\id 2PE – Dhankavi
\ide UTF-8
\h 2 पतरस
\toc3 2 पतरस
\toc2 2 पतरस
\toc1 पतरस नी लिखली दिसरी पत्री
\mt2 पतरस कि लिखी हुई दुसरी पत्री
\mt1 पतरस नी लिखली दिसरी पत्री
\imt परिचय
\ip पतरसन पत्री क पोरबु ईशु मसीह क दास पतरस ने लिख्यो होतो। पुन कयी ओसो ज्ञानवावो छे, जिन्दरो यो सच्चाई मालम नी, ओसो होय सकतो छे, कि काही पतरसन चा रयन लिख्यो होछे। आरू लिखनेवावा क यो कोयनो छे, कि वो पोरबु ईशु मसीह क एक गवा होतो। \xt 1:17-18\xt* कदाम इन पत्री क पतरस ने लिख्यो छे, तो यी पत्री रोम मा छे लिखी गयी छे। आरू यी पत्री 65-69 सालन वीच मा ईशु मसीह क जन्मान बाद लिखी गयी। जिनाछे पेहल वो मर गयो हुता। आरू जीवन उठीन वो सोरग मा उठाड़ी ली गया। पतरसन यो पत्री अतरान करीन लिखतो छे, \xt 3:1\xt* वो विश्वास भाईस आरू बहनीस क वारलो जीवन जीवने क करता मरजी सी भरायनो करता छे।
\ip पतरस झूठा मास्तरीयान खिलाफ चेतावनी देता छे \xt 2\xt*। आरू तीनु मानसोन नी सोमवे जो यो कयता छे, कि ईशु मसीह क आवनेन टेहाव घोणा नाबो छे। आरू तेरे बजाय यो समझाड्या की पोरबु ईशु मसीह की मरजी यी छे की हर एक जन वाचाड़ जाछे \xt 1 पतरस 3:8-9\xt*। अतरान करीन एक वारलो जीवन जीवता रये \xt 3:14\xt*।
\iot रूप रेखा
\io1 1. पतरसन परिचय आरू पाठक क पतु। \ior 1:1-2\ior*
\io1 2. चे वारलो जीवन जीवनेन करता याद करावतो छे, काहकि यहोवा–भगवान ने हामु संदर्भ कामो छे, \ior 1:3-21\ior*
\io1 3. झूठा मास्तरीया खिलाफ चेतावनी देता छे। आरू कयनो छे, कि आखरी मा तीन्दरो काय होयछे। \ior 2:1-22\ior*
\io1 4. ओका पतरस विश्वास भाईस आरू बहनीस क वारलो जीवन जीवनेन बढ़ावु करता छे, आरू पत्री की समाप्त करता छे। \ior 3:1-17\ior*
\c 1
\s नमस्कार
\p
\v 1 शमौन पतरस आरू छे, जो ईशु मसीह क दास आरू प्रेरित छे,
\p उन मानसे क नाव जिन्होने हामरा यहोवा–भगवान आरू उध्दारकरता
\p ईशु मसीह की न्यायपन द्वारा हामरे समान मोंगलो विश्वास हासिल कर्‍या छे।
\p
\v 2 यहोवा–भगवान की आरू हामरा पोरबु की उवख क द्वारा फोकटन दया आरू शांती तुमू मा बहुतायत छे बढ़ती जाय।
\s ईश्वरीय बुलाहवट आरू त्योनाव
\p
\v 3 काहकि ओकी ईश्वरीय शक्ति ने सब काही जो जीवन आरू भक्ति छे सम्बन्ध राखतो छे, हामु तीनी की उवखाय क द्वारा दिदा छे, जो हामु आपसी ही महिमा आरू सद्गुण क लारे बुलाया छे। 
\v 4 जेका द्वारा त्यो हामु मोंगलो आरू घोणा ही मोटी प्रतिज्ञा देदी छे: ताकि इन्दरे लारे तुमू उना भ्रष्टचार छुड़ीन, जो संसार मा बुरी लालोच छे होयती छे, ईश्वरीय स्वभाव क साजलीया होय जावु। 
\v 5 इनी कारण तुमू सब प्रकार क यत्न करीन आपसा विश्वास पर सद्गुण, आरू सद्गुण पर ज्ञान क जुडू। 
\v 6 आरू समझ पर संयम, आरू संयम पर धीरज, धीरज आरू भक्ति। 
\v 7 आरू भक्ति पर भाईचारे की प्रेम आरू भाईचारे की प्रेम आरू मोंग बड़ावता जावु। 
\v 8 काहकि यदि यी वात तुमू मा वर्तमान रये आरू बड़ावता जाय तो तुमू हामरा पोरबु ईशु मसीह की उवख मा निकम्मी आरू निष्फल नी हुयने देसे। 
\v 9 काहकि जिनामा यी वात नी, वो आँधवो छे आरू धुधवो देखतो छे, आरू आपने पछव पाप छे धुवीन चुखो हुयने क भूल बठ्या छे।
\p
\v 10 इनीये कारण हे भाईस, आपने बुलाय जाने, आरू त्योन करता जाने क सिध्द करने क भली भाति यन्त करता जावु, काहकि यदि ओसो करसे तो कदी ठुकर नी खाय। 
\v 11 वरना इनीये रीति छे तुमू हामरा पोरबु आरू उध्दारकरता ईशु मसीह क अमरकाय राज मा मोटो विजुत क साथे भरायने करने देखछे।
\s पतरस क आखरी टेहाव
\p
\v 12 एरकरीन यद्यपि तुमू यो वात जानता होय, आरू जो सच्चाई वचन तुमू मिव्या छे उनमा बन रयता होय, तव हाव तुमू इन वात की याद आपाड़ने क सर्वदा तीयार रोवछे। 
\v 13 हाव यो आपने करता न्यायी समझता छे कि जव तक हाव इनीये डेरा मा छे, तव तक तुमू याद आपी आपीन उभारता रोवछे। 
\v 14 काहकि यो जानता छे कि मारा डेरा क नाखीन जाने क टेहाव शीघ्र आवनेवाळा छे, जोसो कि हामरा पोरबु ईशु मसीह ने मखे पर प्रगट कर्‍या छे। 
\v 15 एरकरीन हाव ओसो यत्न करसे कि मारो कूच करने क बाद तुमू इन सब बात क सर्वदा स्मरण कर सकु।
\s मसीह की महिमा क डुवा देख गवा
\p
\v 16 काहकि जव हामु ने तुमू आपसा पोरबु ईशु मसीह की शक्ति क आरू आवनो क खबर दिदा हुता, तो वो चालाक छे बनावली होयी काहनी क गती नी हुता वरना हामु ने आप ही ओका प्रताप क देख्या हुता। 
\v 17 \x + \xo 1:17 \xo*\xt मत्ती 17:1-5; मरकुस 9:2-7; लूका 9:28-35\xt*\x*काहकि जव त्यो यहोवा–भगवान बास छे विजुत आरू महिमा देखी आरू उना प्रतापमय महिमा मा छे यो वाणी आवी, “यो मारो मोंगावु पोर्‍य छे, जिनासे हाव खुश छे।” 
\v 18 तव हामु ओका साथे चुखलो बयड़ा पर हुता आरू सोरगदूत छे योही वाणी आवती सोमवी।
\p
\v 19 हामरे साथे जो भविष्यवक्ता क वचन छे, वो इनीये घटना छे दृढ़ ठराय। तुमू यो वारलो करता होय जो यो समझीन ओको पर ध्यान करता होय कि वो एक दिया छे, जो आंधारा स्थान मा ओको टेहाव तक प्रकाश देता रयता छे जव तक कि पौ नी फाटे आरू भोर क तारा तुमरे दिल मा नी चमक उठे। 
\v 20 पर पेहल यो जान लेय कि चुखलो शास्त्र की काही भी भविष्यव्दाणी काही क आपने ही विचार धार क आधार पर निकवती नी होती। 
\v 21 काहकि काही भी भविष्यव्दाणी मानुस की मरजी छे किही नी होयी, पर भक्त जन चुखलो आत्मा क द्वारा जुए देवाड़े जाईन यहोवा–भगवान की आरू छे बुलता हुता।
\c 2
\s झुठे शिक्षक
\p
\v 1 जिना प्रकार उन मानसे मा झुठा भविष्यवक्ता होतो, तीनी प्रकार तुमू मा भी झुठु शिक्षा होयछे, जो नाश करनेवावा पाखण्ड क उद्घाटन डुक डुकाय करसे, आरू ओको भगवान क जो तीनुक मुलवी लेदा छे मना करसे, आरू आपने आप क शीघ्र विनाश मा नाख देसे। 
\v 2 घोणा छे उन क समान लुचपन करसे, जिनके कारण सच्चाई क मार्ग की निन्दा की जाछे। 
\v 3 वो लोभ क करता वात बनावीन तुमूक आपने लाभ क कारण बनावसे, आरू जो दण्ड की हुकुम उन पर पेहल छे होय चुकियो ओको आवने मा काही भी देर नी, आरू उन क विनाश उंगाये नी।
\p
\v 4 काहकि जव यहोवा–भगवान ने उन सोरगदूत क जिन्होने पाप कर्‍या नी छुड़ियो पर नरक मा मुकली आंधारला कुण्डा मा नाख दिदा ताकि न्याय क दाहड़े तक बंद रोवछे। 
\v 5 आरू पुरानो युग क संसार क भी नी छुड़ियो वरना भक्तवन संसार पर महा जल प्रलय मुकल्यो, पर न्यायपन क खबरक नूह सहावत आगठा मानसो क वाचाड़ लेदा। 
\v 6 आरू सदोम आरू गमोरा क नगर क विनाश क ओसो दण्ड दिदा कि तीनुक भस्म करीन रूखड़ा मा हाववाय लेदा ताकि वो आवनेवाळा भक्तवन मानसे की शिक्षा क करता एक सपनो बने। 
\v 7 आरू न्यायी लुत क जो अन्यायपन क विटळ चालचलन छे घोणा दुःखी होतो वाचाड़यू दिदो। 
\v 8 काहकि वो न्यायी ओको बीच मा रवे तो आरू तीनुन अन्याय क काम क देख देखीन आरू सोमवी सोमवीन, हर दाहड़े आपने सचे मन क पीड़ित करतलो हुता। 
\v 9 तो पोरबु भक्त क परीक्षा मा छे निकाव लावने आरू अन्यायपन क न्याय क दाहड़ो तक दण्ड की दशा मा राखने भी जानता छे। 
\v 10 विशेष करीन तीनुक जो विटळ लालोच क पछव डील क लारे चालता आरू पोरबुता क तुच्छ जानता छे। वो ढीठ, आरू हठी छे, आरू उंचा पदवावा क बुरो भलो कोवने सी नी घाबराये। 
\v 11 तव सोरगदूत जो शक्ति आरू शक्ति मा उनछे मोटो छे, पोरबु क सामने तीनुक बुरा भला कयकर दोष नी लागाड़ 
\v 12 पर यो मानसे निर्बुध्दि ढुरो ही क तुल्य छे, जो धराय जाने आरू नाश हुयने क करता पैदा होया छे; आरू जिन वात क जानता ही नी ओको विषय मा दिसरा क बुरो भलो कयता छे, वो आपसी सड़ाहट मा आप ही सड़ जाछे। 
\v 13 दिसरान बुरो करने क बदले खुदन क बुरो होयछे। तीनुक दाहडु सिरान भोग विलास करने भलो लागतो छे। यो गुणो आरू अन्याय छे; जव वो तुमरे साथे खातो पीतो छे, तो आपसी आरू छे करीन भोग विलास करता छे। 
\v 14 तींदरा डुवा मा व्यभिचार बठला हुयो छे, आरू वो पाप कर्‍या विना रूक नी सकता। वो खाटळो मनवावो क फुसला लेता छे। ओको मन क लोभ करने क मेहनत होय गयो छे; वो सन्ताप की अवलियाद छे। 
\v 15 वो सुध मार्ग क छुड़ीन भटक गयो छे, आरू बओर क पोर्‍य बिलाम क मार्ग पर होय करता छे, जो अन्याय की मजदूरी क मोंगावु जाने। 
\v 16 पर ओका गुणेहगार क विषय मा उलाहना दिदा गया, याहा तक कि नी बोलने वाली गदड़ी ने मानुस की बोली छे ओको भविष्यवक्ता क ओका बावलेपन छे रूकु।
\p
\v 17 यो मानसे सुकला कूवा, आरू आँधी क उड़ाय हुयो वादवो छे; ओको करता अमरकाय आँधारलो ठराय गया छे। 
\v 18 वो व्यर्थ डाहळाय की वात कर करीन लुचपन क काम क द्वारा उन मानसे क शारीरिक लालोच मा फसाय लेता छे जो भटक्यो होया मा छे हिमी निकाव ही रया छे। 
\v 19 वो तीनुक स्वतंत्र करने की प्रतिज्ञा तो करता छे, पर आप ही सड़ाहट क दास छे; काहकि जो मानुस जिनासे हार गयो छे, वो ओको दास बन जातो छे। 
\v 20 जव वो पोरबु आरू उध्दारकरता ईशु मसीह की उवख क द्वारा संसार की हरेक प्रकार की विटळ छे वाच निकव्या, आरू पछु उनमा फसीन हार गया, तो उनकी पोछली दशा पेहली छे भी बुरी होय गयी छे। 
\v 21 काहकि न्यायपन क मार्ग क नी जानने ही ओको करता इनासे भला हुयसे कि ओको जानीन, ओको चुखलो हुकुम छे पछु जाता तीनुक सौपी गयी होती। 
\v 22 उन पर यो कहावत ठीक बठती छे, कि कुत्रो आपसी छांट की आरू नहलाई सूअरनी कीचड़ मा लुटने क पोछी चाली जाती छे।
\c 3
\s पोरबु क आवनो क दाहडु
\p
\v 1 हे मोंगावु, हिमी हाव तुमूक यो दीसरी पत्री लिखतु छे, आरू दुय मा सुधि आपाड़ी तुमरा चुखो मन क उभारता छे। 
\v 2 कि तुमू इनी वात क जो चुखलो भविष्यवक्ता ने पेहल छे कयी छे, आरू पोरबु आरू उध्दारकरता की ओको हुकुम क स्मरण करू जो प्रेरितन क द्वारा देदी गयी होती। 
\v 3 \x + \xo 3:3 \xo*\xt यहूदा 1:18\xt*\x*पेहल यो जान लेवु कि आखरी दाहड़ा मा हासी ठट्ठा करनेवावा आवसे जो आपसी ही लालोच क लारे चालसे। 
\v 4 आरू कोवसे, “ओका आवने की प्रतिज्ञा कयो गया? काहकि जव छे बाबदादा सुय गया छे, सब काही वोसो ही छे जोसो सृष्टि क शुरू छे होतो?” 
\v 5 वो तो जान बुझीन यो भूल गयो कि यहोवा–भगवान क वचन क व्दरा आकाश पुरानो काव छे विद्यमान छे आरू धरती भी जल मा छे बनी आरू जल मा स्थिर छे। 
\v 6 इनी कारण क ओको युग क जगत जल मा डूबीन नष्ट होय गया। 
\v 7 पर वर्तमान काव क आकाश आरू धरती तीनी वचन क द्वारा एरकरीन राख गया छे कि धपाड़ जाय; आरू यो भक्तवन मानुस क न्याय आरू नष्ट हुयने क दाहड़े तक ओसो ही राख रोवछे।
\p
\v 8 हे मोंगावु, यी वात तुमू छे डुकाय नी रया कि पोरबु क याहा एक दाहड़े हजार साल क बराबर छे, आरू हजार साल एक दाहड़े क बराबर छे। 
\v 9 पोरबु आपसी प्रतिज्ञा क विषय मा वार नी करता, जोसी वार काही मानसे समझता छे; पर तुमरा विषय मा धीरज धरती छे, आरू नी जुवता कि काही नष्ट होय, वरना यो कि सब क मन फिराव क मेखे मिवे।
\p
\v 10 \x + \xo 3:10 \xo*\xt मत्ती 24:43; लूका 12:39; 1 थिस्सलुनीकियो 5:2; प्रकाशितवाक्य 16:15\xt*\x*पुन पोरबु क दाहडु त्योटा क समान आय जाछे, उना दाहड़े आकाश मोटी हड़हड़ाहट क ओवाज छे जातो रोवछे आरू तत्व घोणा ही तप्त हईन पीगवी जाछे आरू धरती आरू ओको पर क काम धप जाछे। 
\v 11 जबकि यो सब समान इनीये रीति छे पीगवनेवावी छे, तो तुमू चुखलो चाल चालीन आरू भक्ति मा कोसो मानुस होयनो जूवे। 
\v 12 आरू यहोवा–भगवान क उना दाहड़े की वाट काही रीति छे जोहना जूवे आरू ओका जल्द आवने क करता कोसो यत्न करनो जूवे ओका कारण आकाश आगठा छे पीगवी जाछे, आरू आकाश क गुण घोणा ही तप्त हईन गव जाछे। 
\v 13 \x + \xo 3:13 \xo*\xt प्रकाशितवाक्य 21:1\xt*\x*पर ओकी प्रतिज्ञा क लारे हामु एक नवो आकाश आरू नोवली धरती की आस देखता छे जिनमा न्यायपन वास करसे।
\p
\v 14 एरकरीन, हे मोंगावु, दोस्त जव कि तुमू इन वात की आस देखता होय, तो यत्न करू कि तुमू शांती छे ओको सामने निष्कलंक आरू निर्दोष ठराय। 
\v 15 आरू हामरा पोरबु क धीरज क उध्दार समझो, जोसो हामरा मोंगावु भाईस पौलुस ने भी ओको यहोवा–भगवान ने दिदो हुयो ज्ञान क लारे जो ओको मिव्यो, तुमू लिख्या छे। 
\v 16 वोसो ही त्यो आपसी सब पत्री या मा भी इन वात की चर्चा करी छे। जिनमा काही आरू वात ओसी छे जिनका समझना वातड़ो छे आरू अनपढ़ आरू खाटळो मानसे उन क अर्थो क भी चुखलो शास्त्र की दिसरा वात की तरह खेचीन हापकीन आपनो ही नाश क कारण बनतो छे।
\p
\v 17 एरकरीन हे मोंगावु, तुमू मानसे पेहल ही छे इन वात क जानीन चोकचौळीया रवु, ताकि अन्यायपन क भ्रम मा फसीन आपसी स्थिरता क कयी हात छे खुय नी देय। 
\v 18 पर हामरा पोरबु आरू उध्दारकरता ईशु मसीह क फोकटन दया आरू उवख मा बढ़ता जावु। ओकी महिमा हिमी भी होय, आरू युगानयुग होयती रोवे। आमेन।