\id 2JN - Danu Bible Translation
\usfm 3.0
\ide UTF-8
\ide 65001 - Unicode (UTF8)
\h ၂ ယောဟန်
\toc1 ယောဟန်ဆေမှ ဒုတိယပေးစာ
\toc2 ၂ ယောဟန်
\toc3 ၂ ယော
\mt1 ၂ ယောဟန်
\mt2 ယောဟန်ဆေမှ ဒုတိယပေးစာ
\imt နိဒါန်း
\im \bk ယောဟန်ဆေမှ ဒုတိယပေးစာ\bk*ဟို ခရစ်တော် မွေးဖွားပင်းနောက် ၅၀ နဲ့ ၁၀၀ ခုနှစ်ကြားတွင် တမန်တော် ယောဟန်ဟ ရေးသားခဲ့အယ်။ ယောဟန်ဟ သူ့တတ်တိုင်း စာရေးဆရာလို့ မသတ်မှတ်ဘဲ သူ့ကိုယ်သူ အသက်ကြီးသူလို့ ခေါ်အယ်။ ယောဟန် ဒုတိယပေးစာရဲ့ အကျောန်းအရာဟ ယောဟန်အရ ခရစ်ဝင်ကျမ်းတွင် တွေ့ရသော အကျောန်းအရာနဲ့ အနီးစပ်ဆုံး တူအယ်။ အချင်းချင်း ချစ်ကြရန် ယေရှုရဲ့ မိန့်မှာချက်ဟို အလေးပေး ဖော်ပြပုံမှာ အထူးသဖြင့် ထင်ဆှားပေါ်လွင်ပင်း ပညတ်တော်များဟို လိုက်နာခြင်းဖြင့် ယေရှုဟို ချစ်မြတ်နိုးခြင်း (\xt ၁.၅–၆; ယော ၁၅.၉–၁၀\xt*) ယောဟန်ဟ ဧဝံဂေလိတရားဟို ယောဟန်နဲ့ စပ်လျဉ်းယွေ့ ရေးတာဟု ယုံကြည်အယ်။ ယောဟန်ဟ ဧဖက်မြို့တွင် နေထိန်စဉ် ယောဟန်နဲ့ ၁ ယော၊ ၂ ယောနဲ့ ၃ ယောလို့နဲ့ အညီ ခရစ်ဝင်ကျမ်း သုံးစောင်ဟို ရေးသားခဲ့တာဟု ယုံကြည်ကြအယ်။
\ip ယောဟန်ဟ ဟေစာဟို ရွေးချယ်ထားသော အမျိုးသမီးနဲ့ သူမရဲ့ လူပဲ့သငယ်များဆေဟို လိပ်မူပင်း ပေးပို့ခဲ့အယ်။ သူဟ ဘုရားကျောင်းတခုဟို ရည်ညွှန်းခြင်း ဖြစ်နိန်အယ်။ ဟေစာဟို ရေးသော ယောဟန်ရဲ့ ရည်ရွယ်ချက်မှာ အသင်းတော်အား ခွန်အားပေးရန်နဲ့ မားယွင်းသော ဆရာများဟို သတိထားရန် ဖြစ်အယ်။
\iot အကျောန်းအရာ အကျဉ်းချုပ်
\io1 ၁။ ယောဟန်ဟ စာဟို စသူ့အတွက် လက်ခံမယ့် သူများဟို နှုတ်ဆက်ခြင်းဖြင့် မိတ်ဆက်အယ် \ior (၁.၁–၃)\ior*
\io1 ၂။ အဲပင်းရင်၊ သူဟ အသင်းတော်ဟို ခွန်အားပေးပင်း အကြီးမြတ်ဆုံးသော ပညတ်တော်ဟို သူလို့အား ပြန်လည် သတိပေးအယ် \ior (၁.၄–၆)\ior*
\io1 ၃။ အဲပင်းနောက်၊ သူဟ မားယွင်းဆရာလို့ဟို သတိပေးထားအယ် \ior (၁.၇–၁၁)\ior*
\io1 ၄။ ယောဟန်ဟ သူနေထိန်ရာ အသင်းတော်ဆိ ယုံကြည်သူများဆေမှ နှုတ်ခွန်းဆက်စကား ပေးပို့ခြင်းဖြင့် သူရဲ့ စာဟို အပီးသတ်ခဲ့အယ် \ior (၁.၁၂–၁၃)\ior*
\ie
\c 1
\po
\v 1 အသက်ကြီးသူဖြစ်သော ငါဟ —
\po သမ္မာတရားနှိုက် ငါချစ်လဲ့ ရွေးကောက်ခံရသော ဂုဏ်အသရေဆိ အမျိုးသမီးနဲ့ သူရဲ့ လူပဲ့သငယ်များ\f + \fr ၁ \fr*\fk အမျိုးသမီးနဲ့ သူရဲ့ လူပဲ့သငယ်များ၊ \fk*\ft ဟေဟာဟ အသင်းတော်တခုနဲ့ ၎င်းရဲ့ အဖွဲ့ဝင်များဟို ရည်ညွှန်းခြင်း ဖြစ်နိန်အယ် (အခန်းငယ် ၄, ၅ တွင်လည်း ဖော်ပြထားအယ်)။\ft*\f*ဆေဟို စာရေးလိုက်ပါအယ်၊ နင်လို့ဟို ငါတဦးတည်းသာ ချစ်တာ မဟုတ်၊ 
\v 2 ပစာကို့ သမ္မာတရားဟ ငါလို့တွင် တည်နေလျက် ငါလို့နဲ့အတူ အစဉ်မပြတ်ဆိမယ် ဖြစ်အယ်။
\po
\v 3 ခမည်းတော် ဘုရားသခင်ဆေမှ လည်းကောင်း၊ ခမည်းတော်ရဲ့ သားတော် ယေရှု ခရစ်တော်ဆေမှ လည်းကောင်း ကျေးဇူးတော်၊ ကရုဏာတော်နဲ့ ငြိမ်သက်ခြင်းဟ သမ္မာတရားနဲ့ ချစ်ခြင်း မေတ္တာလို့ဟို အမှီပြုလျက် ငါလို့နှိုက် ဆိမန့်စေ။
\s သမ္မာတရားနဲ့ ချစ်ခြင်းမေတ္တာ
\p
\v 4 နင်ရဲ့ လူပဲ့သငယ်အချို့လို့ဟ ခမည်းတော် ဘုရားဆေမှ ငါလို့ ခံယူရဆိသော ပညတ်တော်အတိုင်း သမ္မာတရားနှိုက် အသက်ဆှင် ဆော့က်လှမ်းနေကြတာဟို တွေ့ရသဖြင့် ငါ ရမ်းဆာ့ ဝမ်းမြောက်အယ်။ 
\v 5 \x - \xo ၅ \xo*\xt ယော ၁၃.၃၄; ၁၅.၁၂; ၁၇\xt*\x*အဲလိုမို့ ဂုဏ်အသရေဆိ အမျိုးသမီး၊ ပညတ်တော် အသစ်မဟုတ်ဘဲ အစဦးဟပင် ငါလို့နှိုက် ဆိသော ပညတ်တော်ဟို နင့်ဆေ ရေးသားလျက် ငါလို့ အချင်းချင်း ချစ်ကြစို့ဟု အခု နင့်အား ငါ တောင်းပန်အယ်။ 
\v 6 ချစ်ခြင်း မေတ္တာဆိုတာဟ ကိုယ်တော်ရဲ့ ပညတ်တော်အတိုင်း အသက်ဆှင် ဆော့က်လှမ်းခြင်း ဖြစ်အယ်။ အဲပညတ်တော်ဟ အစဦးဟပင် နင်လို့ ကြားရလဲ့အတိုင်း ချစ်ခြင်းမေတ္တာနှိုက် အသက်ဆှင် ဆော့က်လှမ်းခြင်း ဖြစ်အယ်။
\p
\v 7 အကျောန်းမှာ ယေရှု ခရစ်တော်ဟ လူသားအဖြစ်ဖြင့် ကြွလာတာဟို ဝန်မခံသောသူဖြစ်လဲ့ လှည့်စားသောသူများစွာလို့ဟ ဟေလောကနှိုက် ပေါ်လာကြပီ။ အဲသို့သောသူဟ လှည့်စားသောသူဖြစ်ပင်း ခရစ်တော်ရဲ့ ရန်သူလည်း ဖြစ်အယ်။ 
\v 8 နင်လို့ဟ ငါလို့\f + \fr ၈ \fr*\fq ငါလို့၊ \fq*\ft အချို့ လက်ရေးမူကျမ်းများတွင် \ft*\fqa နင်လို့၊ \fqa*\ft ဟု ပါဆိအယ်။\ft*\f* လုပ်ဆောင်ခဲ့သောအရာဟို မဆုံးရှုံးစေဘဲ အကျိုးကျေးဇူးဟို အပြေ့အဝ ခံစားရစေရန် မိမိလို့ ကိုယ်ဟို သတိပြုကြလော့။
\p
\v 9 ခရစ်တော်ရဲ့ သွန်သင်ချက်နှိုက် မတည်ဘဲ အဲဟာဟို ကျော်လွန်သောသူတိုင်းဟ ဘုရားသခင်ဟို မရဆိပေ၊ အဲသွန်သင်ချက်နှိုက် တည်သောသူဟ ခမည်းတော်နဲ့ သားတော်ဟို ရဆိအယ်။ 
\v 10 ဟေသွန်သင်ချက် မပါသောသူဟ နင်လို့ဆေဟို လာရင် သူ့ဟို အိုင်နှိုက် လက်မခံကြနဲ့၊ နှုတ်ခွန်းလည်း မဆက်ကြနဲ့။ 
\v 11 အကျောန်းမှာ အဲသို့သောသူဟို နှုတ်ခွန်းဆက်ရင် သူရဲ့ ဆိုးညစ်သောအမှုနှိုက် ပါဝင်ရာ ရောက်အယ်။
\s နောက်ဆုံး နှုတ်ဆက်စကား
\p
\v 12 နင်လို့ဆေ ငါရေးစရာ ရမ်းဆာ့ဆိသော်လည်း စက္ကူနဲ့ မင်ဖြင့် ငါ မရေးလိုပေ၊ ငါလို့ရဲ့ ဝမ်းမြောက်ခြင်း ပြေ့ဝစုံလင်မဲ့အကျောန်း နင်လို့ဆေဟို လာယွေ့ မျက်နှာချင်းဆိုင် စကားပြောဆိုရန် ငါ မျော်လင့်အယ်။
\p
\v 13 ရွေးကောက်ခံရသော နင့်ညီမရဲ့ လူပဲ့သငယ်\f + \fr ၁၃ \fr*\fk နင့်ညီမရဲ့ လူပဲ့သငယ်၊ \fk*\ft ဟေဟာမှာ ရေးသားထားသော အသင်းတော်ရဲ့ အဖွဲ့ဝင်များဟို ရည်ညွှန်းခြင်း ဖြစ်နိန်အယ်။\ft*\f*လို့ဟ နင်လို့ဟို နှုတ်ဆက်ကြအယ်။