\id GAL – Dhankavi
\ide UTF-8
\h गलातिया
\toc3 गलातिया
\toc2 गलातिया
\toc1 गलातिया क पौलुसन पत्री
\mt2 गलातिया को पौलुस कि पत्री
\mt1 गलातिया क पौलुसन पत्री
\imt परिचय
\ip गलातिया नी पत्री क प्रेरित पौलुस लिखियो। \xt 1:1\xt* पौलुस इनी पत्री क गलातिया नी मंडळी क लिखे आरू यी किताब ईशु मसीह क जनम क बाद 48-57 साल मा लिखी गय। गलातिया न पत्री उन लोगहन क लिखी गय जो रोम मा हुता। कोय विद्वान लोगहन क यो नी मालुम कि पौलुस काँ हुतो आरू क रयन लिखियो, पुन असो माननो छे कि इफिसुस या कुरन्थी मा सी लिखीयो।
\ip पौलुस मसीह लोगहन क आरू यहूदि लोगहन आरू गैरयहुदी लोगहन क बारा मा देखाड़े आरू झुटी शिक्षा क बारा मा देखाड़े आरू पुराना नियम क खतना क बारा मा देखाड़े त्या हये की मसीह लोगहन क खतना करावनो जरूरी छे। आरू भी देखाड़े की विश्वासी लोगहन क बीच मा असो एक सूह छे जो जुड़ाई जर क नाव सी जान्यो जाय यो सीखाड़े कि गैर यहूदि विश्वासी लोगहन क खतना हयनो जुवे। आरू त्या लोगहन पौलुस न सेवा क बारा मा भी सवाल करे। पुन पौलुस ओकी कहानी क लारे देखाड़े \xt 1:11–2:14\xt* आरू पौलुस खुश खबर क पुरावो देखाड़ीन कये की छुटकारो तीत् जड़े जव ईशु मसीह पर विश्वास करे \xt 2:16\xt*
\iot रूप रेखा:
\io1 1. पौलुस ओको परिचय क दीन आरू मंडळी क धन्यवाद क साथ मा शुरू करनो। \ior 1:1-5\ior*
\io1 2. पौलुस ओका बारा मा देखाड़े आरू ओकी सिखाड़ने आरू दिखाड़ने करीन व्यवस्थान अनूसारे जीवन क देखाड़े। \ior 1:6–2:21\ior*
\io1 3. पौलुस छुटकारा क जुगु दया आरू शासतुर न नियम क पुरावो देखाड़े। \ior 3–4\ior*
\io1 4. पौलुस वारलो विश्वासी जीवन जीवने न वात क देखाड़े। \ior 5:1–6:10\ior*
\io1 5. पौलुस इनी किताब क धन्यवाद आरू याद देवाड़े की यहोवा भवान मानुस कसो बदले आरू नवला जीवन मा आवे। \ior 6:11-18\ior*
\c 1
\s नमस्कार
\p
\v 1 पौलुसन जीन मानसन तरफ छे आरू नी मानुसन द्वारा, वरना ईशु मसीह आरू यहोवा–भगवान न लारे, जु ओको मरलाम रईन जीवाल्लु, प्रेरित छे 
\v 2 आरू सब भाईयों की तरफ छे जु मार साथे छे, गलातियान काजे मंडळी नमस्‍कार:
\p
\v 3 आमरू बास यहोवा–भगवान आरू आमरू पोरबु ईशु मसीह कि तरफ रईन तुमूक फोकटन दया आरू शांती मिवती रोवे। 
\v 4 त्यो आपने आपसु हामरा पापन करता आप देदु, ताकि आमरू यहोवा–भगवान आरू बासन इच्छान लारे हामुक इन वर्तमान सचाब संसार रईन छुड़ायु। 
\v 5 ओको बढ़ाई आरू ओको महिमा युगानयुग हयती रवे। आमेन।
\s काहाय दिसरो खुश खबर नी होय
\p
\v 6 मखे घबरायीन होयतो छे कि जु तुमूक मसीहान फोकटन दया मा बुलायु उका रईन तुमू ओतरू छाटु पछु फिरीन आरू इन प्रकारन खुश खबर तरफ झुकने लाग्यो। 
\v 7 पुन चाँ दिसरं खुश खबर छे ही नी: पर वात यी छे कि कतरा ओसा छे जा तुमूक भटकाड़ देय कर देता छे, आरू मसीहन खुश खबर काजे बदलन चाहता छे। 
\v 8 पुन यदि हामु, या सोरगदूत रईन कोय दुत भी उका खुश खबर काजे छुड़ जो हामु तुमूक सोंबाड़्या छे, कोय आरू खुश खबर तुमूक सोंबाड़्या, ती शापित छे। 
\v 9 जोसो हामु पेहल कय त्योक्या छे, ओसोज हाव हिमी ओवी कयतु छे कि उका खुश खबर काजे छुड़ जिनाक तुमूक मान्य करला छे, यदि कोय आरू खुश खबर सोंबाड़े छे, ते शापित छे। 
\v 10 हिमी हाव काय मानसो काजे मानतु छे या यहोवा–भगवान काजे? काय हाव मानुस काजे खुश करने चाहतु छे? यदि हाव हिमी तक मानसो काजे खुश करे रोवतु ते मसीहान दास नी होयतु।
\s पौलुस कोसो प्रेरित बन्यो
\p
\v 11 हे भाईशो हाव तुमूक कय देव कि जो खुश खबर हाव नी सोमवाळ्यो हतो वा मानस क नी। 
\v 12 काहकि चो मखे मानसन तरफ रईन नी सिकाड्यु, आरू नी मखे सिखाड़या गया, पर ईशु मसीहान प्रकट रईन जुड़यो। 
\v 13 \x + \xo 1:13 \xo*\xt प्रेरितन 8:3; 22:4,5; 26:9-11\xt*\x*यहूदि न्याय हावं जु मारो पेहल्‍ल चाल–चलन होतो ओका विषय तुमू सोंबी त्योक्या छे कि हाव यहोवा–भगवानन मंडळी क घण सतावतु आरू खतम करनेन कोशिस करतु हतु। 
\v 14 \x + \xo 1:14 \xo*\xt प्रेरितन 22:3\xt*\x*हाव आपसी यहूदि न्याय पुछने मा आपने युग साथे कहय दाहाड़ा यहूदि या रईन अगळ होतु, काहकि हामरा डाहायला रईन जी रीति मखे जुड़ी होती, ओकामा मारी आश पुरी होती। 
\v 15 \x + \xo 1:15 \xo*\xt प्रेरितन 9:3-6; 22:6-10; 26:13-18\xt*\x*पुन यहोवा–भगवान काजे, ओकान फोकटन दया छे मखे माय न कुखम रईन नेवाड़ लेदु, आरू बुलाय लेदु ताकि हाव ओको सेवा कर सके। 
\v 16 जव मरजी होई कि मखे मा ओका पोर्‍या काजे प्रकट करे कि हाव गैरयहुदी मा ओको खुश खबर सोंबाड़ो, ते नी हाव मानुस आरू लुहूय रईन सलाह लिदी, 
\v 17 आरू नी यरूशलेमा ओको न जु गयु जो मखे रईन पेहल प्रेरित होतु, पुन तत्काल अरब काजे जात रोयु छे आरू पछु चाँ रईन दश्मिक आपसु पछु ीन आयु। 
\v 18 \x + \xo 1:18 \xo*\xt प्रेरितन 9:26-30\xt*\x*पछा तीन साल बाद हाव कैफा मिवायनेन करता यरूशलेम गयु, आरू ओको जु पंदरा दाहाड़ा तक रोवलु। 
\v 19 पुन पोरबुन भाईस याकूब काजे छुड़ आरू प्रेरितन मा पतरस मिवायु। 
\v 20 जी वातु हाव तुमूक लिखतु छे, देखु, यहोवा–भगवान क हजुर जानीन कयतु छे कि वो झुठी नी होय। 
\v 21 एकान बाद हाव सीरिया आरू किलिकिया क प्रांतन मा आयु। 
\v 22 पुन यहूदि यान मंडळी मा जी मसीह मा होती, मारो मुय कदी नी देख्यु होतु; 
\v 23 पुन यी सोंब्या करती हती कि जु हामुक पेहल सताड़तु होतु, वो अब उका विश्वासन खुश खबर सोंबाड़े छे जिनाक पेहल नष्ट करला हता। 
\v 24 आरू चाँ मार कारण यहोवा–भगवानन बढ़ाई करती होती।
\c 2
\s पौलुस आरू दिसरा प्रेरितन द्वारा मान्यता
\p
\v 1 \x + \xo 2:1 \xo*\xt प्रेरितन 11:30; 15:2\xt*\x*चौवदा सालन बाद हाव बरनबास साथे पछु यरूशलेम काजे गयु, आरू तीतुस काजे भी साथे ली गयु। 
\v 2 हाव चाँ गयलु आरू गैरयहुदी वावान विच मा जिन खुश खबर करतु छे, उका खुश खबर काजे हाव एक घरन सभान विच मा मण्डलीन मुखिया काजे सोमवाड्यु, हाव चाँ एरकरीन गयु होतु, कि यहोवा–भगवान मखे सपनाम देखाड्यु होतु, कि मखे चाँ जानु जुवछे, ताकि जो काम हाव पछला दाहाड़ाम करलो होतु, क जिनाक हाव कर रयु छे, चो बेकार नी जाय। 
\v 3 पुन तीतुस काजे भी जो मार साथे होतु आरू जु गैरयहुदी यूनानी छे, खतना करनेन करता मजबुर नी कर्‍या गया। 
\v 4 या चो झूठा तीन भाईस्यों कारण होयलो जा त्योराये बराय आश हता, कि तीन स्वतंत्रता काजे जी मसीह ईशु मा हामु जुड़ी छे, भेद लिन हामुक दास बनाड़े। 
\v 5 एक घड़ी भर मा ओको हको तळे होयनु हामु ने नी मान्या, अतरान करीन कि खुश खबर सच्चाई तुमूक मा बोनली रोवे। 
\v 6 जा मानसे काहय जरूरी लागता छे, चाँ चाहता छे चो होयछे मखे हेके कोय फरक नी पड़तु, यहोवा–भगवान कुदान बाहरलु रूप देखीन भेदभाव नी करे; हेके जु आपसा आपसु जरूरी मानसे हुता, हेके रईन कोय फायदु नी होय, 
\v 7 पुन उका उलटो जव उका काजे देख्या कि जोसो खतना करला होयलो मानसो करता खुश खबर काम पतरस काजे सोपलो गयलो, तोसोज खतनारहितोंन करता मखे खुश खबर सोंबावने सोपलो गयो। 
\v 8 काहकि जा पतरस जु खतना करला होयला मा प्रेरिताईन काम डाहला शक्ति सहित करावला, त्यो मखे रईन भी गैरयहुदी मा शक्तिशाली काम करावलो, 
\v 9 आरू जव ओका उका फोकटन दया काजे जो मखे मिवायलु हतो जान लेदो, ते याकूब, आरू कैफा, आरू यहुन्ना जी मंडळी खांम्बा समझा जाता हतो, मखे आरू बरनबास संगतीन ढासचूयु हाथ आपियो कि हामु गैरयहुदीन जु जावु आरू चाँ खतना कर्‍या होयला जु; 
\v 10 केवल यो कयलु कि हामु गरीब कि सुधि ले, आरू इना काम क करनेन काजे हाव तुमूक भी यत्न कर रया हुता।
\s पौलुस द्वारा पतरस क विरोध
\p
\v 11 जव कैफा अन्ताकियान सामने आयु ते हाव हेके सब मानसन सामने विरोध करलो, काय चो पुरी रीति छे गलत हतो, 
\v 12 हेरेन करता कि याकूबन द्बारा मकल्या ओसा काहय मानसे यहूदि आवनेन पेहल पतरस गैरयहुदी वावा भुरसन साथे खाता–पिता करता हुता, पुन जा मानसे पुग्या ते पतरस गैरयहुदी विश्वासी क साथे रईन दुर होया, आरू हेके साथे खाने–पिनेन बंद कर दिदा, चाँ त्यो तिनु मानसोन डर छे ओसो कर्‍यु जो चाहता छे, कि गैरयहुदीन भी खतना होयनु जुवे। 
\v 13 दिसरा यहूदि मानसे भी इना देखावा मा भी पतरस न साथ दिदा, या तक कि इना पाखंडीन कारण बरनबास भी भटक गयु। 
\v 14 पर जव हाव देख्या कि वा खुश खबर सच्चाई पर सुधी चाल नी चालता, ते हाव सुबन सामने कैफा पतरस काजे। कयो, “जव तु यहूदि होईन गैरयहुदीन समान चालता छे आरू यहूदि योन समान नी ते तु गैरयहुदीन यहूदि योन समान चालने काँ कयतु छे?”
\s विश्वास द्वारा न्यायी ठहरना
\p
\v 15 हामु ते जन्मा रईन यहूदि छे, आरू पापी गैरयहुदी मा रईन नी 
\v 16 \x + \xo 2:16 \xo*\xt रोमियो 3:20 \xt*\xt रोमियो 3:22\xt*\x*तिभी यो जानीन कि मानुस व्यवस्थान कामो रईन नी, पर केवल ईशु मसीह पर विश्वास करनेन द्वारा न्यायी ठहरता छे, हामु ते आप भी मसीह ईशु पर विश्वास करला कि हामु व्यवस्थान कामो रईन नी, पर मसीह पर विश्वास करने पर न्यायी रूकाय; अतरान करीन कि व्यवस्थान कामो मा कोय मानुस न्यायी नी ठरसे। 
\v 17 हामु जा मसीह मा न्यायी ठहरावने चाहता छे, यदि तुमूक भी पापी निकल्या ते काय मसीह पापन सेवक छे? कदी भी नी। 
\v 18 काहकि जो काहय हाव पाड़ देदु यदि उका पछु बनावतलु छे, ते आपने आपसु काजे गुणेगार ठहरावतलु छे, 
\v 19 हाव ते व्यवस्थान द्वारा व्यवस्थान करता कुरूस पर मर गयु क यहोवा–भगवानन करता जीवो। 
\v 20 हाव मसीह साथे कुरूस पर चढ़ावलु गयलु छे, हिमी हाव जीवतु नी रोयु, पर मसीह मखे मा जीवतु छे; आरू हाव शरीर मा हिमी जु जीवित छे ते केवल ओको विश्वास छे जीवतु छे जु यहोवा–भगवानन पोर्‍य पर छे, जु मार छे मोंग करलो आरू मार करता आपसा आपसु काजे आप देदु। 
\v 21 हाव यहोवा–भगवानन फोकटन दया काजे वाया नी ठरावतला; काहकि यदि व्यवस्थान द्वारा न्यायीपन होती, ते मसीहन मरनु वाया रोवतो।
\c 3
\s व्यवस्था या विश्वास
\p
\v 1 हे विनअकलिया गलातिया, कुन तुमूक मोह लेदु छे? तुमरी ते मानो डुवान सामने ईशु मसीह कुरूस पर देखाड़यो गयो। 
\v 2 एक वात जावने चाहतु छे, कि तुमूक चुखलो आत्मा विश्वास करने छे जड़से, 
\v 3 काय तुमू ओसा निर्बुध्दि छे कि आत्मान रीति पर चालु करीन हिमी शरीरन रीति पर खतम करसु? 
\v 4 काय तु ओतरो दुःख वायेज उठाडयु? पुन एक दे दाहाडे वायेज नी। 
\v 5 जु यहोवा–भगवान दान करता आरू तुमूक हाव शक्तिन क काम करतु छे, कि तुमू व्यवस्था काजे सोमव्या आरू तिना पर विश्वास कर्‍या? 
\v 6 \x + \xo 3:6 \xo*\xt रोमियो 4:3\xt*\x*जोसो अब्राहम न पारखनेन विषयमा शास्त्र मा लिखलो छे, “त्यो ते यहोवा–भगवान पर विश्वास करलो आरू ओकान विषयन कारण यहोवा–भगवान ओका न्यायी मान्यु।” 
\v 7 \x + \xo 3:7 \xo*\xt रोमियो 4:16\xt*\x*शेवली कावा यी जान लेवु कि जु विश्वास करनेवावा छे, चाँ अब्राहम न पिढ़ीन पोर्‍या छे। 
\v 8 चुखलोशास्‍त्र पेहल ही छे यी भविष्यवाणी जानीन कि यहोवा–भगवान गैरयहुदीन काजे विश्वास रईन न्यायी ठहरावछे, आरू पेहल रईन अब्राहम यो खुश खबर अन्यजाती कय देदु कि “तुखे रईन सब जातिया काजे बरकत जड़से।” 
\v 9 अतरान करीन जा विश्वास करनेवावा छे, चाँ विश्वास अब्राहम साथे बरकत हाववछे छे। 
\v 10 अतरान करीन जोतरा मानसे व्यवस्थान कामो पर विश्वास राखता छे, चाँ सब शापन हको तळे छे, काहकि लिखलो छे “जु व्यवस्थान किताब मा लिखली होई सब वातु करने मा स्थिर नी रोवता, चाँ शापित छे।” 
\v 11 पर यी वात प्रकट छे कि व्यवस्थान द्वारा यहोवा–भगवानन यी कोय न्यायी नी ठरावता, काहकि न्यायी जन विश्वास छे जीवता रोवछे। 
\v 12 विश्वासन साथे बल्की जोसो शास्त्र मा लिखलो छे, “जु ओका सी मान छे, त्यो ओको साहारे जीवतु रोवछे।” 
\v 13 मसीह जु हामरे करता शापित बन्यु, हामुक किमत लिन व्यवस्थान शाप छे छुड़ावलु, काहकि लिखलो छे, “जु कोय कुरूसन काठ पर लटकायु जातु छे चाँ शापित छे।” 
\v 14 यो अतरान करीन होयलो कि अब्राहम की बरकत मसीह ईशु मा गैरयहुदी तक पुगे, आरू हामु विश्वासन द्वारा उका आत्मा काजे हासिल करे जेरी प्रतिज्ञा होयली छे।
\s व्यवस्था आरू वाचा
\p
\v 15 हे भाईस्यो, आरू बहनीस हाव दाहड़ीन जीवन छे एक उदाहरण आपने जाय रयु छे, जोसो मानसोन द्बारा एकदु करार कर लेदु जाछे पुन नी ते ओका सी कम करता आवे छे, आरू नी तीनाक काहय घटाड़ी जा सकता छे आरू नी बढ़ावता आवसे, 
\v 16 अब अब्राहम आरू ओकी अवलियाद क योहवा भगवान यो प्रतिज्ञा देदो, ओका बाराम शासतुर यो नी कहवे कि घण सवटान क बाराम पुन जोसो एक न क बाराम कि “तारी अवलियाद क” आरू त्यो मसीह छे। 
\v 17 पर हाव यो कयतु छे: जु करार यहोवा–भगवान अब्राहम साथे पेहलुज ठराव कर देदु, उका चार सौ तीस सालन बाद आवीन नी प्रतिज्ञा नी बदली सकतली। 
\v 18 \x + \xo 3:18 \xo*\xt रोमियो 4:14\xt*\x*काहकि यदि यहोवा–भगवानन दान जवाब हकी व्यवस्था रईन मिवी ते त्यो प्रतिज्ञा पर आधारित पर नी होय। अब्राहम काजे प्रतिज्ञान द्वारा आप दिदा छे। 
\v 19 ते पछो व्यवस्थान उद्देश होतो? हुकुमन नी माननो गुणा कारण व्यवस्था साथे जुड़ दिदो छे, काहकि जिनान करता वचन दिदा हुता, तिनी पिढ़ी काजे आवनेन टेहाव तक चाँ रया, व्यवस्थान माध्यमन रूप मा मूसान मदत छे सोरगदूत द्बारा आप देदी होती। 
\v 20 मध्यस्थ ते एकन नी होतो, पुन यहोवा–भगवान एकुज छे।
\s व्यवस्था क उद्देश्य
\p
\v 21 ते काय व्यवस्था यहोवा–भगवानन प्रतिज्ञान विरोध मा छे? कदी भी नी। काहकि यदि ओसी व्यवस्था आपी जाती जी जीवन आप सकती, ते सचमुच न्यायीपन व्यवस्था छे होतली छे। 
\v 22 पुन चुखलो शास्त्र सब काजे पापन हो देदु, ताकि ची प्रतिज्ञा जिनान आधार ईशु मसीह पर विश्वास करनो छे, विश्वास करनेवाळान करता पुरी होय जाय। 
\v 23 पर विश्वास आवने रईन पेहल व्यवस्थान हको तळे मा आमरू राखवावु होतली छे, आरू उका विश्वास आवनेन तक जो प्रकट होयनेवावो होतो, हामु ओको बन्धन मा रोवे। 
\v 24 अतरान करीन व्यवस्था मसीह तक पुगावनेन करता हामरी शिक्षक होयली छे कि हामु विश्वास रईन न्यायी ठरछे। 
\v 25 पुन जव विश्वास आव त्योक्यु, ते हामु हिमी शिक्षकन हको तळे नी रोवजे। 
\v 26 काहकि तुमू सब ओको विश्वासन द्वारा जु मसीह ईशु पर छे, यहोवा–भगवानन पोर्‍या रोवे। 
\v 27 आरू तुमूक मा रईन जोतरा मसीह मा बपतिस्मा लेदा छे चाँ हेकोने मसीह काजे पेहर लेदा छे। 
\v 28 हिमी नी कोय यहूदि रोयु आरू नी यूनानी, नी कोय दास नी स्वतंत्र, आरू नी कोय नर नारी, काहकि तुमू सब मसीह ईशु मा एक छे। 
\v 29 \x + \xo 3:29 \xo*\xt रोमियो 4:13\xt*\x*आरू यदि तुमू मसीहन छे ते अब्राहम न वंश आरू प्रतिज्ञान लारे वारिस भी होय।
\c 4
\p
\v 1 हाव यी कयतु छे कि वारीस जव तक नानल पोर्‍यो छे, यद्यपि सब वस्तुन भगवान छे, तेभी ओकामा आरू दास मा काहय भेदभाव नी। 
\v 2 पुन बासन ठहरावला टेहाव तक संरक्षक आरू तयारी करनारान वश मा रोवतु छे। 
\v 3 तोसाज हामु भी, जव नानल पोर्‍यो हुता, ते संसारन शुरू शिक्षान वश मा होईन दास बवना छे। 
\v 4 पुन जव टेम पुरो हुयो, ते यहोवा–भगवान आपसा पोर्‍या काजे मोकल्यो जु स्त्री छे जन्मा, आरू व्यवस्थान हको तळे पैदा होयलु, 
\v 5 \x + \xo 4:5 \xo*\xt रोमियो 8:15-17\xt*\x*ताकि हामु जा व्यवस्थान हको तळे होय ते कोय छुड़ावे, जिना छे आपो यहोवा–भगवानन पोर्‍या बन सकतला। 
\v 6 आरू तुमू जा यहोवा–भगवानन पोर्‍या छे, अतरान करीन यहोवा–भगवान आपसा पोर्‍या आत्मा, “अब्बा! हे बाप” कयीन आयड़े छे, हामरा दिल मा मकल्यु छे। 
\v 7 तु यहोवा–भगवान काजे नी जानतु छे, आरू त्यो भगवानन दास होतु, जा वास्तव मा यहोवा–भगवान नी छे,
\s गलातियान विषय मा पौलुसन चिंता
\p
\v 8 पेहल ते तु यहोवा–भगवान काजे नी जानीन ओको न दास होतु जु स्वभाव रईन यहोवा–भगवान नी, 
\v 9 पर हिमी जा यहोवा–भगवान काजे उळखी लेदा वरना यहोवा–भगवान तुमूक वोखलो, ते उका निर्बल आरू निकम्मी शुरू–शिक्षान वातु वोगे काँ पुगता छे, जीनान तुमूक पछा दास होयना चाहता हुता? 
\v 10 तुमू काहय दाहाड़ा काजे आरू महीना काजे आरू मोसम आरू सालो काजे मानता छे। 
\v 11 हाव तुमरा विषय मा बीहता छे, निते ओसो नी हयनो जुवे कि जो हावहनत हाव तुमरे करता करलो छे चो वायेज ठर्‍या। 
\v 12 हे भाईस्यो, हाव तुमूक रावन्या कर रयु छे, तुमू मार समान होय जाऊ; काहकि हाव भी तुमरे समान होय गयु छे; तुमूक मारो काय नी बिगाड़ ला नी। 
\v 13 पर तुमू ते जानता छे कि पेहल–पहल हाव शरीरन निर्बलतान कारण तुमूक खुश खबर सोंबाड़्या। 
\v 14 आरू तुमू मारी शारीरिक दशा काजे तुमरी परीक्षान कारण होती, तुच्छ नी जानलु; नी ओका सी चेष्टा नी कर्‍यु; आरू यहोवा–भगवानन सोरगदूत वरना खुद मसीहन समान मखे मान्य कर्‍या। 
\v 15 ते चाँ तुमरी खुशी मनावनेन कोसो गय? हाव तुमरू गवाय छे कि यदि होय सके ते तुमू आपसा डुवा भी काहड़ीन मखे आप देता। 
\v 16 ते काय तुमूक सचं बुलनेन कारण हाव तुमरा दुस्मनी ी बन गया छे? 
\v 17 चाँ तुमूक दोस्त बनावने चाहता छे, पर वारला उद्देशन छे नी; वरना तुखे अलग करने चाहता छे कि तुमू तिनुक दोस्त बनाव लेवु। 
\v 18 पर यो भी वारलो छे कि वारू वात मा हर टेहाव दोस्त बनावनेन कोशिष करलो जा छे, नी सिर्फ तिन टेमे जव हाव तुमरे साथे रोवतु छे। 
\v 19 हे मारा नानला पोर्‍या, जव तक तुमूक मा मसीहन चेहरू नी बन जा छे, त्योत्यार तक हाव तुमरे करता पछु पोखड़ायनेन सारख दुःख सहन करतु छे। 
\v 20 मरजी ते यी होयती छे कि हिमी तुमरे जु आवीन आरू ही प्रकार रईन बुलो, काहकि तुमरे विषयमा हाव उलजन मा छे।
\s सब आरू हाजिरान उदाहरण
\p
\v 21 तुमू जा व्यवस्थान हको तळे हुयने चाहताछे, मखे कयो, काय तु व्यवस्थान नी सोंबवता? 
\v 22 यो लिखलो छे कि अब्राहम न दुय पोर्‍या होया; एक दासीन आरू एक स्वतंत्र बाईन। 
\v 23 पुन जु दासीन पेटन जनम लेदु, त्यो शारीरिक रीति करीन जनम लेदु; आरू जु स्वतंत्र बाई छे जनम हुयो, त्यो प्रतिज्ञान लारे जन्म्यु। 
\v 24 इनी वात मा द्रूष्टान्त छे: यी बाई मानु दुय वाचा छे; एक ते सीनाय बयड़ान जीनामा दासत्व पैदा हुता छे; आरू होयु हाजिरा छे। 
\v 25 आरू हाजिरा मानु अरबन सीनाय बयड़ो छे, आरू पुरानो यरूशलेम ओको तुल्य छे, काहकि चाँ आपसा नाना पोर्‍या सहावत दासत्व मा छे। 
\v 26 पर उपर न यरूशलेम स्वतंत्र छे, आरू ची आपसी आवी छे। 
\v 27 काहकि लिखलो छे, “हे बांझ, तु जो नी जानतली खुशी कर; तु जिनाक पिड़ाए नी झेले, गवो फाड़ीन आईड़ीन जय जयकार कर; काहकि त्यागी होयली अवलियाद सुहागिनन अवलियाद छे भी सवटो छे।” 
\v 28 हे भाईस्यो, हामु इसहाकन समान प्रतिज्ञान अवलियाद छे। 
\v 29 आरू जोसो तीन टेहाव शरीरन लारे जनम हुयो आत्मान लारे जनम लेदला काजे सतावतु होतु, तोसोज आज भी होतलो छे। 
\v 30 पुन चुखलो शास्त्र काय कयतो छे। “दासी आरू उका पोर्‍या काजे काहड़ दे, काहकि दासी क पोर्‍या स्वतंत्र बाईन साथे हकदार नी होय।” 
\v 31 अतरान करीन हे भाईस्यो, हामु दासीन नी पुन स्वतंत्र बाईन अवलियाद छे।
\c 5
\s मसीह मे स्वतंत्रता
\p
\v 1 मसीह स्वतंत्रन करता हामुक स्वतंत्र करला छे; अळते: ओकामा स्थिर रवु, आरू दासत्वन जुवड़ो मा पछा नी जुपे। 
\v 2 देखु, हाव पौलुस तुमूक कयतु छे कि यदि खतना करावसे, ते मसीह से तुमूक काजे काहय लाभ नी होयसे। 
\v 3 पछु भी हाव हर एक खतना करनेवावा काजे जताए देतु छे कि ओका सी सब व्यवस्था माननी पड़से। 
\v 4 तुमू जा व्यवस्थान द्वारा न्यायी ठहराने चाहता छे, मसीह रईन अलग आरू फोकटन दया रईन पड़ गया छे। 
\v 5 काहकि आत्मान कारण हामु विश्वास रईन, आश होई न्यायीपनन वाट जोहता छे। 
\v 6 मसीह ईशु मा नी खतना आरू नी खतनारहित काहय कामोन छे, पुन केवल विश्वास, जु मोंग न द्वारा शक्ति नाकतु छे। 
\v 7 तुमू ते भली–भाति दौड़ता रोवता हुता। हिमी कुण तुमूक रूक दिदा कि सच्चाई काजे नी मानु। 
\v 8 ओसली सीख तुमूक बुलावनेवावा रईन नी। 
\v 9 \x + \xo 5:9 \xo*\xt 1 कुरन्थियो 5:6\xt*\x*थुड़ो सो खमीर सब कुसनीन पिठाक खमीर कर नाकतो छे। 
\v 10 हाव पोरबु पर तुमरा विषय मा विश्वास राखतु छे कि तुमरू दिसरू विचार नी होयसे; पुन जु तुमूक घाबराय देतु छे, त्यो कोय काँ नी होय दण्ड जड़से। 
\v 11 पुन हे भाईस्यो, यदि आज भी जोसो कि काहय मानसे समझता छे, खतना करनो महत्त्वपुर्ण होय, क यो प्रचार करतु छे, ते मखे आज तक सतावता काँ जाय रया छे? तव ते मसीहान कुरूसन कारण जनम हुयो सब मारी बाधा समाप्त होय जानु जुवे! 
\v 12 भलो होयतो कि जो तुमूक डावाडोल काजे दुःखी करता छे, चाँ आपसा अंग काट देता छे। 
\v 13 हे भाईस्यो, तुमू स्वतंत्र होयनेन करता बुलाया गया छे; पुन ओसो नी हुयो कि यी स्वतंत्रता शारीरिक कामोंन करता मेखे बने, वरना मोंग से एक दिसरान दास बनु। 
\v 14 काहकि सब व्यवस्था इन एकुज वात मा पुरी होय जाती छे, “तु आपसा पड़ोसी साथे आपने समान मोंग राख।” 
\v 15 पर यदि तुमूक एक दिसरा काजे दात करीन काटे आरू फाड़ खाता से, ते चोकचौळीया रोवजु कि एक दिसरान सच्चाईानाश नी कर दे।
\s चुखलो आत्मा द्वारा संचालन
\p
\v 16 पर हाव कयतु छे, आत्मान लारे चालु ते तुमू शरीरन लालसा काहनी रीति रईन पूरी नी करसे। 
\v 17 \x + \xo 5:17 \xo*\xt रोमियो 7:15-23\xt*\x*काहकि शरीर आत्मान विरोध मा आरू शरीरन विरोध मा लालसा करता छे, आरू या एक दिसरान विरोधी छे, अतरान करीन जो तुमू करनो चाहता छे चाँ नी कर सके। 
\v 18 आरू यदि तुमू आत्मान चाले चालता से ते व्यवस्थान हको तळे नी रोवे। 
\v 19 शरीरन काम ते प्रकट छे, मतलब् व्यभिचार, भोगविलास, लुचपन, 
\v 20 मुर्तिपूजक, टोना, बैर, झगड़ु, किचवन, रीस, विरोध, फूट, अन्याय, 
\v 21 मतवालापन, लीलाक्रीड़ा आरू इनाक जोसु आरू–आरू काम छे, इनाक विषय मा हाव तुमू पेहल कय देतु छे जोसो पेहल कय भी त्योक्यु छे, कि ओसा ओसा काम करनेवाला यहोवा–भगवानन राज्यन वारीस नी रोवे। 
\v 22 पर आत्मान फोव मोंग, खुशी, शांती, धीरज, किरपा, भलाई, विश्वास, 
\v 23 नम्रता, आरू संयम छे; ओसा ओसा कामोंन विरोध मा कोय भी व्यवस्था नी। 
\v 24 आरू जु मसीह ईशुन छे, ओको शरीरन ओको लालसा आरू लालोच समेत कुरूस पर चढ़ाव दिदा छे। 
\v 25 यदि हामु आत्मान द्वारा जीवता छे, ते आत्मान लारे चालु भी। 
\v 26 हामु डाहळाय होईन नी एक दिसरा काजे छुड़सु, आरू नी एक दिसरा डाह करू।
\c 6
\s एक दिसरान मदत करू
\p
\v 1 हे भाईस्यो, यदि कोय मानुस काहना गुणेहगार मा धराय भी जाय ते तुमू जा आत्मिक छे, नम्रता साथे ओसला काजे सोमावजु, आरू आपसी भी चौकसी राखु कि तुमू भी पारख मा नी पड़ु। 
\v 2 तुमू एक दिसरान भार उठावु, आरू एर प्रकारे मसीहान व्यवस्था काजे पूरी करू। 
\v 3 काहकि यदि कोय काहय नी हुयने पर भी आपने आपसु काय समझता छे। ते आपने आपसु धोखु देता छे। 
\v 4 पर हर एक आपसा कामो काजे तपास ले, आरू तव दिसरान विषय मा नी पुन आपसा विषय मा उका डाहळाय करनेन मेखे रोवे। 
\v 5 काहकि हर एक मानुस आपनुज वजन झेलसे। 
\v 6 जु वचन क शिक्षा सापड़े छे, चाँ सब वारली वस्तु मा सिकावनेवावा काजे भागी करू। 
\v 7 पुन हर एक काजे जात्यो जु आपने आपसु कोय धोखु मा देवु; यहोवा–भगवान काजे मुर्ख बनाव नी सकतला, तुमू यो काटसे जो तुमूक वेरला छे। 
\v 8 काहकि जु आपसा शरीरन करता वेरतु छे, त्यो शरीरन द्वारा विनाशन काटनी काटसे; आरू जु आत्मान करता वेरतु छे, त्यो आत्मान द्वारा अमरकाय जीवनन काटनी काटसे। 
\v 9 हामु वारलो काम करने मा हिम्मत नी छुड़सु, काहकि यदि हामु ढीला नी होयजे ते ठीक टेहाव पर काटनी काटसु। 
\v 10 अतरान करीन जव तक मेखे जुड़े सबन साथे वारलो करू, जास्ती करीन विश्वास भाईस्यो साथे।
\s आखरी चेतावनी आरू नमस्कार
\p
\v 11 देखु, हाव कोसो मोटा ओवाजा मा तुमूक आपने हाथ करीन लिखलो छे। 
\v 12 जा मानछे शारीरिक दिखावा चाहता छे चाच तुमरा खतना करावनेन करता दबाव नाकता छे, केवल अतरान करीन कि चाँ मसीहन कुरूसन कारण सतावनु नी जुवे। 
\v 13 काहकि खतना करनेवावा खुद ते व्यवस्था पर नी चालता, पर तुमरा खतना अतरान करीन करनो चाहता छे कि तुमरी शारीरिक दशा पर डाहळाय करे। 
\v 14 पर ओसो नी हुये कि हाव दिसरा कोसली वातन डाहळाय करो केवल आमरू पोरबु ईशु मसीह कुरूसन, ओको द्वारा संसार मा मारी दृष्टि मा आरू हाव संसारन दृष्टि मा कुरूस पर चढ़ायु गयु छे। 
\v 15 काहकि नी खतना आरू खतनारहित काहय छे, पुन नोवली धरती। 
\v 16 जोतरा इना नियम मा चालसे उका पर, आरू यहोवा–भगवानन इस्राएल पर शांती आरू दया होतली रोवे। 
\v 17 पतरस काजे समाप्त करता होतु हाव तुखे रावन्या करतु छे, कि हिमी मखे कोय दुःख मा देवु, काहकि हाव ते पेहल ही आपसा देह मा ईशु काजे जाने कय रयु छे। 
\v 18 हे भाईस्यो, आमरू पोरबु ईशु मसीहन फोकटन दया तुमरी आत्मा साथे रवे। आमेन।