\id HEB – Dhankavi
\ide UTF-8
\h इब्रानियों
\toc3 इब्रानियों
\toc2 इब्रानियों
\toc1 इब्रानियों नी लिखली पत्री
\mt2 इब्रानियों कि लिखी हुई पत्री
\mt1 इब्रानियों नी लिखली पत्री
\imt परिचय
\ip ईशु पुराना नियम क घण सवटी कागळियान वात क पुरो कसो करे यो देखाड़ने वाळी “इब्रानियो क पत्री” यी एक गम आपने वाळी पत्री छे, आरू एक खास काम से यी लिखायली छे। आखी कागळियान वात आरू खास पुजारान क काम क ईशु मसीह पुरो करियो यी वात देखाड़ने वाळी आरू 60 से भी ज्यादा वातन क यी पत्री देखाड़े। अतरानकरीन करीन यी किताब यहूदि लोगहन क जो सी देवाड़ने वाळी किताब करीन मानी गयली छे। आरू यी पत्री एर सी ओगळ इनी वात क देखाड़े की ईशु कसो त्या नियम क पुरो करियो, कि हाय पुजारान क त्यो काम जो नियम अनसारे करता हुता, त्यो करनेन जरूरत नी हय। जो पाप क चढ़ावो पेहले चढ़ावता हुता, त्यो पापोन क चढ़ावो ईशु एक वार मा पूरो कर दिदो। यी किताब हामुक यो समझाड़े की, ईशु मसीह हामुके, यहोवा–भगवान पर विश्वास करने करीन तियार करे। \xt 12:2\xt* इनिये रीति आज काल क जमानान क विश्वासीयान क करता घण मोटा जुरन वात इनी पत्री मा छे, आरू हामुक एर भुळा पर रहचनो जुवे।
\ip इब्रानियोंन की पत्री कुन लिखियो यो हामुके मालम नी हय, पुन काहय जानकार क यो माननो छे कि, यी प्रेरित पौलुस, लूका या बरनबास या यहोवा भगवान क सेवक लिखिया हसे। एको कारण असो छे की यी पत्री ईशु मसीन जनमन ओळते 70 साल पेहल लिखी गय हसे ती भी इनी किताब मा यरूशलेम क बारा मा इनीये रीति देखाड़लो छे कि, त्यो आरू नाश नी हुयो हुतो। आरू यी किताब घण सवटी मंडळी मा भण्या हसे। काहकि यी रोम शहर मा रईन लिखी गय हुती। \xt 13:24\xt*
\is रूप रेखा
\io1 1. इनी पत्री क लिखने वाळो यो देखाड़े कि, ईशु मसीह यहोवा भगवान क आखा कागळिया से मोटो छे। \ior 1:1–4:13\ior*
\io1 2. ओळते त्यो यो देखाड़े कि, जो पुजारा यरूशलेम मंदिर मा सेवा करता हुता, ईशु तेखा से भी मोटो छे। \ior 4:14–7:28\ior*
\io1 3. मूसा क आपला हुकुमन लारे जो पुरानो नियम यहोवा भगवान उको लोगहन क दियो तेखा से भी ईशु मोटो छे। \ior 8:1–10:31\ior*
\io1 4. ईशु आखी वात मा मोटो छे यो पुरावो करने क बाद मा पत्री क लिखने वाळो घण वातन क व्यवहार क बारा मा देखाड़े। \ior 10:32–13:17\ior*
\io1 5. आखरी मा लिखने वाळो क जुरदेवाड़तो जाईन आखरी खबर आपीन पत्री क खतम करे। \ior 13:18-25\ior*
\c 1
\s यहोवा–भगवान क वचन, पोर्‍या क लारे
\p
\v 1 पेहला बारा मा यहोवा–भगवान कागळियान क लारे वेगला डाहडा से थुड़ो थुड़ो करीन आरू भाति भातिन वात करियो। 
\v 2 इन आखरी दाहड़ा मा हामु छे पोर्‍य क द्वारा वात की, जिनाक त्यो सारी समान क वारीस ठेराया आरू ओकी क द्वारा त्यो सारी सृष्टि की रचना की छे। 
\v 3 वो ओकी महिमा क प्रकाश आरू ओका तत्व की छाप छे, आरू सब चीज क आपसी शक्ति क वचन छे संमावतो छे। वो पाप क धुवीन उंचा स्थान पर महामहिमन क डासच्य जाय बठ्या।
\p
\v 4 आरू सोरग छे ओतरा ही वारू ठेराया, जोतरा त्यो उनछे मोटा पद क वारीस हईन वारू नाव देख्या।
\s यहोवा–भगवान पोर्‍या की श्रेष्ठता
\p
\v 5 काहकि सोरग मा छे किही काही छे कयो,
\q1 “तु मारो पोर्‍य छे, आज तु म्हार सी पयदा हुयो?”
\q2 आरू “हाव ओको बाप कहवाईस।”
\q1
\v 6 आरू जव पेहलौठे क धरती मा पछु लावता छे,
\q2 तो कयता छे,
\q1 “यहोवा–भगवानन सब सोरगदूत ओको दण्डवत् करू।”
\q1
\v 7 आरू सोरगदूतन विषय मा यो कयता छे,
\q2 “वो आपने दुतन पवन, आरू आपसा सेवकन धधकती आगठो बनावता छे।”
\q1
\v 8 पुन पोर्‍या विषय मा कयता छे,
\q2 “हे यहोवा–भगवान तारा सिंहासन युगानयुग रोवछे: तारा राज्य क राजदण्ड न्याय क राजदण्ड छे।”
\q1
\v 9 तु ने न्यायपन छे मोंग अन्याय छे दुस्मनी राख्या;
\q2 इनीये कारण यहोवा–भगवान,
\q1 तारा यहोवा–भगवान ने,
\q2 तारा साथी छे बढ़ीन हर्षरूपी तेल छे तारो अभिषेक कर्‍या।
\q1
\v 10 आरू यो कि, “हे पोरबु शुरू मा तु ने धरती की नींव नाखी,
\q2 आरू सोरगदूत तारा हात की कारीगरी छे।
\q1
\v 11 वो तो नष्ट होय जाछे, पुन तु बन रोवछे;
\q2 आरू वो सब लुगड़ान समान जुनला होय जाछे।
\q1
\v 12 आरू तु तीनुक चादरान समान वेटावछे,
\q2 आरू वो लुगड़ा क समान बदल जाछे: पर तु चो छे आरू तारा साल क आखरी नी होयछे।”
\q2
\v 13 आरू सोरगदूत मा छे त्यो काही छे किही कयो,
\q1 “तु मारो डावु बठ्या,
\q2 जव तक की हाव तारे दुस्मनयो क तारे पाय क
\q1 नेचो की पीढ़ी नी कर दीस?”
\p
\v 14 काय वो सब सेवा टहल करनेवाळी आत्मा नी, जो उध्दार देखनेवावान करता सेवा करनेन मुकली जाती छे।
\c 2
\s महान उध्दार
\p
\v 1 इनीये कारण जूवे कि हामु उन वात पर जो हामु सोमवी छे, आरू भी मन लागाड़ या ओसो नी होय कि भड़कीन उन छे दूर चाली जाय। 
\v 2 काहकि जो वचन सोरगदूतन द्वारा कयो गया हुता। जव वो स्थिर रया आरू हर एक गुणेहगार आरू हुकुम नी माननेन ठीक बदला मिव्या। 
\v 3 तो हामु मानसे ओसा मोटा उध्दार छे निश्चन्त रोवीन कोसो वाच सकता छे? जेरो चर्चा पेहल पोरबुन द्वारा होयी, आरू सोमवनेवावान द्वारा हामु ऐरो छाचो हुयो। 
\v 4 आरू साथे ही यहोवा–भगवान भी आपसी मरजी क लारे सहलानी, आरू घण मोटो काम, आरू हरेक प्रकारन सामर्थ्यन काम, आरू चुखलो आत्मान वरदान वाटनेन द्वारा ओकी गवा देता रया।
\s हामरा उध्दारकरता
\p
\v 5 त्यो ओको आवनेवाळा जगत क जेरो चर्चा हामु कर रया छे, सोरगदूतन हको तळे नी कर्‍या। 
\v 6 वरना काही ने कयी यो गवा देदी छे,
\q1 “मानुस काय छे कि तु ओकी सुधि लेता छे या
\q2 मानुस क पोर्‍या काय छे कि तु ओकी चिंता करता छे?”
\q1
\v 7 तु ने ओको सोरगदूत छे काही कम कर्‍या;
\q2 तु ने ओको पर महिमा आरू विजुत क मुकूट राख्या, आरू त्यो आपने हात क काम पर हक दिदा।
\q1
\v 8 तु ने सब काही ओको पायन नेचो कर दिदा,
\q2 अतरान करीन जव कि त्यो सब काही ओको हको तळे कर दिदा,
\q1 तो त्यो काही भी राख नी छुड़िया जो ओको हको तळे नी होय।
\m पर हामु हिमी सब काही ओको हको तळे नी देखता। 
\v 9 पर हामु ईशु क जो सोरगदूत छे काही ही काम कर्‍या गया हुता, मरलाक दुःख झेलनेन कारण महिमा आरू विजुत क मुकूट पेहरीन होया देखता छे, ताकि यहोवा–भगवानन फोकटन दया छे वो हर एक मानसोन करता मरला क हवाद चाखे। 
\v 10 काहकि ओका करता सब काही छे आरू ओका द्वारा सब काही छे, ओको योही वारलो लागे कि जव वो घोणा छे पोर्‍य क महिमा मा पुचाड्या, ती उध्दारन करता क दुःख उठावने क द्वारा सिध्द करे।
\p
\v 11 काहकि चुखलो करनेवावा आरू जो चुखलो कर्‍या जाता छे, सब एक मूल छे; अतरान करीन कारण वो तीनुक भाईस कयनो छे नी लाजवायता। 
\v 12 वो कयता छे,
\q1 “हाव तारो नाव आपने भाईस्योक सोमवावी;
\q2 सभा क विच मा हाव तारो भजन गावीस।”
\p
\v 13 आरू पछु यो, “हाव ओको पर विश्वास राखीस।” आरू पछु यो, “देख हाव उन पोर्‍य सहित जिनाक यहोवा–भगवान ने मखे आपलो।”
\p
\v 14 एरकरीन जव कि पोर्‍य मास आरू लुहूय क भागी छे, तो वो आप भी तींदरा समान ओको सहभागी होय गया, ताकि मरला क द्वारा ओको जिनाक मरला पर शक्ति मिवी होती, मतलब शैतानन निकम्मा कर देय। 
\v 15 आरू जोतरा मरलान बीक क मारे जीवन भर दासत्व मा फंछे हुता, तीनुक छुड़ा लेय। 
\v 16 काहकि वो तो सोरगदूतन नी वरना अब्राहम न वंश क संभावता छे। 
\v 17 अतरान करीन कारण ओको क जुवे हुता, कि सब वात मा आपने भाईस्यो क समान बने; जिनासे वो वात मा जो यहोवा–भगवान छे सम्बन्ध राखती छे, एक दयालु आरू विश्वासयोग्य डाहला पुजारा बने ताकि मानसे क पाप क करता प्राश्चाताप करे। 
\v 18 काहकि जव त्यो परीक्षा करी दशा मा दुःख झेलीया, तो वो उनकी भी मदत कर सकता छे जिन्दरी परीक्षा होयती छे।
\c 3
\s ईशु मूसा छे श्रेष्ठ
\p
\v 1 अतरान करीन हे चुखलो भाईस्यो, तुमू जो सोरगदूतीय बुलाहट मा भागी होय, ओको प्रेरित आरू डाहला पुजारा ईशु पर जिनाक पछतावो करता छे, ध्यान करू। 
\v 2 वो आपने नियुक्त करनेवाळान करता विश्वासयोग्य हुता, जोसो मूसा भी यहोवा–भगवानन सब घर मा हुता। 
\v 3 काहकि ईशु मूसा छे ओतरो बढ़ीन महिमान योग्य समझ गया छे, जोतरा घर क बनावनेवावा घर छे बढ़ीन विजुत राखता छे। 
\v 4 काहकि हर एक घर क काही नी काही बनावनेवावा हुयसे छे, पर जो सब काही बनाड़े वो यहोवा–भगवान छे। 
\v 5 मूसा तो यहोवा–भगवानन सब घर मा सेवकन समान विश्वासयोग्य रया कि जिन वातन वर्णन हुयने वालो हुता, तीन्दरी गवा देय। 
\v 6 पुन मसीह पोर्‍या समान यहोवा–भगवान क घर क हक छे; आरू उना क घर हामु छे, यदि हामु साहस पर आरू आपसी आश डाहळाय पर आखरी तक दृढ़ता छे स्थिर रोवे।
\s विन भुरसीया क चेतावनी
\p
\v 7 शेवली कावा जोसो चुखलो आत्मा कयता छे,
\q1 “यदि आज तुमू तेरो ओवाज सोमवु।”
\q1
\v 8 तो आपसा मन मा वातड़ो नी करो,
\q2 जोसो कि रीस देवाड़ेन टेहाव आरू परीक्षा क दाहडु जंगल मा कर्‍या हुता।
\q1
\v 9 वा तुमरे बाबदादा ने मखे हेरीन पारखने आरू
\q2 चावीस साल तक मारा काम देखने।
\q1
\v 10 इनीये कारण हाव ओको टेहाव क मानसे छे रीसवाला रया,
\q2 आरू कयो, “इन्दरा मन सदा भटकता रयता छे,
\q1 आरू त्या लोगहन मारो मार्ग क नी उवखता।”
\q2
\v 11 तव हाव ने रीस मा आवीन शपथ खादु,
\q1 “वो मारो विश्राम मा भरायने करने नी देखछे।”
\p
\v 12 हे भाईस्यो, चोकचौळीया रवु कि तुमू मा ओसो बुरो आरू विनभुरसा मन होय, जो तुमूक जीवता यहोवा–भगवान छे दूर हटाय ली जाय। 
\v 13 वरना जिना दाहड़े तक आज क दाहडु कयो जाता छे, हर दाहड़े एक दिसरा क समझता रया, ओसो नी होय कि तुमू मा छे काही जन पाप क छव मा आवीन वातड़ो होय जाय। 
\v 14 काहकि हामु मसीहन भागीदार होया छे, यदि हामु आपनो पेहलो विश्वास पर आखरी तक दृढ़ता छे स्थिर रोवे।
\p
\v 15 जोसो कयो जाता छे,
\q1 “यदि आज तुमू ऐरो ओवाज सोमवु,
\q2 तो आपने मनन वातड़ो नी करू,
\q1 जोसो कि रीस देवाड़ने क टेहाव कर्‍या हुता।”
\p
\v 16 भला कुनीछे मानसे ने सोमवीन भी रीस देवाड्या? काय उन सब ने नी, जो मूसा क द्वारा मिस्र छे निकवता हुता? 
\v 17 आरू वो चावीस साल तक काहना मानसे छे रीसवाला रया? काय इनु छे नी जे पाप कर्‍या, आरू इन्दरो शव जंगल मा पड़ी रोवे? 
\v 18 आरू त्यो कुनीछे शपथ खादी कि तुमू मारे विश्राम मा भरायने करने नी देखछे? काय केवल इनु सी नी जी हुकुम नी मानी? 
\v 19 शेवली कावा हामु देखता छे कि वो विनभुरसा कारण भरायने नी कर सके।
\c 4
\s यहोवा–भगवान क मानसे क विश्राम
\p
\v 1 अतरान करीन जव कि ओका विश्राम मा भरायने करने की प्रतिज्ञा हिमी तक छे, तो हामु घाबरायने जूवे ओसो नी होय कि तुमू मा छे काही जन ओका सी वंचित रया जाय। 
\v 2 काहकि हामु इन्दरी तरह खुश खबर सोमवाया गया छे, पर सोमवने होया वचन छे तीनुक काही लाभ नी होया; काहकि सोमवनेवावा क मन मा विश्वास क साथ नी बठ्या। 
\v 3 पुन हामु जे विश्वास कर्‍या छे,
\q1 ओको विश्राम मा भरायने करता छे; जोसो त्यो कयो,
\q2 “हाव ने आपने रीस मा शपथ खादी कि वो मारे विश्राम मा भरायने करने नी देखछे।”
\m यदि धरती की उबजनो क टेहाव छे तेरो काम पूरो होय त्योक्यो होतो। 
\v 4 काहकि सातवु दाहडु क विषय मा त्यो कयी यो कयो छे, “यहोवा–भगवान ने सातवे दाहड़े आपसा सब कामक निपटा करीन विश्राम कर्‍या।” 
\v 5 आरू इनीये धरती पछु यो कयता छे, “वो मारे विश्राम मा भरायने नी करने देखछे।” 
\v 6 तो जव यो वात बाकी छे कि कोतरा आरू छे जो ओको विश्राम मा भरायने करे, आरू जे तेरो खुश खबर पेहल सोमवाय गया तीनुक हुकुम नी माननेन कारण इनुमा भरायने नी कर्‍या। 
\v 7 अतरान करीन वो काही विशेष दाहड़ा ठेरावीन ओतरा दाहड़ान बाद दाऊद की किताब मा ओको
\q1 “आज क दाहडु क कयता छे। जोसो पेहल कयो गया यदि आज तुमू ओको ओवाज सोमवीन,
\q2 तो आपनो मन क वातड़ो नी करो।”
\p
\v 8 काहकि यदि यहोशू तीनुक विश्राम मा भरायने कराय लेता, तो तेरे बाद दिसरे दाहड़े की चर्चा नी होयती। 
\v 9 शेवली कावा जान लेवु कि यहोवा–भगवान क मानसे क करता आरामन दाहडान विश्राम बाकी छे। 
\v 10 काहकि जु तेरो विश्राम मा भरायने कर्‍या छे, त्यो भी यहोवा–भगवानन समान आपसा काम क पूरो करीन विश्राम कर्‍या छे। 
\v 11 शेवली कावा हामु ओको विश्राम मा भरायने करने क कोशिष करे, ओसो नी होय कि काही जन उन क समान हुकुम नी मानीन पड़ गया।
\p
\v 12 काहकि यहोवा–भगवान क वचन जीवतो, आरू मजबुत, आरू एक दुधारी तलवार छे भी चोखा छे; आरू जीव आरू आत्मान, आरू गाठ–गाठ आरू गूदा–गूदा क अलग करीन आरू पार छेदता छे आरू मन की भावना आरू विचार क हेरता छे। 
\v 13 सृष्टि की काही समान इनु सी डुकाय नी छे वरना जिनुछे हामु काम छे, ओका डुवा क सामने सब चीज उघाड़ली आरू प्रगट छे।
\s मोटो डाहला पुजारा
\p
\v 14 अतरान जव आमरो ओसो मोटो डाहला पुजारा छे, जो सोरगदूतो छे हईन गया छे, मतलब यहोवा–भगवानन पोर्‍य ईशु, तो आवु, हामु आपने पछतायो क दृढता छे थाहाव रोवे। 
\v 15 काहकि आमरो ओसो डाहला पुजारा नी जो हामरी निर्बलता मा हामरे साथे दुःख नी होय सके; वरना वो सब वात मा हामरे समान पारखता तो गया, तौभी निष्पाप निकवता। 
\v 16 अतरान करीन आवु, हामु फोकटन दया क सिंहासन क निकट हियाव बांधीन चाले कि हामु पर दया होय, आरू वो फोकटन दया देखछे जो जरूरत क टेहाव हामरी मदत करे।
\c 5
\p
\v 1 काहकि हर एक डाहला पुजारा मानुस मा छे लेता जाता छे आरू मानुस ही क करता, उन वात क विषय मा जो यहोवा–भगवान छे सम्बन्ध राखती छे, ठेराया जाता छे कि भेंट आरू पाप बलि चढ़ाया करे। 
\v 2 वो विनअकलिया आरू भूले भटको क साथे नर्मी छे व्यवहार कर सकता छे, अतरान करीन कि वो आप भी निर्बलता छे घिरा छे। 
\v 3 अतरान करीन ओको जुवे कि जोसा मानसोन वोसो ही आपने करता भी पाप बलि चढ़ाया करू। 
\v 4 यो विजुत क पद काही आपने आप क छे नी लेता, जव तक कि हारून क समान यहोवा–भगवान की आरू छे ठराय नी जाय।
\p
\v 5 वोसो ही मसीह ने भी डाहला पुजारा बनने की बढ़ाई आपने आप छे नी लेदी,
\q1 पर ओको तीनी ने देदी, जो ओका सी कयो हुता,
\q2 “तु मारो पोर्‍य छे, आज हाव ही ने तुखे पैदा कर्‍या छे।”
\p
\v 6 इन प्रकार वो दीसरी धरती मा भी कयता छे,
\q1 “तु मेलख़ीत्सेदेक की रीति
\q2 पर सदान करता पुजारा छे।”
\p
\v 7 \x + \xo 5:7 \xo*\xt मत्ती 26:36-46; मरकुस 14:32-42; लूका 22:39-46\xt*\x*ईशु ने आपसी डील मा रोवने क दाहड़ा मा उंचा ओवाज छे आयड़ीन आरू आसा पाड़ीन ओका सी जो ओको मरला मारयन वाचड़ सकता हुता, प्रार्थना आरू रावन्या करी, आरू भक्ति क कारण ओकी सोमवाय गयी। 
\v 8 पोर्‍य हुयने पर भी त्यो दुःख उठाड़ हुकुम मान सखी। 
\v 9 आरू सिध्द बनीन, आपने सब हुकुम माननेवावा क करता अमरकाय काव क उध्दार क कारण होय गया। 
\v 10 आरू ओको यहोवा–भगवान की आरू छे मेलख़ीत्सेदेक की रीति पर डाहला पुजारा क पद मिव्य।
\p
\v 11 अतरान करीन विषय मा घोणा सी वात कयनो छे, जिन्दरो समझने भी वातड़ो छे, अतरान करीन कि तुमू उंचा सोमवने लागे होय। 
\v 12 \x + \xo 5:12 \xo*\xt 1 कुरन्थियो 3:2\xt*\x*टेहाव क विचार छे तो तुमूक गुरू होय जानो जुवे हुता, तौभी यो छाची होय गया छे कि काही तुमूक यहोवा–भगवानन वचन की शुरू शिक्षा पछु छे सिखाड़। तुमू तो ओसो होय गयो होय कि तुमूक अन क बदल हिमी तक दूध ही जुवे। 
\v 13 काहकि दूध पीनेवावा पोर्‍या क तो न्यायपन क वचन की उवख नी होयती, काहकि वो पोर्‍य छे। 
\v 14 पुन अन सयानो क करता छे, जिन्दरी ज्ञानेंद्रिया मेहनत करता भले बुरे मा भेद करने मा निपुन होय गयी छे। \fig महायाजकन छिंदरा आरू धुपदानी|alt="High priest with his priestly clothes and censer" src="hk00267c।tif" size="col" copy="Horace Knowles ©" ref="5:5"\fig*
\c 6
\p
\v 1 अतरान करीन आवु मसीह की शिक्षा की शुरू की वात क छुड़ीन हामु सिध्दता करी आरू ओगव बढ़ता जाय, आरू मरला होया काम छे मन फिरावने, आरू यहोवा–भगवान पर विश्वास करने। 
\v 2 आरू बपतिस्मा आरू हात राखने, आरू मरला होया क जीवता उठने, आरू अमरकाय न्याय की शिक्षा रूपी नींव पछु छे नी नाखने। 
\v 3 यदि यहोवा–भगवान जूवे तो हामु योही करसे।
\p
\v 4 काहकि जिन्दरो एक बार दिया देख छे, आरू जो सोरगदूतीय वरदान क हवाद चाख त्योक्यो छे आरू चुखलो आत्मान भागी होय गया छे। 
\v 5 आरू यहोवा–भगवानन वारू वचन क आरू आवनेवाळा युग की शक्ति क हवाद चाख त्योक्या छे। 
\v 6 यदि वो भटक जाय तो तीनुक मन फिरावनेन करता पछु नवलो बनावने काठलो छे; काहकि वो यहोवा–भगवान क पोर्‍य क आपने करता पछु कुरूस पर चढ़ावता छे आरू प्रगट मा उना पर गुणो लागाड़ता छे।
\p
\v 7 काहकि जो धरती सालन क पानी क, जो उना पर बार बार पड़ता छे, पी पीयन जिन मानसोन करता वो जोती वेरी जाती छे इन्दरे कामन सागपात उगाड़ ़े छे, वो यहोवा–भगवान छे बरकत देखती छे। 
\v 8 पर यदि वो झाड़काम आरू काटेवसीया उगाड़ती जाती छे, तो निकम्मी आरू स्रापित हुयने पर छे, आरू ऐरो आखरी धपाड्या जाना छे।
\p
\v 9 पर हे मोंगावु, यदि हामु यो वात कयता छे तौभी तुमरे विषय मा हामु ओका सी वारली आरू उध्दारवली वात क विश्वास करता छे। 
\v 10 काहकि यहोवा–भगवान अन्यायी नी कि तुमरे काम, आरू ओको मोंग क भूल जाय, जो तुमू ने अतरान करीन नावन करता इनीये रीति छे देखाड्या, कि चुखलो मानसे की सेवा करी आरू कर भी रया होय। 
\v 11 पर हामु घोणा जूवता छे कि तुमू मा छे हर एक जन आखरी तक पूरी आश क करता ओसो ही कोशिष करता रया। 
\v 12 ताकि तुमू उजग्या नी होय जावु, वरना इन्दरो गती करू जो विश्वास आरू धीरज क द्वारा प्रतिज्ञा क वारीस हुयसे छे।
\s यहोवा–भगवान की अटल प्रतिज्ञा
\p
\v 13 यहोवा–भगवान ने अब्राहम छे प्रतिज्ञा करता टेहाव जव शपथ खाने क करता काही क आपने छे मोटो नी देख्या, तो आपसी ही शपथ खायन कयो। 
\v 14 “हाव सचमुच तुखे घोणा बरकत दीस, आरू तारी अवलियाद क बढ़ावता जाछे।” 
\v 15 आरू इन रीति छे त्यो धीरज धरीन प्रतिज्ञा करी होयी वात हासिल करी। 
\v 16 मानुस तो आपने छे काही मोटान शपथ खाया करता छे, आरू इन्दरो हर एक विवाद क फैसला शपथ छे पक्‍का हुयसे छे। 
\v 17 अतरान करीन जव यहोवा–भगवान ने प्रतिज्ञा क वारीस पर आरू भी साफ रीति छे प्रगट करनो जूवे कि तेरो उद्देश्य बदल नी सकता, तो शपथ क वीच मा लाया। 
\v 18 ताकि दुय बे बदल वात क द्वारा, जिन्दरे विषय मा यहोवा–भगवान क झूठ ठराय काठलो छे, दृढ़ता छे आमरो ढाढ़स बंध जाय, जो शरण लेने क एरकरीन दौवड़े छे कि ओको आश क जो सामने राखी होयी छे हासिल करे। 
\v 19 वो आश हामरे जीव क करता ओसो लंगर छे जो स्थिर आरू दृढ़ छे, आरू परदा क माहीय तक पुचाड़ता छे। 
\v 20 वा ईशु ने मेलख़ीत्सेदेक की रीति पर सदा काव क डाहला पुजारा बनीन, हामरे करता अगळवानिया क रूप मा भरायने कर्‍या छे।
\c 7
\s मेलख़ीत्सेदेक पुजारा
\p
\v 1 यो मेलख़ीत्सेदेक शालेम क राजा, आरू परमप्रधान यहोवा–भगवान क पुजारा, सर्वदा पुजारा बनाय रयता छे। जव अब्राहम राजा क मारीन पुगीयो जाता हुता, तो इनी ने ओका सी भेंट करीन ओको बरकत दिदो। 
\v 2 इनी क अब्राहम ने सब चीज क दसवा अंश भी दिदा। यो पेहल आपने नाव क मतलब लारे, न्यायपन क राजा, आरू पछु शालेम मतलब शांती क राजा छे। 
\v 3 जेरो नी बास, नी आश, नी वंशावड़ी छे, जेरा दाहड़ा क नी शुरू छे आरू नी जीवन क आखरी छे; पुन यहोवा–भगवान क पोर्‍य क स्वरूप ठराय कर वो सदा क करता पुजारा बनाय रयता छे।
\p
\v 4 हिमी अतरान करीन पर ध्यान करू कि वो कोसो महान हुता जेरो कुलपति अब्राहम ने लूट क वारला छे वारला माल क दसवा अंश दिदा। 
\v 5 लेवी की अवलियाद मा छे जो पुजारा क पद देखता छे, तीनुक हुकुम मिवी छे कि मानछे, मतलब आपसा भाईस्यो छे, जूवे अब्राहम ही की डील छे काय नी जन्हाव होय, व्यवस्था क लारे दसवा अंश लेय। 
\v 6 पर त्योने, जो इन्दरी वंशावड़ी मा क भी नी हुता, अब्राहम छे दसवा अंश लेदो, आरू जिनाक प्रतिज्ञा मिवी होती ओको बरकत देदी। 
\v 7 इनामा संदेह नी कि नाना मोटा छे बरकत देखता छे। 
\v 8 आरू याहा तो मरनहार मानुस दसवा अंश लेता छे, पर वाँ चो लेता छे जिन्दरी गवाय देदी जाती छे कि वो जीवतो छे। 
\v 9 तो हामु यो भी कय सकता छे कि लेवी ने भी, जो दसवो अंश लेता छे, अब्राहम क द्वारा दसवो अंश आपियो। 
\v 10 काहकि जिना टेहाव मेलख़ीत्सेदेक ने ऐरा बास छे भेंट की, उना टेहाव वो आपने बास की देह मा हुता।
\s मेलख़ीत्सेदेक क सदृश दिसरा पुजारा
\p
\v 11 यदि लेवीय पुजारा पदन द्वारा सिध्द हासिल होय सकती ओका सहारे मानसे व्यवस्था मिवी होती तो पछु काय जरूरत होती कि दिसरा पुजारा मेलख़ीत्सेदेक की रीति पर उबा होय, आरू हारून की रीति क नी कवायसे। 
\v 12 काहकि जव पुजारा क पद बदलाय जाता छे, तो व्यवस्था क भी बदलने पाको छे। 
\v 13 काहकि ओका विषय मा यो वात काही जाती छे कि वो दिसरा अवळियाद क छे, जिनामा छे काही ने वेदी की सेवा नी की। 
\v 14 तो प्रगट छे कि आमरो पोरबु यहूदा क अवळियाद मा छे उद्य हुयो छे, आरू इनीये अवळियाद क विषय मा मूसा ने पुजारा पद की काही चर्चा नी की।
\p
\v 15 आमरो दावा आरू भी स्पष्टता छे प्रगट होय जाता छे, जव मेलख़ीत्सेदेक क समान एक आरू पुजारा पैदा होय, जाता छे। 
\v 16 जो शारीरिक हुकुमन व्यवस्थान लारे नी, पर अमरकाया जीवनन शक्ति क लारे नियुक्त हुयो होय। 
\v 17 काहकि अतरान करीन विषय मा यो गवा देदी गयी छे, “तु मेलख़ीत्सेदेक की पर युगानयुग पुजारा छे।”
\p
\v 18 इनीये प्रकार, पेहली हुकुम निर्बल आरू निष्फल हुयने क कारण लोप होय गयी। 
\v 19 अतरान करीन कि व्यवस्था ने काही वात की सिध्दि नी करी, आरू अतरान करीन स्थान पर एक ओसी वारू आश राखी गयी छे ओका द्वारा हामु यहोवा–भगवान क समीप जाय सकता छे। 
\v 20 मसीहन नियुक्ति विना शपथ नी होयी। 
\v 21 काहकि वो तो विना शपथ पुजारा ठराय गया पर यो शपथ क साथे ओकी आरू छे नियुक्ति कर्‍या गया ओका ओको विषय मा कयो,
\q1 “पोरबु ने शपथ खादी,
\q2 आरू वो ओका सी पछु नी पछतावो छे
\q1 कि तु युगानयुग पुजारा छे।”
\p
\v 22 इनीये प्रकार ईशु एक वारू वाचा जामिन ठेराया।
\p
\v 23 वो तो घोणा मोटी संख्या मा पुजारा बनतो आयो, ऐरो कारण यो होतो कि मरलो इनुक रोवने नी देती होती। 
\v 24 पर यो युगानयुग रोवता छे, इनीये कारण ओको पुजारा पद अटल छे। 
\v 25 अतरान करीन करता जो ओको द्वारा यहोवा–भगवान क साथे आवता छे, वो इन्दरो पूरा पूरा उध्दार कर सकता छे, काहकि वो ओको करता रावन्या करने क सर्वदा जीवता छे।
\p
\v 26 शेवली कावा ओसो ही पुजारा हामरे योग्य हुता जो चुखलो, आरू निष्कपट, आरू निर्मल, आरू पापी छे अलग, आरू सोरगदूत छे भी उचो कर्‍या होया होय। 
\v 27 उन डाहला पुजारा क समान ओको छाची नी कि हर दाहड़े पेहल आपने पाप आरू पछु मानसे क पाप क बलिदान चढ़ाया; काहकि त्यो आपने आप बलिदान चढ़ावीन उको एक ही बार मा पूरा कर दिदा। 
\v 28 काहकि व्यवस्था तो निर्बल मानुस क डाहला पुजारा नियुक्त करती छे, पुन ओको शपथ क वचन जो व्यवस्था क बाद खाय गयी, उना पोर्‍या क नियुक्त करता छे जो युगानयुग क करता सिध्द कर्‍या गया छे।
\c 8
\s ईशु आमरो डाहला पुजारा
\p
\v 1 हिमी जो वात हामु कय रया छे उनमा छे सब छे मोटी वात यो छे कि आमरो ओसो डाहला पुजारा छे, जो सोरगदूत पर महामहिमन क सिंहासन क डासच्य कावे जाईन बठ्य छे। 
\v 2 आरू चुखलो स्थान आरू ओको सच्चे तम्बू क सेवक होया जिनाक काही मानुस ने नी, वरना पोरबु ने उबा कर्‍या छे।
\p
\v 3 काहकि हर एक डाहला पुजारा भेंट आरू बलिदान चढ़ावने क करता ठेराया जाता छे, इनीये कारण पाको छे कि इनीये पुजारा क साथे भी काही चढ़ावने क करता होय। 
\v 4 यदि वो धरती पर हुता तो कदी पुजारा नी हुता, अतरान करीन कि व्यवस्था क लारे भेंट चढ़ावने वावा तो छे। 
\v 5 वो सोरग मा की चीज क सारखो रूप आरू प्रतिबिम्ब की सेवा करता छे; जोसो जव मूसा तम्बू बनावने पर हुता, तो ओको यो चेतावनी मिवी, “देख जो नमूना तुखे बयड़ा पर देखाय गया हुता, अतरान करीन लारे सब काही बनावने।” 
\v 6 पर पुजारा छे बढ़ीन सेवा ईशु क मिवी काहकि वो आरू भी वारू वाचा क मध्यस्थ ठेराया, जो आरू वारू प्रतिज्ञा क सहारे बांधी गयी छे।
\p
\v 7 काहकि यदि वो पेहल वाचा निर्दोष होयती, तो दीसरी क करता मेखे नी हेर्‍या जाता। 
\v 8 पर वो उन पर दोष लागाड़ ने कयता छे, देखु, वो दाहडु आवतु छे कि हाव इस्राएल क लोगहन साथे, आरू यहूदा क घराना क नोवली वाचा बांधीस।
\p
\v 9 यो उना वाचा क समान नी होछे,
\q1 जो हाव ने ओको बास दादा क साथे उना टेहाव बांधी होती,
\q2 जव हाव इन्दरो हात धरीन इनुक मिस्र देश छे निकाव लाया;
\q1 काहकि वो मारी वाचा पर स्थिर नी रावे,
\q2 अतरान करीन हाव ने इन्दरी सुधि नी लेदी योही कयता छे।
\q1
\v 10 पछु पोरबु कयता छे, कि जो वाचा हाव उन
\q2 दाहड़ा क बाद इस्राएल क घराने क साथे बांधीस वो
\q1 यो छे कि हाव आपसी व्यवस्था क इन्दरे मनो मा नाखीस,
\q2 आरू ओको इन्दरा दिल पर लिखीस,
\q1 आरू हाव इन्दरो यहोवा–भगवान ठेरायस
\q2 आरू वो मारा मानसे ठेरायछे।
\q1
\v 11 आरू हर एक आपसा देशवावा क आरू आपसा भाईस
\q2 क यो शिक्षा नी देय, कि तु पोरबु क उळखने,
\q1 काहकि नानी छे मोटी तक सब मखे जान लेछे।
\q1
\v 12 काहकि हाव इन्दरो अन्याय क विषय मा दयावन्त होयछे,
\q2 आरू इन्दरो पाप क पछु स्मरण नी करीस।
\p
\v 13 नोवली वाचा की स्थापना छे त्योने पेहलो वाचा क जुनली ठराय दिदा; आरू जो चीज जुनली आरू जीर्ण होय जाती छे ऐरो मिट जाने छाचो छे।
\c 9
\s पार्थिव तम्बू मा सेवा
\p
\v 1 ओको पेहली वाचा मा भी सेवा क नियम हुता, आरू ओसो चुखलोस्थान हुता जो इनीये धरती क हुता 
\v 2 काहकि एक तम्बू बनायो गयो, पेहल तम्बू मा दीवट, आरू हावज, की रूटा हुता; आरू वो चुखलोस्थान कोवायता छे। 
\v 3 दिसरा परदा क पछव वो तम्बू होतो, जो यहोवा–भगवानन चुखलोस्थान कोवायता छे। 
\v 4 उनमा सोनो की धूपदानी, आरू चार आरू सोनो छे आरू ढावलो वाचा क सन्दुक आरू इनमा मन्ना छे भराय हुयो सोनो क मर्तवान आरू हारून की लाकड़ी जिनमा फुल आय गयो होतो आरू वाचा की पट्टी होती। 
\v 5 अतरान करीन ऊपर दुयू तो तेजोमय करूब हुता, जो प्राश्चाताप क ढाकने पर सहावु कर्‍या होया हुता; इन्दरो एक एक करीन वर्णन करने क हिमी मेखे नी छे। \fig आराधनालयन महायतलो गावो |alt="Interior of tabernacle" src="bk00278c।tif" size="span" copy="Horace Knowles ©" ref="9:2"\fig*
\p
\v 6 यो चीज इनीये रीति छे तीयार होय त्योकी। ओको पेहल तम्बू मा पुजारा हर टेहाव भरायने करीन सेवा क काम सम्पन्न करता छे। 
\v 7 पर दिसरा मा केवल डाहला पुजारा साल भर मा एक ही बार जाता छे, आरू बिना लुहूय करता नी जाता; जिनाक वो आपने करता आरू मानसे की भूल चूक क करता चढ़ावता छे। 
\v 8 इनीये छे चुखलो आत्मा योही देखाडतो छे कि जव तक पेहल तम्बू उबो छे तक चुखलोस्थान क मार्ग प्रगट नी हुयो। 
\v 9 यो तम्बू वर्तमान टेहाव क करता एक सपनो छे; जिनमा ओसी भेंट आरू बलिदान चढ़ावने जाता छे, जिनुछे आराधना करनेवावा क विवेक सिध्द नी होय सकता। 
\v 10 काहकि वो केवल खाने पीने की चीज आरू भाति की स्नान विधि क आधार पर शारीरिक नियम छे, जो सुधार क टेहाव तक क करता नियुक्त कामो गयो छे।
\s यहोवा–भगवान क लुहूय की शक्ति
\p
\v 11 पुन जव मसीह आवनेवावी वारली वारली चीज क डाहला पुजारा हईन आयो, तो त्यो आरू भी मोटो आरू सिध्द तम्बू छे हईन, जो हात क बनायो हुयो नी मतलब इनीये सृष्टि क नी। 
\v 12 आरू बुकड़ो आरू केवड्या क लुहूय यो क द्वारा नी पर आपने ही लुहूय यो क द्वारा, एक ही बार चुखलोस्थान मा भरायने कर्‍या आरू अमरकाय छुटकारो हासिल कर्‍या। 
\v 13 काहकि जव बुकड़ो आरू बुल्यो क लुहूय यो आरू कलोर क रूखड़ो क विटुळ मानसे पर छाटने सी विटळ डील इनुक चुखलो करे। 
\v 14 तो मसीह क लुहूय यो जो आपने आप क अमरकाय आत्मा क द्वारा यहोवा–भगवान क सामने निर्दोष चढ़ावने, तुमरे विवेक क मरला हुयो काम छे काय नी चुखो करसे ताकि तुमू जीवता यहोवा–भगवान की सेवा करू।
\p
\v 15 इनी कारण वो नोवली वाचा क मध्यस्थ छे, ताकि ओकी मरन क द्वारा जो पेहली वाचा क टेहाव क दोष छे छुटकारो देखने क करता होयी छे, बुलाया होया मानसे प्रतिज्ञा क लारे अमरकाय मीरास क करे।
\p
\v 16 काहकि वा वाचा बांधीन गयी छे वाँ वाचा बांधनेवावा की मरन क समझ लेने भी पाको छे। 
\v 17 काहकि ओसी वाचा मरना पर पाक्‍की होयती छे, आरू जव तक वाचा बांधनेवावा जीवता रयता छे तव तक वाचा काम की नी होयती। 
\v 18 इनी करता पेहली वाचा भी बिना लुहूय क नी बांधीन गयी। 
\v 19 काहकि जव मूसा सब मानसे क व्यवस्था की हर एक हुकुम सोमवी त्योक्यो तो त्यो केवड्यो आरू बुकड़ो क लुहूय लीन, पानी आरू रातलो रूई आरू जूफा क साथे, इन किताब पर आरू सब मानसे पर छिड़की दिदा। 
\v 20 आरू काँ, “यो उना वाचा लुहूय छे, जेरो हुकुम यहोवा–भगवान ने तुमरे करता देदी छे।” 
\v 21 आरू इनी रीति छे त्यो तम्बू आरू सेवा क सब समान पर लुहूय छिड़कीया। 
\v 22 सच ती यो छे कि व्यवस्था क लारे प्राय: सब चीज लुहूय क द्वारा चुखो करी जाती छे, आरू बिना लुहूय उहवने न पापन माफ नी।
\s मसीह क बलिदान द्वारा पाप माफ
\p
\v 23 अतरान करीन पाको छे कि सोरग मा करी चीज क सारखो रूप इन बलिदान क द्वारा चुखो कर जाय, पर सोरग मा करी चीज स्वय इनु सी वारू बलिदान क द्वारा चुखो करी जाती। 
\v 24 काहकि मसीह ने उना हात क बनाय हुयो त्यो चुखलोस्थान मा, जो सच त्यो चुखलो स्थान क नमूना छे, भरायने नी कर्‍या पर सोरग ही मा भरायने कर्‍या, ताकि हामरे करता हिमी यहोवा–भगवान क सामने देखाय देय। 
\v 25 यो नी कि वो आपने आप क बार बार चढ़ाय, जोसो कि डाहला पुजारा हर साल दिसरा क लुहूय करता चुखलोस्थान मा भरायने कर्‍या करता छे। 
\v 26 नी तो धरती की उबजनो छे लीन ओको बार बार दुःख उठाड़नो पड़तो; पर हिमी युग क आखरी मा वो एक ही बार प्रगट होया छे, ताकि आपने ही बलिदान क द्वारा पाप क दूर कर देय। 
\v 27 आरू जोसो मानुस क करता एक बार मरना आरू अतरान करीन बाद न्याय क हुयने नियुक्त छे। 
\v 28 तसात् ईशु मसीह भी घण सवटा क पाप क उका पर लेने करीन एक बार बलिदान हयो; आरू जो लोगहन ओकी वाट देखे त्यान क छुटकारा क करता दीसरी बार बिना पाप आपसा पर लेदो हयो देखाय पड़से।
\c 10
\s सिध्द बलिदान
\p
\v 1 काहकि व्यवस्था, जिनमा आवनेवावी वारलो चीज क प्रतिबिम्ब छे पर ओको असली स्वरूप नी, एरकरीन उन एक ही प्रकार क बलिदान क द्वारा जो हर साल लगत चढ़ाय जाता छे, साथे आवनेवाळा क कदी सिध्द नी कर सकती। 
\v 2 नी तो ओको चढ़ावने बंद काय नी होय जाता? एरकरीन जव सेवा करनेवावा एक ही बार चुखो होय जाता, तो पछु ओको विवेक तीनुक पापी नी ठराय। 
\v 3 पुन ओको द्वारा हर साल पाप क स्मरण होया करता छे। 
\v 4 काहकि यो वातड़ो छे कि बुल्यो आरू बुकड़ा क लुहूय पाप क दूर करे।
\p
\v 5 इनी कारण वो धरती मा आवता टेहाव कयता छे,
\q1 “बलिदान आरू भेंट तु ने नी जूवी,
\q2 पर मारे करता एक देह तीयार करी।”
\q1
\v 6 होम बलीया आरू पाप बलीया
\q2 छे तु खुश नी होया।
\q1
\v 7 तव हाव ने कयो, “देखु हाव आय गयो छे,
\q2 चुखलो शास्त्र मा मारा वाराम मा लिख्या हुयो छे, ताकि छे यहोवा–भगवान, तारी मरजी पूरी करे।”
\p
\v 8 ऊपर तो वो कयता छे, “नी तु ने बलिदान आरू भेंट आरू होम बलीया आरू पाप बलीया क जूवे, नी ओका सी खुश हुयो” यदि यो बलिदान तो व्यवस्था क लारे चढ़ाय जाता छे। 
\v 9 पछु यो भी कयता छे, “देखु हाव आय गयो छे, ताकि तारी मरजी पूरी करीस” शेवली कावा वो पेहल क उठाड़ देता छे, ताकि दिसरा क नियुक्त करे। 
\v 10 ओकी मरजी छे हामु ईशु मसीह की देह क एक ही बार बलिदान चढ़ावने जाने क द्वारा चुखलो कर गया छे। \fig वेदी पर बलिदान|alt="Burnt offering on an altar" src="hk00256c।tif" size="col" copy="Horace Knowles ©" ref="10:10"\fig*
\p
\v 11 हर पुजारा तो उबा हईन हर दाहड़े सेवा करता छे, आरू एक ही प्रकार क बलिदान क जो पाप क कदी भी दूर नी कर सकता, बार बार चढ़ावता छे। 
\v 12 पुन यो व्यक्ति तो पाप क बदले एक ही बलिदान सर्वदा क करता चढ़ावीन यहोवा–भगवान क डासच्य जाय बठ्या। 
\v 13 आरू तीनी टेहाव छे इसकी वाट जुय रया छे, कि ओका दुस्मन ओका पाय क नेचो की पीढी बने। 
\v 14 काहकि त्यो एक ही चढ़ावने क द्वारा तीनुक जो चुखलो कर्‍या जाता छे, सर्वदा क करता सिध्द कर दिदा छे।
\p
\v 15 आरू चुखलो आत्मा भी हामु योही गवा देता छे: काहकि त्यो पेहल कयो हुता।
\q1
\v 16 पोरबु कयता छे कि जो वाचा हाव उन दाहड़ा क
\q2 बाद उनछे बांधीस वो यो छे कि हाव आपने नियम
\q1 क ओको दिल पर लिखीस आरू हाव ओको विचार नाखीस।
\p
\v 17 पछु हाव वो यो कयता छे, “हाव ओको पाप क आरू ओको अन्याय क काम क पछु कदी याद नी करीस।” 
\v 18 आरू जव इन्दरी माफी हुय गयी, तो पछु पाप क बलिदान नी रया।
\s यहोवा–भगवानन समीप जाय
\p
\v 19 एरकरीन हे भाईस, जव हामु ईशु क लुहूय क द्वारा ओको नवलो आरू जीवतो मार्ग छे चुखलोस्थान मा भरायने करने क हियाव होय गयो छे। 
\v 20 जो त्यो परदा मतलब आपसा डील मा छे हईन, हामरे करता अभिषेक कर्‍या छे। 
\v 21 आरू एरकरीन कि आमरो ओसो महान पुजारा छे, जो यहोवा–भगवान क घर क हक छे। 
\v 22 तो आवु, हामु सचे मन आरू पूरो विश्वास क साथे, आरू विवेक क दोष दूर करने क करता हृदय पर छिड़काव लीन, आरू देह क चुखो जल छे धुवीन यहोवा–भगवान क समीप जाय। 
\v 23 आवु हामु आपसी आश क पछतायो क दृढ़ता छे थाहाव रया, काहकि जो प्रतिज्ञा करी छे वो सच छे। 
\v 24 आरू मोंग, आरू भले काम मा चढ़ावने क करता हामु एक दिसरा की चिंता कर्‍या करे। 
\v 25 आरू एक दिसरा क साथे एखठा हुयने नी छुड़ जोसो कि कोतरा की रीति छे, पर एक दिसरा क समझता रया; आरू जसो–जसो उना दाहड़ाम निकट आवता देखु त्यो त्यो आरू भी सवटो यो कर्‍या करू।
\p
\v 26 काहकि सच की उळखने हासिल करने क बाद यदि हामु जान बुझीन पाप करता रया, तो पाप क करता पछु काही बलिदान बाकी नी। 
\v 27 हाव, दण्ड क एक भयानक वाट जोहना आरू आगठा जलन बाकी छे जो विरोधी क भस्म कर देसे। 
\v 28 जव मूसा की व्यवस्था क नी माननेवावा, दुय या तीन जना की गवा पर, बिना दया क मार नाखने जाता छे। 
\v 29 तो सुच लेवु कि वो कोतरा आरू भी भारी दण्ड क योग्य ठरछे, जो यहोवा–भगवान क पोर्‍य क पाय छे रौंदा आरू वाचा क लुहूय क ओका द्वारा वो चुखलो ठराय गया हुता, विटुळ जानने छे, आरू फोकटन दया क आत्मा क विजुत कर्‍या। 
\v 30 काहकि हामु उको जानता छे, हाव जो कयो, “पलटा लेने मारो काम छे, हाव ही बदलाय दीस।” आरू पछु यो, कि “पोरबु आपने मानसे क न्याय करसे।” 
\v 31 जीवता यहोवा–भगवान क हात मा पड़ने भयानक वात छे।
\p
\v 32 पुन उन पोछले दाहड़े क स्मरण करू, जिन मा तुमू दिया देखीन दुःख क मोटो संघर्ष मा स्थिर रया। 
\v 33 किही किही तो यो कि तुमू निंदा आरू पीड़ा सहता होया तमाशा बने, आरू किही यो कि तुमू ओको साझी होया जिनकी दुर्दशा की जाती होती। 
\v 34 काहकि तुमू कैदीयो क दुःख मा भी दुःखी होया, आरू आपसी संपत्ति भी खुशी छे लुटने देदी; यो जानीन कि तुमरे साथे एक आरू भी वारू आरू सर्वदा ठरनेवावी सहमत छे। 
\v 35 एरकरीन आपसा हियाव नी छुडू काहकि ओको हर फोव मोटा छे। 
\v 36 काहकि तुमू धीरज धरने छाची छे, ताकि यहोवा–भगवान की मरजी क पूरी करीन तुमू प्रतिज्ञा क फोव देखछे।
\p
\v 37 काहकि हिमी घोणा ही थुड़ा टेहाव रया गया छे,
\q1 जव कि आवनेवाळा
\q2 आवसे आरू देर नी करसे।
\q1
\v 38 पर मारो छाचाय पर चालने वाळो न्यायीजन विश्वास छे जीवता रोवछे,
\q2 आरू यदि वो पछव हट जाछे
\q2 तो मारो मन उना छे खुश नी होयछे
\p
\v 39 पर हामु हटनेवावा नी कि नाश होय जाय पर विश्वास करनेवावा छे कि जीव क वाचाड़्या।
\c 11
\s विश्वास क उदाहरण
\p
\v 1 हिमी विश्वास आश की होयी चीज क छाचो, आरू विनदेखियो चीज क प्रमाण छे। 
\v 2 काहकि इनी क विषय मा डाहडा न वारली गवा देदी गयी।
\p
\v 3 \x + \xo 11:3 \xo*\xt यहुन्ना 1:3\xt*\x*विश्वास ही छे हामु जान जानता छे कि सारी सृष्टि की रचना यहोवा–भगवान क वचन क द्वारा होयी छे। पर यो नी कि जो काही देखने मा आवतो छे, वो देखी होयी चीज छे बनाय होय।
\p
\v 4 विश्वास ही छे हाबील ने कैन छे वारू बलिदान यहोवा–भगवान क करता चढ़ाया, आरू ओकी क द्वारा ओका न्यायी हुयने की गवा भी देदी गयी, काहकि यहोवा–भगवान ने ओकी भेंट क विषय मा गवा देदी; आरू ओकी क द्वारा वो मरना पर भी हिमी तक वात करता छे।
\p
\v 5 विश्वास ही छे हनोक उठाय लेदा गया कि मरन क नी देखे, आरू ओको पता नी हावव्य काहकि यहोवा–भगवान ने ओको उठाय लेदा हुता, आरू ओका उठाय जाने छे पेहल ओकी यो गवा देदी गयी होती कि त्यो यहोवा–भगवान क खुश कर्‍या छे। 
\v 6 आरू विश्वास विना उको खुश करने वातड़ो छे; काहकि यहोवा–भगवान क साथे आवनेवाळा क विश्वास करनो जूवे कि वो छे, आरू आपने हेरनेवावा क हर फोव देता छे।
\p
\v 7 विश्वास ही छे नूह ने उन वातन विषय मा जो उना टेहाव देखाय नी पड़ती होती, चेतावनी देखीन भक्ति क साथे आपने घराने क बचाव क करता ढोंड्या बनाड़े, आरू ओका द्वारा त्यो संसार क दोषी ठेराया; आरू ओको न्यायपन क वारीस होया जो विश्वास छे हुता छे।
\p
\v 8 विश्वास ही छे अब्राहम जव बुलाया गया तो हुकुम मानीन ओसी धरतीम निकवीन गया जिनाक मीरास मा लेनेवावा हुता; आरू यो नी जानता हुता कि हाव काह जाता छे, तोभी निकवी गया। 
\v 9 विश्वास ही छे त्यो प्रतिज्ञा कर्‍या होया देश मा, दिसरं देश मा परदेशी क समान, रोवीन इसहाक आरू याकूब सहावत, जो ओका साथे तीनी प्रतिज्ञा क वारीस होतो, तम्बू मा वास कर्‍या। 
\v 10 काहकि वो उना स्थिर नींव वावा नगर की वाट जुवता हुता, जेरो रचनेवावा आरू बनावनेवावा यहोवा–भगवान छे।
\p
\v 11 विश्वास छे सारा ने आप डाहली हुयने पर भी कुख धारण करने की शक्ति देखी, काहकि त्यो प्रतिज्ञा करनेवावा क सच जाननो होतो। 
\v 12 इनीये कारण एक ही जन छे, जो मरलो हुयो सा होतो, आकाश क तारों आरू दरिया क तीर क बालु क समान अनगिनित वंश पैदा हुयो।
\p
\v 13 यो सब विश्वास ही की दशा मा मरला; आरू त्या प्रतिज्ञा की होयी चीज नी देखी, पर तीनुक दूर छे देखीन खुशी होया आरू मान लेदा कि हामु धरती पर परदेशी आरू बाहरी छे। 
\v 14 जो ओसी वात कयता छे, वे प्रगट करता छे, कि स्वदेश की हेर मा छे। 
\v 15 आरू जिना देश छे वो निकवी आश हुता यदि उना की सुधि करता तो तीनुक पछो जाने क मेखे होतो। 
\v 16 पर वे एक वारू मतलब सोरग देश क लालोच छे; इनी करता यहोवा–भगवान इन्दरो यहोवा–भगवान कवायने मा उनछे नी लाजवातो, काहकि त्यो इन्दरे करता एक एक नगर तीयार कर्‍या छे।
\p
\v 17 विश्वास ही छे अब्राहम ने, पारखी जाने क टेहाव मा, इसहाक क बलिदान चढ़ायो; आरू जो प्रतिज्ञा क सची मान होती। 
\v 18 आरू जिनासे यो कयो हुता, “इसहाक छे तारो वंश कवायसे चो आपने एक खुळीया क चढ़ावने लाग्यो।” 
\v 19 काहकि त्यो मान लेदो, कि यहोवा–भगवान सामर्थी छे कि उको मरला मा छे जीवाड्यो; शेवली कावा उका मा छे सपनो की रीति पर वो उको पछु मिव।
\p
\v 20 विश्वास ही छे इसहाक ने याकूब आरू एसाव क आवनेवावी वातन विषय मा बरकत आप्यो।
\p
\v 21 विश्वास ही छे याकूब ने मरता टेहाव यूसुफ क दुय पोर्‍या मा छे एक एक क बरकत आपी, आरू आपसी लाठी क सिरे पर सहारा लीन दण्डवत् कर्‍या।
\p
\v 22 विश्वास ही छे यूसुफ ने, जव वो मरना पर होतो, तो इस्राएल की अवलियाद क निकवी जाने की चर्चा करी, आरू आपसी हड्डियो क विषय मा हुकुम देदी।
\p
\v 23 विश्वास ही छे मूसा क आश बास ने ओको, पैदा हुयने क बाद तीन महना तक डुकाड़ राख्या, काहकि त्या देख्या कि पोर्‍य सुन्दर छे, आरू वो राजा की हुकुम सी नी घाबराये।
\p
\v 24 विश्वास ही छे मूसा सयाना हईन फिरौन क पोराय क पोर्‍य कोवायने क नि कयो। 
\v 25 एरकरीन कि उको पाप मा थुड़ा दाहड़ाम सुख भोगने छे यहोवा–भगवानन मानसोन साथे दुःख भुगने सवटो वारू लागे। 
\v 26 त्यो मसीह क कारण निन्दित हुयने क मिस्र क भण्डार छे मोटो धन समझा, काहकि ओका डुवा फोव देखने की आरू लागी होती।
\p
\v 27 विश्वास से राजा न रीस सी नी बीहिन मिस्र देश क नी छुड़ीयो, काहकि त्यो देखीन भी नी देखला बराबर वातड़ो रयो। 
\v 28 विश्वास ही छे ओको ने फसह आरू लुहूय यो छिटनेन की विधि मानी, कि पेहलौठान नाश करनेवावा इस्राएलियों पर हात नी नाखे।
\p
\v 29 विश्वास ही छे वे लाल दरियान पार ओसो उतर गया, जोसो सूखी धरती पर छे; आरू जव मिसरी ने वोसो ही करनो जूवे तो आखा डूब मर्‍या।
\p
\v 30 विश्वास ही छे यरीहो की शहरपनाह, जव वो सात दाहड़ा तक ओको चक्‍कर लागाड़ चुक्या, तो वो पड़ गयो। 
\v 31 विश्वास ही छे राहाब वेश्या हुकुम नी माननेवावान साथे नष्ट नी होयी, तेरेन करीन कि त्यो भेदियान कुशल छे राख्यो होतो।
\p
\v 32 हिमी आरू काय कहवो? काहकि टेहाव नी रया कि गिदोन क, आरू बाराक, आरू शिमशोन न आरू येफ़्ताह, आरू दाऊद, आरू शमूएल, आरू नबिया, भविष्यवक्तान वर्णन करू। 
\v 33 चे विश्वास ही क द्वारा राज्य जीक्या; न्यायपन काम कर्‍या; प्रतिज्ञा करी होयी चीज हासिल करी; नाहरन मुय बंद कर्‍या। 
\v 34 आगठा आस छेवो कर्‍या; तलवारन धार छे वाच गया; निर्बलता मा बलवन्त होया; लड़ाई मा वीर निकव्या; विदेसन फौज काजे ढेगाठीन ढासाड्या। 
\v 35 लुगाई ने आपने मरला होया पोछा जीवता होया देखी; कोतरा तो मार खाता खाता मर गया आरू छुटकारा नी जूव्या तेरे करीन कि वारू जीव उठनेन भागी होय। 
\v 36 काही एक ठट्ठा मा उड़ाय जाने; आरू कोड़े खाने वरना बांध जाने, आरू कैद मा पड़नेन द्वारा पारखाय गया। 
\v 37 दगड़ा देदा; आरे छे चीराय गया; इन्दरी परीक्षा की गयी; तलवार छे मार गया; वो गरीब मा आरू पीड़ा मा, आरू दुःख भगता होया भेड़ो आरू बुकड़ा की खालें पांगरला होया, याने वा मारे मारे पुगीयो। 
\v 38 आरू जंगल, आरू बयड़ा आरू दोर मा, आरू धरती क दरारों मा भटकता लिकायता संसार ओको वारला जागु नी हुतोँ।
\p
\v 39 विश्वास ही क द्वारा इन सब क विषय मा वारली गवा देदी गयी, तव तीनुक प्रतिज्ञा की होयी चीज नी मिवी। 
\v 40 काहकि यहोवा–भगवान ने हामरे करता पेहल छे एक वारू वात ठराय, कि वो हामरे बिना सिध्दता क नी पुचाड़े।
\c 12
\s यहोवा–भगवान बास द्वारा ताड़ना
\p
\v 1 इनीये कारण जव गवा क ओसो मोटो वादवो हामु क घेर होया छे, तो आवु, हर एक रूकनेवावा चीज आरू उलझानेवावा पाप क दूर करीन, वो दौवड़ीन जिनमा हामु दौवने छे धीरज छे दौवड़ने। 
\v 2 आरू विश्वास क करता आरू सिध्द करनेवावा ईशु की आरू ताकद रये, जो ओको खुश क करता जो ओका ओगव दरिया हुता, लज्जा की काही चिंता नी करीन कुरूस क दुःख सहा, आरू यहोवा–भगवान क सिंहासन की डासच्य आरू जाईन बठ्यो।
\p
\v 3 एरकरीन ओको पर ध्यान करू, जो आपने विरोध मा पापियो क ओतरा विरोध सह लेदा कि तुमू निराश हईन साहस नी छुड़ देवु। 
\v 4 तु ने पाप छे लड़ायतो हुयो ओका सी ओसी मुठभेड़ नी की कि तुमरी लुहूय वयो होय।
\q1
\v 5 आरू तु ओको शिक्षा क, जो तु पोर्‍य क समान दिदा जाता छे, भूल गया होय:
\q2 “हे मारा पोर्‍या, पोरबु की ताड़ना क हलकी वात नी जान,
\q1 आरू जव वो तुखे घुड़के तो साहस नी छुड़।”
\q1
\v 6 काहकि पोरबु जिनासे मोंग करता छे,
\q2 ओकी ताड़ना भी करता छे, आरू जिनाक पोर्‍य बनाय लेता छे, ओकी कोड़े भी लागता छे।
\p
\v 7 तुमू दुःख क ताड़ना समझीन सह लेवु; यहोवा–भगवान तुमू पोर्‍य जानीन तुमरे साथे बर्ताव करता छे। वो कुन सी पोर्‍य छे जेरी ताड़ना बास नी करता? 
\v 8 यदि वो ताड़ना जिन्दरे भागी आखा हुयसे छे, तुमरी नी होयी तो तुमू पोर्‍या नी, पर व्यभिचार की अवलियाद ठेराये। 
\v 9 पछु जव कि हामरे शारीरिक बास भी हामरी ताड़ना कर्‍या करता हुता आरू हामु इन्दरो विजुत कर्‍या, तो काय आत्मान बासन आरू भी हको तळे नी रये जिनाछे हामु जीवता रया। 
\v 10 वो तो आपसी–आपसी समझ क लारे थुड़ा दाहड़ान करता ताड़ना करता हुता, पर वो तो हामरे लाभन करता छे, कि हामु भी ओकी चुखलान भागी होय जाय। 
\v 11 वर्तमान मा हर प्रकार की ताड़ना खुशी की नी, पर शोक ही की वात देखाय पड़ती छे; तौभी जो ओको सहते सहते पक्‍का होय गया छे, बाद मा इनुक शांती क साथ न्यायपन हर फोव मिवता छे।
\s शिक्षा आरू चेतावनी
\p
\v 12 तेरे करीन ढीले हात आरू निर्बल मांडा सुधा करू। 
\v 13 आरू आपसा पायन करता सुध मार्ग बनावु कि लेंगड़ा भटक नी जाय पर भला वारू होय जाय।
\p
\v 14 सब छे मेलमिलाप राखु, आरू ओको त्योखलोतान हेर होय ओका विना काही पोरबुन कदी नी देखछे। 
\v 15 ध्यान छे देखता रवु, ओसो नी होय कि काही यहोवा–भगवानन फोकटन दया छे वंचित रया जाय, या काही कड़वी मुव फूटीन कष्ट देय, आरू अतरान करीन द्वारा घोणा छे मानसे विटळ होय जाय। 
\v 16 ओसो नी होय कि काही जन व्यभिचार या एसावन समान अन्यायी होय जु एक बारम खानो बदलीन आपसा पेहलौठा होयनेन पद वेच नाख्य। 
\v 17 तुमू जानता होय कि बाद मा जव त्यो बरकत पायो जूवी तो खरो नी गिना गया, आरू आसू पाड़ी पाड़ीन हेरने पर भी मन फिरावनेन मेखे ओको नी मिव्यो।
\p
\v 18 तुमू तो ओको बयड़ा साथे जो धर्‍य जाय सकता होतो, आरू आगठो छे आँधारलो आरू आंझीन साथे। 
\v 19 आरू तुरही की ध्वनि, आरू बुलनेवावान ओसो ओवाजान साथे नी आयो, जिनाक सोमवनेवावा ने रावन्या करी कि हिमी हामरे सी आरू वात मा करे। 
\v 20 काहकि वो ओको हुकुमन नी सह सके: “यदि काही जनवार भी बयड़ाक धरे तो ओको पर दगड़ा देयो।” 
\v 21 आरू वो दर्शन ओसो भयानक होतो कि मूसा ने कयो, “हाव घोणा घाबरायो आरू कापतो छे।”
\p
\v 22 पर तुमू सिय्योनन बयड़ा साथे, आरू जीवता यहोवा–भगवानन नगर, सोरगदूत यरूशलेम न, साथे आरू लाखो सोरगदूत। 
\v 23 आरू इनु एकखुळिया न साधारण सभा आरू मंडळी, जिन्दरो नाव सोरगदूत मा लिख्यो छे, आरू आखान न्याय यहोवा–भगवानन साथे आरू सिध्द कर्‍या होया न्यायी की आत्मा। 
\v 24 आरू नोवली वाचान मध्यस्थ ईशु आरू छिड़कनेन ओको लुहूय साथे आयो होय जो हाबील न लुहूय छे वारू वात कयता छे।
\p
\v 25 सावधान रवु, आरू ओको कयनेवावा छे मुय नी फेरो, काहकि वो मानसे जव धरती परन चेतावनी देनेवावा छे मुय भाझीन नी वाच सक्या, तो हामु सोरगदूत पर छे चेतावनी देनेवावा छे मुय भाझीन कोसो वाच सकछे। 
\v 26 तीन टेहाव तो तेरो ओवाज ने धरती हालाड़ दिदो, पर हिमी त्यो यो प्रतिज्ञा करी छे, “एक बार पछु हाव नी केवल धरती वरना सोरग न भी हालाड़ दीस।” 
\v 27 आरू यो वाक्य “एक बार पछु इन वातक प्रगट करता छे कि जो चीजक हालाड़ जाती छे, वो सृजी होयी चीज होयनेन कारण टल जाछे; ताकि जो चीज हाल नी जाती, वो अटल बन रवे।”
\p
\v 28 इन कारण हामु इन राज्यम देखीन जो हाल नी सके होय, आरू भक्ति, आरू भय सहित यहोवा–भगवानन ओसी आराधना करू जेरेछे वो खुश होयतो छे। 
\v 29 काहकि हामरा यहोवा–भगवान भस्म करनेवावा आगठो छे।
\c 13
\s मसीह जीवन जीवने क निर्देश
\p
\v 1 भाईस लोगहन मा मोंग रये। 
\v 2 पाहंनतराय करने नी भूलने, काहकि ओका द्वारा काही मानसे ने अनजाने मा सोरगदूत क विजुत सत्कार कर्‍या छे। 
\v 3 कैदीयो की ओसी सुधि लेदी कि मानु ओको साथे तुमू भी कैद होय, आरू जिन्दरे साथे बुरा बर्ताव कर्‍या जाता छे, उनकी भी यो समझीन सुधि लेदा करू कि हामरी भी देह छे।
\p
\v 4 वियाव सब मा विजुत की वात समझी जाय, आरू वियाव बिछौना निष्कलंक रया, काहकि यहोवा–भगवान व्यभिचारी आरू विनलाज्या क न्याय करसे। 
\v 5 तुमरा स्वभाव लोभरहित होय, आरू जो तुमरे साथे छे तीनी पर सन्तोष करू काहकि त्यो आप ही कयो छे, “हाव तुखे कदी नी छुड़ीस; आरू नी कदी तुखे त्यागीस।” 
\v 6 एरकरीन हामु निडर हईन कयता छे,
\q1 “पोरबु मारो सहायक छे,
\q2 हाव नी घाबराय;
\q1 मानुस मारो काय कर सकता छे।”
\p
\v 7 जो तुमरा ओगवला हुता, आरू जिन्होने तुमूक यहोवा–भगवान क वचन सोमव्या छे, तीनुक स्मरण राखीन; आरू ध्यान छे ओको चाल–चलन क आखरी देखीन ओको विश्वास क गती करू। 
\v 8 ईशु मसीह काल आरू आज आरू युगानयुग एक सा छे। 
\v 9 हरेक प्रकार क ओसी तोसी शिक्षा छे नी भरमाय जावु, काहकि मन क फोकटन दया छे दृढ रयने भला छे, नी कि उन खाने की चीज छे जिन छे काम राखनेवावा क काही लाभ नी हुयो।
\p
\v 10 हामरी एक ओसी वेदी छे जिना पर छे खाने क हक उन मानसे क नी, जो तम्बू की सेवा करता छे। 
\v 11 काहकि जिन ढुरो क लुहूय डाहला पुजारा पाप बलि क करता चुखलोस्थान मा ली जाता छे, उनकी डील छावनी क खयड़े धपाड़ जातो छे। 
\v 12 इनी कारण, ईशु ने भी मानसे क आपने ही लुहूय क द्वारा चुखलो करने क करता फाटक क बाहरता दुःख झेलीयो। 
\v 13 एरकरीन आवु, उना की निंदा आपने ऊपर लेदा होया छावनी क बाहरता ओका साथे निकवीन चाले। 
\v 14 काहकि याहा हामरा काही स्थाई नगर नी, वरना हामु एक आवनेवाळा नगर की हेर मा छे। 
\v 15 एरकरीन हामु ओका द्वारा बढ़ाईरूपी बलिदान, मतलब उन हुटड़ा क फोव जो ओका नाव क पछतायो करता छे, यहोवा–भगवान क सर्वदा चढ़ाया करे। 
\v 16 भालाई करने आरू मोंग देखाड़ने नी भूल, काहकि यहोवा–भगवान ओसी बलिदान छे खुश होयतो छे।
\p
\v 17 आपने अगळवानिया की हुकुम मानो आरू ओको हको तळे रयो, काहकि वो ओको समान तुमरे जीव क करता जागता रया छे जिन्हे लिखने देनो पड़से; वो यो काम खुशी छे करू, नी कि छेवी हवा ली लेदी, काहकि इनीये दशा मा तुमूक काही लाभ नी।
\p
\v 18 हामरे करता प्रार्थना करता रयो, काहकि हामु विश्वास छे कि हामरा मन चुखो छे: आरू हामु सब वात मा वारली चाल चालने जूवता छे। 
\v 19 प्रार्थना करने क करता हाव तुमू आरू भी समझता छे कि हाव शीघ्र तुमरे साथे पछु आय सकु।
\p
\v 20 हिमी शांतीदाता यहोवा–भगवान, जो हामरा पोरबु ईशु क जो गाडरा क महान राखवावी छे अमरकाय वाचा क लुहूय क गुण छे मरला होया मा छे जीवाड़ीन ली आश।
\p
\v 21 तुमू हर एक वारली वात मा सिध्द करू, जिनासे तुमू ओकी मरजी पूरी करू, आरू जो काही ओको भाता छे ओको ईशु मसीह क द्वारा हामु मा पैदा करू। ओकी की महिमा युगानयुग होयती रयी। आमेन।
\p
\v 22 हे भाईस, हाव तुमू छे रावन्या करता छे कि इनीये शिक्षा की वात क सह लोम, काहकि हाव ने तुमूक घोणा संक्षेप मा लिख्यो छे। 
\v 23 तुमू यो ज्ञात होय कि तीमुथियुस, हामरा भाईस छुट गया छे आरू यदि वो शीघ्र आय गया तो हाव ओका साथे तुमू छे भेंट करीस।
\p
\v 24 आपने सब अगळवानिया आरू सब चुखलो मानसे क नमस्कार कोवु। इतालिया वाळा उको सयाळा कहे।
\p
\v 25 तुमू सब पर फोकटन दया हुयसे रयो। आमेन।