\id PHM - Ndendeule Bible Version
\ide UTF-8
\h Filimone
\toc1 Baluwa jha Pauli kwa Filemone
\toc2 Filimone
\toc3 Fili
\mt2 Baluwa jha Pauli kwa
\mt Filimone
\imt Ulongolelo
\ip Kitabo chenje kijhipe cha Filimone kikajhandikwe na ntenga Pauli, mu chula jha 1:1. Pauli pakibha mukipungo ku Loma pajhandika kitabo, yenio pange iwechekana ajhandika pakibha ku Loma na anda akibha ku Loma bhahe, iwechekana kikajhandikwe muchaka cha makome chita na limo kubhoke pabhelwika Yecho Kilichitu, ndi chaka cheche pange iwechekana pajhandika kitabo cha Akakolochahe.
\ip Pauli anyandikila baluwa jhenje mundo jhumo liina lyake Filimone. Filimone akibha jhumo pakate jha lilongo lya bhando lilinnyeketii Kilichitu na helahela akibha na akabhanda bhake. Pauli anyandikila kupala kunnyopa akotoka kunapula mmanda gwake jwakemitwa Onechimo jwanywogholwike kubhoke kwa Filimone. Kwa malaghilo gha Kiloma Filimone apalitwa ankome Onechimo. Pauli ngampembelekiya Filimone na kunneke mwojho annyeketele Onechimo ngita nnongo mu kulombona na Kilichitu, helahela annyopa annekekeye Onechimo ahenge lihengo pamo na Pauli, mu chula jha 1:13-14.
\iot Ghughabhii mukitabo
\io Pauli innyambucha Filimone, mu chula jha 1:1-3.
\io Kabhele Pauli innyopa Filimone ampokele Onechimo ngita nnongo mu Kilichitu, mu chula jha 1:4-21.
\io Pauli ijhomolela kwa kutangacha mawacho ghake gha kwatyangila na kwajhambucha, mu chula jha 1:22-25.
\c 1
\p
\v 1 Ne Napauli, napungwa ku nhwalo gwa kunhenge Kilichitu Yecho. Mmii pamba pamonga na nnongo gwito Timocheyo.
\p Tunnyandikii mwe makoche bhito ma Filimone, nhenga lihengo nnyito, 
\v 2 na lilongo lya bhando lilinyeketii Kilichitu lilikongina kajhino na mwenga nnombo gwito Afiya na kwa nkomana ngondo nnyito Alukipo.
\p
\v 3 Ninyope umbone nu uteeke kuhumii kwa Chapanga Tate gwito na Bhambo Yecho Kilichitu.
\s Upalo na kihobholelo cha Filimone
\p
\v 4 Machiko ghoha puninnyopa Chapanga ninkomboka mwe ma Filimone nu kunchenguu Chapanga gwango, 
\v 5 nhwalo nnyohine chimuhobholela Bhambo Yecho na chimapala bhando bha Chapanga bhoha. 
\v 6 Ninnyope kwa Chapanga kupala kihobholelo chino chenie chimihenga pamonga na twenga kwa Chapanga, kijhingii nkate hake na nhoto kubhehe na uhotolo gwa kumanya hake na mota yoha itupata kwa kulombana na Kilichitu. 
\v 7 Nnongo gwango, lipalano lino linhalalii hake na linneki mwojho! Mwenga mihanganiche miojho jha bhando bhoha bha Chapanga.
\s Pauli annyopa Filimone ampoke Onechimo
\p
\v 8 Ku nhwalo gwenio, na nenga nalongo gwino kwa kulombana na Kilichitu, ngahotwi kunnaghalikiya changajhoghopa nhenge chimipala kuhenga. 
\v 9 Nambo nhwalo nimpala, mbaha ninnyope, ndenda naha ihoto kubhehe ne Pauli ng'oime, na ngohe napungwa ku nhwalo gwa kunhenge Kilichitu Yecho. 
\v 10 Yenie ninnyopa muntangatile Onechimo, jwakibha mwanango kwa kulombona na Kilichitu putukibha mu kipungo. 
\v 11 Makacho akibha kilebhenacho, nambo ngohe abhii na lihengo kwa nenga na kwino mwenga hele.
\p
\v 12 Ngohe nimujhicha kabhele kwino, jwenio ngita mwojho gwango. 
\v 13 Nikapahi atame na nenga, antendele lihengo lende lyu kuntangatii mwe kone mmii mombo mu kipungo, ku nhwalo gwa kwatangachii bhando Lilobhe lya Mbone. 
\v 14 Nambo mbahijhe kunchokolekeya undangatile, nambo nipala nhenge chimipala, yenio nihenga jhe chochoha ade mabhene nnyeketele.
\p
\v 15 Pange Onechimo natama na mwenga kwa machiko ghandina tugha, abhujha kabhele kwino ntame nako machiko ghoha. 
\v 16 Ngohe jwenio mmanda kabhe jhe, nambo jwenio jwaumbone kuliku mmanda, jwenio ngohe nnongo gwito mu kulombana na Kilichitu. Ambahi nenga na impala mwenga hake, nhwalo jwenio ngita nnyito na nnongo mu kulombana na Bhambo.
\p
\v 17 Bhahe, anda umona ne kubhehe nalongo bhino ku kulombana na Bhambo, mumpokela Onechimo ngita hela ngaumbokii nenga. 
\v 18 Anda antendi chochoha changanandela, amu abhii na lighambo kwino, nanepa nenga. 
\v 19 Ne Pauli nijhandika namwete kwa lubhoko lwango, naninepa! Mbaijhe nikomboche unnepe ughome gwino. 
\v 20 Bhahe, nnongo gwango, undendela yenio ku kundangatii nenga ku nhwalo gwa Bhambo, ngohe mwe malongo bhango mu kulombana na Kilichitu muhanganiche mwojho gwango.
\p
\v 21 Nhwalo chakaka ninhobholela, ninnyandikii ghanga, manye nanhenga kupeta ghanga ghuninnobholile. 
\v 22 Pamonga na gheniya, unenganikiye chumbi chukugholoka nhwalo ghu kujhopa kwino ninhobholela Chapanga najhangula, na nenga nanintyangila kwenio.
\s Nyambuchilo jha kujhomolela
\p
\v 23 Epafula, mpungwa nnyango ku nhwalo gwa kunhenge Kilichitu Yecho, innyambucha. 
\v 24 Helahela akahenga mahengo bhajhango Maluku na Alichitako na Dema na Luka, na bhene bhinnyambucha.
\p
\v 25 Umbone gwa Bhambo gwito Yecho Kilichitu utame pamonga umiojho jhino.