\id 2JN JN - Ndendeule Bible Version
\ide UTF-8
\h 2 Yohane
\toc1 Baluwa jhubhele jha Yohane
\toc2 2 Yohane
\toc3 2 Yoh
\mt2 Baluwa jhubhele jha
\mt1 Yohane
\imt Ulongolelo
\ip Baluwa jhubhele jha Yohane ikajhandikwe na ntenga Yohane pakate jha muchaka cha makome nhwano na makome ticha pabhelwika Yecho Kilichitu. Yohane akilongolelajhe jwenio ndi jwajhandike, nambo akikemita jwenio ndi munahota. Ilebhe ibhii mu baluwa jhenje ndi tela na ibhii mukitabo cha Lilobhe lya Mbone chikijhandikwe na Yohane. Baluwa jhenje achwa ilongela lilaghalikilo lya Yecho lya kupalana na patuleta pamonga Yecho jwa upalano na kukengama lilaghalikilo lyake, mu chula jha 1:5-6, Yoh 15:9-10. Inhobheleka kubhehe Yohane akajhandike chimo cha itabo ncheche ya Lilobhe lya Mbone jha Yecho Kilichitu, pamonga na baluwa itato, yane baluwa jha kutumbula na jha ubhele na jha utato jha Yohane pakibha atamita ku muche gwa ku Epecho.
\ip Yohane akanyandikile baluwa jhenje mbujha jwahaghulilwe pamonga na yana yake, nambo pange ibhonekana akibha alijhandikila lilongo lya bhando lilinyeketii Kilichitu. Yohane akajhandike baluwa jhenje kwaleke mwojho lilongo lya bhando bhubhanyeketii Kilichitu na kwakelebhuha nhwalo gwa akabhola bhuwange.
\iot Ghughabhii mukitabo
\io Yohane atumbu kwajhambucha na kulangiha baluwa jhenje na kulonge ndi akina ghane abhajhandikila, mu chula jha 1:1-3.
\io Peniya abhaleke mwojho bhando bhubhanyeketii Kilichitu na kwakombocha lilaghalikilo lilibhi likolongwa, mu chula jha 1:4-6.
\io Kabhele abhakelebhuha bhando kwa malobhe gha bhabhola bha uwange, mu chula jha 1:7-11.
\io Yohane ijhomolela baluwa jhake kwa kwapela akachomajhe bhake chalamo kubhoka kwa lilongo lya bhando lilinyeketii Kilichitu lyatamita.” Mu chula jha 1:12-13.
\c 1
\p
\v 1 Nenga nakighogholo ninnyandikii mwenga ambujha jhuhaghulilwe pamonga na lilongo lya bhando lilinyeketii Kilichitu linilipahi hake.
\p Chi nenga tugha, nambo bhoha bhibhamanya uchakaka ndi bhibhampala mangota, 
\v 2 nhwalo uchakaka ubhii nkate jhito naujhendelela kubhehe na twenga machiko ghoha ghangapeta.
\p
\v 3 Umbone na kiya na uteeke ghuhuma kwa Chapanga Tate na kwa Yecho Kilichitu, Mwana gwa Tate, ubhaha pamonga na twenga mu uchakaka na upalo.
\s Uchakaka na upalo
\p
\v 4 Nikahangine hake kulola panakate jha yana hino bhabhii, bhitama mu uchakaka ngita Tate chatulobholile. 
\v 5 Bhahe, ngohe mbujha, ngwete chimo cha kunyope kwino, tupalane. Kujhopa kongo chi lilaghilo lihyono, nambo ndi lilaghilo lelalela litubhinalo kubhoke pitutumbwila. 
\v 6 Kupalana ndi kongo: Kutama kwa kukamuu nhwilo gwa Chapanga. Lilaghilo limujhohina kuhumii makacho ndi lende. Mabhoha mipalwa kutama kwa kupalana.
\p
\v 7 Bhando bhamahele bhibhahobhecha bhando bhabhii pannema, bhando bheniya bhijheketejhe ngita Yecho Kilichitu ahikiti kwito kwa yegha jha kimundo. Mundo jwalonge naha ndi nhwange na ankana Kilichitu. 
\v 8 Yene mukichunge mabhene nkoto kuhobheha chela chimukihengela lihengo, nambo uhike kupokela hupo jhino telatela.
\p
\v 9 Mundo jhojhoha jwajhonjekeya chochoha na jwangatamikii mu mabholo gha Kilichitu, jwenio akwetii jhe Chapanga. Nambo jwajhendele kutama mu mabholo gheniya, akwete Tate na Mwana hele. 
\v 10 Kwa gheniya, mundo ahika kwino mangota na changammola mabholo gheniya, nkoto kumpoke kajhino hilu mangannyambucha. 
\v 11 Nhwalo jwanyambucha mundo jwenio, abhii nako pamonga mu kuhenga ghanganandela.
\s Malobhe gha kujhomolela
\p
\v 12 Ngwete ghamahena ghakunnobhole, nambo mbahijhe kulonge kwa kunnyandikila, nambo nihobholela pumbakuhika kwino kulonge pamonga na mangota kupala luhangano lwito lukamilike.
\p
\v 13 Yana ya nnombo gwino ihaghulilwe na Chapanga innyambucha.