\id 2TH – Dhankavi
\ide UTF-8
\h 2 थिस्सलुनीकियो
\toc3 2 थिस्सलुनीकियो
\toc2 2 थिस्सलुनीकियो
\toc1 थिस्सलुनीकियो क पौलुसन दिसरी पत्री
\mt2 थिस्सलुनीकियो को पौलुस कि दूसरी पत्री
\mt1 थिस्सलुनीकियो क पौलुसन दिसरी पत्री
\imt परिचय
\ip पत्री यो थिस्सलुनीकियो लिखी गयी प्रेरित पौलुस ने लिखी होती \xt 1:1\xt* पेहली पत्री लिखने क बाद यो पत्री करी बन मसीह क पचास ने एक साल बाद त्यो यो पत्री लिखी जव त्यो यो पत्री लिखी तव वो कुरीन्थ शहर मा हुता यो पत्री थिस्सलुनीकियो मंडळी क लिखी गयी यो मंडळी पौलुस ने आपने दिसरा मिशनरी यात्रा क लारे स्थापित कर्‍या। \xt प्रेरितन 17:1-10\xt*
\ip प्रेरितन क काम मा यो लिख्या छे यो मंडळी काही यहूदि आरू काही गैरयहुदी बनला हुता यो मंडळी क मानसे आखरी टेहाव आरू पोरबु क दिसरा आवनो क बारा मा यो थिस्सलुनीकियो क मानसे जानने क करता घोणा मरजी होती एरकरीन आपसी दुय पत्री मा चर्चा करता छे थिस्सलुनीकियो पत्री क करीबन आधा हिस्सा आखरी टेहाव क बारा छे यो पौलुस जो आलसी छे उनको की चेतावनी करता छे। आरू यो कयता छे कि हरेक ओदमी खुद क पेट भरने क करता काम करे। \xt 3:6-10\xt*
\is रूप रेखा
\io1 1. पौलुस खुद क आरू आपने साथीयो क परिचय करता छे। \ior 1:1-2\ior*
\io1 2. पौलुस क यहोवा–भगवान क थस्सलुनीकियो की मंडळी क करता धन्यावद करता छे आरू ओको करता प्रार्थना करता छे। \ior 1:3-12\ior*
\io1 3. आखरी टेहाव क बारा मा सुचना चर्चा \ior 2\ior*
\io1 4. उजग्या विरोध आरू हावहनत क बारा पौलुस की शिक्षा। \ior 3:1-15\ior*
\io1 5. पौलुस क मंडळी क पछु नमस्कार \ior 3:16-18\ior*
\c 1
\s नमस्कार
\p
\v 1 \x + \xo 1:1 \xo*\xt प्रेरितन 17:1\xt*\x*पौलुस आरू सिलवानुस आरू तीमुथियुस
\p कि आरू छे चिठ्ठी लिखी छे थिस्सलुनीकियों कि मंडळी क नाव, जो हामरे बास यहोवा–भगवान आरू पोरबु ईशु मसीह मा छे।
\p
\v 2 हामरे बास यहोवा–भगवान आरू पोरबु ईशु मसीह कि आरू छे तुमू फोकटन दया आरू शांती मिवती रवे।
\s न्याय क दहाडू
\p
\v 3 हे भाईस, आरू बहनीस तुमरे विषय मा हर टेहाव यहोवा–भगवान क धन्यवाद करने जुवे, आरू यो वारू भी छे एरकरीन कि तुमरा विश्वास खुप बढ़ता जाता छे आरू तुमू सब क मोंग आपस मा खुप ही बढ़तो जातो छे। 
\v 4 याहा तक कि हामु आप यहोवा–भगवान कि मंडळी मा तुमरो विषय मा डाहळाय करता छे की यात्रा झगड़ो करावनो आरू तकलीद तुमू सहित होय, उन सब मा तुमरो धीरज आरू विश्वास प्रगट हुयसे छे।
\p
\v 5 यो यहोवा–भगवान क सच्चा न्याय क स्पष्ट प्रमाण छे कि तुमू यहोवा–भगवान क राज्य क योग्य ठहराया, ओका करता तुमू दुःख भी हाकलिया होय। 
\v 6 काहकि यहोवा–भगवान क निकट यो न्याय छे कि जो तुमू तकलीद देता छे, तीनुक बदलने मा तकलीद देय। 
\v 7 आरू तुमू जो तकलीद देता होय, हामरे साथे हुक देय, ओका टेहाव जव कि पोरबु ईशु आपसा ताकत वाळा दूतोन क साथे धधकती होय अगो मा सोरग छे प्रगट होयछे। 
\v 8 आरू जो यहोवा–भगवान कि नी उवखता आरू हामरे पोरबु ईशु क खुश खबर क नी मानता उनछे पलटा लेछे। 
\v 9 वो पोरबु क सामने छे आरू ओकी शक्ति क तेज छे दूर हईन अमरकाय विनाश क दंड देखछे। 
\v 10 यो उना दाहड़ा मा हुयसे, जव चुखलो लोगहन मा महिमा लेने, आरू सब विश्वास करने वाळा उना दाहड़ा मा मोटो काम करसे, काहकि तुमू ने हामरी गवा पर विश्वास कर्‍या।
\p
\v 11 एरकरीन हामु सदा तुमरे करता प्रार्थना भी करता छे कि हामरा यहोवा–भगवान तुमू इनीये बुलाहट क योग्य समझे, आरू भलाई की हर एक मरजी आरू विश्वास क हर एक काम क शक्ति सहित पूरो कर्‍या। 
\v 12 ताकि हामरे यहोवा–भगवान आरू पोरबु ईशु मसीह क फोकटन दया क लारे हामरे पोरबु ईशु मसीह क नाव तुमू मा महिमा देख्या, आरू तुमू उना मा।
\c 2
\s दुष्ट मानुस
\p
\v 1 \x + \xo 2:1 \xo*\xt 1 थिस्सलुनीकियो 4:15-17\xt*\x*हे भाईस, आरू बहनीस हिमी हामु आपसा पोरबु ईशु मसीह क आवने, आरू ओका साथे आपने एखठा हुयने क विषय मा तुमू छे रावन्या करता छे। 
\v 2 कि काही आत्मा, या पत्री क द्वारा, जो कि मानु हामरी तरफ छे होय, यो समझीन कि पोरबु क दहाडू आय गयु छे, तुमर मन उचकाळुन कमजोर नी होय जाय आरू नी तुमू घबरायो। 
\v 3 काही रीति छे काही क धोखा मा नी आवने, काहकि पोरबु क दहाडू नी आवसे जव तक हड़ताळ चालसे, आरू दुष्ट मानुस प्रगट होयछे आरू ओको नरक नाखछे। 
\v 4 जो विरोध करता छे, आरू हर छे एक जो भगवान या पूज्य कवाये छे। आपने आप क मोटा ठेराया छे, याहा तक कि वो यहोवा–भगवान क मंदिर मा बठीन तुमरा आप क भगवान ठेराया छे।
\p
\v 5 काय तुमू स्मरण नी कि जव हाव तुमरे साथे हुता, तो तुमू छे यो वाद कयता करता हुता? 
\v 6 तुमू उना वात क जानता होय, जो उको हिमी रूक रया छे की दुष्ट मानुस तुमरा हिय टेहाव मा प्रगट होय। 
\v 7 काहकि अन्याय क भेद हिमी भी काम करता जाता छे, पर हिमी भी एक रूकनेवावा छे, आरू जव तक वो दूर नी जाय वो रूकने रवछे। 
\v 8 तव वो दुष्ट मानुस प्रगट होयछे, जिनाक पोरबु ईशु तुमरा मुय कि फूक छे मार देसे, आरू तुमरा आवनो क तेज छे भस्म करसे। 
\v 9 \x + \xo 2:9 \xo*\xt मत्ती 24:24\xt*\x*उना दुष्ट मनुष्य क आवने शैतान क काम क लारे सब प्रकार कि झूठी शक्ति, आरू सहलानी, आरू घण मोटा काम क साथे नी होयछे। 
\v 10 आरू नाश हुयने वालान करता अन्याय क सब भातिन क धोखा क साथ मा हुयसे; काहकि त्या सच्चाई छे मोंग नी कर्‍या एरसे इन्दरो उध्दार हुये। 
\v 11 इनीये कारण यहोवा–भगवान उनमा एक भटका देनेवावा शक्ति क मुकल्यो की वो झुठ कि भुरसो कर्‍या। 
\v 12 ताकि मानसे सच्चाई कि भुरसो नी करता, वरना अनैतिकता छे खुश हुयसे छे वो सब दंड मिवछे।
\s दृढ बन रया
\p
\v 13 हे भाईस, आरू पोरबु क मोंगावु मानछे, जुवे कि हामु तुमरे विषय मा सदा यहोवा–भगवान क धन्यावाद करता रया, काहकि यहोवा–भगवान ने शुरू छे तुमू चुन लेदा कि चुखलो आत्मा क द्वारा चुखलो बने, आरू सच्चाई कि भुरसो करीन उध्दार देख्या। 
\v 14 जिना क करता उनछे तुमू क जव खुश खबर सोमवाया क द्वारा बुलाया, कि तुमू हामरे पोरबु ईशु मसीह कि महिमा क सहभागी होय सके। 
\v 15 एरकरीन हे भाईस, आरू बहनीस स्थिर रयो; आरू जो जो शिक्षा तुमू ने जूवे वचन या पत्री क द्वारा हामु छे सिख्या छे, तीनुक थाम रयो।
\p
\v 16 आमरो पोरबु ईशु मसीह आप ही, आरू हामरा बास यहोवा–भगवान, जो हामु छे मोंग राख्यो आरू फोकटन दया छे अमरकाय बढ़ावु आरू खरी आश देदी छे। 
\v 17 तुमरे मन मा शांती देय आरू तुमरे हर एक वारला काम आरू वचन मा दृढ कर्‍या।
\c 3
\s प्रार्थना करने क अगवाय
\p
\v 1 अळते मा हे भाईस, आरू बहनीस हामरे करता प्रार्थना कर्‍या कर की पोरबु क वचन ओसो शीघ्र पुगीयो आरू महिमा देख्या, जोसो तुमू मा हुयो। 
\v 2 आरू हामु वाकलो आरू दुष्ट मानुस छे वाच रया काहकि हर एक काम मा विश्वास नी।
\p
\v 3 पुन पोरबु सच्चा छे; वो तुमू दृढ़ता छे स्थिर करसे आरू उना शैतान छे सोरक्षित राखछे, 
\v 4 हामु पोरबु मा तुमरे ऊपर विश्वास छे कि जो जो हुकुम मा हामु तुमू देता छे, तीनुक तुमू मानता होय, आरू मानता भी रवछे।
\p
\v 5 यहोवा–भगवान क मोंग आरू मसीह क धीरज कि आरू छे पोरबु तुमरे मन की अगवाय करे।
\s काम करने क जिमेवारी
\p
\v 6 हे भाईस, आरू बहनीस हामु तुमू मा आपने पोरबु ईशु मसीह क नाव छे हुकुम देता छे, कि तुमू हर एक ओसो विश्वास भाईस छे अलग रया जो गलत चाल चालता आरू जो शिक्षा त्यो हामु छे देख्या ओका लारे नी करता। 
\v 7 काहकि तुमू आप जानता होय कि काही रीति छे हामरी जोसी चाल चालने जुवे, काहकि हामु तुमरे विच मा गलत चाल नी चाल्यो। 
\v 8 आरू काही कि रोटा मुक्त मा नी खाय; पर मेहनत आरू कष्ट छे रात दहाडू काम धंदा करता हुता कि तुमू मा छे काही पर भार नी होय। 
\v 9 यो नी कि हामु हक नी, पर एरकरीन कि तुमरा आप क तुमरे करता विजुत राखनीया बन्या कि तुमू हामरी जोसी चाल चाल्या। 
\v 10 काहकि जव हामु तुमरे याहा हुता, तव भी याहा हुकुम तुमू देता हुता की यदि काही काम करने नी जूवे तो खाने भी नी देख्या।
\p
\v 11 हामु सोमवता छे कि काही मानसे तुमरे विच मा गलत चाल चालता छे, आरू काही काम नी करता छे, पर दिसरा क काम मा हात नाख्या करता छे। 
\v 12 ओसी क हामु पोरबु ईशु मसीह मा हुकुम देता आरू समझता छे कि चुपचाप काम करीन आपसी ही रोटा खाया करू।
\p
\v 13 तुमू, हे भाईस, आरू बहनीस भलाई करने मा साहस नी छुड़िया।
\p
\v 14 यदि काही हामरे इनीये पत्री क वात क नी मान तो उना पर दृष्टी राख, आरू ओकी संगति नी कर्‍या, जिनासे वो लज्जित होय। 
\v 15 तौभी त्यो दुस्मन मत समझ, पर भाईस्यो साथी जानीन ओको समझावु।
\s आखरी नमस्कार
\p
\v 16 हिमी पोरबु जो शांती क सुवता छे आप ही तुमू सदा आरू हर प्रकार छे शांती देय। पोरबु तुमू सब क साथे रये।
\p
\v 17 हाव, पौलुस, आपने हात छे नमस्कार लिखता छे। हर पत्री मा मारो याहा योही सहलानी छे; हाव इनीये प्रकार छे लिखता छे।
\p
\v 18 हामरे पोरबु ईशु मसीह क फोकटन दया तुमू सब पर हुयसे रया।