\id 2JN  
\h 2 Johanisi 
\toc1 2 Johanisi 
\toc2 2 Joh 
\mt1 2 Johanisi 
\mt2 Di fu tu biifi di Johanisi sikiifi 
\is1 Wan wowtu a fesi 
\ip We, disi na di fu tu biifi di Johanisi, a apaiti bosikopuman fu Masaa Jesesi sikiifi. Da a sikiifi a biifi ya gi wan biibi uman di a sabi. 
\ip A sikiifi a biifi ya gi den biibiwan anda fu meke a lobi fu den kon moo bigi. Soseefi tu, fu bali den fu den luku bun anga den sani fu goontapu di e koli sama poli a biibi libi. Ai bali den fu den wai a pasi gi ogii, da den du soso bun. A bali den fu den de na ain, da den poti den seefi moo anga moo gi Masaa Gadu fu den sa si, te falisi leli e opo a den mindii. 
\c 1  
\s1 Bigin fu a biifi 
\p  
\v 1 We, na mi Johanisi, a gaansama fu keliki e meke a biifi ya sende gi wan apaiti uman, di e biibi a Masaa Gadu. 
\p Mi e gi en anga ala den pikin fi en bigi odi. Fa mi anga u de a biibi ya, da mi lobi u tuutuu. Soseefi ala sama di de fu Masaa Gadu lobi u tu.  
\v 2 Bika a tuutuu leli fu Masaa Gadu de a ini wi ati naamo sondee fu kaba. 
\p  
\v 3 Da meke Masaa Gadu, u Tata anga Jesesi Kelestesi en Manpikin, teke gaan bun ati fasi luku u. Soseefi teke tyali ati fasi luku u. Soseefi, meke u ati de switi. Meke Masaa Gadu du san mi begi ya gi u, te u sa tan biibi a tuutuu bosikopu fu Masaa Gadu, anga te u lobi taawan. 
\s1 A weiti fu lobi 
\p  
\v 4 We, gaan piisii fuu mi ati. Bika di mi kon ya, mi si wantu pikin fi yu, di e libi leti enke fa a tuutuu leli fu Masaa Gadu de. 
\p  
\v 5 Da mi lobi sisa! Meke u tan lobi useefi naamo sondee kaba. Disi a ná wan nyun weiti. Ma na a gaan haw wan, di Masaa Gadu be gi wi, senten di u be bigin waka a Jesesi Kelestesi baka. Na so mi sikiifi taigi u.  
\v 6 Bika, san e soi u taki wi lobi useefi? Na te u e waka enke fa Masaa Gadu weiti taki. Bika, fanafu u bigin waka a Jesesi Kelestesi baka, ne a gi u a weiti fi en taki: “U mu lobi useefi!” 
\s1 Poti den falisi leliman a wanse 
\p  
\v 7 Bika, somen leiman paati lontu goontapu e koli sama. Den nái biibi taki Jesesi Kelestesi kon a goontapu enke libisama. Da den sowtu sama ya na den buuseman fu Jesesi Kelestesi. Ma den e koli sama puu a Gadu pasi.  
\v 8 A dati meke u mu koni anga den fu a á de taki, na fu soso u meke moiti anga u na a biibi libi. Ma u mu e meke moiti fu fende a hiihii paiman fu u di Masaa Gadu paamisi u.  
\v 9 Da ibii sama di fika a leli fu Kelestesi go e biibi wan taa sani, da sowan sama á de a Masaa Gadu se moo. Ma sama di tan e biibi san di Kelestesi leli en, da a Tata anga a Manpikin o de anga en. 
\p  
\v 10 A dati meke efu wan sama kon a yu, ma a á tyai a leli ya, ná opo i doo gi en. Ná gi en odi seefi tu.  
\v 11 Bika, efi i gi en odi, da i taampu anga en a wanse kaba fu du a ogii di ai du. 
\s1 A kaba pisi fu a biifi 
\p  
\v 12 Mi lobi sisa! Somen sani de, di mi be sa wani taigi i ete. Ma mi á wani sikiifi den a pampila sende gi yu. Ma, te mi kon anda, da u sa miti fesi fesi, fu sidon taki anga useefi. Da, wi ati sa de anga gaan piisii. Bika mi e denki fu kon a yu anda dyonson. 
\p  
\v 13 We, den pikin fi yu lobi sisa dise sende bigi odi gi yu tu.