\id 2JN – Dhankavi
\ide UTF-8
\h 2 यहुन्ना
\toc3 2 यहुन्ना
\toc2 2 यहुन्ना
\toc1 यहुन्ना नी लिखली दिसरी पत्री
\mt2 यहुन्ना कि लिखी हुई दुसरी पत्री
\mt1 यहुन्ना नी लिखली दिसरी पत्री
\imt परिचय
\ip यहुन्ना नी दिसरी पत्री प्रेरित यहुन्ना लिखियो आरू यी किताब ईशु मसीह क जनम क बाद 50 सी 100 साल न वीच मा लिखी गय हुती इनी पत्री क लिखने वाळो यहुन्ना आपसा क लिखने नी कये पुन डाहलो माने। यहुन्ना क कयनेन लारे खुश खबर मा जड़ली चीज क बाराम 2 यहुन्ना न वात आरू चीजो सी मेळ खाय यो ती खास छे की जिनिये रीति सी त्या एक दिसरा सी मोंग राखने मा ईशु क हुकुम पर जुर देवाड़े ओको पाळन आरू मोंग करनो छे। \xt 1:5-6\xt* \xt यहुन्ना 15:9-10\xt* असो मानीयो जाय कि प्रेरित यहुन्ना ओकी खुश खबर न लिखली किताब यहुन्ना खुश खबर क अनसारे लिखलो छे। आरू इफिसियों मा रयीन यी तीन किताब क लिखियो 1 यहुन्ना 2 यहुन्ना 3 यहुन्ना छे।
\ip यहुन्ना इनी पत्री मा सी थुड़ी नेवाड़ली बयणी आरू पोर्‍या क देखाड़ीयो। हुय सके त्यो एक मंडळी क देखाड़तो हय। इनी पत्री क लिखने न मकसद यहुन्ना क यो हुतो कि मंडळी क जुर देवाड़े आरू झुठा मास्तरीया सी चोक चौळीया करे।
\iot रूप रेखा
\io1 1. यहुन्ना यो देखाड़े कि यी पत्री क करता छे आरू लेने वाळा क धन्यवाद करे। \ior 1:1-3\ior*
\io1 2. मंडळी क जुर देवाड़नो आरू डाहला हुकुम क मानने करीन फोम देवाड़नो। \ior 1:4-6\ior*
\io1 3. हर टेमे झुठा मास्तरीया सी चेतावनी देतो रयो। \ior 1:7-11\ior*
\io1 4. यहुन्ना मंडळी क बधाई आपीन ओकी पत्री क पूरी करे। \ior 1:12-13\ior*
\c 1
\s नमस्कार
\p
\v 1 मखे पुढारी कि आरू छे उना त्योनी होयी बायर आरू ओका पोर्‍या क नाव, जिनासे हाव सच्चा मोंग राखता छे,
\p आरू केवल हाव ही नी वरना वा सब भी मोंग राखता छे जो सच्चाई क जानता छे। 
\v 2 वो सच्चाई जो हामु मा स्थिर रवता छे, आरू सर्वदा हामरे साथे अटल रोवछे।
\p
\v 3 यहोवा–भगवान बास आरू बास क पोर्‍या ईशु मसीह कि आरू छे फोकटन दया आरू दया आरू शांती, सच्चाई आरू मोंग सहित हामरे साथे रोवछे।
\s सच्चाई आरू मोंग
\p
\v 4 हाव घोणा खुश हुयो कि हावने तारे काही पोर्‍या क उना हुकुम क लारे, जो हामु बास कि आरू छे मिवती होती, सच्चाई पर चालता होया देख्या। 
\v 5 हिमी हे बायर, हाव तुखे काही नवलो हुकुम नी, पर वा जो शुरू छे हामरे साथे छे लिखता छे; आरू तुखे छे विनती करता छे कि हामु एक दिसरा छे मोंग राख्यो। 
\v 6 आरू मोंग याहा छे कि हामु यहोवा–भगवान की हुकुम क लारे चाल; यो वा हुकुम छे जो तुमू ने शुरू छे सोमवी छे, आरू तुमू इनीये पर चालने भी जूवे।
\p
\v 7 काहकि खुप छे ओसो भरमानेवावा जगत मा निकव्या आश छे, जो यो नी मानता कि ईशु मसीह डील मा हईन आयो; भरमानेवावा आरू मसीह विरोधी योही छे। 
\v 8 आपने विषय मा चोकचौळीया रयो, कि जो मेहनत हामु ने कर्‍या छे ओको तुमू गवा नी दुय वरना ओको पूरा हर फोव देख्या।
\p
\v 9 जो काही मसीह कि शिक्षा छे ओगो बढ़तो जातो छे आरू ओकामा बन्या नी रवता, ओका साथे यहोवा–भगवान नी; जो काही ओकी शिक्षा मा स्थिर रयता छे, ओका साथे बास भी छे आरू पोर्‍या भी। 
\v 10 यदि काही तुमरे साथे आवे आरू योही शिक्षा नी देय, उको नी तो घर मा आवने दुय आरू नी नमस्कार कर्‍या। 
\v 11 काहकि जो काही ओसो जन क नमस्कार करता छे वो ओका बुरे कामो मा सहभागी होयती छे।
\s आखरी नमस्कार
\p
\v 12 मखे खुप सी वात तुमू लिखने छे, पर कागद आरू शाही छे लिखने नी जुवता, पर आश छे कि हाव तुमरे साथे आवीस आरू आमने सामने वात चीत करीस, जिनासे तुमरो खुशी पूरो होय।
\p
\v 13 तारी त्योनी होय बहिनीस क पोर्‍या तुखे नमस्कार करता छे।