\id 1CH - Lokpa Bible portions [dop] -Benin 1999 (web edition -2017)
\ide UTF-8
\h Kʋtɔɔsʋtʋ I
\toc1 KƲTƆƆSƲTƲ TAKƎLAƔA KANCAALAƔA NYƎŊKA
\toc2 Kʋtɔɔsʋtʋ I
\toc3 Kʋt I
\mt1 KƲTƆƆSƲTƲ
\mt2 TAKƎLAƔA KANCAALAƔA NYƎŊKA
\imt1 Kʋtʋlʋtʋ
\ip Kʋtɔɔsʋtʋ tɑkǝlɑɣɑ kɑncɑɑlɑɣɑ nyǝŋkɑ kɑnɛ kɑ tɑɑ kɛ́ pɑ kɛɛsǝɣɩ Ɩsɛɣɛlɩ nyǝ́mɑ lʋlʋŋ loosi tɔm nɑ Tɑfiiti kɑwulɑɣɑ tɔɣɔʋ tɔm. Pɑ kɛɛsǝɣɩ kɑ tɑɑ tɔtɔɣɔ Ɩsɔ tǝyɑɣɑ ŋmɑʋ tɑɣɑnʋɣʋ tɔm tɔtɔ. Tɑkǝlɑɣɑ ŋmɑɑlʋ hʋlǝɣɩ-tʋ sɩ Ɩsɔ sɛɛtʋ ńtɛ́ pǝ tǝnɑ pǝ kite.
\iot Ɩsǝnɑ pɑ fɑɣɑ Kʋtɔɔsʋtʋ I tɑkǝlɑɣɑ tɔ:
\io1 Atɑm lʋlɑɑ nɑ pǝ lʋlɩ Tɑfiiti, titite \ior 1–9\ior*
\io1 Tɑfiiti kɑwulɑɣɑ tɔɣɔʋ tɔm, titite \ior 10–29\ior*
\c 1
\ms1 LƲLƲŊ LOOSI TAMSƲƔƲ
\s1 Pǝ kpɑɣɑʋ Atɑm nɑ pǝ́ polo Ɩsɑʋ lʋlʋɣʋ tɔ
\p
\v 1 Atɑm pǝyɑlʋ kɛlɛ Sɛtɩ, Sɛtɩ pǝyɑlʋ kɛlɛ Ɩnɔɔsɩ. 
\v 2 Ɩnɔɔsɩ pǝyɑlʋ kɛlɛ Kenɑŋ, Kenɑŋ pǝyɑlʋ kɛlɛ Mɑlɑleyɛlɩ, Mɑlɑleyɛlɩ pǝyɑlʋ kɛlɛ Yelɛtɩ. 
\v 3 Yelɛtɩ pǝyɑlʋ kɛlɛ Henɔkɩ, Henɔkɩ pǝyɑlʋ kɛlɛ Mɑtusɑlɛm, Mɑtusɑlɛm pǝyɑlʋ kɛlɛ Lemɛkɩ. 
\v 4 Lemɛkɩ pǝyɑlʋ kɛlɛ Nowee, Nowee pǝyɑlɑɑ ntɛ́ Sem nɑ Kɑm nɑ Yɛfɛtɛ.
\p
\v 5 Yɛfɛtɛ pǝyɑlɑɑ ntɛ́ Komɛɛ, nɑ Mɑkɔkɩ, nɑ Mɑtɑyi, nɑ Yɑfɑŋ, nɑ Tupɑɑlɩ, nɑ Mesɛkɩ, nɑ Tilɑsɩ. 
\v 6 Komɛɛ pǝyɑlɑɑ ntɛ́ Asǝkǝnɑɑsɩ, nɑ Tifɑtɩ, nɑ Tokɑɑmɑ. 
\v 7 Yɑfɑŋ pǝyɑlɑɑ ntɛ́ Ilisɑ nɑ Tɑɑsisi, nɑ Kitim, nɑ Lotɑnim.
\p
\v 8 Kɑm pǝyɑlɑɑ ntɛ́ Kusi, nɑ Misilɑyim, nɑ Puti, nɑ Kɑnɑɑŋ. 
\v 9 Kusi pǝyɑlɑɑ ntɛ́ Sepɑ, nɑ Hɑfilɑ, nɑ Sɑpǝtɑ, nɑ Lɑkǝmɑ, nɑ Sɑpǝtekɑ. Lɑkǝmɑ pǝyɑlɑɑ ntɛ́ Sɑpɑ, nɑ Tetɑŋ. 
\v 10 Tɛtʋ tɑɑ wulɑʋ kɑncɑɑlɑɣɑ nyǝŋ Nemloti cɑɑ kɛlɛ Kusi tɔtɔ. 
\v 11-12 Lutɩ, nɑ Anem, nɑ Lehɑpɩ, nɑ Nɑfutu, nɑ Pɑtǝlɔsɩ, nɑ Kɑsulu, nɑ Kɑfǝtɔɔ nyǝ́mɑ mpɑ pɑ kɛ́ Filiisi nyǝ́mɑ tɔ pɑ cɔsɔ kɛlɛ Misilɑyim. 
\v 13-15 Kɑnɑɑŋ pǝyɑlʋ kɑncɑɑlɑɣɑ nyǝŋ ntɛ́ Sitɔŋ. Sitɔŋ wɑɑlɩ kɛ́ Hɛtɩ. Pǝyele Yepusi nyǝ́mɑ, nɑ Amolii nyǝ́mɑ, nɑ Kilikɑsɩ nyǝ́mɑ, nɑ Hifi nyǝ́mɑ, nɑ Alǝkitɩ nyǝ́mɑ, nɑ Sini nyǝ́mɑ 
\v 16 nɑ Afɑtɩ nyǝ́mɑ, nɑ Semɑlii nyǝ́mɑ, nɑ Hɑmɑtɩ nyǝ́mɑ cɔsɔ kɛlɛ.
\p
\v 17 Sem pǝyɑlɑɑ ntɛ́ Ɩlɑm, nɑ Asuu, nɑ Alǝpɑsɑtɩ, nɑ Lutɩ, nɑ Alɑm, nɑ Usi, nɑ Huulɩ, nɑ Ketɛɛ, nɑ Mesɛkɩ. 
\v 18 Alǝpɑsɑtɩ pǝyɑlʋ kɛlɛ Selɑ, Selɑ pǝyɑlʋ kɛlɛ Ɩpɛɛ. 
\v 19 Piyɑ nɑɑlɛɣɛ Ɩpɛɛ lʋlɑɑ, pɑ yɑɑ kɑncɑɑlɑɣɑ nyǝŋkɑ sɩ Pelɛkɩ. Pǝ nyʋɣʋ ntɛ́ sɩ fɑɣɑʋ. Mpi tɔ, ɩ wɑɑtʋ tɑɑ kɛ́ ɑtɛ yǝlɑɑ fɑɣɑɑ. Pɑ yɑɑ Pelɛkɩ neu sɩ Yɔkǝtɑŋ. 
\v 20 Yɔkǝtɑŋ pǝyɑlɑɑ ntɛ́ Alǝmotɑtɩ, nɑ Selɛfɩ, nɑ Hɑsɑmɑfɛtɩ, nɑ Yelɑ. 
\v 21 Nɑ Hɑtolɑm, nɑ Usɑlɩ, nɑ Tikǝlɑ, 
\v 22 nɑ Ɩpɑɑlɩ, nɑ Apimɑyɛlɩ, nɑ Sɑpɑ. 
\v 23 Nɑ Ofii, nɑ Hɑfilɑ, nɑ Yopɑpɩ. Yɔkǝtɑŋ pǝyɑlɑɑ ntɛ́ pɑ tǝnɑɣɑ mpʋ.
\p
\v 24 Sem pǝyɑlʋ kɛlɛ Alǝpɑsɑtɩ, Alǝpɑsɑtɩ pǝyɑlʋ kɛlɛ Selɑ. 
\v 25 Selɑ pǝyɑlʋ kɛlɛ Ɩpɛɛ, Ɩpɛɛ pǝyɑlʋ kɛlɛ Pelɛkɩ, Pelɛkɩ pǝyɑlʋ kɛlɛ Lewu. 
\v 26 Lewu pǝyɑlʋ kɛlɛ Selu, Selu pǝyɑlʋ kɛlɛ Nɑhoo, Nɑhoo pǝyɑlʋ kɛlɛ Telɑ. 
\v 27 Telɑ pǝyɑlʋ kɛlɛ Apǝlɑm wei pɑ́ kɔmɑ nɑ pɑ́ cuɣusi sɩ Apǝlɑhɑm tɔ.
\p
\v 28 Apǝlɑhɑm pǝyɑlɑɑ ntɛ́ Ɩsɑɑkɑ nɑ Ɩsǝmɑyɛlɩ. 
\v 29 Pɑ lʋlʋŋ nyǝ́mɑ hǝlɑ ntɔ.
\p Ɩsǝmɑyɛlɩ pǝyɑlʋ kɑncɑɑlɑɣɑ nyǝŋ ntɛ́ Nepɑyɔtɩ, Nepɑyɔtɩ wɑɑlɩ kɛ́ Ketɑɑ, nɑ Atǝpelɛlɩ, nɑ Mipisɑm. 
\v 30 Nɑ Misemɑ, nɑ Tumɑ, nɑ Mɑsɑ, nɑ Hɑtɑtɩ, nɑ Temɑ. 
\v 31 Nɑ Yetuu, nɑ Nɑfisi, nɑ Ketǝmɑ. Ɩsǝmɑyɛlɩ nyǝ́mɑ ntɛ́.
\p
\v 32 Apǝlɑhɑm ɑlʋ nɑɑlɛ nyǝŋ Ketulɑ nɑ́ lʋlɑ-ɩ Similɑŋ nɑ Yɔkǝsɑŋ nɑ Metɑŋ, nɑ Mɑtiyɑŋ, nɑ Ɩsepɑkɩ, nɑ Suwɑ. Yɔkǝsɑŋ pǝyɑlɑɑ ntɛ́ Sɑpɑ nɑ Tetɑŋ. 
\v 33 Mɑtiyɑŋ piyɑ ntɛ́ Ɩfɑ nɑ Ɩfɛɛ, nɑ Hɑnɔkɩ, nɑ Apitɑ nɑ Ɩlǝtɑ. Ketulɑ lʋlʋɣʋ nyǝ́mɑ ntɛ́ pɑ tǝnɑɣɑ mpʋ.
\p
\v 34 Apǝlɑhɑm lʋlʋnɑ Ɩsɑɑkɑ. Ɩsɑɑkɑ nɑ́ lʋlɑ Ɩsɑʋ nɑ Ɩsɛɣɛlɩ. 
\v 35 Ɩsɑʋ pǝyɑlɑɑ ntɛ́ Ɩlifɑsɩ nɑ Lewɛlɩ nɑ Yewusi nɑ Yɑyelɑm nɑ Kolɑ. 
\v 36 Ɩlifɑsɩ pǝyɑlɑɑ ntɛ́ Temɑŋ nɑ Omɑɑ nɑ Sefi nɑ Kɑtɑm nɑ Kenɑsɩ nɑ Timnɑ nɑ Amɑleke. 
\v 37 Lewɛlɩ pǝyɑlɑɑ ntɛ́ Nɑhɑtɩ nɑ Selɑ nɑ Sɑmmɑ nɑ Misɑ. 
\v 38 Seyii pǝyɑlɑɑ ntɛ́ Lotɑŋ nɑ Sopɑlɩ nɑ Sipeyoŋ nɑ Anɑ nɑ Tisɔŋ nɑ Ɩsɛɛ nɑ Tisɑŋ. 
\v 39 Lotɑŋ pǝyɑlɑɑ ntɛ́ Holi nɑ Homɑm nɑ ɩ neu ɑlʋnyǝŋ ntɛ́ Timnɑ. 
\v 40 Sopɑlɩ pǝyɑlɑɑ ntɛ́ Aliyɑŋ, nɑ Mɑnɑhɑtɩ, nɑ Ɩpɑɑlɩ, nɑ Sefi, nɑ Onɑm. Sipiyɔŋ pǝyɑlɑɑ ntɛ́ Ayɑ, nɑ Anɑ. 
\v 41 Anɑ pǝyɑlʋ kɛlɛ Tisɔŋ, Tisɔŋ pǝyɑlʋ kɛlɛ Hɑmǝlɑŋ, nɑ Ɩsepɑŋ, nɑ Ɩtǝlɑŋ, nɑ Kelɑŋ. 
\v 42 Ɩsɛɛ pǝyɑlɑɑ ntɛ́ Pilehɑŋ, nɑ Sɑfɑŋ, nɑ Yɑkɑŋ. Tisɑŋ pǝyɑlɑɑ ntɛ́ Usi, nɑ Alɑŋ.
\s1 Ɩtɔm nyǝ́mɑ ɑwulɑɑ nɑ pɑ nyʋɣʋ nyǝ́mɑ
\r (Kɑncɑɑlɑɣɑ 36:31-43)
\p
\v 43-50 Awulɑɑ mpɑ pɑ́ tɔkɑɣɑ kɑwulɑɣɑ kɛ Ɩtɔm tɛtʋ tɑɑ nɑ pɑ́ kɑɑsǝɣɩ tǝmɑ, nɑ pǝ́cɔ́ Ɩsɛɣɛlɩ nyǝ́mɑ tɔkɩ pɑ kɑwulɑɣɑ tɔ pɑ hǝlɑ ntɔ. Tinɑpɑ tɛtʋ tʋ Peyɔɔ pǝyɑlʋ Pelɑ. Pelɑ sǝpɑ, ɩlɛnɑ Posolɑ tɛtʋ tʋ Selɑ pǝyɑlʋ Yopɑpɩ nɑ́ɑ́ tɔɣɔ. Pǝlɛ pǝ wɑɑlɩ kɛ́ Temɑŋ tɛtʋ tʋ Husɑm nɑ Afi tɛtʋ tʋ Petɑtɩ pǝyɑlʋ Hɑtɑtɩ. Ɩnɩ ɩ yoonnɑ Mɑtiyɑŋ tɛtʋ nyǝ́mɑ kɛ Mowɑpʋ tɛtʋ tɑɑ nɑ ɩ́ kǝlɩ-wɛ. Nɑ Mɑsǝlǝkɑ tɛtʋ tʋ Sɑmǝlɑ nɑ Lehopoti tɛtʋ tʋ Sɑwuli kɛ pɔɣɔ nɔɣɔ. Nɑ Akǝpɔɔ pǝyɑlʋ Pɑɑlɩ Hɑnɑŋ, nɑ Pɑyi tɛtʋ tʋ Hɑtɑtɩ wei ɩ́ kpɑɣɑ Mɑtǝlɛtɩ pɛɛlɔ Mɑtɑpeeli tɔ, Me-Sɑhɑpɩ sɑɑlɩ kɛlɛ.
\p
\v 51 Wulɑʋ Hɑtɑtɩ sǝm wɑɑlɩ kɛ́ lʋlʋŋ nyʋɣʋ nyǝ́mɑ tɔkɑɣɑ kɑwulɑɣɑ kɛ Ɩtɔm tɔɔ. Hɑlɩ pɛlɛ pɑ hǝlɑ ntɛ́ Timnɑ, nɑ Alǝfɑ, nɑ Yetɛtɩ, 
\v 52 nɑ Oholipɑmɑ, nɑ Ɩlɑ, nɑ Pinoŋ. 
\v 53 Nɑ Kenɑsɩ, nɑ Temɑŋ, nɑ Mipisɑɑ, 
\v 54 nɑ Mɑkǝtǝyɛlɩ nɑ Ɩlɑm. Ɩtɔm lʋlʋŋ nyʋɣʋ nyǝ́mɑ ntɛ́.
\c 2
\s1 Yɑkɔpʋ pǝyɑlʋ Yutɑ lʋlʋɣʋ nyǝ́mɑ
\p
\v 1 Yɑkɔpʋ wei pɑ́ cuɣusɑɑ sɩ Ɩsɛɣɛlɩ tɔ, ɩ pǝyɑlɑɑ hǝlɑ ntɔ. Lupɛŋ, nɑ Simiyɔŋ, nɑ Lefii, nɑ Yutɑ, nɑ Ɩsɑkɑɑ, nɑ Sɑpulɔŋ. 
\v 2 Nɑ Tɑŋ, nɑ Yosɛɛfʋ, nɑ Pɛncɑmɛɛ, nɑ Nɛfǝtɑli, nɑ Kɑtɩ, nɑ Asɛɛ.
\p
\v 3 Yutɑ nɑ́ hikɑ ɑpɑlʋpiyɑ tooso nɑ Kɑnɑɑŋ tɛtʋ tʋ Suwɑ pɛɛlɔ. Pɛlɛɣɛlɛ Ɛɛlɩ, nɑ Onɑŋ, nɑ Selɑ. Amɑ kɑncɑɑlɑɣɑ tʋ Ɛɛlɩ lɑpɑ mpi pǝ tɑ mɑɣɑ Tɑcɑɑ kɛ pɑɑ pǝcɔ tɔ. Ɩlɛnɑ Ɩsɔ kʋ-ɩ. 
\v 4 Pǝ wɑɑlɩ kɛ́ Yutɑ hikinɑ ɩ poolu Tɑmɑɑ kɛ ɑpɑlʋpiyɑ nɑɑlɛ tɔtɔ. Pɛlɛsɩ, nɑ Selɑ. Ɩ pǝyɑlɑɑ tǝnɑ kpɛntɑ kɑkpɑsɩ. 
\v 5 Pɛlɛsɩ pǝyɑlɑɑ ntɛ́ Hɛsǝlɔŋ, nɑ Hɑmuli. 
\v 6 Selɑ pǝyɑlɑɑ ntɛ́ Simili, nɑ Ɩtɑŋ, nɑ Hemɑŋ, nɑ Kɑlǝkɔtɩ, nɑ Tɑlɑ. Pɑ kpɛntɑ kɑkpɑsɩ. 
\v 7 Kɑɑmi pǝyɑlʋ kɛlɛ Akɑɑ. Ɩnɩ ɩ kɑ́ kpɑɣɑnɑ mpi Tɑcɑɑ kɑ́ kisɑɑ sɩ pɑ́ tɑɑ sɩɩ pɑ tɩ tɔ. Ɩlɛnɑ Ɩsɔ nɑ́ɑ́ tǝŋsɩ-wɛɣɛ mpusi. 
\v 8 Ɩtɑŋ pǝyɑlʋ kɛlɛ Asɑliyɑ. 
\v 9 Hɛsǝlɔŋ pǝyɑlɑɑ ntɛ́ Yelɑmeyɛlɩ, nɑ Lɑm, nɑ Kɑlɛpʋ.
\p
\v 10 Lɑm pǝyɑlʋ kɛlɛ Aminɑtɑpɩ, Aminɑtɑpɩ lʋlǝnɑ Yutɑ kpekǝle nyʋɣʋ tʋ Nɑsɔŋ. 
\v 11 Nɑsɔŋ pǝyɑlʋ kɛlɛ Sɑlǝmɑ, Sɑlǝmɑ pǝyɑlʋ kɛlɛ Poosi. 
\v 12 Poosi pǝyɑlʋ kɛlɛ Opɛtɩ, Opɛtɩ pǝyɑlʋ kɛlɛ Sesee. 
\v 13 Ɩlɛnɑ Sesee nɑ́ɑ́ lʋlɩ piyɑ nɑɑtosompɔɣɔlɑɣɑ. Hɑlɩ pɑ hǝlɑ ntɔ, ɩsɩɩ pɑ tǝŋɑ tǝmɑ tɔ. Ɩliyɑpɩ, nɑ Apinɑtɑpɩ, nɑ Sɑmmɑ, 
\v 14 nɑ Netɑneyɛlɩ, nɑ Lɑtɑyi, 
\v 15 nɑ Osɛm, nɑ Tɑfiiti. 
\v 16 Pɑ newɑɑ ɑlʋnyǝmɑ ntɛ́ Seluyɑ, nɑ Apikɑɑlɩ. Seluyɑ pǝyɑlɑɑ ntɛ́ Apisɑyi, nɑ Sowɑpɩ, nɑ Asɑyɛɛlɩ. Pɑ kpɛntɑ tooso. 
\v 17 Pǝyɑɣɑ kʋlʋmɑɣɑ kɛ Apikɑɑlɩ nɑ́ lʋlɑɑ, pɑ yɑɑ-kɛ sɩ Amɑsɑ. Kɑ cɑɑ kɛlɛ Ɩsǝmɑyɛlɩ tʋ Yetɛɛ.
\p
\v 18 Hɛsǝlɔŋ pǝyɑlʋ Kɑlɛpʋ nɑ́ hikɑ piyɑ liɣiti nɑ ɩ ɑlʋ Asupɑ. Kɑncɑɑlɑɣɑ nyǝŋkɑ kɛ ɑlʋpǝyɑɣɑ, pɑ yɑɑ-kɛ sɩ Yeliyɔtɩ. Kɛlɛ kɑ wɑɑlɩ kɛ́ ɑpɑlʋpiyɑ tooso. Yesɛɛ, nɑ Sopɑpɩ, nɑ Atɔŋ. 
\v 19 Asupɑ sǝpɑɣɑ, ɩlɛnɑ Kɑlɛpʋ kpɑɣɑ Ɩfǝlɑtɑ kɛ ɑlʋ, nɑ ɩ́ lʋlɩ-ɩ ɑpɑlʋpǝyɑɣɑ, nɑ ɩ́ hɑ-kɛ sɩ Huuu. 
\v 20 Ḿpʋ́ɣʋ́ Huuu nɑ́ lʋlɑ Ulii, nɑ Ulii lʋlɩ Pǝsɑlɛlɩ.
\p
\v 21 Hɛsǝlɔŋ lʋlʋɣʋ pɩɩsɩ sikɑ nɩɩtoso, ɩlɛnɑ ɩ́ kpɑɣɑ Kɑlɑɑtɩ cɑɑ Mɑkii pɛɛlɔ, nɑ ɩ́ lʋlɩ ɑpɑlʋpǝyɑɣɑ nɑ ɩ́ hɑ-kɛ sɩ Sekupɩ. 
\v 22 Sekupɩ ɩnɩ ɩ pǝyɑlʋ kɛlɛ Yɑyii. Yɑyii kɑ tǝnnɑ ɑcɑlɛɛ hiu nɑ toosoɣo Kɑlɑɑtɩ tɛtʋ tɑɑ. 
\v 23 Amɑ Kesuu nɑ Alɑm pǝ ɑwulɑɑ lɛɛkɑ Yɑyii ɑcɑlɛɛ nɑ Kenɑ ɩcɑtɛ sɔsɔɔlɛ, nɑ pǝ cɔlɔ ɑcɑlɛɛ nɑ ɑ́ kpɛntɩ nɩɩtoso. Mɑkii lʋlʋɣʋ nyǝ́mɑ kɑ wɛnnɑ tǝnɛ ɩnɩ. 
\v 24 Apiyɑ pɑɑlʋ Hɛsǝlɔŋ sǝpǝnɑ, ɩlɛnɑ Kɑlɛpʋ tɑsɑ Ɩfǝlɑtɑ kɛ́ kpǝtǝnɑʋ nɑ ɩ́ lʋlɩ ɑpɑlʋpǝyɑɣɑ nɑ ɩ́ hɑ-kɛ sɩ Asuu. Asuu ɩnɩ ɩ ŋmɑnɑ Tekʋwɑ ɩcɑtɛ.
\p
\v 25 Ḿpʋ́ɣʋ́ Hɛsǝlɔŋ pǝyɑlʋ kɑncɑɑlɑɣɑ nyǝŋ Yelɑmeyɛlɩ lʋlɑ piyɑ pɑɣɑlɛ. Sɔsɔ nyǝŋ ntɛ́ Lɑm. Lɑm wɑɑlɩ kɛ́ Punɑ, nɑ Olɛnɩ, nɑ Osɛm, nɑ Ahiyɑ. 
\v 26 Ɩlɛnɑ Yelɑmeyɛlɩ kpɑɣɑ Atɑlɑ tɔtɔ, nɑ ɩ́ lʋlɩ Onɑm. 
\v 27 Lɑm pǝyɑlʋ kɑncɑɑlɑɣɑ nyǝŋ Yelɑmeyɛlɩ piyɑ ntɛ́ Mɑɑsɩ, nɑ Yɑmɛŋ, nɑ Ɩkɛɛ. 
\v 28 Onɑm pǝyɑlɑɑ ntɛ́ Sɑmmɑyi, nɑ Yɑtɑ. Sɑmmɑyi pǝyɑlɑɑ ntɛ́ Nɑtɑpɩ, nɑ Apisuu. 
\v 29 Ḿpʋ́ɣʋ́ Apisuu kpɑɣɑ Apihɑyili nɑ ɩ́lɛ́ ɩ lʋlɩ-ɩ Apɑŋ nɑ Molitɩ. 
\v 30 Nɑtɑpɩ pǝyɑlɑɑ ntɛ́ Selɛtɩ, nɑ Apɑyim. Amɑ Selɛtɩ nɑ́ sǝpɑ ɩ fɛɩnɑ pǝyɑɣɑ. 
\v 31 Apɑyim pǝyɑlʋ kɛlɛ Ɩseyi, Ɩseyi pǝyɑlʋ kɛlɛ Sesɑŋ, Sesɑŋ pǝyɑlʋ kɛlɛ Alɑyi. 
\v 32 Sɑmmɑyi tɑɑlʋ Yɑtɑ pǝyɑlɑɑ ntɛ́ Yetɛɛ, nɑ Yonɑtɑŋ. Amɑ Yetɛɛ nɑ́ sǝpɑ ɩ fɛɩnɑ pǝyɑɣɑ. 
\v 33 Yonɑtɑŋ piyɑ ntɛ́ Pɛlɛtɩ, nɑ Sɑsɑ. Yelɑmeyɛlɩ lʋlʋɣʋ nyǝ́mɑ ntɛ́.
\p
\v 34-35 Alʋpiyɑ tike kɛ Sesɑŋ kɑ́ lʋlɑɑ. Ɩlɛnɑ ɩ́ hɑ ɩ pɛɛlɔ lɛlʋ kɛ ɩ yom Icipiti tʋ Yɑɑhɑ, nɑ ɩ́lɛ́ ɩ lʋlɩ ɑpɑlʋpǝyɑɣɑ nɑ ɩ́ hɑ-kɛ sɩ Atɑyi. 
\v 36 Atɑyi pǝyɑlʋ kɛlɛ Nɑtɑŋ, Nɑtɑŋ pǝyɑlʋ kɛlɛ Sɑpɑtɩ, 
\v 37 Sɑpɑtɩ pǝyɑlʋ kɛlɛ Ɩfǝlɑlɩ, Ɩfǝlɑlɩ pǝyɑlʋ kɛlɛ Opɛtɩ. 
\v 38 Opɛtɩ pǝyɑlʋ kɛlɛ Yehu, Yehu pǝyɑlʋ kɛlɛ Asɑliyɑ. 
\v 39 Asɑliyɑ pǝyɑlʋ kɛlɛ Helɛsɩ, Helɛsɩ pǝyɑlʋ kɛlɛ Ɩlɑsɑ. 
\v 40 Ɩlɑsɑ pǝyɑlʋ kɛlɛ Sisimɑyi, Sisimɑyi pǝyɑlʋ kɛlɛ Sɑlum. 
\v 41 Sɑlum pǝyɑlʋ kɛlɛ Yekɑmiyɑ, nɑ Yekɑmiyɑ pǝyɑlʋ kɛlɛ Ɩlisɑmɑ.
\p
\v 42 Yelɑmeyɛlɩ tɑɑlʋ Kɑlɛpʋ pǝyɑlʋ kɑncɑɑlɑɣɑ nyǝŋ ntɛ́ Mesɑ, Mesɑ pǝyɑlʋ kɛlɛ Sifɩ. Nɑɑlɛ nyǝŋ ntɛ́ Mɑlesɑ, Mɑlesɑ pǝyɑlʋ kɛlɛ Hepǝlɔŋ. 
\v 43 Hepǝlɔŋ pǝyɑlɑɑ ntɛ́ Kolɑ, nɑ Tɑpuwɑ, nɑ Lekem, nɑ Semɑ. 
\v 44 Semɑ pǝyɑlʋ kɛlɛ Lɑhɑm, Lɑhɑm pǝyɑlʋ kɛlɛ Yɔɔkowɑm, Lekem pǝyɑlʋ kɛlɛ Sɑmmɑyi. 
\v 45 Sɑmmɑyi pǝyɑlʋ kɛlɛ Mɑwɔŋ, Mɑwɔŋ pǝyɑlʋ kɛlɛ Pɛtɩ-Suu. 
\v 46 Ḿpʋ́ɣʋ́ Kɑlɛpʋ tɑsɑ Ɩfɑ kɛ kpɑɣɑʋ nɑ ɩ́ lʋlɩ Hɑlɑŋ, nɑ Mosɑ, nɑ Kɑsɛsɩ. Ɩlɛnɑ Hɑlɑŋ nɑ́ɑ́ lʋlɩ ɑpɑlʋpǝyɑɣɑ nɑ ɩ́ hɑ-kɛɣɛ hǝtɛ tɔtɔ sɩ Kɑsɛsɩ. 
\v 47 Yɑtɑyi pǝyɑlɑɑ ntɛ́ Lekem, nɑ Yotɑm, nɑ Kesɑŋ, nɑ Pɛlɛtɩ, nɑ Ɩfɑ, nɑ Sɑɑfʋ. 
\v 48 Ḿpʋ́ɣʋ́ Kɑlɛpʋ tɑsɑ Mɑɑkɑ kɛ kpɑɣɑʋ tɔtɔ, nɑ ɩ́ lʋlɩ Sepɛɛ, nɑ Tilɑnɑ. 
\v 49 Pǝlɛ pǝ wɑɑlɩ kɛ́ ɩ tɑsɑ Sɑɑfɩ kɛ lʋlʋɣʋ. Ɩlɛnɑ Sɑɑfʋ nɑ́ɑ́ lʋlɩ Mɑtǝmɑnɑ, nɑ Sefɑ. Sefɑ pǝyɑlɑɑ ntɛ́ Mɑkǝpenɑ, nɑ Kipeyɑ. Pǝlɛ pǝ pɑɑsi Kɑlɛpʋ lʋlɑ ɑlʋpǝyɑɣɑ nɑ ɩ́ hɑ-kɛ sɩ Akǝsɑ.
\p
\v 50 Kɑlɛpʋ lʋlʋɣʋ nyǝ́mɑ lɛlɑɑ hǝlɑ ntɔ, ɩ pǝyɑlʋ kɑncɑɑlɑɣɑ nyǝŋ Huuu ɑlʋ Ɩfǝlɑtɑ pǝyɑlɑɑ wɛ tooso kɛ́. Sopɑlɩ wei ɩ ŋmɑwɑ Kiliyɑtɩ-Yeyɑlim ɩcɑtɛ tɔ, 
\v 51 nɑ Sɑlǝmɑ wei ɩ ŋmɑ́ Pɛtǝlɛhɛm ɩcɑtɛ tɔ, nɑ Hɑlefɩ wei ɩ ŋmɑ́ Pɛtɛ-Ketɛɛ nyǝntɛ tɔ. 
\v 52 Sopɑlɩ lʋlʋɣʋ nyǝ́mɑ ntɛ́ Hɑlowe nyǝ́mɑ, nɑ Menuhoti nyǝ́mɑ tɑɑ lɛlɑɑ. 
\v 53 Kiliyɑtɩ-Yeyɑlim lʋlʋɣʋ nyǝ́mɑ ntɛ́ Ɩti tɛtʋ nyǝ́mɑ, nɑ Puti tɛtʋ nyǝ́mɑ, nɑ Sumɑtɩ tɛtʋ nyǝ́mɑ, nɑ Miselɑyi tɛtʋ nyǝ́mɑ mpɑ pɑ cɑɣɑ ḿpʋ́ɣʋ́ Solɑ nɑ Ɩsǝtɑwɔlɩ hɔɣɔlǝŋ tɑɑ tɔ.
\p
\v 54 Sɑlǝmɑ lʋlʋɣʋ nyǝ́mɑ ntɛ́ Pɛtǝlɛhɛm nyǝ́mɑ, nɑ Netofɑ nyǝ́mɑ, nɑ Atǝlɔtɩ-Pɛtɩ-Yowɑpɩ tɛtʋ nyǝ́mɑ, nɑ Mɑnɑhɑ tɛtʋ nyǝ́mɑ lɛlɑɑ, nɑ Solɑ tɛtʋ nyǝ́mɑ lɛlɑɑ. 
\v 55 Nɑ pǝ́ sɔɔsǝnɑ tɑkǝlɑsɩ nyǝntɑɑ lʋlʋŋ nyǝ́mɑ mpɑ pɑ wɛ Yɑpɛɛsɩ ɩcɑtɛ tɑɑ tɔ. Ɩsɩɩ Tilɑti tɛtʋ nyǝ́mɑ, nɑ Simɑti tɛtʋ nyǝ́mɑ. Mpɛ ɩnɩ pɑ kɛ́ Lekɑpii tɛtʋ nyǝ́mɑ cɔsɔ Hɑmɑtɩ lʋlʋɣʋ nyǝ́mɑ Keni tɛtʋ nyǝ́mɑ kɛ́.
\c 3
\s1 Tɑfiiti lʋlʋɣʋ nyǝ́mɑ
\p
\v 1 Tɑfiiti pǝyɑlɑɑ mpɑ ɩ lʋlɑ Hepǝlɔŋ tɔ pɑ hǝlɑ ntɔ. Ɩ ɑlʋ Sisilee tʋ Ahinowɑm pǝyɑlʋ Amǝnɔŋ kɛlɛ kɑncɑɑlɑɣɑ tʋ. Amǝnɔŋ wɑɑlɩ kɛ́ ɩ ɑlʋ Kɑmɛɛlɩ tʋ Apihɑyili pǝyɑlʋ Tɑniyɛɛlɩ. 
\v 2 Tooso nyǝŋ ntɛ́ ɩ ɑlʋ Mɑɑkɑ, Kesuu tɛtʋ wulɑʋ Tɑlǝmɑyi pɛɛlɔ pǝyɑɣɑ Apǝsɑlɔm. Liɣiti nyǝŋ ntɛ́ ɩ ɑlʋ Hɑkii tɛtʋ tʋ pǝyɑlʋ Atoniyɑ. 
\v 3 Kɑkpɑsɩ nyǝŋ ntɛ́ ɩ ɑlʋ Apitɑlɩ pǝyɑlʋ Sefɑtiyɑ. Nɑɑtoso nyǝŋ ntɛ́ ɩ ɑlʋ Ɩkǝlɑ pǝyɑlʋ Ɩtǝleyɑm. 
\v 4 Pɩɩsɩ nɑɑtosompɔɣɔlɑɣɑ nɑ hɔɣɔlʋɣʋ ŋku ɩ tɔɣɔ kɑwulɑɣɑ kɛ Hepǝlɔŋ tɔɣɔ ɩ lʋlɑ-wɛ. Pǝlɛ pǝ wɑɑlɩ kɛ́ ɩ tɔɣɔ kɑwulɑɣɑ kɛ Yosɑlɛm kɛ pɩɩsɩ hiu nɑ nɑɑnʋwɑ nɑ tooso. 
\v 5 Ɩ lʋlɑ tǝnɑɣɑ piyɑ tɔtɔ. Ɩ ɑlʋ Pɑsepɑ Amiyɛlɩ pɛɛlɔ nɑ́ lʋlɑ-ɩ ɑpɑlʋpiyɑ liɣiti. Pɛlɛɣɛlɛ Simɑ, nɑ Sopɑpɩ, nɑ Nɑtɑŋ, nɑ Sɑlʋmɔŋ. 
\v 6-8 Ḿpʋ́ɣʋ́ ɩ lʋlɑ piyɑ pɔɣɔlɑɣɑfɛɩ nɑɑnʋwɑ tɔtɔ. Pɛlɛɣɛlɛ Ɩpɑɑ, nɑ Ɩlisuwɑ, nɑ Ɩlipelɛtɩ, nɑ Nokɑ, nɑ Nefɛkɩ, nɑ Yɑfiyɑ, nɑ Ɩlisɑmɑ, nɑ Ɩliyɑtɑ, nɑ Ɩlifelɛtɩ. 
\v 9 Pǝlɛ pǝ pɑɑsi ɩ ɑlɑɑ lɛlɑɑ nɑ́ lʋlɑ-ɩ ɑpɑlʋpiyɑ tɔtɔ, nɑ ɑlʋpǝyɑɣɑ pɑ yɑɑ kɛlɛ sɩ Tɑmɑɑ.
\p
\v 10 Sɑlʋmɔŋ kʋlʋlɑɑ siɣisiɣi kɛlɛ Lʋpʋwɑm, nɑ Apiyɑ, nɑ Asɑ, nɑ Sosɑfɑtɩ. 
\v 11 Nɑ Solɑm, nɑ Ahɑsiyɑ, nɑ Sowɑsɩ, 
\v 12 nɑ Amɑsiyɑ, nɑ Asɑliyɑ, nɑ Yotɑm. 
\v 13 Nɑ Ahɑsɩ, nɑ Ɩsekiyɑsɩ, nɑ Mɑnɑsee, 
\v 14 nɑ Amɔŋ, nɑ Sosiyɑsɩ. 
\v 15 Sosiyɑsɩ pǝyɑlʋ kɑncɑɑlɑɣɑ nyǝŋ ntɛ́ Yohɑnɑŋ, nɑɑlɛ nyǝŋ ntɛ́ Sowɑkim, tooso nyǝŋ ntɛ́ Setesiyɑsɩ, nɑ liɣiti nyǝŋ ntɛ́ Sɑlum. 
\v 16 Sowɑkim pǝyɑlɑɑ ntɛ́ Yekoniyɑ nɑ Setesiyɑsɩ.
\p
\v 17 Yekoniyɑ wei Pɑpiloni nyǝ́mɑ kuuwɑ tɔ ɩ pǝyɑlɑɑ ntɛ́ Seyɑtiyɛlɩ, 
\v 18 nɑ Mɑlǝkilɑm, nɑ Petɑyɑ, nɑ Senɑsɑɑ, nɑ Yekɑmiyɑ, nɑ Hosɑmɑ, nɑ Netɑpiyɑ. 
\v 19 Petɑyɑ pǝyɑlɑɑ ntɛ́, Solopɑpɛɛlɩ nɑ Simeyi. Solopɑpɛɛlɩ pǝyɑlɑɑ wɛ nɑɑlɛɣɛ. Mesulɑm, nɑ Hɑnɑniyɑ, nɑ ɑlʋpǝyɑɣɑ, pɑ yɑɑ kɛlɛ sɩ Selomitɩ. 
\v 20 Pɛlɛ pɑ wɑɑlɩ kɛ́ piyɑ kɑkpɑsɩ tɔtɔ. Hɑsupɑ, nɑ Ohɛlɩ, nɑ Pelekiyɑ, nɑ Hɑsɑtiyɑ, nɑ Yusɑpu-Hesɛtɩ.
\p
\v 21 Hɑnɑniyɑ pǝyɑlɑɑ ntɛ́ Pelɑtiyɑ, nɑ Yesɑyɑ nɑ pǝ́ sɔɔsǝnɑ Lefɑyɑ, nɑ Alǝnɑŋ, nɑ Opɑtiyɑ, nɑ Sekɑniyɑ, pɑ pǝyɑlɑɑ. 
\v 22 Piyɑ nɑɑtoso kɛ Sekɑniyɑ nɑ́ lʋlɑɑ, mpɛɣɛlɛ Semɑyɑ, nɑ Hɑtusi, nɑ Ɩkɑɑlɩ, nɑ Pɑliyɑ, nɑ Neyɑliyɑ, nɑ Sɑfɑtɩ. 
\v 23 Neyɑliyɑ nɑ́ lʋlɑ piyɑ tooso, Ɩliyohenɑyi, nɑ Hisikiyɑ, nɑ Asǝlikɑm. 
\v 24 Ɩliyohenɑyi nɑ́ lʋlɑ piyɑ nɑɑtosompɔɣɔlɑɣɑ. Hotɑfiyɑ, nɑ Ɩliyɑsipɩ, nɑ Pelɑyɑ, nɑ Akupi, nɑ Yohɑnɑŋ, nɑ Telɑyɑ, nɑ Anɑni.
\c 4
\s1 Yutɑ lʋlʋŋ nyǝ́mɑ lɛlɑɑ hǝlɑ
\p
\v 1 Yutɑ lʋlʋŋ nyǝ́mɑ lɛlɑɑ hǝlɑ ntɛ́ Pɛlɛsɩ nɑ Hɛsǝlɔŋ, nɑ Kɑɑmi, nɑ Huuu, nɑ Sopɑlɩ. 
\v 2 Sopɑlɩ pǝyɑlʋ Leyɑyɑ pǝyɑlʋ kɛlɛ Yɑhɑtɩ. Nɑ Yɑhɑtɩ nɑ́ɑ́ lʋlɩ Ahumɑyi, nɑ Lɑhɑtɩ. Solɑ lʋlʋŋ nyǝ́mɑ cɔsɔnɑɑ ntɛ́.
\p
\v 3-4 Ɩfɑfɔlɑ pǝyɑlʋ kɑncɑɑlɑɣɑ nyǝŋ Huuu wei ɩ ŋmɑ́ Pɛtǝlɛhɛm ɩcɑtɛ tɔ ɩ pǝyɑlɑɑ ntɛ́ Ɩtɑm, nɑ Sisileyɛlɩ, nɑ Ɩsemɑ, nɑ Ɩtǝpɑsɩ, nɑ ɑlʋpǝyɑɣɑ, pɑ yɑɑ-kɛ sɩ Hɑsǝleponi. Pǝlɛ pǝ wɑɑlɩ kɛ́ ɩ lʋlɑ Penuwɛlɩ wei ɩ ŋmɑ́ Ketɔɔ ɩcɑtɛ tɔ nɑ Ɩsɛɛ wei ɩ ŋmɑ́ Husɑ nyǝntɛ tɔ.
\p
\v 5 Asehuu wei ɩ ŋmɑ́ Tekʋwɑ ɩcɑtɛ tɔ ɩ kɑ wɛnɑ ɑlɑɑ nɑɑlɛ kɛ́. Kɑncɑɑlɑɣɑ nyǝŋ ntɛ́ Helɑ, nɑɑlɛ nyǝŋ kɛ Nɑɑlɑ. 
\v 6 Nɑɑlɑ lʋlɑ-ɩ ɑpɑlʋpiyɑ liɣiti kɛ́. Ahusɑm, nɑ Hefɛɛ, nɑ Temini, nɑ Ahɑsetɑli. 
\v 7 Helɑ nɑ́ lʋlɑ-ɩ ɑpɑlʋpiyɑ tooso kɛ́. Selɛtɩ, nɑ Sohɑɑ, nɑ Ɩtǝnɑŋ.
\p
\v 8 Kɔɔsɩ pǝyɑlɑɑ ntɛ́ Anupi, nɑ Sopepɑ. Kʋlʋm ɩnǝɣǝlɛ Hɑlum pǝyɑlʋ Ahɑlehelɩ lʋlʋŋ nyǝ́mɑ cɔsɔ.
\p
\v 9 Yɑpɛɛsɩ nyʋɣʋ kɑ́ kʋlɑɑ kɛ́ nɑ pǝ́ kǝlɩ ɩ tɑɑlʋnɑɑ. Pǝyele ɩ too nɑwɑ wɑhɑlɑ kɛ ɩ lʋlʋɣʋ wɑɑtʋ kɛ́. Ɩlɛnɑ ɩ́ hɑ-ɩ sɩ Yɑpɛɛsɩ. 
\v 10 Ḿpʋ́ɣʋ́ ɩ sǝlǝmɑ Ɩsɔ sɩ: Ɩsɛɣɛlɩ Ɩsɔ, koolu-m kʋpɑntʋ nɑ ń sɔɔsɩ mɑ kʋwɛnɑm nɑ ń kenti mɑ tɔɔ kɛ́ nyɑ́ niŋ nɑ ń hɑtǝlǝnɑ-m mpusi nɑ wɑhɑlɑ. Ḿpʋ́ɣʋ́ Ɩsɔ hɑ-ɩ mpi ɩ sǝlǝmɑɑ tɔ.
\p
\v 11 Supɑ tɑɑlʋ Kelupɩ pǝyɑlʋ kɛlɛ Mehii. Mehii nyǝŋ ntɛ́ Ɩsetɔŋ. 
\v 12 Nɑ Ɩsetɔŋ nyǝ́mɑ ntɛ́ Pɛtɩ-Lɑfɑ, nɑ Pɑseyɑ, nɑ Tehinɑ. Tehinɑ ŋmɑnɑ Nɑhɑsɩ ɩcɑtɛ. Ɩlɛnɑ pɛlɛ pɑ lʋlʋɣʋ nyǝ́mɑ cɑɣɑ Lekɑ.
\p
\v 13 Kenɑsɩ pǝyɑlɑɑ ntɛ́ Otiniyɛɛ, nɑ Selɑyɑ. Otiniyɛɛ nyǝ́mɑ ntɛ́ Hɑtɑtɩ nɑ Meyonotɑyi. 
\v 14 Meyonotɑyi pǝyɑlʋ kɛlɛ Ofǝlɑ. Selɑyɑ pǝyɑlʋ kɛlɛ, cɑŋǝm tǝmɑ lɑtɑɑ cɔsɔ Yopɑpɩ wei ɩ kɑ́ wɛ cɑŋǝm nyǝ́mɑ tɛtɛkǝlɛ tɑɑ tɔ.
\p
\v 15 Yefune pǝyɑlʋ Kɑlɛpʋ nyǝ́mɑ nɑ́ wɛ tooso. Ɩlu, nɑ Ɩlɑ nɑ Nɑɑm. Kenɑsɩ cɑɑ kɛlɛ Ɩlɑ.
\p
\v 16 Yɑhɑlelɛlɩ pǝyɑlɑɑ ntɛ́ Sifɩ, nɑ Sifɑ, nɑ Tiliyɑ, nɑ Asɑlɛlɩ.
\p
\v 17-18 Ɩsǝlɑ pǝyɑlɑɑ ntɛ́ Yetɛɛ, nɑ Melɛtɩ, nɑ Ɩfɛɛ, nɑ Yɑlɔŋ. Ḿpʋ́ɣʋ́ Melɛtɩ kpɑɣɑ Icipiti wulɑʋ pɛɛlɔ Pitiyɑ, nɑ ɩ́ lʋlɩ Milǝyɑm, nɑ Sɑmmɑyi, nɑ Ɩsepɑ wei ɩ ŋmɑwɑ Ɩsɛtɑmʋwɑ ɩcɑtɛ tɔ. Melɛtɩ kɑ wɛnɑ Yutɑ ɑlʋ wei ɩ lʋlɑ-ɩ Yelɛtɩ wei ɩ ŋmɑ́ Ketɔɔ ɩcɑtɛ tɔ, nɑ Hepɛɛ wei ɩ ŋmɑwɑ Soko ɩcɑtɛ tɔ, nɑ Yekotiyɛlɩ wei ɩ ŋmɑwɑ Sɑnʋwɑ ɩcɑtɛ tɔ.
\p
\v 19 Ḿpʋ́ɣʋ́ Hotiyɑ kpɑɣɑ Nɑhɑm neu nɔɣɔlʋ. Pɑ lʋlʋɣʋ nyǝ́mɑ ntɛ́ Kɑɑmi nyǝ́mɑ mpɑ pɑ hukɑ Keilɑ, nɑ Mɑɑkɑti nyǝ́mɑ mpɑ pɑ hukɑ Ɩsǝtemʋwɑ tɔ.
\p
\v 20 Simɔŋ pǝyɑlɑɑ ntɛ́ Amǝnɔŋ nɑ Linnɑ nɑ Pɛnɩ-Hɑnɑŋ, nɑ Tilɔŋ. Ɩseyi lʋlʋɣʋ nyǝ́mɑ ntɛ́ Sohɛtɩ nɑ ɩ pǝyɑlʋ.
\p
\v 21 Yutɑ pǝyɑlʋ Selɑ lʋlʋɣʋ nyǝ́mɑ ntɛ́ Ɛɛlɩ wei ɩ ŋmɑ́ Lekɑ ɩcɑtɛ tɔ, nɑ Lɑyetɑ wei ɩ ŋmɑwɑ Mɑlesɑ ɩcɑtɛ tɔ, nɑ kpoŋkpontu toŋ nyǝntʋ pɔɔŋ lʋʋlɑɑ mpɑ pɑ wɛ Pɛtɩ-Asepeyɑ tɔ. 
\v 22 Selɑ kɛlɛ Yokim nɑ Kosepɑ nyǝ́mɑ nɑ Yowɑsɩ nɑ Sɑlɑfɩ nyǝ́mɑ mpɑ pɑ kpɑɣɑ Mowɑpʋ ɑlɑɑ nɑ pǝ́cɔ́ pɑ́ mǝlɩ Lehem tɔ pɑ cɔsɔ. Tɔm tǝnɛ tǝ pǝnɑɑ kɛ́. 
\v 23 Pɑ lʋlʋɣʋ nyǝ́mɑ ntɛ́ tiisi ŋmɑlɑɑ mpɑ pɑɑ wɛ Netɑyim nɑ Ketelɑ nɑ pɑ́ lɑkɩ wulɑʋ kɛ tǝmlɛ tɔ.
\s1 Simiyɔŋ lʋlʋɣʋ nyǝ́mɑ
\p
\v 24 Simiyɔŋ pǝyɑlɑɑ ntɛ́, Menuwɛlɩ nɑ Yɑmɛŋ, nɑ Yɑlipɩ, nɑ Selɑ, nɑ Sɑwuli. 
\v 25 Sɑwuli lʋlʋɣʋ nyǝ́mɑ siɣisiɣi kɛlɛ Sɑlum nɑ Mipisɑm, nɑ Misemɑ. 
\v 26 Misemɑ nyǝ́mɑ ntɛ́ Hɑmuwɛlɩ nɑ Sɑkuu, nɑ Simeyi. 
\v 27 Simeyi nɑ́ lʋlɑ ɑpɑlʋpiyɑ nɑɑnʋwɑ nɑ nɑɑtoso nɑ ɑlʋpiyɑ nɑɑtoso. Amɑ ɩ tɑɑlʋnɑɑ nɑ́ tɑ́ lʋlɩ sɔsɔm. Pǝ tɔɔ kɛ́ Simiyɔŋ kpekǝle nyǝ́mɑ tɑ tɑlɑ Yutɑ nyǝ́mɑ kɛ pɑɣɑlɛ.
\p
\v 28-32 Pɑ ɑcɑlɛɛ sɔsɔɔnɑ, nɑ pǝcɔlɔ sǝkpenɑ wenɑ ɑ tɑɑ pɑɑ wɛɛ nɑ pǝ́cɔ́ Tɑfiiti tɔkɩ ɩ kɑwulɑɣɑ tɔ ɑ hǝlɑ ntɛ́ Pɛɛsepɑ, nɑ Molɑtɑ, nɑ Hɑsɑɑ-Suwɑlɩ, nɑ Pilɑ, nɑ Ɩsɛm, nɑ Tolɑ, nɑ Petuyɛlɩ. Nɑ Hoomɑ, nɑ Sikǝlɑkɩ, nɑ Pɛtɩ-Mɑlǝkɑpɔtɩ, nɑ Hɑsɑɑ-Susim, nɑ Pɛtɩ-Pili, nɑ Sɑlɑyim. Pɑ ɑcɑlɛɛ lɛnnɑ ntɛ́ Ɩtɑm, nɑ Ayɛŋ, nɑ Limɔŋ, nɑ Tokɛŋ, nɑ Asɑŋ. 
\v 33 Nɑ pǝcɔlɔ ɑcɑlɛɛ, hɑlǝnɑ Pɑɑlɑtɩ. Pɑ ɑcɑlɛɛ ntɛ́ nɑ pɑ lʋlʋŋ.
\p
\v 34-38 Simiyɔŋ lʋlʋŋ nyɔɔŋ nyǝ́mɑ hǝlɑ ntɔ. Mesopɑpɩ, nɑ Yɑmǝlɛkɩ, nɑ Amɑsiyɑ pǝyɑlʋ Yosɑŋ, nɑ Sowɛɛlɩ, nɑ Selɑyɑ pǝyɑlʋ Yosipiyɑ pǝyɑlʋ Yehu. Asiyɛlɩ sɑɑlɩ kɛlɛ, nɑ Ɩliyohenɑyi, nɑ Yɑkopɑ, nɑ Yesohɑyɑ, nɑ Asɑyɑ, nɑ Atiyɛlɩ. Nɑ Yesimiyɛlɩ, nɑ Penɑyɑ, nɑ Yetɑyɑ lʋlʋɣʋ tʋ Alloŋ sɑɑlɩ Sifeyi pǝyɑlʋ Sisɑ, nɑ Simili, nɑ Semɑyɑ. Pɑ hukɑ sɔsɔm kɛ́. 
\v 39 Ɩlɛnɑ pɑ́ yɑ́ nɑ pɑ́ polo tɛtɛkǝlɛ ilim tǝlɩɩlɛ tɔɔ kɛ́ Ketɔɔ cɔlɔɣɔ pɑ heeŋ tiikuɣu. 
\v 40 Ḿpʋ́ɣʋ́ pɑ mɑɣɑnɑ nyɩɩtʋ kʋpɑntʋ nɑ tɛtʋ wɑlɑɑ, nɑ pɑ́ cɑɣɑnɑ pɑ tɩ. Kɑm lʋlʋɣʋ nyǝ́mɑ kɑ cɑɣɑnɑ tɛtʋ ntɩ tǝ tɑɑ kɛ́ hɑtoo lɔŋ. 
\v 41 Yutɑ wulɑʋ Ɩsekiyɑsɩ pɔɔlɛ tɑɑ kɛ́ mpɛ ɩnɩ pɑ kɔmɑ nɑ pɑ́ yoonɑ Kɑm nyǝ́mɑ nɑ pɑ́ kpiisi-wɛ tǝnɑŋnɑŋ, nɑ mpɛ pɑ́ cɑɣɑ tǝnɑɣɑ hɑlǝnɑ sɑŋɑ. Mpi pǝ tɔɔ tɔ, nyɩɩtʋ kɑ wɛ tǝnɑɣɑ sɩ pɑ tɔlɑ ɩ́ tɔɣɔ.
\p
\v 42 Simiyɔŋ lʋlʋɣʋ nyǝ́mɑ lɛlɑɑ ɩsɩɩ yǝlɑɑ nɑsǝlɛ nɑ nɩɩnʋwɑ (500) nɑ́ kpɑwɑ Ɩtɔm pʋɣʋ tɑɑ. Mpɛɣɛlɛ Ɩseyi pǝyɑlɑɑ liɣiti Pelɑtiyɑ, nɑ Neyɑliyɑ, nɑ Lefɑyɑ, nɑ Usiyɛlɩ. 
\v 43 Ḿpʋ́ɣʋ́ pɑ kʋwɑ Amɑleke nyǝ́mɑ mpɑ pɩɩ kɑɑsɑɑ nɑ pɑ́ cɔɔsɩ tǝnɑ tɔ, nɑ mpɛ pɑ́ cɑɣɑ nɑ pɑ lʋlʋɣʋ nyǝ́mɑ wɛ tǝnɑɣɑ hɑlǝnɑ sɑŋɑ.
\c 5
\s1 Lupɛŋ lʋlʋɣʋ nyǝ́mɑ
\p
\v 1-2 Lupɛŋ kɑ́ kɛnɑ Yɑkɔpʋ pǝyɑlʋ kɑncɑɑlɑɣɑ nyǝŋ. Amɑ wɑɑtʋ wei ɩ sʋʋnɑ ɩ cɑɑ ɑlɑɑ tɑɑ lɛlʋ, ɩlɛnɑ ɩ neu Yosɛɛfʋ pǝsɩ kɑncɑɑlɑɣɑ tʋ. Pɑɑ nɑ mpʋ Lupɛŋ neu Yutɑ lʋlʋɣʋ nyǝ́mɑ ntɛ́ sɔsɑɑ. Hɑlɩ pɛlɛ pɑ tɑɑ lɛlʋ tɔɣɔnɑ Ɩsɛɣɛlɩ kɑwulɑɣɑ.
\p
\v 3 Lupɛŋ pǝyɑlɑɑ ntɛ́, Hɑnɔkɩ, nɑ Pɑlu, nɑ Hɛsǝlɔŋ, nɑ Kɑlimi.
\p
\v 4 Sowɛɛlɩ pǝyɑlɑɑ ntɛ́ Semɑyɑ, nɑ Kɔkɩ, nɑ Simeyi, 
\v 5 nɑ Mikɑ, nɑ Leyɑyɑ, nɑ Pɑɑlɩ, 
\v 6 nɑ Peelɑ. Kɑntǝkɑɣɑ nyǝŋ ɩnǝɣǝlɛ Lupɛŋ nyǝ́mɑ nyʋɣʋ tʋ wei Asilii wulɑʋ Tekǝlɑ-Fɑlɑsɑɑ kɑ kpɑɣɑɑ nɑ ɩ́ ponɑ ɩ tɛ tɔ.
\p
\v 7 Peelɑ tɛɛtʋnɑɑ mpɑ pɑ kɛ́ pɑ lʋlʋŋ nyʋɣʋ nyǝ́mɑ nɑ pɑ́ tʋ-wɛɣɛ tɑkǝlɑɣɑ tɑɑ tɔ pɑ hǝlɑ ntɔ. Kɑncɑɑlɑɣɑ nyǝŋ ntɛ́ Yeiyɛlɩ, nɑɑlɛ nyǝŋ kɛ Sɑkɑlɩ, 
\v 8 tooso nyǝŋ kɛ́ Sowɛɛlɩ sɑɑlɩ kʋlɛlʋɣʋ Semɑ, nɑ Semɑ sɑɑlɩ Anɑsɩ pǝyɑlʋ Pelɑ.
\p Lupɛŋ nyǝ́mɑ kɑ wɛnnɑ tɛtʋ nti tǝ wɛ Alʋwɛɛ nɑ ilim mpǝtǝŋ nɑ Nepo pʋɣʋ nɑ Pɑɑlɩ-Meyɔŋ ɩcɑtɛ nɑ ilim ntɔɣɔŋ tɔɔ tɔ. 
\v 9 Pɑ tǝcɑɣɑlɛ nɑ ilim tǝlɩɩlɛ tɔɔ kɛlɛ pǝ kpɑɣɑʋ Pɑpiloni pɔɣɔ Ɩfǝlɑtɩ nɔɣɔ kɛ timpi wʋlɑɣɑ tɛtʋ cɑɑlǝɣɩ tɔ. Mpi tɔ, pɑ tɔlɑ kɑ tɔɔwɑ sɔsɔm kɛ Kɑlɑɑtɩ tɛtʋ tɑɑ kɛ́. 
\v 10 Pɑɑ yoonɑ Hɑkili nyǝ́mɑ kɛ Sɑyuli pɔɔlɛ tɑɑ kɛ́ nɑ pɑ́ kǝlɩ-wɛ. Ɩlɛnɑ pɑ́ polo pɑ́ cɑɣɑ Kɑlɑɑtɩ ilim tǝlɩɩlɛ hɔɣɔlʋŋ tǝnɑ tɑɑ.
\s1 Kɑtɩ lʋlʋɣʋ nyǝ́mɑ
\p
\v 11 Kɑtɩ lʋlʋɣʋ nyǝ́mɑ kɑ cɑɣɑnɑ Lupɛŋ nyǝ́mɑ kɔŋkɔŋ tɑɑ kɛ́ ilim ntɔɣɔŋ tɔɔ kɛ́ Pɑsɑŋ tɛtʋ tɑɑ, hɑlǝnɑ Sɑlikɑ tɛtʋ ilim tǝlɩɩlɛ tɔɔ. 
\v 12 Sowɛɛlɩ lʋlʋŋ nyǝ́mɑ ntɛ́ kɑncɑɑlɑɣɑ nyǝ́mɑ. Nɑɑlɛ nyǝ́mɑ ntɛ́ Sɑfɑŋ lʋlʋŋ nyǝ́mɑ, pɛlɛ pɑ wɑɑlɩ kɛ́ Yɑnɑyi, nɑ Sɑfɑtɩ. 
\v 13 Pǝlɛ pǝ pɑɑsi pǝ kɑɑsɑ lʋlʋŋ nɑɑtosompɔɣɔlɑɣɑ nyɔɔŋ nyǝ́mɑ. Pɛlɛɣɛlɛ Mikɑyɛɛlɩ, nɑ Mesulɑm, nɑ Sepɑ, nɑ Yolɑyi, nɑ Yɑkɑŋ, nɑ Siyɑ, nɑ Ɩpɛɛ. 
\v 14 Pɑɑ kɛ́ Apihɑyili lʋlʋɣʋ nyǝ́mɑ kɛ́. Apihɑyili cɔsɔnɑɑ siɣisiɣi hǝlɑ ntɛ́ Huli, nɑ Yɑlʋwɑ, nɑ Kɑlɑɑtɩ, nɑ Mikɑyɛɛlɩ, nɑ Yesisɑyi, nɑ Yɑto, nɑ Puusɩ. 
\v 15 Pɑ nyʋɣʋ tʋ ntɛ́ Kuni sɑɑlɩ Apitiyɛlɩ pǝyɑlʋ Ahi. 
\v 16 Kɑtɩ lʋlʋɣʋ nyǝ́mɑ kɑ cɑɣɑnɑ Kɑlɑɑtɩ nɑ Pɑsɑŋ pɑ tɛtʋnɑɑ nɑ pǝ hɔɣɔlǝŋ tɑɑ nɑ pǝ́ sɩɩnɑ Sɑlɔŋ tǝtiikile tǝnɑɣɑ.
\p
\v 17 Yutɑ wulɑʋ Yotɑm nɑ Ɩsɛɣɛlɩ nyǝŋ Solopʋwɑm pɑ pɔɔlɛ tɑɑ kɛ́ pɑ tʋwɑ Kɑtɩ kpekǝle nyǝ́mɑ pɑnɛ pɑ hǝlɑ kɛ tɑkǝlɑɣɑ tɑɑ.
\p
\v 18 Lupɛŋ nɑ Kɑtɩ pɑ kpekɑ nɑ Mɑnɑsee kpekǝle hɔɣɔlʋɣʋ kɑ wɛnɑ yoolɑɑ tɑɑ yoolɑɑ kɛ iyisi nɩɩlɛ nɑ liɣiti nɑ nɑsǝtoso nɑ nɩɩnʋwɑ nɑ nɩɩtoso (44760) kpekǝle. Pɑ nyǝmɑ́ kpɑ́lǝ́ŋ nɑ lɑɣɑlɛɛ yɑɑ tɔɔŋ tɔm kɛ teu. Nɑ pɑ sɔɔlʋ pɩɩwɑ sɩ pɑ́ yoo. 
\v 19 Ḿpʋ́ɣʋ́ pɑ yoonɑ Hɑkili nyǝ́mɑ nɑ Yetuu nɑ Nɑfisi nɑ Notɑpɩ pɑ lʋlʋŋ nyǝ́mɑ. 
\v 20 Ɩlɛnɑ pɑ́ wiinɑ Ɩsɔ nɑ nɑɑni sɩ ɩ́ wɑɑsɩ-wɛ. Ɩlɛnɑ Ɩsɔ mʋ pɑ sǝlǝmʋɣʋ nɑ pɑ́ kǝlɩ Hɑkili nyǝ́mɑ, nɑ pɑ cɔlɔ nyǝ́mɑ. 
\v 21 Nɑ pɑ́ kuu pɑ tɔlɑ, yooyoonɑɑ kɛ iyisi nɩɩlɛ nɑ nɑɑnʋwɑ (50000) nɑ heeŋ nɑ pǝ́ŋ kɛ iyisi ŋmʋnʋɣʋ nɑ nɩɩlɛ nɑ nɑɑnʋwɑ (250000). Kpɑŋɑsɩ kɛ iyisi nɑɑlɛ (2000) nɑ pɑ́ kpɑ yǝlɑɑ iyisi nɩɩnʋwɑ (100000) kɛ́ sɑlǝkɑ. 
\v 22 Nɑ Ɩsɔ sǝnɑ-wɛ nɑ pɑ́ kʋ́ kolontunɑɑ pɑɣɑlɛ tɔtɔ. Ɩlɛnɑ mpɛ pɑ́ cɑɣɑ Hɑkili nyǝ́mɑ tɛtʋ tɑɑ. Hɑlǝnɑ wɑɑtʋ wei kolontunɑɑ kpɑɣɑ mpɛ pɑ mɑɣɑmɑɣɑ tɔ.
\s1 Mɑnɑsee lʋlʋɣʋ nyǝ́mɑ mpɑ pɑ wɛ Yɑɑtɑnɩ wɑɑlɩ tɔ
\p
\v 23 Mɑnɑsee kpekǝle hɔɣɔlʋɣʋ lɛŋkʋ nyǝ́mɑ kɑ cɑɣɑnɑ tɛtʋ tɑɑ kɛ́ pǝ kpɑɣɑʋ Pɑsɑŋ hɑlǝnɑ Pɑɑlɩ-Hɛɛmɔŋ. Nɑ pǝ́ polo Senii nɑ Hɛɛmɔŋ pʋɣʋ tɔ, pɑɑ wɛ pɑɣɑlɛ kɛ́. 
\v 24 Pɑ lʋlʋŋ nyʋɣʋ nyǝ́mɑ hǝlɑ ntɛ́ Ɩfɛɛ nɑ Ɩseyi, nɑ Ɩliyɛlɩ, nɑ Asǝliyɛlɩ, nɑ Ɩlǝmeyɑ, nɑ Hotɑfiyɑ, nɑ Yɑtiyɛlɩ. Pɑ tǝnɑɣɑ mpʋ pɑɑ kɛ́ yoolɑɑ kʋpɑmɑ kɛ́ nɑ pɑ nyʋɣʋ kʋlɑɑ.
\p
\v 25-26 Ḿpʋ́ɣʋ́ Mɑnɑsee kpekǝle hɔɣɔlʋɣʋ lɛŋkʋ nyǝ́mɑ mpɛ, nɑ pǝ́ sɔɔsǝnɑ Lupɛŋ nɑ Kɑtɩ kpekɑ nyǝ́mɑ, pɑ́ lɔwɑ pɑ cɑɑnɑɑ cɑɑnɑɑ Ɩsɔ nɑ pɑ́ lɑɑkɩ piitimnɑɑ mpɑ Ɩsɔ tɔɣɔnɑɑ nɑ mpɛ pɑ́ kɔɔ nɑ pɑ́ cɑɣɑ tɔ pɛlɛ pɑ tɩɩŋ. Pǝ tɔɔ kɛ́ Ɩsɔ yelɑɑ nɑ Asilii nyǝ́mɑ wulɑʋ wei pɑ yɑɑ sɩ Puli nɑ pɑ́ cuɣusi-ɩ sɩ Tekǝlɑ-Fɑlɑsɑɑ tɔ, ɩ́ nɑ ɩ yoolɑɑ pɑ́ wɑtɩ kpekɑ ɑnɩ ɑ tɛtʋ nɑ pɑ́ kuu-wɛ nɑ pɑ́ ponɑ Hɑlɑsɩ kɛ Hɑpɔɔ pɔɣɔ nɔɣɔ kɛ Hɑlɑ tɛtʋ kɛ Kosɑŋ tɛtɛkǝlɛ tɑɑ. Tǝnɑɣɑ pɑ wɛ hɑlǝnɑ sɑŋɑ.
\c 6
\s1 Lefii kɔtǝlɑɑ sɔsɑɑ lʋlʋŋ nyǝ́mɑ
\p
\v 1 Lefii pǝyɑlɑɑ ntɛ́ Kɛɛsɔŋ nɑ Kehɑtɩ, nɑ Melɑli. 
\v 2 Kehɑtɩ nyǝ́mɑ ntɛ́ Amǝlɑm, nɑ Ɩsɑɑ, nɑ Hepǝlɔŋ, nɑ Usiyɛlɩ. 
\v 3 Apɑlʋpiyɑ nɑɑlɛ nɑ ɑlʋpǝyɑɣɑ kʋlʋmɑɣɑ kɛ Amǝlɑm lʋlɑɑ. Mpɛɣɛlɛ Alɔŋ, nɑ Moisi, nɑ Mɑlǝyɑm. Alɔŋ pǝyɑlɑɑ ntɛ́, Nɑtɑpɩ, nɑ Apihu, nɑ Ɩlɑsɑɑ, nɑ Ɩtɑmɑɑ. 
\v 4 Ɩlɑsɑɑ pǝyɑlʋ kɛlɛ Pɛnhɑsɩ, Pɛnhɑsɩ pǝyɑlʋ kɛlɛ Apisuwɑ, 
\v 5 Apisuwɑ pǝyɑlʋ kɛlɛ Puki, Puki pǝyɑlʋ kɛlɛ Usi. 
\v 6 Usi pǝyɑlʋ kɛlɛ Selɑyɑ, Selɑyɑ pǝyɑlʋ kɛlɛ Melɑyɔtɩ. 
\v 7 Melɑyɔtɩ pǝyɑlʋ kɛlɛ Amɑliyɑ, Amɑliyɑ pǝyɑlʋ kɛlɛ Ahitupi. 
\v 8 Ahitupi pǝyɑlʋ kɛlɛ Sɑtɔkɩ, Sɑtɔkɩ pǝyɑlʋ kɛlɛ Ahimɑɑsɩ. 
\v 9 Ahimɑɑsɩ pǝyɑlʋ kɛlɛ Asɑliyɑ, Asɑliyɑ pǝyɑlʋ kɛlɛ Yohɑnɑŋ. 
\v 10 Yohɑnɑŋ pǝyɑlʋ kɛlɛ Asɑliyɑ. Nɑ Asɑliyɑ ɩnɩ ɩ kɑ kɛnɑ kɔtʋlʋ kɛ Yutɑ nyǝ́mɑ Ɩsɔ tǝsɛɛlɛ nte Sɑlʋmɔŋ ŋmɑwɑ tɔ tǝ tɑɑ. 
\v 11 Asɑliyɑ pǝyɑlʋ kɛlɛ Amɑliyɑ, Amɑliyɑ pǝyɑlʋ kɛlɛ Ahitupi. 
\v 12 Ahitupi pǝyɑlʋ kɛlɛ Sɑtɔkɩ, Sɑtɔkɩ pǝyɑlʋ kɛlɛ Sɑlum. 
\v 13 Sɑlum pǝyɑlʋ kɛlɛ Hilikiyɑ, Hilikiyɑ pǝyɑlʋ kɛlɛ Asɑliyɑ. 
\v 14 Asɑliyɑ pǝyɑlʋ kɛlɛ Selɑyɑ, Selɑyɑ pǝyɑlʋ kɛlɛ Yosɑtɑkɩ. 
\v 15 Ɩnɩ nɑ Yutɑ nɑ Yosɑlɛm pǝ yǝlɑɑ kɛ Ɩsɔ yelɑɑ nɑ Nepukɑnɛsɑɑ pɑ́ kuu nɑ pɑ́ tɛɛnɑ pɑ tɛ.
\s1 Lefii lʋlʋɣʋ nyǝ́mɑ lɛlɑɑ
\p
\v 16 Lefii pǝyɑlɑɑ ntɛ́ Kɛɛsɔŋ, nɑ Kehɑtɩ, nɑ Melɑli. 
\v 17 Kɛɛsɔŋ pǝyɑlɑɑ ntɛ́ Lipini nɑ Simeyi. 
\v 18 Kehɑtɩ pǝyɑlɑɑ ntɛ́ Amǝlɑm, nɑ Ɩsɑɑ, nɑ Hepǝlɔŋ nɑ Usiyɛlɩ. 
\v 19 Melɑli pǝyɑlɑɑ ntɛ́ Mɑlii, nɑ Musi. Lefii kpekɑ wenɑ ɑ kpeɣelɑɑ nɑ pǝ́ kɛɛsǝnɑ pɑ cɑɑnɑɑ tɔɣɔlɛ.
\p
\v 20 Kɛɛsɔŋ lʋlʋɣʋ nyǝ́mɑ siɣisiɣi kɛlɛ Lipini, nɑ Yɑhɑtɩ, nɑ Simmɑ, 
\v 21 nɑ Yowɑ, nɑ Itoo, nɑ Selɑ, nɑ Yeyɑtǝlɑyi.
\p
\v 22 Kehɑtɩ pǝyɑlɑɑ ntɛ́ Aminɑtɑpɩ, nɑ Kolee, nɑ Asii, 
\v 23 nɑ Ɩlǝkɑnɑ, nɑ Apiyɑsɑfɩ, nɑ Asii. 
\v 24 Nɑ Tɑhɑtɩ, nɑ Uliyɛlɩ, nɑ Osiyɑsɩ, nɑ Sɑwuli.
\p
\v 25 Ɩlǝkɑnɑ pǝyɑlɑɑ ntɛ́ Amɑsɑyi, nɑ Ahimɔtɩ. 
\v 26 Ahimɔtɩ lʋlʋɣʋ nyǝ́mɑ ntɛ́ Ɩlǝkɑnɑ, nɑ Sofɑyi, nɑ Nɑhɑtɩ, 
\v 27 nɑ Ɩliyɑpɩ, nɑ Yelowɑm, nɑ Ɩlǝkɑnɑ. 
\v 28 Sɑmiyɛɛlɩ pǝyɑlʋ kɑncɑɑlɑɣɑ nyǝŋ ntɛ́ Sowɛɛlɩ, nɑ nɑɑlɛ nyǝŋ ntɛ́ Apiyɑ.
\p
\v 29 Melɑli lʋlʋɣʋ nyǝ́mɑ siɣisiɣi kɛlɛ Mɑlii, nɑ Lipini, nɑ Simeyi, nɑ Usɑ, 
\v 30 nɑ Simɑ, nɑ Hɑkiyɑ, nɑ Asɑyɑ.
\p
\v 31 Ḿpʋ́ɣʋ́ Tɑfiiti kpɑwɑ Lefii lʋlʋɣʋ nyǝ́mɑ lɛlɑɑ kɛ yonyoolɑɑ kɛ pǝ kpɑɣɑʋ wɑɑtʋ wei pɑ sɩɩ Ɩsɔ ɑtɑkɑɑ kɛ cokǝle tɑɑ kɛ Yosɑlɛm tɔ. 
\v 32 Cokǝle ntɛ́ tǝ nɔnɔɣɔ tǝnɑɣɑ mpɛ ɩnɩ pɑ yookɑɣɑ pɑ yontu, ɩsɩɩ pɑɑ sɩɩ-wɛ tɔ, nɑ pǝ́cɔ́ Sɑlʋmɔŋ ŋmɑɑkɩ Yutɑ nyǝ́mɑ Ɩsɔ tǝsɛɛlɛ kɛ Yosɑlɛm.
\p
\v 33 Mpɑ pɑɑ kɛ́ tǝmlɛ lɑtɑɑ tɔ pɑnɑ pɑ pǝyɑlɑɑ ntɛ́. Kehɑtɩ lʋlʋɣʋ tʋ ntɛ́ yonyoolu Hemɑŋ nɑ Hemɑŋ cɑɑ kɛlɛ Sowɛɛlɩ nɑ Sowɛɛlɩ cɑɑ kɛlɛ Sɑmiyɛɛlɩ. 
\v 34 Sɑmiyɛɛlɩ cɑɑ kɛlɛ Ɩlǝkɑnɑ, Ɩlǝkɑnɑ cɑɑ kɛlɛ Yelowɑm, Yelowɑm cɑɑ kɛlɛ Ɩliyɛlɩ, Ɩliyɛlɩ cɑɑ kɛlɛ Towɑ. 
\v 35 Towɑ cɑɑ kɛlɛ Sufɩ, Sufɩ cɑɑ kɛlɛ Ɩlǝkɑnɑ, Ɩlǝkɑnɑ cɑɑ kɛlɛ Mɑhɑtɩ, Mɑhɑtɩ cɑɑ kɛlɛ Amɑsɑyi. 
\v 36 Amɑsɑyi cɑɑ kɛlɛ Ɩlǝkɑnɑ, Ɩlǝkɑnɑ cɑɑ kɛlɛ Sowɛɛlɩ, Sowɛɛlɩ cɑɑ kɛlɛ Asɑliyɑ, Asɑliyɑ cɑɑ kɛlɛ Sefɑniyɑ. 
\v 37 Sefɑniyɑ cɑɑ kɛlɛ Tɑhɑtɩ, Tɑhɑtɩ cɑɑ kɛlɛ Asii, Asii cɑɑ kɛlɛ Apiyɑsɑfɩ, Apiyɑsɑfɩ cɑɑ kɛlɛ Kolee. 
\v 38 Kolee cɑɑ kɛlɛ Ɩsɑɑ, Ɩsɑɑ cɑɑ kɛlɛ Kehɑtɩ, Kehɑtɩ cɑɑ kɛlɛ Lefii, Lefii cɑɑ kɛlɛ Yɑkɔpʋ.
\p
\v 39 Yonyoolɑɑ kpekǝle nɑɑlɛ nyǝntɛ nyʋɣʋ tʋ Asɑfɩ kɑ wɛnnɑ Hemɑŋ ntɔɣɔŋ tɔɔ. Ɩ cɑɑ kɛlɛ Pelekiyɑ, Pelekiyɑ cɑɑ kɛlɛ Simɑ. 
\v 40 Simɑ cɑɑ kɛlɛ Mikɑyɛɛlɩ, Mikɑyɛɛlɩ cɑɑ kɛlɛ Pɑseyɑ, Pɑseyɑ cɑɑ kɛlɛ Mɑlǝkiyɑ. 
\v 41 Mɑlǝkiyɑ cɑɑ kɛlɛ Ɩtǝni, Ɩtǝni cɑɑ kɛlɛ Selɑ, Selɑ cɑɑ kɛlɛ Atɑyɑ. 
\v 42 Atɑyɑ cɑɑ kɛlɛ Ɩtɑŋ, Ɩtɑŋ cɑɑ kɛlɛ Simmɑ, Simmɑ cɑɑ kɛlɛ Simeyi. 
\v 43 Simeyi cɑɑ kɛlɛ Yɑhɑtɩ, Yɑhɑtɩ cɑɑ kɛlɛ Kɛɛsɔŋ, Kɛɛsɔŋ cɑɑ kɛlɛ Lefii.
\p
\v 44 Yonyoolɑɑ kpekǝle tooso nyǝntɛ nyʋɣʋ tʋ Melɑli lʋlʋɣʋ tʋ Ɩtɑŋ kɑ́ wɛnnɑ pɑ mpǝtǝŋ tɔɔ. Ɩtɑŋ cɑɑ kɛlɛ Kisi, Kisi cɑɑ kɛlɛ Apiti, Apiti cɑɑ kɛlɛ Mɑlukɩ. 
\v 45 Mɑlukɩ cɑɑ kɛlɛ Hɑsɑpiyɑ, Hɑsɑpiyɑ cɑɑ kɛlɛ Amɑsiyɑ, Amɑsiyɑ cɑɑ kɛlɛ Hilikiyɑ. 
\v 46 Hilikiyɑ cɑɑ kɛlɛ Amsi, Amsi cɑɑ kɛlɛ Pɑni, Pɑni cɑɑ kɛlɛ Semɛɛ. 
\v 47 Semɛɛ cɑɑ kɛlɛ Mɑlii, Mɑlii cɑɑ kɛlɛ Musi, Musi cɑɑ kɛlɛ Melɑli, Melɑli cɑɑ kɛlɛ Lefii.
\p
\v 48 Pɑ tɛɛtʋnɑɑ Lefii nyǝ́mɑ lɛlɑɑ kɑ́ lɑkɑɣɑnɑ tǝmɑ lɛnnɑ tǝnɑɣɑ Yutɑ nyǝ́mɑ Ɩsɔ tǝsɛɛlɛ tɑɑ.
\p
\v 49 Alɔŋ nɑ ɩ lʋlʋɣʋ nyǝ́mɑ pɑ tǝmlɛ ntɛ́ tɔlɑ nɑ tulɑɑlʋnɑɑ pǝ kɔtɑsɩ lɑpʋ. Mpɛ pɑ tike pɑ pɑɑsɑɣɑnɑ nɑ Ɩsɔ wontu kɛ Ɩsɔ tǝsɛɛlɛ tɑɑ, nɑ pɑ́ lɑkɩ Ɩsɛɣɛlɩ nyǝ́mɑ ɩsɑɣɑtʋ tɑɣɑnʋɣʋ kɔtɑsɩ kɛ teitei ɩsɩɩ Ɩsɔ tǝmlɛ tʋ Moisi kɑ sɩɩʋ tɔ. 
\v 50 Alɔŋ pǝyɑlʋ kɛlɛ Ɩlɑsɑɑ, Ɩlɑsɑɑ pǝyɑlʋ kɛlɛ Pɛnhɑsɩ, Pɛnhɑsɩ pǝyɑlʋ kɛlɛ Apisuwɑ. 
\v 51 Apisuwɑ pǝyɑlʋ kɛlɛ Puki. Puki pǝyɑlʋ kɛlɛ Usi, Usi pǝyɑlʋ kɛlɛ Selɑyɑ. 
\v 52 Selɑyɑ pǝyɑlʋ kɛlɛ Melɑyɔtɩ, Melɑyɔtɩ pǝyɑlʋ kɛlɛ Amɑliyɑ, Amɑliyɑ pǝyɑlʋ kɛlɛ Ahitupi. 
\v 53 Ahitupi pǝyɑlʋ kɛlɛ Sɑtɔkɩ, Sɑtɔkɩ pǝyɑlʋ kɛlɛ Ahimɑɑsɩ.
\s1 Lefii nyǝ́mɑ ɑcɑlɛɛ
\p
\v 54 Tɛtʋ hɔɣɔlǝŋ wei ɩ tɑɑ Alɔŋ piitim nyǝ́mɑ mpɑ pɑ kɛ́ Kehɑtɩ lʋlʋɣʋ nyǝ́mɑ tɔ pɑɑ wɛɛ tɔɣɔlɔ. Mpɛɣɛ pɑ tɔwɑ tɛtɛ nɑ pɑ́ cɑɑlɩ-wɛɣɛ pɑ tɛtʋ cɛlʋɣʋ. 
\v 55 Pɑ cɛlɑ-wɛɣɛ Yutɑ tɛtʋ ɩcɑtɛ Hepǝlɔŋ nɑ tǝ nɔnɔkilɑ tǝtiikile. 
\v 56 Amɑ Yefune pǝyɑlʋ Kɑlɛpʋ kɛ pɑɑ tɛmɑ cɛlʋɣʋ kɛ tɑwɑ tɑɑ ɑcɑlɛɛ nɑ pǝ hɑlǝmnɑɑ. 
\v 57 Alɔŋ lʋlʋɣʋ nyǝ́mɑ yʋlʋkʋlɑɑ tǝcɔɔsǝlɛnɑɑ nɑ pǝ nɔnɔkilɑ tǝtiikilenɑɑ mpɑ pɑɑ hikɑɑ tɔɣɔlɛ Hepǝlɔŋ, nɑ Lipinɑ, nɑ Yɑtii, nɑ Ɩsǝtemʋwɑ, nɑ Hileŋ, nɑ Tepii, nɑ Akɑŋ, nɑ Pɛtɩ-Sɛmɛsɩ. Pɛncɑmɛɛ kpekǝle hɔɣɔlʋɣʋ tɑɑ nyǝ́mɑ hǝlɑ ntɛ́ Kepɑ, nɑ Alemɛtɩ, nɑ Anɑtɔtɩ. A kpɛntɑ ɑcɑlɛɛ nɑɑnʋwɑ nɑ tooso.
\p
\v 61 Pɑ tɔwɑ tɛtɛ nɑ pɑ́ hɑ Kehɑtɩ lʋlʋŋ yǝlɑɑ lɛlɑɑ kɛ ɑcɑlɛɛ nɑɑnʋwɑ wei tɔɣɔlɛ. Ɩfǝlɑyim, nɑ Tɑŋ, nɑ Mɑnɑsee kpekǝle hɔɣɔlʋɣʋ lɛŋkʋ ŋku kʋ wɛnnɑ ilim tǝtʋlɛ tɔɔ tɔ. 
\v 62 Nɑ Kɛɛsɔŋ lʋlʋŋ yǝlɑɑ nɑ́ɑ́ hiki ɑcɑlɛɛ nɑɑnʋwɑ nɑ tooso tɔtɔɣɔ Ɩsɑkɑɑ nyǝ́mɑ, nɑ Asɛɛ nyǝ́mɑ, nɑ Nɛfǝtɑli nyǝ́mɑ, nɑ Mɑnɑsee kpekǝle hɔɣɔlʋɣʋ lɛŋkʋ nyǝ́mɑ mpɑ pɑ wɛ Pɑsɑŋ tɔ pɑ tɛtʋ tɑɑ. 
\v 63 Tɛtɛ kɛ́ pɑ tɔwɑ nɑ pɑ́ hɑ Melɑli lʋlʋŋ yǝlɑɑ kɛ ɑcɑlɛɛ nɑɑnʋwɑ nɑ nɑɑlɛ. Lupɛŋ nyǝ́mɑ nɑ Kɑtɩ nyǝ́mɑ nɑ Sɑpulɔŋ nyǝ́mɑ pɑ tɛtʋnɑɑ tɑɑ kɛ́ ɑ wɛɛ. 
\v 64 Lefii lʋlʋŋ nyǝ́mɑ kɛ Ɩsɛɣɛlɩ nyǝ́mɑ hɑwɑ ɑcɑlɛɛ ɑnɩ nɑ ɑ nɔnɔkilɑ hɑlǝmnɑɑ. 
\v 65 Tɛtɛ kɛ́ pɑ tɔwɑ nɑ pɑ́ tɑlǝnɑ Yutɑ nɑ Simiyɔŋ nɑ Pɛncɑmɛɛ pɑ tɛtʋnɑɑ tɑɑ ɑcɑlɛɛ nnɑ ɑ tɔm pɑɑ yɔɣɔtɑɑ tɔ.
\p
\v 66 Yʋlʋkʋlɑɑ tǝcɔɔsǝlɛnɑɑ ɑcɑlɛɛ nnɑ Kehɑtɩ lʋlʋŋ yǝlɑɑ hikɑɑ tɔ ɑ hǝlɑ ntɔ. Ɩfǝlɑyim tɛtʋ tɑɑ nyǝ́mɑ ntɛ́ Sikɛm kɛ pulɑsɩ hɔɣɔlʋɣʋ tɑɑ, nɑ Kesɛɛ nɑ Yɔkǝneyɑm nɑ Pɛtɛ-Holoŋ nɑ Ayɑlɔŋ, nɑ Kɑtɩ-Limɔŋ. Mɑnɑsee kpekǝle hɔɣɔlʋɣʋ lɛŋkʋ nyǝnɑ ntɛ́ Anɛɛ nɑ Pileyɑm. Acɑlɛɛ ɑnɩ nɑ ɑ nɔnɔkilɑ hɑlǝmnɑɑ kɛ pɑ́ cɛlɑ-wɛ.
\p
\v 71 Acɑlɛɛ nnɑ Kɛɛsɔŋ kpekǝle yǝlɑɑ hikɑɑ tɔɣɔlɔ, Mɑnɑsee kpekǝle hɔɣɔlʋɣʋ lɛŋkʋ tɑɑ nyǝnɑ ntɛ́ Kolɑŋ nɑ Asǝtɑlɔtɩ kɛ Pɑsɑŋ tɑɑ. Ɩsɑkɑɑ tɛtʋ tɑɑ nyǝnɑ ntɛ́ Ketɛɛsɩ nɑ Tɑpǝlɑtɩ nɑ Lɑmɔtɩ, nɑ Anem. Asɛɛ tɛtʋ nyǝnɑ ntɛ́, Mɑsɑɑlɩ, nɑ Apǝtɔŋ, nɑ Hukɔkɩ, nɑ Lehopɩ. Nefǝtɑli tɛtʋ tɑɑ nyǝnɑ ntɛ́ Ketɛɛsɩ kɛ Kɑlilee tɑɑ nɑ Hɑmmɔŋ nɑ Kiliyɑtɑyim. Acɑlɛɛ ɑnɩ nɑ ɑ nɔnɔkilɑ hɑlǝmnɑɑ kɛ pɑ hɑwɑ.
\p
\v 77 Lefii tʋ Melɑli lʋlʋŋ nyǝ́mɑ lɛlɑɑ nɑ́ hikɑ ɑcɑlɛɛ nnɑ tɔɣɔlɔ. Sɑpulɔŋ tɛtʋ tɑɑ nyǝnɑ ntɛ́ Limmono nɑ Tɑpɔɔ. Lupɛŋ tɛtʋ tɑɑ nyǝnɑ nnɑ ɑ wɛ Yɑɑtɑnɩ pɔɣɔ wɑɑlɩ kɛ Yeliko ɩsɛntɑɑ tɔɣɔlɛ. Pesɛɛ kɛ wʋlɑɣɑ tɛtʋ hɔɣɔlʋɣʋ tɑɑ, nɑ Yɑhɑsɩ, nɑ ketemɔtɩ, nɑ Mefɑɑtɩ. Kɑtɩ tɛtʋ tɑɑ nyǝnɑ ntɛ́ Lɑmɔtɩ kɛ Kɑlɑɑtɩ tɑɑ, nɑ Mɑhɑnɑyim nɑ Hɛsǝpɔŋ nɑ Yɑsɛɛ. Acɑlɛɛ ɑnɩ nɑ ɑ nɔnɔkilɑ hɑlǝmnɑɑ kɛ pɑ hɑwɑ.
\c 7
\s1 Ɩsɑkɑɑ lʋlʋɣʋ nyǝ́mɑ
\p
\v 1 Apɑlʋpiyɑ liɣiti kɛ́ Ɩsɑkɑɑ lʋlɑɑ. Mpɛɣɛlɛ, Tolɑ, nɑ Pufɑ, nɑ Yɑsupi, nɑ Similoŋ. 
\v 2 Tolɑ lʋlʋŋ nɑ pɑ nyɔɔŋ nyǝ́mɑ ntɛ́, Usi, nɑ Lefɑyɑ, nɑ Yeliyɛlɩ, nɑ Yɑmɑyi, nɑ Ɩpǝsɑm, nɑ Semuwɛlɩ. Pɑɑ kɛ́ kpelikpekɑ nyǝ́mɑ kɛ pɑ yǝlɑɑ tɑɑ kɛ́. Nɑ pɑɑ wɛ iyisi hiu nɑ nɑɑlɛ nɑ nɑsǝtoso (22600) kɛ Tɑfiiti wɑɑtʋ tɑɑ. 
\v 3 Usi pǝyɑlʋ kɛlɛ Ɩsǝlɑhiyɑ. Ɩsǝlɑhiyɑ pǝyɑlɑɑ Mikɑyɛɛlɩ, nɑ Opɑtiyɑ, nɑ Sowɛɛlɩ, nɑ Ɩsiyɑ pɑɑ kɛ́ lʋlʋŋ nyɔɔŋ nyǝ́mɑ. 
\v 4 Yoolɑɑ nyɔɔŋ nyǝ́mɑ kɑ wɛ ɑpɑlɑɑ iyisi hiu nɑ nɑɑnʋwɑ nɑ nɑɑtoso (36000) kɛ́, nɑ pɑ fɑɣɑ-wɛ nɑ pǝ́ kɛɛsǝnɑ pɑ lʋlʋŋ nɑ pɑ tɛɛsɩ. Pǝyele pɑɑ wɛnɑ ɑlɑɑ nɑ piyɑ pɑɣɑlɛ kɛ́.
\p
\v 5 Ɩsɑkɑɑ kpekɑ yǝlɑɑ kpelikpekɑ nyǝ́mɑ lɛlɑɑ mpɑ pɑ hǝlɑ wɛ kʋkɑlʋɣʋ tɑkǝlɑɣɑ tɑɑ tɔ pɑ wɛ yʋlʋnyɔɔŋ iyisi nɩɩnɑɑsɑ nɑ nɑɑtosompɔɣɔlɑɣɑ (87000) kɛ́.
\s1 Pɛncɑmɛɛ nɑ Nɛfǝtɑli pɑ lʋlʋɣʋ nyǝ́mɑ
\p
\v 6 Apɑlʋpiyɑ tooso kɛ Pɛncɑmɛɛ lʋlɑɑ. Mpɛɣɛlɛ Pelɑ, nɑ Pekɛɛ, nɑ Yetiyɑyɛlɩ. 
\v 7 Pelɑ nɑ́ɑ́ wɛnɑ piyɑ kɑkpɑsɩ kɛ́. Mpɛɣɛlɛ, Ɩsǝpɔŋ, nɑ Usi, nɑ Usiyɛlɩ, nɑ Yelimɔtɩ, nɑ Ili. Pɑɑ kɛ́ kpelikpekɑ nyǝ́mɑ kɛ́. Mpɛ pɑ pǝsǝnɑ pɑ lʋlʋŋ nyɔɔŋ nyǝ́mɑ. Nɑ pɑ hǝlɑ wɛ kʋkɑlʋɣʋ tɑkǝlɑsɩ tɑɑ kɛ́ yʋlʋnyɔɔŋ iyisi hiu nɑ nɑɑlɛ nɑ hiu nɑ nɑɑnʋwɑ nɑ liɣiti (22034). 
\v 8 Pekɛɛ piyɑ ntɛ́, Semilɑ, nɑ Yowɑsɩ, nɑ Ɩliyesɛɛ, nɑ Ɩliyohenɑyi, nɑ Omili, nɑ Yelemɔtɩ, nɑ Apiyɑ, nɑ Anɑtɔtɩ, nɑ Alemɛtɩ. Pɑ tǝnɑɣɑ mpʋ 
\v 9 pɑɑ kɛ́ kpelikpekɑ nyǝ́mɑ kɛ́. Mpɛ pɑ pǝsǝnɑ pɑ lʋlʋŋ nyɔɔŋ nyǝ́mɑ. Pɑ hǝlɑ wɛ kʋkɑlʋɣʋ tɑkǝlɑsɩ tɑɑ kɛ́ yʋlʋnyɔɔŋ iyisi hiu nɑ ŋmʋnʋɣʋ (20200). 
\v 10 Yetiyɑyɛlɩ pǝyɑlʋ kɛlɛ Pilehɑŋ. Pilehɑŋ piyɑ ntɛ́ Yewusi, nɑ Pɛncɑmɛɛ, nɑ Ɩhuti, nɑ Kenɑɑnɑ, nɑ Setɑŋ, nɑ Tɑɑsisi, nɑ Ahisɑhɑ. 
\v 11 Yɑyɛlɩ piyɑ mpɛ pɑ tǝnɑ, pɑɑ kɛ́ kpelikpekɑ nyǝ́mɑ kɛ́. Mpɛ pɑ pǝsǝnɑ pɑ lʋlʋŋ nyɔɔŋ nyǝ́mɑ nɑ pɑ tɑɑ kɑ wɛ yoolɑɑ iyisi nɑɑnʋwɑ nɑ nɑɑtosompɔɣɔlɑɣɑ nɑ ŋmʋnʋɣʋ (17200). Nɑ pɑ sɔɔlʋ pɩɩwɑ sɩ pɑ́ yoo.
\p
\v 12 Iii*fɑ* pǝyɑlɑɑ ntɛ́ Supim nɑ Hupim. Ahɛɛ pǝyɑlʋ kɛlɛ Husim. \f ɑ \fr 7:12 \fr*\fk Iii: \fk*\ft Pǝ cɑɣɑ ɩsɩɩ yʋlʋ kʋlʋm ɩnǝɣɩ pɑ yɑɑ sɩ Ili kɛ Kʋtɔɔsʋtʋ I 7:7 tɑɑ.\ft*\f*
\p
\v 13 Nɛfǝtɑli pǝyɑlɑɑ ntɛ́ Yɑsiyɛlɩ, nɑ Kuni, nɑ Yesɛɛ, nɑ Sɑlum. Pilɑ sɑɑlǝnɑɑ ntɛ́.
\s1 Mɑnɑsee lʋlʋɣʋ nyǝ́mɑ
\p
\v 14 Mɑnɑsee piyɑ ntɛ́ Asǝliyɛlɩ, nɑ Mɑkii. Mpɛɣɛ ɩ ɑlʋ nɑɑlɛ nyǝŋ Silii tʋ lʋlɑ-ɩ. Ɩlɛnɑ Mɑkii nɑ́ɑ́ lʋlɩ Kɑlɑɑtɩ. 
\v 15 Ḿpʋ́ɣʋ́ Mɑkii cɑ́ɑ́ ɑlɑɑ kɛ Hupim nɑ Supim. Ɩ kɑ́ wɛnɑ neu kɛ́ nɑ pɑ́ yɑɑkɩ-ɩ sɩ Mɑɑkɑ. Mɑkii kɑ́ wɛnɑ pǝyɑlʋ nɑɑlɛ nyǝŋ nɑ pɑ́ yɑɑkɩ-ɩ sɩ Selofɑtɩ. Alʋpiyɑ kɛ Selofɑtɩ nɑ́ lʋlɑɑ. 
\v 16 Ḿpʋ́ɣʋ́ Mɑkii ɑlʋ Mɑɑkɑ tɑsɑ ɑpɑlʋpǝyɑɣɑ kɛ lʋlʋɣʋ nɑ ɩ́ yɑɑ-kɛ sɩ Pɛlɛsɩ. Ɩ tɑsɑ lɛŋkɑ, ɩlɛnɑ ɩ́ yɑɑ kɛlɛ sɩ Sɛlɛsɩ. Ntɛnɑ Sɛlɛsɩ nɑ́ɑ́ lʋlɩ Ulɑm nɑ Lekem. 
\v 17 Ulɑm pǝyɑlʋ kɛlɛ Petɑŋ.
\p Mɑkii pǝyɑlʋ Kɑlɑɑtɩ wei ɩ kɛ́ Mɑnɑsee sɑɑlɩ tɔ ɩ lʋlʋɣʋ nyǝ́mɑ ntɛ́.
\p
\v 18 Kɑlɑɑtɩ neu ɑlʋ nyǝŋ Hɑmmoleketɩ nɑ́ lʋlǝnɑ ntɛɣɛ Ɩsotɩ nɑ Apiyesɛɛ, nɑ Mɑlɑ. 
\v 19 Semitɑ pǝyɑlɑɑ ntɛ́ Ahiyɑŋ, nɑ Sekem, nɑ Liki, nɑ Aniyɑŋ.
\s1 Ɩfǝlɑyim Lʋlʋɣʋ nyǝ́mɑ
\p
\v 20 Ɩfǝlɑyim kʋlʋlɑɑ ntɛ́ Sutelɑ, nɑ Pelɛtɩ, nɑ Tɑhɑtɩ, nɑ Ɩlɑtɑ, nɑ Tɑhɑtɩ, 
\v 21 nɑ Sɑpɑtɩ, nɑ Sutelɑ. Ɩfǝlɑyim pǝyɑlɑɑ lɛlɑɑ ntɛ́ Ɩsɛɛ nɑ Ɩlɑtɩ. Mpɛ pɑɑ mɑɣɑsǝnɑ sɩ pɑ lɛɛkǝɣɩ Kɑtɩ hɔɣɔlʋɣʋ tɑɑ nyǝ́mɑ kɑlǝkǝŋ nɑ pɛlɛ pɑ́ kʋ-wɛ. 
\v 22 Ḿpʋ́ɣʋ́ Ɩfǝlɑyim cɑɣɑ lǝyɑɣɑ nɑ pǝ́ leeli nɑ ɩ nyǝ́mɑ kɔɔ ɩ puɣusuɣu. 
\v 23 Pǝlɛ pǝ wɑɑlɩ ɩ́ tɑsɑ ɩ ɑlʋ kɛ nyǝm nɑ ɩ́ lʋlɩ ɑpɑlʋpǝyɑɣɑ nɑ ɩ́ hɑ-kɛ sɩ Peliyɑ*fɑ*. Mpi tɔ, ɩ tǝyɑɣɑ kɑ wɛ wɑhɑlɑ tɑɑ kɛ́. \f ɑ \fr 7:23 \fr*\fk Peliyɑ: \fk*\ft Peliyɑ hǝtɛ hʋwɛɛ ntɛ sɩ: Ɩ tǝyɑɣɑ wɛ wɑhɑlɑ tɑɑ.\ft*\f* 
\v 24 Ɩ lʋlɑ ɑlʋpǝyɑɣɑ tɔtɔ, pɑ́ yɑɑ-kɛ sɩ Selɑ. Nkɛ kɑ́ ŋmɑnɑ Pɛtɩ-Holoŋ ɩsɔtɑɑ nɑ pǝtɛɛ nɑ Usɑŋ-Selɑ. 
\v 25 Peliyɑ kʋlʋlɑɑ ntɛ́ Lefɑ, nɑ Lesɛfɩ, nɑ Telɑ, nɑ Tɑhɑŋ, 
\v 26 nɑ Lɑtɑŋ, nɑ Amihuti, nɑ Ɩlisɑmɑ, 
\v 27 nɑ Nuŋ, nɑ Yosuwee.
\p
\v 28 Acɑlɛɛ nnɑ Ɩfǝlɑyim nyǝ́mɑ hikɑɑ sɩ pɑ́ cɑɣɑ tɔɣɔlɛ Petɛɛlɩ nɑ pǝ cɔlɔ ɑcɑlɛɛ. Nɑ Nɑɑlɑŋ nɑ ilim tǝlɩɩlɛ tɔɔ, nɑ Kesɛɛ nɑ pǝ cɔlɔ ɑcɑlɛɛ nɑ ilim tǝtʋlɛ tɔɔ. Nɑ Sikɛm, nɑ Ayɑ pǝ hɛkʋ tɑɑ hɔɣɔlʋɣʋ nɑ pǝ cɔlɔ ɑcɑlɛɛ.
\p
\v 29 Mɑnɑsee lʋlʋɣʋ nyǝ́mɑ ɑcɑlɛɛ ntɛ́ Pɛtɩ-Seyɑŋ, nɑ Tɑɑnɑkɩ, nɑ Mekito, nɑ Tɔɔɔ, nɑ pǝ cɔlɔ ɑcɑlɛɛ.
\p Yɑkɔpʋ pǝyɑlʋ Yosɛɛfʋ lʋlʋɣʋ nyǝ́mɑ ɑcɑlɛɛ ntɛ́.
\s1 Asɛɛ lʋlʋɣʋ nyǝ́mɑ
\p
\v 30 Asɛɛ pǝyɑlɑɑ ntɛ́ Ɩmǝnɑ, nɑ Ɩsefɑ, nɑ Ɩsefi, nɑ Peliyɑ. Pɑ neu ɑlʋ nyǝŋ ntɛ́ Selɑ. 
\v 31 Peliyɑ pǝyɑlɑɑ ntɛ́ Hepɛɛ nɑ Mɑlǝkǝyɛlɩ. Mɑlǝkǝyɛlɩ ŋmɑnɑ Piisɑyitɩ ɩcɑtɛ. 
\v 32 Hepɛɛ pǝyɑlɑɑ ntɛ́ Yɑfǝlɛtɩ, nɑ Semɛɛ, nɑ Hotɑm, nɑ pɑ neu ɑlʋ nyǝŋ Suwɑ. 
\v 33 Yɑfǝlɛtɩ pǝyɑlɑɑ ntɛ́ Pɑsɑkɩ, nɑ Pimɑlɩ, nɑ Asefɑtɩ. 
\v 34 Semɛɛ pǝyɑlɑɑ ntɛ́ Ahi, nɑ Lokɑ, nɑ Hupɑ, nɑ Alɑm. 
\v 35 Ɩ neu Hotɑm pǝyɑlɑɑ ntɛ́ Sofɑ, nɑ Ɩmǝnɑ, nɑ Selɛsɩ, nɑ Amɑlɩ. 
\v 36 Sofɑ pǝyɑlɑɑ ntɛ́ Suwɑ, nɑ Hɑɑnefɛɛ, nɑ Suwɑɑlɩ, nɑ Peeli, nɑ Ɩmǝlɑ. 
\v 37 Pesɛɛ, nɑ Hotɩ, nɑ Sɑmmɑ, nɑ Silesɑ, nɑ Ɩtǝlɑŋ, nɑ Peelɑ. 
\v 38 Ɩtǝlɑŋ pǝyɑlɑɑ ntɛ́ Yefune, nɑ Pisepɑ, nɑ Ɩlɑ.
\p
\v 39 Ullɑ pǝyɑlɑɑ ntɛ́ Alɑ, nɑ Hɑnǝyɛlɩ, nɑ Lisiyɑ.
\p
\v 40 Asɛɛ lʋlʋɣʋ nyǝ́mɑ ntɛ́ pɑ tǝnɑɣɑ mpʋ. Pɑɑ kɛ́ nyɔɔŋ nyǝ́mɑ kʋpɑmpɑmɑ kɛ́, nɑ pɑ́ wɛnɑ kpelikpekɑ. Pɑ ŋmɑɑ pɑ hǝlɑ kɛ yoolɑɑ kʋkɑlʋɣʋ tɑkǝlɑɣɑ tɑɑ sɩ pɑ tɑɑ wɛ yoolɑɑ yʋlʋnyɔɔŋ iyisi hiu nɑ nɑɑtoso (26000).
\c 8
\s1 Pɛncɑmɛɛ lʋlʋɣʋ nyǝ́mɑ lɛlɑɑ hǝlɑ
\p
\v 1 Pɛncɑmɛɛ pǝyɑlɑɑ kɑ wɛ kɑkpɑsɩ kɛ́. Kɑncɑɑlɑɣɑ nyǝŋ ntɛ́ Pelɑ, Pelɑ wɑɑlɩ kɛ́ Asǝpɛɛlɩ, Asǝpɛɛlɩ wɑɑlɩ kɛ́ Alɑ, 
\v 2 Alɑ wɑɑlɩ kɛ́ Nohɑ, Nohɑ wɑɑlɩ kɛ́ Lɑfɑ. 
\v 3 Pelɑ pǝyɑlɑɑ ntɛ́ Atɑɑ, nɑ Kelɑɑ, nɑ Apihutɩ. 
\v 4 Nɑ Apisuwɑ, nɑ Nɑɑmɑŋ, nɑ Ahowɑ, 
\v 5 nɑ Kelɑɑ, nɑ Sefufɑŋ, nɑ Hulɑm.
\p
\v 6 Ɩhutɩ pǝyɑlɑɑ ntɛ́ Kepɑ ɩcɑtɛ nyǝ́mɑ tɛɛsɩ nyɔɔŋ nyǝ́mɑ. Ḿpʋ́ɣʋ́ pɑ ponɑ-wɛɣɛ Mɑnɑhɑtɩ nɑ toŋ. Pɑ hǝlɑ ntɛ́, 
\v 7 Nɑɑmɑŋ, nɑ Ahiyɑ, nɑ Kelɑɑ. Usɑ nɑ Ahihuti pɑ cɑɑ kɛlɛ Kelɑɑ. Ɩnɩ ɩ tiikinɑ-wɛɣɛ pɑ kuuu wɑɑtʋ.
\p
\v 8 Ḿpʋ́ɣʋ́ Sɑlɑyim tɔɣɔnɑ ɩ ɑlɑɑ nɑɑlɛ, Husim, nɑ Pɑɑlɑ. Pǝ wɑɑlǝɣɩ ɩ kpɑɣɑ Mowɑpʋ 
\v 9 tɛtʋ tɑɑ kɛ́ ɑlʋ lɛlʋ, pɑ yɑɑ-ɩ sɩ Hotɛsɩ. Ɩ́lɛ́ ɩ lʋlʋnɑ Yopɑpɩ, nɑ Sipiyɑ, nɑ Mesɑ, nɑ Mɑlǝkɑm, 
\v 10 nɑ Yewusɩ, nɑ Sɑkiyɑ, nɑ Miimɑ. Ɩ pǝyɑlɑɑ pǝsǝnɑ lʋlʋŋ nyɔɔŋ nyǝ́mɑ. 
\v 11 Sɑlɑyim ɑlʋ Husim kɑ lʋlɑ-ɩ piyɑ nɑɑlɛɣɛ kɑncɑɑlɑɣɑ kɛ́. Mpɛɣɛlɛ, Apitupɩ, nɑ Ɩlǝpɑɑlɩ. 
\v 12 Ɩlǝpɑɑlɩ pǝyɑlɑɑ ntɛ́ Hepɛɛ, nɑ Misɑm, nɑ Semɛtɩ. Semɛtɩ ŋmɑnɑ Ono, nɑ Lotɩ pǝ ɑcɑlɛɛ nɑ pǝ cɔlɔ nyǝnɑ.
\p
\v 13 Ḿpʋ́ɣʋ́ Ayɑlɔŋ lʋlʋŋ nyɔɔŋ nyǝ́mɑ Peliyɑ, nɑ Semɑ pɑ tɔɣɔnɑ Kɑtɩ nyǝ́mɑ. 
\v 14-16 Peliyɑ pǝyɑlɑɑ ntɛ́ Ahiyo, nɑ Sɑsɑkɩ, nɑ Yelemɔtɩ, nɑ Sepɑtiyɑ, nɑ Alɑtɩ, nɑ Ɩtɛɛ, nɑ Mikɑyɛɛlɩ, nɑ Ɩsepɑ, nɑ Yohɑ.
\p
\v 17-18 Ɩlǝpɑɑlɩ pǝyɑlɑɑ ntɛ́ Sepɑtiyɑ, nɑ Mesulɑm, nɑ Hisǝki, nɑ Hepɛɛ, nɑ Ɩsemelɑyi, nɑ Ɩsǝliyɑ, nɑ Yopɑpɩ.
\p
\v 19-21 Simeyi pǝyɑlɑɑ ntɛ́ Yɑkim, nɑ Sikǝli, nɑ Sɑpǝti, nɑ Ɩliyenɑyi, nɑ Siletɑyi, nɑ Ɩliyɛlɩ, nɑ Atɑyɑ, nɑ Pelɑyɑ, nɑ Similɑtɩ.
\p
\v 22-25 Sɑsɑkɩ pǝyɑlɑɑ ntɛ́, Ɩsepɑŋ, nɑ Ɩpɛɛ, nɑ Ɩliyɛlɩ, nɑ Apǝtɔŋ, nɑ Sikǝli, nɑ Hɑnɑŋ, nɑ Hɑnɑniyɑ, nɑ Ɩlɑm, nɑ Anetotiyɑ, nɑ Ɩfǝteyɑ, nɑ Penuwɛlɩ.
\p
\v 26-27 Yelowɑm pǝyɑlɑɑ ntɛ́ Sɑmeselɑyi, nɑ Sehɑliyɑ, nɑ Atɑliyɑ, nɑ Yɑlesiyɑ, nɑ Ɩliyɑ, nɑ Sikǝli.
\p
\v 28 Pɑ kpekɑ lʋlʋŋ nyɔɔŋ nyǝ́mɑ ntɛ́ nɑ pǝ kɛɛsǝnɑ pɑ wɑɑtʋnɑɑ, nɑ pɑ́ wɛ Yosɑlɛm tɑɑ.
\p
\v 29 Kɑpɑwɔŋ ɩcɑtɛ ŋmɑlʋ nɑ ɩ ɑlʋ Mɑɑkɑ pɑɑ cɑɣɑ Kɑpɑwɔŋ ɩcɑtɛ ntɛ́ tǝ tɑɑ kɛ́. 
\v 30 Ɩ pǝyɑlʋ kɑncɑɑlɑɣɑ nyǝŋ hǝtɛ ntɛ́ Apǝtɔŋ. Ɩ pǝyɑlɑɑ lɛlɑɑ hǝlɑ ntɛ́ Suuu, nɑ Kisi, nɑ Pɑɑlɩ, nɑ Nɑtɑpɩ, 
\v 31 nɑ Ketɔɔ, nɑ Ahiyo, nɑ Sekɛɛ, 
\v 32 nɑ Mikǝlɔtɩ. Simɑ cɑɑ kɛlɛ. Pɑnɛ ɩnɩ pɑ cɑɣɑ pɑ nyǝ́mɑ kiŋ kɛ Yosɑlɛm kɛ́ ɩsɩɩ pɑ tɛɛtʋnɑɑ.
\s1 Sɑyuli lʋlʋɣʋ nyǝ́mɑ
\r (Kʋtɔɔsʋtʋ I 9:39-44)
\p
\v 33 Nɛɛ pǝyɑlʋ kɛlɛ Kisi, nɑ Kisi pǝyɑlʋ kɛlɛ Sɑyuli. Sɑyuli pǝyɑlɑɑ ntɛ́ Sonɑtɑŋ, nɑ Mɑlǝkisuwɑ, nɑ Apinɑtɑpɩ, nɑ Ɩsepɑɑlɩ. 
\v 34 Sonɑtɑŋ pǝyɑlʋ kɛlɛ Melipɑɑlɩ. Melipɑɑlɩ nyǝŋ ntɛ́ Mikɑ. 
\v 35 Mikɑ pǝyɑlɑɑ ntɛ́ Pitɔŋ, nɑ Melɛkɩ, nɑ Tɑleyɑ, nɑ Ahɑsɩ. 
\v 36 Ahɑsɩ pǝyɑlʋ kɛlɛ Yowɑtɑ. Yowɑtɑ pǝyɑlɑɑ ntɛ́ Alemɛtɩ, nɑ Asǝmɑfɛtɩ, nɑ Simili. Simili pǝyɑlʋ kɛlɛ Mosɑ. 
\v 37 Mosɑ pǝyɑlʋ kɛlɛ Pineyɑ, Pineyɑ pǝyɑlʋ kɛlɛ Lɑfɑ, Lɑfɑ pǝyɑlʋ kɛlɛ Ɩlɑsɑɑ, Ɩlɑsɑɑ pǝyɑlʋ kɛlɛ Asɛɛlɩ. 
\v 38 Asɛɛlɩ pǝyɑlɑɑ wɛ nɑɑtoso, pɑ hǝlɑ ntɛ́ Asǝlikɑm, nɑ Pokulu, nɑ Ɩsǝmɑyɛlɩ, nɑ Seyɑliyɑ, nɑ Opɑtiyɑ, nɑ Hɑnɑŋ. 
\v 39 Asɛɛlɩ neu ntɛ́ Ɩsɛkɩ. Ɩsɛkɩ pǝyɑlʋ kɑncɑɑlɑɣɑ nyǝŋ ntɛ́ Ulɑm, nɑɑlɛ nyǝŋ ntɛ́ Yewusi, tooso nyǝŋ ntɛ́ Ɩlifelɛtɩ. 
\v 40 Ulɑm pǝyɑlɑɑ kɛ kpelikpekɑ nyǝ́mɑ kɛ́ nɑ tɔtɔlɑɑ. Pɑ wɛnɑ piyɑ nɑ sɑɑlǝnɑɑ kɛ sɔsɔm. Pɑ tǝnɑ pɑ wɛ yʋlʋnyɔɔŋ nɩɩnʋwɑ nɑ nɩɩlɛ nɑ nɑɑnʋwɑ (150).
\p Pɛncɑmɛɛ nyǝ́mɑ tɑɑ kɛ́ pɑ tǝnɑ ɩsǝntɔ pɑ wɛɛ.
\c 9
\p
\v 1 Ḿpʋ́ɣʋ́ pɑ tʋ Ɩsɛɣɛlɩ nyǝ́mɑ hǝlɑ kɛ pɑ ɑwulɑɑ tɑkǝlɑsɩ tɑɑ ɩsɩɩ pɑ kpekɑ tǝŋɑ tǝmɑ tɔ.
\s1 Yosɑlɛm nyǝ́mɑ tɔm
\p Yutɑ nyǝ́mɑ wɑkǝlǝnɑ Ɩsɔ, ɩlɛnɑ Pɑpiloni nyǝ́mɑ kuu-wɛ. 
\v 2 Ɩsɛɣɛlɩ nyǝ́mɑ kɛ yem, nɑ kɔtǝlɑɑ, nɑ Lefii nyǝ́mɑ, nɑ Ɩsɔ tǝsɛɛlɛ tɑɑ tǝmlɑtɑɑ cɑɑlǝnɑ mǝlʋɣʋ kɛ pɑ ɩcɑtɛ tɑɑ, nɑ pɑ́ mʋ pɑ tɛtʋnɑɑ.
\p
\v 3 Yutɑ nyǝ́mɑ, nɑ Pɛncɑmɛɛ nyǝ́mɑ, nɑ Ɩfǝlɑyim nyǝ́mɑ, nɑ Mɑnɑsee nyǝ́mɑ tɑɑ yǝlɑɑ mǝlǝnɑ Yosɑlɛm tɑɑ nɑ pɑ́ cɑɣɑ.
\p
\v 4 Yutɑ kpekǝle tʋ Utɑyi kɑ wɛɛ, Utɑyi cɑɑ kɛlɛ Amihuti, Amihuti cɑɑ kɛlɛ Omili, Omili cɔsɔ kɛlɛ Imili, Imili cɔsɔ cɔsɔ kɛlɛ Pɛlɛsɩ kpekǝle tʋ Pɑni. 
\v 5 Selɑ kpekǝle tʋ Asɑyɑ wei ɩ kɛ́ pɑ lʋlʋɣʋ kɑncɑɑlɑɣɑ pǝyɑɣɑ tɔ ɩ́ nɑ ɩ pǝyɑlɑɑ pɑɑ wɛɛ. 
\v 6 Nɑ kpekǝle ntɛ́ tǝ tʋ Yeuwɛlɩ kɑ wɛɛ tɔtɔ. Yutɑ nyǝ́mɑ mpɑ pɑɑ wɛ Yosɑlɛm tɔ pɑɑ wɛ yʋlʋnyɔɔŋ nɑsǝtoso nɑ nɩɩnɑɑsɑ nɑ nɑɑnʋwɑ (690).
\p
\v 7 Pɛncɑmɛɛ kpekǝle tɑɑ tʋ Sɑlu kɑ wɛɛ. Sɑlu ɩnɩ ɩ cɑɑ kɛlɛ Mesulɑm. Mesulɑm cɑɑ kɛlɛ Hotɑfiyɑ, Hotɑfiyɑ cɔsɔ kɛlɛ Hɑsenuwɑ. 
\v 8 Nɑ Yelowɑm pǝyɑlʋ Ɩpǝneyɑ, nɑ Usi pǝyɑlʋ Ɩlɑ. Mikili sɑɑlɩ kɛlɛ. Nɑ Sefɑtiyɑ pǝyɑlʋ Mesulɑm, Lewɛlɩ sɑɑlɩ kɛlɛ. Pǝ́cɔ́ Ɩpǝnɑ sɑɑlɩ kʋlɛlʋɣʋ tɔtɔɣɔlɛ. 
\v 9 Pɑ tǝnɑ pɑɑ kɛ́ pɑ lʋlʋŋ nyɔɔŋ nyǝ́mɑ kɛ́. Pɛncɑmɛɛ nyǝ́mɑ mpɑ pɑ wɛ Yosɑlɛm tɔ pɑ wɛ yʋlʋnyɔɔŋ nɑsǝnɑɑsɑ nɑ nɩɩnʋwɑ nɑ nɩɩlɛ nɑ nɑɑnʋwɑ nɑ nɑɑtoso (956).
\p
\v 10 Kɔtǝlɑɑ looŋɑ tɑɑ nyǝ́mɑ ntɛ́ Yetɑyɑ, nɑ Yoyɑlipɩ, nɑ Yɑkɛŋ, 
\v 11 nɑ Yutɑ nyǝ́mɑ Ɩsɔ tǝsɛɛlɛ pɑɑsǝnlʋ Asɑliyɑ. Asɑliyɑ cɔsɔnɑɑ ntɛ́ Hilikiyɑ, nɑ Mesulɑm, nɑ Sɑtɔkɩ, nɑ Melɑyɔtɩ, nɑ Ahitupi, 
\v 12 nɑ Atɑyɑ. Atɑyɑ cɔsɔnɑɑ ntɛ́ Yelowɑm, nɑ Pɑsehuu, nɑ Mɑlǝkiyɑ, nɑ pǝ́ kɑɑsɩ tɔtɔɣɔ Mɑsɑyi. Mɑsɑyi cɔsɔnɑɑ ntɛ́ Atiyɛlɩ, nɑ Yɑselɑ, nɑ Mesulɑm, nɑ Mesilemitɩ, nɑ Ɩmɛɛ. 
\v 13 Nɑ pǝ́ sɔɔsǝnɑ kɔtǝlɑɑ lɛlɑɑ nɑ pɑ lʋlʋŋ nyɔɔŋ nyǝ́mɑ. Pɑ wɛ yʋlʋnyɔɔŋ iyɑɣɑ nɑ nɑsǝtoso nɑ nɩɩnʋwɑ nɑ nɩɩtoso (1760). Pɑ tǝnɑɣɑ mpʋ pɑ kɛ́ kpelikpekɑ nyǝ́mɑ kɛ́, nɑ pɑ́ pɑɑsǝɣǝnɑ Yutɑ nyǝ́mɑ Ɩsɔ tǝsɛɛlɛ tǝmlɛ.
\p
\v 14 Lefii nyǝ́mɑ looŋɑ tɑɑ tʋ ntɛ́ Semɑyɑ, nɑ ɩ cɔsɔnɑɑ ntɛ́ Hɑsupɩ, nɑ Asǝlikɑm, nɑ Melɑli kpekǝle tʋ Hɑsɑpiyɑ. 
\v 15 Nɑ pǝ́ kɑɑsɩ tɔtɔɣɔ Pɑkǝpɑkɑɑ, nɑ Hɛlɛsɩ, nɑ Kɑlɑlɩ, nɑ Mɑtɑniyɑ. Mɑtɑniyɑ cɔsɔnɑɑ ntɛ́ Mikɑ, nɑ Sikǝli, nɑ Asɑfɩ. 
\v 16 Ɩlɛnɑ pǝ́ kɑɑsɩ tɔtɔɣɔ Opɑtiyɑ, nɑ ɩ́lɛ́ ɩ cɔsɔnɑɑ Semɑyɑ, nɑ Kɑlɑlɩ, nɑ Yetutuŋ. Nɑ Asɑ pǝyɑlʋ Pelekiyɑ, wei ɩ kɛ́ Ɩlǝkɑnɑ sɑɑlɩ, nɑ ɩ́ wɛ hɔɣɔlʋɣʋ ŋku kʋ tɑmsǝnɑ Netofɑ ɩcɑtɛ tɔ kʋ tɑɑ tɔ.
\p
\v 17 Nɔnɔɔsɩ tɑŋlɑɑ tɑɑ kɑ wɛ nyʋɣʋ tʋ Sɑlum nɑ ɩ newɑɑ Akupi, nɑ Tɑlǝmɔŋ, nɑ Ahimɑŋ. 
\v 18 Pɑ lʋlʋɣʋ nyǝ́mɑ lɑkǝnɑ tǝmlɛ kɛ hɑlǝnɑ sɑŋɑ kɛ wulɑʋ nɔnɔɣɔ ŋkɑ kɑ wɛ ilim tǝlɩɩlɛ tɔ. Pɑ cɔsɔnɑɑ kɑ tɑŋɑɣɑnɑ Lefii nyǝ́mɑ tǝsikile nɔnɔɔsɩ. 
\v 19 Kolee pǝyɑlʋ Sɑlum, Apiyɑsɑfɩ sɑɑlɩ wei ɩ kɛ́ Kolee sɑɑlɩ kʋlɛlʋɣʋ tɔ, nɑ Kolee ɩnɩ ɩ tǝyɑɣɑ nyǝ́mɑ lɛlɑɑ pɑ́ feŋɑɣɑnɑ tǝsulle nɔnɔɣɔ ɩsɩɩ pɑ cɔsɔnɑɑ kɑ́ feŋuɣu Tɑcɑɑ yǝlɑɑ tǝsikile tɔ. 
\v 20 Ɩlɑsɑɑ pǝyɑlʋ Pɛnhɑsɩ kɑ kɛnɑ pɑ nyʋɣʋ tʋ kɛ lɔŋ. Mpi tɔ, Tɑcɑɑ kɑ́ wɛ ɩ wɑɑlɩ kɛ́. 
\v 21 Meselemiyɑ pǝyɑlʋ Sɑkɑlɩ kɑ kɛnɑ tǝsulle nɔnɔɣɔ tɑŋlɑɑ tɑɑ lɛlʋ tɔtɔ.
\p
\v 22 Nɔnɔɔsɩ tɑŋlɑɑ mpɑ pɑɑ lǝsɑɑ tɔ pɑ kpɛntɑ yʋlʋnyɔɔŋ ŋmʋnʋɣʋ nɑ nɑɑnʋwɑ nɑ nɑɑlɛ (212). Pɑɑ ŋmɑɑwɑ pɑ hǝlɑ kɛ pɑ ɑcɑlɛɛ tɑɑ kɛ́. Nɑ Tɑfiiti nɑ Ɩsɔ kʋyɔɣɔtʋtʋ tɛlǝsʋlʋ Sɑmiyɛɛlɩ pɑ lɑpǝnɑ-wɛɣɛ nɑɑni nɑ pɑ́ tʋ-wɛɣɛ tǝmɑ ɑnɩ. 
\v 23 Ḿpʋ́ɣʋ́ pɑ tɔkɑ Tɑcɑɑ tǝsɛɛlɛ nɔnɔɔsɩ tɑŋʋɣʋ tǝmlɛ nɑ pɑ́ tɛlǝsǝɣɩ tǝmɑ.
\p
\v 24 Ɩlɛnɑ pɑ́ sɩɩ tɑŋlɑɑ nyʋɣʋ nyǝ́mɑ kɛ Ɩsɔ tǝsɛɛlɛ kɔŋkɔmǝŋ liɣiti nɔnɔɔsɩ tɔɔ. Pɑɑ ilim tǝlɩɩlɛ hɔɣɔlʋɣʋ nɑ pǝ tǝtʋlɛ nyǝŋkʋ, nɑ pǝ ntɔɣɔŋ nyǝŋkʋ nɑ pǝ mpǝtǝŋ nyǝŋkʋ. 
\v 25 Tɑŋlɑɑ lɛlɑɑ nɑ́ɑ́ wɛ pɑ ɑcɑlɛɛ tɑɑ kɛ́ nɑ pɑ́ kɛɛsǝɣɩ nɑ pɑ́ kɔŋ wɑɑtʋ wɑɑtʋ nɑ pɑ́ sɔɔsǝɣɩ pɑ tɔɔ nɑ pɑ́ sǝŋnɑ-wɛɣɛ tɑŋʋɣʋ kɛ kʋyɛɛŋ nɑɑtosompɔɣɔlɑɣɑ mpɔɣɔlɑɣɑ. 
\v 26 Tɑŋlɑɑ nyʋɣʋ nyǝ́mɑ liɣiti kɑ wɛ tɑm kɛ́ tǝtɑŋlɛ. Mpɛɣɛlɛ Lefii nyǝ́mɑ mpɑ pɑ pɑɑsɑɣɑnɑ Yutɑ nyǝ́mɑ Ɩsɔ tǝsɛɛlɛ kutuluŋ lɛlǝŋ nɑ pǝ kpɑncooŋ tɔ. 
\v 27 Ɩsɔ tǝsɛɛlɛ kiŋ kɛ pɑ hǝntɑɣɑ. Mpi tɔ, mpɛ pɑ feŋiɣinɑ-tɛ nɑ pɑ́ tʋlǝɣɩ tǝ nɔnɔɔsɩ kɛ pɑɑ tɑnɑŋ ŋku.
\p
\v 28 Lefii tɑŋlɑɑ lɛlɑɑ tǝmlɛ ntɛ́ Ɩsɔ sɛɛʋ wontu nti pɑ kɔŋɑɣɑnɑ nɑ nti pɑ kpɑkɑɣɑɑ tɔ tǝ kɑlʋɣʋ. 
\v 29 Lɛlɑɑ pɑɑsɑɣɑnɑ nyɑnɑsɩ kʋkɑɑsɑsɩ nɑ kɔtɑɣɑ wontu nɑ mʋlʋm nɑ sʋlʋm nɑ nim nɑ tulɑɑlʋnɑɑ pǝ tɔm. 
\v 30 Amɑ kɔtǝlɑɑ tike sitɑɣɑnɑ tulɑɑlʋnɑɑ.
\p
\v 31 Kolee kpekǝle tʋ Lefii tʋ Sɑlum pǝyɑlʋ kɑncɑɑlɑɣɑ nyǝŋ Mɑtitiyɑ kɛlɛ tɔɣɔnɑɣɑ kʋhɑʋ kɑkɑlɑsɩ tʋlʋ. 
\v 32 Kehɑtɩ kpekǝle tɑɑ Lefii nyǝ́mɑ lɛlɑɑ tʋkɑɣɑnɑ kɔtɑɣɑ potopotonɑɑ, mpɑ pɑ hɑɑkɩ Ɩsɔ kɛ́ pɑɑ kʋyɑkʋ kʋhɛɛsʋɣʋ ŋku tɔ.
\p
\v 33 Lefii lʋlʋɣʋ nyɔɔŋ nyǝ́mɑ mpɑ pɑ pɑɑsɑɣɑnɑ yontu tɔ pɑ tɛɛsɩ kɑ wɛ Yutɑ nyǝ́mɑ Ɩsɔ tǝsɛɛlɛ kutuluŋ lɛlǝŋ tɑɑ kɛ́. Pɑ fɛɩnɑ tǝmlɛ lɛntɛ. Mpi tɔ, ilim nɑ ɑhoo kɛ pɑ lɑkɑɣɑ tǝmlɛ.
\p
\v 34 Lefii lʋlʋŋ nyɔɔŋ nyǝ́mɑ ntɛ́ nɑ pǝ́ kɛɛsǝnɑ pɑ wɑɑtʋnɑɑ, nɑ Yosɑlɛm tɑɑ kɛ pɑ́ɑ́ wɛɛ.
\s1 Sɑyuli tǝyɑɣɑ nyǝ́mɑ
\r (Kʋtɔɔsʋtʋ I 8:29-38)
\p
\v 35 Kɑpɑwɔŋ ɩcɑtɛ ŋmɑlʋ Yeiyɛlɩ nɑ ɩ ɑlʋ Mɑɑkɑ pɑɑ cɑɣɑ Kɑpɑwɔŋ ɩcɑtɛ tɑɑ kɛ́. 
\v 36 Ɩ pǝyɑlʋ kɑncɑɑlɑɣɑ nyǝŋ hǝtɛ ntɛ́ Apǝtɔŋ. Ɩ pǝyɑlɑɑ lɛlɑɑ ntɛ́ Suuu, nɑ Kisi, nɑ Pɑɑlɩ, nɑ Nɛɛ, nɑ Nɑtɑpɩ, 
\v 37 nɑ Ketɔɔ, nɑ Ahiyo, nɑ Sɑkɑlɩ, nɑ Mikǝlɔtɩ. 
\v 38 Simɑm cɑɑ kɛlɛ Mikǝlɔtɩ. Pɑnɛ ɩnɩ pɑ cɑɣɑ pɑ nyǝ́mɑ kiŋ kɛ́ Yosɑlɛm kɛ́, ɩsɩɩ pɑ kpekɑ yǝlɑɑ.
\p
\v 39 Nɛɛ pǝyɑlʋ kɛlɛ Kisi, Kisi pǝyɑlʋ kɛlɛ Sɑyuli, Sɑyuli pǝyɑlɑɑ ntɛ́ Sonɑtɑŋ, nɑ Mɑlǝkisuwɑ, nɑ Apinɑtɑpɩ, nɑ Ɩsepɑɑlɩ. 
\v 40 Sonɑtɑŋ pǝyɑlʋ kɛlɛ Melipɑɑlɩ, Melipɑɑlɩ pǝyɑlʋ kɛlɛ Mikɑ. 
\v 41 Mikɑ pǝyɑlɑɑ ntɛ́ Pitɔŋ, nɑ Melekɩ, nɑ Tɑleyɑ. 
\v 42 Ahɑsɩ pǝyɑlʋ kɛlɛ Yɑyelɑ, Yɑyelɑ pǝyɑlɑɑ ntɛ́ Mosɑ 
\v 43 nɑ Mosɑ pǝyɑlʋ kɛlɛ Pineyɑ, Pineyɑ pǝyɑlʋ kɛlɛ Lefɑyɑ, Lefɑyɑ pǝyɑlʋ kɛlɛ Ɩlɑsɑɑ, Ɩlɑsɑɑ pǝyɑlʋ kɛlɛ Asɛɛlɩ. 
\v 44 Asɛɛlɩ pǝyɑlɑɑ wɛ nɑɑtoso. Pɑ hǝlɑ ntɛ Asǝlikɑm, nɑ Pokulu, nɑ Ɩsǝmɑyɛlɩ, nɑ Seyɑliyɑ, nɑ Opɑtiyɑ, nɑ Hɑnɑŋ.
\ms1 ƖSƐƔƐLƖ WULAƲ TAFIITI TƆM
\c 10
\s1 Sɑyuli sǝm
\r (Sɑmiyɛɛlɩ I 31:1-13)
\p
\v 1 Ḿpʋ́ɣʋ́ kʋyɑkʋ nɑkʋlɩ Filiisi nyǝ́mɑ yoonɑ Ɩsɛɣɛlɩ nyǝ́mɑ, nɑ pɑ́ tɔɣɔnɩ-wɛ. Nɑ pɑ́ kʋ́ pɑ tɑɑ pɑɣɑlɛ kɛ Kilipʋwɑ pʋɣʋ tɑɑ, nɑ lɛlɑɑ nɑ́ɑ́ se. 
\v 2 Ɩlɛnɑ pɑ́ tʋ́ Sɑyuli pɑ wɑɑlɩ nɑ pɑ́ kʋ́ ɩ pǝyɑlɑɑ Sonɑtɑŋ nɑ Apinɑtɑpɩ, nɑ Mɑlǝkisuyɑ. 
\v 3 Ḿpʋ́ɣʋ́ pǝ wiisinɑ Sɑyuli nɑ tɔtɔlɑɑ kpǝlɩ-ɩ nɑ pɑ́ yɑɣɑ-ɩ nyǝmɑ́. 
\v 4 Ɩlɛnɑ ɩ́ tɔ́ ɩ yoou wontu tɔkʋlʋ sɩ: Kpɛɛ nyɑ́ lɑɣɑtɛ nɑ ń tɛɛsɩ-m. Pǝ tɑɑ kɔɔ nɑ Filiisi nyǝ́mɑ mpɑ pɑ tɑ nyɩ Ɩsɔ tɔ pɑ́ kɔɔ pɑ tɛɛsɩ-m nɑ pɑ́ pɑɑnɑ-m.
\p Amɑ sɔɣɔntʋ kpɑ ɩ yoou wontu tɔkʋlʋ nɑ ɩ́ kisi. Tǝnɑɣɑlɛ Sɑyuli sikɑ ɩ lɑɣɑtɛ nɑ ɩ́ yele ɩ tɩ nɑ ɩ́ hoti tǝ tɔɔ. 
\v 5 Yoou wontu tɔkʋlʋ nɑwɑ sɩ ɩ cɑɑ sǝpɑ, ɩlɛnɑ ɩ́ hoti ɩ nyǝntɛ tɔɔ tɔtɔ nɑ ɩ́ sɩ́.
\p
\v 6 Ɩsǝnɑ Sɑyuli nɑ ɩ pǝyɑlɑɑ tooso pɑ kpɛntɑ sǝm tɔɣɔlɛ. Nɑ kɑwulɑɣɑ tǝyɑɣɑ nyǝ́mɑ sɩɩ tǝnɑɣɑ. 
\v 7 Ḿpʋ́ɣʋ́ Ɩsɛɣɛlɩ nyǝ́mɑ mpɑ pɑɑ wɛ tɛtɛkǝlɛ tɑɑ tɔ, pɑ nɩɩwɑ sɩ Sɑyuli nɑ ɩ pǝyɑlɑɑ pɑ sǝpɑ, nɑ yoolɑɑ yɑ. Ɩlɛnɑ pɑ́ se nɑ pɑ́ yele pɑ ɑcɑlɛɛ nɑ Filiisi nyǝ́mɑ polo nɑ pɑ́ cɑɣɑ.
\p
\v 8 Tɛʋ femɑ nɑ Filiisi nyǝ́mɑ polo sǝtɑɑ wontu tɔɔsʋɣʋ. Ɩlɛnɑ pɑ́ mɑɣɑnɑ Sɑyuli nɑ ɩ piyɑ tooso kɛ Kilipʋwɑ pʋɣʋ tɑɑ. 
\v 9 Ḿpʋ́ɣʋ́ pɑ kpɑɣɑ Sɑyuli yoou wontu nɑ pɑ́ sɛtɩ ɩ nyʋɣʋ nɑ pɑ́ kpeenɑ. Ɩlɛnɑ pɑ́ yɑsɩ pǝ tɔm kɛ pɑ tɛtʋ tɑɑ, nɑ pɑ tɩɩŋ tɛɛ, nɑ yǝlɑɑ tɑɑ. 
\v 10 Pǝ wɑɑlɩ kɛ́ pɑ sɩɩ ɩ yoou wontu kɛ pɑ tɩɩŋ tɑɑ nɑkʋlɩ kʋ kutuluɣu tɑɑ. Ɩlɛnɑ pɑ́ pusi ɩ nyʋmpɔɣɔlɑɣɑ kɛ pɑ tʋɣʋ Tɑkɔŋ kutuluɣu tɑɑ.
\p
\v 11 Ḿpʋ́ɣʋ́ Yɑpɛɛsɩ nyǝ́mɑ kɛ Kɑlɑɑtɩ tɛtʋ tɑɑ nɩɩwɑ pǝ tǝnɑ mpi Filiisi nyǝ́mɑ lɑpɑ Sɑyuli tɔ. 
\v 12 Ɩlɛnɑ ɩcɑtɛ tɑɑ ɑpɑlɑɑ lɩɩ nɑ pɑ́ polo pɑ́ kpɑɣɑ ɩ́ nɑ ɩ piyɑ nɑ pɑ́ kɔnɑ Yɑpɛɛsɩ nɑ pɑ́ pi-wɛɣɛ tʋɣʋ sɔsɔɔʋ tɛɛ nɑ pɑ́ hɔkɔ nɔɔsɩ kɛ kʋyɛɛŋ nɑɑtosompɔɣɔlɑɣɑ.
\p
\v 13-14 Sɑyuli tɑ tɔkɩ Tɑcɑɑ kʋsǝsɩɩtʋ pǝyele ɩ yelɑ Ɩsɔ kɛ́ yɔɣɔtǝnɑʋ nɑ ɩ́ sʋsɩ kɔɣɔnɑŋ nɑ ɩ́ yɔɣɔtǝnɑ ɑtɛ tʋ tɔɣɔ ɩ sǝpɑ. Tɑcɑɑ kʋ-ɩ ḿpʋ́ɣʋ́, ɩlɛnɑ ɩ́ cɛlɑ kɑwulɑɣɑ kɛ Sesee pǝyɑlʋ Tɑfiiti.
\c 11
\s1 Tɑfiiti kɑwulɑɣɑ kpɑʋ
\r (Sɑmiyɛɛlɩ II 5:1-3)
\p
\v 1 Ḿpʋ́ɣʋ́ Ɩsɛɣɛlɩ yǝlɑɑ tǝnɑ kotɑ Tɑfiiti kiŋ kɛ Hepǝlɔŋ nɑ pɑ́ tɔmɩ-ɩ sɩ: Tǝ kɛ́ cɑlǝm kʋlʋmǝm nɑ tɔɣɔnʋɣʋ kʋlʋmʋɣʋ kɛ́. 
\v 2 Hɑtoo wɑɑtʋ wei Sɑyuli kɑ kɛ́ wulɑʋ tɔ, nyɑɑ kɛnɑ Ɩsɛɣɛlɩ yoolɑɑ nyʋɣʋ tʋ. Hɑlɩ Tɑcɑɑ nyɑ́ Ɩsɔ tɔ́ sɩ, nyɑɑ tɔɣɔnɑ ɩ yǝlɑɑ Ɩsɛɣɛlɩ nyǝ́mɑ tɔɔ kɛ́ kɑwulɑɣɑ.
\p
\v 3 Ḿpʋ́ɣʋ́ Ɩsɛɣɛlɩ sɔsɑɑ tǝnɑ polɑ Tɑfiiti kiŋ kɛ Hepǝlɔŋ nɑ pɑ́ nɑ-ɩ pɑ́ pɛɛlɩ nɔɣɔ kɛ Tɑcɑɑ kiŋ. Ɩlɛnɑ pɑ́ kpɑ Tɑfiiti kɛ Ɩsɛɣɛlɩ wulɑʋ kɛ teitei ɩsɩɩ Ɩsɔ kɑ heeluɣu Sɑmiyɛɛlɩ nɑ ɩ́ yɔɣɔtɩ tɔ.
\s1 Tɑfiiti lɛɛkʋɣʋ kɛ Yosɑlɛm
\r (Sɑmiyɛɛlɩ II 5:6-10)
\p
\v 4 Ḿpʋ́ɣʋ́ Tɑfiiti nɑ Ɩsɛɣɛlɩ nyǝ́mɑ tǝnɑ pɑ polɑɑ sɩ pɑ nyɑlǝɣɩ Yosɑlɛm. Pɑ yɑɑkɑɣɑ ɩcɑtɛ ntɛ́ sɩ Yepusi, nɑ Yepusi nyǝ́mɑ kɑ wɛnnɑ tǝ tɑɑ. 
\v 5 Ntɛnɑ pɑ́ tɔ́ Tɑfiiti sɩ: N kɑɑ sʋʋ tɑ́ ɩcɑtɛ tɑɑ.
\p Pɑɑ nɑ mpʋ nɑ Tɑfiiti nɑ́ɑ́ lɛɛkɩ Siyɔŋ koluŋɑ ɩcɑtɛ. Ɩlɛnɑ pɑ́ hɑ-tɛɣɛ hǝtɛ sɩ Tɑfiiti tɛ. 
\v 6 Tɑfiiti kɑ yɔɣɔtɑɑ kɛ́ sɩ: Ye wei ɩ lɑɑlɑ Yepusi tʋ kɛ kʋɣʋ pʋntʋ kɑ́ lɑnɑ yoolɑɑ nyʋɣʋ tʋ. Ntɛnɑ Seluyɑ pǝyɑlʋ Sowɑpɩ lɑɑlɩ yoonɑʋ, nɑ ɩ́ pǝsɩ yoolɑɑ nyʋɣʋ tʋ.
\p
\v 7 Ɩlɛnɑ Tɑfiiti cɑɣɑ koluŋɑ ɩcɑtɛ tɑɑ. Pǝ tɔɔ kɛ́ pɑ hɑ-tɛ sɩ Tɑfiiti tɛ. 
\v 8 Ḿpʋ́ɣʋ́ ɩ ŋmɑwɑ nɑ ɩ́ cɔɔ ɩcɑtɛ kɛ pǝ kpɑɣɑʋ Milo tɔ nɑ pǝ́ cɔɔ nɑ pǝ tɑ. Ɩlɛnɑ Sowɑpɩ nɑ́ɑ́ tɑɣɑnǝɣɩ ɩcɑtɛ kɑkɑɑsɑɣɑ.
\p
\v 9 Ɩlɛnɑ Tɑfiiti toŋ sɔɔsǝɣɩ nɑ pǝ́ puki. Mpi tɔ, Ɩsɛɣɛlɩ Ɩsɔ kɑ wɛ ɩ wɑɑlɩ kɛ́.
\s1 Tɑfiiti yoolɑɑ
\r (Sɑmiyɛɛlɩ II 23:8-39)
\p
\v 10 Ɩsɛɣɛlɩ yǝlɑɑ tǝnɑ kɑ kpɑnɑ Tɑfiiti kɛ wulɑʋ, ɩsɩɩ Tɑcɑɑ kɑ yɔɣɔtʋɣʋ tɔ. Ɩlɛnɑ pɛlɛ pɑ́ nɩɩnɑ-ɩ teu kɛ ɩ kɑwulɑɣɑ wɑɑtʋ tǝnɑ. Hɑlɩ ɩ yoolɑɑ sɔsɑɑ hǝlɑ ntɔ. 
\v 11 Ɩ yoolɑɑ ntɛ́: Yoolɑɑ hiu nɑ nɑɑnʋwɑ kpekǝle nyʋɣʋ tʋ Hɑkǝmoni tʋ pǝyɑlʋ Ɩsepɑɑlɩ. Kʋyɑkʋ nɑkʋlɩ ɩnɩ ɩ kɑ́ sulinɑ yǝlɑɑ ŋmʋnʋɣʋ nɑ nɩɩnʋwɑ (300) nɑ ŋmɑntɑɑɣɑ kɛ yoou kʋlʋmʋɣʋ tɑɑ, nɑ ɩ́ kʋ́ pɑ tǝnɑ.
\p
\v 12 Ɩsepɑɑlɩ wɑɑlɩ kɛ́ Ahʋwɑ tʋ Toto pǝyɑlʋ Ɩlɑsɑɑ. Ɩlɑsɑɑ kɑ kɛnɑ kpelikpekɑ nyǝ́mɑ tooso tɑɑ lɛlʋ. 
\v 13 Ɩnɩ ɩ kɑ wɛnnɑ Tɑfiiti kiŋ kɛ Pɑ-Tɑmim kɛ wɑɑtʋ wei Filiisi nyǝ́mɑ lɩɩwɑ Ɩsɛɣɛlɩ nyǝ́mɑ kɛ yoonɑʋ nɑ pɛlɛ pɑ́ se kolontunɑɑ tɔ. Tɔɣɔnɑɣɑ pee tɑɑlɛ nɑtǝlɩ tɩɩ wɛ tǝnɑ. 
\v 14 Nɑ ɩ́ nɑ ɩ yoolɑɑ pɑ́ sǝŋ hɑlǝm hɛkʋ tɑɑ, nɑ pɑ́ yoonɑ Filiisi nyǝ́mɑ, nɑ Tɑcɑɑ yele nɑ Ɩsɛɣɛlɩ nyǝ́mɑ kǝlɩ pɑ kolontunɑɑ.
\p
\v 15 Ḿpʋ́ɣʋ́ kʋyɑkʋ nɑkʋlɩ yǝlɑɑ hiu nɑ nɑɑnʋwɑ kpekǝle yǝlɑɑ tooso polɑ Atulɑm kʋkpɑmʋɣʋ pʋ́ʋ́ɣʋ́ cɔlɔ, nɑ pɑ́ mɑɣɑnɑ Tɑfiiti. Mpi tɔ, Filiisi nyǝ́mɑ kɑ pɩɩlɑ Lefɑyi nyǝ́mɑ tɛtɛkǝlɛ tɑɑ kɛ́. 
\v 16 Nɑ Tɑfiiti nɑ́ɑ́ wɛ koluŋɑ ɩcɑtɛ tɑɑ kɛ́ ɩ tǝŋmɛllɛ nɑ Filiisi nyǝ́mɑ nyʋɣʋ tʋ sɔsɔ wɛ Pɛtǝlɛhɛm. 
\v 17 Ḿpʋ́ɣʋ́ lʋkɔtʋ kpɑ Tɑfiiti nɑ ɩ́ tɔ sɩ: Awe kɔŋnɑ-m Pɛtǝlɛhɛm ɩcɑtɛ nɔnɔɣɔ lɔkɔ lʋm nɑ mɑ́ nyɔɔ?
\p
\v 18 Ntɛnɑ yoolɑɑ tooso fɑɣɑnɑ Filiisi nyǝ́mɑ yoolɑɑ tɑɑ nɑ pɑ́ polo pɑ́ cosi lɔkɔ ɩnɩ ɩ tɑɑ lʋm nɑ pɑ́ ponɑ Tɑfiiti. Amɑ ɩ kisɑ pǝ nyɔɔʋ, nɑ ɩ́ pǝlɩ-wǝɣɩ ɑtɛɣɛ Tɑcɑɑ. 
\v 19 Ɩlɛnɑ ɩ́ tɔ sɩ: Mɑ Ɩsɔ, mɑ fɛɩnɑ mpɑɑʋ sɩ mɑ́ nyɔɔ lʋm pǝnɛ.
\p Pǝ wɛ ɩsɩɩ mpɑ pɑ lɑpɑ pɑ weesiŋ kɛ ɑwusɑ nɑ pɑ polo pǝ luɣu tɔ pɑ cɑlǝm kɛ́.
\p Kookɑlɩ wei yoolɑɑ tooso ɩnɩ ɩ lɑpɑ tɔɣɔlɛ.
\p
\v 20 Yǝlɑɑ hiu nɑ nɑɑnʋwɑ kpekǝle nyʋɣʋ tʋ Sowɑpɩ neu Apisɑyi. Kʋyɑkʋ nɑkʋlɩ ɩnɩ ɩ yoonnɑ kolontunɑɑ ŋmʋnʋɣʋ nɑ nɩɩnʋwɑ (300) nɑ ŋmɑntɑɑɣɑ nɑ ɩ́ kʋ-wɛ. Tǝnɑɣɑ ɩ hikinɑ nyʋɣʋ kɛ yǝlɑɑ hiu nɑ nɑɑnʋwɑ kpekǝle tɑɑ. 
\v 21 Tɔm nɑɑlɛɣɛ ɩ nyʋɣʋ kʋlɑɑ. Hɑlǝnɑ ɩ́ pǝsɩ pɑ nyʋɣʋ tʋ. Amɑ ɩ tɑ hɑŋnɑ yǝlɑɑ tooso kpekǝle kɛ́.
\p
\v 22 Nɑ Kɑpǝseli tʋ Yoyɑtɑ pǝyɑlʋ Penɑyɑ. Yoolɑɑ tɑɑ yoolu wei ɩ lɑpɑ kookɑlǝnɑɑ pɑɣɑlɛ tɔ ɩ sɑɑlɩ. Ɩnɩ ɩ kɑ kʋnɑ Mowɑpʋ yoolɑɑ sɔsɑɑ nɑɑlɛ. Ḿpʋ́ɣʋ́ kʋyɑkʋ lɛŋkʋ ɩ tii hite tɑɑ kɛ́ wɑtʋ wɑɑtʋ kɛ sɑɑ wei tɛʋ tɔmpɛɛ kpɑɑkpɑɑcɑʋ hotɑɣɑ tɔ nɑ ɩ́ kʋ tɔɣɔlɑɣɑ. 
\v 23 Ɩnɩ ɩ kɑ kʋnɑ Icipiti tooko nɔɣɔlʋ. Tooko ɩnɩ ɩ tɑɣɑlǝŋ wɛ mɛɛtǝlǝnɑɑ nɑɑlɛ nɑ hɔɣɔlʋɣʋ kɛ mpʋ. Ɩ ŋmɑntɑɑɣɑ yɑsǝlɑɣɑ wɛ ɩsɩɩ kpɑlɑntɑɑʋ. Ḿpʋ́ɣʋ́ Penɑyɑ yoonɑ tooko ɩnɩ nɑ kpɑ́tʋ́ɣʋ́, nɑ ɩ́ lɛɛkɩ ɩ ŋmɑntɑɑɣɑ kɛ ɩ niŋ tɑɑ nɑ ɩ́ kʋnɑ-ɩ. 
\v 24 Kookɑlǝnɑɑ mpɑ Penɑyɑ lɑpɑ tɔɣɔlɛ nɑ ɩ nyʋɣʋ kʋlɩ yoolɑɑ hiu nɑ nɑɑnʋwɑ tɑɑ. 
\v 25 Pɑɑ nɑ Penɑyɑ nyʋɣʋ kʋlɑ yoolɑɑ hiu nɑ nɑɑnʋwɑ kpekǝle tɑɑ tɔ, ɩ tɑ hɑŋnɑ yǝlɑɑ tooso kɑncɑɑlɑɣɑ nyǝŋ kpekǝle. Ɩlɛnɑ Tɑfiiti sɩɩ Penɑyɑ kɛ kɑwulɑɣɑ tǝyɑɣɑ tɑŋlɑɑ nyʋɣʋ tʋ.
\p
\v 26 Ɩlɛnɑ pǝ́ kɑɑsɩ yoolɑɑ lɛlɑɑ, ɩsɩɩ Sowɑpɩ neu Asɑyɛɛlɩ nɑ Pɛtǝlɛhɛm tʋ Toto pǝyɑlʋ Ɩlɑnɑŋ 
\v 27 nɑ Hɑloo tʋ Sɑmɔtɩ nɑ Pɑlɔŋ tʋ Helɛsɩ, 
\v 28 nɑ Tekʋwɑ tʋ Ɩkɛsɩ pǝyɑlʋ Ɩlɑ. Nɑ Anɑtɔtɩ tʋ Apiyesɛɛ, 
\v 29 nɑ Husɑ tʋ Sipikɑyi, nɑ Ahʋwɑ tʋ Ɩlɑyi. 
\v 30 Nɑ Netofɑ nyǝ́mɑ Mɑlɑyi nɑ Pɑɑnɑ pǝyɑlʋ Helɛtɩ, 
\v 31 nɑ Pɛncɑmɛɛ tɛtʋ Kipeyɑ tʋ Lipɑyi pǝyɑlʋ Ɩtɑyi, nɑ Pǝlɑtɔŋ tʋ Penɑyɑ. 
\v 32 Nɑ Kɑɑsɩ lɔɔʋ tɑɑ tʋ Hulɑyi nɑ Pɛtɩ-Alɑpɑ tʋ Apiyɛlɩ, 
\v 33 nɑ Pɑhulim tʋ Asǝmɑfɛtɩ, nɑ Sɑɑlǝpɔŋ tʋ Ɩliyɑpɑ. 
\v 34 Nɑ Hɑsem pǝyɑlʋ Kisɔŋ, nɑ Hɑlɑɑ nyǝ́mɑ Sɑkee pǝyɑlʋ Yonɑtɑŋ, 
\v 35 nɑ Hɑlɑɑ tʋ Sɑkɑɑ pǝyɑlʋ Ahiyɑm, nɑ Uu pǝyɑlʋ Ɩlifɑlɩ. 
\v 36 Nɑ Mekelɑ tʋ Hefɛɛ, nɑ Pɑlɔŋ tʋ Ahiyɑ, 
\v 37 nɑ Kɑmɛɛlɩ tʋ Hɛsǝlo, nɑ Ɩsǝpɑyi pǝyɑlʋ Nɑɑlɑyi, 
\v 38 nɑ Nɑtɑŋ neu Sowɛɛlɩ, nɑ Hɑkili tʋ pǝyɑlʋ Mipɑɑ. 
\v 39 Nɑ Amoni tʋ Selɛkɩ, nɑ Pelɔtɩ tʋ Nɑlɑ wei ɩ tɔ́kɑɣɑ Seluyɑ pǝyɑlʋ Sowɑpɩ yoou wontu tɔ, 
\v 40 nɑ Yetɛɛ tǝyɑɣɑ nyǝ́mɑ Ɩlɑ nɑ Kɑlɛpʋ. 
\v 41 Nɑ pǝ́ kɑɑsɩ Hiti tʋ Ulii nɑ Alɑyi pǝyɑlʋ Sɑpɑtɩ, nɑ 
\v 42 Lupɛŋ kpekǝle nyʋɣʋ nyǝ́mɑ tɑɑ lɛlʋ Sisɑ pǝyɑlʋ Atinɑ, nɑ pǝ́ sɔɔsǝnɑ yoolɑɑ hiu nɑ nɑɑnʋwɑ. 
\v 43 Nɑ Mɑɑkɑ pǝyɑlʋ Hɑnɑŋ, nɑ Meteŋ tʋ Yosɑfɑtɩ, 
\v 44 nɑ Asǝtɑlɔtɩ tʋ Usiyɑ, nɑ Alowɛɛ tʋ pǝyɑlɑɑ Sɑmɑ, nɑ Yeiyɛlɩ. 
\v 45 Nɑ Simili pǝyɑlɑɑ Yetiyɑyɛlɩ, nɑ ɩ neu Tisɩ tʋ Yohɑ, 
\v 46 nɑ Mɑhɑfɑ tʋ Ɩliyɛlɩ, nɑ Ɩlǝnɑm pǝyɑlɑɑ Yelipɑyi, nɑ Yosɑfiyɑ, nɑ Mowɑpʋ tʋ Ɩtǝmɑ, 
\v 47 nɑ Sopɑ nyǝ́mɑ Ɩliyɛlɩ, nɑ Opɛtɩ, nɑ Yɑsiyɛlɩ.
\c 12
\s1 Tɑfiiti cɑmnɑnɑɑ kɑncɑɑlɑɣɑ nyǝ́mɑ kɛ Sikǝlɑkɩ
\p
\v 1 Wɑɑtʋ wei ɩ tɑɑ Tɑfiiti seekɑɣɑ Kisi pǝyɑlʋ Sɑyuli nɑ ɩ́ ŋmɛlǝɣɩ tɔ, yoolɑɑ tɑɑ yoolɑɑ nɑpǝlɩ pɑ polɑ ɩ kiŋ nɑ pɑ́ sǝŋnɑ-ɩ. 
\v 2 Pɑ́ nɑ pɑ tɔɔŋ nɑ pɑ pǝntɔlǝŋ. Pɑ nyǝmɑ́ pǝ tɔʋ nɑ ŋwɑɑŋ nɑ mpǝlɛ.
\p Sɑyuli cɔsɔ Pɛncɑmɛɛ kpekǝle tɑɑ nyǝ́mɑ mpɑ pɑ polɑ Tɑfiiti kiŋ tɔɣɔlɛ 
\v 3 Kipeyɑ tʋ Semɑ pǝyɑlʋ nyʋɣʋ tʋ Ahiyesɛɛ. Nɑ ɩ neu Yowɑsɩ, nɑ Asǝmɑfɛtɩ pǝyɑlɑɑ Yesiyɛlɩ, nɑ Pele, nɑ Anɑtɔtɩ ɩcɑtɛ nyǝ́mɑ Pelɑkɑ, nɑ Yehu. 
\v 4 Nɑ yoolɑɑ hiu nɑ nɑɑnʋwɑ kpekǝle nyʋɣʋ nyǝ́mɑ tɑɑ lɛlʋ Kɑpɑwɔŋ tʋ Ɩsǝmɑyɑ. Nɑ Ketelɑ nyǝ́mɑ Ɩlǝmeyɑ, nɑ Yɑsiyɛlɩ, nɑ Yohɑnɑŋ, nɑ Yosɑpɑtɩ. 
\v 5 Nɑ Hɑlufu nyǝ́mɑ Ɩlusɑyi, nɑ Yelimɔtɩ nɑ Peyɑliyɑ, nɑ Semɑliyɑ, nɑ Sefɑtiyɑ. 
\v 6 Nɑ Kolɑ lʋlʋɣʋ nyǝ́mɑ Ɩlǝkɑnɑ, nɑ Ɩsiyɑ, nɑ Asɑlɛlɩ, nɑ Yowesɛɛ, nɑ Yɑsopɑm. 
\v 7 Nɑ pǝ́ sɔɔsǝnɑ Ketɔɔ tʋ Yelowɑm pǝyɑlɑɑ Yowelɑ, nɑ Sepɑtiyɑ.
\p
\v 8 Ḿpʋ́ɣʋ́ lɛlɑɑ nɑ́ lɩ́ɩ́ Kɑtɩ kpekǝle tɑɑ, nɑ pɑ́ polo Tɑfiiti kiŋ kɛ ɩ tǝŋmɛllɛ kɛ wʋlɑɣɑ tɛtʋ tɑɑ. Pɑɑ kɛ́ yoolɑɑ kʋpɑmɑ mpɑ pɑ nyǝmɑ́ yoou tɔɣɔ, nɑ pɑ́ nyǝmɑ́ kpɑlǝŋ nɑ ŋmɑntɑɑsɩ pǝ tɔm. Pɑ wɛnɑ ɑpɑlʋtʋ ɩsɩɩ tɔɣɔlɑsɩ, nɑ pɑ́ nyǝmɑ́ lɔŋlɔŋ lɑpʋ ɩsɩɩ nɑmǝŋ kɛ pʋɣʋ tɑɑ. 
\v 9 Pɑɑ wɛ yǝlɑɑ nɑɑnʋwɑ nɑ nɑɑlɛɣɛ. Hɑlɩ pɑ hǝlɑ ntɛ́ Ɩsɛɛ, nɑ Opɑtiyɑ, nɑ Ɩliyɑpɩ nɑ Misemɑnɑ, nɑ Ɩlǝmeyɑ, nɑ Atɑyi, nɑ Ɩliyɛlɩ, nɑ Yohɑnɑŋ, nɑ Ɩlǝsɑpɑtɩ, nɑ Ɩlǝmeyɑ, nɑ Mɑkǝpɑnɑyi. 
\v 14 Kɑtɩ kpekǝle nyǝ́mɑ ntɛ́. Pɑɑ kɛ́ yoolɑɑ nyʋɣʋ nyǝ́mɑ kɛ́. Pɑ tɑɑ sǝkpelu kɑ wɛ kɛ́ ɩsɩɩ yǝlɑɑ nɩɩnʋwɑ (100) nɑ sɔsɔ ɩsɩɩ yǝlɑɑ iyɑɣɑ (1000). 
\v 15 Mpɛ pɑɑ tɛsǝnɑ Yɑɑtɑnɩ pɔɣɔ kɛ pǝnɑɣɑ ɩsɔtʋ kɑncɑɑlɑɣɑ nyǝŋ tɑɑ. Wɑɑtʋ ɩnɩ kɑ su teu kɛ́ nɑ kɑ́ lɩɩ. Ɩlɛnɑ pɑ́ polo nɑ pɑ́ tɔɣɔnɩ mpɑ pɑɑ cɑɣɑ ilim tǝlɩɩlɛ nɑ pǝ tǝtʋlɛ tɔɔ tɛtɛkɑ tɑɑ tɔ.
\p
\v 16 Ḿpʋ́ɣʋ́ Pɛncɑmɛɛ nɑ Yutɑ kpekɑ nyǝ́mɑ polɑ Tɑfiiti tǝŋmɛllɛ nɑ pɑ́ mɑɣɑnɑ-ɩ. 
\v 17 Ntɛnɑ ɩ́ sǝŋ-wɛ nɑ ɩ́ tɔ-wɛ sɩ: Ye lǝmɑɣɑsǝlɛ kʋpɑntɛ kɛ ɩ́ kɔŋnɑ mɑ kiŋ sɩ ɩ́ sǝŋnɑ-m, ɩlɛ mɑ́ mʋ-mɛ nɑ lotu kʋlʋmtʋ. Amɑ ye ɩ́ kɔŋ mɑ kɔlɔmɔtɔ lɑpʋ kɛ́ sɩ ɩ́ tʋ-m mɑ kolontunɑɑ niŋ tɑɑ. Pǝyele mɑ tɑ wɑkǝlɩ pʋlʋ. Ɩlɛ tɑ cɔsɔnɑɑ Ɩsɔ ɩ́ wɛɛ tɑ ɑseetɑ tʋ nɑ ɩ́ hʋʋ tɑ tɔm.
\p
\v 18 Mpʋɣʋlɛ Ɩsɔ Feesuɣu tii yoolɑɑ hiu nɑ nɑɑnʋwɑ kpekǝle nyʋɣʋ tʋ Amɑsɑyi tɔɔ nɑ ɩ́ mɑ́ kɑpukɑ sɩ:
\q1 Sesee pǝyɑlʋ, tɑ́ nɑ-ŋ kɛ́.
\q1 Tǝ wɛ nyɑ́ wɑɑlɩ kɛ́.
\q1 Nyɑnɑ mpɑ pɑ sǝŋnɑ-ŋ tɔ.
\q1 Ɩ́ wɛ ɑlɑɑfǝyɑ tɑɑ kɛ́.
\q1 Mpi tɔ, nyɑ́ Ɩsɔ sǝŋnɑ-ŋ.
\p Ḿpʋ́ɣʋ́ Tɑfiiti mʋ-wɛ nɑ ɩ́ tʋ-wɛɣɛ nyʋɣʋ nyǝ́mɑ tǝmɑ kɛ ɩ kpekǝle tɑɑ.
\p
\v 19 Ḿpʋ́ɣʋ́ Mɑnɑsee kpekǝle nyǝ́mɑ polɑ Tɑfiiti kiŋ kɛ wɑɑtʋ wei ɩ mǝlɑ Filiisi nyǝ́mɑ tɔɔ sɩ pɑ yookinɑ Sɑyuli tɔ. Ɩlɛ tɑmpɑnɑ tɔɔ, Tɑfiiti nɑ ɩ yoolɑɑ pɑ tɑ sǝnɑ Filiisi nyǝ́mɑ. Filiisi nyǝ́mɑ kɑ tɔɣɔnɑ Tɑfiiti-wɛɣɛ sɩ pǝ́ tɑɑ kɔɔ nɑ Tɑfiiti mǝlɩ ɩ cɑɑ kʋpǝŋ tɔɔ nɑ ɩ́ tʋ mpɛɣɛ ɩ́lɛ́ ɩ niŋ tɑɑ. 
\v 20 Wɑɑtʋ wei Tɑfiiti pukɑɣɑ Sikǝlɑkɩ tɔɣɔ Mɑnɑsee nyǝ́mɑ nɑ́ polɑ ɩ kiŋ. Pɑ hǝlɑ ntɛ́ Atǝnɑ, nɑ Yosɑpɑtɩ, nɑ Yetiyɑyɛlɩ, nɑ Mikɑyɛɛlɩ, nɑ Yosɑpɑtɩ, nɑ Ɩlihu, nɑ Mɑnɑsee yoolɑɑ iyɑɣɑ nyʋɣʋ tʋ Siletɑyi. 
\v 21 Pɑ tǝnɑɣɑ mpʋ pɑɑ kɛ́ yoolɑɑ kʋpɑmɑ kɛ́. Ɩlɛnɑ pɑ́ lɑ́ Tɑfiiti yoolɑɑ nyʋɣʋ nyǝ́mɑ nɑ pɑ́ sǝnɑ-ɩ teu. 
\v 22 Pɑɑ kʋyɑkʋ ŋkuɣu yǝlɑɑ kɔŋɑɣɑ nɑ pɑ́ sɔɔsǝɣɩ Tɑfiiti yoolɑɑ tɔɔ nɑ pɑ́ sǝŋnɑ-ɩ. Mpʋ pǝ lɑpǝnɑ nɑ ɩ yoolɑɑ tɔɔ sɔsɔm ɩsɩɩ Ɩsɔ yoolɑɑ.
\s1 Mpɑ mpɑ pɑ polɑ Tɑfiiti sǝnɑʋ kɛ Hepǝlɔŋ tɔ
\p
\v 23 Yoolɑɑ kʋpɑmɑ mpɑ pɑ polɑ Tɑfiiti kiŋ kɛ Hepǝlɔŋ sɩ pɑ cɛlǝɣɩ-ɩ Sɑyuli kɑwulɑɣɑ, ɩsɩɩ Tɑcɑɑ kɑ yɔɣɔtʋɣʋ tɔ pɑ nyɔɔŋ ntɔ.
\p
\v 24 Yutɑ kpekǝle tɑɑ yoolɑɑ wɛ iyisi nɑɑtoso nɑ nɑsǝnɑɑsɑ (6800) nɑ pɑ kpɑlǝŋ nɑ pɑ ŋmɑntɑɑsɩ. 
\v 25 Simiyɔŋ nyǝ́mɑ kɛ yoolɑɑ kʋpɑmɑ iyisi nɑɑtosompɔɣɔlɑɣɑ nɑ nɩɩnʋwɑ (7100). 
\v 26 Lefii nyǝ́mɑ kɛ iyisi liɣiti nɑ nɑsǝtoso (4600). 
\v 27 Alɔŋ lʋlʋɣʋ tʋ nyʋɣʋ tʋ Yoyɑtɑ nɑ ɩ wɑɑlɩ nyǝ́mɑ kɛ iyisi tooso nɑ nɑsǝtoso nɑ nɩɩnʋwɑ (3700). 
\v 28 Ɩlɛnɑ pǝ́ kɑɑsɩ ɩfepu Sɑtɔkɩ wei ɩ kɑ kɛ́ yoolu kʋpɑŋ tɔ, nɑ ɩ mɑɣɑmɑɣɑ ɩ lʋlʋɣʋ nyɔɔŋ nyǝ́mɑ hiu nɑ nɑɑlɛ. 
\v 29 Nɑ Pɛncɑmɛɛ kpekǝle nte tǝ kɛ́ Sɑyuli nyǝntɛ tɔɣɔ iyisi tooso (3000). Pɑ tɑɑ pɑɣɑlɛ lɑkɑɣɑ Sɑyuli lʋlʋɣʋ nyǝ́mɑ kɛ tǝmlɛ. 
\v 30 Ɩfǝlɑyim kpekǝle tɑɑ kɛ́ yoolɑɑ kʋpɑmɑ iyisi hiu nɑ nɑsǝnɑɑsɑ (20800). Pɑ tǝnɑ pɑ nyɔɔŋ kʋlɑ pɑ lʋlʋŋ tɑɑ kɛ́. 
\v 31 Mɑnɑsee kpekǝle hɔɣɔlʋɣʋ ŋku kʋ wɛnɑ ilim tǝtʋlɛ tɔɔ tɔɣɔ iyisi pǝlefɛɩ hiu (18000). Pɑɑ lǝsɑ yǝlɑɑ mpɛɣɛ kʋlǝsʋ kɛ́ sɩ pɑ́ polo pɑ́ kpɑ Tɑfiiti kɛ wulɑʋ. 
\v 32 Ɩsɑkɑɑ nyǝ́mɑ tɑɑ kɛ́ yoolɑɑ nyʋɣʋ nyǝ́mɑ kɛ ŋmʋnʋɣʋ (200), nɑ pɑ wɑɑlɩ nyǝ́mɑ. Pɑ tǝnɑ pɑ nyǝmɑ́ ɩsǝnɑ Ɩsɛɣɛlɩ nyǝ́mɑ lɑkɩ tɔ. 
\v 33 Sɑpulɔŋ nyǝ́mɑ tɑɑ kɛ́ yǝlɑɑ mpɑ pɑ nyǝmɑ́ yoou kɛ teu tɔɣɔ iyisi nɩɩlɛ nɑ nɑɑnʋwɑ (50000). Pɑ wɛnɑ yoou wontu tǝnɑ, nɑ pɑ́ lɑkɩ teu. 
\v 34 Nɛfǝtɑli nyǝ́mɑ kɛ nyʋɣʋ nyǝ́mɑ iyɑɣɑ (1000) nɑ pɑ́ yoolɑɑ kɛ iyisi hiu nɑ nɑɑnʋwɑ nɑ nɑɑtosompɔɣɔlɑɣɑ (37000) nɑ pɑ́ tɔkɑ kpɑlǝŋ nɑ ŋmɑntɑɑsɩ. 
\v 35 Nɑ Tɑŋ nyǝ́mɑ tɑɑ kɛ́ yoolɑɑ mpɑ pɑ sɔɔlʋ pɩɩwɑ sɩ pɑ́ pɩɩlɩ yoou tɔɣɔ iyisi pǝlefɛɩ hiu nɑ nɑɑnʋwɑ nɑ nɑsǝtoso (28600). 
\v 36 Nɑ Asɛɛ nyǝ́mɑ tɑɑ kɛ́ yoolɑɑ mpɑ pɑ nyǝmɑ́ yoou kɛ teu nɑ pɑ sɔɔlʋ pɩɩwɑ tɔɣɔ iyisi nɩɩlɛ (40000). 
\v 37 Kpekɑ wenɑ ɑ wɛ Yɑɑtɑnɩ ilim tǝlɩɩlɛ tɔɔ, ɩsɩɩ Lupɛŋ, nɑ Kɑtɩ, nɑ Mɑnɑsee hɔɣɔlʋɣʋ lɛŋkʋ nyǝ́mɑ tɔɣɔ yoolɑɑ iyisi nɩɩnʋwɑ nɑ hiu (120000) nɑ pɑ́ wɛnɑ yoou wontu tǝnɑ.
\p
\v 38 Yoolɑɑ mpɛ pɑ tǝnɑ pɑ polǝnɑ Hepǝlɔŋ nɑ luɣu kʋlʋmʋɣʋ, nɑ pɑ́ kpɑ Tɑfiiti kɛ Ɩsɛɣɛlɩ wulɑʋ. Ɩsɛɣɛlɩ nyǝ́mɑ lɛlɑɑ lɑŋlɛ hɛɛwɑ sɩ ɩ́ tɔɣɔ kɑwulɑɣɑ ŋkɛ́. 
\v 39 Ḿpʋ́ɣʋ́ pɑ cɑɣɑ Tɑfiiti kiŋ kɛ kʋyɛɛŋ tooso, nɑ pɑ́ tɔɣɔ nɑ pɑ́ nyɔɔ mpi pɑ tɑɑpɑlɑɑ lɑpɑ tɔ. 
\v 40 Pǝlɛ pǝ pɑɑsi, pǝcɔlɔ pǝcɔlɔ kpekɑ, ɩsɩɩ Ɩsɑkɑɑ nɑ Sɑpulɔŋ nɑ Nɛfǝtɑli pǝ nyǝ́mɑ nɑ́ sǝɣǝlɑɣɑnɑ mʋlʋm, nɑ kɑkɑlɑsɩ, nɑ tɩɩŋ wei pɑ yɑɑ sɩ fiki nɑ lɛsɛŋ tɔ ɩ pee kʋwʋlɛɛ, nɑ sʋlʋm nɑ nim nɑ pɑ́ kɔŋnɑ. Hɑlǝnɑ pɑ́ kɔnɑ tɔtɔɣɔ nɑɑŋ nɑ heeŋ. Mpi tɔ, tɛtʋ tǝnɑ tɑɑ yǝlɑɑ tǝnɑ lɑŋɑ kɑ hʋlʋmɑɑ kɛ́.
\c 13
\s1 Ɩsɔ ɑtɑkɑɑ ponɑʋ kɛ Yosɑlɛm
\r (Sɑmiyɛɛlɩ II 6:1-11)
\p
\v 1 Ḿpʋ́ɣʋ́ Tɑfiiti nɑ yǝlɑɑ iyɑɣɑ (1000) nyʋɣʋ nyǝ́mɑ, nɑ nɩɩnʋwɑ (100) nyʋɣʋ nyǝ́mɑ, nɑ nyʋɣʋ nyǝ́mɑ lɛlɑɑ pɑ lɑpɑ kotuɣu. 
\v 2 Nɑ Tɑfiiti heeli pɑ tǝnɑ sɩ: Ye pǝ mɑɣɑ-mɛ, nɑ Tɑcɑɑ lɑŋlɛ hɛɛwɑ, ɩlɛ tǝ́ tili lɔŋ kɛ tɑ nyǝ́mɑ mpɑ pɑ kɑɑsɑ Ɩsɛɣɛlɩ tɛtʋ tɑɑ tɔ pɑ wɑɑlɩ. Ɩlɛnɑ pǝ́ tɩɩ kǝlǝnɑ kɔtǝlɑɑ nɑ Lefii nyǝ́mɑ mpɑ pɑ wɛ hɔɣɔlǝŋ wei ɩ cɔɔnɑ-tʋ tɔ ɩ tɑɑ tɔ. Tǝ́ yɑɑ-wɛ nɑ pɑ́ kɔɔ. 
\v 3 Ɩlɛnɑ tǝ́ kɔnɑ Ɩsɔ ɑtɑkɑɑ kɛ́ tɑ́ tɛ. Mpi tɔ, tǝ tɑɑ pɑɑsǝnɑ ɩ tɔm kɛ Sɑyuli wɑɑtʋ.
\p
\v 4 Ḿpʋ́ɣʋ́ tɔm ntɩ tǝ mɑɣɑ yǝlɑɑ tǝnɑ nɑ pɑ tǝnɑ pɑ tisi sɩ pɑ́ lɑ mpʋ. 
\v 5 Ɩlɛnɑ Tɑfiiti koti Ɩsɛɣɛlɩ tɛtʋ tǝnɑ yǝlɑɑ kɛ pǝ kpɑɣɑʋ Icipiti tɛtʋ toŋɑ nɑ ilim mpǝtǝŋ tɔɔ tɔ. Hɑlǝnɑ Lepo-Hɑmɑtɩ kɛ ilim ntɔɣɔŋ tɔɔ sɩ, pɑ́ polo pɑ́ kpɑɣɑ Ɩsɔ ɑtɑkɑɑ kɛ́ Kiliyɑtɩ-Yeyɑlim. 
\v 6 Ḿpʋ́ɣʋ́ Tɑfiiti nɑ Ɩsɛɣɛlɩ nyǝ́mɑ pɑ polɑ Pɑɑlɑ timpi pɑ cuɣusɑɑ sɩ, Kiliyɑtɩ-Yeyɑlim tɔɣɔ Yutɑ tɛtʋ tɑɑ sɩ pɑ kpɑkǝɣɩ Ɩsɔ ɑtɑkɑɑ. Atɑkɑɑ ɩnɩ ɩ tɔɔ kɑ wɛ ɩsɔtɑɑ tɑŋlɑɑ lɛɛsǝŋ. Atɑkɑɑ ɩnɩ ɩ ɩsɛntɑɑ kɛ́ pɑ sɛɛkɑɣɑ Ɩsɔ. 
\v 7 Apinɑtɑpɩ tɛɣɛ ɑtɑkɑɑ ɩnɩ ɩ kɑ wɛɛ. Ḿpʋ́ɣʋ́ pɑ tʋ-ɩ kɛɛkɛ kʋfɑlʋ tɑɑ nɑ Usɑ nɑ Ahiyo pɑ́ hɔŋɩ-ɩ. 
\v 8 Ɩlɛnɑ Tɑfiiti nɑ Ɩsɛɣɛlɩ nyǝ́mɑ tǝnɑ pɑ hʋlɩ pɑ lɑŋhʋlʋmlɛ nɑ luɣu kʋlʋmʋɣʋ, nɑ pɑ́ yooki yontu nɑ cǝmǝŋ, nɑ sɑŋkʋnɑɑ, nɑ ɑkilimɑnɑɑ, nɑ kpɛŋkpɛŋnɑɑ, nɑ ɑkɑntɛɛ. 
\v 9 Wɑɑtʋ wei pɑ tɑlɑ Kitɔŋ tǝfɑllɛ, ɩlɛnɑ nɑɑŋ cɛɛ Ɩsɔ ɑtɑkɑɑ kɛ pɛtʋɣʋ. Tǝnɑɣɑ Usɑ siisɑɑ nɑ ɩ́ te Ɩsɔ ɑtɑkɑɑ. 
\v 10 Mpʋɣʋlɛ Tɑcɑɑ mʋ Usɑ nɑ pɑ́ɑ́nɑ́ kɛ timpi ɩ mɑpɑ lɑŋlɛ nɑ ɩ́ tokinɑ Ɩsɔ ɑtɑkɑɑ tɔ, nɑ ɩ́ kʋ-ɩ tǝnɛ ɩnǝɣɩ kpɑkpɑɑ.
\p
\v 11 Ḿpʋ́ɣʋ́ Tɑfiiti lɑŋlɛ tɑ hɛɛnɑ ɩsǝnɑ mpi Tɑcɑɑ kʋɣʋ Usɑ kɛ mpʋ tɔ. Ɩlɛnɑ ɩ́ hɑ lonte ntɛɣɛ hǝtɛ sɩ Pɛlɛsɩ-Usɑ. Usɑ tǝkʋlɛ kɛ pɑ yɑɑ mpʋ nɑ pɑ tɛ tɑɑ. Nɑ pɑ́ yɑɑkɩ-tɛɣɛ ḿpʋ́ɣʋ́ hɑlǝnɑ sɑŋɑ. 
\v 12 Kʋyɑkʋ ŋkʋɣʋ Ɩsɔ tɔm lɑpɑ Tɑfiiti kɛ sɔɣɔntʋ nɑ ɩ́ tɔ sɩ: Pǝ fɛɩ sɩ mɑ́ ponɑ Ɩsɔ ɑtɑkɑɑ kɛ́ mɑ tɛ.
\p
\v 13 Tɑfiiti tɑ ponɑ Ɩsɔ ɑtɑkɑɑ kɛ́ ɩ tɛɣɛ kʋyɑkʋ ŋkʋ, Kɑtɩ tʋ Opɛtɩ-Ɩtɔm tɛɣɛ ɩ sɩɩ-ɩ. 
\v 14 Nɑ ɑtɑkɑɑ cɑɣɑ tǝnɑɣɑ ɩsɔtʋnɑɑ tooso. Ɩlɛnɑ Tɑcɑɑ kooli ɑpɑlʋ ɩnɩ nɑ ɩ tǝyɑɣɑ nɑ ɩ nyǝm tǝnɑɣɑ kʋpɑntʋ.
\c 14
\s1 Tɑfiiti cɑɣɑlɛ kɛ Yosɑlɛm
\r (Kʋtɔɔsʋtʋ I 3:5-9; Sɑmiyɛɛlɩ II 5:11-16)
\p
\v 1 Ḿpʋ́ɣʋ́ Tiii wulɑʋ Hilɑm kʋsɑ yǝlɑɑ nɑ pɑ́ polo Tɑfiiti kɛ sɛɛʋ, nɑ ɩ́ hɑnɑ-ɩ kpeŋkpelɑsɩ kʋpɑŋsɩ nɑ pɛɛ sɑɑkǝlɑɑ, nɑ kɑɑfǝntɑnɑɑ, sɩ pɑ́ ŋmɑ-ɩ kɑwulɑɣɑ tǝyɑɣɑ. 
\v 2 Ɩlɛnɑ Tɑfiiti cɛkǝnɑ sɩ Tɑcɑɑ mɑɣɑmɑɣɑ kpɑnɑ-ɩ Ɩsɛɣɛlɩ wulɑʋ. Nɑ ɩ kɑwulɑɣɑ toŋ tɔŋnɑ sɔɔsʋɣʋ kɛ Ɩsɔ yǝlɑɑ tɔɔ.
\p
\v 3 Ḿpʋ́ɣʋ́ Tɑfiiti kpɑɣɑ ɑlɑɑ lɛlɑɑ kɛ Yosɑlɛm nɑ ɩ́ lʋlɩ ɑpɑlʋpiyɑ nɑ ɑlʋpiyɑ. 
\v 4 Hɑlɩ ɩ pǝyɑlɑɑ mpɑ ɩ lʋlɑ tǝnɑ tɔ pɑ hǝlɑ ntɔ: Sɑmʋwɑ, nɑ Sopɑpɩ, nɑ Nɑtɑŋ, nɑ Sɑlʋmɔŋ, 
\v 5 nɑ Ɩpɑɑ, nɑ Ɩlisuwɑ, nɑ Ɩlǝpelɛtɩ, 
\v 6 nɑ Nokɑ, nɑ Nefɛkɩ, nɑ Yɑfiyɑ, 
\v 7 nɑ Ɩlǝsɑmɑ, nɑ Peeliyɑtɑ, nɑ Ɩlǝfelɛtɩ.
\s1 Tɑfiiti kǝlʋɣʋ kɛ Filiisi nyǝ́mɑ
\r (Sɑmiyɛɛlɩ II 5:17-25)
\p
\v 8 Filiisi nyǝ́mɑ nɩɩwɑ sɩ Tɑfiiti tɔɣɔ kɑwulɑɣɑ kɛ Ɩsɛɣɛlɩ tǝnɑ tɔɔ, ɩlɛnɑ pɑ́ polo-ɩ yoonɑʋ. Tɑfiiti nɑ́ nɩ́ɩ́ mpʋ, ɩlɛnɑ ɩ́ sǝŋ-wɛ. 
\v 9 Ḿpʋ́ɣʋ́ Filiisi nyǝ́mɑ wɑtɑ Lefɑyi nyǝ́mɑ tɛtɛkǝlɛ. 
\v 10 Ɩlɛnɑ Tɑfiiti pɔɔsɩ Ɩsɔ sɩ: Mɑ́ polo mɑ́ yoonɑ Filiisi nyǝ́mɑ nɑ? N kɑ́ tʋ-wɛɣɛ mɑ niŋ tɑɑ? Ntɛnɑ Tɑcɑɑ sɩ: Polo nɑ ń yoonɑ-wɛ. Mɑɑ tʋ-wɛɣɛ nyɑ́ niŋ tɑɑ.
\p
\v 11 Ḿpʋ́ɣʋ́ Filiisi nyǝ́mɑ tuusɑɑ nɑ pɑ́ tɑlɑ Pɑɑlɩ-Pelɑsim. Tǝnɑɣɑ Tɑfiiti kʋ-wɛ nɑ ɩ́ tɔ sɩ: Tɑcɑɑ hɛɛ mɑ kolontunɑɑ tɑɑ kɛ́ ɩkpɑtɛ nɑ mɑ niŋ. Ɩsɩɩ lɔɔʋ fɑkʋɣʋ hɑpǝlɛ tɔ.
\p Pǝ tɔɔ kɛ́ pɑ hɑ tǝnɛ ɩnǝɣɩ hǝtɛ sɩ: Pɑɑlɩ-Pelɑsim. Pǝ nyʋɣʋ ntɛ́ sɩ ɑkpɑɑ hɛɛlʋ, nɑ pɑ tɛ tɑɑ. 
\v 12 Filiisi nyǝ́mɑ seekɑɣɑ, ɩlɛnɑ pɑ́ yele pɑ lɛɛsǝŋ kʋlɑlɑɑŋ. Ḿpʋ́ɣʋ́ Tɑfiiti tɔmɑ sɩ pɑ́ sɔ lɛɛsǝŋ kʋlɑlɑɑŋ ɩnǝɣɩ kɔkɔ.
\p
\v 13 Ḿpʋ́ɣʋ́ Filiisi nyǝ́mɑ tɑɣɑnɑ Lefɑyi tɛtɛkǝlɛ kɛ wɑ́tʋ́ɣʋ́. 
\v 14 Ntɛnɑ Tɑfiiti tɑsɑ Tɑcɑɑ kɛ yɔɣɔtǝnɑʋ, nɑ Ɩsɔ cɔ-ɩ sɩ: Tɑɑ polo pɑ tɔɔ nɑ pɑ wɑɑlɩ tɔɔ. Amɑ cɛ-wɛ nɑ ń kpǝtǝnɑ-wɛɣɛ tɩɩŋ tɑɑlɛ hɔtʋɣʋ nɔɣɔ. 
\v 15 Ye n nɩɩwɑ yǝlɑɑ nɔɔhɛɛ kɛ tɩɩŋ nyɔɔŋ tɑɑ, ɩlɛ n tii pɑ tɔɔ kɛ́ kpɑkpɑɑ. Mpi tɔ, wɑɑtʋ ɩnǝɣǝlɛ mɑ kɔmɑ sɩ mɑ yookinɑ Filiisi nyǝ́mɑ kɛ nyɑ́ nɔɣɔ tɔɔ.
\p
\v 16 Mpʋɣʋlɛ Tɑfiiti lɑpɑ teitei ɩsɩɩ Tɑcɑɑ heeluɣu-ɩ tɔ, nɑ Ɩsɛɣɛlɩ nyǝ́mɑ yoonɑ Filiisi nyǝ́mɑ kɛ pǝ kpɑɣɑʋ Kɑpɑwɔŋ tɔ, hɑlǝnɑ Kesɛɛ. 
\v 17 Pǝ kpɑɣɑʋ wɑɑtʋ ɩnɩ tɔɣɔ Tɑfiiti hǝtɛ yɑɑwɑ tɛtʋnɑɑ tǝnɑ tɑɑ, nɑ Tɑcɑɑ yele nɑ piitimnɑɑ tǝnɑ nyɑŋnɑ-ɩ.
\c 15
\s1 Ɩsɔ ɑtɑkɑɑ ponɑʋ kɛ Yosɑlɛm
\p
\v 1 Ḿpʋ́ɣʋ́ Tɑfiiti ŋmɑwɑ tɛɛsɩ kɛ timpi pɑ yɑɑ sɩ Tɑfiiti tɛ tɔ. Ɩlɛnɑ ɩ́ tɑɣɑnɩ lonte nɑtǝlɩ nɑ ɩ́ siki Ɩsɔ cokǝle sɩ pɑɑ sɩɩ Ɩsɔ ɑtɑkɑɑ. 
\v 2 Ɩlɛnɑ ɩ́ kpɑɑlɩ sɩ: Lefii nyǝ́mɑ tike tǝkoŋ kɑ́ sǝɣǝlǝnɑ Ɩsɔ ɑtɑkɑɑ. Mpɛɣɛ Ɩsɔ lǝsɑɑ sɩ pɑɑ pɑɑsǝɣǝnɑ-ɩ tɑm tɔɔ.
\p
\v 3 Ḿpʋ́ɣʋ́ Tɑfiiti kotɑ Ɩsɛɣɛlɩ nyǝ́mɑ tǝnɑɣɑ Yosɑlɛm sɩ pɑ́ ponɑ Ɩsɔ ɑtɑkɑɑ kɛ timpi pɑ tɑɣɑnɑ ɩ lonte tɔ. 
\v 4 Ɩlɛnɑ ɩ́ koti Alɔŋ lʋlʋɣʋ nyǝ́mɑ kɔtǝlɑɑ nɑ Lefii nyǝ́mɑ. 
\v 5 Kehɑtɩ lʋlʋɣʋ nyǝ́mɑ kɑ wɛ yǝlɑɑ nɩɩnʋwɑ nɑ hiu (120) kɛ́, pɑ nyʋɣʋ tʋ ntɛ́ Uliyɛlɩ. 
\v 6 Melɑli lʋlʋɣʋ nyǝ́mɑ kɛ ŋmʋnʋɣʋ nɑ hiu (220), pɑ nyʋɣʋ tʋ kɛ Asɑyɑ. 
\v 7 Kɛɛsɔŋ lʋlʋɣʋ nyǝ́mɑ kɛ nɩɩnʋwɑ nɑ hiu nɑ nɑɑnʋwɑ (130), pɑ nyʋɣʋ tʋ ntɛ́ Sowɛɛlɩ. 
\v 8 Ɩlǝsɑfɑŋ lʋlʋɣʋ nyǝ́mɑ kɛ ŋmʋnʋɣʋ (200), pɑ nyʋɣʋ tʋ ntɛ́ Semɑyɑ. 
\v 9 Hepǝlɔŋ lʋlʋɣʋ nyǝ́mɑ kɛ nɩɩnɑɑsɑ, pɑ nyʋɣʋ tʋ ntɛ́ Ɩlǝyɛlɩ. 
\v 10 Usiyɛlɩ lʋlʋɣʋ nyǝ́mɑ wɛ nɩɩnʋwɑ nɑ nɑɑnʋwɑ nɑ nɑɑlɛ (112), pɑ nyʋɣʋ tʋ ntɛ́ Aminɑtɑpɩ. 
\v 11 Ḿpʋ́ɣʋ́ Tɑfiiti yɑɑ kɔtǝlɑɑ Sɑtɔkɩ, nɑ Apiyɑtɑɑ, nɑ Lefii nyʋɣʋ nyǝ́mɑ, Uliyɛlɩ, nɑ Asɑyɑ, nɑ Sowɛɛlɩ, nɑ Semɑyɑ, nɑ Ɩlǝyɛlɩ, nɑ Aminɑtɑpɩ. 
\v 12 Nɑ ɩ́ tɔ-wɛ sɩ: Mpɑ mɛ, ɩ́ kɛ́ Lefii nyʋɣʋ nyǝ́mɑ tɔ, mǝ nɑ mǝ wɑɑlɩ nyǝ́mɑ ɩ́ lɑ nyɔɔŋ tɔɔ ɑsilimɑ kɛɛlʋɣʋ kɔtɑɣɑ nɑ ɩ́ polo nɑ ɩ́ kpɑɣɑ Ɩsɛɣɛlɩ Ɩsɔ ɑtɑkɑɑ nɑ ɩ́ kɔnɑ-ɩ lonte nte tǝ tɑɑ mɑ tɑɣɑnɑ-ɩ tɔ. 
\v 13 Mpi tɔ, mǝ tɑɑ fɛɩ, wɑɑtʋ wei tǝ polɑ ɩ kpɑɣɑʋ kɛ kɑncɑɑlɑɣɑ tɔ. Pǝyele tǝ tɑ tɩɩ pɔɔsɩ Tɑcɑɑ sɩ pʋlʋ, ɩsɩɩ pɩɩ mʋnɑɑ tɔ. Pǝ tɔɔ kɛ́ Ɩsɔ kʋ́ tɑ́ tɑɑ yʋlʋ.
\p
\v 14 Ḿpʋ́ɣʋ́ kɔtǝlɑɑ nɑ Lefii nyʋɣʋ nyǝ́mɑ pɑ lɑpɑ nyɔɔŋ tɔɔ ɑsilimɑ kɛɛlʋɣʋ kɔtɑɣɑ, nɑ pɑ́ polo sɩ pɑ kpɑkǝɣɩ Ɩsɔ ɑtɑkɑɑ. 
\v 15 Ɩlɛnɑ Lefii nyǝ́mɑ kpɑɣɑ ɩ kpɑtǝŋ tɑɑ, nɑ pɑ́ hɔɣɔlɩ pɑ ɑsǝŋkpekiŋ tɔɔ kɛ́ teitei ɩsɩɩ Tɑcɑɑ kɑ kɛɛsʋɣʋ Moisi tɔ. 
\v 16 Ɩlɛnɑ Tɑfiiti heeli Lefii nyʋɣʋ nyǝ́mɑ sɩ: Ɩ́ pɩɩlɩ mǝ tɛɛtʋnɑɑ wɑɑlɩ. Pɛlɛ pɑɑ yoonɑ yontu nɑ Sɑŋkʋnɑɑ nɑ cǝmǝŋ nɑ kpɛŋkpɛŋnɑɑ nɑ lɑŋhʋlʋmlɛ sɔsɔɔlɛ. 
\v 17 Ntɛnɑ Lefii nyǝ́mɑ pɩɩlɩ Sowɛɛlɩ pǝyɑlʋ Hemɑŋ, nɑ ɩ́lɛ́ ɩ tɑɑpɑlʋ Pelekiyɑ pǝyɑlʋ Asɑfɩ, nɑ pɑ tɛɛtʋ Melɑli lʋlʋɣʋ tʋ Kusɑyɑ pǝyɑlʋ Ɩtɑŋ pɑ wɑɑlɩ. 
\v 18 Pǝ́ kɑɑsɩ pɛlɛ pɑ wɑɑlɩ nyǝ́mɑ Lefii nyǝ́mɑ lɛlɑɑ mpɑ pɑ kɛ́ nɔnɔɔsɩ pɑɑsǝnlɑɑ tɔ, ɩsɩɩ Sɑkɑlɩ, nɑ Pɛnɩ, nɑ Yɑsiyɛlɩ, nɑ Semilɑmɔtɩ, nɑ Yehiyɛlɩ, nɑ Uni, nɑ Ɩliyɑpɩ, nɑ Penɑyɑ, nɑ Mɑɑseyɑ, nɑ Mɑtitiyɑ, nɑ Ɩlifǝlehu, nɑ Mikineyɑ, nɑ Opɛtɩ-Ɩtɔm, nɑ Yeiyɛlɩ. 
\v 19 Yonyoolɑɑ Hemɑŋ, nɑ Asɑfɩ, nɑ Ɩtɑŋ, pɛlɛ pɑ mɑkɑɣɑnɑ ntɛɣɛ nyǝɣǝlʋɣʋ kʋsɛɛmʋɣʋ kpɛŋkpɛŋnɑɑ mpɑ pɑ wiiki teu tɔ. 
\v 20 Sɑkɑlɩ, nɑ Asiyɛlɩ, nɑ Semilɑmɔtɩ, nɑ Yehiyɛlɩ, nɑ Uni, nɑ Ɩliyɑpɩ, nɑ Mɑɑseyɑ, nɑ Penɑyɑ pɛlɛ pɑ mɑkɩ cǝmǝŋ wei ɩ wɛ nɔɔsɩ kʋyʋllɑsɩ tɔ. 
\v 21 Mɑtitiyɑ, nɑ Ɩlifǝlehu, nɑ Mikǝneyɑ, nɑ Opɛtɩ-Ɩtɔm, nɑ Yeiyɛlɩ, nɑ Asɑsiyɑ pɛlɛ pɑ mɑkɑɣɑnɑ ntɛɣɛ ŋmɩɩsɩ pǝlefɛɩ nɑɑnʋwɑ sɑŋkʋnɑɑ nɑ yonyoolɑɑ yooki yontu. 
\v 22 Lefii nyǝ́mɑ nyʋɣʋ tʋ Kenɑniyɑ kɛlɛ Ɩsɔ ɑtɑkɑɑ kpɑɣɑʋ sɔsɔ nɑ ɩ́ pɑɑsǝɣǝnɑ. Mpi tɔ, ɩ nyǝmɑ́ pǝ tɔm kɛ teu. 
\v 23 Nɑ Pelekiyɑ nɑ Ɩlǝkɑnɑ pɛlɛɣɛlɛ nɔnɔɔsɩ tɑŋlɑɑ, nɑ pǝ wɛɛ sɩ pɑ́ sǝŋ ɑtɑkɑɑ kite. 
\v 24 Nɑ nɔnɔɔsɩ tɑŋlɑɑ lɛlɑɑ Opɛtɩ-Ɩtɔm nɑ Yehiyɑ. Pǝ kɑɑsɑ kɔtǝlɑɑ Sepɑniyɑ nɑ Yosɑfɑtɩ nɑ Netɑneyɛlɩ nɑ Amɑsɑyi nɑ Sɑkɑlɩ nɑ Penɑyɑ nɑ Ɩliyesɛɛ tɔ, pɛlɛ pɑ hʋlɑɣɑnɑ ntɛɣɛ ɑkɑntɛɛ kɛ Ɩsɔ ɑtɑkɑɑ nɔɣɔ tɔɔ.
\s1 Ɩsɔ ɑtɑkɑɑ tɑtɛ kɛ Yosɑlɛm
\r (Sɑmiyɛɛlɩ II 6:12-19)
\p
\v 25 Ḿpʋ́ɣʋ́ Tɑfiiti nɑ Ɩsɛɣɛlɩ sɔsɑɑ nɑ yoolɑɑ nyʋɣʋ nyǝ́mɑ pɑ kpɑɣɑ Ɩsɔ ɑtɑkɑɑ kɛ Opɛtɩ-Ɩtɔm tɛ nɑ lɑŋhʋlʋmlɛ. 
\v 26 Ɩsɔ kentɑɣɑɑ Lefii nyǝ́mɑ mpɑ pɑ sǝɣǝlɑ Ɩsɔ ɑtɑkɑɑ tɔɣɔ. Ɩlɛnɑ pɑ́ lɑ kɔtɑɣɑ kɛ lɑtǝcɛnɑɑ nɑɑtosompɔɣɔlɑɣɑ, nɑ ɩwɑɑŋ nɑɑtosompɔɣɔlɑɣɑ. 
\v 27 Tɑfiiti nɑ Lefii nyǝ́mɑ mpɑ pɑ sǝɣǝlɑ ɑtɑkɑɑ tɔ, nɑ wontu mɑtɑɑ, nɑ sǝɣǝllɑɑ nyʋɣʋ tʋ Kenɑliyɑ pɑɑ suu kponkpontu toŋ nyǝntʋ wontu kɛ́. Pǝ kɑɑsɩ nɑ Tɑfiiti suu kɔtǝlɑɑ cɑpɑ kɛ pǝtɛɛ. 
\v 28 Ḿpʋ́ɣʋ́ Ɩsɛɣɛlɩ nyǝ́mɑ tǝnɑ kpɑɑnɑ Ɩsɔ ɑtɑkɑɑ, nɑ pɑ́ mɑkɩ niŋ tɑɑ, nɑ kpɛŋkpɛŋnɑɑ, nɑ sɑŋkʋnɑɑ, nɑ cǝmǝŋ, nɑ pɑ́ hʋlǝɣɩ tutuuŋ nɑ ɑkɑntɛɛ.
\p
\v 29 Pɑ tɔŋnɑ Ɩsɔ ɑtɑkɑɑ kɛ sʋʋnɑʋ kɛ wulɑʋ ɩcɑtɛ tɑɑ, ɩlɛ Tɑfiiti ɑlʋ Mikɑɑlɩ, Sɑyuli pɛɛlɔ sǝŋnɑ pǝtote ntɛ́, nɑ ɩ́ nɑ́ Tɑfiiti pɑɑkǝnɑ lɑŋhʋlʋmlɛ. Ḿpʋ́ɣʋ́ ɩ nyǝnɑ-ɩ yem kɛ́ ɩ tɑɑ.
\c 16
\p
\v 1 Ḿpʋ́ɣʋ́ pɑ ponɑ Ɩsɔ ɑtɑkɑɑ nɑ pɑ́ sɩɩ-ɩ cokǝle nte Tɑfiiti kɑ sikɑɑ tɔ tǝ tɑɑ. Ɩlɛnɑ pɑ́ lɑ́ Ɩsɔ kɛ́ kɔtɑsɩ nsi kɔkɔ lusɑ sɩ tǝnɑ tɔ nɑ nɔɣɔ kʋlʋmɑɣɑ kpɛntʋɣʋ nyǝnsɩ. 
\v 2 Tɑfiiti tɛmɑ kɔtɑsɩ nsɩ sɩ lɑpʋ ɩlɛnɑ ɩ́ kooli sɑmɑɑ kɛ kʋpɑntʋ nɑ Tɑcɑɑ hǝtɛ tɑɑ. 
\v 3 Ɩlɛnɑ ɩ́ tɑlɑ ɑpɑlɑɑ nɑ ɑlɑɑ kɛ tɔɣɔnɑɣɑ. Pɑɑ wei kɛ potopoto kʋkulutu nɑ nɑntʋɣʋ nɑ tʋɣʋ ŋku pɑ yɑɑ sɩ lɛsɛŋ tɔ kʋ pee kʋwʋlɛɛ kɑkɑlɑɣɑ.
\s1 Lefii nyǝ́mɑ Ɩsɔ sɑmtʋ yontu
\r (Yontu 96; 105:1-15; 106:1,47-48)
\p
\v 4 Ḿpʋ́ɣʋ́ Tɑfiiti tʋwɑ Lefii tǝmlɛ nyǝ́mɑ kɛ tǝmlɛ kɛ Ɩsɔ ɑtɑkɑɑ kiŋ sɩ pɑ́ sɛɛ Ɩsɛɣɛlɩ Ɩsɔ nɑ pɑ́ tʋ-ɩ teeli nɑ pɑ́ sɑmɩ-ɩ. 
\v 5 Asɑfɩ kɛlɛ pɑ pɑɑsǝnlʋ nɑ Sɑkɑlɩ nɑ́ɑ́ sǝŋnɑ-ɩ. Yɑsiyɛlɩ nɑ Semilɑmɔtɩ nɑ Yehiyɛlɩ nɑ Mɑtitiyɑ nɑ Ɩliyɑpɩ nɑ Penɑyɑ nɑ Opɛtɩ-Ɩtɔm nɑ Yeiyɛlɩ pɛlɛ pɑ mɑkɑɣɑnɑ ntɛɣɛ cǝmǝŋ nɑ sɑŋkʋnɑɑ, nɑ Asɑfɩ nɑ́ɑ́ mɑkɩ kpɛŋkpɛŋnɑɑ. 
\v 6 Nɑ kɔtǝlɑɑ Penɑyɑ nɑ Yɑsiyɛlɩ pɛlɛ pɑ́ hʋlǝɣɩ ɑkɑntɛɛ kɛ tɑm kɛ́ Ɩsɔ ɑtɑkɑɑ nɔɣɔ tɔɔ. 
\v 7 Kʋyɑkʋ ŋkʋ kʋ wule kɛ Tɑfiiti cɑɑlɑ Asɑfɩ nɑ ɩ tɑɑpɑlɑɑ kɛ tʋɣʋ sɩ pɑ́ sɑ Tɑcɑɑ. Ɩlɛnɑ pɑ́ sɑmɩ-ɩ sɩ:
\q1
\v 8 Ɩ́ sɑ Tɑcɑɑ, ɩ́ yɑɑ ɩ hǝtɛ.
\q1 Ɩ́ tɛlǝsɩ piitimnɑɑ tǝnɑɣɑ ɩ kookɑlǝnɑɑ.
\q1
\v 9 Ɩ́ yoo-ɩ yontu nɑ cǝmǝŋ.
\q1 Ɩ́ yɔɣɔtɩ ɩ tǝmɑ kʋpɑnɑ tɔm.
\q1
\v 10 Mǝ lɑŋɑ ɩ́ hɛɛnɑ Ɩsɔ nɑŋŋtʋ ɩnɩ ɩ hǝtɛ.
\q1 Mɛ mpɑ ɩ́ pɛɛkǝɣɩ-ɩ tɔ, mǝ lɑŋɑ ɩ́ hʋlǝmɩ.
\q1
\v 11 Ɩ́ kɛ́ɛ́sǝ́nɑ́ Tɑcɑɑ Tomɑ tǝnɑ tʋ tɔɔ.
\q1 Ɩ́ pɛɛkǝɣɩ tɑm sɩ ɩ́ sɛɛ-ɩ.
\q1
\v 12-13 Tɑcɑɑ tǝmlɛ tʋ Ɩsɛɣɛlɩ lʋlʋɣʋ nyǝ́mɑ mɛ.
\q1 Yɑkɔpʋ piyɑ mɛ mpɑ Ɩsɔ lǝsɑɑ tɔ.
\q1 Ɩ́ tɔɔsɩ ɩ tǝmɑ sɔsɔɔnɑ tɔɔ.
\q1 Nɑ kɔkɔlɔ nyǝmnɑɑ mpɑ ɩ lɑpɑ tɔ,
\q1 nɑ ɩ hʋʋlɛ pǝ tɔɔ.
\b
\q1
\v 14 Ɩnǝɣǝlɛ Tɑcɑɑ, ɩnǝɣǝlɛ tɑ́ Ɩsɔ.
\q1 Ɩnǝɣǝlɛ tɛtʋ tǝnɑ hʋʋnlʋ.
\q1
\v 15 Ɩ́ tɔɔsɩ ɩ nɔɣɔ pɛɛlʋɣʋ tɑm nyǝŋkɑ tɔɔ.
\q1 Ɩ nɔɣɔ sɩɩʋ wɛ ḿpʋ́ɣʋ́,
\q1 hɑlɩ lʋlʋŋ loosi iyɑɣɑ.
\q1
\v 16 Nɔɣɔ ŋkɛɣɛ ɩ sɩɩ Apǝlɑhɑm.
\q1 Nɑ ɩ́ heeli-tǝɣɩ Ɩsɑɑkɑ nɑ tuunɑʋ.
\q1
\v 17 Ɩ sɩɩ-tǝɣɩ Ɩsɛɣɛlɩ nyǝ́mɑ kɛ́ ɩsɩɩ kʋsǝsɩɩtʋ.
\q1 Nɑ tǝ wɛɛ-wɛ ɩsɩɩ nɔɣɔ pɛɛlʋɣʋ tɑm tɔɔ nyǝm.
\q1
\v 18 Ɩsɩɩ ɩ kɑ heeluɣu-wɛ tɔ sɩ,
\q1 ɩ kɑ́ hɑ-wɛɣɛ Kɑnɑɑŋ tɛtʋ.
\q1 Pɑ nɑ pɑ lʋlʋɣʋ nyǝ́mɑ pɑ kpɑncoou ntɛ́.
\q1
\v 19 Wɑɑtʋ ɩnɩ ɩ tɑɑ tɔ,
\q1 pɑ tɑɑ fɛɩ pɑɣɑlɛ,
\q1 pǝyele pɑɑ kɛ́ cɑɣɑlɑɑ kɛ tɛtʋ tɑɑ kɛ́.
\q1
\v 20 Pɑ lɩɩkɑɣɑ piitimnɑɑ tɑɑ kɛ́ nɑ pɑ́ puki lɛmpɩ kiŋ.
\q1 Nɑ pɑ́ lɩɩkɩ kɑwulɑsɩ tɑɑ nɑ pɑ́ puki yǝlɑɑ lɛlɑɑ kiŋ.
\q1
\v 21 Amɑ Ɩsɔ tɑ yele sɩ nɔɣɔlʋ ɩ́ tʋ-wɛɣɛ wɑhɑlɑ.
\q1 Hɑlɩ Ɩsɔ kɑlǝnɑ ɑwulɑɑ kɛ pɑ nyʋɣʋ tɔɔ sɩ:
\q1
\v 22 Lɑɑkɑlɩ nɑ yǝlɑɑ mpɑ mɑ lǝsɑɑ tɔ,
\q1 nɑ mpɑ pɑ tɛlǝsǝɣɩ mɑ kʋyɔɣɔtʋtʋ tɔ pɑ tokinɑʋ.
\b
\q1
\v 23 Antulinyɑ tǝnɑ yǝlɑɑ mɛ, ɩ́ yoo Tɑcɑɑ kɛ yontu.
\q1 Ɩ́ kpɑɑlǝɣɩ pɑɑ ɩfemle nte sɩ Tɑcɑɑ kɛlɛ wɑɑsʋlʋ.
\q1
\v 24 Ɩ́ heeli yǝlɑɑ tǝnɑɣɑ ɩ teeli tɔm,
\q1 nɑ ɩ́ yɔɣɔtɩ ɩ tǝmɑ kʋpɑnɑ tɔm kɛ yǝlɑɑ kiŋ.
\q1
\v 25 Tɑcɑɑ kǝlɑ ɑkɔnnɑ tǝnɑɣɑ sɔsɔɔntʋ.
\q1 Ɩ́ fɛɩnɑ sɑɑlɑ.
\q1
\v 26 Piitimnɑɑ tɩɩŋ tǝnɑ wɛ kpɛtɛ kɛ́.
\q1 Amɑ Tɑcɑɑ lɑpǝnɑ ɩsɔtɔnʋɣʋ.
\q1
\v 27 Ɩ teu nɑ ɩ sɔsɔɔntʋ wɛ sɔɣɔntʋ.
\q1 Ɩ wɛ toŋ kɛ ɩ tǝcɑɣɑlɛ tɑɑ nɑ ɩ́ hɑɑkɩ lɑŋhʋlʋmlɛ.
\q1
\v 28 Tɛtʋ tǝnɑ yǝlɑɑ, ɩ́ kɔɔ nɑ ɩ́ sɑ Tɑcɑɑ.
\q1 Ɩ́ hʋ́lɩ́ ɩ teu nɑ ɩ tomɑ.
\q1
\v 29 Ɩ́ kɔɔ nɑ ɩ́ sɑ ɩ teu nɑ ɩ́ kɔnɑ-ɩ mǝ kʋhɑɑŋ.
\q1 Ɩ́ hǝntɩ Tɑcɑɑ kɛ ɑtɛɣɛ sɑɑ wei ɩ hʋ́lǝ́ɣɩ́ ɩ
\q1 tǝnɑŋŋ wɛɛtʋ tɔ.
\q1
\v 30 Antulinyɑ tǝnɑ yǝlɑɑ mɛ ɩ́ seliɣinɑ-ɩ.
\q1 Tɛtʋ cɑɣɑ teu kɛ́ tɩɩ nyǝɣǝlǝɣɩ.
\q1
\v 31 Ɩsɔtɔnʋɣʋ lɑŋlɛ ɩ́ hʋlǝmɩ,
\q1 nɑ tɛtʋ nɑ́ɑ́ yɔɔlɩ.
\q1 Nɑ pɑ́ heeli yǝlɑɑ tǝnɑ sɩ Tɑcɑɑ kɛlɛ wulɑʋ.
\q1
\v 32 Teŋku nɑ ɩ tɑɑ nyǝm tǝnɑ ɩ́ kɑlɑ kɔkɔtɛ.
\q1 Tɑwɑ nɑ ɑ nyǝm tǝnɑ, ɩ́ yɔɔlɩ.
\q1
\v 33 Hɔtʋ tɑɑ tɩɩŋ, ɩ́ kiisinɑ lɑŋhʋlʋmlɛ kɛ Tɑcɑɑ kiŋ.
\q1 Mpi tɔ, ɩ kɔŋ kɑwulɑɣɑ tɔɣɔʋ kɛ tɛtʋ tɑɑ.
\b
\q1
\v 34 Tɑcɑɑ kɛ́ kʋpɑŋ kɛ́, ɩ́ sɑmɩ-ɩ.
\q1 Pǝyele ɩ sɔɔlʋɣʋ fɛɩ tǝnɑɣɑ.
\q1
\v 35 Ɩ́ wiikinɑ-ɩ sɩ:
\q1 Tɑcɑɑ wɑɑsʋlʋ Ɩsɔ, hɑɩ, wɑɑsɩ-tʋ.
\q1 Yɑ-tʋɣʋ piitimnɑɑ kpɑɩ nyǝm niŋ tɑɑ.
\q1 Kpeɣeli-tʋ nɑ tǝ́ yɑɑ nyɑ́ hǝtɛ nɑŋŋ nyǝntɛ.
\q1 Nɑ tɑ lɑŋɑ hɛɛnɑ nyɑ́ sɑmtʋ.
\q1
\v 36 Ɩ́ sɛɛ Ɩsɛɣɛlɩ Ɩsɔ Tɑcɑɑ kɛ tɑm.
\m Ɩlɛnɑ sɑmɑɑ tǝnɑ tisi sɩ Ɩsɔ ɩ́ kɔnɑ mpʋ. Ɩ́ sɑ Tɑcɑɑ.
\p
\v 37 Ḿpʋ́ɣʋ́ Tɑfiiti tɔmɑ Asɑfɩ nɑ ɩ tɑɑpɑlɑɑ tǝnɑ sɩ: Ɩ́ cɑɣɑ Ɩsɔ ɑtɑkɑɑ kiŋ, nɑ ɩ́ lɑkɩ mǝ yontu tǝmɑ kɛ tɑm kɛ́ pɑɑ kʋyɑkʋ ŋku, ɩsɩɩ pǝ sɩɩʋ tɔ, ɩ́ tɑɑ yele. 
\v 38 Ɩlɛnɑ ɩ́ lǝsɩ Opɛtɩ-Ɩtɔm nɑ ɩ lʋlʋɣʋ tɑɑ kɛ́ yǝlɑɑ pǝlefɛɩ nɩɩtoso nɑ nɑɑnʋwɑ, nɑ pǝ́ sɔɔsǝnɑ Yetutuŋ pǝyɑlʋ Opɛtɩ-Ɩtɔm, nɑ Hosɑ, nɑ pɑ́ lɑkɩ nɔnɔɔsɩ tɑŋʋɣʋ tǝmlɛ.
\p
\v 39 Ḿpʋ́ɣʋ́ Tɑfiiti tʋ́ kɔtʋlʋ Sɑtɔkɩ nɑ ɩ lʋlʋɣʋ tɑɑ kɔtǝlɑɑ sɩ: Ɩ́ pɑɑsǝnɑ Ɩsɔ cokǝle nte tǝ wɛ Kɑpɑwɔŋ tǝkɔtǝlɛ tɔ. 
\v 40 Mǝ tǝmlɛ ntɛ́ sɩ ɩ́ lɑkɩ kɔtɑɣɑ ŋkɑ kɔkɔ lusɑ kɑ tǝnɑ tɔɣɔ tɑnɑŋ nɑ tɑɑnɑɣɑ. Nɑ ɩ́ lɑkɩ kɔtɑsɩ nsi pɑ kɛɛsɑ kiiu ŋku Tɑcɑɑ hɑwɑ Ɩsɛɣɛlɩ nyǝ́mɑ tɔ kʋ tɑɑ tɔ. 
\v 41 Mǝ nɑ Hemɑŋ, nɑ Yetutuŋ, nɑ lɛlɑɑ mpɑ pɑ lǝsɑɑ sɩ pɑ́ sɑŋ Tɑcɑɑ kɛ ɩ sɔɔlʋɣʋ tɑm nyǝŋkʋ tɔɔ tɔ. 
\v 42 Hemɑŋ nɑ Yetutuŋ pɑ tǝmlɛ ntɛ́ ɑkɑntɛɛ hʋlʋɣʋ nɑ kpɛŋkpɛŋnɑɑ mɑpʋ. Nɑ wontu lɛntǝnɑɑ nti pɑ yookɑɣɑnɑ Ɩsɔ Tɔm yontu tɔ. Ɩlɛnɑ Yetutuŋ pǝyɑlɑɑ kɛ nɔnɔɔsɩ tɑŋlɑɑ.
\p
\v 43 Pǝ wɑɑlɩ kɛ́ pɑɑ wei ɩ kpemɑ ɩ tɛ. Nɑ Tɑfiiti nɑ́ɑ́ kpe nɑ ɩ́ sɛɛ ɩ nyǝ́mɑ.
\c 17
\s1 Nɑtɑŋ nɑ Tɑfiiti pɑ tɔm
\r (Sɑmiyɛɛlɩ II 7:1-17)
\p
\v 1 Tɑfiiti cɑɣɑ ɩ kɑwulɑɣɑ tɑɑ, ɩlɛnɑ kʋyɑkʋ nɑkʋlɩ ɩ́ tɔ Ɩsɔ kʋyɔɣɔtʋtʋ tɛlǝsʋlʋ Nɑtɑŋ sɩ: Pǝ tɑ mʋnɑ sɩ mɑ́ wɛɛ kutuluɣu ŋku pɑ lɑpǝnɑ kpeŋkpelɑsɩ kʋpɑŋsɩ tɔ kʋ tɑɑ, nɑ Tɑcɑɑ ɑtɑkɑɑ nɑ́ɑ́ wɛ cokǝle nte pɑ lɑpǝnɑ pɔɔŋ tɔ tǝ tɑɑ. 
\v 2 Ntɛnɑ Nɑtɑŋ cɔ wulɑʋ sɩ: Polo nɑ ń lɑ́ pǝ tǝnɑ mpi n mɑɣɑsǝɣɩ nyɑ́ tɑɑ tɔ. Mpi tɔ, Tɑcɑɑ wɛ nyɑ́ wɑɑlɩ kɛ́.
\p
\v 3 Ahoo yuwɑ, ɩlɛnɑ Tɑcɑɑ tɔ Nɑtɑŋ sɩ: 
\v 4 Polo nɑ ń heeli mɑ pǝyɑlʋ Tɑfiiti sɩ, pǝ tɑɣɑ ɩnɩ ɩ kɑ ŋmɑnɑ-m tǝyɑɣɑ ŋkɑ kɑ tɑɑ mɑɑ cɑɣɑ tɔ. 
\v 5 Hɑtoo mɑ lǝsʋɣʋ Ɩsɛɣɛlɩ nyǝ́mɑ kɛ Icipiti tɑɑ, nɑ pǝ́ sɩɩnɑ sɑŋɑ tɔ, mɑ tɑ cɑɣɑtɑ kutuluɣu nɑkʋlɩ kʋ tɑɑ. Cokǝle tɑɑ kɛ́ mɑ wɛɛ nɑ mɑ́ lɑɣɑsǝɣɩ lonɑ. 
\v 6 Pǝlɛ pǝ pɑɑsi too mɑ wɛʋ Ɩsɛɣɛlɩ nyǝ́mɑ wɑɑlɩ tɔ, Pɑɑsǝnlɑɑ pɑɣɑlɛ kɛ mɑ tʋ́ mɑ yǝlɑɑ pɑɑsǝnɑʋ. Pǝyele mɑ tɑ kɑlǝnɑ pɑ tɑɑ nɔɣɔlʋ sɩ ɩ tɑ ŋmɑ-m kutuluɣu kʋpɑŋkʋ.
\p
\v 7 Mpʋ tɔ, heeli mɑ tǝmlɛ tʋ Tɑfiiti sɩ: Tomɑ tǝnɑ tʋ Tɑcɑɑ mɑ́, mɑ yɔɣɔtɑɑ sɩ, ntiɣile tɑɑ kɛ́ mɑ kpɑ-ŋ heeŋ wɑɑlɩ sɩ ń lɑ mɑ Ɩsɛɣɛlɩ nyǝ́mɑ wulɑʋ. 
\v 8 Nɑ mɑ́ wɛ nyɑ́ wɑɑlɩ kɛ́ nyɑ́ tɔntɛ tǝnɑ tɑɑ, nɑ mɑ́ kpiisi nyɑ́ kolontunɑɑ tǝnɑ nɑ mɑ́ kʋsɩ nyɑ́ nyʋɣʋ ɩsɩɩ ɑtɛ sɔsɑɑ lɛlɑɑ. 
\v 9 Ɩlɛnɑ mɑ́ hɑ mɑ Ɩsɛɣɛlɩ nyǝ́mɑ kɛ tǝcɑɣɑlɛ sɩ pɑ́ cɑɣɑ teu nɑ pʋlʋ ɩ́ tɑɑ peɣeli-wɛ, nɑ yǝlɑɑ ɑsɑɣɑɑ ɩ́ tɑɑ tɔɣɔ pɑ ɩsɛ. 
\v 10 Ɩsɩɩ sɑɑ wei mɑɑ kpɑ Pɑɑsǝnlɑɑ kɛ mɑ yǝlɑɑ Ɩsɛɣɛlɩ nyǝ́mɑ tɔɔ tɔ. Mɑɑ tisi mǝ kolontunɑɑ tǝnɑ tǝfɛ. Mɑ heeliɣi-ŋ sɩ Ɩsɔ mɑ, mɑɑ yele nɑ ń wɛɛnɑ lʋlʋɣʋ nyǝ́mɑ kɛ nyɑ́ wɑɑlɩ. 
\v 11 Ye pǝ tɑlɑ nyɑ́ kʋyɑkʋ nɑ ń sǝpɑ, ɩlɛ mɑɑ lǝsɩ nyɑ́ piyɑ mpɑ n lʋlǝnɑ nyɑ́ tɑpʋɣʋ tɔ pɑ tɑɑ nɔɣɔlʋ, nɑ mɑ́ kpɑ-ɩ wulɑʋ. 
\v 12 Ɩnɩ ɩ kɑ ŋmɑnɑ-m tǝyɑɣɑ nɑ mɑ́ yele nɑ ɩ kɑwulɑɣɑ kumte wɛɛ tɑm tɔɔ. 
\v 13 Ɩ kɑ́ nyǝnǝɣɩ-m ɩ cɑɑ, nɑ mɑ́ɑ́ nyǝŋǝɣɩ-ɩ mɑ pǝyɑlʋ. Mɑ kɑɑ lɔ-ɩ, ɩsɩɩ mɑ lɔʋ wulɑʋ wei ɩ lɑɑlɑ-ŋ tɔ. 
\v 14 Mɑ́ɑ́ kpɑnɑ-ɩ mɑ yǝlɑɑ wulɑʋ kɛ tɑm tɔɔ kɛ́ mɑ tǝyɑɣɑ tɑɑ nɑ mɑ kɑwulɑɣɑ tɑɑ, nɑ ɩ tǝyɑɣɑ kɑwulɑɣɑ toŋ kɑɑ ciɣiti.
\p
\v 15 Nti nti Ɩsɔ heelɑ Tɑfiiti nɑ Nɑtɑŋ nɔɣɔ tɔɣɔlɛ.
\s1 Tɑfiiti sǝlǝmʋɣʋ
\r (Sɑmiyɛɛlɩ II 7:18-29)
\p
\v 16 Mpʋɣʋlɛ wulɑʋ Tɑfiiti polɑ Ɩsɔ cokǝle tɑɑ, nɑ ɩ́ yɔɣɔtǝnɑ Ɩsɔ sɩ: Hɑɩ, Tɑcɑɑ Ɩsɔ mɑ́ nɑ mɑ tǝyɑɣɑ tǝ kɛ́ we nɑ ń kɔŋnɑ-m timpi tɑɑ mɑ wɛ ɩsǝntɔ tɔ? 
\v 17 Pǝlɛ pǝ pɑɑsi nɑ ń yɔɣɔtǝɣɩ ɩsǝnɑ mɑ tǝyɑɣɑ kɑ tɛɛsǝnɑ cele tɔ pǝ tɔm? N lɑkɩ-m kɛ́ ɩsɩɩ mɑ kɛ́ yʋlʋ sɔsɔ nɔɣɔlʋ, mɑ Ɩsɔ Tɑcɑɑ. 
\v 18 Mɑ fɛɩnɑ kʋyɔɣɔtʋtʋ kɛ teeli wei n tʋ-m tɔ ɩ tɔɔ. Mpi tɔ, mɑ kɛ́ nyɑ́ tǝmlɛ tʋ kɛ́, nɑ ń nyǝmɑ-m. 
\v 19 Tɑcɑɑ, n sɔɔlɑ-m tɔɣɔ n lɑpɑ kʋpɑntʋnɑɑ pɑnɛ pɑ tǝnɑ sɩ nyɑ́ sɔsɔɔntʋ tɑm tɔɔ nyǝntʋ ɩ́ nɑ́. 
\v 20 Tɑcɑɑ nɔɣɔlʋ tɑ nǝɣǝsǝnɑ-ŋ. Ye tǝ kɛɛsǝnɑ nti ɩnɩ tǝ nɩɩnɑ tɑ ŋkpɑŋŋ tɔ, Ɩsɔ nɔɣɔlʋ ɩ fɛɩ ɩsɩɩ nyɑ́. 
\v 21 Piitim nɑpǝlɩ pǝ fɛɩ nɑ pǝ́ nǝɣǝsǝnɑ nyɑ́ yǝlɑɑ Ɩsɛɣɛlɩ nyǝ́mɑ mpɑ tɑ́ n kɔmɑ nɑ ń yɑ Icipiti nyǝ́mɑ ŋmɑkǝlʋɣʋ tɑɑ nɑ ń lɑ-tʋɣʋ nyɑ́ yǝlɑɑ tɔ. Lɑkɑsɩ kʋpɑŋsɩ nɑ sɔɣɔntʋ nyǝnsɩ kɛ n tɔɣɔnnɑ piitimnɑɑ kɛ nyɑ́ yǝlɑɑ tɑ́ tɑ nɔɣɔ tɔɔ nɑ nyɑ́ hǝtɛ yɑɑ, nɑ pǝ́ wɑɑsɩ-tʋ. 
\v 22 Nɑ tǝ́ pǝsɩ nyɑ́ nyǝ́mɑ kɛ tɑm tɔɔ, nɑ nyɑɑ pǝsɩ tɑ́ Ɩsɔ. 
\v 23 Pǝnɛntɛ Tɑcɑɑ lɑ ɩsɩɩ n yɔɣɔtʋɣʋ tɔ. Yoosi nɔɣɔ ŋkɑ n sɩɩ mɑ́ nɑ mɑ tǝyɑɣɑ nyǝ́mɑ tɔɣɔ tɑm. 
\v 24 Pǝ́ lɑ teitei, ɩsɩɩ n yɔɣɔtʋɣʋ tɔ. Ɩlɛnɑ nyɑ́ hǝtɛ lɑ sɔsɔɔlɛ kɛ tɑm tɔɔ nɑ yǝlɑɑ yɔɣɔtǝɣɩ sɩ: Tɑcɑɑ Tomɑ tǝnɑ tʋ ntɛ́ Ɩsɛɣɛlɩ nyǝ́mɑ Ɩsɔ. Yele nɑ nyɑ́ tǝmlɛ tʋ mɑ mɑ tǝyɑɣɑ nyɔɔ toŋ. 
\v 25 Mpi tɔ, mɑ Ɩsɔ, nyɑ́ hʋlǝnɑ-m sɩ n kɑ́ hɑ-m lʋlʋɣʋ nyǝ́mɑ nɑ pɑ́ lɛɛtɩ kɑwulɑɣɑ tɑɑ. Pǝ tɔɔ kɛ́ mɑ pǝsɑɑ nɑ mɑ́ sǝlǝmǝɣɩ nyɑ́ kiŋ. 
\v 26 Hɑɩ, Tɑcɑɑ, nyɑɣɑlɛ Ɩsɔ, nyɑ́ sɩɩnɑ nyɑ́ tǝmlɛ tʋ mɑɣɑ nɔɣɔ kʋpɑŋkɑ ŋkɛ. 
\v 27 Nyɑ́ koolinɑ mɑ tǝyɑɣɑ nyǝ́mɑ kɛ kʋpɑntʋ sɩ mɑ lʋlʋɣʋ nyǝ́mɑ kɑ́ tɔkɩ kɑwulɑɣɑ kɛ tɑm kɛ nyɑ́ ɩsɛntɑɑ. Ɩlɛ nyɑ́ koolee ɑnɩ ɑ kɑ tǝŋ-wɛɣɛ tɑm tɔɔ.
\c 18
\s1 Tɑfiiti tɔɣɔ piitimnɑɑ lɛlɑɑ tɛtʋ
\r (Sɑmiyɛɛlɩ II 8:1-14)
\p
\v 1 Pǝlɛ pǝ wɑɑlɩ kɛ́ Tɑfiiti yoonɑ Filiisi nyǝ́mɑ nɑ ɩ́ kǝlɩ-wɛ nɑ ɩ́ lɛɛkɩ Kɑtɩ ɩcɑtɛ nɑ pǝ cɔlɔ nyǝ́mɑ. 
\v 2 Nɑ ɩ́ yoonɑ Mowɑpʋ nyǝ́mɑ tɔtɔ nɑ ɩ́ kǝlɩ-wɛ nɑ pɑ́ fɛlǝɣɩ-ɩ lɑmpuu. 
\v 3 Ḿpʋ́ɣʋ́ ɩ yoonɑ Silii wulɑʋ Hɑtɑtǝsɛɛ wei ɩ wɛ Sopɑ nɑ ɩ́ tɔkɩ ɩ kɑwulɑɣɑ kɛ Hɑmɑtɩ hɔɣɔlʋɣʋ tɔɔ tɔ. Wɑɑtʋ ɩnǝɣɩ Hɑtɑtǝsɛɛ cɑɑkɑɣɑ sɩ ɩ tɔkɩ Ɩfǝlɑtɩ hɔɣɔlʋɣʋ tɛtʋ. 
\v 4 Nɑ Tɑfiiti lɛɛkɩ yoou kɛɛkɛnɑɑ iyɑɣɑ (1000) nɑ kpɑɣɑnǝŋ cɑɣɑlɑɑ kɛ iyisi nɑɑtosompɔlɑɣɑ (7000) nɑ yoolɑɑ nɔɔhɛɛ nyǝ́mɑ kɛ iyisi hiu (20000) nɑ ɩ́ sɩɩ ɩ tɩ ɩsɩɩ kpɑɣɑnǝŋ nɩɩnʋwɑ (100). Pǝ kɑɑsɑ wei ɩlɛnɑ ɩ́ sɛtɩ ɩ tǝnɑ ɩ nɔɔhɛɛ holɑ. 
\v 5 Ḿpʋ́ɣʋ́ Tɑmɑsɩ Silii nyǝ́mɑ polɑ wulɑʋ kɛ sǝnɑʋ. Ɩlɛnɑ Tɑfiiti kʋ pɛlɛɣɛ yoolɑɑ iyisi hiu nɑ nɑɑlɛ (22000). 
\v 6 Ɩlɛnɑ Tɑfiiti sɩɩ yoolɑɑ kpekɑ kɛ Tɑmɑsɩ kɛ Silii tɑɑ nɑ ɩ́ tɔkɩ pɑ tɔɔ nɑ pɑ́ fɛlǝɣɩ-ɩ lɑmpuu. Nɑ Tɑcɑɑ kentiɣi Tɑfiiti tɔɔ kɛ́ timpi timpi ɩ pukɑɣɑ tɔ. 
\v 7 Ɩlɛnɑ ɩ́ kpɑɣɑ Silii wulɑʋ Hɑtɑtǝsɛɛ tɑŋlɑɑ wʋlɑ kpɑlǝŋ nɑ ɩ́ ponɑ Yosɑlɛm. 
\v 8 Ḿpʋ́ɣʋ́ Tɑfiiti kuu nyǝɣǝlʋɣʋ kʋsɛɛmʋɣʋ nyǝɣǝtʋ kɛ sɔsɔm kɛ Hɑtɑtǝsɛɛ ɑcɑlɛɛ nnɑ pɑ yɑɑ sɩ Tipɑtɩ nɑ Kuŋ tɔ ɑ tɑɑ. Nyǝɣǝtʋ ntǝɣɩ Sɑlʋmɔŋ kpɑɣɑ wɑɑlɩ wɑɑlɩ nɑ ɩ́ lu lʋm nyɑmpɑɑni ɑnɑɑm, ɩsɩɩ lɩɩlɛ nɑ ɑkelenɑɑ nɑ Ɩsɔ tǝsɛɛlɛ tɑɑ wontu lɛntǝnɑɑ.
\p
\v 9 Mpʋɣʋlɛ Hɑmɑtɩ wulɑʋ Tou nɩɩwɑ sɩ Tɑfiiti kʋwɑ Sopɑ wulɑʋ Hɑtɑtǝsɛɛ yoolɑɑ. 
\v 10 Ɩlɛnɑ ɩ́ tili ɩ pǝyɑlʋ Hɑtolɑm sɩ ɩ́ sɛɛ wulɑʋ Tɑfiiti nɑ ɩ́ sɑmɩ-ɩ. Ɩsǝnɑ ɩ yoonɑ Hɑtɑtǝsɛɛ nɑ ɩ́ kǝlɩ-ɩ tɔ. Ḿpʋ́ɣʋ́ Hɑtolɑm kpɛŋnɑ Tɑfiiti kɛ wʋlɑ wontu nɑ liɣitee nyǝɣǝtʋ nɑ nyǝɣǝlʋɣʋ kʋsɛɛmʋɣʋ nyǝntʋ. 
\v 11 Ɩlɛnɑ Tɑfiiti sɩɩ Tɑcɑɑ kɛ wʋlɑ nɑ liɣitee nyǝɣǝtʋ nti pɑ lɛɛkɑ piitimnɑɑ lɛmpɑnɑɑ kiŋ tɔ. Ɩsɩɩ Ɩtɔm nɑ Mowɑpʋ nɑ Amoni nɑ Filiisi nɑ Amɑleke pǝ nyǝ́mɑ.
\p
\v 12 Ḿpʋ́ɣʋ́ Seluyɑ pǝyɑlʋ Apisɑyi yoonɑ Ɩtɔm nyǝ́mɑ kɛ Tɔm tɛtɛkǝlɛ tɑɑ, nɑ ɩ́ kʋ́ pɑ tɑɑ yǝlɑɑ iyisi pǝlefɛɩ hiu (18000). 
\v 13 Nɑ ɩ́ sɩɩ yoolɑɑ kpekɑ kɛ Ɩtɔm nyǝ́mɑ tɛ nɑ Tɑfiiti tɔkɩ pɑ tɔɔ nɑ Tɑcɑɑ kentiɣi ɩ tɔɔ kɛ́ timpi timpi ɩ pukɑɣɑ tɔ.
\s1 Tɑfiiti wɑɑlɩ nyǝ́mɑ hǝlɑ
\r (Sɑmiyɛɛlɩ II 8:15-18)
\p
\v 14 Tɑfiiti tɔɣɔ kɑwulɑɣɑ kɛ Ɩsɛɣɛlɩ nyǝ́mɑ tǝnɑ tɔɔ kɛ́ nɑ ɩ́ tǝŋǝɣɩ tɑmpɑnɑ nɑ ɩ́ hʋʋkǝnɑ yǝlɑɑ tǝnɑ. 
\v 15 Seluyɑ pǝyɑlʋ Sowɑpɩ kɛlɛ yoolɑɑ nyʋɣʋ tʋ. Ahiluti pǝyɑlʋ Yosɑfɑtɩ kɛlɛ tɑkǝlɑsɩ sɩɩlʋ. 
\v 16 Ahitupi pǝyɑlʋ Sɑtɔkɩ nɑ Apiyɑtɑɑ pǝyɑlʋ Apimelɛkɩ kɛlɛ kɔtǝlɑɑ. Sɑfesɑ kɛlɛ tɑkǝlɑsɩ ŋmɑɑlʋ. 
\v 17 Yoyɑtɑ pǝyɑlʋ Penɑyɑ kɛlɛ wulɑʋ tɑŋlɑɑ nyʋɣʋ tʋ. Tɑfiiti pǝyɑlɑɑ mɑɣɑmɑɣɑ ntɛ́ ɩ sǝnlɑɑ sɔsɑɑ.
\c 19
\s1 Tɑfiiti tillɑɑ fɛɛlɛ tʋɣʋ
\r (Sɑmiyɛɛlɩ II 10:1-5)
\p
\v 1 Ḿpʋ́ɣʋ́ wɑɑtʋ nɔɣɔlʋ Amoni nyǝ́mɑ wulɑʋ Nɑhɑsɩ sǝpɑ nɑ ɩ pǝyɑlʋ lɛɛtɩ ɩ lonte. 
\v 2 Mpʋɣʋlɛ Tɑfiiti tɔmɑ sɩ: Mɑɑ lɛɛtɩ Nɑhɑsɩ pǝyɑlʋ Hɑnuŋ kɛ kʋpɑntʋ nti ɩ cɑɑ kɑ lɑpɑ-m tɔ. Ɩlɛnɑ Tɑfiiti tili tillɑɑ sɩ pɑ́ polo pɑ́ sɛɛ-ɩ ɩ cɑɑ lǝyɑɣɑ. Tɑfiiti tillɑɑ tɑlɑ Amoni nyǝ́mɑ tɛtʋ tɑɑ. 
\v 3 Ɩlɛnɑ tɛtʋ ntɩ tǝ ɑwulɑɑ sǝkpemɑ tɔ Hɑnuŋ sɩ: N hʋʋ sɩ lǝyɑɣɑ sɛɛʋ tɔɔ kɛ́ Tɑfiiti tilɑ ɩ yǝlɑɑ nɑ? Ɩ tilɑ-wɛɣɛ sɩ pɑ́ feŋ tɛtʋ nɑ pɑ́ nyɩ-tɩ nɑ pɑ́ lɛɛkɩ-tɩ.
\p
\v 4 Ntɛnɑ Hɑnuŋ kpɑ Tɑfiiti tillɑɑ nɑ ɩ́ looli pɑ tɑntǝŋ, nɑ ɩ́ sɛtɩ pɑ wontu kɛ hɑtoo pɑ tɑpɑnɔɔsɩ kiŋ. Ɩlɛnɑ ɩ́ tɔɣɔnɩ-wɛ, 
\v 5 nɑ pɑ́ tɛɛnɑ fɛɛlɛ. Ḿpʋ́ɣʋ́ Tɑfiiti nɩɩ ɩ tillɑɑ tɔm ntɩ. Ɩlɛnɑ ɩ́ kʋsɩ yǝlɑɑ sɩ: Ɩ́ sǝŋ-wɛ nɑ ɩ́ heeli-wɛ sɩ pɑ́ sɑɑlɩ Yeliko nɑ pɑ tɑntǝŋ nyɔ, ɩlɛnɑ pǝcɔ pɑ́ tɑlɑ tǝyɑɣɑ.
\s1 Ɩsɛɣɛlɩ nyǝ́mɑ yoonɑʋ kɛ Amoni nyǝ́mɑ nɑ Silii nyǝ́mɑ
\r (Sɑmiyɛɛlɩ II 10:6-19)
\p
\v 6 Ḿpʋ́ɣʋ́ Amoni nyǝ́mɑ nɑ pɑ wulɑʋ Hɑnuŋ pɑ cɛkǝnɑ fɛɛlɛ nte pɑ tʋ Tɑfiiti tɔ. Ɩlɛnɑ pɑ́ kpɑɣɑ Mesopotɑmi ɩsɔtɑɑ Silii nyǝ́mɑ, nɑ Mɑɑkɑ nɑ Sopɑ nyǝ́mɑ, pǝ yoolɑɑ kɛ ɑpɑɑ, nɑ pɑ yoou kɛɛkɛnɑɑ nɑ pɑ kpɑɣɑnǝŋ cɑɣɑlɑɑ. Ɩlɛnɑ pɑ fɛlɩ-wɛɣɛ liɣitee nyǝɣǝtʋ kɛ tɔɔnǝnɑɑ hiu nɑ nɑɑnʋwɑ. 
\v 7 Nɑ pɑ́ cɑɑ yoou kɛɛkɛnɑɑ kɛ iyisi hiu nɑ nɑɑnʋwɑ nɑ nɑɑlɛ (32000). Ɩlɛnɑ pɑ́ kpɑɣɑ Mɑɑkɑ wulɑʋ nɑ ɩ yoolɑɑ kɛ ɑpɑɑ. Ḿpʋ́ɣʋ́ pɛlɛ pɑ polɑɑ nɑ pɑ́ pɩɩlɩ Metepɑ cɔlɔ. Nɑ Amoni nyǝ́mɑ nɑ́ɑ́ lɩɩ pɑ ɑcɑlɛɛ tɑɑ, nɑ pɑ́ pɩɩlɩ yoou.
\p
\v 8 Tɑfiiti nɩɩ mpʋ, ɩlɛnɑ ɩ́ kʋsɩ ɩ yoolɑɑ wulɑʋ Sowɑpɩ nɑ ɩ yoolɑɑ tɑɑ yoolɑɑ tǝnɑ. 
\v 9 Mpʋɣʋlɛ Amoni nyǝ́mɑ lɩɩwɑ nɑ pɑ́ pɩɩlɩ ɩcɑtɛ sɔsɔɔlɛ nɔɣɔ. Nɑ ɑwulɑɑ mpɑ pɑ kɔmɑ-wɛɣɛ sǝnɑʋ tɔ pɛlɛ pɑ́ pɩɩlɩ hɔɣɔlʋɣʋ lɛŋkʋ kɛ tɑwɑ tɑɑ. 
\v 10 Ɩlɛnɑ Sowɑpɩ cɛkǝnɑ sɩ ɩ kɑ́ yoo tɑɑ nɑ wɑɑlɩ. Ḿpʋ́ɣʋ́ ɩ lǝsɑ Ɩsɛɣɛlɩ yoolɑɑ tɑɑ yoolɑɑ nɑ pɛlɛ pɑ́ yookinɑ Silii nyǝ́mɑ. 
\v 11 Pǝ kɑɑsɑ yoolɑɑ kpekǝle lɛntɛ, ɩlɛnɑ ɩ́ cɛlɛ tǝlɛɣɛ ɩ neu Apisɑyi nɑ pɛlɛ pɑ́ pɩɩlɩ Amoni nyǝ́mɑ ɩsɛntɑɑ. 
\v 12 Nɑ Sowɑpɩ heeli Apisɑyi sɩ: Ye Silii nyǝ́mɑ ɩ́ kpilɑ-m, ɩlɛ n kɔɔ nɑ ń sǝnɑ-m. Yɑɑ ye Amoni nyǝ́mɑ kpilinɑ nyɑ́, ɩlɛ mɑ́ɑ́ kɔɔ nɑ mɑ́ sǝnɑ-ŋ. 
\v 13 Tɔɣɔ ɑpɑlʋtʋ nɑ tǝ́ kɑɑsɩ tɑ tǝɣɩ tɑ yǝlɑɑ nɑ tɑ Ɩsɔ ɑcɑlɛɛ tɔɔ. Ɩlɛ Ɩsɔ ɩ́ lɑ ɩ luɣu nyǝntʋ.
\p
\v 14 Ḿpʋ́ɣʋ́ Sowɑpɩ nɑ ɩ yǝlɑɑ pɑ sʋʋ Silii nyǝ́mɑ tɛɛ sɩ pɑ́ yookinɑ-wɛ nɑ Silii nyǝmɑ tʋ́ cɑsǝlɛ. 
\v 15 Amoni nyǝ́mɑ nɑwɑ Silii nyǝ́mɑ tʋ cɑsǝlɛ. Ɩlɛnɑ pɛlɛ pɑ́ se Sowɑpɩ neu Apisɑyi nɑ pɑ́ sʋʋ ɩcɑtɛ. Ɩlɛnɑ Sowɑpɩ nɑ́ɑ́ mǝlɩ Yosɑlɛm.
\p
\v 16 Silii nyǝ́mɑ nɑwɑ sɩ Ɩsɛɣɛlɩ nyǝ́mɑ kǝlɑ-wɛ. Ɩlɛnɑ pɑ́ kʋsɩ tillɑɑ sɩ pɑ́ polo pɑ́ lǝsɩ pɑ tɛɛtʋnɑɑ mpɑ pɑ wɛ Ɩfǝlɑtɩ pɔɣɔ wɑɑlɩ tɔ. Pɑ nyʋɣʋ tʋ ntɛ́ Hɑtɑtǝsɛɛ yoolɑɑ nyʋɣʋ tʋ sɔsɔ Sofɑkɩ. 
\v 17 Pɑ heelɑ-tǝɣɩ Tɑfiiti, ɩlɛnɑ ɩ́ koti Ɩsɛɣɛlɩ yoolɑɑ tǝnɑ nɑ pɑ́ tɛsɩ Yɑɑtɑnɩ, nɑ pɑ́ kpǝtǝnɑ-wɛ nɑ pɑ́ pɩɩlɩ pɑ ɩsɛntɑɑ. Ḿpʋ́ɣʋ́ Silii nyǝ́mɑ tii pɑ tɔɔ. 
\v 18 Amɑ Ɩsɛɣɛlɩ nyǝ́mɑ nɑ́ tʋ́ pɑ wɑɑlɩ nɑ pɑ́ se. Ɩlɛnɑ Tɑfiiti nɑ ɩ nyǝ́mɑ pɑ́ kʋ́ kpɑɣɑnǝŋ nɑ ɩ kɛɛkɛnɑɑ kɛ iyisi nɑɑtosompɔɣɔlɑɣɑ (7000) nɑ yoolɑɑ nɔɔhɛɛ nyǝ́mɑ kɛ iyisi nɩɩlɛ (40000) nɑ pɑ́ kʋ́ yoolɑɑ nyʋɣʋ tʋ Sofɑkɩ tɔtɔ.
\p
\v 19 Wɑɑtʋ wei ɑwulɑɑ mpɑ Hɑtɑtǝsɛɛ kɑ ŋmɑkǝlɑɑ tɔ pɑ nɑwɑ sɩ Ɩsɛɣɛlɩ nyǝ́mɑ kǝlɑ-wɛ, ɩlɛnɑ pɑ́ polo nɑ pɑ́ nɑ Tɑfiiti pɑ́ ciiki nɑ pɑ́ cɛlɛ-ɩ pɑ tɩ. Pǝ kpɑɣɑʋ wɑɑtʋ ɩnɩ tɔ Silii nyǝ́mɑ ɩɩ cɑɑkɩ Amoni nyǝ́mɑ kɛ sǝnɑʋ.
\c 20
\s1 Sowɑpɩ lɛɛkʋɣʋ kɛ Lɑpɑ ɩcɑtɛ
\r (Sɑmiyɛɛlɩ II 11:1; 12:26-31)
\p
\v 1 Pǝnɑɣɑ sikɑɑ nɑ pǝ́ tɑlɑ wɑɑtʋ wei ɑwulɑɑ tɛɛkɩ yoou tɔ. Ḿpʋ́ɣʋ́ Sowɑpɩ kuu yoolɑɑ nɑ pɑ́ polo pɑ́ kʋ Amoni nyǝ́mɑ. Nɑ pɑ́ tɑ́ Lɑpɑ ɩcɑtɛ sɩ pɑ yookinɑ-tɛ. Nɑ Tɑfiiti nɑ́ɑ́ cɑɣɑ Yosɑlɛm.
\p Ḿpʋ́ɣʋ́ Sowɑpɩ yoonɑ Lɑpɑ nyǝ́mɑ nɑ ɩ́ wɑkǝlɩ ɩcɑtɛ. 
\v 2 Ɩlɛnɑ pɑ́ kuu tǝ tɑɑ wontunɑɑ, ɩlɛnɑ Tɑfiiti kpɑɣɑ wʋlɑ ntenuɣu ŋku kɩɩ wɛ Amoni nyǝ́mɑ tʋɣʋ Milikom tɔɔ tɔ. Ntenuɣu ŋkʋ kʋ yuŋ kɑ wɛ ɩsɩɩ kiloonɑɑ hiu nɑ nɑɑnʋwɑ kɛ́ mpʋ. Pɑɑ tʋwɑ kʋ tɔɔ kɛ́ liɣitee pǝlɛ. Ḿpʋ́ɣʋ́ pɑ temɑ-kʋɣʋ Tɑfiiti nyʋɣʋ. 
\v 3 Pǝ kɑɑsɑ ɩcɑtɛ yǝlɑɑ, ɩlɛnɑ ɩ́ tʋ-wɛɣɛ wɑhɑlɑ tǝmɑ. Lɛlɑɑ kɛ tɩɩŋ fɑɣɑlɑɑ, nɑ lɛlɑɑ kɛ pɛɛ sɑɑkǝlɑɑ, yɑɑ tɑɑkukulɑsɩ sɛtǝlɑɑ. Ḿpʋ́ɣʋ́ Tɑfiiti lɑpǝnɑ Amoni ɩcɑtɛ tǝnɑ. Ɩlɛnɑ ɩ́ nɑ ɩ yǝlɑɑ pɑ́ mǝlɩ Yosɑlɛm.
\s1 Filiisi nyǝ́mɑ yoonɑʋ
\r (Sɑmiyɛɛlɩ II 21:18-22)
\p
\v 4 Pǝlɛ pǝ wɑɑlɩ kɛ́ Ɩsɛɣɛlɩ nyǝ́mɑ polɑ Filiisi nyǝ́mɑ yoonɑʋ kɛ Kesɛɛ. Wɑɑtʋ ɩnǝɣɩ Husɑ tʋ Sipikɑyi kʋwɑ Lefɑyi tooko Sipɑyi nɑ pǝ́ tisi Filiisi nyǝ́mɑ. 
\v 5 Yoou lɛŋkʋ tɑɑ kɛ́ Yɑyii pǝyɑlʋ Ɩlɑnɑŋ kʋwɑ Kɑtɩ tʋ Koliyɑtɩ neu Lɑmii. Ɩ ŋmɑntɑɑɣɑ kpɑ́tʋ́ɣʋ́ yɑsǝlɑɣɑ wɛ ɩsɩɩ sɑɣɑtɑ kpɑtǝlɛ. 
\v 6 Ḿpʋ́ɣʋ́ pɑ tɑsɑ yoou lɛŋkʋ suluɣu kɛ Kɑtɩ. Tǝnɑɣɑ pɑ́ nɑwɑ kolontu tooko nɔɣɔlʋ ɩ kɛ́ Hɑlɑfɑ lʋlʋɣʋ tʋ. Ɩ mpee nɑ ɩ nɔmpee wɛ nɑɑtoso nɑɑtoso. A kpɛntɑ hiu nɑ liɣiti. 
\v 7 Apɑlʋ ɩnɩ ɩ cɑɑ Ɩsɛɣɛlɩ nyǝ́mɑ kɛ tɔm, ɩlɛnɑ Tɑfiiti tɑɑlʋ Sɑmmɑ pǝyɑlʋ Sonɑtɑŋ kʋ-ɩ.
\p
\v 8 Tɑfiiti nɑ ɩ yoolɑɑ pɑ kʋnɑ Filiisi ɩcɑtɛ Kɑtɩ tookonɑɑ mpɛ.
\c 21
\s1 Kʋkɑlʋɣʋ nɑ yʋlʋkʋsǝkʋ
\r (Sɑmiyɛɛlɩ II 24:1-9)
\p
\v 1 Ḿpʋ́ɣʋ́ kʋyɑkʋ nɑkʋlɩ Sɑtɑnɩ mɑɣɑsɑɑ sɩ ɩ tʋɣɩ Ɩsɛɣɛlɩ nyǝ́mɑ kɛ wɑhɑlɑ. Ɩlɛnɑ ɩ́ tusi Tɑfiiti sɩ ɩ́ kɑlɑ Ɩsɛɣɛlɩ nyǝ́mɑ. 
\v 2 Ntɛnɑ Tɑfiiti tɔ Sowɑpɩ nɑ yoou nyʋɣʋ nyǝ́mɑ lɛlɑɑ sɩ: Ɩ́ polo ɩ́ kɑlɑ Ɩsɛɣɛlɩ tɛtʋ tǝnɑ yǝlɑɑ, nɑ mɑ́ nyɩ pɑ nyʋɣʋ.
\p
\v 3 Ntɛnɑ Sowɑpɩ cɔ-ɩ sɩ: Hɑɩ, tɑ cɑɑ, Ɩsɔ ɩ́ lɑ nɑ Ɩsɛɣɛlɩ nyǝ́mɑ huki tɔm nɩɩnʋwɑ (100). Sɑŋɑ ɩsǝntɔ pɑ tǝnɑ pɑ kɛ́ nyɑ́ ɩfɑlɑɑ kɛ́. Ɩlɛ pepe tɔɔ kɛ́ n cɑɑ sɩ ń nyɩ pɑ nyʋɣʋ, nɑ ń sʋsɩ Ɩsɛɣɛlɩ nyǝ́mɑ kɛ ɩsɑɣɑtʋ tɑɑ?
\p
\v 4 Ntɛnɑ wulɑʋ sɩ ɩ́ kɑlɑ kɛ ɩ́ kɑlɑ. Ɩlɛnɑ Sowɑpɩ nɑ́ɑ́ cɔɔ Ɩsɛɣɛlɩ tɛtʋ tǝnɑ nɑ ɩ́ kɑlɑ yǝlɑɑ nɑ ɩ́ mǝlɩ Yosɑlɛm. 
\v 5 Nɑ ɩ́ heeli wulɑʋ sɩ Ɩsɛɣɛlɩ yoolɑɑ wɛ iyisi iyɑɣɑ kɛ tɔm iyɑɣɑ, nɑ iyisi nɩɩnʋwɑ (1100000) nɑ Yutɑ nyǝ́mɑ kɛ iyisi nɑsǝlɛ nɑ nɩɩtoso nɑ nɑɑnʋwɑ (470000).
\p
\v 6 Sowɑpɩ lɑŋlɛ kɑ wɑkǝlǝnɑ wulɑʋ tɔm ntǝɣɩ. Ɩlɛ ɩ tɑ kɑlɑ Lefii nɑ Pɛncɑmɛɛ nyǝ́mɑ.
\s1 Ɩsɔ hɔmɑ Ɩsɛɣɛlɩ nyǝ́mɑ ŋkpɑŋʋɣʋ kɛ Tɑfiiti ɩsɑɣɑtʋ tɔɔ
\r (Sɑmiyɛɛlɩ II 24:10-17)
\p
\v 7 Ḿpʋ́ɣʋ́ Tɑfiiti yɑɑsi ɩnɩ ɩ tɑ mɑɣɑ Ɩsɔ, nɑ ɩ́lɛ́ ɩ́ hɔ Ɩsɛɣɛlɩ nyǝ́mɑ ŋkpɑŋʋɣʋ. 
\v 8 Ntɛnɑ Tɑfiiti sǝlǝmɩ Ɩsɔ sɩ: Tɑcɑɑ, mɑ lɑpɑ mpʋ tɔ, mɑ wɑkǝlɑɑ kɛ́. Ɩlɛ wii-m mɑ ɩsɑɣɑtʋ ntɩ. Mɑ lɑpɑ kʋmɛlɛntʋ kɛ́.
\p
\v 9 Ḿpʋ́ɣʋ́ Tɑcɑɑ heelɑ Tɑfiiti lɑɣɑtʋ tɑsǝlʋ Ɩsɔ kʋyɔɣɔtʋtʋ tɛlǝsʋlʋ Kɑtɩ sɩ: 
\v 10 Polo ń heeli Tɑfiiti sɩ mɑ sɩɩ wɑhɑlɑnɑɑ tooso sɩ ɩ́ lǝsɩ pɑ tɑɑ kʋlʋm nɑ mɑ́ kɔnɑ-ɩ.
\p
\v 11 Ḿpʋ́ɣʋ́ Kɑtɩ polɑ Tɑfiiti kiŋ nɑ ɩ́ pɔɔsɩ-ɩ sɩ: Tɑcɑɑ sɩ weɣe n lǝsǝɣɩ? 
\v 12 Nyɔɣɔsɩ ɩ́ lɩɩ pɩɩsɩ tooso? Yɑɑ ń se nyɑ́ kolontunɑɑ kɛ ɩsɔtʋnɑɑ tooso? Yɑɑ Ɩsɔ ɩ́ tili ɩsɔtɑɑ tillu nɑ ɩ́ pǝlɩ yʋlʋkʋsǝkʋ kɛ kʋyɛɛŋ tooso kɛ Ɩsɛɣɛlɩ tɛtʋ tǝnɑ tɑɑ? Mɑɣɑsɩ nyɑ́ tɑɑ nɑ ń cɔ nɑ mɑ́ heeli wei ɩ tilɑ-m tɔ.
\p
\v 13 Ntɛnɑ Tɑfiiti cɔ-ɩ sɩ: Mɑ lɑŋlɛ pǝsɑɑ kɛ́. Pǝ kǝlɑ-m teu sɩ mɑ́ pɛtɩ mɑ tǝɣɩ Tɑcɑɑ niŋ tɑɑ. Sɑnɑ ɩnɩ ɩ́ hɔ tɑ́ ŋkpɑŋŋ nɑ mpi yʋlʋ kɑ́ hɔmɩ-ɩ tɔ. Mpi tɔ, ɩ pǝtɔɔtǝlɛ tɔɔwɑɣɑ.
\p
\v 14 Ɩlɛnɑ Ɩsɔ kɔnɑ yʋlʋkʋsǝkʋ, nɑ Ɩsɛɣɛlɩ nyǝ́mɑ sɩ yǝlɑɑ iyisi nɩɩtoso nɑ nɑɑnʋwɑ (70000). 
\v 15 Ḿpʋ́ɣʋ́ Tɑcɑɑ tilɑ ɩsɔtɑɑ tillu wei ɩ kʋɣɩ tɔɣɔ Yosɑlɛm. Ɩsɔtɑɑ tillu tɑlɑɑ ɩsɩɩ ɩ kɑ́ niki kʋɣʋ, ɩlɛnɑ Ɩsɔ lɑɣɑsɩ hʋwɛɛ nɑ ɩ́ sǝŋsɩ-ɩ sɩ: Yele mpʋ pǝ mɑɣɑnɑɑ.
\p Wɑɑtʋ ɩnɩ ɩlɛ, ɩsɔtɑɑ tillu wɛ Yepusi tʋ Olǝnɑŋ tɔɣɔnɑɣɑ tǝmɑtɛ ntɛ́. 
\v 16 Tɑfiiti kʋsɑ ɩsɛ, ɩlɛnɑ ɩ nɑ́ ɩsɔtɑɑ tillu kɛ ɑtɛ ɑtɛ nɑ ɩ́ kpɛlǝsǝɣɩ ɩ lɑɣɑtɛ nɑ Yosɑlɛm tɔɔ. Ḿpʋ́ɣʋ́ ɩ́ nɑ sɔsɑɑ mpɑ pɑɑ suu lǝyɑɣɑ fɔlǝtɔnɑɑ tɑkɑ tɔ pɑ hotɑ pɑ ɩsɛntɔɔ. 
\v 17 Ntɛnɑ Tɑfiiti sɩ: Hɑɩ, mɑ wɑkǝlǝnɑ. Mpi tɔ, mɑ́ yɔɣɔtǝnɑ sɩ pɑ́ kɑlɑ kʋkɑlʋɣʋ. Yǝlɑɑ pɑnɛ pɑ tɑɑ nɔɣɔlʋ tɑ lɑ tɑɑlɩ nɔɣɔlʋ. Mpʋ tɔ, pɩɩ wɛɛ sɩ mɑ́ nɑ mɑ tǝyɑɣɑ nyǝ́mɑ tɑ́ tɔɔ kɛ́ Ɩsɔ ɩ́ tʋ niŋ.
\s1 Tɑfiiti ŋmɑwɑ Tɑcɑɑ kɛ kɔtɑɣɑ tǝlɑtɛ
\r (Sɑmiyɛɛlɩ II 24:18-25)
\p
\v 18 Ḿpʋ́ɣʋ́ Tɑcɑɑ ɩsɔtɑɑ tillu heelɑ Kɑtɩ sɩ: Heeli Tɑfiiti sɩ polo timpi Olǝnɑŋ mɑkɩ ɩ tɔɣɔnɑɣɑ tɔ nɑ ń ŋmɑ́ Tɑcɑɑ kɛ kɔtɑɣɑ tǝlɑtɛ.
\p
\v 19 Ɩlɛnɑ Tɑfiiti tɛɛ, ɩsɩɩ Tɑcɑɑ heeluɣu Kɑtɩ sɩ ɩ́ heeli-ɩ tɔ. 
\v 20 Olǝnɑŋ nɑ ɩ pǝyɑlɑɑ liɣiti pɑɑ wɛnnɑ tǝnɑ, nɑ pɑ́ mɑkɩ pɑ tɔɣɔnɑɣɑ. Ḿpʋ́ɣʋ́ pɑ nɑ́ ɩsɔtɑɑ tillu ɩlɛnɑ pɑ́ se nɑ pɑ́ ŋmɛlɩ. 
\v 21 Tɑfiiti tɑlɑ tǝnɑ nɑ ɑpɑlʋ ɩnɩ ɩ́ nɑ-ɩ, ɩlɛnɑ ɩ́ lɩɩ kɑtɑɣɑ tɑɑ nɑ ɩ́ polo nɑ ɩ́ hǝntɩ-ɩ ɑtɛ. 
\v 22 Ɩlɛnɑ Tɑfiiti tɔmɩ-ɩ sɩ: Pɛɛtǝnɑ-m nyɑ́ kɑtɑɣɑ nɑ mɑ́ fɛlɩ-ŋ nɑ mɑ́ ŋmɑ́ Tɑcɑɑ kɛ kɔtɑɣɑ tǝlɑtɛ, nɑ yʋlʋkʋsǝkʋ kʋnɛ kʋ́ sɩɩ tǝnɑɣɑ. 
\v 23 Ntɛnɑ Olǝnɑŋ sɩ: Hɑɩ, tɑcɑɑ, kpɑɣɑ nɑ ń lɑnɑ mpi n cɑɑkɩ tɔ. Mɑ kɛɛkɛ kɛlɛ nɑ pǝ nɑɑŋ, fɑɣɑ kɛɛkɛ nɑ ń lɑ kɔtɑɣɑ tɑɑsɩ. Kpɑɣɑ nɑɑŋ nɑ tɔɣɔnɑɣɑ nɑ ń lɑ kɔtɑɣɑ. Mɑ hɑ-ŋ pǝ tǝnɑ.
\p
\v 24 Ɩlɛnɑ wulɑʋ tɔ sɩ: Aɑɩ yoo, mɑ cɑɑ mɑ fɛlɩ-ŋ pǝ liɣitee kɛ́, tɑɑ hɑ-m. Mɑɑ cɑɑ sɩ mɑ́ lɑ Tɑcɑɑ kɛ kɔtɑɣɑ kɛ nyɑ́ nyǝm, yɑɑ pʋlʋ mpi pǝ tɔɔ mɑ tɑ wɩɩ tɔ.
\p
\v 25 Ḿpʋ́ɣʋ́ Tɑfiiti fɛlɑ Olǝnɑŋ kɛ wʋlɑ nyǝɣǝtʋ nɑsǝtoso (600) kɛ kɑtɑɣɑ ŋkɛ kɑ tɔɔ. 
\v 26 Ɩlɛnɑ Tɑfiiti ŋmɑ́ Tɑcɑɑ kɛ kɔtɑɣɑ tǝlɑtɛ kɛ lonte ntɛ́ tǝ tɑɑ. Nɑ ɩ́ lɑ kɔtɑsɩ nsi kɔkɔ lusɑ sɩ tǝnɑ tɔ nɑ nɔɣɔ kʋlʋmɑɣɑ kpɛntʋɣʋ nyǝnsɩ. Nɑ ɩ́ sǝlǝmɩ Ɩsɔ nɑ Ɩsɔ tisi kɔkɔ nɑ kɑ́ nyɑɣɑ ɩ kɔtɑsɩ. 
\v 27 Ḿpʋ́ɣʋ́ Tɑcɑɑ tɔmɑ ɩsɔtɑɑ tillu sɩ: Mǝŋnɑ nyɑ́ lɑɣɑtɛ kɛ tǝ suɣute tɑɑ.
\p
\v 28 Ḿpʋ́ɣʋ́ Tɑfiiti cɛkǝnɑɑ sɩ Tɑcɑɑ mʋwɑ ɩ sǝlǝmʋɣʋ kɛ Yepusi tʋ Olǝnɑŋ kɑtɑɣɑ tɑɑ tǝnɑ. Ɩlɛnɑ Tɑfiiti lɑkɩ tǝnɑɣɑ kɔtɑsɩ. 
\v 29 Wɑɑtʋ ɩnɩ tɔ Ɩsɔ cokǝle nte Moisi kɑ lɑpɑ wʋlɑɣɑ tɛtʋ tɑɑ tɔ nɑ pǝ kɔtɑɣɑ tǝlɑtɛ pɩɩ wɛ Kɑpɑwɔŋ tǝkɔtǝlɛ kɛ́. 
\v 30 Amɑ Tɑcɑɑ ɩsɔtɑɑ tillu lɑɣɑtɛ tɔm kɑ kpɑwɑ Tɑfiiti kɛ sɔɣɔntʋ. Ɩlɛ ɩ tɑ pǝsɩ nɑ ɩ́ tɑlɑ tǝnɑ sɩ ɩ sɛɛkɩ-ɩ.
\c 22
\p
\v 1 Pǝ tɔɔ kɛ́ Tɑfiiti tɔŋɑɣɑ sɩ: Cǝnɛɣɛ pɑɑ ŋmɑ́ Tɑcɑɑ tǝsɛɛlɛ nɑ kɔtɑɣɑ tǝlɑtɛ nte tǝ tɔɔ Ɩsɛɣɛlɩ nyǝ́mɑ kɑ lɑkɩ kɔtɑsɩ tɔ.
\s1 Tɑfiiti lʋpʋ sɩ ɩ ŋmɑɑkɩ Ɩsɔ tǝsɛɛlɛ
\p
\v 2 Ḿpʋ́ɣʋ́ Tɑfiiti tɔmɑ sɩ: Ɩ́ koti Ɩsɛɣɛlɩ tɑɑ cɑɣɑlɑɑ. Ɩlɛnɑ Tɑfiiti tʋ-wɛɣɛ tǝmlɛ sɩ pɑ́ sɑɑkɩ pɛɛ wenɑ pɑɑ ŋmɑnɑ Ɩsɔ tǝsɛɛlɛ tɔ, 
\v 3 nɑ ɩ́ tɑɣɑnɩ nyǝɣǝtʋ tuutuumɑ wei pɑɑ lunɑ kɑmpʋnɑɑ nyǝmɑ́ kʋkɑmɛɛ tɔ nɑ nyǝmɑ́ kʋkolisee nnɑ pɑ tʋlǝɣǝnɑ nɔnɔɔsɩ tɔ nɑ ɩ́ kɑɑ nyǝɣǝlʋɣʋ kʋsɛɛmʋɣʋ kɛ tuutuumɑ tɔtɔ. 
\v 4 Nɑ ɩ́ kɑɑ tɑɑsɩ kʋpɑŋsɩ nsi Sitɔŋ nɑ Tiii nyǝ́mɑ kɔŋɑɣɑnɑ-ɩ tɔɣɔ tuutuumɑ. 
\v 5 Tɑfiiti mɑɣɑsɑɣɑ ɩ tɑɑ kɛ́ sɩ: Mɑ pǝyɑlʋ Sɑlʋmɔŋ kɛ́ pǝyɑɣɑ, ɩ tɑ nyǝntɑ pʋlʋ. Pǝyele pǝ wɛɛ sɩ pɑ́ ŋmɑ́ Ɩsɔ tǝsɛɛlɛ ntɛɣɛ nɑ tǝ tɑɑ wɛɛnɑ sɑɑlɑ kɛ́ tɛtʋ tǝnɑ tɑɑ. Mpʋ tɔ, mɑɑ tɑɣɑnɩ mpi pǝ wɛɛ sɩ pɑɑ lɑnɑ tɔ. Pǝ tɔɔ kɛ́ ɩ tɑɣɑnɑ wontunɑɑ pɑɣɑlɛ nɑ pǝ́cɔ́ ɩ́ sɩ́.
\s1 Tɑfiiti tʋ Sɑlʋmɔŋ sɩ ɩ́ ŋmɑ́ Ɩsɔ tǝsɛɛlɛ
\p
\v 6 Ḿpʋ́ɣʋ́ Tɑfiiti yɑɑ ɩ pǝyɑlʋ Sɑlʋmɔŋ nɑ ɩ́ tʋ-ɩ sɩ ɩ́ ŋmɑ́ Ɩsɛɣɛlɩ Ɩsɔ Tɑcɑɑ kɛ ɩ tǝsɛɛlɛ. 
\v 7 Nɑ ɩ́ heeli-ɩ sɩ: Mɑ pu, mɑɑ tʋwɑ mɑ tɑɑ kɛ́ sɩ mɑɑ ŋmɑ́ Ɩsɔ Tɑcɑɑ kɛ timpi pɑɑ sɛɛ-ɩ tɔ. 
\v 8 Amɑ Ɩsɔ cɔ-m sɩ mɑ sulɑ yǝlɑɑ kʋɣʋ kɛ yoou tɑɑ. Pǝ tɔɔ kɛ́ pǝ fɛɩ sɩ mɑ́ ŋmɑ́-ɩ timpi pɑɑ sɛɛkɩ-ɩ tɔ. 
\v 9 Mɑ pǝyɑɣɑ kʋlʋlɑɣɑ kɑɑ wɛɛ yoolu ɩsɩɩ mɑ́. Kɑɑ lɑ hɛɛsʋɣʋ tʋ kɛ́. Ɩsɔ mɑ́ mɑ kɑɑ yele nɑ mɑ pǝyɑlʋ kolontunɑɑ mpɑ pɑ cɔɔnɑ-ɩ tɔ pɑ́ yoonɑ-ɩ. Hɑlɩ ɩ hǝtɛ ntɛ́ Sɑlʋmɔŋ. Pǝ nyʋɣʋ ntɛ́ sɩ hɛɛsʋɣʋ tʋ. Mɑɑ yele kɛ́ nɑ Ɩsɛɣɛlɩ nyǝ́mɑ hɛɛsɩ nɑ pɑ́ cɑɣɑnɑ pɑ tǝɣɩ ɩ kɑwulɑɣɑ wɑɑtʋ tǝnɑ tɑɑ. 
\v 10 Ɩnɩ ɩ kɑ ŋmɑnɑ-m timpi pɑɑ sɛɛkɩ-m tɔ. Mɑɑ nyǝnǝɣɩ-ɩ mɑ pǝyɑlʋ, nɑ ɩ́lɛ́ ɩ́ nyǝnǝɣɩ mɑɣɑ ɩ cɑɑ. Mɑɑ yele nɑ ɩ kɑwulɑɣɑ lɑ toŋ kɛ Ɩsɛɣɛlɩ kɛ tɑm tɔɔ. 
\v 11 Ntɛnɑ Tɑfiiti tɑsɑ sɩ: Mɑ pu, nyɑ́ Ɩsɔ Tɑcɑɑ ɩ́ sǝnɑ-ŋ nɑ ń pǝsɩ nɑ ń ŋmɑ́-ɩ timpi pɑɑ sɛɛ-ɩ tɔ. Ɩsɩɩ ɩ yɔɣɔtʋɣʋ nyɑ́ tɔɔ tɔ. 
\v 12 Ɩ́ tʋ-ŋ lɑɣɑtʋ nɑ ń cɛkǝnɑ kʋpɑntʋ nɑ ɩsɑɣɑtʋ kɛ wɑɑtʋ wei ɩ kɑ tʋ Ɩsɛɣɛlɩ nyǝ́mɑ kɛ nyɑ́ niŋ tɑɑ tɔ. Ɩlɛnɑ ń pǝsɩ nɑ ń tɔkɩ ɩ kiiu. 
\v 13 Ye n tɔkǝɣɩ kʋsǝsɩɩtʋ nɑ kʋtʋtʋtʋ nti ɩ hʋlɑ Moisi nɑ ɩ cɛlɑ Ɩsɛɣɛlɩ nyǝ́mɑ tɔ nɑ ń lɑkɩ-tɩ, n kɑ́ wɑɑ pǝ tǝnɑ pǝ tɑɑ. Tɔɣɔ ɑpɑlʋtʋ nɑ ń nyɔɔ toŋ, tɑɑ nyɑnɑ pʋlʋ, pǝ́cɔ́ tɑɑ sele. 
\v 14 Mɑ kɑɑsɑ mɑ tɩ nɑ mɑ́ kɑɑ wʋlɑnɑɑ mpɑɣɑ Tɑcɑɑ tǝsɛɛlɛ ŋmɑʋ tɔɔ tɔ, pɑ tɛɛ tɔɔnǝnɑɑ iyisi tooso (3000). Liɣitee nyǝɣǝtʋ nɑ́ tɛɛ tɔɔnǝnɑɑ iyisi hiu nɑ nɑɑnʋwɑ (30000). Nɑ pǝ́ kɑɑsɩ nyǝɣǝlʋɣʋ kʋsɛɛmʋɣʋ nɑ nyǝɣǝlʋɣʋ mɑɣɑmɑɣɑ kɛ tuutuumɑ. Mɑ tɛmɑ kpeŋkpelɑsɩ nɑ pɛɛ kɛ tɑɣɑnʋɣʋ nɑ mɑ́ sɩɩ. N pǝsǝɣɩ nɑ ń sɔɔsɩ pǝ tɔɔ tɔtɔ. 
\v 15 N kɑ wɛɛnɑ tǝmɑ lɑtɑɑ pɑɣɑlɛ, pɑɑ ŋmɑlɑɑ nɑ sɑɑkǝlɑɑ nɑ niŋ tǝmɑ lɑtɑɑ lɛlɑɑ. 
\v 16 N wɛnɑ wʋlɑnɑɑ nɑ liɣitee nyǝɣǝtʋ nɑ nyǝɣǝlʋɣʋ kʋsɛɛmʋɣʋ nɑ nyǝɣǝlʋɣʋ mɑɣɑmɑɣɑ kɛ tuutuumɑ. Ɩlɛ sʋʋ nyɑ́ tǝmlɛ tɑɑ. Tɑcɑɑ ɩ́ wɛɛ nyɑ́ wɑɑlɩ.
\p
\v 17 Pǝlɛ pǝ wɑɑlɩ kɛ́ Tɑfiiti tʋwɑ Ɩsɛɣɛlɩ nyʋɣʋ nyǝ́mɑ tǝnɑ sɩ pɑ́ kɔɔ pɑ́ sǝnɑ ɩ pǝyɑlʋ Sɑlʋmɔŋ. 
\v 18 Nɑ ɩ́ tɔ sɩ: Tɑcɑɑ mǝ Ɩsɔ wɛ mǝ wɑɑlɩ kɛ́, nɑ ɩ́ yele nɑ tɛtʋ tǝnɑ cɑɣɑ tǝpɑmm kɛ hɑtoo wɑɑtʋ wei ɩ tʋ tǝ yǝlɑɑ kɑncɑɑlɑɣɑ nyǝ́mɑ kɛ mɑ niŋ tɑɑ tɔ. Mpɛ pɑ pǝsǝnɑ ntɛɣɛ Tɑcɑɑ nɑ ɩ yǝlɑɑ pɑ tǝmlɛ nyǝ́mɑ. 
\v 19 Mpʋ tɔ, ɩ́ sɛɛsɩ ɩsǝlɛ nɑ lotu kʋlʋmtʋ nɑ ɩ́ pɛɛkɩ Tɑcɑɑ mǝ Ɩsɔ nɑ ɩ́ ŋmɑ́-ɩ timpi pɑɑ sɛɛ-ɩ tɔ, nɑ ɩ́ sɩɩ ɩ ɑtɑkɑɑ nɑ wontu kɑtɛ nyǝntʋ kɛ tǝnɑ.
\c 23
\s1 Lefii nyǝ́mɑ tǝmɑ
\p
\v 1 Tɑfiiti kpɑtǝlɑ teu, ɩlɛnɑ ɩ́ kpɑ ɩ pǝyɑlʋ Sɑlʋmɔŋ kɛ Ɩsɛɣɛlɩ wulɑʋ. 
\v 2 Nɑ ɩ́ koti Ɩsɛɣɛlɩ nyʋɣʋ nyǝ́mɑ tǝnɑ nɑ kɔtǝlɑɑ nɑ Lefii nyǝ́mɑ.
\p
\v 3 Ḿpʋ́ɣʋ́ pɑ kɑlɑ Lefii nyǝ́mɑ ɑpɑlɑɑ mpɑ pɑ pɩɩsɩ wɛ hiu nɑ nɑɑnʋwɑ nɑ wɑɑlɩ tɔ. Pɑ wɛ yǝlɑɑ iyisi pǝlefɛɩ nɩɩlɛ (38000). 
\v 4 Ɩlɛnɑ Tɑfiiti lǝsɩ pɑ tɑɑ kɛ́ yǝlɑɑ iyisi hiu nɑ liɣiti (24000) sɩ pɑ́ feŋiɣi Ɩsɔ tǝsɛɛlɛ ŋmɑʋ nɑ yǝlɑɑ iyisi nɑɑtoso (6000) kɛ nyʋɣʋ nyǝ́mɑ nɑ tɔm hʋʋlɑɑ. 
\v 5 Yǝlɑɑ iyisi liɣiti (4000) kɛ́ nɔnɔɔsɩ tɑŋlɑɑ. Yǝlɑɑ iyisi liɣiti (4000) nɑ́ɑ́ sɑŋ Ɩsɔ nɑ cǝmǝŋ wei Tɑfiiti yelɑɑ nɑ pɑ́ lu tɔ. 
\v 6 Ɩlɛnɑ pɑ́ fɑɣɑ Lefii nyǝ́mɑ kɛ kpekɑ nɑ pǝ́ kɛɛsǝnɑ pɑ lʋlʋŋ nyʋɣʋ nyǝ́mɑ, ɩsɩɩ Lefii pǝyɑlɑɑ Kɛɛsɔŋ nɑ Kehɑtɩ nɑ Melɑli.
\p
\v 7 Kɛɛsɔŋ piyɑ ntɛ́ Lɑtɑŋ nɑ Simeyi. 
\v 8 Lɑtɑŋ nɑ́ lʋlɑ piyɑ tooso kɛ́. Yehiyɛlɩ nɑ Setɑm nɑ Sowɛɛlɩ. 
\v 9 Simeyi kɛ piyɑ tooso, Selomitɩ nɑ Hɑsiyɛlɩ nɑ Hɑlɑŋ. Lɑtɑŋ pǝyɑlɑɑ lʋlʋŋ nyɔɔŋ nyǝ́mɑ ntɛ́. 
\v 10 Simeyi ɩ́lɛ́ ɩ piyɑ wɛ liɣiti tɔtɔ, Yɑhɑtɩ, nɑ Sisɑ nɑ Yewusi nɑ Peliyɑ. 
\v 11 Yɑhɑtɩ kɛlɛ kɑncɑɑlɑɣɑ nyǝŋ, nɑ Sisɑ kɛ nɑɑlɛ nyǝŋ. Yewusi nɑ Peliyɑ pɑ tɑ hiki piyɑ kɛ sɔsɔm. Ɩlɛnɑ pɑ́ kpɛntɩ-wɛ ɩsɩɩ lʋlʋɣʋ kʋlʋmʋɣʋ.
\p
\v 12 Kehɑtɩ lʋlɑ piyɑ liɣiti kɛ́. Amǝlɑm nɑ Ɩsɑɑ nɑ Hepǝlɔŋ nɑ Wusiyɛlɩ. 
\v 13 Amǝlɑm piyɑ ntɛ́ Alɔŋ nɑ Moisi. Ḿpʋ́ɣʋ́ pɑ lǝsɑ Alɔŋ nɑ ɩ lʋlʋɣʋ nyǝ́mɑ kɛ tɑm tɔɔ sɩ pɑ tike pɑ́ pɑɑsǝnɑ kɑtɛ tɑɑ kɑtɛ tǝcɑɣɑlɛ nɑ pɑ́ lɑkɩ Tɑcɑɑ kɛ tulɑɑlʋnɑɑ kɔtɑsɩ nɑ ɩ tǝmlɛ nɑ pɑ́ kooliɣi yǝlɑɑ kɛ nɔɔsɩ kʋpɑŋsɩ nɑ Tɑcɑɑ hǝtɛ tɑɑ. 
\v 14 Moisi kɛ́ Ɩsɔ yʋlʋ kɛ́, pɑɑ nɑ mpʋ ɩ piyɑ wɛ Lefii lʋlʋɣʋ nyǝ́mɑ tɑɑ kɛ́ ɩsɩɩ yǝlɑɑ kɛ yem. 
\v 15 Ɩ pǝyɑlɑɑ ntɛ́ Kɛɛsɔm nɑ Iliyesɛɛ. 
\v 16 Kɛɛsɔm pǝyɑlʋ kɛlɛ Sepuwɛlɩ. 
\v 17 Pǝyɑɣɑ kʋlʋmɑɣɑ kɛ Iliyesɛɛ lʋlɑɑ ɩ tɑ tɑsɑ nɑkǝlɩ. Pɑ yɑɑ-kɛ sɩ Lehɑpiyɑ. Amɑ Lehɑpiyɑ pǝyɑlɑɑ wɛnnɑ pɑɣɑlɛ. 
\v 18 Ɩsɑɑ pǝyɑɣɑ ntɛ́ Selomitɩ. 
\v 19 Hepǝlɔŋ pǝyɑlʋ kɑncɑɑlɑɣɑ nyǝŋ ntɛ́ Yeliyɑ. Nɑɑlɛ nyǝŋ ntɛ́ Amɑliyɑ, tooso nyǝŋ ntɛ́ Yɑsiyɛlɩ, nɑ liɣiti nyǝŋ kɛ Yekɑmɑm. 
\v 20 Usiyɛlɩ pǝyɑɣɑ kɑncɑɑlɑɣɑ nyǝŋkɑ ntɛ́ Mikɑ, nɑ nɑɑlɛ nyǝŋkɑ kɛ Isiyɑ.
\p
\v 21 Melɑli piyɑ ntɛ́ Mɑlii nɑ Musi. Ɩlɛnɑ Mɑlii nɑ́ɑ́ lʋlɩ piyɑ nɑɑlɛ, Ɩlɑsɑɑ nɑ Kisi. 
\v 22 Ḿpʋ́ɣʋ́ Ɩlɑsɑɑ nɑ́ sǝpɑ ɩ tɑ hiki ɑpɑlʋpǝyɑɣɑ. Alʋpiyɑ tike kɛ ɩ hikɑɑ. Ɩlɛnɑ ɩ cɑɑ newɑɑ pǝyɑlɑɑ nɑ́ɑ́ kpɑɣɑ-wɛ. 
\v 23 Piyɑ toosoɣo Musi nɑ Lʋlɑɑ. Mpɛɣɛlɛ Mɑlii nɑ Ɩtɛɛ nɑ Yelemɔtɩ.
\p
\v 24 Lefii lʋlʋɣʋ nyǝ́mɑ ntɛ́ nɑ mpɛɣɛlɛ pɑ nyɔɔŋ nyǝ́mɑ nɑ pǝ́ kɛɛsǝnɑ ɩsǝnɑ pɑ tʋ pɑ hǝlɑ kɛ kʋkɑlʋɣʋ tɑkǝlɑɣɑ tɑɑ tɔ. Pɑ pɩɩsɩ tɑkɩ hiu hiu tɔɣɔ pɑ cɑɑlǝɣɩ Tɑcɑɑ tǝmlɛ kɛ Ɩsɔ tǝsɛɛlɛ tɑɑ. 
\v 25 Tɑfiiti kɑ yɔɣɔtɑ mpʋ sɩ Ɩsɛɣɛlɩ Ɩsɔ Tɑcɑɑ yelɑɑ nɑ yǝlɑɑ hɛɛsɩ nɑ ɩ mɑɣɑmɑɣɑ ɩ wɛ Yosɑlɛm tɑɑ kɛ́ tɑm. 
\v 26 Ɩlɛ Lefii nyǝ́mɑ kɑɑ tɑsɑ Ɩsɔ cokǝle nɑ ɩsɔ sɛɛʋ wontu tǝnɑɣɑ lonɑ lɑɣɑsʋɣʋ. 
\v 27 Ɩlɛnɑ pɑ́ ŋmɑɑkɩ pɑ hǝlɑ kɛ wɑɑtʋ wei pɑ tɑkɩ pɩɩsɩ hiu hiu tɔ. Ɩsɩɩ Tɑfiiti kɑ sɩɩʋ tɔ. 
\v 28 Nɑ Alɔŋ lʋlʋɣʋ nyǝ́mɑ nɑ́ɑ́ tʋɣʋ-wɛɣɛ tǝmlɛ kɛ Ɩsɔ tǝsɛɛlɛ tɑɑ nɑ pǝ pɑtǝmɑ tɑɑ nɑ pɑ́ tɑɣɑnǝɣɩ kɔtɑɣɑ wontu nɑ pɑ́ lɑkɩ pǝ ɩsɔ sɛɛʋ tǝmɑ lɛnnɑ. 
\v 29 Ɩsɩɩ Ɩsɔ potopotonɑɑ tʋɣʋ, nɑ kʋtɔɣɔʋ ŋku pɑ lɑkɩ kɔtɑɣɑ tɔ pǝ mʋlʋm mpi pɑ tʋɣɩ kʋkʋsʋm fɛɩ kɑkɑlɑsɩ nɑ kɑkɑlɑsɩ nsi pɑ tʋɣɩ nim tɑɑ tɔ, nɑ tinte pǝ mʋlʋm tɑɣɑnʋɣʋ. Nɑ pɑ́ feŋiɣi sɑnǝyɑnɑɑ nɑ mɑɣɑsǝlɑsɩ pǝ tɔɔ. 
\v 30 Pǝ wɛɛ sɩ yonyoolɑɑ ɩ́ wɛɛ tɑm kɛ́ tɑnɑŋ nɑ tɑɑnɑɣɑ, nɑ pɑ́ sɑŋ Tɑcɑɑ nɑ pɑ́ kʋsɩ ɩ nyʋɣʋ. 
\v 31 Nɑ kɔtǝlɑɑ lɑkɩ-ɩ kɔtɑsɩ nsi kɔkɔ lusɑ sɩ tǝnɑ tɔɣɔ kʋyɑkʋ kʋhɛɛsʋɣʋ wule, nɑ ɩsɔtʋ kʋyɑkʋ kɑncɑɑlɑɣɑ nyǝŋkʋ, nɑ ɑcimɑ lɛnnɑ wule. Ḿpʋ́ɣʋ́ Lefii nyǝ́mɑ kɑ́ lɑkɩ pɑ tǝmɑ kɛ tɑm kɛ́ Tɑcɑɑ ɩsɛntɑɑ ɩsɩɩ pɑ tʋ-wɛ tɔ. 
\v 32 Pɑɑ pɑɑsǝnɑ Ɩsɔ cokǝle nɑ kɑtɛ tɑɑ kɑtɛ nɑŋ. Ɩlɛnɑ pɑ tɛɛtʋnɑɑ Alɔŋ pǝyɑlɑɑ nɑ́ɑ́ lɑkɩ Ɩsɔ tǝyɑɣɑ tɑɑ tǝmɑ.
\c 24
\s1 Kɔtǝlɑɑ kpekɑ
\p
\v 1 Ḿpʋ́ɣʋ́ pɑ fɑɣɑ Alɔŋ lʋlʋɣʋ nyǝ́mɑ kɛ kpekɑ kpekɑ. Piyɑ liɣiti kɛ́ ɩ kɑ lʋlɑɑ. Mpɛɣɛlɛ Nɑtɑpɩ, nɑ Apihu, nɑ Ɩlɑsɑɑ, nɑ Ɩtɑmɑɑ. 
\v 2 Amɑ sǝm kɔɔlɑ Nɑtɑpɩ nɑ Apihu nɑ pɑ́ yele pɑ cɑɑ. Pǝ́cɔ́ pɑ fɛɩnɑ pǝyɑlɑɑ. Pǝ tɔɔ kɛ́ pǝ yelɑ Ɩlɑsɑɑ nɑ Ɩtɑmɑɑ pɑ́ tike nɑ pɑ lɑkɩ kɔtʋɣʋ tǝmlɛ. 
\v 3 Pǝlɛ pǝ wɑɑlɩ kɛ́ Tɑfiiti nɑ Ɩlɑsɑɑ lʋlʋɣʋ tʋ Sɑtɔkɩ, nɑ Ɩtɑmɑɑ lʋlʋɣʋ tʋ Ahimelɛkɩ, pɑ fɑɣɑ kɔtǝlɑɑ kɛ kpekɑ nɑ pǝ́ kɛɛsǝnɑ pɑ tǝmɑ. 
\v 4 Ɩlɛnɑ pɑ́ nɑ́ sɩ Ɩlɑsɑɑ nyǝ́mɑ kǝlɑ pɑɣɑlɛ kɛ Ɩtɑmɑɑ nyǝ́mɑ. Pǝ tɔɔ kɛ́ pɑ fɑɣɑ Ɩlɑsɑɑ nyǝ́mɑ kɛ lʋlʋŋ kpekɑ nɑɑnʋwɑ nɑ nɑɑtoso, nɑ Ɩtɑmɑɑ nyǝ́mɑ kɛ kpekɑ pǝlefɛɩ nɑɑnʋwɑ nɑ pɑ nyʋɣʋ nyǝ́mɑ. 
\v 5 Tɛtɛ kɛ́ pɑ tɔwɑ nɑ pɑ́ kpɑnɑ kɔtǝlɑɑ nɑ Ɩsɔ tǝsɛɛlɛ tǝmlɛ lɑtɑɑ kɛ Ɩlɑsɑɑ nɑ Ɩtɑmɑɑ pɑ lʋlʋŋ tɑɑ.
\p
\v 6 Ḿpʋ́ɣʋ́ Lefii kpekǝle tʋ Semɑyɑ pǝyɑlʋ Netɑneyɛlɩ wei ɩ kɛ́ tɑkǝlɑsɩ ŋmɑɑlʋ tɔ, ɩ ŋmɑɑ pɑ hǝlɑ kɛ wulɑʋ nɑ nyʋɣʋ nyǝ́mɑ, nɑ kɔtʋlʋ Sɑtɔkɩ nɑ Apiyɑtɑɑ pǝyɑlʋ Ahimelɛkɩ nɑ kɔtǝlɑɑ nɑ Lefii lʋlʋɣʋ nyʋɣʋ nyǝ́mɑ pɑ ɩsɛntɑɑ. Tɔm nɑɑlɛ nɑɑlɛɣɛ pɑ tɔ tɛtɛ kɛ́ Ɩlɑsɑɑ lʋlʋɣʋ nyǝ́mɑ tɔɔ, nɑ Ɩtɑmɑɑ lʋlʋɣʋ nyǝ́mɑ tɔɔ kɛ́ tɔm kʋlʋm kʋlʋm. 
\v 7-18 Kpekɑ nyʋɣʋ nyǝ́mɑ mpɑ pɑ tɔ tɛtɛ nɑ pɑ́ kpɑ tɔ pɑ hǝlɑ ntɔ:
\m 1. Yoyɑlipɩ
\m 2. Yetɑyɑ
\m 3. Hɑlim
\m 4. Sewolim
\m 5. Mɑlǝkiyɑ
\m 6. Miyɑmɛŋ
\m 7. Hɑkɔɔsɩ
\m 8. Apiyɑ
\m 9. Yesuwɑ
\m 10. Sekɑniyɑ
\m 11. Ɩliyɑsipɩ
\m 12. Yɑkim
\m 13. Hupɑ
\m 14. Yesepɑpɩ
\m 15. Pilǝkɑ
\m 16. Ɩmɛɛ
\m 17. Hesii
\m 18. Hɑpisɛsɩ
\m 19. Petɑhiyɑ
\m 20. Ɩsekiyɛɛlɩ
\m 21. Yɑkɛŋ
\m 22. Kɑmuli
\m 23. Telɑyɑ
\m 24. Mɑɑsiyɑ
\p
\v 19 Ɩsǝnɑ pɑ pɩɩlɑ kpekɑ yǝlɑɑ kɛ pɑ tǝmlɛ tɔɔ tɔɣɔlɛ, sɩ pɑ́ tǝŋ pɑ cɑɑ Alɔŋ kʋsǝsɩɩtʋ nɑ pɑ́ kɛɛsǝnɑ ɩsǝnɑ Ɩsɛɣɛlɩ Ɩsɔ Tɑcɑɑ kɑ sɩɩ-ɩ tɔ, nɑ pɑ́ sʋʋ Ɩsɔ tǝsɛɛlɛ tɑɑ kɛ́ tǝmlɛ lɑpʋ.
\s1 Lefii nyǝ́mɑ lɛlɑɑ hǝlɑ
\p
\v 20 Lefii nyǝ́mɑ lɛlɑɑ nyʋɣʋ nyǝ́mɑ hǝlɑ ntɔ cǝnɛ.
\p Amǝlɑm lʋlʋɣʋ nyǝ́mɑ ntɛ́ nɑ Supɑyɛlɩ. Supɑyɛlɩ nyǝ́mɑ ntɛ́ nɑ Yetiyɑ. 
\v 21 Lehɑpiyɑ nyǝ́mɑ tɑɑ kɑncɑɑlɑɣɑ tʋ ntɛ́ Isiyɑ. 
\v 22 Ɩsɑɑ lʋlʋɣʋ nyǝ́mɑ ntɛ́ nɑ Selomɔtɩ, Selomɔtɩ nyǝ́mɑ ntɛ́ nɑ Yɑhɑtɩ. 
\v 23 Hepǝlɔŋ pǝyɑlʋ kɑncɑɑlɑɣɑ nyǝŋ ntɛ́ Yeliyɑ, nɑɑlɛ nyǝŋ kɛ Amɑliyɑ, nɑ tooso nyǝŋ kɛ Yɑsiyɛlɩ, nɑ liɣiti nyǝŋ kɛ Yekɑmɑm. 
\v 24 Usiyɛlɩ pǝyɑlʋ kɛlɛ Mikɑ. Mikɑ lʋlʋɣʋ tɑɑ tʋ ntɛ́ Sɑmii. 
\v 25 Mikɑ ɩnɩ ɩ neu Ɩsiyɑ lʋlʋɣʋ tɑɑ tʋ ntɛ́ Sɑkɑlɩ. 
\v 26 Melɑli pǝyɑlɑɑ ntɛ́ Mɑlii, nɑ Musi, nɑ Yɑsiyɑ. 
\v 27 Melɑli lʋlʋɣʋ nyǝ́mɑ mpɑ ɩ pǝyɑlʋ Yɑsiyɑ lʋlɑɑ tɔɣɔlɛ Sohɑm, nɑ Sɑkuu nɑ Ɩpili. 
\v 28-29 Mɑlii pǝyɑlɑɑ kɑ wɛ nɑɑlɛɣɛ, Ɩlɑsɑɑ nɑ Kisi. Amɑ Ɩlɑsɑɑ nɑ́ fɛɩnɑ pǝyɑlʋ. Kisi pǝyɑlʋ kɛlɛ Yelɑmeyɛlɩ. 
\v 30 Musi pǝyɑlɑɑ ntɛ́ Mɑlii nɑ Ɩtɛɛ nɑ Yelimɔtɩ.
\p Lefii lʋlʋŋ nyǝ́mɑ ntɛ́. 
\v 31 Alɔŋ lʋlʋɣʋ nyǝ́mɑ kɑ tɔnɑ tɛtɛ nɑ pɑ́ kpɑ pɛlɛ tɔtɔɣɔ wulɑʋ Tɑfiiti nɑ Sɑtɔkɩ nɑ Ahimelɛkɩ nɑ kɔtǝlɑɑ nyʋɣʋ nyǝ́mɑ pɑ kiŋ. Nɑ pɑ́ lɑ́ ḿpʋ́ɣʋ́ tɑɑlʋnɑɑ nɑ newɑɑ.
\c 25
\s1 Yonyoolɑɑ kpekɑ
\p
\v 1 Ḿpʋ́ɣʋ́ Tɑfiiti nɑ Ɩsɔ sɛɛʋ kpekɑ nyʋɣʋ nyǝ́mɑ, pɑ kpɑ Asɑfɩ, nɑ Hemɑŋ, nɑ Yetutuŋ, pɑ lʋlʋŋ nyǝ́mɑ nɑ pɑ mpɑɑ sɩ, pɑ́ yoo Ɩsɔ Tɔm yontu nɑ sɑŋkʋnɑɑ, nɑ cǝmǝŋ, nɑ kpɛŋkpɛŋnɑɑ. Tǝmlɛ ńtɛ́ tǝ lɑtɑɑ hǝlɑ ntɛ́:
\p
\v 2 Asɑfɩ wei ɩ yookɑɣɑ Ɩsɔ Tɔm yontu ɩsɩɩ wulɑʋ kɑ heeluɣu-ɩ tɔ. Ɩnɩ ɩ pɑɑsɑɣɑnɑ ɩ pǝyɑlɑɑ Sɑkuu, nɑ Yosɛɛfʋ, nɑ Netɑniyɑ, nɑ Asɑlelɑ.
\p
\v 3 Yetutuŋ pǝyɑlɑɑ ntɛ́ Ketɑliyɑ, nɑ Seli, nɑ Yesɑyɑ, nɑ Simeyi, nɑ Hɑsɑpiyɑ, nɑ Mɑtitiyɑ. Pɑ nɑɑtoso ɩnɩ, pɑ cɑɑ wei ɩ yookɑɣɑ Ɩsɔ Tɔm nɑ sɑŋkʋ nɑ ɩ sɑŋɩ-ɩ tɔ, ɩnɩ ɩ pɑɑsɑɣɑnɑ-wɛ.
\p
\v 4 Hemɑŋ pǝyɑlɑɑ ntɛ́ Pukiyɑ, nɑ Mɑtɑniyɑ, nɑ Usiyɛlɩ, nɑ Sepuwɛlɩ, nɑ Yelimɔtɩ, nɑ Hɑnɑniyɑ, nɑ Hɑnɑni, nɑ Ɩliyɑtɑ, Kitɑliti, nɑ Lomɑmeti-Ɩsɛɛ, nɑ Yosepekɑsɑ, nɑ Mɑloti, nɑ Hotii, nɑ Mɑhɑsiyɔtɩ. 
\v 5 Hemɑŋ pǝyɑlɑɑ ntɛ́ pɑ tǝnɑɣɑ mpʋ, nɑ ɩnɩ ɩ kɑ kɛnɑ wulɑʋ nɑlʋ nɑ ɩ tɛlǝsǝɣɩ-ɩ Ɩsɔ kʋyɔɣɔtʋtʋ. Apɑlʋpiyɑ nɑɑnʋwɑ nɑ liɣiti nɑ ɑlʋpiyɑ liɣiti kɛ Ɩsɔ hɑwɑ ɑpɑlʋ ɩnɩ sɩ pǝ́ kʋsɩ ɩ nyʋɣʋ.
\p
\v 6 Ɩsɔ tǝsɛɛlɛ tɑɑ kɛ́ mpɛ ɩnɩ pɑ cɑɑnɑɑ Asɑfɩ, nɑ Yetutuŋ, nɑ Hemɑŋ pɑ pɑɑsɑɣɑnɑ-wɛ, nɑ pɑ́ yooki yontu nɑ kpɛŋkpɛŋnɑɑ, nɑ cǝmǝŋ, nɑ sɑŋkʋnɑɑ, ɩsɩɩ wulɑʋ kɑ sɩɩʋ tɔ. 
\v 7 Yonyoolɑɑ sɔsɑɑ mpɛ nɑ pɑ kpekǝle tɑɑ nyǝ́mɑ, mpɑ pɑɑ hʋlɑ Tɑcɑɑ sɑm yontu kɛ mpʋ tɔ, pɑɑ wɛ yǝlɑɑ pǝlefɛɩ ŋmʋnʋɣʋ nɑ nɩɩnɑɑsɑ nɑ nɑɑnʋwɑ (288) kɛ́.
\p
\v 8 Tɛtɛ kɛ́ pɑ tɔwɑ nɑ pɑ́ kpɑ pɑ tǝnɑ. Pɑ tɑ fɑɣɑ ɩfepiyɑ, nɑ ɑkpɑtǝlɑɑ, yɑɑ yonyoolɑɑ nyǝntɑɑ nɑ kpɛlǝmǝlɑɑ.
\p
\v 9-31 Kpekɑ nyɔɔŋ nyǝ́mɑ mpɑ pɑ tɔ tɛtɛ nɑ pɑ́ kpɑ tɔ pɑ hǝlɑ ntɔ:
\m 1. Asɑfɩ pǝyɑlʋ Yosɛɛfʋ
\m 2. Ketɑliyɑ
\m 3. Sɑkuu
\m 4. Ɩsǝli
\m 5. Netɑniyɑ
\m 6. Pukiyɑ
\m 7. Yesɑlelɑ
\m 8. Yesɑyɑ
\m 9. Mɑtɑniyɑ
\m 10. Simeyi
\m 11. Asɑlɛlɩ
\m 12. Hɑsɑpiyɑ
\m 13. Supɑyɛlɩ
\m 14. Mɑtitiyɑ
\m 15. Yelemɔtɩ
\m 16. Hɑnɑniyɑ
\m 17. Yosepekɑsɑ
\m 18. Hɑnɑni
\m 19. Mɑloti
\m 20. Ɩliyɑtɑ
\m 21. Hotii
\m 22. Kitɑliti
\m 23. Mɑhɑsiyɔtɩ
\m 24. Lomɑmeti-Ɩsɛɛ
\p Pɑɑ kpekǝle nyʋɣʋ tʋ wei nɑ ɩ kpekǝle nyʋɣʋ nyǝ́mɑ pɑ wɛ yǝlɑɑ nɑɑnʋwɑ nɑ nɑɑlɛ kɛ́.
\c 26
\s1 Nɔnɔɔsɩ tɑŋlɑɑ kpekɑ
\p
\v 1 Nɔnɔɔsɩ tɑŋlɑɑ kɑ wɛnɑ pɑ kpekɑ kɛ́. Kolee lʋlʋɣʋ tʋ Kolee pǝyɑlʋ Meselemiyɑ, Asɑfɩ sɑɑlɩ 
\v 2 pǝyɑlɑɑ wɛ nɑɑtosompɔɣɔlɑɣɑ. Pɑ hǝlɑ ntɔ ɩsɩɩ pɑ kǝlɑ tǝmɑ tɔ. Sɑkɑlɩ, nɑ Yetiyɑyɛlɩ, nɑ Sepɑtiyɑ, nɑ Yɑtǝniyɛlɩ. 
\v 3 Ɩlɑm, nɑ Yohɑnɑŋ, nɑ Ɩliyohenɑyi.
\p
\v 4 Opɛtɩ-Ɩtɔm nyǝ́mɑ wɛ pǝlefɛɩ nɑɑnʋwɑ. Pɑ hǝlɑ ntɔ, ɩsɩɩ pɑ kǝlɑ tǝmɑ tɔ. Semɑyɑ, nɑ Yosɑpɑtɩ, nɑ Yowɑ nɑ Sɑkɑɑ, nɑ Netɑneyɛlɩ. 
\v 5 Amiyɛlɩ, nɑ Ɩsɑkɑɑ, nɑ Pewulitɑyi. Ɩsɔ kɑ koolɑ Opɛtɩ-Ɩtɔm kɛ kʋpɑntʋ kɛ́. 
\v 6 Ɩ pǝyɑlʋ Semɑyɑ pǝyɑlɑɑ kɑ kɛ́ yoolɑɑ tɑɑ yoolɑɑ kɛ́ pɑ lʋlʋɣʋ tɑɑ kɛ́. Mpi tɔ, pɑɑ kɛ́ kpelikpekɑ nyǝ́mɑ. 
\v 7 Ɩ pǝyɑlɑɑ mpɛɣɛlɛ Otini, nɑ Lefɑyɛlɩ, nɑ Opɛtɩ, nɑ Ɩlǝsɑpɑtɩ, nɑ pǝ́ sɔɔsǝnɑ pɑ newɑɑ Ɩlihu nɑ Semɑkiyɑ, pɑɑ kɛ́ yoolɑɑ tɑɑ yoolɑɑ kɛ́. 
\v 8 Opɛtɩ-Ɩtɔm ɩnɩ ɩ lʋlʋɣʋ nyǝ́mɑ nɑ pɑ pǝyɑlɑɑ mɑɣɑmɑɣɑ nɑ pɑ lʋlʋɣʋ nyǝ́mɑ lɛlɑɑ kɑ kɛ́ yoolɑɑ tɑɑ yoolɑɑ kɛ́. Pɑ tǝnɑ pɑɑ wɛ yǝlɑɑ nɩɩtoso nɑ nɑɑlɛ.
\p
\v 9 Meselemiyɑ pǝyɑlɑɑ nɑ ɩ newɑɑ kpekǝle nyǝ́mɑ kɑ kɛ yoolɑɑ tɑɑ yoolɑɑ kɛ pǝle fɛɩ hiu kɛ́.
\p
\v 10-11 Melɑli lʋlʋɣʋ tʋ Hosɑ pǝyɑlɑɑ ntɛ́ liɣiti, ɩsɩɩ pɑ kǝlɑ tǝmɑ tɔ, pɑ tɑɑ sɔsɔ ntɛ́ Simili, nɑ Hilikiyɑ, nɑ Tepɑliyɑ, nɑ Sɑkɑlɩ. Pɑɑ nɑ Simili tɑɑ kɛ́ kɑncɑɑlɑɣɑ pǝyɑɣɑ tɔ, ɩ cɑɑ kɑ hɑnɑ-ɩ lonte ńtɛ́. Hosɑ pǝyɑlɑɑ nɑ ɩ newɑɑ pɑ kpekǝle tǝnɑ wɛ yǝlɑɑ nɑɑnʋwɑ nɑ tooso.
\p
\v 12 Kpekɑ ɑnɩ ɑ nɔnɔɔsɩ tɑŋlɑɑ nyɔɔŋ nyǝ́mɑ, nɑ ɑ yǝlɑɑ pɑ lɑkɑɣɑ pɑ tǝmlɛ kɛ Ɩsɔ tǝsɛɛlɛ tɑɑ kɛ́. 
\v 13 Ḿpʋ́ɣʋ́ sɔsɑɑ nɑ ɩfepiyɑ pɑ tɔ tɛtɛ nɑ pɑ́ tɑlɑ nɔnɔɔsɩ kʋtɑŋɑsɩ kɛ teitei nɑ pɑ́ kɛɛsǝnɑ pɑ lʋlʋŋ, pɑ tɑ fɑɣɑsɩ nɔɣɔlʋ.
\p
\v 14 Pɑ mɑɣɑsɑ mpʋ ɩlɛnɑ pǝ́ kpɑ Selemiyɑ nɑ ɩ́ cɑɣɑ ilim tǝlɩɩlɛ tɔɔ nɔnɔɣɔ. Nɑ pɑ́ sɩɩ ɩ pǝyɑlʋ Sɑkɑlɩ wei ɩ kɛ́ lɑɣɑtʋ tɑsʋlʋ kʋpɑŋ tɔɣɔ ilim ntɔɣɔŋ tɔɔ nyǝŋkɑ. 
\v 15 Ɩlɛnɑ pɑ́ sɩɩ Opɛtɩ-Ɩtɔm kɛ ilim mpǝtǝŋ tɔɔ nyǝŋkɑ. Nɑ ɩ pǝyɑlɑɑ nɑ́ɑ́ feŋiɣi wontu tǝsɩɩlɛ kutuluŋ. 
\v 16 Supim nɑ Hosɑ pɑ tɑŋǝɣǝnɑ ilim tǝtʋlɛ nɔnɔɣɔ ŋkɑ pɑ yɑɑ sɩ, Sɑlekɛtɩ tɔ. Mpɑɑʋ kʋkpɑkpɑʋ tɑɑ kɛ́ kɛlɛ kɑ wɛɛ.
\p Ɩsǝnɑ pɑɑ fɑɣɑ kpekɑ wenɑ ɑ tɑŋɑɣɑ nɔnɔɔsɩ tɔɣɔlɔ: 
\v 17 Lefii nyǝ́mɑ nɑɑtoso nɑ́ tɑŋɑɣɑ ilim tǝlɩɩlɛ nɔnɔɣɔ kɛ pɑɑ kʋyɑkʋ ŋku. Nɑ yǝlɑɑ liɣiti nɑ́ɑ́ tɑŋǝɣɩ pǝ ntɔɣɔŋ tɔɔ nyǝŋkɑ kɛ pɑɑ kʋyɑkʋ ŋku. Nɑ yǝlɑɑ liɣiti nɑ́ɑ́ tɑŋǝɣɩ ilim mpǝtǝŋ tɔɔ nɔnɔɣɔ kɛ pɑɑ kʋyɑkʋ ŋku. Nɑ yǝlɑɑ liɣiti tɔtɔɣɔ wontu tǝsɩɩlɛ kɛ nɑɑlɛ nɑɑlɛ. 
\v 18 Nɑ yǝlɑɑ liɣiti kɛ ilim tǝtʋlɛ tɔɔ kɔŋkɔŋ tɑɑ kutuluɣu kʋsɔɔsʋɣʋ kiŋ kɛ hɑpǝlɛ cɔlɔ. Nɑ nɑɑlɛ nɑ kutuluɣu mɑɣɑmɑɣɑ cɔlɔ.
\p
\v 19 Kolee nɑ Melɑli pɑ lʋlʋŋ tɑɑ tɑŋlɑɑ kpekɑ ntɛ́.
\s1 Lefii nyǝ́mɑ tǝmɑ lɛnnɑ
\p
\v 20 Lefii nyǝ́mɑ lɛlɑɑ pɑɑsɑɣɑnɑ Ɩsɔ tǝsɛɛlɛ kpɑncooŋ, nɑ wontunɑɑ mpɑ pɑ lɑkǝnɑ Ɩsɔ tǝmlɛ tɔ. 
\v 21 Kɛɛsɔŋ lʋlʋɣʋ tʋ Lɑtɑŋ lʋlʋɣʋ nyɔɔŋ nyǝ́mɑ hǝlɑ ntɛ́ Yehiyɛlɩ 
\v 22 nɑ ɩ piyɑ. Ɩlɛnɑ Setɑm nɑ ɩ neu Sowɛɛlɩ, pɑ́ pɑɑsǝɣǝnɑ Ɩsɔ tǝsɛɛlɛ kpɑncooŋ. 
\v 23 Pǝ kɑɑsɑ Amǝlɑm nɑ Ɩsɑɑ nɑ Hepǝlɔŋ nɑ Usiyɛlɩ, pɑ lʋlʋŋ kpekɑ tɑɑ tɔ, 
\v 24 Moisi pǝyɑlʋ Kɛɛsɔm lʋlʋɣʋ tʋ Sepuwɛlɩ kɑ kɛnɑ kpɑncooŋ tɑŋlɑɑ nyʋɣʋ tʋ. 
\v 25 Lʋlʋɣʋ ŋkʋ kʋ tɑɑ kɛ́ Ɩliyesɛɛ wɛɛ. Ɩliyesɛɛ ɩnǝɣǝlɛ Kɛɛsɔm neu pǝyɑlʋ. Ɩliyesɛɛ pǝyɑlʋ Lehɑpiyɑ lʋlǝnɑ Yesɑyɑ, Yesɑyɑ lʋlǝnɑ Yolɑm, nɑ Yolɑm nɑ́ɑ́ lʋlɩ Sikǝli, nɑ Sikǝli nɑ́ɑ́ lʋlɩ Selomitɩ. 
\v 26 Selomitɩ nɑ ɩ newɑɑ pɑ pɑɑsɑɣɑnɑ wontunɑɑ mpɑ pɑ hɑwɑ Ɩsɔ tɔ. Pɑɑ wulɑʋ Tɑfiiti nɑ ɩ lʋlʋŋ nyɔɔŋ nyǝ́mɑ nɑ yoolɑɑ iyɑɣɑ (1000) nyʋɣʋ nyǝ́mɑ nɑ nɩɩnʋwɑ (100) nyʋɣʋ nyǝ́mɑ nɑ yoolɑɑ nyʋɣʋ nyǝ́mɑ lɛlɑɑ. 
\v 27 Mpɛ ɩnɩ pɑɑ hɑ Tɑcɑɑ kɛ wontunɑɑ mpɑ pɑ hikɑ yoou tɑɑ tɔɣɔ sɩ pɑ tɑɣɑnǝnɑ Ɩsɔ tǝsɛɛlɛ. 
\v 28 Pǝ tǝnɑ mpi Ɩsɔ kʋyɔɣɔtʋtʋ tɛlǝsʋlʋ Sɑmiyɛɛlɩ nɑ Kisi pǝyɑlʋ Sɑyuli nɑ Nɛɛ pǝyɑlʋ Apǝnɛɛ nɑ Seluyɑ pǝyɑlʋ Sowɑpɩ-wɛ pɑɑ hɑwɑ Ɩsɔ tɔ, Selomitɩ nɑ ɩ newɑɑ pɑ nyǝnɑɣɑnɑ pǝ tɔɔ.
\p
\v 29 Ɩsɑɑ pǝyɑlʋ Keniyɑ nɑ ɩ pǝyɑlɑɑ pɑ pɑɑsɑɣɑnɑ Ɩsɛɣɛlɩ tɛtʋ tɔmnɑɑ nɑ hʋʋlɛ.
\p
\v 30 Hɑsɑpiyɑ nɑ Hepǝlɔŋ lʋlʋɣʋ tɑɑ yǝlɑɑ iyɑɣɑ nɑ nɑsǝtoso nɑ nɩɩnʋwɑ (1700) mpɑ pɑ tǝmɑ wɛ teu nɑ pɑ nyʋɣʋ kʋlɑɑ tɔ, mpɛ pɑ feŋɑɣɑnɑ Ɩsɛɣɛlɩ tɛtʋ nti tɩɩ wɛ Yɑɑtɑnɩ ilim tǝtʋlɛ tɔɔ tɔ, nɑ pɑ́ pɑɑsǝɣǝnɑ tɛtʋ nɑ Ɩsɔ sɛɛʋ pǝ tɔm. 
\v 31 Yeliyɑ kɑ kɛnɑ Hepǝlɔŋ nyǝ́mɑ lʋlʋɣʋ nyʋɣʋ tʋ. Tɑfiiti kɑwulɑɣɑ pǝnɑɣɑ nɩɩlɛ nyǝŋkɑ tɑɑ kɛ́ pɑ tǝŋɑ lʋlʋɣʋ ŋkʋ kʋ loosi, nɑ pɑ́ hiki Kɑlɑɑtɩ tʋ Yɑsɛɛ kɛ ɩ lʋlʋɣʋ nyǝ́mɑ mpɑ pɑ tǝmɑ wɛ teu nɑ pɑ nyɔɔŋ kʋlɑɑ tɔ. 
\v 32 Ḿpʋ́ɣʋ́ Tɑfiiti lǝsɑ lʋlʋɣʋ ŋkʋ kʋ tɑɑ kɛ́ yoolɑɑ tɑɑ yoolɑɑ kɛ iyisi nɑɑlɛ nɑ nɑsǝtoso nɑ nɩɩnʋwɑ (2700) nɑ ɩ́ sɔɔsɩ Yeliyɑ tɔɔ. Pɑ tǝnɑɣɑ mpʋ pɑ kɛ́ lʋlʋŋ nyɔɔŋ nyǝ́mɑ kɛ́ sɩ pɑ pɑɑsǝɣǝnɑ Lupɛŋ nɑ Kɑtɩ kpekɑ nɑ Mɑnɑsee kpekǝle hɔɣɔlʋɣʋ ŋku kʋ wɛnɑ pɔɣɔ wɑɑlɩ tɔɔ tɔ, pɑ tɛtʋ nɑ pǝ Ɩsɔsɛɛlɛ tɔm.
\c 27
\s1 Yoolɑɑ tɑɣɑnʋɣʋ
\p
\v 1 Ɩsɛɣɛlɩ nyǝ́mɑ mpɑ pɑ lɑkɑɣɑ wulɑʋ tǝmlɛ tɔɣɔlɔ. Pɑ tɑɑ kɑ wɛ lʋlʋŋ nyɔɔŋ nyǝ́mɑ, nɑ yoolɑɑ iyɑɣɑ (1000) nyʋɣʋ nyǝ́mɑ, nɑ yoolɑɑ nɩɩnʋwɑ (100) nyʋɣʋ nyǝ́mɑ, nɑ tɛtʋ tɔm pɑɑsǝnlɑɑ. Pɑ tǝmlɛ ntɛ́ yoolɑɑ fɑɣɑʋ nɑ pɑ́ lɑkɩ ɩsɔtʋ ɩsɔtʋ kɛ pǝnɑɣɑ tɑɑ nɑ pɑ́ kɑɑsǝɣɩ tǝmɑ. Pɑɑ kpekǝle nteɣe yǝlɑɑ iyisi hiu nɑ liɣiti (24000). 
\v 2-15 Nyʋɣʋ nyǝ́mɑ mpɑ pɑ pɑɑsɑɣɑnɑ-wɛ tɔ pɑ hǝlɑ ntɔ. Ɩsɔtʋ kɑncɑɑlɑɣɑ nyǝŋ nyǝ́mɑ nyʋɣʋ tʋ ntɛ́ Pɛlɛsɩ lʋlʋɣʋ tʋ Sɑpitiyɛlɩ pǝyɑlʋ Yɑsopɑm. Ɩnɩ ɩ kɑ kɛnɑ ɩ kpekǝle tɑɑ yoolɑɑ sɔsɑɑ nyʋɣʋ tʋ. Ɩsɔtʋ nɑɑlɛ nyǝŋ nyʋɣʋ nyǝ́mɑ ntɛ́ Ahowɑ tʋ Totɑyi nɑ pǝ́ sɔɔsǝnɑ ɩ wɑɑlɩ tʋ Mikǝlɔŋ. Ɩsɔtʋ tooso nyǝŋ nyǝ́mɑ nyʋɣʋ tʋ ntɛ́ kɔtʋlʋ sɔsɔ Yoyɑtɑ pǝyɑlʋ Penɑyɑ. Penɑyɑ ɩnɩ ɩ kɑ kɛ́ yoolɑɑ hiu nɑ nɑɑnʋwɑ kpekǝle tɑɑ lɛlʋ kɛ wɑɑtʋ wei ɩ pǝsɑ nyʋɣʋ tʋ tɔɣɔ. Ɩ pǝyɑlʋ Amisɑpɑtɩ kɑ mʋnɑ ɩ kpekǝle nɑ ɩ́ pɑɑsǝɣǝnɑ. Ɩsɔtʋ liɣiti nyǝŋ nyʋɣʋ nyǝ́mɑ ntɛ́ Sowɑpɩ pǝyɑlʋ Asɑyɛɛlɩ. Pǝlɛ pǝ wɑɑlɩ kɛ́ ɩ pǝyɑlʋ Sepɑtiyɑ. Ɩsɔtʋ kɑkpɑsɩ nyǝŋ nyʋɣʋ tʋ ntɛ́ Ɩsǝlɑ lʋlʋɣʋ tʋ Sɑmutɩ. Ɩsɔtʋ nɑɑtoso nyǝŋ nyʋɣʋ tʋ ntɛ́ Tekʋwɑ tʋ Ɩkɛsɩ pǝyɑlʋ Ɩlɑ. Ɩsɔtʋ nɑɑtosompɔɣɔlɑɣɑ nyǝŋ nyʋɣʋ tʋ ntɛ́ Ɩfǝlɑyim kpekǝle tʋ Helɛsɩ kɛ Pɑlɔŋ. Ɩsɔtʋ pǝlefɛɩ nyǝŋ nyʋɣʋ tʋ ntɛ́ Selɑ lʋlʋɣʋ tʋ Husɑ tʋ Sipikɑyi. Ɩsɔtʋ pɔɣɔlɑɣɑfɛɩ nyǝŋ nyʋɣʋ tʋ ntɛ́ Anɑtɔtɩ tʋ Apiyesɛɛ kɛ Pɛncɑmɛɛ kpekǝle tɑɑ. Ɩsɔtʋ nɑɑnʋwɑ nyǝŋ nyʋɣʋ tʋ ntɛ́ Netofɑ tʋ Mɑlɑyi kɛ Selɑ lʋlʋɣʋ tɑɑ. Ɩsɔtʋ nɑɑnʋwɑ nɑ kʋlʋm nyǝŋ nyʋɣʋ tʋ ntɛ́ Ɩfǝlɑyim kpekǝle tʋ Penɑyɑ kɛ Pelɑtɔŋ. Ɩsɔtʋ nɑɑnʋwɑ nɑ nɑɑlɛ nyǝŋ nyʋɣʋ tʋ ntɛ́ Netofɑ tʋ Helitɑyi kɛ Otiniyɛɛ lʋlʋɣʋ tɑɑ.
\s1 Kpekɑ nyɔɔŋ nyǝ́mɑ
\p
\v 16 Ɩsɛɣɛlɩ kpekɑ nyɔɔŋ nyǝ́mɑ kɑ wɛnɑ pɑ sɔsɑɑ, hɑlɩ pɑ hǝlɑ ntɔ. Lupɛŋ kpekǝle tɑɑ nyǝŋ ntɛ́ Sikǝli pǝyɑlʋ Ɩliyesɛɛ, Simiyɔŋ kpekǝle tɑɑ nyǝŋ ntɛ́ Mɑɑkɑ pǝyɑlʋ Sefɑtiyɑ.
\m
\v 17 Lefii kpekǝle nyǝŋ ntɛ́ Kemuwɛlɩ pǝyɑlʋ Hɑsɑpiyɑ. Alɔŋ lʋlʋɣʋ nyǝ́mɑ nyǝŋ ntɛ́ Sɑtɔkɩ.
\m
\v 18 Yutɑ kpekǝle nyǝŋ ntɛ́ Tɑfiiti tɑɑlʋnɑɑ tɑɑ lɛlʋ Ɩlihu. Ɩsɑkɑɑ nyǝ́mɑ nyǝŋ ntɛ́ Mikɑyɛɛlɩ pǝyɑlʋ Omili.
\m
\v 19 Sɑpulɔŋ nyǝ́mɑ nyǝŋ ntɛ́ Opɑtiyɑ pǝyɑlʋ Ɩsemɑyɑ. Nefǝtɑli nyǝ́mɑ nyǝŋ ntɛ́ Asǝliyɛlɩ pǝyɑlʋ Yelimɔtɩ.
\m
\v 20 Ɩfǝlɑyim nyǝ́mɑ nyǝŋ ntɛ́ Asɑsiyɑ pǝyɑlʋ Osee. Mɑnɑsee kpekǝle hɔɣɔlʋɣʋ ŋku kʋ wɛnɑ ilim tǝtʋlɛ tɔɔ tɔ, kʋlɛ kʋ nyǝŋ ntɛ́ Petɑyɑ pǝyɑlʋ Sowɛɛlɩ.
\m
\v 21 Nɑ hɔɣɔlʋɣʋ ŋku kʋ wɛnnɑ ilim tǝlɩɩlɛ tɔɔ kɛ́ Kɑlɑɑtɩ tɛtʋ tɑɑ tɔ kʋ nyǝŋ ntɛ́ Sɑkɑlɩ pǝyɑlʋ Ɩtoo. Pɛncɑmɛɛ kpekǝle tʋ ntɛ́ Apǝnɛɛ pǝyɑlʋ Yɑsiyɛlɩ.
\m
\v 22 Tɑŋ kpekǝle tʋ ntɛ́ Yeloyɑm pǝyɑlʋ Asɑlɛlɩ.
\p Ɩsɛɣɛlɩ kpekɑ sɔsɑɑ ntɛ́.
\p
\v 23 Tɑfiiti tɑɑ kɑlɑ ɩfepiyɑ mpɑ pɑ wɛnɑ pɩɩsɩ hiu yɑɑ pɑ sɛkɑ mpʋ tɔ. Mpi tɔ, Tɑcɑɑ kɑ tɔmɑɣɑ sɩ ɩ kɑ́ yele nɑ Ɩsɛɣɛlɩ nyǝ́mɑ huki ɩsɩɩ ɩsɔtʋlʋŋɑsɩ. 
\v 24 Seluyɑ pǝyɑlʋ Sowɑpɩ kɑ cɑɑlɑ kʋkɑlʋɣʋ ŋkʋ, ɩlɛ ɩ tɑɑ tɛ-kʋɣʋ. Mpi tɔ, Tɑcɑɑ mʋ-wɛ nɑ pɑ́ɑ́nɑ́ kɛ yɑɑsi ɩnɩ ɩ tɔɔ. Mpʋ pǝ lɑpǝnɑ nɑ pɑ́ tɑ́ tʋ́ Ɩsɛɣɛlɩ nyǝ́mɑ nyʋɣʋ kɛ wulɑʋ Tɑfiiti tǝmɑ tɑkǝlɑɣɑ tɑɑ.
\s1 Tɑfiiti tǝmlɛ nyǝ́mɑ sɔsɑɑ lɛlɑɑ
\p
\v 25 Atǝyɛlɩ pǝyɑlʋ Asǝmɑfɛtɩ kɑ kɛnɑ kɑwulɑɣɑ kpɑncoou tɔɔ nyǝnlʋ.
\p Nɑ Osiyɑsɩ pǝyɑlʋ Sonɑtɑŋ kɛlɛ ɑcɑlɛɛ sɔsɔɔnɑ nɑ sǝkpenɑ nɑ cɑcɑkǝŋ tɛɛ tɔɣɔnɑsɩ tǝsɩɩlɛ nɑ yoolɑɑ tǝtɑŋlɛnɑɑ tɔɣɔnɑsɩ tǝsɩɩlɛ nyǝnlʋ.
\p
\v 26 Kelupɩ pǝyɑlʋ Ɩsǝli kɛlɛ tɛtʋ tɑɑ hɑtɑɑ pɑɑsǝnlɑɑ nyʋɣʋ tʋ.
\p
\v 27 Lɑmɑ tʋ Simeyi kɛlɛ tɩɩŋ wei pɑ yɑɑ sɩ lɛsɛŋ tɔ ɩ pɑɑsǝnlʋ.
\p Sefɑm tʋ Sɑpǝti kɛlɛ lɛsɛŋ tɩɩŋ ɩnɩ ɩ sʋlʋm pɑɑsǝnlʋ.
\p
\v 28 Pɛtɩ-Ketɛɛ tʋ Pɑɑlɩ-Hɑnɑŋ kɛlɛ tɩɩŋ wei pɑ yɑɑ sɩ Olifinɑɑ nɑ Sikomɔɔ tɔ pǝ pɑɑsǝnlʋ. Nɑ Yowɑsɩ kɛlɛ nim tǝsɩɩlɛ pɑɑsǝnlʋ.
\p
\v 29 Sɑlɔŋ tʋ Sitilɑyi kɑ pɑɑsɑɣɑnɑnɑ tǝnɑ nɑɑŋ.
\p Atǝlɑyi pǝyɑlʋ Sɑfɑtɩ kɛlɛ tɛtɛkɑ tɑɑ nɑɑŋ kʋtiikiŋ pɑɑsǝnlʋ.
\p
\v 30 Ɩsǝmɑyɛlɩ tʋ Opilɩ kɛlɛ yooyoonɑɑ pɑsǝnlʋ.
\p Melono tʋ Yetiyɑ kɛlɛ kpɑŋɑsɩ ɑlʋnyǝnsɩ pɑɑsǝnlʋ.
\p
\v 31 Hɑkili tʋ Yɑsisɩ kɛlɛ heeŋ nɑ pǝ́ŋ pǝ pɑɑsǝnlʋ.
\p Yǝlɑɑ mpɑ pɑ pɑɑsɑɣɑnɑ wulɑʋ nyǝmnɑɑ tɔ pɑ hǝlɑ ntɛ́.
\s1 Tɑfiiti cɔlɔ nyǝ́mɑ
\p
\v 32 Tɑfiiti cɑɑ neu Yonɑtɑŋ kɑ kɛ́ yʋlʋ lɑɣɑtʋ kɛ́ nɑ ɩ́ wɛnɑ nyǝm. Ɩnɩ ɩ kɑ kɛnɑ wulɑʋ lɑɣɑtʋ tɑsǝlʋ. Hɑkǝmoni tʋ Yehiyɛlɩ kɛlɛ wulɑʋ piyɑ sɛɣɛsǝlʋ. 
\v 33 Ahitofɛlɩ kɑ kɛ́ wulɑʋ lɑɣɑtʋ tɑsǝlʋ tɔtɔ. Nɑ Alǝkii tʋ Husɑyi kɛlɛ ɩ tɑɑpɑlʋ nɑ ɩ tɑɑ tɔm nyǝntʋ. 
\v 34 Mpɑ pɑ lɛɛtɑ Ahitofɛlɩ lonte tɑɑ tɔɣɔlɛ Penɑyɑ pǝyɑlʋ Yoyɑtɑ nɑ Apiyɑtɑɑ. Sowɑpɩ kɛlɛ wulɑʋ yoolɑɑ tǝnɑ nyʋɣʋ tʋ.
\c 28
\s1 Tɑfiiti hʋlǝɣɩ sɩ Sɑlʋmɔŋ kɑ́ lɛɛtɩ ɩ lonte tɑɑ
\p
\v 1 Ḿpʋ́ɣʋ́ wulɑʋ Tɑfiiti kotɑ Yosɑlɛm kɛ Ɩsɛɣɛlɩ nyʋɣʋ nyǝ́mɑ tǝnɑ. Pɑɑ kpekɑ nyɔɔŋ nyǝ́mɑ nɑ yoolɑɑ tintikɑ iyɑɣɑ (1000) iyɑɣɑ (1000) nyɔɔŋ nyǝ́mɑ, nɑ nɩɩnʋwɑ (100) nɩɩnʋwɑ (100) nyɔɔŋ nyǝ́mɑ nɑ wulɑʋ nɑ ɩ pǝyɑlɑɑ pɑ tɔlɑ nɑ tɑwɑ tɔɔ nyǝnlɑɑ nyɔɔŋ nyǝ́mɑ. Nɑ kɑwulɑɣɑ tǝyɑɣɑ tɑɑ tǝmlɑtɑɑ nyɔɔŋ nyǝ́mɑ. Nɑ yoolɑɑ tɑɑ yoolɑɑ, nɑ mpɑ pɑ nyɔɔŋ kʋlɑɑ tɔ. 
\v 2 Ɩlɛnɑ wulɑʋ kʋlɩ nɑ ɩ́ sǝŋ nɑ ɩ́ tɔ sɩ: Mɑ yǝlɑɑ nɑ mɑ tɑɑpɑlɑɑ mɛ, mɑɑ hʋʋwɑ sɩ mɑɑ ŋmɑ́ Ɩsɔ tǝsɛɛlɛ nɑ mɑ́ sɩɩ Ɩsɔ ɑtɑkɑɑ wei ɩ kɛ́ ɩ nɔɔhɛɛ tǝsɩɩlɛ tɔ. Hɑlɩ mɑ tɩɩ tɛmɑ pǝ tǝnɑɣɑ tɑɣɑnʋɣʋ. 
\v 3 Amɑ Ɩsɔ heelɑ-m sɩ, pǝ tɑɣɑ mɑ́ɑ́ ŋmɑnɑ-ɩ tǝyɑɣɑ ŋkɑ kɑ tɑɑ pɑɑ sɛɛkɩ-ɩ tɔ. Mpi tɔ, mɑ kɛ́ yoolu kɛ́ nɑ mɑ lǝsɑ yǝlɑɑ pɑɣɑlɛ feesiŋ. 
\v 4 Pǝ nɑ pǝ mpʋ tɔ, mɑɣɑ Ɩsɛɣɛlɩ Ɩsɔ lǝsɑ mɑ cɑɑ lʋlʋɣʋ nyǝ́mɑ tɑɑ sɩ mɑ́ nɑ mɑ lʋlʋɣʋ nyǝ́mɑ tǝ tɔkɩ kɑwulɑɣɑ kɛ tɑm kɛ́ Ɩsɛɣɛlɩ tǝnɑ tɔɔ. Yutɑ kɛ ɩ kɑ tʋwɑ ɑwulumpiitu kɛ hɑtoo lɔŋtɑɑ, nɑ ɩ́ lǝsɩ ɩ kpekǝle tɑɑ kɛ́ tɑ́ lʋlʋɣʋ nyǝ́mɑ. Ɩlɛnɑ ɩ́ lǝsɩ mɑɣɑ mɑ cɑɑ tǝyɑɣɑ tɑɑ sɩ mɑ́ lɑ Ɩsɛɣɛlɩ kʋkpɛntʋɣʋ wulɑʋ. 
\v 5 Tɔʋ, nɔɔnɔɔ, ɩlɛ Sɑlʋmɔŋ kɛ ɩ lǝsɑ mɑ piyɑ tuutuumɑ ɩnɛ ɩ tɑɑ sɩ ɩ́ lɛɛtɩ mɑ lonte tɑɑ, nɑ ɩ́ tɔɣɔ Tɑcɑɑ Kɑwulɑɣɑ kɛ Ɩsɛɣɛlɩ nyǝ́mɑ tɔɔ. 
\v 6 Ɩsɔ heelɑ-m tǝfoo sɩ: Nyɑ́ pǝyɑlʋ Sɑlʋmɔŋ kɛ mɑ lǝsɑɑ sɩ ɩ́ ŋmɑ-m Ɩsɔ tǝsɛɛlɛ, nɑ ɩ́ hǝlɩ mɑ tɑɑsɩ tǝnɑ. Ɩ kɑ́ nyǝnǝɣɩ-m ɩ cɑɑ, nɑ mɑɑ nyǝnǝɣɩ-ɩ mɑ pǝyɑlʋ. 
\v 7 Ye ɩ tɔkɑ mɑ kʋsǝsɩɩtʋ nɑ mɑ Kʋtʋtʋtʋ nɑ ɩ́ lɑkɩ-tɩ, ɩsɩɩ mɑ lɑkʋɣʋ sɑŋɑ tɑɑ ɩsǝntɔ tɔ, mɑɑ yele nɑ ɩ kɑwulɑɣɑ wɛɛ tɑm tɔɔ. 
\v 8 Pǝnɛntɛ mɑ tɑɑpɑlɑɑ mɛ, ɩ́ tʋ́ mǝ tǝɣɩ Tɑcɑɑ kʋsǝsɩɩtʋ kpɛlǝmʋɣʋ tɔm tɑɑ, nɑ Ɩsɔ wei ɩ nɩɩkɩ mǝ tɔm tɔ, ɩ́ nɑ ɩ yǝlɑɑ Ɩsɛɣɛlɩ nyǝ́mɑ tǝnɑ pɑ́ nɑɑkɩ. Ḿpʋ́ɣʋ́ tɛtʋ kʋpɑntʋ tǝnɛ tɩɩ pǝsɩ mǝ nɑ mǝ wɑɑlɩ nyǝ́mɑ mǝ tɛtʋ kɛ tɑm tɔɔ.
\p
\v 9 Pǝ kɑɑsɑ mɑ pǝyɑlʋ Sɑlʋmɔŋ nyɑ́ tɔ, pɛɛkɩ nɑ ń nyɩ Ɩsɔ wei mɑ lɑpɑ tǝmlɛ tɔ, nɑ ń sɛɛ-ɩ nɑ lotu kʋlʋmtʋ, nɑ luɣu kʋlʋmʋɣʋ. Tɑcɑɑ nyǝnǝɣɩ yǝlɑɑ lotu tɑɑ kɛ́ nɑ ɩ́ cɛkǝɣǝnɑ pɑ hʋwɛɛ tǝnɑ. Ye n pɛɛkǝɣɩ-ɩ, ɩ kɑ́ yele nɑ ń nɑ-ɩ. Amɑ ye n lɔ Ɩsɔ, ɩ́lɛ́ ɩ lɔɔkɩ-ŋ tɑm tɔɔ kɛ́. 
\v 10 Nɔɔnɔɔ n cɛkǝnɑɑ sɩ nyɑɣɑ Tɑcɑɑ lǝsɑɑ sɩ ń ŋmɑ-ɩ ɩ tǝyɑɣɑ ŋkɑ kɑ tɑɑ pɑɑ sɛɛkɩ-ɩ tɔ. Mpʋ tɔ, kɑɑsɩ nyɑ́ tɩ nɑ ń sʋʋ tǝmlɛ tɑɑ.
\s1 Tɑfiiti hʋlǝɣɩ Sɑlʋmɔŋ kɛ ɩsǝnɑ ɩ kɑ ŋmɑ́ Ɩsɔ tǝsɛɛlɛ tɔ
\p
\v 11 Ḿpʋ́ɣʋ́ Tɑfiiti cɛlɑ Sɑlʋmɔŋ kɛ ɩsǝnɑ pɑɑ ŋmɑ Ɩsɔ tǝyɑɣɑ tɔ pǝ fotoonɑɑ, pɑɑ Ɩsɔ tǝsɛɛlɛ nɑ pǝ cɔlɔ kutuluŋ, nɑ kpɑncoou kutuluɣu, nɑ ɩsɔtɑɑ nɑŋ nɑ pǝ tɛɛ nyǝŋkʋ nɑ Ɩsɔ ɑtɑkɑɑ nyǝŋkʋ. 
\v 12 Nɑ Tɑfiiti cɛlɑ Sɑlʋmɔŋ tɔtɔɣɔ pǝ tǝnɑ mpi ɩ cɑɑkɑɣɑ ŋmɑʋ tɔ pǝ fotoonɑɑ, ɩsɩɩ Ɩsɔ tǝsɛɛlɛ tɑɑsɩ hǝlʋɣʋ nɑ pǝ kutuluŋ wei ɩ cɔɔnɑ-sɩ tɔ. Nɑ kutuluŋ wei ɩ tɑɑ pɑɑ sɩɩ kpɑncoou nɑ Ɩsɔ wontu tɔ. 
\v 13 Ḿpʋ́ɣʋ́ Tɑfiiti cɛlɑ Sɑlʋmɔŋ tɔtɔɣɔ kɔtǝlɑɑ, nɑ Lefii nyǝ́mɑ, pɑ kpekǝle nyǝ́mɑ hǝlɑ, nɑ tǝmɑ wenɑ pɑɑ lɑ Ɩsɔ tǝsɛɛlɛ tɑɑ tɔ, nɑ tǝ tɑɑ wontu hǝlɑ tɔtɔ. 
\v 14 Hɑlǝnɑ Tɑfiiti kɛɛsɩ Sɑlʋmɔŋ kɛ wʋlɑnɑɑ nɑ liɣitee nyǝɣǝtʋ pǝ kiloonɑɑ ɩsǝnɑ ɩsǝnɑ ɩ kɑ́ cɑɑ nɑ ɩ́ lunɑ pǝ wontunɑɑ mpɛ ɩsɩɩ pɑ lɑkǝnɑ-tɩ tɔ. 
\v 15 Nɑ pǝ́ kpɛnnɑ wʋlɑ kɔkɔ kpɑtǝŋ, nɑ pǝ tɔɔ wʋlɑ fǝtǝlɑnɑɑ, nɑ liɣitee nyǝɣǝtʋ kɔkɔ kpɑtǝŋ nɑ pǝ fǝtǝlɑnɑɑ nyǝntʋ, ɩsɩɩ pɑ lɑkǝnɑ-tɩ tɔ. 
\v 16 Nɑ Tɑfiiti cɛlɑ Sɑlʋmɔŋ kɛ wʋlɑ nɑ pǝ́ mɑɣɑnɑ ɩsǝnɑ pɑɑ lu tɑɑpǝlǝnɑɑ mpɑ pɑ tɔɔ pɑ sɩɩkɩ Ɩsɔ potopotonɑɑ tɔ. Nɑ ɩ́ cɛlɛ-ɩ tɔtɔɣɔ liɣitee nyǝɣǝtʋ sɩ pɑ́ lɑ tɑɑpǝlǝnɑɑ. 
\v 17 Nɑ ɩ́ cɛlɛ-ɩ wʋlɑ wei pɑɑ lu kelɑ lɔɣɔlɑsɩ nsi pɑ lɑkǝnɑ nɑntʋ tɔ, nɑ poosiyɑnɑɑ mpɑ pɑ ŋmɩɩsǝɣǝnɑ cɑlǝm tɔ, nɑ wʋlɑ mɑɣɑmɑɣɑ fusi nɑ wʋlɑ nɑ liɣitee nyǝɣǝlʋɣʋ pǝ cɛmsɛnɑɑ. Nɑ Tɑfiiti kɛɛsɩ Sɑlʋmɔŋ kɛ pɑɑ wontuɣu ŋku kʋ yuŋ. 
\v 18 Nɑ ɩ́ cɛlɛ-ɩ wʋlɑ mɑɣɑmɑɣɑ nɑ pǝ́ mɑɣɑnɑ ɩsǝnɑ pɑɑ lu tulɑɑlʋnɑɑ tǝwɔtɛ tɔ. Nɑ ɩ́ kɛɛsɩ-ɩ ɩsǝnɑ pɑɑ lɑ Ɩsɔ kɛɛkɛ tɔ. Ɩlɛnɑ pǝ́ tɩɩ kǝlǝnɑ ɩsɔtɑɑ tɑŋlɑɑ lɛɛsǝŋ wʋlɑ nyǝŋ nɑ pɑ́ lɔpɑ pɑ keŋ kɛ Ɩsɔ ɑtɑkɑɑ tɔɔ. 
\v 19 Ḿpʋ́ɣʋ́ Tɑfiiti tɔmɑ sɩ: Pǝ tǝnɑ ɩsǝntɔ pǝ wɛ tɑkǝlɑɣɑ ŋkɑ Tɑcɑɑ cɛlɑ-m tɔ kɑ tɑɑ. Tǝnɑɣɑ pɑ́ kɛɛsɑ teu tǝcɛɩcɛɩ kɛ́ ɩsǝnɑ pɑɑ lɑ tǝmɑ ɑnɩ tɔ.
\p
\v 20 Ɩlɛnɑ Tɑfiiti tɑsɑ sɩ: Mɑ pǝyɑlʋ, kɑɑsɩ nyɑ́ tɩ nɑ ń nyɔɔ toŋ nɑ ń sʋʋ tǝmlɛ tɑɑ. Tɑɑ nyɑ́, pǝ́cɔ́ tɑɑ sele. Mɑ Ɩsɔ Tɑcɑɑ kɑ́ wɛɛ nyɑ́ wɑɑlɩ kɛ́, ɩ kɑɑ lɔ-ŋ. Hɑlǝnɑ ɩ tǝsɛɛlɛ tǝmlɛ tǝnɑ yoosi. 
\v 21 Kɔtǝlɑɑ nɑ Lefii nyǝ́mɑ mpɑ pɑ fɑɣɑ kpekɑ kpekɑ sɩ pɑ lɑkɩ Ɩsɔ tǝsɛɛlɛ tɑɑ tǝmlɛ tɔ pɑ wɛ nyɑ́ wɑɑlɩ tɔtɔ. Pǝlɛ pǝ pɑɑsi yǝlɑɑ mpɑ pɑ nyǝmɑ́ tǝmlɛ lɑpʋ kɛ teu nɑ luɣu kʋlʋmʋɣʋ nɑ pɑ́ wɛ Ɩsɛɣɛlɩ nyǝ́mɑ nɑ pɑ nyʋɣʋ nyǝ́mɑ tɑɑ tɔ, pɑɑ tǝŋ nti n kɑ yɔɣɔtɩ tɔ.
\c 29
\s1 Ɩsɔ tǝsɛɛlɛ ŋmɑʋ kʋcɔɔŋ
\p
\v 1 Ḿpʋ́ɣʋ́ wulɑʋ Tɑfiiti yɔɣɔtɑ sɑmɑɑ tɑɑ sɩ: Mɑ pǝyɑlʋ Sɑlʋmɔŋ kɛ Ɩsɔ lǝsɑɑ sɩ ɩ́ lɛɛtɩ mɑ lonte. Ɩlɛ ɩ kɛ́ pǝyɑɣɑ, ɩ tɑ nyǝntɑ pʋlʋ. Pǝyele tǝmlɛ sɔsɔɔlɛ kɛ pǝ tʋ-ɩ. Mpi tɔ, pǝ tɑɣɑ yʋlʋ kɛ ɩ ŋmɑɑkɩ kutuluɣu. Amɑ Ɩsɔ Tɑcɑɑ kɛ́. 
\v 2 Mɑ kɑɑsɑ mɑ tǝɣɩ teu kɛ́, nɑ mɑ́ kpeɣeli mpi mpi pɑɑ ŋmɑnɑ Ɩsɔ tǝsɛɛlɛ tɔ. Pɑɑ wʋlɑ, nɑ liɣitee nyǝɣǝtʋ, nɑ nyǝɣǝlʋɣʋ mɑɣɑmɑɣɑ, nɑ pǝ kʋsɛɛmʋɣʋ, nɑ kpeŋkpelɑsɩ, nɑ liɣitee pɛɛ kʋkpɛɛtɛɛ, nɑ kɑcɔkɑ nyǝnɑ nnɑ ɑ teeki kɔkɔ tɔ. Nɑ nnɑ ɑ wɛnɑ ŋmɑlʋm kɛ wɑɑnɩ wɑɑnɩ tɔ. Nɑ pɛɛ kʋhʋlʋmɛɛ kɛ sɔsɔm. 
\v 3 Ye pǝ kɑɑsɑ mɑ mɑɣɑmɑɣɑ mɑ wɛnɑʋ ɩsɩɩ wʋlɑ nɑ liɣitee nyǝɣǝtʋ, ɩlɛ mɑ hɑɑkɩ-tɩ sɩ pɑ́ ŋmɑnɑ mɑ Ɩsɔ tǝsɛɛlɛ. Mɑ sɔɔsǝɣɩ-tǝɣɩ pǝ tǝnɑ mpi mɑ tɛmɑ tɑɣɑnʋɣʋ sɩ pɑ́ ŋmɑnɑ Ɩsɔ tǝsɛɛlɛ nte mɑ sɔɔlɑ teu tɔ pǝ tɔɔ. 
\v 4 Mɑɑ hɑ Ofii tɛtʋ nyǝ́mɑ wʋlɑ kɛ tɔɔnǝnɑɑ nɩɩnʋwɑ (100) nɑ liɣitee nyǝɣǝtʋ kʋpɑntʋ kɛ tɔɔnǝnɑɑ ŋmʋnʋɣʋ nɑ nɩɩlɛ (240) nɑ pɑ́ mɑtɩ Ɩsɔ tǝsɛɛlɛ koloosi tɔɔ nɑ pǝ tɑɑ tɔɔ. 
\v 5 Tɔʋ, nɔɔnɔɔ ɑwe kɑ́ hɑ Tɑcɑɑ kɛ wʋlɑ yɑɑ liɣitee nyǝɣǝtʋ nɑ luɣu kʋlʋmʋɣʋ. Ɩlɛnɑ cɑŋǝm tǝmɑ lɑtɑɑ lu Ɩsɔ tǝsɛɛlɛ tɑɑ wontu?
\p
\v 6 Ḿpʋ́ɣʋ́ Ɩsɛɣɛlɩ kpekɑ nɑ pǝ tɛɛsɩ nyʋɣʋ nyǝ́mɑ nɑ yoolɑɑ iyɑɣɑ (1000) nyʋɣʋ nyǝ́mɑ nɑ nɩɩnʋwɑ (100) nyʋɣʋ nyǝ́mɑ nɑ wulɑʋ tǝmlɑtɑɑ nyʋɣʋ nyǝ́mɑ tisɑɑ sɩ pɑɑ hɑnɑ luɣu kʋlʋmʋɣʋ, 
\v 7 kɛ wʋlɑ tɔɔnǝnɑɑ nɩɩnʋwɑ nɑ nɩɩtoso nɑ nɑɑnʋwɑ (170), nɑ wʋlɑ nyǝɣǝtʋ kɛ iyisi nɑɑnʋwɑ (10000), nɑ liɣitee nyǝɣǝtʋ kɛ tɔɔnǝnɑɑ ŋmʋnʋɣʋ nɑ nɩɩnʋwɑ (300) nɑ wɑɑlɩ, nɑ nyǝɣǝlʋɣʋ kʋsɛɛmʋɣʋ ɩsɩɩ tɔɔnǝnɑɑ nɑsǝtoso (600), nyǝɣǝlʋɣʋ mɑɣɑmɑɣɑ kɛ tɔɔnǝnɑɑ iyisi tooso (3000) nɑ pɑ́ lɑnɑ Ɩsɔ tǝsɛɛlɛ tǝmlɛ. 
\v 8 Ḿpʋ́ɣʋ́ lɛlɑɑ nɑ́ cɛlɑ liɣitee pɛɛ kɛ Kɛɛsɔŋ lʋlʋɣʋ tʋ Yehiyɛlɩ sɩ pɑ́ tʋ́ Ɩsɔ tǝsɛɛlɛ kpɑncoou tɑɑ. 
\v 9 Lotu kʋlʋmtʋ kɛ mpɛ ɩnɩ pɑ tǝnɑ pɑ hɑnɑ pɑ kʋcɔɔŋ nɑ pɑ lɑŋɑ hʋlʋmɑɑ. Wulɑʋ Tɑfiiti mɑɣɑmɑɣɑ lɑŋlɛ kɑ hʋlʋmɑɑ kɛ́ pǝ tɩɩ fɛɩ.
\s1 Tɑfiiti Ɩsɔ sǝlǝmʋɣʋ
\p
\v 10 Ḿpʋ́ɣʋ́ Tɑfiiti sɑmɑ Ɩsɔ kɛ́ Ɩsɛɣɛlɩ sɑmɑɑ tǝnɑ kiŋ sɩ: Hɑɩ, Yɑkɔpʋ Ɩsɔ Tɑcɑɑ, yǝlɑɑ ɩ́ sɑŋɩ-ŋ tɑm tɔɔ. 
\v 11 Nyɑɣɑlɛ sɔsɔ nɑ toŋ tʋ nɑ teeli tʋ nɑ tɑm tɔɔ tʋ. Nyɑ́ tǝnnɑ ɩsɔtɑɑ nɑ ɑtɛ nyǝm tǝnɑ. Nyɑɣɑlɛ kɑwulɑɣɑ tʋ nɑ pǝ tǝnɑ pǝ tʋ. 
\v 12 Nyɑ́ hɑɑkǝnɑ wɛnɑʋ nɑ ń tʋɣɩ teeli nɑ ń ŋmɑkǝlɑ pǝ tǝnɑ. Nyɑ́ niŋ tɑɑ kɛ́ toŋ nɑ pǝsʋɣʋ wɛɛ sɩ ń lɑ nɑ pɑɑ ɑwe nyʋɣʋ kʋlɩ yɑɑ ɩ́ nyɔɔ toŋ. 
\v 13 Pǝ tɔɔ kɛ́ tɑ Ɩsɔ tǝ́ sɑŋɩ-ŋ nɑ tǝ́ pʋɣʋlǝɣɩ nyɑ́ hǝtɛ sɔsɔɔlɛ. 
\v 14 Mɑ nɑ mɑ yǝlɑɑ tǝ tɑ kɛ pʋlʋ. Pǝ́cɔ́ pǝ tɑɣɑ tɑ́ toŋ tɑɑ kɛ́ tǝ pǝsɑɑ nɑ tǝ́ hɑ-ŋ kʋcɔɔŋ ɩnɛ. Nyɑ́ hɑnɑ-tʋɣʋ pǝ tǝnɑ. Mpi n hɑ-tʋ tɔɣɔ tǝ hɑɑkɩ-ŋ. 
\v 15 Tɑ́ nɑ tɑ́ cɑɑnɑɑ tǝ wɛ-ŋ teitei kɛ́ ɩsɩɩ mʋʋlɑɑ nɑ cɑɣɑlɑɑ, nɑ tɑ́ weesiŋ wɛ ɑtɛ cǝnɛɣɛ ɩsɩɩ ɩsotom, nɑɑni nɔɣɔlʋ ɩ fɛɩ. 
\v 16 Tɑ Ɩsɔ Tɑcɑɑ tǝ kɑɑ wontu kɛ huɣule sɩ tǝ ŋmɑɑkɩ timpi tɩɩ sɛɛkɩ-ŋ tɔ, nɑ nyɑ́ hǝtɛ Nɑŋŋ nyǝntɛ tɑɑ. Nyɑ́ tǝnnɑ pǝ tǝnɑɣɑ mpʋ. 
\v 17 Hɑɩ, mɑ Ɩsɔ, mɑ nyǝmɑ́ sɩ n mɑɣɑsǝɣɩ yǝlɑɑ lotunɑɑ tɑɑ hʋwɛɛ kʋŋmɛlɛɛ nɑ ń sɑŋ tɑmpɑnɑ tǝŋlɑɑ. Nɑ lotu kʋlʋmtʋ kɛ mɑ hɑnɑ-ŋ mɑ wɛnɑʋ. Mɑ nɑwɑ nyɑ́ yǝlɑɑ kotɑɑ sɩ pɑ hɑɑkɩ-ŋ mpʋ tɔtɔ nɑ lɑŋhʋlʋmlɛ. 
\v 18 Hɑɩ, tɑ cɑɑnɑɑ Apǝlɑhɑm nɑ Ɩsɑɑkɑ nɑ Yɑkɔpʋ pɑ Ɩsɔ Tɑcɑɑ, yele nɑ nyɑ́ yǝlɑɑ lǝmɑɣɑsɛɛ wɛɛ nyɑ́ tɔɔ kɛ́ tɑm kɛ́ mpʋ. 
\v 19 Hɑ mɑ pǝyɑlʋ Sɑlʋmɔŋ kɛ lotu kʋlʋmtʋ nɑ ɩ́ tɔkɩ nyɑ́ kʋsǝsɩɩtʋ nɑ nyɑ́ kʋsɛɣɛsǝtʋ nɑ nyɑ́ kiiŋ nɑ ɩ́ lɑkɩ-ɩ. Ɩ́ ŋmɑ́ kutuluɣu ŋku kʋ tǝmlɛ mɑ tɑɣɑnɑ ɩsǝntɔ tɔ.
\p
\v 20 Ḿpʋ́ɣʋ́ Tɑfiiti tɑsɑ kotilɑɑ kɛ heeluɣu tɔtɔ sɩ: Ɩ́ sɛɛ mǝ Ɩsɔ Tɑcɑɑ kɛ ɩ́ nɑ tǝmlɛ.
\p Ɩlɛnɑ pɑ tǝnɑ pɑ́ luŋ ɑkulɑ nɑ pɑ́ sɛɛ pɑ cɑɑnɑɑ Ɩsɔ Tɑcɑɑ nɑ pɑ́ hǝntɩ pɑ wulɑʋ kɛ ɑtɛ.
\s1 Tɑfiiti sǝm nɑ Sɑlʋmɔŋ kɑwulɑɣɑ
\p
\v 21 Ḿpʋ́ɣʋ́ tɛʋ femɑ tɑnɑŋ, ɩlɛnɑ pɑ́ lɑ Tɑcɑɑ kɛ kɔtɑsɩ nsi kɔkɔ lusɑ sɩ tǝnɑ tɔ, nɑ nɔɣɔ kʋlʋmɑɣɑ kpɛntʋɣʋ nyǝnsɩ kɛ lɑtǝcɛnɑɑ iyɑɣɑ (1000), nɑ ɩwɑɑŋ kɛ iyɑɣɑ (1000), nɑ ɩwɛɛsɩ kɛ mpʋ tɔtɔ nɑ pǝ sʋlʋm. Hɑlǝnɑ Ɩsɛɣɛlɩ nyǝ́mɑ tǝnɑ mpɑ pɑɑ kotɑɑ tɔ pɑ́ tɔɣɔ kɔtɑɣɑ tɔɣɔnɑɣɑ nɑ pǝ́ tɑlɑ-wɛ. 
\v 22 Ɩlɛnɑ pɑ́ tɔɣɔ kʋyɑkʋ ŋkʋ nɑ pɑ́ nyɔɔ Tɑcɑɑ ɩsɛntɑɑ nɑ lɑŋhʋlʋmlɛ sɔsɔɔlɛ. Nɑ pɑ́ tɑsɑ Tɑfiiti pǝyɑlʋ Sɑlʋmɔŋ kɛ kɑwulɑɣɑ kpɑʋ kɛ tɔm nɑɑlɛ nyǝm. Nɑ pɑ́ pǝlɩ-ɩ nim nɑ Tɑcɑɑ hǝtɛ tɑɑ. Nɑ pɑ́ pǝlɩ nim kɛ Sɑtɔkɩ tɔtɔ, nɑ ɩ́lɛ́ ɩ́ pǝsɩ kɔtʋlʋ sɔsɔ. 
\v 23 Ḿpʋ́ɣʋ́ Sɑlʋmɔŋ kpɑwɑ Tɑcɑɑ Kɑwulɑɣɑ kumte tɔɔ nɑ ɩ́ lɛɛtɩ ɩ cɑɑ Tɑfiiti lonte, nɑ ɩ kɑwulɑɣɑ tɔŋ teu nɑ Ɩsɛɣɛlɩ nyǝ́mɑ tǝnɑ tʋnɑ-ɩ. 
\v 24 Ɩlɛnɑ tɛtʋ tɔkǝlɑɑ nɑ yoolɑɑ nɑ Tɑfiiti pǝyɑlɑɑ lɛlɑɑ nɩɩnɑ-ɩ. 
\v 25 Ḿpʋ́ɣʋ́ Tɑcɑɑ sɔɔsɑ ɩ nyʋɣʋ kɛ kʋsʋɣʋ kɛ Ɩsɛɣɛlɩ nyǝ́mɑ tǝnɑ ɩsɛntɑɑ. Nɑ ɩ́ yele nɑ ɩ kɑwulɑɣɑ hǝtɛ yɑɑ nɑ pǝ́ kǝlɩ ɩsɩɩ mpɑ pɑ lɑɑlɑ-ɩ Ɩsɛɣɛlɩ kɑwulɑɣɑ kumte tɔɔ kɛ́ cɑɣɑlɛ tɔ.
\p
\v 26 Ɩsɛɣɛlɩ nyǝ́mɑ kʋkpɛntʋɣʋ tɔɔ kɛ́ Sesee pǝyɑlʋ Tɑfiiti kɑ́ tɔɣɑ kɑwulɑɣɑ. 
\v 27 Ɩ tɔɣɑ Hepǝlɔŋ ɩcɑtɛ tɔɔ kɛ́ pɩɩsɩ nɑɑtosompɔɣɔlɑɣɑ. Yosɑlɛm ɩcɑtɛ tɔɔ kɛ́ pɩɩsɩ hiu nɑ nɑɑnʋwɑ nɑ tooso, nɑ sɩ́ kpɛntɩ nɩɩlɛ. 
\v 28 Ɩ sǝpǝnɑ kpɑtǝlɑɣɑ kʋpɑŋkɑ kɛ́, nɑ toŋ nɑ teeli. Ɩlɛnɑ ɩ pǝyɑlʋ Sɑlʋmɔŋ lɛɛtɩ ɩ lonte.
\p
\v 29 Pɑ ŋmɑɑ wulɑʋ Tɑfiiti tɔm kɑncɑɑlɑɣɑ nɑ tǝ tǝnɑɣɑ kɛ nɑlʋ Sɑmiyɛɛlɩ nɑ Ɩsɔ kʋyɔɣɔtʋtʋ tɛlǝsʋlʋ Nɑtɑŋ nɑ Kɑtɩ pɑ tɑkǝlɑsɩ tɑɑ. 
\v 30 Sɩ tɑɑ kɛ́ pɑ kɛɛsɑ ɩ kɑwulɑɣɑ nɑ ɩ teeli nɑ ɩ tǝmɑ pǝ tɔm. Nɑ pǝ tǝnɑ mpi pǝ lɑpɑ Ɩsɛɣɛlɩ tɑɑ, nɑ Kɑwulɑsɩ lɛnsɩ tɑɑ tɔ.