\id ACT – DHANKAVI
\ide UTF-8
\h प्रेरित
\toc3 प्रेरितन
\toc2 प्रेरितन
\toc1 प्रेरित नी काम
\mt2 प्रेरित कि किताब
\mt1 प्रेरित नी काम
\imt परिचय
\ip प्रेरितन किताब सुरवाती मा मंडळीन बारा मा लिखलो छे, जी यरूशलेम रईन सब यहुदि, सामरी देश आरू चा रईन ओगव क सारीक पसरती गई। जा करीन ईशु सोरग मा जानेन पेहल तीनान सेवकोक कयलु हतु। \xt 1:8 \xt* इना किताब काजे लूका लिखलु छे, जो लूका वारली खबर लिखलु हतु। लूका 1 वंश आरू आखी वातन हिसाब मेकनो ओतु। लूका तीनान वारली खबर आरू प्रेरितन किताब थियुफीलुस नावन एक ग्रीक मानसन करता लिखलो छे, पुन किताब लिखनेन उद्देश विश्वासी लोगहन जेका मा यहुदि आरू गैरयहुदी दुय शामिल छे। \xt 1:1\xt*
\ip प्रेरित किताब ईशु मसीहन जनमक पछव कम से कम 60-64 सालन विच मा लिखली हती, काहकि यी किताब पौलुसन जेलम रईन सुटनेन पेहल खतम होय जाती। लूका प्रेरित पौलुस क साथे यात्रा करलो आरू शायद अंताकिया नगर माहय रयन इनी किताब काजे लिखलो ओसे।
\ip प्रेरितन किताब आमरे करता सोरवातीन मंडळीन उदाहरण प्रदान करे, आरू ईशु मसीह माहयन भुरसो करीन कोसो जीवनु छे चो देखाड़से। आरू प्रेरितन उदाहरण आपुक देखाड़से काय वारली खबर दिसरा क कयनेन करता चुखलो आत्मान ताकद भुरसो कोसो करनु छे।
\iot रूप रेखा
\io1 1. चुखली जीवनन आत्मान ईशु मसीहन चाकरीयो पर उतेरनो आरू मंडळीन उन्नती होयसे। \ior 1:1–8:1\ior*
\io1 2. यरूशलेम मा रईन मंडळी पर सताव आरू यरूशलेम रईन वारली खबर पसरने। \ior 8:2–12:23\ior*
\io1 3. पौलुसन पेहली मिशनरी जात्रा। \ior 12:24–14:28\ior*
\io1 4. यरूशलेमन गरीब भुरस्यान जरूतीन बाराम। \ior 15:1-35\ior*
\io1 5. पौलुसन दिसरी मिशनरी जात्रा। \ior 15:36–18:22\ior*
\io1 6. पौलुसन तिसरी मिशनरी जात्रा। \ior 18:23–20:38\ior*
\io 7. पौलुस क यरूशलेम मा बंदी बनावनु। \ior 21–26\ior*
\io1 8. पौलुस क रोम मा ली जानु। \ior 27–28\ior*
\c 1
\p
\v 1 \x + \xo 1:1 \xo*\xt लूका 1:1-4\xt*\x*ए थियुफिलुस, हाव पेहली किताब उन आखी वातो क बारा मा लिख्यो, जो ईशु मसीह शुरू सी करतो आयो, आरू सिकाड़तु रोयु, 
\v 2 उना दाहड़े तक जव त्या निवाड़या क जिनुक ईशु नेवाड़लो हुतो, चुखली आत्मान लारे हुकुम आपीन ऊपर नी उठाई ली गयो, 
\v 3 आरू ईशु दुःख उठावने न बाद मा घण सोवटी सोहलानी सी ईशु आपसा क जीवतो देखाड़ीन, आरू चालीस दाहड़ा तक त्यो नेवताळा क देखाय देतो रोयो आरू यहोवा भगवान क राजन वात कयतो रीयो। 
\v 4 \x + \xo 1:4 \xo*\xt लूका 24:49\xt*\x*आरू नेळताळा सी मेवीन ओको हुकुम देदो, आरू कयो, “यरूशलेम क झुण छुड़ता, बाकुन बास जी बांधायली प्रतिज्ञा क पुरो हुयता तक वाट जुवता रहवो, जिनान बाराम हाव तुमूक देखाड़लो हुतो। 
\v 5 \x + \xo 1:5 \xo*\xt मत्ती 3:11; मरकुस 1:8; लूका 3:16; यहुन्ना 1:33\xt*\x*काहकि बपतिस्मा देनेवावो यहुन्ना ते पानी सी बपतिस्मा दियो बाकुन थुड़ाक दाहड़ान बाद मा तुमु चुखली आत्मा सी बपतिस्मा लेसे।”
\s ईशु क सोरग मा जानो
\r (मरकुस 16:19-20; लूका 24:50-53)
\p
\v 6 ओलतेन नेवताळा एक्ठा होईन ओका सी पुछिया, “ए पोरबु काय तु इने टेमे इस्राएल न राज क पछो बोठाड़ीस?”
\p
\v 7 ईशु नेवताळा सी कयो, “टेम आरू कालोन वात बास न तरफ सी टाकायलो छे यो जाननो, जेका मालुम नी आपनो हक मा राख्या, तुमरो काम नी हय। 
\v 8 \x + \xo 1:8 \xo*\xt मत्ती 28:19; मरकुस 16:15; लूका 24:47,48\xt*\x*पर जव चुखली आत्मा तुमरे उपर आवसे तव तुमूक शक्ति जोड़से; आरू यरूशलेम आरू आखा यहूदि या आरू सामरिया मा, आरू धरतीन कुने—कुने तक मारा गवाह हुयसे।” 
\v 9 \x + \xo 1:9 \xo*\xt मरकुस 16:19; लूका 24:50,51\xt*\x*ईशु यी वात कयीन त्यो देखता–देखता ऊपर उठायली ली गयो, आरू वादळो उको तिनरा डुळान सामने ढाक लेदो।
\p
\v 10 आरू ओको जाता टेमे जव त्या आकाश न तरफ देख रीया हुता, तव देखो दूय मानुस धोवळिया छिंदरा पेहरला नेवताळा न पास मा उचकालुन आवीन ऊबा हुया। 
\v 11 आरू कयनो लाग्या, “ए गलीली मनुसो, तुमू काँ ऊबा होईन सोरग तरफ देख रीया? यो ईशु, जो तुमरे साते सी जिनी रीति सी तुमु उको सोरग मा जातला देख्या तिनी रीति सी त्यो ओळी पोछो आवसे।”
\s यहूदा की जगह मत्तीयो क चुन्ना
\r (मत्ती 27:3-10)
\p
\v 12 12 जव त्या जैतुन नावन बोयड़ा सी जो यरूशलेम न क पास मा एक आराम न दाहड़ा आवनेन साते सी, त्यो यरूशलेम भेणी पोछो आवे। 
\v 13 \x + \xo 1:13 \xo*\xt मत्ती 10:2-4; मरकुस 3:16-19; लूका 6:14-16\xt*\x*आरू जव त्यो वाँ पुगिया तो उना उपरला कपरा मा गिया, जा पतरस, यहुन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफईस न पोर्‍या याकूब, शमौन जेलोतेस आरू याकूबन पोर्‍या यहूदा यो रहवता हुता। 
\v 14 त्या आखा मळीन थड़ाक बोहनस्या आरू ईशु न माय मरियम आरू उका भाईस क सात मा एक मन होईन विनता आरू प्रार्थना करता रया।
\p
\v 15 आरू उन दाहड़ा मा पतरस भाईस क विच मा जो एक सौ ने वीस मानुस क लोगाथोगी एक्ठा हुता, उबो होईन प्रार्थना करने लागियो। 
\v 16 “हे भाईस्यो” छाचो हुतो कि चुखलो शासतुर न त्यो लिखलो वचन पूरो हुये, जो चुखली आत्मा दाऊद क मुय सी यहूदान बारा मा जो ईशु क धोरने वाळा न अगळवानियो हुतो, उका बारा मा पेहले सी कयलो हुतो। 
\v 17 “काहकि त्यो ते हामरे मा गिनाय गियो, आरू इनी सेवा मा साजलियो बन्यो।”
\p
\v 18 \x + \xo 1:18 \xo*\xt मत्ती 27:3-8\xt*\x*त्यो अन्याय कमाय करीन एक खेत मूले लिदो; आरू माथा क भुरसे पड़्यो, आरू उको पेट फाट गियो, आरू ओकी आतड़ीया निकळी गिया। 
\v 19 आरू इनी वात क यरूशलेम न मा आखा रहवने वाळा जान गिया, या तक कि उना खेत न नाव उन लोगहन की भाषा मा अकलदमा एरो मतलब “लुहूय खेत नाव पड़्यो।”
\p
\v 20 काहकि भजन संहिता मा लिखलो छे,
\q1 “ओको घर उजड़ जासे,
\q2 आरू उका मा कोय भी नी बसे,”
\m काहकि यो भी लिखलो छे,
\q1 आरू “उको पद कोय दिसरो ली लेय।”
\p
\v 21 \x + \xo 1:21 \xo*\xt मत्ती 3:16; मरकुस 1:9; लूका 3:21; \xt*\xt मरकुस 16:19; लूका 24:51\xt*\x*अतरानकरीन जतरा दाहड़ा तक पोरबु ईशु हामरे साते आवतो जातो रियो, मतलब की यहुन्ना बपतिस्मा देने वाळा सी लगाड़ीन उको हामरे साते सी उठायली जाने तक, जो लोगहन बराबर हामरे साते रीया, 
\v 22 “यो वारू छे कि ओका मा सी एक मानुस हामरे सात उको जीव उठने न गवा हुये।”
\p
\v 23 तव त्या दूय जन क ऊबा करीया, एक यूसुफ क, जो बरसब्बास कहवाये, जिनान दिसरो नावठ्यो नाव यूस्तुस छे, दिसरो मत्तियाह क। 
\v 24 आरू यो कहवीन प्रार्थना करिया, “ए पोरबु तु जो सबन मन क जाने, यो देखाड़ दे कि इनु दूय माइन तु केको निवाड़या छे, 
\v 25 कि त्यो इनी सेवा क कर सके आरू नेवताळान पद लेय, जिनाक छुड़ीन यहूदा ओको जागे जात रीयो।” 
\v 26 तव त्या उन दूयन बारा मा चिठ्ठी न्हाखिया, आरू मत्तियाह क नाव सी चिठ्ठी नीकळी, आरू त्यो उन ग्यारे नेळताळा क सात मा गिनाय गयो।
\c 2
\s चुखली आत्मा न आवनो
\p
\v 1 जव पेन्तेकुस्त न दाहड़ो आयो, ती त्या आखा एक धरती पर भेळा हुता। 
\v 2 आरू एकदम छे सोरग छे मोटी आँधी क सारकु सन्नाटु आवनेन शब्द हुयो, आरू ओका सी सब घर वा त्या बोठ्या हुता, गुंज गयो। 
\v 3 आरू ओका आगठी सारकी जीप फाटली देखाय पड़ी आरू आखा पर आवीन उन लोगहन मा समाय गय। 
\v 4 आरू त्या आखा चुखली आत्मा से भराय गया, आरू जीने रीते आत्मा हेनको बुलने करिन शक्ति आपी, आरू त्या भाति–भातिन भाषा बुलने लाग्या।
\p
\v 5 आरू आकाश क नेचो आखी जाती मा सी यहूदि भगत यरूशलेम मा रहवता हुता। 
\v 6 जव त्यो बुली सोमळाय पड़ी, ती गर्दी लाग गय आरू लोगहन घाबराय गिया, काहकि आखा क यो सोमळाय पड़तो हुतो, की या आखा म्हारी बुली मा बुल रीया छे। 
\v 7 आरू त्या आखा बीहिन आरू घबराईन कयनो लाग्या, “देखु, यो जो बुल रया छे काय यो गलील वाळा नी हय? 
\v 8 ती ओवी काँ हामरे मा सी; आखा उन लोगहन क आपसी–आपसी पैदावारीन धरती परून भाषान बुली सोमवे? 
\v 9 हामु जो पारथी, मेदी, एलाम लोगहन, मेसोपोटामिया, यहूदि या, कप्पदुकिया, पुन्तुस आरू आसिया, 
\v 10 आरू फ्रूगिया आरू पंफूलिया आरू यूसुफ आरू मिस्र लीबिया देश जो कुरेन न धोड़वोड़ मा छे, इन आखा देश मा रहवने वाळा आरू रोमि वासी, 
\v 11 मतलब काय यहूदि, आरू काय यहूदि रीति भातीन पाळन करने वाळा, क्रेते आरू आरबी भी छे, बाकुन आपसी–आपसी बुली मा ओका सी यहोवा भगवान क मोटा काम क बारा मा सोमळता छे।” 
\v 12 आरू त्या आखा घाबराय गया, आरू घाबरायीन एक दिसरा सी कयनो लागिया, “यो काय हो रयो?”
\p
\v 13 पर दिसरा हिमत करीन कयो, “त्या ते नवलु मोंद पीन मोंदन नशिया मा छे।”
\s चुखली आत्मान दाहड़े पतरसन भाषण
\m
\v 14 पतरस तिनु गियारा क सात मा ऊबो हुयो आरू मोटा बुलो सी कयनो लाग्यो, “ए यहूदि या, आरू ए यरूशलेम क आखा रहवने वाळा, यो जान लेय आरू कान्टा लागाड़ ़ीन म्हारी वात समळी लेय।” 
\v 15 जोसो तुमू समझी रया यो नशिया मा नी हय काहकि अब ते तिसरो पहर ही चढ़लो छे, 
\v 16 पर यी वात सी जो योएल कागळीयान लारे कहवली छे:
\q1
\v 17 यहोवा भगवान यो कहे, कि आखरी दाहड़ा मा असो होयछे,
\q2 कि हाव मारी आत्मा आखा मनुसो पर रेड़ीस
\q1 आरू तुमरा पोर्‍या आरू तुमरी पुरायोहन ओगळायती वात कहवसे,
\q2 आरू तुमरा जुवान्या दर्शन देखसे आरू तुमरा डाहडा सपनो देखसे।
\q1
\v 18 या तक हाव म्हारा दास आरू दासियाँ पर
\q2 तिनु दाहड़ा मा म्हारी आत्मा रेड़ीस,
\q2 आरू त्या ओगळायती वात करसे।
\q1
\v 19 आरू हाव ऊपर सोरग मा मोटा काम,
\q2 आरू नेड़ो धरती पर सोहलानी, आरू लुहूय,
\q1 आरू आगठो आरू धुंवाड़ो क वादळो देखाड़ीस।
\q2
\v 20 पोरबु क डाहला आरू
\q2 विजाळा दाहड़ा आवने सी पेहले दाहड़े आंधारो
\q2 आरू चाँद लुहूय क सारको हुय जाछे।
\q1
\v 21 आरू जो कोय पोरबुन नाव लेछे, ओकोत् छुटकारो जोड़से।
\p
\v 22 “ए इस्त्राएली यी वात सोमवु कि ईशु नासरी एक मानुस हुतो जिनाक यहोवा भगवानन तरफ सी हुयने न सोहलानी ओकी सामर्थ्यन काम आरू मोटा काम आरू सोहलानी सी देखाये, जो यहोवा भगवान तुमरे वीच मा ओका लारे देखाड़्यो जिनाक तुमू जानो।” 
\v 23 \x + \xo 2:23 \xo*\xt मत्ती 27:35; मरकुस 15:24; लूका 23:33; यहुन्ना 19:18\xt*\x*ओको क, जव त्यो यहोवा–भगवानन टाकायली वात आरू गियानोन अनसारे धोराय गियो, ती तुमू अन्याय हात सी कुरूस पर चढ़ावीन मार न्हाखिया। 
\v 24 \x + \xo 2:24 \xo*\xt मत्ती 28:5,6; मरकुस 16:6; लूका 24:5\xt*\x*पर ओको क यहोवा–भगवान मोत क बंधन सी छुड़ावीन जीवाड़्यो: काहकि यो नी हयने सारको हुतो कि उका हक मा रहवे। 
\v 25 काहकि दाऊद उका बारा मा कहे:
\q1 हाव पोरबु क जलोमकु म्हार सामने देखतो रयो
\q2 काहकि त्यो मार जेवड़ा तरफ छे, कि हाव कमजोर नी हुय जाम।
\q1
\v 26 इना कारण सी म्हारो मन खुश हुयो,
\q2 आरू म्हारी जीप खुश हई;
\q1 बाकुन मारो डील भी आश मा बनलो रहवसे।
\q1
\v 27 काहकि तु म्हारा जीव क नरक मा नी छुड़े;
\q2 आरू नी ते थारा चुखलो जन क सड़ने देय!
\q1
\v 28 तु मेखे जीवन न वाट देखाड़्लो छे;
\q2 “तु मेखे थारा दर्शन क लारे खुशी सी भर देसे।”
\p
\v 29 ए भाईस्यो, दाऊद हाव तिना वेगला डाहडा न बारा मा हाव तुमूक हेमोत न सात कय सकतलू कि त्यो मोर गयो आरू गाड़ ़ाय भी गयो आरू ओको बीड़ो आज तक आज काल मा छे। 
\v 30 त्यो कागळीयो होतो, त्यो जानतो होतो कि यहोवा–भगवान तिना छे कसम लेदलो छे, हाव तारा ओवलियाद मा छे एक जन क तारी राजगाद्दी पर बोठाड़ीस। 
\v 31 त्यो हुयने वाळी वात क पेहेल देखो देखीन ईशु मसीहन जीवतो होयनेन बारा मा हुयने वाळी ओगळायती वात करियो कि
\q1 नी ते ओको जीव नरक छुड़ी गयो,
\q2 आरू नी ओको डील सोड़्यो।
\m
\v 32 इनात् ईशु क यहोवा–भगवान जीवाड़्यो, जिना हामु गवा सी। 
\v 33 इने रीति छे यहोवा–भगवानन जेवड़ा हात छे मोटो पद लिन, आरू बास छे ची चुखली आत्मा लेय लिन जेरो प्रतिज्ञा करलो होतो, त्यो यो रेड़ दियो जो तुमू देखु आरू सोमळता होय। 
\v 34 काहकि दाऊद ते सोरगदूत मा नी चढ़ियो; पर त्यो आपसु कयता छे,
\q1 पोरबु मारो पोरबु छे कयो;
\q2 मारे जेवड़ा बोठ,
\q1
\v 35 जव तक हाव तारा दुस्मन क तारा पायो तले न चौकी नी कर दो।
\p
\v 36 हीमि इस्राएल न आखो घरानो सच जान लेय कि यहोवा–भगवान तिना ईशु क जिनाक तुमू कुरूस पर चढ़ावला, पोरबु भी बोनाया आरू मसीह भी।
\p
\v 37 तुमरो सोमळने वाळान कालजो टुट गयो, आरू त्या पतरस आरू दिसरा प्रेरित छे पुछने लागिया, ए भाईस्यो, हामु काय कोरजे?
\p
\v 38 पतरस ओको कयो, “मन न पछातावो करो, आरू तुमरे मा छे आखा जना आपसा–आपसा पापो न माफी जुगु ईशु मसीह नाव छे बपतिस्मा लेय; ती तुमूक चुखली आत्मा न दान जोड़से। 
\v 39 काहकि यु वायदो तुमरे, आरू तुमरा पुरिया पारी, आरू तिनु आखा दूर–दूर वाला लोगहन क जुगु भी छे जिनाक पोरबु हामरू यहोवा–भगवान आपसे पास बुलावछे।”
\p
\v 40 त्यो घण सोवटी आरू वात छे भी गवाय दी दीन समझाड़ियो कि आपसा क इनी टेढ़ी जाती छे वाचड़ो 
\v 41 इने रीते जोतरा वचन क मान लेदा त्या बपतिस्मा लेदा; आरू तिने दाहड़े तीन हजार मानसोन धोड़े वोड़ ओका मा भेवाय ज्या। 
\v 42 आरू त्या प्रेरित छे गियान लेने, आरू भेवा हुयने मा आरू खानो खाने मा आरू विनता करने लागला रया।
\s विश्वासिया न साजो
\p
\v 43 आरू आखा लोगहन मा बीक भराय गय, आरू घोणा सोवटा मोटा–मोटा काम आरू सोहलानी नेळताळान लारे हुयसे हुता। 
\v 44 \x + \xo 2:44 \xo*\xt प्रेरितन 4:32-35\xt*\x*आरू आखा विश्वास करने वाळा एखटा रहवता हुता, आरू हेनकी सारी चीज साजलाय मा होती। 
\v 45 आरू त्या आपसी–आपसी सम्पत्ति आरू समान वेच–वेचीन जोसी जेरी जरूरत रहवतली होती त्या वाट दिया करता हुता। 
\v 46 आरू त्या दाहड़ीन एक मन होईन मंडळी मा एखटा हुयसे हुता आरू घर–घर भेळा होईन खानो खातला खुशी छे आरू सुतरे मनन छे खानो खाया करता हुता। 
\v 47 आरू यहोवा–भगवानन बढ़ाई करता हुता, आरू सब लोगहन हिन्दरा छे खुश हुयसे हुता; आरू जो छुटकारू लेता हुता, हेनको पोरबु दाहड़ीन भेळा कर देतो होतो।
\c 3
\s लेंगड़ा भिखारी क आरगाय
\p
\v 1 पतरस आरू यहुन्ना तीसरे पहर पर विनता क टेहाव मा मंदिर मा जाय रया हुता। 
\v 2 आरू लोगहन एक पैदा वार सी लेंगड़ा भिखारी क लाई रया हुता, जिनाक त्या दाहड़ीन मंदिरन एक झोपला पर जो सुन्दर नाव ना कहवायतो होतो, बठाड़ देता हुता, कि चो मंदिर मा जाने वाळा सी भीख मांगे। 
\v 3 जव त्यो पतरस आरू यहुन्ना क मंदिर मा जातला देखियो, ती ओका सी भीख मांगीयो। 
\v 4 पतरस यहुन्ना साते उका भेणी धियान सी भाळीयो आरू कयो, “हामरे भुणी भाळ!” 
\v 5 आरू त्यो हेका सी काहय मांगनेन आस सी हेनुक देखने लागियो। 
\v 6 तव पतरस कयो, “सोनो आरू चाँदी ते मारे पास नी होय; पर जो मार पास सी, त्यो हाव तुखे आपो; ईशु मसीह नासरी न नाव सी चाल पछु।” 
\v 7 आरू ओको उका जेवड़ा हात धरिन उको उठाड़ियो; आरू तत्यार मा ओको पायो मा आरू घुटना मा ताकत आय गय। 
\v 8 आरू चो उछळीन उबो हय गयो, आरू चालने पुगनेन लागियो; आरू चालतो, आरू कुदतो जाईन आरू यहोवा–भगवानन बढ़ाई करतो जाईन ओको साते मंदिर मा गयो। 
\v 9 आखा लोगहन हेको चालतो पुगतो जाईन यहोवा–भगवानन गुण गान करतो देखीन, 
\v 10 हेको उळखी लेदा की यो चो सी जो मंदिरन सुन्दर नावन झपला पर बठीन भीख मांगीया करतो होतो; आरू तीनी घटना सी जो हेको सात हय चे घना घाबराय गया।
\s मंदिर मा पतरस न भाषण
\p
\v 11 जव त्यो पतरस आरू यहुन्ना क धरी रयो होतो, ती आखा लोगहन घोणा घाबरायता जाईन तिना ओसारा मा जो सुलैमानन कहवायतो सी, ओको पास दोवड़ीन आश। 
\v 12 यो देखीन पतरस लोगहन सी कयो, ए इस्त्राएली मानसो, तुमु इना मानुस क देखीन काँ घाबराय रया, आरू हामरे भुणी ओसा काँ देखी रया, ओसा कि हामु हामरी ताकत न शक्ति सी इनाक चालतो पुगतो करिया? 
\v 13 अब्राहम आरू इसहाक आरू याकूबन यहोवा–भगवान, हानरा डाहडा न यहोवा–भगवान हेरा ईशुन महिमा करियो, जिनाक तुमु धराय दिया, तव तुमु हेके सामने ईशुन विजोत नीहि करियो। जिनाक तुमूक नि मान्या आरू पिलातुस न हात मा आपी दिदा, जब कि पिलातुस तिनुक छुड़नेन ठराय लेदु। 
\v 14 \x + \xo 3:14 \xo*\xt मत्ती 27:15-23; मरकुस 15:6-14; लूका 23:13-23; यहुन्ना 19:12-15\xt*\x*तुमू तिना न्यायी आरू चुखलान क नीहि मानिया, आरू तुमूक यो वारू लागियो कि तुमरे जुगु एक हत्या करने वाळा क छुड़ दियो जाय। 
\v 15 आरू तुमु जीवन आपनिया क मार नाखिया, जिनाक यहोवा–भगवान मरेला माईन जीवतो करियो; आरू इनी वात न हामु गवाह सी। 
\v 16 आरू हेको नाव ते, तिना विश्वासन लारे जो हेका नाव पर सी, इना मानुस क जिनाक तुमु देखता सी आरू हेको जानू भी त्यो ताकत आपलो सी; आरू पाको सी यो विश्वास ईशुन लारे सी, हेनाक आखा सामने छाछलो वारू आरगो कर दियो।
\p
\v 17 “आरू हीमि ए भाईस्यो, हाव तुमूक जानो कि यो काम तुमू विन ओकल मा करिया, आरू ओसात् तुमरा मास्तरिया भी करिया। 
\v 18 पर जिनी वात क यहोवा–भगवान आखा कागळिया न मुय सी पेहलेत देखड़्यो हुता, कि हेरो ईशु मसीह दुःख हाकलसी; त्यो ओको इने रीति सी पूरो करियो। 
\v 19 अतरानकरीन मन फिरावो आरू पोछा आवती रवो कि तुमरा पापे मिटाड़्या जाय, जिना सी पोरबुन सामने आरामोन दाहड़ा आवे। 
\v 20 आरू त्यो तिना ईशु क मुकले जो तुमरे जुगु पेहेल गथो मसीह ठहरायो गयो सी। 
\v 21 पाको सी कि सोरग मा तिने टेहाव तक रहवे जव तक कि त्यो आखी वातन सुधार नी कर लेय जेरी वात विचार पेहला जमाना सी यहोवा–भगवान आपसा कागळीयान मुय सी करलो सी। 
\v 22 जोसो की मूसु कहवलु, ‘पोरबु यहोवा–भगवान तुमरे भाईस्यो मा सी तुमरे जुगु म्हार सारको एक कागळीयो क नेवाड़सी, जो काय त्यो तुमरे सी कहवसे हेकी समळजो।’ 
\v 23 पर आखा मानसी जो तीना कागळीयान नी समवसे, लोगहन मा सी तिनक मार नाखसी। 
\v 24 आरू शमूएल सी लागाड़ ़ीन हेके ओलतेन वाला जोतरा कागळिया वात कयो त्या आखा इनु दाहड़ान खबर आपला सी। 
\v 25 तुमु कागळीयान ओवलियाद आरू तिनी बांधायली वातन साजलिया सी, जो तुमरा डाहडा सी बांधलो, जव त्यो अब्राहम सी कयो, तारी औवलियादन लारे धरती पर आखा लोगहन बरकत लेसे। 
\v 26 यहोवा–भगवान हेका चाकरीयो क नेवाड़ीन पेहेल तुमरे जुवे मुकल्यो, कि तुमरे मा सी आखा क हेकी बुराय सी फिरवीन बरकत आपे।”
\c 4
\s पतरस आरू योहन क धोरायनो
\p
\v 1 जव पतरस आरू योहन लोगहन छे कय रया हुता, ती पुजारा आरू मंदिरन राखवाल्या सदूकियो तिनु भुणी आश। 
\v 2 त्या घोणा किचवाया कि पतरस आरू योहन ईशुन बारा मा सिखाड़ता हुता आरू मरेला माइन जीवतो होय गयो यी खबर करता हुता। 
\v 3 आरू त्या ओको धरीन दिसरे दाहड़े तक जेल खाना मा राखिया काहकि सान्तो रात पोड़ने टेम होय गयली होती। 
\v 4 पर वचन सोमळने वाळा माईन घण सवटा विश्वास करिया, आरू ओकी गिनती पाच हजार धोड़े वोड़ मानसे हुता।
\p
\v 5 दिसरे दाहड़े ओसो हुयो कि हेन्दरा आरू सरदार आरू धरम शास्त्री कानुन यरूशलेम मा एखठा होया। 
\v 6 आरू डाहला पुजारा हन्ना आरू कैफा आरू योहन आरू अलेक्जेन्द्रिया आरू जतरा डाहला पुजारा क घरो माईन हुता, आखा यरूशलेम मा एखटा होया। 
\v 7 त्या पतरस आरू योहन क बीच मा उबाराखीन पुछने लागिया, कि तुमू यो काम काहली ताकत छे आरू कुनीन नाव छे करिया?
\p
\v 8 तव पतरस चुखली आत्मा छे भराइन तिनु छे कयो, “ए लोगहन न सरदारिया आरू डाहडा” 
\v 9 इना लेंगड़ा मानुस साते जो भलाईन काम करियो गयो, ने आज तुमू हामरे छे ओका बारा मा पुछताछ कर रया, कि त्यो कोस वारू हुयो। 
\v 10 ती तुमू आखा आरू आखा इस्त्राएली लोगहन जान लेय कि ईशु मसीह नासरतन नाव छे जिनाक तुमू कुरूस पर चढ़ाया, आरू यहोवा–भगवान हेको मरला माइन जीवाड़्यो, आरू यो मानुस तुमरे सामने वारू आरगो ऊबो छे। 
\v 11 यो ईशु त्योत् दगड़ो छे,
\q1 जिना दगड़ा क तुमू मिस्त्रियाँ रिकामो बनावला,
\q2 आरू त्यो कुनान न छिवनियान दगड़ो बन गयो।
\m
\v 12 आरू कोय दिसरान लारे छुटकारू नीहि हुयो; काहकि सोरगदूतन नेड़ो आरू मानुस न वीच मा आरू काहाय दिसरो नाव नी दियो गयो, जिना लारे हामुक छुटकारू जोड़े।
\p
\v 13 जव त्या पतरस आरू यहुन्ना न हेम्मोत क देख्या, आरू यो जानीन कि या भनला नी होय आरू साधारण मानसे नी होय, ती त्या घाबरायने लागिया; आरू हेनुक ऊळखिया, कि या ईशुन साते रहवला छे। 
\v 14 पर तिना मानुस क जो वारू होयलो होतो, ओको सात ऊभरहवला देखीन, यहूदि या मानसोक हेका विरोध मा काहय नी कहवायो। 
\v 15 बाकी न हेनुक मोटली मिटिंग मा सी बाहर जानेन हुकुम आपिन, त्या आपसु विचार करने लाग्या, 
\v 16 हामु इनु मानसो साते काय कोरजे? काहकि यरूशलेम आखा रहवने वाळा पर उजेन्तो छे, की इन्दरे लारे नाव सादाय सोहलानी देखाय गयली छे; आरू हामु हेन्दरो मना नी कर सकजे। 
\v 17 पर अतरान करीन कि यी वात लोगहन मा आरू जादा नी सोमवे, हामु ओको बीहाड़जे, कि त्या इनी नाव छे ओळी काहना मानसो छे वात नी करे।
\p
\v 18 तव पतरस आरू योहन क बुलाया आरू धमकी आपिन यो कयो, “ईशुन नाव छे काय झुण बिलता आरू नी ते सिखाड़जु।” 
\v 19 पर पतरस आरू यहुन्ना ओको काय जोवाब नीहि आपिया, “तुमूत् न्याय करू, कि काय यो यहोवा भगवान साते वारू छे, कि हामु यहोवा–भगवानन वात क छुड़ीन तुमरी वात न क मानजे? 
\v 20 काहकि यो ते हामरे छे नीहि हुयो, कि जो हामु देखिया आरू समळीया, त्यो नी कयजे।” 
\v 21 तव त्या हेनुक आरू धमकी आपीन छुड़ दिदा, काहकि लोगहन न कारण छे दण्ड आपने क जुगू ओको काय भी गुणु नीहि जोड़यो, हतरान करिन कि जी घटना होयली होती ओको कारण आखा लोगहन यहोवा–भगवानन बढ़ाई करता हुता। 
\v 22 काहकि त्यो मानुस, जिना पर यी आरगाय करने न सोहलानी देखाय गय होती, त्यो चालीस साल सी जादा उमरन होतो।
\s नेळताळा न विनता
\p
\v 23 पतरस आरू योहन छुटीन आपसा सात वाळान साते आश, आरू जो काय डाहला पुजारा आरू पुडारिया हेका छे कयो हता, हेको सोमळाड़ दिदा। 
\v 24 यो सोमळीन, त्या एक मोन्या होईन जो सी बूलो मा कयो, ए पोरबु तु त्योत् छे जो सोरगदूत आरू धरती आरू दोरियो आरू जो काय हेकाम छे ओकाम छे बोनायो।
\p
\v 25 तु चुखली आत्मान लारे तारा सेवक हामरा बास दाऊद छे कयो,
\q1 “गैरयहुदी हुलड़ काँ मोचाड़े?
\q2 आरू देश–देशन लोगहन काँ वायकेड़ा वात विचार करिया?”
\q1
\v 26 पोरबु आरू हेका चुखा आरू निवाड़ला न विरोध मा
\q2 धरती न राजा ऊठ्या,
\q2 आरू डाहडा एक सात मा एखटा होय गया।
\m
\v 27 काहकि सच तारा सेवक ईशुन विरोध मा, जिनाक तु अभिषेक करियो, हेरोदेस आरू पुन्तियुस पिलातुस भी गैरयहुदी आरू इस्त्राएली साते इना नगर मा एखटा होया, 
\v 28 कि जो काय पेहले गथो तारी ताकत आरू मति छे टेहरलो होतो त्योत् करे। 
\v 29 हाय ए पोरबु, ओकी धमकी क देख; आरू आपसा दास क यो वरदान आप कि तारा वचन क घोणी हेमोतन करिन सोमळाड़जे। 
\v 30 “आरू आरगाय करने जुगु तु तारा हात क बढ़ाव कि सहलानी आरू मोटो–मोटो काम तारा चुखलो सेवक ईशुन नाव छे करियो जाय।”
\p
\v 31 जव त्या विनता कर लेदा, तव त्यो जागो जा सारी त्या एखटा हुता हाल गयो, आरू त्या आखा चुखली आत्मा छे भराय गया, आरू यहोवा–भगवानन वचन हेमत न सात मा सोमळाड़ता रया।
\s विश्वासिया मदत
\p
\v 32 \x + \xo 4:32 \xo*\xt प्रेरितन 2:44,45\xt*\x*आरू विश्वास करने वाळान मंडळी एक जीव आरू एक मनन होती, या तक कि कोय भी आपसा धन क आपसो नीहि कयता हुता, पर सब काय साजलियो होतो। 
\v 33 आरू नेळताळा मोटी ताकत छे पोरबु ईशुन जीवतो होयनेन गवाय देता रया आरू तिनु आखान पर मोटी दया होती। 
\v 34 आरू ओका मा कोय भी कमजोर नी होतो, काहकि जिना पास जागु आरू घरे हुता, त्या तीनाक वेचीन, वेचायली चीजोन किमत लावतला, आरू ओको नेळताळान पायो मा हावलता हुता। 
\v 35 आरू जेरी जोसी जरूरत होतली, उको अनसारे सबन क वाट दिया करता हुता।
\p
\v 36 आरू यूसुफ नावन, साइप्रस न एक लेवी होतो जिनाक नाव नेळताळा बरनबास शांती न पोर्‍या राखिया हुता। 
\v 37 ओकी काहय खेती होती, जिनाक त्यो वेचलो, आरू ओकी किमत न रिपिया लावीन नेळताळा न पाय मा हावल दियो।
\c 5
\s चुखली आत्मा सी झुट हावळनो
\p
\v 1 हनन्याह नावन एक मानुस, आरू हेकी घर वाळी सफीरा त्या जागु वेचिया। 
\v 2 आरू ओकी किमत मा छे थुड़ी काहय राख लेदा; आरू यी वात हेकी घर वाळी जानती होती, आरू एक वाटो लावीन नेळताळान पाय मा हावल दिदा। 
\v 3 बाकीन पतरस कयो, “ए हनन्याह! भुत तारा मन मा यी वात काँ नाखियो कि तु चुखली आत्मा छे झुट कये, आरू धरतीन किमत मा छे काहय दाम तु राख लेय? 
\v 4 जव तक ची तारे जुळ रयी, काय ची तारी नी होती? आरू जव वेचाय गय ती ओकी किमत तारे जुळ नी होती? तुने यी वात तारा मन मा काँ सोचियो? तु मानुस क नीहि पर यहोवा–भगवान छे झुठ कयो।” 
\v 5 यी वात सोमळीन हनन्याह हिट पड़्यो, आरू जीव छुट गयो; आरू आखा सोमळने वाळा न पर बीक भराय गय। 
\v 6 ओळी जुवानिया उठीन हेको सिवड़ो बनाड़े आरू बाहर ली जाईन गाड़ दिदा।
\p
\v 7 ओळतेन तीन घंटा न बाद हेकी घर वाळी, जो काय होयलो होतो नी जानीन, भीतर आवी। 
\v 8 तव पतरस हेकेक कयो, “मखे देखाड़ काय तुमू यो जागु हतरात मा वेचिया हुता?”
\p ची कही “हाव हतरा मा।”
\p
\v 9 पतरस हेकेक कयो, “यी काय वात छे, कि तुमू दूयु पोरबुन आत्मा क पारेखने जुगु एक्ठा साजान वात करिया? देखे, तारा घर वाळा क गाड़ ने वाळा झोपला पर ऊबा छे, आरू तुखे भी बाहर ली जाछे।” 
\v 10 तव ची उतवाळाय ओको पायो पर हिट पड़ी, आरू जीव छुड़ देदी; आरू जुवानिया माहायता आवीन हेखे मरली देखिया, आरू बाहर ली जाईन हेका घर वाळान साते गाड़ दिदा। 
\v 11 आरू आखी मंडळी पर आरू इनी वात क सोमळने वाळा आखा मा बीक भराय गय।
\s नेळताळान लारे सोलानी आरू चमत्कार
\p
\v 12 नेळताळा न हातो छे घण सोवटा मोटा काम लोगहन वीच मा देखाम पोड़ता हुता, आरू त्या आखा एक मोन्या होईन सुलैमानन ओसारा मा एखटा होया करता हुता। 
\v 13 पर ओळी तिनु माईन कोयक यी हेमोत नी होयती होती कि, ओकाम जाईन भेळा हो जाय; ओळी भी बढ़ाई करता हुता। 
\v 14 आरू विश्वास करनेवाळा घण सोवटा आखा ओदेमड़ा आरू बाई जात पोरबु मंडळी मा आरू सोवटा आविन हावळता रया। 
\v 15 या तक कि लोगहन बीमार मानुस क सयड़क पर लावी–लावीन, खाटला पर लेटाड़ देता हुता, कि जव पतरस आवे, ती हेको साहळोत् उना माईन कोय पर पड़ जाय। 
\v 16 आरू यरूशलेमन आड़े धोड़े न नगरो छे भी घोणा सोवटा लोगहन मांदला आरू जिनाक साहळा वेला पाड़ती होती तिनुक लावी–लावीन एखटा हुयसे हुता, आरू आखा क आरगाय जोड़ जाती होती।
\s नेळताळा न क जेल खाना मा बंद करनो
\p
\v 17 तव डाहला पुजारा आरू ओका आखा साती जो सदूकियों पंथन हुता किचवाय पड़्या। 
\v 18 आरू नेळताळा क धरिन जेल खाना मा बंद कर दिदा। 
\v 19 पर राती पोरबुन एक सोरगदूत जेल खानान झोपलो खुलीन हेको बाहर लावीन कयो, 
\v 20 “जावु, मंदिर मा उबा होईन, इना जीवनन आखी वात लोगहन क समवाड़ो।”
\p
\v 21 त्या यी सोमळीन भोळ भाको हुयसे मंदिर मा जाईन परचार देने लागिया। पर डाहला पुजारा आरू हेका साती आवीन मोटली मिटिंग क आरू इस्त्राएली आखा डाहडा क एखटा करिया, आरू जेल खाना मा कय मुकलिया कि हेनुक लावे। 
\v 22 पर आधिकारिया चाहे पुगीन हेनुक जेल खाना मा नी देखिया, आरू पोछा आवीन खबर करिया, 
\v 23 “आरू हानु जेल खाना क घोणा चौक चौळ्या होईन बंद करलो, आरू चोवकीदारिया क बाहर उबा होई रहला देखिया; बाकीन जव झोपलो खुल्या, ती माहयता कोय नी देखाय पोड़्या।” 
\v 24 जव सरदार आरू मोटा पुजारा त्या यी वात सोमळया, ती हेन्दरा बारा मा त्या घोणी चिंता मा पोड़ गया कि हेनुक काय हुयो होछे! 
\v 25 हतरा मा ओको कोय आवीन कयो, “देखु, जीनुक तुमू जेल खाना मा बंद करला हुता, त्या मानसे मंदिर मा उबरहीन लोगहन क परचार करने लागरिया छे।” 
\v 26 तव सरदार, आधिकारियाँन पुठी जाईन, हेनुक ली आश, बाकीन ताकत देखाड़ीन नी लाया, काहकि त्या लोगहन सी बीहतला हुता, हेन्दरे पर दगड़ा नी दी पड़े।
\p
\v 27 तिनुक त्या ओळी लावीन मोटली मिटिंगन सामने उबराख दिया आरू डाहला पुजारा हेनको पुछिया, 
\v 28 \x + \xo 5:28 \xo*\xt मत्ती 27:25\xt*\x*“काय हामु तुमूक कहीन हुकम नी आपिया कयो हुता, कि तुमू इना नावन परचार झुण करजु? ती भी देखु, तुमू आखा यरूशलेम क तुमरा परचार सी भर दिदा आरू तिना मानुस न लुहूय यो हामरा गळा पर नाखने होय रया।”
\p
\v 29 तव पतरस आरू दिसरा, नेळताळा ओको जोवाब आपिया, मानसोन हुकुम छे जादा यहोवा–भगवानन हुकुम क मान्नो हामरो काम छे। 
\v 30 हामरा डाहडन यहोवा–भगवान ईशु क जीवाड़्यो, जिनाक तुमू कुरूस पर चढ़ावीन मार नाखिया हुता। 
\v 31 हेकोत् यहोवा–भगवान पोरबु आरू छुड़ावने वावु ठेहरावीन आपसा जेवड़ा हातो छे मोटो करियो, कि त्यो इस्त्राएली न मन फिरावने न आरू पापोन माफी आपे। 
\v 32 “आरू हामु इनी वातन गवाह छे, आरू चुखली आत्मा भी, जिनाक यहोवा–भगवान न हेको आपियो छे, जो हेको हुकुम क माने।”
\p
\v 33 यो सोमळीन किचवाय गया, आरू हेनुक मारने करिन उठिया। 
\v 34 बाकीन गमलीएल नावन एक फरीसि जो होकदारियु आरू आखा लोगहन हाव नावसादियो होतो, मोटली मिटिंग मा उबो होईन नेळताळा क थुड़ीक वार जुगु बाहरा करने हुकुम आपियो। 
\v 35 तव त्यो कयो, ए इस्त्राएली, जो काय इनु मानसो साते करनो सी, चौ सोची समझीन करजो। 
\v 36 काहकि इनु दाहड़ा छे पेहल थियूदास यो कहवतो जाईन उठियो, कि हां भी काहय छे; आरू चार सौवन धोड़े वोड़ मानसे हेर साते होय गया, बाकीन तीनाक कोय मार नाखियो; आरू जोतरा मानसे हेके मानता हुता त्या आखा तितर–बितर होईन खतम होय गयला छे। 
\v 37 ओळतेन यहूदा नाव लिखने दाहड़ा मा यहूदा गलीली उठ्यो, आरू काहय लोगहन क हेर भेणी कर लेदो; आरू त्यो खतम होय गयो, आरू जोतरा लोगहन हेके मानता हुता, आखा तितर–बितर होय गया। 
\v 38 हतरान करिन हाय हाव तुमरे छे कहोम, इनु मानसो सी छेटा रहवु आरू हेका छे काहय काम मा राखु; काहकि यी योजना या यो काम मानसो छे ती मिटाय जाछे; 
\v 39 पर जत्यार यहोवा–भगवानन तरफ सी छे, ती तुमू ओको कदी नी मिटाय सकु;
\p काही ओसो नी हुयो कि तुमू यहोवा–भगवान छे लड़ायने वाळा बनो। 
\v 40 तव त्या ओकी वात मानी लेदा; आरू नेळताळा क बुलावीन मार खावड़्या; आरू यो हुकुम आपीन छुड़ दिदा, कि ईशुन नाव छे ओळी वात नी करे। 
\v 41 त्या इनी वात सी खुश होईन मोटली मिटिंग न सामने सी जात रया, कि हामु ओका नाव जुगु विजोत वाळा बनजे। 
\v 42 हेरेन ओळतेन दाहड़ीन, मंदिर मा आरू घर–घर मा, त्या लगातार सिकाड़ता आरू परचार करता हुता कि ईशुत् छुड़ावने वाळो छे।
\c 6
\s सात नावन सेवकन नेवाड़नो
\p
\v 1 तिनु दाहड़ा मा जव चेला न गिनती बढ़ती गय, तव यूनानी बुली बुलने वाळा इब्रानीया पर किचवायने लागिया कि दाहाड़ीन सेवकाई मा हामरी रंडायली बाई सुधी नी ली जाती। 
\v 2 तव तिनु बारा चेलान मंडळी क आपसे पास बुलावीन कयो, “यो वारू नी होय कि हामु यहोवा–भगवान न वचन क छुड़ीन खावाड़ने आरू पिवाड़नेन सेवा मा रहवजे। 
\v 3 हेरेन करिन ए भाईस्यो, आपने माईन सात नावन ओदेमड़ा क जो चुखली आत्मा आरू ओकल छे भरायला होय, नेवाड़ लेय, कि हामु ओको इना काम पर ठराय देजे। 
\v 4 बाकीन हामु ते विनता मा आरू वचन क सेवा मा लागला रहवसु।”
\p
\v 5 यी वात आखी मंडळी क वारू लागी, आरू त्या स्तिफनुस नावन एक मानुस क जो भुरसा मा आरू चुखली आत्मा छे भरायलो होतो, फिलिप्पुस, प्रुखुरूस, नीकानोर, तीमोन, परमिनास आरू अन्ताकिया वासी नीकुलाउस क जो यहूदि यान मत मा आय गयो होतो। निवाड़ लेदा। 
\v 6 आरू हेनुक नेळताळान सामने उबा करिया आरू ओका जुगु प्रार्थना करिन ओका पर हात हावलिया।
\p
\v 7 आरू यहोवा–भगवानन वचन फैलतो गयो आरू यरूशलेम मा चेला न रावन्या जादा बढ़ती गय; आरू पुजारा न एक समाज इना मत न हक मा होय गया।
\s स्तिफनुसन धरायनो
\p
\v 8 स्तिफनुस दया आरू ताकत छे भराइन लोगहन मा मोटा–मोटा काम आरू सोहलाणी देखाड़तो गयो होतो। 
\v 9 तव तिना आराधना घरो माईन जो बांधयला छुटला कहवायती होती, आरू कुरेनी आरू अलेक्जेन्द्रिया आरू किलिकिया आरू आसिया न लोगहन मा छे थुड़ाक उबा होईन स्तिफनुस छे वात विचार करिन जुराका हुयने लागिया। 
\v 10 पर तिनी ओकल आरू तिनी आत्मा न जिना छे त्यो वात करतो होतो, त्या सामनो नी कर सकिया। 
\v 11 इना पर त्या थुड़ाक लोगहन क भड़काया जो कयनो लागिया, हामु इनाक मूसा आरू यहोवा–भगवानन विरोध मा निन्दा क वात कयता समळीया छे। 
\v 12 आरू लोगहन आरू डाहडा आरू ओकल वाळा क भड़कावीन चढ़ीन आश आरू हेके धरीन मोटली मिटिंग मा ली आश। 
\v 13 आरू झुठा गवाह उबा होय गया त्या यो कयो, यो मानुस इना चुखलो धरतीन आरू नियम विरोध मा बुलनो नी छुड़ियो। 
\v 14 “काहकि हामु हेके यो कयता सोमळीया, कि ईशु नासरत इना जागा क उदार देसे, आरू तिनु रीति क बदली देयगो जो मूसा हामुक आपलो छे।” 
\v 15 तव आखा लोगहन जो मोटली मिटिंग मा बठला हुता, हेकी भेणी भालीन हेको मुय सोरगदूत सारको देखिया।
\c 7
\s मोटली मिटिंग मा स्तिफनु
\p
\v 1 तव मटलो पुजारो कयो, “काय या वात छाची सी?”
\p
\v 2 त्यो कयो, “ए भाईस्यो, आरू बासो सोमळो, हामरू बास अब्राहम हारान मा बठने छे पेहेल जव मेसोपोटामिया मा होतो; तव तेजोमय यहोवा–भगवान हेको दर्शन दियो। 
\v 3 आरू हेका छे कयो, तु तारो देश तारा घराना छे निकळीन तिना देश मा जा जिनाक हाव तुखे देखाड़ीस।” 
\v 4 तव त्या कसदिया न देश माईन निकळीन हारान मा जाईन बस गया; आरू हेका बास न मोरनेन ओळतेन यहोवा–भगवान हेको चाहे छे इना देशम लावीन बसाड़्यो जेकाम अब तुमू रया, 
\v 5 आरू यहोवा–भगवान हेको काहय विरासत नी आपियो, बाकीन पाय मेकने पर भी तिना मा जागु नी आपियो, जत्यार वायदो तिनए टेमे हेको कोय नी होतो। ओळी भी वात बांधियो, हाव यो देश, तुखे आरू तारेन ओळतेन तारी ओवलियाद न हात मा कर दिस। 
\v 6 यहोवा–भगवान यो कयो, तारी ओवलियाद न लोगहन दिसरा देश मा परदेशी होयछे, आरू त्या ओको चाकरीयो बनावसे, आरू चार सौव साल तक दुःख देसे। 
\v 7 ओळी हाव यहोवा–भगवान कयो, जिनी जाति न त्या चाकरीया होयछे, ओको हाव डण्ड आपीस; आरू हेरेन ओळतेन त्या नीकळीन म्हारी सेवा करसे। 
\v 8 आरू त्यो हेका छे चामड़ी काटनेन वात बांधियो; आरू इनी दशा मा इसाहक हेका छे पैदा हुयो; आरू आठवे दाहड़े ओकी चामड़ी काटी गय; आरू इसहाक छे याकूब आरू याकूब छे बारा जातिन दाहाड़ा पैदा होया।
\p
\v 9 आरू त्या डाहडा यूसुफ छे किचवाईन हेको मिस्र देश मा जाने वाळान हात वेच देदा; पर यहोवा–भगवान हेको साते होतो। 
\v 10 आरू हेको हेका आखा दुःखो छे छुड़ावीन मिस्र राजा फिरौन ओगळ दया आरू ओकल आपियो, त्यो हेको मिसर पर आरू आखा घराना पर राजा न मंत्री बनायो। 
\v 11 तव मिस्र आरू कनान न आखा देश मा काळ पड़्यो; जिना छे घण भारी दुःख हुयो, आरू हामरा डाहडा क ओन नीहि जोड़यो होतो। 
\v 12 बाकीन याकूब यो सोमळीन, कि मिस्र मा ओनाज सी, हामरा डाहडा पेहली बार मुकलियो। 
\v 13 आरू दिसरी बार यूसुफ आपसा भाईस्यो पर देखायतो होय गयो, आरू यूसुफन जाती फिरौन अळी राजा क मालोम होय गय। 
\v 14 तव यूसुफ आपसा बास आरू आपसा आखा घराना क, जो सत्तर न पाच मानसे हुता, बुलावो मुकलियो। 
\v 15 तव याकूब मिस्र मा गयो; आरू वाँ त्यो हामरा डाहडा मर गया। 
\v 16 हेका धोड़ क शेकेम मा पुगाड़ीन तिना बीड़ा मा राखिया, जिनाक अब्राहम चाँदी आपिन शेकेम मा हमोर न ओवलियाद छे मुवे लेदो होतो।
\p
\v 17 “पर जव तिना वायदा क पुरो हुयने न टेम साते आवी, जो यहोवा–भगवान अब्राहम छे करियो होतो, ती मिस्र मा त्या लोगहन बढ़ गया; आरू घणा होय गया।” 
\v 18 तव मिस्र मा दिसरो राजा बन्या जो यूसुफ क नी जानतो होतो। 
\v 19 त्यो हामरी जाती सी चालाकी सी हामरा डाहडा न सात मा या तक भुण्डो व्यवहार करियो, कि हेनको आपसा नानला पोर्‍या क नाखनो पड़ियो कि यी जाती नी रये। 
\v 20 तिने टेहाव मूसा न जनम हुयो; आरू त्यो यहोवा–भगवान न नजर मा घणो घाटळो होतो; आरू त्यो तीन मोहना तक बास न घर मोटो हुयो। 
\v 21 बाकि जव नाख दियो गयो ती फिरौन क पोराय हेके उठाय लेदो, आरू आपसो पोर्‍या बनावीन मोटो करी। 
\v 22 आरू मूसा क मिसरी आखी विद्या भनाड़ी आरू सिकाड़ी गयो, आरू त्यो वचन आरू कामो मा ताकत वाळो होतो।
\p
\v 23 जव त्यो चाळीस साल न हुयो, ती हेका मन मा आश कि आपसा इस्त्राएली भाईस्यो सी हावळ भेंट करे। 
\v 24 आरू त्यो एक मानुस पर अन्याय होयतो देखीन, हेको वाचाड़से, आरू मिसरी क मारीन समवला न बदला लेदो। 
\v 25 त्यो सोचिया, कि हेका भाईस्यो समझसे कि यहोवा–भगवान हेका हात सी हिनुक छुटकारू करसी, पर त्या नी समझिया। 
\v 26 दिसरे दाहड़े ज्योत्यार इस्राएली आपसा लड़ाई करता हुता, ती त्यो हया पुग गयो; आरू यो कहीन समझाड़ियो, कि ए मानसो, तुमू ते भाई–भाई छे, एक दिसरा पर कहा अन्याय करे? 
\v 27 पर जो आपसा साते वाळा न उपर अन्याय करता हुता त्यो हेके यो कही धक्‍का दियो, तुखे कुन हामरे पर डाहलो बनायो आरू नियाव करने वाळो बनायो? 
\v 28 काय जीने रीति तु मिसरी क मार नाखियो हावखे भी मारने चाह्यो रयो काय? 
\v 29 यी वात सोमळीन, मूसा डास्यो आरू मिद्यान न देश मा बाहर गावलियो बनी रहवने लागियो: आरू चाहे हेका दूय पोर्‍या पैदा होया
\p
\v 30 जव पुरा चाळीस साल वीत गया, ती एक सोरगदूत सीनाय बोयड़ा न जंगल मा हेके धपती हुई झाड़ी न आंच मा दर्शन दियो। 
\v 31 मूसा दर्शन देखीन घाबराय गयो, आरू जव देखने क करता ओगळ गियो, ती पोरबु न यी वानी सोमळय दी, 
\v 32 हाव तारा डाहडा अब्राहम क यहोवा–भगवान, इसहाक क यहोवा–भगवान आरू याकूब क यहोवा–भगवान छे। तव ते मूसा काप उठियो, या तक कि हेको देखनेन हेमोत नी रयी। 
\v 33 तव पोरबु हेको कयो, तारा पायो छे खासड़ा निकाळ ले, काहकि जिना धरती पर तु ऊबो छे, ची चुखली छे। \x + \xo 7:33 \xo*\xt निर्गमन 5:3\xt*\x* 
\v 34 हाव सच आपसा लोगहन कि दुर्दशा क जो म मिस्र मा छे, देखियो छे; आरू हेनकी ओकी आरू हेनको रोड़नो सोमळी लेदलो छे, हेरेन करिन हिनुक छुड़ावने जुगज उतरी आवलो छे। हाय आव, हाव तुखे मिसर मा मुकलिस।
\p
\v 35 जिना मूसा क त्या यो कहीन नकारा हुता, तुखे कुन हामु पर होकदार आरू नियाव करने वाळो बनायो? हेना क यहोवा–भगवान हकदार आरू छुड़ावने वाळो बनायो, तिन सोरगदूत न लारे जो हेको झाड़का मा दर्शन दियो होतो, मुकलियो। 
\v 36 यो मानुस मिस्र आरू लाल दरियो आरू जंगल मा चालीस साल तक मोटा–मोटा काम आरू सोहलानी देखाड़ीन–देखाड़ीन हेनको निकाळ लायो। 
\v 37 यो त्योत् मूसा छे, जो इस्त्राएली छे कयो, यहोवा–भगवान तुमरा भाईस्यो माईन तुमरे जुगु मार सारको कागळीयो झेलसे। 
\v 38 यो त्योत् छे, जो जंगल मा मंडळी न विच मा तिना सोरगदूत क सात सीनाय नावन बोयड़ा पर हेका छे वात करियो, आरू हामरा डाहडा क सात मा हुता, हेकोत जीवतलो वचन जोड़े, कि हामरे तक पुगाड़ ़े।
\p
\v 39 पर हामरा डाहडा हेकी वात मानने नी राजी होया; बाकुन हेको ठुकरावीन आपसा मन क मिस्र भेणी फिरविया, 
\v 40 आरू हारून छे कयो, हामरे जुगु ओसा देवता बनाव, जो हामरे ओगळ–ओगळ चाले; काहकि यो मूसा जो हामुक मिस्र देश छे निकाळ लायो, हामुक नी मालोम कि हेको काय हुयो? 
\v 41 तिनु दाहड़ा मा त्या एक गाय क केवड्या बनावीन, हेकी मुर्ती न ओगळ बलि चढ़ाया; आरू आपसा हातोन कामो मा मगन हुयने लागिया। 
\v 42 शेवली कावा यहोवा–भगवान मुय मुड़ीन हेनको छुड़ दियो,
\q1 कि त्या सोरगदूत क पुजे,
\q2 जोसो कागळीयान किताब मा लिखलो छे।
\q2 ए इस्राएल न घर वाळा, काय तुमू जंगल मा चाळीस साल तक पशु बलि आरू अनबली मखेत काजे चढ़ावता रया?
\q1
\v 43 आरू तुमू मालेक न तम्बू
\q2 आरू रिफान देवता क तारा लिन पुगता हुता,
\q2 जो कि तिनु मुरतीया क वांदने जुगु बनावलास हुता।
\q1 शेवली कावा हाव तुमूक बेबीलोन न पले धड़ लिजाईन बसाड़िस।
\p
\v 44 गवाय न तम्बू जंगल मा हामरा डाहडन वीच मा होतो; जोसो त्यो टाकलो, जो मूसा छे कयो, जो तेरेन ओसो तु देखलो छे, हेर अनसारे उको बनाव। 
\v 45 तिना तम्बु क हामरा डाहडा वित्या दाहड़ा छे हेर करिन यहोशू न सात मा ले आश; जिने टेहाव कि त्या बार जात पर हक करिया जिनाक यहोवा–भगवान हामरा डाहडा न सामने छे निकाळ दिदो, आरू त्यो दाऊद न टेहाव तक रयो। 
\v 46 तिना पर यहोवा–भगवान दया करियो; आरू त्यो रावन्या करियो कि, हाव याकूबन यहोवा–भगवान जुगु रहवने न जागु बनावीस। 
\v 47 पर सुलैमान हेके जुगु घर बनायो।
\p
\v 48 पर आखा सी मोटो यहोवा–भगवान हातो सी बनावला घरो मा नी रये, जसो कि कागळिया कयो,
\q1
\v 49 पोरबु कये, सोरगदूत म्हारी राजगाद्दी
\q2 आरू धरती म्हारा पाय न तवे वावी चौकी छे,
\q1 मार जुगु तुमू कसलो घर बनावसु
\q2 आरू म्हारो आराम क काहलो जागो होयछे? 
\v 50 काय यी आखी चीज म्हारा हातो सी बनावली नी होय?
\p
\v 51 ए एक मोनिया, आरू मन आरू कान्टा न काटायला लोगहन, “तुमू जलोम चुखली आत्मा न विरोध करे। जसा तुमरा डाहडा करता हुता, ओसात् तुमू भी करी रया। 
\v 52 कागळिया माईन किनको तुमरा डाहडा नी सताया? आरू त्या तिना न्यायी क पछो आवने न पेहल छे खबर देने वाळा क मार नाखिया, आरू हाय तुमू भी हेको धरावने आरू मार नाखने वाळा होया 
\v 53 तुमू सोरगदूत न लारे ठरला नियम ते लिदा पर हेको पाळनी नी करिया।”
\s स्तिफनुस क दगड़ा दिन मारनो
\p
\v 54 यी वात सोमळीन त्या रीसवाय गया आरू हेका पर दात ककड़ावने लागिया। 
\v 55 पर त्यो चुखली आत्मा छे भराइन सोरगदूत भेणी देखियो आरू यहोवा–भगवान न महिमा क आरू ईशु क यहोवा–भगवान न जेवड़ा तरफ देखीन, 
\v 56 कयो, “देखो, हाव सोरग क खुलायलो, आरू मानुस न पोर्‍या क यहोवा–भगवान न जेवड़ा तरफ ऊबो रहवलो देखसु।”
\p
\v 57 तव त्या मोटो बुलो छे आयड़ीन कान्टा बंद कर लेदा आरू आखा एक भेळा होईन हेको झपटिया। 
\v 58 आरू हेके नगर न बाहर ली जाईन दगड़ावने लागिया, आरू गवाय मानसे आपसा छिंदरा शाऊल नावन मानुस न पायन धड़ मा ऊतारीन हावलिया। 
\v 59 आरू त्या स्तिफनुस क दगड़ावता रया, आरू त्यो यो कहवीन प्रार्थना करतो रयो, “ए पोरबु ईशु, म्हरी आत्मा क मान्य कर।” 
\v 60 ओळी घुटना टकीन ऊची ओवाज मा आयड़ियो, “ए पोरबु, यो पाप हेनको उपर मा लागाड़ ़े।” आरू यो कयीन मर गयो।
\c 8
\p
\v 1 शाऊल स्तिपनुस क मारने मा साजलियो होतो।
\s पौलुस क मंडळी क सतावनो
\p तिने दाहड़े यरूशलेमन मंडळी पर मोटो विरोध हुयने लागियो आरू नेळताळा क छुड़ीन आखा यहूदि या आरू सामरिया देशो मा तितर–बितर होय गया। 
\v 2 आरू भगत लोगहन स्तिफनुस क बीड़ा मा मेलिया; आरू हेका विखाम रोड़िया।
\p
\v 3 \x + \xo 8:3 \xo*\xt प्रेरितन 22:4,5; 26:9-11\xt*\x*पर शाऊल मंडळी क उजाड़ी रयो होतो; घर–घर मा भराइन ओदेमड़ा आरू बाई जात क घीसी–घीसीन जेल खाना मा बंद करतो होतो।
\s सामरिया मा फिलिप्पुस
\p
\v 4 बाकीन जो गवन–चवन होय गया हुता, त्या खुश खबर सोमवाड़ता रया। 
\v 5 आरू फिलिप्पुस सामरिया नगर मा जाईन लोगहन मा मसीह क परचार करने लागियो। 
\v 6 जी वात फिलिप्पुस कयो हेके त्या सोमळीन आरू जी सोहलानी त्यो देखाड़तो होतो हेके देखीन, एक मनीया होईन मन लागाड़ ़ीया। 
\v 7 काहकि घण सवटा माईन साहळा मोटी ओवाज से आयड़ती जाईन निकळी गय, आरू घण सवटा लकवान बीमारी वाळा आरू लेंगड़ा भी वारू होय गया। 
\v 8 आरू तिना नगर मा घणी मोटी खुशी आवी।
\p
\v 9 हेर से पेहेल तिना नगर मा शमौन नाव न एक मानुस होतो, जो जादू–टोना करिन सामरिया न लोगहन क घबरायीन आरू आपसा क एक मोटो मानुस देखाड़तो होतो। 
\v 10 आरू आखा नानला से लगाड़ीन डाहला तक हेकी विजोत करिन कयता हुता, “यो मानुस यहोवा–भगवान ची शक्ति छे, जी मोटी कहवाये।” 
\v 11 त्या घणा दाहड़ा से हेनको आपसा जादून कामो से घाबराय रयो होतो, हेरेन करीन त्या हेकेक घोणा मानता हुता। 
\v 12 पर जव त्या फिलिप्पुस न वात पर विश्वास करिया जो यहोवा–भगवान क राज आरू ईशु मसीह न नाव क खुश खबर सोमवाड़तो हुतो ती लोगहन, काय ओदेमड़ा, काय बाई जात, बपतिस्मा लेने लागिया। 
\v 13 तव शमौन भी आपसु विश्वास करियो आरू बपतिस्मा लिन फिलिप्पुस न सात मा रहवने लागियो आरू सोहलानी आरू मोटा–मोटा ताकत न काम देखीन घाबराय जाता हुता।
\p
\v 14 जव नेळताळा जो यरूशलेम मा हुता यो समळीया कि सामरिया वाळा यहोवा–भगवान न वचन मान लेदा ती पतरस आरू यहुन्ना क हिन्दरे पास मुकलिया। 
\v 15 आरू त्या जाईन हिन्दरे जुगु प्रार्थना करिया कि हेनको चुखली आत्मा जड़े। 
\v 16 काहकि चुखली आत्मा अब तक कोय पर नी उतरी होती, त्या निस्ता ईशु न नाव से बपतिस्मा लेदा हुता। 
\v 17 तव त्या हिन्दरे पर हात मेलिया आरू हेनको चुखली आत्मा जड़ी।
\p
\v 18 जव शमौन यो देखियो कि नेळताळान हात मेलने से चुखली आत्मा जड़ जाय, ती हेनको पास रिपिया लावीन कयो, 
\v 19 “यी हक मेखे भी आपो, जिना पर भी हात मेलो चुखली आत्मा तीनाक जड़े।”
\p
\v 20 पतरस हेकेक कयो, तारा रिपिया तारे साते नाश हुयो, काहकि तु यहोवा–भगवान न दान रिपिया मा मुवे लेने न विचार करियो। 
\v 21 इनी वात मा नी ते तारो वाटो छे, आरू नी भाग; काहकि तारो मन यहोवा–भगवान न ओगळ सुतरो नी होय। 
\v 22 हेरेन करीन आपसी इनी बुराई से मन फिरावीन पोरबु से विनता कर, यो होय सके तारा मनन विचार माफ होय जाय। 
\v 23 काहकि हाव देखु, कि तु पित्तन कड़वाहट आरू अन्याय न बन्धन पड़लो छे।
\p
\v 24 शमौन जोवाब दिदो, “तुमू मार जुगु पोरबु से प्रार्थना करो जी वात तुमू कयला छे, तीनी माइन काहय वात मार पर नी आय जाय।”
\p
\v 25 ओळतेन पतरस आरू यहुन्ना गवाय दीन आरू पोरबुन वचन सोमळाड़ीन, यरूशलेम भेणी पोछा गया, आरू सामरिया न घण सवटा गाँवो मा खबर सोमळाड़ता गया।
\s कुश क खोजा क फिलिप्पुस क शिक्षा
\p
\v 26 ओवी पोरबु क एक सोरगदूत फिलिप्पुस से कयो, “उठीन दक्षिण भेणी तिनए वाटे जा, यरूशलेम से गाजा नगर क जाय। यो रेत वावु जागु छे। 
\v 27 त्यो उठीन चाल दियो, आरू तव कुश देश क एक मानुस आवतो होतो, जो खोजा आरू कुशियो न रानी कन्दाके क मंत्री आरू खजांची होतो, आरू आराधना करने करीन यरूशलेम आवलो होतो। 
\v 28 आरू त्यो आपसी घुड़सवारी पर बठलो होतो, आरू यशायाह कागळीयान किताब भणतो जाईन पछो जातो होतो। 
\v 29 तव चुखली आत्मा फिलिप्पुस से कयो, साते जाईन इनी घुड़सवारी पुठी होय ले।” 
\v 30 फिलिप्पुस हेके भेणी दवड़ियो आरू हेके यशायाह कागळिया न किताब भणतला समळीया, आरू पुछियो, तु जो भन रयो काय हेको तु समझे काय?
\p
\v 31 त्यो कयो, “जव तक कोय मेखे नी समझाड़े ती हाव कसो समझीस?” आरू त्यो फिलिप्पुस से विनता करियो, कि चढ़ीन हेके पास बसे। 
\v 32 चुखलो शास्त्रन जो पाठ त्यो भणतो होतो, चो यो होतो:
\q1 “त्यो गाडरा न सारको मारने करिन वा हेके ली गया,
\q2 आरू जोसो गाडरो हेका झोटा काटने वाळा क ओगळ हुगो रये,
\q2 ओसोत् त्यो भी आपसो मुय नी खुलियो।
\q1
\v 33 हेकी नरमाय मा हेको नियाव नी हुयो,
\q2 आरू हेका टेम वाला मानुसो न बारा मा कुण कहवसे?
\q2 काहकि धरती पर से हेका जीव क उपर उठाय ली जासे।”
\p
\v 34 हतरा मा खोजु फिलिप्पुस से पुछियों “हाव तार से विनता करो, यी वात कागळिया कुनीन बारा मा कयता छे, आपसा बारा मा की दिसरान बारा मा?” 
\v 35 तव फिलिप्पुस आपसो मुय खुलियो, आरू इना शास्त्र से शुरू करीन हेको ईशुन खबर समळायो। 
\v 36 वाटे चालता त्या जा पानी रये तिना धरती पर गया, तव खोजु कयो देख, “या पानी छे, हांय मेखे बपतिस्मा लेने मा काय रूक छे?” 
\v 37 फिलिप्पुस कयो, “कदाम तु पुरे मन से विश्वास करतो होय ती ली सकतलो।” त्यो जोवाब आपियो, “हाव विश्वास करो कि ईशु मसीह यहोवा–भगवान न पोर्‍यो छे।”
\p
\v 38 तव त्यो वाटे घुड़ा गाड़ ऊबो राखने न हुकुम आपियो, आरू फिलिप्पुस आरू खोजु दूय जन पानी मा उतरी गया आरू फिलिप्पुस हेके बपतिस्मा आपियो। 
\v 39 जव त्या पानी मा से निकळीन बाहर आया, ती पोरबुन आत्मा फिलिप्पुस क उठाई ली गयो, आरू खोजु हेको ओळी नी देखियो, आरू त्यो खुश होईन आपसे वाटे जाती रयो। 
\v 40 पर फिलिप्पुस अजोतॉस मा निकळी आयो, आरू जव तक कैसरिया मा नी गयो, तव तक नगर–नगर मा खबर समळाड़तो गयो।
\c 9
\s शाऊल क मन बदलनो
\r (प्रेरितन 22:6-16; 26:12-18)
\p
\v 1 इने टेमे शाऊल पर पोरबुन चेला क सतावने आरू धमकी देने आरू हेनको मारने जो सी चढ़ रयो होतो, त्यो डाहला पुजारा न वा गयो। 
\v 2 आरू हेके दश्मिक न आराधना घर न नाव पर इना काम की पत्री मांगीयो कि काय ओदमी होय, काय बाई जात होय, जिनाक त्यो इना पंथ पर हाथ करे हेनको बांधीन यरूशलेम क लावे।
\p
\v 3 पर चालता–चालता जव दश्मिक न साते पुगियो ती एक दम सी वादळा मा सी हेके चार तरफ विजाळो चमकियो, 
\v 4 आरू त्यो धरती पर हिट पड़्यो, आरू यो बुल समळीयो, “ए शाऊल, ए शाऊल, तु हावखे काँ सतावे?”
\p
\v 5 शाऊल पुछियो, “ए पोरबु, तु कुन छे?” ईशु जवाब दियो, “हाव ईशु छे; जिनाक तु सतावे। 
\v 6 बाकीन हाय उठीन नगर मा जा, आरू जो काय तुखे करनो छे, त्यो तुखे कय दियो जाछे।”
\p
\v 7 जो मानुस हेके साते हुता, त्या हुगा रया काहकि बुल ते त्या समोळता हुता, बाकीन कोय देखाय नी पड़ता होतो। 
\v 8 तव शाऊल धरती पर छे उठियो, पर जव डुळा ऊगाड़यो ती हेके काय देखाय नी दियो आरू हेका साती हेको हात धरीन दश्मिक मा ली गया। 
\v 9 आरू त्यो तीन दाहड़ा तक देखियो नी, आरू नी खादो नी पीदो।
\p
\v 10 दश्मिक मा हनन्याह नाव न पोरबु क एक चाकरीयो होतो,
\p हेखे पोरबु दर्शन दिधो आरू कयो, “ए हनन्याह! त्यो कयो होव, पोरबु।”
\p
\v 11 तव पोरबु हेके कयो, “उठीन तिनी गळी मा जा, जो सुतरी कहवाये, आरू यहूदा न घर मा शाऊल नावन एक तरसुस वाळो छे हेको पुछ ले काहकि त्यो प्रार्थना कराय रयो, 
\v 12 आरू हनन्याह नावन एक मानुस क माहतो आवतो आरू आपसे उपर हात हावलता देखियो; कि त्यो पछु छे देखे।”
\p
\v 13 हनन्याह जवाब दिधो, “ए पोरबु, हाव इना मानुस न बारा मा घणा जन समोळलो छे कि यो यरूशलेम मा तारा चुखलो लोगहन क साते घण मोटी–मोटी बुराई करलो छे; 
\v 14 आरू या भी हेको डाहला पुजारा छे यो हक जड़लो छे, कि जो लोगहन तारो नाव लेय, हीनु सबन क बांध लेय।”
\p
\v 15 पर पोरबु हेको कयो, “तु जा काहकि यो ते गैरयहुदी आरू राजान, आरू इस्त्राएली न ओगळ म्हारा नाव क देखाड़ने करीन मारो नेवाड़लो ठिकरो छे। 
\v 16 आरू हाव हेको देखाड़ीस, कि मारा नाव जुगु हेको कसो–कसो दुःख झेलनो पड़से।”
\p
\v 17 तव हनन्याह उठीन तिना घर मा गयो आरू हेका पर हात हावलीन कयो, “ए भाईस शाऊल, पोरबु मतलब ईशु, जो तिने वाट्ये जिने छे तु आयो तुखे देखाय दियो होतो, त्यो हावखे मुकेल्लो छे, कि तु ओळी देखे आरू चुखली आत्मा छे भराय जाय।” 
\v 18 आरू उतवाळिया हेका डुळा छे छलटान सारको पड़ियो आरू त्यो देखने लागियो आरू उठीन बपतिस्मा लेदो; 
\v 19 ओळतेन खानो खादो आरू हेके ताकत जड़ी।
\s पौलुस क दमिस्कस मा परचार करनो
\p आरू त्यो घणा दाहड़ा तक ईशुन चाकरीयो न साते रयो जो दश्मिक मा हुता। 
\v 20 आरू त्यो उतवाळीयो आराधना घरो मा जाईन ईशुन परचार करने लागियो, कि ईशु यहोवा–भगवान न पोर्‍या छे।
\p
\v 21 आरू आखा समोळने वाळा घाबराय गया आरू कयनो लागिया, “काय यो त्यो मानुस नी छे जो यरूशलेम मा हेनको जो ईशुन नाव क लेता हुता हेनको मारतो होतो, आरू या भी हतरान करीन आवलो होतो कि हेनको बांधीन मटला पुजारा न वा ली जाय?”
\p
\v 22 पर शाऊल ओळी भी ताकत छे भरायतो गयो, आरू इनी वातन गवाय दी–दीन कि ईशुत छुड़ावने वाळो छे, दश्मिक मा रहवने वाळा यहूदि या न मुय बंद करतो रयो।
\p
\v 23 \x + \xo 9:23 \xo*\xt 2 कुरन्थियो 11:32,33\xt*\x*जव घणा दाहड़ा वीत गया, ती यहूदि या हावळाका होईन शाऊल क मारने न एकु करिया। 
\v 24 पर हेनको एकु करनो शाऊल क मालोम होय गयो: कि त्या ते हेको मारने जुगु रात ने दाहड़ु झोपला पर केड़ु होईन रहवता हुता। 
\v 25 पर राती हेका चाकरीयो हेकेक ली जाईन खिल्ला मा बठाड़िया आरू शहरपनाह पर रयन लटकाड़ीन उतार दिधा।
\s यरूशलेम मा साऊल
\p
\v 26 पर यरूशलेम मा पुगीन त्यो चेलान साते मेळाको हुयने करियो पर आखा हेका सी बीहता हुता, काहकि हेनको विश्वास नी होयतो हुतो कि त्यो भी ईशुन चेलु सी। 
\v 27 पर बरनबास शाऊल क आपसे साते ली जाईन आरू नेळताळान त्या ली जाईन हेनको कयो, कि यो काहली रीति छे पोरबु क वाट्ये देखियो आरू पोरबु इना छे वात करियो; कि यो दश्मिक मा कसो हेमोत करीन ईशु न नाव न परचार करियो। 
\v 28 शाऊल हेनको साते यरूशलेम मा आवतो जातो रयो। 
\v 29 आरू वातड़ो रयन पोरबु क नाव छे परचार करतो होतो; आरू यूनानी बुली बुलने वाळा न साते वात चीत आरू वाद विवाद करतो होतो; पर त्या हेको मारने करीन विचार करने लागिया। 
\v 30 यो जानीन भाईस हेको कैसरिया मा ली आश, आरू तरसुस भेणी मुकली दिधा।
\p
\v 31 इने रीति आखा यहूदि या, आरू गलील, आरू सामरिया मा मंडळी क आराम जोड़ियो, आरू हेकी बड़ती होयती गय; आरू त्या पोरबुन बीक आरू चुखली आत्मान शांती मा चालती आरू वदती गय।
\s लुद्दा आरू जाफा मा पतरस
\p
\v 32 ओळी असो हुयो कि पतरस हर जागे पुगतो जाईन, तिनु चुखलो लोगहन वा पुगियो, जो लीद्दा मा रहवता हुता। 
\v 33 वा सी हेके ऐनियास नावन लखवा सी मांदलो एक मानुस भेटियो, जो आगठा साल सी खाटला मा पड़लो होतो। 
\v 34 पतरस हेकेक कयो, “ए ऐनियास! ईशु मसीह तुखे आरगाय आपे उठ, आपसो खाटलो हाकल।” तव त्यो उतवाळीयो उठीन उबो हुयो। 
\v 35 आरू लुद्दा आरू शारोन न आखा रहवने वाळा हेके देखीन पोरबु भेणी पुछिया।
\p
\v 36 याफा मा तबीता मतलब दोरकास नावन एक विश्वासी रवती होती, ची घण सवटा वारू काम आरू दान दिया करती होती। 
\v 37 उन दाहड़ा मा त्या मांदी हुय गय आरू मर गय; आरू त्या लोगहन उको उंगवावीन अटारी पर मेल दिदा। 
\v 38 “आरू अतरानकरीन कि लीद्दा याफा न सातले होतो; चाकरीयो यो समळीन कि पतरस वा छे त्या दूय मानुस क मुकलीन रावन्या करी, कि हामरेन वा आवने मुड़ो मा हुयो।” 
\v 39 तव पतरस उठीन हेनको सात मा आयो, आरू जव त्यो वा पुगियो, ती त्या हेके तिनी अटारी दर ली गया। आरू रंडायली बाई रोड़ती जाईन, पतरस न धड़े आवीन ऊबो होय गय आरू जो सुटर आरू छिंदरा जो दोरकास हेको सात मा रहवीन बनावलो होतो, देखाड़ने लागी। 
\v 40 तव पतरस सबन क बाहर कर दिधो, आरू घुटना टेकीन विनता करियो; आरू हेको धड़ भेणी भाळीन कयो, “ए तबीता उठ।” तव ची आपसा डुळा उगाड़ देदी; आरू पतरस क देखीन बठी होय गय। 
\v 41 त्यो हात धरीन हेको उठाड़ियो आरू चुखलो लोगहन आरू रंडायला न क बुलावीन हेके जीवती आरू जागती देखाड़ दिधो। 
\v 42 यी वात आखा याफा मा फैल गय; आरू घणा सवटा पोरबु पर विश्वास करिया। 
\v 43 आरू पतरस याफा मा शमौन नावन चामड़ान धुन्दू करनेवाळान वा घणा दाहड़ा तक रयो।
\c 10
\s पतरस आरू कुरनेलियुस
\p
\v 1 कैसरिया मा कुरनेलियुस नावन एक मानुस होतो, इतालियानी नावन पलटनन सूबेदार होतो। 
\v 2 वो भक्त होतो, आरू आपसा सब घराने सहावत यहोवा–भगवान सी बीक राखता हुतो, आरू यहूदि मानसोक घण दान देता, आरू बराबर यहोवा–भगवान सी प्रार्थना करता होतो। 
\v 3 तीनेत दाहड़ेन तीसरे पहरन निकट दर्शन मा स्पष्ट रूप सी देख कि यहोवा–भगवानन एक सोरगदूत तेरे साथे माहीय आवीन कयता सी, हे कुरनेलियुस!
\p
\v 4 त्यो ओको ध्यान सी देख्य आरू बिहीन कयो,
\p “तारी प्रार्थना आरू तारो दान फोम करता यहोवा–भगवानन सामने पुग्यो सी।” 
\v 5 आरू हिमी याफा मा मानसी मुकली शमौनन, जो पतरस कोवयतो सी, बुलवा लेय। 
\v 6 वो शमौन, चामड़ान धुदो करनेवाळान याहा पाहंनतराय सी, जेरो घर दरियान धोड़े सी। 
\v 7 जव वो सोरगदूत जू ओको वात करी होती चाल गया, ती त्यो दुय चाकरीयो, आरू जो तेरे साथे हजुर रया करता हुता इनुमा सी एक भक्त सिपाहीक बुलाया। 
\v 8 आरू तीनुक आखी वात कोवीन याफाक मुकल्यो।
\p
\v 9 दिसरे दाहड़े जव वो चालता–चालता गाँवन साथे पुग्या, ती सिरानदाहडु निकट पतरस छत पर प्रार्थना करने चहड्यो। 
\v 10 ओको भुख लागी आरू काही खानो जूवतो होतो, पुन जव वो तीयारी कर रया हुता ती वो बेसुध होय गया। 
\v 11 आरू त्यो देख्यो कि सोरग उगड़ी गयो; आरू एक पात्र मोटी चादरान समान चार खुना सी लटकाड़ता होया, कोवीन चा रयन उतर रया सी। 
\v 12 जिन मा धरती आखा प्रकारन चौपा आरू रेंगनेवावा जन्तु आरू सोरगदूतन चिल्ला हुता। 
\v 13 ओको एक ओसो ओवाज सोमवाय दिदो, “हे पतरस उठ, मार आरू खा।”
\p
\v 14 पुन पतरस ने कयो, “नी पोरबु कदी नी; काहकि हाव ने कदी काही विटुळ या विटळ चिज नी खाय सी।”
\p
\v 15 ओवी दीसरी बार यी ओवाज सोमवाय दिदो, “जो काही यहोवा–भगवान ने चुखो ठराय सी, ओको तु विटळ मा कय।” 
\v 16 तीन कावा ओसो ही हुयो; तव तत्काल वो पात्र सोरग पर उठाड़ ली गयो।
\p
\v 17 जव पतरस आपसा मन मा दुविधा मा हुता, कि यो दर्शन जो हाव ने देख्य काय हो सकता सी, ती देखु वो मानुस जीनुक कुरनेलियुस ने मुकल्या हुता, शमौनन घरन पतु लगाड़ीन झपला पर आवीन उबा होया। 
\v 18 आरू आयड़ीन पूछने लाग्या, “काय शमौन जो पतरस कोवायतो सी, योही पाहंनतराय सी?”
\p
\v 19 पतरस तो ओको दर्शन पर सुच ही रया हुता, कि आत्मा ने ओकासी कयो, “देख, तीन मानसी तारी हेर मा सी। 
\v 20 शेवली कावा उठाड़ीन नेचो जा, आरू नि: संका इन्दरे साथे होय ले; काहकि हाव ही ने तीनुक मुकल्या सी।” 
\v 21 तव पतरस ने उतरीन इन मानसो सी कवो, “देखु, जेरी हेर तुमू कर रया होय, वो हाव ही सी। तुमरे आवनेन काय कारण सी?”
\p
\v 22 तीनुक कयो, “कुरनेलियुस सूबेदार जो न्यायी आरू यहोवा भगवान सी बीक राखतो आरू सब यहूदि जाति मा सुनाम मानसी सी, त्यो एक चुखलो सोरगदूत सी यो निर्देश देख्य सी कि तुखे आपने घर बुलावीन तुखे सी वचन सोमवाया।” 
\v 23 तव त्यो तीनुक माहीय बुलावीन तीन्दरी पाहंतराय कर्‍या। विश्वासी माईन काहय तिन्दरे पुठी चालिया
\p दीसरे दाहड़े वो तींदरा साथे गया, आरू याफान भाईस्यो मा सी काही तेरे साथे होय गया। 
\v 24 दिसरे दाहड़े वो कैसरिया पुग्या, आरू कुरनेलियुस आपने घराना आरू मोंगावु दोस्तोक एखठा करीन इन्दरी वाट जूय रया हुता। 
\v 25 जव पतरस माहीय आय रया होतो, ती कुरनेलियुस ने ओका सी भेंट करी, आरू ऐरा पाय पर पड़ीन ओको नमस्कार कर्‍या। 
\v 26 पुन पतरस ने ओको उठाड़ीन कयो, “उभु होय, हाव भी तो मानुस सी।” 
\v 27 आरू अतरान करीन साथे वातचीत करता होया माहीय गया, आरू घण सी मानसोन एखठा देखीन। 
\v 28 त्यो कयो, “तुमू जानता होय कि बाहरजातीयान संगति करने या तेरे याहा जाने यहूदि न करता अन्याय सी, पुन यहोवा–भगवान ने मखे देखाड्य सी कि काही मानसोक विटुळ या विटळ नी कोवु।” 
\v 29 अतरान करीन हाव जव बुलाया गया ती बिना काही कये चाल आश। हिमी हाव पूछता सी कि मखे काही कामन करता बुलाया गया।
\p
\v 30 कुरनेलियुस ने कयो, इनी घड़ी, पूरो चार दाहड़ा होया, हाव आपने घर मा तीसरे पहर प्रार्थना कर रया हुता; ती देखु, मानुस चमकीला लुगड़ा पेहर्‍या हुयो मारे सामने आवीन उबो हुयो। 
\v 31 आरू कयनो लाग्या, हे कुरनेलियुस, तारी प्रार्थना सोमवी लेदी गयी सी तारो दान यहोवा–भगवानन सामने स्मरण कर्‍या गया सी। 
\v 32 अतरान करीन कुदाक याफा मुकली शमौनन जो पतरस कहवाये सी, बुला। वो दरियान धोड़े शमौन, चामड़ान धुदो करनेवाळान घर मा पाहंनतराय सी। 
\v 33 तव हाव ने तत्काल तारे साथे मानसी मुकलीस, आरू तु ने भला कर्‍या जो आय गया। हिमी हामु आखा याहा यहोवा–भगवानन सामने सी, ताकि जो काही यहोवा–भगवान ने तुखे सी कयो सी ओको सोमव्या।
\s पतरसन शिक्षा
\p
\v 34 तव पतरस ने कयो, हिमी मखे छाचो हुयो कि सचमा यहोवा–भगवान कुदान पक्ष नी करता। 
\v 35 वरना हर जाति मा जो ओका सी बिहता आरू न्यायन काम करता सी, वो ओको भाता सी। 
\v 36 जो वचन त्यो इस्त्राएलन साथे मुकल्या, जव त्यो ईशु मसीहन द्वारा जो आखान पोरबु सी शांतीन खुश खबर सोमवाया। 
\v 37 वो वचन तुमू जानता होय, जो यहुन्ना न बपतिस्मा खबरन ओतेन गलील सी शुरू हईन सब यहूदि या मा पसरी गयो। 
\v 38 यहोवा–भगवान ने काही रीति सी ईशु नासरी चुखलो आत्मा आरू शक्ति सी अभिषेक कर्‍या; वो भलाई करता आरू आखान जो शैतानन सतायो हुयो होतो, वारला करे, काहकि यहोवा–भगवान इन्दरे साथे होतो। 
\v 39 हामु इन कामन गवा सी; जो यहूदि यान देश आरू यरूशलेम मा भी कर्‍या, आरू तीनुक ओको कुरूसन काठ पर लटकाड़ीन 
\v 40 तेरो यहोवा–भगवान ने तीसरे दाहड़े जीवाड्यो, आरू प्रगट भी कर दिया सी। 
\v 41 आखा मानसो पर नी वरना इन गवा पर जीनुक यहोवा–भगवान ने पेहल सी त्योन लेदो होतो, एणे हामु पर जे अतरान करीन मरला होया मा सी जीवन उठने ओतेन अतरान करीन साथे खाय पीय। 
\v 42 आरू त्यो हामु हुकुम आपी कि मानसो मा खबर करू आरू गवा देवु, कि यो चो सी जिन यहोवा–भगवान ने जीवतलान आरू मरला होयाक न्यायी ठेरायो सी। 
\v 43 तारी सब भविष्यवक्ता गवाय देता सी कि जो काही ओको पर विश्वास करसी, अतरान करीन ऐरेत नावन द्वारा पापन माफी क मिवसी।
\s गैर यहूदि लोगहन पर चुखली आत्मा क उतरनो
\p
\v 44 पतरस यी वात कय ही रीयो होतो कि चुखलो आत्मा वचन क आखा सोमवनेवावा पर उतर आयो। 
\v 45 आरू जोतरा खतना कर्‍या होया विश्वास पतरसन साथे आश हुता, वो आखा चकित होया कि गैरयहुदी पर भी चुखलो आत्मान दान रेड़ गय सी। 
\v 46 काहकि चे तीनुक भाति भातिन भाषा बुलता आरू यहोवा–भगवानन बढ़ाई करता सोमव्या इन पर पतरस ने कयो। 
\v 47 “काय काही पानीन रूकी सकता सी कि यो बपतिस्मा नी देखे, चे हामरे समान चुखलो आत्मा देख्या सी।” 
\v 48 आरू त्यो हुकुम देदी कि तीनुक ईशु मसीहन नावन बपतिस्मा देतु जाय। तव चे त्या ओका सी रावन्या करी कि काही दाहड़ा आरू अतरान करीन साथे रवु।
\c 11
\s पतरस ओको काम क पुरावो यरूशलेम न मंडळी क देखाड़े
\p
\v 1 पछो प्रेरितन आरू भाईस्यो ने जो यहूदि या मा हुता सोमव्या कि गैरयहुदी ने भी यहोवा–भगवानन वचन मान लेदा सी। 
\v 2 शेवली कावा जव पतरस यरूशलेम मा आश ती खतना कर्‍या होया मानसे तीना सी वाद करने लाग्या। 
\v 3 “तु ने खतनारहित मानसोन याहा जाईन तींदरा साथे खादा। 
\v 4 तव पतरस ने तीनुक शुरू छे एक एक कय सोमवाया।
\p
\v 5 “हाव याफा नगर मा प्रार्थना कर रयो होतो, आरू बेसुध हईन एक दर्शन देख्य कि एक पात्र, मोटलो चादरान न समान चार लुहूय या छे चसटाड्या होया, आकाश छे उतरीन मारे साथे आयो। 
\v 6 जव हाव तिना पर धियान करियो, ती धरती परून चार पाय वाळा आरू वन मा वाळा जनवार आरू रगड़ाईन चालनिया जन्तु आरू सोरग न चिल्ला क देखियो। 
\v 7 आरू यी ओवाज समळीयों, ‘ए पतरस उठ मार आरू खा।’ 
\v 8 हाव कयो, नी पोरबु, नी; काहकि कोय विटळ आरू चीज म्हारा मुय मा हाव कदी नी गयी। 
\v 9 हेरा जवाब मा आकाश सी ओळी ओवाज आवी, ‘जो–जो काय यहोवा–भगवान चुखो बनावलो सी, हेको विटळ मा कहे।’ 
\v 10 तीन वार तक असोत् हुयो; तव आखो काय पोछो आकाश मा हापकी लेदो गयो। 
\v 11 तव उतवाळीया तीन मानुस जो कैसरिया सी म्हारेन चाँ मुकलीयों हुता, तिना घर मा जिना मा हामु हुता, आवीन ऊबा होया। 
\v 12 तव आत्मा हाव से ओका साथे बिंदास चालने कयो, आरू या छव: भाईस भी मार साथे चाल देदा; आरू हामु तिना मानुस क घर मा गया। 
\v 13 आरू त्यो देखाड़ियों, कि हाव एक सोरगदूत क मार घर मा ऊब रहवलो देखियों, जो म्हार छे कयो, ‘याफा मा मानछेक मुकलीन शमौन पतरस कहवाये हेको बुलाय ले। 
\v 14 त्यो तुखे असी वात कहयसे, जिना लारे तु आरू तारा घरानो क छुटकारो होयछे।’ 
\v 15 जव हाव वात करने लागियो, ती चुखली आत्मा हेनको उपर हिने रीति उतरी, जिने रीति छे शुरू मा हामरे पर उतरी होती, 
\v 16 \x + \xo 11:16 \xo*\xt प्रेरितन 1:5\xt*\x*तव हावखे पोरबुन त्यो वचन फोम आयों; जो पोरबु कहवलु, ‘बपतिस्मा देनेवावो यहुन्ना ते पानी छे बपतिस्मा दिदो, पर तुमू चुखली आत्मा छे बपतिस्मा लेसु।’ 
\v 17 शेवली कावा यहोवा भगवान हेनको भी दान दिधो, जो हामुक पोरबु ईशु मसीह पर विश्वास करने छे जड़ियो; ती हाव कुन होतो जो यहोवा–भगवान क रूक सकतो होतो?”
\p
\v 18 यह समळीन, त्या हुगा रया, “आरू यहोवा–भगवानन बढ़ाई करीन कयनो लागिया” तव ते यहोवा–भगवान ही गैरयहुदी क जीवन जुगु मन फिरावनेन दान दिधो।
\s अन्ताकिया मा शाऊल आरू बरनबास
\p
\v 19 \x + \xo 11:19 \xo*\xt प्रेरितन 8:1-4\xt*\x*जो लोगहन तिना दुःख छे जो स्तिफनुस क कारण छे पड़लो होतो, तीतर–बितर होय गया हुता, त्या पुगता–पुगता फीनीके आरू साइप्रस आरू अन्ताकिया मा पुगिया; पर यहूदि या क छुड़ीन आरू कोयक नी समळाड़ता हुता। 
\v 20 पर हिन्दरे माईन थुड़ाक साइप्रस वासी आरू कुरेनी हुता, जो अन्ताकिया मा आवीन यूनानीयाक भी पोरबु क खबर न वात समळाड़ने लागिया। 
\v 21 आरू पोरबु न हात हेनको उपर होतो, आरू घण सवटा लोगहन विश्वास करिन पोरबु भेणी फिरीया।
\p
\v 22 तव हेनकी चर्चा यरूशलेम न मंडळी क समळने मा आवी, आरू त्या बरनबास क अन्ताकिया मा मुकलिया। 
\v 23 त्यो हया पुगीन, आरू यहोवा–भगवान न दया क देखीन खुश हुयो; आरू सबन क भाषण दिधो कि मन लागाड़ीन पोरबु छे लिपटीन रहवो। 
\v 24 काहकि त्यो एक वारलो मानुस होतो; आरू चुखली आत्मा आरू विश्वास छे भरायलो होतो; आरू घण सवटा लोगहन पोरबु मा आवीन भेसकाय गया।
\p
\v 25 तव त्यो शाऊल क हेरने करीन तरसुस भेणी जाती रयो। 
\v 26 आरू जव हेनको हावळियो ती हेके अन्ताकिया मा लायो आरू असो हुयो कि त्या एक साल तक मंडळी न साते हावळता आरू घण सवटा लोगहन क शिक्षा देता रया, चाकरीयो आखा छे पेहल अन्ताकिया मा मसीह कहवाया।
\p
\v 27 तिनु दाहड़ा मा काय कागळिया यरूशलेम सी अन्ताकिया मा आश। 
\v 28 \x + \xo 11:28 \xo*\xt प्रेरितन 21:10\xt*\x*हेनु माईन अगबुस उबो होईन आत्मा न अगवाय छे यो देखाड़ियो, कि आखी कोळ जुग मा अकाल पड़से, आरू त्यो अकाल क्लौदियुस न टेहाव पड़से। 
\v 29 तव चेला विचार करिया कि हर एक जन आपसा–आपसा धनन अनसारे यहूदि या मा रहवने वाळा भाईस्यो न सेवा जुगु काहय ली मुकले। 
\v 30 आरू त्या असात् करिया; आरू बरनबास आरू शाऊल न हाते डाहडा न पास काहय ली मेलिया।
\c 12
\s सताव क बढ़नो
\p
\v 1 तिनु दाहड़ा मा राजा हेरोदेस मंडळी न काहय लोगहन क दुःख देने करीन बन्दी बनाय लिधो। 
\v 2 हेरोदेस यहुन्ना भाईस याकूब क तलवार सी माराय दिधो। 
\v 3 जव त्यो देखियो, कि यहूदि लोगहन इना सी खुश हुयो, ती त्यो पतरस क भी धर लिधो। त्यो दाहड़ो अखमीरी रोटा दाहड़ो होतो। 
\v 4 आरू त्यो हेके धरीन जेल खाना मा बंद कर दिदो, आरू राखवाळी करने करीन, चार–चार क चार टेहाव रखियो, इने विचार सी कि फसहन ओळतेन हेको लोगहन न सामने लावे। 
\v 5 जेल खाना मा पतरस न राखवाळी होय रया होती; बाकीन मंडळी जो सी लगाड़ीन एक मन सी यहोवा–भगवान सी प्रार्थना करती होती।
\s पतरस क जेल खाना सी छुटनो
\p
\v 6 आरू जव हेरोदेस पतरस क हेनको सामने लावने वाळो होतो, ती तिने राती पतरस साकळिया सी बांधायलो, दुय सिपायड़ा न वीच मा सुवतो होतो; आरू झोपला पर राखवाळिया हेकी राखवाळी करी रया हुता। 
\v 7 तव पोरबुन एक सोरगदूत आवीन ऊबो हुयो आरू तिनी खुली मा विजाळो चमकियो, आरू त्यो पतरस न पासळी पर हात दीन हेको जागाड़यो, आरू कयो, “उठ, तावनी कर।” आरू हेका हातो सी साकळ खुलीन नेची पड़ गयी। 
\v 8 तव सोरगदूत हेको कयो, “कमर बांध, आरू आपसा खासड़ा पेहरले।” त्यो असोत् करियो, ओळी सोरगदूत पतरस सी कयो, “आपसा छिंदरा पेहरीन मार पछोळ आव।” 
\v 9 पतरस निकळीन सोरगदूत न पछोळ चाल पड़ियो; पर यो नी जानतो होतो कि जो काय सोरगदूत कर रयो, चो छाचो सी, बाकीन यो समझियो कि हाव दर्शन देख रयो। 
\v 10 तव त्या पेहले आरू दिसरे पहर सी निकळीन तीना लुहड़ान झोपला पर पुग गया, जो शहर भेणी सी। त्यो झपलो हेनको जुगे आपसूत् सी आपसु खुल गयो, आरू त्या निकळीन एकुत् गळी माईन गया, अतरा मा सोरगदूत हेको छुड़ीन जात रयो।\fig जेलन भिताड़ा पर ठुकली लोखंडी साकव |alt="Chains embedded in prison wall" src="hk00204c।tif" size="col" copy="Horace Knowles ©" ref="12:7"\fig*
\p
\v 11 तव पतरस चोकचौळियो होईन कयो, “हांय हाव छाची जान लेदो कि पोरबु हेका सोरगदूत मुकलीन हावखे हेरोदेस न हात सी छुड़ाय लिदो आरू यहूदि या न आखा भुरसाक तुड़ दिदो।”
\p
\v 12 आरू यो सोचीन, त्यो तीना यहुन्ना माय मरियम न घर आयो, जो मरकुस कहवाये। वा घण सवटा मानसी एखटा होईन प्रार्थना करता हुता। 
\v 13 जव त्यो झोपला न खड़की ठुकियों ती रूदे नाव न एक चाकरीया समळने आवी। 
\v 14 आरू पतरस न बुल ओळखीन, ची खुशी सी झपलो नी खुली बाकीन दवड़ीन माहय गयी, आरू कयी कि पतरस झोपला पर उबो सी। 
\v 15 त्या घर वाळा चाकरीयाक कयो “तु गांडी सी।” बाकीन ची वातड़ी होईन कयी कि असोत् सी: तव त्या कयो, “हेको सोरगदूत हसे।”
\p
\v 16 बाकीन पतरस झपलो ठुकतो रयो ओळतेन त्या खड़की खुलिया, आरू हेके देखीन वाहराय गया। 
\v 17 तव पतरस हेनको हात सी सहलानी दिदो कि हुगा रये; आरू हेनको देखाड़ियो कि पोरबु कसो हेको जेल खाना मा सी निकाळ लायो। ओळी कयो, याकूब आरू भाईस्योन क यी वात कय देजो। तव निकळीन दिसरे जागे जात रयो।
\p
\v 18 भोळ भाका मा सिपायड़ा घण मोटी हलचल हुयने लागी कि पतरस काँ गयो।
\p
\v 19 जव हेरोदेस हेको पुछताछ करने लागियो आरू हेके नी जोड़ियो, ती राखवाळिया क जाच करीन हुकुम दिदो कि राखवाळी करने वाळा सिपायड़ा क मार नाखे; आरू त्यो यहूदि या क छु़ड़ीन कैसरिया मा जाईन रहने लागियो
\s हेरोदेश राजान मोत
\p
\v 20 हेरोदेस सोर आरू सीदोनन लोगहन सी घणो नराज होतो। तव त्या एक मनीया होईन हेरोदेस न वा आश आरू बलास्तुस क जो राजा न चाकरीयो हुतो, हेको मनवीन हावळती करने करिया; काहकि राजान देश सी हेनका देश न पाळन पुषन होयतो होतो।
\p
\v 21 टाकले दाहड़े हेरोदेस राजन छिंदरा पेहरीन राज गाद्दी पर बोठियो; आरू उन लोगहन आखो देखाड़ने लागियो। 
\v 22 आरू लोगहन आयड़ी उठिया, “यो ते मानुस क नी भगवान न बुल सी।” 
\v 23 तिना टेम मा पोरबु न एक सोरगदूत तत्यारूत् हेको दुःख दिदो, काहकि त्यो यहोवा–भगवानन महिमा नी करियो आरू हेका डीलो मा किड़ा पड़ गया आरू त्यो मर गयो
\p
\v 24 पुन यहोवा–भगवान क वचन बढ़ता आरू फैलाता गया।
\p
\v 25 जव बरनबास आरू शाऊल आपसी सेवा पुरी कर चुका ती यहुन्ना क जो मरकुस कहवाये, पुठी लीन यरूशलेम सी पोछा आश।
\c 13
\s बरनबास आरू शाऊल क नेवाड़नो
\p
\v 1 अन्ताकिया न मंडळी मा थुड़ाक कागळिया आरू शिक्षा देने वाळा हुता; मतलब बरनबास आरू शमौन जो नीगर कहवाये; आरू लुकियुस कुरेनी आरू चौथाई देश न राजा हेरोदेस न दुधभाईस मनाहेम आरू शाऊल। 
\v 2 जव त्या उपवास करीन पोरबुन भक्ति करता हुता, ती चुखली आत्मा कयी, मार जुगु बरनबास आरू शाऊल क तीना काम जुगु अलग करो जिना जुगु हाव हेनको बुलावलो सी।
\p
\v 3 तव त्या उपवास आरू विनता करीन आरू हेनको उपर हात हावलीन हेनको मुकली दिदा।
\s साइप्रस मा
\p
\v 4 शेवली कावा त्या चुखली आत्मा न मुकेलने सी सिलुकिया गया; आरू वा सी जाहाज पर चढ़ीन साइप्रस भेणी चालिया। 
\v 5 आरू सलमीस मा पुगिन, यहोवा भगवान, क वचन यहूदि या न आराधना घरो मा समळाड़ियो; आरू यूहन्ना हेनका चाकरीयो होतो। \fig यहूदिन आराधनालय|alt="Front view of a synagogue" src="lb00246c।tif" size="col" copy="Horace Knowles ©" ref="13:5"\fig*
\p
\v 6 आरू तिना आखा टापु मा सी होईन, पाफुस तक पुगिया। हया हेनको बार–ईशु नामक एक यहूदि जादू टुना आरू झुठी ओगवायती वात करने वाळो कागळीयो हावळियों। 
\v 7 आरू होकदार सिगियुस पौलुस न साते होतो, जो अकाल वाळो मानुस होतो। त्यो बरनबास आरू शाऊल क आपसी पास बुलावीन यहोवा–भगवान न वचन समळावने चाहतलो। 
\v 8 बाकीन एलीमास जादूगर हेनको सामनो करीन, होकदार क विश्वास करने सी रूकने चाहतलो। 
\v 9 तव शाऊल जिनाक नाव पौलुस भी सी, चुखलो आत्मा सी भराइन हेर तरफ एक सारको भाळीन कयो, 
\v 10 ए आखी कपट आरू चालाक सी भरायला शैतान न ओवलियाद, सकल न्यायन दुस्मन, काय तु पोरबु क सुतरी वाट क आड़ी करनो नी छुड़े?
\p
\v 11 हाय देख पोरबुन हात तार पर पड़लो सी; आरू तु थुड़ाक टेहाव तक आंधळो रहीस आरू दाहड़ा क नी देखे। तव तत्काळ धुंदळो आरू आंधारो हेका पर होय गयो, आरू त्यो अथोन अथो टुटळाने लागियो कि कोय हेका हात धरीन ली जाय। 
\v 12 तव होकदार जो काय होयलो होतो, देखीन आरू पोरबुन शिक्षा सी घाबरायीन विश्वास करियों।
\s पिसिदिया क अन्ताकिया हाव पौलुस
\p
\v 13 पौलुस आरू हेको साती पाफुस सी जाहाज खुलीन पंफूलिया न पिरगा मा आश; आरू यूहन्ना हेनको छुड़ीन यरूशलेम मा जात रयो। 
\v 14 आरू पिरगा सी ओगा जाईन पिसिदिया न अन्ताकिया मा पुगिया; आरू आराम न दाहड़े मंदिरो मा जाईन बस गया। 
\v 15 व्यवस्था आरू कागळिया न किताब सी भेणनेन ओळतेन मंदिरोन सरदारियाँ हेनके पास कय मुकलिया, “ए भाईस्यो, कदाम लोगहन न शिक्षा जुगु तुमरा मन मा काहय वात होय ती कहवु।” 
\v 16 तव पौलुस उबो होईन आरू हात सी सोहळणी आपीन कयो,
\p ए इस्त्राएली, आरू यहोवा–भगवान सी बीक राखने वावा समवु, 
\v 17 या इस्त्राएली लोगहन क यहोवा–भगवान हामरा डाहडा क निवाड़ लेदा, आरू जव या मिस्र देश मा परदेशी होईन रहता हुता, ती हेन्दरी बढ़ती होय; आरू ताकत वाळा हातों सी निकाळ लायो। 
\v 18 आरू त्यो चाळीस साल तक जंगल मा हेनकी मदत करियो, 
\v 19 आरू कनान देश मा सात जातिया क नाश करीन हेनको देश लग–भग साढ़ी चार सौ साल मा हेनकी विरासत मा कर दियो।
\p
\v 20 ओळतेन त्यो शमूएल कागळिया न तक हेका मा न्यायी बने। 
\v 21 एरेन ओळतेन त्या एक राजा मांगीया; तव यहोवा–भगवान चाळीस साल जुगु बिन्यामीनन घराना माईन एक मानुस किश क पोर्‍या शाऊल क हेन्दरे पर राजा बनाड़े। 
\v 22 ओळतेन हेके अलग करीन दाऊद क हेन्दरो राजा बनाड़े; जिना बारा मा त्यो गवाय आपलो, हावखे एक मानुस, जो यिशै क पोर्‍या दाऊद मारा मनन अनसारे जोड़ गयलो सी त्योत् म्हारी आखी मरजी पुरी करसी। 
\v 23 ओकीत् ओवलियाद माईन यहोवा–भगवान म्हारी प्रतिज्ञा बुलन अनसारे इस्राएल क पास एक छुड़ावने वाळाक ईशु क मुकलियो। 
\v 24 \x + \xo 13:24 \xo*\xt मरकुस 1:4; लूका 3:3\xt*\x*जिनाक आवने सी पेहेल यहुन्ना आखा इस्त्राएली क मन पछतावान बपतिस्मा क परचार करियों। 
\v 25 \x + \xo 13:25 \xo*\xt यहुन्ना 1:20\xt*\xt मत्ती 3:11; मरकुस 1:7; लूका 3:16; यहुन्ना 1:27\xt*\x*आरू जव बपतिस्मा देनेवावो यहुन्ना आपसी सीवा पूरी करने पर होतो, ती त्यो कयो, “तुमु हावखे काय समझु? हाव त्यो नी होय! पर देखु मारेन ओळतेन एक आवने वाळो सी, जिना पायन खासड़ा भी छुड़ने भी हाव योग्य नी सी।”
\p
\v 26 ए भाईस्यो, तुमु जो अब्राहम न पोर्‍या सी; आरू तुमु जो यहोवा–भगवान सी बीक राखे, तुमरे जुळ इना उध्दारन वचन आवलो सी। 
\v 27 काहकि यरूशलेम मा रहवने वाळा आरू हेन्दरा सरदारिया नी हेके उळखिया आरू नी कागळियान वातक समझिया; जो हर आरामन दाहड़े भणे, हेरेन करीन हेके दोषी बनावीन हेनको पूरो करिया। 
\v 28 \x + \xo 13:28 \xo*\xt मत्ती 27:22,23; मरकुस 15:13,14; लूका 23:21-23; यहुन्ना 19:15\xt*\x*त्या मार नाखने जुगु त्या हेका मा काय दोष नी देखिया, तेबी पिलातुस सी रावन्या करिया, कि हेनाक मार देय। 
\v 29 \x + \xo 13:29 \xo*\xt मत्ती 27:57-61; मरकुस 15:42-47; लूका 23:50-56; यहुन्ना 19:38-42\xt*\x*आरू जव त्या हेका बारा मा लिखली आखी वात पूरी करिया, ती हेके कुरूस पर सी उतारीन बीड़ा मा हावलिया। 
\v 30 पर यहोवा–भगवान हेको मरेला माईन जीवतो करियों, 
\v 31 \x + \xo 13:31 \xo*\xt प्रेरितन 1:3\xt*\x*आरू त्यो हेनको जो हेका साती गलीली सी यरूशलेम मा आश हुता, घणा दाहड़ा तक देखाम पड़तो गवा रयो
\q2
\v 32 आरू हामु तिना बांधायली वातन बारा मा जो डाहडा सी बांधली होती, यो खुश खबर समळने
\q2
\v 33 कि यहोवा–भगवान ईशु क जीवाड़ीन, चीत् बांधली वात हामरी ओवलियाद जुगु पुरी करियो; जोसो पिसरा भजन मा लिखलो सी, तु म्हारो पोर्‍या सी; आज हाव तुखे पैदा करलो सी।
\m
\v 34 आरू हेकी इनी रीति सी मरेला माईन जीवाड़ने बारा मा भी कि त्यो कदी नी सड़े,
\q1 त्यो यो कयलो सी, हाव दाऊद परून चुखली आरू नी टळने वाळी दया तुमरे पर करीस
\q2 जिनाक हाव वायदो करलो सी।
\m
\v 35 अतरानकरीन त्यो एक आरू भजन मा भी कयलो सी,
\q1 “तु आपसा चुखलो जन क सड़ने नी देये।”
\m
\v 36 काहकि दाऊद ते यहोवा–भगवानन मरजी न अनसारे आपसा टेहाव मा चाखरी करीन सुय गयो, आरू आपसा डाहडा मा जाईन भेसकाय गयो, आरू सड़ी भी गयों 
\v 37 बाकीन जिनाक यहोवा–भगवान जीवाड़ियों, त्यो सड़ियो नी। 
\v 38 अतरानकरीन ए भाईस्यो तुमु जान लेय कि ईशु न लारे पापोन माफी क खबर तुमक दि रया सी। 
\v 39 आरू जीनी वात सी तुमु मूसान नियम न लारे निर्दोष नी ठहर सकतला हुता, तिना आखा सी विश्वास करने वाळा हेके लारे निर्दोष ठरसे। 
\v 40 अतरानकरीन चोकचौळीया रहवो, असो नी हुयो कि जो कागळिया न किताब मा लिखलो सी, तुमरे पर भी पड़े;
\q1
\v 41 ए निंदा करने वाळा, देखु, आरू घाबराय होय, आरू मिट जाऊ;
\q1 काहकि हाव तुमरा दाहड़ा मा एक काम करो; असो काम,
\q2 कदाम कोय तुमरे सी हेकी चर्चा करे,
\q2 ती तुमु कदी भी विश्वास नी करसु।
\p
\v 42 हेन्दरे बाहर निकळनेन टेहाव लोगहन हेका सी विनता करने लागे, कि अगला आरामन दाहड़े हामुक यी वात ओळी समळाड़े। 
\v 43 आरू जव आराधना घर उठ गय ती यहूदि या आरू यहूदि मत मा आवला भक्त माईन घण सवटा पौलुस आरू बरनबास पोछळ होय लेदा; आरू त्या हेनको वात करीन समझड़िया, कि यहोवा–भगवानन दया मा बनला रहवु।
\p
\v 44 अगला आरामन दाहड़े नगरन आखा लोगहन यहोवा–भगवान क वचन समळने करीन एखठा होय गया। 
\v 45 पर यहूदि गर्दी क देखीन किचवाय गया, आरू निंदा करीन पौलुसन वातन विरोध मा कयनो लागिया। 
\v 46 तव पौलुस आरू बरनबास निडर होईन कयो, “छाचो सी की यहोवा–भगवान न वचन पेहेल तुमूक समळाड़ियो जातो; बाकीन जव तुमु हेके दूर कर रया, ती आपसा क वारला जीवनन योग्य नी बनावु, ती हाय हामु गैरयहुदी भेणी फिरे।” 
\v 47 काहकि पोरबु हामुक यु हुकुम आपलू सी,
\q1 हाव तुखे गैरयहुदी जुगु विजाळो ठहरावलो सी
\q2 काहकि तु धरतीन पल धड़े तक छुटकारो क झोपलो हुय।
\p
\v 48 यो समळीन गैरयहुदी खुश हुयो आरू यहोवा–भगवान न वचन न बढ़ाई करने लागिया, आरू जतरा अमर कायान जीवन जुगु ठहरावला हुता, त्या विश्वास करिया।
\p
\v 49 तव पोरबु वचन तुना आखा देश मा फैलने लागियो 
\v 50 बाकीन यहूदि या न भक्त आरू कुलीन स्त्रीया क नगरन खास लोगहन भड़कयो आरू पौलुस आरू बरनबास पर झगड़ो करावनो करावने हेनको आपसी सीमा सी बाहर कर दिदा। 
\v 51 \x + \xo 13:51 \xo*\xt मत्ती 10:14; मरकुस 6:11; लूका 9:5; 10:11\xt*\x*तव त्या हेन्दरे ओगव आपसा पायन धुवु झाटकीन इकुनियुम मा जात रया। 
\v 52 आरू चाकरीयो खुशी सी आरू चुखली आत्मा सी भरायता रया।
\c 14
\s इकुनियुम मा पौलुस आरू बरनबास
\p
\v 1 इकुनियुम मा असो हुयो कि वो यहूदियान इन प्रकार वात करी कि यहूदि आरू यूनानिया दुयू मा छे घण ने विश्वास कर्‍या। 
\v 2 पुन विश्वास नी करनेवाला यहूदि या गैरयहुदीन मन भाईहोन विरोध मा भड़काव्या आरू नम मा कपट पैदा कर दिदा। 
\v 3 चाँ वार दाहाड़ा तक वा रया, आरू पोरबु भरूसा पर हिम्मतन साथे करीन वात करता हुता; आरू या ओको हाथ करीन सहलानी आरू घण मोटो काम करावीन आपसा फुकट दया वचन पर गवाय देता हुता। 
\v 4 पुन नगरन मानसो मा फूट पड़ गय हती, ओका सी रईन कोतरा ते यहूदि यान तरफ आरू कोतरा प्रेरितन तरफ होय गया।
\p
\v 5 पुन जव गैरयहुदी आरू यहूदि ओको विजुत आरू उका पर दगड़ा देनेन करता आपसा मुखिया सहावत ओका पर दोवड़िया, 
\v 6 ते चाँ उका वात काजे जान गया, आरू लुकाउनियान लुस्त्रा आरू दिरबे नगरो मा हुता, आरू आस पासन प्रदेश मा डास गया 
\v 7 आरू चाँ खुश खबर सोंबवने लाग्या।
\s लुस्त्रा आरू दिरबे मा
\p
\v 8 लुस्त्रा मा एक मानुस बठलु होतु, जु पायोन निर्बल होतु, त्यो जनम रईन लेंगड़ो होतु आरू कदी भी चाल्यु होतु, 
\v 9 त्यो पौलुस काजे वात करे सोंब्यु रयु होतु। पौलुस ओको तरफ टक लागाड़ीन देख्यु कि ओका सी आरगाय होयनेन विश्वास सी, 
\v 10 आरू जोरदीन ओवाज रईन कयो, “आपसा पायोन दम पर सुधु उबरय जा” तव त्यो कुदकुदीन चालने पुगनेन लाग्यु। 
\v 11 मानसी पौलुसन यो काम देखीन लुकाउनियान भाषा मा उचा ओवाज मा कयो, “देवता मानसोन रूप मा होईन हामरे जु उतर आश सी।” 
\v 12 हेकेने बरनबास काजे ज्यूस, आरू पौलुस काजे हिर्मेस कयो काहकि त्यो वात करने मा मुखी होतु। 
\v 13 ज्यूसन तीन मंदिरन पुजारी जु ओको नगरन सामने होतु, बैल आरू फुलन हार फाटक पर लावीन मानसो साथे बलिदान करने चाहता हुता।
\p
\v 14 पुन बरनबास आरू पौलुस प्रेरितन जेतार यो सोंब्या, ते आपसा छिंदरा फाड़्या आरू गर्दी मा लटक्या, आरू आयड़ीन कयनो लाग्यु, 
\v 15 “हे मानसो, तुमू काय कर रिया? हामु भी तो तुमरे समान दुःख सुख भोगी मानुस छे, आरू तुमू खुशीन खबर सोमवाड़जे कि तुमू इन व्यर्थ चीज सी अलग होईन जीवता यहोवा भगवानन तरफ पोछा फिरो जो सोरग आरू धरती आरू दरिया आरू जो काय ओका मा छे बनायो। 
\v 16 त्यो गयला टेम मा आखा जातिन आपनो–आपनो वाट मा चालने दिदा। 
\v 17 तव त्यो आपसुत् बिगुर गवाय नी छुड़ियो; पुन त्यो वारलो काम करतो रयो, आरू आकाश सी पानी आरू फलवंत वारू आरू सय टेम आपीन तुमरा मन क भोजन आरू खुशी सी भरतो रयो।” 
\v 18 यो कयीन भी हेनको मानसो काजे मोटी अड़चन रईन रूकु कि ओको करता बलिदान नी करे।
\p
\v 19 पुन काहय यहूदि अन्तकियान आरू इकुनियुम रईन आवीन मानसो आपसी तरफ कर लेदा, आरू पौलुस काजे दगड़ा करीन दिदा, आरू मर गयु समझीन गाँवन बाहरता घीसड़ीन ली गया। 
\v 20 पर जेतार चाँ चेला ओको चार तरफ आवीन उबा होय गया, ते त्यो उठीन गाव मा गयु आरू दिसरे दाहाड़े बरनबास साथे दिरबे काजे जात रयु।
\s सीरिया क अन्तकिया पछा आश
\p
\v 21 चाँ तीन गाँवन मानसो काजे खुश खबर सोंबाड़ीन, आरू बैस चेला बनावीन, लुस्त्रा आरू इकुनियुम आरू अन्तकिया पछा आश, 
\v 22 आरू चेलान मन काजे स्थिर करता रवे आरू यो शिक्षा देता हुता कि विश्वास मा बवना रवे; आरू यो कयता सी, “हामुक बैस पीड़ा उठावीन यहोवा–भगवानन राज्य मा भरायने करनो पड़सी।” 
\v 23 आरू हेकेने हर एक मंडळी मा ओको करता डाहडा ठहराए, आरू उपवास क सात मा प्रार्थना करीन हेको पोरबु साथे हाथ सौप्या जिना पर हेकोने विश्वास करला हता।
\p
\v 24 जव पिसिदिया रईन जातु–जातु त्यो पंफूलिया पुग्यु; 
\v 25 पछो पिरगा मा वचन सोंबाड़ीन अत्तलिया मा आश, 
\v 26 आरू चाँ रईन चाँ ढोंडिया पर अन्तकिया गया, जा वा ओका सी कामन करता जो चाँ पुरो करलो हतो यहोवा–भगवानन फोकटन दया मा आपलो हुतो।
\p
\v 27 चाँ पुगीन हेकेने मंडळी एखटा कर्‍या आरू कयो कि यहोवा–भगवान ओको साथे रईन कोसला–कोसला काम करलो, आरू गैरयहुदीन करता विश्वासन झोपलो उघाड़ देदु। 
\v 28 आरू चाँ चेलान साथे बैस दाहाड़ा रयु।
\c 15
\s यरूशलेम न सभा
\p
\v 1 पछा काहय मानसी यहूदि या रईन आवीन भाईयो काजे सिखावने लाग्या: “यदि मूसान रीति पर तुमरो खतना नी होय ते तुमू उध्दार नी जुड़ सके।” 
\v 2 जव पौलुस आरू बरनबास साथे ओको बैस झगड़ु आरू वाद–विवाद होयु ते यो ठहरायो गयो कि पौलुस आरू बरनबास आरू ओकामा रईन काहय व्यक्ति ओकी वातम विषय मा प्रेरितन आरू डाहडा साथे यरूशलेम मा जाय।
\p
\v 3 शेवली कावा मंडळी हेके जराक नांबे तक पुगाड़से; आरू चाँ फीनीके आरू सामरिया रईन जात–जातु गैरयहुदीन मन फिरवनेन खबर सोंबाड़तु गयु, आरू सब भाई बैस खुश हुया। 
\v 4 जव चाँ यरूशलेम पुग्यु, ते मंडळी आरू प्रेरित आरू डाहडा उका खुस मा मिवायु, आरू हेकेने कयो कि यहोवा–भगवान ओको साथे होईन कोसला–कोसला काम कर्‍या हुता। 
\v 5 पुन फरीसियान पंथ मा रईन जा विश्वास कर्‍या हता, ओका रईन काहय उठावीन कयो, “हेके खतना करावनेन आरू मूसान व्यवस्था माननेन हुकुम देनी आपनो जुवे।”
\p
\v 6 तव प्रेरित आरू डाहडा ओको वातन विषय मा विचार करनेन करता एखठा होया। 
\v 7 \x + \xo 15:7 \xo*\xt प्रेरितन 10:1-43\xt*\x*तव पतरस बैस वाद–विवाद होय जानेन बाद उभु होईन ओका सी कयो, “हे भाईयो, तुमू जानता सी कि बैस दाहाड़ा होया यहोवा–भगवान तुमू मा रईन मखे निवाड़ लेदु कि मार मुयम रईन गैरयहुदी खुश खबर वचन सोंबीन विश्वास करू। 
\v 8 \x + \xo 15:8 \xo*\xt प्रेरितन 10:44; 2:4\xt*\x*मन काजे पारखनेवालु यहोवा–भगवान ओका सी भी हामरे समान चुखलो आत्मा आपीन ओको गवाय देदी; 
\v 9 आरू विश्वासन द्वारा ओको मन शुद्ध करीन हामरे मा आरू उका मा काहय भेद नी राख्यु। 
\v 10 ते हिमी तुमू काँह यहोवा–भगवानन पारख कर रिया कि चेलान गळा पर ओसलो जुवड़ो राखु, जीनाक नी हामरा बाबदादा उठाड़ सके हुता आरू न हामु उठाड़ सकता सी? 
\v 11 होव, आमरो यो छाचो सी कि जीन रीति रईन चाँ पोरबु ईशुन फोकटन दया रईन उध्दार जुड़सी; तीनी रीति रईन हामु भी जुड़सी।”
\p
\v 12 तव सब सभा त्योपचाप बरनबास आरू पौलुसन सोंबवने लाग्या, कि यहोवा–भगवान ओको द्वारा गैरयहुदी मा कोसा मोटा–मोटा सहलानी, आरू घण मोटो काम देखाड़े। 
\v 13 जव चाँ चुप होया ते याकूब कयनो लाग्यु, “हे भाईयो, मारी सोंबु।” 
\v 14 शमौन कयो कि यहोवा–भगवान पेहल–पेहल गैरयहुदी पर कोसी किरपा नजर करियो कि ओकामा रईन आपसा नावन करीन एक मानुस बनावले। 
\v 15 ओका भविष्यवक्तान वात भी मिवती सी, जोसो कि लिखलो सी,
\q1
\v 16 ओका बाद हाव अळी पछु आवीन आरू
\q2 दाऊदन पड़ला तम्बू क अळी उबो करीस,
\q1 आरू उका उजाड़ जागा क अळी बनावीस,
\q2 आरू उको उबो करसु,
\q1
\v 17 अतरानकरीन वाचला मानुस
\q2 मतलब सब गैरयहुदी जो म्हार नावन कहवाये, पोरबु काजे हेरो,
\q1
\v 18 यो त्यो पोरबु कहवे जु जगत न उबजनो रईन इनी वात न खबर देतो आवलो छे।
\p
\v 19 अतरान करीन मार विचार यो सी कि गैरयहुदी मा रईन जा मानसे यहोवा–भगवानन तरफ रईन फिरता छे, आपो इनुक दुःख नी देनु; 
\v 20 पुन ओका लिखीन मोकल्या कि चाँ मुर्ती विटळ आरू व्यभिचार आरू गवा घुटला होयान मास रईन आरू लुहूय यो रईन छेठा रवे। 
\v 21 “काहकि पेहला जमानाम रईन गाव–गाव मा मूसान व्यवस्थान खबर करनेवाला हुयसे चालता आय रया सी, आरू त्यो हर आरामन दाहाड़े आराधना घर मा वाच जाती सी।”
\s गैरयहुदीन विश्वास काजे पत्री
\p
\v 22 तव सब मंडळी सहित प्रेरितन आरू डाहडा काजे वारलो लाग्यो कि आपसा मा रईन काहय मानसी काजे निवाड़, मतलब यहूदा जु बरसब्बा कहवाये सी, आरू सीलास काजे जा भाई हो मा मुखिया होतु; आरू हेके पौलुस आरू बरनबास साथे अन्तकिया मोकल्यु।
\pi
\v 23 हेकेने ओको हाथमा यो लिख मोकल्यु: “अन्तकिया आरू सीरिया आरू किलिकियान रवनेवाला भाईयो काजे जा गैरयहुदी मा रईन सी, प्रेरितन आरू डाहडा काजे नमस्कार। 
\v 24 हामु सोंबवला सी कि हामरेम रईन काही वा जाईन, तुमूक आपसी वातम घाबराय दिदा; आरू तुमरा मन उलटा दी दिदा सी पुन हामु तीनुक हुकुम नी देदु होतु। 
\v 25 एरकरीन हामुक एक मनीया होईन ठीक समझिया कि निवाड़या होया मानसो काजे आपसा मोंगावु बरनबास आरू पौलुस साथे तुमरे जु मोकल्यु। 
\v 26 या ओसला मानसी सी जा आपनु जीव आमरू पोरबु ईशु मसीहन नावन करता अड़चन मा नाखला सी। 
\v 27 अतरान करीन हामु यहूदा आरू सीलास मोकल्या सी, जा आपसा मुयम रईन भी यी वात कय देता सी। 
\v 28 चुखलो आत्मा आरू हामुक ठिक जान पड़्या कि इन छाची वात काजे छुड़, तुमू पर आरू वजन नी नाखे; 
\v 29 कि मृत्यु पर बली क होयला सी आरू लहू रईन, आरू गवाड़ीन गळो दड़पीन मारला क मास रईन, आरू व्यभिचार रईन सीटु रवु। ओका सीटा रयु ते तुमरो भलो होयसी। ओगव शुभ।”
\p
\v 30 पछो वो हईन अन्ताकिया पुगीयो, आरू आखाक एखठा करीन वो चिठ्ठी आपी। 
\v 31 वो चिठ्ठी भनीन ओको शिक्षा करी वात सी घण खुशी होया। 
\v 32 यहूदा आरू सीलास ने जो आप भी भविष्यवक्ता होतो, घण वात सी भाईस्योक शिक्षा आपीन स्थिर कर्‍या। 
\v 33 वो काही दाहड़ा रोवीन, भाईस्यो सी शांतीन साथे विदा होया कि आपसा मुकलनेवावान साथे जाय। 
\v 34 पुन सीलासन वाँ रोवने वारलो लाग्या।
\p
\v 35 पुन पौलुस आरू बरनबास अन्ताकिया मा रया गयो: आरू दिसरा घण सी मानसोन साथे पोरबु न वचन क शिक्षा करता आरू खुश खबर सोमवावता रोवे।
\s पौलुसन आरू बरनबास मा मतभेद
\p
\v 36 कही दाहड़ा बाद पौलुस ने बरनबास सी कयो, जिन–जिन नगर मा हामु ने पोरबु न वचन सोमवाया हुता, आवु, पोछा इनुमा चालीन आपसा भाईस्योन देख कि वो कोसो सी। 
\v 37 तव बरनबास ने यहुन्ना न जो मरकुस कोवायतो सी, साथे लेने विचार कर्‍या। 
\v 38 \x + \xo 15:38 \xo*\xt प्रेरितन 13:13\xt*\x*पुन पौलुस ने ओको जो पंफूलिया मा इनुसी अलग होय गयो होतो, आरू काम पर इन्दरे साथे नी गया, साथे ली जाने वारलो नी समझिया। 
\v 39 शेवली कावा ओसो विवाद उठ्यो कि वो एक दिसरा सी अलग होय गयो, आरू बरनबास, मरकुसन लीन ढोंड्या पर साइप्रस मा चाली गयो। 
\v 40 पुन पौलुस ने सीलासन त्योन लेदो, आरू भाईस्यो सी यहोवा–भगवानन फोकटन दया मा सौप दिदा जाईन वाँ सी चाली गया। 
\v 41 आरू वो मंडळी स्थिर करता होया सीरिया आरू किलिकिया सी होयतो हुयो निकव्य।
\c 16
\s पौलुसन तीमुथियुसन साथे लेनो
\p
\v 1 पछा चाँ दिरबे आरू लुस्त्रा मा भी गया। वा तीमुथियुस नावन एक चेला होतु, जु एकदान विश्वासी यहूदि यान पोर्‍य होतो, पुन ऐरो बास यूनानी होतु। 
\v 2 वो लुस्त्रा आरू इकुनियुमन भाईस्यो मा सुनाम होतो। 
\v 3 पौलुसन मरजी होती कि वो अतरान करीन साथे चाले; आरू जो यहूदि मानसी इनु जागा मा हुता ओका कारण त्यो ओको खतना कर्‍या, काहकि चाँ सब जानता हुता, कि ओको बास यूनानी होतु। 
\v 4 आरू गाव–गाव जात–जाता चाँ तीन विधिया काजे जो यरूशलेम न प्रेरितन आरू डाहडा ठहराया हुता, माननेन करता हेके पुगाड़ता जाता हता। 
\v 5 ओको सारखा मंडळी भुरसा मा वातड़ी हुय गय आरू गिनती मा हर एक दाहाड़े बढ़ती गय।
\s त्रोआस मा पौलुसन दर्शन
\p
\v 6 चाँ फ्रूगिया आरू गलातिया प्रदेश मा रईन होईन गया, काहकि चुखलो आत्मा हेके आसिया मा वचन सोंबावने काजे मना कर्‍या सी। 
\v 7 हेकेने मुसियान नाट पुगीन, बैतनीया मा जाने चाहे; पुन ईशुन आत्मा हेके जाने नी देदु। 
\v 8 शेवली कावा चाँ मुसिया रईन त्रोआस रईन आश। 
\v 9 चाँ पौलुस रात मा एक दर्शन देख्यु कि एक मकिदनी मानुस उभु हतु ओका सी रावन्या करीन कय रयु सी, “पार उतरीन मकिदुनिया मा आव, आरू हामरी मदत कर।” 
\v 10 ओको या दर्शन देखताच हामु तत्काल मकिदुनिया जाने चाह्यु, यो समझीन कि यहोवा–भगवान हामु काजे हेके खुश खबर सोंबाने करीन बुलाया सी।
\s फिलिप्पीया मा लीद्दान जीवन बदलनो
\p
\v 11 अतरान करीन त्रोआस सी जाहाज उगाड़ीन हामु सुधी सुमात्राके आरू दिसरे दाहाड़े नियापुलिस मा आश। 
\v 12 वा रईन हामु फिलिप्पी पुग्या जा मकिदुनिया प्रांतन खास गाव आरू रोमिन वस्ती सी; आरू हामु इन गाव मा काहय दाहाड़ा तक रया। 
\v 13 आराम क दाहाड़े हामु गाँवन फाटकन बाहरता नदिन धोड़े यो समझीन गया कि चाँ प्रार्थना करनेन जागु–जागु होयसी, आरू बठीन इन बायरा चाँ रईन जी एखठी होई होती, वात करने लागी। 
\v 14 लीद्दा नावन थुआतीरा गाँवन निव्वा छिंदरा वेचनेवावी एक भक्त बाहर सोमळी रया होती। पोरबुन एरो मन उगाड़ीन वा पौलुसन वात पर मनीया लागाड़यो। 
\v 15 जव आपसा घरानान सहावत बपतिस्मा लेदु, ती त्यो हामु काजे विनती कर्‍यु, “यदि तुमू मखे पोरबुन विश्वासी समझो सहावत तो चालीन मार घर मा रहवो” आरू वो हामु मानाड़ीन ली गय।
\s पौलुस आरू सीलास जेल मा
\p
\v 16 जव हामु प्रार्थना करने जागाम जाय रया हता, ते हामु एक दासी मीवी जिनमा हात भावने वावी विटळ आत्मा होती; आरू भावी कयनो सी आपसा भगवानन करता घण काहय कमाईन लावती हती। 
\v 17 वो पौलुस आरू दासी हामरे पछळ आवीन आयड़ने लागी, यो मानुस परमप्रधान यहोवा–भगवानन दास सी, जो हामु उध्दारन मार्गन काहनी सोंमवावता सी। 
\v 18 वो घना दाहाड़ा ओसा ही करती रयी; पुन पौलुस दुःखी, आरू पछो उनी विटळ आत्मा सी कयो, तुखे ईशु मसीह नाव रईन हुकुम देता सी कि अतरान करीन मा रईन निकवी जा। आरू चाँ तिनी टेहाव निकवी गय।
\p
\v 19 जव तिनी पुराईन मालिकिया देख्या कि हामरी कमाईन आश जाती रयी, ती पौलुस आरू सीलास सक धरीन चौकी मा पुजारान चाँ धरीन लाया। 
\v 20 आरू तीनुक सेना आदीकारी क पास ली गया आरू कयो, या मानसी जा यहूदि सी, हामरा गाँव मा मोटली हालचाल मच रयी सी। 
\v 21 आरू ओसी रीतिरिवाज देखाड़ रयी सी, जीनुक ग्रहण करने या मानने हामु रोमियोन करता वारू नी।
\p
\v 22 तव गर्दीम मानसी इन्दरे विरोध मा एखठा होईन चढ़ आश, आरू शासकन इन्दरा छिंदरा फाड़ीन हेड़ीन नाख्या, आरू तीनुक भेद मारनेन हुकुम देदी। 
\v 23 घण जबर सड़का दीन त्या हेको जेल मा नाख दिदा आरू सिपायड़ा काजे हुकुम देदी कि तिनुक चौकसी राख्या। 
\v 24 त्यो ओसी हुकुम देखीन तीनुक माहय जेल मा राख्यो आरू ओको पाय काठ मा ठुक दिदा
\p
\v 25 आधी रात लग–भग पौलुस आरू सीलास प्रार्थना करता रया यहोवा–भगवानन भजन गाय रया हता, आरू कैदी तीनरी समळी रयो हतो। 
\v 26 ओतरा मा एकदम मोठो भुकंप आयो, या तक की जेलन नीव हाल गयी, आरू साठा आखा झोपला उगड़ी गया; आरू आखान बंधन उगड़ी पड्यो। 
\v 27 सिपायड़ा जाग उठ्या आरू जेल न झोपलो उगड़्या देखीन समझ्या की कैदी ड़ास गया सी, शेवली कावा त्यो तलवार हापकीन आपने आपसु काजे मार नाखने गयु। 
\v 28 पुन पौलुस जोरदीन ओवाजामा आयड़ीन कयो, “आपने आपसु काही हानी मा पुगाड़ ़े, काहकि हामु आखा या सी।”
\p
\v 29 तव वो दिया लागाड़ ़ीन, आरू कापता होया सीलासक आरू पौलुस क ओगव पड़्या। 
\v 30 आरू तुमू बाहरता लावीन कयो, हे सज्जनो, उध्दार देखनेन करता हाव काय करो?
\p
\v 31 चे कयो, “पोरबु ईशु मसीह पर विश्वास कर, ती तु आरू तारा घरानान उध्दार देखीस।” 
\v 32 आरू चे ओको तारा आरू तारा सब घरन मानसोन पोरबुन वचन सोमवाया। 
\v 33 राती तीने टेहाव त्यो तीनुक ली जाईन तिनरा घाव धुयु, आरू त्यो आपसा मानसो सहावत साठोज बपतिस्मा लेदो। 
\v 34 तव त्यो तीनुक आपने घर मा जाईन तिनरे ओगव भोजन हावक्यु, आरू सब घरानान सहावत यहोवा–भगवान पर विश्वास करीन खुशी कर्‍या।
\p
\v 35 जव दाहाड़ु उग्यु तव शासन सिपायड़ान हाथ कोवायता हुता मुकल्या कि तीनुक मानसक छुड़ देवु।
\p
\v 36 सिपायड़ा यी वात पौलुस काजे कयो, “शासन तुमू छुड़ देनेन हुकुम मोकली देदु सी। अतरान करीन हिमी निकवीन कुशल रईन जात रयु।”
\p
\v 37 पुन पौलुस तिनुक कयो, “हेकेने हामु रोमि मानसी सी, दोषी ठहराये बीना मानसोन सामने दिदा आरू जेल मा नाख दिदा। हिमी काय हामु डुकाईन निकवी रया सी? ओसो नी; पुन त्यो खुद आवीन हामुक बाहरतु निकाव्यु।”
\p
\v 38 सिपायड़ा यी वात शासन काजे कयो, आरू वो यो सोमवीन रोमि सी, बीहि गया, 
\v 39 आरू आवीन तिनुक मनाया, आरू बाहरता ली जाईन रावन्या कर्‍या कि गाव रईन जात रयु। 
\v 40 पौलुस आरू सियास जेल मा रईन निकवीन लुद्दा आव गया, आरू भाईयो सी भेवाईन तिनुक शांती आपी, आरू जात रया।
\c 17
\s थिस्सलुनीके गाव मा
\p
\v 1 पछा चाँ अम्फिपुलिस आरू अपुल्लोनिया होईन थिस्सलुनीके मा आश, जे यहूदि यान एक आराधना घर होतो। 
\v 2 पौलुस आपसी रीतिन लारे ओको साथे गयु, आरू तीन आरामन बाद न्याय शास्त्रो रईन ओको साथ वाद–विवाद कर्‍या; 
\v 3 आरू ओको मतलब खुल–खुलीन समझाड़तु होतु कि मसीह काजे दुःख उठावनो, आरू मरलाम रईन जीव उठनु, पाको हुता; आरू “यु ईशु जीनान हाव तुमूक कथा सोंमावनु छे, मसीह छे।” 
\v 4 ओका रईन कोतराक, आरू भक्त यूनानिया मा रईन लेके सोवटा कुलीन बायरा मान लेदा, आरू पौलुस आरू सीलास साथे मिवाय गया।
\p
\v 5 पुन यहूदि यान डाह रईन भरीन बजारन मानसो मा रईन काही सचाब मानसे काजे आपने साथ मा ली लेदु, आरू गर्दी एखठी करीन गाव मा हूल्लड़ मचालने लाग्या, आरू यासोन न घर पर चढ़ाई करीन हेके मानसोन सामने लावने चाह्यु। 
\v 6 हेके चाँ नी देखीन त्यो या आयड़तु ओसु यासोन आरू काहय भाईस्यो काजे गाँवन शासकन सामने खेच लाया, “या मानसी जा दुनिया उलटा–सुलटा कर दिदा सी, या भी आव गया सी। 
\v 7 यासोन हेके आपने या रूकाया सी। या सब या कयता सी कि ईशु राजु सी, आरू कैसरन हुकुमन विरोध करता सी।” 
\v 8 हेकोने मानसोन तरफ गाँवन शासकन यो सोमवीन घाबराय देदु। 
\v 9 एरकरीन हेकोने यासोन आरू बाकीन मानसो काजे मुचलका लीन हेके छुड़ देदु।
\s बिरीया गाव मा
\p
\v 10 भाई हे तत्काल रात–रात मा पौलुस आरू सीलास काजे बिरीया मोकली देदु; आरू चाँ चे पुगीन यहूदि योन आराधना घर मा गया। 
\v 11 या मानसे ते थिस्सलुनीके यहूदि रईन भला हुता, आरू हेकोने मोटी लालुच करीन वचन मानीया कर्‍या, आरू हर दाहाड़े चुखलो शास्त्रो मा हेरता रया कि यी वात ओसीज छे कि नी। 
\v 12 एरकरीन ओकामा रईन लेके सोवटा, आरू युनानी न कुलीन बायरा मा रईन आरू मानसो मा रईन लेके सोवटा विश्वास कर्‍या।
\p
\v 13 पुन जव थिस्सलुनीके यहूदि जान लेदा कि पौलुस बिरीया गाव मा यहोवा–भगवानन वचन समळाड़े, ते चाँ भी आवीन मानसो काजे भड़कावनेन आरू हलचल मचाने लाग्या। 
\v 14 तव भाई हे तत्काल पौलुस काजे विदा कर्‍या कि दरियान धोड़े जात रये; पुन सीलास आरू तीमुथियुस चाँ रया गया। 
\v 15 पौलुस काजे पुगावनेवावा उका एथेंस तक ली गया, आरू सीलास तीमुथियुस न करता यो हुकुम लीन विदा होयु कि नाट घण साटा आवु।
\s एथेंस नगर मा पौलुस
\p
\v 16 जव पौलुस एथेंस मा ओको वाट देख रयु होतु, ते गाँवन मुरतीया भरीन देखीन ओको जीव सिलग्यु उठ्यु। 
\v 17 शेवली कावा त्यो आराधना घर मा यहूदि या आरू भक्तो रहवीन आरू चौक मा जा मानसे मिवता हुता, तिनुक रईन हर दाहाड़े वाद–विवाद कर्‍या करता हुता। 
\v 18 तव इपिकूरी आरू स्तोईकी राय देखाड़निया मा सी काहय लोगहन ओका सी वात विचार करने लाग्या,
\p आरू काहय मानसी कयो, “यु बकवादी काय कयनो चाहतु सी?” पुन दिसरा कयो, “त्यो दिसरा देवतान खबरक मालुम पड़तु सी” काहकि त्यो ईशुन आरू ओळी जीवतु होईनने खुश खबर सोमावतु होतु। 
\v 19 तव चाँ उका आपने साथे अरियुपगुस पर ली गया आरू पछा, “काय हामु जान सकता छे, की यो नवीन मत जो सोमावतु छे, काय छे? 
\v 20 काहकि तु जी कदी नी सोमव्यु ओसी वात हामुक सोमावतु छे, एरकरीन हामु जावना चाहता छे कि ओका मतलब काय छे?” 
\v 21 एरकरीन कि सब एथेंस वासी आरू परदेशी जा चाँ रवता हता नवली–नवली वात कयनो आरू सोमवने सिवाय आरू कोयक काम मा टेम नी बितावतु होतु।
\p
\v 22 तव पौलुस अरियुपगुसन वीच मा उबो होईन कयो, “ए एथेंस क लोगहन हाव यो देखो कि तुमू हर वात मा देवता क मोटा माननेवाळा छे।” 
\v 23 काहकि हाव हिनतो फिरतो तुमरी पुजनेन वस्तु काजे देख रयु हुता, ते एक ओसी वेदी भी देखाई, जीना पर लिखलो होतो, “अनजानिया भगवानन करता।” एरकरीन जीनाक तुमू बिना जाने पुजता छे, हाव तुमूक ओको खबर सोमावतु छे। 
\v 24 \x + \xo 17:24 \xo*\xt प्रेरितन 7:48\xt*\x*जु यहोवा–भगवान धरती आरू ओको सब वस्तु काजे बनाव्यु, त्यो सोरगदूत आरू धरतीन भगवान होईन हाथन बनाड़े ओसला मंदिरो मा नी रोवतु, 
\v 25 नी कोयक वस्तुन छाचलीन कारण मानसोन हाथन सी चाकरी कोरावतलू, काहकि त्यो ते आपसु आपसुत् सबन जीवन आरू श्वास आरू सब काहय देता छे। 
\v 26 ईशु तो एकुज मुळ सी मानुस न सब जाति आखी धरती पर रहवने करीन करता बनावी छे; आरू ओको ठहरावला टेम आरू रोवनेन सिव काजे एरकरीन बांधियो छे, 
\v 27 कि चाँ यहोवा–भगवान काजे हेरो, आरू शायद चाँ उका जु पुग गया सी, आरू वास्तव मा, त्यो हामु रईन कोयक रईन दुर नी सी।
\q1
\v 28 काहकि हामु उका मा जीवतला रयजे,
\m आरू चालता–पुगता, आरू स्थिर रवता छे; जोसा तुमरा कोतरा कविया भी कयो छे,
\q1 “हामु ते ओको ओवळियाद भी छे।”
\m
\v 29 शेवली कावा यहोवा–भगवानन ओवळियाद होईन हामु या समझनो वारू नी कि यहोवा–भगवान, सोनो या चाँदी या दगड़ान समान सी, जी मानसन कारीगरी आरू कल्पना रईन बनावलो छे। 
\v 30 अतरानकरीन यहोवा भगवानन विनअकलोन टेम पर ध्यान नी दिदो, पर अब आखा जागा आरू आखा मनुसो क मन फिरावनेन हुकुम देय। 
\v 31 “काहकि त्यो एक दाहाड़ु टाकलु छे, जिनाम त्यो तीन मानसोन द्वारा न्यायपन रईन जगतन न्याय करसे, जीनाक तु ठरावलु छे आरू उका मरलाम रईन मा रईन जीवाल्लु, यी वात सब पर उजेन्तो कर दिदो”
\p
\v 32 मरलाम रईन जीव उठने वात सोमवीन कोतरा ते उपवास करने लाग्या, आरू कोतरा कयो, यी वात हामु तुखे रईन पछा कदी सोमवजे, 
\v 33 ओको पर पौलुस ओको वीच मा रईन जात रया। 
\v 34 पुन काहय मानुस ओको साथे मिवाय गयु, आरू विश्वास कर्‍या; जीनामा दियुनुसियुस जु अरियुपगुसन सदस्य होतु, आरू दमरिस नावन एक बायर होती, आरू ओको साथे आरू भी कोतरा मानसे हुता।
\c 18
\s कुरिन्थस गाव
\p
\v 1 अतरान करीन बाद पौलुस एथेंस न छुड़ीन कुरिन्थस मा आश। 
\v 2 आरू वाँ अक्विला नावन एक यहूदि मिव्यो, जेरो जनम पुन्तुस मा हुयो होतो; आरू आपसी बायर प्रिस्किल्लान साथे इतालिया छे हाल ही मा आश हुता, काहकि क्लौदियुस ने आखा यहूदि याक रोम छे निकवी जानेन हुकुम आपी होती, अतरान करीन वो तींदरा याहा गयो। 
\v 3 आरू तेरा आरू तीन्दरो व्यापार होतो; अतरान करीन वो इन्दरे साथे रया, आरू वो काम करने लाग्या, आरू हिन्डरो काम तम्बू बनावनेन थो। 
\v 4 आरू वो हर आरामन दाहड़े आराधना घर मा वाद विवाद करीन यहूदि आरू यूनानीन भी समझाडता हुता।
\p
\v 5 जव सीलास आरू तीमुथियुस मकिदुनिया छे आयो, ती पौलुस वचन सोमवावने धुन मा लागाड़ीन यहूदि याक गवा देता हुता कि ईशु ही मसीह छे। 
\v 6 पुन जव वो विरोध आरू निंदा करने लाग्या, ती त्यो आपसा छिंदरा ढाकीन तीनुछे कयो, “तुमरो लुहूय यो तुमरी मुनका पर रये! हाव निर्दोष छे। हिमी छे हाव गैरयहुदीन साथे जाईस।” 
\v 7 आरू वाँ सी चालीन वो तीतुस यूस्तुस नावन यहोवा–भगवानन एक भक्तन घर मा आयो, ओको घर आराधना घर सी लाग्या होया हुता। 
\v 8 तव आराधना घर सरदार क्रिस्पुस ने सब घराना सहावत पोरबु पर विश्वास कर्‍या; आरू घोणा छे आरू घना सवटा कुरिन्थियो वावा ने समवीन विश्वास कर्‍या आरू बपतिस्मा लेदु।
\p
\v 9 आरू पोरबु ने रात मा दर्शनन लारे पौलुस छे कयो मा डर बाकीन कवतु जा ने आरू हुगो मा रहवे; 
\v 10 काहकि हाव तारे साथ छे; आरू काहनुस तार पर चढ़ाई कयी तारू घाटु नी करे काहकि इना गाँव मा मारा घण सवटा मानसे छे। 
\v 11 अतरान करीन त्यो तीना चाँ यहोवा–भगवान वचन सिखतु डेढ़ साल तक रयु।
\p
\v 12 “तव गल्‍लियो अखाया देशन राज्यपाल हुता अळतेन यहूदि मानसे एका करीन पौलुस पर चढ़ आश आरू उको नियाव नी गाद्दीन सामने लावीन कवेने लागिया” 
\v 13 चाँ मानसक काजे समजाड़े की यहोवा–भगवान भक्ति असी रीति सी करतलो ची व्यवस्था क उलटी सी।
\p
\v 14 तव पौलुस बुलने वावा हुता तव गल्‍लियो ने यहूदि यो सी कयो ए यहूदि यो अळतेन काह्‍य अन्याय या दुष्‍टता वात होयती, तव होयत वारलो की हाव तुमरी सुनतो। 
\v 15 “बाकीन अळतेन इन वातन–वातन बुलन आरू नाव आरू व्यवस्थान बाराम मा तुमो जानो काहकि हाव इन वातन न्यायी बन्ने चाहतलू।” 
\v 16 आरू त्यो उको नियावन गाद्दी सामने से निकाव दिदा। 
\v 17 अळतेन सब मानसी आराधना घर सरदार सोस्‍थिनेस काजे धरने ने नियावन गाद्दी सामने दिदा। बाकीन गल्‍लियो ने इनान वातन कायनी चिंता करीया।
\s पौलुस क अन्ताकिया मा आवनो
\p
\v 18 बाकीन पौलुस लेके दाहड़ा तक वा रयु अळतेन भाईस्‍योक वाट लागाड़ीन किंख्रिया हाव इनानकरता मुन्‍क बुड़ायु काहकि त्यो मानता मान्यु आरू जाहजम पर सीरिया भुनी चाल दिदा आरू तेरे साथमा प्रिस्किल्ला आरू अक्विला हुता। 
\v 19 आरू त्यो इफिसुस मा पुगिन तीनक त्या छुड़ियो आरू त्योत आराधना घर मा जायन यहूदि यो छे झगड़ा करने लागु। 
\v 20 जव हेकोने उकासे रावन्या की, “हामरे साथे आरू काहय दाहाड़े रया।” ते त्यो स्वीकार नी कर्‍या; 
\v 21 पुन यो कयीन त्यो विदा होयु “यहोवा–भगवान चाह ते हाव तुमरे जु पछु आवीस।” तव इफिसुस पर रईन ढोंड्या खुलीन चाल देदु;
\p
\v 22 आरू कैसरिया मा उतरीन (यरूशलेम) गयु आरू मंडळी काजे नमस्कार करीन अन्तकिया मा आयु। 
\v 23 अळी काहय दाहाड़ा रहवीन त्या वा सी जात रीया, आरू एक तरफ सी गलातिया आरू फ्रूगिया मा सब चेला काजे बाताड़्या करता फिरीया।
\s अपुल्लोस नावन विद्वान मानुस
\p
\v 24 अपुल्लोस नावन एक यहूदि जेरो जनम अलेक्जेन्द्रिया मा होया हुता, जु विद्वान मानसे हुता आरू चुखलो शास्त्र काजे वारलो जानतो होतो इफिसुस मा आया। 
\v 25 चाँ पोरबुन वाटन शिक्षा सापड़ी होती, आरू मन लागाड़ ़ीन ईशुन विषय मा ठीक–ठीक सोमवतु आरू सिखाड़तु हतु, पुन चाँ सिर्फ यहुन्ना न बपतिस्मा वात जानता हता। 
\v 26 चाँ आराधना घर मा निडर होईन बुलने लाग्या, पर प्रिस्किल्ला आरू अक्विला ओको वात सोमवीन, ओका सी आपने या ली गया आरू यहोवा–भगवानन वाट ओका सी आरू भी स्पष्ट रीति सी कयो। 
\v 27 आरू जव त्यो छाचो कर्‍या कि पार उतरीन अखाया काजे जाए ते भाईस्यो उका हिमत आपीन चेला काजे लिख्या कि चाँ उकासे वारला मिवाया, आरू त्यो पुगीन चाँ तिनुक मानसोन मोटली मदत कर्‍या जा फुकट दया कारण विश्वास कर्‍या हुता। 
\v 28 अपुल्लोस आपसी शक्ति आरू कौशलन साथे यहूदि या आखे भातिये शास्त्र रईन प्रमाण दिदा की इसुत मसीह सी।
\c 19
\s इफिसुस मा पौलुस
\p
\v 1 जव अपुल्लोस कुरिन्थस मा हुता, ते पौलुस उपरला सब देश रईन इफिसुस मा आयु आरू चाँ काहय चेला मिव्या।
\p
\v 2 त्यो कयो, “काय तुमू विश्वास करता टेहाव चुखलो आत्मा देख्या?” हेकोने तिनाक कयो, “हामु ते चुखलो आत्मान चर्चा भी नी सोमव्या।”
\p
\v 3 चाँ तिनिक कयो, “ते पछा तुमू कुनीन बपतिस्मा लेदा?”
\p हेकोने कयो, “यहुन्ना बपतिस्मा।”
\p
\v 4 \x + \xo 19:4 \xo*\xt मत्ती 3:11; मरकुस 1:4,7,8; लूका 3:4,16; यहुन्ना 1:26,27\xt*\x*पौलुस कयो, “यहुन्ना यो कयीन मन फिरावीन बपतिस्मा देदु, कि जु मार बाद आवनेवाळो सी, उका पर मतलब ईशु पर विश्वास करनो।”
\p
\v 5 यो सोमवीन हेकोने पोरबु ईशुन नावन बपतिस्मा लेदा। 
\v 6 आरू जव पौलुसन उका पर हाथ हावले, ते उका पर चुखलो आत्मा उतरी, आरू चाँ भिन्न–भिन्न भाषा बुलने लाग्या। आरू भविष्यवाणी करने लाग्या। 
\v 7 यी सब लग–भग बारा मानसी हुता।
\p
\v 8 आरू चाँ आराधना घर मा जाईन तीन महीना तक निडर होईन बुलता रया, आरू यहोवा–भगवानन राज्यन विषय मा विवाद करता आरू समझता रया। 
\v 9 पुन जव काहय मानसी वातड़ा होईन ओको नी मान्या वरना मानसोन सामने ओका पंथ काजे भुंडो कयनो लाग्या, ते त्यो तिनुक छुड़ीन चेला काजे अलग कर लेदा, आरू हर दाहाड़े तुरन्नुसन स्कलेमा वाद–विवाद कर्‍या करता हुता। 
\v 10 दुय साल तक यो होतो रयो, या तक कि आसिया रवनेवाला काय यहूदि, काय यूनानी सब पोरबु न वचन सोमवी लेदा।
\s इसकेवा क पोर्‍या
\p
\v 11 आरू यहोवा–भगवान पौलुसन हाथन सामर्थ्यन घण मोटो काम देखाड़तो होतु। 
\v 12 या तक की रूमाल आरू सालन छेवड़ा आरू ओको धड़ काजे हाथ लागाड़ीन मांदला मानसो पर नाकता हुता, आरू ओको बीमारी दुर जात रयी होती; आरू विटळ आत्मा ओका रईन निकवी जाया करती होती। 
\v 13 पुन काही यहूदि जो झाड़ा भोपाय करता पीरता हुता, यो करने लाग्या कि जिनुमा साहळा होय उना पर पोरबु ईशुन नाव यो कोवीन भोपाय करने ला गिया, जिना ईशुन खबर पौलुस करे, हाव तुमूक ओकी आन द्योव। 
\v 14 आरू स्क्किवा नावन एक यहूदि प्रधान पुजारान सात पोर्‍या हुता, जो ओसी ही करता हुता।
\p
\v 15 पर साहळा ने तीनुक जवाब आपियो, “ईशु क हाव जानती सी, आरू पौलुस क भी जानती छे, पुन तुमू कुन छे?”
\p
\v 16 आरू ओको मानुस ने जिनुमा विटळ आत्मा होती तिनुमा भराइन तिनु पर ओसो झगड़ो करावनो कर्‍या कि वो नागरलेला आरू घायल हईन ओको घर सी निकवीन ढाष्या। 
\v 17 यो वात इफिसुस न रोवनेवावा यहूदि आरू यूनानी मा भी सब जान गया; आरू पोरबु ईशुन नावन बढ़ाई होयी। 
\v 18 जीनुक विश्वास कर्‍या हुता, इनुमा सी घण तेरी ने आवीन आपसा–आपसा कामन मान लेदा आरू प्रगट कर्‍या। 
\v 19 जादु टोना करनेवावा मा सी घण सवटा आपसी–आपसी पोथियां एखठा करीन आखान सामने धपाड़ दिदा, आरू जव इन्दरो दाम जोड़ा गया, ती पचास हजार चाँदीन सिक्‍कान बराबर निकव्या। 
\v 20 इनीये प्रकार पोरबु न वचन बलपूर्वक पुगती आरू मजबुत हुयसे गया।
\s इफिसुस मा दंगो
\p
\v 21 जव यो वात होय त्योकी ती पौलुस ने आत्मा मा ठानान मकिदुनिया आरू अखाया सी हईन यरूशलेम मा जावु, आरू कयो, “वाँ जानेन बाद मखे रोमन भी देखनो पाको सी।” 
\v 22 अतरान करीन आपसी सेवा करनेवावा मा सी तीमुथियुस आरू इरास्तुसन मकिदुनिया मुकल्या आप काही दाहड़ा आसिया मा रया गया।
\p
\v 23 तीन टेहाव ओको पंथन विषय मा मोटा हुल्लड़ हुयो। 
\v 24 काहकि दिमेत्रियुस नावन एक सुनार अरतिमिस चाँदीन मंदिर बनावीन कारागिरन घण काम आपाड्या करता हुता। 
\v 25 त्यो तीनुक आरू ओसी ही चिजन कारागिरक एखठा करीन कयो, “हे मानसो, तुमू जानता होय कि इन काम सी हामु कोतरो धन मिवतो सी। 
\v 26 तुमू देखता आरू सोमवता होय कि केवल इफिसुस ही मा नी, वरना प्राय: सब आसिया मा यो कोवी कोवीन इनीये पौलुस ने घण सी मानसोक सोमझाया आरू भरमाय भी सी, कि जो हातन कारागिरी सी, वो भगवान नी। 
\v 27 ऐरेसी हिमी केवल इनी वातक ही बिहे नी सी कि हामरा इन धन्धाक मान मर्‍यादा जाती रोवसी, वरना यो कि महान देवी अरतिमिसन मंदिर तुच्छ समझाय जासी, आरू जिनाक सब आसिया आरू कोवी पूजता सी तीनान महत्व भी जातो रोवसी।”
\p
\v 28 वो यो रीस सी भर गयो आरू आयड़ी आयड़ीन कोवने लाग्यो, “इफिसियोन अरतिमिस, महान सी!” 
\v 29 आरू सब गाव मा मोटा कोलाहल मच गया, आरू मानसोन ने मकिदुनिया गयुस आरू अरिस्तर्खुसक जो पौलुसन संगी यात्री हुता, धर लेदा, आरू एक साथे कहानी नाटक हुयो वा दौवड़ीन गया। 
\v 30 जव पौलुस मानसोक साथे माहीय जानो जूवे ती चेला ने ओको जाने नी दिदा। 
\v 31 आसियान शासन मा सी भी ऐरो कयी दोस्तो ने अतरान करीन साथे कोवीन मुकल्या आरू रावन्या करी कि रंगशाला मा जाईन जोखिम नी झेलनो। 
\v 32 वाँ काही काय आयड़तो होतो आरू काही काय काहकि सभा मा मोटी गड़बड़ी होय रयी होती, आरू घण सी मानसी तो यो जानता भी नी हुता कि हामु काय करता एखठा होया सी। 
\v 33 तव तीनुक अलेक्जेन्द्रिया जिनाक यहूदि या ने उबा कर्‍या हुता, गर्दी मा सी ओगा बढ़ाया। सिकन्दर हात सी संकेत करीन मानसोन सामने जवाब देने जूवता हुता। 
\v 34 पुन जव तीनुक जान लेदा कि वो यहूदि सी, ती आखाक एक ओवाज सी काही दुय घंटा तक आयड़ता रया, “इफिसियोन अरतिमिस, महान सी।”
\p
\v 35 तव नगरन मंत्री न लोगहन क शांत करीन कयो, कुन नी जानता कि इफिसियोन नगर महान देवी अरतिमिसन मंदिर, आरू वादवा पर रईन पड़ली मुरतीन राखवावु छे। 
\v 36 शेवली कावा जव कि इन वातन खण्डन ही होय सकता, तो वारू सी कि तुमू शांत रयो आरू बिना सुचने पुछने काही नी करनो। 
\v 37 काहकि तुमू इन मानसोक लाया होय जो नी मंदिरक लुटनेवावा सी आरू नी हामरी देवीन निन्दा सी। 
\v 38 यदि दिमेत्रियुस आरू अतरान करीन साथी कारागिरक काही सी विवाद होय तो कचहरी उघड़ी सी आरू शासन भी सी; वो एक दिसरा पर नालिश करू। 
\v 39 पुन यदि तुमू काही आरू वातन विषय मा काही पुछ जूवता होय, तो नियत सभा मा पसराय जासी। 
\v 40 काहकि आजून बलवेन कारण हामु पर दोष लागाड़ जानेन बिह्या सी, अतरान करीन कि ऐरा काही कारण नी, आरू हामु इन गर्दीन एखठा हुयने काही जवाब नी आप सकसी 
\v 41 यो धरती त्यो सभान विदा कर्‍या।
\c 20
\s मकिदुनिया, यूनान आरू
\p
\v 1 जब हुल्लड़ थम गया तो पौलुस ने चेलाक बुलावीन समझाड्या, आरू इनुसी विदा हईन मकिदुनिया चाँ रयन चाल दिदा। 
\v 2 तीना सब प्रदेश मा रयन हईन आरू चेलान घण जुरदेवाड़ कर वो यूनान मा आश। 
\v 3 जव तीन महना रोवीन वो वाँ सी ढोंड्या पर सीरियान चा रयन जाने पर होतो, तो यहूदि ओकी घात मा लाग्या, अतरान करीन त्यो यो निश्यय कर्‍या कि मकिदुनिया हईन पछो पछु जाय। 
\v 4 बिरीयान निवासी पुर्रूस क पोर्‍या सोपत्रुस आरू थिस्सलुनीकियो मा सी अरिस्तर्खुसक आरू सिकुन्दुस आरू दिरबे गयुस, आरू तीमुथियुस आरू आसियान तुखिकुस आरू त्रफिमुस आसिया तक अतरान करीन साथे होय लेदा। 
\v 5 पर वो ओगा जाईन त्रोआस मा हामरी वाट जुवता रया। 
\v 6 आरू हामु अखमीरी रोटा दाहड़ान ओतेन फिलिप्पी सी ढोंड्या पर चढ़ीन पाच दाहड़ा मा त्रोआस मा तींदरा साथे पुग्या, आरू सात दाहड़ा तक चो रया।
\s त्रोआस मा यूतुखुसन जीवाड़ने
\p
\v 7 हापतान पेहले दाहड़े जव हामु रोटा तुड़नेन करीन एखठा होया, ती पौलुस ने जो दीसरे दाहड़े चालीन जाने पर हुता, तीनुसी वात करी, आरू आधी रात तक शिक्षा देता रया। 
\v 8 जिन अटारी पर हामु एखठा हुता घण दिया धप रया हुता। 
\v 9 आरू यूतुखुस नावन एक जवान खिड़की पर बठ्य हुयो गहरी नींद सी डुल रयो होतो, आरू जव पौलुस देर तक वात करतो रयो, ती वो नींद मा हिदवायो तीसरी अटारी पर सी पड़ गयो, आरू मरला रयन उठाय लेदो। 
\v 10 पुन पौलुस उतरीन तीनाक थाबाईन, आरू गवाम लागड़ीन कयो, “घबरायो मा; काहकि ऐरो जीव अतरान करीन मा सी।” 
\v 11 आरू उपर जाईन रोटा तुड़ीन आरू खाईन अतरी वार तक हेनु सी वात करतो रयो कि भोळ भाको होय गयो; ओळी पौलुस जात रयो। 
\v 12 आरू वो तीन जवानक जीवतो ली आश, आरू घण शांती देख्या।
\s त्रोआस सी मिलेतुसन यात्रा
\p
\v 13 हामु पेहल सी ढोंड्या पर चहड़ीन अस्सुस क इन विचार सी ओगा गया, कि वाँ सी पौलुसक चढ़ा लेदा काहकि त्यो यो अतरान करीन ठेरायो होतो, कि आप ही पाये जानेवावो सी। 
\v 14 जव वो अस्सुस मा हामु मिव्या ती हामु ओको चड़ावी मितुलेने मा आश। 
\v 15 आरू वाँ सी ढोंड्या उघाड़ीन हामु दीसरे दाहड़े खियुसन सामने पुग्या, आरू अगले दाहड़े सामुस मा जाय पुग्या, पोछा दीसरे दाहड़े मीलेतुस आश। 
\v 16 काहकि पौलुस ने इफिसुसन साथे हईन जाने की ठानी होती, कि कयी ओसो नी होय, कि ओको आसिया मा देर लाग्या; काहकि वो तावनी मा होतो, कि यदि होय सके, ती वो पिन्तेकुस्तन दाहड़ा यरूशलेम मा रया।
\s इफिसुसन पुरानो शिक्षा
\p
\v 17 आरू त्यो मीलेतुस इफिसुस मा खबर मुकल्या, आरू मंडळी डाहला बुलाया। 
\v 18 जव वो अतरान करीन साथे आयो, ती तीनुसी कयो, तुमू जानता होय, कि पेहल ही दाहड़ा सी जव हाव आसिया मा पुग्या, हाव हर टेहाव तुमरे साथे काय प्रकार रया। 
\v 19 एणे मोटी दीनता सी, आरू आसा पाड़ी–पाड़ी, आरू इन परीक्षा मा जो यहूदि योन षडयंत्रन कारण जो मखे पर आय पड़ी; हाव पोरबु न सीवा करता ही रया। 
\v 20 आरू जो वात तुमरा लाभन करी होती, तीनुक कोवने आरू मानसोन सामने आरू घर सिकाड़ने सी कदी नी वसर्‍यु। 
\v 21 पर यहूदि यो आरू यूनानिया क देखड़तो रयो कि यहोवा–भगवान भेणी मन फिराव लेये आरू हामरे पोरबु ईशु मसीह पर भरसु करो 
\v 22 आरू हिमी, हाव आत्मा मा बांधाय हुयो यरूशलेम मा जाता सी, आरू नी जानता, कि वाँ मखे पर काय वीतसी। 
\v 23 केवल यो चुखलो आत्मा हर गाव मा गवाय देखाड़ीन म्हार सी कये कि बंधन आरू पीड़ा तारे करीन तीयार सी। 
\v 24 पुन हाव आपसा जीव काही नी समझता कि ओको वारलो जानीन वरना यो कि आपसी दवड़, आरू ओको सेवा पूरी करू, जो हावने यहोवा–भगवानन फुकटाय दया खुश खबर पर गवाय देखाड़ देनेन करीन पोरबु ईशु सी देख्या सी।
\p
\v 25 आरू हिमी जानता सी, कि तुमू आखा जिनुमा हाव यहोवा भगवान राज्यन खबर करतो फिरो, म्हारो मुय पछो नी देखसु। 
\v 26 अतरान करीन हाव आजून दाहडु तुमू सी गवा दी कयता सी, कि हाव आखान लुहूय सी निर्दोष सी। 
\v 27 काहकि हाव यहोवा–भगवानन सारी मनसा तुमूक पूरी रीति सी कोवने सी नी वसर्‍यु। 
\v 28 अतरान करीन आपसी आरू टुळान देख रेख करू; जिनाम चुखलो आत्मा ने तुमूक अध्यक्ष ठेरायो सी कि तुमू यहोवा–भगवानन मंडळी राखवावी करू, जिनाक त्यो आपसा लुहूय सी मुले लेदु सी। 
\v 29 हाव यो जानो, कि मार जाने क बाद फाड़नेवाळा लेन्डीया तुमरे मा आवसे, जो टुळा क नी छुड़े। 
\v 30 तुमरे ही वीच मा सी भी ओसा–ओसा मानसी उठसी, जे चेलान आपने पछव हापकी लेने टेढ़ी हावढ़ी वात कोवसी। 
\v 31 अतरान करीन जागता रवु, आरू स्मरण करू कि हावने तीन साल तक रात दाहडु आसा पाड़ी–पाड़ी, हर एक काजे चितौनी देने नी छुड़ियो।
\p
\v 32 आरू हिमी तुमूक यहोवा–भगवानन आरू तरो फुकट दया चवनक सौप दिदा सी; जो तुमरी बढ़ती कर सकता सी, आरू आखा चुखलो कर्‍या गया मानसी सहभाग हईन विरासत देय सकता सी। 
\v 33 हाव कुदाक चाँदी, या छिन्दरान लालस नी कर्‍या। 
\v 34 तुमू आपसूत् जानो कि यात हात म्हारी आरू म्हार साथियोन जरूरत पूरी करीया। 
\v 35 हावने तुमूक आखो काही करीन देखाड्या, कि इन रीति सी मेहनत करता होया निर्बलोन सम्भालना, आरू पोरबु ईशुन वचन स्मरण राखने पाको सी, कि त्यो आप ही कयो सी: “लेने सी आपने धन्य सी।”
\p
\v 36 यो धरती त्यो मांडा टेकीन आरू तीनुक आखाक साथे प्रार्थना करे। 
\v 37 तव वो आखा घण रोड्या आरू पौलुसन गवाम हाववीन ओको गुवा देने लाग्या। 
\v 38 वो विशेष करीन इन वातन शोक करता हुता, जो त्यो कयी होती तुमू मारे मुय पछो फिरवीन नी देखसी। आरू चे ओको ढोंड्या तक पुगाड़ीया।
\c 21
\s यरूशलेम न यात्रा
\p
\v 1 जव हामु तीनुसी अलग हईन दरियान यात्रा शुरू कर्‍या, तो सुधा वाट्ये सी कोस मा आया, आरू दीसरे दाहड़े रूदेस मा आरू वाँ सी पतरा मा। 
\v 2 आरू एक ढोंड्या फीनीकेन जाता होया मिव्या, आरू हामु ओको पर चढ़ीन उगाड़ दिदा। 
\v 3 जव साइप्रस देखाड़ दिदा, ती हामु ओको जेवड़ा हात सी छुड़ीन जात रीया, आरू सीरियान चालीन सब मा उतरीया; काहकि वाँ ढोंड्यान भार उतारनो होतो। 
\v 4 आरू चाकरीयो क भेळीन हामु वा सात दाहड़ा तक रया। त्या आत्मान सिखाड़ला पौलुस सी कयो कि या यरूशलेम मा पाय नी हावलजी। 
\v 5 जव त्या दाहड़ा पुरा हुय गया; तव हामु ते चाहे सी जात रया; आरू आखा बाई जाती आरू पोर्‍या हावळीन हामुक शहरन बाहर तक पुगाड़ ़िया आरू हामु घुटना टेकीन प्रार्थना करिया। 
\v 6 तव एक दिसरा सी अलग होईन हामु ढोंड्या पर चड़िया, आरू त्या आपसी–आपसी घर जात रया।
\p
\v 7 जव हामु सोर सी पानी पर यात्रा करीन पतुलिमयिस मा पुगिया, आरू भाईस्यो क नमस्कार करीन हेन्दरे साते एक दाहड़ु रया। 
\v 8 \x + \xo 21:8 \xo*\xt प्रेरितन 6:5; 8:5\xt*\x*दिसरे दाहड़े हामु चाहे सी चालीन कैसरिया मा आश, आरू फिलिप्पुस खुश खबर न घर मा जो सात माईन एक हुतो, जाईन हेके या रया। 
\v 9 हेकी चार छल्ली पोराय होती; जी ओगवायती वात करती होती। 
\v 10 जव हामु वा घणा दाहड़ा रया, ती कागळिया अगबुस नावन यहूदि या सी आश। 
\v 11 त्यो हामरे साते आवीन पौलुसन कड़ीया मा बांधने न पट्टु लिदो, आरू आपसा हात पाय बांधीन कयो, “चुखली आत्मा यो कहे, कि जिना मानुस न यो कड़ीया मा बांधनियो पट्टो छे, उको यरूशलेम मा यहूदि इने रीति बांधसे, आरू गैरयहुदी वाळा क हात मा आप देसे।”
\p
\v 12 जव हामु यी वात समळिया, ती हामु आरू वा वाळा लोगहन हेका सी रावन्या करिया, की यरूशलेम मा नी जाजी। 
\v 13 बाकीन पौलुस जवाब दिदो, “तुमु काय कर रिया सी, कि रोड़ी–रोड़ी मारो मन तुड़ रया? हाव ते यरूशलेम मा पोरबु ईशुन नाव जुगु यरूशलेम मा नी बाकीन मरना करीन भी तियार सी।”
\p
\v 14 “जव त्यो नी मानियों ती यो कहवीन हुगा रया गया, पोरबुन मरजी पूरी हुयो।”
\p
\v 15 तिनु दाहड़ान ओळतेन हामु तीयारी करिया आरू यरूशलेम भेणी चाल दिदा। 
\v 16 कैसरियान भी थुड़ाक चाकरीयो हामरे साते आश, आरू मनासोन नावन साइप्रस न एक जुनला चाकरीयो क भी पुठी ली आश, कि हामु हेके या रहजे।
\s पौलुसन याकूब क मेळनो
\p
\v 17 जव हामु यरूशलेम मा पुगिया, तव भाईस घणी खुशी सी हामरो आव भाव करिया। 
\v 18 दिसरे दाहड़े पौलुस हामु काजे लीन याकूबन वा ली गयो, जा सारी घण सवटा डाहडा भेळा हुयला हुता। 
\v 19 तव त्यो हेनको नमस्कार करीन, जो–जो काम यहोवा भगवान हेन्दरी सेवान लारे गैरयहुदी मा करलो होतो, एक–एक करीन देखाड़ियो। 
\v 20 त्या यो समळीन यहोवा–भगवानन महिमा करिया, ओळतेन हेको कयो, “ए भाईस, तु देख रयो, यहूदि या माईन काय असा हजार जना विश्वास करिया; आरू आखा नियमन मा मन लागाड़िया। 
\v 21 आरू हेनको तारा बारा मा सिखाड़ी हावलेदो, कि तु गैरयहुदी मा रहवने वाळा यहूदि याक मूसा सी पुगनेन जाने करीन सिखाडे, आरू यो कहे, नी आपसा पोर्‍या न चामड़ी काटाड़जु आरू नी रीति पर चालु। 
\v 22 ती ओळी काय कोरजे? लोगहन छाचीन समळसी कि तु या आय रयो। 
\v 23 अतरानकरीन जो हामु तुसीक कयजे, त्यो कर, हामरे जुळ चार मानसी सी, ज्या मन्नत मानला सी। 
\v 24 हेनको लीन हेन्दरे साते आपसा काजे चुखो क; आरू हेनको जुग छाचोत् आप, कि त्या मुनको बुड़ावे। तव आखा जान जासी, कि हेनको तारा बारा मा सिकाड़ मैली हेन्दरो थुड़ नी होय बाकिन तु आपसु भी व्यवस्था क मानीन हेको अनसारे चाल रयो। 
\v 25 \x + \xo 21:25 \xo*\xt प्रेरितन 15:29\xt*\x*पुन तिनु गैरयहुदी बारा मा जे विश्वास करला सी, हामू यो विचार करीन लिखीन मुकल्ला सी कि त्या मुरतीया न ओगळ बली करीन चढ़ावला मास सी, आरू लुहूय सी, आरू गलो दड़ेपलान मास सी आरू व्यभिचार सी वाचीन रहजी।”
\p
\v 26 तव पौलुस तिनु लोगहन क लिन, आरू दिसरे दाहड़े हेन्दरे साते चुखो होईन मंदिर मा गयो, आरू वा देखाड़ दिदो, कि त्योखो होईनने दाहड़े, यो कि हेन्दरे माईन आखा जुगु चढ़ावो चढ़ावी जाने तकुन दाहड़ा किही पुरा होयसी।
\s आराधना घर मा पौलुस क धरायनो
\p
\v 27 जव त्या सात दाहड़ा पुरा हुयने वाळा हुता, ती आसिया यहूदि या पौलुस क मंदिर मा देखीन आखा लोगहन क भड़काय दिदा आरू यो आयड़ी–आयड़ीन हेको धर लिदा, 
\v 28 “ए इस्त्राएली, मदत करू; यो त्योत् मानुस सी, जो लोगहन क, आरू व्यवस्थान, आरू इना जागान विरोध मा आखे जागे सिकाड़े या तक कि यूनानिया क भी मंदिर मा लावीन यो इना चुखलो जागा क विटुळ करियो।” 
\v 29 \x + \xo 21:29 \xo*\xt प्रेरितन 20:4\xt*\x*तीनुक ती इनुसी पेहल इफिसुस वासी त्रफिमुस ऐरा गाव मा देख्या हुता, आरू समझता हुता कि पौलुस ओको मंदिर मा ली आश सी।
\p
\v 30 तव सब गाव कोलहल मच गयो, आरू मानसी दोवड़ीन एखठा होया, आरू पौलुसक धरीन मंदिरक बाहरता घीसीन लाया, आरू तत्काल झोपलो बंद कर दिदा। 
\v 31 जव वो ओको मार नाखने जूवता हुता, ती सैन्य दलन सरदारन सन्देश पुग्यो कि सब यरूशलेम मा कोलहल मच रया सी। 
\v 32 तव वो तत्काल सिपाई आरू सूबेदारक लीन इन्दरे साथे नेचा दवड़ीन आश; आरू तीनुक सैल्य दलन सरदरन आरू सिपाईक देखीन पौलुसक मार कुट रूक दिदा। 
\v 33 तव सैन्य दल सरदारन साथे आवीन ओको धर लेदा; आरू दुय जंजीर सी बांधनेन हुकुम आपीन पूछने लाग्या, “यो कुन सी, आरू यो काय कामो सी।” 
\v 34 पुन गर्दी मा कुन काहय आरू कुन काहय आयड़तो रयो जव हुल्लड़न मारो ठिक सची जान सक्या, ती गढ़ मा ली जानेन हुकुम देदी। 
\v 35 जव वो नीसुन पर पुग्या, ती ओसो हुयो कि गर्दीन दबान मार सिपाईक ओको उठाड़ीन ली जानो पड्यो। 
\v 36 काहकि मानसीन गर्दी यी आयड़ीन होयी ओको पछव पड़ी, “उको मार देयों।”
\s पौलुस सताक वाड्यो
\p
\v 37 जव वो पौलुसक गढ़ मा ली जाने पर हुता, ती त्यो सैन्य दलन सरदार सी कयो,
\p “काय मखे हुकुम सी कि हाव तुखे सी काय कयो?” त्यो कयो, “काय तु यूनानी जानता सी?” 
\v 38 काय तु वो मिसरी नी, जो इन दाहड़ा सी पेहल विरोध बनावीन चार हजार हथियार बंद मानसोन जंगल मा ली गया?
\p
\v 39 पौलुस ने कयो, “हाव तो तरसुसन यहूदि मानुस सी! किलिकियान परचार नगरन निवासी सी। आरू हाव तुखे सी रावन्या करतो सी, कि मखे मानसो सी वात करने देवु।”
\p
\v 40 जव त्यो हुकुम देदी, ती पौलुस ने नीसुन पर उभु हईन मानसोन हात सी संकेत कर्‍या। जव वो चुप होय गयो, ती वो इब्रानी भाषा मा बुलने लाग्यो।
\c 22
\p
\v 1 “ए भाईस्यो आरू बासो, म्हारो जवाब समळो, जो हाव हाय तुमरे ओगळ कहवो।” 
\v 2 त्या यो समळीन कि त्यो इब्रानी बुली मा बुले, त्या गुंगा रया। तव त्यो कयो;
\p
\v 3 हाव तो यहूदि छे, जो किलिकिया न तरसुस मा पैदा हुयो; बाकीन इना शहर मा गमलीएल पाय मा बठीन सिकलु छे, आरू डाहडन नियम भी वारू रीति छे सिकाड़ी गयो; आरू यहोवा–भगवान जुगु असो धुन लागाड़लो होतो, जसा तुमू आखा आज लगाड़ला छे। 
\v 4 \x + \xo 22:4 \xo*\xt प्रेरितन 8:3; 26:9-11\xt*\x*हाव ओदमी आरू बाई जात दुयन क बांधीन, आरू जेल खाना मा बंद करियो, इना पंथ क या तक सतायो, कि हेनको माराय भी दिदो। 
\v 5 आखा पुजारा आरू डाहडा गवाय छे; कि हेन्दरे माईन हाव भाईस्यो न नाव पर चीट्ठियाँ लीन दश्मिक मा जातु होतो, कि जो चाहे रये हेनको दण्ड आपाड़ने जुगु बांधीन यरूशलेम मा ली जाम
\s पौलुस क जीवन बदलने क बारा मा देखाड़नो
\r (प्रेरितन 9:1-19; 12–18)
\p
\v 6 जव हाव यात्रा करीन दश्मिक न साते पुगियो, ती असो हुयो कि सीरानन धोड़े वोड़ होतो उचकालुन एक मोतो विजाळो आकाश छे मार चार तरफ चमकियो। 
\v 7 आरू धरती पर पड़ा; आरू यो बुल समळियों, ए शाऊल, ए शाऊल, तु हावखे कहा सतावे? 
\v 8 हाव जवाब देदो, ए पोरबु तु कुन छे? त्यो हावखे कयो, हाव ईशु नासरत छे, जिनाक तु सतावे। 
\v 9 आरू मारा साती विजाळो ते देखिया पर, जो मार सी वात करतो हुतो हेकी ओवाज नी समळिया। 
\v 10 तव हाव कयो, ए पोरबु, हाव काय करो? पोरबु हावखे कयो, उठीन दश्मिक मा जा, आरू जो काय तारे करने जुगु ठहरावलो छे वा तुखे देखाड़ दिस। 
\v 11 जव तिना विजाळान तेज क कारण हावखे देखाय नी पड़ियो, ती हाव म्हार सातीन हात धरीन दश्मिक मा
\p
\v 12 तव हनन्याह नावन नियम कायदान अनसारे एक भगत मानुस होतो, जो चाहे रहवने वाळा आखा यहूदि या मा वारू विजोत वाळो होतो, मार पास आयो, 
\v 13 आरू उबो होईन हावखे कयो, ए भाई शाऊल, पोछो देखने लाग जा। तिनिए टेहाव म्हारा डुळा उगड़ी गया आरू हाव हेकेक देखियों। 
\v 14 तव त्यो कयो, हामरा डाहडन यहोवा–भगवान तुखेएरकरीन ठहरावलो छे कि तु हेकी मरजी क जाने आरू तिना न्यायी काजे देखियों, आरू हेके मुय छे वात समळियो। 
\v 15 काहकि तु हेकी तरफ छे आखा मानसोम तीनि वातन गवाय होइस, जो तु देखियों आरू समळियो। 
\v 16 हाय काय वार करियो? उठ, आरू बपतिस्मा ले, आरू हेको नाव लीन आपसा पापो काजे धुयले।
\s आड़जात मा परचार करने करीन पौलुस क बुलावो
\p
\v 17 जब हाव ओळी यरूशलेम मा आवीन मंदिर मा प्रार्थना कर रया हुता, ती बेहुस होय गयो। 
\v 18 आरू एको देखियों कि हावख कहे, ताचनी करीन यरूशलेम छे उतवाळियों निकळ जा; काहकि त्या मारा बारा मा गवाय नी माने। 
\v 19 हाव कयो, हे पोरबु चाँ ते आपसु जानता छे, कि हाव तुखे पर विश्वास करनेवावा काजे जेल मा नाकता आरू जागे–जागे आराधना घर मा मार खावड़तु होतु। 
\v 20 \x + \xo 22:20 \xo*\xt प्रेरितन 7:58\xt*\x*आरू ज्योत्यार तार गवाय स्तिफनुसन लुहूय यो वयाड़ जाय रयु होतु तव भी हाव चाँ उभु हतु आरू इना वात मा सहमत हतो, आरू ओका घातक क छिंदरा क राखवावी करता हता। 
\v 21 आरू चु मखे कयो, जात रया: काहकि हाव तुखे गैरयहुदीन साथे नाहाव–नाहाव मोकलीह।
\p
\v 22 चाँ ओको वात तक ओको सोमवता रवु; तव ऊंची आवाज मा आयड़्यु, “ओसला मानसोन आखरी करू; ओको धरती पर जीवतलो रयनु वारू नी।” 
\v 23 जव चाँ आयड़ता आरू छिंदरा नाकता आरू हवा मा धरती उड़ावता हुता, 
\v 24 ते सैन्य–दलन सिपायड़ु कयो, “उको गढ़ मा ली जाऊ; आरू कुड़ा दिन जात्यो, कि हाव जानतु कि मानसे कोसला कारण हेका विरोध मा ओसो आयड़ी रयु छे।” 
\v 25 जव त्या हेके साकळिया मा बांधे ते पौलुस हेके सिपायड़ा त्यो हेकोन साथे उभु होतु कयो, “काय यो वारू छे, कि तुमू एक रोमि मानसो काजे, आरू त्यो भी बिना दोषी लागाड़ कुड़ा देवु?”
\p
\v 26 सिपायड़ा यो सोमवीन सैन्य–दलन मुखियान जु जाईन कयो, “तु या काय करतु छे? यु ते रोमि मानसु छे।”
\p
\v 27 तव सैन्य–दलन सिपायड़ु हेके जु आवीन कयो, “मखे कय, काय तु रोमि छे?” हेके कयो, “होव।”
\p
\v 28 यो समवीन सैना–दलन सिपायड़ो कयो, “हाव रोमि होयनेन पद वारू पयस्या आपीन–सापीन लेदलो छे।”
\p पौलुस कयो, “हाव ते पैदावारी सी रोमि छे।”
\p
\v 29 तव जो लोगहन हेके पुछनेवाळा हुता, त्या तत्काळ हेके साते छे छेटा होय गया; आरू सैना नायक भी यो जानीन कि पौलुस रोमि छे, आरू त्यो हेको बांधलो बीह गयों।
\s मोटली मिटिंगन सामने पौलुस
\p
\v 30 दिसरे दाहड़े सैना नायक त्यो वारू रीति जाननेन मरजी छे कि यहूदि हेका पर कहा दोष लागाड़ ़े, हेरेन करीन पौलुसन बन्धन खुल दिदो; आरू डाहला पुजारा आरू आखी मोटली मिटिंग क एखटी होईनेन हुकुम दिदो, आरू पौलुस क नेचा ली जाईन हेन्दरे सामने उबो कर दिदो।
\c 23
\p
\v 1 पौलुस ने महासभान चा रयन टकटकी लागाड़ीन देख, आरू कहा, हे भाईस्यो, हावने आज तक यहोवा–भगवानन खरी विवेक छाचाय सी जीवन जीवतो रयो सी। 
\v 2 इनी वात पर हनन्याह डाहला पुजारा, तिनुक जो तेरे साथे उबा होतो, पौलुसन गाल पर थापुड़ देनेन हुकुम दिदो। 
\v 3 \x + \xo 23:3 \xo*\xt मत्ती 23:27,28\xt*\x*तव पौलुस ने ओको कयो, ए निवाड़ा पुतायला भीतड़ा, यहोवा–भगवान तुखे देसी। तु व्यवस्थान अनसारे मारो नियाव करने करीन बठ्य सी, आरू तु व्यवस्थान विरोध मखे मारनेन हुकुम आपीस काय?
\p
\v 4 जे साथे उबा हुता चे पौलुसक कयो, “काय यहोवा–भगवानन पुजारान बुर भला कोवतो सी?”
\p
\v 5 पौलुस ने कयो, “हे भाईस्यो, हाव नी जानता हुता, कि यो पुजारू सी; काहकि शास्त्र मा लिख्यो सी, आपसा मानसोन प्रधानन बुर नी कोवे।”
\p
\v 6 \x + \xo 23:6 \xo*\xt प्रेरितन 26:5; फिलिप्पियो 3:5\xt*\x*तव पौलुस ने यो जानीन, एक दल सदूकियो आरू दिसरा फरीसियोन सी, महासभा मा आयड़ीन कयो, “हे भाईस्यो, हाव फरीसी आरू फरीसियोन अवलियाद सी, मरलान आश आरू पछो जीवन उठनेन विषय मा मारो मुकद्दमा होय रयो सी।”
\p
\v 7 जव त्यो यी वात कयी ती फरीसियो आरू सदूकियो मा झगड़ो हुयने लाग्या; आरू सभा मा फूट पड़ गयी। 
\v 8 \x + \xo 23:8 \xo*\xt मत्ती 22:23; मरकुस 12:18; लूका 20:27\xt*\x*काहकि सदूकियो ती यो कोवता सी, कि पछो जीव उठनो सी, नी सोरगदूत होय, आरू नी आत्मा सी; पुन फरीसि आखाक मानता सी। 
\v 9 तव मोटो हल्ला मचाड़ीयो आरू काही मूसान नियम सिकाड़ने वावा जो फरीसियोन दलन होतो, उठीन यो कोवीन झगड़ो लाग्यो, “हामु इन मानसोन काही बुराई नी देखता; आरू यदि काही आत्मा या सोरगदूत तीनाक बुल्यो सी ती पछु काय?”
\p
\v 10 जव घण झगड़ो हुयो, ती सैन्य दलन सरदार ने इन घाबराय सी कि वो पौलुसन टुकड़ा–टुकड़ा नी कर नाख्य, सैन्य दलन हुकुम देदी कि उतरीन ऐरो तींदरा वीच मा सी जबरजस्ती निकावु, आरू गढ़ मा ली आवु।
\p
\v 11 तीनेत राती पोरबु ने तेरे साथे आवी उबो हईन कयो, हे पौलुस, गोम राख्य; काहकि जोसी तु यरूशलेम मा मारी गवाय देदी, वोसी ही तुखे रोम मा भी गवा देनो पड़सी।
\s पौलुस क मारनेन योजना बनावनो
\p
\v 12 जव दिसरो दाहड़ु हुयो, ती यहूदि यो ने एक मन होईन, आरू शपथ खादी कि जव तक हामु पौलुसक मारीन नाखने, यदि हामु खाजे या पीजे ती हामु पर धिक्‍कार। 
\v 13 जे यी शपथ खादी होती, वो चावीस जन सी सवटो हुता। 
\v 14 चे प्रधान याजक आरू डाहडा साथे आवीन कयो, “हामु यो ठान्या सी कि जव तक पौलुसन मारीन नी नाख्यजे, तव तक हामु नी खाजे नी पीजे। 
\v 15 अतरान करीन हिमी महासभा सहावत सैन्य दलन सरदारन समझाडु कि ओको तुमरे साथे ली आश मानु कि तुमू तेरे विषय मा आरू भी ठीक सी हेर करनो जूवे होय, आरू हामु तेरो पुगने सी पेहल ही ओको मार नाखनेन करीन तीयार रोवसी।”
\p
\v 16 आरू पौलुसन बहिनीसन पोर्‍यो सोमव्या कि वो ओको मारने केड़ु होय रया घात मा सी, ती गढ़ मा जाईन पौलुसक सन्देश दिदा। 
\v 17 पौलुस ने सूबेदरो मा सी एकाक आपने साथे बुलावीन कयो, “इन जवान सैन्य दलन सरदारन साथे ली जावु, यो ओका सी काही कोवनो जूवता सी।” 
\v 18 शेवली कावा चु तीनाक सैन्य दलन सरदारन साथे ली जाईन कयो, “बन्दी पौलुस ने मखे बुलावीन रावन्या करी, यो जवान सैन्य दलन सरदार सी काही कोवनो जूवता सी; इनाक अतरान करीन साथे ली जाय।”
\p
\v 19 सैन्य दलन सरदार ने ऐरो हात धरीन, ओको अलग ली जाईन पूछा, “तु मुखसी काय कोवनो जूवता सी।”
\p
\v 20 त्यो कयो, “यहूदि यो ने एक कयो सी, कि तुखे सी रावन्या करो कि काल पौलुसन महासभा मा लाया, मान तु आरू ठीक सी ओकी हेर करने जूवता सी। 
\v 21 पुन इन्दरी नी मानोन, काहकि इनुमा सी चावीसन ऊपर मानसी ओकी घात मा सी, जे यो ठान लेदा सी कि जव तक वो पौलुसक नी मारे, तव तक नी खासी आरू नी पीसी, आरू हिमी वो तीयार सी आरू तारा वचन क वाट जुव रया सी।”
\p
\v 22 तव सैन्य दलन सरदर ने जवानक यो निर्देश आपीन विदा कर्‍या, “काही सी नी कोवने कि तु मखे यी वात देखाड़ी सी।”
\s पौलुसन फेलिक्सन वा मुकलेनो
\p
\v 23 त्यो बाद दुय सूबेदारक बुलावीन कयो, “दुय सौव सिपाई, सत्तर घुड़ सवार, आरू दुय सौव भालावाळा कैसरिया जाने करीन तीयार कर राख, तु रातीन तीसरे पहर निकवने। 
\v 24 आरू पौलुसन सवारीन करीन घुल्ला तीयार राखु कि ओको फेलिक्स मंत्री साथे वाचाड़ीन पुगाड़ दे।” 
\v 25 त्यो इन प्रकार चिठ्ठी भी लिखी।
\p
\v 26 महाप्रतापी फेलिक्स राज्यपालन क्लौदियुस लुसियासन नमस्कार। 
\v 27 यो मानसोन यहूदि यो ने धरीन मार नाखने जूवे, पुन जव हावने जाने कि वो रोमि सी, ती सैन्य दल लीन छुड़ाय लेदा। 
\v 28 आरू हाव जानो जूवतो होतो, कि वो ओको पर काय कारण दोष लागतो सी, अतरान करीन ओको तीन्दरी महासभा मा ली गया। 
\v 29 तव हाव जान लेदु, कि वो आपसी व्यवस्थान करीन विवादन विषय मा ओको पर दोष लागड़ता सी, पुन मार नाखने या बांधने जुगु हेका मा काय दोष नी। 
\v 30 आरू जव हावखे देखाड़ीयों, कि त्या इना मानसोन घात मा लाग्या सी ती हाव उको छाटलोत् तारे साथे मुकली दिदा; आरू मुद्दयोन भी हुकुम देदी, कि तारे सामने ओको पर ओराप लगाड़यो।
\p
\v 31 शेवली कावा जोसा सिपाईन हुकुम देदी गयी होती, वोसो ही पौलुसन लीन राती–राती अन्तिपत्रिस मा लाया। 
\v 32 दिसरे दाहड़े चे सवारन तेरे साथे जाने करीन छुड़ीन आप गढ़ पर गया। 
\v 33 चे कैसरिया मा पुगीन राज्यपालन चिठ्ठी आपी पौलुसक भी तीना सामने उबो कर्‍या। 
\v 34 भनीन पुछियो, यो काहना प्रदेशन सी? किलिकिया। 
\v 35 आरू जव जान लेदा कि किलिकियान सी; ती त्यो कयो, जव तारे मुद्दई भी आवसे, पाहरा मा राखनेन हुकुम देदी।
\c 24
\s पौलुस क विरोध कारवाही
\p
\v 1 पाच दाहड़ा बाद हनन्याह डाहलो पुजारो कयी डाहडा आरू तिरतुल्लुस नावन काही वकीलन साथे लीन आश; चे राज्यपालन सामने पौलुस पर दोषारोपण कर्‍या। 
\v 2 जव वो बुलाया गया ती तिरतुल्लुस ओको पर दोष लागाड़ीन कुशल हुयसे छे; आरू तारो तयारी छे इन जातिन करीन कोतरी बुराई सुजागा जाती छे। 
\v 3 ओको हामु हर धरतीम आरू हर प्रकार छे धन्यावद साथे मानता छे। 
\v 4 पुन अतरान करीन कि तुखे आरू दुःख नी देने जूवता, हाव तुखे छे रावन्या करता छे, कि दया करीन हामरी दुय एक वात सोमवी लेवु। 
\v 5 काहकि हामु इन मानसोन झगड़ो करवानो आरू कोळ सब यहूदि यो मा बलवा करावनेवाळा, आरू नासरयोन गलत वाट्ये मुखी देख्या छे। 
\v 6 त्यो मंदिरक विटळ करनो जूवे, आरू तव हामु ओको बन्दी बनाय लेदा। हामु ओको आपसी व्यवस्था लारे दण्ड देता हुता। 
\v 7 पुन सैन्य दलन सरदार लूसियास ने आवीन ओको बलपूर्वक आमरो हातम रयन हापकी लेदा। 
\v 8 आरू इनु पर दोष लागाड़ने वावान तारे सामने आवनेन हुकुम देदी। इन आखा वातन ओका विषय मा हामु ओको पर दोष लागाड़ता सी, आपसूत् तीनाक हेर करीन जान लेसे। 
\v 9 यहूदि या लोगहन भी तेरे साथे आवीन कयो, यी वात हेर बारा सची छे।
\s फिलिप्पुसन सामने पौलुस क वचन
\p
\v 10 जव राज्यपाल ने पौलुसक बुलनेन करीन संकेत कर्‍या ती त्यो जवाब दिदो:
\p “यो जानीन कि तु घण साल इन जातिन न्याय करता छे, खुशी छे आपनो जवाब देतो” छे। 
\v 11 तु आप जान सकतु छे, कि जव रईन हाव यरूशलेम मा आराधना करनेन आयो, मखे बारा दाहड़ा छे ऊपर नी हुयो। 
\v 12 चे मखे नी मंदिर मा नी आराधना घर मा, नी नगर मा काही सी विवाद करता या गर्दी लागाड़ता देख्या। 
\v 13 आरू नी तो वो इन वातन, जिन्दरो वो हिमी मखे पर दोष लागाड़ता छे, तारे सामने सच साबित कर सकता छे। 
\v 14 पुन हाव तारे सामने यो मान लेता छे कि जिनी वाट क कुपन्थ कोवता छे, तिनीत रीति छे पर हाव आपसा बास दादान यहोवा–भगवानन सेवा करता छे; आरू जी वात व्यवस्था आरू कागळीयान किताब मा लिख्यो छे, इन आखा पर विश्वास करतो छे। 
\v 15 आरू यहोवा–भगवान छे आश राखतो छे जो वो तु भी राखतो छे, कि न्यायी आरू अन्यायी दुयन जीव उठने होयछे। 
\v 16 ओका सी मा तु भी यत्न करता छे कि यहोवा–भगवानन, आरू मानसोन चा रयन मारो विवेक सदा निर्दोष रोवे।
\p
\v 17 \x + \xo 24:17 \xo*\xt प्रेरितन 21:17-28\xt*\x*घण सालन बाद हाव आपसा मानसोन दान पुगाड़ ने, आरू भेंट चढ़ावने आश हुता। 
\v 18 चे मखे मंदिरक चुखो दशा मा बिना गर्दीन साथे, आरू बिना दंगा करता होया भेंट चढ़ावता देख्या हाव, आसिया कयी यहूदि हुता उन क वारू हुता। 
\v 19 आसिया नगरन काही यहूदि चाँ आया हुता; हिनुक खुद क भी आपने सामने आवु जुवे आरू मार विरोध काहय हुयो ते आपसा गुणाह क काजे लागु करनो जुवसे। 
\v 20 या यो तु कयो कि जव हाव महासभान सामने उबा हुता, तो चे ती चे मखे मा काहनो गुणेहगार देख्या? 
\v 21 \x + \xo 24:21 \xo*\xt प्रेरितन 23:6\xt*\x*इन एक वातक छुड़ीन जी हाव ने इन्दरे विच मा उबो हईन आयड़ीन कयी होती: हुयो कि जीव उठनेन विषय मा आज मारो तुमरे सामने मुकद्दमा होय रया सी।
\p
\v 22 फेलिक्स ने, जो इन पंथन वात ठीक–ठीक जानता हुता, तीनुक यो धरती टाव दिदा, “जव पलटन क सरदार लुसियासन आवसे, ती तुमरी वातन निर्णय करसे।” 
\v 23 आरू सूबेदारन हुकुम देदी कि पौलुसन काही छुट मा राखीन राखवावी करनो, आरू अतरान करीन दोस्ता मा छे काहीक भी चाखरी करने छे नी रूकने।
\s फेलिक्स आरू द्रूसिल्लान सम्मुख पौलुस
\p
\v 24 काही दाहड़ान बाद फेलिक्स हेकी बायर द्रुसिल्ला क जी यहूदि नी होती, साथे ली आश आरू पौलुसक बुलावीन तीना विश्वासन विषय मा जो मसीह ईशु पर छे, तेरे चा रयन सोमव्या। 
\v 25 जव वो न्यायपन आरू संयम आरू आवनेवाळो न्यायन चर्चा कर रया हुता, ती फेलिक्स ने भयभीत हईन जवाब दिदा, हिमी तो जा; देखीन हाव तुखे पछो बुलावीस। 
\v 26 ओको पौलुस छे काही धन मिवछे ती भी आश होती; अतरान करीन आरू भी बुलावी बुलावीन तीना सी वात कर्‍या करता हुता।
\p
\v 27 पुन जव दुय साल वीत गया ती पुरकियुस, फेलिक्सन धरती पर आश, आरू फेलिक्स यहूदि योन खुश करनेन मरजी सी पौलुसन बन्दी ही छुड़ दिदा।
\c 25
\s कैसर सी पौलुसन विनती
\p
\v 1 फेस्तुस तिना प्रांतन ना पुगीन तीन दाहड़ा बाद कैसरिया सी यरूशलेम मा गयों। 
\v 2 तव डाहला पुजारू आरू यहूदि यान खास लोगहन हेके ओगळ पौलुस पर दोषारोपण करियो; 
\v 3 आरू उको रावन्या करीन हेका विरोध मा यो चाहयो कि त्यो हेके यरूशलेम मा बुलावे, काहकि त्या हेको वाटे मार देनेन करीन करता हुता। 
\v 4 फेस्तुस जवाब दिदो, पौलुस कैसरिया मा कैद छे, आरू हाव भी छाटलो वा आवीस। 
\v 5 ओळी कयो, “तुमू छे जो हक राखे त्यो पुठी आवे, आरू यो मानुस काहय गलत काम करलो होय, ती दोष लागाड़ ़े।”
\p
\v 6 हेन्दरे वीच मा काय आगठा दस दाहड़ा रहवीन त्यो कैसरिया गयो; आरू दिसरे दाहड़े नियावन गाद्दी पर बठीन पौलुस क लावनेन हुकुम दिदो। 
\v 7 जव त्यो आयो, ती जो यहूदि यरूशलेम मा आश हुता, त्या आस पास उबा होईन हेका पर घण वातड़ो दोष लागड़िया जिनाक पुरावु त्या नी आप सकतला। 
\v 8 बाकीन पौलुस जवाब दिदो, “हाव नी ते यहूदि यान न व्यवस्थान आरू नी मंदिरन, आरू नी कैसरन विरोध मा काहय गुणेहगार करियो।”
\p
\v 9 तव फेस्तुस यहूदि याक खुश करनेन मरजी पौलुसक जवाब दिदो, काय तु चाहे कि यरूशलेम मा जाजे; आरू वा मारे सामने तारो यो मुकद्दमा तियार करीयो जाय?
\p
\v 10 पौलुस कयो, “हाव कैसरन नियाव नी गाद्दी सामनेत उबो छव; मारा मुकदमो यात होयनो चाहया। जोसो तु वा रीति जाने, यहूदि यान हाव काय अन्याय करियो। 
\v 11 कदाम हाव अन्यायी छे आरू मारने जुगु काहय काम कर्‍या छे, ती मरना छे नी वसरतु; पुन जिन वातन या मार पर दोष लगाड़ता छे, कदाम हीनी माईन कोय वात सच नी ठरसे, ते कोय मखे ओको हाथ मा नी सौप सकता। हाव कैसर क दोहाई देतु छे।”
\p
\v 12 तव फेस्तुस ने मंत्रियान मिटिनन साथ मा विचार करीन जवाब दिया, “तु कैसर गवाय दीया की तु कैसरन पास जाछे।”
\s बिरनीके आरू अगरीपा क सामने पौलुस
\p
\v 13 इतराक दाहड़ा वीतने बाद मा अगरीपा राजा आरू बिरनीके कैसरिया मा आवीन फेस्तुस साढ़े हावव्‍यु। 
\v 14 उको घण सवटा दाहड़ा चाँ रवनेन बाद मा फेस्तुस ने पौलुसन बारा मा राजा काजे कयो की एक मानुस छे तीनाक फेलिक्स मा बंद करीन छुड़ गया। 
\v 15 तव हाव यरूशलेम मा हुतो तो प्रधान पुजारा आरू यहूदि योन पेहला ओका पर दोषारोपन करीया आरू चाहे की तीना पर दण्डन हुकुम दिया। 
\v 16 पासी की हाव उको उतर दियौ की रोमियोन ने चि रीति नी होति कि कूदा मानशक काजे दण्डन करता सौप देय तव गुणेगार काजे दोष लागावने वावान सामने उबू रवीन दोषन जवाब देनेन मोकु नी मिव्‍यु। 
\v 17 बैस सालन बाद हाव आपसा मानसो काजे दान पुगावने, आरू भेंट चढ़ावने काजे आयु होतु। 
\v 18 जव ओको मुद्दई उबा होया, ते चाँ ओसली बुन्डी वात काजे दोष नी लागावड़ा, जोसो हाव समझता हुता। 
\v 19 पुन आपसा रीतिन, आरू ईशु नावन कोय मानसोन विषय मा जु मर गयु होतु, आरू पौलुस ओका सी जीवतु कयतु सी, विवाद कयता। 
\v 20 आरू हाव उलझन मा होतु, कि इन वातन पत्तु कोसो लागाड़ो? एरकरीन हाव ओका सी पुछियो, काय तु यरूशलेम जाछे, कि चाँ इन वातन फेसलु हुयो? 
\v 21 “पुन जव पौलुस विनता देदु, कि मार मुकद्मान फैसलु महाराजाधिराजन या हुयो; ते हाव हुकुम देदु, कि जव तव उका कैसरन जु मा मोकल्यु, ओको राखवावी करती जाए।” 
\v 22 तव अगरीपा फेस्तुस काजे कयो, “हाव भी मानसोन सोमवने चाहतु छे। फेस्तुस जवाब दियो तु काल सोमवी लेजी।”
\p
\v 23 शेवली कावा दिसरे दाहाड़े, जव अगरीपा आरू बिरनीके मोटली धुमधाम रईन आवीन सैन्य–दलन सरदारो आरू गाँवन मुखिया लोगहन सभा दरबार मा पुगता। तव फेस्तुस हुकुम देदु, कि चाँ पौलुस काजे ली आवे। 
\v 24 फेस्तुस कयो, “राजा अगरीपा, आरू छे सब मानसो या हामरे साथे छे, तु इन मानसो काजे देखतु छे, जिनान विषय मा सब यहूदि यरूशलेमा आरू या आयड़ीन–आयड़ीन मखे विनती की, कि ओको जीवतलो रवनु वारू नी। 
\v 25 पुन हाव जान लेदु कि त्यो ओसो काहय नी कर्‍यु कि मार नाखे जाए; आरू जव त्यो आपसु राजाधिराज की विनता देदी, ते तीनाक मोकलनेन फेसलु कर्‍यु। 
\v 26 पुन हाव तेर विषय मा काहनी वारू वात नी देख्यु कि महाराजाधिराज काजे लिखे, एरकरीन हाव तीनाक तुमरे सामने आरू विशेष करीन हे राजा अगरीपा तार सामने लायु छे, कि पारखनेन बाद मखे काहय लिखने काजे जुड़यो। 
\v 27 काहकि बन्दी काजे मोकलनु आरू जा दोष तिना पर लागाड़ला गया, तिनुक नी कयनो, मखे व्यर्थ समझनो पड़तो सी।”
\c 26
\s अगरीपा न सामने पौलुसन स्पष्टीकरण
\p
\v 1 अगरीपा राजा पौलुस सी कयो, “तुखे थारा बारा मा बुलनेन छुट छे।” तव पौलुस आपसो हाथ अगो करीन जवाब देने लाग्यो,
\p
\v 2 “हे राजा अगरीपा! जीतरी वातन यहूदि मखे पर दोष लागाड़ता छे, आज तार सामने तीनाक जवाब देने मा हाव खुद काजे धन्य समझतु छे” 
\v 3 विशेष करीन एरकरीन कि यहूदि योन सब रीति आरू विवाद काजे जानता छे। शेवली कावा हाव रावन्या करतु छे, भागे रईन मारी सोमवी ले। 
\v 4 जोसो मारो चाल–चलन सोरवाती रईन आपसी जातीन वीच मा आरू यरूशलेम मा जोसु हुता, यो सब यहूदि जानता छे। 
\v 5 \x + \xo 26:5 \xo*\xt प्रेरितन 23:6; फिलिप्पियो 3:5\xt*\x*चाँ यदि गवाय देने चाहता छे, ते सोरवात रईन मखे वोकतु छे, कि हाव फरीसि होईन आपसा न्यायन सबन सच पंथन लारे चाल। 
\v 6 आरू हिमी तीन प्रतिज्ञान आश क कारण जो यहोवा–भगवान हामरा डाया करला हुता, मखे पर मुकद्मा चाल रयु सी। 
\v 7 तीन प्रतिज्ञान पुरो होयनेन आश लगाड़ता, हामरा बारा ओवळियाद आपसा सब मन छे रात–दाहाड़े यहोवा–भगवानन सेवा करता आश छे। हे राजा, इन आश विषय मा यहूदि मखे पर दोष लागाड़ता छे। 
\v 8 जव कि यहोवा–भगवान मरला काजे जीवाड़तु सी, ते तुमरे या यी वात काँ विश्वासन योग्य नी समझी जाती?
\p
\v 9 \x + \xo 26:9 \xo*\xt प्रेरितन 8:3; 22:4,5\xt*\x*हाव भी समझु होतु कि ईशु नासरतन नावन विरोध मा मखे घण काहय करनो जुवे। 
\v 10 आरू हाव यरूशलेम मा ओसोज कर्‍या; आरू प्रधान पुजारा रईन हक लिन घण चुखलो मानसो काजे जेल मा नाख्या, आरू जव चाँ मार नाख्या जाता हुता, ते हाव भी ओको विरोध मा आपसी सहमती देतु होतु। 
\v 11 आरू हर आराधना घर मा हाव हेके ताड़ना आपी–आपीन ईशुन निन्दा करवाता था, या तक कि रीश लागने सी ओसो गांडो होय गयो कि बाहरन गाव मा भी जाईन हेके सतावतु होतु।
\s पौलुस ओका जीवन कसो बदलियो यो देखाड़े
\p
\v 12 इन धुन मा जब हाव प्रधान पुजारा रईन हक आरू हुकुम–पत्री लिन दश्मिक काजे जाय रयु होतु; 
\v 13 ते हे राजा, वाट मा सिरान परन टेहाव वादवा पर रईन सोर्‍यन तेज रईन भी बढ़ीन एक ज्योति, आपने तरफ आरू आपने साथे चालनेवालान चारो तरफ चमकती हुई देखाई। 
\v 14 आरू जव हामु सब धरती पर पड़ गया, ते हाव इब्रानी भाषा मा, मखे कहवतला यी वाणी सोमव्यु, “ए शाऊल, ए शाऊल, तु मखे काह सतावे? तिखला पर लात देनु तार करता वातड़ो छे।” 
\v 15 हाव कयो, हे पोरबु, तु कुन छे? पोरबु कयो, हाव ईशु छे, जीनाक तु सतावतु छे। 
\v 16 पुन तु उठ, आपसा पायो पर उभु होय; काहकि हाव ने तुखे एरकरीन दर्शन दिदा छे कि तुखे इन वातन भी सेवक आरू गवाय ठहरावु, जो तु देखलु छे, आरू तिनरो भी जीनान करता हाव तुखे दर्शन आपी। 
\v 17 आरू हाव तार मानसो काजे आरू गैरयहुदी रईन बचाडतु रयु, जिनान जु हाव हिमी तुखे एरकरीन मोकलतु छे। 
\v 18 “कि तु इन्दरा डुवा खुले, कि चाँ आंधारला रईन ज्योतिन तरफ, आरू शैतान क हक रईन यहोवा–भगवानन तरफ पछु कि पापोन माफी, आरू इन मानुस न साथे जा म्हार पर विश्वास करने सी चुखा हुयला छे, विरासत जड़से।”
\s पौलुस ओका काम क देखाड़े
\p
\v 19 पुन: ए राजा अगरीपा, तीनु सोरगदूतन दर्शनन वात नी टाली, 
\v 20 \x + \xo 26:20 \xo*\xt प्रेरितन 9:20,28,29\xt*\x*पुन पेहल दश्मिक क, पछु यरूशलेम क रहनेवाला क, तव यहूदि या क सब देश हाव काजे, तव यहुदियान सब आरू गैरयहुदी यो क समझाता रहा, कि मन फिरावो आरू यहोवा–भगवान की आरू पछतावो करीन मन फिराव योग्य काम करो। 
\v 21 इन वात न कारण यहूदि मखे मंदिर मा धरिन लिजाईन मार नाखनेन कोशिष करता हुता। 
\v 22 बाकीन यहोवा–भगवानन मदत छे हाव आज तक बवनु छे आरू नानला मोटा सबन गवाय देतु छे, आरू इन वात छुड़ आरू काहय नी कयतु, जु भविष्यवक्ता आरू मूसु भी कयो कि होयनेवावी छे, 
\v 23 \x + \xo 26:23 \xo*\xt 1 कुरन्थियो 15:20\xt*\x*कि मसीह काजे दुःख उठावनो पड़सी, आरू त्यो सब रईन पेहल मरलाम रईन जीव उठीन, हामरा मानसो मा आरू गैरयहुदी मा ज्योतिन खबर करसी।
\p
\v 24 जव चाँ इन रीति रईन जवाब आप रयु होतु, ते फेस्तुस जो सी ओवाज छे कयो, “हे पौलुस, तु गांडवाय गयों काय। सवटी अकाल तुखे गांडवाड़ देदी।”
\p
\v 25 पुन पौलुस कयो, “हे महाप्रतापी फेस्तुस, हाव पागल नी, पुन सच्चाई आरू ओकलन वात कयतु छे। 
\v 26 राजा भी जिनान सामने हाव निसर होईन बुल रयु छे, यी वात जानतु छे, आरू मखे विश्वास छे, कि इन वात मा रईन कोय तीनाक लिकाई नी, काहकि चाँ घटना ते कुना मा नी होई। 
\v 27 हे राजा अगरीपा, काय तु भविष्यवक्तान विश्वास करतु छे? होव, हाव जातु छे, कि तु विश्वास करे।”
\p
\v 28 तव अगरीपा राजा पौलुस सी कयो, “काय तु थुड़क समझाड़ने सी तु मखे मसीह बनाय दीस?”
\p
\v 29 पौलुस जवाब देधो, कम टेम मा चाहे जादा टेम मा “यहोवा–भगवान छे मारी यी प्रार्थना छे कि निस्तु तुत् नी बाकीन या आखा भी जे आज मखे समळी रया तसात् इनु म्हारा साकळियान काजे छुड़ीन।”
\p
\v 30 तव राजा आरू राज्यपाल आरू बिरनीके साथे बठनेवावा उभरय गया; 
\v 31 आरू अलग जाईन आपसु कयनो लाग्या, “यो मानुस ओसो ते काहय नी करे, जो मोतन–सजिया या जेल मा नाखनेन जुगु सी।” 
\v 32 अगरीपा फेस्तुस काजे कयो, “कदाम यो मानुस कैसर सी विनता नी करतो ती छुट जातु। विनता नी देतु, ते छुट सकतु होतु।”
\c 27
\s पौलुसन रोम मुकलने
\p
\v 1 जव यु विचार बन गयों कि हामु ढोंड्यान लारे इटली जाजे, ती चे पौलुस आरू काही दिसरा कैदड़ान क भी यूलियुस नावन औगुस्तुसन सैनान एक सूबेदारन हात मा सौप दिदा। 
\v 2 अद्रमुत्तियुमन एक ढोंड्या पर जो आसियान धोड़ेन धरती मा जाने पर हुता, चढ़ीन हामु ओको छुड़ दिदा, आरू अरिस्तर्खुसक नावन थिस्सलुनीके एक मकिदुनिया हामरे साथे हुता। 
\v 3 दिसरे दाहड़े सीदोन मा लंगर न्हाखीन आरू यूलियुस ने पौलुस पर किरपा करीन उको दुसतीदार क वा जाने दिदो कि ओकी पाहंनतराय करे। 
\v 4 वाँ सी ढोंड्या उगाड़ हवा विरोध होयनेन कारण हामु साइप्रस न आड़ हईन चाले। 
\v 5 आरू किलिकिया आरू पंफूलिया निकटन दरिया मा हईन लूसिया न मूरा मा उतरीया। 
\v 6 वाँ सूबेदारन अलेक्जेन्द्रिया एक ढोंड्या इटली जाता होया मिव्या, आरू त्यो हामुक तीना पर चढ़ाय दिदा।
\p
\v 7 जव हामु घण दाहड़ा तक धीरा–धीरा चालीन जसा तसा कनिदुसक सामने पुग्या, तो अतरान करीन कि वाहवो हामुक ओगळ जाने नी देती होती, हामु सलमोने सी हईन क्रेतेन आड़ मा चाले। 
\v 8 आरू तीनान धोड़े–धोड़े कठिनता छे चालीन शुभलंगरबारी नावन एक धरतीम पुग्या, वा छे लसैया नगर निकट हुता।
\p
\v 9 जव घण दाहड़ा वीत गया, आरू जलयात्रा मा जोखिम अतरान करीन होयती होती कि उपवासन दाहड़ा हिमी वीत त्योक्या हुता, तो पौलुस ने तीनान धरती चेतावनी देदी। 
\v 10 पुन सज्जनो, मखे ओसो जान पड़ता छे कि इन यात्रा मा विपत्ति घण हानि, केवल माल आरू ढोंड्यान वरना हामरा जीवन भी होयनेवावी छे। 
\v 11 पुन सूबेदार ने अगळवानिया आरू ढोंड्यान भगवानन बातन पौलुस छे बढ़ीन मान्यो। 
\v 12 वो बन्दरगाह जाड़े काटनेन करीन वारलो नी होतो; अतरान करीन आखान विचार हुयो कि वाँ छे ढोंड्या उगाड़ यदि काही रीति छे होय सके तो फीनक्स मा पुग्या जाड़े काटे। यो तो क्रेतेन एक बन्दरगाह छे जो दक्षिण पश्चिम आरू जवाब पश्चिमन चा रयन खुलतो छे।
\s दरिया मा तुफान
\p
\v 13 जव दक्षिण वाहवो पुगनेन लागी, ती चे सोचिया कि चे जेरी जरूरत होती वो तींदरा साथे होती, लंगर झेलीया आरू धोड़े–धोड़े, दरिया तटन साथे क्रेते चाल दिदा। 
\v 14 पुन थुड़ी देर मा खेतन चा रयन एक मोटी आंझी आवी, जो युरकुलीन कोवायती छे। 
\v 15 जव आंझी ढोंड्या पर लागी, तव वो वाहवान सामने ठराय नी सक्या, हामु तीना बहनीन दिदा, आरू इनी तरह उहतो हुयो चाल गया। 
\v 16 तव कौदा नावन एक नानो छे टापून आड़ मा आड़ उहवतो–उहवतो हामु कठिनता छे डोगीन वश मा कर सक्या। 
\v 17 पछु मेलिया ने उठाड़ीन, काहय करीन उपाय करीन ढोंड्यान नेचा सी बांधिया, आरू सुरतिस रेत पर टिक जानेन भय सी पाव आरू सामान उतारीन उहवतो हुयो चाल गयो। 
\v 18 आरू जव हामु आंझी सी घोणा हिचकोले आरू धक्‍के खाय, तो दीसर दाहड़ा वो ढोंड्यान माल नाखेने लाग्या। 
\v 19 आरू तीसरे दाहड़ा चे आपसा हात सी ढोंड्यान साज सामान भी नाख दिदा। 
\v 20 आरू जव घण दाहड़ा तक नी सोर्‍य नी तारे देखाय दिदा, आरू मोटी आंझी चाल रयी होती ती आखरी मा हामरे वाचनेन सब आशा जात रयी। \fig वादुड़मा ढोंड्यो डुब गयो|alt="Ship being wrecked in a storm" src="lb00219c।tif" size="col" copy="Horace Knowles ©" ref="27:18"\fig*
\p
\v 21 जव वो घण दाहड़ा तक भुकला रया त्योके, ती पौलुस इन्दरे वीच मा उबो हईन कयो, “हे मानसोन जूवे होतो कि तुमू मारी वात मानीन, क्रेते छे नी ढोंड्या उगाड़ता आरू नी यो विपत्ति आवती आरू नी यो हानि झेलतो रये।” 
\v 22 पुन हिमी हाव तुमूक समझाता छे कि हिमत बांधो, काहकि तुमू मा छे कुदाक जीव क हानि नी होछे, पर केवल ढोंड्या करी। 
\v 23 काहकि यहोवा–भगवान जेरो हाव छे, आरू जिन्दरी सेवा करता छे, ऐरा सोरगदूत ने आज रात मारे साथे आवीन कयो। 
\v 24 हे पौलुस, “मा बिहे! तुखे कैसरन सामने उबो होयनो पाको सी। देख, यहोवा–भगवान सबक जा तारे साथे जत्रा करता छे, तुखे देदो छे।” 
\v 25 अतरान करीन, हे सज्जनो, ढाढ़स बांधो; काहकि हाव यहोवा–भगवान पर विश्वास करता सी, कि जोसो हावखेसी कयो, कि जोसो मुझसी कयो गया सी, वोसो ही होयसी। 
\v 26 पुन हामु काही टापु पर टिकना होछे।
\p
\v 27 जव चौदहवी रात होयी हामु अद्रिया दरिया मा भटक रया, हुता आधी रातन निकट मेलिया ने सार सी जानेन हामु देशन निकट पुग्य रया सी। 
\v 28 थाह लीन चे वीस पुरसा देख्या आरू थुड़ा ओगव बढ़ीन पछो थाह लीन, पंदरे पुरसा देख्या। 
\v 29 तव दगड़ा वाळी जागा पर पड़नेन आरू डर छे चे ढोंड्यान पछो चार लंगर नाख्य, आरू इच्छा करता रया। 
\v 30 पुन जव मेलिया ढोंड्या पर छे ढासनो जूवता हुता, आरू गलही छे लंगर नाखनेन वजेसे ढोगी दरिया मा उतार दिदा। 
\v 31 ती पौलुस ने सूबेदार आरू सिपाई सी कयो, यदि यो ढोंड्या पर नी रया, ती तुमू भी नी वाच सकता। 
\v 32 तव सिपाई ने राश काटीन ढोंड्या पाड़ देदी।
\p
\v 33 जव भोर हुयने पर होतो, ती पौलुस ने यो धरती, आखो भोजन करनेन समझाया, “आज चौवदे दाहड़ा होया कि तुमू आस देखता–देखता भूखला रया आरू काही भोजन नी कर्‍या। 
\v 34 अतरान करीन तुमूक समझाता सी कि काही खाय लेवु, ओका सी तुमरो बचाव होय; काहकि तुमू मा सी कुदान मुनकान एक झटु भी नी पड़े।” 
\v 35 आरू यो धरती त्यो रूटा लावीन आखान सामने यहोवा भगवान धन्यावद कामो आरू तुड़ीन खाने लाग्या। 
\v 36 तव वो आखा भी ढाढ़स बांधीन भोजन करने लाग्या। 
\v 37 हामु आखा हाववीन ढोंड्या पर दुय सौव ने तीन वीसु सत्ते जना हुता। 
\v 38 जव वो भोजन करीन आफरी गिया, तो गहू दरिया मा नाखीन ढोंड्या फोवर करने लाग्या।
\s ढोंड्या टुटने
\p
\v 39 जव दाहड़ो निकव्यो, ती चे तीना देशन नी उवखिया, पुन एक खाड़ी देखीन जेरो चौरस धोड़े होतो, आरू विचार कर्‍या कि यदि होय सके ती इन पर ढोंड्यान टिकाड्या। 
\v 40 तव चे लंगरोन उगाड़ ़ी दरिया मा छुड़ दिदा आरू तीनी टेहाव पतवारोन बन्धन उगड़ी दिदा, आरू वाहवान सामने ओगळी पाल चढ़ावीन धोड़े चा रयन चाले। 
\v 41 पुन दुय दरियान संगमन धरतीम धरीन ढोंड्यान टिकाया, आरू गलही तो धक्‍का खाय गड़ गयी, आरू टल नी सकी; पुन ढोंड्यान पोछलो भाग लहराम बल छे टुटने लाग्या।
\p
\v 42 तव सिपाहियोन यो विचार हुयो कि बन्दियोन मार नाखनेन; ओसो नी होय कि तीयार निकवीन डास्या। 
\v 43 पुन सूबेदार ने पौलुसक वाचाड़ने मरजी छे तीनुक इन विचार छे रूक, आरू यो कयो, कि जो तीयार हुयसे छे पेहल कूदीन धोड़े पर निकवी जाय। 
\v 44 आरू बाकी काही पड़ीया पर, आरू काही ढोंड्यान दिसरा चीजन सहारे निकवी जाय, इन रीति छे आखो काही धोड़े पर वाच निकवे।
\c 28
\s माल्टा द्वीप मा पौलुसन स्वागत
\p
\v 1 जव हामु वाच निकल्या, ते मालुम पड़्यो कि यो टापू माल्टा कहवाये से। 
\v 2 आरू चा रवनेवावा हामु पर अलगुज किरपा की; काहकि पानी पड़ रीयु हुतु आरू जाड़ेन कारण, हेकेने आगठो धोपाड़ीन हामु सब जाजे ठहराव्या। 
\v 3 जव पौलुस पोराय काजे लाकड़ान गाट्ठो चुटीन आगठा पर हावक्यु, ते एक घड़सा आस देखीन निकल्यु आरू ओको हाथ पर चष्टी गयु। 
\v 4 जव इन रवनेवावा गड़सा ओको हाथ मा चष्ट्या ओसा देख्या, ते आपसु मा कयो, “सचमुच यु मानुस लुहूय यी छे, कदाम दरया रईन वाच गया, ते भी न्याय काजे जीवतो नी रवने दे।” 
\v 5 तव त्यो गड़सा काजे आगठा मा झटकी दिदा, आरू तीनाक काहय हानि नी पुगी। 
\v 6 पुन चाँ वाट जुवे रया हुता कि त्यो सुज जाछे, या एकदम पड़ीन मर जाछे, पुन जव चाँ घण देर तव देखता रया आरू देख्या कि ओको काहय भी नी बिगड़या, ते आरू ही पुछीन कयो, “यु ते कोय देव छे।”
\p
\v 7 तीन जगन आस–पास पुबलियुस नावन तीन टापुन प्रधानन धरती होती: त्यो हामुक आपने घर ली जाईन तीन दाहाड़ा दोस्तन पाहंतराय कर्‍या। 
\v 8 पुबलियुसन बास तेज छेरी आरू पश्चिम रईन मांदलु पवड़ु होतु। शेवली कावा पौलुस ओको जु घर मा जाईन प्रार्थना कर्‍या, आरू तीना पर हाथ हावकीन तीनाक आरगाय कर्‍यु। 
\v 9 जब असो हुयो, ते तीन टापुन बाकी मांदला आश, आरू आरगाय कर्‍या गया। 
\v 10 चाँ हामरा घण विजुत कर्‍या, आरू जब हम चालने लाग्या, ते जा काहय हामरे करता जरूरत होती, ढोंड्या पर हावक दिदा।
\s माल्टा सी रोम क आवनो
\p
\v 11 तीन महनान बाद हामु अलेक्जेन्द्रिया एक ढोंड्या पर चाल निकव्या, जो ओको टापू मा जोड़े काट रया हुता, आरू जेरो सहलानी दियुसकूरी हुता। 
\v 12 सुरकूसा मा लंगर नाखीन हामु तीन दाहड़ा टिकाड़ रया। 
\v 13 वाँ छे हामु पुगिन रेगियुम मा आश; आरू एक दाहड़ान बाद दक्षिण वाहवो चाली तव दिसरे दाहड़े पुतियुली मा पुग्या। 
\v 14 वाँ हामुक काही भाईस मिव्या, आरू तीनुक कोवने सी हामु तीनुन चाँ सात दाहड़ा तक रया; आरू इनी रीति सी हामु रोम मा चाल्या। 
\v 15 चा रईन हामरू भाई खुश खबर सोमळीन अप्पियुसन चौक आरू तीन सराय तक हामरी भेंट करने निकवी आश, जीनुक देखीन पौलुस ने यहोवा–भगवानन धन्यवाद कर्‍या, आरू, ढाढ़स बांधिया।
\s रोमा मा पौलुस
\p
\v 16 जव हामु रोम मा पुग्या, ती पौलुसन एक सिपाईन साथे जी तेरी राखवावी करता हुता, एखला रोवनेन हुकुम होयी। \fig रोमन शहर मा रस्तान देखावो|alt="Street scene of The Roman city" src="hk00242c।tif" size="span" copy="Horace Knowles ©" ref="28:16"\fig*
\p
\v 17 तीन दाहड़ा बाद त्यो यहूदि योन मुखिया मानसोक बुलायो, आरू जव वो एखठा होया ती तीनुछे कयो, “हे भाईस्यो, हावने आपसा मानसोक या डाहलानुक रीतिन विरोध मा काही भी नी कर्‍या, पछु भी बन्दी बनावीन यरूशलेम छे रोमियोन हाते सौप दिदा।” 
\v 18 चे मखे पुछताछ करीन छुड़ देने जूवे, काहकि मखे मा मरलान योग्य काही दोष नी हुता। 
\v 19 \x + \xo 28:19 \xo*\xt प्रेरितन 25:11\xt*\x*पुन जव यहूदि अतरान करीन विरोध मा बुलने लाग्या, ती मखे कैसरन विनता देनो पड़े; यी नी कि मखे आपसा मानसोन पर काही दोष लागाड़ ्या हुता। 
\v 20 अतरान करीन हावने तुमूक बुलायो छे, कि तुमू छे हाववो आरू वात करीस; काहकि इस्त्राएली आश करीन हाव इन साकव छे जकड़ा हुयो छे।
\p
\v 21 चे तीनुसी कयो, “हामु तारे विषय मा यहूदि यो सी चिठ्ठी देखी, आरू नी भाईस्यो मा सी काही ने आवीन तारे विषय मा काय देखाड्या, आरू नी बुरो कयो।” 
\v 22 पुन तारो विचार काय छे? चो हामु तुखे छे सोमवनो जूवता छे, काहकि हामु जानता छे, कि हर धरतीम इनुमा विरोध मा मानसे वात करता छे।
\p
\v 23 तव चे तेरेन करता एक दाहडु ठेराया, आरू घण छे मानसे तेरे चाँ एखठा होया, आरू वो यहोवा–भगवान क राज्यन गवाय देतु, आरू मूसान व्यवस्था आरू भविष्यवक्तान किताब से ईशु क विषय मा समझा–समझाड़ीन सोंधारेन ते सांते तक तेर बाराम वात करतु रयु। 
\v 24 तव काही ने इन वातक मान लेदा, आरू काही विश्वास नी कर्‍या। 
\v 25 जव वो तींदरा मा एकु नी होया, ती पौलुसन इन एक वात कोवने पर चाल गया, “चुखलो आत्मा ने यशायाह कागळीयान द्बारा तुमरा डाहला छे ठीक ही कयो।” 
\v 26 जसो त्यो कयो,
\q1 जाईन इन मानसो छे कय
\q1 कि सोमवता ती रोवछे, पुन नी समझे,
\q2 आरू देखता रोवछे, पुन नी समझे।
\q1
\v 27 काहकि इन मानसोन मन मोट
\q2 आरू इन्दरा कान्टा भारी होय गया छे,
\q2 आरू चे आपसा डुवा बंद कर्‍या छे,
\q1 ओसो नी होय कि वो कदी डुवा छे देख्या,
\q2 आरू कान्टा छे सोमव्या,
\q2 आरू मन समझे
\q1 आरू म्हार तरफ फिरिया,
\q2 आरू हाव तीनुक वारू करियो।
\p
\v 28 शेवली कावा तुमू जानु, कि यहोवा–भगवानन इन उध्दार न काहानी गैरयहुदी योन साथे मुकली गयी सी, आरू वो सोमवसी। 
\v 29 जव त्यो यो कयो ती यहूदि तीनुमा घण बुलचाल करने लाग्या आरू वा रयन चाल गया।
\p
\v 30 आरू पौलुस पूरा दुय साल तेरो घर भाड़े आप्य होतो। 
\v 31 आरू जो तेरे साथे आवता हुता, इन आखासे मिवता रया आरू विना रूक टोक घण निडर हईन यहोवा–भगवानन राज्यन खबर करता आरू पोरबु ईशु मसीहन वात सिखाड़ता रया।