\id JAS – Dhankavi
\ide UTF-8
\h याकूब
\toc3 याकूब
\toc2 याकूब
\toc1 याकूब नी लिखली पत्री
\mt2 याकूब कि लिखी हुई पत्री
\mt1 याकूब नी लिखली पत्री
\imt परिचय
\ip याकूब कि पत्री पोरबु ईशु मसीह क दास याकूबन द्वारा लिखली छे। आरू यो कि याकूब ईशु मसीह क भाईस भी कयता छे; जो कि यरूशलेम की मंडळी क अगूवो होतो। \xt प्रेरितन 15:13\xt* आरू प्रेरित पौलुस ने ओको फिलिप्पियो की मंडळी क स्तम्भ कयता छे। \xt गलातिया 2:9\xt* विद्वान क यो माननो छे कि याकूब की किताब ईशु मसीहन जनमक लग–भग 50 साल बाद लिखली छे। काहकि याकूब यरूशलेम क मंडळी अगळवानिया होतो आरू यो पत्री ओको यरूशलेम मा रयने क टेहाव मा लिखली छे।
\ip याकूब की पत्री तीनुन बारा अवळियाद क मतलब यहोवा–भगवान क मानसे क लिखली गयी छे। \xt 1:1\xt* आरू याकूब की पत्री क पाठक्रम आखा मसीह भाईस आरू बहनीस पर लागु करने क बारा मा कयी विषय सम्बोधित कर्‍या छे। विशेष करीन याकूब तीनु यहूदि विश्वास भाईस आरू बहनीस क विश्वास रूपी जीवन आरू वारली चाल चालने आरू ओवाज क सही ढंग छे प्रयोग करने क बारा मा चेतावनी देतो छे। \xt 2:17\xt* काहकि इन पत्री मा कयी विषयन बारा मा लिखली छे, आरू इन पाठकन आखा गर्दी \xt 2:1-4\xt*तक पुचाड़ गया जो भन्नेवावा पाठ क हुता। \xt 3:1-12\xt*
\is रूप रेखा
\io1 1. याकूब मा आपसा पाठ क बधाई देनो छे। \ior 1:1\ior*
\io1 2. मसीह भाईस आरू बहनीस क जुर देवाड़ करो, जो बीमार होय \ior 1:2-27\ior*
\io1 3. तव त्यो कयो, यो भी जरूरी छे, कि काम क द्वारा भुरसा क देखाड़ जाय। \ior 2:1-26\ior*
\io1 4. कोसो शक्तिशाली वचन होय सकतो छे? \ior 3:1-12\ior*
\io1 5. याकूब कयता छे, कोसो यहोवा–भगवान क ज्ञान दुनिया क ज्ञान छे अलग छे \ior 3:13–4:10\ior*
\io1 6. याकूबन डाहवाळा क खिलाफ आपने पाठ क चेतावनी देने। \ior 4:11–5:6\ior*
\io1 7. याकूब क सामान्य निर्देश द्वारा पत्री की समाप्ती \ior 5:7-20\ior*
\c 1
\s नमस्कार
\p
\v 1 \x + \xo 1:1 \xo*\xt मत्ती 13:55; मरकुस 6:3; प्रेरितन 15:13; गलातिया 1:19\xt*\x*यहोवा–भगवान क आरू पोरबु ईशु मसीह क दास याकूबन चा रयन जिनु बारा अवळियाद क जो तितर बितर हईन रयता छे नमस्कार।
\s विश्वास आरू बुध्दि
\p
\v 2 हे मारा भाईस, आरू बहनीस जव तुमू हरेक प्रकार की परीक्षा मा पड़ो, तो इनुक पूरो खुशी की वात समझु। 
\v 3 काहकि तुमू जानता छे कि जव तुमरू विश्वास पारखायने सी गम पैदा हुये, ते परिणाम यो सहन करनेन ताकत छे; 
\v 4 पर धीरज क आपसा पूरो काम करने देवु कि तुमू पूरे आरू सिध्द होय जाय, आरू तुमू मा काही वात की घटी नी रये।
\p
\v 5 पुन जेतार तुमू मा छे काही क बुध्दि की घटी होय तो यहोवा–भगवान छे मांग, जो बिना दोष दिदा सब क किरपा छे देता छे, आरू ओको देदी जाछे। 
\v 6 पर विश्वास छे मांगे आरू काही संका नी करे, काहकि संका करनेवावा दरिया की लहरे क समान छे जो वाहवा सी उहवती आरू उछलती रये। 
\v 7 ओसो मानुस यो नी समझे कि मखे पोरबु छे काही मिवछे, 
\v 8 वो व्यक्ति दुचिता छे आरू आपसी सारी वात मा खाटळो छे।
\s गरीब आरू मालदार
\p
\v 9 विश्वासी गरीब भाईस आपसा उंचा पद पर खुश रोवे। 
\v 10 आरू धनवान आपसी नेची दशा पर खुशी करनो जूवे; काहकि वो खोड़ो क फूल की तरह जाता रोवछे। 
\v 11 काहकि दाहडु उग हुयसे ही वातड़ी धूप पड़ती छे आरू खोड़ो क सुखाड़ देती छे, आरू तेरो फूल झड़ जाता छे आरू ओकी शोभा जाती रयती छे। इनीये प्रकार धनवान भी आपनो व्यवसाय करता धरतीम मिव जाछे।
\s पारख आरू प्रलोभन
\p
\v 12 धन्य वो मानुस जो परीक्षा मा स्थिर रयता छे, काहकि वो सचा निकवीन जीवन क वो मुकट देखे जेरो प्रतिज्ञा पोरबु ने आपने मोंग करनेवावा छे की छे। 
\v 13 जव काही की परीक्षा होय, तो वो यो नी कये कि मारी परीक्षा यहोवा–भगवान की आरू छे होयती छे काहकि नी तो बुरी वात छे यहोवा–भगवान की परीक्षा होय सकती छे। 
\v 14 पुन हर एक व्यक्ति आपसी ही लालोच छे हापकीन आरू फंसकर परीक्षा मा पड़ता छे। 
\v 15 पछु लालोच भारीस हईन पाप क जानती छे आरू पाप जव बढ़ जाता छे तो मरला क पैदा करता छे।
\p
\v 16 हे मारा मोंगावु भाईस, धोखा नी खावु। 
\v 17 काहकि हर एक खरी दान ऊपर ही छे, आरू दिवा क बास की आरू छे मिवता छे, जिनाम नी तो काही बदलाव होय सकता छे। 
\v 18 यहोवा–भगवान ने आपसी ही मरजी छे हामु सच्चाई क वचन क द्वारा पैदा कर्‍या, ताकि हामु ओकी सृष्टी करी होयी समान मा छे एक प्रकार क पेहलो फोव होय।
\s सोमवने आरू करने
\p
\v 19 हे मारा मोंगावु भाईस, आरू बहनीस यो वात तुमू जान लेवु: हर एक मानुस सोमवने क करता तत्पर आरू बुलने मा धीरो आरू रीस मा धीमा होय। 
\v 20 काहकि मानुस रीस यहोवा–भगवान क न्यायपन उध्देश हासिल नी कर सकता। 
\v 21 एरकरीन सारी मलिनता आरू बैर भाव की बढ़ती क दूर करीन, उना वचन क नम्रता छे मान्य कर लेवु जो दिल मा वेर्‍या गया आरू जो तुमरे जीव क उध्दार कर सकता छे।
\p
\v 22 पुन वचन पर चालनेवावा बनु, आरू केवल सोमवनेवावा ही नी जो आपने आप क धोखा देता छे। 
\v 23 काहकि जो काही वचन क सोमवनेवावा होय आरू ओको पर चालनेवावा नी होय, तो ओको मानुस क सामने छे जो आपसा स्वभाविक मुय आरसा देखता छे। 
\v 24 एरकरीन कि वो आपने आप क देखीन चाल जाता आरू तत्काल भुल जाता छे कि हाव कोसो होतो। 
\v 25 पुन जो व्यक्ति स्वतंत्रता की सिध्द व्यवस्था पर ध्यान करता रयता छे, वो आपने काम मा एरकरीन बरकत देखछे कि सोमवीन भुलता नी पर वोसो ही काम करता छे।
\p
\v 26 यदि काही आपने आप क भक्त समझे आरू आपसी जीभ पर लगाम नी देय पर आपसा दिल क धोखा देय, तो ओकी भक्ति व्यर्थ छे। 
\v 27 हामरा यहोवा–भगवान आरू बास क निकट चुखो आरू निर्मल भक्ति यो छे कि विखाळा आरू रंडायली क तकलीद मा ओकी सुधि लेय, आरू आपने आप क संसार छे निष्कलंक राखे।
\c 2
\s भेदभाव क विरोध चेतावनी
\p
\v 1 हे मारा भाईस, हामरा महिमायुक्त पोरबु ईशु मसीह पर तुमरो विश्वास भेदभाव क साथे नी होय। 
\v 2 काहकि जेतार एक मानुस सोनो छल्लो आरू घाटळो लुगड़ा पेहर्‍या होया तुमरी सभा आश, आरू एक गरीब भी किटायला, कुचवायला लुगड़ा पेहर्‍या होया आश। 
\v 3 आरू तुमू ओको घाटळो लुगड़ा क मुय देखीन कोवु, “वाँ वारली धरतीम बठ्या” आरू उना गरीब छे कोवु, “तु याहा उबा रोव” या मारा पाय क साथे बठ्या। 
\v 4 तो काय तुमू ने आपस मा संका नी कर्‍या आरू बुरे विचार छे न्याय करनेवावा नी ठराय?
\p
\v 5 हे मारा मोंगावु भाईस, सोमवु। काय यहोवा–भगवान ने इनीये धरती क गरीब क नी निवाड़या कि विश्वास मा धनी आरू ओको राज्य क हक होय, जेरी प्रतिज्ञा ओको ने उनछे करी छे जो ओका सी मोंग राखता छे? 
\v 6 पुन तुमू ने ओको गरीब क विजुत कर्‍या। काय धनी मानसे तुमू पर वेला नी पाड़े आरू काय वो ही तुमूक कचहरियो मा घसड़ी–घसड़ीन नी ली जाय? 
\v 7 काय वो ओको वारलो नाव की निन्दा नी करता जिनाक तुमू कोवायता छे?
\p
\v 8 तौभी तुमू पवित्रशास्त्र इनीये वचन क लारे कि “तु आपसा धड़ेवावा छे आपने समान मोंग राख” सचमुच ओको राज व्यवस्था पूरी करता होय, तो वारला ही करता होय। 
\v 9 पर यदि तुमू भेदभाव करता होय तो पाप क दोषी होय; आरू व्यवस्था तुमूक गुणेगार ठेरायती छे। 
\v 10 काहकि जो काही सारी व्यवस्था क पालन करता छे पुन एक ही वात मा चूक जाय तो वो सब वात मा दोषी ठराय त्योकी छे। 
\v 11 अतरान करीन कि जो यो कयो, “तु व्यभिचार नी करने” तीनी ने यो भी कयो, “हत्या नी करने” एरकरीन यदि तु व्यभिचार तो नी कर्‍या पर हत्या की तौभी तु व्यवस्था क तुड़नो करनेवावा ठेराया। 
\v 12 तुमू उन मानसे क समान वचन बुले आरू काम भी करू जिनका न्याय स्वतंत्रता की व्यवस्था क लारे होयछे। 
\v 13 काहकि जो दया नी करी, ओको न्याय विना दया क होयछे: निर्दयी, न्याय पर जयवन्त होयती छे।
\s विश्वास आरू काम
\p
\v 14 हे मा भाईस यदि काही कये कि मखे विश्वास छे पर वो काम करता होय, तो इनासे काय लाभ? काय ओसो विश्वास कदी ओको उध्दार कर सकता छे? 
\v 15 यदि काही भाईस आरू बहिनीस नांगरला उघाड़ला होय आरू हर दाहडु भोजन की घटी होय। 
\v 16 आरू तुमू मा छे काही उनछे कये, “कुशल छे जावु, तुमू गरम रवु आरू तृप्त रवु” पर जो समान डील क करता छाची छे वो इनुक नी देय तो काय लाभ? 
\v 17 वोसो ही विश्वास भी, यदि काम सहित नी होय तो आपसा स्वभाव मा मरला हुयो छे।
\p
\v 18 वरना काही कय सकता छे, “तुखे विश्वास छे आरू हाव काम करता छे।” आपसा विश्वास मखे काम बिना तो देखाय; आरू हाव आपसा विश्वास आपने कामो क द्वारा तुखे आपाड़ीस। 
\v 19 काय तुखे विश्वास छे कि एक ही यहोवा–भगवान छे; तु वारलो करता छे। साहळा भी विश्वास राखता, आरू थरथराता छे। 
\v 20 पर हे निकम्मी मानुस काय तु यो भी नी जानता कि काम बिना विश्वास व्यर्थ छे। 
\v 21 जव हामरा बास अब्राहम ने आपनो पोर्‍य इसहाक क वेदी पर चढ़ाया, तो काय वो कामो छे न्यायी नी ठेराया हुता? 
\v 22 शेवली कावा तु ने देख लेदा कि विश्वास ने ओका काम छे विश्वास सिध्द होया। 
\v 23 आरू चुखलो शास्त्र क यो वचन पूरो होया: “अब्राहम ने यहोवा–भगवान क विश्वास कर्‍या, आरू यो ओका करता न्यायी गिना गया” आरू वो यहोवा–भगवान क दोस्त कोवायता। 
\v 24 इनीये प्रकार ने देख लेदा कि मानुस केवल विश्वास छे ही नी, वरना कामो छे भी न्यायी ठेरायता छे।
\p
\v 25 वोसो ही राहाब वेश्या भी, जव त्यो क आपने घर मा उतरीया आरू दीसर मार्ग छे विदा कर्‍या, तो काय कामो छे न्यायी नी ठराय।
\p
\v 26 शेवली कावा जोसो देह आत्मा विना मरी होयी छे, वोसी ही विश्वास भी काम विना मर्‍या होया छे।
\c 3
\s जीभ क वश मा करने
\p
\v 1 हे मारा भाईस, आरू बहनीस तुमू मा छे घोणा शिक्षक नी बने, काहकि जानता होय कि हामु शिक्षक आरू भी दोषी ठेरायछे। 
\v 2 अतरान करीन कि हामु सब घोणा कावा चूक जानता छे; जो काही वचन मा नी चूकता चो तो सिध्द मानुस छे आरू सारी देह पर भी लगाम लागाड़ सकता छे। 
\v 3 जव हामु आपसा वश मा करने क करता घुल्लान मुय मा लगाम लागाड़जे ती हामु ओका सब डील क फेरवी सकजे। 
\v 4 देखु ढोंड्या भी, यदि ओसो मोटो होयतो छे आरू बैस हवा छे चालाड़ जातो छे, तवभी एक नानी सी पतवार क द्वारा मांझी की मरजी क लारे घुमायो जाए। \fig घुल्ला पर बठनारो|alt="Rider on a horse" src="lb00035c।tif" size="col" copy="Horace Knowles ©" ref="3:3"\fig*
\p
\v 5 वोसो ही जीभ एक नानो सा डील छे आरू वो मोटी मोटी डीगे मारती छे। देखु, थुड़ी सी आगठी छे कोतरा मोटा जोन्गोल मा आगठो लाग जातो छे। 
\v 6 जीभ भी एक आगठो छे; जीभ हामरे डील मा अन्याय क एक मानसे छे, आरू सारी देह पर गुणो लागाड़ ती छे, आरू जीवन गती मा आगठो लागाड़ देती छे, आरू नरक कुण्डा की आगठा छे धपती रयती छे। 
\v 7 काहकि हर प्रकार क वन मा वाळा जनवार चिल्ला, आरू रेंगनेवावा जन्तु, आरू जलचर तो मानुस जाति क वश मा होय सकता छे आरू होय भी गया छे। 
\v 8 पुन जीभ क मानुस मा छे काही वश मा नी कर सकता; वो एक ओसी बला छे जो कदी रूकती ही नी, वो जीव नाशक विष छे भरी होयी छे। 
\v 9 इनी मा रयन छे हामु पोरबु आरू बास की बढ़ाई करता छे, आरू इनी छे मानुस क जो यहोवा–भगवान क स्वरूप मा पैदा होया छे शाप देता छे। 
\v 10 एक ही मुय छे धन्यवाद आरू शाप दुयू निकवता छे। हे मारा भाईस ओसो नी होयनो जूवे। 
\v 11 काय सुवता क एक ही मुय छे गुव्वो आरू खारलो पानी दुयू निकवता छे। 
\v 12 हे मारा भाईस, काय अंजीर क झाड़का मा जैतुन या अंगुर क रस की सोता मा अंजीर लाग सकता छे? वोसो ही खारे सुवता छे गुव्वो पानी नी निकव सकतो।
\s सोरगन बुध्दि
\p
\v 13 तुमू मा बुध्दिवान आरू समझदार कुन छे? जो ओसो होय वो आपसा काम क वारली चाल–चलन छे ओको नम्रता सहित प्रगट करे जो ज्ञान छे पैदा होयती छे। 
\v 14 पुन जेतार तुमू आपसा–आपसा मन मा कड़वी किचवाय आरू विरोध राखता होय, तो सच्चाई क विरोध मा डाहळाय नी करने आरू, नी तो झूठ बुलने। 
\v 15 यो ज्ञान वो नी जो ऊपर छे उतरता छे, वरना सांसारिक, आरू डीलन अनसारे, आरू शैतान सी आवे। 
\v 16 काहकि वा किचवाय आरू विरोध हुयसे छे, वाँ बखेड़ा आरू हर प्रकार क दुष्कर्म भी हुयसे छे। 
\v 17 पुन जो ज्ञान ऊपर छे आवतो छे वो पेहल तो चुखलो होयतो छे पछु मिलनसार, कोमल आरू मृदुभाव आरू दया वारलो फोव छे लदा होया आरू भेदभाव आरू कपट रहित हुयसे छे। 
\v 18 मिलाप करावनेवाळा न्यायपन क फोव मेलमिलाप क साथे वेरता छे।
\c 4
\s संसार छे दोस्तता
\p
\v 1 तुमू मा लड़ाई आरू झगड़ा कयो छे आय गया? काय उन सुख विलास छे लालोच छे नी आवतो जो तुमरा डील मा लड़ता भिड़ता छे? 
\v 2 तुमू लालसा राखता होय, आरू तुमूक मिवता नी; अतरान करीन तुमू हत्या करता होय, आरू तुमू डाह करता होय, आरू काही हासिल नी कर सकता; तो तुमू झगड़ता आरू लड़ायता होय। तुमू एरकरीन नी मिवता काहकि वो यहोवा–भगवान छे कि मांगता नी। 
\v 3 मांगता होय आरू देखता नी, अतरान करीन कि बुरी मरजी छे मांगता होय ताकि आपनो सुख विलास मा उड़ाय देवु। 
\v 4 हे व्यभिचारिणियो, काय तुमू नी जानती कि संसार सी साथ सोंगात करनो यहोवा–भगवान छे बैर करनो छे? शेवली कावा जो काही संसार क दोस्त होयनो जूवत छे, वो आपने आप क यहोवा–भगवान क दुस्मन बनावतो छे। 
\v 5 काय तुमू यो समझता होय कि चुखलो शास्त्र व्यर्थ कयता छे, जिना आत्मा क त्यो हामरा माहीय बसाड्या छे, काय वो ओसी लालस करता छे जेरो हर फोव डाह होय? 
\v 6 वो तो आरू भी फोकटन दया देता छे; इनीये कारण यो लिख्यो छे, “यहोवा–भगवान डाहवाळिया क विरोध करता छे, पर दाहड़ा पर फोकटन दया करता छे।”
\p
\v 7 एरकरीन यहोवा–भगवान क हको तळे होय जावु; आरू शैतान क सामना करू, तो वो तुमरे साथे छे ढास गयो। 
\v 8 यहोवा–भगवान क निकट आवु तो वो भी तुमरे निकट आवसे। हे पापी, आपसा हात चुखो करू; आरू हे दुचित्ते मानछे, आपसा दिल क चुखलो करू। 
\v 9 दुःखी होय, आरू शोक करू, आरू रडु। तुमरी हासी शोक मा आरू तुमरा खुशी उदासी मा बदल जाय। 
\v 10 पोरबु क सामने दाहड़ा बन तो वो तुमूक उचा उठावसे।
\s भाईस पर दोष लागाड़ ने
\p
\v 11 हे भाईस, एक दिसरा की बदनामी नी करू। जो आपसा भाईस की बदनामी करता छे या भाईस पर दोष लागड़ता छे, वो व्यवस्था की बदनामी करता छे आरू व्यवस्था पर दोष लागाड़ता छे; आरू यदि तु व्यवस्था पर चालनेवावा नी पर ओको पर सरदार ठराय। 
\v 12 व्यवस्था देनेवावा आरू सरदार तो एक ही छे, जो वाचाड़ने आरू नाश करने मा समर्थ छे। पर तु कुन छे, जो आपसा धड़ेवावा पर न्याय करता छे?
\s डाहळाय क विरोध चेतावनी
\p
\v 13 तुमू जो यो कयता होय, आज या काल हामु काही आरू नगर मा जाईन वाँ एक साल देखाड़े, आरू व्यापारी करीन लाभ कमायसे। 
\v 14 आरू यो नी जानता कि काल काय? तुमू तो बाप क समान होय, जो थुड़ी देर देखाय देती छे पछु लोप होय जाती छे। 
\v 15 ओका उलटो तुमू यो कयनो जूवे, “यदि पोरबु जूवे तो हामु जीवता रोवसु, आरू यो वो काम भी करसु।” 
\v 16 पर हिमी तुमू आपसा डींग मारता होय आरू डाहळाय करता होय; ओसो सब डाहळाय बुरा हुयसे छे। \fig लेनेवावु गिराक आरू बेपारी आपना बजार क लिन |alt="Customer, merchant with his wares" src="hk00172c।tif" size="col" copy="Horace Knowles ©" ref="4:13"\fig*
\p
\v 17 एरकरीन जो काही भलाई करने जानता छे आरू नी करता, ओका करता यो पाप छे।
\c 5
\s धनवानो क चेतावनी
\p
\v 1 हे धनवानो, सोमवी लेवु तुमू आपसा–आपसा आवनेवाळा दुःख पर आयड़ी आयड़ीन रोडु। 
\v 2 \x + \xo 5:2 \xo*\xt मत्ती 6:19\xt*\x*तुमरो धन बिगड़ गयो छे आरू तुमरा लुगड़ा क कीड़ा खाय गया छे। 
\v 3 तुमरो सोनो चाँदी मा काही लाग गयो छे; आरू वो काही तुमू पर गवा देसे, आरू आगठो क समान तुमरा मास खाय जाछे। 
\v 4 देखु, जिन दाहडक्या ने तुमरा खेत काटे, उनकी वो दाहडक्या जो तुमू ने धुको दीन राख लेदा छे आयड़ी रोवी छे, आरू लावनेवावा की दोहाई छेना क पोरबु क कान्टा तक पुचाड़ गयी छे। 
\v 5 तुमू धरती पर भोग; तुमू ने इनीये वध क दाहड़ो क करता आपसा दिल मा पालन पुषण करीन ओको मोटा ताजा कर्‍या। 
\v 6 तुमू ने न्यायी क दोषी ठेरावीन मार नाख्या, वो तुमरो सामना नी करे।
\s दुःख मा धीरज धरने
\p
\v 7 अतरान करीन हे भाईस, पोरबु क आवनो तक धीरज धरू। देखु, किरसान धरती की मोंगलो कमाय की आश राखता होया पेहलो आरू आखरी साल हुयने तक धीरज धरती छे। 
\v 8 तुमू भी धीरज धरू आपसा दिल क दृढ़ करू, काहकि पोरबु क आवनो निकट छे।
\p
\v 9 हे भाईस, आरू बहनीस एक दिसरा पर दोष नी लागाड़ ु, ताकि तुमू दोषी नी ठराय; देखु, सरदार झोपला पर उबो छे। 
\v 10 हे भाईस, जिन कागळिया ने पोरबु क नाव छे वात करी उनको दुःख उठाड़ने आरू धीरज धरने क एक विजुत करो। 
\v 11 देखु हामु धीरज धरनेवावा क धन्य कयता छे। तुम ने अय्यूब न धीरज क विषय मा ते सोमव्या छे, आरू पोरबु की आरू छे जो ओको हर फोव हुयो ओको भी जान लेदा छे, जिनासे पोरबु की घण करूणा आरू दया प्रगट होयती छे।
\p
\v 12 \x + \xo 5:12 \xo*\xt मत्ती 5:34-37\xt*\x*पर हे मारा भाईस, आरू बहनीस सब स्रेष्ठ वा त यो छे कि शपथ नी खाय नी सोरग की, नी धरती की, नी काही आरू समान की, पर तुमरी वातचीत हव ते हव, आरू नी की नी होय, कि तुमू दण्ड क योग्य नी ठराय।
\s प्रार्थना की शक्ति
\p
\v 13 यदि तुमू मा काही दुःख छे, तो वो प्रार्थना करू। यदि खुशी छे, ते चाँ बढ़ाई क भोजन गावे। 
\v 14 \x + \xo 5:14 \xo*\xt मरकुस 6:13\xt*\x*यदि तुमू मा काही बीमार छे, तो मंडळी क डाहडा क बुलाय, आरू वो पोरबु क नाव छे ओको पर तेल मल कर ओका करता प्रार्थना करू। 
\v 15 आरू विश्वास की प्रार्थना क द्वारा बीमार वाच जाछे आरू पोरबु ओको उठाड़ीन उबा करसे; आरू यदि त्यो पाप भी कर्‍या होय तो उन की भी माफ होय जाछे। 
\v 16 एरकरीन तुमू आपस मा एक दिसरा क सामने आपसा–आपसा पाप क मान लेवु, आरू एक दिसरा क करता प्रार्थना करू, जिना छे वारू होय जावु: न्यायीजन की प्रार्थना क शक्ति छे घोणा काही होय सकता छे। 
\v 17 एलियाह भी तो हामरा समान दुःख सुख भोगी मानुस हुता; आरू त्यो गिड़ गिड़ाकर प्रार्थना करी की हावह नी बरछे; आरू साड़े तीन साल तक धरती पर हावह नी बरसा। 
\v 18 फछो त्यो प्रार्थना करी, तो आकाश छे साल होयी, आरू धरती फलवंत होयी।
\p
\v 19 हे मारा भाईस, यदि तुमू मा काही सच्चाई क मार्ग छे भटक जाय आरू काही ओको क पोछा लाया लावे। 
\v 20 \x + \xo 5:20 \xo*\xt 1 पतरस 4:8\xt*\x*तो वो यो जान लेवु कि जो काय काही भटके हुयो पापी क फेर लागाड़ छे वो एक जीव क मरन छे वाचाड़छे आरू काहय करीन पाप पर परदा नाखछे।