\id 2TI Dhankavi
\ide UTF-8
\h 2 तीमुथियुस
\toc3 2 तीमुथियुस
\toc2 2 तीमुथियुस
\toc1 तीमुथियुस क पौलुसन दिसरी पत्री
\mt2 तीमुथियुस को पौलुस कि दुसरी पत्री
\mt1 तीमुथियुस क पौलुसन दिसरी पत्री
\imt परिचय
\ip 2 तीमुथियुस कि पत्री मा आपने शिष्य तीमुथियुस क प्रेरित पौलुसन दिसरो पत्री छे। 2 तीमुथियुस पौलुस क जीवन क आखरी साथे लिख्यो गयो होतो। वो इनीये टेहाव \xt 1:16\xt* क दौरान रोमन मा कैद होया। पौलुस तीमुथियुस साथे रिश्तो होतो आरू अक्सर ओको एक पोर्‍या क रूप मा मुकल्या\xt फिलिप्पियो 2:22\xt*\xt 1 तीमुथियुस 1:2; 1:18\xt*
\ip यो पौलुस छे चार अक्सर मा रयन एक छे कि एक मानसोन बजाय एक मंडळी क संबोधित कर रया छे। दिसरा तीन ओसो पत्री छे, 1 तीमुथियुस, तीतुस आरू फिलेमोन। 2 तीमुथियुस लिख्यो गयो छे कि टेहाव क दौरान, रोमन साम्राज्य मा भुरसीया क सताया जाय रया हुता। यो शायद कारण छे कि पौलुस जेल मा होतो आरू तीमुथियुस क वातड़ी मेहनत सहनेन निर्देश होतो। क रूप मा 1 तीमुथियुस, पौलुस क देता छे।
\ip तीमुथियुस झूठा मास्तरीया क बारा मा कयी चेतावनी \xt 1 तीमुथियुस 1:16-18\xt* वो भी तीमुथियुस कयता छे कि वाँ मुश्किल टेहाव ओगव \xt 3:1\xt* होयछे।
\is रूप रेखा
\io1 1. पौलुस तीमुथियुस स्वागत द्वारा चालु हुयनो आरू पछो ओको जुर देवाड़नो। \ior 1:1-18\ior*
\io1 2. तव वो तीमुथियुस क सहने त्यो नौतियो। \ior 2:1-13\ior*
\io1 3. ओगव वो ओको काही साध उपाय देय। \ior 2:14-26\ior*
\io1 4. पछु ओको भविष्य की घटना आरू सही तरीका छे प्रतिक्रिया क बारा मा चेतावनी देता छे। \ior 3:1–4:8\ior*
\io1 5. पौलुस तीमुथियुस क करता काही व्यक्तिगत टिप्पणी क साथे खत्म। \ior 4:19-22\ior*
\c 1
\s नमस्कार
\p
\v 1 पौलुसन चा रयन सी जो, ओको जीवन की प्रतिज्ञा क लारे जो मसीह ईशु मा छे, यहोवा–भगवान की मरजी छे मसीह ईशु क प्रेरित छे।
\p
\v 2 \x + \xo 1:2 \xo*\xt प्रेरितन 16:1\xt*\x*मोंगावु पोर्‍या तीमुथियुस क नाव यहोवा–भगवान बास आरू हामरा पोरबु
\p मसीह ईशु की आरू छे तुखे फोकटन दया आरू दया आरू शांती मिवती रोवे।
\s धन्यवाद आरू बढ़ावु
\p
\v 3 जिना यहोवा–भगवान की सेवा मा आपसा बास दादा की रीति पर चुखो विवेक छे करता छे, तिनान धन्यवाद होय कि हाव आपसी प्रार्थना मा तुखे रातने दाहडु फोम करतो छे। 
\v 4 आरू तारा आसा की सुधि कर करीन रात दाहडु तुखे छे भेंट करने की लालस राखता छे कि खुशी छे भर जाय। 
\v 5 \x + \xo 1:5 \xo*\xt प्रेरितन 16:1\xt*\x*मखे तारे वोखे निष्कपट विश्वास की सुधि आवती छे, जो पेहल तारी नानी लोइस आरू तारी आश यूनीके मा हुता, आरू मखे छाचो छे कि तुखे मा भी छे। 
\v 6 इनी कारण हाव तुखे याद देवाड़ता छे कि तु यहोवा–भगवान क ओको वरदान क जो मारे हात राखने क तुखे मिव्यो छे प्रज्वलित कर देय। 
\v 7 काहकि यहोवा–भगवान हामु क डर नी पुन शक्ति आरू मोंग आरू संयम क आत्मा देदी छे।
\p
\v 8 एरकरीन आमरो पोरबु की गवा छे, आरू मखे छे जो ओको कैदी छे, लज्जित नी होय पर ओको यहोवा–भगवान की शक्ति क लारे खुश खबर क करता मारे साथे दुःख झेलीयो। 
\v 9 जो हामरा उध्दार कर्‍यो आरू चुखलो बुलावट छे बुलाया, आरू यो आमरो काम क लारे नी; पर ओका उद्देश्य आरू ओको फोकटन दया क लारे छे जो मसीह ईशु मा अमरकाय छे हामु पर होया छे। 
\v 10 पर हिमी हामरा उध्दारकरता मसीह ईशु क प्रगट हुयने क द्वारा प्रकाशित हुयो, जो मरन क नाश कर्‍या आरू जीवन आरू अमरकाय डील क ओको खुश खबर क द्वारा चमकाड़ देदा।
\p
\v 11 \x + \xo 1:11 \xo*\xt 1 तीमुथियुस 2:7\xt*\x*जिना क करता हाव खबरक, आरू प्रेरित, आरू शिक्षा देने वाळा भी ठराय। 
\v 12 इनीये कारण हाव इन दुःख क भी झेलतो रये छे, पर लाज नी काहकि हाव ओको जिना पर हाव ने विश्वास कर्‍या छे, जानता छे; आरू मखे छाचो छे कि वो मारी जवाबदारी की उना दाहड़ा तक राखवावी कर सकता छे। 
\v 13 जो सची वात तु ने मखे छे सोमवी छे उनको ओको विश्वास आरू मोंग क साथे जो मसीह ईशु मा छे, आपसी विजुत बनावीन राख। 
\v 14 आरू चुखलो आत्मा क द्वारा जो हामु मा बस्यो हुयो छे, इनीये वारली धरोहर की राखवावी कर।
\p
\v 15 तु जानता छे कि आसियावाळा सब मखे छे पछु गया छे, जिनमा फूगिलुस आरू हिरमुगिनेस छे। 
\v 16 उनेसिफुरूस क घराने पर पोरबु दया करे काहकि त्यो घोणा बार मारा जीव क ठंडो कर्‍यो आरू मारी साकव छे लज्जित नी हुयो। 
\v 17 पर जव वो रोम मा आश, तो मोटो यत्न छे हेरीन मखे छे भेंट करी। 
\v 18 पोरबु करे कि उना दाहड़ाम ओको पर पोरबु की दया होय आरू जो जो सेवा त्यो इफिसुस मा की छे तीनुक तु भली भाति जानता छे।
\c 2
\s मसीह ईशु क स्वमिभक्त सैनिक
\p
\v 1 एरकरीन हे मारा पोर्‍या, तु ओको फोकटन दया छे जो मसीह ईशु मा छे, बलवन्त होय जाय। 
\v 2 आरू जी वात तु ने घोणा छे गवा क सामने मखे छे सोमवी छे, तीनुक विश्वास मानुस क आपी देय; जो दिसरा क भी सिकाड़ने क योग्य होय।
\p
\v 3 मसीह ईशु क वारला योध्दा क समान मारे साथे दुःख उठ्यो। 
\v 4 जव काही योध्दा लड़ाई पर जाता छे, तो अतरान करीन कि आपने भरती करनेवावा क खुश करे, आपने आप क संसार क काम मा नी फंसाता। 
\v 5 पछु अखाड़ा मा लड़ायनेवावा यदि विधि क लारे नी लड़ाये तो मुकूट नी देखता। 
\v 6 जो किरसान मेहनत करता छे, फोव क अंश पेहल ओको मिवने जूवे। 
\v 7 जो हाव कयता छे ओको पर ध्यान देय, आरू पोरबु तुखे सब वात की समझ देसे।
\p
\v 8 ईशु मसीह क स्मरण राख, जो दाऊद क वंश छे हुयो आरू मरला होया मा छे जीव उठ्यो, आरू यो मारो खुश खबर क लारे छे। 
\v 9 जिदरे करता हाव खराब क समान दुःख झेल छे, याहा तक कि कैद नी; पुन यहोवा–भगवान क वचन कैद भी नी। 
\v 10 इनान करीन हाव त्योन्या होया मानसे क करता सब काही सहता छे, कि वो भी ओको उध्दार क जो मसीह ईशु मा छे अमरकाय महिमा क साथे देख्या।
\q1
\v 11 यी वात सची छे,
\q2 कि यदि हामु ओका साथे मर गया छे,
\q1 तो ओको साथे जीवसु भी।
\q1
\v 12 \x + \xo 2:12 \xo*\xt मत्ती 10:33; लूका 12:9\xt*\x*तव हामु धीरज छे सहता रोवसु,
\q2 तो ओको साथे राज भी करसु;
\q1 जेतार हामु ओका मना करसु,
\q2 तो वो भी आमरो मना करसे।
\q1
\v 13 जेतार हामु विनभुरसीया भी होय,
\q2 तौभी वो विश्वासयोग्य बन रयतो छे,
\q1 काहकि वो आप आपसा मना नी कर सकतो।
\s वारू कारीगर
\p
\v 14 इन वात की याद तीनुक दिला आरू पोरबु क सामने चिंता देय कि ओवाज पर सोच–विचार नी कर्‍या करे, जिनु छे काही लाभ नी हुयसे वरना सोमवनेवावा नाश होय जाय। 
\v 15 आपने आप क यहोवा–भगवान क मान्ययोग्य आरू ओसो काम करनेवावा ठराय क कोशिष कर, जो लज्जित हुयने नी देखे, आरू जो सच्चाई क वचन क ठीक रीति छे काम मा लावता होय। 
\v 16 पर विटळ बकवाद छे वाच रया, काहकि ओसा मानसे आरू भी ढोंगी भक्ति मा बढ़ता जाय। 
\v 17 आरू जिन्दरो वचन सड़े घाव की तरह पसरती जाछे। हुमिनयुस आरू फिलेतुस तीनु मा छे। 
\v 18 जो यो कयीन कि पुनरूत्थान होय चुक्या छे सच्चाई सी भटक गया छे, आरू कोतरा क भुरसा क उलटो पालटो कर देता छे। 
\v 19 तव भी यहोवा–भगवान की पाक्‍की नींव बनी रयती छे, आरू ओको पर यो छाप लागी छे: “पोरबु आपनो क उवखता छे” आरू काही पोरबु क नाव लेता छे, वो अन्याय छे वाच रया।
\p
\v 20 मोटा घर मा नी केवल सोनो चाँदी ही क, पर लाकड़ान आरू धरती क ठाहरू भी होयतो छे; काही काही विजुत, आरू काही काही विजुत क करता। 
\v 21 कदाम कोय आपसा क इनु सी चुखो करसे, तो त्यो विजुत क ठाहरा बनसे; आरू मालिक क काम मा आवसे आरू आखा वारला काम क करता तियार रयसे। 
\v 22 जुवानी की लालोच छे भाग, आरू चुखलो मन छे पोरबु क नाव लेता छे तींदरा साथे न्यायपन, आरू विश्वास, आरू मोंग आरू मेलमिलाप क पछव पोड़ू। 
\v 23 पुन मुर्खता आरू गलत क विवादो छे दुर रोव, काहकि तु जानता छे कि इनु सी झगड़ु पैदा होयतो छे। 
\v 24 पोरबु क दास क झगड़ावु नी होयनो जूवे, पर वो सब क साथे कमर आरू शिक्षा मा निपुन आरू सहनशील होय। 
\v 25 वो विरोध क नम्रता छे समझायो, काय जाने यहोवा–भगवान तीनुक मन फिराव क मन देय कि वो भी सच्चाई क जनो। 
\v 26 आरू ऐरा द्वारा ओकी मरजी पूरी करने क करता सचेत हईन शैतान क फंदाम छे छूट जाछे।
\c 3
\s आखरी दाहड़ा मा अन्याय
\p
\v 1 पुन यो फोम राख कि आखरी दाहड़ा मा वातड़ो टेहाव आवसे। 
\v 2 काहकि मानुस स्वार्थी, धन को लालची, डीगमार, डाहवाळा, निन्दा, माय बास की हुकुम टावनेवाव, विटुळ। 
\v 3 मोंग नी करनेवावा, माफ नी करनेवावा, दोष लागाड़ने वावा, कुमनीयो वातड़ो, भले क दुस्मन। 
\v 4 विश्वासघाती, एक हेट्यो, डाहवाळा, आरू यहोवा–भगवान को मोंग नी वरना सुखवास ही क जूवनेवावा होछे। 
\v 5 वो भक्ति क ढोग तो करसे, पर ओकी शक्ति क नी मानछे; ओसो छे पोरा रोवनो। 
\v 6 इन्ही मा छे वो मानसे छे जो घर मा डाबाय पाय आवता छे, आरू तीनुक कमजोर बायर क वश मा कर लेता छे जो पाप छे डाबाय आरू हर प्रकार की लालोच क वश मा छे। 
\v 7 आरू सदा सीखती तो रयती छे पर सचाय निजाने। 
\v 8 जोसो यन्नेस आरू यम्ब्रेस ने मूसा क विरोध कर्‍यो होतो, वोसो ही यो भी सही क विरोध करता छे; यो ओसो मानुस छे, जिन्दरी बुध्दि भ्रष्ट होय गयी छे आरू वो सच्चाईन बारा मा बिगड़ी ज्या। 
\v 9 पुन वो इन्दरे ओगव नी बढ़ सकता, काहकि जोसो इन्दरी विनअकल सब मानसे पर प्रगट होय गयी होती, वोसो ही इन्दरे भी होय जाछे।
\s तीमुथियुस क विशेष निर्देष
\p
\v 10 काहकि तु ने शिक्षा, चाल–चालन, मनसा, विश्वास, सहनशीलता, मोंग, धीरज, आरू सताय जाने, आरू दुःख उठावने मा मारो साथ दिदा। 
\v 11 \x + \xo 3:11 \xo*\xt प्रेरितन 13:14-52 \xt*\xt प्रेरितन 14:1-7; \xt*\xt प्रेरितन 14:8-20\xt*\x*आरू ओसो दुःख मा भी जो अन्ताकिया आरू इकुनियुम आरू लुस्त्रा मा मखे पर पड्यो होतो, आरू दिसरा दुःख मा भी जो हाव झेलीयो छे; काहकि पोरबु ने मखे तीनू सब छे छुड़वी लेदु। 
\v 12 पुन जोतरा मसीह ईशु मा भक्ति क साथे जीवन देखड्या जूवता छे चे आखा सताया जाछे। 
\v 13 काहकि दुष्ट आरू भड़कावने वावु धोखा देता होया आरू धोखा खाता होया, बिगड़ता चाली जाछे। 
\v 14 पुन तु तिनी वात पर जो तु ने सीखी छे आरू विश्वास कर्‍या छे, यो जानीन वातड़ा बन रया कि तु ने तीनुक किन मानछे छे सीख्यो छे। 
\v 15 आरू बचपन छे चुखलो शास्त्र तारो जानो हुयो छे, जो तुखे मसीह पर विश्वास करने छे उध्दार हासिल करने क करता बुध्दिमान बन सकता छे। 
\v 16 सम्पूर्ण चुखलो शास्त्र यहोवा–भगवान की अगवायन लारे रची गयी छे आरू शिक्षा, आरू समझने, आरू सुधारने, न्यायपन की शिक्षा क करता लाभदायक छे। 
\v 17 ताकि यहोवा–भगवान क जन सिध्द बन, आरू हर एक वारला काम क करता तत्पर होय जाय।
\c 4
\p
\v 1 यहोवा–भगवान आरू मसीह ईशु क गवा करीन, जो जीवतान आरू मरला होया क न्याय करसे, आरू ओको प्रगट हुयने आरू राज की देवाड़ी हाव तुखे हुकुम देता छे। 
\v 2 कि तु वचन क खबर कर, टेहाव आरू असमय तीयार रया, सब प्रकार की सहनशील आरू शिक्षान साथ मा सुधार करीन आरू लड़िया आरू समझाड़। 
\v 3 काहकि ओसो टेहाव आवसे जव मानसे सचा शिक्षा नी सह सकछे, पुन कान्टा की खुजलीन कारण आपसी लालोच क लारे आपने करता घोणा छे शिक्षा देने वाळा एखठा कर लेछे। 
\v 4 आरू आपसा कान्टा सच्चाई छे पुगीन कथा काहनी पर लागाड़ छे। 
\v 5 पुन तु सब वात मा सावधान रया, दुःख उठाड़, खुश खबर खबरन क काम कर, आरू आपसी सेवा क पूरी कर।
\p
\v 6 काहकि हिमी हाव पानी रेड़ाये तसो हुयतो जाय रीयो, आरू म्हारो जानेन टेम आय गयलो छे। 
\v 7 हाव वारली कुश्ती लड़ त्योक्यो छे, हाव ने आपसी दौड़ पूरी कर लेदी छे, हाव ने विश्वास की राखवावी करी छे। 
\v 8 भविष्य मा मारे करता न्यायी क वो मुकूट राख्यो होया छे, जीनाक पोरबु जो धरमी आरू न्यायी छे, मखे उना दाहड़ा आपसे, आरू मखे ही नी वरना उन सब क भी जो ओका प्रगट हुयने क मोंगावु जानता छे।
\s व्यक्तिगत संदेश
\p
\v 9 मारे साथे छाटोत आवने क कोशिष कर। 
\v 10 \x + \xo 4:10 \xo*\xt कुलुस्सियो 4:14; फिलेमोन 1:24; \xt*\xt 2 कुरन्थियो 8:23; गलातिया 2:3; तितुस 1:4\xt*\x*काहकि देमास ने इनीये संसार क मोंगावु जानीन मखे छुड़ दिदा छे आरू थिस्सलुनीके क चाली गयो छे। क्रेसकेंस गलातिया क आरू तीतुस दलमतिया क चाली गयो छे। 
\v 11 \x + \xo 4:11 \xo*\xt कुलुस्सियो 4:14; फिलेमोन 1:24; \xt*\xt प्रेरितन 12:12,25; 13:13; 15:37-39; कुलुस्सियो 4:10; फिलेमोन 1:24\xt*\x*केवल लूका मारे साथे छे। मरकुस क लीन चालीन आव; काहकि सेवा क करता वो मारो घोणा काम क छे। 
\v 12 \x + \xo 4:12 \xo*\xt प्रेरितन 20:4; इफिसियो 6:21,22; कुलुस्सियो 4:7,8\xt*\x*तुखिकुस क हाव ने इफिसुस मुकल्या छे। 
\v 13 \x + \xo 4:13 \xo*\xt प्रेरितन 20:6\xt*\x*जो बागा हाव त्रोआस मा करपुस क याहा छुड़ आश छे, जव आश तो ओको आरू किताब विशेष करीन चर्मपत्रो क लेता आवु। \fig साय करीन वारू लिखलो गुंडावलो पत्री|alt="Scrolls standing by ink well" src="hk00153c।tif" size="col" copy="Horace Knowles ©" ref="4:13"\fig*
\p
\v 14 \x + \xo 4:14 \xo*\xt 1 तीमुथियुस 1:20 \xt*\xt रोमियो 2:6\xt*\x*अलेक्जेन्द्रिया ठठेरे ने मखे छे घोणा बुराइयां करी छे; पोरबु ओको तेरे कामन लारे बदल आपसे। 
\v 15 तु भी ओका सी सावधान रया, काहकि त्यो हामरी वात क घोणा ही विरोध कर्‍या छे।
\p
\v 16 मारे पेहल जवाब क टेहाव काही ने भी मारो साथ नी दिदा, वरना सब ने मखे छुड़ दिदा हुता। भलो होय कि ऐरा तीदरा लेखो देनो नी पड़े! 
\v 17 पुन पोरबु मारो सहायक रया आरू मखे शक्ति देदी, ताकि मारे द्वारा पूरा पूरा खबर होय आरू सब गैरयहुदी सोमवी ले। हाव नाहरन मुय छे छुड़ दिदा। 
\v 18 आरू पोरबु हर एक बुरो काम छे छुड़वसे, आरू आपसा सोरगदूतीय राज मा सोरक्षित पुच जाछे। ओकी की महिमा युगानयुग होयती रोवे। आमेन।
\s आखरी नमस्कार
\p
\v 19 \x + \xo 4:19 \xo*\xt प्रेरितन 18:2 \xt*\xt 2 तीमुथियुस 1:16,17\xt*\x*प्रिस्किल्ला आरू अक्विला क आरू उनेसिफुरूस क घराना क नमस्कार। 
\v 20 \x + \xo 4:20 \xo*\xt प्रेरितन 19:22; रोमियो 16:23; \xt*\xt प्रेरितन 20:4; 21:29\xt*\x*इरास्तुसन कुरिन्थस मा रया गया,
\p आरू त्रफिमुस क हाव ने मीलेतुस मा बीमार छुड़िया छे। 
\v 21 जाड़े छे पेहल चालीन आवने क कोशिष कर। यूबुस, आरू पूदेंस, आरू लीनुस आरू क्लौदिया, आरू सब भाईस आरू बहनीस तुखे नमस्कार।
\p
\v 22 पोरबु तारी आत्मा क साथे रवे।
\p तुमू पर यहोवा–भगवान फोकटन दया हयतो रवे।