\id PHP – Dhankavi
\ide UTF-8
\h फिलिप्पियो
\toc3 फिलिप्पियो
\toc2 फिलिप्पियो
\toc1 फिलिप्पियो क पौलुसन पत्री
\mt2 फिलिप्पियो को पौलुस कि पत्री
\mt1 फिलिप्पियो क पौलुसन पत्री
\imt परिचय
\ip फिलिप्पियो नी पत्रीक लिखने वाळो प्रेरित पौलुस छे। आरू यी पत्री ईशु मसीह क जनम क बाद 61 साल बाद लिखी गय आरू यी पत्री फिलिप्पियो मा रयने वाळा विश्वासी लिखी गय जव पौलुस रोम जेलखाना मा बंद हुतो \xt 1:13\xt* यी पत्री उना मंडळी क लिखी गय जो फिलिप्पियो शहर मा हुती आरू फिलिप्पियो न बारा मा हामु प्रेरितन नी पत्री मा थुड़ोक देखजे। आरू मकिदूनिया प्रांतन न फिलिप्पियो शहर न राजधानी हुती आरू यी मंडळी मकिदूनिया न प्रांतन न पेहली मंडळी हुती, इनी मंडळी क पौलुस आरू सिलास दूय मेळीन शुरू करीया जव पौलुस फिलिप्पियो मा हुतो आरू तव उन दुय न क रात भर जेलखाना मा रयनो पड़ियो। \xt प्रेरितन 16\xt*
\ip पौलुस न यी पत्री घण कामकी हुती, जव पौलुस जेलखाना मा हुतो आरू तव त्या लोगहन उको दान ली मोकलिया ओका जुगु त्यो धन्यवाद करे \xt 4:10-19\xt* जेलखाना मा ओकी हालत कसी छे यो देखाड़ने करीन आरू तीमुथियुस आरू इपफ्रूदीस क बारा मा देखाड़े काहकि त्या ओगा जाईन उन दुय क आव भाव करे आरू त्यान पुढारीपन क मान लेय। \xt 2:19-30\xt*
\iot रूप रेखा
\io1 1. फिलिप्पियो नी मंडळी क नमस्कार करीन पौलुस इनी क शुरू करे। \ior 1:1-2\ior*
\io1 2. पौलुस ओकी हालत आरू समस्या न बारा मा देखाड़े। \ior 1:3–2:30\ior*
\io1 3. पौलुस विश्वासी जीवन कसो जीवनो आरू कसो चालनो ओका बारा मा देखाड़े। \ior 3:1–4:9\ior*
\io1 4. त्यो धन्यवाद दीन इनी पत्री क खतम करे। \ior 4:10-23\ior*
\c 1
\p
\v 1 \x + \xo 1:1 \xo*\xt प्रेरितन 16:12\xt*\x*मसीह ईशु क चाकरीया पौलुस आरू तीमुथियुस क तरप छे,
\p आखा चुखा लोगहन क नाव जो मसीह ईशु मा हईन फिलिप्पी मा रयता छे, अध्यक्ष आरू सेवको सहावत।
\p
\v 2 हामरा बास यहोवा–भगवान आरू पोरबु ईशु मसीह की आरू छे तुमूक फोकटन दया आरू शांती मिवती रये। \fig फिलिप्पीन शहर|alt="City of Philippi" src="hk00363c।tif" size="span" copy="Horace Knowles ©" ref="1:1"\fig*
\s पौलुसन प्रार्थना आरू धन्यवाद
\p
\v 3 हाव जव तुमूक फोम करता छे तव आपसा यहोवा–भगवान क धन्यवाद करता छे। 
\v 4 आरू जव किही तुमू सब क करता रावन्या करता छे, तो सदा खुशी क साथे रावन्या करता छे। 
\v 5 अतरान करीन कि तु पेहल दाहड़ो छे आज तक खुश खबर क पसरावने मा मारो साजलिया रहवला छे। 
\v 6 मखे इनी वात क भरसु छे कि जिनुम तुमूक हाव वारलो काम सोरू कामो छे, ईशु मसीह क दाहड़े तक पूरो करसे। 
\v 7 न्यायी छे कि हाव तुमू सब क करता ओसो ही विचार करीस, काहकि तुमू मारा मन मा आय बस्या होय, आरू मारी कैद मा आरू खुश खबर क करता जवाब आरू प्रमाण देने मा तुमू सब मारे साथे फोकटन दया मा सहभागी होय। 
\v 8 इनाम यहोवा–भगवान मारो गवा छे कि हाव मसीह ईशु की सी दया करीन तुमू सब की लालस करता छे।
\p
\v 9 हाव यी प्रार्थना करे कि तुमरा मोंग ज्ञान आरू सब प्रकार क विवेक सहित आरू भी बढ़तो जाय। 
\v 10 याहा तक कि तुमू वारू छे वारू वात क मोंगावु जानो, आरू मसीह क दाहड़े तक सचा बने रया, आरू ठुकर नी खाय। 
\v 11 आरू ओको न्यायपन क फोव छे जो ईशु मसीह क द्वारा हुयसे छे, भरपूर हुयसे जावु जिनुछे यहोवा–भगवान की महिमा आरू बढ़ाई होयती रये।
\s पौलुसन कैद छे खुश खबर की बढ़ती
\p
\v 12 हे भाईस, हाव जूवतो छे कि तुमू यो जान लेवु कि मखे पर जो बीता छे, ओका सी खुश खबर ही की बढ़ती होयी। 
\v 13 \x + \xo 1:13 \xo*\xt प्रेरितन 28:30\xt*\x*याहा तक कि कैसर क किलान की सारी पलटन आरू शेष सब मानसे मा यो प्रगट होय गया छे कि हाव मसीह क करता कैद छे। 
\v 14 आरू पोरबु मा जो भाईस छे, इनुमा छे खुब जना मारे कैद होयनेन कारण, हियाव बांधीन यहोवा–भगवान क वचन निधड़क सोमवावने क आरू हेम्मत करतो छे।
\p
\v 15 काही तो डाह आरू झगड़ा क कारण मसीह क खबर करतो छे आरू काही वारली मरजी छे। 
\v 16 कयी एक तो यो जानीन कि हाव खुश खबर क करता जवाब देने क ठेराया गया छे, मोंग छे खबर करता छे। 
\v 17 आरू कयी एक तो सुधी छे नी पर विरोध छे मसीह की कथा सोमवाता छे, यो सुचीन कि मारी कैदी मा मारे करता पीड़ा पैदा करे।
\p
\v 18 तो काय हुयो? केवल यो कि हर प्रकार छे, जूवे वजेसे छे जूवे सची छे, मसीहन काहनी सोमवाड़ जाती छे, आरू हाव ओका सी खुशी छे आरू खुशी रोवीस भी।
\s जीवतो रोवने मसीह छे
\p
\v 19 काहकि हाव जानतु छे तुमरी रावन्या क द्वारा, आरू मसीह की आत्मा क दान क द्वारा, ऐरो हर फोव मारो उध्दार होयछे। 
\v 20 हाव तो योही हार्दिक लालस आरू आश राखतो छे कि हाव काही वात मा लज्जित नी हुयो, पुन जोसो मारो मजबुत साहस क कारण मसीह की बढ़ाई मारो डील क द्वारा सदा होयती रयी छे, वोसी ही हिमी भी होय, जूवे हाव जीवतो रोवीस या मर जाईस। 
\v 21 काहकि मारे करता जीवतो रोवने मसीह छे, आरू मर जाने लाभ छे। पुन यदि डील मा जीवतो रोवने ही मारो काम क करता लाभदायक छे तो हाव नी जानतु कि कुनीक त्योना। 
\v 22 काहकि हाव दुयन वीच मा टागायलु छे; जी तो जूवतो छे कि काही करीन मसीहन साथे जाय रवु, काहकि यो घोणा ही वारलो छे। 
\v 23 काहकि हाव दुयून विच विचार मा चस्ठी रयु; जी तु जुवतो छे कि कूच करीन मसीहन साथे जायन रवु, काहकि यो घोणा ही वारलो छे। 
\v 24 पुन डील मा रोवने तुमरे कारण आरू भी छाची छे। 
\v 25 अतरान करीन कि मखे ऐरो विश्वास छे शेवली कावा हाव जानता छे कि हाव जीवतो रोवीस, वरना तुमू आखा साथे रोवीस जिनाछे तुमू विश्वास मा दृढ़ हुयसे जावु आरू इनुमा खुशी रवु। 
\v 26 आरू जो डाहळाय तुमू मारा विषय मा करता होय, वो मारे पछु तुमरे साथे आवने छे मसीह ईशु मा सवटो बढ़ जावु।
\p
\v 27 सिर्फ ओतरा करू कि तुमरो चाल–चालने मसीहान खुश खबर क योग्य छे क चाहे कि हाव आवीन तुमूक देखसु, चाहे भी नी जाऊ, तुमरा बारा मा यी सोमव्यु कि तुमु एकुज आत्मा मा स्थिर रवे, आरू एक जागे ध्यान लागाड़े खुश खबर क विश्वासन करता मेहनत करता आरू जीवन जीवता रवजु। 
\v 28 आरू काही वात मा विरोध छे भय नी खाता। यो इन्दरे करता विनाश क साप सहलानी छे, पुन तुमरे करता उध्दार क आरू यो यहोवा–भगवानन चा रयन छे। 
\v 29 काहकि मसीह क कारण तुमू यो फोकटन दया हुयो कि नी केवल ओको पर विश्वास करू पर ओको करता दुःख भी झेलो। 
\v 30 \x + \xo 1:30 \xo*\xt प्रेरितन 16:19-40\xt*\x*आरू तुमूक वोसो ही मेहनत करनो छे, जोसो तुमू ने मखे करता देख्या छे, आरू हिमी भी सोमवता होय कि हाव वोसो ही करता छे।
\c 2
\s मसीहन दीनता आरू महानता
\p
\v 1 शेवली कावा यदि मसीह मा काही शांती, आरू मोंग छे ढाढ़स, आरू आत्मा की सहभागिता, आरू काही करूणा आरू दया छे। 
\v 2 तो मारो याहा खुशी पूरो करू कि एक मन रयो, आरू एक ही मोंग, एक मनीया, आरू एक ही मनसा राखु। 
\v 3 विरोध या झुठी बढ़ाईन करता काही नी करू पर दीनता छे एक दिसरा न आपने छे वारलो समझो। 
\v 4 हर एक आपने ही हित की नी, वरना दिसरा न हित की भी चिंता करे। 
\v 5 जोसो मसीह ईशु क स्वाभाव होतो वोसो ही तुमरा भी स्वभाव होय।
\q1
\v 6 जो यहोवा–भगवानन स्वरूप मा हईन भी यहोवा–भगवानन
\q2 तुल्य होयनेन आपने वश मा राखने की चीज नी समझा।
\q1
\v 7 वरना आपने आप क खुद हटाव दिदा,
\q2 आरू दासन स्वरूप धारण कर्‍या,
\q2 आरू मानुस की समानता मा होय गया।
\q1
\v 8 आरू मानसोन रूप मा प्रगट हईन आपने आप क दीन कर्‍या,
\q2 आरू याहा तक हुकुमकारी रया कि मृत्यु,
\q1 हाव, कुरूस की मृत्यु भी सह ली।
\q1
\v 9 इनीये कारण यहोवा–भगवान ने ओको घण महान भी कर्‍या,
\q2 आरू ओको वो नाव राख्या जो सब नाव मा छेरठ छे।
\q1
\v 10 कि जो सोरगदूत मा आरू धरती पर आरू धरती क नेचो छे,
\q2 वो सब ईशुन नाव पर माड़ा।
\q1
\v 11 आरू यहोवा–भगवान बाकी महिमान करता
\q2 हर एक जीभ पछतावो कर लेय कि
\q1 ईशु मसीह ही पोरबु छे।
\s संसार मा दिया सदृश चमको
\p
\v 12 अतरान करीन मोंगावु, जिना प्रकार तुमू सदा छे हुकुम मानता आश होय, वोसो ही हिमी भी नी केवल मारे साथे रोयता होया पर विशेष करीन हिमी मारे दूर रोवने पर भी बीक राखता जाईन आरू कापता होया आपने उध्दार क काम पूरो करता जावु। 
\v 13 काहकि यहोवा–भगवान ही छे जुने आपसी सुइच्छा निमित्त तुमरा मन मा मरजी आरू काम, दुयू वातन करीन शक्ति नाखता छे।
\p
\v 14 सब काम कुरकुर नी करता जाईन आरू विना विवाद कर्‍या करू। 
\v 15 ताकि तुमू निर्दोष आरू भोले हईन टेढ़ आरू हठीले मानसे क विच यहोवा–भगवानन निष्कलंक अवलियाद बन रया, जिन्दरे विच मा तुमू जीवनन वचन लेदा होय धरती मा धपता दिवान समान देखाड़ देता होय। 
\v 16 कि मसीहन दाहड़ा मखे डाहळाय करनेन कारण होय कि नी मारो दौवड़नेन आरू नी मारो मेहनत करने व्यर्थ हुयो।
\p
\v 17 यदि मखे तुमरा विश्वास रूपी बलिदान आरू सेवा न साथे आपसा लुहूय भी वयाड़नु पड़े, तवभी हाव खुशी छे आरू तुमू सबन साथे खुशी राखता छे। 
\v 18 वोसो ही तुमू भी खुशी होय आरू मारे साथे खुशी करू।
\s तीमुथियुस आरू इपफ्रूदीतुस
\p
\v 19 मखे पोरबु ईशु मा आश छे कि हाव तीमुथियुस न तुमरे साथे तत्काल मुकल्या, ताकि तुमरी दशा सोमवीन मखे शांती मिवछे। 
\v 20 काहकि मारे साथे ओसो स्वभावन काही नी जो चुखो मन छे तुमरी चिंता करे। 
\v 21 काहकि सब आपने स्वार्थ की हेर मा रोयता छे, नी कि ईशु मसीहन। 
\v 22 पर तीनाक तो तुमू ने पारखे आरू जान भी लेदा छे कि जोसो पोर्‍य बासन साथे करता छे, वोसो ही त्यो खुश खबर क फैलाने मा मारे साथे मेहनत कर्‍या। 
\v 23 अतरान करीन मखे आश छे कि ज्यो ही हावखे जानो पड़से कि मारी काय दशा होछे, त्यो ही, हाव ओको तत्काल मुकली देसे। 
\v 24 आरू मखे पोरबु मा विश्वास छे कि हाव आप भी शीघ्र आवीस।
\p
\v 25 पर हाव ने इपफ्रुदीतुस क जो मारो भाईस आरू सहकर्मी आरू संगी योध्दा आरू तुमरो, आरू छाची वात मा मारी सेवा टहल करनेवावा छे, तुमरे साथे मुकलने छाची समझा। 
\v 26 काहकि तेरो मन तुमू सब मा लाग होया हुता, अतरान करीन कारण वो व्याकुल रोयता हुता काहकि तुमू ने ओको की बीमार क हाल सोमवाय होतो। 
\v 27 छाचो ही वो बीमार तो होय होतो याहा तक कि मरना पर होतो, पुन यहोवा–भगवान ने ओको पर दया करी, आरू केवल ओको ही पर नी पर मखे पर भी कि मखे शोक पर शोक नी होय। 
\v 28 अतरान करीन हाव ने ओको मुकलने आरू भी यत्न कर्‍या कि तुमू ओका सी पछु भेंट करीन खुशी होय जाय आरू मारी भी शोक घट जाय। 
\v 29 अतरान करीन तुमू पोरबु मा ओका सी घोणा खुशीन साथे भेंट करने, आरू ओसो काय विजुत कर्‍या करने। 
\v 30 काहकि वो मसीहन कामन करता आपने जीव पर जोखिम उठाड़ीन मरलान निकट आय गयो होतो ताकि जो घटी तुमरी आरू छे मारी सेवा मा होयी ओको पूरो करे।
\c 3
\s सची न्यायपन
\p
\v 1 अतरान करीन हे भाईस, पोरबु मा खुशी रवु। वो ही वात तुमूक बार बार लिखने मा मखे तो काही कष्ट नी हुता, आरू इनमा तुमरी कुशलता छे। 
\v 2 कुत्रान चोकचौळीया रयो, उन बुरे काम करनेवावा छे चोकस रयो, उन काट कुट करनेवावा छे चोकस रयो। 
\v 3 काहकि खतनावावा तो हामु ही छे जो यहोवा–भगवानन आत्मान अगवाय छे उपवास करता छे आरू मसीह ईशु पर डाहळाय करता छे, आरू डील पर विश्वास नी राखता। 
\v 4 पर हाव तो डील पर भी विश्वास राख सकतो छे। 
\v 5 \x + \xo 3:5 \xo*\xt रोमियो 11:1 \xt*\xt प्रेरितन 23:6; 26:5\xt*\x*आठवो दाहड़ो मारो खतना हुयो, इस्त्राएलन वंश, आरू बिन्यामीनन क अवळियाद छे; बिन्यामीनन इब्रानी छे; व्यवस्थान विषय मा यदि कयो तो फरीसि छे। 
\v 6 \x + \xo 3:6 \xo*\xt प्रेरितन 8:3; 22:4; 26:9-11\xt*\x*मरजी विषय मा यदि कयो तो मंडळी सतानेवावान; आरू व्यवस्था की न्यायपन विषय मा यदि कयो तो निर्दोष होतो। 
\v 7 पुन जो वात मारे लाभ करी होती, उका क हाव ने मसीहन कारण हानि समझ लेदा छे। 
\v 8 वरना मा आपने पोरबु मसीह ईशुन उवख करी वारला कारण सब वातन हानि समझता छे ओका कारण हाव ने सब चीज की नुक्सान झेलीयो आरू तीनुक कूड़ा समझता छे, जिनाछे हाव मसीहक हासिल करू। 
\v 9 आरू इनाम देखाय जासु; नी कि आपसी ओको न्यायपनन साथे, जो व्यवस्था छे, वरना ओको न्यायपनन साथे जो मसीह पर विश्वास करनेन कारण छे आरू यहोवा–भगवानन चा रयन विश्वास करने पर मिवती छे। 
\v 10 ताकि हाव ओको आरू ओका मरलाजनान सामर्थ्यान आरू ओको साथे दुःख मा सहभागी होयनेन मर्मान जानु आरू ओका मरनन समानताक हासिल करू। 
\v 11 कि हाव काही भी रीति छे मरला होया मा छे जीवन उठनेन पद तक पुच्या।
\s निशानन चा रयन दौवड़ने
\p
\v 12 यो मतलब नी कि हाव देख त्योक्या छे, या सिध्द होय त्योक्या छे; पर उनी चीज क धरनेन करता दौवड़ीन चाल जाता छे, ओका करता मसीह ईशु ने मखे दरिया होतो। 
\v 13 हे भाईस, मारी भावना यो नी हाव धर त्योक्य; पुन केवल यो एक काम करता छे कि जो बात पछव रया गयी छे तीनुक वीसरीन कर, ओगव की वातन चा रयन बढ़ता हुयो। 
\v 14 निशानोन चा रयन दौवड़ीन चाल जात छे, ताकि वो इनाम देखछे ओका करता यहोवा–भगवान ने मखे मसीह ईशु मा ऊपर बुलायो छे।
\p
\v 15 हामु मा छे जोतरा सिध्द छे, योही विचार राख, आरू यदि काही वात मा तुमरो आरू ही विचार होय तो यहोवा–भगवान ओको भी तुमू पर प्रगट कर देसे। 
\v 16 अतरान करीन वा तक पुच्या छे, ओको लारे चाले।
\p
\v 17 \x + \xo 3:17 \xo*\xt 1 कुरन्थियो 4:16; 11:1\xt*\x*हे भाईस्यो, तुमू सब हाववीन मारेसी चाल चालीन, आरू तीनुक उवखी राखु जो इनी रीति पर चालतो छे ओका उदाहरण तुमू हामु मा देखता होय। 
\v 18 काहकि घोणा छे ओसी चाल चालता छे, जेरो चर्चा हाव ने तुमू छे बार बार करी छे, आरू हिमी रड़ता जाईन कयता छे कि वो आपसी चाल चालीन छे मसीहन कुरूसन दुस्मन छेे। 
\v 19 तींदरा आखरी विनाश छे, तींदरा भगवान पेट छे, वो आपसी लज्जान वात पर डाहळाय करता छे आरू धरती चीज पर मन लागाड़ रोवता छे। 
\v 20 पर हामरा स्वदेश सोरगदूत पर छे; आरू हामु एक उध्दारकरता पोरबु ईशु मसीहन वाँ छे आवनेन वाट जुय रया छे। 
\v 21 वो आपसी शक्तिन क उना साहळा क अनसारे जिनान लारे त्यो सब चीजन क ओका हक कर सके, हारो दाहड़ीन साहळो बदलीन आपसी महिमा न तसो बनाय देसे।
\c 4
\p
\v 1 अतरान करीन हे मारा मोंगावु भाईस्यो, जिनमा मारो जीव लागी रोवतो छे, जी मारी खुशी आरू मुकूट होय, हे मोंगावु भाईस्यो, पोरबु मा इन प्रकार स्थिर रयो।
\s व्यावहारिक निर्देश
\p
\v 2 हाव यूओदिया क भी समझाता छे आरू सुन्तुखेन भी, कि वो पोरबु मा एक मन रयो। 
\v 3 हे सच सहकर्मी, हाव तुखे छे भी रावन्या करता छे कि तु तीनु बायरन मदत कर, काहकि चे मारे खुश खबर पुगाने मा, क्लेमेंस आरू मारा दिसरा सहकर्मियो सहावत मेहनत कर्‍या, जिन्दरो नाव जीवनन किताब मा लिखलो छे।
\p
\v 4 पोरबु मा हहावशा खुश रवु; हाव पछु कयता छे, खुश रवु।
\p
\v 5 तुमरी कोमलता सब मानसे पर प्रगट होय। पोरबु निकट छे। 
\v 6 काही भी वातन चिंता मा करू; पुन हर एक वात मा तुमरो निवेदन, प्रार्थना आरू रावन्यान द्वारा धन्यवादन साथे यहोवा–भगवानन सम्मुख हजुर होयती जाय। 
\v 7 तव यहोवा–भगवानन शांती जो सारी समझ छे बाहर छे, तुमरे दिल आरू तुमरो विचारन मसीह ईशु मा सोरक्षित राखछे।
\p
\v 8 अतरान करीन हे भाईस्यो, जी जी वात सच्चाई छे, आरू जी जी वात विजुत बढ़े छे, आरू जी जी वात न्यायी छे, आरू जी जी वात चुखलो छे, आरू जी जी वात मनभावनी छे, मतलब जो भी सद्गुण आरू वाहवाय की वात छे तीनु पर ध्यान लागाड़ ्या करू। 
\v 9 जी वात तुमू ने मखे छे सिकली, आरू मान्य करी, आरू सोमवी, आरू मखे मा देख, तीन्दरो पालन कर्‍या करू, तव यहोवा–भगवान जी शांतीन आपे छे जु हामरे साथे रोवसे।
\s दानन करीन धन्यावद
\p
\v 10 हाव पोरबु मा घोणा खुशी छे कि हिमी ओतरा दाहड़ान बाद तुमरी चिंता मारे विषय मा पछु जागृत होयी; छाचो तुमू शुरू मा भी ऐरो विचार होतो, पर तुमू मेखे नी मिव्यो। 
\v 11 यो नी कि हाव आपसी घटीन कारण यो कयतो छे; काहकि हाव ने यो सिक्यो छे कि जिन दशा मा छे; ओको मा सन्तोष करू। 
\v 12 हाव दीन भी होयनो जानतु छे आरू बढ़ने भी जानतु छे; हर एक वात आरू सब दशा मा हाव ने तृप्त हुयने, भूकलो रोवने, आरू वदने घटने सिक्यो छे। 
\v 13 जो मखे शक्ति देतो छे तीनामा हाव सब काही कर सकतो छे।
\p
\v 14 तवभी तुमू ने भला कर्‍या कि मारो पीड़ा मा मारो भागीदार हुयो। 
\v 15 फिलिप्पियो, तुमू आप भी जानता होय कि खुश खबर खबरन शुरू मा, जव हाव मकिदुनिया छे विदा हुयो, तव तुमू छुड़ आरू काही मंडळी ने लेना देनान विषय मा मारी मदत नी करी। 
\v 16 इनीये प्रकार जव हाव थिस्सलुनीके मा होतो, तव भी तुमू ने मारी घटी पूरी करनेन करता एक बार काय वरना दुय बार काही मुकल्या हुता। 
\v 17 यो नी कि हाव दान आपने जूवतो छे पुन हाव ओसो फोव आपने जूवतो छे जो तुमरो लाभन करता बढ़तो जाय। 
\v 18 मारे साथे सब काही छे, वरना बहुतायत छे भी छे; जो चिज तुमू ने इपफ्रुदीतुस हात छे मुकली होती तीनुक देखीन हाव तृप्त होय गयो छे, वो तो सुखदायक सुगन्ध, मान्य करने योग्य बलिदान छे, जो यहोवा–भगवानन भाता छे। 
\v 19 मारो यहोवा–भगवान भी आपसा तिना धनन लारे जो महिमा सहित मसीह ईशु मा छे, तुमरी हर एक कमी घटीक पूरी करसे। 
\v 20 हामरा यहोवा–भगवान आरू बासन महिमा युगानयुग हयती रवे। आमेन।
\s आखरी नमस्कार
\p
\v 21 हर एक चुखलो जनन, जो ईशु मसीह मा छे नमस्कार कयो। जो भाईस मारे साथे छे, तुमू नमस्कार कयता छे। 
\v 22 सब चुखलो मानछे, विशेष करीन जो कैसरन घरानान छे, तुमूक नमस्कार कयता छे।
\p
\v 23 हामरा पोरबु ईशु मसीहन फोकटन दया तुमरी आत्मान साथे रोवे।