\id TIT – Dhankavi
\ide UTF-8
\h तितुस
\toc3 तितुस
\toc2 तितुस
\toc1 तीतुस क पौलुसन पत्री
\mt2 तीतुस को पौलुस कि पत्री
\mt तीतुस क पौलुसन पत्री
\imt परिचय
\ip तीतुस कि पत्री पौलुस छे चार पत्री मा छे एक छे कि मानुस क बजाय एक मंडळी संबोधित कर रया छे। दिसरा तीन पत्री छे, 1 तीमुथियुस, 2 तीमुथियुस, आरू फिलेमोन। पौलुस तीतुस क लिख रयो होतो, पुन चे यो भी लिख्या हुता जोसो कि पत्री सार्वजनिक रूप मा रयन जिरेत भनाय सकतला छे। हामु यो पतु कर सकता छे काहकि वो एक प्रेरित क रूप मा आपसी योग्यता देखाड़तला छे, काही छे कि तीतुस पेहल छे ही जान जाता छे। पौलुस शायद 63-65 सालन वीच काही टेहाव ईशु मसीह क जनमक बाद यो पत्री लिख्यो होतो।
\ip पौलुस तीतुस क करता मंडळी कि क्रेते क द्वीप पर होतो नेतृत्व की हिदयत देदी होती। पौलुस ने यो पत्री लिख्यो छे ताकि नावसादिया नेता क चयन आरू शिकाड़ने पर तीतुस निर्देश आप सकछे। चे तीमुथियुस क आपसा पत्री मा अतरान करीन तोसो निर्देश आपियो हुता। तीन्दरो पत्री क वर्णन कोसो मंडळी नेता क आजून नेतृत्व मा इन्दरे करता छाची मान क प्रति सावधान ध्यान देनो जूवछे।
\is रूप रेखा
\io1 1. पौलुस तीतुस निर्देश क करता न्यायी नेता \ior 1:1-16\ior* नियुक्त करता छे।
\io1 2. पछु वो मानसे मसीह जीवन जीवने क करता शिकाड़ने करने क भी निर्देश देता छे। \ior 2:1–3:11\ior*
\io1 3. आखरी मा, पौलुस आपसी योजना काही साझा करने आरू नमस्कार मुकलने छे समाप्त होयतो छे \ior 3:12-15\ior*
\c 1
\s नमस्कार
\p
\v 1 पौलुस की आरू छे जो यहोवा–भगवान क दास आरू ईशु मसीह क प्रेरित छे,
\p यहोवा–भगवान क त्योन्या होया मानसे क विश्वास आरू ओको सच्चाई की उळखने क लारे भक्ति क लारे छे। 
\v 2 ओको अमरकाय जीवन की आश पर जेरी प्रतिज्ञा यहोवा–भगवान ने, जो झूठ बुल नी सकता सनतान छे की छे। 
\v 3 पर ठीक टेहाव पर आपने वचन क ओको खबर क द्वारा प्रगट कर्‍या, जो हामरा उध्दारकरता यहोवा–भगवान की हुकुम क लारे मखे सौप गया, आरू ओकी क लारे हुकुम छे खबर कर्‍या।
\p
\v 4 \x + \xo 1:4 \xo*\xt 2 कुरन्थियो 8:23; गलातिया 2:3; 2 तीमुथियुस 4:10\xt*\x*तीतुस क नाव, जो विश्वास की सहभागिता क विचार छे मारो सच्चो पोर्‍य छे:
\pi यहोवा–भगवान बास आरू हामरा उध्दारकरता मसीह ईशु की आरू छे तुखे फोकटन दया आरू शांती मिवती रये।
\s क्रेते मा तीतुस क काम
\p
\v 5 हाव एरकरीन तुखे क्रेते मा छुड़ आश हुता कि तु शेष वात क सुधारे, आरू मारी हुकुम क लारे नगर नगर डाहडा क नियुक्त करे। 
\v 6 जो निर्दोष आरू एक ही बायर क घर वावो होय, जीनुक पोर्‍या विश्वास होय आरू इनुमा आरू उनमा लुचपन आरू निरंकुशता क दोष नी होय। 
\v 7 काहकि अध्यक्ष क यहोवा–भगवान क भण्डारी हुयने क कारण निर्दोष होयनो जूवे; नी हठी, नी किचवानिया, नी पियक्‍कड़ नी मारपीट करनेवावा, आरू नी नेचो कमाय क लोभी होय। 
\v 8 पर पाहंनतराय सत्कार करनेवावा, भलाई क जूवनेवावा, संयमी न्यायी चुखलो आरू जितेन्र्दिय होय। 
\v 9 आरू वो विश्वासयोग्य वचन पर जो न्याय उपदेश क लारे छे, स्थिर रये कि सची शिक्षा छे शिक्षा देय सके आरू विरोधी क मुय भी बंद कर सके।
\p
\v 10 काहकि घोणा छे मानसे निरंकुश, बकवादी आरू धोखा देनेवावा छे; विशेष करीन खतनावावा मा छे। 
\v 11 इदरो मुय बंद करनो जूवे। यो मानसे नीच कमाय क करता गलत वात सिखाड़ी घर क घर बिगाड़ देता छे। 
\v 12 उका मा एक जन ने जो उका क भविष्यवक्ता छे, कयो छे, “क्रेते मानसे सदा झूठा, दुष्ट पशु, आरू आलसी पेटू हुयसे छे।” 
\v 13 यो गवा सच छे एरकरीन तीनुक कड़ाई छे चेतावनी देया कर कि वो विश्वास मा पक्‍का होय जाय। 
\v 14 आरू यहूदिन कथा काहनिया आरू उन मानुस की हुकुम पर मन नी लगाड़ जो सच्चाई छे भटक जाता छे। 
\v 15 चुखो मानसे क करता सब समान चुखो छे, पर विटळ आरू विनभुरसीया क करता काही भी चुखो नी, वरना उनकी बुध्दि आरू विवेक दुयू विटळ छे। 
\v 16 वो कयता छे कि हामु यहोवा–भगवान क जानता छे, पर आपने काम छे ओको मना करता छे; काहकि घीन वाळा आरू हुकुम नी माननेवावा छे, आरू काही वारला काम क योग्य नी।
\c 2
\s आचरण क करता सची शिक्षा
\p
\v 1 पर तु ओसी वात कयो कर जो सचे सिध्दात क योग्य छे। 
\v 2 मतलब डाहला मानसे सचेत आरू वातड़ो आरू संयमी होय, आरू तीदरो विश्वास आरू मोंग आरू धीरज पक्‍का होय। 
\v 3 इनी प्रकार डाहली बायर क चाल चालन चुखलो मानसे सा होय वो दोष लागाड़ने वावी आरू पियक्‍कड़ नी, पर वारली वात सिखाड़नेवावी होय। 
\v 4 ताकि वो जुवान बायर क चेतावनी देती रोवे कि आपने घर वावा आरू पोर्‍या छे मोंग राख। 
\v 5 आरू संयमी, घर वावो घर क कारभार करनेवाळी, वारली, आरू आपने आपने घर वावा क हको तळे रयनेवावी, होय ताकि यहोवा–भगवान क वचन की निन्दा नी हुयने देख्या।
\p
\v 6 ओसो ही जुवान मानुस क भी समझाया कर कि संयमी होय। 
\v 7 आखी वात मा आपने आप क भले काम क नमुना बन। तारे शिक्षा मा सफाई, वातड़ी। 
\v 8 आरू ओसी सच्चाई देखी जाय कि काही ओको बुरा नी कय सके, जिनासे विरोधी हामु पर काही दोष लागाड़ ने क मेखे नी देखीन लज्जित होय।
\p
\v 9 दास क समझा कि आपने आपने भगवान क हको तळे रये, आरू सब वात मा तीनुक खुश राखे, उलटावीन जवाब नी देय। 
\v 10 चुरी चालाकी नी करे, पर सब प्रकार छे पूरा विश्वासी निकावे कि वो सब वात मा हामरा उध्दारकरता यहोवा–भगवान क शिक्षा की शोभा बढ़ावी।
\p
\v 11 काहकि यहोवा भगवान क वो फोकटन दया प्रगट छे, जो सब मानुस क वाचडने क कारण छे। 
\v 12 आरू हामु चेतावनी देता छे कि हामु ढोंगी भक्ति आरू सांसारिक लालोच छे मन पुगीन इनीये युग मा संयम आरू न्यायी आरू भक्ति छे जीवन देखाड्या। 
\v 13 आरू ओको धन्य आश कि मतलब आपसा महान यहोवा–भगवान आरू उध्दारकरता ईशु मसीह की महिमा प्रगट हुयने की वाट जूवता रया। 
\v 14 \x + \xo 2:14 \xo*\xt 1 पतरस 2:9\xt*\x*जिना ने आपने आप क हामरे करता देय दिया कि हामु हर प्रकार क अन्याय छे छुड़ाय लेय, आरू चुखो करीन आपने करता एक ओसी जाति बनाय लेय जो भले भले काम मा सोरगर्म होय।
\p
\v 15 पूरा हक क साथे यो वात कय, आरू समझा आरू सिखाड़ता रया। काही तुखे तुच्छ नी जानने क देखछे।
\c 3
\s मसीह चाल चालने
\p
\v 1 मानसे क सुधि दिला कि हाकिम आरू हकी क हको तळे रये, आरू उनकी हुकुम माने, आरू हर एक वारला काम क करता तीयार रये। 
\v 2 काही क बदनामी नी करे, झगड़ालू नी होय; पर कोमल स्वभाव क होय, आरू सब मानसे क साथे मोटी नम्रता साथे रये। 
\v 3 काहकि हामु भी पेहल निर्बुध्दि आरू हुकुम नी माननेवावा, आरू भ्रम मा पड़ा होया आरू अलग प्रकार की लालोच आरू सुखविलास क दासत्व मा हुता, आरू बैरभाव, डाह करने मा जीवन व्यतीत करता हुता, आरू घीन आवे असो हुतो, आरू एक दिसरा छे बैर राखता हुता। 
\v 4 पर जव हामरे उध्दारकरता यहोवा–भगवान की किरपा आरू मानुस पर ओको मोंग प्रगट होया। 
\v 5 तो त्यो हामरा उध्दार कर्‍या; आरू यो न्यायपन क काम क कारण नी, जो हामु ने आप कर्‍या, पर आपसी दया क लारे नवलो जनमक स्नान आरू चुखलो आत्मा क हामु नवलो बनावने क द्वारा होया। 
\v 6 जिनाक त्यो हामरे उध्दारकरता ईशु मसीह क द्वारा हामु पर खुबुत् रेड़। 
\v 7 जिना छे हामु ओका फोकटन दया छे न्यायी ठेरीन,
\p अमरकाय जीवन की आश क लारे वारीस बने।
\p
\v 8 यी वात सची छे, आरू हाव जूवता छे कि तु इन वात क विषय मा ढृढ़ता छे बुले एरकरीन की जिन्होने यहोवा–भगवान पर विश्वास कर्‍या छे, वो भले भले काम मा लागे रोवने क ध्यान राखे। यी वात भली आरू मानुस क लाभ करी छे। 
\v 9 पर मुर्खता क विवाद, आरू वंशावड़ी आरू विरोध आरू झगड़ा छे जो व्यवस्था क विषय मा होय, वाच रोव; काहकि वो निष्फल आरू व्यर्थ छे। 
\v 10 काही पाखंडी क एक दुय बार समझा बुझाड़ीन ओका सी अलग रोव। 
\v 11 यो जानीन की ओसो मानुस भटक गया छे, आरू आपने आप क दोषी ठेरीन पाप करता रोवता छे।
\s व्यक्तिगत निर्देश आरू नमस्कार
\p
\v 12 \x + \xo 3:12 \xo*\xt प्रेरितन 20:4; इफिसियो 6:21,22; कुलुस्सियो 4:7,8; 2 तीमुथियुस 4:12\xt*\x*जव हाव साथे अरतिमास या तुखिकुस क मुकल्या तो मारे साथे निकुपुलिस आवने क कोशिष करने, काहकि हाव ने चो जाड़े काटने क छाचो कर्‍या छे। 
\v 13 \x + \xo 3:13 \xo*\xt प्रेरितन 18:24; 1 कुरन्थियो 16:12\xt*\x*जेनास व्यवस्थापक आरू अपुल्लोस क यत्न करीन ओगव पुचाड़ देय, आरू देख की तीनुक काही समान की घटी नी हुयने देखछे। 
\v 14 हामरा मानसे भी जरूरत क पूरा करने क करता वारला काम मा लागे रोवने सीखे ताकि निष्फल नी रोवे।
\p
\v 15 मारा सब साथी क तुखे नमस्कार। जो विश्वास क कारण हामु छे प्रेम राखता छे, उनको नमस्कार।
\p तुमू सब पर फोकटन दया हुयसे रोवे।