\id HEB - Ndendeule Bible Version \ide UTF-8 \h Akaebulaniya \toc1 Baluwa kwa Akaebulaniya \toc2 Akaebulaniya \toc3 Akae \mt2 Baluwa jha \mt1 Akaebulaniya \imt Ulongolelo \ip Kitabo cha Akaebulaniya ndi baluwa jhitupela mwojho na jhilangii namuna Yecho pakamilicha malobhe gha ulondole ghighabhii mu lilaghano lya makacho. Ikajhandikwe ngita matangacho. Nkate jha baluwa jhenje ghabhii majhandiko makome chitine kuhumii mu lilaghano lya makacho ghakajhandikwe kabhele mukitabo cha Akabulaniya ilangii hotu namuna Yecho palenganikiya malobhe gha ulondole na kuhenga mahengo gha Upiya litambiko Nkolo gwa Akayahude. Kwa nhwalo ghongo, kitabo chenje chapata kwaleke mwojho lilongo lya bhando bhibhanyeketii Kilichitu bha Akayahude. Kitabo cha Akaebulaniya ilangii namuna Yecho pakamilicha lilaghalikilo ikoto kwachokolekeya Akapiya matambiko bhakoto kupiya kabhele litambiko. Yecho akibha litambiko lilibhohita uhakaho ghoha, litambiko lende ikapihitwe mala jhimo na itamikii machiko ghoha ghangapeta. Lilongo lya bhando lilinnyeketii Kilichitu bha deleno na bhene helahela bhalekwe mwojho mukitabo chenje cha Akabulaniya bhajhendelele kunkengama Yecho Kilichitu, jwenio ndi jwatutenda tunhobholele Chapanga na hele tujhendelele kunhobholela jwenio, mu chula jha 12:2. \ip Abhii jhe mundo jhojhoha jwamanya ndi ghane jwajhandike kitabo cha Akaebulaniya, nambo bhibhachomite mambu gha lilobhe lya mbone bhakajhighite kulonge jhumo pakate jha bhatato pange akajhandike ntenga Pauli amu Luka amu Banaba. Peniya abhii jhe mundo kipinde ghane kijhandikwe kitabo chenje, nambo bhamahele bhihobhole kijhandikwe kabula jha chaka cha makome chaba pabhabhelwike njwe Yecho Kilichitu. Muche gwa ku Yeluchalemo ukahangabhinwe muchaka cha makome chaba pabhelwikwa njwe Kilichitu, nambo jwajhandike baluwa jhenje ichimulila muche gwa ku Yeluchalemo ukibha gwamela gwangahangabhanwa. Kitabo chenje cha Akaebulaniya kikajhandikwe ku muche gwa Loma mu chula jha 13:24, na pange kikabhagwinye mu malongo gha bhando bhibhanyeketii Kilichitu ghange. \iot Ghughabhii mukitabo \io Jwajhandika baluwa jhenje innangii Yecho Kilichitu kubhehe nkolo kuliku milondole na bhahenga mahengo bha kunane kwa Chapanga, mu chula jha 1:1-4:13. \io Kabhele ajhendelela kulangii Yecho ndi nkolo kuliku milondole bhibhahenga lihengo mu Nyumba jha Chapanga ku Yeluchalemo, mu chula jha 4:14-7:28. \io Kabhele ilangii lihengo lya Yecho ndi likolongwa kuliku majheketelano ghighatendike na Chapanga pabhapila bhando bhake lilaghalikilo kupete Mucha, mu chula jha 8:1-10:31. \io Pajhomolila kulangii unkolo gwa Yecho kwa kila ndela na jwanjandika ibhoha malaghilo ghange kwa itendwa, mu chula jha 10: 32-13:17. \io Jwajhandika ijhomolela baluwa jhake kwa kuleke mwojho na kujhambucha, mu chula jha 13:18-25. \c 1 \s Lilobhe lya Chapanga kupete Mwana gwake \p \v 1 Makcho, Chapanga akalongii na akahoko bhito mala twe na kwa ndela twe kupete milondole bhake, \v 2 nambo machiko ghanga gha kupehekeya ghano, alonge na twenga kwa ndela jha Mwana gwake. Kupete jwenio Kilichitu, Chapanga ngapangine kunane na nnema na ngahagwila kupala ilebhe yoha ibhehe yakwe. \v 3 Jwenio ndi lung'alo lwa ung'alicho gwa Chapanga, na nnandanikiho telatela na Chapanga, aukamwii pamonga nnema kwa lilobhe lyake lilibhii na makakala. Pajhomolila kujhelebhula uhakaho, atamite kunane kwa Chapanga, lubhoko lwalelo lwa Ukolo kwenio kunane. \s Ukolongwa gwa Mwana gwa Chapanga \p \v 4 Mwana ndi nkolongwa kuliku akatumiche bha kunane kwa Chapanga, ngita hela liina lyatinitwe na Chapanga ndi likolongwa kupeta maina ghabhe. \v 5 Nhwalo Chapanga akannobholii jhe hilu jhumo jwa akatumiche bhake, \q “Mwenga ndi ma Mwanango, \q ne deleno nonge kubhehe ndi Tate gwino.” \b \m Kabhele Chapanga alongii jhe kwa ntumiche jwa kunane jhojhoha, \q “Ne pamba namma Tate mundo, \q na jwenio namma ma Mwanango.” \m \v 6 Nambo Chapanga pantumita Mwana mundo, jwalongolile kubhelukwa pannema, akalongii, “Akatumiche bhoha bha Chapanga bhannyinamile.” \p \v 7 Kwa akatumiche bha kunane kwa Chapanga ngalongila, \q “Chapanga akatehi akatumiche bhake kubhehe upepo, \q na akatumiche bhake akabhatehi kubhehe ndetelekena ya mwotu.” \b \m \v 8 Nambo kwa Mwana mundo: Chapanga ngalongila, “Unahota gwino nkolongwa, mwe ma Chapanga \q utamikii machiko ghoha ghangapeta! \q Mwe ndi bhilongocha bhando changalola kumiho. \q \v 9 Mwe mighapala ghighanhalalii Chapanga na mighachimwa ghanganandela. \q Yene ndi nhwalo Chapanga, jwabhii Chapanga gwino, ngahagwila, \q antehi nchoche kuhangana, \q kuliku chabhatendi bhajhino.” \b \m \v 10 Na kabhele Chapanga ngalongila: \q “Bhambo, mwenga peniya mukatumbwile kupangana nnema, \q kwa mabhoko ghino mukapangine kunane. \q \v 11 Yene naipeta, nambo mwe nauhighilika machiko ghoha ghangapeta, \q yoha naitundangalila ngita ngobho. \q \v 12 Naibhilingwabhilingwa ngita ngholole, \q na yenio naighalambulwa ngita ngobho. \q Nambo mwe ndi nauhughilika hele machiko ghoha ghangapeta, \q na ughome gwino naupehekejhe.” \b \m \v 13 Chapanga akannongali ng'o hilu jhumo jwa ntumiche jwake: \q “Ntame lubhoko lwango lwalelo, \q ade nabheke akamakoko bhino, \q pahe jha magholo ghino.” \p \v 14 Ngohe akahenga mahengo bha kunane kwa Chapanga ndi kina ghane? Bheniya ndi uhuke ihengela Chapanga na bhatumitwe na jwenio kwatangatii bhando bhala bhibhapa kupoke ughombokoka. \c 2 \s Ughombokeko nkolongwa \p \v 1 Ngohe tupalwa kughachokolekeya ghoha ghutujhohine, ghakoto kutupeta. \v 2 Lilobhe lela libhapilwa akahoko bhito na akatumiche lilongilwe kubhehe ndi lya uchakaka njwe, mundo jhojhoha jwangakengama amu kujhokanikiya, nahadabulwa ngita chiipalwa. \v 3 Bhahe, ngohe twenga natughombokoka bho, anda tuhenge jhe lihengo lya ughombokeko nkolongwa ngita ghongo? Pakutumbula Bhambo jwenio akatangiche ughombokeko ghongo. \v 4 Helahela Chapanga jwenie akakilangiye kwa bhando bhala bhibhakajhohine palangiya kubhehe ndi chakaka kwa kuhenga ikangacho na nginyililo, na kwapela bhando itoi ya Uhuke gwa Chapanga ngita chaipala jwenio. \s Yecho ndi jwatulongoya twe kughombokoka \p \v 5 Chapanga akabhabhekitii jhe akatumiche bha kunane kulongocha munnema ghuhika, nnema gwenio ndi ngohe ghutulongela malobhe ghake. \v 6 Nambo Majhandiko gha Chapanga pange ghilonge, \q “Mundo ndi kilebhe ghane, ata munhwachii? \q Mwana gwa mundo ndi kilebhe ghane ade mupwelele? \q \v 7 Mukantehi kubhehe mundo jwandina tugha kubhehe pahe jha akatumiche bha kunane kwa Chapanga, \q mukahwaliche hingo jha ung'alicho na ichima, \q \v 8 mukantehi kubhehe kilongoche jwa ilebhe yoha.” \m Ilongelwa Chapanga ajhakummeka mundo kubhehe kilongoche jwa ilebhe yoha, yane changakuleka hilu chimo. Yene, tulola jhe ilongocha ilebhe yoha ngohe. \v 9 Nambo tummona Yecho jwateilwe kubhehe nchokombe kupeta akatumiche bha kunane kwa Chapanga kwa kipinde kichokombe, kwa umbone gwa Chapanga kwito, Yecho ngawila kwa nhwalo gwa bhando bhoha, ngohe tummona bhawaliche hingo jha ung'alicho na ichima nhwalo gwa kulagha kwake ade kuwegha. \v 10 Ikibha tela Chapanga, jwapangana na jwakamulila ilebhe yoha, antende Yecho kubhehe yenio chabhile kwa ndela jha malagho, ndi kwaleta yana twe mu ung'alicho gwake. Nhwalo Yecho ndi jwabhalongocha mu ughombokeko. \p \v 11 Yecho abhajhelebhula bhando mu uhakaho gwabhe, jwenio pamonga na bhala bhibhajhelewike, bhoha bhakwete Tate jhumo. Ndi nhwalo Yecho akola jhe hone kwakema yana yenio, akalongo bhake, \v 12 akalongii na Chapanga: \q “Nanachimulila akalongo bhango itendwa hino. \q Naninnyembela mihambo jha kunnomba pakate jha lilongo lyabhe.” \m \v 13 Ilonge kabhele: “Nanimmekela Chapanga lihobholelo lyango.” Na kabhele ilonge: “Ne mii pamba pamonga na yana yambekiye Chapanga.” \p \v 14 Ngohe nhwalo yana yenio ibhii na yegha na miyahe ngita akatate bhabhe, Yecho jwenie hele akibha ngita bheniya na akakilombite na umundo gwabhe. Ateila yenio kupala kwa ndela ya kuwe kwake, ankomelekeye Jwanganandela jwabhii na makakala gha mukuwegha, \v 15 na yenio abhalekekeye bhala bhubhakibha akabhanda muiholo ya kuwe na bhabha muughome gwabhe gwoha. \v 16 Chakaka Yecho akahikite jhe nhwalo jwa kwatangatii akatumiche bha kunane kwa Chapanga, nambo akahikite kuitangatii ibhelukwa ya Ulahimo. \v 17 Ndi mana apalitwa kulandana na akalongo mundo kwa ilebhe yoha, kupala abha Mpiya litambiko Nkolongwa gwabhe jwahobholeka na jhuna kiya mu kunhenge Chapanga, kupala kujhelanicha na uhakaho gwa bhando. \v 18 Nhwalo jwenio akang'ahichwe pala pajhighanikiwa, ihoto kwatangatila bhala bhibhajhighanikilwa. \c 3 \s Yecho ndi nkolongwa kuliku Mucha \p \v 1 Makalongo bhango, bhando bha Chapanga nkemitwe na Chapanga, nhwachile panane jha Yecho ntenga na Mpiya Litambiko Nkolongwa jwa kihobholelo chitutangacha pakongoloho. \v 2 Jwenio ndi akibha jhuna kuhobholeka na Chapanga jwanhagwile kuhenga lihengo lyake ngita Mucha chakibha anhobholika kwahengela bhando bhoha bha ku Ichilahele bhubhakemitwa nyumba yoha ya Chapanga. \v 3 Jwachenga ilombwa kupeta nkolo nyumba, ngohe Yecho ilombwa kuliku Mucha. \v 4 Nyumba ichengwa na mundo, nambo Chapanga ndi nchenga jwa ilebhe yoha. \v 5 Mucha akibha ahobholika munyumba jhoha jha Bhambo ngita ntumiche, na akalongii mambu ghala Chapanga ngalongila palongoloho. \v 6 Nambo Kilichitu ndi jwa kuhobholela ngita Mwana jwajhemelela nyumba jha Chapanga. Twenga twabhete ndi nyumba jhake anda natujhendelela kubhehe nganganga hake na kukihobholela mu chela chitulokela. \s Kupomolela kwa bhando bha Chapanga \p \v 7 Kwa yenio, bhahe, ngita chalonge Uhuke gwa Chapanga, \q “Anda nnyokweniokiye lilobhe lya Chapanga deleno, \q \v 8 Nkoto kujhundupa miojho jhino, \q ngita chibhahengita akahoko bhino pibhakanita kunnyokonikiya, \q machiko ghala pininnyighita kola kunjenga. \q \v 9 Kwenio akahoko bhino bhajhakunnyigha na kunningukiya, \q bhakalolite mahengo ghango ghihengita kwa yaka makome ncheche! \q \v 10 Kwa nhwalo gwenio nganayomila bhando bheniya nganongila. \q Machiko ghoha kibheluko chela kihobholela, na kimanya jhe kihobhalile, \q na bhaimanye jhe ndela jhango. \q \v 11 Bhahe, nganapila kwa lilaka nganongila: \q ‘Nabhajhingila ng'o chehemo jhango jha kupomolela.’ ” \p \v 12 Ngohe akalongo bhango, mu kichunge akoto kubhehe mundo jhojhoha pakate jhino jhuna mwojho mmoho na jwangahobholela na kubhehe kutale na Chapanga jwabhii ghome. \v 13 Anda yenio, “Deleno,” chighalonge Majhandiko ghitupala twenga, tupalwa kutangatilana machiko ghoha, angapitii jhe mundo pakate jhino jwakunkolowa na uhakaho na kubhehe jhuna ngandango. \v 14 Nhwalo twenga twabhoha tubhii pamonga mu kulombana na Kilichitu, natukamulila kwa makakala lihobholelo lito litupokila pilitumbwila. \p \v 15 Majhandiko ghilonge naha: \q “Anda nnyohine deleno lilobhe lya Chapanga, \q nkoto kuitenda miojho jhino kujhundupa, \q ngita chibhahengita akahoko bhino pibhankanita Chapanga.” \p \v 16 Ndi akina ghane bhubhajhohina lilobhe lya Chapanga na kulikana? Bho, chi bhala bhoha bhibhalongichwa na Mucha kuhumii ku Michile? \v 17 Bho, akina ghane Chapanga kwakole lilaka kwa yaka makome ncheche? Akakolii lilaka bhala bhubhatehila uhakaho, malelo ghabhe ghakapechingine kunjenga kola. \v 18 Bho, Chapanga palapila: “Nabhajhingila ng'o chehemo jhene jha kupomolela jhango,” akibha abhalongila akina ghane? Abhalongila bhala bhubhakanita kunnyokonikiya. \v 19 Ngohe, tulola bhakahotwii jhe kujhingii kwenio nhwalo bhakajheketii jhe. \c 4 \s Lipomolelo lyalaghila Chapanga \p \v 1 Kwa nhwalo lilaghilo lyu kujhingii chehemo jhake jha kupomolela lyamela, na tukilolokeye mundo jhojhoha akotokulepela kujhingii chehemo jhene jha kupomolela. \v 2 Nhwalo Lilobhe lya Mbone litangichwa kwito ngita chilitangichwa kwa bheniya bhando bha makacho. Nambo lilobhe lyenio lyakatangatii jhe kilebhe, nhwalo bhakajhohine nambo bhakaupokii jhe kwa kihobholelo. \v 3 Bhahe, twenga bhituhobholile natujhingila chehemo jhene jha pa kupomolela ngita chalaghila Chapanga: \q “Nakayomite na nganalapila, \q ‘Nabhajhingila ng'o chehemo jhango jha kupomolela.’ ” \m Chapanga alongila gheniya pamonga na kubhehe lihengo lyake lya kupanganwa nnema lijhomwike. \v 4 Nhwalo Majhandiko gha Chapanga pange ghilonge lilobhe lya lichiko lya chaba: “Chapanga akapomolile lichiko lya chaba, akaghalekite mahengo ghake ghoha.” \v 5 Kabhele lijhambu lende lilongelwa hele: “Nabhajhingila ng'o chehemo jhango jha kupomolela.” \v 6 Yene, lilaghilo lya kupomolela lyamela libhile, na bhando bhala bhibhatangichilwe Lilobhe lya Mbone kuhumii makacho bhakajhii ng'o mwonio nhwalo gwangajhokanikiya. \v 7 Chapanga akabhekite lichiko lenge lilikemitwa, “Deleno.” Yaka twe ipetite akalongii kupete kwa Daude ngita Majhandiko gha Chapanga chighalonge: \q “Anda deleno nnyohine lilobhe lya Chapanga, \q nkoto kubhehe na mwojho gwa kujhundupa.” \p \v 8 Anda Yochuwa ngabhatenda bhando bhapomolele ngita chalongila Chapanga, Chapanga ngalongiijhe lilobhe lya lichiko lenge. \v 9 Kwa yenio, kupomolela kwa bhando bha Chapanga kwamela kubhile ngita Chapanga chapomolila lichiko lya chaba. \v 10 Nhwalo mundo jhojhoha jwajhingii chehemo jha kupomolela ngita chalaghila Chapanga, jwenio naleka lihengo lyake na kupomolela ngita Chapanga chalekita lihengo lyake nu kupomolela. \v 11 Ngohe tukangamale kujhingii chehemo jhenio jha kupomolela, ndi akoto kubhehe mundo jhojhoha pakate jhito jwapala kugwegha kwa kukana kujhokanikiya ngita chibhatehila bheniya. \p \v 12 Lilobhe lya Chapanga ndi ghome na libhii na makakala, litema kuliku kihembe chikitema kone na kone. Peniya kitema ade puukongana mwojho na uhuke ngita kihembe chikitema ade nkate ya ihungo ya yegha na uhombeombe. Na lilobhe lyenio uwacha na chiipala miojho jha bhando. \v 13 Kibhii jhe kilebhe chochoha chikihihitwe palonge jha Chapanga, kila kilebhe kiyekulilwe hotuhotu palonge jha miho ghake, tupala tunnobholele mahengo ghito. \s Yecho ndi mpiya litambiko Nkolo \p \v 14 Tubhii na Yecho, Mwana gwa Chapanga ndi Mpiya litambiko Nkolo jwajhingii ade kunane kwa Chapanga, yenio tujhemelele nganganga kwa kihobholelo jhitukengama. \v 15 Mpiya litambiko gwito Nkolo atubhone kiya muleghele gwito, nhwalo jwenio akajhighanikilwe kwa kila kilebhe ngita twenga nambo ateijhe uhakaho. \v 16 Ngohe tukijhendele kigoda cha unahota nkolongwa gwa Chapanga jhuna umbone changabhoghohe, tupokele kiya na umbone na kitutangatila mu kipinde chitupala. \c 5 \p \v 1 Kila mpiya litambiko Nkolongwa jhojhoha uhaghulilwa na Chapanga kuhumii pakate jha bhando bhake na uhenga lihengo lya Chapanga kwa nhwalo gwabhe. Upiya hupo na matambiko kwa nhwalo gwa uhakaho gwa bhando. \v 2 Nhwalo jwenio ndi jwaleghele, ihoto kwakole kiya bhala bhangamanya kilebhe na bhibhahobholela na bhibhahenga uhakaho. \v 3 Na nhwalo jwenio ndi leghele, ipalwa kupiya Litambiko chi kwa nhwalo gwa bhando, nambo hele kwa uhakaho gwake jwenio. \v 4 Abhii jhe mundo jwahotola kukitenda jwenio abhabha Mpiya litambiko Nkolongwa. Kila jhumo ihaghulilwa na Chapanga kubhehe mpiya litambiko Nkolongwa ngita chakibha Halune. \p \v 5 Jwenio Kilichitu, helahela akakitehi jwenio kubhehe Mpiya litambiko Nkolongwa, nambo Chapanga nganobholila: \q “Mwenga ndi ma Mwanango, \q deleno jheno nilonge bhando bhoha bhamanye ne na Tate gwino.” \m \v 6 Helahela chehemo jhenge jha majhandiko ilonge, \q “Mwenga ndi mpiya litambiko nkolongwa machiko ghoha ghangapeta, \q ngita chakibha Melikichedeki.” \p \v 7 Yecho patamita pamba pannema, ampembikiya na kunelela hake Chapanga kwa maholi chwii, jwahoto kughombola kubhoka mu kuwegha. Nhwalo akibha jwanuu na kunnyoghopa Chapanga, yenio ngannyinamila Chapanga. \v 8 Pamonga na kubhehe Mwana gwa Chapanga, akakibholite kujhokanikiya kupete malagho ghake. \v 9 Na pateilwa kubhehe ajhomwila lihengo lyakamwiwe na Chapanga, ajhakubhehe chembo cha ughombokeko gwa machiko ghoha ghangapeta kwa bhala bhibhannyokanikiya, \v 10 na Chapanga ngahagwila kubhehe Mpiya litambiko Nkolongwa ngita chakibha Melikichedeki. \s Tukoto kuhengeleka mwojho \p \v 11 Peniya, Tukwete twe gha kulonge mambu ghanga, nambo ndi unonopu kwalobholela, nhwalo mangota ndi akatotoho bha kukibhola. \v 12 Ngohe mipalwa kubhehe akabhola, nambo mangota mipala kabhele mundo ammola mabholo ghakutumbuu gha lilobhe lya Chapanga. Ngohe nhengelike mwojho mipala kujhonga na chi chakulyegha kijhundupaho. \v 13 Kila jwapalwa kujhonga mabhele ahoto jhe kuholela ghighanhalalii Chapanga, nhwalo jwenio amela mwana jwandina ko. \v 14 Nambo chakulya kijhundupaho kwa nhwalo gwa bhando bhibhakomile, bhubhabhii na malango ghu kumanya ghambone na ghanganandela. \c 6 \p \v 1 Bhahe, tughaleke unyuma mabholo ghakutumbula gha Kilichitu, tujhendelele kulongela kwa mabholo ghighakomii, chi kujhendelela kubheka nchinge gwa kulekana na mahengo ghanganandela na kwa kunnyeketela Chapanga, \v 2 mabholo gha ubaticho na kubhekelwa mabhoko, kuyokechwa ku bhubhawile na luhadabulo lwa machiko ghoha ghangapeta. \v 3 Natuhenga yenio anda apahi Chapanga. \p \v 4 Nhwalo bhando bhubhayekulilwe uchakaka gwa Chapanga na kupaha hupo jha kunane na kulombana na Uhuke gwa Chapanga, \v 5 na kupaha umbone gwa Lilobhe lya Chapanga na makakala gha machiko ghoha ghighahika, \v 6 peniya, bhakilekite kihobholelo chabhe, bhahoto jhe kujheketele uhakaho gwabhe kabhele na kuuleka. Bheniya bhimmamba kabhele Mwana gwa Chapanga muchalaba nu kumpe hone palonge jha bhando. \p \v 7 Nghonda ghupoke hula machiko ghoha na umelecha mimeya kwa kichumo kwa jwailema ibhii na mota kwa Chapanga. \v 8 Nambo nn'gonda anda umelite mikongo jha mibha na maghogho, kibhii jhe chakujhambulila, libhii pahina kulapilwa na Chapanga na kujhomolela kwake ndi kujhochwa mwotu. \p \v 9 Nambo akakoche bhango, pamonga na kulonge naha, tubhii na kilebhe cha uchakaka mu chenie ndi ughombokeko. \v 10 Machiko ghoha Chapanga ihadabuu mbone, jwenio najhewa jhe lihengo lino na upalo gwino ghunangii kwa jwenio kwatangatii bhando bhake na ngohe chimujhendelela kwatangatila. \v 11 Twenga tupala kila mundo pakate jhino alangiye ukangamalo ade pakujhomolela, kupala lihobholelo lino libhehe chakaka. \v 12 Tupala jhe mangota mme akatotoho, nambo mme ngita bhala bhubhajheketile na bhubhabhii na luhimba, peniya, nabhapokela ghala ghalaghii Chapanga. \s Lilaghilo lya Chapanga ndi lya uchakaka \p \v 13 Chapanga pampila Ulahimo lilaghilo, akalapii kwa liina lyake jwenio, nhwalo abhii jhe nkolongwa kuliku Chapanga kwa jwenio ngahotwi kukilapi. \v 14 Chapanga akalongii: “Chakaka nanimpela mota na kumpela ibheluko mbwe.” \v 15 Ulahimo akalendelile kwa kuhimbilila, na peniya, akapokii chela chalaghilwa na Chapanga. \v 16 Bhando pibhilapa, bhilapa kwa jhola jwabhii nkolongwa kuliku bhene, na kukilapa kulangii kubhehe chela chikilongilwe ndi uchakaka, na kukilapa kujhomo mataungano ghoha. \v 17 Na jwenio Chapanga akangamalicha lilaghano lyake kwa kulapila, kwa kutenda yenio abhalangii bhala bhabhalaghii naghalambu jhe chela chakipala. \v 18 Bhahe, ibhii ilebhe ibhele. Lilaghilo na kilapo, yenio ihoto jhe kughalambuka hilu Chapanga ihotojhe kulonge uwange. Ngohe twenga bhitubhutukile chehemo jha njelembo tulekwe mwojho gwa kukamulila njwe lihobholelo lilibhekitwe palonge jhito. \v 19 Tukwete lihobholelo lende ngita nanga jha ughome gwito. Lihobholelo lyenio lijhemite nganganga na libhii mbone lijhingii ade nkate jha panjiya na ade chehemo jha nyahinyahi kunane kwa Chapanga. \v 20 Yecho jwenio alongolile kujhingii mwenio kwa nhwalo gwito na abhile Mpiya litambiko Nkolongwa jwa machiko ghoha ghangapeta kwa nnandanikiho gwa Melikichedeki. \c 7 \s Mpiya litambiko Melikichedeki \p \v 1 Jhonjo Melikichedeki akibha munahota nkolongwa jwa ku Chelemu na mpiya litambiko jwa Chapanga jwabhii Nkolongwa hake. Ulahimo pakelewika kuhumii kungondo kwenio akabhakomite akanahota akakolongwa, Melikichedeki akakonganike nako nu kumpeke mota, \v 2 na jwenio Ulahimo akampehi lipungu lya kome lya ilebhe yoha jwabhii nayo, nhwalo jha kutumbula kwa liina lya Melikicheki ndi “Munahota nkolongwa jwaumbone palonge jha Chapanga,” na helahela jwenio akibha munahota nkolongwa jwa ku Chelemu, mana jhake ndi, “Munahota nkolongwa jwa uteeke.” \v 3 Akibha akwete jhe tate hilu majhe na akibha jhe na lukolo, ahwii ligha, akibha jhe mundo jwamanyita abhelwikwe ligha. Ihwanana na Mwana gwa Chapanga, na ijhendelela kubhehe Mpiya litambiko machiko ghoha ghangapeta. \p \v 4 Ngohe mnolokeye mundo jhonjo chabhii nkolongwa. Hoko gwito Ulahimo akampeki lipungu lya kome lya ilebhe yoha yapokita kungondo. \v 5 Na lola lukolo lwa Lawe lulukibha akapiya matambiko lulaghalikilwe na lilaghalikilo lya Mucha bhapokele lipungu lya kome lya ilebhe kuhumii kwa bhando akalongo bhabhe Akaichilahele, pamo na kubhehe kibheluko cha Ulahimo. \v 6 Melikichedeki ahumi jhe mu lukolo lwa Lawe, nambo akapokii lipungu lya kome kuhumii kwa Ulahimo, peniya ajhakumpeke mota jwenio jwapokii lilaghano lya Chapanga. \v 7 Ibhii jhe mbwelelo kubhehe jwandina ndi jwapekewa mota na nkolongwa. \v 8 Kabhele, bheniya akapiya matambiko bhibhapoke lipungu lya kome, ndi bhando bhibhahwegha, nambo pamba jwapokela lipungu lya kome Melikichedeki, jwalongelwa jwabhii ghome ngita chighalonge Majhandiko gha Chapanga. \v 9 Bhahe, tuhoto kulonge, Ulahimo pabhohita lipungu lya kome lya ilebhe yake, Lawe helahela kibhelukwa chake kipokela lipungu lya kome apihita lipungu lya kome hele kupete jwenio. \v 10 Melikichedeki pakonganika na Ulahimo, Lawe akibha abhelwikiijhe, akibha amela nkate jha mu yegha jha tate mundo Ulahimo. \p \v 11 Anda uchakaka ngaubhehe upatikana kwa ndela jha Upiya litambiko lya Akalawe, kwa nchinge gwenio kwa bhando, nhwalo gwa nike ngohe apalwa ahike mpiya litambiko jhonge, kwa nnandanikilo gwa Melikichedeki na chi kwa nnandanikilo gwa Halune? \v 12 Anda upiya litambiko ughalambwike, na lilaghalikilo lipalwa hele lighalambuke. \v 13 Na jwenio Bhambo gwito jwalongelwa malobhe ghake, ahumi mu likabila lenge, na abhii jhe mundo jwa lukolo lono jwatumikila pa kachangwale pakupihikiya katambiko. \v 14 Kwa mana tumanye chakaka kubhehe jwenio ahumii mu likabila lya Yuda, na Mucha akalongii jhe kilebhe kwa lukolo lundo kwa malobhe gha upiya matambiko. \s Mpiya litambiko jhonge jwalandana na Melikichedeki \p \v 15 Kabhele lijhambu lende libhii mbegha hake kunhwalo mpiya litambiko jhonge jwalandine na Melikichedeki apitile. \v 16 Jwenie akatehi jhe kubhehe mpiya litambiko kwa lilaghalikilo lya bhando, nambo akatei kubhehe mpiya litambiko kwa likakala lya ughome gwa machiko ghoha ghangapeta. \v 17 Nhwalo Majhandiko gha Chapanga ghilonge, “Mwe ndi mapiya litambiko bha machiko ghoha kwa nnandanikiho gwa Melikichedeki.” \v 18 Bhahe, lilaghalikilo lela lya makacho likabhekitwe paupele nhwalo ikibha leghele na kilebhe nacho. \v 19 Nhwalo lilaghalikilo lya Mucha likahotwii jhe kulenganikiya kilebhe chochoha. Nambo ngohe, tupatite lihobholelo lyambone, na kupete lihobholelo lyenio tuhoto kunheghelela Chapanga. \p \v 20 Bhahe, pamba Chapanga akakilapi. Nambo bhala bhange bhibhateilwa kubhehe akapiya matambiko Chapanga akalapii jhe. \v 21 Nambo Yecho akibha mpiya litambiko kupete kukilapi pala Chapanga pannobholila: \q “Bhambo akalapile, \q naghalambula ndeka chela chakipala: \q ‘Mwenga ndi mpiya litambiko gwa machiko ghoha ghangapeta.’ ” \m \v 22 Bhahe, kwa kulapila kwenio, Yecho ajhakubhehe nnyemelela lilaghano lilibhii lyamaha hake kuliku lela lya makacho. \p \v 23 Kabhele, bhala akapiya matambiko bhange bhakibha twe nhwalo bhatehila kuwegha na ngabhahotwii jhe kujhendelela na mahengo ghabhe. \v 24 Nambo nhwalo Yecho itamakii machiko ghoha ghangapeta, upiya litambiko gwake upehekeya jhe. \v 25 Yene, jwenio ahotola kwaghombola njwe bhala bhibhannyendelela Chapanga kwa ndela jhake, nhwalo jwenio atamikii machiko ghoha ghangapeta, ndi jwabhajhopela kwa Chapanga. \p \v 26 Bhahe, Yecho ndi mpiya litambiko Nkolongwa jwamaha kwa nhwalo gwito, jwanyahinyahi, jwanga ulemo amu uhakaho, jwabhii kutale na bhibhabhii na uhakaho, na jwajhinulilwe kunane hake kwa Chapanga. \v 27 Jwenio alandana jhe na akapiya matambiko bhange, ipalwa jhe apiya litambiko kila lichiko, hote kwa uhakaho gwake jwenio, na peniya kwa nhwalo gwa uhakaho gwa bhando. Jwenio akapihite litambiko mala jhimo tugha lilitamikii machiko ghoha ghangapeta pala pakipihita jwenio. \v 28 Lilaghalikilo lya Mucha lyahaghuu bhando bhibhabhii leghele bhabha akapiya matambiko bhakolongwa, nambo lilaghilo lya Chapanga likateilwe kwa kulapila na jhene ikahikite bada jha lilaghalikilo na likanhagwii Mwana jwakamilika machiko ghoha ghangapeta. \c 8 \s Yecho ndi mpiya litambiko gwito Nkolongwa \p \v 1 Bhahe, lilobhe likolongwa mu ghanga ghutulonge ndi lende: Twenga tukwete mpiya litambiko nkolongwa jwabhii ngita jhonjo, jwatama lubhoko lwalelo lwa kigoda cha Unahota Nkolongwa cha Ukolongwa kwenio kunane kwa Chapanga. \v 2 Jwenie ahenga lihengo ngita Mpiya Litambiko chehemo jha unyahinyahi, pupachengwite lihema lela lya uchakaka na Bhambo, na chi na bhando. \p \v 3 Kila Mpiya Litambiko Nkolongwa ahaghulilwe ampihikiye Chapanga hupo na litambiko, ngohe tubhii na Mpiya Litambiko Nkolongwa gwito ndi Yecho Kilichitu hele abhaha na kilebhe cha kumpihikiya Chapanga. \v 4 Anda jwenio ngabhehe jwapamba pannema, ngabhii ng'o mpiya litambiko, nhwalo bhabhii bhapiya matambiko bhange bhibhapiya matambiko ngita chililaghalikilwe mu lilaghalikilo lya Mucha. \v 5 Mahengo ghabhe gha upiya litambiko ndi nnandanikiho tugha na kiyeka cha ghala ghughabhii kunane kwa Chapanga. Nhwalo Mucha pakibha pahina nu kutengenecha lihema lela, Chapanga akannaghalikiye: “Dolekeya, ntendekeye kila kilebhe kibhaha ngita nnandanikiho ghola ghunikanangiye ku kitombe.” \v 6 Nambo ngohe Yecho apekiwe mahengo gha upiya litambiko lilibhii lyambone kupeta lyabhe, ngita chabhii nnyemelela jwa lilaghalikilo lilibhekitwe pakate jha bhando bha Chapanga ndi lyambone hake, nhwalo lijhemite mu lilobhe lya mbone lyalaghii Chapanga. \p \v 7 Nhwalo ngita lilaghilo lela lilongolila likibha jhe na ulemo, lipalwa jhe na lilaghano lya ubhele. \v 8 Nambo Chapanga ngabhakokolikiya bhando bhake pubhalongila: \q “Bhambo alonge machiko ghahika, \q pumbala kubheka lilaghano liyono na bhando bha ku Ichilahele na bha ku Yuda. \q \v 9 Lilaghano lende nalilandanajhe na lela limekita na akahoko bhabhe, \q lichiko lela panakamula lubhoko na kwabhoha kuhumii ku kilambo chuku Michile. \q Nhwalo bhalikamwiijhe lilaghano lyango, \q na nenga nganakanita. \q \v 10 Lende ndi lilaghano limbala kuhenga na bhando bha ku Ichilahele: \q machiko ghughahika, ilonge Bhambo: \q Nameka lilaghalikilo lyango mu malango ghabhe, \q nanyandika mumiojho jhabhe. \q Nenga namma Chapanga gwabhe, \q na bheniya nabhabha bhando bhango. \q \v 11 Abhii jhe jwapala kummola nnyake, \q amu kunnobholela nnongo mundo, \q ‘Mummanye Bhambo.’ \q Nhwalo bhando bhoha, \q yana na ata akanahota, nabhamanya. \q \v 12 Nanekekeya ulemo gwabhe, \q na uhakaho gwabhe nakombokela jhe kabhele.” \m \v 13 Kwa kulonge lilaghano lende liyono, Chapanga akalitehi lela lililongalile litundangalile na kilebhe chochoha chikitundangalila kibhandikii kutukutuka. \c 9 \s Kujhinamii Chapanga pannema na kujhinamii kunane \p \v 1 Lilaghano lililongalile likibha na ndela jhake jha kunnyinamii Chapanga na hele chehemo jhake jha nyahinyahi pannema. \v 2 Bhakalenganikiye lihema lya Chapanga na chumbi chake chikilongolile kikemitwe Mahale Panyahinyahi. Mwenio mukibha na kinala chukubheke kolobohi, kachangwale na mabumunda ghighapihitwa palonge jha Chapanga. \v 3 kuyeto jha lipanjiya lyuubhele, kukibha na chumbi chikikemitwa Panyahinyahi Hake. \v 4 Mwenio mukibha na kachangwale kanyahinyahi ka chaabo ka kututukiya ubane, na Lichanduko lya Lilaghano, likibha likilimwe lyoha na chaabo, na nkate jhake mukibha na kibhegha cha chaabo chichikibha na chakulya chikikemitwa mana, nkongocho gwa Halune ukibha lutundwila mahamba, na majhola mabhele ghajhandikwe lilaghalikilo. \v 5 Panane jha Lichanduko lyenio kukibha na ihumbi ibhele ibhii na mapapanilo ikemitwa makelube, makelube ndi ihumbi ibhii na ukolo gwa Chapanga, na mapapanilo ghabhe ghakayekelii chehemo jha kulekekewa uhakaho gwa bhando. Nambo ngohe tuhotojhe kulonge hotuhotu malobhe gha ilebhe henge. \p \v 6 Bhahe, naha ndi chiibhile, kila machiko bhapiya matambiko bhakajhingii mu chumbi chela chikilongalile na kuhenga mahengo ghabhe gha kupiya matambiko. \v 7 Nambo mpiya litambiko kanjika ndi ipalwa kujhingii mu chumbi chuubhele, na jwenio itenda yenio mala jhimo tugha kwa chaka, na jwenio apalitwa atole miyahe kumpihikiya Chapanga nhwalo gwa jwenio na nhwalo gwa uhakaho gwa bhando ghubhatehila changamanya. \v 8 Uhuke gwa Chapanga ibhola hotuhotu kupete mambu ghanga kubhehe ndela jha kujhingii Panyahinyahi pa Nyahinyahi Hake kunane kwa Chapanga pamela panajhogholelwa jhe, nhwalo chumbi chela chikilongalile chamela kibhile. \v 9 Kilebhe chenje kihwanana na machiko ghanga gha ngohe, hupo na litambiko ipihiwa nambo ihotojhe kuitenda miojho jha bhando bhibhannyinamii Chapanga ikoto kubhehe na malemo. \v 10 Ilebhe henge yoha itendika nhwalo gwa chakulya na kunywe na chituhobhalii kukijhelebhuha. Ghanga ghoha kwa nhwalo gwa yegha tugha, na makakala ghake naghajhomokela Chapanga papakutenda ilebhe yoha kubhehe iyono. \p \v 11 Nambo Kilichitu ahikite, ngita Mpiya litambiko Nkolongwa gwa mambu gha umbone ghughabhii pamba, mambu ghighahikite. Jwenio akajhingii mu lihema lyamaha na likolongwa hake, lichengwitejhe na bhando, yenio lihumiijhe mu nnema ghongo ghupanginwe. \v 12 Jwenio akajhingii Panyahinyahi pa Nyahinyahi mala jhimo tugha, jwenio akajhingiijhe na miyahe jha mbuhe amu ng'ombi, nambo akajheghite miyahe jhake jwenio, kwa ndela jhene atuletii ukomboche gwa machiko ghoha ghangapeta. \v 13 Nhwalo kwa miyahe jha mbuhe na jha lipongo lya ng'ombi na lihu lya litohe lya ng'ombi bhamichilwa bhando bhubhabhii bhanganandela na bhando bheniya bhajhelewike yegha jhabhe palonge jha Chapanga. \v 14 Kilebhe chenje ndi chakaka, bho, ngohe miyahe jha Kilichitu chi jhambone hake? Nambo Kilichitu akakipihite jwenio kwa Chapanga ngita litambiko kwa makakala gha Uhuke gwa machiko ghoha ghangapeta. Yene miyahe jhake itujhelebhula miojho jhito kuhumii mu itendwa hito itulete kuwegha, ndi tutumikila Chapanga jwabhii ghome. \p \v 15 Yene Kilichitu ndi jwajhelanicha lilaghano liyono ndi bhala bhibhakemitwa na Chapanga bhapokela mota jha machiko ghoha ghangapeta ibhalaghilwe. Nhwalo jwenio akawile kughombola bhando kuhumii muhakaho ghubhatehila mu lilaghano lya makacho. \p \v 16 Kwa nhwalo gwa wochiya ujheketelwa anda jhola jwalongila awile. \v 17 Kwa nhwalo wochiya ubhehe na likakala anda jwalongila awile, wochiya ubhehe jhe na likakala anda jwalongila amela ghome. \v 18 Kwa nhwalo ata lilaghano lilitumbwila lihengita jhe lihengo changa miyahe. \v 19 Hote Mucha akatangachii bhando malaghalikilo ghoha ngita chighalongila, peniya ajhakutola miyahe jha litohe lya ng'ombi na mbuhe ajhakuhangalana na mache, na mahamba gha nkongo gwa hichopo na mangoma gha limbelele lilikelimwa lange ngele, ngamichila kitabo cha lilaghalikilo na bhando bhoha. \v 20 Mucha akalongii: “Jhenje ndi miyahe jha lilaghilo lililangii uchakaka yalaghalikii Chapanga mulikamule.” \v 21 Helahela Mucha ngamichii miyahe mu lihema lela lya nyahinyahi na yombo yoha itumika kunnyinamii Chapanga. \v 22 Na mu lilaghalikilo lya Mucha ilebhe yoha ibhandikii kujhelebhulwa kwa miyahe, na uhakaho ulekekewa tugha kwa miyahe kujhitika. \s Litambiko lya Kilichitu ubhoha uhakaho gwa bhando \p \v 23 Ilebhe henge ya pamba ndi nnandanikiho tugha gwa ilebhe ya uchakaka ya kunane kwa Chapanga, na yenio ipalwa ijhelebhulwe kwa miyahe. Nambo ilebhe ya kunane kwa Chapanga ipala litambiko lilibhii maha hake. \v 24 Nhwalo Kilichitu akajhingii jhe Panyahinyahi Hake pipachengwite kwa mabhoko gha bhando, chehemo jhene ndi nnandanikiho gwa chela chikibhii cha uchakaka cha kola kunane kwa Chapanga Jwenie. Jwenie akajhingii kunane kwa Chapanga jwenio, ngohe ajhemite palonge jha Chapanga kutukengelela twenga. \v 25 Kila chaka Mpiya litambiko Nkolongwa jwa Akayahude akajhingii Panyahinyahi Hake kwa miyahe jha inyama, nambo Kilichitu akajhingii jhe mwenio mala twe kukipiya jwenio, \v 26 nhwalo ngaibhehe yenio, Kilichitu apalitwa kung'ahichwa mala twe kuhumii puupanginwa nnema. Nambo ngohe, machiko ghighabhandikii kupehekeya nnema, jwenio apitile mala jhimo tugha kulekekeya uhakaho kwa kubhoa yegha jhake kubhehe litambiko. \v 27 Ngita hela, kila mundo paihwe mala jhimo, peniya ihadabulwa na Chapanga, \v 28 hele naha Kilichitu na jwenie akakipihite litambiko mala jhimo kupala aulekekeye uhakaho gwa bhando twe. Papakupitila kabhele, ahikii jhe kukenyangenya na uhakaho, nambo ahika kwakombola bhala bhibhannendelela kwa kilolo. \c 10 \p \v 1 Kwa yenio lilaghalikilo lya Mucha ndi kiyeka tugha cha ilebhe yambone ihika palongoloho, na chi ilebhe ya uchakaka. Matambiko ghanga gha Mucha ghapihitwa kwa kubhujhila bhujhila kila chaka changalekwa yatenda jhe ng'o bhala bhibhamandikii Chapanga kubhehe akakamilipo! \v 2 Anda bhando bheniya bhibhanyinamila Chapanga bhakabhii bhajhelehwilwe uhakaho gwabhe chakaka, miojho jhabhe ngaibhinitii jhe kulangiya ibhii na uhakaho, nabhajhendelela jhe kupiya kabhele lyenio litambiko. \v 3 Nambo matambiko ghala ghibhabhujhii kila chaka kwakombocha bhando uhakaho gwabhe. \v 4 Kwa nhwalo miyahe jha lipongo lya ng'ombi na mbuhe ihoto jhe kubhoha uhakaho. \p \v 5 Nhwalo Kilichitu pahikita pannema pano, akannobhalile Chapanga: \q “Mukapahii jhe bhapiye litambiko hilu hupo henge, \q nambo mwenga unganenganikiye yegha. \q \v 6 Litambiko lya kukomelekewa kwa mwotu, \q amu litambiko lya kubhoha uhakaho kwangahalalicha. \q \v 7 Peniya nganongila, ‘Mii pamba, mwe ma Chapanga, \q kuhenga ghala ghimipala, \q ngita chinyandikilwe mu Majhandiko gha Chapanga.’ ” \m \v 8 Hote akalongi, “Mihalalichwa jhe na litambiko lyukutiniwa kwa mwotu, litambiko lya kukomelekelwa kwa inyama na litambiko lya kubhoha uhakaho.” Akalongii naha ata ngita matambiko ghala ghoha ghighapihitwe kwa kukengama lilaghalikilo lya Mucha. \v 9 Peniya akalongi: “Mii pamba, mwe ma Chapanga, kuhenga ghimipala mwenga.” Yene Chapanga ajhakulibhoha litambiko lya makacho na kummeka Kilichitu jwenie ngita litambiko. \v 10 Kwa mana Yecho Kilichitu akatehi ghala ghapala Chapanga, twenga tujhelewike uhakaho gwito kwa litambiko lya yegha jhake jwenio jhapihite mala jhimo tugha kwa nhwalo gwa bhando bhoha. \p \v 11 Kila mpiya litambiko jwa Akayahude ihenga lihengo lya kupiya litambiko kila lichiko na ipiya matambiko ghagha mala jhamahele, matambiko gheniya ghahoto ng'o kubhoha uhakaho. \v 12 Nambo Kilichitu apihita litambiko limo tugha nhwalo gwa kubhoha uhakaho, litambiko lilibhii lyamaha machiko ghoha ghangapeta, peniya atamite lubhoko lwalelo lwa Chapanga, \v 13 na ngohe ilendelela akamakoko bhake bhabhekwe pahe jha magholo ghake. \v 14 Bhahe, kwa litambiko lyake limo, abhatei kubhehe akakamilipo machiko ghoha ghangapeta bhala bhibhajhelehwike. \p \v 15 Uhuke gwa Chapanga helahela itulongelela twenga malobhe gha ilebhe henge. Hote alonge, \q \v 16 “Lende ndi lilaghano limbala kuhenga nako, \q palonge jha machiko ghighahika, ilonge Bhambo, \q nameka lilaghalikilo lyango mu mumiojho jhabhe, \q nanyandika mu malango ghabhe.” \m \v 17 Kabhele ngalongila: “Nakombokela jhe kabhele uhakaho gwabhe na mahengo ghanganandela.” \v 18 Anda ngohe uhakaho ulekekiwe, nakubhe jhe kabhele kupiya litambiko lya kulekekeya uhakaho. \s Tunheghelele Chapanga \p \v 19 Ngohe akalongo bhango, kwa miyahe jha Yecho tuhoto njwe kujhingii Panyahinyahi Hake changakiholo. \v 20 Jwenio atujhogholii ndela yono, ndela jhitulongocha mu ughome, kupete panjiya jhela, atehila yenio kwa kubhowa yegha jhake. \v 21 Ngohe tukwete Mpiya litambiko Nkolongwa jwabhii na ukindendeke mu Nyumba jha Chapanga. \v 22 Kwa yenio tumandikile Chapanga kongo tubhii na uchakaka na kihobholelo cha uchakaka kwa miojho jhijhelehwike jhilangiya kubhehe nkwetii jhe ulemo, tuuleke ubhoho na yegha jhito ichukwe kwa mache ghamaha. \v 23 Tukamule hake lihobhalelo lito litulonge twabhete, nhwalo Chapanga jwateile lilaghano lyake ndi jwahobholeka. \v 24 Tuwachilana twenga kwa twenga, tulekelane mwojho, tughaghe mu kupalana na kuhenga ghamaha. \v 25 Tukoto kukotoka kukongana pamonga, ngita bhange chibhihenga. Bhahe, nambo tukangamaliche mwojho na tujhendelele kuhenga yenio, ngita chimulola machiko gha Bhambo ghabhandikile. \p \v 26 Kwa nhwalo, anda tujhendelii kuhenga uhakaho kwa kupala kone anda tujhomolee kuumanya uchakaka, libhii jhe litambiko lilihoto kupiwa kabhele kwa nhwalo gwa kubhoha uhakaho. \v 27 Chikihighilike ndi kulendela tugha kwa ubhoghohe luhadabulo lwa Chapanga na mwotu nkale ghuupala kwakomelekeya bhala bhoha bhibhankana Chapanga. \v 28 Mundo jhojhoha jwangakamula lilaghalikilo lya Mucha, akakomitwe changa kiya anda bhabhii bhando bhabhele amu bhatato bhalolite na kulonge kilebhe chenie. \v 29 Ngohe mihola bhole? Bho, ipalwa ahadabulwa pakolongwa bhole mundo jhola jwampucha Mwana gwa Chapanga nakulola kilebhe nacho miyahe jha lilaghano lya Chapanga lilinyelewile na mundo jwanigha Uhuke gwa Chapanga jwatulangiya kiya? \v 30 Kwa nhwalo tummanye chalongila jhola: “Nenga naninepa jhe ghanganandela, nenga nanepechela bheniya,” na helahela alongela: “Bhambo nabhahadabula bhando bhake.” \v 31 Kilebhe cha kujhoghopa kugwelela mu mabhoko gha Chapanga jwabhii ghome! \p \v 32 Nambo nkomboka machiko ghala gha kutumbula pala puyekulilwa uchakaka gwa Chapanga. Pamonga na mangota mukang'ahike hake, mangota mkahimbilile. \v 33 Pipipi mkaligwite na kutendelwa ghanganandela na kumpe hone pa bhando, pipipi mu kulombana na bhala bhubhang'ahichwa hele. \v 34 Helahela mukang'ahike pamonga na bhala bhubhabhii mu kipungo na pumpokitwa ilebhe hino mukajheketile kwa kuhangana, nhwalo mkamanye nkwete kilebhe chambone hake na kitamikii machiko ghoha ghangapeta. \v 35 Ngohe, nkoto kuhobheya lihobhalelo lino, nhwalo nalimpela hupo ngolongwa. \v 36 Mipalwa kubhehe na luhimbililo ndi mihoto kuhenga ghala ghapala Chapanga na kupokela chela chalaghile. \v 37 Ngita chilonge Majhandiko gha Chapanga: \q “Pamela kandina tugha, \q na jhola jwahika, nahika, \q nachelewa jhe. \q \v 38 Nambo jhola jwahenga ghighahalalila nenga natama kwa kihobholela, \q nambo anda abhujhii unyuma, \q nenga nahalalilwa jhe.” \m \v 39 Nambo, twe twabhando bhukubhujha unyuma jhe nu kuwegha mu kihobholelo, nambo twenga tubhii na kihobholelo na kughombolelwa. \c 11 \s Kihobholelo \p \v 1 Kubhehe na kihobholelo ndi kubhehe na uchakaka gha mambu ghituhobholela, kuhobholela hake ilebhe yangabhonekana. \v 2 Kwa kihobholelo chabhe akahoko bhito bha makacho bhakajheketilwe na Chapanga. \p \v 3 Kwa kihobholelo twenga tumanya ngita nnema ukapanginwe kwa Lilobhe lya Chapanga, kwa yenio ilebhe ibhonekana ikapanginwe jhe kuhumii mu ilebhe ibhonekana. \p \v 4 Kwa kihobholelo Abele akapihite litambiko kwa Chapanga likibha lyambone kuliku lela lya Kaine. Kwa kihobholelo chake akajheketilwe na Chapanga kubhehe jwaumbone, Chapanga jwenie akajheketile litambiko lyake. Kwa kihobholelo chake pamonga na kuwegha, ghala ghatehila ghakibha ghamela ghatubholita. \p \v 5 Kwa kihobholelo Henoke akatoilwe kujhenda kunane kwa Chapanga, akoto kuwegha. Abhonikine jhe kabhele nhwalo antoii Chapanga. Kabula jwakutolwa kujhenda kunane kwa Chapanga, jwenio akibha anhalalicha Chapanga. \v 6 Bhahe, changa kihobholelo, abhii jhe mundo jwahoto kunhalalicha Chapanga, kwa nhwalo kila mundo jwannyendelela Chapanga ahobholela kubhehe ndi chakaka Chapanga abhii, na abhahupa bhala bhibhampalaha. \p \v 7 Kwa kihobholelo Nuho akapwatalilwe na Chapanga kwa ilebhe ipala kuhika palonge yangabhonekana. Akannyokanikiye Chapanga, ajhakuchenga chapina mwono jwenio na nyumba jhake bhakakombolilwe. Kwa kihobholelo chake Nuho akabhonikine jwaumbone palonge jha Chapanga nambo bhando bhoha bha pannema bhakahadabwilwe. \p \v 8 Kwa kihobholelo Ulahimo akannyokanikiye Chapanga, pakemitwa ajhende ku kilambo chanaghila Chapanga champela kibhehe chake. Yene Ulahimo ajhakubhoka mu kilambo chake changamanya kojhe kwajhingilila. \v 9 Kwa kihobholelo Ulahimo akatamite ngita nng'ene mu kilambo chanaghila Chapanga. Akatamite kwenio mu mahema ngita chatamita Isaka na Yakobu, na bhene bhakapokii ghaghalaghala ghalaghila Chapanga. \v 10 Kwa yenio Ulahimo akibha alendila muche gwa nchinge nganganga, muche gwenio ghutumbulichwe na kuchengwa na Chapanga jwenio. \p \v 11 Kwa kihobholelo Sala akajheketilwe kubhehe kwa Chapanga ilenganikii lilaghilo lyake, yenio Sala akibha na ajhakubhehe na ndumbo pamonga na kubhehe aghohime. Pamonga na kipinde chake cha kujhegha ndumbo kipetite. \v 12 Yene Ulahimo akibha ngita mundo jwawile, kuhumii kwa mundo jwenio jhumo bhakapitile bhando bhamahele bhangabhalangika ngita ndondwa ya kunane na micheke jha kumbwane. \p \v 13 Bhando bheniya bhoha bhakawii kongo bhakibha na kihobholelo. Bhakahwii changapokela ilebhe yalaghii Chapanga, nambo cha kutale bhakakihwene na kuhanganila, bhakajheketile hotuhotu ngita bheniya ndi akaghene na bhapeta ndela pannema. \v 14 Bhando bhibhalongela ilebhe ngita yenio, bhilangii hotu bhipalaha kilambo chabhe bhene. \v 15 Anda bhahwachila kilambo chela chimahumila, ngabhahotwii kubhujha kwenio. \v 16 Nambo ngohe bhipala kilambo chikibhii chambone, kilambo cha kunane kwa Chapanga. Kwa yenio Chapanga ikola jhe hone kukemwa Chapanga gwabhe, kunhwalo jwenio abhalenganikiye muche gwabhe. \p \v 17 Kwa kihobholelo Ulahimo akampihite mwana mundo Isaka ngita litambiko pala Chapanga pannyighita. Ulahimo ndi jwakibha apokile lilaghano lya Chapanga, nambo akajheketile kumpiya mwana mundo jwakanjika abhehe litambiko, \v 18 ata anda Chapanga akannobholile: “Kupete kwa Isaka ndi nampata ibheluko ininnaghile.” \v 19 Ulahimo ngahobholila kubhehe Chapanga ihoto kwayokecha bhubhawile, kwa kulonge yenio Ulahimo ngampatita Isaka kuhumii kubhawile. \p \v 20 Kwa kihobholelo Isaka akapekii mota Yakobu na Echau kwa ghala ghighahika palongolo. \p \v 21 Kwa kihobholelo Yakobu pabhandikila kuwe, akaipekii mota yana ya Uchupo, akannyinamile Chapanga kongo ajheghemii mu kongocho gwake. \p \v 22 Kwa kihobholelo Uchupo pabhandikila kuwe, akalongii malobhe gha Akaichilahele kubhoka mu kilambo cha ku Michile, na akabhalaghile ihupa yake bha itende bhole. \p \v 23 Kwa kihobholelo akatate bha Mucha ngabhaihita Mucha kwa miyehe mitato kuhumii mu kubhelukwa kwake. Bhakamwene akibha mwana jwambone, bhakajhogwipe jhe nhwilo gwa munahota nkolongwa jwa ku Michile. \p \v 24 Kwa kihobholelo Mucha pakibha nkolongwa, akakanite kukemwa mwana jwa bite Falao munahota nkolongwa jwa ku Michile. \v 25 Ngalolita mbaha kung'ahika pamonga na bhando bha Chapanga kuliku kunomenekeya ilebhe ya uhakaho kwa machiko ghandina tugha. \v 26 Akaumbwile kubhehe kulagha kwa kuligwa nhwalo gwa Kilichitu ndi kilebhe chambone kuliku kubhehe na ilebhe mbwe ya ku Michile, nhwalo akibha alolila hupo jhipala kuhika. \p \v 27 Kwa kihobholelo Mucha akabhokite ku kilambo cha ku Michile changa kujhoghopa lilaka lya munahota nkolongwa, na hilu akabhujhitii jhe unyuma, akibha ngita mundo jwamweii Chapanga jwangabhonekana. \v 28 Kwa kihobholelo Mucha akatehi unyagho gwa Pachaka, akalaghile miyahe imichilwe panane jha nnyango, kupala nhenga lihengo jhola jwa kunane jwaleta kuwegha akoto kwakoma yana inalome yalitibho yuku Ichilahele. \p \v 29 Kwa kihobholelo bhando bha ku Ichilahele bhakajhombwike Mbwane jha Chamo ngita bhatyanga pajhomo, nambo Akamichile pibhapata kujhomboka ngabhawelila mwenio umache. \p \v 30 Kwa kihobholelo mapamanda gha muche gha ku Yeliko ghakatilwike Akaichilahele pibhatindila kwa machiko chaba. \v 31 Kwa kihobholelo Laabo akibha atehila ngongola akahwii jhe pamonga na bhala bhanganyokanikiya Chapanga, nhwalo akabhapokii maha bhala bhando bhibhapalaha ilebhe kwa kukihiya bha ku Ichilahele. \p \v 32 Ngohe nongila nike kabhele? Ngwete jhe pwache jha kulonge kwa Gideone na kwa Balake na kwa Samusone na Yefita na kwa Daude na kwa Chamwele na kwa milondole bha Chapanga. \v 33 Kwa kihobholelo bheniya bhoha bhakakomine ngondo na akanahota akakolongwa na bhakakunite. Bhajhakughagha kuhenga kupala ilebhe ipalwa ibheghe. Bhajhakutabha milomo jha mahimba, \v 34 bhakahimite lipela lya mwotu, bhakaholwite kukomwa kwa upanga, pubhakibha leghele nambo bhakalekwii makalala. Bhakibha na makakala kungondo, bhajhakwabhenga akakomana ngondo akaghene. \v 35 Kwa kihobholelo akakeghe bhakabhujhichilwe bhando bhabhe bhibhawile. Bhange pakate jhabhe bhakakanite kulekekelwa. \p Bhakang'aichwe ade kuwe kupala bhayoke na kujhingii muughome gwambone hake. \v 36 Bhange bhakapuchwe na kubulwa kwa limbendela lya ndomondo, na bhange bhakatabhitwe minyololo na kwataghii mu kipungo. \v 37 Bhange bhakakomitwe kwa maghanga, bhange bhakahekitwe ipande kwa nchumeno, bhange bhakakomitwe kwa upanga. Bhakatindile kongo na kongo kone bhahwalite mambendela gha limbelele na mambendela gha mbuhe, bhakibha bhando akahocho, bhakang'ahichwe na kwatendela ghanganandela. \v 38 Ikapalwa jhe bhando bha nnema bhatame na bhando ngita bheniya! Bhakatindi tindi kulundwanga na ku itombe, bhatamita mu mikwembe na mu milenda. \p \v 39 Bhando bheniya bhoha bhabhonikina kubhehe nganganga nhwalo gwa kihobholelo chabhe. Nambo bhakapokii jhe ghala ghalaghila Chapanga, \v 40 nhwalo Chapanga atulenganikiye twenga ilebhe yambone kukamilichwa changa twenga. \c 12 \s Chapanga ndi Tate gwito \p \v 1 Twenga tutindilwe na lilongo likolongwa lya bhala bhubhatamita mu kihobholelo cha uchakaka palonge jhito, yenio tubhohe kila chikituhibhilikiya, na uhakaho jhitunyembelela. Mbelo ibhekwite palonge jhito, tubhutuka kwa kuhimbilila. \v 2 Tumpihikiye miho ghito Yecho ndi jwatumbulicha kihobholelo chito na jwenio ndi najhomolela. Nhwalo gwa luhangano lulukibha palonge jhake, akahimbilile kuwe pa nchalaba, changakola hone, na ngohe itama lubhoko lwalelo lwa kigoda cha unahota nkolongwa gwa Chapanga. \p \v 3 Mughaholele mambu ghighankolii Yecho, pahimbilila kuchimwa na bhibhabhii na uhakaho. Ngohe nkoto kutotokela na kuhengela mwojho. \v 4 Nhwalo mu kukomana na uhakaho, mangota nnyemite jhe nganganga ade kuhikii mukujhita miyahe. \v 5 Bho, nnyehwite malobhe ghala gha kuleke mwojho, Chapanga pankemita mangota yana mundo? \q “Mwanango, nkoto kunpucha Bhambo pwapwatalila, \q peniya panchwapula nkoto kuwe mwojho \q \v 6 Nhwalo Bhambo inkelebhuya kila mundo jwampala, \q inchwapula jwajheketela kubhehe mwana mundo.” \m \v 7 Nhimbilile pibhankelebhuya, nhwalo Chapanga itenda mangota kubhehe ngita yana yake. Bho, mwana ghane jwangachapulwa na tate mundo? \v 8 Nambo anda muchwapuj he ngita chimwiichwapu yana henge, chakaka mangota chi yana mundo, mangota ndi yana ya pa kituto. \v 9 Pamonga na gheniya, twenga tubhii na akatate bhito bheniya bhituchwapuu na twenga twajhokanikiya. Yene tupalwa kunnyokanikiya hake Tate gwito jwa ki Uhuke tubhehe na ughome. \v 10 Akatate bhito bhibhatupapite bhakatuchwapile kwa kipinde chandina tugha, ngita chibhalolita bheniya ikwela, nambo Chapanga atuchwapuu kwa kututangatila twenga, ndi tubhehe mu unyahinyahi gwake. \v 11 Nambo kuchwapula chi kilebhe chukuhanganila nambo ndi kilebhe chikileta ungolongondi. Nambo bhala bhibhachwapwilwe nabhapata ndweko jha uteeke kwa kutama kwa kunhalalicha Chapanga. \s Mabholo na lupwato \p \v 12 Bhahe, nnyinule mabhoko ghino ghighatotokile na kukangamalicha majhugwa ghino ghighabhii leghele! \v 13 Nnyendelele kutyanga mundela jhinyokite, kupala lugholo lululemile lukoto kuteghuka nambo lubhehe ughome. \p \v 14 Nghaghe kutama kwa uteeke na bhando bhoha kwa unyahinyahi. Nhwalo abhii jhe mundo jwaipala kummona Bhambo jwangabhehe nyahinyahi. \v 15 Mukichunge hake mundo jhojhoha akoto kuhobheya umbone gwa Chapanga. Mundo jhojhoha jwangajheketela kulandana na nkongo ghuna uchongo ghuukola na kwalete bhando mang'ahe kwa uchongo gwake. \v 16 Mukichunge pakate jhino akoto kubhehe mundo jwahenga ngongola amu mundo jwanganhalalicha Chapanga, ngita Echau jwachulwiche uliche gwake kwa kiheneko chimo tu. \v 17 Nhwalo mimanya papata apelwa mota na tate mundo, ngakanilwa nhwalo yamaha jhe kughalambula chateile, pamonga na kupalaha kwa maholi chwii. \p \v 18 Mangota mukakihikii jhe kitombe cha ku Chinae ngita bhando bha ku Ichilahele chibhauhikila, kitombe changahoto kukamulwa kone kijhaka mwotu na lihunde lipile tyoo, lubhendo na upepo nkolongwa, \v 19 mpogho gwa lipenenga na lilobhe lililonge malobhe. Bhando bhala pibhajhoina lilobhe lyenio bhakapembikii bhakoto kujhoha, \v 20 nhwalo bhakahotwii jhe kulipokela lilaghilo lililongilwe: “Ata kinyama jwapala kupapaha kitombe chenje akong'ondwe maghanga ade aweghe.” \v 21 Ghanga ghoha ghatehila bhajhoghope hake, ade Mucha ngalongila: “Nilendema na kujhoghopa!” \p \v 22 Nambo mangota mukahukile kitombe cha ku Chayune, ku muche gwa Chapanga jwabhii ghome, Yeluchalemo jha kunane, kwenio bhabhii akatumiche bhangabhalangika bha kunane kwa Chapanga. \v 23 Mangota nhwikite pangonganikila jha bhando bha Chapanga, bhibhakemwa bhibhatumbwile kubhelukwa bha Chapanga, na mahina ghabhe ghajhandikwe kunane kwa Chapanga. Nhwikite palonge jha Chapanga, jwabhahadabula bhando bhoha na miojho jha bhibhahalalicha Chapanga bhakamilichwe. \v 24 Mangota mukahikite kwa Yecho ndi jwajhelanicha lilaghano Liyono na miyahe jhake jhimichilwe ilonge yambone kuliku miyahe jha Abele. \p \v 25 Bhahe, mukichunge nkoto kukana kunnyokanikiya jwenio jwalongela na mangota. Anda bhala bhibhakanita kunnyokonikiya lilobhe kuhumii kwa Chapanga jwabhakelewiya pannema pano na bhene bhakalamitii jhe, twenga natuhotola bho kulama anda tukanite kunyokanikiya jhola jwatukelebhuya kuhumii kunane kwa Chapanga? \v 26 Machiko ghala lilobhe lyake ikalendimiche nnema, nambo ngohe alaghile alongii: “Nanendemecha kabhele kilambo, nambo chi kilambo tugha na helahela kunane kwa Chapanga.” \v 27 Lilobhe lende, “Kabhele,” litulangiya kubhehe ilebhe yoha ipangwinwe nainyukanyuka na kukangilwa oko na kuighalika hela yanganyukanyuka. \p \v 28 Nhwalo ngohe tupokii Unahota gwanganyukanyuka na tunchenguu na yenio tunnyinamii Chapanga kwa ndela jhinhalalii, kwa ichima na bhoghohe. \v 29 nhwalo chakaka Chapanga gwito, ngita mwotu nkale ghukomelekeya njwenjwe. \c 13 \s Kunhalalicha Chapanga \p \v 1 Nnyendelela kupalana ngita chiipalwa kwa bhando bhibhannyeketii Kilichitu. \v 2 Nkoto kujhewa kwapokela akaghene ukajha kwino, kwa nhwalo kuhenga yenio bhando bhange bhakapokii akatumiche bha kunane kwa Chapanga changamanya. \v 3 Makomboka bhala bhibhabhii mu kipungo ngita hela mangota ntabhitwe pamonga na bheniya, makomboka bhala bhibhang'ahika ngita hela na mangota ming'ahika ngita bheniya. \p \v 4 Ipalwa bhando bhibhatoline bhahechimimwa na bhando bhoha, bhipalwa jhe kutenda ngongola na mundo jhonge. Chapanga nabhahadabula bhibhakena na ngongola. \p \v 5 Nkoto kubhehe bhando bhimipala hake mbijha, nambo ntocheka na ilebhe iminayo. Chapanga ilonge: “Naninneka ng'o, hilu nanintagha ng'o.” \v 6 Ndi nhwalo tuhoto kulonge changajhoghopa: \q “Bhambo ndi jwanyangatila, \q najhoghopajhe. \q Mundo natenda nike?” \p \v 7 Makomboka ilongoche hino, bhibhatangachila Lilobhe lya Mbone lya Chapanga. Nkomboka chibhatamita na chibhajhomolila utamo gwabhe, mukikengame kihobholelo chabhe. \v 8 Yecho Kilichitu ndi jhojhola jhola, dicho, deleno na machiko ghoha ghangapeta. \v 9 Nkoto kujhembeluwa na mabholo ghoghoha gha kighene ghighantenda mpoghele kone na kone. Umbone gwa Chapanga ndi ukangamalicha miojho jhito hilu chi lilaghalikilo lya chakulyegha, nhwalo malaghalikillo gheniya ghatangatii jhe bhando bhala bhibhakengima. \p \v 10 Twenga tukwete kichangwale, bhala bhibhahenga lihengo mwenio mu lihema lela cha Akayahude, bhipalwa jhe kulye ilebhe ya peniya pa kachangwale. \v 11 Mpiya litambiko Nkolongwa jwa Akayahude ileta miyahe jha kinyama mu Unyahinyahi Hake na kubhoha litambiko nhwalo gwa uhakaho, nambo yegha jha kinyama ujhochwa panja jha kigwenio. \v 12 Ndi nhwalo Yecho jwenio, kupala abhajhelebhule bhando kwa miyahe jhake, akang'ahike na kuwe panja jha muche. \v 13 Bhahe, tunnyendelela kwenio panja jha kigwenio tukabhehe na hone ngita chapatita hone. \v 14 Nhwalo pamba pannema tukwetii jhe muche ghutamikii machiko ghoha, nambo tulolekeya muche ghola ghuhika. \v 15 Ngohe kwa ndela ya Yecho, tumpele Chapanga litambiko lya kunumbilila machiko ghoha. Ghono lumbililo ghupita munnomo gwito putulonge kubhehe Yecho ndi Bhambo. \v 16 Nkoto kujhewa kutendelana ghambone na kutangatilana, nhwalo gheniya ndi matambiko ghighanhalalicha Chapanga. \p \v 17 Majhokanikiye ilongoche hino na kukengama malaghilo ghabhe. Bheniya bhilolekeya mangota changatotokela, bhipalwa bhanongelela Chapanga chibhantumikile. Anda majhokanikiye nabhahenga lihengo lyabhe kwa kuhangana, anda majhokanikiye jhe nabhahenga lihengo kwa kukokoleka, na kilebhe chenie nakitangatila jhe mangota. \p \v 18 Mutujhopelela kwa Chapanga. Chakaka tumanya tubhii na miojho itulangii tukwetii jhe malemo, nhwalo tupalwa kuhenga lyambone kwa kila kilebhe. \v 19 Nimpembekeya hake unyopelela kupala Chapanga ammujhiche kajhombe kwino. \s Kunnyopa Chapanga kwa kujhomolela \p \v 20 Ngohe Chapanga jwayokiche Bhambo gwito Yecho Kilichitu, ndi nnucha Nkolongwa jwa Mambelele kwa miyahe jhake. Kwa miyahe jhene alilangii kubhehe Lilaghano lya machiko ghoha ghangapeta ndi uchakaka. \v 21 Ninyopa Chapanga jwa uteeke ampela kila kilebhe chambone chimipala, kupala ntende ghapala jwenio, na kupete Kilichitu antende ghala ghaghapala nkate jhito. Ung'alicho ubhehe kwa Yecho Kilichitu, machiko ghoha ghangapeta! Amina. \s Malobhe gha kujhomolela \p \v 22 Bhahe, akalongo bhango, nipembelekeya hake mpokele malobhe ghanga ghakuleke mwojho kwa kuhimbilila. Jhenje ndi baluwa nyipe ndo jhininyandikile. \v 23 Mbala umanye kubhehe nnongo gwito Timocheyo alekekiwe mu kipungo. Anda ahikite ngohe, nahika nako kutyangila kwenio. \p \v 24 Majhambuche ilongoche bhino bhoha pamonga na bhando bhoha bha Chapanga! Makalongo bha kilambo cha ku Italiya bhinyambucha. \p \v 25 Umbone gwa Chapanga ubhaha na mangota mabhoha. Amina!