\id 2TH 2TH - Ndendeule Bible Version \ide UTF-8 \h Akatecholonike \toc1 Baluwa jhubhele jha Akatecholonike \toc2 2 Akatecholonike \toc3 2 Akat \mt2 Baluwa jhubhele jha Pauli kwa \mt Akatecholonike \imt Ulongolelo \ip Baluwa jhubhele jha Pauli kwa Akatecholonike ikajhandikwe na ntenga Pauli, mu chula jha 1:1. Akajhandike baluwa jhenje pajhomolila kujhandika jhela jha kutumbula kwa Akatecholonike, pange muchaka cha makome nhwano na jhimo pabhelwika njwe Yecho Kilichitu. Pauli akibha amela atama ku muche gwa ku Kolintu pajhandika baluwa jhenje kwa likunde lya bhando bhubhajheketii Kilichitu lilikibha kwenio ku Tesolonike, lilongo lya bhando lilinnyeketii Kilichitu lyatumbulicha pakibha mumwanja gwake gwa ubhele gwa kiutenga, Mahengo gha akatenga mu chula jha 17:1-10. Ijhandikwe mukitabo cha Mahengo gha akatenga kubhehe lilongo lya bhando lyenio lya lilinyeketii Kilichitu pakate jha bhubhanyeketii Kilichitu bhubhakibha na lihembuko lya Akayahude, na Akayunane ndi bhubhakibha bhamahele. \ip Yene lilongo lya bhando bhubhanyeketii Kilichitu ku Tesolonike bhapalita hake kumanya mambu ghamahele gha machiko gha kujhomolela na kuhika kwa Kilichitu mala jha ubhele, nhwalo Pauli akajhandiki ghamahena panane jha malobhe ghanga mu baluwa yoha ibhele kwa Akatecholonike. Ibhandikii nucho jhoha jha baluwa jhenje jha ubhele kwa Akatecholonike ilongelela machiko gha kujhomolela. Helahela Pauli ipwatalila utotoho. Kila mundo ahenge lihengo ndi apata chakulya, mu chula jha 3:6-10. \iot Ghughabhii mukitabo \io Pauli itumbuu kujhandika baluwa jhake kwa kukilonge jwenio ndi ghane na bhajhake, mu chula jha 1:1-2. \io Kabhele Pauli inchengu Chapanga kwa nhwalo gwa lilongo lya bhando bhubhanyeketii Kilichitu lya ku Tesolonike na kulijhopela, mu chula jha 1:3-12. \io Pauli ichimulila machiko gha kujhomolela, mu chula jha 2. \io Kabhele Pauli ilakalila utotoho na kwalobholela bhando chipalwa bhahenge lihengo, mu chula jha 3:1-15. \io Kwa kujhomolela, Pauli ijhambucha lilongo lya bhando bhubhanyeketii Kilichitu kwa mala jhenge kwa bheniya, mu chula jha 3:16-18. \c 1 \p \v 1 Ne Pauli na Silwano na Timocheyo. \p Tulijhandikila lilongo lya bhando lilinnyeketii Kilichitu lya kwenio ku Tesolonike, ndi bhando bhake Chapanga Tate gwito na Bhambo Yecho Kilichitu. \p \v 2 Ninyope umbone na uteeke kuhumii kwa Chapanga Tate gwito na Bhambo Yecho Kilichitu. \s Kuhadabulwa papala kuhika kabhele Kilichitu \p \v 3 Makalongo bhango, tupalwa kunchenguu Chapanga machiko ghoha kwa nhwalo gwino mangota. Tupalwa kuhenga gheniya nhwalo gwa kihobholelo chino nakikola hake na kupalana kwino na kujhonjekeka hake. \v 4 Ndi nhwalo twenga tukiloke mangota pakate jha makunde gha bhando bhibhannyeketii Chapanga. Tukiloke ndela jhimujhendelela mangota kunnyeketela nu kuhimbilila mang'ahiko na malagho ghumikongana nako. \p \v 5 Gheniya ghoha ghilangii ngita luhadabulo lwa Chapanga lwa uchakaka, mitopela kujhingii mu unahota nkolongwa gwa Chapanga ghumung'ahikiya. \v 6 Chapanga nahenga lijhambu lilibhi tela, nalepechela malagho ghala ghubhang'ahita mangota, \v 7 na kuntenda mangota bhung'ahitwa ibhehe mbaa pamonga na twenga helahela. Nahenga naha Bhambo Yecho papala kupitila kuhumii kunane kwa Chapanga pamonga na akatumiche bha Chapanga jwa kunane bhubhabhii na makakala, \v 8 na ndentelekana ya mwotu, kwahadabula bhala bhubhankana Chapanga na bhala bhubhakana kujheketela Malobhe gha Mbone gha Bhambo gwito Yecho. \v 9 Nabhahadabulwa kwa kukomelekelwa machiko ghoha ghangapeta kubhehe kutale na Bhambo na ung'alicho gha makakala ghake, \v 10 papala kuhika lichiko lyenio kulombwa na bhando bhake na kuhanganilwa na bhando bhoha bhubhannyeketile. Mangota helahela namma pakate jhabhe, nnyeketile lilobhe lela litunnongolile. \p \v 11 Yene machiko ghoha tunnyopela kwa Chapanga gwito antende mangota nhoto kutama ngita chakemita ntame. Tunnyopa kwa makakala ghake ahenge kila kilebhe chambone chimipala kuhenga na kila lihengo lya kihobholelo. \v 12 Tujhopa naha, tupala liina lya Bhambo gwito Yecho lilombwe nkate jhino na mangota nnombwe kwa kulombana nako kwa umbone gwa Chapanga gwito na gwa Bhambo Yecho Kilichitu. \c 2 \s Jhola jwanganandela \p \v 1 Ngohe tunnyandikila lilobhe lya kuhika kwa Bhambo gwito Yecho Kilichitu na tupala kukonganika palonge jhake. Makalongo bhito tumpembelekeya hake, \v 2 mundo akoto kummoghana kajhombe chikibhii umuto gwino, amu nkoto kuhechuka na ujumbi amu lilobhe amu baluwa jhilongelwa ihumite kwito, baluwa jhilongela lichiko lya Bhambo lihikiti njwe. \v 3 Mundo jhojhoha akoto kunkolowa na kilebhe chochoha, nhwalo lichiko lela lihika jhe ade mundo jhola jwankana Chapanga na uchakaka abhonekane, kujhomolela kwake kukomolekelwa. \v 4 Jwenio nakikana kila kilebhe na chakitenda jwenio ndi nkolongwa jwa kila kilebhe chikikemwa kichapanga, amu chibhikijhinamila, yenio ata nakujhingii nkate jha Nyumba jha Chapanga nakiloka kubhehe ndi Chapanga. \p \v 5 Bho, mikombokajhe nakannobholile ghanga ghoha punikibha pamonga na mangota? \v 6 Nambo kibhii kilebhe chikinhibhilikiya ngohe, na mangota mu kimanya kilebhe chenie. Nambo lichiko lyake anda lihikite, jwankema Jwanganandela Mundo nabhonekana. \v 7 Nambo ngohe likakala lya Mundo Jwanganandela lihenga lihengo kwa kuyepela, nambo nabhonekana jhe ade jhola jwanhibhilikiye abhowe. \v 8 Ndi Mundo Jwanganandela nabhonekana, nambo papakuhika Bhambo Yecho nankoma kwa uhuke gwa nnomo gwake na kunkomelekeya kwa lung'anye lwake lukolongwa. \v 9 Jwenio Mundo Jwanganandela chahika na likakala lya Limbembela na kuhenga kila ikangacho na nginyililo yu uwange, \v 10 na kuntumii ghoha ghu uwange kwa bhala bhubhabhii mu kuhobholela. Bheniya nabhahobholela nhwalo bhaupokii jhe na kupala uchakaka bhaghombokoke. \v 11 Nhwalo Chapanga bhabhekite bhando bheniya pahe jha makakala gha kuhobholela, bhaujheketele uwange. \v 12 Yene bhoha bhangajheketela uchakaka, nambo bhihanganila uhakaho, nabhahadabulwa. \s Nhaghulilwe kupala nghombokoke \p \v 13 Nambo tupalwa kunnomba Chapanga machiko ghoha nhwalo gwino mangota, mangota mupailwe na Bhambo, nhwalo kuhumii makacho Chapanga abhahagwile nghombokoke kwa likakala lya Uhuke gwake, na kuntenda mme bhando bhake bhanyahinyahi kwa kihobholelo chino mu uchakaka. \v 14 Chapanga ankemita mangota kupete Lilobhe lya Mbone lituntangachila mme pamonga mung'alicho gwa Bhambo gwito Yecho Kilichitu. \v 15 Ngohe makalongo bhango, nnyemengane nganganga na kukamuu mabholo ghutummolite anda kuntangachii amu kunyandikila. \p \v 16 Tunnyopa Bhambo gwito Yecho Kilichitu jwenio na Chapanga Tate gwito jwatupahile, na kwa umbone gwake atupekii uteeke gwa machiko ghoha ghangapeta na lihobholelo lya umbone, \v 17 apepeche miojho na ankangamaliche nhoto kuhenga nu kulonge ghambone. \c 3 \s Mutujhope kwa Chapanga \p \v 1 Pukujhomolela, makalongo bhito, mutujhope kupala lilobhe lya Bhambo lichoche kujhenela kajhombe na kupokelwa mbone ngita chiibhii pakate jhino mangota. \v 2 Mutujhope kwa Chapanga atukombole kuhumii kwa bhando bhanganandela, nhwalo chi bhoha bhubhajhekete Lilobhe lya Mbone lende. \p \v 3 Nambo Bhambo ndi jwa jwahobholeka. Jwenio nambela makakala na kunnonda njelembo na Jwanganandela. \v 4 Na twenga tunhobholela Bhambo kubhehe nhenga na nnyendelela kuhenga kwa ghala ghitunnongalile. \p \v 5 Bhambo ailongoche miojho jhino mukumanya upalo nkolongwa gwa Chapanga na kuhimbilila ghutupilwe na Kilichitu. \s Mipalwa kuhenga lihengo \p \v 6 Makalongo bhito, tunnaghalikiya kwa liina lya Bhambo gwito Yecho Kilichitu, ntame kutale na akalongo bhoha akatotoho na bhala bhubhakana kukengama malaghilo ghitumpekiye. \v 7 Mangota umanye ngita mipalwa kukengama ghituhengita. Putukibha na mangota tukibha jhe akatotoho, \v 8 tukalii jhe jhajhe chakulya cha mundo jhojhoha. Nambo tuhengita mahengo hake muhe na kilo kwa malagho tukoto kubhehe nhwigho kwa mundo jhojhoha pakate jhino mangota. \v 9 Tuhengita gheniya chi kwa nhwalo tupaii jhe kutangatilwa na mangota, nambo tupalitwa kunangii chimipalwa kuhenga. \v 10 Putukibha pamonga na mangota tukannongolile, “Mundo jhojhoha jwangapala kuhenga lihengo, akoto kulyegha.” \p \v 11 Tujhoha pakate jhino bhabhii bhando akatotoho bhangapala kuhenga chochoha, nambo bhakijhingii mu ilebhe ya bhando bhange. \v 12 Kwa liina lya Bhambo gwito Yecho Kilichitu twalaghalikiya na kwakelebhuha bhando bheniya bhabha akahenga lihengo kwa kukilongocha bhene na bhapata chakulya chabhe. \p \v 13 Nambo mangota makalongo, nkoto kutotokelela kuhenga ghambone. \v 14 Anda abhii mundo kwino jwangajhokanikiya lilobhe lende lya mubaluwa jhenje, mwangalombana nako mundo jwenio akola hone. \v 15 Nambo nkoto kuntenda mundo jwenio ngita likoko, munkelebhuwe ngita nnongo gwino. \s Malobhe gha kujhomolela \p \v 16 Bhambo jwenio ndi jwapiya uteeke, ampelangane uteeke machiko ghoha na ndela yoha. Bhambo atame na mangota mabhoha. \p \v 17 Nenga Pauli, ninyambucha kwa kunnyandikila kwa lubhoko lwango namwete. Jhenje ndi huna mu kila baluwa, naha ndi chinijhandika. \p \v 18 Umbone gwa Bhambo gwito Yecho Kilichitu utama na mangota mabhoha.