ye ɩ tɔkɑ wenti ɩ́ nɩɩ kɑncɑɑlɑɣɑ tɔɣɔ mǝ tɑɑ ɩlɛ mǝ nɑ Pǝyɑɣɑ nɑ Tɑcɑɑ ɩ́ kɑ́ kpɛntɩ nɑ ɩ́ cɑɣɑ mpʋ. 
\v 25 Kilisiti tɔmɑ sɩ ɩ kɑ́ hɑ-tʋɣʋ mpi tɔɣɔlɛ weesuɣu ŋku kʋ kɑɑ tɛ́ tɔ.
\p
\v 26 Mpɑ pɑ pɛɛkǝɣɩ sɩ pɑ́ puɣusi-mɛ tɔ, pɑ tɔɔ kɛ́ mɑ ŋmɑɑ-mɛɣɛ tǝnɛ ɩnɩ sɩ mɑ́ heeliɣi-mɛ. 
\v 27 Ye mɛ ɩlɛ Kilisiti tisɑ ɩ Feesuɣu kɛ mǝ tɔɔ kɛ́. Nɑ ɩ Feesuɣu wɛʋ mǝ kiŋ tɔ nɔɣɔlʋ ɩɩ nɔkǝɣɩ-mɛɣɛ nɑtǝlǝɣɩ hʋ́lʋ́ɣʋ́ tɔtɔ. Feesuɣu hʋlǝɣǝnɑ-mɛɣɛ pǝ tǝnɑ nɑ tɑmpɑnɑ kɛ kʋ sɛɣɛsǝɣɩ, kɩɩ sɛɣɛsǝɣɩ pɔpɔtʋ. Pǝ tɔɔ ɩlɛ ɩ́ tǝŋ Feesuɣu kʋsɛɣɛsǝtʋ nɑ mǝ nɑ Kilisiti ɩ́ kpɛntɩ mpʋ.
\p
\v 28 Nn mɑ piyɑ, mǝ nɑ Kilisiti ɩ́ kpɛntɩ nɑ ɩ́ cɑɣɑ mpʋ, nɑ tɩɩ tʋ-ɩ nɑɑni kɛ́ wɑɑtʋ wei ɩ kɑ lɩɩ tɔ, tǝ kɑɑ kuu fɛɛlɛ kɛ ɩ ɩsɛntɑɑ kɛ́ kʋyɑŋku ɩ kɑ́ kɔɔ tɔ. 
\v 29 Ɩ́ nyǝmɑ́ teu sɩ siɣisuɣu kɛ Kilisiti nɑ́ tǝŋǝɣɩ, mpʋ tɔtɔɣɔ ɩ́ kɑ́ nyɩ sɩ yǝlɑɑ tǝnɑ mpɑ pɑ tǝŋǝɣɩ siɣisuɣu tɔ pɑ kɛ́ Ɩsɔ piyɑ kɛ́.
\c 3
\s1 Ɩsɔ piyɑ
\p
\v 1 Ɩ́ nyǝnɩ ɩsǝnɑ mpi Tɑcɑɑ sɔɔlɑ-tʋ tɔ ɩ pɑɑsɑɑ kɛ́ nɑ ɩ́ sɔɔlɩ-tʋ nɑ hɑlɩ pɑ́ yɑɑ-tʋ sɩ ɩ piyɑ, nɑ tǝ tɩɩ kɛ́ ɩ piyɑ nsǝɣɩ. Ɩ́ tɑ́ nɑ́ mpi pǝ tɔɔ ɑntulinyɑ nyǝ́mɑ tɑ nyɩ-tʋ tɔɣɔlɛ. Pɑ tɑɑ nyɩ Ɩsɔ tɔɣɔ pɑ tɑ nyɩ tɑ́. 
\v 2 Mɑ tɑɑpɑlɑɑ, kɑɣɑnɑ tǝ kɛ́ Ɩsɔ piyɑ kɛ́, ɩlɛ pǝ tɑ kulitɑ ɩsǝnɑ tɩɩ tɛ nɑ tǝ́ wɛɛ tɔ pǝ tɔɔ tǝkeelee nɑ pǝ́cɔ́. Pɑɑ nɑ mpʋ tǝ nyǝmɑ́ sɩ Kilisiti kɔŋ nɑ ɩ́ lɩɩ tɔ tɩɩ nǝɣǝsǝnɑ-ɩ kɛ́, mpi tɔ tɩɩ nɑ́ ɩ wɛɛtʋ. 
\v 3 Yǝlɑɑ tǝnɑ mpɑ pɑ tɛɛlǝɣɩ Kilisiti kɛ mpʋ tɔ pɑ́ tɑɣɑnǝɣɩ pɑ tǝɣɩ nɑ pɑ́ lɑ́ kʋpɑmɑ ɩsɩɩ Yesu Kilisiti kɛʋ kʋpɑŋ tɔ.
\p
\v 4 Yǝlɑɑ tǝnɑ mpɑ pɑ lɑkɩ ɩsɑɣɑtʋ tɔ Ɩsɔ kʋsǝsɩɩtʋ kɛ pɑ kpɛɛsǝɣǝnɑ. Pǝ tɑɣɑ pʋlʋ, ɩsɑɣɑtʋ lɑpʋ kɛnɑ kʋsǝsɩɩtʋ kpɛɛsǝnɑʋ. 
\v 5 Nɑ ɩ́ nyǝmɑ́ teu sɩ Yesu Kilisiti kɔmɑɣɑ sɩ ɩ lǝsǝɣɩ yǝlɑɑ ɩsɑɣɑtʋ nɑ ɩ́ lɔ. Ɩ mɑɣɑmɑɣɑ ɩ fɛɩnɑ ɩsɑɣɑtʋ kɛ pɑɑ pǝcɔ. 
\v 6 Pǝ tɔɔ kɛ́ ye ɩ nɑ wei pɑ kpɛntɑɑ, pǝ cɛpɑ pʋntʋ nɑ ɩsɑɣɑtʋ lɑpʋ kɛ́. Amɑ ye wei ɩ wɛɛ nɑ ɩ́ tɔŋnɑ ɩsɑɣɑtʋ lɑpʋ, ɩ tɑ nɑ Yesu nɑ ɩ tɑ tɩɩ nyǝmɩ-ɩ.
\p
\v 7 Mɑ piyɑ ɩ́ tɑɑ yele nɑ nɔɣɔlʋ puɣusi-mɛ. Ye wei ɩ tǝŋǝɣɩ tɑmpɑnɑ, pʋntʋ mɑɣɑmɑɣɑ kɛ́ tɑmpɑnɑ tʋ kɛ́ ɩsɩɩ Yesu Kilisiti. 
\v 8 Ye wei ɩ wɛɛ nɑ ɩ́ tɔŋnɑ ɩsɑɣɑtʋ lɑpʋ, ɩlɔɣɔʋ tǝnnɑ pʋntʋ. Pǝ tɑɣɑ pʋlʋ ɩlɔɣɔʋ lɑpǝnɑ ɩsɑɣɑtʋ kɛ hɑtuu kɑncɑɑlɑɣɑ. Pǝ mɑɣɑmɑɣɑ pǝ tɔɔ tǝkpem kɛ́ Ɩsɔ Pǝyɑɣɑ kɔmɑ sɩ kɑ wɑkǝlǝɣɩ ɩlɔɣɔʋ tǝmɑ tǝnɑŋnɑŋ.
\p
\v 9 Wei ɩ kɛ́ Ɩsɔ pǝyɑɣɑ tɔ pǝ cɛpɑ-ɩ nɑ ɩsɑɣɑtʋ lɑpʋ kɛ́. Pǝ tɑɣɑ pʋlʋ, ɩ tɑ kɛ sǝtʋ tɔtɔ, ɩ tɛmɑ weesuɣu tʋ kɛ pǝsʋɣʋ kɛ́. Nɑ Ɩsɔ kɛlɛ ɩ Cɑɑ, ɩlɛ ɩ kɑɑ pǝsɩ nɑ ɩ́ tɔŋnɑ ɩsɑɣɑtʋ lɑpʋ. 
\v 10 Ɩɩ nɑɑ mpi pǝ yeki nɑ pɑ́ nyǝŋ Ɩsɔ piyɑ nɑ ɩlɔɣɔʋ nyǝnsɩ tɔɣɔlɔ. Wei ɩɩ tǝŋǝɣɩ tɑmpɑnɑ yɑɑ ɩɩ sɔɔlǝɣɩ ɩ yʋlʋɣɔɣɔntǝlɛ tɔ ɩ tɑ kɛ Ɩsɔ pǝyɑɣɑ.
\s1 Tǝmɑ sɔɔlʋɣʋ tɔm
\p
\v 11 Nti ɩ́ nɩɩwɑ hɑtuu kɑncɑɑlɑɣɑ tɔɣɔlɛ sɩ tǝ́ sɔɔlǝɣɩ tɑ́ tǝmɑ. 
\v 12 Pǝ fɛɩ sɩ tǝ́ lɑ ɩsɩɩ Kɑyini kɑ lɑpʋ tɔ, ɩ kɑ kɛ́ Ɩsɑɣɑʋ nyǝŋ kɛ́ nɑ ɩ́ kʋ́ ɩ neu. Nɑ pepe tɔɔ kɛ́ ɩ tɩɩ kʋ-ɩ tɔ? Ɩ neu lɑkɑɣɑ kʋsiɣisim nɑ ɩnɩ ɩ lɑkɑɣɑ ɩsɑɣɑm tɔ pǝ tɔɔ kɛ́.
\p
\v 13 Apɑlɑɑ mɛ, ye ɑntulinyɑ yǝlɑɑ tɑɑ kpɑɑnɑ-mɛ, tǝlɛ tǝ tɑɑ lɑ-mɛɣɛ piti. 
\v 14 Tǝ nyǝmɑ́ sɩ tǝ lɩɩ tǝsǝtɛ kɛ́ nɑ tǝ́ sʋʋ weesuɣu tǝhikile. Tǝ sɔɔlɑ tɑ yʋlʋtɔɣɔntǝlɛnɑɑ tɔɣɔ tǝ nyǝmɑ́ mpʋ. Wei ɩɩ sɔɔlǝɣɩ ɩ lɛlʋ tɔ ɩ wɛ sǝm tɑɑ kɛ́, ɩ tɑ lɩɩtɑ. 
\v 15 Yʋlʋ wei ɩ tɑɑ kpɑɑnɑ ɩ yʋlʋtɔɣɔntǝlɛ tɔ ɩ kɛ́ yʋlʋkʋlʋ kɛ́, nɑ mǝ nyǝmɑ́ sɩ yʋlʋkʋlʋ fɛɩnɑ weesuɣu ŋku kɩɩ tɛŋ tɔ. 
\v 16 Tɑ́ tɔɔ kɛ́ Yesu Kilisiti lɔ ɩ weesuɣu. Mpi tɑ́ nyǝmɑ́ sɩ yʋlʋ sɔɔlɑ ɩ lɛlʋ tɔɣɔlɛ. Ye mpʋ pǝ wɛɛ kɛ́ sɩ tɑɑ lɔ tɑ́ weesiŋ kɛ tɑ tɔɣɔntǝlɛnɑɑ tɔɔ. 
\v 17 Ye yʋlʋ wɛnɑ kɛlɛ, ɩlɛnɑ ɩ́ nɑ́ pǝ cɑɑlɑ ɩ yʋlʋtɔɣɔntǝlɛ nɑ ɩ́ tɑ toosi ɩ tɔm sɩ pʋlʋ, wɛɛntʋ ɩnɩ ɩ pǝsǝɣɩ nɑ ɩ́ tɔ sɩ ɩ sɔɔlɑ Ɩsɔ kɛlɛ? 
\v 18 Mɑ piyɑ tǝ tɑɑ mɑkɩ nɔɔsɩ tɑɑ kɛ́ yem kɛ́ tɑ́ tǝmɑ sɔɔlʋɣʋ tɔm. Amɑ tɑ́ lɑkɑsɩ ɩ́ hʋ́lǝ́ɣɩ́ tɔtɔ sɩ tǝ sɔɔlɑ tǝmɑ nɑ tɑmpɑnɑ.
\s1 Ɩsɔ nɑɑni tʋɣʋ
\p
\v 19 Mpi pɩɩ yele nɑ tǝ́ nyɩ sɩ tɑmpɑnɑ kɛ tǝ tǝŋǝɣɩ tɔɣɔlɛ. Pɩɩ yele nɑ tǝ́ wɛɛnɑ nɑɑni kɛ́ Ɩsɔ ɩsɛntɑɑ. 
\v 20 Ye pǝ heeliɣi-tʋɣʋ hɑtuu tɑ́ lotu tɑɑ sɩ tǝ fɛɩ teu, tǝ nyǝmɑ́ sɩ Ɩsɔ kǝlɑ tɑ́ lotu tɑɑ nyǝntʋ tǝnɑɣɑ tɔɔʋ nɑ ɩ nyǝmɑ́ pǝ tǝnɑ tǝpɑɩ. 
\v 21 Mɑ tɑɑpɑlɑɑ pǝ tɔɔ kɛ́ ye pǝ tɑ heeli-tʋɣʋ nɑtǝlǝɣɩ hɑtuu tɑ́ lotu tɑɑ, tǝ kɑɑ nyɑ Ɩsɔ ɩsɛntɑɑ kɛlɛ pɑɑ pǝcɔ. 
\v 22 Tǝ tǝŋǝɣɩ ɩ kʋheelitu nɑ tǝ́ lɑkɩ mpi ɩ cɑɑ tɔ pǝ tɔɔ kɛ́ ɩ hɑ-tʋɣʋ pǝ tǝnɑ mpi tǝ sǝlǝmǝɣɩ-ɩ tɔ. 
\v 23 Nti ɩ tʋ-tʋ tɔɣɔlɛ ɩ Pǝyɑɣɑ Yesu Kilisiti tɔm mʋɣʋ nɑ sɩ tǝ́ sɔɔlǝɣɩ tɑ tǝmɑ ɩsɩɩ Kilisiti tʋ-tʋ sɩ tǝ́ lɑkɩ tɔ. 
\v 24 Ye wei ɩ tǝŋǝɣɩ Ɩsɔ kʋsǝsɩɩtʋ pʋntʋ kpɛntǝnɑ Ɩsɔ kɛ́ nɑ Ɩsɔ wɛ pʋntʋ wɑɑlɩ. Ɩsɔ hɑ-tʋɣʋ ɩ Feesuɣu tɔɣɔ tǝ nyǝmɑ́ sɩ Ɩsɔ wɛ tɑ́ wɑɑlɩ.
\c 4
\s1 Ɩsɔ nɑ Sɑtɑnɩ pɑ feesiŋ fɑɣɑʋ
\p
\v 1 Mɑ tɑɑpɑlɑɑ, nyɛntɛ yǝlɑɑ mpɑ sɩ Ɩsɔ Feesuɣu tii mpɛ pɑ tɔɔ tɔ ɩ́ tɑɑ mʋɣɩ pɑ tǝnɑ pɑ tɔm kɛ yem. Ɩ́ tɛɛ pɑ wɑɑlɩ nɑ ɩ́ nɑ́ sɩ feesuɣu ŋkʋ kʋ kɛ́ Ɩsɔ nyǝŋkʋ yɑɑ ŋku. Pǝ tɑɣɑ pʋlʋ, Ɩsɔ kʋyɔɣɔtʋtʋ tɛlǝsǝlɑɑ pɔpɔtʋnɑɑ kʋpiŋ yɑnɑ nɑ ɑntulinyɑ. 
\v 2 Ɩsǝnɑ ɩ́ kɑ́ nyǝnɑ sɩ Ɩsɔ Feesuɣu nyǝ́mɑ tɔɣɔlɔ, ye wei ɩ tɔŋ sɩ Yesu Kilisiti pǝsɑ yʋlʋ nɑ tɑmpɑnɑ ɩlɛ Ɩsɔ Feesuɣu tʋ ntɛ́. 
\v 3 Amɑ wei ɩɩ tisiɣi sɩ Yesu pǝsɑ yʋlʋ nɑ tɑmpɑnɑ tɔ Ɩsɔ Feesuɣu fɛɩ ɩ kiŋ. Kilisiti kolontu nyǝŋkʋ tʋ ntɛ́ pʋntʋ. Ɩ́ kɑ́ nɩɩwɑ sɩ ɩ kɑ́ kɔɔ tɔ, ɩ tɛmɑ kɔntɛ kɛ ɑntulinyɑ tɑɑ.
\p
\v 4 Amɑ mɑ piyɑ mɛ mǝ kɛ́ Ɩsɔ nyǝ́mɑ kɛ́ nɑ ɩ́ kǝlɑ Ɩsɔ kʋyɔɣɔtʋtʋ tɛlǝsǝlɑɑ pɔpɔtʋnɑɑ. Pǝ tɑɣɑ pʋlʋ, Feesuɣu ŋku kʋ wɛ mǝ kiŋ tɔ kʋ kǝlɑ feesuɣu ŋku kʋ wɛ ɑntulinyɑ nyǝ́mɑ kiŋ tɔ. 
\v 5 Antulinyɑ yɔɣɔtɑɣɑ kɛ pɑ yɔɣɔtǝɣɩ, nɑ ɑntulinyɑ nyǝ́mɑ nɩɩkɩ pɑ tɔm kɛ pɑ kɛ́ ɑntulinyɑ nyǝ́mɑ tɔ pǝ tɔɔ. 
\v 6 Amɑ tɑ́ ɩlɛ, Ɩsɔ tǝnnɑ tɑ́. Nɑ wei ɩ nyǝmɑ́ Ɩsɔ tɔ ɩnɩ ɩ nɩɩkǝnɑ tɑ́ tɔm, wei ɩ tɑ kɛ Ɩsɔ nyǝŋ tɔ ɩɩ nɩɩkɩ tɑ́ tɔm. Mpi pɩɩ yele nɑ tǝ́ nyǝŋ tɑmpɑnɑ Feesuɣu nɑ feesuɣu ŋku kʋ tolisiɣi yǝlɑɑ tɔɣɔlɛ.
\s1 Ɩsɔ kɛ sɔɔlʋɣʋ
\p
\v 7 Mɑ tɑɑpɑlɑɑ, ɩ́ yele nɑ tǝ́ sɔɔlǝɣɩ tǝmɑ, pǝ tɑɣɑ pʋlʋ Ɩsɔ kiŋ kɛ sɔɔlʋɣʋ lɩɩnɑɑ. Nɑ wei ɩ sɔɔlǝɣɩ ɩ yʋlʋtɔɣɔntǝlɛ tɔɣɔlɛ Ɩsɔ pǝyɑɣɑ nɑ pʋntʋ nyǝmɑ́ Ɩsɔ kɛ́. 
\v 8 Amɑ wei ɩɩ sɔɔlǝɣɩ ɩ yʋlʋtɔɣɔntǝlɛ tɔ, pʋntʋ tɑ nyɩ Ɩsɔ. Pǝ tɑɣɑ pʋlʋ Ɩsɔ nɑ́ kɛ́ sɔɔlʋɣʋ tɔ se. 
\v 9 Ɩsɔ tilinɑ ɩ Pǝyɑɣɑ ɩkpɑmlɛ kɛ ɑntulinyɑ tɑɑ sɩ tǝ́ nɑ́ weesuɣu kɛ kɑ tɔɔ. Tɔʋ, mpi Ɩsɔ hʋlǝnɑɑ sɩ ɩ sɔɔlɑ-tʋ tɔɣɔlɛ. 
\v 10 Nɑ ɩsǝnɑ pǝ hʋlɑɑ sɩ sɔɔlʋɣʋ tɔm tǝkpem tɔɣɔlɛ timpi tɑ́ tɑ́ sɔɔlɩ Ɩsɔ nɑ ɩnɩ ɩ sɔɔlɩ-tʋ nɑ ɩ́ tili ɩ Pǝyɑɣɑ sɩ pǝ́ hɩɩsɩ tɑ́ ɩsɑɣɑtʋ kɛ kɑ tɔɔ tɔ.
\p
\v 11 Mɑ tɑɑpɑlɑɑ, Ɩsɔ nɑ́ tɑ́ kisi-tʋɣʋ mpʋɣʋlɛ sɔɔlʋɣʋ, ɩlɛ pǝ wɛɛ kɛ́ sɩ tɑ́ tɔtɔ tɑɑ sɔɔlǝɣɩ ḿpʋ́ɣʋ́ tɑ́ tǝmɑ. 
\v 12 Nɔɣɔlʋ tɑ keesitɑ Ɩsɔ se. Amɑ ye tǝ sɔɔlǝɣɩ tɑ́ tǝmɑ, Ɩsɔ wɛ tɑ́ wɑɑlɩ kɛ́ nɑ ɩ sɔɔlʋɣʋ nɑɑ tɑ́ kiŋ tǝkelekele.
\p
\v 13 Ɩsɔ hɑ-tʋɣʋ ɩ Feesuɣu tɔɣɔ tǝ nyǝmɑ́ sɩ tǝ kpɛntǝnɑ-ɩ nɑ ɩ wɛ tɑ́ wɑɑlɩ. 
\v 14 Tǝ nɑnɑ tɑ ɩsǝlɛ kɛ́ nɑ tǝ́ heeliɣi tǝfoo sɩ Tɑcɑɑ tilɑ ɩ Pǝyɑɣɑ sɩ kɑ́ lɑ ɑntulinyɑ Yɑtʋ. 
\v 15 Ye wei ɩ yɔɣɔtǝɣɩ sɩ Yesu kɛ́ Ɩsɔ Pǝyɑlʋ, Ɩsɔ wɛ ɩ wɑɑlɩ kɛ́ nɑ pʋntʋ kpɛntǝnɑ-ɩ. 
\v 16 Sɔɔlʋɣʋ mpi Ɩsɔ sɔɔlɑ-tʋ tɔ tǝ nyǝmɑ-wɩ, nɑ tǝ tɛmɑ-wɩ nɑ tɑ́ tɑɑ.
\p Ɩsɔ kɛ́ sɔɔlʋɣʋ tʋ kɛ́, ɩlɛ ye wei ɩ sɔɔlǝɣɩ ɩ lɛlʋ, pʋntʋ nyǝmɑ́ Ɩsɔ nɑ Ɩsɔ wɛ ɩ wɑɑlɩ. 
\v 17 Mpi pǝ hʋ́lǝ́ɣɩ́ sɩ tɑ tǝmɑ sɔɔlʋɣʋ tɩɩ fɛɩ pɑ́ yɔɣɔtɩ tɔɣɔlɛ sɩ tǝ kɑɑ nyɑnɑ pʋlʋɣʋ pɑɑ pǝcɔɣɔ Ɩsɔ hʋʋlɛ ńtɛ́ tǝ wule. Pǝ tɑɣɑ pʋlʋ, ɩsǝnɑ Yesu Kilisiti tɔmɑ ɑntulinyɑ tɑɑ tɔ ḿpʋ́ɣʋ́ tɑ́ tɔmɑ. 
\v 18 Sɔɣɔntʋ sɔɔlʋɣʋ tɑ kɛ sɔɔlʋɣʋ. Amɑ sɔɔlʋɣʋ mpi pǝ kɛ́ tɑmpɑnɑ nyǝm tɔ pǝ yɑsǝɣɩ sɔɣɔntʋ kɛ́. Pǝ tɔɔ kɛ́ sɔɣɔntʋ sɔɔlʋɣʋ tɑ kɛ sɔɔlʋɣʋ kʋpɑŋkʋ nɑkʋlɩ. Pǝ tɑɣɑ pʋlʋ, sɑlǝkɑ kɔŋnɑ nɑ sɔɣɔntʋ.
\p
\v 19 Ye tɑ́, Ɩsɔ lɑɑlǝnɑ-tʋɣʋ sɔɔlʋɣʋ ɩlɛnɑ tɑɑ sɔɔlɩ-ɩ. 
\v 20 Ye nɔɣɔlʋ nɔɣɔ tɑɑ lɩɩwɑ sɩ: Mɑ sɔɔlɑ Ɩsɔ. Amɑ ye ɩ yʋlʋtɔɣɔntǝlɛ, ɩɩ sɔɔlǝɣɩ ɩ́lɛ́, pʋntʋ kɛ́ pɔpɔtʋ kɛ́. Ye ɩ tɑ sɔɔlɩ ɩ yʋlʋtɔɣɔntǝlɛ wei ɩ nɑɑkɩ tɔ ɩsǝnɑɣɑ ɩ kɑ́ sɔɔlɩ Ɩsɔ wei ɩɩ nɑɑkɩ tɔ? 
\v 21 Kʋsǝsɩɩtʋ nti Kilisiti tʋ-tʋ tɔɣɔlɛ sɩ: Pǝ wɛɛ sɩ ye wei ɩ sɔɔlɑ Ɩsɔ, pʋntʋ ɩ́ sɔɔlɩ ɩ yʋlʋtɔɣɔntǝlɛ tɔtɔɣɔ.
\c 5
\s1 Tɑ kǝlʋɣʋ kɛ ɑntulinyɑ
\p
\v 1 Yʋlʋ wei ɩ tɛmɑ ɩ tɑɑ sɩ Yesu kɛlɛ Kilisiti tɔ, pʋntʋ kɛnɑ Ɩsɔ pǝyɑɣɑ, nɑ ye wei ɩ sɔɔlɑ piyɑ cɑɑ, pʋntʋ sɔɔlɑ piyɑ tɔtɔɣɔ. 
\v 2 Tǝ sɔɔlʋɣʋ Ɩsɔ nɑ tǝ́ lɑkɩ ɩ kʋsǝsɩɩtʋ tɔɣɔ tǝ nyǝmɑ́ sɩ tǝ sɔɔlɑ ɩ piyɑ. 
\v 3 Tǝ tǝŋǝɣɩ Ɩsɔ kʋsǝsɩɩtʋ tɔɣɔ pǝ hʋ́lǝ́ɣɩ́ sɩ tǝ sɔɔlɑ Ɩsɔ. Nɑ Ɩsɔ kʋsǝsɩɩtʋ tɑ kǝlɩ-tʋɣʋ kɑtɛ. 
\v 4 Pǝ tɑɣɑ pʋlʋ tɔɔ pɑɑ Ɩsɔ pǝyɑɣɑ ŋkɑ kɑ́ pǝsǝɣɩ nɑ kɑ́ kǝlɩ ɑntulinyɑ kɛ́. Tǝ tɛmɑ Ɩsɔ nɑ tɑ tɑɑ tɔɣɔ tǝ kǝlɑ ɑntulinyɑ. 
\v 5 Awe pǝsǝɣǝnɑ nɑ ɩ́ kǝlɩ ɑntulinyɑ, ye pǝ tɑɣɑ wei ɩ́ tɛŋ ɩ tɑɑ sɩ: Yesu kɛlɛ Ɩsɔ Pǝyɑlʋ tɔ ɩ pɑɑsi?
\s1 Kilisiti tɔɔ tɑmpɑnɑ hʋlʋɣʋ
\p
\v 6 Yesu Kilisiti kɛlɛ wei ɩ kɔmnɑ lʋm nɑ cɑlǝm tɔ. Pǝ tɑɣɑ lʋm tike kɛ ɩ kɔmnɑɑ, ɑmɑ nɑ cɑlǝm tɔtɔɣɔ. Nɑ Feesuɣu lǝsǝɣǝnɑ seliyɑ sɩ ḿpʋ́ɣʋ́ pǝ wɛɛ. Pǝ tɑɣɑ pʋlʋ Feesuɣu kɛnɑ tɑmpɑnɑ tʋ. 
\v 7 Seliyɑ nyǝm wɛ tɔm tooso kɛ́. 
\v 8 Feesuɣu nɑ lʋm nɑ cɑlǝm, nɑ pǝ tǝnɑ pǝ tooso ɩsǝntɔ ɩɩ kpɛɛsǝɣǝnɑ tǝmɑ. 
\v 9 Ye yǝlɑɑ lǝsǝɣɩ seliyɑ tǝ mʋɣɩ. Tɔʋ, Ɩsɔ nyǝŋ nɑ́ kǝlɑ yǝlɑɑ nyǝ́mɑ tǝcɑɣɑcɑɣɑ. Ɩsɔ seliyɑ kɛlɛ wei ɩ lǝsɑ ɩ Pǝyɑɣɑ tɔɔ tɔ. 
\v 10 Pǝ tɔɔ kɛ́ wei ɩ tɛŋ Ɩsɔ Pǝyɑɣɑ nɑ ɩ tɑɑ tɔ pʋntʋ cɛkǝnnɑ seliyɑ ɩnɛɣɛ hɑtuu ɩ tɑɑ. Amɑ ye wei ɩɩ tɛŋ ɩ tɑɑ nɑ Ɩsɔ, pʋntʋ yɑɑ Ɩsɔ kɛ́ pɔpɔtʋ kɛ́. Pǝ tɑɣɑ pʋlʋ tɔɔ, ɩ tɑ mʋ seliyɑ wei Ɩsɔ lǝsɑ ɩ Pǝyɑɣɑ tɔɔ tɔ. 
\v 11 Nɑ seliyɑ wei Ɩsɔ lǝsǝɣɩ tɔɣɔlɛ sɩ: Ɩ hɑ-tʋɣʋ weesuɣu ŋku kɩɩ tɛŋ tɔ, nɑ ɩ Pǝyɑɣɑ cɛlǝnɑ-tʋɣʋ-kʋ. 
\v 12 Ye wei ɩ kpɛntǝnɑ Pǝyɑɣɑ, ɩ hikɑ weesuɣu kʋnɛ ɩnǝɣɩ. Nɑ wei ɩ tɑ kpɛntǝnɑ Ɩsɔ Pǝyɑɣɑ tɔ pʋntʋ kɑɑ nɑ-kʋ.
\s1 Weesuɣu ŋku kɩɩ tɛŋ tɔ kʋ tɔm
\p
\v 13 Mɑ ŋmɑɑ tɑkǝlɑɣɑ nɑ mɑ́ heeli-mɛɣɛ ḿpʋ́ɣʋ́ sɩ mɛ mpɑ ɩ́ tɛmɑ mǝ tɑɑ nɑ Ɩsɔ Pǝyɑɣɑ tɔ ɩ́ hikɑ weesuɣu ŋku kɩɩ tɛŋ tɔɣɔ. 
\v 14 Tǝ nyǝmɑ́ sɩ ye tǝ sǝlǝmǝɣɩ Ɩsɔ kɛ́ mpi pǝ kɛ́ ɩ luɣu nyǝm tɔ, ɩ nɩɩkɩ tɔɔ kɛ́ tɑ́ nɑɑni tɔɔ sɔsɔm kɛ ɩ tɔɔ. 
\v 15 Ɩsǝnɑ mpi tǝ nyǝm sɩ ye tǝ sǝlǝmǝɣɩ-ɩ pʋlʋ ɩ nɩɩkɩ tɔ, mpʋ tɔtɔɣɔ tǝ nyǝmɑ́ sɩ ɩ hɑɑ-tʋɣʋ mpi tǝ sǝlǝmǝɣɩ-ɩ tɔ.
\p
\v 16 Ye nɔɣɔlʋ nɑwɑ ɩ tɑɑpɑlʋ nɑ ɩ́ lɑkɩ ɩsɑɣɑtʋ nti tɩɩ kɔŋnɑ sǝm tɔ, pǝ wɛɛ sɩ pʋntʋ ɩ́ sǝlǝmǝnɑ ɩ tɑɑpɑlʋ nɑ Ɩsɔ kɛ́, nɑ Ɩsɔ hɑ-ɩ weesuɣu. Ɩsɑɣɑtʋ nti tɩɩ kɔŋnɑ sǝm tɔɣɔ mɑ tɔŋ. Ɩsɑɣɑtʋ nti tǝ kɔŋnɑ sǝm tɔ pǝ tɑɣɑ tǝlɛ tǝ tɔɔ kɛ́ mɑ tɔŋ sɩ ɩ́ sǝlǝmǝnɑ. 
\v 17 Pǝ tǝnɑ mpi pǝ tɑ siɣisi tɔ pǝ kɛ́ ɩsɑɣɑtʋ kɛ́. Amɑ ɩsɑɣɑtʋ lɛntǝnɑɑ wɛɛ nɑ tɩɩ kɔŋnɑ sǝm.
\p
\v 18 Tǝ nyǝmɑ́ sɩ Ɩsɔ pǝyɑɣɑ nɑkǝlɩ kɑ kɑɑ wɛɛ nɑ kɑ́ tɔŋnɑ ɩsɑɣɑtʋ lɑpʋ. Pǝ tɑɣɑ pʋlʋ, Ɩsɔ pǝyɑɣɑ kentinɑ ɩ tɔɔ, nɑ Ɩsɑɣɑʋ kɑɑ kpɑɣɑ pʋlʋɣʋ ɩ tɔɔ.
\p
\v 19 Tǝ nyǝmɑ́ sɩ Ɩsɔ tǝnnɑ-tʋ, nɑ Ɩsɑɣɑʋ niŋ tɑɑ kɛ́ ɑntulinyɑ tǝnɑ nɑ́ wɛɛ.
\p
\v 20 Tǝ nyǝmɑ́ sɩ Ɩsɔ Pǝyɑɣɑ kɔmɑ nɑ kɑ́ lɑ́ nɑ tǝ hii lɑɣɑtʋ sɩ tǝ nyɩ tɑmpɑnɑ Ɩsɔ. Nɑ tɑ nɑ-ɩ nɑ ɩ Pǝyɑɣɑ Yesu Kilisiti tǝ kpɛntɑɑ nɑ tǝ́ wɛɛ mpʋ. Ɩnǝɣǝlɛ tɑmpɑnɑ Ɩsɔ, ɩnǝɣǝlɛ weesuɣu ŋku kɩɩ tɛŋ tɔ.
\p
\v 21 Mɑ piyɑ, ɩ́ lɑ lɑɑkɑlɩ nɑ tɩɩŋ.