\id 3JN - Ndendeule Bible Version
\ide UTF-8
\h 3 Yohane
\toc1 Baluwa jhutato jha Yohane
\toc2 3 Yohane
\toc3 3 Yoh
\mt2 Baluwa jhutato jha
\mt1 Yohane
\imt Ulongolelo
\ip Baluwa jhutato jha Yohane ikajhandikwe na ntenga Yohane kipinde cha muchaka cha makome nhwano ade makome kome kubhoke pabhelwika Yecho Kilichitu. Yohane akilongolelajhe jwenio kubhehe ndi jwajhandike, nambo akikemita kilongoche nchitale gwa 1. Akatehi helahela mu baluwa jhake jha ubhele Yohane nchitale gwa 1. Inhobheleka kubhehe Yohane akajhandike chimo cha itabo ncheche ya Lilobhe lya Mbone lya Yecho Kilichitu, pamonga na baluwa itato, yane baluwa jha kutumbula na jha ubhele na jha utato pakibha atamita ku muche gwa ku Epecho.
\ip Yohane akajhandike baluwa jhenje kwa mundo jwanyeketile Kilichitu jwakemitwa Gajho. Ilonge nako ngita nkoche gwake na kunnaghalikiya kubhehe abhapokele kajha jhake akalongo bhubhanyeketii Kilichitu bhibhatyangila pa kilambo chenie.
\iot Ghughabhii mukitabo
\io Yohane ichimulila baluwa jhake, mu nchitale gwa 1.
\io Yene anneke mwojho Gajho na kulangi mwojho gwa mbone gwa kwapokela akalongo bhubhanyeketii Kilichitu, mu nchitale gwa 2-8.
\io Kabhele ilongelela malobhe gha bhando bhabhele, Diotilefe na Demetilio, mu nchitale gwa 9-12.
\io Ijhomolela kujhandika baluwa jhake, mu nchitale gwa 13-14.
\c 1
\p
\v 1 Ne nakighogholo.
\p Ninnyandikila mwenga makoche bhango ma Gayo, jhunimpala mu uchakaka gwa kumanya Kilichitu.
\p
\v 2 Nkoche gwango jhunimpahi, ninnyope ilebhe yoha inyendela maha mwenga na ninyope ughome gwa yegha jhino ubhaha mbone ngita hela uhuke gwino chiubhii mbone. 
\v 3 Nhwalo nikahangine hake bhibhanyeketii Kilichitu bhajhino pibhahikita pamba na kuchimulila kuhobholeka kwino na hele chimitama kwa uchakaka. 
\v 4 Kibhiijhe kilebhe chikihanganicha hake kuliku kujhoha yana yango itama mu uchakaka.
\s Kwatangatii bhange
\p
\v 5 Akakoche bhango bhunimpahile, lihengo limuhenga lya kuhobholeka kila mala kwa akalongo na ata kwa akaghene. 
\v 6 Bhando bheniya bhilonge kwa bhando bha pamba bhubhannyeketii Kilichitu ilebhe ya upalo gwino. Chonde matangatile bhajhendelele na mwanja gwabhe ghupakunhalalicha Chapanga. 
\v 7 Nhwalo pibhatumbuu mwanja gwabhe gwa kunhenge Kilichitu bhakapokii jhe kilebhe chochoha kuhumii kwa bhando bhangannyekete Chapanga. 
\v 8 Bhahe, twenga tupalwa twatangatila bhando ngita bheniya, kupala na twenga tabhaha pamonga mu lihengo lyabhe lya kutangacha uchakaka.
\s Diotelefe na Dematilio
\p
\v 9 Nikajhandike baluwa kwa lilongo lyenio lya bhando lilinnyeketii Kilichitu, nambo Diotelefe, jwaipala hake kubhehe kilongoche gwabhe, apala ng'o kutujhokanikiya. 
\v 10 Yene, pimbala kuhika nanongela yoha yateile nanongela malobhe ghuwange ghatukopokiye twenga! Kabhele gheniya tujhe, jwenio ikana kwapoke akalongo bhubhabhii mu mwanja. Na ajhakwakanakii bhando bhange bhibhapala kwapokela akaghene na kupala kwabhenga bhabhoke mu lilongo lya bhando bhubhannyeketii Kilichitu ajhito.
\p
\v 11 Makoche bhanimpahile, mangalogwa kujhigha ghanganandela, nambo nnyighe ghambone. Kila jwahenga ghambone ndi jwa Chapanga, nambo jwahenga mabhoho anaumanya jhe Chapanga.
\p
\v 12 Kila mundo annumbalii Dematiliyo kwa ghamaha ghahenga, uchakaka gwene ulangiya kilebhe chenie. Na twenga hele tujheketii yenio na mwenga umanye kubhehe chitulonge ndi uchakaka.
\s Nyambuchilo jha kujhomolela
\p
\v 13 Ngwete ghamahele ghukulonge, nambo mbahijhe kulonge kwa kunnyandikila mu baluwa jhenje. 
\v 14 Nambo nihobholela kukongana na mwenga pahina naha na peniya ndi natulongela pitupa kubhehe pamonga.
\p
\v 15 Ninyope uteeke ubhaha pamonga na mwenga.
\p Akakoche bhino bhinyambucha. Mwajhambuche akakoche bhito bhoha kila mundo kwa liina lyake.