\id JHN – Dhankavi
\ide UTF-8
\h यहुन्ना
\toc3 यहुन्ना
\toc2 यहुन्ना
\toc1 यहुन्ना नी किताब
\mt2 यहुन्ना कि किताब
\mt1 यहुन्ना नी किताब
\imt परिचय
\ip यहुन्नान लिखली होयी यो खुश खबर किताब नवलो नियमन चार मा रयन एक जी ईशुन जीवनन वर्णन करता छे। चार किताबन खुश खबर ओसो बुलतो छे। मत्ती, मरकुस, लूका, यहुन्ना इन चार किताब कोवे चारविसु दस सालन आस पास लिख्यो होतो यो खुश खबर प्रेरित आरू इन किताब मा लिखलो नी होय हुती ऐरो लेखक यहुन्ना छे। ओवी पेहला, दुसरा, तीसरा, यहुन्ना इन किताबन लिखावट छे। काही पुरानो लेखक यो ओसो देखाड्यो कि यहुन्ना इफिसियो शहर मा यी किताब लिखली हसे।
\ip यहुन्ना इन किताबन उद्देश स्पष्टता चा रयन कोवता छे कि ईशु मसीह जीवतो यहोवा भगवानन पोर्‍य \xt यहुन्ना 20:31\xt* ओसो विश्वास करने करीन अतरान करीन मदत करता छे यो विश्वास राखीन हामु अतरान करीन नावन जीवन जीव सकता छे यी किताब यहूदि आरू गैरयहुदी करता लिखली हुती। यहुन्ना न खुश खबर मा तीन खुश खबर मा काही बाराम अलग ईशुन कामो चमत्कार ध्यान राखीन दृष्टांतन बारा मा ध्यान लागाड़ीयो कामो ईशुन बपतिस्मा आरू सुनसान धरती मा ईशुन परीक्षा करी इन खुश खबर मा लिखलो छे।
\iot रूप रेखा:
\io1 1. यहुन्ना खुश खबर करतो छे। \ior 1:1-18\ior*
\io1 2. ओतेन वो इन काही चमत्कारन बाराम लिखतो छे जो ईशु कामो। \ior 1:19–12:50\ior*
\io1 3. वो ईशुन जीवनन काही घटनान वर्णन करता छे जो अतरान करीन मरना आरू पुनरूत्थान ली जातो छे। \ior 13:1–20:31\ior*
\io1 4. मा पूरो करतो छे जो मरला मा रयन उठीन मानसोन सामने आवता छे आरू आखरी मा यहुन्ना किताब लिखने मा आपनो उद्देश कयतो छे। \ior 21\ior*
\c 1
\s वचन देहधारी हुयो
\p
\v 1 पेहल मा शब्द हतो, आरू शब्द यहोवा–भगवान साथे हतो, आरू शब्द यहोवा–भगवान हतु। 
\v 2 यो शब्द पेहल यहोवा–भगवान साथे हतो। 
\v 3 सब काहय उका द्वारा पैदा हयो, आरू जो काहय पैदा हयो छे ओको मा रईन कोय भी चीज उका बिना पैदा नी होई। 
\v 4 ओको मा जीवन हतो आरू चो जीवन मानसोन दिपक हतो। 
\v 5 प्रकाश आँधाराम चमके छे, आरू आंधारो उका मान्य नी कर्‍या।
\p
\v 6 \x + \xo 1:6 \xo*\xt मत्ती 3:1; मरकुस 1:4; लूका 3:1,2\xt*\x*एक संदेश यहोवा–भगवानन तरफ रईन आयो जेरो नाव यहुन्ना हतो। 
\v 7 त्यो गवाय देने आयु क प्रकाशन गवाय दे, ताकि सब हेरेन द्वारा विश्वास लावजु। 
\v 8 चाँ तुमूक ते चाँ प्रकाश नी हतु, पुन उका प्रकाशन गवाय देनेन करता आयु हतो। 
\v 9 सच्त्यो प्रकाश जु हर एक मानसो प्रकाशित कर रयु छे, जगमा आवनेवाळो हतु। 
\v 10 त्यो जगत मा हतु, आरू जग ओको द्वारा पैदा हयो, आरू जग उका नी उळयो। 
\v 11 चो आपने घर आयो आरू तीनाक आपसा मानसे नी ओको मान्य कर्‍या। 
\v 12 पुन जोतरा ओको मान्य कर्‍या, ओको तीनुक यहोवा–भगवानन पोर्‍या होयनेन हक देदु, मतलब् तीनुक जु ओको नाव पर विश्वास राकता छे। 
\v 13 जु नी ते लुहूय से, नी ते शरीरन मरजी से, पुन यहोवा–भगवान से पैदा हयो छे।
\p
\v 14 आरू वचन देहधारी हयो; आरू फोकटन दया आरू सच्चाई से भरायला होईन हामरे विच मा डेरा कर्‍या, आरू हामु हेरेन ओसी महिमा देख्या, जोसी बासन एकखुळाय पोर्‍या महिमा। 
\v 15 यहुन्ना हेरेन विषय मा गवाय दी, आरू आयड़ीन कये, “यु त्यो छे, उका हाव नीके चर्चा कर्‍यु कि जु मार बाद आय रोयु छे, त्यो मखे बढ़ीन छे काहकि त्यो मखे रईन पेहल हतु।” 
\v 16 काहकि हेरेन परिपूर्णता मा रईन हामु सब जने सापड़्याव्या कर्‍या मतलब फोकटन दया पर फोकटन दया। 
\v 17 एरकरीन कि व्यवस्था ते मूसान द्वारा देदी हती, पुन फोकटन दया आरू सच्चाई ईशु मसीहन द्वारा पुगली। 
\v 18 यहोवा–भगवान काजे कोय नी कदी नी देख्या, एखलु पोर्‍या जु बासन खुवा मा छे, उका ने उका प्रकट कर्‍या।
\s यहुन्ना बपतिस्मा देनेवावान गवाय
\p
\v 19 यहुन्ना न गवाय यी छे, कि जव यहूदि या आरू यरूशलेम रईन प्रधान पुजारा आरू लेविया ओको यी पुछनेन करता मोकल्या, “तु कुन छे?” 
\v 20 ते उका यो मान लेदा आरू मना नी कर्‍या, पुन मान लेदा, “हाव मसीह नी छे।” 
\v 21 तव ओको उका पुछा, “ते पुछा कुन छे? काय तु एलियाह छे?” त्यो कयो, “हाव नी छे। ते काय तु त्यो भविष्यवक्तु छे? त्यो जवाब देदु, नी।” 
\v 22 तव ओको ने मखे पुछा, “मग तु छे कुन? ताकि हामु आपसा मकलनेवावा काजे जवाब देजे। तु आपसा विषयमा काय कयतु छे?” 
\v 23 यहुन्ना कयो, “जोसो यशायाह कागळियान कयो छे: हाव जंगल मा एक आयड़ने वावान शब्द छे कि तुमू पोरबुन मार्ग सुधं करू।” 
\v 24 चाँ फरीसियोन तरफ रईन मकल्या गयु हतु। 
\v 25 त्यो ओको यो सवाल पुछा, “यदि तु नी मसीह छे, आरू नी एलियाह, आरू नी त्यो भविष्यवक्ता छे, ते बपतिस्मा काँ देतु छे?” 
\v 26 बपतिस्मा देनेवावो यहुन्ना ओको जवाब देदु, “हाव ते पानी करीन बपतिस्मा देतु छे, पुन तुमरे विच मा एक जन उभु छे जिनाक तुमू नी जानता। 
\v 27 मतलब मार बाद आवनेवाळो छे, जिनान खासड़ान धुवड़ी मा छुड़नेन योग्य नी।” 
\v 28 यी वात यरदन नदीन पार बैतनिया मा होयी, जा यहुन्ना बपतिस्मा देतु हतु।
\s यहोवा–भगवानन मेम्नु
\p
\v 29 दिसरे दाहाड़े त्यो ईशु काजे आपसी तरफ आवतु देखीन कयो, “देखु, यु यहोवा–भगवानन गाडरो छे जु जगन पाप उठाव ले जातु छे।” 
\v 30 यहुन्ना हेरेन विषय मा गवाय कयो हतु, “एक मानुस मारे पछळ आवतु छे जु मखे रईन श्रेष्ठ छे, काहकि त्यो मखे रईन पेहल हतु।” 
\v 31 “हाव ते तीनाक उवखियु नी हतु, पुन एरकरीन मखे पानी करीन बपतिस्मा देतु आयु कि त्यो इस्राएल पर प्रकट होय जाय।” 
\v 32 आरू यहुन्ना यी गवाय देदु: “हाव आत्मा काजे पेरवान समान वादवा रईन उतरती देख्यु छे, आरू चाँ तीनाक पर उभु रया गय। 
\v 33 हाव ते उका उवखतलु नी हतु, पुन जु मखे पानी करीन बपतिस्मा देने काजे मोकल्य, त्यो मखे कयो, ‘जिनाक पर तु आत्मा काजे उतरती आरू उबरयती देख्यु, ची चुखलो आत्मा करीन बपतिस्मा देनेवावु छे।’ 
\v 34 आरू हाव देख्य, आरू गवाय देदी छे कि यी यहोवा–भगवानन पोर्‍य छे।”
\s ईशुन पेहलु चेलु
\p
\v 35 दिसरे दहाड़े पछु यहुन्ना आरू तीनान चेला मा रईन दुय जनु उबा होया हता, 
\v 36 आरू त्यो ईशु पर जु जाय रयु हतु, नजर करीन कयो, “देखु, यु यहोवा–भगवानन गाडरो छे।” 
\v 37 तव चाँ दुय चेला तीनाक यी वात सोमवीन ईशु पछळ चाल दिदा। 
\v 38 ईशु फिरीन ओको पछळ आवता देख्यु आरू ओको कयो, “तुमू कुनीन खोज मा छे?” चाँ तीनुक कयो, “हे गुरू मतलब हे गुरू, तु क रोवतु छे?” 
\v 39 त्यो तीनुक कयो, “चालु, ते देखु मानसो।” तव चाँ जाईन ओकी रोवनेन जागु देख्या, आरू तीन दहाड़े ऐर साथे रया। यो दस घंटान लग–भग हतो।
\p
\v 40 ओको दुयम रईन, जु यहुन्ना न वात सोमवीन ईशुन पछळ चाल दिदा, एक शमौन पतरसन भाई अन्द्रियास हतु। 
\v 41 उका पेहल आपसा सगु भाईस शमौन काजे मिवीन ओका सी कयो, “हामु ख्रिस्त, मतलब मसीह, सापड़ी गयु।” 
\v 42 त्यो तीनाक ईशु साथे लायु। ईशु उका पर नजर करीन कयो, “तु यहुन्ना न पोर्‍या शमौन छे: तु कैफा मतलब पतरस कोवायसे।”
\s फिलिप्पुस आरू नतनएलन बुलावु आवनो
\p
\v 43 दिसरे दहाड़े ईशु गलील जानेह कर्‍यु। त्यो फिलिप्पुस मिव्यु आरू कयो, “मार पछळ चाल दे।” 
\v 44 फिलिप्पुस, अन्द्रियास आरू पतरसन नगर बैतसैदान रोयनारू हतु। 
\v 45 फिलिप्पुस नतनएल काजे मिव्यु आरू उका कयो, “जेरो वर्णन मूसा व्यवस्था मा आरू भविष्यवक्ता नु कर्‍या छे, त्यो हामुक मिव गयु; त्यो यूसुफन पोर्‍य, ईशु नासरत छे” 
\v 46 नतनएल ओको कयो, “काय कोय वारली चीज भी नासरत रईन निकवी सकती छे?” फिलिप्पुस ओका सी कयो, “चालीन देख लेवु।” 
\v 47 ईशु नतनएल मा आपसी भुनी आवतु देखीन तीनाक विषय मा कयो, “देखु, यु सच्त्यो इस्त्राएली छे: इनाम कपट नी।” 
\v 48 नतनएल ओको कयो, “तु मखे कोसु जानतु छे?” ईशु तीनाक जवाब देदु, “ओको रईन पेहल कि फिलिप्पुस तुखे बुलायु, जव तु अंजीरन झाड़कान तवे बठलु हतु, तव हाव तुखे देख्यु हतु।” 
\v 49 नतनएल तीनाक जवाब देदु, “हे गुरू, तु यहोवा–भगवानन पोर्‍य छे; तु इस्त्राएलन राजु छे।” 
\v 50 ईशु तीनाक जवाब देदु, “हाव जो तुखे कयो कि हाव तुखे अंजीरन झाड़कान तवे देख्यु, काय तु एरेन करता मार पर विश्वास करे? तु इनाक रईन भी मोटा–मोटा काम देखसे।” 
\v 51 पछु तीनाक कयो, “हाव तुमूक सच कयतु छे कि तुमू सोरगदूत काजे खुल्लो हुयो, आरू यहोवा–भगवानन सोरगदूत काजे मानसन पोर्‍या क उपर उतरता आरू ऊपर जातु देख्यु हतु।”
\c 2
\s गलीलन काना गाँव मा पेहला विछेळीयो काम
\p
\v 1 पछ तीसरे दहाड़े गलीलन काना गाँव मा कुनीन एकान शाक हुती, आरू ईशुन आया भी चाँ हुती। 
\v 2 ईशु आरू उका चेला भी उका शाक मा आवला हुता। 
\v 3 जव अंगुर क रस घट गयलो, ते ईशुन आया उका कयी, “हेरेन जु अंगुरन रस नी रोयु।” 
\v 4 ईशु ने ओको कयो “हे बाई, मखे तार जु काय काम? हिमी मार टेम नी आयु।” 
\v 5 ईशुन आया सेवकों काजे कयी, “जो काहय त्यो तुमूक कये, चो करजु।” 
\v 6 चाँ यहूदि योन आधिकारी चुखो करनेन रीतिन लारे दगड़ा क छव: ढुसरो धरला हुता, जीनाम दुय–दुय, तीन–तीन मन समायता हुता। 
\v 7 ईशु ने उका कयो, “ढुसराम पानी भर देवु।” चाँ तीनुक मुयेमुये भर दिदा। 
\v 8 तव उका कयो, “हिमी निकळीन भोज प्रधानन साथे ले जावु।” आरू चाँ ले गया। 
\v 9 जव भोज प्रधानन चाँ पानी चखा, जु अंगुर रस बन गयु हतु आरू नी जानतु छे कि त्यो क से आवलु छे पुन जा सेवके पानी काहडला हुता चाँ जानता हुता, ते भोज क प्रधान ने दुल्हा बुलावीन उका कयो, 
\v 10 “हर एक मानसु पेहल वारलु दाखरस देतु छे, आरू जव मानसे पीईन साक जाता छे, तव मध्यम देता छे; पुन तु ने वारलो दासचस हिमी तव मेक छुडे छे।” \fig दगड़ान कुंडा मा पाणी भरतला|alt="Filling water in the stone jars" src="lb00135c।tif" size="col" copy="Horace Knowles ©" ref="2:7"\fig*
\p
\v 11 ईशु गलीलन काना मा आपनो यो पेहलो सहलानी देखाड़ीन आपसी महिमा प्रगट कर्‍यु आरू उका चेला क पर विश्वास करलो।
\p
\v 12 \x + \xo 2:12 \xo*\xt मत्ती 4:13\xt*\x*ओको बाद ईशु आपनी आईस, आरू आपना भाईस आरू हेरेन चेला कफरनहूम नगर मा गया आरू वा काही दाहाड़ा रया।
\s मंदिर से व्यापारियो क निकाला जाना
\p
\v 13 यहूदि या क फसहन तिवार नाट होतो, आरू ईशु यरूशलेम गयु। 
\v 14 उका मंदिर मा बैल, गाडरा आरू कबुतर वेचनेवावा आरू सर्राफो काजे बठला देख्यु। 
\v 15 तव उका दुवड़ान गुन्डो बनाड़े, आरू सब गाड़ गाडरा आरू बैल क साथ मा मंदिर मा सी बाहर निकाळ दियो, आरू सर्राफों पोस्या क वेराय देदो आरू पीढ़िन काजे उलटाव देदो, 
\v 16 आरू कबुतर वेचनेवावा कयो, “इनुक यी से ली जावु। मार बासन घर क धंदान घर मा बनावु।” 
\v 17 तव उका चेला काजे फोम आयो कि लिखलो छे, “तार घरन धुन मखे खाय जासे।”
\p
\v 18 ओको पर यहूदि या ने उका से कयो, “तु जो यो करे ते हामुक कसलो सहलानी देखाडे छे?” 
\v 19 \x + \xo 2:19 \xo*\xt मत्ती 26:61; 27:40; मरकुस 14:58; 15:29\xt*\x*ईशु तीनुक जवाब देदु, “ओको मंदिर क ढा देवु, आरू हाव ओको तीन दहाड़ा मा उबो कर दिस।” 
\v 20 यहूदि या ने कयो, “ओको मंदिर क बनावने मा छियालीस साल लाग्या छे, आरू काय तु ओका तीन दहाड़ा मा उभु कर दी रयु?” 
\v 21 पुन उका आपसी देहन मंदिरन विषयमा कयलु हतु। 
\v 22 अळते: जव चाँ मरलामा से जीव उठयो ते उका चेलान फोम आयो कि उका यी कयो हतु: आरू हेरेन चुखलो शास्त्र आरू उका वचन कि जो ईशु कयलु हतु, विश्वास कर्‍या।
\s ईशु मानसन मन काजे जानतु छे
\p
\v 23 जव चाँ यरूशलेम मा फसहन टेमे तिवारमा हतु, ते खुब जने तीन सहलानी क जो चाँ देखाडता हुता देखीन हेरेन नाव पर विश्वास कर्‍या। 
\v 24 पुन ईशु ने आपने आपसु हेरेन विश्वास पर नी छुड़िया, काहकि चाँ सुबक जानतु छे; 
\v 25 आरू उका कोय जरूरत नी हुती कि मानसोन विषय मा कोय गवाय दे, काहकि चाँ तुमूक जानतु हतु कि मानसोन मन मा काय छे?
\c 3
\s ईशु आरू नीकुदेमुस
\p
\v 1 फरीसिया मा नीकुदेमुस नावन एक मानसु हतु, जु यहूदि यान सरदार हतु। 
\v 2 त्यो राती ईशुन साथे आयु ओका कयो, “हे रब्बी, हामु जानता छे कि तु यहोवा–भगवानन तरफ छे गुरू होईन आयु छे, काहकि कोय सहलानी क जो तु देखाड़े छे, यदि यहोवा–भगवान ओको साथे रये ते नी देखाड़ सके।” 
\v 3 ईशु ने उका जवाब देदु, “हाव तुखे सच कयतु छे, यदि कोय नवली सिरे छे नी जन्मा ते यहोवा–भगवान राज्य देख नी सकता।” 
\v 4 नीकुदेमुस ने उका कयो, “मानुस जव डायो होय गयो, ते कोसो जनम ली सकतो छे? काय होया आपसी माय पेटमा दिसरी वार भराइन जनम ली सकत छे?” 
\v 5 ईशु जवाब देदु, “हाव तुखे सच कय रयु छे, जव तव कोय मानुस पानी आरू आत्मा छे नी जनम ता चाँ यहोवा–भगवानन राज्यमा भराय नी सकता। 
\v 6 काहकि जु शरीर छे जनमछे, चो शरीर छे; आरू जु आत्मा छे जनमछे, ची आत्मा छे। 
\v 7 भोंगलाय गयो मा करे कि हाव मा तुखे कयो, ‘तुखे नवला सिर छे जनम लेनु जरूरी छे।’ 
\v 8 हवा जींखुर चाहे छे तींखुर चालती छे आरू तु ओकी ओवाज सोमवीन छे, पुन त्यो नी जानतु कि हयी क छे आवती आरू कोत्ती जाय छे? जु कोय आत्मा छे जन्मा छे त्यो ओसलुज छे।” 
\v 9 नीकुदेमुस ने उका जवाब दिदा, “यी वात कोसो होय सकती छे?” 
\v 10 यी सोमवीन ईशु उका कयो, “तु इस्त्राएलियान गुरू होईन भी काय इन वात काजे नी समझता?” 
\v 11 हाव तुखे छे सच सच कयतु छे कि आपो जु जानतु छे चाँ कयता छे, आरू जीनाक हामु देखा छे ओको गवाय देता छे, आरू तुमू हामरी गवाय मान्य नी करता। 
\v 12 जव हाव ने तुमू छे धरतीन वात कयो आरू तुमू विश्वास नी करत़ा, ते यदि हाव तुमूक सोरगन वातु कयो ते मग कोसो विश्वास करसु? 
\v 13 कोय सोरगमा नी चढ़िया, केवल त्यो सोरग छे उतरीयो, मतलब मानसन पोर्‍या जो सोरगदूतमा छे। 
\v 14 आरू जीन रीति छे मूसा ने जंगल मा घड़सा क उपर चढ़ाया, तोसीज रीति छे जरूर छे कि मानसोन पोर्‍या भी उपर चढ़ाया जाय; 
\v 15 ताकि जु कोय उका पर विश्वास करे तीनाक अमरकाय जीवन जड़से। 
\v 16 “काहकि यहोवा–भगवान जगत साथे ओसलो मोंग राखे कि उका आपनो एकखुळीयो पोर्‍य आप दिदो, ताकि उका पर जु कुन विश्वास करे त्यो नष्ट नी हुयो, पुन अमरकाय जीवन जड़से। 
\v 17 यहोवा–भगवान आपसा पोर्‍या काजे इनान करता नी मोकल्यु कि जगत पर दण्डन हुकुम दे, पुन इनान करता कि जगत ओको व्‍दारा उध्दार जड़से। 
\v 18 जु उका पर विश्वास करता छे, उका पर दण्डन हुकुम नी हुयो, पुन जु उका पर विश्वास नी करता, त्यो दोषी ठर गयु; अतरान करीन कि ओको यहोवा–भगवानन एकखुळीयो पोर्‍या नाव पर विश्वास नी करिया। 
\v 19 आरू दण्डन हुकुमन कारण यो छे कि ज्योति जगत मा आवी छे, आरू मानसे आँधारलो ज्योति छे सवटो मोंग मा जावना काहकि ओको काम बुरो होतो। 
\v 20 काहकि जु कुन बुराई करता छे, त्यो ज्योति छे बैर राखता छे, आरू ज्योतिन नाट नी आवे, ओसो नी हुयो कि ओको कामो पर दोष लागाड़ ़े जाय। 
\v 21 पुन जु सच्चाई पर चालता छे, त्यो ज्योतिन नाट आवता छे, ताकि ओको काम ज्योति हुयो कि चो यहोवा–भगवानन आरू छे कर्‍या गया छे।”
\s ईशुन विषयमा यहुन्ना न गवाय
\p
\v 22 एकान बाद ईशु आरू ओको चेला यहूदि या देश मा आया आरू चाँ चाहरी ओको साथे रोवीन बपतिस्मा देने लाग्या। 
\v 23 यहुन्ना भी शालेमन नाट ऐनोन गाव मा बपतिस्मा देतु होतु, काहकि चाँ बैस पानी होतो, आरू मानसे आवीन बपतिस्मा लेता हुता 
\v 24 \x + \xo 3:24 \xo*\xt मत्ती 14:3; मरकुस 6:17; लूका 3:19,20\xt*\x*यहुन्ना तीन टेहाव तक जेलखाना मा नी नाख्यो गयो होतो। 
\v 25 चाँ यहुन्ना न चेलान काहना यहूदि न साथे शुध्दिन विषयमा वाद विवाद होयलु। 
\v 26 आरू ओको यहुन्ना न साथे आवीन उका कोयु, “हे गुरू, जु व्यक्ति यरदनन पार तार साथे होतु, आरू जिनान तु गवाय देदु छे; देख, होयु बपतिस्मा देतु छे, आरू सुब उका साथे आवता छे।” 
\v 27 यहुन्ना जवाब देदु, “जव तव मानसो काजे सोरगदूत रईन नी आप जाय, जव तव त्यो काय नी जुड़ सके।” 
\v 28 \x + \xo 3:28 \xo*\xt यहुन्ना 1:20\xt*\x*तुमू ते आपसु मार गवाय छे कि हाव कयो, “हाव मसीह नी, पुन ओको ओगव मोकल्यु गयु छे। 
\v 29 जिनान दुलहिन छे, त्यो दूल्हु छे; पुन दूल्हान दोस्त जु उभु रयु त्यो ओको ओकी समळे, दूल्हान ओवाज छे घोणा खुश हुये: हिमी मारो खुशी पुरो हय। 
\v 30 पाको छे कि त्यो वाढ़े आरू हाव।”
\s सोरगदूत रईन आवनेवाळो कुण छे
\p
\v 31 “जु उपर रईन आवतु छे चो सर्वोत्तम छे; जु धरती छे आवतु छे त्यो धरतीन छे, आरू धरतीनुज वात करे छे: जु सोरगदूत छे आवतु छे, त्यो सुबन ऊपर छे। 
\v 32 जो काहय त्यो देख्यु आरू सोंब्यु छे, हेरेन गवाय देता छे; आरू कोय हेरेन गवाय मान्य नी करता। 
\v 33 जिनान ओको गवाय मानीया कर लेदा ओको इन वात पर छाप लागाड़ दी कि यहोवा–भगवान सच्चु छे। 
\v 34 काहकि जीनाक यहोवा–भगवान मोकल्यु छे, त्यो यहोवा–भगवानन वात करे; काहकि ची आत्मा मोज मोजीन नी आपे। 
\v 35 \x + \xo 3:35 \xo*\xt मत्ती 11:27; लूका 10:22\xt*\x*बास पोर्‍या साथे मोंग राकतु छे, आरू ओको सुब वस्तु ओको हाथ मा आप दिदा छे। 
\v 36 जु पोर्‍या पर विश्वास करे, अमरकाय जीवन ओको छे; पुन जु पोर्‍या नी मानतु, त्यो जीवन नी देख सके, पुन यहोवा–भगवानन रीस उका पर रयतु छे।”
\c 4
\s ईशु आरू सामरिया बाई
\p
\v 1 फरीसियों भी सोमव्या छे कि ईशु यहुन्ना रईन जास्ती चेला बनावतु आरू तीनुक बपतिस्मा देतु छे। 
\v 2 हिमी ईशु स्वता: नी वरना हेरेन चेला बपतिस्मा देता हता 
\v 3 पछा जव पोरबु काजे मालुम हुयो तव त्यो यहूदि या काजे छुड़ीन पछु गलील जात रयु, 
\v 4 आरू तीनाक सामरिया रईन जानु जरूरी हतो। 
\v 5 एरकरीन चाँ सूखार नावन सामरिया एक नगर तक आयु, जु तीन धरती साथे छे जिनाक याकूब आपसा पोर्‍या यूसुफ काजे आपलो हतु। 
\v 6 आरू याकूबन कुवो भी चाँ हतो। अळते: ईशुन वाट पर थाकलो ओसलु कुवा पर ओसोज बोठ गयु। यी वात दिसुन टेमे होईली। 
\v 7 इतरीक वार मा एक सामरिया बाई पानारी आवी। ईशु तीनाक कयो, “मखे पानी पिवाड़।” 
\v 8 काहकि हेरेन चेला ते नगर मा खानेन बजार लेने करीन गया हुता। 
\v 9 ची सामरिया बाई तीनाक कयली, “तु यहूदि होईन मखे सामरिया बाई पर पानी काँ मांगता छे?” काहकि यहूदि सामरियो साथे काहनाज प्रकारन व्यवहार नी राखता। 
\v 10 ईशु जवाब देदु, “यदि तु यहोवा–भगवानन वरदान जानती, आरू यी भी जानती कि चाँ कुन छे जु तुखे कयतु छे, मखे पानी पिवाड़, ते तु तीनाक पर मांगती, आरू त्यो तुखे जीवनेन पानी देदु।” 
\v 11 बाई तीनाक कयी, “हे पोरबु, तार जु पानी भरनेन करता काय ते छे भी नी, आरू कुवो उंडो छे; ते पछो चाँ जीवनन पानी तार जु क रईन आयो? 
\v 12 काय तु आमरू बास याकूब रईन मोटु छे, जु आपनुक यी वावड़ी देदु; आरू आपसु आपसा पोर्‍या, आरू आपसा पशुओं समेत इन वावड़ीन पानी पिदला?” 
\v 13 ईशु तीनाक जवाब देदु, “जु कुन यो पानी पीसे तीनाक पछी पानी पीस लागसे, 
\v 14 पुन जु कोय इन पानीम रईन पीसे जो हाव तीनाक आपीस, त्यो पछु अमरकायो तक पीसलु नी रवे; वरना जो पानी हाव तीनाक आपीस, वा तीनाम सुवतु रोवे जासे जु अमरकाय जीवनन करता खुश रवसे।” 
\v 15 बाई तीनाक कयी, “हे पोरबु, त्यो पानी मखे आप काहकि हाव पीसली नी रवु आरू नी पानी भरने काजे अतरे नाम्बे नी जाव।” 
\v 16 ईशु तीनाक कयो, “जा, आपसा बास काजे या बुलाव लाव।” 
\v 17 “बाई तीनाक जवाब आपी, हाव बिना माटीन छे।” ईशु तीनाक कयो, “तु ठिक कयती छे, हाव बिना माटीन 
\v 18 काहकि तु पाच माटी कर लेदी छे, आरू जीना पाह तु हिमी छे त्यो भी तार माटी नी होय। यो तु सच कयनो बाज रयु छे।” 
\v 19 बाई तीनाक कयी, “पोरबु, मखे लागे से कि तु भविष्यवक्ता छे। 
\v 20 हामरा बाबदादा भी इनुज बोयड़ा पर भक्ती करला, आरू तुमू कयता से कि ची धरती जा भक्ती करनो जुवु ची यरूशलेमा छे।” 
\v 21 ईशु तीनाक कयी, “देख नारी, मार वातन विश्वास कर कि त्यो टेम आवतु छे कि तुमू इन बोयड़ा पर बासन भक्ती करतो, नी यरूशलेम मा 
\v 22 तुमू जिनाक नी जानता छे, हेरेन भक्ती करता छे; आरू हामु जिनाक जानता छे, हेरेन भक्ती करता छे; काहकि उध्दार यहूदि या मा रईन छे, 
\v 23 पुन त्यो टेम आवतु छे, वरना हिमी भी छे, जीनाम सच्चा भक्त बासन भक्ती आत्मा आरू सच्चाई से करसु, काहकि बास आपने करता ओसाज तपस्या वाला देखतु छे। 
\v 24 यहोवा–भगवान आत्मा छे, आरू जरूरी छे कि हेरेन भक्ती करनेवालान आत्मा आरू सच्ची भक्ती करू।” 
\v 25 बाई ईशु काजे कयी, “हाव जानती से कि मसीह जु ख्रिस्त कोवाड़तु छे, आवनेवाळो छे; जव त्यो आवसे, ते हामुक सुब वात कय देसे।”
\p
\v 26 ईशु तीनाक बाई क कयो, “हाव जो तुखे कयनो बाजरयु छे, हाव त्यो छे।”
\p
\v 27 इतरीक वार मा हेरेन चेला आव गया, आरू घबरायने करने लाग्या कि त्यो बाई साथे वात करने बाज रयु छे; तेभी कुनुज नी पुच्या, “तु काय चाहतु छे?” या “काय करनेन करता तीनाक साथे वात कर रयु छे?” 
\v 28 तव ची बाई आपनो ढुसरो छुड़ीन नगर मा जात रयी, आरू मानसो काजे कोवने लागी, 
\v 29 “आवु, एक मानसो काजे देखु, जु सब काय जो हाव जो कर्‍यु मखे कय देदु काय यु ते मसीह नी छे?” 
\v 30 अळते: चाँ नगर मा रईन निकवीन तीनाक जु आवने लाग्या। 
\v 31 तवूज हेरेन चेला ईशु यी विनती कर्‍या, “हे गुरू, काही खाय ले।” 
\v 32 पुन त्यो तीनुक कोयु, “मार जु खानेन करता ओसलो खानो छे जिनाक तुमू नी जानता।” 
\v 33 तव चेला आपसु मा कोया, “काय कोय हेरेन करता खानेन करता काय लावला छे?” 
\v 34 ईशु तीनाक कयो, “मार खानो यो छे कि ओका मोकलने वालान इच्छानुसार चालो आरू हेरेन क पुरो करो। 
\v 35 काय तुमू नी जानता, ‘काटनेन हुयने मा हिमी भी चार महीना पड़ला छे?’ देखु, हाव तुमूक कोय रयु छे, आपसा ढुवा उगाड़ ़ीन खेतो मा नजर मारू कि चाँ काटनेन करता पाक गयो छे कि। 
\v 36 काटने वाळा क दाहाड़की जड़े आरू त्यो अमर काया न जीवन क फव एखटो करे, काहकि वेरनेवाळो आरू काटनेवाळो दुयु मिवीन खुशीम रहवे। 
\v 37 काहकि या पर यी काहनी सच बठती छे: ‘वेरनेवाव आरू छे आरू काटनेवाळो आरू।’ 
\v 38 मे तुमूक वा खेत काटनेन करता मोकल्यु तीनाकमा तुमू मेहनत नी कर्‍या: दिसरा मेहनत कर्‍या आरू तुमू हेरेन मेहनतन फव मा भागीदार होया।”
\p
\v 39 तीन गाँवन भारी सोवटा सामरिया तीन बाईन कोवने से ईशु पर विश्वास कर्‍या; काहकि ची यी गवाय देदली छे: “त्यो सब हाव कर्‍यु छे, मखे कय देदु।” 
\v 40 तेरेन करता तव चे सामरिया तीनाक जु आवला, ते ओतेन विनती करने लाग्या कि हामरेन चाँ रोवे। अळते: ओतेन त्यो चाँ दुय दाहाड़ा तक रयु। 
\v 41 हेरेन वचन क कारण आरू भी बैस मानसे विश्वास कर्‍या 
\v 42 आरू तीन बाई कयो, “हिमी हामु तारे कयनो पर विश्वास नी करता; काहकि हामु तुमूक सोमवाळ्या छे, आरू जानता छे कि यु सचमुच जगन अमरकाय रक्षा करनीयो छे।”
\s ईशु आधिकारी पोर्‍या काजे आरगाय देदु
\p
\v 43 पछा चाँ दुय दाहाड़ान बाद त्यो चाँ रईन निकलीन गलील जात रयु, 
\v 44 \x + \xo 4:44 \xo*\xt मत्ती 13:57; मरकुस 6:4; लूका 4:24\xt*\x*काहकि ईशु ते आपसु साक्षी देदु कि कागळीयान आपसा देश मा विजुत नी जुड़े। 
\v 45 \x + \xo 4:45 \xo*\xt यहुन्ना 2:23\xt*\x*जब चा गलील मा आवला, ते गलीलवाला खुश मा तीनाक भेवाया; काहकि जोतरा काम त्यो यरूशलेम मा तिवारन टेमे करला हुता, चाँ तीनाक सुब काजे देख्या हुता, काहकि चाँ भी तिवार मा गयला हुता,
\p
\v 46 \x + \xo 4:46 \xo*\xt यहुन्ना 2:1-11\xt*\x*तव त्यो पछु गलीलन काना गाव मा आयु, जा त्यो पानी काजे दाखरस बनायु हतु। चा रोमन सरदार हतु जिनान पोर्‍य कफरनहूम नगर मा बीमार हतु। 
\v 47 त्यो यो सोमवीन ईशु यहूदिया से गलीलमा आव गयु छे, तीनाक जु गयु आरू तीनाक से विनती करने लाग्यु कि चालीन मारा पोर्‍या काजे आरगा कर दे: काहकि त्यो मरने पर हतु। 
\v 48 ईशु तीनाक कयो, “जव तव तुमूक सहलानी आरू विनछळ्यो काम नी देखसे जा तक कदी भी विश्वास नी करसे।” 
\v 49 राजान आधिकारी तीनाक कयो, “हे पोरबु, मारा नानला पोर्‍या मरनान पेहल चाल।” 
\v 50 ईशु तीनाक कयो, “जा, तार पोर्‍यो जीवतो छे।” त्यो मानुस ईशुन कयली वात विश्वास करीन आरू जात रयु। 
\v 51 त्यो वाट परूच हुतो कि हेरेन दास तीनाक आव भेवाया आरू कोवने लाग्या, “तारू पोर्‍यो जीवतो छे।” 
\v 52 त्यो तीनुक पूछु, “काहले टेमे त्यो वारला हुयने लाग्यो?” चाँ तीनाकसे कयो, “काल सात घंटा न बाद हेरेन ज्वर उतरी गयो।” 
\v 53 तव बास जान गयु कि यो तीन टेमे हुयो जिन टेमे ईशु तीनाक कयो, “तार पोर्‍यो जीवतो छे” आरू त्यो आरू हेरेन सब घर वाला विश्वास कर्‍या। 
\v 54 यो दिसरो विछेळीयो काम होतो जो ईशु यहूदि या रईन गलील मा आवीन देखाड़्यु।
\c 5
\s अड़तीस सालन दुःख आरगाय करनो
\p
\v 1 इन वातन बाद भी यहूदि यान एक तिवार होयलो, आरू ईशु यरूशलेम गयु। 
\v 2 यरूशलेम मा भेड़–फाटकन साथे एक पानीन ढाबरू छे जो इब्रानी भाषाम बैतहसदा करे छे; हेरेन पाच ओसारे छे। 
\v 3 इनामा बैस बीमार, आंधवा, लेंगड़ा आरू सुकला डिलवाला पौवड़ा रयता हुता। 
\v 4 काहकि ठरावला टेम पर यहोवा–भगवानन सोरगदूत पानीम डाबराम उतरीन पानी हिलाया करता हुता। पानीम हिलताज जु कोय पेहल पानीम उतरे त्यो आरगाय होय जातु हतु चाहे हेरेन काहनी बीमारी काँ नी हुयो। 
\v 5 चाँ एक मानुस हतु, जु अड़तीस सालन बीमारी मा पौड़ु हतु। 
\v 6 ईशु उका पौड़ु देखीन आरू यो जानीन कि त्यो बैस दाहाड़ान इन हाल मा पौड़ रयलु छे, ओका पूछु, “काय तुखे आरगाय होयनु छे?” 
\v 7 त्यो बीमार उका जवाब देदु, “हे पोरबु, मार जु कोय मानुस नी कि जब पानी हिलाया जाय, ते मखे पानीन ढाबराम उतारियो; पुन हाव पुगता–पुगता दिसरू मखे से पेहल यतर जाता छे।” 
\v 8 ईशु ओका सी कयो, “उठ, आपनु खाटलु उठाव, आरू चाल मग।” 
\v 9 त्यो मानुस चटकरीन आरगाय होय गयु, आरू आपनु खाटलु हाकलीन चालने पुगनेन लाग्यु। 
\v 10 चाँ सब्तान दाहाड़ु हतु। एरकरीन यहूदि उकासे आरगाय होयला हुता, कयनो लाग्या, “आज ते सब्तन दाहाड़ु छे, तुखे खाटलु उठावनो वारू नी छे।” 
\v 11 त्यो तिनुक जवाब देदु, “जु मखे आरगाय कर्‍यु, हेरेने हाव कयो, आपसी खाटलु उठाव चाल पछु।” 
\v 12 चाँ तिनुक पुछा, “त्यो कुन मानुस छे जु तुखे जो कयो, खाटलु उठाव, आरू चाल पछु?” 
\v 13 पुन जु आरगाय होय गयु हतु त्यो नी जानतु हतु कि त्यो कुन छे, काहकि तीन धरतीमा गर्दी होयनेन कारण ईशु चाँ रईन सेटु होय गयु हतु। 
\v 14 इन वातन बाद त्यो ईशु काजे मंदिर मा भेवायु। ईशु उका कयो, “देख, तु आरगाय होय गयु छे: पछु पाप मा करे, ओसो नी होय कि उकासे काहनी भारी परेशानी तुखे पर आव पड़े।” 
\v 15 त्यो मानुस जाईन यहूदि आधिकारी काजे कय कि जु मखे आरगाय कर्‍यु त्यो ईशु छे। 
\v 16 एरकारण ईशु यहूदि ईशु काजे सतावने लाग्या, काहकि त्यो ओसला काम सब्तन दाहाड़े करे हतु। 
\v 17 एर पर ईशु उका कयो, “मार बास हिमी तक काम करे, आरू हाव भी काम करे।” 
\v 18 एरकारण यहूदि आरू भी सवटो उका मार नाखनेन कोशिस करने लाग्या, काहकि त्यो नी केवल सब्तन दाहाड़ान विधि काजे तुड़तु, पुन यहोवा–भगवान काजे आपनु बास कयीन आपने आपसु यहोवा–भगवानन समान ठरावतु हतु।
\s पोर्‍या हक
\p
\v 19 एर पर ईशु उका कयो, “हाव तुखे सच सच कय रयु छे, पोर्‍यो तुखे काय नी कर सके, केवल त्यो जु बास काय करे देखरीयो; काहकि जिन जिन कामो काजे त्यो करे तिनुक पोर्‍यो भी ची रीति से करे।” 
\v 20 काहकि बास पोर्‍या से मोंग राखतु छे आरू जो जो काम त्यो करे, चो सब उका देखाड़ता छे; आरू त्यो उकासे मटला काम उका देखाड़ सु, ताकि कि तु घबरायने कर। 
\v 21 जोसु बास मरला क उठाड़े आरू जीवाडे। 
\v 22 बास कुनीन नी न्याय करे, पुन न्याय करनेन सब काम पोर्‍या काजे सौप देदु छे, 
\v 23 कि सब मानसे जोसा बासन विजुत करता छे तोसाज पोर्‍या भी विजुत करे। जु पोर्‍या विजुत नी करे, जु बास उका मकल्यु छे, विजुत नी करे। 
\v 24 हाव तुखे सच सच कयतु छे, जु मारो वचन सोमवीन मारा मोकलनेवाला पर विश्वास करे, अमरकाय जीवन हेरेन छे; आरू उका पर दण्डन हुकुम नी हुती, पुन ची मोत रईन पार होईन जीवन मा भरायने कर त्योक्यु छे।
\m
\v 25 “हाव तुखे सच सच कयतु छे त्यो टेम आवतु छे, आरू हिमी छे, जिनाम मरला यहोवा–भगवानन पोर्‍या शब्द सोंबायसे, आरू जु सोंबवसे त्यो जीवसे। 
\v 26 काहकि जोसी रीति रईनी बास आपने आपसु जीवन राखता छे, ची रीति छे त्यो पोर्‍या भी यी हक आपला छे कि आपसा आप मा जीवन राखे; 
\v 27 वरना उका न्याय करनेन भी हक आपला छे, एरकरीन क त्यो मानसोन पोर्‍य छे। 
\v 28 ओको घबरायने मा करू; काहकि त्यो टेम आवतु छे क जोतरा बीड़ाम छे चाँ हेरेन शब्द सोमवीन निकवी आवसे। 
\v 29 जा वारलो करला छे चाँ क अमरकाय जीवनन करता जीव उठसे आरू जा भुराई करला छे चाँ दण्डन अमरकाय जीवनन करता जीव उठसे।
\s ईशुन सम्बन्धमा गवाय
\p
\v 30 “हाव आपने आपसु काय नी कर सके; जोसो सोंबेसे छे, तोसलो न्याय करे; आरू मार न्याय सच्त्यो छे, काहकि हाव आपसी मरजी नी पुन आपसा मोकलनेवालान मरजी चाहतु छे। 
\v 31 यदि हाव आपसु आपसी गवाय दे, ते मारी गवाय सच्ची नी। 
\v 32 एक आरू छे जु मार गवाय देतु छे, आरू हाव जनता छे कि मारी जी गवाय त्यो देतु छे, ची सच्ची छे। 
\v 33 \x + \xo 5:33 \xo*\xt यहुन्ना 1:19-27; 3:27-30\xt*\x*तु ते यहुन्ना पुछावड़ु आरू ओकाने सच्चाईन गवाय देदु छे। 
\v 34 पुन हाव आपसा विषयमा मानसन गवाय नी चाहतु; ते भी यी वात एरकरीन कयतु छे कि तुमूक उध्दार जुड़े। 
\v 35 त्यो ते जलतु आरू चमकतु ओसलु दिया हतु, आरू तुमूक इतरीक वार तक हेरेन प्रकाश मा खुश होयनु वारलो लागलो। 
\v 36 पुन मार जु जी गवाय छे ची यहुन्ना न गवाय से मोटली गवाय छे; काहकि जो काम बास मखे पुरो करने सौपलु छे मतलब यो काम जो हाव करे, चाँ मार गवाय छे कि बास मखे मकल्यु छे। 
\v 37 \x + \xo 5:37 \xo*\xt मत्ती 3:17; मरकुस 1:11; लूका 3:22\xt*\x*आरू बास जु मखे मकल्यु छे, त्यो मार गवाय देदलु छे। तु ते कदी हेरेन शब्द सोंब्यु, आरू नी हेरेन चेहरू देख्यु छे; 
\v 38 आरू हेरेन वचन काजे मनमा स्थिर नी राखता छे, काहकि जीनाक त्यो मकल्यु तुमू हेरेन विश्वास नी करता। 
\v 39 तुमू चुखलो शास्त्र मा देखता छे, काहकि समझता छे कि ओकामा अमरकाय जीवन तुमूक जुड़तो छे; आरू यु त्यो छे जु मारी गवाय देतु छे; 
\v 40 पछु भी तुमूक जीवन जुवणो जुवे करीन मार जु आवने नी चाहता छे। 
\v 41 हाव मानसो छे विजुत नी चाहतु। 
\v 42 पुन हाव तुमूक जानतु छे कि तुमूक मा यहोवा–भगवानन मोंग नी होय। 
\v 43 हाव आपसा बासन नाव पर आवलु छे, आरू तुमू मखे मान्य नी करता; यदि दिसरू कोय आपसा नाव पर आवे, ते ओका मान्य कर लेसु क। 
\v 44 तुमू जा एक दिसरा से विजुत चाहता छे आरू चो विजुत एकुत् यहोवा–भगवानन तरफ से छे, नी चाहता, कोसलो प्रकारन विश्वास कर सकता छे? 
\v 45 यो मा समझे कि हाव बासन सामने तुमू पर दोष लागाड़ ़सु; तुखे पर दोष लागावनेवालु ते मूसु छे, जिना पर तुमू विश्वास राखता छे। 
\v 46 काहकि यदि तु मूसान विश्वास करता, ते मारू भी विश्वास करता, एरकरीन कि हेरेने मारा विषयमा लिखलो छे। 
\v 47 पुन यदि तुमू हेरेन लिखली वात पर विश्वास नी करता, ते मारी वात पर कोसो विश्वास करसे?”
\c 6
\s ईशु पाच हजार मानसोक रोटा खावड़ावलु
\p
\v 1 इन वातन बाद ईशु गलीलन नदी मतलब् तिबिरियुस नदीन पार गयु। 
\v 2 आरू एक मोटली गर्दी हेरेन पछळ होय गयी काहकि जो चमत्कार त्यो बीमारी पर देखाड़तु हतु चाँ तीनुक देखता हता। 
\v 3 तव ईशु बयड़ा पर चढ़ीन आपसा चेला साथे चाँ बठ गया। 
\v 4 यहूदि यान फसहन तिवार नाठ होतो।
\p
\v 5 जब ईशु ने आपसा डुवा उगाड़ीन एक मोटली गर्दी आपने जु आवती देख्यु, ते फिलिप्पुस से कयो, “हामु इन्दरा खानान करता क रईन रोटा किमत लावजे?” 
\v 6 त्यो यी वात उका जावनेन करता कयो, काहकि त्यो आपसु जानता हुता कि चाँ काय करसु। 
\v 7 फिलिप्पुस उको जवाब दिदा, “दुय सौ दीनारन रोटा भी ओकान करता पूरू नी होयसे कि तीनुक मा हर एक थुड़ थुड़ जुड़ जाये।” 
\v 8 ओकान चेला मा से शमौन पतरसन भाई अन्द्रियास उका कयो, “या एक पोर्‍य छे ओका पास जौ जु पाच रोटा आरू दुय मासा छे; पुन इतरा मानसन करता चाँ काय छे?” 
\v 9 “या एक पोर्‍यो छे, तेर जु जा पाच रूटा आरू दुय मासा छे, पुन ओतरा मानसन करता चाँ काहय भी नी होय” 
\v 10 ईशु कयो, “मानसो बठाड़ दे।” तीन जागे बैस खोड़ो होत: तव मानसे जिनामा मानसन संख्या लग–भग पाच हजार हुती, बोठ गया। 
\v 11 तव ईशु रूटा लेदु, आरू धन्यवाद करीन बोठनेवावा वाट देदु; आरू ओसोज मासा मा रईन जोतरा चाँ चाहता हुता वाट देदु। 
\v 12 जेतार चाँ खाईन खुस होय गया ते हेके आपसा चेला कयो, “बचला टुकड़ा त्योट लेवु कि काहय नी नाखलो नी जाणु जुवे।” अळते: हेको त्योटला, आरू जा कि पाच जा खाना वालान वाच रया हुता, बारा खिल्लो बर्‍या। 
\v 13 अतरान करीन हेकोने त्योट्या, आरू जा पाच रूटा टुकड़ा जा खाने वालान बच रया हता, ओको बारा खिल्ला बर्‍या। 
\v 14 तव चाँ चमत्कार करीन देखाड़्यु ओका सी चाँ मानसे देखीन कयनो लाग्या, “त्यो भविष्यवक्ता जु जगमा आवनेवालु हतु नक्‍की युच छे।”
\p
\v 15 ईशु यो जानीन चाँ मखे राजा बनावने करता धरने चाहता छे, पछु बयड़ा पर एखलु जात रयु। 
\v 16 जब सांतो हुयो, ते ओका चेला नदीन काठ पर गया, 
\v 17 आरू ढोंड्या पर चड़ीन नदीन पार कफरनहूम गाँव जाने लाग्या। तीन टेमे आन्धारो होय गयो हतो, आरू ईशु हिमी तक उका जु नी आयु हतु। 
\v 18 वाधुनन कारण नदीमा जो सी मा लाटा उठने लाग्या। 
\v 19 जव चाँ चालाड़ता–चालाड़ता तीन–चार किलो मीटर आस पास जात रया, ते हेको ईशु नदीन काठे चालतु आरू नाव वोगे आवतु देख्या, आरू घाबराय गया। 
\v 20 पुन त्यो उका कयो, “मी छे; बीहये मा।” 
\v 21 अळते: चाँ ओका सी ढोंड्यो पर चढ़ाव लेने करीन तयार होया आरू चटकन ची बुट तीन धरती पर जाय पुगी जा चाँ जाय रया हुता।
\s मानसोन ईशु काजे ढुँढना
\p
\v 22 दिसरे दाहाड़े ची गर्दी, जी गर्दी साथे उभी हुती, या देख्या कि या एक काजे छुड़ आरू कोय बुट नी हुती; आरू ईशु आपसा चेला साथे उना नाव पर नी चढया होतु, पुन ओकान चेलाज गया हुता। 
\v 23 तव दिसरा ढोंड्या तिबिरियुस सी उना जागा पर साते आया, जा सारी त्या लोगहन पोरबु क धन्यवाद करने क बाद मा खादला हुता। 
\v 24 एरकरीन जब गर्दी देखी कि या नी ईशु छे आरू नी ओकान चेला, ते चाँ भी नाव पर चढ़ीन ईशु देखने लाग्या आरू कफरनहूम पुच्या।
\p
\v 25 नदीन पार जेतार चाँ उका भेव्या ते कयो, “हे गुरू, तु या कोतार आयु?” 
\v 26 ईशु हेका जवाब देदु, “हाव तुमूक सच सच कय रयु छे, तु मखे अतरान करीन नी देख रयु छे कि तुमू विछेळीयो काम देख्या, पुन एरकरीन कि तुमू रूटा खाईन शांत होया।”
\s ईशु जीवनन रोटा छे
\p
\v 27 “नाशवन् खानान करता मेहनत मा करू, पुन तीन खानान करता जु अमरकाय जीवन तक रूकाये छे, जिनाक मानसन पोर्‍या तुमूक आपे; काहकि बास मतलब् यहोवा भगवान तीना पर छाप लगाड़ छे।” 
\v 28 हेकोने उका कयो, “यहोवा भगवानन काम करनेन करता हामु काय करजे?” 
\v 29 ईशु हेको जवाब देदु, “यहोवा भगवानन काम यो छे कि तुमु ओका पर, जिनाक उका मकल्यु छे, विश्वास करू।” 
\v 30 तव हेकाने उका कयो, पछु तु काहलो सहलानी देखाड़े छे कि हामु उका देखीन तारू विश्वास करसु? तु काळ्ळो काम देखाड़े छे? 
\v 31 आपसा बाबदादा जंगल मा मन्ना खादा; जोसो लिखलो छे, “उको हेको खानेन करता सोरग से रोटा आपलो।” 
\v 32 ईशु उका कयो, “हाव तुमूक सच सच कय रयु छे कि मूसु तुमूक त्यो रोटा सोरग सेद नी आपलो, पुन मारू बास तुमूक सच्त्यो रोटा सोरग से आपलो छे। 
\v 33 काहकि यहोवा भगवानन रोटा त्योच छे जी सोरग से उतरीन जगत काजे जीवन आपे।” 
\v 34 तव हेको उका कयो, “हे पोरबु, यु रोटा हामु हमेशा आपियो कर।”
\p
\v 35 ईशु उका कयो, “जीवनन रोटा हाव छे: जु मार आवे छे त्यो कदी भूखु नी रये, आरू जु मार पर विश्वास करे त्यो कदी तीसकु नी रवसे।” 
\v 36 पुन हाव तुखे कयो हतु कि तु मखे देख भी लेदु छे तेभी विश्वास नी करता। 
\v 37 जो काही बास मखे छे चो सब मार जु आवसे, आरू जु कोय मार जु आवसे उका हाव कदी नी निकाव। 
\v 38 काहकि मे आपसी मरजी नी वरना आपसा मुकलनेवावान मरजी पूरी करनेन करता सोरगदूतम रईन उतरीयो छे; 
\v 39 आरू मारो मकलनेवालान मरजी यी छे कि जो काही मखे देदु छे, ओकामा रईन हाव काही नी नाखो, पुन उका आखरी दाहाड़ा मा जीव उठाड़ो। 
\v 40 काहकि मारा बासन मरजी यी छे कि जो काही पोर्‍य काजे देख्य आरू ओको पर विश्वास करे, त्यो अमरकाय जीवन जीवसे; आरू हाव उका आखरी दाहाड़ाम पछु जीवाड़ीस। 
\v 41 एरकरीन यहूदि ओका पर कुरकुर करने लाग्या, उका कयो हतु, “जु रोटा सोरग सी उतरीयो त्यो हाव छे।” 
\v 42 आरू हेको कयो, “काय यूसुफन पोर्‍य ईशु नी, जिनान आवी बास हामु जानता छे? ते त्यो कोसो कयतु छे कि हाव सोरग सी उतरीयो?” 
\v 43 ईशु उका जवाब देदु, “कुरकुर मा करो।” 
\v 44 कोय मार जु नी आव सकता जब तक बास, जु मखे मकल्यु छे, उका खींच न ले; आरू हाव उका आखरी दाहाड़ा पछा जीव उठाड़ 
\v 45 भविष्यवक्तान लेखो मा यो लिखलो छे: “चाँ सब यहोवा भगवानन आरू से सिकाल्ला होयसे।” जु कोय बासन सोंब्यु छे आरू सिकलु छे, त्यो मार जु आवतु छे। 
\v 46 यो नी क कोय बास काजे देख्या छे। पुन जु यहोवा भगवानन तरफ से छे, केवल त्यो बास काजे देख्यु छे। 
\v 47 हाव तुखे छाचो कयतु छे कि जु कोय विश्वास करता छे, अमरकाय जीवन ओकान छे। 
\v 48 जीवनन रोटा हाव छे। 
\v 49 तुमरा बाबदादा भी जंगल मा मन्ना खादा आरू मर गया। 
\v 50 पुन यु त्यो रोटा छे जु सोरगदूत से उतरता छे ताकि मानुस तीनाम रईन खाए आरू नी मरे। 
\v 51 जीवनन रोटा जु सोरगदूत रईन उतरसे, रोटा हाव छे। यदि कोय इन रोटान रईन खाए, ते हमेशा जीवतु रवसे; आरू जु रोटा हाव अमरकाय जीवनन करता आपदीस, त्यो मारू डील छे।
\p
\v 52 ओको पर यहूदि यो कयीन आपसु मा लड़ने लाग्या, “या मानसे कोसा आपनुक आपनो मास खाए करीन आप सकता छे?” 
\v 53 ईशु ओका कयो, “हाव तुखे सच सच कयतु छे कि जब तक तुमु मानसन पोर्‍या मास खावु, आरू ओकान लुहूय यो मा पियो, तुमु मा जीवन नी। 
\v 54 जु मार मास खाय आरू मार लुहूय यो पितु छे, अमरकाय जीवन ओकान छे; आरू हाव तु उका आखरी दाहाड़ाम पछा जीव उठाड़ीस। 
\v 55 काहकि मार मास वास्तव मा खानेन वस्तु छे, आरू मार लुहूय यो वास्तव मा पीनेन वस्तु छे। 
\v 56 जु मार मास खाय आरू मार लुहूय यो पीतु छे त्यो मखे मा स्थिर बवणु रोवतु छे, आरू हाव ओका मा। 
\v 57 जोसो जीवतु बास मखे मकल्यु, आरू हाव बासन कारण जीवतु छे, तोसोज त्यो भी मखे खासे मार कारण जीवित रवसे। 
\v 58 जु रोटा सोरग से उतरे यु छे, ओकान रोटा समान नी जिनाक बाबदादा नु खादा आरू मर गया; जु कोय यु रोटा खासे, चु अमरकाय जीवतु रवसे।” 
\v 59 यी वात त्यो कफरनहूमन एक आराधना घर मा शिक्षा दिदा टेमे कही।
\s अमरकाय जीवनन वचन
\p
\v 60 ओका चेला मा से बैस यो सोमवीन कयो, “यी वातड़ो वात छे; उका कुन सोंबी सकता छे?” 
\v 61 ईशु आपसा मन मा यो जानीन कि मार चेला आपसु मा ओको वात पर कुरकुर करे, ओका पूछु, “कय तुखे ओको वात पर ठुकर लागी छे? 
\v 62 यदि तुमू मानसन पोर्‍या काजे जा त्यो पेहल हतु, चाँ ऊपर जाता देखसु, ते काय होयसे? 
\v 63 आत्मा ते जीवनदायक छे, शरीर से काय लाभ नी; जी वात हाव तुखे कयो छे ची आत्मा छे, आरू जीवन भी छे। 
\v 64 पुन तुखे मा काही ओसा छे जा विश्वास नी करता।” काहकि ईशु पेहलज जानता हतु कि जा विश्वास नी करता चाँ कुन छे; आरू कुन मखे धरावसे। 
\v 65 आरू उका कयो, “ओको करता हाव तुखे कयो हतु कि जब तक कुनीक बासन तरफ से यो वरदान नी दिया जाए तव तक त्यो मार जु नी आव सकतु।” 
\v 66 ओको पर ओकान चेला मा रईन बैस चेला उल्टा पछु गया आरू ओकान बाद ओका साथे नी चालनु। 
\v 67 तव ईशु उका बारा चेला काजे कयो, “काय तुमूक भी जान्या चाहता छे?” 
\v 68 \x + \xo 6:68 \xo*\xt मत्ती 16:16; मरकुस 8:29; लूका 9:20\xt*\x*शमौन पतरस उको जवाब दिदा, “हे पोरबु, हामु कुनीन जु जाजे? अमरकाय जीवनन वात ते तार जु छे; 
\v 69 आरू हामु विश्वास कर्‍या आरू जान गया छे कि यहोवा भगवानन चुखलो जन तु ही छे।” 
\v 70 ईशु हेको जवाब दिदा, “काय हाव तुमूक बारा नी निवाड़या? तौभी तुमू मा रईन एक व्यक्ति शैतान छे।” 
\v 71 यो त्यो शमौन इस्करियोतीन पोर्‍य यहूदा क बारा मा कयो हुतो, काहकि चाँ जा बारा मा रईन एक हतु, उका धरावने हतु।
\c 7
\s ईशु आरू हेरेन सब भाईस
\p
\v 1 इन वातन बाद ईशु गलील मा फिरतु रयु; काहकि यहूदि उका मार नाखनेन कोशिष कर रया हता, एरकरीन चाँ यहूदि या मा फिरने नी चाहता हता। 
\v 2 यहूदि यान झोपड़ीन तिवार नाट हतो। 
\v 3 एरकरीन हेरेन भाईस उका कयो, “या से यहूदि या जा, कि जो काम तु करे हेको तारा चेला चाँ भी देखे। 
\v 4 काहकि ओसलो कोय नी रवे जु परचार होयनु चाहे, आरू दपाईन काम करे। यदि तु यो काम करे, ते आपने आपसु जगत पर प्रकट करे।” 
\v 5 काहकि हेरेन भाईस भी उका पर विश्वास नी करता हता। 
\v 6 तव ईशु उका कयो, “मार टेम हिमी तक नी आयु, पुन तुमूक करता सब टेम छे। 
\v 7 संसार तुखे बैर नी कर सके, पुन त्यो मार से बैर करे काहकि हाव हेरेन विरोध मा यी गवाय देतु छे कि हेरेन काम बुरा छे। 
\v 8 तु तिवार मा जावु; हाव हिमी इन तिवार मा नी जाता, काहकि हिमी तक मार टेम पूरी नी हयु।” 
\v 9 त्यो उका यी वात कयीन गलील माज रोवे गयु।
\s मंडपन तिवार मा ईशु
\p
\v 10 पुन जब ओका भाईस तिवार मा जात रया ते त्यो खुद भी, प्रकट मा नी पुन मानले सातायलो से गयु। 
\v 11 यहूदि तिवार मा उका यो कयीन देखने लाग्या, “चाँ क छे?” 
\v 12 आरू मानसम हेरेन विषय मा दपाईन खुब वातु होयली: काही कयता हता, “त्यो वारलो मानुस छे।” आरू काही कयता हता, “नी, त्यो मानसो भ्रम मा नाकतु छे।” 
\v 13 तिभी यहूदियान बीक क कारण कोय मानुस ओका विषयमा खुलीन नी नुलतु हतु।
\p
\v 14 तव तिवारन आधा दाहाड़ा जात रया; ते ईशु मंदिर मा जाईन शिक्षा करने लाग्या। 
\v 15 तव यहूदि या चकित होईन कयो, “उका बिना भन्ले विद्या कोसो आव गय?” 
\v 16 ईशु हेको जवाब देदु, “मार शिक्षा मारू नी, पुन मारा मुकलनेवावान छे। 
\v 17 यदि हेरेन मरजी पार चालवने चाहे, ते त्यो इन शिक्षान विषयमा जान लेसे कि यो यहोवा–भगवानन तरफ से छे या हाव आपसी तरफ से कयतु छे। 
\v 18 जु आपने तरफ से काही कयतु छे, त्यो आपसी बढ़ाई चाहतु छे; पुन जु आपसा मकलनेवालान बढ़ाई चाहतु छे त्यो सच्त्यो छे, आरू ओकामा अन्याय नी। 
\v 19 काय मूसु तुमूक व्यवस्था नी देदु? तिभी तुमुम रईन कोय व्यवस्था पर नी चालता। तुमू काँ मखे मार नाखना चाहता छे?” 
\v 20 मानसे जवाब दिदा, “तुखेमा साहळा छे। कुन तुखे मार नाखने चाहतु छे?” 
\v 21 ईशु उका जवाब दिदो, “हाव एक कर्‍यु, आरू तुमू सब घबरायीन करता छे। 
\v 22 ओको कारण मूसु तुमूक खतनान हुकुम देदु छे यो नी कि चो मूसान तरफ से पुन बाबदादा से चालती आवती रीत छे, आरू तुमू सब्तन दाहाड़े मानसन खतना करता छे। 
\v 23 \x + \xo 7:23 \xo*\xt यहुन्ना 5:9\xt*\x*जब सब्तन दाहाड़े मानसन खतना करता जाता छे ताकि मूसान व्यवस्थान हुकुम टव नी जाए, ते तु मखे पर काँ एरकरीन रीस करे कि हाव ने सब्तन दाहाड़े एक मानुसो पूरी रीति रईन आरगाय कर्‍या। 
\v 24 मुय देखीन न्याय मा करू, पुन ठीक न्याय करू”
\s काय ईशु भी मसीह छे?
\p
\v 25 तव काही यरूशलेमवासी कयनो लाग्या, “काय यु त्यो नी जीनाक मार नाखनेन कोशिष कर्‍या जाय रया हता छे? 
\v 26 पुन देखु, त्यो ते खुल्लाम खुल्लु वात करे आरू कोय ओका सी काही नी कयता छे। काय सरदारे सच सच जान लेदा छे कि यु मसीह छे? 
\v 27 ओका ते हामु जानता छे कि पुन यु क वावु छे; पुन मसीह जब आवसे ते कोय नी जानसे कि त्यो क वावु छे।” 
\v 28 तव ईशु मंदिर मा शिक्षा देता जाईन आईड़ीन कयो, “तु मखे जानतु छे, आरू यो भी जानता छे कि हाव क वावु छे। हाव ते आपसु नी आयु, पुन मार मकलनेवावा सच्चा छे, ओका सी तुमूक नी जानता। 
\v 29 हाव उका जानतु छे काहकि हाव हेरेन तरफ से छे आरू हेको मखे मकल्यु छे।” 
\v 30 ओको पर हेकोने उका दरने चाह्यु, तिभी कोय नी उका पर हाथ नी नाख्या काहकि हेरेन टेम हिमी तक नी आयु हतु। 
\v 31 पछु भी गर्दी मा रईन बैस मानसे उका पर विश्वास कर्‍या, आरू कयनो लाग्या, “मसीह जेतार आवसे ते काय ओका सी सवटो विछेळीयो काम देखाड़छे जो त्यो देखड़ियो?”
\s ईशु काजे धरनेन कोशिष
\p
\v 32 फरीसियान मानसे हेरेन विषयमा यी वात दपाईन करता सोंब्या; आरू प्रधान पुजाराे आरू फरीसिया ने उका धरने काजे सिपाही मकल्यु। 
\v 33 ओको पर ईशु कयो, “हाव थुड़ाक टेम तक आरू तुमरे जु छे, तव आपसा मकलनेवावान साथे जात रईस। 
\v 34 तुमू मखे देखसु, पुन मी नी जुड़ो; आरू जा हाव छे, जा तुमू नी आव सकता।” 
\v 35 ओको पर यहूदि या आपस मा कयो, यो कय जासे कि हामु यो नी जुड़से? काय त्यो हेरेन जु आवसे जा यूनानिया मा तितर बितर होईन रवता छे, आरू यूनानियान भी शिक्षा आपसे? 
\v 36 यी काय वात छे जी त्यो कयो, कि “तुमू मखे देखसु, पुन नी जुड़से; आरू जा हाव छे, चाँ तुमू नी आव सकता?”
\s जीवन–पानीन नदी
\p
\v 37 तिवारन आखरी दाहाड़ा, जु मुखी दाहाड़ा छे, ईशु उभु हयु आरू आयड़ीन कय रयु, यदि कोय पिसलु से ते मार जु आवे आरू पीए। 
\v 38 जु मार पर जु विश्वास करसे, जोसो चुखलो शास्त्र मा आयो छे, “हेरेन दिल मा रईन जीवन क धारन क नदी वईन निकवसे।” 
\v 39 त्यो यो वचन चुखलो आत्मान विषयमा कयो, जीनाक उका पर विश्वास करनेवावा पाने पर हता; काहकि आत्मा हिमी तक नी उतरीयो हतु, काहकि ईशु हिमी तक आपसी महिमा काजे नी पूछु हतु।
\s मानसो मा भेद–भाव
\p
\v 40 तव गर्दीम रईन कोय–कोय यी वात सोमवीन कयो, “सचमुच यु त्यो भविष्यवक्ता छे।” 
\v 41 दिसरा कयो, “यु मसीहा छे।” पुन काहीज नी कयो, “काँ काय मसीह गलील रईन आवसे? 
\v 42 काय चुखलो शास्त्र मा या नी आयु कि मसीह दाऊदन वंश रईन आरू बैतलहम गाँव रईन आवसे, जा दाऊद रयतु हतु?” 
\v 43 अळते: हेरेन कारण मानसो मा फूट पड़ी। 
\v 44 ओका रईन काहय उका धरने चाहता हता, पुन कुन उका पर हाथ नी नाख्यो।
\s यहूदि अगळवानिया विनभुरसा
\p
\v 45 तव सिपाही प्रधान पुजारान आरू फरीसियान साथे वापस आया; हेको उका कयो, “तुमू उका काँ नी लाया?” 
\v 46 सिपाही जवाब दिदा, “एकदु मानुस कदी ओसली वात नी कर्‍यु।” 
\v 47 फरीसिया उका जवाब दिदा, “काय तुमूक भी भरमाए गया छे? 
\v 48 काय सरदार या फरीसियोम रईन कोय भी उका पर विश्वास कर्‍या छे? 
\v 49 पुन या मानसे जा व्यवस्था नी जानता, श्रापित छे।” 
\v 50 \x + \xo 7:50 \xo*\xt यहुन्ना 3:1,2\xt*\x*नीकुदेमुस ने, जु पेहल उका जु आयु हतु आरू ओकामा रईन एक हतु, ओका सी कयो, 
\v 51 “काय हामरी व्यवस्था काहना व्यक्ति काजे, जव तक पेहल हेरेन सोमवीन जान न लेवु कि त्यो काय करे, दोषी ठरावती छे?” 
\v 52 हेकोने उका जवाब दिदा, “काय तुमूक भी गलीलन छे? हेर आरू देख कि गलील रईन कोय भविष्यवक्ता प्रकट नी होयनु जुवे।”
\m
\v 53 तव सब कोय आपने आपने घर जात रया।
\c 8
\s व्यभिचारिणी काजे माप
\p
\v 1 पुन ईशु जैतुनन बयड़ा पर गया। 
\v 2 भोर काजे चाँ पछु मंदिर मा आश; सब मानसे उका जु आश आरू चाँ बठीन हेको शिक्षा देने लाग्यु। 
\v 3 तव शास्त्र आरू फरीसि एक बाई काजे लाया जा व्यभिचार मा धराय गयी हती, आरू ओका सी वीच मा उभु करीन ईशु काजे कयो, 
\v 4 चे कयो, “हे गुरू! या बाई व्यभिचार धराय गयी छे।” 
\v 5 “व्यवस्था मा मूसु हामुक काजे हुकुम देदी छे कि ओसली बाया पर दगड़ा देयो। शेवली कावा तु इन बाईन विषयमा काय कयता छे?” 
\v 6 हेकोने ओका सी पारखनेन करता यी वात कयी ताकि उका पर दोष लागावनेन करता कोय वात जुवे। पुन ईशु झुकीन आंगवी करीन धरती पर लिखने लाग्यु। 
\v 7 जव चाँ उका काजे पुछता रवे, ते ओका सी सुधु होईन उका कयो, “तुखेमा जो निष्पाप छे, त्यो पेहल ओका सी दगड़ा दिदा।” 
\v 8 आरू पछु बठीन धरती पर लिखने लाग्यु। 
\v 9 पुन चाँ यो सोमवीन डाहला रईन नानला तक, एक एक करीन निकली गया, आरू ईशु एखलु रया गयु, आरू स्त्री चाँ वीच मा उभी रया गयी। 
\v 10 ईशु सुधु होईन उका कयो, “हे नारी, चाँ क गया? काय कोय तुखे पर दण्डन हुकुम नी दिदा?” 
\v 11 ओको कयो, “हे पोरबु, एकदु कयो।” ईशु कयो, “हाव भी तुखे पर दण्डन हुकुम नी देता; जा आरू पछु पाप मा करे।”
\s ईशु जगतन ज्योति
\p
\v 12 \x + \xo 8:12 \xo*\xt मत्ती 5:14; यहुन्ना 9:5\xt*\x*ईशु पछु मानसो काजे कयो, “जगतन ज्योति हाव छे; जु मार पछळ आवसे त्यो आँधारा मा नी चाले, पुन जीवनन ज्योति जड़से।” 
\v 13 \x + \xo 8:13 \xo*\xt यहुन्ना 5:31\xt*\x*फरीसिया उको कयो, “तु आपसी सच्ची गवाय आपसु देतु छे, तार गवाय ठीक नी होय।” 
\v 14 ईशु ओका सी जवाब देदु, “भले मी आपसी सच्ची गवाय आपसु आप देतु छे, तिभी मारी गवाय ठीक छे, काहकि हाव जानतु छे कि हाव क रईन आयु छे आरू क जाय छे? पुन तुमू नी जानता कि हाव क रईन आवतु छे कि क जातु छे। 
\v 15 तु शरीरन लारे न्याय करता छे; हाव कुदान न्याय करे। 
\v 16 आरू यदि हाव न्याय करो भी, ते मार न्याय सच्त्यो छे; काहकि हाव एखलु नी होय, पुन हाव छे, आरू बास छे जु मखे मकल्यु छे। 
\v 17 तुमरी व्यवस्था मा भी लिखलो छे कि दुय जनो मिवीन सच्ची गवाय ठीक रवती छे; 
\v 18 एक ते हाव आपसु आपसी गवाय देतु छे, आरू दिसरू बास मार गवाय देतु छे जु मखे मकल्यु छे।” 
\v 19 हेरेने उका कयो, “तार बास क छे?” ईशु उका जवाब देदु, “नी तुमू मखे जानता छे, नी मार बास काजे जानता छे, यदि मखे जानता ते मार बास काजे भी जानता।” 
\v 20 यी वात त्यो मंदिर मा शिक्षा देतु तव भण्डार घर मा कयो, आरू कोय नी उका धर्‍यु, काहकि ओको टेहाव हिमी तक नी आयु हतु।
\s आपसा विषय मा ईशुन कथन
\p
\v 21 ईशु ने पछु उका कयो, “हाव जातु छे, आरू तु मखे देखछे आरू आपसा पाप मा मरछे; जा हाव जातु छे, चाँ तुमू नी आव सकता।” 
\v 22 ओको पर यहूदि या कयो, “काय त्यो आपने आपसु मार नाखछे, जु कयतु छे, जा हाव जातु छे चाँ तुमू नी आव सकता?” 
\v 23 ईशु ने उका कयो, “तुमू नेल्ला छे, हाव ऊफरलु छे; तुमू संसारन छे, हाव संसारन नी छे। 
\v 24 अतरान करीन हाव तुखे कयो कि तुमू आपसा पापो मर हत, काहकि यदि तु विश्वास नी करसे कि हाव चाच छे ते आपसा पापो मा मरछे।” 
\v 25 हेकोने ओका सी कयो, “तु कुन छे?” ईशु ओका सी कयो, “त्योच छे जु सोरूवात रईन तुमूक कयतु आयु छे। 
\v 26 तुमरा विषय मा मखे बैस हाहय कयनो आरू निर्णय करनो छे; पुन मारू मकलनेवावु सच्त्यो छे, आरू जो मी हाव उकासे सोंब्यु छे त्यो जगत काजे कयतु छे।” 
\v 27 चाँ यो मा समजु कि हामु बासन विषय मा कयतु छे। 
\v 28 तव ईशु कयो, “जव मानसन पोर्‍या काजे ऊपर चढ़ावसे, ते जानछे कि हाव त्योच छे; हाव आपने आपसु काहय नी करे पुन जोसो मार बास मखे सिखाड़ु तोसली वात या कयता छे। 
\v 29 मारू मकलनेवावु मार साथे छे; उको मखे एखलु नी छुड़यु काहकि हाव दाहड़ीन चो काम करे जिनाक छे त्यो खुश हतलु छे।” 
\v 30 त्यो यी वात कहय रयु हतु कि बैस मानसे उका पर विश्वास कर्‍या।
\s सच्चाई तुमूक स्वतंत्र करसे
\p
\v 31 तव ईशु ओका सी यहूदि या जा उका पर विश्वास कर्‍या हता, कयो, “यदि तुमू मार वचन मा बोवना रवछे, ते सचमा मार चेला कहवायसु। 
\v 32 तुमू सच्चाई काजे जानहत, आरू सच्चाई हेको स्वतंत्र करसे।” 
\v 33 \x + \xo 8:33 \xo*\xt मत्ती 3:9; लूका 3:8\xt*\x*हेकोने उका काजे जवाब दिदा, “हामु ते अब्राहम न वंश छे, आरू कदी कुदान दास नी होया, मग तु कोसो कयतु छे कि तुमू स्वतंत्र होय जासु?”
\p
\v 34 ईशु उको जवाब देदु, “हाव सच कयतु छे कि जु कोय पाप करता छे त्यो पापन दास छे। 
\v 35 दास अमरकाय जीवनन घर मा नी रवे; पोर्‍य दाहड़ीन घर मा रोवतु छे। 
\v 36 एरकरीन यदि पोर्‍य तुमूक स्वतंत्र करसे, ते सचमा तुमू स्वतंत्र होय जाछे। 
\v 37 हाव जानतु छे कि तु अब्राहम न वंश; तौभी मारो वचन तुमरा दिल मा जागु नी जड़से, एरकरीन तु मखे मार नाखने चाहता छे। 
\v 38 हाव चो कय रयु छे, जु आपसा बास या देख्यु छे; आरू तुमू चो करता रयता छे जो तुमू आपसा बास छे सोंब्या छे।”
\p
\v 39 चाँ उका जवाब दिदा, “आमरू बास ते अब्राहम छे।” ईशु उका कयो, “यदि तु अब्राहम न संतान रोवतु, ते अब्राहम न बराबर काम करे। 
\v 40 पुन अब तु मखे जोसो मानसो काजे मार नाखने चाहतु छे, जु तुमूक सच्च वचन कयो जो यहोवा–भगवान रईन सोंब्या; ओसो ते अब्राहम नी कर्‍यु हतु। 
\v 41 तु आपसा बासन बराबर काम करे।” त्यो उका कयो, “हामु व्यभिचार छे नी जनम लेदा, आमरू एक बास छे मतलब यहोवा–भगवान।” 
\v 42 ईशु उका कयो, “यदि यहोवा–भगवान तुमरू बास रोवतु, ते तुमू मखे पर मोंग राकता; काहकि हाव यहोवा–भगवानन तरफ रईन आयु छे। हाव आपसु नी आयु, पुन त्यो मखे मकल्यु। 
\v 43 तु मारी वात काँ नी समझतु? एरकरीन कि तु मारा वचन सोंबी नी सकता। 
\v 44 तु आपनु बास शैतान रईन छे आरू आपसा बासन लालुच पूरी करने चाहतु छे। त्यो ते सोरू छे लुहूय यी छे आरू सच्चाई पर स्थिर नी रवे, काहकि सच्चाई ओकामा छे नी। जव त्यो झूठ बुलतु, ते आपसा स्वभाव छे बुलता छे; काहकि त्यो झूठ बुलता छे वरना झुठन बास छे। 
\v 45 पुन हाव जो सच बुल रयु छे, ओको करता तुमू मारा विश्वास नी करता। 
\v 46 तुमुम रईन कुन मखे पापी बनावे? यदि हाव सच बुलतु छे, ते तुमू मारू विश्वास काँ नी करता? 
\v 47 जु यहोवा–भगवान साथे रोवतु छे, त्यो यहोवा–भगवानन वात सोमवीन छे; आरू तु एरकरीन नी सोंबवता कि तुमू यहोवा–भगवानन तरफ छे नी छे।”
\s ईशु आरू अब्राहम
\p
\v 48 यो सोंबु यहूदि या उकासे कयो, “काय हामु ठीक नी कयता कि तु सामरिया छे, आरू तुखे मा साहळा छे?” 
\v 49 ईशु यके जवाब देदु, “मखे मा साहळा नी; पुन हाव आपसा बासन विजुत नी करे, आरू तुमू मारा निरादर करता छे। 
\v 50 पुन हाव आपसी बढ़ाई नी चाहतु छे; हा, एक छे जु चाहतु छे आरू न्याय करता छे। 
\v 51 हाव तुखे सच सच कयतु छे कि यदि कोय व्यक्ति मार शिक्षा पर चालसे, ते त्यो अमरकाय काल तक मरन नी देख सके।” 
\v 52 यहूदि या उका कयो, “हिमी हामु जान लेदा कि तुखेमा साहळा छे। अब्राहम मर गयु, आरू भविष्यवक्ता भी मर गया छे; आरू तु कयतु छे, ‘यदि कोय मार वचन पर चालसे ते त्यो अमरकाय काल तक मरनान हवाद नी चाखसे।’ 
\v 53 आमरू बास अब्राहम ते मर गयु। काय तु उका रईन मोटु छे? आरू भविष्यवक्ता भी मर गया। तु आपने आपसा क काय बनावे छे?” 
\v 54 ईशु उका जवाब देदु, “यदि हाव आपसु आपसी महिमा करे, ते मार महिमा काहय नी; पुन मारी महिमा करनेवावा मार बास छे, जिनाक तुमू कयता छे कि त्यो तुमुरू यहोवा–भगवान छे। 
\v 55 तुमू ते उका नी जान्या: पुन हाव उका जानतु छे। यदि हाव कयो कि हाव उका नी जानता, ते हाव तुमरे ओसु झुठु बनीस छे; पुन हाव उका जानता छे आरू ओको वचन पर चालतु छे। 
\v 56 तुमुरू बास अब्राहम मारू दाहाड़ु देखनेना आश छे बैस मगन हतो; आरू ओको देखा आरू ओको देखा आरू खुशी कर्‍यु।” 
\v 57 यहूदि या उकासे कयो, “हिमी तक तु पचास साल क नी हयु, तेभी तु अब्राहम काजे देखलु छे?” 
\v 58 ईशु उकासे कयो, “हाव तुमू छे सच सच कयता छे, कि पेहल ओका कि अब्राहम पैदा होयु, हाव छे।” 
\v 59 तव उका मारनेन करता दगड़ा उठावला, पुन ईशु धपाईन मंदिर रईन निकव गयु।
\c 9
\s जनम रईन आंधवा द्रूष्टिदान
\p
\v 1 जातु जातु त्यो एक मानसो काजे देख्यु जु जनम रईन आँधवु हतु। 
\v 2 हेरेन चेला ओका सी पुछा, “हे गुरू, कुन पाप कर्‍यु हतु कि यु आँधवु जनायु, यु मानसन क ओका आवी–बासन?” 
\v 3 ईशु जवाब देदु, “नी ते यु पाप कर्‍यु हतु, नी ओको माय बास; पुन एरकरीन हुयो क यहोव–भगवानन काम ओका प्रकट होय।” 
\v 4 जु मखे मकल्यु छे, हामु हेरेन कामन दाहाड़ाम काम करनो जरूरी छे; ची रात आवनेवावी छे जीनाम कोय काम नी कर सके। 
\v 5 \x + \xo 9:5 \xo*\xt मत्ती 5:14; यहुन्ना 8:12\xt*\x*जव तक हाव जगत मा छे, तव तक अमरकाय प्रकाश छे। 
\v 6 यो कयीन त्यो धरती पर थूकलु, आरू तीन थूकसे धरती जारयु, आरू त्यो धरती तीन आंधवान डुवा पर लागाड़ीन 
\v 7 त्यो कयो, “जा, शीलोहन ढाबरू मा धुव ले” शीलोहन मतलब मकल्यु छे। त्यो जाईन धुव्यु, आरू देखतु ओसु वापस आयु। 
\v 8 तव साथेवावा आरू जा पेहल उका भीख मांगता देख्या हता, कयनो लाग्या, “काय यु त्यो नी, जु भोठि भोठिन भीख मांग्या करे हतु?” 
\v 9 काहय मानसे कयो, “यु त्यो छे” दिसरा कयो, “नी, पुन ओका सारको कोय दिसरो छे।” त्यो कयो, “हाव त्योज छे।” 
\v 10 तव चाँ उका पूछने लाग्या, “तार डुवा कोसा खुल गया?” 
\v 11 त्यो जवाब देदु, “ईशु नावन एक व्यक्ति धरती जारयु, आरू मार डुवा पर लागाड़ीन मखे कयो, शीलोह मा जाईन धुव ले, शेवली कावा हाव गयु आरू धुव्या आरू देखने लाग्या।” 
\v 12 चाँ यकाह पूछा, “त्यो क छे?” हेरेने कयो, “हाव नी जानतु।”
\s फरीसियान द्वारा हारगायन जाच–पड़ताल
\p
\v 13 मानसे उका जा पेहल आंधवा हुता फरीसियान साथे ली गया। 
\v 14 जीन दाहाड़े ईशु धरती जारीन हेरेन डुवा उगड़या हता, त्यो सब्तन दाहाड़ा हता। 
\v 15 पछु फरीसिया ने भी उकासे पुछा कि हेरेन डुवा काहनी रीति रईन खुल गया। त्यो ओका सी कयो, “त्यो मारा डुवा पर धरती लागाड़ ्यु, पछु हाव धुव लेदु, आरू हिमी देखतु छे।” 
\v 16 ओको पर काहय फरीसि कयनो लाग्या, “यु मानुस यहोवा–भगवानन तरफ से नी, काहकि यु सब्तन दाहाड़ा नी मानता।” दिसरा कयो, “पापी मानुस ओसलो सहलानी कोसो देखाड सकतु छे?” अळते: ओकामा फूट पड़ गय। 
\v 17 चाँ उका आंधवा काजे पछा कयो, “हेरेने तारा डुवा खुल्या छे। तु हेरेन विषयमा काय कयता छे?” त्यो कयो, “त्यो भविष्यवक्तु छे।”
\p
\v 18 पुन यहूदि या विश्वास नी होयु कि त्यो आँधवु हतु आरू हिमी देखतु छे, जव तव हेरेन, जीनान डुवा खुल्या गया हता, त्यो आया–बास बुलावीन 
\v 19 त्यो नी पुछा, “काय यु तारू पोर्‍य छे, जीनाक तु कयतु छे कि त्यो आँधवु जनायु हतु? मग हिमी त्यो कोसु देखाये छे?” 
\v 20 तारा माय–बास जवाब दिदा, “हामु ते जानता छे कि यु आमरो पोर्‍य छे, आरू आँधवो जनायु हतु; 
\v 21 पुन हामु यो नी जानता छे कि हिमी कोसु देखातो छे, आरू नी यो जानता छे कि कुन तेरा डुवा उघड्या। त्यो उगाड़ ़ीयो, ओका सी पुछ लेवु; त्यो आपसा विषय मा आपसु कय देसे।” 
\v 22 यी वात तेरा आय ने बास अतरान करीन कयो काहकि चे यहूदि या रईन बीहता हुता; काहकि यहूदि या एकु होय गया हता कि यदि कोय कयो कि त्यो मसीह छे, ते आराधना घर घर रईन काहड़ दिदा जासे। 
\v 23 इनान कारण हेरेन आयस–बास कयो, “त्यो उगाड़लो, ओका सी पुछ लेवु।”
\p
\v 24 तव हेकोने उका मानसो काजे जु आँधवु हतु, दिसरी वार बुलावीन उका कयो, “यहोवा–भगवानन बढ़ाई करू। हामु ते जानता छे कि त्यो मानसु पापी छे।” 
\v 25 त्यो जवाब देदु, “हाव नी जानतु कि त्यो पापी छे क नी; हाव एक वात जानतु छे कि हाव आँधवु हतु आरू हिमी देखतु छे।” 
\v 26 हेकोने ओका सी पछु कयो, “त्यो तार साथे काय कयो? आरू कोसो करीन तार डुवा खुल्यु?” 
\v 27 त्यो ओका सी कयो, “हाव ते तुखे कय त्योक्यु, आरू तु नी सोंब्यु; आरू दिसरी वार काँ सोंबवन्यु चाहतु छे? काय तुमू भी हेरेन चेला होयन्या चाहता छे?” 
\v 28 तव चाँ उका बुर–भला कयीन बुल्या, “तुच हेरेन चेलु छे, हामु ते मूसान चेला छे। 
\v 29 हामु जानता छे कि यहोवा–भगवान मूसा साथे वात कर्‍यु; पुन इनीये मानसो काजे नी जानता कि कावावु छे।” 
\v 30 त्यो ओका सी जवाब देदु, “यो ते विनछळाय वात छे कि तु नी जानतु कि त्यो कावावु छे, तौभी हेरेने मार डुवा खुल देदु। 
\v 31 हामु जानता छे कि यहोवा–भगवान पापीन नी सोमवीन छे, पुन यदि कोय यहोवा–भगवानन भक्त रवे आरू हेरेन मरजी पर चालता छे, ते त्यो हेरेन सोमवीन छे। 
\v 32 जगन शुरूवात रईन यो कदी सोंबवने मा नी आयो कि त्यो हमेशान आंधवान डुवा खुल गया छे। 
\v 33 यदि यु मानुस यहोवा–भगवानन तरफ छे नी रोवतु, ते काहय नी कर सकतु छे।” 
\v 34 त्यो उको जवाब देदु, “तु ते बिलकुल पापो मा जनायु छे, तु हामु काय सिकाड़तु छे?” आरू हेकोने उका बाहरते निकाव देदु छे।
\s आत्मिक आंधवा
\p
\v 35 जव ईशु सोंब्यु कि हेको उका बाहर निकाव देदु छे, आरू जव उकासे भेंट होयी ते कयो, “काय तु यहोवा–भगवानन पोर्‍या पर विश्वास करे?” 
\v 36 त्यो जवाब देदु, “हे पोरबु, त्यो कुन छे, कि हाव उका पर विश्वास करो?” 
\v 37 ईशु उका कयो, “तु उका देख्यु भी छे, आरू जु तार साथे वात कर्‍यु छे त्यो त्योच छे।” 
\v 38 त्यो कयो, “हे पोरबु, हाव विश्वास करे।” आरू उका पुजा कर्‍या। 
\v 39 तव ईशु कयो, “हाव इनीये जग मा नियावन करता आयु छे, ताकि जो नी देखता चो देखे, आरू जो देखता छे चाँ आंधवा होय जाय।” 
\v 40 जा फरीसि हेरेन साथे हता हेकोने यी वात सोमवीन ओका सी कयो, “काय हामु भी आंधवा छे?” 
\v 41 ईशु ओका सी कयो, “यदि तुमू आंधवा रवता ते पापी नी बनतो; पुन हिमी कयता छे कि हामु देखता छे, एरकरीन तुमरू पाप बवणु रोवतु छे।”
\c 10
\s गुवाळ्यु आरू हावंढान द्रूष्टान्त
\p
\v 1 हाव तुखे सच सच कय रयु छे कि जु कोय झोपला वाटे गाडरा न खुठामा नी आवे, पुन कोसलो दुहरी तरफ रईन चढ़ जाता छे, त्यो त्योर आरू डाकु छे। 
\v 2 पुन जु झोपला रईन माहाय आया करे त्यो गाडरा न गुवाळ्यु छे। 
\v 3 ओको करता झोपलु राखतु छे त्यो झोपलु खुल देतु छे, आरू गाड़ गाडरा हेरेन ओवाज सोंबवता छे, आरू त्यो आपसा गाडरा काजे आपसु नाव लिन बुलावे छे आरू बाहरते ली जातु छे। 
\v 4 जव त्यो आपसा सब गाड़ गाडरा काजे बाहर निकाल त्योकता छे, ते हेरेन ओगळ–ओगळ चालता छे, आरू गाडरा हेरेन पछळ–पछळ चाल देता छे, काहकि चाँ तेर ओवाज जानता छे। 
\v 5 “पुन चाँ पराया मानसो कमाय नी जाय, पुन उका रईन सेटा डास्से, काहकि चाँ परायान ओवाज नी वोकता छे।” 
\v 6 ईशु उका काजे यो द्रूष्टान्त कयो, पुन चाँ नी समझा कि यी काय वात छे जी हामुक कय रयु छे।
\s ईशु वारलु गुवाळ्यु
\p
\v 7 तव ईशु ओका सी पछु कयो, हाव तुमूक सच सच कय रयु छे, गाडरान झोपलो हाव छे। 
\v 8 जोतरा भी मार रईन पेहल आया चाँ सब त्योर आरू डाकु छे, पुन गाड़ गाडरा हेरेन नी सोंबे। 
\v 9 झोपलो हाव छे; यदि पुन कोय मार द्वारा माहाय जात रये, ते उध्दार जुड़से, आरू माहाय बाहारथे आव जाय करसे आरू चार जुड़से। 
\v 10 त्योर कोसो ओसलो कामन करता नी पुन सिर्फ चुरी करने आरू घाव करने आरू नष्ट करने आवतु छे; हाव एरकरीन आयु कि चा जीवन जड़से, आरू बहुतायत से जड़से। \fig गुवाळ्यु गाडराक अगुवाई कर रयु छे|alt="Shepherd with his sheep in sheepfold" src="lb00014c।tif" size="span" copy="Horace Knowles ©" ref="10:7"\fig*
\p
\v 11 वारलु गुवाळ्यु हाव छे; वारलु गुवाळ्यु गाडरा न करता आपनु जीव आप देय। 
\v 12 मजुर जु नी गुवाळ्यु छे आरू नी गाडरा न मालिक छे, लेन्डीया काजे आवता देखिन गाड़ गाडरा काजे छुड़ीन डास जातु छे; आरू त्यो हेको धरती आरू तितर–बितर कर देता छे। 
\v 13 त्यो एरकरीन डास जातु छे कि त्यो मजदूर छे, आरू ओका सी गाडरा न चिंता नी करे। 
\v 14 \x + \xo 10:14 \xo*\xt मत्ती 11:27; लूका 10:22\xt*\x*वारलु गुवाळ्यु हाव छे; हाव आपसा गाडरा काजे जानतु छे, आरू मार गाड़ गाडरा मखे जानता छे। 
\v 15 जोसो बास मखे जानतु छे आरू हाव बास काजे जानतु छे–आरू हाव गाडरा न करता आपनु जीव आप देय। 
\v 16 मारा आरू भी गाड़ गाडरा छे, जा इन गाडरा न खुठामा नी। मखे उका भी लावणु पाको छे। चाँ मार शब्द सोंबवसे, तव एकुज टुळु आरू एकुज गुवाळ्यु रवसे। 
\v 17 बास एरकरीन मार पर मोंग राखतु छे कि हाव आपनु जीव आपे छे कि ओका सी पछा ली लेवु। 
\v 18 कोय उका मखे रईन सांडाड़ता नी। वरना हाव उका आपसु देतु छे। मखे ओका सी आपनेन भी हक छे, आरू उका पछु ली लेनेन भी हक छे: यी हुकुम मार बास रईन मखे मिवी छे।
\p
\v 19 इन वातन कारण यहूदि या मा पछी फुट पड़ी। 
\v 20 ओका रईन बैस काहय कयनो लाग्या, “ओकामा साहळा छे, आरू त्यो पागल छे; हेरेन काँ सोंबवता छे?” 
\v 21 दिसरा मानसे कयो, “यी वात ओसला मानसन नी होय जिनाक मा साहळा छे। काय साहळा आंधवान डुवा खुल सकती छे?”
\s ईशुन नाकार
\p
\v 22 यरूशलेम मा स्थापनान तिवार मनावता जाय रया हता; आरू पानीन दाहाड़ा हता। 
\v 23 ईशु मंदिर मा सुलैमानन उटला पर पछु रयु हतु। 
\v 24 तव यहूदि या तीनाक आवीन घेर लेदा आरू पुछा, “तु हामरा मन काजे केतार तक अड़चन मा राखसे? यदि तु मसीह छे ते हामुक साफ साफ कय दे।” 
\v 25 ईशु हेको जवाब देदु, “हाव तुखे कय देदु पुन तुमू विश्वास नी करता छे। जो काम मी आपसा बासन नाव पर करे चाँ मारा गवाय छे, 
\v 26 पुन तुमू एरकरीन विश्वास नी कयता काहकि मारा गाडरा म रईन नी होय। 
\v 27 मार गाड़ गाडरा मार शब्द सोंबवता छे; हाव हेको जानतु छे, आरू चाँ मार पछळ–पछळ चालता छे; 
\v 28 आरू हाव हेको अमरकाय जीवन देतु छे। चो कदी नष्ट नी होय जा छे, आरू कोय हेको मार हाथम रईन सोंडाड़ नी लेछे। 
\v 29 मार बास, जु मखे हेको काजे देदु छे, सब रईन मोटो छे आरू कोय हेको बासन हाथम रवीन सोंडाड़ नी सकता छे। 
\v 30 हाव आरू बास एक छे।”
\p
\v 31 यहूदि या उका पर दगड़ा देनेह पछा दगड़ा उठाव्या। 
\v 32 इना पर ईशु ओका सी कयो, “हाव तुमूक आपसा बासन तरफ रईन बैस भला काम देखाड़्या छे; उका मा कोसलो कामन करता तुमू मार पर दगड़ा नाखता छे।” 
\v 33 यहूदि या ओका सी जवाब दिदा, “भला कामन करता हामु तुखे दगड़ा करीन नी देता पुन यहोवा–भगवानन निन्दा करनेन कारण; आरू एरकरीन कि तु मानुस होईन आपने आपसु यहोवा–भगवान बनावतु छे।” 
\v 34 ईशु उको जवाब देदु, “काय तुमरी व्यवस्था मा नी लिखलो छे, हाव कयो, तु भगवान छे?” 
\v 35 यदि उका हेको भगवान कयो जीनाक जु यहोवा–भगवानन वचन पुछो आरू चुखलो शास्त्रन वात झुटी नी होय सकती 
\v 36 ते जीनाक बास चुखलो कहवायसे जग मा मकल्यु छे, तु उकासे कयतु छे, “तु निन्दा करे” एरकरीन कि हाव कयो, “हाव यहोवा–भगवानन पोर्‍य छे?” 
\v 37 यदि हाव आपसा बासन काम नी करे, ते मार पर विश्वास मा कर्‍यु। 
\v 38 “पुन यदि हाव करे, ते चाहे मार पर विश्वास नी भी करे, पुन चाँ कामन ते विश्वास करू, ताकि तुमू जानु आरू समझु कि बास मखे मा छे आरू हाव बादमा छे।” 
\v 39 तव हेकोने पछु उका धरनेन कोशिष कर्‍या पुन चाँ हेरेन हाथम रईन निकव गया।
\p
\v 40 \x + \xo 10:40 \xo*\xt यहुन्ना 1:28\xt*\x*पछु चाँ यरदन नदीन पार हेरेन स्थान पर जात रयु, जा यहुन्ना पेहल बपतिस्मा दिदा करता हता, आरू चाँ रवु। 
\v 41 बैस मानसे हेरेन जु आवीन कयतु हतु, “यहुन्ना ते कोय सहलानी नी देखाड़यु, पुन जो काहय यहुन्ना हेरेन विषय मा कयो हतु, चो सब सच हतो।” 
\v 42 आरू चाँ आखा मानसे ईशु पर विश्वास कर्‍या।
\c 11
\s लाज़रन मोत
\p
\v 1 \x + \xo 11:1 \xo*\xt लूका 10:38,39\xt*\x*मरियम आरू ओकी बहिनीस मार्थान गाँव बैतनियान लाज़र नावन एक मानुस मांदलु हतु। 
\v 2 \x + \xo 11:2 \xo*\xt यहुन्ना 12:3\xt*\x*यी ची मरियम हती जु पोरबु पर इत्र नाखीन हेरेन पायो करीन आपसा जुठा करीन पूछी हती, ओका भाई लाज़र मांदलु हतु। 
\v 3 अळते: हेरेन बहिनीस उका कहय मोकल्यु, “हे पोरबु, देख, जिनाक तु मोंग राखतु छे, त्यो बीमार छे।” 
\v 4 यो सोंमवीन ईशु कयो, “यी बीमारी मोतन नी होय; पुन यहोवा–भगवानन महिमान करता छे, कि हेरेन द्वारा यहोवा–भगवानन पोर्‍या महिमा हुयो।”
\p
\v 5 ईशु मार्था आरू हेरेन बहिनीस आरू लाज़र पर मोंग राखतु हतु। 
\v 6 तीभी जव उका सोंब्या कि त्यो मांदलु छे, ते जीन स्थान पर त्यो हतु, चाँ दुय दाहाड़ा आरू रूकाय गयु। 
\v 7 हेरेन बाद त्यो चेला काजे कयो, “आवु, हामु पछा यहूदि या चाल्या।” 
\v 8 चेला ओका सी कयो, “हे गुरू, हिमी ते यहूदि पर दगड़ा करीन देने चाहता हता, आरू काय तु तीभी चाँ जातु छे?” 
\v 9 ईशु ओका सी जवाब देदु, “काय दाहाड़ान बारा घंटा नी रवता छे? यदि कोय दाहाड़ा मा चेला ते ठुकर नी खाता छे, काहकि ओको अमरकाय विजाळो देखातु छे। 
\v 10 पुन यदि कोय रात मा चाले ते ठुकर खाता छे, काहकि ओकामा प्रकाश नी होय।” 
\v 11 त्यो यी वात कयो, आरू ऐर बाद उकासे कयनो लाग्या, “आमरू दोस्त लाज़र सुव गयु छे, पुन हाव उका धरतीवने जाय रयु छे।” 
\v 12 तव चेला ओका सी कयो, “हे पोरबु, यदि त्यो सुव गयु छे, ते वारलो होय जासे।” 
\v 13 ईशु ते हेरेन मोतन विषय मा कयो हतु, पुन त्यो समझे कि त्यो निंदम रईन सुव जानेन विषय मा कयो। 
\v 14 तव ईशु तीनुक काजे साफ साफ कय देदु, “लाज़र मर गयु छे; 
\v 15 आरू हाव तुमरे कारण खुश छे कि हाव चाँ नी हतु जीनासे तुमू विश्वास करू। पुन हिमी आवु, हामु हेरेन जु जाता।” 
\v 16 तव थोमान जु दिदुमुस हववाये, आपसा साथी चेलाह कयो, “आवु, हामु भी हेरेन साथे मरनाह जाता क।”
\s इसुत पुनरूत्थान आरू जीवन छे
\p
\v 17 या पुगने पर ईशु काजे यो मालुम हुयो कि लाज़रन बीड़ा मा राखला चार दाहाड़ा होय त्योक्या छे। 
\v 18 बैतनिया यरूशलेमन बराबर कोय तीन कि, मी, दुर हतु। 
\v 19 बैस यहूदि मार्था आरू मरियमन जु हेरेन भाईस्योन मोत पर शांती आपने काजे आया हता। 
\v 20 जव मार्था ते ईशुन आवनेन बातमी सोमवीन तीनाक मिवने करता गय, पुन मरियम घर मा बठली रवली। 
\v 21 मार्था ईशु कयी, “हे पोरबु, यदि तु या रोवतु, ते मार भाईस नी मरतु। 
\v 22 आरू हिमी भी हाव जानती छे कि जो काहय तु यहोवा–भगवान पर मांगसे, आरू यहोवा–भगवान तुखे आपसे।” 
\v 23 ईशु तीनीक कयो, “तार भाईस पछु जीव उठसे।” 
\v 24 मार्था तीनाक कयी, “हाव जानती छे कि शेवटला दाहाड़ाम पुनरूत्थानन टेमे त्यो जीव उठसे।” 
\v 25 ईशु ओका सी कयो, “पुनरूत्थान आरू जीवन हाव छे; जु काहय मखे पर विश्वास करता छे, त्यो यदि मर भी जाए तौभी जीवसे, 
\v 26 आरू जु कोय जीवतु छे आरू मखे पर जु विश्वास करे, त्यो अमरकाय जीवसे कदी नी मरसे। काय तु इन वात पर विश्वास करती छे?” 
\v 27 त्यो तीनाक कयो, “होव हे पोरबु, हाव विश्वास करती छे कि यहोवा–भगवानन पोर्‍य मसीह जु जगत मा आवनेवाळो हतु, त्यो तुच छे।”
\s ईशु रवडु
\p
\v 28 यो कयीन ची जात रयी, आरू आपसी बहिनीस मरियम काजे बुलावीन दोपाईन कयो, “गुरू या छे आरू तुखे बुलावता छे।” 
\v 29 यो सोमवीन ची साठु उठिन हेरेन जु आवी। 
\v 30 ईशु हिमी गाँव मा नी पुग्यु हतु पुन उका स्थान मा हतु जा मार्था ओका सी मीवायी हती। 
\v 31 तव जा यहूदि हेरेन जु घर मा हता आरू उका शांती दिदा हता, यो देखीन कि मरियम जीरे उठिन बाहर गयी छे यो समझे कि ची बीड़ा पर रवने जाती छे, ते हेरेन पछळ जाता छे। 
\v 32 जव मरियम चाँ पुगी जा ईशु हतु, ते उका देखताच हेरेन पायो पर पड़ी आरू कयी, “हे पोरबु, यदि तु रोवतु ते मारू भाईस नी मरतु।” 
\v 33 जव ईशु ओका सी आरू यहूदि या जा हेरेन साथे आया हता, रड़ता देख्या, ते आत्मा मा बैस नाराज आरू परेशान हया, 
\v 34 आरू कयो, “तु उका क राखतु छे?” हेकोने उकासे कयो, “हे पोरबु, चालीन देख ले।” 
\v 35 ईशु रड़यु। 
\v 36 तव यहूदि कयनो लाग्या, “देखु, त्यो उका पर कतरू मोंग राखतु हतु।” 
\v 37 पुन ओकामा रईन काहय नी कयो, “काय या जोतरा आंधवान डुवा उगाड़ ्या, यो भी नी कर सक्यु कि यु मानुस नी मरतु?”
\s ईशु लाज़र काजे जीवाड़्यु
\p
\v 38 ईशु मन मा पछु बैस नराज होईन बीड़ा पर आयु। चाँ एक दर हती आरू एक दगड़ा उका पर राखला हता। 
\v 39 ईशु कयो, “दगड़ो हटाऊ।” उका मरलान बहिनीस मार्था ओका सी कयनो लागी, “हे पोरबु, ओका रईन हिमी ते सचाब वास आवती छे, काहकि उका मरलु चार दाहाड़ा होय गया छे।” 
\v 40 ईशु ओका सी कयो, “काय हाव ने तुखे नी कयो हतु कि यदि विश्वास करसे, ते यहोवा–भगवानन महिमा काजे देखसे।” 
\v 41 तव हेकोने ओका सी दगड़ा काजे हटाड़या। ईशु डुवा उगाड़ीन कयो, “हे बास, हाव तारू धन्यवाद करे कि तु मारी सोंबी लेदु छे। 
\v 42 हाव जानतु छे कि तु मारी सदा सोमवीन छे, पुन जी गर्दी आस पास उभी छे, हेरेन कारण हाव यो कयो, जीनासे कि चाँ विश्वास करे कि तु मखे मकल्यु छे।” 
\v 43 यो कयीन त्यो डाहला शब्द मा आयड़्यु, “ऐ लाज़र, निकली आव।” 
\v 44 जु मर गयु हतु त्यो छिन्दरान कफन रईन हाथे पाय बांधलो निकली आयु, आरू हेरेन मुहय छिंदरो चिपक्यो हतो। ईशु ओका सी कयो, “ओका सी खुल देऊ आरू जाने देऊ।”
\s ईशुन विरोध षड़यन्‍त्र
\p
\v 45 तव जा यहूदि मरियम जु आया हता आरू हेरेन काम या देखता छे, ओकामा रईन बैस मानसे उका पर विश्वास कर्‍या। 
\v 46 पुन ओकामा रईन काहय ने उका पर फरीसियान साथे जाईन ईशुन कामन खबर दिदा। 
\v 47 ओको पर प्रधान पुजाराे आरू फरीसिया महासभा बुलाया, आरू क, “हामु काय कर रया छे? यु मानुस ते बैस चमत्कार देखाड़तु छे। 
\v 48 यदि हामु ओका सी ओसोज सुड़ देसु, ते सब मानसे उका पर विश्वास ली आवसु, आरू रोमि आवीन आमरू जागु आरू जाति दुयो पर हक कर लेसे।” 
\v 49 तव ओकामा रईन कैफा नावन एक मानुस जु तीन सालन पुजारो हतु, उका कयो, “तुमू काहय नी जानता; 
\v 50 आरू यो नी समझता छे कि तुमरे करता यो भी छे कि हामरा मानसोन करता एक मानुस मरे, आरू सब जाति नष्ट नी होय।” 
\v 51 यी वात त्यो आपसी तरफ रईन नी कयो, पुन उका साल क डाहला पुजारा होईन भविष्यवाणी कर्‍या, कि ईशु ओको जातीन करता मरसे; 
\v 52 आरू नी केवल ओको जातीन करता, वरना एरकरीन भी कि यहोवा–भगवानन तितर–बितर पोर्‍या काजे एक कर देऊ। 
\v 53 शेवली कावा उका दाहाड़ा रईन चाँ ओका सी मार नाखनेन षड्यन्त्र बनावने लाग्या।
\p
\v 54 एरकरीन ईशु तीन टेमे रईन यहूदि या मा प्रकट होईन नी फिर्‍या, पुन चाँ रईन जंगलन निकटवर्ती प्रदेशन इफ्राईम नावन। एक नगर जात रयु; आरू आपसा चेला साथे चाँ रोवने लाग्यु।
\p
\v 55 यहूदि यान फसह तिवार नाट हतु, आरू बैस मानसे फसह रईन पेहल देहात रईन यरूशलेम गया कि आपने आपसु चुखो करू। 
\v 56 अळते: चाँ ईशु काजे देखने लाग्या आरू मंदिर मा उबा रईन आपस मा कयनो लाग्या, “तुमू काय सोचता छे? काय त्यो तिवार मा नी आवसे?” 
\v 57 प्रधान पुजारा आरू फरीसिया हुकुम दे राख्यु हतु कि यदि कोय यो जाने कि ईशु क छे ते कयो, काहकि चाँ उका काजे धर सकें।
\c 12
\s बैतनिया मा ईशुन अभिषेक
\p
\v 1 ईशु फसह छे छव दाहाड़न पेहल बैतनिया मा आयो लाज़र हतु, जीनाक ईशु मरलाम रईन जीवाल्लु हतु। 
\v 2 हेकोने ओको करता भोजन तयार कर्‍या; आरू मार्था सेवा कर रया हता, आरू लाजर ओकाम रईन एक हतु जु ओको साथे भोजन करनेन करता बोठल हता। 
\v 3 \x + \xo 12:3 \xo*\xt लूका 7:37,38\xt*\x*तव मरियम जटामासीन आदो छेर मोहंगलो इत्र लिन एक बायर संगमरमर क होय गया। ईशुन पायो पर नाख्या, आरू आपसा जोठा रईन ओको पाये ओगव; आरू हेको आपनो घर सुगंधित होय गयो, 
\v 4 पुन ओको चेला मा रईन यहूदा इस्करियोती नावन एक चेलो जु ओका सी धरावने पर हतु, कयनो लाग्यु, 
\v 5 “या इत्र तीन सौ सोनान सिक्‍का वेचीन गरीब काजे क नी आपी दिदा?” 
\v 6 हेरेने यी वात एरकरीन नी कयो कि उका गरीब चिंता हती पुन एरकरीन कि त्यो चुर हतु, आरू हेरेन जु तेर थयलु रयती हती आरू ओकामा जो काहय नाखला जाता हता, चो काहड़ लेता छे। \fig संगमरमर क इत्रन डुसरा|alt="Alabaster jars" src="hk00142c।tif" size="col" copy="Horace Knowles ©" ref="12:3"\fig*
\p
\v 7 ईशु कयो, “उका रवने देऊ। उका या मार गाड़ने जानेन दाहाड़ा करता राखने देऊ। 
\v 8 काहकि गरीब तुमरे साथ मा जलोम रहवे, पुन हाव तुमरे साथे सदा नी रवछे।”
\s लाज़रन विरोध षड्यन्त्र
\p
\v 9 जव यहूदियान मोटी गर्दी जान गय कि त्यो चाँ छे, ते चाँ नी केवल ईशुन कारण आश पुन एरकरीन भी कि लाज़र काजे देखे, जीनाक त्यो मरलाम रईन जीवाल्लु हतु। 
\v 10 जव प्रधान पुजाराे लाज़रह भी मार नाखनेन षड्यन्त्र बनावला। 
\v 11 काहकि ओको कारण बैस छे यहूदि जात रया आरू ईशु पर विश्वास कर्‍या।
\s यरूशलेम मा विजय–भरायने
\p
\v 12 दिसरे दाहाड़े बैस मानसे जा पर्व मा आयो हतो यो सोंब्या कि ईशु यरूशलेम मा आव रयु छे। 
\v 13 त्या आरू खजुर न डाळिया लिदा आरू उको भेटने करीन निकळिया, आरू आयड़ीन कयनो लागी गिया, “होशान्ना। धन्य इस्त्राएलन राजु, जु पोरबुन नाव पर आवतु छे।”
\p
\v 14 जव ईशु काजे गदड़ान एक बच्चो सापड़्यो; ते त्यो उका पर बठ गयु, जोसो लिखलो छे, 
\v 15 “हे सिय्योन क पोराय, मा बीहये; देख, तार राजु गदड़ान पीला पर चढ़ीन चालीन आवतु छे।” 
\v 16 ओको चेला यी वात पेहल नी समझता हता, पुन ईशुन महिमा प्रकट होईली ते ओका सी स्मरण आयो कि यी वात ओको विषय मा लिखली हती आरू मानसे उका जु ओका तरह व्यवहार कर्‍या हता, 
\v 17 तव गर्दी मा रईन चाँ मानसे गवाय दिदा, जा तीन टेहाव उका जु हता जव त्यो लाज़र काजे बीड़ा मा रईन मरलाम रईन बुलावीन जीवाल्लु हतु। 
\v 18 ओका कारण मानसे उको मिवनेन करता आश हता काहकि हेकोने सोंब्या हता कि त्यो यो विछेळीयो काम देखाड्यु छे। 
\v 19 तव फरीसियों आपसु मा कयो, “सोत्यो ते सही कि तुमूक छे काहय नी बंद पड़तो। देखु, संसार ओको पछळ चाल दिदो छे।”
\s यूनानियान ईशु काजे ढुढ़
\p
\v 20 जा मानसे उका पर्व मा आराधना करने काजे आश हता ओका रईन काहय यूनानी हता। 
\v 21 हेकोने गलीलन बैतसैदा गाँवन रोवनेवावा फिलिप्पुस जु आवीन विनती कर्‍या कि, “श्रीमान्, हामु ईशु काजे मिवने चाहता छे।” 
\v 22 फिलिप्पुस आवीन अन्द्रियास काजे कयो, तव अन्द्रियास आरू फिलिप्पुस जाईन ईशु कयो, 
\v 23 ओको पर ईशु उका काजे कयो, “त्यो टेहाव आव गयु छे कि मानसन पोर्‍या महिमा हुयो।” 
\v 24 हाव तुमूक छे सच सच कय रयु छे कि जव तव जा चाँ गहू क दानु धरती पर पड़ीन मर नी जातु, तव तक एखलु रोवतु छे; पुन जव मर जातु छे, तव बैस फव लावतु छे। 
\v 25 \x + \xo 12:25 \xo*\xt मत्ती 10:39; 16:25; मरकुस 8:35; लूका 9:24; 17:33\xt*\x*जु आपसा जीव काजे मोंगावु जानतु छे, त्यो ओका सी नाख देतु छे; आरू जु इन जगत मा आपसा जीव काजे मोंगवाळो नी जानता छे, त्यो अमरकाय जीवनन करता ओको रक्षा करसे। 
\v 26 यदि कोय मार सेवा करे, ते मार पछळ चल पड़े; आरू जा हाव छे, चाँ मार सेवक भी रवछे। यदि कोय मार छेव करे, ते ओको विजुत करसे।
\s कुरूसन मरनान संकेत
\p
\v 27 “हिमी मार जीव घाबराये। एरकरीन हिमी हाव काय कयो? हे बास” मखे ओको घड़ी बचाढ़? नी, 
\v 28 “हे बास, आपसा नावन महिमा करू।” तव सोरग सी यो बोल हुयो, “हाव ओको महिम कर्‍यु छे, आरू पछु भी करसु।” 
\v 29 तव जा मानसे उबा हता सोंबी रया हता हेकोने कयो कि वादवाम गाजने बाज रया छे। दिसरा कयो, “एक सोरगदूत उका कयो।” 
\v 30 ओको पर ईशु कयो, “यो ओवाज मार करता नी छे, पुन तुमरे करता आयु छे। 
\v 31 हिमी ओको संसारन न्याय हुयसे छे, हिमी ओको संसारन सरदार निकाव दिदा जाछे; 
\v 32 आरू हाव यदि धरती पर रईन ऊपर चढ़ाया जाछे, ते सब काजे आपने जु खेच छे।” 
\v 33 ओसो कयीन त्यो यो प्रकट कर देदु कि त्यो कोसली मतन बराबर मरछे। 
\v 34 ओको पर मानसे उका कयो, “हामु ते व्यवस्थान यी वात सोंब्या छे कि मसीहा अमर रवछे, पछु तु काय कयतु छे कि मानसन पोर्‍य काजे ऊपर चढ़ावनो जरूरी छे? यु मानसन पोर्‍य कुन छे?” 
\v 35 ईशु ओका सी कयो, “ज्योति हिमी थुड़ीक टेहाव तक तुमरे वीच मा छे। जव तव ज्योति तुमरे जु छे तव तक चाले चालु, ओसो नी हुयो कि आन्धारो तुमूक आवीन घेरे; जु आँधारा मा चालतु छे त्यो नी जानतु कि त्यो क जातु छे। 
\v 36 जव तक ज्योति तुमरे जु छे, ज्योति पर विश्वास करू ताकि तुमू ज्योतिन अवलियाद बनु।”
\s यहूदि यान विनभुरसीया मा बवना रयनु
\p यी वात कयीन ईशु जात रयु आरू उका रईन दोपाईन रय। 
\v 37 त्यो ओको सामने इतरा सहलानी देखाड्या, तौभी हेकोने उका पर विश्वास नी कर्‍या; 
\v 38 ताकि यशायाह भविष्यवक्तान वचन पूरो होय जो ओको कयो: “हे पोरबु, हामरी खुश–खबर कुन विश्वास कर्‍या छे? आरू पोरबुन बाहुबल कुणी पर प्रकट होय छे?” 
\v 39 ओका कारण चाँ विश्वास नी कर सके, काहकि यशायाह यो भी कयो छे: 
\v 40 “त्यो ओको डुवा आंधवा, आरू ओको मन वातड़ो कर दिदा छे; क ओसलो नी होय कि चाँ डुवा करीन देखे, आरू मन रईन समझे, आरू पछु, आरू हाव हेको आरगाय करसु।” 
\v 41 यशायाह यी वात एरकरीन कयो कि त्यो हेरेन महिमा देख्या, आरू त्यो हेरेन विषय मा वात कर्‍यु। 
\v 42 तौभी सरदार से बैस उका पर विश्वास कर्‍या, पुन फरीसियान कारण प्रकट मा नी मानता हता, क ओसो नी हुयो कि चाँ आराधना घर मा रईन निकाव्या जाछे: 
\v 43 काहकि मानसन तरफ रईन वाहवाय ओका सी यहोवा–भगवानन तरफ रईन बढ़ाई क आश आरू मोंग जास्ती करे छे।
\s ईशुन वचन: न्यायन आधार
\p
\v 44 ईशु आयड़ीन कयो, “जु मार पर विश्वास करता छे, त्यो मखे पर नी वरना मार मकलनेवावा पर विश्वास करे छे। 
\v 45 आरू जु मखे देखतु छे, त्यो मार देखनेवावा काजे देखतु छे। 
\v 46 हाव जग मा ज्योति बनीन आवलु छे, ताकि जु कोय मार पर विश्वास करू चाँ आंधारा मा नी रवे। 
\v 47 यदि कोय मार वात सोमवीन नी माने, ते हाव उका दोषी नी ठरावता; काहकि हाव जगत काजे दोषी ठरावनेन करता नी, पुन अमरकाय उध्दार करनेन करता आवलु छे। 
\v 48 जु मखे तुच्छ जानतु छे आरू मार वात मान्य नी करता छे ओका सी दोषी ठरावनेवावु ते एक छे: मतलब जो वचन हाव कयो छे, त्यो पछला दाहाड़ा मा ओका सी दोषी ठरावछे। 
\v 49 काहकि हाव आपसी तरफ छे वात नी कर्‍यु; पुन बास जु मखे मकल्यु छे त्यो मखे हुकुम देदी छे कि काय काय कयो आरू काय काय बुलो? 
\v 50 आरू हाव जानतु छे कि ओको हुकुम अमरकाय जीवन छे। एरकरीन हाव जो बुलतु छे, चो जोसो बास मखे छे कयो छे तोसोज बुलतु छे।”
\c 13
\s ईशु चेलान पाय धुव्यु
\p
\v 1 फसहन पर्वन पेहल, जव ईशु जान लेदु कि त्यो टेम आव लागी छे कि जग सुड़ीन बास साथे जाऊ, ते आपसा मानसे जा जगमा हता जोसो मोंग त्यो राखतु हतु, आखरी तक ओसलोज मोंग राखतु रवछे। 
\v 2 जव शैतान शमौनन पोर्‍य यहूदा इस्करियोतीन मन मा यो नाख दिदो हतो कि उका धरावजे ते खानेन टेहाव 
\v 3 ईशु यो जानीन कि बास सब काहय मार हाथ मा कर देदु छे आरू हाव यहोवा–भगवान साथे आयु छे आरू यहोवा–भगवान साथे जातु छे, 
\v 4 खाना पर रईन उठिन आपसा पेहरल छिंदरा उतार दिदा, आरू टुवल्यु लिन थार कमर बांध्यु। 
\v 5 तव कोवह्याम पानी भरीन चेलान पाय धुवने आरू टुवाल करीन ओको कमर बांधली हती उका टुवाल करीन पुचने लाग्यु। 
\v 6 जव शमौन पतरसन साथे आयु, तव पतरस उका कयो, “हे पोरबु, काय तु मार पाय धुवतु छे?” 
\v 7 ईशु उका जवाब देदु, “जो मी करो, तु उका हिमी नी जानतु, पुन ओका बाद समझे।” 
\v 8 पतरस उका कयो, “तु मार पाय कदी नी धुव नी सके।” यो सोमवीन ईशु उका कयो, “यदि हाव तार पाय नी धुवो ते मार साथे तारो जलोम काहलो नी रिश्तो नी हुयो।” 
\v 9 शमौन पतरस उका कयो, “हे पोरबु, ते मार पायुज नी होय, वरना हाथ आरू मुनको भी धुव दे।” 
\v 10 ईशु उका कयो, “जु ऊंगवी लेदु छे उका पायन सिवाय आरू काहय धुवनेन जरूरत नी, पुन त्यो बिलकुल चुखो छे; आरू तुमू चुखो होयु, पुन सब क सब नी।” 
\v 11 त्यो ते आपसा धरनेवावा काजे जानतु हतु ओको करता त्यो कयो, “तुमू सब क सब चुखो नी।”
\p
\v 12 \x + \xo 13:12 \xo*\xt लूका 22:27\xt*\x*जव यु ओको पाय धुव त्योक्यु, आरू आपसा छिंदरा पेहरीन पछु बठ गयु, ते उका कयनो लाग्या, “काय तुमू समझे कि हाव ने तुमरे साथे काय कर्यु? 
\v 13 तुमू मखे गुरू आरू पोरबु कयता छे, आरू ठीकुज कयता छे, काहकि हाव त्योज छे। 
\v 14 यदि हाव पोरबु आरू गुरू होईन तुमरा पाय धुवी, ते तुमूक भी एक दिसरान पाय धुवनु जुवे। 
\v 15 काहकि हाव तुमूक नमुनो देखाड़ देदु छे कि जोसो हाव तुमरे साथे करलो छे, तुमू भी तोसोज कर्‍या करू। 
\v 16 \x + \xo 13:16 \xo*\xt मत्ती 10:24; लूका 6:40; यहुन्ना 15:20\xt*\x*हाव तुमूक छे सच सच कयतु छे, दास आपसा भगवान रईन मोटु नी होय, आरू नी मुकल्या तेरो आरू आपने मकलनेवावा छे। 
\v 17 तु यी वात जानतु छे, आरू यदि उका पर चाल्या ते धन्य होछे। 
\v 18 हाव तुमूक सबन विषय मा नी कयतु; जीनाक हाव त्योन लेदु छे, हेको हाव जानतु छे; पुन यो एरकरीन छे कि चुखलो शास्त्रन यो वचन पूरो होय, ‘जु मार रोटा खातु छे, त्यो मेखे ला दिदो।’ 
\v 19 हिमी मी ओको होयनेन पेहल हेको जताए देता छे कि जव यो होय जाए ते तुमू विश्वास करू कि हाव त्यो छे। 
\v 20 \x + \xo 13:20 \xo*\xt मत्ती 10:40; मरकुस 9:37; लूका 9:48; 10:16\xt*\x*हाव तुमूक छे सच सच कयतु छे कि जु मार मकल्या तेरो मान्य करतु छे, त्यो मखे मान्य करतु छे; आरू जु मखे मानीया करतु छे, त्यो मारा मकलनेवावा काजे मान्य करता छे।”
\s विश्वासघातन तरफ संकेत
\p
\v 21 यी वात कयीन ईशु आत्मा मा व्याकुल होयु आरू यी गवाय दिदा, “हाव तुमूक छे सच सच कयतु छे कि तुमूम रईन एक मखे धरावछे।” 
\v 22 चेला संदेह छे, कि त्यो कुनीन विषय मा कयतु छे, एक दिसरान तरफ देखने लाग्या। 
\v 23 ओको चेलाम रईन एक जिनाक ईशु मोंग राखतु हतु, ईशुन छाती नी तरफ झुकीन बठलो हुतो। 
\v 24 शमौन पतरस हेरेन तरफ इशारू करीन उका पुछा, “कय ते, त्यो कुनीन विषय मा कयतु छे?” 
\v 25 तव त्यो ओको तरह ईशुन छातीन तरफ झुकला ओसला उका पुछा, “हे पोरबु, त्यो कुन छे?” 
\v 26 ईशु उका जवाब देदु, “जीनाक हाव रोटा भटकु बुडाड़ीन आपीस त्यो छे।” आरू ओकामा रोटा भटकु बुडाड़ीन शमौन इस्करियोतीन पोर्‍य यहूदा काजे आप देदु। 
\v 27 रोटा भटकु लेताज शैतान ओकामा समाय गयु। तव ईशु उका कयो, “जो तु करतु छे, चट करीन कर।” 
\v 28 पुन बठनेवावा मा छे कुनीन नी जान्या कि त्यो यी वात ओका सी काहय करने कयी। 
\v 29 यहूदा जु थयलु रयती हती, एरकरीन कुन–कुन समझा कि ईशु ओका सी कय रयु छे कि जो काहय हामुक तिवारन करता जुवे रया छे चो मोल लेसे, या यो कि गरीबो काजे काहय आपदे। 
\v 30 शेवली कावा त्यो बटकु लिन तत्काल बाहर जात रयु; आरू यो रातीन टेम हतु।
\s नवली हुकुम
\p
\v 31 जव चाँ बाहर जात रयु ते ईशु कयो, “हिमी मानसन पोर्‍या महिमा होई छे, आरू यहोवा–भगवानन महिमा ओकामा छे; 
\v 32 यदि ओकामा यहोवा–भगवानन महिमा होई छे, ते यहोवा–भगवान भी आपसा मा ओको महिमा करसे आरू चट करीन करसे। 
\v 33 \x + \xo 13:33 \xo*\xt यहुन्ना 7:34\xt*\x*हे नानला पोर्‍या, हाव आरू थुडूक टेम तुमरे साथ छे: मग तुमू मखे हेरसु, आरू जोसो हाव यहूदि या काजे कयो, जा हाव जातु छे चाँ तुमू नी आव सकता, तोसोज हाव हिमी तुमू भी कयतु छे। 
\v 34 \x + \xo 13:34 \xo*\xt यहुन्ना 15:12,17; 1 यहुन्ना 3:23; 2 यहुन्ना 1:5\xt*\x*हाव हेको एक नवली हुकुम देता छे कि एक दिसरा छे मोंग राखो; जोसो हाव तुमू छे मोंग राख्यु छे, तोसोज तुमू भी एक दिसरा साथे मोंग राखजु। 
\v 35 कदाम तुमु एक दिसरा सी मोंग राखसे, ती ओका सी सब लोगहन जान जासे कि तुमू म्हारा चेला छे।”
\s पतरसन ईशु क मानने सी मना करने न सहलाणी संकेत
\p
\v 36 शमौन पतरस उका कयो, “हे पोरबु, तु क जातु छे?” ईशु उका जवाब देदु, “जा हाव जातु छे चाँ तु हिमी मार पछळ आव नी सकता; पुन ओका बाद मार पछळ आवसे।” 
\v 37 पतरस उका कयो, “हे पोरबु, हिमी हाव तारे पछळ काँ नी आव सकता? हाव ते तार करता आपनु जीव भी आप देसु।” 
\v 38 ईशु उका जवाब देदु, “काय तु मार करता आपनु जीव आपसे? हाव तुखे सच सच कयतु छे कि कुकड़ा नी वाषे जव तु तीन वार मार मना नी कर लेछे।
\c 14
\s यहोवा–भगवान तक पुगनेन रस्तु
\p
\v 1 “तुमरो मन व्याकुल नी होय; यहोवा–भगवान पर विश्वास राखु आरू मखे पर भी विश्वास राखु। 
\v 2 मार बासन घर मा घोणा रवनेन जागु छे, यदि जागु नी रोवतु ते हाव तुमूक कय देतु; काहकि हाव तुमरे करता जागु तयार करने जतु छे। 
\v 3 आरू यदि हाव जाईन तुमरे करता जागु तयार करो, ते पछु आवीन तुमूक आपने चाँ जाईस कि जा हाव रवु चाँ तुमू भी रवु। 
\v 4 आरू जा हाव जातु छे तु चा वाट जानतु छे।” 
\v 5 थोमा उका कयो, “हे पोरबु, हामु नी जानता कि तु क जाय रयु छे; ते वाट कोसो जाने?” 
\v 6 ईशु उका कयो, “मार्ग आरू सच्चाई आरू जीवन हाव छे; बिना मार द्वारा कोय बास जु नी पुछ सकतु। 
\v 7 यदि तुमू मखे जान्या हता, ते मार बास काजे भी जानता; आरू हिमी जानता छे, आरू उका देख्या भी छे।”
\p
\v 8 फिलिप्पुस उका कयो, “हे पोरबु, बास काजे हामुक देखाड़ दे, यो हामरे करता खुब छे।” 
\v 9 ईशु उका कयो, “हे फिलिप्पुस, हाव इतरा दाहाड़ान तुमरे साथे छे, आरू काय तु मखे नी जानतु?” जु मखे नी देख्यु छे त्यो बास काजे नी देख्यु छे। तु काँ कयतु छे कि बास काजे हामु देख्या? 
\v 10 काय तु विश्वास नी करे कि हाव बास मा छे आरू बास मार मा छे? यी वात जी हाव तुमूक कयतु छे, आपसी तरफ रईन नी कयतु, पुन बास मखे मा रवीन आपसा काम करता छे। 
\v 11 मार विश्वास करू कि हाव बास मा छे आरू बास मखे मा छे; नी ते कामोन कारण मार विश्वास करू। 
\v 12 “हाव तुमूक से सच सच कयतु छे, कि जु मार पर विश्वास राखतु छे, यो काम जो हाव करतु छे त्यो भी करसे, वरना ओको रईन भी मोटो काम करसे, काहकि हाव बासन जु जातु छे। 
\v 13 जो काहय तु मार नाव रईन मांगसे, चो हाव करसु कि पोर्‍या द्वारा बासन महिमा होय। 
\v 14 यदि तुमू मखे मार नाव रईन काहय मांगसे, ते हाव उका करसु।
\s चुखलो आत्मान प्रतिज्ञा
\p
\v 15 “यदि तुमू मखे पर मोंग राखता छे, ते मार हुकुम काजे मानसे। 
\v 16 हाव बास काजे विनती करी, आरू त्यो तुमूक एक आरू मदतगार आपसे कि त्यो जलोम तुमरे साथे रवसे। 
\v 17 मतलब सच्चाई आत्मा, जीनाक संसार नी मान्य कर सके, काहकि त्यो उका देखतु छे आरू नी उका जानतु छे; तुमू उका जानता छे, काहकि त्यो तुमरे साथे रोवतु छे, आरू त्यो तुमूक मा छे।
\p
\v 18 “हाव तुमूक विखाळो नी सुड़ो; हाव तुमरे जु वापस आव रयु छे। 
\v 19 आरू थुड़ीक वार रया गय छे कि पछु संसार मखे नी देखसे, पुन तुमू मखे देखसु; एरकरीन कि हाव जीवतु छे, तुमूक भी जीवता रवसे। 
\v 20 उका दाहाड़े तुमू जानसु कि हाव आपसा बास मा छे, आरू तुमू मखे मा छे, आरू हाव तुमू मा छे। 
\v 21 जीनान जु मार हुकुम छे आरू त्यो हेको मानतु छे, त्यो मखे पर मोंग राखतु छे; आरू जु मके पर मोंग राखतु छे ओकामा मार बास मोंग राखतु छे, आरू हाव उकासे मोंग राखी आरू आपने आपसु उका पर प्रकट करी।” 
\v 22 त्यो यहूदा जु इस्करियोती नी हतु, हेके कयो, “हे पोरबु, काय हुयो कि तु आपने आपसु हामु पर प्रकट करने चाहतु छे आरू संसार पर नी?” 
\v 23 ईशु उका जवाब देदु, “यदि कोय मखे पर मोंग राखछे ते त्यो मार वचन काजे मानछे, आरू मार बास ओकामा मोंग राखछे, आरू हामु उका पास आवसु आरू उका साथे वास करसु।” 
\v 24 जु मखे उपर मोंग नी राखता, चाँ मार वचन नी मानता; आरू जो वचन तुमू सोंब्या छे चो मारो नी वरना बासन छे, जु मखे मोकल्यु। 
\v 25 “यी वात हाव तुमरे साथे रोवतु तवन कयलु।” 
\v 26 पुन मदतगार मतलब चुखलो आत्मा जीनाक बास मार नाव करीन मुकलसे, त्यो तुमूक सब वातु सिकाड़से, आरू जो काहय हाव तुमूक कयो छे, चो तुमूक सब याद करावसे। 
\v 27 हाव तुमूक शांती आपीन जाय रयु छे, आपसी शांती तुमूक आप रयु छे; जोसो संसार आपे छे, हाव तुमूक नी आपे: तुमरो मन व्याकुल नी हुयो आरू नी डरे। 
\v 28 तुमू सोंब्या कि हाव तुमूक कयो, “हाव जातु छे, आरू तुमरे जु पछु आवीस। यदि तुमू मखेमा मोंग राखता ते ओको वात पर खुश हता कि हाव बासन जु जातु छे, काहकि बास मार रईन मोटु छे।” 
\v 29 आरू हाव हिमी यी वात होयनेन पेहल तुमूक कय देदु छे, कि जव ची वात होय जाये, ते तुमू विश्वास करू। 
\v 30 हाव हिमी तुमरे साथे आरू खुब वातु नी करसु, काहकि इना संसारन सरदार आवतु छे। मखे पर हेरेन कोय हक नी छे; 
\v 31 पुन यो एरकरीन हतलो छे कि संसार जाने कि हाव बास साथे मोंग राखतु छे, आरू जोसो बास मखे हुकुम देदु हाव तोसोज करतु छे। उठु या रईन चालु।
\c 15
\s ईशुन सच्ची दाखलता
\p
\v 1 “सच्ची दाखलता हाव छे, आरू मारू बास किसान छे। 
\v 2 जी झाड़कान डाव मखे मा छे आरू नी फवती, उका त्यो काट नाखे छे; आरू जी फवती छे, उका त्यो छाटो देतु छे काहकि आरू फवे।” 
\v 3 तु ते तीन वचन क कारण जो हाव तुमूक कयो छे, चुखो हुयो। 
\v 4 तु मखे मा बवना रवु, आरू हाव तुमूक मा। जोसो डाव जेतार दाखलता मा बवनी नी रवे, ते आपने आपसेमा नी फव सके, तोसाच तुमू भी मखे मा बवना नी रवे ते नी फव सकता। 
\v 5 हाव दाखलता छे: तुमू झाड़कान डाव छे। जु मखेमा बवनु रोवतु छे आरू हाव ओकामा, चाँ बैस फव फवता छे, काहकि मखे रईन अलग होईन तु काहय नी कर सके। 
\v 6 यदि कोय मखेमा बवना नी रवे, ते ओका सी डावन सारखा नाख देता छे, आरू सुख जातु छे; आरू मानसे हेको उचलीन आगठा मा नाख देता छे, आरू चाँ सिलगी जाती छे। 
\v 7 यदि तुमू मखे मा बवना रवु आरू मारो वचन तुमू मा बवनो रवे, ते जो चाहे चो मांगु आरू चो तुमरे करता होय जाछे। 
\v 8 मार बासन महिमा एर रईन हतली छे कि तुमू बैस फवे लावु, तव तुमू मारा चेला ठरहत। 
\v 9 जोसो बास मारमा मोंग राख्यु, तोसोज हाव तुमूक पर मोंग राखतु छे; मार मोंग मा बवना रवु। 
\v 10 यदि तुमू मार हुकुम मानता छे, ते मार मोंग मा बवना रवसे; जोसो कि हाव आपसा बासन हुकुम काजे मानला छे, आरू हेरेन मोंग मा बवना रवता छे। 
\v 11 हाव यी वात तुखे एरकरीन कयो छे, कि मार खुशी तुमूक मा बवना रवे, आरू तुमरो खुशी पुरो होय जाये।
\p
\v 12 \x + \xo 15:12 \xo*\xt यहुन्ना 13:34; 15:17; 1 यहुन्ना 3:23; 2 यहुन्ना 1:5\xt*\x*“मार हुकुम यी छे, कि जोसो हाव तुमू पर मोंग राख्या, तोसोज तुमू भी एक दिसरा साथे मोंग राखु।” 
\v 13 एर रईन मोटो मोंग काहनान नी कि कोय आपसा दोस्तन करता आपनु जीव आपदेय। 
\v 14 जी हुकुम हाव तुमूक देतु छे, यदि उका माने ते तु मार दोस्त छे। 
\v 15 हिमी रईन हाव तुमूक दास नी कयो, काहकि दास नी जानतु कि हेरेन पोरबु काय कयतु छे; पुन हाव तुमूक दोस्त कयो छे, काहकि हाव जी वातु आपसा बास जु सोंब्यु, ची सब तुमूक कय देदु। 
\v 16 तुमू मखे नी निवाड़्या पुन हाव तुखे निवाड़या छे आरू तुमूक नियुक्त कर्‍यु कि तु जाईन फव लावु आरू तुमूरो फव बवनु रवे, कि तु मार नाव से जो काहय बास पर मांग्यु, त्यो तुमूक आपे। 
\v 17 ओको वातन हुकुम हाव तुमूक एरकरीन देतु छे कि तुमू एक दिसरा मोंग राखु।
\s संसार साथे दुस्मनी
\p
\v 18 “यदि संसार तुमक रईन बैर राखता छे, ते तुमू जानता छे कि त्यो तुमूक रईन पेहल मखे रईन बैर राख्या।” 
\v 19 यदि तु संसारन रोवतु, ते संसार आपसा तोसु मोंग राखतु, पुन इना कारण कि तुमू संसारन नी छे, वरना हाव तुमूक संसार मा रईन निवाड़ लेदु छे, ओको करता संसार तुमूक से बैर राखतु छे। 
\v 20 \x + \xo 15:20 \xo*\xt मत्ती 10:24; लूका 6:40; यहुन्ना 13:16\xt*\x*जी वात हाव तुखे कयो हतु, “दास आपसा भगवान रईन मोटु नी होतलु” उका याद राखु। यदि चाँ मखे विताड्या, ते तुमूक भी विताड़छे; यदि चाँ मार वात मान्या, ते तुमरी भी मानछे। 
\v 21 पुन यो सब काहय चाँ मार नावन कारण तुमरे साथे करसे, काहकि चाँ मारा मोकलनेवाला नी जानता। 
\v 22 यदि हाव नी आवतु आरू उकासे वात नी करता, ते त्यो पापी नी ठरतु; पुन हिमी हेको हेरेन पापन कारण कोय बहानो नी जुवे। 
\v 23 जु मार छे बैर राखतु छे, त्यो मार बास छे बैर राखतु छे। 
\v 24 यदि हाव ओका चो काम नी करे जो आरू कोय नी कर्‍यु, ते चाँ पापी नी कहवाये; पुन हिमी ते चाँ मखे आरू मार बासक दुय काजे देख्या आरू दुयो से बैर कर्‍या। 
\v 25 यो एरकरीन हुयो कि चो वचन पुरो होय, जो ओका व्यवस्था मा लिख्यो छे, “चाँ मखे से व्यर्थ बैर कर्‍या।” 
\v 26 पुन त्यो मदतगार आवसे, जिनाक हाव तुमरे जु बासन तरफ रईन मोकलसु, मतलब सच्चाई आत्मा जी बासन तरफ से निकलती छे, ते त्यो मार गवाय देसे; 
\v 27 आरू तुमू भी मार गवाय छे काहकि सोरू रईन तुमू मार साथे रोवला छे।
\c 16
\p
\v 1 “यी वातु हाव तुमू छे एरकरीन कयो कि तुमू ठुकर मा खावु। 
\v 2 चाँ तुमूक आराधना घर मा रईन नीकाव देसे, वरना त्यो टेहाव आवतु छे, कि जु कोय तुमूक मार नाखछे त्यो समझे कि हाव यहोवा–भगवानन सेवा करतु छे। 
\v 3 ओसो यो एरकरीन करसे कि चाँ नी बास काजे जान्या आरू नी मखे जानता छे। 
\v 4 पुन यी वातु हाव एरकरीन तुमूक कयो, कि जव ओका टेहाव आवे ते तुमूक याद आव जाये कि हाव तुमूक पेहल कय देदु हतु।
\s चुखलो आत्मान काम
\p “हाव सोरवात मा तुखे यी वात एरकरीन नी कयो काहकि हाव तुमरे साथे हतु। 
\v 5 पुन हिमी हाव आपसा मकलनेवालान जु जातु छे; आरू तखेम रईन कोय मखे नी पुछता, ‘तु क जाय रयु छे?’ 
\v 6 पुन हाव जी यी वात तुखे कयो छे, एरकरीन तुमरो मन शोक रईन भर गयो छे। 
\v 7 तेभी हाव तुखे सच कय रयु छे कि मारो जानु तुमरे करता वारलो छे, काहकि यदि हाव नी जावो ते चाँ सहायक तुमरे जु नी आवे; पुन यदि हाव जासु, ते उका तुमरे जु मोकलीह। 
\v 8 त्यो आवीन संसार काजे पाप आरू न्यायपन आरू न्यायन विषय मा अमरकाय करसे। 
\v 9 पापन विषय मा एरकरीन कि चाँ मखे पर विश्वास नी करता; 
\v 10 आरू न्यायपनन विषय मा एरकरीन कि हाव बासन जु जातु छे, आरू तु पछु मखे नी देखछे; 
\v 11 न्यायन विषयमा एरकरीन कि संसारन सरदार दोषी ठरावलु गयु छे।
\p
\v 12 “मखे तुमूक छे बैस वात कयनो छे, पुन हिमी तु हेको सहन नी कर सके। 
\v 13 पुन जव चाँ मतलब सच्चाईन आत्मा आवसे, ते तुमूक सब सच्चाईन मार्ग कयसे, काहकि त्यो आपने तरफ रईन नी कये पुन जो काहय सोंबवछे चोज कयसे, आरू आवनेवावी वात तुमूक कयसे। 
\v 14 त्यो मार महिमा करसे, काहकि त्यो मार वातु मा रईन लिन तुमूक कयसे। 
\v 15 जो काहय बासन छे, चो सब मरो छे; एरकरीन हाव कयो कि त्यो मार वातम रईन लिन तुमूक कयसे।
\s दुःख सुख मा बदली जाछे
\p
\v 16 “थुड़ाक टेम मा तु मखे नी देखछे, आरू पछु थुड़ाक देम मा मखे देखछे।” 
\v 17 तव ओको काहय चेला आपसु मा कयो, “यो काय छे जो हामुक कयतु छे, ‘थुड़ाक टेम मा मखे नी देखछे, आरू थुड़ाक टेम मा मखे देखछे?’ आरू चाँ एरकरीन कि हाव बासन जु जातु छे?” 
\v 18 तव हेकोने कयो, “या ‘थुड़ीक टेम’ जो त्यो कयतु छे, काय वात छे? हामु जानता कि त्यो काय कयतु छे।” 
\v 19 ईशु यो जानीन कि चाँ मखे पुछने चाहता छे, त्यो कयो, “काय तुमू आपसु मा यी मार वातन विषय मा पुछताछ करता छे, ‘थुड़ाक टेम मा तु मखे नी देखछे, आरू थुड़ाक टेम मा मखे देखछे?’ 
\v 20 हाव तुमूक सच सच कय रयु छे कि तुमू रड़हत आरू विलाप करसे, पुन संसार खुशी करसे, तुमूक शोक होयछे, पुन तुमरू शोक खुशी मा बदल जाछे। 
\v 21 फकड़ायनेन टेहाव बाई काजे शोक होतलो छे, काहकि ओको दुःखन घड़ी आव पुची छे, पुन जव ची पोर्‍या काजे जनम आप देती छे, ते ओको खुश रईन कि संसार मा एक मानसन पैदा हुयो, उका संकट काजे पछी याद नी करती छे। 
\v 22 उका टायपन तुमूक भी हिमी ते शोक छे, पुन हाव तुखे पछु मिवायी आरू तुमरो मन खुशी रईन भर जाछे; आरू तुमरो खुशी कोय तुमूक पर रईन सांडाड़ नी लेछे। 
\v 23 उका दाहाड़े तुमू मखे काहय नी पुछनु। हाव तुमूक सच सच कय रयु छे, यदि बास पर काहय मांगसु, ते त्यो मार नाव छे तुमूक आपसे। 
\v 24 हिमी तक तुमू मार नाव पर काहय नी मांग्या; मांगु, ते जड़से ताकि काहकि तुमरो खुशी पुरो होय जाछे।
\s संसार पर विजय
\p
\v 25 “हाव यी वात तुमूक उदाहरण मा कयो छे, पुन त्यो टेम आवतु छे कि हाव तुमूक दृष्टान्तों मा नी कयो, पुन खुलीन तुमूक बासन विषय मा कहवीस। 
\v 26 उका दाहाड़ा रईन तुमू मार नाव लिन मांगसु; आरू हाव तुमूक यो नी कयतु कि हाव तुमरे करता बास साथे विनती करसु; 
\v 27 काहकि बास आपसु तुमूक मोंग राखतु छे, एरकरीन कि तु मखे पर मोंग राखतु छे आरू यो भी विश्वास कर्‍यु छे कि हाव बासन तरफ रईन आयु छे। 
\v 28 हाव बासन तरफ रईन जगत मा आयु छे; हाव पछु जग सुड़ीन बासन जु जातु छे।”
\p
\v 29 ओको चेला कयो, “देखु, हिमी ते तु खुलीन कयतु छे, आरू कोय दृष्टान्त नी कयतु। 
\v 30 हिमी हामु जान गया छे कि तु सब काहय जानतु छे, आरू जरूरत नी कि कोय तुखे काहय पुछे; ओका सी हामु विश्वास करता छे कि तु यहोवा–भगवानन तरफ छे आयु छे।” 
\v 31 यो सोमवीन ईशु उका कयो, “काय तुमू हिमी विश्वास करता छे? 
\v 32 देखु, ची घड़ी आवती छे वरना आव पुगी छे कि तुमू सब तितर–बितर होईन आपसा मार्ग लेसु, आरू तुखे एखलु छुड़ दिदा छे; तैभी हाव एखला नी काहकि बास मार साथे छे। 
\v 33 हाव यी वात तुमूक एरकरीन कयो कि तुमूक मखे मा शांती मिवे। संसार मा तुमूक पीड़ा होयतो छे, पुन ढाढ़स बांधु, हाव संसार काजे जीत लेदु छे।”
\c 17
\s ईशुन डाहला पुजारान प्रार्थना: खुदन करता
\p
\v 1 ईशु यी वात कयो आरू थार डुवा आकाश तरफ उठावीन कयो, “हे बास, ची घड़ी आव पुगी छे; आपसा पोर्‍या महिमा कर कि पोर्‍य भी तारी महिमा करे, 
\v 2 काहकि तु ओका सी सब मानसो पर हक देदु, कि जीनुक तु ओका सी देदु छे तीनु सबह त्यो अमरकाय जीवन आपे। 
\v 3 आरू अमरकाय जीवन यो छे कि चाँ तुखे एकुत् सच्चा यहोवा–भगवान काजे आरू ईशु मसीह काजे, जीनाक तु मोकल्या छे, जाने। 
\v 4 जो काम तु मखे करने काजे देदु हतु, उका पूरो करीन हाव धरती पर तारी महिमा कर्‍यु छे। 
\v 5 हिमी हे बास, तु आपने साथे मारी महिमा उका महिमा छे कर जी जगतन सृष्टिन पेहल, मारी तार साथे हती।
\p
\v 6 “हाव ते तारो नाव चाँ मानसो पर प्रकट कर्‍यु छे जीनाक तु जगत मा रईन मखे देदु। चाँ तारा हता आरू तु हेको मखे देदु, आरू चाँ तारो वचन काजे मान लेदा छे। 
\v 7 हिमी चाँ जान गया छे कि जो काहय तु मखे देदु छे चो सब तार तरफ छे; 
\v 8 काहकि जो वचन तु मखे देदु, आरू चाँ ओका सी मान्य कर्‍यु, आरू सच सच जान लेदु छे कि हाव तार तरफ रईन आयु छे, आरू विश्वास कर लेदु छे कि तुच मखे मकल्यु। 
\v 9 हाव ओको करता रावन्या करतु छे; संसारन करता रावन्या नी करतु पुन ओको करता जीनुक तु मखे देदु छे, काहकि चाँ तारा छे; 
\v 10 आरू जो काहय मारो छे चो सब तारो छे, आरू जो तारो छे चो सब मारो छे, आरू ओका सी मारी महिमा प्रगट होईली छे। 
\v 11 हाव हिमी जगत मा नी रयो, पुन या जग मा रयछे, आरू हाव तार जु आवतु छे। हे चुखलो बास, आपसा ओको नाम छे जो तु मखे देदु छे, ओको रक्षा करीन चाँ हामरे समान एक हुयो। 
\v 12 जब हाव ओको साथे हतु, ते हाव तार ओको नाम छे, जो तु मखे देदु छे ओको रक्षा कर्‍यु। हाव ओको पूस तास कर्‍यु, आरू विनाशन पोर्‍या काजे छुड़ ओकामा रईन कोय नष्ट नी होया, एरकरीन कि चुखलो शास्त्र मा जो कयो गयो चो पूरो हुयो। 
\v 13 हिमी हाव तार जु आवतु छे, आरू यी वात जगमा कयतु छे, कि चो मारो खुशी आपसु मा पूरो जड़से। 
\v 14 हाव तारो वचन हेको पुगाड़ देदु छे; आरू संसार उकासे बैर कर्‍या, काहकि जोसो हाव संसारन नी, तोसाज चाँ भी संसारन नी। 
\v 15 हाव यी रावन्या नी करता कि तु हेको जगत रईन उठाव ले; पुन यो कि तु हेको ओको शैतान रईन बचाढ़ीन राखे। 
\v 16 जोसो हाव संसारन नी, तोसाज चाँ भी संसारन नी। 
\v 17 सच्चाई द्वारा हेको चुखलो कर: तार वचन सच्चाई छे। 
\v 18 जोसो तु मखे जगत मा मकल्यु, तोसोज हाव भी हेको जगत मा मकल्यु; 
\v 19 आरू ओको करता हाव आपने आपसु चुखलो करतु छे, ताकि चाँ भी सच्चाई द्वारा चुखलो कर्‍या जाछे।
\p
\v 20 “हाव केवल हेकोन करता रावन्या नी करता, पुन ओको करता भी जो ओको वचन क द्वारा मखे पर विश्वास करसु, 
\v 21 क चाँ सब होय; जोसो तु छे बास मखे मा छे, आरू हामव तुखे मा छे, तोसाज चाँ भी हामु मा छे, तोसलाप संसार विश्वास करे कि तुज मखे मकल्यु छे। 
\v 22 ची महिमा जी तु मखे देदु हाव हेको देदु छे, कि चाँ तोसाज छे जोसा कि हामु एक छे, 
\v 23 हाव ओकामा आरू तु मखे मा कि चाँ सिद्ध होईन एक होय जाछे, आरू संसार जाने कि तुझ मखे मकल्यु, आरू जोसो तु मखे पर मोंग राखे तोसोज उकासे मोंग राखु। 
\v 24 हे न्यायी बास, हाव चाहतु छे कि जीनुक तु मखे देदु छे, जा हाव छे वा चाँ भी मार साथे रोवे, कि चाँ मारी ओको महिमा देखु जो तु मखे देदु छे, काहकि तु जगन उत्पत्ती छे पेहल मखे जु मोंग राख्यु। 
\v 25 हे न्यायी बास, संसार मखे नी जान्यु, पुन हाव तुखे जान्यु; आरू चाँ भी जान्या कि तुझ मखे मकल्यु छे। 
\v 26 हाव तार नाव ओका सी कयो आरू कयतु रोवी कि जो मोंग तुखेह मखे छे हतो चो ओकामा रोवे, आरू हाव ओकामा रोवे।”
\c 18
\s बगीच्या मा ईशु क धरावनु
\p
\v 1 ईशु ने वात कयीन आपसा चेला साथे किद्रोन नदिन पार गया। चाँ एक वाड़ी हती, जीनाम वा आरू हेरेन चेला गया। 
\v 2 ओका सी धरावनेवावा यहूदा भी त्यो जागु जानतु हतु, काहकि ईशु आपसा चेला साथे वा जाया करतु हतु, 
\v 3 तव यहूदा, सैनिकन एक टुकड़ी काजे आरू प्रधान पुजारो आरू फरीसियोन तरफ रईन प्यादा काजे लीन, दिवा आरू मशाल आरू हथियारे लेता चाँ आया। 
\v 4 तव ईशु, तीन सब वातु जु तीना पर आवनेवावी हती जानीन, निकल्यो आरू ओका सी कयो, “कुनीक देख रया छे?” 
\v 5 हेकोने ओका सी जवाब दिदा, “ईशु नासरत काजे।” ईशु ओका सी कयो, “हाव छे।” ओका सी धरावणेवावु यहूदा भी हेरेन साथे उभु हतु। 
\v 6 ओका सी यो कयताज, “हाव छे” त्यो पछळ वसरीन धरती पर पड़ गया। 
\v 7 तव त्यो पछु ओका सी पूछु, “तुमू कुनीक देख रया छे।” त्यो बुल्यु, “ईशु नासरत काजे।” 
\v 8 ईशु जवाब देदु, “हाव ते तुखे कय त्योक्यु छे कि हाव छे, यदि मखे देखतु छे ते हेको जाने देऊ।” 
\v 9 यो एरकरीन हुयो कि चो वचन पूरो हुयो जो त्यो कयो हतु: “जीनुक तु मखे देदु ओकामा रईन हाव एकाह भी नी नाख्यु।” 
\v 10 तव शमौन पतरस तलवार, जी हेरेन जु हती, खींची आरू पुजारान दास पर चालाड़ीन हेरेन डाखर्‍यु कान काट देदु। ओको दासन नाव मलखुस हतो। 
\v 11 \x + \xo 18:11 \xo*\xt मत्ती 26:39; मरकुस 14:36; लूका 22:42\xt*\x*तव ईशु पतरस काजे कयो, “आपसी तलवार म्यान मा हावक। जो कटोवरो बास मखे आपलो छे, काय हाव ओको नी पीऊ?”
\s हन्नान समक्ष ईशु
\p
\v 12 तव सैनिकों आरू ओका सूबेदार आरू यहूदि यान प्यादा ईशु काजे धरीन बांध दिदा, 
\v 13 आरू पेहल ओको हन्ना जु ली गया, काहकि चाँ तीन सालन डाहला पुजारा कैफान सोसरू हतु। 
\v 14 \x + \xo 18:14 \xo*\xt यहुन्ना 11:49,50\xt*\x*यो कैफा नावन एक मानुस जु तीन सालन पुजारो हतु, के हामरा मानसो करता केवल एक मानसो मरनु जुवे।
\s पतरस ईशु क मानने सी मना करनो
\p
\v 15 शमौन पतरस आरू एक दिसरा चेला भी ईशुन पछळ चाल दिदा। एरकरीन चाँ ईशु साथे पुजारा आंगनामा गयु, 
\v 16 पुन पतरस बाहरते झोपला पर उभु रोवे। तव यु दिसरू चेलु जु पुजारा जानु–पेहचानु हतु, बाहरते निकल्यु आरू झपलावाला कयीन पतरस काजे माहय ले आयु 
\v 17 ची दासी जी झपला पर हती, पतरस कयो, “क तु भी ओको मानसोन चेला माहयलु ते नी छे?” त्यो कयो, “हाव नी छे।” 
\v 18 दास आरू प्यादा जाड़ेन कारण कुयला धधकाकर उबा आगठो तापाय रोया हता, आरू पतरस भी हेरेन साथे आगठो तापाय रोयु हतु।
\s पुजारा द्वारा ईशुन पूछताछ
\p
\v 19 तव डाहला पुजारा ईशु से हेरेन चेलान विषय मा आरू हेरेन विषय मा पुछताछ कर्‍या। 
\v 20 ईशु ओका सी जवाब देदु, “हाव संसार साथे खुलीन वात कर्‍यु; हाव आराधना घरो आरू मंदिर मा, जा सब यहूदि एखठा होया करता छे, सदा शिक्षा कर्‍या आरू सातायलो मा काहय भी नी कयो। 
\v 21 तु मखे से काय पुछता छे? सोंमवनेवावा पूछतास कि हाव ओका सी काय कयो। देख, चाँ जानता छे कि हाव काय काय कयो।” 
\v 22 जव त्यो यो कयो, ते प्यादा मा रईन एक जु साथे उभु हतु, ईशु थापुड़ देदु आरू कयो, “काय तु डाहला पुजारा काजे ओको तरह जवाब देदु छे?” 
\v 23 ईशु ओका सी जवाब देदु, “यदि हाव काहय बुरो कयो, ते ओको बुराईन गवाय आप; पुन यदि वारलो कयो, ते मखे काँ देतलु छे?” 
\v 24 हन्ना उका बांधल कैफा डाहला पुजारा साथे मकली देदु।
\s पतरसन ईशुन उवखनेन पछु नाकार
\p
\v 25 शमौन पतरस उबा होईन आगठो तापाय रया हता। तव चाँ ओका सी कयो, “क तु भी हेरेन चेलाम रईन ते नी छे?” त्यो नाकार करीन कयो, “हाव नी होय।” 
\v 26 पुजारा सेवक मा एक, हेरेन परिवार माहयलु हतु जीनान कान पतरस काट देदु हतु, कयो, “काय हाव तुखे हेरेन साथे वाड़ी मा नी देख्या हता?” 
\v 27 पतरस पछो नाकार कर देदु, आरू चटकरीन कुकड़ा वाषने लाग्यो।
\s पिलातुसन सामने ईशु लावनु
\p
\v 28 तव चाँ ईशु काजे कैफा साथे किला मा ली गया, आरू भोरन टेम हतु, पुन चाँ तुमू किलान माहय नी गया ताकि विटळ नी हुयो पुन फसह खाय सकें। 
\v 29 तव पिलातुस हेरेन जु बाहर निकल आयु आरू कयो, “तुमू इन मानसो पर कोसली वातन गुणु लागाड़ता छे?” 
\v 30 हेकोने ओका सी जवाब देदु, “यदि त्यो खराब नी हतु ते हामु इनाक तारे हाथे नी सोपता।” 
\v 31 पिलातुस ओका सी कयो, “तुमू इनाक ली जाईन आपसी व्यवस्थान लारे हेरेन न्याय करू।” यहूदि या ओका सी कयो, “हामु हक नी कि कुनीन जीव लेनु।” 
\v 32 यो एरकरीन हुयो कि ईशुन ची वात पूरी हुयो जो हेरेने यो संकेत देते वोखे कयो हतु कि हेरेन मरन कोसी होयसे।
\p
\v 33 तव पिलातुस पछु किलान माहय गयु, आरू ईशु काजे बुलावीन उका पूछु, “काय तु यहूदि यान राजु छे?” 
\v 34 ईशु जवाब देदु, “काय तु यी वात आपसी तरफ रईन कयतु छे कि दिसरा मारा विषय मा तुखे यो कयो छे?”
\p
\v 35 पिलातुस जवाब देदु, “काय हाव यहूदि मानसे छे? तारी जात आरू प्रधान पुजारा तुखे मार साथे सौप्यु छे। तु काय कर्‍यु छे?”
\p
\v 36 ईशु जवाब देदु, “मार राज्य इना संसारन नी; यदि मार राज्य इना संसारन रोवतो, ते मार सेवक लड़ता कि हाव यहूदि यान हाथ मा सौपलु नी जातु: पुन मार राज्य यान नी छे।”
\p
\v 37 पिलातुस जवाब देदु, “ते काय तु राजु छे?” ईशु जवाब देदु, “तु कयतु छे कि हाव राजु छे। हाव एरकरीन जनम लेदु आरू एरकरीन संसार मा आयु छे कि सच्चाईन गवाय देव। जु कोय सच्चाईन छे, त्यो मार शब्द सोमवीन छे।” 
\v 38 पिलातुस उका कयो, “सच्चाई काय छे?”
\s ईशु क मोत क दण्ड
\r (मत्ती 27:15-31; मरकुस 15:6-20; लूका 23:13-25)
\p
\v 39 “पर तुमरी यी वात रीति छे कि हाव फसह मा तुमरे करता एक मानसो काजे छुड़ देव। अळते: काय तुमू चाहता छे कि हाव तुमरे करता यहूदि यान राजा काजे छुड़ देव?” 
\v 40 तव हेकोने पछु आयड़ीन कयो, “इनान नी, पुन हामरे करता बरअब्बा काजे छुड़ दे।” आरू बरअब्बा डाकु हतु।
\c 19
\s कुड़ा लागङनो आरू वायकेड़ा उङावनो
\m
\v 1 अतरा पर पिलातुस ईशु क लीन कुड़ा लागाङवायो। 
\v 2 आरू सिपायड़ा काँटान मुकुट गुथीन हेका मुनका पर मेलमिलाप, आरू हेको बैंगनी उपर वाळा छिंदरा पेहराया, 
\v 3 आरू तीना जु आवीन कयनो लाग्या, “है यहूदिया क राजा, नमस्कार!” आरू तीनाह थापुड़ दिदा।
\p
\v 4 तव पिलातुस ओळी बाहर निकळीन लोगहन क कयो, “देखु, हाव हेको तुमरे जुळ ओळी बाहर लावो; काहकि तुमू जानु की हाव एका काय भी गुणू नी देखियो।”
\s कुरूस पर चढ़ावने जुगु ईशु क लोगहन हात मा करनो
\m
\v 5 तव ईशु क काटान मुकुट आरू बैंगनी छिंदरा पेहरलो बाहर निकळयो आरू पिलातुस ओको कयो, “देखु, यो, मानुस।”
\p
\v 6 जव डाहलो पुजारा आरू चाकरीयो हेको देखिया, तो आयड़ीन कयो, “हेको कुरूस पर चढ़ावु, कुरूस पर!” पिलातुस हेनको कयो, “तुमूत् हेको ली जाईन कुरूस पर चढ़ावु; काहकि म्हार निगाम यो गुणेगार नी होय।”
\p
\v 7 “यहूदि या हेको जवाब दिदा, हामरो भी नियम छे आरू तिना नियम न अनसारे हयो मार नाखने जुगु छे काहकि हयो आपसा क यहोवा–भगवान न पोर्‍या देखाङे।”
\p
\v 8 जव पिलातुस यी वात सोमळियो ती आरू भी बीह गयो।
\p
\v 9 “आरू ओळी किला न माहयता गया आरू ईशु छे कयो, तु काँ वाळो छे?” पर ईशु हेके काहय भी जवाब नी दिदो। 
\v 10 पिलातुस हेके कयो, “म्हार छे काँ नी बुलतो? काय तु नी जाने कि तुखे छुड़ देने क हक हाव छे आरू तुखे कुरूस पर चढ़ावनेन हक छे।”
\p
\v 11 ईशु जवाब दिदो, “कदाम तुखे ऊपर छे यो हक नी दियो जातो, ती तारो म्हार पर काय हक नी रहतो; हतरान करता जो हावखे तारा हात मा धरावलो छे, हेको पाप सवटो छे।”
\p
\v 12 हतरान करिन पिलातुस हेको छुड़ देनो चाहतलो, पर यहूदि या आयड़ीन कयो, “कदाम तु हेकेक छुड़ दिस ती तु कैसर न दुस्तिदार नी कहवाये; जो कोय आपसा क राजा बनावे त्यो कैसर न सामनो करे।”
\p
\v 13 यी वात सोमळीन पिलातुस ईशु क बाहर लायो आरू तिना धरती पर एक चबुतरो होतो, जो इब्रानी “गब्बता” कहवायतलो, आरू नियाव नी गाद्दी पर बठ्यो। 
\v 14 यो फसह न तिहवार न दाहड़ो होतो आरू छटवा घंटा धोड़े वोड़ होतो; तव त्यो यहूदि या छे कयो, “देखु, यो छे, तुमरो राजा छे, तुमरो राजा।”
\p
\v 15 पर त्या आयड़े लागिया, “ली जा! ली जा! हेको कुरूस पर चढ़ावलो!”
\p पिलातुस हेनको कयो, “काय हाव तुमरा राजा क कुरूस पर चढ़ावो?”
\p डाहला पुजारा जवाब दिदा, “कैसर क छुड़ीन हामरो राजा कोय नी होय।”
\p
\v 16 तव त्यो ओका हात मा सोंप दिदा कि त्यो कुरूस पर चढ़ायो जाय।
\s ईशु क कुरूस पर चढ़ावनो
\r (मत्ती 27:32-44; मरकुस 15:21-32; लूका 23:26-43)
\p
\v 17 तव त्या ईशु क ली गया। आरू त्यो आपसो कुरूस हाकलीन तीना धरती पर तक बाहर गयो, जो खोपड़ी न जागो कवाये आरू इब्रानी मा “गुलगुता।” 
\v 18 चाहे त्या हेके आरू हेका सात मा दूय मानुस क कुरूस पर चढ़ाया, एका क इना धोङ मा आरू एका क उना धड़ मा, आरू ईशु क वीच मा। 
\v 19 आरू पिलातुस एक दोष पत्री लिखीन कुरूस पर लटकाड़ दिदो आरू ओका मा यो लिखीयो होतो, “ईशु नासरत यहूदि या न राजा।” 
\v 20 यो दोष पत्री घण सवटा यहूदि या भणिया काहकि त्यो जागो जा सारी ईशु कुरूस पर चढ़ायो गयो होतो नगर न पास होतो आरू इब्रानी आरू लातीनी आरू यूनानी मा लिखीयो होतो। 
\v 21 तव यहूदि या न डाहला पुजारा पिलातुस क कयो, “यहूदि या न राजा मा लिख पर यो लिख कि हयो कयो कि हाव यहूदि यान राजा छे।”
\p
\v 22 “पिलातुस जवाब दिदो, हाव जो लिख दिदो, चो लिख दिदो।”
\p
\v 23 जव सिपायड़ा ईशु क कुरूस पर चढ़ाय चुकिया, ती हेका लुगड़ा लीन चार भाग बनाड़े, हर सिपायड़ा जुगे एक भाग आरू सुटर भी लेदा, पर कुर्ता मा सीवन लागली नी हुती ऊपर सी नेचो तक बुनलो होतो; 
\v 24 हतरान करिन त्या आपसु कयो, “हामु इनाक नी फाड़ता, पर इना पर पत्री नाखजे कि त्यो कुनीन होयछे।” यो अतरानकरीन करिन हुयो, कि चुखलो शास्त्रन वात पुरी हुयो,
\q1 “त्या म्हारा छिन्दरा आपसु वाट लेदा
\q2 आरू म्हारा छिंदरा पर चट्ठी नाखिया,
\m यो काम सिपायड़ा करिया।”
\p
\v 25 ओळतेन सिपायड़ा ओसात् करिया। पर ईशु न कुरूस न पास हेकी आश आरू हेकी आश न बहिनीस मरियम, क्लोपासन, घर वाळी आरू मरियम मगदलीनी ऊब रया हुती। 
\v 26 “ईशु आपसी माय आरू तिना चाकरीयो क जिना छे त्यो मोंग राखतो होतो पास मा ऊबो देखीन आपसी माय छे कयो, ओ बाई, देख, यो तारो पोर्‍या छे।”
\p
\v 27 “तव तिना चाकरीयो छे कयो, देख, यी तारी माय छे।” आरू तिने टेहाव छे त्यो चेलो, हेकेक आपसे घर ली गयो।
\s कामोन पुरो होयनो
\r (मत्ती 27:45-56; मरकुस 15:33-41; लूका 23:44-49)
\m
\v 28 ओळतेन ईशु यो जानीन कि हाय आखो काय छे चो पुरो हुयो; हतरान करता कि चुखलो शास्त्रन वात पुरी हुयो कयो, “हाव पिसलो छे।”
\p
\v 29 चाहे एक सिरका छे भरायलो टाहरो होतो, हेरेन करिन त्या छिंदरो लेपटायलो लाकड़ो सिरका मा डुबायो हेका मुय छे लागाङिया।
\p
\v 30 जव ईशु त्यो सिरको लेदो, ती कयो, “पुरो हुयो” आरू माथो नेचो करिन जीव छुड़ देदो।
\s भालो गपनो
\p
\v 31 आरू अतरानकरीन करिन त्यो तियारी न दाहड़ो होतो, यहूदि या पिलातुस विनती करिया की, कि हेनका पाय तुङ देयो आरू हेनको नेचा उतारे कि आरामन दाहड़े त्या कुरूस पर नी रये, काहकि त्यो आरामन दाहड़ो मोटो दाहड़ो होतो। 
\v 32 अतरानकरीन करिन सिपायड़ा आवीन पेहेलान पाय तुङिया तव दिसरान भी तुङिया, जो हेका सात मा कुरूस पर चढ़ाया गया हुता। 
\v 33 पर जव ईशु पास आवीन देखिया कि हुयो मर गयो, ती हेका पाय नी तुङिया। 
\v 34 पर सिपायड़ा माईन एक जनो भाला छे हेका पंजा मा भालो गुपीया आरू ओकाम छे तत्काल लुहूय यो आरू पानी निकळी पड़ियो। 
\v 35 जो यो देखियो, त्यो गवाय दिदो, आरू हेकी छाची छे; आरू त्यो जाने, आरू सच कहे कि तुमू विश्वास करो। 
\v 36 यी वात हतरान करिन होय कि चुखलो शास्त्रन वात पुरी हुयो, “हेकी काहली भी हाङकी नी तुड़े।” 
\v 37 \x + \xo 19:37 \xo*\xt प्रकाशितवाक्य 1:7\xt*\x*ओळी एक आरू धरती पर यो लिखलो छे, “जिनाक त्या बेधला छे, हेका पर नजर नाखछे।”
\s यूसुफ न बीड़ा मा ईशु क गाड़नो
\r (मत्ती 27:57-61; मरकुस 15:42-47; लूका 23:50-56)
\p
\v 38 इनी वातन ओळतेन अरिमतियाह न यूसुफ, जु ईशु क चाकरीयो होतो, पर यहूदियान बीक छे इनी वात क ढाकीन राखलो होतो, पिलातुस छे रावन्या करियो, कि हाव ईशुन धोङ क ली जाम, पिलातुस हेकी रावन्या सोमळी लेदो, आरू त्यो आवीन हेको धोङ ली गयो। 
\v 39 \x + \xo 19:39 \xo*\xt यहुन्ना 3:1,2\xt*\x*नीकुदेमुस भी पेहले ईशु क पास गयो होतो पचास छेर न धोड़े वोड़ छे भेछेकायलो गन्धायनियो रस आरू एलवा ली आयो। 
\v 40 तव त्या ईशुन धोङ क ली गया आरू यहूदियान रीतिन अनसारे हेको वारला सुगन्ध वाळो द्रव्य न सात मा सीवङा मा लपटी दिदा। 
\v 41 तिना धरती पर वा ईशु क कुरूस पर चढ़ायो गयो होतो, एक वाड़ी हुती; आरू वाड़ी मा एक नवलो बीङो बनलो होतो; केका कोयक नी मेलमिलाप हुता। 
\v 42 आरू यहूदियान तियार हुयने क दाहड़ान कारण, काहकि त्यो मोळवाट्यो साथ मा होतो।
\c 20
\s ठारलो बीड़ो
\r (मत्ती 28:1-8; मरकुस 16:1-8; लूका 24:1-12)
\p
\v 1 हापतान पेहले दाहड़े मरियम मगदलीनी भोळ भाका क आँधरोत होतो ची बीड़ान चाँ आवी, आरू दगड़ा क बीङा पर छे अथो होयलो देखी। 
\v 2 तव ची दवड़ीन आवी आरू शमौन पतरस काजे आरू तीना दिसरा चाकरीयान जु आवीन कयी जिना ईशु मोंग राखतो होतो, “त्या पोरबु क मोड़वाट्याम रईन नीकाळ ली गया; आरू हामु नी मालम होय, कि हेको काँ मेल दिदा।”
\p
\v 3 तव पतरस आरू दिसरो चाकरीयो निकळीन तीना बीङा हेर आया। 
\v 4 आरू दूय जन साथ मा दौवङया। बाकी दिसरो चाकरीयो पतरस रईन मोळवट्याम जु पेहेल पुग्या। 
\v 5 आरू नेचो भाळीन छिंदरा पड़ रहवला देख्यो; ते भी त्यो माहयतो नी गयो। 
\v 6 तव शमौन पतरस हेको पोछळ–पोछळ गयो आरू भीतङान बनला बीङा न माहय गयो आरू छिंदरा पड़ रहवला देखियो। 
\v 7 आरू त्यो फेटको जो हेका मुनका पर बांधलो होतो, छिंदरान पुठी नी पर एक धरती पर एखटो होयलो देखियो। 
\v 8 तव दिसरो चाकरीयो भी जो बीङा पर पेहल गयो होतो, माहतो गयो आरू विश्वास करियो। 
\v 9 त्या ते हाय तक चुखलो शास्त्रन ची वात नी समझिया हुता, कि हेको मरला माईन जीवतो होयनो पड़से। 
\v 10 तव या चेला आखा आपसे–आपसे घर गया।
\s मरियम मगदलीनी क दर्शन देना
\r (मत्ती 28:9-10; मरकुस 16:9-11)
\p
\v 11 पुन मरियम रोङती जाईन बीङा न साते बाहर ऊबी रयी आरू रङती जाईन बीङा वोखे नेची होईन, 
\v 12 दूय सोरगदूत क जुगाळा छिंदरा पेहरला एक क सिरहाने आरू दिसरा क पैताने पर बठलो देखी, वा ईशु न धोङ पड़लो होतो। 
\v 13 चाँ हेका से कयो, “ओ बाई, तु काँ रङ रया?” ची हेनको कयी,
\p “त्या म्हारा पोरबु क ली गया आरू हाव नी जानो कि हेकेक काँ सारी मेल दिया।”
\p
\v 14 यो कहीन ची पछी फिरी आरू ईशु क उबरयलो देखी आरू नी ओळखी कि यो ईशु छे। 
\v 15 ईशु हेके कयो, “ओ बाई जात तु काँ रोङे? कुनीक हेरे?”
\p “ची राखवाळिया समझीन कयी, ए दादा, कदाम तु हेके हाकली ली गयो होय ती मेखे कय दे कि हेकेक काँ सारी मेकलो छे आरू हाव ओको ली जाईस।”
\p
\v 16 ईशु हेके कयो, “मरियम!”
\p ची पछी फिरीन हेका से इब्रानी मा कयी, “रब्बूनी!” हेरो आर्थो छे “ए गुरू।”
\p
\v 17 ईशु हेके कयो, मेखे मा छिमे काहकि हाव हाल तक बासोन त्या ऊपर नी गयो, बाकुन म्हारा भाईस्यो न पास मा जाईन कय दे, कि हाव म्हारा बास, आरू तुमरा बास, आरू आपसा यहोवा–भगवान न पास ऊपर पास जाम।
\p
\v 18 “मरियम मगदलीनी जाईन चाकरीयो जाईन यी वात कयी, हाव भी पोरबु क देखी आरू त्यो म्हार से वात करियो।”
\s चाकरीयो न वीच मा ईशु क देखाय पड़नो
\m
\v 19 तीने दाहड़े जो हापता क पेहलो दाहड़ो हतो, शान्तो हुयने न टेम पर जव चाहे वाळा झोपला वा चाकरीयो हुता, यहूदिया से बीहिन माहायता बंद हुता, तव ईशु आयो आरू वीच मा ऊबो हुयो आरू हेनको कयो, “तुमूक शांती जोड़े।” 
\v 20 आरू यो कहवीन त्यो आपसो हात आरू पंजो हेनको देखड़ियो: तव चाकरीयो पोरबु देखीन खुश होय गया। 
\v 21 “ईशु ओळी हेनको कयो तुमूक शांती जोड़े; जोसो बास मेखे मुकलियो, ओसोत् हाव भी तुमूक मुकलो।” 
\v 22 यो कहवीन त्यो हेन्दरे पर फूँकियो आरू हेनको कयो, चुखलो आत्मा लेय। 
\v 23 \x + \xo 20:23 \xo*\xt मत्ती 16:19; 18:18\xt*\x*जिना पाप माफ करो त्या हेन्दरे जुगे माफ होय गया; जिना तुमू राखो, त्या राखला छे।
\s थोमा पर प्रगट होयनु
\p
\v 24 पर बारा माईन एक चाकरीयो थोमा जो दिदुमुस कवाये, जव ईशु आयो तव ओको साते नी होतो। 
\v 25 जव त्या चाकरीयो यो कयनो लागिया हेके कि “हामु पोरबु देखिया” तव त्यो हेनको कयो,
\p “जव तक हाव हेका हात मा खिळान डुचा नी देख लोम, आरू खिळान डुचा मा म्हारीआँगळी नी डालो तव तक हाव विश्वास नी करो।”
\p
\v 26 बाकुन आगठा दाहड़ा न बाद मा हेका चाकरीयो ओळी घरन माहयता हुता, आरू थोमा ओको सात मा होतो, आरू झोपलो बंद होतो, तव ईशु आवीन आरू वीच ऊबो होईन कयो, “तुमूक शांती जोड़े।” 
\v 27 “तव त्यो थोमा क कयो, तारी आँगळी या लावीन म्हारा हातोन क देखा आरू तारो हात लावीन म्हार पंजा मा डाल आरू विनभुरसीया नी पर भुरसा वाळो होय।”
\p
\v 28 यो सोमळीन थोमा जोवाब आपियो, “ए म्हारा पोरबु, ए म्हारा यहोवा–भगवान!”
\p
\v 29 ईशु हेके कयो, “तु ते मेखे देखीन विश्वास करियो पर सयालो छे त्यो जो वीन देखे म्हार पर विश्वास करिया।”
\s इन किताबन उद्देश
\p
\v 30 ईशु आरू भी घण सचटी सोहलाहनी चाकरीयो न क सामने देखड़ियो, जो इनी किताब लिखली नी होय। 
\v 31 पर यो एरेन करिन लिखी छान्डीयो कि तुमू विश्वास करो, कि ईशु ही यहोवा–भगवान न पोर्‍यो छे: आरू विश्वास करिन हेका नाव से विश्वास करिन जीवन जुड़से।
\c 21
\s तिबिरियुस नदीन काट पर चेला प्रकट होयनु
\m
\v 1 इनी वात न ओळतेन ईशु आपसा क तिबिरियुस बन्धा न धोड़े चेलाक नेळतालाक देखाङ्यों आरू इनी रीति रईन देखाय पड़्यो। 
\v 2 शमौन पतरस आरू थोमा जु दिदुमुस कहवतो छे, आरू गलीलन काना शहरो न नतनएल आरू जबदी ना पोर्‍या, आरू हेका चेला नेळताळा मा एक आरू जन भैळा हुतो। 
\v 3 शमौन पतरस हेन क कयो, “हां माछा धरने क जाम” त्या हेके कयो,
\p “हामु भी तारे पुठी आवजे” एका करता त्या निकळीन नाळ पर चढ़ीया, पर तीनि रात त्या काहय नी धोर्‍या। 
\v 4 भोळभाको होयतात ईशु धोङ मा ऊबो हुयो; ओळतेन भी नेळताळा हेको नी उळखिया कि यो ईशु छे। 
\v 5 तव ईशु तीनुक कयो, “ए नानला पोर्‍या, काय तुमरे जुळ खाने करिन काहय माछली छे?”
\p त्या ईशु क जवाब दिदा, “नी होय”
\p
\v 6 \x + \xo 21:6 \xo*\xt लूका 5:6\xt*\x*ईशु उन लोगहन क कयो, “डोंगा न जेवड़ा तरफ जाळ नाखो, ती तुमूक जोड़से।” तव त्या जाळ नाख्या, आरू हाय माछा घोण ढेरका आय ज्या तेर सी जाळ नी हापकनेन शक्ति नी हती।
\p
\v 7 “एरकरीन त्यो नेळताळो जिना सी ईशु मोंग करतो होतो पतरस से कयो, यो ते पोरबु छे।” शमौन पतरस यो सोमळीन कि पोरबु छे, कमर मा कनाट्यो कसीन बांध लेदो, काहकि त्यो नांगरो होतो, आरू बांधा मा कुदी गयो। 
\v 8 बाकी आरू नेळताळा ढोंड्या पर माछा छे भरायली जाळ हापेकता जाईन आश, काहकि त्या धोड़े छे घोणा दूर नीहि, पर काय दूय सौ हात दूर हुता। 
\v 9 जव डोंगा धोड़े उतरिया, ती त्या कुयला न आगठी, आरू उका पर माछली मेकला रोटा देख्या। 
\v 10 ईशु तीनुक कयो, “जो मासा तुमू हाय धोरला छे, तीनाम से थुड़ाक लावु।”
\p
\v 11 शमौन पतरस डांगा पर चढ़ीन एक सौ न तिरपन मासा से भरायली जाळ धोड़े हापक्या, आरू हतरा मासा हुयने पर भी जाळ नीहि फाटी। 
\v 12 ईशु हेनुक कयो, “आवु, खानो खावु।” आरू चाकरीयान माईन कोयक हेमोत नी होयी, कि हेका से काहय पूछे, “तु कुन छे?” काहकि त्या जानता हुता कि यो पोरबु छे। 
\v 13 ईशु आयो, आरू रोटलो लिन हेनको दियो, आरू वोसोत मासा भी आपियो।
\p
\v 14 यो तिसरी बार छे, कि ईशु मरला माईन जीवतो हुयने ओळतेन चाकरीयो क दर्शन दियो।
\s ईशु आरू पतरस
\p
\v 15 खानो खानेन ओळते ईशु शमौन पतरस काजे कयो, “ए शमौन, यहुन्ना न पोर्‍या, काय तु इना रईन वारलु छे कि तु म्हार साते मोंग राखे?”
\p त्यो हेका कयो, “हाव पोरबु; तु ते जाने, कि हाव तारे से मोंग करो।”
\p ईशु हेका से कयो, “म्हारा गाडरा क चाराव।” 
\v 16 त्यो ओळी दिसरी बार हेकाह कयो, “ए शमौन, यहुन्ना न पोर्‍या, काय तु मार साते मोंग करे?”
\p “त्यो कयो हाव पोरबु हाव तारे से मोंगावु करो।”
\p “ईशु कयो म्हारा गाडरा न क राखवाळी कर।” 
\v 17 त्यो तिसरी वार ओका सी कयो, “ए शमौन, यहुन्ना न पोर्‍या, काय तु म्हार रईन मोंग राखे?”
\p “पतरस नाराज होयु, कि त्यो उका तिसरी वार ओसो कयो, काय तु म्हार रईन मोंग राखे?” आरू तिनुक कयो, “हे पोरबु तु ते आखो जाने छे; तु यो जानतु छे कि हाव तार से मोंग राखो।”
\p ईशु हेको कयो, म्हारा गाडरा चार। 
\v 18 “हाव तुखे सच सच कयो, जव तु जुवान हतु, ते तव तारी कमर बांधीन वा तुखे पसंद हत, चाँ फिरतो हतो; बाकी जव तु डाहलो होय जाईस, तव आपसा हात नाम्बा करीस, आरू तारी कमर बांधीन जा तुखे नी पोटे चाँ तुखे ली जासे।” 
\v 19 “त्यो इनी वात देखड़ियो कि पतरस कोसी मोत यहोवा–भगवान न महिमा करसे; आरू यो कयीन हेका कयो म्हार पोछळ आव।”
\s ईशु आरू हेको मोंगाळो चेला
\p
\v 20 \x + \xo 21:20 \xo*\xt यहुन्ना 13:25\xt*\x*पतरस पोछो फिरीन तीना चाकरीयो क पोछळ आवतलो देख्यो, जिना से ईशु मोंग राखतो होतो, आरू जो खानेन टेम मा हेकी छाती तरफ नेचो वोळीन पुछियो “ए पोरबु तुखे धरावने वाळो कुन छे?” 
\v 21 “हेखे देखीन पतरस ईशु से कयो, ए पोरबु एको काय हाल होयसे?”
\p
\v 22 “ईशु हेको कयो, जत्यार हाव चाह कि त्यो मार आवने तक हया रये, ती तारो काय? तु मार पोछळ आव।”
\p
\v 23 हेरेन करिन भाईस्यो मा यी वात पैल गय, त्यो चाकरीयो नी मोरे, बाकी यो कि “जत्यार हाव चाहो कि यो मार आवने तक रये, ती तुखे हेर से काय करनो छे?”
\p
\v 24 यो त्योत् चाकरीयो छे, जो इनी वातन गवाय देतो छे आरू जो इनी वात न क लिख्यो छे आरू हामु जानजे कि ओकी गवाय सच्ची छे।
\s उपसंहार
\p
\v 25 आरू भी खुब घण सोवटा काम छे, जो ईशु करियो; जत्यार त्या एक–एक करिन सचटी लिख देता, ती हाव समझतो कि किताब जो लिखायती ची जगत मा भी नी समायती।